کتب خانہGranth 15 (Urdu)

۲۵ اَسوُ ۲۰۲۰ بِکرمی بگّا سِنگھ دے گرِہ پِنڈ نت ضِلع لُدھیانہ

سچکھنڈ نِواسی عدل کرے کرتار، شاہ پاتشاہ اِک اکھوائیندا۔ جُگ چؤکڑی آد جُگاد جِس دی دھار، دو جہاناں حُکم ورتائیندا۔ نِرگُن سرگُن روُپ جِس دا آکار، لکّھ چؤراسی ونڈ ونڈائیندا۔ شبد ناد بودھ اگادھ جِس جَیکار، دُھر دا نعرہ اِک پرگٹائیندا۔ آتم پرماتم جِس دا وِہار، تتو تت کھیل کھلائیندا۔ گُر اوتار پیِر پَیغمبر جِس دا روُپ سنسار، لوکمات رنگ رنگائیندا۔ شاستر سِمرت وید پُران جِس دا کرن جَیکار، سوہلا ڈھولا راگ سُنائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ ساچے آسن لائیندا۔ ساچا عدل کرے نِرنکار، نِرگُن وڈّا وڈ وڈیائیا۔ دو جہاناں پاوے سار، برہمنڈ کھنڈ کھوج کھوجائیا۔ وِشن برہما لئے اُٹھال، لیکھا منگے تھاؤں تھائنیا۔ ترےَگُن ویکھے جگت جنجال، دہ دِشا بھیوَ چُکائیا۔ پنج تت ویکھے حال بےحال، نوَ نؤ چار رِہا کُرلائیا۔ گُر اوتار پیِر پَیغمبر ویکھے دلال، سَتجُگ تریتا دواپرکلجُگ سیو کمائیا۔ جوتی جوت سروُپ ہرِ، آپ اپنی کِرپا کر، سچ دوارے سوبھا پائیا۔ سچ عدالت کرے بھگوان، ہرِ وڈّا وڈ وڈیائیا۔ دھرم نِشانہ ویکھے وِچ جہان، کَون رِہا ہتّھ اُٹھائیا۔ صِدق صبوُری ویکھے ایِمان، دھرم جت کَون دِرڑائیا۔ شبد دُھن نام بانی کلمہ ویکھے کلام، کایا مندر اندر بِن رسنا جِہوا کَون گائیا۔ چؤداں لوک چؤداں طبق چؤداں وِدیا ویکھے دُکان، ساچی وست امولک نام کَون ورتائیا۔ برہمنڈ کھنڈ پُری لوء ویکھے مار دھیان، رَو سس سوُرج چند منڈل منڈپ دیوت سُر کَون بَیٹھے سیِس جھُکائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سچکھنڈ ساچے سوبھا پائیا۔ سچ عدالت کرے بھگوَنت، بےانت بےپرواہیِا۔ لکّھ چؤراسی ویکھے جیِو جنت، سادھ سنت پڑدہ رِہا اُٹھائیا۔ کَون ناربن سُہاگن ہرِ جوُ ہنڈائے اِکو کنت، آتم سیج سُہنجنی سوبھا پائیا۔ کَون کایا چولی چاڑھے رنگ بسنت، دُرمت مَیل دھوائیا۔ کَون توڑے گڑھ ہؤمے ہنگت، ہنگ برہم روُپ سمائیا۔

کَون میل مِلاوے ساچی سنگت، چار ورن اٹھاراں برن ڈیرہ ڈھاہیِا۔ کَون بنے بودھ اگادھا پنڈت، دُھر سندیسہ دئے سُنائیا۔ کَون کرے کوُڑی کِریا کھنڈت، کھنڈا کھڈگ نام چمکائیا۔ کَون نام چمکائے تیز پرچنڈت، چلا تیِر کمان شستر کَون اُٹھائیا۔ کَون در درویش بِھکھاری بنے منگت، در در گھر گھر الکھ جگائیا۔ کَون لیکھا چُکائے دوزخ بہشت جنت، نرک سُرگ لیکھا کوئی رہن نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دی کرنی پھول پھولائیا۔ سچ عدالت کرے پاربرہم، برہمویتا کھیل کھلائیندا۔ کَون رسنا جِہوا گائے دماں دم، کَون گوُ ڑھی نیِند آلس نِندرا وِچ سمائیندا۔ کَون شبد ہُلارے چڑھے اگمّی پینگھ، دو جہاناں پار کرائیندا۔ کَون وجائے ہنکاری بین، مایا ممتا نال رلائیندا۔ جوتی جوت سروُپ ہرِ، آپ اپنی کِرپا کر، ساچے گھر سوبھا پائیندا۔ سچ عدالت کرے مِہروان، پاربرہم وڈّی وڈیائیا۔ چار کُنٹ ویکھے مار دھیان، نوَ ستّ پھیرا پائیا۔ کلجُگ انت ہو پردھان، نام پردھانگی اِک رکھائیا۔ سرِشٹ سبائی اندر باہر گُپت ظاہر کرنہارا پچھان، بند تاکی پڑدہ دئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کلجُگ کوُڑی کِریا ویکھ وکھائیا۔ سچ عدالت راجن راجا، بھوُپت بھوُپ آپ کرائیا۔ کھیلے کھیل غریِب نِوازا، بھیوَ ابھیدا سمجھ کوئے نہ پائیا۔ شبد اگمّی اسوَ رکھے تازہ، سچ سِنگھاسن آسن لائیا۔ دو جہان وجائے اپنا نام واجا، دُھن راگ اِک سُنائیا۔ نِرگُن سرگُن رچ رچ کاجا، جُگ چؤکڑی ویکھ وکھائیا۔ کلجُگ انتم کھیل تماشا، نر نرائن ویکھن آئیا۔ نؤ کھنڈ پرِتھمی کوُڑی پیَندی راسا، جوُٹھ جھوُٹھ گوپی کاہن نچائیا۔ ساچا نوُر نہ کوئے پرکاشا، جوتی جوت نہ کوئے چمکائیا۔ نِج گھر مندر کرے کوئی نہ واسا، نؤ دوارے بھجّن واہو داہیِا۔ کروٹ لےَ بدلے نہ کوئی پاسا، گوُ ڑھی نیِند سُتّی سرب لوکائیا۔ انتم کرے نہ کوئی بند خلاصا، بندی خانہ نہ کوئے تُڑائیا۔ جگت وِبھچار بنیا ہاسا، چاروں کُنٹ اندھیرا چھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دی دھار آپ جنائیا۔ سچ عدالت کرے پربھ میِتا، پاربرہم وڈّی وڈیائیا۔ کلجُگ کوُڑی ویکھے ریِتا، مندر مسیِتاں دین دُہائیا۔ نام نِدھان کِسے نہ پیِتا، مد پیالے سارے ہتّھ اُٹھائیا۔ ہرِ جوُ ہرِ نہ وسیا چیِتا، چیتن روُپ نہ کوئے وکھائیا۔ شاستر سِمرت وید پُران پڑھدے گیِتا، اٹھ دس پندھ نہ کوئے مُکائیا۔ اِنجیل قرآن کوئی نہ بدلے نیتا، آبِ حیات مُکھ نہ کوئے چوُائیا۔ کھانی بانی تن من ٹھانڈا کلجُگ جیِو کوئی نہ کیتا، ترےَگُن اگنی پنج تت رہی جلائیا۔ جوتی جوت سروُپ ہرِ، آپ اپنی

کِرپا کر، کرے کھیل ساچا ہرِ، سچ سندیس اِک سُنائیا۔ سچ عدالت کرے گوبِند، گہر گمبھیِر وڈّی وڈیائیا۔ سرِشٹ سبائی ویکھے ساگر سِندھ، چاروں کُنٹ لہر لہرائیا۔ گُرمُکھ وِرلا نظری آوے شبد انادی بِند، بھرمے بُھلی سرب لوکائیا۔ جِس مانس ہو کے پربھ دی وِسری چِند، تِس چِنتا چِکھا دئے تپائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ سچ عدالت کرے مرد، مردانہ مرد بےانت بےپرواہیِا۔ کلجُگ انتم کوُڑی کِریا کھووے کرد، خالی ہتّھ وکھائیا۔ غریِب نِمانیاں جگت نتانیاں ونڈے درد، دُکھیاں درد جھولی پائیا۔ گُر اوتاراں پیِر پَیغمبراں چار جُگ دی کھول وکھائے فرد، فرد سب نوُں دئے لگائیا۔ کلجُگ نیتر کھول ویکھو سب دا ہویا حرج، کھتری براہمن شوُدر وَیش سَت دھرم نہ کوئے رکھائیا۔ بِن ہرِ نامے کوُڑی کِریا رہے غرق، شؤہ دریا پار نہ کوئے کرائیا۔ دیِن مذہب ذات پات اوُچ نیِچ پیا فرق، بھیوَ سکے نہ کوئے چُکائیا۔ اپنے گھر کایا مندر اندر کوئی نہ آوے پرت، باہروں لبھن نوُر خُدائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دی دھار آپ جنائیا۔ سچ عدالت کرے ٹھانڈے دربار، دُھردرگاہی کھیل کھلائیندا۔ حُکمی حُکم ورتے ورتار، نہ کوئی میٹے میٹ مِٹائیندا۔ ساچے تخت بَیٹھ سچّی سرکار، پُرکھ اکال سچ سِنگھاسن سوبھا پائیندا۔ حُکم دیوے ایکو وار، ایکنکار آپ سمجھائیندا۔ گُر اوتار پیِر پَیغمبر کٹّھے ہووو آن، گرِہ مندر اِک سُہائیندا۔ اپنا اپنا دیؤ انت بیان، کلجُگ جیِو کِیوں کُرلائیندا۔ ثابت رِہا نہ مات ایِمان، دھرم جت نہ کوئے رکھائیندا۔ شبد نالوں وّدھ بل دھریا شیطان، در در گھر گھر اپنا پھیرا پائیندا۔ کلجُگ جیِواں جنتاں گُر اوتارو پیِر پَیغمبرو تُہاڈا بُھلیا گیان، ہِردے اِشٹ نہ کوئے وکھائیندا۔ جا کے اپنے بھگتاں کرو پہچان، گُرمُکھ کیہڑا نظری آئیندا۔ اُس دی شہادت دیؤ آن، سِری بھگوان منگ منگائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، حُکم حاکم اِک سمجھائیندا۔ گُر اوتار کلجُگ انتم ویکھن آؤندے، نِرگُن نِرگُن پھیرا پائیا۔ کوُڑی کِریا ویکھ سرب پچھتاؤندے، اِک دوُجے ول دھیان لگائیا۔ اِنجیل قرآن گیِتا گیان اِک دوُجے نال جھگڑا پاؤندے، خالص روُپ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ محل سوبھا پائیا۔ سچ عدالت کرے گہر گمبھیِرا، بےانت بےانت بےپرواہیِا۔ کلجُگ کوُڑی کِریا بدلے چیِرا، سچ دستار سیِس اِک ٹِکائیا۔ بھگت بھگوان آپ پرگٹائے اپنا ہیِرا، کرتا قیمت آپے پائیا۔ ہرجن ہرجن بدل دیوے تکدیرا، تسبیح مالا نام گل وِچ پائیا۔ ہتّھ پھڑائے اگمّی اِک

شمشیِرا، کھنڈا کھڑگ روُپ وٹائیا۔ اِکو حُکم ورتائے امیِر وزیراں، شاہ حقیِراں اِک جنائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارے اِک عدالت بَیٹھا سوبھا پائیا۔ سچ عدالت کرے سَتگُر پوُرا، پُرکھ اکال وڈّی وڈیائیا۔ کلجُگ کوُڑی کِریا ہوُنجھے کوُڑا، نام بہارا اِک لگائیا۔ پوُرب قؤل کرے پوُرا، لِکھت بھوِکھت لیکھے لائیا۔ جن بھگتاں نظری آئے حاضر حضوُرا، حضرت اپنا ویس وٹائیا۔ ساچے سنتاں دیوے نام ناد اگمّی تُورا، تُرت اپنا راگ سُنائیا۔ گُرمُکھاں بھانڈا خالی کرے بھرپوُرا، ساچی وست دئے ٹِکائیا۔ گُرسِکھاں کایا چولی چاڑھے رنگ گوُڑھا، دو جہان اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ سچ عدالت کرے پُرکھ ابناش، ابناشی کرتا وڈ وڈیائیا۔ کلجُگ کوُڑ کُڑیارا کر کے ناس، سچ سُچ مارگ دیوے لائیا۔ نؤ کھنڈ پرِتھمی اِکو پاوے راس، نِرگُن نِرگُن گوپی کاہن نچائیا۔ ستّ دیِپ اِکو وست دیوے راس، نر ہرِ اپنا نام کایا مندر وِچ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کلجُگ انت سچ عدالت اِک وکھائیا۔ سچ عدالت لگّے سچکھنڈ، سو پُرکھ نِرنجن آپ لگائیا۔ ہرِ پُرکھ نِرنجن ویکھے کھیل برہمنڈ، ایکنکارا وربھنڈ پھول پھولائیا۔ آد نِرنجن چاڑھ نوُر اگمّی چند، ابناشی کرتا کرے سچ رُشنائیا۔ سِری بھگوان سوُرا سربنگ، پاربرہم پربھ اپنا بھیوَ چُکائیا۔ برہم دوارے منگے منگ، نِیوں نِیوں سجدہ سیِس جھُکائیا۔ کِرپا کر سوُرے سربنگ، شہنشاہ تیری سرنائیا۔ جُگ چؤکڑی سارے گئے لنگھ، انتم کلجُگ ویلا آئیا۔ ترےَگُن مایا گھر گھر مارے ڈنگ، ڈسنی بَیٹھی روُپ وٹائیا۔ سُرت سوَانی بِن شبد ہانی سب دی ہوئی رنڈ، سچ کرے نہ کوئے کُڑمائیا۔ پِھری دروہی بھیکھ پکھنڈ، اندھ اندھیرا اِکو چھائیا۔ صاحِب سَتگُر تیرا کوئی نہ گاوے چھند، گیِت گوبِند نہ کوئے الائیا۔ پاندھی بن کے کِسے نہ مُکیا پندھ، بھجےّ پِھرن واہو داہیِا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، ساچا تخت توہے سُہائیا۔ ساچے تخت چڑھ بھگوان، چڑھدی کلا آپ جنائیندا۔ گُر اوتار پیِر پَیغمبر وِشن برہما شِو ترےَگُن مایا پنج تت کرو دھیان، سب دا لیکھا لیکھے پائیندا۔ شاستر سِمرت وید پُران سُنو فرمان، اِنجیل قرآناں حُکم منائیندا۔ ہِندوُ مُسلم سکھ عیسائی کھتری براہمن شوُدر وَیش سب نوُں منّنا پئے اِک بھگوان، اِشٹ دیو گُردیو سوامی پروردِگار سدا نِہکرمی اِکو نظری آئیندا۔ بودھ اگادھ پڑھے بانی، کلمہ کلام دئے نِشانی، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا عدل آپ کمائیندا۔ سِری

بھگوان کرے پربھ عدل، اپنے ہتّھ رکھے وڈیائیا۔ کوُڑی کِریا کرے قتل، قاتل مقتوُل روُپ وٹائیا۔ کلجُگ نِظام دیوے بدل، بدلہ لَوے تھاؤں تھائنیا۔ جن بھگت وکھائے اپنی مزل، جگت دوار پندھ مُکائیا۔ کرے پیارا ہر دِل، عزیِز اپنے رنگ رنگائیا۔ کایا مندر اندر جائے مِل، باہر کھوجن کوئے نہ جائیا۔ سِری بھگوان اپنے حُکم وِچ کرے نہ ڈِھل، نام نگارے ساچی چوٹ لگائیا۔ جوتی جوت سروُپ ہرِ، آپ اپنی جوت دھر، نوَ نؤ چار کرے رُشنائیا۔ عدل کرے پربھ شاہ نواب، دستگیِر وڈّی وڈیائیا۔ کوُڑی کِریا دئے عذابِ، فتویٰ سب دے اُتے صادر دئے کرائیا۔ گُرمُکھ وِرلے ملِے خطاب، جِس مخاطب ہو کے اپنا بھیوَ چُکائیا۔ ساچا حُجرہ وکھائے اِک محراب، کایا کعبہ کھول وکھائیا۔ تِس گرِہ مندر سیِس سجدہ جھُکے جناب، اعلییء عالیشان بَیٹھا ڈیرہ لائیا۔ جُگ چؤکڑی جِس دی کوئی نہ جانے بُنیاد، مُنیاد سمجھ کوئے نہ پائیا۔ سو کلجُگ انتم سرب سُنے فریاد، جو دیِن دُنی بَیٹھ سرب رہے کُرلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم آپ ورتائیا۔ عدل عدالت کرے نِہکام، نِہکرمی کرم کمائیندا۔ پکڑ پچھاڑے جو کرن حرام، جگت شیطان رہن کوئے نہ پائیندا۔ شبد اگمّی تیر انیالا مارے بان، ساچے چِلے آپ چڑھائیندا۔ کوُڑی کِریا شؤہ دریائے روڑھے طوفان، جوُٹھ جھوُٹھ ڈیرہ ڈھائیندا۔ سچ سُچ کرے پردھان، لوکمات دھرت دھوَل گود بہائیندا۔ ساچے بھگت کر پروان، بھگوَن اپنا بھیوَ چُکائیندا۔ دُھر دا کھیل دسےّ مہان، مہما اکتھ کتھ سمجھائیندا۔ جُگ جنم وِچھڑیاں کر کِرپا میلے آن، آون جاون پتت پاون لکّھ چؤراسی پندھ مُکائیندا۔ سچ عدالت وِچ کِسے دا ہون نہ دیوے نُقصان، حقو حق حقیِقت سب دی جھولی پائیندا۔ لُکیا رہے نہ کوئی بےایِمان، جگت شیطان سرب اُٹھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نر ہرِ اپنی کار کمائیندا۔ سچ تخت عدالت بہہ کے، بؤہ بھانتی حُکم سُنائیا۔ گُر اوتار پیِر پَیغمبر جو انتم آئے کہہ کے، سو لیکھا پوُر کرائیا۔ بھگت بچن بھگوان چرنی ڈھیہہ کے، ایتھے اوتھے ہوئے سہائیا۔ لکّھ چؤراسی جیِو جنت ہؤمے ہؤکیاں نال سہکے، سَت سَت نظر کوئے نہ آئیا۔ سَتگُر سَتگُر سَتگُر ساچی کھیل رچائے آپ اپنے اَگے ڈھیہہ کے، مان ابِھمان نظر کوئے نہ آئیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، کلجُگ تیری انتم ور، سچکھنڈ دوارے عدالت اِک لگائیا۔ سچکھنڈ دوارے لگّی عدالت، عالمین آپ لگائیندا۔ کلجُگ انتم رہن نہ دیوے کوئی بغاوت، جھگڑا جوُٹھ جھوُٹھ مِٹائیندا۔ دیِن مذہب کرے نہ کوئی عداوت، دُھر

دی دھار آپ سمجھائیندا۔ نام بھنڈار کرے سخاوت، سخی سرور اِکو نظری آئیندا۔ کوُڑی کِریا رہن نہ دیوے علامت، سَت سَت ورتائیندا۔ اِکو پُرکھ اکال پروردِگار سچّا رام وکھائے صحیح سلامت، سچکھنڈ دوارے سوبھا پائیندا۔ بھگت سنت گُرمُکھ گُرسِکھ ہرجن لوکمات کر اپنی امانت، انتم اپنے لیکھے لائیندا۔ منمُکھتا کوُڑی کِریا رائے دھرم راہ وِچ کرے ممانت، اَگے لنگھ کوئے نہ جائیندا۔ بِن سَتگُر پوُرے شبد گُر داتے کوئی نہ کرے شانت، اگنی تت بِرہوں روگ جگت وجوگ نہ کوئے مِٹائیندا۔ کر کِرپا جِس جوڑے اپنا نات، سمرتھ پُرکھ دیوے ساتھ، نام جنائے اگمّی گاتھ، انتر آتم پوُجا پاٹھ گھر سروور نُہائے ساچے تاٹ، آن باٹ لیکھا کوئی رہن نہ پائیندا۔

۲۵ اَسوُ ۲۰۲۰ بِکرمی ہربنس سِنگھ دے گرِہ پِنڈ اجنؤد ضِلع لُدھیانہ

پُرکھ اکال تیری اوٹ، گُر اوتار منگ منگائیا۔ نِروَیر پُرکھ تیری نِرمل جوت، آد جُگاد سدا رُشنائیا۔ تیرا کھیل لوک پرلوک، دو جہان تیرا روُپ نظری آئیا۔ جُگ چؤکڑی دیونہارا نام سلوک، دُھر سندیسہ اِک سمجھائیا۔ نِرگُن سرگُن دیوے سروت، ساچا حُکم ورتائیا۔ جوتی جوت سروُپ ہرِ، آپ اپنی کِرپا کر، در اپنا ویس وٹائیا۔ پیِر پَیغمبر کہن خُدا، خالق تیرا نوُر نظری آئیا۔ مِہروان نہ ہو جُدا، جُز ونڈ نہ کوئے ونڈائیا۔ جُگ چوکڑی مارگ سِدھا، دو جہان سمجھائیا۔ اپنے مِلن دی دسّ اگمّی بِدھا، جگت رسوُل کر پڑھائیا۔ جوتی جوت سروُپ ہرِ، آپ اپنی کِرپا کر، مِہروان پھیرا پائیا۔ گُر اوتار پیِر پَیغمبر جھُکائن سیِس، در بردا روُپ وٹائیا۔ کِرپا کر شہنشاہ جگدیِش، جگت مالک تیرے ہتّھ وڈیائیا۔ چؤتھے جُگ ساڈا لیکھا گیا بیِت، باقی نظر کوئی نہ آئیا۔ خالی ہوئے مندر مسیِت، شِودوالے مٹّھ نہ کوئے وڈیائیا۔ من واسنا ہوئی نیِچ، سچ سُچ نہ کوئے سمجھائیا۔ جھگڑا پِیا ہست کیِٹ، ورن برن دھیِر نہ کوئے دھرائیا۔ سَتگُر شبد رسنا جِہوا رہے گھسیٹ، ساچی منزل سمجھ کوئے نہ پائیا۔ کوُڑی کِریا لگّی پریِت، پریِتم ناطہ سکے نہ کوئے جُڑائیا۔ ہِردے وسے کِسے نہ چیِت، چِت وِت ٹھگوری سب نوُں پائیا۔ در تیرے منگدے اِکو بھیِکھ، بن بِھکھاری جھولی ڈاہیِا۔ صدی چؤدھویں تیری اُڈیِک، پروردِگار ہو سہائیا۔ صدی بیِسویں آئی تاریخ، گُر اوتار نَین اُٹھائیا۔ بھیوَ کھول لاشریِک، شِرکت پِچھلی دے گوائیا۔ دوُر دُراڈے نظری آ نزدیِک، بن پاندھی

پندھ مُکائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ پیِر پَیغمبر طوبیٰ طوبیٰ کرن ہائے، ہؤکا اِکو اِک رکھائیا۔ چار کُنٹ رہے کُرلائے، سانتک روُپ نہ کوئے وٹائیا۔ کلمہ نبی گئے بُھلائے، رسوُل سمجھ کوئے نہ پائیا۔ مُلّاشیخ رہے کُرلائے، کایا کعبہ کھوج کوئے نہ پائیا۔ اُچی کوُک االلہ میاں رہے بُلائے، نیتر موُند دھیان لگائیا۔ سچ پریِتی کر کوئی نہ لاگے پائے، ہنگتا گڑھ نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، سچ تیری سرنائیا۔ گُر اوتار کہن وڈ پرِتپالک، نِرگُن اپنی دَیا کمائیا۔ نؤ کھنڈ پرِتھمی ویکھ خالق، خالی ہتّھ دئے دُہائیا۔ نظر نہ آوے کوئی ثالث، سچ اِنصاف نہ کوئے کمائیا۔ بِن تیرے چار ورن کوئی نہ کرے خالص، خالص روُپ نہ کوئے وٹائیا۔ کوُڑی کِریا مگر لگّی آلس، نِندرا اکّھ نہ کوئے کُھلائیا۔ من واسنا ہوئی جہالت، دُرمت مَیل نہ کوئے دھوائیا۔ ساچی کرے نہ کوئی عبادت، نوُر نظر کِسے نہ آئیا۔ کلجُگ انتم قیمت پائے نہ کوئی لِکھی عبارت، اِنجیل قرآن دین دُہائیا۔ عیسیٰ موُسیٰ محمد سارے کرن نہ کوئی سفارش، اَگے ہو نہ کوئے چُھڈائیا۔ نؤ کھنڈ پرِتھمی ودھی نالش، نعرہ اپنا رہی لگائیا۔ جوتی جوت سروُپ ہرِ، آپ اپنی کِرپا کر، مِہروان پھیرا پائیا۔ گُر اوتار کہن بول، بولی تیری سمجھ کِسے نہ آئیا۔ دو جہان ویکھ تول، تولا بن کے بےپرواہیِا۔ سچ وست نہ کِسے کول، خالی کایا بھانڈے دیِن وکھائیا۔ کوُڑی کِریا وجےّ ڈھول، دُھن راگ نہ کوئی سُنائیا۔ لکّھ چؤراسی کایا گٹھڑی ویکھ پھول، مایا ممتا پنڈ بندھائیا۔ نام مدھانے ویکھ ورول، چھاچھ روُپ نظری آئیا۔ پڑدہ لاہ کے ویکھ اوہل، کام کرودھ لوبھ موہ ہنکار ہوئے ہلکائیا۔ پریم پریِتی کر کے ویکھ چوہل، منمُکھ بَیٹھے مُکھ بھوائیا۔ سرِشٹ سبائی انت ہوئی انبھوَل، غفلت گوُ ڑی نیِند سوائیا۔ ملِے وڈیائی کِسے نہ دھؤل، دھرنی دھرت دئے دُہائیا۔ گُر اوتار آکھن پربھ کر پوُرا قؤل، جو انتم ویلے دِتا سمجھائیا۔ تیرا بھیوَ کوئی نہ جانے پنڈت پاندھا رؤل، اکھشری بھاوَ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، نِرگُن اپنا بل دھرائیا۔ نِرگُن بل دھار، بہُڑی بہُڑی رہے کُرلائیا۔ خالی ہتّھ پِھرن گُروُ اوتار، در تیرے واہو داہیِا۔ پنج تت ناطہ چُھٹیا جگت سنسار، روُپ رنگ ریکھ نظر کوئے نہ آئیا۔ انتم لُکیا تیرے چرن دوار، سچ بھوُمکا مِلی اِک سرنائیا۔ نِروَیر پُرکھ ہو مددگار، حُکم اپنا اِک ورتائیا۔ عدداں وِچ گِنتی گُروُ اوتار، شبداں وِچ جگت پڑھائیا۔ مُشّکتاں وِچ سادھ سنت چھّڈے ڈال، دُھر سندیسہ حُکم منائیا۔ کِرپا کر دیِن دَیال، مِہروان مِہر نظر اُٹھائیا۔ کلجُگ انتم سب دے سِر تے کوُکے کال، ڈؤروُ ڈنکا رِہا وجائیا۔ جوتی

جوت سروُپ ہرِ، آپ اپنی کِرپا کر، ویکھ کھیل بےپرواہیِا۔ عیسیٰ موُسیٰ محمد کرن یاد، ظاہرا پیِر دھیان لگائیا۔ پروردِگار سُن فریاد، بےنظیِر تیری سرنائیا۔ ساچا کلمہ دے داد، دؤلت اِکو وار ورتائیا۔ کوُڑی کِریا مِٹے واد وِواد، سچ سُچ ہوئے رُشنائیا۔ نِرگُن سرگُن رکھ لاج، سِر اپنا ہتّھ ٹِکائیا۔ آتم پرماتم رچ کاج، گھر ساچا سگن منائیا۔ اندر وڑ کے مار آواز، رسنا جِہوا نہ کوئے ہِلائیا۔ تیرے در تے آئیے بھاج، بن کے پاندھی راہیِا۔ کلجُگ بدل دے رواج، دوئے جوڑ واسطہ پائیا۔ سَتجُگ رچ دے سچّا ساج، ساجن بن کے ہرِ رگھرائیا۔ چار ورناں بنے اِک سماج، سمجھ سب دی دے بدلائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، واہوا ہتّھ تیرے وڈیائیا۔ گُر اوتار پیِر پَیغمبر سارے رہے لوچ، پربھوُ تیری اوٹ تکائیا۔ سوچیاں کِسے نہ آوے سوچ، اپنی سوچ ساڈی جھولی پائیا۔ نِت نوِت درشن منگیئے روز، روزہ بانگ کوُک تیرے نام شنوائیا۔ مد پیالہ دے کر مدہوش، بن خاموش سنّ سمادھ سمائیا۔ انتم تیرا ویکھیئے جوش، بلدھاری اپنا بل پرگٹائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تُدھ بِن نظر کوئے نہ آئیا۔ گُر اوتار پیِر پَیغمبر کہن تیرا کھیل تماشا، خالق خلق سمجھ کوئے نہ پائیا۔ تیری نظر نہ آوے پیندی راسا، گوپی کاہن ناچ نہ کوئے نچائیا۔ گُردر مندر مسجد شِودوالے مٹّھ ساچا دیِپ نہ کوئے پرکاشا، نِت نوِت تیل باتی دیِپ کرن رُشنائیا۔ اپنا بھیوَ کھول پُرکھ سمراتھا، در تیرے منگ منگائیا۔ کایا مندر بجرکپاٹی توڑ تاکا، کُنڈا اپنی ہتھّیں لاہیِا۔ امرت جام پیا اِکو باٹا، جیِون مرن وِچ مُک کدے نہ جائیا۔ ہو سہائی سگلا ساتھا، ایتھے اوتھے سنگ نِبھائیا۔ نِرگُن نِرگُن جُڑے ناطہ، بِدھاتا اپنی گنڈھ پوائیا۔ کر کِرپا سِری بھگوان من عرضوئی ساڈا آکھا، آخر تیری اوٹ تکائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تیرے وجےّ نام ودھائیا۔ گُر اوتار کہن اڈول، اڈُل تیری سرنائیا۔ نؤ کھنڈ پرِتھمی ستّ دیِپ کل سُتّی پئی انبھوَل، بھولا بھاؤ نہ کوئے جنائیا۔ کر کِرپا سَتگُر سوامی اپنا در کھول، مندر سچّا دے وکھائیا۔ جِس گھر بِن ڈھولک چھَینے وجےّ ڈھول، بِن تند تنبوُر راگ سُنائیا۔ جِتھے بِن باٹیوں ملِے امرت پاہُل، رس سچّا دے چکھائیا۔ جِس دوارے اُلٹا ہووے نابھ کؤل، قؤل پوُرا کر خُدائیا۔ ملِے وڈیائی اُپر دھؤل، دھرنی سچّی سوبھا پائیا۔ تیرے بِرہوں وِچھوڑے وجّن اگمے بول، تِکھی مُکھی دھار رکھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، کل انتم ہو سہائیا۔ گُر اوتار پیِر پَیغمبر کرن ارداسے، گل پلّوُ لئے پائیا۔ سجدہ سیِس جھُکا پڑھن

نمازے، در بردا روُپ وٹائیا۔ کَون ویلا پربھ سواریں کاجے، کرتے اپنا پھیرا پائیا۔ کَون دیس جِس نگر بہہ کے ساجن ساجیں، سجّن اپنا رنگ رنگائیا۔ کَون کوُٹ پِھریئے بھاجے، دہ دِشا ویکھ وکھائیا۔ کَون میلیں وڈ وڈ راجے، بندھپ کَون دیویں پائیا۔ کَون نگر ساجن ساجیں، دُھر فرمانا حُکم سُنائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، جُگ چؤکڑی منگے تیری سرنائیا۔ جُگ چؤکڑی ہوئی مانگت، در بِھکھاری روُپ وٹائیا۔ کِرپا کر پربھوُ انجانت، انبھوَ اپنی دھار وکھائیا۔ گُر اوتار پیِر پَیغمبر لکّھ چؤراسی جیِو جنت تیرے کول رکھ کے گئے امانت، در تیرے اوٹ رکھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، صحیح سلامت اپنا پھیرا پائیا۔ پھیرا پا پربھوُ پربھ آپ، نِرگُن نِروَیر ویس وٹائیا۔ کر کر تھکّے پوُجا پاٹھ، سِمرن گائتری منتر نال رلائیا۔ پِھر پِھر تھکّے آٹھ ساٹھ، دہ دِشا واہو داہیِا۔ لبھ لبھ تھکّے تیری جوت للاٹ، نوُر نظر کوئے نہ آئیا۔ وِک وِک تھکّے کلجُگ ہاٹ، تُدھ بِن قیمت کوئے نہ پائیا۔ سؤں سؤں تھکّے جگت رات، بِن تیرے شبد اکّھ نہ کوئے کُھلائیا۔ بہہ بہہ تھکّے جگت جماعت، ساچی پٹّی نام نہ کوئے پڑھائیا۔ لِکھ لِکھ تھکّے نال قلم دوات، اپنا لیکھا سکے نہ کوئے گنائیا۔ کلجُگ انتم صاحِب سَتگُر کر اِک حمایت، عامل مُرشد پھیرا پائیا۔ نؤ کھنڈ پرِتھمی کر کفایت، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، گُر اوتار پیِر پَیغمبر کلجُگ تیرا ویکھن سویمبر، کِس بِدھ اپنی راس رچائیا۔ سِری بھگوان بولے ایک، ایکنکار آپ جنائیندا۔ سچ دوارے لؤ ویکھ، بےپرواہ پڑدہ لاہِندا۔ نِرگُن ہو کے دھارےبھیکھ، جوتی جاتا نوُر چمکائیندا۔ سچ دوارے کرے ہیت، سچ پریِتی اِک وکھائیندا۔ نظری آئے نیتن نیت، دوُر دُراڈا پندھ چُکائیندا۔ نِروَیر پُرکھ دھاربھیکھ، ویس اَولّڑا آپ سمجھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُر اوتار پیِر پَیغمبر کلجُگ انت سِری بھگوَنت آپ بنّھے اپنے لڑ، کنّی چُھٹ کدے نہ جائیا۔ ساچی بنّھے پریم کنّی، کِرپا کر بےپرواہیِا۔ گُر اوتار پیِر پَیغمبر بنائے اپنی ونّی، نارسُہنجنی روُپ وکھائیا۔ سچ شنگار کرائے سرون کنّی، سو صاحِب دئے وڈیائیا۔ نام خزانہ دیوے وڈّا دھنی، دھن دؤلت جھولی پائیا۔ نِرگُن نوُر چاڑھے چنّی، چند سوُرج بَیٹھن مُکھ شرمائیا۔ کرے پرکاش نیترہیِن انّی، نِرگُن نوُر اِک چمکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہر نظر اُٹھائیا۔ مِہر نظر پربھ لئے تکّ، تقوا اِکو اِک جنائیندا۔ گُر اوتارو پیِر پَیغمبرو سب دا ویکھاں حق، ناحق

حُکم نہ کوئے سُنائیندا۔ پُرکھ اکال دیِن دَیال آد جُگاد کدے نہ جائے تھکّ، جُگ چؤکڑی اپنا حُکم ورتائیندا۔ کرے کھیل پُرکھ سمرتھ، شاہ پاتشاہ اپنا ناؤں پرگٹائیندا۔ جُگ چؤکڑی جِس چلایا رتھ، سو رتھواہی اپنی چال بدلائیندا۔ گُر اوتار پیِر پَیغمبر جو مارگ گئے دسّ، انتم لیکھا سب دا پوُر کرائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کلجُگ تیری انتم ور، کلکاتی میٹ مِٹائیندا۔ کلکاتی ویکھ قصائی، کائنات کھوج کھوجائیا۔ کوُڑی کِریا ہتّھ چُھری رہے اُٹھائی، تِکھی کرد روُپ وٹائیا۔ آتم پرماتم نالوں ہوئی جُدائی، جگت رنڈیپا روُپ وٹائیا۔ سجّن ملِے نہ سچّا ماہی، انگیکار انگ نہ کوئے لگائیا۔ نیتر روون زارو زار نَین کُرلاون دین دُہائی، جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرا اِکو نظری آئیا۔ تُہاڈی عرض کراں منظوُر، مِہروان آپ جنائیندا۔ کلّوُ کال کیِتا مجبوُر، مُشکل سب دی حل کرائیندا۔ اپنا بدل دیواں دستوُر، دست بدست ساچا کھیل کرائیندا۔ کوُڑی کِریا رہن نہ دیواں کوئی مغروُر، مفروُر ہو کے ویکھ وکھائیندا۔ نیتر روون غریِب نِمانے مزدوُر، تِنہاں مُشکل حل نہ کوئے کرائیندا۔ جگت دھناڈھ بھانڈے کر بھرپوُر، گھر مایا ممتا موہ للچائیندا۔ ناطہ جُڑیا کوُڑو کوُڑ، ساچا نام ونج نظر کِسے نہ آئیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سب دا لیکھا ویکھ وکھائیندا۔ سب دا لیکھا پوُر کراوانگا۔ بھرم بُھلیکھا میٹ مِٹاوانگا۔ ساچا نیتا بن کے آوانگا۔ دیس پردیسا کھوج کھوجاوانگا۔ وِشن برہما شِو مہیش اُٹھاوانگا۔ گنپت گنیش آپ سمجھاوانگا۔ کوُڑی کِریا نیتر پیکھ، لوچن نَین اِک دِرڑاوانگا۔ جوُٹھا جھوُٹھا ڈیرہ ڈھاہ کےبھیکھ، سچ سُچ محل بناوانگا۔ جِس گرِہ اِکو نام لیَن چیت، چار کُنٹ اِکو راہ وکھاوانگا۔ ہرِ سَتگُر کرے ساچا ہیت، سوامی بن کے میل مِلاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، لہنا دینا سب دا ہر گھٹ جھولی پاوانگا۔ لہنا دینا مُکائے پربھ ایک، ایکنکار وڈّی وڈیائیا۔ دُھر سندیسہ لِکھ لِکھ لیکھ، شبد ترانہ دئے جنائیا۔ اُٹھو ویکھو اپنا دیش، کلجُگ انتم پھیرا پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُر اوتار پیِر پَیغمبر رِہا جنائیا۔ گُر اوتار پیِر پَیغمبر منگن سرن، سرنگت تیری سرنائیا۔ صاحِب کرتا تُوں کرنی کرن، بےانت تیری وڈیائیا۔ کلجُگ انت سَتجُگ گھاڑن آئیوں گھڑن، بن باڈھی سیو کمائیا۔ کلجُگ کوُڑی کِریا آئیوں پھڑن، نام ڈوری تند ہتّھ اُٹھائیا۔ جن بھگتاں اندر ساچے پؤڑے آئیوں چڑھن، پڑدہ وِچوں دوَیت اُٹھائیا۔ ساچا ڈھولا آئیوں پڑھن، سوہنگ

نام سُنائیا۔ کھولن آئیوں ہرن پھرن، نِج نیتر کر رُشنائیا۔ بخشن آئیوں پریِت چرن، مستک ٹِکاّ دھوُڑی لائیا۔ حاکم بن کے سب دے اَگے آئیوں اڑن، تیرا سیِس نہ کوئے نِوائیا۔ جوتی جوت سروُپ ہرِ، آپ اپنی کِرپا کر، اِکو دینی مان وڈیائیا۔ مان وڈیائی ہرِ کا نام، سو سَتگُر آپ جنائیا۔ اِچھت کرے پوُرا کام، مِہر نظر اُٹھائیا۔ ساچی سِکھیا دیوے جیِو جہان، لکّھ چؤراسی کر پڑھائیا۔ دھیِرج جت سَت دیوے ایِمان، سنتوکھ اِکو اِک وکھائیا۔ کلمہ نبی رسوُل دئے کلیان، کلام اِکو دئے جنائیا۔ دُھر سندیسہ دے پَیغام، پیِر پَیغمبر حُکم ورتائیا۔ کلجُگ انتم کَون در جھُک کریئے سلام، سیِس جگدیِش تیری جھولی پائیا۔ تُوں سرب جیِاں دا اِک بھگوان، جوتی جاتا نوُر رُشنائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، گُر اوتار پیِر پَیغمبر کلجُگ انتم منگ منگائیا۔ کلجُگ انتم سارے منگدے، پربھ در تیرا اِکو نظری آئیا۔ بن بِھکھاری انت نہ سنگدے، سنگل شرع رہے کٹائیا۔ پریم پریِتی اندر چولی رنگدے، رنگ چلوُل اِک چڑھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، سچ سُلطان تیرا سندیس سچّا بھائیا۔ سچ سندیس دے پربھ ایک، اکل کل دھاری آپ جنائیا۔ سچ دوارے لبھیئے تیرابھیکھ، بھوِش تیری جھولی پائیا۔ تیرا نوُر مستک ریکھ، تیرا ظہوُر سچ رُشنائیا۔ تیرا خزانہ بھرپوُر سب دی ٹیک، ٹِکٹِکی سارے بَیٹھے لائیا۔ تُوں دیونہار وڈ نریش، شہنشاہ اِکو اِک اکھوائیا۔ کر کِرپا اندر وڑ کے جن بھگتاں دے دے بھیت، کِیوں بَیٹھا مُکھ چُھپائیا۔ اپنی سُہا سُہنجنی سیج، آتم جوتی نوُر رُشنائیا۔ شبد اگمّی دے بھیج، دُھر سندیسہ اِک سُنائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در مانگت منگ منگائیا۔ در مانگت منگے بِھچِھیا، بھاونا اندرے اندر چُھپائیا۔ صاحِب سَتگُر پوُری کرے اِچھیا، بِن رسنا جِہوا بولے لیکھے لائیا۔ شبد سوامی دُھر دی سِکھیا، ناؤں نِرنکار اِک دِرڑائیا۔ ہرِ کا نام کدے نہ جاوے بِھٹیا، اوُچ نیِچ اِکو رنگ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کوُڑی کِریا ویکھ وکھائیا۔ کوُڑی کِریا پایا زور، کلجُگ ڈنکا اِک وجائیا۔ سنت سادھ بنے چور، ٹھگّی گُروُدوار وکھائیا۔ مُلّاشیخ حرام خور، دھیِاں بھَیناں نَین تکائیا۔ کام کرودھ سب نے رکھی لوڑ، انتر آتم رام گئے بُھلائیا۔ باہروں رسنا جِہوا اکّھیں میٹ سُرتی لیندے جوڑ، کایا مندر ساچے پؤڑے چڑھ کے درس کوئے نہ پائیا۔ بتّی دند کہندے شبد فرنا پُھرے پھور، نِج نیتر نَین نہ کوئے کُھلائیا۔بھیکھادھاری سیج بناؤندے سوُلاں روڑ، آتم سیجا

سیج سُہنجنی پُرکھ ابناشی میل نہ کوئے مِلائیا۔ بن اسوار چڑھدے گھوڑ، چکرورتی روُپ وٹائیا۔ شبد اگمّی اسوَ چڑھ کے کوئی نہ پئے دؤڑ، دو جہاناں منزل پندھ مُکائیا۔ ڈوُنگھی کندر وڑ وڑ سُتے بَھورے بھور، بھَوری نام ہتّھ کِسے نہ آئیا۔ موُرکھ سُتے اندھ گھور، مُگدھ انجان سمجھ نہ آئیا۔ کِرپا کرے جِس آپ لیکھ چُکائے مور تور، تُرت اپنا میل مِلائیا۔ شبد کھنڈے پنچ وِکارا دیوے ہوڑ، نیرن نیر رہن نہ پائیا۔ کلجُگ انت سِری بھگوَنت جن بھگتاں مِلن دی رکھی اپنی لوڑ، باقی چھّڈی سرب لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ساچے لئے ترائیا۔ ہرجن تارے آپ پربھ، ہرِ وڈّا وڈ وڈیائیا۔ لکّھ چؤراسی وِچوں لبھ، گُرسِکھ اپنی گود بہائیا۔ پوُجا پاٹھ سِمرن مُکا سب، جِس ثابت سَتگُر نظری آئیا۔ جگت دوار مُکی حد، گھر اِکو سوبھا پائیا۔ پربھ سرنائی بہنا سج، درگاہ ساچی دیوے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے لئے جگائیا۔ ہرجن جگائے جاگرت جوت، جوتی جاتا دَیا کمائیا۔ دوُئی دوَیت دُرمت مَیل کڈھ کھوٹ، امرت رس اِک بھرائیا۔ آسا منسا پوُری کرے لوچ، لوچن نَین اکّھ کُھلائیا۔ آتم پرماتم دیوے اِکو مؤج، انند انند وِچوں پرگٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے لئے ترائیا۔ ہرجن تارے آپ سوامی، سمرتھ پُرکھ وڈّی وڈیائیا۔ آد جُگادی انترجامی، گھٹ گھٹ ویکھ وکھائیا۔ شبد سُنائے اگمّی بانی، شاستر سِمرت وید پُران کرے نہ کوئے پڑھائیا۔ شبد مِلاوا سُرتی ہانی، سُرتی شبدی جوڑ جُڑائیا۔ امرت دیوے ٹھنڈا پانی، اٹھسٹھ تیِرتھ ڈیرہ ڈھاہیِا۔ گھر دِیپک جوت جگائے نوُرانی، محل اٹل کرے رُشنائیا۔ دیوے سرنائی شاہ سُلطانی، شہنشاہ در اپنے لئے بہائیا۔ گُرمُکھ گُرسِکھ ہرجن ہربھگت تیری لِکھن پڑھن دی مکُے غُلامی، صاحِب سَتگُر اپنا میل مِلائیا۔ اندر وڑ کے بولے سچّی بانی، تُوں میرا مَیں تیرا راگ الائیا۔ دوہاں مِلی اِک نِشانی، بھگت بھگوان بھگوان بھگت اِکو روُپ نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ سِر ہتّھ ٹِکائے نِت نوِت روز، راج راجان دَیا کمائیا۔ شبد اگمّی آپے کرے کھوج، اپنی وست گُرمُکھاں جھولی پائیا۔ جن بھگتاں مِلن دا پربھ جی رکھے شؤق، جُگ جُگ اپنا ویس وٹائیا۔ کلجُگ انتم دیِن دَیال کِرپانِدھان نگر کھیڑے آ اجنود، ہربنس انس سربنس لئے پرنائیا۔ جِس دے اندر وڑ کے مانے اپنی مؤج، مُفت اپنا گھر وسائیا۔ گُر اوتار پیِر پَیغمبر سارے کہن پربھ دا کھیل کوئی نہ سکے

سوچ، سمجھ وِچ کدے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شاہ پاتشاہ سچّا شہنشاہیِا۔ شاہ پاتشاہ پربھ ایکا ٹھاکر، ٹھوکر اپنا نام لگائیندا۔ پار کرائے کلجُگ ساگر، ڈوُنگھی بھَوری پندھ مُکائیندا۔ ایتھے اوتھے دیوے آدر، دو جہان اِکو رنگ رنگائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھگت بھگوان ویکھ وکھائیندا۔ بھگت بھگوان کرائے درس، دیِد اِکو اِک جنائیا۔ جنم جنم دی میٹ حرص، ہوَس دئے بُجھائیا۔ کرم کرم دا کر ترس، مِہر نظر اُٹھائیا۔ امرت میگھ دیوے برس، بوُند سوانتی مُکھ چوائیا۔ گُرسِکھ تیری میٹے تڑپ، جگت وِچھوڑا پِچھلی پیِڑ رہن نہ پائیا۔ سچ پریِتی اندر رہن نہ دیوے کوئی فرق، فیَصلہ اِکو وار سُنائیا۔ پِچھلا لیکھا سارا کیِتا ترک، طاقت اِکو سَتگُروُ شبد سمجھائیا۔ گُرمُکھ گُرسِکھ منزل چڑھدا کدی نہ جاوے اٹک، جِس پِٹھ اُتے سَتگُر پوُرا ہتّھ ٹِکائیا۔ اَدھ وِچکار وں کدی نہ آوے پرت، اَگے جائے واہو داہیِا۔ کِرپا کرے سوُربیِر ہرِ سَتگُر مرد، مردانگی اِکو اِک رکھائیا۔ لوکمات جِس دی منظوُرکیِتی عرض، اَگے طرز سکے نہ کوئے بدلائیا۔ بھگت بھگوان دوویں مِل کے اِک دوُجے دی پوُری کرن غرض، بِن بھگت بھگوان جگت مارگ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمُکھ تیرا ہون نہ دیوے حرج، جنم جنم دا حرجانہ دئے چُکائیا۔ پوُرے سَتگُر دا ایہو کھیل اسچرج، دیِن دُنی دوویں پار کرائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جِس دِتا آتم انتر اِکو دان، تِس وست ٹھگّ چور یار وِچ سنسار لُٹ کوئی نہ جائیا۔

۲۶ اَسوُ ۲۰۲۰ بِکرمی مدن لال دے گرِہ وِشکرما پُری لُدھیانہ

ستگُر داتا وڈ پیِرن پیِر، سِری بھگوان دَیا کمائیا۔ جن بھگتاں کٹ شرع زنجیر، ساچی سِکھیا اِک دِرڑائیا۔ ہؤمے ہنگتا کڈھ پیِڑ، سانتک سَت سَت ورتائیا۔ امرت جام پیالہ بخش نیِر، رس اِکو اِک چکھائیا۔ بجرکپاٹی پڑدہ چیِر، گھر گھر وِچ میل مِلائیا۔ پھڑ کے چوٹی چاڑھ اَخیِر، آخر اپنے انگ لگائیا۔ ایتھے اوتھے نہ ہوئے دِلگیِر، سُکھ ساگر روُپ سمجھائیا۔ لہنا دینا چُکا شاہ حقیِر، اوُچ نیِچ اِکو گھر بہائیا۔

مِہر نظر کر بدلی تقدیِر، دوُجی کرے نہ کوئے پڑھائیا۔ آون جاون کٹے بھیِڑ، گھر ساچے سوبھا پائیا۔ جوتی جوت سروُپ ہرِ، آپ اپنی کِرپا کر، مِہروان سِر اپنا ہتّھ ٹِکائیا۔ جن بھگتاں مارگ اِکو دے، سچ سندیسہ نام جنائیا۔ آتم پرماتم لگائے نینہ، پریِتی اِکو گھر وکھائیا۔ امرت برسے دُھر دا مینہ، میگھلا بَیٹھا مُکھ شرمائیا۔ جوتی جوت سروُپ ہرِ، آپ اپنی کِرپا کر، ہرجن دیوے مان وڈیائیا۔ بھگتاں دسےّ اِشٹ اِک، ایکنکار کر پڑھائیا۔ ہرجن سِکھیا لئے سِکھ، گھر ساچے سیِس جھُکائیا۔ نِرگُن ہو کے سرگُن اندر وڑے وِچ، وِچلا پڑدہ دئے اُٹھائیا۔ دھام وکھائے ساچا نِج، نِج دوارے سوبھا پائیا۔ پریم رس وِچ جائے بِھج، بِھنڑا روُپ وٹائیا۔ جُگ چؤکڑی جن بھگتاں مِلن نوُں گیا گِجھ، آوے جاوے وارو وار بےپرواہیِا۔ سارے کارج اِکو وار کر دئے سِدھ، لوکمات نہ کوئے ترسائیا۔ اپنی انتر دسّ کے بِدھ، شبد اناد دئے شنوائیا۔ جوتی جوت سروُپ ہرِ، آپ اپنی کِرپا کر، ہرجن ساچے رنگ رنگائیا۔ بھگتاں دسّ اِک سہارا، چرن کوَل دیوے وڈیائیا۔ جگت جُگ پار کنارہ، نیئا نؤکا نام چڑھائیا۔ محل اٹل وکھائے اُچ منارا، درگاہ ساچی آپ سُہائیا۔ دیِا باتی اِک اُجیارا، نِرمل جوت کرے رُشنائیا۔ سدا وکھائے ٹھانڈا دربارا، اگنی تت نہ لاگے رائیا۔ مِہروان مِہروان مِہروان بن نِرنکارا، مِہر نظر اِک اُٹھائیا۔ آون جاون گیڑ نِوارا، لکّھ چؤراسی پھند کٹائیا۔ جوتی جوت سروُپ ہرِ، آپ اپنی کِرپا کر، ہرجن دیوے مان وڈیائیا۔ ہرجن دیوے اِکو مان، چرن سرن سچّی سرنائیا۔ درشن دیوے اِک دھیان، انتر آتم بوُجھ بُجھائیا۔ نام سمجھائے اِک گیان، تُوں میرا مَیں تیرا ساچا سجّن اِک اکھوائیا۔ مندر وکھائے اِک مکان، جِس گھر گھر گھر وِچ وسے ماہیِا۔ جُگ چؤکڑی نِت نوِت جن بھگتاں ملِے آن، بن پاندھی سچّا راہیِا۔ جوتی جوت سروُپ ہرِ، آپ اپنی کِرپا کر، ہرجن دیوے مان وڈیائیا۔ ہرجن دیوے نِش اکھّر ایک، تن اکھّر روُپ وٹائیا۔ من تن جنائے جگت ٹیک، آتم پرماتم اِشٹ اِک بنائیا۔ نِرگُن نِرگُن لئے ویکھ، سرگُن سرگُن میل مِلائیا۔ کر کھیل اچن اچیت، چیتن سُرتی آپ کرائیا۔ اندر وڑ کے دسےّ بھیت، باہروں بول نہ کوئے جنائیا۔ پیا پریِتم کرے پریم، جوتی جوت سروُپ ہرِ، آپ اپنی کِرپا کر، ہرِ بھگت دیوے وڈیائیا۔ ہرِ بھگت تیرا مِتر مات، سِری بھگوان اِک اکھوائیندا۔ جِس نے دِتی دُھر دی دات، نام بھنڈارا جھولی پائیندا۔ کوُڑی کِریا چھّڈ نات، ساچا بندھن اِکو پائیندا۔ جن بھگتاں مِل سچ جماعت، دوُجا پنتھ نہ کوئے وکھائیندا۔ ہوئے سہائی اناتھاں ناتھ، دیِنن دیِن اپنے گلے لگائیندا۔ جنم جنم دی پوُری کرے آس، آسا ترِسنا میٹ مِٹائیندا۔ آتم

سیجا آتم پرماتم کرے بھوگ بلاس، ساچا رس اِکو اِک جنائیندا۔ سرب گُناں پربھ ہوئے طاس، گُنوَنتا اپنی کار کمائیندا۔ راہ تکّن تیرا پرِتھمی آکاش، گگن منڈل دھیان لگائیندا۔ گُر اوتار پیِر پَیغمبر سارے کہن شاباس، جِس جن شہنشاہ اپنے رنگ رنگائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن اپنی گود اُٹھائیندا۔ ہرجن گودی لئے چُک، سِری بھگوان وڈّی وڈیائیا۔ آون جاون پیَنڈا جائے مُک، پاندھی راہی رہن کوئے نہ پائیا۔ گھر سجّن دیوے سُکھ، دُکھ درد دئے گوائیا۔ گُرمُکھ باہروں مانس دِسے منُکھ، اندر آتم پرماتم روُپ سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن بھےَ بھؤ بھرم مِٹائیا۔ بھےَ بھؤ ہووے دوُر، نیرن نیر رہن نہ پائیا۔ جِس سَتگُر نظری آئے حاضر حضوُر، حضرت داتا وڈ وڈیائیا۔ جنم کرم دا ناطہ توڑ کوُڑ، سُچ سچ گھر سچ دئے پرنائیا۔ پریم پریِتی انتر نوُر، بخشش بخشیِش وِچوں جھولی پائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، ہرجن ہرِ ہرِ اپنے گھر وسائیا۔ ہرجن وسنا گھر اگمّ، جِس گرِہ ملِے وڈیائیا۔ سنگ نہ جائے کایا ماٹی چمّ، تتو تت میل نہ کوئے مِلائیا۔ پَون سواس نہ کوئی دم، رسنا جِہوا روُپ نہ کوئے وکھائیا۔ ہرکھ سوگ نہ کوئی غم، چِنتا چِکھا نہ کوئے جلائیا۔ مات پِتا نہ جننی جن، پُتر دھی روُپ نہ کوئے وٹائیا۔ دؤلت مال خزانہ نہ کوئی دھنّ، جگت جاگیر ویکھ کوئے نہ پائیا۔ محل اٹل جگت منار نہ کوئی چھپّر چھنّ، چار دیوار بنت نہ کوئے بنائیا۔ بُدھ مت نہ کوئی من، دہ دِشا اُٹھ اُٹھ بھجےّ کوئی نہ واہو داہیِا۔ نِرمل نِروَیر جوت پرکاش سِری بھگوَن، سچ دوارے بَیٹھا آسن لائیا۔ سو پُرکھ اکال جن بھگت چڑھائے ساچا چنّ، دو جہان کرے رُشنائیا۔ انتم بیڑا آپے بنّھ، اپنے کندھ اُٹھائیا۔ سچکھنڈ دوار بہہ کہے دھنّ دھنّ، دھنّ گُرمُکھ تیری چتُرائیا۔ جِس صاحِب سَتگُر شبد سوامی ہر گھٹ انترجامی لیا منّ، جگ منسا دوُر کرائیا۔ جوتی جوت سروُپ ہرِ، آپ اپنی جوت دھر، ہرجن دیوے اِک ور، گھر گھر وِچ دِوس رَین رَین دِوس اِکو خوشی وکھائیا۔

۲۶ اَسوُ ۲۰۲۰ بِکرمی گُردیو سِنگھ دے گرِہ لُدھیانہ

ستگُر شبد سدا ملاح، بیڑا پتن پار کرائیندا۔ جُگ جنم دا لہنا دئے چُکا، نِت نوِت ویکھ وکھائیندا۔ ساچی سِکھیا دئے دِرڑا، نام نِدھان بوُجھ بُجھائیندا۔ ساچے مارگ دیوے پا، راہ اِکو اِک وکھائیندا۔ دوُئی دوَیتی پڑدہ دئے چُکا، اندھ اندھیر رہن نہ پائیندا۔ ساچے مندر دئے چڑھا، جِس گھر اپنا آسن لائیندا۔ جنم جنم دی وِچھڑی آتما لئے مِلا، پرماتم اپنا بندھن پائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا کھیل آپ وکھائیندا۔ جنم کرم دے وِچھڑے جگ، جُگ چؤکڑی ویکھ وکھائیا۔ سنت سُہیلے کِرپا کر دھرنی اُتے لئے لبھ، دھوَل دیوے وڈیائیا۔ سنسا روگ میٹے ہب، ہرِ اپنا بھیوَ چُکائیا۔ کوُڑ کڑیارا میٹ حد، گھر اِکو اِک وکھائیا۔ جِس گھر وجےّ نام ند، راگ اناد الائیا۔ سو محلّے لئے سدّ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ سچّا حُکم ورتائیا۔ ساچا حُکم دُھر دی دھار، ہرِ کرتا آپ جنائیندا۔ سب دا لیکھا رِہا وِچار، بِن ہرِ نَین نظر کِسے نہ آئیندا۔ کلجُگ انتم ہو نیار، نِرگُن اپنا کھیل کھلائیندا۔ ہرجن سچّے پاوے سار، پوُرب لیکھ آپ ورتائیندا۔ جگت دلِدری دیوے تار، مِہروان مِہر نظر اُٹھائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ ساچی کرنی کر گوبِند، سِر اپنا ہتّھ ٹِکائیا۔ جنم جنم دی میٹ چِند، کرم کرم دا روگ گوائیا۔ امرت دھار دے کے سِندھ، ساگر سوبھا پائیا۔ گُن دے گُنی گہند، گہر گمبھیِر بنائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ پوُرب لیکھ جنم اودھوُت، خاک دھوُڑی تن رمائیا۔ لبھدا پِھریا چار کوُٹ، دہ دِشا ویکھ وکھائیا۔ ورولدا رِہا سچ جھوُٹھ، گھر گھر وِچ کھوج کھوجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اپنی کار کمائیا۔ اودھوُت بھسمی لا آسن، آس اِک رکھائیا۔ کِرپا کر پُرکھ ابناشن، تن ماٹی لیکھے پائیا۔ نِرگُن سرگُن بن ساتھن، سگلا سنگ نِبھائیا۔ اِکو ٹیکاں توہے ماتھن، دوُسر سیِس نہ کوئے نِوائیا۔ گھر مات پِتا چھّڈے ساتھن، سُکھ سیج نہ کوئے ہنڈائیا۔ اپنا آپ کیِتا گھاتن، جیِوت جنم سُکھ نہ کوئے وکھائیا۔ اِکو ویکھاں تیرا پتّن، جِس گھر وسیں بےپروائیا۔ کِرپا کر آویں رکھن، بن کے پاندھی راہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سِدھ رِہا سمجھائیا۔ سُن سِدھ صِدق سچ، ہرِ صابر آپ جنائیندا۔ کایا ماٹی بھانڈا بھنّیئے کچ، انت کوئے رہن نہ پائیندا۔ نانک

تپا گّلیں باتیں گیا ہسّ، اپنا بھیوَ نہ کِسے جنائیندا۔ چُک کے بھوُری گیا نسّ، آپ اپنا پندھ مُکائیندا۔ تُوں بہنا کر کے ہٹھ، نِرگُن اِکو بوُجھ بُجھائیندا۔ تیرا جنم جائے وٹ، وٹا اپنا نام لگائیندا۔ پُرکھ اکال کلجُگ انتم کھولے ہٹّ، بن ونجارا سیو کمائیندا۔ لوکمات وِچوں تیری کرنی لئے لبھ، پِچھلی کیِتی جھولی پائیندا۔ پہلی وار نانک پیار اندر تَینوُں جاوے چھّڈ، در تیرے نہ چرن ٹِکائیندا۔ دوُجی وار کر کِرپا آوے بھجّ، سِری بھگوان اپنا سنگ نِبھائیندا۔ جگت بھبوُت پِچھلی تج، اَگے نام نِدھان جھولی پائیندا۔چرن کوَل بہہ کے جانا سج، سجدہ اِکو سیِس کرائیندا۔ الکھ نِرنجن پِچھے بولیا گجّ، الکھ پرتکھ اپنی دھار وکھائیندا۔ مِہروان ہو کے پار کرائے حد، حد آتم پد پرماتم پرماتم آتم آتم پرماتم اپنا روُپ وکھائیندا۔ مہاراج شیر سِنگھ وِشنوُں بھگوان، نِروَیر نِہکلنک لہنا دینا پوُرب جنم کِسے نہ دیوے چھّڈ، سب دی منسا آسا پوُر کرائیندا۔