کتب خانہGranth 13 (Urdu)

۲۱ ماگھ ۲۰۱۹ بِکرمی مہِندر سِنگھ دے گرِہ سوہل ضِلع امرتسر

پیِر پَیغمبر ویکھ ویکھ کمبا، دھیِر نظر کوئے نہ آئیا۔ پروردِگار تیرا مقام بڑا لمبا، اَنت کوئے نہ پائیا۔ نہ کوئی نوُر نہ کوئی بندہ، خاک خاک نہ کوئے سمائیا۔ نہ کوئی گیِت نہ کوئی چھندا، راگ طرز نہ کوئے الائیا۔ نہ کوئی کھڑگ نہ کوئی کھنڈا، کٹار نظر کوئے نہ آئیا۔ نہ کوئی تارا نہ کوئی چندا، لوک پرلوک نہ کوئے وکھائیا۔ نہ کوئی نیتر نہ کوئی اندھا، روُپ رنگ ریکھ نہ کوئے جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، بِن تیرے تیرے در نہ کوئے پُچائیا۔ تیرا مندر وڈّا ڈوُنگھا، حد نظر کوئے نہ آئیا۔ پیِر پَیغمبر بنیا سوُنگھا، سُنگھ سُنگھ خوشی منائیا۔ تُوں سب نوُں رکھیا چرناں ہیٹھا اوُندھا، سِر سکے نہ کوئے اُٹھائیا۔ تُوں کِسے ہتّھ نہ آئیں ڈھوُنڈا، ڈھوُنڈ تھکی سرب لوکائیا۔ نہ بولیں نہ کدے کوُندا، بھیوَ ابھید نہ کِسے جنائیا۔ نہ کوئی جانے کِتھے سؤندا، کوَن آسن ڈیرہ لائیا۔ جو تیرا بردا سو تیرا ڈھولا گاؤندا، گا گا خوشی منائیا۔ کوٹن کوٹ عیسیٰ موُسیٰ محمد دوُر دُراڈا تیری چرن دھوُڑی نہاؤندا، نیڑ بہن کوئے نہ پائیا۔ آد جُگاد جُگ جُگ کوٹن کوٹ برہمنڈ کھنڈ بناؤندا ڈھاؤندا، ڈھاہ ڈھاہ اپنی کھیل وکھائیا۔ کوٹن کوٹ جُگ چؤکڑیاں اپنے نال ہنڈاؤندا، اپنا جوبن نہ کِسے جنائیا۔ کوٹن کوٹ پیِر اوتار اپنے حُکم چلاؤندا، حُکمی گیڑا رہیا دِوائیا۔ بےاَنت بےپرواہ سو کرے جو توہے بھاؤندا، سب تیری منّن رضائیا۔ تیرے گھر دا اَنت

نہ آؤندا، بےاَنت کہہ کہہ شُکر منائیا۔ جوتی جوت سروُپ ہرِ، آپ اپنی کِرپا کر، کر کِرپا وکھاؤنا ساچا در، درویش بَیٹھے الکھ جگائیا۔ تیرا گھر اُچا لماں، نظر کِسے نہ آیا۔ آد جُگاد بیڑا بنّھا، بنّھ بنّھ اپنے کندھ رکھایا۔ جِس نے تیرا بھانا منّاں، تِس اُنگلی لا اِشارہ اِک جنایا۔ نہ وجوُد نہ کوئے تنا، وصل تیرا ہتّھ کِسے نہ آیا۔ جوتی جوت سروُپ ہرِ، آپ اپنی کِرپا کر، اِک وکھاؤنا ساچا گھر، جِس گھر تُدھ بِن نظر کوئے نہ آیا۔ گھر تیرا وڈّا وڈ، وڈّی تیری وڈیائیا۔ جِس وِچوں سانوُں دِتا کڈھ، حُکمی حُکم بھوائیا۔ کر کِرپا انتم لئے سدّ، سدّا نام سُنائیا۔ پِچھلی توڑ بیِتی حد، اگلا راہ جنائیا۔ کیتے کیتے گئے لد، تیری کہانی گئے سُنائیا ۔ کر کِرپا کرا اپنا حج، حاجت انتم پوُر وکھائیا۔ جِس دوارے بہیں سج، سیِس جگدیِش تاج ٹِکائیا۔ جوتی جوت سروُپ ہرِ، آپ اپنی کِرپا کر، اِک وکھا اپنا در، جِس در دوُجا نظر کوئے نہ آئیا۔ پروردِگار پیا ہسّ، ہسّ ہسّ آپ جنائیندا۔ اِکو وار گھر دیواں دسّ، پردہ سرب اُٹھائیندا۔ پہلوں سارے کہو ساڈی ہوئی بس، بستہ سب دا بنّھ وکھائیندا۔ لوک مات وِچوں آئے نسّ، پِچھے لیکھا نہ کوئے رکھائیندا۔ ساڈی پوُری کر آس، آسا اِکو اِک ودھائیندا۔ تیرے مِلن دی سچّی خواہش، خواہش خواہش نال پرگٹائیندا۔ بردے غُلام ہوئے داس، سیوک سیوک روُپ وٹائیندا۔ تیرا ناؤں پُرکھ ابناس، ابناسی دھار چلائیندا۔ تیرے سدّے آئے تیرے پاس، تُدھ بِن حُکم نہ کوئے منائیندا۔ نہ کوئے دیوے سچ نجات ، نِج مندر سوبھا کوئے نہ پائیندا۔ پنج تت کایا ہوئی وفات، ناتا جگت توڑ تُڑائیندا۔ اپنا لیکھا لِکھ دے بِن قلم دوات، تیرا لِکھیا نہ کوئے مِٹائیندا۔ تیری پڑھیئے اِکو جماعت، جِس دا بھیوَ الف یے نہ آئیندا۔ اپنی کھول وکھا اوہ لُغات، جِس دا اَنت کوئے نہ پائیندا۔ اسیں سارے منّیئے تیری بات، نِیوں نِیوں سجدہ سیِس جھُکائیندا۔ ساڈا پِچھلا نہ پھول کھات، کھاتہ نظر کوئے نہ آئیندا۔ مِہربان مِہربان مِہربان مِہر نظر نال جھاک، جھاکی تیری طلب رکھائیندا۔ تُوں داتا کملاپات، گہر گمبھیِر سوبھا پائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در اِکو منگ منگائیندا۔ پُرکھ ابناسی کہے میَں دسّاں گا، بھیوَ ابھید اپار۔ سب دے اندر وڑ کے وساں گا، کھولاں آپ کِواڑ۔ نِرگُن ہو کے سرگُن آکھے لگّاں گا، سرگُن نِرگُن کر پیار۔ جوتی جاتا ہو کے جگاں گا، جگمگ جوت جگے اپار۔ شاہ پاتشاہ شہنشاہ ہو کے بھجّاں گا، سیوا کراں بن بن خِدمتگار۔ پریم پریِتی نال رجّاں گا، ساچی سِکھیا کر وِچار۔ غریِب نِمانیاں وِچ بہہ بہہ سجاں گا، کل کلکی لےَ اوتار۔ نام نگارہ ہو کے وجّاں گا، دو جہاناں کراں

خبردار۔ جن بھگت سچّے لبھاں گا، لکھّ چؤراسی ویکھ ڈوُنگھی دھار۔ منُمکھاں کولوں بچاں گا، لُک لُک پِھراں وِچ سنسار۔ پِھر پیِر پَیغمبراں سب نوُں سچّی گلّ دساں گا، نِہکلنک ہو خبردار۔ بھگتاں اَگے نیِواں ہو ہو ڈھٹّھاں گا، دھوُڑی منگاں چرن چھار۔ پت گوبِند دی اَنت رکھاں گا، کلغی توڑا سیِس دستار۔ سرِشٹ سبائی ساری بھکھاں گا، جُگ چؤکڑی اپنی بُھکھ لواں اُتار۔ وِچوں وِچوں سنت سُہیلے رکھاں گا، جِنہاں کریا سچ پیار۔ کوُڑی کِریا کولوں نٹّھاں گا، دوُر دُراڈا ہوواں باہر۔ گُرمُکھاں لوُں لوُں اندر رچاں گا، ساڈھے تِنّ کروڑ کراں خبردار۔ مایا ممتا اگنی ہو ہو مچّاں گا، ترےَگُن دیواں ساڑ، بھگت دوارے نٹوُآ بن کے نچّاں گا، اپنا گھُنگٹ دیاں اُتار۔ گُر اوتار پیِر پَیغمبر اِکو نام دسّاں گا، تُوں میرا میَں تیرا تیرا میرا اِک وِہار۔ سچ پُچھو ہر ہِردے وِچ وساں گا، جگمگ جوت جگے اپار۔ ہرِ مندر اِکو رکھاں گا، نؤ کھنڈ پرِتھمی پاواں سار۔ پِھر سچکھنڈ جا کے وساں گا، آپ اپنی کِرپا دھار۔ پیِر پَیغمبراں گُر اوتاراں سدا چرناں ہیٹھا رکھاں گا، چرن پریِتی دسّاں اپر اپار۔ اگلا حال پھیر دسّاں گا، دسّدیاں کوئے نہ آوے ہار۔ جوتی جوت سروُپ ہرِ، آپ اپنی کِرپا کر، کرے کھیل آپ کرتار۔

۲۱ ماگھ ۲۰۱۹ بِکرمی منگل سِنگھ، دربارا سِنگھ دے گرِہ سوہل ضِلع امرتسر

گھر ساچا سچ وکھاواں گا۔ جِس مندر آسن لاواں گا۔ سیِس تاج اِک سُہاواں گا۔ شاہ سُلطاناں خاک مِلاواں گا۔ دو جہاناں حُکم جناواں گا۔ پِچھلی کیِتی سرب اُلٹاواں گا۔ اَگے اِکو مارگ لاواں گا۔ سوہنگ ڈھولا گاواں گا۔ سیج سُہنجنی اِک وکھاواں گا۔ آتم پرماتم پرناواں گا۔ گلوکڑی ساچی پاواں گا۔ بھگت پریم خوشیاں نال ہنڈاواں گا۔ اِکو تھاں وکھاواں گا۔ جِس گھر بہہ کے گُر اوتاراں پیِر پَیغمبراں اپنا نام پڑھاواں گا۔ کل کلکی پھیرا پاواں گا۔ اپنی ونگی اِک وکھاواں گا۔ جو بنیا سب کُچھ ڈھاہواں گا۔ اپنا بل آپ رکھاواں گا۔ کِسے در نہ منگن جاواں گا۔ جو بُھلیا مارگ پاواں گا۔ جو رُلیا گلے لگاواں گا۔ جو حُلیا میل وکھاواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گلّ ساچی اِک سُناواں گا۔ گلّ سچّی اِکو دسّاں گا۔ نِکاّ ہو کے گُرمُکھاں اندر وساں گا۔ وڈّا ہو کے شاہ پاتشاہاں سِر

خاک گھتاں گا۔ جے کوئی پُچھے اپنا بھیوَ سچّا دسّاں گا۔ بھگت دوارے اُپر چڑھ چڑھ ہسّاں گا۔ لکھّ چؤراسی جیِو جنت چرناں ہیٹھاں جھساں گا۔ کوُڑی کِریا وِچ نہ پھساں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جن بھگتاں کولوں پِچھے نہ ہٹاں گا۔ جن بھگتاں کولوں پِچھے نہ ہٹنا، سو پُرکھ نِرنجن آپ جنائیندا۔ پیِر پَیغمبر رل کے ملو وٹنا، ساچا سگن آپ جنائیندا۔ پہلوں جیِو اِکو نام اِکو رٹنا، رٹّا سب دا آپ مُکائیندا۔ اِکو گھر بہہ بہہ وسنا، کھیڑا اِک وڈیائیندا۔ امرت رس اِکو چٹّنا، وِکھ روُپ نہ کوئے وکھائیندا۔ ساڈھے تِنّ ہتّھ کھیڑا گوبِند بنیا پٹنا، اِٹّاں گارا کمّ کوئے نہ آئیندا۔ سرِشٹ سبائی پہلی چیتر سب کُچھ دسّنا، دہ دِشا حُکم منائیندا۔ نؤ کھنڈ پرِتھمی اِکو ہٹّ وِکنا، بند دروازے سرب کرائیندا۔ راج راجاناں پئے پِٹنا، دھیِرج دھیِر نہ کوئے دھرائیندا۔ سارے کہن سب نوُں اِکو اکھّر پئے سِکھنا، جو گوبِند آپ سِکھائیندا۔ پُرکھ اکال نوُں پئے لِکھنا، لیکھا لِکھ لِکھ اَگے دھرائیندا۔ سرِشٹ سبائی ہوئے مِتھنا، مِتھیا روُپ سرب جنائیندا۔ نوَ نؤ چار اپنے بھار پِسنا، کلجُگ چکّی گیڑ بھوائیندا۔ جیِو جنت داڑھاں ہیٹھ چِتھنا، جوتی جوت سروُپ ہرِ، آپ اپنی کِرپا کر، اپنی کرنی آپ کمائیندا۔ جو کرنا سو کراں گا۔ بھگت سُہیلے وراں گا۔ ڈوُنگھی کَندر وڑاں گا۔ ساچے پؤڑے چڑھاں گا۔ وِکار نال لڑاں گا۔ پریم اگنی سڑاں گا۔ جیِودیاں ہی مراں گا۔ بِن تاریاں ترنی ترہگا۔ جن بھگتاں اپنے جِہا کراں گا۔ کِسے کولوں موُل نہ ڈراں گا۔ سچکھنڈ بہہ کے لڑاں گا۔ نام سدّا سچّا گھلاں گا۔ جوت شبد شبد جوت روُپ رلاں گا۔ ہِلایاں کِسے کولوں نہ حلّانگا۔ اپنی کرنیؤں کدی نہ ٹلاں گا۔ کر اپنی کرنی اپنا آسن ملّاں گا۔ پِھر نام سندیسہ گھلاں گا۔ جوتی جوت سروُپ ہرِ، آپ اپنی کِرپا کر، اپنا سِنگھاسن آپے ملّاں گا۔ سِنگھاسن ملّ بناں ملنگ، بھیوَ ابھید نہ کوئے جنائیندا۔ ویکھاں اپنا آپے رنگ، روُپ رنگ نہ کِسے جنائیندا۔ جو اُپجیا سو ہوئے بھنگ، بھنگڑا کال روُپ وکھائیندا۔ جن بھگت بِن ملِے نہ کِسے انند، انند نظر کِسے نہ آئیندا۔ پربھ گایا اپنا چھند، سوہنگ ڈھولا اِک الائیندا۔ اپنا چھڈ کے بند بند، سو روُپ آپ سمائیندا۔ ہنگ پھیر چڑھائے چند، بھگت بھگوَنت جگائیندا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، نِہکلنک نرائن نر، جگت پکھنڈ میٹ مِٹائیندا۔

۲۱ ماگھ ۲۰۱۹ بِکرمی دلیِپ سِنگھ دے گرِہ گگو بوُآ ضِلع امرتسر

صاحِب تیرا سچ مکانا، پُرکھ سُلطان اِکو نظری آئیا۔ سَت سَتوادی جھُلے نِشانہ، شاہ پاتشاہ سیِس جھُکائیا۔ تخت نِواسی وڈ مِہربانا، اِکو نظری آئیا۔ بھوُپت بھوُپ راج راجانا، وڈ سِکدارا آسن لائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا جنائیا۔ تیرا کھیل اگمّ اتھاہ، بھیوَ کوئے نہ آئیندا۔ جُگ چؤکڑی آئے ہنڈھا، سَتجُگ تریتا دواپر کلجُگ تیرا نام دِرڑائیندا۔ نوَ نؤ پندھ دِتا مُکا، پاندھی نظر کوئے نہ آئیندا۔ انتم ڈھیَہہ پئے سرنا، سرنگت اِک رکھائیندا۔ پیِر پَیغمبر منگن پناہ، عیسیٰ موُسیٰ محمد سیِس جھُکائیندا۔ تُدھ بِن کوئی نہ ملِے تھاں، درگاہ ساچی نہ کوئے وکھائیندا۔ نبی رسوُلاں پکڑی بانہہ، پلّوُ اپنی گنڈھ پوائیندا۔ جوتی جوت سروُپ ہرِ، آپ اپنی کِرپا کر، در تیرے دھیان لگائیندا۔ تیرے در لگّا دھیان، دوُجی اوٹ نہ کوئے تکائیا۔ مِہربان تُوں محبان، بیِدو تیرا نوُر رُشنائیا۔ پڑھ پڑھ آئے تیری کلام، کلمہ کائنات سُنائیا۔ تُوں صاحِب سچّا اِمام، مقامے حق ڈیرہ لائیا۔ تیرا اوُچو اوُچ نِشان، نِشانہ اِکو اِک درسائیا۔ تیرے اُتے ساڈا اِیمان، اَمانت تیری جھولی پائیا۔ تیرے حُکمے اندر صِفت کرے قُرآن، کایا کُرہ دئے دُہائیا۔ جوتی جوت سروُپ ہرِ، آپ اپنی کِرپا کر، در بَیٹھے سیِس جھُکائیا۔ در بَیٹھے درویش، دردی درد جنائیا۔ بھرمے بُھلے مُلّا شیخ، مسائق اپنا آپ گوائیا۔ تیرے نال کرے نہ کوئی ہیت، پریم بندھن نہ کوئے پائیا۔ چؤداں صدیاں لِکھیا لیکھ، کاتب اپنی قلم چلائیا۔ چؤداں طبق کھیڈی کھیڈ، پنج تت کایا دے وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے اوٹ تکائیا۔ پروردِگار نؤجوان، نئیا اِکو اِک جنائیندا۔ شاہو بھوُپ راج راجان، سچ سندیسہ اِک الائیندا۔ اُٹھو ویکھو مار دھیان، نیتر نَین اکھّ کُھلائیندا۔ ساچے تخت بَیٹھا اِک بھگوان، دو جہاناں حُکم منائیندا۔ سو پُرکھ نِرنجن مِہربان، ہرِ پُرکھ نِرنجن کار کمائیندا۔ ایکنکار چلاونہار وِدھان، آد نِرنجن جوتی نوُر ڈگمگائیندا۔ ابناسی کرتا دیونہارا دان، وست امولک نام ورتائیندا۔ سِری بھگوان کھیل کرے مہان، مہما اکتھ کتھ جنائیندا۔ پاربرہم جھُلائے نِشان، سچ ہُلارا اِک وکھائیندا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیندا۔ پیِر پَیغمبر کھولو تاک، تاکی سب دی رہیا کُھلائیا۔ پہلوں دیندا رہیا بھوِکھت واک، کلجُگ انتم پوُر کرائیا۔ اُمت اُمتی ویکھے ساک، پُریاں لوآں پردہ لاہیِا۔ انتم اِک جنائے گھاٹ، پتن بَیٹھا سچّا ماہیِا۔ انتم مکُے

پندھ واٹ، پیَنڈا نظر کوئے نہ آئیا۔ نظری آئے اِکو ذات، ظاہر ظہوُر کرے رُشنائیا ۔ جوتی جوت سروُپ ہرِ، آپ اپنی کِرپا کر، ساچا حُکم رہیا سُنائیا۔ ساچا حُکم سُن بھگوان، نیتر نَین نیِر وہائیا۔ جِس دی صِفت کرے قُرآن، مکّہ کعبہ دئے دُہائیا۔ سو صاحِب پرگٹ ہویا آن، بےپہچان پھیرا پائیا۔ چؤداں طبق پائے آن، چؤداں وِدیا مان گوائیا۔ عیسیٰ موُسیٰ محمد لئے اُٹھال، باہوں پکڑ رہیا جگائیا۔ لیکھا جانے حق حلال، حقیِقت کھوجے تھاؤں تھائنیا۔ جوتی جوت سروُپ ہرِ، آپ اپنی کِرپا کر، ساچا حُکم اِک دِرڑائیا۔ پیِر پَیغمبر سچ سندیسہ، سچ سچ سُنائیندا۔ پرگٹ ہویا اِک نریشا، نر نرائن ویس وٹائیندا۔ کوٹن کوٹ سیِس نِوائن برہما وِشن مہیشا، کوٹن کوٹ گُر اوتار الکھ جگائیندا۔ آد جُگاد رہے ہمیشہ، جنم مرن نہ کھیل کرائیندا۔ گھڑن بھنّنہار اپنا جانے اِکو پیشہ، دوُجا سنگ نہ کوئے رلائیندا۔ وسنہارا سچکھنڈ ساچے دیسا، تِھر گھر اپنا رنگ رنگائیندا۔ کلجُگ انتم پیِر پَیغمبر گُر اوتار بنے نیِتا، ناؤں اپنا اِک سمجھائیندا۔ چار جُگ دا پِچھلا کرو چیتا، سَتجُگ تریتا دواپر کلجُگ پردہ آپ اُٹھائیندا۔ پاربرہم پت پرمیشور سچکھنڈ دوارے جا کِسے نہ ویکھا، اِکو نانک نظری آئیندا۔ اَدھ وِچکار زِمیں اسمان کھیڈدے رہے کھیڈاں، جگت کھلاری آپ کھلائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا پردہ آپ اُٹھائیندا۔ آپ اُٹھائے پردہ اوہلا، پیِر پَیغمبر آپ جگائیا۔ گُر اوتار ہرِ کا روُپ نہ جانے کلا سولہ، انک کل وڈیائیا۔ جُگ چؤکڑی بدلنہارا چولا، نِرگُن سرگُن پھیرا پائیا۔ سچ دوارے بنیا رہے تولا، اتول اتُل اپنی دھار چلائیا۔ دیونہارا نام انمولا، انڈِٹھڑی وست ورتائیا۔ سچکھنڈ دوارا جِس نے کھولا، خالق خلق وِچ سمائیا۔ گُر اوتاراں چُکے ڈولا، بن کہار سیو کمائیا۔ شبد اگمّی اِکو بولا، سَت سَت کرے پڑھائیا۔ گُروُ گُر سَتگُر بن وچولا، سرگُن نِرگُن میل مِلائیا۔ پوُرا کرے اپنا قؤلا، کیِتا قؤل بُھل نہ جائیا۔ آپے بنے ساچا مؤلا، مول رہیا سب تھائنیا۔ لیکھا جانے دھرنی دھرت دھؤلا، آکاش پرکاش کرے رُشنائیا۔ اپنا ناؤں رکھائے االلہ، اولّا مِہربان بےپرواہیِا۔ اپنا پھڑے آپے پلّا، پلّوُ اپنے نال رکھائیا۔ وسنہارا نِہچل دھام اٹلا، سچکھنڈ ساچے سوبھا پائیا۔ آد جُگادی اچھل اچھلّا، ول چھل اپنی کار کمائیا۔ جوتی شبدی آپے رلا، نِرگُن داتا نوُر رُشنائیا۔ سچ سندیسہ جُگ جُگ گھلا، شاستر سِمرت وید پُران اِنجیِل قُرآن کرے پڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، پیِر پَیغمبراں اِکو گھر وکھائیا۔ ویکھو گھر اُچا ٹِلّا، سچ سِنگھاسن آپ

جنائیندا۔ آد جُگاد کدے نہ ہِلّا، روُپ رنگ نہ کوئے رکھائیندا۔ نہ کوئی پتّھر نہ کوئی سِلا، اِٹّ گارا نہ ونڈ ونڈائیندا۔ نہ کوئی رنگ سوُہا نیِلا لال پیِلا، چِٹی دھار نہ کوئے جنائیندا۔ نہ کوئی رکھے گُر اوتار بھگت بھگوَنت قبیِلہ، وسیِلہ ہور نہ کوئے جنائیندا ۔ شاہو بھوُپ شہنشاہ وڈ چَھیل چھبیِلا، اپنا بل آپ پرگٹائیندا۔ جوتی جوت سروُپ ہرِ، آپ اپنی کِرپا کر، ساچا گھر اِک کُھلائیندا۔ ساچا گھر کھول آپ، اپنی بوُجھ بُجھائیا۔ جِس دا کردے رہے جاپ، سو صاحِب نظری آئیا۔ جِس نوُں سارے کہندے رہے باپ، پُرکھ اکال وڈّی وڈیائیا۔ جِس دے کولوں لیَندے رہے دات، خالی جھولی رہیا بھرائیا۔ جِس نے نام دِتی سچ سوغات، جُگ جُگ ڈھولا راگ الائیا۔ جوتی جوت سروُپ ہرِ، آپ اپنی کِرپا کر، ساچا مندر اِک درسائیا۔ ساچے مندر کرو درس، سِری بھگوان آپ جنائیندا۔ گُر اوتار پیِر پَیغمبر مِٹے حرص، ہوَس ہور نہ کوئے ودھائیندا۔ ناتا تُٹے عرش فرش، گھر اِکو نظری آئیندا۔ پوُرب لاہے سب دا قرض، مقروُض اپنی سیو کمائیندا۔ شہنشاہ پوُرا کرے فرض، فرمانبردار سیو کمائیندا۔ جُگ چؤکڑی جو کردا رہیا حرج، اَنت حرجانہ آپ بھرائیندا۔ سدا سدا جو دیندا اپنا راگ ناد نام طرز، صدا بانگ جو سِکھائیندا۔ سو صاحِب کھیل کرے اسچرج، اچرج اپنا راہ چلائیندا۔ لوک مات وِچوں گُر اوتار پیِر پَیغمبر لیاندے ورج، آپ اپنا حُکم منائیندا۔ اِکو مارے انتم گرج، بھبک اپنے نام سُنائیندا۔ جوتی جوت سروُپ ہرِ، آپ اپنی کِرپا کر، سچ مکان اِک وکھائیندا۔ سچ مکان بےمقام، اپنا آپ بنائیا۔ بے نظیِر بَیٹھا اِک اِمام، نوُرو نوُر نوُر رُشنائیا۔ سارے سجدہ کرو اِک سلام، ساکھیات رہیا سمجھائیا۔ نغمہ نظم پڑھو اِک کلام، کریِم قادر رہیا جنائیا۔ جوتی جوت سروُپ ہرِ، آپ اپنی کِرپا کر، ساچا کھیل اِک وکھائیا۔ ساچا کھیل کر اِکٹّھے، اِکو وار جنائیندا ۔ پیِر پَیغمبر آئے نٹّھے، گُر اوتار میل مِلائیندا۔ اِک دوُجے نوُں کوئی نہ دسےّ، ہرِ جوُ کی کی کھیل کرائیندا۔ پرگٹ ہو پُرکھ سمرتھے، سمرتھ اپنی دھار بندھائیندا۔ سَتجُگ تریتا دواپر کلجُگ جِس دے نام دے گاؤندے رہے قِصّے، کتھا کہانی راہ جنائیندا۔ جِس دے حُکم اندر دیِن مذہب ونڈ کے آئے حِصّے، حِصّہ اِکو اِک سمجھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا حُکم اِک سمجھائیندا۔ ساچا حُکم لیَنا سِکھ، سو پُرکھ نِرنجن آپ سِکھائیا۔ صاحِب سَتگُر اِکو آئے دِس، دوُجا کوئے رہن نہ پائیا۔ کلجُگ انتم لگّے پِٹھ، مُنہ دے بھار سُٹائیا۔ پھیر سکے نہ کوئی اُٹھ، نیتر نَین نَین شرمائیا۔ بِن نانک کوئی نہ ویکھے چڑھ کے چوٹ، سچ

در سوبھا کوئے نہ پائیا۔ پیِر پَیغمبر آلنیوں ڈِگے بوٹ، بِن پروردِگار سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، انتم اپنا در درسائیا۔ آؤ ویکھو کُھلا در، دروازہ آپ جنائیندا۔ جِس گھر ملِے ساچا ور، گرِہ مندر ویس وٹائیندا۔ نِربھؤ چُکائے پِچھلا ڈر، اگلا راہ وکھائیندا۔ اِک دوُجے دا پلّوُ لؤ پھڑ، وِچھڑیاں میل مِلائیندا۔ اِکو ڈھولا لیَنا پڑھ، پیِر پَیغمبراں گُر اوتاراں آپ سُنائیندا۔ پُرکھ اکال اپنی کرنی رہیا کر، کرتا اپنی کار کمائیندا۔ سِر تے بھانا لیَنا جر، نہ کوئی میٹے میٹ مِٹائیندا۔ سچ محلے ویکھنا چڑھ، اِکو نظری آئیندا۔ نہ کوئی سیِس نہ کوئی دھڑ، روُپ رنگ ریکھ نہ کوئے جنائیندا۔ نہ جنمے نہ جائے مر، جوُن اجوُن نہ کوئے بھوائیندا۔ جوتی جوت سروُپ ہرِ، آپ اپنی کِرپا کر، گُر اوتاراں اپنا گھر وکھائیندا۔ ویکھو گھر اُتے چڑھ، سو پُرکھ نِرنجن رہیا جنائیا۔ عیسیٰ موُسیٰ محمد گئے ڈر، نَین سکے نہ کوئے اُٹھائیا۔ موُسیٰ کہے میَں تیرا جلوہ ویکھ ڈِگا دڑ، سُدھ رہے نہ رائیا۔ عیسیٰ کہے میَں دوُر ویکھاں کھڑ، چرن دھیان لگائیا۔ محمد کہے میَں اَدھ وِچکار بَیٹھا اڑ، میرا پندھ نہ کوئے مُکائیا۔ تیئی اوتار کہن اسیں گئے ہر، ہار جِتّ تیرے ہتّھ وکھائیا۔ نِرگُن نانک کہے جِؤں بھاویں تِؤں لَینی کر، میَں چلاں تیری رضائیا۔ گوبِند کہے میَں تیرا سُت نرائن نر، پوُت سپوُتا اِک اکھوائیا۔ میَں تیری چھاتی اُتے جانا چڑھ، اُتے بہہ بہہ خوشی منائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے آئے گوسائنیا۔ پُرکھ اکال کر پیار، اِکو اِک جنائیندا۔ گوبِند میرا سُت دُلار، دوُلھا نظری آئیندا۔ جِس دا لوک مات کر نہ سکیا کوئی ستکار، بھیوَ کوئے نہ پائیندا ۔ اپنا ناتا توڑ سنسار، مات پِت پوُت بھیٹ چڑھائیندا۔ اِکو منّیا پُرکھ اکال، دوُجی اوٹ نہ کوئے تکائیندا۔ جوتی جوت سروُپ ہرِ، آپ اپنی کِرپا کر، اپنا بھیوَ آپ کُھلائیندا۔ اُٹھ گوبِند نِکے کاکے، پُرکھ اکال جنائیا۔ تیری سوہنی لگّے باتے، جو نّنھی نّنھی گائیا ۔ میرا تیرا اِکو ساتھے، اِکو گھر وجےّ ودھائیا۔ ویکھ چرنی ڈِگے کوٹن تریَلوکی ناتھے، مستک دھوُڑی ٹِکاّ لائیا۔ عیسیٰ موُسیٰ محمد کوئی نہ وڑے میرے حاطے، دوُر دُراڈے سیِس جھُکائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سمجھائیا۔ گوبِند ننھا نِکاّ بچّہ، سِری بھگوان آکھ جنائیندا۔ شبدی ہو کے ہُن نہیں رہیا کچّا، پنج تت کایا کچ نظر نہ آئیندا۔ گُجری بنے نہ مات یچّا، اِکو تیری گود سُہائیندا۔ پُرکھ اکال تیرے وِچ رچا، دوُجی ذات نہ کوئے بنائیندا۔ تیرے حُکمے اندر نچّا، لوک مات پھیرا پائیندا۔ کلجُگ انتم دے پیار اِکٹّھا، سِر تیرے اَگے ڈاہِندا۔ جوتی جوت سروُپ

ہرِ، آپ اپنی کِرپا کر، ایکا دینا ساچا ور، در تیرے آس رکھائیندا۔ پُرکھ اکال وڈ مِہربان، مِہر نظر اُٹھائیا۔ آ سُت سُت انجان، بالے گود سُہائیا۔ سچکھنڈ دیواں ساچا مان، مان مان وڈیائیا ۔ اٹّھے پہر درس مہان، گھڑی پل ونڈ نہ کوئے جنائیا۔ تیرا میرا میلا وِچ جہان، لوک مات کراں کُڑمائیا۔ جوتی جوت سروُپ ہرِ، آپ اپنی کِرپا کر، ساچا حُکم آپ سُنائیا۔ ساچا حُکم سُنیا گوبِند، ہرِ ہرِ آکھ جنائیا۔ کر درس مِٹی میری چِند، چِنتا مَینوُں رہی ستائیا۔ جِناں چِر نہ بدلیں وِشن برہما شِو اِند، عادت پِچھلی آپ بدلائیا۔ تَینوُں میَں نہیں کہنا گہر گمبھیِر گُنی گہند، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، در تیرے منگ منگائیا۔ در تیرے منگاں اِکو منگ، اِک دھیان لگایا۔ تُوں داتا سوُرا سربنگ، بےاَنت بےپرواہیِا۔ اپنا نام دے مردنگ، دو جہاناں ناد سُنایا۔ اپنی سیجا دے پلنگ، جِس اُپر آسن لایا۔ اپنا نام اپنا کام اپنا گرام اپنا نِشان اپنا وکھا اِک انند، انند انند وِچ جنایا۔ جوتی جوت سروُپ ہرِ، آپ اپنی کِرپا کر، اپنا کھیل رہیا وکھایا۔ آ گوبِند لگّ چھاتی، شہنشاہ جنائیا۔ تیرا لہنا دیواں باقی، پوُرب جھولی پائیا۔ نِرگُن ہو کے نِرگُن سُنائے باتی، اپنا حُکم سمجھائیا۔ تیری انتم پُچھے واتی، سِر رکھے ہتّھ ماہیِا۔ جوتی جوت سروُپ ہرِ، آپ اپنی کِرپا کر، سچ سندیسہ رہیا سُنائیا۔ آ چڑھ ساچے سیِنے، سیِنہ ہرِ جوُ آپ وکھائیندا۔ تَینوُں رنگ وکھائے بھینے، بِھنڑی رَین نال مِلائیندا۔ تیرے چرناں ہیٹھ لوک پرلوک کینے، اُپر تیرا آسن لائیندا۔ پیِر پَیغمبر ہون ادھینےِ، ادنیٰ روُپ سرب جنائیندا۔ لہنا چُکے مکّے مدینے، کعبہ ہور نہ کوئے بنائیندا۔ تیرے گھوڑے پاوے زیِنے، نیِلا نیِلی دھاروں پار وکھائیندا۔ کرے کھیل چیت مہینےِ، مہما اپنی آپ سمجھائیندا۔ پِچھلی کرنی سب توں چھینے، چھیِننہارا ویس وٹائیندا۔ کِسے دے چلنے نہ کوئی حِیلے، حُکم اپنا ہرِ منائیندا۔ جوتی جوت سروُپ ہرِ، آپ اپنی کِرپا کر، گوبِند سیِنے اُتے بہائیندا۔ سیِنے چڑھ پےَ گئی ٹھنڈ، سانتک سَت جنایا۔ کر کِرپا مِہربان بخشند، تیری اوٹ تکایا۔ پہلوں کیِتا گُجری چند، ہُن اپنا لال بنایا۔ اِکو نام دے کمند، دو جہاناں دیاں ہلایا۔ لکھّ چؤراسی تیرا گائے چھند، میرا ڈھولا نہ کوئے وڈیایا۔ کوُڑی کِریا بھنّاں دند، بتّی دند نہ کوئے جنایا۔ تَینوُں وینہدیاں جُگ چؤکڑی گئے لنگھ، تَینوُں ترس اجے نہ آیا۔ در تیرے منگی منگ، ماچھوُواڑا سیج ہنڈایا۔ تُوں کھولی اجےّ نہ گنڈھ، کِیوں سوُم بن کے اپنا وقت لنگھایا ۔ میَں بچّے دِتے ہیٹھا کندھ، تلوار نال تیری بھیٹ چڑھایا۔ پِھر ویکھیا تیرا رنگ، رنگ اِکو نظری آیا۔ میَں سُتا تیری سیج

پلنگ، گلوکڑی سچّی پایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیرے اَگے سیِس جھُکایا۔ تیرے اَگے جھُکیا سیِس، پُرکھ اکال بےپرواہیِا۔ تیرا پیِسن لیا پیِس، بن سیوک سیو کمایا۔ تیری ساچی سِکھیا لئی سیخ، تُدھ بِن اوٹ نہ کوئے تکایا۔ خالی جھولی پا دے بھیِکھ، بچّہ در تے منگن آیا۔ میری کوئی نہ کرے ریِس، تیری سِر تے چھتر چھایا۔ میَں دسّ کے آیا انتم لیکھا چُکاؤنا بیِس اِکیِس، سچ سندیسہ اِک الایا۔ ہُن نہ بدل میری تاریخ، طریقہ تیرے ہتّھ رکھایا۔ نِت نوِت تیری اُڈیِک، نیتر نَین دھیان لگایا۔ میری آسا پوُری کردے ٹھیِک، ٹھوکر ہور نہ کوئے جنایا۔ تیرا پیالہ پیِتا لا کے جھیک، دوُجے ہتّھ نہ کِسے پھڑایا۔ تیرے نال لگّی پریِت، نہ کوئی توڑے توڑ تُڑایا۔ جے کوئی پِچھے وِتھ رہ گئی جھیِت، ہُن اپنی ہتھّیں بند دے کرایا۔ جے نہ منّیں بچّے دی پوُری کریں نہ ریِجھ، تَینوُں پِیو نہ کِسے بنایا۔ تُوں سچکھنڈ بَیٹھا رِہوں اندر دہلیز، لوک مات لُک لُک وقت لنگھایا۔ تیرا بنیا نہ کوئے شریِک شِرکت سب دے وِچ بھرایا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھایا۔ در تیرے آس رکھی نِکی، وڈّی منگ نہ کوئے منگائیا۔ چار ورن بناؤنی اِکو سِکھّی، کھتری براہمن شوُدر وَیش رہن کوئے نہ پائیا۔ سب دے اُتے چادر دینی نام چِٹی، تیغ بہادر گیا سمجھائیا۔ اپنے نام دی دے دے چِٹھی، لوک مات جاواں چائیں چائنیا۔ تیری سیوا پِچھے بتھیری کیِتی، کی تُوں سیوا دا بُھکھا تیری بُھکھ نہ کوئے مِٹائیا۔ دُکھ دینا تیری بنی ریِتی، سُکھ تیرا ہتّھ کِسے نہ آئیا۔ کِسے واڑ چھڈیا وِچ مسیِتی، کِسے مندراں وِچ بہائیا۔ کِسے بنایا جگت شریِکی، کِسے مذہباں نال ٹکرائیا۔ وِچ رکھی نِکی جِہی گیِٹی، جِس نوُں پار نہ کوئے کرائیا۔ پِچھلی جے سُناواں کہانی بیِتی، تَیتھوں دُکھ جھلیا نہ جائیا۔ تیرے پِچھے ارجن چڑھیا وِچ انگیِٹھی، اپنا آپ جلائیا۔ تُوں ساریِاں گلّاں کیِتیاں انڈیِٹھی، انڈِٹھی اپنی کار کمائیا۔ میَں تیرے کولوں سِکھیا سِکھی، جو گودی وِچ بہا دِتا سمجھائیا۔ بِن پُرکھ اکال سرِشٹ سبائی پِھکی، ساچا رس نہ کوئے جنائیا۔ بِن گوبِند کوئی نہ پائے اِکی، دوُئیوں ایکا روُپ بنائیا۔ پیِر پَیغمبر گُر اوتار تیرے بن دے رہے ہِتی، تُوں اپنا بھیوَ نہ کِسے جنائیا۔ تیری کہانی وید پُران سب نے لِکھی، اَنت نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، اِکو دے دے ساچا ور، تُدھ بِن خَیر کوئے نہ پائیا۔ پا دے خَیر خَیرخواہ، خواہ مخواہ کِیوں مُکھ بھوایا۔ ہُن نہیں لگّن دینا تیرا داء، پِچھلا چیتا موہے آیا۔ ہُن نہیں کھانا تیرا وساہ، اچھل اچھلّ تیری وڈیایا۔ جِناں چِر بنیں نہ نال ملاح،

تیرا پلّا سکے نہ کوئے چھڈایا۔ اپنی دے دے سچ صلاح، صُلح کُل تیری سرنایا ۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے منگن آیا۔ منگن آیا منگتا، دے پربھوُ ججمان۔ ایہہ منگتا نہ بُھکھا نہ ننگتا، تیرا پُت جوان۔ تیرے در دروازے آپے لنگھدا، کُنڈا کھول سچکھنڈ مکان۔ نیڑے آ کے موُل نہ سنگدا، اُچھلے کُدے ہو کے نؤجوان۔ تیرا پریم اپنے رنگ رنگدا، تُوں ہو مِہربان۔ تیرا ویلا جائے لنگھدا، دروہی پِھری دو جہان۔ ہُن ویلا ویکھ پاؤن ٹھنڈ دا، اگّ لگّی زِمیں اسمان۔ کِیوں نہیں ٹُٹی سب دی گنڈھدا، رام رحیِم تُوں رحمان۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تیرا جھُلے سچ نِشان۔ منگن آیا نہ بنے غریِب، حق اپنا منگ منگائیا۔ پِتا پُت نوُں کر وصیّت، حق اپنا ہتّھ پھڑائیا۔ میَں تیری منّاں سچ نصیِحت، ابُھل بُھل کدے نہ جائیا۔ تیرا میرا ناتا اِک اصلیّت، اصل تیرا ناؤں نظری آئیا۔ ہُن چھڈ دے پِچھلی خُصلیّت، گُر اوتار پیِر پَیغمبر جو پِچھے رِہوں ٹکرائیا۔ بِن گوبِند تیری اَگے چلے نہ کوئے ولدیئت، تیرا ناؤں نہ کوئے سُنائیا۔ بے شک تیری سچکھنڈ وِچ حَیثیت، لوک مات تیرا گُن کوئے نہ گائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے منگن آئیا۔ میرا دے دے آپے حق، عدل عادل اِک اکھوایا۔ جے کوئی پِچھلا پیا شک، مَینوُں مُنہ تے دے سمجھایا۔ تُدھ بِن مَینوُں کوئی نہ سکے ڈکّ، دو جہان چرناں ہیٹھاں دیاں دبایا۔ اؤہ ویکھ پیِر پَیغمبر دوُر دُراڈے تیرا چرن سروور رہے لک، بوُند بوُند مُکھ چوایا۔ چار کُنٹ دہ دِشا دو جہان برہمنڈ کھنڈ تیرا راہ رہے تکّ، تقویٰ تیرے اُتے رکھایا۔ اسیں وی تیرے کولوں گئے اکّ، تُوں اپنا بھیوَ نہ کِسے جنایا۔ پِچھے منگتے بن بن منگدے گئے تھک، سانوُں منگنا اجےّ نہ آیا۔ ہُن وی میَں اِرادہ کیِتا پکّ، پکّی اِکو اِک پکایا۔ جِناں چِر نہ کھولیں اپنا ہٹّ، اوہناں چِر میری ضِد نہ سکے کوئے چُھڈایا۔ جاں اَگوں کہہ میَں نہیں پُرکھ سمرتھ، مَینوُں خالی ہتّھ دے وکھایا۔ جاں سچکھنڈ دوار دے چھڈ، کِیوں بَیٹھا آسن لایا۔ نہیں تے ساڈے نالوں ہو جا اڈّ، اپنا ناتا لےَ تُڑایا۔ پھیر تیرا پُت نِشانہ دیوے گڈّ، نہ کوئی سکے آد اَنت ہِلایا۔ بہُڑی تیرے اِنصاف دی ہو گئی حد، تَینوُں رحم ذرا نہ آیا۔ اسیں تیرے کولوں سِکھیا چجّ، تُوں چنگی طرح سمجھایا۔ لوک مات دھرتی اُتے وکھاؤندے رہے تیرا حج، اِٹّاں پتّھراں متھے ٹِکایا۔ قلم شاہی کاغذاں اُتے لاؤندا رِہوں اجّ پجّ، اپنی صِفت کر صالاہیِا۔ ہُن تیری چھاتی اُتے چڑھیا بھجّ، گوبِند اپنا بل رکھایا۔ نہیں تے میرا پردہ کجّ، جوتی جوت سروُپ ہرِ، آپ اپنی کِرپا کر، ایکا

دے دے ساچا ور، بن دردی درد ونڈایا۔ چھاتی اُتے چڑھ کے لال، ہرِ لالن رہیا جنائیا۔ صاحِب تیرا نوُر بے مثال، نوُرو نوُر نوُر رُشنائیا۔ تیرا سچ سچ جمال، بےاَنت تیری شہنشاہیِا۔ سدا سدا سد چلیں نال، وِچھڑ کدے نہ جائیا۔ پہلوں ناتا جُڑیا مہاکال، چنڈ پرچنڈ مات چمکائیا۔ ہُن صاحِب ہو دَیال، تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، دوُجے در نہ منگن جائیا۔ دوُجا در نہ دِسے کو، نظر کوئے نہ آئیندا۔ گوبِند تیرے جوگا گیا ہو، ہوکا حق سُنانونا۔ میَں کر کے ضِد تیرے کولوں اپنی وست لَینی کھوہ، کُھلم کُھلا حال جناؤنا۔ میَں بال بن کے پَینا رو، تُوں پِتا ترلے کڈھ پھیر مناونا۔ تُوں سُن لےَ میری سو، صحبت اپنی اِک سمجھاونا۔ میَں دوُر دُراڈے ہو، اَگے نٹھ نٹھ پھیر وکھاونا۔ جے بھجّ کے لویں چھوہ، میَں ہسّ کے مُکھ مُسکراونا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ تیرا رنگ سُہاونا۔ جے نہ دیویں اپنے آپ، اپنی ضِد رکھائیا۔ میَں سرِشٹ سبائی کہنا کوئی نہ کرِیو ایہدا پاٹھ، جیِو جنت دیاں بُھلائیا۔ میَں چؤداں لوک بند کراواں ہاٹ، چؤداں طبق نہ تیری شنوائیا۔ تیری نظر نہ آئے ذات، سچکھنڈ بَیٹھا روویں ماریں دھاہیِا۔ پھیر آپے کریں میری تلاش، لوآں پُریاں کھوج کھوجائیا۔ بِن پُتراں پِتا ہوئے اُداس، سانتک سَت نہ کوئے کرائیا۔ صاحِب تیری شبد ساچی راس، شبد گوبِند ناؤں جنائیا۔ جِناں چِر تیرے نہ وسے پاس، تیرے گیِت کوئے نہ گائیا۔ مُڈھ کمّ نہ آوے بِناں شاخ، پتّ ڈالی پُھل نہ کوئے لگائیا۔ پھیر جے میرے ول لَویں جھاک، میَں پِچھا لواں بدلائیا۔ جِناں چِر نہ کہیں گوبِند میرا ساک، ناتا جُڑیا اِکو تھائنیا۔ پِچھے پھیر نہ پُچھیں وات، مگر نٹّھیں نہ واہو داہیِا۔ اوہناں چِر نہ آواں تیرے پاس، رُس رُس اپنا وقت لنگھائیا۔ پھیر صاحِب تُوں مَینوُں کہنا پُت میرا بدماش، بِن میرے حُکموں لوآں پُریاں برہمنڈاں کھنڈاں رہیا ڈھاہیِا۔ جوتی جوت سروُپ ہرِ، آپ اپنی کِرپا کر، آپے دے دے اپنا ور، نِمنی ٹھِمنی رہن کوئے نہ پائیا۔ نِمنی ٹھِمنی نہ کوئی ڈر، بھےَ اوَر نہ کوئے جنائیندا۔ میَں جمیا تیرے گھر، حق اِکو نظری آئیندا۔ جِس ویلے چاہواں لواں پھڑ، تُوں میرا پِتا اکھوائیندا۔ کیوں، نہ جمیں نہ جائیں مر، نال میرا جنم مرن کٹائیندا۔ کِیوں سُتا مار کے دڑ، ندھڑک آپ اُٹھائیندا۔ میَں ہُن اَگے جانا اڑ، اڑِکا اِکو اِک وکھائیندا۔ کِیوں سب توں پہلوں شبد دا گھاڑن لیا گھڑ، گھڑ کے تِھر گھر آپ بہائیندا۔ پِھر دِتا سچّا ور، وِشن برہما شِو اُپجائیندا۔ پھیر وسایا میرا گھر، کوٹن کوٹ برہمنڈ کھنڈ تیری رچن وکھائیندا۔ گُر اوتار پیِر پَیغمبر

لوک مات گھل، بودھ اگادھ گیان دِرڑائیندا۔ تُوں بَیٹھا رِہوں نِہچل دھام اٹل، اپنا مُکھ چُھپائیندا۔ میَں سَتجُگ تریتا دواپر کلجُگ واہیا ہلّ، نِرگُن سرگُن سرگُن نِرگُن روُپ وٹائیندا۔ کلجُگ انتم پنج تت گوبِند نام رکھ کے انتم تیرے وِچ گیا رل، اپنی ذات نہ کوئے وکھائیندا۔ کی ہُن وی نہیں دیندا پھل، تیرے گھر گھاٹا نظر کوئے نہ آئیندا۔ پُرکھ اکال کہے اُٹھ میرے نال چل، ساچا راہ اِک وکھائیندا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، اگلی دسےّ پھیر گلّ، گُصّہ گِلا نہ کوئے رکھائیندا۔

۲۲ ماگھ ۲۰۱۹ بِکرمی گُربخش سِنگھ دے گرِہ گّگو بوُآ ضِلع امرتسر

بچّے نال سوہے باپ، پِتا پوُت وڈیائیا۔ بچّے دیوے اپنا جاپ، سچکھنڈ نِواسی دَیا کمائیا۔ سُت شبد ویکھ اپنا آپ، نِرگُن نِرگُن رہیا جنائیا۔ آپے منتر آپے پاٹھ، اِشٹ دیوَ آپ دھرائیا۔ آپے سجّن آپے ساک، اپنا سنگ آپ رکھائیا۔ آپے تیِرتھ آپے تاٹ، تٹ کنارہ آپ سُہائیا۔ آپے لوک پرلوک کھولے ہاٹ، وسنہار آپ ہو جائیا۔ آپے بودھ اگادھ جنائے گاتھ، نِش اکھّر کرے آپ پڑھائیا۔ آپ چلاونہارا ساچا راتھ، بن رتھواہی سیو کمائیا۔ آپے ہوئے پُرکھ سمراتھ، سمرتھ اپنا ناؤں جنائیا۔ آپے سُت دُلارا کر پرگٹ، شبدی شبد دئے وڈیائیا۔ آپے کھولنہارا تِھر گھر سچّا ہٹّ، چھپر چھنّ نہ کوئے چُھہائیا۔ جوتی جوت سروُپ ہرِ، آپ اپنی کِرپا کر، پِتا پوُت ویس وٹائیا۔ آپے پِتا آپے ماتا، پاربرہم وڈّی وڈیائیا۔ آپے کھیلے کھیل تماشا، کھیلنہارا اِک رگھُرائیا۔ آپے دیوے ساچی داتا، داتا دانی دَیا کمائیا۔ آپے جننی جن جنے کاکا، بال بالا گود اُٹھائیا۔ آپ بندھائے اپنا ناتا، ناتا بِدھاتا جوڑ جُڑائیا۔ آپے سچکھنڈ نِواسی پُچھے واتا، تِھر گھر مِہر نظر ٹِکائیا۔ آپے ہوئے پُرکھ ابناسا، ابناسی اپنا راہ جنائیا۔ آپے نِرگُن اندر نِرگُن کرے واسا، نِروَیر اپنا رنگ وٹائیا۔ آپے اپنی پوُری کرے آسا، آسا آسا وِچ سمائیا۔ آپ اُپائے اپنا آپا، سُت دُلارا اِک اُپائیا۔ آپ وکھائے اپنا ڈوُنگھا کھاتہ، گہر گمبھیِر وڈّی وڈیائیا۔ جوتی جوت سروُپ ہرِ، آپ اپنی کِرپا کر، پِتا پوُت سوبھا پائیا۔ پِتا پوُت سوبھنیِک، سچکھنڈ دوارے سوبھا پائیندا۔ دوُسر نہ کوئے دِسے شریِک، لاشریِک ڈیرہ لائیندا۔ نہ کوئی اندھیرا نہ تاریِک، نوُرو نوُر ڈگمگائیندا۔ اپنا نام جنائے ٹھیِک، سچ نِشانہ اِک لگائیندا۔ چرن بندھائے کوَل پریِت، پریِتیوان دَیا کمائیندا۔ تِھر گھر وکھائے

اتیِت، ترےَگُن رنگ نہ کوئے چڑھائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ سمجھائیندا۔ ساچا کھیل چھوٹے بالے، سُت دُلارے آپ جنائیا۔ کرے کھیل پُرکھ اکالے، الکھ اگوچر بےپرواہیِا۔ تیری پریِتی نِبھے نالے، ناتا صاحِب آپ جُڑائیا۔ سچکھنڈ تیری دھرمسالے، تِھر گھر تیرا مندر سُہائیا۔ میل مِلایا ہرِ گوپالے، گوبِند ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سچ کرے جنائیا۔ سچ جنائی لَینی جان، جاننہار جنائیندا۔ تِھر گھر تیرا اِک مکان، چھپر چھنّ نہ کوئے چُھہائیندا۔ سَت دھرم دا سَت نِشان، سَت سَتوادی آپ وکھائیندا۔ نہ زِمیں نہ کوئے اسمان، سوُرج چند نہ کوئے چڑھائیندا۔ اِک اِکلّا نؤجوان، نِرگُن اپنا آسن لائیندا۔ شاہو بھوُپ بن مِہربان، مِہر نظر اِک اُٹھائیندا۔ دیونہار اگمّی دان، نام نِدھانا جھولی پائیندا۔ نظری آئے اِک اکال، پُرکھ روُپ نہ کوئے وٹائیندا۔ گوبِند اِکو سچّا لال، ہرِ شبدی رنگ رنگائیندا۔ آد جُگاد کراں پرِتپال، پرِتپالک آپ جنائیندا۔ جُگ جُگنتر چلاں نال، سدا سُہیلا سنگ نِبھائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ وکھائیندا۔ نِکاّ بچّہ چھوٹا بالا پیا ہسّ، ہنس مُکھ صالاحیِا ۔ تُوں میرا میَں تیرے وس، دوُجا نظر کوئے نہ آئیا۔ اِکو گھر ہویا اِکٹّھ، گرِہ مندر وجّی ودھائیا۔ ساچا مارگ دینا دسّ، ہؤں سیوک سیو کمائیا۔ نِرگُن جوت کر پرکاش، پرکاشوان اِکو نظری آئیا۔ تیرا ناؤں میری راس، تیرا چرن ہٹّ وڈیائیا۔ میَں رہواں تیرا داس، نِیوں نِیوں سجدہ سیِس جھُکائیا۔ تُوں پوُری کرنی آس، بےاَنت بےپرواہیِا۔ کر کِرپا دینی دات، دیندیاں توٹ رہے نہ رائیا ۔ تیری میری اِکو ذات، دوُجی ونڈ نہ کوئے وکھائیا۔ میَں وساں تیرے ساتھ، تیرا سنگ نہ کوئے چُھڈائیا۔ اِکو ساچی دے گاتھ، بِن اکھّر کر پڑھائیا۔ نِرگُن پِتا نِرگُن مات، نِرگُن پُت منگ منگائیا۔ بن وِچولا پُرکھ سمراتھ، اپنا بھیوَ رہیا کُھلائیا۔ اِکو پتن اِکو گھاٹ، ایکا ڈیرہ رہیا لگائیا۔ جوتی جوت سروُپ ہرِ، آپ اپنی کِرپا کر، نِکے بچّے رہیا جنائیا۔ نِکے بچّے جانا جاگ، سُت دُلارے ہرِ اُٹھائیندا۔ چرن پریِتی اِک وَیراگ، بِرہوں چوٹ لگائیندا۔ دیِپک جوت جگے چراغ، نوُر نوُرانہ ڈگمگائیندا۔ تِھر گھر تیرا کھولیا تاک، سچکھنڈ اپنا آسن لائیندا۔ صاحِب صاحِب پکڑے واگ، سَتگُر سَتگُر ویکھ وکھائیندا۔ سرن سرنائی جانا لاگ، لاگت موُل نہ کوئے لگائیندا۔ سُت اگمّی سُن آواز، بِن رسنا جِہوا گائیندا۔ پاربرہم دا سچ سماج، ساچا کھیڑا اِک وسائیندا۔ شبد دُلارے تیری رکھے لاج، سِر اپنا ہتّھ ٹِکائیندا۔ سَت سَتوادی تیرا رچے کاج، کرنی

کرتا آپ کمائیندا۔ ویکھنہار گُروُ مہاراج، نیتر نَین نَین کُھلائیندا۔ جِس سازن لیا ساز، جوتی جوت سروُپ ہرِ، آپ اپنی کِرپا کر، ساچی کرنی آپ جنائیندا۔ ساچا بچّہ اَگے ہو، ہو ہو خوشی منائیا۔ نالے ہسّے نالے پئے رو، روون ہاسا اِکو رنگ وکھائیا۔ کر کِرپا پربھ اپنا امرت چو، چرن چرن نال رگڑائیا۔ پھڑ اُنگلی اُنگلی نال دے چھوہ، چھوہرا بانکا منگ منگائیا۔ میَں تیرے جوگا جاواں ہو، جُگت اِکو اِک جنائیا۔ تیرا نام لواں ڈھوآ ڈھو، دوُجی وست نہ موہے بھائیا۔ جے نہ دیویں رُس کے لواں کھوہ، اپنی بالی بُدھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی آپ کمائیا۔ ساچے بالے سچ کھلونا، ہرِ تیرے ہتّھ پھڑائیندا۔ تیرا رونا موہے بھاؤنا، بھےَ روُپ نہ کوئے جنائیندا۔ میری چھاتی چڑھ کے سؤنا، پلنگ رنگیِلا اِک وچھائیندا۔ اُتے چڑھ کے سوہنگ ڈھولا گاؤنا، تُوں میرا میَں تیرا دوُجا نظر کوئے نہ آئیندا۔ من اِچھیا پھل اِکو پاؤنا، آد جُگاد مُک نہ جائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ سمجھائیندا۔ سُت دُلارا کہے میَں رُساں گا۔ رُس رُس صاحِب تَیتھوں پُچھاں گا۔ تیری ڈوُنگھی بُکل اندر لُکاں گا۔ چڑھ کندھاڑے شیر وانگوُ بُکاں گا ۔ جودھا سوُربیِر ہو کے اُٹھاں گا۔ باپوُ تیرا خزانہ اندر وڑ کے لُٹاں گا۔ پِھر تیری کرنی کرن واسطے جُٹاں گا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آ کے پُچھاں گا۔ سِری بھگوان دے پیار، خوشی خوشی جنائیا۔ اُٹھ سُت سُت دُلار، پربھ دوُلھا دئے بنائیا۔ تیرے سیِس کرے شنگار، شہنشاہ اپنی دَیا کمائیا۔ اپنی ہتھّیں بنّھ دستار، کلغی توڑا لئے لگائیا۔ جوتی جوڑا اگمّ اپار، پندھ وچھوڑا دئے گوائیا۔ اِکو ہوڑا ہوئے درکار، نِرگُن سرگُن ونڈ ونڈائیا۔ ساچا گھوڑا خبردار، اگمّ اگمّڑا آپ بنائیا۔ ہڈّ ماس ناڑی چمڑا نہ کوئے وپار، دما دم نہ کوئے سمائیا۔ مِٹھا کؤڑا نہ کوئی کھار، رس اِکو اِک بھرائیا۔ لما چؤڑا نہ کوئے دوار، اگمّ اتھاہ دئے سمجھائیا۔ ساچا پؤڑا کر تیار، اندر باہر دئے لگائیا۔ تِھر گھر نال مِلائے سچکھنڈ دوار، آپ اپنا بندھن پائیا۔ سچکھنڈ وسے آپ نِرنکار، تِھر گھر شبدی سُت بہائیا۔ ساجن سچ کرے پیار، سِر اپنا ہتّھ ٹِکائیا۔ دیوے وست اِک اپار، اگوچر اِکو اِک ورتائیا۔ سوچیاں سوچ نہ آئے وِچار، بےپرواہ بےپرواہیِا۔ سُت انادی لئے اُٹھال، برہم برہمادی دئے سمجھائیا۔ گوبِند اِکو سچّا لال، لالن اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچکھنڈ دی ساچی کار، اپنے ہتّھ رکھے نِرنکار، دوُسر بھیوَ نہ کوئے جنائیا۔

۲۲ ماگھ ۲۰۱۹ بِکرمی چنّن سِنگھ دے گرِہ گّگو بوُآ ضِلع امرتسر

پُرکھ اکال تیرا ہویا سنجوگا، وِجوگ نظر کوئے نہ آئیندا۔ گوبِند بدلیا پِچھلا چوگا، چولی تن نہ کوئے ہنڈائیندا۔ انتم مِلیا سچّا مؤقع، گھر ساچے سوبھا پائیندا۔ ہُن ہو گیا منگن جوگا، منگ اپنی آپ منگائیندا۔ میَں دے کے آیا ہوکا، لوک مات مات سمجھائیندا۔ ہرِ جوُ اَگے مارگ لاؤنا سؤکھا، سَتجُگ ساچا راہ چلائیندا۔ کِسے نال نہیں کرنا دھوکھا، کوُڑی کِریا میٹ مِٹائیندا۔ اِکو پڑھنا ہرِ کے ناؤں دا پوُتھا، اکھّر وکھّر آپ جنائیندا۔ گُرسِکھ کوئی رہ نہ جائے تھوتھا، ہوچھی مت سرب گوائیندا۔ سمبل تیرا اِکو کوٹھا، جِس گھر گوبِند ڈیرہ لائیندا۔ اَگے پِچھے دا رہیا نہ کوئے روسا، اِکو رنگ رنگ چڑھائیندا۔ پاربرہم پت پرمیشور ساچے پِتا کر پیار پُت دا لےَ لا بوسا، پریم پریم نال ٹکرائیندا۔ اِک ویراں کھول اپنیاں ہوٹاں، تیرے اَگے منگ منگائیندا۔ تیری جھلی نہ جائے چوٹا، بِرہوں روگ ستائیندا۔ تیرے گھر بھنڈار اتوٹا، کِیوں نہ صاحِب تُوں ورتائیندا۔ میَں تیریاں بھگتاں دسّ کے آیا ہرِ کا نام لؤ لوٹا، جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھایا۔ منگن والا ہویا جوان، جوبن اپنا رہیا وکھائیا۔ ناتا توڑ جگت جہان، تیرا سنگ رکھائیا۔ بالا بچّہ نہیں ہُن نادان، سمجھ سمجھ نال بدلائیا۔ تیرا سُن سُن سچ گیان، گیان گیان مِلی چتُرائیا۔ تیرا کر کر حق دھیان، دھیان دھیان لیا اُٹھائیا۔ پربھ دے دے اِکو مان، نِمان کرے عرضوئیا ۔ تیرا سچّا سچ بِبان، جو چڑھیا اُتر کوئے نہ پائیا۔ تیرا حق حق مکان، مُحبّت اِکو نظری آئیا۔ تُوں لاشریِک مِہربان، شاعر تیری صِفت صالاحیِا۔ بن رفیق دے دان، تؤفیِق توہے اِک خُدائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، منگن والا منگ منگائیا۔ جو منگیں سو دیواں دات، پُرکھ اکال رہیا جنائیا۔ تیرے اندر وڑ کے کھولاں تاک، اپنا مندر دیاں وکھائیا۔ پوُرا کراں بھوِکھت واک، جو لیکھا لِکھت لِکھت جنائیا۔ ایتھے اوتھے پردہ دیواں ڈھاک، سِر اپنا ہتّھ ٹِکائیا۔ تیرا تن مِٹایا خاک، گوبِند شبد شبد شنوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سچ سمجھائیا۔ جو منگیں سو جھولی پاں، پا پا خوشی منائیندا۔ گلے لگاواں پھڑ پھڑ بانہہ، پھڑ پھڑ گلے آپ لگائیندا۔ سدا سدا سد دیواں ٹھنڈی چھاں، شہنشاہ اپنی دَیا کمائیندا۔ آد جُگاد جُگ جُگ تکاّں راہ، کوَن ویلا میرا بچّہ میری آس رکھائیندا۔ کر کِرپا جناواں اِکو ناں، جِس دی ونڈ نہ کوئے ونڈائیندا۔ جوتی جوت سروُپ ہرِ،

آپ اپنی کِرپا کر، دیونہارا ساچا ور، ساچی بنت آپ بنائیندا۔ ساچا نام لےَ جا سو، سو پُرکھ نِرنجن آپ جنائیا۔ ہنگ برہم رہیا رو، نیتر نَیناں نیِر وہائیا۔ جا کے دُرمت مَیل دھو، دوہاں جوڑا دے جُڑائیا۔ تُدھ بِن اوَر نہ جانے کو، کوُکے سرب لوکائیا۔ جوتی جوت سروُپ ہرِ، آپ اپنی کِرپا کر، وست اِک اِک درسائیا۔ وست لےَ جا سچ سو، صاحِب سچ جنایا۔ ہنگ برہم آپے ہو، ہوکا اِک سُنایا۔ سو پُرکھ نِرنجن سو نال گیا چھوہ، ہنگ اپنے وِچ دبایا۔ ساچا بیِج لیا بو، نِرگُن نِرگُن ہل چلایا۔ پِچھلی وستُو سب توں لئی کھوہ، خالی ہتّھ پِھرایا۔ سَتجُگ ساچا نام چلے سوہنگ سو، گوبِند ڈنکا تیرے ہتّھ پھڑایا۔ جوتی جوت سروُپ ہرِ، آپ اپنی کِرپا کر، ساچا حُکم رہیا جنایا۔ تیرا ناؤں وست سچ، سچ ساچے موہے بھائیا۔ مارگ اپنا دینا دسّ، کوَن بِدھ کراں کُڑمائیا۔ سِری بھگوان پیا ہسّ، ہسّ ہسّ رہیا جنائیا۔ بھگتاں اندر جا کے وس، بھگوَن کُنڈا لاہیِا۔ پندھ مُکاؤنا نٹھ نٹھ، بن پاندھی پاندھی راہیا۔ تیرے نال چلے پُرکھ سمرتھ، پُرکھ اکال جوت رُشنائیا۔ جوتی جوت سروُپ ہرِ، آپ اپنی کِرپا کر، ساچا حُکم رہیا جنائیا۔ شبد سُت کہے میَں جاواں گا۔ تیرا لکھّ لکھّ شُکر مناواں گا۔ نِیوں نِیوں سجدہ سیِس جھُکاواں گا۔ دوئے جوڑ کر بندنا، تیرا نام دھیاواں گا۔ برہمنڈ کھنڈ تجاواں گا۔ لوآں پُریاں چرناں ہیٹھ رکھاواں گا۔ لکھّ چؤراسی ناتا توڑ تُڑاواں گا۔ تیرے بھگتاں اندر وڑ وڑ، تیرا ڈھولا گاواں گا۔ ساچا مندر اِک وکھاواں گا۔ نوُرو نوُر ڈگمگاواں گا۔ پِچھلے کِیتے قصوُر سرب بخشاواں گا۔ پُتراں ماواں نال مِلاواں گا۔ اِکو نام جپاواں گا۔ سوہنگ ڈھولا سُناواں گا۔ جُگ وِچھڑے میل مِلاواں گا۔ کاگوں ہنس بناواں گا۔ ساچی چوگ چُگاواں گا۔ پھڑ باہوں گلے لگاواں گا۔ در تیرے تے پھڑ کے لیاواں گا۔ تِھر گھر دوارا کُھلاواں گا۔ سچکھنڈ آپ بہاواں گا۔ تیرا درس آپ کراواں گا۔ پُرکھ اکال تَینوُں مِلاواں گا۔ پھیر گوبِند گُر اکھواواں گا۔ اپنی کلغی تیری بھیٹ چڑھاواں گا۔ تیرا تاج ویکھ خوشی مناواں گا۔ تُوں میرا میَں تیرا اِکو راگ الاواں گا۔ دو جہاناں بن جوانا، تیرا حُکم سُناواں گا۔ جو نہ منّے انتم بھنّ وکھاواں گا۔ خاکی خاک رلاواں گا۔ شاہ سُلطاناں تخت گواواں گا۔ کوُڑی کِریا میٹ مِٹاواں گا۔ شؤہ دریائے رُڑھاواں گا۔ اُچے ٹِلّے مندر ڈھاواں گا۔ غریِب نِمانے گلے لگاواں گا۔ چار ورن اِکو رنگ چڑھاواں گا۔ امرت جام پیاواں گا۔ سُکے ہرے کراواں گا۔ جُگ وِچھڑے میل مِلاواں گا۔ ناتا جوڑ بھَین بھراواں دا۔ ہرِ سنگت روُپ بناواں گا۔ پِھر در تے خوشی مناواں گا۔ آ کے درشن پاواں گا۔ پُرکھ

اکال تیرا جس گاواں گا۔ گُرسِکھ تیری چرنی پاواں گا۔ اَگے ہو ہو تِلک لگاواں گا۔ جے تُوں سُتا میَں اُٹھاواں گا۔ جے رُسیں تے پھیر مناواں گا۔ جے پُچھیں تے حال سُناواں گا۔ تیرے اُتوں ہو قُربان، اپنا آپ مِٹاواں گا۔ بچّے نیِہاں ہیٹھ رکھاواں گا۔ اُتے دھرم نِشان جھُلاواں گا۔ بھگت دوارا اِک سُہاواں گا۔ سَتجُگ دا رنگ وکھاواں گا۔ اُتے بہہ کے آسن لاواں گا۔ راج راجانا شاہ سُلطاناں چرنی ڈھاواں گا۔ نؤ کھنڈ پرِتھمی اِکو حُکم مناواں گا۔ ستّاں دیِپاں راہے پاواں گا۔ ستّ رنگ نِشان جھُلاواں گا۔ سمبل دھام سُہاواں گا۔ گوبِند ناؤں دھراواں گا۔ پُرکھ اکال مناواں گا۔ اٹل دھام بناواں گا۔ چار جُگ رُشناواں گا۔ چھتّی جُگ سُناواں گا۔ کوٹن جُگ مناواں گا۔ جے سدّیں پِھر گھر آواں گا۔ آ کے پھیر مات لوک وِچ جاواں گا۔ جو وِچھڑے میل مِلاواں گا۔ پہلی چیتر چؤتھی منزل چڑھ کے تیرا حُکم مناواں گا۔ جوتی جوت سروُپ ہرِ، آپ اپنی کِرپا کر، اِکو دینا اپنا گھر، دوُجی آس نہ کوئے رکھاواں گا۔

۲۲ ماگھ ۲۰۱۹ بِکرمی جاگیر سِنگھ دے گرِہ گّگو بوُآ ضِلع امرتسر

پُرکھ اکال تیرا سُت اکھواواں گا۔ ابناسی اچُت تیرا راہ چلاواں گا۔ نِرگُن دھاروں اُٹھ، اُٹھ اُٹھ سیو کماواں گا۔ گُرسِکھاں اُپر تُٹھ، اپنے رنگ رنگاواں گا۔ بنس سربنس لواں پُچھ، وِچھڑے جوڑ جُڑاواں گا۔ اپنے ہتّھ نہ رکھاں کُچھ، تیرے بھگتاں سرب کُچھ پھڑاواں گا۔ تَیتھوں نہیں کُچھ لُک، پردہ اوہلا آپ اُٹھاواں گا۔ کلجُگ پیَنڈا جائے مُک، سَتجُگ ساچا راہ چلاواں گا۔ گُرمُکھاں نیتراں نال وکھاواں گا۔ گیِت گوبِند سوہنگ ڈھولا سچ سُناواں گا۔ اِشٹ گُردیو آتم راہ درساواں گا۔ جگت وِچولا بن کے آواں گا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیرا نام دھیاواں گا۔ تیرا نام دھیاواں گا۔ بھگت بھگوان ہری گُن گاواں گا۔ ساچی ریِت چلاواں گا۔ مندر مسیِت ڈھاواں گا۔ شِودوالے پندھ مُکاواں گا۔ تیِرتھ تٹاں خاک مِلاواں گا۔ جن بھگتاں آپ اُٹھاواں گا۔ اندر وڑ کے حال سُناواں گا۔ بجر کپاٹی توڑ تُڑاواں گا۔ آتم جوتی جوت جگاواں گا۔ سُرتی سوتی آپ اُٹھاواں گا۔ شبد انادی ناد وجاواں گا۔ بودھ اگادھی بھیوَ کُھلاواں

گا۔ وِسمادی وِسماد ہو جاواں گا۔ تیرے نال شادی سب دی آپ کراواں گا۔ کنت کنتُوہل اِک وکھاواں گا۔ ساچی سیجا پھوُل برساواں گا۔ پیِا پریِتم اِک مناواں گا۔ گلوکڑی گھُٹ کے پاواں گا۔ گوبِند پِھر اپنا نام دساواں گا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیریاں سِکھاں تیرے نال مِلاواں گا۔ تیرے نال مِلاؤں گا۔ ساچی سیو کماؤں گا۔ گھر گھر پھیرا پاؤں گا ۔ نِرگُن سرگُن روُپ وٹاؤں گا۔ بِن تیریاں بھگتاں نظر کِسے نہ آؤں گا۔ اُچے ٹِلّے پربت چوٹیاں چرناں ہیٹھ رکھاؤں گا۔ جل تھل اسگاہ ڈوُنگھی کَندر ویکھ وکھاؤں گا۔ تیریاں سنتاں سُتیا آپ اُٹھاؤں گا۔ جُگ جنم دیاں رُٹھیاں پھڑ مناؤں گا۔ اوہلے لُکیا گُٹھیاں پھڑ ہِلاؤں گا۔ جِنہاں کھادا کُٹھیا، سب دا سیِس کٹاؤں گا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیرا ڈنکا نام وجاؤں گا۔ تیرا ڈنکا نام وجاواں گا۔ دو جہان سُناواں گا۔ وِشن برہما شِو اُٹھاواں گا۔ سب دے سیِس مُنڈاواں گا۔ اِکو حُکم جناواں گا۔ نِیوں نِیوں چرنی لاواں گا۔ تیئی اوتار سمجھاواں گا۔ بھگت اٹھاراں اُٹھاواں گا۔ عیسیٰ موُسیٰ محمد پندھ مُکاواں گا۔ چؤداں طبقاں پھول پُھلاواں گا۔ ساچا سبق اِک سُناواں گا۔ کلجُگ دا پتّرا آپ اُلٹاواں گا۔ سَتجُگ ساچا راہ چلاواں گا۔ ستّراں آپ جناواں گا ۔ بہتّرحاں نال جوڑ جُڑاواں گا۔ چُہتّراں اکھّ کُھلاواں گا۔ پنجاں پنجاں راہ وکھاواں گا۔ پنچ پردھان آپ جناواں گا۔ ساچے در بہاواں گا۔ حُکم اِک رکھاواں گا۔ لوآں پُریاں برہمنڈاں کھنڈاں تیرا ناؤں سب دا راگ جناواں گا۔ سِر تیرے سیِس چھتر جھُلدا ویکھ، اپنی خوشی مناواں گا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیرا رہبر اِک اکھواواں گا۔ تیرا رہبر نام دھراؤں گا۔ نِرگُن ہو کے پھیرا پاؤں گا۔ لکھّ چؤراسی جیِو اُٹھاؤں گا۔ گُرمُکھ سجّن نال مِلاؤں گا۔ منمُکھ شؤہ دریائے رُڑھاؤں گا۔ نام کھنڈا اِک چمکؤں گا ۔ دوہری دھار آپ رکھاؤں گا۔ جِدھر ویکھاں اودھر تیری اوٹ رکھاؤں گا۔ نہ کُچھ پیِؤں نہ کُچھ کھاؤں گا۔ بِن کھادیاں پیتیاں تیری سیو کماؤں گا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے تیری خوشی رکھاؤں گا۔

۲۲ ماگھ ۲۰۱۹ بِکرمی کرم سِنگھ دے گرِہ گّگو بوُآ ضِلع امرتسر

سچ مردنگ وجاواں گا۔ برہمنڈ کھنڈ ہلاواں گا۔ اِکو رنگ وکھاواں گا۔ اَسو تنگ کساواں گا۔ زین پاکھر پاواں گا۔ شاہ اَسوار وکھاواں گا۔ واگاں ہتّھ اُٹھاواں گا۔ تیِر تفنگ چلاواں گا۔ تلوار کمچ چمکاواں گا۔ چنڈ پرچنڈ روُپ وٹاواں گا۔ کھنڈ کھنڈ کر وکھاواں گا ۔ دے دنڈ سرب سمجھاواں گا۔ بھیکھ پکھنڈ مُکاواں گا۔ سوُرا سربنگ اکھواواں گا۔ ساچا انند جناواں گا۔ پرمانند سماواں گا۔ ٹُٹی گنڈھ وکھاواں گا۔ شبدی باز لڑاواں گا۔ لکھّ چؤراسی چِڑیاں وانگ تُڑاواں گا۔ گوبِند نام کہاواں گا۔ پُرکھ اکال تیرا ڈھولا اِکو گاواں گا۔ تیرا ڈھولا گیِت سُناؤں گا۔ ساچی ریِت چلاؤں گا۔ لکھّ چؤراسی پرکھ نیِت، گُرمُکھ باہر کڈھاؤں گا۔ تیرا ناؤں ست اتیِت، ترےَبھوَن دھنی اِک جناؤں گا۔ ایکا رنگ رنگ ہست کیِٹ، اوُچ نیِچاں پندھ مُکاؤں گا۔ کھتری براہمن شوُدر وَیش رنگ چاڑھ مجیِٹھ، ذات پات میٹ مِٹاؤں گا۔ اِکو نظری آئے ٹھاکر دوارا مندر مسیِت، گُروُدوار تیرا گھر بناؤں گا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگاؤں گا۔ در تیرے الکھ جگاواں گا۔ جو منگیا سو پھل پاواں گا۔ دو جہاناں نٹّھ نٹّھ جاواں گا۔ لوک مات ویکھ وکھاواں گا ۔ سچ سلوک سُناواں گا۔ جو تیرا درشن رہے لوچ، تِنہاں نیتر نَین کُھلاواں گا۔ جِس دی کردے رہے سوچ، بِن سوچیاں آن مِلاواں گا۔ کلجُگ اَنت کوئی ماریا نہ جائے نِردوش، دوشیاں دنڈ لگاواں گا۔ مایا ممتا اندر جو ہوئے مدہوش، سب دی مت گواواں گا۔ پُٹھی کھلّ لُہاواں پوش، اگنی وِچ سڑاواں گا۔ چؤداں لوک چؤداں طبق دیواں جھوک، اپنا بل جناواں گا۔ جو تیرا گائن سلوک، تِنہاں اپنی گود اُٹھاواں گا ۔ آتم پرماتم میل مِلاواں گا۔ پُرکھ اکال وکھاواں گا۔ تیری چرنی پاواں گا۔ تیرے ڈِٹھیاں روگ مِٹاواں گا۔ جگت بِھٹیاں سُچے آپ کراواں گا۔ ورناں برناں راہ چُکاواں گا۔ امرت جام پیالہ پیاواں گا۔ گُر گوبِند پھیر اکھواواں گا۔ دو جہاناں بھجّاں گا۔ سیوا کر کر موُل نہ رجّاں گا۔ بھگت دوارے بہہ بہہ سجاں گا۔ سَت سروُپ ہو کے گجّاں گا۔ غریِب نِمانیاں پردہ کجّاں گا۔ تال نگارے ہو کے وجّاں گا۔ لکھّ چؤراسی مُنہ دے بھار سٹّاں گا۔ جودھا سوُربیِر ہو کے ڈٹاں گا۔ کلجُگ جڑ پٹّاں گا۔ ڈوُنگھے کھاتے سٹّاگاں۔ ڈر کے کِسے کولوں نہ نٹّھاں گا۔ اِکو تیری اوٹ رکھاں گا۔ سرِشٹ سبائی جھوک، تیرے کھاتے گھتاں گا۔ جو گائے گوبِند سلوک، سو نر ناری مات رکھاں گا۔

بِن منگیاں دیواں موکھ، مکُتی چرناں ہیٹھاں جھساں گا۔ گھر گھر جاواں انتم پہُنچ، آؤندا جاندا موُل نہ سنگاں گا۔ تیرے نام دی اِکو رکھاں دھؤنس، سِر سِر حُکم منّاں گا۔ جوتی جوت سروُپ ہرِ، آپ اپنی کِرپا کر، اِکو دینا سچّا بل، تیرے حُکمے اندر وساں گا۔

۲۲ ماگھ ۲۰۱۹ بِکرمی گّگو بوُآ ضِلع امرتسر

سوُربیِر ہو کے نٹّھاں گا۔ دو جہاناں ڈٹاں گا۔ پِچھے موُل نہ ہٹاں گا۔ سرِشٹ سبائی بھکھاں گا۔ ہُن ویلا گیا بھٹّاں دا۔ راگ اِکو چلے جٹّاں دا۔ ناتا چُکے کوُڑیاں سٹّاں دا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیری اوٹ اِکو تکاّں گا۔ تیری اوٹ اِک رکھاواں گا۔ لکھّ چؤراسی پھول پُھلاواں گا۔ گُرمُکھ سجّن آپ جگاواں گا۔ پھڑ باہوں میل مِلاواں گا۔ تیرے در بہاواں گا۔ بھگت دوار وڈیاواں گا۔ سچ سِنگھاسن اِک سُہاواں گا۔ تیری لئی تھاں بناواں گا۔ اپنا مکان ڈھاواں گا۔ در دربان اکھواواں گا۔ شاہ سُلطانا تیرا درشن پا پا خوشی مناواں گا۔ نِہکلنک تیرا ناؤں وڈیاواں گا۔ بن گوبِند تیری چرنی پےَ پےَ شُکر مناواں گا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تیرا سِنگھاسن چؤتھی چھتّے ڈاہ کے، شؤقاں نال ہنڈاواں گا۔