کتب خانہGranth 15 (Urdu)

۱۶ اَسوُ ۲۰۲۰ بِکرمی بھاگ سِنگھ دے گرِہ دبڑی خاناں ضِلع بٹھِنڈہ

شاہ پاتشاہ سچ سُلطان، در تیرے اِک عرضوئیا۔ گُر اوتار منگن دان، دوئے جوڑ واسطہ پائیا۔ پیِر پَیغمبرچرن کوَل کرن دھیان، نیتر نَین نَین شرمائیا۔ کِرپا کر سِری بھگوان، بےانت تیری سرنائیا۔ دو جہان نیتر نیِر وہان، دھیِرج دھیِر نہ کوئے دھرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، مِہروان اپنا پھیرا پائیا۔ دو جہان کرن پُکار، اُچی کوُک کوُک سُنائیا۔ وِشنوُں وِشو ویکھے کر وِچار، اندرِشٹی اپنی درِشٹ کُھلائیا۔ برہما برہم-ویتا چاروں کُنٹ رِہا نَین اُگھاڑ، اپنی اکّھ کُھلائیا۔ شنکر پاونہارا سار، دھوُاں دھار سنّ اگمّ کھوجے

تھاؤں تھائنیا۔ میِت نظر نہ آئے کوئی مُرار، سجّن روُپ نہ کوئے وکھائیا۔ کر کِرپا پربھ سِرجنہار، نِرگُن نِروَیر پُرکھ اکال تیری وڈیائیا۔ ہؤں ٹھاکر سیوک منگاں دھوُڑی چھار، تیرے چرن اوٹ تکائیا۔ تُوں کرنی کرتا کرنیہار، تُدھ بِن قیمت کوئے نہ پائیا۔ اِکو در تیرا ٹھانڈا دربار، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، نِرگُن نِرگُن ہو سہائیا۔ گُر اوتار پیِر پَیغمبر دوئے جوڑ، در گھر ساچے واسطہ پائیا۔ سِری بھگوان پتپرمیشور پُرکھ اکال تیری لوڑ، نِروَیر تیری اِکو اوٹ رکھائیا۔ دُھردرگاہی بےپرواہی شبد اگمّی چڑھ گھوڑ، دو جہاناں ویکھ وکھائیا۔ لوک پرلوک رس دِسے مِٹھا کؤڑ، امرت میگھ دے برسائیا۔ چاروں کُنٹ اندھیرا گھور، نؤ کھنڈ ساچا چند نہ کوئے چمکائیا۔ پنچ وِکارا دیوے کوئی نہ ہوڑ، شاستر سِمرت وید پُران اُچی کوُکن دین دُہائیا۔ گیِتا گیان چلے کوئی نہ زور، باراں اکشر صِفت نہ کوئی صلاحیِا۔ اِنجیل قرآن نیتر روون زارو زار، ہنجھوُاں ہار اِک پروئیا۔ پیِر پَیغمبر واجاں رہے مار، دروہی تیرے نام خُدائیا۔ چارے کھانی رووے دھاہاں مار، دھرنی دھرت دھوَل رہی کُرلائیا۔ چارے بانی گئی ہار، پرا پسنتی مدھم بَیکھری بَیٹھی مُکھ چُھپائیا۔ ترےَگُن مایا نار ہوئی مٹیار، کلجُگ اپنا جوبن رہی وکھائیا۔ پنج تت لاڑا کرے خبردار، سچ سندیسہ اِک سُنائیا۔ دہ دِشا پِھرے وارو وار، چاروں کُنٹ اپنا پھیرا پائیا۔ سادھ سنت جیِو جنت آتم پرماتم کرے نہ کوئے پیار، ساچا رنگ تن نہ کوئے رنگائیا۔ جوُٹھ جھوُٹھ دہ دِشا سرب کرے خوار، ڈؤروُ اپنا ڈنک وجائیا۔ کر کِرپا سِرجنہار، بےانت بےپرواہ در تیرے الکھ جگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ نر نریشا ایکنکار اِکو اِک جنائیا۔ سچ سندیسہ دئے پَیغام، گُر اوتاراں پیِر پَیغمبراں آپ جنائیندا۔ لیکھا جانے نؤجوان، بےپرواہ اپنی دھار سمجھائیندا۔ سرب جیِاں پربھ دیونہار گیان، بودھ اگادھا آتم بھیوَ کُھلائیندا۔ برہمنڈ کھنڈ اِکو راگ سُنان، کوُڑی کِریا کرنہار کھنڈت، نام کھنڈا تیز چنڈ پرچنڈ اِک چمکائیندا۔ گڑھ توڑے ہؤمے ہنگت، ہنگ برہم اپنا بھیوَ کُھلائیندا۔ چار ورن بنا اِکو سنگت، آتم پنگت آپ وکھائیندا۔ لیکھا توڑ کوُڑی دھار جیرج انڈج، اُتبُھج سیتج اپنے لیکھے لائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر سندیسہ اِکو وار جنائیندا۔ گُر اوتار پیِر پَیغمبر کر نِمسکار، سچ دھیان اِک لگائیا۔ تیری کِرپا سِرجنہار، شاہ پاتشاہ تیری وڈیائیا۔ جُگ چؤکڑی تیری دھار، نِرگُن سرگُن کھیل کرائیا۔ تیرا نام شبد جَیکار، سَتجُگ تریتا دواپرکلجُگ رہے جس

گائیا۔ ہؤں بالک بالی بُدھ نادان، تیرا انت کوئے نہ پائیا۔ نِت نوِت تیرا سُندے رہے دُھر فرمان، سچ سندیسہ اِکو اِک الائیا۔ سیوا کردے وِچ جہان، لکّھ چؤراسی جیِو جنت سمجھائیا۔ تیرا لیکھا لِکھت دے کے آئے مہان، مہما اکتھنا کتھ سُنائیا۔ آتم پرماتم دے کے آئے گیان، پاربرہم برہم اپنا بھیوَ کُھلائیا۔ کایا مندر وسدے رہے سچ مکان، مکہ کعبہ شِودوالا مٹّھ مندر اِکو اِک سُہائیا۔ گھر گھر وِچ وسے بھگوان، باہر لبھن کوئے نہ جائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تیرا وِچھوڑا رہے نہ رائیا۔ سِری بھگوان دسےّ میِت، مِتر پیارا آپ جنائیندا۔ آد جُگاد جُگ چؤکڑی پرم پُرکھ دا اِکو گیِت، ساچا سوہلا نام سُنائیندا۔ جِس دی مہما کرن بہہ بہہ مندر مسیِت، گُروُدوار گُر گُر بھیوَ کُھلائیندا۔ سو صاحِب سَتگُر شبد سوامی وسے دھام انڈیِٹھ، گھر ساچے اپنا آسن اِک لگائیندا۔ جو سرگُن نِرگُن کرے سچ پریِت، تِس پریِتیوان اپنی دَیا کمائیندا۔ کایا مندر اندر بند کِواڑی کھولے چھوٹی جھیت، پڑدہ اوہلا آپ چُکائیندا۔ ساچا درس اگمّی اتیِت، مارگ اپنا اِک جنائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، شبد گُروُ گُردیو سوامی سرب جیِاں گھٹ انترجامی، آتم آتم پڑدہ آپ اُٹھائیندا۔ سرب جیِاں داتا پربھ ایک، ایکنکار دئے جنائیا۔ گُر اوتار پیِر پَیغمبر جِس دی رکھدے ٹیک، مِہروان سِر سب دے ہتّھ ٹِکائیا۔ شاستر سِمرت وید پُران جِس دا بنیا لیکھ، مہما کتھ کتھ جنائیا۔ جُگ چؤکڑی نِرگُن سرگُن دھارنہارابھیکھ، لوکمات آوے جاوے واہو داہیِا۔ کوُڑی کِریا سدا سُہیلا میٹے اندھیری رات، ساچا سَت چند کرے رُشنائیا۔ لکّھ چؤراسی وِچوں جن بھگتاں کرے ساچا ہیت، ہِتکاری اپنا پڑدہ دئے چُکائیا۔ نظری آئے نیتن نیت، نِج نیتر لوچن دئے کُھلائیا۔ آتم پرماتم ساچی دسےّ اگمّی کھیڈ، گوپی کاہن سُرتی شبدی گھر ناچ نچائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی آپ کمائیا۔ ساچی کرنی کرے کرتار، قُدرت قادر ویکھ وکھائیندا۔ مقامے حق وس سانجھا یار، سچ تؤفیِق اِک بنائیندا۔ نوُر اِلاہی پروردِگار، جلوہ گر اِکو نوُر ڈگمگائیندا۔ ابناشی کرتا وسنہارا دھام نیار، سچکھنڈ دوار سوبھا پائیندا۔ تھِر گھر بند کِواڑ، شبدی سُت سُت دُلارا نال مِلائیندا۔ لیکھا جانے دو جہان، جودھا سوُربیِر بلی بلوان، سچ اُٹھائے اِک نِشان، لوآں پُریاں برہمنڈاں کھنڈاں اِکو نظری آئیندا۔ وِشن برہما شِو دیوے اِکو چرن دھیان، سمرتھ پُرکھ وڈ داتا لیکھا جانے جیِو جہان، لکّھ چؤراسی جیِو جنت سادھ سنت گرِہ مندر اندر گھر گھر ویکھ وکھائیندا۔ جوتی جوت سروُپ ہرِ، آپ

اپنی کِرپا کر، دیونہارا ساچا ور، گُر اوتار پیِر پَیغمبر لوکمات ساچی سیوا آپ لگائیندا۔ گُر اوتار پیِر پَیغمبر سارے رہے آکھ، اُچی کوُک کوُک سُنائیا۔ پاربرہم پربھ داتا دانی سرب گُن طاس، وڈ وڈّا وڈ وڈیائیا۔ جُگ چؤکڑی سب دی پوُری کرے آس، آسا اپنے نال مِلائیا۔ گھٹ نِواسی نِرگُن جوت کر پرکاش، نوُر نوُرانہ بَیٹھا ڈیرہ لائیا۔ سَت سَتوادی برہم برہمادی آد جُگادی شبد انادی سَتگُر پوُرا بن کے داسی داس، برہمویتا دُھر دا نیتا، نِرگُن سرگُن سرگُن نِرگُن اپنا بھیوَ چُکائیا۔ مات گربھ دا سب نوُں کرائے چیتا، جو بُھلے جیِو پرانیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دی دھار آپ سمجھائیا۔ دُھر دی دھار کرتا پُرکھ، سو صاحِب آپ جنائیا۔ پُرکھ اکال سچّا درس، دید اِکو اِک رُشنائیا۔ جنم جنم دی میٹے حرص، کرم کرم دا روگ چُکائیا۔ امرت میگھ دیوے برس، نِجھرجھِرنا اِک جھِرائیا۔ ترےَگُن اگنی بُجھے تڑپ، سانتک سَت سَت ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُر اوتار پیِر پَیغمبر اِکو مارگ دئے جنائیا۔ اِکو مارگ لہنا سِکھ، سو سجّن آپ جنائیا۔ بِن قلم شاہی درگاہ ساچی لیکھا دئے لِکھ، کاغذ دوات نظر کوئے نہ آئیا۔ دو جہان نؤجوان سِری بھگوان ساچا کرنا دسےّ ہِت، ہِتکاری اپنی بوُجھ بُجھائیا۔ آؤنا جانا کھیل نِت نوِت، جُگ چؤکڑی بندھن پائیا۔ سچ بھنڈار پاوے بِھکھ، وست امولک آپ ورتائیا۔ نِرگُن سرگُن نِروَیر ہو کے آئے دِس، دوُجی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، وست امولک کایا گولک گھر گھر وِچ آپ رکھائیا۔ گُر اوتار کرن ارداس، پربھ تیرے چرن ملِے وڈیائیا۔ لوکمات رہنا سدا پاس، بےپرواہ وِچھڑ کدے نہ جائیا۔ تیرا منڈل تیرا منڈپ تیری پائیے راس، تیرا نوُر تیرا روُپ گوپی کاہن نظری آئیا۔ تیرا ویکھیئے کھیل تماش، سیِتا سُرتی تیرے نال پرنائیا۔ تیرا نام جنائیے بودھ اگادھ، نِش اکھّر اکھّر تیری پڑھائیا۔ تیرا لیکھا وِچ سدا وِسماد، بِسمِل تیری دھار نظری آئیا۔ مِہروان ہو کے دے اپنی داد، مِہر نظر اِک اُٹھائیا۔ سیوا کریئے وِچ برہماد، برہمانڈ تیرا حُکم سُنائیا۔ ناطہ جوڑیئے جیرج انڈ، اُتبُھج سیتج بندھن پائیا۔ نِرگُن سرگُن دیدے گنڈھ، تیری گنڈھ تُدھ بِن کھول سکے نہ کوئی رائیا۔ تیرے پریم پیار اندر پئی سچّی ٹھنڈ، سیِتل سانتک سَت روُپ وٹائیا۔ تیرا نوُر تیرا چند، تیرا سوُریا تیرے چرن کرے رُشنائیا۔ ہؤں سیوک داس بِھکھاری رہے منگ، در درویش الکھ جگائیا۔ کِرپا کر سوُرے سربنگ، شاہ پاتشاہ مِہر نظر اُٹھائیا۔ انگیکار لاؤنا انگ، انگ اپنے نال مِلائیا۔ تیرا نام

وجائیے مردنگ، انحد انادی سُر تال رکھائیا۔ لکّھ چؤراسی اندر ویکھیئے لنگھ، سُکھمن ٹیڈھی بنک ایِڑا پِنگل راہ وِچ سکے نہ کوئے اٹکائیا۔ تیرے مندر وڑ کے ساچے پؤڑے چڑھ کے آتم سیجا کھڑ کے پربھوُ تیرا گائیے چھند، تُوں میرا مَیں تیرا، سوہنگ سَت سروُپ سمائیا۔ اوتھے پِچھلا کوئی رہے نہ جھیڑا، کُھلا دِسے اِکو ویہڑا، جِتھے بھگتاں لگّا ڈیرہ، دوُجا نظر کوئے نہ آئیا۔ نہ کوئی دِسے چؤراسی گیڑا، نہ کوئی کہے پِتا پُت میرا، نہ کوئی ناری کنت پاوے گھیرا، بھَین بھائی سنگ نہ کوئے بنائیا۔ کوُڑی کِریا مِٹے جھیڑا، مایا ممتا ہؤمے ہنگتا اُجڑے کھیڑا، اِکو روُپ تیرا نظری آئے نہ کوئی سنجھ نہ سویرا، جوتی جوت سروُپ ہرِ، آپ اپنی کِرپا کر، اِک وکھاؤنا ساچا گھر، جِس گھر تیرے نام وجےّ ودھائیا۔ پُرکھ اکال آکھ سُناؤندا اے۔ دُھر دا بھیوَ کُھلاؤندا اے۔ سچکھنڈ نِواسی اپنا پڑدہ لاؤہُدا اے۔ مُکھ نقاب نہ کوئے رکھاؤندا اے۔ جلوہ اِکو نوُر رشناؤندا اے۔ جوتی جوت ڈگمگاؤندا اے۔ ساچے مندر سوبھا پاؤندا اے۔ چھپّر چھنّ نہ کوئے چُھہاؤندا اے۔ چار دیوار نہ کوئے بناؤندا اے۔ باڈھی سنگ نہ کوئے رکھاؤندا اے۔ سوُرج چند نہ کوئے چمکاؤندا اے۔ منڈل منڈپ نہ کوئے وکھاؤندا اے۔ وِشن برہما شِو نظر کوئے نہ آؤندا اے۔ پُرکھ اکال دیِن دَیال سچ دوارے اِکو سوبھا پاؤندا اے۔ آد جُگادی نؤجوان، بِردھ بال نہ روُپ وٹاؤندا اے۔ جِدھر ویکھے مار دھیان، اپنا آپ آپے نظری آؤندا اے۔ آپے کھیل کرے مہان، اپنی بنت آپ بناؤندا اے۔ اپنی اِچھیا کر پردھان، اپنے وِچوں پرگٹاؤندا اے۔ آپے راجا بن راجان، شہنشاہ اپنا ناؤں دھراؤندا اے۔ آپے بنے حُکمران، دُھر فرمانا آپ سُناؤندا اے۔ آپے بن کے در دربان، درویش اپنی سیو کماؤندا اے۔ آپے کھیل کرے مہان، ناری کنت روُپ وٹاؤندا اے۔ آپے سیجے چڑھے آن، رنگ رلی آپ مناؤندا اے۔ آپے بن ناررکان، جوبن نوُر وِچوں پرگٹاؤندا اے۔ آپے ویکھے مار دھیان، بِن اکّھاں ویکھ وکھاؤندا اے۔ آپے کھیل کرے بھگوان، بھگوَن اپنی کار کماؤندا اے۔ آپے ہوئے مِہروان، مِہر مُحبّت اپنی آپ سمجھاؤندا اے۔ آپے جننی جن بن کے جنمے بال نادان، بچّہ شبد اِک پرگٹاؤندا اے۔ ساچا سُت کر پردھان، دُھر سندیسہ اِک سُناؤندا اے۔ اُٹھ لاڈلے میرے نؤجوان، تیرے جِہا دوُجا نظر کوئے نہ آؤندا اے۔ تیری سیوا لواں مہان، تھِر گھر تیرے لیئے بناؤندا اے۔ تیرا حُکم بنائے حُکمران، سِر تیرے ہتّھ ٹِکاؤندا اے۔ تیرا بنس جنائے مہان، وِشن برہما شِو تیری گود بہاؤندا اے۔ تیرا کھیل کرے گُن نِدھان، گُنوَنتا اپنا گُن تیرے وِچوں باہر کڈھاؤندا اے۔ ترےَگُن مایا پنج تت تیرا انگ کٹاؤندا اے۔ چارے کھانی کر پروان، انڈج

جیرج اُتبُھج سیتج لکّھ چؤراسی تیرا بندھن پاؤندا اے۔ چارے بانی دے گیان، پرا پسنتی مدھم بَیکھری تیرے وِچوں پرگٹاؤندا اے۔ وِشنوُں منگے تَیتھوں پکوان، برہما برہم تیرا روُپ منگ منگاؤندا اے۔ شنکر تیرا منگے بل مہان، ترےَگُن مایا میٹ مِٹاؤندا اے۔ کر کِرپا پُت سُجان، سِری بھگوان سب کُچھ تیرے ہتّھ پھڑاؤندا اے۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، آد پُرکھ اپنی رچنا رچ شبدی مارگ اِک چلاؤندا اے۔ شبد کہے پربھ میرے میِت، صاحِب سَتگُر تیری سرنائیا۔ مَیں بالا نِکاّ کیِٹن کیِٹ، تیرا بھیوَ کوئے نہ آئیا۔ مَیں نیِکن نیک نیِچو نیِچ، بےانت تیری سوبھا کہن نہ پائیا۔ کِرپا کر موہے بخش اِک پریِت، در تیرے منگ منگائیا۔ مَیں سدا پربھوُ تیرے وساں چرن نزدیِک، دوُجا گھر نظر کوئے نہ آئیا۔ تُوں آد جُگادی رہن ہارا اتیِت، سچکھنڈ بَیٹھا ڈیرہ لائیا۔ خالی جھولی تَیتھوں منگاں بھیِکھ، دات انمُلڑی دے ورتائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، دوُجے در منگن کدے نہ جائیا۔ سِری بھگوان سچ سمجھاؤندا اے۔ سِر اپنا ہتّھ ٹِکاؤندا اے۔ شبد سُت آپ جگاؤندا اے۔ ابناشی اچُت تیری آسا پوُر کراؤندا اے۔ تھِر گھر سوہے تیری رُت، کوٹن کوٹ برہمنڈ تیرا نوُر پرگٹاؤندا اے۔ تیری کِرن کِرن وِچوں ونڈ کے ونڈ، سوُرج چند نوُر چمکاؤندا اے۔ تیری اِچھیا اندر کھیل کرے برہمنڈ، برہماد تیری دھار درساؤدا اے۔ ترےَگُن مایا پنج تت تیرا بندھن پائے بندھ، ڈوری تیرے ہتّھ پھڑاؤندا اے۔ لکّھ چؤراسی کھیل کرے سوُرا سربنگ، سُر تال تیرے وِچ رلاؤندا اے۔ نؤ دوارے ونڈے ونڈ، دسم دواری تیرا گھر سُہاؤندا اے۔ گھٹ گھٹ اندر تیرا آپ وچھائے پلنگ، پاوا چوُل نظر کِسے نہ آؤندا اے۔ ساچا نوُر جوت نِرنجن چاڑھے چند، سوُرج چند سرب شرماؤندا اے۔ آد جُگاد تیرا رکھے سنگ، جگت وِچھوڑا نظر کوئے نہ آؤندا اے۔ تیرا چاڑھ اگمّی رنگ، پنج تت چولا آپ سُہاؤندا اے۔ سرِشٹ سبائی دیونہار انند، انند تیرے وِچوں پرگٹاؤندا اے۔ اپنا نام صِفتی دسّ چھند، شاہ پاتشاہ حُکم ورتاؤندا اے۔ جوتی جوت سروُپ ہرِ، آپ اپنی کِرپا کر، تیرا روُپ انوُپ اِک پرگٹاؤندا اے۔ تیرا روُپ انوُپ اِک پرگٹاوانگا۔ لکّھ چؤراسی وِچوں تَینوُں پھیر آپ اُٹھاوانگا۔ کر کے اپنی ساچی مِہر، مِہر نظر اِک اُٹھاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا میلا میل مِلاوانگا۔ ساچا میل اِک مِلاوانگا۔ تیرا نام مات پرگٹاوانگا۔ گُر اوتار پیِر پَیغمبر سَت سروُپ نظری آوانگا۔ چارے کوُٹ ویکھ وکھاوانگا۔ جوُٹھ جھوُٹھ میٹ مِٹاوانگا۔ کایا کلبوُت پڑدہ

لاہوانگا۔ سچ محبوُب اِکو نظری آوانگا۔ دُھر دا دیواں آن ثبوُت، صِدق بھروسہ نال نِبھاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، تَینوُں شبد گُروُ سب دا سرتاج بناوانگا۔ شبد سُت دیوے وڈیائی، سو پُرکھ نِرنجن دَیا کمائیندا۔ ہرِ پُرکھ نِرنجن مِہر نظر اُٹھائی، مِہروان ویکھ وکھائیندا۔ ایکنکار کہے تیری میری ہوئے نہ کدے جُدائی، جُڑیا جوڑ نہ کوئے تُڑائیندا۔ آد نِرنجن کہے مَیں تَینوُں دیواں رُشنائی، اپنا نوُر شبدی سچ الائیندا۔ ابناشی کرتا کہے مَیں تیرا ڈھولا دیواں گائی، بِن رسنا جِہوا راگ الائیندا۔ سِری بھگوان کہے مَیں تیرا نِشان دیاں جھُلائی، دو جہاناں ہتّھ اُٹھائیندا۔ پاربرہم کہے مَیں تیرا لیکھا ویکھاں تھاؤں تھائیں، تھان تھننتر کھوج کھوجائیندا۔ شبد سُت میرے سچ دُلارے تُدھ بِن دوُجا دِسے کوئی ناہیں، جو آد جُگاد جُگ جُگ مارگ لائیندا۔ تیری دھار پنج تت اندر دیاں ٹِکائی، تِس ٹِکاّ اپنا نام مستک اِک وکھائیندا۔ سو اُچی کوُک پُکارے دوویں بانہیں، پُرکھ اکال آد پُرکھ کرتا اپنی کھیل رچائیندا۔ لکّھ چؤراسی جیِو جنت جِس بنت بنائی، سو گھڑنہار پُرکھ سمرتھ سچکھنڈ دوارے سوبھا پائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سُت دُلارے تیری سیوا اِک وکھائیندا۔ سُت شبد سیوا جُگ چار، سو پُرکھ نِرنجن آپ لگائیا۔ سُت شبد تیرا روُپ گُر اوتار، بودھ اگادھ تیری پڑھائیا۔ سُت شبد پُری لوء برہمنڈ کھنڈ تیرا پسار، دو جہان تیری سرنائیا۔ سُت شبد چؤداں لوک تیرا آدھار، چؤداں طبق تیرے اَگے واسطہ پائیا۔ سُت شبد نؤ کھنڈ پرِتھمی ستّ دیِپ تیری گُلزار، چارے کھانی پُھل پُھلواڑی تیری مہکائیا۔ سُت شبد تیری آد انت رہے بہار، خِزاں رُت روُپ نہ کوئے وٹائیا۔ سُت شبد تیرا بنیا رہے پیار، آتم پرماتم تیرا ناطہ جوڑ جُڑائیا۔ سُت شبد تیرا وسدا رہے گھر بار، ساچے بھگتاں اندر تیرا محل وسائیا۔ سُت شبد تیرا ہُندا رہے جَیکار، ساچے سنت تیرا ناؤں ڈھولا گائیا۔ سُت شبد تیرا ہُندا رہے ونجار، گُرمُکھ تیرا ہٹّ لیَن چلائیا۔ سُت شبد تیرا وسدا رہے سنسار، گُرسِکھ بَیٹھے تیرا راہ تکائیا۔ بِن سَتگُر شبد آد جُگاد کِسے دا بیڑا نہ اُترے پار، منج دھار پار نہ کوئے کرائیا۔ سَتگُر سچّا اِکو بُہتا وِچ سنسار، بُہتے گُروُ کمّکِسے نہ آئیا۔ جو جنم کرم دے وِچھڑے میلے آن، اگلا پِچھلا وِچھوڑا دئے مُکائیا۔ جو کایا مندر اندر وکھائے سِری بھگوان، جنگل جوُہ اُجاڑ پہاڑ کھوجن کوئے نہ جائیا۔ جو گھر سُرتی میلا کرے ساچے رام، جو رام ہر گھٹ بَیٹھا ڈیرہ لائیا۔ جو ساچی سخی میلے کاہن، اٹّھے پہر بنسری نام رِہا وجائیا۔ جو سچّے پَیغمبر میلے آن، جو گھڑی پل سچ

پَیغام رِہا سُنائیا۔ سو سَتگُر سچّا آد جُگاد سدا بلوان، بلدھاری اِک اکھوائیا۔ مرے نہ جمے وِچ جہان، مات گربھ نہ ڈیرہ لائیا۔ پوہ سکے کدی نہ کال، مہاکال نہ بھےَ ڈرائیا۔ لاڑی مؤت اپنی گود نہ سکے سوال، جوُنی جوُن نہ کوئے بھوائیا۔ اوہ سَتگُر سچّا سب دی کرے پرِتپال، لکّھ چؤراسی اپنے وِچوں پرگٹائیا۔ سو داتا اِکو اِک پُرکھ اکال، شبدی سُت تیرا پِتا پُرکھ اکھوائیا۔ لیکھا جان دو جہان، نِرگُن سرگُن دوویں دھار وکھائیا۔ جُگ چؤکڑی ویکھے آن، مِہروان اپنا پھیرا پائیا۔ ساچا کلمہ بول کلام، چاروں کُنٹ دئے سمجھائیا۔ اِسم اعظم اِک مِہروان، بےعیب نوُر خُدائیا۔ محبان بیِدو بی خَیر یا االلہ، بِسمِل سب نوُں دئے جنائیا۔ سچ تؤفیِق اِک رفیق، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتگُر سچّا ایکو ایک، آد جُگاد سب دی ٹیک، جُگ چؤکڑی کرے بُدھ بِبیک، جو جن بَیٹھے دھیان لگائیا۔ سَتگُر سچّا مانو جگ، جگجیِون داتا اِک اکھوائیندا۔ جو سدا نِت نوِت وسے اُپر شاہ رگ، نؤ دوارے ہتّھ کِسے نہ آئیندا۔ پھڑ پھڑ اندر وڑ وڑ لیکھا چُکا سیِس دھڑ دھڑ ہنس بنا کگّ، کاگوں ہنس روُپ وکھائیندا۔ بِن سدّے پَیغمبر شبد سندیسے نال سدّ، صدا بھگت بھگوَنت شبد اِک سُنائیندا۔ اپنی مہما دسےّ بودھ اگادھ اکتھ، رسنا جِہوا کتھنی کتھ انت کوئے نہ پائیندا۔ گُرمُکھ گُرسِکھ ہرجن ہربھگت پھڑ کے چاڑھے نام رتھ، بن رتھواہی سیو کمائیندا۔ کر کِرپا کِرپانِدھان ٹھاکر سوامی کایا مندر اندر کھول وکھائے ہٹّ، نام ہیِرا رتن امولک گھر گھر وِچوں جھولی پائیندا۔ ایہو کھیل پُرکھ سمرتھ، جن بھگتاں ایکا راہ دیوے دسّ، اؤجھڑ راہ کوئے نہ پائیندا۔ شبد گُر گُرمُکھاں دیوے گُرمت، من مت ڈیرہ ڈھاہندا۔ لیکھا چُکے تت اٹّھ، نؤ در پندھ کوئی رہن نہ پائیندا۔ سَتگُر نانک مارگ اِکو گیا دسّ، ذات پات ورن گوت نہ کوئے جنائیندا۔ گوبِند گُر امرت آتم دِتا اِکو رس، دوُجا پیالہ ہتّھ نہ کوئے پھڑائیندا۔ کر پرکاش کوٹن رَو سس، اگیان اندھیر چُکائیندا۔ انتم کہہ کے گیا گُرسِکھ تُوں میرا مَیں تیرے وس، واسطہ تیرے نال رکھائیندا۔ گُر کا شبد اِکو لؤ رس، دوُجا پار نہ کوئے لگائیندا۔ پنج تت ویکھ کِسے دے چرنی نہ جانا ڈھٹھ، سَتگُر شبد شبد دَیال گُر گُردیو سوامی آد جُگاد نمو نمو تِس نوُں سرب سیِس جھُکائیندا۔ گُرمُکھو تُسیں اوس پُرکھ اکال دی جدّ، جِس وِچ مِل کے پھیر مُڑ کوئی نہ آئیندا۔ - - - - شبد گھوڑے اُپر شاہ سوارا، اسوَ اپنا آپ دؤڑائیا۔ پِھرنہارا جنگل جوُہ اُجاڑ پہاڑا، سمُند ساگر ویکھ وکھائیا۔ چِٹی چادر ویکھنہارا، گُرمُکھ سدا چِٹی دھار دسم دواری وِچ سمائیا۔ تّھلے آسن سِنگھاسن اوہ نیارا، جو سمجھ کوئے

نہ پائیا۔ جو گُرمُکھ چرن کوَل گُروُ کرے پیارا، تِس تّھلے اُتے اِکو دھیان وکھائیا۔ اوہ موگھا پانی جل ٹھنڈا ٹھارا، گُرمُکھاں اندر رِہا وہائیا۔ جِس امرت نوُں لبھدا پِھرے سنسارا، گُرسِکھ اندر سروور اِکو وار بھرائیا۔ جوتی جوت سروُپ ہرِ، آپ اپنی کِرپا کر، گھوڑے چڑھے شبد اسوارا، روُپ انوُپ وٹائیا۔ شبد گُر دا روُپ انیک، اکل کل دھاری کھیل کھلائیا۔ جیہی واسنا تیہا دھارےبھیکھ، بھیکھی اپنا روُپ وٹائیا۔ جے کوئی لبھے کِسے ہتّھ نہ آئے روُپ ریکھ، دے درس اپنا آپ بُجھائیا۔ جے کِرپا کر کے دے جاوے اِک سندیس، اُٹھ گُرسِکھ ویکھ تیرا آیا سچّا ماہیِا۔ - - ایہہ بھائی کا واڑا، جِتھے تِنّ سال پہلے دِتا ور، جِتھے پِھرے گُر دسمیش، دہ دِشا اپنا چکّر لگائیا۔ چار کُنٹ نؤ کھنڈ پرِتھمی ستّ دیِپ سب نال کرے ہیت، جو بَیٹھا دھیان لگائیا۔ سنمُکھ ساہمنے اپنے نیتر لئے پیکھ، جِس اُتے مِہر نظر اُٹھائیا۔ گُرمُکھو گُروُ نال جوڑو ہیت، دوُجا ساک سجّن سیَن کمّ کوئے نہ آئیا۔ مانس جنم لکّھ چؤراسی وِچوں اُتم مِلی کھیڈ، مِل سَتگُر اپنی ہولی لؤ منائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سادھ سنگت تیرا ناطہ سدا سَتگُر نال جُڑائیا۔ گُرسِکھ نِمانا سب توں اُچا، اوُچ اگمّ اتھاہ جِس دئے وڈیائیا۔ ہیِرا نگ سب تو سُچا، جِس دی قیمت بِن سَتگُر کِسے نہ پائیا۔ سَتگُروُ سدا گُرسِکھ تیرے پیار دا بُھکھا، دوُجی آس نہ کوئے رکھائیا۔ تُوں اپنا پریم پریِتی بھوجن رکھ اَگے رُکھا، نال خوشیاں لَوے کھائیا۔ گُرسِکھ کہے میرا سَتگُر میرے اُتے تُٹھا، جِس اپنی بوُجھ بُجھائیا۔ مَیں لوکمات ڈوُنگھی کوری وِچوں باہر آیا گُٹھا، اپنا پڑدہ دِتا چُکائیا۔ مَیں نہیں جاندا کی کوٹ جنم رِہا رُسا، اپنی آپ سار کوئے نہ پائیا۔ کر کِرپا شبد گُر کِہا آ میرے لاڈلیا پُتا، تَینوُں اپنی گود لواں بَیٹھائیا۔ تُوں اوس لڑی دا وڈّا گُچھا، جِس وِچ پُرکھ اکال بھگتاں ڈوری تند بندھائیا۔ جوتی جوت سروُپ ہرِ، آپ اپنی کِرپا کر، دیونہارا سدا ور، بِن گُرسِکھاں گُروُ کمّکِسے نہ آئیا۔

۱۷ اَسوُ ۲۰۲۰ بِکرمی ہرچند سِنگھ دے گرِہ ہررائے پُر ضِلع بٹھِنڈہ

کرپا کر ہرِ نِرنکار، بھیوَ ابھیدا آپ کُھلائیا۔ سُت شبد تیرا لیکھ رہے جُگ چار، جُگ چؤکڑی میٹ نہ کوئے مِٹائیا۔ پنج تت تیرا کھیل اپار، دیونہار بےپرواہیِا۔ تیرا روُپ گُروُ اوتار، پیِر پَیغمبر ویس وٹائیا۔ تیرا نام سچ جَیکار، دو جہان ڈھولا گائیا۔ لکّھ چؤراسی تیرا بھنڈار، گھر گھر وست امولک اِک رکھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سُت دُلارا جھُکا سیِس، پربھ اَگے ارداس سُنائیا۔ ٹھاکر سوامی میرے جگدیِش، بےانت تیری سرنائیا۔ تیرا فرمان میری حدیِث، تیرا کلمہ میری پڑھائیا۔ جُگ چؤکڑی سَتجُگ تریتا دواپرکلجُگ لکّھ چؤراسی پڑھاواں ٹھیِک، نام سندیسہ اِک سُنائیا۔ مارگ دسّاں دو جہان باریِک، جگ نیتر نظر کِسے نہ آئیا۔ انتم پربھوُ دسّ اپنی اِک تاریخ، جِس ویلے نِرگُن نِرگُن میل مِلائیا۔ دوُجا دِسے نہ کوئی شریِک، لاشریِک شِرکت کرے نہ کوئے نوُر خُدائیا۔ سد ویکھاں تیرا نام انڈیِٹھ، سچکھنڈ دوارے اِک دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہروان سِر اپنا ہتّھ ٹِکائیا۔ سُت دُلارے چھوٹے بال، سو سَتگُر آپ جنائیا۔ ہرِ پُرکھ نِرنجن تیرے نال، ایکنکار اپنی گنڈھ پوائیا۔ آد نِرنجن نِروَیر دِیپک سچّا دیوے بال، جوتی جوت جوت رُشنائیا۔ ابناشی کرتا تیری سُہائے سچّی دھرمسال، دھرم دوارا اِک بنائیا۔ سِری بھگوان سَت جھُلائے نِشان، روُپ رنگ ریکھ نظر کِسے نہ آئیا۔ پاربرہم پربھ دیونہارا مان، مِہر نظر اِک اُٹھائیا۔ برہم پاربرہم آتم پرماتم دیوے سچ گیان، تیرا بھیوَ ابھیدا دئے کُھلائیا۔ لکّھ چؤراسی جیِو جنت سادھ سنت چار کھانی چار بانی وست امولک دیوے دان، داتا دانی آپ ورتائیا۔ تیرا روُپ پرگٹائے سَت سروُپی سچّا کاہن، رام رمئیا تیری دھار جنائیا۔ تیرا نوُر اُپجائے سچ پَیغمبر اِکو نِشان، شہنشاہ اپنا کھیل وکھائیا۔ تیرا ویس وٹائے گُر گُر روُپ نؤجوان، بِردھ بال نظر کوئے نہ آئیا۔ تیرا نام سُنائے دُھر فرمان، شبدی شبد راگ الائیا۔ سَتجُگ تریتا دواپرکلجُگ نِرگُن سرگُن تیری چلا ئے دُکان، دو جہاناں ہٹّ کُھلائیا۔ چؤداں لوک تیری کرن کلیان، چؤداں طبق تیرا ڈھولا گائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، چؤداں وِدیا تیری صِفتی صِفت لگائیا۔ شبد کہے پربھ سچّے سجّن، تیری اِکو اوٹ تکائیا۔ آد جُگاد جُگ چؤکڑی دینا مجن، دھوُڑی ٹِکاّ مستک لائیا۔ دو جہان تیرے حُکمے اندر ناد اگمّی وجّن، سُر تال اپنے ہتّھ رکھائیا۔ سنت سُہیلے گُروُ گُر

چیلے بھگت بھگوان رکھنے مگن، آپ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گھر ملِے سچّے ڈھوئی آ۔ ٹھاکر سوامی ہو دَیال، شبدی شبد شبد جنائیندا۔ نِت نوِت بناں تیرا دلال، بن سیوک سیو کمائیندا۔ گُر اوتار پیِر پَیغمبر رکھاں تیرے نال، سگلا سنگ نِبھائیندا۔ دُھر سندیسہ ساچا منتر اِکو وار دیاں سِکھال، ساچی سِکھیا اِک سمجھائیندا۔ دیِا باتی کملاپاتی جوتی نوُر دیواں بال، تیل باتی نظر کوئے نہ آئیندا۔ کایا مندر اندر وکھا سچّی دھرمسال، سچ دوارا اِک جنائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، تیرا مندر اِک سُہائیندا۔ شبد سُت تیرا مندر انڈِٹھ، لکّھ چؤراسی اندر گھر گھر وِچ آپ بنائیا۔ نِروَیر ہو کے کرے ہِت، پُرکھ اکال بےپرواہیِا۔ چار کُنٹ دہ دِشا انبھوَ پرکاش پئے دِس، نوُری جلوہ اِک رُشنائیا۔ ساچا لیکھا بِن قلم دوات دیوے لِکھ، قلم شاہی کمّکِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، تیرا کھیڑا دئے وسائیا۔ سچ کھیڑا دسّ بھگوان، جِس گھر دیویں وڈیائیا۔ گھر میل مِلائیں آن، دوُر دُراڈا پندھ مُکائیا۔ نظری آئیں نؤجوان، بلدھاری بخشیں اِک سرنائیا۔ ساچا مندر سوہے مکان، محفل جِس گھر اپنی لائیا۔ سندیسہ دیوے دُھر فرمان، ساچا راگ ناد الائیا۔ وِشن برہما مہیش چرنی ڈِگن آن، سُرپت سیِس نہ کوئے اُٹھائیا۔ شاستر سِمرت وید پُران گیِتا گیان اِنجیل قرآن جِس دا ڈھولا گان، سو نِش اکھّر اکھّر دینا سمجھائیا۔ جِس دی آس گُر اوتار پیِر پَیغمبر آد جُگاد نِت نوِت سدا تکان، نِج نیتر بَیٹھے نَین اُٹھائیا۔ جِس دا شبد تال راگ ناد انحد دُھن گائن گان، گن گندھرب اپنا تال وجائیا۔ سو کھیل دسّ پُرکھ سمرتھ مِہروان، بےنظیِر نظر اپنی اِک اُٹھائیا۔ جُگ چؤکڑی تھِر رہے نہ کوئی وِچ جہان، سَتجُگ تریتا دواپرکلجُگ ٹُٹے مان، ابِھمان روُپ نہ کوئے وٹائیا۔ کوٹن کوٹ راج راجان شاہ سُلطان جھُلاؤندے گئے نِشان، انت نِشانہ نظر کوئے نہ آئیا۔ جُگ چؤکڑی کوٹن کوٹ تیرے حق مقام دسّدے رہے گیان، انتر آتم اگیان اندھیر نہ کوئے مِٹائیا۔ رسنا جِہوا بتّی دند کردے رہے وکھیان، ویاکھیا تیری کوئی نہ سکیا سمجھائیا۔ جنگل جوُہ اُجاڑ پہاڑ اُچے ٹِلّے پربت ڈوُنگھی کندر تیری کردے رہے پچھان، بےپہچان تیرا نوُر نظر کِسے نہ آئیا۔ نؤ کھنڈ پرِتھمی ستّ دیِپ چار کُنٹ دہ دِشا تیری کردے رہے بھال، جیِو جنت سادھ سنت بھجّن واہو داہیِا۔ بِن سَتگُر پوُرے تیرا درس کوئے نہ پان، گرِہ مندر چڑھ کے درس کوئے نہ پائیا۔ کِرپا کر سِری بھگوان، اِکو دینا ساچا سچّا دان، دیونہار تیری سرنائیا۔ لکّھ چؤراسی آتم پرماتم جگت

وِچھوڑا مِٹے جہان، دوُئی دوَیتی کوئی رہن نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، شبد سُت منگ منگائیا۔ سُت شبد سُن میرے دُلارے، پربھ ابناشی آپ جنائیا۔ دو جہان کھیل نیارے، برہمنڈ کھنڈ اپنی کار کمائیا۔ رَو سس بنے پنہارے، وِشن برہما شِو سیو لگائیا۔ گُر اوتار پیِر پَیغمبر بولن سچ جَیکارے، دُھر دا نادی ناد سُنائیا۔ کاتب بن کے گئے لِکھارے، لِکھ لیکھا جگت سمجھائیا۔ چارے کھانی بن ونجارے، چارے بانی بھیوَ چُکائیا۔ چارے جُگ دے ہُلارے، سَتجُگ تریتا دواپرکلجُگ گئے ہنڈائیا۔ چارے پد پاون سارے، پد نِربان اِک درسائیا۔ انتم سارے گئے ہارے، اُچی کوُک کوُک سُنائیا۔ آد جُگاد جُگا جُگنتر پُرکھ اکال اِک کرتارے، قُدرت قادر کھیل رچائیا۔ کلجُگ انتم ہووے رَین اندھیارے، نؤ ستّ چند نظر کوئے نہ آئیا۔ ہرِ کا نام کرے نہ کوئے پیارے، گُر کا شبد نہ کوئے کمائیا۔ سرِشٹ سبائی ہوئے وِبھچارے، ساچا کنت نارنہ کوئے ہنڈائیا۔ گُر اوتار پیِر پَیغمبر دوُر دُراڈے ویکھن سارے، اَگے ہو سار کوئے نہ پائیا۔ دیِن مذہب ذات پات اوُچ نیِچ راؤ رنک راج راجان شاہ سُلطان نیتر روون زارو زارے، دھیِرج دھیِر سانتک سَت نہ کوئے ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِک سُنائیا۔ شبد سُت سُن ساچے لال، سو سَتگُر آپ جنائیا۔ جُگ چؤکڑی بیِتے کال، تھِر کوئے رہن نہ پائیا۔ کرے کھیل سِری بھگوان، ہرِ کرتا اپنی کار کمائیا۔ در درویش نر نریش سارے منگن دان، خالی جھولی رہے وکھائیا۔ کلجُگ انت کوُڑ ہوئے پردھان، چاروں کُنٹ ڈنک وجائیا۔ گھر گھر شرع پِھرے شیطان، شریِعت کرے جگت لڑائیا۔ سچ دِسے نہ کوئے نِشان، دھرم نِشانہ نظر کوئے نہ آئیا۔ نؤ کھنڈ پرِتھمی چاروں کُنٹ دِسے وَیران، بِن ہرِ نامے خالی دِسے لوکائیا۔ گُرمُکھ وِرلے سنت سُہیلے اندر وڑ کے راہ تکان، باہروں نظر کوئے نہ آئیا۔ دوئے جوڑ کہن کِرپا کر سِری بھگوان، پُرکھ ابناشی تیری اوٹ تکائیا۔ امرت آتم دے پیِن کھان، رس اِکو اِک وکھائیا۔ شبد اناد انتر وجےّ شبدی دُھنکان، انحد نادی ڈھولا گائیا۔ دِیپک جوت جگے مہان، گھر گھر وِچ ہوئے رُشنائیا۔ سُرتی شبدی ملِے آن، دوُئی دوَیتی ڈیرہ ڈھاہیِا۔ ساچا مندر سوہے مکان، دھرم دوارا اِکو نظری آئیا۔ نظری آئے بھوُپت بھوُپ نؤجوان، شاہ پاتشاہ اِک وڈیائیا۔ لیکھا چُکے جگت جہان، لکّھ چؤراسی رہن نہ پائیا۔ جوتی جوت سروُپ ہرِ، آپ اپنی کِرپا کر، ایکو دینا ساچا ور، تیرے شبد نام ملِے وڈیائیا۔ پُرکھ اکال دیِن دَیال، دیانِدھ آپ جنائیندا۔ کلجُگ میٹے کوُڑا کال، چاروں کُنٹ

ویکھ وکھائیندا۔ نؤ کھنڈ پرِتھمی بنائے سچّی دھرمسال، دھرم دوارا اِک جنائیندا۔ لیکھا چُکے شاہ کنگال، اوُچ نیِچ رہن کوئے نہ پائیندا۔ سَتگُر شبد بنے دلال، سچ دلالی آپ کمائیندا۔ ویکھ وکھائے حقیِقت حق حلال، نوَ نؤ چار کھوج کھوجائیندا۔ جن بھگتاں دیوے نام سچّا دھنّ مال، ٹھگّ چور یار لُٹ کوئے نہ جائیندا۔ آتم پرماتم وسے سدا نال، جگت وِچھوڑا پندھ مُکائیندا۔ دِیا دِیپک جوتی جوت دیوے بال، نوُری نوُر نوُر دھرائیندا۔ امرت آتم ٹھانڈا سیِت جام دئے پیال، سچ پیالہ کاسہ ہتّھ پھڑائیندا۔ شبد اناد سچّی دُھن وجےّ ناد مہان، انحد انراگی راگ سُنائیندا۔ صاحِب سَتگُر مِتر پیارا گھر سجّن ملِے آن، سُرتی شبدی جوڑ جُڑائیندا۔ محل اٹل اُچ منار نظری آئے اِکو کاہن، ساچی بنسری راگ سُنائیندا۔ لیکھ چُکائے دو جہان، نِرگُن سرگُن سرگُن نِرگُن ایکا میل مِلائیندا۔ ایتھے اوتھے دو جہناں دیوے مان، مِہروان سِر اپنا ہتّھ ٹِکائیندا۔ بھگت بھگوان رل کے ڈھولا اِکو گان، تُوں میرا مَیں تیرا دوُجا سنگ نہ کوئے رکھائیندا۔ تیرا میرا اِک نِشان، آتم پرماتم بھیوَ چُکائیندا۔ پاربرہم برہم تیرا کرے دھیان، نِت نوِت اپنا نَین اُٹھائیندا۔ اِیش جیِو کر پروان، جگدیِشر تیری آس رکھائیندا۔ آد جُگاد جُگ چؤکڑی تیرا نام بلی بلوان، بلدھاری اِک اکھوائیندا۔ دو جہان تیرا نِشان، سَت سروُپ اِکو نظری آئیندا۔ تیرا شبد روُپ مہان، نِرگُن نظر کِسے نہ آئیندا۔ سو پُرکھ نِرنجن کھیل کریں مہان، مہما اکتھ کتھ سمجھائیندا۔ سوہنگ آد جُگاد جُگ چؤکڑی آتم پرماتم چلا ئے دُکان، دو جہاناں ہٹّ آپ کُھلائیندا۔ ساچا منتر دیونہار سِری بھگوان، بھگوَن میِتا اپنا بھیوَ چُکائیندا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، دیونہارا اگمّ ور، بودھ اگادھ اگادھ بودھ آتم بودھ آپ کرائیندا۔

۱۷ اَسوُ ۲۰۲۰ بِکرمی جاگیِر داس دے گرِہ خیالی والا ضِلع بٹھِنڈہ

پُرکھ اکال وڈ پالک، مِہروان حُکم جنائیا۔ شبد دُلارے ساچے بالک، نِرگُن تیری سیو سمجھائیا۔ روُپ دھر سرِشٹ سبائی خالق، مخلوُق تیری سرنائیا۔ آد جُگاد جُگ چؤکڑی نہ کوئی نِندرا نہ کوئی آلس، دلِدر روُپ نہ کوئے وٹائیا۔ دو جہاناں بن ثالث، سچ ثالثی مات کمائیا۔ آتم پرماتم بھیوَ کُھلاؤنا خالص، خواہش اپنی میرے نال رلائیا۔ گُر اوتار تیری امانت، پیِر پَیغمبر تیری جھولی پائیا۔ تُوں بننا صاحِب سدا

سلامت، دو جہان وجےّ تیری ودھائیا۔ تیرے نام کدے نہ آئے کوئی علامت، روُپ رنگ نہ کوئے چڑھائیا۔ لکّھ چؤراسی جیِو جنت کوُڑی کِریا کرنی اِک ممانت، دُھر سندیسہ اِک سُنائیا۔ سَتجُگ تریتا دواپرکلجُگ لیکھ چُکاؤنا روُپ بھیانک، بھےَ بھؤ دینا گوائیا۔ تیرا کھیل سمجھ نہ سکے کوئی اچانک، اچنچیت تیری سار کوئے نہ پائیا۔ جوتی جوت سروُپ ہرِ، آپ اپنی کِرپا کر، ساچی سِکھیا اِک دِرڑائیا۔ ساچی سِکھیا صاحِب گُنوَنت، ہرِ کرتا آپ جنائیندا۔ آد جُگاد تیری مہما اگنت، صِفتی ڈھولا تیرا ناد وجائیندا۔ نِت نوِت تیرا منت، نِراکھّر اکھّر سمجھائیندا۔ نال لائے گُر اوتار پیِر پَیغمبر ساچے بھگت، ساچے سنت تیرا سنگ رکھائیندا۔ گُرمُکھ گُرسِکھ در بنن منگت، گھر ساچا اِکو اِک جنائیندا۔ تیرا نوُر اگمّی چڑھے رنگت، سو صاحِب آپ چڑھائیندا۔ تیرا بھیوَ کوئی نہ پائے پنڈت، لیکھا لِکھ نہ کوئے سمجھائیندا۔ تیرا واس نِواسا جیرج انڈج، تیرا پرکاش اُتبُھج سیتج آپ جنائیندا۔ تیرا بھرواسا سرب برہمنڈپ، پُری لوء آکاش تیرا دھیان لگائیندا۔ نوَ نؤ چار تیرے دوارے منگت، بِھکھاری روُپ سرب وکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دی دھار آپ سمجھائیندا۔ شبد گُروُ در ہو ادھیِن، دوئے جوڑ واسطہ پائیا۔ ہؤں بالک بالا در مسکیِن، مُشکل میری حل کرائیا۔ پروردِگار تیرے اُتے موہے اِک یقین، یک لخت اپنا حُکم دے سمجھائیا۔ ساچی کر تلقین، طاقت اپنی دے سمجھائیا۔ مَیں دو جہان جا کے کراں تاعمیِل، گھر گھر سندیسہ اِک سُنائیا۔ سب دی بدل دیواں دلیِل، نِرگُن نِرگُن تیرا بھیوَ چُکائیا۔ کوُڑی کِریا منّاں نہ کوئی اَپیل، خارج سب دا لیکھا دیاں مُکائیا۔ چار کُنٹ دہ دِشا نؤ کھنڈ ستّ دیِپ، جوتی جوت سروُپ ہرِ، آپ اپنی کِرپا کر، اِکو دینا ساچا ور، تیرا نام دیاں سُنائیا۔ ساچا نام جا کے دسّ، آد جُگادی تیری سیوا لائیا۔ برہمنڈ کھنڈ ویکھ نٹھّ، بن پاندھی پندھ مُکائیا۔ لکّھ چؤراسی جیِو جنت انتر دے رس، رس اِکو اِک وکھائیا۔ آتم پرماتم کر وس، برہم پاربرہم پڑدہ دے اُٹھائیا۔ سچ پریِتی ڈوری پا نتھ، پھندن اِکو اِک رکھائیا۔ ڈھولا اگمّ سُنا گاتھ، ساچی سچ سچ پڑھائیا۔ دو جہان گا جس، گا گا خوشی منائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک دِرڑائیا۔ ساچی سِکھیا دے بھگوان، بھگوَن اپنی دَیا کمائیا۔ شبد سُت اُٹھ نؤجوان، نِرگُن نِرگُن لےَ انگڑائیا۔ دھرم اُٹھا اِک نِشان، دو جہان دے وکھائیا۔ چار ورن دے گیان، آتم بودھ پڑھائیا۔ سچ وکھا مندر مکان، کایا کعبہ کھول کُھلائیا۔ نام سُنا سچّی دُھنکان، انحد نادی ناد الائیا۔

امرت دے پیِن کھان، نِجھر دھارا اِک وہائیا۔ ساچا دسّ دُھر دا گان، سو پُرکھ نِرنجن رِہا سمجھائیا۔ ہنگ برہم ملِے آن، دوُئی دوَیتی ڈیرہ ڈھاہیِا۔ سوہنگ نام ہوئے پردھان، دو جہاناں وجےّ ودھائیا۔ گُرمُکھ گُرسِکھ سارے گان، سنت سُہیلے دھیان لگائیا۔ بھگت بھگوان کرن پروان، پرمانند وِچ سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا لیکھا اِک جنائیا۔ شبد سُت کہے مَیں سیو کماوانگا۔ ساچا منتر اِک دِرڑاوانگا۔ انتر آتم بوُجھ بُجھاوانگا۔ جگت بسنتر میٹ مِٹاوانگا۔ گگن گگننتر ویکھ وکھاوانگا۔ ساچا منتر اِک دِرڑاوانگا۔ سو پُرکھ نِرنجن تیرا راہ وکھاوانگا۔ ہنگ برہم بنا کے سجّن، سگلا سنگ اِک درساوانگا۔ آتم پرماتم کرا مجن، دُبدھا دُرمت مَیل دُھواوانگا۔ سوہنگ سَت سروُپ دسّ کے بھجن، بھانڈا بھرم بھؤ بھنّاوانگا۔ تیرے تیرے نال ہوون مگن، دوُجا اِشٹ نہ کوئے وکھاوانگا۔ نِرگُن ہو کے نِرگُن مُکھ لگاواں سگن، ساچا رس اِک چواوانگا۔ جُگ چؤکڑی جِس دے مِلن نوُں کردے رہے یتن، سو یتھا یوگ جن بھگتاں سیوا آپ کماوانگا۔ جو چھّڈ کے آئے اپنا پِچھلا وطن، تِنہاں اوسے گھر موڑ لےَ جاوانگا۔ اِکو سندیسہ لوکمات آواں آکھن، بِن رسنا جِہوا بول سُناوانگا۔ لکّھ چؤراسی ورول ماکھن، سنت سُہیلے باہر کڈھاوانگا۔ سیوا کراں بن کے داسی داسن، سیوک اپنا نام جناوانگا۔ تیرا میلا پُرکھ ابناشن، ابناشی تیرا گھر وکھاوانگا۔ نِروَیر ہو کے بننا ساتھن، سگلا سنگ اِک جناوانگا۔ اُچی کوُک تیرا نام جَیکارا سوہنگ سارے آکھن، تُوں میرا مَیں تیرا دوُجا بندھن سرب کٹاوانگا۔ انتم اُترن اپنے گھاٹن، گھاٹا سب دا پوُر کراوانگا۔ جنم مرن دی چُکے واٹن، لکّھ چؤراسی پندھ مُکاوانگا۔ جِس گھر پُرکھ اکال تیرا آسن، تیرے بھگت اوسے گھر بہاوانگا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، شبد سُت منگے ور، تیرا روُپ تیرے وِچ مِلاوانگا۔