کتب خانہGranth 15 (Urdu)

۱۱ مّگھر ۲۰۲۰ بِکرمی گُرمُکھ سِنگھ دے گرِہ پِنڈ گوارا

سچکھنڈ سوہے سچ دربار، درگاہ ساچی وجےّ ودھائیا۔ سو پُرکھ نِرنجن شاہ سُلطان، سَت سَتوادی سوبھا پائیا۔ ہرِ پُرکھ نِرنجن نؤجوان، مرد مردانہ ڈیرہ لائیا۔ ایکنکارا وڈ بلوان، جودھا سوُربیِر نظری آئیا۔ آد نِرنجن نوُر مہان، جوتی جاتا ڈگمگائیا۔ ابناشی کرتا سچ نِشان، سَت پُرکھ نِرنجن آپ اُٹھائیا۔ سِری بھگوان ویکھے مار دھیان، انبھوَ اپنی دھار چلائیا۔ پاربرہم ہو پردھان، سچ پردھانگی اِک کمائیا۔ سچ سندیسہ دیوے والی دو جہان، دُھر دا حُکم آپ ورتائیا۔ وِشن برہما شِو کرو دھیان، بےپرواہ رِہا جنائیا۔ شبد دُلارا حُکمران، بھوُپن بھوُپ اِک اکھوائیا۔ برہمنڈ کھنڈ کھیلے کھیل مہان، پُری لوء آکاش ویکھ وکھائیا۔ دھرنی دھرت دھوَل کر پروان، لیکھا جانے تھاؤں تھائنیا۔ جوتی جوت سروُپ ہرِ، آپ اپنی جوت دھر، سچکھنڈ نِواسی اپنی دَیا کمائیا۔ سچکھنڈ دوارے سچ دربارا، ہرِ کرتا آپ لگائیا۔ اِک اِکلّا ایکنکارا، اکل کل اپنی کھیل کھلائیا۔ مقامے حق نوُر اُجیارا، جلوہ اِکو اِک درسائیا۔ لاشریِک پروردِگارا، بےعیب نوُر خُدائیا۔ کھیلے کھیل اگمّ اپارا، الکھ اگوچر وڈّی وڈیائیا۔ وِشن برہما شِو کرے خبردارا، دُھر سندیسہ اِک سُنائیا۔ جوتی جوت سروُپ ہرِ، آپ اپنی کِرپا کر، سچ دوارے ڈیرہ لائیا۔ سچکھنڈ دوار سچ سِنگھاسن، سو پُرکھ نِرنجن آپ سُہائیا۔ تخت نِواسی پُرکھ ابناشن، ہرِ کرتا سوبھا پائیا۔ لیکھا جان پرِتھمی آکاشن، گگن گگننتر کھوج کھوجائیا۔ وِشن برہما شِو پوُری کرے آسن، آسا ترِسنا میٹ مِٹائیا۔ سچ جنائے کھیل تماشن، جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل سچکھنڈ، سچ ساچا دَیا کمائیندا۔ آد جُگادی نوُری چند، نِرگُن نِروَیر آپ چمکائیندا۔ سَت سَتوادی دُھر دا چھند، ساچا ڈھولا آپ الائیندا۔ نِرگُن نِروَیر کر کر ونڈ، حِصّہ اپنا آپ رکھائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ جنائیندا۔ سچکھنڈ دوارے کھیل اولّا، ہرِ کرتا آپ کرائیا۔ وسنہارا نِہچل دھام اٹلا، محل اٹل کرے رُشنائیا۔ دِیپک جوتی آپے بلا، باتی تیل نہ کوئے رکھائیا۔ شبد سندیسہ نِرگُن گھلّا، گھر ساچے کرے پڑھائیا۔ جوتی جوت سروُپ ہرِ، آپ اپنی کِرپا کر، سچ دربارا اِک لگائیا۔ سچ دربارا گیا لگّ، سچکھنڈ وجےّ اِک ودھائیا۔ کرے کھیل سوُرا سربگ، شاہ پاتشاہ بےپرواہیِا۔ گُر اوتار لئے سدّ، سچ سندیسہ اِک الائیا۔ پیِر پَیغمبر آؤنا بھجّ، بن پاندھی پندھ مُکائیا۔ مقامے حق کرنا حج، حقیِقت

اِکو دئے جنائیا۔ رل مِل سوہنا گاؤنا چھند، ساچا راگ اِک سمجھائیا۔ گھر لہنا پرمانند، پرم پُرکھ رِہا ورتائیا۔ جُگ چؤکڑی ٹُٹی دیوے گنڈھ، گنڈھنہار گوپال سوامی اِک اکھوائیا۔ سب دے چولے دئے رنگ، رنگ اَولّڑا اِک چڑھائیا۔ سیج وکھائے سچ پلنگ، پاوا چوُل نہ کوئے رکھائیا۔ نام وجائے اگمّی مردنگ، تار سِتار نہ کوئے ہِلائیا۔ لیکھا جانے جیرج انڈ، اُتبُھج سیتج ویکھ وکھائیا۔ جُگ چؤکڑی مُکاونہارا پندھ، نِرگُن سرگُن سوبھا پائیا۔ سَتجُگ تریتا دواپرکلجُگ رِہا لنگھ، ویلا انتم دئے دُہائیا۔ نؤ کھنڈ پرِتھمی ستّ دیِپ لکّھ چؤراسی جیِو جنت ننگ، اوڈھن نظر کوئے نہ آئیا۔ آتم انتر ہوئی رنڈ، ہرِ جوُ کنت نہ کوئے ہنڈائیا۔ دوُر دُراڈا مُکیا کِسے نہ پندھ، اُچے ٹِلّے پربت چڑھ چڑھ تھکّے جیِو لوکائیا۔ دوُئی دوَیتی بھرم بُھلیکھا کِسے نہ ڈھائی کندھ، بھانڈا بھؤ نہ کوئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ ساچے حُکم ورتائیا۔ گُر اوتار پیِر پَیغمبر آؤ نیڑے، ہرِ کرتا حُکم جنائیا۔ چاروں کُنٹ ویکھو جھیڑے، دیِن مذہب کرے لڑائیا۔ سَت دھرم ڈُبدے ویکھو بیڑے، چپوُّ نام نہ کوئے لگائیا۔ ناتے تُٹے تیرے میرے، میرا نظر کوئے نہ آئیا۔ چاروں کُنٹ گھُپ اندھیرے، جوتی چند نہ کوئے چمکائیا۔ مایا ممتا پائے جیڑے، شرع زنجیر نہ کوئے کٹائیا۔ کوُڑی کِریا آئے گھیرے، پلّوُ سکے نہ کوئے چُھڈائیا۔ جوتی جوت سروُپ ہرِ، آپ اپنی کِرپا کر، سچ دربارے لیکھا رِہا جنائیا۔ گُر اوتار پیِر پَیغمبر لوکمات مارو دھیان، سو پُرکھ نِرنجن صاحِب سُلطانا آپ جنائیندا۔ لکّھ چؤراسی بُھلیا ہرِ گیان، شاستر سِمرت وید پُران گیِتا گیان اِنجیل قرآن کھانی بانی رنگ نہ کوئے رنگائیندا۔ پنچ وِکارا در در گھر گھر پِھرے شیطان، کوُڑی کِریا ڈیرہ کوئی نہ ڈھاہندا۔ مُلّاشیخ مسائک پنڈت پاندھے ثابت رِہا نہ کِسے ایِمان، صِدق صبوُری نہ کوئے ہنڈائیندا۔ نظری آئے نہ دُھر دا کاہن، گوپی روُپ نہ کوئے وٹائیندا۔ سیِتا سُرتی شبدی رام نہ کرے پرنام، رمئیا روُپ نہ کوئے وکھائیندا۔ دیِن دُنی دوویں ہوئے بےایِمان، جوتی جوت سروُپ ہرِ، آپ اپنی کِرپا کر، ساچا لیکھا آپ جنائیندا۔ گُر اوتار پیِر پَیغمبر کھولو اکّھ، سو پُرکھ نِرنجن آپ جنائیندا۔ کلجُگ انتم کھیل ویکھو پرتکھ، بھیوَ ابھیدا آپ کُھلائیندا۔ پِھری دروہی تیِرتھ تٹ، گنگا گوداوری جمنا سُرستی سیِر نیِر نیتر نَیناں دِسے وہائیندا۔ کوُک کوُک پُکارن مندر مسجد مٹّھ، شِودوالے دھیِر نہ کوئے رکھائیندا۔ گُروُدوارے نام نہ وِکے ساچا ہٹّ، جگت سیاست ناچ نچائیندا۔ منکا منکا سادھ سنت مالا رہے رٹ، من کا منکا نہ کوئے بھوائیندا۔ بہتّر ناڑ اُبلے سب دی رتّ، امرت میگھ نہ کوئے برسائیندا۔ کوُڑ

کُڑیارا گھر گھر گیا وس، وصل سچ نہ کوئے کرائیندا۔ جو مارگ لوکمات آئے دسّ، بن عامل عمل نہ کوئے کمائیندا۔ سَتجُگ تریتا دواپرکلجُگ تیئی اوتار چلایا رتھ، بھگت اٹھاراں سنگ وکھائیندا۔ عیسیٰ موُسیٰ محمد شرع شریِعت آئے دسّ، کلمہ نبی رسوُل نہ کوئے سمجھائیندا۔ کھانی بانی دے کے آئی مت، گُر مت جھولی نہ کوئے وکھائیندا۔ پیِر پَیغمبر سرگُن نِرگُن ہو کے آئے نٹھّ، پنج تت چولا نظر کِسے نہ آئیندا۔ چاروں کُنٹ اندھیرا گھٹ، ساچا نوُر نہ کوئے چمکائیندا۔ جوتی جوت سروُپ ہرِ، آپ اپنی کِرپا کر، دُھر دا حُکم آپ ورتائیندا۔ گُر اوتار پیِر پَیغمبر کرو وِچار، ہرِ کرتا آپ جنائیا۔ لکّھ چؤراسی بُھلی وِچ سنسار، سنسار ساگر ترن کوئے نہ آئیا۔ پڑھ پڑھ تھکّے جیِو گوار، چؤداں وِدیا ہوئی ہلکائیا۔ چؤداں لوک روون زارو زار، اُچی کوُک کوُک سُنائیا۔ چؤداں طبق ہوئے خوار، پروردِگار ملِے نہ سچّا ماہیِا۔ حق حقیِقت نہ سکے کوئی وکھال، پڑدہ سکے نہ کوئے اُٹھائیا۔ شبدی گُر دِسے نہ کوئے دلال، ساچا ونج نہ کوئے کرائیا۔ اُچے ٹِلّے پربت جنگل جوُہ اُجاڑ ڈوُنگھی کندر رہے بھال، پربھوُ بھالیاں ہتّھ کِسے نہ آئیا۔ نیتر ویکھو سارے ہوئے کنگال، رتی نام ہٹّ نہ کِسے وِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا لیکھا رِہا جنائیا۔ گُر اوتار پیِر پَیغمبر لؤ سُن، ہرِ وڈّا وڈ جنائیا۔ کلجُگ انتم کوُڑی کِریا اِکو گُن، نؤ کھنڈ پرِتھمی بَیٹھا ڈیرہ لائیا۔ کوئی نہ سُنے دُھر دی دُھن، انحد ناد نہ کوئے وجائیا۔ سارے چوٹیاں بَیٹھے مُنّ، سیِس جگدیِش نہ کوئے سُہائیا۔ جوتی جوت سروُپ ہرِ، آپ اپنی کِرپا کر، وکھاونہارا سچّا گھر، سچ دربارے دئے جنائیا۔ گُر اوتار پیِر پَیغمبر پوُرب ویکھو لیکھا، ہرِ کرتا آپ جنائیا۔ کیِتا قؤل کرو چیتا، اِقرار بُھل کدے نہ جائیا۔ پُرکھ اکال سب نے کِہا دُھردرگاہی نیتا، نر نرائن وڈّی وڈیائیا۔ جُگ چؤکڑی نِرگُن سرگُن کرے ہیتا، ہِتکاری پھیرا پائیا۔ سَتگُر ہو کے کھیلے کھیڈاں، گُر گُر اپنی بوُجھ بُجھائیا۔ اندر وڑ کے دیوے بھیتا، دوُئی دوَیتی پڑدہ دئے اُٹھائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رِہا جنائیا۔ سُن سندیسہ گُر اوتار، پیِر پَیغمبر لیَن انگڑائیا۔ سرِشٹ سبائی ویکھی سِرجنہار در در گھر گھر راہ تکائیا۔ تیرا ناؤں بُھلیا پروردِگار، پاربرہم تیرا اِشٹ نہ کوئے منائیا۔ کوُڑی کِریا گئے ہار، جِت روُپ نہ کوئے وٹائیا۔ قلم شاہی لیکھا لِکھ لِکھ آئے جہان، کاغذ تیرے نام وڈیائیا۔ پڑھ پڑھ سارے ہوئے بےحال، بیوہ دِسے جگت لوکائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، تُدھ بِن دوُجا بھار نہ کوئے اُٹھائیا۔ گُر اوتار پیِر پَیغمبر پربھ سرنائی گئے ڈھٹھ، جھُک سجدہ

سیِس جھُکائیا۔ بِن ہتّھاں جوڑن ہتّھ، بِن مستک دھوُڑی ٹِکاّ لائیا۔ نِرگُن روُپ کہن پُرکھ سمرتھ، شہنشاہ تیری وڈیائیا۔ تیرے حُکمے اندر لوکمات مارگ آئے دسّ، لیکھا لِکھ کے قلم شاہیِا۔ انتم کہہ کے آئے پُرکھ اکال سب دا مائی باپ، پِتا اِکو اِک جنائیا۔ جُگ چؤکڑی ویکھے کھیل تماش، خالق خلق روُپ وٹائیا۔ نِرگُن سرگُن پوُری کرے آس، آسا ترِسنا دئے بُجھائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، در تیرا نظری آئیا۔ سِری بھگوان کہے ویکھو ایک، ایکنکارا رِہا جنائیا۔ جِس دی سارے دسّ کے آئے ٹیک، سو بُھلیا بےپرواہیِا۔ بُدھی دِسے نہ کِسے بِبیک، من مت دئے دُہائیا۔ ترےَگُن مایا لایا سیک، اگنی تت رِہا جلائیا۔ کلجُگ ویکھ کوُڑابھیکھ، بھرمے بُھلی سرب لوکائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، دُھر دا لیکھا آپ دِرڑائیا۔ گُر اوتار پیِر پَیغمبر بِن رسنا کہن، واہوا تیری پربھوُ وڈیائیا۔ اسیں نیتر لوچن ویکھیا نَین، چاروں کُنٹ اکّھ کُھلائیا۔ ناطہ تُٹا ساک سیَن بھائی بھَین، پِتا پوُت نہ کوئے وڈیائیا۔ کوُڑی کِریا کوُڑے وہن وہن، ساچا راہ نہ کوئے وکھائیا۔ مندر مسجن شِودوالے مٹّھ ملِے نہ کِسے بہن، جگت واسنا چاروں کُنٹ رہی دؤڑائیا۔ مایا رانی کھائے ڈائن، گھر گھر پھیرا پائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، تُدھ بِن سار کوئے نہ پائیا۔ تُدھ بِن سار نہ پائے کوئے، گُر اوتار رہے جنائیا۔ پرم پُرکھ پربھ تیرے ہوئے، تُدھ بِن نظر کوئے نہ آئیا۔ سَتجُگ تریتا دواپرکلجُگ تیرے نام دے دِتے ڈھوئے، وست امولک جگت ورتائیا۔ کلجُگ جیِو بَیٹھے کھوئے، لال امولک ہیِرا ہتّھ کِسے نہ آئیا۔ بِن دماں رہے روئے، نیتر نَیناں نیِر وہائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، سب تیری آس رکھائیا۔ تیری آس بَیٹھے تکّ، ہرِ صاحِب سجّن سُلطانا۔ جُگ چؤکڑی گئے تھکّ، تیرا دے دے نام گیانا۔ کلجُگ انتم سب نوُں پیا شک، بُھلیا پاربرہم سِری بھگوانا۔ کوئی نہ جانے حقیِقت حق، چاروں کُنٹ کوُڑ پردھانا۔ لیکھا چُکیا تت اٹّھ، اپ تیج وائے پرِتھمی آکاش من مت بُدھ نہ کوئے گیانا۔ سَت رہے نہ کِسے تیِرتھ تٹ، اٹھسٹھ ملِے نہ کوئے مانا۔ سادھاں سنتاں دھیِرج جت نہ رِہا ہٹّھ، سَت سنتوکھ نہ کوئے وکھانا۔ تیری کوئی نہ جانے مِتگت، تیرا درس نہ کوئے پانا۔ سچ سچ پربھ تَینوُں رہے دسّ، ہؤں بالک بال انجانا۔ جو کِچھ تیرا سو تیرے وس، کر کِرپا وڈ مِہروانا۔ نِرگُن لوکمات ہو پرگٹ، کلجُگ پہر اگمّی بانا۔ دُھر دا کھول ساچا ہٹّ، چار ورناں کر پروانہ۔ جوتی جوت سروُپ ہرِ، آپ اپنی کِرپا کر، اِکو دینا اگمّی ور، ملِے سچ تیرا پروانہ۔ گُر

اوتار پیِر پَیغمبر رہے آکھ، آخر تیری اوٹ تکائیا۔ بھوِکھت واک جو آئے بھاکھ، بھاکھیا بھاشا وِچ سُنائیا۔ کر کِرپا پربھ کھول تاک، بند کِواڑی کُنڈا لاہیِا۔ کوُڑی کِریا میٹ ذات پات، کملاپات اِکو نوُر کر رُشنائیا۔ دیِن مذہب بنا سجّن ساک، سگلا سنگ آپ نِبھائیا۔ کلجُگ جیِواں ویکھ حالات، حالت سب دی دے بدلائیا۔ بِن تیرے کلمے تیرے نام سب دی ہوئی وفات، فتوے سب تے رِہا لگائیا۔ مِہروان سچ پیالہ پیا آبِ حیات، حیاتی سب دی دے بدلائیا۔ دروہی تیرے نام خُدائے طوبیٰ کرے کائنات، دوئے جوڑ سیِس جھُکائیا۔ کِرپا کر سچ محراب، محبوُب اپنا نوُر کر رُشنائیا۔ تیرا لیکھا لِکھیا نہ جائے کِسے وِچ باب، ونڈ سکے نہ کوئے ونڈائیا۔ توہے سجدہ اِک آداب، نمو نمو سیِس جھُکائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، لوکمات ویکھیں چائیں چائنیا۔ لوکمات پربھ ویکھ آ، کلجُگ اندھیرا چھائیا۔ نِروَیر پُرکھ کل پھیرا پا، بےانت تیری وڈیائیا۔ نؤ سؤ چُرانوے چؤکڑی جُگ بَیٹھے پندھ مُکا، مُکی واٹ پرائیا۔ جوتی جامہ ویس وٹا، نوُرو نوُر کر رُشنائیا۔ دُھر دا ڈھولا اِک سُنا، سچّا راگ الائیا۔ بن کے تولا شہنشاہ، دو جہان کنڈے دے چڑھائیا۔ پڑدہ اوہلا دے مِٹا، سنمُکھ اِکو نظری آئیا۔ بھگت بھگوان لےَ جگا، جاگرت جوت کر رُشنائیا۔ گُر اوتار پیِر پَیغمبر در بردے منگن دُعا، خالی جھولی رہے وکھائیا۔ بِن تیرے کلجُگ کرے نہ کوئی شفا، مریض بنی سرب لوکائیا۔ پُرکھ اکال دیِن دَیال صاحِب سجّن ہو سہا، سہائک اِکو نظری آئیا۔ جوتی جوت سروُپ ہرِ، آپ اپنی کِرپا کر، اُٹھ ویکھ اپنا در، راہ تکّے جگت لوکائیا۔ راہ تکّے تیرا لکّھ چؤراسی، چار کُنٹ دھیان لگائیا۔ کَون ویلا پربھ کِرپا کرے پُرکھ ابناشی، ابناشی کرتا دَیا کمائیا۔ آون جاون کٹے جم کی پھاسی، دُھر دا لیکھا دئے مُکائیا۔ نِرمل جوت نوُر نوُر ہووے پرکاشی، اندھ اندھیر گوائیا۔ تیرا بھیوَ نہ پائے کوئی پنڈت کاشی، گیانی دھیانی سار کِسے نہ آئیا۔ کوُڑی کِریا تیرے ناؤں کردے ہاسی، مسخرے تیرا ناٹک سمجھ کوئے نہ پائیا۔ شبد اگمّی چڑھ تازی، اسوَ اِکو اِک سُہائیا۔ سولاں کلیاں آسن ساجی، اِچھیا سولاں پوُر کرائیا۔ دُھردرگاہی وڈ نوابی، شاہ پاتشاہ پھیرا پائیا۔ بِن تیرے ہوئے اُداسی، غمی چِنتا روُپ وٹائیا۔ سُنجا دِسے منڈل راسی، گوپی کاہن نہ کوئے نچائیا۔ کِرپا کر شاہو شاباسی، پُرکھ اکال تیری سرنائیا۔ گُر اوتار پیِر پَیغمبر تیری رکھ کے آئے انتم آسی، آسا سب دی پوُر کرائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، جِس مِلیاں توٹ رہے نہ رائیا۔ دے ور سچّے بھگوَنت، بھگوَن تیرے چرن

سیِس نِوائیا۔ آد جُگادی ساچے کنت، کنت کنتوہل تیری سرنائیا۔ جُگ چؤکڑی بیِتے بےانت، کوٹن کوٹ کال وِہائیا۔ تیری مہما لِکھ لِکھ تھکّے اگنت، انت کہن کوئے نہ پائیا۔ تیرا دھیان لگاون ساچے سنت، انتر آتم ویکھ وکھائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، تُدھ بِن راجن راج نظر کوئے نہ آئیا۔ سِری بھگوان ہو دَیال، دیانِدھ آپ سمجھائیا۔ سچکھنڈ دوار ویکھو سچّی دھرمسال، در اِکو اِک جنائیا۔ ایتھے نہ کوئی شاہ نہ کنگال، اوُچ نیِچ نہ کوئے جنائیا۔ ترےَگُن مایا نہ کوئی جنجال، پنج تت روُپ نہ کوئے وٹائیا۔ اِکو جوت بےمثال، نوُرو نوُر ڈگمگائیا۔ نظر نہ آئے کال مہاکال، لیکھا جانے بےپرواہیِا۔ سارے سُنو اِک سوال، وڈ سوالی آپ سمجھائیا۔ جوتی جوت سروُپ ہرِ، آپ اپنی کِرپا کر، گُر اوتار پیِر پَیغمبر اِکو حُکم منائیا۔ گُر اوتار پیِر پَیغمبر ویکھوچرن کوَل، ہرِ سَتگُر آپ جنائیندا۔ جھگڑا چھّڈو دھرنی دھوَل، دُھر دا بھیوَ آپ کُھلائیندا۔ سب نے منیا نوُر خُدائی اول، عالمین سوبھا پائیندا۔ سب نے پیِنی دُھر دی پوَل، امرت آبِ حیات مُکھ چوائیندا۔ سارے میرے نوُر گئے موَل، مؤلا اِکو سوبھا پائیندا۔ رل مِل کرو اِکو قؤل، اِقرارناما آپ جنائیندا۔ جوتی جوت سروُپ ہرِ، آپ اپنی کِرپا کر، سچکھنڈ دوارے سچ حُکم ورتائیندا۔ گُر اوتار پیِر پَیغمبر کرو اِقرار، اِک اِکلّا آپ جنائیندا۔ دیِن مذہب نہ کوئے وِہار، ذات پات نہ کوئے رکھائیندا۔ نِرگُن نوُر نِرگُن دھار، نِرگُن جوتی نِرگُن جوت جاتا اِکو سوبھا پائیندا۔ نِرگُن مندر ہوئے اُجیار، نِرگُن آسن اِک سُہائیندا۔ نِرگُن شہنشاہ سِکدار، بھوُپت بھوُپ اِک اکھوائیندا۔ نِرگُن حُکم کرے جُگ چار، گُر اوتار حُکمے اندر پِھرائیندا۔ نِرگُن لیکھا جانے وِشن برہما شِو وارو وار، نِت نوِت اپنا کھیل کھلائیندا۔ جوتی جوت سروُپ ہرِ، آپ اپنی کِرپا کر، سب دا لہنا موُل چُکائیندا۔ گُر اوتار پیِر پَیغمبر پوُرب لیکھا دیوو چھّڈ، چؤتھے جُگ انت رہن نہ پائیا۔ سچکھنڈ دوارے دیِن مذہب نہ کوئی اڈّ، دھرم اِسلام نہ کوئے سمجھائیا۔ پِچھلا ناطہ رہِ گیا کایا ماٹی ہڈّ، اَگے نوُرو نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، سب دی توڑنہارا حد، سچ حدوُد اِک وکھائیا۔ سچ حدوُد وکھائے ہرِ، ہرِ کرتا دَیا کمائیندا۔ پرم پُرکھ دا پکڑو لڑ، پلّوُ اِکو نام بندھائیندا۔ تُوں میرا مَیں تیرا کلمہ نام ڈھولا لہنا پڑھ، دوُجا راگ نہ کوئے سُنائیندا۔ ساچی الفی پاؤنی گل، تن خاکی آپ سمجھائیندا۔ جوتی جوت سروُپ ہرِ، آپ اپنی کِرپا کر، دُھر دا لیکھا اپنے ہتّھ وکھائیندا۔ گُر اوتار کہن سچ، سچ تیری وڈیائیا۔ پیِر پَیغمبر منّن ہسّ، در بَیٹھے سیِس جھُکائیا۔ ہر گھٹ اندر تُوں

ہی رِہا وس، تیرا نوُر خلق خُدائیا۔ ساڈی پوُری ہوئی آس، صدی چؤدھویں خوشی منائیا۔ صدی بیِسویں آئے تیرے پاس، سچکھنڈ ساچا ویکھ وکھائیا۔ در دوارے رل مِل پائی اِکو راس، گوپی کاہن روُپ وٹائیا۔ جوتی جوت سروُپ ہرِ، آپ اپنی کِرپا کر، جگت وساؤنا ساچا گھر، اُجڑیا کھیڑا ویکھ بےپرواہیِا۔ کلجُگ کھیڑا رِہا اُجڑ، چاروں کُنٹ پئی دُہائیا۔ جگت جیِو بنے بُچڑ، چُھری کرد قصائی ہتّھ اُٹھائیا۔ ہتھّیں مارن تیرے پُتر، اپنا بچّہ ذِبح نہ کوئے کرائیا۔ نِرگُن دھاروں پُرکھ اکال اُتر، تَینوُں جنمے کوئے نہ پِتا مائیا۔ گُر اوتار پیِر پَیغمبر سارے مِل کے مناون شُکر، شُکریہ تیرا ادا کرائیا۔ جن بھگتاں چُک اپنے کُچھڑ، ساچی گودی لےَ بہائیا۔ اُجل کر مات مُکھڑا، دُرمت مَیل دھوائیا۔ مات گربھ اُلٹے پھیر نہ ہوون رُکھڑ، لکّھ چؤراسی پندھ مُکائیا۔ اِکو سرن تیری ہرِ جھُکن، دوُجا اِشٹ نہ کوئے منائیا۔ دو جہاناں پیَنڈے مُکن، نوَ نؤ چار ڈیرہ دینا ڈھاہیِا۔ تیرے بوُٹے کدے نہ سُکن، پُھل پُھلواڑی مات مہکائیا۔ جوتی جوت سروُپ ہرِ، آپ اپنی کِرپا کر، ہرجن ویکھے چائیں چائنیا۔ آ پربھوُ پربھ ٹھاکر سوامی، سوبھاوَنت تیری سرنائیا۔ نِروَیر پُرکھ گھٹ انترجامی، مِہروان وڈّی وڈیائیا۔ بھرم مِٹا چار کھانی، چارے بانی دے سمجھائیا۔ پرا پسنتی مدھم بَیکھری نہ کِسے پہچانی، پردہ سکے نہ کوئے اُٹھائیا۔ در در گھر گھر شبد مِلاوا کر سُرت سوَانی، نارکنت روُپ وٹائیا۔ گھر مندر جگے جوت نوُرانی، اندھ اندھیر گوائیا۔ شبدی شبد اگمّ سُنا دُھر دی بانی، بان انیالا تیِر چلائیا۔ لیکھے لگّے جیِو پرانی، پران اپنی جھولی پائیا۔ تُدھ بِن سَتگُر پوُرے بھگتاں آئی ہانی، سِر ہتّھ نہ کوئے ٹِکائیا۔ کلجُگ کوُڑی کِریا من مُکھتاں مارے کانی، تِکھی دھار وکھائیا۔ تُدھ بِن دیوے نہ کوئے پد نِربانی، ساچے گھر نہ کوئے وسائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، ہرجن ساچے لےَ مِلائیا۔ تُدھ بِن کرے نہ کوئی میلا، پربھوُ مالک نظر کوئے نہ آئیا۔ تیرا روُپ گُروُ گُر چیلا، سَتگُر تیرے ہتّھ وڈیائیا۔ کلجُگ انتم تیرے مِلن دا ویلا، بہُڑی بہُڑی کر رہے کُرلائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، تیرے چرن ملِے سرنائیا۔ جن بھگتاں بن پربھ میِت، مِتر پیارے تیری آس رکھائیا۔ اندر وڑ کے دسّ گیِت، باہر کوئے نہ کرے پڑھائیا۔ آتم پرماتم ہوئے اتیِت، ترےَگُن لیکھا دے مُکائیا۔ کایا ہوئے ٹھانڈی سیِت، اگنی تت بُجھائیا۔ لیکھا چُکے مندر مسیِت، گھر پرمیشور نظری آئیا۔ درشن پاواں بیِٹھلو بیِٹھ، مُکھ پڑدہ آپ اُٹھائیا۔ تیری کوئی نہ جانے ریِس، تیری سار کِسے نہ آئیا۔ جُگ چؤکڑی تیرا راہ رہے اُڈیِک، نیتر نَین اکّھ

کُھلائیا۔ کلجُگ انت آئی تاریخ، جوتی جوت سروُپ ہرِ، آپ اپنی کِرپا کر، اِکو دینا سچّا ور، تیرے بھگت تیرا دھیان لگائیا۔ سِری بھگوان دَیا کماؤندا اے۔ سچکھنڈ نِواسی دُھر فرمان سُناؤندا اے۔ شبد اگمّی راگ الاؤندا اے۔ آتم پرماتم آپ جگاؤندا اے۔ بھگت بھگوان ویکھ وکھاؤندا اے۔ ساچا دیوے اِک گیان، اگیان اندھیر مِٹاؤندا اے۔ نِرگُن ہو کے ویکھے آن، سرگُن تیرا پندھ چُکاؤندا اے۔ سچ دوارے دیوے مان، کوُڑی کِریا ڈیرہ ڈھہُندا اے۔ امرت بخشے آتم پیِن کھان، ترِسنا بُھکھ گواؤندا اے۔ ساچے مندر کر پروان، سچ سِنگھاسن آپ بہاؤندا اے۔ نظری آئے نؤجوان، بِردھ بال نہ روُپ وٹاؤندا اے۔ جوتی جوت سروُپ ہرِ، آپ اپنی کِرپا کر، جن بھگتاں ویکھ وکھاؤندا اے۔ جن بھگتاں دَیا کماؤندا اے۔ پربھ اپنے رنگ رنگاؤندا اے۔ سچ مردنگ نام سُناؤندا اے۔ نِجانند انند پرگٹاؤندا اے۔ جوتی نوُر چند چمکاؤندا اے۔ بند بند خوشی کراؤندا اے۔ کوُڑی کِریا کر کے کھنڈ کھنڈ، خالص اپنے نال مِلاؤندا اے۔ جُگ جنم دا میٹ پندھ، دھام ساچے آپ وساؤدا اے۔ جوتی جوت سروُپ ہرِ، آپ اپنی کِرپا کر، جن بھگت دوارے پھیرا پاؤندا اے۔ جن بھگت دوارے آؤندا اے۔ نِت نوِت ویکھ وکھاؤندا اے۔ سَتجُگ تریتا دواپرکلجُگ آپ ہنڈاؤندا اے۔ اپنے مِلن دی کر کے بِدھ، سنگ ساچا آپ رکھاؤندا اے۔ ہرِ جن کارج کر کے سِدھ، رِدھ سِدھ چرناں ہیٹھ دباؤندا اے۔ لیکھا جان جیؤ پِنڈ اِنڈ، برہمنڈ کھوج کھوجاؤندا اے۔ انت بنا نادی بِند، سُت اپنی گود اُٹھاؤندا اے۔ دیِن دَیال ہو بخشند، کلجُگ انتم ویکھن آؤندا اے۔ داتا دانی گُنی گہند، گہر گمبھیِر کھیل رچاؤندا اے۔ جوتی جوت سروُپ ہرِ، آپ اپنی کِرپا کر، دیونہارا سچّا ور، جن بھگتاں پڑدہ لاہُندا اے۔ جن بھگتاں پڑدہ جائے لتّھ، جُگ چھتّی پندھ مُکائیا۔ نظری آئے پُرکھ سمرتھ، ہرِ کرتا نوُر رُشنائیا۔چرن کوَل جائن وس، سچ دوار ملِے وڈیائیا۔ مِہروان مِہروان مِہروان کِرپا کرے کرتا پُرکھ ہو پرتکھ، پُرکھ پُرکھوتم ہوئے سہائیا۔ ہرکھ سوگ چِنتا غم دُکھ جائن نسّ، سُکھ انتر اِک اُپجائیا۔ جوتی جوت سروُپ ہرِ، آپ اپنی کِرپا کر، جن بھگتاں اندر جائے وس، نِرگُن نِرگُن نِرگُن روُپ وٹائیا۔ بھگتن اندر وسے آپ، ہرِ جوُ اپنی دَیا کمائیا۔ بھگتاں اندر دسےّ جاپ، انبولت راگ سُنائیا۔ بھگتاں اندر کرے پاٹھ، رسنا جِہوا نہ کوئے ہِلائیا۔ بھگتاں اندر ویکھے گھاٹ، سر سروور اِک پرگٹائیا۔ بھگتاں اندر کھولے ہاٹ، بن ونجارا ہٹّ چلائیا۔ بھگتاں اندر دیوے دات، انمُلّڑی دات آپ ورتائیا۔ بھگتاں اندر کھولے تاک، بجرکپاٹی پڑدہ دئے اُٹھائیا۔ بھگتاں اندر امرت بوُند دیوے

سوانت، سانتک سَت سَت کرائیا۔ بھگتاں اندر بَیٹھا رہے اِکانت، اڈول ڈُل کدے نہ جائیا۔ بھگتاں اندر مِل کے دیوے اپنا ساتھ، بن سنگی سنگ نِبھائیا۔ بھگتاں اندر نِیوں نِیوں ٹیکے اپنا ماتھ، مستک سیِس جھُکائیا۔ بھگتاں اندر کھیل پُرکھ سمراتھ، ہرِ کرتا آپ کرائیا۔ آد جُگاد جُگ چؤکڑی نِت نوِت جن بھگتاں ہو کے وس، بن چاکر چاک سیوک سیو آپ کمائیا۔ جوتی جوت سروُپ ہرِ، اپنی آپ جوت دھر، نِہکلنک نرائن نر، کھیلے کھیل سرب گُنتاس، گُنوَنتا پربھ بےانتا بےعیب اتھاہ اپنی کار ہرِ کرتار ہرِ کرتا آپ کمائیا۔