کتب خانہGranth 11 (Urdu)

۲۱ ماگھ ۲۰۱۸ بِکرمی دیوی سِنگھ دے گرِہ مّگھو والی جموُں

بھگت بھگوان ساچا رنگ، سِری بھگوان آپ چڑھائیندا۔ لوآں پُریاں برہمنڈاں کھنڈاں آپے لنگھ، دو جہان والی لوک مات پھیرا پائیندا۔ گیِت سُہاگی اگمّی چھند، نِرگُن سرگُن آپ جنائیندا۔ ناتا توڑ بتّی دند، آتم اَنتر بوُجھ بُجھائیندا۔ سچ سُہنجنی سیج پلنگ، گھر گھر وِچ آپ وکھائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے ویکھ وکھائیندا۔ بھگت بھگوان ایکو دھار، آد جُگاد رکھائیا۔ نِرگُن سرگُن لئے اوتار، ہرِجن ویکھے چائیں چائنیا۔ روگ سوگ درد نِوار، دردی درد ونڈائیا۔ ایکا دیوے نام خُمار، رام نام پڑھائیا۔ ایکا مندر دئے وکھال، گھر میلے سچّا ماہیِا۔ جوتی جوت سروُپ ہرِ، آپ اپنی کِرپا کر، ہرِجن میلا سہج سُبھائیا۔ بھگت بھگوان اِکو ویس، آد اَنت جنائیندا۔ وسنہارا ساچے دیس، دیس دسنتر سوبھا پائیندا۔ نِرگُن سرگُن لئے ویکھ، نیتر نَین نَین کُھلائیندا۔ لیکھا جانے رِکھی کیش، گوَردھن اپنے رنگ رنگائیندا۔ سیوک سیوا برہما وِشن مہیش، ساچی سیوا اِک جنائیندا۔ بھگت بھگوَنت لِکھنہارا لیکھ، لیکھا اپنے ہتّھ رکھائیندا۔ داتا دانی جودھا سوُربیِر نر نریش، شاہ پاتشاہ ناؤں دھرائیندا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر جن بھگتاں آپ وڈیائیندا۔ بھگت بھگوَنت ایکا اوٹ، آد جُگاد رکھائیا۔ وسنہارا ساچے کوٹ، سچکھنڈ دوارا اِک سمجھائیا۔ کر پرکاس نِرمل جوت، اندھ اندھیر گوائیا۔ نام نگارے لائے چوٹ، انحد نادی ناد وجائیا۔ جگت واسنا کڈھے کھوٹ، مایا ممتا موہ مِٹائیا۔ دیوے نام رام اتوٹ، اتُٹ بھنڈار اِک وکھائیا۔ جوتی جوت سروُپ ہرِ، آپ اپنی کِرپا کر، بھگت بھگوَنت ایکا رنگ وکھائیا۔ بھگت بھگوَنت اِک مکان، ایکا گھر وکھائیندا۔ آد جُگاد کھیل مہان، جُگ جُگ ویس وٹائیندا۔ داتا دانی وڈ مِہربان، وست امولک آپ ورتائیندا۔ سَت سَتوادی سَت نِشان، سَت پُرکھ نِرنجن آپ اُٹھائیندا۔ جن بھگتاں دیوے اِک گیان، آتم پرماتم میل مِلائیندا۔ جوتی جوت سروُپ ہرِ، آپ اپنی کِرپا

کر، بھگت بھگوَنت ایکا گھر بہائیندا۔ بھگت بھگوَنت ساچا میلا، ہرِ ہرِ آپ کرائیندا۔ وسنہارا دھام نویلا، لوک مات پھیرا پائیندا۔ جُگا جُگنت سجّن سُہیلا، ہرِجن ساچے آپ اُٹھائیندا۔ جوتی جوت سروُپ ہرِ، آپ اپنی کِرپا کر، بھگت بھگوَنت آپ سمجھائیندا۔ بھگت بھگوَنت ساچا راہ، ہرِ سچ سچ جنائیا۔ شبدی شبد شبد صالاح، رام نام پڑھائیا۔ دِیا باتی اِک جگا، جوت نِرنجن کرے رُشنائیا۔ امرت بوُند سوانتی دئے پیا، اگنی تت بُجھائیا۔ بودھ اگادھی ناد وجا، دُھن آتمک کرے شنوائیا۔ دُئی دوَیتی پڑدہ لاہ، سَت سروُپ پرگٹائیا۔ جوُٹھ جھوُٹھ دئے مِٹا، سچ سُچ بندھن پائیا۔ ذات پات دئے کھپا، اوُچ نیِچ نہ کوئے رکھائیا۔ ایکا برہم دئے درسا، اِیش جیِو میل مِلائیا۔ جگت جگدیِش ہوئے سہا، سِر اپنا ہتّھ ٹِکائیا۔ بھانڈا بھرم بھؤ دیوے بھنّا، کوُڑی کِریا دئے کھپائیا۔ ایکا رنگ دئے چڑھا، اُتر کدے نہ جائیا۔ ایکا انند دئے وکھا، انند انند انند گھر گھر وِچ سمائیا۔ ایکا چند دئے چڑھا، اندھ اندھیر رہن نہ پائیا۔ ایکا چھند دئے سُنا، سوہنگ ڈھولا ایکا گائیا۔ سَتجُگ مارگ دئے وکھا، پُرکھ ابناسی ویکھ وکھائیا۔ ڈُبدے پاتھر لئے ترا، پاہن اپنا چرن چُھہائیا۔ راگ ناد پندھ دئے مُکا، اِک اِک آواز لگائیا۔ جوتی جوت سروُپ ہرِ، آپ اپنی کِرپا کر، بھگتن میلا چائیں چائنیا۔ بھگتن ملِے آپ بھگوان، جُگ جُگ دَیا کمائیندا۔ سَتجُگ تریتا دواپر کر کر پہچان، ساچا سنگ نِبھائیندا۔ دیونہارا دُھر فرمان، اکھّر وکھر آپ پڑھائیندا۔ کایا مندر ویکھ مکان، ساچے مندر سوبھا پائیندا۔ تخت نِواسی وڈ مِہربان، شاہو بھوُپ پھیرا پائیندا۔ لیکھا جانے دو جہان، جیِو جنت رنگ رنگائیندا۔ لکھّ چؤراسی دیونہارا دان، جیِون جُگت اپنے ہتّھ رکھائیندا۔ کھیلے کھیل سِری بھگوان، ہرِ کا بھیوَ کوئے نہ پائیندا۔ بھگتاں میلا میلے آن، لوک مات ویس وٹائیندا۔ جوتی جوت سروُپ ہرِ، آپ اپنی جوت دھر، آد اَنت ہرِجن ساچے اپنے گھر بہائیندا۔ بھگت بھگوان اِکو در، در دروازہ آپ کُھلائیا۔ بھگت بھگوان اِکو گھر، بنک دوارا اِک سُہائیا۔ بھگت بھگوان ایکا اکھّر جان پڑھ، نِرگُن سرگُن کرے پڑھائیا۔ بھگت بھگوان ایکا مندر جان وڑ، سچ محلہ سوبھا پائیا۔ بھگت بھگوان اِک دوُجے دا لڑ لَین پھڑ، پھڑیا لڑ نہ کوئے چُھڈائیا۔ بھگت بھگوان اِک دوُجے دے پؤڑے جائن چڑھ، جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بھگت بھگوان اِکو منگ، ایکا آس رکھائیا۔ بھگت بھگوان سدا اکھنڈ، کھنڈ کھنڈ نہ کوئے کرائیا۔ بھگت بھگوان پرکاس وِچ برہمنڈ، وربھنڈ وجےّ ودھائیا۔ بھگت بھگوان اُتم جیرج انڈ، اُتبُھج سیتج مان

رکھائیا۔ جوتی جوت سروُپ ہرِ، آپ اپنی کِرپا کر، ہرِجن ساچی بھگتی آپ سمجھائیا۔ ساچی بھگتی بھگت بھگوان، جُگ جُگ آپ سمجھائیندا۔ چرن سرن سرن چرن ہرِ دھیان، دوُجا اِشٹ نہ کوئے وکھائیندا۔ اَنتر آتم آتم اَنتر اِک گیان، ایکا گھر وکھائیندا۔ جوتی جوت سروُپ ہرِ، آپ اپنی کِرپا کر، سَتجُگ تریتا دواپر بھگت بھگوَنت نِرگُن سرگُن سرگُن نِرگُن اپنا کھیل کرائیندا۔ سَتجُگ تریتا دواپر اُتریا پار، تھِر مات رہن نہ پائیا۔ بھگت بھگوَنت دئے ادھار، ایکا بوُجھ بُجھائیا۔ لیکھا جانے وِچ سنسار، نِرگُن سرگُن کھیل کھِلائیا۔ کلجُگ انتم آئی وار، گُر اوتار کہہ کہہ گئے پُکار، پُرکھ ابناسی ایکا اوٹ رکھائیا۔ پرگٹ ہووے نِہکلنک بلی بلوان جوت سروُپی جامہ دھار، جوتی جوت کرے رُشنائیا۔ ورن گوت تے وسے باہر، روُپ رنگ ریکھ نہ کوئے وِچ سنسار، عقل کل آپ اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ نِرگُن اپنا ویس وٹائیا۔ نِرگُن ویس آپے دھر، دھر دھرنی آپ سُہائیندا۔ بھگت بھگوَنت لئے پھڑ، جُگ جُگ وِچھڑے میل مِلائیندا۔ لیکھا جانے ناری نر، نر نرائن کھیل کرائیندا۔ جوتی جوت سروُپ ہرِ، آپ اپنی کِرپا کر، بھگتن دیوے اِکو دات، جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی وست اِک سمجھائیندا۔ ساچی وست بھگتن دات، ہرِ بھگوَن آپ جنائیا۔ سوہنگ اکھّر سَتجُگ گاتھ، سو پُرکھ نِرنجن کرے پڑھائیا۔ لہنا دینا چُکے مستک ماتھ، پوُرب لیکھا رہن نہ پائیا۔ دو جہاناں دیوے ساتھ، ایتھے اوتھے ہوئے سہائیا۔ میل مِلاواں تریَلوکی ناتھ، ترےَ ترےَ مایا پھند کٹائیا۔ گھر گھر ویکھے ہرِ رگھُناتھ، رگھُپت اپنی دَیا کمائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ہرِجن ساچے آپ اُٹھائیا۔ بھگت بھگوَنت اِک بھرواسا، ایکا اوٹ جنائیندا۔ نِرگُن سرگُن داسی داسا، بن سیوک سیو کمائیندا۔ کایا مندر پاوے راسا، گوپی کاہن ناچ نچائیندا۔ ہرِ بھگت ہرِ درشن پیاسا، دے درس ترِکھا بُجھائیندا۔ آد اَنت نہ ہوئے وِناسا، ابناسی کرتا اپنے رنگ رنگائیندا۔ کلجُگ انتم ویکھن آیا آپ تماشا، نِرگُن اپنا روُپ دھرائیندا۔ لکھّ چؤراسی تولنہارا تولہ ماشہ، رتی رتّ رتّ نہ کوئے جنائیندا۔ جوتی جوت سروُپ ہرِ، آپ اپنی جوت دھر، ہرِجن میلے اپنے گھر، بھگوَن ساچا میل مِلائیندا۔ ساچا میلا بھگت بھگوَنت، ساچے گھر وجےّ ودھائیا۔ لیکھا جانے جیِو جنت، گھٹ گھٹ رہیا سمائیا۔ جِس جن بنائے ساچی بنت، تِس اپنی بوُجھ بُجھائیا۔ گُرمُکھ ویکھے وِرلا سنت، ہرِ سَتگُر ہوئے سہائیا۔ ناتا جوڑ نار کنت، کنت کنتُوہل

خوشی منائیا۔ کایا چولی چاڑھے رنگ بسنت، اُتر کدے نہ جائیا۔ رسنا جِہوا منیِا منت، سوہنگ اکھّر کرے پڑھائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، بھگت بھگوَنت ایکا در وجےّ ودھائیا۔ ایکا در وجےّ واجا، ہرِ ہرِ آپ وجائیندا۔ میل مِلاوا غریِب نوازا، غریِب نِمانے گلے لگائیندا۔ لکھّ چؤراسی سازن سازا، گھٹ گھٹ ویکھ وکھائیندا۔ جن بھگتاں دیوے نام داتا، وست امولک آپ ورتائیندا۔ اندر بہہ بہہ گائے گاتھا، اکھّر وکھّر آپ پڑھائیندا۔ سرب کل آپے سمراتھا، سو پُرکھ نِرنجن ویس وٹائیندا۔ جنم جنم دا پوُرا کرے گھاٹا، جِس جن اپنا درس کرائیندا۔ لہنا دینا چُکے تیِرتھ تاٹا، سر سروور اِک نُہائیندا۔ جوتی جوت سروُپ ہرِ، آپ اپنی کِرپا کر، بھگت بھگوَنت آپ ترائیندا۔ بھگت بھگوَنت اِکو مان، ایکا ملِے وڈیائیا۔ بھگت بھگوَنت اِک نِشان، ایکا تیِر چلائیا۔ بھگت بھگوَنت اِک گیان، ایکا کرے پڑھائیا۔ بھگت بھگوَنت اِک مکان، ایکا گھر ڈیرہ لائیا۔ بھگت بھگوَنت اِک وِدھان، ساچا مارگ جگت وکھائیا۔ جوتی جوت سروُپ ہرِ، آپ اپنی کِرپا کر، ہرِجن ساچے سدا صالاحیِا۔ ہرِجن وڈیائی بھگتی بھگت، پاربرہم پربھ دَیا کمائیندا۔ لیکھا جانے بوُند رَکت، ہڈّ ماس ناڑی چمّ ویکھ وکھائیندا۔ دیوے وڈیائی وِچ جگت، جیِون جُگت آپ سمجھائیندا۔ اپنے میلن دا آپے جانے وقت، وید کتیب بھیوَ نہ آئیندا۔ کر کِرپا جِس دیوے درس، جگت ترِسنا بُھکھ گوائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، بھگتاں دیوے اِک گیان، آتم پرماتم پرماتم آتم ایکا رنگ وکھائیندا۔

۲۱ ماگھ ۲۰۱۸ بِکرمی راجِندر سِنگھ دے گرِہ پِنڈ سیڑ جموُں

بھگتاں کرے سدا پیار، ہرِ بھگوَن بےپرواہیِا۔ بھگتاں دیوے نام ادھار، ہرِ بھگوَن دَیا کمائیا۔ بھگتاں دیوے سچ شِنگار، ہرِ بھگوَن شہنشاہیِا۔ بھگتاں دیوے اِک آدھار، ہرِ بھگوَن چرن سرن سرنائیا۔ بھگتاں دیوے اِک خُمار، ہرِ بھگوَن امرت جام پیائیا۔ بھگتاں دیوے اِک جَیکار، ہرِ بھگوَن ساچا سوہلا سُنائیا۔ جوتی جوت سروُپ ہرِ، آپ اپنی کِرپا کر، آد جُگاد جن بھگتاں سیو کمائیا۔ بھگوَن میلا ایکنکار، بھگوَن اپنا آپ کرائیندا۔ بھگتن سیج دئے سوار، ہرِ بھگوَن ویکھ وکھائیندا۔ بھگتن وکھائے سچ وِہار، وِوہاری کھیل کرائیندا۔

جُگا جُگنتر لئے اوتار، نِردھن سردھن میل مِلائیندا۔ جوتی جوت سروُپ ہرِ، آپ اپنی کِرپا کر، بھگتن اپنا سنگ نِبھائیندا۔ بھگتن سوہے ساچا بنک، بنک دواری آپ سُہائیا۔ ناتا توڑ جیِو جنت، ہرِجن اپنے سنگ مِلائیا۔ گڑھ توڑ ہؤمے ہنگت، ہنگ برہم بوُجھ بُجھائیا۔ آتم اَنتر ساچا منت، سو پُرکھ نِرنجن اِک سمجھائیا۔ جوتی جوت سروُپ ہرِ، آپ اپنی کِرپا کر، دیوے بھگت مان وڈیائیا۔ بھگت وڈیائی وِچ جگ، جیِون داتا آپ رکھائیندا۔ درس دِکھائے اُپر شاہ رگ، نیتر نَین اِک کُھلائیندا۔ ترےَگُن مایا بُجھے اگّ، رجو طمو ستو نہ کوئے تپائیندا۔ سچ نگارہ جائے وجّ، ترئےکال درسی آپ وجائیندا۔ پار کنارہ کرے حد، اَدھ وِچکار نہ کوئے ڈُبائیندا۔ بھگت بھگوَنت ساچی جدّ، ساچا بنس بنائیندا۔ آد اَنت در دوارے سدّ، ساچا میل مِلائیندا۔ بھگت پیار جائے وجھّ، ایکا بندھن پائیندا۔ جوتی جوت سروُپ ہرِ، آپ اپنی کِرپا کر، بھگت سُہیلا اِک اَکیلا، جُگ جُگ کھیل کرائیندا۔ جُگ جُگ کھیل پاربرہم، اپنا آپ کرائیا۔ نہ مرے نہ پئے جمّ، نِرگُن سرگُن ویس وٹائیا۔ دو جہاناں جانے کمّ، لکھّ چؤراسی بھیوَ چُکائیا۔ لیکھا جانے دما دم، پوَن سواس رہیا سمائیا۔ بھگتاں بیڑا آپ بنّھ، ہرِجوُ اپنے کندھ اُٹھائیا۔ رائے دھرم نہ دیوے ڈنّ، ویلے اَنت نہ کوئے سزائیا۔ ایکا راگ سُنائے کنّ، جوتی جوت سروُپ ہرِ، آپ اپنی کِرپا کر، بھگتن ویکھے تھاؤں تھائنیا۔ بھگتن ویکھے تھان تھننتر، دو جہاناں پھول پُھلائیندا۔ بھیوَ چُکائے گگن گگننتر، گگن منڈل سوبھا پائیندا۔ سرب جیِاں بِدھ جانے اَنتر، گھٹ گھٹ اپنا آسن لائیندا۔ جُگ جُگ جنائے اپنا منتر ، گُر پیِر اوتار آپ پڑھائیندا۔ آد جُگاد سدا سُتنتر، سَت سَتوادی کھیل کرائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے آپ اُٹھائیندا۔ ہرِجن سچّا اِکو میِت، دوُسر سنگ نہ کوئے رکھائیا۔ جگت جُگ اولّڑی ریِت، جُگ کرتا آپ چلائیا۔ لکھّ چؤراسی پرکھنہارا نیِت، دِوس رَین رَین دِوس اپنی سیو کمائیا۔ بھگتن میلا گھر انڈیِٹھ، انڈِٹھڑا دھام وکھائیا۔ اٹّھے پہر وسے چیِت، چِت وِت ٹھگؤری کوئے نہ پائیا۔ چرن سرن سچ پریِت، پریِتیوان اِک سِکھائیا۔ آد اَنت رہے اتیِت، ترےَگُن وِچ کدے نہ آئیا۔ لیکھا جانے ہست کیِٹ، گھٹ گھٹ رہیا سمائیا۔ جوتی جوت سروُپ ہرِ، آپ اپنی کِرپا کر، بھگتن میلا ساچے گھر، گرِہ مندر سوبھا پائیا۔ بھگتن میلا بھگتن اندر، کایا بنک سُہائیندا۔ لیکھا جانے ڈوُنگھی کَندر، کایا بھوَری پھول پُھلائیندا۔ واسنا میٹے منوُآ بندر، آسا ترِسنا نال بندھائیندا۔ جوتی جوت سروُپ ہرِ، آپ اپنی کِرپا کر، ہرِجن اپنی دَیا کمائیندا۔ ہرِجن ناتا

تُٹے موہ، ممتا لوک مات رہن نہ پائیا۔ جگت وِکارا دیوے کوہ، نام چُھری اِک چلائیا۔ بھیوَ کُھلائے سوہنگ سو، آتم پرماتم پڑدہ لاہیِا۔ امرت آتم دیوے چو، نِجھر جھِرنا آپ جھِرائیا۔ جوت نِرنجن کرے لو، اندھ اندھیر مِٹائیا۔ ہرِ کا نام ڈھوآ ڈھو، ہرِ جوُ جھولی آپ بھرائیا۔ جوتی جوت سروُپ ہرِ، آپ اپنی کِرپا کر، گرِہ مندر بھاگ لگائیا۔ گرِہ مندر لگّے بھاگ، کایا بنک سُہائیندا۔ بند کِواڑی کُھلے تاک، بجر کپاٹی توڑ تُڑائیندا۔ نِرمل جوت جگے چراغ، دِیا باتی نہ کوئے رکھائیندا۔ شبد انادی وجےّ ناد، انحد راگ الائیندا۔ آتم اُپجے اِک وَیراگ، وَیراگی روُپ آپ اکھوائیندا۔ جگت ترِسنا دئے تیاگ، تیاگی اپنا رنگ رنگائیندا۔ سُرت سوانی جائے جاگ، شبد ہانی میل مِلائیندا۔ اپنے ہتّھ پکڑے واگ، جوتی جوت سروُپ ہرِ، آپ اپنی کِرپا کر، ہرِجن ساچے بنک سُہائیندا۔ بنک سوہے بنک دوار، ٹیڈھی بنک پار کرائیا۔ گرِہ مندر اندر ہوئے اُجیار، نوُر نوُرانہ نوُر رُشنائیا۔ ناد دُھن دُھن جَیکار، شبدی شبد شبد شنوائیا۔ ساچی سخیاں منگلاچار، گیِت گوبِند الائیا۔ واہ واہ سَتگُر وجےّ سِتار، بِن تندی تار ہِلائیا۔ ایکا ناد اِک اونکار، اونکارا روُپ وٹائیا۔ کھیلے کھیل اگمّ اپار، الکھّ اگوچر بےپرواہیِا۔ بھگتاں پَیج آپ سوار، بھگت وچھل ناؤں دھرائیا۔ جُگ جُگ لوک مات لئے اوتار، لیکھا جانے تھاؤں تھائنیا۔ کلجُگ انتم کھیل اپار، نِراکار آپ کرائیا۔ سنت سُہیلے گُروُ گُر چیلے ویکھے وِگسے ویکھنہار، اکھّ پرتکھ آپ کُھلائیا۔ جوتی جوت سروُپ ہرِ، آپ اپنی کِرپا کر، بھگتن میِتا اِک اتیِتا ٹھانڈا سیِتا پتت پُنیِتا ساچی ریِتا آپ چلائیا۔ ساچی ریِتا دو جہان، دو جہاناں والی آپ چلائیندا۔ وِشن برہما شِو دئے گیان، ایکا گُن سمجھائیندا۔ لکھّ چؤراسی جیِو جنت سادھ سنت ویکھے مار دھیان، آتم اَنتر بوُجھ بُجھائیندا۔ نؤ کھنڈ ستّ دیِپ برہمنڈ کھنڈ وکھائے نِشان، سچ نِشانہ اِک جھُلائیندا۔ شاستر سِمرت وید پُران لیکھا جانے اِنجیِل قُرآن، کھانی بانی بھیوَ چُکائیندا۔ پیِر پَیغمبر گُر اوتار لیکھا جان سِری بھگوان، پوُرب لہنا جھولی پائیندا۔ بھگتاں دیوے آتم دان، ساچے سنتاں ملِے آن، گُرمُکھ ویکھے بال انجان، گُرسِکھاں بخشے چرن دھیان، سرن چرن سچّی سرنائیا۔ داتا دانی نؤجوان، دیونہارا جیِو جہان، آد اَنت سِری بھگوَنت جُگ جُگ ساچی بِھچھیا ایکا ایک ورتائیا۔ جوتی جوت سروُپ ہرِ، آپ اپنی کِرپا کر، بھگتن میلا ساچے گھر، گرِہ مندر آپ سُہائیا۔ گرِہ مندر ویکھے کایا تن، ترےَگُن مایا بندھن رکھائیا۔ بُدھی مت ویکھے من، من منسا کھیل کرائیا۔ جوت نِرنجن چڑھے چنّ، چند چند شرمائیا۔

پنچم پنچ بیڑا بنّھ، کھیوٹ کھیٹا سِکھ جنائیا۔ وست امولک نام دھن، سچ خزیِنہ وِچ رکھائیا۔ دِس نہ آئے نیتر انّھ، بھرمے بُھلی سرب لوکائیا۔ کام کرودھ لوبھ موہ ہنکار دیوے ڈنّ، ڈؤروُ ڈنکا اِک وجائیا۔ جن بھگتاں کِرپا کر سِری بھگوَن، اپنی بوُجھ بُجھائیا۔ ایکا راگ سُنائے کنّ، چھتّی راگ بھیوَ نہ رائیا۔ جوتی جوت سروُپ ہرِ، آپ اپنی کِرپا کر، ہرِجن میلے اپنے در، در مندر اِک سُہائیا۔ در مندر سدا سہاؤنا، ہرِ ساچا آپ سُہائیا۔ بھگت بھگوَنت گیِت اِکو گاونا، ایکا کرے پڑھائیا۔ نِرگُن سرگُن پکڑے دامنا، دامنگیِر سچّا شہنشاہیِا۔ ایتھے اوتھے ہوئے ضامنا، ساچی ضامنی آپ نِبھائیا۔ انتم اَنت پوُری کرے بھاونا، بھاوی کال نیڑ نہ آئیا۔ سوہنگ سو ساچا ڈھولا گاونا، آتم پرماتم ہوئے سہائیا۔ پرم پُرکھ ایکا پاونا، امراپد اِک وکھائیا۔ جوتی جوت جوت مِلاونا، بھگت بھگوَنت ایکا رنگ وکھائیا۔ کلجُگ انتم بیڑا پار کراونا، جِس جن ساچے بیڑے لئے چڑھائیا۔ مہاراج شیر سِنگھ وِشنوُں بھگوان پھڑائے دامنا، پھڑیا پلّوُ چُھٹ نہ جائیا۔ بھگت کہے پربھ سربگ، ہرِ ایکا ایک بوُجھ بُجھا۔ کلجُگ انتم لگّی اگّ، چار ورن رہیا کُرلا۔ کوئی سہائی دِسے نہ جگ، ویکھیا تھاؤں تھاں۔ میری رکھے نہ کوئی لج، انتم پکڑے نہ کوئی بانہہ۔ پڑدہ سکے نہ کوئی کج، سارے بَیٹھے کرکے نانہہ۔ کوُڑ نگارہ رہیا وجّ، جوتی جوت سروُپ ہرِ، آپ اپنی کِرپا کر، ایکا بخشنی سچ سرنا۔ بھگت کہے دسّ بھگوان، کلجُگ کوُکے دئے دُہائیا۔ چاروں کُنٹ ہوئی وَیران، رُت بسنت نہ کوئے وکھائیا۔ رسنا جِہوا سارے گان، آتم پرماتم نہ کوئے مِلائیا۔ جیِو جنت ہوئے حَیران، سادھ سنت دین گواہیِا۔ کلجُگ جودھا وڈ بلوان، سب دے مان رہیا گوائیا۔ گھر گھر پنچ وِکار ہویا پردھان، سچ پردھانگی اِک سمجھائیا۔ اندر بہہ بہہ کھیل کرے شیَطان، شریِعت نال لڑائیا۔ تیری کوئی نہ منّے آن، گُر اوتار گئے سمجھائیا۔ پیِر پَیغمبر ہوئے بےپہچان، نوُر ظہوُر نہ کوئے درسائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کِس بِدھ ملِے تیری سرنائیا۔ بھگت کہے سُن بھگوَنت، میری اِک ارداس۔ لکھّ چؤراسی جیِو جنت، کلجُگ اَنت ہوئی نِراس۔ کوئی نہ دِسے ساچا سنت، سچ وست کِسے نہ پاس۔ کلجُگ مایا پائی بےاَنت، نہ کوئی کرے بند خلاص۔ جوتی جوت سروُپ ہرِ، آپ اپنی کِرپا کر، ایکا بخش سچ دھرواس۔ سچ دھرواس دے نِرنکار، ہرِ بھگت منگ منگائیا۔ تیرا کھیل پرِتھمی آکاش، گگن منڈل تیری رُشنائیا۔ روَ سس تیرا پرکاس، نوُر نوُر نوُر سمائیا۔ گُر اوتار تیرے داس، پیِر پَیغمبر سیو کمائیا۔ تُوں شہنشاہ شاہ پاتشاہ

شاہو شاباش، سچکھنڈ ساچے تخت آسن لائیا۔ آد جُگاد جُگا جُگنتر لکھّ چؤراسی تیری راس، جیِو جنت سادھ سنت آتم پرماتم گوپی کاہن ناچ نچائیا۔ گھٹ گھٹ اندر تیرا واس، روُپ رنگ ریکھ نظر کوئے نہ آئیا۔ کر کِرپا رکھ اپنے پاس، وِچھڑ کدے نہ جائیا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ چُکائیا۔ ساچے بھگت سُن لا میِت، ہرِ ساچا سچ جنائیندا۔ کلجُگ اَنت کھیل انڈیِٹھ، انبھوَ اپنی دھار چلائیندا۔ نِرگُن چلائے اپنی ریِت، سرگُن روُپ نہ کوئے وکھائیندا۔ لکھّ چؤراسی پرکھے نیِت، جیِو جنت ویکھ وکھائیندا۔ لیکھا جانے مندر مسیِت، شِودوالے مٹھ پھول پُھلائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ جنائیندا۔ ساچے بھگت رکھ اُڈیِک، ہرِ اِکو اِک جنائیا۔ وید ویاسا لِکھ کے گیا تاریِخ، ایکا گُن سمجھائیا۔ عیسیٰ کہہ کے گیا لاشریِک، میرا خُداوند آئے چائیں چائنیا۔ محمد رکھی اِک پریِت، سِر اِمامہ پھیرا پائیا۔ نِرگُن نانک کہے ہرِ نزدیِک، نیرن نیرا کھیل کرائیا۔ جوتی جوت سروُپ ہرِ، آپ اپنی کِرپا کر، اپنا گُن رہیا سمجھائیا۔ ساچا گُن سُن لےَ بال، سَت پُرکھ نِرنجن آپ جنائیندا۔ کلجُگ انتم کھیل کمال، کملا رملا آپ کرائیندا۔ گوبِند سوُرا ویکھے لال، لال انمُلڑا گود بہائیندا۔ نِرگُن سرگُن بن دلال، لوک مات ویس وٹائیندا۔ سمبل ویکھے دھام نِرال، نِہچل محل بنائیندا۔ مہابلی اُترے آن، نانک لیکھا پوُر کرائیندا۔ جودھا سوُربیِر بلی بلوان، بل اپنا آپ پرگٹائیندا۔ سَت اُٹھائے اِک نِشان، دو جہاناں آپ جھُلائیندا۔ جن بھگتاں ویکھے آپے آن، جنم جنم دا پندھ مُکائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ چُکائیندا۔ اپنا بھیوَ دیوے دسّ، ہرِ وڈّا وڈ وڈیائیا۔ پرگٹ ہووے پُرکھ سمرتھ، نِہکلنکا ناؤں رکھائیا۔ ہرِجن ساچے لئے رکھ، لکھّ چؤراسی ویکھ وکھائیا۔ مِہربان مِہربان مِہربان کر کِرپا کرے وکھّ، سِر اپنا ہتّھ ٹِکائیا۔ ایتھے گاوے اپنا جس، اوتھے دیوے مان وڈیائیا۔ میل مِلاوا ہسّ ہسّ، سوہنگ ہنسا مانک موتی چوگ چُگائیا۔ تیِر نِرالا مارے کس، انیالا آپ چلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اپنا بھیوَ آپ چُکائیا۔ اپنا بھیوَ دیوے چُک، سِری بھگوان چُکائیندا۔ درس وکھائے جو بَیٹھا لُک، روُپ انوُپ دھرائیندا۔ نِرگُن شیر پئے بُک، سِنگھ اپنا روُپ وکھائیندا۔ جن بھگتاں اُپر جائے تُٹھ، مِہر نظر اِک ٹِکائیندا۔ امرت جام پیائے گھُٹ، آپ اپنی دَیا کمائیندا۔ جوتی جوت سروُپ ہرِ، آپ اپنی کِرپا کر، اپنے مِلن دی بِدھی اپنے ہتّھ رکھائیندا۔ آد جُگاد میلا ہتّھ، ہرِ سَتگُر آپ رکھائیندا۔ جُگ جُگ

کھیل پُرکھ سمرتھ، بھیوَ کوئے نہ پائیندا۔ لکھّ چؤراسی پا نتھ، برہمنڈ کھنڈ ناچ نچائیندا۔ لیکھا جانے اٹھسٹھ، تیِرتھ تٹ پھول پُھلائیندا۔ وسنہارا گھٹ گھٹ، گرِہ گرِہ سیج سُہائیندا۔ جوتی نوُر لٹ لٹ، نوُر نوُرانہ ڈگمگائیندا۔ دُرمت مَیل کٹ کٹ، سُچ سنجم اِک جنائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے آپ مِلائیندا۔ ہرِجن میلا اَنت کل، کل کاتی رہن نہ پائیا۔ پُرکھ ابناسی وڈ پربل، بل اپنا آپ وکھائیا۔ لکھّ چؤراسی اچھل اچھلّ، ہرِجن ساچے لئے اُٹھائیا۔ آتم سِنگھاسن ایکا مل، ساچی سیجا سوبھا پائیا۔ شبد سندیسہ ایکا گھل، گھر گھر وِچ لئے جگائیا۔ جوتی شبدی آپے رل، نِرگُن نِرگُن سمائیا۔ جوتی جوت سروُپ ہرِ، آپ اپنی کِرپا کر، بھگتن میلا ایکا گھر، گھر مندر اِک وکھائیا۔ اِکو گھر سوبھاوَنت، آد جُگاد سُہایا۔ کھیلے کھیل جُگا جُگنت، جُگ جُگ ویس وٹایا۔ ہرِجن میلا ہرِ ہرِ کنت، گھر ساچے سوبھا پایا۔ کلجُگ اَنت بنائی بنت، بسن بنواری اپنی دَیا کمایا۔ ایکا نام منیِا منت، من کا منکا دئے بھوایا۔ کرے کھیل واسی پُری گھنک، گھنئیا اپنا روُپ دھرایا۔ گُرمُکھ سُرتی ورے جِؤں سیِتا سپُتری جنک، جانکی اپنے انگ لگایا۔ جوتی جوت سروُپ ہرِ، آپ اپنی کِرپا کر، بھگتن میلا ساچے در، در مندر آپ بنایا۔ در مندر ویکھے کایا گڑھ، پنج تت وڈیائیا۔ پُرکھ ابناسی اندر وڑ، اپنا پندھ مُکائیا۔ ساچے پؤڑے جائے چڑھ، آؤندا جاندا دِس نہ آئیا۔ نِش اکھّر آخر آپے پڑھ، کرے سچ پڑھائیا۔ درس دِکھائے اَگے کھڑ، سوَچّھ سروُپی روُپ دھرائیا۔ سنت سُہیلے آپے پھڑ، پھڑ پھڑ بندھن پائیا۔ نہ جنمے نہ جائے مر، بھگت بھگوَنت سدا سدا اپنی گود رکھائیا۔ نِربھؤ چُکائے بھےَ ڈر، بھیانک روُپ نہ کوئے جنائیا۔ چرن سروور نُہائے ساچے سر، سر آتم اِک وکھائیا۔ جن بھگتاں اُپر کِرپا کر، کِرپا نِدھ گہر گُن ساگر، سنسار ساگر پار کرائیا۔ مہاراج شیر سِنگھ وِشنوُں بھگوان، جِس جن کرم کرے اُجاگر، تِس کرم کانڈ کوئے رہن نہ پائیا۔

۲۱ ماگھ ۲۰۱۸ بِکرمی سردار سِنگھ دے گرِہ سیڑ جموُں

بھگت بھگوان میلا جگ، سو پُرکھ نِرنجن آپ کرائیندا۔ سنت سُہیلے ساچے لبھ، ہرِ پُرکھ نِرنجن کھیل وکھائیندا۔ گُرمُکھ ساجن پیائے امرت جام مد، رس رسیا اِک وکھائیندا۔ گُرسِکھ پیارے کر کر اڈّ، نام ڈوری بندھن پائیندا۔ سَت سروُپ نِشانہ گڈّ، سَت سَتوادی آپ وکھائیندا۔ جنم کرم دی توڑ حد، اپنے گھر بہائیندا۔ جوتی جوت سروُپ ہرِ، آپ اپنی کِرپا کر، دیِنن اپنی دَیا کمائیندا۔ بھگت بھگوَنت سچ سندیسہ، ایکا ایک جنائیا۔ سنت ساجن آپے ویکھا، لوچن نَین نَین کُھلائیا۔ گُرمُکھاں میٹے پِچھلی ریکھا، اگلا پندھ وکھائیا۔ گُرسِکھاں میلے ساچے دیسا، گھر مندر وجےّ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بھگت بھگوَنت ہوئے ادھیِن، ایکا دوُآ بھیوَ چُکایا۔ سنتاں لیکھا چُکیا لوک تیِن، لوک پرلوک ویکھ وکھایا۔ گُرمُکھاں ہِردا ٹھانڈا سین، سانتک سَت سَت کرایا۔ گُرسِکھ رسنا جِہوا رہے چیِن، نِمکھ نِمکھ گُن گایا۔ داتا دانی وڈ پربیِن، مِہربان دَیا کمایا۔ لیکھا جانے جِؤں جل میِن، جل میِن اپنی دھار چلایا۔ جوتی جوت سروُپ ہرِ، آپ اپنی کِرپا کر، در گھر ساچا آپ سُہایا۔ بھگت بھگوَنت اِکو گھاٹ، ہرِ ساچا سچ رکھائیندا۔ سنتن میٹے دوُر دُراڈی واٹ، اپنا پندھ مُکائیندا۔ گُرمُکھاں دیوے اِکو دات، ساچی وست جھولی پائیندا۔ گُرسِکھاں جوڑے ساچا نات، ناتا بِدھاتا اِک بندھائیندا۔ کلجُگ میٹ اندھیری رات، سَتجُگ ساچا چند وکھائیندا۔ شبد اگمّی ہرِ ہرِ گاتھ، چار ورن پڑھائیندا۔ اٹھاراں برن دیوے ساتھ، نوَ نؤ پھیرا پائیندا۔ چار چار میلا کملاپات، دہ دِشا ونڈ ونڈائیندا۔ نِرگُن سرگُن چلائے راتھ، بن رتھواہی سیو کمائیندا۔ وسنہارا اِک اِکانت، عقل کلا روُپ وٹائیندا۔ گُرمُکھ سجّن ویکھے مار جھات، اپنا نَین کُھلائیندا۔ گُرسِکھاں کھولنہارا تاک، بند تاکی آپ تُڑائیندا۔ سنتاں لہنا دینا چُکائے مستک ماتھ، پوُرب لیکھا جھولی پائیندا۔ بھگت بھگوَنت وسے ساتھ، سگلا سنگ رکھائیندا۔ سگل وِسوُرے جائن لاتھ، جِس جن اپنا درس کرائیندا۔ ناتا تُٹے پوُجا پاٹھ، اٹھسٹھ تیِرتھ نہ کوئے نُہائیندا۔ اِکو رکھے ساچی یاد، اپنی بوُجھ بُجھائیندا۔ سَتجُگ تریتا دواپر سُن دا آیا فریاد، جوتی جوت سروُپ ہرِ، آپ اپنی کِرپا کر، بھگتن میلا آپ مِلائیندا۔ بھگت بھگوَنت دسےّ راہ، ایکا گُن جنائیا۔ سنتن میلا سہج سُبھا، سَتگُر آپ کرائیا۔ گُرمُکھ نیتر پیکھ چڑھے چا، نِت نِت ویکھ وکھائیا۔ گُرسِکھ گُر گُر سیِس رہیا جھُکا، نِیوں نِیوں

مستک ٹِکاّ لاہے شاہیِا۔ سَتگُر پوُرا بےپرواہ، دیِنن اپنی دَیا کمائیا۔ کلجُگ انتم ویکھے آ، ویکھنہارا دِس نہ آئیا۔ جن بھگتاں بخشے سرب گُناہ، جوتی جوت سروُپ ہرِ، آپ اپنی کِرپا کر، سمرتھ پُرکھ وڈ وڈیائیا۔ سمرتھ پُرکھ اِک اِکلّا آد جُگاد سمائیندا۔ وسنہارا سچکھنڈ محلہ، سوبھنیِک سوبھا پائیندا۔ جوتی دھار آپے رلا، شبدی ناد وجائیندا۔ تھِر گھر پھڑائے اپنا پلّا، شبدی بندھن پائیندا۔ جوتی جوت سروُپ ہرِ، آپ اپنی کِرپا کر، آد اَنت سِری بھگوَنت، اپنا بھیوَ اپنے ہتّھ رکھائیندا۔ آد پُرکھ ہو اُجیارا، ایکا گھر دئے وڈیائیا۔ سچکھنڈ سُہائے سچ منارا، چھپر چھنّ نہ کوئے سُہائیا۔ جوتی جوت جوت اُجیارا، سوُرج چنّ نہ کوئے چڑھائیا۔ دھرت دھوَل نہ کوئے اکھاڑا، منڈل منڈپ نہ کوئے وڈیائیا۔ اِک اِکلّا اِک اونکارا، ایکا اپنا بنک سُہائیا۔ شاہو بھوُپ بن سِکدارا، سیِس جگدیِش اپنے تاج ٹِکائیا۔ حُکمی حُکم حُکم ورتارا، دُھر فرمانا آپ سُنائیا۔ وِشن برہما شِو دے سہارا، ترےَگُن میلا سہج سُبھائیا۔ پنج تت کر آکارا، نِرگُن سرگُن بندھن پائیا۔ شبدی ناد سچّی دُھنکارا، گھٹ مندر آپ وجائیا۔ لیکھا جانے گُر اوتارا، گُر گُر اپنی بوُجھ بُجھائیا۔ کھانی بانی پاوے سارا، انڈج جیرج اُتبُھج سیتج کھتری برہمن شوُدر وَیش اپنا حُکم منائیا۔ راؤ رنکاں راج راجاناں شاہ سُلطاناں دئے سہارا، اوُچ نیِچ ذات پات کائنات اپنی کھیل کھِلائیا۔ جوتی جوت سروُپ ہرِ، آپ اپنی کِرپا کر، جُگ جُگ گیڑا اپنے ہتّھ رکھائیا۔ جُگ جُگ گیڑا ہرِ ہرِ گیڑ، کوہلوُ چکّی چکّ بھوائیندا۔ انتم کرے حق نِبیڑ، سَتجُگ تریتا دواپر کلجُگ اَنت رہن نہ پائیندا۔ نِرگُن سرگُن چھیڑا چھیڑ، جگت کھیل آپ کھِلائیندا۔ ورن برن دیوے بھیڑ، ذات پات ونڈ ونڈائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، تیرا دھندا تیری جھولی پائیندا۔ کلجُگ اُٹھ اُٹھ ملنگ، ہرِ ساچا سچ جنائیا۔ انتم ویلا وجا مردنگ، جھوُٹھ مردنگا ہتّھ پھڑائیا۔ سرِشٹ سبائی ہوئی ننگ، ساچا پڑدہ اُتے نہ کوئے پائیا۔ آتم پرماتم اندر جھوُٹھی کندھ، ڈھیَہہ ڈھیری خاک نہ کوئے کرائیا۔ تیرا نشہ جھوُٹھا گند، رسنا جِہوا کرے ہلکائیا۔ کِسے نہ آوے پرمانند، نِجانند نہ کوئے رسائیا۔ گا گا تھکے بتّی دند، ہرِ کا درس کوئے نہ پائیا۔ ہرِ جوُ سُتا دے کر کنڈ، اپنی کروٹ نہ لئے بدلائیا۔ چاروں کُنٹ بھیکھ پکھنڈ، اپنا بل رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، انبھوَ اپنی دھار چلائیا۔ انبھوَ دھار سِری بھگوان، ہرِ ساچا سچ چلائیندا۔ جودھا سوُر بلی بلوان، بل اپنا آپ پرگٹائیندا۔ سَت سَتوادی سَت نِشان، سَت پُرکھ نِرنجن آپ ہِلائیندا۔

سنت سُہیلے ویکھے آن، بھگت بھگوَنت میل مِلائیندا۔ گُرمُکھاں چُکے جھوُٹھی کان، دوُسر آن نہ کوئے پوائیندا۔ گُرسِکھاں دیوے اِک گیان، گوجھ گیان سمجھائیندا۔ سوہنگ اکھّر ساچا نام، سَتگُر پوُرا جھولی پائیندا۔ ایتھے اوتھے دیوے مان، سگلا سنگ رکھائیندا۔ کِرپا کر سِری بھگوان، وِشنوُں اپنے رنگ رنگائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جِس جن دیوے نام نِدھان، تِس اپنا بندھن پائیندا۔

۲۱ ماگھ ۲۰۱۸ بِکرمی سیوا سِنگھ دے گرِہ پِنڈ کوٹلی شاہ دؤلا جموُں

حُکمے اندر چلے زمانہ، سو پُرکھ نِرنجن آپ چلائیا۔ آد جُگاد کھیل سِری بھگوانا، جُگ کرتا آپ چلائیندا۔ سَتجُگ تریتا دواپر میٹے کوُڑ نِشانہ، کلجُگ ویلا انتم آئیندا۔ کرے کھیل والی دو جہاناں، اپنا بھیوَ چُکائیندا۔ لکھّ چؤراسی ہوئے حَیرانا، جیِو جنت سادھ سنت ہرِ کا بھیوَ کوئے نہ پائیندا۔ جوتی جوت سروُپ ہرِ، آپ اپنی کِرپا کر، اپنی دھار اپنے ہتّھ رکھائیندا۔ کلجُگ انتم کالی دھار، چاروں کُنٹ اندھیرا چھائیا۔ سرِشٹ سبائی گئی ہار، دھیِرج جت نہ کوئی رکھائیا۔ جیِو جنت کرے وِبھچار، سَت سنتوکھ نہ کوئے دِرڑائیا۔ دھرم کرم ہوئے خوار، ساچی گنڈھ نہ کوئے پوائیا۔ ایکا وِسریا ہرِ نِرنکار، نؤ کھنڈ پرِتھمی دئے دُہائیا۔ ستّاں دیِپاں ہاہاکار، جگت دُہاگن رنڈ رہی کُرلائیا۔ جوتی جوت سروُپ ہرِ، آپ اپنی کِرپا کر، جگت زمانہ دئے سمجھائیا۔ جگت زمانہ اندھیرا اندھ، ساچا چنّ نہ کوئے چڑھائیندا۔ گھر گھر در در دِسے وِکار گند، آتم پرماتم میل نہ کوئے کرائیندا۔ رسنا جِہوا گا گا تھکی بتّی دند، آتم انند نہ کوئے پائیندا۔ دہ دِشا بھیکھ پکھنڈ، سچ سُچ نہ کوئے دِرڑائیندا۔ بِن ہرِ نامے سرِشٹ سبائی ہوئی رنڈ، ہرِ کنت نہ کوئے ہنڈھائیندا۔ آد جُگاد کھیلے کھیل سوُرا سربنگ، بل اپنا آپ دھرائیندا۔ جوتی جوت سروُپ ہرِ، آپ اپنی جوت دھر، جگت زمانہ ویکھ وکھائیندا۔ جگت زمانہ ویکھ بھگوان، اپنی دَیا کمائیا۔ چاروں کُنٹ پنج شیَطان، ورن برن کرن لڑائیا۔ مندر مسجد شِودوالے بَیٹھے بےاِیمان، آتم اَنتر نہ کوئے درسائیا۔ رسنا پڑھ پڑھ کرن گیان، اَنتر رام نہ کوئے وسائیا۔ نانک گوبِند نہ کرے کوئی دھیان، بُھلی سرب لوکائیا۔ گُروُ گرنتھ گُر بانی نہ سکے پچھان، چار ورن رہے کُرلائیا۔ جوتی جوت

سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل اولّا، آد پُرکھ کرائیندا۔ وسنہارا سچکھنڈ محلہ، تھِر گھر ساچے آسن لائیندا۔ گوبِند سوُرا سوُربیِر شبدی سُت ایکا گھلا، آپ اپنا بل جنائیندا۔ نوَ نؤ ست چار پئے ترتھلّا، دھیِرج دھیِر نہ کوئے دھرائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کلجُگ انتم ویکھ وکھائیندا۔ کلجُگ انتم آیا ویلا، ویلا وقت نہ کوئے جنائیا۔ کھیلے کھیل گُروُ گُر چیلا، گُر گوبِند ویس وٹائیا۔ وسنہارا سد نِویلا، پاربرہم بےپرواہیِا۔ گُرمُکھاں بنے سدا سُہیلا، سگلا سنگ نِبھائیا۔ جوتی جوت سروُپ ہرِ، آپ اپنی کِرپا کر، آد اَنت سِری بھگوَنت، جُگ جُگ اپنا کھیل کرائیا۔ جُگ جُگ کھیل پُرکھ اگمّ، آد جُگاد کرائیندا۔ کلجُگ ویکھنہارا چنّ، چند چاندنا نظر کِسے نہ آئیندا۔ چار کُنٹ اندھیرا اندھ، رَین اندھیری نہ کوئے مِٹائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، گوبِند آسا اِک بھرواسا، شاہو شاباشا پوُر کرائیندا۔ شاہو شاباشا ہرِ سُلطان، پاربرہم وڈی وڈیائیا۔ جُگ جُگ ویکھے مار دھیان، نِرگُن داتا سچّا شہنشاہیِا۔ نانک نام سَت کر پردھان، جیِو جنت گیا سمجھائیا۔ آتم برہم اِک گیان، دوُجی ہور نہ کوئے پڑھائیا۔ ذات پات نہ کوئے نِشان، اوُچ نیِچ نہ کوئے رکھائیا۔ گوبِند سوُرا ہو مِہربان، امرت جام گیا پیائیا۔ اِکو اوٹ پُرکھ اکال، دوُجی کوئے نہ سرن سرنائیا۔ لیکھا جانے دیِن دَیال، دیِن دُنی اپنے ہتّھ رکھائیا۔ کلجُگ اَنت ہوئے بےحال، چاروں کُنٹ کُٹ کُرلائیا۔ گھر گھر کوُکے کال، ڈؤروُ ڈنکا اِک وجائیا۔ جوتی جوت سروُپ ہرِ، آپ اپنی کِرپا کر، جگت زمانہ ویکھ وکھوائیا۔ جگت زمانہ چلے دھار، دھرنی دھرت رہی کُرلائیا۔ سرِشٹ سبائی ہویا وِبھچار، جوُٹھ جھوُٹھ بندھن پائیا۔ سادھ سنت نہ پاوے کوئی سار، ہرِ کنت نظر نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گوبِند میلا سہج سُبھائیا۔ گوبِند انتم منگی منگ، دوئے جوڑ کرے نِمسکارا۔ پُرکھ ابناسی تیرا سنگ، آد جُگاد اِک سہارا۔ تیری سیج میرا پلنگ، سیج میرا پلنگ تیرا اوتارا۔ کلجُگ اَنت ہوئے اندھیرا اندھ، چاروں کُنٹ نہ پاوے کوئی سارا۔ پرگٹ ہونا گُنی گہند، نِہکلنک نرائن نر اوتارا۔ اِک سُنائے سہاگی چھند، چار ورن کرے پیارا۔ جن بھگتاں تُٹی دیوے گنڈھ، جوتی جوت سروُپ ہرِ، آپ اپنی کِرپا کر، کرے کھیل نیارا۔ جگت زمانہ رہیا رو، چار کُنٹ چار ورن کُرلائیا۔ دُرمت مَیل نہ سکے کوئی دھو، نِرمل نیِر نہ کوئے پیائیا۔ آتم پرماتم سکے نہ چھوہ، دُئی دوَیتی پڑدہ وِچ رکھائیا۔ نِرمل جوت جگے نہ کو، جوت

جوت نہ کوئے رُشنائیا۔ انحد شبد نہ ملِے ڈھوآ ڈھو، دُھنی راگ نہ کوئے سُنائیا۔ امرت سیِر سکے نہ کوئی چوء، نِجھر جھِرنا نہ کوئے جھِرائیا۔ جوتی جوت سروُپ ہرِ، آپ اپنی کِرپا کر، کلجُگ انتم ویکھ در، درویش پھیری پائیا۔ کلجُگ ویلا انتم آیا، ہرِ ساچا کھیل کرائیندا۔ لکھّ چؤراسی ویکھ وکھایا، ویکھنہارا دِس نہ آئیندا۔ سمت سمتی دئے مِٹایا، اگلا لیکھا اپنے ہتّھ رکھائیندا۔ جوتی جوت سروُپ ہرِ، آپ اپنی کِرپا کر، بھیوَ ابھید آپ کُھلائیندا۔ سمت اٹھاراں وِچ سنسار، ویہہ سؤ بِکرمی نال رلائیا۔ راج راجان شاہ سُلطان ہون خوار، سیِس تاج نہ کوئے ٹِکائیا۔ چار کُنٹ ہاہاکار، دھیِرج دھیِر نہ کوئے دھرائیا۔ ہِندوُ مُسلم سِکھ عیسائی روون زارو زار، نیتر نَیناں نیِر وہائیا۔ پیِر پَیغمبر نہ کوئے سہار، مُلّا شیخ مسائق سنگ نہ کوئے نِبھائیا۔ پنڈت پاندھے کرن گِریازار، حِساب کِتاب کمّ کِسے نہ آئیا۔ گُرمُکھ وِرلے کرن پُکار، سَتگُر پوُرا گُروُ گوبِند ملِے چائیں چائنیا۔ کرے کھیل اپر اپار، نام ڈنکا اِک وجائیا۔ ویہہ سؤ اُنی ہو تیار، آپ اپنا بل دھرائیا۔ مُسلم سُنّی کر خوار، دیوے اَنت سزائیا۔ چؤداں طبق ہاہاکار، االلہ رانی نَین شرمائیا۔ محمد ناتا تُٹے چار یار، یاری یاراں نال نہ کوئے نِبھائیا۔ عیسیٰ موُسیٰ کرے پُکار، جوتی جوت سروُپ ہرِ، آپ اپنی کِرپا کر، سمت اُنی سب دی چوٹی جائے مُنی، سیِس تاج نہ کوئے ٹِکائیا۔ سمت انی ہوئے اُنیِسا، ایکا نایا جوڑ جُڑائیندا۔ ویکھنہارا اِنجیِل قُرآن حدیِثا، بے عیب پروردِگار پھیری پائیندا۔ مقامے حق کھیل شاہو شابیِشا، شہنشاہ اپنا بھیوَ چُکائیندا۔ سب دا کرے خالی کھیِسا، راج راجان شاہ سُلطان در در آپ پِھرائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرائیندا۔ سمت اُنی جائے چڑھ، لوک مات ویکھ وکھائیا۔ نؤ کھنڈ پرِتھمی آوے ڈر، بھےَ بھیانک سرب جنائیا۔ اِک دوُجے دا چھڈن لڑ، سگلا سنگ نہ کوئے نِبھائیا۔ گُرمُکھ وِرلے ایکا اکھّر ہرِ کا نام لَین پڑھ، ایکا اوٹ سرن سرنائیا۔ جوتی جوت سروُپ ہرِ، آپ اپنی کِرپا کر، سمت سمتی کھیل رچائیا۔ سمت سمتی مارے مار، ویلا وقت اپنے ہتّھ رکھائیندا۔ جگت لوکائی ہوئے خوار، لوک پرلوک کھیل کرائیندا۔ چوداں لوک ہاہاکار، وِشن برہما شِو نیتر نَیناں نیِر وہائیندا۔ کروڑ تیتیِسا سُرپت راجا اِند کرے پُکار، دوئے دوئے جوڑ سیِس سرب جھُکائیندا۔ منڈل منڈپ برہمنڈ کھنڈ کرے وِچار، ہرِ جوُ کی کی کھیل کرائیندا۔ لیکھا جانے گوبِند سوُرا وڈ بلکار، نام کھنڈا چنڈ پرچنڈا اپنے ہتّھ رکھائیندا۔ سرِشٹ سبائی مارے مار، میٹ مِٹائے دُشٹ ہنکار، وِبھچار کوئے رہن نہ پائیندا۔ سمت ویہہ سؤ بیِسا کھیل اپارا، نِرگُن داتا آپ

کرائیا۔ جودھا سوُربیِر نِرگُن نِروَیر نِراکارا، موُرت اکال اجوُنی رہِت ڈگمگائیا۔ سرِشٹ سبائی آر پار کنارہ، منجھدھارا دئے رُڑھائیا۔ ساچا مارگ وِچ سنسارا، سَت سَتوادی آپ لگائیا۔ نؤ کھنڈ پرتھوی وکھائے اِک دربارا، در دروازہ آپ کُھلائیا۔ الکھّ اگوچر اگمّ اتھاہ بے عیب پروردِگارا، اوُچو اوُچ محل اٹل اچل کرے رُشنائیا۔ ایکا نام شبد جَیکارا، سرِشٹ سبائی دئے سُنائیا۔ ایکا ڈنکا جگت جَیکارا، جوتی جوت سروُپ ہرِ، آپ اپنی کِرپا کر، بیِس بیِسا کرے کھیل ہرِ جگدیِشا، جگت جُگت جوگ اپنے ہتّھ رکھائیا۔ بیِس بیِسا سِری بھگوانا، اپنا کھیل جنائیندا۔ سَت سَتوادی سَت نِشانہ، نؤ کھنڈ پرِتھمی آپ جھُلائیندا۔ پندراں کتّک دِوس مہانا، تِھت وار ونڈ ونڈائیندا۔ دِلّی تخت بھوُپ راجانا، شاہو اپنا آسن لائیندا۔ تخت نِواسی ہو مِہربانا، دُھر فرمانا اِک سمجھائیندا۔ پاربرہم پت پرمیشور نِرگُن روُپ سَت سروُپ پہرے بانا، جوتی جاتا پُرکھ بِدھاتا ڈگمگائیندا۔ شبد ناد اِک سُنانا، برہماد گائے ساچا گانا، راگی راگ نہ کوئے جنائیندا۔ لکھّ چؤراسی منّنا بھانا، ویہہ سؤ اُنی آپ جنائیندا۔ ویہہ سؤ بیِس بِکرمی جیِو جنت ہوئے وَیرانہ، سِر ہتّھ نہ کوئے ٹِکائیندا۔ سو جن اُدھرے جِس جن ملِے آپ سِری بھگوانا، کر کِرپا اپنا میل مِلائیندا۔ گُرمُکھ گُرسِکھ ویکھو مار دھیانا، گُر گوبِند تیرا راہ تکائیندا۔ پُرکھ اکال دیِن دَیال سدا سد کرے پرِتپالا، جو جن چرن دھیان رکھائیندا۔ اَگے بڑا اؤکھا آؤن والا زمانہ، ظُلم ظالم زبر سرب کھپائیندا۔ ویہہ سؤ ویہہ بِکرمی پِچھلا میٹے سرب نِشانہ، اَگے مارگ اِک رکھائیندا۔ گُر گوبِند سوُرا پرگٹ ہوئے وِچ جہانا، چار ورن اِک سرن اوُچ نیِچ راؤ رنک راج راجان شاہ سُلطان ایکا دھام بہائیندا۔ جوتی جوت سروُپ ہرِ، آپ اپنی کِرپا کر، اگلا کھیل لوک مات آپ اپنے ہتّھ رکھائیندا۔

۲۱ ماگھ ۲۰۱۸ بِکرمی انگریز سِنگھ دے گرِہ ستواری جموُں

سری بھگوان کہے میَں بھگتاں داس، لوک مات نہ کوئے وڈیائیا۔ جُگ جُگ جن بھگت مِلن دی رکھاں آس، سچکھنڈ بَیٹھا دھیان لگائیا۔ مِل مِل بھگت بُجھے پیاس، ترِسنا ترِکھا رہن نہ پائیا۔ بِن بھگت میری پوُری کرے نہ کوئی آس، آسا پوُر نہ کوئے اکھوائیا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ سمجھائیا۔ ساچا بھگت ساکھیات، میرا روُپ درسائیندا۔ نِرگُن سرگُن ساچا نات، لوک

مات بندھن وکھائیندا۔ ناد اناد سُنائے گاتھ، شبدی شبد پڑھائیندا۔ اندر باہر وسے ساتھ، وِچھڑ کدے نہ جائیندا۔ اَنت وِکھائے ایکا گھاٹ، سَت کنارہ سوبھا پائیندا۔ جوتی جوت سروُپ ہرِ، آپ اپنی کِرپا کر، جن بھگتاں بھیوَ چُکائیندا۔ جن بھگت میرا سچّا میِت، لوک مات اکھوائیندا۔ آد جُگادی ساچی ریِت، جُگ جُگ دھار جنائیندا۔ میرا اوہدا اِکو گیِت، ایکا راگ الائیندا۔ سدا سُہیلا ٹھنڈا سیِت، سانتک سَت سَت سمجھائیندا۔ سَت سَتوادی سچ پریِت، سَت پُرکھ نِرنجن آپ رکھائیندا۔ میل مِلاوا دھام انڈیِٹھ، انڈِٹھڑی سیج ہنڈھائیندا۔ جوتی جوت سروُپ ہرِ، آپ اپنی کِرپا کر، ہرِ بھگت سدا صالاحِندا۔ بِن ہرِ بھگت نہ میری یاد، جگت جُگت نہ کوئے وڈیائیا۔ ہرِ بھگت ساچی داد، پریم وست جھولی پائیا۔ سجّن سُہیلا آپے لادھ، مِل مِل خوشی منائیا۔ جوتی جوت سروُپ ہرِ، آپ اپنی کِرپا کر، ساچے بھگت دئے وڈیائیا۔ ساچے بھگت تیرا سَت سروُپ، ہرِ ساچا سچ جنائیندا۔ تیرے اندر اِک ثبوُت اپنا آپ وکھائیندا۔ تیری کایا پنج تت قلبوُت، اندر اپنا آسن لائیندا۔ ناتا توڑ جوُٹھ جھوُٹھ، ساچا منتر نام دِرڑائیندا۔ جوتی جوت سروُپ ہرِ، آپ اپنی کِرپا کر، بھگت بھگوَنت آپ وڈیائیندا۔ بھگت بھگوَنت وڈّا وڈ، ہرِ دیوے مان وڈیائیا۔ اپنی دھار اپنے وِچوں کڈھ، آپے لئے پرگٹائیا۔ آپے ناتا جوڑے ہڈّ ماس ناڑی رتّ، بوُند رَکت بندھن پائیا۔ آپے دیوے ساچی وتھ، آتم پرماتم وڈ وڈیائیا۔ اپنی مہما جنائے اکتھ، بودھ اگادھ کر پڑھائیا۔ آپ چلائے ساچا رتھ، بن رتھواہی سیو کمائیا۔ جوتی جوت سروُپ ہرِ، آپ اپنی کِرپا کر، جن بھگتاں سدا صالاحیِا۔ بِن بھگت نہ کوئی رنگ، روُپ ریکھ مات نہ کوئی سمجھائیا۔ بِن بھگت نہ سیج پلنگ، سچ سِنگھاسن نہ کوئی بہائیا۔ بِن بھگت نہ کوئی انند، انند انند نہ کوئی رکھائیا۔ بِن بھگت نہ کوئی چھند، رسنا جِہوا ڈھولا گائیا۔ جوتی جوت سروُپ ہرِ، آپ اپنی کِرپا کر، اپنا نوُر اپنا ظہوُر ہرِ بھگت آپ دِکھائیا۔ ہرِ بھگت ساچا نوُر، نوُر نوُرانہ آپ جنائیندا۔ پُرکھ ابناسی حاضر حضوُر، آپ اپنا کھیل کرائیندا۔ وسنہارا دوُرن دوُر، نیرن نیر پندھ مُکائیندا۔ آسا منسا منسا آسا پوُر، ترِسنا بُھکھ گوائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے ویکھ وکھائیندا۔ ہرِجن ملِے اِک دوار، کلجُگ اَنت مِلی وڈیائیا۔ لہنا دینا جُگ چار، جُگ چؤکڑی بندھن پائیا۔ ویکھے وِگسے ویکھنہار، نؤ کھنڈ پرِتھمی پھول پُھلائیا۔ لکھّ چؤراسی نَین اُگھاڑ، جوتی جوت سروُپ ہرِ، آپ اپنی کِرپا کر، جن بھگتاں دیوے مان وڈیائیا۔ بِن بھگت نہ کوئی سنگ، سگلا سنگ

نہ کوئی نِبھائیندا۔ نام وجائے نہ کوئی مردنگ، سچ مردانگی نہ کوئے جنائیندا۔ نام چِلّہ تیِر کمان کھِچے نہ کوئی کمند، باہوُ بل نہ کوئی رکھائیندا۔ بھگت سُہاگی گائے نہ کوئی چھند، سنسا روگ نہ کوئی چُکائیندا۔ جوتی جوت سروُپ ہرِ، آپ اپنی کِرپا کر، ہرِ بھگتاں آپ وڈیائیندا۔ بھگت وڈیائی جُگ جُگ چار، جُگ جُگ آپ کرائیندا۔ کلجُگ انتم کر پیار، ایکا بوُجھ بُجھائیندا۔ ایکا نام شبد دُھنکار، سوہنگ ڈھولا آپ سُنائیندا۔ بن وِچولا آپ اونکار، ساچی سیو کمائیندا۔ ہؤلا ہؤلا کر کر بھار، ساچی ونڈ ونڈائیندا۔ پوُرب جنم پاوے سار، لِکھت لیکھا پھول پُھلائیندا۔ کرمی کرم لئے وِچار، نِہکرمی ویس وٹائیندا۔ جنم جنم دئے سوار، اجنما روگ گوائیندا۔ ورن ورن کرے خوار، ساچی سرن اِک سمجھائیندا۔ ہرن پھرن کھول کِواڑ، روُپ انوُپ درسائیندا۔ وا نہ لگّے تتی ہاڑ، اگنی تت نہ کوئی جلائیندا۔ دیوے درس اگمّ اپار، روُپ انوُپ وٹائیندا۔ کرے کھیل وِچ سنسار، نِہکلنکا ناؤں رکھائیندا۔ بھگت بھگوَنت لئے اُٹھال، آپ اپنی بوُجھ بُجھائیندا۔ ناتا توڑ جگت جنجال، جاگرت جوت اِک جگائیندا۔ چرن پریِتی نِبھے نال، پُرکھ ابناسی بندھن پائیندا۔ جوتی جوت سروُپ ہرِ، آپ اپنی کِرپا کر، ہرِ بھگتاں آپ ترائیندا۔ تارنہارا اِکو گُر، آد اَنت اکھوائیندا۔ لیکھا جانے دُھردرگاہی دُھر، دُھر لیکھا اپنے ہتّھ رکھائیندا۔ بھگت بھگوان سُنائے اِکو سُر، راگ انادی ناد الائیندا۔ ایکا مندر بہن چڑھ، جوتی جوڑا آپ مِلائیندا۔ جوتی جوت سروُپ ہرِ، آپ اپنی کِرپا کر، بھگوَن رنگ آپ رنگائیندا۔ بھگوَن رنگ رنگ اپارا، جن بھگتاں آپ چڑھائیا۔ کلجُگ انتم دے سہارا، سرنگت اِک سمجھائیا۔ ویکھے وِگسے ویکھنہارا، نیتر لوچن نَین آپ کُھلائیا۔ درسی درس اپر اپارا، درشن اپنا آپ جنائیا۔ جوتی جوت سروُپ ہرِ، آپ اپنی کِرپا کر، بھگتن میلا سہج سُبھائیا۔ بھگتن میلا آتم گھاٹ، گھر گھر وِچ میل مِلائیندا۔ ناتا توڑ سجّن ساک، ساچا بندھن پائیندا۔ لیکھا جانے بھوِکھت واک، انبھوَ اپنا کھیل کھِلائیندا۔ کھولنہارا بند تاک، در دوارے سوبھا پائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے دھام بہائیندا۔ ہرِجن ویکھے ساچا دھام، ایکا ایک وڈیائیا۔ نِرگُن اوتھے وسے رام، روُپ رنگ ریکھ نظر کوئے نہ آئیا۔ شاہو بھوُپ سچ اِمام، بے عیب ڈیرہ لائیا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرائیا۔ بے عیب ڈیرہ اپنا لا، اپنا کھیل کرائیندا۔ ساچا سجدہ سیِس جھُکا، نِیوں نِیوں ویکھ وکھائیندا۔ ساچا کعبہ دئے وڈیا، دوئے دوئے آبا کھیل کرائیندا۔ تن ربابا دئے وجا، احباب اپنا رنگ وکھائیندا۔

جوتی جوت سروُپ ہرِ، آپ اپنی کِرپا کر، ہرِ بھگت آپ وڈیائیندا۔ ہرِ بھگت تیرا مان، دو جہان رکھائیا۔ کلجُگ اَنت کر پچھان، اپنا میل مِلائیا۔ ناتا توڑ جیِو جہان، جیِون جُگت سمجھائیا۔ آتم اَنتر دیوے دان، وست امولک آپ ورتائیا۔ اِیش جیِو کر پروان، جگدیِشر سوبھا پائیا۔ کایا مندر ویکھ مکان، بَیٹھا آسن لائیا۔ سچ سندیسہ دُھر فرمان، سوہنگ ڈھولا رہیا گائیا۔ نر نریشا نؤجوان، اپنا بل پرگٹائیا۔ وِشن برہما شِو منّن آن، نِیوں نِیوں سیِس جھُکائیا۔ لیکھا جانے دو جہان، بھیوَ کوئے نہ پائیا۔ کروڑ تیتیِسا سارے گان، لکھّ لکھّ شُکر منائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، بل اپنا آپ دھرائیا۔ بھگتن میلا سچ دربار، دُھر درباری آپ کرائیندا۔ کھیلے کھیل اپر اپار، روُپ رنگ ریکھ نہ کوئے جنائیندا۔ شبدی شبد کر پیار، در گھر ساچے سوبھا پائیندا۔ ونجی ونج ونج واپار، ساچا ہٹّ چلائیندا۔ تیِرتھ تٹ پار کِنار، اٹھسٹھ بھیوَ مُکائیندا۔ بھگت بھگوَنت کر تیار، ساچا مارگ لائیندا۔ سوہنگ شبد اِک جَیکار، جےَ جَیکار سُنائیندا۔ جوتی جوت سروُپ ہرِ، آپ اپنی کِرپا کر، بھگتن میلا آپ مِلائیندا۔ بھگتن میلا ایکنکار، آد جُگاد کرائیندا۔ جُگ جُگ ویکھے ویکھنہار، اپنا روُپ دھرائیندا۔ جُگ جنم دے وِچھڑے میلے یار، اپنا بندھن پائیندا۔ ناتا توڑ پُرکھ نار، ایکا رنگ وکھائیندا۔ بِردھ بال جوان دیوے تار، جِس جن اپنا درس کرائیندا۔ شاستر سِمرت وید پُران وسیا باہر، اِنجیِل قُرآن بھیوَ نہ آئیندا۔ راگی نادی گئے ہار، گا گا پندھ نہ کوئے مُکائیندا۔ محل اٹل اُچ منار، سوبھاوَنت ڈیرہ لائیندا۔ نِرمل نوُر جوت اُجیار، ناؤں نِرنکارا آپ اکھوائیندا۔ سچکھنڈ وسے سچ مینار، سَت سَتوادی ڈیرہ لائیندا۔ جوتی جوت سروُپ ہرِ، آپ اپنی کِرپا کر، بھگتن میلا ساچے گھر، گھر سُہنجنا آپ سُہائیندا۔ ساچا گھر ہرِ سُہنجنا، ایکا ایک وڈیائیا۔ دیِپک جوت جگے نِرنجنا، آد نِرنجن کرے رُشنائیا۔ جن بھگتاں میل ساچے سجّنا، ہرِ سجّن آپ کرائیا۔ دیِنا ناتھ درد دُکھ بھےَ بھنجنا، بھوَ ساگر پار کرائیا۔ گُرمُکھ وِرلے دیوے نیتر انجنا، اگیان اندھیر مِٹائیا۔ چرن دھوُڑ ساچا مجنا، دُرمت مَیل دھوائیا۔ کال نگارہ سِر تے وجّنا، کوُکے سرب لوکائیا۔ گُرمُکھ گُر در بہہ بہہ سجنا، ملِے مان وڈیائیا۔ جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، بھگتن ویکھے چائیں چائنیا۔ بھگتن میلا چاؤ گھنیرا، ایکا ایک جنائیندا۔ ناتا تُٹے سنجھ سویرا، ایکا رنگ وکھائیندا۔ لیکھا چُکے میرا تیرا، تیرا میرا ایکا روُپ پرگٹائیندا۔ پرگٹ ہوئے سِنگھ شیر دلیرا، بھبک اپنی آپ لگائیندا۔ دھرت مات دا کُھلا

ویہڑا، گھر گھر خوشی منائیندا۔ جیِو جنت دیوے گیڑا، گیڑے وِچ بھوائیندا۔ جن بھگتاں بنّھے آپے بیڑا، ساچی سیو کمائیندا۔ ہرِجن وسے تیرا کھیڑا، در گھر ساچا آپ وڈیائیندا۔ جوتی جوت سروُپ ہرِ، آپ اپنی کِرپا کر، بھگتن اپنے رنگ رنگائیندا۔ بھگتن رنگ چڑھے امولا، امُل آپ چڑھائیا۔ نِرگُن سرگُن ہوئے تولا، ایکا کنڈا ہتّھ اُٹھائیا۔ سوہنگ سو ساچا بولا، دھارن نال جنائیا۔ لکھّ چؤراسی چار کُنٹ چار ورن پیا رؤلا، ہرِ کا بھیوَ کوئے نہ پائیا۔ کوئی کہے میرا مؤلا، نِیوں نِیوں سجدہ سیِس جھُکائیا۔ کوئی کہے میرے نال کرکے گیا قؤلا، کیِتا قؤل بُھل نہ جائیا۔ پُرکھ ابناسی کہے میَں سب توں رکھیا اوہلا، اپنا بھیوَ نہ کِسے جنائیا۔ پنج تت کایا وسدا رہیا چولا، نِرگُن سرگُن سرگُن نِرگُن اپنے حُکم پِھرائیا۔ کلجُگ انتم بن وِچولا، جن بھگتاں میل مِلائیا۔ بھگت دوارا ایکا کھولا، ملِے مان وڈیائیا۔ جوتی جوت سروُپ ہرِ، آپ اپنی کِرپا کر، ساچے بھگت آپ پرگٹائیا۔ ساچے بھگت مات پرگٹا، پرگٹ اپنا کھیل جنائیا۔ ساچا ہٹّ آپ کُھلا، وست انڈِٹھ آپ ورتائیا۔ ساچا تٹ آپ جنا، تٹ کنارے ڈیرہ لائیا۔ سچ راگ آپ الا، سوہنگ ڈھولا رہیا گائیا۔ ساچا ناد آپ وجا، انحد نادی ناد سُنائیا۔ جوتی جوت سروُپ ہرِ، آپ اپنی کِرپا کر، ہرِجن میلا سہج سُبھائیا۔ سہج سُبھاؤ میلا بھگت، ہرِ بھگوَن آپ کرائیندا۔ ویکھ لوکائی دیوے مان جگت، جُگت اپنی آپ جنائیندا۔ سیوک سیوا آد شکت، شکتی اپنی آپ پرگٹائیندا۔ جوتی جوت سروُپ ہرِ، آپ اپنی کِرپا کر، ہرِجن ساچے پار لنگھائیندا۔ ہرِجن لنگھے پار حد، ہرِ سَتگُر آپ لنگھائیا۔ کلجُگ کوُڑا چھڈے ہٹھ، پربھ اَگے سیِس جھُکائیا۔ بن نِمانا جائے ڈھٹّھ، ڈھیَہہ ڈھیَہہ نیِر وہائیا۔ اپنے گھروں نہ دینا کڈھ، تُدھ بِن ہور نہ کوئے سرنائیا۔ میرے بُڈھے ہوئے ہڈّ، دُکھ اوَر نہ جھلّیا جائیا۔ کر کِرپا میرا نِشانہ گڈّ، دوئے جوڑ منگ منگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در گھر ساچے سچّی سرنائیا۔ سچ سرنائی دینی چرن، چرن کوَل دھیان لگائیا۔ ناتا تُٹیا جنم مرن، مرن جنم نہ ونڈ ونڈائیا۔ پربھوُ مِلیا گھاڑت گھڑن، گھڑ بھانڈے ویکھ وکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، بھگتن ایکا رنگ رنگائیا۔ بھگتن رنگے رنگ مجیِٹھ، ساچی بھگتی اِک جنائیندا۔ سَتجُگ چلے ساچی ریِت، سَت سَتوادی آپ لگائیندا۔ چار ورن دا اِکو گیِت، سوہنگ ڈھولا اِکو گائیندا۔ پُرکھ ابناسی بنے میِت، بن بن مِتر سیو کمائیندا۔ ہرِجن کایا کرے ٹھنڈی سیِت، آپ اپنا درس دِکھائیندا۔ جوتی جوت سروُپ ہرِ، آپ اپنی کِرپا

کر، ہرِجن سچّے ویکھ وکھائیندا۔ ہرِجن ہرِجوُ آپے ویکھ، اپنی خوشی منائیا۔ کر کِرپا دھارے ساچا بھیس، ویس اولّڑا آپ وٹائیا۔ نہ کوئی جانے نر نریش، شاہ پاتشاہ بھیوَ نہ رائیا۔ لِکھنہارا ساچے لیکھ، لِکھ لِکھ لیکھا آپ مُکائیا۔ جوتی جوت سروُپ ہرِ، آپ اپنی کِرپا کر، بھگتن میلا سہج سُبھائیا۔ بھگتن میلا لوک مات، ہرِ ساچا سچ لگائیندا۔ آپے ویکھے مار جھات، نیتر نَین آپ اُٹھائیندا۔ آپے ہوئے سجّن ساک، ساچا بندھن آپے پائیندا۔ آپے جانے ساچا گھاٹ، پار کنارہ اپنے ہتّھ رکھائیندا۔ آپے لیکھا جانے سیِاں ساڈھے تِنّ ہتّھ ماٹ، کایا ماٹی پھول پُھلائیندا۔ آپ اُتارے ساچے گھاٹ، ساچا پتن اِک وکھائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں دیوے ایکا دان، سَتگُر بِھچھیا اپنی اِچھیا جھولی پائیندا۔