کتب خانہGranth 14 (Urdu)

۲۱ وساکھ ۲۰۲۰ بِکرمی کِشن سِنگھ دے گرِہ الہڑ پِنڈی ضِلع گُرداس پُر

گوبِند ویکھ اپنا باغیچہ، سِری بھگوان رہیا وکھائیا۔ جِنہاں پِچھے ہوئیوں نیِچا، اوُچو اوُچ دئے وڈیائیا۔ پریم پیار دی کر لےَ ریجھا، ساچی سِکھیا اِک سمجھائیا۔ اَگے کوئی نہ رہے گُروُ سِکھ چاچا بھتیِجا، پُرکھ اکال اِکو نظری آئیا۔ ساچا بیِج صاحِب بیِجا، پتّ ڈالی آپ مہکائیا۔ اندر لنگھ کے ویکھ دہلیزاں، در دربان بےپرواہیِا۔ جوتی جوت سروُپ ہرِ، آپ اپنی کِرپا کر، پردہ رہیا اُٹھائیا۔ گوبِند ویکھ سچ پُھلواڑی، پاربرہم برہم اُپائیندا۔ جِس دے پِچھے وِشن برہما شِو لائی تاڑی، نِت نوِت دھیان لگائیندا۔ تِنہاں ستگُر پِھرے پِچھے اگاڑی، دِوس رَین سیو کمائیندا۔ اندر باہر نِرگُن سرگُن کرے کاری، کرتا اپنی کار جنائیندا۔ جوتی جوت سروُپ ہرِ، آپ اپنی کِرپا کر، ساچا کھیل وکھائیندا۔ گوبِند ویکھ اپنا پروار، پرم پُرکھ رہیا وکھائیا۔ جِنہاں پِچھے سب کُچھ گیا وار، پِچھوں وارتا گائے لوکائیا۔ تیری کوئے نہ پائے سار، تیرا بھیوَ کِسے نہ آئیا۔ تیرا لیکھا جانے آپ نِرنکار، نِرگُن داتا وڈ وڈیائیا۔ کلجُگ انتم کرے سچ پیار، پریم پریِتی اِک درسائیا۔ اُٹھ ویکھ ہو نِہال، پِچھلا دُکھ بُھلائیا۔ لہنا چُکائے آپ اکال، اکل کلا ہو جائیا۔ جِس دی کوئی نہ جھلے جھال، جھلک دے کے سب نوُں مُنہ دے بھار سُٹائیا۔ سو پُچھے تیرا حال، مُریِد مُرشد پھیرا پائیا۔ انتم حل کرے سوال، زیر زبر دئے سمجھائیا۔ جوتی جوت سروُپ ہرِ، آپ اپنی کِرپا کر، لیکھا ہتّھو ہتّھ پھڑائیا۔ گوبِند ویکھ اپنا دوار، دُھر درباری آپ جنائیندا۔ ساچا دیِپک اِک اُجیار، تیل باتی نہ کوئے ٹِکائیندا۔ ساچا نام شبد دُھنکار، ساز تال نہ کوئے وجائیندا۔ ساچی سخیاں منگلچار، گیِت گوبِند اِک الائیندا۔ ساچا سجّن میِت مُرار، سگلا سنگ نِبھائیندا۔ ساچا لیکھا دُھر دربار، دُھردرگاہی آپ مُکائیندا۔ تیرا ستھر کر پیار، تیرے اتّھر نَین آپ پوُنجھائیندا۔ تیرا پتّھر ہِردا دیوے پاڑ، پریم نِشانہ تیِر لگائیندا۔ جوتی جوت سروُپ ہرِ، آپ اپنی کِرپا کر، گرِہ تیرا اِک سمجھائیندا۔ گوبِند ویکھ اپنا گرِہ، گھر مندر آپ جنائیندا۔

جِس مندر اندر ہرِ جوُ رہ، نِرگُن اپنا ڈیرہ لائیندا۔ جو کرنی سو تَینوُں کہے، دوُسر ہور نہ کِسے سمجھائیندا۔ جوتی جوت سروُپ ہرِ، آپ اپنی کِرپا کر، آپ اپنی کل ورتائیندا۔ گوبِند ویکھ کھول اکھّ، ہرِ آخر دَیا کمائیا۔ باقی بھانڈے کر کے سکھ، تیرا بھنڈارا رہیا بھرائیا۔ پنج تت نالوں کر کے وکھّ، نِرگُن شبد نوُر جوت رُشنائیا۔ ڈوُنگھی دھار مارگ دسّ، رستے کرے پڑھائیا۔ میل مِلائے نٹّھ نٹّھ، پاندھی بن بےپرواہیِا۔ بن ونجارا کھول ہٹّ، وست اِکو اِک وِکائیا۔ تیری سیج سُہائے سُچا پٹّ، پٹّ پٹنا نظر کوئے نہ آئیا۔ تُوں میرا میَں تیرا اِکو نام لئیے رٹ، رٹّا مکُے جگت لوکائیا۔ پریم پیار بِرہوں مار سِٹے سٹّ، چوٹ نگارے اِک جنائیا۔ نہ کوئی روُپ رنگ ریکھ دِسے پُرکھ سمرتھ، سمرتھ اپنی کار سمجھائیا۔ جوتی جوت سروُپ ہرِ، آپ اپنی کِرپا کر، لہنا دینا جھولی پائیا۔ گوبِند ویکھ اپنا پیِر، بےپیِر پھیرا پائیندا۔ جِس دی نظر نہ آئے تصویِر، تسبیح گل نہ کوئے لٹکائیندا۔ نہ کوئی شرع نہ زنجِیر، کڑی کڑی نہ کوئے بندھائیندا۔ جیِہدا لیکھا بے نظیِر، نظر وِچ نہ کوئے رکھائیندا۔ بدلنہار تقصیِر، تدبیِر اپنی آپ جنائیندا۔ اَگے لوک مات وِچ گُر اوتاراں پیِر پَیغمبراں بنی رہن نہ دیوے بھیِڑ، ساچا مارگ اِک وکھائیندا۔ پروردِگار ست اخیِر، سچ ساچی کار کمائیندا۔ آد اَنت نہ ہوئے دِلگیِر، دُکھ درد نہ کوئے رکھائیندا۔ نہ کوئی کھنڈا نہ شمشیِر، چنڈ پرچنڈ نہ کوئے چمکائیندا۔ نہ کوئی شستر کمان نہ تیِر، چِلّہ بھتّھا نہ کوئے اُٹھائیندا۔ حُکمے اندر دو جہاناں دیوے چیِر، بچیا کوئے رہن نہ پائیندا۔ سو بےمُحتاج آیا پیِر، مُفلِس اپنا ویس وٹائیندا۔ نہ کوئی جانے کھیل سریِر، شِرکت وِچ کدے نہ آئیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، تیرا لیکھا تیرے ہتّھ پھڑائیندا۔ گوبِند سُن اپنے کنّ، ہرِ صاحِب سچ جنائیا۔ تُوں میرا کہنا لیا منّ، بنس سربنس دِتا لُٹائیا۔ پِھر وی کر کے شُکر کِہا دھنّ، دھنّ تیری سرنائیا۔ کلجُگ جیِو نہ جانن انّھ، اندھیاں راہ کوئے نہ پائیا۔ گھر گھر در در تیرا پیا جنّ، سنسا روگ نہ کوئے چُکائیا۔ تیرے پِچھے دیواں ڈنّ، ڈنکا اِکو اِک وجائیا۔ جو گھڑیاں دیواں بھنّ، ٹھیِکر گھر گھر دیاں وکھائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ گوبِند ویکھ اپنے سِکھ، سِنگھ نظر کوئے نہ آئیندا۔ جِنہاں لیکھا دِتا لِکھ، تِنہاں پِچھلا لیکھ سمجھائیندا۔ باقی سارے منگدے بھکھّ، جھولی وست نہ کوئے ٹِکائیندا۔ کرے کھیل آپ انڈِٹھ، انڈِٹھڑی کار کمائیندا۔ سوُلاں ستھر نہ دِتی پٹھّ، کروٹ اپنی آپ بدلائیندا۔ نہ ہار نہ جانے جِتّ، جوتی جوت سروُپ ہرِ، آپ اپنی کِرپا کر، تیرا لیکھا توہے

سمجھائیندا۔ گوبِند ویکھ نؤجوان، نام جوانی رہیا وکھائیا۔ جِس دا جھُلے سدا نِشان، نِشانہ اِکو اِک بنائیا۔ ویکھنہارا راج راجان، شاہ پاتشاہ سچّا شہنشاہیِا۔ دیونہارا دُھر فرمان، سچ سندیسہ اِک الائیا۔ سنت سُہیلے کر پروان، گُر چیلے میل مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، پرم پُرکھ دَیا کمائیا۔ گوبِند کہے سچ پربھ، پُرکھ اکال دَیا کمائیندا۔ گُرمُکھ گُرسِکھ ساچے لبھ، در اپنے میل مِلائیندا۔ میَں گوایا کِچھ ہبّ، تیرا کیِتا اپنی جھولی پائیندا۔ کلجُگ ویکھ تیری حد، حدوُد اپنی ڈیرہ ڈھاہِندا۔ کِرپا وِچوں کِرپا نِدھان کڈھ، کِرپن اپنی گود سُہائیندا۔ وِچھوڑا دے جِنہاں آیا چھڈ، سرسا ڈوُنگھی دھار وہائیندا۔ جوتی جوت سروُپ ہرِ، آپ اپنی کِرپا کر، ساچا دینا اِک ور، چرن کوَل منگ منگائیندا۔ گوبِند کہے سچ مِہربان، سُچ تیری وڈیائیا۔ میَں کی جانا بال انجان، اتھاہ تیری چتُرائیا۔ حُکمے اندر حُکم پروان، شبد وِچ نام شنوائیا۔ کاہناں وِچوں سچّا کاہن، ایکا تُو ہی نظری آئیا۔ مندراں وِچوں مندر مہان، مہما اکتھ اکتھ وڈیائیا۔ جِدھر ویکھاں مار دھیان، ایک تُو ہی نظری آئیا۔ تیرا تُلہا سچ نِشان، تیرا بیڑا بےپرواہیِا۔ تیرا کھیڑا اِک مہان، جوتی جوت سروُپ ہرِ، آپ اپنی کِرپا کر، ساچا دینا اِکو ور، اِکو ایک نظری آئیا۔ گوبِند کہے تیرا پروار، پرم پرم وڈیائیا۔ برہم برہم دھار، کرم کرم جنائیا۔ ورن ورن شِنگار، سرن سرن سرنائیا۔ ترن ترن داتار، ہرن پھرن کُھلائیا۔ جُگ چؤکڑی جگت وِہار، بھگت بھگوان سوبھا پائیا۔ لہنا دینا قرض اُتار، جوتی جوت سروُپ ہرِ، آپ اپنی کِرپا کر، اپنا بھیوَ بھیوَ ابھید اِک جنائیا۔ گوبِند کہے دَیال سوامی، تیرا اَنت کوئے نہ آئیندا۔ سرب جیِاں تُوں اَنترجامی، گھٹ گھٹ ڈیرہ لائیندا۔ تیری اِچھیا گُر گُر بانی، ستگُر تیری صِفت صالاحِندا۔ تیرے نام دی جگت کہانی، لکھّ چؤراسی وڈ وڈیائیندا۔ تُوں شہنشاہ شاہ پاتشاہ سُلطانی، سُت دارا ویکھ وکھائیندا۔ تیرا مندر اِک سُلطانی، سلل اپنا رنگ رنگائیندا۔ عالم عِلم نہ جانے کوئی کہانی عالمے جاودانی، تیری درگاہ دھام سُہائیندا۔ تن دِسے جگت کانی، کاتب قلم کلام مکتب لیکھ نہ کوئے وکھائیندا۔ تیرے تیرے ہوئے حرامی، حق حلال نہ کوئے سمجھائیندا۔ اُٹھ سب دی ویکھ پیشانی، مستک ٹِکاّ نظر کِسے نہ آئیندا۔ کلمیاں اندر وڑ گئی بےاِیمانی، تیرے نوُری اکھّر کوُڑی کِریا جگت ونڈ ونڈائیندا۔ جگت عدالت تیری کرے بدنامی، حق حقیِقت کوئے نہ کھوج کُھجائیندا۔ نہ کوئی اِسم نہ اِسلامی، اعظم روُپ نہ کوئے دھرائیندا۔ میَں ویکھ ہویا حَیرانی، تیری حرکت بند نہ کوئے کرائیندا۔ نہ کوئی بنیا

قدر دانی، تیری قیِمت کوئے نہ پائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیری محفل ویکھ وکھائیندا۔ تیری محفل ویکھاں روز، رحیِم تیری سرنائیا۔ سِری بھگوان کہے گوبِند کوئی نہ سوچ، سوچن وِچ کدے نہ آئیا۔ تیرے اندر وکھاواں کوٹن کوٹ لوک پرلوک، برہمنڈ کھنڈ تیرے وِچ ٹِکائیا۔ تیرے گھر جگاواں نِرمل جوت، نوُر نوُرانہ اِک رُشنائیا۔ ساچا بھیوَ کُھلاواں تیرے ہونٹ، دُھر دی دھار دھار جنائیا۔ تیری میری کدے نہ ہووے چھوٹ، اَنت چُھٹے سرب لوکائیا۔ تُوں میرا آلنیوں ڈِگا بوٹ، اَنت اپنی گود اُٹھائیا۔ تُوں رکھی اِکو اوٹ، پُرکھ اکال دِھیائیا۔ تُوں گُرمُکھاں مِلن دا رکھیا شؤق، پُت پوترے اپنے نہ کوئے ہنڈھائیا۔ سِری بھگوان تیری سمبھالے ہوش، حشر اپنا دئے کرائیا۔ تیرے گُرسِکھ ویکھے نِردوش، دوشی کوئی نظر نہ آئیا۔ ماچھوُواڑے مِلیا تَینوُں بن خاموش، اپنی کتھا نہ کِسے سُنائیا۔ اپنے اندر تیرا دبّیا جوش، طاقتور طاقت نہ کوئے ازمائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ گوبِند اَگوں کرے ہاسا، ہسّ ہسّ خوشی منائیندا۔ گلّاں باتاں نال دے بھرواسا، بِن کیِتی صبر موہے نہ آئیندا۔ جُگ چؤکڑی تیرا وینہدے گئے تماشا، تُوں گُر اوتاراں پیِر پَیغمبراں خاک مِلائیندا۔ گا گا گئے تیری گاتھا، صِفتی صِفت تیرا نام وڈیائیندا۔ ٹیکدے گئے تیرے چرن ماتھا، مستک تِلک سرب وکھائیندا۔ میَں منّیا تیرا ساکا، پِتا پوُت ویکھ وکھائیندا۔ برہمنڈ کھنڈ جو تیرا حاطہ، تِس اُتے میَں اپنا حق رکھائیندا۔ تُوں سب دا وڈّا آقا، میَں حاکم حُکم منّائیندا۔ تیری پھلواڑی دا بنیا رہاں راکھا، لکھّ چؤراسی ویکھ وکھائیندا۔ میَں ہُن اوہلے ہو کے کھِچن نہیں دینا خاکہ، تیری تصویِر اپنے وِچ رکھائیندا۔ دسّ کِویں توڑینگا ناتا، پِچھلا ناتا پھیر جگائیندا۔ آ پُچھے میریاں باتاں، بیِتی کہانی آپ سمجھائیندا۔ تیرے پِچھے ماچھوُواڑے کٹی اندھیری راتا، سوُلاں ستھر سیج ہنڈھائیندا۔ پِیو ماں پُت وار کے تیری بنیا ذاتا، اپنی ذات نہ کوئے رکھائیندا۔ ہُن چڑھ کے بہوُں تیری ڈھاکا، گلوکڑی اپنی پائیندا۔ میرا بستر چولا پِچھلا پاٹا، اَگے تن نہ کوئے وکھائیندا۔ میَں کِسے نوُں کہنا نہیں چاچا، باپوُ اِکو نظری آئیندا۔ ہُن کٹنا نہیں فاقہ، پِھکا رس نہ کوئے رکھائیندا۔ اَگے بنیا رہیا داسی داسا، ہُن ساہمنے ہو کے منگ منگائیندا۔ اُٹھ ویکھ مار جھاتا، جھاکی اپنیاں گُرمُکھاں ول پائیندا ۔ تُوں میرا کملاپاتا، پت پرمیشور اِک اکھوائیندا۔ جوتی جوت سروُپ ہرِ، آپ اپنی کِرپا کر، ایکا دینا سچّا ور، دوُجا در نہ منگن جائیندا ۔ گوبِند کہے اُٹھ مرد، مردانگی دے جنائیا۔ بے دردی تَینوُں کوئی نہ

آوے درد، دُکھیاں درد ونڈائیا۔ گُر اوتار پیِر پَیغمبر تیرے اَگے کردے گئے عرض، آرزوُ وِچ عرضی پائیا۔ ڈھولا سوہلا راگ گاؤندے گئے طرز، طرح طرح سمجھائیا۔ تیرا پوُرا ہویا نہ کِسے کولوں فرض، فرمانبردار نہ کوئے اکھوائیا۔ میلن وِچھوڑن دی تَینوُں مرض، تیرا روگ نہ کوئے ہٹائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، در منگنہارا مانگت نظر کِسے نہ آئیا۔ پُرکھ اکال کہے نہ کر ضِد، زِندگی سب دی دیاں بدلائیا۔ گوبِند گُرمُکھ تیری بِند، بِند لیکھے لیکھے پائیا۔ جِنہاں خاک رُلایا سُرپت اِند، شِو برہما دھکاّ لائیا۔ تِنہاں دھار بہاواں امرت ساگر سِندھ، لہر لہر وِچ دھرائیا۔ تِنہاں ناتا تُٹے جیؤ پِنڈ، پِنڈی بھرن کوئے نہ جائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ گوبِند اَنت نہ پؤ کھہڑے، کھہڑا سب دا دیاں چُھڈائیا۔ بھر کے چاڑھاں اپنے بیڑے، بیڑا اِکو وار ترائیا۔ لیکھے لاواں دوُر نیڑے، نیرن دوُر اِکو نظری آئیا۔ لکھّ چؤراسی وِچوں لبھاں تیرے، جِنہاں ساچی سیو کمائیا۔ جو رن جھوُجے کٹ بیرے بیرے، بِرتی تِنہاں ویکھ وکھائیا۔ جو سرسے دھار پانی ریِڑھے، تیرا ڈھولا گئے گائیا۔ سو سارے اِکٹّھے ہو کے آ گئے اپنے ویہڑے، گھر ساچے ملِے وڈیائیا۔ جنم کرم دے چُک گئے جھیڑے، جھنجٹ کوئے رہن نہ پائیا۔ صاحِب ستگُر دے وڑ گئے ڈیرے، تنبوُ قنات نہ کوئے رکھائیا۔ مِل کے کہن اسیں تیرے، تُوں صاحِب ساڈا اِکو نظری آئیا۔ جوتی جوت سروُپ ہرِ، آپ اپنی کِرپا کر، دیونہار سدا سرنائیا۔ لوک مات جے دیویں سرنا، سانت موہے نہ آئیا۔ ایتھے اوتھے چُکے مرنا ڈرنا، میرا گُرسِکھ جنم مرن وِچ کدے نہ آئیا۔ جِس میرا پلّوُ پھڑنا، میَں تیری جھولی دیواں ٹِکائیا۔ جِس میرے اندر وڑنا، میَں تیرے دوارے دیواں پُچائیا۔ تیرا میرا ڈھولا سب نے پڑھنا، سوہنگ روُپ اِکو نظری آئیا۔ کر قؤل سچ اِقرار، گوبِند میَں تیریاں گُرسِکھاں سچکھنڈ کھڑنا، اَدھ وِچکار نہ کوئے اٹکائیا۔ بِن پؤڑیؤں ڈنڈیؤں چڑھنا، چؤتھا پد گُرمُکھاں چرناں ہیٹھ رکھائیا۔ سَت روُپ سب نوُں کرنا، اسَت رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تیرے ہتّھ ڈور پھڑائیا۔ اپنے ہتّھ ڈوری پھڑ، سِری بھگوان دَیا کمائیندا۔ جِنہاں گوبِند لایا لڑ، تِنہاں اپنا گھر وکھائیندا۔ ساچے مندر جائن چڑھ، گھر اِکو اِک وڈیائیندا۔ ملِے میل پُرکھ نر، نر نرائن نظری آئیندا۔ لیکھا چُکے چوٹی جڑ، استھوُل روُپ نہ کوئے وٹائیندا۔ صاحِب ستگُر کِرپا کر، آپ اپنا میل مِلائیندا۔ جوتی جوت سروُپ ہرِ، آپ اپنی کِرپا کر، پِچھلا کرے پوُرا ور، کیِتا قؤل آپ نِبھائیندا۔

گوبِند کہے میَں نیتر نَین اُٹھاواں گا۔ اِک دھیان لگاواں گا۔ تیرا راہ تکاواں گا۔ گُرمُکھاں نال مِلاواں گا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، دوُجا در نہ منگن جاواں گا۔ جِس ویلے گُرمُکھ جاں گے۔ در تیرے سوبھا پاں گے۔ بھگت بھگوان ڈھولا گاں گے۔ ہرِ مندر اِک وساں گے۔ پِچھلے ناتے سرب چھڈ جاں گے۔ اِک اِکانتے تیرا درشن پاں گے۔ مِل سچ سچّی جماتے، جوتی جوت سروُپ ہرِ، آپ اپنی کِرپا کر، اِکو دینا اپنا ور، دوُجا در نہ ویکھن پاں گے۔ جالی دے ہتّھ وِچ ہُندا چھڑ، کُنڈی سوٹے اُتے لگائیا۔ اُچیاں ٹاہنیاں لیندا پھڑ، اپنیاں باہواں ودھائیا۔ جے کوئی اَگے جائے اڑ، دوہاں ہتّھاں نال دھوُہے واہو داہیِا۔ جے پِچھوں کھیتی والا جائے آ پِھر پِچھوں جائے ڈر، اَگا پِچھا ویکھے راہ نظر کوئے نہ آئیا۔ بھیڈاں بکریاں وِچ جائے وڑ، اپنا آپ چُھپائیا۔ بھے وِچ میَں میَں رہیا کر، ممتا جگت ودھائیا۔ اندرے اندر ہؤکے رہیا بھر، ہاہاکار سُنائیا۔ اِک وار جے دیوے چھڈ، پِھر رُکھ نہ کوئے کٹائیا۔ مانَس نہیں ایہہ ہڈّ، ماٹی چمّ پوچ پُچائیا۔ ڈوری صاحِب ستگُر اُتے چھڈ، اپنا مان نہ کوئے رکھائیا۔ چار کُنٹ دہ دِشا وِچوں کنڈے دیوے وڈّھ، نُکر وِچ اڑیا کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، جالیاں جنجال دئے تُڑائیا۔

۲۲ وساکھ ۲۰۲۰ بِکرمی کِشن سِنگھ دے گرِہ الڑ پِنڈی ضِلع گُرداس پُر

دو اِک دا اِک پیار، ہرِ خالق خلق جنائیندا۔ دو اِک دا اِک جَیکار، ہرِ عرش فرش سُنائیندا۔ دو اِک دا اِک ادھار، دھرنی دھرت دھوَل ویکھ وکھائیندا۔ دو اِک دا اِک شِنگار، دو جہاناں رنگ رنگائیندا۔ دو اِک دا اِک وِچار، نِرگُن سرگُن کار کمائیندا۔ دو اِک دا اِک منار، محل اٹل اِک رُشنائیندا۔ دو اِک دا اِک گھر بار، گرِہ مندر سوبھا پائیندا۔ دو اِک دا اِک کرتار، اِک دو آپ اکھوائیندا۔ جوتی جوت سروُپ ہرِ، آپ اپنی کِرپا کر، اپنی کل آپ ورتائیندا۔ دو اِک دا اِک رتھ، رتھ رتھواہی ہرِ اکھوائیندا۔ دو اِک دا اِک ساتھ، ہرِ سگلا سنگ نِبھائیندا۔ دو اِک دا اِک ناتھ، اناتھاں ویکھ وکھائیندا۔ دو اِک دا اِک داس، داسی داس سیو کمائیندا۔ دو اِک دا اِک گھر واس، گھر مندر آپ سُہائیندا۔ دو اِک دا اِک پرکاش، پرکاشوان نوُر چمکائیندا۔ جوتی جوت سروُپ ہرِ، آپ اپنی کِرپا کر، دو اِک

ویکھ وکھائیندا۔ دو اِک دا اِک میِت، مِتر پیارا اِک اکھوائیا۔ دو اِک دا اِک گیِت، سوہنگ ڈھولا کرے پڑھائیا۔ دو اِک دا اِک انڈیِٹھ، نِرگُن نوُر نظر نہ آئیا۔ دو اِک دا اِک اتیِت، ترےَگُن بَیٹھا ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، آپ اپنی دَیا کمائیا۔ دو اِک دا اِک پرکاش، پرکاشوان دَیا کمائیندا۔ دو اِک دا اِک ابھیاس، جوگی جُگت نہ کوئے رکھائیندا۔ دو اِک دا اِک ساس، ساہ ساہ آپ سمجھائیندا۔ دو اِک دا اِک واس، وسیرا اِکو گھر بنائیندا۔ جوتی جوت سروُپ ہرِ، آپ اپنی کِرپا کر، اپنا راہ چلائیندا۔ دو اِک دا اِک نبیڑا، بےاَنت اپنے ہتّھ رکھائیا۔ دو اِک دا اِک کھیڑا، محل اٹل ہوئے رُشنائیا۔ دو اِک دا اِک گیڑا، جُگ چؤکڑی رہیا بھوائیا۔ دو اِک دا اِک بیڑا، ایکا چپوُ رہیا لگائیا۔ دو اِک دا اِک نبیڑا، نِروَیر کرے تھاؤں تھائنیا۔ دو اِک دا رہے نہ جھیڑا، جوتی جوت سروُپ ہرِ، آپ اپنی کِرپا کر، اپنی کھیل آپ کھِلائیا۔ دو اِک دا اِک حق، حقیِقت اِکو اِک جنائیندا۔ دو اِک دا راہ رہیا تکّ، اِک دو ویکھ وکھائیندا۔ دو اِک دا اِک رس، انرس اپنا بھیوَ چُکائیندا۔ دو اِک دا، جوتی جوت سروُپ ہرِ، آپ اپنی کِرپا کر، بھیوَ ابھیوَ آپ سمجھائیندا۔ دو اِک نِرگُن دھار، سرگُن دینہار وڈیائیا۔ اِک دو کھیل اپار، اپرمپر اپنی کار کمائیا۔ دو اِک جگت شنگار، کایا کپڑ کوٹ ہنڈھائیا۔ اِک دو نِرمل دیِپک کر اُجیار، نوُرو نوُر ڈگمگائیا۔ دو اِک بول جَیکار، ناد شبد دُھن شنوائیا۔ اِک دو کھیل اپار، کرنی کرتا آپ کمائیا۔ جوتی جوت سروُپ ہرِ، آپ اپنی کِرپا کر، کھیلے کھیل سچّا شہنشاہیِا۔ دو اِک انڈِٹھ رنگ، روُپ ریکھ نہ کوئے رکھائیندا۔ اِک دو سیج پلنگ، سُہنجنی رُت آپ سُہائیندا۔ اِک دو اندر لنگھ، ساچے مندر ڈیرہ لائیندا۔ دو اِک چاڑھ چند، نوُرو نوُر ڈگمگائیندا۔ دو اِک بول چھند، صِفت صالاحی ڈھولا گائیندا۔ اِک دو دے انند، انند انند وِچ پرگٹائیندا۔ دو اِک، جوتی جوت سروُپ ہرِ، آپ اپنی کِرپا کر، اپنی کار آپ سمجھائیندا۔ دو اِک ایکا ہوآ، ہرِ جوُ اپنی کھیل کرائیا۔ نِرگُن بیِج نِرگُن بوآ، پتّ ڈالی آپ مہکائیا۔ نِرگُن سیج نِرگُن سویا، کروٹ سکے نہ کوئے بدلائیا۔ نِرگُن امرت نِرگُن چوآ، نِرگُن ویکھے چائیں چائنیا۔ نِرگُن وست نِرگُن ڈھوآ، دیونہار آپ اکھوائیا۔ نِرگُن جمّیاں نہ کدے موآ، جنم مرن نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دو اِک آپ ہو جائیا۔ نِرگُن سرگُن ہویا دو، دوہری دھار چلائیندا۔ دوہاں وِچوں ہو نِرموہ، نِروَیر اپنی کار کمائیندا۔ اپنے مندر کر کر لو، پرکاش اپنے وِچ چُھپائیندا۔ دوُجا کوئے نہ سکے چھوہ،

شہنشاہ اِکو نظری آئیندا۔ بلی بلوان کوئے نہ سکے ٹوہ، بھیوَ ابھید نہ کوئے رکھائیندا۔ اِک توں دوُآ گیا ہو، دوُئے توں ایکا روُپ وٹائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دوئے دوئے اپنی کار کمائیندا۔ دوُآ بنیا نِرگُن سرگُن، ہرِ وڈّا وڈ وڈیائیا۔ لیکھا جانے دو جہان سنت بھگت ساچے چُن چُن، لکھّ چؤراسی کھوج کھوجائیا۔ غریِب نِمانیاں کوجھیاں کملیاں پُکار سُن سُن، نِروَیر ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا جنائیا۔ دوُآ کہے میری دُعا، پربھ اَگے سیِس جھُکائیا۔ نِرگُن سرگُن ویس وٹا، جُگ جُگ سیو کمائیا۔ دُھر فرمانا حُکم جنا، گُر اوتار کری پڑھائیا۔ بودھ اگادھا لیکھ لِکھا، کھانی بانی راہ وکھائیا۔ برہم برہمادا ناد وجا، انادی ناد کرے شنوائیا۔ ڈھولا سوہلا ساچا گا، گا گا خوشی منائیا۔ مِہر نظر اِک اُٹھا، مِہربان ہوئے سہائیا۔ نِرگُن اپنا آپ چُھپا، اِک اِکلّا نظر کِسے نہ آئیا۔ گوبِند ہویا اِک فِدا، آپ اپنا گیا مِٹائیا۔ پُرکھ اکال مِلیا سِدھا، اَدھ وِچکار نہ کوئے اٹکائیا۔ دوُئے مِلن دی اِکو بِدھا، اِک اِکلّا گیا سمجھائیا۔ جوتی جوت سروُپ ہرِ، آپ اپنی کِرپا کر، مارگ دھندے آپے لائیا۔ دوُآ رووے جھُکے سیِس، جگدیِش دھیان لگائیندا۔ جُگ چؤکڑی پیِسن پیِس، سد سد سیو کمائیندا۔ گا گا تھکا تیری حدیِث، حضرت تیرا اَنت کوئے نہ پائیندا۔ تیرے مکتب تیرے دوالے تیرے وِدَیالے کوئی نہ لگّے فیِس، جوتی جوت سروُپ ہرِ، آپ اپنی کِرپا کر، اِک دینا سچّا ور، گھر سچّا موہے بھائیندا۔ دوُآ رووے مارے چیِک، دو جہاناں رہیا سُنائیا۔ گُر اوتار پیِر پَیغمبر میرا روُپ دھر کے گئے ٹھیِک، انتم ٹھیِکرا کایا گئے بھنّائیا۔ رسنا جِہوا دسّدے رہے نِہکلنک نرائن نر آوے اپنی اپنی سچ تاریخ، وار تِھت نہ کِسے سمجھائیا۔ بیِسویں بیِسویں بیِسویں رہی بیِت، دوُآ ویکھے نَین اُٹھائیا۔ دوُئے دا خالی ہویا کھیِس، اَگے زیِرو نظری آئیا۔ زیِرو کِسے نہ وسے نزدیِک، دوُر دُراڈا ڈیرہ لائیا۔ سب نوُں دیوے اِک حدیِث، اُچی کوُک کوُک سُنائیا۔ دوُئے توں زیِرو زیِرو توں دوُآ دوہاں وِچوں نِکلی دھار بریک، باریِک دھار نِرگُن نِراکار نِرنکار اِک اکھوائیا۔ سو ایکا اِکو ٹھیِک، جِس مِلیاں دوُئے ملِے وڈیائیا۔ اَگے لگّ کے لئے گھسیٹ، اپنا راہ جنائیا۔ جوتی جوت سروُپ ہرِ، آپ اپنی کِرپا کر، سو دوُآ سو ایکا دوہاں نیتر آپے پیکھا، لوک مات بنائی ریکھا، ریکھا اپنی آپ جنائیا۔ دوُآ کہے میری دلیِل، جن بھگتاں رہیا سمجھائیا۔ اُٹھ کے سارے کرو اِکو وکیِل، ایتھے اوتھے لئے چُھڈائیا۔ جِس نے کپڑے پہنے نیِل، نیِلی دھاروں پار کرے رُشنائیا۔ سو صاحِب شہنشاہ شاہ

پاتشاہ وڈّا اصیل، اصلیّت ساچی دئے جنائیا۔ جِس دا ٹھانا نہ کوئے تحصیل، ضِلع ونڈ نہ کوئے ونڈائیا۔ اَگے سُنے نہ کوئے اپیِل، کورٹ جّج نہ کوئے رکھائیا۔ جوتی جوت سروُپ ہرِ، آپ اپنی کِرپا کر، سو دیونہار وڈیائیا۔ دوُآ کہے دیواں دسّ، دردیِاں درد ونڈائیندا۔ میرا چلے نہ کوئے وس، دوُآ نِرگُن سرگُن نِرگُن وِچ سمائیندا۔ گوبِند اِکو رہیا ہسّ، دوُجا بھیوَ کوئے نہ پائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ کرائیندا۔ گوبِند ہویا دوُآ آپ، دوہری دھار وکھائیا۔ اِک اِکلّا نِرگُن باپ، پِتا پُرکھ بےپرواہیِا۔ دوہاں مِل کے بنیا ساتھ، سگلا سنگ نِبھائیا۔ اَگے پِچھے مُکاوَن واٹ، پاندھی اپنا پندھ مُکائیا۔ انتم آئے ساچے گھاٹ، ہرِ سنگت پتن ڈیرہ لائیا۔ ویکھنہارا کھیل تماش، مِہربان وڈّی وڈیائیا۔ دوُآ ایکا اِک دوُجے دے ہو گئے پاس، دوُر دُراڈا پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دوُآ ایکا اِکو رنگ وکھائیا۔ دوُآ ایکا بن جائے اِکی، ایکنکار دھار پرگٹائیندا۔ ایہہ گوبِند دی ساچی سِکھی، جِس سِکھیا پُرکھ اکال سمجھائیندا۔ ایہدی دھار کھنڈیوں تِکھی، جگت نیتر ویکھ کوئے نہ پائیندا۔ کرے کھیل صاحِب انڈِٹھی، انڈِٹھڑی دھار چلائیندا۔ پہلے گوبِند پُرکھ اکال دی دے کے گیا چِٹھی، اپنی ہتھّیں بند کرائیندا۔ جوتی جوت سروُپ ہرِ، آپ اپنی کِرپا کر، دوُآ ایکا میل مِلائیندا۔ چِٹھی بند گوبِند کھولے، کھول کھول سمجھائیا۔ میرا پریِتم میرے اوہلے، میرا پردہ دئے اُٹھائیا۔ ساچے کنڈے تول تولے، ترازوُ اِکو اِک وکھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ دوُآ ایکا جُڑیا جوڑ، اِکّی اپنا انک بنائیندا۔ نِرگُن سرگُن جائے بہُڑ، آپ اپنا میل مِلائیندا۔ رس ویکھ مِٹھا کؤڑ، امرت تال اِک سُہائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھی موُل رکھائیندا۔ سو سِکھی جِس سِکھایا پربھ، کرے نام پڑھائیا۔ سو سِکھی ستگُر لئے لبھ، ویکھنہارا تھاؤں تھائنیا۔ سو سِکھی پار کر کے آئی حد، تٹِ کنارے ڈیرہ ڈھاہیِا۔ سو سِکھی جِس در دوارے لئے سدّ، سدّا دیوے چائیں چائنیا۔ سو سِکھی پُرکھ اکال دی جدّ، جن بھگت روُپ درسائیا۔ سو سِکھی جو گوبِند امرت پیوے مد، رس اِکو اِک وکھائیا۔ سو سِکھی جو اپنے وِچوں لئی کڈھ، نِرگُن سرگُن روُپ وکھائیا۔ سو سِکھی جو سرِشٹ سبائی نالوں ہوئی اڈّ، کوُڑی کِریا ناتا دِتا تُڑائیا۔ سو سِکھی سچ پریِتی اندر گئی بجھّ، پریم ڈوری تند اُٹھائیا۔ سو سِکھی کرے ساچا حج، محبوُب اِکو نظری آئیا۔ سو سِکھی سوہی اجّ، اجّ اوہ پربھ چرن ملِے وڈیائیا۔ سِری

بھگوان دَیاوان اِکّی سِکھاں پردہ دیوے کجّ، سیِس دستار سرب بندھائیا۔ ہرِ سنگت ہری دوار بہے سج، سجّن اِکو نظری آئیا۔ مہاراج شیر سِنگھ وِشنوُں بھگوان، دیونہارا سچّا داج، گٹھڑی اِکو وار بندھائیا۔ ہرِ سنگت سیہرا سیِس دستار، سیِس اپنے لیکھے لائیا۔ وڈّیاں نِکیاں اِکو جِہا پیار، دوُئی صاحِب نہ کوئے وکھائیا۔ لالو تیرا قرضہ دِتا اُتار، بُھکھے گھر ویکھی بادشاہیِا ۔ ہرِ سنگت تیرا ساچا ادھار، نر ہرِ ساچا آپ کرائیا۔ دوُر دُراڈے اِکٹّھے کِیتے آپ کرتار، نِہکرمی اپنا کرم کمائیا۔ جوتی جوت سروُپ ہرِ، آپ اپنی کِرپا کر، دیونہار سرب وڈیائیا۔ ہرِ سنگت تیرا سیِس ستگُر ہتّھ، دوُجا ہتّھ نہ کوئے لگائیندا۔ اَگے جمنا مرنا ہویا بس، گیڑے وِچ نہ کوئے رکھائیندا۔ پِچھلا میٹیا سارا شکّ، اَگے پردہ آپ اُٹھائیندا۔ ایہو گوبِند ویلے رہ گیا حق، سیِس دھڑ انتم اپنی جھولی پائیندا۔ جوتی جوت سروُپ ہرِ، آپ اپنی کِرپا کر، ایکا اِکّی وڈ وڈیائیندا۔ اِکیاں جوگا ہویا اِکو، ایکنکار بےپرواہیِا۔ گُرمُکھ ساچی سِکھیا سِکھو، سِکھاونہار سچّا شہنشاہیِا۔ اپنا لیکھا پربھ دوارے لِکھو، دوُجا در نہ کوئے وکھائیا۔ مانَس جنم انتم جِتّو، ہار بَیٹھے مُکھ بھوائیا۔ جوتی جوت سروُپ ہرِ، آپ اپنی کِرپا کر، بِردھ بال نؤجواناں اِستری پُرش دیوے مانا، سِر اپنا ہتّھ ٹِکائیا۔ پگڑی کہے میَں پرسے پگ، پت پرمیشور نظری آیا۔ میَں سب دے بہنا چڑھ کے اُپر شاہ رگ، سیِس اپنا آسن لایا۔ میَں سب توں پہلوں کریا حج، پربھ چرن ٹِکاّ لایا۔ ایسے کر کے گُرسِکھاں دے سِر تے گئی بجھّ، ناتا کوُڑا جگت تجایا۔ جوتی جوت سروُپ ہرِ، آپ اپنی کِرپا کر، ساچا دِتا موہے ور، میرا نام جگت وڈیایا۔ پگڑی کہے میَں ایسے کارن وڈّی، دیِن دُنی مَینوُں وڈیائیندا۔ میَں وڈّیوں ہو جاواں نڈھّی، بال بالی روُپ وٹائیندا۔ میَں پِھر کے آئی اجّی پّجی، جن بھگت دوار موہے بھائیندا۔ اِکّی وساکھ آئی بھجیّ، دوُر نیڑا پندھ نظر کوئے نہ آئیندا۔ سچ دوارے آ کے سجی، سچ سِنگھاسن سوبھا پائیندا۔ پت پرمیشور درشن کر کے رجّی، دُکھڑا درد مِٹائیندا۔ پا واسطہ کِہا میرا پردہ کجیّں، دوُجا نظر کوئے نہ آئیندا۔ سِری بھگوان کہے میرے بھگتاں سِر تے بجھّیں، سِر صدقہ سب دا ویکھ وکھائیندا۔ جوتی جوت سروُپ ہرِ، آپ اپنی کِرپا کر، دے مت آپ سمجھائیندا۔ پگڑی کہے جن بھگتو، جد پربھ نوُں سیِس جھُکاؤگے۔ پربھ چرناں تے مَینوُں پہلوں لگاؤگے۔ اپنا پِچھلا مان گواؤگے۔ کوَل چرن دھیان لگاؤگے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، میرا ناتا جوڑ جُڑاؤگے۔ اوہ دیِدار اوہ وقت، وقت رہیا جنائیا۔ نہ دُنیا نہ جگت،

جُگت نہ کِسے سمجھائیا۔ گُرسِکھ وڈیائی دِتی فقط، فِکر اپنا سرب مِٹائیا۔ سو گوبِند آیا پرت، جو دے کے گیا جُدائیا۔ پریم پریِتی اپنے وِچوں کڈھے عرق، جوتی لمبوُ اِکو لائیا۔ سچ نِشانی دیوے لا کے شرط، شہنشاہ داتا بےپرواہیِا۔ گُرسِکھو گُرمُکھو اِکو وار اپنے اَنتر آتم کھولو ورت، پربھ امرت آتم جام پیائیا۔ تُہاڈے وِچ کوئی نہیں رہیا فرق، جو میرا سو تُہاڈی جھولی پائیا۔ جے پِچھے رہ گئی رڑک، ریِڑکا اگلا دئے مُکائیا۔ اَدھ وِچکار کوئی نہ جائے اٹک، اٹکن سب دی رہیا کڈھائیا۔ بھگت دوارے اپنا مستک دِتا جھٹک، خوُن خوشی نال کڈھائیا۔ جوتی جوت سروُپ ہرِ، آپ اپنی کِرپا کر، ساچی کھیل کرائیا۔ گوبِند دیوے چرن خوُن، پَیر چوٹی تُہاڈے لیکھے لائیندا۔ اَگے پھیر بنے مضموُن، مُشکل سب دی حل کرائیندا۔ ہرِ کا جانے نہ کوئی قانوُن، لِکھت پڑھت وِچ کدے نہ آئیندا، جوتی جوت سروُپ ہرِ، آپ اپنی کِرپا کر، ساچی دَیا آپ کمائیندا۔ گوبِند خوُن رجّ رجّ پیؤ، بُھکھیاں بُھکھ رہن نہ پائیا۔ ایتھے اوتھے پربھ دی گودی جیؤ، جیِون مکُت وکھائیا۔ ناتا تُٹے ساڈھے تِنّ ہتّھ سیؤ، رَوداس چمارا دئے گواہیِا۔ پربھ پاؤنا اِکو پیؤ، پریِتم ملِے سہج سُبھائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ خوُن نال رلیا پانی، پانی جھُجار ہتّھ نہ آئیندا۔ انتم اَنت اِک نِشانی، نِشانہ اپنا تیِر چلائیندا۔ اَگے لِکھت لیکھ دوویں مہانی، دوہاں اپنے وِچ بند کرائیندا۔ جے تُہانوُں سچّی دسےّ کہانی، تُہاتھوں دُکھ جھلیا نہ جائیندا۔ جوتی جوت سروُپ ہرِ، آپ اپنی کِرپا کر، ایسے کر کے تھوڑا لیکھا اپنے وِچوں تُہاڈے وِچ رکھائیندا۔ انگوُٹھا کہے میری انگُشت، انگیکار اِک اکھوائیا۔ میَں بیڑا تاراں پُشت در پُشت، پِچھلا لیکھ چُکائیا۔ میرا خوُن کدے نہ ہووے خُشک، رگ رگ رہیا ٹپکائیا۔ تِس دا رس نہ ہوئے تُرش، مِٹھا اِکو وار پائیا۔ جے کوئی ستجُگ پُچھے کیہڑے مہاپُرش، گُرمُکھاں دئے وکھائیا۔ اِک دو نہیں کؤڑی گُرس، بےپرواہ بےپرواہی دئے وکھائیا۔ جوتی جوت سروُپ ہرِ، آپ اپنی کِرپا کر، سچ نِشانی آپ اپنا بھیٹ چڑھائیا۔

۲۲ وساکھ ۲۰۲۰ بِکرمی دلیِپ سِنگھ دے گرِہ بابوُپُرا ضِلع گُرداس پُر

صاحِب ستگُر سدا ترس، جن بھگتاں آپ کمائیندا۔ چِنتا میٹے روگ سوگ ہرکھ، ہردم اپنا نام سمجھائیندا۔ سیج سُہنجنی سُہائے فرش، فضل رحمت آپ کمائیندا۔ پریم پریِتی میگھ برس، بوُندا باندی نیِر ٹپکائیندا۔ غریِب نِمانیاں کدے نہ دیوے جھِڑک، پھڑ باہوں گلے لگائیندا۔ جوتی جوت سروُپ ہرِ، آپ اپنی کِرپا کر، مِہربان سدا اکھوائیندا۔ ترس کرے سدا مسکیِن، مُفلِس اپنی گود بہائیندا۔ گُرمُکھ گُر گُر لیکھا جِؤں جل میِن، جل میِن ڈیرہ ڈھاہِندا۔ جِس جن کرے چرن ادھیِن، لوک تیِن پار کرائیندا۔ جوتی جوت سروُپ ہرِ، آپ اپنی کِرپا کر، ہرِجن دیوے سدا ور، مِہربان مِہربان مِہربان مِہر نظر اِک ٹِکائیندا۔