کتب خانہGranth 16 (Urdu)

۷ ماگھ ۲۰۲۰ بِکرمی کِشن سِنگھ دے گرِہ الہڑ پِنڈی ضِلع گُرداس پُر

دربار ویکھ لگّا سچکھنڈ، چاؤ گھنیرا نظری آئیا۔ گُر اوتار کہن دھنّ بھاگ جے مُکیا پندھ، منزل پہنچے سچّی آئیا۔ اندر لنگھدیاں ویکھی کچّی اِکو کندھ، مِٹی خاک نال بنائیا۔ نیتر کھول ویکھیا اُس دے اوہلے چند، بےتاب نوُر رُشنائیا۔ نیتر نیَن گئے سنگ، حَیرانی اِکو وار چھائیا۔ کی کیِتا کھیل سوُرے سربنگ، بےپرواہ دَیا کمائیا۔ جِس دے گرِہ کہِندے بُھکھ ننگ، اُس در بَیٹھا آسن لائیا۔ سچ پریِتی رہیا منگ، بن مانگت بےپرواہیِا۔ جِدھر ویکھیئے لائے انگ، انگیکار اِک ہو جائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ پندھ مُکیا آئے ڈیرے، چاروں کُنٹ نیَن اُٹھائیا۔ سوہنے لگّے صاف کھیڑے، جِس گرِہ بَیٹھا ڈیرہ لائیا۔ چاؤ ویکھیئے ہُن گھنیرے، گھر وجّدی نام ودھائیا۔ چڑھدے ویکھے سارے بیڑے، خوشیاں راگ الائیا۔ چرن کوَل آئے نیڑے، نِیوں کے سیِس نِوائیا۔ پریم پریِتی اندر آ گئے گھیرے، باہر نِکل کوئے نہ جائیا۔ بندھے گئے بِن رسّیؤں جیہڑے، تندی تند نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرنی اپنی رہیا کمائیا۔ بِن تندی ڈوری لیا بنّھ، بنّھنہارا نظر کِسے نہ آئیندا۔ باہروں ویکھیئے نیتر انّھ، اندر نوُرو نوُر

ڈگمگائیندا۔ دو جہاناں تکّیئے سب دا جننی جن، جن اِکو اِک آپ اکھوائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ رچائیندا۔ ساچا کھیل ویکھن آئے، آون جاون سمجھ کِچھ نہ پائیا۔ پہلا لیکھا گئے مُکائے، اَگے خوشیاں گیِت اِک الائیا۔ در ٹھانڈے لاگے پائیں، گھر اِکو سوبھا پائیا۔ صاحِب دَیال ہوئے سہائے، ٹھاکر مِہر نظر اُٹھائیا۔ نِرگُن نوُر نظری آئے، نوُرو نوُر نوُر رُشنائیا۔ سچ سِنگھاسن رہیا وِچھائے، سوبھاونت آپ سُہائیا۔ شبد اِشارے نال جنائے، انجانت بوُجھ بُجھائیا۔ نیتر کھول ویکھ رگھورائے، -----------نظری آئیا۔ آد جُگاد جوت جگائے، گھڑن بھنّنہار وڈّی وڈیائیا۔ گُر اوتار پیِر پَیغمبر نیتر کھول درشن پائے، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کرنی اپنی دئے جنائیا۔ درشن پا بولیا نانک، نِرگُن اِکو نام جنائیا۔ جُگ چؤکڑی جِس دی بنے رہے اَمانت، سو صاحِب ویس وٹائیا۔ سچ دوارے کرے عدالت، حُکم حاکم اِک سمجھائیا۔ کوُڑی کِریا میٹے علامت، سچ سُچ اِک دِرڑائیا۔ موُرکھ کوئی نہ رہے احمق، برہم مت اِک اکھوائیا۔ لیکھا جانے دھوتی ٹِکاّ بودی تہمت، لکّھ چؤراسی کھوج کھوجائیا۔ پیِر پَیغمبراں سمجھائے نال سیَنت، شبدی شبد نِشانہ اِک رکھائیا۔ جوتی جوت سروُپ ہرِ، آپ اپنی کِرپا کر، ساچی رچنا اپنی وکھائیا۔ رچنا ویکھ نانک نِرگُن دھار، اِکاون باون رہیا جنائیا۔ نیتر کھول کرو دیِدار، درس دیِداری اِکو نظری آئیا۔ جِس دی صِفت کردے رہے جُگ چار، شاستر سِمرت وید پُران گیِتا گیان لیکھ لِکھائیا۔ جِس دا ناؤں بولدے رہے جَیکار، نِرگُن سرگُن ڈھولا گائیا۔ جِس دے مندر مسجد مٹھ شِودوالے کردے رہے تیار، سو مُجرا حُجرہ اِکو حق وکھائیا۔ جِس نوُں لاشریک کہِندے رہے پروردِگار، بےنظیِر نوُر ظہوُر کرے رُشنائیا۔ جِس نوُں آد جُگاد جُگ چؤکڑی منّدے رہے سانجھا یار، سچ تؤفیِق اِک خُدائیا۔ جِس نوُں گُر اوتار کردے رہے نِمسکار، نِیوں نِیوں سیِس جھُکائیا۔ جِس دے در وِشن برہما شِو رہن بِھکھار، نِت نوِت خالی جھولی اپنی ڈاہیا۔ جِس دا حُکم رہے سدا جُگ چار، سَتجُگ تریتا دواپر کلجُگ میٹ نہ کوئے مِٹائیا۔ جِس دا کھانی بانی سدا آدھار، جیرج انڈج اُتبُھج سیتج بَیٹھا ڈیرہ لائیا۔ جِس دا سوُرج چند نوُر اُجیار، رَو سس جوتی جوت رُشنائیا۔ جِس دا دو جہاناں سچ اکھاڑ، منڈل منڈپ ناچ نچائیا۔ سو صاحِب کھیل کرے نِرگُن دھار، جوتی جاتا ویس وٹائیا۔ ساچے تخت بَیٹھ سچّی سرکار، شہنشاہ اِکو حُکم ورتائیا۔ حُکمے اندر پسر پسار، نِروَیر پُرکھ آپ کرائیا۔ کاغذ قلم نہ لِکھنہار، لیکھا

لیکھ نہ کوئے جنائیا۔ گُر اوتار پیِر پَیغمبر سارے کرو خیال، نانک نِرگُن اِک جنائیا۔ جو سب دا بنیا رہیا دلال، سدا سدا ساچا ونج کرائیا۔ جِس دی حقیِقت حق حلال، حالت ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ نانک نِرگُن کہے کرو دھیان، گُر اوتار پیِر پَیغمبر بھیو رہن نہ پائیا۔ جِس کِرپا کر لیکھا دِتا ترکھان، لالو لالن اپنے رنگ رنگائیا۔ اجّ اُس نوُں ویکھیا آن، جِس ویکھیاں ویکھنہارا نظری آئیا۔ بِن رسنا جِہوا بولو زبان، درے دربار پربھ تیری وڈیائیا۔ جُگ چؤکڑی کھیل کرے مہان، مہما اکتھ کتھی نہ جائیا۔ غریِب نِمانیاں دیوے مان، کوجھے کملیاں گلے لگائیا۔ جوتی جوت سروُپ ہرِ، آپ اپنی کِرپا کر، ساچا لیکھا رہیا مُکائیا۔ گُر اوتار لؤ تکّ، نانک نِرگُن آپ جنائیا۔ ویکھو پریم پریِت دا ملِے حق، سِری بھگوان جھولی پائیا۔ جِس لّکڑی اُتوں لاہے سکّ، تِس سگلا میل مِلائیا۔ جِس دو دو چیِر پھاڑ دِتے گھت، تِس دُئی دوَیتی ڈیرہ ڈھاہیِا۔ جِس سچ پریِتی انتر اپنی نِچوڑی رتّ، تِس رتّی رتّ لیکھے لائیا۔ جِن سیِس چرناں اُتے دِتا رکھّ، تِس سیِس جگدیِش اپنی گود اُٹھائیا۔ جوتی جوت سروُپ ہرِ، آپ اپنی کِرپا کر، گھر ساچے خوشی منائیا۔ گھر ساچے خوشی منائے آپ، اپنے ہتّھ رکھے وڈیائیا۔ نِرگُن ہو کے دیوے ساتھ، سرگُن سنگ نِبھائیا۔ در در آ کے پُچھے وات، گھر گھر پھیرا پائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ گُر اوتار کہن لالو دسّ کُہاڑا، جِس دا ہتّھا ہتّھ اُٹھائیا۔ لالو کہے میرا اوہ پیارا، جِس میری بنت بنائیا۔ پُرکھ اکال کہے میرا دُھر دا یارا، لگّی یاری توڑ نِبھائیا۔ گُر اوتار کہے دسّ کِتھے آرا، جو چیِر دوپھاڑ کرائیا۔ لالو کہے میرا کرنیہارا، میرے ہتّھ نہ کوئے چتُرائیا۔ پُرکھ اکال کہے میری دُھر دی کارا، جن بھگتاں ہوواں سہائیا۔ گُر اوتار پیِر پَیغمبر کہن دسّ کیہڑا تیسا، تِکھن تِکھی دھار رکھائیا۔ لالو کہے میرا پربھ مِلن دا پیشہ، دوُجی کار نہ کوئے کمائیا۔ سِری بھگوان کہے مَیں اُجڑیا وساواں دیسا، جِس گھر اپنا چرن ٹِکائیا۔ گُر اوتار پیِر پَیغمبر کہن لالو دسّ اوہ ستّھرا، جِس نال سُراخ لگائیا۔ لالو کہے پریم پریِتی اندر ہویا پّدھرا، مَینوُں سار کوئے نہ آئیا۔ سِری بھگوان کہے مَیں تِنہاں پوُریاں کراں سدھراں، آسا منسا میٹ مِٹائیا۔ گُر اوتار پیِر پَیغمبر کہن لالو دسّ اوہ ورما، جو گیڑا گیڑے نال بھوائیا۔ لالو کہے مَیں سَتگُر جھولی پائے اپنے کرماں، کرم کانڈ رہن کوئے نہ پائیا۔ سِری بھگوان کہے مَیں آد جُگاد جُگ چؤکڑی دیواں سرنا، سرنگت اِکو اِک رکھائیا۔ گُر اوتار پیِر پَیغمبر کہن لالو دسّ

اوہ کانڈی، جیہڑی اپنے ہتّھ ٹِکائیا۔ لالو کہے مَیں سَتگُر بھیٹ چڑھائی اپنی کایا ہانڈی، جِس در رِدھا پکاّ مُک کدے نہ جائیا۔ پُرکھ اکال کہے مَیں تاراں بھگتاں آنڈھی گوانڈھی، جِنہاں اپنا درس دِکھائیا۔ گُر اوتار پیِر پَیغمبر کہن دسّ جاچ، لالو اِکو وار سمجھائیا۔ لالو کہے میرے پربھ کولوں پُچھو بات، جو سب دا پِتا مائیا۔ پُرکھ اکال کہے مَیں ہر گھٹ ویکھاں مار جھات، در در بَیٹھا آسن لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُر اوتاراں پیِر پَیغمبراں آپ جنائیا۔ دھنّ بھاگ آئے گُروُ اوتار، ہرِ اوتاری میل مِلائیا۔ پہلا چھڈ سرب وِہار، وِوہاری اپنا کھیل وکھائیا۔ آؤ ویکھو مِلدے یار، یار وِچھڑے میل مِلائیا۔ بِن بھگتیؤں کرے پیار، بِن شکتیؤں رنگ چڑھائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ رچائیا۔ آؤ ویکھو تکّو نیَن، نیَناں والیاں نیَناں نال وکھائیا۔ جِس نوُں بےپرواہ سارے کہن، سو بےپرواہی وِچ سمائیا۔ جن بھگتاں دیوے پوُرب لہن، دینا اپنے کولوں ورتائیا۔ ناتا جوڑ ساک سجّن سیَن، ہرِ سگلا سنگ نِبھائیا۔ سچ دوارے سو گُرمُکھ سچّے رہن، جِنہاں سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ آؤ ویکھو تکّو تدبیِر، ہرِ کرتا آپ جنائیا۔ وینہدیاں وینہدیاں ساریاں بدل دیوے تقدیِر، طاقت اپنے نال مِلائیا۔ منزل چاڑھ چوٹی اخیِر، آخر اپنے گھر بہائیا۔ نوُر نوُرانی لاثانی وکھائے اپنی تصویِر، ظاہر ظہوُر بےپرواہیِا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ آؤ تکّو گھر سچ نظارہ، صاحِب سَتگُر آپ وکھائیا۔ آد جُگاد جُگ چؤکڑی جِس دا لبھیا نہ کوئی کنارہ، کاغذ قلم شاہی انت کوئے نہ پائیا۔ نِت نوِت جُگ چؤکڑی جو بھیجدا رہیا گُر اوتاراں، پیِر پَیغمبر حُکم ورتائیا۔ مقامے حق سچکھنڈ نِرگُن نوُر جوت جو دِسے پروردِگارا، آپ اپنا ویس وٹائیا۔ بِن نیتر لوچن نیَن دیوے دیِدارا، بِن رسنا جِہوا بتّی دند بول جَیکارا، دو جہاناں راگ سُنائیا۔ محل اٹل سُہائے اِک منارا، دیِا باتی جگے اگمّ اپارا، تیل باتی نظر کوئے نہ آئیا۔ سچکھنڈ نِواسی ایک ایکنکارا، کرے کھیل وِچ سنسارا، سمُند ساگر پھول پُھلائیا۔ بھگت وچھل گِرور گِردھارا، جوتی جوت سروُپ ہرِ، آپ اپنی کِرپا کر، ہرجن ساچے دَیا کمائیا۔ اُٹھو تکّو ویکھو پرتاپ، پرم پُرکھ دیِن دَیال اپنی دَیا کمائیا۔ نِت نوِت آد جُگاد جُگ چؤکڑی سَتجُگ تریتا دواپر کلجُگ جِس دا جپیا جاپ، سو جگ جیِون داتا اپنا کھیل رچائیا۔ کوٹن کوٹ جنم دے میٹ پاپ، پتت پُنیِت ٹھانڈے سیِت رہیا کرائیا۔ اچرج چلائے اپنی ریِت، نہ

گِرجا نہ مندر مسیِت، کایا بنک اِکو گُروُدوارا سوبھا پائیا۔ سَت سَتوادی برہم برہمادی شبد انادی دسےّ ریِت، ریِتیوان اپنی کار کمائیا۔ ایکا رنگ رنگائے ہست کیِٹ، اوُچ نیِچ راؤ رنک ایکا در رہیا سُہائیا۔ جوتی جوت سروُپ ہرِ، آپ اپنی کِرپا کر، وکھاونہارا ساچا گھر، پڑدہ اِکو وار چُکائیا۔ گُر اوتار پیِر پَیغمبر ہوئے حَیران، اِک دوُجے ولّ نیتر نیَن اُٹھائیا۔ ویکھو بھاگ لگّا ترکھان، ترکھان ہو کے ہرِجوُ پھیرا پائیا۔ جِس دا روُپ نظر نہ آئے بِردھ بال جوان، گھڑی پل ونڈ نہ کوئے ونڈائیا۔ صوُرت موُرت سکے نہ کوئے پہچان، باہوں پھڑ دئے نہ کوئے وکھائیا۔ جوتی نوُر جگائے مہان، نِرگُن جوتی جامہ پہنے آن، شبدی ڈنک دھار سُنائیا۔ سنت سُہیلے میلے آن، گُروُ گُر چیلے کرے پہچان، بےپہچان اپنے رنگ رنگائیا۔ در دوارے دیوے مان، ایہو کھیل سِری بھگوان، جِس دی سار کِسے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ لالو کہے میرے صاحِب گُر، پیِر پَیغمبرو دیؤ وڈیائیا۔ جِس نال پریِتی میری گئی جُڑ، سو جوڑی تُہاڈے نال رلائیا۔ جے چار جُگ رکھائی تُھڑ، ہُن پوُری لؤ کرائیا۔ سچ دواریوں خالی کوئی نہ جائے مُڑ، مُڑ کے آیا بھر بھر جھولی اپنا گھر بھرائیا۔ صاحِب سُلطان پُرکھ اکال نِبھاونہارا توڑ، تُٹی اپنی گنڈھ پوائیا۔ اُس اَگے نہیں کوئی زور، رحمت وِچ سرب لوکائیا۔ جِس دا منتر فُرنا پُھرے پھور، فؤرن اپنا حُکم سمجھائیا۔ نیتر تکّو کر کے غؤر، گہر گمبھیِر اِکو نظری آئیا۔ جوتی جوت سروُپ ہرِ، آپ اپنی کِرپا کر، وڈ داتا بےپرواہیِا۔ گُر اوتار پیِر پَیغمبر لالو نال کرن صلاح، سچ سچ متا پکائیا۔ سانوُں دسّ تَینوُں کِویں مِلیا آ، کِیوں تیری کرے وڈیائیا۔ لالو کہے مَیں سُکیاں ٹُکڑیاں نال نانک لیا منا، جِس دے پِچھے میری بنت بنائیا۔ مَیں ایہو دیواں صلاح، صاحِب اَگے کرو نہ کوئی چتُرائیا۔ سدا منّو اوہدی اِک رضا، رحمت سدا سدا سدا ورتائیا۔ کوٹن کوٹ بخشنہارا گُناہ، بخشش اِکو جھولی پائیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکائیا۔ سُن کے بچن سُکی روٹی، سارے رہے خوشی منائیا۔ ویکھی پربھ دی دھار نِرمل جوتی، رچنا کی رچائیا۔ جگت وِچُھنی سوَانی اُٹھائی سوتی، سُتّیاں جاگ کُھلائیا۔ جِس نوُں کہن ترکھان لوکی، تِس دی ترِکھا آپ بُجھائیا۔ کلجُگ انتم بن کے اُس دا گوتی، پِھر اپنا میل مِلائیا۔ دو جہاناں وِچ واسنا رہے نہ کھوٹی، کھوٹیاں کھرے رہیا بنائیا۔ شبد اِشارے مارے سوٹی، کھنڈا اِکو نام چمکائیا۔ سیلی بھوُری نہ کوئی ٹوپی، شبدی دھار چلائیا۔ ویہہ سؤ اُنی بِکرمی ڈھائی گز دُپٹا دو جہان لنگوٹی، لوک پرلوک

پڑدہ رہیا پائیا۔ ایہہ دھار کِسے نہ سوچی، ہرِجوُ کی کی کھیل ورتائیا۔ لالو نال رلیا رویداس چمیارا موچی، توپے گنڈھے واہو داہیا۔ براہمن گنگا چوں بھرن گیا لوٹی، اپنا آپ آیا لُٹائیا۔ کنگن پِچھے مت ہوئی ہوچھی، ہوچھی کار کمائیا۔ پُرکھ اکال دُرمت مَیل بن ٹھاکر ہو کے دھوتی، اپنی ہتھیں صاف کرائیا۔ ساریاں دی سوبھا بن کے بن جائے اِک پوتھی، جِس پوتھی دی جگت کرے پڑھائیا۔ بولن وِچوں پربھ مِلن دی گھاٹی اؤکھی، اؤجڑ راہ پار نہ کوئے لنگھائیا۔ جِنہاں کِرپا کر کے اپنی ذات دسّی سؤکھی، گھر سُتّیاں لئے مِلائیا۔ جوتی جوت سروُپ ہرِ، آپ اپنی کِرپا کر، آپ اپنی کرنی پِچھے جن بھگتاں کار کمائیا۔ گُر اوتار پیِر پَیغمبر کہن کی ہویا اچرج ہرِجوُ کھیل رچائیا۔ کِتھوں رویداس آیا مویا بنارسی تھیٹا، گنگا لہر اپنی لہر وہائیا۔ کِتھوں لالو نِرگُن لبھا بیٹا، نانک وِچولا اِک سمجھائیا۔ پُرکھ اکال میل مِلا کے اپنی جوتا، جُگتی اِکو وار سمجھائیا۔ پریم پریِتی اندر مارو غوطہ، دو جہان وِچوں نظری آئیا۔ پربھ دا روُپ نظر آوے نہ وڈّا نہ چھوٹا، اِکو نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا کھیل آپ وکھائیا۔ کھیل ویکھ ہوئے پرسنّ، پرسنّتا سب نوُں نظری آئیا۔ پربھ نے اِکٹّھے کیتے تِنّ، ترےَگُن بَیٹھی مُکھ شرمائیا۔ جِنہاں دا سَت سروُپ پُرکھ اکال چنّ، چِنتا اَور نہ کوئی رکھائیا۔ جنم جنم لنگھائے گِن گِن، گِنتی اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، تِنّاں منتر اِک تریلوکی، جِس دی سوچ کِسے نہ سوچی، کھیل کرے براہمن موچی، ترکھان گھڑ کے دِتی سوٹی، جٹّ بنّھ کے ڈھائی گز لنگوٹی، چوٹی سب دی ویکھ وکھائیا۔ پُرکھ اکال دی اِکو جوتی، گھٹ گھٹ اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہوچھی مت نہ کوئی جنائیا۔

۸ ماگھ ۲۰۲۰ بِکرمی اَچھر سِنگھ دے گرِہ الہڑپِنڈی ضِلع گُرداس پُر

بھگت نوُرانی جلوہ تکّ، در دربار جس رہے سب گائیا۔ جِنہاں مِلدا دُھر دا حق، حقیِقت نِیوں نِیوں سیِس جھُکائیا۔ پرم پُرکھ پربھ دیوے ساتھ، سگلا سنگ نِبھائیا۔ لکّھ چؤراسی وِچوں رکھّ، رکھیا کرے تھاؤں تھائنیا۔ نِج نیتر کھول اگمّی اکّھ، بِن اکّھاں میل

مِلائیا۔ سچّا مارگ آپ دسّ، پاندھی اپنے پندھ چلائیا۔ امرت آتم اِکو رس، رس رسیِیا مُکھ چوائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ مِہروان سہائی ہویا، پاربرہم وڈّی وڈیائیا۔ نِرگُن نوُر نواں نرویا، روُپ ریکھ نظر کوئی نہ آئیا۔ آلس نِندرا وِچ کدے نہ سویا، سُتّی ویکھے سرب لوکائیا۔ دُھر دا بیِج اِکو بویا، جن بھگت آپ پرگٹائیا۔ تن من سیج سیِتل ہویا، سیِتل دھارا آپ وہائیا۔ در دہلیز اندر سچ دوارے آپ کھلویا، گرِہ مندر اندر ڈیرہ لائیا۔ دُھر فرمانا لےَ کے آیا ڈھوآ، ہرِ ہرِ نام اِک ورتائیا۔ جوتی جوت سروُپ ہرِ، آپ اپنی کِرپا کر، مِہروان دَیا کمائیا۔ مِہروان دَیا کما، نِہکرمی کرم کمائیندا۔ سنت سُہیلے جگت جگا، جیِون جُگت اِک دِرڑائیندا۔ پھڑ پھڑ باہوں راہے پا، رہبر اِک اکھوائیندا۔ بھگت وچھل ہرِ اِک خُدا، خالق اپنا ناؤں جنائیندا۔ اِکو ڈھولا گائے سدا، چھند اِکو نام جنائیندا۔ بِن بندگیؤں کرے اپنا بندہ، بندھن پِچھلے توڑ تُڑائیندا۔ سچ دوارے چاڑھ چندا، نِرگُن نوُر جوت چمکائیندا۔ کلجُگ جگت اندھیارا نوَ نؤ چار اندھا، ہرِ کا روُپ نظر کِسے نہ آئیندا۔ پِھری دروہی وِچ نوَ کھنڈاں، جوتی جوت سروُپ ہرِ، آپ اپنی کِرپا کر، ساچا رنگ آپ رنگائیندا۔ ساچا رنگ چڑھائے ایک، ایکنکار وڈّی وڈیائیا۔ سنت سُہیلے سجّن ویکھ، ہرِ اپنی سیو کمائیا۔ دوُر دُراڈا نظری آئے نیتن نیت، نِج گھر بَیٹھا تاڑی لائیا۔ آتم پرماتم گھر مندر کرے ساچا ہیت، گرِہ اپنے خوشی منائیا۔ اچرج کری کلجُگ کھیڈ، جُگ چؤکڑی سمجھ کِسے نہ آئیا۔ گُر اوتار پیِر پَیغمبر جو رہیا بھیج، نِت نوِت سیوا لائیا۔ آتم مانے اپنی سیج، سیج سُہنجنی سوبھا پائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ وکھائیا۔ ساچا کھیل کرائے خالق، ہر خطرہ سرب مِٹائیندا۔ ایتھے اوتھے بن کے پالک، پرِتپالک روُپ وٹائیندا۔ سرگُن ہووے نِرگُن ثالث، دو جہاناں ثالثی آپ کمائیندا۔ لکّھ چؤراسی وِچوں کڈھائے خالص، خواہش بھگتاں پوُر کرائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیندا۔ ساچی کرنی ویکھ نِرنکار، دو جہان دھیان لگائیا۔ بھگت وچھل گِرور گِردھار، گرِہ مندر پھیرا پائیا۔ اِک پِچھے تارے پروار، پرم پُرکھ اپنی ریِتی نَویں بنائیا۔ جِس دا ملِے لیکھ نہ کوئی لِکھار، کاغذ نظر کوئے نہ آئیا۔ --------- رہوگے بِھکھار، ثابت اپنا روُپ جنائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ پروار اُدھارے پرور آپ، پروردِگار وڈّی وڈیائیا۔ لیکھے لائے اِکو آپ، آپ اپنی گود اُٹھائیا۔ جن بھگتاں پِچھے کر کے جاپ،

پوُجا اپنا نام بنائیا۔ سیِس جگدیِش رکھائے تاج، تخت تاج اِکو دیوے سُہائیا۔ سرگُن نِرگُن رکھےّ لاج، نِرگُن سرگُن ہوئے سہائیا۔ نام نِدھان مار آواز، شرع شیَطان میٹ مِٹائیا۔ جوتی جوت سروُپ ہرِ، آپ اپنی کِرپا کر، ہرجن ساچے رہیا وکھائیا۔ ہرجن اُٹھ در ویکھ جگ، وِشن برہما شِو خوشی منائیا۔ کرے کھیل سوُرا سربنگ، شاہ پاتشاہ بےپرواہیِا۔ سنت سُہیلے رہیا سدّ، حُکم سندیسہ اِک منائیا۔ جیِو جہانوں باہر کڈھ، ساچے مندر رہیا بہائیا۔ شبد ناد سُنائے ند، دُھر دی بانی بان لگائیا۔ ساچے حُجرے کرائے حج، کایا کعبہ اِک وکھائیا۔ ایتھے اوتھے رکھےّ لج، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، نِت نوِت ہوئے سہائیا۔ سہائی ہویا ویکھ بھگوان، کروڑ تتیِسا پھوُل برسائیا۔ سُرپت اِند گائے گان، اپچھّراں چلے نہ کوئی وڈیائیا۔ نیتر لوچن نیَن سرب تکان، چاروں کُنٹ ویکھ وکھائیا۔ دُھر دا ڈھولا مِل کے گان، گہر گمبھیِر مِل کے راگ الائیا۔ کوئی سمجھ نہ سکے سُر تال، تال تلواڑا ہتّھ نہ کوئی اُٹھائیا۔ جِنہاں صاحِب وسیا نال، سو نالائق صاحِب اپنے نال مِلائیا۔ پوُرب جنم دی لیکھے لائے گھال، کیِتی گھال ویکھ وکھائیا۔ نِرگُن ہو کے بن دلال، اَولّڑی چال آپ سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچے دھندے آپے لائیا۔ ساچے دھندے لگّا ویکھ بھگت، ترےَگُن مارے دھاہیِنا۔ میری مات نہ رہی شکت، شکت کھِچی بےپرواہیِا۔ مَیں چار جُگ پاؤندی رہی فرق، گُرمُکھ منمُکھ روُپ وٹائیا۔ سو میرا بیڑا سِری بھگوان کیِتا غرق، شؤہ دریا رہیا رُڑھائیا۔ بھگتن کریا آپ بےدھڑک، دھڑکن کوئے رہن نہ پائیا۔ اُچی کوُک سارے کہن کڑک، مہاراج شیر سِنگھ تیری سرنائیا۔ اَدھ وِچکار کِسے نہ جانا اٹک، رائے دھرم نہ دئے سزائیا۔ مُڑ کے مات گربھ پھیر کِسے نہ آؤنا پرت، جوُنی جوُن نہ کوئی بھوائیا۔ جِس دی گُر اوتار پیِر پَیغمبر لا گئے شرط، سو شہنشاہ اپنی دَیا کمائیا۔ اوس دے اُتے نہ کوئی سوگ نہ کوئی ہرکھ، اَگے ہو کرے نہ کوئی لڑائیا۔ اپنے حُکمے اندر کرے لِکھت پڑھت، دو جہاناں اپنا حُکم ورتائیا۔ سب دا ویکھنہارا پِچھلا قرض، باقی سب دی پھول پُھلائیا۔ ایہہ کھیل پربھوُ اسچرج، اچرج لیلا آپ ورتائیا۔ جن بھگتاں اپنے مِلن دی رکھّی اِکو مرض، دوُجی مرضی رہن کوئے نہ پائیا۔ نِہکرمی کمّ کیِتا فرضی فرض، فرض اپنا پوُر کرائیا۔ جوتی جوت سروُپ ہرِ، آپ اپنی کِرپا کر، سد دیونہار وڈّی وڈیائیا۔ ویکھ پنج تت رہے ہسّ، تن ماٹی خوشی منائیا۔ دھنّ بھاگ پربھ ساڈا کرے جس، جِس گھر گُرمُکھ آتم رہیا سمائیا۔ سرگُن ہو

کے نِرگُن وس، نِرگُن سرگُن ڈھولا گائیا۔ نیتر ویکھیا پُرکھ سمرتھ، لوچن اپنے درشن پائیا۔ سیوا کیِتی نال ہتّھ، پَیراں پندھ مُکائیا۔ رسنا جِہوا گا کے جس، بتّی دند ملِے وڈیائیا۔ ستھر سیج وچھائی ستھ، پریم وِچھاؤنا نال مِلائیا۔ کِرپا کر گوُڑی نیِند گھر ٹھاکر لائی اکّھ، خوشیاں رَین اِک وِہائیا۔ ترکھان دا لیکھے لگّا اوہ سکّ، جِس سکّ نال نانک بھوجن لیا بنائیا۔ اگّ ڈاہُن والا نال لیا رکھّ، اَچھر سِنگھ نام دھرائیا۔ ایہہ کھیل نہیں دُھر دا پکّھ، پوُرب جنم کرم لیکھ چُکائیا۔ جے دیونہارا نہ دیوے حق، دوُجا دیون والا نظر کوئے نہ آئیا۔ اِکو اِک پُرکھ سمرتھ، سب دی پوُری آس کرائیا۔ جوتی جوت سروُپ ہرِ، آپ اپنی کِرپا کر، جُگ جنم وِچھڑیاں کر اِکٹّھ، اِکٹّھیاں اِکو گھر وسائیا۔

۸ ماگھ ۲۰۲۰ بِکرمی بیِبی لاجی دے گھر، پِنڈ الہڑپِنڈی ضِلع گُرداس پُر

سچکھنڈ نِواسی سُہائے عرش، عرشی پریِتم ناؤں دھرائیا۔ وِشن برہما شِو نیَن رہے ترس، دوئے جوڑ واسطہ سرب پائیا۔ شبدی گُردیو منگے سدا ترس، در ساچے الکھ جگائیندا۔ ترےَگُن مایا منگے ترس، تُدھ بِن مات نہ کوئی رکھائیندا۔ پنج تت منگے درس، تُدھ بِن راہ نہ کوئے چلائیندا۔ چارے کھانی منگے ترس، انڈج جیرج اُتبُھج سیتج دھیان نگائیندا۔ چارے بانی منگے درس، ساچا راگ نہ کوئی سُنائیندا۔ چارے وید منگن ترس، تُدھ بِن صِفت نہ کوئی صلااحِندا۔ چارے کُنٹ منگن ترس، ساچا رنگ نہ کوئے رنگائیندا۔ رَو سس سوُرج چند منڈل منڈپ منگن ترس، تُدھ بِن تارنہارا نظر کوئی نہ آئیندا۔ زِمیں اسمان منگن ترس، بِن صاحِب سِر ہتّھ نہ کوئی ٹِکائیندا۔ لوک پرلوک منگن ترس، تُدھ بِن بنت نہ کوئی بنائیندا۔ راگ دُھن شبد سلوک منگن ترس، تُدھ بِن تار ستار نہ کوئی وجائیندا۔ شاستر سِمرت منگن ترس، تُدھ بِن لیکھ نہ کوئی لِکھائیندا۔ اِنجیل قُرآن گیِتا گیان منگن ترس، تُدھ بِن حرف حروُف نہ کوئی پڑھائیندا۔ گُروُ اوتار منگن ترس، تُدھ بِن سرگُن روُپ نہ کوئی وٹائیندا۔ پیِر پَیغمبر منگن ترس، دوئے جوڑ سرب واسطہ پائیندا۔ کھتری براہمن شوُدر وَیش منگن ترس، چرن کوَل دھیان سرب رکھائیندا۔ جُگ چؤکڑی منگے ترس، تُدھ بِن رحمت نہ کوئی کمائیندا۔ سَتجُگ تریتا دواپر کلجُگ

منگدے گئے دُھر دا ترس، بِن تیرے ترس ساڈی تقسیم نہ کوئی مِٹائیندا۔ دیِن مذہب ذات پات منگن ترس، تُدھ بِن دُئی دوَیت ڈیرہ کوئی نہ ڈھاہِندا۔ کام کرودھ لوبھ موہ ہنکار منگن ترس، آد جُگاد جُگ چؤکڑی تیری اوٹ تکائیندا۔ مایا ممتا ہؤمے ہنگتا منگے ترس، تُدھ بِن نِون سو اکھّر نہ کوئی پڑھائیندا۔ نِت نوِت لکّھ چؤراسی جیِو جنت برہمنڈ کھنڈ پُری لوء آکاش پاتال تیرا منگن ترس، بِن ترس نظر کوئی نہ آئیندا۔ اِکو بھگت تیرے وَیراگ اندر رہیا تڑپ، دوُجی اوٹ نہ کوئی رکھائیندا۔ بِرہوں وِچھوڑے رہیا بھٹک، بھٹکنا مات نہ کوئی مِٹائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ وکھائیا۔ بِن ٹھاکر نہ آوے ترس، دَیاوان دئے سمجھائیا۔ بِن ترس نہ آوے پرت، لوکمات ویس وٹائیا۔ بِن پیار نہ ہووے بھگت، بھگوَن کھیل نہ کوئی کرائیا۔ بِن بھگت رام نہ کرے ترس، جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ بھگت کہے نہ بھٹکنا میری، مَیں تیرا میرا نظر کُچھ نہ آئیا۔ جو وست پربھ سب تیری، تُدھ بِن اَور نہ کوئی وڈیائیا۔ پنج تت کایا ماٹی ڈھیری، خاک تیری جھولی پائیا۔ جوتی جوت سروُپ ہرِ، آپ اپنی کِرپا کر، اپنی ریِتی دے سمجھائیا۔ بھگت کہے بھٹکنا چلے نہ چارا، مان تان نہ کوئی رکھائیا۔ ہؤں بالی بُدھ جیِو انجانا، تیری سمجھ کوئے نہ پائیا۔ آد جُگاد نہ سمجھا تیرا بھانا، کی تیری وڈیائیا۔ اِکو تیرے اُتے مانا، آپ اپنا بھیٹ چڑھائیا۔ شاہ پاتشاہ تُوں ہرِ سُلطانا، سَتگُر اِکو نظری آئیا۔ جوتی جوت سروُپ ہرِ، آپ اپنی کِرپا کر، گھر دینی مان وڈیائیا۔ میری بھٹکنا کوئی نہ زور، بل نظر کوئی نہ آئیا۔ تیرے ہتّھ پربھوُ سچ ڈور، تندی تند تُونہی ستار ہِلائیا۔ کر کِرپا آپے بہُڑ، بہُڑی کوُک کوُک سُنائیا۔ جوتی جوت سروُپ ہرِ، آپ اپنی کِرپا کر، مِہروان ہو سہائیا۔ سِری بھگوان کہے مَیں دیواں بھٹکن، کایا بھانڈے آپ ٹِکائیا۔ دوُجی رہے کوئی نہ اڑچن، روڑا سکے نہ کوئی اٹکائیا۔ مات گربھ جو اُلٹے لٹکن، تِنہاں اگنی تت بچائیا۔ سدا مات کر کے مردن، مردانگی اپنی اِک سمجھائیا۔ بِرہوں وِچھوڑے اندر جو ترسن، تِنہاں رحمت آپ کمائیا۔ ناتا توڑ سوگ ہرکھن، چِنتا غم چُکائیا۔ اِکو دے کے ساکھیات درشن، پہلا لیکھ صاف کرائیا۔ جوتی جوت سروُپ ہرِ، آپ اپنی کِرپا کر، ساچا ترس آپ کمائیا۔ دَیا اندر کمائے ترس، سِری بھگوان ہوئے سہائیا۔ لیکھا جان عرش فرش، دو جہاناں کھوج کھوجائیا۔ جنم جنم دی میٹ حرص، حَیشیت اپنے نال مِلائیا۔ امرت میگھ اِکو برس، جگ بھٹکنا دئے گوائیا۔ جوتی جوت سروُپ ہرِ، آپ اپنی کِرپا کر، میٹنہارا کوُڑا

فرق، فَیصلہ اِکو وار سُنائیا۔ فَیصلے اندر ہووے حُکم، ہرِ حاکم آپ جنائیندا۔ گُرمُکھ گُرسِکھ سچّا تُخم، ثیر ا ل رکھائیندا۔ لکّھ چؤراسی وِچوں آیا پُچھن، پھڑ پھڑ اپنا بھیو کُھلائیندا۔ ہرجن کوئی نہ دیوے لُکن، لُکیاں اپنے رنگ رنگائیندا۔ سَتگُر پریم کدے نہ آوے تُٹن، سدا ٹُٹیاں گنڈھ وکھائیندا۔ نِرگُن دھاروں آوے اُتر، اُتّر پوُرب پچھّم دکھّن دِشا نظر کِسے نہ آئیندا۔ جِنہاں بنائے اپنے پُتر، پِتا ہو گود سُہائیندا۔ ہربھگت گھر گھر منائے شُکر، شہنشاہ اپنا رنگ رنگائیندا۔ بےشک گُرمُکھ جاوے مُکر، سِری بھگوان بُھل کدے نہ جائیندا۔ لالو دا یاد اجے ٹُکر، ٹُکڑے جھولی اپنا آپ بھرائیندا۔ ایہہ لالو دا اوس ویلے دا پُھپھڑ، جِس بھائی بھائی سنگ جوڑ جُڑائیندا۔ ایہہ کچّھ ماری پِھرے کُکڑ، کُکڑ بانگ دے سُنائیندا۔ نانک پُچھیا کی اے گودی تیرا پُتر، جو ہرِ کا نام دھیائیندا۔ اوس ویلے گیا مُکر، مُکھ پِچھا دے بھوائیندا۔ نانک کِہا نہ بن رُٹھڑ، رُسیاں کمّ کِتے نہ آئیندا۔ لالو کِہا نہیں مالک ایہہ میرا پُھپھڑ، فرق وِچ کوئی نظر نہ آئیندا۔ جوتی جوت سروُپ ہرِ، آپ اپنی کِرپا کر، لیکھا جانے ساچا ہرِ، اگلا بھیو آپ کُھلائیندا۔ نانک کہے سُن جبیِل، کی تیری وڈیائیا۔ اوہ کہے میری اِک دلیِل، دِل دا حال سُنائیا۔ جے تُوں بنیا مات وکیِل، کوُڑا جھگڑا رہیا مُکائیا۔ ویکھ میرے کُکڑ اُتے لال رنگ دی ضری شنیِل، کلغی کلغی رہیا ہِلائیا۔ میری تیرے اَگے اِک اَپیِل، مَیں تیری بھیٹ چڑھائیا۔ ایہہ ہےَ بڑا اصیل، جے نانک کھاویں تَینوُں ٹھنڈا دئے کرائیا۔ نانک کِہا اِس دی ایہؤ اِک اَخیِر، جو میری سرنی آئیا۔ لالو نال بدلا ایہدی تقدیِر، سِر اپنا ہتّھ ٹِکائیا۔ ساچی دسّ اِک تدبیِر، ساچا راگ سُنائیا۔ ایہنوُں ذِبح کرے نہ کوئی شمشیِر، شرع حلال نہ کوئی وکھائیا۔ کرد پھڑے نہ کوئی کلمہ پڑھ کے پنج پیِر، پنجہ ایہدے اُتے نہ کوئی رکھائیا۔ مَیں اِس دی کٹّنی بھیِڑ، بھیِڑی گلی پندھ مُکائیا۔ لالو نال ایہدی کھِچی چِٹّے اُتے لکیِر، لیکھا لیکھ دُھر دا پائیا۔ لیکھے لؤاں انت اَخیِر، اَخیِر اپنا ساس گراس وکھائیا۔ جوتی جوت سروُپ ہرِ، آپ اپنی کِرپا کر، دیونہار آپ وڈیائیا۔ کُکڑ کہے نانک میری کلغی، بغل وِچ رہیا ہِلائیا۔ تَینوُں ویکھ مَینوُں بُھلی گرمی سردی، سردی رُت تیرے پریم وِچ منگ منگائیا۔ نانک کِہا تیرا بنے اوہ دردی، جیہڑا میری سردی رہیا گوائیا۔ مَیں وی اوسے در دی بردی، نار سُہاگن روُپ وٹائیا۔ مَیں پنج تت کایا چولا پہنیا فرضی، میرا شہنشاہ اِکو رنگ رنگائیا۔ جِس نے بخشش کیِتی تیری آتم مردی مردی، مرد اپنے نال رکھائیا۔ تیری زبان ویکھی اِکو راگ پڑھدی، تُونہی تُوں سُنائیا۔

جوتی جوت سروُپ ہرِ، آپ اپنی کِرپا کر، دیوے در وڈّی وڈیائیا۔ کُکڑ کہے مَینوُں کہِندے مُرغا، مُغلیا خاندان والے جنائیا۔ بےشک مَیں دو ٹنگاں نال تُردا، بھجّاں واہو داہیا۔ اپنی کلغی ویکھ جھُردا، کلغی والا نظر نہ آئیا۔ جنم جنم وِچ میرا بیڑا رُڑھدا، پھڑ باہوں پار نہ کوئی کرائیا۔ کر کے ذِبح میری گردن ڈوُنگھے کھاتے وِچ جگت جہان سُٹدا، ہڈّیاں سواد لگائیا۔ مَیں سُنیا تُوں بھوگ لگایا لالو روٹ دا، کودھرا خوشیاں نال کھائیا۔ ایسے کر کے درس تیرا لوچدا، لوچا پوُر دینی کرائیا۔ سَتگُر نانک کہے مَیں تیری سوچ سوچدا، تَینوُں سچ دیاں سمجھائیا۔ جو مالک لوک پرلوک دا، سو ہووے تیرا سہائیا۔ جِس کول خزانہ تھوک دا، گُر اوتار پَیغمبراں رہیا ورتائیا۔ ایہہ کھیل اوس دی کھوج دا، جو مُفلساں نال میری یاری لائیا۔ تیرا حال ویکھ نِردوش دا، ترس میرے اندر آئیا۔ رس آوے تیری بانگ جھوک دا، صدا تیری موہے بھائیا۔ تیرا لیکھا چُکے انتم جنم جنم دے روگ دا، روگی ہو کے روگیاں دئے روگ گوائیا۔ تیرا لہنا نِرگُن جوت دا، پنج تت ہوئے سہائیا۔ لیکھا مکُے لالو روٹ دا، گرِہ جھوُٹھا دئے مُکائیا۔ یار بناوے جگت لنگوٹ دا، ناتا بھئیا بھائی جُڑائیا۔ ایہہ کھیل پربھوُ خاموش دا، جو خواہ مخواہ کِسے نہ بات سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن بھگتاں ترس سدا لوچدا، لوچا بھگتاں نال رکھائیا۔

۹ ماگھ ۲۰۲۰ بِکرمی بِشن کؤر دے گرِہ پِنڈ الہڑپِنڈی ضِلع گُرداس پُر

سکّ کہے مَیں کڈھاں ہاڑا، ہوکا دے سُنائیا۔ میرے آسے پاسے لاوے تِکھا کُہاڑا، تِکھی دھار مُکھ وکھائیا۔ میریاں ہڈّیاں بالن کر کے پیارا، سچ پکوان دِتا پکائیا۔ تُوں نِرگُن سرگُن آئیوں چل دوارا، نِروَیر اپنا پھیرا پائیا۔ در تیرے کراں نِمسکارا، نِیوں نِیوں سیِس جھُکائیا۔ میرا لہنا دینا چُکے وِچ سنسارا، گھر ساچی سیو کمائیا۔ جیرج انڈج اُتبُھج سیتج تیرا پسارا، ہر گھٹ اِکو نظری آئیا۔ گھر ساچے ویکھ لگّا اَکھاڑا، مَیں اپنا آپ بھیٹ دِتا کرائیا۔ جوتی جوت سروُپ ہرِ، آپ اپنی کِرپا کر، لیکھا جانے ساچے گھر، گھر اِکو دئے وڈیائیا۔ سکّ کہے میری سچ سکیِری، ناتا لالو نال جُڑائیا۔ میری سمجھ نہ آئے کِسے تقدیِری، بھیو سمجھ کوئے نہ پائیا۔ میرا ایہو وقت اخیِری، جو اپنا آپ

بھیٹ کرائیا۔ جوتی جوت سروُپ ہرِ، آپ اپنی کِرپا کر، سد دے مان وڈیائیا۔ سکّ کہے موہے لگّی اگّ، لاٹ اپنا رنگ رکھائیا۔ مَیں خوشیاں نال نچّیا بن ملنگ، بھٹّھی اندر بھجّا واہو داہیِا۔ نیِواں ہو ہو منگاں منگ، خالی جھولی اَگے ڈاہیِا۔ دھنّ بھاگ میرا لیکھے لگّا انگ، انگیکار اپنے لیکھے پائیا۔ مَینوُں آیا سچ انند، خوشیاں گھر بَیٹھا گاواں چائیں چائنیا۔ جوتی جوت سروُپ ہرِ، آپ اپنی کِرپا کر، موہے دے ساچی وڈیائیا۔ اگّ نال مَیں ہویا کولا، اپنا روُپ وٹائیا۔ وڈّیوں ہویا نِکاّ تھوڑا، چھوٹی مت رکھائیا۔ ٹوٹے ٹوٹے ہویا جوڑا، انگ انگ اپنا آپ جنائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ کولا کہے میری بنے سواہ، خاک روُپ وٹائیا۔ مَیں آد جُگاد جُگ چؤکڑی سب نوُں کراں صفا، کوُڑی کِریا مَیل دھوائیا۔ اِکو نانک منگنا وِچ گواہ، شہادت ساچے گھر بُھگتائیا۔ چوَھی مگھّر لیکھ چُکا، اِکیاں رنگ رنگائیا۔ تیئی مگھّر وقت سُہا، بھٹّھی چُر دِتی وڈیائیا۔ جِس اُتے رِدھا لیا پکا، سِری بھگوان لیا ورتا، ٹُکڑے اپنے ہتّھ اُٹھائیا۔ ہرِسنگت بنا گواہ، ناتھیوال مِلی وڈیائیا۔ اجّ اوس دا لہنا منگن گیا آ، ویلا وقت اِکو نظری آئیا۔ جوتی جوت سروُپ ہرِ، آپ اپنی کِرپا کر، سد دیوے وڈیائیا۔ سواہ کہے مَیں ہوئی سوالن، در تیرے اِک عرضوئیا۔ تیرا نوُر جوت اکالن، اکل کل تیری سرنائیا۔ مَیں سچ دوارے آئی بھالن، چھڈی جگت لوکائیا۔ چار جُگ دی مَیں نِکمّی مالن، پھوُلن ہار تن چُھہائیا۔ تیرا بھیت آئی جانن، اندر وڑ کے چوری چوری دھیان لگائیا۔ جوتی جوت سروُپ ہرِ، آپ اپنی کِرپا کر، ہرِ ایکا دے وکھائیا۔ سواہ کہے مَیں خاک دی چُٹکی، جُگ چؤکڑی قیمت کِسے نہ پائیا۔ سِری بھگوان ویکھ میری پُھرتی، ناتا تیرے نال جُڑائیا۔ سچکھنڈ نِواسی چھڈ کے آئیوں اپنی کُرسی، دھرنی دھرت دھوَل ڈیرہ لائیا۔ میری آن کُھلائی سُرتی، سُرت اپنے نال مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی آپ کمائیا۔ سواہ کہے مَیں مِٹی خاک، ویہہ سؤ دس بِکرمی مِلی وڈیائیا۔ جِس گوبِند نوُر کیِتا پاک، چھوٹے بالے وجّی ودھائیا۔ پُرکھ اکال بنایا مَینوُں ساک، آپ اپنی گنڈھ پوائیا۔ نؤ دوارے کھول تاک، سچ سِنگھاسن دِتا وِچھائیا۔ اوس اُتے مَینوُں رکھّ، اَمانت اپنی لیا بنائیا۔ دس سال مَیں راہ رہی تکّ، نیتر نیَناں نیَن اُٹھائیا۔ سو ویلا آیا حق، حقیِقت ویکھے بےپرواہیِا۔ پوُرب وِچھڑے کر اِکٹّھ، لالو بنس رہیا مِلائیا۔ وِچوں پرم پُرکھ پربھ نٹھ، موہے دیوے مان وڈیائیا۔ نؤ ماگھ اِک چُٹکی اپنے چرناں ہیٹھاں رکھّ، بھگت

دواریوں لیایا چائیں چائنیا۔ اوہ اپنے لائے مستک متھ، گُرمُکھ دیوے مان وڈیائیا۔ بھگتاں کھول اگمّی اکّھ، اپنے نال مِلائیا۔ خوشیاں نال نالے رووے نالے پئے ہسّ، ہستی اپنی اِکو دئے جنائیا۔ ایہہ کھیل پُرکھ سمرتھ، شاہ پاتشاہ اپنی کار کمائیا۔ لالو نوُں ہؤلی ہؤلی پہلوں رہیا دسّ، وِچلا بھیت نہ کوئی کُھلائیا۔ کر کِرپا مرے جیؤندے جاگت سووت سارے کر اِکٹّھ، بیڑا اپنے کندھ اُٹھائیا۔ اَگے اپنے چرناں ہیٹھاں لَویں رکھّ، جِس گھر وسیں بےپرواہیِا۔ بھائیاں نال بھائی مِلائیں ساتھ، ساتھی اِکو سگلا سائینا۔ جوتی جوت سروُپ ہرِ، آپ اپنی کِرپا کر، اِکو دیونہارا ساچا ور، ساچی راکھ دئے وڈیائیا۔ راکھ سُن تُوں ہوئی کولا، اپنا روُپ وٹائیا۔ پاربرہم تیرا چُکیا ڈولا، بن کہار سیو کمائیا۔ تیرا پردہ کِسے نہ پھولا، تیرے اندر کی کی رنگ بھرائیا۔ سچ پریِتی اندر سُنیا تیرا ڈھولا، بولا اپنی جھولی پائیا۔ نِرگُن بنیا مات وِچولا، پردہ اوہلا رہیا مِٹائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ کولے تیرا روُپ بنایا سکّ، ساقط نظر کوئے نہ آئیندا۔ لہنا دینا ہتّھو ہتّھ چُکایا جگت، اُدھار نہ کوئی رکھائیندا۔ مِہروان ہو پُرکھ سمرتھ، صاحِب سَتگُر دَیا کمائیندا۔ جوتی جوت سروُپ ہرِ، آپ اپنی کِرپا کر، در ساچے مان دوائیندا۔ سک ویکھ اپنا تن، تنا بناسپت دیونہار وڈیائیا۔ تیری آرزوُ لئی منّ، گُزارش اپنی جھولی پائیا۔ رسنا کہے دھنّ دھنّ، نِیوں نِیوں سیِس جھُکائیا۔ جوتی جوت سروُپ ہرِ، آپ اپنی کِرپا کر، سکّوں تنے دئے وڈیائیا۔ تنے ویکھ اپنا مُڈ، ہرِ مُڈلی کتھا سُنائیندا۔ جِس دی کِسے نہ آئی سُدھ، سو بھیو ابھیوَ کُھلائیندا۔ جِتھے جَیدیو دِتی سُدھ، سِدھا اپنا راہ وکھائیندا۔ اوس پِپل بڑ تھلّے نِکاّ تیرا بروُٹی مُڈھ، جِس دے اُتے بھگت آسن لائیندا۔ آسن لا ہرِ چرن پریِتی گیا لُج، رُچی صاحِب نال رکھائیندا۔ اوس ویلے نِمانے ہو کے تُوں لیا پُچھ، نیتر نیَن نیر وہائیندا۔ کی تیری بھگتی وِچوں مَینوُں ملِے کُچھ، مَیں تیرا بھار اُٹھائیندا۔ جَیدیو کِہا مَیں اوہدا پُت، جو تیرا روُپ لوکمات پرگٹائیندا۔ جوتی جوت سروُپ ہرِ، آپ اپنی کِرپا کر، ساچا بھیو آپ درسائیندا۔ جَیدیو کہے سُن جھاڑ جڑ، جڑ چیتن کھیل کرائیا۔ جِس دی کِرپا نال کوٹن کوٹ نام اکھّر پتّیاں اُتے لئے پڑھ، پتن بَیٹھا اِکو نظری آئیا۔ تُوں اوس دی چرنی ڈِگیں دڑ، ڈھیہہ کے اپنا حال سُنائیا۔ بِرہوں وِچھوڑے وِچ جائیں سڑ، اپنا آپ مِٹائیا۔ پربھ پھیر کِرپا دیوے کر، تیرا ہوئے سہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی اِک جنائیا۔ جھاڑ کہے دسّ طریقہ، موہے اِک جنائیا۔

کؤن ویلا آئے نزدیِکا، نیرن نیرا پھیرا پائیا۔ کؤن حال سُنے غریِباں، غریِب نِمانے گلے لگائیا۔ جَیدیو کہے مَیں دسّاں سچ پریِتاں، پریِتی اِکو وار دِرڑائیا۔ نانک نِرگُن گھر آوے کیِٹاں، پنج تت کایا چولا جگت ہنڈھائیا۔ کرے کھیل اِک انڈیِٹھا، غریِب نِمانیاں دئے وڈیائیا۔ اوس دے پیار وِچ اپنا آپ دھریں وِچ انگیِٹھا، اگنی بھیٹ چڑھائیا۔ جِس ویلے جگ مگ کرے تیری چِکھا چیتا، اُتے پکوان پکّے خوشیاں راگ الائیا۔ اگلا بھیو جانے سَتگُر جیِو جیِاں کا، لیکھا دئے جنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سُن کے بچن ہویا خوشحال، گھر وجّی اِک ودھائیا۔ میرا سَتگُر بنے دلال، ساچا راہ سمجھائیا۔ مَیں اپنا آپ اگنی بھیٹا دِتا ڈال، بلہیِن اِک اکھوائیا۔ جے میرا منّے سوال، بن سوالی دیاں سُنائیا۔ جوتی جوت سروُپ ہرِ، آپ اپنی کِرپا کر، موہے دے مان وڈیائیا۔ وینہدیاں وینہدیاں سماں گیا لنگھ، گھڑی سُہنجنی سوبھا پائیا۔ نانک بَیٹھا گھر لالو پلنگ، اوڈھن نظر کوئے نہ آئیا۔ خوشیاں وِچ مِل کے مانے انند، انند اِکو اِک جنائیا۔ چُپ چُپیتے نانک ڈھولا گایا چھند، تُوں میرا مَیں تیرا میرے صاحِب سچ گوسائیں۔ اوس ویلے مَیں بھیٹا کیِتا بند بند، اگنی رنگ رنگائیا۔ نانک نِرگُن ہو بخشند، موہے دِتا سمجھائیا۔ جنم دے وِچھڑے منگدے منگ، دیونہار ہوئے سہائیا۔ مَیں ہو نِمانے کِہا بخشِند، تیرے ہتّھ وڈیائیا۔ جِس گھر میرا لالو نال بنیا سنگ، تِس سنگ ناتا دینا جُڑائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ نانک نِرگُن بول سَت کرتار، سَت سَت وِچ جنائیا۔ تیرا رہے سچ پیار، پریِتی اِکو گھر سمجھائیا۔ مانَس جنم ملِے وِچ سنسار، وڈ سنساری ہوئے سہائیا۔ پہلوں بھیٹا تیری چاڑھ، اگنی لمبوُ دیوے لگائیا۔ پِھر کِرپا کرے آپ آ نِرنکار، نِرگُن ہوئے سدا سہائیا۔ جُگ جنم جگت وِچھڑے کرے پار، پاربرہم اپنے وِچ مِلائیا۔ دھوُڑی رتی خاک چھار، شہنشاہ اپنی جھولی پائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، لہنے وِچ لہنا دئے مُکائیا۔

۹ مگھّر ۲۰۲۰ بِکرمی سائیں داس دے گھر پِنڈ الہڑ پِنڈی ضِلع گُرداس پُر

راکھ کہے میری پوُری منگ، پُرکھ اکال پوُر کرائیا۔ دس سال بَیٹھی رہی اُپر پلنگ، دِوس رَین دھیان لگائیا۔ کَون ویلا پربھ دیوے ونڈ، مِہر نظر اِک اُٹھائیا۔ راج راجاناں شاہ سُلطاناں دیوے ڈنڈ، ہرجن ساچے لئے ترائیا۔ ویہہ سؤ گیاراں بِکرمی پنج پوہ کاغذاں اندر کر کے بند، چُٹکی چُٹکی مُہراں لا کے باہر کڈھائیا۔ انتم سب نوُں کرکے رنڈ، اپنا مُکھ آئی بھوائیا۔ جن بھگتاں میل کے سنگ، گھر ساچے خوشی منائیا۔ ایتھے اوتھے جِنہاں دیوے انند، پربھ اپنے گھر رکھائیا۔ ڈھولا گاواں چاواں نال چھند، سوہنگ سچّا راگ الائیا۔ لوکمات دِسے سچ چند، سچکھنڈ ساچے سوبھا پائیا۔ جوتی جوت سروُپ ہرِ، آپ اپنی کِرپا کر، موہے دیوے مان وڈیائیا۔ خاک کہے مَیں گھالی گھال، گھالی گھال پربھ لیکھے لائیا۔ میری بیننتی منّ سوال، سِر میرے ہتّھ ٹِکائیا۔ میل مِلایا بن دلال، بھگتن جوڑ جُڑائیا۔ مَیں دسّاں پِچھلا حال، جُگ چؤکڑی نال مِلائیا۔ مَیں ہُندی رہی بےحال، میرا سنگ نہ کوئی نِبھائیا۔ جوتی جوت سروُپ ہرِ، آپ اپنی کِرپا کر، سچ دِتی مان وڈیائیا۔ خاک کہے موہے چاؤ گھنیرا، وجےّ اِک ودھائیا۔ کوُڑی کِریا چُھٹیا جھیڑا، جھگڑا مُکیا نال لوکائیا۔ پرم پُرکھ پربھ کری مِہرا، مِہر نظر اِک اُٹھائیا۔ جن بھگتاں سنگ رلایا میرا اِک بیڑا، پتن بہہ کے ویکھے چائیں چائنیا۔ اپنی کرنی دِتا اُلٹا گیڑا، گیڑنہار اِک اکھوائیا۔ جِنہاں ٹھاکر مِلیا میرا تیرا، تِنہاں ساگر بھور نہ کوئی بھوائیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکائیا۔ خاک کہے مَیں ہوئی پاک، پتت پاون دَیا کمائیا۔ میرے ول لیا جھاک، گھر نیتر نیَن کُھلائیا۔ بھگتاں نال بنایا میرا ساک، سجّن ساچے سچ وکھائیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ پوُری آسا دیِن دَیال، پربھ میری انت کرائیا۔ جن بھگتاں پِچھے کراں اِک سوال، سِری بھگوان اَگے جھولی ڈاہیِا۔ کِرپا کر میرے مِہروان، محبوُب تیری سرنائیا۔ جو تیری چرنی ڈِگے آن، تِس جم پوہ نہ سکے رائیا۔ تِس دی خاک نہ اُڈے وِچ جہان، مڑھی مسان نہ کوئی بھوائیا۔ گور وِچ دبےّ کوئی نہ پڑھ کلام، کلمہ تیرا اِکو نظری آئیا۔ خوشیاں نال ویہویں صدی سدّ کے دیواں پَیغام، پیِر پَیغمبراں آکھ سُنائیا۔ ویکھو پُرکھ اکال بدلیا اِنتظام، نؤبت اپنا نام وجائیا۔ بھگت سُہیلے کر پروان، سچّا اپنا راہ وکھائیا۔ آون جاون لکّھ چؤراسی مُکا کے کان، کرم کانڈ ڈیرہ ڈھاہیا۔ واسا دیوے سچ مکان، جِس

ر بہہ بہہ خوشی ل سوبھا پائیا۔ پِچھلے مرے ا جّیِنودے کرے پروان، جِنہاں وِچوں گُرمُکھ گُرسِکھ نظری آئیا۔ ایہو کِرپا کرے مہان، جِس دی نِشانی مات نہ کوئے وکھائیا۔ مہاراج شیر سِنگھ وِشنوُں بھگوان، جیِنویاں جیِنودیاں مریاں مردیاں مدد کرے آن، مُردا خِلعت کرن کوئی نہ پائیا۔

۹ ماگھ ۲۰۲۰ بِکرمی سروُپ سِنگھ دے گھر پِنڈ الہڑ پِنڈی ضِلع گُرداس پُر

خاک کہے سرب خلق خاک، انت خاکی خاک سمائیا۔ بِن صاحِب سَتگُر کوئی نہ سکے راکھ، رکھیا کرے نہ کوئی تھاؤں تھائنیا۔ دو جہاناں نیَن کھول کے ویکھیا تاک، چاروں کُنٹ دھیان لگائیا۔ انت نِبھاوے نہ کوئی ساتھ، سنگی ساتھی پلّوُ جان چُھڈائیا۔ لکّھ چؤراسی ویکھے خالی ہاتھ، نیتر روون واہو داہیا۔ جِنہاں صاحِب سَتگُر کر کِرپا دِتی نام وتھ، وست امولک جھولی پائیا۔ سو گُرمُکھ آؤندے جاندے جمدے مردے رہے ہسّ، غمی روُپ نہ کوئے وٹائیا۔ تِنہاں اپنے دوارے لئے سدّ، جِنہاں اپنا رنگ رنگائیا۔ جنم مرن دی پار حد، گیڑا گیڑ نہ کوئی وکھائیا۔ دو جہاناں وِچوں کر کے اڈّ، گھر ساچا اِک وکھائیا۔ لیکھے لا کے ماٹی ہڈّ، چمڑی اپنی جھولی پائیا۔ خاک کہے مَیں آئی اوس دے ہتّھ، جِس ہتّھاں نال دھرنی دِتی وڈیائیا۔ رَوداس چمیارا سئیؤ سچ گیا دسّ، ہُن اکال نال رکھائیا۔ جوتی جوت سروُپ ہرِ، آپ اپنی کِرپا کر، ساچی خاک دی رکھے پت، جِنہاں پرمیشور مِلیا بےپرواہیِا۔ خاک کہے خاکی جگ، خالص نظر کوئے نہ آئیندا۔ گھر گھر کوُڑی لگّی اگّ، ترِکھا ترِسنا نہ کوئی بُجھائیندا۔ مایا ممتا پی پی مد، جیِو جگت جہان کوُڑا ڈؤروُ ڈنک وجائیا۔ گھر مُرشد کوئی نہ لئے سدّ، پرؤہناچاری سرِشٹ سبائی جگت ہنڈھائیندا۔ جوتی جوت سروُپ ہرِ، آپ اپنی کِرپا کر، جِنہاں ہووے آپ وس، تِنہاں اپنے وس کرائیندا۔ خاک کہے مَیں وست انمُلّی، میری قیمت کِسے نہ پائیا۔ مَیں پہلوں بنائی ساڈے تِنّ ہتّھ کُلیّ، نؤ دوارے دربار پھیر سُہائیا۔ مَینوُں پربھ کولوں چُھٹی مِل گئی کُھلی، جن بھگتاں مِلاں چائیں چائنیا۔ مَیں اُڈاں نہ کدے ہوا بُلیں، بُلیاں وِچ نہ کوئی رلائیا۔ مَیں اوس دے تول تُلی، جِس دا ترازوُ ویکھن کوئے نہ پائیا۔ لکّھ چؤراسی مَینوُں بُھلی، بُھلی بھٹکی نوُں ہرِسنگت نظری آئیا۔ جِتھوں پریم پیار دی

مِلی اِکو چُلی، چرنامت دِتا بےپرواہیِا۔ مَیں بھاگاں بھری پھلی پُھلی، مہک بھگتاں نال رلائیا۔ جِس خاک سڑکے منزل چڑھکے نانک دی پکائی گُلّی اوہ انمُلّی، کُلیّ وِچوں نظری آئیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر میرے اُتے رکھائیا۔

۹ ماگھ ۲۰۲۰ بِکرمی سانجھی رام دے گھر پِنڈ الہڑ پِنڈی ضِلع گُرداس پُر

خاک کہے پربھ ہو دَیال، اکال میری بنت بنائیا۔ پریم پریِتی لا نال سِنگھ پال، سچّا ناتا دِتا جُڑائیا۔ سِنگھ سوَرن وسیا آن، گھر ساچے پھیرا پائیا۔ بال منجیِت کر پروان، موہے دِتی مان وڈیائیا۔ جگدیِش جھُلا اِک نِشان، چؤوی جُگ لیکھ مُکائیا۔ گُردَیال ویکھ راج راجان، حُکم رعیت روُپ سمجھائیا۔ پنجاں کر آپ پروان، ساچی گھاڑت لئی گھڑائیا۔ جن بھگتاں دےکر دان، میری قیمت پربھ نے پائیا۔ نیہاں ہیٹھ رکھایا مان، مُٹھی ڈھائی سوبھا پائیا۔ خوُن کر بلیدان، نِرگُن سرگُن بھیٹ چڑھائیا۔ سچ دوارا کھول دُکان، سؤدا اِکو نام وِکائیا۔ لیکھا چُکا دو جہان، ساچا مارگ اِک رکھائیا۔ گُر اوتاراں پیِر پَیغمبراں پوُرے کر بیان، بھوِکھت سب دی جھولی پائیا۔ بیِس بیِسا ہو پردھان، سچ پردھانگی آپ سمجھائیا۔ لکّھ چؤراسی وِچوں کر کے پہچان، گُرمُکھ گُرسِکھ دئے وڈیائیا۔ انت لہنا چُکائے آن، بےانت اپنا پھیرا پائیا۔ سب دی چِکھا دا بالن پاڑے ترکھان، بِن ترکھان کُہاڑا ہتّھ نہ کوئی اُٹھائیا۔ کی ہویا جے لالو ایہناں نالوں بال، لالا بُھل کدے نہ جائیا۔ ایہہ اوسے دا ہان پروان، جو سنگی ساتھی اِکٹّھے کیتے در آ کے درشن پائیا۔ جِنہاں دا نانک بنیا مہمان، تِنہاں دا محبوُب لیکھا رہیا مُکائیا۔ غریِباں وِچ غریِب پہچان، نیِچاں وِچوں نیِچ کر پروان، دہلیزاں وِچوں لنگھ آپ بھگوان، ریِجھاں گُرمُکھاں پوُر کرائیا۔ جوتی جوت سروُپ ہرِ، آپ اپنی کِرپا کر، کِسے نظر نہ آوے لایاں نیجھاں، کاغذاں پتّراں اکھّراں وِچوں ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، مِہروان ہو کے آپ پتیِجا، چاچے بھتیِجے سارے رہیا ترائیا۔