کتب خانہGranth 13 (Urdu)

۱۹ مگھّر ۲۰۱۹ بِکرمی دلیِپ سِنگھ دے گرِہ بابوُ پُرا ضِلع گُرداس پُر

ستّراں میلا سربنگ، سربنگ دَیا کمائیا۔ ستّراں مِلیا سنگ، سنگ نِبھائیا۔ ستّراں چڑھیا رنگ، رنگ رنگائیا۔ ستّراں پوُری کری اُمنگ، اُمنگ جھولی پائیا۔ ستّراں چڑھیا چند، چند رُشنائیا۔ ستّراں مِلیا انند، انند وڈیائیا۔ ستّراں مِلیا گوبِند، گوبِند ہوئی کُڑمائیا۔ ستّراں میلا گُنی گہند، گہر گمبھیِر سیو کمائیا۔ ستّراں لیکھے لگّی جِند، جِند واری گھول گھُمائیا۔ ستّر سرسے گئے کھِنڈ، انتم اِکٹّھے آپ کرائیا۔ گوبِند پہلوں سمبل نگر بدھّا پِنڈ، پُری انند تجائیا۔ جوتی جوت سروُپ ہرِ، آپ اپنی کِرپا کر، ستّراں دیوے مان وڈیائیا۔ ستّراں جوگا ہویا آپ، سَت سَت سمجھائیا۔ ستّراں بنیا مائی باپ، پِتا پوُت سمجھائیا۔ ستّراں کولوں کرا اپنا ناپ، ہرِ اپنی ونڈ ونڈائیا۔ آپے کر کھیل تماش، پربھ ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ ستّراں ہویا آپے جوگا، جیِون جُگت جُگت جنائیندا۔ گوبِند بدلیا اپنا چوگا، چولا نہ ہور ہنڈھائیندا۔ نِرگُن ہو کے دیوے ہوکا، سرگُن کھیل کرائیندا۔ اَنت ندیڑ جو دے کے گیا دھوکھا، اَدھ وِچکار رکھائیندا۔ انتم ویکھن آیا مؤقع، موتبر اپنا ناؤں دھرائیندا۔ جِس نے چھڈیا پٹنا پؤنٹا، سو پوہ چھّبی رنگ رنگائیندا۔ ایکا ڈھئیا سُتا رہیا لا کے ڈھؤنکا، پِھر اپنی کروٹ بدلائیندا۔ گوبِند کدے نہ جائے اؤنتا، پُت پوترے ویکھ خوشی منائیندا۔ دھرتی مات صاف رکھیا کر کے چؤنکا، خاکی خاک صاف کرائیندا۔ گوبِند کرے اُساری نال شؤقا، گوبِند اپنا خوُن بھیٹ چڑھائیندا۔ جن بھگتاں آپے پہُنچا، نِرگُن سرگُن ویکھ وکھائیندا۔ جوتی جوت سروُپ ہرِ، آپ اپنی کِرپا کر، ستّراں آپے دَیا کمائیندا۔ ستّراں دیوے مان، مان وڈیائیا۔ ستّراں دیوے گیان، گیان چتُرائیا۔ ستّراں دیوے دھیان، دھیان لگائیا ۔ ستّراں دیوے پیِن کھان، امرت رس وکھائیا۔ ستّراں دیوے گان، سوہنگ ڈھولا کرے پڑھائیا۔ ستّراں دیوے دان، نام انمُلّا جھولی پائیا۔ ستّراں کھیل کرے مہان، دُھر فرمانا حُکم سُنائیا۔ ستّراں چاڑھے اپنے اُپر مکان، بےمکان کھیل کرائیا۔ ستّراں کولوں اپنے چار جُگ دی چار کُنٹ دی اُجاڑ دیوے دُکان، ستّر اِٹّاں دئے اُکھڑائیا۔ ساڈھے تِنّ ہتّھ بھگت دوارے چوٹی اُتے لا بھگوان، بھگتاں خوشی منائیا۔ گُرمُکھ تُہاڈا جھُلے نِشان، سَتجُگ ساچے وجےّ ودھائیا۔ مندر مسجد شِودوالے سرب مِٹ جان، لوک مات رہن نہ پائیا۔ اِک گوبِند دوُجا رہے بھگوان، تیجی سنگت نال مِلائیا۔ سچکھنڈ نِواسی

سِری بھگوان، سچ سِنگھاسن سوبھا پائیا۔ کوٹن کوٹ گُر اوتار پیِر پَیغمبر برہما وِشن شِو سیِس جھُکان، دوئے جوڑ پَین سرنائیا۔ تخت نِواسی ہو مِہربان، مِہر نظر اِک اُٹھائیا۔ اِکو وار گُرمُکھاں ول کرے دھیان، اِکو پؤڑے دئے چڑھائیا۔ جِتھے جھُلے دھرم نِشان، دوُجا نِشانہ نہ کوئے رکھائیا۔ جِتھے اِکو اِشٹ نؤجوان، بُڈھا بال نہ کدے ہو جائیا۔ جیہڑا گُر اوتاراں دیندا رہیا دان، سو داتا دانی اِکو منگو جِس دے منگیاں بُھکھ رہے نہ رائیا۔ اُس دے چرناں ہیٹھاں لُکو، شہنشاہ شیر اِکو اِک اکھوائیا۔ اُس دے چھایا ہیٹھ بانہہ کڈھ کے بُکو، پربھ مِلیا سچّا ماہیِا۔ اپنے نِشانیوں کدے نہ اُکو، گوبِند پِچھے دھار سِکھائیا۔ ہُن نیڑے آ کے ڈُھکو، دیوے درس دردی اپنا درد ونڈائیا۔ سارے اِکٹّھے ہو کے پُچھو، کِتھے لُکیا رِہوں نظر کِسے نہ آئیا۔ اَگے ہو کے پھڑ لؤ گُٹوں، جِس ہتّھ نال پھڑی تلوار، تِس ہتّھ نال گُر سَتگُر لؤ منائیا۔ کر پیار پربھ چرنی جھُکو، جھُکویِں کھیل جنائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ ستّراں یاد، یاد جنایا۔ ستّراں سُن فریاد ، فریادی پھیرا پایا۔ ستّراں دیوے داد، وست ونڈایا۔ ستّراں وجےّ ناد، ناد الایا۔ ستّراں ہو وِسماد، وِسمادی کھیل رچایا۔ ستّراں کھولی جاگ، جاگرت روُپ جنایا۔ ستّراں سُنی آواز، دوُر دُراڈا نٹھ کے آیا۔ ستّراں رچیا کاج، کرنی کرتا آپ کمایا۔ ستّراں نال رلائے پنج راج، مِستری اپنا حُکم منایا۔ پِچھے جو سنگت رہ گئی چھّبی پوہ سب نوُں اِکٹّھا کر کے دیوے داج، اِکو جیہی جھولی دئے بھرایا۔ گُرسِکھ نال ستّر ستّر اِٹّاں پربھ ساچے لئی لےَ کے آؤنا داج، دھرم دوارے تُہاڈا مندر دئے بنایا۔ اوتھے اِکو اِک سماج، دوُجی ونڈ نہ کوئے ونڈایا۔ اُتے لِکھ دئے سِر سنگت پہنایا تاج، سِر اپنا بھیٹ چڑھایا۔ جِس نے کرنا سچّا راج، درگاہ ساچی ویکھ وکھایا۔ جِہنے ستّراں اُتوں صِفرا کر کے سارا سنسار جانا کھاج، کھا کھا اپنا شُکر منایا۔ جوتی جوت سروُپ ہرِ، آپ اپنی کِرپا کر، ستّراں ہرِ سنگت سنگ اِکو رنگ وکھایا۔ ستّراں والا اِکو سَتگُر، سَت سَتواد اکھوائیا۔ ساتا صِفرا گئے جُڑ، انک انک نال مِلائیا۔ سَت سروُپ صِفرا ہو کے رہیا دؤڑ، نظر کِسے نہ آئیا۔ صِفرا گھر گھر رہیا بہُڑ، سَت سَت سُنائیا۔ ستّ کہے سَت گیا دؤڑ، سَت صِفر روُپ ہو جائیا۔ بِن سَتگُر صِفر سَت نہ کرے کوئی مِٹھا کؤڑ، رس امرت نہ کوئے بھرائیا۔ سو سَتگُر چڑھیا ساچے گھوڑ، جِس دی صِفت کر کر تھکے لِکھ لِکھ لیکھ قلم شاہیِا۔ جوتی جوت سروُپ ہرِ، آپ اپنی کِرپا کر، سَتگُر سچ سچ سچ اکھوائیا۔ سچ سَتگُر اِکو ستر، آد جُگاد سمائیندا۔ سَت سَتگُر کھولے

پتر، اپنا ورقہ آپ اُلٹائیندا۔ سَت سَتگُر دھار دُتر، دوئے دوئے روُپ دھرائیندا۔ سَت سَتگُر پِتا پُتر، گوبِند اکال رنگ رنگائیندا۔ سَت سَتگُر لُکیا رہے اپنی نُکر، نظر کِسے نہ آئیندا۔ سَت سَتگُر ہرِجن کرے شُکر، شُکریہ اِک منائیندا۔ سَت سَتگُر بِن ماں پِیو بِن جننی آئے اُتر، کُکھیں بھاگ نہ کوئے لگائیندا۔ سَت سَتگُر جہاں ویکھو تہاں جائے اُپڑ، دوُر نیڑے نہ کوئے جنائیندا۔ سَت سَتگُر سرسے والا نہ گیا مُکر، پِچھلا لیکھا آپ مُکائیندا۔ جِنہاں پِچھے وارے جِگرے ٹُکڑ، لختِ جِگر بھیٹ چڑھائیندا۔ تِنہاں پِچھے پیا اُپڑ، اگلا پندھ مُکائیندا۔ االلہ رانی نوُں کوئی نہ کہے پُھفی میاں بنے نہ کوئی پُھپھڑ، بھَین بھائیاں اَگے لائیندا۔ کِسے زور نہ چلے جِنہاں داہڑی رتی کیِتی بن کے چِٹے کُکڑ، چِتُو سب نوُں آپ بنائیندا۔ ویلے سِر آ کے گیا پُکھر، اپنا کھیل وکھائیا۔ جِس دیاں گھر گھر سُکھناں سُکھن، سو بِن گُرسِکھاں ملِے نہ کِسے ماہیِا۔ سرِشٹ سبائی بھری دُکھن، دھوُاں دھار لوکائیا ۔ باہوں پھڑ کوئے نہ آئے چُکن، سارے بَیٹھے مُکھ بھوائیا۔ دوُر دُراڈے بہہ بہہ بُکن، اَگے ویکھن شیر پِچھے سب مُڑ جائیا۔ اِک دوُجے نوُں-کہن چلو رل کے چلیئے کُٹن، اپنا بل دھرائیا۔ جِس ویلے سِری بھگوان مار بھبک اپنی کھولے بُکل، سارے بھجّن واہو داہیِا۔ لوآں پُریاں برہمنڈاں کھنڈاں تھاں نہ لبھے لُکن، بِن ہرِ چرناں اوٹ نظر کوئے نہ آئیا۔ سارے اِک دوُجے نوُں دسّن، ساڈا پیَنڈا آیا اُتے مُکن، اگلا لیکھا رہے نہ رائیا۔ سِری بھگوان نؤجوان مِہربان دیِن دَیال ٹھاکر سوامی کوجھیاں کملیاں آپ گیا چُکن، چُک چُک اپنی گود بہائیا۔ گوبِند نال رکھیا پُتن، پِتا پوُت پھیرا پائیا۔ گُرمُکھ دوارے گیا جھُکن، نِیوں نِیوں سیِس جھُکائیا۔ لکھّ چؤراسی گیا پھوُکن، اِک پُھنکار لگائیا۔ دو جہاناں گیا سوُتن، نام وٹنا رہیا چڑھائیا۔ کلجُگ انتم سارے بھوُتن، بیر بے تال ناچ نچائیا۔ سِری بھگوان سب دے سِر وِچ مارے جوُتن، جو بَیٹھے نام بُھلائیا۔ لیکھا جانے چارے کوُٹن، دہ دِشا ویکھ وکھائیا۔ ناتا توڑے جوُٹھ جھوُٹھن، جوُٹھیاں جھوُٹھیاں تُھکاں مُکھ بھرائیا۔ جنگل جوُہ اُجاڑ پہاڑ ویکھے اودھوُتن، جو تن بَیٹھے خاک رمائیا۔ گُفا اندر ویکھے سُتے گھوُکن، جو اکھّاں کر بند کنّاں وِچ اُنگلاں پائیا۔ جو سوُراں وانگوُں سوُکن، سارے سادھ اُٹھائیا۔ جو پیِون بھنگ بوُٹن، سب دی جڑ اُکھڑائیا۔ جو سُلفیاں لاون سوُٹن، تِنہاں کرے صفائیا۔ جو تمباکو پی پی نشہ جھوُٹن، جھٹکا سب دا دئے کرائیا۔ جو اُچی بول بول مندر مسجد شِودوالے مٹھ کوُکن، کوُکر سوُکر جوُن بھوائیا۔ ہرِ بُھلیاں دے سِر وِچ اَنت کُتے موُتن، کِتے نہ ملِے تھانئیاں۔ جامہ بھوائے ہاکن ڈاکن بےتال بھوُتن،

انچنی کنچنی ناؤں دھرائیا۔ کلاَسودری ہوئے اوتن، اِجیا بِجیا دئے دُہائیا۔ سرِشٹ سبائی ویکھے روگن، سُکھ نظر کِتے نہ آئیا۔ اپنا کیِتا سارے بھوگن، لیکھا سب دی جھولی پائیا۔ لاڑی مؤت بنے کلجوگن، ماس چُجاں نال تُڑائیا۔ کوُڑی کِریا ہوئے وِجوگن، چاروں کُنٹ پِھرے ہلکائیا۔ سِر دِسے نہ کوئی اوڈھن، کُھلی مینڈھی پت لُہائیا۔ چور اُچکّے راہ وِچ بوچن، لُٹ کھسُٹ مچائیا۔ جِس نوُں سَتگُر نانک کِہا اوہدا کھیل وِچ نہ آئے سوچن، بِن سوچیاں رہیا رچائیا۔ جِس نے مان دِوایا دھنےّ ترلوچن، ناما نال مِلائیا۔ جِس برہمے سمجھایا کپال موچن، پُشکر بھیوَ کُھلائیا۔ سو سرِشٹ سبائی آیا جھوکن، انجھک پھیرا پائیا۔ گُرسِکھاں نوُں آیا روکن، کوُڑی کِریا چھڈو جوُٹھا جھوُٹھا ناتا تُڑائیا۔ جِس دا کھیل لوک پرلوکن، برہمنڈ کھنڈ سمائیا۔ جِس دا گُر اوتار گائن سلوکن، پیِر پَیغمبر راگ الائیا۔ جِس دا کھیل کوٹ کوٹن، کوٹ کوٹی ویس وٹائیا۔ جِس دا روُپ نِرمل جوتن، جوتی جوت جوت رُشنائیا۔ جِس نے کھیل بنایا گوبِند پُت پوتن، پتونت بےپرواہیِا۔ سو دیون آیا موکھن، مکُتی چرناں ہیٹھ دبائیا۔ کھیل کرایا ستّراں وینہدیاں لوچن، لوچا پوُر کرائیا۔ پِچھلا مِٹاوَن آیا روسن، رُسیِاں لئے منائیا۔ ٹِکانے کرن آیا ہوشن، ہوچھیاں مت گوائیا۔ گُرسِکھاں اندر لاؤن آیا اپنا نام روشن، روشنی اِکو نوُر رُشنائیا۔ دین آیا درگاہ سچّی دا سچّا پرموشن، سیِس تاج اِک ٹِکائیا۔ گُر اوتار پیِر پَیغمبر بَیٹھے رہن خموشن، اَگے بول نہ کوئے سُنائیا۔ کرے کھیل ہرِ بےہوشن، مخموُر مخموُری اِکو نام رکھائیا۔ لیکھا جانے دوش بدوشن، دوشیِاں دیوے دنڈ بدوشیِاں لئے بچائیا۔ سمُند ساگر ویکھے اوشن، سِری بھگوان اپنا پھیرا پائیا۔ جوتی جوت سروُپ ہرِ، آپ اپنی کِرپا کر، ستّر سیوا سَت دوار۔ ستّر اِٹّاں ہٹّ ونجار۔ اِٹّ اِٹّ نال کرے پیار۔ چِٹ لائے نال چرن دھوُڑی چھار۔ دیوے سِٹ، گُرمُکھاں تھلّے کر پیار۔ گُرسِکھ چلدے پِھردے پَیراں نال مارن ہٹ، نیِہہ اُکھڑے جیِو گوار۔ قدم قدم تُردے تُردے اُتے رہے پِٹ، ہاہاکار کرے سنسار۔ کرے کھیل آپ انڈِٹھ، کوئی نہ پاوے سار۔ گُرمُکھ مانَس جنم لئے جِت، جِس جِتیا ہرِ نِرنکار۔ دھرم دوارے کرنا ہِت، بھگتاں ہوئے پیار۔ ستّراں بہتّراں چُہتّراں وِچوں جو رہ گئے پِچھے، پِچھوں کرے اَگے ستّر اِٹّاں کر وِہار۔ آپ پِھرے پِچھے اَگے، اَگے پِچھے خبردار۔ ست سرنائی جو جن لگّے، سَت پُرکھ نِرنجن میل مِلائے اپنی دھار۔ صِفرا روُپ سب رہ جان ہکےّ بکےّ، نظر نہ آئے نر نِرنکار۔ ستّر بھگت ہوئے پکّے، پکّیاں اِٹّاں دِتیاں اُکھاڑ۔ بہتّراں چھتّی جُگاں مارے دھکّے، محل اٹل سُہایا اِک دوار۔ چُہتّراں کِہا اسیں

بھَین بھائی سکے، سَتجُگ ساچی بنّھی دھار۔ پنج پنج پنج وِچوں رکھے، چار چار ونج وپار۔ ہرِ سنگت نِکے وڈّے بُڈھے نڈھےّ مائی بھائی دھی جوائی پِچھوں پھڑ کرے اَگے، اَگے لائے آپ نِرنکار۔ ستّراں اِٹّاں نال ایتھے اوتھے پردہ کجے، ایتھے فرش خاکی اوتھے ملِے آپ نِرنکار۔ اِس سیوا توں پِچھے کوئی نہ بچے، تُہاڈا محل رہیا اُسار۔ ہرِ کا بچن سچ سچّے، سچ سچ کرے گُفتار۔ جو ایتھے رہ گئے کچےّ، اَگے کوئی نہ مددگار۔ بِن سَتگُر لکھّ چؤراسی جیِو نچّے، اَنت کوئی نہ اُترے پار۔ گوبِند گُرسِکھاں کدی نہ دیوے دھکّے، جِنہاں اُتوں اپنا آپ دِتا وار۔ پہلی چیت وکھائے اپنا کھیل اِکٹّھے، عرش فرش ہو تیار۔ پھیر کہے گُرسِکھ تُسیں میرے بچّے، میَں تُہاڈا پِتا، پُترا کراں پیار۔ جو صاحِب مَینوُں حُکم دِتا، میَں تُہانوُں دِتا سُنا۔ تُہاڈے پیار اندر نِکاّ، ہنکار اندر وڈ بلکار۔ اَگے چلاؤنا اپنا سکہ، ساچی سِکھی کر تیار۔ ستّراں اِٹّاں نال ونڈ لؤ حِصّہ، سچکھنڈ بنے تُہاڈا دربار۔ جیہڑا اجے کِسے نہ ڈِٹھا، اُس دی سیوا کرے آپ نِرنکار۔ سؤں نہ جانا دے کے پِٹھاں، بے خبر کرے خبردار۔ ویکھو انتم کی نِکلے سِٹا، سارے آپو اپنی تھائیں داؤ رہے مار۔ کوئی کہے جٹّ پِھٹا، جوُٹھ جھوُٹھ رہیا مار۔ کوئی کہے مندراں لواوے اِٹّاں، اپنا کرے وِہار۔ کوئی کہے بانا رکھے چِٹا، سیِس سوہنی دستار۔ کوئی کہے پاوے پیِلا کھٹّا، سیِس تاج رکھ کرے شنگار۔ کوئی کہے چوُہڑیاں چماراں نالوں مِٹائی بِھٹا، کیِتا جنم خوار۔ کوئی کہے وڈّا ہو کے بنیا نِکاّ، غریِب نِمانیاں گھر جا جا منگے بنے در بِھکھار۔ پُرکھ اکال کہے میَں جن بھگتاں ماتا پِتا، بِن پُتاں پِتا ہوئے خوار۔ میرا آد جُگادی ہِتا، نِت نوِت میری کار۔ جِس نوُں میَں پہلوں ڈِٹھا، سو مَینوُں کرے نِمسکار۔ باقی سارا رس پِھکا، امرت وہے نہ کوئی دھار۔ کی ہویا جے گوبِند کہے آ میرے پُتا، گُرسِکھ گودی لئے اُٹھال۔ گُرسِکھ گوبِند دی گودی رہے سُتا، پُرکھ اکال چلے نال نال۔ سچ ایدوُں ہور نہیں چنگی رُتا، نہ کوئی جلوہ نہ کوئی جلال۔ سِری بھگوان گُرمُکھ سچےّ ہرِ سنگت وِچ کِیتے اِکٹّھے جِؤں انگوُراں ویل گُچھا، مُڈھ ٹاہن اِکو اِک رکھائیا۔ کوئی نہ بُھلیوں اُتے لےَ کے بَیٹھا دُھسا، ایہہ وی دُھسا چیلا سِنگھ وڈیائیا۔ میَں پِھر سُکے دا سُکا، ہتّھ نہ کِچھ رکھائیا۔ جے کوئی مَیتھوں کھون آوے اَگوں وکھاواں مُکا، سب نوُں مُنہ دے بھار سُٹائیا۔ دو جہان دا آیا بُھکھا، سِنگھ شیر بےپرواہیِا۔ جے ہو کے ویکھے اُچا، اَگوں گُرسِکھ نظری آئیا۔ گُرسِکھ سب دے نالوں سُچا، جِس گوبِند مِلیا چائیں چائنیا۔ گوبِند دیوے ساچیاں پُچھاں، سچ سچ سمجھائیا۔ جو جُگ چؤکڑی رہیا لُکا، آؤ تُہاڈے نال دیاں مِلائیا۔ جِن بھنّنا ٹوپی

حُقہ، شرع شریِعت ڈیرہ ڈھاہیِا۔ جِس ہٹاؤنا کھانا کُٹھا، سیِس دھڑ نہ کوئے کٹائیا۔ سو صاحِب سَتگُر تُٹھا، دیِن دَیال پھیرا پائیا۔ رل مِل ہو جاؤ اِکو مُٹھا، گوبِند کر کے گیا پڑھائیا۔ پھیر ٹنگے نہ کوئی پُٹھا، رائے دھرم نہ دئے سجائیا۔ جمدوُت جے آئن نیڑے سِر وِچ مارو جُتا، ڈھولا گاؤ سوہنگ مہاراج شیر سِنگھ وِشنوُں بھگوان، ساڈا ہوئے سہائیا۔ گُرسِکھو تُہاڈا پیَنڈا مُکا، مُکیا پندھ لوکائیا۔ مات گربھ نہ اُلٹا رُکھا، دس ماس نہ اگن تپائیا۔ جِس دا سیِس جگدیِش جھُکا، تِس چُک خوشی منائیا۔ ستّر بہتّر چُہتّر سُہائے اِکو رُتا، ہرِ سنگت پُھل پُھلواڑی آپ مہکائیا۔ مہاراج شیر سِنگھ وِشنوُں بھگوان کِسے کولوں نہ جائے لُٹا، کِیوں اپنا ہٹّ نہ کِسے وکھائیا۔ ہٹّ لُٹن دے پئے جھیڑے، چار ورن دُہائیا۔ کھتری براہمن شوُدر وَیش بنے لُٹیرے، شرع کُہاڑی ہتّھ اُٹھائیا۔ پیِر پَیغمبر دسّاں کیہڑے کیہڑے، جیہڑے گئے پھیریاں پائیا۔ اَنت کوئی نہ پُجا ڈیرے، اَدھ وِچکار تھک تھک اپنیاں ڈھیریاں ڈھاہیِا۔ سارے قلم شاہی نال ٹیٹیاں رہے ریِڑھے، ٹِکاّ مستک نہ کوئے لگائیا۔ اِک نانک آیا کھیڑے، گوبِند اُنگلی ہرِ پھڑائیا۔ کبیِر ویکھیا آ کے ویہڑے، اپنا کُنڈا لاہیِا۔ نانک گوبِند کہن پربھ کرے حق نبیڑے، پاربرہم بےپرواہیِا۔ کبیِر کہے اَگے بھگتاں نال پائے جھیڑے، تیری بھگتی لوک مات نہ کِسے سِکھائیا۔ جے کِرپا کرنی آں راتیں سُتیاں آ جائیں ویہڑے، آؤندیاں جاندیاں تیرا کی گھٹ جائیا ۔ پِچھے بھگت رُلائے بتھیرے، بھانے وِچ رکھائیا۔ اَگے نہ کریں جھیڑے، جھِڑکاں دے نہ جان سُکائیا۔ پُرکھ ابناسی آ گیا گھیرے، کِچھ کہہ نہ سکے رائیا۔ کبیِر میَں اِک دسّاں جو جن ڈھولا گائے میرے تیرے، تُوں میرا میَں تیرا اُس دا ہوواں سہائیا۔ کبیِر کہے کوئی نہ جانے تیرے کیہڑے گیڑے، تُدھ بِن تیرا نام کوَن دِھیائیا۔ میَں نہیں منّنے تیرے ہیرے پھیرے، سچ ساچی دے سُنائیا۔ سِری بھگوان کہے میَں جاؤں کر کے وڈّے جیرے، لوک مات پھیرا پائیا۔ پِچھلے میٹوُں سارے جھیڑے، اَگے جھگڑا نہ کوئے رکھائیا۔ وساں جا کے گوبِند کھیڑے، سمبل دیاں مان وڈیائیا۔ اوتھے شبدی لاواں ڈیرے، سوہنگ ڈھولا گائیا۔ پھیر ویکھاں کیہڑے کیہڑے، جو مَینوُں رہے دِھیائیا۔ دِنے راتیں ماراں پھیرے، بن مراسی ججماناں گھر جائیا۔ گھر جا کے جاں ویکھاں مَینوُں سوہنے لگّے چہرے، گُرسِکھ چند کرے رُشنائیا۔ میَں خوش ہو کے کہاں ویہہ سؤ اُنی بِکرمی جیہڑے مِل گئے اوہو بتھیرے، جِنہاں اپنے نال مِلائیا۔ مہاراج شیر سِنگھ وِشنوُں بھگوان، لیکھا جانے دو جہان، داتا دانی وڈ مِہربان، ہرِ بھگتاں ملِے آپے آن، اپنی سیوا آپ کمائیا۔

۱۹ مگھّر ۲۰۱۹ بِکرمی بوُڑ سِنگھ دے گرِہ وزیر پُرا ضِلع گُرداس پُر

سَت پُرکھ نِرنجن سرب گُن تاس، سَت سَتوادی کھیل کرائیندا۔ نِرمل جوت کر پرکاش، نوُر نوُرانہ نوُر دھرائیندا۔ ناؤں رکھ پُرکھ ابناس، ابناسی اپنی دھار چلائیندا۔ ساچے منڈل پاوے راس، سچکھنڈ دوارا آپ سُہائیندا۔ شاہو بھوُپ بن شہنشاہ شاباش، راجن راج آپ اکھوائیندا۔ سچکھنڈ دوارا ہرِ نِرنکارا اِک اِکلّا بُلائے آپ اِجلاس، دوُجا سنگ نہ کوئے رکھائیندا۔ جُگ چؤکڑی ویکھے کھیل تماش، سَتجُگ تریتا دواپر کلجُگ آپ ہنڈھائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ سچکھنڈ نِواسی کھیل اپارا، سو پُرکھ نِرنجن آپ کرائیا۔ ہرِ پُرکھ نِرنجن ہو اُجیارا، ایکنکارا نال مِلائیا۔ آد نِرنجن کر پسارا، ابناسی کرتا ویکھن آئیا۔ سِری بھگوان سچ ہُلارا، دو جہاناں آپ دِوائیا۔ پاربرہم پربھ کھول کِواڑا، بند تاکی کُنڈا لاہیِا۔ کرے کھیل اگمّ اپارا، اگمّڑی کار کمائیا۔ ساچا مندر کر تیارا، سچکھنڈ واسی ڈیرہ لائیا۔ دِیا باتی اِک اُجیارا، کملاپاتی آپ ٹِکائیا۔ لیکھا جانے دُھر دربارا، درگاہ ساچی وجےّ ودھائیا۔ بے عیب خُدائی پروردِگارا، جلوہ نوُر نوُر اِلاہیِا۔ مقامے حق حق اکھاڑا، لاشریِک ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کرائیا۔ ساچی کرنی آد جُگاد، جُگ کرتا آپ کرائیندا ۔ لیکھا جان برہم برہماد، برہمانڈ کھوج کُھجائیندا۔ سَتگُر تریتا دواپر کلجُگ شاستر سِمرت وید پُران گیِتا گیان اِنجیِل قُرآن دیونہارا داد، کھانی بانی آپ جنائیندا۔ شبد اگمّی بودھ اگادھ، نِرگُن داتا پُرکھ بِدھاتا سرگُن مارنہار آواز، بھیوَ ابھید کُھلائیندا۔ وِشن برہما شِو ترےَگُن مایا پنج تت لکھّ چؤراسی رچ رچ کاج، ناتا بِدھاتا جوڑ جُڑائیندا۔ آتم پرماتم نِرگُن سرگُن دیوے داج، وست امولک آپ ورتائیندا۔ من مت بُدھ سازن ساز، در گھر ساچے آپ بہائیندا۔ سچ سمگری دے غریِب نواز، مِہربان اپنی دَیا کمائیندا۔ ویکھنہارا کھیل تماش، گھر گھر وِچ ڈیرہ لائیندا۔ جوت نِرنجن کر پرکاش، نوُرو نوُر وکھائیندا۔ شبد ناد دُھن سرب گُنتاس، انحد راگی راگ الائیندا۔ کرے کھیل جوتی جوت سروُپ ہرِ، آپ اپنی کِرپا کر، ساچی کرنی آپ کرائیندا۔ ساچی کرنی سِری بھگوان، سَت سَت آپ کرائیا۔ آد پُرکھ نؤجوان، روُپ رنگ ریکھ نہ کوئے رکھائیا۔ سچکھنڈ وسے سچ مکان، تِھر گھر اپنے چرن ٹِکائیا۔ سُنّ اگمّی کھول دُکان، بھیوَ ابھید کُھلائیا۔ داتا سوُرا جودھا بیر بلی بلوان، بل اپنا آپ پرگٹائیا۔ شاہو بھوُپ بن سُلطان، تخت نِواسی سوبھا

پائیا۔ اِک اِکلّا حُکمران، دُھر فرمانا آپ جنائیا۔ آپ اُٹھائے سُت انجان، بالا بالی بُدھ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کرنی کرتا آپ کمائیا۔ کرنی کرتا ہرِ کرتار، آد پُرکھ آپ کرائیندا۔ جُگا جُگنتر سچ وِہار، بِوہاری آپ چلائیندا۔ نِرگُن سرگُن پاوے سار، نِراکار کھیل کھلائیندا۔ آتم پرماتم کر پیار، برہم پاربرہم مِلائیندا ۔ اِیش جیِو دے آدھار، ایشور اپنا رنگ رنگائیندا۔ کھولنہارا بند کِواڑ، بند تاکی کُنڈا لاہِندا۔ کرے کھیل اگمّ اپار، الکھّ الکھّنا اپنی الکھ جگائیندا۔ شبد اگمّی بول جَیکار، دُھن آتمک ناد سُنائیندا۔ اپنی کِرپا آپے دھار، کِرپن اپنا ویس وٹائیندا۔ شبد وچولا ایکنکار، سوہنگ ڈھولا آپ سُنائیندا۔ سچکھنڈ دا سچ وِہار، تِھر گھر اپنا راگ الائیندا۔ جوتی جوت سروُپ ہرِ، آپ اپنی کِرپا کر، اپنی کرنی آپ جنائیندا۔ اپنی کرنی ہرِ جوُ کر، اکل کل ورتائیا۔ سچکھنڈ دوارے ساچے چڑھ، سچ سِنگھاسن سوبھا پائیا۔ راج راجان آپے بن، نِرگُن اپنا حُکم سُنائیا۔ در درویش ہوئے در، نِیوں نِیوں سیِس جھُکائیا۔ اپنا کارج آپے کر، کرتا پُرکھ کھیل کرائیا۔ جوتی جوت سروُپ ہرِ، آپ اپنی کِرپا کر، اپنا پردہ دئے کُھلائیا۔ اپنا پردہ کھولے آپ، ہرِ وڈّا وڈ وڈیائیا ۔ آپے جانے اپنا پرتاپ، دوُجا نظر کوئے نہ آئیا۔ آپے مائی آپے باپ، پِتا پوُت آپ اکھوائیا۔ جوتی جوت سروُپ ہرِ، آپ اپنی کِرپا کر، اپنا راہ دئے جنائیا۔ آپے مات پِت پتونتا، نِرگُن اپنا کھیل کرائیندا۔ آپے آد آپے اَنتا، جُگ جُگ اپنا ویس وٹائیندا۔ آپے نار آپے کنتا، سیج سُہنجنی آپ ہنڈھائیندا۔ آپے دائی آپے دایا آپے سیو کمنتا، سیوک سیوا آپ جنائیندا۔ آپے ساچی گود سُہنتا، شبدی بیٹا ایکا جائیا۔ سچکھنڈ دوارے اندر تِھر گھر آپ بننتا، گھڑن بھنّنہار بےپرواہیِا۔ کرے پرکاش جوت اننتا، نِرگُن نوُر نوُر رُشنائیا۔ جوتی جوت سروُپ ہرِ، آپ اپنی کِرپا کر، اپنا کھیل دئے سمجھائیا۔ نِرگُن دائی نِرگُن دایا، نار کنت ہرِ اکھوائیندا۔ پوُت سپوُتا ایکا جایا، شبدی ناؤں وڈیائیندا۔ تِھر گھر ساچے آپ بہایا، سِر اپنا ہتّھ رکھائیندا۔ ساچی سِکھیا اِک سمجھایا، بِن کنّاں آپ سُنائیندا۔ ساچا مارگ اِک وکھایا، بِن نیتراں آپ جنائیندا۔ ساچے دھندے آپے لایا، دُھر مستک لیکھ لِکھائیندا۔ اکھّر وکھّر آپ پڑھایا، نِش اکھّر ناؤں رکھائیندا۔ سچ سندیسہ اِک سُنایا، سِری بھگوان آپ جنائیندا۔ گُر گُر تیرا ناؤں دھرایا، سَتگُر اپنا بھیوَ جنائیندا۔ تیرا میرا اِکو چھایا، ایکا گھر سُہائیندا۔ جوتی جوت سروُپ ہرِ، آپ اپنی کِرپا کر، شبد گُروُ آپ پرگٹائیندا۔ شبد گُروُ گُر تِھر گھر، سچکھنڈ نِواسی آپ بہائیا۔ سو پُرکھ نِرنجن دیوے

ور، ہرِ پُرکھ نِرنجن ہوئے سہائیا۔ ایکنکار پھڑائے لڑ، آد نِرنجن کرے رُشنائیا۔ سِری بھگوان لگائے تیری جڑ، ابناسی کرتا سگن منائیا۔ پاربرہم تیری سیوا لئے کر، آد جُگاد سیو کمائیا۔ نِربھؤ چُکائے بھےَ ڈر، اجوُنی رہت دئے وڈیائیا۔ اکال موُرت تیرا ناؤں دھر، نہ مرے نہ جائیا۔ جوتی جوت سروُپ ہرِ، آپ اپنی کِرپا کر، ہرِ کِرپا گُر دھر پرسادِ جھولی پائیا۔ شبدی گُر چڑھیا چا، تِھر گھر وجّی ودھائیا۔ ہرِ جی مِلیا اِک ملاح، بیڑا آپ چلائیا۔ اِکو دیوے سچ صلاح، صِفتی صِفت وڈیائیا۔ اِک جپائے اپنا ناں، ناؤں نِرنکارا رہیا دِرڑائیا۔ اِک وکھایا سچ مکان، چھپر چھنّ نہ کوئے چُھہائیا۔ اِک جنایا چرن دھیان، سرن ملِے سرنائیا۔ دوئے جوڑ منگاں دان، پربھ اَگے جھولی ڈاہیِا۔ کِرپا کر سِری بھگوان، اِک تیری اوٹ تکائیا۔ میَں سیوا کراں مہان، پوُت سپوُتا سوبھا پائیا۔ ابناسی کرتا ہو مِہربان، مِہر نظر اِک اُٹھائیا۔ نِرگُن نِرگُن کر پردھان، سچ پردھانگی دئے جنائیا۔ وِشنوُں پرگٹ کیِتا آن، وِشوَ اپنی کل جنائیا۔ وِشنوُں اندر کھیل مہان، امرت رس اِک بھرائیا۔ لیکھا جان دو جہان، دوئے دوئے دھار آپ چلائیا۔ وِشنوُں نابھی کر پروان، ایکا گُل کھِلائیا۔ ایکا گُل نؤجوان، پاربرہم برہما لئے پرگٹائیا۔ جوتی جوت سروُپ ہرِ، آپ اپنی کِرپا کر، سُت دُلارے دیوے ور، وِشن برہما جھولی پائیا۔ وِشن برہما ویکھ سُت، ہرِ ساچا دَیا کمائیندا۔ کرے کھیل ابناسی اچُت، چیتن اپنا راہ چلائیندا۔ آپ سُہائی اپنی رُت، رُت رُتڑی آپ مہکائیندا۔ اپنی دھاروں آپے اُٹھ، نِرگُن اپنی ونڈ ونڈائیندا۔ سُنّ اگمّ دھوُاں دھار پئے تُٹھ، شنکر اپنی گنڈھ پوائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ سمجھائیندا۔ شبد گُروُ گُر دَیا کما، مِہر نظر اُٹھائیا ۔ وِشن برہما شِو لئے اُپا، اُپما اپنی دئے جنائیا۔ وچولا بن بےپرواہ، سوہنگ ڈھولا دئے سُنائیا۔ کرے قؤلا تھاؤں تھاں، آپ اپنا بندھن پائیا۔ ہؤلی ہؤلی دئے پڑھا، دُھر سندیسہ اِک سُنائیا۔ وِشنوُں دوئے جوڑ پئے سرنا، پربھ اَگے سیِس جھُکائیا۔ برہما نیتر رووے مارے دھاہ، دھیِرج دھیِر نہ کوئے وکھائیا۔ شنکر دھوُڑی خاک رہیا رما، مستک ٹِکاّ ایکا لائیا۔ سِری بھگوان سہج سُبھا، ساچا حُکم آپ سُنائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل اولّا، ہرِ سَتگُر آپ کرائیندا۔ آد پُرکھ اِک اِکلّا، شبدی دھار راہ چلائیندا۔ وِشن برہما شِو پھڑایا پلّا، پلّوُ اپنا نام وکھائیندا۔ وسنہارا نِہچل دھام اٹلا، سچ سِنگھاسن سوبھا پائیندا۔ جوتی شبدی آپے رلا، نِرگُن نِرگُن کھیل کرائیندا۔ سچ سندیس نر نریش اِکو گھلا، دُھر فرمانا آپ جنائیندا۔

جوتی جوت سروُپ ہرِ، آپ اپنی کِرپا کر، گُر شبدی کار کمائیندا۔ گُر شبدی کرے ساچی چھایا، صاحِب اپنی دَیا کمائیا۔ وِشنوُں میلا سہج سُبھایا، برہمے دئے وڈیائیا۔ شنکر اپنا راہ وکھایا، بھیوَ ابھید کُھلائیا۔ تِنہاں وِچولا بن کے آیا، ایکا مائی لئے بنائیا۔ ساچا سوہلا اِک سُنایا، نِرگُن نِرگُن ڈھولا گائیا۔ نام بھنڈار اِک ورتایا، وِشنوُں جھولی دئے بھرائیا۔ برہمے برہم ونڈ ونڈایا، لکھّ چؤراسی گھاڑت لئے گھڑائیا۔ شنکر ہتّھ ترسوُل پھڑایا، جو گھڑیا بھنّ وکھائیا۔ تِنّاں نِیوں کے سیِس نِوایا، پربھ چرن دھوُڑ مستک ٹِکاّ لائیا۔ جِؤں بھاوے تِؤں لیَنا چلایا، ساڈی چلے نہ کوئے چتُرائیا۔ پُرکھ ابناسی ہوئے سہایا، اپ تیج وائے پرِتھمی آکاش پنج تت میلا لئے مِلائیا۔ نِرگُن سرگُن کھیل کرایا، گھڑ بھانڈے ویکھ وکھائیا۔ لکھّ چؤراسی رنگ چڑھایا، انڈج جیرج اُتبُھج سیتج اپنا بندھن پائیا۔ چارے کھانی راہ جنایا، چارے بانی کرے پڑھائیا۔ پرا پسنتی مدھم بَیکھری ڈھولا گایا، بھیوَ ابھیدا آپ کُھلائیا۔ برہما ویتا آپ سمجھایا، نیتن نیتا ہرِ رگھُرائیا۔ اپنا چیتا آپ کرایا، چارے مُکھ صِفت صالاحیِا۔ چارے ویداں بھیوَ چُکایا، چارے جُگ ونڈ ونڈائیا۔ چاروں کُنٹ کر رُشنایا، چار یاری بندھن پائیا۔ سَتجُگ تریتا دواپر کلجُگ کھیل کرایا، خالق خلق روُپ وٹائیا۔ گُر اوتار سیوا لایا، بھگت بھگوان کر پڑھائیا۔ پیِر پَیغمبر دے مت سمجھایا، کلمہ نبی رسوُل جنائیا۔ آیت شریِعت آپ پڑھایا، لاشریِک بےپرواہیِا۔ سبق حدیِث اِک سُنایا، اِکو حُکم منائیا۔ بودھ اگادھ منتر نمو سَت سَت دِرڑایا، درِڑھ وِشواس اِک وکھائیا۔ آد جُگادی جُگ جُگ اِشٹ آپ بنایا، کر کھیل بےپرواہیِا۔ تیئی اوتار ناچ نچایا، پنج تت کایا ویکھ وکھائیا۔ عیسیٰ موُسیٰ محمد گنڈھ کُھلایا، چؤداں طبق پردہ لاہیِا۔ نانک نِرگُن میلا سچکھنڈ دوارے آپ کرایا، نام سَت جھولی پائیا۔ ساچا منتر اِک دِرڑایا، آتم پرماتم میل مِلائیا۔ نِرگُن نانک سوہنگ سوہلا اِکو گایا، درگاہ ساچی وجےّ ودھائیا۔ چارے کھانی وچولا بن کے آیا، چارے بانی کرے پڑھائیا۔ تولا بن کے سیو کمایا، غریِب نِمانیاں گلے لگائیا۔ پردہ اوہلا دِتا اُٹھایا، گُر سَتگُر شبد اِکو نظری آئیا۔ انتم بولا اِک سُنایا، کلجُگ اَنت نِہکلنک آوے واہو داہیِا۔ گوبِند میلا سہج سُبھایا، پُرکھ اکال وجےّ ودھائیا۔ چیلا گُر روُپ وٹایا، سجّن سُہیلا وڈ وڈیائیا۔ اپنا ویلا لئے سُہایا، وار تِھت نہ کوئے جنائیا۔ اِک اَکیلا پھیرا پایا، دو جہان ویکھے تھاؤں تھائنیا۔ چار جُگ دی پِچھلی کہانی پھول پُھلایا، لُکیا کوئے رہن نہ پائیا۔ شاستر سِمرت وید پُران جِس دی صِفت رہے سُنایا، سو صِفت وِچ کدے نہ آئیا۔ انتم سب نوُں گرِفت لئے

کرایا، حُکم اپنا اِک جنائیا۔ جوتی جوت سروُپ ہرِ، آپ اپنی کِرپا کر، گُر شبدی دئے وڈیائیا۔ گُر شبدی آد اَنت، ہرِ سَتگُر آپ جنائیندا۔ جُگ چؤکڑی منیِا منت، منتر نام دِرڑائیندا۔ آتم پرماتم میل مِلائے نار کنت، سیِتا سُرتی رام مِلائیندا۔ مان دِوائے لکھّ چؤراسی جیِو جنت، جیِون جُگت جنائیندا۔ گڑھ توڑ ہؤمے ہنگت، کوُڑی کِریا میٹ مِٹائیندا۔ اِکو میلا ساچی سنگت، ہرِ رنگت نام چڑھائیندا۔ لوک مات وکھائے جنّت، سوَرگی اِک سوَرگ رکھائیندا۔ ہرِ کا بھیوَ نہ جانے کوئی پنڈت، چؤداں وِدیا پڑھیاں ہتّھ نہ آئیندا۔ چؤداں لوک نہ جانن اَنت، تریَلوکی ناتھ اپنے وِچ چُھپائیندا۔ آد اَنت سدا بےاَنت، بےپرواہ اپنی کھیل جنائیندا۔ جوتی جوت سروُپ ہرِ، آپ اپنی کِرپا کر، چار جُگ دی کرنی، ہرِ کرتا ویکھ وکھائیندا۔ چار جُگ دی کرنی کِریا، نِرگُن داتا ویکھ وکھائیا۔ سَتجُگ تریتا دواپر پِھریا، کلجُگ انتم ویس وٹائیا ۔ چاروں کُنٹ اندھیرا جھوُٹھا گیڑ گِڑیا، سچ سُچ نظر نہ آئیا۔ پیِراں نال پیِر بِھڑیا، شرع نال شرع کرے لڑائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ شبد گُر داتا، جُگ جُگ ویکھ وکھائیندا۔ سَتجُگ تریتا دواپر ویکھ تماشا، گوپی کاہن آپ نچائیندا۔ عیسیٰ موُسیٰ محمد چار یاری دِتا ساتھا، سگلا سنگ نِبھائیندا۔ نانک گوبِند پِتا پُرکھ اکال بندھایا ناتا، نہ کوئی توڑے توڑ تُڑائیندا۔ جوتی جوت سروُپ ہرِ، آپ اپنی کِرپا کر، جُگ جُگ لیکھا آپ مُکائیندا۔ جُگ جُگ لیکھا مکُے جگ، لوک مات رہن نہ پائیا۔ کلجُگ اَنت سوُرا سربگ، نِرگُن اپنا پھیرا پائیا۔ لکھّ چؤراسی ویکھے کگّ، کاگ وانگ رہے کُرلائیا۔ شاہ سُلطاناں گھر لگّی اگّ، امرت میگھ نہ کوئے برسائیا۔ بِن ہرِ نامے خالی دِسن ہڈّ، کوُڑی سیاست کرے لڑائیا۔ بھائی بھائیاں نالوں ہوئے اڈّ، ماں پُت نہ میل مِلائیا۔ کوئی نہ سوہے ساچی جدّ، جِس گھر گُرمُکھ ہرِ ہرِ ڈھولا گائیا۔ اُچے لمے دِسن قد، نِکاّ ہو کے سیو نہ کوئے کمائیا۔ کلجُگ جھوُٹھی پیِتی مدھ، امرت رس نہ کوئے چکھائیا۔ گُر کا ناتا گئے چھڈ، سُرتی شبد نہ کوئے مِلائیا۔ خالی دِسن مندر مسجد مٹھ، شِودوالے دین دُہائیا۔ کامی کرودھی کپٹی مالا رہے رٹ، ہری ہرِ ہِردے نہ کوئے وسائیا۔ گنگا گوداوری جمنا سُرستی لگّا پھٹّ، تیِرتھ اٹھسٹھ گُنڈے تاریاں رہے لائیا۔ سادھ سنت دھیِاں بھَیناں رہے تکّ، گُروُ سِکھیا نہ کوئے سمجھائیا۔ پُرکھ ابناسی پربھ نوُں ساریاں تے پےَ گیا شکّ، فتویٰ سب دے اُتے لائیا۔ انتم کرے نبیڑا حق، نہ کوئی میٹے میٹ مِٹائیا۔ ہرِ کا بھانا کوئی نہ سکے ڈکّ، نانک گوبِند گیا لِکھائیا۔ پرگٹ ہوئے پُرکھ سمرتھ،

بےپرواہ بےپرواہیِا۔ دو جہاناں پائے نتھ، لوآں پُریاں برہمنڈاں کھنڈاں اپنا بندھن پائیا۔ گُر اوتاراں پیِر پَیغمبراں سادھاں سنتاں جیِاں جنتاں مارگ دئے دسّ، دہ دِشا کر رُشنائیا۔ سنتاں بھگتاں میل مِلائے ہسّ ہسّ، سوہنگ ہنسا جاپ جپائیا۔ دھرت دھوَل زِمیں اسمان پرِتھمی آکاش ہوئے بے بس، منڈل منڈپ نہ کوئے وڈیائیا۔ روَ سس چرنی ڈِگن ڈھٹّھ، جوتی کِرن نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا حُکم ورتائیا۔ کلجُگ انتم حُکم ورتے جگ، شہنشاہ اپنا آپ چلائیندا۔ جن بھگتاں دیوے درس اُپر شاہ رگ، بےمُکھاں نظر نہ آئیندا۔ گُر اوتار پیِر پَیغمبر حُکمے بَیٹھے بّجھ، در سجدہ سیِس سرب جھُکائیندا۔ جو گھڑیا سو جائے بھجّ، تِھر کوئے رہن نہ پائیندا۔ ہرِ جوُ ویکھے مکّہ کعبہ ، اُچے حُجرے پھول پُھلائیندا۔ سچ محرابے نہ کوئی حج، دو دو آبا نہ میل مِلائیندا۔ کوُڑ نگارہ رہیا وجّ، مُلّا شیخ مسائق سرب کُرلائیندا۔ بِسمِل روُپ ہو میاں گھر کوئے نہ لئے صدّ، االلہ رانی مُکھ گھُنگٹ نہ کوئے اُٹھائیندا۔ عیسیٰ موُسیٰ محمد راہ تکّن اڈّو اڈّ، پیِر ظاہرا کوَن کوُٹے پھیرا پائیندا۔ نانک نِرگُن گوبِند سُت دُلارا گیا دسّ، کلجُگ انتم پُرکھ اکال ویس وٹائیندا۔ سمبل نگر جائے وس، ساچا کھیڑا آپ سُہائیندا۔ نِرگُن جوت کرے پرکاش، دِیا باتی نہ کوئے جنائیندا۔ جوتی جوت سروُپ ہرِ، آپ اپنی کِرپا کر، کلجُگ انتم ویکھ وکھائیندا ۔ کلجُگ انتم ویکھن آیا، گُر شبدی نؤجوان۔ وِشن برہما شِو اُٹھایا، دیوے دُھر فرمان۔ ترےَگُن مایا ڈیرہ ڈھایا، لیکھا چُکے وِچ جہان۔ پنجاں تتاں رہیا گایا، دیوے دُھر فرمان۔ لکھّ چؤراسی رہیا مِٹایا، جھوُٹھا دِسے نہ کوئے نِشان۔ خالی ٹھوُٹھا رہیا کرایا، سرِشٹ سبائی ہوئے حَیران۔ انتم گُٹھا رہیا لگایا، لوک مات رہے نہ کوئے بےاِیمان۔ پُرکھ ابناسی تُٹھا پھیرا پایا، نال مِلایا گوبِند سوُرا نؤجوان۔ چار ورن رُقع آپ سُنایا، سچّ سندیسہ دُھر فرمان۔ کھتری براہمن شوُدر وَیش ایکا رنگ رنگایا، آتم پرماتم دیوے دان۔ سوہنگ ڈھولا اِک سُنایا، پیِر پَیغمبر گُر اوتار وِشن برہما شِو رہے جس گایا، جن بھگتاں بھگوَن مِلیا آن۔ پوُری آس آپ کرایا، آسا ترِسنا مِٹے جہان۔ سانتک سَت سَت ورتایا، گھر سخی سہیلی ملِے کاہن۔ گرِہ مندر پھیرا پایا، آتم سیج کرے پروان۔ سچ سِنگھاسن ڈیرہ لایا، نِرمل جوتی جوت جگائے مہان۔ کوُڑی کِریا ڈیرہ ڈھاہیِا، کرے کھیل سِری بھگوان۔ خالق خلق ویکھ وکھایا، پروردِگار نؤجوان۔ بِردھ بال نہ روُپ وٹایا، چؤداں لوکاں چؤداں طبقاں چڑھائے اِک طوفان۔ تحفہ اِکو اِک ورتایا، ناتا تُٹے اِنجیِل قُرآن۔ کایا کُرہ کھوج کُھجایا، شاستر سِمرت وید پُران پربھ

دی چرنیں ڈِگن آن۔ دوئے دوئے جوڑ واسطہ پایا، سانوُں پڑھ پڑھ کلجُگ جیِو ہوئے شیَطان۔ سنسا روگ نہ کوئے چُکایا، نِرگُن سرگُن دے دے گئے بیان۔ بیانہ اپنا نام دھرایا، انتم خالی ہوئے مکان۔ کایا مندر اندر درس کِسے نہ پایا، ناتا جُڑیا کام کرودھ لوبھ موہ ہنکار شیَطان۔ کوُڑی کِریا اندر ڈیرہ لایا، کلجُگ چاروں کُنٹ ہویا پردھان۔ ڈؤروُ ڈنکا رہیا وجایا، شاہ سُلطاناں کرے وَیران۔ وَیری در در آپ رکھایا، جوتی جوت سروُپ ہرِ، آپ اپنی کِرپا کر، اپنی کھیل آپ کرایا۔ ساچی کھیل کرے بھگوان، بھاوی اپنے ہتّھ رکھائیا۔ لکھّ چؤراسی مار دھیان، ہر گھٹ ویکھے تھاؤں تھائنیا۔ سنت سُہیلے لئے پہچان، گُر چیلے میل مِلائیا۔ مُریِد مُرشد ویکھے آن، بےپرواہ پھیرا پائیا۔ بھگت بھگوَنت کرے کلیان، نِہکرمی اپنا کرم کمائیا۔ جوتی جوت سروُپ ہرِ، آپ اپنی کِرپا کر، کلجُگ انتم ویکھ وکھائیا۔ کلجُگ انتم ویکھے مات، نِرگُن نِرگُن روُپ وٹائیندا ۔ نؤ کھنڈ پرِتھمی ستّ دیِپ کھولے تاک، بند کِواڑا کُنڈا لاہِندا۔ گُر اوتار پیِر پَیغمبر لہنا چُکائے ہتّھو ہاتھ، سمرتھ اپنی کھیل رچائیندا ۔ بھگت بھگوَنت اِک دوُجے دے داس، داسی داس روُپ وٹائیندا۔ ساچے سنتاں وسے پاس، وِچھڑ کدے نہ جائیندا۔ لیکھا جان پرِتھمی آکاش، گگن منڈل پھول پُھلائیندا۔ گھر وِچ گھر کرے پرکاش، جوتی نوُر نوُر جگائیندا۔ جنم جنم دی پوُری کرے آس، ہرِ سجّن میل مِلائیندا۔ ناتا توڑے جم کا پھاس، رائے دھرم نیڑ نہ آئیندا۔ چِتر گُپت نہ کوئے حِساب، لاڑی مؤت در دُرکائیندا۔ پِچھلا لیکھا کرے برخاست، آس گُرمُکھاں پوُر کرائیندا۔ پربھ مِلن دی جِنہاں آس، نِج نیتر درس کرائیندا۔ لیکھے لائے پوَن سواس، سواس سواساں وِچ سمائیندا۔ آتم پرماتم بھوگ بھوگے اِک بلاس، سیج سُہنجنی آپ ہنڈھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھگت بھگوَنت میل مِلائیندا۔ بھگت بھگوَنت گُروُ گُر چیلا، چیلا گُر وڈ وڈیائیا۔ آد جُگادی سجّن سُہیلا، نِرگُن اپنا پھیرا پائیا۔ سَت سَتوادی آپ سُہایا اپنا ویلا، رُت رُتڑی ویکھ وکھائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، نر ہرِ اپنا کھیل کرائیا۔ نر ہرِ نرائن کھیل اگمّا، اگمّڑی کار کمائیندا۔ نہ مرے نہ کدے جمّاں، جیِون مرن نہ کوئے رکھائیندا۔ جُگ چؤکڑی کرے اپنا کماّ، کرنی کِرت آپ کمائیندا۔ گگن رہائے بِن تھماں، دھرنی جل اُپر ٹِکائیندا۔ دیوے پرکاش سوُرج چنّا، منڈل منڈپ آپ چمکائیندا۔ دیِن مذہب بھنّنہارا بنّا، گُر اوتار سیو لگائیندا۔ ساچا راگ سُنائے کنّاں، دُھر دی بانی بان لگائیندا۔ کلجُگ انتم کھیل سِری بھگوَنا، چار

ورناں ایکا ناؤں دِرڑائیندا۔ کھتری براہمن شوُدر وَیش آتم پرماتم سب نے منّاں، برہم پاربرہم سمجھائیندا۔ سوہنگ دیوے نام دھنا، سچ خزیِنہ آپ لُٹائیندا۔ مہاراج شیر سِنگھ وِشنوُں بھگوان، دو جہان پِھرے بھنّا، بن پاندھی پندھ مُکائیندا۔ کلجُگ کُڑیارا انتم انّھاں، نیتر نَین نہ کوئے کُھلائیندا۔ بیِس بیِسا دیوے ڈنّہ، جگدیِشا حُکم ورتائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ کرائیندا۔ ساچا کھیل انتم کل، ہرِ کرتا آپ کرائیا۔ سرِشٹ سبائی کر ول چھل، اچھل چھل دھاری رہیا بُھلائیا۔ جن بھگتاں اَنتر گیا رل، جوتی جوت جوت رُشنائیا۔ شبد سنیہڑا رہیا گھل، گُر گُر ناد وجائیا۔ دھام وکھائے اِک اٹل، محل کرے رُشنائیا۔ وسنہارا جل تھل، مہیئل اپنا رنگ رنگائیا۔ درس دِکھائے گھڑی گھڑی پل پل، پلک پلک نال مِلائیا۔ نؤ کھنڈ پرِتھمی ستّ دیِپ کوُڑی کِریا لاہے کھلّ، نام کھنڈا رہیا چمکائیا۔ جیِو جنت پُھل پُھلواڑی ویکھے پتّ ڈال، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، انتم اپنا ویس وٹائیا۔ ویس وٹایا سِری بھگوَنت، وید ویاسا لیکھ جنائیندا۔ پوُت سپوُتا براہمن گؤڑا وڈ مہنت، اُچے ٹِلّے پربت نظر کِسے نہ آئیندا۔ موُسیٰ جِس دے اَگے کڈھے مِنّت، نِیوں نِیوں سیِس جھُکائیندا۔ عیسیٰ جِس توں منگے سُکھ جنّت، سو صاحِب پھیرا پائیندا۔ محمد جنائے جِس دی اُمت، سو اِمام ویس وٹائیندا۔ جِس نوُں نانک گوبِند کِہا بےاَنت، سو سَتگُر حُکمے حُکم چلائیندا۔ جُگ چؤکڑی سَتجُگ تریتا دواپر کلجُگ نوَ نؤ چار، چار چار پندھ مُکائیندا۔ کھڑگ کھنڈا تیز کٹار، برہمنڈاں آپ چمکائیندا ۔ پائے ونڈا اگمّ اپار، لیکھا لیکھ نہ کوئے سمجھائیندا۔ کاغذ قلم شاہی لِکھ لِکھ گئی ہار، انتم سب دا مُکھ بھوائیندا۔ روون نیتر زارو زار، سمُند ساگر نَین شرمائیندا۔ بناسپت کہے میَں ہوئی خوار، چؤندا بھار میرا کمّ کِسے نہ آئیندا۔ تُوں صِفت صالاحوں وسیا باہر، تیرا اَنت کوئے نہ پائیندا۔ کر کِرپا دے دیِدار، مُریِد مُرشد راہ تکائیندا۔ ساچے سنت کرن پُکار، اُچی کوُک کوُک سُنائیندا۔ بھگت منگے دھوُڑی چھار، مستک ٹِکاّ اِکو اِک لائیندا۔ گُرمُکھ گُر گُر کرے پیار، گُرسِکھ گُر وِچ سمائیندا۔ گُرسِکھ راہ تکّے میِت مُرار، مِتر پیارا کوَن ویلا دَیا کمائیندا۔ سِری بھگوان ویکھنہار، لوچن نَین نہ کوئے رکھائیندا۔ سچکھنڈ نِواسی پاوے سار، شبد سواسی آپ بچائیندا۔ اندر مندر کرے گُفتار، تار ستار اِک ہِلائیندا۔ نِج نیتر دئے دیِدار، دیِد عیِد چند چڑھائیندا۔ چار ورناں کرے پیار، راما کرِشنا روُپ وکھائیندا۔ مُکند منوہر لکھمی نرَین رام رمئیا ہو تیار، رگھپت اپنا ویس وٹائیندا۔ حق حقیِقت لا

شریِکت ویکھے وِگسے ویکھنہار، پردہ نشں مُکھ نقاب پردہ لاہِندا۔ کھانی بانی جیِو پرانی برہم گیان شبد نِشان، آتم پرماتم ایکا راگ سُنائیندا۔ آد جُگادی سچ کہانی، سو پُرکھ نِرنجن آپ بکھانی، ہنگ برہم دیوے پد نِربانی، نِربان پد آپ جنائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ساچی دھار آپ جنائیندا۔ ساچی دھار سوہنگ ڈھولا، سو پُرکھ نِرنجن آپ جنائیا۔ چار ورن دا بنے وچولا، سَتجُگ راہ چلائیا۔ بجر کپاٹی لاہے اوہلا، پردہ دُئی رہن نہ پائیا۔ دوُر وسیا دِسے کولا، نیتن نیت نظری آئیا۔ کایا بدلی کرے چولا، چولی کایا روُپ وٹائیا۔ پنج تت نہ پائے رؤلا، اُچی کوُک نہ کوئے سُنائیا۔ آتم پرماتم آپے مؤلا، مِل مِل خوشی وکھائیا۔ پریم پیار دئے جھکولا، سُرتی شبد چڑھائیا۔ نِرگُن سرگُن چُکے ڈولا، اپنے کندھ اُٹھائیا۔ پِچھے رہ جائے کلجُگ گولا، ہرِ جوُ اپنا دھکاّ لائیا۔ جوتی جوت سروُپ ہرِ، آپ اپنی کِرپا کر، چار ورن ایکا کرے پڑھائیا۔ چار ورن ایکا اکھّر پڑھنا، کلجُگ آخر آپ جنائیندا۔ کایا مندر اندر وڑنا، محل اٹل جنائیندا۔ آتم پرماتم پؤڑے چڑھنا، سُکھمن ٹیڈھی پار کرائیندا۔ اِیڑا پِنگل آپے ڈرنا، رِدھ سِدھ نہ کوئے اٹکائیندا۔ انحد ناد انادی شبد سُننا کنّاں، بِن کنّاں آپ سُنائیندا۔ من منوُآ نہ پِھرے بھنّا، جگت واسنا بند کرائیندا۔ آتم جو ہو کے بَیٹھا انّھا، سَتگُر پوُرا پرکاش کرائیندا۔ کرے پرکاش کوٹن سوُرج چنّہ، چند سوُرج سرب شرمائیندا ۔ جو مال چرائے دھنّا، سو سَتگُر سِنگھ بوُڑ گھر پھیرا پائیندا۔ جِس لیکھے لایا تھال چھنّا، سنسا روگ سرب مِٹائیندا۔ غریِب نِمانیاں گھر آپے منّاں، شاہ سُلطاناں خاک مِلائیندا۔ ناما کہے میرا بھگوَنا، سِر میرے ہتّھ ٹِکائیندا۔ کبیِر کہے موہے پھڑایا پلّا، پلّوُ اپنی گنڈھ پوائیندا۔ اَناالحق کہے میرا ملِے االلہ، عالمیِن نظری آئیندا۔ محبان بیِدو بی خَیر یا االلہ، اِلاہی نوُر آپ پرگٹائیندا۔ کلجُگ انتم کھیل اولّا، وید کتیب بھیوَ نہ آئیندا۔ پاربرہم پت پرمیشور نِرگُن داتا پِھرے اِک اِکلّا، جوتی جوتا ویس وٹائیندا۔ لیکھا جانے جنگل جوُہ اُجاڑ پہاڑ ڈوُنگھی کَندر اُچے ٹِلا، پربت ساگر پھول پُھلائیندا۔ دو جہان زِمیں اسمان شبد ہلوُنے ہِلا، گُر اوتار پیِر پَیغمبر وِشن برہما شِو اکھّ کُھلائیندا۔ گوبِند ہتّھ وِچ پھڑیا چِلّہ، نام کمان اِک اُٹھائیندا۔ سب دا انگن ہو گیا ڈِھلا، کنگن ہتّھ نہ کوئے چھنکائیندا۔ انتم نیتر رووے بوُرا کّکا بِلّا، روُسا چیِنا سنگ نہ کوئے رکھائیندا۔ نوَ نؤ ہوئے فنا فِلا، فِکر گھر گھر آپے پائیندا۔ جوتی

جوت سروُپ ہرِ، آپ اپنی جوت دھر، نِہکلنک نرائن نر، نوَ نؤ چار کھیل اپار، لیکھا جان گُروُ گُر اوتار، پیِر پَیغمبر ویکھ وِچار، دھار شبد شبد دھار اِکو راہ وکھائیندا۔

۲۰ مگھّر ۲۰۱۹ بِکرمی مُنشا سِنگھ دے گرِہ نوشہرا ضِلع گُرداس پُر

آد شبد کہے میَں تیرا سُت، سُت دُلارا ناؤں رکھائیندا۔ ویکھ کھیل ابناسی اچُت، تیرا حُکم منائیندا۔ صاحِب سُہاؤنی میری رُت، دوئے جوڑ واسطہ پائیندا۔ سچکھنڈ دواریوں ویکھ اُٹھ، درویش اِکو منگ منگائیندا۔ نہ کوئی کایا نہ کوئی بُت، پنج تت نہ کوئے رکھائیندا۔ ناؤں نگارہ تیری چوٹ، دوُجا روُپ نہ کوئے جنائیندا۔ تیرا پرکاش نِرمل جوت، نوُر نوُرانہ نظری آئیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیندا۔ پُرکھ ابناسی ہو مِہربان، اپنی دَیا کمائیا۔ شبد سُت سُت بلوان، بل تیرے ہتّھ وکھائیا۔ دو جہاناں تیری آن، لوآں پُریاں برہمنڈاں کھنڈاں تیرے حُکم پِھرائیا۔ وِشن برہما شِو سیِس جھُکان، سِر سکے نہ کوئے اُٹھائیا۔ گُر اوتار پیِر پَیغمبر دے دے دان، تیرا ہٹّ چلائیا۔ جُگ چؤکڑی کھیل مہان، ہرِ کرتا آپ کرائیا۔ سَتجُگ تریتا دواپر کلجُگ نوَ نؤ چار ویکھیا آن، نِرگُن سرگُن سرگُن نِرگُن رنگ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِک سُنائیا۔ سچ سندیسہ چھوٹے بال، سو پُرکھ نِرنجن آپ جنائیندا۔ سُت دُلارے سچّے لال، تیرا گوبِند رنگ رنگائیندا۔ تِھر گھر تیری دھرمسال، دھرم دوارا اِک بنائیندا۔ نہ کوئی شاہ نہ کنگال، شہنشاہ اِکو نظری آئیندا۔ اِکو شبد اِکو تال، اِکو راگ ناد سُنائیندا۔ اِکو ویکھے ویکھنہار بےمسال، ساچی مِسل آپ بنائیندا۔ جوتی جوت سروُپ ہرِ، آپ اپنی کِرپا کر، شبد بنائے ساچا مُرشد، پیِر پَیغمبر مُریِد روُپ وٹائیندا۔ مُرشد بنیا بےپرواہ، مُردا روُپ نہ کدے وکھائیا۔ تُردا پِھردا نہ کرے گُناہ، اُٹھدا بہندا نظر کِسے نہ آئیا۔ پیِر پَیغمبراں دیونہار پناہ، سِر اپنا ہتّھ ٹِکائیا۔ رہبر بنے وِچ جہاں، دو جہاناں والی بےپرواہیِا۔ ناؤں نِرنکارا دئے دِرڑا، اِشٹ درِشٹ دئے کُھلائیا۔ جُگ چؤکڑی مارگ لا، گُر اوتار دھندے لائیا۔ سبق اگمّی آپ پڑھا، نِرگُن سرگُن کرے پڑھائیا۔ ساچی ونّی لئے پرنا، ہرِ کنت کنتُوہل سچّا شہنشاہیِا۔ اپنی کنّی لئے بندھا،

جوتی جوت سروُپ ہرِ، آپ اپنی کِرپا کر، شبدی تیری ونڈ ونڈائیا۔ شبد سُت وڈ بلکارے، بل ہرِ جوُ آپ جنائیندا۔ آد جُگاد تیرے کھیل نیارے، تیرا اَنت کوئے نہ پائیندا۔ گُر اوتار بن پنہارے، در تیرے سیو کمائیندا۔ اندر باہر گُپت ظاہر لاون تیرے نعرے، رسنا جِہوا سرب گائیندا۔ کھنڈ برہمنڈ لوک پرلوک جیِو جنت لکھّ چؤراسی تیرے سہارے، تُدھ بِن جیِون مرن نہ کوئے بنائیندا۔ جوتی جوت سروُپ ہرِ، آپ اپنی کِرپا کر، ساچے سُت آپ وڈیائیندا۔ ساچے سُت تیرے ہتّھ وڈیائی، ہرِ سَتگُر آپ پھڑائیا۔ نِرگُن سرگُن کر کُڑمائی، لکھّ چؤراسی بندھن پائیا۔ سچ سندیسہ لوک پرلوک سُنائی، برہمنڈ کھنڈ وجےّ ودھائیا۔ اِکو اوٹ ہرِ سرنائی، دوُجا اِشٹ نہ کوئے منائیا۔ جِس نوُر گُر اوتار پیِر پَیغمبر رہے دِھیائی، سو سب دا پِتا مائیا۔ جُگ چؤکڑی تیرے ہتّھ پھڑائی، پھڑ باہوں اَگے لائیا۔ جِؤں بھاویں تِؤں لیَنا چلائی، اَگے ہو نہ کوئے اٹکائیا۔ سُت دُلارے خوشی منائی، گھر ساچے وجّی ودھائیا۔ میَں کلجُگ انتم ویکھاں چائیں چائیں، چاؤ گھنیرا اِک ودھائیا۔ بھجّا پِھراں بِن لتّاں بانہیں، ہتّھ پَیر نہ کوئے وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، شبدی شبد دئے جنائیا۔ شبد سوُرا اِکو نچّے، اپنا تال وجائیندا۔ گُر اوتاراں پیِر پَیغمبراں ہرِ جوُ بھانڈے دِتے کچّے، جو گھڑیا بھنّ وکھائیندا۔ انتم مَینوُں کِہا اُٹھ لاڈلے بچّے، تیری ساچی سیو لگائیندا۔ پربھ دے حُکم مَینوُں لگّے چنگے، چنگی طرح اپنے وِچ چُھپائیندا۔ لوک مات لکھّ چؤراسی وِچوں ویکھاں ماڑے چنگے، گھر گھر پھیرا پائیندا۔ جِس نے چھڈی پُری انندے، انند اُس نوُں اِک وکھائیندا۔ آپ چُک کے اپنے کندھے، لوک مات پُچائیندا۔ دو جہاناں ویکھے دھندے، دھرت دھوَل دَیا کمائیندا۔ صاحِب دَیال ٹھاکر سوامی پُرکھ اکال جِس دی منّے، سو بھےَ کِیوں رکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، شبدی گُر ڈنک وجائیندا۔ شبد کہے میَں جاواں گا، نِرگُن نِرگُن لےَ اوتار۔ پُرکھ اکال نال لیاواں گا، کراں کھیل اگمّ اپار۔ گوبِند ڈنکا اِک وجاواں گا، دو جہاناں کرے خبردار۔ راؤ رنکاں آپ اُٹھاواں گا، سچ سنیہڑا دیاں ایکا وار۔ جو گھڑیا بھنّ وکھاواں گا، پربھ لائی سچّی کار۔ دو جہاناں اپنا حُکم مناواں گا، میَں ہویا وڈ بلکار۔ گُر اوتار پیِر پَیغمبر پھڑ پھڑ چرنیں لاواں گا، سچ سندیسہ دیواں ایکا وار۔ جو اڑیا بھنّ وکھاواں گا، سُٹاں مُنہ دے بھار۔ ڈنکا اِکو نام وجاواں گا، جےَ جَیکار کرے کرتار۔ ساچا ڈھولا اِکو گاواں گا، جِس دی کوئے نہ پائے سار۔ وِشن برہما شِو ناچ نچاواں گا، اُنگلیاں نال کر اِشار۔ انتم سب

نوُں پھڑ کے تختوں لاہواں گا، کوئی رہے نہ سِکدار۔ دو جہاناں اِکو راہ چلاواں گا، شاہ پاتشاہ ہو تیار۔ پربھ سچّے دا سچّا سُت پھیر اکھواواں گا، کوُڑی کِریا کر خوار۔ بِن کھنڈیوں سب نوُں مار مُکاواں گا، کوئی رہے نہ موُرکھ مُگدھ گوار۔ ساچی اُتپت پھیر کراواں گا، گُرمُکھ کھِڑی سچّی گُلزار۔ پتّ ڈالی آپ مہکاواں گا، گُلشن ویکھ سچ بہار۔ سچ بھَورا اِک بناواں گا، سوہنگ روُپ آپ نِرنکار۔ ایکا دوُجا بھیوَ مِٹاواں گا، دُئی دوَیت پردہ اُتار۔ جِدھر کوئی ویکھے اودھر نظری آواں گا۔ ہر گھٹ وسے ایکنکار۔ پِھر بہہ کے شُکر مناواں گا، خوشی ہویا میرا گُرسِکھ سردار۔ مہاراج شیر سِنگھ وِشنوُں بھگوان، پھیر اکھواواں گا، جِس ویلے دو جہان کرن نِمسکار۔