کتب خانہGranth 16 (Urdu)

۲۶ ماگھ ۲۰۲۰ بِکرمی چرن کؤر دے گھر الہڑپِنڈی ضِلع گُرداس پُر

رَوداس دوارے مِل بھگوان، سب نے خوشی منائیا۔ بھوگ لگّ سوہنا بنیا پکوان، سُکے ٹُکڑے روُپ وٹائیا۔ چار کہار مِل کے کھان، پنجواں یار نال مِلائیا۔ کھاندیاں کھاندیاں آیا دھیان، اندر دلیِل بنائیا۔ ایہدا مِٹھا رس مہان، سوہنا نظری آئیا۔ سارے اپنے پلّے تھوڑی تھوڑی گنڈھ بندھان، ایہنوُں نال لےَ کے جائیا۔ جِس ویلے بُھکھ پھیر سَتاوے آن، اُس ویلے لئیے کھائیا۔ کرو نِمسکار والی دو جہان، جِس سوہنی بنت بنائیا۔ چؤتھا کہے تُسیں بال نادان، رسنا منگ نہ منگائیا۔ خوشی ہو گئے کھا کے کھان، اپنا پیٹ بھرائیا۔ ایہو جِہا سارا جہان منگے دان، دیونہار سدا سدا ورتائیا۔ رل کے ایہدے کولوں منگ لؤ نام، جِس وِچ ملِے وڈیائیا۔ جے ہووے مِہروان، سوہنی وست دئے ورتائیا۔ جے رَوداس گھر بھوگ لگاوے آن، ساڈے گھر کِیوں نہ آئیا۔ سارے سُن کے خوشیاں منّان، اندرے اندر دِھیائیا۔ اِکٹّھے چرنی ڈِگے آن، نِیوں نِیوں سیِس جھُکائیا۔ کِرپا کر گُن نِدھان، تیرے ہتّھ وڈیائیا۔ ہؤں موُرکھ بال انجان، سمجھ سوچ نہ رائیا۔ تُوں وڈّا شاہ سُلطان، شہنشاہ اکھوائیا۔ پنجواں کہے مَیں اِنہاں نالوں انجان، جگت یارانہ چمریٹے نال رکھائیا۔ ہُن تھوڑی جہی آئی پچھان، جِس ویلے پربھ تیرا درشن پائیا۔ تُہاڈا دوواں دا اِکو دِسے نِشان، اِکو رنگ وکھائیا۔ خبرے کی کھوایا وِچ پکوان، مَینوُں اندروں پکاّ دِتا بنائیا۔ مَیں وی منگاں اِنہاں نال، اپنی جھولی اَگے ڈاہیِا۔ جوتی جوت سروُپ ہرِ، آپ اپنی کِرپا کر، مِہروان ہونا سہائیا۔ پنجاں سُن کے سچ ارداس، ڈولی دھیان لگائیا۔ مَیں وی سدا اِناں ساتھ، سوہنا کاج رچائیا۔ ماپیاں گھروں چُک کے دھیِاں ورگی دات، سؤہریاں گھر پُچائیا۔ لاڑی لاڑے دی پوُری کرکے آس، جوڑی جگت بنائیا۔ ڈولی وِچوں لاڑی مار آواز، ہؤکے نال جنائیا۔ مَیں وی تیرے در دی مُحتاج، اِکو اوٹ رکھائیا۔ میرے بِناں کِسے کمّ نہ آوے ساز باز، کہاراں سیو نہ کوئی لگائیا۔ کِیوں پربھوُ میرے نال ناراض، کِس بِدھ مُکھ بھوائیا۔ جاں مَینوُں منگن دی نہیں جاچ، جاں تُوں دیِن والا دے نہ خوشی منائیا۔ مَیں جو کِہا سو ساچ، سچّے سچ سمجھائیا۔ سب دی پوُری کردے آس، بَیٹھے دھیان لگائیا۔ چرن پریِتی تیری خواہش، دوُجی وست نہ منگ منگائیا۔ رَوداس کِہا شاباش، دھنّ تُہاڈی وڈیائیا۔ جِنہاں میرا دِتا ساتھ، سِکھیا سِکھ کے جھولی پائیا۔ اُدھروں براہمن جھاڑی اوہلے بَیٹھا رہیا جھاک، ہرِ جی کی کی ورتائیا۔ جاں مِلدی ویکھی

دات، دھوتی بودی سانبھ کے نیڑے آئیا۔ ڈنڈؤت کرکے کہے گُروُ مہاراج، ٹھاکر سوامی تیری سچّی سرنائیا۔ مَینوُں بھات وِچوں دے کھاج، کھاون نوُں چِت لائیا۔ رَوداس کِہا تُوں رل اُس جماعت، جو پنگت روُپ وٹائیا۔ براہمن اِدھر اُدھر ویکھ کے کہے مَینوُں تکّے نہ میرا ساک، براہمن شوُدراں گھر ڈیرہ لائیا۔ پہلوں پیٹ بھریئے پوُری کریئے آس، پِھر پاپ اپنی گٹھڑی وِچ لیِجے بندھائیا۔ جِس ویلے گنگا کنارے جا کے اوم کروُں جاپ، ہری اوم کہہ کے گنگا وِچ رُڑھائیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ براہمن کول بٹھا لیا ایک، چار کہار باہواں رہے پھرکائیا۔ جِس نے کیِتا ساڈے نال ویس، اوہ اڑکے گیا آئیا۔ ہُن پیَسیاں نال جِناں چِر باہمنی نہ دیوے بھیت، پلّا سکے نہ ساتھوں چُھڈائیا۔ جے نہ منّے کپڑیاں وِچ لپیٹ، ڈولی وِچ لئیے ٹِکائیا۔ جے کوئی پُچھے کہیئے ایہہ راجے دی بیٹ، ایہدا مُنہ ویکھن کوئی نہ آئیا۔ گنگا کنارے جا کے کھیڈیئے ایہدے نال کھیڈ، پھڑ بودیؤں ریتا اُتے پھرائیا۔ دُھپ کڑاکے دی ہوئے مہیِنہ جیٹھ، اُتے مُٹھیاں نال ٹِکائیا۔ جِناں چِر نہ دسےّ اندرلا بھیت، ماریئے کُٹیئے واہو داہیِا۔ اِنے چِر نوُں براہمن اوہناں ولّ لیا ویکھ، ہؤلی ہؤلی گلّاں کردے نظری آئیا۔ اوسے ویلے کھول کے اپنی جیب، دوُنے پَیسے دِتے پھڑائیا۔ میرے ججماناں مَینوُں دِتے بھیج، مَیں تُہاڈے واسطے لےَ کے آئیا۔ سارے ہسّ کے کہن ایہہ بڑا چنگا نہ کرے فریب، ایسے نوُں دِیوں پھڑائیا۔ براہمن اوسے ویلے اپنی جنتری کڈھ کے لِکھے اُتے کتیب، ہِنسیاں وِچ گنائیا۔ جِس ویلے منگو مَیں تُہاڈے گھریں دیواں بھیج، سوائے ڈِیوڑھے نال رلائیا۔ کہاراں کِہا تُوں براہمن ایہدا بنائیں کھیس، اُتے لےَ کے جگت ہنڈائیا۔ اسیں تیرے ججمان تُوں سانوُں دئیں آدیس، تیرے ورگا براہمن کیِرتی والا نظر کوئی نہ آئیا۔ اودھر رَوداس کِہا تُوں کیہڑی کھیلیں کھیل، اندرے اندر دھیان لگائیا۔ سارے منگو ایہدا میل، جو مِلیا بےپرواہیِا۔ خوشیاں نال اِک دوُجے دی جھولی پاؤ ویل، مُٹھی مُٹھی سوہنی ونڈ ونڈائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ سارے کہن رَوداس اسیں کُچھ لئیے سوچ، اپنا متا پکائیا۔ سانوُں پوُری نہیں ہوش، سمجھ نہ کوئی وڈیائیا۔ کِتے ٹّھٹھا کرن نہ لوک، مخؤل نہ دین اُڈائیا۔ جوتی جوت سروُپ ہرِ، آپ اپنی کِرپا کر، سانوُں سچ مت دے جنائیا۔ رَوداس کِہا تھوڑی دیر باہر جا کے کرو صلاح، متا اپنے نال پکائیا۔ اوہناں چِر میرے گھر سُتّا رہے بےپرواہ، میری سیجا سوہنی اِس نوُں بھائیا۔ مَیں اِسدے اُتے کچّے چمڑے دا دُشالہ دیواں پا، جِس نوُں سوہنا

رنگ چڑھائیا۔ تھوڑا چِر کر لئیے آرام، آرام گاہ اِکو اِک وکھائیا۔ پِھر تُہاڈا کرے کام، جوتی جوت سروُپ ہرِ، آپ اپنی کِرپا کر، اچرج کھیل رچائیا۔ سارے گھروں گئے باہر، قدم قدم اُٹھائیا۔ چار کہاراں نال پنجواں یار، سوہنا سنگ بنائیا۔ براہمن گڑوی لےَ کے چڑھدی دِشا وِچار، گیا واہو داہیِا۔ کرے کھیل کرتار، سمجھ کِسے نہ آئیا۔ اُدھروں کھوتے اُتے چڑھیا آوے گھمیار، پگڑی لال رنگ رنگائیا۔ وٹّ چاڑھ بنّھی دستار، وڈّا سِر وکھائیا۔ ہتّھ وِچ ڈنڈا رہیا ہُلار، ڈِچکر مارے چائیں چائنیا۔ اُسدے نال کھوتے ہور چار، ہِنک ہِنک کے رؤلا پائیا۔ چؤواں اُتے چار ہور اسوَار، نِکے بالے نظری آئیا۔ اُہناں وِچوں اِک رو پیا زارو زار، نیتر نیَناں نیِر وہائیا۔ اَگوں مِل پئے چار کہار پنجواں سچّا یار، سوہنا جوڑ جُڑائیا۔ چؤتھے کِہا اوہ جان والے گھُمیار، کِیوں بچّیاں رہیا روائیا۔ ذرا کھوتے تے گھلیار، کھُسیا ٹُٹیا بھجّا جاویں واہو داہیِا۔ اُس اُتوں اُتر اَگوں روکے چار، ڈنڈے نال ڈرائیا۔ گدھے اِک دوُجے ولّ نیَن رہے اُٹھال، ویکھن چائیں چائنیا۔ اونے چِر نوُں بچّے ماری آواز، اُچی کوُک سُنائیا۔ سانوُں بُھکھ لگّی آج، بہُڑی رہی ستائیا۔ نہ کوئی روٹی نہ کوئی دال، کُلر کُٹ نہ کوئی بندھائیا۔ گھُمیار غُصّے وِچ کہے مَیں کی تُہانوُں دیواں کھوال، نال لےَ کے کُچھ نہ آئیا۔ ایہہ سُنکے پنجاں سمجھیا ایہہ نِکے بال، سب نوُں اِکو جہے نظری آئیا۔ اِک دوُجے نوُں مار کے ارک دسّن اِشارے نال، ہؤلی ہؤلی سمجھائیا۔ اپنے کھولو گنڈھ رومال، جو رَوداس دواریوں بھات لِیاندا بندھائیا۔ وِچوں تھوڑا تھوڑا اِنہاں نوُں دئیے کھوال، ساڈا کی گھٹ جائیا۔ جوتی جوت سروُپ ہرِ، آپ اپنی کِرپا کر، آپے دئے وڈیائیا۔ ساریاں کھولی رومال گنڈھ، وِچوں کھانا اِک اِک اُٹھائیا۔ اِک اِک سب نوُں دِتا ونڈ، پِیو پُت رل کے کھائیا۔ کھادیاں آیا انند، خوشیاں ڈھولے گائیا۔ گھُمیار کہے کُچھ مَیتھوں لؤ منگ، مَیں کھوتے تُہاڈی بھیٹ چڑھائیا۔ اُہناں کِہا تُوں پہلوں ساڈا کر سنگ، رَوداس دوارے پھیرا پائیا۔ اوتھے ویکھ کھیل اگمّ، اگمّڑی کار کمائیا۔ تیرے کول کھوتے، اوہ ٹُٹے گنڈے چمّ، ایہہ اوہدی وڈ وڈیائیا۔ اسیں اوسے دے گھروں لیائے بنّھ، جو تُہانوُں دِتا کھوائیا۔ جے اوہوی تیرے نال جائے منّ، تیرے بچّیاں نوُں بُھکھ رہے نہ رائیا۔ گھُمیار کہے ایہو جِہا سودا جے جائے بن، مَیں وی لواں چائیں چائنیا۔ اُدھروں براہمن آؤندے سُن لیا کنّ، ایہہ کی متا پکائیا۔ براہمن ویکھ گھُمیار نوُں پےَ گیا جنّ، کہے اِس توں پُچھیئے کی ایہہ کھیل رچائیا۔ جوتی جوت سروُپ ہرِ، آپ اپنی کِرپا کر، سوہنی چال چلائیا۔ گھُمیار کہے دسّ پروہت،

ساچی منگ منگائیا۔ میرے سمجھ نہ کوئی سوچ، گوار نظری آئیا۔ مَینوُں ایہہ کی کہِندے لوک، چل رَوداس دوارے درشن پائیا۔ اوتھے مِلیا بھوجن بھوج، جو بھورا بھورا مَینوُں بچّیاں سمیِت دِتا کھوائیا۔ بچےّ رونوں ہو گئے خاموش، سوہنی ٹھنڈ ورتائیا۔ جوتی جوت سروُپ ہرِ، آپ اپنی کِرپا کر، اَولّڑی چال چلائیا۔ براہمن کہے ایدھر آ ہو الگّ، وکھّرا ہو سمجھائیا۔ بِن براہمن توں کِسے دا پوُرا ہوئے نہ یگ، سمگری کمّ کِسے نہ آئیا۔ جے کُچھ ہےَ تاں اِس لوٹے وِچ گھّت، پلّا اُتے رکھّ کے چوری چوری وکھائیا۔ مَیں تیری کُنڈلی بناواں جھٹ، گرِہ رہن کوئے نہ پائیا۔ تیرے گھر خزانے کھولاں ہٹّ، وڈّی دیواں وڈیائیا۔ اِنہاں موُرکھاں تَینوُں دینا کی دسّ، بِناں براہمناں سمجھ کِسے نہ آئیا۔ جو کُچھ سو میرے ہتّھ، منکا منکا رہیا بھوائیا۔ تُسیں ویکھو میرے متھے ولّ اکّھ، شنکر ترسوُل لےَ کے بَیٹھا چائیں چائنیا۔ جیہڑی دچّھنا دیؤ مَیں کیہڑی لیَنی رکھّ، مَیں سوہنے کمّ لگائیا۔ مَیں کھیِر کڑاہ بنا کے لیَنا چھک، تُہاڈا شُکر منائیا۔ نالے گاؤندا پِھراں جس، کھوتے والا ہور وی کوئی نظری آئیا۔ اِنے چِر نوُں چؤتھا کہار کہے براہمنا پِچھا چھڈ، ایویں رؤلا پائیا۔ اسیں کٹّھا کھادا کِیوں ہوئیے اڈّ، جیہڑا رَوداس دِتا ورتائیا۔ ساڈے سانجھے ہو گئے ہڈّ، ناڑی ناڑی جوڑ جُڑائیا۔ ہُن تے منگن والی عادت چھڈ، دین والے نظری آئیا۔ براہمن کہے ایہہ پِیو دادے دی کار چلی آؤندی ساڈی وِچ جدّ، وڈّیاں دی ریِتی دیواں کِویں گوائیا۔ جوتی جوت سروُپ ہرِ، آپ اپنی کِرپا کر، سوہنی بنت بنائیا۔ گھُمیار اندر آیا اُچھال، سوہنا دِل بنائیندا۔ بھراوو مَینوُں اوہ دیؤ دِکھال، جیہڑا بُھکھیاں ننگیاں انّ ورتائیندا۔ پنجے اُٹھ کے تُر پئے نال، سوہنا سنگ سوبھا پائیندا۔ بچّے کہن سانوُں وی دے دیؤ ایہہ رومال، جِس وِچوں کھانا کھادیاں سُکھ دُکھ درد مِٹائیندا۔ رون والا بچّہ کہے مَیں ضرور لےَ کے جانا نال، ضِد اپنی نہ کدے گوائیندا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیندا۔ پنج پنج دے ہو گئے دس، دہ دِشا خوشی منائیا۔ رَوداس دوارے آئے ہسّ، سوہنی بنت بنائیا۔ چمیار یار دِتا دسّ، پنجاں نال پنج ہور رلائیا۔ اِنہاں وی کھادی تیری بھات، دانہ دانہ مُکھ وِچ پائیا۔ ایہہ بن گئے ساڈے ساک، سجّناں وانگوُں سنگ رکھائیا۔ پر ایہہ براہمن بڑا چلاک، چلاکی کرن توں باز نہ آئیا۔ جھٹ براہمن کِہا مَیں ناتھاں دا ناتھ، غریِباں وِچوں غریِب غریِب نظری آئیا۔ جے ججمان خوشیاں میری جھولی پاون دات، مَیں خوشیاں نال گائیا۔ رَوداس کِہا تُہاڈی سوہنی بنی جماعت، دس اِک گیاراں گیاراں دا ایکا

ایکا اِکو نظری آئیا۔ سارے منگو سچّی دات، مَیں سچ دیاں سمجھائیا۔ پربھ تیرے رہیئے ساتھ، سوہنا سنگ نِبھائیا۔ سب دی پوُری کرے آس، ہرِ وڈّا وڈ وڈیائیا۔ ایہدے گھر کیہڑا گھاٹ، دیندیاں توٹ رہے نہ رائیا۔ گھُمیار کہے ساڈی کھوٹی نہ ہووے واٹ، آؤنا جانا لیکھے پائیا۔ رون والا بچّہ کہے چمیار دا پھڑ کے ہاتھ، مَینوُں بھات دے کھوائیا۔ جِس دی سُکیاں ٹُکڑیاں وِچوں بدلی ذات، میری جات دیوے وٹائیا۔ رَوداس ہسّ کے کِہا شاباش، کِڈی سوہنی گلّ سُنائیا۔ اپنی سوَانی نوُں مار آواز، نیڑے لیا بُلائیا۔ کوئی ہےَ رکھیا کھاج، بچّیاں دیواں ورتائیا۔ کہے مَیں تھوڑی جہی تھلّیو گھروڑی رکھّی سانبھ، کُھرپیاں نال لاہیِا۔ جوتی جوت سروُپ ہرِ، آپ اپنی کِرپا کر، ساچا رنگ وکھائیا۔ رَوداس سوَانی لےَ کے آئی وست، اَگے دِتی ٹِکائیا۔ رَوداس پھڑ کے ہست، تھوڑی تھوڑی ورتائیا۔ کھاندیاں سار سارے ہو گئے مست، خوشی وِچ نچّن ٹپّن ڈھولے گائیا۔ چھوٹا بالا کہے مَینوُں نظری آیا عرش فرش، میری سوہنی اکّھ کُھلائیا۔ رَوداس خوشی نال مار تھپّڑ اوہ ویکھ پُرکھ ابناس، بَیٹھا ڈیرہ لائیا۔ اوس اپنیاں بھائیاں دِتا آکھ، اِنہاں دیوے سمجھائیا۔ نالے تکّ کے ول باپ، کہے باپوُ جی اوہ باپوُ بےپرواہیِا۔ تیرا میرا پِیو پُت دا ساک، مَیں بال تُوں پِتا جگت اکھوائیا۔ پر اوہو جِہا نہ جانے جاپ، جِس دے اندر نوُر ضرور نظری آئیا۔ مَیں تَینوُں رہیا آکھ، اوس دے لگّ پائیا۔ گھُمیار کہے کی ایہہ سچ بات، جو کُچھ مَینوُں رہیا جنائیا۔ اندروں آئی اِک آواز، سوہنی دُھن اُپجائیا۔ جو کُچھ ہےَ سو ایسے دے پاس، دیونہار اکھوائیا۔ گھُمیار آئی کیاس، کی کُچھ اِس دی بھیٹ ڈائیا۔ سارے ہتّھ ماریا کُچھ نہیں ساتھ، اندرے اندر شرمائیا۔ پِھر آ گئی یاد، کُھرجی کھوتے اُتے ٹِکائیا۔ جیہدے وِچ وست خاص، مَیں اپنی لئی رکھائیا۔ ہُن اوہو دیواں دات، اِس دی بھیٹ چڑھائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ گھُمیار اُٹھ کے کُھرجی رہیا پھول، خوشیاں وِچ گائیا۔ ایہدے وِچ وست انمول، بھیٹا دیواں چڑھائیا۔ اِک نِکی جہی گُچھی تماکوُ دی جو سدا تولاں تول، لیِراں وِچ بند کرائیا۔ چُپ کیتے ہولی جیہی اَگے رکھّی اڈول، پربھ دی بھیٹ چڑھائیا۔ موُنہوں کُچھ نہ سکیا بول، کہہ نہ سکے رائیا۔ نالے ڈرے نالے شرمائے کِتے رَوداس نہ لَوے پھول، کی کُچھ رہیا ٹِکائیا۔ جوتی جوت سروُپ ہرِ، آپ اپنی کِرپا کر، اپنی کھیل رچائیا۔ چھوٹا بچّہ کہے باپوُ، کی پربھ نوُں بھیٹ چڑھائیا۔ اوہ پُتر مَیں اوہ دِتا تماکوُ ، جو اپنے لئی رکھائیا۔ سارے کہن پتہ نہیں پرماتما کی آکھوُ، غُصّے وِچ

کی سُنائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ تماکوُ بھیٹ چڑھیا، گٹھڑی بند رکھائیا۔ سِری بھگوان ہتّھ پھڑیا، خوشیاں نال اوسے دی جھولی پائیا۔ تیرا کارج پوُرا سریا، لیَن دیِن دی لوڑ رہی نہ رائیا۔ جے گھُمیار کوئی بھانڈا گھڑیا، مَینوُں کچّا دینا لیائیا۔ اُس وِچ پانی رہے ٹھریا، ٹھنڈا روُپ بنائیا۔ گھمیار کہے مَیں چکّ تے چاڑھ آوی وِچ دھریا، اگن بھیٹ چڑھائیا۔ جِس ویلے گھر جاواں مُڑیا، اوسے ویلے لےَ کے آئیا۔ اُدھر چار کہار پنجویں یار فُرنا پُھریا، اپنی گلّ سُنائیا۔ گھُمیارا کِیوں لالچ وِچ جاندا رُڑیا، گھڑے پِچھے اپنا مُکھ بھوائیا۔ اوۓ ایتھے آ کے نہ رہیں نِگُریا، سَتگُر کولوں کُچھ منگ دات تیری جھولی دیوے پائیا۔ اونے چِر نوُں نِکاّ بالا پاؤن ڈہِ پیا ڈنڈ، اُچی کوُک کوُک سُنائیا۔ جِناں چِر میرے مُنہ وِچ پائے نہ مِٹھی کھنڈ، چُٹکی اپنے ہتّھ نال پھڑائیا۔ مَیں رونوں نہیں ہونا بند، باپوُ چُپ نہ سکے کرائیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ بچّہ رووے زورو زور، ہؤکے لےَ لےَ رہیا سُنائیا۔ سانوُں بُھکھیاں نہ تور، تیرے در تے منگن آئیا۔ تیرے بِناں نہیں کوئی ہور، سِر ساڈے ہتّھ ٹِکائیا۔ سانوُں اِکو تیری لوڑ، دوُجی لوڑ نہ کوئی رکھائیا۔ پُرکھ اکال پِتا باپوُ ساڈے باپوُ دی بچّیاں سنگ بنّھ اپنی ڈور، سوہنا جوڑ جُڑائیا۔ وِچھوڑا دے نہ جاویں چھوڑ، چھوٹے چھوٹے رہے کُرلائیا۔ گھُمیار نے اُتوں لاہ کے اپنی دوہر، لال پٹّی والی پربھ دی بھیٹ چڑھائیا۔ بچّیاں ہور مچایا شور، نیَناں نیِر وہائیا۔ ہؤلی جیہی پربھوُ اُٹھ کے آیا کول، پھڑ باہوں گلے لگائیا۔ چُک کے گودی کرے چوہل، ہُلاریاں نال ہِلائیا۔ مَیں سدا تُہاڈے کول، وساں ہر گھٹ تھائنیا۔ رَوداس پیا بول، ایسے دی وڈ وڈیائیا۔ نِکاّ بچّہ کھوتے نوُں کُٹن لگّا وانگ ڈھول، ڈگّا ہتّھاں نال بنائیا۔ گدھا اَگوں پیا بول، ہیِنگ ہیِنگ سُنائیا۔ میرا پردہ دِتا کھول، مَینوُں وی ایہو نظری آئیا۔ جیہڑا تُہاڈے وسے کول، اوہو میرا ماہیِا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ اودھر ویکھ گھُمیار دی دوہر، پٹّی لال نظری آئیا۔ رَوداس کِہا کُچھ منگ لا ہور، دیونہار دَیا کمائیا۔ پھڑ کے گٹھڑی تماکوُ والی کہِندا اجے مَینوُں ایہو لوڑ، باقی آپے دیوے جیہڑی ایہنوُں بھائیا۔ بچےّ کہن ایہدے اَگے کیہڑا زور، نِمانے ہو کے سیِس جھُکائیا۔ ساڈا جے ہووے سانوُں جاوے بہُڑ، بہُڑ لئے گل لائیا۔ اودھروں براہمن اُٹھ کے آیا کول، ایہہ کی رؤلا رہے پائیا۔ لیَن دیِن والی وست دوہاں دے نہیں کول، گلّاں نال پرچائنیا۔ اپنے کولوں کڈھ کے تھوڑے جہے تِل تھوڑے جہے چؤل، کنک

دال آٹے وِچ سَتناجا دِتا بنائیا۔ اُتے رکھّ کے تند مؤل، چِٹا لال رنگ وکھائیا۔ آ ویکھو مَیں ججماناں دے لُٹ کے لیاندے بوہل، گھر مِشرانی کول رکھےّ ٹِکائیا۔ تھوڑے جہے تُہانوُں وکھاون لئی رکھےّ کول، تُسیں وی مَینوُں ایسے طرح دیؤ چائیں چائنیا۔ پِھر اپنی گٹھڑی وکھائی پھول، گنڈاں اِکّی وِچوں باہر کڈھائیا۔ جیہڑے بُہتے ججمان انبھول، اوہناں کولوں پگڑیاں منگ کے لیائیا۔ اِک ہور پردہ لیا کھول، جِس وِچ تکّڑی پنسیری رہیا ٹِکائیا۔ جے مائیاں بیِبیاں مِلن تاں اوہناں دے بچّیاں دے تولاں تول، آٹا دانہ ڈھائی گُنا پوائیا۔ جے میرے ساہمنے کوٹھی دا بوُہا دیِن کھول، اَگوں وڈّا بھنڈارا نظری آئیا۔ پِھر ستّ کراں پوُرے تول، جے بھارے ہون ججماناں نوُں چُکن نال لیائیا۔ نالے کہواں بَیٹھے رہو اڈول، مَیں تُہاڈے گُڈے رہیا بنائیا۔ جوتی جوت سروُپ ہرِ، آپ اپنی کِرپا کر، سوہنی رچن رچائیا۔ سُن کے بچن بولے چار کہار، پنجواں نال رلائیا۔ گھُمیار دا ساڈے نال کی وِہار، رَوداس دے سمجھائیا۔ رَوداس کہے ایہہ کھیل کرے کرتار، جو بچّیاں دئے وڈیائیا۔ بچّہ کہے اسیں بُھکھیاں منگی دات، اپنی جھولی ڈاہیِا۔ براہمن کہے مَیں منگن نوُں اِکو تکڑا تُسیں مَینوُں کہو شاباش، تُسیں دیونہار ججمان، منگن کِیوں آئیا۔ تُسیں دسّو تُساں کِتھے کٹنی رات، مَیں اوتھے تُہاڈے کول آواں بن کے پاندھی راہیِا۔ جیہڑی خوشی نال بخشوگے دات، اوسے نوُں لےَ کے تُہاڈا جس گائیا۔ بِناں براہمناں تُہاڈی کِسے نہ پُچھنی وات، بِناں سانوُں دِتا دان اَگے ہتّھ کوئی نہ آئیا۔ اسیں پروہت تُسیں ججمان، پربھ نے بنت بنائیا۔ تُہاڈا دان تے ساڈا پیِن کھان، دوہاں نوُں نظری آئیا۔ تُسیں مَینوُں کرو پرنام، مَیں بھگوان نوُں سیِس نِوائیا۔ جوتی جوت سروُپ ہرِ، آپ اپنی کِرپا کر، اگمّی کھیل رچائیا۔ گھُمیار دی دوہر گئی وِچھ، چارے کنّیِاں گئی پھیَلائیا۔ میرے اُتے بہن سارے رِکھ، سوہنی سنگت بنائیا۔ سِری بھگوان سب نوُں پئے دِس، اِکو روُپ نظری آئیا۔ وِچوں براہمن باہر ہو گیا کرکے ضِد، میری وکھّری جگہ کِیوں نہیں رکھائیا۔ رَوداس کِہا ایہہ دُھر دی بِدھ، بِدھ داتا رہیا بنائیا۔ سِری بھگوان کِہا رَوداس کُچھ لیکھ لِکھ، جو مَیں دیاں سمجھائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ چھوٹے بالے کِہا پربھوُ لگّا کی لکھاؤن، کیہڑی قلم چلائیا۔ کہ بچّیاں وانگ سانوُں لگّا پرچاؤن، تھوڑی تھوڑی وست جھولی پائیا۔ جِناں چِر رَوداس نہ آوے سمجھاؤن، ساڈی سمجھ سمجھ نال رلائیا۔ اساں کوئی اکھّر نہیں دیناں پاؤن، قلم دینی نہ چلن نال سییائیا۔ مار دُہتّھڑاں لگّا رون اکّھاں وِچ گھسنّ رکھائیا۔ سِر دے والاں لگّا کھوہن،

سوہنا دُکھ بنائیا۔ مار ٹّکراں چُھری لگّا وکھاؤن، اپنا آپ مِٹائیا۔ دھرتی اُتے لیٹ کے لما پےَ کے لگّا سؤن، مَیں اپنا آپ دیواں تجائیا۔ اسیں آئے پربھوُ مناؤن، اِس سانوُں دِتا نہ کوئی سمجھائیا۔ کہارو کی سانوُں لیائے کھواؤن، کھادا پیِتا نظر کُچھ نہ آئیا۔ اَگوں براہمن اُٹھکے آیا پِچھے ہٹاؤن، اَیویں رؤلا نہ پاؤ بھائیا۔ گھُمیار نوُں غُصّہ چڑھیا اُن مُکی ماری دھؤن، پراں دِتا ہٹائیا۔ مَیں بچّیاں روندیاں نوُں آیا ہساؤن، سو بُھکھے رہے کُرلائیا۔ ایہدے کولوں آیا کُچھ دواؤن، خالی جھولی دیواں بھرائیا۔ جوتی جوت سروُپ ہرِ، آپ اپنی کِرپا کر، لیکھا دئے لِکھائیا۔ دوُہری دوہر ہیٹھاں پئی گئی تھکّ، ہؤلی جہی سُنائیا۔ میرے بھار بہُتا آیا لّک، ہؤلا دیؤ کرائیا۔ موُدھی پئی دا رگڑیا گیا نکّ، مستک درد منّائیا۔ مَینوُں کُچھ تے دیؤ میرا حق، تُہاڈی سوہنی سیو کمائیا۔ اودھروں براہمن بولیا جھٹ، جے اؤکھی آ کے میری بھیٹ دیؤ چڑھائیا۔ مَیں لےَ کے ہوواں پت، براہمنی ہتّھ پھڑائیا۔ پھیر آواں نٹھ، اپنا پندھ مُکائیا۔ آ کے گھُمیار دا گاواں جس، جِس دوُہری دوہر تَینوُں دان کرائیا۔ غُصّہ گِلہ دیواں چھڈ، جیہڑی دھؤل سِر لگائیا۔ جوتی جوت سروُپ ہرِ، آپ اپنی کِرپا کر، ساچا راہ چلائیا۔ سُن کے براہمن بات، چؤتھا کہار رہیا سُنائیا۔ تَینوُں کیہڑی کیہڑی دئیے سوغات، تیری آسا پوُری نظر نہیں آئیا۔ جے کُچھ منگناں ایس پربھوُ کولوں منگ دات، تیری ترِکھا دئے بُجھائیا۔ براہمن مِل گیا ایس جماعت، اپنا آپ گوائیا۔ براہمن اندروں تھوڑی جہی ہوئی خواہش، آپ اپنا دھیان لگائیا۔ جے پتہ لگّ جائے میری ذات، براہمن شوُدراں وِچ ڈیرہ لائیا۔ ساڈی کُل ہو جائے ناس، اَگاڑی جھولی دان کوئی نہ پائیا۔ میری مِشرانی گھر بَیٹھی کِس طرح کروُ راج، کھانا پیِنا سوہنا بنائیا۔ ایتھوں چُپ کرکے چلیئے بھاج، اپنا پلّوُ چھڈائیا۔ پِیو دادے دا کِیوں چھڈیئے رِواج، کھانا پیِنا ایہہ رنگ ہتّھ نہ آئیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، سچ دئے وڈیائیا۔ رَوداس سب کُچھ رہیا سُن دا، اپنے اندر دھیان لگائیا۔ ویکھو کھیل اگمّی دُھر دا، دُھر دی دھار وڈیائیا۔ ویکھو جوڑ کِویں جُڑدا، پنجاں ہووے کُڑمائیا۔ براہمن کدے آوے کدے مُڑدا، صلاح وِچو وِچ رکھائیا۔ کدے جیؤندا کدے مُردا، اپنا روُپ وٹائیا۔ اِک فُرنا پُھریا ہِردا، ایہدے وِچوں آواز سُنائیا۔ جِس نوُں لبھدا پِھردا چِر دا، چِری وِچُھنیا نیڑے آئیا۔ ویکھ کہاراں گیڑا گِڑدا، رَوداس چمیارے دئے وڈیائیا۔ گھُمیار کِدھروں آیا پِھردا پِھردا، چؤہاں بچّیاں نال مِلائیا۔ سچ دوارے گھیرا گھِردا، سوہنا جوڑ جُڑائیا۔ ویکھو اگمّی گیڑا گِڑدا،

گیڑے وِچ رکھائیا۔ کیہڑا لیکھا اَگے چِھڑدا، چھیکڑ اجے ہتّھ نہ آئیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، سبنا رہیا سمجھائیا۔ صاحِب سَتگُر کر پیار، رَوداس رہیا سُنائیا۔ پہلوں سدّ چار کہار، پنجواں ہؤلی جہی نال مِلائیا۔ اُناں دیواں جگت ہُدار، سِر اپنا ہتّھ ٹِکائیا۔ ٹُکڑیاں وِچوں جے ٹُکڑا دِتا کھوال، بھات بھلی بھوُت نظری آئیا۔ اُہناں سِر تے دے رومال، سوہنا پردہ پائیا۔ منگی منگ دے کے دان، دُھر دی آس پُچائیا۔ تیرا سنگ نال مہان، دیواں جوڑ جُڑائیا۔ بےشک بدل دیواں زِمیں اسمان، بھگت بھگوَنت لیکھا سکے نہ کوئی بدلائیا۔ میری تیرے نال زبان، ایہناں نال رکھائیا۔ پنجاں نوُں جامہ ملِے مہان، مانَس وِچوں مانَس روُپ وٹائیا۔ چِنھ بدلے نِشان، پُرکھ پُرش ناری نر نرائن درسائیا۔ اگلا لیکھا پھیر دسےّ آن، لہنا مات چُکائیا۔ رَوداس چرن کوَل کر نِمسکار، دوویں جوڑ سیِس جھُکائیا۔ تیریاں تُوں ہی جانیں کرتار، کرتے تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ساچا گھر وسائیا۔ رَوداس گھمیار سدّ، جِس دوہر بھیٹ چڑھائیا۔ اندر لنگھے حد، اپنا چرن ٹِکائیا۔ اوہدے نال بچّے آون بھجّ، سوہنا بنس سُہائیا۔ مَیں رکھّا اُہناں لج، سِر اپنا ہتّھ ٹِکائیا۔ اونے چِر نوُں نِکے بالے کِہا گجّ، زور زور نال چِلائیا۔ چرن پھڑ کے مُکھ چُک کے اکّھ کھول کے کہے درس کر لیَن دے رجّ، اجّ ویلا بُھکھیاں ہتّھ آئیا۔ باقی سارے بچّے پئے نچّ، گھّٹّا پَیراں نال اُڈائیا۔ اُہناں دے ہِردے وسیا سچ، سچ سروُپ ویکھ خوشی منائیا۔ پربھوُ اسیں گُناہ توں جائیے بچ، چھوٹے ہُندیاں منگ منگائیا۔ تیرے پریم وِچ رنگی جائے رتّ، رتّی رتّ سُکائیا۔ چھوٹے بچّے پربھ دا پھڑکے ہتّھ، چمُّیا چائیں چائنیا۔ چمُّن نال گیا ڈھٹّھ، اپنی ہوش گیا بُھلائیا۔ گھُمیار بچّے دے سِر تے ہتّھ لیا رکھّ، ہؤلی ہؤلی ہلائیا۔ اوہ وی ہویا بےبس، سِر توں پگڑی لاہیِا۔ مُنہ دے بھار ڈِگا جھٹ، اپنی ہوش بُھلائیا۔ بوجھے وِچوں ڈِگ پئی تماکوُ والی گٹّھ، قطرہ قطرہ دھرنی ونڈ ونڈائیا۔ بےہوشی وِچ مارے ہتّھ، ایدھر اودھر بھوائیا۔ بھؤندیاں بھؤندیاں پربھ چرناں تے گیا لگّ، سوہنی خوشی منّائیا۔ اوسے ویلے کُھل گئی اکّھ، نِرگُن نظری آئیا۔ جوڑ کے کِہا ہتّھ، تیرے ہتّھ وڈیائیا۔ جے میرا بچّہ جائے بچ، جو تیری بھیٹ چڑھائیا۔ میرا اِس دے اُتے نہیں حق، در تیرے سیو کمائیا۔ سِری بھگوان کِہا ہسّ، ایہہ مُڈھ توں عادت میری چلی آئیا۔ جو میرا مَیں اوہدے ہو جاں وس، وارتا اپنے نال رکھائیا۔ جوتی جوت سروُپ ہرِ، آپ اپنی کِرپا کر، سوہنی کھیل رچائیا۔ ویکھ کھیل

براہمن سوچے، اندرے اندر دھیان لگائیا۔ میرے خالی ہوئے بوجھے، بھیٹ نظر کوئی نہ آئیا۔ گھُمیار کدوں ہِکے کھوتے، ڈیرہ اگلے پِنڈ لگائیا۔ براہمن اِس دے کولوں ہیرا پھیری نال سب کُچھ بوچے، خالی ہتّھ دئے کرائیا۔ امرت ویلے اُٹھ کے دھوتی بنّھے وانگ لنگوٹے، چوری بھجےّ واہو داہیِا۔ ایہو جہے گھُمیار بُہتے، مَیں لُٹے راہ جاندے راہیِا۔ جے ہور کُچھ نہ دیوُ ایہدی پَیریں جوڑا دِسے کھوسے، اَگوں نوک اُٹھائیا۔ جِس دی لمبائی چؤداں اُنگلاں دو پوٹے، اکّھاں نال تکائیا۔ اُتوں کڈھی دھار نال تِلے سچّے گوٹے، سوہنا رنگ وکھائیا۔ جے وڈّی ہوؤُ وِچوں کر لؤں دو ٹوٹے، بغل وِچ ٹِکائیا۔ ایہدا تِلّا سانبھ کے رکھوُں اُس کوٹھے، جِس کوٹھے وِچ بہُتا دھنّ رکھائیا۔ جِس ویلے میرے جمنگے پوُتے، ایہہ وڈّیاں پَیراں نِکے پَیر دیواں بنائیا۔ جے پوُتیاں پہلوں جمن دوہتے، اُہناں دی بھیٹ چڑھائیا۔ رَوداس اوسے ویلے سوچے، انتر دھیان لگائیا۔ اُس دی پِٹھ ہؤلی جہی ٹھوکے، براہمن نوُں سمجھائیا۔ کِسے کمّ نہیں آؤنے کوٹھے، کِدھر دھیان لگائیا۔ براہمنا تیرے گھر پُت نہ پوُتے، پرمیشور بَیٹھیاں ایہو نیِت رکھائیا۔ تُوں منگ میرے پران رہن سؤکھے، دُکھ درد نہ لاگے رائیا۔ ایہو جہے کدی نہیں مِلدے مؤقع، ملِے میل بےپرواہیِا۔ لکّھ چؤراسی گئی سؤں کے، نار کنت سیج ہنڈائیا۔ مُڑ کے کوئی نہیں آیا بھؤں کے، مانَس مانَس وِچوں روُپ وکھائیا۔ گُر اوتار پیِر پَیغمبر گئے گاؤں کے، پھیر پھیرا کوئی نہ پائیا۔ براہمن پِچھا ویکھیا بھؤں کے، اپنا مُکھ بھوائیا۔ اِکو وار اندروں نِکلے ہؤکے، ہؤکیاں نال کوُڑی کِریا باہر کڈھائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ کوُڑی واسنا نِکلی گندی، اپنا گئی تجائیا۔ براہمن منگ اِک منگی، رَوداس نال مِلائیا۔ میری ٹُٹی دینی گنڈھی، دھاگا ڈور تیری ہتھیں نظری آئیا۔ رَوداس کہے مَیں رمبی تِکھی چنڈی، اُچے نیِچے سارے پدّھر دیواں کرائیا۔ آر کہے میرے اَگے نِکی جہی کُنڈی، پھڑکے تند دھاگا ڈور کھِچ کے باہر لیائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ سُن کے بچن براہمن کُھلی اکّھ، اکّھاں لئیاں بدلائیا۔ مَینوُں کی چمیار دِتا دسّ، دسّدیِاں سُرت بدلائیا۔ میرے کُچھ نہیں رہ گیا وس، براہمنی یاد نہ کوئی ستائیا۔ ہُن مَیں کِسے وست نوُں لاؤنا نہیں ہتّھ، ججماناں گھر منگن نہ جائیا۔ پربھ دی چرنی گیا ڈھٹّھ، سیِس جگدیس جھُکائیا۔ پت میری لیَنی رکھّ، صاحِب میرے گوسائنیا۔ اُدھروں چؤتھا کہار پیا ہسّ، خوشی نال سُنائیا۔ پربھوُ ایہہ بڑا ٹھگ، ساڈے پَیسے لُٹ کے اپنے گنڈھ بنّھائیا۔ براہمن کہے مَیں پِھر ڈردے اِنہاں اَگے دِتے رکھّ،

بھروسہ دِتا کرائیا۔ ایہناں بُھکھیاں پِھر میرے اَگے دِتے سٹ، خوشیاں نال پھڑائیا۔ مَیں براہمنی دی گھڑا کے آیا نتھ، تِنّ بلاک، رکھائیا۔ اوہ گاؤندی سدا جس، سوہنی خوشی منائیا۔ میرے پربھوُ ویکھ خالی ہتّھ، مَیں ایدھروں لیا ایدھر دِتا بھیٹ چڑھائیا۔ اَگے واسطے کیِتی بسّ، تیرے اَگے واسطہ پائیا۔ میرے سِر تے رکھّیں ہتّھ، دیویں سچ سرنائیا۔ رَوداس کِہا ہسّ، نؤ دوارے واسنا دِتی تجائیا۔ چھوٹا بچّہ بولیا جھٹ، ہؤلی جہی سمجھائیا۔ اجے تھوڑی جہی کُھلی اکّھ، صاف سُتھری نظر نہ آئیا۔ ایہہ چاہُندا ساریاں نالوں بہُتا مَینوُں ملِے حق، میری پھیر ہووے وڈیائیا۔ اِس دا کڈھنا چاہیئے شک، پُرکھ اکال اَگے اوہلا رہن کوئی نہ پائیا۔ سِری بھگوان خوشی نال کِہا ہسّ، بچّہ تیری وڈ وڈیائیا۔ اِس شّک وِچ نؤ جنم دیواں رکھّ، مانَس مانَس روُپ وٹائیا۔ اَگے کرکے پوُرا حق، لیکھا لیکھے لائیا۔ رَوداس پربھ نوُں کِہا جھٹ، اینی بڑی سزائیا۔ میرے سنگ ایہنوُں لویں رکھّ، سوہنا جوڑ جُڑائیا۔ براہمن کِہا کنگن پِچھے مَیں گیا نٹّھ، اپنا مُکھ چُھپائیا۔ ویکھو رَوداس نے پھیر وی دِتا چھڈ، سفارش کر کے مَینوُں رہیا ترائیا۔ ہُن مَیں وی نہیں ہونا اڈّ، سوہنا سنگ نِبھائیا۔ اُدھروں وڈّی پگّ والا گھُمیار بولیا جھٹ، اِک وار سُنائیا۔ کُچھ سانوُں وی دے حق، چڑھکے کھوتیاں اُتے منگن آئیا۔ نِکاّ بچّہ پھڑکے مُنہ کھولیا جھٹ، آندا پربھوُ ایہدے وِچ سب کُچھ دے ٹِکائیا۔ سِری بھگوان اِک چؤلاں دا دانہ وِچ دِتا رکھّ، سِر تے ہتّھ ٹِکائیا۔ کلجُگ انتم لواں لبھ، اپنا بھیو چُکائیا۔ پِچھلا ناتا توڑ کے حد، اگلا جوڑ جُڑائیا۔ بھاگ لگا اِکو ید، اِکو بنس سُہائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ رَوداس کِہا سُن گھُمیار، گُتھی تیری رہن کوئی نہ پائیا۔ تَینوُں لیائے چار کہار، پنجواں نال مِلائیا۔ تُسیں پنجے کھوتیاں تے اسوَار، نٹّھے واہو داہیِا۔ بچےّ کیِتی گِریازار، بُھکھ رہی ستائیا۔ چؤتھے آیا اِک پیار، سبناں نوُں سمجھائیا۔ تھوڑا تھوڑا ایہناں دئیے کھوال، جو رومال وِچ بندھائیا۔ اُس کھادیاں مِلیا جمال، نوُر ضرور رُشنائیا۔ تُسیں آئے گھر سچّی دھرمسال، دھرم دوارا سوبھا پائیا۔ ویکھ اِک تُوں چار لال، پِیو پُت پنجے اِکو رنگ سمائیا۔ چھوٹا بچّہ پھیر کرے کمال، اپنی گلّ سُنائیا۔ ساڈا پِیو کھوتے واہ کے کرے ونج وپار، جِنس گھرو گھری خرید لیائیا۔ ہُن اسیں تکّیا تے اِکو بناؤنا دلال، سودا اِکے گھروں دئے بندھائیا۔ نالے بُھکھیاں پُچھے حال، دُکھیاں دُکھ گوائیا۔ جے کِتے سنسار وِچ پےَ جائے کال، سانوُں توٹ رہے نہ رائیا۔ جیہڑا اِک دانہ دئے کھوال، بِن کھادیاں ترِپت کرائیا۔ ایہو جِہا سودا کِتے نہیں

مِلنا مال، نالے بِن پیَسیاں ٹکیاں ورتائیا۔ جناں چِر نہ منّے سوال، گھر مُڑ کوئی نہ جائیا۔ رَوداس کِہا سُن بال، پربھ دیونہار وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بال کہے مَیں نہیں منّنا، پکّی ضِد رکھائیا۔ جے سانوُں خالی گھّلنا، پھیر اسیں ایتھے بہہ کے جھٹ لنگھائیا۔ تیرے نال لاہیئے ڈھوراں کّھلنا، جُتیاں سیِن دی جاچ دینی سِکھائیا۔ سچ دوارا اِکو ملّنا، بےشک سانوُں ملیچھ کہے لوکائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ سِری بھگوان سُن کے کِہا رَوداس، ایہناں پوُری آس کرائیا۔ آہ لےَ وست خاص، ایہناں دے کھوائیا۔ کوئی نہ ہووے نِراش، دھیِرج دھیِر دوائیا۔ جے منگدے میرا ساتھ، مَیں دیواں ساتھ نِبھائیا۔ جوتی جوت سروُپ ہرِ، آپ اپنی کِرپا کر، سوہنی دھار چلائیا۔ رَوداس پھڑیا اِک بھورا، اپنے ہتّھ رکھائیا۔ سِری بھگوان کِہا ایہہ اجے تھوڑا اِک ویراں ہور، دوُجا ہتّھ لگائیا۔ بچّہ رو کے پاون لگّا شور، پہلوں میری جھولی بھرائیا۔ رَوداس خوشی نال تھوڑا جِہا وِچ دِتا بھور، پہلا حِصّہ ورتائیا۔ پھیر دوُجے دی پئی لوڑ، اوہ وی وِچ رکھائیا۔ ایسے طرح پنجاں نوُں ورتایا جِنی لوڑ، جھولی سب بھرائیا۔ جِس ویلے دوویں اُنگلیاں دِتیاں کھول، اپنے ہتّھ وکھائیا۔ سِری بھگوان کِہا بول، رَوداس دا پرسادا دو دو جنم دوائیا۔ پہلا جنم دسّاں انمول، چھوٹا بچّہ لالو روُپ وٹائیا۔ نانک تولے تول، تکّڑی ہتّھ اُٹھائیا۔ ایہہ چارے آنڈھی گواڈھی بن کے وسن کول، سوہنا سنگ نِبھائیا۔ نانک کرکے جائے قؤل، اِک اِقرار رکھائیا۔ کلجُگ انتم سِری بھگوان تُہاڈے آوے کول، دوُر دُراڈا پندھ مُکائیا۔ ساچا ناتا دیوے جوڑ، پِتا پُت پنجے جنے بھائی بھائی بنائیا۔ بھَیناں بھائیاں دی پربھ نوُں لوڑ، وِچوں لالو مُکھ رکھائیا۔ ایہہ سُن کے چار کہار تے پنجویں مِتر دِتا زور، رَوداس پھڑکے رہے ہِلائیا۔ کی پربھ نوُں ساڈی نہیں لوڑ، جے آوے تے کِیوں نہ سنگ لیائیا۔ پھیر بچّے کِہا تُسیں سارے رؤلا پاؤ ہور، رو رو کے لؤ منائیا۔ مَیں وی ایسے کرکے پایا شور، شور وِچوں ایہدی رحمت نظری آئیا۔ پُرکھ اکال کِہا سارے رہو اڈول، دھیِرج دھرواس بندھائیا۔ مَیں تُہاڈے حِصّے دا سانبھ کے رکھیا اِک چؤل، دانہ دانے وِچوں بچائیا۔ سارے اِکٹّھے کرکے رکھاں اپنے کول، وِچھوڑا پندھ مُکائیا۔ نال براہمن رکھاں چور، ٹھگاں وِچوں ٹھگ دیاں ترائیا۔ پریِتی رَوداسے نال جوڑ، سوہنی بنت بنائیا۔ چار کہاراں کولوں جو پَیسے لئے بٹور، اپنی گنڈھ ٹِکائیا۔ اوس ویلے مَینوُں پَوے اوہناں دی لوڑ، اوہ رقم تُہاڈے ساہمنےمنگ منگائیا۔ بےشک مِشرانی سوُمنی ہو کے لئے جوڑ،

اپنے گھر ٹِکائیا۔ جے نہ دیوے اوہدے نکّ نتّھ سُہاگ دی ٹُٹ جائے ڈور، براہمن لوکمات نظر نہ آئیا۔ کِسے کمّ نہیں آؤنے بلاک بور، تِنّاں لوکاں ملِے نہ ڈھوئیا۔ ساریاں کِہا پربھ جے تُوں جائیں بہُڑ، بہُڑی بہُڑی سارے رہے سُنائیا۔ سانوُں کِسے دی نہیں لوڑ، گھر بار سارے دِتے تجائیا۔ جوتی جوت سروُپ ہرِ، آپ اپنی کِرپا کر، سوہنی بنت بنائیا۔ سِری بھگوان کہے مَیں دَیاوان، دَیا وِچ سمائیا۔ رَوداس دے ٹُکڑے سُکے کر پروان، لہج پھہج بھکّھ بھوج روُپ وٹائیا۔ ایہو جِہا کِسے نہیں مِلیا پکوان، کھا کھا گئی جگت لوکائیا۔ جِس وِچوں تُہاڈے جوگا رکھ لیا دان، اپنے کول چُھپائیا۔ کہارو جیہڑے تُہاڈے پَیسے ٹھگ کے گیا بےاِیمان، میرے ساہمنےٹھگّی کمائیا۔ رَوداس نال نہ ثابت رہیا اِیمان، صِدق دِتا تُڑائیا۔ ایہہ لیکھا کدی نہ چھڈا وِچ جہان، ضامن ہو کے پوُر کرائیا۔ اوس ویلے رَوداس کِہا سِری بھگوان، دوئے جوڑ سیِس نِوائیا۔ جے کُچھ لیکھا ہےَ مَیں وی اِس براہمن ٹھگنے نوُں دیواں دان، ٹکا ٹکا بچیا سوا ایہدی بھیٹ چڑھائیا۔ پاربرہم کہے ایہدے ولّ میرا دھیان، سد ویکھاں تھاؤں تھائنیا۔ لہنا دینا چُکاواں آن، پِچھلا لیکھا مات چُکائیا۔ اونے چِر نوُں گھُمیار اُٹھیا بلوان، پگڑوُ والا رہیا سُنائیا۔ مَیں پہلوں لیَنا تَیتھوں بیان، پربھ ساچے سچ دے سُنائیا۔ دوُجے جنم وِچ کِتھے مِلیں آن، کَون دھام سُہائیا۔ پنجاں کِویں کرے پروان، پِیو پُت سمجھ کِسے نہ آئیا۔ بھائیاں نال بھائی مات شِکم وِچ اِکٹّھے کریں آن، گربھ نِواس رکھائیا۔ رَوداس کِہا ایہہ میرا مِہروان، محبوُب وڈ گوسائیا۔ گھُمیار پِچھے آیا دھیان، ہتّھ جیب وِچ ٹِکائیا۔ تماکوُ والی گٹھڑی دا نہ مِلیا نِشان، ہؤکے لےَ کے رہیا سُنائیا۔ میری ایہدے وِچ جان، لبھو مَینوُں ہتّھ کِسے نہ آئیا۔ چھوٹا بچّہ کہے باپوُ کِڈا نادان، نِکی جہی گلّ پِچھے رؤلی رہیا پائیا۔ اَگوں غُصے نال کِہا چل میرے شیَطان، تَینوُں اِس دی سمجھ ذرا نہ آئیا۔ جِس ویلے کھا پی کے ایہدا سوُٹا لاواں دھوُآں اُڈے اسمان، پُھنکارہ اِکو وار لگائیا۔ گُڑ گُڑ کرکے کھیل کرے مہان، میرا دِل پرچائیا۔ تھکّیاں ٹُٹیاں دی لاہ دیوے تھکان، سوہنا سُکھ وکھائیا۔ جے کوئی گھر وِچوں ساتھی کرے نہ بول چال، ایہنوُں اڈّ لےَ کے بہہ کے ایہدے نال اپنا جھٹ لنگھائیا۔ جیِون بن جائے ساتھی، ساتھیاں وِچوں ساتھی ایہو نظری آئیا۔ اِس تماکوُ پِچھے اپنی دوہر تھلّے دِتی وِچھا بھگوان، ساریاں نوُں اُتے بہائیا۔ تُسیں مَینوُں سارے ایہہ منگ دیؤ نِکاّ جیہا دان، جے جمّاں میرے نال گٹھڑی دیوے بندھائیا۔ میرے ایسے وِچ پران، پراناں وِچوں ایہو نظری آئیا۔ جے گھُمیار نوُں تارے بھگوان، بھگوان پِھر نہ لئے ترائیا۔ ایہہ

ویکھ کھیل مہان، چار کہار خوشیاں رہے منائیا۔ پنجواں بولے نال زبان، سُنو کنّ لائیا۔ اجّ سارے اِکو پکاّ کرو اِیمان، ہتّھ نال ہتّھ لؤ مِلائیا۔ اِک دوُجے دی بن جاؤ جان، ناتا تُٹ کدے نہ جائیا۔ جیہڑا پنڈت ساتھوں لیَندا رہیا دان، ایہدے ول تکّو سارے دھیان لگائیا۔ پِھر شرارت کرے نہ بن شیَطان، دھوکھا ساڈے نال رکھائیا۔ اَگوں خوشی ہو کے کِہا سِری بھگوان، بچّیو فِکر کرو نہ رائیا۔ تُہاڈا دِتا آپے دیوے آن، اَمانت ایہدے کول ٹِکائیا۔ کراں کھیل مہان، ابھیوَ ابھید کُھلائیا۔ بن کے والی دو جہان، دوہاں لیکھ چُکائیا۔ پہلوں ساریاں نوُں رَوداس دا کھوا پکوان، ترِسنا ترِپت کرائیا۔ پھیر براہمن کولوں رکھیا لَوے دان، دُھر دی منگ منگائیا۔ براہمن ہو کے کہے حَیران، چنگا لما جھنجھٹ پائیا۔ پتہ نہیں پھیر مِشرانی شاید ہووے میرے نال، کے نالوں نظر کوئے نہ آئیا۔ رَوداس کِہا ایہہ نہ کر خیال، دلیِل دلیِل نہ کوئی رکھائیا۔ جیہڑی نک نتھ پا کے سُہاگن بن گئی رکان، کچّا تند ڈور پا کے کنّ نال لمُکائیا۔ اُس دا کھہڑا چُھٹا نہ میرا وِچ جہان، سوہنی جوڑی جوڑ جُڑائیا۔ اوہ تیرے پِچھے کرے دُکان، پِچھلا گھاٹا پوُر کرائیا۔ چالیاں وِچوں ویہہ پروان، ویہہ نِشان سوہنا رنگ رنگائیا۔ چالیاں پَیسیاں نال چالیاں والی چلدی رہے دُکان، چالی چالیاں وِچوں لیکھے پائیا۔ بیِس چالی اِک فرمان، اِک توں دو نظری آئیا۔ لہنا اجّ مکُے جہان، باقی پھیر رہے نہ رائیا۔ سنگی ساتھی سارے مِل کے کھان، خوشیاں رنگ وکھائیا۔ رَوداس کِہا سِری بھگوان، تیری بےپرواہیِا۔ کی ایہدا پکّوُ پکوان، کِس طرح ونڈ ونڈائیا۔ شہنشاہ کہے مَیتھوں وڈّا کِسے دا نہیں پیِن کھان، دیون والا نظر کوئی نہ آئیا۔ جِس اُتے ہوواں مِہروان، مِہر نظر دیاں ٹِکائیا۔ سو میریاں بھگتاں سیوا کرے مہان، بھیٹا کڑاہ پرسادِ چڑھائیا۔ جِس پرسادِ وِچوں پرسادی ملِے آن، برہم برہمادی کھوج کھوجائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ سُن کے بچن سُہنجنا ویلا، گھُمیار لئے انگڑائیا۔ جگت جہانو ہو کے ویہلا، شبدی پھیرا پائیا۔ مَیں کُچھ اپنے بنس نوُں کہنا، کہہ کے دیواں سمجھائیا۔ جِس دے پِچھے تُہانوُں مِلیا لہنا، پربھ در مِلی وڈیائیا۔ میری دوہر دا وِچھونا کِسے نہیں لیَنا، سچ سچ دیاں جنائیا۔ جِس اُتے سِری بھگوان بہنا، سوہنا آسن لائیا۔ جے مَیں نہیں رہیا ہور کِسے وی نہیں رہنا، سب نے آؤنا واہو داہیِا۔ جوتی جوت سروُپ ہرِ، آپ اپنی کِرپا کر، سچ دیون والا وڈیائیا۔ گھُمیار کہے مَیں آیا گھُنمدا، سوہنا چکّر لگائیا۔ مَینوُں یاد آیا لیکھا پِچھلا گُن دا، جو مِہروان دَیا کمائیا۔ میرے بنس وِچوں کِشن سِنگھ

وکیِل سِنگھ اچھر سِنگھ جے ہووے سُن دا، وڈّیاں چھوٹیاں نال رلائیا۔ ویکھو قیمت چُکاوے مُلّ دا، انمُل وست ورتائیا۔ جے مَیں وڈّا نہ ہُندا اِس کُل دا، رَوداس چمیار نہ دیداں گواہیِا۔ پنجاں دا پروار نہ ایناں پُھلدا، پُھلواڑی وِچ مالی کدے نہ آئیا۔ غریِباں پِچھے گہر گمبھیِر کدے نہ رُلدا، سچکھنڈ دوار تجائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ کِشن سِنگھ رکھ یاد، پھیر دیاں سمجھائیا۔ جِس ویلے پربھوُ دے آکھے مَینوُں ماری سی آواز، اپنا زور لگائیا۔ پربھ نے اوسے ویلے میرا کھول دِتا راز، رَوداس ویلے دا چیتا دِتا کرائیا۔ ایہہ کوئی کمّ خاص، جِس دے پِچھے پِھرے بےپرواہیِا۔ اوہ دوُجے جنم دی دوُجی مارے آواز، پِچھلا لیکھ مُکائیا۔ اپنے سِروں لاہ کے تاج، گُرسِکھاں سِر پہنائیا۔ مَیں اِکو منگ منگاں بن مُحتاج، سب پروار اَگے جھولی ڈاہیِا۔ جِس رکھّی ساڈی لاج، اوس دا سنگ لیَنا رکھائیا۔ مَیں سچ دسّاں بات، تُہانوُں دیاں سمجھائیا۔ جِس ویلے تیئی ماگھ دی آئی رات، گھڑی اٹھ دس وجائیا۔ ہؤلی ہؤلی چل کے آیا میرے پاس، بَیٹھ سرہانے خوشی منائیا۔ تِنّ وار بَیٹری نال مار کے لاٹ، میری للاٹ وِچ کیِتی رُشنائیا۔ میریاں اکّھاں ول اکّھاں نال جھاک، آخر اپنا رنگ وکھائیا۔ جِس ویلے مَینوُں پُچھے وات، ہؤلی جیہی تِنّ وار ہؤلی جیہی اوُں کر سُنائیا۔ اوسے ویلے میرے لئی جا کے گھلیا سوہنا راتھ، گھوڑا وڈّا دئے وکھائیا۔ کِیوں، میری گھوڑی تے چڑھیا مار پلاک، اوس دے بدلے مَینوُں دِتا چڑھائیا۔ نالے کرکے پوُرا واک، اپنا کھیل وکھائیا۔ مَینوُں جان لگّے نوُں چیتا آیا تماکوُ نہیں ساتھ، ہتّھ ڈبّ اُتے ٹِکائیا۔ اونے چِر نوُں میرے نِکل گئے ساس، ساتھ بنیا بےپرواہیِا۔ اَگے ویکھیا کھیل تماش، سوہنا رنگ نظری آئیا۔ نچّن کُدن ٹّپن پریِاں کرن ناچ، مَیں ویکھاں اَدھ وِچکار بَیٹھا چائیں چائنیا۔ اونے چِر نوُں پربھ نے وِچوں سمجھ لیا راز، موہنی روُپ ہو کے موہنیاں وِچ لُبھائیا۔ چھوٹے بچّے پِچھلے جنم دے لالو دوُجے جنم دے کِشن سِنگھ نوُں سُنائی آواز، سُرتی سُرت وِچوں بدلائیا۔ ہرِسنگت وِچ سدّ کے رکھّ چرناں پاس، مستک دھوُڑی ٹِکاّ دِتا لائیا۔ پِٹھ تے رکھّ کے ہاتھ، ٹھوکر ٹھوک ٹھوک دِتا سمجھائیا۔ ہُن چڑھ جا اُتے آکاش، پرکاش وِچ سمائیا۔ مَیں کِہا مَینوُں پِھر وی کرینگا یاد، اپنے کول بہائیا۔ اُس ویلے کہنا پیا تیرا دیواں ساتھ، سوہنا سنگ نِبھائیا۔ جے سچ پُچھو جیہڑی اِس نے رات کھادی بھات، اوس وِچوں تھوڑا جیہا حِصّہ سانوُں دِتا پُچائیا۔ اسیں چلدے رہے ساری رات، خوشیاں پندھ مُکائیا۔ میرے نال ویکھو گُرمُکھ گُرسِکھ سارے اوتھوں آئی بن

جماعت، سوہنا جوڑ جُڑائیا۔ ایہناں ساریاں دی خواہش، رجّ براہمن دا بھوجن کھائیا۔ جے گھر دے پُچھن ساڈی وات، اسیں کھیل ویکھیئے چائیں چائنیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا کھلائیا۔ گھُمیار کہے مَینوُں تیری تانگھ، تیرا دھیان لگائیا۔ جے کوئی مَینوُں روکے مَیں پھڑ لواں ڈانگ، چؤدھری ساریاں نوُں دئے ڈرائیا۔ میری پیَندی سی کدے دھانگ، جوڑیاں سِر ہِلائیا۔ کدے دینداں سا کُکڑ بن کے بانگ، سنتاں سُتّیاں دیواں اُٹھائیا۔ جے اجّ سوانگی بن کے رچیا سوانگ، سوہنا ویس وٹائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ اودھر براہمن رہیا سوچ، اندرے اندر دھیان لگائیا۔ اَگے وست کھان پیِن دی مؤج، ہُن واری دین دی آئیا۔ مَیں کِتھوں کھوجیا کھوج، پِچھلا چیتا رہیا کرائیا۔ پردہ لاہ کے گوجھ، میری کرنی رہیا سمجھائیا۔ اجّ مَینوُں کِسے نہیں دینی موکھ، میرے پلّے خالی دین کرائیا۔ پِھر براہمنی دی ٹِکانے آوُ ہوش، نتھ ویچ کے گھاٹا پوُر کرائیا۔ کی کہنگے لوک، دوویں ہوئے شؤدائیا ۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ سُن کے بچن اُٹھے پنج، چار کہار پنجواں مِتر نظری آئیا۔ سانوُں براہمن اُتے اجے رنج، غُصّہ اجے نِکل نہ جائیا۔ جی کردا پہلوں ایہدا بھنّیئے گنج، ٹھوکر سیِس لگائیا۔ چؤتھا کہے اوہ ساڈی چھٹ وِچوں کڈھو لمبےلمبےونجھ، مَیں وی موٹا تازہ نظری آئیا۔ ویکھو پِھر کِویں کھولدا گنڈھ، باقی بچے وی نال رکھائیا۔ سانوُں پِھر پؤگی ٹھنڈ، جِس ویلے کہے چھڈو میرے بھائیا۔ مَیں مُڑکے نہیں کردا پکھنڈ، پکھنڈی روُپ نہ کوئی وٹائیا۔ نالے رووے نالے پاوے ڈنڈ، ہؤکے لےَ سُنائیا۔ دوُجا کہے جے اِس نوُں آوے کھنگھ، ایہدی سنگھی دیؤ دبائیا۔ تیِجا کہے جے ساڈے ساہمنےبہے اُتے پلنگ، ایہنوُں تھلّے دےاو لاہیِا۔ چؤتھا کہے جے بُھل جائے منّ، بخشش دیؤ کرائیا۔ پنجواں کہے چور کدی نہ چھڈو پھڑیا سنّ، مُجرم لؤ بنائیا۔ جِناں چِر کڈھ کے نہ دیوے جنم دا لُٹیا دَھن، پربھ اَگے ڈیرہ لائیا۔ اوناں چِر ایہدے پکڑے چھڈو نہ کنّ، ہؤلی ہؤلی دیؤ ہِلائیا۔ جوتی جوت سروُپ ہرِ، آپ اپنی کِرپا کر، لیکھا دئے مُکائیا۔ براہمن کہے مَینوُں پیَندی دِسدی بِپتا، سجّن نظر کوئی نہ آئیا۔ اوس ویلے پتہ نہیں اِس کیہڑے ویلے کیِتی لِکھتا، رَوداس دِتا سمجھائیا۔ میرا روُپ بنایا سِکھ دا، میرا گُناہ رہیا نہ رائیا۔ تیئی ماگھ مَینوُں بھات اُتے نہیں دِسیا پِستا، میرا من پھیر للچائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچوں کڈھائیا۔ ایدھروں گھُمیار پھڑ کے سوٹا، ڈنڈا بیری رہیا اُٹھائیا۔ ڈھائی گز دُپّٹے دا بنّھ

لنگوٹا، سانبھ سوُت لکّ رکھائیا۔ براہمن رہن نہیں دینا کھوٹا، کھوٹی مت کڈھائیا۔ مَیں ویکھکے آیا اُپر چؤداں لوکا، جِس گھر وسے بےپرواہیِا۔ اوہنوُں مِلنا نہیں سؤکھا، لبھیاں ہتّھ کِسے نہ آئیا۔ جے اوس ویلے تیئی ماگھ پکوان والا ہتّھ آؤندا کھاؤنچا، مَیں پنڈت دے سِر وِچ مارنا سی چائیں چائنیا۔ پھیر مَینوُں پتہ لگّا اوہدا پربھ دے ہتّھ پؤچا، ہتّھ نال ہتّھ مِلائیا۔ مَیں مُڑ آیا جا کے کول چؤکا، اپنا مُکھ بھوائیا۔ جے براہمن مر گیا مَینوُں براہمنی نہ کہے اؤنتا، اؤتر جائے میرا گھر دِتا ڈُبائیا۔ جے ویکھیا میرا پروار بہُتا، وڈّا گھرانہ نظری آئیا۔ مَیں ایسے کرکے پھیر دین آیا ہوکا، سب نوُں رہیا سُنائیا۔ جے آکھو بھگوان کولوں تُہاڈے گھر لا دیاں ٹوکا، پٹّھے دَیاں کُترائیا۔ جے ماڑا دِسے کوٹھا، نواں دیاں بنوائیا۔ جے کوئی کپڑا نہیں سوُسا، سوہنے بستر دیاں سوائیا۔ اِک دُکھ تُساں میرا حُقہ روکا، اِس حُقے پِچھے تُہانوُں مِلی وڈیائیا۔ میرے یار کول تماکوُ بہُتا، ویکھ ویکھ کے خوشی منائیا۔ اوہ مَینوُں ہون نہیں دیندا اؤکھا، اؤکھیاں سؤکھیاں کر وکھائیا۔ بچّیاں نالوں لاڈ کرے بہُتا، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مَینوُں سب کُچھ رہیا وکھائیا۔ اجّ مَیں ویکھنے اوہ بلاک تنّ، جیہڑے ہتّھ نال جُڑائیا۔ جِنہاں نوُں سویرے اُٹھکے براہمنی لیندی گِن، کوئی ٹُٹ کے سویرے منجی اُتے رہ نہ جائیا۔ کوئی مَینوُں نہ لےَ جائے لُٹ پُٹ کے، میرا جھُگا چؤڑ کرائیا۔ جِس ویلے براہمن لڑے مَیں پیکے جاؤں رُس کے، اوس ویلے نکّ وِچ لواں لٹکائیا۔ گھروں نِکلوُں ہؤلی چُپکے، چوری چوری جائیا۔ جیہڑے میری ماں نے پائے جھُمکے، اوہ وی بغل وِچ ٹِکائیا۔ جیہڑیاں پُتریاں آدیاں لُٹ کے، چاندی تول اِکّی تولے سمجھائیا۔ مَیں اوہ وی نہیں جانا پِچھے سُٹ کے، سنبھال سوُت اپنی جھولی پائیا۔ جِس ویلے گھروں گئی اُٹھ کے، گھر دی کر جاؤں صفائیا۔ ماپیاں کولوں پُچھ کے، مہینےِ چھ اوہناں گھر جھٹ لنگھائیا۔ پھیر براہمن چوری چوری میرے کول آوُ لُک کے، دوہاں اکّھاں وِچوں نیِر وہائیا۔ چل مَیں تیری گٹھڑی لےَ جاواں چُک کے، کِیوں بَیٹھی گھر بُھلائیا۔ تُوں کملیئے مَینوُں تے آؤندی پُچھ کے، کِیوں پِچھا دے کے پلّوُ آئی چُھڈائیا۔ میرے تاء مٹھے کیتے مُچھ دے، آکڑ رہی نہ رائیا۔ براہمنی کہِندی ہُن بچن نہیں لُکدے، تَینوُں سچ دیاں سمجھائیا۔ ساڈے شؤق پوُرے کؤن کرے پُت دے، پُتر گود نہ کوئی سُہائیا۔ میرے اندروں اُبالے اُٹھ دے، اگن وانگ تپائیا۔ تُوں ویکھ تے صحیح اوہنوُں پُچھ کے، کِیوں خالی جھولی رکھائیا۔ اودھروں رَوداس آیا اُٹھ کے، پہلا چیتا یاد کرائیا۔

جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شہنشاہ شاہ پاتشاہ اِکو نظری آئیا۔ چار کہار ہوئے تکڑے، پنجویں نال رلائیا۔ اَگے ہو کے لیَن خبرے، اپنا بل دھرائیا۔ دسّو پنڈت جی ہُن کِس طرح بنوگے مقرے، فریباں نال پرچائنیا۔ اسیں اِکٹّھے ہوئے سنے ٹبّرے، وڈّا جوڑ جُڑائیا۔ تھکّ گئے تَینوُں لبھدے لبھدے، ہُن ہتّھ اساڈے آئیا۔ چھیتی دسّدے جھب دے، کِس ویلے دھر لئیے کڑاہیِا۔ جیہڑے ویہہ رُپئیے تیرے اَدھ دے، اوہ اَدھے ساڈا حِصّہ نظری آئیا۔ پنج چیت نوُں تَینوُں پھیر سدّ دے، چار چار پنجاں ہتّھ پھڑائیا۔ پھیر ویکھیں دِیپک جگدے، گھر سچّے ہوئے رُشنائیا۔ ایہہ لیکھے نہیں اجّ دے، رَوداس دئے گواہیِا۔ بےشک اسیں کنیاں روُپ ہو گئے پِھر وی نہیں بھجّدے، سوہنا بَیٹھے جوڑ جُڑائیا۔ تَینوُں سچّی سچّی دسّدے، اپنا حال سُنائیا۔ اسیں اُدوں دے اٹّھے پہر پربھ نال وسدے، رَوداس چمیار ساڈیِاں پھڑ پھڑ رکھےّ بانہیِاں۔ لوکی سؤندے تے اسیں ہسّدے، ہسدیاں وِچو ہستی اِکو نظری آئیا۔ جِس دے چرن کوَلاں وِچ وسدے، سوہنی سیو کمائیا۔ ہُن ویکھیئے تیرے بھٹّھ تپدے، کڑاہی کیہڑی لئیں چڑھائیا۔ پہلوں مَینوُں درشن کرا ہُن نال اکّھ دے، تیرے کولوں منگاں صفائیا۔ اوہ ساڈے پَیسے حق دے، جو لُٹ کے گھر دئے پُچائیا۔ پِھر وی اینیاں چِراں پِچھوں اونے ہی منگدے، وادھا لایا کوئی نہ رائیا۔ ایہہ وی پربھ چرناں وِچ رکھ دے، تَینوُں سَت سمجھائیا۔ براہمن کِہا ہسّدے ہسّدے، اپنی خوشی وکھائیا۔ ہُن ویکھو اسیں اِکٹّھے کِس طرح وسدے، پربھ سوہنی کھیل رچائیا۔ گیِت گاؤندے اوہدے جس دے، سوہنا ناد سُنائیا۔ سارے اِکٹّھے ہو کے پریم پریِتی وِچ پھسدے، پلّا سکے نہ کوئی چُھڈائیا۔ رَوداس گُرمُکھ سِنگھ روُپ آیا بن کے، سوہنی سیو کمائیا۔ براہمن تارا سِنگھ گھّلّیا ماں جنکے، پنج تت دِتی وڈیائیا۔ اودھروں گوتم آیا گِردھارا بن کے، سوہنی سیو کمائیا۔ رنگڑ آیا اِرادا تن کے، سِنگھ بخشیِش روُپ وٹائیا۔ عنایت یار آیا گنڈے پّٹکے، پال پرِتپال پلّوُ پِھرائیا۔ جوتی جوت سروُپ ہرِ، آپ اپنی کِرپا کر، ساچی سمگری رہی بنائیا۔ سُن بچن رووے کڑاہی، دین لگّی دُہائیا۔ میرا ہتّھا ویکھ میرے اندر تیرے ورگی شاہی، صاف نؤ ویراں کرائیا۔ میری تیرے اَگے دُہائی، مَیں واسطہ پا سُنائیا۔ پنجاں نال لہنا رلائی، سوہنا رنگ چڑھائیا۔ مَینوُں لےَ کے صاف دھو کے پربھ چرن دینا ٹِکائی، جوتی جوت سروُپ ہرِ، آپ اپنی کِرپا کر، مِہر نظر لئے اُٹھائیا۔ کڑاہی کہے میری سُن ارداس، براہمن بُھل کدے نہ جائیا۔ جِس ویلے پربھ چرن کھڑو پاس،

پاسہ بدلی لیَنی کرائیا۔ مَیں چرن کوَل لگّ بُجھاواں پیاس، اپنی ترِسنا ترِکھا بُجھائیا۔ پنجاں کول پنج گلاس، سیوا کرنی تیرے دوویں ہتّھ دھار وارو واری پائیا۔ اوس ویلے رَوداس نوُں نال چاہیدی قلم دوات، لیکھا لِکھے شاہیِا۔ پِھر ویکھو بندا آب حِیات، امرت وِچوں امرت نظری آئیا۔ اُس نوُں پی کے سارے ہو جان لاجواب، میرا دُکھ رہے نہ رائیا۔ مَیں اگّ تے چڑھ کے جھلّدی رہی عذابِ، بھٹّھیاں اُتے دِتا تپائیا۔ جِس ویلے جن بھگت کرن کڑاہ پرسادِ، تن وستوُ دیِن مِلائیا۔ اوس ویلے تِنّ پرگٹ ہوون بلاک، جیہڑے براہمنی نتھ سُہائیا۔ تُوں کریں اوس ویلے سوہنگ جاپ، اپنا مان مِٹائیا۔ تیرے نال میرا مِل جائے باپ، پتت پُنیِت دئے کرائیا۔ مَیں وی اددوں دا تُہاڈا ساک، سجّن پہلا نظری آئیا۔ جے کھؤنچا پِھرے نال ہاتھ، چاروں کُنٹ بھوائیا۔ اودھروں مکُے واٹ، سیوا کر کر دھیان لگائیا۔ جوتی جوت سروُپ ہرِ، آپ اپنی کِرپا کر، اچرج کھیل رچائیا۔ کھؤنچا کہے میرا ساتھی رومال، جیہڑا ہتّھاں وِچ سیو کمائیا۔ گُرمُکھ جِس ویلے کڑاہی چُکن اوہنوُں رکھّن نال، اگنی تپت توں دئے بچائیا۔ تِنّاں مِل کے اِک دسّنی بات، ویلے نال سُنائیا۔ پتہ نہیں اجّ دی کوئی کٹّن دیوے ایتھے رات، جے نہ منّن چلے جانا بن کے راہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بےپرواہ بےپرواہی وِچ سمائیا۔ اودھروں ویکھو چؤدھری آیا نٹّھا، کھلّڑی ساہ نال بھرائیا۔ مَیں ویکھیا پلنگ ڈٹّھا، میرا انتر خوشی منائیا۔ مَیں اجے نہیں کیِتا اچھا، تَینوُں کلّے نوُں دیاں جنائیا۔ جِناں چِر رَوداس والا پاِٹا چولا اُتے نہ وِچھا، سوہنی سیج سہائیا۔ تیرا اجےّ نہیں چھڈنا پِچھا، چؤتھی رات چؤتھے گھر نہ ہوئے جُدائیا۔ جدوں سب تے کرکے جائیں رَچھا، رَچھک تیرے نام وڈیائیا۔ میری پاٹی چادر پا بِھچھا، جیہڑی گنڈھاں نال جوڑ جُڑائیا۔ میرے پروار دا ضرور کڈھ کے جائیں سِٹّا، چوٹی تیرے ہتّھ نظری آئیا۔ جے بھجّیں مَیں وڈّا جنا تیرا پھڑ لؤوُں گِٹا، دوویں ہتّھ لگائیا۔ آہ ویکھ گھُمیار ویلے دا چِٹھا، جو بچّیاں نال دِتا رکھائیا۔ ہُن کِیوں پَینا پِھکا، اپنا مُکھ بھوائیا۔ ایہنوُں تُوں دسّ جائیں تُہاڈا پِتا، پرم پُرکھ اکھوائیا۔ مَینوُں اِکو جیہا وڈّا نِکاّ، چھوٹے بالے سارے گلے لگائیا۔ آپ بڑا سوہنا بن کے بَیٹھا رہیں چِٹا، سانوُں کّکھاں وِچ رُلائیا۔ ہُن مَینوُں تیرا دربار دِسا، بہُتا چنگا نظری آئیا۔ جِس ویلے ویکھیا بِستر وِچھا، مَیں لّتاں باہواں کھِلارکے سؤ گیا چائیں چائنیا۔ مَینوُں بُھل گیا پِچھا، پھیر تیری یاد ستائیا۔ اجے مَیں وی براہمن دا کھان آؤنا حِصّہ، لےَ کے تیرے کولوں کھائیا۔ جے نہ دیوے زور وکھاؤں ہِکا، اپنا بل دھرائیا۔

ساری رات سون نہ دؤوُں کروُن جِچا، ہؤلی ہؤلی ہِلائیا۔ جے مُکریں پِھر وکھاؤں لیکھ دُھر دا لِکھا، رَوداس چمیار نال رلائیا۔ رَوداس نوُں کہوُں گُرمُکھ سِنگھا تُوں میرا بھرا نِکاّ، میری مدد کرائیا۔ جے اِک ویراں کالا پا دئیں اُتے چِٹا، لِکھ کے قلم شاہیِا۔ مَیں بدو بدی ونڈا لواں حِصّہ، درگاہ ساچی سچ عدالت دیاں وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحِب سَتگُر ساچی کار کمائیا۔

کڑاہی کہے پربھ سُن حالت، بِناں ہرکھ سوگ سُنائیا۔ میری رَوداس دیوے ضمانت، ضامنی کاغذاں اُتے بھرائیا۔ مَیں بنی رہی اَمانت، در گھر ڈیرہ لائیا۔ جاں ویکھیا براہمن باہروں چِٹا اندروں کالکھ، ناڑی ناڑی نظری آئیا۔ میرا آپ بنیں ثالث، بےپرواہ ہو سہائیا۔ جے رَوداس کرے سفارش، رسنا بول جنائیا۔ ایہدا روُپ بنے خالص، خالص تیرا نظری آئیا۔ جوتی جوت سروُپ ہرِ، آپ اپنی کِرپا کر، لیکھا ویکھ دُھردرگاہیِا۔ کڑاہی کہے میرا ویکھ باہروں کالا رنگ، شاہی مُکھ لگائیا۔ مَینوُں اگنی ڈاہ ڈاہ کردے تنگ، بھٹھیاں اُتے تپائیا۔ میری اندر اِک اُمنگ، سدا دھیان لگائیا۔ جیہڑی وست سب دا دیوے سنگ، اوہ میرے وِچ آسن لائیا۔ جوتی جوت سروُپ ہرِ، آپ اپنی کِرپا کر، دینی مان وڈیائیا۔ کڑاہی کہے باہروں کالی اندروں چِٹی، سوہنی صاف نظری آئیا۔ میرے پیٹ وِچ کوئی نہیں کھیت مِٹّی، کوُڑا کِرکٹ نہ کوئی رکھائیا۔ مَیں بھگتاں کولوں پہلاں گلّ سِکھی، سِکھیا اپنی جھولی پائیا۔ جوتی جوت سروُپ ہرِ، آپ اپنی کِرپا کر، ویکھ حال بےپرواہیِا۔ کڑاہی کہے میرا اندر لؤ تکّ، سوہنا صاف نظری آئیا۔ ایہو جیہا کوئی نہ سکے رکھّ، مل موُت بھری لوکائیا۔ اِکو گھاٹا میرے کول نہیں اکّھ، تیرا درشن پائیا۔ دھنّ بھاگ جِنہاں مَینوُں لیاندا چکّ، چرناں وِچ رکھائیا۔ ہُن دیویں پوُرا حق، دوُسر کوئی رہن نہ پائیا۔ مَیں تپدی سڑدی گئی تھکّ، اپنا آپ بھیٹ چڑھائیا۔ اجے تک میرے وِچ سِری بھگوان چرن نہ دِتے رکھّ، جُگ چؤکڑی بیِتے وِچ جگت جہان وِچ لوکائیا۔ جے پربھ میرے ہون ہتّھ، خوشیاں نال سیو کمائیا۔ ایہہ وی میرا نہیں وس، تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، دے مان وڈیائیا۔ کڑاہی کہے میرا ویکھ اندر، اپنا دھیان لگائیا۔ نہ کوئی قُفل نہ کوئی

جندر، تختہ چُگاٹھ نہ کوئی سہائیا۔ اِس کارن ایہہ سوہنا بنیا مندر، پربھ دِتا چرن ٹِکائیا۔ ایہہ دات بھیِلنی لگّی سی منگن، رام اپنا چرن ٹِکائیا۔ اوہ بھرا کے کوجھی کملی، اوہدے پَیر دِتےدھوائیا۔ جوتی جوت سروُپ ہرِ، آپ اپنی کِرپا کر، مِہروان ہو سہائیا۔ کڑاہی کہے کر دھیان، گھنئیا تَینوُں رہی جنائیا۔ دروپتی کولوں سِکھیا مَیں گیان، جیہڑی پنجاں وِچوں پدم والا اِک دِھیائیا۔ اُس ویلے اوہدے اپنے نیَن نیِر وہان، رووے واہو داہیا۔ مَیں کِتھے ویکھاں بھگوان، میرا صاحِب نظر نہ آئیا۔ میری کوجھی ولّ پیا دھیان، جو پانی وِچ رکھّکے بَیٹھی ڈیرہ لائیا۔ اوس جل وِچوں نظری آیا لکّھمی نرائن، مُکند منوہر روُپ وٹائیا۔ مَیں رو کے پایا وَین، دُکھی حال سُنائیا۔ ویکھ دروپتی میری بھَین، پنجاں ہُندیاں شرمائیا۔ ایہہ سب دا دیوے دیِن، لہنا رہیا چُکائیا۔ جے چرن کوَل ایہدے میرے وِچ رہن، مَیں تَینوُں دَواں چُھڈوائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ دروپتی تکّیا ولّ پانی، کڑاہی وِچ نظری آئیا۔ وِچ بَیٹھا جان جانی، جاننہار گوسائنیا۔ نیتراں نال کِہا مَیں نِمانی، اکّھاں نال شرمائیا۔ اِکو تیرے نام دی پڑھاں بانی، دوُجی اوٹ نہ کوئی تکائیا۔ ایہہ سیوا مَیں کمانی، میرے ونڈے آئیا۔ کڑاہی کِہا مَیں بھاگاں والی، جِس گھر بِن سدّیِاں پُچھیاں پھیرا پائیا۔ مَیں سوہنی بن گئی سوَانی، اپنے کنت نال سوبھا پائیا۔ اوس ویلے کرِشن کہہ کے گیا تُوں بال انجانی، تَینوُں اگلا لیکھا دیاں جنائیا۔ جِس ویلے آوے جوتی نوُر شاہ سُلطانی، داتا بےپرواہیِا۔ تیری لیکھے لائے قُربانی، جو اپنا آپ میرے بھیٹ چڑھائیا۔ کڑاہی کہے پربھ دسّ کے جا نِشانی، کِس بِدھ ہوئے سہائیا۔ اوس کِہا براہمن پھڑے وڈّا وِدوانی، ٹھگ چور بنّھ لیائیا۔ رَوداس نال ہووے نِشانی، لیکھا لِکھے قلم شاہیِا۔ پنجاں دا پنج کھیل مہانی، پنج اگلا جوڑ جُڑائیا۔ سب دا لیکھا دیوے دو جہانی، بچیا کوئے رہن نہ پائیا۔ کڑاہی کہے کُچھ ہور دسّ بھگوانی، بھگوَن بھیو کُھلائیا۔ آواز آئی جِس ویلے تیرے وِچ تتّی ریِت پےَ کے پئے سِر سُت بھانی، کڑچھیاں دھار وہائیا۔ اوہ دے کے سچ قُربانی، مُکھوں آکھ سُنائیا۔ کرماں والیئے کدے تیرے وِچ سِری بھگوان چرن رکھّ کے پوائے ٹھنڈا پانی، پنج اپنے نال رلائیا۔ جِنہاں جامہ بدل کے راوی کنڈھے کرایا اشنانی، آسا اپنے نال رکھائیا۔ جوتی جوت سروُپ ہرِ، آپ اپنی کِرپا کر، لیکھا دئے چُکائیا۔ کڑاہی کہے میرا اندر چھوٹا، تِل رتّی نظر نہ آئیا۔ ایہو جیہا کدے کِسے سوَانی نہیں پھیریا پوچا، اپنا گھر بنائیا۔ دوُجے نوُں مانجنا بڑا سؤکھا، اپنا روگ نہ کوئی مِٹائیا۔ جیہڑا ٹھگدا رہیا

لوکاں، دھوتی ٹِکاّ بودی خوُب سُہائیا۔ تیری وڈیائی تُوں اوس نوُں دِتا مؤقع، جنم جنم دا روگ گوائیا۔ بھگتیِاں نالوں کہِندا کمّ سؤکھا، گھڑی پل وِچ اپنا لیکھا پوُر کرائیا۔ تھوڑی کرنی لہنا بہُتا، براہمنی دی عادت اجے نہ جائیا۔ براہمن کہے مَیں ایسے طرح صاف کردا رہیا اپنا چؤکا، جِس اُتے بہہ کے ججماناں گھروں کھائیا۔ ہُن دین دا آ گیا مؤقع، مُکیاں والے رہے ڈرائیا۔ گھیرے وِچ وڑ گیا اوہناں دے کوٹھا، چار دیواری بند کرائیا۔ مَینوُں ڈر میرے اُتے وجّن والا سوٹا، اپنا بل دھرائیا۔ چؤتھا کہار تازہ موٹا، پِچھلا روُپ نظری آئیا۔ جِس دے اندر ڈوُنگھی سوچا، سوچ کے دوُجیِاں دئے سمجھائیا۔ مَیں ہُن نہیں ہونا ہوچھا، چُپ کرکے وقت لنگھائیا۔ نہ کوئی دوہتا نہ کوئی پوتا، رَوداس ویکھ لا خالی گھر نظری آئیا۔ میرے نال ہُن نہ کریں روسا، رُسیاں لےَ منائیا۔ مَیں وِچھوڑا سہہ لیا چوکھا، نؤ جنم جنم وِچ بھوائیا۔ اَگے ہرِسنگت نال کدے نہ کراں دھوکھا، دھوکھے کرن والیاں دیاں ہٹائیا۔ مَیں نہیں تے میرے پہلے جنم دا پڑھ کے ویکھ لؤ پوتھا، پُستک سب نوُں دیاں وکھائیا۔ کوُڑی کرنی مَینوُں کیِتا تھوتھا، ہوچھی مت بنائیا۔ جے ہُن لنگھ جاندا ہتّھوں مؤقع، پِھر لکّھ چؤراسی پار نہ کوئی کرائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ کڑاہی کہے میرا ویکھو گھیرا، اِکو جیہا نظری آئیا۔ ایہدے وِچ وڑے کیہڑا، جیہڑا وڑے اگنی نال تپائیا۔ میرے کوئی نہ آوے نیڑا، دوُروں کھؤچیاں نال سیو کمائیا۔ جوتی جوت سروُپ ہرِ، آپ اپنی کِرپا کر، دُھر دا لیکھ بنائیا۔ کڑاہی کہے میرے اندر لگّا جوڑ، جوڑ جوڑ رہیا درسائیا۔ جِویں مَینوُں اِک دوُجے دی پئی لوڑ، سوہنا سنگ بنائیا۔ تُسیں کِیوں اپنا پربھوُ رہے وِچھوڑ، جِس وِچھڑیاں ساتھی کوئی رہن نہ پائیا۔ جِویں اجّ براہمن نوُں پےَ گئی میری لوڑ، پربھ میرے وِچ چرن ٹِکائیا۔ باہروں کالی اندھ گھور، کالکھ ٹِکاّ نظری آئیا۔ اندروں دِساں نویں نکور، سوہنا روُپ وٹائیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ کڑاہی کہے میرے جاگے کرم، سبناں رہی سُنائیا۔ مَیں پربھ دی آئی سرن، چھاتی چرناں ہیٹھ رکھائیا۔ مَیں دو جہاناں آئی ترن، تاری اِک لگائیا۔ مَیں ٹھگ چور آئی پھڑن، وِچھڑے نال مِلائیا۔ سچ پُچھو مَیں سیوا آئی کرن، سیوک روُپ وٹائیا۔ تّھلّیوں خوشی ہووے دھرتی دھرن، دَھول رہی جس گائیا۔ دھنّ بھاگ تیرے اندر کوَل چرن، پربھ دِتا ٹِکائیا۔ مَیں کیہڑے دواریوں آواں پھڑن، دروازہ نظر کوئے نہ آئیا۔ جے باہروں لگّا چڑھن، جن بھگت گھیرا بَیٹھے پائیا۔ مَیں تیرے تھلّے پئی منگاں سرن، اپنا

سیِس نِوائیا۔ جوتی جوت سروُپ ہرِ، آپ اپنی کِرپا کر، میرا لیکھا دے مُکائیا۔ رَوداس نال لا کے آیا شرط، سوہنا متا پکائیا۔ براہمن نوُں ہون نہیں دینا غرق، میرا درشن گیا پائیا۔ انتم کڈھاں پِچھلی رڑک، ریڑکا نظر کوئی نہ آئیا۔ دُنیا کولوں بنیا رہیا چِٹک، ایتھے چلے نہ کوئی چتُرائیا۔ ججماناں ڈراؤندا رہیا بن کے سخت، اپنا بھےَ وکھائیا۔ جوتی جوت سروُپ ہرِ، آپ اپنی کِرپا کر، لہنا رہیا چُکائیا۔ براہمن کہے سُن کڑاہی، تُوں کِیوں دئے دُہائیا۔ مَیں تیری سیو ویکھ کمائی، مانج صاف دھو کرکے لیاندا اُٹھائیا۔ تُوں میرے ول دی ہو، اپنا سنگ بنائیا۔ تیرے وِچ چرن گیا چھوہ، تَینوُں مِلی وڈیائیا۔ مَینوُں تھوڑی تھوڑی ہوئی لو، پِچھلا اندھیرا رہیا مُکائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ کڑاہی کہے سُنو پروہت، پتّری کِتھے رکھائیا۔ کِتھے گئی چؤمُکھیئے وِچ جگن والی جوت، لاٹاں والی مُکھ چُھپائیا۔ کِدھر گئے کھیِر کھان والے ہونٹ، دند گھسائی کِتھے رہیوں رکھائیا۔ کی ایہنوُں سوچ، سمجھ چلے نہ کوئی چتُرائیا۔ جوتی جوت سروُپ ہرِ، آپ اپنی کِرپا کر، سچ سندیسہ آپ سمجھائیا۔ کڑاہی کہے براہمن جی، جی جی وڈیائیا۔ پِچھے کیِتا کی، ہُن کی آس رکھائیا۔ ہُن نہ پُت نہ دھی، کلّی نار رہی کُرلائیا۔ کِس سہارے رِہوں جی، کی مِلی وڈیائیا۔ پربھ چرن سہارے تھی، اپنا مان مِٹائیا۔ تیرے لیکھے لگّے ساڈے تن ہتّھ سیں، رَوداس چمیارا دوہری کرے لِکھائیا۔ پھل سوہنا سُچا بی، تن کیاری دئے ٹِکائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ براہمن کہے مَیں آواں اَگے، ہؤلی ہؤلی ہتّھ اُٹھائیا۔ پربھ چرن جے میری اُنگلی لگّے، اپنی خوشی منائیا۔ سُن کے بچن کھؤنچا اَگوں اُٹھ کے بھجےّ، دوُروں سیِس نِوائیا۔ پِھردا سجےّ کھبّے، باہاں ٹنگ ٹنگ پھیریاں پائیا۔ جے کِتے مَینوُں براہمن لبھے، مَیں کھوپری دیاں سجائیا۔ جیہڑا کھیِر میرے اُتوں رسنا لال چٹےّ، میرا حِصّہ وی اپنی جھولی پائیا۔ مَیں اوہنوُں دسّاں سارے پتے، اگلی ہوش بُھلائیا۔ میرے اَگے اوہنوُں کیہڑا رکھےّ، سکے کؤن بچائیا۔ مَیں کڑاہی وِچ وڑ کے اگّ وِچ سڑکے اَگے پِچھے کھادھے دھکّے، چاروں کُنٹ اپنا آپ بھوائیا۔ جِس ویلے مَینوُں کوئی باہر کڈھے، میرا حِصّہ اُتے ٹھوک ٹھوک وِچے دین سُٹائیا۔ جے کوئی تھوڑا بہُتا جائے بچے، براہمن اُنگلاں نال لاہ کے مُنہ دے وِچ لیَن پائیا۔ مَیں بچن سُناواں سچّے، جھوُٹھ ذرا نہ کوئی رکھائیا۔ ایسے کرکے مَیں اپنے ساتھی کیتے اِکٹّھے، رل مِل کھا کے خوشی بنائیا۔ جے میرے کولوں بچے، مَیں بھراواں واج لگائیا۔ چار کہار آؤن نٹّھے، ڈانگاں سوٹے سنبھال ہتّھاں

وِچ اُٹھائیا۔ پنجواں یار کہے ایہدے کھوہ دیؤ پٹے، مارو واہو داہیِا۔ براہمن کہے ہُن کؤن پت رکھےّ، چاروں کُنٹ دھیان لگائیا۔ رَوداس ہؤلی جیہی کھول اپنی اکّھے، ساریاں ولّ تکائیا۔ غُصے والے سارے ہو گئے اچھّے، غُصّہ خوشی وِچ بدلائیا۔ نال اِشارے دسےّ، سِری بھگوان بَیٹھا بےپرواہیِا۔ پنجے پریم نال رتےّ، پریمی روُپ نظری آئیا۔ کڑچھا ویکھ ویکھ ہسّے، براہمن نیویں پائیا۔ کڑاہی کہے میرے وِچ سوہنے کھادے بھتےّ، کھیِر کڑاہ بنائیا۔ ہُن کِیوں پِچھے ہٹے، واری دیون دی آئیا۔ براہمن سِر چرناں تے رکھےّ، رو کے حال سُنائیا۔ بھئی تُسیں سارے ہو گئے اِکٹّھے، میرے کلّے دی چلے نہ کوئی چتُرائیا۔ مَیں وی یاد کراواں تُوں دھنےّ دے چارے وّچھے، نامے چھنّ چُھہائیا۔ ترلوچن بہہ کے ہٹّے، سودا دِتا وِکائیا۔ سُدامے تندل چبےّ، سوہنے محل وکھائیا۔ بِدر الوُنے ساگ بھوگ لگّے، کیلا چِھلکا مُکھ رکھائیا۔ دروپتی پِچھے دو جہان چھڈے، سِر اپنا ہتّھ ٹِکائیا۔ بھیِلنی تَینوُں کِتھوں لبھے، آپے آئیوں بےپرواہیِا۔ گج دیِاں تاراں آ کے کٹے، ہوویں سدا سہائیا۔ پرہلاد اگنی وِچوں رکھّیں، ہرناکش دِتا کھپائیا۔ کبیِر پانی وِچ نہ ڈُبے، جلدھارا دِتا رُڑھائیا۔ سیَن پِچھے راجے نوُں مُٹھیاں نال دبّیں، گھر گھر سیو کمائیا۔ پربھوُ مَیتھوں کِیوں بھجّیں، میری لجّیا تَینوُں نہ آئیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ براہمن کہے سُنو یار، مَیں پنجاں رہیا سُنائیا۔ سارے مِل کے کرو وِچار، میرا سنگ نِبھائیا۔ مَیتھوں جھلّی نہیں جانی تُہاڈی مار، ڈانگاں سوٹیاں کولوں ڈر آئیا۔ جے میرا سِر دِتا پاڑ، براہمنی پٹّی نہ کوئی بندھائیا۔ اودھروں چل کے آ گیا گھُمیار، اپنا ڈنڈا رہیا کھڑکائیا۔ براہمنا ہو جا خبردار، واری تیری ہُن آئیا۔ نہیں تے کڈھدے پِچھلے لُکائے ہار، چاندی ساڈی جھولی پائیا۔ نہیں تے آوی وِچ دیؤں چاڑھ، بھانڈیاں وِچ تپائیا۔ پھیر کریں پُکار، کوُکیں ماریں دھائیا۔ براہمن اوس ویلے آئی وِچار، اپنا حال سُنائیا۔ اسیں اِکٹّھے یار یار، کِیوں غُصّے نال ڈرائیا۔ ساڈا اوس دے نال پیار، جِس پرہلاد بھٹّھی آوی وِچوں لیا بچائیا۔ گھر آیاں نوُں نہ مار، گھر آیا دُشمن سجّن نظری آئیا۔ سوٹا سُٹکے پرے گھُمیار، ہسّ کے کِہا چائیں چائنیا۔ مَیں ویکھیا تیرے نال مَینوُں نظر آیا میرا پروار، ایسے کرکے خالی ہتّھ کرائیا۔ نہیں تے کھوتے اُتے دینا سی چاڑھ، مُکھ کالا کر بھوائیا۔ تَینوُں چھڈ کے آؤنا سی اوس اُجاڑ، جِس جنگل وِچ منُش نظر کوئے نہ آئیا۔ براہمن مِٹھا ہو کے پِھر کرے پیار، ہؤلی ہؤلی رہیا سُنائیا۔ تُوں تیجا سِنگھ نہیں تارا سِنگھ دوہاں دا اِکو سانجھا یار، تیرے گھر بَیٹھا چائیں چائنیا۔

ہسّ کے کِہا ایہہ بڑا دَیال، میرے اُتے گیا ترس کمائیا۔ ہُن وی براہمنا تیرے نال، سفارش کرن آئیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ تیری کراں سفارش بہُتی، دو اکھّراں وِچ بتائیا۔ پہلوں اپنی مَینوُں دے دے دھوتی، اپنا پِچھلا لیکھ چُکائیا۔ مَینوُں اِک واری ہتّھ لا لیَن دے بودی، مکُے تیری چتُرائیا۔ مَینوُں ہنُے چار دِن پِچھوں آئی سوجھی، پہلوں سمجھ کوئے نہ آئیا۔ ہُن اِکو گلّ سوچی، تَینوُں دیاں سمجھائیا۔ چمیار نہیں ایہہ موچی، موچی چمیار گُرمُکھ روُپ وٹائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ کڑاہی کہے مَیں کی کُچھ سُن دی، حَیرانی میرے اُتے چھائیا۔ مَیں سب نوُں اپنے وِچ پُندی، صاف سُتھرا بنائیا۔ مَیں کی سار جانا براہمن گُن دی، ٹھگ چور کہہ بھگت نظری آئیا۔ جے میرے اندر وڑے مَیں کباب وانگوُ بھُن دی، اگنی تت جلائیا۔ جے روندا پُکار کدے نہ سُن دی، گہر گمبھیِر ہو کے بہِندی پیِڑھا ڈاہیِا۔ جوتی جوت سروُپ ہرِ، آپ اپنی کِرپا کر، سب دا لیکھ وکھائیا۔ براہمن کہے بہُت کُچھ ہویا، ہؤکا لےَ کے رہیا سُنائیا۔ نیتر نیَناں نال رویا، رو رو دئے دُہائیا۔ بِن ماریاں ہویا اَدھ مویا، بلہیِن روُپ وٹائیا۔ جوتی جوت سروُپ ہرِ، آپ اپنی کِرپا کر، سب دا پِتا مائیا۔ کڑاہی کہے سُنو سارے، پنجاں رہی جنائیا۔ ہُن اِکٹّھے ہو کے آ گئے پربھوُ دوارے، پِچھلے غُصّے دیؤ مِٹائیا۔ تُسیں دوویں ایہدے سہارے، سب دا سچّا سائینا۔ کوئی ویاہے کوئی کوارے، رنگ اِکو جیہا چڑھائیا۔ پریم پریِتی اندر کِرپا کرے چرن کوَلارے، چرن چرن نال مِلائیا۔ براہمن بنے سیوادارے، دوہاں ہتّھاں سیو کمائیا۔ چؤتھا کہار پانی دھار ڈارے، سُلکھنی سُکھ سندیس سُنائیا۔ باوی جیِتا چرنو چرن دوارے، چرنودک مُکھ چوائیا۔ پنجواں پنج پیاری پیاری نام اُچارے، دیوے مان وڈیائیا۔ براہمن خوشیاں نال ہتّھ مارے، اُنگلاں انگوُٹھے نال مِلائیا۔ سنگت ویکھے ایہہ نظارے، پربھ آپے رہیا وکھائیا۔ گنگا جمنا سُرستی گوداوری ویکھو آئیاں دوارے، اپنا دھیان لگائیا۔ جو تر بَینی دے کے آئیوں لارے، اِکیاں سِکھاں کولوں چُلی چُلی اپنے چرناں اُتے پوائیا۔ اسیں ہُن تک رہیاں اوسے دے سہارے، دوُجی آس نہ کوئی رکھائیا۔ گنگا اُٹھکے وِچوں واج مارے، رَوداس ساڈی دے گواہیِا۔ لےَ لا کنگن ہور کوٹ ہزارے، میرا پربھوُ دے منّائیا۔ جو براہمن پَیج سوارے، چوراں ٹھگاں رہیا ترائیا۔ ساڈی عرض منظوُر کرے دربارے، بیننتی کہہ سُنائیا۔ جوتی جوت سروُپ ہرِ، آپ اپنی کِرپا کر، سوہنی بنت بنائیا۔ گنگا کہے مَیں لےَ کے آئی گنگا ساگر،

پُھل ٹھوُٹھی سِر نہ کوئی رکھائیا۔ جمنا کہے مَیں وڈّی چُکی گاگر، سوہنا بِنوُ ہیٹھاں بنائیا۔ سُرستی کہے مَیں دھو کے لیائی اپنے پریم نال چِٹی چادر، جیہڑی تر بَینی کنڈھے وِچھائیا۔ گوداوری کہے مَیں گُفا وِچ وڑکے اپنا کرم کرکے آئی اُجاگر، جِس وِچ سِنگھ گِردھارا دِتا لنگھائیا۔ تیرے در ونج کریئے بن سوداگر، وست امولک اِکو نظری آئیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ گنگا کہے میرا سوہنا نیر، نِرمل نظری آئیا۔ اؤہ ویکھو آ گیا کبیر، شہادت خوشیاں نال پائیا۔ ایسے مَینوُں ڈُبدی دِتی دھیِر، جِس وِچ تیرا روُپ نظری آئیا۔ میرے کٹ دِتے زنجیر، دُکھ درد رہیا نہ رائیا۔ پربھ ایہنوُں ہون نہ دیویں دِلگیِر، ویکھ کِڈی سوہنی اپنا آپ گوائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ جمنا چل کے آئی نیڑے، کہہ کہہ رہی سُنائیا۔ میرے کنڈھے گھنّیئے لائے ڈیرے، متھرا بِندرابن راس پوائیا۔ سخیاں نال کیتے کھیل بتھیرے، گوپیِاں نال خوشی ہنڈائیا۔ میرے اندر وڑکے کرے کلول بتھیرے، ناگاں نتھ پوائیا۔ ہُن پربھ آئی تیرے کھیڑے، بن کے پاندھی راہیِا۔ میری گاگر اُچھل اُچھل کے میرے کپڑے لبیڑے، میری ساڑھی ہوا نال اُڈ اُڈ کنڈیاں وِچ اڑ کے، لیرو لیر وکھائیا۔ اُدھروں رَوداس بولیا نال کڑکے، اُچی دے سمجھائیا۔ مَیں ویکھیا سویرے تَینوُں تڑکے، تُوں سُتّی ہو کے گُمراہیِا۔ میرے پربھوُ دا در مِلدا مر کے، جیِوندیاں ہتّھ کِسے نہ آئیا۔ جیہڑی سیِس اُتے آئی دھرکے، سوہنی مینڈھی تھلّے گُندائیا۔ اِس نوُں کھول رَوداس کِہا اَگے آ چل کے، تَینوُں دیاں سمجھائیا۔ جمنا اپنیاں کیساں نال چؤر ویکھ جھلّ کے، ایہناں ملِے وڈیائیا۔ پھیر ہتّھ نہیں آؤنا بھلکے، ویلا اِک سُہائیا۔ ایہہ خوشی نہیں ہُندا روٹی پانی جل تے، پریم پریِتی اندر سمائیا۔ جمنا نیتر نیَناں نیِر سُٹ کے، ہنجھوُاں ہار بنائیا۔ سوہنی مینڈھی ہتّھاں نال پُٹ کے، کُھلی گُت وکھائیا۔ سِر چرناں اُتے سُٹ کے، دھوُڑی ٹِکاّ مستک لائیا۔ پربھوُ میرا براہمن سب کُچھ لےَ گیا لُٹ پُٹ کے، رو کے دئے دُہائیا۔ اودھروں گنگا بولے اُٹھ کے، نی تیرا کی کھڑیا میرے باہواں کنگن گیا چُرائیا۔ جوتی جوت سروُپ ہرِ، آپ اپنی کِرپا کر، اچرج کھیل وکھائیا۔ سُرستی کہے مَیں لیائی چادر، بن دھوبن سیو کمائیا۔ مَینوُں ایتھے ملِے آدر، چرن کوَل سرنائیا۔ رَوداس کِہا نہیں ایہہ مان تیغ بہادر، جِس دا روُپ چِٹی دھار نظری آئیا۔ تیرا گنگا جمنا وِچ مِل کے ہووے آدر، نرائن تِنّاں لئے مِلائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ گوداوری کہے مَیں آئی بھجیّ، اپنا پندھ مُکائیا۔ گوتم کہے

نی تُوں گنجی، مینڈھی سیِس نہ کوئی گُندائیا۔ تیرے کنڈھے گیا پُرکھ اکال تُوں کوئی نہ ڈاہ کے دِتی منجی، کنڈھی اُتے ڈیرہ لائیا۔ اپنی واہُدی رہیؤں کنگھی، پٹّی مُکھ سیِسے نال سُہائیا۔ نیتر نیَن رہیؤں اندھی، اکّھ نہ کوئی کُھلائیا۔ اِک گلّوں تُوں چنگی، تیرے اندر گُر گوبِند چرن گیا ٹِکائیا۔ نہیں تے سدا رہندیوں رنڈی، سُہاگی کنت نہ کوئی ہنڈھائیا۔ گوداوری کہے مَیں پؤن دِتی ٹھنڈی، جِس ویلے ہرِسنگت میرے اندر نہاون جائیا۔ مَیں اوہناں دے اندروں پریم دی لئی سُگندھی، اوہ میرے لوُں لوُں وِچ سمائیا۔ بھاویں چنگی بھاویں مندی، اوہناں گُرسِکھاں گھر آئیا۔ اِکیاں وِچوں کِشن سِنگھ دے گھر دی لبھی ڈنڈی، مَیں بھجیّ واہو داہیِا۔ راہ وِچ تیِرتھاں اُتے ویکھی گُنڈیاں دی لگّی منڈی، سنت سادھ سادھنا والا نظر کوئی نہ آئیا۔ ایتھے آ کے ویکھیا ہرِسنگت ساری لگّی چنگی، جو پربھ چرن دھیان لگائیا۔ چرناں وِچ بَیٹھیاں جمنا گنگی، سُرستی نال مِلائیا۔ مَیں اِک نال لیائی رباب تندی، سوہنی تار بنائیا۔ جِس وِچوں گوبِند گیِت نِکلے پربھ توڑنہارا کھانہ بندی، بندھن دئے کٹائیا۔ ویکھو میری بھجّدیاں بھجّدیاں تنی ٹُٹ گئی انگی، سوُئی دھاگا ہتّھ کوئی نہ آئیا۔ میری اَدھی چھاتی ننگی، اکّھاں شرم نال شرمائیا۔ پربھوُ دھنّ بھاگ ایہہ گُرمُکھاں دی سنگت چنگی، میرے نگن ولّ اکّھ نہ کِسے تکائیا۔ مَیں ہو گئی ٹھار ٹھنڈی، ٹھنڈک اِک ورتائیا۔ جے سچ پُچھے ایتھے اِک بَیٹھا پوستی بھنگی، سِنگھ جسبیر ناؤں رکھائیا۔ جِس نوُں گھر مِلی سی تنگی، گوبِند نال گوداوری گیا چائیں چائنیا۔ مَیں اوہدے لئی اِک منگ منگن لگّی، اپنی جھولی اَگے ڈاہیِا۔ ویہہ سؤ اِکّی بِکرمی ایہدی سوَانی ہونی رنڈی، کنت سُہاگ گوائیا۔ جے سنگت ہووے چنگی، گل پلّوُ لَوے پائیا۔ تِنّ دِن پہلوں اٹّھ پھگّن سنگت ہوئے اِکٹّھی، پِھر اگلا لیکھا دیاں جنائیا۔ اونا چِر مَیں نہیں کرنی پکّی، پکاّ لیکھ نہ کوئی لِکھائیا۔ مَیں ایسے کرکے آئی نسّی، گُرسِکھ گُرسِکھاں نالوں کرے نہ کدے جُدائیا۔ مَیں تِنّ واراں ڈِگی وِچ پانی کسّی، اپنی دھوتی رہی وکھائیا۔ اِک دو وار تر گئی وانگ مچّھی، میرے پَیر تھلّے اُتے نظری آئیا۔ گُرمُکھو مَیں ایہدی کِرپا نال بچی، بچّیاں والیو ایسے لیا منگائیا۔ مَیں کراں گلّ سچّی، اچھی طرح سمجھائیا۔ پَیر کھِچن لگّا مَینوُں کنڈھے اُتے کرکے گیا پکّی، ہؤلی جیہی سمجھائیا۔ میرے بھگتاں دا سنگ رکھّیں، گُرمُکھاں نال کریں کُڑمائیا۔ پِھر پُرکھ اکال تَینوُں دِسے اکّھیں، در جا کے درشن پائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ کڑاہی کہے میرا لیکھ دُھر دا، رَوداس

رہیا جنائیا۔ جِس دے پِچھے پاڑ کے کُڑتا، کوُڑی کِریا گلوں لاہیِا۔ گُرمُکھ ہون نہ دیوے مُردا، مُرشد بےپرواہیِا۔ مَینوُں اِکو فُرنا پُھردا، دوہاں کُنڈیاں والی رہی سمجھائیا۔ جیہڑا ایہدے چرناں جُڑدا، جوڑی دو جہان وکھائیا۔ گُرمُکھو اَگے گیا پھیر کوئی نہیں مُڑدا، گھر ساچے لئے بہائیا۔ اودھروں تیجا سِنگھ آ گیا پِھردا تُردا، ہؤلی جیہی سُنائیا۔ اوہ مُنڈیو بھا کی آ گُڑ دا، سارے دیؤ سُنائیا۔ ایہہ لیکھا میرا دُھر دا، جِس کارن پھیرا پائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ رَوداس کہے گُڑ کیہڑے کمّ، سچ دے سمجھائیا۔ گھُمیار کہے تماکوُ کیہڑے کمّ، بِناں گُڑ رس نہ کوئی بھرائیا۔ میرا حلق نہ سُکے دم، سؤکھا ساہ رکھائیا۔ ہرکھ سوگ نہ غم، خوشیاں رنگ رنگائیا۔ رَوداس پریم نال کِہا تیرا چنگا لگّے چمّ، سوہنا روُپ وٹائیا۔ گھُمیار کہے میرا بیڑا دِتا بنّھ، تماکوُ لیَن دی لوڑ رہی نہ رائیا۔ میرے ونڈے دا گُڑ سنگت وِچ دینا ونڈ، اِکو وار دینا ورتائیا۔ نال براہمن نوُں پےَ جائے ٹھنڈ، گٹھڑی پراں دئے سُٹائیا۔ امرت دھار بنے جل، چرناں نال چُھہائیا۔ گنگا جمنا سُرستی گوداوری اکّھاں چُک کے ویکھن پل پل، پربھ ایہہ کی کھیل رچائیا۔ کھؤچا کہے پربھ ڈانگاں والے گھل، سوہنا سنگ بنائیا۔ اِس براہمن نوُں لئیے بھنّ، ہنکار وِکار گوائیا۔ رَوداس ہؤلی جیہی ساریاں نوُں کِہا وِچ کنّ، پربھ اَگے دیؤ سیِس نِوائیا۔ تُسی کِیوں ڈانگاں سوٹے رہے بھنّ، پربھ کِرپا نال دئے سمجھائیا۔ سارے اِکٹّھے گئے منّ، دوئے جوڑ پربھ چرن سیِس نِوائیا۔ رَوداس پُچھے براہمنا کی نِکلیا جنّ، کے باقی کُچھ رکھائیا۔ براہمن کہے میرے ہُن کُچھ نہیں وِچ تن، صاف بھانڈا دِتا کرائیا۔ کڑاہی کہے ایہہ میرے ورگا اندروں ہو گیا چنّ، سوہنا روُپ وٹائیا۔ کھونچا کہے مَیں رگڑ رگڑ کے صاف کیِتی کھلّ، سوہنی سیو کمائیا۔ گنگا جمنا سُرستی گوداوری کہن اسیں ویکھیئے امرت چرناں وِچ جل، دُھر دا نوُر نظری آئیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ گنگا کہے مَیں لیائی گنگا ساگر، لُٹیا نظری آئیا۔ آؤندی مِلیا در آدر، مِہروان مِہر نظر ٹِکائیا۔ اودھروں جمنا دی بولی گاگر، اُچی اُچی سُنائیا۔ میرا نِرمل کرم ہویا اُجاگر، سوہنا روُپ وٹائیا۔ سُرستی کہے میری سُرتی بنی چِٹی چادر، کِسے سوُت تانا پیٹا نہ کر اؤنائیا۔ گوداوری کہے پربھ ویکھیا کردا عادل، عدالت اِکو اِک لگائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ رَوداس کہے پنجے پھڑو سوٹے، سجےّ ہتّھ رکھائیا۔ اِک دے دو دو کرو ٹوٹے، دوہاں ملِے وڈیائیا۔ براہمن نال کاہدے روسے، پربھ رُسیاں لیا منائیا۔

جوتی جوت سروُپ ہرِ، آپ اپنی کِرپا کر، لہنا ل پائیا۔ اِک دے ٹو ک دو، پنجاں دس بنائیا۔ دسّاں وِچ پربھ آپے ہو، سوہنا رنگ وکھائیا۔ گنگا جمنا سُرستی گوداوری براہمن پنجے ایہدی اِکٹّھے ہو کے سُنی سچّی سو، سچ دھیان لگائیا۔ گنگا کہے بےشک ساڈے نال کردا رہیا دھرو، پر تیرے چرناں بَیٹھا چنگا نظری آئیا۔ جمنا کہے میرا سب کُچھ لیا کھوہ، ٹھگّی چوری نال رلائیا۔ پربھ ایہدا بھگت نال موہ، اِس کرکے کُچھ کہہ نہ سکاں رائیا۔ سُرستی کہے میرے اندر وڑ کے مَینوُں آیا ٹوہ، میریاں ڈنڈیاں لیایا چُرائیا۔ جی کردا ایہدی بودی دیواں کھوہ، پر تیرے دوارے بَیٹھا تیرا نوُر نظری آئیا۔ گوداوری کہے جِس ویلے ستّ سؤ پؤڑی چڑھ کے میرے نال کیِتا دھروہ، میرا لہِنگا لیا اُٹھائیا۔ جی کردا بھٹّھی والا ماراں ایہدے سِر وِچ چو، پِچھلا لیکھا دیاں مُکائیا۔ پربھوُ تیرے چرناں ول تکّ کے مَیں پئی رو، ایں جاپے جِویں تیرے چرناں سیو کمائیا۔ چارے کہن نیں ہُن ایہدے نال جائے چھوہ، کھوَرے سانوُں ایہدے نال مِلائیا۔ جو دو جہاناں دا والی بنیا چھّبی پوہ، روُپ رنگ ریکھ نہ کوئے وکھائیا۔ جن بھگتاں دیون آیا ڈھوآ ڈھو، دُھر دی وست ورتائیا۔ گنگا کہے اِنہاں پنجاں کولوں سوٹے لئیے کھوہ، پربھ چرن بھیٹ چڑھائیا۔ سارے اِکو جِہے جائیے ہو، ہوکا دے کے اِکو آواز لگائیا۔ مہاراج شیر سِنگھ وِشنوُں بھگوان، ایہدے جامے کٹ دے پوُرے نؤ، نؤکا نئیا اپنے نام چڑھائیا۔ ہُن براہمن نوُں گھر دا نہیں گؤ، براہمنی یاد کدے نہ آئیا۔ کّکھاں اُتے جاندا سؤں، منگے نہ لیف تُلائیا۔ ساڈے وِچ بہہ کے جاندا گاؤں، سوہنا راگ سُنائیا۔ لیکھا چھڈیا مَیں ہؤں، ہنکار وِچوں تجائیا۔ ہنس بنیا کاؤں، کاگ ہنس روُپ وٹائیا۔ رَوداس کہے پربھ ایہدے سِر تے رکھّ ٹھنڈی چھاؤں، ہرِسنگت نال مِلائیا۔ تُوں ہی ماتا تُوں ہی پِتا ماؤں، ماپیاں وِچوں ماپا اِکو نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، پِچھلی بُھل سرب بخشائیا۔ رَوداس کہے مَیں پھیراں لیِک، قلم شاہی نال لگائیا۔ کی پربھوُ ایہہ اوہو تاریخ، جیہڑی پِچھے گیا سمجھائیا۔ گنگا ماتا کہے ٹھیِک، مَیں ایسے کرکے ویکھن آئیا۔ جمنا کہے دھنّ بھاگ جے براہمن ہویا سُرجیِت، سوئی سُرت جگائیا۔ سُرستی کہے ایہہ بنیا رہے اتیِت، ترےَگُن ڈیرہ ڈھاہیِا۔ گوداوری کہے بنی رہے پریِت، پربھ چرن ملِے سرنائیا۔ پنج کہن ہُن نہیں تیرے شریِک، سوٹے پربھ دے ہتّھ پھڑائیا۔ رَوداس کہے اوہ سارے اِکٹّھے ہو کے منگ لؤ بھیِکھ، اپنی جھولی اَگے ڈاہیِا۔ جے نیِچوں کر جائے اوُچ، اپنے رنگ رنگائیا۔ سارے بن جاؤ ایسے دے پوُت،

پِتا اِکو بےپرواہیِا۔ کبیِر کہے ہُن کڈھنا نہیں پیَندا تاگا تانا پیٹا سوُت، کُچھ نال کرنی نہ پئے صفائیا۔ کھڈّیاں وِچ رلاؤنا نہ پئے پنج تت قلبوُت، نلیاں وٹّ چرخے اُتے نہ کوئی چڑھائیا۔ اوئے جن بھگتو تُہاڈا کِڈا سوہنا کمّ آیا سوُت، ویلا وقت لؤ سُہائیا۔ چُلھا سمجھو نہ پنج تت بھوُت، بےانت بےپرواہ نر نِرنکار نظری آئیا۔ جِس دا لیکھا چار کوُٹ، دہ دِشا ویکھ وکھائیا۔ اِس دی جھولی پاؤ جوُٹھ جھوُٹھ، صاف اپنا آپ کرائیا۔ دُھر دا ماہی سچّا محبوُب، مُحبّت کرن لوکمات آئیا۔ ہِجر ولّوں حضوُر مؤجوُد، حضرت درس دِکھائیا۔ جوتی جوت سروُپ ہرِ، آپ اپنی کِرپا کر، رحمت رہیا کمائیا۔ کڑاہی کڑچھا اُٹھے بول، اِکٹّھے رہے سُنائیا۔ پربھ مِٹھا رس ساڈے وِچ دِتا گھول، امرت امر روُپ وکھائیا۔ اِس وِچ رست چینی کِیوں نہیں پاؤندے تول، تکڑیاں وٹیاں لیکھا دئے چُکائیا۔ پھیر پنڈت تیرے کڑاہ پرساد دی سب نوُں کھواوے پاہُل، وِچ اپنا حِصّہ رکھائیا۔ بند دروازے دیوے کھول، کُھلا راہ سمجھائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ ایدھروں کڑاہی نیِر کرے پُکار، اِکو وار سُنائیا۔ پربھوُ تیرے چرن بلہار، جِس دِتی مان وڈیائیا۔ مَیں منگاں منگ بن بِھکھار، تیرے اَگے جھولی ڈاہیِا۔ جے اپنیاں بھگتاں کرائے مَینوُں دیِدار، مَیں خوشیاں وِچ سچّا گیِت گائیا۔ ابناسی کرتا دیِن دَیال، مِہر نظر اُٹھائیا۔ اپنے ہتّھ دے اُتے لئے بہال، ہرِسنگت تیرا درشن دئے وکھائیا۔ جِس وِچ بَیٹھے شاہ کنگال، شہنشاہ اپنا روُپ رکھائیا۔ تھوڑا تھوڑا چِھٹا دیوے مار، تن ماٹی صاف کرائیا۔ اودھروں آیا گُجری لال، گوبِند سچّا ماہیِا۔ کڈھ کے گڑھی والا رومال، مُکھ سِکھاں صاف کرائیا۔ نیتر کھولو ویکھو دیِن دَیال، پاربرہم پت پرمیشور بَیٹھا آسن لائیا۔ کِسے ہتّھ نہیں آؤندا مندر مسجد گُردوار دھرمسال، تٹ تیِرتھ رہے کُرلائیا۔ چھیتی چھیتی کڑاہی کہے میری اگن دیؤ بال، مَیں اُتے آواں چائیں چائنیا۔ ہور پانی دینا نال ڈال، تِنّ لانگری اِکو جیہی سیو کمائیا۔ اگلا پھیر دسّاں احوال، باقی کی کُچھ دینا ورتائیا۔ کِتے بُھل کے نہ کہیو سانوُں کرن آیا کنگال، کھا پی اپنا جھٹ لنگھائیا۔ نہیں، ایہہ دُھر دا بن دلال، بیڑا پار کرائیا۔ ایتھے اوتھے ایس دے اَگے کِسے دی کی مجال، گُرمُکھاں ول اکّھ تکّ کے لئے اُٹھائیا۔ ایتھوں چُک کے سچکھنڈ دئے بہال، درگاہ ساچی دھام سُہائیا۔ گُرسِکھو تھوڑا چِر کھا پی کر لو کُچھ آرام، تُہاڈے جوگی ہور وستوُ لےَ کے آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بن سیوک سیو کمائیا۔ کڑاہی کہے کِرپا کری پُرکھ سمرتھ، مِہروان ہو کے دَیا کمائیا۔ چرن کوَل دِتے

رکھّ، میری سُن کے حال دُہائیا۔ سب نے ویکھیا اپنی اکّھ، پلّا اوہلا نہ کوئی جنائیا۔ براہمن دوویں لائے ہتّھ، پانی پنجاں کولوں پوائیا۔ نؤ جنم دے گرؤہ اِکو وار کر اِکٹّھ، پربھ چرن ڈِگے مارن دھائیا۔ ہُن اسیں پِچھے آئے ہٹ، اپنا پندھ مُکائیا۔ براہمن دی گٹھڑی وی خالی رہ گئی گٹّھ، اپنا پلّوُ آئے چُھڈائیا۔ تیرے چرناں جائے وس، ناتا اَور تُڑائیا۔ جوتی جوت سروُپ ہرِ، آپ اپنی کِرپا کر، مِہروان لجّیا دئے رکھائیا۔ گرؤہ کہن اسیں پئے گِر، سِر سکے نہ کوئی اُٹھائیا۔ نؤ جنم وتھیرا لیا پِھر، براہمن نال یارانہ لائیا۔ انتم ڈھےَ ڈھیری ہوئے ڈھیر، اپنا مان مِٹائیا۔ ساڈے لیکھے آندا ڈھیر، بُھلیکھے دِتے چُکائیا۔ کِتھوں چیتے رکھے سِنگھ شیر، پہلے لہنے یاد کرائیا۔ لکّھ شُکر جے ہُن دیوے نبیڑ، اَگے کوئی رہن نہ پائیا۔ جوتی جوت سروُپ ہرِ، آپ اپنی کِرپا کر، لیکھا پوُرا دئے کرائیا۔ گرؤہ کہن اسیں وڑ گئے وِچ کڑاہی، پربھ چرناں سیِس نِوائیا۔ نالے روئیے ساڈی ہُندی جائے تباہی، سنگی سنگ نہ کوئی نِبھائیا۔ وینہدیاں وینہدیاں براہمن دی سارے دے گئے گواہی، شہادت رَوداس نال رلائیا۔ ساڈیِاں اُس ویلے نِکلن ہائیں، سانوُں کھیِر کڑاہ کَون کھوائیا۔ ایتھوں چلیئے نٹّھ کے بن کے پاندھی راہی، اپنا پلّوُ چُھڈائیا۔ اودھروں کڑاہی گھُٹ کے پھڑیا باہیں، براہمن بدو بدی وِچ ٹِکائیا۔ مَیں تُہانوُں نال لےَ کے بَیٹھی چڑھنا چائیں چائیں، سوہنی اگّ تپائیا۔ تُسیں مناؤندے رہے گائیں، دھاناں نال گھر بھرائیا۔ جوتی جوت سروُپ ہرِ، آپ اپنی کِرپا کر، لیکھ ویکھ وکھائیا۔ کڑاہی کہے مَیں کیتے قابوُ، اپنا گھیرا پائیا۔ لانگری چھیتی لاؤ اگّ نوُں لانبوُ، اگنی روُپ وٹائیا۔ ویکھاں کَون چُھڈاوے ایہناں دا باپوُ، براہمن بَیٹھا مُکھ بھوائیا۔ جوتی جوت سروُپ ہرِ، آپ اپنی کِرپا کر، لیکھا پوُرا رہیا کرائیا۔ کڑاہی مار کے چھال چڑھ گئی اُتے بھٹّھی، اپنا آسن لائیا۔ تھلّے اگّ لگّی مٹھی مٹھی، اپنی لاٹ وکھائیا۔ گرؤہ کہن اسیں کیہڑی کھٹی کھٹی، براہمن کِتھے گیا پھسائیا۔ اسیں ایہدے پِچھے بھردے رہے چٹّی، گھر گھر پھیرا پائیا۔ ایہدے کِلےّ بنّدھے رہے ڈھگّی وچھّی، دانے دھڑتاں نال تُلائیا۔ اودھروں اِک چل کے آیا وچھّا کّھسّی، اُچی کوُک سُنائیا۔ مَیں وی ویکھیا اکّھیں، میری ماں ایسے براہمن ججماناں کولوں لےَ کے میرا ناتا دِتا تُڑائیا۔ جوتی جوت سروُپ ہرِ، آپ اپنی کِرپا کر، ویکھے کھیل بےپرواہیِا۔ کڑاہی کہے میرے اندر گرؤہ، براہمن میرے اندر گیا ٹِکائیا۔ تُسیں بھراوو ایتھے بہو، مَیں پِھر آواں چائیں چائنیا۔ گھروں آواں بھؤں، اپنا پھیرا پائیا۔ ہؤلی جیہی دسّ کے گیا ہُن نہیں مَینوُں تُہاڈا کوئی گؤں، میرا مِلیا

بےپرواہیِا۔ جوتی جوت سروُپ ہرِ، آپ اپنی کِرپا کر، بےانت کھیل کھِلائیا۔ گرؤہ کہن اسیں جائیے سڑ، لیکھا لوکمات رہن نہ پائیا۔ سڑن توں پہلوں جے جائیے مر، اپنا آپ مِٹائیا۔ مرن توں پہلوں جے گُرمُکھاں درشن لئیے کر، اپنا روگ مِٹائیا۔ جوتی جوت سروُپ ہرِ، آپ اپنی کِرپا کر، سب دی آسا پوُر کرائیا۔ گرؤہ کہن کڑاہی سُن فریاد، تیرے اَگے آواز لگائیا۔ سانوُں تھوڑی جیہی دے داد، اپنی مِہر نظر اُٹھائیا۔ اِک وار دسّ کے کھول راز، کَون تیرے وِچ چرن ٹِکائیا۔ جوتی جوت سروُپ ہرِ، آپ اپنی کِرپا کر، بھیوَ ابھید کُھلائیا۔ کڑاہی کِہا سُنو بُھکھے ننگے، سچ دیاں سُنائیا۔ کریا کھیل سوُرے سربنگے، سوُربیِر وڈیائیا۔ تُسیں کِیوں بَیٹھے رہے اندھے، نیتر اکّھ نہ کوئے کُھلائیا۔ براہمن نوُں وجّدے ویکھے نہیں ڈنڈے، جِناں نال تُہانوُں سِر توں دِتا لاہیِا۔ تُسیں اِس کرکے ٹھنڈے، گُرمُکھاں دِتی سزائیا۔ ایسے کارن چنگے، میرے وِچ ڈِگ کے پربھ چرناں نال اپنا آپ چُھہائیا۔ گرؤہ کہن کی ایہہ ماتا گنگا نالوں چنگے، چنگی طرح جنائیا۔ کڑاہی کہے اوہ تُہاڈی ماتا پِھر پِھر پَیریں ننگے، گنگا مئیا ویس وٹائیا۔ کی تُسیں جانا اوہدے کنڈھے، اوس دے لُٹیا وِچ بند کرائیا۔ اوتھے جا کے پھیر بنو مُشٹنڈے، کوُڑی کار کمائیا۔ گرؤہ کہن نہیں اسیں ہُن ایتھے چنگے، پریِتی تیرے نال لگائیا۔ جوتی جوت سروُپ ہرِ، آپ اپنی کِرپا کر، ویکھے چائیں چائنیا۔ کڑاہی کہے میرے نال جے دینا ساتھ، سچ دیاں سمجھائیا۔ پہلوں اپنا آپ بناؤ خاک، خاکی روُپ وٹائیا۔ پِھر بھگت بنو ساک، سجّن نظری آئیا۔ سچ دواریوں منگو دات، پربھ اَگے جھولی ڈاہیِا۔ کِرپا کرے جے پُرکھ ابناس، اپنی دَیا کمائیا۔ تُہاڈے مُکھ وِچ پاوے تھوڑی جیہی بھات، قطرہ قطرہ ورتائیا۔ اودھروں پنجے اُٹھ کے کہن ایہہ ٹھیِک بات، ایسے نال سانوُں مِلی وڈیائیا۔ ساڈی پوِت ہوئی ذات، پاک دِتا کرائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ گرؤہ کہن اسیں جانا مر، ناتا اَور رہن نہ پائیا۔ براہمن مِل گیا نال ہرِ، ہری روُپ سمائیا۔ اسیں اوسے دوارے جانا کھڑ، اِکے اوٹ تکائیا۔ اودھروں براہمن آیا کُچھ ہؤلی ہؤلی رہیا پڑھ، نِنماں نِنماں راگ الائیا۔ گرؤہ کہن ایہہ کی رہیا کر، سمجھ نہ کوئی سمجھائیا۔ اودھروں سنگت آ گئی گھر، اِکٹّھی ہو کے سوبھا پائیا۔ ساریا مِل کے سوہنگ مہاراج شیر سِنگھ وِشنوُں بھگوان دی جےَ لیا پڑھ، گرؤہ سُن کے خوشی منائیا۔ سُندیاں سار ڈِگے دڑ، اپنا آپ گئے تجائیا۔ براہمن دا خالی ہویا گھر، ساتھی گئے مُکھ چُھپائیا۔ اَگے ملِے اِکو ور، جِس گھر وجّدی رہے ودھائیا۔ جوتی جوت سروُپ

ہرِ، آپ اپنی کِرپا کر، پِچھلا لیکھا دِتا چُکائیا۔ گرؤہ گئے کڑاہی ہوئی خوش، کھؤنچا رہیا ہسائیا۔ مَیں پہلوں رہیا چُپ، بَیٹھا مُکھ چُھپائیا۔ اوہلے رہیا لُک، پردہ اَگے ٹِکائیا۔ ہُن تکڑا ہو کے پَواں اُٹھ، اپنا بَل ودھائیا۔ جوتی جوت سروُپ ہرِ، آپ اپنی کِرپا کر، مَینوُں دیوے مان وڈیائیا۔ کھؤنچا کہے مَیں کڑاہی ساتھ، سوہنا جوڑ جُڑائیا۔ گھِرت پانی آٹا بنا پرساد، پرسادی اَگے ٹِکائیا۔ جِس دا ڈوُنگھا راز، سمجھ سکے کوئے نہ رائیا۔ جوتی جوت سروُپ ہرِ، آپ اپنی کِرپا کر، لیکھا اپنے ہتّھ رکھائیا۔ پرساد کہے پنجاں دی دھار، پہلی یاد کرائیا۔ براہمن دا چُکیا اُدھار، ویہہ چالی جھولی پائیا۔ اَگے نہ ہووے خَوار، دُکھ نہ کوئے ستائیا۔ جِس دا لیکھا نال گھُمیار، پنچ مِلی وڈیائیا۔ بن وِچولا چمیار، سب دا لیکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا تھاؤں تھائنیا۔ ویہہ کہن اساں پُجائی ویہہ، بیِس بیِس مِلی وڈیائیا۔ ساڈے پِچھے نہ گھر پُت نہ دھی، مایا پِچھے اپنا آپ گوائیا۔ اَگے واسطے گُرمُکھ کوئی نہ بیِجیو ایہو جیہا بی، جِس دا پھل نظر کوئے نہ آئیا۔ براہمن تُہانوُں دسّن آیا اگلی لیِہ، لکیِر پِچھلے اُتے پھرائیا۔ جوتی جوت سروُپ ہرِ، آپ اپنی کِرپا کر، ویکھے اپنے نیَن اُٹھائیا۔ چالی کہن اسیں سارے چنگے، چنگی طرح سمجھائیا۔ براہمن سانوُں خوشیاں نال منگے، منگ منگ اِکٹّھا دِتا بٹھائیا۔ جے وجّدے نہ اِس دے ڈنڈے، اپنی گنڈھ نہ کدے کُھلائیا۔ ویکھو جے کھاندا رہیا کھیِر منڈے، اوناں پِچھے کڑاہ پرساد ورتائیا۔ جِس نوُں کھا کے مندے ہو جان چنگے، چنگی طرح دیوے پربھ وڈیائیا۔ کوئی وِچ دھار نہیں پھیری کھنڈے، شبدی روُپ وِچ سمائیا۔ اِس نے سوہنے بناؤنے بندے، بندنا پربھ دی لائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ پرساد کہے مَیں ہویا پارس، اپنا آپ بدلائیا۔ پنڈت دی رَوداس کرے سفارش، بن وِچولا لیا چُھڈائیا۔ نالے لِکھے سوہنی عبارت، قلم شاہی نال رکھائیا۔ جوتی جوت سروُپ ہرِ، آپ اپنی کِرپا کر، ویکھ بےپرواہیِا۔ ویہاں دا لیکھا چالیاں دی پتّی، پِچھلا لہنا چُکائیا۔ جِس دی رسد لئی پکّی، سوہنا تول تُلائیا۔ چل کے ویکھن آئی اکّھیں، رَوداس دی سپُتری چائیں چائنیا۔ جِس نوُں پرساد دِتا سی ہتھیں، خوشیاں نال ورتائیا۔ دوارے آ کے چرنی ڈھٹّھی، کہہ کے رہی سُنائیا۔ پربھوُ مَیں تیری اوہ سوَرن بچّی، جیہڑی بچّیاں وانگ گود کھِڈائیا۔ میرے ہتّھ وِچ ویکھ کچیّ لسّی، دُدھ پانی رہی مِلائیا۔ ایہہ دات اودوں دی سانبھ کے رکھّی جِس ویلے گھر ساڈے چل کے آئیوں بےپرواہیِا۔ مَیں ایہدے اُتے بہن نہیں دِتی

مکھّی، پردے نال ڈھک وکھائیا۔ پانے وِچوں مَینوُں مِلی سی بوُند رتّی، میری اگلی پِچھلی سُرت کُھلائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، مَیں در توں منگن آئیا۔ سچ کہے رَوداس سپُتری، اپنا حال سُنائیا۔ پربھوُ ویکھ مَیں کِتھوں سچکھنڈ دواریوں اُتری، تیرے کول آئیا۔ مَیں نِکی جیہی پُتلی، وڈّی جھولی ڈاہیِا۔ اپنے لیکھیوں آپ نہ مُکری، ایسے کرکے پھیرا پائیا۔ لوکمات نہ ہوئی ناشُکری، شُکر کہہ کہہ خوشی منائیا۔ شبدی دھار ویکھا مُڈلی، کی اوہو کار کمائیا۔ تُوں پِچھلی کھیل کِویں پُچھ لئی، کہار یار گھُمیار اِکٹّھے کیتے آئیا۔ میرا پِتا نال چمیار، تیرا سنگ رکھائیا۔ مَیں ویکھن آئی دربار، اپنا پندھ مُکائیا۔ کی اوسے طرح رہیا تار، جِس طرح میرے اُتے دَیا کمائیا۔ ایہہ پنجے میرے وانگ مُٹیار، لوکمات نظری آئیا۔ مَینوُں چُپ کیِتیاں گودی دِتا سوال، سِر اپنا ہتّھ ٹِکائیا۔ کی اِنہاں نوُں توریگا میرے نال، سوہنا سنگ بنائیا۔ ستّ مہینےِ لنگھدیاں کیہڑے بیِتنے سال، گھڑی پل ایویں جان وِہائیا۔ آہ ویکھ مَیں لےَ کے آئی دوشال، سوہنے پٹوُّ اؤنائیا۔ جے میرا منّے سوال، ہنُے جاواں پھڑائیا۔ مَینوُں اوہ ویلا یاد، بُھل کدے نہ جائیا۔ نرنگباد دِتی داد، پرساد اپنے ہتّھ دا گھلائیا۔ مَینوُں اجے تکّ اوہو آوے سواد، اوسے سواد دی ماری چل کے آئیا۔ نالے جائے ویکھاں اپنا باپ، کیہڑیاں خوشیاں وِچ سوبھا پائیا۔ نالے تکاّں باپ دا باپ، جِس سب دی بنت بنائیا۔ بھگت نال مِلن دی دسّی جاچ، سِکھیا سچ سمجھائیا۔ جِس دا لیکھا آد جُگاد، جُگ جُگ جھولی پائیا۔ سنت سُہیلے لئے لادھ، گھر گھر پھول پُھلائیا۔ مَیں ویکھن آئی کی ایہدا اجے وی اوہو رِواج، غریِب نِمانیاں رہیا ترائیا۔ ایتھے آن کے ویکھیا ایہہ اودوُں چنگا کرے کاج، سوہنی بنت بنائیا۔ خوشیاں نال جھولی پاوے دات، انمُلڑی دات آپ ورتائیا۔ کھا کے رُکھا سُکا بھات، بھانڈے سب دے پوچ وکھائیا۔ ہور کُچھ ویکھیا پنجاں ہتّھ گلاس، امرت دھار وہائیا۔ میری ویکھ کے بُجھ گئی پیاس، ترِسنا رہی نہ رائیا۔ واج آئی اُتوں آکاس، مَیں لیا دھیان لگائیا۔ گُر اوتار پیِر پَیغمبر بھگت سنت سارے ہتّھ جوڑ کے کرن ارداس، پربھوُ تیری وڈیائیا۔ تھلّے تکّیا گُرمُکھاں دی سوہنی نظری آئی جماعت، جیہڑی اِکو کرن پڑھائیا۔ اکّھ کھولی نظری آیا ساکھیات، سب دا سچّا ماہیِا۔ اَگے ہو کے ویکھیا میرا پِتا لِکھے قلم دوات، چِٹّے اُتے کالا پائیا۔ مَینوُں اِک ہور گلّ آ گئی یاد، جِس ویلے پِتا کول بَیٹھی روٹی رہی کھوائیا۔ براہمن گلّاں کرن والا بدمعاش، ایتھے گیا آئیا۔ مَیں ہُن چنگی طرح لیا جاچ، ایہہ اوہو نظری آئیا۔ ہُن پتہ نہیں کِس

طرح بن گیا سادھ، سِکھیا کِتھوں پائیا۔ اودھروں پنجے بولے اسیں ڈانگاں نال ایہدے نال کیِتا فساد، کُٹ کُٹ کے سِدھا لیا کرائیا۔ اودھروں گھُمیار کہے مَیں دسّی جاچ، اپنا ڈر وکھائیا۔ رَوداس کہے بچّی نہیں میرے پربھ نے چرن دھوُڑ دِتی دات، دُرمت مَیل دھوائیا۔ بچّی کہے پِتا جی کدوں، رَوداس کہے آج، ہنُے لیکھ مُکائیا۔ نِکی ننھی کہے براہمنا تیرے وڈّے بھاگ، بُڈھیا تیری لاج رکھائیا۔ مَینوُں بڑی خوشی ہوئی تُوں چڑھیوں اِس جہاز، جِس دا ملاح بےپرواہیِا۔ براہمن اَگوں رہیا آکھ، خوشیاں نال سُنائیا۔ لوکی پتہ نہیں کیہو جِہا مجن کردے ماگھ، میرے ورگا مجن ہتّھ کِسے نہ آئیا۔ ویہاں نال چالی رلائے ہو گئی بندھ خلاص، پِچھلا لیکھا دِتا مُکائیا۔ نالے پربھوُ مِل گیا ساتھ، نال ہرِسنگت جوڑ جُڑائیا۔ میری پوُنجی آئی راس، پربھ مِلی سرنائیا۔ میرے ہؤکیاں توں چُھٹو سواس، خوشیاں رنگ وٹائیا۔ ہُن میرے کُچھ نہیں پاس، خالی ہتّھ رکھائیا۔ بچّی مَیں بھی تیرے نال رلّ کے ایہنوُں آکھیا باپ، کھانا پیِنا ایہدی جھولی پائیا۔ تیرے نالوں ہُن رَوداس میرا وڈّا بن گیا ساک، جِس سجّن دِتا مِلائیا۔ چھوٹی بچّی براہمن دے موڈیاں اُتے چڑھ گئی مار پلاک، پھڑ کے سِر رہی ہلائیا۔ چل وکھیئے اوہ پتن گھاٹ، جِس کنارے اُتے باپوُ اوتھے کِہو جہی پانی دی وجےّ ٹھاٹھ، لہر لہر نال ٹکرائیا۔ نال ویکھیئے بچن سِنگھ کِہو جیہا راٹھ، سوُرما ڈیرہ لائیا۔ آر پار دوویں اُس دے گھاٹ، خوشیاں رنگ وکھائیا۔ پِھر بھٹھیارے دی کریئے تلاش، جِن ارجن ہیٹھاں اگنی ڈاہ کے سیو کمائیا۔ کڑاہی کہے مَینوُں پُچھو بات، مَیں بھی اپنا آپ بھیٹ چڑھائیا۔ جِس وِچ سوہنی بن گئی سوغات، امرت روُپ نظری آئیا۔ جِس دا سوَاد توں پرے سواد، سواد وِچوں آد دئے وکھائیا۔ سواد نوُں سُن کے اوہ ویکھو حِصّہ ونڈاون آیا کماد، نانک بالا مردانہ اپنے نال رلائیا۔ ہؤلی جیہی ماری آواز، شہنشاہ میرے شاہ پاتشاہ بےپرواہیِا۔ مَیں وی سرن جاواں لاگ، اپنا آپ بھیٹ چڑھائیا۔ بےشک میرا سُکا اُتوں آگ، تھلّے تیرا رس نظری آئیا۔ جوتی جوت سروُپ ہرِ، آپ اپنی کِرپا کر، سچ کھیل رہیا وکھائیا۔ بچّی کہے براہمن بُڈھے، اُٹھ لےَ انگڑائیا۔ ویکھ رَوداس بھگوان دوویں رُجھے، اپنی کار کمائیا۔ اِنہاں دی جے کوئی رمز بُجھے، اپنا آپ دیوے مِٹائیا۔ اوس نوُں پِھر سب کُچھ ایتھے بَیٹھیاں سُجھے، دو جہان نظری آئیا۔ ایہدے کول بڑے بھیت گُجھے، بِن گُرمُکھاں ہتّھ نہ کِسے پھڑائیا۔ بےشک گِردھارے ورگے پِھرن ڈُڈے، لنگڑیاں لوُلیاں دئے وڈیائیا۔ جِس طرح مَینوُں گودی چُکے، اپنی چھاتی لائیا۔ اَگے دِسدا

پنجاں دا دانہ پانی مکُے، مہیِنہ ساوَن راہ تکائیا۔ ٹانیاں نالوں ٹانی والے گُچھے، کچّے پھل رہے کملائیا۔ جے کوئی میرے کولوں پُچھے، مَیں سچ دیاں سمجھائیا۔ باپوُ جے تیرا ہتّھ ہووے ساڈے سِر اُتے، لاڑی مؤت کِیوں لئے پرنائیا۔ ایتھے اوتھے تیرے بوُٹے پُھٹے، پتّ ڈالی رہی مہکائیا۔ کِیوں بھیت رکھدا گُجھے، سچ سچ دے سُنائیا۔ جوتی جوت سروُپ ہرِ، آپ اپنی کِرپا کر، منّ عرضوئیا۔ رَوداس سپُتری کرے اِشارہ، چرن دھیان لگائیا۔ پربھ تَیتھوں وڈّا کیہدا دوارا، کِس گھر منگن جائیا۔ جن بھگت دِسے تیرا سہارا، دوُجی اوٹ نہ کوئے رکھائیا۔ کی ہویا جے اِنہاں نیڑے آیا کنارا، بَیٹھے پندھ مُکائیا۔ تُوں دیونہار اتُٹ بھنڈارا، اپنی دات دے ورتائیا۔ سچ سچّا ہو کے کر تیارا، سچ تیری سرنائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ سپُتری مَیں سب کُچھ کرن یوگ، جگت داتا اکھوائیندا۔ میرے ہتّھ سنجوگ وِجوگ، دوویں راہ چلائیندا۔ جناں چِر چاہاں کھواواں چوگ، جِس ویلے چاہاں پندھ مُکائیندا۔ میرے ہتّھ دُکھ چِنتا روگ، سُکھ سب دی جھولی پائیندا۔ میرا لہنا لوک پرلوک، دوئے جہان چرناں ہیٹھ دبائیندا۔ میرا نؤ سَت قِلعہ کوٹ، لکّھ چؤراسی وِچ ٹِکائیندا۔ میرا پرکاش نِرمل جوت، جو گھٹ گھٹ نظری آئیندا۔ میرا شبد نگارہ چوٹ، جو تن رباب وجائیندا۔ میرا لیکھ کوئی نہ سکے سوچ، سوچ وِچ کدے نہ لیائیندا۔ جے بھگتاں دیواں اپنی مؤج، مُفت اپنا نام ورتائیندا۔ منگن والی دے دے ہوش، سُرتی شبد کُھلائیندا۔ جوتی جوت سروُپ ہرِ، آپ اپنی کِرپا کر، اپنا حُکم آپ ورتائیندا۔ بچّی کہے سب کُچھ تیرے ہتّھ، وڈّی تیری وڈیائیا۔ مَینوُں دیدے کُچھ حق، در تیرے منگن آئیا۔ پنجاں میری خاطر لےَ رکھّ، دوئے جوڑ سیِس نِوائیا۔ ایتھے اوتھے تیرے وّس، دوُجا حُکم نہ کوئے ورتائیا۔ تیرے چرناں دا چرنامت چڑھیا اُتے بھٹّھ، جو پنجاں دھار وہائیا۔ اوس پِچھے اِنہاں رکھّ، تیری کرن وڈیائیا۔ جوتی جوت سروُپ ہرِ، آپ اپنی کِرپا کر، سب دا ہو سہائیا۔ بچّی تُوں نِکی جیہی گُستاخ، اچرج گلّ سُنائیا۔ بچّی کہے نہیں مَیں رَوداس دی اوہ شاخ، جِس وِچوں تیرا نوُر نظری آئیا۔ تُوں ایڈا وڈّا ساڈا باپ، کِیوں نہ منگیئے چائیں چائنیا۔ تیرے گھر کی گھاٹ، دیندیاں توٹ رہے نہ رائیا۔ مَیں ننگیں پَیریں کٹ کے آئی واٹ، تازے چھالے رہی وکھائیا۔ کاہی کانے ویکھے اُتے رہواں گھاٹ، سوہنا رستہ نظری نہ آئیا۔ سِدھی آئی سُن کے آواز، گُرمُکھ سوہنگ مہاراج شیر سِنگھ وِشنوُں بھگوان رہے سُنائیا۔ جوتی جوت سروُپ ہرِ، آپ اپنی کِرپا کر،

دے مان وڈیائیا۔ بھگوان کہے ایہہ نِکی ننھی، بچّیاں وِچ بچّی نظری آئیا۔ کِتھوں آئی بھنّی، اپنا پندھ مُکائیا۔ کوئی کہے بابوُ پُروں کوئی کہے ہردو چھنّی، ایہو راہ تکائیا۔ بچّی کہے پربھ کِرپا نال مَیں کِڈی ہوئی لمی، پہلا قدم ایتھے دِتا رکھائیا۔ کِیوں رَوداس گھر جمّی، در مِلی وڈیائیا۔ میری بڑی پریمن امی، سچّی سیو کرائیا۔ چنگیاں ماپِییاں دی دھی کدے نہ ہووے نِکمی، ایتھے اوتھے دوہاں گھراں ملِے وڈیائیا۔ جوتی جوت سروُپ ہرِ، آپ اپنی کِرپا کر، آپے کھیل رہیا وکھائیا۔ بچّی کہے مَینوُں آیا چیتا، پِچھلی یاد کرائیا۔ جِس ویلے میرے باپوُ ڈھور ڈھون دا لیا ٹھیکا، چالیاں اُتے مُکائیا۔ پہلوں ویہہ کیتے بھیٹا، ویہہ اگلی دین چھماہیِا۔ اودھروں سنگ آیا بنارس تھیٹا، براہمن نال رلائیا۔ میرے پِیو نوُں کہن رَوداس چمریٹا، چمڑے گنڈھ وکھائیا۔ اوس ویلے پِتا نے کِہا میرا پربھ دے نال لیکھا، کوئی سمجھ نہ سکے رائیا۔ ایہہ بھی پربھ نے پایا بُھلیکھا، پردہ سکے نہ کوئے اُٹھائیا۔ مَینوُں نال جاندی نوُں لگّا ٹھیڈا، مُنہ دے بھار سُٹائیا۔ رَوداس باہوں پھڑ کے کِہا اُٹھ بیٹا، بچّی کوئی سٹّ نہیں لگّی رائیا۔ مَیں کِہا پربھوُ پِتا مَیں اِک ایہو جِہا ویکھا، جِس وِچوں اِکو نوُر ہووے رُشنائیا۔ اوس میرے مستک لائی میخا، ہؤلی جیہی اُنگلی دِتی چُھہائیا۔ مَیں ڈِگی نہیں مَیں اُس دی گود وِچ کھیڈا، دوہاں بُھجاں اُتے ہِلائیا۔ مَینوُں وڑی سوہنی لگّی سیجا، میری ماں اوہو جہی کدی نہ بنائیا۔ جی کرے مَیں ایتھے خوشیاں نال رجّ کھیڈاں، کلّی بہہ کے جھٹ لنگھائیا۔ نالے نیتراں نال ویکھاں، جِس دا نوُر سوہنی کرے رُشنائیا۔ جوتی جوت سروُپ ہرِ، آپ اپنی کِرپا کر، سوہنی رچن رچائیا۔ بچّی کہے رَوداس باپ، مَیں نِکی منگ منگائیا۔ تُوں دسّ کیہدا کردا ایں جاپ، مَینوُں دے سمجھائیا۔ سارے چھڈ گئے سجّن ساک، بَیٹھا مُکھ بھوائیا۔ ماپیاں نال نہیں کوئی مِلاپ، چاُچیاں نال نہ کوئی وڈیائیا۔ سجناں نال نہ جاویں ساتھ، ہانیاں نال نہ کھیڈ وکھائیا۔ پَیسا دھیلا نہیں کُچھ پاس، پوُنجی راس نہ کوئی بنائیا۔ تَینوُں دسّ کیہدی آس، جِس پِچھے سب کُچھ دِتا تجائیا۔ رَوداس ہسّ کے گِچیؤں پھڑ کے تھلّے نپّ کے آکھے بچّی ایدھر ویکھ خاص، دوویں اکّھ کُھلائیا۔ جاں تکّیا رگھوناتھ، ہر گھٹ وسیا ساکھیات، سچ سِنگھاسن سوہنا آسن لائیا۔ بچّی کہے مَیں کیہدی کراں تلاش، اَگے بَیٹھا کوئی وڈّا بےپرواہیِا۔ رَوداس کِہا ایہو سب دا باپ، تیرا میرا دوہاں دا پِتا مائیا۔ بچّی کہے کی مَینوُں اَگے وی رکھّوُ ساتھ، اپنے نال رلائیا۔ رَوداس کِہا ایہہ ایہدا کھیل تماش، سد چلے اپنی سچ رضائیا۔ اوس رو کے دِتا آکھ، نیتر نیَناں نیِر وہائیا۔ مَیں

نہیں اپنا میٹن دینا ساک، پِیو دھی نہ ہوئے جُدائیا۔ جوتی جوت سروُپ ہرِ، آپ اپنی کِرپا کر، دیوے سدا مان وڈیائیا۔ نِکی نڈھّی پنجاں ولّ رہی تکّ، اپنا دھیان لگائیا۔ تُسیں وی بھَینو منگو اپنا حق، تُہاڈی جھولی دئے بھرائیا۔ ایہدے سب کُچھ دِسدا ہتّھ، جنم مرن دوویں ویکھ وکھائیا۔ جے پُچھن توں پہلا گیا نٹّھ، پِھر چلے نہ کوئی چتُرائیا۔ مَیں تُہانوُں جاچ دیواں دسّ، بیِتی کہانی اپنی نال رلائیا۔ جے مرنو جانا جے بچ، سچ سندیسہ دیاں چائیں چائنیا۔ ہسّ کے رو کے چرنی ڈھٹّھ کے کرو ہٹّھ، نیتر نیَناں نیِر وہائیا۔ جے سیِت پرساد دیوے اپنے ہتّھ، پِھر ملِے مان وڈیائیا۔ مَیں وی تُہاڈے نال رلوُں نٹّھ، اَگے ہو کے سیِس نِوائیا۔ جے پربھ کِرپا کرے پُرکھ سمرتھ، مِہر نظر اُٹھائیا۔ ایتھے اوتھے سب دی رہ جائے پت، پرمیشور ہوئے سہائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ ویکھیو جائیو نہ سنگ، مَیں اِکو وار جنائیا۔ پربھ دے کولوں گُر اوتار پیِر پَیغمبر سارے رہے منگ، جھولیاں آپنیاں اَگے ڈاہیِا۔ تُسیں جے ہور کُچھ نہیں منگنا ایہو منگو ساڈا رہے تیرے نال سنگ، ہوئے نہ کدے جُدائیا۔ سادھ سنگت وِچ بہہ کے مانیئے انند، سچکھنڈ ایہو نظری آئیا۔ پھیر آپے ٹُٹی دیوے گنڈھ، اگلی بنت بنائیا۔ جوتی جوت سروُپ ہرِ، آپ اپنی کِرپا کر، اِکو دینا سچّا ور، رَوداس سپُتری کہہ کے رہی سُنائیا۔ نی بَیٹھو کرو صلاح، مَیں سچ سچ دِرڑائیا۔ جے ہور نہیں میرا پِتا بنا لؤ گواہ، جیہڑا لیکھا رہیا لِکھائیا۔ ایہدے کولوں کدی نہ کرے ناہہ، سدا ہاں وِچ ہاں مِلائیا۔ جے نہیں منّدا تے پھڑ لؤ بانہہ، اپنا پریم وکھائیا۔ ایتھے لوڑ نہیں کِسے نوُں پِتا ماں، بھَین بھائی سنگ نہ کوئی رکھائیا۔ مِہروان اِکو دیون والا ٹھنڈی چھاں، سِر اپنا ہتّھ ٹِکائیا۔ بُھلیاں بھٹکیاں بچّیاں اپنی چھاتی لئے لگا، سَت سروُپ نظری آئیا۔ مَیں اِک تُہانوُں پنجاں نوُں اوہ چِٹھی دیواں وکھا، جیہڑی سُکے ٹُکڑے کھان لگّیاں لیکھ دِتا لِکھائیا۔ مَیں اوہ پھڑ کے اپنی ماں نوُں آئی پھڑا، جِس سانبھ کے میری جھولی پائیا۔ اوہدے وِچ چار کہار پنجویں یار دا ناں، سوہنی مُہر لگائیا۔ مَیں ویکھو نِکی جیہی نے کناں چِر رکھّی چُھپا، اجّ تُہاڈے پِچھے لےَ کے ایتھے آئیا۔ مَیں اَگے کدی نہ جانا کِسے الہڑپِنڈی دا راہ، دوُجا سنگ نہ کوئی رکھائیا۔ مَینوُں چیتا کرایا اُس وچھےّ والے گاں، جیہڑا براہمن اپنی بِھچِھیا وِچ منگ لیائیا۔ مَیں بھی ہُندی سی کِسے دی ماں، پُتر نالوں کیِتی جُدائیا۔ بچّیاں بِناں نہ رہے ماں، ملِے نہ مان وڈیائیا۔ کھانا پیِنا کھیل سرب جہاں، چارے کھانی پیٹ بھر کے وقت لنگھائیا۔ جِناں چِر کوئی مالک نہ ہووے پکڑن

والا بانہہ، سائیں سِر ہتّھ نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، دُھر دا بھیو کُھلائیا۔ گاں دا سُن کے مَیں اڑاٹ، اپنی اکّھ کُھلائیا۔ میری نظر پئی راوی گھاٹ، جِتھے کنڈے بیلے کانے کاہیا۔ اوتھے نظری آئی اِک جماعت، پنجاں جوڑ جُڑائیا۔ پھڑے ہتّھاں وِچ گلاس، ہِردے اندر رام دِھیائیا۔ نالے ڈنڈے گھڑے خاص، ونجاں وانگ وڈیائیا۔ اُدھرے براہمن تکّیا چرن دھووے نال ہاتھ، اپنی سیو کمائیا۔ دوُجے پاسے گھُمیار رہیا تانگھ، اپنا بَل دھرائیا۔ ایدھر رَوداس لِکھے نال قلم دوات، شاہی چِٹّے اُتے سوہنا رنگ چڑھائیا۔ جِس ویلے چنگی طرح کیِتی جاچ، بےپرواہ وِچ بَیٹھا سوبھا پائیا۔ میرے اندر آئی خواہش، مَیں ویکھاں چائیں چائنیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ سچ بچّی تیری آسا کی، سِری بھگوان جنائیندا۔ تُوں رَوداس دی پیاری جیہی دھی، مَیں پُتاں وانگ اُٹھائیندا۔ اوہ کہے ہاں جی، ہاں جی وِچوں تیرا روُپ نظری آئیندا۔ جوتی جوت سروُپ ہرِ، آپ اپنی کِرپا کر، بھیوَ ابھید کُھلائیندا۔ بچّی سچ کُچھ منگ، جے منگن در تے آئیا۔ مَیں دیونہار سوُرا سربنگ، شہنشاہ اکھوائیا۔ تیرا بچن ہون نہ دیواں بھنگ، موُنہو منگیا جھولی پائیا۔ رَوداس سپُتری کہے مَینوُں پھیر پَوے ٹھنڈ، جے میریاں بھَیناں اُتے دَیا کمائیا۔ چرن پھڑ کے گھُٹ کے کہے اِنہاں دی ٹُٹی گنڈھ، تیرے نالوں نہ ہوئے جُدائیا۔ ایہہ گئوُاں نِمانیاں مِٹی دی کندھ، اپنا زور نہ کوئی وکھائیا۔ تیری کِرپا نال مَیں جدوں ویکھاں تیرا گاؤندیاں چھند، تیرا نام دِھیائیا۔ دھنّ بھاگ اِنہاں دے وڈّے وڈّیاں والے دند، بتّیاں وِچوں بتّی صِفت صالاحیا۔ پنجاں دا تُوں اِکو نوُری چند، تیری کِرن کِرن رُشنائیا۔ جے پرساد اِنہاں نوُں دیویں ونڈ، کر کِرپا اپنا ہتّھ رکھائیا۔ پِھر ساری سنگت نوُں پےَ جائے ٹھنڈ، ہؤکا لےَ نہ کوئی سُنائیا۔ جے تاریا براہمن دا ایڈا وڈّا پکھنڈ، گرؤہ ایسے کڑاہی وِچ تپائیا۔ اپنیاں بھگتاں پربھ تُوں کدی نہ دیویں دنڈ، بُھلیاں بھٹکیاں سدا گلے لگائیا۔ میری ایہو نِکی جیہی منگ، پوُری کر دیئیں ہنُے اُٹھ کے اپنے گھر تُر جائیا۔ مَیں آسا پوُری کراں ضرور، مِہروان ہو کے دَیا کمائیا۔ براہمن بخشے سرب قصوُر، صاف سُتھرا دِتا بنائیا۔ پنجاں دا ڈُبن نہیں دیندا پوُر، بیڑا لواں ترائیا۔ پر اوس دِن آؤنا پوُ ضرور، اپنی رحمت نال لیائیا۔ پنجاں نال پنجاں دا ہور معاف کرکے جاؤں قصوُر، جِنہاں دا اَگا نیڑے آئیا۔ جو لِکھیا نہ ہووے کوُڑ، سچ ایسے دی وڈیائیا۔ بھگتاں پِچھے مَینوُں ہونا پئے مجبوُر، جُگ جُگ اپنی کھیل رچائیا۔ جے بھگت نہ ہون مَینوُں کؤن کرے مشہوُر، کَون

میرا ڈھولا نام گائیا۔ ایسے کرکے مَیں تُہاڈا بنیا مشکوُر، مُشکل نظر کوئے نہ آئیا۔ پرماتما سمجھو بھاویں سمجھو مزدوُر، دوہاں رنگاں وِچ اپنا رنگ وکھائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ بچّی کہے مَیں کراں نِکی جِہی گلّ، ہؤلی جِہی سُنائیا۔ ویکھیں کِتے کر نہ جائیں ول چھل، اچھل اچھلّ تیرے اَگے واسطہ پائیا۔ امرت بنیا جو تیرے چرناں نال لگّا جل، وِچ کڑاہی سوبھا پائیا۔ جِس دے تھلّے اگنی گئی بل، اپنا زور لگائیا۔ جوتی جوت سروُپ ہرِ، آپ اپنی کِرپا کر، اِکو دے سچّا ور، کی ترس رہیا کمائیا۔ مَیں ضرور کراں ترس، دَیاوان اکھوائیا۔ اَگے رہن نہ دیواں فرق، پِچھلا لیکھ چُکائیا۔ لہنا چُکا کے سوگ ہرکھ، چِنتا غم مِٹائیا۔ مرن دے بدلے آ کے دیواں درس، سچّا نوُر کر رُشنائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ سپُتری کہے رَوداس پِتا، اِک گلّ پربھ توں دے منائیا۔ سب نال کریں اِکو جیہا ہِتا، راؤ رنک نہ کوئی رکھائیا۔ تیرے گھر نہ کوئی وڈّا نہ کوئی نِکاّ، مات گربھ تیری سرنائیا۔ ویکھیں بھگتاں نوُں کدی نہ دیویں پِچھا، اپنا مُکھ بھوائیا۔ جے کریں تاں کریں سدا رچّھیا، بِھچِھیا اپنی جھولی پائیا۔ جگت جہان دِسے مِتھیا، تھِر کوئے رہن نہ پائیا۔ تیرا لیکھ پربھوُ کدے نہ مِٹے لِکھیا، مِٹاونہارا ہور نہ کوئی اکھوائیا۔ ویکھ رَوداس داس چیِتھڑ پُرانا تیرے سِنگھاسن اُتے وِچھیا، سوہنی سوبھا رہیا پائیا۔ ایہہ کدی نہ جاوے بِھٹیا، چھوُت چھات ذات پات وِچ اپنا پَیر نہ کدے رکھائیا۔ دوہر والا آیا نسّیا، اپنا پندھ مُکائیا۔ بلّے کِڈا سوہنا لگّدا پھبیا، گھر میرے ڈیرہ لائیا۔ مَینوُں پہلوں کِیوں نہ تُوں لبھیا، بَیٹھا رِہوں مُکھ بھوائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ میری دوہر ویکھ دھوتی، مَیل نظر کوئے نہ آئیا۔ اِس نوُں لا کے دسےّ اپنی سوٹی، ہؤلی جیہی چُھہائیا۔ اودھروں براہمن دی ہِلن لگّی بودی، ہؤلی ہؤلی اپنا سِر اُٹھائیا۔ دوُجے پاسے پنجاں آ گئی سوجھی، اپنا دھیان لگائیا۔ اودھروں رَوداس دی بچّی بن گئی موڈھی، اَگے قدم اُٹھائیا۔ اوہ گُرمُکھو گُرسِکھو سُنو ایسے نوُں منّدے گئے ویدی سوڈھی، ایہو پُرکھ اکال نظری آئیا۔ رام کرِشن ایسے دی نوُری جوتی، جوت جوت وِچوں رُشنائیا۔ آد شکت ویکھو سجےّ پاسے ہتّھ رکھّ کے بَیٹھی اُتے ٹھوڈی، اکّھاں نال دھیان لگائیا۔ جوتی جوت سروُپ ہرِ، آپ اپنی کِرپا کر، اپنا رنگ رنگائیا۔ آد شکت کہے مَیں دسّاں کہانی، کہاوت وِچ کدے نہ آئیا۔ بانیاں توں وکھّری بانی، بان نِرالا تیِر چلائیا۔ کھانیاں دا جان جانی، جاننہار وڈّی وڈیائیا۔ سارے پِچھلے اِکٹّھے کیتے پِچھلے ہانی،

سوہنا میل مِلائیا۔ کِسے ہتّھ پھڑایا پانی، کوئی چرن دھوون ڈاہیِا۔ کوئی قلم نال لِکھے نِشانی، سوہنا لیکھ بنائیا۔ کوئی کھیل کرے بن کے والی دو جہانی، نِرگُن اپنی کار کرائیا۔ کِسے نوُں بچّی بنا کے دِتا پد نِربانی، گھر ساچے مِلی وڈیائیا۔ جوتی جوت سروُپ ہرِ، آپ اپنی کِرپا کر، اپنا گھر رہیا درسائیا۔ سارے اِکٹّھے ہو کے لگّے کہن، اِکو وار جنائیا۔ پربھ درشن دے دے نیَن، نیتر لوچا پوُر کرائیا۔ جے تُٹھا ائیوں دین دین، کُھلے بھنڈارے دے ورتائیا۔ چرناں وِچ بخش سچّا بہن، ہووے نہ کدے جُدائیا۔ ہرِسنگت ناتا جُڑیا رہے بھائی بھَین، بُری اکّھ نہ کوئے تکائیا۔ تیرا سہارا سارے لیَن، کنارا اِکو نظری آئیا۔ جے کوئی رووے گُرمُکھ تیرے وچھوڑے دا پاوے وَین، مریاں نیِر نہ کوئے وہائیا۔ جوتی جوت سروُپ ہرِ، آپ اپنی کِرپا کر، سب نوُں دے اِکو جیہی وڈیائیا۔ سب نوُں وڈیائی دیواں کیہڑی، سچ دے سُنائیا۔ گُرمُکھ کہن اسیں چڑھنا تیری بیڑی، ملاح تَینوُں لیَنا بنائیا۔ تیرے اَگے گلّ کیہڑی، ڈُبدیاں لئیں ترائیا۔ تیری پریِتی سد لگّی رہے بتھیری، بِرتھا جنم نہ کوئے گوائیا۔ رَوداس سپُتری تیری چیری، چیلیاں ساریاں رہی سمجھائیا۔ اِس دے ہتّھ ساڈھے تِنّ ہتّھ ڈھیری، سب نوُں دیونہار وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ مِہر نظر کرکے لا بھوگ، بھگت رہے جس گائیا۔ پریم دا دیدے سچّا جوگ، جوگی بن کے الکھ جگائیا۔ تیرے نال ہووے سنجوگ، دُھر دی سچ کُڑمائیا۔ آتم پرماتم تیری سیجا لئے بھوگ، سوہنا رنگ سُہائیا۔ گھروں کڈھدے ہرکھ سوگ، چِنتا غم گوائیا۔ اپنے پریم پیار دی دیدے چوگ، ترِسنا بُھکھ مِٹائیا۔ سارے رل مِل گائیے اِک سلوک، تیرا نام وڈیائیا۔ تیری کِرپا نال انت مِلیئے تیری جوت، جوت جوت وِچ سمائیا۔ ساڈے لئی ہُن پربھ آپ سمجھ سوچ، سب کُچھ تیری جھولی پائیا۔ ساڈے کولوں براہمن وانگراں دِتی نہیں جانی دچھّنا موکھ، نہ کوئی بِھچھا بھیٹا دئیے چڑھائیا۔ نہ کوئی پکا کے رکھّیئے اَگے روٹ، پیِراں وانگ منائیا۔ تھال سیمیاں نہ دئیے پروس، گھِرت پا نہ خوشی منائیا۔ کھنڈ کھیِر نہ دئیے روز، دُدھ نال نہ ملِے ملائیا۔ روز تھاں نہ بہائیے پوچ، ساتھوں ہتّھ نہ جان گھسائیا۔ دند گھسائی نہیں دینی کوئی ہونٹ، پَیسا ٹکا نہ جھولی پائیا۔ جے گھر آویں تے بہن نہیں دینا خاموش، تیتھوں اپنا نام جپاؤن دی سیوا لائیا۔ تیری پھیر ٹِکاّنے آوُ ہوش، اپنے آپ ویکھے نیَن اُٹھائیا۔ جے مَیں بھگتاں دی لاج نہ رکھّی مَینوُں کی کہنگے لوگ، لوکاں وِچ نہ کوئی چتُرائیا۔ جن بھگتو تُسیں کُچھ نہ سوچو سوچ، مَیں سب کُچھ آپے دیاں

ورتائیا۔ تُہانوُں ماندیاں ویکھاں مؤج، آپ ننگی پَیریں ویکھاں چائیں چائنیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ سچ کہے تُوں کیہڑا سچّا، کی تیری وڈیائیا۔ سِری بھگوان باہوں پھڑ وکھایا ویکھو رَوداس دا بچّہ، ایہو سچّا نظری آئیا۔ جے ہور کُچھ ویکھنا لِکھیا لیکھ نہ ہووے کچّا، نہ کوئی میٹے میٹ مِٹائیا۔ سارے کہن پربھوُ جو کُچھ ہےَ سوئی اّچھا، اچھا بُرا تیرا نظری آئیا۔ رو کے کہے اوہ گاں والا وچّھا، نیَناں نیِر وہائیا۔ مَیں تیرے بھگت دے کِلےّ بدھّا، عمُر تھوڑی اجے لنگھائیا۔ جو چھیتی دے دیوے سدّا، آواں چائیں چائنیا۔ جوتی جوت سروُپ ہرِ، آپ اپنی کِرپا کر، سب دا لیکھا ہؤلی ہؤلی مُکائیا۔ مہاراج شیر سِنگھ وِشنوُں بھگوان، ایسے کھیل اندر پِھرے بھجّا، ہور کمّ کاج نہ کوئی رکھائیا۔ پرساد چُکو اُتے ہتّھ سجّا، نیڑے لِیاؤ چائیں چائنیا۔ پردہ لاہو جے دے کے کجّا، سوہنا روُپ پرگٹائیا۔ ویکھن آئے منجیِت جگّا، سورن گُردَیال نال مِلائیا۔ پال سِنگھ سوہنا دستار سیِس بدھّا، خوشیاں رنگ چڑھائیا۔ مہاراج شیر سِنگھ گوبِند نال رلایا بچّہ، اپنا جوڑ جُڑائیا۔ کھبّا ہتّھ رکھّ کے اُتے متھا، مستی اِک وکھائیا۔ ہتّھ نیِواں کرکے سجّا، پنجاں دئے بہائیا۔ ویکھو ایس پرساد دا مزہ، جِس دا حِصّہ وِچ پائیا۔ اَگے کوئی نہ دیوے سزا، جو اِس نوُں گیا کھائیا۔ گھُمیار اپنے لےَ کے آیا پنجے گدھا، درواجِؤں باہر رہیا وکھائیا۔ میرا نیڑے لگّا اڈّا، تھوڑی واٹ پندھ مُکائیا۔ اودھروں سنڈھیاں والا آوے گڈّا، سِری بھگوان ہکّے واہو داہیِا۔ ساریاں دا جوڑ اِکے تھاں بجھّا، اِکٹّھا میل مِلائیا۔ میل مِلا کے کہے گُرمُکھو تُہاڈا ودھے اَگا، پِچھلا لیکھ مُکائیا۔ تھلّے رَوداس دا پِچھلا وچھایا جھّگا، سوہنی سیج سُہائیا۔ اُپر صاحِب سُلطان سجا، اپنا آسن لائیا۔ تُہاڈے نال کدے نہ کرے دغا، براہمن دھوکھیؤں دِتا ہٹائیا۔ جد ویکھو تے دِسے اُپر شاہ رگا، نِج نیتر نظری آئیا۔ پریم پریِتی اندر پِھرے بھجّا، سوہنا پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، ہرِسنگت سیِت پرساد مُکھ وِچ دیوے پائیا۔ پنجے اَگے آؤ، پربھ دیوے مان وڈیائیا۔ دُھر دی وست جھولی پاؤ، بِھچِھیا اِک ورتائیا۔ جنم مرن دا روگ مِٹاؤ، سوہنا رنگ وکھائیا۔ دُھردرگاہی ڈھولا گاؤ، اِکو راگ الائیا۔ نیتر لوچن درشن پاؤ، پُرکھ ابناسی نظری آئیا۔ مہاراج شیر سِنگھ وِشنوُں بھگوان سدا دھیاؤ، سِمرن وِچوں سِمرن نظری آئیا۔