کتب خانہGranth 16 (Urdu)

۱۵ جیٹھ ۲۰۲۱ بِکرمی تیج بھان دے گرِہ شیخ سر ضِلع جموُں

گُر شبد کہے میری دُھر دی نؤکا، جن بھگتاں راہ تکائیا۔ جِس دا دو جہاناں دِتا ہوکا، اُچی کوُک کوُک سُنائیا۔ پڑدہ اوہلا چُکایا چؤداں لوکا، چؤداں طبق سبق دِرڑائیا۔ لکّھ چؤراسی جنایا اگمّی مؤقع، سچ آواز لگائیا۔ جوتی جوت سروُپ ہرِ، آپ اپنی کِرپا کر، دُھر دی کار کمائیا۔ شبد کہے مَیں لےَ کے آیا نئیا، سوہنی بنت بنائیا۔ مِتر پیارا بن کے آیا سئیا، سجّن روُپ وٹائیا۔ جِس دی یاد وِچ یادو دسدا رہیا گھنئیا، گوپی کاہن کھیل کھلائیا۔ جِس دے دھیان وِچ آد شکت بَیٹھی رہی مّیا، جُگ چؤکڑی کھوج کھوجائیا۔ جِس دے بھے اندر رائے دھرم نہ کڈھے وہییا، چِتر گُپت نہ لیکھ وکھائیا۔ جِس دے حُکم اندر دو جہان برہمنڈ کھنڈ لکّھ چؤراسی آتم پرماتم بنائے سچّا بّھیا، پریم پریِتی اِک بندھائیا۔ جوتی جوت سروُپ ہرِ، آپ اپنی کِرپا کر، سچ مارگ رہیا دِرڑائیا۔ گُر شبد کہے مَیں لےَ کے آیا نئیا ایک، ایکنکار حُکم جنائیا۔ جو بھگتاں دیوے ٹیک، سوہنی سیو کمائیا۔ دوُجا کوئی نہ لَوے پیکھ، جگ نیتر نظر کِسے نہ آئیا۔ گُرمُکھ گُرسِکھ سنت سُہیلے اُپر چڑھ کے لیَن کھیڈ، خوشیاں راگ الائیا۔ پاربرہم پت پرمیشور مَینوُں دِتا بھیج، سوہنی سیو سمجھائیا۔ مَیں چل کے آیا اگمّڑے دیس، دسنتر ویکھاں نیَن اُٹھائیا۔ جوتی جوت سروُپ ہرِ، آپ اپنی کِرپا کر، ساچی بنت بنائیا۔ شبد کہے میری نئیا رنگیِلی، رنگ رتےّ آپ رنگائیا۔ جِس دی سمجھ نہ آئے دلیِلی، من مت بُدھ نہ کوئے چتُرائیا۔ جِس دی دھار کوئی نہ جانے پیِلی نیِلی، سوُہا روُپ نہ کوئے جنائیا۔ اِس وِچ آد جُگادی اِکو اصیِلی، سنت سُہیلے لئے اُٹھائیا۔ جوتی جوت سروُپ ہرِ، آپ اپنی کِرپا کر، دُھر دی ونڈ ونڈائیا۔ شبد کہے میری نئیا دا اگمّی ناپ، گھاڑت ہرِ جوُ آپ گھڑائیا۔ جِس اُتے بہہ کے کوٹ جنم دے اُترن پاپ، پتت پوِت دئے کرائیا۔ جِس اُپر چڑھ کے اندرے اندر چلے اجپا جاپ، سوہنگ کرے سچ پڑھائیا۔ جِس دے مندر وڑ کے ویکھے جوت پرکاس، نِرگُن نوُر نوُر رُشنائیا۔ جِس دا کدے نہ ٹُٹے ساتھ، کھیوٹ بنیا بےپرواہیِا۔ بھگت سُہیلا بن کے جائے آکھ، اکھّر اپنا اِک جنائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ شبد کہے میری نؤکا اولّی سواری، سیوا سب دی اِک لگائیا۔ کوٹاں وِچوں گُرمُکھ وِرلا کرے تیاری، ترےَگُن ناتا توڑ تُڑائیا۔ اُدم کر کے چڑھے مار چھالی، شہنشاہ شاہ پاتشاہ اپنی دَیا کمائیا۔ میل ملِے جوت نِرنکاری، نِرگُن میلا سہج سُبھائیا۔ لکّھ چؤراسی مانَس جنم

وِچوں ایہو سچّی تاری، تارنہارا آپ ترائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ شبد نئیا نؤکا رہی بول، انبولت راگ سُنائیا۔ سچ کوُک وجاوے ڈھول، ڈھولک اِک کھڑکائیا۔ نؤ سؤ چُرانوے چؤکڑی جُگ پِچھوں مَیں آئی بھگتاں کول، دوُسر ہتّھ نہ کِسے پھڑائیا۔ ہؤلی ہؤلی اپنے وِچ بہاواں اڈول، پھڑ باہوں آپ اُٹھائیا۔ مارگ دسّ اِک انمول، پاندھی دُھر دے دیاں بنائیا۔ سچ دوارا اگمّی کھول، پڑدہ اوہلا اِک اُٹھائیا۔ جوتی جوت سروُپ ہرِ، آپ اپنی کِرپا کر، سیوا سوہنی اِک سمجھائیا۔ شبدی نئیا کہے اَخیِر، بِن اکھّراں رہی جنائیا۔ جن بھگت سُہیلے اُٹھ ویِر، ویلا وقت خوشی منائیا۔ پرم پُرکھ پربھ آیا پیِر، پیِرن پیِرا نوُر خُدائیا۔ جِس دا کھیل گہر گمبھیِر، اگمّ اتھاہ اکھوائیا۔ امرت بخشے ٹھانڈا سیِر، مدُھر پیالہ جام وکھائیا۔ دھام وکھائے بےنظیِر، نظر اپنی لئے بدلائیا۔ جنم جنم دی کٹے دِلگیِری اَگے ہوئے نہ کوئے دِلگیِر، سُکھ ساگر وِچ سمائیا۔ آون جاون چُکے پیِڑ، لکّھ چؤراسی پندھ مُکائیا۔ آتم پرماتم بنّھ کے بیِڑ، گھر ساچے دئے بہائیا۔ جِس مارگ نوُں لبھدے گئے پیِر فقیِر، سنت سجّن دھیان لگائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ نئیا کہے جو میرے اُپر چڑھدا، اپنا آپ مِٹائیا۔ سو دُھر دا ڈھولا پڑھدا، سوہنگ راگ الائیا۔ تُوں میرا مَیں تیرا کردا، دوُجی اوٹ نہ کوئے رکھائیا۔ منزل منزل پؤڑے چڑھدا اپنا پندھ مُکائیا۔ ویکھے کھیل سچّے تھِر گھر دا، جِتھے وجےّ شبد ودھائیا۔ ملِے میل اگمّی پِر دا، پیِا پریِتم لئے مِلائیا۔ جگت وِچھوڑا مِٹے چِر دا، دوُر دُراڈا ڈیرہ ڈھاہیِا۔ اَگے گیڑا انوکھا گِڑدا، گیڑنہار اِک اکھوائیا۔ نؤ سؤ چُرانوے چؤکڑی جُگ پِچھوں پاربرہم پربھ آیا پِھردا پِھردا، پت پرمیشور ویس وٹائیا۔ کنڈھی اُتے آ کے آپ گھِردا، بھگتاں ڈوری تند لیا بندھائیا۔ مان تُٹا اگمّی شیر دا، مِہر وِچ اپنا آپ بدلائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ شبد نئیا کہے مَیں آئی کھیڑے، کھہڑا جگت چُھڈائیا۔ ساچے لگّے پِچھلے ڈیرے، اگلی خوشی منائیا۔ جُگ چؤکڑی لنگھائے کر کر وڈّے جیرے، آسا اِک ودھائیا۔ کَون ویلا پربھ کرے مِہرے، مِہر نظر اُٹھائیا۔ مَیں بھگتاں سنگ راگ الاواں تیرے میرے، میرا تیرا ناد وجائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ نئیا کہے مَیں چلاں بِن پانی، آب لوڑ رہے نہ رائیا۔ ایہو میری اکتھ کہانی، جو گُر اوتار پیِر پَیغمبر گئے گائیا۔ صِفت اندر لِکھی دُھر دی بانی، چارے کھانی جگت سمجھائیا۔ میرا کھیل جانے شاہ سُلطانی، شہنشاہ اپنا حُکم ورتائیا۔ کلجُگ انت مَیں بن کے آئی نِمانی، اپنا آپ

مِٹائیا۔ جن بھگت ویکھ دُھر دے ہانی، سجّن پیکھ گیِت گاواں چائیں چائنیا۔ جوتی جوت سروُپ ہرِ، آپ اپنی کِرپا کر، میرا لیکھا لیکھے دئے لگائیا۔ شبد نئیا کہے میری انوکھی بنت، گھڑن بھنّنہار آپ بنائیا۔ کوٹاں وِچوں گُرمُکھ وِرلا چڑھے سنت، جِس صاحِب سَتگُر آپ چڑھائیا۔ باقی روندے پِھردے جگت وِدوانی پنڈت، مُلّا شیخ ہتّھ کِسے نہ آئیا۔ میری دُھر دی سیوا مَیں وِچھڑے مِلاواں نال اوس کنت، جِس دی رُت بسنت اِکو نظری آئیا۔ ایسے کارن مَیں بھگتاں کراں مِنّت، نِیوں نِیوں سیِس جھُکائیا۔ گُرمُکھو اُٹھو کرو ہِمّت، اپنا آپ میرے وِچ لَوو ٹِکائیا۔ میرے کول کلجُگ کوئی نہ کرے عِلّت، دوُر دُراڈا دئے دُہائیا۔ اَگے خواری نہ ہوئے ذِلّت، سچ اٹاری دیاں بہائیا۔ اوتھے مِجازی حقیِقی نہ کوئی عِشق، عاشق معشوُق نظر کوئے نہ آئیا۔ نہ کوئی دوزخ نہ کوئی بہِشت، نرک سَورگ نہ کوئے وڈیائیا۔ نہ کوئی سوامی نہ کوئی اِشٹ، دیوَ دیوا نہ کوئے اکھوائیا۔ نہ کوئی راما نہ وشِشٹ، بودھ گیان نہ کوئے سمجھائیا۔ اِکو جوت پرم پُرکھ پربھ کرے مِلّت، میل مِلائے سہج سُبھائیا۔ جوتی جوت سروُپ ہرِ، آپ اپنی کِرپا کر، گھر سچّا دئے وکھائیا۔ شبد نئیا کہے مَیں آئی چڑھاؤن، دُھر دا حُکم سیِس ٹِکائیا۔ میرے صاحِب دا حُکم موڑے کؤن، بلدھاری نظر کوئے نہ آئیا۔ میرے اندر سیوا کرے اُننجا پؤن، اپنا آپ مِٹائیا۔ میرے اندر گُر اوتار پیِر پَیغمبر سارے گاؤن، تُونہی تُونہی راگ الائیا۔ میرے اندر جُگ چؤکڑی بھگت سُہیلے وِرلے سؤن، باقی سیج نظر کِسے نہ آئیا۔ اُٹھو گُرمُکھو مَیں پھڑ باہوں آئی بہاؤن، رُٹھڑے جگت مِلائیا۔ پوُرب جنم دا قرضہ آئی لاہُن، جو لارا دے دے گئی سمجھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ شبد نئیا کہے مَیں دِتا لارا، ویلا وقت سمجھائیا۔ بِن گوبِند کِسے یاد نہ سرسا کنارہ، اُدھارا سمجھ کوئے نہ پائیا۔ اوس ویلے مَیں کر کے کِہا نمسکارا، نِیوں نِیوں سیِس جھُکائیا۔ جِس ویلے شبدی روُپ آویں دوبارا، اپنا ویس وٹائیا۔ اوس ویلے تیرے بھگتاں دیاں سہارا، گُرمُکھ اپنی گود بَیٹھائیا۔ تُوں چپوُ لاؤنا اپر اپارا، وَنجھ مُہانا اپنے ہتّھ اُٹھائیا۔ دو جہاناں بن کے مددگارا، جوتی جوت سروُپ ہرِ، آپ اپنی کِرپا کر، راہ کھہڑا دینا وکھائیا۔ نئیا کہے مَینوُں آئی یاد، بُھلیا لیکھ نہ بےپرواہیِا۔ جِس دی صاحِب سُنی فریاد، بےانت بےانت دَیا کمائیا۔ اوس ہؤلی جیہی ماری آواز، میری سُتّی اکّھ کُھلائیا۔ مَینوُں نظری آیا اُتے آکاش، پرکاش کرے نوُر اِلاہیِا۔ جِس دے حُکمے اندر دو جہان آباد، آبادی لکّھ چؤراسی بنائیا۔ جِس میرا سازن لیا ساز، بِن گھڑیاں گھاڑت دِتا وکھائیا۔ اندر وڑ کے کھولیا

راز، پڑدہ آپ اُٹھائیا۔ حُکم سندیسہ دے کے گھّلیا لوکمات، مطلب اپنا نہ کوئے وکھائیا۔ جا کے بھگت سُہیلے پیکھ اوہناں نِبھاؤنا دُھر دا ساتھ، سگلا سنگ بنائیا۔ ویکھیں فرق نہ پائیں ذات پات، اوُچ نیِچ نہ دھیان لگائیا۔ جو گاؤندا ہووے سوہنگ دُھر دی گاتھ، تِس جا کے سیِس نِوائیا۔ اوہناں اندر میری ذات، میری ذات وِچ وفات کدے نہ آئیا۔ ایہہ لیکھا لِکھن والا نہیں قلم دوات، بِن اکھّراں رہیا سمجھائیا۔ جوتی جوت سروُپ ہرِ، آپ اپنی کِرپا کر، ساچی خواہش پوُر کرائیا۔ نئیا کہے مَینوُں گھّلیا اوس، جو اصل روُپ سمائیا۔ نوَ نؤ چار جو رہیا خاموش، نِرگُن ہو کے مُکھ چُھپائیا۔ جِس دے درسن دیوت سُر رہے لوچ، جُگ چؤکڑی دھیان لگائیا۔ جِس دی گُر اوتار کردے گئے سوچ، سوچ سمجھ اپنی نال مِلائیا۔ سو صاحِب سَتگُر پُرکھ اکال جن بھگت ویکھ نِردوش، نِردھن لئے جگائیا۔ دے سہارا اپنی جوت، دیِدارا دردی روُپ وکھائیا۔ سچ مُحبّت انتر ہو کے موہت، پریم پریِتی اِک جُڑائیا۔ جِس دی مَیں کردی رہی کھوج، کھوجت کھوجت اپنا مان مِٹائیا۔ اُس دے ویکھ نرالے چوج، چرنی ڈِگی نیتر نیَناں نیِر وہائیا۔ مَینوُں سمجھ نہ آیا بھیو گوجھ، بھیت سکیا نہ کوئے دِرڑائیا۔ مستی اندر ہو بےہوش، مدہوش دیاں دُہائیا۔ تیری سار نہ آئی چؤداں لوک، سلوک تیرا نہ کوئے پڑھائیا۔ لکّھ چؤراسی بھری کوُڑ کُڑیارے کھوٹ، سدّا سچ نہ کوئے سُنائیا۔ جن بھگت گاون تیرا سلوک، دُھر دا راگ الائیا۔ اوس کنارے اوس کنڈھی پگڈنڈی پےَ کے مَیں وی گئی پہنچ، اپنا پندھ مُکائیا۔ جِس دواریوں دردی ملِے خؤنت، خطرہ مکُے خطا بُھل دئے بخشائیا۔ خوشیاں اندر مَینوُں بھگتاں مِلن دا شؤق، شہنشاہ میری آسا پوُر کرائیا۔ جوتی جوت سروُپ ہرِ، آپ اپنی کِرپا کر، سوہنا جوڑ جُڑائیا۔ نئیا کہے میرا اندر صاف، سوہنا وِچوں نظری آئیا۔ جِس وِچ گُرمُکھاں وڑدیاں پِچھلے کرم ہون معاف، اگلا جنم دیاں بدلائیا۔ جو پریم پریِتی اندر ہوئے گُستاخ، تِنہاں دا غُصّہ دیاں مِٹائیا۔ جو گوبِند گیا آکھ، سو آخر پوُر کرائیا۔ میرے اندر اِکو تاک، طاقت نال سکے نہ کوئے کُھلائیا۔ پرم پُرکھ اکال اپنے ہتّھ رکھّی جاچ، کُنجی اَور نہ کوئے لگائیا۔ جو انتر آتم پرماتم سوہنگ جپدے جاپ، تِنہاں سدا سدا سد میرے اندر بہائیا۔ مَیں مندر رکھیا خاص، جِس وِچوں خالص اِک نوُر نظری آئیا۔ کوٹن کوٹاں وِچوں مَیں جن بھگت وِرلے کہاں شاباش، بِن رسنا جِہوا آواز سُنائیا۔ جوتی جوت سروُپ ہرِ، آپ اپنی کِرپا کر، نئیا نؤکا خوشی منائیا۔ نئیا کہے میری نؤکا منظوُر، ہؤکا انتر نہ کوئے وکھائیا۔ مَیں بھرنا اِکو پوُر، بھگت سُہیلے آپ چڑھائیا۔ پِھر جُگ

چؤکڑی رہنا مشہوُر، مشق اپنی اِک سمجھائیا۔ سَتجُگ تریتا دواپرکلجُگ میری انتظار کردے ضرور، گُرمُکھ بَیٹھے دھیان لگائیا۔ پر مَیں حُکمے اندر بَیٹھی رہِندی دوُر، دوُر دُراڈا ڈیرہ لائیا۔ جِس ویلے پُرکھ اکال دیِن دَیال مَینوُں اپنا دسدا سچ دستوُر، دُھر دا حُکم سُنائیا۔ گہری اکّھ نال لیَندا گھوُر، بھےَ بھؤ اِک جنائیا۔ اوس ویلے مَیں ہو کے مجبوُر، مؤجوُدہ ہو کے درس دِکھائیا۔ جن بھگت ساچے سنت لےَ کے جاواں ضرور، ضرورت اپنی پوُر کرائیا۔ باقی ناتا دِسے کوُڑ، کوُڑیاں کولوں اپنا پلّوُ چُھڈائیا۔ جوتی جوت سروُپ ہرِ، آپ اپنی کِرپا کر، حُکمے اندر رہیا بھوائیا۔ حُکمے اندر مَیں سدا بھؤندی، بھور جگت جہان ویکھ وکھائیا۔ فِکراں اندر کدے نہ سؤندی، غفلت روُپ نہ کوئے وٹائیا۔ دِوس رَین اِکو ڈھولا گاؤندی، تُونہی تُوں راگ الائیا۔ جن بھگتاں ویکھ خوشی مناؤندی، چاؤ گھنیرا اِک پرگٹائیا۔ ویکھ کھیل اگمّی شاہو دی، شُکراں وِچ دھیان لگائیا۔ ایہہ دھار بےپرواہو دی، جِس دی سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا وکھائیا۔ نئیا کہے مَیں آئی کنڈھی، کنڈیاں سوُلاں میری حالت دِتی بدلائیا۔ جِدھر ویکھیا پئی بھنڈی، وربھنڈی رہی کُرلائیا۔ صاف سُتھری نظر نہ آئی ڈنڈی، راہ حق نہ کوئے جنائیا۔ گندیاں وِچ مِل کے ہو گئی گندی، سَت سچ روُپ نہ کوئے سمائیا۔ جِس ویلے آئی آواز مَیں سُنیا سوہنگ چھندی، میرے انتر لئی انگڑائیا۔ میری جگت واٹ ٹُٹی بندی، بندی خانہ رہن کوئے نہ پائیا۔ مَینوُں سچ آئی سُگندھی، جیہڑی دھار بےپرواہ آپ پرگٹائیا۔ مَیں اوسے ویلے وست اِک منگی، خالی جھولی اپنی اَگے ڈاہیِا۔ پاربرہم پت پرمیشور مَیں پِھردی پَیریں ننگی، بھجّاں واہو داہیِا۔ بِن تیرے ہوئی رنڈی، سُہاگ کنت نظر کوئے نہ آئیا۔ مَینوُں کوئی نہ لاوے انگی، انگیکار نہ کوئے اکھوائیا۔ مینڈھی سیِس نہ کوئے کنگھی، کجل دھار نہ کوئے بندھائیا۔ ابناسی کرتے مَینوُں ملِے کوئے نہ سنگی، جو دُھر دا سنگ نِبھائیا۔ مَیں نیتراں ہوئی اندھی، لوچن اکّھ نہ کوئے کُھلائیا۔ پاٹے چیِتھڑ میری انگی، لیِرو لیِر روُپ وٹائیا۔ میری نئیا نؤکا بِن پانی دھار پار کدے نہ لنگھی، چپوُ ونجھ نہ کوئے سہائیا۔ حُکم دِتا سوُرے سربنگی، سہج سہج سمجھائیا۔ اُٹھ تیری کٹّاں تنگی، مِہر نظر اُٹھائیا۔ تُوں کنارہ ویکھ اوہ کنڈھی، جِس کنڈھی وِچوں کنڈھے والا نظری آئیا۔ اوتھے جن بھگتاں تھان بھوُمُکا سُہائی چنگی، سوہنا آسن اِک بنائیا۔ تیری پوُری مُراد ہووے منگی، ترِسنا آسا وِچ سمائیا۔ بھگتاں نال بھگت سنگی، نام وجاون اِک مردنگی، دُھر دا تال وجائیا۔ جوتی جوت سروُپ ہرِ، آپ

اپنی کِرپا کر، تیرا لیکھا دئے چُکائیا۔ کنڈھی آ کے ویکھاں کنارہ، تکاّں نیَن اُٹھائیا۔ جِس ویلے سُنیا سوہنگ مہاراج شیر سِنگھ وِشنوُں بھگوان جَیکارا، میری سُدھ رہی نہ رائیا۔ بِن جھکولیوں آیا ہُلارا، بِن پَونوں دِتا ہِلائیا۔ گُرمُکھ مَینوُں لگّا پیارا، جِس گُرسِکھ اندروں تیرا نام جس رہیا سُنائیا۔ مَیں ہسّ کے کِہا سوہنا لگّا اکھاڑا، جنگل جوُہ اُجاڑ پہاڑ سوبھا پائیا۔ جاں تکّیا تقدیِر بناؤن والا نظری آیا لاڑا، تدبیِر سچّی رہیا سمجھائیا۔ اوتھے مَینوُں بُھل گیا اگلا پِچھلا کنارہ، اِکو چرن دھیان لگائیا۔ جِنہاں مِلیا ایہہ سہارا، اوہناں میری لوڑ رہی نہ رائیا۔ مَیں منگاں چرن دھوُڑ چھارا، جو گُرمُکھ بَیٹھے ڈیرہ لائیا۔ جے اوہناں وِچوں اِک تیج بھان کرے اِشارہ، میری شان دئے بنائیا۔ چرن چُھہائے نر نِرنکارا، میری نئیا اپنے نال لئے ترائیا۔ مَیں نئیا ویکھاں اوہ سئیا، جِس سب دی پکڑی بہییا، اوُچ نیِچ بنائے بھَین بھئیا، وہییا دھرم رائے اَگے نہ کِسے کڈھائیا۔ اوس دی سرنی اوسے در تے پئیا، جِس دیاں بھگت سُہیلے سجّن ساچے سخی روُپ سئیا، صاحِب اِکو بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سب دا لہنا دینا دیونہار دے دے خوشی منائیا۔

۱۶ جیٹھ ۲۰۲۱ بِکرمی تیج بھان دے گرِہ شیخ سر ضِلع جموُں

نئیا کہے مَیں نؤکا ہو کے تردی، پُرکھ اکال حُکم سُنائیا۔ جُگ چؤکڑی رہی ڈردی، اپنا مُکھ چُھپائیا۔ کلجُگ انت بن کے دردی، دردیاں درد ونڈائیا۔ بھگت سُہیلے ساچے وردی، وعدہ پِچھلا پوُر کرائیا۔ وکھاواں کھیل سچّے نر ہرِ دی، نر نرائن دیاں مِلائیا۔ سدا کلا رکھاں چڑھدی، اُتّر پوُرب پچھّم دکھّن وجےّ ودھائیا۔ مَیں جگت جہان کدے نہ مردی، مُردا روُپ نہ کوئے وٹائیا۔ سنت جناں دی سدا بردی، بن سیوک سیو کمائیا۔ میرا پریِتم پیارا اِکو عرشی، جِس عرشوں فرش دِتا وکھائیا۔ مَیں چلاں اوس دی مرضی، منسا ہور نہ کوئے ودھائیا۔ سچ دوارے گوبِند دِتی اِکو عرضی، آرزوُ اپنے نال مِلائیا۔ جوتی جوت سروُپ ہرِ، آپ اپنی کِرپا کر، سچ دِتی وڈیائیا۔ نئیا کہے مَیں نؤکا ہو کے آئی، اپنا روُپ وٹائیا۔ مَینوُں ویکھنہاری آد شکت مائی، چتربُھج دھیان لگائیا۔ میرا راہ تکّے لّچھمی نیَن اُٹھائی، وِشنوُں اِشارے نال سمجھائیا۔ مَینوُں ویکھ پاربتی کُرلائی، بھولے ناتھ رہی جگائیا۔ سَتجُگ تریتا دواپرکلجُگ مَیں ہتّھ کِسے نہ آئی، دوُر دُراڈی

بَیٹھی مُکھ چُھپائیا۔ کوٹن کوٹ پاؤندے گئے دُہائی، نیتر نیَناں نیِر وہائیا۔ پیِر پَیغمبر گُر اوتار بن کے گئے راہی، پاندھی ہو کے پندھ مُکائیا۔ لیکھا لِکھدے گئے قلم شاہی، شاکر ہو کے حُکم منائیا۔ شہادت دیندے گئے گواہی، اپنا سنگ نِبھائیا۔ پربھ پت پرمیشور مَینوُں حُکم دِتا نہ سچّے ماہی، دُھر فرمانا اِک جنائیا۔ مَیں قدم نہ چلی رائی، اپنی آپ نہ لئی انگڑائیا۔ جِس ویلے گوبِند بوُٹا پُٹیا کاہی، انتر آتم دھیان لگائیا۔ مَیں چلاں تیری رضائی، رحمت تیرے ہتّھ وڈیائیا۔ میری آسا دوُر دُراڈی نیڑے آئی، اپنا حال رہی جنائیا۔ سُن صاحِب سچ گوسائیں، گہر گمبھیِر تیری سرنائیا۔ سچ نئیا دینی وکھائی، جِس نؤکا دی گھاڑت نہ کِسے گھڑائیا۔ جو جولاہے کبیِر ہتّھ نہ آئی، گنگا دھار رہیا کُرلائیا۔ جوتی جوت سروُپ ہرِ، آپ اپنی کِرپا کر، ہونا سدا آپ سہائیا۔ نئیا کہے مَینوُں لبھدے گئے پیِر فقیِر، فِکراں وِچ مری لوکائیا۔ شاہ سُلطان ہو دِلگیِر، دِل دی آسا پوُر نہ کِسے کرائیا۔ مَیں ہتّھ نہ آئی چار کُنٹ اَخیِر، دہ دِشا سمجھ کِسے نہ پائیا۔ مَینوُں تکّدے رہے لا نظیِر، نیتر نیَن اکّھ کُھلائیا۔ میری نظر نہ آئی تصویِر، شناخت سکے نہ کوئے کرائیا۔ کنڈھے مِلیا نہ کوئے ماہیگیر، مُحبّت زنجیر لئے بندھائیا۔ جوتی جوت سروُپ ہرِ، آپ اپنی کِرپا کر، میری سوہنی کھیل رچائیا۔ نئیا کہے مَیں نؤکا ہوئی، نوَ نؤ چار ویکھ وکھائیا۔ سچ دوار سُنی عرضوئی، گُر گُر ناد وجائیا۔ آلس نِندرا وِچوں اُٹھی سوئی، سوہنا روُپ وٹائیا۔ میرا بھیوَ نہ جانے کوئی، کہن والا نظر کوئے نہ آئیا۔ میرا سندیسہ کبیِر نے اِک وار دسّیا لوئی، بِن لہنیوں لہنا دِتا جنائیا۔ جِس میرا پربھ کِرپا کر کے دیوے درگاہ ڈھوئی، چرن کوَل بخشے اِک سرنائیا۔ تِنہاں جوگی دُھر دی نئیا ہوئی، جِس اُپر چڑھ کے پِچھے پرت کوئے نہ آئیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ نئیا کہے مَیں نؤکا ایک، آد جُگاد سیو کمائیا۔ جن بھگتاں کیِتا دُھر دا ہیت، بن ہِتکاری پھیرا پائیا۔ مَینوُں لبھدے گئے مُلّا شیخ ، شیخی اپنے نال رلائیا۔ میرا کِسے نہ آیا بھیت، پڑدہ سکے نہ کوئے اُٹھائیا۔ مَیں کدے نہ چلاں بالوُ ریِت، سچ سروور اپنی تاری لائیا۔ کلجُگ انتم ویکھن آئی کھیڈ، سوہنا من موہنا روُپ وٹائیا۔ مَینوُں نال لےَ کے آیا جِس کھیل رچایا مہیِنہ جیٹھ، اگنی تپش نہ کوئے تپائیا۔ مَیں چھایا سچّی بَیٹھی ہیٹھ، سُکھ سانتک روُپ وٹائیا۔ جن بھگتاں ویکھاں لیکھ، جِنہاں لِکھارا بنیا بےپرواہیِا۔ درس دکھائے نیتن نیت، نِج نیتر بَیٹھا ڈیرہ لائیا۔ آتم پرماتم کر کے ہیت، ہِت سوہنا رہیا بنائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ نئیا کہے میرا نؤکا ناؤں، نر

نِرنکار دئے وڈیائیا۔ مَیں جن بھگتاں پکڑاں باہوں، ہرجن ساچے لواں اُٹھائیا۔ لبھدی پِھراں گھر گھر ڈھوُنڈاں گاؤں گاؤں، در در اپنی الکھ جگائیا۔ جِنہاں مِلیا میرا صاحِب سچّا شہنشاہو، شاہ پاتشاہ بَیٹھا سیِس ہتّھ ٹِکائیا۔ تِنہاں نِیوں نِیوں لاگاں پاؤں، دوئے جوڑ سیِس جھُکائیا۔ جوتی جوت سروُپ ہرِ، آپ اپنی کِرپا کر، میرا سچّا سنگ بنائیا۔ نئیا کہے مَینوُں نؤکا کہِندے بیڑی، بیڑا بھگتاں پار کرائیا۔ مَیں ویکھن آئی گُرمُکھ سخی کیہڑی، جو انتر ہِردے بَیٹھی دھیان لگائیا۔ جِس دا ناتا تُٹنا پنج تت کایا ڈھیری، خاکی خاک نہ کوئے سمائیا۔ جِنہاں نال سِری بھگوان نہ کرنی ہیری پھیری، کوُڑی کِریا پندھ مُکائیا۔ جِنہاں اُتے کلجُگ کال نہ جھُلنی اندھیری، امرت میگھ اِک برسائیا۔ جِنہاں دی جڑ ایتھے اوتھے نہ کِسے اُکھیڑی، بوُٹا لایا بےپرواہیِا۔ مَیں اوہناں دی بن کے رہاں چیری، سیوک ہو کے سیو کمائیا۔ اوہ گُرمُکھ کدے نہ لاون دیری، سد بَیٹھے پندھ مُکائیا۔ جوتی جوت سروُپ ہرِ، آپ اپنی کِرپا کر، میرا دُھر دا میل مِلائیا۔ نئیا نؤکا کہے مَیں گاواں ڈھولا، دُھر دا راگ الائیا۔ جن بھگتاں ویکھیا چُکیا پڑدہ اوہلا، دوَیتی روُپ نظر نہ آئیا۔ صاحِب سَتگُر دیِن دَیال بنیا وِچ وِچولا، سؤہرے پیئیے اِکو گھر بنائیا۔ پریم پریِتی انتر لگّا ساچا ہولا، لال گُلالا رنگ چڑھائیا۔ نِرگُن سرگُن بدلے اپنا چولا، چولی اِکو رنگ وکھائیا۔ در درویش ہو کے بنیا گولا، ٹھاکر سیوک روُپ وٹائیا۔ آتم سیج سُہائے سچ کھٹولا، کھٹیِا نظر کِسے نہ آئیا۔ اوتھے کوئی نہ پاوے رؤلا، رسنا جِہوا نہ کوئے دُہائیا۔ ساچا تول اِکو تولا، تولنہارے دَیا کمائیا۔ سچ کنارہ اِک اڈولا، دو جہاناں ڈُل کدے نہ جائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، سنگی ساتھی رہیا بنائیا۔ نئیا نؤکا کہے مَینوُں چڑھیا چا، گھر وجّی اِک ودھائیا۔ سو ویلا وقت گیا آ، تھِت وار خوشی منائیا۔ گھڑی گھڑیال رہی کھڑکا، کھٹکا پِچھلا رہی چُکائیا۔ گُر اوتار بنن گواہ، پیِر پَیغمبر شہادت دیِن بُھگتائیا۔ پُرکھ ابناسی بن ملاح، بیڑا اپنے ہتّھ رکھائیا۔ بھگت بھگوان لئے چڑھا، پھڑ باہوں اُپر ٹِکائیا۔ ساچی سِکھیا دئے سُنا، دُھر دا ڈھولا راگ الائیا۔ شبد اگمّی جپنا ناں، دوُجی اَور نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نئیا نؤکا کہے مَیں گُرمُکھ ویکھاں چڑھدے، چرن کوَل اِک اُٹھائیا۔ سوہنگ ڈھولا ویکھاں پڑھدے، پت پرمیشور نام الائیا۔ پریم پریِتی ویکھاں کردے، ناتا جوڑ سچّے ماہیِا۔ کنت سُہاگی ویکھاں وردے، سَت سروُپ پھیرا پائیا۔ جیِنودیاں جگ ویکھاں مردے، مر جیِوت روُپ وٹائیا۔ ساچی ترنی ویکھاں تردے، تارنہارا جِنہاں اِکو

نظری آئیا۔ سچ دوارے ویکھاں کھڑدے، کوُڑی کِریا ڈیرہ ڈھاہیا۔ ساچے مندر ویکھاں وڑدے، بند کِواڑی کُنڈا آپ کُھلائیا۔ جوتی جوت سروُپ ہرِ، آپ اپنی کِرپا کر، ہرجن ساچے لئے ترائیا۔ نئیا نؤکا کہے میری سیوا اپار، اپرمپر پربھوُ آپ لگائیا۔ مَیں سچ دوارا دیواں وکھال، ویکھ ویکھ خوشی منائیا۔ مَیں پار اُتاراں شاہ کنگال، اوُچ نیِچ نہ کوئے رکھائیا۔ سچ دوارے دواں بہال، جِس گرِہ وسے بےپرواہیِا۔ کلجُگ انت پِچھلا دیواں احوال، حال اگلا اپنے نال مِلائیا۔ ایہو گوبِند دا سوال، سوالی ہو کے منگ منگائیا۔ کِرپا کری دیِن دَیال، دَیانِدھ ہو سہائیا۔ بھگت سُہیلے لئے اُٹھال، پھڑ باہوں گلے لگائیا۔ جوتی جوت سروُپ ہرِ، آپ اپنی کِرپا کر، ساچی نئیا دِتے چڑھائیا۔ نئیا نؤکا ہوئی خوش، خوشیاں راگ الائیا۔ پُرکھ اکال مان دِتا گوبِند پُت، گوبِند پُت گُرمُکھ میرے نال مِلائیا۔ میری سوہنی سُہنجنی مؤلی رُت، رُت رُتڑی اِک مہکائیا۔ مَیں واہو داہی چلاں لوکمات چُپ، میری آواز سُنن کِسے نہ پائیا۔ منج دھار پار کراواں اندھیرا گھُپ، ڈوُنگھی بھوَری ڈیرہ ڈھاہیِا۔ اوس دوار دا کراں رُخ، جِس دوارے منُکھ نظر کوئے نہ آئیا۔ اِکو بَیٹھا پاربرہم ابناسی اچُت، سَت سَتوادی سوبھا پائیا۔ اُس دی گودی گُرمُکھ ساچے دیواں سُٹ، پوُرب وِچھڑے میل مِلائیا۔ اوہ کِرپا نِدھان گلوکڑی پائے گھُٹ، پِچھلا دُکھڑا سرب گوائیا۔ نِرگُن ہو کے لئے پُچھ، بِن رسنا جِہوا اپنا ناد جنائیا۔ لوکمات کِیوں بَیٹھے رہے لُک، اپنا مُکھ چُھپائیا۔ سِری بھگوان کہے جن بھگت مِلن دی مَینوُں بُھکھ، ترِسنا اِک رکھائیا۔ جوتی جوت سروُپ ہرِ، آپ اپنی کِرپا کر، سد اپنے لیکھے پائیا۔ نئیا کہے مَیں پار کراواں پوُر، نؤکا ہو کے سیو کمائیا۔ جن بھگتاں پرماتم ملِے حضوُر، حضرت ہو کے درس دِکھائیا۔ اینہاں دوہاں مِل کے مَیں ہوواں مشہوُر، میرے نام ملِے وڈیائیا۔ میرے صاحِب دا آد جُگادی سچ دستوُر، حُکمے اندر کھیل کِھلائیا۔ اوہناں مِلدا آد جُگاد ضرور، جو شرع وِچوں اپنی شرع بَیٹھے بدلائیا۔ کر کِرپا پوُرب بخشے سرب قصوُر، قسم نال مَیں نِمانی ہو کے رہی سُنائیا۔ جِنہاں مِلائے اپنے نوُر، سو نوُر اوہو نظری آئیا۔ جِس نوُر وِچوں جھلک دِتی کوہ طوُر،موُسیٰ مُنہ دے بھار سُٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے گھر بہائیا۔ نئیا کہے مَیں سُخن سچّا کہنا، سُخن والی بات رہی نہ کوئی سُنائیا۔ جن بھگتو پربھ چرن کوَل سدا بہنا، بَیٹھیاں ہوئے نہ کدے جُدائیا۔ درسن

ویکھنا اوس دے نیَناں، اپنے نیَن نہ کوئے وڈیائیا۔ چرن قدماں کَولاں اُتے ڈھہنا، مان ابِھمان دوویں دینے تجائیا۔ سچ پریم پیار پریِتی اندر سوہنگ مہاراج شیر سِنگھ وِشنوُں بھگوان سب نے کہنا، رسنا کہن نال اگلا پِچھلا پِچھلا اگلا وِچلا لیکھا دئے چُکائیا۔

نئیا کہے مَینوُں مِلی اوہ چِٹھی، جِس دا اکھّر نظر کِسے نہ آئیا۔ وِچوں حُکم مِلیا بن کے آویں نِکی، دُھر فرمان اِک سمجھائیا۔ لکّھ چؤراسی وِچوں گُرمُکھ چڑھاؤنے چھوٹی سِکھی، سوہنی سیو کمائیا۔ بِن گوبِند توں سمجھ نہ سکے اِکی، ایکنکار دئے وڈیائیا۔ مَیں اندروں باہروں سچ سفَیدی دھار چِٹی، دوُجا رنگ نہ کوئے رنگائیا۔ میری سچ سَت دی بولی مِٹھی، سَت سَتوادی آپ سمجھائیا۔ میری کھیل سدا انڈِٹھی، انڈِٹھڑی کار کمائیا۔ مَیں چل کے آئی اوسے مِتی، جِس دا حال مِتر پیارا گیا لِکھائیا۔ مَیں نیتر ویکھیا مَینوُں اوہو دھار دِسی، جو بھگت اپنا ناؤں دھرائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا کرائیا۔ نؤکا کہے مَیں پڑھیا سندیس، میرا انتر لئے انگڑائیا۔ حُکم دِتا اِک نریش، نر نرائن دِتا سمجھائیا۔ اُٹھ اپنے نیتر پیکھ، لوچن اِک کُھلائیا۔ ساچے سجّناں نال کر ہیت، جِنہاں ہِتکاری دَیا کمائیا۔ اپنا آپ کر بھیٹ، مان ابِھمان گوائیا۔ جگت جہان بن کے کھیوٹ کھیٹ، ساچی سیو کمائیا۔ دھنّ دؤلت بھراں خزانہ تیری جیب، قیمت اِکو وار چُکائیا۔ ساچے سنتاں نال نہ کریں فریب، فَیصلہ اِکو حق سُنائیا۔ در دروازے جانا بن نیک، نیکی اپنی جھولی پائیا۔ جِنہاں بخشی ساچی ٹیک، تِنہاں لےَ کے آؤنا چائیں چائنیا۔ چپوُ تیرے اندر وڑ کے شبدی لائے دس دسمیش، دہ دِشا اِکو وار بھوائیا۔ مَیں ویکھاں سدا ہمیش، سچکھنڈ بَیٹھا ڈیرہ لائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ نِکی ہو کے آئی نِکمی، اِک دھیان لگائیا۔ حُکمے اندر گھر ساچے منّی، منسا موہ مِٹائیا۔ ڈوُنگھی کندر آئی بھنّی، اپنا پندھ مُکائیا۔ کنارہ ویکھاں چھپر چھنّی، سوہنا رنگ سُہائیا۔ جگت نیتر ہو گئی انّھیں، بھگتی اکّھ کُھلائیا۔ گُرمُکھ ویکھاں وڈّا دھنی، میرا لہنا دئے مُکائیا۔ جوتی جوت سروُپ ہرِ، آپ اپنی کِرپا کر، صاحِب سَتگُر ہوئے سہائیا۔ نئیا کہے مَیں آئی بھجّ، دوُر دُراڈا پندھ مُکائیا۔ بھگت سُہیلے رہی سدّ، سدّا ہوکا اِک جنائیا۔ کوٹن کوٹ شاہ سُلطان ایتھوں گئے لد، پار کنارہ نظر کِسے نہ آئیا۔ سچ دسّاں جِس ویلے تندوے تار کٹ لجّیا رکھّی گج، نِرگُن اپنا پھیرا پائیا۔ اوس

ویلے ساچی دھارا چرن کوَلاں ہیٹھاں گئی سج، اپنی سیو کمائیا۔ نِرگُن روُپ اُپر بَیٹھ پُرکھ سمرتھ، سِر میرے ہتّھ ٹِکائیا۔ میری کھول اگمّی اکّھ، اِکو وار دِتا سمجھائیا۔ کلجُگ انتم تیرا لہنا دیواں حق، لیکھا لیکھے وِچوں پوُر کرائیا۔ بھگت سُہیلے نال رکھّ، گُر چیلے میل مِلائیا۔ تیرے اُتے بہہ کے میرا ڈھولا گاون جس، سوہنا راگ الائیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ نئیا کہے مَیں کوجھی کملی، پربھ سچّے میری بنت بنائیا۔ بُدھ ہیِن جگت نِمانی یملی، گہر گمبھیِر ساچی سیو کمائیا۔ میری قیمت جگت جہان کوئی نہ پاوے دمڑھی، پَیسا دھیلا سکے نہ کوئے چُکائیا۔ ہڈّ ماس نہ کوئے چمڑی، کاٹھ گھاڑت نہ کوئے گھڑائیا۔ مات پِت نہ کوئی امڑی، بھئیا بھَین نہ کوئے وڈیائیا۔ شِودوالے مٹھ مسیِت نہ پِھراں مندریں، گُردوار نہ پھیرا پائیا۔ جنگل جوُہ اُجاڑ پہاڑ کِسے ٹِلّے مِلاں نہ کندریں، تٹ کنارے روون دین دُہائیا۔ کِسے ہتّھ نہ آئی گورکھ مچھندری، کنّ پاٹے نیتر نیَناں نیِر وہائیا۔ کوئی لبھ نہ سکیا جگت پیالہ پیاؤنہارا عملی، ڈھوُنڈ تھکی سرب لوکائیا۔ اپنا قدم اپنا پَیر پربھ کِرپا نال سمبھلی، ڈوُنگھے کھات نہ کوئے ٹِکائیا۔ جُگ چؤکڑی ویکھدی رہی ہُندی بدلی، بدلہ مُکدا رہیا تھاؤں تھائنیا۔ سچ دسّاں ایہو جیہا شہنشاہ جُگ چؤکڑی کوئی نہ مِلیا عدلی، جو سچ عدالت اِکو اِک لگائیا۔ جن بھگتاں پریم پیار دی پا کے سنگلی، سگلا سنگ تُڑائیا۔ جے سُناوے تے سُناوے کہانی اگلی، پِچھلی کرے نہ کوئے پڑھائیا۔ حُکم دے کے سچ دوارے سدّ لئی، بھجیّ آئی واہو داہیِا۔ مَیں اِکو پار کنارہ حد لبھ لئی، جِس گھر بَیٹھا بےپرواہیِا۔ گُرمُکھاں سچ سندیسے دے سدّ رہی، اُچی کوُک کوُک سُنائیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکائیا۔ نئیا کہے مَیں نِکی وڈّی، وڈّی نِکی پربھ نے آپ بنائیا۔ مَیں بھگت دوارے آئی سدّی، صد کے واری گھولی گھول گھُمائیا۔ گُرمُکھاں گُرسِکھاں بھار اُٹھاواں اپنے سیِس ساڈھے تِنّ ہتّھ کایا ماٹی ہڈّی، دُھر دی سیوک بن کے سیو کمائیا۔ جِنہاں پریِت پریِتم نال لگّی، لاگت منگاں کوئے نہ رائیا۔ ایس اُڈیِک وِچ لنگھدی جائے بیِسویں صدی، گُر اوتاراں پیِر پَیغمبراں سدّا دِتا چائیں چائنیا۔ شاہ سُلطان سِری بھگوان حُکمے اندر جِس دے بدھّی، بندنا کر سیِس نِوائیا۔ جن بھگتاں ریِت لگّی چنگی، مندر مسیِت بَیٹھے تجائیا۔ سِری بھگوان لائے انگی، انگیکار اکھوائیا۔ اوہناں پِٹھ نہ دِسے ننگی، جِنہاں مِلیا بےپرواہیِا۔ مَیں آپ نہیں آئی کنڈھی، کنڈھی والا حُکمے اندر رہیا بُھآئیا۔ جن بھگتاں آسا منسا پوُری کرے بؤہ رنگی، رنگ رتّا ہو سہائیا۔ اجّ دی گھڑی سُلکّھنی وار تھِت چنگی، گھڑی پل

خوشیاں نال رلائیا۔ مہاراج شیر سِنگھ وِشنوُں بھگوان جن بھگتاں انتر آتم کیِتی ٹھنڈی، پوُرب جنم دی ٹُٹی گنڈھی، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی سِکھیا سِکھی وِچوں سمجھائیا۔

۱۶ جیٹھ ۲۰۲۱ بِکرمی رام چند شیخ سر جموُں

ہرجن بولن سچ جَیکارا، جےَ جےَ جَیکار اِک سُنائیا۔ جگت جہان چُھٹے کنارہ، منجھدھار نہ کوئے رُڑھائیا۔ لکّھ چؤراسی نہ رہے پیارا، ملِے میل بےپرواہیِا۔ ناتا تُٹے کوُڑ کُڑیارا، سچ سُچ اِکو نظری آئیا۔ پت پرمیشور پاربرہم پربھ ملِے ایکنکارا، اِک اِکلّا سچّا ماہیِا۔ ایتھے اوتھے دئے سہارا، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ بھگت جن بولن جَیکار، دُھر دا نعرہ اِک لگائیا۔ جگت ناتا چُھٹے سنسار، سگلا سنگ تجائیا۔ بھگت وچھل ملِے گِردھار، گِرور اپنی گود ٹِکائیا۔ جنم کرم پربھ پاوے سار، ویکھ وکھاوے چائیں چائنیا۔ مانَس جنم دئے ادھار، انتر آتم پرماتم ویکھ وکھائیا۔ جوتی جوت سروُپ ہرِ، آپ اپنی کِرپا کر، سدا سد ہوئے آپ سہائیا۔ جےَ جَیکار گایا گیِت، ہرِ کرتا آپ جنائیا۔ اچرج ویکھی دُھر دی ریِت، ریِتیوان رہیا سمجھائیا۔ لہنا دینا چُکیا ہست کیِٹ، اوُچ نیِچ نہ کوئے وکھائیا۔ پت پرمیشور مِلیا اِک اتیِت، ترےَگُن لیکھا رہیا مُکائیا۔ سچ سَت بندھائے پریِت، بخشے اِک سرنائیا۔ دھام جنائے دھرم انڈیِٹھ، نِہکرمی کرم کمائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ سچ جَیکارا لگا سَت، سَتگُر دئے وڈیائیا۔ جن بھگتاں بخشے برہم مت، وِدیا برہم پڑھائیا۔ انتر آتم پریم وس، وصل اِکو اِک کرائیا۔ شبد اگمّی مارگ دسّ، رہبر بنیا نوُر خُدائیا۔ سَت پرکاس کر سمرتھ، پربھ دیوے مان وڈیائیا۔ جوتی جوت سروُپ ہرِ، آپ اپنی کِرپا کر، ساچا سوہلا اِک سُنائیا۔ ساچا سوہلا سُنیا جگ، جُگ چؤتھے وجےّ ودھائیا۔ گُرمُکھ گُرسِکھ سنت سُہیلے رہے ہسّ، بھگوَن خوشی منائیا۔ دھرم دوارے دُھر دا جس، سچ سوامی کری پڑھائیا۔ پِچھلا پندھ مُکیا نٹھ نٹھ، اگلا لیکھا لیکھے وِچوں دِتا مُکائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ سچ جَیکارا گہر گمبھیِر، اِکو اِک سُنایا۔ ہرجن لاؤندا رہے بِن سریِر، پنج تت ناتا توڑ تُڑایا۔ جِس مندر چڑھ کوُکے کبیر، گہر

گمبھیِر الایا۔ سو صاحِب بےنظیِر، نِروَیر ویس وٹایا۔ جِس دی اجل سچ تصویِر، دستگیِر نوُر خُدایا۔ جوتی جوت سروُپ ہرِ، آپ اپنی کِرپا کر، سد دیونہار وڈیایا۔ بھگت جَیکارا بولیا سچ، سچ مِلی وڈیائیا۔ وِشن برہما شِو رہے تکّ، تقویٰ اِک رکھائیا۔ گُر اوتار گاؤندے جس، سوہنا راگ الائیا۔ پیِر پَیغمبر کہِندے حق، نعرہ حق پرگٹائیا۔ برہمنڈ کھنڈ ویکھن رَو سس، سوُرج چند دھیان لگائیا۔ پُری لوء آکاش پرکاش چرن کوَل ٹیکن متھ، مستک ٹِکاّ دھوُڑی خاک رمائیا۔ شاستر سِمرت وید پُران اکھّراں نال گاون جس، اِنجیل قُرآن صِفت صالاحیا۔ سَتجُگ تریتا دواپرکلجُگ سچ سرنائی رہے ڈھٹّھ، اپنا آپ مِٹائیا۔ دو جہان اندر باہر اِکو نام رہے رٹ، رٹّا چھڈیا جگت لوکائیا۔ لوک پرلوک چؤداں کھول ہٹّ، چؤداں طبق طبق اِک سمجھائیا۔ سارے کہن اُچی کوُکن آد جُگاد کِسے دا چلے نہ کوئی وس، بےبس بَیٹھے دھیان لگائیا۔ جو کِچھ کرے سو کرے پُرکھ سمرتھ، شاہ پاتشاہ سچّا شہنشاہیِا۔ رِکھی مُنی جگت تپیِشر راہ رہے تکّ، نیتر نیَن نیَن اُٹھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ رِکھ مُن تکّن راہ، نیتر نیَن نیَن اُٹھائیا۔ کَون ویلا پربھ ملِے آ، پت پرمیشور بےپرواہیِا۔ پِچھلا لہنا رہے تکا، انتر آتم دھیان لگائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ دے وڈیائی صاحِب سَتگُر، جن بھگت دھیان لگائیا۔ میرا لیکھا تیرے نال دُھر، دُھر مستک کھوج کھوجائیا۔ نِرگُن ہو کے سرگُن جُڑ، جوڑی دُھر دی لےَ بنائیا۔ تیرا لیکھا منتر پُھر، فُرنا اِکو دے سمجھائیا۔ آد انت تیری لوڑ، سدا سدا سد تیری آس رکھائیا۔ سچ سوامی چڑھ گھوڑ، دو جہاناں پندھ مُکائیا۔ نِرگُن ہو کے نِروَیر بہُڑ، نِراکار تیری وڈیائیا۔ جگت اندھیرا ویکھ گھور، ساچا چند نہ کوئے چمکائیا۔ رسنا جِہوا بتّی دند سارے پاؤندے شور، اُچی کوُک کوُک سُنائیا۔ جوتی جوت سروُپ ہرِ، آپ اپنی کِرپا کر، سچ دے مان وڈیائیا۔ دے وڈیائی پِچھلے میِت، سَت سَتوادی تیری یاد نظری آئیا۔ تیرا گاؤندا رہیا گیِت، بِن رسنا جِہوا بتّی دند ہِلائیا۔ تیرے پریم پیار اندر بنیا رہیا ٹھنڈا سیِت، اگنی تت نہ کوئے تپائیا۔ تیری منّدا رہیا ریِت، حُکم اندر سیِس جھُکائیا۔ تُوں صاحِب کیِتی بخشیِش، بخشش میری جھولی پائیا۔ ہتّھ رکھّ کے پُشت پناہ پِٹھ، دُھر دا حُکم سُنائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا لیکھے لائیا۔ دُھر دا لیکھا لاؤنا بھرِنگ، بھرِنگوُ رہیا جنائیا۔ تیرے نام وجائی کِنگ، کِنگرا کِنگرا ناد سُنائیا۔ تُوں داتا دانی گہر گمبھیِر ساگر سِندھ، بوُند سوانتی میرے مُکھ

چوائیا۔ مَیں سمادھی اندر بنیا تیری بِند، تن من تیری بھیٹ چڑھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ بھرِنگوُ مارے انتر آواز، نیتر نیَناں نیِر وہائیا۔ مَینوُں دسّ میرے مہاراج، محبوُب کِیوں بَیٹھا مُکھ چُھپائیا۔ نہ اوہ پتن بیڑا دِسے جہاز، نئیا نؤکا نظر کوئے نہ آئیا۔ نہ کوئی بھگتاں دِسے سماج، سگلا سنگ نہ کوئے وکھائیا۔ نہ ناد سُنے سچ رباب، تندی تند سِتار نہ کوئے ہِلائیا۔ جوتی جوت سروُپ ہرِ، آپ اپنی کِرپا کر، سَت سچ دے دِرڑائیا۔ بھرِنگوُ کہے میرے غریِب نواز، در تیرے عرضوئیا۔ میرے پوُرب جنم دا ویکھ کاج، کرتے تیرے ہتّھ وڈیائیا۔ تُوں اپنی کِرپا دِتی داد، وست امولک جھولی پائیا۔ کلجُگ انت تیرا سازن ساز، ساچی سِکھیا اِک وکھائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ بھرِنگ کہے میرے بھگوان، پربھاتی تیری موہے نظری آئیا۔ بےشک تیری کِرپا مِلیا دان، دَیاوان جھولی جھلک نال بھرائیا۔ مَیں کر لیا پروان، مِہروان تیری تکّ سرنائیا۔ تُوں ہؤلی چُپکے پھیر دِتا فرمان، سچ سندیسہ اِک سُنائیا۔ جنم کر کے آوے نہ کوئی پہچان، کرم کر کے ملِے مان وڈیائیا۔ نِرگُن ہو کے درسن دیواں آن، سرگُن سنمُکھ بچن نہ کوئے سُنائیا۔ دُھر سندیسہ دے فرمان، تیرا پوُرب ناتا جوڑ جُڑائیا۔ تُوں بنیا رہیں انجان، بالی بُدھ اکھوائیا۔ کوُڑی کِریا سرِشٹ سبائی مان، بِن سِری بھگوان انت ہوئے نہ کوئے سہائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ ساچا حُکم اِکو ورتے انت، نہ کوئی میٹے میٹ مِٹائیا۔ ناتا جُڑے جیِو جنت، مانَس مانُکھ سوبھا پائیا۔ نام رکھائے جواہر پنڈت، براہمنی گود سُہائیا۔ لیکھا مکُے نہ کِسے کولوں انت، انتشکرن کھوج نہ کوئے کُھجائیا۔ ایسے کر کے نؤ سال پہلے بنائی بنت، لیکھا تیرے گھر پہنچائیا۔ جوتی جوت سروُپ ہرِ، آپ اپنی کِرپا کر، سدا سد دیونہار وڈیائیا۔ بھرِنگوُ روُح بنی جواہر، موتی مانک وِچوں پرگٹائیا۔ سرِشٹ وِچوں گئی ہار، چاروں کُنٹ دُہائیا۔ تِنّاں دِناں وِچ لبھیا نہ کوئی یار، سجّن سنگ نہ کوئے وکھائیا۔ آر پار نہ دِسے کِنار، منجھدھار نہ کوئے لنگھائیا۔ رائے دھرم سنگ چِتر گُپت لیکھا رہیا وکھال، پڑدہ اوہلا آپ اُٹھائیا۔ اوتھے کنگالاں وِچوں کنگال، دھن دؤلت نظر کوئے نہ آئیا۔ نیتر پوُنجن نوُں لبھے نہ کوئی رومال، دُکھیاں دُکھ نہ کوئے ونڈائیا۔ ساچا کرے نہ کوئے پیار، سِر ہتّھ نہ کوئے ٹِکائیا۔ چاروں کُنٹ ویکھ روئی دھاہاں مار، اوُچی کوُک کاگ وانگ کُرلائیا۔ پھیر آئی پِچھلی یاد، جنم بھرِنگوُ والا رہیا ستائیا۔ جِس نے کھیل رچایا آد، سو برہماد ویکھ وکھائیا۔ اُدھروں دوُر دُراڈا ویکھ سِنگھ گُردَیال آیا

بھاج، سچ سندیسہ اِک جنائیا۔ مَیں راجیِاں وِچوں راج، بل راجا روُپ وٹائیا۔ جِس دا انت پربھوُ سواریا کاج، گھر ساچے دے وڈیائیا۔ اوس بِنا کَون رکھے لاج، اَگے پِچھے لئے ترائیا۔ جِس نے تیرا نام لِکھیا اوس وِچ کِتاب، جیہڑی کُتب خانے نہ وِچ بنائیا۔ اوس دوارے مُکنا تیرا حِساب، بےباق لیکھا دئے کرائیا۔ نِمانا درویش ہو مُحتاج، ممنوُن ہو کے سیِس نِوائیا۔ اُس صاحِب دا سدا کھڑا رہے جہاز، ڈُبدے رُڑھدے لئے چڑھائیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ کہے آتم مَینوُں آئی ہوش، ہستی دِتی سمجھائیا۔ جو آد جُگاد بَیٹھا رہیا خاموش، خوشیاں وِچ سچّا آسن لائیا۔ میرا اوس نال کاہدا روس، جو رُسیاں رہیا منائیا۔ مَیں چھڈ کے کایا ماٹی تن پوش، سجّناں نالوں کیِتی جُدائیا۔ ایتھے میری چلے نہ کوئی سوچ، سمجھ کمّ کِسے نہ آئیا۔ مَیں کر کر تھکّی کھوج، چاروں کُنٹ راہ کھہڑا سکے نہ کوئے سمجھائیا۔ جگت جہان کوُڑی دِسی مؤج، اَگے سوُلاں سیج سوبھا پائیا۔ جوتی جوت سروُپ ہرِ، آپ اپنی کِرپا کر، کَون ویلا ہووے آپ سہائیا۔ آتم کہے مَیں بھرِنگوُ پِنڈ، اِنڈ برہمنڈ روُپ وٹائیا۔ تُوں داتا گُنی گہِند، گہر گمبھیِر اکھوائیا۔ تیری دھار ساگر سِندھ، امرت روُپ وٹائیا۔ کی ہویا مَیں بنیا رہیا والی ہِند، ہِندوائن اَگے نہ کوئے سہائیا۔ مَینوُں پئی انوکھی چِند، چِنتا سکے نہ کوئے گوائیا۔ تُوں شہنشاہ نرِند، بخشند بےپرواہیِا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ صاحِب سَتگُر پوُرب کرم وِچار، اپنا لیکھا دئے جنائیا۔ جِس دا لیکھ قلم نال لِکھ دِتا رَوداس چمار، دُھر دا شبد جوڑ جُڑائیا۔ تِس دی انت دیواں پَیج سوار، پھڑ باہوں گلے لگائیا۔ ایسے کارن جن بھگت دوارے نئیا لےَ کے کھڑا تیار، سچ سئیا بےپرواہیِا۔ جوتی جوت سروُپ ہرِ، آپ اپنی کِرپا کر، لہنا دینے وِچوں چُکائیا۔ جِس دا لیکھ لِکھیا گیا پربھ شبدی دھار، کاغذ شاہی قلم میل مِلائیا۔ سو گُرمُکھ گُرسِکھ ہرجن ہربھگت انتم اُترن پار، پاربرہم پربھ آپے ہوئے سہائیا۔ گُرمُکھو گُرسِکھو جن بھگتو جِنہاں بولیاں سَت جَیکار، جےَ جَیکار کرے لوکائیا۔ جِس دوارے اندر تُہانوُں دیوے واڑ، اوس دوارے دے در تے شاہ سُلطاناں دئے بہائیا۔ کِیوں اوہناں جگت نہیں کریا پیار، پِچھلی بھگتی نال ترائیا۔ ایہہ لیکھا پہلوں لِکھ کے رکھیا آپ نِرنکار، کِرپا کر بےپروائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جن بھگتاں دئے وکھال، ورقہ ورقے نالوں اُلٹائیا۔

۱۷ جیٹھ ۲۰۲۱ بِکرمی شِو سِنگھ دے گرِہ شیخ سر جموُں

پرم پُرکھ پرماتم آد جُگاد، نِرگُن نِروَیر نِراکار اکھوائیندا۔ سَت سروُپ سدا وِسماد، روُپ رنگ ریکھ نہ کوئے جنائیندا۔ سچ دوارے ہو آباد، محل اٹل اِک سُہائیندا۔ کرتا ہو کے رچے کاج، کرنی اپنی آپ کمائیندا۔ ویکھنہارا کھیل برہماد، برہمانڈ کھوج کھوجائیندا۔ سُت دُلارا شبدی ناد، انادی آپ پرگٹائیندا۔ تھِر گھر بہہ کے کرے کاج، دوُجا سنگ نہ کوئے وکھائیندا۔ سَت سَتوادی دیوے دات، وست امولک آپ ورتائیندا۔ جوتی جوت سروُپ ہرِ، آپ اپنی جوت دھر، ساچی کرنی آپ کرائیندا۔ ساچی کرنی پاربرہم، پرم پُرکھ آپ کرائیا۔ نِہکرمی کرے اپنا کرم، کرم کانڈ سمجھ کِسے نہ آئیا۔ نہ کوئی جننی دیوے جنم، مات پِت نہ کوئے بنائیا۔ نہ کوئی ورن گوت ذات پات دھرم، اِشٹ دیوَ نہ کوئے منائیا۔ نہ کوئی ٹھاکر سوامی بخشے سرن، سیِس جگدیس نہ کوئے جھُکائیا۔ نہ کوئی نیتر ہرن پھرن، لوچن اکّھ نہ کوئے کُھلائیا۔ نہ کوئی منزل پؤڑی چڑھن، محل اٹل نہ کوئے وڈیائیا۔ نہ کوئی اکھّر وِدیا پڑھن، نہ کوئی حروُف دئے سمجھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ ساچی کرنی کرے بھگوان، سو صاحِب سَتگُر اِک اکھوائیندا۔ سچکھنڈ نِواسی نؤجوان، پُرکھ ابناسی ویس وٹائیندا۔ داتا دانی دیونہارا دان، دَیاوان آپ ہو جائیندا۔ جودھا سوُربیِر بلوان، سُت دُلارا اِک اُٹھائیندا۔ حُکمے اندر دے فرمان، سچ سندیسہ اِک سُنائیندا۔ تیرا میرا روُپ مہان، نوُرو نوُر نوُر درسائیندا۔ ساچی اِچھیا کر پروان، بِھچِھیا اِکو اِک وکھائیندا۔ جوتی جوت سروُپ ہرِ، آپ اپنی کِرپا کر، کرنی کرتا آپ کمائیندا۔ کرنی کرتا کرے کرنے یوگ، دوُجا نظر کوئے نہ آئیا۔ سچ دوارے سچ سنجوگ، گھر میلا سہج سُبھائیا۔ پُرکھ اکال دیِن دَیال پروردِگار بخشے ساچی اوٹ، رام رحیِم اِک سرنائیا۔ کر پرکاس نِرمل جوت، جوتی جوت کرے رُشنائیا۔ وساونہارا ساچا کوٹ، بنک دوار اِک سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہروان مِہروان اپنا پڑدہ آپ اُٹھائیا۔ جوتی دھار پرگٹے شبد، ہرِ کرنی کار کمائیندا۔ جِس دا نہ کوئی دیِن نہ کوئی مذہب، ذات پات نہ کوئے رکھائیندا۔ نہ کوئی ہتّھ پَیر نہ چُکے قدم، پاندھی بن نہ پندھ مُکائیندا۔ نہ کوئی سجدہ بندنا کرے ادب، ٹھاکر روُپ نہ کوئے وکھائیندا۔ نہ کوئی تت پرکِرتی نہ کوئی بدن، مایا ویس نہ کوئے وٹائیندا۔ نہ کوئی مارگ نہ کوئی منزل، رہبر روُپ نہ کوئے وٹائیندا۔ جوتی جوت سروُپ ہرِ، آپ اپنی کِرپا کر، ساچی کھیل آپ

کِھلائیندا۔ ساچی کھیل شبدی سُت، ہرِ کرتا آپ جنائیا۔ حُکم دیوے ابناسی اچُت، دُھر دا لیکھا اِک دِرڑائیا۔ وِشن برہما شِو مؤلے تیری رُت، وِشن برہما شِو تیری سیو کمائیا۔ تیری دھاروں ترےَگُن مایا پئے اُٹھ، رجو طمعو سَتو گھاڑت لہنا گھڑائیا۔ گھاڑت وِچوں میل مِلنا کِت، انبھوَ اپنی کار کمائیا۔ انبھوَ وِچوں پنج تت سُہاؤن ساچی رُت، اپ تیج وائے پرِتھمی آکاش بندھن پائیا۔ سبناں میل کرنا سچ سُچ، تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ پنج تت ہوئے مِلاپ، نِرگُن نِروَیر دئے وڈیائیا۔ پنج پنجھی کھیل تماش، پرکِرتی اپنا رنگ وکھائیا۔ لیکھا جانے پُرکھ اکال، دوُجا سمجھ سکے نہ رائیا۔ جِس گھاڑت گھڑی کمال، ٹھٹھیار بن کے سیو کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک دِرڑائیا۔ ساچی سِکھیا پاربرہم، برہم ویتا آپ جنائیندا۔ برہمے تیرا دُھر دا کم، پرکِرتی وِچ رکھائیندا۔ انڈج جیرج اُتبُھج سیتج بیڑا بنّھ، ساچا کھیڑا اِک وسائیندا۔ شنکر دھوُاں دھار دینا ڈنّ، ڈنکا تیرے ہتّھ پھڑائیندا۔ وِشن وِشوَ ویکھنا مار دھیان، نوَ نؤ چار تیرا حُکم ورتائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا اچھل اچھیدا سچ سوامی آپ کُھلائیندا۔ وِشن برہما شِو کیتے خبردار، دُھر فرمانا حُکم سُنائیا۔ سچ بھنڈارا دیونہار، داتار دَیا کمائیا۔ برہم ویتا ہویا خبردار، نیتر نیَن اکّھ کُھلائیا۔ شنکر چرن کوَل کرے نمسکار، دوئے دوئے جوڑ لاگے پائنیا۔ ترےَگُن مایا جائے بلہار، بلہاری بلہار پربھ تیری وڈ وڈیائیا۔ پنج تت ویکھن اکھاڑ، سوہنا بنک سُہائیا۔ پرکِرتی چلے نال نال، درِشٹی پربھوُ نے آپے پائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ ساچی کرنی کھیل اپارا، ہرِ کرتا آپ کرائیندا۔ ترےَ پنج دا رچ اَکھاڑا، ساچا ویس ویکھ وکھائیندا۔ تتو تت دے آدھارا، ماٹی بُت بنت بنائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھید آپ چُھپائیندا۔ پنج تت ماٹی کایا کر تیار، تتو تت دئے وڈیائیا۔ پرکِرتی اندر باہر رووے زارو زار، نیتر نیَناں نیِر وہائیا۔ تیرا انت نہ پاراوار، بےانت تیری سرنائیا۔ تیرا روُپ اگمّ اتھاہ پروردِگار، شاہ پاتشاہ تیری اوٹ تکائیا۔ تُدھ بِن دِسے نہ کوئی میِت مُرار، سجّن سیَن نہ کوئے اکھوائیا۔ کِرپا کر ہرِ نِرنکار، نِروَیر ہو سہائیا۔ دوئے جوڑ کراں نمسکار، نمو نمو اپنا سیِس نِوائیا۔ تیرا گھر ٹھانڈا دربار، سچکھنڈ نِواسی تیری سرن سرنگت اِکو موہے بھائیا۔ تُوں وِشن برہما شِو کیتے تیار، ترےَگُن مایا پنج تت بنایا میِت مُرار، میرا ناتا پرکِرتی وِچوں درِشٹی وِچ

بدلائیا۔ جوتی جوت سروُپ ہرِ، آپ اپنی کِرپا کر، ساچا دینا اِک ور، در تیرے الکھ جگائیا۔ در تیرے اِک الکھ، اُچی کوُک کوُک سُنائیا۔ سِری بھگوان ہو پرتکھ، پاربرہم تیری وڈیائیا۔ میرا دیدے مَینوُں حق، خالی جھولی رہی وکھائیا۔ مِہروان ہو پُرکھ سمرتھ، دیِن دَیال دَیا کمائیا۔ اپنا ناؤں پرماتم دسّ، پرم پُرکھ سمجھائیا۔ گھٹ گھٹ نِرگُن جوت کراں پرکاس، آد نِرنجن ہو کے جوت نِرنجن روُپ وٹائیا۔ ساچی وست دیواں خاص، خواہش اپنی نال مِلائیا۔ جو آد جُگاد نہ ہوئے وِناش، وِناشی روُپ نہ کوئے دھرائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ دیوے وڈیائی ہرِ بھگوَنت، کرنی آپ کمائیندا۔ گھر میلا نار کنت، سیج سُہنجنی آپ ہنڈائیندا۔ کایا چولی باہروں ویکھ بسنت، رنگ اگمّڑے آپ رنگائیندا۔ انتر بخش جیِو آتما جنت، پرماتما اپنا نوُر ٹِکائیندا۔ جِس نوُں کوٹن کوٹاں وِچوں جانے وِرلا سنت، ساکھیات جِس نوُں آپ درسائیندا۔ باقی بھرمے بُھلی جیِو جنت، جاگرت جوت نہ کوئے جگائیندا۔ جِس نے رچنا رچی آد سو ویکھنہارا انت، مدھ اپنی کھیل کِھلائیندا۔ تِس دی مہما سدا بےانت، شاستر سِمرت وید پُران اِنجیل قُرآن کہہ نہ کوئے سُنائیندا۔ جوتی جوت سروُپ ہرِ، آپ اپنی کِرپا کر، ساچا کھیل آپ رچائیندا۔ ساچا کھیل پنج تت کایا چولا، سو صاحِب آپ کرائیا۔ پرماتم آتم اندر رکھےّ اوہلا، پردہ سوہنا اِک بنائیا۔ من واسنا جگت پاوے رؤلا، بُدھی کھوج کھوج بِگسائیا۔ جِنا چِر شبد گُروُ نہ ملِے وِچولا، پڑدہ سکے نہ کوئے اُٹھائیا۔ پرکِرتی اندر پاربرہم برہم ہو کے مؤلا، مؤلا اپنی کار کمائیا۔ سچ دوارا جِس نے کھولا، تن ماٹی خوشی وکھائیا۔ سچ سندیسہ گایا ڈھولا، دُھر دا راگ الائیا۔ جوتی جوت سروُپ ہرِ، آپ اپنی کِرپا کر، پرماتم آتم اپنا روُپ درسائیا۔ پرماتم کہے آتم سچ، ہرِ سچ دِتی وڈیائیا۔ کایا ماٹی بھانڈا کچّ، پرکِرتی سیو کمائیا۔ من منوُآ اندر رہیا نچّ، نؤ دوار بھجےّ واہو داہیِا۔ بُدھی جگت وِہارا رہی دسّ، اُچی کوُک کوُک سُنائیا۔ گُرمُکھ وِرلا سنت سُہیلا انتر آتم لئے رس، نِجھر جھِرنا اِک جھِرائیا۔ جوتی جوت سروُپ ہرِ، آپ اپنی کِرپا کر، گھر مندر اِک سُہائیا۔ پرکِرتی تت بنایا مندر، سوہنی بنت بنائیا۔ آتم رکھّی پربھ اوسے اندر، گھر گھر وِچ ڈیرہ دِتا لگائیا۔ ترے دھاتی لایا جندر، نہ سکے کوئے تُڑائیا۔ من واسنا کوئی نہ سمجھے ڈوُنگھی کندر، ساچی کھوج نہ کوئے کُھجائیا۔ گُرمُکھ وِرلا پربھ کِرپا اندر لنگھن، منزل منزل پندھ مُکائیا۔ انحد ناد سُنے مردنگن، شبدی راگ الائیا۔ گھر سوامی آتم پرماتم نظری آئے سجّن، بَیٹھا ڈیرہ لائیا۔ بِن رسنا جِہوا بتّی دند سَت سروُپ ہویا

مگن، ایکا ایک نوُر رُشنائیا۔ جوتی جوت سروُپ ہرِ، آپ اپنی کِرپا کر، آتم انتر اپنا رنگ وکھائیا۔ انتر آتم رکھّی ایک، ایکنکار بنت بنائیا۔ جِس آتم پِچھے تت پرکِرتی دھارن بھیکھ، بِن آتم پرکِرتی کمّ کِسے نہ آئیا۔ کایا ماٹی جگت جہان کھیڈ، لکّھ چؤراسی ونج کرائیا۔ جِنہاں بخشے اپنا تیج، جلوہ نوُر کرے رُشنائیا۔ سو بھگت بھگوان دی انتر آتم مانن سیج، سُہنجنی ڈیرہ لائیا۔ جوتی جوت سروُپ ہرِ، آپ اپنی کِرپا کر، آتم پرماتم دوہاں مِل کے کھیل کھلائیا۔ آتم کہے میرا پرکِرتی ناتا، دُھر سنجوگی میل مِلائیا۔ پرکِرتی کہے مَیں آتم بن کے راکھا، سوہنی سیو کمائیا۔ دوہاں دا داتا پُرکھ سمراتھا، دیِن دَیال اِک اکھوائیا۔ اُس دا کھیل کِسے نہ جاتا، بُدھی بھیو کوئے نہ پائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ کرائیا۔ آتم کہے مَیں پرکِرتی ساتھ، سوہنا سنگ نِبھائیا۔ پرکِرتی کہے مَیں ہو کے داس، داسی روُپ وٹائیا۔ پنج تت کہن واہوا شاباش، سوہنی بنت بنائیا۔ ترےَگُن کہے مَیں رہی بھاج، دوُر دُراڈا پندھ مُکائیا۔ سبناں مِل کے تت سریِر بنیا جہاز، بیڑا پربھ جی اپنے ہتّھ رکھائیا۔ جِس دے اندر نہ کوئی رسم نہ رواج، سماج سمجھ کوئے نہ پائیا۔ جے کوئی اندر وڑ کے ویکھے سَت سروُپ پرکاس، وِکاس اِکو اِک وکھائیا۔ لیکھا چُکے دھرنی دھرت دھوَل آکاش، برہمنڈ برہمانڈ اناد اِکو روُپ وکھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ آتم پرماتم پرکِرتی ویکھن وِچ الگّ، کرنی وِچ کٹّھے روُپ وٹائیا۔ اِک دوُجے نال گئے بجھّ، دُھر دی سوہنی ڈوری تند بندھائیا۔ جِنّی سمجھ اونا کوئی دئے دسّ، اگلی کہانی نہ کوئے دِرڑائیا۔ اوتھے بُدھی ہووے بس، بےبس ہو کے مت متوالی رہی کُرلائیا۔ جِنہاں مِل گئی پِچھلی ویکھن والی اکّھ، اوہ آخر منزل چڑھ کے دین سمجھائیا۔ آتم دا اپنے تھاں حق، پرکِرتی اپنے تھاں رہی وس، تت اپنے تھاں رہے بھجّ، مایا اپنے تھاں رہی سج، ساجن سب دا اِکو نظری آئیا۔ جو آد جُگاد جُگ چؤکڑی نِت نوِت سب دے پڑدے رہیا کجّ، محبان بیِدوبی خَیر یا االلہ اِلاہی نوُر خُدائیا۔ تِس نوُں کہِندے پُرکھ سمرتھ، بےانت بےپرواہ اتھاہ روُپ وٹائیا۔ آتم پرکِرتی سب پربھ دے حِصّے اوسے دی آس، راس منڈل جگت جیِو جہان رہے وکھائیا۔ بِن آتم انتر نہ ہوئے پرکاس، پَون چلے نہ کوئے سواس، تتو کمّ نہ کرن بن کے داسی داس، من مت بُدھ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دوہاں وِچولا بےپرواہیِا