کتب خانہGranth 15 (Urdu)

۵ بھادروں ۲۰۲۰ بِکرمی قادراباد بخشیِش سِنگھ دے گرِہ

سچکھنڈ صاحِب اتیِت، سو بَیٹھا بےپرواہیِا۔ نِرگُن نِرگُن اِک پریِت، ایکنکارا آپ نِبھائیا۔ سچ نِشانہ دسےّ ٹھیِک، درگاہ ساچی سوبھا پائیا۔ جُگ چؤکڑی کرن اُڈیِک، بِن نیتر بَیٹھے دھیان لگائیا۔ وِشنوُں دوارے منگے بھیِکھ، گھر ساچے الکھ جگائیا۔ برہما کہے پربھ پریِت، پاربرہم سچّی سرنائیا۔ شنکر کہے میری کرے جیِت، ہتّھ ترِسوُل پھڑائیا۔ ترےَگُن کہے میرے چھتر جھُلائے سیِس، مِہروان ہوئے سہائیا۔ پنج تت کہے وسے نزدیِک، گھر گھر بَیٹھا ڈیرہ لائیا۔ جُگ چؤکڑی کہے دھار باریِک، نیتر نظر کِسے نہ آئیا۔ شبد کہے مَیں وساں ہر گھٹ بھیِت، بھیِتر اپنا آپ جنائیا۔ آد جُگاد چلے ریِت، نِت نوِت راہ وکھائیا۔ دُھردرگاہی اِکو گیِت، منتر سَت سَت پڑھائیا۔ جوتی جوت سروُپ ہرِ،

آپ اپنی کِرپا کر، ساچا کھیل آپ سمجھائیا۔ ساچا کھیل صاحِب گُردیو، نِرگُن نِرنکار آپ جنائیندا۔ آد پُرکھ الکھ ابھیوَ، انبھوَ اپنی کار کمائیندا۔ وِشن برہما شِو لگائے سیو، ساچی سیوا اِک سمجھائیندا۔ آپ وسنہار سدا نِہکیو، نِہچل اپنا آسن لائیندا۔ رسنا گا نہ سکے کوئی جِہو، بتّی دند نہ صِفت صلاحیندا۔ جوتی جوت سروُپ ہرِ، آپ اپنی جوت دھر، سچ کرنی کار کمائیندا۔ ساچی کار کرے بھگوان، بھگوَن اپنی دھار چلائیا۔ لیکھا جان دو جہان، نِرگُن سرگُن ویس وٹائیا۔ سَتجُگ تریتا ہو پردھان، دواپرکلجُگ حُکم ورتائیا۔ پُری لوء اِک نِشان، برہمنڈ کھنڈ آپ جھُلائیا۔ آتم پرماتم دیوے گیان، لکّھ چؤراسی کرے پڑھائیا۔ گُر اوتاراں دے دے دان، پیِر پَیغمبراں جھولی آپ بھرائیا۔ دُھر سندیسہ دُھر فرمان، دُھر دی دھار جنائیا۔ سچ نریشا بن کے کاہن، ہرِ کرتا ویکھ وکھائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ تھان تھننتر سوبھاوَنت، گھر ساچے وجےّ ودھائیا۔ سچکھنڈ نِواسی پُرکھ ابناشی سِری بھگوَنت، بھگوَن ایکا سوبھا پائیا۔ نام جنائے ساچا منت، منتر اِکو اِک دِرڑائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ ساچی کرنی کرے ایک، ایکا اپنے ہتّھ رکھے وڈیائیا۔ گُر اوتاراں دیوے ٹیک، پیِر پَیغمبر حُکم ورتائیا۔ شاستر سِمرت وید پُران لِکھے لیکھ، گیِتا گیان اِنجیل قرآن کھانی بانی بھیوَ چُکائیا۔ سچکھنڈ دوارے وسے دیس، تھِر گھر اپنا چرن ٹِکائیا۔ لیکھا جانے وِشن برہم مہیش، شنکر اپنی دھار بندھائیا۔ جُگ چؤکڑی لئے ویکھ، نِرگُن سرگُن کر رُشنائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا لیکھے لائیا۔ دُھر دا لیکھا منگن اوٹ، وِشن برہما شِو دھیان لگائیا۔ گُر اوتار رہے سوچ، ہرِ کا بھیوَ کوئے نہ پائیا۔ پیِر پَیغمبر رہے لوچ، نیتر نَین دھیان لگائیا۔ بھگت بھگوان مِلن دا رکھن شؤق، شہنشاہ اِکو نظری آئیا۔ نیتر روون لوک پرلوک، چؤداں طبق دین دُہائیا۔ چار ورن منگن اِک سلوک، برن اٹھاراں اِکو راگ الائیا۔ کھتری براہمن شوُدر وَیش ملِے اِکو کوٹ، بنک دوارا سوبھا پائیا۔ نام نگارے لگّے چوٹ، جوتی جوت سروُپ ہرِ، آپ اپنی کِرپا کر، ساچا حُکم آپ ورتائیا۔ ساچا حُکم ورتے آن، انک کل وڈّی وڈیائیا۔ چار جُگ ویکھے مار دھیان، نوَ نؤ پڑدہ رِہا اُٹھائیا۔ تخت نِواسی نؤجوان، ساچے تخت سوبھا پائیا۔ دو جہاناں حُکمران، دُھر دی دھار اِک سمجھائیا۔ محل اٹل اُچ مکان، سچ سِنگھاسن رِہا سُہائیا۔ جودھا سوُربیِر بلوان، بل اپنا آپ رکھائیا۔ آد جُگادی دیونہارا دان، وست امولک اِک ورتائیا۔ گُر اوتاراں دے گیان، منتر نام

کرے پڑھائیا۔ پیِر پَیغمبر کرن سلام، اِسم اِکو اِک جنائیا۔ دُھر دا کلمہ بول کلام، نبی رسوُل دئے سمجھائیا۔ کاغذ قلم ہوئے حَیران، لیکھا لِکھت وِچ نہ آئیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ ساچی کرنی آئے آپ، اپنے ہتّھ رکھے وڈیائیا۔ جُگ چؤکڑی جِس دا جاپ، سرگُن نِرگُن رہے دِھیائیا۔ شاستر سِمرت وید پُران جِس دا پاٹھ، اِنجیل قرآن بَیٹھن سیِس جھُکائیا۔ گُر اوتار جِس دے داس، پیِر پَیغمبر سجدہ سیِس وکھائیا۔ چار جُگ جِس دی آس، سَتجُگ تریتا دواپرکلجُگ گوپی کاہن نچائیا۔ برہمنڈ کھنڈ جِس دی رکھن آس، نوَ کھنڈ اِکو راہ تکائیا۔ سوُرج چنّ جِس دا پرکاش، کِرن کِرن چمکائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ ساچا حُکم دیوے الوپ، جگت نیتر نظر کِسے نہ آئیندا۔ لکّھ چؤراسی اِک سلوک، آتم پرماتم ڈھولا راگ الائیندا۔ من مت بُدھ کوئی نہ سکے سوچ، سوچیاں سوچ وِچ کدے نہ آئیندا۔ جن بھگت پربھ درشن وِرلے رہے لوچ، جِنہاں آسا انتم پوُر کرائیندا۔ لکّھ چؤراسی کھوجے کھوج، گھٹ گھٹ اندر پھول پُھلائیندا۔ وڑیا رہے بن خموش، رسنا جِہوا بتّی دند نہ کوئے ہِلائیندا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیندا۔ ساچا حُکم دیوے جگدیِش، سو پُرکھ نِرنجن وڈّی وڈیائیا۔ ہرِ پُرکھ نِرنجن ایکا تاج دھرے ہرِ سیِس، تخت نِواسی سوبھا پائیا۔ ایکنکارا کلمہ پڑھائے سچ حدیِث، نام نِدھان اِک سمجھائیا۔ آد نِرنجن کروٹ لےَ بدلے پِٹھ، سنمُکھ نِرگُن جوت کرے رُشنائیا۔ ابناشی کرتا لکّھ چؤراسی لئے جیِت، بلدھاری بل پرگٹائیا۔ سِری بھگوان سچ نِشان اُٹھائے اتیِت، ترےَگُن بَیٹھا ڈیرہ ڈھاہیِا۔ پاربرہم پربھ نظر آئے نزدیِک، دوُر دُراڈا پندھ مُکائیا۔ کھیلے کھیل پروردِگار لاشریِک، شِرکت روُپ نہ کوئے وٹائیا۔ کلجُگ میٹے اندھیر تاریِک، تاریخ پِچھلی دئے پلٹائیا۔ گُر اوتار رسنا کہن ٹھیِک، اُچی کوُک کوُک سُنائیا۔ کلجُگ انت سِری بھگوَنت چار ورن سُنائے اِک حدیِث، کلمہ نام اِک اُپجائیا۔ راج راجاناں شاہ سُلطاناں خالی کرے کھیِس، در در گھر گھر بِھکھیا منگن جائیا۔ گُرمُکھ وِرلا سنت سُہیلا پنج تت کایا جائے جیِت، آتم پرماتم میل مِلائیا۔ پاربرہم برہم ڈھولا سُنائے گیِت، سوہنگ اِکو راگ سمجھائیا۔ نِرگُن ہو کے وسے چیِت، سرگُن اپنا بندھن پائیا۔ مِتر پیارا بنے میِت، یارڑا ستّھر آپ ہنڈائیا۔ کرے کھیل سدا انڈیِٹھ، جوتی جاتا نوُر رُشنائیا۔ پاوے سار ہست کیِٹ، اوُچ نیِچ ویکھ وکھائیا۔ نام امولک پائے بھیِکھ، بِھچِھیا اِکو وار ورتائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ کرائیا۔ ساچی کھیل کرے کرتار،

ہرِ کرنی کار کمائیندا۔ تخت نِواسی بَیٹھ سچّے دربار، دُھر درباری حُکم سُنائیندا۔ چار جُگ رہنا خبردار، نیتر اکّھ سرب کُھلائیندا۔ چار ورن کھول کِواڑ، کھتری براہمن شوُدر وَیش آپ اُٹھائیندا۔ چارے کھانی ہو تیار، ترےَگُن اتیِتا آپ جنائیندا۔ چارے بانی بول جَیکار، پرا پسنتی مدھم بَیکھری آپ سمجھائیندا۔ چار یاری کرو وِچار، سنگ محمد نظر کوئے نہ آئیندا۔ االلہ رانی ہوئے بےزار، نیتر نَیناں نیِر وکھائیندا۔ اُچی کوُکے دھاہاں مار، دروہی دروہی سرب الائیندا۔ صدی چؤدھویں آئی وِچ سنسار، چؤدس چند نہ کوئے چمکائیندا۔ نظر نہ آئے ساچا یار، محبوُب روُپ نہ کوئے وکھائیندا۔ حُجرے حق نہ کرے پیار، محراب آب نہ کوئے پیائیندا۔ بےتاب ہویا سنسار، صبر پیالہ جام ہتّھ نہ کوئے اُٹھائیندا۔ شاہو بھوُپ اِک نواب، شہنشاہ اپنی کار کمائیندا۔ چار جُگ دا پوُرا کرے خواب، خالص اپنی دھار رکھائیندا۔ جوتی جوت سروُپ ہرِ، آپ اپنی کِرپا کر، دُھر سندیسہ آپ الائیندا۔ دُھر سندیسہ نوُر اِلاہی، لاشریِک آپ جنائیندا۔ پیِر پَیغمبر دین گواہی، ثالث اِکو نظری آئیندا۔ کلجُگ انت چاروں کُنٹ اندھیرا چھائی، ساچا چند نہ کوئے چمکائیندا۔ ناطہ تُٹیاں بھائیاں بھائی، بھئیا روُپ نہ کوئے وٹائیندا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیندا۔ ساچا حُکم پُرکھ اگمّ، ہرِ ایکا ایکا وار ورتائیا۔ لکّھ چؤراسی جیِو جنت سادھ سنت پَون سواسی ویکھے دم، ہِردے ہرِ نہ کوئے وسائیا۔ ناطہ جُڑیا ہڈّ ماس ناڑی چمّ، چمّ درِشٹ ہوئی ہلکائیا۔ انتر آتم دھیِرج سکے نہ کوئے بنّھ، کام کرودھ لوبھ موہ ہنکار ہلکائیا۔ وست نام ملِے نہ دھن، کوُڑ خزانہ جگت لُٹائیا۔ نظر نہ آئے گُرمُکھ جن، ملِے وڈیائی نہ کوئی جنیندی مائیا۔ جو گھڑیا سو دیوے بھنّ، رائے دھرم دئے سزائیا۔ کلجُگ جیِو نیتر انّھ، دوئے لوچن بند کرائیا۔ کوُڑی کِریا گھر وِچ لائے سنّھ، ٹھگّ چور لُٹن واہو داہیِا۔ من واسنا مارے من، من کا منکا نہ کوئے بھوائیا۔ انحد ناد نہ سُنے کنّ، چھتّی راگ رہے سمجھائیا۔ جوتی جوت سروُپ ہرِ، آپ اپنی کِرپا کر، کلجُگ انتم ویکھ وکھائیا۔ کلجُگ انتم آیا نیڑے، دوُر دُراڈا پندھ مُکائیا۔ دیِن مذہب ذات پات کرم دھرم پئے جھیڑے، جھگڑا سکے نہ کوئے مِٹائیا۔ ورن برن ڈُبن والے بیڑے، ساچی سرن نظر کوئے نہ آئیا۔ وسدے دِسن نہ سچّے کھیڑے، کوُڑی کِریا گھر گھر ڈیرہ لائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل کراؤنا، کلجُگ انتم ویکھ وکھائیا۔ لکّھ چؤراسی بھرم بُھلاؤنا، مایا ممتا ہوئے ہلکائیا۔ گُرمُکھ وِرلا آپ جگاؤنا، جِس انتر بوُجھ بُجھائیا۔ سُرتی شبدی میل مِلاؤنا، گھر ساچے وجےّ ودھائیا۔ آتم پرماتم جوڑ

جُڑاؤنا، جوڑی اِکو گھر وسائیا۔ تھوڑا تھوڑا راگ سُناؤنا، انحد نادی ناد شنوائیا۔ امرت آتم جام پیاؤنا، جھِرنا نِجھر اِک جھِرائیا۔ کاگوں پھڑ ہنس بناؤنا، سوہنگ مانک موتی چوگ چُگائیا۔ ساچی انس آپ اُپجاؤنا، پِتا پوُت ویکھ وکھائیا۔ جوتی جوت سروُپ ہرِ، آپ اپنی کِرپا کر، ہرجن ساچے بھگت بھگوان کلجُگ انت کرے پردھان، گُر اوتاراں پیِر پَیغمبراں دئے وکھائیا۔ پیِر پَیغمبراں دئے وکھال، گُرمُکھ وڈّا وڈ وڈیائیا۔ گُر اوتاراں دئے دھیان، دُھر دی دھار آپ سمجھائیا۔ چاروں کُنٹ ویکھو نچےّ شیطان، گھر گھر کرے لڑائیا۔ ثابت رِہا نہ کِسے ایِمان، دھرم دھیِر نہ کوئے دھرائیا۔ چارے وید نَین شرمان، اکّھ سکے نہ کوئے اُٹھائیا۔ برہما تیرا نہ کوئے گیان، برہم مت نہ کوئے چتُرائیا۔ دہ دِشا سرب پچھتان، اُچی کوُکن مارن دھاہیِا۔ وِشنوُں تیرا وِشو ملِے نہ کوئی پکوان، فاقے مرے سرب لوکائیا۔ ساچا ملِے نہ کوئی دان، جھولی خالی نہ کوئے بھرائیا۔ کوُڑی کِریا ہوئی پردھان، گھر گھربھیکھی سوانگ وٹائیا۔ کَون ویلا پربھ ملِے آن، دُکھیاں درد دئے گوائیا۔ چار ورن کرے پروان، برن اٹھاراں گود سُہائیا۔ امرت آتم دیوے پیِن کھان، جگت ترِسنا بُھکھ مِٹائیا۔ شبد اناد سُنائے گان، گیِت گوبِند اِک الائیا۔ ناطہ تُٹے پنج شیطان، شرع کرے نہ کوئے لڑائیا۔ جوتی جوت سروُپ ہرِ، آپ اپنی کِرپا کر، گُرمُکھ وِرلے لئے ترائیا۔ گُرمُکھ وِرلے تارے پربھ، گُر اوتاراں آپ سمجھائیندا۔ بِن کرنیؤں ہرِ لئے لبھ، کرتا قیمت آپے پائیندا۔ جگت دوارا پار حد، مندر اِکو اِک وکھائیندا۔ سَت سَتواد وجائے ند، انراگی راگ الائیندا۔ بِن مکّیوں کعبیوں کرائے حج، حضرت اِکو نظری آئیندا۔ مُرشد مُریِداں لئے سدّ، مُفت اپنا نام ورتائیندا۔ درس دِکھائے اُپر شاہ رگ، شہنشاہ اپنا میل مِلائیندا۔ ترےَگُن مایا بُجھائے اگّ، اگنی تت نہ کوئے رکھائیندا۔ سچ دوارے لئے سدّ، سدا اِکو نام دِوائیندا۔ جوتی جوت سروُپ ہرِ، آپ اپنی کِرپا کر، کلجُگ انت سِری بھگوَنت بھگت بھگوان ویکھ وکھائیندا۔ بھگت بھگوان ویکھے ایک، ایکنکار وڈّی وڈیائیا۔ انتر کرے بُدھ بِبیک، باہر بسنتر نظر کوئے نہ آئیا۔ شبد سروُپی کھولے بھیت، انبھوَ پرکاش کرے رُشنائیا۔ ہرِ کا بھیوَ کوئی نہ جانے مُلّاشیخ، مسائک پیِر انت کہن نہ پائیا۔ جُگ چؤکڑی دیِن دَیال ٹھاکر سوامی نِردھن سردھن کرے ہیت، سرگُن اپنے انگ لگائیا۔ کلجُگ انتم کھیڈے کھیڈ، صدی بیِسویں خوشی منائیا۔ جوتی جوت سروُپ ہرِ، آپ اپنی جوت دھر، گُر اوتار پہلوں بھیج، بھاجی گھر گھر نام پِھرائیا۔ گُر اوتار چار جُگ بھیجے، دُھر سندیسہ نام سُنائیا۔ آپ سؤندا رِہا وڑ کے اندھیری سیجے، جگ نظر کِسے نہ آئیا۔ پُرکھ اگمّ اتھاہ

بےپرواہ سچ محلّے آپے لیٹے، سُنجی ونڈ نظر کوئے نہ آئیا۔ دو جہان نؤجوان سِری بھگوان لکّھ چؤراسی آپے ویکھے، ویکھنہارا اپنی کھیل کرائیا۔ مرد مردان ہو مِہروان بودھ اگادھا انتر آتم کھولے بھیتے، بھانڈا بھرم بھؤ بھنّائیا۔ جن بھگتاں پوُرب جنم کرائے چیتے، سَتجُگ تریتا دواپرکلجُگ نال مِلائیا۔ آپے میٹنہارا ریکھے، ریکھا رُت پت آپ وکھائیا۔ جوتی جوت سروُپ ہرِ، آپ اپنی کِرپا کر، جن بھگت دیوے وڈیائیا۔ جن بھگت تیرا وڈّا مان، ابِھمان نظر کوئے نہ آئیا۔ تیرے سنگ وسے بھگوان، سنگی بنے بےپرواہیِا۔ گُر اوتاراں پیِر پَیغمبراں سادھاں سنتاں جیِواں جنتاں دئے وکھال، وکھّر اپنی دھار سمجھائیا۔ سنت سُہیلے بنائے اپنے لال، گُر چیلے جوڑ جُڑائیا۔ ناطہ توڑ کال مہاکال، وکھائے سچ سچّی دھرمسال، سچکھنڈ وجےّ نام شنوائیا۔ ترےَگُن رہے نہ کوئی جنجال، آپے سُنے مُریِداں حال، مُرشد اپنا پھیرا پائیا۔ گُرسِکھ گُر گُر لئے اُٹھال، جنم جنم جو گھالن آئے گھال، کیِتی گھال لیکھے پائیا۔ گھر وِچ گھر وکھائے سچّی دھرمسال، بِن تیل باتی دِیپک آپ جگائیا۔ روشن کرائے پُرکھ اکال، اکل کل داتا وڈ وڈیائیا۔ لکّھ چؤراسی بھرمے بُھلی کایا ماٹی جھوُٹھی کھال، خالق خلق بھیوَ کوئے نہ پائیا۔ نِت نوِت کرے ہِت، نِرگُن سرگُن جو رِہا پال، بن پرِتپالک سیو کمائیا۔ جوتی جوت سروُپ ہرِ، آپ اپنی کِرپا کر، ہرجن دیوے مان وڈیائیا۔ گُر اوتار پیِر پَیغمبر آؤ در، در دروازہ آپ کُھلائیا۔ سب دا پوُرا ہووے ور، ور داتا آپ سمجھائیا۔ جِس دا بھےَ بھؤ کردے رہے ڈر، سو بھیانک رِہا مِٹائیا۔ درس کرو اَگے کھڑ، سنمُکھ لیکھا دئے چُکائیا۔ کایا مندر اندر ڈوُنگھی بھَوری جائے وڑ، آتم سیجا سوبھا پائیا۔ آتم پرماتم ڈھولا لئے پڑھ، سوہنگ اِکو راگ الائیا۔ چار ورن سرن سرنائی ڈِگے دڑ، نِدھڑک اِشٹ دیو اِکو نظری آئیا۔ سَتجُگ ساچی لائے جڑ، کلجُگ کوُڑی کِریا دئے اُکھڑائیا۔ دیوت سُر وِشن برہما شِو کروڑ تیتیِسا پانی رہے بھر، سیِس گگریا اِک اُٹھائیا۔ گُرمُکھ سجّن رہے تر، جِنہاں اپنی نیئا نام چڑھائیا۔ گُر اوتار پیِر پَیغمبر کلجُگ انت پربھ دا کھیل ویکھن کھڑ، دوئے جوڑ سیِس جھُکائیا۔ دھنّ وڈیائی ساچے ہرِ، پربھ تیرا انت کہن کوئے نہ پائیا۔ لکّھ چؤراسی وِچوں بھگت ساجن آندے پھڑ، اندر وڑ وڑ کھوج کھوجائیا۔ ساچے پؤڑے آپے چڑھ، بجرکپاٹی کُنڈا لاہیِا۔ تیرے گُرمُکھ جیِنودیاں جگ گئے مر، مریاں جیِون جھولی پائیا۔ جوتی جوت سروُپ ہرِ، آپ اپنی کِرپا کر، ساچی کھیل رِہا وکھائیا۔ گُرمُکھ سارے تَینوُں گاؤندے، پربھ اِک دھیان لگائیا۔ پُرکھ اکال اِشٹ مناؤندے، دوُجا نظر کوئے نہ آئیا۔ شاستر سِمرت وید پُران تیرا راہ تکاؤندے،

کھانی بانی نال رلائیا۔ چھتّی راگ تیرا صِفتی ڈھولا گاؤندے، در گھر ساچے سیو کمائیا۔ گُرمُکھ گُر گُر درشن پاؤندے، پا پا درشن خوشی منائیا۔ گڑھ ہنکاری بُرج ڈھاھُندے، مایا ممتا موہ چُکائیا۔ سُرت سوَانی شبد ہانی کول بہاؤندے، گھر گھر وِچ وجےّ ودھائیا۔ جگت لجّیا لوک گواؤندے، ہیا اِکو پربھ رکھائیا۔چرن کوَل جگدیِش سیِس جھُکاؤندے، جگت دھوُڑی ٹِکاّ لاون چھاہیا۔ من کا منکا پھیر وکھاؤندے، من واسنا نیڑے رہن نہ پائیا۔ کوُڑا بھانڈا صاف کراؤندے، دُرمت مَیل دھوائیا۔ پُرکھ اکال جو تیرا درشن کرن آؤندے، تِنہاں دیِد عیِد چند اپنی چمک نہ کوئے وکھائیا۔ جوتی جوت سروُپ ہرِ، آپ اپنی کِرپا کر، گُر اوتاراں دئے جنائیا۔ گُر اوتار ہوئے حَیران، تیئی بَیٹھے دھیان لگائیا۔ دس گُروُ کرن پہچان، بےپرواہ تیری وڈیائیا۔ عیسیٰ موُسیٰ محمد نیتر نَین شرمان، اکّھ سکے نہ کوئے کُھلائیا۔ چارے جُگ بنے شیطان، شرع شریِعت نال مِلائیا۔ ہرِ کا بھیوَ کوئے نہ پان، کوُڑے دھندے جگت لوکائیا۔ کامی کرودھی ہنکاری گندے، مایا ممتا کرن کُڑمائیا۔ بِن سَتگُر پوُرے کوئی نہ کرے ٹھنڈے، امرت میگھ نہ کوئے برسائیا۔ چؤتھا جُگ آیا کنڈھے، انتم بَیٹھے ڈیرہ ڈھاہیِا۔ منمُکھ جیِواں کرے رنڈے، ساچا کنت نظر کِسے نہ آئیا۔ بندگیؤں بُھلے تیرے بندے، بندی خانہ سکے نہ کوئے تُڑائیا۔ ساچی وست کوئی نہ منگے، کوُڑی کِریا جھولی رہے بھرائیا۔ کوئی نہ چڑھیا ہرِ کے ڈنڈے، ساچے مندر چرن نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، بھگت بھگوان رِہا مِلائیا۔ بھگت بھگوان مِلائے انت، کلجُگ وجےّ مات ودھائیا۔ سَتجُگ سچ جنائے منت، منتر اِکو اِک پڑھائیا۔ بودھ اگادھا بن کے پنڈت، پتپرمیشور پھیرا پائیا۔ مان رکھائے نِرگُن سنگت، سرگُن انگیکار ہو جائیا۔ مانس جنم نہ ہووے بھنگت، مِہر نظر آپ اُٹھائیا۔ کایا چولے چاڑھے رنگت، رنگ رنگیِلا ویکھ وکھائیا۔ ہرجن تیری بنائے آپ بنت، جنم جنم وِچوں بدلائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ لیکھا جانے چار یُگ، چؤکڑی اپنے وِچ چُھپائیا۔ انتم سب دی آیوُ جائے پُگ، تھِر کوئے رہن نہ پائیا۔ کلجُگ چھوٹا پربھ دا پُت، چؤتھا حِصّہ اپنی جھولی رِہا وکھائیا۔ انتم گدّیؤں جائے اُٹھ، سیِس چھتر نہ کوئے جھُلائیا۔ اپنا دوارا آپے جائے لُٹ، گھر گھر لُٹی جائے لوکائیا۔ ماواں نظر نہ آئن پُت، پِتا پوُت نہ سوجھی پائیا۔ خالی ہتّھ کول نہ کُچھ، نیتر روون مارن دھاہینا۔ رسنا کوُکن ابناشی اچُت، پاربرہم تیری سرنائیا۔ سَتگُر ساڈی میٹ بُھکھ، نام وست اِک ورتائیا۔ تیرے وِچھوڑے لگّا دُکھ، دردیِاں درد نہ کوئے گوائیا۔ تیرا پیَنڈا رِہا مُک، کلجُگ

لوکمات رہن نہ پائیا۔ ٹھاکر سوامی سَتگُر ویکھے جھُک، دوُر دُراڈا نیڑے آئیا۔ جوتی جوت سروُپ ہرِ، آپ اپنی کِرپا کر، بھگت بھگوان رِہا جنائیا۔ بھگت بھگوان اِکو سنگ، سنگیِت اِکو اِک جنائیا۔ اِکو چولا اِکو رنگ، رنگنہار اِک اکھوائیا۔ اِک نام اِک مردنگ، تال تلواڑا اِک وجائیا۔ ایکا نوُر اِکو چند، ایکا جوت کرے رُشنائیا۔ ایکا ڈھولا ایکا گیِت چھند، سوہلا اِکو اِک جپائیا۔ ایکا دیوے سچ انند، انند انند وِچوں وکھائیا۔ ایکا ٹُٹی دیوے گنڈھ، گنڈھنہار گوپال سوامی گہر گمبھیِر وڈّی وڈیائیا۔ ایکا سب دا کیِتا کرے کھنڈ کھنڈ، کھنڈا نام ہتّھ چمکائیا۔ ایکا گُر اوتاراں دیوے دات ونڈ، پیِر پَیغمبر اِشارے نال نچائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، کل کلکی ویس وٹائیا۔ کل کلکی کھیلے کھیل کلغیدھر، دھرنی دھرت خوشی منائیا۔ نِرگُن آوے جوت دھر، نہ کوئی پِتا نہ کوئی مائیا۔ اپنا راگ آپے لئے پڑھ، چار جُگ دی پِچھلی کرے نہ کوئے پڑھائیا۔ سَتجُگ لائے ساچی جڑ، کلجُگ بوُٹا دئے اُکھڑائیا۔ لیکھا جانے نارنر، نر نرائن بھیوَ چُکائیا۔ سچ محلّے آپے وڑ، اچھل اچھلّا روُپ دھرائیا۔ نہاونہارا ساچے سر، سروور اِکو اِک وکھائیا۔ نِربھےَ چُکائے بھےَ ڈر، مِہر نظر اُٹھائیا۔ ساچی سِکھیا گُرمت گُرمُکھ وِرلا لئے پڑھ، پڑھ پڑھ اپنا گھر وسائیا۔ جوتی جوت سروُپ ہرِ، آپ اپنی کِرپا کر، بھگتاں سدا سدا سہائیا۔ گُر اوتار نیتر پیکھن، پیِر پَیغمبر دھیان لگائیا۔ کوئی نظر نہ آئے مُلّاشیخن، مسائک مصاحِب روُپ نہ کوئے وٹائیا۔ صاحِب سَتگُر وسے اپنے دیسن، دہ دِشا کھیل کرائیا۔ در درویش وِشن برہم مہیشن، شنکر اِک لِو لائیا۔ تیری گودی سارے کھیڈن، تُوں صاحِب پِتا مائیا۔ چار جُگ تیرا کوئی نہ پائے بھیتن، بھیوَ کوئی سمجھ سکے نہ رائیا۔ جوتی جوت سروُپ ہرِ، آپ اپنی کِرپا کر، کرے کرائے نوُر خُدائیا۔ نوُر خُدائی نوُر نوُرانہ، نؤبت اِکو نام وجائیندا۔ چؤداں طبقاں دے پروانہ، پرم پُرکھ حُکم سُنائیندا۔ کلجُگ ہونا انت وَیرانا، وَیری گھر گھر نظری آئیندا۔ سب نوُں مندر دِسے بیگانہ، بِن سَتگُر پوُرے گرِہ نہ کوئے وسائیندا۔ انتم لیکھا چُکنا وِچ جہانا، دو جہاناں انگ نہ کوئے لگائیندا۔ سَت سَتوادی کوئی نہ بنّھے گانا، مؤلی تند نہ کوئے جنائیندا۔ سِر تے سچ منّے نہ کوئی بھانا، منّ کے بھانا شُکر نہ کوئے منّائیندا۔ اگنی تڑپے راجا رانا، ترےَگُن تت نہ کوئے مِٹائیندا۔ چاروں کُنٹ کھیل مہانا، خالص روُپ نہ کوئے وکھائیندا۔ چار ورن ہوئے شیطانا، جوتی جوت سروُپ ہرِ، آپ اپنی کِرپا کر، ساچے بھگتاں آپ صلاحیندا۔ بھگت صلاح سِری بھگوان، کلجُگ انت دئے وڈیائیا۔ جِنہاں سِدھا مِلیا آن، پُستک کری

نہ کوئے پڑھائیا۔ بِن پڑھیاں دِتا گیان، انتر آتم بوُجھ بُجھائیا۔ ساچا مندر وکھا مکان، گھر نوُر ظہوُر رُشنائیا۔ جوتی جوت سروُپ ہرِ، آپ اپنی کِرپا کر، گھر مندر اِک وسائیا۔ گھر مندر وسے ساڈھے تِنّ ہتّھ، دوُجا نظر کوئے نہ آئیندا۔ جِس گرِہ وسے پُرکھ سمرتھ، سو دوُجے در لبھن کوئے نہ جائیندا۔ سِری بھگوان لیکھا چُکائے اٹھسٹھ، امرت سروور تیِرتھ اِک نُہائیندا۔ ذات پات دیِن مذہب دُرمت مَیل دیوے کٹ، کھتری براہمن شوُدر وَیش اِکو گھر وکھائیندا۔ چؤداں لوک کھول ہٹّ نام نِدھان دئے رکھ، چؤداں طبقاں سبق اِک پڑھائیندا۔ پُرکھ اکال ہوئے پرتکھ، لہنا دینا جانے ہتّھو ہتّھ، جوتی جوت سروُپ ہرِ، آپ اپنی جوت دھر، کل اپنا کھیل وکھائیندا۔ کلجُگ کھیل انت نِرنکار، نر ہرِ آپ ورتائیا۔ سَتجُگ سچ کرے پیار، سمت سمتی رِہا جنائیا۔ شبد اگادھ بول جَیکار، کھنڈا نام اِک چمکائیا۔ برہمنڈاں کوئی نہ پاوے سار، جیرج انڈج روون مارن دھاہینا۔بھیکھ پکھنڈا پِھرے وِچ سنسار، گھر گھر بھجےّ واہو داہیِا۔ جوتی جوت سروُپ ہرِ، آپ اپنی کِرپا کر، ہرجن میلا سہج سُبھائیا۔ ہرجن میلا انت مِلاؤنا، گھر اِکو اِک درسائیا۔ سچ سندیسہ راگ سُناؤنا، رگھُپت اپنا رنگ رنگائیا۔ کاہن ہو کے بنسری نام وجاؤنا، سرِشٹی ڈھولا رہی گائیا۔ سَتگُر ہو کے نوُر چمکاؤنا، اندھ اندھیر مِٹائیا۔ پُرکھ اکال ہو کے اکل کل دھار چلاؤنا، کلکاتی تیِر چلائیا۔ جوتی جوت سروُپ ہرِ، آپ اپنی جوت دھر، ایکا دینا ساچا ور، در تیرے سرنائیا۔ در سرنائی تیری آس، آساوند دھیان لگائیا۔ پاربرہم پربھ بُجھے پیاس، سِری بھگوان تیرا درشن پائیا۔ تیرا مِلنا وِچ جیِون خاص، خالص تیرا روُپ سمائیا۔ دُھر دا بھاشن گیا بھاکھ، بھاکھیا اِکو اِک سمجھائیا۔ گوبِند سوُرا گیا آکھ، آخر اپنا میل مِلائیا۔ گُرمُکھ کدے نہ ہونا گُستاخ، غُصّہ نظر کوئے نہ آئیا۔ اندر وڑ کے لہنا جھاک، بجرکپاٹی کُنڈا لاہیِا۔ سَتگُر پوُرا وسے پاس، وِچھڑ کدے نہ جائیا۔ چرن پریِتی جوگ ابھیاس، جپ تپ ہٹھ جگ سنجم نیم اِکو اِک کرائیا۔ اِکو ایک سنجم نیما، سو سَتگُر آپ کرائیا۔ ٹھنڈی دھار جانے کُنٹ ہیما، ہیم کُنٹ سیِتل دھار وہائیا۔ پُرکھ اکال نال مِل کے چُکیا نیما، سوگندھ اِکو وار کھائیا۔ کلجُگ انتم پرگٹ ہووے نَین نَیناں، جگت اکّھ نظر نہ آئیا۔ سَت پُرکھ نِرنجن ہو کے بنے ساک سیَنا، سجّن داتا بےپرواہیِا۔ کلجُگ انتم منّے کہنا، ساچا مارگ اِک وکھائیا۔ اُچا ٹِلّا پربت ڈھہنا، ڈوُنگھی بھَوری کوری پئے دُہائیا۔ گُرمُکھ گُر گُر اِکو دھام بہنا، دھام اَولّڑا سوبھا پائیا۔ جوتی جوت سروُپ ہرِ، آپ اپنی جوت دھر، دیونہارا ساچا ور، سچ سندیسہ رِہا جنائیا۔ سچ سندیسہ

گُروُ اوتار، گہر گمبھیِر آپ سمجھائیندا۔ اِکٹّھے ہووو ایکا وار، چار جُگ دا لیکھا آپ مُکائیندا۔ دوُر دُراڈے سدّ یار، صدّا نام اِک سمجھائیندا۔ سنمُکھ بَیٹھ ہوئے گُفتار، گُفت شنید دھار چلائیندا۔ واہوا وجّدی رہے سِتار، ستار سَتونتی تند بِن تند ہِلائیندا۔ تُوں ہی تُوں کرے پُکار، تُوں میرا مَیں تیرا دوہاں اِکو گھر نظری آئیندا۔ سچ دوارے پائے گھیرا، چاروں کُنٹ ویکھ وکھائیندا۔ جِس گھر گُرمُکھ تیرا لگّا ڈیرہ، سو در ہتّھ کِسے نہ آئیندا۔ کلجُگ جیِو کوئی بنّھ نہ سکے بیڑا، چپوُ نام نہ کوئے وکھائیندا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، گھر ساچے سوبھا پائیندا۔ در گھر ساچے سوبھا پائے، پرم پُرکھ بےپرواہیِا۔ دیِا باتی کملاپاتی نِرگُن جوت کرے رُشنائے، اگنی ہون پَون نہ کوئے وکھائیا۔ دُھر دی گاتھی نام ڈھولا بن وِچولا آپے گائے، راگی اِکو راگ جنائیا۔ پڑدہ اوہلا دئے اُٹھائے، جِس اپنے نال مِلائیا۔ کلجُگ انتم نِرگُن چولا لئے بدلائے، چولی ویکھن گھر کِسے نہ جائیا۔ بھولا بھالا کھیل کرائے، بھولے بھاؤ دھرتی مئیا دوئے جوڑ پئے سرنائیا۔ جوتی جوت سروُپ ہرِ، آپ اپنی جوت دھر، دیونہارا ساچا ور، ساچی سِکھیا اِک دِرڑائیا۔ ساچی سِکھیا ہرِ کا منت، منتر اِکو اِک سمجھائیندا۔ آتم وِچھڑی ملِے کنت، نر نرائن اِکو نظری آئیندا۔ کایا چولی چاڑھے رنگ بسنت، اُتر کدے نہ جائیندا۔ مانس جنم نہ ہوئے بھنگت، بھانڈا بھرم نہ کوئے وکھائیندا۔ ملِے وڈیائی وِچ جنت، دو جہانا کھیل وکھائیندا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، کرے کھیل سِری بھگوَنت، بھگوَن اپنا لیکھا جُگ جُگ اپنے ہتّھ وکھائیندا۔

۵ بھادروں ۲۰۲۰ بِکرمی کرنَیل سِنگھ دے گرِہ قادراباد

من چنچل جگت اندھا، دہ دِشا اُٹھ اُٹھ دھاہیا۔ بِن سَتگُر سرن نہ کوئی بندہ، بِن بندگی سَتگُر ملِے نہ بےپرواہیِا۔ جگت واسنا کھوٹا گندہ، کوُڑی کِریا گنڈھ پوائیا۔ دیِن دَیال سدا بخشندا، بخشنہار بےپرواہیِا۔ وست امولک اِکو دیندا، سَت ساچی جھولی پائیا۔ نام جَیکارا اِکو کہندا، آتم پرماتم ڈھولا گائیا۔ گھر سیج سُہنجنی آ کے بہندا، سوبھاوَنت سوبھا پائیا۔ نِج آسن اپنے ڈیرے رہندا، نظر کِسے نہ

آئیا۔ نہ کُچھ کھاندا نہ کُچھ پیِندا، پریم پریِتی منگ منگائیا۔ گھول گھُمائی وِٹہو تھیِندا، شاہ پاتشاہ سچّا شہنشاہیِا۔ بیِج اگمّی اِکو بیندا، بیِجنہارا بےپرواہیِا۔ نہ مریا نہ دِسے جیِندا، نِرگُن نوُر جوت رُشنائیا۔ نہ آلس نہ کوئی نیِندا، غفلت روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، ہرجن وِچھڑے آپ مِلائیا۔ وِچھڑیاں جگ میلا میل، مِلنی نام کرائیا۔ گھر ٹھاکر ملِے سجّن سُہیل، جھگڑا کوئے رہن نہ پائیا۔ جوت نِرنجن چاڑھے تیل، گھر سجّن آوے بےپرواہیِا۔ اچرج وکھائے اپنا کھیل، آتم انتر بوُجھ بُجھائیا۔ کرے پرکاش بِن باتی تیل، چند چاندنی اِک چمکائیا۔ گھر وکھائے دُھر نوَیل، درگاہ ساچی سوبھا پائیا۔ جوتی جوت سروُپ ہرِ، آپ اپنی کِرپا کر، ہرجن ٹُٹی گنڈھ وکھائیا۔ ٹُٹی گنڈھے گوبِند گوپال، سو صاحِب دَیا کمائیا۔ جنم جنم دے وِچھڑے لال، کر کِرپا آپ مِلائیا۔ کَون بِدھ ہووے دَیال، سمجھ سکے کوئی نہ رائیا۔ سَتجُگ تریتا دواپرکلجُگ نِت نوِت چلدا رِہا نال، نِرگُن سرگُن ہو کے سنگ نِبھائیا۔ جوتی جوت سروُپ ہرِ، آپ اپنی کِرپا کر، ہرجن دیوے مان وڈیائیا۔ ہرجن وِچھڑے مارے دھاہ، نیتر نَیناں نیِر وہائیا۔ کوُڑے سنگی رہے بُھلا، بھرم بُھلیکھا پائیا۔ گھر چنگی وست رہے گوا، پلّے گنڈھ نہ کوئے وکھائیا۔ سِری بھگوان بےپرواہ، بےپرواہی دھار چلائیا۔ جو جن سرنی ڈِگے آ، پھڑ باہوں لئے اُٹھائیا۔ ڈُبدے پاہن لئے ترا، پاتھر اپنا چرن چُھہائیا۔ سمُند ساگر پار دئے کرا، کلجُگ بھَوری رہن کوئے نہ پائیا۔ کرم کانڈ دئے گوا، کھنڈا کھڑگ تیر چلائیا۔ ساچا سنجم نیم دئے سمجھا، دُھر دی دھار اِک سُنائیا۔ بِن سَتگُر پوُرے کوئی نہ دِسے ملاح، بیڑا پار نہ کوئے کرائیا۔ اَگے پِچھے ویکھو تھل اسگاہ، جلدھار سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، ہرجن سدا سدا سہائیا۔ سدا سہائی ہویا آپ، اپنے ہتّھ رکھی وڈیائیا۔ پِچھلے میٹے سارے پاپ، پتت روُپ رہن نہ پائیا۔ اَگے ہرِ سنگت دِتا ساتھ، سگلا سنگ جنائیا۔ رسنا جِہوا پوُجا پاٹھ، اِکو منتر نام دِرڑائیا۔ جاگت سووت پُچھے وات، گھر آ آ ویکھے بےپرواہیِا۔ دھن سُہنجنی سوہی رات، بھنڑی رَین خوشی منائیا۔ مستک دھر کے بَیٹھی دوویں ہاتھ، سوچ سمجھ سکے نہ کُچھ رائیا۔ دو ہتھّیں کھولے اپنا تاک، نیتر نَین اُٹھائیا۔ نظری آیا پُرکھ ابناش، جوتی جاتا جوت جگائیا۔ جو لِکھ کے گیا بھوِکھت واک، سو لیکھا لیکھے رِہا لگائیا۔ اندر باہر چلے ساتھ، وِچھوڑا رہن کوئے نہ پائیا۔ لےَ کے جائے اپنے گھاٹ، پتّن اِکو اِک وکھائیا۔ گُرسِکھ تیری پِچھلی مُکی واٹ، اَگے اؤجھڑ پندھ نظر نہ آئیا۔ سَتگُر رکھے دے کر ہاتھ، مِہر نظر اُٹھائیا۔ بِناں

سِری بھگوان جھوُٹھے دِسن ساک، ویلے انت نہ کوئے چُھڈائیا۔ جوتی جوت سروُپ ہرِ، آپ اپنی کِرپا کر، بےانت کھیل وکھائیا۔ بےانت کھیل رِہا وکھا، ہرِ جوُ وکھّری دھار چلائیندا۔ جگ وِچھڑے رِہا مِلا، میلا اِکو گھر رکھائیندا۔ جگت دلِدر رِہا گوا، دُکھ درد نال مِلائیندا۔ چوٹی سِخر رِہا چڑھا، سوٹی نام ہتّھ پھڑائیندا۔ جوتی جوت رِہا جگا، اگیان اندھیر مِٹائیندا۔ لوک پرلوکی رِہا وڈیا، سچ سلوکی نام الائیندا۔ کایا تھوتھی بھانڈا رِہا بھرا، نام نِدھانا جھولی پائیندا۔ جوتی جوت سروُپ ہرِ، آپ اپنی جوت دھر، دیونہارا ساچا ور، گُرمُکھ گُرمُکھ گُرسِکھ گُرسِکھ گُر اِکو رنگ رنگائیندا۔ اِک رنگ سِکھ گُر، گُر سِکھ آپ رنگائیا۔ اِک مردنگ سِکھ گُر، سِکھ گُر اِک انند وکھائیا۔ اِک چند سِکھ گُر، گُر سِکھ اِکو نوُر کرے رُشنائیا۔ اِک پِنڈ گُر سِکھ پِنڈ گُر سِکھ اِکو ڈیرہ لائیا۔ دیِن دَیال بن بخشِند، مِہروان ہوئے سہائیا۔ مہاراج شیر سِنگھ وِشنوُں بھگوان، ہرجن تیری میٹے چِند، چِنتا غم نہ کوئے ستائیا۔ جوتی جوت سروُپ ہرِ، آپ اپنی کِرپا کر، ویکھ وکھانے ساچی بِند، جیِو جنت کھوج کھوجائیا۔

کرنَیل ملِے گھر نَین، نَینن نَین مِلائیا۔ دیونہارا لہنا دین، جھولی نام بھرائیا۔ اَگے نہ وہنا پِچھلے وہن، پِچھلا لیکھا ایسے کارن دِتا مُکائیا۔ تن بستر پائے نام گہن، گہنے پیا تن دیوے چُھڈائیا۔ اپنی ہتھّیں کر کے جائے سائین، سیَنت نال سمجھائیا۔ ہرِ کا شبد گُر کا کہن، گُرسِکھ منّن چائیں چائنیا۔ ہرِ سنگت وِچ جو گُرمُکھ بہن، تِنہاں ملِے مان وڈیائیا۔ کام کرودھ لوبھ موہ ہنکار نَین شرمائن، اکّھ سکے نہ کوئے اُٹھائیا۔ آسا ترِسنا نِیوں نِیوں لاگے پائن، گُرمُکھ تیری چرن دھوُڑی منگے تھاؤں تھائنیا۔ مایا ممتا کھائے نہ ڈائن، کوُڑی اِچھیا نہ ہووے ہلکائیا۔ درس دِکھائے اِکو نَین، نِج نیتر نَین کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ور داتا بےپرواہیِا۔ گُرمُکھ عرض سدا منظوُر، سَتگُر پوُرا دَیا کمائیندا۔ پِچھلا بخشنہار قصوُر، اگلا مارگ آپے لائیندا۔ کایا پنج تت تپے نہ وانگ تندوُر، امرت میگھ اِک برسائیندا۔ ناطہ تُٹے کوُڑو کوُڑ، سچ سُچ جھولی آپ بھرائیندا۔ جِنہاں لگاوے مستک دھوُڑ، تِنہاں دُرمت مَیل دھوائیندا۔ جو سَتگُر کولوں رہے دوُر دوُر، تِنہاں ایتھے اوتھے تھانئے نظر کوئے نہ آئیندا۔ سَتگُروُ بھنڈارا شبد بھرپوُر، گُرمُکھاں جُگ جُگ آپ ورتائیندا۔ ٹھاکر ہو کے بنے

مزدوُر، جن بھگتاں گھر گھر سیو کمائیندا۔ جے کوئی ویکھے در حضوُر، حاضر ہو کے نظری آئیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، آتم درسی سوَچّھ سروُپی اپنا درس کرائیندا۔ سوَچّھ سروُپی درس انوکھا، جوتی جوت جوت جوت رُشنائیا۔ بےشک گُرسِکھ گُر نوُں دے جاوے دھوکھا، گُر مُکھ نہ کدے بھوائیا۔ جِس ویلے گُرمُکھ ہووے اؤکھا، سُنے فریاد بےپرواہیِا۔ انتم سواس تک دیوے مؤقع، پِچھلی بُھل ساری دیوے بخشائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن لیکھا لیکھے پائیا۔ ہرجن لیکھا جائے مُک، مکُے چوُک پرائیا۔ مات گربھ پھیر نہ ہووے دُکھ، لکّھ چؤراسی پندھ مُکائیا۔ رائے دھرم نہ سکے پُچھ، چِتر گُپت نہ لیکھ وکھائیا۔ وِشن برہما شِو سیِس نِواون جھُک، واہوا گُرسِکھ تیری وڈیائیا۔ جِس دا نام گائے مُکھ، رسنا جِہوا ہرِ ہرِ گُن دِھیائیا۔ سو صاحِب دا بنے ساچا پُت، پُرکھ ابناشی اپنی گود اُٹھائیا۔ دھرم دوارے ہرِ نِرنکارے سُکھنا رِہا سُکھّ، کَون ویلا جن بھگتاں مِلاں چائیں چائنیا۔ پریم پیار دی مِٹاواں بُھکھ، پریم پریِتی اِکو سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہر گھٹ اندر ویکھے لُک، بِن سَتگُر نیتر نظر کِسے نہ آئیا۔ گُرسِکھ رووے انتر دھاہ، رسنا کوُک دُہائیا۔ پَون سواس نال رلائے ساہ، اُننجا پَون سنگ نِبھائیا۔ چاروں کُنٹ ویکھے نَین اُٹھا، نیتر اکّھ کُھلائیا۔ دُکھاں بھریا سرب جہاں، سُکھ روُپ نہ کوئے سمائیا۔ بِن سَتگُر پوُرے کوئی نہ پکڑے بانہہ، سجّن یار بَیٹھن مُکھ بھوائیا۔ دیِن دَیال جِس جن جپائے اپنا ناں، نانواں لیکھا لیکھے لَوے پائیا۔ درگاہ ساچی دیوے تھاں، دو جہانا پندھ مُکائیا۔ انتم جوتی میلا لئے مِلا، جوتی جوت سمائیا۔ کرنَیل کرم کانڈ دا مِٹیا گُناہ، جنم مرن دا ٹُٹا پھاہ، ٹھگّ چور دا چُھٹا راہ، ہرِ سنگت ناطہ جُڑیا بھَین بھرا، کوُڑی اکّھ پرتکھ نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، عرضی عرضی عرض آرزوُ لیکھے پا، لیکھا لیکھیوں باہر کڈھائیا۔

۵ بھادروں ۲۰۲۰ بِکرمی سوَرن سِنگھ دے گرِہ قادراباد

گُرسِکھ مانک موتی سچ سورن، کنچن کایا کوٹ گڑھ وسائیا۔ در درویش منگے پربھ سرن، سرنگت اِک رکھائیا۔ ناطہ توڑے مرن ڈرن، بھےَ بھؤ نہ کوئے تکائیا۔ ڈھولا اِکو آئے پڑھن، دوُجی کرے نہ کوئے پڑھائیا۔ سَتگُر ڈنڈے آئے چڑھن، پؤڑی روُپ نہ کوئے وکھائیا۔ لیکھ چُکائے ورن برن، اٹّھ دس نہ کوئے ونڈ ونڈائیا۔ جگت وِکارے آئے لڑن، کوُڑی کِریا باہر کڈھائیا۔ ساچی ترنی آئے ترن، چپوُّ نام ہتّھ اُٹھائیا۔ ہرِ کا درس آئے کرن، نِج نیتر دھیان لگائیا۔ جوتی جوت سروُپ ہرِ، آپ اپنی کِرپا کر، ہرجن ویکھے ویکھنہار، ابُھل بُھل کدے نہ جائیا۔ کنچن سوئنا مانک موتی، گُرمُکھ وِرلا نظری آئیا۔ جِس گھر جگے نِرمل جوتی، اندھ اندھیر رہن نہ پائیا۔ واسنا نِکلے وِچوں کھوٹی، دُرمت بَیٹھے مُکھ بھوائیا۔ انتر آتم پھولے اپنی پوتھی، کایا ورقہ لئے اُلٹائیا۔ جنم جنم دی مَیل جائے دھوتی، پاپ کلیور رہن کوئے نہ پائیا۔ سُرت سوَانی اُٹھے سوتی، گھر ساچے لئے انگڑائیا۔ مت رہے نہ کوئی ہوچھی، گُرمت ملِے وڈیائیا۔چرن کوَل اِکو اوٹی، پُرکھ اکال سچّی سرنائیا۔ رسن آہار نہ کوئی بوٹی، پریم پریِتی منگ منگائیا۔ چڑھ کے ویکھے اپنی چوٹی، گھر وسے سَتگُر سچّا ماہیِا۔ جِس نوُں لبھدے باہر کلجُگ جیِو لوکیں، سو لُکیا نظر کِسے نہ آئیا۔ پربھ دی گھاٹی بڑی اؤکھی، پار کرن کوئے نہ جائیا۔ جوتی جوت سروُپ ہرِ، آپ اپنی کِرپا کر، گُرمُکھاں دئے بُجھائیا۔ ہیِرا لال جواہر موتی مانک، مانس جنم مِلی وڈیائیا۔ لکّھ چؤراسی وِچ مِلیا نہ کوئی مالک، ملِکیت ہتّھ نہ کوئے پھڑائیا۔ انڈج جیرج اُتبُھج سیتج چارے کھانی لبھدا رِہا خالق، خالص روُپ نظر کوئے نہ آئیا۔ بھرمے بُھلدا رِہا باشک، بِن سَتگُر پوُرے بھرم نہ کوئے چُکائیا۔ گھر گھر وِچ بہہ کے کرے عدالت، عدل اِکو اِک کمائیا۔ گُرسِکھ رہن نہ دیوے کوئی علامت، جھوُٹھا جھگڑا دئے مُکائیا۔ نام خزانہ دیوے دُھر دی امانت، ہرجن ساچے جھولی پائیا۔ پنج تت کرے نہ کوئی خیانت، ٹھگّ چور لُٹ نہ جائیا۔ جوتی جوت سروُپ ہرِ، آپ اپنی کِرپا کر، گُرمُکھاں دِتی اِکو سیانپ، ہرِ سنگت ویکھن چائیں چائنیا۔ مانک موتی ہیِرا لال، گُرسِکھ وِرلا نظری آئیندا۔ جِس جن مِلیا ہرِ گوپال، گوپی ناتھ دَیا کمائیندا۔ کایا مندر اندر وکھائے سچّی دھرمسال، مندر مسجد شِودوالا مٹّھ نظر کوئے نہ آئیندا۔ دِیپک دِیاجوت جگے کمال، بےمثال ڈگمگائیندا۔ جلوہ نوُر دیوے جلال، ظاہر ظہوُر کھیل وکھائیندا۔ سنت سَتگُر ساچے لبھے آپے لال، لالن اپنے ہٹّ وِکائیندا۔ جوتی

جوت سروُپ ہرِ، آپ اپنی کِرپا کر، گُرسِکھ گُر گُر ویکھ وکھائیندا۔ لال امُلڑا گُرمُکھ ہیِرا، ہرِ دو جہان بنائیا۔ سچ بھگتی سیِس بنّھے چیِرا، مستک ٹِکاّ نام لگائیا۔ اؤکھا مارگ چُکے بھیڑا، راہ ساچا دئے سمجھائیا۔ امرت بخشے ٹھانڈا نیرا، نِجھرجھِرنا آپ جھِرائیا۔ بدلنہار صاحِب تقدیِرا، تدبیِر اپنی دئے سمجھائیا۔ لکّھ چؤراسی وِچوں مانس جنم اَخیِرا، ہرِ سَتگُر مِلنا ہرجن نِیوں نِیوں لگّنا پائینا۔ جوتی جوت سروُپ ہرِ، آپ اپنی کِرپا کر، گُرمُکھ گُر گُر گود اُٹھائیا۔ گُرمُکھ گُر گُر گودی چُک، گھر گھر دئے وکھائیا۔ ویکھ لوکائی گُرمُکھ مُکھ، سِری بھگوان رِہا دھوائیا۔ جنم کرم دا مِٹیا دُکھ، بھانڈا بھرم بھنّائیا۔ بن ماں پیو بنائے پُت، پوُت سپوُتا گود سُہائیا۔ درس دِکھائے نیڑے ہو کے جھُک، دو جہاناں پندھ مُکائیا۔ سیج سُہائے سُہنجنی رُت، رُت رُتڑی آپ مہکائیا۔ کرے کھیل ابناشی اچُت، چیتن اپنی دھار سمجھائیا۔ گرِہ مندر آئے اُٹھ، پڑدہ دوُئی دئے مِٹائیا۔ گھر وکھائے سچ سُچ، سُچ سنجم آپ بنائیا۔ جوتی جوت سروُپ ہرِ، آپ اپنی کِرپا کر، گُرمُکھ کاگ ہنس وکھائیا۔ گُرمُکھ کاگوں بنے ہنس، سوہنگ ہنسا مانک موتی چوگ چُگائیندا۔ پرگٹ ہووے کوٹن کوٹاں وِچوں سہنس، سہنس سہنسراں وِچوں آپ اُپائیندا۔ چار جُگ وِچ پربھ دا بنے چھوٹا بنس، لکّھ چؤراسی سنگ نہ کوئے رکھائیندا۔ دُشٹ سنگھارے جِیوں کاہنا کنس، رام راما روُپ وٹائیندا۔ جوتی جوت سروُپ ہرِ، آپ اپنی کِرپا کر، ہرجن ساچے مان رکھائیندا۔ ہرجن مان سرب سُکھ ساگر، ملِے لوکمات وڈیائیا۔ وست امولک کایا گاگر، گہر گمبھیِر دئے بھرائیا۔ غریِب نِمانیاں در دیوے آدر، دردی ہو کے درد ونڈائیا۔ پار کرائے سِندھ ساگر، بھَوری سکے نہ کوئے رُڑھائیا۔ ونج کرائے بن سؤداگر، نام ہٹّ اِک چلائیا۔ در آیاں در دیوے آدر، عدل اِکو اِک وکھائیا۔ کِرپا کرے کریم قادر، قُدرت قادر راہ تکائیا۔ جوتی جوت سروُپ ہرِ، آپ اپنی کِرپا کر، جن بھگتاں دیوے نام ور، صِدق صبوُری صبر پیالہ اِکو جام پیائیا۔ اِکو جام نام خُماری، دِوس رَین رکھائیا۔ سچ پریِتی نِرگُن یاری، سرگُن آپ لگائیا۔ کوُڑی کِریا کٹ بیماری، آتم سُکھ اُپجائیا۔ بھگت بھگوان ساچا میلا کنت ناری، ناری کنت آپ پرنائیا۔ سیج سُہنجنی آتم رِہا چاڑھی، پلنگ رنگیِلا اِک سُہائیا۔ آپے پِھرے پِچھے اَگاڑی، بن سیوک سیو کمائیا۔ کرے پرکاش بہتّر ناڑی، گھر گھر جوت رُشنائیا۔ مانس جنم نہ ہوئے خواری، خوشی غمی اِکو رنگ وکھائیا۔ جِس پُرکھ اکال نال لائی یاری، تِس یارانہ سکے نہ کوئے تُڑائیا۔ سو گُرمُکھ مارے اِک اُڈاری، پُریاں لوآں چرناں ہیٹھ دبائیا۔ جا کے ملِے جوت نِرنکاری، نِرگُن

میلا سہج سُبھائیا۔ جِس دے کولوں بِھکھیا منگدے رہے گُر اوتاری، سو داتاری پھیرا پائیا۔ کلجُگ انت جن بھگتاں مِلن دی آئی واری، جُگ جُگ دا لہنا جھولی پائیا۔ رکھے لاج جِس چرن چُھہائی داہڑی، ایتھے اوتھے لیکھا ویکھے شہنشاہیِا۔ گُرمُکھ لبھن جائے نہ کوئے جنگل جوُہ اُجاڑ پہاڑی، بن کھوجن کوئے نہ جائیا۔ میل مِلاوا دُھر درباری، دُھر دی دھاری دئے سمجھائیا۔ دوئے دوئے جوڑ سد نِمسکاری، نمو نمو سیِس جھُکائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، گُرمُکھ ساچے دیوے دان، داتا دانی دو جہانی شاہ سُلطانی بھگت بھگوان اِک اکھوائیا۔

۶ بھادروں ۲۰۲۰ بِکرمی بوُڑ سِنگھ دے گرِہ قادراباد

ست سروُپ سَتگُر درس، اگنی تت بُجھائیندا۔ امرت میگھ دیوے برس، ترِسنا ترِکھا گوائیندا۔ لیکھا چُکائے سوگ ہرکھ، چِنتا غم نہ کوئے جنائیندا۔ انتر آتم جو رہے بھڑک، تِنہاں بھانڈا بھرم بھنّائیندا۔ اَدھ وِچکارے جو رہے لٹک، تِنہاں دُھر دا حُکم سُنائیندا۔ گُرمُکھ مارگ چلے بےکھٹک، خطرہ نظر کوئے نہ آئیندا۔ ہرِجوُ تارنہارا بدھک، گنکا کُل نہ ویکھ وکھائیندا۔ جوتی جوت سروُپ ہرِ، آپ اپنی کِرپا کر، ہرِ ہرجن ویکھ وکھائیندا۔ ہرجن ویکھے کھول تاکی، پڑدہ مندر آپ اُٹھائیا۔ نِرگُن ہو کے بنے ساتھی، ساچا سنگ رکھائیا۔ سیوک ہو کے کرے راکھی، مِہر نظر اُٹھائیا۔ پریِتم ہو کے بنے پاٹھی، گُرمُکھ ڈھولا گائے چائیں چائنیا۔ سروور ہو کے بنے تیِرتھ تاٹی، ساچا سیِر مُکھ چوائیا۔ ونجارا ہو کے کھولے ہاٹی، گھر گھر وِچ سوبھا پائیا۔ اُجیارا ہو کے جگائے باتی، جوت نِرنجن کر رُشنائیا۔ امرت ہو کے جام پیائے باٹی، نِجھرجھِرنا آپ جھِرائیا۔ مِہروان ہو کے پُچھے واتی، نِرگُن سرگُن پھیرا پائیا۔ اچھل اچھلّ ہو کے کھیل کرے بہُبھانتی، ہرِ کا بھیوَ سمجھ کوئے نہ پائیا۔ نوُر نوُرانہ ہو کے میٹے اندھیری راتی، ساچا چند کر رُشنائیا۔ لہنیدار ہو کے لیکھا مُکائے باقی، پِچھلا رہن کوئے نہ پائیا۔ کھیوٹ ہو کے پار کرائے گھاٹی، پتّن ملِے بےپرواہیِا۔ داتا ہو کے اُتم رکھے ذاتی، ورن برن نہ کوئے دسائیا۔ جوتی جوت سروُپ ہرِ، آپ اپنی کِرپا کر، ہرجن ساچے دئے سمجھائیا۔ ہرجن سچ دئے بُجھا، بُجھارت نام پائیا۔ اگنی تت دئے گوا، گیان گُروُ سمجھائیا۔ شبدی ناد دئے الاہ، گھر گھر اِک

پڑھائیا۔ کاغذ قلم لیکھا دئے مُکا، دُھر سندیسہ اِک سُنائیا۔ درس ہمیشہ دئے وکھا، نِت نوِت ویکھ وکھائیا۔ عرش فرش بن ملاح، بیڑا پار وکھائیا۔ جوتی جوت سروُپ ہرِ، آپ اپنی کِرپا کر، ادھواٹی پھیرا پائیا۔ ادھواٹی پِھرے آد جُگاد مد، مدھر دُھن نام سُنائیا۔ دو جہاناں نِرگُن ہو کے رِہا بھجّ، سچ سندیسہ اِک الائیا۔ سچ سِنگھاسن بہے سج، شاہ پاتشاہ بےپرواہیِا۔ دو جہاناں پار کر کے حد، سچ حدوُد آپ ونڈائیا۔ لکّھ چؤراسی وِچوں کڈھ، ہرِ سجّن لئے اُٹھائیا۔ نام پیائے ساچی مد، اٹّھے پہر خُمار وکھائیا۔ سیِس جگدیِش پڑدہ دیوے کج، سمرتھ اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ہرجن لیکھا لیکھے پائیا۔ ہرجن بھرم نہ جائے بُھل، بےپرواہ آپ سمجھائیا۔ گُرمُکھ سدا نوَیلی کُل، کُلونتا آپ بنائیا۔ دیوے نام نِدھان آپ انمُل، قیمت انت نہ لائے کوئی آ۔ سچ دوارا جائے کُھل، کُھلی وست آپ ورتائیا۔ جوتی جوت سروُپ ہرِ، آپ اپنی کِرپا کر، آد جُگاد رہے ابُھل، بُھلیاں مارگ دئے وکھائیا۔ بُھلیاں مارگ دسےّ راہ، رہبر اِک اکھوائیندا۔ نام سندیسہ دیوے صلاح، ساچی دھار بندھائیندا۔ نِرگُن ہو کے بنے گواہ، سرگُن سنگ نِبھائیندا۔ پریِتم ہو کے ہوئے فِدا، آپ اپنا بھیٹ چڑھائیندا۔ سَتگُر ہو کے مارگ دسےّ سِدھا، اَدھ وِچکار نہ کوئے اٹکائیندا۔ مِہروان ہو کے لیکھا جانے نؤ اٹھاراں سِدھا، سادھنا اپنے ہتّھ وکھائیندا۔ جوتی جوت سروُپ ہرِ، آپ اپنی کِرپا کر، ہرجن انتر آتم وِدھا، تیر انیالا اِک چلائیندا۔ تیر انیالا تِکھی مُکھی، گُر سَتگُر گھاڑت آپ گھڑائیا۔ گُرمُکھ میٹے جنم جنم دی دُکھی، کرم کرم روگ گوائیا۔ ساچی دھاروں دھار اُٹھی، باہروں لبھن کوئے نہ پائیا۔ جُگ جنم دی وِچھڑی رُٹھی، رُٹھڑے لئے منائیا۔ گھر اُپجاوے اِکو سُکھی، سُکھ ساگر روُپ سمجھائیا۔ اپنے نِشانیوں کدے نہ اُکی، سچ نِشانہ دئے لگائیا۔ گُرمُکھ پریم رہے سد بُھکھی، ترِسنا جگت نہ کوئے ودھائیا۔ توڑن وِچھوڑن میلنہارا مد ٹُٹی، اننت اپنی گنڈھ پوائیا۔ ہرجن چوگ نہ کدے نِکُھٹی، سواس سواس لیکھے پائیا۔ جگت سوہے ماتا پِتا پُتیں، بھگوان بھگتاں گود بہائیا۔ پرم پُرکھ دی کُل اُچی، گُرمُکھ ساچے دین بنائیا۔ سُرت سوَانی رکھن سُچی، کوُڑی کرے نہ کوئے کُڑمائیا۔ ہرِ چرن دھیان اِکو رُچی، گھر رچنا ویکھ وکھائیا۔ سَتگُر جوت رہے نہ لُکی، پڑدہ سکے کوئی نہ پائیا۔ جیِو جنت جانن دھار پُٹھی، بےسمجھ سمجھ کوئے نہ پائیا۔ کوُڑی کِریا سرِشٹی جائے لُٹی، اِشٹی نظر کِسے نہ آئیا۔ نام وست کِسے کول نہ دِسے مُٹھی، خالی جھولی رہے وکھائیا۔ سب دی جائے مِٹی پُٹی، دھوُڑی دھوُاں دھار وکھائیا۔ گُرمُکھاں دھار سدا چِٹی،

کالا لیکھ نہ کوئے جنائیا۔ کوُڑی رس ویکھن پِھکی، رسنا جِہوا نہ کوئے چکھائیا۔ گھر وِچ جوت دِسے نِکی، گُر پوُرا دئے وکھائیا۔ جِس دی گُروُ اوتار پیِر پَیغمبر لِکھ لِکھ دیندے گئے چِٹھی، کھانی بانی راگ الائیا۔ سو صاحِب سب نوُں رِہا جِتّی، جِتّ ہار روُپ وٹائیا۔ دو جہاناں ونڈنہارا حِصّی، حِصّہ اپنا آپ سمجھائیا۔ جوتی جوت سروُپ ہرِ، آپ اپنی کِرپا کر، ہرجن ساجن لئے اُٹھائیا۔ وِچھوڑا میلا دُھر دا رنگ، سو صاحِب آپ رنگائیا۔ چڑھنا اُترنا ہتّھ ڈور پتنگ، جگت کھِلاری کھیل کھِلائیا۔ پریم رس دُھر دا انند، سد بخشند آپ وکھائیا۔ ڈھولا راگ اگمّی چھند، گہر گمبھیِر سُنائیا۔ وست امولک مانگت منگ، داتا دانی جھولی بھرائیا۔ پرکاش نوُر سیِتل چند، اگنی تت گوائیا۔ دوُئی دوَیت بھرماں کندھ، بھانڈا بھؤ بھنّائیا۔ کایا کوٹ کھوج برہمنڈ، جیِؤ پِنڈ دئے سمجھائیا۔ جوتی جوت سروُپ ہرِ، آپ اپنی کِرپا کر، ڈُبدے ڈُبدے پار کرائیا۔ ڈُبدے ڈُبدے ویکھے ساگر، جگ ڈوُنگھی دھار وکھائیندا۔ نظر نہ آئے کوئی بہادر، جو بھَوری کَوری پار کرائیندا۔ کِسے نہ ملِے درگاہ آدر، آدم آمد وِچ نظر کوئے نہ آئیندا۔ جِنہاں بُھلیا کرتا قادر، تِنہاں قاتل اپنی دھار وکھائیندا۔ جوتی جوت سروُپ ہرِ، آپ اپنی کِرپا کر، ہرِجوُ ہرِ ہرِ بھیوَ کُھلائیندا۔ گُرمُکھ پربھ مِلن دا اِکو مطلب، سچ ساچی سچ دِرڑائیا۔ جو جن پڑھے ہرِ کے مکتب، الف یے دیوے بُھلائیا۔ بھیوَ کُھلائے نر ہرِ اصلت، اصلیِت اپنی دئے بُجھائیا۔ پِچھلی میٹنہارا خصلت، ساچا مارگ اِک رکھائیا۔ جوتی جوت سروُپ ہرِ، آپ اپنی کِرپا کر، آپے میلے وِچھڑے بِچھرت، بِچھرت میلا آپ کرائیا۔ ساچا میلا بِن سوچ سمجھ، ہرِ سَتگُر آپ کرائیا۔ اندر باہر مارے رمز، نام اِشارے نال اُٹھائیا۔ لیکھا جانے پوُرب جنم، جنم کرم پھول پُھلائیا۔ ویکھ وکھائے دُھر دا دھرم، دھر دھرنی دئے وڈیائیا۔ سنت سُہیلے دُھر دا ڈھولا جو جن پڑھن، تُوں میرا مَیں تیرا راگ الائیا۔ تِنہاں انتم آئے ورن، ہرِ کرتا پھیرا پائیا۔ بخشے سرنائی ساچے چرن، درگاہ ملِے مان وڈیائیا۔ اَدھ وِچکار کوئے نہ اڑن، موُرکھ دھندا نہ کوئے وکھائیا۔ گُرسِکھ گُر گُر دوویں کرن اِکو پرن، پلّوُ چُھٹے جگت نہ رائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جنم کرم پوُرب لیکھا جھولی پائے آن، باقی اپنے ہتّھ رکھائیا۔