کتب خانہGranth 16 (Urdu)

۱۴ مگھّر ۲۰۲۰ بِکرمی امریک سِنگھ دے گرِہ پِنڈ سرائیں ضِلع ہوشیار پُر

سو پُرکھ نِرنجن شہنشاہ، شاہ پاتشاہ تیری سرنائیا۔ ہرِ پُرکھ نِرنجن بےپرواہ، بےانت تیری وڈیائیا۔ ایکنکار دُھر ملاح، کھیوٹ کھیٹ تیری اوٹ تکائیا۔ آد نِرنجن نوُر رُشنا، جوتی جاتے تیرا نوُر اِکو نظری آئیا۔ سِری بھگوان آد جُگادی حُکمران، بھوُپت بھوُپ تیری اِک

سرنائیا۔ ابناسی کرتے تیرا کھیل مہان، سمجھ سکے کوئے نہ رائیا۔ پاربرہم تیرا سچ نِشان، نِرگُن اِکو نظری آئیا۔ سچکھنڈ سوہے اِک مکان، چھپر چھنّ نہ کوئے سُہائیا۔ درگاہ ساچی نوُر مہان، مقامے حق تیری رُشنائیا۔ لاشریِک نؤجوان، بِردھ بال نہ روُپ وٹائیا۔ نِرگُن نِرگُن کھیلے کھیل آپ بھگوان، بھگوَن اپنی دھار چلائیا۔ کِرپا کر وڈ مِہروان، مِہر نظر نال اُٹھائیا۔ وِشن برہما شِو تیرے چرن منگن پناہ، دوئے جوڑ سیِس جھُکائیا۔ ترےَگُن نیتر رو مارے دھاہ، اُچی کوُک کوُک سُنائیا۔ پنج تت رہیا کُرلا، اپ تیج وائے پرِتھمی آکاش دھیِر نہ کوئے دھرائیا۔ برہمنڈ کھنڈ پُری لوء آکاش تیرا راہ رہے تکا، رہبر نظر کوئے نہ آئیا۔ نِرگُن سرگُن تیری دھوُڑی خاک منگن دوئے جوڑ کرن دُعا، انتر آتم ویکھ وکھائیا۔ گُر اوتار کہن کِرپا کر سچّے شہنشاہ، شاہ پاتشاہ تیری اوٹ رکھائیا۔ پیِر پَیغمبر سجدہ سیِس رہے جھُکا، نِیوں نِیوں لاگن پائنیا۔ چارے وید تیرے در الکھ رہے جگا، الکھ اگوچر تیری وڈ وڈیائیا۔ پُران اٹھاراں کوئی نہ لبھے راہ، مارگ سمجھ کوئے نہ پائیا۔ سَتجُگ تریتا دواپر کلجُگ جُگ چؤکڑی لیکھا رہے مُکا، وست امولک جھولی کوئی نہ پائیا۔ وید پُران اِنجیل قُرآن گیِتا گیان کھانی بانی بنے نہ کوئی گواہ، شہادت دیوے نہ کوئی بےپرواہیِا۔ چار ورن اٹھاراں برن راؤ رنک راج راجان ہوئے حَیران، ہرِ کا بھیو کوئے نہ پائیا۔ نؤ کھنڈ پرِتھمی ستّ دیِپ گھٹ گھٹ اندر وڑیا کل شیَطان، آپ اپنا بل دھرائیا۔ جنگل جوُہ اُجاڑ پہاڑ اُچے ٹِلّے پربت ویکھے آن، سمُند ساگر پھول پُھلائیا۔ تیرے بھگتاں ملِے نہ کوئی مان، سِر ہتّھ نہ کوئی ٹِکائیا۔ سنت ساجن ہوئے انجان، بالی بُدھ بَیٹھے نیَن اُٹھائیا۔ گُرمُکھاں نیَن جگت شرمان، اکّھ پرتکھ نہ کوئے کُھلائیا۔ گُرمُکھ تیری چرن پریِتی منگن دان، گُرسِکھ اِکو اوٹ رکھائیا۔ نؤ سؤ چُرانوے چؤکڑی جُگ پندھ مُکیا وِچ جہان، پاندھی نظر کوئے نہ آئیا۔ سَتجُگ تریتا دواپر کلجُگ سَت سنتوکھی بُھلیا سرب گیان، آتم پرماتم بھیوَ نہ کوئے چُکائیا۔ جوتی جوت سروُپ ہرِ، آپ اپنی کِرپا کر، اِکو دے دُھر دا ور، ابناسی کرتے تیری اوٹ رکھائیا۔ تیری اوٹ لئی رکھّ، شاہ پاتشاہ سچّے سُلطانا۔ گُر اوتار پیِر پَیغمبر جُگ چؤکڑی مارگ گئے دسّ، شبد اگمّی تیرا نام دے بیانا۔ کلجُگ انت سِری بھگوَنت نِرگُن روُپ ہوئے پرتکھ، جوت سروُپی پہرے بانا۔ وِشن برہما شِو دو جہاناں وکھائے ہٹّ، برہمنڈ کھنڈ پھولنہار دُکانا۔ ساچا مارگ اِکو دیوے دسّ، چار ورن اِک گیانا۔ جن بھگتاں اندر جائے وس، پریم پریِت کرے مہانا۔ دُھر دا امرت دیوے رس، نِجھر جھِرنا اِک جھِرانا۔ سچ جوت کرے پرکاش، اندھ اندھیر

مِٹانا۔ ساچے منڈل پاوے راس، گوپی کاہن روُپ وکھانا۔ پیِر پَیغمبر کرے داس، دُھر سندیسہ دے پروانہ۔ گُر اوتاراں بھیو کُھلائے خاص، خالص اپنا رنگ رنگانا۔ نوَ نؤ چار پوُری کرے آس، نِرگُن روُپ ہوئے پردھانا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، تیرا در اِکو اِک سُہانا۔ سوہے در پربھوُ تیرا بھگت، سچکھنڈ وجےّ سچ ودھائیا۔ آد جُگادی مہما اگنت، جُگ چؤکڑی سمجھ کِسے نہ آئیا۔ گُر اوتار پیِر پَیغمبر تَینوُں منّ کے گئے ساچا کنت، بن ناری سیو کمائیا۔ تیرا بودھ اگادھا نام منت، شاستر سِمرت وید پُران اِنجیل قُرآن تیرا انت کہن نہ پائیا۔ تیرا لیکھا کوئی نہ جانے پنڈت، مُلّا شیخ مسائق دین دُہائیا۔ جوتی جوت سروُپ ہرِ، آپ اپنی کِرپا کر، اِکو دے سچّا ور، در تیرے سیِس جھُکائیا۔ در تیرے جھُکے چار جُگ، جُگ چؤکڑی سیِس نِوائیا۔ پُرکھ اکال آ کے پُچھ، بےپرواہ پھیرا پائیا۔ نِرگُن نِروَیر کِیوں بَیٹھا لُک، نِرگُن جوت کر رُشنائیا۔ جگت وِکارا رہیا کُٹھ، کوُڑی کِریا گھر گھر نظری آئیا۔ تیرا کوئی نہ دِسے ساچا سُت، سُت اپرادھی روُپ وٹائیا۔ بِن ہرِ نامے خالی بُت، لکّھ چؤراسی نظری آئیا۔ مات گربھ دے اُلٹے رُکھ، تیرا مُکھ ویکھ کوئے نہ پائیا۔ تیرے نالوں تیرے گئے رُس، ساچا میل نہ کوئے وکھائیا۔ نِرگُن دھاروں نِروَیر پُرکھ اکال اُٹھ، انبھَو اپنا روُپ درسائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در ٹھانڈا نظری آئیا۔ کلجُگ انتم کرن پُکار، گُر اوتار پیِر پَیغمبر دھیان لگائیا۔ جُگ چؤکڑی لیکھا لِکھ کے گئے وِچ سنسار، ناتا جوڑ قلم شاہیِا۔ شبد اگمّی دے کے گئے دھار، دُھر دی بانی بان لگائیا۔ چاروں کُنٹ سرِشٹ سبائی ہوئی خوار، خالص روُپ نظر کوئے نہ آئیا۔ تیرا نوُر نظر نہ آئے سِرجنہار، سچ تؤفیِق نہ کوئے خُدائیا۔ محبان بیِدو بی خیَر یا االلہ نوُر اِلاہی پروردِگار، بےعیب تیری وڈ وڈیائیا۔ رام رحیِم سِرجنہار، وڈ کاہن ویس وٹائیا۔ تیری بنسری وجےّ دو جہان، ناد دُھن اِک شنوائیا۔ تیرا منتر سَتنام، سَت سَتوادی دے سمجھائیا۔ تیرا ڈنکا اِک مہان، راؤ رنکاں لئے جگائیا۔ گھر گھر وِچوں کڈھے کوُڑ شیَطان، مایا ممتا ڈیرہ ڈھاہیا۔ مندر وکھائے اِک مکان، کایا کعبہ نظری آئیا۔ سچ محرابےنظری آئے تیرا نوُر مہان، محبوُب تیری وڈ وڈیائیا۔ چؤداں لوک ہوئے حَیران، چؤداں طبق تیری سمجھ کِسے نہ پائیا۔ چؤداں وِدیا جیِو جنت کرنی پردھان، سَت پردھانگی ہتّھ نہ کوئے رکھائیا۔ کر کِرپا سِری بھگوان، کلجُگ انتم ویکھ لکّھ چؤراسی دھر کے بھیکھ، نوَ نؤ چار رووے مارے دھائیا۔ نوَ نؤ چار رہی رو، دھیِرج دھیِر نہ کوئے دھرائیا۔

آتم پرماتم کِسے سکے نہ چھوہ، سُرتی شبد نہ کوئے مِلائیا۔ دُھر دا ڈھوآ دیوے کوئی نہ ڈھو، ڈھولک چَھینے گھر گھر در در رہے کھڑکائیا۔ سو پُرکھ نِرنجن تیری کوئی نہ دیوے سو، سَت سندیس نہ کوئے سُنائیا۔ تیرے جِہا دوُجا کوئی نہ جائے ہو، ہوکا دیوے سرب لوکائیا۔ جیِو جنت سادھ سنت کوُڑی ممتا لگّے موہ، مُحبّت تیرے نال نہ کوئے رکھائیا۔ نِجھر جھِرنا در ساچے آ کے چو، امرت میگھ اِک برسائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، کلجُگ انت سِری بھگوَنت اپنا پھیرا پائیا۔ اپنا پھیرا پا پربھ ایک، ایکنکار تیری سرنائیا۔ جُگ چؤکڑی تیری ٹیک، مِہروان تیری اوٹ رکھائیا۔ کلجُگ انتم ترےَگُن مایا لکّھ چؤراسی لائے سیک، سانتک سَت نہ کوئے کرائیا۔ بِن تیری کِرپا بُدھی ہووے نہ کوئی بِبیک، من مت گھر گھر ڈیرہ لائیا۔ تیرے چرن کوَل من واسنا کرے کوئی نہ بھیٹ، کھنڈا کھڑگ نام سِری نہ کوئے وکھائیا۔ سنت سادھ تیرا اندر وڑ کے دسےّ کوئی نہ بھیت، رسنا جِہوا بتّی دند ڈھولے رہے سُنائیا۔ آتم پرماتم مِل کے دسّ اپنا ہیت، ہِتکاری اپنا رنگ رنگائیا۔ رُت سُہنجنی مؤلے چیت، پتّ ڈالی آپ مہکائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، چار ورن اٹھاراں برن تیرا بَیٹھے راہ تکائیا۔ چار ورن تیرا تکّن راہ، کھتری براہمن شوُدر وَیش دھیان لگائیا۔ کَون ویلا پربھ ملِے ملاح، نِرگُن سرگُن لئے اُٹھائیا۔ سچ سندیسہ دیوے آ، دُھر دی بانی آپ پڑھائیا۔ دُئی دوَیتی پڑدہ دیوے لاہ، بجرکپاٹی توڑ تُڑائیا۔ آتم سیجا سچ سُہنجنی دئے سُہا، سچ سِنگھاسن سوبھا پائیا۔ انحد نادی ناد دُھن دئے وجا، آتمک راگ اِک الائیا۔ ساچے مندر دئے وسا، کھیڑا اِکو اِک وڈیائیا۔ جُگ جنم دا وِچھوڑا پندھ دئے گوا، لکّھ چؤراسی ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، در تیرے منگ منگائیا۔ در منگے منگ دھرنی دھرت دھوَل، دوئے جوڑ سیِس جھُکائیا۔ تیرے ناؤں نوُر خُدائی اول، عالمیِن تیری سرنائیا۔ بِرہوں وَیراگن ہوئی بوَل، چاروں کُنٹ نیَن اُٹھائیا۔ نظر نہ آئے ساول سوَل، مُکند منوہر تیرا روُپ لکھمی نرائن رنگ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، در ٹھانڈے پھیرا پائیا۔ در ٹھانڈا تیرا دِسے اِک، ایکنکار تیری سرنائیا۔ داتے دانی پا بِھکھّ، بھگت بَیٹھے جھولی ڈاہیا۔ کلجُگ انتم سَتجُگ لیکھا لِکھ، لِکھنہار گوپال گوسائنیا۔ تیرا کوئی نہ جانے پِت، پاربرہم پربھ تیرے ہتّھ سرب چتُرائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، سچ سندیسہ دے سُنائیا۔ سچ

سندیسہ ہرِ جناؤندا اے۔ سچکھنڈ نِواسی سچکھنڈ تخت سوبھا پاؤندا اے۔ دُھر فرمانا آپ الاؤندا اے۔ وِشن برہما شِو آپ اُٹھاؤندا اے۔ گُر اوتار پیِر پَیغمبر در منگاؤندا اے۔ جُگ چؤکڑی ویکھ گھر، لوکمات پڑدہ لاہُندا اے۔ لیکھا جان ناری نر، لکّھ چؤراسی پھول پھولاؤندا اے۔ ساچی وِدیا جو رہے پڑھ، تِنہاں اپنے رنگ رنگاؤندا اے۔ دوُر دُراڈے جو رہے کھڑ، تِنہاں پلّوُ لڑ چُھڑاؤندا اے۔ چار ورن اٹھاراں برن کلجُگ انتم دیوے ور، سچ سُنیہڑا اِک گھلاؤندا اے۔ جوتی جوت سروُپ ہرِ، آپ اپنی کِرپا کر، اِکو دیوے دُھر دا ور، حُکم سچ سچ سمجھاؤندا اے۔ حُکم دیوے دُھر فرمانا، ہرِ ساچا سچ جنائیا۔ کلجُگ انت پہرے بانا، مِہربان دَیا کمائیا۔ عیسیٰ موُسیٰ محمد جِس دا لبھدے گئے ٹِکانا، سو بھیوَ ابھیدا دئے کُھلائیا۔ گُر اوتار جِس دا رکھّدے گئے مانا، سو ابِھمان میٹے تھاؤں تھائنیا۔ کلجُگ انتم سَت دھرم جھُلائے اِک نِشانہ، ساچی دھار آپ جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِک جنائیا۔ سچ سندیسہ ہرِ جناؤندا اے۔ دُھر دا لیکھا آپ سمجھاؤندا اے۔ نِرگُن نِروَیر دھرے بھیسا، ویس اگما آپ وٹاؤندا اے۔ نہ کوئی روُپ رنگ نہ ریکھا، ذات پات نہ ونڈ ونڈاؤندا اے۔ دیِن مذہب نہ کوئی چیتا، جوتی نوُر ڈگمگاؤندا اے۔ جن بھگتاں کرے انتر ہیتا، باہروں نظر کِسے نہ آؤندا اے۔ جُگ جنم دا ویکھے لیکھا، پوُرب لہنا جھولی پاؤندا اے۔ ناتا جوڑے مات پِت پِتا پوُت بیٹی بیٹا، پُرکھ اکال بندھن پاؤندا اے۔ اِک سُہائے سُہنجنی سیجا، سوبھاونت آسن لاؤندا اے۔ گُر اوتاراں پیِر پَیغمبراں شبد سنیہُڑا دُھر دا بھیجا، واک بھوِکھ آپ دِرڑاؤندا اے۔ جوتی جوت سروُپ ہرِ، آپ اپنی کِرپا کر، ساچی کرنی آپ کماؤندا اے۔ ساچی کرنی آپ کماویگا۔ نِرگُن نِروَیر پُرکھ ویس وٹاویگا۔ نہ کوئی سوگ نہ کوئی ہرکھ، چِنتا غم نہ کوئی جناویگا۔ لکّھ چؤراسی کر کے پرکھ، گُرمُکھ ساچے باہر کڈھاویگا۔ غریِب نِمانیاں کوجھیاں کملیاں اُتے کر کے ترس، ناتھ اناتھاں گود بہاویگا۔ امرت میگھ اِکو برس، جنم جنم دی ترِکھا اگّ بُجھاویگا۔ جو بِرہوں وِچھوڑے وِچ رہے تڑپھ، تِنہاں اپنا میل مِلاویگا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِرگُن اپنی کار کماویگا۔ نِرگُن اپنی کار کمائےگا۔ پُرکھ اکال پھیرا پائےگا۔ پروردِگار نظری آئیگا۔ تیئی اوتار کھیڑا وکھائےگا۔ بھگت اٹھاراں بھیو چُکائےگا۔ عیسیٰ موُسیٰ محمد اکّھ کُھلائےگا۔ نانک گوبِند جوت جگائےگا۔ شاستر سِمرت وید پُران پڑدہ لاہیگا۔ شبد اگمّی دے گیان، نِہکرمی اپنا کرم کمائےگا۔ کلجُگ انت ہوئے پردھان، دو

جہاناں راج جوگ کمائےگا۔ جن بھگتاں دے دھرم نِشان، سَت سَتوادی آپ جھُلائےگا۔ گُرمُکھ گُرسِکھ ہرجن ہربھگت صوُفی کر چتُر سُجان، بُدھ بِبیکی روُپ وٹائےگا۔ مُریداں مُرشد ملِے آن، دیِد عیِد چند چمکائےگا۔ ساچا کلمہ بولے بےزبان، شریعت اپنی ونڈ وکھائےگا۔ ساچا دھرم کر پردھان، چارے ورن گنڈھ پوائےگا۔ نؤ کھنڈ پرِتھمی ستّ دیِپ رل مِل اِکو ڈھولا گان، دوُجا راگ نہ کوئے الائےگا۔ تُوں میرا مَیں تیرا دوہاں دا مندر اِک مکان محفل اِکو اِک رکھائےگا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِرگُن اپنی کل ورتائےگا۔ نِرگُن ورتائے اپنی کل، کل دھاری پھیرا پائیا۔ پُرکھ ابناسی اچھل اچّھل، ول چھلدھاری اپنی دھار جنائیا۔ جوتی شبدی بَیٹھا رل، جگت نیتر دِس کِسے نہ آئیا۔ وسنہارا نِہچل دھام اٹل، لوکمات پھیرا پائیا۔ پائے سار جل تھل، مہیئل آپے کھوج کھوجائیا۔ سچ پرکاش دِیپک جائے بل، تیل باتی سنگ نہ کوئے لیائیا۔ جن بھگتاں اندر دُئی دوَیتی میٹے سلّ، ہؤمے ہنگتا گڑھ تُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت دھرم دا اِک دروازہ، آپے کھولے غریِب نوازا، سَتجُگ ساچا راہ جنائیا۔ سچ دروازہ دیوے کھول، خالق خلق وڈّی وڈیائیا۔ دُھر سندیسہ دیوے بول، انبولت راگ الائیا۔ نام نِدھان وجائے ڈھول، پُری لوء برہمنڈ کھنڈ دو جہان سُنائیا۔ سچ وست پربھ لےَ کے آئے کول، لکّھ چؤراسی جیِو جنت دئے ورتائیا۔ ہر گھٹ اندر جائے مؤل، مؤلا روُپ نظری آئیا۔ اُلٹا کرے نابھ کؤل، جھِرنا بوُندو بوُند جھِرائیا۔ بھاگ لگائے دھرنی دھرت دھؤل، دھوَلا ہؤلا بھار رکھائیا۔ آد جُگاد جُگ چؤکڑی کدے نہ جائے ڈول، اڈُل بَیٹھا بےپرواہیِا۔ آتم پرماتم آب حِیات سچ پیائے امرت ساچی پاہُل، جگت وِکارا میٹ مِٹائیا۔ ہرِ کا بھیو کوئی نہ جانے پنڈت پاندھا رؤل، گرنتھی پنتھی سمجھ کِسے نہ آئیا۔ نانک گوبِند عیسیٰ موُسیٰ محمد وید ویاس کیِتا قؤل، پُران اٹھاراں دیِن گواہیِا۔ جوتی جوت سروُپ ہرِ، آپ اپنی کِرپا کر، لیکھا جانے دُھر دے گھر، سچکھنڈ ساچے خوشی منائیا۔ سچکھنڈ پربھ چاؤ گھنیرا، گھر وجےّ نام ودھائیا۔ کلجُگ انتم بنّھے بیڑا، کل کلکی پھیرا پائیا۔ سمبل نگر لائے ڈیرہ، چھپر چھنّ نہ کوئے چُھہائیا۔ دو جہاناں کُھلا کرے ویہڑا، آد انت کہن کوئے نہ پائیا۔ شبد سروُپی پائے گھیرا، چار دیواری نظر کوئے نہ آئیا۔ جن بھگتاں اندر وڑ کے کہے تُوں میرا مَیں تیرا، تیرا میرا اِکو نوُر نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کلجُگ انتم دَیا کمائیا۔ کلجُگ دَیا کمائے ٹھاکر، ہرِ کرتا ہوئے سُہائیا۔ لکّھ

چؤراسی ویکھے کایا گاگر، ساڈھے تِنّ ہتّھ پھول پُھلائیا۔ ڈوُنگھی دھار کڈھے باہر سمُند ساگر، جلدھار نہ کوئے وہائیا۔ ۔ جن بھگتاں دیوے اِکو آدر، آدرش اپنا دئے سمجھائیا۔ مِہروان کرتا کریِم قادر، قُدرت ہو کے رنگ وکھائیا۔ دو جہاناں وڈ بہادر، سوُربیِر سچّا شہنشاہیِا۔ گُر اوتار پیِر پَیغمبر جِس نوُں کہِندے جبر جابر، زبردست بےپرواہ اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا لیکھا رہیا جنائیا۔ ساچا لیکھا سُنو پربھ انت، نِرگُن نِروَیر آپ جنائیا۔ سرِشٹ سبائی بُھلی گُر کا منت، منتر سچ نہ کوئے دِرڑائیا۔ جگت وِکاری ہوئے کلجُگ سادھ سنت، انتشکرن شُدھ نہ کوئے کرائیا۔ جھگڑا پیا ہؤمے ہنگت، کوُڑا گڑھ نہ کوئے تُڑائیا۔ در در گھر گھر پِھردے منگت، جھولی خالی رہے وکھائیا۔ چار ورن بنی نہ ساچی سنگت، ذات پات بھیوَ نہ کوئے چُکائیا۔ لیکھا چُکیا کِسے نہ جیرج انڈج، اُتبُھج سیتج پندھ نہ کوئے مُکائیا۔ پُرکھ اکال دیِن دَیال چرن کوَل کوئی نہ کرے بندن، بندگی ڈنڈؤت سمجھ کِسے نہ آئیا۔ مستک لاؤندے پنڈت چندن، جوت للاٹ کرے نہ کوئے رُشنائیا۔ انتر آتم ملِے نہ کِسے انند انندن، نِجا نند نہ کوئے رسائیا۔ دُئی دوَیتی شرع شراعتی ڈھائے کوئی نہ کندھن، پڑدہ سکے نہ کوئے اُٹھائیا۔ سَتگُر گودی کوئی نہ بہے انگن، نؤ دوارے بھجّن واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کلجُگ انتم اِکو گُن گُنوَنتا دئے جنائیا۔ گُنوَنتا گُن دیوے دات، داتا دانی دَیا کمائیا۔ کلجُگ مِٹے اندھیری رات، اماوس رہن کوئے نہ پائیا۔ سَتجُگ مؤلے سچ پربھات، پربھاتی اپنا روُپ وٹائیا۔ پُرکھ ابناسی ناتا توڑے ذات پات، ورن گوت اِکو برہم جنائیا۔ جوتی جوت سروُپ ہرِ، آپ اپنی کِرپا کر، ساچا مارگ دئے لگائیا۔ ساچا مارگ لائے جگ، ہرِ کرتا دَیا کمائیا۔ جُگ چؤکڑی جائے لنگھ، کلجُگ انت رہن نہ پائیا۔ سَتجُگ ساچا چمکے چند، نؤ کھنڈ کرے رُشنائیا۔ گیِت گوبِند سُنائے سُہاگی چھند، ساچا ڈھولا راگ الائیا۔ آتم پرماتم وسے سنگ، سگلا سنگ نِبھائیا۔ ہرجن ہربھگت آون جاون چُکے پندھ، لکّھ چؤراسی ڈیرہ ڈھاہیا۔ سُرت سُہاگن ہووے کدے نہ رنڈ، کنت اِکو نظری آئیا۔ لیکھا چُکے بھیکھ پکھنڈ، سچ سُچ سوبھا پائیا۔ جوتی جوت سروُپ ہرِ، آپ اپنی کِرپا کر، سنت سُہیلے گُروُ گُر چیلے بھگت بھگوان اپنے رنگ رنگائیا۔ جن بھگتاں رنگ رنگے چلوُل، ہرِ کرتا آپ رنگائیا۔ ابناسی کرتا کدے نہ جائے بھوُل، دُھر دا لیکھا لیکھ چُکائیا۔ پِچھلا لہنا چُکائے موُل، اَگے مارگ اِکو لائیا۔ چرن دھوُڑی مستک لائے دھوُل، دُرمت مَیل دھوائیا۔

جوتی جوت سروُپ ہرِ، آپ اپنی کِرپا کر، دیونہارا ساچا ور، لکّھ چؤراسی وِچوں بھگت سُہیلے آپ جگائیا۔ بھگت سُہیلا جائے جاگ، جاگرت جوت کرے رُشنائیا۔ کوُڑی کِریا کرے تیاگ، سچ سُچ اِک اپنائیا۔ پربھ مِلن دا اُپجے اِک وَیراگ، من واسنا ڈیرہ ڈھائیا۔ دِوس رَین رکھےّ تانگھ، اٹّھے پہر اِکو لِو رکھائیا۔ کَون ویلا پربھ ملِے کنت سُہاگ، سُہنجنی سیج دئے وڈیائیا۔ گھر دیِپ جگائے چراغ، اگیان اندھیر مِٹائیا۔ نام نِدھان سُنائے راگ، انحد دُھن اُپجائیا۔ بِن رسنا جِہوا مارے آواز، اپنا حُکم سُنائیا۔ جِس آد سازن لیا ساز، سو انت اپنے وِچ سمائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، بھیوَ ابھیدا دئے کُھلائیا۔ بھیوَ ابھیدا کھولے پربھ، ہرِ جوُ اپنی دَیا کمائیا۔ جُگ جُگ سنت سُہیلے لبھ، پردہ دوُئی دئے اُٹھائیا۔ امرت جھِرائے اپنی نبھ، کوَل کوَلا مُکھ بھوائیا۔ جگت دوارا پار حد، نؤ در ڈیرہ ڈھاہیِا۔ درس وکھائے اُپر شاہ رگ، شہنشاہ اپنا میل مِلائیا۔ ترےَگُن مایا بُجھائے اگّ، اگنی تت رہن نہ پائیا۔ ایتھے اوتھے پردہ دیوے کجّ، سِر اپنا ہتّھ ٹِکائیا۔ صدی بیِسویں شبد نگارہ دو جہاناں رہیا وجّ، وِشن برہما شِو لئے انگڑائیا۔ گُر اوتار پیِر پَیغمبر ویکھن بھجّ بھجّ، نِرگُن اپنا پندھ مُکائیا۔ کرے کی کھیل پُرکھ سمرتھ، شہنشاہ اپنی کار کمائیا۔ چؤتھے جُگ کِسے دا چلے کوئی نہ وس، سارے بَیٹھے ڈھیریاں ڈھاہیا۔نیِتر روون تیِرتھ اٹّھسٹّھ، گنگا گوداوری جمنا سُرستی اکّھ نہ کوئے کُھلائیا۔ گھر ساچے ستّھر بَیٹھے سارے گھت، یارڑا اِکو منگ منگائیا۔ تیرے پریم پیار اندر سُکی رت، ناڑی ناڑی دئے دُہائیا۔ کلجُگ انتم پروردِگار دیِن دَیال پُرکھ اکال سرب سوامی پت رکھّ، رکھّک ہو ہر گھٹ تھائنیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، جن بھگتاں پڑدہ دے چُکائیا۔ جن بھگتاں چُکے پڑدہ اوہلا، دوَیت نظر کوئے نہ آئیا۔ بھاگ لگّے کایا چولا، ساڈھے تِنّ ہتّھ ملِے وڈیائیا۔ تیرے در دا ہووے گولا، دوُجے در نہ سیو کمائیا۔ تیرے نام دا پاوے رؤلا، اُچی کوُک کوُک سُنائیا۔ جوتی جوت سروُپ ہرِ، آپ اپنی کِرپا کر، سچ وکھاؤنا اپنا گھر، جِس گھر بہہ کے سوبھا پائیا۔ بھگت کہن دسّ بھگوان، کی تیری وڈیائیا۔ جُگ چؤکڑی بیِتے وِچ جہان، جُگ جُگ تیرا دھیان لگائیا۔ کلجُگ انتم ہوئے حَیران، سار کوئے نہ پائیا۔ در درویش منگدے دان، چرن کوَل سیِس جھُکائیا۔ رحمت کر وڈ محبان، محبان بیِدوتیری اِک سرنائیا۔ صِدق صبوُری صبر نہ آئے کِسے اِیمان، حقیِقت حق نہ کوئے جنائیا۔ جوتی جوت سروُپ ہرِ، آپ اپنی کِرپا کر، کِیوں بَیٹھا مُکھ چُھپائیا۔ کِیوں

مُکھ چُھپایا وِچ پردہ، پربھ اپنا گھر رہیا دسائیا۔ کلجُگ انتم ویکھ تیرا جیِو جنت سڑدا، تُدھ بِن ہوئے نہ کوئے سہائیا۔ گُر اوتار پیِر پَیغمبر تَیتھوں ڈردا، انتم تیرا ڈھولا گئے سُنائیا۔ صدی چؤدھویں کھیل ہووے نر ہرِ دا، عیسیٰ موُسیٰ محمد چلے نہ کوئے چتُرائیا۔ دو جہان تیرا کلمہ پڑھدا، اِشٹ دیؤ سوامی اِکو اِک منائیا۔ گُر اوتار بِھکھاری تیرے در دا، الکھ نِرنجن اِکو الکھ جگائیا۔ کلجُگ انتم ویس نِہکلنک نرائن نر دا، جوتی جامہ سارے گئے گائیا۔ نہ جیؤندا نہ کدے مردا، جنم مرن وِچ نہ آئیا۔ اپنی ترنی دو جہاناں تردا، لکّھ چؤراسی جیِو جنت ترائیا۔ جِؤں بھاوے تِؤں کرنی کردا، کرتا پُرکھ آپ اکھوائیا۔ لوکمات لیکھا جانے نِکے جِہے گھر دا، جِس وِچ لکّھ چؤراسی رہیا بہائیا۔ جوتی جوت سروُپ ہرِ، آپ اپنی کِرپا کر، آ کے ویکھ اپنا گھر، سُنجّی دِسے لوکائیا۔ پُرکھ ابناسی کِیوں بَیٹھا لُک، پربھ اپنا نیَن چُھپائیا۔ کلجُگ جیِو غریِب نِمانے مردے بُھکھ، بُھکھیاں بُھکھ نہ کوئے مِٹائیا۔ راج راجان دیون دُکھ، رعیت رہی کُرلائیا۔ کوجھے کملیاں کوئی نہ گودی لئے چُک، سِر ہتّھ نہ کوئے ٹِکائیا۔ کلجُگ انتم ویلا صدی بیِسویں گیا ڈُھک، تیرا لیکھا لیکھے وِچ سمائیا۔ کِرپا نِدھان سَتگُر پوُرے ٹھاکر آپے اُٹھ، پروردِگار پھیرا پائیا۔ دوُر دُراڈے نیرن نیرے نیڑے آ کے پُچھ، پسچاتاپ کرے لوکائیا۔ ناتا تُٹا پِتا پُت، مات دیوے نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، لوکمات ویکھ اپنا در، گھر ساچے پھیرا پائیا۔ در گھر آ کے ویکھ نِرنکار، نِرگُن اپنا پھیرا پائیا۔ سَت دھرم نہ کوئے پیار، کوُڑی کِریا جگت رہیا پرنائیا۔ در در گھر گھر دِسے ہاہاکار، ہرِ مندر بہہ کے تیرا گیِت کوئے نہ گائیا۔ نوَ نؤ چار دِسے خوار، اٹّھ دس نہ کوئے آدھار، تِنّ پنج کرے لڑائیا۔ نؤ دس نہ کوئے وِچار، جوتی جوت سروُپ ہرِ، آپ اپنی کِرپا کر، آ کے ویکھ پِچھلا گھر، مِہروان پھیرا پائیا۔ مِہروان ویکھ پِچھلا لیکھا، تیرے لیکھے وِچ لوکائیا۔ سرِشٹ سبائی میٹ بھرم بُھلیکھا، بھانڈا بھؤ بھنّائیا۔ مات گربھ دا سب نوُں بُھلیا چیتا، تیرا ناؤں نہ کوئے دِھیائیا۔ بِن تیرے سُنجا ہویا کھیتا، راکھا نظر کوئے نہ آئیا۔ نِروَیر پُرکھ پُرکھ اکال سَت سروُپی دھار بھیکھا، ویس اویس روُپ وٹائیا۔ کلجُگ کوُڑی جڑ اُکھڑے میخا، سَتجُگ ساچا بوُٹا لائیا۔ کلجُگ نیَنہاں ہیٹھاں گوبِند بھیٹ چڑھایا بیٹا، بیٹے بیٹے نال کر کُڑمائیا۔ انتم سب دا پوُرا کر ٹھیکہ، جوتی جوت سروُپ ہرِ، آپ اپنی کِرپا کر، آ کے ویکھ کلجُگ گھر، گھر ساچا رنگ نہ کوئے رنگائیا۔ کلجُگ ویکھ رنگ کالا، کالی دھار رہیا جنائیا۔ جگت سِیاست ناچ نچائے مندر مسجد گُروُدوارا شِودوالا،

مسیِت مٹھ سوبھا کوئی نہ پائیا۔ انتر آتم ملِے نہ کِسے گُر گوپالا، گہر گمبھیِر سنگ نہ کوئے رکھائیا۔ بجرکپاٹی کوئی نہ کھولے تالا، طالب طُلبا کرے جگت پڑھائیا۔ منکا منکا سادھ سنت اِکو تیری پھیردے مالا، اٹّھ تت تیرے رنگ نہ کوئے رنگائیا۔ چؤنکڑا ماردے اُپر مِرگ چھالا، آتم سیجا سوبھا کوئے نہ پائیا۔ رسنا جِہوا پڑھ پڑھ تیرے نام دا دسّدے حالا، اندر وڑ کے کایا پؤڑے چڑھ کے تیرا نوُر نظر کِسے نہ آئیا۔ اگنی دھوُاں دھار بَیٹھے سڑدے، ڈوُنگھی دھار ویکھے ہڑدے، اکھّر اکھّر پاٹھ پڑھدے، تیرا نِراکھّر روُپ نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، دُھر سندیسہ دے پتر، پاتی کملاپاتی اِکو نام جنائیا۔ ساچی پاتی دے دے پتّر، پتت پاپی پار کرانا۔ سچکھنڈ دواریوں آئی اُتر، اُتّر پوُرب پچھّم دکھّن تیرا دِسے نہ کوئی ٹِکانا۔ لکّھ چؤراسی جیِو جنت تیرا منائے شُکر، شہنشاہ تیرے چرن دھیان لگانا۔ نانک گوبِند کیِتا قؤل نہ جائیں مُکر، وید ویاسا دئے بیانا۔ جن بھگتاں کر مُکھ اُجل، کوُڑی کِریا میٹ مِٹانا۔ اندر وڑ کے کھول اپنی گُنجھل، بھیو کُھلے سِری بھگوانا۔ نال اِشارے سمجھا اُنگل، جوتی جوت سروُپ ہرِ، آپ اپنی کِرپا کر، آ کے ویکھ نِکاّ گھر، لکّھ چؤراسی کر دھیانا۔ لوکمات تیرا گھر نِکاّ، نِکّی جِہی وڈیائیا۔ پُرکھ اکال بن کے سب دا پِتا، کِیوں بَیٹھا مُکھ چُھپائیا۔ ہر گھٹ اندر وسے چِتا، چیتن روُپ وکھائیا۔ کلجُگ آ کے ویکھ رنگ جھوُٹھا ہویا پِھکا، رس نظر کوئے نہ آئیا۔ تیرا کھیل ویکھیئے سدا انڈِٹھا، جگ روُپ نہ کوئے درسائیا۔ جوتی جوت سروُپ ہرِ، آپ اپنی کِرپا کر، اِکو دینا انتم ور، آپ اپنے گھر وسائیا۔ بھگت کہے بھگوان تیرے در وسیرا، سیج سُہنجنی سوبھا پائیا۔ وجےّ ودھائی چاؤ گھنیرا، گھنئیا ملِے اِک گوسائنیا۔ سچ دوارے لگّے ڈیرہ، دوُجا مندر نظر کوئے نہ آئیا۔ دوہاں مِل کے ناتا جُڑے تُوں میرا مَیں تیرا، بندھن اِکو اِک رکھائیا۔ نِرگُن سرگُن اُتے کر مِہرا، مِہر نظر اُٹھائیا۔ کلجُگ انتم چُکے جھیڑا، ناتا چُھٹے مات لوکائیا۔ ڈُبدے ساگر تار بیڑا، پار کنارہ اِک وکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی نِرگُن تیرے ہتّھ گیڑا، نِت نوِت اپنے حُکم رہیا پِھرائیا۔

۱۵ مگھّر ۲۰۲۰ بِکرمی پیارا سِنگھ دے نوِت بھوگ پُر مِلّ وِچ

انبھوَ اندر نہ اندھ وِشواش، جھوُٹھ سچ نہ روُپ وٹائیا۔ انبھوَ اندر اِکو نوُر جوت پرکاش، سَت سروُپ نظری آئیا۔ انبھوَ اندر کوٹن کوٹ چرناں ہیٹھ وسن برہمنڈ کھنڈ پرِتھمی آکاش، منڈل منڈپ بَیٹھے سیِس نِوائیا۔ انبھوَ اندر رَو سس سوُرج چندر بن بن داسی داس، بھجّن واہو داہیا۔ انبھوَ اندر وِشن برہما شِو ترےَگُن مایا پنج تت نِیوں نِیوں منگے دات، خالی جھولی رہی وکھائیا۔ انبھوَ اندر نظری آئے گُر اوتار پیِر پَیغمبر پُرکھ ابناس، ابناسی کرتا اِکو بےپرواہیِا۔ جِس جن انبھوَ سَتگُر کولوں ملِے دات، سو گُرمُکھ بھرم بُھلیکھے وِچ کدے نہ آئیا۔ سُرتی شبدی گھر پئے ساچی راس، گوپی کاہن روُپ وٹائیا۔ من واسنا من خواہش، من روُپ انوُپ جنائیا۔ جوتی جوت سروُپ ہرِ، آپ اپنی کِرپا کر، جِس جن دیوے اگمّی ور، تِس انبھوَ اندر کایا مندر محل اٹل اِکو اِک بوُجھ بُجھائیا۔ انبھوَ اندر نہ کوئی بُھلیکھا، بھرم روُپ نہ کوئی وٹائیا۔ نِج نیتر جِس نر ہرِ پیکھا، نر نرائن بےپرواہیِا۔ سو ایتھے اوتھے دو جہان سنت سُہیلے رکھےّ چیتا، چیتن سُرتی اپنی آپ بنائیا۔ من واسنا کدے نہ کھیڈا، مت بُدھ نہ کوئی چتُرائیا۔ جوتی جوت سروُپ ہرِ، آپ اپنی کِرپا کر، جِس دیوے انبھوَ پرکاش، سو دو جہاناں اِکو گھر ویکھ وکھائیا۔ انبھوَ اندر دو جہان، نِرگُن سرگُن دَیا کمائیا۔ انبھوَ اندر زِمیں اسمان، برہمنڈ کھنڈ ویکھ وکھائیا۔ انبھوَ اندر بھاگ لگّے کایا ساڈھے تِنّ ہتّھ مکان، گھر وِچ گھر پردہ لئے اُٹھائیا۔ انبھوَ اندر لکّھ چؤراسی جیِو جنت ویکھے کھیل مہان، گھٹ گھٹ اندر اِکو نوُر نظری آئیا۔ انبھوَ اندر من واسنا نہ پِھرے شیَطان، پنچ وِکار نہ کوئی لڑائیا۔ انبھوَ اندر اِکو سچ گیان، اگیان روُپ نہ کوئی وکھائیا۔ جوتی جوت سروُپ ہرِ، آپ اپنی کِرپا کر، جِس جن جنائے اپنا گھر، تِس اندر پڑدہ دئے اُٹھائیا۔ انبھوَ اندر ویکھے ساگر، جنگل جوُہ اُجاڑ پہاڑ پھول پُھلائیا۔ انبھوَ اندر کایا ماٹی لیکھا جانے ڈوُنگھی گاگر، نِرگُن سرگُن سرگُن نِرگُن اپنا بھیو چُکائیا۔ انبھوَ اندر نِرمل کرم کر اُجاگر، جوتی جوت جوت نوُر کرے رُشنائیا۔ جوتی جوت سروُپ ہرِ، آپ اپنی کِرپا کر، جِس جن انبھوَ کھولے دُھر دا در، تِس منزل وِچ منزل نہ کوئی اٹکائیا۔ انبھوَ منزل وڈ دوُرن دوُر، جگ نیتر نظر نہ آئیا۔ ہرِ بھگت سُہیلا ویکھے ساچے پؤڑے چڑھ حاضر حضوُر، حضرت اِکو بےپرواہیِا۔ جو گُرمُکھ سَتگُر دوارے ہون منظوُر، تِنہاں پڑدہ دئے چُکائیا۔ انبھوَ اندر نہ کوئی شرع نہ کوئی قصوُر، بھرم بُھلیکھا رنگ نہ کوئے

وٹائیا۔ جوتی جوت سروُپ ہرِ، آپ اپنی کِرپا کر، جِس جن دیوے انبھوَ پرکاش، تِس سیوا کرے بن داسی داس، در گھر گرِہ مندر روُپ انوُپ سَت سروُپ شبد سوامی انترجامی اِکو اِک وکھائیا۔ دَیا کِرپا کرے کِرپانِدھ، ہرِ سَتگُر وڈ وڈیائیا۔ جنم کرم دا کارج سِدھ، بِدھ اپنی نال لیکھے لائیا۔ آتم پرماتم مِلن دی بِدھ، انترگت دئے جنائیا۔ درس دِکھائے گھر نِج، پردہ دُئی دوَیت چُکائیا۔ جوتی جوت سروُپ ہرِ، آپ اپنی کِرپا کر، دَیاوان سِر اپنا ہتّھ ٹِکائیا۔ دَیاوان ٹھاکر گہر گمبھیِر، گُر سَتگُر دَیا کمائیندا۔ پنج تت کایا ماٹی ٹھانڈا کر سریِر، ترےَگُن اگنی تت بُجھائیندا۔ امرت آتم بخشے نیِر، نِجھر جھِرنا آپ جھِرائیندا۔ ہؤمے ہنگتا کڈھ پیِڑ، مایا ممتا موہ کٹائیندا۔ درس دکھائے بےنظیِر، جگت نیتر نظر کِسے نہ آئیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دَیاوان داتار سوامی نام نِدھان کایا چولی آپ ٹِکائیندا۔ گُرمُکھ کدے نہ کہے بس، انتر آتم پیار ودھائیا۔ دوہاں مِل کے آئے رس، جِہوا کہن کِچھ نہ پائیا۔ جگت وکھاون خالی ہتّھ، اندر نام خزانہ اتوٹ اتُٹ بھنڈار نظری آئیا۔ سَتگُر پوُرا جِس چلائے ساڈھے تِنّ ہتّھ ہٹّ، تِس وجےّ گھر ودھائیا۔ وست امولک کایا گولک دیوے رکھّ، سچ سلوک اِک سمجھائیا۔ لکّھ چؤراسی جم کی پھاسی دیوے کٹّ، رائے دھرم نہ دئے سزائیا۔ مات گربھ اُلٹا رُخ نہ دِسے ماس دس، اگنی تت نہ کوئے تپائیا۔ جوتی جوت سروُپ ہرِ، آپ اپنی کِرپا کر، جِس گُرمُکھ نال اندر وڑ کے نِج نیتر اکّھ نال مِلائے اکّھ، آخر اپنا رنگ رنگائیا۔ بس کہن وِچ بستی، کایا مندر ملِے وڈیائیا۔ جِس دے اندر گُرمُکھ ہستی، سَت سروُپ ڈیرہ لائیا۔ دِوس رَین نام مستی، سچ خُماری اِک چڑھائیا۔ کوُڑ وِکارا ہویا نشٹی، سچ سُچ وجےّ ودھائیا۔ سَتگُر مِلیا اِکو اِشٹی، اِشٹ درِشٹ دیوے کُھلائیا۔ لیکھا چُکے کوُڑی سرِشٹی، آتم پرماتم جوڑ جُڑائیا۔ لہنا مکُے سَورگ بہِشتی، چرن کوَل دئے سرنائیا۔ آد جُگاد جُگ چؤکڑی سَتگُر لبھے لِکھی لیکھ لِکھتی، ساکھیات گُرمُکھ وِرلے نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، پار کرائے وَیراگی گرِہستی، گرِہ اپنا اِک وکھائیا۔

روٹی اندر جگت دھندا، سِری بھگوان کھیل رچائیا۔ دھندے اندر گُرمُکھ بندہ، پربھ بندگی رہیا کمائیا۔ بندگی اندر سَتگُر بخشندا، بخشش اپنا نام ورتائیا۔ کر پرکاش چاڑھے چندا، جوت نِرنجن کر رُشنائیا۔ لیکھ چُکائے جیرج انڈا، اُتبُھج سیتج پندھ مُکائیا۔ پار کرائے ڈوُنگھی کندھا، سمُند ساگر تارنہار اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، روٹی رِزق رحیِم کریِم داتا دانی اپنا حُکم وکھائیا۔ روٹی کارن پِھرے سنسار، پربھ ساچی کھیل کھلائیا۔ جِس روٹی پِچھے درشن دِتے دھنےّ جٹّ گوار، نِرگُن سرگُن اپنا روُپ وٹائیا۔ سیوا کرے نر نِرنکار، بال بالا روُپ وکھائیا۔ سو روٹی لکّھ چؤراسی جیِو جنت روزگار، ابناسی کرتے دھار بندھائیا۔ روٹی کماؤندیاں لبھو ہرِ کرتار، ہر گھر بَیٹھا ڈیرہ لائیا۔ جوتی جوت سروُپ ہرِ، آپ اپنی کِرپا کر، جِس جن وکھاوے اپنا در، کایا مندر اندر در دروازہ غریِب نوازا کرنی کار وِچ کُھلائیا۔

۱۶ مگھّر ۲۰۲۰ بِکرمی پیارا سِنگھ دے گھر کِشن پُرا محلہ جالندھر

کرپا کر پُرکھ سمرتھ، آد جُگاد تیری وڈیائیا۔ سچکھنڈ دوارے رِہوں وس، مقامے حق تیری رُشنائیا۔ نِرگُن نوُر کر پرکاش، جوتی جوت جوت رُشنائیا۔ وِشن برہما شِو داسی داس، سیوک سیوک روُپ نظری آئیا۔ گُر اوتار پیِر پَیغمبر کہن اناتھاں ناتھ، دیِنا ناتھ تیری وڈیائیا۔ جن بھگت کہن پربھ نِرگُن سرگُن دے ساتھ، سگلا سنگ نِبھائیا۔ کلجُگ انت نؤ کھنڈ پرِتھمی ودھیا پاپ، ستّ دیِپ رہیا کُرلائیا۔ آتم سب نوُں بُھلیا جاپ، بھرمے بُھلی جگت لوکائیا۔ ساچے پتن کوئی نہ جائے گھاٹ، پار کنارہ نہ کِسے دسائیا۔ چاروں کُنٹ اندھیری رات، اندھ اندھیر نہ کوئی چُکائیا۔ رسنا جِہوا بتّی دند کردے تیرا پاٹھ، انتر لِو نہ کوئے لگائیا۔ کام کرودھ لوبھ موہ جگت ترِسنا کوئی نہ کرے گھات، جیِواں جنتاں گھاؤ رہی لگائیا۔ گھر سُہاگن نار ملِے نہ کنت سُہاگ، لکّھ چؤراسی خوشیاں جگت منائیا۔ کلجُگ انتم مایا پائی بےانت، ترےَگُن سکے نہ کوئی مِٹائیا۔ ساڈے تِنّ ہتّھ گڑھ بنیا ہؤمے ہنگت، ہنگ برہم نہ کوئے سمجھائیا۔ تیرا بھیوَ نہ پائے کوئی بن کے بودھ اگادھا پنڈت، انبھوَ دھار نظر کِسے نہ آئیا۔ چار ورن اٹھاراں برن کھتری براہمن شوُدر وَیش ساچی بنے نہ کوئی سنگت، ذات پات

کرے لڑائیا۔ سادھ سنت در در گھر گھر پِھردے منگت، تیرے در بِھکھاری پھیرا کوئی نہ پائیا۔ جگت خواہش بہِشت جنّت، تیرے چرن کوَل ملِے نہ کوئی سرنائیا۔ پاربرہم پت پرمیشور دیِن دَیال کلجُگ ویکھ انتم، نِج نیتر نیَن اُٹھائیا۔ در در گھر گھر ناری نر دِسے نار کمذاتن، سُہاگن روُپ نہ کوئی وٹائیا۔ جوتی جوت سروُپ ہرِ، آپ اپنی کِرپا کر، آد دے دُھر دا ور، آتم پرماتم بھیو چُکائیا۔ آتم پرماتم پربھ پردہ کھول، بےانت تیری وڈیائیا۔ شبد اگمّی ناد سُن دُھردا ڈھول، ڈھولک چَھینا کمّ کِسے نہ آئیا۔ سچ سِنگھاسن آتم سیجا وسنا کول، دوُر دُراڈا پندھ مُکائیا۔ سُرتی شبد جائے مؤل، تیرے رنگ سمائیا۔ مات گربھ دا پوُرا کر کیِتا قؤل، بھیوَ ابھیدا دے کُھلائیا۔ ساچے کنڈے اگمّی تول، ترازوُ نام ہتّھ اُٹھائیا۔ کلجُگ جیِو جگت رَین اندھیری سُتّے انبھول، اکّھ نیَن نہ کوئی کُھلائیا۔ جوتی جوت سروُپ ہرِ، آپ اپنی کِرپا کر، اِکو دے اپنا ور، ساچا مارگ اِک جنائیا۔ ساچا مارگ دسّ بھگوَنت، جن بھگت بَیٹھے دھیان لگائیا۔ لیکھا چُکے جُگا جُگنت، جُگ چؤکڑی پندھ مُکائیا۔ کلجُگ کوُڑ کُڑیارے کر انت، جوُٹھ جھوُٹھ ڈیرہ ڈھاہیا۔ سرِشٹ سبائی پاربرہم برہم اِکو دے اپنا منت، منتر سچ سچ سمجھائیا۔ لہنا دینا چُکے لکّھ چؤراسی جیِو جنت، تیرے سرن ملِے سرنائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے الکھ جگائیا۔ در تیرے الکّھ الکّھ نِرنجن، آد پُرکھ تیری سرنائیا۔ داتے دانی درد دُکھ بھے بھنجن، بےپرواہ تیری وڈیائیا۔ شبد نِدھان نیتر گیان پا انجن، نِج نیتر نیَن کُھلائیا۔ تیرے نام دی چڑھے رنگن، کسُمبڑا روُپ نظر کوئی نہ آئیا۔ آتم پرماتم اندر وڑ کے کایا پؤڑے چڑھ کے سچ دوارا سُنا سُہاگی چھندن، سوہنگ اپنا راگ الائیا۔ در در ویکھ نر نریش در تیرے آئے منگن، خالی جھولی رہے وکھائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، سد وجےّ تیرے گھر ودھائیا۔ سد وجےّ گھر تیرے ناد، انادی تیرے ہتّھ وڈیائیا۔ لیکھا چُکے برہم برہماد، برہمانڈ تیری سرنائیا۔ کلجُگ ویکھ اندھیری رات، تیرے بھگت تیرے جن تیرے سنت تیری اوٹ تکائیا۔ دُھردرگاہی اگمّ اتھاہ بےپرواہ دے دات، وست امولک کایا گولک جھولی پائیا۔ من واسنا مِٹے نار کمذات، سُرت سوَانی سُہاگن اِکو روُپ نظری آئیا۔ امرت آتم پیا آب حِیات، حیاتی وِچوں حیاتی دے بدلائیا۔ سجدہ جھُکے سیِس تَینوُں کرے آداب، نمو نمو تیری سرنائیا۔ تیرا نوُر چمکے مہان مہتاب، جلوہ اِکو نظری آئیا۔ تَینوُں سجدہ کرے کوٹن آفتاب، پردہ نشیں اپنا پردہ دے چُکائیا۔ محل

نظری آئے تیری اِک محراب، محبوُب تیرا درشن پائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، جِس گھر وجےّ تیرے نام ودھائیا۔ بھگت کہن پربھ ٹھاکر میِتے، مِتر پیارے مِہر نظر نیَن اُٹھائیا۔ نؤ سؤ چُرانوے چؤکڑی جُگ تیرے پِچھلے بیِتے، بیِتی کہانی سُنن کوئی نہ آئیا۔ گُر اوتار پیِر پَیغمبر جُگ چؤکڑی دسّ دسّ گئے رنتِے، سَتجُگ تریتا دواپر کلجُگ لوکمات پھیرا پائیا۔ شاستر سِمرت وید پُران گیِتا گیان اِنجیل قُرآن دئے حدیِث، کھانی بانی دُھر فرمان سُنائیا۔ بھگت بھگوان اِکو منگن تیری چرن پرنتِے، دوُجی اوٹ نہ کوئی تکائیا۔ تَینوُں مِل کے ہون ٹھانڈے سیِتے، اگنی تت پوہ سکے نہ رائیا۔ لیکھا چُکے ہست کیِٹے، اوُچ نیِچ اِکو نظری آئیا۔ جوتی جوت سروُپ ہرِ، آپ اپنی کِرپا کر، اِکو دے سچّا ور، کلجُگ انتم پھیرا پائیا۔ کلجُگ انتم ہو مِہروان، محبان بیِدوتیری اوٹ تکائیا۔ لاشریِک نؤجوان، مرد مردانے پھیرا پائیا۔ مُرید مُرشد ویکھ آن، دیِد عیِد کر رُشنائیا۔ بھگت بھگوان منگن دان، دوویں جوڑ سیِس جھُکائیا۔ ٹھانڈے در کر پروان، مِہر نظر نیَن تکائیا۔ چؤداں لوک دِسن وَیران، چؤداں طبق پُھل پُھلواڑی نہ کوئی مہکائیا۔ چؤداں وِدیا ہوئی شیَطان، شرع نال مِل کے کرے لڑائیا۔ گُردر مندر شِودوالے مٹھ ساچا دِسے نہ دھرم نِشان، جگت سِیاست بَیٹھی ڈیرہ لائیا۔ تیِرتھ تٹ نیتر نیَناں نیِر وہان، گنگا گوداوری جمنا سُرستی دھیِرج دھیِر نہ کوئے دھرائیا۔ جیِاں جنتاں سادھاں سنتاں کلجُگ انت ثابت رہیا نہ کوئی اِیمان، صِدق صبوُری سنگ نہ کوئی رکھائیا۔ کوُڑی کِریا لوکمات چڑھیا تیرا طوفان، ڈوُنگھے ساگر رہیا وہائیا۔ تُدھ بِن چرن کوَل کوئی نہ کرے پروان، سِر ہتّھ نہ کوئی ٹِکائیا۔ پڑھیاں کِسے ہتّھ نہ آیا گیان، اندر وڑ کے نِرگُن تیری دھار نہ کوئی سمجھائیا۔ کوٹن کوٹ اگنی اگّ بَیٹھے سڑ کے، جل جل دھارا بَیٹھے تن سیِتل روُپ وٹائیا۔ تیرا نگر سچ محل اٹل منار پُرکھ اکال دیِن دَیال سرب سوامی کوئی نہ ویکھے چڑھ کے، در گھر ساچے درس کوئی نہ پائیا۔ تیرے بھگت کلجُگ کولوں پِھردے ڈردے، کایا مندر اندر وڑ وڑ تیرا دھیان لگائیا۔ جوتی جوت سروُپ ہرِ، آپ اپنی کِرپا کر، اِکو دے سچّا ور، ہرجن ساچے رنگ رنگائیا۔ کِرپا کر ٹھاکر سوامی، سو پُرکھ نِرنجن وڈ مِہروانا۔ آد جُگادی انترجامی، ہرِ پُرکھ نِرنجن نؤجوانا۔ ایکنکار دے پد نِربانی، شاہ پاتشاہ سچےّ سُلطانا۔ آد نِرنجن تیرا نوُر مہانی، جوتی جوت ڈگمگانا۔ سِری بھگوان تیری سچ نِشانی، نِشانہ جھُلے دو جہاناں۔ ابناسی کرتے تیرا کھیل مہانی، سمجھ سکے نہ کوئی بال انجانا۔ پاربرہم پربھ بن پردھانی، برہم دیوے اِک

گیانا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در ساچا منگ منگانا۔ در ساچا منگن جن بھگت، پربھ تیرا دھیان لگائیا۔ کوُڑی کِریا ناتا تُٹے جگت، جگ جیِون داتے اپنے چرن دے وڈیائیا۔ لیکھے لگّے بوُند رَکت، کایا ماٹی ہڈّ ماس ناڑی چمڑی تیری جھولی پائیا۔ آتم پرماتم گھر وِچ گھر دے برہم مت، کوُڑی کِریا چُھٹے پڑھائیا۔ امرت جھِرنا ملِے رس، نِجھر اپنی دھار وہائیا۔ شبد سُنا انادی انحد، انراگی راگ الائیا۔ آتم سیجا کر پرکاش، تیرا نوُر نظری آئیا۔ تُوں ٹھاکر ہؤں سیوک داس، تُوں میرا مَیں تیرا دوُجا نظر کوئے نہ آئیا۔ سَت پُرکھ نِرنجن سدا سوامی وس ساتھ، وِچھوڑا تیرا جن بھگت سہہ سکے نہ رائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، آپ اپنا میل مِلائیا۔ اپنا میل پربھ میل آپ، تیرے ہتّھ وڈیائیا۔ دُھردرگاہی دُھر دا دے جاپ، اجپا جاپ اِک سمجھائیا۔ ہؤں بالک سیوک چاکر تُوں مائی باپ، پِتا پوُت گود اُٹھائیا۔ چرن کوَل بندھا نات، ناتا بِدھاتا اِک وکھائیا۔ درس دِکھا اِک اِکانت، نِرگُن نِروَیر نظری آئیا۔ بند کِواڑی کھول تاک، بجرکپاٹی پڑدہ دے اُٹھائیا۔ کلجُگ میٹ اندھیری رات، اپنا نوُر کر رُشنائیا۔ ظاہر باطن کر بات، گُفت شنیِد تیری سُناں شنوائیا۔ کھول وکھا ڈوُنگھا کھات، اکُھٹ تیرا بھنڈار اِکو نظری آئیا۔ لیکھا چُکے ذات پات، پاربرہم برہم تیرے رنگ سمائیا۔ جوتی جوت سروُپ ہرِ، آپ اپنی کِرپا کر، جن بھگتاں لےَ ترائیا۔ جن بھگت کرن پُکار، اُچی کوُک کوُک سُنائیا۔ کلجُگ انتم کِرپا دھار، کِرپا نِدھ بےپرواہیِا۔ کایا مندر اندر دِیپک بال، جوتی جوت کر رُشنائیا۔ گھر وِچ گھر وکھا سچّی دھرمسال، باہر کھوجن کوئے نہ جائیا۔ نام انمُلڑا دے لال، سچکھنڈ بھنڈارا جھولی پائیا۔ بھاگ لگّے کایا ماٹی کھال، گھر وجےّ نام ودھائیا۔ شبد سروُپی بن دلال، حق حقیِقت دے جنائیا۔ مِسل بنائے بےمثال، لیکھا لِکھے نہ قلم شاہیِا۔ جن بھگتاں ملِے سِری بھگوان، بھگوَن اپنا پھیرا پائیا۔ سرِشٹ سبائی نہ جانے بال نادان، من مت سمجھ کوئے نہ پائیا۔ نِرگُن نِروَیر پُرکھ سُلطان، ہرجن ساچے آپ اُٹھائیا۔ اندر وڑ کے دے گیان، پردہ دُئی دوَیت چُکائیا۔ جوتی جوت سروُپ ہرِ، آپ اپنی کِرپا کر، ہرجن اپنے نال مِلائیا۔ ہرجن میلا کر بھگوَنت، ہرِ بھگوَن دَیا کمائیندا۔ لکّھ چؤراسی وِچوں لبھ لبھ ساچے سنت، ہرِ سجّن میل مِلائیندا۔ جنم جنم دی بنائے بنت، کرم کرم دا گیڑ مُکائیندا۔ مانَس جنم بنائے بنت، گھڑن بھنّنہار سمرتھ سوامی سِر اپنا ہتّھ ٹِکائیندا۔ جوتی جوت سروُپ ہرِ، آپ اپنی کِرپا کر، ہرجن ساچے آپ ترائیندا۔ ہرجن تارے آپ

پربھ، ہرِ سَتگُر دَیا کمائیا۔ گُرمُکھ گُرسِکھ ہرجن لبھ، میل مِلاوے ہر گھٹ تھائنیا۔ امرت نابھ کوَل چوائے جھب، جھِرنا اپنا آپ برسائیا۔ جگت دوارا پار حد، گھر مندر دئے بہائیا۔ کر پرکاش نِرمل جوت گھر سجّن لئے سدّ، صدا اپنا نام سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن اپنے رنگ رنگائیا۔ ہرجن چاڑھے ساچا رنگ، کلجُگ وجےّ نام ودھائیا۔ کِرپا کر سوُرا سربنگ، شاہ پاتشاہ ہوئے سہائیا۔ آتم سیجا سچ پلنگ، بِن پاوا چوُل سُہائیا۔ اُتے بَیٹھ وجائے مردنگ، انراگی راگ الائیا۔ کر پرکاش نِرگُن جوت چند، سوُرج چند نیَن شرمائیا۔ آتم پرماتم جُگ جنم دی وِچھڑی اپنے نال لئے گنڈھ، گنڈھنہار گوپال سوامی نِرگُن اپنی دَیا کمائیا۔ اگلا پِچھلا میٹ پندھ، ساچا گھر دئے وکھائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، جن بھگتاں گود اُٹھائیا۔ جن بھگت سُہیلے کلجُگ آپ، اپنی گود اُٹھائیندا۔ ترےَگُن مایا میٹ تاپ، ترےَگُن اتیِتا دَیا کمائیندا۔ ساچی تھاپنا دُھر دی تھاپ، پِچھلا لیکھا موُل چُکائیندا۔ پتت پاپی کر کے پاک، پُنیِت اپنا روُپ وکھائیندا۔ آتم پرماتم لیکھا سجّن ساک، دُھر دا ناتا جوڑ جُڑائیندا۔ شبد اگمّی دے دات، سرب سوامی جھولی آپ بھرائیندا۔ پار اُتار اپنے گھاٹ، پتن ماہی اِکو نظری آئیندا۔ ہو سہائی اناتھاں ناتھ، دیِنن اپنے گلے لگائیندا۔ کلجُگ انت سِری بھگوَنت نِرگُن روُپ سَت سروُپ سوہنگ جنائے سچّا جاپ، کوٹ جنم دے پاپ آپ دھوائیند ا۔ سیج سُہنجنی سہائے کھاٹ، کھٹیِا اِکو ویکھ وکھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں آپ اُپائیندا۔ جن بھگت اُپائے سَتگُر میِت، ہرِ وڈّا وڈ وڈیائیا۔ کلجُگ اندر سَتجُگ چلائے ریِت، سَت سَتوادی پھیرا پائیا۔ جن بھگتاں نظری آئے اِک اتیِت، ترےَگُن بَیٹھا ڈیرہ ڈھاہیِا۔ کایا کعبہ وکھائے مندر مسیِت، شِودوالا مٹھ گُر در اِکو نظری آئیا۔ اِکو رنگ رنگائے ہست کیِٹ، اوُچ نیِچ نہ کوئے وکھائیا۔ آتم پرماتم سرب جیِاں دا سانجھا دسےّ گیِت، نوَ نؤ چار کرے پڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں کھیل کھلائیا۔ جن بھگتاں کھیل کھلائے انوکھا، اکل کل اپنی دھار جنائیندا۔ گُرمُکھاں نال کدے نہ کرے دھوکھا، دُھر دی بانی بان لگائیندا۔ ہرجن ہربھگت تیری کایا اندر پاربرہم دا وڈّا پوتھا، جِس دا پڑھیاں انت کوئے نہ آئیندا۔ کر کِرپا جِس مارگ دیوے سؤکھا، سو ہرجن جنگل جوُہ اُجاڑ پہاڑ سمُند ساگر کھوجن کوئے نہ جائیندا۔ پاربرہم پت پرمیشور گھر وِچ گھر وکھائے اُچا،

محل اٹل اِکو سوبھا پائیندا۔ جِس اندر ساچا نام دِسے سُچا، جھوُٹھی وست نہ کوئے وکھائیندا۔ اَگے رائے دھرم کدے نہ ٹنگے پُٹھا، چِتر گُپت نہ لیکھ جنائیندا۔ مات گربھ کدے نہ ہووے اُلٹا رُخا، دس دس ماس اگن نہ کوئے تپائیندا۔ کلجُگ انت سِری بھگوَنت جن بھگتاں کہے آ میرے لاڈلے پُتا، بِناں بھگتاں بھگوان سوبھا کوئے نہ پائیندا۔ تِس گُرمُکھ سوہے سُہنجنی رُتا، گھر سَتگُر نظری آئیندا۔ سو ہرجن جاگے جِس اُپر پربھوُ تُٹھا، مِہر نظر نیَن اُٹھائیندا۔ پربھ دا میِت لُکیا رہے نہ کِسے گُٹھا، نؤ کھنڈ ستّ دیِپ چار کُنٹ دہ دِشا ویکھ وکھائیندا۔ سَتجُگ تریتا دواپر کلجُگ پوُرب جنم جو رُسا، تِس انتم میلا اپنے نال کرائیندا۔ بھگتاں اُتے سِری بھگوان کدے نہ کرے غُصّہ، کوجھے کملے اپنے گلے لگائیندا۔ خوشی منائے گھر کھا کے ٹُکر رُکھا، مِہروان نِرگُن سرگُن ساچی سیو کمائیندا۔ کرے کھیل ابناسی اچُتا، چیتن دھار آپ سمجھائیندا۔ اُجل کرے لوکمات مُکھا، جِس سِر اپنا ہتّھ ٹِکائیندا۔ گُرمُکھ گُرسِکھ ہرجن ہربھگت کوئی نہ کھاوے جگت حلالی جھٹکا کُٹھا، اِکو امرت آتم رس سَتگُر پوُرا مُکھ چوائیندا۔ ایتھے اوتھے دو جہان تِنہاں پیَنڈا مُکا، جِس اپنا مُکھ وکھائیندا۔ بھگت پریِتی سِری بھگوان سدا بُھکھا، جُگ جُگ لوکمات ویکھن آئیندا۔ کلجُگ انت کدے نہ رہے لُکا، نِرگُن نِروَیر نِراکار اکال موُرت اجوُنی رہت انبھوَ پرکاش آپ کرائیندا۔ سنت سُہیلا گُروُ گُر چیلا گُر شبدی آپے جھُکا، نِیوں نِیوں سجدہ سیِس نِوائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ساچے اپنے گھر وسائیندا۔ ہرجن وسیرا پربھ چرن کوَل، ملِے پاربرہم سُلطانا۔ سو سُہائے دھرنی دھوَل، جِس گھر وجےّ راگ ترانہ۔ نوُر اِلاہی خُدائے اول، نوُر نوُرانی پہرے بانا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شاہ پاتشاہ والی دو جہاناں۔ دو جہاناں والی ہرِ نِرنکار، پاربرہم وڈّی وڈیائیا۔ بھگت وچھل گِرور گِردھار، مُکند منوہر لکھمی نرائن اِکو نظری آئیا۔ سرب سوامی رمتا رمیا انترجامی وڈ بلکار، جودھا سوُر اِکو نظری آئیا۔ پروردِگار لاشریِک دیوے اِک نِشانی، نوُر ظہوُر جلوہ اِک درسائیا۔ گُر اوتار پیِر پَیغمبر جِس دے نام صِفت دی دسّدے گئے بانی، دُھر سندیسہ جگت سُنائیا۔ جِس دا لیکھا لِکھ سکے نہ کوئے قلم شاہی کانی، کاتب بَیٹھے مُکھ بھوائیا۔ جِس دا بھید کِسے ہتّھ نہ آیا وِدوانی، لِکھ لِکھ کھوج کھوج تھکّی سرب لوکائیا۔ سو شاہ سُلطان پُرکھ اِکو اِک نؤجوانی، جوبن اپنا آپ ہنڈھائیا۔ کلجُگ انت کرے مِہروانی، جن بھگتاں لئے جگائیا۔ تِکھی مُکھی مارے تیِر کانی،

سوہنگ چِلّے آپ چڑھائیا۔ پریم پریِت دی دسےّ کہانی، آتم پرماتم کر پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ساچے انگ لگائیا۔ ہرجن لگائے انگ انگیکار، اگلا پِچھلا پندھ مُکائیا۔ پنج تت کایا چولی کرے سویکار، ساڈھے تِنّ ہتّھ اپنی گنڈھ رکھائیا۔ انتر آتم دے آدھار، لیکھا اُدر دئے مُکائیا۔ سُرتی شبدی کر کے خبردار، بےخبر اپنی خبر دئے سُنائیا۔ اُٹھ سخی ویکھ سانجھا یار، سِری بھگوان اِکو نظری آئیا۔ جِس دے نال گُروُ اوتار پیِر پَیغمبر سارے کردے گئے پیار، مُحبّت ناتا جوڑ جُڑائیا۔ نِیوں نِیوں کردے گئے نِمسکار، سجدہ سیِس جگدیِش جھُکائیا۔ سو صاحِب سَتگُر جن بھگتاں رہیا اُٹھال، لکّھ چؤراسی وِچوں باہر کڈھائیا۔ اپنے لیکھے لائے انمُلڑے لال، ہرِ کرتا قیمت پائیا۔ نام کُٹھالی لئے ڈال، کنچن اپنا رنگ وکھائیا۔ دیِن دَیال پربھ ہوئے دَیال، دَیانِدھ سدا سہائیا۔ لیکھ چُکا شاہ کنگال، نیِچوں اوُچ رہیا بنائیا۔ جِس جن اپنا درس دئے دِکھال، سو گُرمُکھ سَت سروُپ سمائیا۔ ناتا توڑ جگت جنجال، ہرِ چرن اِکو اِک دھیان رکھائیا۔ سرِشٹ سبائی دِسے گُرمُکھ سدا کنگال، گُرمُکھ کہے پربھ اتوٹ اتُٹ خزانہ میری جھولی دِتا پائیا۔ بِن سَتگُر پوُرے ایتھے اوتھے دو جہان کوئی نہ کرے سنبھال، اَگے لا کے گھر لےَ کے کوئے نہ جائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ساچے اپنے گرِہ وسائیا۔ ہرجن وسے گرِہ ساچے کھیڑا، ہرمندر آپ جنائیا۔ اگلا پِچھلا چُکے جھیڑا، جھیڑا جگت نہ رہے لوکائیا۔ جنم جنم دا بنّھے بیڑا، بندھن دُئی دوَیت کٹائیا۔ کوُڑی کِریا میٹ اندھیرا، ساچے مندر دئے وسائیا۔ جِتھے ناد وجےّ اِکو تُوں میرا مَیں تیرا، دوُجا راگ نہ کوئے سُنائیا۔ سَت دوارا کُھلا دِسے ویہڑا، دوُجی ونڈ نہ کوئے وکھائیا۔ آون جاون پتت پاون لکّھ چؤراسی جم کی پھاسی کٹائے جیڑا، ڈور نام اپنے تند بندھائیا۔ جوتی جوت سروُپ ہرِ، آپ اپنی کِرپا کر، کلجُگ تیری انتم ور، ہرِ بھگت سُہیلے اپنے گلے لگائیا۔ ہرِ بھگت سُہیلا گلے جائے لگّ، ہرِ اپنا میل مِلائیا۔ کلجُگ اگن بُجھائے اگّ، امرت میگھ اِک برسائیا۔ ساچا مارگ دُھر دا دسّ، دو جہاناں پندھ مُکائیا۔ کِرپا کر پُرکھ سمرتھ، آپ اپنے گھر بہائیا۔ رکھےّ سِر دے کر ہتّھ، بخشے سچ سرنائیا۔ ہرِ کا مندر آد جُگاد جُگ چؤکڑی کدے نہ جائے ڈھٹّھ، باڈی بنت نہ کوئے بنائیا۔ گُر اوتار پیِر پَیغمبر بھگت ساچے سنت جِس مندر رہے وس، سو مندر سوبھا پائیا۔ چرن کوَل پریِتی مانن رس، انرس بَیٹھے سرب تجائیا۔ نِرگُن ویکھ نِرگُن رہے ہسّ، سرگُن ناتا گئے تُڑائیا۔ جوتی جوت سروُپ ہرِ، آپ اپنی

کِرپا کر، دیونہارا ساچا ور، بھگت بھگوَنت ناتا جوڑ نار کنت، آتم سیج سیج سُہنجنی اِکو اِک سُہائیا۔ آتم سیجا کر پرکاش، دِیپک لو اُجیارا۔ شبد سوامی وسے پاس، نِرگُن نِروَیر نِراکارا۔ گھر منڈل پاوے راس، گوپی کاہن کھیل نیارا۔ سیِتا سُرتی رام کدے ہون نہ دیوے اُداس، مِل ساچی سخی منگلاچارا۔ جوتی جوت سروُپ ہرِ، آپ اپنی کِرپا کر، جن بھگتاں سد وسے پاس، جگت وِچھوڑا پار کنارہ۔ جگت وِچھوڑا تُٹے ناتا، حرص ہوَس نہ کوئے رکھائیا۔ پرم پُرکھ پربھ سرب سُکھ داتا، ہرجن ساچے اپنی گود بہائیا۔ پوُرب جنم دا پوُرا کرے گھاٹا، مِہر نظر نیَن اُٹھائیا۔ انتر آتم پوُری کرے خواہشا، خالص اپنا روُپ وٹائیا۔ ایتھے اوتھے مانَس جنم ہار نہ آئے پاسا، جیِون وِچوں جیِون دئے بدلائیا۔ گھر نوُر دِیپک پرکاشا، جوتی جوت کرے رُشنائیا۔ انحد شبد سُنائے اگمّی واجا، سُر تال نظر کِسے نہ آئیا۔ شاہو بھوُپ بن راجن راجا، دُھر فرمانا حُکم سُنائیا۔ بھگت بھگوان چڑھائے آپ جہازا، کھیوٹ کھیٹا ہو کے سیو کمائیا۔ کلجُگ انتم رچ کے کاجا، کرنی کرتا آپ کمائیا۔ لکّھ چؤراسی وِچوں گُرمُکھ گُرسِکھ ہرجن ہربھگت پیارا سِنگھ آیا بھاجا، اَگا پِچھا نظر کوئی نہ آئیا۔ ساک سجّن سیَن سنبندھی ماردے رہے آوازاں، اُچی کوُک کوُک سُنائیا۔ کِیوں پِھردا بُھلیا پِچھے سادھاں، سادھنا سمجھ کِسے نہ پائیا۔ کر کِرپا جِس پربھ شبد سُناوے بودھ اگادھا، سو دوُجی سُنے نہ کوئے پڑھائیا۔ پوُرن اندر پرکاش لادھا، پرکاش وِچوں پوُرن روُپ نظری آئیا۔ سو پوُت جِس پِتا نال مِلایا دُھر دے دادا، نانک دادک دوویں چُھٹے جگت لوکائیا۔ دوہاں بُجھیا اپنا آپا، گھر وِچ گھر پربھ سچّا نظری آئیا۔ ایتھے اوتھے مائی باپا، بَیٹھا گود اُٹھائیا۔ جِس دا آد جُگاد گُر اوتار پیِر پَیغمبر سارے جپدے گئے جاپا، سو سوہنگ روُپ سمائیا۔ روگ سوگ چِنتا دُکھ نہ کوئی تاپا، مڑھی گور دفن کر کفن نہ کوئے ٹِکائیا۔ گُرمُکھ گُرسِکھ ہرجن ہرِ بھگت تیرا انت کرے نہ کوئی سییاپا، نیتر نیَناں نیِر نہ کوئے وہائیا۔ سِری بھگوان ہو مِہروان ہربھگت اپنی گود اُٹھائے نِکاّ جِہا کاکا، وڈّا چھوٹا چھوٹا وڈّا اِکو رنگ وکھائیا۔ گُرسِکھ سچکھنڈ پربھ چرن دوار جا بِن تت تُوں کہیں میرا پاپا، پِتا پُرکھ تیری سرنائیا۔ نِرگُن تیری دھار تیرے نال جُڑیا ناتا، تیرے نالوں وِچھڑ انت تیرے وِچ سمائیا۔ بھگت بھگوان دا اِکو ساکہ، بِن بھگت بِن بھگوان دوویں وِچ جگت کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، لیکھا جانے تت آٹھا، نؤ در ویکھے کھیل تماشا، دسویں گھر گُرمُکھ واسا، کر کِرپا آپ کرائیا۔