کتب خانہGranth 11 (Urdu)

۲۳ مگھّر ۲۰۱۸ بِکرمی سُرجن سِنگھ، لال سِنگھ جیٹھوُوال دربار وِچ

جُگ جُگ دی ساچی گھال، سو پُرکھ نِرنجن آپ کمائیندا۔ نِرگُن سرگُن بن دلال، نِروَیر ویس وٹائیندا۔ ترےَگُن مایا توڑ جنجال، جاگرت جوت اِک جگائیندا۔ برہمنڈ کھنڈ آپے بھال، پُریاں لوآں ویکھ وکھائیندا۔ ہرِ بھگت میلے ساچے لال، لال انمُلڑے آپ اُٹھائیندا۔ جگت جُگ چلے اولّڑی چال، بھیوَ کوئے نہ آئیندا۔ آپے سُنے مُریِداں حال، مُرشد اپنا کھیل کرائیندا۔ ایتھے اوتھے دو جہاناں چلے نال نال، بن سیوک سیو کمائیندا۔ ایکا ناد ایکا تال، شبدی راگ اِک سُنائیندا۔ ایکا مندر اِک مکان، ایکا گھر سوبھا پائیندا۔ ایکا نوُر سِری بھگوان، جوتی جاتا ڈگمگائیندا۔ ایکا لیکھا جانے دو جہان، دوئے دوئے روُپ آپ دھرائیندا۔ ایکا ساچے سنتاں دیوے مان، سِر اپنا ہتّھ ٹِکائیندا۔ ایکا گُرمُکھاں دیوے گیان، آتم پرماتم میل مِلائیندا۔ ایکا گُرسِکھ کرے پہچان، بےپہچان اپنا روُپ وٹائیندا۔ ایکا غریِب نِمانیاں دیوے مان، نِتانیاں

گود بہائیندا۔ ایکا جم کی کٹے کان، رائے دھرم نیڑ نہ آئیندا۔ ایکا امرت دیوے پیِن کھان، جگت ترِسنا بُھکھ مِٹائیندا۔ ایکا نِرگُن جوت نوُر کرے پردھان، روُپ انوُپ آپ وکھائیندا۔ ایکا بن بن بہے ساچا کاہن، گُرمُکھ سخی آپ پرنائیندا۔ ایکا مارے تیِر نِرالا بان، انیالا آپ چلائیندا۔ ایکا ویکھے بھوُمکا استھان، بھوُپت بھوُپی ونڈ ونڈائیندا۔ ایکا نر ہرِ ویکھے آن، ویکھنہارا دِس نہ آئیندا۔ ایکا گھٹ گھٹ جانی جان، ایکا اپنا مُکھ چُھپائیندا۔ ایکا ویکھے ہانی ہان، ساچا میلا آپ کرائیندا۔ اِک وکھائے پد نِربان، سچ دوارا آپ کُھلائیندا۔ بھگتاں سیوا کر بھگوان، اپنی سیوا لیکھے لائیندا۔ جوتی جوت سروُپ ہرِ، آپ اپنی کِرپا کر، ساچی گھال تھایں پائیندا۔ گھالے گھال پُرکھ کرتار، اچرج کھیل رچائیا۔ نِرگُن نِروَیر لےَ اوتار، اجوُنی رہِت ویس وٹائیا۔ وسنہارا سچکھنڈ سچّے دوار، تھِر گھر اپنی بنت بنائیا۔ سُنّ اگمّی کر کر پار، وِشن برہما شِو جگائیا۔ سُرپت راجا دئے ہُلار، کروڑ تیتیِسا لئے اُٹھائیا۔ جُگ چؤکڑی ہو نیار، نوَ نؤ اپنا روُپ وٹائیا۔ لیکھا جانے گُر اوتار، حُکمی حُکم سرب بھوائیا۔ بھگت بھگوَنت در بن بِھکھار، بَیٹھے سیِس جھُکائیا۔ سنت نِیوں نِیوں کرن نِمسکار، نِون سو اکھّر اِک وڈیائیا۔ گُرمُکھ چرن دھوُڑی منگن خاک، خاکی تن گوائیا۔ گُرسِکھ ویکھن سچّا ساک، پاربرہم بےپرواہیِا۔ جن بھگتاں کھولے آپے تاک، اپنا کُنڈا آپے لاہیِا۔ آپے سیجا سوئے کھاٹ، آسن سِنگھاسن سوبھا پائیا۔ آپے دوُر دُراڈا پندھ کٹے واٹ، اپنا پیَنڈا آپ مُکائیا۔ آپے لیکھا جانے دِوس رات، گھڑی پل نہ کوئے سمجھائیا۔ جُگا جُگنتر جن بھگتاں پُچھے وات، واستک اپنا روُپ وٹائیا۔ شبد اناد دُھن سُنائے ساچی گاتھ، لِکھن پڑھن وِچ نہ آئیا۔ اِک جنائے ساچا پاٹھ، بِن رسنا جِہوا گائیا۔ اِک کنارہ تیِرتھ تاٹ، سر سروور اِک نُہائیا۔ ایکا پتّن ایکا گھاٹ، ایکا بَیٹھا ساچا ماہیِا۔ جوتی جوت سروُپ ہرِ، آپ اپنی کِرپا کر، اپنی گھال آپے لیکھے پائیا۔ میری گھال پئے لیکھے، سو پُرکھ نِرنجن ویکھ وکھائیندا۔ لکھّ چؤراسی بھرم بُھلیکھے، بھانڈا بھرم نہ کوئے بھنّائیندا۔ صاحِب سُلطان نر نریشے، نر نرائن کھیل کرائیندا۔ لیکھا جانے اوتھے ایتھے، دو جہاناں پھیری پائیندا۔ جُگ جُگ جن بھگتاں رکھے چیتے، چیتن اپنا رنگ رنگائیندا۔ لکھّ چؤراسی وڈّھے کھیتے، بن کِرسان پھیرا پائیندا۔ بن ترکھان لائے وینتے، اِکو سوُتر ہتّھ اُٹھائیندا۔ نیتر روون وِشن برہما شِو پُت جیٹھے، دھیِرج دھیِر نہ کوئے دھرائیندا۔ آد جُگاد نہ آیا تیرا بھیتے، بھیوَ کوئے نہ پائیندا۔ جوتی جوت سروُپ ہرِ، آپ اپنی کِرپا کر، آپے جانے اپنے لیکھے، اپنا لیکھا بھگتاں جھولی پائیندا۔ کیِتی گھال ہوئے

منظوُر، پُرکھ ابناسی ویکھ وکھائیا۔ جُگ چؤکڑی میَں کردا رہیا قصوُر، جن بھگتاں دے سزائیا۔ جا کے پُچھو کولوں منصوُر، کیوں پُٹھڑی کھلّ لُہائیا۔ جِس نوُں لوکی کہندے دوُر، سو دوُر دُراڈا نیڑے آئیا۔ اپنا بھرے ساچا پوُر، بن ملاح سیو کمائیا۔ گُرسِکھ جے کوئی اَگوں دیوے گھوُر، نِیوں نِیوں اپنا وقت لنگھائیا۔ میَں اپنا لیکھا لاؤنا ضرور، ضرورت اپنی پوُر کرائیا۔ نہ کوئی مان تے نہ غروُر، بن درویش پھیرا پائیا۔ جن بھگتاں کٹّن آیا جوُڑ، دوُجی جوڑی نہ کوئے جُڑائیا۔ سادھاں سنتاں تن تپے وانگ تندوُر، امرت میگھ نہ کوئے برسائیا۔ اندر وڑ وڑ رہے جھوُر، سُرتی شبد نہ کوئے مِلائیا۔ آتم ملِے نہ ساچا نوُر، پرکاس پرکاس نہ کوئے وڈیائیا۔ جوُٹھ جھوُٹھ وِحاجیا موُرکھ موُڑ، کنچن سچ نہ کوئے رکھائیا۔ انتم ناتا کوُڑو کوُڑ، کوُڑی کِریا رہے سمائیا۔ جوتی جوت سروُپ ہرِ، آپ اپنی کِرپا کر، اپنی گھال بھگتاں کولوں پوُر کرائیا۔ پُرکھ ابناسی اپنی گھال، جن بھگتاں کولوں پوُر کرائیندا۔ نِرگُن آ آ کرے سوال، اپنی جھولی اَگے ڈاہِندا۔ لوک مات میَں کنگال، بِن گُرمُکھاں میری سار کوئے نہ پائیندا۔ گُردر مندر مسجد مٹھ ہویا بےحال، میرا انگ نہ کوئے چُھہائیندا۔ تیِرتھ تٹ ویکھ کِنار، نیتر نَین میرا شرمائیندا۔ پُرکھ نار کرن وِبھچار، ہرِ کا روُپ نہ کوئے جنائیندا۔ چاروں کُنٹ ہاہاکار، دھیِرج دھیِر نہ کوئے وکھائیندا۔ منّ منّ تھکے گُر اوتار، سِر ہتّھ نہ کوئے رکھائیندا۔ پڑھ پڑھ تھکے وید چار، پُران اٹھاراں رسنا جِہوا صالاحِندا۔ گیِتا گیان کر پُکار، دس اٹّھ میل مِلائیندا۔ اِنجیِل قُرآن نہ سکے کوئے وِچار، کایا کُرہ نہ پھول پُھلائیندا۔ کھانی بانی وسے سب توں باہر، شبد ہانی نہ کوئے مِلائیندا۔ سادھاں سنتاں بھر بھر تھکے پانی سرب سنسار، جانی جان نظر نہ آئیندا۔ سُن سُن کہانی ہوئے اوازار، سُرتی رانی شبد شاہ نہ کوئے مِلائیندا۔ گُرمُکھ وِرلے ہرِ سَتگُر کرے آپ پروانی، پرم پُرکھ پھیرا پائیندا۔ جن بھگتاں بنیا سچّا دِل جانی، آپ اپنے رنگ رنگائیندا۔ ناتا توڑ چارے کھانی، چارے بانی پندھ مُکائیندا۔ جوتی جوت سروُپ ہرِ، آپ اپنی کِرپا کر، اپنی گھال آپے پوُر کرائیندا۔ میری گھال بھگت دوار، پُرکھ ابناسی رہیا جنائیا۔ ساچے سنتو کرو وِچار، سَت سَتوادی ویکھ وکھائیا۔ گُرمُکھ کھولو نَین کِواڑ، اندھ اندھیر مِٹائیا۔ گُرسِکھ کرو سچ پیار، جگت پیار دیؤ تجائیا۔ ہرِ جوُ آیا چل دوار، بن درویش پھیرا پائیا۔ کاغد قلم نہ لِکھنہار، ستّ سمُندر مس رہی کُرلائیا۔ جُگ چؤکڑی رووے زارو زار، ویلا گیا ہتّھ نہ آئیا۔ گُر اوتار نہ سکن سُرت سنبھال، پُرکھ ابناسی کھیل کھلائیا۔ جیِو جنت لوک مات نہ کوئی ویکھے مار دھیان، نام گیان نہ کوئے سمجھائیا۔

رسنا پڑھ پڑھ کرن کلیان، کایا کعبہ نہ کوئے جنائیا۔ نِردھن ہویا آپ بھگوان، سردھن گُرمُکھ روُپ پرگٹائیا۔ انتم کل چرنی ڈِگا آن، منگے سرن سرنائیا۔ جوتی جوت سروُپ ہرِ، آپ اپنی کِرپا کر، اپنی گھال آپ وکھائیا۔ میری گھال جُگو جُگ، جُگ کرتا آپ جنائیندا۔ لکھّ چؤراسی وِچوں چُگ، اپنا میل مِلائیندا۔ لیکھا جانے من مت بُدھ، بُدھ بِبیکی آپ کرائیندا۔ کارج کرے آپے سُدھ، سِر اپنا ہتّھ رکھائیندا۔ ٹھگّ چور یار نہ کوئے لئے لُٹ، نام دھن اِک ورتائیندا۔ مانَس بھاگ نہ جائے نِکُھٹ، مانَو اپنی گود بہائیندا۔ کر پرکاس نِرمل جوت، جوتی جاتا ڈگمگائیندا۔ اِک وکھائے ساچی اوٹ، چرن کوَل دھیان جنائیندا۔ ساچا بھگت اِکو بہُت، لکھّ چؤراسی کمّ کِسے نہ آئیندا۔ کلجُگ اَنت آپ بنایا اپنا اوت پوت، چھتّی جُگ دے وِچھڑے میل مِلائیندا۔ اپنی شاخ آپے پیا پُھٹ، پتّ ڈالی آپ لہرائیندا۔ جوتی جوت سروُپ ہرِ، آپ اپنی کِرپا کر، پا گھال خوشی منائیندا۔ خوشی منائے سِری بھگوَنت، جن بھگت دوارے پھیرا پائیا۔ دھنّ بھاگ میری بنی بنت، گُرمُکھ مِلیا چائیں چائنیا۔ گُرسِکھ سچّا ساجن سنت، جِس جن اپنا درس کرائیا۔ جنگل جوُہ اُجاڑ پہاڑ پِھردے کوٹن کوٹ اننت، انن پرکار روُپ وٹائیا۔ گڑھ تُٹا نہ ہؤمے ہنگت، ہرِ مِلی نہ سچ سرنائیا۔ کام کرودھ لوبھ موہ ہنکار کردے جنگت، آسا ترِسنا نال بندھائیا۔ کِسے ہتّھ نہ آئے پنڈت، پڑھ پڑھ وِدیا وقت گوائیا۔ دیِن دَیال اِک اکھنڈت، اکھنڈ اپنا روُپ وکھائیا۔ جوتی جوت سروُپ ہرِ، آپ اپنی کِرپا کر، کر کر گھال خوشی منائیا۔ خوشی منائے ہرِ کرتارا، بن سیوک سیو کمائیا۔ لوک مات بنیا ونجارا، ایکا ہٹّ کُھلائیا۔ چؤداں لوک کرن نِمسکارا، چؤداں طبق سیِس جھُکائیا۔ چؤداں وِدیا نَین شرمسارا، لوچن سکے نہ کوئے اُٹھائیا۔ پاربرہم سُنایا اِک جَیکارا، جےَ جےَ اپنا ناؤں پرگٹائیا۔ سو پُرکھ نِرنجن ہو تیارا، نِروَیر کھیل کرائیا۔ ہنگ برہم کر پسارا، پاربرہم ہرِ ویس وٹائیا۔ جن بھگتاں پاوے لوک مات سارا، مہاسارتھی آپ ہو آئیا۔ کلجُگ انتم پار کنارہ، تٹ تیِرتھ دئے دُہائیا۔ راؤ رنک ہوئے خوارا، سانتک سَت نہ کوئے رکھائیا۔ اِکو بھگت کرے ہرِ پیارا، دوُجی اوٹ نہ کوئے رکھائیا۔ نِرگُن سرگُن آئے دوارا، دردیِاں درد ونڈائیا۔ ڈُبدیاں لائے پار کنارہ، پتن بَیٹھا سچّا ماہیِا۔ گوبِند ستھر ہنڈھایا اِکو یارا، پُرکھ اکال سیج وچھائیا۔ جوتی جوت سروُپ ہرِ، آپ اپنی کِرپا کر، اپنی گھال ستھر رہیا وکھائیا۔ اپنی گھال بھوُمی ستھر، بھوُپت بھوُپ جنائیندا۔ گُرسِکھ نیتر وِرولے آپے اتّھر، نام مدھانا اِکو پائیندا۔ ہرِجن بنائے ساچی بنتر، بسن بنواری کھیل

کرائیندا۔ آد جُگاد ساچا منتر ، اکھّر وکھّر آپ پڑھائیندا۔ لیکھا جان گگن گگننتر، گرِہ مندر کھوج کُھجائیندا۔ بھگت پیار بُجھائے بسنتر، سانتک سَت کرائیندا۔ سرب جیِاں بِدھ جانے اَنتر، آتم اَنتر ویکھ وکھائیندا۔ جوتی جوت سروُپ ہرِ، آپ اپنی کِرپا کر، ساچی سیوا آپ کمائیندا۔ بھگت جناں در ساچی سیوا، بن سیوک آپ کمائیا۔ جُگ جُگ دا امرت میوہ، جن بھگت دوارے کھائیا۔ الکھ اگوچر اگمّ ابھیوا، آد جُگاد سچّا شہنشاہیِا۔ جوتی جوت سروُپ ہرِ، آپ اپنی کِرپا کر، اپنی کھیل آپ کرائیا۔ کرے کھیل بھگت بھگوان، بھاوی اپنے سِر رکھائیندا۔ بھگتاں دیوے سچ نِشان، لوک مات آپ جھُلائیندا۔ جُگ چؤکڑی کر پروان، کلجُگ انتم میل مِلائیندا۔ سچ دھرم دا اِک نِشان، سَت سَتوادی آپ اُٹھائیندا۔ چھتّی جُگ ہوئے حَیران، ہرِ کا بھیوَ کوئے نہ پائیندا۔ چھتّی راگ کرن دھیان، ہرِ دھیان وِچ نہ آئیندا۔ پیَنتی اکھّر کرن کلیان، کرتا اپنی سیو سمجھائیندا۔ چھتّیاں اکھّر آپ کرے پروان، شاستر سِمرت نہ گنت گنائیندا۔ چھتّیاں اکھّر جن بھگتاں دیوے دان، اپنی وست آپ ورتائیندا۔ بِن پڑھیاں دیوے گیان، گیان گروُ آپ ہو جائیندا۔ جن بھگت دوارے بنے مہمان، پُرکھ ابناسی پھیرا پائیندا۔ گُرسِکھ ویکھے سچّا کاہن، نیتر نَین نَین مٹکائیندا۔ سوہنگ دُھن مدُھر گائن، مدھ ماتا آپ سُنائیندا۔ نانک دادک ساک سیَن، سؤہرے پیئیے ویکھ وکھائیندا۔ مات پِت بھائی بھَین، پِتا پوُت کھیل کرائیندا۔ آپے جانے نُقطہ غَین، عیَن اپنی اکھّ وکھائیندا۔ جوتی جوت سروُپ ہرِ، آپ اپنی کِرپا کر، ہرِ بھگتاں ویکھ وکھائیندا۔ بھگتن ویکھ چڑھے ہرِ چا، چاترک اپنی ترِسن بُجھائیا۔ اپنا سِنگھاسن دئے تجا، بھگت سِنگھاسن دئے سُہائیا۔ بھگتاں کاجن آپ رچا، نٹھ نٹھ سیو کمائیا۔ غریِب نوازن اپنا آپ کر فِدا، فِطرت اپنی دئے گوائیا۔ اِکو راہ وکھایا سدھا، سُکھمن ٹیڈی بنک نہ کوئے جائیا۔ دسم دواری بہہ بہہ پائے گِدھا، اپنا تال وجائیا۔ گُرسِکھ تیرے جِہا نہ کوئی وڈّا، پربھ تیری رہے سرنائیا۔ تیرا بھار اپنے سیِس لدّا، سِر اپنے گٹھڑی رہیا اُٹھائیا۔ نؤ سؤ چؤرانوے چؤکڑی جُگ کردا رہیا ضِدا، بھگت بھگوان دے سزائیا۔ کلجُگ انتم اپنے ہتّھ رکھائی اپنی بِدھا، کر کِرپا لئے مِلائیا۔ نؤ سؤ چؤرانوے چؤکڑی دا بھوجن رِدھا، جن بھگتاں دئے کھوائیا۔ نہ کوئے جانے آٹا مَیدا، جؤں چھولے نہ کوئے وکھائیا۔ جوتی جوت سروُپ ہرِ، آپ اپنی کِرپا کر، بن سیوک سیو کمائیا۔ نؤ سؤ چرانوے چؤکڑی جُگ دا بھوجن، ہرِ بھگوَن بھگتاں آپ کُھوائیندا۔ کوئی نہ چڑھ کے ویکھے جوجن، چڑھ چڑھ پندھ نہ کوئے مُکائیندا۔ کوٹن کوٹ سادھ سنت

سوچن، ہرِ سوچ وِچ نہ آئیندا۔ کوٹن کوٹ بنّھ بنّھ لنگوٹن، تیِرتھ تٹ ڈیرہ لائیندا۔ کوٹن کوٹ بھنگ پیالے گھوٹن، جگت رگڑا اِک وکھائیندا۔ کوٹن کوٹ پِھر پِھر تھکے کپال موچن، اپنا کپال نہ کوئے کُھلائیندا۔ کوٹن کوٹ پِھردے پربھ دا بھانا روکن، نہ کوئی روکے روک رُکائیندا۔ جن بھگت رکھے اِکو اوٹن، پربھ چرن دھیان لگائیندا۔ جوتی جوت سروُپ ہرِ، آپ اپنی کِرپا کر، بن سیوک سیو کمائیندا۔ میری کرو پوُری آس، پاربرہم رہیا جنائیا۔ میرا بھگت میرا پرکاس، بِن بھگت نہ کوئے رُشنائیا۔ میرا سنت میری راس، ہور وست نہ کوئے جنائیا۔ میرا گُرسِکھ میرا داس، مِل مِل ساچا وقت لنگھائیا۔میرا گُرسِکھ میری شاخ، لوک مات رہیا مہکائیا۔ جُگ جُگ میرا پردہ بھگت لَین ڈھاک، جو میرا ناؤں دِھیائیا۔ میَں پرگٹ ہوواں ساکھیات، نِرگُن سرگُن پھیرا پائیا۔ کلجُگ انتم کھیل تماش، ترےَگُن اتیِتا آپ کرائیا۔ ساچے بھگت بنائی اِک جماعت، جمہ مائینس نہ کوئے وکھائیا۔ اُنی کتّک دِتی دات، وست امولک آپ ورتائیا۔ کر درشن ناتا تُٹیا پوُجا پاٹھ، پاٹھشالہ نہ کوئے پڑھائیا۔ بِن نئیا پار اُتارے گھاٹ، ساچا سئیا ہوئے سہائیا۔ نہ کوئی ذات نہ کوئی پات، اوُچ نیِچ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ہرِ بھگت دوارے پھیرا پائیا۔ بھگت دوارے آیا، کر کِرپا گُن نِدھان۔ اپنا بھیکھ آپ وٹایا، نِرگُن آپ بن شیَطان۔ شرع شریِعت دئے تُڑایا، چار جُگ دی چُکے کان۔ گُر اوتار لئے بُلایا، دیوے دُھر فرمان۔ پِچھلا لیکھا لئے بقایا، بُھل نہ جائے گُن نِدھان۔ ساچا بنک اِک سُہایا، محل اٹل اُچ مکان۔ بھگت دوارا ناؤں رکھایا، چؤداں طبق کرن سلام۔ پیِر پَیغمبراں رہیا جگایا، پرگٹ ہویا وڈّا اِمام۔ کائنات ویکھ وکھایا، لکھّ چؤراسی کرے غُلام۔ ہرِجن ساچے لئے جگایا، آپے پائے اپنی آن۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، بھگت وسائے ساچے گھر، مہاراج شیر سِنگھ وِشنوُں بھگوان۔

گُرمُکھ بستر رکھے بنّھ، ہرِ گٹھڑی آپ اُٹھائیا۔ مِلیا بھار کہے دھنّ دھنّ، دھنّ دھنّ جنیندی مائیا۔ ہرِجن چڑھے ساچا چنّ، چند چاندنی رہی شرمائیا۔ راگ سُنائے اِکو کنّ، انادی ناد وجائیا۔ منسا اندر گیا منّ، من بھاونا پوُر کرائیا۔ بن بن ہرِ جوُ جننی جن، ہرِجن

ساچے لئے اُپائیا۔ لیکھا جانے پنج تت کایا ماٹی تن، تن ماٹی سوبھا پائیا۔ جوتی جوت سروُپ ہرِ، آپ اپنی کِرپا کر، ساچے بستر آپ اُٹھائیا۔ ساچا بستر کایا کپڑ، سَتگُر پوُرا آپ اُٹھائیندا۔ چھتّی جُگ نہ سکن اپڑ، ہرِ کا بھیوَ نہ کوئی پائیندا۔ آد جُگادی مائی بپڑ، پِتا پوُت ویس وٹائیندا۔ جُگ جُگ لِکھ لِکھ دیندا رہیا پتّر، شبد نِدھان سُنائیندا۔ کلجُگ انتم ویکھیا اِکو وتّر، بن کِرسانا ہل چلائیندا۔ راؤ رنک غریِب نِمانے پھڑ پھڑ کیتے پدھر، ساچی سیوا اپنے ہتّھ رکھائیندا۔ جنم جنم دی پوُری کرے سدّھر، سادہ اپنا روُپ وٹائیندا۔ لیکھا جانے کھنڈ بھدر، بھاوی بھؤ ہرِ سمجھائیندا۔ گُرمُکھ تیرا پریم کھدّر، تندی تند نال بندھائیندا۔ تانے اندر پیٹا پیٹے اندر تانا، ساچا مندر آپ سُہائیندا۔ کر کِرپا کھولیا جِندر، کایا تاک آپے لاہِندا۔ آپے وڑ کے بَیٹھا ڈوُنگھے کھنڈر، روُپ رنگ ریکھ نہ کوئے جنائیندا۔ جوتی جوت سروُپ ہرِ، آپ اپنی کِرپا کر، ساچا بستر آپ سُہائیندا۔ ساچا بستر سُہائے سوُسا، سوُسی اپنے تن پہنائیا۔ لیکھا جانے عیسیٰ موُسیٰ، سنگ محمد لئے جگائیا۔ گُر اوتاراں کرے خالی کھیِسا، جن بھگتاں دئے بھرائیا۔ نیڑے آؤندا جائے بیِسا، اپنا پندھ مُکائیا۔ نیتر روون راگ چھتیِسا، دِوس رَین دین دُہائیا۔ ساچا تن نہ دھووے کوئی چھیمبا، ساچی کُھمب نہ کوئے چڑھائیا۔ کایا ماٹی جھوُٹھا تُونبا، سچ تُونبڑی نہ کوئے وکھائیا۔ اندر کوَل ہویا موُدھا، نہ دیوے کوئے اُلٹائیا۔ چار کُنٹ ہرِ جوُ ڈھوُنڈاکٹر، دِس کِسے نہ آئیا۔ سرگُن بن کے ہتّھ وِچ رکھیا کھوُنڈا، آپ اپنا کھیل کرائیا۔ نِرگُن بن کے بَیٹھا رہیا اوُندھا، اپنا نَین نہ کِسے چمکائیا۔ نہ مریا نہ جیِوندا، ہرِ کا بھیوَ کوئے نہ پائیا۔ گُرسِکھ تیرے کھدّر اپنا کپڑ سیؤندا، سیں سیں اپنی خوشی منائیا۔ کرے کرائے جو من بھاؤندا، بھاوی اپنے ہتّھ رکھائیا۔ دِوس رَین جن بھگتاں ڈھولے گاؤندا، تال سُر نہ کوئے رکھائیا۔ راتیں سُتیاں گھر گھر بھاؤندا، بن بن سیوک سیو کمائیا۔ گُرمُکھ تیرے پیار اندر ہرِ جوُ آپے نُہاؤندا، اپنے پیار تیرا اشنان کرائیا۔ تیرے کایا مندر اندر اپنی سیج وچھاؤندا، اُتے تیرا کپّڑ دئے وِچھائیا۔ آپے ویکھے آؤندا جاندا، سدا سُہیلا چائیں چائنیا۔ جوتی جوت سروُپ ہرِ، آپ اپنی کِرپا کر، ساچا کپڑ آپ بنائیا۔ ساچا کپڑ تنیاں تانا، بن پاؤلی سیو کمائیندا۔ سخیاں نال گاوے گانا، کانا کنّ نال لگائیندا۔ آپے جانے اپنا آون جانا، ایدھر اودھر پھیرا پائیندا۔ کرے کھیل سِری بھگوانا، گُرمُکھ ایکا رنگ چڑھائیندا۔ تند تند تند کر پروانہ، بند بند خوشی کرائیندا۔ انند انند انند اِک مکانا، چند چند چند آپ چمکائیندا۔ ٹُٹّی گنڈھ گنڈھ گنڈھ دئے پروانہ، نام نِدھانا ہتّھ

پھڑائیندا۔ جوتی جوت سروُپ ہرِ، آپ اپنی کِرپا کر، اِک اِکلّا ساچا ہرِ، تانا پیٹا کھیوٹ کھیٹا اپنا آپ جنائیندا۔ ہرِ جوُ کھدّر لئے خریِد، اپنی قیِمت پائیا۔ ایکا کٹ کے دئے رسیِد، جنم مرن دئے چُکائیا۔ اٹّھے پہر درشن دید، نیتر نَیناں نظری آئیا۔ گُرسِکھ گُر شبد ہویا شہید، شرع کوئے نیڑ نہ آئیا۔ صاحِب سُلطان وسے نزدیِک، نظر نظر نال مِلائیا۔ جِس دی گُر اوتار رکھدے گئے اُڈیِک، سو صاحِب پھیرا پائیا۔ چھتّی جُگ دی اِک تریِک، ہرِ بھگتاں رہیا سمجھائیا۔ کوئی نہ بنے دوُجا شریِک، لاشریِک کھیل وکھائیا۔ جھوُٹھی میٹے سرِشٹ تاریک، اندھ اندھیرا دئے گوائیا۔ جن بھگت دوارے اندر رکھے اپنی جیِت، اُچ محلے بنت بنائیا۔ گُرسِکھ سؤن اندر ہرِ جوُ مرے اُتے سیِت، پالا پوہ پوہ نہ سکے رائیا۔ چھّبی پوہ ویکھنا ٹھیِک، ٹھیِکرا بھرم دئے بھنّائیا۔ بِن اگنی تت ہویا وانگ سیخ، سِخر چوٹی چڑھ کے الکھ جگائیا۔ بھگت بھگوان اِک دوُجے دے گاؤن گیِت، گھر ساچے وجےّ ودھائیا۔ جن بھگتاں تُٹے ناتا مندر مسیِت، گھر ملِے سچّا ماہیِا۔ سَتجُگ چلے ساچی ریِت، سَتگُر پوُرا آپ چلائیا۔ کرے کھیل اِک انڈیِٹھ، چار بانی بَیٹھی مُکھ چُھپائیا۔ جوتی جوت سروُپ ہرِ، آپ اپنی کِرپا کر، ساچا ونج آپ کرائیا۔ ساچا کھدّر لئے مُل، کرتا قیِمت آپے پائیندا۔ آپے رکھے اپنے تُل، دوُجے ہٹّ نہ کِسے وِکائیندا۔ جن بھگتاں بنائی اِکو کُل، دوُجا بنس نہ کوئے ودھائیندا۔ پُرکھ اکال نِرگُن نوُر ہویا صُلح کُل، چار جُگ دے وِچھڑیاں صُلح آپ کرائیندا۔ در دوارے جو آئے بُھل، تِس اپنے رنگ رنگائیندا۔ سَتجُگ پُھلواڑی رہی پُھل، ہرِ جوُ بوُٹا آپ اُگائیندا۔ بھگت دوارا گیا کُھل، ہرِ جوُ بھگتاں پِچھے پھیری پائیندا۔ گُرمُکھ سجّن نہ جائے رُل، لوک مات آپ اُٹھائیندا۔ آد جُگاد رہے اڈُل، نہ ڈولے نہ کوئے ڈُلائیندا۔ جگت اندھیر جھکّھڑ رہیا جھُل، چاروں کُنٹ اندھیرا چھائیندا۔ جوتی جوت سروُپ ہرِ، آپ اپنی کِرپا کر، کرتا قیِمت آپے پائیندا۔ خریِد کھدّر کرے پرکھ، پارکھوُ ہرِ جی آیا۔ نہ کوئی سوگ نہ کوئی ہرکھ، کھوٹے کھرے اپنی گود بہایا۔ جِس جن اُپر کیِتا ترس، تار ستار اِک سُنایا۔ جنم جنم دی میٹی حرص، اپنا درس کرایا۔ امرت میگھ اِکو برس، ترِسنا بُھکھ مِٹایا۔ گُرسِکھاں پوُرا کرے حرج، حرجانا اِکے وار بھرایا۔ اپنے کول لیاندے کلجُگ مایا وِچوں ورج، در اپنا اِک رکھایا۔ نِرگُن کرن آیا اپنا پوُرا فرض، فرد جُرم نہ کوئے رکھایا۔ ویکھو کھیل کرے اسچرج، اپنا مان بھگتاں ہتّھ پھڑایا۔ اپنے کھاتے کیتے درج، دردی درد ونڈایا۔ جُگ چؤکڑی دا لاہیا قرض، مقروُض اپنی سیو کمایا۔ جوتی جوت سروُپ ہرِ، آپ اپنی

کِرپا کر، کرتا قیِمت اِک وکھایا۔ کھدّر خریِد رکھے کول، ہٹّو ہٹّ نہ کدے وِکائیا۔ پوُرب جنم دا کیِتا قؤل، اِقرار رہیا نِبھائیا۔ دیوے وڈیائی اُپر دھؤل، دھرنی چرناں ہیٹھ رکھائیا۔ کر کِرپا آتم اَنتر جائے مؤل، مؤلا اپنا روُپ سمجھائیا۔ جوتی جوت سروُپ ہرِ، آپ اپنی کِرپا کر، گہر گمبھیِر ویکھ وکھائیا۔ مہاراج شیر سِنگھ وِشنوُں بھگوان، بے نظیِر نظر کِسے نہ آئیا۔

مندر بنایا بھگتن بستی، بِسترا اِک وِچھائیا۔ اپنی مِٹائے ہرِ جوُ ہستی، گُرمُکھاں دئے وڈیائیا۔ گُرسِکھ تیری مایا سستی، ہرِ سنگت اُتے دئے ورتائیا۔ سدا سدا چڑھائے مستی، مستّ رنگ وکھائیا۔ صاحِب ٹھاکر اِکو شکتی، شاکر ہو سمجھائیا۔ سَتجُگ چُکے کوئے نہ ارتھی، اتھوا اپنی گود بہائیا۔ جوتی جوت سروُپ ہرِ، آپ اپنی کِرپا کر، گُرمُکھ تیری ساچی مایا، اپنی برسی اُتے لگائیا۔ اَدھی مایا چھّبی پوہ، جن بھگتاں بھوجن آپ چھکائیندا۔ اَدھی مایا بستر ڈھو، ڈھوآ چندن آپ مہکائیندا۔ جگت وِچولا آپے ہو، ساچی سیو کرائیندا۔ جوتی جوت سروُپ ہرِ، آپ اپنی کِرپا کر، سچ سِنگھاسن آپ بنائیندا۔ گُرمُکھ مایا بنے سِنگھاسن، سنکھ اپنے ہتّھ رکھائیا۔ کرے کھیل شاہو شاباشن، شاہ پاتشاہ بےپرواہیِا۔ جنم جنم دی پوُری کرے آسن، آشا منشا ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچی مایا اَدھ اَدھ حِصّہ ویکھے چائیں چائنیا۔