کتب خانہGranth 16 (Urdu)

۲۳ ماگھ ۲۰۲۰ بِکرمی سردارا سِنگھ دے گھر کلا نؤر شہر ضِلع گُرداس پُر

ستگُر شبد پوُری منگ، نؤ سؤ چُرانوے چؤکڑی جُگ پِچھوں انت کرائیندا۔ صاحِب سَتگُر دے انند، سچ سمگری جھولی پائیندا۔ دُھر سندیسہ سوُرا سربنگ، نر نِرنکارا آپ سُنائیندا۔ جُگ چؤکڑی جو ونڈی ونڈ، دیِن مذہب آپ سمجھائیندا۔ کلجُگ انتم

ویکھ سب دی ننگی کنڈ، سِر ہتّھ نہ کوئی رکھائیندا۔ کوُڑی کِریا پاون ڈنڈ، سچ دھرم نہ کوئی جنائیندا۔ من واسنا کیِتی کھنڈ کھنڈ، بُدھی میل نہ کوئی مِلائیندا۔ آتم سب دی ہوئی رنڈ، کنت سُہاگی سنگ نہ کوئی رکھائیندا۔ گھر پرکاش نہ چڑھیا چند، تن اندھیر نہ کوئی مِٹائیندا۔ کایا چولی نہ سکے رنگ، دُرمت مَیل نہ کوئی دھوائیند ا۔ آتم پرماتم ڈھولا گائے کوئی نہ چھند، سنسا روگ نہ کوئی چُکائیندا۔ آسا ترِسنا مایا ممتا کوُڑی کِریا کھاون گند، امرت رس جام نہ کوئی پیائیندا۔ پِھری دُہائی وِچ وربھنڈ، جوتی جوت سروُپ ہرِ، آپ اپنی کِرپا کر، ساچا کھیل آپ وکھائیندا۔ ساچا کھیل کلجُگ دھار، دھرنی دھرت دھوَل ویکھ وکھائیا۔ نیتر رووے کھانی چار، انڈج جیرج اُتبُھج سیتج رہی کُرلائیا۔ چارے بانی دھاہاں رہی مار، پرا پسنتی مدھم بَیکھری اپنا حال سُنائیا۔ گُر اوتار پیِر پَیغمبر ناتا توڑ گئے سنسار، ساچا سنگ نظر کوئی نہ آئیا۔ شاستر سِمرت وید پُران کرن ہاہاکار، اِنجیل قُرآن ہوکا دے دے رہے سُنائیا۔ چاروں کُنٹ دِسے دھوُاں دھار، ساچا نوُر نہ کوئی رُشنائیا۔ پُرکھ اکال ابناسی گھٹ گھٹ واسی نظر نہ آئے نِرگُن یار، سرگُن سجّن سچ نہ کوئی مِلائیا۔ سچ سندیسہ دیوے کوئی نہ آن، مندر اندر کایا راگ نہ کوئے الائیا۔ دُھر دا لیکھا سکے نہ کوئی وِچار، پڑھ پڑھ تھکّی سرب لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شبدی سُت رہیا وکھائیا۔ کلجُگ ویکھ جگت اندھیرا، جاگرت جوت نہ کوئے رُشنائیندا۔ کِسے نہ سُجھے سنجھ سویرا، نِرمل نوُر نہ کوئی چمکائیندا۔ سادھ سنت بنّھے کوئی نہ بیڑا، شؤہ دریا پار نہ کوئی کرائیندا۔ لکّھ چؤراسی جیِو جنت جُڑیا دسےّ کیہڑا، گرِہ مندر اندر سوبھا سچ نہ کوئی پائیندا۔ پُرکھ اکال کِسے نظر نہ آئے نیڑا، دوُر دُراڈا پندھ نہ کوئی مُکائیندا۔ پنج وِکارا گھر گھر چِھڑیا جھیڑا، جھگڑا اَگے ہو نہ کوئی مُکائیندا۔ گُر اوتار پیِر پَیغمبر لیکھا لِکھ کے گئے بتھیرا، کاغذ قلم شاہی رو رو سرب سُنائیندا۔ کوئی نہ کہے پربھوُ مَیں تیرا، جگت ناتا سرب وکھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا راہ آپ جنائیندا۔ شبد سُت اُٹھ ویکھ کر دھیان، کر کِرپا رہیا جنائیا۔ سرِشٹ سبائی بُھلا سرب گیان، گُر کا شبد کھوج کوئے نہ پائیا۔ اٹھسٹھ تیِرتھ گنگا گوداوری جمنا سُرستی نہاون نہان، سچ سروور تاری کوئے نہ لائیا۔ رسنا جِہوا بنیا پیِن کھان، امرت رس نِجھر جھِرنا نہ کوئے جھِرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جگت ریِتی رہیا وکھائیا۔ شبد گُر ویکھ جگت ریِتی،

ریِتیوان دَیا کمائیندا۔ خالی دِسے مندر مسیِتی، شِودوالا مٹھ سوبھا کوئے نہ پائیندا۔ گُروُدوار ملِے نہ پَون ٹھانڈی سیِتی، اگنی تت نہ کوئی بُجھائیندا۔ ایکا روُپ نظر نہ آئے ہست کیِٹی، اوُچ نیِچ جھگڑا سرب جنائیندا۔ سارے گاؤندے پڑھدے کہانی پِچھلی بیِتی، اگلا راہ گھر دا بھیوَ نہ کوئی سُنائیندا۔ سِمرت وید پُران کہن پتت پُنیِتی، پتت پاون بےپرواہ اِکو اِک اکھوائیندا۔ آد جُگاد جُگ چؤکڑی لکّھ چؤراسی جِس دی نِکی جہی باغیچی، گُر اوتار پیِر پَیغمبر روُپ وٹائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کلجُگ انتم بھیو چُکائیندا۔ شبد گُر ویکھے نیَن، نیتر اکّھ نظر نہ آئیا۔ الف یے کی کُچھ کہن، کَون ملِے جگت وڈیائیا۔ پیِر پَیغمبر کی کُچھ آئے دین، وست امولک کی ورتائیا۔ گُر اوتار کِس مندر آئے رہن، کَون دوارا سوبھا پائیا۔ شاستر سِمرت کِس دوارے ٹھانڈے ہو کے بہن، سانتک سَت روُپ وٹائیا۔ جوتی جوت سروُپ ہرِ، آپ اپنی کِرپا کر، وکھاونہارا ساچا گھر، در دروازہ اِک کُھلائیا۔ کلجُگ کُھلیا ویکھ دروازہ، دُھردرگاہی بھیو چُکائیندا۔ بھوُپت بھوُپ راجن راجا، شہنشاہ حُکم سُنائیندا۔ اسوَ گھوڑا دُھر دا تازا، شاہ سوارا ویس وٹائیندا۔ پیِر پَیغمبر گُر اوتار جِس نے سازن سازا، گھاڑت گھڑ روُپ وٹائیندا۔ دو جہاناں پِھرے بھاجا، نِرگُن سرگُن ویکھ وکھائیندا۔ جُگ چؤکڑی رچنہارا کاجا، لکّھ چؤراسی بندھن پائیندا۔ شبد اگمّی مارے واجا، دُھر دی بانی بان لگائیندا۔ آد جُگاد جُگ چؤکڑی جن بھگتاں ہووے داسی داسا، بن سیوک سیو آپ کمائیندا۔ انتم ویکھے کھیل تماشا، نِروَیر نِرگُن نِراکار جوت رُشنائیندا۔ جوت سروُپی جوت پرکاشا، شبدی ڈنک وجائیندا۔ گُرمُکھاں کرے پوُری آسا، کلجُگ کوُڑی کِریا دوُر کرائیندا۔ لکّھ چؤراسی کرے بند خلاصا، آون جاون پندھ مُکائیندا۔ نام جپائے سواس سواسا، پَون پَوناں وِچ سمائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی دھار آپ بدلائیندا۔ ساچی دھار کرے بدلی، بدلا دو جہان چُکائیا۔ پُرکھ اکال اِکو عدلی، سچ عدالت نام اِک لگائیا۔ گُرمُکھ پُچائے اپنی مزلی، پندھ دوُر دُراڈا دئے چُکائیا۔ فضل کرے وڈ داتا فضلی، مِہروان رحمت اِک کمائیا۔ جوتی جوت سروُپ ہرِ، آپ اپنی کِرپا کر، دیونہارا سدا وڈیائیا۔ کلجُگ ویکھ انت انوکھا، پُرکھ اکال دَیا کمائیا۔ سرِشٹ سبائی کردی ویکھی دھوکھا، ساچا سجّن روُپ نہ کوئی وکھائیا۔ جن بھگتاں کِرپا کرکے دسےّ مارگ سؤکھا، دُھر سندیسہ راگ سُنائیا۔ لکّھ چؤراسی مانَس جنم وِچوں اِکو مؤقع، پُرکھ اکال جھولی پائیا۔ ساڈھے تِنّ

ہتّھ بھگت سُہائے جگت سُہائے کوٹھا، گھر وِچ گھر ڈیرہ لائیا۔ کر پرکاس نِرگُن جوتا، دِیپک دِیااِک ٹِکائیا۔ راگ ناد گائے بِن تال تلواڑ سلوکا، انراگی اپنا راگ سُنائیا۔ جِنہاں پاربرہم پت پرمیشور مِلیا تِنہاں لوڑ رہے نہ پڑھنا پوتھا، کاغذ ویکھ نہ خوشی منائیا۔ پربھ درشن دا رکھّن شؤقا، نیتر نیَن نیَن اُٹھائیا۔ بِہبل ہو کے اُچی کوُک سُناون ہوکا، سرِشٹ سبائی دیِن سمجھائیا۔ آؤ ویکھو پربھ دی نؤکا، نئیا نام رہیا چلائیا۔ گُرمُکھ وِرلا اوتھے پہنچا، جِس دیوے مان وڈیائیا۔ لکّھ چؤراسی جیِو جہان بِن ہرِ نامے خالی گیاں اؤنتا، پئی کوُڑی جگت دُہائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا ہرِ، جن ساچے لئے جگائیا۔ کلجُگ انتم کھولے جاگ، جن بھگتاں بوُجھ بُجھائیندا۔ انتر آتم دے وَیراگ، دُھر دی دھار وکھائیندا۔ سچ سُنائے شبد ناد، تن نگارے چوٹ لگائیندا۔ بھیو چُکائے برہم برہماد، برہمانڈ اپنی کل پرگٹائیندا۔ لیکھا جانے کایا ماٹی چام، تتو تت کھوج کھوجائیندا۔ واحد لاشریِک اِکو گاڈ، پرم پُرکھ اکھوائیندا۔ جن بھگتاں کرے دُھر دا لاڈ، صوُفی گودی آپ بہائیندا۔ ایتھے اوتھے رکھےّ لاج، دو جہاناں سوبھا پائیندا۔ اندر وڑ کے کایا پؤڑے چڑھ کے شبد اَگے کھولے راز، رازق رحیِم دَیا کمائیندا۔ لیکھا چُکے وُضوُ سجدہ نماز، نوازش اپنی اِک کرائیندا۔ جن بھگتاں بن مُحتاج، مُحبّت اپنے نال بنائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے اکّھ کُھلائیندا۔ ہرجن کھول اپنی اکّھ، بِن اکھّراں اکھّر دئے جنائیا۔ نِرگُن روُپ ہو پرتکھ، پارکھوُ اپنا پڑدہ لاہیِا۔ ہِردے اندر انتم وس، پرماتم ہو سہائیا۔ تیِر نِرالا مارے کس، تِکھی مُکھی دھار بنائیا۔ گڑھ ہنکاری بُرج جائے ڈھٹّھ، مایا ممتا ڈیرہ ڈھائیا۔ کوُڑی کِریا ہووے بھٹّھ، لمبوُ جوتی اِکو لائیا۔ انتر آتم دیوے رس، رس رسیِا بےپرواہیِا۔ جن بھگتاں انتر آپے ہسّ، خوشیاں راگ سُنائیا۔ تُوں میرا مَیں تیرے وس، دوُجا نظر کوئی نہ آئیا۔ بھگت بھگوان میلا اِک اِکٹّھ، گھر ساچے وجےّ ودھائیا۔ سوہنگ روُپ اِک دوُجے دا گاون جس، دوَیتی روُپ نہ کوئی وکھائیا۔ جوتی جوت سروُپ ہرِ، آپ اپنی کِرپا کر، جن بھگتاں پت لئے رکھّ، رکھیا کرے تھاؤں تھائنیا۔ کلجُگ انت بھگت بھگوَنت، بھاوی بھےَ بھؤ سرب چُکائیا۔ نام جنا منیِا منت، من واسنا ڈیرہ ڈھاہیِا۔ چولی چاڑھ رنگ بسنت، کایا دئے وڈیائیا۔ بودھ اگادھ بن کے پنڈت، ساچی وِدیا دئے سمجھائیا۔ لیکھ چُکا جیرج انڈج، اُتبُھج سیتج ڈیرہ ڈھاہیا۔ مانَس جنم بنا بنت، ساچا گھاڑت لئے گھڑائیا۔ کر مِلاوا نار کنت، سیج سُہنجنی سوبھا پائیا۔

گُرمُکھ میل ساچے سنت، جن بھگتاں دئے وڈیائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، شبد گُردیو الکھ ابھیوَ انتر آتم پرماتم برہم پاربرہم نِہکرم اپنی کرنی کرتا دئے سمجھائیا۔

۲۳ ماگھ ۲۰۲۰ بِکرمی بیِبی جیِتو دے گھر رام پُرا ضِلع گُرداس پُر

بھگت گرِہ سدا اٹل، آد جُگاد سوبھا پائیندا۔ دو جہاناں اُپر محل، سِری بھگوان آپ سُہائیندا۔ نِرمل دِیپک رہیا بل، جوتی نوُر ڈگمگائیندا۔ جوتی جوت سروُپ ہرِ، آپ اپنی کِرپا کر، جُگ چؤکڑی جن بھگتاں ویکھ وکھائیندا۔ جگت منارا سب تے اُچا، اوُچو اوُچ دئے وڈیائیا۔ جِس اندر گُرمُکھ گُرسِکھ سوہنا سُت، نِج نیتر دھیان لگائیا۔ گرِہ مندر اندر اِکو نام بُھجا، کوُڑی کِریا نیڑ نہ آئیا۔ پُرکھ ابناسی سد بھگتاں اُپر تُٹھا، غریِب نِمانیاں گلے لگائیا۔ جوتی جوت سروُپ ہرِ، آپ اپنی کِرپا کر، نِت نوِت ہوئے سہائیا۔ بھگت دوارا سوہنا رنگ، ہرِ گھاڑت آپ گھڑائیندا۔ آتم سیجا سچ پلنگ، ہرِ سوہنی بنت بنائیندا۔ انحد شبد ناد دُھن مردنگ، دُھن آتمک راگ الائیندا۔ سچ سروور دھارا گنگ، نِجھر جھِرنا اِک جھِرائیندا۔ کوُڑی کِریا ڈھاہ کندھ، سچ محراب اِک سُہائیندا۔ سچ گرِہ بہہ کے پرم پُرکھ پرماتم مانے انند، جوتی جوت سروُپ ہرِ، آپ اپنی کِرپا کر، ہرجن ساچے میل مِلائیندا۔ بھگت دوار کُلیّ ککّھ، پربھ ویکھ خوشی منائیا۔ نِرگُن روُپ کر پرتکھ، ساکھیات درس وکھائیا۔ لکّھ چؤراسی وِچوں کرکے وکھّ، سوہنی اپنی بنت بنائیا۔ دُھر دا مارگ دیوے دسّ، انتر آتم کرے پڑھائیا۔ نام ونجارا کھول ہٹّ، ساچی وست اِک ورتائیا۔ جوتی جوت سروُپ ہرِ، آپ اپنی کِرپا کر، جُگ چؤکڑی جن بھگتاں خوشی وکھائیا۔ بھگت دوارا سوہنا مندر، نوُری جوت نوُر رُشنائیا۔ بھاگ لگائے ساچے اندر، گھر پریِتم نظری آئیا۔ ہویا پرکاس ڈوُنگھی کندر، چاروں کُنٹ خوشی وکھائیا۔ من واسنا دہ دِشا نٹّھے بندر، بھجےّ واہو داہیِا۔ بجرکپاٹی کُھلے جِندر، دُئی دوَیتی ڈیرہ ڈھاہیِا۔ شرع شریعتی رہے نہ کوئی سنگل، آسا ترِسنا بندن کوئی نہ پائیا۔ اٹّھے پہر گیِت گوبِند منگل، اِکو راگ سُنائیا۔ جوتی جوت سروُپ ہرِ، آپ اپنی کِرپا کر، جن بھگتاں ویکھ وکھائیا۔ بھگت دوارا نیِکن نیِکا، نِون-سو-اکھّر اِک سمجھائیندا۔ جِس دا رس اُتم میٹھا، بِن گُرمُکھاں ہتّھ

کِسے نہ آئیندا۔ لکّھ چؤراسی سادھ سنت جیِو جنت کؤڑا ریِٹھا، کام کرودھ لوبھ موہ ہنکار سرب کُرلائیندا۔ صاحِب سَتگُر کِسے نہ مِلیا میِتا، گھر سجّن درس نہ کوئی پائیندا۔ جوتی جوت سروُپ ہرِ، آپ اپنی کِرپا کر، جن بھگتاں کھیل وکھائیندا۔ جن بھگت گرِہ ویکھن دروازہ، دیِن دَیال دَیا کمائیا۔ آد جُگاد غریِب نوازا، نِردھن سردھن رہیا ترائیا۔ شہنشاہ شاہو وڈ راجن راجا، نیِکن نیِکا اپنا پھیرا پائیا۔ گُرمُکھاں دیوے نام نِدھان دُھر دی داتا، انمُلڑی آپ ورتائیا۔ جوتی جوت سروُپ ہرِ، آپ اپنی کِرپا کر، ہرجن دیوے مان وڈیائیا۔ ہرجن وڈیائی لوکمات، ہرِ کرتا آپ رکھائیندا۔ سچ پریِتی دیوے نات، چرن کوَل چِت لائیندا۔ آتم پرماتم دُھر دی گاتھ، ساچا ڈھولا آپ سُنائیندا۔ کلجُگ میٹ اندھیری رات، جوتی نوُر چند چمکائیندا۔ لہنا مکُے ذات پات، اوُچ نیِچ نہ کوئے رکھائیندا۔ سرب جیِاں گھٹ وسے ساتھ، گرِہ مندر سوبھا پائیندا۔ جوتی جوت سروُپ ہرِ، آپ اپنی کِرپا کر، ہرجن اپنے گھر وسائیندا۔ ہرجن وسے گھر اتھاہ، سو سَتگُر آپ وسائیا۔ ہرمندر سُہنجنا دئے سُہا، اگمّی جڑت جڑائیا۔ گُر اوتار پیِر پَیغمبر جِس دا دسّ کے گئے راہ، بھگت کوُک کوُک سُنائیا۔ عیسیٰ موُسیٰ محمد جِس نوُں کہِندے گئے نوُری خُدا، جلوہ ظاہر ظہوُر رُشنائیا۔ نام منتر جِس دا گئے جپا، اکھّراں نال کر پڑھائیا۔ سو صاحِب سِری بھگوان جن بھگتاں سِدھا ملِے آ، سَتجُگ تریتا دواپر کلجُگ پھیرا پائیا۔ نِرگُن نِروَیر ہو بنے ملاح، بیڑا اپنے کندھ اُٹھائیا۔ پار کرائے جل تھل اسگاہ، ڈوُنگھی بھوَری نہ کوئی بھوائیا۔ ساچا مندر دئے وکھا، جِس گھر وسے بےپرواہیِا۔ جوتی جوت سروُپ ہرِ، آپ اپنی کِرپا کر، ہرجن ویکھے تھاؤں تھائنیا۔ ہرجن مندر سدا انمُلّا، دو جہان قیمت کوئی نہ پائیندا۔ جُگ چؤکڑی سدا کُھلا، اندر بند نہ کوئی وکھائیندا۔ ابناسی کرتا نر نرائن در درویش آوے بُھلا، روُپ انوُپ وٹائیندا۔ بھاگ لگائے گُرمُکھ کُلا، جِس کُلیّ اندر ہرجن سوبھا پائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ مِہر نظر کرے بھگوان، بھگتن دیونہار وڈیائیا۔ بِن اکھّراں دے گیان، شبدی دھار اِک سمجھائیا۔ آتم پرماتم ملِے آن، لکّھ چؤراسی جھیڑا دئے چُکائیا۔ مندر سُہائے سچ مکان، چھپر چھنّ سوبھا پائیا۔ چار دیوارا کرے پروان، چاروں کُنٹ ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے لئے ترائیا۔ تارن کو پربھ ایک سوامی، ہرِ کرتا کرتار اکھوائیا۔ لکّھ چؤراسی انترجامی، گھٹ گھٹ ویکھ وکھائیا۔ شاستر سِمرت وید پُران گیِتا گیان اِنجیل قُرآن

جِس دی کھانی بانی، دُھر دا ڈھولا راگ الائیا۔ اٹھسٹھ تیِرتھ سر سروور جِس دا ٹھنڈا پانی، سو امرت اِک میگھ برسائیا۔ جُگ چؤکڑی جِس دی چارے کھانی، اُتبُھج سیتج انڈج جیرج راہ چلائیا۔ سو پُرکھ اکال دیِن دَیال جن بھگتاں دیوے اِکو پد نِربانی، نِربان پد آپ سمجھائیا۔ لکّھ چؤراسی جیِو رسنا جِہوا پڑھ سرون سُنن کہانی، نیتر نیَن درس کوئی نہ پائیا۔ جوتی جوت سروُپ ہرِ، آپ اپنی کِرپا کر، جن بھگتاں وکھائے اوہ گھر، جِس گھر جنم مرن دا چُکے ڈر، رائے دھرم نہ لئے پھڑ، لاڑی مؤت کرے نہ انت کُڑمائیا۔ سَتگُر پوُرا حاضر حضوُرا شبدی تُورا جوتی نوُرا، نِرگُن نِرگُن نِراکار نِرنکار سُرتی شبدی جوڑ کر، انتم لےَ کے جائے اپنے گھر، جِس گھر وسے بےپرواہیِا۔

۲۳ ماگھ ۲۰۲۰ بِکرمی تیجا سِنگھ دےسریِر چھڈؤن سمیں لِکھت پِنڈ الہڑ پِنڈی

دوُر وسدا آیا نیڑے، اپنا پندھ مُکائیا۔ اِکٹّھے ہوئے ساچے ویہڑے، پوُرب جوڑ جُڑائیا۔ ٹھٹھیار مارکے آیا پھیرے، بھجّا واہو داہیِا۔ پِچھلا لیکھا رہیا نبیڑے، ہرِ کرتا دَیا کمائیا۔ جوتی جوت سروُپ ہرِ، آپ اپنی کِرپا کر، لیکھا ویکھے تھاؤں تھائنیا۔ ویکھ ٹھٹھیار تیرا پِچھلا کُکڑ، جِس دی کرے سچ وڈیائیا۔ جیہڑا پھڑیا لالو پُھپھڑ، اپنی گود اُٹھائیا۔ بناؤنا چاہُندے نانک ٹُکر، بھوجن روُپ وٹائیا۔ رو پُکار اُس منگیا اُتر، کِس بِدھ میری بھیٹ چڑھائیا۔ مَیں بےزبان نہ جاواں مُکر، پلّوُ سکاں نہ کوئی چُھڈائیا۔ دھن بھاگ مَیں کراں شُکر، جے مؤت توں پہلاں مَینوُں نانک درشن دِتا کرائیا۔ جوتی جوت سروُپ ہرِ، آپ اپنی کِرپا کر، ساچی کھیل جنائیا۔ کُکڑ کہے میرا کُرلاؤنا، صاحِب سَتگُر بھائیندا۔ اُس دے بِنا نہ کِسے بچاؤنا، بیڑا پار نہ کوئی لنگھائیندا۔ مَیں اِکو وار منگ منگاؤنا، ساچی آس رکھائیندا۔ جے لالو سَتگُر نانک پرسادِ چھکاؤنا، میرا پرچہ کوئی نہیں پائیندا۔ ایسے خاطر سی مَیں درشن پاؤنا، سو درشن پا خوشی منائیندا۔ جوتی جوت سروُپ ہرِ، آپ اپنی کِرپا کر، ساچی کھیل تیرے ہتّھ وکھائیندا۔ نانک انتر مار دھیان، بن اگّما ویکھ وکھائیا۔ ویکھو کِڈا ایہنوُں گیان، اندرے اندر رہیا دِھیائیا۔ میری سار نہ پاوے کوئی اِنشان، بِن لالو سمجھ کِسے نہ آئیا۔ بےشک ایہہ لکڑہارا ترکھان، تیِسا کُہاڑا اپنے انگ رکھائیا۔ جوتی جوت سروُپ ہرِ، آپ اپنی کِرپا کر، انتر درِشٹی نانک ایک اِکو دِرڑائیا۔ انتم درِشٹی نانک پا کے، شبدی دھار جنائیندا۔ ویکھ

مُرگے دھیان لگا کے، مِہروان مُردے پھیر جوائیندا۔ تیرا لیکھا لگّے آ کے، تیری فریاد اپنی جھولی پائیندا۔ ناتا لالو نال جائے بنا کے، سوہنا بنس سُہائیندا۔ اَگوں کُکڑ کِہا جِس مَینوُں پالیا پریِتی لا کے، سو ٹھٹھیارا اِس دے پِچھے ڈیرہ لائیندا۔ جِس کؤلی تھال لیاندا گھڑا کے، سوہنی بنت بنائیندا۔ مَیں اِک سوال منگاں جھولی ڈاہ کے۔ کلغے والے اپنی کلغی تیرے چرن نِوا کے، ساڈا سنگ نہ جائیں چُھڈا کے، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی بنت آپ بنا کے۔ نانک کِہا کر پیار، تیری بانگ موہے بھائیا۔ تیری آواز وِچ اِک راز، جیہڑی سمجھ سکے کوئی نہ رائیا۔ اُس دی سارے کرن تلاش، کھوجے جگت لوکائیا۔ اُس دا کھیل تماش، سمجھ کِسے نہ آئیا۔ ساچے بچےّ تَینوُں دئے شاباش، جیہڑا اپنا سنگ رہیا نِبھائیا۔ تیری پوُری کراں آس، ویلا وقت اِک وکھائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ سُن کے کُکڑ پیا ہسّ، اپنی چُنج ہِلائیا۔ اگلا مارگ مَینوُں دسّ، سب کُچھ دے سمجھائیا۔ نانک کِہا میرے پُرکھ اکال دے سب کُچھ وسّ، مَیں اوسے دی سیو کمائیا۔ تُہاڈا بنے سوہنا ساتھ، ساچا رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہار سرب وڈیائیا۔ سُن سَتگُر مِہروان گوسائیں تیرا لیکھا لیکھ دُھر، تیرے ہتّھ وڈ وڈیائیا۔ کؤن ویلا جائے بہُڑ، اپنا درس دِکھائیا۔ نانک کِہا پُرکھ اکال تُہاڈی رکھےّ لوڑ، مَیں اوسے دی جھولی پائیا۔ جوتی جوت سروُپ ہرِ، آپ اپنی کِرپا کر، ساچا ویلا وقت دئے سُہائیا۔ سُن کے کُکڑ ہویا چُپ، چُپ چُپیِتا دھیان لگائیا۔ مَیں کی دسّاں گُنگ مُکھ، شبدی راگ دُھن نہ کوئی اُپجائیا۔ جے کوئی مَینوُں لَوے پُچھ، مَیں سکاں کی سمجھائیا۔ لالو دِسے منُکھ، پنج تت چولا رہیا ہنڈھائیا۔ مَینوُں ایہہ وڈّا دُکھ، مانَس دیہی موہے ہتّھ نہ آئیا۔ نانک کِہا ہُن پڑدہ نہیں لُک، تَینوُں سچ دیاں سمجھائیا۔ کلجُگ انتم اِکو پِیو دے گھر جمو پُت، ناتا جُڑے بھائی بھائیا۔ لالو پربھوُ اُجل کرے مُکھ، دیوے مان وڈیائیا۔ لالو سب دیِاں سُکّھنا لئے سُکّھ، اپنی جھولی ڈاہیِا۔ سِری بھگوان لئے پُچھ، ابناسی کرتا پھیرا پائیا۔ تُہاڈے پریم خاطر سچّی راکھ سچ دوارے رکھےّ کُچھ، اپنے در ٹِکائیا۔ وقت ویلے سِر چوری چوری لیائے چُک، سمجھ کِسے نہ آئیا۔ نہ کوئی دھڑی سیر نہ لائے مُٹھ، چُٹکی چرناں ہیٹھ دبائیا۔ آ کے پھیر ہووے خوش، سارا حال دئے سمجھائیا۔ تَینوُں اندر وڑکے دیوے چُک، اِشارے نال سمجھائیا۔ تُوں پھیر مُکھوں بول کے کہنا مُکھ، مَیں تیری اوٹ تکائیا۔ مَینوُں اپنی گودی

چُک، جِس گودی وِچ دیویں مان وڈیائیا۔ مَیں گھردیاں کولوں جانا رُٹھ، سد تیرے چرناں وِچ سمائیا۔ سِری بھگوان کِہا مَیں کراں سب کُچھ، ہؤلی ہؤلی بنت بنائیا۔ جو تُہاڈے سنگی گُجرات بَیٹھے لُک، اوہناں پھڑکے پِچھوں نال لےَ کے آئیا۔ جِویں مرن توں پہلوں نانک دا ویکھیا مُکھ، اوسے طرح پُرکھ اکال تیرے مرن توں پہلا تیرا مُکھ ویکھن آئیا۔ جوتی جوت سروُپ ہرِ، آپ اپنی کِرپا کر، ساچی دَیا آپ کمائیا۔ کی تُوں میرا مُکھ ویکھینگا۔ سنگی ساتھی سارے بھیجینگا۔ کول میرے آ کے کھیڑینگا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، مَینوُں اپنی گود لپیٹینگا۔ ہاں، مَیں دَیا کمواں گا۔ ضرور تَینوُں سنگ رکھواں گا۔ جنگل بیلا کانا کاہی ویکھ دوُر، دُراڈا پندھ مُکواں گا۔ پریم پریِتی اندر ہو مجبوُر، وِچ گُجرات پھیرا پاواں گا۔ اوتھے جا کے پھیر دسّاں ضرور، وِچھڑے میل مِلواں گا۔ حاضر ہو کے ہرِ حضوُر، سوہنی بنت بناواں گا۔ پِچھلے کرکے معاف قصوُر، سِر اپنا ہتّھ ٹِکواں گا۔ جیہڑی خاک لیاندی دھوُڑ، تیرے مستک ٹِکاّ لاواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی آپ کماواں گا۔ ساچی کرنی کرے کرتار، اپنے ہتّھ رکھےّ وڈیائیا۔ لہنا دینا رہیا اُتار، قرضہ مقروُض نہ کوئی رکھائیا۔ ویکھے وِگسے پاوے سار، دیونہار سچّی وڈیائیا۔ بہِشت جنّت دوہاں توں کرکے باہر، چرن کوَل دئے سرنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا لیکھا دئے جنائیا۔ ساچا لیکھا تیری منگ، صاحِب سَتگُر آپ جنائیندا۔ جِس ویلے بغل وِچ ہوئیوں تنگ، اُچی کوُک کوُک سُنائیندا۔ میرے بھجّدے دِسن انگ، دُکھ درد نہ کوئی ونڈائیندا۔ مَینوُں بُھکھ سَتائے مَیں پاواں ڈنڈ، حال بےحال کوُک جنائیندا۔ اوس ویلے لالو لنگر وِچوں پکّے چؤلاں دی مُٹھی میری آئی ونڈ، میرے اَگے پُھپھڑ چوگا پائیندا۔ اُس نوُں کھا کے مَینوُں آیا اِک انند، جِس دا سواد لوکمات نہ کوئی سمجھائیندا۔ مَیں خوشیاں وِچ گایا چھند، سَتگُر تیرے بِنا آسا منسا پوُر نہ کوئی کرائیندا۔ چؤل کھاندا کھاندا مَیں تھوڑا اَگے گیا لنگھ، اوتھے لالو کڑچھا لےَ کے بھجّا جائیندا۔ دانہ دال دال دانہ کڑچھی نال وِچوں باہر ڈِگیا کِسے ڈھنگ، مَیں ویکھ خوشی منائیندا۔ مَیں جھٹ پٹ اوہنوُں کھا کے لیا کھنگھ، تُوں ہی تُوں راگ الائیندا۔ صاحِب سَتگُر ہووے بخشند، بُھکھیاں بُھکھ گوائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی کار کمائیندا۔ چاول دال اندر وڑ، مَینوُں رہی ہِلائیا۔ موُرکھ اوس دا نام پڑھ، جِس

تیری بنت بنائیا۔ مَیں ایہہ سُن کے گیا ڈر، کؤن وِچوں رہیا سمجھائیا۔ جھٹ پٹ میری سنگھی لئی پھڑ، ہؤلی جہی ہِلائیا۔ نانک سَتگُر پیار کر، سِر میرے ہتّھ ٹِکائیا۔ تُوں میرا مَیں تیرا یار، ایہو نام الائیا۔ مَیں سُن کے چرن کیِتی نِمسکار، مستک دھوُڑی ٹِکاّ خاک رمائیا۔ مَیں پاپی گُناہ گار، لالو بھنڈارے دی سار کوئی نہ پائیا۔ جے دوُجی وار ملِے وِچ سنسار، پِھر خوشیاں نال منگائیا۔ نانک کِہا ہُن ایہہ نہیں ہونا وِہار، پربھ اپنے ہتّھ رکھےّ وڈیائیا۔ دوُجی وار آویں وِچ سنسار، مانَس روُپ وٹائیا۔ تیرا لیکھا دیوے نِرنکار، نِرگُن داتا بےپرواہیِا۔ تیرے پِچھے ہرِسنگت دیاں کھوال، رِدھا پکاّ اپنے لیکھے پائیا۔ جے کوئی پُچھے پربھوُ ایہہ کی حال، پہلوں دیوے نہ کِسے سمجھائیا۔ لالو نوُں کہے تُسیں بچن منّو خوشیاں نال، اوتھے آ کے سب کُچھ دئے بتائیا۔ تُہاڈے کولوں کُچھ نہیں چُھپاؤنا، پوُرب لہنا رہیا مُکائیا۔ پِچھلا سجّن ساک سرب اِکٹّھا کراؤنا، ویکھو لال چند ہوری بَیٹھے ڈیرہ لائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ سُن کے بات بولے چؤل، چاول رہے سُنائیا۔ کی پربھ سانوُں مان دیویں اُپر دھؤل، دھرنی سوبھا پائیا۔ نانک کِہا پربھ میرے دا قؤل، اِقرار اپنے نال رکھائیا۔ مِنتی کرے نہ کِسے نال کؤل، اگنت اپنی دھار چلائیا۔ ہرِسنگت تولے اِس دا تول، قیمت کرتا دئے چُکائیا۔ جُگ چؤکڑی پِچھوں پرم پُرکھ نے جن بھگتاں نوُں ونڈیا وڈّا بوہل، جو ایتھے اوتھے مُک کدے نہ جائیا۔ جِس نوُں کہِندے موُرکھ انبھول، ویکھو اوہنوُں ملِے وڈیائیا۔ ویکھو اُس نے کِہا مَیں وسنا تیرے کول، ایتھے رہنا چنگا نہ لگّے رائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ دال کہے میری کؤن سُنے دِل دی، دِلبر نظر کوئی نہ آئیندا۔ مَیں تتّے پانی وِچ ہِلدی، مَینوُں چکّھن کوئی نہ پائیندا۔ میری چِھل مَینوُں چِھلدی، انتر میرا میرے وِچ کُرلائیندا۔ ایہہ صاحِب میرے دِل دی، جوتی جوت سروُپ ہرِ، آپ اپنی کِرپا کر، اپنا بھیو اپنے وِچ چُھپائیا۔ دال دانہ آیا نانک ہیٹھ دند، کوڑکوُ روُپ وٹائیا۔ اُن پھڑ کے اُنگلی ویکھیا نال انند، نیتر درِشٹی پائیا۔ جے تُوں کچّا ہُندا اندر جاندوں لنگھ، وِشٹا روُپ سمائیا۔ اوسے ویلے دانے منگی منگ، اَگے جھولی ڈاہیِا۔ تُوں داتار سد بخشند، بخشنہار اکھوائیا۔ میرے ساتھیاں دی میرے نال گنڈ، جو اپنا آپ اگنی بھیٹ گئے چڑھائیا۔ نانک کِہا تُہاڈی آ کے جناوے ونڈ، سچ سچ دِرڑائیا۔ جوتی جوت سروُپ ہرِ، آپ اپنی کِرپا کر، سب دا لہنا دئے مُکائیا۔ سب دا لہنا چُکائے بھگوان، بھگوَن اپنی دَیا کمائیندا۔ نِرگُن روُپ آئے

جہان، جوتی جامہ ویس وٹائیندا۔ لہنا دینا جانے لالو ترکھان، جِس دے گھر دی اپنی بنت بنائیندا۔ سوُربیِر دا اِکّی پکوان، ساچی اِکّی اپنے رنگ رنگائیندا۔ جوتی جوت سروُپ ہرِ، آپ اپنی کِرپا کر، سب دا لیکھا لیکھے لائیندا۔ تیرا لیکھا لیکھے جائے لگّ، دیوے مان وڈیائیا۔ بےشک تُوں سڑیں اگنی اگّ، اُبلدی دیگ ڈیرہ لائیا۔ تَینوُں کھا پی سارے رجّ، تیرا شُکر نہ کوئی منّائیا۔ جے ودھیں کوُڑے کِرکٹ دیِن سُٹ، تیری قیمت کوئی نہ پائیا۔ اِک دانہ نانک وِکیا ہٹّ، جِس دا لیکھا دئے بنائیا۔ پُرکھ اکال کلجُگ انت ہو پرگٹ، ویکھ وکھائے شہنشاہیِا۔ چؤلاں نال مَینوُں رکھّ، سوہنی بنت بنائیا۔ شبدی روُپ بنے بھات، لیکھا لیکھ دئے وڈیائیا۔ ہرِسنگت دیوے بانٹ، خوشیاں نال کھوائیا۔ جِنہاں اُنگلاں نال تَینوُں لیا چاٹ، سو اُنگلاں پربھ چرن چھوُہ چھوُہ خوشی منّائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ چاول دال کہے سنگت پکوان، ملِے مان وڈیائیا۔ جِس ویلے سانوُں کھان، کھا کھا خوشیاں رنگ چڑھائیا۔ اُدھر کُکڑ تجے پران، اُدھر شُکر کرے خُدائیا۔ اُدھر آ جائے سِری بھگوان، لیکھا لیکھے وِچ رکھائیا۔ سارا کُٹمب اَکٹّھا کرے آن، اِکو اگمّی ریِت چلائیا۔ ویکھو کہِندا لہنا اِس لالو ترکھان، جو بنس سربنس پار کرائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ مان وڈیائی لیکھا پتر، سب کُچھ آپ وکھائیندا۔ بیِج بیِجیا پوُرب وتّر، پت ڈالی پُھل مہکائیندا۔ دُھر سنجوگی بنا کے پُتر، سچّا سنگ نِبھائیندا۔ جو اِدھر اُدھر گئے نِکھڑ، تِہاں پھڑکے جوڑ جُڑائیندا۔ اجّ سارے اِکٹّھے ہو کے اوہنوُں آئے مِلن، جو پِچھلے جنم دھیان لگائیندا۔ بےشک تیجا سِنگھ بنیا رہیا ڈھِلڑ، اپنی سمجھ نہ کوئی رکھائیندا۔ کوُڑی کِریا پھسیا رہیا جِلھن، چِکڑ گارا دھو صاف نہ کوئی کرائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ سمجھائیندا۔ کرنی کرن کرے کارن، کرتے ہتّھ وڈیائیا۔ لوکاں کہنا گھر گُروُ آیا مارن، مارن پِچھے مُڑکے پھیرا پائیا۔ پُرکھ اکال کہے مَیں آیا پَیج سوارن، مِہر نظر اِک اُٹھائیا۔ انتر آتم سُن پُکارن، جو رو رو دِتی سُنائیا۔ تیرے در رہواں بن گوارن، اپنی رکھاں نہ مان وڈیائیا۔ تکڑا ہو کے جاواں ہل واہون، سوہنی سیو کمائیا۔ حُقہ ڈاہواں تیرے ساہمن، نڑی اپنے ہتّھ رکھائیا۔ اندرو اندر تیرا وِچھوڑا لگّا دُکھ سَتاوَن، سُتّی کلا جگائیا۔ انت پھڑیا تیرا دامن، پلّوُ گنڈھ وکھائیا۔ دُھر دا بن کے جا ضامن، ضامنی اِک نِبھائیا۔ تیرا ناؤں پتت پاون، پاپیِاں لیکھے لائیا۔ جوتی جوت سروُپ ہرِ، آپ اپنی کِرپا کر، دے

مان وڈیائیا۔ سَتگُر ہو دَیال، خوشیاں نال جنائیا۔ تُوں تکڑا ہو سُرت سنبھال، مَیں مُڑ کے لیَون آئیا۔ تیرے نال کراں اِقرار، پوُرا قؤل نِبھائیا۔ پہلو جیٹھوُوال دینا وکھال، بھگت دوارا سوبھا پائیا۔ پِھر ہرِسنگت باہر دیاں بَیٹھال، اِشارے نال سمجھائیا۔ کِشن سِنگھ بنا دلال، اِک آواز سُنائیا۔ تیجا سِنگھ آ ویکھ دسّ اپنا حال، احوال دے جنائیا۔ سِری بھگوان کِرپا کر مار دھیان، نیتر نیَن مِلائیا۔ ناتا تُٹ گیا کال مہاکال، کھہڑا چُھٹا جگت لوکائیا۔ نِکی بچّی چرنی کِہا باپوُ میرے باپوُ نوُں لےَ جا نال، سردل وِچ کھلو کے نیتر نیَناں نیِر وہائیا۔ خوشیاں نال سِر دے کے پیار، ہسّ کے کِہا تیری آسا پوُر کرائیا۔ ایسے کارن گُجرات وِچوں ساتھی لیاندے بھال، پِچھلے لئے اُٹھائیا۔ کوئی وِچھڑیا رہے نہ سجّن یار، سارے ویکھیں چائیں چائنیا۔ جِس دا پِچھلا لہنا رہیا اُتار، دیونہار گوسائنیا۔ جنم مرن توں کرکے باہر، اپنے گھر وسائیا۔ ایس پربھوُ دا کی کوئی دیوے اُدھار، بھیٹا کی چڑھائیا۔ جیہڑا چؤلاں دے اِک دانے پِچھے پروار دیوے تار، دُھر دی دھار دئے سمجھائیا۔ جِتھے ویکھن گُروُ اوتار، پیِر پَیغمبر دھیان لگائیا۔ کرے خوشیاں نال وِہار، غمی نیڑ کوئی نہ آئیا۔ پہلی وار بچن دِتا رات سوَاں تیرے نال، کِیوں سارے اُس توں بَیٹھے من وِچ شرمائیا۔ ایہہ گندہ اے کملا اے بُریار، سمجھ نہ کوئی وڈیائیا۔ صاحِب سَتگُر سدا اوہناں نال کرے پیار، جِنہاں جگت نیتر ویکھن نہ پائیا۔ پھڑ کے چِکڑ گارے بھریاں نال گودی لئے اُٹھال، وِشٹا ویکھ مُکھ نہ کدے بھوائیا۔ آد جُگاد جُگ چؤکڑی بھگت وچھل دَیال، بھگوان ہوئے سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، لیکھا دیوے چائیں چائنیا۔ کُکڑ پُھپھڑ بچن سُن کے، ہاسی سنگت اُڈائیا۔ دُھر درباروں جو آیا مُڑ کے، وست امولک خاک نال لیائیا۔ پِچھلا لیکھا نال آیا تُر کے، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہروان مِہر اپنی نظر اُٹھائیا۔ مِہر اندر کرے بخشیِش، رحمت آپ کرائیندا۔ صاحِب سَتگُر ہرِ جگدیس، جگدیِشر دھار چلائیندا۔ لیکھے لگّا دھڑ سیِس، پنج تت اپنی جھولی پائیندا۔ کرنہارا نیِچوں اوُچ، نِمانیاں نِتانیاں اپنے گلے لگائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ ساچی کرنی دسےّ نِرنکار، دُھر دا بچن جنائیا۔ چَوھی ماگھ گھر گھر لنگر ہووے تیار، گُرمُکھاں ونڈ ونڈ کے دئے چھکائیا۔ پِچھلا چیتا کرو یاد، جو خوشیاں نال سمجھائیا۔ پربھ دا بچن وڈّا ڈوُنگھاں راز، جِس دا انت کِسے نہ آئیا۔ جوتی جوت سروُپ ہرِ، آپ اپنی کِرپا کر،

اپنا کھیل ٹھیِک ٹھیِک رہیا ورتائیا۔ چَوھی ماگھ نہ مناؤنا سوگ، چِنتا غمی نہ کوئی رکھائیا۔ گھر گھر پکوان پکّے گُرمُکھ چُگن چوگ، پُرکھ اکال در در بھوگ لگائیا۔ ایہہ ویلا پِھر نہیں آؤنا روز، جُگ چؤکڑی بَیٹھے دھیان لگائیا۔ مُردیاں پِچھوں کِسے نہ وکھاؤنی کھوج، مؤجوُدہ ہو کے دَیا کمائیا۔ جے کوئی سمجھ وِچ لیائے سوچ، سوچ سمجھ سکے کوئی نہ رائیا۔ جِس کھیل نوُں وِشن برہما شِو رہے لوچ، بَیٹھے راہ تکائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گھر گھر پکّے گُروُ کا لنگر، سَتگُر دئے وڈیائیا۔ بِدھی نال بھنڈارے بھرے اندر، اتوٹ اتُٹ رکھائیا۔ دوُر کرے بُھکھ ننگت، وست امولک جھولی پائیا۔ اِس وِچوں رس آوے پرمانندن، پرم پُرکھ ہووے سہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سوہنی بنت رہیا بنائیا۔ سوہنی بنت چاول دال، ہرِ جوُ ونڈ ونڈائیا۔ کھا کھا ویکھن شاہ کنگال، خوشیاں رنگ وکھائیا۔ جِنہاں وِچوں بھیٹا ہویا پربھ نوُں تھال، جِس وِچ دو جہاناں نالوں وڈّی وستوُ نظری آئیا۔ چار کُنٹ دہ دِشا پھولے پربھ ویکھے ایہہ کِتھوں آندے بھال، کِس بِدھ پکوان لیا بنائیا۔ جاں غؤر نال تکّ کے ویکھیا نظری آیا گُرمُکھاں پیار، جِس دی بہار نظر کِسے نہ آئیا۔ دانہ دانہ کرے پُکار، کِرپا کر سِرجنہار، ہتّھ تیرے وڈیائیا۔ دھنّ بھاگ سانوُں وِچھڑیاں نوُں اِکٹّھے کرکے ہرِسنگت دِتا کھوال، ساڈا لہنا موُل چُکائیا۔ ساڈے پِچھے غریِب نِمانا کوجھا کملا گُرمُکھ گُرسِکھ پھڑ باہوں اپنی گودی لیا سوال، سویا پِھر نہ کوئے جگائیا۔ بےشک اوہدے نِکے نِکے بال، اوہناں اپنی چھاتی لائیا۔ پُتراں دی پُتراں وانگ کرے سنبھال، دھیِاں نوُں ماپا ہو کے نظری آئیا۔ ناری دے سِر تے دئے پیار، سچ سپُتری لئے بنائیا۔ ایہہ سب کُچھ لالو دے اختیار، جو حُکم نال رہیا منائیا۔ اُدھروں آیا چند لال، نال لےَ کے اپنی مائیا۔ اپنے بھائی نوُں پہلے دیاں وکھال، ہرِ جوُ سوہنا جوڑ جُڑائیا۔ سِری بھگوان کِہا ویکھو جو میری سیوا لائی مَیں کراں ضرور کمال، ابُھل ہو کے بُھل کدے نہ جائیا۔ سچکھنڈ دوارا کھول سچّی دھرمسال، گُرمُکھ لےَ کے جاواں چائیں چائنیا۔ ایہناں اکّھاں نال کراواں وصال، نیتر نیَناں نال مِلائیا۔ اِکو حُقہ سچّے نام دا دیاں پیال، جِس دا گٹّا نیزہ اپنے ہتّھ ٹِکائیا۔ پانی مکُے نہ وِچوں اگنی کولا سکے نہ کوئی بُجھائیا۔ وِچ روڑا رکھاں سنبھال، ایِندن روُپ نظری آئیا۔ جِس ویلے سوُٹا کھِچے میرا لال، نام خُماری دیاں چڑھائیا۔ ایہو منگ منگی مَیں پیِواں تیرے وِچ دربار، ستّ اٹّھ نؤ ماگھ خوشیاں دھیان لگائیا۔ پندراں ماگھ پِھر کرائے یاد،

جِس ویلے مستک اُتے اُنگلی گیا لائیا۔ تیری ضرور سُنے فریاد، نال لےَ کے جاوے سچّا ماہیِا۔ تیرا حُقہ تَینوُں دیوے داد، تیرے ہتّھ دیوے پھڑائیا۔ اوہ سنگت ساری نوُں کہے مار آواز، مَیں اِس دے کولوں منگ منگائیا۔ اِکو ایہہ میرے نال کردا لاڈ، تُسیں کِیوں مُکھ بھوائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ چاول دال کرن صلاح، اِکٹّھے ہو کے متا پکائیا۔ کی کیِتا بےپرواہ، اپنی کار کمائیا۔ رِنّھ پکا سنگت کھوا، ساڈا نِشان مِٹائیا۔ ساڈا دِسے نہ کوئی گواہ، جیہڑا سہادت دئے گواہیِا۔ ابناسی کرتا اِک دانہ سِر وِچ لیا لُکا، لُکاؤندا نظر نہ آئیا۔ ہرِسنگت ساہمنےاپنے مُکھ وِچ لئے پا، لیکھا سب دا رہیا چُکائیا۔ رَوداس چمارا قلم شاہی صحیح دیوے پا، نہ کوئی میٹے میٹ مِٹائیا۔ پربھ دا وہی کھاتہ نہ سکے کوئی لُکا، اگنی بھیٹ نہ کوئی چڑھائیا۔ جو پربھ چرن ہویا فدا، تِس فَیصلہ اِکو وار سُنائیا۔ چاول دال تُہانوُں ہوون نہ دیواں جُدا، سدا سنگت سنگ رکھائیا۔ بےشک اپنا کھیل نہ پہلوں دیوے سمجھا، جوتی جوت سروُپ ہرِ، آپ اپنی کِرپا کر، ساچی بنت آپ بنائیا۔ ویکھ بنت آ گئی خاک، کہہ کہہ رہی سُنائیا۔ پُرکھ اکال تُوں بڑا چلاک، کی تیری وڈیائیا۔ بھگت دوارے دسّ رکھیا ڈھاک، منجیِتا دئے گواہیِا۔ جگدیِشا سچ سُنائے بات، کہانی رہیا بنائیا۔ اوہ ویکھ ڈھائی مُٹھی راکھ، گُردَیال ونڈ ونڈائیا۔ تَینوُں کِتھوں آئی جاچ، لُک کے کھیل کھِلائیا۔ وینہدے رہے کھول کے تاک، نظر نیَن اُٹھائیا۔ کَون ویلا پربھ میٹے ساڈی واٹ، اگلا پندھ مُکائیا۔ جوتی جوت سروُپ ہرِ، آپ اپنی کِرپا کر، اپنی کھیل وکھائیا۔ سُن خاک میری بچّی، بچّیاں وانگ سمجھائیا۔ ویکھیں کلجُگ انت نہ ہوویں کچّی، کچّا روُپ وٹائیا۔ تَینوُں پہلوں کرکے تتّی، پِھر بھنڈارا دِتا کرائیا۔ تُوں ویکھیا اپنی اکّھیں، بالے نیہاں ہیٹھ دبائیا۔ اُتے رکھّی اِٹّ پکّی، ویکھ بِشن سِنگھ جِس ٹھوک لگائیا۔ پُرکھ اکال پِھر نہ چکّی، اُتوں پَیراں نال دبائیا۔ ایہہ بھگتی بننی ہٹّی، سوہنا ہٹّ کُھلائیا۔ ایتھے مِلی دُھر دی کھٹی، ہرِ کرتا جھولی پائیا۔ جِس نام دی لبھدے گئے اِک رتی، سو کُھلے گپھے دئے ورتائیا۔ چل کے آوے سرب پتی، پت پرمیشور پھیرا پائیا۔ جن بھگتاں لج پت جِس رکھّی، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، سچ کرنی رہیا کمائیا۔ راکھ کہے میرا تُٹا مان، ابِھمان نظر کوئے نہ آئیا۔ جھُلدا ویکھیا سچ نِشان، جِتھے میری بھٹّھی دِتی تپائیا۔ ڈھولے گیِت اوہدے سارے گان، سَت رنگ نِشان جھُلائیا۔ ساڈھے تِنّ ہتّھ سوہے مکان، سوہنی بنت بنائیا۔ چھوٹا نڈھّا

بچّہ دے کے گیا گیان، ستّ مہینےِ تِنّ دِن مَیں لوکمات سیو کمائیا۔ گُرمُکھو گُرسِکھو پاربرہم پت پرمیشور انت ہووے مِہروان، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ خاک کہے پربھ کرکے پُھرتی، اپنا کھیل وکھائیا۔ اِکو وار بھرکے چُٹکی، چرناں ہیٹھ دبائیا۔ مَیں بتھیری نچّی ٹپّی بُھڑکی، میری چلی نہ کوئی چتُرائیا۔ کِیوں اِس وِچ کھیل کوئی دُھر دی، دُھر دی دھار سمائیا۔ مَیں سمجھیا مَیں سڑ کے ہو گئی مُردی، مُردیاں وِچ ڈیرہ لائیا۔ ابناسی کرتے کِہا نہیں تیری جن بھگتاں نال مِلاواں سُرتی، بِن سُرتیؤں سُرت لگائیا۔ مَیں گھر گھر دیواں گُڑتی، تیری دھوُل مستک ٹکِےّ دیاں چُھہائیا۔ خاک کہے پربھ کرکے پُھرتی، اپنا کھیل وکھائیا۔ مَیں گُرمُکھاں گھر گئی کدے نہ مُڑدی، جے جاواں گُرمُکھ اپنے نال لےَ کے تیرا درشن پائیا۔ ایہہ کھیل تیری دُھر دی، آپے بنت بنائیا۔ ایہہ وڈیائی نہیں کِسے دیوت سُر دی، گُر اوتار پیِر پَیغمبر بھار نہ کوئی اُٹھائیا۔ ایسے کرکے مَیں تیرے چرناں نال جُڑدی، گھُٹ گھُٹ کے سینے نال لگائیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکائیا۔ سُن خاک تَینوُں دیواں خِلت، سوہنی پوشاک بنائیا۔ ویکھیں میرے بھگتاں نال کری نہ عِلّت، چھیڑخانی کدے موہے نہ بھائیا۔ تیری خَواری ہووے ذِلّت، لج پت نہ کوئی وڈیائیا۔ جوتی جوت سروُپ ہرِ، آپ اپنی کِرپا کر، سچ سچ سمجھائیا۔ خاک کہے مَیں ہوئی خاک، خاک تیرے روُپ سمائیا۔ تیرے در توں سِکھی جائے جاچ، سِکھیا تیرا نام پڑھائیا۔ جن بھگتاں نال رکھاں نات، ناتا اِک وکھائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ دیوے وڈیائی پربھ جوُ میِتا، مِتر پیارا آکھ سُنائیا۔ سَتجُگ بنّہ تیری ریِتا، سُہنجنی ونڈ ونڈائیا۔ تیرا پھولے نہ کوئی انگیِٹھا، تیرا پردہ نہ کوئی اُٹھائیا۔ جوتی جوت سروُپ ہرِ، آپ اپنی کِرپا کر، سِر تیرے ہتّھ ٹِکائیا۔ پربھوُ سچ تُوں دیویں مان، مِہروان اکھوائیندا۔ مَیں سب دا لیندی بلیدان، بچیا کوئی رہن نہ پائیندا۔ میرا واسا وِچ شمشان، شمشان بھوُمی کہہ کے سب میرا نام پرگٹائیندا۔ میری جے کوئی حالت ویکھے آن، نیتر اکّھ بھیو چُکائیندا۔ بہُڑی مَیں ہوئی حَیران، میرا سنگ نہ کوئی نِبھائیندا۔ میری خاک سرب اُڈان، چھیڑنی نال چھیڑ چھیڑ میرا چھیکڑ انت ہو جائیندا۔ جوتی جوت سروُپ ہرِ، آپ اپنی کِرپا کر، سچّا دینا ایکا ور، در سچّا تیرا بھائیندا۔ اُٹھ خاک پربھ دئے دِلاسا، جگت مان وڈیائیا۔ چرن کوَل سچ بھرواسا، دھیِرج دھیِر وکھائیا۔ جن بھگت بناوَن تیرا ساتھا، سَتجُگ ونڈ ونڈائیا۔ تُوں ایہناں

منّنا آکھا، نیِویں ہو کے سیو کمائیا۔ دو جہاناں وِچوں پُرکھ ابناسا، ساچا جوڑ جُڑائیا۔ مہاراج شیر سِنگھ وِشنوُں بھگوان رکھےّ لاجا، سِر اپنا ہتّھ ٹِکائیا۔

کِشن سِنگھ نے پھیر کہنا چؤدھری تیجا سِنگھ دا نام لےَ آواز ماری

مَیں چرناں وِچ بَیٹھا تُوں کِتھوں لبھے، کِتل دھیان لگائیا۔ ویکھ میرے دوویں ہتّھ بدھےّ، بندنا سیِس نِوائیا۔ پُرکھ اکال سجےّ کھبّے، پِھرے چائیں چائنیا۔ شبد نگارے چارے کُنٹ وجےّ، خوشیاں راگ الائیا۔ دیوت سُر آون بھجےّ، اپنا پندھ مُکائیا۔ ویکھو گُرمُکھ سوہنے سجے، ساچی بنت بنائیا۔ گیِت گاؤندے وڈّے نّڈے، سوہنا راگ الائیا۔ پریم پریِتی لیَن مزے، منزل پندھ مُکائیا۔ سچ گھڑیال کوٹن وجےّ، گھڑیاں نیَن شرمائیا۔ گُرمُکھ سوہنا لاڑا سجے، سوہنا رنگ وکھائیا۔ پریم پریِتی اندر ہسّے، مُسکان مُسک لئے مُسکرائیا۔ دھنّ بھاگ پربھ دوارے وسے، بستی پِچھلی چھڈی پرائیا۔ خوشی رہے پہر اٹّھے، گھڑی غم نہ کوئی وکھائیا۔ حُقہ مِلیا نال نیزے گٹّے، سوہنا نظری آئیا۔ تماکوُ رس تلی مل اُنگلاں نال چّٹے، نکّ سُنگھ دئے سمجھائیا۔ جِس ویلے پیِتا گٹ گٹ گٹے، نشہ اِکو وار جائے آئیا۔ کِیوں ہرِسنگت وِچ بہکے مَیں اوہدے نال کیتے متے، سِدھیاں گلّاں نال سمجھائیا۔ جے تُوں نہ مَینوُں رکھّیں، ہور کیہڑا میرا بھائیا۔ میرے ویکھ چیِتھڑ پھٹے، الفی رو رو رہی سُنائیا۔ میرے تیرے نال قؤل اِقرار پکّے، ہُن مَینوُں نال لےَ کے جائیا۔ جے لبھدے نہیں موٹر ٹانگے یکے، وِچ کار لہنا بَیٹھائیا۔ پربھ ہسّ کے کِہا کار وِچ کی بہنا تَینوُں ہتّھ اُتے چکّے، لےَ کے جائے دُھردرگاہیِا۔ تیرا تن سریِر نہ کوئی تھکّے، دُکھ پیِڑ نال نہ کوئی رکھائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ ویکھ سچّی سچ کہنا اوُں، سچّی سچ جنائیا۔ پِھر کدوں آوینگا تُوں، مُڑکے پھیرا پائیا۔ میرے نال ہسّ کے کوُ، مَینوُں تَینوُں ویکھ وڈّی خوشی آئیا۔ مَیں اُٹھکے تُرکے آیا تیری بروُں، ڈنڈا سُٹ کے ڈیرہ لائیا۔ نہ کوئی ہوُنگر نہ کوئی ہوُں، ہوکا دے نہ کوئی سُنائیا۔ تُوں کِڈا اچھا لگّدا ایں کیڈا سوہنا مُنہ، خوشیِاں نال سُنائیا۔ مَیں ہُن نہیں ڈِگنا کھاتے کھوُہ، تیرے گھر ڈیرہ لائیا۔ مَیں ویکھنی اوہ جوُہ، جِس وِچ بَیٹھا سوبھا پائیا۔ انتر آواز دِتی روُح، بُت سمجھے نہ

کوئی سمجھائیا۔ مَیلے کُچَیلے کوجھے کملے نال پربھ گیا چھوُہ، سِر گوڈیاں اُتے ٹِکائیا۔ اوس ویلے اوہ رنگ وکھایا ہوُبہوُ، جِس دا نقشہ لوکمات سکے نہ کوئی بنائیا۔ جوتی جوت سروُپ ہرِ، آپ اپنی کِرپا کر، لہنا لہنے رہیا پائیا۔

چرن پھڑکے مَیں نہیں چھڈنے، چھڈیاں تُر کِتے نہ جائیا۔ آپاں گلّاں کریئے دھام کِتے اڈّرے، ساڈی گلّ سُنے نہ کوئی لوکائیا۔ اوتھے چلیئے وکھّرے، جِتھے مَیں بَیٹھا ڈیرہ لائیا۔ صاحِب سَتگُر کِہا تَینوُں کاہدے خطرے، دوُر دُراڈا سِر تیرے ہتّھ ٹِکائیا۔ تیرے پِچھے مُڑکے آوے پھیر بدلے، حُکم حُکم نال جنائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ ہسّ کے کِہا بلّے شابا پِھر آویگا۔ تیرا بھلا ہو جائے، مَینوُں نال لےَ جاویگا۔ ہّلا کرے تے، مُڑ درس دِکھاویگا۔ نہیں تے مَیں کلّا میرے اُتے ترس نہ ڈر وکھاویگا۔ جوتی جوت سروُپ ہرِ، آپ اپنی کِرپا کر، سچ دیونہارا ساچا ور، مِہروان ہو کے مِہر نظر ٹِکاویگا۔ سِری بھگوان کِہا بول، اِکو وار جنائیا۔ مَیں ویکھ آیا تیرے کول، چھیتی چھیتی پندھ مُکائیا۔ تُوں رہنا آپ اڈول، چِنتا غم نہ کوئی جنائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ سچ دسّ مَیں پرسادِ کھا لاں بھورا، جیہڑا تُوں دِتا ورتائیا۔ سچ پُچھیں مَینوُں تیری اِک لوڑا، دوُجی لوڑ رہے نہ رائیا۔ جے مَینوُں کردیں وانگ گھوڑا، تیرا اٹّھے پہر ہل چلائیا۔ میرے وِچ زور بتھیرا، ویکھ میرے وڈّے وڈّے ہڈّ نظری آئیا۔ مَیں بھجّاں وانگ گھوڑا، دِوس رَین واہو داہیا۔ مَینوُں اِک حُقہ لےَ دئیں کورا، سوہنا میرے ہتّھ پھڑائیا۔ مَیں پیؤں تھوڑا تھوڑا، تیری خوشی منائیا۔ انوہ سب اِکٹّھے میرے وِچ اٹکاؤندے روڑا، چؤدھری کی رہیا سُنائیا۔ ایتھے گھر کی گھاٹا کی تھوڑا، دیندیاں کی گھٹ جائیا۔ نالے مارکے کہے ہنورا، تیرے کولوں پیِندے رہنا چائیں چائنیا۔ جے نہ دیویں لُٹوُں گاں نال زورا، تیرے اَگے واسطہ پائیا۔ مَیں تماکوُ لہنا کؤڑا، جیہڑا سوہنا نشہ چڑھائیا۔ سَتگُر کِہا مَیں تَینوُں حُقہ دیوُ نواں نکورا، وِچ دربار تیرے ہتّھ پھڑائیا۔ جِس دی وست ٹھٹھیار گھڑے نہ بھورا، نڑی لوہار ترکھان نہ کوئی بنائیا۔ اوس وِچوں سوُٹا نِکلے نیتر پھورا، فُرنا پِچھلا بند کرائیا۔ نظری آئے تورا مورا، تیرا اِکو رنگ وکھائیا۔ جوتی جوت سروُپ ہرِ، آپ اپنی کِرپا کر، میرا اوتھے لا لےَ ڈیرہ، جِتھے اپنا گھر بنائیا۔ تیرا گھر بڑا چنگوُ، مَیں چنگی طرح ویکھ

کے آئیا۔ اوہ اندر ڈاہیا وڈوُ پلنگوُ، سوہنا لیف وِچھائیا۔ مَیں وی اوہو جیہا منگوُں، سوہنی آواز سُنائیا۔ حُقہ پی کے کول کھنگھوُ، تیرے کولوں سوہنا لہنا بنائیا۔ پِچھلی ٹُٹی ہل واہ کے گنڈوُ، بِن واہیاں توں واہ کے دیاں وکھائیا۔ اوۓ ایہہ کہِندے سی سارے دیِنا بندھوُ، مَیں کِہا کِس طرح لئے بچائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ تیرا گھر دِتا چنگا، کی کُچھ نظری آئیا۔ آؤندے نوُں سوہنا مِلیا منجا، بِستر سیج سُہائیا۔ مَیں بِن کنّاں سُنیا دُھر دا چھندا، دُھر دا راگ الائیا۔ مَیں اُٹھ کے تکّیا چارے بنّا، نیتر کھول ویکھ وکھائیا۔ کوئی کہے آ میریا چنّا، بالیاں وانگ گود بہائیا۔ بانہوں پھڑ میرے مُکھ وِچ دِتا مُنماں، امرت سیِر جام پیائیا۔ میرا خوشیاں نال مُکھ چُّما، پریم پریِتی اِک ودھائیا۔ مَیں کِہا مَیں پاپی اپرادھی بھریا اؤگُنا، پربھ میری کی وڈیائیا۔ جوتی جوت سروُپ ہرِ، آپ اپنی کِرپا کر، سچ سچ رہیا سمجھائیا۔ کوجھے کملے سُن یار، تیری یاری موہے بھائیا۔ جِس ویلے کہِندا سیں اُٹھ چلیئے یار، باہر تَینوُں وٹّاں بنّے دیاں وکھائیا۔ کلّے ہو کے کر لئیے گُفتار، حال احوال روُپ وٹائیا۔ جاں مَینوُں اوتھے لےَ چل نال، جِتھے ساڈی گلّ گھر دا سُنن والا کوئی نہ آئیا۔ میرا ضرور منّ کے جائیں سوال، مَیں تیرے نال جانا چائیں چائنیا۔ مَینوُں اِک وار دوارا اوہ وکھال، جِس گھر وِچوں مُڑ کے پھیرا پائیا۔ مہاراج شیر سِنگھ وِشنوُں بھگوان ہو کِرپال، گُرمُکھاں آسا پوُر وکھائیا۔

۲۴ ماگھ ۲۰۲۰ بِکرمی تیجا سِنگھ دی سِڑھی اُتے الہڑ پِنڈی

سڑھی کہے مَینوُں آئی یاد، پوہ تن مِلی وڈیائیا۔ جُگ چؤکڑی پِچھوں سُن فریاد، پُرکھ اکال دَیا کمائیا۔ جن بھگتاں پِچھے دے کے داد، سوہنی میری بنت بنائیا۔ لوکمات رچ کے کاج، کرنی کرتا آپ سمجھائیا۔ تیرا پِچھلا بدل سماج، ساچی دھارا اِک وکھائیا۔ کوُڑی میٹ کے لوک لاج، سچ سندیسہ دیاں سُنائیا۔ تیرا بیڑا جگت جہاز، لکّھ چؤراسی چرن ٹِکائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سِڑھی کہے مَیں کیِتی ارداس، ایک پربھ اَگے عرضوئیا۔ جُگ چؤکڑی تیرا کھیل پُرکھ ابناس، ویکھ ویکھ اپنا آپ مِٹائیا۔ کوٹن کوٹ گُروُ اوتار پیِر پَیغمبر میری سیجا گئے لیٹ، آسن اپنا اُپر لائیا۔ جوتی جوت سروُپ ہرِ، آپ اپنی کِرپا کر، سچ دے موہے

وڈیائیا۔ سِڑھی کہے میری منسا پوُر، آسا اِک رکھائیا۔ پوُرب جنم بخش قصوُر، مِہر نظر اُٹھائیا۔ مَیں ڈھو ڈھو تھکّی لکّھ چؤراسی پوُر، بھجّ بھجّ واہو داہیا۔ ناتا توڑ کے کوُڑو کوُڑ، ساچی سیو کمائیا۔ میرے اُتے چڑھدے موُرکھ موُڑھ، پاپی اپرادھی آسن لائیا۔ مَینوُں کر کے سارے مجبوُر، میری سوہنی سیج ہنڈھائیا۔ پاربرہم میری عرض کر منظوُر، تیرے اَگے جھولی ڈاہیِا۔ جوتی جوت سروُپ ہرِ، آپ اپنی کِرپا کر، میرا لہنا دے چُکائیا۔ سِڑھی کہے مَیں دسّیا حال، حقیِقت سچ جنائیا۔ سدا سدا سد گھالن رہی گھال، کیِتی گھال لیکھے کوئے نہ پائیا۔ گوبِند اَگے کیِتا اِک سوال، جِس ویلے سوُلاں سیج ہنڈھائیا۔ بِرہوں وِچھوڑا دیِن دَیال، تیرا روُپ جُدائیا۔ لوکمات بن دلال، میرے ولّ دھیان لگائیا۔ مَیں نِت نوِت سیوا کر کر ہوئی کنگال، میری قیمت کِسے نہ پائیا۔ شاہ پاتشاہ راج راجان پیِر فقیِر سادھ سنت مَیں سارے شمشان بھوُمی دِتے سوال، مٹی خاک ہیٹھ دبائیا۔ میری لیکھے لائی نہ کِسے گھال، لہنا سکیا نہ کوئے چُکائیا۔ کِرپانِدھ ہو کِرپال، تیرے اَگے جھولی ڈاہیِا۔ اوس ویلے آئی اِک آواز، شبد ناد شنوائیا۔ اِس دے اندر ڈوُنگھا راز، جِس نوُں سمجھ سکے کوئے نہ رائیا۔ کلجُگ انت تیری رکھےّ لاج، پاربرہم بےپرواہیِا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ سِڑھی کہے اوہ ویلا کیہڑا، ساچی رُتڑی دے جنائیا۔ پُرکھ اکال بنّھے بیڑا، اپنے کندھ اُٹھائیا۔ میرا چُکے جھوُٹھا جھیڑا، جھگڑا رہے نہ رائیا۔ مَیں ویکھاں اوہ سچّا کھیڑا، جِس گھر وسے بےپرواہیِا۔ جوتی جوت سروُپ ہرِ، آپ اپنی کِرپا کر، میرا لیکھا دئے مُکائیا۔ ساچا لیکھا لہنا جان، جاننہار جنائیا۔ پرگٹ ہو سِری بھگوان، نِرگُن داتا ویس وٹائیا۔ بھگت بھگوَنت اُٹھائے آن، دُھر دا بان لگائیا۔ پہلوں بخشے سچّا مان، چرن کوَل سرنائیا۔ لیکھا لِکھ کے قلم نِشان، کاغذ سوہنی ونڈ ونڈائیا۔ سوہنا سالوُ سوہنا سُبھر تیرے اُتے دیوے آن، ہرِ لالن لال رنگ رنگائیا۔ پوہ تِنّ ویہہ سؤ ویہہ بِکرمی تیرا لیکھا کر پروان، ہرِ کنت دئے جنائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ سُن کے سِڑھی چڑھیا چا، چاؤ گھنیرا اِک رکھائیا۔ پُرکھ ابناسی پکڑے بانہہ، سِر میرے ہتّھ ٹِکائیا۔ نِرگُن ہو کے بنے ملاح، نِروَیر ہو کے ویکھ وکھائیا۔ سنت سُہیلے لئے جگا، بھگت بھگوان پکڑ اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی رہیا کمائیا۔ ساچی کرنی سُن کے ہرِ، سِڑھی خوشی منائیا۔ میرا پِچھلا چُکیا بھےَ ڈر، بھؤ روُپ نہ کوئے وکھائیا۔ مَیں چرنیں اوہدی جاواں پڑ، آد جُگاد

جِس ساچی رچن رچائیا۔ اِکو نام اوہدا لواں پڑھ، دوُجی اَور نہ کوئے پڑھائیا۔ ساچے بھگتاں سنگ جاواں رل، رل مِل اپنی خوشی منائیا۔ پوُرب جنم دا ملِے پھل، پھلی بھوُت دئے کرائیا۔ جوتی جوت سروُپ ہرِ، آپ اپنی کِرپا کر، مَینوُں دیوے مان وڈیائیا۔ سِری بھگوان دَیا کماؤندا اے۔ نوَ نؤ چار پندھ مُکاؤندا اے۔ پوُرب لیکھ ویکھ وکھاؤندا اے۔ کیِتا قؤل توڑ نِبھاؤندا اے۔ دھرت دھوَل دھؤل ڈیرہ لاؤندا اے۔ جن بھگتاں اندر مؤل، اپنا رنگ چڑھاؤندا اے۔ دوُر دُراڈا وسے کول، نیرن نیرا ہو کے نظری آؤندا اے۔ کوئی بھیوَ نہ جانے پنڈت پاندھا رؤل، مُلّا شیخ مسائق سمجھ نہ کوئے رکھاؤندا اے۔ جوتی جوت سروُپ ہرِ، آپ اپنی کِرپا کر، دیونہارا سچّا ور، سِر اپنا ہتّھ ٹِکاؤندا اے۔ سِر تیرے ہتّھ ٹِکاواں گا۔ لکڑی کاٹھ بنائی سِڑھی، تیرا مان ودھاواں گا۔ گُرمُکھاں سنگ مِل کدے نہ ڈریں، ڈر بھے سرب چُکاواں گا۔ خوشیاں نال اپنے اُتے دھریں، اوہناں نال نِرگُن ہو کے ویکھن آواں گا۔ اِکو ڈھولا تیرا میرا پڑھیں، سوہنگ سچّا راگ سُناواں گا۔ لیکھا چُکاواں گور مڑھی، جِنہاں مستک ٹِکاّ اِک لگاواں گا۔ دھنّ بھاگ ہووے سُلکھنی اوہ گھڑی، جِس ویلے گُرمُکھ گھر اپنے لےَ کے جاواں گا۔ پریم پیار دی لگّے جھڑی، چھہبر اپنا میگھ برساواں گا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، ساچی کرنی کر وکھاواں گا۔ سِڑھی کہے پربھوُ جب تیرے بھگت چرن ٹِکاؤن گے۔ میرا اگنی تت سُہاؤن گے۔ برہم مت اِک سمجھاؤن گے۔ چرن کوَل نت جوڑ جُڑاؤن گے۔ دوویں وکھا کے خالی ہتّھ، گھردیاں کولوں پِچھا اپنا آپ چُھڈاؤن گے۔ اَگے لےَ کے تیرے نام دی وتّھ، سوہنگ ڈھولے گاؤن گے۔ تُوں دُھر دا لےَ کے آویں رتھ، دیوت سُر مُن جن وِشن برہما شِو گُر اوتار پیِر پَیغمبر ساچا راگ الاؤن گے۔ مَیں تیری بھیٹا کراں ہسّ ہسّ، گُرمُکھ تیرے خوشیاں نال تیرے گھر جاون گے۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، سنت سُہیلے مِل کے تیرا نام دھیاؤن گے۔ سُن سِڑھی بالی بچّی، سچ سچ دیاں دِرڑائیا۔ ایسے کر کے تُوں سب توں اچھی، جیہڑے پربھ نالوں وِچھڑے پِھر اُس نال دئیں مِلائیا۔ ایہہ کایا ماٹی ببری کچّی، لوکمات تن ماٹی کھیہہ وِچ رلائیا۔ سچ پُچھیں مَینوُں ایہہ تیری دھار لگّی اچھی، جو بَیٹھی سیو کمائیا۔ سِڑھی کہے پاربرہم تُوں سرب جیِاں دا کملاپتی، بےانت تیری سرنائیا۔ جِنہاں درشن پایا تیرا اکّھیں، نیتر نیَناں نال مِلائیا۔ گُرمُکھ چُک کے لیاون نال ہتھیں، سوہنی سیو کمائیا۔ مَیں وی اوہناں نال ہوواں سَتی، اپنا سَت تیری جھولی

پائیا۔ ایسے کارن تیرے چرناں ڈھٹّھی، دوئے جوڑ ارداس سُنائیا۔ گُرمُکھ گُرسِکھ ہرجن ہربھگت اُڈائے لوکمات نہ کوئے مِٹی، خاک دھوُڑ نہ کوئے وکھائیا۔ تیرے پریم پیار دی جِنہاں پڑھی پٹّی، پار کنارہ اِکو نظری آئیا۔ دوئے جوڑ بَیٹھی ہتّھ بدھّی، اپنا سیِس نِوائیا۔ بےشک مَیں گھروں باہروں کڈھی، شمشان بھوُمی میرے ونڈے آئیا۔ مَیں کوجھی کملی سب توں ردّی، مَینوُں دیوے نہ کوئے مان وڈیائیا۔ مَیں تیرے حُکم اندر بدھّی، لوکمات سیو کمائیا۔ میری بُڈھی ہوئی ہڈّی، دُکھ درد رہیا ستائیا۔ بیِتدی جائے چؤدھویں صدی، عیسیٰ موُسیٰ محمد نیتر نیَن اُٹھائیا۔ نانک گوبِند کہے اوہ کیہڑی گھڑی چنگی، سوہنا وقت سُہائیا۔ جِس ویلے پربھ دواریوں ملِے وست منگی، انمُلڑی وست جھولی پائیا۔ سوہنا سماں جِس ویلے میرے اُپر چڑھن گُرمُکھ بُھینگی، سچ سِنگھاسن ڈیرہ لائیا۔ مَیں لےَ کے آواں چُک کے کندھی، کندھا کندھے نال مِلائیا۔ بےپرواہ سدا بخشندی، بخششِ رحمت دئے کمائیا۔ بِن بندگیؤں خانہ توڑے بندی، بندنا اپنی اِک جنائیا۔ جوتی جوت سروُپ ہرِ، آپ اپنی کِرپا کر، مَینوُں دیوے اِک ور، جن بھگتاں سنگ میرا لیکھا دئے مُکائیا۔