کتب خانہGranth 16 (Urdu)

۶ چیت ۲۰۲۱ بِکرمی آسا سِنگھ، بلاکا سِنگھ، ہزارا سِنگھ، پیارا سِنگھ دے گرِہ بابوُپُرا ضِلع گُرداس پُر

صوُفی کہن اساں سندیس پڑھیا، اُپروں نیِچے دھیان لگائیا۔ نؤ جنم دا براہمن پھڑیا، پربھ بیڑا پار کرائیا۔ منصوُر کہے مَیں تیرے پیار اندر سوُلی چڑھیا، اَناالحق حق نعرہ لائیا۔ میری واری کِتھے وڑیا، سنمُکھ نظر کوئے نہ آئیا۔ اندرے اندر ہوُ ہوُ کریا، کایا تُونبا تن رباب وجائیا۔ تیرے وَیراگ وِچھوڑے اندر مریا، تن خاکی خاک مِلائیا۔ پروردِگار تُوں ترس ذرا نہ کریا، بےترس کی تیری چتُرائیا۔ عرش فرش دوویں رون زارو زریا، نیتر ہنجھوُاں ہار بنائیا۔ تُوں سچ سِنگھاسن گوڈے اُتے چرن دھریا، بَیٹھا رِہوں بےپرواہیِا۔ مَیں کلمہ تیرا پڑھیا، تیری کلام کمّ کِسے نہ آئیا۔ مَیں راتی تکدا رہیا تُوں کِتھے کھڑیا، کَون دوارے سوبھا پائیا۔ جوتی جوت سروُپ ہرِ، آپ اپنی کِرپا کر، سچ

دسّ اِک گلّ، گلّاں وِچوں اِکو منگ منگائیا۔ ہسّ کے کہے خوشیاں گیِت منصوُر، مسلہ تیرا بےپرواہیِا۔ میرا دسّ کی قصوُر، کِس پِچھے سوُلی دِتا چڑھائیا۔ کی مَیتھوں ہوئیوں مجبوُر، کی تیرا نام دِھیائیا۔ مَیں موُرکھ مُگدھ موُڑھ، تیرا سنگ بن سنگی نہ کوئے رکھائیا۔ اِکو طلب تیری منگی دھوُڑ، چرن سچ سرنائیا۔ اِکو الف مَینوُں ہوئی منظوُر، جیہڑی لِکھی بِن قلم شاہیِا۔ اوہ منزل ویکھی ضرور، جِس گھر بہہ کے ڈیرہ لائیا۔ تیرا بھنڈارا بےانت بھرپوُر، اتوٹ اتُٹ اکھوائیا۔ اپنی رضا وِچ بنیں مزدوُر، ساڈی رضا وِچ حاضر حضوُر مُکھ شرمائیا۔ تیرا عجب نِرالا دستوُر، تیرا کھیل بےسمجھ دئے بنائیا۔ وڈّی خوشی تیرے پِچھے مر کے مرن ہویا مشہوُر، مشورہ دیِن والا نیڑے کوئے نہ آئیا۔ پتہ نہیں کی اندروں وجّیا تنبوُر، طوبیٰ طوبیٰ دِتی کرائیا۔ میرا ناتا ٹُٹ گیا کوُڑ، کھہڑا چُھٹیا جگت لوکائیا۔ مَیں تَینوُں لبھدا پِھریا جیہڑا بنیا رہیا مفروُر، بےنظیِر نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، کی کی کھیل رچائیا۔ منصوُر کہے مَیں ویکھی تیری حالت، حالانکہ ویکھن والا نظر کوئے نہ آئیا۔ بےپرواہ ہو کے کریں عدالت، عدل اِنصاق اپنے ہتّھ رکھائیا۔ بِن وُکلا کریں وکالت، بِن شہادتوں شہادت دئیں بُھگتائیا۔ مَیں ہویا حَیران پِچھلے جنم رَوداس نے جِنہاں دی دِتی ضمانت، صاف دِتے چُھڈائیا۔ نالے لیکھا دِوایا جو سانبھ کے رکھّی اَمانت، خیانت وِچ نہ کوئے کرائیا۔ سنگ لِکھ کے اگمّی عبارت، سوہنا لیکھ دِتا بنائیا۔ ہور کُچھ ویکھیا میرے پروردِگار سانجھے یار اپنا کرے تُعارف، بِن سفارش میل مِلائیا۔ منصوُر کہے مَیں اینہاں دیِن آیا مُبارک، آداب کر سیِس نِوائیا۔ آؤ ویکھو کرو زیارت، ذَرّہ ذَرّہ ذَرّہ وِچوں اوہو نظری آئیا۔ جوتی جوت سروُپ ہرِ، آپ اپنی کِرپا کر، ساچا کھیل وکھائیا۔ منصوُر کہے مَیں پڑھیا رُکا، بِن اکھّراں نظری آئیا۔ میرا اوتھے پیَنڈا مُکا، اگلی پِچھلی سُدھ رہی نہ رائیا۔ جِس نے سچ دوارے پار اُتارے جو پیِندے رہے حُقہ، حُکم نال لیکھے لائیا۔ جاں ویکھیا میرے نالوں اُجل اوہدا مُکھا، جِنہاں گُرمُکھاں اپنی گود بہائیا۔ مَیں رات ساری ہؤلی ہؤلی لیَندا رہیا پُچھاں، حال دسّو میرے ماہیِا۔ سارے کہِندے رہے اوہ جن بھگتاں اندر سُتّا، چھڈی سرب لوکائیا۔ خوشی مانے ٹُکر کھا کے رُکھا، رُکھے ٹُکر وِچوں رُخسارے لال روُپ وٹائیا۔ پھیر وی کہے اوہناں آؤ میرے پُتا، پِتا ہو کے گود اُٹھائیا۔ جیہڑا براہمن نؤ جنم رہیا رُسا، اپنا مُکھ وکھائیا۔ پھیر وی اوہدے اُتے نہیں کیِتا غُصّہ، پھڑ باہوں غفلت دِتی گوائیا۔ سُن کے بچن ویکھن لگّے عیسیٰ موُسیٰ، کَون مُشکل ڈھولے رہیا گائیا۔ منصوُر کِہا نہیں کوئی

اوہلا لُکا، لوکمات اِشارے نال سمجھائیا۔ ویکھو کی کرے کھیل ابناسی اچُتا، چیتن سب نوُں رہیا کرائیا۔ مِہروان ہو کے مُحبّت اندر تُٹھا، محبوُب بےپرواہیِا۔ سُن سندیس سارے ہوئے چُپا، نیتر نیَناں دھیان لگائیا۔ جوتی جوت سروُپ ہرِ، آپ اپنی کِرپا کر، مِہروان کھیل کِھلائیا۔ منصوُر کہے مَیں ویکھی منسا، مانَساں وِچوں بھگتاں اندر دِتی بنائیا۔ کاگوں روُپ بنا کے ہنسا، ہستی وِچوں ہستی دِتی اُلٹائیا۔ بنس سُہا سوہنا سربنسا، سچّا سنگ وکھائیا۔ لیکھا چُکا بہِشت جنّتا، سَورگاں ڈیرہ ڈھاہیِا۔ انتر پھیر من کا منکا، ممتا موہ گوائیا۔ لیکھا جان پنج تت تن کا، تتو تت سمجھائیا۔ لہنا دینا چُکائے پِچھلے رَوداس انّ کا، انک کل اپنا کھیل وکھائیا۔ پار کرایا براہمن پنڈتا، سِر اپنا ہتّھ رکھائیا۔ اَگے کِسے در نہ ہووے منگتا، بھنڈارا اپنا نام بھرائیا۔ گڑھ توڑ کے ہؤمے ہنگتا، ہنگ برہم روُپ درسائیا۔ لیکھے لایا بُھکھا ننگتا، دردیاں درد ونڈائیا۔ پاربرہم پت پرمیشور مَیں ویکھیا تکّیا غریِباں در آؤنوں کدے نہ سنگدا، سنگل شرع زنجیر نہ کوئے رکھائیا۔ بِن للاریؤں سب دے چولے رنگدا، رنگ رتڑا سچّا شہنشاہیِا۔ چرن دھوُڑ کراوے گنگ دا، گنگا نیتر نیَناں نیِر وہائیا۔ ویکھیا کھیل عجب نِرالے ڈھنگ دا، چار جُگ وِچ مِسل مِثال نہ کوئے وکھائیا۔ لہنا دینا دیوے جو گُرمُکھ موُنہوں منگدا، انمنگی دؤلت وادھوُ جھولی پائیا۔ لیکھا چُکائے لکّھ چؤراسی میل وربھنڈ دا، جیرج انڈ پندھ مُکائیا۔ پرکاس کرائے اپنے نوُری چند دا، سوُرج چند دوویں مُکھ شرمائیا۔ امرت رس دیوے اگمّی انند دا، انند اپنے وِچوں پرگٹائیا۔ مَیں سیِتل پُھہارا ویکھیا دُھر دی ٹھنڈ دا، گُرمُکھاں سانتک سَت رہیا کرائیا۔ نال رَوداس چمارا اوہدیاں ٹُٹیاں دی ٹُٹی گنڈھدا، گنڈھ اِکو ویر پائیا۔ بٹوارا جِس دے نال پریِتی اندر ہنڈ دا، ساچی ڈوری تند جُڑائیا۔ صاحِب سَتگُر سِری بھگوان کرے کھیل نند چند دا، چند گُجری دئے وڈیائیا۔ جوتی جوت سروُپ ہرِ، آپ اپنی کِرپا کر، سوہنا رنگ وکھائیا۔ منصوُر کہے حل ہُندی ویکھی مُشکل، پروردِگار دَیا کمائیا۔ مُریداں مُرشد کرے خوشدِل، خوشیاں رنگ چڑھائیا۔ عزیز پیارا ہویا ہر دِل، اعظمت اپنی نال مِلائیا۔ جُگ چؤکڑی وقت لنگھایا گِن گِن، گھڑی پل ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ منصوُر کہے موہے آئی حَیرانی، ہیَبت میرے اُتے چھائیا۔ پربھوُ دی ویکھ اگمّی نِشانی، نِشانے سارے بَیٹھے مُکھ بھوائیا۔ روندی ویکھی آد شکت بھوانی، بھاونا سنگ نہ کوئے رکھائیا۔ چتربُھج کہے موہے آئی ہانی، ہؤکے لےَ لےَ رہیا سُنائیا۔ االلہ رانی کہے مَیں بالی انجانی،

سوچ سمجھ ذرا نہ پائیا۔ گُر اوتار پیِر پَیغمبر کہن اسیں حُکمے اندر لِکھ کے گئے بانی، صِفت صالاحی راگ سُنائیا۔ وِشنوُں کہے مَیں سیوک در در گھر گھر دیونہارا انّ پانی، چاکر روُپ اکھوائیا۔ برہما کہے میری سیوا لگّی چار کھانی، انڈج جیرج اُتبُھج سیتج گھاڑت دِتا گھڑائیا۔ شنکر کہے مَیں سب دا لیکھا کراں فانی، فَیصلہ تتو تت مُکائیا۔ بھگت کہن اسیں منگدے رہے چرن دھیانی، دھیان دھیان وِچوں پرگٹائیا۔ صوُفی کہن اسیں کر گئے اپنا آپ قُربانی، بھیٹا پروردِگار چڑھائیا۔ پر ایہو جِہا محبوُب نہیں مِلیا جو گھر آ کے کھائے مہمانی، مہما بھگتاں دئے سُنائیا۔ نالے دیوے پد نِربانی، پھڑ باہوں گلے لگائیا۔ دو جہان ایتھے اوتھے اَگے پِچھے نہ آوے ہانی، سِر اپنا ہتّھ ٹِکائیا۔ نالے لیکھ لِکھاوے قلم شاہی کانی، کائنات وِچوں پار کرائیا۔ گھر وکھائے عالمے جابدانی، رحمت اِکو اِک درسائیا۔ کوُڑی کِریا جو کانگ چڑھی طُغیانی، چرن نال پرے ہٹائیا۔ گُرمُکھاں بن کے آپ بانی، رہبر ہو کے رہیا سمجھائیا۔ نالے پنڈت نال تارے اوہدی مِشرانی، مِشرانی دی مُشکل حل کرائیا۔ منصوُر کہے مَیں ویکھیا جو پنجاں دساں دا راتیں ٹھنڈا پیِوے پانی، آب حِیات اپنے وِچ لُکائیا۔ اِس دی کوئی کتھا نہ سکے گا کہانی، نہ لیکھا دئے بنائیا۔ پنہارن دِسے چارے بانی، چارے کھانی ونجارن روُپ نظری آئیا۔ منصوُر کہے میرے مُصاحب تِنہاں نہ دیوے کوئی غُلامی، غُلام اَور نہ کِسے بنائیا۔ ایسے کر کے مَیں اپنا آپ کیِتا قُربانی، کربلا وِچ ڈیرہ کوئے نہ لائیا۔ حد حدوُد نہ ہویا محدوُد، پریشانی نیڑ نہ کوئے رکھائیا۔ سچ ویکھیا اوسے طرح جن بھگتاں کیِتا محفوُظ، سچ فصیل چار کُنٹ اپنا نام رکھائیا۔ جوتی جوت سروُپ ہرِ، آپ اپنی کِرپا کر، لیکھا لیکھے رہیا چُکائیا۔ منصوُر کہے ویکھو رَوی دی کار، کرنی سچ کمائیا۔ ٹُٹے چمّ گنڈھے چمیار، چماں دا مالک دُھر دا خالق چمّ بناون والا اپنے کول بہائیا۔ جِس دا لہنا وِچ سنسار، پنجاں پھڑ کے دیوے تار، براہمن دِتا اِک آدھار، گُرمُکھ گُرسِکھ لیکھے رہیا وِچار، وِچار اپنا نال مِلائیا۔ مَیں کر کے درس دیِدار، سوہنا سچ کراں اِظہار، اجےّ جا کے پیِر پَیغمبر گُر اوتار، بِن اکھّراں دیواں اِک اِشتہار، جِس اِشتہار اُتے اِشٹ اِکو نظری آئیا۔ چلو اجّ رات نوُں چل کے ویکھیئے وِچ لوکمات سنسار، جن بھگتاں کِویں سنسے رہیا چُکائیا۔ مُحبّت کرے بن کے یار، رحمت کرے بن کے غمخوار، غمی خوشی بَیٹھا جھولی پائیا۔ صِفت صالاحی ہو کے باہر، گرِفت ہویا وِچ بھگت پیار، نِسبت کوئی کڈھ نہ سکے وڈّا وڈّا وِدوان، کسر اشاریئے نال مسلہ حل نہ کوئے کرائیا۔ پَیغمبراں وِچوں پَیغمبر سردار، نبیاں وِچوں نبی مِہروان، رسوُلاں وِچوں رسوُل کمال،

اِیماں وِچوں جِس دا اِیمان، علامت نظر کوئے نہ آئیا۔ سچ پُچھو ر جا دئے پَیغام، مُریدو مُرشد ساہمنےکدے کرِیو نہ کوئے حرام، حرامیاں ملِے نہ ڈھوئی دوئے ٹھائینا۔ چشم دیِد میری کرو پہچان، ناتا چُکے عیِد جِہان، عِزت آبروُ اِکو گھر وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، رُسوا ہو کے رستہ رہیا جنائیا۔ منصوُر کہے االلہ ماشا، محوے ربی لاؤلتانی تیری وڈیائیا۔ مَیں ویکھیا عجب تماشا، زِمیں اسمان بَیٹھے مُکھ شرمائیا۔ مُرشد مُریداں بھرے جام ساچے کاسہ، پیالہ اِکو اِک وکھائیا۔ دِلبر ہو کے دیوے دِلاسا، بھگوَن ہو کے بھاگ لگائیا۔ پروردِگار ہو کے دیوے بھرواسا، صحیح سلامت ہو کے ساچا نوُر کرے رُشنائیا۔ نِرگُن ہو کے اندر کرے واسا، سرگُن لہنا دینا رہیا مُکائیا۔ سِدھی سرل صاف سُنائے بھاشا، بھاکھیا دیوے شہنشاہیِا۔ جوتی جوت سروُپ ہرِ، آپ اپنی کِرپا کر، لیکھے لائے پَون سواسا، ساہ ساہ اپنا آپ وِچ ٹِکائیا۔ منصوُر کہے مَیں چڑھ کے سوُلی، صُلح کُل نال صُلح کرائیا۔ ہُن کی ویکھیا جِنہاں سُنائی اپنی بولی، سچ کہانی آپ دِرڑائیا۔ تِنہاں پریم پریِتی انتر اپنا آپ گھول گھولی، گھول گھُمائی ویکھ وکھائیا۔ ونج وپار دی دُکان اگمّی کھولی، بن ونجارا ہٹّ رہیا چلائیا۔ ساچے کنڈے دُھر دے تکّڑ تول رہیا تولی، دھڑی پسیری سنگ نہ کوئے وکھائیا۔ عجب لیِلا رَوداس ویلے دی جِنہاں چُکی ڈولی، نال اِٹّ پیار رکھائیا۔ اوہناں دی گٹھڑی پھیر پھولی، کایا کپڑ کھوج کھوجائیا۔ نال نِکی جِہی نظری آئی وِچولی، رَوداس سپُتری سَورن سوبھا پائیا۔ اُچی کوُک پاوے رؤلی، پِچھلی چِٹھی رہی وکھائیا۔ جو بدھّی تند مؤلی، سُہاگن کلیرے والی کلیرا بھیٹ چڑھائیا۔ اوس کسیِرے دی گنگا اپنی پریم پیار دُکان کھولی، سوہنی وست وکھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ منصوُر کہے ویکھو یارو ہوئی حد، حضرت اچرج کھیل رچائیا۔ بِن جانیاں بُجھیاں پِچھلے وِچھڑے لئے سدّ، جوگ ابِھیاس نماز وُضوُ پوُجا پاٹھ نہ کوئے دِرڑائیا۔ سنمُکھ ہو کے کعبےدے مالک اپنا کرایا حج، حاجت اگلی پِچھلی پوُر کرائیا۔ محبوُب ہو کے مُحبّت خانے اندر لنگھ، سدا ساچی بانگ سُنائیا۔ بِن تند رباب وجا ند، دُھن آتمک راگ الائیا۔ آب حِیات پیا بُجھائی اگّ، امرت رس مُکھ چوائیا۔ مرن توں پہلوں وڈیائی دے کے جگ، جیِون اپنی جھولی پائیا۔ جنم جنم دے وِچھڑے پتہ نہیں کِتھوں لئے لبھ، کِس بِدھ اپنا میل مِلائیا۔ جو سجّن ساک سیَن بھائی بھَین چھڈ، ناتا اِکو گھر رکھائیا۔ اوہناں پِچھے نِرگُن نِروَیر نِرنکار آیا بھجّ، پروردِگار میرا بےپرواہیِا۔ اُچا لماں کِسے نہ لبھے قد، مصوّر تصوّر تصویِراں

وِچوں سکے نہ کوئے کرائیا۔ جے ویکھو تے سب توں الگّ، جے تکّو تُہاڈے اندر ڈیرہ لائیا۔ بجواڑے کولوں پُچھ بَیٹھا اُپر پلنگ، رَوداس چمارا دئے گواہیِا۔ منصوُر کہے ایہہ مَینوُں نہیں لبھا رنگ، سوُلی چڑھ کے لالن لال لال رنگ وکھائیا۔ مَیں ایسے کر کے کٹ کے آیا پندھ، جا کے ویکھاں بےپرواہیِا۔ جِس نے ڈھولا اِکو سُنایا چھند، تُوں میرا مَیں تیرا دوُجا نظر کوئے نہ آئیا۔ شاستر سِمرت وید پُران صِفتاں اندر پاؤندے ڈنڈ، ڈنکے لا لا جگت رہے جگائیا۔ سمجھو باہوں پھڑ کے اَگے ہو کوئی نہ مِلاوے نِشنگ، نِشانے سارے رہے جنائیا۔ نؤ سؤ چُرانوے چؤکڑی جُگ ایہہ کِسے ہتّھ نہیں آیا انند، انند پُری والا انند اپنی جھولی پائیا۔ ایہہ گُجری دا گُجریا نہیں چند، گوجھ بھیو رہیا کُھلائیا۔ جِس دا لیکھا کِسے کدے نہ کیِتا قلم بند، کاغذاں اُپر نُقطے نال سمجھائیا۔ جِس دا کھیل کوٹن کوٹ کوٹ کوٹ برہمنڈ، برہما وِشن شِو دِوس رَین سیو کمائیا۔ سو صاحِب سَتگُر دو جہاناں لنگھ، نِکاّ وڈّا لماں چھوٹا ہو کے، کھوٹے کھرے رہیا بنائیا۔ کوُڑی کِریا دُرمت مَیل دھو کے، ہرجن ساچے دئے وڈیائیا۔ جن بھگتاں سچ سِنگھاسن آتم سیجا سؤں کے، آپ اپنا گھر وسائیا۔ پِچھے پِچھے کدے کوئی نہیں آیا بھؤں کے، سچکھنڈ نِواسی صاحِب سَتگُر روُپ وٹائیا۔ کوٹن کوٹ گُروُ اوتار پیِر پَیغمبر گئے گاؤں کے، لیکھا جیِو جنت جگت جہان سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہروان بےپرواہیِا۔ منصوُر ویکھ کہے تبریز شمس، او مَیں اپنی شمع دِتی بُجھائیا۔ میرے محبوُب نوُں میری مُحبّت وِچ نہ آیا ترس، قتل گاہ وِچ اپنا قاتلا دِتا چلائیا۔ کھلڑی لاہ کے ڈِگا فرش، عرش مِلیا بےپرواہیِا۔ پِھر وی تھوڑا جِہا وِچ رہ گیا فرق، مرن توں پہلوں مَینوُں ساکھیات نظر نہ آئیا۔ جِس ویلے میرا تن ماٹی خاکی ہون لگّا غرق، اپنی غرض بدلے پِھر دِتا درس دِکھائیا۔ مَیں اوسے ویلے کایا چولا کیِتا ترک، تُرت اپنا میل مِلائیا۔ صبر اندر نہیں ہرکھ، سوگ سنگ نہ کوئے رکھائیا۔ پریم پیار اندر نِبھایا اپنا فرض، فضل رحمت رحمان آپے دئے وکھائیا۔ منصوُر مَیں وی ویکھ کے ہویا اسچرج، اچرج لیِلا کی ورتائیا۔ سوُربیِر جودھا بن کے مردانہ مرد، مدد کرے آپ گوسائنیا۔ کوجھیاں کملیاں غریِباں نِمانیاں نال ونڈدا درد، دُکھیاں دُکھ اپنے وِچ لُکائیا۔ پِھر وی ایہدا کُچھ نہیں ہُندا حرج، حرجانے سب دے پوُرے رہیا کرائیا۔ جن بھگتاں مِلن دی اےنوُں دُھر دی پےَ گئی مرض، کوئی طبیب سکے نہ مات ہٹائیا۔ اَگے ہو کے کوئی نہ سکے ورج، باہوں پھڑ نہ پِچھے ہٹائیا۔ جوتی جوت سروُپ ہرِ، آپ اپنی کِرپا کر، مِہروان ساچی کھیل رچائیا۔ بول کہے

تبریز شمس، سچ سچ دِرڑائیا۔ مَیں ویکھی اِس دی انوکھی رمز، اِشاریاں نال جنائیا۔ چتُر سُگھڑ بنائے موُرکھ بےسمجھ، سُرتی اپنے سنگ رلائیا۔ بہُڑی دروہی خُدا دی ہویا غضب، غرض اپنی اِک ودھائیا۔ براہمن تردا ویکھ مَیں ہویا تعجُب، حَیرانی اُتے چھائیا۔ اِس دا لہنا دینا تعلق کِسے نال نہیں مذہب، ذات پات ونڈ نہ کوئے ونڈائیا۔ پتہ نہیں کِتھوں پِچھلی کڈھ لئی فرد، لیکھا ویکھے تھاؤں تھائنیا۔ پنجاں منّ کے منظوُر کیِتی عرض، آرزوُ اپنے سنگ رکھائیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ شمس کہے اِک کھیل اَور، سُنن میرے وِچ آئیا۔ کِرپا کرے گہر گوَر، گمبھیِر بےپرواہیِا۔ جِنہاں پنجاں نوُں اُڈیِکے قبر، تِنہاں نوُں تصوّر آپے رہیا کرائیا۔ اِس دے کولوں دو جہان ڈردے اِس دا ناں سِنگھ شیر ببّر، بھبک اِکو اِک جنائیا۔ نِکے نِکے بالے نڈھےّ گُر اوتار پیِر پَیغمبر وِشن برہما شِو اِس دا ٹبّر، دیونہارا رِزق رازق رحیِم آپ اکھوائیا۔ مَیں ویکھاں تے اُتے اَمبر، تکاّں خاک اُتے سوبھا پائیا۔ سوہنا جن بھگتاں رچیا سوّمبر، خوشیاں رنگ وکھائیا۔ سیِس سوہے پیِت پیِتمبر، چھہبر اپنا نام لگائیا۔ بھاگ لگا کے کایا کندر، گھر نوُر کرے رُشنائیا۔ جُگ جنم دا وجّا جندر، بِن کُنجیؤں دئے کُھلائیا۔ ٹھگ چور یار پِچھلا تارے پنڈت، براہمن لیکھ مُکائیا۔ اَگے مان دیوے ساچی سنگت، سوہنی بنت بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہر نظر اِک اُٹھائیا۔ شمس کہے میری گئی عقل، اصلیّت اِکو نظری آئیا۔ پیِر پَیغمبر ویکھیا اِک مُوکّل، مُکمل نوُر بےپرواہیِا۔ جِس دی بِن صوُفاِں بھگتاں نظر کِسے نہ آئے شکل، ظہوُر وِچ نہ کوئے رُشنائیا۔ اُس دا اوہو دھام مُقدس بَیتُل، جِس اُپر چرن ٹِکائیا۔ انتر آتم کرے عنایتل، بخشش جھولی پائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ شمس کہے مَیں ویکھیا براہمن، پِچھلی گئی شرم حیا نظر کوئے نہ آئیا۔ پت پرمیشور بدل دِتا کرم، نِہکرمن اپنے لیکھے لائیا۔ نؤ جنم دا مِٹیا جنم، جرم اپنے گھر دِوائیا۔ پوُرب لہنا مُکیا بھرم، بھانڈا کوُڑ تُڑائیا۔ ہرِ سنگت وِچ بہنا مِلیا وڑن، گُرمُکھاں سنگ سوبھا پائیا۔ کِیوں، لالو ویلے ڈوُم دے سِر اُتے نانک دا آیا چرن، جو منجی ہیٹھاں سِر لُکائیا۔ ایسے کارن اَگے لیکھا چُکیا مرن، لکّھ چؤراسی جوُن نہ کوئے بھوائیا۔ صاحِب سَتگُر بخشی اِک سرن، سرنگت اِک سرنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہربان پیِرن پیِر نوُر خُدائیا۔ شمس کہے مَینوُں یاد آئی اَگے پنج، بِن پنج نماز رہیا ترائیا۔ جِنہاں گھر سوگ ہون والا رنج، چِنتا بَیٹھی پیِڑھا

ڈاہیِا۔ لاڑی مؤت نال چڑھن والی جنج، رائے دھرم ساہ رہیا سُدھائیا۔ چِتر گُپت پنڈت پاندھا گیا منّ، اپنی پتّری رہیا وکھائیا۔ دس وساکھ توں پہلوں سب دے کاچے بھانڈے دینے بھنّ، ماٹی خاک مِلائیا۔ ایدھروں پنجاں پائی ڈنڈ، جو مانَس توں ناری روُپ بَیٹھے وٹائیا۔ پربھ ساڈی اِکو منگ، پنجاں نال پنجے دے چُھڈائیا۔ جے چڑھن تے تیرے پریم دی گھوڑی اگمّی جنج، لاڑی مؤت نیڑ نہ آئیا۔ اسیں بھَیناں بن کے ڈھولے گائیے چھند، واگ گُند اپنی خوشی منائیا۔ جے مکُے تے تیرے گھر دا پندھ، دوُجے گھر چرن نہ کوئے ٹِکائیا۔ دیِن دَیال صاحِب تُوں بخشند، بخشش تیرے وِچوں نظری آئیا۔ جوتی جوت سروُپ ہرِ، آپ اپنی کِرپا کر، ہرِ سنگت پا کے جانی ٹھنڈ، ٹُٹی گنڈھ جوڑ جُڑائیا۔ ایہو جِہا پھیر نہیں لبھنا انند، کِیوں انند وِچوں انند رہیا چُھڈائیا۔ اَگے تیرا سدا سنگ، ایہہ گُرمُکھ ایتھے میلا سہج سُبھائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، لیکھا لیکھے لائے بھاگاں مند، نِکرمن کرماں والیاں نالوں اُچے دئے بنائیا۔

۶ چیت ۲۰۲۱ بِکرمی سنت سِنگھ دے گرِہ بابوُ پُرا ضِلع گُرداس پُر

پُرکھ اکال اِک سمرتھ، ہرِ سجّن وڈ اکھوائیندا۔ گُر اوتاراں دیوے وتّھ، نِت نوِت آپ ورتائیندا۔ جن بھگتاں کھول کے نیتر اکّھ، پردہ اوہلا آپ مِٹائیندا۔ سنتاں نام جنائے سچ، سچ وِدیا اِک پڑھائیندا۔ گُرمُکھاں جھولی پائے حق، پوُرب لہنا پھول پُھلائیندا۔ گُرسِکھاں مارگ دیوے دسّ، منزل اِکو راہ جنائیندا۔ سچ بازار کھول ہٹّ، وست امولک جھولی پائیندا۔ دُھر دی وِدیا برہم مت، ساچی سِکھیا اِک دِرڑائیندا۔ میل مِلاواں نسّ نسّ، دوُر دُراڈا پندھ چُکائیندا۔ بھاگ لگا کایا چھپر چھتّ، بنک دوار ویکھ وکھائیندا۔ جوتی جوت سروُپ ہرِ، آپ اپنی کِرپا کر، مِہروان دَیا کمائیندا۔ پُرکھ اکال سچ سُلطان، ہرِ وڈّا وڈ وڈیائیا۔ گُر اوتاراں نِگہبان، ویکھ وکھانے بےپرواہیِا۔ بھگتاں دیوے ساچا دان، وست امولک اِک ورتائیا۔ سنتاں جنائے سچ نِشان، دھرم نِشانہ اِک وکھائیا۔ گُرمُکھاں بھیوَ ابھید گوجھ کھولے آن، پردہ اوہلا دئے چُکائیا۔ گُرسِکھاں بخشے چرن دھیان، سچّی سرن دئے سرنائیا۔ جُگ چؤکڑی نِرگُن سرگُن ہو پردھان، ویکھنہارا تھاؤں

تھائنیا۔ جوتی جوت سروُپ ہرِ، آپ اپنی کِرپا کر، بےانت بےانت اپنی کل ورتائیا۔ سَتگُر پوُرا پُرکھ اکال، پاربرہم وڈّی وڈیائیا۔ گُر اوتاراں پیِر پَیغمبراں ہوئے دَیال، مِہر نظر نیَن اکّھ اُٹھائیا۔ جن بھگتاں وکھائے سچّی دھرمسال، دھرم دوارا اِکو اِک دِرڑائیا۔ ساچے سنتاں لئے اُٹھال، آلس نِندرا دوُر کرائیا۔ گُرمُکھ گودی لئے بہال، شاہ کنگال نہ ونڈ ونڈائیا۔ گُرسِکھاں چلے نال نال، سگلا سنگ نِبھائیا۔ مُرید مُرشد دے جلال، نوُری جلوہ اِک رُشنائیا۔ حقیِقت ویکھے حق حلال، لاشریِک کھوج کھوجائیا۔ نِرگُن سرگُن بن دلال، گھر میلا آپ مِلائیا۔ دِیپک دِیااِکو بال، اندھ اندھیر دئے گوائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ سَتگُر سچّا سِری بھگوَنت، بھگوَن اپنی کھیل کرائیندا۔ گُر اوتاراں پیِر پَیغمبراں دیوے منت، منتر اپنا نام سمجھائیندا۔ جن بھگت مِلاواں نار کنت، سیج سُہنجنی آپ سُہائیندا۔ سچّے سنتاں گڑھ توڑ ہؤمے ہنگت، مایا ممتا موہ مِٹائیندا۔ گُرمُکھاں دے وڈیائی وِچوں جیِو جنت، جاگرت جوت اِک جگائیندا۔ گُرسِکھاں سُنائے ساچا چھنت، ڈھولا سوہلا راگ سمجھائیا۔ مانَس جنم بنائے بنت، گھاڑت اپنا آپ گھڑائیا۔ جوتی جوت سروُپ ہرِ، آپ اپنی کِرپا کر، لیکھا جانے ہرِ رگھورائیا۔ لیکھا جانے پُرکھ اگمّ، اگمّڑی کھیل کھلائیندا۔ گُر اوتاراں پیِر پَیغمبراں بیڑا بنّھ، بھگتاں نئیا آپ چلائیندا۔ سنتاں سجّن دے کے نام دان، گُرمُکھ گُر گُر ویکھ وکھائیندا۔ گُرسِکھ چاڑھ ساچے چنّ، فلک جوت نوُر رُشنائیندا۔ کوُڑی کِریا میٹ واسنا من، منسا آسا اپنے نال وکھائیندا۔ دُھر دا راگ سُنائے کنّ، شبد انادی ناد وجائیندا۔ بھاگ لگائے کایا تن، تتو تت کھوج کھوجائیندا۔ پنچ وِکارا دے ڈنّ، جوتی جوت سروُپ ہرِ، آپ اپنی کِرپا کر، ساچی کھیل آپ وکھائیندا۔ ساچی کھیل وکھائے خالق، صوُفی بَیٹھے دھیان لگائیا۔ آد جُگادی بن کے پالک، پرِتپالے ہر گھٹ تھائنیا۔ نِرگُن سرگُن بن کے ثالث، ساچا لیکھا دئے مُکائیا۔ کوٹاں وِچوں گُرمُکھ ویکھے آپ خالص، جِنہاں خاص اپنا سنگ وکھائیا۔ لہنا دینا چُکا نِندرا آلس، کوُڑی کِریا میٹ مِٹائیا۔ سنت سُہیلے بنا بالک، بالی بُدھ کرے پڑھائیا۔ جوتی جوت سروُپ ہرِ، آپ اپنی کِرپا کر، ہرجن ویکھے چائیں چائنیا۔ ہرجن ویکھے چاؤ گھنیرا، نِت نوِت دھیان لگائیا۔ بھگت بھگوان لگّے ڈیرہ، گھر سُہنجنا سوبھا پائیا۔ نظری آئے نیرن نیرا، دوُر دُراڈا پندھ مُکائیا۔ سچ سُہنجنا ہوئے کھیڑا، محفل لگّے بےپرواہیِا۔ کوُڑی کِریا چُکے جھیڑا، ممتا موہ نہ کرے لڑائیا۔ جوتی جوت سروُپ ہرِ، آپ اپنی کِرپا کر، ہرجن لیکھے رہیا لگائیا۔ لیکھا

لاوے صاحِب ایک، پرم پُرکھ دَیا کمائیندا۔ گُر اوتاراں پیِر پَیغمبراں جِس دی ٹیک، ٹِکاّ مستک سوبھا پائیندا۔ بھگت بھگوان جُگ چؤکڑی جو رہیا بھیج، بھجن بندگی نام سمجھائیندا۔ سنتاں دے کے دُھر دا تیج، جوتی نوُر ڈگمگائیندا۔ گُرمُکھاں مان سُہنجنی سیج، سوبھاونت آپ سوبھا پائیندا۔ گُرسِکھاں لِکھ کے دُھر دا لیکھ، پوُرب لہنا میٹ مِٹائیندا۔ رُت سُہنجنی مؤلے چیت، پُھل پُھلواڑی آپ مہکائیندا۔ نِرگُن سرگُن کرے ہیت، ہِتکاری اپنا رنگ رنگائیندا۔ کلجُگ انتم کھیلن آیا کھیڈ، ساچی کھیل آپ وکھائیندا۔ جوتی جوت سروُپ ہرِ، آپ اپنی کِرپا کر، سچّا لیکھا اپنے ہتّھ رکھائیندا۔ سچّا لیکھا ہرِ نِرنکار، ایکا اپنے ہتّھ رکھائیا۔ گُر اوتار پیِر پَیغمبر رہے پُکار، بھگت بھگوان رہے جس گائیا۔ سنت سجّن کرن وِچار، انتر انتر دھیان لگائیا۔ گُرمُکھ واجاں رہے مار، اُچی کوُک کوُک سُنائیا۔ گُرسِکھ کھول بند کِواڑ، نیتر نیَن رہے اُٹھائیا۔ دھنّ سو ویلا آوے پروردِگار، بےپرواہ پھیرا پائیا۔ صوُفی منگن اِک دیِدار، دیِد چند کرے رُشنائیا۔ در بردے بنیئے مُحتاج، ساچی وست جھولی پائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ صوُفی کہن گھولی صدقے، بلہار تیری سرنائیا۔ تیرا درسن کریئے رجّ کے، رجوُہ تیرے نال مِلائیا۔ ڈھولے گائیے بن ملنگ نچّ کے، سیلی ٹوپی سیِس ٹِکائیا۔ قدم دھریئے سمبھل سمبھل بچ کے، کانٹا چُبھ کوئے نہ جائیا۔ تیری پریم پریِتی اندر جائیے ہسّ کے، سوہنا خوشیاں راگ الائیا۔ تیری چھتر چھایا ہیٹھ پربھوُ وس کے، واسطہ تیرے نال جُڑائیا۔ تیرا نام اگمّی رٹ کے، رٹّا میٹیئے قلم شاہیِا۔ تیرے مندر ساچے وس کے، کوُڑا ڈیرہ دئیے تجائیا۔ جلوہ نوُر تیرا تکّ کے، تقویٰ اِکو اِک رکھائیا۔ دوُر دُراڈے پاندھی آئے نسّ کے، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ صوُفی کہن سُفنا نہیں ایہہ خواب، مہابلی دئے وڈیائیا۔ حقیِقت وِچوں نظری آئے جناب، جُوَا اوستھا بےپرواہیِا۔ ساچی ہستی کرو آداب، مستی دیوے نام چڑھائیا۔ شاہ غفوُر منّو نواب، محبوُب بےپرواہیِا۔ جِس دے اَگے سارے لاجواب، سِر سکے نہ کوئے اُٹھائیا۔ در درویش بنے مُحتاج، گل الفی کفنی چولی پائیا۔ جِس دی تند ستار وجےّ رباب، احباب کرے شنوائیا۔ محل اٹل سُہائے محراب، حُجرہ اِکو اِک وکھائیا۔ جوتی جوت سروُپ ہرِ، آپ اپنی کِرپا کر، ساچی کرنی رہیا کمائیا۔ صوُفی کہن کُھلی سُرت، سُتّی سوَانی آپ جگائیا۔ ناد سُنیا اگمّی تُورت، تُریا نیَن شرمائیا۔ نظری آیا اکال موُرت، اکل کل بےپرواہیِا۔ آسا منسا سب دی پوُرت، اِچھیا پوُری رہیا کرائیا۔ لیکھا

جانے موُرکھ موُڑھت، چتُر سُگھڑ کھوج کھوجائیا۔ جن بھگتاں دین آیا چرن دھوُڑت، ٹِکاّ اِکو مستک لائیا۔ ناتا توڑے کوُڑو کوُڑت، ساچی سِکھیا کرے پڑھائیا۔ مرن توں پہلوں جنم وِچوں جنم دی کرے مہوُرت، مُکھ واک اپنا نام سُنائیا۔ ایسے صاحِب دی سدا ضرورت، جِس صاحِب نوُں گُر اوتار پیِر پَیغمبر گئے گائیا۔ جوتی جوت سروُپ ہرِ، آپ اپنی کِرپا کر، مِہروان مِہروان مِہروان اکھوائیا۔ صوُفی کہن ویکھو ملک، مالک نوُر خُدائیا۔ جلوہ نوُرانی جِس دی جھلک، سوبھا دو جہان پائیا۔ براہمن دا پِچھلا لاہ کے کوُڑا تِلک، تُعلّق اپنے نال بنائیا۔ پوُرب جنم جو وِچھڑے رہے وِلک، نیتر رو رو دین دُہائیا۔ پربھ اوہناں دی سُن کے کِلک، کل کلکی پھیرا پائیا۔ کلجُگ چِکڑ بھری گلی گُرمُکھ نہ جائے تِلک، پھڑ باہوں گود اُٹھائیا۔ اندر وڑ کے شیَطان کرے نہ کوئی عِلّت، زِلت خواری دوُر کرائیا۔ ساچی سِکھیا دے کر دُھر دی مِلت، میل مِلایا دُھردرگاہیِا۔ رہی لوڑ نہ سَورگ بہِشت، سَورگ بہِشت دوہاں ڈیرہ ڈھاہیِا۔ صوُفی کہن جِنہاں نوُں صاف مِل گیا پروردِگار اِشٹ، تِس اَگے راما وشِشٹ بَیٹھے سیِس جھُکائیا۔ اوہناں گُرمُکھاں دی سدا کُھلی سمجھو درِشٹ، جِنہاں سُتّیاں جاگدیاں درس کرائیا۔ وڈّے بھاگ جِنہاں دی پربھ آپ کرائی لِکھت، لِکھیا لیکھ نہ کوئے مِٹائیا۔ ایہو گُروُ اوتار پیِر پَیغمبر واک کہہ کے گئے بھوِکھت، پاربرہم پربھ جن بھگتاں دیوے مان وڈیائیا۔ آپ ہوئے سدا نِراِچھت، اِچھیا سب دی پوُر کرائیا۔ تُہاڈے ساہمنےبراہمن کولوں پِچھلی دوائی کِشت، لہنا دینا بےباق دِتا کرائیا۔ سب توں اُتم سِریشٹ لیکھا وِچ سرِشٹ، جِنہاں سَتگُر صاحِب پوُرا مِلیا بےپرواہیِا۔ اوہناں لوڑ رہے نہ کِسے جاگیِر مِلکھ، راج جوگ دوویں دین تجائیا۔ اپنی پھلواڑی ویکھن سدا پرپُھلت، پتّ ٹہنی رہی مہکائیا۔ جن بھگتاں دو جہاناں اُتے اپنا وسایا مُلک، جِس دا مالک اِکو نظری آئیا۔ جوتی جوت سروُپ ہرِ، آپ اپنی کِرپا کر، مِہروان سدا ہوئے سہائیا۔

۶ چیت ۲۰۲۱ بِکرمی کِشن سِنگھ دے گرِہ الہڑ پِنڈی ضِلع گُرداس پُر

فرید کہے مَیں ویکھیا آج، عجب کھیل کرائیندا۔ جِس دے پِچھے کانواں کھادھا ماس، تن ماٹی جگت سُکائیندا۔ نیتر نیَن نہ بُجھی پیاس، درسن در نہ آپ وکھائیندا۔ اُس دی سُنّ اگمّی بات، میرا باطن خوشی منائیندا۔ کلجُگ انت جن بھگتاں دیوے اپنی دات، داتا ہو کے ہرِ ورتائیندا۔ نہ کوئی مُشکّت دسےّ پوُجا پاٹھ، جنگل جوُہ نہ کوئے پِھرائیا۔ ناتا توڑ تیِرتھ تاٹ، ٹِلّے پربت پندھ مُکائیا۔ نہ چھڈنی پئے کھاٹ، گھر بار نہ کوئے تجائیا۔ نار کنت نہ ٹُٹے ساک، پُتر دھی نہ ہوئے جُدائیا۔ تن رماؤنی پئے نہ خاک، دھوُنی اگن نہ کوئے تپائیا۔ ڈوُنگھی کندر نہ لیَنا جھاک، سمُند کھائی نہ کوئے پِھرائیا۔ جھگڑا رہے نہ کِسے سماج، سمگری منگن کوئے نہ جائیا۔ کِرپا کر پُرکھ سمراتھ، دیِن دَیال ہوئے سہائیا۔ گھر سجّن ملِے ساچ، سَت دئے سمجھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ فرید کہے نہ گلیاں چِکڑ، کھوجت کھوج نہ کوئے کُھجائیا۔ تن بستر ماٹی خاک نہ جائے لِبڑ، مُنہ دے بھار نہ کوئے سُٹائیا۔ ویسوا دوارے نہ کوئی فکر، چِنتا غم نہ کوئے جنائیا۔ مُرشد مِلیا دُھر دا مِتر، بےپرواہ ہوئے سہائیا۔ پھڑ چوٹی چاڑھے سِخر، سچ گھر وکھائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ فرید کہے نہ قیمت نیتر اکّھ، ہٹّو ہٹّ نہ کوئے وِکائیا۔ نہ بھٹھیالا بن کے جھوکنا پئے بھٹّھ، سیوا جگت نہ کوئے وکھائیا۔ نہ یوُصف بن کے قیمت پاؤنی پئے اّٹ، سُلیمان تخت نہ کوئے سُہائیا۔ نہ ذِکریا بن کے لگاؤنا پئے گھاؤ پھٹّ، تِکھی دھار دھار جنائیا۔ نہ پِھرنا پئے اٹھسٹھ، تیِرتھ تٹ نہ کوئے وڈیائیا۔ کِرپا کر پُرکھ سمرتھ، صاحِب سَتگُر ہوئے سہائیا۔ جن بھگتاں کھول کے انتر اکّھ، اکھّر اپنے دئے پڑھائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ فرید کہے نہ پئے پِھرنا، بن کھوجن کوئے نہ جائیا۔ محل چوٹی پربت چڑھ پئے نہ گِرنا، ڈوُنگھی کندر نہ کوئے سُٹائیا۔ چِنتا روگ نہ کوئی مرنا، سوگ غم نیڑ نہ آئیا۔ کر کِرپا پربھ امرت میگھ برسے کِرنا، کِرن بوُند سوانتی آپ ٹپکائیا۔ گھر سچ کُھلایا جھِرنا، رمک رمک دھار وہائیا۔ کوَل نابھی پُھل کھِڑنا، پنکھڑی اپنا رنگ وکھائیا۔ ساچا گیڑ اگمّی گِڑنا، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ فرید کہے نہ ڈھوُنڈو جگ، مَیں سچ دیاں دِرڑائیا۔ چاروں کُنٹ لگّی اگّ، سکے نہ کوئے بُجھائیا۔ مَیں ویکھیا کھیل پُرکھ سمرتھ، شہنشاہ اپنی کار کمائیا۔ نِرگُن جوت کر پرگٹ، دوارا بنک گُرمُکھ رہیا سُہائیا۔

سنت سُہیلے کر اِکٹّھ، گُر چیلے جوڑ جُڑائیا۔ سچ سرنائی مارگ دسّ، چرن چرنودک مُکھ چوائیا۔ پریم پیار اندر کر کے وس، وصل اِکو اِک جنائیا۔ دَیال ٹھاکر ہو کے گاوے جس، ڈھولا راگ سُنائیا۔ نام امولک دے کے دات، جھولی سچ بھرائیا۔ جوتی جوت سروُپ ہرِ، آپ اپنی کِرپا کر، کرے کھیل صاحِب گوسائنیا۔ فرید کہے نہ ہونا پئے مُردا، مڑھی گور ڈیرہ کوئے نہ لائیا۔ مَیں سِری بھگوان نِرگُن سرگُن ہو کے ویکھیا پِھردا تُردا، آوے جاوے اپنا کھیل کرائیا۔ جِس دا فُرنا آد جُگاد اِکو پُھردا، فُرنے وِچ رکھےّ سرب لوکائیا۔ جو بھیوَ ابھید دسےّ ساچے گُروُ گُر دا، پردہ اوہلا دئے اُٹھائیا۔ اوہ ٹھاکر جن بھگت دواریوں کدے نہ مُڑدا، پِچھا پرت نہ مُکھ بھوائیا۔ کھیل انوکھا ہرِ سنتاں سنگ آپے جُڑدا، جوڑی سوہنی جگت بنائیا۔ سنجوگی میل مِلائے دُھر دا، وِجوگ رہن کوئے نہ پائیا۔ جِس ویلے جن بھگتاں بیڑا ویکھے رُڑھدا، پھڑ باہوں پار کڈھائیا۔ ور گھر دیوے جِہو جِہا لوڑ دا، آسا منسا پوُر کرائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ فرید کہے نہ روٹی کھانی پئے کاٹھ، کٹھنتا نظر کوئے نہ آئیا۔ جنگل بیلے کٹّنی پئے نہ واٹ، پاندھی بن نہ پندھ مُکائیا۔ رات بہہ بہہ اُٹھ اُٹھ ویکھنا پئے نہ جھاک، نیتر لوچن نیَن دھیان لگائیا۔ کلجُگ انت کِرپا کر پُرکھ ابناس، مِہروان دَیا کمائیا۔ دوُر دُراڈا نیرن نیرا چل کے آوے خاص، خواہش بھگتاں ویکھ وکھائیا۔ درسن دے کے وِچ خواب، خبر اپنی جائے سمجھائیا۔ گُرمُکھ میرا نوُر چند مہتاب، آفتاب کرے رُشنائیا۔ جوتی جوت سروُپ ہرِ، آپ اپنی کِرپا کر، لیکھا دیوے تھاؤں تھائنیا۔ فرید کہے نہ پِھرنا پئے جنگل، جوُہ وِچ نہ ڈیرہ لائیا۔ نہ لٹکنا پئے نال سنگل، اُلٹا اپنا آپ کرائیا۔ گُرمُکھو تُہاڈے گھر وِچ لگّا منگل، منگتا بنیا بےپرواہیِا۔ سدا سُہیلا ہو کے رکھےّ انگن، اپنی گود اُٹھائیا۔ میرے وینہدیاں بری کیِتا جِس براہمن چُرایا کنگن، گنگا مّیا نال ٹھگّی کمائیا۔ اودھروں اوہ وی آئی کُچھ منگن، لہِنگا سوار سوُت کے اپنا گھُنگٹ رہی اُٹھائیا۔ دوئے جوڑ کرے بندن، بندگی ڈنڈاوت کر کر خوشی منائیا۔ مَیں ویکھاں کِویں پربھوُ کٹے پھندن، پھاسی گل نہ کوئے لٹکائیا۔ جمنا کہے نی مَیں لگّدا ویکھیا چندن، سُرستی کہے مَیں گھولی گھول گھُمائیا۔ گوداوری کہے میرا پربھوُ پڑدہ پائے جو بَیٹھے ننگن، سِر اپنا ہتّھ ٹِکائیا۔ خوشیاں نال گیِت گاؤندی آئی جِس دے ہتّھ کوٹ شکنگن، اپنا جوبن روُپ وکھائیا۔ مَیں ویکھاں اوہ جِس بھگتاں بنایا سنگن، سوہنا سنگ بنائیا۔ جِس گوبِند دِتی چنڈ پرچنڈن، کھنڈا کھڑگ چنڈی اِک چمکائیا۔ اوہ اناتھاں دا ناتھ اننداں دا انندن، تریَلوکی دا ترلوک سلوک سوہلا اِک سُنائیا۔

چرناں ہیٹھاں دبّ کے مکُتی موکھ، مُفت جن بھگتاں پار کرائیا۔ آد جُگاد ایہنوُں گُرمُکھ پار اُتارن دا شؤق، شؤقین بنیا بےپرواہیِا۔ اِس دی نظم نغمہ کیا کوئی گائے زؤق، کوٹن کوٹ زؤق بَیٹھے سیِس نِوائیا۔ اِس دی منزل کوئی نہ سکے پہنچ، اندر وڑ خوشی نہ کوئے منائیا۔ جِس دے درسن آد جُگاد سارے رہے لوچ، دوُر دُراڈا تکّن ماہیِا۔ اِس دی شہادت کوئی دے نہ سکے پُنّوں سسّی بلوچ، رانجھا ہیِر نہ کوئے وڈیائیا۔ سوہنی مہیوال نہ کھوجی کھوج، لیلا مجنوُں مزل نہ پندھ مُکائیا۔ شیریں فرہاد پتّھراں اُتے لاؤندے رہے چوٹ، سچ نگارہ نام نہ کوئے وجائیا۔ فرید کہے ایہدا لیکھ ویکھ مَیں ہویا مدہوش، مدُھر رس اِکو نظری آئیا۔ جِس نے میرا تن سُکایا پوش، پھیر پُشت پناہ ہتّھ ٹِکائیا۔ باراں سال رہیا خاموش، اِک وار بول نہ خوشی منائیا۔ جِس نوُں تکّدے لوک پرلوک، دو جہان اکّھ کُھلائیا۔ گُرمُکھو اوہ تُہانوُں درسن دیوے روز، بِن روزیاں بِن فاقیاں فکر تُہاڈا اپنی جھولی پائیا۔ تُہانوُں اَگے کوئی نہیں رہی سوچ، سوچن والا اِکو بےپرواہیِا۔ جِس نے پاپی پتت کیتے نِردوش، دوشیاں اُتے دوش نہ کوئے لگائیا۔ آلنیوں ڈِگے اُٹھائے بوٹ، سچ گھونسلے وِچ ٹِکائیا۔ گھونسلا نہیں اوہ دُھر دا قِلعہ کوٹ، جِس نوُں پنچھی پنکھی تِنکّے نال نہ کوئے جُڑائیا۔ اوتھے کھان پیِن نوُں ملِے کوئی نہ روٹ، کھیِر کڑاہ اَگے نہ کوئے ٹِکائیا۔ اوتھے اِکو پربھ درسن دی مؤج، دوُجی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، مِہروان مِہروان مِہروان اپنی کار کمائیا۔ فرید کہے مَیں ویکھی سچ تؤفیِق، توحفہ دیوے میرا گوسائنیا۔ ساتھی سجّن بنو رفیِق، فریِق نظر کوئے نہ آئیا۔ سچ دُلارے بنو عزیز، پریم پریِتی اِک ودھائیا۔ گُرمُکھ گُرمُکھاں کرو تمیز، طمع ہِنسا سرب مِٹائیا۔ مایا ممتا کدے نہ بنو مریض، کوُڑا ناتا دینا جگت چُھڈائیا۔ پرم پُرکھ پرماتم سدا ویکھو قریب، گھر بَیٹھا ڈیرہ لائیا۔ جِس دا نظارہ عجب عجیب، اُجالا نوُر کرے رُشنائیا۔ جو رَوداس نوُں لِکھ کے پِچھے دے گیا رسید، کاغذ ٹُکڑا ہتّھ پھڑائیا۔ کلجُگ انت اوسے دی اُڈیِک، راہ تکّے سرب لوکائیا۔ جِس دی دھار سدا باریِک، قدم سکے نہ کوئے رکھائیا۔ جِس نوُں کہِندے لاشریِک، شِرکت وِچ نہ کرے لڑائیا۔ جن بھگتو تُہاڈے نال سِدھی کرے پریِت، سُدھاسر والا اپنے نال رلائیا۔ خوشیاں نال مانَس جنم جاؤ جیِت، جگت جیِو ملِے وڈیائیا۔ منگیاں کِسے در توں ایہہ نہ ملِے بھیِکھ، جو صاحِب میرا ورتائیا۔ ویکھو کباباں وانگوُں بھُنّ کے اُتے چاڑھے سیخ،

کھلّ ہڈّیاں نالوں دوُر کرائیا۔ منصوُر دی اِکو وجّی چیِک، اَناالحّق رہیا گائیا۔ جوتی جوت سروُپ ہرِ، آپ اپنی کِرپا کر، تُہاڈا لہنا دینا لیکھے لائے ٹھیِک، ٹھاکر آیا نوُر خُدائیا۔

۶ چیت ۲۰۲۱ بِکرمی میلا سِنگھ بابوُپُرا ضِلع گُرداس پُر

لہنے والیو چُکیا لہنا، قادر کرتا آپ چُکائیندا۔ اکّھیاں نال وکھائے نیَناں، نیتراں نال درسائیندا۔ پِچھلا دُکھ کوئے نہ رہنا، وچھوڑا وِچھڑیاں میل مِلائیندا۔ سب نوُں اِکٹّھا مِلیا بہنا، گھر اِکو اِک وڈیائیندا۔ کوُڑی کِریا کدے نہ وہنا، ساچا میلا آپ کرائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ لہنے والیو لہنا گیا چُک، چُکی چوُک لوکائیا۔ پِچھلا لیکھا گیا مُک، اَگے میل بےپرواہیِا۔ چؤراسی وِچوں ایہو سُکھ، سُکھ ساگر روُپ سمائیا۔ پربھ سجّن میٹی بُھکھ، دُکھیاں درد ونڈائیا۔ اَگے براہمن ٹھگّی کرے نہ کُچھ، چوری گنڈھ نہ کوئے کُھلائیا۔ کہاراں وانگ سَتگُر پاس اندر خواہش باہروں کہے نہ کوئی مُکھ، انتر باہر ویکھنہارا لیکھا دیوے تھاؤں تھائنیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ لہنے والیو لےَ لؤ اپنی وست، پربھ دیونہار جھولی پائیا۔ نام خُماری نال ہو جاؤ مست، انتر سوہنا رنگ چڑھائیا۔ ہتّھ نال مِلاؤ دست، دستگیِر ملِے بےپرواہیِا۔ ایس پربھوُ دی آد جُگاد کِسے نہ کیِتی پرکھ، پرکھ وِچ کدے نہ آئیا۔ جے تارے تے کرے ترس، ترس وِچوں اپنا تُرنگ دؤڑائیا۔ اوس اُتے کاہدا ہرکھ، جو حاکم دو جہاناں حُکم منائیا۔ پِچھلا لیکھا جو بھگتاں نال لا کے گیا شرط، دُھر دی گنڈھ پوائیا۔ اوس وِچ پَین نہیں دِتا فرق، فَیصلہ اِکو وار سُنائیا۔ براہمن ہون نہیں دِتا غرق، کہاراں ویکھیا آن پرت، یار یاراں نال رلائیا۔ کر کھیل پربھوُ اسچرج، اَگے جنم مرن توں سارے دِتے ورج، دس دس ماس اگنی تت نہ کوئے تپائیا۔ سب دی پُٹھی سِدھی کیِتی نرد، پاپ کھنڈے نال تِکھی دھار کرد، بن مرد مردانگی دِتی وکھائیا۔ جوتی جوت سروُپ ہرِ، آپ اپنی کِرپا کر، لیکھا رہیا مُکائیا۔ لیکھے وِچوں رُپّیئے بولن چار، چار چاروں کُنٹ دین دُہائیا۔ چار جُگ دا جگت وِہار، چارے وید نیَن

شرمائیا۔ چارے ورن روون زارو زار، چار یاری رہی کُرلائیا۔ ایہہ چؤہاں دا پِچھلا اُدھار، لیکھا ویکھے بےپرواہیِا۔ چار چار دا چکّ کر تیار، کوہلوُ چرخہ آپ بھوائیا۔ پنکھی اُڈ اُڈ ویکھن وِچ سنسار، چاروں کُنٹ نٹّھن واہو داہیِا۔ پنجاں دے کے اِک پیار، دُھر دا میلا میل مِلائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچوں جنائیا۔ چار کہن سانوُں آیا چجّ، پربھوُ چنگی طرح سمجھائیا۔ پِچھلا پوُرب مِلیا حق، لیکھا دِتا بےپرواہیِا۔ اِس دے نال چؤتھے گھر جائیے وس، واسطہ اِکو گھر رکھائیا۔ ساڈے خالی کدی نہ ہوون ہتّھ، دُکھ درد نہ لاگے رائیا۔ چاروں کُنٹ کُھلی رہے اکّھ، درسن پائیے دُھردرگاہیِا۔ چار چؤپھیرے گائیے جس، دُھر دا راگ الائیا۔ جوتی جوت سروُپ ہرِ، آپ اپنی کِرپا کر، اِکو دیوے دُھر دا ور، ساڈا سچّا سنگ نِبھائیا۔ چار کہن اسیں تکّیا نال غؤر، اپنا دھیان لگائیا۔ پربھ دے ہتّھ سب دی ڈور، لکّھ چؤراسی بندھن پائیا۔ جِس نوُں چاہے اُس نوُں دیوے چھوڑ، پھاسی گل نہ کوئے لٹکائیا۔ آد جُگاد جُگ چؤکڑی جن بھگتاں رکھےّ لوڑ، ویکھ وکھاوے بےپرواہیِا۔ نِمسکار نِمسکار نمو نمو ہتّھ جوڑ، سجدہ سیِس نِوائیا۔ ٹھگ ٹھگ رہیا نہ چور، پُرکھ ابناسی گیا بہُڑ، گھُمیار دی لیکھے لگّی دوہر، دوہرا جنم دِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، لہنا دینا سرب چُکائیا۔ لہنا چُکایا لہنیدار، وہی کھاتہ نظر کوئے نہ آئیا۔ ہرِ سنگت بخش کے سچ پیار، پریم پریِتی اِک جُڑائیا۔ پِچھلا لیکھا سرب نِوار، بھرم بُھلیکھا دوُر کرائیا۔ گُرمُکھ اَگے ایہو جِہا کوئی نہ کرے پیشہ وِچ سنسار، سِری بھگوان لیکھا دیونہارا تھاؤں تھائنیا۔ کی ہویا جے براہمن دِتا تار، مِہر نظر اِک اُٹھائیا۔ ایہہ براہمن نہیں برہم دی کار، جو پاربرہم اپنے لیکھ بدلے مات کرائیا۔ ایسے کر کے پِچھلا کیس آیا وِچ دربار، دس دسمیس ویکھے چوری اکّھ اُٹھائیا۔ گُر اوتار پیِر پَیغمبر سارے جاون بلہار، واہوا تیری وڈ وڈیائیا۔ تُوں سجّناں دا سجّن یاراں دا یار، دُکھیاں دا دُکھ درد ونڈیں تھاؤں تھائنیا۔ پنجاں دا براہمن کولوں چُکیا اُدھار، چار چار سب دی جھولی پائیا۔ ایہہ چار نہیں چؤتھے گھر دا پیار، چؤتھے جُگ دا مالک اِکو نظری آئیا۔ جیہڑا پُتراں وانگ سب نال کرے پیار، پال پلوس اپنی گود بہائیا۔ ہرِ سنگت دے کے اِک آدھار، ساچی سِکھیا جھولی پائیا۔ گُرمُکھو گُرسِکھو جن بھگتو سوہنگ مہاراج شیر سِنگھ وِشنوُں بھگوان بولو جَیکار، تُہاڈا اَگے لیکھا منگن والا نظر کوئے نہ آئیا۔ براہمن کہے مَینوُں دیؤ ودھائی، وعدہ سَتگُر پوُر کرائیا۔ اَگے کدے نہ منگاں وچھّا گائیں، جھولی اڈّ نہ کوئے وکھائیا۔

دھنّ بھاگ رَوداس نے دے کے گواہی، میری پھاہی دِتی کٹائیا۔ نالے مُکھ توں لّتھی شاہی، نالے مِلی مان وڈیائیا۔ براہمنی دی ہون نہ دِتی جُدائی، نتھ نکّ سُہاگ اوہو لئے ہنڈھائیا۔ مَیں ڈردا ڈردا اوہنوُں ویکھاں چائیں چائیں، نیتر اکّھ شرمائیا۔ جوتی جوت سروُپ ہرِ، آپ اپنی کِرپا کر، میرا لیکھا دِتا مُکائیا۔ براہمن کہے مَینوُں دیؤ تھپکی، حوصلہ اِک ودھائیا۔ مَینوُں لوڑ رہی نہ تپ دی، جپ دسّیا بےپرواہیِا۔ مِلنی ہوئی پُرکھ سمرتھ دی، گھر سجّن جوڑ جُڑائیا۔ ہُن لوڑ نہیں تیِسری اکّھ دی، اکّھاں والا مالک مِلیا بےپرواہیِا۔ ایتھے لوڑ نہیں صِفت جس دی، بِن اکھّراں رہیا سمجھائیا۔ میری اندروں آتم ہسّ دی، جن بھگتاں سچ سچ دسّدی، اُچی کوُکے دئے دُہائیا۔ مَیں سوَانی اوس پربھوُ نال وسدی، جِس دا رنڈیپا نظر کدے نہ آئیا۔ میرے پِچھے براہمنی ویکھو نسّ دی، بھجےّ واہو داہیا۔ درسن کر کے درس وِچوں نفع کھٹدی، کھٹی پِچھلی دِتی رُڑھائیا۔ جوتی جوت سروُپ ہرِ، آپ اپنی کِرپا کر، مِہروان دَیا کمائیا۔ سجّنو مَینوُں کہو چنگا، براہمن رہیا سُنائیا۔ میرا آؤنا جانا مُکیا گنگا، گنگا ورگی سوہنی نار مَیں اکّھ تھلّے کدی نہ لیائیا۔ مَینوُں ویلا آیا یاد جِس ویلے مُٹیار اپنی بانہہ نالوں لاہ کے کنگن میرے ول کیِتا ننگا، اکّھ اِشارے نال سمجھائیا۔ اوس ویلے مَیں کِہا مَیں ایسے نال ہنڈاں، کراں جگت کُڑمائیا۔ جے نہ ملِے تے چنگا رنڈا، براہمنی کمّ کِسے نہ آئیا۔ ہتّھوں سُٹ دیواں کُتیاں ہٹاون والا ڈنڈا، بغلی کندھے نالوں پرھاں ہٹائیا۔ ایہدا سوہنا بناواں پلنگا، پیِڑھا رنگلا اِک سُہائیا۔ جے میرا ایہدے نال ہوئے کارج انندا، انند اِکو نظری آئیا۔ اندر مار کے ویکھیا دھیان مَیں جنم کرم دا گندہ، اونے چِر نوُں گنگا گئی مُکھ چُھپائیا۔ ناویں جنم پِچھوں پھیر بنیا بندہ، پربھوُ بندگی اپنی اِک سمجھائیا۔ گُرسِکھو تُہاڈا درسن کر کے ہویا ٹھنڈا، میرا اگنی تت گوائیا۔ مَینوُں پنجاں دا اجے وی دِسدا اوہ ڈنڈا، جیہڑا سِری بھگوان ہتّھ پھڑائیا۔ مَیں بِناں پربھ دی کِرپا بنیا رہیا اندھا، میری اکّھ نہ کِسے کُھلائیا۔ جے رَوداس نہ پاؤندا گنڈھا، ناتا تُٹا کَون جُڑائیا۔ ہرِ سنگت کولوں ایہو منگ منگاں، گُرمُکھ گُرمُکھ مِلنا چائیں چائنیا۔ پُرکھ اکال دا گاؤنا چھندا، سوہنگ ڈھولا راگ اِلاہیِا۔ جوتی جوت سروُپ ہرِ، آپ اپنی کِرپا کر، میرا لیکھا دِتا مُکائیا۔ لہنا مُکیا میرے مُکھ تے چڑھی لالی، مستک ڈلک اِک لگائیا۔ لیکھے لگّی گھال گھالی، پُرکھ ابناسی ہویا سہائیا۔ بن وِچولا منگی نہ کوئے دلالی، بِن پَیسے ٹکیوں بیڑا پار کرائیا۔ چار چار دے پنج سوالی، ویِہاں جوڑ جُڑائیا۔ جوتی جوت سروُپ ہرِ، آپ اپنی کِرپا کر، لیکھا مُکایا ساچے ہرِ، مُفت اپنی دَیا

کمائیا۔ براہمن کہے سارے گاؤ گیِت، خوشیاں حال جنائیا۔ پربھ میرے وانگ سب اُتے کرے بخشیِش، رحمت اِک ورتائیا۔ ہرِ کرتا بن جگدیس، جگدیِشر ہوئے سہائیا۔ جِس دے چھتر جھُلے سیِس، دو جہان مالک نظری آئیا۔ اوس نے پنج مرن والے کیتے سُرجیِت، سُرتی اپنے شبد مِلائیا۔ جوتی جوت سروُپ ہرِ، آپ اپنی کِرپا کر، صاحِب سَتگُر دَیا کمائیا۔ پنجاں نال پنج تار، تار ستار رہیا ہِلائیا۔ اپنا کر کے سچ وِہار، بِوہاری دئے سمجھائیا۔ خوشیاں نال وقت لہنا گُزار، فقط اِکو پُرکھ اکال منائیا۔ ناتا جوڑ پھیر سنسار، ڈور دِتی گنڈھ پوائیا۔ مہاراج شیر سِنگھ وِشنوُں بھگوان، کِرپا کری اپار، اپرمپر ہویا آپ سہائیا۔ پنجاں بخش بخشش بیڑا لائے پار، منج دھار نہ کوئے رُڑھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، ساچا دے اِک سہار، سہارا بن کے اپنا سنگ رکھائیا۔

۷ چیت ۲۰۲۱ بِکرمی مکھّن سِنگھ دے گرِہ بابوُ پُرا ضِلع گُرداس پُر

کروڑ چھیانویں کہے ساڈا تُٹا مان، نیتر نیَن رہے شرمائیا۔ لوکمات ویکھیا مار دھیان، اکّھاں وِچوں اکّھ کُھلائیا۔ کِرپا کرے سِری بھگوان، نِرگُن نِرنکار بےپرواہیِا۔ گُرمُکھاں بخش انتر گیان، آتم چوٹ لگائیا۔ گیِت سُہاگی سوہلے گان، خوشیاں رنگ وکھائیا۔ پریم پریِتی اندر ہنجھوُاں نیِر وہان، میری چھہبر کمّ کِسے نہ آئیا۔ دیوت سُر سرب پچھتان، ہتّھ مروڑن سر سکے نہ کوئے اُٹھائیا۔ گُرمُکھ گُرسِکھ وڈّے سوہنے چنگے بلوان، بل نالوں بلدھاری نظری آئیا۔ جِنہاں انتر کھیل کرے مِہروان، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، کھیلے کھیل ہرِ رگھُورائیا۔ اِندر کہے مَیں چُکی دھؤن، سِر اپنا اُپر اُٹھائیا۔ لوکمات دی ویکھ ٹھنڈی پؤن، سُگندھی میرے اندر مہکائیا۔ مَیں اوسے ویلے لگّا گاؤن، واہوا تیری بےپرواہیِا۔ بےپرواہ رات نام ہُلارے وِچ نہ دیوے سؤن، جاگدیاں نیتر نیَناں نیِر وہائیا۔ ایسے راگ نوُں گُر اوتار پیِر پَیغمبر گؤن، گا گا خوشی منائیا۔ مَیں پِچھلی کہانی آیا سُناؤن، ویہہ سؤ دس یاد کرائیا۔ چھوٹے بچّے بالے نڈھےّ میرا لیکھا آیا مُکاؤن، اگلا حُکم سُنائیا۔ اوہناں نال ملِے کؤن، جِنہاں صاحِب سَتگُر ہوئے سہائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ کروڑ چھیانویں میگھ مالا، برکھا کنی کنی ٹپکائیا۔ جن بھگتاں مِلیا ہرِ گوپالا، گوکل بِندرابن منڈل راسی سرب شرمائیا۔ چلدیاں

پِھردیاں مارگ دسّیا اِک سُکھالا، سُچجّا راہ سمجھائیا۔ کرے کھیل ہرِ پریِتم بالا، بالیاں وِچوں بالے نال مِلائیا۔ انتر پُکار سُنے حالا، حالت ویکھ دَیا کمائیا۔ سَت پُرکھ نِرنجن بن دلالا، وست امولک جھولی پائیا۔ لیکھا چُکیا شاہ کنگالا، شہنشاہ اپنا رنگ چڑھائیا۔ انتر آتم پرماتم جن بھگتاں پائی سوہنگ مالا، سوجھی اپنی آپ دِرڑائیا۔ گُرمُکھو کایا مندر بَیٹھے سچّی دھرمسالا، گھر میلا سہج سُبھائیا۔ جوتی جوت سروُپ ہرِ، آپ اپنی کِرپا کر، سد لہنا رہیا مُکائیا۔ میگھ کہے میری دھار اگمّ، جُگ چؤکڑی خوشی وکھائیا۔ جن بھگت کہن ساڈا میل سِری بھگوَن، امرت اپنا رس مُکھ چوائیا۔ دوہاں دا نِکلے جنّ، شنکا سنسا روگ پربھوُ ہٹائیا۔ پریم پریِتی انتر گُرمُکھاں لہنا منّ، حُکمے اندر اِندر سیو کمائیا۔ گُرمُکھ سوہنا نوُری چنّ، دو جہان کرے رُشنائیا۔ صاحِب سَتگُر دیِن دَیال ہو کِرپال سَت بیڑا جائے بنّھ، سچ چپوُ نام لگائیا۔ پیاریو بچّیو تُسیں کہو دھنّ دھنّ دھنّ، دھرنی اُتے مِلی جگت وڈیائیا۔ نالے درسن نالے راگ سُناؤندا کنّ، اندر وڑ کے سوہنی تند ستار ہِلائیا۔ کر وسیرا چھپری چھنّ، محل اٹل دئے وڈیائیا۔ جوتی جوت سروُپ ہرِ، آپ اپنی کِرپا کر، میگھ اِکو اِک سمجھائیا۔ سچّا میگھ گُرمُکھ تیرا نیتر نیِر، نیَناں وِچوں رنگ چڑھائیا۔ بِرہوں کٹاکش لگّے تیِر، انیالا آپ چلائیا۔ امرت بخش دُھر دا سیِر، سُکھ سانتک روُپ وٹائیا۔ ہرِ سنگت بھائی بھائی بھَیناں نال ملِے ویِر، ویِراں سنگ گُنی گہیر نظری آئیا۔ تُہاڈی گھر آ کے بدل جائے تقدیِر، تدبیِر اپنی آپ بنائیا۔ بےشک تُسیں جگت دِسو کنگال فقیِر، شہنشاہ واسطے شہنشاہ نالوں چنگے نظری آئیا۔ غم وِچ نہ ہونا دِلگیِر، دُکھ وِچ نہ روگ ستائیا۔ تُہاڈی کٹّن آیا بھیِڑ، بھیِڑی گلی اَدھ وِچکار نہ کوئے اٹکائیا۔ پہریدار پربھوُ نام کھنڈا ہتّھ شمشیِر، چاروں کُنٹ ویکھے چائیں چائنیا۔ جیہڑی چِٹّے اُتے کالی کھِچ کے جائے لکیِر، لیکھا اگلا پِچھلا مُکائیا۔ جوتی جوت سروُپ ہرِ، آپ اپنی کِرپا کر، جن بھگتاں اپنے نال مِلائی تاثیر، جوتی جوت جوت کر رُشنائیا۔ سارے خوشیاں نال کہو پربھوُ گھت اپنی وہیِر، اسیں گھر بہہ کے تیرا نام دِھیائیا۔ جوتی جوت سروُپ ہرِ، آپ اپنی کِرپا کر، آون جاون جگت کھیل، آتم پرماتم وِچھڑ کدے نہ جائیا۔