کتب خانہGranth 16 (Urdu)

۱۱ جیٹھ ۲۰۲۱ بِکرمی پیارا سِنگھ دے گرِہ پِنڈ جسراؤر ضِلع امرتسر

اگمی مرضی پُرکھ اکال، نِرگُن نِروَیر آپ پرگٹائیا۔ ساچی اِچھیا کر تیار، سو پُرکھ نِرنجن کھیل رچائیا۔ ہرِ پُرکھ نِرنجن ہو تیار، ایکنکار بھیو کُھلائیا۔ آد نِرنجن دِیپک بال، جوتی جوت جوت رُشنائیا۔ ابناسی کرتا ہو دَیال، سِری بھگوان دئے وڈیائیا۔ پاربرہم پت پرمیشور کرے ساچی کار، کرتا پُرکھ کرنی آپ کمائیا۔ سچ دوارا رچ سچکھنڈ سچّی دھرمسال، محل اٹل آپ اُپائیا۔ نِرگُن دیِا اِکو بال، سچ نوُر کرے رُشنائیا۔ مقامے حق ہو کے خبردار، پروردِگار کھیل کھلائیا۔ اپنی مرضی کر پیار، پریم پریِتی اِک وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ ساچی مرضی سِری بھگوان، آد انتا آپ جنائیندا۔ سچ دوارا وکھائے اِک نِشان، دوُجا نِشانہ نظر کوئے نہ آئیندا۔ جِس گھر سوامی وسے اِکو آن، نِہکامی انترجامی ڈیرہ لائیندا۔ شاہو بھوُپ بن راج راجان، شہنشاہ اپنا حُکم ورتائیندا۔ نِت نوِت آد جُگاد کرے کھیل مہان، بےانت اپنی کار کمائیندا۔ جوتی جوت سروُپ ہرِ، آپ اپنی کِرپا کر، ساچی کرنی آپ کرائیندا۔ اپنی مرضی کر ہرِ پُرکھ، اَولّڑی کھیل کَھلائیا۔ نہ کوئی سوگ نہ کوئی ہرکھ، چِنتا غم نہ کوئے جنائیا۔ سچ دوارے اپنا آپے کرے درس، آدرش اپنا آپ جنائیا۔ نہ کوئی زِمیں اسمان نہ فرش، خاکی روُپ نہ کوئے وٹائیا۔ نہ کوئی نار کنت نہ دِسے مرد، مرد مردانہ اِک اکھوائیا۔ جوتی جوت سروُپ ہرِ، آپ اپنی کِرپا کر، ساچی مرضی آپ پرگٹائیا۔ ساچی مرضی گہر گمبھیِر، ہرِ کرتا آپ پرگٹائیندا۔ منزل چوٹی چڑھ اَخیِر،

سچکھنڈ ساچے ڈیرہ لائیندا۔ جودھا سوُر بن کے وڈّا بیِر، جوبن اپنا اِک ہنڈھائیندا۔ روُپ رنگ ریکھ نہ کوئے تصویِر، ظہوُر اپنا اپنے وِچوں پرگٹائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ رچائیندا۔ ساچی مرضی کرے بھگوَنت، ہرِ کرتا وڈ وڈیائیا۔ آپے بن کے نار کنت، سچ دوارے سیج سُہائیا۔ نِرگُن ہو کے نِرگُن بناوے بنت، نِرگُن میلا سہج سُبھائیا۔ نِرگُن کھیلے کھیل آد انت، اِک اِکلّا اپنی دَیا کمائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ اپنی رچنا مرضی اندر، ہرِ کرتا آپ اُپائیا۔ سچکھنڈ دوارے کھول مندر، تھِر گھر دیوے مان وڈیائیا۔ جنگل جوُہ اُجاڑ پہاڑ نہ کوئی ڈوُنگھی کندر، سمُند ساگر نظر کوئے نہ آئیا۔ ناد گیِت نہ کوئے منگل، دُھنی دُھن نہ کوئے شنوائیا۔ شرع شریعت نہ کوئے سنگل، مذہب روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ اپنی مرضی ہرِ کرتار، آد پُرکھ پرگٹائیا۔ شاہو بھوُپ بن سِکدار، شہنشاہ حُکم ورتائیا۔ جننی جن بن اگمّ اپار، الکھ اگوچر کھیل وکھائیا۔ سُت دُلارا کر تیار، شبدی ناؤں رکھائیا۔ تھِر گھر ساچے دیوے واڑ، چھپر چھنّ نہ کوئے چُھہائیا۔ نہ کوئی دِسے چار دیوار، باڈھی بنت نہ کوئے بنائیا۔ سوُرج چند نہ کوئی اُجیار، منڈل منڈپ نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، اپنی مرضی آپ پرگٹائیا۔ ساچی مرضی شبدی دھار، ہرِ کرتا کار کمائیندا۔ شبدی سُت کر پیار، ساچی سِکھیا اِک دِرڑائیندا۔ بھیوَ ابھیدا کھول کِواڑ، انبھوَ اپنی کار جنائیندا۔ تیرا مندر اگمّ اپار، دیِا باتی اِک رُشنائیندا۔ کملاپاتی میِت مُرار، ہرِ سجّن اِک اکھوائیندا۔ ساچی مرضی سچ وِہارا کر نِرگُن تیار، جوتی جوت سروُپ ہرِ، آپ اپنی کِرپا کر، ساچی کرنی آپ دِرڑائیندا۔ ساچی مرضی ایکنکار ایک، اِک اِکلّا آپ جنائیا۔ شبد سوامی تیری ٹیک، گُر گُر روُپ وٹائیا۔ وِشن برہما شِو کھیڈن کھیڈ، ہرِ کرتا اِکو سندیسہ رہیا جنائیا۔ ترےَگُن مایا تیرا لیکھ، پنج تت کری کُڑمائیا۔ جوتی جوت سروُپ ہرِ، آپ اپنی کِرپا کر، دُھر دی مرضی اندر بنت بنائیا۔ ساچی مرضی سُنائے ہرِ کرتار، شبدی شبد دئے وڈیائیا۔ وِشن برہما شِو کر تیار، ساچی سِکھیا اِک سمجھائیا۔ ترےَگُن مایا بھر بھنڈار، پنج تت کرے کُڑمائیا۔ نِرگُن سرگُن کھیل اپار، چارے کھانی ونڈ ونڈائیا۔ انڈج جیرج اُتبُھج سیتج دئے آدھار، لکّھ چؤراسی روُپ وکھائیا۔ شبد اگمّی بول جَیکار، گھر گھر ناد سُنائیا۔ پرا پسنتی مدھم بَیکھری کر خبردار، بےخبر خبر پُچائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ ساچی مرضی کرے

پربھ ٹھاکر، کرنہار اکھوائیندا۔ دو جہان ویکھے گہر گمبھیِر ڈوُنگھا ساگر، بھیوَ ابھیدا اپنے وِچ چُھپائیندا۔ جگت ونجارا بن سوداگر، نِرگُن سرگُن ویس وٹائیندا۔ پنج تت کایا دیوے آدر، آتم پرماتم ونڈ ونڈائیندا۔ کرتا پُرکھ بن کریِم قادر، قُدرت اپنے رنگ رنگائیندا۔ جوتی جوت سروُپ ہرِ، آپ اپنی کِرپا کر، مرضی اِکو اِک وکھائیندا۔ ساچی مرضی کرے گہر گمبھیِر، گُنوَنتا وڈ وڈیائیا۔ دیوے مان پنج تت سریِر، تتو تت اِک بُجھائیا۔ چوٹی چڑھ کے بَیٹھے آپ اَخیِر، منزل منزل پندھ مُکائیا۔ مارنہارا انیالا اِکو تیِر، تیِر نِرالا آپ چلائیا۔ پیاونہارا جام ٹھنڈا سیِر، امرت دھار اِک وہائیا۔ جوتی جوت سروُپ ہرِ، آپ اپنی کِرپا کر، ساچا لیکھا دئے بنائیا۔ ساچا لیکھا بنائے آپ، پاربرہم پربھ دَیا کمائیندا۔ جُگ چؤکڑی تھاپن تھاپ، سَتجُگ تریتا دواپرکلجُگ ونڈ ونڈائیندا۔ نِرگُن ہو کے سرگُن جائے آکھ، ساچی سِکھیا اِک دِرڑائیندا۔ تُوں میرا مَیں تیرا کرنا جاپ، جیِون جُگت اِک سمجھائیندا۔ نوُر خُدائی نظری آئے پاک، پوِت اپنی دھار بنائیندا۔ بھاگ لگائے کایا ماٹی خاک، جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ مرضی اندر رچے سنسار، لکّھ چؤراسی جیِو جنت اُپائیا۔ مرضی اندر رَو سس کر اُجیار، منڈل منڈپ سوبھا پائیا۔ مرضی اندر پرِتھمی آکاش دئے آدھار، پُری لوء سوبھا پائیا۔ مرضی اندر بول سچ جَیکار، ناؤں نِرنکار دئے سُنائیا۔ مرضی اندر کھیل کرے اگمّ اپار، اگمّڑی کار کمائیا۔ مرضی اندر ساچا حُکم کرے ورتار، نہ کوئی میٹے میٹ مِٹائیا۔ مرضی اندر بھیجے تیئی اوتار، لوکمات سیو لگائیا۔ مرضی اندر عیسیٰ موُسیٰ محمد کرے خبردار، کلمہ حق رسوُل پڑھائیا۔ مرضی اندر جن بھگتاں دئے ادھار، بھیوَ ابھیدا آپ کُھلائیا۔ مرضی اندر گُر گُر روُپ دھرے آپ نِرنکار، دہ دِشا کھوج کھوجائیا۔ مرضی اندر شاستر سِمرت وید پُران کرے تیار، صِفتی ڈھولا راگ سُنائیا۔ مرضی اندر اٹھ دس گیِتا گیان لائے اَکھاڑ، بھگت بھگوان ساچا بھیو چُکائیا۔ مرضی اندر آوے جاوے جُگ چؤکڑی چار، نِت نوِت ویس وٹائیا۔ مرضی اندر دیوے دیِدار، نِرگُن نوُر جوت رُشنائیا۔ مرضی اندر ساچے سنت لئے اُٹھال، من منتر اِک سمجھائیا۔ مرضی اندر گُرمُکھ گُرسِکھ گودی لئے بہال، پھڑ باہوں گلے لگائیا۔ مرضی اندر سَتگُر بنے دَیال، دیِناں اَناتھاں ہوئے سہائیا۔ مرضی اندر روُپ وٹائے کال، لکّھ چؤراسی آپے کھائیا۔ مرضی اندر پاونہارا ترےَگُن مایا جنجال، مرضی اندر ساچی سِکھیا دئے سمائیا۔ مرضی اندر اندر آتم وجائے انادی تال، شبد راگ اِک سُنائیا۔ مرضی اندر سُرت سوَانی کرے بےحال، بِہبل ہو کے دئے دُہائیا۔

مرضی اندر کایا مندر دھرم دوار دئے وکھال، جِتھے وسے بےپرواہیِا۔ مرضی اندر پُچھے مُریداں حال، مُرشد اپنا پھیرا پائیا۔ مرضی اندر گھالن رہیا گھال، گُر گُر اپنا بھیو چُکائیا۔ مرضی اندر گُر چیلے ویکھے لال، لالن اپنا رنگ رنگائیا۔ مرضی اندر سب دا حل کرے سوال، جہالت کوئے رہن نہ پائیا۔ مرضی اندر شبد گُروُ بن کے ہوئے دلال، دو جہاناں بیڑا پار کرائیا۔ مرضی اندر لکّھ چؤراسی ویکھے پتّ ڈال، پُھل ٹہنی آپ مہکائیا۔ جوتی جوت سروُپ ہرِ، آپ اپنی کِرپا کر، اپنی مرضی وِچ آد جُگاد کھیل کِھلائیا۔ مرضی اندر کھیل اولّا، سو پُرکھ نِرنجن آپ کرائیندا۔ ہرِ پُرکھ نِرنجن دھام سُہائے نِہچل اِک اٹلا، سچ دوارے ڈیرہ لائیندا۔ ایکنکار سچ سِنگھاسن دُھر دا ملّا، جگ نیتر نظر کِسے نہ آئیندا۔ آد نِرنجن سچ پرکاس دِیپک بلا، دو جہاناں ڈگمگائیندا۔ ابناسی کرتے سَت سندیس سچّا گھلّا، نِراکھّر آپ پڑھائیندا۔ سِری بھگوان سچ نِشان اِکو جھُلا، جھلک اپنے نام دِرڑائیندا۔ پاربرہم پت پرمیشور پھڑائے اپنا پلّا، پلّوُ اِکو گنڈھ بندھائیندا۔ ساچی مرضی اندر ویکھے جلاں تھلاں، ڈوُنگھے ساگر کھوج کھوجائیندا۔ جوتی جوت سروُپ ہرِ، آپ اپنی کِرپا کر، سچ کرنی آپ کمائیندا۔ مرضی اندر دیوے دات، وِشن برہما شِو جھولی آپ بھرائیا۔ مرضی اندر ہووے ساتھ، نِرگُن سرگُن روُپ وٹائیا۔ مرضی اندر جنائے گاتھ، دُھر دا ڈھولا راگ سُنائیا۔ مرضی اندر میٹے اندھیری رات، سَتجُگ تریتا دواپرکلجُگ اپنا ویس وٹائیا۔ مرضی اندر بنے پِتا مات، پوُت سپوُت گود اُٹھائیا۔ مرضی اندر نِج نیتر کھولے آنکھ، ہرِ سنتاں لئے جگائیا۔ مرضی اندر پرگٹ ہوئے ساکھیات، ظاہر ظہوُر روُپ درسائیا۔ مرضی اندر ہرجن بنائے پارجات، مِہر نظر اِک اُٹھائیا۔ مرضی اندر لیکھا لِکھ کے گیا قلم دوات، واک بھوِکھت اِک سُنائیا۔ مرضی اندر ورن برن کھتری براہمن شوُدر وَیش ویکھے ذات پات، دیِن مذہب کھوج کھوجائیا۔ مرضی اندر ہووے داسی داس، بن سیوک سیو کمائیا۔ پربھ دی مرضی سب نے رکھّنی یاد، بُھلے جیِو نہ کوئے لوکائیا۔ جِس دی گُر اوتار پیِر پَیغمبر سُناؤندے رہے آواز، رسنا جِہوا کوُک الائیا۔ جِس دا کلمہ پڑھدے رہے نماز، سجدہ اِکو گھر وکھائیا۔ اُس دی مرضی اندر لکّھ چؤراسی تن وجےّ رباب، ستار نظر کِسے نہ آئیا۔ سو مرضی اندر گُر اوتاراں پیِر پَیغمبراں گیا آکھ، شبد سندیسہ اِک سُنائیا۔ کلجُگ انتم ویکھاں کھیل تماش، نِرگُن نوُر روُپ پرگٹائیا۔ میری سمجھ نہ آوے کِسے ذات، روُپ رنگ ریکھ نہ کوئے وکھائیا۔ صدی چؤدھویں کراں وفات، فاتحہ سب دا پڑھاں تھاؤں تھائنیا۔ بیِس بیِسا ویکھاں حالات، ہرِ جگدیِشا ناؤں دھرائیا۔

نؤ کھنڈ پرِتھمی ستّ دیِپ من واسنا کرے ناچ، بُدھ بِبیک نہ کوئے جنائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ پربھ دی مرضی کہے سُنو جگ میِت، ہرِ کرتا سچ دِرڑائیندا۔ کلجُگ کوُڑی کِریا ویکھو ریِت، سچ سُچ نظر کوئے نہ آئیندا۔ جھگڑا پیا مندر مسیِت، گُر در شِودوالا مٹھ سرب کُرلائیندا۔ آتم دِسے نہ کوئی ٹھنڈی سیِت، منکا من نہ کوئے بھوائیندا۔ ملِے وڈیائی نہ کوئی اوُچ نیِچ، اگمّ اتھاہ دھیان نہ کوئے لگائیندا۔ سچ دوارے ملِے نہ کوئے بھیِکھ، بِھچِھیا نام نہ کوئے ورتائیندا۔ اُمت اُمتی ساچا کلمہ بُھلیا حدیِث، حضرت میل نہ کوئے مِلائیندا۔ نیتر کھول ویکھو ٹھیِک، گُر کا شبد نظر کِسے نہ آئیندا۔ گھر سوامی سُتّا دے کر پیِٹھ، نیتر اکّھ نہ کوئے کُھلائیندا۔ دوُر دُراڈا وسنہار نزدیِک، جوتی جوت سروُپ ہرِ، آپ اپنی کِرپا کر، مِہروان دَیا کمائیندا۔ پربھ دی مرضی کہے اُٹھو جیِو جنت جگ، کلجُگ انت اندھیرا چھائیا۔ اپنے اندروں آپا لؤ لبھ، کِیوں بَیٹھے مُکھ بھوائیا۔ نؤ دوارے پندھ مُکاؤ حد، ناتا تُٹے کام کرودھ لوبھ موہ ہنکار کوُڑی کِریا رہن نہ پائیا۔ ساچا مندر ویکھو لنگھ، بن کے پاندھی راہیِا۔ گھر سوامی سُنو چھند، اٹّھے پہر رہیا جس گائیا۔ نِج آتم لؤ اِک انند، رسنا جِہوا بتّی دند نہ کوئے وڈیائیا۔ نوُری تیج چمکے چند، چند سوُرج دوویں نیَن شرمائیا۔ پربھ دی مرضی نال اپنی مرضی لؤ گنڈھ، آتم پرماتم گھر گھر وجےّ ودھائیا۔ کایا چولی نام مجیٹھی لؤ رنگ، دُرمت مَیل دھوائیا۔ پُرکھ اکال نوُں مِلن دی نہیں کوئی سنگ، پڑدہ اوہلا جن بھگتاں رہیا چُکائیا۔ لیکھا چُکے جمنا سُرستی گوداوری گنگ، امرت دھار مُکھ چوائیا۔ آتم سیج سُہائے اِک پلنگ، پاوا چوُل نہ کوئے بنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ پربھ دی مرضی سب نوُں مارے طعنہ، اُچی کوُک کوُک سُنائیا۔ کلجُگ جیِو ایہہ دیس بیگانہ، تھِر کوئے رہن نہ پائیا۔ نیتر کھولو انتر اکّھ مہانا، پڑدہ اوہلا جگت چُکائیا۔ درس کرو سِری بھگوانا، جو آد جُگادی سچّا ماہیِا۔ اندرے اندر سُنو نام ترانہ، انحد راگی راگ سُنائیا۔ ایتھے اوتھے ملِے مانا، دو جہان ہوئے سہائیا۔ ویلا گیا سرب پچھتانا، جُگ جُگ پسچاتاپ کرے لوکائیا۔ لکّھ چؤراسی وِچوں مانَس جنم اِک مہانا، جِس وِچ ملِے بےپرواہیِا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ پربھ دی مرضی نال مِلیا اِک کبیر، جگت کعبہ دِتا تجائیا۔ ناتا تُٹا تت سریِر، برہم مت اِکو پائیا۔ مِہروان بدل دِتی تقدیِر، تدبیِر اپنی اِک سمجھائیا۔ جل دھار کٹ زنجیر، شبد ڈوری تند وکھائیا۔ پربھ دی مرضی نال مِل کے چوٹی چڑھ گیا اَخیِر،

جِس گھر وسے شہنشاہیِا۔ جلوہ تکّ بےنظیِر، اپنی نظر نظر نال مِلائیا۔ جوتی جوت سروُپ ہرِ، آپ اپنی کِرپا کر، ہرجن ساچے رہیا سمجھائیا۔ پربھ دی مرضی میٹے مرض، ہؤمے روگ چُکائیا۔ جن بھگتو تُہاڈی سدا غرض، ابناسی کرتا آپ رکھائیا۔ دیِن دَیال ہو کے ونڈے درد، دُکھیاں دُکھ اپنی جھولی پائیا۔ ایہو کھیل جُگو جُگ اچرج، ہرِ کا بھیو کوئی سمجھ سکے نہ رائیا۔ لیکھا جانے پرگٹ ہو کے جودھا سوُربیِر وڈ مرد، مرد مردانہ اپنا ناؤں دھرائیا۔ گُر اوتاراں پیِر پَیغمبراں کری منظوُر عرض، آرزوُ اپنے لیکھے لائیا۔ کلجُگ انتم پوُرا کرن آیا فرض، فَیصلہ اِکو وار سُنائیا۔ ہرجن ساچے ہون نہ دیوے حرج، اگلا پِچھلا پوُرب لہنا جھولی پائیا۔ جوتی جوت سروُپ ہرِ، آپ اپنی کِرپا کر، ساچی مرضی اندر اِکو مزہ نام چکھائیا۔ پربھ دی مرضی چنگا مزہ، مریض رہن کوئے نہ پائیا۔ رائے دھرم نہ دیوے سزا، چِتر گُپت لیکھ نہ کوئے جنائیا۔ نیڑ نہ آوے لاڑی مؤت قضا، جوُنی جوُن نہ کوئے بھوائیا۔ سِری بھگوان جُگ جُگ جن بھگتاں پِچھے پِھرے بھجّا، دو جہاناں پندھ مُکائیا۔ جوتی جوت سروُپ ہرِ، آپ اپنی کِرپا کر، ویکھے ویکھنہارا بےپرواہیِا۔ پربھ دی مرضی ویکھے کلجُگ مرضی، مرضی مرضی وِچوں پرگٹائیا۔ صاحِب سَتگُر پُرکھ اکال کوئی نہ دِسے تیرا دردی، تیری لوڑ نظر نہ آئیا۔ بےشک رسنا جِہوا بتّی دند تیرا ناؤں پڑھدی، اندر تیرا روُپ ویکھن کوئے نہ جائیا۔ مندر مسجد شِودوالے مٹھ کلجُگ جیِو جاندے فرضی، فرمانبردار نہ کوئے اکھوائیا۔ ساچی سِکھیا بُدھ بِبیک کوئے نہ پڑھدی، من مت گھر گھر بَیٹھی ڈیرہ لائیا۔ جگت واسنا اَگے ہو کے کھڑدی، سوہنا سُہنجنا روُپ وٹائیا۔ جوتی جوت سروُپ ہرِ، آپ اپنی کِرپا کر، ساچی سِکھیا دئے سمجھائیا۔ کلجُگ مرضی کہے مَیں بڑی چالاک، کلجُگ جیِواں دِتا بُھلائیا۔ اندر وڑ کے کھول سکے نہ کوئے تاک، بجرکپاٹی نہ کوئے تُڑائیا۔ پاربرہم تیری ملِے نہ کوئی ذات، اپنا آپ نہ کوئے مِٹائیا۔ بندے خاکی کیتے خاک، کوُڑی کِریا وِچ رُلائیا۔ جگ نیتر کام واسنا رہے جھاک، دِب نیتر نہ کوئے کُھلائیا۔ لوبھ موہ ہنکار دِتا ساتھ، اٹّھے پہر کرے لڑائیا۔ ناتا تُٹیا پِتا پوُت باپ، سچّا سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، ساچا لیکھا دے وکھائیا۔ کلجُگ مرضی کہے مَیں وڈّی سوہنی، سوہنا روُپ وٹائیا۔ لکّھ چؤراسی جِس نے کوہنی، سِر سکے نہ کوئے اُٹھائیا۔ میرا ناؤں رکھیا آد جُگادی ہونی، جِس دے ہؤکے مرے سرب لوکائیا۔ مَیں چؤداں لوک چؤداں طبقاں چؤداں وِدیا کرنی بؤہنی، لکّھ چؤراسی اپنے وِچ ٹِکائیا۔ میری آد جُگاد جُگ چؤکڑی کِسے نہ بھری دوہنی،

خالی کاسہ رہی وکھائیا۔ جوتی جوت سروُپ ہرِ، آپ اپنی کِرپا کر، مِہر نظر لیَنی اُٹھائیا۔ جیِواں مرضی کہے ملِے جگ مایا، ممتا سوبھا پائیا۔ کوُڑی کِریا سنگ نِبھایا، سچ سُچ نہ کوئے وڈیائیا۔ نار کنت سیج بسنت نہ کوئے ہنڈایا، سنجیں رَین دئے دُہائیا۔ انگیکار کرتا انگ نہ کوئے لگایا، سِر ہتّھ نہ کوئے ٹِکائیا۔ جگت رنڈیپا نظری آیا، سُہاگن روُپ نہ کوئے بنائیا۔ جوتی جوت سروُپ ہرِ، آپ اپنی کِرپا کر، ساچا پڑدہ رہیا چُکائیا۔ جگت مرضی وِچوں بھگتاں مرضی گئی جاگ، کلجُگ وِچ اپنی اکّھ کُھلائیا۔ پربھوُ نام دا اُپجے وَیراگ، بن وَیراگن دئے دُہائیا۔ ناتا تُٹے سجّن ساک، بندھپ نظر کوئے نہ آئیا۔ کملی کوجھی ہو کے رہی جھاک، نیتر نیَن اکّھ کُھلائیا۔ کَون ویلا پت پرمیشور پاربرہم پربھ ملِے آپ، اپنا پھیرا پائیا۔ اپنی مرضی دا دسّ کے جاپ، میری مرضی دئے بدلائیا۔ پِچھلا میٹے روگ سنتاپ، اَگے دُکھ رہے نہ رائیا۔ جوتی جوت سروُپ ہرِ، آپ اپنی کِرپا کر، سِر ساچا ہتّھ ٹِکائیا۔ بھگتاں مرضی بولے بول، سوہنا راگ سُنائیا۔ صاحِب سَتگُر تیرے وساں کول، دوُجا تھان نہ کوئے سُہائیا۔ تیرے پریم پیار اندر جاواں مؤل، بِسمِل ہو کے سیو کمائیا۔ گُر اوتاراں نال جو کیِتا قؤل، پوُرا کر کے دے وکھائیا۔ تیرے نام دا ڈنکا وجےّ ڈھول، دو جہان تیرا نام دِھیائیا۔ سچ دوارا دینا کھول، کلجُگ جیِواں مرضی دے بدلائیا۔ جوتی جوت سروُپ ہرِ، آپ اپنی کِرپا کر، مِہروان ہونا سہائیا۔ بھگتاں مرضی کرے پُکار، واہوا وجےّ نام ودھائیا۔ کلجُگ جیِواں مرضی لےَ اُٹھال، شبد ہُلارا اِک لگائیا۔ تیری مرضی دیِن دَیال، درد دُکھ بھنجن اِکو بھائیا۔ تِنّاں مرضی مِل کے تیرا سوہے بنک دوار، جِس گھر وجےّ سچ شنوائیا۔ سَتجُگ تریتا دواپر کلجُگ نؤ سؤ چُرانوی چؤکڑی جُگ اُترےَ پار، نِت نوِت اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، پوُرب لیکھا دے وکھائیا۔ بھگتاں مرضی رہی کوُک، دروہی تیرا نام خُدائیا۔ وجےّ نگارہ چارے کوُٹ، دہ دِشا ناد سُنائیا۔ کلجُگ ناتا توڑ جوُٹھ جھوُٹھ، بھانڈا بھرم بھؤ بھنّائیا۔ ہرِ بھگت اُپا ساچے پوُت، پِتا اپنی گود سُہائیا۔ اُجل کر اِنہاں مُکھ، جو بَیٹھے تیرا نام بُھلائیا۔ جنم مرن دا کٹ دُکھ، لکّھ چؤراسی تند کٹائیا۔ گھر آتم پرماتم دے سُکھ، برہم پاربرہم ہو سہائیا۔ بےشک کلجُگ جیِو بُھلے بن منُکھ، مانَس ہو کے تیری سار نہ پائیا۔ اپنی مرضی اینہاں گودی چُک، اینہاں دی مرضی شؤہ دریا دے رُڑھائیا۔ تیری مرضی نال اپرادھی سچےّ بنن سُت، پتت پُنیِت دے کرائیا۔ تیری مرضی اندر سب کُچھ، دو جہان بھجّن واہو داہیا۔ کلجُگ جیِواں پِچھلی مرضی جائے مُک، اگلا حُکم

دے دِرڑائیا۔ تیرا نام نِدھانا سِری بھگوانا گاون مُکھ، سوہنا ناد سُنائیا۔ سیِس جگدیس سجدہ کرن جھُک، گڑھ ہنکار تُڑائیا۔ جوتی جوت سروُپ ہرِ، آپ اپنی کِرپا کر، سچ مُحبّت دے سِکھائیا۔ سچ مُحبّت دے دلیِل، در تیرے عرضوئیا۔ تُدھ بِن سچّا دِسے نہ کوئے وکیِل، وُکلا نظر کوئے نہ آئیا۔ لکّھ چؤراسی مانَس کرن اَپیل، بری خانہ دے وکھائیا۔ تُوں داتا چَھیل چھبیل، شہنشاہ اِکو اِک نظری آئیا۔ جوتی جوت سروُپ ہرِ، آپ اپنی کِرپا کر، پوُرب لہنا دے مُکائیا۔ تیری مرضی کرے اِنکشاف، کھوجے تھاؤں تھائنیا۔ کلجُگ مرضی ہوئی خلاف، وعدہ پوُر نہ کوئے کرائیا۔ تُدھ بِن میٹے نہ کوئی اِختلاف، دُئی دوَیت نہ کوئے چُکائیا۔ جِؤں بھاوے تِؤں لیَنا راکھ، پربھ تیرے ہتّھ وڈیائیا۔ تیرا پتّن تیرا گھاٹ، تیری نئیا نؤکا نام نظری آئیا۔ تیرا نام تیرا شبد تیری دات، تیرا نوُر نوُر رُشنائیا۔ جوتی جوت سروُپ ہرِ، آپ اپنی کِرپا کر، سچّا دینا اِک ور، جن ڈھیہہ پئے سرنائیا۔ ڈھیَہہ پئے سرنا، سوچ سمجھ نہ کوئے رکھائیا۔ ساڈی مرضی بخش گُناہ، مرضی اپنی نال مِلائیا۔ بِن تیرے ہوئے فنا، سِر ہتّھ نہ کوئے ٹِکائیا۔ اَگے ملِے نہ کوئی راہ، رہبر پندھ نہ کوئے چُکائیا۔ کِرپا کر نوُری خُدا، خَیرخواہ ہو کے مِہر نظر اُٹھائیا۔ پاربرہم پربھ ہو سہا، سہائتا کرنی چائیں چائنیا۔ سچ مرضی اندر منگیئے اِک دُعا، اسیِس تیرے در تے نظری آئیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، دُھر دی مرضی نال ہرجن لینےَ آپ چلائیا۔ پربھ دی مرضی جپنا نام، سچّی کِرت سمجھائیندا۔ امرت آتم پینا جام، مدھ پیالہ اِک وکھائیندا۔ من ممتا توڑنا مان ابِھمان، نِون سو اکھّر اِک پڑھائیندا۔ گھر ٹھاکر سوامی لہنا پہچان، دُئی دوَیتی پڑدہ لاہِندا۔ کلجُگ جیِو نہ بُھل انجان، ابناسی کرتا کھیل کھلائیندا۔ جِس دی مرضی اندر چلے دو جہان، سوُرج چند سیو کمائیندا۔ سو صاحِب سَتگُر دیونہارا دان، وست امولک جھولی پائیندا۔ راتیں سُتّیاں ملِے آن، دِنے جاگدیاں خوشی وکھائیندا۔ جوتی جوت سروُپ ہرِ، آپ اپنی کِرپا کر، خوشیاں اندر دیوے ور، گھر گھر وِچ سوبھا پائیندا۔ گھر وِچ سوبھا سُبھائیمان، سچ دئے وڈیائیا۔ پربھ دی مرضی کو وِرلا گُرمُکھ جانے وِچ جہان، دوُسر ہتّھ کِسے نہ آئیا۔ جگت مرضی بھرم بُھلے شیَطان، دِوس رَین اٹّھے پہر دُہائیا۔ سَتگُر مرضی گُرمُکھ ملِے مان، گھر ٹھانڈے وجےّ ودھائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، مرضی اندر دیوے دان، چرن دھوُڑ بخش اِشنان، انتر آتم برہم گیان، ناد دُھن کرے سچ سچ سچ شنوائیا۔

۱۳ جیٹھ ۲۰۲۱ بِکرمی اجیِت سِنگھ دے گرِہ بٹالا ضِلع گُرداس پُر

ودیا کہے مَیں قلماں نال گئی وِدھی، سچ وِدَیالا نظر کوئے نہ آئیندا۔ اکھّراں وِچوں لبھدے تیرے مِلن دی بِدھی، سَت تیرا دھیان نہ کوئے لگائیندا۔ لیکھاں وِچوں لیکھ پربھوُ تیری کہانی وڈّی کِڈی، جے کھوجاں تے نِکیوں نِکاّ تیرا روُپ نظری آئیندا۔ عِلماں والے بن گئے ضِدی، نیتر نال اکّھ نہ کوئے مِلائیندا۔ مذہب پگڈنڈی تیری دھار ملِے نہ سِدھی، بِن قدماں پندھ نہ کوئے مُکائیندا۔ کِسے سمجھ نہ آئے مُنی رِکھی، جوگ ابھیاس اندر سرب کُرلائیندا۔ تیرے پریم پیار دی کوئی نہ پاوے اِکی، دوُآ ہو کے ایکا روُپ سمائیندا۔ کی دسّاں کہانی بیِتی، پِچھلا لیکھا سمجھ کوئے نہ پائیندا۔ رسنا پڑھ کے تَینوُں لبھدے مندر مسیِتی، ساچا مندر کھوج نہ کوئے کھوجائیندا۔ شرع والے مَینوُں رہے گھسیٹی، میِت پیارا میل نہ کوئے مِلائیندا۔ بےشک مَیں لِکھدی رہی دسّدی رہی وست ملِے پوُرب کیِتی، کرنی تیری سمجھ کوئے نہ پائیندا۔ ایہو جیہی مَیں کدے نہ ویکھی ریِتی، جو بِن پڑھیاں بِن گایاں بِن اکھّراں اپنے لیکھے پائیندا۔ حَیرانی وِچوں ہوئی ٹھنڈی سیِتی، اگنی وِچوں امرت نظری آئیندا۔ سچ پُھلواڑی تیری دھرم باغیچی، گُرمُکھ سجّن سوبھا پائیندا۔ کِرپا کر کے اَگے سب نوُں دسّ ایہو سچّی ریِتی، جِس ریِتی دا لیکھ لِکھت وِچ نہ کوئے بنائیندا۔ مَیں بخشاواں پِچھلی بُھل کیِتی، ابُھل اِک تُوں ہی نظری آئیندا۔ سجّن بن کے صاحِب ہو کے سَتگُر اکھوا کے کِیوں اندر باہر کھیڈنی لُکن میٹی، لُکیاں تیرے ہتّھ کی آئیندا۔ بِن اُنگلی چیِچی اَگوں ہٹا دے پراں گیِٹی، جِس گیِٹی پِچھے اپنا آپ چُھپائیندا۔ اوتھے قلم شاہی نہ کوئی ریِتی، لیکھا لیکھ نہ کوئے بنائیندا۔ جوتی جوت سروُپ ہرِ، آپ اپنی کِرپا کر، ساچا دے اِک ور، جِس ور وِچوں اکھّر نظر کوئے نہ آئیندا۔ وِدیا کہے میرے وِدھاتے، وِدھ سوہنی دِتی بنائیا۔ مَیں جُگ جُگ گئی جگت سمجھا کے، کاغذ شاہی میل مِلائیا۔ گُر اوتاراں پیِر پَیغمبراں کولوں لِکھوا کے، شہادت گواہی دِتی بُھگتائیا۔ شاستر سِمرت وید پُران گیِتا گیان اِنجیل قُرآن گُروُ گرنتھ وڈیا کے، سوہنا سوہنا سوہنا جوڑ جُڑائیا۔ کلجُگ انتم اپنے نیَن بَیٹھی شرما کے، اکّھ سکاں نہ کوئے اُٹھائیا۔ وِدیا پڑھن والے بَیٹھے اپنا آپ گوا کے، تیری سار کِسے نہ پائیا۔ مندر مسجد شِودوالے مٹھ باہروں بہن نہا دھو کے، اندر کرے نہ کوئے صفائیا۔ مَیں ساریاں دواریاں وِچوں نِکلی انتم رو کے، اُچی کوُکاں کوُک کوُک سُنائیا۔ داتا صاحِب ملِے پربھ اوہ آ کے، جِس میری بنت بنائیا۔ کِسے اَن پڑھ گُرسِکھ کِہا کملیئے چرنی ڈِگ اوہدی جا کے، جِس

دی سمجھ کِسے نہ پائیا۔ تیرا لیکھا بناوے پھیر مِٹا کے، مِٹّی خاک نال رلا کے دئے وڈیائیا۔ جو گُر اوتاراں پیِر پَیغمبراں لیکھا حِساب مُکا کے، مُکمل اپنا حُکم منائیا۔ اوہ دَیاوان اپنی دَیا کما کے، دردیاں درد دُکھ ونڈائیا۔ اِک ویراں ویکھ بِن لِکھیاں سوہنگ مہاراج شیر سِنگھ وِشنوُں بھگوان گا کے، گاہک تیرا اِکو نظری آئیا۔ ایہہ تھوڑی جیہی رمز چلیا آپ سُنا کے، اَگے چؤداں وِدیا لیکھا سارا دئے کُھلائیا۔