کتب خانہGranth 11 (Urdu)

۲۱ چیت ۲۰۱۹ بِکرمی کرتار سِنگھ دے گرِہ قؤمی فارم ضِلع کرنال

سو پُرکھ نِرنجن ہرِ بےاَنتا، بےاَنت وڈ وڈیائیا۔ ہرِ پُرکھ نِرنجن آد اَنتا، نِرگُن نِروَیر اپنا کھیل کرائیا۔ ایکنکار جُگا جُگنتر سوبھاوَنتا، سچ سِنگھاسن ساچے آسن لائیا۔ آد نِرنجن نوُر نوُرنتا، دو جہان کرے رُشنائیا۔ ابناسی کرتا دُھر فرمانا ساچا حُکم اِک سُننتا، جےَ جَیکار آپ کرائیا۔ سِری بھگوان آپ بنائے اپنی بنتا، روُپ رنگ ریکھ نہ کوئے جنائیا۔ پاربرہم کھیلے کھیل سِری بھگوَنتا، الکھّ اگوچر اگمّ اتھاہ بےپرواہ ایکا دھار چلائیا۔ سچکھنڈ دوارا سوبھاوَنتا، اجوُنی رہِت آپ سُہائیا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرائیا۔ ساچا کھیل سِری بھگوان، سو پُرکھ نِرنجن آپ کرائیندا۔ وسنہارا سچکھنڈ سچّے استھان، نِرگُن نوُر نوُر پرگٹائیندا۔ تخت نِواسی سِری بھگوان، ساچے تخت سوبھا پائیندا۔ راج راجان بھوُپت بھوُپ شہنشاہ شاہ پاتشاہ وڈ بلوان، بل اپنا آپ پرگٹائیندا۔ ناد انادی بودھ اگادھی شبد اگمّی دُھر فرمان، سچ سندیسہ آپ سُنائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ کرائیندا۔ ساچی کھیل کرے کرتارا، آد پُرکھ وڈی وڈیائیا۔ وسنہارا سچکھنڈ سچےّ دوارا، نِرگُن نِرگُن اپنا ویس دھرائیا۔ کھولنہارا تھِر گھر کِواڑا، گھر وِچ گھر گھاڑن لئے گھڑائیا۔ کر پرکاس کھیل تماش ویکھے ویکھنہارا، شبدی سُت ابناسی اچُت، تھِر گھر ساچے آپ وسائیا۔ جوتی جوت سروُپ ہرِ، آپ اپنی کِرپا کر، اپنا کھیل اپنے ہتّھ رکھائیا۔ ساچا کھیل سِری بھگوان، آد جُگادی اپنے ہتّھ رکھائیندا۔ ساچے تخت بَیٹھ مِہربان، مِہر نظر اِک تکائیندا۔ سُت دُلارا کر بلوان، بل اپنا آپ جنائیندا۔ کرے کھیل دو جہان، انبھوَ اپنا روُپ وکھائیندا۔ جوتی جوت سروُپ ہرِ، آپ اپنی کِرپا کر، ساچا رنگ آپ رنگائیندا۔ ساچا رنگ رنگ چلوُل، سو پُرکھ نِرنجن آپ رنگائیا۔ آد اَنت سِری بھگوَنت کرتا کرنی نہ جائے بھوُل، ساچی کِرت آپ کمائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارے ساچے چڑھ، محل اٹل کرے آپ رُشنائیا۔ کرے رُشنائی ساچے بنک، بنک دواری سوبھا پائیندا۔ لیکھا جانے آد اَنت، مدھ اپنی دھار چلائیندا۔ نِرگُن نوُر ہرِ بھگوَنت، جوت اُجالا ڈگمگائیندا۔ لیکھا جانے ناری کنت، گرِہ مندر سوبھا پائیندا۔ نِرگُن نِرگُن بنائے بنت، شبدی شبد اپنا بھیوَ کُھلائیندا۔ ناؤں نِرنکارا ایکا منت، نام منتر ست دِرڑائیندا۔ وِشن برہما شِو بنائے بنت، ترےَ ترےَ میلا میل مِلائیندا۔ جوتی جوت سروُپ ہرِ، آپ اپنی کِرپا کر، آد

جُگادی اپنا بھیوَ آپ چُکائیندا۔ آد جُگادی بھیوَ ابھیدا، پُرکھ ابناسی اپنے وِچ چُھپائیا۔ کرے کھیل اچھل اچھیدا، اچھل اچھلّ اپنا روُپ وٹائیا۔ وِشنوُں وِشوَ دھار ویکھا، ساچی ریکھا آپ لِکھائیا۔ برہمے لائے مستک لیکھا، پاربرہم برہم وِدیا کرے پڑھائیا۔ بھیوَ ابھید چارے ویدا، بِن اکھّر دئے سمجھائیا۔ جوتی جوت سروُپ ہرِ، آپ اپنی کِرپا کر، دُھر فرمانا سچ سندیسہ، نر نریشا ایکنکارا آپ سُنائیا۔ ایکنکارا ست گیان، ہرِ شبدی شبد جنائیندا۔ پاربرہم برہم دیوے مان، آتم پرماتم ویس وٹائیندا۔ اناد انادی ایکا گیان، دُھن آتمک آپ سُنائیندا۔ لِکھ لِکھ لیکھا لِکھت مہان، لوک مات مات پرگٹائیندا۔ ونڈے ونڈ جیِو جہان، انڈج جیرج اُتبُھج سیتج اپنا رنگ رنگائیندا۔ سَتجُگ تریتا دواپر کلجُگ دیوے دان، داتا دانی دَیا کمائیندا۔ چارے بانی اِک فرمان، چارے کھانی آپ سمجھائیندا۔ چارے وید کر پردھان، چاروں کُنٹ راہ وکھائیندا۔ چار ورن ورن نِشان، کھتری براہمن شوُدر وَیش، جوتی جوت سروُپ ہرِ، آپ اپنی کِرپا کر، آد پُرکھ ایکا ہرِ، الکھّ نِرنجن اپنی کھیل کرائیندا۔ الکھّ نِرنجن اگمّ اتھاہ، بھیوَ ابھید جنائیا۔ نِرگُن سرگُن بن ملاح، لکھّ چؤراسی بیڑا آپ چلائیا۔ گُر گُر روُپ آپ پرگٹا، شبدی ڈھولا لئے گا، سچ سندیسہ اِک سُنائیا۔ کایا چولا لئے ہنڈھا، پڑدہ اوہلا ایکا پا، تتَو تت وِچ سمائیا۔ جوتی نوُر کر رُشنا، انحد نادی ناد وجا، برہم برہمادی کھوج کُھجا، بھیوَ ابھیدا اپنا بھیوَ جنائیا۔ جوتی جوت سروُپ ہرِ، آپ اپنی کِرپا کر، نِرگُن سرگُن وسے گھر، گھر میلا سہج سُبھائیا۔ گھر میلا سچ محل، کایا بنک بنک وڈیائیندا۔ وسنہارا نِہچل دھام اٹل، پنج تت اپنا سنگ نِبھائیندا۔ سچ سندیسہ ایکا گھل، گُر گُر گیان آپ دِرڑائیندا۔ وسنہارا جل تھل، مہیئل اپنا کھیل کرائیندا۔ جوتی شبدی آپے رل، نِرگُن سرگُن سرگُن نِرگُن ایکا رنگ وکھائیندا۔ جوتی جوت سروُپ ہرِ، آپ اپنی کِرپا کر، آد اَنت اپنا بھیوَ آپ کُھلائیندا۔ آد اَنت بھیوَ اولّا، بھیوَ کوئے نہ پائیا۔ پُرکھ ابناسی اِک اِکلّا، دو جہاناں ویکھ وکھائیا۔ سچ سندیس جُگا جُگنتر آپے گھلا، گُر اوتار پیِر پَیغمبر کرے پڑھائیا۔ شاستر سِمرت وید پُران پھڑائے اپنا پلّا، ناؤں نِرنکارا وڈ وڈیائیا۔ جوتی جوت سروُپ ہرِ، آپ اپنی کِرپا کر، جُگ کرتا اپنی کرنی کِرت کمائیا۔ جُگ کرتا ہرِ کرنیہارا، ایکا ایک اکھوائیندا۔ وسنہارا دھام نیارا، سچکھنڈ ساچے سوبھا پائیندا۔ شبدی سُت سُت دُلارا، تھِر گھر ساچی بنت بنائیندا۔ وِشن برہما شِو گھاڑن گھڑے بن ٹھٹھیارا، پنج تت اپنا میل مِلائیندا۔ لکھّ چؤراسی ویکھے وِگسے ویکھنہارا، گھٹ گھٹ اپنی جوت جگائیندا۔

گُر اوتار دے سہارا، پنچم تت تت اکھاڑا، برہم پاربرہم مِلائیندا۔ شبد اناد سچّی دُھنکارا، راگی نادی وسے باہرا ایکا راگ انڈِٹھڑا آپ الائیندا۔ پیِر پَیغمبر کرن نِمسکارا، بے عیب خُدائی پروردِگارا، سجدہ سیِس سرب جھُکائیندا۔ مقامے حق وسے وسنہارا، کرے کھیل اگمّ اپارا، الکھ اگوچر روُپ انوُپ دِس کِسے نہ آئیندا۔ جُگ چؤکڑی پاوے سارا، جوتی جوت سروُپ ہرِ، آپ اپنی جوت دھر، آد پُرکھ ایکا ہرِ، نِرگُن سرگُن ویس وٹائیندا۔ نِرگُن سرگُن گُر گُر دھار، سو پُرکھ نِرنجن آپ کرائیا۔ سَتجُگ تریتا دواپر کلجُگ ویکھے وارو وار، جُگ چؤکڑی پھیرا پائیا۔ نؤ سؤ چؤرانوے چؤکڑی کر خوار، بن پاندھی پندھ مُکائیا۔ کلجُگ انتم ویکھے اپنی وار، وار تِھت نہ کوئے رکھائیا۔ سیِس نوائن تیئی اوتار، بھگت اٹھاراں دھیان لگائیا۔ دس دس گُر کرن نِمسکار، پاربرہم وڈی وڈیائیا۔ وِشن برہما شِو روون زارو زار، نیتر نَیناں نیِر وہائیا۔ چارے کھانی کرے پُکار، دھیِرج دھیِر نہ کوئے دھرائیا۔ چارے بانی آئی ہار، ہرِ کا روُپ نہ کوئے درسائیا۔ روَ سس سوُرج چند چل چل ہوئے خوار، اَنت پاندھی بن پندھ نہ کوئے مُکائیا۔ زِمیں اسمان ڈِگن مُنہ دے بھار، برہمنڈ کھنڈ نہ سکے کوئی کھلار، لوآں پُریاں گگن پاتالاں پئی دُہائیا۔ نؤ کھنڈ پرِتھمی رووے زارو زار، دھرت دھوَل کُھلڑے کیس رہی وکھال، مینڈھی سیِس نہ کوئے گُندائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا کھیل اپنے ہتّھ رکھائیا۔ جُگ جُگ کھیل کھیل اولّا، ہرِ جوُ ہرِ ہرِ آپ کرائیندا۔ آد جُگادی اِک اِکلّا، کوٹن کوٹ روُپ وٹائیندا۔ جن بھگت پھڑائے ایکا پلّا، دوُسر ہتّھ کِسے نہ آئیندا۔ ساچے سنتاں آپے مِلا، مِل مِل خوشی منائیندا۔ گُرمُکھ جوتی آپے رلا، روُپ رنگ ریکھ نہ کوئے دھرائیندا۔ گُرسِکھاں دیوے ایکا نام سُکھلّا، ہرِ نام منتر دِرڑائیندا۔ لکھّ چؤراسی بُھلائے کر کر ول چھلا، بھیوَ کوئے نہ پائیندا۔ لیکھا جانے رانی االلہ، عالمیِن اپنا پڑدہ لاہِندا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرائیندا۔ ساچا کھیل پُرکھ اگمّ، ایکنکارا آپ کرائیا۔ نہ مرے نہ پئے جمّ، جوُنی جوُن نہ کوئے پِھرائیا۔ آد جُگاد جُگا جُگنتر جانے اپنا کمّ، کرتا پُرکھ اپنی کرنی کِرت کمائیا۔ دو جہاناں بیڑا بنّھ، نِرگُن سرگُن رہیا ترائیا۔ آپے گھڑے آپے لئے بھنّ، سمرتھ پُرکھ وڈی وڈیائیا۔ لیکھا جانے سوُرج چنّ، زِمیں اسماناں پھول پھولائیا۔ وِشن برہما شِو راگ سُنائے کنّ، کروڑ تیتیِسا آلس نِندرا دیوے لاہیِا۔ آپے بن جننی جن، پِتا پوُت کھیل کرائیا۔ جوتی جوت سروُپ ہرِ، آپ اپنی جوت دھر، آد جُگاد جُگا جُگنتر جُگ کرتا اپنا ویس آپ وٹائیا۔

جُگ کرتا ہرِ کرنے یوگ، آد پُرکھ آپ کرائیا۔ سَتجُگ تریتا دواپر گُر اوتار پیِر پَیغمبر کردا رہیا سنجوگ، بن سنجوگی کھیل کرائیا۔ انتم دو جہان سِری بھگوان کٹدا رہیا وِیوگ، جگت وِچھوڑا رہن نہ پائیا۔ لیکھا جانے چؤداں لوک، چؤداں طبقاں چرناں ہیٹھ رکھائیا۔ آد جُگادی سَت سلوک، پیِر پَیغمبر کرے پڑھائیا۔ نِرگُن سرگُن اِکو اوٹ، پُرکھ اکال رکھائیا۔ تن نگارے لائے چوٹ، جگت نگارہ دئے وجائیا۔ ویکھنہارا کوٹن کوٹی کوٹ، گھر گھر اپنا آسن لائیا۔ ایکا نوُر نِرمل جوت، اندھ اندھیر دئے گوائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ پُرکھ سمرتھ، ایکنکار اپنا ناؤں دھرائیندا۔ سَتجُگ تریتا دواپر چلایا رتھ، بن رتھواہی سیو کمائیندا۔ کلجُگ اَنت ہو پرگٹ، نؤ سؤ چؤرانوے چؤکڑی جُگ پندھ مُکائیندا۔ دُھر فرمانا ایکا دسّ، لکھّ چؤراسی جیِو جنت آپ پڑھائیندا۔ بھگت جناں ہرِ ہِردے وس، آتم اَنتر میل مِلائیندا۔ ساچے سنتاں کرے پرکاس کوٹن روَ سس، نِرگُن نوُر جوت ڈگمگائیندا۔ گُرمُکھاں پوُری کرے آس، جنم جنم دا لہنا جھولی پائیندا۔ گُرسِکھاں ہوئے داسی داس، بن سیوک سیو کمائیندا۔ ساچے منڈل پاوے راس، گوپی کاہن آپ نچائیندا۔ لیکھا جانے پرِتھمی آکاش، گگن منڈل ویکھ وکھائیندا۔ ایکا وست رکھے پاس، آد جُگاد آپ ورتائیندا۔ برہمنڈ کھنڈ کر نِواس، ترےَبھوَن دھنی اپنا بھیوَ نہ کِسے جنائیندا۔ لکھّ چؤراسی پوَن سواس، پوَن اُننجا میل مِلائیندا۔ جوتی جوت سروُپ ہرِ، آپ اپنی کِرپا کر، آد اَنت اپنے ہتّھ رکھائیندا۔ آد اَنت انتم کل، کل کرتا ویکھ وکھائیا۔ وسنہارا سچ محل، اُچ اگمّ بےپرواہیِا۔ نِرگُن روُپ لوک مات آیا چل، ریکھ رنگ نہ کوئے جنائیا۔ سچ سِنگھاسن پُرکھ ابناسن بَیٹھا ملّ، بنک دوار دئے وڈیائیا۔ جوتی جوت سروُپ ہرِ، آپ اپنی کِرپا کر، نوَ نؤ چار ویکھے تھاؤں تھائنیا۔ تھان تھننتر پاوے سارا، ترےَگُن اتیِتا وڈ وڈیائیا۔ لکھّ چؤراسی جگت بِوہارا، بن بِوہاری کھیل کرائیا۔ پرگٹ ہو گُر اوتارا، گُر اوتار ناؤں جنائیا۔ شبدی شبد بول جَیکارا، جےَ جَیکار کرے لوکائیا۔ حق حقیِقت بول نعرہ، محبان بیِدو بی خیَر یا االلہ ایکا نوُر کرے رُشنائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، اَنت اپنا اپنے لیکھے لائیا۔ اَنت ویکھے ویکھنہارا، نیتر نظر کِسے نہ آئیندا۔ دو جہان کرے پسارا، بن پساری ویکھ وکھائیندا۔ لکھّ چؤراسی بن ٹھٹھیارا، گھڑ گھڑ آپے بھنّ وکھائیندا۔ وِشن برہما شِو سیوادارا، بن جاچک سیو کمائیندا۔ گُر اوتار سچ سندیسہ دیونہارا، ہرِ کا ناؤں مات پرگٹائیندا۔ ہرِ کا ناؤں

جگت ونجارا، ساچا ہٹّ اِک کُھلائیندا۔ وست اگمّی ایکا تھارا، تھِر گھر واسی آپ وکھائیندا۔ گُرمُکھ وِرلا آئے دوارا، جِس جن اپنی بوُجھ بُجھائیندا۔ سَتجُگ تریتا دواپر اُتریا اپنی دھارا، کلجُگ انتم کھیل کرائیندا۔ نؤ کھنڈ پرِتھمی ویکھ اکھاڑا، ستّاں دیِپاں پڑدہ لاہِندا۔ بہتّر ناڑی وجےّ تاڑا، جوتی جوت سروُپ ہرِ، آپ اپنی کِرپا کر، اپنا مارگ آپے لائیندا۔ بہتّر ناڑ اگنی تت، تتَو تت رہیا جلائیا۔ گرِہ گرِہ اُبلے جگت رتّ، رتّی رتّ نہ کوئے سُکائیا۔ کھتری براہمن شوُدر وَیش نہ دیوے کوئے برہم مت، من مت کری کُڑمائیا۔ جوُٹھے جھوُٹھے وِکے ہٹّ، ساچا ہٹّ نہ کوئے کُھلائیا۔ پِھر پِھر تھکے تیِرتھ تٹ، دُرمت مَیل نہ کوئے دھوائیا۔ دُئی دوَیت نہ نِکلیا وٹ، مایا ممتا موہ نہ کوئے چُکائیا۔ رسنا جِہوا منکا منکا رہے رٹ، من کا منکا نہ کوئے بھوائیا۔ جوتی جوت سروُپ ہرِ، آپ اپنی کِرپا کر، جُگا جُگنتر ویکھنہارا تھاؤں تھائنیا۔ ویکھے وِگسے کرے وِچار، ویکھنہارا ہرِ جوُ آیا۔ نؤ کھنڈ پرِتھمی دھوُاں دھار، ساچا چند نہ کوئے چڑھایا۔ ساک سجّن سیَن نہ کرے کوئی پیار، پِتا پوُت ہِت نہ کوئے رکھایا۔ نار کنت نہ کوئے بھتار، جگت وِبھچار رہیا کمایا۔ آتم دُھن نہ کوئے جَیکار، رسنا جِہوا ہوئی ہلکایا۔ پڑھ پڑھ تھکے جیِو گوار، ہرِ کا بھیوَ کِسے نہ آیا۔ چار ورن روون زارو زار، دھیِرج دھیِر نہ کوئی دھرائیا۔ برن اٹھاراں ڈِگے مُنہ دے بھار، نہ سکے کوئے اُٹھایا۔ گُر اوتار پیِر پَیغمبر دھکاّ رہے مار، جو ہرِ ہرِ ناؤں گئے بُھلایا۔ کلجُگ ہویا وڈ بلکار، اپنا بل رہیا رکھایا۔ نال رلایا محمدی یار، چار یاری گنڈھ پوایا۔ عیسیٰ موُسیٰ ایکا نعر، کالا سوُسا تن چُھہایا۔ حق حقیِقت نہ سکے کوئی وِچار، لاشریِک نظر کِسے نہ آیا۔ کاغد قلم لِکھ لِکھ گئی ہار، بن کاتب لیکھ نہ کِسے مُکایا۔ جوتی جوت سروُپ ہرِ، آپ اپنی کِرپا کر، کلجُگ انتم ویس وٹایا۔ کلجُگ ویکھے انتم وار، ہرِ وڈّا وڈ وڈیائیا۔ گُر سَتگُر کرے نہ کوئی پیار، بھرمے بُھلی سرب لوکائیا۔ نانک گوبِند گھر مندر نہ دِسے کِسے سنسار، نیتر موُند سُتی سرب لوکائیا۔ نام سَت نہ کوئے آہار، جوُٹھ جھوُٹھ وِشٹا مُکھ رکھائیا۔ فتح ڈنکا نہ کوئے جَیکار، من واسنا نہ کوئے مِٹائیا۔ کام کرودھ لوبھ موہ ہنکار ہویا بلوان، کلجُگ جیِواں رہیا اَنت دبائیا۔ جوتی جوت سروُپ ہرِ، آپ اپنی کِرپا کر، اپنا کھیل ویکھ وکھائیا۔ کھیل ویکھے سچکھنڈ نِواسی، دِس کِسے نہ آئیندا۔ ایکا نوُر جوت پرکاسی، پرکاَسوان بھیوَ کُھلائیندا۔ ترےَبھوَن اَون گوَن برہمنڈ کھنڈ کرے داسن داسی، وِشن برہما شِو حُکم سُنائیندا۔ گُر اوتاراں کرے پوُری آسی، اَنتر اَنتر جو دھیان لگائیندا۔ پیِر پَیغمبر ہوئے بند خلاصی، بندی خانہ

آپ تُڑائیندا۔ لیکھا جانے دھرت آکاشی، آکاش آکاشاں اُپر ڈیرہ لائیندا۔ جوتی جوت سروُپ ہرِ، آپ اپنی کِرپا کر، لہنا دینا سب دا آپ چُکائیندا۔ لہنا دینا چُکاؤنا مات، سو پُرکھ نِرنجن کھیل کرائیندا۔ کلجُگ انتم سب دی پُچھے وات، لُکیا کوئے رہن نہ پائیندا۔ لکھّ چؤراسی کھولنہارا تاک، بجر کپاٹی توڑ تُڑائیندا۔ آتم پرماتم ساچا ساک، برہم پاربرہم ساک سیَن آپ ہو جائیندا۔ شبدی شبدی بنّھے نات، ناتا بِدھاتا جوڑ جُڑائیندا۔ اکھّر وکھّر سُنائے گاتھ، ساچا ڈھولا آپے گائیندا۔ میٹنہارا ذات پات، ورن گوت نہ کوئے رکھائیندا۔ پائے سار کائنات، نؤ کھنڈ پرِتھمی پھول پھولائیندا۔ سرب جیِاں دا کملاپات، لکھّ چؤراسی ناری کنت آپ ہنڈھائیندا۔ انتم ویکھے اپنا گھاٹ، پار کنارہ نہ کِسے جنائیندا۔ گُر اوتار گا گا تھکے گاتھ، پُرکھ اکال اوٹ سرب دھرائیندا۔ کلجُگ انتم آئے اندھیری رات، جگت اندھیرا چاروں کُنٹ چھائیندا۔ پرگٹ ہوئے پُرکھ سمراتھ، نِہکلنک ناؤں رکھائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ رچائیندا۔ اپنا کھیل رچے نِرنکارا، نِرگُن بھیوَ کوئے نہ پائیندا۔ نؤ سؤ چؤرانوے چؤکڑی جُگ کریا پار کنارہ، کلجُگ ویلا انتم آئیندا۔ کرے کھیل اگمّ اپارا، اپرمپر اپنا روُپ وٹائیندا۔ جننی جن نہ کوئے سُت دُلارا، مات کُکھ نہ کوئے وڈیائیندا۔ پِتا پوُت نہ کوئے ہُلارا، بالی بُدھ نہ کوئے جنائیندا۔ نِرگُن اندر نِرگُن دھارا، نوُر نوُرانہ ڈگمگائیندا۔ گوبِند میلا وِچ سنسارا، پُرکھ اکال آپ کرائیندا۔ سمبل ویکھے دھام نیارا، ساڈھے تِنّ ہتّھ بنک وڈیائیندا۔ لیکھا چُکے رَوداس چمارا، گنگا اپنے چرن دبائیندا۔ بھگتن کھولے بند کِواڑا، نیتر نَین نَین جنائیندا۔ میٹ مِٹائے اگنی ہاڑا، امرت میگھ اِک برسائیندا۔ جوتی جوت سروُپ ہرِ، آپ اپنی کِرپا کر، کلجُگ انتم ویکھ وکھائیندا۔ کلجُگ انتم ویکھے ہرِ، دوُسر اوَر نہ کوئے وڈیائیا۔ نِربھؤ چُکائے بھےَ ڈر، بھیانک اپنا ناؤں جنائیا۔ لکھّ چؤراسی کھےَ کر، کھنڈا کھڑگ کھڑگ چمکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنی دھار آپ پرگٹائیا۔ ساچی دھار پُرکھ اکال، ایکا ایک ایک پرگٹائیندا۔ کلجُگ انتم ہو دَیال، دیِن دَیال دَیا کمائیندا۔ نؤ کھنڈ پرِتھمی اِک دھرمسال، ساچا مندر اِک سُہائیندا۔ ایکا دیِپک دِیا بال، جوتی جاتا ڈگمگائیندا۔ ایکا مارگ لائے سُکھال، سُکھ آتم اِک جنائیندا۔ ایکا ناتا شاہ کنگال، اوُچ نیِچ نہ کوئے رکھائیندا۔ ایکا وسَت نام دھن مال، جیِواں جنتاں آپ ورتائیندا۔ ایکا سِکھیا دئے سِکھال، ساچی سِکھیا گُر گُر شبد جنائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ویس اولّا آپ

دھرائیندا۔ ویس اولّا آپے رکھ، رکھک اپنا کھیل کرائیندا۔ سچ دوارے ہو پرتکھ، پرتکھ اپنی دھار چلائیندا۔ تیِرتھ تٹ سر سروور بھانڈے کرے سکھ، امرت ایکا نام وکھائیندا۔ نؤ کھنڈ پرِتھمی سادھ سنت، کلجُگ جیِو کوئے نہ سکے رکھ، سِر ہتّھ نہ کوئے ٹِکائیندا۔ انتم کھیڑا ہوئے بھٹھ، ستھر یار نہ کوئے ہنڈھائیندا۔ پاربرہم پت پرمیشور گُرمُکھ ویکھے نٹھ نٹھ، بن پاندھی پندھ مُکائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، ایکا ڈنکا نام وجائیندا۔ ایکا ڈنکا وجےّ ناد، سو پُرکھ نِرنجن آپ جنائیا۔ ویکھنہارا برہم برہماد، ہر گھٹ رہیا سمائیا۔ لیکھا جانے آد جُگاد، جُگ جُگ اپنا ویس وٹائیا۔ کلجُگ انتم نِرگُن جوت کر پرکاس، نِہکلنکا ناؤں رکھائیا۔ لیکھا چُکائے پرِتھمی آکاش، پرتھم اپنے ناؤں دئے وڈیائیا۔ ساچے منڈل پاوے راس، روُپ انوُپ آپ جنائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ایکا ڈنکا دئے سُنائیا۔ ایکا ڈنکا ہرِ کا ناؤں، ہرِ جوُ ہرِ ہرِ آپ جنائیندا۔ آپ سُنائے سبنی تھاؤں، اپنا حُکم آپ ورتائیندا۔ تخت نِواسی کرے سچ نیاؤں، عدل عدالت اِک کمائیندا۔ غریِب نِمانیاں پکڑے باہوں، نِردھن اپنے گلے لگائیندا۔ نِتھاویاں دیوے ساچا تھاؤں، درگاہ ساچی آپ بہائیندا۔ پھڑ پھڑ ہنس بنائے کاؤں، جِس جن سوہنگ ہنسا مانک موتی اپنا ناؤں چوگ چُگائیندا۔ سدا سُہیلا ایتھے اوتھے دو جہاناں دیوے ٹھنڈی چھاؤں، سمرتھ پُرکھ مہما اکتھ، سِر اپنا ہتّھ ٹِکائیندا۔ جوتی جوت سروُپ ہرِ، آپ اپنی کِرپا کر، اپنا حُکم آپ ورتائیندا۔ اپنا حُکم ورتے نِرنکار، نہ کوئی میٹے میٹ مِٹائیا۔ چار جُگ روون زارو زار، چار یاری دئے دُہائیا۔ چار کُنٹ کرے پُکار، چار ورن پئی لڑائیا۔ چارے کھانی ہوئی گوار، چارے بانی گئی بُھلائیا۔ چؤتھے پد نہ پائے کوئی سار، ساچا مندر نہ کوئے وکھائیا۔ مارگ دسّ دسّ گئے گُر اوتار، لوک مات کر پڑھائیا۔ پیِر پَیغمبر کر کر گئے خبردار، بے خبر سار کِسے نہ پائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، اپنا ویس آپ وٹائیا۔ اپنا ویس وٹائے کرتار، کرتا پُرکھ بھیوَ نہ آئیندا۔ سچکھنڈ لگائے سچ دربار، لوک مات آپ سمجھائیندا۔ بھگت بھگوَنت کر پیار، ساچا بنک آپ وڈیائیندا۔ تخت نِواسی ساچے تخت بَیٹھ سچّی سرکار، دُھر فرمانا شبد سُنائیندا۔ کلجُگ انتم سب دا لیکھا لِکھیا وِچ سنسار، باقی کوئے لَین نہ آئیندا۔ لہنا دینا دیوے آپ نِرنکار، مقروُض قرضہ سب دا ویکھ وکھائیندا۔ کھڑگ کھنڈا تیز کٹار، نام نِدھان آپ چمکائیندا۔ تِکھیاں رکھے دوویں دھار، نِرگُن سرگُن کھیل کرائیندا۔ گُرمُکھ

ساچے لئے اُبھار، منمُکھ شؤہ دریائے آپ رُڑھائیندا۔ عیسیٰ موُسیٰ سنگ محمد اَدھ وِچکارے کرن وِچار، پار کنارہ نہ کوئے جنائیندا۔ تیرے اَگے سجدہ پروردِگار، صحیح سلامت تُو ہی نظری آئیندا۔ تیری نظر مِہر کرم دیوے تار، نظریہ نظر اِک وکھائیندا۔ بن خادم ہوئیے خِدمتگار، دوُجا خِطاب نہ کوئے بھائیندا۔ سجدہ کریئے تیرے دربار، در دربارا تیرا اِک سُہائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، خالی جھولی سرب وکھائیندا۔ خالی جھولی بَیٹھے اڈّ، پروردِگار رہے وکھائیا۔ بہُڑی بہُڑی لوک مات وِچوں نہ کڈھ، دوئے جوڑ واسطہ پائیا۔ محمد کہے چؤدھویں صدی میرے خالی ہوئے ہڈّ، رتّی رتّ نظر کوئے نہ آئیا۔ چار یاری ساتھ گئی چھڈ، االلہ رانی مُکھ شرمائیا۔ اُمت اُمتی ہوئی بس، نبی رسوُل نہ کوئے صفائیا۔ اِک کلمہ تیرا گائیے جس، سچ کلام موہے بھائیا۔ میری پوُری کر آس، صدی چؤدھویِں دئے دُہائیا۔ چؤداں طبق نہ ہون نِراس، آسا آسا وِچ مِلائیا۔ میَں کلجُگ دِتا ساتھ، تیرے چلیا حُکم رضائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیرے چرناں سجدہ سیِس جھُکائیا۔ تیرے چرناں سیِس جائے جھُک، دوُسر اوٹ نہ کوئے تکائیا۔ میرا پیَنڈا رہیا مُک، اَنت دِسے نہ کوئے سہائیا۔ اُمتی بوُٹا رہیا سُک، آبِ حیات نہ کوئے پیائیا۔ جُگ چؤکڑی تُوں بَیٹھا رہیا لُک، مقامے حق ڈیرہ لائیا۔ کلجُگ انتم پیا اُٹھ، نوُری جلوہ کر رُشنائیا۔ اِک پیار کریا ساچے سُت، گوبِند اپنا پوُت بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ڈھیَہہ ڈھیَہہ پئے سرنائیا۔ تیری سرنائی گئے ڈھٹّھ، ہوئے بال نادان۔ لیکھا چُکے تت اٹّھ، اٹھ تت کر پروان۔ تُوں وسنہارا گھٹ گھٹ، گھٹ گھٹ میرا رمضان۔ میَں پندھ مُکایا نٹھ نٹھ، تیری چرنیں ڈِگا آن۔ اپنی وست جھولی گھت، میَں بالی بُدھ انجان۔ ساچی دے اپنی مت، تیری مت کراں پروان۔ پُرکھ ابناسی کہے آپ سمرتھ، لیکھا چُکے اِنجیِل قُرآن۔ سب نے ایکا ناؤں لَینا رٹ، سوہنگ مہاراج شیر سِنگھ وِشنوُں بھگوان۔ چار جُگ دا مِٹے پھٹّ، چار ورن ہوئے کلیان۔ جوتی جوت سروُپ ہرِ، آپ اپنی جوت دھر، نِہکلنک نرائن نر، آد اَنت سِری بھگوَنت جُگ جُگ اپنا کھیل جانے آپ بھگوان۔

۲۲ چیت ۲۰۱۹ بِکرمی چانن سِنگھ دے گھر پِنڈ ہنڈولا ضِلع کرنال

پنج تت کایا جگت سریِر، ترےَگُن بندھن تت رکھائیا۔ آتم اَنتر ساچا نیِر، سچ سروور اِک جنائیا۔ کایا ہاڈی تن جگت پیِڑ، دُکھڑا دُکھ دُکھ وکھائیا۔ جوتی جوت سروُپ ہرِ، آپ اپنی کِرپا کر، دُکھیاں درد دئے مِٹائیا۔ کایا روگ جائے لتھ، جِس جن اپنی بوُجھ بُجھائیندا۔ مستک لیکھ لیکھا دیوے لِکھ، پوُرب لیکھا آپ چُکائیندا۔ جنم کرم دی لتھے وِس، وِکھ امرت روُپ وٹائیندا۔ جوتی جوت سروُپ ہرِ، آپ اپنی کِرپا کر، دُکھ سُکھ ایکا رنگ وکھائیندا۔ دُکھ سُکھ ایکا رنگ، گُرمُکھ ہرِ ہرِ دَیا کمائیا۔ جنم جنم دی پوُری کرے منگ، آسا ترِسنا نال مِلائیا۔ آتم سیجا سچ پلنگ، گھر مندر دئے وکھائیا۔ ناد شبد وجےّ مردنگ، دُھن آتمک اِک سُنائیا۔ کٹنہارا بُھکھ ننگ، جگت ترِسنا دئے بُجھائیا۔ سچ محلے اِک انند، ایکا گھر وجےّ ودھائیا۔ روگ سوگ ہوئے کھنڈ کھنڈ، جو جن ہرِ ہرِ نام دِھیائیا۔ رسنا جِہوا گائے ہرِ ہرِ چھند، بتّی دند صِفت صالاحیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُکھ درد دئے گوائیا۔ دُکھ درد لتھے تن، تتی واؤ نہ لاگے رائیا۔ سانتک سَت کر کے من، من واسنا دئے مِٹائیا۔ ایکا دیوے نام دھن، ساچی وست جھولی پائیا۔ جگت وِکارا دیوے ڈنّ، ایکا ڈنکا نام وجائیا۔ کوُڑی کِریا کرے کھّن کھّن، کھنڈا کھڑگ اِک وکھائیا۔ جوتی جوت سروُپ ہرِ، آپ اپنی کِرپا کر، کایا دُکھ پنج تت ناڑ بہتّر ویکھے رتّ، رتّی رتّ اپنا بھیوَ کُھلائیا۔ روگ سوگ مِٹے چِنتا دُکھ، دردی درد آپ گوائیندا۔ کایا اندر ساچا سُکھ، گھر گھر وِچ میل مِلائیندا۔ اُجل کرے مات مُکھ، جِس جن اپنا ناؤں جپائیندا۔ آون جاون لکھّ چؤراسی کٹے دُکھ، دوُجا دُکھ نیڑ کوئے نہ آئیندا۔ سفل کرے مات کُکھ، جن جننی ویکھ وکھائیندا۔ مات گربھ نہ ہوئے اُلٹا رُکھ، جو جن رسنا سوہنگ ڈھولا گائیندا۔ جوتی جوت سروُپ ہرِ، آپ اپنی کِرپا کر، جیِون جُگت جگ داتا اِک سمجھائیندا۔ جیِون جیِون سَت سَت، سانتک سَت کرائیا۔ گُر اُپدیش برہم مت، پاربرہم وڈیائیا۔ ہرِ سرنائی ایکا نات، دوُجا ناتا نہ کوئے بنائیا۔ رسنا جِہوا گائے گاتھ، آتم پرماتم وجےّ ودھائیا۔ سگل وِسوُرے جائن لاتھ، جو جن آئے سرنائیا۔ لہنا چُکائے مستک ماتھ، جوتی جوت سروُپ ہرِ، آپ اپنی کِرپا کر، ایکا دیوے ساچا ور، دُکھ درد دلِدر تن مندر اندر رہن نہ پائیا۔

سو پُرکھ نِرنجن ساچی دھار، سَت سَتوادی آپ چلائیندا۔ نِرگُن سرگُن لئے اوتار، جُگا جُگنتر کھیل کرائیندا۔ سَتجُگ تریتا دواپر کر کر پار، انتم اپنے وِچ چُھپائیندا۔ کلجُگ کھیل کرے اگمّ اپار، جُگ چؤکڑی ویکھ وکھائیندا۔ نؤ کھنڈ پرِتھمی دھوُاں دھار، جگت اندھیرا ایکا چھائیندا۔ ساچا نوُر نہ کوئے اُجیار، جوتی جوت سروُپ ہرِ، آپ اپنی کِرپا کر، نِرگُن اپنا ویس وٹائیندا۔ نِرگُن ویس پُرکھ سمرتھ، ایکنکارا آپ وٹائیا۔ چار جُگ دی مہما جانے اکتھ، کتھنی کتھ نہ کوئے جنائیا۔ جُگ چؤکڑی چلاونہارا رتھ، بن رتھواہی ویس وٹائیا۔ گُر اوتاراں پیِر پَیغمبراں مارگ رہیا دسّ، سچ سندیسہ اِک سُنائیا۔ دو جہان رکھے وس، نام ڈوری بندھن پائیا۔ کلجُگ انتم کر پرکاس، نِرگُن اپنا نوُر پرگٹائیا۔ برہمنڈ کھنڈ کر نِواس، جیرج انڈج اُتبُھج سیتج ویکھے تھاؤں تھائنیا۔ جن بھگتاں کرے پوُری آس، ساچے سنتاں میل مِلاوا سہج سُبھائیا۔ گُرمُکھاں ہوئے داسی داس، گُر گُر اپنی سیو کمائیا۔ گُرسِکھ پوُری کرے آس، نِراسا کوئے رہن نہ پائیا۔ صاحِب دَیال سُکھ انند سرب گُنتاس، گُنونتا بےپرواہیِا۔ لیکھا جانے پرِتھمی آکاش، گگن گگننتر ویکھ وکھائیا۔ نِرگُن سرگُن اندر پائے راس، سُرتی شبدی گوپی کاہن نچائیا۔ کلجُگ انتم کرے بند خلاص، کوُڑی کِریا دئے گوائیا۔ جوُٹھ جھوُٹھ ہوئے ناس، مایا ممتا دئے مِٹائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا راہ چلائیا۔ جُگ جُگ مارگ ہرِ گوبِند، گوبِند اپنی دھار چلائیندا۔ دیِن دَیال ٹھاکر سوامی صاحِب بخشند، بخشش اپنے ہتّھ رکھائیندا۔ داتا دانی گُنی گہِند، گہر گمبھیِر بھیوَ ابھید آپ کُھلائیندا۔ کلجُگ دھار ویکھے ساگر سِندھ، نؤ کھنڈ پرِتھمی سرب کُرلائیندا۔ جوتی جوت سروُپ ہرِ، آپ اپنی کِرپا کر، جُگ جُگ اپنا کھیل کرائیندا۔ جُگ جُگ کھیل ہرِ نِرنکارا، آد جُگاد کرائیا۔ کلجُگ انتم ہو اُجیارا، نِرگُن نوُر کرے رُشنائیا۔ لیکھا جانے تیئی اوتاراں، بھگت اٹھاراں بھیوَ چُکائیا۔ عیسیٰ موُسیٰ سنگ محمد کھول کِواڑا، چار یاری ویکھے تھاؤں تھائنیا۔ نانک گوبِند اِک سِتارا سَت نام جگت ونجارا، چار ورن اٹھاراں برن ایکا راہ چلائیا۔ دُھردرگاہی اِک جَیکارا، ڈنکا وجےّ اگمّ اپارا، فتح اپنے ہتّھ رکھائیا۔ گُر اوتار پیِر پَیغمبر دوئے جوڑ جوڑ کرن پُکارا، پُرکھ ابناسی تیرا اَنت نہ پاراوارا، بےاَنت کہہ کہہ لوک مات گئے جس گائیا۔ شاستر سِمرت وید پُران، اِنجیِل قُرآن لِکھ لِکھ گئے وارا، کھانی بانی بودھ اگادھ اِک سمجھائیا۔ گُر گُر روُپ سدا نیارا، شبدی شبد شبد جَیکارا، ڈنکا ایکا نام وجائیا۔ دِیا باتی کرے اُجیارا، کملاپاتی کھیل نیارا گرِہ مندر اندر

محل اٹل بَیٹھا آسن لائیا۔ وسنہارا سچکھنڈ دوارا، تھِر گھر پاوے آپے سارا، سُنّ اگمّ ویکھنہارا دھوُاں دھارا، لوک پرلوک اپنا حُکم ورتائیا۔ اَون گوَن ویکھ اکھاڑا، برہمنڈ کھنڈ دئے سہارا، زِمیں اسمانا اِک نِشانہ سِری بھگوانا آپ جھُلائیا۔ کلجُگ انتم ہو پردھانا، نؤ کھنڈ پرِتھمی ویکھے مار دھیانا، لکھّ چؤراسی بنّھے گانا، جیِو جنت سادھ سنت لُکیا کوئے رہن نہ پائیا۔ مندر مسجد مٹھ شِودوالا ویکھ وکھانا، تیِرتھ تٹ ہوئے پردھانا، اٹھسٹھ ویکھے گُن نِدھانا، گُن اپنا نہ کِسے جنائیا۔ ایکا راگ شبد ترانہ، آتم پرماتم دیوے گیانا، برہم پاربرہم وکھانا، اِیش جیِو کرے کُڑمائیا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر گُر اوتار اپنی سیوا لائیا۔ گُر اوتار ساچی سیوا لا، ہرِ جوُ اپنا حُکم ورتائیندا۔ سَتجُگ تریتا دواپر کھیل کرا، کلجُگ انتم ونڈ ونڈائیندا۔ رسنا جِہوا کوُک کوُک سرب گئے سُنا، ہرِ کی اوٹ اوٹ سرب تکائیندا۔ مہابلی نر نرائن کلجُگ انتم اُترے آ، لوک مات دِس کِسے نہ آئیندا۔ پُرکھ اکال ویس وٹا، سمبل بَیٹھے ڈیرہ لا، گوبِند اِکو آس رکھائیندا۔ کلجُگ کوُڑا دئے مِٹا، سَتجُگ ساچا راہ چلا، سَت سَتوادی برہم برہمادی ایکا کھوج کُھجائیندا۔ دُھر فرمانا ناد انادی ناؤں نِدھانا بودھ اگادھی بِن اکھّر آپ پڑھائیندا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر جُگ جُگ اپنا ویس وٹائیندا۔ کلجُگ انتم ویس ہرِ، ہری ہرِ اپنا کھیل کرائیندا۔ ناؤں رکھا نرائن نر، نر ہرِ اپنا روُپ وٹائیندا۔ اپنی کرنی آپے کر، کرتا پُرکھ بھیوَ نہ آئیندا۔ سچ محلے آپے چڑھ، شاہ پاتشاہ راج راجان اپنا ناؤں دھرائیندا۔ وِشن برہما شِو سُرپت اِند کروڑ تیتیِسا لئے پھڑ، پھڑ پھڑ اپنا بندھن پائیندا۔ شاستر سِمرت وید پُران گیِتا گیان اِنجیِل قُرآن کھانی بانی ویکھے چوٹی جڑ، مدھ اپنی دھار چلائیندا۔ سنت سُہیلے گُروُ گُر چیلے گُرمُکھ گُرسِکھ سجّن لئے پھڑ، پھڑ پھڑ اپنی بوُجھ بُجھائیندا۔ پنچ وِکارا کام کرودھ لوبھ موہ جائے جھڑ، جھوُٹھی ترِسنا آسا نال مِٹائیندا۔ ایکا ناد سُنائے شبد دُھنکارا، نِرمل دَیا کر اُجیارا کایا مندر اندر ساچا بنک آپ وڈیائیندا۔ لکھّ چؤراسی ہاہاکارا، نؤ کھنڈ پرِتھمی رووے زارو زارا، آتم پرماتم میل نہ کوئے کرائیندا۔ جوتی جوت سروُپ ہرِ، آپ اپنی کِرپا کر، جُگ جُگ اپنا ناؤں آپ دھرائیندا۔ جُگ جُگ ناؤں ہرِ نِرنکار، اپنا آپ پرگٹائیا۔ کوٹن کوٹ رسنا جِہوا رہے اُچار، اَنت کوئے نہ پائیا۔ لِکھ لِکھ لیکھ نہ سکے کوئی وِچار، بن لیکھک پندھ نہ کوئے مُکائیا۔ برہما ویتا گیا ہار، ہرِ کا روُپ نظر کِسے نہ آئیا۔ جگت وِدیا چؤداں لوک چؤداں طبق ہوئی خوار، چؤدس چند نہ کوئے چڑھائیا۔ آتم پرماتم نہ

کوئے ادھار، اِیش جیِو نہ کوئے مِلائیا۔ جوتی جوت سروُپ ہرِ، آپ اپنی کِرپا کر، نِرگُن نوُر اپنا ویس آپ وٹائیا۔ کلجُگ انتم ویس اولّا، سِری بھگوان آپ کرائیندا۔ لیکھا جانے رانی االلہ، اَناالحق کھوج کھوجائیندا۔ محمد محمدی پھڑائے پلّا، یار یاری پڑدہ لاہِندا۔ سچ سِنگھاسن ایکا ملّا، مقامے حق سوبھا پائیندا۔ پروردِگار نر نریش آپ پھڑائے اپنا پلّا، نوُر نوُر نال مِلائیندا۔ نوَ نؤ ہوئے جھلّا، دہ دِشا پھیرا پائیندا۔ ویکھنہارا ڈوُنگھی ڈلّا، کایا بھوَری پھول پھولائیندا۔ آپے خواہش آپے االلہ، آپے محمد نوُر وکھائیندا۔ آپے وسے نِہچل دھام اٹلا، کوہ طوُر اپنی جوت جگائیندا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر جُگ کرتا ساچا منتر آپ دِرڑائیندا۔ ساچا منتر اِکو نام، ہرِجن ہرِ ہرِ کرے پڑھائیا۔ شبد اگمّی دُھر پَیغام، پیِر پَیغمبر دئے سمجھائیا۔ شاہ سُلطانا سچ اِمام، سچ سِنگھاسن سوبھا پائیا۔ نِہکرمی کرے اپنا کام، کرم کانڈ نہ کوئے وکھائیا۔ چار ورن بُھلے ہرِ کا نام، ستنام سَت سَت نظر کِسے نہ آئیا۔ پنچ وِکارے پائی شام، اندھ اندھیرا گیا چھائیا۔ من مت بُدھ نہ کوئی سیان، ساچی سِکھیا نہ کوئے وکھائیا۔ ویکھنہار سِری بھگوان، لکھّ چؤراسی اندر بَیٹھا دھیان لگائیا۔ راج راجان شاہ سُلطان ہوئے بےاِیمان، جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، کوُڑی کِریا دئے مِٹائیا۔ کوُڑی کِریا مِٹے پندھ، کلجُگ اَنت رہن نہ پائیا۔ نؤ کھنڈ پرِتھمی ستّ دیِپ دو جہان نوُر نوُرانہ چڑھے ساچا چند، سو پُرکھ نِرنجن اِک چڑھائیا۔ رسنا جِہوا ایکا گیِت بتّی دند، بندھن سب دے دئے تُڑائیا۔ سَت سَتوادی اِک وکھائے آتم انند، انند انند وِچ مِلائیا۔ جنم جنم دی ٹُٹی گنڈھ، گُرمُکھ ساچے لئے اُٹھائیا۔ آپ سُنائے سُہاگی چھند، سوہنگ ڈھولا آپے گائیا۔ ناتا تُٹے نار دُہاگن رنڈ، ہرِ کنت کنتُوہل لئے پرنائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، روُپ انوُپ آپ وٹائیا۔ نِہکلنک نر نرائن، ہرِ جوُ نظر کِسے نہ آئیندا۔ رسنا کوئی نہ سکے کہن، کہہ کہہ صِفت نہ کوئے صالاحِندا۔ آد جُگاد جُگا جُگنتر آپ چُکائے لہنا دین، لہنا دینا اپنے ہتّھ رکھائیندا۔ جن بھگتاں بنے ساک سجّن سیَن، کوُڑا بندھن موہ مِٹائیندا۔ درس دِکھائے لوچن نیتر نَین، اکھّ پرتکھ آپ کُھلائیندا۔ گیِت سُہاگی ایکا گائن، گوبِند گُر گُر سمجھائیندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نِہکلنک نرائن نر، پُرکھ اکال اِک اکھوائیندا۔ پُرکھ اکال نِہکلنک، پنج تت نہ کوئے وڈیائیا۔ نام نِدھان وجائے ڈنک، وِشن برہما شِو لئے اُٹھائیا۔

لیکھا جانے راؤ رنک، اوُچ نیِچ ویکھے تھاؤں تھائنیا۔ نوَ نؤ کڈھے شنک، سنسا کوئے رہن نہ پائیا۔ اِک سُہائے ساچا بنک، جِس دوارے آسن لائیا۔ گُرسِکھ دیوے وڈیائی جِؤں جن جنک، جن جننی آپ ہو جائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ایکا ناؤں لئے پرگٹائیا۔ ایکا ناؤں ہرِ نِرنکار، ہرِ جوُ ہرِ ہرِ آپ جنائیندا۔ سرب جیِاں دا سانجھا یار، کھتری براہمن شوُدر وَیش ونڈ نہ کوئے ونڈائیندا۔ ایکا نام ونج وپار، ایکا وست امولک جھولی پائیندا۔ ایکا مندر کھول کِواڑ، گھر گھر وِچ آپ وکھائیندا۔ میٹ مِٹائے اگنی تتی ہاڑ، امرت میگھ اِک برسائیندا۔ لیکھا جانے پُرکھ نار، ناری نر نہ ونڈ ونڈائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، کوُڑی کِریا موہ چُکائیندا۔ کوُڑی کِریا ہوئے دوُر، کلجُگ اَنت رہن نہ پائیا۔ غریِب نِمانیاں پربھ بخشے ایکا نوُر، نوُر نوُرانہ نوُر رُشنائیا۔ درشن دیوے حاضر حضوُر، ہرِ کے پؤڑے لئے چڑھائیا۔ من واسنا تُٹے غروُر، غفلت کوئے نظر نہ آئیا۔ آتم اَنتر اِک سروُر، سچ خُماری دئے چڑھائیا۔ سرب کلا آپ بھرپوُر، سمرتھ پُرکھ وڈی وڈیائیا۔ وسنہارا نیڑے دوُر، دوُر دُراڈا پندھ مُکائیا۔ جوتی جوت سروُپ ہرِ، آپ اپنی کِرپا کر، گُرمُکھ اپنے لیکھے لائیا۔ گُرمُکھ لیکھا سدا الگّ، لکھّ چؤراسی بندھن نہ کوئے رکھائیندا۔ کِرپا کرے سوُرا سربگ، سمرتھ سِر اپنا ہتّھ ٹِکائیندا۔ دیِپک جوتی جائے جگ، اگیان اندھیر گوائیندا۔ پھڑ پھڑ ہنس بنائے کگّ، کاگ ہنس روُپ وکھائیندا۔ ترےَگُن مایا بُجھائے اگّ، تتَو تت نہ کوئے بُجھائیندا۔ دُھر دربارے آپے سدّ، نام صدا اِک رکھائیندا۔ نؤ دوارے کرے پار حد، جگت ترِسنا موہ مُکائیندا۔ دسم دواری بہے سج، گُرمُکھ ساچا سوبھا پائیندا۔ ایکا ناد انادی جائے وجّ، انحد اپنی سیو کمائیندا۔ امرت جام پیائے رجّ، ترِسنا بُھکھ سرب مِٹائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، گُرمُکھ اپنے رنگ رنگائیندا۔ گُرسِکھ تیرا رنگ امول، نظر کِسے نہ آئیا۔ جگت کنڈا نہ سکے کوئی تول، تولا نظر کوئے نہ پائیا۔ جو جن ہرِ کا ناؤں رسنا جِہوا رہیا بول، انبولت آپ سمجھائیا۔ نؤ کھنڈ پرِتھمی چار ورن اٹھاراں برن ساچی وست کِسے نہ کول، بھرمے بُھلی سرب لوکائیا۔ نیتر رووے دھرنی دھرت دھؤل، پربھ اَگے سیِس جھُکائیا۔ گوبِند کیِتا سچّا قؤل، کلجُگ ویلے انتم پرگٹ ہوئے سچّا ماہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیری ساچی اوٹ تکائیا۔ ساچی اوٹ رکھی آس، ایکا نَین نَین اُٹھایا۔ کلجُگ اَنت بُجھا پیاس،

جگت ترِسنا دے گوایا۔ سد وساں تیرے پاس، پُرکھ ابناسی در تیرا موہے بھایا۔ سَتجُگ ساچا کر پرکاس، جن بھگتاں میل مِلایا۔ تیرے سنت ہوئے اُداس، کلجُگ ٹھوکر رہیا لگایا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکایا۔ سِر رکھ ہتّھ کرتار، اپنی دَیا کمائیا۔ دھرنی تیری سُن پُکار، نِہکلنک پھیرا پائیا۔ میٹ مِٹائے جگت وِبھچار، وِبھچاری کوئے رہن نہ پائیا۔ بھگت بھگوَنت لئے اُٹھال، ساچے سنت سنگ نِبھائیا۔ گُرمُکھاں بنے آپ دلال، جگت ونجارا آپ اکھوائیا۔ گُرسِکھ ویکھے ساچے لال، لالن اپنی گود اُٹھائیا۔ سچکھنڈ وکھائے سچّی دھرمسال، سچکھنڈ بَیٹھا سچّا ماہیِا۔ ناتا توڑے شاہ کنگال، اوُچ نیِچ نہ کوئے رکھائیا۔ سدا سُہیلا وسے نال، وِچھڑ کدے نہ جائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، مہاراج شیر سِنگھ وِشنوُں بھگوان، سرب جیِاں دا اِک گیان، آتم پرماتم دیوے مان، برہم پاربرہم مِلائیا۔