کتب خانہGranth 12 (Urdu)

۱۹ اَسوُ ۲۰۱۹ بِکرمی گُرمُکھ سِنگھ دے گرِہ احمد پُر ضِلع جالندھر

سَتگُر شبد گُر پوُرا سوامی، آد جُگاد کھیل کرائیندا۔ جُگا جُگنتر اکتھ کہانی، بودھ اگادھی نام دِرڑائیندا۔ سچکھنڈ دی سچ نِشانی، سَت سَتوادی آپ جنائیندا۔ اکھّر وکھّر کھیل مہانی، خالق خلق آپ سمجھائیندا۔ آتم پرماتم برہم پاربرہم ایکا دیوے سچ دھیانی، دھیان دھیان نال مِلائیندا۔ لیکھا جانے چار کھانی، انڈج جیرج اُتبُھج سیتج ویکھ وکھائیندا۔ اناد انادی اگمّی بانی، پرا پسنتی مدھم بَیکھری آپے گائیندا۔ جوتی جوت سروُپ ہرِ، آپ اپنی کِرپا کر، سَتگُر شبد کھیل کرائیندا۔ سَتگُر شبد سرب گُنونت، ہرِ وڈّا وڈ وڈیائیا۔ لیکھا جانے آد اَنت، جُگ جُگ ویس وٹائیا۔ نام دِرڑائے ساچا منت، منتر اِکو اِک سمجھائیا۔ لیکھا جانے لکھّ چؤراسی جیِو جنت، جیِون جُگت دئے جنائیا۔ میل مِلائے ساچے سنت، سَت سَتوادی دَیا کمائیا۔ جوتی جوت سروُپ ہرِ، آپ اپنی کِرپا کر، سَتگُر شبد دَیا کمائیا۔ سَتگُر شبد دیِن دَیال، دَیا نِدھ دَیا کمائیندا۔ آد جُگادی جُگ جُگ لیکھا جانے کال، مہاکال ویس وٹائیندا۔ بھگت بھگوَنت آپے بھال، ترےَگُن مایا ناتا توڑ تُڑائیندا۔ ساچا مارگ اِک سِکھال، ساچی سِکھیا اِک سمجھائیندا۔ نام انمُلڑا دیوے لال، وست امولک جھولی پائیندا۔ چلے چلائے اولّڑی چال، چال نِرالی آپ رکھائیندا۔ آپے سُنے مُریِداں حال، مُرشد اپنا پھیرا پائیندا۔ جوتی جوت سروُپ ہرِ، آپ اپنی کِرپا کر، گُر شبدی کھیل کِھلائیندا۔ گُر شبدی کھیل اپار، آد جُگاد کرائیا۔ نِرگُن سرگُن لےَ اوتار، پنج تت چولا جگت ہنڈھائیا۔ نام نِدھانا بول جَیکار، جےَ جَیکار دئے سمجھائیا۔ اکھّر وکھّر کر تیار، لِکھ لِکھ لیکھا دئے جنائیا۔ صِفتی صِفت صِفت بھنڈار، ساچی صِفت صِفت صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ شبد سَتگُر بےپرواہ، اپنی کھیل آپ کرائیندا۔ جُگا جُگنتر بن ملاح، لوک مات بیڑا آپ اُٹھائیندا۔ سَت سَتوادی دیوے سچ صلاح، آتم پرماتم آپ پڑھائیندا۔ اناد انادی اِک سُنا، دُھن آتمک راگ

الائیندا۔ دِیا باتی اِک جگا، کملاپاتی نوُر دھرائیندا۔ ساچا جام دئے پِلا، بن ساقی سیو کمائیندا۔ نِجھر جھِرنا دئے جھِرا، نابھی کوَل کوَل اُلٹائیندا۔ بند تاکی دئے کُھلا، بجر کپاٹی توڑ تُڑائیندا۔ سنت ساجن لئے مِلا، آپ اپنے انگ لگائیندا۔ نِہکرمی اپنا کرم لئے کما، کرم کانڈ لیکھا آپ چُکائیندا ۔ جوتی جوت سروُپ ہرِ، آپ اپنی کِرپا کر، سَتگُر اپنا کھیل کرائیندا۔ گُر سَتگُر ساچا سجّن، سجّن اِکو اِک اکھوائیا۔ دو جہان کرائے ساچا مجن، لوآں پُریاں برہمنڈاں کھنڈاں تیِرتھ اِک وکھائیا۔ گُر اوتار پیِر پَیغمبر آپے ہوئے پردے کجّن، سِر اپنا ہتّھ ٹِکائیا۔ جُگ چؤکڑی آپے ہوئے متھن، نام مدھانا ہتّھ اُٹھائیا۔ بھگت بھگوَنت سادھ سنت گُرمُکھ ساچے آئے رکھن، نِت نوِت ویس وٹائیا ۔ ساچا مارگ آئے دسّن، دہ دِشا ویکھ وکھائیا۔ کلجُگ اندھیری رَین میٹے مسّن، ساچا نوُر کرے رُشنائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ کرائیا۔ گُر شبد سَتگُر سوُر، سوُربیِر اِک اکھوائیندا۔ سرب کلا بھرپوُر، بھرپوُری اپنی دَیا کمائیندا ۔ آد جُگادی ساچا نوُر، نوُر نوُرانہ نوُر دھرائیندا۔ بودھ اگادھی ساچی تُور، تُریا راگ آپ سُنائیندا۔ وسنہارا نیڑے دوُر، دو جہاناں پندھ مُکائیندا۔ ناتا توڑے کوُڑو کوُڑ، ساچی سِکھیا اِک سمجھائیندا۔ گُرمُکھ وِرلے لائے مستک ساچی دھوُڑ، نام ٹِکاّ اِک وکھائیندا۔ چتُر سُگھڑ بنائے موُرکھ موُڑھ، جِس جن اپنی دَیا کمائیندا۔ جوتی جوت سروُپ ہرِ، آپ اپنی کِرپا کر، گُر سَتگُر کھیل کرائیندا۔ گُر شبدی کھیل اولّا، عالمیِن ویکھے سرب لوکائیا۔ وسنہارا نِہچل دھام اٹلا، اٹل محل کرے رُشنائیا۔ پاوے سار جلاں تھلاں، جل تھل مہیئل رہیا سمائیا۔ لیکھا جانے جنگل جوُہ اُجاڑ پہاڑ ڈوُنگھی ڈلا، سمُند ساگر کھوج کھوجائیا۔ آد جُگاد جُگا جُگنتر جن بھگت پھڑائے اپنا پلّا، نام ڈوری بندھن پا نِرگُن سرگُن سِکھیا دئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گُر شبد مان وڈیائیا۔ گُر شبدی ساچی سیوا لا، سیوا اپنی آپ جنائیندا ۔ الکھ اگمّ بےپرواہ، آپے ویکھ وکھائیندا۔ دو جہاناں بن ملاح، کھیوٹ کھیٹا بیڑا اپنے کندھ اُٹھائیندا۔ جُگ چؤکڑی آپ پرگٹائے اپنا ناں، ناؤں نِرنکارا آپ دِرڑائیندا۔ پنچم میلا سہج سُبھا، ترےَ ترےَ لیکھا اپنے ہتّھ رکھائیندا۔ ساچا سوہلا آپے گا، ڈھولا اپنا راگ الائیندا۔ جوتی جوت سروُپ ہرِ، آپ اپنی کِرپا کر، شبدی شبد شبد الائیندا۔ شبدی راگ شبدی دُھن، شبدی شبد شبد سُنائیا ۔ شبدی لیکھا جانے مہا سُنّ، سُنّ سمادھ روُپ وٹائیا۔ شبدی گُر لیکھا جانے اپنے گُن، اَوگُن روُپ نہ کوئے وکھائیا۔ گُر شبدی

لکھّ چؤراسی جیِو جنت سادھ سنت پُکار لئے سُن، گھٹ گھٹ رہیا سمائیا۔ لکھّ چؤراسی وِچوں چُن، گُرمُکھ سجّن لئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل کرتار، گُر شبدی ویس وٹائیندا۔ نِرگُن سرگُن سرگُن نِرگُن ہو اُجیار، جوتی جاتا پُرکھ بِدھاتا ڈگمگائیندا۔ کاغد قلم نہ لِکھنہار، لِکھ لِکھ لیکھ نہ کوئے مُکائیندا۔ وسنہارا دھام نیار، سچ سِنگھاسن اپنا آسن لائیندا۔ سچکھنڈ نِواسی ہو اُجیار، سیج سُہنجنی آپ سُہائیندا۔ شبد اگمّی بول جَیکار، جےَ جَیکار اِکو گھر سُنائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گُر شبدی ناؤں دھرائیندا۔ گُر شبدی اپنا ناؤں رکھ، سَتگُر اپنا ویس وٹائیا۔ سَتجُگ تریتا دواپر کلجُگ ہو پرتکھ، پرتکھ اپنی دھار چلائیا۔ سنت سُہیلے مارگ دسّ، دہ دِشا دئے کُھلائیا۔ حُکمے اندر رکھے چؤداں لوک چؤداں طبق چؤداں ہٹّ، روَ سس سوُرج چنّ منڈل منڈپ حُکمے اندر پِھرائیا۔ جوتی جوت سروُپ ہرِ، آپ اپنی کِرپا کر، کرے کھیل پُرکھ سمرتھ، مہما اکتھ آپ سمائیا۔ مہما اکتھ ساچی ساکھی، ہرِ سَتگُر آپ جنائیندا۔ گُر شبد سَت ساچی بھاکھی، بھاکھیا اپنی آپ پرگٹائیندا۔ کرے کھیل الکھنا الکھ الاکھی، لیکھا لیکھ نہ کوئے گنائیندا۔ ویکھنہارا کھیل تماشی، خالق خلق روُپ وٹائیندا۔ بھیوَ کُھلائے بؤہ بِدھ بھانتی، بھاوَ اپنے ہتّھ رکھائیندا۔ کلجُگ میٹ اندھیری راتی، شبدی چند گُروُ چڑھائیندا۔ دیونہارا سب دی باقی، لہنا اپنے ہتّھ رکھائیندا۔ جن بھگتاں کھولے بند تاکی، ڈوُنگھی کَندر پھیرا پائیندا۔ میل مِلائے کملاپاتی، کوَل نَین ویکھ وکھائیندا۔ آتم پرماتم بنے ساتھی، سگلا سنگ نِبھائیندا۔ ناتا توڑے ذات پاتی، دیِن مذہب نہ کوئے رکھائیندا۔ شبد گُروُ گُردیو سوامی، آپے ویکھے مار جھاتی، جھاکی اپنی آپ جنائیندا۔ جوتی جوت سروُپ ہرِ، آپ اپنی کِرپا کر، ساچا مارگ اِک وکھائیندا۔ ساچا مارگ سَتگُر چرن، دوُجی اوٹ نہ کوئے جنائیا۔ گُر شبدی کھولے ہرن پھرن، نِج نیتر نَین درس درسائیا۔ ناتا توڑے مرن ڈرن، ڈرن مرن بھے نہ کوئے رکھائیا۔ لیکھا چُکے ورن برن، ذات پات نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ سَتگُر شبد گہر گمبھیِر، گُن اپنے ہتّھ رکھائیندا۔ چڑھ کے بَیٹھا چوٹی اِک اَخیِر، آخر اپنا رنگ رنگائیندا۔ نام انیالا مارے تیِر، تیِر نِشانہ اِک لگائیندا۔ دُئی دوَیتی شرع شرعتی کوُڑی کِریا دیوے چیِر، چیِر اِکو اِک پائیندا۔ بدلنہار تقدیِر، تقصیِر تدبیِر اپنے ہتّھ رکھائیندا۔ کٹنہارا ترےَگُن مایا جگت زنجِیر، پنج تت ناتا

آپ تُڑائیندا۔ جُگ جُگ کٹنہارا بھِیڑ، گُرمُکھ گُرسِکھ ویکھ وکھائیندا۔ لیکھا جانے شاہ حقیِر، شہنشاہ اپنا پھیرا پائیندا۔ چِٹّے اُپر کالی مارن والا لکیِر، اپنا ناؤں صِفت صالاحِندا۔ آد جُگاد نہ ہوئے کدے دِلگیِر، آلس نِندرا نہ کوئے رکھائیندا۔ داتا دانی وڈ پیِرن پیِر، پیِر پَیغمبر آپ پڑھائیندا۔ کرے کھیل بے نظیِر، نظر وِچ کِسے نہ آئیندا۔ ہتّھ پکڑے نام شمشیِر، کھنڈا کھنڈ برہمنڈ آپ چمکائیندا۔ جوتی جوت سروُپ ہرِ، آپ اپنی کِرپا کر، ہرِ شبدی کھیل کرائیندا۔ گُر شبد سَتگُر ساکھیات، سخی سرور وڈ وڈیائیا۔ گُرمُکھ بنائے پارجات، پرم پُرکھ بےپرواہیِا۔ اَنتر آتم میٹے اندھیری رات، جوت نِرنجن کرے رُشنائیا۔ نام سُنائے انحد ناد، دُھن انادی ناد جنائیا۔ امرت آتم دیوے سچ سواد، بِن رسنا جِہوا پیائیا۔ نؤ دوارے پار حاد، سُکھمن ٹیڈھی بنک ڈوُنگھی بھوَری ہوئے سہائیا۔ جوتی جوت سروُپ ہرِ، آپ اپنی کِرپا کر، گُر شبدی دَیا کمائیا۔ گُر شبدی دَیا نِدھ دَیالا، دیِنن اپنی دَیا کمائیندا۔ گھر گھر وِچ وکھائے سچّی دھرمسالہ، دھرم دوارا اِک پرگٹائیندا۔ جوتی نوُر کر اُجالا، نوُرو نوُر نوُر رُشنائیا۔ منتر گائے نام سُکھالا، سُکھ ساگر روُپ وٹائیندا۔ سُرت سوانی کرے بےحالا، بِہبل اپنی کار کمائیندا۔ جوتی جوت سروُپ ہرِ، آپ اپنی کِرپا کر، گُر شبدی رنگ رنگائیندا۔ گُر شبدی ساچا چاڑھے رنگ، رنگ رنگیِلا سچّا ماہیِا۔ نام نِدھان وجائے مردنگ، مردنگا اِکو ہتّھ اُٹھائیا۔ ڈوُنگھی بھوَری آپے لنگھ، سچ سِنگھاسن ویکھ وکھائیا۔ کر پرکاس بِن سوُرج چند، ساچا نوُر کرے رُشنائیا۔ جن بھگتاں پائے شبدی ٹھنڈ، ساچی دھارا آپ وہائیا۔ کوُڑی کِریا کھنڈ کھنڈ، پنچم ناتا دئے تُڑائیا۔ پنچم شبد گائے سُہاگی چھند، ساچا ڈھولا آپ سُنائیا۔ نِج آتم دیوے نِجانند، نِج گھر میلا سہج سُبھائیا۔ گُرسِکھ سُرتی نار سوانی نہ ہوئے رنڈ، گُر شبدی لئے پرنائیا۔ ناتا توڑ اِنڈ پِنڈ برہمنڈ، جیِو اپنے لیکھے لائیا۔ کرے کھیل سوُرا سربنگ، سیَبھنگ روُپ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ شبدی ناؤں پرگٹائیا۔ گُر شبدی ناؤں ہرِ نِرنکارا، نِرگُن اپنا کھیل کرائیندا۔ سو پُرکھ نِرنجن کر پسارا، ہرِ پُرکھ نِرنجن ویکھ وکھائیندا۔ ایکنکارا دئے سہارا، آد نِرنجن دیِپ جگائیندا۔ ابناسی کرتا دئے ہُلارا، سِری بھگوان جھوُلا اِک جھُلائیندا۔ ابناسی کرتا بن ونجارا، پاربرہم ہٹّ اِک کُھلائیندا۔ آتم پرماتم اِک کنارہ، ساچے بھگتن میل مِلائیندا۔ گُر شبد شبد گُر پاوے سارا، گرِہ اندر مندر کھوج کھوجائیندا۔ کاغذ قلم نہ لِکھنہارا، لِکھ لِکھ لیکھ نہ کوئے مُکائیندا۔ جِس گُرمُکھ سَتگُر گُر شبد ملِے پیارا، پریم

پریِتی اِک سِکھائیندا۔ دو جہاناں کرے باہرا، گُپت ظاہرا رنگ وکھائیندا۔ محل اٹل چڑھ بولے سچ جَیکارا، جےَ جَیکار آپ سُنائیندا۔ تُوں میرا میَں تیرا دوُجا اوَر نہ کوئے دوارا، دردی ہور نظر کوئے نہ آئیندا۔ بِن بھگوان بھگت رہے کوارا، بِن سَتگُر گُرسِکھ نہ کوئے پرنائیندا۔ لکھّ چؤراسی جیِو جنت کلجُگ مایا کِسے کمّ نہ آئے شنگارہ، کوُڑی کِریا سرب وکھائیندا۔ جِس جن پاربرہم پربھ پُرکھ پریِتم ملِے وِچ سنسارا، سو سوبھاوَنت سُہاگن نار جگت جوانی جوبن مانے مُٹیارا، دو جہاناں ایتھے اوتھے ساچا سُکھ وکھائیندا۔ جوتی جوت سروُپ ہرِ، آپ اپنی کِرپا کر، گُر شبدی دیوے ساچا ور، گُرمُکھ ملِے اِکو گھر، گھر مندر آپ سُہائیندا۔

۱۹ اَسوُ ۲۰۱۹ بِکرمی گُرچرن سِنگھ دے گرِہ جھنگی چکّ ضِلع جلندھر

پروردِگار سچ اِمام، پیِر پَیغمبر سیِس جھُکائیا۔ نِیوں نِیوں سجدہ کرن سلام، نیتر نَین نہ کوئے اُٹھائیا۔ بےپرواہ تیرے بردے بنے غُلام، مان تان نہ کوئے رکھائیا۔ سَت سَتوادی تیرا سَت اِیمان، درگاہ ساچی وجےّ ودھائیا۔ جُگ چؤکڑی کھیل کھیلے وِچ جہان، دو جہاناں ویکھ وکھائیا۔ چؤداں طبق تیرا نِشان، سچ نِشانی اِک دِرڑائیا۔ چؤدس چنّ تیرا بھان، تیج تیج نوُر رُشنائیا۔ جوتی جوت سروُپ ہرِ، آپ اپنی کِرپا کر، در تیرے اوٹ رکھائیا۔ گُر اوتار کہن سِری بھگوان، سچکھنڈ تیری وڈیائیا۔ آد جُگادی سچّا کاہن، گھر وسے سچّا ماہیِا۔ جُگا جُگنتر نوُری رام، نِرگُن اپنا ناؤں دھرائیا۔ سچ سندیسہ دئے پَیغام، نِش اکھّر کرے پڑھائیا۔ آتم پرماتم دیوے دان، لکھّ چؤراسی ونڈ ونڈائیا۔ شبد اگمّی بول بِن زبان، ساچا نعرہ دئے سُنائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بھگت کہے ہرِ جوُ میِتا، در گھر ساچے سوبھا پائیندا۔ آد جُگاد ٹھانڈا سیِتا، تتَو تت نہ کوئے رکھائیندا ۔ نِرگُن چلائے سرگُن ریِتا، جُگ چؤکڑی ویس وٹائیندا۔ لیکھا جانے ہست کیِٹا، اوُچ نیِچاں میل مِلائیندا۔ دھام پرگٹائے اِک انڈیِٹھا، جگت نظر کِسے نہ آئیندا۔ جوتی جوت سروُپ ہرِ، آپ اپنی کِرپا کر، کرنی اپنے ہتّھ رکھائیندا۔ سنت سجّن کرے پُکار، اُچی کوُک کوُک سُنائیا۔ پُرکھ ابناسی در تیرا سچّا دربار، دروازہ اِکو نظری آئیا۔ جُگ چؤکڑی پاویں سار، نِت نوِت ویس وٹائیا۔ نام نِدھانا بھر بھنڈار، وست امولک اِک ورتائیا۔ سَت سَتوادی بول جَیکار،

جےَ جَیکار اپنا نام دِرڑائیا۔ لیکھا جانے اندر باہر گُپت ظاہر، بھیوَ ابھیدا اپنے ہتّھ رکھائیا۔ جوتی جوت سروُپ ہرِ، آپ اپنی کھیل کر، خالق خلق ویکھ وکھائیا۔ گُرمُکھ کہے ہرِ پاربرہم، برہم ویتا آپ اکھوائیندا۔ آد جُگادی جانے ساچا کرم، نِہکرمی کرم کمائیندا۔ نہ کوئی ورن نہ کوئی برن، ساچی سرن اِک سمجھائیندا۔ سَت سَتوادی اِکو دھرم، دُھر دی دھار آپ بندھائیندا۔ آپے ہوئے بھنّن گھڑن، گھڑن بھنّنہار پُرکھ سمرتھ اپنی کھیل رچائیندا۔ لیکھا جانے جنم مرن، مرن جنم اپنی کل ورتائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ گُرسِکھ کہے سَتگُر دَیال، دیِنن اپنی دَیا کمائیا۔ جُگ چؤکڑی چلے اولّڑی چال، بھیوَ کوئے نہ پائیا۔ گُرسِکھ ویکھے ساچے لال، لالن اپنا رنگ رنگائیا۔ نِرگُن سرگُن بنے دلال، لوک مات پھیرا پائیا۔ لیکھا جانے حق حلال، حقیِقت پردہ آپ چُکائیا۔ ترےَگُن مایا توڑ جنجال، جیِون جُگت دئے سمجھائیا۔ ناتا توڑ کال مہاکال، مہما اپنی دئے سُنائیا۔ آپے سُنے مُریِداں حال، مُرشد اپنا پھیرا پائیا۔ نؤ کھنڈ پرِتھمی ستّ دیِپ دو جہان وکھائے سچّی دھرمسال، دھرم دوارا اِک کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ مُریِد مُرشد منگے منگ، در اَگے جھولی ڈاہِندا۔ آد جُگاد تیرا مردنگ، نؤبت نام اِک وجائیندا۔ گُپت ظاہر تیرا رنگ، دیِد شُنید کھیل کرائیندا۔ لیکھا جان کوٹ برہمنڈ، برہمانڈ اپنا ویس وٹائیندا۔ سیوا لا سوُرج چند، منڈل منڈپ آپ بھوائیندا ۔ وسنہارا ساچے کھنڈ، تھِر گھر اپنا کُنڈا لاہِندا۔ وست امولک پروردِگار دیوے ونڈ، ساچی وست جھولی پائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کرائیندا۔ مُلّا شیخ مسائق کہے پیر، بےپرواہ تیری وڈیائیا۔ تیرے ہتّھ شرع زنجِیر، جُگ چؤکڑی رہیا پائیا۔ بدلنہار تقدیِر، تقصیِر تدبیِر اپنی دئے جنائیا۔ کلجُگ ویلا اَنت اَخیِر، آخر نظر کوئے نہ آئیا۔ تیرا کھیل بے نظیِر، نیتر نَیناں دِس کِسے نہ پائیا۔ لوک مات چؤداں لوک چؤداں طبق ہوئے دِلگیِر، دِلبر ملِے نہ سچّا ماہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیا۔ وِشن برہما شِو مارے دھاہ، نیتر نَین نَین اُٹھائیندا۔ کلجُگ انتم ملِے نہ کوئے ملاح، بیڑا پار نہ کوئے کرائیندا۔ ساچا منتر نہ دیوے کوئے دِرڑا، آتم پرماتم میل نہ کوئے وکھائیندا۔ لکھّ چؤراسی بھرمے بُھلی ملِے نہ سچّا تھاں، مندر مسجد مٹھ شِودوالے تیرا رنگ نہ کوئے رنگائیندا۔ جیِو جنت سادھ سنت کر گئے نہ، سگلا سنگ نہ کوئے نِبھائیندا۔ نہ کوئی پِتا نہ کوئی ماں، پوُت سپوُتا نظر کوئے نہ آئیندا۔ جوتی جوت

سروُپ ہرِ، آپ اپنی کِرپا کر، ایکا دینا ساچا ور، در تیرے سیِس جھُکائیندا۔ ترےَگُن مایا پئی اُٹھ، نیتر نَیناں نیِر وہائیا۔ میرے پلّے رہیا نہ کُچھ، خالی پلّوُ رہی وکھائیا۔ جُگ چؤکڑی کھیل کھیلیا لُک لُک، کلجُگ انتم پردہ لاہیا۔ سِنگھ شیر پیا بُک، بھےَ اپنا رہیا جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس تکائیا۔ پنج تت تکّے راہ، رہبر نظر کوئے نہ آئیندا۔ اپ تیج وائے پرِتھمی آکاش رہے کُرلا، اُچی کوُک کوُک سُنائیندا۔ کوَن ویلا ملِے پربھ ملاح، بیڑا پار کرائیندا۔ سَتجُگ تریتا دواپر کلجُگ کردے رہے گُناہ، سِر ہتّھ نہ کوئے ٹِکائیندا۔ ایتھے اوتھے دیوے کوئے نہ ٹھنڈی چھاں، پردہ نام کوئے نہ پائیندا۔ کھا کھا تھکے سوُر گاں، اپنا آپ ذِبح نہ کوئے کرائیندا۔ آتم پرماتم پکڑے کوئے نہ بانہہ، پلّوُ ہتّھ نہ کوئے پھڑائیندا۔ بِن پاربرہم کرے نہ سچ نیاں، ساچا تخت نہ کوئے سُہائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیندا۔ دھرنی دھرت دھوَل کرے پُکار، اُچی کوُک کوُک سُنائیا۔ بہُڑی بہُڑی پروردِگار، بےپرواہ تیرے ہتّھ وڈیائیا۔ کلجُگ انتم آئی ہار، پاسا جِتّ نہ کوئے وکھائیا۔ کوُڑی کِریا دبّی بھار، میرا بھار نہ کوئے ونڈائیا۔ سرِشٹ سبائی ہوئی نار وِبھچار، ہرِ کنت نہ کوئے ہنڈھائیا۔ گرِہ مندر دھوُاں دھار، ساچا چند نہ کوئے چڑھائیا۔ ناتا تُٹا گُروُ اوتار، پیِر پَیغمبر نہ کوئے سہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے منگ منگائیا۔ کلجُگ سوُرا کھول اکھّ، پربھ چرن دھیان لگائیندا۔ پُرکھ ابناسی مارگ دسّ، تیری اوٹ تکائیندا۔ راج راجان شاہ سُلطان کیتے وس، بچیا کوئے رہن نہ پائیندا۔ سادھ سنت مایا ممتا گئے پھس، جگت زنجِیر نہ کوئے تُڑائیندا۔ گُر در مندر مسجد کھیڑے کیتے بھٹّھ، اگنی تت تت تپائیندا۔ ناتا توڑیا تیِرتھ اٹھسٹھ، گنگا گوداوری جمنا سُرستی نَین شرمائیندا۔ بہتّر ناڑ اُبلے رتّ، امرت میگھ نہ کوئے برسائیندا۔ گھر گھر نچّے من مت، کلجُگ کوُڑا ڈؤروُ ڈنک وجائیندا۔ کِسے نہ چھڈیا دھیِرج جت، سَت سنتوکھ رہن نہ پائیندا۔ سرِشٹ سبائی نیتر گھٹّا دِتا گھت، اِکو اکھّ نہ کوئے کُھلائیندا۔ کوئی نہ گائے تیرا جس، اُلٹی مت مت کرائیندا۔ میَں کھیل کریا نٹّھ نٹّھ، تیرا حُکم بجائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیرے چرناں سیِس جھُکائیندا۔ پُرکھ ابناسی ہو مِہربان، سو پُرکھ نِرنجن آپ جنائیا۔ پیِر پَیغمبر کرو دھیان، دُھردرگاہی رہیا سمجھائیا۔ گُر اوتار دیوے مان، نِمانیاں گلے لگائیا۔ بھگت بھگوان کرے پروان، نام پروانہ ہتّھ پھڑائیا۔ سنت سجّن ویکھے آن، نِرگُن نِرگُن

ویس وٹائیا۔ گُرمُکھاں گُر گُر دئے گیان، اپنا گوجھ بُجھائیا۔ گُرسِکھاں بخشے چرن دھیان، مستک دھوُڑا ٹکا ایکو لائیا۔ وِشنوُں تیرا ویکھے نِشان، وِشوَ اپنا رنگ رنگائیا۔ برہمے بُھل نہ جانا بن انجان، بالی بُدھ آپ سمجھائیا۔ شنکر تیرا ترِسوُل ویکھے سِری بھگوان، ترےَ ترےَ میلا میل مِلائیا۔ ترےَگُن مایا نہ ہو حَیران، ہرِ جوُ بَیٹھا راہ تکائیا۔ پنج تت تیرا کرے کلیان، کلمہ اپنا آپ پڑھائیا۔ دھرنی دھرت دھوَل تیرا رکھے مان، سِر اپنا ہتّھ ٹِکائیا۔ کلجُگ تیرا لیکھا چُکائے آن، چاروں کُنٹ پھیرا پائیا۔ دہ دِشا ہوئے حَیران، ہرِ کا بھیوَ کِسے نہ آئیا۔ جوتی جوت سروُپ ہرِ، آپ اپنی کِرپا کر، سب دا لہنا لہنا دیوے جھولی پائیا۔ پیِر پَیغمبر رکھی آس، آسا آسا وِچ ٹِکائیا۔ شاہ سُلطان بُجھا پیاس، مِہربان دَیا کمائیا۔ مقامے حق نہ کوئے ہوئے نِراس، نِراسا روُپ نہ کوئے وٹائیا۔ بےپرواہ دیوے سچ صلاح کلجُگ انتم کرے اپنا کمّ خاص، خالق خلق ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچی کرنی دئے جنائیا۔ گُر اوتار دئے دِلاسا، سو پُرکھ نِرنجن آپ سمجھائیندا۔ پرگٹ ہوئے پُرکھ ابناسا، ابناسی اپنی کل ورتائیندا۔ نؤ کھنڈ پرِتھمی ویکھے جگت تماشا، لکھّ چؤراسی ناچ نچائیندا۔ آپے بدلنہارا پاسا، اپنی کروٹ آپ بدلائیندا۔ جوتی جوت سروُپ ہرِ، آپ اپنی کِرپا کر، ساچی سِکھیا آپ جنائیندا۔ بھگت بھگوان وکھائے نیتر، نِج نیتر آپ کُھلائیا۔ رُت بسنتی ایکا چیتر، پُھل پُھلواڑی آپ مہکائیا۔ بھاگ لگائے کایا کھیتر، در ویکھے سچّا ماہیِا۔ جوتی جوت سروُپ ہرِ، آپ اپنی کِرپا کر، ساچی کرنی آپ جنائیا۔ ساچے سنتاں دیوے سَت، سَت سَتوادی دَیا کمائیندا۔ آتم پرماتم برہم مت، برہم وِدیا اِک پڑھائیندا۔ چرن کوَل بندھائے ساچا نت، ناتا بِدھاتا جوڑ جُڑائیندا۔ بودھ اگادھ سُنائے گتھ، سوہنگ اکھّر آپ پڑھائیندا۔ لہنا دین چُکائے سیِاں ساڈھے تِنّ ہتّھ، رَوداس چمارا پندھ مُکائیندا۔ وسنہارا گھٹ گھٹ، گرِہ مندر کھوج کھوجائیندا۔ ساچا مارگ دیوے دسّ، دہ دِشا پردہ لاہِندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ گُرمُکھ ساچے کر وِچار، ہرِ سجّن سچ جنائیا۔ نِرگُن سرگُن کرے پیار، پرم پُرکھ بےپرواہیِا۔ کلجُگ میٹے کوُڑ کُڑیار، کوُڑی کِریا دئے کھپائیا۔ ہؤمے ہنگتا کرودھ نِوار ہنکار، نِون سو اکھّر دئے سمجھائیا۔ جوتی جوت سروُپ ہرِ، آپ اپنی کِرپا کر، ساچا پردہ رہیا اُٹھائیا۔ گُرسِکھ اُٹھ اُٹھ جاگ، سو پُرکھ نِرنجن آپ جگائیندا۔ لوک مات لگا بھاگ، ہرِ سَتگُر آپ لگائیندا۔ دیِپک جوت جگے چراغ، اگیان اندھیر مِٹائیندا۔ کھتری براہمن شوُدر وَیش بنائے ساک، سجّن اپنا

میل مِلائیندا۔ کھولنہارا بجر کپاٹ، ڈوُنگھی تاکی کُنڈا لاہِندا۔ آتم سیج وِچھائی آپے کھاٹ، سیج سُہنجنی سوبھا پائیندا۔ کلجُگ انتم ویکھے واٹ، بن پاندھی پھیرا پائیندا۔ دو جہان کُھلائے اِکو ہاٹ، چؤداں طبق پردہ لاہِندا۔ آتم پرماتم گائے ساچی گاتھ، سوہنگ ڈھولا آپ سُنائیندا۔ لہنا دینا چُکے ذات پات، ورن گوت نہ کوئے رکھائیندا۔ میل مِلائے کملاپات، کوَل نَین اِکو نظری آئیندا۔ جوتی جوت سروُپ ہرِ، آپ اپنی کِرپا کر، سچ سندیسہ اِک سُنائیندا۔ پیِر پَیغمبر چڑھیا چا، در گھر ساچی خوشی منائیا۔ گُر اوتار کرن صلاح، گھر ساچے وجےّ ودھائیا۔ بھگت بھگوان دھیان رہے لگا، نِج نیتر نَین اُٹھائیا۔ سنت سجّن ساچے سوہلے رہے گا، رسنا جِہوا نال مِلائیا۔ گُرمُکھ چرن کوَل دھیان رہے رکھا، دوُسر اوٹ نہ کوئے تکائیا۔ گُرسِکھ خالی جھولی رہے بھرا، بھر بھر اپنی خوشی منائیا ۔ دھرنی دھرت دھوَل دھوُڑی خاک رہی رما، مستک اِکو ٹِکاّ لائیا۔ وِشن برہما شِو چرنی ڈِگے آ، ڈھیَہہ ڈھیَہہ اپنا آپ مِٹائیا۔ دھنّ بھاگ پربھ پرگٹ ہووے سچّا شہنشاہ، شاہ پاتشاہ پھیرا پائیا۔ کلجُگ دیوے پندھ مُکا، لیکھا مات رہن نہ پائیا۔ جوُٹھ جھوُٹھ دئے کھپا، کوُڑی کِریا شؤہ دریا رُڑھائیا۔ سچ سُچ دئے سمجھا، سچ سمگری اِک ورتائیا۔ رمز نال رمز لئے مِلا، الف یے حمزہ نہ کوئے پڑھائیا۔ غفلت سب دی دئے گوا، اُلفت اپنی اِک سمجھائیا۔ نفرت کرے نہ کوئے خُدا، حرف بحرف کرے پڑھائیا۔ نوُر اِلاہی ہوئے نہ کدے جُدا، جُز اجُزا نہ کوئے بنائیا۔ صوُفی جِس نوُں منّدے رہے خُدا، سو فِطرت سب دی رہیا گوا، مارگ اِکو دئے لگا، اِکو کلمہ دئے پڑھائیا۔ اِکو حُجرہ دئے وکھا، مکّہ کعبہ ڈیرہ ڈھاہیِا۔ پروردِگار نظری جائے آ، نوُرو نوُر نوُر رُشنائیا۔ سلام علیکم دئے دُعا، دُعا اِکو اِک وکھائیا۔ چؤداں طبقاں لیکھا دئے چُکا، زِمیں اسمان ڈیرہ ڈھاہیِا۔ ساچی پٹّی دئے پڑھا، سِکھیا اپنے ہتّھ رکھائیا ۔ پِچھلا لیکھا دئے مُکا، اگلا لیکھا دئے سمجھائیا۔ بخشنہارا سرب گُناہ، مِہربان مِہربان مِہربان مِہر نظر اِک اُٹھائیا۔ کر کِرپا جِس دی پکڑے بانہہ، چرن کوَل دئے سرنائیا۔ آپے بنے پِتا ماں، بالک اپنی گود سُہائیا۔ پیِر پَیغمبر خوشیاں رہے منا، مُلّا شیخ مسائق نال دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِرگُن اپنا ویس وٹائیا۔ گُر اوتار چڑھیا چاؤ، چاؤ گھنیرا اِک رکھائیا۔ پرگٹ ہویا بےپرواہو، پردہ اپنا دئے چُکائیا۔ لیکھا جانے تھائیں تھاؤں، تھان تھننتر کھوج کھوجائیا۔ ایتھے اوتھے کرے سچ نیاؤں، تخت نِواسی بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بھگتاں چڑھائے ساچا رنگ،

رنگ رنگیِلا آپ رنگائیندا۔ پرگٹ ہویا سوُرا سربنگ، شہنشاہ اپنا ویس وٹائیندا۔ لوآں پُریاں برہمنڈاں کھنڈاں پاتال آکاشاں وجائے مردنگ، مردنگا اپنے ہتّھ اُٹھائیندا۔ لکھّ چؤراسی اندر ویکھے لنگھ، آؤندا جاندا نظر کِسے نہ آئیندا۔ دُئی دوَیتی ڈھاہے کندھ، بھانڈا بھرم بھؤ بھنّائیندا۔ آتم پرماتم برہم پاربرہم اِیش جیِو سُنائے ساچا چھند، بتّی دند نہ کوئے الائیندا۔ جنم جنم دی تُٹی گنڈھ، ایکا نام دیوے ونڈ، وست جھولی اِک بھرائیندا۔ دیِن دَیال ٹھاکر سوامی سدا سدا بخشند، بخشش اپنے ہتّھ رکھائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ ساچی کرنی کرے کرتار، نِرگُن نِرگُن دئے سمجھائیا۔ پیِر پَیغمبر رہنا خبردار، نیتر نَین نَین کُھلائیا۔ پرگٹ ہووے سانجھا یار، یاری اِکو اِک وکھائیا۔ دیِن مذہب کر پار، پار کنارہ اِک دِرڑائیا۔ سَتجُگ ساچا کرے وِہار، سَت سَتوادی سچّا ماہیِا۔ گُر اوتار میلے آن، مِل مِل خوشی منائیا۔ بھگت بھگوَنت کرے کلیان، کل اپنے ہتّھ رکھائیا۔ سنت سَتگُر دیوے دان، داتا دانی دَیا کمائیا۔ لیکھا جانے زِمیں اسمان، عرش قُرص ویکھ وکھائیا۔ بھیوَ چُکائے کایا کُرہ اِیمان، جوتی جوت سروُپ ہرِ، آپ اپنی کِرپا کر، بھیوَ ابھیدا رہیا جنائیا۔ بھیوَ ابھید ہرِ جوُ کھولے، خالق خلق سمجھائیندا۔ پیِر پَیغمبر گُر اوتار نام کنڈے ساچے تولے، ایکا کنڈا ہتّھ اُٹھائیندا۔ نؤ سؤ چؤرنوے چؤکڑی جُگ سچکھنڈ وسیا رہیا اوہلے، کلجُگ انتم پردہ لاہِندا ۔ اپنا کھیل کرے ہؤلے ہؤلے، ابھیوَ بھیوَ نہ کِسے سمجھائیندا۔ پوُرب کرے پوُرے کؤلے، کیِتا قؤل بُھل نہ جائیندا۔ لکھّ چؤراسی اندر مؤلے، مؤلا اپنا ناؤں پرگٹائیندا۔ دیوے مان دھرنی دھؤلے، دھؤل ہؤلا بھار کرائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ ساچی کرنی کرے پُرکھ سمرتھ، سَتگُر وڈّا وڈ وڈیائیا۔ سَتجُگ تریتا دواپر جِس چلایا رتھ، کلجُگ انتم ویکھ وکھائیا ۔ لکھّ چؤراسی جیِو جنت پائے نتھ، نام ڈوری ہتّھ رکھائیا۔ کوُڑی کِریا دیوے متھ، چرناں ہیٹھ دبائیا۔ سَتجُگ ساچا مارگ دسّ، ساچے دھندے لائیا۔ جن بھگتاں اندر آپے وس، گھر ساچا دئے وکھائیا۔ کر پرکاش کوٹن روَ سس، اگیان اندھیر چُکائیا۔ پیِر پَیغمبر گُر اوتار کرے وس، بچیا کوئے رہن نہ پائیا۔ لہنا دینا چُکائے ہتّھو ہتّھ، کلجُگ لیکھا آپ مُکائیا۔ جوتی جوت سروُپ ہرِ، آپ اپنی کِرپا کر، ساچا لیکھا دئے جنائیا۔ ساچا لیکھا سِری بھگوان، کلجُگ اَنت اَنت جنائیندا۔ دو جہاناں اِک نِشان، نِرگُن داتا آپ جھُلائیندا۔ گُر اوتار پیِر پَیغمبر در دوارے ویکھو آن، ہرِ جوُ کی کی کھیل کرائیندا۔ سَتجُگ

تریتا دواپر دیندا رہیا جو دان، ساچی وست جھولی پائیندا۔ سیوا لائے جِس کوٹن کوٹ کاہن کرِشن رمئیا رام، دسرتھ بیٹا ناؤں وکھائیندا۔ وید شاستر سِمرت پُران دیندا رہیا گیان، گیِتا گیان گیان دِرڑائیندا۔ اِنجیِل قُرآناں دئے پَیغام، پیِر پَیغمبر آپ پڑھائیندا۔ حق حقیِقت کلمہ کلام، کائنات آپ سُنائیندا۔ گُر گُر شبد اگمّی مارے بان، تیِر انیالا آپ چلائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ سمجھائیندا۔ ساچی کرنی کرے کرتا پُرکھ، پُرکھ پُرکھوتم آپ جنائیا۔ نہ کوئی سوگ نہ کوئی ہرکھ چِنتا دُکھ نہ کوئے رکھائیا۔ گُر اوتار پیِر پَیغمبر بھگت بھگوان لئے پرکھ، سچ کسؤٹی ہتّھ اُٹھائیا۔ سنت سُہیلے دیوے اپنا درس، درسی اپنا درس کرائیا۔ جنم جنم دی میٹے حرص، ہوَس ہور نہ کوئے ودھائیا۔ جوتی جوت سروُپ ہرِ، آپ اپنی کِرپا کر، امرت میگھ اِکو برس، اگنی تت دئے بُجھائیا۔ اگنی تت جائے بُجھ، جِس اپنی دَیا کمائیندا۔ اَگا پِچھا جائے سُجھ، سَتگُر پوُرا نظری آئیندا۔ پاربرہم پت پرمیشور اپنے ہتّھ نہ رکھے کُچھ، بھگتاں ڈوری آپ پھڑائیندا۔ کارج کردا رہیا لُک لُک، سَتجُگ تریتا دواپر ہتّھ کِسے نہ آئیندا۔ تیئی اوتار دُھر سندیسہ رہے پُچھ، سچ سندیسہ آپ جنائیندا۔ عیسیٰ موُسیٰ محمد چرن کوَل رہے جھُک، جھُک جھُک سیِس سرب نِوائیندا۔ نانک گوبِند گُر سَتگُر صاحِب تُٹھ، ساچی وست جھولی پائیندا۔ نِرگُن اندر نِرگُن اُٹھ، سرگُن سرگُن میل مِلائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ ساچی کرنی نوَ نؤ چار، نِرگُن سرگُن آپ کرائیا۔ وِشن برہما شِو سیوادار، ساچی سیوا اِک سمجھائیا۔ کروڑ تیتیِسا دئے آدھار، سُرپت میل مِلائیا۔ گن گندھرب کر پیار، کنر جچّھپ ویکھ وکھائیا۔ ساچی سخیاں منگلاچار، گیِت گوبِند الائیا۔ سَتجُگ تریتا دواپر ویکھیا وارو وار، نِرگُن سرگُن روُپ وٹائیا۔ برہما ویتا کر پیار، چارے ویداں کرے پڑھائیا۔ چارے کُنٹ پاوے سار، چارے جُگ دئے وڈیائیا۔ چارے کھانی دئے آدھار، انڈج جیرج اُتبُھج سیتج بندھن پائیا۔ چارے بانی بول جَیکار، پرا پسنتی مدھم بَیکھری آپے گائیا۔ آپے وسیا سب توں باہر، اپنا بھیوَ نہ کِسے جنائیا۔ سیوا لا تیئی اوتار، سَتجُگ تریتا دواپر کلجُگ سنگ نِبھائیا۔ بھگت اٹھاراں کھول کِواڑ، اکھّ اکھّ نال مِلائیا۔ پیِر پَیغمبر دئے آدھار، ایکا کلمہ دئے سمجھائیا۔ دس دس گُروُ کر پیار، پریِتی پریِتم نال نِبھائیا۔ ساچی ریِتی وِچ سنسار، ساکھیات دئے سمجھائیا۔ نانک گوبِند بول جَیکار، اُچی کوُک کوُک الائیا۔ کلجُگ انتم پرگٹ ہووے نِہکلنک نرائن نر اوتار، نہ کوئی پِتا نہ کوئی مائیا۔

سمبل وسے دھام نیار، ساچے مندر سوبھا پائیا۔ شبد اگمّی بول جَیکار، دو جہاناں دئے سمجھائیا۔ لوآں پُریاں برہمنڈاں کھنڈاں کرے خبردار، بے خبر اپنی خبر آپ جنائیا۔ لکھّ چؤراسی آئے ہار، لیکھا سب دا دئے مُکائیا۔ بھگت بھگوَنت کر کِرپا لئے اُٹھال، لکھّ چؤراسی پھول پھولائیا۔ لیکھا چُکے شاہ کنگال، شہنشاہ اِکو نظری آئیا۔ گُرمُکھ ویکھے ساچے لال، لالن اپنا رنگ رنگائیا۔ نِرگُن سرگُن بن دلال، ساچا ونج اِک وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گُر اوتار پیِر پَیغمبر بھگت بھگوان دئے سمجھائیا۔ گُر اوتار پیِر پَیغمبر رکھو اُڈیِک، ہرِ سَتگُر آپ سُنایا۔ پرگٹ ہوئے لاشریِک، سب دی شِرکت دئے مِٹایا۔ لکھّ چؤراسی بخشے اِک پریِت، پریِتیوان پھیرا پایا۔ سَتجُگ چلے ساچی ریِت، کلجُگ کوُڑا دئے کھپایا۔ آتم پرماتم گائے ساچا گیِت، سوہنگ ڈھولا دئے پڑھایا۔ کایا چولی چاڑھے رنگ مجیِٹھ، لوک مات اُتر نہ جایا۔ دیوے نام اِک انڈیِٹھ، انڈِٹھڑی دھار چلایا۔ مِٹھا کرے کؤڑا ریِٹھ، وِکھ امرت روُپ وٹایا۔ جوتی جوت سروُپ ہرِ، آپ اپنی کِرپا کر، ساچا مارگ دئے لگایا۔ ساچا مارگ لائے مات، سو پُرکھ نِرنجن دَیا کمائیا۔ گُر اوتار پیِر پَیغمبر بھگت بھگوان بنائے اِک جماعت، اِکو اکھّر دئے پڑھائیا۔ نِرگُن میلا نِرگُن چیلا نِرگُن بنے سجّن ساک، سگلا سنگ نِبھائیا۔ نِرگُن خاک نِرگُن پاک، نِرگُن کھولنہارا تاک، اپنا پردہ آپ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سب دا لیکھا دئے مُکائیا۔ سب دا لیکھا ہرِ مُکاؤنا، مُہر اپنے نام لگائیا۔ دو جہاناں راہ چلاؤنا، نہ کوئی میٹے میٹ مِٹائیا۔ وِشن برہما شِو اپنی جوت مِلاؤنا، جوتی جوت کرے رُشنائیا۔ گُرمُکھ ساچے مان دِواؤنا، گُرسِکھاں آپ پرگٹائیا۔ برہم ویتا آپ بناؤنا، کر کر ہیتا ویکھے چائیں چائنیا۔ جیٹھا سُت اِک اُپجاؤنا، شِو لیکھا دئے مُکائیا۔ اِندر لہنا آپ چُکاؤنا، چھوٹے بالے دئے وڈیائیا۔ دھروُ پندھ آپ چُکاؤنا، بندی خانہ کوئے نظر نہ آئیا۔ گُر کا لال گُر اپنے رنگ رنگاؤنا، پنچم میلا سہج سُبھائیا۔ سچکھنڈ نِواسی پُرکھ ابناسی سچ وِدھان اِک بناؤنا، نیتر نظر کِسے نہ آئیا۔ پنچ پروان سب نے گاؤنا، گا گا خوشی منائیا۔ پنچ پردھان حُکم ورتاؤنا، سچ پردھانگی دئے وڈیائیا۔ پنچاں در اِک سہاؤنا، گھر ساچے وجےّ ودھائیا۔ شاہ پاتشاہ حُکم چلاؤنا، نہ کوئی میٹے میٹ مِٹائیا۔ پیِر پَیغمبر گُر اوتار پھڑ پھڑ باہوں ایکا گھر بہاؤنا، پِچھلا لیکھا آپ چُکائیا۔ رل مِل ڈھولا سوہلا سب نے گاؤنا، واہ وا تیری وڈی وڈیائیا۔ دیِن مذہب رؤلا کِسے نہ پاؤنا، ذات پات نہ کوئے لڑائیا۔ دھرنی ہؤلا بھار

کراؤنا، موُرکھ موُڑھے دئے کھپائیا۔ گُرمُکھ سچّے آپ اُپجاؤنا، گُر گُر بوُجھ بُجھائیا۔ دیِد عیِد چند آپ چڑھاؤنا، چاروں کُنٹ ہوئے رُشنائیا۔ ساچا مندر آپ سہاؤنا، گرِہ اندر سوبھا پائیا۔ راگ انادی آپے گاؤنا، دُھن آتمک راگ الائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتجُگ لیکھا لیکھے پائیا۔ کلجُگ انتم دوئے جوڑ، پربھ اَگے سیِس جھُکائیندا۔ چاروں کُنٹ کیِتی دؤڑ، نٹھ نٹھ پندھ مُکائیندا۔ جیِو جنت کیِتا ریِٹھا کؤڑ، مِٹھا رس نہ کوئے وکھائیندا۔ کوُڑی کِریا لایا پؤڑ، سچّا ڈنڈا ہتّھ کوئے نہ پائیندا۔ تیرے نام دی رکھی اؤڑ، ساچا میگھ نہ کوئے برسائیندا۔ پاربرہم ابناسی کرتے میری کرنی ویکھ کر کے غؤر، تیری کیِتی بُھل نہ جائیندا۔ سادھاں سنتاں بدلے طؤر، طبع سب دی آپ بدلائیندا۔ گُر در مندر مسجد مٹھ شِودوالے بَیٹھے سرب چور، چوری گُر گُر سرب کمائیندا۔ وسن آپے کایا اندھیرے گھور، ساچا چند نہ کوئے چڑھائیندا۔ تیرے ہتّھ کِسے دی اؤن نہ دِتی ڈور، گُڈی اَدھ وِچ اُڈائیندا۔ کام کرودھ لوبھ موہ ہنکار مچائے شور، گیِت میرا اِکو گائیندا۔ میَں تیرا بالا نِکاّ چھوہر، چؤتھا جُگ واسطہ پائیندا۔ مَینوُں خالی ہتّھ نہ تور، تیرے اَگے جھولی ڈاہِندا۔ پربھ تیری سدا لوڑ، تُدھ بِن کمّ کِسے نہ آئیندا۔ بہُڑی بہُڑی بہُڑی جائیں بہُڑ، چار یاری سنگ نہ کوئے نِبھائیندا۔ محمد ناتا گیا توڑ، عیسیٰ موُسیٰ نظر کوئے نہ آئیندا۔ گُر اوتار گئے چھوڑ، پھڑ گلے نہ کوئے لگائیندا۔ اَنت تیرے اُتے سُٹی ڈور، دوُسر اوٹ نہ کوئے تکائیندا۔ جوتی جوت سروُپ ہرِ، آپ اپنی کِرپا کر، در تیرے منگ منگائیندا۔ منگاں ور میرے بھگوان، تیرے اَگے سیِس جھُکائیا۔ نوَ کھنڈ پرِتھمی جھُلایا کوُڑ نِشان، بچیا کوئے رہن نہ پائیا۔ گھر گھر واڑیا پنج شیَطان، دِوس رَین کرے لڑائیا۔ کِسے نظر نہ آئے ساچا کاہن، لکھّ چؤراسی گوپی دئے دُہائیا ۔ رام رمئیا نہ مِلیا آن، سیِتا سُرتی نہ کوئے پرنائیا۔ نانک گوبِند کرے نہ کوئے پہچان، بھرمے بُھلی سرب لوکائیا۔ -------------------------- پیِر پَیغمبر نہ صِفت صالاحیِا۔ مکّے مدینے ہویا حرام، حُرمت سب دی رہیا گوائیا۔ ثابت رہن نہ دِتا کوئے اِمام، صِدق صبوُری نہ کوئے ہنڈھائیا۔ گھر گھر ودھیا کوُڑ کُڑیارا کام، کلمہ نبی سرب بُھلائیا۔ اپنی منائی سب نوُں آن، سِر سِر حُکم منائیا۔ تیرا حُکم کر پروان، چؤداں طبق پھیرا پائیا۔ اَنت چرنی ڈِگا آن، جِؤں بھاوے لےَ چلائیا۔ میَں بالک بال انجان، تیری صِفت کہن نہ جائیا۔ نوَ کھنڈ پرِتھمی کھیلیا کھیل مہان، خالق خلق خاک وِچ مِلائیا۔ جوتی جوت سروُپ ہرِ، آپ اپنی کِرپا کر، انتم دینا اِکو ور، در تیرا موہے بھائیا۔ تیرے در منگی منگ، میرے

صاحِب سچّے گوسائنیا۔ لکھّ چؤراسی کیِتا ننگ، ناتا توڑیا بھَیناں بھائیاں۔ ترےَگُن مایا ماریا ڈنگ، آتم پرماتم ہوئی جُدائیا۔ سچ دوارے ویکھے لنگھ، گھر گھر پھیریاں پائیا۔ سرِشٹ سبائی ہوئی رنڈ، سیج سُہنجنی نہ کوئے ہنڈھائیا۔ نؤ کھنڈ پرِتھمی بھیکھ پکھنڈ، سچ سُچ نہ کوئے وڈیائیا۔ کر کِرپا انتم موہے دیویں نہ کوئے دنڈ، در تیرے سیِس جھُکائیا۔ تیرے چرناں ماناں انند، جوتی جوت سروُپ ہرِ، آپ اپنی کِرپا کر، ایکا دینا ساچا ور، چرن کوَل ملِے سرنائیا۔ پُرکھ ابناسی دسےّ حال، احوال آپ جنائیا۔ کلجُگ انتم تیرا ویکھیا کھیل کمال، اچھل اچھلّ تیری وڈیائیا۔ سرِشٹ سبائی ہوئی بےحال، من مت دئے دُہائیا۔ سب دے سِر تے کوُکے کال، کال نگارہ رہیا وجائیا۔ سچ دِسے نہ کوئے دلال، پلّوُ ہتّھ نہ کوئے پھڑائیا۔ بِن ہرِ نامے ہوئے کنگال، وست امولک نظر کوئے نہ آئیا۔ ترےَگُن مایا پیا جنجال، پلّوُ سکے نہ کوئے چُھڈائیا۔ پرگٹ ہو دیِن دَیال، دیِنن اپنی دَیا کمائیا۔ گُرمُکھ گُرسِکھ ساچے سنت لئے اُٹھال، بھگت بھگوَنت میل مِلائیا۔ جوتی جوت سروُپ ہرِ، آپ اپنی کِرپا کر، ساچی سِکھیا دئے سمجھائیا ۔ ساچی سِکھیا کلجُگ سِکھ، ہرِ ساچا سچ جنائیندا۔ میرے بھگتاں کولوں منگ بِھکھ، ساچا مارگ اِک وکھائیندا۔ تیرا انتم ونڈن حِصّہ حِص، دردی درد درد ونڈائیندا۔ جوتی جوت سروُپ ہرِ، آپ اپنی کِرپا کر، ساچا راہ اِک جنائیندا۔ ساچا راہ دسّ مِہربان، مِہر نظر اِک اُٹھائیا۔ کوَن دوارے دِسے تیرا نِشان، نِشانہ کوَن رہیا جھُلائیا۔ کوَن سوہے مندر مکان، کوَن کھیڑا سوبھا پائیا۔ کوَن گائے ساچا گان، گا گا خوشی منائیا۔ کوَن روُپ کرے دھیان، دھیان دھیان نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، جن بھگتاں بھیوَ چُکائیا۔ ساچے بھگتاں دسےّ بھیوَ، ہرِ ساچا سچ جنائیندا۔ پُرکھ ابناسی الکھ ابھیوَ، اگمّ اتھاہ ویکھ وکھائیندا۔ کلجُگ انتم گُر اوتار پیِر پَیغمبر نِرگُن سرگُن لائے سیو، ساچی سیوا آپ جنائیندا۔ جِنہاں امرت رس دیوے ساچا میو، رسنا رس نہ کوئے وکھائیندا۔ جوتی جوت سروُپ ہرِ، آپ اپنی کِرپا کر، ساچے سنت آپ سمجھائیندا۔ ساچے بھگت سُن لےَ جگ، ہرِ سَتگُر آپ جنائیا۔ جِنہاں مِلیا سوُرا سربگ، شاہ پاتشاہ سچّا شہنشاہیِا۔ جنم جنم دی مِٹی اگّ، ترِسنا بُھکھ مِٹائیا۔ پھڑ پھڑ ہنس بنائے کگّ، سوہنگ ہنسا جاپ جپائیا۔ آتم جوتی گئی جگ، اگیان اندھیر مِٹائیا۔ درس دِکھائے اُپر شاہ رگ، نؤ دوارے پندھ مُکائیا۔ آتم پرماتم لڈائے لڈ، ساچی گودی آپ سُہائیا۔ لکھّ چؤراسی وِچوں کڈھ، چرن کوَل دئے سرنائیا۔ تِس دوارے جا کے بول

الکھّ، الکھ الکھ اِک سُنائیا۔ پربھ پرگٹ ہویا آپ پرتکھ، سوَچّھ سروُپی روُپ وٹائیا۔ بھگت مِلائے ہسّ ہسّ، دست بدست دست پھڑائیا۔ جوتی جوت سروُپ ہرِ، آپ اپنی کِرپا کر، ساچا راہ رہیا جنائیا۔ ساچا سندیسہ سُن چڑھیا چا، گھر ساچے خوشی منائیندا۔ کوَن ویلا اُٹھ اُٹھ جاں، اپنا پندھ مُکائیندا۔ جن بھگتاں چرنی ڈِگاں جا، نِیوں نِیوں سیِس جھُکائیندا۔ جوتی جوت سروُپ ہرِ، آپ اپنی کِرپا کر، سچ سندیسہ آپ سُنائیندا۔ سچ سندیسہ ایکنکار، ایکا وار سُنائیا۔ نؤ سؤ چؤرانوے چؤکڑی جُگ نِرگُن سرگُن کردا رہیا وِہار، انتم اپنا پھیرا پائیا۔ بھگت بھگوَنت لئے اُٹھال، اُٹھ اُٹھ اپنا رنگ رنگائیا۔ ساچا مارگ دئے سِکھال، ساچی سِکھیا اِک سمجھائیا۔ در جانا بن کنگال، من ہنکار نہ کوئے رکھائیا۔ گل پلّوُ لَینا ڈال، نیتر نَین شرمائیا۔ جا کے دسّنا اپنا حال، چؤداں صدیاں بھیوَ کُھلائیا۔ نِرگُن وسے نال نال، نظر کِسے نہ آئیا۔ تیرا بھگت بنے دلال، بھگوَن لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، ساچا مارگ رہیا جنائیا۔ بھگت دوارے جا کلجُگ، کلکاتی آپ جنائیندا۔ انتم اؤدھ رہی پُگ، ویلا گیا ہتّھ نہ آئیندا۔ نؤ کھنڈ پرِتھمی پَین والی لُٹ، اَگے ہو نہ کوئے بچائیندا۔ سب دی جڑ دیوے پُٹ، بچیا کوئے نظر نہ آئیندا۔ لکھّ چؤراسی بھاگ گئے نِکُھٹ، اپنا بھاگ نہ کوئے ونڈائیندا۔ پنچ وِکارا کڈھے کُٹ، نام کھنڈا اِک چمکائیندا۔ جن بھگتاں اُپر ہرِ جوُ جائے تُٹھ، اتُٹ اپنی دَیا کمائیندا۔ امرت جام پیائے گھُٹ، نِجھر جھِرنا آپ جھِرائیندا۔ کرے پرکاس نِرمل جوت، اندھ اندھیر مِٹائیندا۔ جنم جنم دا کڈھے کھوٹ، سچ سمگری اِک ورتائیندا۔ جن بھگتاں دیوے اِکو اوٹ، آسرا سچّو سچ جنائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ سمجھائیندا۔ ساچا کھیل سِری بھگوَنت، ہرِ سَتگُر آپ جنائیا۔ لیکھا جانے آد اَنت، جُگا جُگنت ویکھ وکھائیا۔ نام نِدھانا منیِا منت، سوہنگ سو کرے پڑھائیا۔ جِس رچنا رچی آد سو ویکھنہارا اَنت، بےاَنت اپنا ناؤں رکھائیا۔ آپے بن بن ساچا کنت، لکھّ چؤراسی نار ہنڈھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتجُگ مارگ آپ لگائیا۔ سَتجُگ مارگ ہرِ کرتارا، کلجُگ اَنت اَنت لگائیندا۔ کلجُگ دیوے سچ سہارا، بھگت دوار اِک وکھائیندا۔ ساڈھے تِنّ ہتّھ ہتّھ مِنارا، مُنی رِکھی بھیوَ نہ آئیندا۔ لیکھا جانے رَوداس چمارا، کبیِر جولاہا راہ تکائیندا۔ اُچے مندر کرے پُکارا، کوُک کوُک کوُک الائیندا۔ واہ واہ تیری قُدرت پروردِگارا، تیرا کھیل نظر کِسے نہ آئیندا۔ سَتجُگ تریتا دواپر کلجُگ نوَ نؤ چار ویکھیا

وارو وارا، نِت نوِت ویس وٹائیندا۔ پیِر پَیغمبر گُر اوتار نام آدھارا، نام ہٹّ اِک چلائیندا۔ انتم کھیل کرے آپ نِرنکارا، نِرگُن اپنا ناؤں پرگٹائیندا۔ محل اٹل اِک اُسارا، سمبل آسن ڈیرہ لائیندا۔ کاغذ قلم نہ لِکھنہارا، لِکھ لِکھ لیکھ نہ کوئے سمجھائیندا۔ سَتجُگ چلے راہ نیارا، نِراکارا آپ چلائیندا۔ بھگتاں وکھائے بھگت دوارا، بھگوَن ہرِ جوُ آپ پرگٹائیندا۔ سیوا کرے بن بن سیوک سیوادارا، چاکر چاک آپ اکھوائیندا ۔ نامے تیرا قرض اُتارا، ساتا دوُآ جوڑ جنائیندا۔ بہتّراں کرائے ونج ونجارا، ہٹّ اِکو اِک وکھائیندا۔ کلجُگ دیوے سچ سہارا، ہرِ ساچا سچ سمجھائیندا۔ مِل بھگتاں سوہنگ مہاراج شیر سِنگھ وِشنوُں بھگوان بول جَیکارا، تیرا ہؤلا بھار کرائیندا۔