کتب خانہGranth 12 (Urdu)

۱۳ اَسوُ ۲۰۱۹ بِکرمی پیارا سِنگھ دے گرِہ دوسانجھ کلاں

سچ دوار سچکھنڈ، گُر اوتار دھیان لگائیا۔ ہوئے پرکاس بِن سوُرج چند، پیِر پَیغمبر سیِس جھُکائیا۔ آد جُگاد اِک انند، وِشن برہما شِو جھولی ڈاہیِا۔ نظری آئے سوُرا سربنگ، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی جوت دھر، کرے کھیل بےپرواہیِا۔ سچکھنڈ ہرِ سچ دوارا، سو پُرکھ نِرنجن آپ اُپائیندا۔ ہرِ پُرکھ نِرنجن کر پسارا، ایکنکارا ویکھ وکھائیندا۔ آد نِرنجن نوُر اُجیارا، جوتی جاتا ڈگمگائیندا۔ ابناسی کرتا کھول کِواڑا، ساچے مندر سوبھا پائیندا۔ سِری بھگوان دئے ہُلارا، سچ ہُلارا اپنے ہتّھ رکھائیندا۔ پاربرہم پربھ کر پیارا، آپ اپنا میل مِلائیندا۔ کرے کھیل اگمّ اپارا، الکھ اگوچر اپنا بھیوَ چُکائیندا۔ جوتی جوت سروُپ ہرِ، آپ اپنی کِرپا کر، سچ دوارا آپ سُہائیندا۔ سچکھنڈ دوارا اُچ محلہ، ہرِ جوُ ہرِ ہرِ آپ وسائیا۔ آد جُگادی وسے اِک اِکلّا، دوُسر سنگ نہ کوئے رلائیا۔ نِرگُن نِرگُن پھڑیا پلّا، پلّوُ چُھٹ کدے نہ جائیا۔ جوتی جوت جوت آپے رلا، نوُر نوُر نوُر سمائیا۔ سچ سِنگھاسن اِکو ملّا، پاوا چوُل نہ کوئے وکھائیا۔ سَت سندیس نر نریش اِکو گھلا، بِن اکھّر کرے پڑھائیا۔ جوتی جوت سروُپ ہرِ، آپ اپنی کِرپا کر، سچکھنڈ ساچے سوبھا پائیا۔ سچکھنڈ دوار سِری بھگوان، ہرِ سَتگُر آپ سُہائیندا۔ تخت نِواسی نؤجوان، پُرکھ اکالا سوبھا پائیندا۔ سَت سروُپی سَت نِشان، سَت سَتوادی آپ جھُلائیندا۔ بھوُپت بھوُپ راج راجان، شہنشاہ اپنا ویس وٹائیندا۔ در درویش بن دربان، الکھّ اگوچر اپنی الکھ آپ جگائیندا۔ لیکھا جان سِری بھگوان، لیکھا لِکھت نہ کوئے جنائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارا اِک وڈیائیندا۔ سچکھنڈ دوار سَت پرکاس، انبھوَ آپ کرائیا۔ نہ کوئی پرِتھمی نہ آکاش، گگن منڈل نہ کوئے وکھائیا۔ نہ کوئی منڈل نہ کوئی راس، گوپی کاہن نہ ناچ نچائیا۔ نہ کوئی داسی نہ کوئی داس، راجن راج نہ کوئے اکھوائیا۔ نہ کوئی دِسے تریَلوکی ناتھ، اناتھاں ناتھ نہ کوئے سہائیا۔ نہ کوئی پوُجا نہ کوئی پاٹھ، اکھّر وکھّر نہ کوئے پڑھائیا۔ نہ کوئی ناری نہ کوئی کملاپات، سیج سُہنجنی نہ کوئے ہنڈھائیا۔ نہ کوئی سوُرج نہ کوئی چاند، روَ سس نہ کوئے رُشنائیا۔ نہ کوئی کھیل نہ تماش، بازی گر ڈنک نہ کوئے وجائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارے نِرگُن جوت نوُر پرکاس، نوُر نوُرانہ اِک دھرائیا۔ نوُر نوُرانہ پروردِگار، بے عیب اپنا کھیل کرائیندا۔ مقامے حق سانجھا یار، لاشریِک ڈیرہ لائیندا۔

محبان بیِدو بی خَیر یا االلہ سچ محلے کر پسار، محفل اپنی اِک وکھائیندا۔ کرے کھیل اگمّ اپار، اتھاہ اپنی دھار چلائیندا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سچکھنڈ دوار آپ وسائیندا۔ سچکھنڈ دوارا وسائے بھگوَنت، بھگوَن اپنی دَیا کمائیا۔ لیکھا جانے آد اَنت، آد اَنت اپنے ہتّھ رکھائیا۔ میل مِلاوا ناری کنت، نِرگُن نِرگُن لئے پرنائیا۔ بودھ اگادھی منیِا منت، ناؤں نِرنکارا دئے پڑھائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارا ویکھے چائیں چائنیا۔ سچکھنڈ دوارے کھیل اپارا، ہرِ اپرمپر آپ کرائیندا۔ چھپر چھنّ نہ کوئے دیوارا، نہ کوئے باڈی بنت بنائیندا۔ نہ کوئی گھاڑت گھڑے بن ٹھٹھیارا، نیتر لوچن نہ کوئے وکھائیندا۔ کاغد قلم نہ لِکھنہارا، شاستر سِمرت وید پُران نہ کوئے صالاحِندا۔ نہ کوئے گُر نہ اوتارا، سادھ سنت نہ ڈنک وجائیندا۔ اِک اِکلّا ایکنکارا، نِرگُن نِرگُن کر پسارا، سچ در ساچے سوبھا پائیندا۔ سچکھنڈ دوارا ساچا رنگ، ہرِ پُرکھ نِرنجن آپ رنگائیا۔ سو پُرکھ نِرنجن سوُرا سربنگ، ایکنکارا کھیل کرائیا۔ آد نِرنجن اِک انند، ابناسی کرتا دئے وکھائیا۔ سِری بھگوان کھیلے کھیل سدا بخشند، بخشش اپنے ہتّھ رکھائیا۔ پاربرہم پربھ ونڈے ونڈ، داتا دانی دَیا کمائیا۔ جوتی جوت سروُپ ہرِ، آپ اپنی کِرپا کر، سچکھنڈ اپنا کھیل کرائیا۔ سچکھنڈ دوار ہرِ نِرنکارا، نِرگُن اپنا کھیل کرائیندا۔ آد پُرکھ پُرکھ کر پسارا، کھیلے کھیل اگمّ اپارا، اگوچر اپنی دھار جنائیندا۔ تخت نِواسی ہو اُجیارا، شاہو شاباشی بھیوَ نیارا، راجن راج حُکم اپنا آپ ورتائیندا۔ دُھر فرمانا بول جَیکارا، سَت لگائے اِکو نعرہ، رسنا جِہوا نہ کوئے ہِلائیندا۔ نہ کوئی سجّن میِت مُرارا، پِتا پوُت نہ کوئے آدھارا، جننی جن نہ کوئے وکھائیندا۔ سچکھنڈ نِواسی پُرکھ ابناسی ایکنکارا، اپنا کرے آپ پسارا، نِرگُن نِرگُن ویکھ وکھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی آپ کمائیندا۔ ساچی کرنی کرے کرتار، اپنی کِرت آپ کمائیا۔ آپے ویکھے وِگسے ویکھنہار، دوُسر سنگ نہ کوئے رلائیا۔ اپنی اِچھیا آپے دھار، آپے بِھچھیا دئے ورتائیا۔ آپے سِکھیا دیوے سچّی سرکار، سَت سَت کرے پڑھائیا۔ آپے لیکھا لِکھیا اپنا لئے وِچار، لیکھا اپنا آپ ونڈائیا۔ اپنا حِصّہ ونڈے نِرنکار، نِرگُن نِرگُن جھولی آپ بھرائیا۔ ساچی سیجا کر تیار، سچکھنڈ سیجا آپ ہنڈھائیا۔ آپے پُرکھ آپے نار، نر نرائن ایکا کنت روُپ وٹائیا۔ آپے اندر آپے باہر، گُپت ظاہر اپنی کھیل جنائیا۔ جننی جن بن کرتار، دائی دایا سیو کمائیا۔ سُت دلارا کر تیار، شبدی شبد ناؤں وڈیائیا۔ تھِر گھر دوار کھول کِواڑ، سچکھنڈ اندر دئے وڈیائیا۔ چھوٹے

بالے اندر دیوے واڑ، پھڑ باہوں آپ اُٹھائیا۔ آپے چلے نال نال، سگلا سنگ نِبھائیا۔ ساچی سِکھیا اِک سِکھال، ساچا مارگ دئے جنائیا۔ وِشن برہما شِو تیرے اُپجائے بال، بالی بُدھ نال رلائیا۔ کرے کھیل ہرِ گوپال، گوبِند اپنی دھار جنائیا۔ چرن دھوُڑی کھیل مہاکال، جوتی جوت سروُپ ہرِ، آپ اپنی کِرپا کر، گھر وِچ گھر لئے پرگٹائیا۔ گھر وِچ گھر تھِر گھر، تھِر درباری آپ کُھلایا۔ پُرکھ ابناسی گھاڑن گھڑ، سچکھنڈ اندر ویس وٹایا۔ سُت دُلارا اندر کر، باہر اپنا حُکم ورتایا۔ سچ سندیسہ دیوے اِکو ور، ایکنکارا ایکا وار سُنایا۔ نہ جنمے نہ جائے مر، روُپ رنگ ریکھ نہ کوئے وکھایا۔ جوتی جوت سروُپ ہرِ، آپ اپنی کِرپا کر، ساچا راہ آپ چلایا۔ آد پُرکھ چلائے راہ، مہما اکتھ کتھی نہ جائیا۔ سُت دُلارا اِک پرگٹا، شبدی شبد دئے وڈیائیا۔ تھِر گھر ساچے دئے بہا، محل اٹل کرے رُشنائیا ۔ دِیا باتی اِک جگا، کملاپاتی ویکھ وکھائیا۔ ساچا ساتھی بن ملاح، کھیوٹ کھیٹا بیڑا اپنے کندھ اُٹھائیا۔ ساچی سِکھیا دئے سمجھا، بِن اکھّر کرے پڑھائیا۔ اپنا لیکھا دئے وکھا، لیکھا اِکو اِک دِرڑائیا۔ کرے کھیل سچّا شہنشاہ، سچ سِنگھاسن آسن لائیا۔ سیِس جگدیِش تاج ٹِکا، دُھر فرمانا اِک الائیا۔ سُت دُلارے تیری سیوا دئے لگا، سیوک ایکا گُن جنائیا۔ جوتی جوت سروُپ ہرِ، آپ اپنی جوت دھر، ساچے شبد دئے وڈیائیا۔ سُت دُلارا چھوٹا بالا، پربھ اَگے سیِس جھُکائیندا۔ پاربرہم تیرا کھیل نِرالا، ہرِ جوُ بھیوَ کوئے نہ آئیندا۔ موہے مارگ دسّ اِک سُکھالا، جِس مارگ تیرا درشن پائیندا۔ چرن کوَل کوَل چرن ملِے مانا، ابِھمان روُپ نہ کوئے وٹائیندا۔ آد جُگاد رہے تیرا دھیانا، دھیان دھیان نال مِلائیندا۔ ساچا دسّ اپنا گانا، گا گا تیرا شُکر منائیندا۔ سیِس جگدیِش منّاں تیرا بھانا، تُدھ بِن اوَر نہ کوئے نظری آئیندا۔ کِرپا کرے سِری بھگوانا، بھگوَن اپنی دَیا کمائیندا۔ سُت شبد وڈ بلوانا، بل تیرے وِچ ٹِکائیندا۔ میرا نوُر تیرا نِشانہ، تیرا نِشانہ میرا ناؤں پرگٹائیندا۔ میرا ناؤں تیرا گانا، ناؤں نِرنکارا آپ جنائیندا۔ میرا مندر تیرا مکانا، چرن کوَل ٹکانا اِک رکھائیندا۔ میرا پریم تیرا بِبانا، سچ اُڈاری اِک لگائیندا۔ میرا درشن تیرا پیِنا کھانا، دوُجی ترِسنا بُھکھ نہ کوئے رکھائیندا۔ تھِر گھر وسے تیرا مکانا، سِری بھگوان آپ وسائیندا۔ سچکھنڈ وسے ہرِ مِہربانا، مِہربان مِہر نظر بے نظیِر اِک اُٹھائیندا۔ جوتی جوت سروُپ ہرِ، آپ اپنی کِرپا کر، سُت دُلارے دیوے ور، تھِر گھر ساچے مان رکھائیندا۔ سُت دُلارے چڑھیا چا، تھِر گھر ساچے وجّی ودھائیا۔ آد پُرکھ پربھ دَیا دِتی کما، دیِنن اپنا ہتّھ ٹِکائیا۔ ساچے راہے دیوے پا، پھڑ باہوں دئے سمجھائیا۔

اِک جپائے اپنا ناں، ناؤں نِرنکارا اِک دِرڑائیا۔ سدا سُہیلا سِر رکھے ٹھنڈی چھاں، پاربرہم بےپرواہیِا۔ چرن کوَل کوَل چرن دیوے سچّا تھاں، تھان تھننتر اِک سُہائیا۔ آد اَنت کرے سچ نیاں، ساچے تخت بَیٹھا سچّا ماہیِا۔ آد جُگادی جُگا جُگنتر بنے پِتا ماں، بالک اپنی گود سُہائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، آد اپنا حُکم ورتائیا۔ آد پُرکھ سِری بھگوانا، ہرِ ہرِ اپنا کھیل کرائیندا۔ سچکھنڈ نِواسی وڈ پردھانا، سَت پردھانگی اِک کمائیندا۔ سُت دُلارا نؤجوانا، تھِر گھر دوارے آپ اُٹھائیندا۔ سچ سندیسہ دے پروانہ، پرم پُرکھ آپ وڈیائیندا۔ کرنا کھیل دو جہاناں دوئے دوئے دھار آپ رکھائیندا۔ سَت سَتوادی بنّھے گانا، گھر ساچے سگن منائیندا۔ نِرگُن گوپی نِرگُن کاہنا، نِرگُن اپنا رنگ رنگائیندا۔ نِرگُن مرد نِرگُن مردانہ، سچ مردانگی آپ کمائیندا۔ نِرگُن راگ نِرگُن ترانہ، نِرگُن تال تلواڑا وجائیندا۔ نِرگُن مندر نِرگُن مکانا، نِرگُن ساچی سیج سُہائیندا۔ نِرگُن پہرے نِرگُن جامہ، نِرگُن نِرگُن ویس وٹائیندا۔ نِرگُن اِچھیا نِرگُن پوُرن کرے کاما، ساچی بِھچھیا جھولی پائیندا۔ جوتی جوت سروُپ ہرِ، آپ اپنی کِرپا کر، آد پُرکھ ساچا ہرِ، شبدی شبد ونڈ ونڈائیندا۔ شبد سُت مار دھیان، ہرِ ساچا سچ جنائیا۔ تھِر گھر کھیل کرے بھگوان، بھگوَن اپنی دَیا کمائیا۔ دُھر دربارے دیوے مان، چرن سرن سچّی سرنائیا۔ وست امولک پاوے دان، داتا دانی آپ ورتائیا۔ وِشوَ کرنا کھیل مہان، وِشنوُں نوُر جوت رُشنائیا۔ امرت دینا پیِن کھان، چرن چرن نال رگڑائیا۔ نابھی رکھنا آپے آن، آپ اپنی دَیا کمائیا۔ پاربرہم کرے دھیان، دھیان دھیان وِچ پرگٹائیا۔ تیرا اُپجائے سچ نِشان، اپنی ونڈن ونڈ ونڈائیا۔ برہم پرگٹ کرے نوُر مہان، نوُرو نوُر نوُر رُشنائیا۔ کوَل کوَلا کوَل پروان، پنکھڑی اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، آد پُرکھ دیوے ور، سُت دُلارے وسائے تیرا گھر، وِشنوُں اندر کوَل سر، کوَل سر اندر برہم پاربرہم لئے پرگٹائیا۔ وِشن برہما تیرا ساچا رنگ، ہرِ ساچا سچ جنائیندا۔ سُنّ اگمّ کھیل سوُرا سربنگ، دھوُاں دھار کھوج کھوجائیندا۔ شنکر لا اپنے انگ، دھوُڑی دھوُڑ خاک رمائیندا۔ دیونہارا اِک انند، انند انند وِچ سمائیندا۔ اِکے منڈل ساچی ونڈ، وِشن برہما شِو تیری جھولی پائیندا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک سمجھائیندا۔ سُت دُلارا چرنی ڈھیَہہ، پربھ اَگے سیِس جھُکائیا۔ آد پُرکھ آد جُگاد تیرا ناؤں رہے، میری چلے نہ کوئے چتُرائیا۔ سوہے دھام سُہنجنا جِس دوارے صاحِب سچّا بہے، ہؤں بالک سیو کمائیا۔ تیرا میرا

سنگ سدا سد رہے، وچھوڑا دینا نہ سچےّ ماہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، شبدی سُت جھولی رہیا ڈاہیِا۔ پُرکھ ابناسی پیا ہسّ، سچکھنڈ نِواسی دَیا کمائیندا۔ شبد سُت تیرا میرا اِکو رس، رس رسیِا آپ وکھائیندا۔ اِک دوُجے دے ہوئے وس، پلّوُ آد اَنت نہ کوئے چُھڈائیندا۔ میَں تیرا کھیل ویکھاں نسّ نسّ، بن پاندھی پندھ مُکائیندا۔ آد مارگ دیواں دسّ، اَنت اپنے ہتّھ رکھائیندا۔ وِشن برہما شِو تیرا میرا گائن جس، جس اِکو اِک وکھائیندا۔ کرے کھیل پُرکھ سمرتھ، سمرتھ اپنا راہ چلائیندا۔ وِشن برہما شِو دیوے اپنی وتھ، وست امولک آپ ورتائیندا۔ ترےَگُن مایا کر پرگٹ، ستو رجو طمو تِنّاں جھولی آپ بھرائیندا۔ اپنی مہما جانے اکتھ، کتھنی کتھ نہ کوئے گائیندا۔ پنچم تت بنائے رتھ، اپ تیج وائے پرِتھمی آکاش ونڈ ونڈائیندا۔ لیکھا دیوے ہتّھو ہتّھ، ساچی وست آپ پھڑائیندا۔ نِرگُن نِرنکار نِراکار اجوُنی رہِت پُرکھ اکال اپنی پائے نام نتھ، ڈوری اپنے ہتّھ رکھائیندا۔ جوتی جوت سروُپ ہرِ، آپ اپنی کِرپا کر، سُت دُلارے تیرا راہ چلائیندا۔ سُت دُلارے تیرا راہ، سو پُرکھ نِرنجن آپ چلائیا ۔ برہمنڈ کھنڈ رچنا لئے رچا، لوآں پُریاں ویس وٹائیا۔ روَ سس سوُرج چند کِرن کِرن کِرن ونڈ لئے ونڈا، گُر گُر نال مِلائیا۔ منڈل منڈپ دئے وسا، لوک پرلوک سوبھا پائیا۔ تخت نِواسی سچے تخت بَیٹھ سچّا شہنشاہ، دُھر فرمانا دئے سُنائیا۔ زِمیں اسماناں گھاڑت لئے گھڑا، گھڑن بھنّنہار بےپرواہیِا۔ جل تھل مہیئل جائے سما، سمگری اپنے ہتھ رکھائیا۔ اُچے ٹِلّے پربت لئے بنا، ڈوُنگھی کَندر ویکھ وکھائیا۔ وِشن برہما شِو سیوا دئے لگا، ساچی سِکھیا اِک دِرڑائیا۔ سچ بھنڈارا دئے ورتا، وست امولک اِک رکھائیا۔ وِشنوُں گولک دئے بھرا، کِرپا کر بےپرواہیِا۔ برہمے پاربرہم دئے سمجھا، برہم اپنی ونڈ ونڈائیا۔ پرماتم آتم کھیل کرا، خالق خلق ویکھ وکھائیا۔ لکھّ چؤراسی گھاڑت دئے جنا، گھڑ گھڑ آپے دئے سمجھائیا۔ جیرج انڈج اُتبُھج سیتج ونڈ دئے ونڈا، چارے کھانی ناؤں پرگٹائیا۔ چارے بانی دئے سُنا، پرا پسنتی مدھم بَیکھری گائیا۔ چارے جُگاں حِصّہ دیوے پا، سَتجُگ تریتا دواپر کلجُگ نال مِلائیا ۔ چارے ورن ویکھے تھاؤں تھاں، کھتری براہمن شوُدر وَیش گنڈھ پوائیا۔ نِرگُن سرگُن سرگُن نِرگُن کھیل لئے کھلا، دھرت دھوَل دھوَل دھرت دئے سُہائیا۔ نؤ کھنڈ پرِتھمی نِرگُن جوت کرے رُشنا، ستّاں دیِپاں پھیرا پائیا۔ برہمنڈ کھنڈ ویکھے بن ملاح، شاہ پاتشاہ سچّا شہنشاہیِا۔ شبد سُت تیرا حُکم دئے ورتا، نہ کوئی میٹے میٹ مِٹائیا۔ تیرے حُکمے اندر پنج تت دئے وڈیا، من مت بُدھ نال مِلائیا۔ گھر وِچ

گھر تیرا دئے وسا، جُگ چؤکڑی ویکھن کوئے نہ پائیا۔ بوُند رَکت پنج تت ترےَگُن میل مِلا، ہڈّ ماس ناڑی رت سوبھا پائیا۔ نؤ دوارے دئے کُھلا، جگت ترِسنا نال رلائیا۔ شاہ رگ اُپر ڈیرہ دیوے لا، کرے کھیل بےپرواہیِا۔ ڈوُنگھی بھوَری ویس وٹا، ویس اولّا دئے سمجھائیا۔ سُکھمن ٹیڈھی بنک دئے بنا، اِیڑا پِنگل سیو کمائیا۔ امرت آتم کوَل نابھی دئے ٹِکا، جھِرنا اپنے ہتّھ جھِرائیا۔ گھر دیِپک جوت نِرنجن دئے ٹِکا، بِن تیل باتی کرے رُشنائیا۔ شبد اگمّی تیرا انحد نادی ناد دئے وجا، اُپر اپنا پردہ پائیا۔ بجر کپاٹی کُنڈا دئے لگا، نہ کوئی توڑے توڑ تُڑائیا۔ آتم سیجا دئے وِچھا، گھر سُہنجنی سیج بنائیا۔ پرماتم بَیٹھے مُکھ چُھپا، نِج نیتر نَین بِن نظر کِسے نہ آئیا۔ لکھّ چؤراسی دھندے لئے لگا، لوک مات بندھن پائیا۔ شبد سُت تیرا مارگ دئے جنا، پُرکھ ابناسی دَیا کمائیا۔ گُر اوتار لئے پرگٹا، تیرا ناؤں کرے رُشنائیا۔ دُھر فرمانا سِری بھگوانا بودھ اگادھا دئے سُنا، اکھّر وکھّر کر پڑھائیا۔ آتم پرماتم پردہ دیوے لاہ، سیج سُہنجنی سوبھا پائیا۔ نِرمل نوُر کر رُشنا، اگیان اندھیر چُکائیا۔ انحد نادی ناد دئے سُنا، اٹّھے پہر کرے شنوائیا۔ پنچ وِکارا دئے کھپا، کام کرودھ لوبھ موہ ہنکار نہ کوئے ہلکائیا۔ آسا ترِسنا دئے مِٹا، ہؤمے ہنگتا روگ مِٹائیا۔ اپنا درشن دئے وکھا، سوَچّھ سروُپی روُپ وٹائیا۔ کرے کھیل بےپرواہ، شبد سُت تیرا ناؤں صِفت صالاحیِا۔ گُر اوتار پیِر پَیغمبر لئے منا، نام پٹّی اِک پڑھائیا۔ کوٹن کوٹ صِفتی ناؤں لئے رکھا، رسنا جِہوا صِفت صالاحیِا۔ سَتجُگ تریتا دواپر کلجُگ جُگ چؤکڑی لئے ہنڈھا، نوَ نؤ چار ویکھ وکھائیا۔ کاغد قلم شاہی لئے رلا، وید پُران شاستر سِمرت لیکھا لئے جنائیا۔ اِنجیِل قُرآنا تیِس بتّیسا لئے گا، سچ حدیِثا اِک پڑھائیا۔ کھانی بانی میلا سہج سُبھا، آتم پرماتم ناتا جوڑ جُڑائیا۔ شبد گُر تیرا ڈنک دئے وجا، گُروُ گُر نظری اِکو آئیا۔ سَتجُگ تریتا دواپر کلجُگ نِرگُن سرگُن چولا لئے ہنڈھا، نِت نوِت ویس وٹائیا۔ بھگت بھگوان لئے مِلا، بھاگ اپنے ہتّھ رکھائیا۔ ساچے سنتاں لئے جگا، جاگرت جوت کر رُشنائیا۔ گُرمُکھ گلے لئے لگا، آپ اپنی گود بہائیا۔ گُرسِکھ لکھّ چؤراسی پھاسی دئے تُڑا، رائے دھرم نہ دئے سزائیا۔ نؤ سؤ چؤرانوے چؤکڑی جُگ تیری سیوا دئے لگا، ساچا حُکم اِک سمجھائیا۔ تیئی اوتار نال رلا، بھگت اٹھاراں دین صالاحیا۔ عیسیٰ موُسیٰ محمد لیکھا لیکھ جنا، پاک رسوُل دئے وڈیائیا۔ نانک گوبِند اِکو جوتی جوت کر رُشنا، دہ دِشا ویکھے چائیں چائنیا۔ تیرا ناؤں ڈھولا ساچا سوہلا نام سَت سَت نام منتر اِک دِرڑا، درڑھ وِشواس دئے بنائیا۔ جوتی جوت سروُپ ہرِ، آپ اپنی کِرپا کر، آد اَنت سِری

بھگوَنت، گُر شبدی تیرا ناؤں منت، منتر اِکو اِک جنائیا۔ آد اَنت منتر گُردیو، ہرِ سوامی آپ جنائیندا۔ چار جُگ کرنی سیو، سیوا ساچی اِک وکھائیندا۔ پاربرہم وڈ دیوی دیوَ، دیوت سُر تیرے حُکم رکھائیندا۔ امرت آتم رس ساچا میو، لکھّ چؤراسی بوُٹا آپ مہکائیندا۔ آد جُگاد سدا سد نِہکیو، نِہچل اپنا آسن لائیندا۔ جوتی جوت سروُپ ہرِ، آپ اپنی جوت دھر، شبد سُت تیرا مارگ اِک جنائیندا۔ شبد سُت چرن کر نِمسکار، پربھ اَگے سیِس جھُکایا۔ ہؤں بردا سیوک دوار، در تیرے سیو کمایا۔ وِشن برہما شِو کر تیار، ترےَ پنج میلا میل مِلایا۔ لکھّ چؤراسی گھاڑن گھڑ بن ٹھٹھیار، نِرگُن سرگُن روُپ دھرایا۔ لکھّ چؤراسی ہو اُجیار، جوت نِرنجن ڈگمگایا۔ شبد اگمّی ناد دُھنکار، دُھن آتمک راگ سُنایا۔ گُر اوتار پیِر پَیغمبر کر تیار، ترےَگُن اتیِتا کھیل کرایا۔ بھگت بھگوَنت کھول کِواڑ، ساچا مندر اِک درسایا۔ ساچے سنتاں کر پرکاس بہتّر ناڑ، ناڑی ناڑی روگ گوایا۔ گُرمُکھ ساچے گھوڑے چاڑھ، واگاں اپنے ہتّھ رکھایا۔ گُرسِکھاں دیوے اِک سہار، پریم پیالہ نام پیایا۔ دیِن دَیالا ایکنکار، جُگ جُگ اپنا کھیل کرایا۔ سَتجُگ تریتا دواپر اُتریا وِچ سنسار، اَنت لوک مات رہن نہ پایا۔ کلجُگ ویکھے انتم دھار، پُرکھ ابناسی کھیل کرایا۔ نؤ کھنڈ پرِتھمی گئی ہار، ہاہاکار سرِشٹ سبایا۔ جیِو جنت کرن پُکار، اُچی کوُک کوُک الایا۔ راجے رانے گئے ہار، رعیت روُپ نہ کوئے وکھایا۔ نؤ کھنڈ پرِتھمی دھوُاں دھار، ساچا چند نہ کوئے چڑھایا۔ گُر کا شبد نہ کرے کوئے پیار، نانک گوبِند گئے بُھلایا۔ عیسیٰ موُسیٰ محمد ملِے نہ سچّا یار، چار یاری ناتا رہی تُڑایا۔ بھگت اٹھاراں نہ کوئے آدھار، دھرنی دھرت دھوَل دئے دُہایا۔ تیئی اوتار نہ کوئے پیار، چرن پریِتی نہ کوئے نِبھایا۔ سیِتا سُرتی نہ پاوے سار، رام میل نہ کوئے مِلایا۔ کاہنا کرِشنا نہ میِت مُرار، مدُھر بنسری راگ نہ کوئے سُنایا۔ نؤ کھنڈ پرِتھمی لکھّ چؤراسی جیِو جنت ہویا نار وِبھچار، ہرِ جوُ کنت نہ کوئے ہنڈھایا۔ سر سروور ننگے تاریاں رہے مار، لج پت نِج نہ کوئے جنایا۔ گُردر مندر مسجد مٹھ شِودوالے کُکرمی کرم کرے اکرِت گھن گُر ناؤں نہ کوئے وِچار، ہرِ شبد وِچار وِچ نہ آیا۔ کلجُگ کھیل کرے اپار، جوتی جوت سروُپ ہرِ، آپ اپنی کِرپا کر، شبد سُت دیوے اِک ور، آد اَنت سِری بھگوَنت تیرے ہتّھ پھڑایا۔ شبد سُت وڈ بلوانا، بل اپنا آپ دھرائیا۔ کلجُگ ویکھے کوُڑ نِشانہ، جوُٹھ جھوُٹھ دئے دُہائیا۔ ہرِ کا نام نہ کِسے وکھانا، بھرمے بُھلی سرب لوکائیا۔ امرت آتم ملِے نہ پیِنا کھانا، ترِسنا بُھکھ نہ کوئے گوائیا۔ انحد ناد نہ کوئے گانا، چھتّی راگ بھیوَ کوئے نہ پائیا۔ گوبِند گُر نہ ملِے

کایا سچ مکانا، نِج نیتر نظر کِسے نہ آئیا۔ نانک نام سَت نہ سُنائے کِسے ترانہ، بَیٹھا اپنا مُکھ چُھپائیا۔ عیسیٰ موُسیٰ محمد ہوئے حَیرانا، ہرِ کا بھیوَ کوئے نہ پائیا۔ چؤداں طبق دِسن وَیرانہ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شبد سُت اِک وڈیائیا۔ شبد سُت سوُرا سربنگ، جُگ جُگ ویکھ وکھائیندا۔ ساچے اَسو کس کس تنگ، سولاں کلیاں آسن پائیندا۔ شاہ سوارا لوآں پُریاں برہمنڈاں کھنڈا ویکھے لنگھ، دو جہاناں چرناں ہیٹھ دبائیندا۔ نر نِرنکارا وجائے اِک مردنگ، وِشن برہما شِو آپ جگائیندا۔ کلجُگ اؤدھ رہی لنگھ، ویلا اَنت گیا ہتّھ نہ آئیندا۔ کوُڑی کِریا ڈھہنی کندھ، بھانڈا بھرم بھؤ بھنّائیندا۔ شاہ سُلطاناں ننگی کرے کنڈ، سیِس تاج نہ کوئے رکھائیندا۔ چار ورن ہوئے بھنگ، اٹھاراں برن نہ کوئے وڈیائیندا۔ نؤ کھنڈ پرِتھمی ہونا کھنڈ کھنڈ، ہرِ جوُ کھنڈا اِک کھڑکائیندا۔ پِھرے دروہی وِچ برہمنڈ، کروڑ تیتیِسا نیِر وہائیندا۔ پرگٹ ہوئے سوُرا سربنگ، پُرکھ ابناسی ویس وٹائیندا۔ جوتی جوت سروُپ ہرِ، آپ اپنی کِرپا کر، شبد گُر اِک جنائیندا۔ شبد گُر ہرِ بول جَیکارا، جےَ جَیکار سُنائیا۔ کلجُگ انتم دِسے کنارہ، سرِشٹ سبائی رہیا سمجھائیا۔ پرگٹ ہوئے مہابلی اوتارا، بل اپنا آپ پرگٹائیا۔ ناؤں رکھائے نِہکلنک نرائن نر اوتارا، سمبل اپنا آسن لائیا۔ دو جہاناں کرے خبردارا، پیِر پَیغمبر لئے اُٹھائیا۔ آد جُگادی ہو تیارا، ترےَگُن اتیِتا ٹھانڈا سیِتا نِرمل جوت کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ نِواسی بےپرواہیِا۔ سچکھنڈ نِواسی ایکا آؤنا، چؤتھا جُگ دھیان لگائیا۔ نِہکلنک ناؤں رکھاؤنا، نہ کوئے پِتا نہ کوئی مائیا۔ روُپ رنگ نہ کوئے وکھاؤنا، بھیکھ ویس نہ کوئے وٹائیا۔ شبد اگمّی ڈھولا اِکو گاؤنا، آتم پرماتم کرے پڑھائیا۔ کلجُگ لہنا جھولی پاؤنا، پوُرب لیکھا دئے مُکائیا۔ گُر اوتار پیِر پَیغمبر اپنے وِچ چُھپاؤنا، جوتی جوت جوت مِلائیا۔ پُرکھ اکال اِکو اِشٹ سرب درساؤنا، درِشٹی سب دی دئے کُھلائیا۔ جوتی جوت سروُپ ہرِ، آپ اپنی کِرپا کر، سچ سندیسہ ایکا وار جنائیا۔ پُرکھ ابناسی آوے جگ، کلجُگ انتم ویکھ وکھائیا۔ نؤ کھنڈ پرِتھمی بُجھائے اگّ، تتی وا نہ لاگے رائیا۔ گُرمُکھاں پار کرائے حد، مجھدھار نہ کوئے ڈُبائیا۔ پِتا پوُت کرائے لڈ، گودی گود آپ بہائیا۔ دو جہاناں سِری بھگوانا سَت سَتوادی گائے اِکو چھند، سوہنگ ڈھولا آپے گائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ نِواسی بےپرواہیِا۔ سچکھنڈ نِواسی شاہ سُلطانا، شہنشاہ اپنا حُکم ورتائیندا۔ کلجُگ انتم ہو پردھانا، سچ پردھانگی

آپ کمائیندا۔ بھوُپت بھوُپ راج راجانا، حُکم حاکم آپ سمجھائیندا۔ کلجُگ مِٹے کوُڑ نِشانہ، کوُڑا ناتا توڑ تُڑائیندا۔ گوبِند سوُرا وڈ بلوانا، بل اپنا آپ جنائیندا۔ نام کھنڈا اِک اُٹھانا، چنڈ پرچنڈ آپ چمکائیندا۔ لکھّ چؤراسی اَنتر آتم ویکھے مار دھیانا، کایا مندر اندر ڈوُنگھی کَندر پھول پھولائیندا۔ سَتجُگ وکھائے سچ نِشانہ، آپ اُٹھائے سِری بھگوانا، سَت سَتوادی راہ جنائیندا۔ نوَ نؤ گائے اِک ترانہ، پُرکھ اکال اِک منانا، اِشٹ گُردیو اِکو نظری آئیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ نِواسی پُرکھ ابناسی در دروازہ غریِب نوازا انتم اِکو اِک کُھلائیندا۔ در دروازہ جائے کُھل، سو پُرکھ نِرنجن آپ کُھلائیا۔ سچکھنڈ نِواسی سچ دوارے تولے پوُرے تول، نام کنڈا ہتّھ اُٹھائیا۔ نؤ سؤ چؤرانوے چؤکڑی جُگ بَیٹھا رہیا اڈول، گُر اوتار پیِر پَیغمبر سیوا لائیا۔ کلجُگ انتم سدّے سارے کول، لوک مات کوئے رہن نہ پائیا ۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شبد سُت سَتگُر اِکو روُپ پرگٹائیا۔ شبد گُروُ گُر وڈ بلکارا، بل اپنا آپ دھرائیندا۔ کلجُگ ویکھے کوُڑ پسارا، چار کُنٹ کھوج کھوجائیندا۔ بھگتاں دیوے اِک آدھارا، نام پیارا ونج کرائیندا۔ نؤ کھنڈ پرِتھمی لگّا اکھاڑا، جوُٹھ جھوُٹھ ناچ نچائیندا۔ ورن برن اگّ لگّی تتی ہاڑا، سانتک سَت نہ کوئے کرائیندا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، نوُر ظہوُر آپ درسائیندا۔ نوُر ظہوُر گُپت ظاہر، سو پُرکھ نِرنجن آپ جنائیا۔ صِفتی صِفت صالاح تے وسے باہر، صِفت وِچ کدے نہ آئیا۔ غریِب نِمانیاں کوجھیاں کملیاں بنے سجّن یار، یاری یاراں نال نِبھائیا۔ کایا مندر اندر وڑ وڑ کرے پیار، جگ نیتر نظر کِسے نہ آئیا۔ سوئی سُرتی لئے اُٹھال، اکال موُرت چلے نال نال، ناد تُورت اِک وجائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، شبد سُت وکھائے ساچا گھر، گھر گھر وِچ آپ پرگٹائیا۔ گھر مندر ٹھاکر وسے سوامی، گُروُدوارا اِکو نظری آئیندا۔ پرم پُرکھ پت پرمیشور سرب جیِاں گھٹ اَنترجامی، لکھّ چؤراسی کھوج کھوجائیندا۔ بودھ اگادھ شبد ناد انحد دُھن آتمک سُنائے ساچی بانی، رسنا جِہوا نہ کوئے ہِلائیندا۔ لیکھا چُکے چار کھانی، سُرتی ملِے شبد ہانی، امرت ملِے ٹھنڈا پانی، اٹھسٹھ تیِرتھ کِسے کمّ نہ آئیندا۔ سَتگُر سچّا وڈ مِہربانی ایکا دیوے پد نِربانی، سچکھنڈ دی سچ نِشانی، درگاہ ساچی دھام سُہائیندا۔ سَتجُگ دی سچ کہانی،

سوہنگ شبد اِک نِشانی، آتم پرماتم دِتا دانی، داتا دانی دَیا کمائیندا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سچکھنڈ نِواسی پُرکھ ابناسی کلجُگ راسی لہنا دینا نیتر نَیناں سرب چُکائیندا۔

۱۴ اَسوُ ۲۰۱۹ بِکرمی گُردیو سِنگھ دے گرِہ نواں پِنڈ

آد جُگاد گُردیو سوامی، ہرِ کرتا کھیل کرائیندا۔ جُگا جُگنتر اکتھ کہانی، پاربرہم پربھ آپ پڑھائیندا۔ بودھ اگادھ اگمّی بانی، شبد انادی ناد سُنائیندا۔ لیکھا جانے چار کھانی، چاروں کُنٹ ویکھ وکھائیندا۔ جن بھگتاں دیوے اِک نِشانی، ناؤں نِرنکارا اِک پڑھائیندا۔ پد وکھائے اِک نِربانی، پُرکھ ابناسی دَیا کمائیندا۔ چرن سرن سرن چرن دیوے سچ دھیانی، گیان دھیان اِک دِرڑائیندا۔ امرت سروور دیوے ٹھنڈا پانی، تٹ تیِرتھ اِک وکھائیندا۔ ناتا توڑ مان ابِھمانی، نِون سو اکھّر آپ جنائیندا۔ سرب جیِاں گھٹ جان جانی، لکھّ چؤراسی پھول پھولائیندا۔ جوتی جوت سروُپ ہرِ، آپ اپنی جوت دھر، آد پُرکھ گُر سَتگُر اِک اکھوائیندا۔ آد جُگادی گُر گُردیو، ہرِ کرتا آپ اکھوائیا۔ سدا سُہیلا الکھ ابھیوَ، الکھ اگوچر بےپرواہیِا۔ نِرگُن نِراکار سدا نِہکیو، نِہچل اپنا ڈیرہ لائیا۔ ہرِجن لائے ساچی سیو، گُرمُکھ اِکو سیو بُجھائیا۔ ناؤں نِرنکارا جنائے رسنا جِہو، جِہوا رسنا ہرِ گُن گائیا۔ آتم پرماتم دیوے ساچا میو، امرت پھل مُکھ کھوائیا۔ درس کرائے وڈ دیوی دیوَ، دیوَ آتما لئے مِلائیا۔ جوتی جوت سروُپ ہرِ، آپ اپنی کِرپا کر، آد جُگادی بےپرواہیِا۔ گُردیو سوامی ہرِ ہرِ ٹھاکر، سچکھنڈ ساچے سوبھا پائیندا۔ جُگ چؤکڑی بن سؤداگر، دو جہاناں ونج کرائیندا۔ لکھّ چؤراسی ویکھے کایا گاگر، نؤ کھنڈ پرِتھمی پھول پھولائیندا۔ جودھا سوُرا بلی بہادر، بل اپنا آپ جنائیندا۔ کرتا کریِم ہرِ ہرِ قادر، قُدرت قادر ویکھ وکھائیندا۔ جن بھگتاں نِرمل کرم کرے اُجاگر، دُرمت مَیل دھو وکھائیندا۔ جوتی جوت سروُپ ہرِ، آپ اپنی کِرپا کر، جُگ جُگ اپنا رنگ رنگائیندا۔ گُردیو سوامی سِری بھگوَنت، ہرِ سجّن کھیل کرائیندا۔ لیکھا جانے آد اَنت، جُگ جُگ ویس وٹائیندا۔ لکھّ چؤراسی جیِو جنت، گھٹ گھٹ اندر ڈیرہ لائیندا۔ ناؤں نِرنکارا منیِا منت، من منکا آپ بھوائیندا۔ توڑنہارا گڑھ ہؤمیں ہنگت، ہنگ برہم آپ سمجھائیندا۔ بودھ اگادھا اِکو پنڈت، اکھّر وکھّر آپ جنائیندا۔ جوتی

جوت سروُپ ہرِ، آپ اپنی کِرپا کر، اپنی کرنی آپ کمائیندا۔ گُردیو سوامی سِری بھگوان، بھگوَن اپنی دَیا کمائیا۔ لیکھا جانے دو جہان، نِرگُن سرگُن ویس وٹائیا۔ برہمنڈ کھنڈ ویکھے مار دھیان، پُری لو نَین اُٹھائیا۔ وِشن برہما شِو دیوے گیان، گیاتا اِکو اِک کرے پڑھائیا۔ لکھّ چؤراسی کر پردھان، نام پردھانگی اِک رکھائیا۔ نوَ نؤ کھیل کرے سِری بھگوان، سرگُن نِرگُن نِرگُن سرگُن لیکھا ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، اپنی کرنی آپ کمائیا۔ گُردیو سوامی پُرکھ اگمّ، الکھ اگوچر کھیل کرائیندا۔ آد جُگادی بیڑا بنّھ، جُگ جُگ اپنے کندھ اُٹھائیندا۔ وست امولک نام دھن، جن بھگتاں آپ ورتائیندا۔ ایکنکارا راگ سُنائے کنّ، انحد نادی ناد وجائیندا۔ لیکھا جانے جننی جن، جن جنیندی اپنے رنگ رنگائیندا۔ بھانڈا بھرم بھؤ دیوے بھنّ، گھڑن بھنّن ہار کھیل کرائیندا۔ بھاگ لگائے گُرمُکھ تن، گُر گُر اپنی بوُجھ بُجھائیندا۔ کرے وسیرا بِن چھپر چھنّ، محل اٹل اِک رُشنائیندا۔ نہ کوئی سوُرج نہ کوئی چنّ، منڈل منڈپ نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرائیندا۔ گُردیو سوامی ہرِ بھگوانا، بھگوَن اپنا کھیل وکھائیا۔ جودھا سوُربیِر بلی بلوانا، بل اپنا آپ پرگٹائیا۔ وسنہارا سچکھنڈ سچ مکانا، سچ سمگری اِک جنائیا۔ بولنہارا راگ ترانہ، تُریا راگ آپے گائیا۔ آد جُگادی مرد مردانہ، وڈ مردانگی آپ کمائیا۔ جُگ چؤکڑی کھیلے کھیل مہانا، خالق خلق روُپ وٹائیا۔ سَتجُگ تریتا دواپر کلجُگ دیونہارا دانا، داتا دانی ناؤں دھرائیا۔ گُر اوتار دیوے مانا، پیِر پَیغمبر چرن سرن سرنائیا۔ ایکا راگ سُنائے کانا، بِن اکھّر کر پڑھائیا۔ جوتی جوت سروُپ ہرِ، آپ اپنی کِرپا کر، اپنا حُکم آپ ورتائیا۔ گُردیو سوامی پاربرہم، برہم لیکھا آپ جنائیندا۔ آد جُگادی جانے اپنا کمّ، کرنی کرتا آپ کمائیندا۔ بھاگ لگائے کایا پنج تت تن، تتَو تت ویکھ وکھائیندا ۔ وست امولک اِک دھنّ، نام خزانہ ہٹّ چلائیندا۔ جن بھگتاں بیڑا دیوے بنّھ، ہرِ جوُ اپنے کندھ اُٹھائیندا۔ جُگ چؤکڑی دیونہارا ڈنّ، ایکا ڈنکا نام وجائیندا۔ جو گھڑیا سو دیوے بھنّ، تھِر کوئے رہن نہ پائیندا۔ لیکھا جانے سوُرج چنّ، چند چاندنی آپ چمکائیندا۔ کرے پرکاس نیتر انّھ، اگیان اندھیر مِٹائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ گُردیو سوامی صاحِب سُلطانا، سُرتی شبدی جوڑ جُڑائیا۔ لیکھا جانے سیِتا راما، آد جُگادی بےپرواہیِا۔ بھیوَ کُھلائے گوپی کاہنا، منڈل منڈپ راس رچائیا۔ پیِر پَیغمبر کھیل مہانا، ہرِ خالق خلق وکھائیا۔ کاغد قلم دئے پروانہ، لِکھ لِکھ لیکھا جھولی پائیا۔ بودھ

اگادھی اِک ترانہ، ترےَگُن اتیِتا آپ سُنائیا۔ ٹھانڈا سیِتا مرد مردانہ، سچکھنڈ وسے ساچا ماہیِا۔ جُگ چؤکڑی گائے گانا، گیِت گوبِند الائیا۔ کھانی بانی جگت نِشانہ، سچ نِشانی لئے پرگٹائیا۔ جوتی جوت سروُپ ہرِ، آپ اپنی کِرپا کر، اپنے ہتّھ رکھے وڈیائیا۔ گُردیو سوامی اُچ مِنارا، ہرِ اِکو اِک سُہائیندا۔ نِرمل دیِا کر اُجیارا، جوتی جاتا ڈگمگائیندا۔ کاغد قلم نہ لِکھنہارا، گُر اوتار بھیوَ نہ پائیندا۔ الکھ اگوچر اگمّ اتھاہ بے عیب پروردِگارا، حق حقیِقت کھوج کھوجائیندا۔ لاشریِک سانجھا یارا، شِرکت ونڈ نہ کوئے ونڈائیندا۔ جُگ چؤکڑی ویکھنہارا، نِرگُن سرگُن ویس وٹائیندا۔ کلجُگ انتم پاوے سارا، نوَ نؤ کھوج کھوجائیندا۔ پرگٹ ہو نِہکلنک نرائن نر اوتارا، نام ڈنکا اِک وجائیندا۔ پیِر پَیغمبر کرے خبردارا، سویا کوئے رہن نہ پائیندا۔ سرِشٹ سبائی ویکھے ہاہاکارا، ہرِ جوُ اپنا روُپ دھرائیندا۔ جوتی جوت سروُپ ہرِ، آپ اپنی کِرپا کر، اپنی کرنی آپ کرائیندا۔ گُردیو سوامی ہرِ گوبِند، مہما اکتھ کتھی نہ جائیا۔ داتا دانی گُنی گہند، گہر گمبھیِر وڈی وڈیائیا۔ آد جُگادی ساگر سِندھ، بھرپوُر رہیا سب ٹھانئیا۔ بھگت بھگوان اُپجائے اپنی بِند، سُت انادی وڈ وڈیائیا۔ آتم پرماتم میٹے چِند، دُئی دوَیتی دُکھڑا رہن نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ گُردیو سوامی ٹھانڈا سیِتا، سیِتل ایکا دھار وکھائیندا۔ آد جُگادی جُگ جُگ ریِتا، لکھّ چؤراسی ویس وٹائیندا۔ نِرگُن سرگُن پتت پُنیِتا، پتت پاوَن دَیا کمائیندا۔ لیکھا جانے ہست کیِٹا، اوُچاں نیِچاں ویکھ وکھائیندا۔ وسنہارا دھام انڈیِٹھا، کلجُگ انتم پھیری پائیندا۔ جن بھگتاں کرے سچ پریِتا، پریِتیوان دَیا کمائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ کرائیندا۔ گُردیو سوامی سدا سَت، سَت سَتوادی دَیا کمائیا۔ دیونہارا برہم مت، پاربرہم کرے پڑھائیا۔ آتم پرماتم جوڑے نات، ناتا بِدھاتا اِک رکھائیا۔ کلجُگ میٹے اندھیری رات، سَتجُگ ساچا چند کرے رُشنائیا۔ سوہنگ اکھّر سُنائے گاتھ، سرِشٹ سبائی دئے سمجھائیا ۔ لہنا چُکے تریَلوکی ناتھ، ناتھ اناتھاں دئے وڈیائیا۔ دو جہاناں اِکو پوُجا پاٹھ، پاٹھشالا اِکو دئے جنائیا۔ اِک سروور تیِرتھ تاٹ، تٹ کنارہ اِک وڈیائیا۔ چؤداں لوک وکھائے ہاٹ، بن ونجارا پھیری پائیا۔ چؤداں طبق وسے ساتھ، سگلا سنگ نِبھائیا۔ کلجُگ اَنت ویکھے کھیل تماش، نِرگُن اپنا ویس وٹائیا۔ سَتجُگ ساچی دیوے دات، سوہنگ نام جھولی پائیا۔ میٹے رَین اندھیری رات، نِرگُن نوُر کرے رُشنائیا ۔ بھگتاں بنے سچّا ساتھ، بھگوَن اپنا سنگ رکھائیا۔ آتم پرماتم اِکو گاتھ، ساچا ڈھولا دئے جنائیا۔ انتم

مکُے جھوُٹھی واٹ، کوُڑی کندھ رہن نہ پائیا۔ گُرمُکھاں پوُرا کرے گھاٹ، پوُرب لیکھا دئے مُکائیا۔ ناتا تُٹے ذات پات، ورن گوت نہ کوئے رکھائیا۔ میل مِلائے کملاپات، نر نرائن دَیا کمائیا۔ بند کِواڑی کھولے تاک، بجر کپاٹی توڑ تُڑائیا۔ آتم سیجا وکھائے کھاٹ، سیج سُہنجنی اِک سُہائیا۔ نِرمل جوت جگے لِلاٹ، نوُرو نوُر نوُر رُشنائیا۔ لیکھا جانے پُرکھ سمراتھ، سمرتھ اپنے ہتّھ رکھے وڈیائیا۔ کلجُگ انتم میل مِلائے نٹّھ نٹّھ، لکھّ چؤراسی کھوج کھوجائیا۔ گُرمُکھ سجّن کر اِکٹّھ، ہرِ سنگت روُپ وٹائیا۔ ناتا تُٹے مندر مٹھ، شِودوالا نظر کوئے نہ آئیا۔ پاربرہم برہم گائے ساچا جس، صِفتی صِفت صِفت صالاحیا۔ جن بھگتاں اندر جائے وس، نِرگُن اپنا ڈیرہ لائیا۔ سَتجُگ ساچا مارگ دیوے دسّ، مِہر نظر اِک اُٹھائیا۔ تیِر انیالا مارے کس، تِکھی مُکھی دھار بندھائیا۔ جوتی جوت سروُپ ہرِ، آپ اپنی کِرپا کر، اپنی رچنا آپ رچائیا۔ گُردیو سوامی ساچا سجّن، سو پُرکھ نِرنجن آپ اکھوائیندا۔ گُرمُکھاں کرائے اِکو مجن، ہرِ پُرکھ نِرنجن دَیا کمائیندا ۔ کلجُگ انتم ایکنکارا آیا صدّن، نِرگُن اپنا پھیرا پائیندا۔ آد نِرنجن رکھنہارا لّجن، سِر اپنا ہتّھ ٹِکائیندا۔ ابناسی کرتا ایکا نام رکھائے لگن، دوُسر اوٹ نہ کوئے جنائیندا۔ سِری بھگوان میل مِلاوا ساچے سجّن، سگلا سنگ آپ نِبھائیندا۔ پاربرہم پربھ پردے کجّن، نام دوشالہ ہتّھ اُٹھائیندا۔ سَت سَتوادی آیا نام ونڈن، وست امولک جھولی پائیندا۔ لکھّ چؤراسی وِچوں پھڑ پھڑ آیا کڈھن، ہرِجن اپنی گود بہائیندا۔ کوُڑی کِریا بھانڈے آیا بھنّن، جو گھڑیا بھنّ وکھائیندا۔ گُرمُکھ ساچا نِرمل چنّن، نِم واس نہ کوئے مہکائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ گُردیو سوامی نیِکن نیِکا، نظر کِسے نہ آئیا۔ لیکھا جانے جیِو جی کا، گھٹ گھٹ رہیا سمائیا۔ کلجُگ پھل ویکھے پھیِکا، نوَ نؤ پھیرا پائیا۔ گُر اوتار پیِر پَیغمبر جِس دیاں رکھ کے گئے اُڈیِکاں، سو سَتگُر ویس وٹائیا۔ سب دیاں اَنت نیڑے آئیاں تاریخاں، ہرِ جوُ فَیصلہ دئے سُنائیا۔ کوُڑی کِریا ویلا بیِتا، بیِتی کہانی نہ کوئے جنائیا۔ سَتجُگ چلائے ساچی ریِتا، ریِتیوان دَیا کمائیا۔ گُرمُکھاں رنگ رنگائے اِک مجیِٹھا، چڑھیا رنگ اُتر نہ جائیا۔ کلجُگ ترےَگُن تپے انگیِٹھا، لکھّ چؤراسی اگنی لائیا۔ نہ کوئی سجّن نہ کوئی میِتا، بھَین بھائی نہ کوئے سہائیا۔ جھوُٹھی نظر آئے پریِتا، اَنت سنگ کوئے نہ جائیا۔ کرے کھیل صاحِب انڈیِٹھا، انڈِٹھڑی دھار وہائیا۔ گُرمُکھ سچّا نہ مریا نہ جیِتا، جیِون مرن وِچ کدے نہ آئیا۔ نام نِدھان جِس جن پیِتا، امرت رس رس وکھائیا۔ آد جُگاد ٹھانڈا سیِتا، اگنی تت نہ لاگے رائیا۔ ہرِ چرن دھیان اِکو کیِتا،

دوُجی اوٹ نہ کوئے رکھائیا۔ ناؤں نِرنکارا کریا میٹھا، جگت رس نیڑ کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ گُردیو سوامی اِک انند، انند آتم آپ جنائیندا۔ گھر وِچ گھر وکھائے پرمانند، پرم پُرکھ کھیل کرائیندا۔ کر پرکاس بِن سوُرج چند، چند چاندنی نوُر چمکائیندا۔ کلجُگ انتم ونڈے اِکو ونڈ، ونڈنہارا پھیری پائیندا۔ کوُڑی کِریا ناتا توڑ بھیکھ پکھنڈ، گُرمُکھ ساچے مارگ لائیندا۔ جنم جُگ دی ٹُٹّی گنڈھ، گُر شبدی جوڑ جُڑائیندا۔ آون جاون مکُے پندھ، لکھّ چؤراسی پھند کٹائیندا۔ گیِت سُہاگی سچّا چھند، سوہنگ سوہلا آپ جنائیندا۔ دُئی دوَیتی ڈھاہے کندھ، بھانڈا بھرم بھؤ بھنّائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، وست امولک اِک وکھائیندا۔ گُردیو سوامی وست اپار، ہرِ سَتگُر آپ جنائیا۔ سَتجُگ دیوے کر پیار، پرم پُرکھ پربھ جھولی پائیا۔ نِرگُن سرگُن دئے آدھار، سرگُن ملِے مان وڈیائیا۔ بھگت بھگوَنت لئے اُٹھال، اپنا بھاگ ونڈ ونڈائیا۔ لیکھا جان شاہ کنگال، اوُچ نیِچ دَیا کمائیا۔ گُر شبد سچّا بن دلال، پنج تت میلا سہج سُبھائیا۔ آپے سُنے مُریِداں حال، مُرشد اپنا پھیرا پائیا۔ سَت سَتوادی ساچی دھرمسال، دھرم دوارا دئے وکھائیا۔ جوتی جوت سروُپ ہرِ، آپ اپنی کِرپا کر، جُگ چؤکڑی لہنا دئے چُکائیا۔ گُردیو سوامی لہنا دینا، جُگ چؤکڑی آپ چُکائیندا۔ گُر اوتار پیِر پَیغمبر وکھائے نَیناں، نیتر اکھّ سرب کُھلائیندا۔ لکھّ چؤراسی کوُڑی کِریا وہن وہنا، شؤہ دریائے آپ رُڑھائیندا۔ گُرمُکھ وِرلے گُر چرن بہنا، گُرمُکھ ساچے آپ جگائیندا۔ مُریِد مُرشد منّے کہنا، منّ منّ شُکر منائیندا۔ گُر چیلا دھام اِکٹّھے اِکو رہنا، دھام اولّڑا آپ پرگٹائیندا۔ صاحِب سَتگُر بھانا سہنا، سِر سِر حُکم منائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ وکھائیندا۔ گُردیو سوامی کھیلے کھیل، کھیلنہارا نظر نہ آئیا۔ ہرِجن ساچے رہیا میل، میل مِلاوا آپ کرائیا۔ کرے پرکاس بِن باتی تیل، دیِپک اِکو جوت رُشنائیا۔ آد جُگادی سجّن سُہیل، ہرِ سَتگُر ویکھ وکھائیا۔ کلجُگ انتم اچرج رچیا کھیل، بھیوَ ابھید نہ کوئے پائیا۔ سادھ سنت کیتے فیل، حل سوال نہ کوئے کرائیا۔ انتم گھلے رائے دھرم دی جیل، بندی خانہ اِک بنائیا۔ پھڑ باہوں دیوے ٹھیل، اَگے ہو نہ کوئے بچائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ گُردیو سوامی سانجھا یار، سگلا سنگ نِبھائیندا۔ چار ورناں دئے آدھار، جو جن سرنائی آئیندا۔ کھتری براہمن شوُدر وَیش کرے پیار، پریم پریِتی اِک وکھائیندا۔ دُئی دوَیتی دئے نِکال، نِرگُن اپنا رنگ رنگائیندا۔ ساچا

منتر دئے سِکھال، سوہنگ ڈھولا آپ سُنائیندا۔ نیڑ آئے اَنت نہ کال، مہاکال بھےَ چُکائیندا۔ ترےَگُن مایا توڑ جنجال، جیِون جُگت آپ وکھائیندا۔ کایا مندر اندر سچّی دھرمسال، دھرم دوار اِک پرگٹائیندا۔ شبد اگمّی وجےّ تال، انحد نادی ناد سُنائیندا۔ امرت جام دئے پیال، مدُھر پیالہ ہتّھ اُٹھائیندا۔ ایکا جوت دیوے بال، نوُر نوُرانہ ڈگمگائیندا۔ آتم سیجا دئے سُکھال، آسا ترِسنا بُھکھ گوائیندا۔ آپے سُنے مُریِداں حال، مُرشد اپنا پھیرا پائیندا۔ کلجُگ اَنت بن دلال، نِرگُن اپنی دَیا کمائیندا ۔ سَتجُگ تریتا دواپر جو گُرمُکھ گھالنا آئے گھال، کیِتی گھال لیکھے لائیندا۔ اپنی کِرپا سب دا حل کرے سوال، فِقرہ نال نہ کوئے مِلائیندا۔ بِن اکھّاں لکھّ چؤراسی وِچوں لئے بھال، بھالیاں آپ ہتّھ کِسے نہ آئیندا۔ اِکٹّھے کیتے شاہ کنگال، شاہ کنگال اپنا روُپ وکھائیندا۔ کلجُگ چلی اولّڑی چال، چال نِرالی اِک رکھائیندا۔ گُرسِکھ ویکھے ساچے لال، لالن اپنی گود بہائیندا۔ دِوس رَین کرے پرِتپال، بن پرِتپالک سیو کمائیندا۔ اندر باہر چلے نال نال، آتم پرماتم جوڑ جُڑائیندا۔ ایتھے اوتھے رہے خوشحال، خوشی غم نہ روُپ وٹائیندا۔ ہرِجن اَنت نہ کھائے کال، ہرِ جوُ اپنی گود بہائیندا۔ جوتی جاتا جوت بے مثال، بے نظیِر ویکھ وکھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِجن اپنے رنگ رنگائیندا۔ گُردیو سوامی رنگے رنگ، رنگنہارا اِک اکھوائیا۔ آتم سیجا سَت پلنگ، پرم پُرکھ پربھ آپ ہنڈھائیا۔ ہرِ مندر وجائے سچ مردنگ، گُرمُکھ گرِہ ہووے شنوائیا۔ آتم پرماتم دیوے اِک انند، نِجانند دئے چکھائیا۔ جنم جنم دے وِچھڑیا پاوے ٹھنڈ، اگنی تت تت مِٹائیا۔ آتم پرماتم سُرتی شبدی دیوے گنڈھ، بِن تندی ڈور بندھائیا ۔ مکُے رنڈیپا رنڈ، کنت سُہاگ اِک وکھائیا۔ رل مِل سخیاں گیِت گائن گوبِند چھند، چھنت اِکو اِک پڑھائیا۔ صاحِب دَیال ٹھاکر سوامی بخشند، بخشش اپنے ہتّھ وکھائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، ہرِجن ساچے پار کرائیا۔ گُردیو سوامی پار کنارہ، گُرمُکھ گُر گُر آپ جنائیندا۔ ڈوُنگھا ساگر ویکھنہارا، کایا بھوَری کوَری کھوج کھوجائیندا۔ دیونہارا سچ سہارا، سِر اپنا ہتّھ ٹِکائیندا۔ گُرمُکھاں کرے سچ پیارا، پرم پُرکھ دَیا کمائیندا۔ لکھّ چؤراسی پار اُترن دا اِک وِہارا، ہرِ جوُ اِکو وار سمجھائیندا ۔ جو جن سوہنگ مہاراج شیر سِنگھ وِشنوُں بھگوان بولے جَیکارا، جنم مرن وِچ کدے نہ آئیندا۔ ایتھے اوتھے میل مِلائے آپ

نِرنکارا، نِرگُن سرگُن سرگُن نِرگُن جوڑ جُڑائیندا۔ جوتی جوت سروُپ ہرِ، آپ اپنی جوت دھر، گُردیو سوامی وسے ساچے گھر، گھر مندر اِک سُہائیندا۔

بیگم پُری بے غم، چِنتا دُکھ نہ کوئے رکھائیا۔ ہڈّ ماس ناڑی نہ کوئی چم، چمّ درِشٹی نہ کوئے جنائیا۔ محل اٹل مینار نہ کوئی چھپر چھنّ، سوُرج چند نہ کوئے چڑھائیا۔ بُدھ مت نہ کوئے من، رسنا جِہوا نہ کوئے ہِلائیا۔ نہ کوئے جننی نہ کوئی جن، دھنّ جنیندی نہ کوئے مائیا۔ نہ کوئی راگ نہ کوئی کنّ، ناد دُھن نہ کوئے وجائیا۔ نہ کوئی بیڑا رہیا بنّھ، چپوُ ہتّھ نہ کوئے اُٹھائیا۔ نہ کوئی دیونہارا ڈنّ، راج بھوُپ نہ کوئے اکھوائیا۔ تِس دوارے وسے اِکو اِک سِری بھگوَن، پرم پُرکھ پربھ آسن لائیا۔ جِس جن اُپر صاحِب جائے منّ، تِس بیگم پُرا دئے وکھائیا۔ بیگم پُرا بے بُنیاد، بُنیاد نظر کِسے نہ آئیا۔ جِس گھر سُنے سرب فریاد، پرم پُرکھ وسے سچّا ماہیِا۔ آد جُگاد جُگا جُگنتر جن بھگتاں دیوے اپنی داد، نام بھنڈارا اِک ورتائیا۔ نہ کوئی اوتھے سنت نہ کوئی سادھ، سَتگُر اِکو وسے سچّا شہنشاہیِا۔ گُرمُکھاں کرے سچّا لاڈ، پریم پیار اِک وکھائیا۔ لکھّ چؤراسی وِچوں کاڈھ، اپنے چرن دئے سرنائیا ۔ اِکو جنائے اپنی یاد، پِچھلی یادداشت دئے بُھلائیا۔ اِکو آئے سچ سواد، سَت سَتوادی ایکا رس چکھائیا۔ جوتی جوت سروُپ ہرِ، آپ اپنی کِرپا کر، جِس جن وکھائے اپنا گھر، تِس بیگم پُرا ہرِ کا روُپ نظری آئیا۔ بیگم پُرا سچکھنڈ، ہرِ ساچے آپ بنایا۔ جِتھے دوُسر نہ کوئی ونڈ، ونڈنہارا نظر کوئے نہ آیا۔ نہ کوئی بھیکھ نہ پکھنڈ، کوُڑی کِریا نہ کوئے رکھایا۔ نہ کوئی گائے بتّی دند، تیِس بتیِس نہ کوئے صالاحیِا۔ تِس گھر وسے سوُرا سربنگ، شہنشاہ اپنا آسن لایا۔ گُرمُکھ گُر گُر ہرِجن ہربھگت جِس جن وکھائے اپنا انند، انند انند وِچ جنایا۔ جوتی جوت سروُپ ہرِ، آپ اپنی کِرپا کر، جِس مِلائے اپنے گھر، تِس بیگم پُرا دئے سمجھایا۔ بیگم پُرا ہرِ کا دوار، دوُسر ہور نہ کوئے جنائیا۔ اٹّھے پہر نِرمل جوت اُجیار، دِیا باتی نہ کوئی رُشنائیا۔ سچکھنڈ نِواس سچکھنڈ بَیٹھے آپ نِرنکار، سچ سِنگھاسن سوبھا پائیا۔ جوتی جوت سروُپ ہرِ، آپ اپنی کِرپا کر، گُرمُکھاں وکھائے ساچا گھر، جِس گھر وڑیاں غم رہے نہ رائیا۔ بیگم پُرا سچ دروازہ، باڈھی بنت نہ کوئے بنائیندا۔ جِس گھر وسے غریِب نوازا، غریِب نِمانیاں گلے لگائیندا۔ شاہو بھوُپ وڈ راجن راجا، شہنشاہ اپنا

کھیل کرائیندا۔ آد جُگاد جُگا جُگنتر لکھّ چؤراسی آتم پرماتم رچ رچ کاجا، گُر اوتار پیِر پَیغمبر کھیل کرائیندا۔ بودھ اگادھ شبد اگمّی وجائے واجا، تار سِتار نہ کوئے ہِلائیندا۔ بھگت بھگوَنت آپ اپنا سازن سازا، نِرگُن سرگُن سرگُن نِرگُن اپنا روُپ وٹائیندا۔ سَتگُر سچےّ گُرمُکھ سچّا جو مات لادھا، تِس کُھلائے گھر دروازہ، بیگم پُرا ہرِ آپ نوازا، نوازش اپنے ہتّھ رکھائیندا۔ بیگم پُرا نہ ہوئے بے زار، نیتر نیِر نہ کوئے وہائیا۔ جِس گھر وسے پروردِگار، بےپرواہ آسن لائیا۔ مقامے حق نوُر اُجیار، حضرت بَیٹھا سچّا شہنشاہیِا۔ بے نظیِر شاہ حقیِر کر کِرپا جِس اپنا حُجرہ دئے وکھال، بند کِواڑا تاکی کُنڈا لاہیِا۔ ایکا جلوہ نوُر جلال، جوتی جاتا جوت رُشنائیا۔ تِس بیگم پُرے مُریِد مُرشد مُرشد مُریِداں حل کرے سوال، اپنا لیکھا آپ جنائیا۔ بیگم پُرے وسے بیگم، گُرمُکھ سُرتی بیگم روُپ وٹائیا۔ ہرِ خؤنت ملِے اِکو ایکمّ، ایکنکار دَیا کمائیا۔ چرن لگّ کرے سلاما علیکمّ، عالمیِن تیری وڈیائیا۔ تیرا دھام مُقدس بَیتُل، بےپرواہ تیری شہنشاہیِا۔ میَں دوُروں آئی ویکھ کے تیری سَینت، تیرا نام اِشارہ میری اکھّاں نالوں لتھیا عینک، میرا آئینہ ہویا رُشنائیا۔ خُداوند کریِم مِلیا اچانک، بھیانک روُپ دئے گوائیا۔ میَں کوجھی کملی نہ سکی پچھاَنت، اَگے بَیٹھا سچّا ماہیِا۔ ویلے اَنت کِسے دی نہ منگے ضماَنت، گُرمُکھ ساچے پھڑ کے باہوں بری کرائیا۔ لا کے بَیٹھا اِک عدالت، عدل سچّا رہیا کمائیا۔ نہ کوئی وُکلا نہ وکالت، وکیِل سنگ نہ کوئے رکھائیا۔ سچکھنڈ دی سچ اَمانت، گُرمُکھ بیگم روُپ وٹائیا۔ ایتھے اوتھے صحیح سلامت، دُکھ پوہ نہ سکے رائیا۔ ترےَگُن مایا نہ کوئے علامت، پنچ وِکار نہ کوئے لڑائیا۔ جوتی جوت سروُپ ہرِ، آپ اپنی کِرپا کر، بیگم پُرا شہر گُرمُکھاں بنا بیگم لئے وکھائیا۔ بیگم بنائے ہرِ جوُ نار کنت، کنت کنتُوہل دَیا کمائیندا۔ پہلوں کایا چولی پھڑ پھڑ چاڑھے رنگ بسنت، دُرمت مَیل دھوائیندا۔ اَنتر آتم پرماتم جپائے اپنا منت، منتر اِکو نام دِرڑائیندا۔ گڑھ توڑ ہؤمے ہنگت، ہنگ برہم اِک سمجھائیندا۔ بودھ گیان گیان بودھ ہوئے پنڈت، ساچی وِدیا اِک سمجھائیندا۔ ناتا توڑ ہؤمے ہنگت، نِون سو اکھّر اِک وکھائیندا۔ غریِب نِمانیاں پھڑ پھڑ میل اپنی سنگت، سچّا سنگ نِبھائیندا۔ لیکھا جان آد اَنت، مدھ اپنا کھیل وکھائیندا۔ پنج تت کایا روُپ بنائے ساچی بنت، اندر بھگوَنت ڈیرہ لائیندا۔ تن ماٹی کاچی بنا بنت، پھڑ اپنی گود بہائیندا۔ ناتا توڑ بہِشت جنت، چرن کوَلاں وِچ رکھائیندا۔ گُرمُکھ گُرسِکھ ہرِجن ہرِ بھگت اِکو دھام سُہنت، جِس دھام بیگم پُر ناؤں رکھائیندا۔ نہ کوئی من نہ کوئی منت، نہ کوئی رسنا نہ کوئی جِہوا نہ کوئی

مُنہ نہ کوئی نکّ، پُرکھ اکال اِک پرتکھ نظری آئیندا۔ رل مِل دوویں گُر گُرسِکھ جائن وس، تِس دوار ناؤں بیگم پُرا اکھوائیندا۔ بیگم پُرا نِکّی کھڈّ، گھر گھر وِچ ٹِکائیا۔ اپنے نالوں کر کر اڈّ، پاربرہم لکھّ چؤراسی ونڈ ونڈائیا۔ لُکا کے رکھی وِچ کایا ماٹی ہڈّ، چمڑی اُپر پردہ پائیا ۔ گُرمُکھ کھیل ویکھے اندر ہٹّ، باہر ڈھوُنڈن کِتے نہ جائیا۔ دُئی دوَیتی کھولے پھٹ، اپنا پھٹّا دئے اُٹھائیا۔ وِچوں پرگٹ ہووے جھٹ، نِرمل جوت کر رُشنائیا۔ گُرمُکھ چرن جائے ڈھٹّھ، واہ واہ تیری وڈ وڈیائیا۔ جِس تن دِتا پنج تت من مت بُدھ نال رتّ، رتّی رتّ رتّ نال مِلائیا۔ سو سَتگُر مارگ دیوے دسّ، اپنا گھر دئے وکھائیا۔ رل مِل اندر جائیے وس، گلوکڑی اِکو پائیا۔ پریم پیار جائیے پھس، نہ کوئی سکے توڑ تُڑائیا۔ اِک دوُجے دا درشن کریئے ہسّ ہسّ، گُرسِکھ گُر گُر گوبِند وِچ سمائیا۔ بِن رسنا بِن جِہوا گائیے جس، بِن کنّاں راگ سُنائیا۔ مان ابِھمان توڑ جائیے ڈھٹّھ، گڑھ ہنکار نہ کوئے وکھائیا۔ نظری آئے گھٹ گھٹ، میرا وسے سچّا ماہیِا۔ بیگم پُرے دا راہ دیوے دسّ، جِس جاندیاں راہ وِچ نہ کوئے اٹکائیا۔ مایا چھایا پریم پیار اندر گئے جے پھس، قدم قدم چلے نہ کوئے راہیا۔ سَتگُر پوُرا دوُر دُراڈے جائے نٹّھ، اپنی کروٹ لئے بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بیگم پُر کایا مندر اندر رکھی کھاٹ، پاوا چوُل نہ کوئے رکھائیا۔ جگت نیتر ویکھے آکار، نِج نیتر نِراکار وِچ سمائیا۔ جِس دھام وسے نِرنکار، سو ساکار نظر نہ آئیا۔ اپنا رکھے آپ اِختیار، حُکم اگمّی اِک سُنائیا۔ جوتی شبدی شبدی جوتی ساچی دھار، تتَو تت نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، اپنی کرنی آپ کمائیا۔