کتب خانہGranth 16 (Urdu)

۵ ماگھ ۲۰۲۰ بِکرمی سمادھاں پر سنتاں نال بچن ہوئے رمداس ضِلع گُرداس پُر

بِن سَتگُر کِرپا نہ ہوئے وِچار، من مت بُدھ چلے نہ کوئے چتُرائیا۔ رسنا جِہوا بتّی دند پڑھ پڑھ تھکاّ سرب سنسار، آد جُگاد جُگ چؤکڑی ڈھولا راگ الائیا۔ کاغذ قلم شاہی اُچی کوُک کوُک کرے پُکار، جیِواں جنتاں جگت سمجھائیا۔ نِرگُن سرگُن سرگُن نِرگُن کوئی نہ پاوے سار، بھیوَ ابھید نہ کوئے کُھلائیا۔ جِنہاں ملِے صاحِب سوامی سِرجنہار، سَت سَتوادی دَیا کمائیا۔ تِنہاں سمجھاوے آپ اپنی کِرپا دھار، بِن اکھّروں نِراکھّر کر پڑھائیا۔ جوتی جوت سروُپ ہرِ، آپ اپنی کِرپا کر، سچ وِچار اپنے ہتّھ رکھائیا۔ سچ وِچار نہ آوے جگ، چارے کھانی رہی کُرلائیا۔ جگت دوارے لگّی اگّ، اگنی تت نہ کوئے بُجھائیا۔ درس نہ پاوے کوئی اُپر شاہ رگ، گھر گھر وِچ پردہ نہ مات اُٹھائیا۔ کِرپا کرے جِنہاں اُپر پُرکھ سمرتھ، مِہروان مِہر نظر اُٹھائیا۔ بودھ اگادھ انتر آتم اِکو دیوے مت، شبد اناد دُھن شنوائیا۔ سو گُرمُکھ گُرسِکھ ہرجن ہرِسنت بھگت بھگوان مِل کے پَین ہسّ، گھر خوشیاں منگل گائیا۔ جگت وِچار سَتگُر دوار دوارے ہو جائے بسّ، بِن ہرِ کِرپا کمّ کِسے نہ آئیا۔ سو وِچار جگت سنت دینی دسّ، جِس وِچوں ملِے بےپرواہیِا۔ تیِر نِرالا وجےّ کس، دُئی دوَیتی بجرکپاٹی چیِر چِرائیا۔

لیکھا چُکے تت اٹّھ، اپ تیج وائے پرِتھمی آکاش من مت بُدھ ڈیرہ دیوے ڈھاہیِا۔ ناڑ بہتّر نہ اُبلے رت، کام کرودھ لوبھ موہ ہنکار نہ ہوئے ہلکائیا۔ جِس وِچوں اُپجے برہم مت، برہم وِدیا اِک درسائیا۔ سو وِچار جھولی دینی گھّت، اپنے اندروں باہر کڈھائیا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر سچ وِچار شبد دھار سنت سَتگُر ہتّھ رکھائیا۔ سچ وِچار دسّو ایک، ایکنکار نظری آئیا۔ بُدھی ہوئے جگت بِبیک، دُرمت مَیل رہن نہ پائیا۔ ترےَگُن مایا نہ لائے سیک، اگنی تت نہ کوئے جلائیا۔ صاحِب سوامی لئے پیکھ، گھر ٹھاکر بےپرواہیِا۔ نظری آئے نیتن نیت، نِج نیتر درشن پائیا۔ آتم سیجا مِل کے لئیے کھیڈ، پریم پریِتی اِک لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ وِچار اِکو منگ منگائیا۔ سچ وِچار دسّو حال، حالت اپنی نال رلائیا۔ جِس وِچار وِچوں لیکھا چُکے کال مہاکال، رائے دھرم نہ دئے سزائیا۔ سچ پریِتی لگّے سَتگُر نال، دوُجی اَور نہ کوئے سرنائیا۔ گُرمُکھ گُرسِکھ بنے ساچا لال، لالن اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، اِکو پُچھ سچ وِچار، جِس اندر ملِے نِرمل دھار، روُپ رنگ ریکھ تے وسے باہر، ظاہر اپنا نوُر کرائیا۔ وِچار دسّو کایا مندر، گھر گھر وِچ ملِے وڈیائیا۔ من واسنا بجھّے بندر، دہ دِشا نہ اُٹھ اُٹھ دھائیا۔ ہوئے پرکاش اندھیرے کندر، نِرگُن جوت جوت رُشنائیا۔ سوبھاونت سُہائے مندر، منڈپ اِکو ویکھ وکھائیا۔ جوتی جوت سروُپ ہرِ، آپ اپنی کِرپا کر، وِچار وِچوں وِچار رہیا کھوج، کھوجت اپنا راہ چلائیا۔ سچ وِچار دسّو اوہ، جو سنت سَتگُر سچّی بھائیا۔ ناتا تُٹے جگت موہ، ممتا کوئے رہن نہ پائیا۔ آتم پرماتم پرماتم آتم جائے چھوہ، دُئی دوَیتی ڈیرہ ڈھاہیِا۔ پاربرہم برہم مِل کے اِکو جائے ہو، ایکا دوُجا نظر کوئے نہ آئیا۔ کر پرکاش نِرگُن جوت کرے لو، اگیان اندھیر مِٹائیا۔ دُھن ناد شبد راگ سُنیئے اِکو سو، سو پُرکھ نِرنجن کرے پڑھائیا۔ جوتی جوت سروُپ ہرِ، آپ اپنی کِرپا کر، پُچھنہارا اِک گھر، جِس گھر وِچار بَیٹھی ڈیرہ لائیا۔ وِچار وسے کِس گھر، کایا مندر اندر ڈیرہ لائیا۔ کَون کرنی رہی کر، کَون کار کمائیا۔ کَون اکھّر رہی پڑھ، کَون راگ سُنائیا۔ کَون پؤڑھے رہی چڑھ، کَون منزل پندھ مُکائیا۔ جِس وِچار وِچوں چُکے سرب ڈر، بھے بھؤ رہن کوئے نہ پائیا۔ سو وِچار جھولی دینی بھر، جِس دی سمجھ کِسے نہ آئیا۔ جِس وِچار وِچوں ملِے ہرِ، ہرِ ہرِ کا روُپ نظری آئیا۔ سو وِچار آد جُگاد جُگا جُگنت کھڑی سدا سنتاں در، بِن سنتاں نظر کِسے نہ آئیا۔ جوتی جوت

سروُپ ہرِ، آپ اپنی کِرپا کر، اوہ وِچار لئے پھڑ، شبد ڈوری تند بندھائیا۔ شبد دسّو اوہ کیہڑا، اچھی طرح جنائیا۔ جِس نے دو جہان وسایا کھیڑا، برہمنڈ کھنڈ اپنا ڈیرہ لائیا۔ جُگ چؤکڑی نِرگُن سرگُن کرے نبیڑا، گُر اوتار پیِر پَیغمبر اپنا حُکم منائیا۔ مندر مسجد شِودوالے مٹھ گُروُدوار لائے ڈیرہ، اٹھسٹھ تیِرتھ گھٹ گھٹ رہیا سمائیا۔ دوُر دُراڈا نیرن نیرا، اُتّر پوُرب پچھّم دکھّن دہ دِشا کھیل وکھائیا۔ بِن سنت سَتگُر نِت نوِت سدا ہنیرا، دِیپک جوت کرے نہ کوئے رُشنائیا۔ ہرِ کا شبد ہرجن کہے تُوں میرا مَیں تیرا، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، پُچھنہارا اِک در، جِس گھر شبد شبدی بَیٹھا ڈیرہ لائیا۔ کِرپا اندر پُرکھ اکال، سَتجُگ تریتا دواپر کلجُگ کھیل کھِلائیا۔ جُگ چؤکڑی دیِن دَیال، گُر اوتار پیِر پَیغمبر حُکم ورتائیا۔ بھگت بھگوان وکھائے سچ سچّی دھرمسال، کایا مندر اِک وڈیائیا۔ ساڈھے تِنّ ہتّھ اندر وجائے اگمّی تال، تال تلواڑا نظر کِسے نہ آئیا۔ امرت آتم نِجھر جھِرنا اِک اُچھال، سر سروور دئے وکھائیا۔ دیِپ اگمّی جوتی بال، جوتی جوت کرے رُشنائیا۔ اندر باہر گُپت ظاہر چلے نال نال، نِرگُن سرگُن سنگ نِبھائیا۔ سنت سُہیلے گُروُ گُر چیلے لئے بھال، لکّھ چؤراسی کھوج کھوجائیا۔ جِنہاں اُپر ہوئے آپ کِرپال، کِرپانِدھ اپنا رنگ رنگائیا۔ سو ویکھن بِن نیتر پُرکھ اکال، اکل کل دھاری اِکو نظری آئیا۔ سنتاں اَگے ہرِ سَت سوال، سَت سَتوادی اِک رکھائیا۔ جِس اکال دا گوبِند لال، شبدی سُت ناؤں رکھائیا۔ سو دسّو سچّی دھرمسال، جِس گھر بَیٹھا ڈیرہ لائیا۔ جِس دا جلوہ نوُر بےمثال، مِسل سکے نہ کوئے بنائیا۔ پروردِگار سانجھا یار، دُھردرگاہی اِک اکھوائیا۔ تِس دی کِرپا کھیل جگت سنسار، وڈ سنساری اپنی رچن رچائیا۔ وِشن برہما شِو سیوادار، در بَیٹھے سیِس جھُکائیا۔ سو سنت بھگوَنت کِس وسے مکان، محبوُب اپنا آسن لائیا۔ جوتی جوت سروُپ ہرِ، آپ اپنی کِرپا کر، کِرپا اندر لکّھ چؤراسی سُہائے مندر، گرِہ گرِہ گھر گھر در در اپنا ڈیرہ لائیا۔ بےانت پربھ دا گپّھا، جگت نیتر نظر کِسے نہ آئیندا۔ جِس گُرمُکھ اندرے اندر مارگ دسّا، سو گُرسِکھ مِل مِل خوشی منائیندا۔ جگت وِکار جیِو جنت پھسا، باہوں پھڑ باہر نہ کوئے کڈھائیندا۔ رسنا جِہوا نؤ دوار ویکھن رسا، آتم رس نِجھر دھار نہ کوئے وہائیندا۔ سُن سُنا کے کہن اچّھا، اچّھی طرح بھیو کوئے نہ پائیندا۔ گلّ وِچ پھاسی دِسے رسّا، رائے دھرم سرب لٹکائیندا۔ بِن سَتگُر کِرپا کوئی نہ بچا، بچپن سب دا موُل چُکائیندا۔ جگت واسنا جیِو جہان نچّا، نؤ در کوُڑی کِریا کھوج کھوجائیندا۔ جِنہاں مِلیا

پُرکھ سمرتھا، سو گُرمُکھ ہرجن مِل سوبھا پائیندا۔ جوتی جوت سروُپ ہرِ، آپ اپنی کِرپا کر، ساچی کھیل ویکھ وکھائیندا۔ بابےبُڈھے دوارے آئے بُڈھا، نِرگُن سرگُن ویس وٹائیا۔ اُس دا بھیو کَون کُھلائے گُجھا، انبھوَ اپنی دھار چلائیا۔ جگت مایا جگیاسوُ رُجھا، رُچی جگت نال پرنائیا۔ انتر آتم کوئی نہ سُچا، سُچ سنجم بَیٹھی ڈیرہ ڈھاہیِا۔ من وِکاری نٹوُآ لُچا، بھجےّ واہو داہیا۔ کایا اندر جگت وِکاراں بھریا گُچھا، گٹّھڑی پھول نہ کوئے وکھائیا۔ کوُڑی واسنا ہویا بُھکھا، ترِسنا مِٹے نہ جگت لوکائیا۔ جِنہاں صاحِب سَتگُر پُرکھ اکال اِکو تُٹھا، سد دیوے مان وڈیائیا۔ بُڈھے نالوں بُڈھا رُٹھا، رُٹھڑیاں پُرکھ اکال آپ منائیا۔ سچ نِشانیوں سَتگُر کدے نہ اُکا، تیِر انیالا بان چلائیا۔ اُہناں دا پیَنڈا پِچھے اَگے مُکا، جِنہاں مِلیا بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بُڈھا اپنے لیکھے پائیا۔ بُڈھے دا جانے کَون بُڈھیپا، بِردھ بال جوان سمجھ کِسے نہ آئیا۔ ویکھنہارا اِکو نیِتا، نر نرائن سچّا شہنشاہیِا۔ جو نِرگُن دھار گُرمُکھ چیتا، شبدی ناد دُھن شنوائیا۔ منگی منگ کھا کے ٹھیڈا، مستک خاک نال مِلائیا۔ پُرکھ اکال میرا رکھّنا چیتا، چیتن ہو کے رہیا سُنائیا۔ تیری سِکداری دا میرے ہتّھ ٹھیکا، مستک ٹِکاّ گُر گُر دھار لگائیا۔ تیرا روُپ نیتر نہ پیکھا، تیرے نام نہ سُنی شنوائیا۔ صاحِب ٹھاکر رکھّنا چیتا، ابُھل بُھل کدے نہ جائیا۔ مَیں راہ تکاّں تیرا وِچ کھیتاں، جنگل جوُہ ڈیرہ لائیا۔ تُوں میری مانی آن کے سیجا، سیج سُہنجنی سوبھا پائیا۔ تیرا نظری آوے نوُر تیجا، سوُرج چند نیَن شرمائیا۔ جوتی جوت سروُپ ہرِ، آپ اپنی کِرپا کر، میرا لہنا پاؤنا اپنے گھر، تیرے گھر میری وڈیائیا۔ تیرے گھر مَیں ہوواں وڈّا ، وڈّے ہتّھ تیرے وڈیائیا۔ جگت جہان کہے بُڈھا نڈھّا، ہوچھی مت بنائیا۔ لکّھ چؤراسی وِچوں جِس نے کڈھا، سِر میرے ہتّھ ٹِکائیا۔ اُس دوارے جاواں بھجّا، بن پاندھی پندھ مُکائیا۔ جِس پنج تت کایا چولی رکھّی لجّا، مِہر نظر نیَن اُٹھائیا۔ سو صاحِب سوُرا سربگا، شہنشاہ اِکو اِک اکھوائیا۔ بیِس بیِسا دینا سدّا، صدقے واری گھولی گھول گھُمائیا۔ پنچم پنچ پرپنچ جِس اپنے حُکمے بدھّا، دو جہان حُکم ورتائیا۔ مَیں اُس دی چرنی ڈھٹّھا، جو ڈِگیاں لئے اُٹھائیا۔ گُر اوتار پیِر پَیغمبر جِس پہلوں کیِتا اِکٹّھا، چار جُگ دے وِچھڑے در مِلائیا۔ پھیر میرا بُڑیپا ویکھے آ کے اکّھاں، بِن اکّھاں نیَن کُھلائیا۔ کی اُس نوُں حال دسّاں، جِس میری بنت بنائیا۔ نہ روواں نہ ہسّاں، خوشیاں منگل اِکو گائیا۔ نانک گوبِند نال پربھوُ تیرے چرن دوارے وساں، تیرا وِچھوڑا اَگے رہے نہ رائیا۔

جوتی جوت سروُپ ہرِ، آپ اپنی کِرپا کر، اِک وکھاؤنا دُھر دا گھر، جِس گھر سوُرج چند نظر کوئے نہ آئیا۔ بُڈھا کہے بُڈھے دا باپوُ، پُرکھ اکال اِکو نظری آئیا۔ نانک گوبِند دھار نہ کوئے پچھاتوُ، ویکھ سکے نہ کوئے لوکائیا۔ اُتم سریشٹ جِن آتم پرماتم بنائی ذاتوُ، ذات پات نہ کوئے رکھائیا۔ سو صاحِب سَتگُر اِکو ایک ایکنکار بنے ساتھوُ، سگلا سنگ نِبھائیا۔ اُس پُرکھ پرماتم مِل کے مَیں ایہو آکھوُں، آخر اپنے وِچ مِلائیا۔ جوتی جوت سروُپ ہرِ، آپ اپنی کِرپا کر، نِرگُن ہو کے دو جہاناں پِھرے ڈاکوُ، نام ڈاکا دِن دِہاڑے گھر گھر رہیا لائیا۔ کِرپا اندر آپ بُلاؤندا اے۔ جِس اُپر مِہر نظر ٹِکاؤندا اے۔ میر تیر سرب چُکاؤندا اے۔ سوئی سُرتی شبدی چھیڑ آپ اُٹھاؤندا اے۔ پندھ مُکا کے دوُر دُراڈا نیرن نیر، گھر گھر وِچ نظری آؤندا اے۔ جوتی جوت سروُپ ہرِ، آپ اپنی کِرپا کر، جِس اپنے رنگ رنگاؤندا اے۔ جِس اپنے رنگ رنگاؤندا اے۔ تِس ساچا سنگ نِبھاؤندا اے۔ اندر وڑ کے کُنڈا لاہِندا اے۔ دسم دواری چڑھ کے سوبھا پاؤندا اے۔ شبد اگمّی پڑھ کے راگ الاؤندا اے۔ جوتی دِیپک بل کے اگیان اندھیر مِٹاؤندا اے۔ سچ سندیسہ اِکو گھّل کے، ہرِجوُ اپنا حال جناؤندا اے۔ جن بھگتاں اندر رل کے، ساچا کھیل آپ وکھاؤندا اے۔ سچ سِنگھاسن اِکو مل کے، سَتگُر پوُرا سوبھا پاؤندا اے۔ جوتی جوت سروُپ ہرِ، آپ اپنی کِرپا کر، جِس اپنا گھر وکھاؤندا اے۔ جِس اپنا گھر وکھاؤندا اے۔ تِس بند دوار کُھلاؤندا اے۔ جنگل جوُہ اُجاڑ پہاڑ نہ کوئے بھواؤندا اے۔ کر پرکاش ناڑی ناڑ، گھر نوُری جوت رُشناؤندا اے۔ آتم پرماتم دے ادھار، انتر اپنا میل مِلاؤندا اے۔ اٹّھے پہر شبد دُھنکار، انحد نادی راگ سُناؤندا اے۔ ساچی سخی کر پیار، گوپی کاہن روُپ وٹاؤندا اے۔ سو گُرمُکھ گُرسِکھ ہرجن اُدھرے پار، جِس اپنا میل مِلاؤندا اے۔ جوتی جوت سروُپ ہرِ، آپ اپنی کِرپا کر، جِس جن وکھائے اپنا گھر، سو مندر بہہ بہہ خوشی گیِت سُہاگی گاؤندا اے۔ جِس اپنا گھر وکھاؤندا اے۔ لکّھ چؤراسی ناتا توڑ تُڑاؤندا اے۔ جم کی پھاسی ڈیرہ ڈھاہُندا اے۔ منڈل راسی چرناں ہیٹھ دباؤندا اے۔ جوت پرکاشی اِکو نوُر وکھاؤندا اے۔ پوُرب جنم دی پوُری کرکے آسی، بھگت بھگوان میل مِلاؤندا اے۔ ایتھے اوتھے دو جہان دی دوُر کرے اُداسی، اِکو امرت سچّا نام جام پِلاؤندا اے۔ سو گُرمُکھ اُترےَ پار گھاٹی، اَدھ وِچکار نہ کوئے اٹکاؤندا اے۔ چرن کوَل اُپر دھول بندھائے اپنا ناتی، ناتا بِدھاتا جوڑ جُڑاؤندا اے۔ پُرکھ اکال جِنہاں دا بنیا سچّا ساتھی، سچکھنڈ دوارے پھڑ وساؤدا اے۔ بابےبُڈھے اُس دی منّی آکھی، جو

آخرکار انت سب نوُں اپنی جوت مِلاؤندا اے۔ پِچھوں جیِو جنت جہان گاوے ساکھی، اکھّر اکّھشراں نال میل مِلاؤندا اے۔ جو انتم سمیں رہ گئی باقی، سو باقی نویِس لیکھا لیکھے لاؤندا اے۔ پُرکھ اکال دی اگمّی جھاکی، جگت نیتر ویکھیاں نظر کِسے نہ آؤندا اے۔ جے کوئی کہے بندہ خاکی، خاک وِچ سرب مِلاؤندا اے۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی اپنے ہتّھ رکھاؤندا اے۔

۵ ماگھ ۲۰۲۰ بِکرمی بیِبی جیِتو دے گرِہ پِنڈ سرجا چکّ ضِلع گُرداس پُر

کرپا کرے سِری بھگوَنت، جن بھگت دئے مان وڈیائیا۔ لیکھا جانے جُگا جُگنت، جُگ چؤکڑی ویکھ وکھائیا۔ بودھ اگادھا نام منیِا منت، انتر آتم اِک سمجھائیا۔ گڑھ توڑ ہؤمے ہنگت، ہنگ برہم بھیو کُھلائیا۔ لہنا دینا چُکا بہِشت جنّت، سَورگ چرناں ہیٹھ رکھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ کِرپا کرے سِری بھگوان، جن بھگتاں دَیا کمائیندا۔ نِرگُن سرگُن دیوے دان، وست امولک جھولی پائیندا۔ بھاگ لگا کایا مندر سچ مکان، گُروُدوار اِکو اِک وکھائیندا۔ شبدی راگ سُنائے سچّی دُھنکان، آتمک راگی راگ الائیندا۔ دیِا باتی کملاپاتی اِکو بال، جوت نِرنجن ڈگمگائیندا۔ سَت سَتوادی برہم برہمادی نظری آئے نؤجوان، نر ہرِ اپنا روُپ وکھائیندا۔ جوتی جوت سروُپ ہرِ، آپ اپنی کِرپا کر، جن بھگتاں ویکھ وکھائیندا۔ سِری بھگوان بھگتن میِتا، ایکنکار وڈّی وڈیائیا۔ آد جُگاد چلائے اپنی ریِتا، سَتجُگ تریتا دواپر کلجُگ آپ ہنڈھائیا۔ لہنا دینا چُکائے مندر مسجد مٹھ شِودوال مسیِتا، گرِہ اِکو اِک وکھائیا۔ دُھر دربار سُہائے ٹھانڈا سیِتا، اگنی تت نہ کوئے جلائیا۔ میل مِلائے اوُچاں نیِچاں، راؤ رنکاں ہوئے سہائیا۔ جوتی جوت سروُپ ہرِ، آپ اپنی کِرپا کر، جن بھگت دئے اُٹھائیا۔ سِری بھگوان کِرپانِدھ ٹھاکر سوامی، نِرگُن سرگُن دَیا کمائیندا۔ بھگت وچھل سدا سد انترجامی، گھٹ گھٹ انتر پھول پُھلائیندا۔ نِش اکھّر نِروَیر ہو سُنائے بانی، شاستر سِمرت وید پُران نہ کوئے پڑھائیندا۔ سچ دوار وکھائے اِکو دُھر نِشانی، نِرمل جوتی جوت ڈگمگائیندا۔ جوتی جوت سروُپ ہرِ، آپ اپنی کِرپا کر، جن بھگتاں وکھائے ساچا گھر، جِس گرِہ اپنا ڈیرہ لائیندا۔ بھگت سُہیلا

سَتگُر سنگ، سَت پُرکھ وڈّی وڈیائیا۔ جگت دوارے آپے لنگھ، گھر میلا سہج سُبھائیا۔ شبدی ناد وجائے مردنگ، انحد راگی ناد سُنائیا۔ سیج سُہنجنی آپ سُہائے پلنگ، پاوا چوُل نہ کوئے بنائیا۔ نِرگُن نوُر چاڑھ چند، سوُرج چند پندھ مُکائیا۔ درس دے سوُرا سربنگ، صاحِب سُلطان اپنا میل مِلائیا۔ انند وِچوں پرگٹائے انند، انند اپنا نام جنائیا۔ جوتی جوت سروُپ ہرِ، آپ اپنی کِرپا کر، جن بھگتاں ہوئے سہائیا۔ بھگت سہائک ایکنکار، اکل کل دھاری دَیا کمائیندا۔ نِرگُن سرگُن لئے اوتار، جُگ چؤکڑی اپنا کھیل رچائیندا۔ لکّھ چؤراسی وِچوں لئے اُبھار، انڈج جیرج اُتبُھج سیتج ویکھ وکھائیندا۔ ساچی بانی بول جَیکار، چارے بانی بھیو مِٹائیندا۔ لِکھن پڑھن توں وسے باہر، کاغذ قلم شاہی انت کوئے نہ پائیندا۔ جوتی جوت سروُپ ہرِ، آپ اپنی کِرپا کر، ہرجن اپنے رنگ رنگائیندا۔ ہرجن رنگ رنگائے اگمّ، ہرِ اگمّڑی کار کمائیا۔ ویکھنہارا کایا ماٹی چمّ، تن بھانڈا پھول پُھلائیا۔ لہنا دینا چُکائے پَون سواسی دم، سواس سواساں لیکھے پائیا۔ نِرگُن نِروَیر نِراکار جانے اپنا کمّ، نِہکرمی اپنی کرنی آپ کمائیا۔ جن بھگت مِٹائے ہرکھ سوگ چِنتا غم، سانتک سَت اِکو اِک ورتائیا۔ مانَس جنم لوکمات بیڑا بنّھ، سچکھنڈ دوارے دیوے مان وڈیائیا۔ جوتی جوت سروُپ ہرِ، آپ اپنی کِرپا کر، جن بھگتاں اِکو راہ چلائیا۔ جن بھگت چلائے اِکو راہ، دوُجی اوٹ نہ کوئے وکھائیندا۔ شبد سروُپی بن ملاح، بیڑا اپنے کندھ اُٹھائیندا۔ سچ سندیسہ دئے سُنا، دُھر دا راگی راگ الائیندا۔ انتر آتم میلا سہج سُبھا، پرم پُرکھ آپ کرائیندا۔ جوتی جوت سروُپ ہرِ، آپ اپنی کِرپا کر، جوتی جوت کر رُشنا، دیِا باتی اِکو اِک چمکائیندا۔ محل اٹل سوبھا پا، گھر گھر وِچ ڈیرہ لائیندا۔ جوتی جوت سروُپ ہرِ، آپ اپنی کِرپا کر، جُگ چؤکڑی جن بھگتاں ویکھ وکھائیندا۔ جُگ چؤکڑی جن بھگتاں ویکھے آپ، پربھ اپنے ہتّھ رکھےّ وڈیائیا۔ بِن اکھّراں دیوے جاپ، بِن رسنا جِہوا بتّی دند کرے پڑھائیا۔ میٹ مِٹائے ترےَگُن مایا تِینو تاپ، پنچ وِکار نہ کوئے ہلکائیا۔ جنم جنم دا پوُرب میٹے پاپ، پتت پُنیِت دئے کرائیا۔ آتم پرماتم بنائے سجّن ساک، سگلا سنگ نِبھائیا۔ بند کِواڑی کھول تاک، مندر اِکو اِک وکھائیا۔ نظری آئے رسوُل پاک، پاربرہم وڈّی وڈیائیا۔ جوتی جوت سروُپ ہرِ، آپ اپنی کِرپا کر، جن بھگتاں اِکو گھر وسائیا۔ جن بھگت وسائے ایکو گھر، گرِہ مندر آپ جنائیا۔ ابناسی کرتا کھول در، در دروازہ دئے کُھلائیا۔ نِربھؤ چُکائے بھےَ ڈر، بھیانک نظر کوئے نہ آئیا۔ درس وکھائے اَگے کھڑ، سوَچّھ سروُپی روُپ وٹائیا۔ جوتی جوت سروُپ ہرِ، آپ

اپنی کِرپا کر، ہرجن ساچے میل مِلائیا۔ ہرجن میل ملِے ہرِ پربھ، وجےّ نام ودھائیا۔ جھوُٹھا جھگڑا مکُے سب، لیکھا مکُے مات لوکائیا۔ پنچ وِکارا دیوے دبّ، کوُڑی کِریا ڈیرہ ڈھاہیِا۔ نؤ دوار مکُے حد، گھر دسویں خوشی منائیا۔ درشن کرے رجّ رجّ، نِج نیتر نیَن کُھلائیا۔ نظری آئے اِکو کعبہ سچ دوارے جِس دا حج، حضرت نوُری نوُر اِلاہیِا۔ ملِے میل پُرکھ سمرتھ، مہما اکتھ اِک سُنائیا۔ جوتی جوت سروُپ ہرِ، آپ اپنی کِرپا کر، جن بھگت دئے وڈیائیا۔ جن بھگت کہے پربھ پایا ٹھاکر، گھر وجّی نام ودھائیا۔ جگت سنسار تریا ساگر، ڈوُنگھی بھَور نہ کوئے رُڑھائیا۔ بھاگ لگّا ساڈھے تِنّ ہتّھ کایا گاگر، نِرمل نیِر سیِر اِکو نظری آئیا۔ نِرمل کرم ہویا اُجاگر، دُرمت مَیل رہن نہ پائیا۔ جوتی جوت سروُپ ہرِ، آپ اپنی کِرپا کر، میرا لہنا دِتا مُکائیا۔ بھگت کہے پربھ پایا ایک، ایکنکار نظری آئیا۔ جِس مِلیاں چُکی دوُجی ٹیک، اِشٹ درِشٹ اِکو اِک کُھلائیا۔ مِہر نظر کر کیِتی بُدھ بِبیک، بِبیکی اپنے نال مِلائیا۔ اندر وڑ کے کھولیا بھیت، باہروں کرے نہ کوئے پڑھائیا۔ مؤلی رُت بسنتی چیت، پتّ ڈالی آپ مہکائیا۔ آتم پرماتم کیِتا ہیت، سُرتی شبد شبد مِلائیا۔ سچ سِنگھاسن بہہ کے لیا کھیڈ، آپ اپنی گود اُٹھائیا۔ جوتی جلوہ دِتا نوُری تیج، طالب طُلبا کر پڑھائیا۔ جوتی جوت سروُپ ہرِ، آپ اپنی کِرپا کر، بھگت بھگوان ہوئے سہائیا۔ بھگت کہے میرا ٹھاکر اِک، جِس وِچ وڈّی وڈیائیا۔ دو جہان چار کُنٹ دہ دِشا رہیا دِس، ہر گھٹ بَیٹھا ڈیرہ لائیا۔ کر کِرپا کروٹ بدل بدلی اپنی پِٹھ، سنمُکھ اپنا درس دِکھائیا۔ پریم پریِتی اندر کیِتا ہِت، ہِتکاری ہو کے لیا مِلائیا۔ من واسنا ٹھگؤری پائے نہ کوئے چِت، بُدھی چلے نہ کوئی چتُرائیا۔ بِن تند ستار پائی کھِچ، ڈوری نظر کِسے نہ آئیا۔ مَیں درشن کراں نِت، نِج نیتر پیکھ پیکھ بِگسائیا۔ جوتی جوت سروُپ ہرِ، آپ اپنی کِرپا کر، گھر مِلیا سچّا ماہیِا۔ بھگت کہے میرا سَتگُر سوامی، صاحِب اِکو اِک نظری آئیندا۔ آد جُگاد سدا نِہکامی، نِہکرمی کرم کمائیندا۔ جِس دی رچنا چارے کھانی، چارے بانی بول الائیندا۔ جِس دا حُکم گُر اوتار پیِر پَیغمبر منّن دو جہانی، سَتجُگ تریتا دواپر کلجُگ اپنی کار کمائیندا۔ ایتھے اوتھے دو جہان شاہ پاتشاہ سچّا سُلطانی، شہنشاہ اِکو نظری آئیندا۔ شاستر سِمرت وید پُران گیِتا گیان اِنجیل قُرآن جِس دی اگمّی بانی، گُر گُر اپنا راگ الائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں ویکھ وکھائیندا۔ بھگت کہے پربھ پایا سچ، گھر وجّی سچ ودھائیا۔ بھاگ لگّا کایا ماٹی کچّ، کنچن روُپ لیا وٹائیا۔ من منوُآ نہ

دؤڑے نچّ، دہ دِشا نہ اُٹھ اُٹھ دھائیا۔ سَتگُر کِرپا ہویا وس، شبدی ڈوری تند بندھائیا۔ نِمانا ہو کے گیا ڈھٹّھ، ابِھمان کوئے رہن نہ پائیا۔ نیِواں ہو کے رہیا دسّ، اُچی کوُک کوُک سُنائیا۔ جِنہاں سِری بھگوان ہویا وس، اوتھے میری چلے نہ کوئے چتُرائیا۔ مَیں سیج وِچھا کے سُتّا ستّھر ستّھ، خاکی خاک اُتے ڈیرہ لائیا۔ میرا لہنا چُکیا تت اٹّھ، تتو تت نہ کوئے سمجھائیا۔ صاحِب سوامی دِتی اِکو مت، برہم مت اندرے اندر دِرڑائیا۔ ناڑ بہتّر نہ اُبلی رت، ہڈّیاں بالن نہ کوئے جلائیا۔ جِدھر ویکھاں پربھ نظر آئے پرتکھ، نِرگُن نوُر جوت رُشنائیا۔ جن بھگتاں اپنے مِلن دی دِتی اِکو اکّھ، نِج نیتر دِتا کُھلائیا۔ جوتی جوت سروُپ ہرِ، آپ اپنی کِرپا کر، بھگت سُہیلا اِکو بےپرواہیِا۔ بھگت کہے میرا بھگوَنت، بھگوَن اِکو نظری آئیا۔ مَیں نار سُہاگن اوہ میرا کنت، سیج سُہنجنی رہیا سُہائیا۔ بودھ اگادھا بن کے اگمّی پنڈت، دُھر دا راگ اِک جنائیا۔ دوئے جوڑ بن درویش در ٹھانڈے کراں مِنّت، نِیوں نِیوں سیِس جھُکائیا۔ بِن تیری کِرپا میری کوئی نہ دِسے ہِمّت، حوصلہ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ بھگت کہے کِرپا کرے پربھوُ پربھ میرا، سِر میرے ہتّھ ٹِکائیا۔ دوُر دُراڈا آوے نیرن نیرا، بن پاندھی پندھ مُکائیا۔ گرِہ مندر چاؤ گھنیرا، گھر انڈِٹھڑے وجےّ ودھائیا۔ گھر وِچ گھر وسائے کھیڑا، کھِڑکی کُنڈی آپ کُھلائیا۔ بھوَری گُپھا چُکے اندھیرا، نِرگُن جوت کرے رُشنائیا۔ اِکو رنگ وکھائے سنجھ سویرا، سوُرج چند نہ کوئے چمکائیا۔ پریم پریِتی اندر کہے تُوں میرا مَیں تیرا، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، جن بھگتاں سدا سہائیا۔ بھگت کہے میرا ٹھاکر اوہ، جِس ہتّھ سرب وڈیائیا۔ کوٹن کوٹ برہمنڈ جِس دی لو، نِرگُن نوُر جوت رُشنائیا۔ جِس دے چرن بِن کبیِر کوئی نہ سکے چھوہ، دھوُڑی ٹِکاّ مستک کوئے نہ لائیا۔ جوتی جوت سروُپ ہرِ، آپ اپنی کِرپا کر، جن بھگتاں اِکو بوُجھ بُجھائیا۔ جن بھگت کہے میرا صاحِب سَت، سَت دئے وڈیائیا۔ جُگ چؤکڑی چلائے رتھ، بن رتھواہی سیو کمائیا۔ گُر اوتاراں پیِر پَیغمبراں مارگ دسّ، نِرگُن سرگُن کرے پڑھائیا۔ جوتی جوت سروُپ ہرِ، آپ اپنی کِرپا کر، سد اپنا راہ چلائیا۔ بھگت کہے پربھ دِتا پریم، ریِتی اپنی سچ جنائیا۔ آد جُگاد جِس دا نیم، نِیم اپنے نال نِبھائیا۔ جِس دا میلا گوبِند اُتے ہیم، مِہروان مِہر نظر اِک اُٹھائیا۔ سو جُگ جُگ جن بھگتاں دیوے لہن دیِن، پوُرب لیکھا جھولی پائیا۔ رسنا جِہوا کوئی نہ سکے کہن، کہہ کہہ انت نہ کوئے جنائیا۔ جوتی جوت سروُپ ہرِ، آپ اپنی کِرپا کر، دیونہارا

سچ ور، ہرِ بھگت لئے اُپجائیا۔ ہرِ بھگت اُپجاوے آپ پربھ، دیِن دَیال دَیا کمائیندا۔ لکّھ چؤراسی وِچوں لبھ، جُگ جنم دے وِچھڑے میل مِلائیندا۔ امرت جام پیائے مد، رس اِکو اِک چکھائیندا۔ کوُڑی کِریا پار حد، سچ دوارا اِک سُہائیندا۔ اندر وڑ سُنائے ند، بِن تندی تند سِتار وجائیندا۔ جیِواں جنتاں نالوں کر کے اڈّ، گرِہ اپنے میل مِلائیندا۔ کر پرکاش کایا ماٹی چمّ ہڈّ، نوُرو نوُر ڈگمگائیندا۔ جوتی جوت سروُپ ہرِ، آپ اپنی کِرپا کر، نِت نِت جن بھگتاں ویکھ وکھائیندا۔ نِت نِت جن بھگتاں ویکھن آیا، پاربرہم وڈّی وڈیائیا۔ ترےَگُن میٹے کوُڑی مایا، ممتا موہ چُکائیا۔ بھانڈا بھرم دئے بھنّایا، گڑھ ہنکار تُڑائیا۔ سِر رکھےّ اپنی ٹھنڈی چھایا، مِہر نظر نیَن اُٹھائیا۔ ساچا اکھّر اِک سمجھایا، پٹّی اپنا نام پڑھائیا۔ بِن اکّھاں نیتراں نظری آیا، نِج گھر بَیٹھا تاڑی لائیا۔ ساچا مندر سَت سُہایا، صاحِب خوشی منائیا۔ بھگت بھگوان اِکو روُپ اِکو جوت سمایا، دوُجا سنگ نہ کوئے پرگٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگت ساچی بھگتی وِچوں بھگوَن اپنے گھر وسایا۔

۵ ماگھ ۲۰۲۰ بِکرمی پال سِنگھ دے گرِہ پِنڈ چھوہن ضِلع گُرداس پُر

کلجُگ انتم ویکھ گھڑی، گُر اوتار پیِر پَیغمبر دھیان لگائیا۔ پنج تت ناتا دِسے کوئی نہ گڑھی، روُپ رنگ ریکھ نہ کوئے وکھائیا۔ آد جُگاد جُگ چؤکڑی سرِشٹ سبائی جِس دبائی گور مڑھی، لکّھ چؤراسی خاک مِلائیا۔ سَتجُگ تریتا دواپر کلجُگ نِرگُن سرگُن جِس دی لڑی، نِت نوِت ڈوری تند بندھائیا۔ سو پُرکھ اکال دیِن دَیال کِرپانِدھ کِرپا اپنی کری، کرنی کِرت رہیا کمائیا۔ بھگت سُہیلا اِک اَکیلا گُرمُکھ دوارے لائے جھڑی، چھہبر اپنا نام وکھائیا۔ ساچے سنت سِری بھگوَنت اِکو دھارا اَولّڑی پڑھی، الف یے نہ کوئے سمجھائیا۔ آون جاون پتت پاون لکّھ چؤراسی وِچوں کرے بری، بری خانہ اِکو پھول پُھلائیا۔ آتم پرماتم پرماتم آتم پروردِگار آپے پھڑی، مِہروان مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ کلجُگ گھڑی ویکھ وقت، وِشن برہما شِو دھیان لگائیا۔ کرے کھیل پربھ ساچا جگت، جگ جیِون داتا ویس وٹائیا۔ جُگ چؤکڑی جو رہیا فرق، فَیصلہ اِکو وار سُنائیا۔ پِچھلا لیکھا کرے ترک، تُرت اگلا

حُکم منّائیا۔ آتم پرماتم بھگت بھگوان گھڑے ساچی گھڑت، گھڑن بھنّنہار اپنے ہتّھ رکھےّ وڈیائیا۔ شاستر سِمرت وید پُران اِنجیل قُرآن کھانی بانی منگے کوئے نہ دھڑت، حِصّہ ونڈ نہ کوئے ونڈائیا۔ ٹھاکر سوامی نِرگُن جوت اِک اِکلّا آیا پرت، پاربرہم پربھ اپنا پھیرا پائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا وکھائیا۔ کلجُگ گھڑی ویکھ ویلا، بھگت اٹھاراں رہے جس گائیا۔ مِلیا میل گُروُ گُر چیلا، چیلا گُر اِکو نظری آئیا۔ پرم پُرکھ پربھ سجّن سُہیلا، صاحِب سَتگُر پھیرا پائیا۔ لکّھ چؤراسی نالوں ہو کے وِہلا، ہرجن ساچے ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچی دیونہار وڈیائیا۔ کلجُگ ویلا ویکھ وِچار، چارے جُگ اُٹھ اُٹھ دھائیا۔ سَتجُگ نیتر رو کرے پُکار، اُچی کوُک کوُک سُنائیا۔ تریتا دھاہاں رہیا مار، نیتر نیَناں نیِر وہائیا۔ دواپرڈگا مُنہ دے بھار، بلہیِن رہیا کُرلائیا۔ کلجُگ کوُڑی کِریا رہیا للکار، چاروں کُنٹ رہیا جنائیا۔ ویکھو کھیل میرا سنسار، سرِشٹ سبائی بھرم بُھلائیا۔ گُر کا شبد نہ کوئے پیار، سَتگُر نظر کِسے نہ آئیا۔ ورناں برناں دھوُاں دھار، کھتری براہمن شوُدر وَیش نہ کوئے رُشنائیا۔ مندر مسجد شِودوالے مٹھ کرے نہ کوئی پیار، پریِتی حق نہ کوئے نِبھائیا۔ مقامے حق نظر نہ آئے سانجھا یار، لاشریِک جلوہ نوُر نہ کوئے خُدائیا۔ رام رحیِم سارے گئے وِسار، اِشٹ دیؤ گُروُ سوامی گھر سچ نہ کوئے منائیا۔ مایا ممتا کوُڑی کِریا کرن پیار، جوتی جوت سروُپ ہرِ، آپ اپنی کِرپا کر، اِکو دینا سچّا ور، واہوا تیرے ہتّھ وڈیائیا۔ کلجُگ ویلا ویکھ اخیِر، شاستر سِمرت وید پُران دین دُہائیا۔ چار کُنٹ وہاون نیِر، دہ دِشا ہاہاکار سُنائیا۔ سرِشٹ سبائی لگّی ہؤمے پیِڑ، دُئی دوَیت پڑدہ نہ کوئے اُٹھائیا۔ جھگڑا پیا شاہ حقیِر، اوُچ نیِچ کرن لڑائیا۔ کوئی نہ بدلے تیرے بِناں تقدیِر، تدبیِر سکے نہ کوئے سمجھائیا۔ تیرا کھیل بےنظیِر، شہنشاہ نظر کِسے نہ آئیا۔ ثابت نظر نہ آوے کوئی تصویِر، تسبیح مالا بَیٹھی مُکھ بھوائیا۔ کلجُگ سادھاں سنتاں لگّی بھیِڑ، بھیِڑا راہ پار نہ کوئے وکھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در ٹھانڈے منگ منگائیا۔ کلجُگ ویلا ویکھ ترےَگُن مایا، خالی جھولی رہی وکھائیا۔ پرم پُرکھ تیری سیِس نہ دِسے چھایا، اوڈھن نظر کوئے نہ آئیا۔ کوُڑی کِریا کھیل رچایا، جھوُٹھے دھندے سرب لوکائیا۔ پِتا پوُت رہیا بُھلایا، مات پِت نہ کرے وڈیائیا۔ نار کنت نہ کوئے ہنڈھایا، گھر گھر وِبھچار نظری آئیا۔ آتم پرماتم چھند کِسے نہ گایا، ڈھولا راگ نہ کوئے سُنائیا۔ نِرگُن نوُری چند نہ کوئے چمکایا، گھر گھر دیِوے بتّی رہے ڈگمگائیا۔ پرم پُرکھ تیرا

درش کِسے نہ پایا، تیِرتھ تٹ جنگل جوُہ اُجاڑ پہاڑ اُچے ٹِلّے پربت پِھرن واہو داہیا۔ ساچا مندر کایا بنک نہ کِسے سُہایا، جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے الکھ جگائیا۔ کلجُگ انتم ویکھ روون پنج تت، اپ تیج وائے پرِتھمی آکاش رہیا کُرلائیا۔ سِری بھگوان ویکھ ساڈے خالی ہتّھ، وست نظر کوئے نہ آئیا۔ ورن برن کر کر تھکّے پوُجا پاٹھ، سِمرن رسنا جِہوا ڈھولا گائیا۔ تیرے مِلن دی کِسے نہ کُھلی اکّھ، پردہ سکے نہ کوئے چُکائیا۔ تیری آتم پرماتم تیرے نالوں ہوئی وکّھ، پھڑ باہوں گلے نہ کوئے لگائیا۔ جگت واسنا نؤ دوارے دِوس رَین رہی نٹّھ، گھڑی پل اپنا پندھ مُکائیا۔ ناتا تُٹیا دھیِرج جت، سَت سنتوکھ رہن کوئے نہ پائیا۔ بِن تیری کِرپا کھیڑا ہُندا دِسے بھٹّھ، ساچا سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے منگ منگائیا۔ کلجُگ ویلا ویکھ رووے سوُرج چند، چند چاندنی رہی کُرلائیا۔ میرا دُکھی ہویا بند بند، بندگی کردا نظر کوئے نہ آئیا۔ سرِشٹ سبائی ہوئی آتم رنڈ، سُہاگی کنت نہ کوئے ہنڈھائیا۔ نُہا نُہا تھکّے جمنا سُرستی گوداوری گنگ، انتر آتم نُہاؤن کوئے نہ جائیا۔ پنچ وِکاراں کرے نہ کوئی کھنڈ کھنڈ، کھنڈا کھڑگ نام نہ کوئے چمکائیا۔ بِن تیرے گیان ہوئے اندھ، دوئے لوچن کمّ کِسے نہ آئیا۔ مَیں کوُک سُناواں چھند، ہوکا دے دے رہی جنائیا۔ جوتی جوت سروُپ ہرِ، آپ اپنی کِرپا کر، تُدھ بِن کوئی نہ میٹے پندھ، سگلا سنگ نہ کوئے رکھائیا۔ کلجُگ ویلا ویکھ روون ستار، منڈل منڈپ دین دُہائیا۔ سرِشٹ سبائی کرے وِبھچار، سَت سروُپ نہ کوئے وکھائیا۔ کوَار کنیا کرے شِنگار، نیتر نیَناں دھار بندھائیا۔ پِتا پوُت ناتا تُٹیا وِچ سنسار، مات پُت سیج ہنڈھائیا۔ کاغذ قلم ہوئے خَوار، شاہی اپنا حال سُنائیا۔ جو لیکھا لِکھ کے گئے گُروُ اوتار، سو گُر کا شبد سکے نہ کوئے کمائیا۔ نؤ کھنڈ پرِتھمی دھوُاں دھار، ستّ دیِپ نہ کوئے رُشنائیا۔ کِرپا کر آپ نِرنکار، تیرے اَگے اِک عرضوئیا۔ ڈُبدے پاتھر لےَ اُبھار، پاہن اپنا چرن چُھہائیا۔ جوتی جوت سروُپ ہرِ، آپ اپنی کِرپا کر، اِکو دینی مان وڈیائیا۔ کلجُگ انتم ویکھ روون زِمیں اسمان، دھرنی اپنا حال سُنائیا۔ ثابت رہیا نہ کِسے اِیمان، صِدق صبوُری نہ کوئے ہنڈھائیا۔ کلمہ کوئی نہ پڑھے زبان، گیِت گوبِند نہ کوئے الائیا۔ سادھ سنت کرن حرام، دھیِرج جت نہ کوئے جنائیا۔ گھر گھر وسیا کرودھ کام، کام کامنی روُپ وٹائیا۔ تیرا پلّوُ پکڑے کوئی نہ دام، ڈوری شبد نہ کوئے بندھائیا۔ سِری بھگوان تیرا لوکمات وِگڑیا نِظام، نؤبت سچ نہ کوئے وجائیا۔ پُرکھ اکال ویکھ آن، کِیوں بَیٹھا

مُکھ چُھپائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، مِہر نظر نیَن اُٹھائیا۔ کلجُگ انتم ویکھ، جن بھگت دین دُہائیا۔ سرِشٹ سبائی جھوُٹھا بھیکھ، پربھ ودھیا تھاؤں تھائنیا۔ مایا ممتا کھیڈاں رہے کھیڈ، موہ مُحبّت سچ نہ کوئے جنائیا۔ سَتجُگ تریتا دواپر کلجُگ جو گُروُ اوتار دِتے بھیج، حُکم سندیسہ گئے سُنائیا۔ انتم کہہ کے گئے پُرکھ اکال سب دی مانے سیج، ہر گھٹ اپنا آسن لائیا۔ جوتی جوت سروُپ ہرِ، آپ اپنی کِرپا کر، در دینی مان وڈیائیا۔ کلجُگ ویلا ویکھ رووے حقیِقت، حق نظر کوئے نہ آئیا۔ چار ورناں لگّی شریکت، شِرکت سکے نہ کوئے مِٹائیا۔ صدی چؤدھویں لیکھا ہویا بیِتت، بیِتی کہانی نہ کوئے سمجھائیا۔ تیرا کھیل پربھوُ انڈیِٹھت، جگ اکّھاں نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، ویلا وقت دے سمجھائیا۔ کلجُگ ویلا ویکھ، کھانی بانی دئے دُہائیا۔ لگّی اگن مہیِنہ جیٹھ، امرت میگھ نہ کوئے برسائیا۔ سادھ سنت رکھےّ کوئی نہ چھایا ہیٹھ، اگنی تت نہ کوئے بُجھائیا۔ چاروں کُنٹ ودھیا بھیکھ، بھیکھی بَیٹھے ڈھیریاں ڈھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، سچ تیری اوٹ تکائیا۔ سِری بھگوان دَیا کماؤندا اے۔ سچکھنڈ نِواسی حُکم فرماؤندا اے۔ سو پُرکھ نِرنجن آپ جناؤندا اے۔ ہرِ پُرکھ نِرنجن بھیو کُھلاؤندا اے۔ ایکنکار پردہ لاہُندا اے۔ آد نِرنجن نوُر رُشناؤندا اے۔ سِری بھگوان راہ سمجھاؤندا اے۔ ابناسی کرتا ویکھن آؤندا اے۔ پاربرہم پھیرا پاؤندا اے۔ برہم اپنا رنگ رنگاؤندا اے۔ وِشنوُں آسا پوُر کراؤندا اے۔ برہمے بھرواسا اِک رکھاؤندا اے۔ شنکر دھرواسا آپ جناؤندا اے۔ گُر اوتاراں پاسا آپ بدلاؤندا اے۔ پیِر پَیغمبراں دے کے ساتھا، ساچا سنگ نِبھاؤندا اے۔ جن بھگتاں کھول خلاصہ، انبھوَ اپنی کار کماؤندا اے۔ رَو سس کر پرکاشا، نوُری جلوہ اِک جناؤندا اے۔ لیکھا جان پرِتھمی آکاشا، گگن منڈل سوبھا پاؤندا اے۔ ترےَگُن مایا تیری ویکھے راسا، گوپی کاہن روُپ وٹاؤندا اے۔ پنج تت تیرا لیکھا جانے پنج تت احاطہ، کایا بنک کھوج کھوجاؤندا اے۔ در گھر ساچے بندھائے اِکو ناتا، ناتا بِدھاتا جوڑ جُڑاؤندا اے۔ جوتی جوت سروُپ ہرِ، آپ اپنی کِرپا کر، سب دا لہنا موُل مُکاؤندا اے۔ سب دا لہنا موُل مُکاؤندا اے۔ سِری بھگوان دَیا کماؤندا اے۔ پُرکھ اکال کھیل رچاؤندا اے۔ نِرگُن نِروَیر اِکو نوُر ڈگمگاؤندا اے۔ ظاہر ظہوُر پھیرا پاؤندا اے۔ ناد تُور شبد وجاؤندا اے۔ آسا منسا پوُر، اپنا رنگ رنگاؤندا اے۔ ناتا توڑ کوُڑو کوُڑ، کلجُگ اندھ اندھیر گواؤندا اے۔ ساچی بخش چرن دھوُڑ،

مستک اِکو ٹِکاّ نام لگاؤندا اے۔ چتُر سُگھڑ بنائے موُرکھ موُڑھ، گُرمُکھ اپنے گھر وساؤدا اے۔ داتا یودھا بن کے سوُر، سِر اپنا ہتّھ ٹِکاؤندا اے۔ جوتی جوت سروُپ ہرِ، آپ اپنی کِرپا کر، کلجُگ ویلا وقت سُہاؤندا اے۔ کلجُگ ویلا وقت سُہاواں گا۔ جوتی جامہ ویس وٹاواں گا۔ کل کلکی پھیرا پاواں گا۔ سمبل اپنا چرن ٹِکاواں گا۔ سچکھنڈ دوار اِک وساواں گا۔ تھِر گھر اپنا ناد وجاواں گا۔ جوتی جوت جوت رُشناواں گا۔ ورن گوت نہ کوئے رکھاواں گا۔ ساچی چوٹ نگارے لاواں گا۔ لکّھ چؤراسی آلنیوں ڈِگا بوٹ، پھڑ باہوں پھیر اُٹھاواں گا۔ کلجُگ کوُڑی کِریا دُرمت مَیل دھوت، سچ سُچ اِک ورتاواں گا۔ جو پربھ درشن رہے لوچ، تِنہاں اِکو درس دِکھاواں گا۔ جو اندر وڑھ کے رہے کھوج، تِنہاں پردہ تُرت چُکاواں گا۔ جو سِر تے بستے بنّھ کے پِھردے چُکی بوجھ، تِنہاں چار کُنٹ بھواواں گا۔ جیہڑے وینہدے چؤداں لوک، تِنہاں لوک پرلوک اپنے چرناں ہیٹھ وکھاواں گا۔ جو گاؤندے اِک سلوک، تِنہاں ثابت سروُپ نظری آواں گا۔ جو منگدے مکُتی موکھ، تِنہاں مُفت نام ورتاواں گا۔ جو چرنی آ کے کہے مَیں نِردوش، سو دوشی پار کراواں گا۔ جو کہے تیرے مِلن دی مَینوُں نہیں ہوش، تِس انتر آتم جوڑ جُڑاواں گا۔ جو چرن دھیان لگا رہے خاموش، تِس خواہش اپنی خواہش وِچ سماواں گا۔ جو مست پیالہ پی ہوئے مدہوش، تِنہاں مدُھر دُھن راگ سُناواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، کلجُگ کوُڑی کِریا میٹ مِٹاواں گا۔ کلجُگ انتم میٹ مِٹائےگا۔ پربھ اپنی دَیا کمائےگا۔ نِرگُن نِروَیر کھیل کرائےگا۔ گُر چیلا رنگ رنگائےگا۔ سجّن سُہیلا رنگ چڑھائےگا۔ ویلا وقت آپ سُہائےگا۔ جگت دُہیلا روُپ وٹائےگا۔ جوتی جوت سروُپ ہرِ، آپ اپنی کِرپا کر، سب دی آسا منسا پوُر کرائےگا۔ سُن سندیس سِری بھگوان، وِشن برہما شِو خوشی منائیا۔ بھگت اٹھاراں گائن گان، کبیِر جُلاہا راگ الائیا۔ تیئی اوتار کرن دھیان، چرن کوَل منگن سرنائیا۔ عیسیٰ موُسیٰ محمد بِن رسنا جِہوا بولن زبان، تُونہی تُوں راگ سُنائیا۔ نانک گوبِند کر پروان، پروانہ اِکو ہتّھ رکھائیا۔ شاستر سِمرت وید کتیب کہن اسیں تیرا اِیمان، اِنجیل قُرآن گیِتا گیان نال مِلائیا۔ شُکر کرے زِمیں اسمان، سوُرج چند بھجےّ واہو داہیِا۔ منڈل منڈپ ہوئے حَیران، پربھوُ کی کی کھیل ورتائیا۔ کلجُگ انتم پرگٹ ہووے نؤجوان، یودھا سوُربیِر اپنا ویس وٹائیا۔ سنت سُہیلے ویکھے آن، لکّھ چؤراسی کھوج کھوجائیا۔ آتم پرماتم دیوے اِک گیان، برہم وِدیا کرے پڑھائیا۔ جوتی جوت سروُپ ہرِ، آپ اپنی کِرپا کر، لیکھا

سب دا رہیا چُکائیا۔ لیکھا چُکے لوکمات، کلجُگ انت رہن نہ پائیا۔ نِرگُن سرگُن دیوے ساتھ، سگلا سنگ نِبھائیا۔ چار ورن بنائے اِک جماعت، کھتری براہمن شوُدر وَیش، بھیو رہے نہ رائیا۔ نام دیوے دُھر سوغات، وست امولک جھولی پائیا۔ رَین اندھیری میٹ رات، سَت سَت کرے رُشنائیا۔ گُر اوتار پیِر پَیغمبر واک بھوِکھت جو گئے آکھ، آخر سب دے پوُر کرائیا۔ جُگ چؤکڑی ویکھنہار حالات، حالت سب دی پھول پُھلائیا۔ جاننہارا کائنات، کاتب کلمہ اِک وکھائیا۔ جوتی جوت سروُپ ہرِ، آپ اپنی کِرپا کر، کلجُگ لہنا دئے چُکائیا۔ کلجُگ لہنا چُکے جگ، لوکمات رہن نہ پائیا۔ سرِشٹ سبائی ہنس روُپ بنائے کگّ، کاگوں ہنس آپ اُڈائیا۔ جِنہاں درشن دیوے اُپر شاہ رگ، شہنشاہ اپنا میل مِلائیا۔ ترےَگُن مایا بُجھے اگّ، پنچ وِکار نہ کوئے لڑائیا۔ نؤ دوارے پار حد، دسویں اپنا گھر سُہائیا۔ سیج سُہنجنی چڑھے بھجّ، گُرمُکھ ملِے مان وڈیائیا۔ بِن کعبیوں مکّیوں کرائے حج، حُجرہ حق اِک وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن دیوے مان وڈیائیا۔ ہرجن حُجرہ تکّے اگمّ، الکھ اگوچر آپ جنائیا۔ جِتھے نہ کوئی سوُرج نہ کوئی چنّ، چؤدس روُپ نہ کوئے وٹائیا۔ نہ کوئی گیِت نہ کوئی چھند، ڈھولا راگ نہ کوئے سُنائیا۔ نہ کوئی جِہوا نہ کوئی دند، تتو تت نہ کوئے چتُرائیا۔ پرم پُرکھ پت پرمیشور اِکو دیوے اپنا انند، انند انند وِچوں پرگٹائیا۔ کلجُگ اندر جن بھگتاں میٹ اگلا پِچھلا پندھ، گھر ساچے لئے وکھائیا۔ جوتی جوت سروُپ ہرِ، آپ اپنی کِرپا کر، سب دی آسا پوُرن منسا، مانَو اپنے لیکھے لئے لگائیا۔ کلجُگ ویلا انت، انت رہیا سمجھائیا۔ نیتر کھول جگت جنت، جیِو اِیش دِرڑائیا۔ پرم پُرکھ دا اِکو منت، گُر اوتار پیِر پَیغمبر گئے سمجھائیا۔ ناتا جوڑ نار کنت، سُرتی شبدی میل مِلائیا۔ بودھ اگادھا بن پنڈت، گھر وجےّ نام ودھائیا۔ دوُجے در نہ ہو منگت، دیونہار اِک اکھوائیا۔ چار ورن جِس دی سنگت، برن اٹھاراں سوبھا پائیا۔ جوتی جوت سروُپ ہرِ، آپ اپنی کِرپا کر، سچ سنیہُڑا رہیا جنائیا۔ کلجُگ ویلا اُٹھ جیِو جاگ، ہرِ جاگرت جوت جگائیندا۔ تیرے انتر جگے چراغ، بِن سَتگُر اکّھ نظر کِسے نہ آئیندا۔ دُرمت مَیل دھو داغ، پاپاں گٹھڑی پھول پُھلائیندا۔ ہرِ سرنائی ساچی لاگ، سِری بھگوان اِکو نظری آئیندا۔ میٹ مِٹائے واد وِواد، وِکھ امرت روُپ بنائیندا۔ شبد سُنائے اگمّی ناد، دُھن آتمک راگ الائیندا۔ آتم پرماتم بنے ساک، سجّن اِکو اِک اکھوائیندا۔ بجرکپاٹی کھول تاک، تیرا پردہ آپ اُٹھائیندا۔ نِجھر جھِرنا دیوے بوُند سوانت، امرت

رس اِک وکھائیندا۔ نظری آئے اِک اِکانت، گھر ساچے سوبھا پائیندا۔ تُوں گُرمُکھ اُس دی ذات، منمُکھ ہو کِیوں مُکھ بھوائیندا۔ جوتی جوت سروُپ ہرِ، آپ اپنی کِرپا کر، جُگ چؤکڑی آپ جنائیندا۔ اُٹھ جیِو کھول اکّھ، کِیوں بَیٹھا مُکھ بھوائیا۔ جو تیرا ساڈھے تِنّ ہتّھ چلائے رتھ، کایا اندر سیو کمائیا۔ صاحِب نال مِل کے ہسّ، گھر خوشیاں منگل گائیا۔ اوہ تیرا کرے جس، جِس وید پُران دِتی وڈیائیا۔ مایا کارن ہوئیوں اڈّ، پردہ دُئی دوَیت ٹِکائیا۔ کوُڑی کِریا جگت چھڈ، گھر ساچا ویکھ وکھائیا۔ جوتی جوت سروُپ ہرِ، آپ اپنی کِرپا کر، جیِو جنت رہیا جنائیا۔ کلجُگ جیِو کر دھیان، صاحِب سَتگُر آپ جنائیا۔ سب دے اندر نام گیان، سِری بھگوان رہیا ٹِکائیا۔ دِیپک جوت جگے مہان، گرِہ گرِہ کرے رُشنائیا۔ رسنا جِہوا دِتی زبان، بتّی دند میل مِلائیا۔ نؤ دوارے کھول دُکان، جگت واسنا نال بھرائیا۔ سُکھمن ٹیڈی بنک کھیل مہان، ایِڑا پِنگلا پہریدار اکھوائیا۔ کرے کھیل سِری بھگوان، گھر گھر وِچ رچن رچائیا۔ امرت بھریا تال مہان، سروور اپنے ہتّھ رکھائیا۔ شبد ناد وجےّ دُھنکان، اٹّھے پہر راگ سُنائیا۔ دِیپک جوت جگے مہان، تیل باتی نظر کوئے نہ آئیا۔ گھر سیجا ویکھ سچ نِشان، آسن سِنگھاسن اِک وِچھائیا۔ کِیوں بُھلیا بن نادان، نِج گھر ویکھن کوئے نہ آئیا۔ جِس گھر وسے سِری بھگوان، سو تیرا مندر سوبھا پائیا۔ جوتی جوت سروُپ ہرِ، آپ اپنی کِرپا کر، جیِو جنت رہیا جگائیا۔ کلجُگ جیِو جاگ جگت دُہیلا، جگت اندھیرا چھائیا۔ پربھ مِلن دا اِکو ویلا، مانَس جنم ملِے وڈیائیا۔ گھر ٹھاکر سوامی چاڑھے تیلا، خوشیاں سگن منائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ کلجُگ جیِو کہے مَیں اندھا، نیتر اکّھ نہ کوئے کُھلائیا۔ بِن بندگیؤں پِھراں بندہ، بندنا سچ نہ کوئے سمجھائیا۔ کوُڑی کِریا جگت دھندا، واسنا لوبھ موہ ہلکائیا۔ لکّھ چؤراسی پار نہ آیا کنڈھا، ساچے بیڑے نہ کوئے چڑھائیا۔ جُگ جُگ جگت دُہاگن رہیا رنڈا، سچ سُہاگ نہ کوئے ہنڈھائیا۔ مات گربھ وڑدا رہیا ڈوُنگھی کندا، کندر پار نہ کوئے کرائیا۔ مِلیا صاحِب نہ ہرِ بخشندا، بخشش کری نہ بےپرواہیِا۔ ماں پِیو مَینوُں لاڈ نال کہِندے رہے لاڈلے چندا، خوشیاں نال نام صالاحیِا۔ بِن سَتگُر پوُرے انت کوئی نہ لائے انگا، گودی گود نہ کوئے بہائیا۔ کلجُگ انت سِری بھگوَنت در تیرے منگ منگاں، دوئے جوڑ جوڑ سرنائیا۔ اپنی کِرپا پار کر چاہے چنگا چاہے مندا، مندا چنگا تیری جھولی پائیا۔ جوتی جوت سروُپ ہرِ، آپ اپنی کِرپا کر، گھر دیویں مان وڈیائیا۔ پُرکھ اکال کہے مَیں تاراں ٹھگ

چور، جو چل آن سرنائیا۔ سرِشٹ سبائی ہتّھ میرے ڈور، جُگ چؤکڑی رہیا بھوائیا۔ جن بھگتاں دی سدا لوڑ، بِن بھگتاں بھگوان کمّ کِسے نہ آئیا۔ جُگ جنم دے وِچھڑے لواں جوڑ، پھڑ باہوں میل مِلائیا۔ پار کراواں ڈُبدے اندھ گھور، شبد اِشارے نال ترائیا۔ پُرکھ اکال آد جُگاد اِکو نہ کوئی ہور، اِک اِکلّا آپ اکھوائیا۔ جِس دے اَگے چلے نہ کِسے کوئی زور، جوروُ زر کمّ کِسے نہ آئیا۔ جِس دا منتر اِکو پھور، گُر اوتار پیِر پَیغمبر دئے سمجھائیا۔ انت کال کل جائے آپے بہُڑ، نِرگُن اپنا پھیرا پائیا۔ جوتی جوت سروُپ ہرِ، آپ اپنی کِرپا کر ، دیونہارا ساچا ور، کلجُگ جیِو لئے ترائیا۔ کلجُگ جیِو کہے پربھ اؤکھی گھاٹی، کنارہ نظر کوئے نہ آئیا۔ جوُٹھے جھوُٹھے میرے ساتھی، تیرا راہ نہ کوئے وکھائیا۔ کی مَیں منّاں تیری آکھی، میری بُدھ رہے گوائیا۔ کِرپا کر کے بن ساقی، صاحِب اپنا جام مُکھ لگائیا۔ اپنے مِلن دی کھول تاکی، بند دروازہ دے کُھلائیا۔ من منوُآ رہے کوئی نہ عاقی، منسا منسا وِچ کھپائیا۔ تیرے نام دا بناں سچّا پاٹھی، پوُجا اِکو دے دِرڑائیا۔ تَینوُں مِل کے ہوواں تیری ذاتی، اپنی ذات نہ کوئے وکھائیا۔ جِدھر ویکھاں نظری آئے پربھاتی، سندھیا روُپ نہ کوئے وٹائیا۔ صاحِب سَتگُر پُرکھ ابناسی، مِہروان تیری سرنائیا۔ نِرگُن نوُر جوت سچ پرکاشی، پرکاش اِکو نظری آئیا۔ غریِب نِمانیاں کوجھیاں کملیاں گھر آ کے دے باقی، پوُرب لہنا جھولی پائیا۔ تیرے بھگتاں مِل کے رلیئے سچ جماعتی، جِس گھر الف یے نہ کوئے پڑھائیا۔ چرن کوَل سچ پریِتی بنّھ ناتی، ناتا اپنے نال رکھائیا۔ لیکھا چُکے مات پِت بھائی بھَین ساک سجّن سیَن پھوُپھی ماسی، مسیر نظر کوئے نہ آئیا۔ کوُڑی کِریا ترےَگُن مایا جگت مِٹے اُداسی، سنسا روگ نظر کوئے نہ آئیا۔ تیرے نال مِل کے آتم پرماتم کرے ہاسی، ہسّ ہسّ تیری خوشی منائیا۔ تیرے منڈل ویکھاں راسی، جِس گھر گوپی کاہن تُونہی نظری آئیا۔ جوتی جوت سروُپ ہرِ، آپ اپنی کِرپا کر، اِکو دے اپنا ور، جِس وِچ تیرا روُپ نظری آئیا۔ پرم پُرکھ پربھ ہو دَیال، دیِن دَیال دَیا کمائیندا۔ گُرمُکھ اُٹھ ساچے لال، لالن اپنے رنگ رنگائیندا۔ مُرید مُرشد پُچھ حال، پردہ دُئی دوَیت چُکائیندا۔ تیرا صاحِب تیرے نال نِرگُن، وِچھڑ کدے نہ جائیندا۔ ناتا توڑے کال مہاکال، سِر اپنا ہتّھ ٹِکائیندا۔ جنم جنم جو گھالن گھال، کیِتی گھال لیکھے لائیندا۔ حاضر ہو کے منّے سوال، ظاہر ہو کے پوُر کرائیندا۔ سَتگُر ہو کے بنے دلال، دو جہاناں پار کرائیندا۔ جوتی جوت سروُپ ہرِ، آپ اپنی کِرپا کر، ہرجن آسا پوُر وکھائیندا۔ ہرجن آسا پوُری منسا، ترِکھا ترِپت رہن نہ پائیا۔ ہرِ بھگت سُہائے اپنا بنسا،

سربنس اپنے رنگ رنگائیا۔ سوہنگ جاپ جپائے ہنسا، مانک موتی چوگ وکھائیا۔ گھر ناری نرائن ملِے کنتا، گُرمُکھ گُر گُر انگ لگائیا۔ مانَس جنم بنائے بنتا، گھڑن بھنّنہار بےپرواہیِا۔ چولی چاڑھ رنگ بسنتا، نِرگُن ویکھے چائیں چائنیا۔ گڑھ ٹُٹے ہؤمے ہنگتا، ہنگ برہم اِک سمجھائیا۔ بھگت بِن بھگوان نہ ہوئے منگتا، دوُجے در نہ منگن جائیا۔ میل ملِے جن ساچی سنگتا، جِس سنگت وِچ ہرِجوُ رہیا سمائیا۔ مُلّا شیخ مسائق نہ کوئی جانے پاندھا پنڈتا، گرنتھی پنتھی سمجھ کوئے نہ آئیا۔ جِس اُپائی لکّھ چؤراسی جنتا، سو جیِوت جی اپنے گھر وکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، آد جُگاد جُگا جُگنتر جن بھگتاں نال کرے سچ مُحبّتا، محبوُب اپنا میل مِلائیا۔