کتب خانہGranth 14 (Urdu)

۲۵ جیٹھ ۲۰۲۰ بِکرمی رسیا رام دے گرِہ بدی پُر جموُں

جُگ چؤکڑی انتم گیڑا، کلجُگ کوُڑ رہیا کُرلائیا۔ نؤ کھنڈ پرِتھمی جھوُٹھا ڈیرہ، سَت روُپ دھرم نہ کوئے وکھائیا۔ لکھّ چؤراسی ہویا اندھیرا، نوُر چند نہ کوئے رُشنائیا۔ مایا ممتا ہؤمیں ہنگتا پایا گھیرا، پلّوُ سکے نہ کوئے چُھڈائیا۔ ناتا جُڑے نہ تیرا میرا، پرماتم آتم نظر کِسے نہ آئیا۔ جوتی جوت سروُپ ہرِ، آپ اپنی جوت دھر، نِرگُن ویکھنہارا بےپرواہیِا۔ جُگ چؤکڑی رہیا کوُک، کلجُگ اَنت اَنت کُرلائیا۔ ترےَگُن مایا رہی پھوُک، سانتک سَت نہ کوئے کرائیا۔ کوُڑی کِریا کوئے نہ چُکے چوُک، بھانڈا بھرم نہ کوئے بھنّائیا۔ بِن ہرِ نامے خالی ہوئے قلبوُت، کلمہ حق نہ کوئے پڑھائیا۔ سَت دیوے نہ کوئے ثبوُت، صاحِب ستگُر نظر نہ کوئے مِلائیا۔ چار ورن ورتی بھوُکھ، دھیِرج دھیِر نہ کوئے رکھائیا۔ سفلی ہوئی نہ کِسے جننی کُکھ، بھگت روُپ نہ کوئے وٹائیا۔ بھرمے بُھلے مانَس منُکھ، منُش سمجھ ذرا نہ آئیا۔ گُر اوتار پیِر پَیغمبر بَیٹھے لُک، ظاہر مُکھ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، نِرگُن نوُر کر رُشنائیا۔ چار کُنٹ اندھیرا اندھ، ورن برن سرب کُرلائیندا۔ ہرِ گوبِند گیِت نہ کوئے چھند، پاربرہم پرم پُرکھ پرمیشور نہ کوئے دھیائیندا۔ آتم پرماتم ملِے نہ کِسے انند، نِج گھر ڈیرہ کوئے نہ لائیندا۔ کوُڑی کِریا کر کر ونڈ، کلجُگ جیِو سرب کُرلائیندا ۔ رسنا جِہوا کھائن گند، منتر ہری نہ کوئے دِرڑائیندا۔ سچ دوار نہ مُکیا پندھ، دسم دواری پڑدہ کوئے نہ لاہِندا۔ ناتا چُکے نہ جیرج انڈ، اُتبُھج سیتج سنگ نہ کوئے تجائیندا۔ پاربرہم برہم ڈھولا گائے نہ کوئے چھند، سانتک سَت نہ کوئے وکھائیندا۔ کایا مندر اندر نِرگُن نِروَیر کوئی نہ ویکھے لنگھ، پاندھی پندھ نہ کوئے مُکائیندا۔ آتم سیجا کوئی نہ سوئے پلنگ، جگت آسن سرب

وِچھائیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیندا۔ چار کُنٹ اگنی اگّ، امرت میگھ نہ کوئے برسائیا۔ کلجُگ جیِو ہوئے کگّ، ہنس روُپ نہ کوئے وٹائیا۔ لوبھ ہنکار اندر گئے پھس، ممتا کوُڑی نہ کوئے مِٹائیا۔ گھر مندر چڑھیا نہ کوئے نسّ، بند کِواڑی نہ کوئے کُھلائیا۔ پرکاش ہویا نہ نوُری چند، روَ سس بَیٹھے دھیان لگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سد ہتّھ تیرے وڈیائیا۔ کلجُگ چاروں کُنٹ کھیل، دہ دِشا ویکھ وکھائیا۔ سچ نہ دِسے کوئی سجّن سُہیل، مِتر پیارا نظر کوئے نہ آئیا۔ جوت نِرنجن چڑھے کوئی نہ تیل، گھر سگن نہ کوئے منائیا۔ پربھ ملِے نہ وسنہار سدا نَویل، دوُر دُراڈا ڈیرہ لائیا۔ اچرج کھیل رہیا نر کھیل، نرائن سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ چاروں کُنٹ کوُڑ پسارا، سچ نظر کوئے نہ آئیندا۔ دو جہان ہاہاکارا، زِمیں اسمان سرب کُرلائیندا۔ دھرنی دھرت دھوَل رووے زارو زارا، نیتر نَین نیِر وہائیندا۔ شاستر سِمرت وید پُران کرن پُکارا، اُچی کوُک کوُک الائیندا۔ اِنجیِل قُرآن کھانی بانی دیوے نہ کوئے سہارا، سِر ہتّھ نہ کوئے رکھائیندا۔ گُر اوتار نہ کوئے پیارا، اِشٹ دیوَ نہ کوئے منائیندا۔ ساچا نوُر نہ کوئے اُجیارا، جوتی چند نہ کوئے چمکائیندا۔ مندر مسجد شِودوالے مٹھ نہ کوئے ادھارا، دھیِرج دھیِر نہ کوئے رکھائیندا۔ چار ورن ملِے نہ کوئے سانجھا یارا، دیِن مذہب بھیوَ نہ کوئے مِٹائیندا۔ اوُچ نیِچ کرے نہ کوئے پار کنارہ، ساچا منتر نام نہ کوئے دِرڑائیندا۔ تِھر گھر کھولے نہ کوئے کِواڑا، پڑدہ دوُئی نہ کوئے اُٹھائیندا۔ پربھ ملِے نہ میِت مُرارا، پریِتم نظر کوئے نہ آئیندا۔ کاغد قلم شاہی رووے زارو زارا، کلجُگ انتم ویلا آئیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ کلجُگ کوُڑا کوُڑ ناتا، لکھّ چؤراسی بندھن پائیا۔ ہرِ کا نام نہ کِسے پچھاتا، سادھ سنت رہے کُرلائیا۔ آتم پرماتم جُڑیا نہ کوئے ناتا، برہم پاربرہم میل نہ کوئے مِلائیا۔ درس نہ پایا پُرکھ سمراتھا، گھر وجّی نہ سچ ودھائیا۔ نظر نہ آیا تریَلوکی ناتھا، رام راما گود نہ کوئے سُہائیا۔ چؤتھے جُگ آیا گھاٹا، ساچا کھنڈا ہتّھ نہ کوئے اُٹھائیا۔ انتم نیڑے آئی واٹا، پاندھی اپنا پندھ مُکائیا۔ ابناسی کرتا وکھاونہارا پِچھلا کھاتہ، لہنا دینا رہیا چُکائیا۔ ویکھنہار اندھیری راتا، نِروَیر اپنا پھیرا پائیا۔ جوتی جوت سروُپ ہرِ، آپ اپنی کِرپا کر، ویکھنہارا تھاؤں تھائنیا۔ کلجُگ انتم کھیل اولّا، نر ہرِ نرائن آپ کرائیندا۔ سچکھنڈ نِواسی اِک اِکلّا، بےپرواہ ویس وٹائیندا۔ ویکھنہارا جلاں تھلاں، جنگل جوُہ اُجاڑ پہاڑ اُچے ٹِلّے پربت پھول پُھلائیندا۔

سچ سِنگھاسن اِکو ملّا، نِہچل اپنا ڈیرہ لائیندا۔ دُھر سندیس جُگ جُگ گھلا، ستجُگ تریتا دواپر کلجُگ گُر اوتار پیِر پَیغمبر آپ پڑھائیندا۔ جوتی شبدی دھار آپے رلا، روُپ رنگ ریکھ نہ کوئے رکھائیندا۔ جوتی جوت سروُپ ہرِ، آپ اپنی کِرپا کر، کلجُگ انتم ویکھ وکھائیندا۔ کلجُگ انتم ویکھنہارا، بےپرواہ نظر کِسے نہ آئیا۔ کرے کھیل اگمّ اپارا، اپرمپر اپنی دھار چلائیا۔ وِشن برہما شِو دئے ہُلارا، کروڑ تیتیِسا آپ اُٹھائیا۔ سُرپت کھولے آپ کِواڑا، ترےَگُن پڑدہ دئے چُکائیا۔ پنج تت ویکھنہار اَکھاڑا، نوَ نؤ پھیرا پائیا۔ دھرت دھوَل پائے سارا، گگن منڈل پھول پُھلائیا۔ لیکھا جانے روَ سس سوُرج چنّ ستارا، بھیوَ ابھیدا آپ جنائیا۔ شاستر سِمرت وید پُران اِنجیِل قُرآن گیِتا گیان ویکھنہارا، کھانی بانی پردہ رہیا اُٹھائیا۔ در درویش کرے تیئی اوتارا، گُر گُر اپنا بنک سُہائیا۔ عیسیٰ موُسیٰ محمد کھولنہارا بند کِواڑا، نِج نیتر نَین دئے کُھلائیا۔ بےپرواہ پروردِگارا، مقامے حق جلوہ نوُر رُشنائیا۔ کاغد قلم نہ لِکھنہارا، کاتب روُپ نہ کوئے درسائیا۔ چؤداں طبق ویکھے اَکھاڑا، چؤداں لوک رہیا ہِلائیا۔ جوتی جوت سروُپ ہرِ، آپ اپنی جوت دھر، کلجُگ تیری انتم ور، کرے کھیل بےپرواہیِا۔ کلجُگ اَنت گُر اوتار، پیِر پَیغمبر دھیان لگائیا۔ سرِشٹ سبائی گئی ہار، ہرِ کا نام نہ کوئے دِھیائیا۔ ساچی سِکھیا نہ کوئے وِچار، گُر منتر نہ کوئے دِرڑائیا۔ نمو سَت نہ کوئے جَیکار، نعرہ حق نہ کوئے لگائیا۔ چاروں کُنٹ دھوُاں دھار، کوُڑی کِریا اندھیرا چھائیا۔ سجّن ملِے نہ میِت مُرار، سگلا سنگ نہ کوئے نِبھائیا۔ نؤ کھنڈ پرِتھمی ہوئی خوار، خالص روُپ نہ کوئے وٹائیا۔ جیِو جنت ہوئے وِبھچار، کوُڑی کِریا گنڈھ پوائیا۔ دیِپک سچ نہ کوئے اُجیار، گھر جوتی نوُر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، ویکھنہارا اِک اکھوائیا۔ کلجُگ ویکھے کوُڑی مایا، گھر گھر ڈیرہ لائیا۔ ہرِ کا روُپ کِسے نظر نہ آیا، در در پڑدہ پائیا۔ ساچا مندر نہ کوئے سُہایا، گھر دیِپ نہ کوئے رُشنائیا۔ ناد اگمّ نہ کِسے وجایا، انحد راگ نہ کوئے شنوائیا۔ امرت آتم جام نہ کِسے پیایا، نِجھر جھِرنا نہ کوئے جھِرائیا۔ اٹھسٹھ تیِرتھ پھیرا پایا، بھانڈا بھرم نہ کوئے بھنّائیا۔ دُرمت مَیل نہ کوئے دھوایا، اُجل مُکھ نہ کوئے کرائیا۔ سفل کُکھ نہ کوئے وکھایا، جننی روُپ نہ کوئے وٹائیا۔ دُکھ سُکھ وِچ نہ سکے کوئی بدلایا، دیِناں اناتھاں درد نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ کلجُگ اُٹھے ویکھے مار دھیان، چاروں کُنٹ لئے انگڑائیا۔ نوَ نؤ وڑیا اِک شیَطان، شرع گھر گھر کرے لڑائیا۔ ثابت دِسے نہ کوئے اِیمان، دھرم روُپ نہ کوئے جنائیا۔ من کافر

ہویا بےاِیمان، بُدھ بِبیک نہ کوئے کرائیا۔ ساچا ہَون نہ کرے کوئی وِچ جہان، دھوُپ دیِپ گھِرت سچ سمگری ہتّھ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کلجُگ انتم ویکھ وکھائیا۔ کلجُگ انتم رووے مارے دھاہ، نیتر نَیناں نیِر وہائیندا۔ چاروں کُنٹ اندھیرا گیا چھا، چاندنا نظر کوئے نہ آئیندا۔ گُر اوتار پیِر پَیغمبر پلّوُ گئے چُھڈا، سگلا سنگ نہ کوئے بنائیندا۔ دیِن مذہب رؤلا رہے پا، رحمت سچ نہ کوئے کمائیندا۔ آتم پرماتم پڑدہ سکے نہ کوئی لاہ، دوَیتی پرے نہ کوئے ہٹائیندا ۔ برہم پاربرہم میلا لئے نہ کوئے مِلا، مِلنی جگدیِش نہ کوئے کرائیندا۔ ساچا مندر سکے نہ کوئے وکھا، ٹھاکر نظر کِسے نہ آئیندا۔ چتُربُھج انگ سکے نہ کوئے لگا، آد شکت نوُر نہ ڈگمگائیندا۔ اجوُنی رہت ملِے نہ بےپرواہ، انبھوَ پرکاش نہ کوئے کرائیندا۔ ساچا نوُر نہ ملِے خُدا، ظاہر ظہوُر نظر کوئے نہ آئیندا۔ کوُڑی غفلت دیوے نہ کوئے مِٹا، خصلت باہر نہ کوئے کڈھائیندا۔ عبادت اِک دیوے نہ کوئی سمجھا، رحمت سچ نہ کوئے کمائیندا۔ سُرتی سیِتا رام نہ دیوے کوئی مِلا، بنسری کاہن نہ کوئے وجائیندا۔ گُر گُر بھیوَ سکے نہ کوئے چُکا، بھانڈا بھرم نہ کوئے بھنّائیندا۔ سرِشٹ سبائی اندھیرا گیا چھا، ہرِ جوُ ہرِ نرائن ساچا اِشٹ نظر کِسے نہ آئیندا۔ درِشٹ سکے نہ کوئے جنا، جوتی جوت سروُپ ہرِ، آپ اپنی کِرپا کر، کل اپنی کھیل رچائیندا۔ کلجُگ رووے سُناوے حال، نیتر نَیناں نیِر وہائیا۔ میری بے صبری ہوئی چال، صبر نظر کوئے نہ آئیا۔ حقیِقت بنے نہ کوئے دلال، شریِکت ودھی سرب لوکائیا۔ اصلیّت سکے نہ کوئے وکھال، قابلیت سکے نہ کوئے جنائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے دھیان لگائیا۔ در تیرے پربھ رکھی آس، جُگ چؤتھا رہیا جنائیا۔ تیرے مِلن دی اِک پیاس، اِکو اوٹ تکائیا۔ ستجُگ تریتا دواپر ہُندا آیا ناس، تِھر کوئے رہن نہ پائیا۔ گُر اوتار پیِر پَیغمبر تیری گاؤندے آئے گاتھ، کھانی بانی صِفت صالاحیِا۔ جُگ چؤکڑی تیرا کُھلدا رہیا ہاٹ، وڈ ونجارے بےپرواہیِا۔ کلجُگ انتم نیڑے آئی واٹ، پاندھی اپنا پندھ مُکائیا۔ میرا کوئی نہ دِسے ساتھ، سگلا سنگ گئے تجائیا۔ انتم ہونا پَینا ناس، تِھر کوئے رہن نہ پائیا۔ کر کِرپا میری دسّ شاخ، شناخت تیرے ہتّھ وڈیائیا۔ پِھرے دروہی پرِتھمی آکاش، گگن منڈل دھیِر نہ کوئے دھرائیا۔ وِشن برہما شِو ہوئے اُداس، کلجُگ اَنت رہے گھبرائیا۔ جوتی جوت سروُپ ہرِ، آپ اپنی کِرپا کر، نِرگُن ہونا آپ سہائیا۔ نِرگُن داتا سِری بھگوان، سو پُرکھ نِرنجن دَیا کمائیندا۔ جُگ چؤکڑی میرا نِشان، لوک مات نہ کوئے مِٹائیندا۔ چؤداں لوک ہون حَیران، ترےَبھوَن دھنی اپنی بوُجھ

بُجھائیندا۔ ساچے بھگت سدا پروان، نام پروانہ ہتّھ پھڑائیندا۔ نِت نوِت آتم پرماتم اِکو نام گان، گا گا شُکر سرب منائیندا۔ جوتی نوُر چمکے مہان، اندھ اندھیر گوائیندا۔ ستجُگ تریتا دواپر کلجُگ ویکھے آن، ویکھنہارا اپنا ویس وٹائیندا۔ جوتی جوت سروُپ ہرِ، آپ اپنی کِرپا کر، سچ سندیسہ اِک سُنائیندا۔ سچ سندیسہ سُن لےَ میِت، ہرِ ستگُر آپ جنائیا۔ سِری بھگوان دی ساچی ریِت، جن بھگت مات رکھائیا۔ سدا سدا سد رہن اتیِت، ترےَگُن وِچ کدے نہ آئیا ۔ وسن دھام اِک انڈیِٹھ، جگ نیتر سار نہ پائیا۔ ناتا توڑ مندر مسیِت، پربھ سرن منگن سرنائیا۔ پرماتم لگّے سچ پریِت، آتم اِکو سیو کمائیا۔ ڈھولا ملِے اگمّا گیِت، بِن رسنا جِہوا گائیا۔ گھٹ بھیِتر ہووے ٹھانڈا سیِت، باہر اگن نہ لاگے رائیا۔ جوتی جوت سروُپ ہرِ، آپ اپنی کِرپا کر، ساچی سِکھیا رہیا دِرڑائیا۔ میرا ناؤں ساچا بھگت، سو صاحِب آپ جنائیندا۔ جُگ چؤکڑی رہے جگت، جُگ چار ونڈ ونڈائیندا۔ لیکھا جانے عرش فرش، کایا کُرہ سوبھا پائیندا۔ نِت نوِت نِرگُن سرگُن دیوے درس، سوَچّھ سروُپی روُپ وٹائیندا ۔ جنم جنم دی میٹے حرص، کرم کرم دا لیکھ چُکائیندا۔ جوتی جوت سروُپ ہرِ، آپ اپنی کِرپا کر، مِہر نظر آپ اُٹھائیندا۔ مِہر نظر رکھے بھگوان، بھاونا اپنی رہیا جنائیا۔ بھگتاں دیوے اِکو دان، سچ پریِتی جھولی پائیا۔ آتم اَنتر برہم گیان، برہم وِدیا کرے پڑھائیا۔ ڈھولا گاون وِچ جہان، سوہنگ راگ الائیا۔ کوُڑی کِریا مِٹے کان، مایا ممتا موہ تجائیا۔ دِوس رَین راہ تکان، نِج نیتر نَین کُھلائیا۔ کوَن ویلا پربھ ملِے آن، نِرگُن اپنا پھیرا پائیا۔ جوتی جوت سروُپ ہرِ، آپ اپنی کِرپا کر، کوُڑا لیکھا ویکھ وکھائیا۔ کلجُگ کوُڑ کہے میَں پردھان، سچ پردھانگی مات کمائیندا۔ دھرم رہن نہ دِتا کوئی نِشان، گھر گھر کوُڑ کُڑیارا ناچ نچائیندا۔ سادھ سنت دھیِاں بھَیناں تکان، پنڈت پاندھا دھیِر نہ کوئے دھرائیندا۔ من واسنا نچّے شیَطان، ڈوری شبد نہ کوئے بندھائیندا۔ گھر مندر سوہے نہ کوئے مکان، گرِہ ٹھاکر نظر کِسے نہ آئیندا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تُدھ بِن پار نہ کوئے کرائیندا۔ کلجُگ ویکھ انتم ویلا، پاربرہم پربھ آپ جنائیا۔ کوَن گُروُ کوَن ملِے چیلا، کوَن لیکھا رہیا مُکائیا۔ کوَن ستگُر سجّن سُہیلا، کوَن بیڑا رہیا ترائیا۔ کوَن اچرج کھیل کھیلا، نِرگُن جوت نوُر رُشنائیا۔ کوَن لکھّ چؤراسی دھرم رائے دی گھلے جیلا، کوَن جوُن اجوُن بھوائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا وکھائیا۔ کلجُگ اَگوں دوویں جوڑ، پربھ چرن سیِس نِوائیندا۔ شاہ پاتشاہ ہرِ تیری لوڑ،

دوُجی اوٹ نہ کوئے تکائیندا۔ چاروں کُنٹ اندھیرا گھور، ساچا زور آپ وکھائیندا۔ مایا ممتا پائے شور، در در اِکو راگ الائیندا۔ مانَس مانُکھ ہوئے ڈھور، بُدھ بِبیک نہ کوئے کرائیندا۔ تن اندر وڑے پنج چور، پھڑ باہوں باہر نہ کوئے کڈھائیندا۔ اَگے ہو کے کوئی نہ سکے ہوڑ، ہوکا دے نہ کوئے جگائیندا۔ چڑھ کے آئے نہ کوئی گھوڑ، واگ لوک مات نہ کوئے بھوائیندا۔ آتم پرماتم مِلن دی لگّی اؤڑ، پیاسی پیاس نہ کوئے بُجھائیندا۔ کِرپا نِدھان ٹھاکر سوامی چھیتی بہُڑ، بہُڑی بہُڑی سرب کُرلائیندا۔ جوتی جوت سروُپ ہرِ، آپ اپنی کِرپا کر، ایکا دینا سچّا ور، در تیرے آس لگائیندا۔ سِری بھگوان دَیا کماویگا۔ سو پُرکھ نِرنجن بن کے آویگا۔ ہرِ پُرکھ نِرنجن ویس وٹاویگا۔ ایکنکارا رنگ رنگاویگا۔ آد نِرنجن نوُر چمکاویگا۔ ابناسی کرتا ونڈ ونڈاویگا۔ سِری بھگوان سنگ نِبھاویگا۔ پاربرہم پربھ اِکو چھند سُناویگا۔ وِشن برہما شِو اُٹھاویگا۔ لوآں پُریاں برہمنڈا کھنڈاں کھوج کُھجاویگا۔ سچ دربار اِک سُہاویگا۔ نِراکار جوت جگاویگا۔ ساکار نظر نہ آویگا۔ اگمّ کھیل وکھاویگا۔ بِن ماٹی چمّ کایا تت جناویگا۔ ہرکھ سوگ نہ خوشی غم، چِنتا کول نہ کوئی لیاویگا۔ سَت سَتوادی جانے اپنا کمّ، نِہکرمی کرم کماویگا۔ گُر اوتار پیِر پَیغمبر بیڑا بنّھ، دو جہان آپ چلاویگا۔ شاستر سِمرت وید پُران قُرآن اِنجیِل راگ سُنا کنّ، بتّی دند صِفت صالاویگا۔ ستجُگ تریتا دواپر کلجُگ انتم جائے ہنڈھ، ہرِ جوُ اپنا بھیوَ چُکاویگا۔ ستجُگ ساچی ونڈے ونڈ، وست امولک جھولی پاویگا۔ کوُڑی کِریا میٹے بھیکھ پکھنڈ، بھیکھی کوئی نظر نہ آویگا۔ اِکو سوُرج اِکو چند، اِکو نوُر نوُر درساویگا۔ اِکو مندر شِودوالا مٹھ، گُروُدوارا اِک وکھاویگا۔ اِک مسجد مسیِت ساچی لنگھ، حُجرہ حق حق پرگٹاویگا۔ اِکو نام وجےّ مردنگ، نعرہ اِکو اِک سُناویگا۔ اِکو گیِت اِکو چھند، اِکو گوبِند نظری آویگا۔ اِکو تیِر کمان بھتّھا اِکو سوُرا سربنگ، اِکو چِلّہ نام ہتّھ اُٹھاویگا۔ اِکو دو جہاناں دیوے ڈنّ، اِکو ڈنکا نام سُناویگا۔ اِکو گھڑے اِکو دیوے بھنّ، گھڑن بھنّنہار اِک اکھواویگا۔ اِکو نِرگُن اِکو سرگُن کرے وسیرا پنج تت کایا تن، تتَو اپنا آپ جناویگا۔ اِکو وسے چھپری چھنّ، اِکو محل اٹل سوبھا پاویگا۔ اِکو ہوئے نیتر انّھ، اِکو گیان گوجھ بھیوَ چُکاویگا۔ اِکو جننی اِکو جن، اِکو پوُت سپوُت گود اُٹھاویگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، کلجُگ تیرا لیکھا اَنت مُکاویگا۔ کلجُگ تیرا لیکھا اَنت مُکائیگا۔ پربھ ابناسی ویس وٹائیگا۔ نؤ کھنڈ پرِتھمی ویکھ وکھائیگا۔ ستّاں دیِپاں پڑدہ لاہیگا۔ جیِو جنت سرب جگائیگا۔ سادھ سنت آپ اُٹھائیگا۔ راج راجان خاک مِلائیگا۔ شاہ

سُلطان کوئی رہن نہ پائیگا۔ نام نِدھان ڈنک وجائیگا۔ راؤ رنک اِکو گھر وکھائیگا۔ دوار بنک اِک وڈیائیگا۔ جِس گرِہ مندر سِری بھگوان ڈیرہ لائیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، کلجُگ تیری کوُڑی کِریا شؤہ دریا رُڑھائیگا۔ کلجُگ کوُڑ کُڑیارا جاویگا۔ لوک مات رہن نہ پاویگا۔ جگت اندھیرا پربھ آپ مُکاویگا۔ سنجھ سویرا اِک کراویگا۔ گُر چیرا ویکھ وکھاویگا۔ تیرا میرا بھیوَ مُکاویگا۔ ساچا کھیڑا پھیر وساویگا۔ جوُٹھا جھوُٹھا جھیڑا آپ مُکاویگا۔ دھرت مات دا کُھلا ویہڑا کر وکھاویگا۔ پربھ نظری آئے نیرن نیرا، دوُر دُراڈا پندھ چُکاویگا۔ ستجُگ ساچے لگّے ڈیرہ، دھرت مات دی گود بہاویگا۔ جوتی جوت سروُپ ہرِ، آپ اپنی کِرپا کر، مِہربان مِہربان مِہربان مِہر نظر اِک اُٹھاویگا۔ پربھ مِہر نظر اُٹھائیگا۔ ابناسی کرتا ویس وٹائیگا۔ سرب گھٹ واسی پھیرا پائیگا۔ جگت اُداسی پار کرائیگا۔ ساچے ساتھی بھگت مِلائیگا۔ پوُجا پاٹھی اِک جنائیگا۔ تیِرتھ تاٹی اِکو نظری آئیگا۔ چؤداں لوک اگمّی ہاٹی، وست اِک ورتائیگا۔ کلجُگ میٹے اندھیری راتی، ستجُگ ساچا چند چمکائیگا۔ لیکھے لائے بندہ خاکی، خاکی خاک ویکھ وکھائیگا۔ سرگُن کوئے نہ رہے عاقی، نِرگُن نِرنکار اپنا حُکم منائیگا۔ جن بھگتاں بند کِواڑا کھولے تاکی، بجر کپاٹی توڑ تُڑائیگا۔ آتم پرماتم اِکو دسےّ ذاتی، ذات پات نہ کوئے رکھائیگا۔ امرت جام پیالہ پیائے بن کے ساقی، رس اِکو اِک وکھائیگا۔ جن بھگتاں پار کرائے اؤکھی گھاٹی، پتّن اِکو نظری آئیگا۔ جِس مندر وسے کملاپاتی، پت پرمیشور ڈیرہ لائیگا۔ جوتی جوت سروُپ ہرِ، آپ اپنی کِرپا کر، سو محل اٹل رُشنائیگا۔ سو محل رُشناویگا۔ جِس گرِہ ہرِ جوُ جوت جگاویگا۔ شبد ناد چوٹ لگاویگا۔ کوٹن کوٹ جیِو اُٹھاویگا۔ ہرکھ سوگ سرب مِٹاویگا۔ سُناوے سچ سلوک، سوہنگ ڈھولا راگ الاویگا۔ ساچی دیونہارا موکھ، مُفت اپنا نام ورتاویگا۔ جوتی جوت سروُپ ہرِ، آپ اپنی جوت دھر، کلجُگ انتم دَیا کماویگا۔ کلجُگ اَنت دَیا کمائیگا۔ سِری بھگوان ویس وٹائیگا۔ ساچے سنت آپ اُٹھائیگا۔ گُر منت نام دِرڑائیگا۔ ہؤمیں ہنگتا گڑھ تُڑائیگا ۔ چار ورن دی ساچی سنگت، اِکو روُپ درسائیگا۔ کھتری براہمن شوُدر وَیش اِکو در بہائیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھگت بھگوان آپ وڈیائیگا۔ جن بھگتاں آپ وڈیاویگا۔ سِر مِہر ہتّھ ٹِکاویگا۔ سمرتھ دَیا کماویگا۔ بول الکھّ جَیکار سُناویگا۔ لکھّ چؤراسی وِچوں رکھ، پربھ اپنی گنڈھ پواویگا۔ درشن دیوے ہو پرتکھ، سوَچّھ سروُپی روُپ وٹاویگا۔ اِکو راگ سُنائے

جس، ناد اِکو اِک وجاویگا۔ سُرتی شبدی میلا ہسّ ہسّ، سوہنگ ہنسا اِکو مُکھ رکھاویگا۔ بِرہوں وِچُھنی پوُری آس، ترِسنا بُھکھ مِٹاویگا۔ منڈل بہہ کے پائے راس، گوپی کاہن نچاویگا۔ کھیلے کھیل پُرکھ سمراتھ، سمرتھ اپنا راہ وکھاویگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِرگُن داتا پُرکھ بِدھاتا اُتم ذاتا آد اَنت اپنا نوُر جناویگا۔ اپنا نوُر اِک جناویگا۔ ظاہر ظہوُر ویس وٹاویگا۔ شبد ناد تُور سُناویگا۔ آسا پوُر سرب اکھواویگا۔ بھگت بھگوان گود سُہاویگا۔ سَت سروُپی ہِردا سودھ، سِدھ مارگ اِکو لاویگا۔ ناتا توڑ کام کرودھ، لوبھ موہ ہنکار مِٹاویگا۔ دیوے گیان نیتر گوجھ، بھیوَ ابھیوَ آپ چُکاویگا۔ داتا دانی وڈ وڈّا بودھ، بودھ اگادھ سمجھاویگا۔ آتم پرماتم پرماتم آوے اِکو دسےّ سوچ، دوُجی سمجھ نہ کوئے رکھاویگا۔ بھگت بھگوان دو جہان اِک دوُجے دے درشن رہے لوچ، مِل درسی درس آدرش اِک وکھاویگا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، وسنہارا سچکھنڈ دوارے ساچے کوٹ، سچ محلا اِکو اِک وساویگا۔

۲۶ جیٹھ ۲۰۲۰ بِکرمی بھگت سِنگھ دے گرِہ پِنڈ کیِر جموُں

من مت کرے بےمُکھ، گُرمت بُھلی جگت لوکائیا۔ من واسنا لگّا دُکھ، کام کرودھ لوبھ موہ ہنکار ہلکائیا۔ مانَس جنم مِلیا منُکھ، ہنس روُپ نظر نہ آئیا۔ کوُڑی کِریا رکھی چُگ، جِہوا کاگ وانگ کُرلائیا۔ اَنتر آتم گئی نہ جھُک، جگ ماٹی سیِس جھُکائیا۔ پریم پریِتی اندر لیا نہ پُچھ، پربھ دسےّ بےپرواہیِا۔ بِن امرت بوُٹا رہیا سُک، گُر گوبِند گیا سمجھائیا۔ نِروَیر پُرکھ اندر بَیٹھا لُک، کلجُگ جیِو نظر نہ آئیا۔ من ہنکاری رہیا بُک، اُچی کوُک کوُک سُنائیا۔ گُر شبدی ہِردے ہرِ وسائی نہ ساچی تُک، تُخم حق نہ کوئے اکھوائیا۔ مایا ممتا آسا ترِسنا لگّی بُھکھ، ستگُر چرن پریِت نہ کوئے ودھائیا۔ جوُٹھ جھوُٹھ بوُٹا دِتا نہ پُٹ، سچ سُچ نظر کِسے نہ آئیا۔ ٹھگ چور یار کام کرودھ لوبھ موہ ہنکار رہے لُٹ، کھنڈا نام ہتّھ نہ کوئے چمکائیا۔ جوتی جوت سروُپ ہرِ، آپ اپنی کِرپا کر، بھیوَ ابھید رہیا سمجھائیا۔ منمُکھ جیِو جگت وِکار، کوُڑی کِریا بندھن پائیا۔ جِنہاں اَنتر آتم اِک پیار، سو گُرمُکھ روُپ وٹائیا۔ ستگُر چرن کرن نِمسکار، نِمکھ نِمکھ اپنا من

کٹائیا۔ اِکو اوٹ پُرکھ اکال، دوُجی آس نہ کوئے رکھائیا۔ شبد گُروُ چلے سد نال، نِرگُن سرگُن وِچھڑ کدے نہ جائیا۔ پُچھنہارا مُریِداں حال، مُرشد اپنا پھیرا پائیا۔ ترےَگُن مایا توڑنہار جنجال، جیِون جُگت دئے جنائیا۔ جو گُرسِکھ کایا مندر اندر وڑے سچّی دھرمسال، تِنہاں منمُکھ کوئے کہن نہ پائیا۔ دیِناں بندھپ دیِن دَیال، پُرکھ ابناسی ہوئے سہائیا۔ امرت آتم مارے اِک اُچھال، سر سروور اِک نُہائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے جنائیا۔ پڑھ پڑھ سُن سُن نہ آئے یقیِن، یکے بعد دیِگرے لئے جنائیا۔ نانک نِرگُن کر کے گیا تلقیِن، چار ورن سمجھائیا۔ ہرِ کا مارگ اِک مہیِن، پاندھی کوئی چل نہ سکے راہیا۔ جو جن صاحِب ستگُر ہوئے مسکیِن، من واسنا میٹ مِٹائیا۔ آس پیاس رکھے جِؤں جل میِن، نیتر نَین اِکو اِک تکائیا۔ بُدھ مت گُر شبدی ہوئے ادھیِن، سُرتی ستگُر سرن سرنائیا ۔ جوتی جوت سروُپ ہرِ، آپ اپنی کِرپا کر، سچ دِلاسا تن جنائیا۔ پوُرا یقیِن دیوے دِلاسا، جِنہاں اپنی دَیا کمائیندا۔ اندر باہر ہو ہو راکھا، نِرگُن ساچی سیو کمائیندا۔ لیکھا جانے ناتھ اناتھاں، دیِنن اپنے انگ لگائیندا۔ اِک سُنائے پوُجا پاٹھا، منتر نام اِک دِرڑائیندا۔ کوُڑی کِریا میٹ اندھیری راتا، جوتی چند نوُر چمکائیندا۔ پاربرہم برہم دیوے ساتھا، سگلا سنگ نِبھائیندا۔ سرِشٹ سبائی کوُڑی کِریا باہروں ویکھے جگت تماشا، اندر وڑ درس کوئے نہ پائیندا۔ من ٹھگوَری کرے ہاسا، ٹھاکر نظر کِسے نہ آئیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ سمجھائیندا۔ ساچا کھیل دسےّ بھگوان، بھگوَن اپنی دَیا کمائیا۔ جُگ چؤکڑی ہو مِہربان، ستجُگ تریتا دواپر کلجُگ آپ ہنڈائیا۔ گُر اوتاراں پیِر پَیغمبراں سادھاں سنتاں دیونہارا دان، وست امولک آپ ورتائیا۔ نام نِدھان گُن نِدھان، گُنونتا دئے وڈیائیا۔ پنج تت کایا مندر مکان، آتم پرماتم میلے آن، شبدی ناد دُھن شنوائیا۔ شاستر سِمرت وید پُران گیِتا گیان، اِنجیِل قُرآن کھانی بانی ہرِ کا ناؤں صِفت صالاحیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ یقیِن گُرمُکھ سجّن آپ دِوائیا۔ سچ یقیِن ہوئے سچ بھگت، لکھّ چؤراسی رہی کُرلائیا۔ ملِے وڈیائی اُتم جگت، جِنہاں پربھ مِلیا بےپرواہیِا۔ تِنہاں ویلا سوہے وقت، سُہنجنی گھڑی نال رلائیا۔ باقی سارے رہے بھٹک، اگنی اگّ نہ کوئے بُجھائیا۔ بن کے پاندھی رہے اٹک، منزل حق نہ کوئے چڑھائیا۔ کوُڑی کِریا مگر لگّا کٹک، کنڈھا پار نہ کوئے وکھائیا۔ اپنے گھر نہ جائے کوئی پرت، مندر ویکھے نہ چائیں چائنیا۔ گُرمُکھاں ولّ ویکھ کے چڑھدا ہرکھ، من چِندیا رہی ستائیا۔ ستگُر

پوُرے دی کیا کوئی کرے پرکھ، پاربرہم پربھ پرکھ وِچ نہ آئیا۔ کر کِرپا جِس دیوے اپنا درس، تِس اَنتر بوُجھ بُجھائیا۔ جوتی جوت سروُپ ہرِ، آپ اپنی کِرپا کر، ساچا لیکھا رہیا جنائیا۔ ساچا لیکھا وِچ جہان، دو جہاناں والی آپ رکھائیندا۔ پڑھ پڑھ تھکے رسنا زبان، جِہوا سب دی صِفت صالاحِندا۔ سُن سُن تھکے سرون کان، ناد انادی ناد جنائیندا۔ ہِردے ہرِ نہ وسیا کِسے بھگوان، بھانڈا بھرم نہ کوئے بھنّائیندا۔ مندر مسجد شِودوالے مٹھ سارے جان، جاننہارا ہتّھ کِسے نہ آئیندا۔ سچ سچ سچ کرے نہ کوئی پرنام، نِیوں نِیوں سجدہ سیِس نہ کوئے جھُکائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ جو جن سرن جائے جھُک، اَنتر اِک دھیان لگائیا۔ تِس دا پُچھنا گِچھنا جائے مُک، سُرتی سُرت رہے نہ رائیا۔ دیوے درس جو بَیٹھا لُک، گھر مندر کرے رُشنائیا۔ سفل کرائے جننی کُکھ، کُکھ ککھّڑی دئے وڈیائیا۔ جنم کرم دی میٹے بُھکھ، ترِسنا ترِکھا بُجھائیا۔ اندر وڑ کے ساچی سیجا چڑھ کے گُر شبدی لئے پُچھ، گُرمُکھ سُتا لئے اُٹھائیا۔ اُٹھ لاڈلے میرے سُت، پِتا پوُت ویکھن آئیا۔ جوتی جوت سروُپ ہرِ، آپ اپنی کِرپا کر، لیکھا سب دا رہیا مُکائیا۔ لیکھا جانے وڈ مِہربان، مِہربان وڈّی وڈیائیا۔ لکھّ چؤراسی جِس دِتا دان، وِشن برہما شِو سیو لگائیا۔ سو صاحِب ستگُر سچّا کاہن، نِرگُن داتا بےپرواہیِا۔ کلجُگ انتم ویکھے مار دھیان، نوَ نؤ پھیرا پائیا۔ چار کُنٹ ہو پردھان، دہ دِشا بھیوَ چُکائیا۔ بھگت سُہیلے ویکھے آن، سنت ساجن میل مِلائیا۔ گُرمُکھاں دیوے نام دان، انمُلّڑی دات ورتائیا۔ گُرسِکھاں بخشے چرن دھیان، سرن ملِے سچ سرنائیا۔ جوتی جوت سروُپ ہرِ، آپ اپنی کِرپا کر، جِنہاں وکھائے اپنا گھر، تِنہاں سوگ رہے نہ رائیا۔ دو تِنّ سال سارے منّدے، من واسنا دھیان لگائیا۔ گُرمُکھ کوٹ کوٹ جنم پربھ سرنائی منگدے، وچھوڑا ہوئے رتی نہ رائیا۔ لوک لجّیا کولوں کدے نہ سنگدے، نیتر نَین نہ کوئے شرمائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ تِنّ چار دا پار کنارہ، اِک دو دئے وڈیائیا۔ اِک دو دا اِک سہارا، تِنّ چار ویکھ وکھائیا۔ چؤتھا گھر اگمّ اپارا، تیِجے نَین دئے سمجھائیا۔ دوُآ کھیل کرے کرتارا، نِرگُن سرگُن راہ چلائیا۔ اِک اِک اِکلّا ایکنکارا، اپنی کل ورتائیا۔ اِک سال کی کرے وِچارا، دوُجا رووے مارے دھاہیِنا۔ تیِجا ڈُبے وِچ منجدھارا، چؤتھے سار کوئے نہ آئیا۔ جِنہاں مِلیا پریِتم پیارا، گھڑی پل دِوس رَین سال دِن لنگھن کوئے نہ آئیا۔ اٹّھے پہر رہے اِک خُمارا، خُماری ہرِ ہرِ نام چڑھائیا۔ ناتا تُٹے کوُڑ سنسارا، سگل سمگری

دئے تجائیا۔ ور گھر پائے ایکنکارا، گھر ساچے وجےّ ودھائیا۔ جوتی جوت سروُپ ہرِ، آپ اپنی کِرپا کر، ساچا لیکھا دئے سمجھائیا۔ ساچا لیکھا دسےّ اِک، اِک انک آپ بنائیندا۔ پانجا نال دیوے لِکھ، پنجاں اپنی گنڈھ پوائیندا۔ اپ تیج وائے پرِتھمی آکاش سِکھیا لئے سِکھ، ساچی سِکھیا آپ سمجھائیندا۔ نِرگُن سرگُن اندر آوے دِس، جِس جن اپنی بوُجھ بُجھائیندا۔ سِری بھگوان جن بھگتاں مِلن دی رکھے سِک، آد جُگاد جُگ چؤکڑی راہ تکائیندا۔ سَت سروُپی کرے ہِت، ہِتکاری پھیرا پائیندا۔ اِک پنج دا ساچا مِت، پندراں انک جنائیندا۔ جِنہاں پریم پریِتی لگّی کھِچ، تِنہاں اپنی گود بہائیندا ۔ کرے کھیل صاحِب انڈِٹھ، شاستر سِمرت وید پُران بھیوَ کوئے نہ پائیندا۔ گُر اوتار پیِر پَیغمبر جِس دی مہما گئے لِکھ، سو انبھوَ پرکاش وکھائیندا۔ جوتی جوت سروُپ ہرِ، آپ اپنی کِرپا کر، اِک پنج دا ساچا میلا، لیکھا جانے گُروُ گُر چیلا، چیلا گُر آپ ہو جائیندا۔ ککاّ کہے قلم دوات میرا لیکھا لِکھیا، لوک مات ملِے وڈیائیا۔ چار ورن دِتی سِکھیا، گُر شبدی شبد جنائیا۔ نر نِرنکار پائی بِھچھیا، وست امولک اِک ورتائیا۔ نِروَیر ہو کے چاروں کُنٹ وسیا، دیِن مذہب ذات پات ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، اِکو ککاّ دئے سمجھائیا۔ تتا تخت سُلطان، نِروَیر پُرکھ اکال وڈّی وڈیائیا۔ آد جُگاد سدا مِہربان، جن بھگتاں ہوئے سہائیا۔ سچ سچ دا دیوے دان، سُچ سُچ کرے کُڑمائیا۔ ڈوُنگھی بھَوری ویکھے مار دھیان، کایا کَوری کھوج کھوجائیا۔ لیکھا جانے جیِو جہان، لکھّ چؤراسی پڑدہ رہیا اُٹھائیا۔ کاغذ قلم ہوئے حَیران، ہرِ ہرِ بھیوَ کوئے نہ پائیا۔ کائنات کرے پریشان، پیِر پَیغمبر نظر کوئے نہ آئیا۔ کلمہ حق جنائے آن، کاتب کرے آپ لِکھائیا۔ جوتی جوت سروُپ ہرِ، آپ اپنی کِرپا کر، کتّک اِک وڈیائیا ۔ اِک پنج دا پندراں کّکا تتا ککاّ پندراں کتّک، جن بھگتاں سوہنا وقت، ہرِ ستگُر آپ جنائیا۔ جوتی جوت سروُپ ہرِ، آپ اپنی کِرپا کر، نِرگُن نِرگُن سرگُن سرگُن سرگُن نِرگُن اِکو رنگ وکھائیا۔ نِرگُن کہے میَں نِراکار، میرا روُپ نظر نہ آئیا۔ سرگُن کہے میَں تیری دھار، دھار روُپ وٹائیا۔ دوُآ کہے میرا سنسار، سگل سرِشٹی اپنی گود بہائیا۔ میری انس گُر اوتار، پیِر پَیغمبر بنس سُہائیا۔ میرا ڈھولا نام جَیکار، میرا کلمہ بےپرواہیِا۔ جوتی جوت سروُپ ہرِ، آپ اپنی کِرپا کر، دوُآ اِکو اِک وڈیائیا۔ دوُآ کہے میَں ہو کے دو، دو دو دھار چلائیندا۔ نِرگُن کہے میرا بھیوَ نہ جانے کو، جو گھڑیا بھنّ وکھائیندا۔ جِس نال اَنتر کراں موہ، تِس آتم پرماتم جوڑ جُڑائیندا۔ اَنتر اوہو روُپ ہو، آپ اپنا بھیوَ

چُکائیندا۔ سب کُچھ آپے کھوہ، انتم زیِرو کر بہائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دوُئے اَگے اِکو صِفرا، جِس دا جانے نہ کوئے فِقرہ، فِکر وِچ مرے سرب لوکائیا۔ دوُآ کہے میَں دوآ رنگ، دو دو ویس وٹائیا۔ میری سیجا سچ پلنگ، سِری بھگوان ہنڈائیا۔ میرا ناؤں نام مردنگ، جیِو جنت سُنائیا۔ میرا گیِت سُہاگی چھند، رسنا جِہوا ڈھولا رہے جنائیا۔ میرا پریم آتم انند، نِجانند رہیا درسائیا۔ میرا کھیل گھر گھر ماری کندھ، پڑدہ وِچ ٹِکائیا ۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سوُرا سربنگ رہیا سمجھائیا۔ دوُئے تیرا دوُآ میِت، مِتر پیارا نظر کِسے نہ آئیندا۔ نِرگُن سرگُن چلائی جِس ریِت، ریِتیوان کھیل کِھلائیندا۔ نِت نوِت لئے جیِت، جُگ کرتا آپ اکھوائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی صدی تیرے نال مِلائیندا۔ دوُئے سُن کر دھیان، نِرگُن روُپ رہیا جنائیا۔ انتم آؤنا اوس میان، جِس وِچوں روُپ پرگٹائیا۔ تیرا دِسے نہ کوئے نِشان، نِشانہ نظر کوئے نہ آئیا۔ اِکو صِفر رہے پردھان، صِفر روُپ سہج سُکھدائیا۔ جِس دا گھر بےمقام، مقام ہتّھ کِسے نہ آئیا۔ جُگ جُگ دیندا رہیا پَیغام، ساچا ڈھولا نام سُنائیا۔ جِس نوُں کردے رہے سلام، جھُک جھُک سجدہ سیِس جھُکائیا۔ جِس دے بردے رہے غُلام، برخوردار روُپ وٹائیا۔ سو صاحِب سچّا سُلطان، دوُآ صِفرا دئے وڈیائیا۔ دوُآ صِفرا کھیل مہان، سمجھ وِچ کِسے نہ آئیا۔ بیِس بیِس دو اِک جوان، نر نِرنکارا نظری آئیا۔ پِچھلی چھڈن سرب دُکان، اَگے کرے اِک پڑھائیا۔ سچکھنڈ دوارے سچ فرمان، سَت سَتوادی آپ جنائیا۔ بچیا رہے نہ کوئے نادان، نیتر نَین سرب کُھلائیا۔ کِرپا کر سِری بھگوان، بھگوَن اپنی دھار چلائیا۔ جوتی جوت سروُپ ہرِ، آپ اپنی کِرپا کر، بیِس بیِس دا سچ وِہارا، کرے کرائے کرنیہارا، قُدرت قادر اپنا رنگ وکھائیا۔ قُدرت رنگ ویکھے کرتار، قادر قُدرت رہیا جنائیا۔ کلجُگ جیِو کی کرے وِچار، من مت بُدھ کمّ کِسے نہ آئیا۔ جِس دا ہوکا دے کے گئے گُر اوتار، پیِر پَیغمبر آس تکائیا۔ سو صاحِب سرب جیِاں دا سانجھا یار، گھر گھر ڈیرہ لائیا۔ گُرمُکھ روُپ سرب رہیا وکھال، گُر گُر اِکو اِک بُجھائیا۔ منمُکھ جیِو سو شیَطان، جو ہرِ کا نام بُھلائیا۔ بھروسہ آئے نہ وِچ جہان، جِنہاں من واسنا رہی ستائیا۔ تِنہاں ملِے ستگُر سچّا کاہن، جِنہاں اِکو آس رکھائیا۔ نانک گوبِند گوبِند نانک اِکو جوتی نوُر مہان، نِرگُن سرگُن سرگُن نِرگُن گیا سمجھائیا۔ پُرکھ اکال منّو اِشٹ مہان، درِشٹ سب دی دئے کُھلائیا۔ گُر شبد وڈ بلوان،

پنج تت کوئے رہن نہ پائیا۔ جب تکّ ستگُر پوُرا ہوئے نہ مِہربان، دھیِرج دھیِر نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ نر نریشا بھگت بھگوَنت ساچے سنت نر ہرِ نرائن بن بن کنت، کنتُوہل اِکو اِک جنائیا۔ سمبل نگر کہے سو، جِس ملِے مان وڈیائیا۔ جِس گھر پاربرہم پربھ کرے لو، نِرگُن نوُر جوت رُشنائیا۔ ستگُر داتا دیِن دَیال اندر بہے ہو، ہوکا اِکو نام دِوائیا۔ جن بھگتاں ڈھوآں دیوے ڈھو، دُھر دی وست اِک ورتائیا۔ سرِشٹی نالوں ہووے نِرموہ، موہ اِکو اِک وکھائیا۔ جوتی جوت سروُپ ہرِ، آپ اپنی کِرپا کر، سو سمبل دئے سمجھائیا۔ سمبل نگر گوبِند کھیڑا، پُرکھ اکال دئے وڈیائیا۔ دوُر دُراڈا نیرن نیرا، نِج نیتر نظری آئیا۔ کوُڑ کُڑیارا کوئی نہ پاوے گھیرا، ٹھگ چور یار لُٹن کوئے نہ جائیا۔ اِکو اوتھے ناتا جُڑے تُوں میرا میَں تیرا، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سو سمبل دئے سمجھائیا۔ سو سمبل سچّا دیس، جِس ملِے مان وڈیائیا۔ جِس گھر پاربرہم پت پرمیشور رہے ہمیش، دِوس رَین ونڈ نہ کوئے ونڈائیا۔ جِس گھر وِشن برہما شِو کرن سیو، نِیوں نِیوں سیِس جھُکائیا۔ سو سمبل رہے ہمیش، جِتھے نِرگُن نوُر پرویش، جوتی جوت سروُپ ہرِ، آپ اپنی کِرپا کر، بھیوَ ابھید دئے جنائیا۔ سمبل سوہے ساچی نگری، نگر کھیڑا اِک وسائیا۔ جِس گرِہ پُرکھ اکال جوت اُجگری، اُجاگر کرے وِچ لوکائیا۔ سَت شبد دی رکھے سمگری، استِ وست نہ کوئے رکھائیا۔ جوتی جوت سروُپ ہرِ، آپ اپنی کِرپا کر، اپنی مرضی نال پرگٹائیا۔ سمبل نگری ہرِ کا مندر، گوبِند گیِت الائیا۔ بِن ابناسی کرتے کوئی نہ کھولے جِندر، اندر لنگھ کوئے نہ پائیا۔ لکھّ چؤراسی جگت واسنا نؤ دوار بھؤندی بندر، بندنا سچ نہ کوئے جنائیا۔ بھاگ لگّے جِس اندھیری کَندر، نِرگُن جوت ہوئے رُشنائیا۔ جوتی جوت سروُپ ہرِ، آپ اپنی کِرپا کر، سو سمبل دئے سمجھائیا۔ سمبل سو جو سب دا سانجھا، دوُجی ونڈ نہ کوئے ونڈائیندا۔ سِری بھگوان دے گیِت گاندا، دوُجا راگ نہ کوئے الائیندا۔ اٹّھے پہر دھیان رکھاندا، نیتر اکھّ نہ کوئے بدلائیندا۔ دوئے جوڑ سیِس جھُکاندا، دھوُڑی ٹِکاّ مستک چُھہائیندا۔ دِوس رَین راہ تکاندا، نیتر نَین نَین اُٹھائیندا۔ جِس ویلے سِری بھگوان میرے اندر آوے تھکا ماندا، ساچی سیج اَگوں وکھائیندا۔ گُر گوبِند کہے میرے پریم دا باندھا، ہرِ جوُ سمبل ڈیرہ لائیندا۔ جِس دا کوئی نہ دِسے آنڈھ گوانڈھا، شریِک نظر کوئے نہ آئیندا۔ باڈھی مات نہ کوئے بناندا، چھپر چھنّ نہ کوئے چُھہائیندا۔ سوُرج چند نہ کوئے چمکاندا، منڈل منڈپ نہ ویکھ

وکھائیندا۔ اِکو پرم پُرکھ پرمیشور سوامی اپنا نوُر دھراندا، نوُرو نوُر نوُر رُشنائیندا۔ جوتی جوت سروُپ ہرِ، آپ اپنی کِرپا کر، ساچا کھیڑا اِک وسائیندا۔ ساچا کھیڑا سمبل دوار، ملِے نگر وڈیائیا۔ پنچم میِتا پنچ پیار، پنچم راگ دُھن سُنوائیا۔ پنچم سخیاں منگلچار، پنچم گیِت گوبِند الائیا۔ پنچم میلا اِک دربار، پنچم وجےّ سچ ودھائیا۔ پنچم کھول آپ کِواڑ، پنچم پڑدہ دئے چُکائیا۔ پنچم میلا میلنہار، پنچم پنچ وِچ سمائیا۔ پرپنچ دِسے نہ تِس دوار، کوُڑ سمگری نظر کوئے نہ آئیا۔ گوبِند محل اپر اپار، جِس سمبل ناؤں وڈیائیا۔ تِس گھاڑت گھڑے کرتار، گھڑنہار اِک ہو جائیا۔ سو جن پاوے سار، جِس ستگُر پوُرا دئے سمجھائیا۔ اکھّراں وِچ نہ آئے وِچار، پتّھراں نال نہ کوئے سُہائیا۔ جِس نے ستھر ہنڈایا یار، سو صاحِب دئے سمجھائیا۔ سمبل سوہے وِچ سنسار، جِس گرِہ وسے آپ نِرنکار، نِرگُن اپنا نوُر دھرائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، وکھاونہارا ساچا گھر، سمبل اِکو دینا وکھائیا۔ آد پُرکھ آد ابناسا، اپنا بھیوَ جنائیا۔ سُتح پرکاس کر پرکاشا، انبھوَ نوُر رُشنائیا۔ اپنے اَنتر اپنی آسا، نِرگُن نِرگُن آپ پرگٹائیا۔ آپے دیونہار بھرواسا، مِہربان اکھوائیا۔ آپے شہنشاہ بن شاہو شاباشا، شاہ سُلطان آپ اکھوائیا۔ آپے ہو تخت نِواسا، تخت تاج اِک وڈیائیا۔ آپے راجن راج بھوُپ وڈ راجا، رنک اپنا ناؤں رکھائیا۔ جوتی جوت سروُپ ہرِ، آپ اپنی کِرپا کر، آد پُرکھ نِرگُن نوُر نوُر رُشنائیا۔ آد پُرکھ اگمّی نوُر، نوُر نظر کِسے نہ آئیندا۔ آد پُرکھ سچ ظہوُر، ظاہرا اپنی کل دھرائیندا۔ آد پُرکھ سرب کلا بھرپوُر، بھرپوُری آپ ہو جائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرائیندا۔ اپنا کھیل آپے رچ، نِرگُن نِرگُن ویکھ وکھائیا۔ آپے نِرگُن نوُر بن کے سچ، سچ دئے آپ وڈیائیا۔ آپے ہو ہرِ پرتکھ، پارکھوُ اپنا ناؤں رکھائیا۔ آپے بول سچ الکھّ، الکھ الکھ آپ جنائیا۔ جوتی جوت سروُپ ہرِ، آپ اپنی کِرپا کر، نِرگُن داتا پُرکھ بِدھاتا اپنا کھیل دئے سمجھائیا۔ اپنی کھیل کرے کرتار، سو پُرکھ نِرنجن ناؤں دھرائیندا۔ ہرِ پُرکھ نِرنجن ہو تیار، آپ اپنی کل وکھائیندا۔ ایکنکار کھیل اپار، اکل کل اپنا ویس وٹائیندا۔ آد نِرنجن نوُر اُجیار، جوتی جاتا ڈگمگائیندا۔ سِری بھگوان خبردار، بے خبر آپ ہو جائیندا۔ ابناسی کرتا میِت مُرار، آپ اپنا سنگ نِبھائیندا۔ پاربرہم پربھ چوبدار، سیوک سیوک روُپ جنائیندا۔ مقامے حق سانجھا یار، لاشریِک نوُر اُپائیندا۔ اپنی اِچھیا کھیل اپار، بِھچھیا اِکو اِک ورتائیندا۔ محل اٹل اِک نیار، جوتی جوت سروُپ ہرِ، آپ اپنی کِرپا کر، اپنا

کھیل اپنے ہتّھ رکھائیندا۔ محل اٹل اُچ مِنارا، نِرگُن اپنی اِچھیا آپ پرگٹائیا۔ ناؤں رکھ سچکھنڈ دوارا، ہرِ ساچی بنت بنائیا۔ چار کُنٹ نہ کوئے ہؤمے دیوارا، چھپر چھنّ نہ کوئے چُھہائیا۔ نِرگُن دِیا باتی کر اُجیارا، اِکو جوت کرے رُشنائیا۔ ویکھے وِگسے ویکھنہارا، اِک اِکلّا بےپرواہیِا۔ ساچے تخت بَیٹھ سچّی سرکارا، دُھر فرمانا حُکم جنائیا۔ اپنے مندر اندر کرا اِک پسارا، آپ اپنا بھیوَ کُھلائیا۔ جوتی جوت سروُپ ہرِ، آپ اپنی کِرپا کر، نِرگُن نِرگُن اپنی ونڈ بنائیا۔ نِرگُن ونڈ ونڈے نِرنکار، آپ اپنی دَیا کمائیا۔ نِرگُن پُرکھ نِرگُن نار، نِرگُن سیج رہیا سُہائیا۔ نِرگُن نِرگُن کرے پیار، نِرگُن انگیکار اکھوائیا۔ نِرگُن اندر نِرگُن باہر، نِرگُن ظاہر روُپ جنائیا۔ نِرگُن دائی دایا بن کھیل کرے اپار، آپ اپنا کھیل ورتائیا۔ نِرگُن جمےّ سُت دُلار، شبدی شبد ناؤں دھرائیا۔ شبد سُت کر پیار، پربھ دیونہار وڈیائیا۔ گھر وِچ گھر کر تیار، سچکھنڈ اندر تِھر گھر دئے بنائیا۔ سُت دُلارا دئے بٹھال، سِر اپنا ہتّھ ٹِکائیا۔ دیونہارا سچ پیار، چرن پریِتی دئے سمجھائیا۔ اُٹھ اگمّی میرے لاڈلے لال، لالن اپنا بھیوَ چُکائیا۔ سچکھنڈ دوار میری دھرمسال، تِھر گھر تیری سیج سُہائیا۔ سدا سدا رہاں تیرے نال، وِچھڑ کدے نہ جائیا۔ اَگے مارگ دیاں سِکھال، ساچی سِکھیا اِک پڑھائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ سُت دُلارے چڑھیا چا، پربھ اَگے سیِس جھُکائیندا۔ سو پُرکھ نِرنجن مِلیا اِک ملاح، بیڑا اپنے کندھ اُٹھائیندا۔ ہرِ پُرکھ نِرنجن دئے صلاح، ساچی سِکھیا اِک دِرڑائیندا۔ ایکنکارا بےپرواہ، بےپرواہی وِچ رکھائیندا۔ آد نِرنجن جوت جگا، جوتی نوُر نوُر چمکائیندا۔ ابناسی کرتا پکڑے بانہہ، باہوُ باہوُ ہیٹھ رکھائیندا۔ سِری بھگوان دیوے ٹھنڈی چھاں، مِہر نظر ٹِکائیندا۔ پاربرہم پربھ جھولی رہیا وکھا، وست امولک اِک جنائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سُت دُلارے اِک دھیان لگائیندا۔ سُت دُلارے کر خبردار، سو صاحِب دئے وڈیائیا۔ میرا حُکم تیری دھار، تیری دھار میرے وِچ سمائیا۔ تیرا روُپ اگمّ اپار، میرا روُپ تیرے وِچ سمائیا۔ تیرا حُکم اِک ورتار، حُکمی حُکم دئے دِرڑائیا۔ تیری اِچھیا کر بلکار، وڈ وڈّا دئے وڈیائیا۔ جوتی جوت سروُپ ہرِ، آپ اپنی کِرپا کر، شبدی شبد دئے سمجھائیا۔ شبد سُت تیرا ہوئے پسارا، سو پُرکھ نِرنجن آپ جنائیندا۔ تیرا میرا اِک دوارا، دوُجا گھر نہ کوئے ونڈائیندا۔ میرا حُکم تیرا دربارا، تیرا حُکم سرب جنائیندا۔ تیرے اَنتر نِرگُن دھارا، نِرگُن نوُر نوُر وکھائیندا۔ صاحِب ساچا کرے اُپکارا، اُپکاری اپنی دَیا کمائیندا۔

جوتی جوت سروُپ ہرِ، آپ اپنی کِرپا کر، نِرگُن دیوے ساچا ور، ساچی سِکھیا آپ دِرڑائیندا۔ شبد سُت تیری وِشوَ دھار، وِشن روُپ جنائیا۔ وِشنوُں اندر بھر بھنڈار، امرت روُپ وٹائیا۔ امرت اندر کھیل اپار، کوَل کوَل وکھائیا۔ کوَل اندر برہم پسار، پاربرہم رہیا جنائیا۔ پاربرہم پربھ کھیل نیار، نِرگُن نِرگُن اپنا راہ چلائیا۔ کرے کھیل آپ کرتار، کرتا اپنے ہتّھ رکھے وڈیائیا۔ سُنّ اگمّ ویکھے دھوُاں دھار، شنکر میلا سہج سُبھائیا۔ تِنّاں وچولا بن کے سِرجنہار، تیرے ہتّھ دئے پھڑائیا۔ تیرا حُکم ورتے ورتار، نہ کوئی میٹے میٹ مِٹائیا۔ تِنّاں دیوے حُکم سچّی سرکار، دُھر فرمانا آپ سُنائیا۔ بالے نڈھےّ چھوٹے کرے خبردار، جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیا۔ وِشن برہما شِو جائے اُٹھ، سِری بھگوان آپ اُٹھائیندا۔ ٹھاکر ابناسی آپے تُٹھ، ساچی سیوا آپ جنائیندا۔ سنساری بھنڈاری سُہائے رُت، لےَ دیبان ونڈ ونڈائیندا ۔ تِنّے نیتر رو پئے پُت، نَین نیِر سب وہائیندا۔ پربھ ساڈے کول نہیں کُچھ، خالی ہتّھ سرب وکھائیندا۔ سِری بھگوان ٹھاکر تُٹھ، دیِنن اپنی دَیا کمائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، آد پُرکھ پُرکھ ابناسا، سُت شبد دئے دھرواسا، وِشن برہما شِو پرکاشا، نوُری نوُر نوُر اُپائیندا۔ آد جانے آد بھگوان، آد اپنے ہتّھ رکھائیا۔ آد نوُر نوُر مہان، آد جوت جوت رُشنائیا۔ آد نظر نہ آئے کوئی نِشان، آد ویکھن اَگے کوئے نہ جائیا۔ آد آد ہو پردھان، سچ پردھانگی آپ کمائیا ۔ آد آد سچ مکان، سچکھنڈ دوار اِک سُہائیا۔ آد آد اِک فرمان، دُھر فرمانا اِک الائیا۔ آد آد کھول دُکان، سُت دُلارے ہٹّ چلائیا۔ آد آد کر پروان، وِشن برہما شِو انگ لگائیا۔ آد آد کھیل مہان، ترےَگُن مایا جوڑ جُڑائیا۔ آد آد کر بلوان، پنج تت روُپ وکھائیا۔ آد آد ہو مِہربان، نِرگُن سرگُن لئے بنائیا۔ جوتی جوت سروُپ ہرِ، آپ اپنی کِرپا کر، آد آد دی جانے کھیل، کھیلنہارا اِک اکھوائیا۔ آد جنایا جِس آپ، سو اپنے وِچ سمائیندا۔ جِس دا کوئی نہ دِسے باپ، پِتا پوُت نہ کوئے اکھوائیندا۔ جِس دا سمجھ نہ آوے جاپ، سو جاپ اپنا ناؤں رکھائیندا۔ جِس دا نظر نہ آوے کوئی ساک، سو سگلا سنگ نِبھائیندا۔ نِرگُن اپنا تھاپن تھاپ، نِروَیر آپے ویکھ وکھائیندا۔ اجوُنی رہت کر پرکاش، پرکاش پرکاش وِچوں پرگٹائیندا۔ ویکھنہارا کھیل تماش، اپنا کھیل آپ کھلائیندا۔ جوتی جوت سروُپ ہرِ، آپ اپنی جوت دھر، آد پُرکھ ایکا ہرِ، ہرِ اپنی کار کمائیندا۔ پِچھلا جنم جنائے گھوگڑ، گوبِند گُر جنائیا۔ جِس دا انتم کیِتی اوکڑ، باز کولوں تُڑائیا۔ سو کایا دِسے پھوکڑ، ہرِ نام نظر نہ

آئیا۔ ویلے اَنت اَنت روتڑ، رو رو گیا جنائیا۔ جوتی جوت سروُپ ہرِ، آپ اپنی کِرپا کر، پوُرب جنم دئے جنائیا۔ گھوگڑ ماریا ستگُر باز، اِکو چوٹ لگائیا۔ اندروں آئی اِک آواز، گوبِند تیری سرنائیا۔ میرا دُرمت مَیل دھو داغ، چُنج وِشٹا روُپ وٹائیا۔ تیرا درشن کیِتا آج، درشن کردیاں تن رہن نہ پائیا۔ میَں سُنیا تُوں غریِب نواز، در آیاں پار لنگھائیا۔ میرا سازن دے ساز، صاحِب تیرے ہتّھ وڈیائیا۔ ویلے انتم رکھیں لاج، تیری اِکو سرن تکائیا۔ کِہا بچن گُروُ مہاراج، ستگُر سچ رہیا جنائیا۔ تیرا انتم ویکھاں کاج، لوک مات ویس وٹائیا۔ مانَس جنم دیواں داج، مانُکھ تیرا نوُر رُشنائیا۔ پنج تت تیرا سماج، من مت بُدھ کراں کُڑمائیا ۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ گوبِند کہے سُن میرے میِت، ہرِ صاحِب سچ جنائیندا۔ تیری اَنت بدلی نیِت، نیِتیوان ویکھ وکھائیندا۔ تُوں گوبِند رکھیا چیت، گوبِند تیری چیتن دھار جنائیندا۔ کلجُگ انتم آوے بیِس بیِس، بیِسے تیرا لیکھ مُکائیندا۔ در آ کے دئے حدیِث، سچ اِکو نام دِرڑائیندا۔ جِس دے چھتر جھُلے سیِس، سو صاحِب پھیرا پائیندا۔ بن وچولا کوئی نہ لائے فیِس، فَیصلہ اِکو وار جنائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک رکھائیندا۔ جنم جنم وِچ دیوے بدلہ، بدلی اپنے ہتّھ رکھائیا۔ ستگُر گوبِند اِنصافی عدلا، عدل اِکو اِک جنائیا۔ چار جنم وِچ پنکھی بھجّ لا، پنچم جامے لئے مِلائیا۔ کاگوں ہنس کرائے چِٹا رہن نہ دیوے بغلا، ڈڈّ مچّھ ہتّھ کوئے نہ آئیا۔ در دوارے آ کے ہو نہ جانا پگلا، گُر ستگُر ساچی سچ جنائیا۔ پِھر بھیوَ چُکائے اگلا، جے پربھ لگّیں سرنائیا۔ کایا چولی ستگُر سرنائی رنگ لا، رنگنہار اِک اکھوائیا۔ وست امولک نام منگ لا، رسنا جِہوا ڈھولا راگ الائیا۔ مانَس جنم وِچ مانَس انند لےَ، مِل ستگُر سچّے سچّی سرنائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، پوُرب لہنا پوُرب جنم، مانَس لیکھے لائے کرم، نِہکرمی اپنی دَیا کمائیا۔ جنم کرم دے کٹے پاپ، پوُرب لیکھا ویکھ وکھائیا۔ چرن کوَل جِس بندھائے نات، ناتا ستگُر نال جُڑائیا۔ سو گُرمُکھ گُرسِکھ ہوئے پاک، پتت پُنیِت لئے کرائیا۔ لیکھے لائے تن ماٹی خاک، پنج تت اپنی جھولی پائیا۔ آتم پرماتم بنے سجّن ساک، سگلا سنگ اِک اکھوائیا۔ تُوں میرا میَں تیرا دوہاں نے جپنا سانجھا جاپ، سوہنگ ڈھولا اِک پڑھائیا۔ جوتی جوت سروُپ ہرِ، آپ اپنی کِرپا کر، کرم کانڈ دا لیکھا سرب مِٹائیا ۔

۲۶ جیٹھ ۲۰۲۰ بِکرمی جس کؤر دے گرِہ پِنڈ نِہال پُر سِنبل جموُں

جُگ جُگ کھیل کرے سمرتھ، پربھ سمرتھ وڈّی وڈیائیا۔ جُگ جُگ نام چلائے اکتھ، کتھنی کتھ نہ سکے رائیا۔ جُگ جُگ دھرم چلائے رتھ، بن رتھواہی سیو کمائیا۔ جُگ جُگ بول سچ الکھّ، الکھّ نِرنجن ڈھولا گائیا۔ جُگ جُگ نِرگُن مارگ دسّ، سرگُن سچ لئے سمجھائیا۔ جُگ جُگ لکھّ چؤراسی اندر وس، جُگ جُگ اپنا روُپ درسائیا۔ جُگ جُگ سرگُن ہو پرگٹ، گُر گُر اپنی دھار بندھائیا ۔ جُگ جُگ نِرمل جوت کر پرکاش، جوتی جاتا ناؤں رکھائیا۔ جُگ جُگ جن بھگتاں بنے داسی داس، ساچی سیوا اپنے ہتّھ رکھائیا۔ جُگ جُگ سنتن پوُری کرے آس، آسا ترِسنا میٹ مِٹائیا۔ جُگ جُگ گُرمُکھاں وسے پاس، نر ہرِ وِچھڑ کدے نہ جائیا۔ جُگ جُگ گُرسِکھاں لئے راکھ، سِر اپنا ہتّھ ٹِکائیا۔ جُگ جُگ ویکھے کھیل تماش، لکھّ چؤراسی ناچ نچائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ رچائیا۔ جُگ جُگ کھیل سِری بھگوَنت، ہرِ کرتا آپ کرائیندا۔ جُگ جُگ نام منیِا منت، منتر اِکو اِک دِرڑائیندا۔ جُگ جُگ اُپائے ساچے سنت، سنت سجّن آپ جگائیندا۔ جُگ جُگ چاڑھے چولی رنگ بسنت، کایا رنگن اِک وکھائیندا۔ جُگ جُگ توڑے گڑھ ہؤمیں ہنگت، مایا ممتا موہ مِٹائیندا۔ جُگ جُگ میلا ساچی سنگت، گُرسِکھ گُر گُر آپ مِلائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ جُگ جُگ کھیل سِری بھگوان، نر نِرنکار آپ کرائیا۔ جُگ جُگ کھیل دو جہان، دو جہاناں والی آپ وکھائیا۔ جُگ جُگ پرگٹ ہو وِچ جہان، ساچی سِکھیا کرے پڑھائیا۔ جُگ جُگ بھگتاں دیوے دان، داتا دانی اِک اکھوائیا۔ جُگ جُگ آتم پرماتم بنے کاہن، ساچے مندر سوبھا پائیا۔ جُگ جُگ شبد اناد دئے گیان، گوبِند کرے پڑھائیا۔ جُگ جُگ وِچھڑے میلے آن، میل مِلاوا آپ کرائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ جُگ جُگ ویکھے ویکھنہارا، نِرگُن اپنا کھیل کرائیندا ۔ جُگ جُگ پاوے ساچی سارا، مہاسارتھی بھیوَ چُکائیندا۔ جُگ جُگ لیکھا جانے اندر باہرا، گُپت ظاہرا راہ وکھائیندا۔ جُگ جُگ میلا ناری کنت کنت بھتارا، سیج سُہنجنی ڈیرہ لائیندا۔ جُگ جُگ نام شبد جَیکارا، دُھن آتمک راگ الائیندا۔ جُگ جُگ سَت سَت ورتارا، سَت سَتوادی سچ وست ورتائیندا۔ جوتی جوت سروُپ ہرِ، آپ اپنی کِرپا کر، جُگ چؤکڑی کار کمائیندا۔ جُگ جُگ کھیل پُرکھ اتھاہ، اپنی

کار کمائیا۔ جُگ جُگ نِرگُن سرگُن بن ملاح، بیڑا لوک مات ترائیا۔ جُگ جُگ ستگُر گُر گُر دیوے صلاح، گُرمُکھ اکھّر اِک پڑھائیا۔ جُگ جُگ بخشے چرن کوَل دھیان، دیوے سرن سچّی سرنائیا۔ جُگ جُگ میل مِلائے آن، جگت وچھوڑا پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ جُگ جُگ میلا بھگتن داس، سِری بھگوان آپ کرائیندا۔ جُگ جُگ نِرگُن ہو کے وسے پاس، سرگُن بوُجھ بُجھائیندا۔ جُگ جُگ جوتی نوُر کر پرکاش، اگیان اندھیر چُکائیندا۔ لیکھا جان پوَن سواس، سواس سواساں وِچ سمائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ جُگ جُگ کرنی کرے کرتارا، ہرِ کرتا وڈ وڈیائیا ۔ ستجُگ تریتا دواپر کلجُگ لےَ اوتارا، وڈ اوتاری پھیرا پائیا۔ جن بھگتاں کھول بند کِواڑا، بھیوَ ابھیدا آپ کُھلائیا۔ نام وجدی رہے سچ ستارا، بِن تندی تند راگ الائیا۔ گھر مندر کر اُجیارا، دیِپک جوت کرے رُشنائیا۔ گھر امرت ٹھنڈا ٹھارا، نِجھر جھِرنا دئے جھِرائیا۔ گھر ٹھاکر سوامی میِت مُرارا، گھر صاحِب ستگُر نظری آئیا۔ جوتی جوت سروُپ ہرِ، آپ اپنی کِرپا کر، جن بھگتاں بھیوَ کُھلائیا۔ جن بھگتاں کھولے ہرِ جوُ بھیوَ، ابھید آپ سمجھائیندا۔ نِرگُن سرگُن ساچی سیو، سیوا ساچی اِک دِرڑائیندا۔ پریم پریِتی امرت میو، رس اِکو اِک چکھائیندا۔ ستگُر سچّا وڈ دیوی دیوَ، دیوَ آتما ویکھ وکھائیندا۔ آد جُگاد سدا نِہکیو، نِہچل اِکو آسن لائیندا۔ صِفت لگائے رسنا جِہو، بتّی دند جوڑ جُڑائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ ساچی کرنی صاحِب ستگُر، دیِن دَیال آپ کمائیا۔ جن بھگتاں لیکھا جانے دُھر، پوُرب لہنا رہیا مُکائیا۔ نِروَیر ویکھے چڑھ کے گھوڑ، گھوڑا اِکو اِک اُپائیا۔ دو جہاناں رہیا دؤڑ، جگت نیتر نظر کِسے نہ آئیا۔ گُرمُکھ سجّن جائے بہُڑ، ہرِجن ساچے لئے اُٹھائیا۔ سنت ستگُر بُجھائے اؤڑ، امرت میگھ اِک برسائیا۔ بھگت بھگوان ویکھے کر کے غؤر، گہر گمبھیِر پڑدہ اِک چُکائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ دیوے وڈیائی پُرکھ نِرنجن، ہرِ داتا بےپرواہیِا۔ جن بھگتاں نیتر پائے نام انجن، اگیان اندھیر مِٹائیا۔ گھر وِچ گھر ملِے سجّن، در مندر وجےّ ودھائیا۔ سچ سروور کرائے مجن، دُرمت مَیل رہن نہ پائیا۔ لیکھے لائے کایا ماٹی کنچن، جوتی جوت سروُپ ہرِ، آپ اپنی کِرپا کر، مِہربان بےپرواہیِا۔ مِہربان پربھ ہوئے آپ، اپنی دَیا کمائیندا۔ جن بھگتاں دیوے اِکو جاپ، تُوں میرا میَں تیرا نام جپائیندا۔ سوہنگ ڈھولا وڈ پرتاپ، بن وچولا

ویکھ وکھائیندا۔ دُھردرگاہی الکھنا الاکھ، اِکو الکھ جگائیندا۔ سنت سُہیلے لئے راکھ، سِر اپنا ہتّھ ٹِکائیندا۔ نِرگُن سرگُن ہو کے داسی داس، کلجُگ انتم سیو کمائیندا۔ نِج آتم رکھے واس، پرماتم اپنا پڑدہ لاہِندا۔ بھگت سُہیلا سوہے ساچی کھاٹ، سچ سِنگھاسن ڈیرہ لائیندا۔ اَگے پِچھے میٹ واٹ، دوُر دوُر دُراڈا نیڑے آئیندا۔ میٹے رَین اندھیری رات، ستگُر چند اِک چمکائیندا۔ اَنتر اَنتر پُچھے وات، باہر بسنتر اگن بُجھائیندا ۔ جن بھگتاں بنے سجّن ساک، سگلا سنگ نِبھائیندا۔ بند کِواڑی کھول تاک، نِرمل نوُر اِک وکھائیندا۔ پوُری کرے آتم خواہش، جوتی جوت سروُپ ہرِ، آپ اپنی کِرپا کر، ہرِجن ساچے ویکھ وکھائیندا۔ ہرِجن ویکھے پاربرہم، پربھ وڈّا وڈ وڈیائیا۔ لیکھا جانے دما دم، پوَن پوَناں وِچ سمائیا۔ نِرگُن کرے اپنا کمّ، سرگُن اپنے دھندے لائیا۔ کلجُگ انتم بیڑا بنّھ، نر ہرِ اپنے کندھ اُٹھائیا۔ جن بھگتاں بھرم بُھلیکھا کڈھ جن، جننی روُپ اِک درسائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، بودھ اگادھا دیوے اِک گیان، اِک نال اِک لئے مِلائیا۔