کتب خانہGranth 13 (Urdu)

۹ ماگھ ۲۰۱۹ بِکرمی جسبیر سِنگھ، جاگیِر سِنگھ، دِلباغ سِنگھ پِنڈ بھولے کے ضِلع گُرداس پُر

پروردِگار پردہ چُکیا، مُکھ نقاب نہ کوئے رکھائیندا۔ ابناسی کرتا رہے نہ لُکیا، نِرگُن اپنا نوُر دھرائیندا۔ بےپرواہ ایکا اُٹھیا، مقامے حق کھیل کرائیندا۔ سِری بھگوان صاحِب تُٹھیا، سچکھنڈ دوار سوبھا پائیندا۔ شاہ سُلطان ایکا بُکیا، دو جہاناں حُکم منائیندا۔ جوتی جوت سروُپ ہرِ، آپ اپنی کِرپا کر، اپنی کرنی آپ کرائیندا۔ پروردِگار پردہ لاہ، نوُر ظہوُر کرے رُشنائیا ۔ سو پُرکھ نِرنجن کھیل کرا، ویکھنہارا تھاؤں تھائنیا۔ درگاہ ساچی دھام سُہا، تِھر گھر دیوے مان وڈیائیا۔ الکھ الکھنا الکھّ جگا، سدا اِکو آواز سُنائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہی کھیل اولّا، ایکنکار آپ کرائیندا ۔ سچ سِنگھاسن ساچا ملّا، تخت نِواسی سوبھا پائیندا۔ نوُر نوُرانی جوتی االلہ، بِسمِل اپنی دھار وکھائیندا۔ سچ پرکاش آپے بلا، سَت دوارے ڈگمگائیندا۔ وسنہارا نِہچل دھام اٹلا، اُچ محل سوبھا پائیندا۔ آد جُگادی اِک اِکلّا، جُگ جُگ اپنی کار کمائیندا ۔ جوتی جوت سروُپ ہرِ، آپ اپنی کِرپا کر، در گھر ساچا اِک سُہائیندا۔ در گھر ساچا سوبھنیِک، نوُر نوُرانہ آپ سُہائیندا۔ ہرِ پُرکھ نِرنجن لاشریِک، شہنشاہ اپنا رنگ رنگائیندا۔ سچ نِشانہ لائے ٹھیِک، دو جہاناں ویکھ وکھائیندا۔ نِرگُن نِرگُن سَت پریِت، سَت سَتوادی آپ لگائیندا۔ وسنہارا دوُر نزدیِک، ظاہر ظہوُر کھیل کرائیندا۔ جوتی جوت سروُپ ہرِ، آپ اپنی کِرپا کر، اپنا پردہ آپ اُٹھائیندا۔ اپنا پردہ دیوے چُک، نوُرو نوُر نوُر درسائیا۔ آد جُگاد جُگ چؤکڑی سَتجُگ تریتا دواپر کلجُگ جو بَیٹھا رہیا لُک، روُپ رنگ ریکھ نہ کوئے وکھائیا۔ شبد اگمّی ہو کے رہیا بُک، بھبک اپنے نام لگائیا۔ نِرگُن سرگُن ویکھے اُٹھ، آپ اپنا بل دھرائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ شہنشاہ ہرِ پروردِگارا، بے عیب نام اکھوائیندا۔ مقامے حق سانجھا یارا، لاشریِک سوبھا پائیندا۔ سو پُرکھ نِرنجن وسے دھام نیارا، ہرِ پُرکھ نِرنجن اپنا در سُہائیندا۔ ایکنکارا کر پسارا، آد نِرنجن نوُر ڈگمگائیندا۔ ابناسی کرتا دے سہارا، سمرتھ اپنی کار کمائیندا۔ سِری بھگوان کر پسارا، بےپرواہ ویکھ وکھائیندا۔ پاربرہم برہم کر تیارا، نِرگُن اپنا راہ چلائیندا۔ جن بھگتاں ویکھنہارا، نیتر نَین نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ کُھلائیندا۔ ساچا بھیوَ کھولے آپ، پاربرہم وڈّی وڈیائیا۔ جُگ چؤکڑی کھیل تماش، نِرگُن سرگُن ویکھ وکھائیا۔ برہمنڈ کھنڈ

منڈل راس، گوپی کاہن ناچ نچائیا۔ دوزخ بہِشت کر کر واس، کھنڈ برہمنڈ اپنا رنگ رنگائیا ۔ لکھّ چؤراسی کر کر داسی داس، سیوک سیوا اِک سمجھائیا۔ گُر اوتار پیِر پَیغمبر سَت سَتوادی دے دے ساتھ، سگلا سنگ نِبھائیا۔ اکھّر وکھّر دیوے گاتھ، نِش اکھّر کرے پڑھائیا۔ کِرپا کر چلائے راتھ، بن رتھواہی سیو کمائیا۔ آتم پرماتم دیوے پاٹھ، پوُجا اِکو گھر وکھائیا۔ لیکھ الیکھ تریَلوکی ناتھ، ترےَ ترےَ اپنی گنڈھ پوائیا۔ پاربرہم برہم کرنہارا ہیت، اِیش جیِو کرے کُڑمائیا۔ پنج تت ویکھنہارا کھیت، ترےَ ترےَ میلا سہج سُبھائیا۔ لیکھا جانے نیتن نیت، نِت نوِت کار کمائیا۔ جوتی جوت سروُپ ہرِ، آپ اپنی کِرپا کر، پروردِگار بےپرواہ کرے کھیل اگمّ اتھاہ، بھیوَ ابھیدا آپ جنائیا۔ مُکھ نقاب پردہ لاہ، لیکھا سب دا آپ مُکائیندا۔ سچ سندیسہ اِک سُنا، کلمہ نبی آپ پڑھائیندا۔ رسوُل رسوُلاں لئے جگا، اِسم اعظم اِک وکھائیندا۔ مقامے حق کر رُشنا، نوُر ظہوُر آپ پرگٹائیندا۔ کلمہ کلام آپ پڑھا، کاتب سنگ نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، سچ سندیسہ نر نریشا، ہرِ نِرنکارا آپ سُنائیندا۔ سَت سندیسہ ایکنکار، اِک اِکلّا آپ جنائیا۔ شبدی شبد شبد جَیکار، نِرگُن نِرگُن راگ الائیا۔ وِشن برہما شِو کرے خبردار، بے خبر خبر اِک سُنائیا۔ لوآں پُریاں دے ہُلار، منڈل منڈپ ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نوُر اپنا کر رُشنائیا۔ نوُر ظہوُر کر رُشنا، جلوہ اِکو اِک جنائیندا۔ پرگٹ ہو حق خُدا، خالق خلق ویکھ وکھائیندا۔ رُتبہ جانے دو جہاں، دوئے دوئے اپنی دھار جنائیندا۔ پیِر پَیغمبر لئے جگا، عیسیٰ موُسیٰ سنگ محمد حُکم سُنائیندا۔ چار یاری ڈنک وجا، ایکا راہ وکھائیندا۔ االلہ رانی پردہ لاہ، مُکھ گھوُنھٹ نہ کوئے جنائیندا۔ جوتی جوت سروُپ ہرِ، آپ اپنی کِرپا کر، سچ سندیسہ نر نریشا نِرگُن داتا پُرکھ بِدھاتا، سَت سَتوادی آپ سُنائیندا۔ کھول لتھی نقاب، نُقطہ سب نوُں آپ جنائیا۔ پیِر پَیغمبر کرو آداب، سِر سجدہ سیِس جھُکائیا۔ پرگٹ ہویا حق جناب، اِمام اِماما وڈ وڈیائیا۔ جِس نوُں عیسیٰ کہہ کے گیا میرا باپ، سو پُرکھ پُرکھوتم پھیرا پائیا۔ جِس دا آد جُگاد جپدے رہے جاپ، جیِون جُگت رہیا جنائیا۔ گُر اوتار پیِر پَیغمبر شاستر سِمرت وید پُران اِنجیِل قُرآن گیِتا گیان جِس دا دسّدی رہی پاٹھ، سو پاٹھشالا اِک وکھائیا۔ ویکھنہارا سر سروور تیِرتھ تاٹ، گنگا سُرستی جمنا اِکو دھار وہائیا۔ چؤداں لوک چؤداں طبق ترےَبھوَن اَون گوَن کھولے ہاٹ، برہمنڈ کھنڈ ایکا گھر وکھائیا۔ کھیلے کھیل پُرکھ سمرتھ، مہما اکتھ کتھی نہ جائیا۔ شبد

سندیسے رہیا دسّ، دہ دِشا ویکھ وکھائیا۔ در دوارے مِلنا ہسّ ہسّ، دُھر دروازہ رہیا کُھلائیا۔ محمد پوُری کرے آس، اِمام اپنا پھیرا پائیا۔ تارا چند کرے پرکاش، نوُرو نوُر نوُر رُشنائیا۔ کھیلے کھیل پرِتھمی آکاش، گگن منڈل کھوج کھوجائیا۔ مُریِد مُرشد ویکھے خاص، خواہش سب دی پوُر کرائیا۔ نِرگُن سرگُن دیوے ساتھ، سگلا سنگ نِبھائیا۔ گُر اوتار پیِر پَیغمبر منگن دات، خالی جھولی دئے بھرائیا۔ سَتجُگ تریتا دواپر کلجُگ مُکی واٹ، پاندھی نظر کوئے نہ آئیا۔ اَنت ہوئی اندھیری رات، ساچا چند نہ کوئے چڑھائیا۔ نہ کوئی پِتا نہ کوئی مات، پُتر دھی نہ کوئے وڈیائیا۔ کوُڑی کِریا سجّن ساک، ہرِ کا ناؤں نہ کوئے وکھائیا۔ نظر آئے نہ رسوُل پاک، پاکی پاک نہ کوئے جنائیا۔ آتم کھولے نہ کوئے تاک، دیوا بتّی نہ کوئے رُشنائیا۔ شبد اگمّ نہ لائے ساٹ، کپاٹی بجر نہ کوئے تُڑائیا۔ لکھّ چؤراسی سُتی کوُڑی کھاٹ، آتم سیج نہ کوئے ہنڈھائیا۔ چار کُنٹ کِسے نہ مِلیا کملاپات، کوَل نَین نَین نہ کوئے مِلائیا۔ پیِر پَیغمبر گُر اوتار پربھ چرن دوارے بَیٹھے رہے جھاک، اپنی جھاکی نہ کوئے وکھائیا۔ پوُرب لیکھا کرن یاد، نیتر نَین دھیان لگائیا۔ صاحِب سُلطان سُنے فریاد، بےپرواہ پھیرا پائیا۔ جِس نے رچنا رچی آد، سو اَنت اپنا حُکم منائیا۔ جِس دی مہما بودھ اگادھ، نہ کوئی لِکھے قلم شاہیِا۔ جوتی جوت سروُپ ہرِ، آپ اپنی کِرپا کر، سچ سندیسہ اِک سُنائیا۔ سچ سندیسہ اِکو ایک، اِک اِکلّا آپ جنائیندا۔ پیِر پَیغمبر ساچی ٹیک، پروردِگار حُکم منائیندا۔ جِس اُپجائے مُلّا شیخ، سو مسلہ حل کرائیندا۔ لکھّ چؤراسی رہیا ویکھ، گھٹ گھٹ اپنا آسن لائیندا۔ کلجُگ انتم دھریا بھیکھ، بھیکھادھاری ویس وٹائیندا۔ جوتی جوت سروُپ ہرِ، آپ اپنی کِرپا کر، سچ سنیہڑا اِک سُنائیندا۔ سچ سنیہڑا دیوے سنگی، ہرِ سچ سچ دِرڑائیا۔ کرے کھیل کھیل بؤہ رنگی، رنگراتا بےپرواہیِا۔ دو جہان وجائے سارنگی، سارنگا اِکو اِک اُٹھائیا۔ لکھّ چؤراسی کنڈ ننگی، پردہ اُپر کوئے نہ پائیا۔ گوبِند سوُرا اِک بُھینگی، بُھینگم اپنا راہ جنائیا۔ پُرکھ اکال کولوں وست منگی، سِری بھگوان جھولی پائیا۔ کلجُگ انتم نؤ کھنڈ پرِتھمی آئے تنگی، دست دست نہ کوئے مِلائیا۔ سرِشٹ سبائی ہوئے پکھنڈی، ہرِ کا روُپ نہ کوئے دسائیا۔ من واسنا ہوئے گندی، سوگندھی سچ نہ کوئے جنائیا۔ دیِن مذہب دی چلے ڈنڈی، پُرکھ اکال ساچا مندر نہ کوئے درسائیا۔ گا گا تھکن بتّی دندی، رسنا جِہوا کر ہلکائیا۔ آتم لئے نہ کوئے انندی، نِجانند نہ کوئے چکھائیا۔ چڑھے چند نہ نوُر نؤچندی، چؤدس روُپ نہ کوئے بنائیا۔ ویلے اَنت نہ کٹے کوئی بندی، بندی خانہ نہ کوئے تُڑائیا۔ رائے دھرم دی پئی پھندی،

پھاسی گل نہ کوئے چُھڈائیا۔ گُر اوتاراں پیِر پَیغمبراں پربھ اَگے وست اِکو منگی، ویلے اَنت ہونا سہائیا۔ کرے کھیل سوُرا سربنگی، شہنشاہ اپنا حُکم جنائیا۔ کلجُگ انتم آیا کنڈھی، ڈھارس سکے نہ کوئے بنّھائیا۔ جیِو آتما ہوئی رنڈی، ہرِ کنت نہ کوئے ہنڈھائیا۔ آتم پرماتم کوئے نہ گائے چھندی، سنسا روگ نہ کوئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنا پردہ آپ اُٹھائیا۔ پردہ چُک چُکایا اوہلا، عالمیِن آپ جنائیندا۔ پرگٹ ہویا اِکو مؤلا، ہر گھٹ ویکھ وکھائیندا۔ چار کُنٹ جِس دا پاؤندے گئے رؤلا، اکھّر اکھّر نال مِلائیندا۔ سو صاحِب پوُرا کرن آیا قؤلا، کیِتا قؤل بُھل نہ جائیندا۔ پرگٹ ہویا اُپر دھؤلا، دھرنی دھرت دھوَل ویکھ وکھائیندا۔ جِس نے گھلیا کرِشنا سؤلا، رام راما سیوا لائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نوُرو نوُر ڈگمگائیندا۔ نوُرو نوُر نوُر نوُرانہ، پُرکھ اکال وڈّی وڈیائیا۔ لیکھا جانے دو جہاناں، نِرگُن سرگُن پردہ لاہیِا۔ شبد اگمّی اِک ترانہ، بِن طرز تال سُنائیا۔ برہما وِشن شِو ہوئے حَیرانا، ہرِ جوُ کی کی کھیل ورتائیا۔ کلجُگ انتم ہو پردھانا، پیِر پَیغمبر رہیا اُٹھائیا۔ بل دھرائے مرد مردانہ، سچ مردانگی اِک کمائیا۔ گُر اوتاراں دیوے دانا، وست امولک جھولی پائیا۔ سچ سندیسہ اِک فرمانا، دُھر سندیسہ آپ الائیا۔ ویلے اَنت سرب پچھتانا، پسچاتاپ جگت لوکائیا۔ جِنہاں بُھلیا ہرِ بھگوانا، بھگوَن دیونہار سزائیا۔ ویکھنہارا جگت جہانا، جیِون جُگت نہ کِسے جنائیا۔ پرگٹ ہویا اِکو کاہنا، نام بنسری ہتّھ اُٹھائیا۔ رام رمئیا ہو پردھانا، سچ پردھانگی آپ کمائیا۔ عیسیٰ موُسیٰ محمد بنّھے گانا، االلہ رانی سگن منائیا۔ چؤداں طبق نَین شرمانا، اکھّ اکھّ نہ کوئے رکھائیا۔ اِنجیِل قُرآن نہ کوئے دھیانا، تیِس بتیِس نہ کوئے پڑھائیا۔ نظری آئے اِک اِماما، بے نظیِر شہنشاہیِا۔ کلمہ کلام جِس پڑھانا، عُلما کرے پڑھائیا۔ جوتی جوت سروُپ ہرِ، آپ اپنی کِرپا کر، پردہ اپنا دئے اُٹھائیا ۔ پردہ لاہ وکھائے مُکھ، مُکھ نظر کِسے نہ آئیندا۔ مُرشد مُریِداں میٹے بُھکھ، ترِشنا اگنی آپ بُجھائیندا۔ گُر اوتار پیِر پَیغمبر اپنی رکھے کُکھ، آپ اپنے وِچ چُھپائیندا۔ نوَ نؤ چار جو رہیا لُک، لوک مات ویس وٹائیندا۔ بھگت بھگوان جائے تُٹھ، مِہربان مِہر نظر اِک اُٹھائیندا۔ امرت جام پیائے گھُٹ، دُئی دوَیتی پندھ مُکائیندا۔ سچ سُہائے سُہنجنی رُت، پُھل پُھلواڑی آپ مہکائیندا۔ لیکھا جانے کایا بُت، پنج تت اپنا بھیوَ جنائیندا۔ آتم پرماتم لئے پُچھ، پوُرب لہنا پھول پُھلائیندا۔ بِن بھگتاں کِسے کول نہیں کُچھ، خالی ہتّھ سرب وکھائیندا۔ جوتی جوت سروُپ ہرِ، آپ

اپنی کِرپا کر، اپنا کھیل آپ جنائیندا۔ ویکھو کھیل چار جُگ، چار یاری نال مِلائیا ۔ تیئی اوتاراں اؤدھ گئی پُگ، ویلا انتم دئے دُہائیا۔ بھگت اٹھاراں گئے جھُک، نِیوں نِیوں سیِس جھُکائیا۔ عیسیٰ موُسیٰ محمد بوُٹے رہے سُک، ہرے سِنچ نہ کوئے کرائیا۔ گُر دس رہے پُچھ، پربھ اَگے سیِس جھُکائیا۔ کلجُگ خالی ہتّھ کِسے کول نہیں کُچھ، نؤ کھنڈ پرِتھمی دئے دُہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ پُرکھ ابناسی سِری بھگوانا، ایکا حُکم جنائیندا۔ رل مِل سارے بنھو گانا، ساچا سگن منائیندا۔ کلجُگ مِٹے اَنت نِشانہ، نِشانہ کوئے رہن نہ پائیندا۔ لیکھا چُکے وید پُرانا، شاستر سِمرت وِچ سمائیندا۔ سرِشٹ سبائی اِکو دانا، آتم پرماتم جھولی پائیندا۔ لکھّ چؤراسی ساچا گانا، سوہنگ اکھّر آپ پڑھائیندا۔ سَتجُگ ساچا راہ وکھانا، کھتری براہمن شوُدر وَیش ونڈ نہ کوئے ونڈائیندا۔ اِکو پینا اِکو کھانا، اِکو مندر سوبھا پائیندا۔ اِکو اِشٹ دیوَ گُروُ منانا، گُردیو اِکو نظری آئیندا۔ جوتی جوت سروُپ ہرِ، آپ اپنی جوت دھر، دیونہارا ساچا ور، گُر اوتار پیِر پَیغمبر ایکا راہے لائیندا۔ ساچے راہ لگائے ہرِ، ہرِ جوُ دَیا کمائیا۔ چار جُگ دے لئے پھڑ، پھڑ پھڑ بندھن پائیا۔ ایکا اکھّر لؤ پڑھ، بِن اکھّراں کرے پڑھائیا۔ ساچا مندر ویکھو چڑھ، نِرگُن نوُر جوت رُشنائیا۔ جِس بنایا تُہاڈا گھر، سو دھرنی دھرت دئے وڈیائیا۔ کلجُگ انتم کِرپا کر، لوک مات ویکھ وکھائیا۔ بھگت بھگوان لگائے جڑ، نہ سکے کوئے اُکھڑائیا۔ لیکھا جانے سیِس دھڑ، پنج تت مان رکھائیا۔ پرگٹ ہو نرائن نر، نِر اِچھیا پوُر کرائیا۔ گوبِند دِتا اِکو ور، پُرکھ اکال وجّی ودھائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ساچا پردہ آپ چُکائیا۔ پردہ چُک آئے نیڑے، دوُر دُراڈا پندھ مُکائیندا۔ کوُڑی کِریا چُکن جھیڑے، جھیڑا ہور نہ کوئے ودھائیندا۔ بھگوان بھگت دے وسے کھیڑے، گرِہ مندر سوبھا پائیندا۔ بھگتاں من چاؤ گھنیرے، گھر منگل ایکا گائیندا۔ ناتے جُڑے میرے تیرے، میرا تیرا سنگ نہ کوئے تُڑائیندا۔ لکھّ چؤراسی بُھلائے کر کر ہیرے پھیرے، اچھل چھل اپنا کھیل کرائیندا۔ گُرمُکھ سجّن چاڑھے بیڑے، پھڑ باہوں آپ اُٹھائیندا۔ انتم کرے حق نبیڑے، ذات پات نہ ونڈ ونڈائیندا۔ جوتی جوت سروُپ ہرِ، آپ اپنی کِرپا کر، جن بھگتاں آپ ترائیندا۔ بھگتن میِتا ایکنکارا، آد جُگاد وڈّی وڈیائیا۔ جُگ چؤکڑی لےَ اوتارا، نِرگُن سرگُن ہوئے سہائیا۔ کلجُگ انتم کھیل اپارا، بےاَنت وڈ وڈیائیا۔ جوتی نوُر کر اُجیارا، شبدی ڈنک سُنائیا۔ راؤ رنکاں کرے خبردارا، آلس نِندرا دئے مِٹائیا۔ پرگٹ ہویا مہابلی

اوتارا، نِہکلنکا ناؤں رکھائیا۔ نانک گوبِند کرے پیارا، چرن سرن سرن چرن سرنائیا۔ محمد رووے زارو زارا، نیتر نَیناں نیِر وہائیا۔ عیسیٰ در بنے بِھکھارا، گل الفی رہیا وکھائیا۔ موُسیٰ ڈِگا مُنہ دے بھارا، جلوہ نوُر نہ تکّیا جائیا۔ سرب جیِاں دا سانجھا یارا، پُرکھ اکال بےپرواہیِا۔ آد جُگادی اِک اوتارا، جنم مرن وِچ نہ آئیا۔ وسنہارا ٹھانڈے دربارا، سچکھنڈ اپنا ڈیرہ لائیا۔ کلجُگ پرگٹ ہو پروردِگارا، چؤداں طبقاں ویکھے تھاؤں تھائنیا۔ دیِن اِسلام دئے سہارا، کرے کھیل بےپرواہیِا۔ راگ راگنی وسے باہرا، چھتّی راگ نظر نہ آئیا۔ وِشن برہما شِو دوئے جوڑ کرن نِمسکارا، دھوُڑی ٹِکاّ مستک لائیا۔ کلجُگ انتم کھیل نیارا، ہرِ خالق خلق وکھائیا۔ مظلوُماں دیوے جگت کنارہ، ظُلم ظالم آپ مِٹائیا۔ نام کھنڈا تیز کٹارا، چنڈ پرچنڈ آپ اُٹھائیا۔ برہمنڈ کھنڈ دئے ہُلارا، اُتّر پوُرب پچھّم دکھّن ویکھ وکھائیا ۔ روَ سس سوُرج چنّ کرے پُکارا، پُنہ پُنہ تیری سرنائیا۔ گُر اوتار کڈھن ہاڑا، ہائے ہائے کرے سرب لوکائیا۔ کلجُگ لُٹی جائے دِن دِہاڑا، اپنا بل آپ ودھائیا۔ گُرمُکھ وِرلا دِسے لاڑا، جِس سَتگُر شبد گھوڑ چڑھائیا۔ لکھّ چؤراسی ہوئے خوَارا، وِبھچار روُپ وٹائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، ہرِجن میلا سہج سُبھائیا۔ ہرِجن میلا آتم گھر، پرماتم رنگ رنگائیندا۔ سُرت سوانی شبدی پھڑ، پھڑ اپنا بندھن پائیندا۔ سچ سُہنجنی سیجا چڑھ، سوبھاوَنت سُہائیندا۔ قِلعے توڑ ہنکاری گڑھ، نِون سو اکھّر اِک پڑھائیندا۔ پاربرہم برہم لئے ور، ناری کنت روُپ وٹائیندا۔ بھگت بھگوَنت اِکو گھر، گرِہ مندر سوبھا پائیندا۔ جوتی جوت سروُپ ہرِ، آپ اپنی کِرپا کر، ہرِجن پردہ آپے لاہِندا۔ ہرِجن پردہ گیا لتھ، دوَیتی رہن کوئے نہ پائیا۔ نظری آیا اِک سمرتھ، سمرتھ مِلیا بےپرواہیِا۔ پنچ وِکار توڑی نتھ، ڈوری اپنے تند بندھائیا۔ آتم پرماتم اِک دوُجے دا گائن جس، سوہنگ کرے پڑھائیا۔ سِری بھگوان سچکھنڈ نِواسی آئے نٹھ، کایا مندر میل مِلائیا۔ ناتا توڑے تت اٹّھ، اپ تیج وائے پرِتھمی آکاش من مت بُدھ نہ کوئے چتُرائیا۔ پاربرہم برہم مِل کے پئے ہسّ، سوہنگ ہنسا راگ سُنائیا۔ بھگت بھگوَنت اِک دوُجے دے ہوئے وس، پلّوُ سکے نہ کوئے چُھڈائیا۔ بھگوان بھگت دوارے گیا ڈھٹّھ، اپنا آپ مِٹائیا۔ بھگت کہے تُوں پردہ ڈھک، تُدھ بِن نظر کوئے نہ آئیا۔ بھگوان کہے تُوں میرا ساک، لوک مات کری کُڑمائیا۔ بھگت کہے تُوں میرا کھولیا تاک، جِدھر ویکھاں تُوہی نظری آئیا۔ تیرا نوُر اِکو پاک، رسوُل دوُسر نہ کوئے دسائیا۔ میری اگلی پِچھلی چُکی واٹ، پربھ مِلیا پاندھی راہیِا۔ میرا پردہ گیا پاٹ، پُرکھ ابناسی اپنی دَیا کمائیا۔

لہنا ٹُٹیا ذات پات، برہم پاربرہم سمائیا۔ جوتی جوت سروُپ ہرِ، آپ اپنی کِرپا کر، پیِر پَیغمبر سارے پھڑ، اِکو گھر وکھائیا۔ پیِر پَیغمبر ویکھو دروازہ، ہرِ ہرِ جوُ آپ وکھائیندا۔ جِس گرِہ وسے غریِب نوازا، غریِب نِمانیاں گلے لگائیندا۔ آد اَنت جِس سازن سازا، جُگ جُگ ویکھ وکھائیندا۔ کلجُگ انتم رچیا کاجا، سچ سویَمبر آپ بنائیندا۔ پرگٹ ہویا دیس ماجھا، سمبل اپنا ڈیرہ لائیندا۔ نوَ نؤ چار پِھرے بھاجا، جگت نیتر نظر نہ آئیندا۔ شاہو بھوُپ وڈ راجن راجا، سیِس جگدیِش تاج سُہائیندا۔ جن بھگتاں ایتھے اوتھے رکھے لاجا، دو جہان سِر اپنا ہتّھ ٹِکائیندا۔ راتیں سُتیاں دِنے جاگدیاں مارے واجاں، بِن رسنا جِہوا اپنا حُکم سُنائیندا۔ جوتی جوت سروُپ ہرِ، آپ اپنی جوت دھر، دو جہاناں شاہ نوابا، دیونہار حیات آبا، وکھاونہار سچ محرابا، وجاونہار تن ربابا، احباب اپنا میل مِلائیندا۔ رسوُلاں نال بنے رسوُل، رسم اپنی آپ جنائیندا۔ رسوُل کرے آپ قبوُل، کامل اپنا حُکم منائیندا۔ جو رسوُل جائے بھوُل، تِس اندر رسوُل ہو حُکم منائیندا۔ اپنا حُکم دیوے معقوُل، محبوُب اپنا کھیل وکھائیندا ۔ بن رسوُل دیوے چرن دھوَل، دھوُڑی ٹِکاّ مستک لائیندا۔ بن صاحِب کنت کنتُوہل، شہنشاہ اپنی کھیل کرائیندا۔ جوتی جوت سروُپ ہرِ، آپ اپنی کِرپا کر، رسوُل رسوُلاں وِچ سمائیندا۔ نِرگُن سرگُن دو اکھّر، بِن اکھّراں آپ بنائیندا۔ پریم پیار وِچ رکھیا ستھر، دوہاں بند کرائیندا۔ لیکھا لِکھے نہ کوئی پتر، کاتب قلم نہ کوئے اُٹھائیندا۔ جِس جن دیوے گیان نِج اَنتر، اَنتر آتما آپ پڑھائیندا ۔ سو جانے ڈھائی اکھّر منتر ، سو منتر ڈھئیا گوبِند جھولی پائیندا۔ جوتی جوت سروُپ ہرِ، آپ اپنی کِرپا کر، اِکو ڈھئیا جگت نئیا پُرکھ اکال پکڑے بہیا، دوُجا سئیا نظر کوئے نہ آئیندا۔ ڈھائی اکھّر بودھ اگادھا پنڈت لِکھن پڑھن وِچ نہ آئیا۔ آد جُگادا سدا اکھنڈت، کھنڈ کھنڈ نہ کوئے کرائیا۔ بھید نہ پائے کوئی جیرج انڈت، اُتبُھج سیتج پردہ نہ سکے لاہیِا۔ جِس پربھ آپ بنائے بنت، اپنی کرے پڑھائیا۔ سو صاحِب اَگے کرے مِنت، نِیوں نِیوں سیِس جھُکائیا۔ تِس اِشارہ مار سمجھائے سیَنت، ساہ ساہ سمائیا۔ اوہ اکھّر وکھائے بِن اکھّاں عینک، پیَنتی اکھّر الف یے سار کوئے نہ آئیا۔ جوتی جوت سروُپ ہرِ، آپ اپنی کِرپا کر، نِرگُن اکھّر نِرگُن دھار نِرگُن نِرگُن کر پیار، نِرگُن نِرگُن دئے سمجھائیا۔

۱۰ ماگھ ۲۰۱۹ بِکرمی سوہن سِنگھ موہن سِنگھ دے گرِہ بھولے کے ضِلع گُرداس پُر

سچکھنڈ کھیل ہرِ جگدیِش، جگدیِشر آپ کرائیندا۔ آد جُگاد اِک حدیِث، دُھر فرمانا حُکم سُنائیندا۔ گُر اوتار پیِر پَیغمبر بَیٹھے جھُکا سیِس، نِیوں نِیوں سجدہ سرب جنائیندا۔ جُگ چؤکڑی پیِسن پیِس، دو جہاناں ویکھ وکھائیندا۔ چھتر سوہے ایکا سیِس، شہنشاہ اِکو نظری آئیندا۔ جوتی جوت سروُپ ہرِ، آپ اپنی کِرپا کر، سچکھنڈ ساچے سوبھا پائیندا۔ چھتر سیِس سوہے تاج، تخت نِواسی وڈ وڈیائیا ۔ پُرکھ اکال گُروُ مہاراج، مہما اگنت گنی نہ جائیا۔ نِرگُن رچ رچ اپنا کاج، کرتا پُرکھ ویکھے چائیں چائنیا۔ آد جُگادی اِکو ساتھ، دوُجا سنگ نہ کوئے رکھائیا۔ جُگا جُگنتر داسی داس، بن سیوک سیو کمائیا۔ کھیلے کھیل پرِتھمی آکاش، گگن گگننتر سوبھا پائیا۔ جوتی جوت سروُپ ہرِ، آپ اپنی کِرپا کر، سچکھنڈ وسے سچّا ماہیِا۔ سچکھنڈ وسے ماہی محبوُب، نوُر نوُرانہ نظر کِسے نہ آئیندا۔ نہ کوئی تن نہ وجوُد، خاکی خاک نہ روُپ وٹائیندا۔ پروردِگار اپنا جانے آپ ثبوُت، صحبت اپنے ہتّھ رکھائیندا۔ وسنہارا سچ عروُج، شہنشاہ اپنا آسن لائیندا۔ آپے جانے سَت حدوُد، دوُسر ونڈ نہ کوئے ونڈائیندا۔ جوتی جوت سروُپ ہرِ، آپ اپنی جوت دھر، اپنے وِچ رہے محدوُد، بھیوَ ابھید نہ کوئے کُھلائیندا۔ بھیوَ ابھید نہ کھولے حال، اصلیّت ہتّھ کِسے نہ آئیا۔ دیِناں بندھپ دیِن دَیال، دَیانِدھ ٹھاکر سوامی سچکھنڈ دوارے روُپ رنگ ریکھ نہ کوئے رکھائیا۔ سُت دُلارا کھیل اپارا ایکنکارا لال، لالن اپنے رنگ رنگائیا۔ دھرم بہائے سچّی دھرمسال، تِھر گھر اپنا کُنڈا لاہیِا۔ ابناسی کرتا وسے نال، نِراکار بےپرواہیِا۔ جوتی جوت سروُپ ہرِ، آپ اپنی کِرپا کر، سچکھنڈ اپنا حُکم چلائیا۔ سچکھنڈ اندر کھیل اپارا، سو پُرکھ نِرنجن آپ کرائیندا۔ ہرِ پُرکھ نِرنجن ہو تیارا، نِرگُن اپنی دھار پرگٹائیندا۔ ایکنکارا کر پسارا، آد نِرنجن دیِپک جوت جگائیندا۔ سِری بھگوان سچ ہُلارا، ابناسی کرتا اِک نِشان اُٹھائیندا۔ پاربرہم پربھ پروردِگارا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اُچ محلہ اِک اِکلّا انبھوَ پرکاش پُرکھ ابناس الکھ اگوچر اگمّ اتھاہ بےپرواہ آپ کرائیندا۔ بےپرواہ سدا بےاَنت، اَنت اپنے ہتّھ رکھائیا ۔ کرے کھیل سِری بھگوَنت، بھگوَن اپنی دھار پرگٹائیا۔ آد جُگادی نار کنت، کنت کنتُوہل سچّا شہنشاہیِا۔ بناونہارا ساچی بنت، گھاڑن گھڑت لئے گھڑائیا۔ جوتی جوت سروُپ ہرِ، آپ اپنی کِرپا کر، آد پُرکھ پُرکھ پرمیشور جُگاد اپنا بندھن پائیا۔ آد پُرکھ اپنی رچنا رچ، رچ رچ ویکھ وکھائیندا۔

جُگاد کرے سچّو سچ، جُگ جُگ سیو کمائیندا۔ نِرگُن ہو کے نِرگُن رہیا نچّ، سرگُن رنگ نہ کِسے چڑھائیندا۔ جوتی جوت سروُپ ہرِ، آپ اپنی کِرپا کر، سچکھنڈ نِواسا پُرکھ ابناسا، ویکھنہارا کھیل تماشا، جوتی جاتا اپنا نوُر دھرائیندا۔ جوتی جاتا نوُر اولّا، روُپ نظر کِسے نہ آئیا۔ مقامے حق وسائے اِک محلہ، محفل اپنی آپ لگائیا۔ نِرگُن جوتی دیِپک بلا، پرکاش پرکاش لئے چمکائیا۔ آد جُگاد اچھل اچھلّا، ول چھل اپنی کھیل کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ اپنا پردہ آپ اُٹھائیندا۔ سچکھنڈ دوارا ایکنکارا، نر نِرنکارا ایکا دھار چلائیندا۔ روُپ انوُپ بے عیب پروردِگارا، ریکھ رنگ نہ کوئے رکھائیندا۔ شبدی شبد شبد اپارا، لیکھا جانے سُت دُلارا، جن جننی گود وڈیائیندا ۔ دائی دایا سیوادارا، ویکھے وِگسے ویکھنہارا، نیتر نَین نہ کوئے کُھلائیندا۔ انس بنس سربنس کر تیارا، سہنسر سہنس روُپ وٹائیندا۔ دیونہارا سَت بھنڈارا، اگمّڑی دات ورتائیندا۔ وجاونہارا تت ستارا، ناد انادی راگ الائیندا۔ وِشن برہما شِو کر اُجیارا، ترےَ پنج اپنا رنگ چڑھائیندا۔ گُر اوتار کر پیارا، پیِر پَیغمبر گنڈھ پوائیندا۔ کھانی بانی کھول کِواڑا، انڈج جیرج اُتبُھج سیتج پرا پسنتی مدھم بَیکھری آپے گائیندا۔ شاستر سِمرت وید پُران دے سہارا، سِر اپنا ہتّھ ٹِکائیندا۔ سَتجُگ تریتا دواپر کلجُگ جُگ چؤکڑی نوَ نؤ چار ویکھے وارو وارا، ویکھنہارا نظر کِسے نہ آئیندا۔ کاغذ قلم شاہی کر ونجارا، اکھّر اکھّر ونج کرائیندا۔ جگت وِدیا بھر بھنڈارا، چؤدس چؤدس گھر بہائیندا۔ لیکھا جان روَ سس سوُرج چند سِتارا، منڈل منڈپ پردہ لاہِندا۔ بودھ اگادھ گیان گیان گُردیو اِشٹ نِرنکارا، نِرگُن سرگُن دَیا کمائیندا۔ رسنا جِہوا بتّی دند آتم پرماتم برہم پاربرہم بن سہارا، شاہ پاتشاہ اپنا حُکم سُنائیندا۔ جُگ چؤکڑی لیکھا جانے دُھر دربارا، درگاہ ساچی سچ سِنگھاسن سوبھا پائیندا۔ جوتی جوت سروُپ ہرِ، آپ اپنی کِرپا کر، سچکھنڈ ساچا سوبھاوَنت ویکھنہارا ایکا کنت، نِرگُن اپنا کھیل وکھائیندا۔ جُگ چؤکڑی کھیل اگمّ، الکھ اگوچر آپ کرائیندا ۔ پُرکھ اکال سِری بھگوان پروردِگار نہ مرے نہ پئے جمّ، جننی جن نہ روُپ وٹائیندا۔ سدا سُہیلا اِک اَکیلا گُر اوتار پیِر پَیغمبر نِرگُن سرگُن بیڑا دیوے بنّھ، بن ملاح کھیوٹ کھیٹا کرے ہِت ماں پِیو بیٹا، پوُت سپوُتا گود اُٹھائیندا۔ ایتھے اوتھے دو جہان دا بنے نیِتا، نِت نِت اپنا ویس وٹائیندا۔ بھگت وچھل کرے سدا سد سچّا ہیتا، ہِتکاری پھیرا پائیندا۔ لکھّ چؤراسی ویکھنہارا کایا کھیتا، اپ تیج وائے پرِتھمی آکاش پردہ آپے لاہِندا۔ سَتجُگ تریتا دواپر کلجُگ گُر اوتاراں پیِر

پَیغمبراں دیِن مذہب دا دیندا رہیا ٹھیکہ، چھوٹی چھوٹی ونڈ ونڈائیندا۔ لوک مات کراؤندا رہیا پیشہ، کھتری براہمن شوُدر وَیش ناؤں دھرائیندا۔ اپنا سچ نہ دسّیا کِسے لیکھا، اُنگلیاں اُتے سب نوُں اکھّر پڑھائیندا۔ بےاَنت بےاَنت بےاَنت نِرگُن سرگُن پایا بُھلیکھا، بھانڈا بھرم نہ کوئے تُڑائیندا۔ کوئی موُنڈ مُنڈائے کوئی دھاری کیسا، کوئی لباں جگت کٹائیندا۔ پُرکھ اکال دیِن دَیال آد جُگاد اِک نریشا، نِرگُن نوُر ظہوُر جنائیندا۔ سرِشٹ سبائی لکھّ چؤراسی جیِو جنت سادھ سنت اوُچ نیِچ راؤ رنک سب نال کرے ہیتا، وڈّا چھوٹا نہ کوئے رکھائیندا۔ جِس جن کھولے اپنا بھیتا، بھیوَ ابھید آپ چُکائیندا۔ لیکھا جانے اولیا پیِر شیخا، پیِر پَیغمبر اپنا حُکم منائیندا۔ جوتی جوت سروُپ ہرِ، آپ اپنی کِرپا کر، اپنا کھیل اپنے ہتّھ رکھائیندا۔ ٹھیکہ دیوے ٹھیکےدار، ٹھوکر اِکو حق لگائیا۔ جُگ چؤکڑی ویکھے وارو وار، نِرگُن سرگُن پھیرا پائیا۔ سچ سندیسہ دے سنسار، گُر اوتار کرے پڑھائیا۔ پیِر پَیغمبر بول جَیکار، نعرہ اِکو اِک سُنائیا۔ نوُر نوُرانہ پروردِگار، خاکی تن نہ کوئے ہنڈھائیا۔ ساقی بنے دیِن دَیال، سچ آب اِک پیائیا۔ جوتی جوت سروُپ ہرِ، آپ اپنی کِرپا کر، جُگ چؤکڑی کھیل کر، ویکھنہارا تھاؤں تھائنیا۔ جُگ چؤکڑی کھیل کرایا، نِرگُن سرگُن دھار۔ دُھر فرمانا حُکم جنایا، شبد اگمّی بول جَیکار۔ شاستر سِمرت وید پُران لِکھایا، گیِتا گیان دے آدھار، اِنجیِل قُرآنا رنگ چڑھایا، نبی رسوُلاں دے وِچار۔ بانی تیِر نِرالا بان لگایا، آتم پرماتم پرماتم آتم ایکا گھر پاوے سار۔ چارے کھانی دھندے لایا، جوتی جوت سروُپ ہرِ، آپ اپنی کِرپا کر، کرے کھیل آپ کرتار۔ ساچا کھیل جُگ جُگ کر کر، ہرِ کرتا ویکھ وکھائیندا۔ نِرگُن روُپ سرگُن دھر دھر، دھرنی دھرت دھوَل سوبھا پائیندا۔ شبد اگمّی ایکا پڑھ پڑھ، لکھّ چؤراسی جیِو جنت پڑھائیندا۔ پنج تت کایا اگنی سڑ سڑ، خاکی تن نہ کوئے وکھائیندا۔ ساچے مندر آپے چڑھ چڑھ، تخت نِواسی سوبھا پائیندا۔ اپنی مرنی آپے مر مر، مر جیِوت ایکا گھر بہائیندا۔ لیکھا جانے ناری نر نر، نر نرائن ویس وٹائیندا۔ ناؤں جپائے ہری ہرِ ہرِ، ہرِ وِشنوُں بھگوان ایکا نام پرگٹائیندا۔ لیکھا جانے درویش در در، وِشن برہما شِو الکھ جگائیندا۔ گُر اوتار پیِر پَیغمبر پھڑ پھڑ، پھڑ باہوں حُکم منائیندا۔ جوتی جوت سروُپ ہرِ، آپ اپنی کِرپا کر، آد پُرکھ پُرکھ اکالا، وسنہارا سچکھنڈ سچّی دھرمسالہ، سچ دوارے آسن لائیندا۔ سچ دوارے لگّا آسن، نیتر نظر کِسے نہ آئیا۔ کرے کھیل پُرکھ ابناسن، ابناسی کرتا دھار چلائیا۔ لکھّ چؤراسی کر کر واسن، گھٹ گھٹ رہیا سمائیا۔ لیکھا جانے پرِتھمی آکاشن،

گگن گگننتر کھوج کھوجائیا۔ گوپی کاہن پائے راسن، بنسری اِکو نام وجائیا۔ بھگت بھگوَنت بنے ساتھن، سگلا سنگ نِبھائیا۔ گُر اوتار پیِر پَیغمبر جھاکن، نیتر نَین نَین اُٹھائیا۔ اَگے رہے نہ کوئی عاقن، سیِس سب دے رہیا جھُکائیا۔ جوتی جوت سروُپ ہرِ، آپ اپنی کِرپا کر، سچکھنڈ اپنا حُکم منائیا۔ سچکھنڈ دوارے سچ فرمانا، ہرِ ساچا سچ جنائیندا۔ تخت نِواسی اِکو رانا، دوُجا نظر کوئے نہ آئیندا۔ سب نوُں منّنا پئے بھانا، بھانے اندر آپ رکھائیندا۔ جوتی جوت سروُپ ہرِ، آپ اپنی کِرپا کر، سچ سندیسہ آپ سُنائیندا۔ سچ سندیسہ سُن لؤ ایک، ایکنکار جنائیا۔ پاربرہم پربھ ساچی ٹیک، دوُجی اوَر نہ کوئے سرنائیا۔ پِچھلا سارے چھڈو ہیت، گُر اوتاراں پیِر پَیغمبراں کرے پڑھائیا۔ کلجُگ نیتر لؤ ویکھ، سرِشٹ سبائی دئے دُہائیا۔ نؤ کھنڈ پرِتھمی ہویا بھیکھ، بھانڈا بھرم نہ کوئے بھنّائیا۔ گُروُ گیان نہ کوئے اُپدیش، منتر ہرِ نہ کوئے دِرڑائیا۔ کوئی پوُجے برہما وِشن مہیش گنیش، کوئی شنکر سیِس نِوائیا۔ کوئی پنج تت کرے آدیس، اِشٹ ایِشر نہ کوئے رکھائیا۔ کوئی عیسیٰ موُسیٰ محمد کرے ہیت، سجدہ سیِس رہے جھُکائیا۔ کوئی نانک گوبِند گودی رہیا کھیڈ، اپنا مان مِٹائیا۔ پُرکھ اکال دا کِسے نہ پایا بھیت، بھرمے بُھلی سرب لوکائیا۔ جِس دے پِچھے سیِس وِچ پئی ریِت، کلجُگ تتی اگّ لگائیا۔ پرگٹ ہویا اِک نریش، شہنشاہ اپنا پھیرا پائیا۔ چلن دیوے نہ کِسے دی کوئی پیش، پُشت سب دی رہیا ہِلائیا ۔ نیتر لوچن لَین دیکھ، بِن اکھّاں دئے وکھائیا۔ کوئی رہن نہ دیوے مُلّا شیخ، پیِر پَیغمبر پندھ مُکائیا۔ پنڈت پاندھا کوئی نہ دیوے پِچھلی ٹیک، سب دا لیکھا رہیا چُکائیا۔ جوتی جوت سروُپ ہرِ، آپ اپنی کِرپا کر، کلجُگ کوُڑا سُنجا کرے کھیت، سچ کِرسانا اِکو پھیرا پائیا۔ کوُڑی کِریا چُکے چوُک، ہرِ سَتگُر آپ چُکائیندا۔ مایا ممتا دیوے پھوُک، نام پُھنکارا اِکو لائیندا۔ چار ورن ویکھنہارا چارے کوُٹ، دہ دِشا پردہ لاہِندا۔ نام اگمّ اِک اتوٹ، ورن برن آپ ورتائیندا۔ ہؤمے ہنگتا کڈھے کُٹ، شبد کھنڈا اِک چمکائیندا۔ امرت جام پیائے گھُٹ، نِجھر جھِرنا آپ جھِرائیندا۔ بجر کپاٹی جائے پُھٹ، دوَیتی پردہ آپے لاہِندا۔ کر پرکاش نِرمل جوت، اندھ اندھیر گوائیندا۔ شبد اگمّی لائے چوٹ، انحد راگ سُنائیندا۔ گُرمُکھ اُٹھائے آلنیوں ڈِگے بوٹ، سَتگُر ساچی گود بہائیندا۔ آتم پرماتم کھولے سوت، سُرتی شبد نال مِلائیندا۔ لیکھا جانے اوت پوت، پُت پوترے سوبھا پائیندا۔ مان مُکائے چؤداں لوک، چؤداں طبقاں ڈیرہ ڈھاہِندا۔ گُر اوتار پیِر پَیغمبر پڑھن اِک سلوک، سوہنگ ڈھولا اِک سُنائیندا۔ سرب جیِاں دی سچّی موکھ،

مکُتی مُفتو مُفت ورتائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارا کھیل اپارا، نِرگُن دھارا لوک مات ویکھ وکھائیندا۔ لوک مات ویکھے پاخاک، خاکی خاک دَیا کمائیا۔ جن بھگتاں دسےّ سچ حالات، احوال دئے سمجھائیا۔ لکھّ چؤراسی ناتا تُٹا کائنات، کلمہ نبی اِک پڑھائیا۔ سرِشٹ سبائی اِکو آب حِیات، سچ پیالہ دئے پیائیا۔ بھیوَ چُکائے باطن بات، ظاہر ظہوُر وڈ وڈیائیا۔ درس دِکھائے ساکھیات شناخت اپنی دئے جنائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، نر نریش دو جہاناں رہیا ویکھ، ایتھے اوتھے نِرگُن سرگُن سرگُن نِرگُن اِکو کرے پڑھائیا۔ سو قلندر جو حُکمے نچّے، نچّ نچّ ناچ وکھائیا۔ بِن حُکمے سارے دِسن کچّے، کوٹن کوٹ ویس وٹائیا۔ درگاہ ساچی سوئی سجے، جِنہاں سچّا مِلیا بےپرواہیِا۔ پَیغمبراں وِچوں اوہو اچھّے، جِنہاں اچّھی طرح سمجھائیا۔ پریم رس وِچ ساچی رتےّ، رتّی رتّ سُکائیا۔ منصوُر شمس تبریز رس ساچے چٹّے، سرِشٹ سبائی گئے وکھائیا۔ دوویں ہوئے پکّے، پکّی پُرکھ اکال کرائیا۔ موُسیٰ مُنہ دے بھار ڈھٹّھے، اَدھا اَدھ وِچکار رہ جائیا۔ قلندراں وِچ آپ قلندر وڑ کے ہسّے، اندرے اندر نوُر رُشنائیا۔ دوُجی گل جے ہور کوئی دسےّ، جھوُٹھی سرب لوکائیا۔ جوتی جوت سروُپ ہرِ، آپ اپنی کِرپا کر، آد جُگادی اِکو ہرِ، کلا قُدرت قادر کریِم رحیِم رحمان رحمت آپ کمائیا۔

۱۰ ماگھ ۲۰۱۹ بِکرمی کرتار سِنگھ دے گرِہ بھولے کے ضِلع گُرداس پُر

ساچا حُکم ہرِ نِرنکار، دو جہان رہیا ڈرائیا۔ شبدی سُت کرے نِمسکار، دوئے جوڑ واسطہ پائیا۔ وِشنوُں رووے زارو زار، نیتر نَیناں نیِر وہائیا۔ برہما کوُک کوُک کرے پُکار، دھیِرج دھیِر نہ کوئے رکھائیا۔ شنکر سِر وِچ پائے چھار، شہنشاہ بُھل کدے نہ جائیا ۔ ترےَگُن مایا ہوئی خوَار، سانتک سَت نہ کوئے کرائیا۔ پنج تت نہ کوئے آدھار، رنگ سوُرا سربنگ نہ کوئے چڑھائیا۔ گُر اوتار گئے ہار، ہرِ کا بھیت کوئے نہ پائیا۔ پیِر پَیغمبر پِھر پِھر تھکے وارو وار، وارتا لِکھ نہ کِسے مُکائیا۔ لیکھا جانے نہ کوئے دُھر دربار، دُھر دی آواز سرب شنوائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سمجھائیا۔ ساچا حُکم منّنا پَینا، منسا سب دی آپ گوائیندا۔ وِشن برہما شِو ویکھے نَیناں، نیتر اکھّ آپ کُھلائیندا۔ تِنّ پنج انتم ڈیرہ ڈھہنا پَینا، بُرج رہن نہ پائیندا ۔ گُر اوتاراں بھانا سہنا پَینا، سِر سِر بھانا آپ منائیندا۔ انتم رل کے

سب نے اِک دوارے ڈھہنا، سچ دوارا اِک وڈیائیندا۔ سوہنگ ڈھولا دو جہاناں کہنا، کہہ کہہ شُکر منائیندا۔ جوتی جوت سروُپ ہرِ، آپ اپنی کِرپا کر، ساچا حُکم اِک سمجھائیندا۔ ساچا حُکم دیوے سخت، سختی اِک جنائیا۔ لیکھا جانے کیِٹ ہست، ہست کیِٹ رہیا سمائیا۔ دو جہاناں اِکو وست، وستُو اپنا نام ورتائیا ۔ لہنا دینا چُکائے دست بدست، دست بردار کرے لوکائیا۔ لیکھا جان عرش فرش، پھیرا اپنا آپے پائیا۔ دو جہان نِرگُن درس، سرگُن چلے نہ کوئے چتُرائیا۔ بھگت بھگوَنت میٹے حرص، ہوَس ترِشنا دئے گوائیا۔ غریِب نِمانیاں اُتے کرے ترس، دردی دردیِاں درد ونڈائیا۔ چار جُگ رہے بھٹک، نیتر نَین نَین اُٹھائیا۔ کوٹن کوٹ سادھ سنت اَدھ وِچکارے رہے لٹک، اگلا پندھ نہ کوئے مُکائیا ۔ کوٹن کوٹ گُر اوتار پیِر پَیغمبر کلجُگ ویکھن انتم وقت، پُرکھ ابناسی آوے واہو داہیِا۔ جوتی جوت سروُپ ہرِ، آپ اپنی کِرپا کر، ساچا حُکم اِک سمجھائیا۔ ساچا حُکم دُھر فرمانا، دُھر درباری آپ جنائیندا۔ نہ کوئی دیِسے راجا رانا، رعیت رنگ نہ کوئے وکھائیندا۔ راگ ناد نہ کوئے گانا، تال تلواڑا نہ کوئے وجائیندا۔ جودھا سوُربیِر نہ کوئے مانا، بلی بل نہ کوئے ودھائیندا۔ سب نوُں منّنا پئے بھانا، سِر تاج نہ کوئے رکھائیندا۔ بِن ہرِ نامے ہویا اندھا کانا، جگت جیِون جُگت نیتر نہ کوئے کُھلائیندا۔ پُرکھ ابناسی بےپہچانا، جوتی جوت سروُپ ہرِ، آپ اپنی کِرپا کر، ساچا حُکم اِک الائیندا۔ ساچا حُکم اِک الا، علیٰحدگی سب دی دئے کرائیا۔ لہنا دینا دئے مُکا، مُکا اپنا نام وکھائیا۔ سب دے ہتّھ ٹُکر رُکھا دئے وکھا، گھر گھر مدھوُکڑی رہیا منگائیا۔ حُقہ ٹوپی دئے بھنّہ، بھانڈا سب دا صاف کرائیا۔ جو لُکا درس دئے وکھا، اپنا پردہ لاہیِا۔ دو جہان دا بُھکھا پُرکھ ابناسی جائے آ، لکھّ چؤراسی اپنے اندر لئے لُکائیا۔ جو جن سرنائی جھُکا، تِس لئے بچا، بچت اِکو اِک وکھائیا۔ ہرِجن رکھے اپنی کُکھا اپنا پردہ پا، تتی وا نہ لاگے رائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِجن ساچے لئے جگائیا۔ ہرِجن جگائے جگت جُگ، جیِون جُگت آپ جنائیندا۔ لکھّ چؤراسی وِچوں چُگ، اپنا میل مِلائیندا۔ آپے جانے ڈال مُڈھ، پتّ ڈالی ویکھ وکھائیندا۔ جن بھگتاں اندر آتم سیجا چڑھے کُد، سچ سِنگھاسن آسن لائیندا۔ ڈیرہ ڈھاہے من مت بُدھ، ساچی سِکھیا اِک سمجھائیندا۔ ترےَبھوَن دی دیوے سُدھ، اَون گوَن مِٹائیندا۔ لیکھا جانے اپنا گُجھ، بھیوَ ابھیوَ کُھلائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِجن اپنے رنگ رنگائیندا۔ ہرِجن رنگ چاڑھے رنگیِلا، رنگت اپنا نام وکھائیا۔ گُر شبدی بنیا

مات وسیِلہ، وصل اِکو نام جنائیا۔ ہرِ بھگت بنائے جگت قبیِلہ، بھگوَن دَیا کمائیا۔ کلجُگ انتم ہرِجن مِلن دا کیِتا حیِلہ، نِرگُن اپنا پھیرا پائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جِس جن دیوے سوہنگ دان، آتم پرماتم پرماتم آتم ایکا گنڈھ پوائیا۔

۱۰ ماگھ ۲۰۱۹ بِکرمی گِردھاری لال دے گرِہ بھولے کے ضِلع گُرداس پُر

ہرِ کا ڈھولا ساچا گیِت، آد اَنت اِکو نام دِرڑائیندا۔ بھیوَ کُھلائے صاحِب اتیِت، ترےَگُن پردہ آپے لاہِندا۔ آتم پرماتم کرے ٹھانڈی سیِت، سیِتل دھارا اِک وہائیندا۔ کایا اندر وکھائے مندر مسیِت، شِودوالا مٹھ سوبھا پائیندا۔ نظری آئے ہرِ انڈیِٹھ، جلوہ نوُر اِک دھرائیندا۔ وسنہارا سدا چیِت، چیتن ہرِجن آپ کرائیندا۔ آد جُگادی اولّڑی ریِت، جُگ کرتا آپ کرائیندا۔ صدی چؤدھویں رہی بیِت، چؤداں طبقاں ویکھ وکھائیندا۔ پیِر پَیغمبراں نِشانہ دسےّ ٹھیِک، ٹھیِکر سب دے بھنّ وکھائیندا۔ انتم نیڑے آئی تاریخ، تحقیِقات آپ کرائیندا۔ ویکھنہارا حق حقیِق، حاجت سب دی پھول پُھلائیندا۔ نوُر اِلاہی لاشریِک، پردہ اپنا آپ اُٹھائیندا۔ ویکھنہارا سچ پریِت، پریِتیوان پھیرا پائیندا۔ جوتی جوت سروُپ ہرِ، آپ اپنی کِرپا کر، ساچا سوہلا اِک جنائیندا۔ ساچا سوہلا نام مردنگ، سو پُرکھ نِرنجن آپ وجائیندا۔ ہرِ پُرکھ نِرنجن سوُرا سربنگ، ایکنکارا کارے لائیندا۔ آد نِرنجن کرے پرکاش بِن سوُرج چند، جوتی جاتا ڈگمگائیندا ۔ ابناسی کرتا سچ دوارے بَیٹھا لنگھ، سچکھنڈ ساچے سوبھا پائیندا۔ سِری بھگوان چڑھائے رنگ، رنگ رنگیِلا اِک اکھوائیندا۔ پاربرہم پربھ منگے منگ، اپنے اَگے اپنی جھولی ڈاہِندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ منگے منگ بن بِھکھارا، بِھکھک اپنی دَیا کمائیا۔ لیکھا جان دُھر دربارا، دُھر دی دھار جنائیا۔ جُگ چؤکڑی ہو اُجیارا، نِرگُن سرگُن ویس وٹائیا۔ وِشن برہما شِو کر پیارا، میل مِلاواں سہج سُکھدائیا۔ سَتجُگ تریتا دواپر کلجُگ نؤ سؤ چؤرانوے چؤکڑی جُگ دیندا رہیا نام سہارا، ناؤں نِرنکارا کر پڑھائیا۔ آد شکت نوُر اُجیارا، چتربُھج نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، دُھر سندیسہ اِکو اِک سُنائیا۔ دُھر سندیسہ ہرِ کا ناؤں، ہرِ سجّن

آپ جنائیندا۔ گُر اوتار پیِر پَیغمبر پکڑ اُٹھائے پھڑ پھڑ باہوں، دو جہاناں ویکھ وکھائیندا۔ آد جُگاد جُگا جُگنتر کرے سچ نیاؤں، لوآں پُریاں برہمنڈاں کھنڈاں کھوج کُھجائیندا۔ بھگت بھگوان مِلن دا رکھے چاؤ، چاؤ گھنیرا اِک سمجھائیندا۔ کرے پیار جِؤں پُتراں ماؤں، پوُت سپوُتا گود سُہائیندا۔ ہنس بنائے پھڑ پھڑ کاؤں، جِس جن اپنا نام جپائیندا۔ لکھّ چؤراسی پائے راہو، انڈج جیرج اُتبُھج سیتج اپنے دھندے لائیندا۔ جوتی جوت سروُپ ہرِ، آپ اپنی کِرپا کر، ساچا منتر اِک دِرڑائیندا۔ ساچا منتر نام اگمّ، ہرِ اگمّڑا آپ جنائیا۔ جناونہارا اپنا کمّ، کرنی کرتا آپ کمائیا۔ سدا سُہیلا بیڑا بنّھ، اپنے کندھ اُٹھائیا۔ گُر اوتاراں دیوے سچّا دھن، دھن خزیِنہ اِک ورتائیا۔ لیکھا جانے جننی جن، بنے جنیدی مائیا۔ جُگ چؤکڑی دیونہارا ڈنّ، نِت نوِت ویس وٹائیا۔ بھگت بھگوان راگ سُنائے کنّ، اکھّر وکھّر نہ کوئے پڑھائیا۔ کر پرکاش ساچے چنّ، نِرگُن جوت کرے رُشنائیا۔ جوتی جوت سروُپ ہرِ، آپ اپنی کِرپا کر، ساچا نام اِک سمجھائیا۔ ساچا نام سو پُرکھ نِرنجن، ہنگ برہم آپ جنائیندا۔ بجر کپاٹی توڑے پتّھر، آخر اپنا میل مِلائیندا۔ پنچ وِکارا لاہے ستھر، کام کرودھ لوبھ موہ ہنکار نیڑ نہ آئیندا۔ آپ پڑھائے اپنا نِش اکھّر، نِج نیتر درس کرائیندا۔ کوئی نہ پھولے دوُجا پتر، پاتی کملاپاتی آپ سُنائیندا۔ جوتی جوت سروُپ ہرِ، آپ اپنی کِرپا کر، ساچا نام اِک پرگٹائیندا۔ ساچا نام آد اَنت، اِکو کرے جنائیا۔ جُگ چؤکڑی مہما اگنت، گُر اوتار رہے جس گائیا۔ سارے کہن پربھوُ بےاَنت، اَنت کہن کوئے نہ پائیا۔ وِشن برہما شِو کرن منّت، دوئے دوئے بَیٹھے سیِس جھُکائیا۔ پیِر پَیغمبر ناتا تُٹا بہِشتی جنّت، ظاہر ظہوُر اِکو حُکم منائیا۔ جوتی جوت سروُپ ہرِ، آپ اپنی کِرپا کر، ساچا منتر اِک سمجھائیا۔ ساچا منتر سچ سندیسہ، سو پُرکھ نِرنجن آپ جنائیندا۔ کلجُگ انتم دھریا ویسا، نِرگُن اپنا روُپ وٹائیندا۔ وسنہارا سمبل دیسا، دیس دسنتر پھیرا پائیندا۔ مُچھ داہڑی نہ کوئے کیسا، موُنڈ مُنڈائے نظر نہ آئیندا۔ لیکھا جانے وِشن برہم مہیش گنیشا، گنپت اپنے رنگ رنگائیندا۔ بھیوَ کُھلائے تیئی اوتار اٹھاراں بھگت جانے لیکھا، عیسیٰ موُسیٰ محمد اپنی گنڈھ پوائیندا۔ دس گُر جانے ہیتا، ہِتکاری کھیل کرائیندا۔ آپے بنیا سب دا نیتا، شہنشاہ اپنا حُکم منائیندا۔ سَتجُگ تریتا دواپر کلجُگ نِرگُن روُپ سرگُن ویکھا، سار اپنی نہ کِسے جنائیندا۔ جوتی جوت سروُپ ہرِ، آپ اپنی کِرپا کر، ساچا منتر اِکو نام، دو جہاناں پیائے جام، برہمنڈ کھنڈ آپ ورتائیندا۔ دو جہان کھولے اکھّ، نیتر نَین کُھلائیا۔ نِرگُن روُپ ہو پرتکھ، پرم پُرکھ ویکھ وکھائیا۔ ساچا

مارگ دیوے دسّ، آتم پرماتم کرے پڑھائیا۔ اَنتر آتم آپے وس، برہم پاربرہم کرے کُڑمائیا۔ اِیش جیِو دیوے رس، جگدیِش خوشی منائیا۔ تیِر نِرالا مارے کس، انیالا آپ چلائیا۔ ساچے مندر بہے سج، سچ سِنگھاسن آسن لائیا۔ تال تلواڑا اِکو جائے وجّ، انحد راگ سُنائیا۔ شرع شریِعت بھانڈا جائے بھجّ، دھرم ادھرم نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، اِکو نام دئے وڈیائیا۔ اِکو نام وڈّا وڈ، ہرِ وڈّا آپ وڈیائیندا۔ اپنے وِچوں آپے کڈھ، تِھر گھر ڈیرہ لائیندا۔ دو جہان وجائے ند، تار ستار نہ کوئے ہِلائیندا۔ وِشوَ بنائے اپنی جدّ، وِشن برہما شِو گود سُہائیندا۔ لکھّ چؤراسی دیوے داد، ترےَ پنج میلا آپ کرائیندا۔ شبد جنائے بودھ اگادھ، بِن اکھّر آپ پڑھائیندا۔ وید کتیب شاستر سِمرت گیِتا گیان اِنجیِل قُرآن کھانی بانی جگت نِشانہ دیوے گاڈ، ریِتی نیِتی لیکھے لائیندا۔ آپے بَیٹھا رہے وِسماد، بِسمِل اپنا روُپ جنائیندا۔ جوتی جوت سروُپ ہرِ، آپ اپنی کِرپا کر، آد جُگادی اِکو ناؤں، ناؤں نِرنکارا آپ دِرڑائیندا۔ اپنا ناؤں ایکا ایک، ایک ایک وڈیائیا۔ جُگ چؤکڑی دے دے ٹیک، گُر اوتار سیوا لائیا۔ گرِہ مندر ہرِ جوُ آپے ویکھ، ہرِ مندر سوبھا پائیا۔ بھگت بھگوان دسےّ بھیت، پردہ دُئی اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سمّگری جوت اِکگّری اِکو اِک وکھائیا۔ سچ سمّگری ساچی دات، ہرِ ساچا اپنے ہتّھ رکھائیندا۔ آد جُگاد جُگا جُگنتر بھگت بھگوَنت بنّھے نات، دوُجا سنگ نہ کوئے نِبھائیندا۔ آتم پرماتم پرماتم آتم دیوے ساتھ، سگلا سنگ آپ ہو جائیندا۔ لیکھا لِکھے بِن قلم دوات، شاہی ونڈ نہ کوئے ونڈائیندا۔ کر کِرپا پار کرائے جگت گھاٹ، ساچا پتّن اِک سُہائیندا۔ دُھر دی دیوے اگمّی دات، نام ونجارا ہٹّ کُھلائیندا۔ میٹے رَین اندھیری رات، کوُڑی کِریا موہ چُکائیندا۔ ناتا توڑے ذات پات، کھتری براہمن شوُدر وَیش اِکو گھر وکھائیندا۔ میل مِلاوا کملاپات، کنت کنتُوہل کوَل نَین مُکٹ بَین مُکند منوہر لکھمی اِکو نظری آئیندا۔ سچ سُہنجنی گائے گاتھ، سوہنگ ڈھولا اِکو گائیندا۔ تُوں میرا میَں تیرا تیری میری مُکی واٹ، پاندھی ہور نہ کوئے بنائیندا۔ جوتی جوت سروُپ ہرِ، آپ اپنی کِرپا کر، آد جُگادی اِکو ڈھولا سوہنگ روُپ سچ وِچولا، آد پُرکھ پربھ بولیا بولا، بولا ہتّھ کِسے نہ آئیندا۔ سوہنگ بولا نِرگُن تولا شبد وِچولا، جُگ جُگ ویس وٹائیا۔ کوٹن کوٹ نام صِفتی پاوَن رؤلا، رنگ رلیاں رہے منائیا۔ بِن سَتگُر پوُرے کِسے نہ پردہ کھولا، گھر کری نہ کوئے کُڑمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، آد اَنت سِری

بھگوَنت نام ڈنکا راؤ رنکاں رہیا سُنائیا۔ نام ڈنکا وجےّ جگ، جاگرت جوت جگائیندا۔ نِرگُن سرگُن کھیل سمرتھ، سمرتھ دھار چلائیندا۔ جُگ چؤکڑی چلایا رتھ، بن رتھواہی سیو کمائیندا۔ گُر اوتاراں پیِر پَیغمبراں سادھاں سنتاں مارگ دسّ، بھگت بھگوَنت اپنے رنگ رنگائیندا۔ انتم پنج تت کھیڑا سب دا ہویا بھٹھ، تِھر رہن کوئے نہ پائیندا۔ لِکھ لِکھ لیکھا جگت گئے دسّ، دہ دِشا ونڈ ونڈائیندا۔ اپنی کرنی پِچھے گئے چھڈ، کرتا اپنا حُکم منائیندا۔ دیِن مذہب اڈّو اڈّ، رہبر راہ وکھائیندا۔ آخر ویکھن اِکو جدّ، آد اِکو نظری آئیندا۔ پیِر پَیغمبر جِس اُپجائے تِس اپنے کول لئے سدّ، سدا اپنا حُکم منائیندا۔ کوٹن کوٹ کال گئے لد، کال سب دا ڈیرہ ڈھاہِندا۔ کلجُگ انتم پُرکھ ابناسی ویکھن آیا حد، حدوُد اپنی نہ کِسے سمجھائیندا۔ لکھّ چؤراسی وِچوں سنت سُہیلے لئے لبھ، بھگت بھگوان اپنا میل مِلائیندا۔ راتیں سُتیاں سُنائے چھند، گیِت گوبِند آپ جنائیندا۔ کر پرکاش نِرگُن چند، جوتی جوت ڈگمگائیندا ۔ جُگ جنم دے وِچھڑیاں پائے ٹھنڈ، امرت دھارا مُکھ چوائیندا۔ بھگت بھگوان مِٹے رنڈیپا رنڈ، سیج سُہنجنی اِک سُہائیندا۔ دُئی دوَیتی ڈھاہے کندھ، پردہ مُکھ توں آپے لاہِندا۔ بندی خانہ توڑے بند، بندھن اپنے نام پائیندا۔ جوتی جوت سروُپ ہرِ، آپ اپنی کِرپا کر، ساچا ڈھولا اِک سُنائیندا۔ سَتجُگ ڈھولا ساچا منت، منتر آپ دِرڑائیا۔ لیکھا جان آد اَنت، مدھ اپنی کھیل کرائیا۔ ہرِجن میلا نار کنت، پُرکھ ابناسی ہوئے سہائیا۔ ناتا تُٹے جیِو جنت، جیِون جُگت دئے جنائیا۔ گڑھ توڑے ہؤمے ہنگت، نِون سو اکھّر کرے پڑھائیا۔ سَت سَتوادی ساچی سنگت، چار ورن اِک سرنائیا۔ برن اٹھاراں اِکو پنگت، ایکا رس دئے چکھائیا۔ ناتا توڑے بُھکھ ننگت، غریِب نِمانے گلے لگائیا۔ ہرِ کا بھیوَ نہ جانے کوئی پنڈت، پڑھ پڑھ تھکی سرب لوکائیا۔ جوتی جوت سروُپ ہرِ، آپ اپنی کِرپا کر، وِشوَ اپنا کھیل کرائیا۔ وِشنوُں دھار وِشوَ بھگوانا، ایکا ایک رکھائیندا۔ سَتجُگ ساچا بنّھے گانا، سگلا سنگ نِبھائیندا۔ آتم پرماتم راگ ترانہ، تُریا ڈیرہ ڈھاہِندا۔ سُفن سِکھوپت جاگرت کھیل مہانا، خالق خلق ویکھ وکھائیندا۔ کلمہ نبی اِک پڑھانا، کائنات آپ سمجھائیندا۔ سچّا رام ہو پردھانا، رمئیا اپنا ڈنک وجائیندا۔ ایکا کرِشنا وڈ بلوانا، سیِس جگدیِش سوبھا پائیندا۔ ایکا بنسری سُنائے دو جہانا، نام گانا ایکا گائیندا۔ ایکا چِلّہ تیِر کمانا، دھنُش اِکو اِک رکھائیندا۔ جوتی جوت سروُپ ہرِ، آپ اپنی کِرپا کر، گُر اوتار پیِر پَیغمبر سرب وکھائے اِک سویَمبر، دوُجا نوُر نہ کوئے جنائیندا۔ دوُجا نوُر نہ کوئے چانن، نِرگُن ونڈ نہ کوئے ونڈائیا۔ لکھّ چؤراسی اِکو

ضامن، ویلے اَنت دئے چُھڈائیا۔ جِس اُپجایا کرِشنا رام رامن، عیسیٰ موُسیٰ محمد کری کُڑمائیا۔ جِس نانک گوبِند کھیل وکھایا دو جہانن، نِرگُن سرگُن دھار چلائیا۔ سو صاحِب سمرتھ سِری بھگوانن، بھگوَن ایکا رنگ وکھائیا۔ بھگتاں بنّھے ساچا گانن، مؤلی تند نہ کوئے جنائیا۔ آتم اَنتر کرائے اشنانن، اٹھسٹھ نہاوَن کوئے نہ جائیا۔ من ہنکاری مارے راون، سَت سَتوادی دئے مِٹائیا ۔ درس دِکھائے آہمنو ساہمن، پردہ پردے وِچوں چُکائیا۔ لیکھا جانے کھتری براہمن، شوُدر وَیش پردہ دئے اُٹھائیا۔ نیڑ نہ آئے کامنی کامن، جِس سِر اپنا ہتّھ ٹِکائیا۔ سَتجُگ پھڑائے ساچا دامن، دامنگیر پھیرا پائیا۔ پیِر پَیغمبر کرن سلامن، نِیوں نِیوں سجدہ سیِس جھُکائیا۔ تیری اِکو سدا آواز بانگن، کوُک کوُک الائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا ناؤں اِک سمجھائیا۔ ساچا ناؤں سَتجُگ رُت، سوہنگ روُپ وٹائیندا۔ کھیل کھلائے ابناسی اچُت، چیتن دھار آپ چلائیندا۔ نِرگُن اندر نِرگُن اُٹھ، پاربرہم برہم اپنی ونڈ ونڈائیندا۔ لیکھا جانے پِتا پُت، گُر چیلا ویکھ وکھائیندا۔ جوتی جوت سروُپ ہرِ، آپ اپنی کِرپا کر، سوہنگ اپنا حُکم منائیندا۔ سوہنگ شبد انمنگی منگ، آد آد ورتائیا۔ اَنت ویکھے سوُرا سربنگ، شہنشاہ اپنا پھیرا پائیا ۔ بھگت بھگوان سُنائے چھند، سنسا روگ چُکائیا۔ جنم جنم دا کٹے بندھ، بندھن کوئے رہن نہ پائیا۔ لیکھا چُکے جیرج انڈ، اُتبُھج سیتج ناتا دئے تُڑائیا۔ جوتی جوت سروُپ ہرِ، آپ اپنی جوت دھر، جِس جن اِکو اکھّر کرے پڑھائیا۔ اِکو اکھّر ہرِجن پڑھنا، ہرِ ساچا آکھ سُنائیندا۔ سچکھنڈ دوارے ساچے وڑنا، اَدھ وِچکار نہ کوئے اٹکائیندا۔ لہنا چُکے جمنا مرنا، جنم مرن وِچ نہ آئیندا ۔ ساچی ترنی گُرمُکھ ترنا، تارنہارا دَیا کمائیندا۔ ہنگ برہم پاربرہم پربھ پلّوُ پھڑنا، پھڑیا لڑ نہ کوئے چُھڈائیندا۔ ساچے پؤڑے آپے چڑھنا، جِس دا ڈنڈا نظر کِسے نہ آئیندا۔ پُرکھ اکال اِکو ورنا، دوُجا کنت نہ کوئے ہنڈھائیندا۔ صاحِب سچّے دی ساچی سرنا، بھےَ بھیانک سرب چُکائیندا۔ بھگت بھگوان آپ اپنے جِہا کرنا، جِس جن اپنے رنگ رنگائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، سَتجُگ ساچے دیوے ور، سوہنگ ڈھولا لیَنا پڑھ، بِن پڑھیاں پار کرائیندا۔