کتب خانہGranth 16 (Urdu)

۱۷ جیٹھ ۲۰۲۱ بِکرمی گُردِت سِنگھ چھمب شیخ سر ضِلع جموُں

ویکھ کھیل اگمّی ہرِ دا، ہار منّے جگت لوکائیا۔ لیکھ ویکھ اگمّی گھر دا، گھر گھر بَیٹھے جگت بُھلائیا۔ بھیو ویکھ اگمّی نر دا، نر ناری نیَن نہ کوئے اُٹھائیا۔ گھاڑت ویکھ اگمّی گھڑدا، جگت باڈھی مُکھ بھوائیا۔ جوتی جوت سروُپ ہرِ، آپ اپنی کِرپا کر، دُھر دی کرنی آپ کمائیا۔ ویکھ کھیل اگمّی ربّ دا، رہبر بَیٹھے مُکھ بھوائیا۔ اوہ لیکھا جانے سب دا، شاہ پاتشاہ سچّا شہنشاہیِا۔ آد جُگاد جُگ چؤکڑی آپے لبھدا، نِرگُن سرگُن کھوج کھوجائیا۔ لیکھا جانے دو جہاناں حد دا، آر پار کنارہ ویکھے چائیں چائنیا۔ سچ نِشانہ سَت دوارے آپے گڈّدا، چار کُنٹ دہ دِشا آپ جھُلائیا۔ لیکھا جانے ناڑی ماس ہڈّ دا، لکّھ چؤراسی کھوج کھوجائیا۔ نشہ جانے پریم پیار مدھ دا، پیِا پریِتم بےپرواہیِا۔ ناد دُھن ویکھے وجّدا، بِن تندی تند ستار ہِلائیا۔ سچ پرکاش دِیپک ویکھے جگدا، کَون دوارے ہوئے رُشنائیا۔ صاحِب سَتگُر سرن کَون لگّدا، پُرکھ اکال کَون منائیا۔ چرن کوَل نِمانا ہو کؤن ڈھٹّھدا، ابِھمان موہ مِٹائیا۔ ساچا نام آتم پرماتم کَون رٹدا، سوہنگ ڈھولا سچّا گائیا۔ پڑدہ لاہے چؤداں لوک چؤداں طبق ساچے ہٹّ دا، لیکھا جانے تھاؤں تھائنیا۔ مارگ ویکھے سَت سَتوادی رتھ دا، رتھواہی بن کے پھیرا پائیا۔ میل مِلاپ ویکھے تیجی اکّھ دا، کَون اِشارے نال سمجھائیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا دِرڑائیا۔ ویکھ کھیل اگمّی نوُر، جگت نوُر رہے شرمائیا۔ نیتر رو پیا منصوُر، نیَناں نیِر وہائیا۔ موُسیٰ دھاہ مار کوہ طوُر، اُچی کوُک کوُک سُنائیا۔ عیسیٰ ہو کے کہے مجبوُر، طوبیٰ طوبیٰ بےپرواہیِا۔ محمد کہے پروردِگار بےقصوُر، قسم کھا کے رہیا جنائیا۔ جِس دا سچ سچّا ظہوُر، چار کُنٹ کرے رُشنائیا۔ جِس دے مشورے نال مسیر ہوئے مشہوُر، کُطب غؤش مِلی وڈیائیا۔ تِس دا سب توں وڈّا شعوُر، شہنشاہ داتا بےپرواہیِا۔ چاروں کُنٹ حاضر حضوُر، حضرت اِکو نظری آئیا۔ مَیں در بردا بن مزدوُر، سوہنی سیو کمائیا۔ جوتی جوت سروُپ ہرِ، آپ اپنی کِرپا کر، ساچی کرنی اپنے ہتّھ رکھائیا۔ ویکھ کھیل اگمّی ہرِ دا، چار کُنٹ لئے انگڑائیا۔ وِشن برہما شِو پِھرے ڈردا، سیِس سکے نہ کوئے اُٹھائیا۔ گُر اوتار منتر پِھرے پڑھدا، دُھر دا ڈھولا راگ سُنائیا۔ سَت سَت سَت دِسے کردا، استِ روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، سچّا راہ وکھائیا۔ ویکھ کھیل ہرِ جگت، جُگ خوشی منائیندا۔ ملِے وڈیائی دُھر دے بھگت،

بھگوَن اپنی دَ کمائیندا۔ نِروَیر ہو ویک پرت، پت پرمیشور پھیرا پائیندا۔ اگلا پِچھلا کڈھ فرق، فَیصلہ اِکو وار سُنائیندا۔ جنم کرم دا میٹ ہرکھ، سنسا روگ سوگ چُکائیندا۔ بِن کسوٹیؤں لیا پرکھ، پارکھوُ اِکو نظری آئیندا۔ غریِب نِمانیاں کوجھیاں کملیاں کر کے ترس، رحمت اپنی نال رکھائیندا۔ انتر آتم میگھ برس، جگت اگنی تت بُجھائیندا۔ پوُرب جنم جو رہے تڑپ، کر کِرپا گھر ساچے میل مِلائیندا۔ من واسنا مِٹے بھٹک، سانتک سَت سَت کرائیندا۔ منزل منزل سنت سُہیلا کوئی نہ جائے اٹک، مارگ اِکو اِک وکھائیندا۔ پنچ وِکار دُئی دوَیتی پرے ہٹائے کٹک، کھنڈا کھڑگ نام کھڑکائیندا۔ ہؤمے ہنگتا دیوے جھٹک، چُھری ذِبح ہتّھ اُٹھائیندا۔ ٹھاکر ہو کے کِرپانِدھان دیوے مدد، سِر اپنا ہتّھ ٹِکائیندا۔ جن بھگت بنائے اِک توں عدد، عدل عدالت اِکو اِک وکھائیندا۔ جِس گھر دِسے نہ کوئی تشدد، دوُجا روُپ نہ کوئے وٹائیندا۔ نہ کوئی دیِن نہ کوئی مذہب، مظلوُم نظر کوئے نہ آئیندا۔ سب دا داتا سرب دا گُروُ اِکو شبد، گُردیو سوامی اِک سمجھائیندا۔ جُگ چؤکڑی پِچھوں پربھ ایہو کیِتا غضب، گہر گمبھیِر اپنا نام پرگٹائیندا۔ نہ روُپ نہ ریکھ نہ تت نہ مرد، جوتی جاتا روُپ انوُپ دھرائیندا۔ دیِن ہو کے دُکھیاں ونڈے درد، درد دُکھ بھےَ بھنجن اپنی کار کمائیندا۔ کوُڑی کِریا رہیا ورج، سِر سِر حُکم آپ سُنائیندا۔ جوتی جوت سروُپ ہرِ، آپ اپنی کِرپا کر، سنت سُہیلے سچ اُٹھائیندا۔ ویکھ کھیل سِری بھگوَنت، گھر ساچے وجےّ ودھائیا۔ خوشی مناون گُرمُکھ سنت، ڈھولا راگ الائیا۔ دھنّ بھاگ ابناسی کرتا ملِے کنت، ناری سوہنی سیج ہنڈھائیا۔ تن ماٹی چاڑھے رنگ بسنت، دو جہان اُتر کدے نہ جائیا۔ آتم پرماتم دیوے منت، دُھر دا ڈھولا اِک سُنائیا۔ ملِے وڈیائی وِچ جیِو جنت، جاگرت جوت کرے رُشنائیا۔ گڑھ توڑے ہؤمے ہنگت، ہرِ مندر دئے وکھائیا۔ جِتھے نہ کوئی مُلّا شیخ مسائق پنڈت، شاستر سِمرت وید پُران نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ ویکھ کھیل صاحِب سَتگُر، گرِہ گرِہ وجےّ ودھائیا۔ ہرجن میل مِلاوا میلا کرے دُھر، دُھر مستک ویکھ وکھائیا۔ منتر فُرنا اِکو دسےّ جو رہیا پُھر، فرمانبردار ہو کے سیو کمائیا۔ سچ پریِت پیِا پریِتم جائے جُڑ، جوڑی آتم پرماتم آپ بنائیا۔ کر پرکاش اندھیرے گھور، جوتی نوُر کرے رُشنائیا۔ پکڑ پچھاڑے پنج چور، مایا ممتا موہ مِٹائیا۔ کوُڑی کِریا نہ پاوے شور، جوتی جوت سروُپ ہرِ، آپ اپنی کِرپا کر، گھر مندر اِک سُہائیا۔ ویکھ مندر گھر سوامی، ہرجن ساچا خوشی منائیندا۔ جِس گرِہ شبد انادی

سُنے بانی، بان نِرالا تیِر چلائیندا۔ جِس دا لیکھا کوئی نہ جانے جگت وِدوانی، وِدیا اندر ہتّھ کِسے نہ آئیندا۔ جِس دا لیکھ شاہی لِکھے نہ کوئے کانی، کاتب قلم نہ کوئے چلائیندا۔ جِس دا جلوہ نوُر نوُرانی، تتو تت نہ کوئے وکھائیندا۔ جِس دی گُر اوتار پیِر پَیغمبر گاؤندے گئے کہانی، کہاوت وِچ اپنا نام پرگٹائیندا۔ سو صاحِب سَتگُر پُرکھ اکال کرے مِہروانی، مِہر نظر نرائن اِک اُٹھائیندا۔ جن بھگتاں آب حِیات امرت بخشے ٹھنڈا پانی، نیِر سیِر گہر گمبھیِر مُکھ چوائیندا۔ سچ دربار دیوے پد نِربانی، نِربان پد چرن کوَل وکھائیندا۔ منزل مقصُد رہبر راہ دسےّ آسانی، اصل اپنا بھیو چُکائیندا۔ بِن کربلیوں منظوُر کرے قُربانی، بِن چُھریؤں ذِبح اپنے لیکھے لائیندا۔ بِن مرن توں لہنا دینا چُکائے فانی، فَیصلہ اپنے ہتّھ وکھائیندا۔ بِن قتل گاہ قاتل مقتوُل ویکھے مار دھیانی، نیتر نیَن اکّھ کُھلائیندا۔ جوتی جوت سروُپ ہرِ، آپ اپنی کِرپا کر، ہرجن ساچے ساچے در سُہائیندا۔ ویکھ کھیل ساچے دوار، درگاہ وجّی ودھائیا۔ پرم پُرکھ پربھ کرے پیار، پت پرمیشور ہوئے سہائیا۔ بھگت وچھل گِرور گِردھار، نر نرائن نیَن کُھلائیا۔ سنت سُہیلے گود اُٹھال، گُر چیلے میل مِلائیا۔ لیکھا چُکے اوتھے شاہ کنگال، شہنشاہ اپنا رنگ رنگائیا۔ سچ دھرم دی سچّی دھرمسال، سَت سَتوادی دئے وکھائیا۔ شبدی دِیپک اِکو بال، جوتی جوت جوت رُشنائیا۔ کرے کھیل سِری بھگوان، بھگوَن اپنی کل ورتائیا۔ سچ مُحبّت پیار پریِتی اندر پرم پُرکھ کر پروان، پریمی اپنے گھر وسائیا۔ ساچے در ساچے گرِہ ساچے مندر ساچا ڈھولا گان، گاوت گیِت گوبِند الائیا۔ اِک دوُجے دی کرن پہچان بےپہچان اپنا، پڑدہ دئے اُٹھائیا۔ جِدھر ویکھن نِرگُن نوُر جوت سروُپ سَت سوامی نظری آئے سِری بھگوان، سچ سِنگھاسن پُرکھ ابناسن بَیٹھا ڈیرہ لائیا۔ بھگت وچھل دَیانِدھ ٹھاکر سوامی دیوے اِک فرمان، دُھر سندیسہ اگمّ اتھاہ سُنائیا۔ ساچا محل اٹل اُچ مکان، جن بھگتو تُہاڈا حِصّہ دِتا بنائیا۔ خوشیاں نال وسنا گیِت گاؤنا سوہنگ مہاراج شیر سِنگھ وِشنوُں بھگوان، بھگوان دان دُھر دا جھولی پائیا۔ جوتی جوت سروُپ ہرِ، آپ اپنی کِرپا کر، تُہاڈے نال رکھےّ اپنا اِیمان، اپنے اِیمان نال تُہاڈا دھرم دئے بنائیا۔

۱۷ جیٹھ ۲۰۲۱ بِکرمی گوُڑھا رام دے گرِہ شیخ سر جموُں

کرپا کرے پربھ سَتگُر پوُرا، سَت پُرکھ نِرنجن دَیا کمائیندا۔ چتُر سُگھڑ بنائے موُرکھ موُڑھا، منتر انتر نام دِرڑائیندا۔ کایا چولی رنگ اگمّڑا چاڑھے گوُڑھا، ایتھے اوتھے اُتر کدے نہ جائیندا۔ سگلا سنگ بنائے بن کے سوُرا، سوُربیِر دُھر دا میل مِلائیندا۔ مایا ممتا ہؤمے ہنگتا گڑھ ڈھاہے کوُڑا، سچ سُچ اِک وکھائیندا۔ شبد انادی ناد وجائے تُورا، تُرت اپنا حُکم سُنائیندا۔ سچ پرکاس بخشے نوُرا، جوتی جوت جوت رُشنائیندا۔ سرب کلا بن بھرپوُرا، وست امولک جھولی پائیندا۔ جوتی جوت سروُپ ہرِ، آپ اپنی کِرپا کر، جن بھگتاں جنم ہون نہ دئے ادھوُرا، ہرِ جوُ اپنے لیکھے لائیندا۔ سَتگُر پوُرا سدا سہائک، آد انت وڈیائیا۔ شبد اگمّی دئے ہدایت، دُھر دی کرے پڑھائیا۔ نام نِدھان بخشش کرے عنایت، رحمت جھولی پائیا۔ کوُڑی کِریا کڈھے شریعت، شریعت ساچی وِچ مِلائیا۔ جوتی جوت سروُپ ہرِ، آپ اپنی کِرپا کر، جن بھگتاں کرے سدا حمایت، اہمیّت اپنی دئے دِرڑائیا۔ سَتگُر پوُرا سدا سُہیلا، سنگی ساتھی اِک اکھوائیا۔ جُگ چؤکڑی پِھرے اَکیلا، دو جہاناں نِرگُن نِرگُن نِرگُن پندھ مُکائیا۔ اپنے ہتّھ رکھائے وار تھِت ویلا، گھڑی پل نہ کِسے سمجھائیا۔ جن بھگتاں بن کے سجّن سُہیلا، میل مِلائے چائیں چائنیا۔ جوتی جوت سروُپ ہرِ، آپ اپنی کِرپا کر، گُرمُکھ گُر گُر گود اُٹھائیا۔ سَتگُر پوُرا پاربرہم، پت پرمیشور اِک اکھوائیندا۔ جن بھگتاں وکھائے اپنا دھرم، سد دھرمی دَیا کمائیندا۔ چرن پریِتی بخش کے سرن، سرنگت اِک دِرڑائیندا۔ نیتر کھول ہرن پھرن، ہِردے اپنا روُپ وسائیندا۔ لہنا دینا چُکا مرن ڈرن، بھےَ بھیانک ڈیرہ ڈھاہِندا۔ جوتی جوت سروُپ ہرِ، آپ اپنی کِرپا کر، سنت سُہیلا ویکھ وکھائیندا۔ سَتگُر پوُرا ایکنکار، اکل کلا اکھوائیا۔ جُگ جنم دیوے پَیج سوار، سِر اپنا ہتّھ ٹِکائیا۔ لیکھا جانے موُرکھ مُگدھ گوار، بُدھ ہیِن دئے وڈیائیا۔ ساچی سِکھیا سِکھائے اپر اپار، اپرمپر کرے پڑھائیا۔ میِت پیارا بن کے سجّن یار، سُہیلا ہو کے صدا دئے لگائیا۔ اُٹھ گاوت گیِت گا اِک مُرار، مُرلی تن رباب وجائیا۔ میرے اندروں نِکلے سچّی دُھنکار، انحد نادی راگ سُنائیا۔ جوتی جوت سروُپ ہرِ، آپ اپنی کِرپا کر، گُرمُکھ دئے وڈیائیا۔ گُرمُکھ گا گیِت سویہلا، ہرِ سَتگُر آپ سمجھائیندا۔ تیرا چُکے پردہ اوہلا، مُکھ نقاب نہ کوئے ٹِکائیندا۔ سچ نام دا سوہنا بولا، انبولت آپ سُنائیندا۔ تُوں میرا مَیں تیرا وِچولا، میلنہار اِک اکھوائیندا۔ جوتی جوت سروُپ ہرِ، آپ اپنی کِرپا کر، ہرجن

ساچے رنگ رنگائیندا۔ ساچا رنگ چاڑھ مجیٹھ، سوہنی بنت بنائیا۔ دھام وکھا اِک انڈیِٹھ، اگمّڑی رُت سُہائیا۔ ٹھاکر ہو کے وس چیِت، چیتن روُپ وٹائیا۔ ناتا توڑ مندر مسیِت، سوہنا بنک سُہائیا۔ بھگت بھگوان دُھر دی ریِت، نہ کوئی میٹے میٹ مِٹائیا۔ ہسدیاں ہسدیاں مانَس جنم جانا جیِت، خوشی غمی اِکو گھر دسائیا۔ جوتی جوت سروُپ ہرِ، آپ اپنی کِرپا کر، دیونہارا ساچی بھیِکھ، بِھچِھیا اپنا نام جھولی پائیا۔ سَتگُر پوُرا پائے بِھچھا، بِھکھک دَیا کمائیندا۔ ایتھے اوتھے کرے رچھا، رچھک ہو کے سِر اپنا ہتّھ ٹِکائیندا۔ سَت سَتوادی آتم انتر سُنائے قِصّہ، قِسمت کایا وِچوں بدلائیندا۔ روُپ رنگ ویکھن نوُں دِسے نِکاّ، وڈّیا وِچوں وڈّا وڈ داتا اِکو نظری آئیندا۔ جِس دا آد جُگاد جُگ چؤکڑی سَت دھرم دا چلے سِکّہ، دو جہاناں حُکم منائیندا۔ سوہنا بھاگاں والا مستک لائے ٹِکاّ، جِس دی ریکھ نہ کوئے مِٹائیندا۔ سچکھنڈ دوار وکھائے جِتھے نہ کوئی لائے گارا اِٹّاں، جگت مزدوُر سیو نہ کوئے کمائیندا۔ جوتی جوت سروُپ ہرِ، آپ اپنی کِرپا کر، جن بھگتاں سچ پریِتی دا پریِتم اِکو وار کڈھے سِٹّا، جِس دا انت کوئے نہ آئیندا۔ پیار وِچ مِتر پیارا مِتّا، پریم وِچ پرم پُرکھ اکھوائیندا۔ ہِتکار وِچ اندر باہر کرے ہِتا، ہِت وِچوں ابناسی اچُتا نظری آئیندا۔ ابناسی ہو کے کھیل کرے نِت نوِتا، جُگ چؤکڑی ویس وٹائیندا۔ جن بھگتاں ساچے سنتاں بن کے دُھر دا پِتا، پوُت سپوُت اپنی گود اُٹھائیندا۔ رس امرت دیوے مِٹھا، پِھکا روُپ نہ کوئے جنائیندا۔ ایہو کھیل سدا سدا سد انڈِٹھا، جگ نیتر نظر کِسے نہ آئیندا۔ جوتی جوت سروُپ ہرِ، آپ اپنی کِرپا کر، آپے جانے اپنی بِدھا، وِدھ ناتا اپنا اپنے نال جُڑائیندا۔ مہاراج شیر سِنگھ وِشنوُں بھگوان، بخشش وِچ وڈّا داتا، رحمت وِچ رحیِم نظری آئیندا۔ جِنہاں گُرمُکھاں منّیا شبدی آکھا، تِنہاں پدوی اِک وکھائیندا۔ جِتھے نہ کوئی انّھا نہ سُجاکھا، نیتر اکّھ نہ کوئے مٹکائیندا۔ اِکو اِک پُرکھ سمراتھا، سچ سِنگھاسن سوبھا پائیندا۔ جن بھگتاں میل مِلا کے گاوے خوشیاں گاتھا، سوہنگ راگ سُنائیندا۔ اوہناں گُرمُکھاں کاہدا گھاٹا، جِنہاں پاربرہم پت پرمیشور اپنی گود اُٹھائیندا۔ مہاراج شیر سِنگھ وِشنوُں بھگوان، نِرگُن سروُپ بنیا راکھا، پرِتپالک ہو کے بالکاں اُپر اپنی نظر اُٹھائیندا۔

۱۷ جیٹھ ۲۰۲۱ بِکرمی گُرا رام دے گرِہ پِنڈ سرداری جموُں

مہروان ہو کے آیا پربھ آپ، سو صاحِب سَتگُر پھیرا پائیندا۔ دَیاوان ہو کے جپائے اِکو جاپ، آتم پرماتم بوُجھ بُجھائیندا۔ بھگت وچھل ہو بخشے اگمّی دات، وست امولک جھولی پائیندا۔ پرکاسوان ہو کے میٹے اندھیری رات، اندھ اندھیرا دوُر کرائیندا۔ بودھ اگادھا ہو کے دسےّ سچّی گاتھ، سوہنگ ڈھولا راگ سُنائیندا۔ پت پرمیشور ہو کے بنے پِت مات، بھگت بھگوَنت پوُت سپوُتے گود اُٹھائیندا۔ شاہ پاتشاہ ہو کے چرن کوَل بندھائے نات، سرن سرنائی اِک جنائیندا۔ نِرگُن نِروَیر نِراکار ہو کے پاربرہم برہم دسےّ سچّی ذات، ورن گوت اوُچ نیِچ ونڈ نہ کوئے ونڈائیندا۔ لوک پرلوک برہمنڈ کھنڈ ویکھ سچ دوار دسائے ہاٹ، چؤداں لوک چؤداں طبق پڑھائیندا۔ گُپت ظاہر باطن کرے بات، انحد نادی ناد سُنائیندا۔ سچ کنارہ پتن ویکھے کنڈھی گھاٹ، نئیا نؤکا اپنا نام جنائیندا۔ دیِن دَیال ہو کے پُچھنہارا وات، واسطہ اپنے نال جُڑائیندا۔ انبھوَ دھاری ہو کے رہیا بھاکھ، لکّھ چؤراسی کھوج کھوجائیندا۔ گُر اوتار پیِر پَیغمبر سَتجُگ تریتا دواپرکلجُگ جو گئے آکھ، آخر سب دا لیکھا جھولی پائیندا۔ کرے کھیل بن سوانگی نٹوُآ ناٹ، منڈل راسی راس رچائیندا۔ سیج سُہائے سُہنجنی بِن پاوا چوُل کھاٹ، انتر آتم سوبھا پائیندا۔ دیوے وڈیائی ہرجن گُرمُکھ وڈ وڈ بھاگ، رُت رُتڑی آپ سُہائیندا۔ گرِہ مندر گھر دِیپک جگے چِراغ، بِن تیل باتی ڈگمگائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سجّن سُہیلے آپ مِلائیندا۔ سجّن سُہیلے مِلاونہارا، پڑدہ اوہلا آپ چُکائیا۔ ویکھے وِگسے ویکھنہارا، دوُر دُراڈا نیرن نیرا روُپ وٹائیا۔ انتر آتم کرنہار پیارا، پرماتم پریِتم ہو کے ویس وٹائیا۔ محل اٹل دیونہار سہارا، ساڈھے تِنّ ہتّھ کایا بنک کھوج کھوجائیا۔ نام سوداگر بن ونجارا، شبد امولک ہٹّ چلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِروَیر اپنا روُپ دھرائیا۔ نِروَیر ہو کے آیا پربھ، پاربرہم پربھ ویس وٹائیندا۔ سنت سُہیلے لئے لبھ، جیِو جنت کھوج کھوجائیندا۔ گھر سوامی وجائے ند، دُھر دا راگ الائیندا۔ کوُڑی کِریا وِچوں کڈھ، سچ پریِتی جوڑ جُڑائیندا۔ کر پرکاش کایا ہڈّ، جوتی جاتا ڈگمگائیندا۔ امرت جام پیائے مدھ، بِن رسنا رس چکھائیندا۔ ساچے مندر آپے لنگھ، گھر گھر وِچ ویکھ وکھائیندا۔ آتم سیج اگمّی پلنگ، ابناسی کرتا ڈیرہ لائیندا۔ نہ کوئی سوُرج نہ کوئی چند، نوُرو نوُر نوُر رُشنائیندا۔ ایتھے اوتھے دئے اِک انند، انند انند وِچ سمائیندا۔ کِرپا کر سوُرا سربنگ، سِر

اپنا ہتّھ ٹِکائیندا۔ جن بھگتاں چولی دئے رنگ، رنگ رنگیِلا اِک چڑھائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ بھگت وچھل آیا بھگوَنت، بھگوَن دَیا کمائیا۔ جِس دی مہما آد جُگاد صِفت سُناؤندے گرنتھ، شاستر سِمرت راگ الائیا۔ جِس نوُں دیِن مذہب منّدے پنتھ، اِشٹ دیوَ سوامی کہہ کہہ سیِس نِوائیا۔ جِس دی اوٹ رکھّدے سنت، آپ اپنا بھیٹ چڑھائیا۔ جِس نوُں گُرمُکھ کہِندے دُھر دا کنت، شاہ پاتشاہ سچّا شہنشاہیِا۔ جِس نوُں گُرسِکھ کہِندے بناوے بنت، گھڑن بھنّنہار وڈّی وڈیائیا۔ جِس دا لیکھا لکّھ چؤراسی جیِو جنت، انڈج جیرج اُتبُھج سیتج رہیا سمائیا۔ جِس دوارے وِشن برہما شِو بنے منگت، در بَیٹھے الکھ جگائیا۔ جِس دواریوں گُر اوتار پیِر پَیغمبر بودھ اگادھے بنن پنڈت، دُھر دا راگ ناد شنوائیا۔ جوتی جوت سروُپ ہرِ، آپ اپنی کِرپا کر، سو سوامی کھیل کرائیا۔ سو سوامی آیا جگ، جگ جیِون داتا ناؤں دھرائیندا۔ جن بھگتاں واسا کر اُپر شاہ رگ، گھر ساچے میل مِلائیندا۔ جنم جنم دی بُجھائے اگّ، کرم کرم دا روگ گوائیندا۔ نؤ دوارے پار حد، گھر مندر اِک وکھائیندا۔ جوتی جوت سروُپ ہرِ، آپ اپنی کِرپا کر، جن بھگتاں ویکھ وکھائیندا۔ بھگت تارنہار پربھ آپ، نِرگُن دَیا کمائیا۔ جُگ چؤکڑی پِچھوں پرماتم ہو کے بنے باپ، پِتا ہو کے گود سُہائیا۔ نِرگُن ہو کے دسےّ جاپ، سوہنگ ڈھولا اِک سمجھائیا۔ داتا ہو کے بخشے دات، دَیاوان جھولی آپ بھرائیا۔ ساچی نئیا بیڑے چاڑھ جہاز، نِرگُن اپنے کندھ اُٹھائیا۔ ایتھے اوتھے رکھّ لاج، جوتی جوت سروُپ ہرِ، آپ اپنی کِرپا کر، ہرجن ساچے رہیا جگائیا۔ ہرجن جگائے شبدی دھار، سہج سہج اُٹھائیا۔ انتر آتم کر پیار، پرماتم ویکھ وکھائیا۔ نِرگُن سرگُن دئے آدھار، نِروَیر کھیل کھلائیا۔ جیِو جنت نہ پاوے سار، بھرمے بُھلے سرب لوکائیا۔ گُرمُکھ وِرلا جِس بخشے چرن کوَل اُپر دھول اِک پیار، پریِتی نیِتی اِک دِرڑائیا۔ جوتی جوت سروُپ ہرِ، آپ اپنی کِرپا کر، سچّا مارگ اِک وکھائیا۔ سچّا مارگ رہیا دسّ، دردی درد ونڈائیا۔ پرگٹ ہو پُرکھ سمرتھ، صاحِب پھیرا پائیا۔ گُرمُکھاں کھول اپنی اکّھ، آخر بوُجھ بُجھائیا۔ امرت جھِرنا دُھر دا رس، بوُند سوانتی مُکھ چوائیا۔ سَت سنتوکھ دھیِرج جت، ہٹھ روُپ دئے وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ مِہر نظر کرے پاربرہم، نیتر نیَن نیَن اُٹھائیا۔ جن بھگتاں لیکھے لائے کرم، نِہکرمی ہوئے سہائیا۔ سچ جناوے اِکو دھرم، سَت سَتوادی دُھر دی بوُجھ بُجھائیا۔ لیکھا چُکے ورن برن، چار اٹھاراں ونڈ نہ کوئے ونڈائیا۔ پُرکھ اکال سب دی سرن،

سرن گت اِک اکھوائیا۔ سنت سُہیلے پلّوُ پھڑن، گُر چیلے میل مِلائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ وڈیائی وڈّا دیونہارا، آد جُگادی کھیل کرائیندا۔ جِس دا انت نہ پاراوارا، بےانت ناؤں دھرائیندا۔ جو جُگ چؤکڑی کھیل ویکھنہارا، نِرگُن سرگُن سرگُن نِرگُن اپنی کار کمائیندا۔ جو نِت نوِت گُر اوتار پیِر پَیغمبر لئے اوتارا، لکّھ چؤراسی جیِو جنت سادھ سنت آپ سمجھائیندا۔ جو شبد اناد بولنہار جَیکارا، صِفتی صِفتی ناؤں پرگٹائیندا۔ جو شاستر سِمرت وید پُران بنے لِکھارا، اکھّر اکھّر جوڑ جُڑائیندا۔ جو واک بھوِکھت دسّنہارا بھیو نیارا، انبھوَ اپنی کار کمائیندا۔ جو جوتی جاتا پُرکھ بِدھاتا وسنہارا دھام نیارا، سچکھنڈ ساچے سوبھا پائیندا۔ سو صاحِب سمرتھ کلجُگ انتم کھیل کرے نیارا، نِراکار بھیوَ ابھیدا اپنا آپ کُھلائیندا۔ بھگتاں دیوے بِن بھگتی سہارا، آتم شکتی شخصیّت اپنے نال مِلائیندا۔ پریم پریِتی اندر بن ونجارا، در در گھر گھر پھیری پائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ ساچی کرنی کرے کرتار، کرنہار دَیا کمائیندا۔ بھگت جناں سچ پرِتپال، پرِتپالک ہو کے سیو کمائیندا۔ کوئے نہ جانے اپنی گھال، بن دلال میل مِلائیندا۔ اگلا پِچھلا دسّ احوال، حقیِقت حق وِچوں پرگٹائیندا۔ گود اُٹھا چھوٹے ننھے نِکے بال، بالک اپنی اُنگلی لائیندا۔ سچ وکھا سچّی دھرمسال، دھرم دوارا اِک سُہائیندا۔ مارگ دیوے دُھر سُکھال، اؤجھڑ راہ نہ کوئے پائیندا۔ جِس دی جُگ چؤکڑی گُر اوتار کردے گئے بھال، نیتر نیَن نیَن سرب اُٹھائیندا۔ سو پرگٹ ہو کے کھیل کرے دیِن دَیال، دیِناں اناتھاں ناتھ ہو کے گلے لگائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ ساچی کرنی کرے گوبِند، گہر گمبھیِر وڈّی وڈیائیا۔ جن بھگتاں میٹ کوُڑی چِند، چِنتا چِکھا دِتی جلائیا۔ شبد انادی بنا بِند، سُت اپرادھی لئے اُٹھائیا۔ لیکھا جانے جیؤ پِنڈ، برہمنڈ کھوج کھوجائیا۔ نام ستار وجائے دُھر دی کِنگ، تندی تند ستار نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل گہر گمبھیِر گُنی گہِند، گوَر اپنا حُکم ورتائیا۔ گہر گمبھیِر وڈ ڈوُنگھا ساگر، شاہ پاتشاہ اِک اکھوائیا۔ سچ سروور جن بھگتاں نِرمل کرم کرے اُجاگر، دُرمت مَیل دھوائیا۔ ایتھے اوتھے اَگے پِچھے نِرگُن سرگُن دیوے آدر، عدالت دُھر دی دئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔

۱۸ جیٹھ ۲۰۲۱ بِکرمی سردارا سِنگھ دے گرِہ پِنڈ سرداری جموُں

بھگوان کہے مَیں سیوادار، جُگ جُگ جن بھگتاں سیو کمائیندا۔ نِت نوِت لےَ اوتار، ویس انیکا روُپ وٹائیندا۔ سَت سَتوادی مارگ سچ سِکھال، سِکھیا دُھر دی اِک پڑھائیندا۔ لکّھ چؤراسی جیِو جنت وِچوں اُٹھال، پردہ اوہلا میٹ مِٹائیندا۔ دوُر دُراڈا نیرن نیرا ہو کے پُچھاں حال، انتر آتم کھوج کھوجائیندا۔ بال انجانے پھڑ اُٹھاواں سچ وکھاواں سچّی دھرمسال، در دوارا اِکو اِک جنائیندا۔ سَتجُگ تریتا دواپرکلجُگ چلاں نال نال، جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ بھگوان کہے مَیں بھگتاں جوگا، جگ جیِون داتا ناؤں دھرائیا۔ پنج تت کایا چولا چوغا، چولی اپنی رنگ وکھائیا۔ شبدی ہو کے دیواں ہوکا، دُھر دا ناؤں سُنائیا۔ مان دواواں چؤداں لوکاں، پرلوک دیاں وڈیائیا۔ ساچی بخشاں چرن اوٹا، سِر اپنا ہتّھ ٹِکائیا۔ جیِو جنت وِچوں ویکھاں کھرا کھوٹا، نام کسوٹی اُپر لگائیا۔ نام پدارتھ دیواں بہُتا، جگت دَھن نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، ساچا مارگ اِک درِشٹائیا۔ بھگوان کہے مَیں بھگتاں میِت، مِتر پیارا اِک اکھوائیندا۔ پنج تت کایا کراں ٹھنڈی سیِت، اگنی تت بُجھائیندا۔ سچ سُناواں سوہنگ گیِت، دوُجا راگ نہ کوئے الائیندا۔ بن سوامی وساں چیِت، چیتن سُرتی آپ وکھائیندا۔ اچرج دسّاں دُھر دی ریِت، سچ پریِت اِک بنائیندا۔ جوتی جوت سروُپ ہرِ، آپ اپنی کِرپا کر، سدا سُہیلا دَیا کمائیندا۔ بھگت کہے پربھ تیری اوٹ، بھگوَن تیری سرنائیا۔ میرا نوُر نوُرانی تیری جوت، روُپ انوُپ تیرا نظری آئیا۔ میرا کایا بنک تیرا کوٹ، گھر مندر دِتا سُہائیا۔ تیرا نام میرا سلوک، سوہنا ڈھولا راگ الائیا۔ تیرے پریم پیار اندر موہت، مُحبّت تیرے نال لگائیا۔ تیرے چرن ملِے مؤج، مجلس ہور نہ کوئے جنائیا۔ جوتی جوت سروُپ ہرِ، آپ اپنی کِرپا کر، سچ مارگ دینا جنائیا۔ بھگت کہے پربھ تیرا صدقہ، ہؤں واری گھولی گھول گھُمائیا۔ لیکھا جانے پوُرب جنم دا، کرم اپنے لیکھے پائیا۔ لہنا دینا چُکائے مرن کا، بھانڈا بھرم بھؤ بھنّائیا۔ لہنا دینا دیویں ساچی سرن کا، سرنارتھی اپنی گود اُٹھائیا۔ مارگ دسّیں منزل چڑھن کا، جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیا۔ بھگت کہے موہے تیرا بھرواسا، سرنگت تیری سرنائیا۔ جنم جنم دی پوُری کر دے آسا، ہؤمے ترِسنا میٹ مِٹائیا۔ در درویش گھر ہوئے نہ کوئے نِراسا، نر نرائن تیری وڈّی وڈیائیا۔ وست اگمّ اتھاہ بےپرواہ پریم پریِتی بخش داتا، دَیاوان دَیا کمائیا۔

اندر باہر گُپت ظاہر رسنا جِہوا بتّی دند گاواں تیری گاتھا، منتر اِکو اِک کراں سچ پڑھائیا۔ بِن تیری کِرپا تیرا روُپ نہ کِسے پچھاتا، بےپہچان نظر کِسے نہ آئیا۔ سچ سچ تُونہی پِتا تُونہی ماتا، ہؤں بالک روُپ سکھائیا۔ جوتی جوت سروُپ ہرِ، آپ اپنی کِرپا کر، ساچا بخشیں اِکو ناتا، دُھر دا میلا میل مِلائیا۔ بھگوان کہے مَیں بناں سنگ، دوُجا سنگی نہ کوئے بنائیا۔ بھگت کہے مَیں لاگاں انگ، انگیکار اِکو اِک اکھوائیا۔ سِری بھگوان کہے مَیں وجاواں مردنگ، دُھن آتمک راگ الائیا۔ بھگت کہے مَیں ماناں انند، انند انند تیرے وِچوں نظری آئیا۔ سِری بھگوان کہے مَیں ٹُٹی دیواں گنڈھ، گنڈھنہار گوپال سوامی ناؤں دھرائیا۔ جن بھگت کہے مَیں گاواں تیرا چھند، تُوں میرا سچّا ماہیِا۔ سِری بھگوان کہے مَیں دیِن دَیال سدا بخشند، بخشش اپنی اِک ورتائیا۔ جن بھگت کہے مَیں در دوار منگاں دُھر دی منگ، مانگت ہو کے جھولی ڈاہیِا۔ سِری بھگوان کہے مَیں لیکھ چُکاواں کھنڈ برہمنڈ، پُری لوء آکاش پندھ مُکائیا۔ جن بھگت کہے مَیں سچ دوار تیرا ویکھا لنگھ، اَدھ وِچکار نہ کوئے اٹکائیا۔ سِری بھگوان کہے میرا پرکاش نہ کوئی سوُرج نہ کوئی چند، جوتی جوت جوت رُشنائیا۔ جن بھگت کہے مَیں ویکھاں سُہنجنی ٹھنڈ، اگنی تت نہ کوئے تپائیا۔ جوتی جوت سروُپ ہرِ، آپ اپنی کِرپا کر، مان دینا تھاؤں تھائنیا۔ جن بھگت کہے مَیں ویکھاں دربارا، درگاہ تیری پھیری پائیا۔ سِری بھگوان کہے میرا اوتھے اِک اُجیارا، دیِا باتی نظر کوئے نہ آئیا۔ جن بھگت کہے مَیں بولاں سچ جَیکارا، تُونہی تُوں راگ الائیا۔ سِری بھگوان کہے مَیں کراں سچ پیارا، پھڑ باہوں گلے لگائیا۔ دوہاں مِل کے نِرگُن روُپ بنے نِرنکارا، نِروَیر اپنی کھیل کِھلائیا۔ جُگ چؤکڑی پِچھوں لوکمات پربھ کرے آپ بِوہارا، بِوہاری ہو کے پھیرا پائیا۔ آد جُگاد جِس دا انت نہ پاراوارا، بےانت کھیل کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھگت بھگوَنت لگائے لڑ، پلّوُ اپنے نال بندھائیا۔ بھگت بھگوان کرے مِلاپ، مِہروان دَیا کمائیندا۔ بِن بھگتاں سوہنگ کِسے نہ جپیا جاپ، سَتجُگ تریتا دواپرکلجُگ گُر اوتاراں پیِر پَیغمبراں اکھّری نام پڑھائیندا۔ کِسے نہ بُجھیا آپا آپ، اپنے وِچوں وڈ پرتاپی نظر کِسے نہ آئیندا۔ کوئے نہ مِلیا پربھ دی ذات، پاِکی پاک نہ کوئے اکھوائیندا۔ کلجُگ انت سِری بھگوَنت جِنہاں بھگتاں دِتا دُھر دا ساتھ، بن سنگی سگلا سنگ نِبھائیندا۔ دوُر دُراڈا ویکھن آیا کنڈھی گھاٹ، پابندی اَگے نہ کوئے رکھائیندا۔ وڈّی چھوٹی

نِکیؤں نِکی سب توں چنگی اوہ ذات، جِس ذات وِچ اپنا نوُر درسائیندا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، ویکھنہارا سچ باغات، باغیچہ گُلشن گُرمُکھ گُرسِکھ ویکھ خوشی منائیندا۔

۱۸ جیٹھ ۲۰۲۱ بِکرمی بسو دیوی دے گرِہ پِنڈ سرداری جموُں

جن بھگت کہے سُن بھگوان، نِرگُن اپنا دھیان لگائیا۔ ہؤں بالی بُدھ انجان، موُرکھ مُگدھ نظری آئیا۔ کِس بِدھ سانوُں بخشیں مان، سِر اپنا ہتّھ ٹِکائیا۔ کَون وست دیویں دان، امولک اِک ورتائیا۔ جگت نیَن تَینوُں نہ سکے پہچان، من مت سمجھ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دے کُھلائیا۔ جن بھگت کہن پربھ دسّیئے کی، سمجھ وِچ کُچھ نہ آئیا۔ کِس سہارے رہے جی، جیِوت جیِون جنم تیرے لیکھے پائیا۔ پوُرب جنم کی بیِجیا بی، پھل کَون رہیا وکھائیا۔ کِس بِدھ ناتا جُڑیا ساڈھے تِنّ ہتّھ کایا سیں، گھر مندر سوبھا پائیا۔ کَون پریم پیالہ لیا پی، مدُھر رس اِک چکھائیا۔ کَون پریِتی گئے تھی، اپنا آپ لُٹائیا۔ جوتی جوت سروُپ ہرِ، آپ اپنی کِرپا کر، سچ سچ دے سمجھائیا۔ سچ دسّ پُرکھ اکال، تیرے اَگے عرضوئیا۔ کِس بِدھ بنے تیرے لال، ناتا سچ جُڑائیا۔ جگت غریِبی دِسیئے کنگال، وست ہتّھ نہ کوئے رکھائیا۔ دؤلت خزانہ نہ دَھن مال، محل اٹل نہ کوئے وڈیائیا۔ مالا تسبیح نہ کوئی مِرگچھال، آسن سِنگھاسن نہ کوئے سُہائیا۔ پوُجا پاٹھ ہوَن نہ کوئے وِچار، تِلک للاٹ نہ کوئے لگائیا۔ سنکھ ناد نہ کوئے آواز، آرتی روُپ نہ کوئے وکھائیا۔ گیروُ کپڑے نہ کوئی سنت سادھ، مٹی خاک نہ کوئے رمائیا۔ صُبح شام نہ تیری یاد، رسنا جِہوا بتّی دند صِفت نہ کوئے صالاحیِا۔ جوتی جوت سروُپ ہرِ، آپ اپنی کِرپا کر، کِس بِدھ لہنا رہیا چُکائیا۔ جن بھگت کہن پربھ ہوئی حَیرانی، سوچ سمجھ رہی نہ رائیا۔ گھر گھر دِسے کوُڑ شیَطانی، شرع کرے لڑائیا۔ سُرت سوَانی بال نادانی، تیری سمجھ نہ پائیا۔ امرت مِلیا نہ ٹھنڈا پانی، نِجھر رس نہ کوئے چکھائیا۔ بھیو چُکیا نہ چارے کھانی، بانی سمجھ نہ کوئے سمجھائیا۔ ایسے کارن ہوئی پریشانی، پسچاتاپ رہیا ستائیا۔ جوتی جوت سروُپ ہرِ، آپ اپنی کِرپا کر، سچّا دینا اِک ور، کِس بِدھ میلا رہیا مِلائیا۔ سِری بھگوَنت ہو خوشحال، خوشیاں نال جنائیندا۔ سُن میرے لاڈلے لال، ہرِ لالن دَیا کمائیندا، جِس اُپر

ہوواں آپ کِرپال، مِہر نظر اُٹھائیندا۔ اپنی بخش دیواں دؤلت نام سچّا دَھن مال، پریم خزینہ اِک بھرائیندا۔ ساچی گھالن لواں گھال ، گھول گھُمائی اپنا بھیٹ چڑھائیندا۔ اندر وڑ کے وساں نال، ہردم اپنا رنگ رنگائیندا۔ ایہو میری اَولّڑی چال، جن بھگتاں دَیا کمائیندا۔ اٹھسٹھ تیِرتھ نہ دیواں نُہال، جوگ ابھیاس نہ کوئے کرائیندا۔ رسنا جِہوا نہ پوُجا پاٹھ، تسبیح مالا نہ گل لٹکائیندا۔ آلس نِندرا نہ دیواں رات، دِوس ونڈ نہ کوئے ونڈائیندا۔ جِس ولّ مِہر نظر کر کے لواں جھاک، اگلی پِچھلی جھاکی آپ جنائیندا۔ بند کِواڑا کھول کے تاک، پڑدہ دُئی دوَیت اُٹھائیندا۔ باطن دسّاں اپنی بات، بیِتی کہانی آپ سمجھائیندا۔ چرن پریِتی بخش کے دات، وڈّی بھگتی آپ کرائیندا۔ جوتی جوت سروُپ ہرِ، آپ اپنی کِرپا کر، اپنا کھیل آپ وکھائیندا۔ ساچی بھگتی سَتگُر چرن، آد جُگاد سمجھائیا۔ ساچی وِدیا گُرمُکھ پڑھن، اِکو نام دِھیائیا۔ ساچی منزل سنت سُہیلے چڑھن، اپنا پندھ مُکائیا۔ جن بھگتاں کِرپا کر کے پُرکھ اکال لوکمات آوے کھڑن، نِرگُن نِروَیر ویس وٹائیا۔ ناتا توڑ ذات پات ورن برن، ساچی سرن اِک سمجھائیا۔ جو گُرسِکھ سوہنگ مہاراج شیر سِنگھ وِشنوُں بھگوان ڈھولا پڑھن، تِنہاں منزل پندھ دو جہاناں لیا مُکائیا۔

۱۸ جیٹھ ۲۰۲۱ بِکرمی نانک چند دے گرِہ پِنڈ سرداری جموُں

جن بھگتو جُگ جنم دی پوُری ہوئی بھگتی، سِری بھگوان لیکھے لائیندا۔ گُر اوتار پیِر پَیغمبر سمت اِکیویں تکّدے رہے برسی، صدیاں وِچ سدّا دے دے سرب سُنائیندا۔ جِس ویلے کِرپا کرے سِری بھگوان داتا دُھر دا عرشی، عرش قُرص اپنے لیکھے لائیندا۔ روُپ وٹائے نِرگُن نِروَیر نِراکار فرشی، فَیصلہ اپنے ہتّھ رکھائیندا۔ مان دِواوے وڈّے وڈ کر نالوں نرسی، ساچی ہُنڈی اِکو ہتّھ پھڑائیندا۔ دو جہاناں پلّے بنّھے خرچی، خَیرخواہ ہو کے پوُری خواہش وکھائیندا۔ نؤ سؤ چُرانوے چؤکڑی جُگ پِچھوں تھوڑیاں گُرمُکھاں دی نِکلی پرچی، باقی پرچہ حل نہ کوئے کرائیندا۔ دیِنا بندھوُ دیِن دَیال ہو کے ہویا دردی، دردیاں دُکھ ونڈائیندا۔ جِس دی وید ویاس عیسیٰ محمد گوبِند پا کے گئے عرضی، سو آرزوُ سُننہار ویس وٹائیندا۔ آد جُگاد چل کے آیا دُھر دا قرضی، مقروُض جن بھگتاں لہنا جھولی آپ ٹِکائیندا۔ پُرکھ اکال دیِن

دَل کھیل کدے نہ کرے فرضی، حق حقیِقت وِچوں آپ وکھائیندا۔ جن بھگتو بِن بھگتیؤں تُہاڈی پوُری کیِتی مرضی، جنم مرن دی مرض گوائیندا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیندا۔ جن بھگت تیرا چُکیا جھیڑا، جھگڑا مُکا لوکائیا۔ اُجڑیا وسیا تیرا کھیڑا، کھِڑکی بند کُھلائیا۔ جِتھے ناتا جُڑے تیرا میرا، ہووے نہ کدے جُدائیا۔ پریم پیار دا سدا کُھلا ویہڑا، چار دیواری بند نہ کوئے وکھائیا۔ نہ کوئی سنجھ نہ سویرا، سوُرج چند نہ کوئے رُشنائیا۔ نہ کوئی دوُر نہ کوئی نیڑا، پاندھی پندھ نہ کوئے مُکائیا۔ کوہلوُ چکّی چکّ نہ کوئے گیڑا، آون گَون نہ کوئے بھوائیا۔ پُرکھ اکال دَیاوان ہو کے کرے مِہراں، مِہر نظر اِک اُٹھائیا۔ جِدھر ویکھو نظری آئے سِری بھگوان نِرگُن نِروَیر دُھر دا شیرا، شیر دلیر اپنا ناؤں دھرائیا۔ جوتی جوت سروُپ ہرِ، آپ اپنی کِرپا کر، ہرجن ساچے پار لنگھائیا۔ جن بھگتو چُھٹا جگ، لیکھا مُکیا جگت لوکائیا۔ مِلیا میل سوُرے سربگ، سرب کل داتا ویکھ وکھائیا۔ مات گربھ پھیر نہیں پَینا اگّ، نؤ اٹھاراں کُنڈ نہ کوئے رکھائیا۔ جنم کرم دی مُکی حد، کوُڑی کِریا ڈیرہ ڈھاہیِا۔ لیکھے لگّا کایا ماٹی ہڈّ، جو جن نیتر نیَن درشن پائیا۔ اَگے رہن نہ دیوے اڈّ، جگت وچھوڑا دئے چُکائیا۔ ایسے کارن غریِب نِمانے رہیا سدّ، ہوکا دیوے بےپرواہیِا۔ بھگتاں وِچوں بھگتی لئی لبھ، بِن بھگتیؤں بھگت دِتے ترائیا۔ ایہو وڈیائی رہے جگ، جگ جیِونداتا ہوئے سہائیا۔ بِن مکّے کعبیوں کرایا حج، بِن حُجریوں حق وکھائیا۔ بِن تند رباب وجایا ند، اگمّی راگ سُنائیا۔ گُرمُکھو گُرسِکھو ساچے مندر وڑنا بھجّ، اَدھ وِچکار نہ کوئے اٹکائیا۔ مرن توں پِچھوں سرِشٹی رووے جگ، گُرمُکھاں وجےّ ودھائیا۔ سچّا دِیپک جائے جگ، جوتی جوت جوت رُشنائیا۔ جوتی جوت سروُپ ہرِ، آپ اپنی کِرپا کر، ہرجن لہنا رہیا چُکائیا۔ جن بھگت تیرا مُکیا پندھ، پُرکھ اکال ہوئے سہائیا۔ کوُڑی کِریا ناتا ٹُٹا گند، ہؤمے ہنگتا نہ کوئے لڑائیا۔ نِرگُن مِل کے سرگُن گایا چھند، سوہنگ ڈھولا راگ الائیا۔ جِس وِچوں مِلیا پرمانند، نِجانند ہوئے رسائیا۔ بِن جل دھارا پئے ٹھنڈ، بوُند سوانتی مُکھ چوائیا۔ جگت اندھیرے چاڑھ کے چند، ساچا نوُر کیِتا رُشنائیا۔ گھر سجّن سوامی آیا لنگھ، بنک دَواری لنکا گڑھ تُڑائیا۔ جِس رام دی رام کر کے گیا منگ، مانگت ہو کے جھولی ڈاہیِا۔ سو صاحِب سَتگُر پُرکھ اکال دیِن دَیال سیج سُہنجنی بَیٹھ پلنگ، آسن سِنگھاسن سوبھا پائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، جن بھگت ترائے گھر گھر، گھر وِچ گھریلوُ بن کے پھیرا پائیا۔

۱۸ جیٹھ ۲۰۲۱ بِکرمی رام لال دے گرِہ پِنڈ سرداری جموُں

جن بھگت تیری سوہے کُلیّ، کُلونتا آپ سُہائیندا۔ جِتھے مارگ لگّی وِچھڑی آتما روُح بُھلی، در ساچا اِک جنائیندا۔ پنج تت کایا اندر وڑ کے سِنمل وانگ نہ ہُلی، پتّ ڈالی پُھل آپ مہکائیندا۔ جگت اندھیری کوُڑی جھُلی، چار کُنٹ اندھیرا چھائیندا۔ دھنّ وڈیائی تِنہاں جِس دواریوں پربھ بھوگ لگائے روٹی سُکی گُلی، رسنا جِہوا سَت صالاحِندا۔ سو پُھل پُھلواڑی لوکمات پُھلی، بنس سربنس آپ سُہائیندا۔ دُھر دے تول اگمّی کنڈے تُلی، جگت ترازوُ ہتّھ نہ کوئے وکھائیندا۔ اَگے واسطے کِرپا کر کے جن بھگتاں چُھٹی دِتی کُھلی، رائے دھرم اَگے ہو نہ کوئے اٹکائیندا۔ جوتی جوت سروُپ ہرِ، آپ اپنی کِرپا کر، جِنہاں وکھائے دُھر دا گھر، اوہناں دی چُھڈاؤنی پھیر پئے نہ چُلی، امرت انتر اپنا جام پیائیندا۔ کُلیّ کہے مَیں کی دسّاں، دسّن یوگ کہانی سمجھ کِسے نہ آئیا۔ خوشیاں وِچ اندر باہر ہسّاں، دُھر سنجوگ مِلیا بےپرواہیِا۔ اوہناں دے قدماں ڈھٹّھاں، جِنہاں نوُں ارباں وِچوں مِلی وڈیائیا۔ نیَن نیتر ویکھاں اکّھاں، لوچن اپنا آپ کُھلائیا۔ واری گھولی نِرمانتا وِچ ٹیکاں متھا، دھوُڑی خاک رمائیا۔ جِنہاں نوُں پرم پُرکھ پرماتم پِتا مِلیا سکا، دُھر دا ناتا سچ بندھائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ جن بھگت کہے کُلیّ تیرا وڈّا بھاگ، سوہنی بنت بنائیا۔ جِس وِچ جگیا اوہ چِراغ، جِس دا نوُر اِکو اِک رُشنائیا۔ تیرے اندر وڑ کے دُرمت مَیل دھو کے جاوے داغ، سَت سروُپ روُپ وٹائیا۔ غریِب نِمانیاں پوُرا کرے کاج، کرتا پُرکھ ہو سہائیا۔ جِنہاں نوُں بیڑے چاڑھ کے جائے جہاز، منزل اگلا پندھ مُکائیا۔ ایہو اجّ نہیں پِچھلا رِواج، جُگ چؤکڑی ہوئے سہائیا۔ پر ایہو جیہی پِچھے نہیں دِتی دات، بِن بھگتیؤں بھگوان بھگت لئے بنائیا۔ جُگ چؤکڑی پِچھوں نِرگُن آ کے توریا ایہہ رواج، روایت رِعایت گُرمُکھاں جھولی پائیا۔ اَگے ہون نہ دیوے کِسے دے مُحتاج، مُحبّت اپنے نال بندھائیا۔ سیِس جگدیس رکھّ کے تاج، طاقت اپنی نال رکھائیا۔ جو ہرجن صاحِب دا ہویا داس، تِس داسی دِسے لوکائیا۔ جوتی جوت سروُپ ہرِ، آپ اپنی کِرپا کر، جنم جنم دے وِچھڑیاں پوُری آس کرائیا۔

۱۸ جیٹھ ۲۰۲۱ بِکرمی بےلوُ رام دے گرِہ پِنڈ سرداری جموُں

بھگت کہے پربھ دِتا پیار، انتر دھار دِتی پرگٹائیا۔ ساچا مندر سُجھیا گھر بار، گرِہ اپنا ویکھ وکھائیا۔ دیِا باتی ہویا اُجیار، اندھ اندھیر رہیا نہ رائیا۔ ساچی سخیاں سُنیا منگلاچار، گیِت گوبِند اِک الائیا۔ جوتی جوت سروُپ ہرِ، آپ اپنی کِرپا کر، میرا لہنا رہیا چُکائیا۔ بھگت کہے پربھ دسّیا پریم، پرم پُرکھ دَیا کمائیا۔ میل مِلایا جِس تپسّیا کیِتی ہیم، کُنٹ اِکو کھوج کھوجائیا۔ اُس دے نال مِل کے پکاّ ہویا نیم، ناتا سکے نہ کوئے تُڑائیا۔ درشن کر بِگسائے نیَن، نیتر خوشی منائیا۔ جِہوا صِفت آئی کہن، ساچی سیوک بن کے سیو کمائیا۔ جوتی جوت سروُپ ہرِ، آپ اپنی کِرپا کر، ساچی ریِتی دِتی سمجھائیا۔ جن بھگت کہے پربھ دِتا پریم رس، وڈ رسئیے دَیا کمائیا۔ میری پوُری کیِتی آس، آشا اپنے نال رکھائیا۔ نِج آتم کر کے واس، وصل سچّا دِتا وکھائیا۔ دُئی دوَیتی کر کے ناس، نالش کوُڑی دِتی مِٹائیا۔ سچ نوُر کر پرکاس، دِیپک دِیاڈگمگائیا۔ اٹّھے پہر بخشی پربھات، سندھیا نظر کوئے نہ آئیا۔ ساچے سنتاں بخشی جماعت، گُرمُکھاں سنگ رکھائیا۔ لیکھا لِکھا کے نال قلم دوات، بِن بھگتیؤں بھگت دِتے بنائیا۔ ایہو جیہی اَگے کِسے نہ دسّی جاچ، یاچک اپنے گلے لگائیا۔ اِکو ڈھولا پڑھا کے دُھر دی گاتھ، در گھر ساچے میل مِلایا سہج سُبھائیا۔ جوتی جوت سروُپ ہرِ، آپ اپنی کِرپا کر، درسن دے کے ساکھیات، سجّن سُہیلے لئے ترائیا۔ جن بھگت کہے پربھ بخشیا ناتا، آتم پرماتم سنگ رکھائیا۔ نِرگُن ہو کے بنیا راکھا، سرگُن دیوے مان وڈیائیا۔ جِنہاں اِکو منّیا شبدی روُپ آکھا، آخر چوٹی دئے چڑھائیا۔ مہاراج شیر سِنگھ وِشنوُں بھگوان، دیونہارا داتا، گھاٹا اپنے گھر نہ کوئے وکھائیا۔

۱۸ جیٹھ ۲۰۲۱ بِکرمی نندوُ رام دے گرِہ پِنڈ سرداری جموُں

پیار مُحبّت نہیں ایہہ کوُک، آوازاں وِچوں آواز اِک اِلاہیِا۔ جِس دا چار یاری دئے ثبوُت، پیِراں وِچوں پیِر دیِن گواہیِا۔ جِس نوُں چلدیاں پِھردیاں مِلیا اِک محبوُب، سچ کلمہ گیا پڑھائیا۔ چرواہے رکھّنا یاد اُچ عروُج، سوہنی بنت بنائیا۔ تیری حد اِک حدوُد، بندی خانہ دئے جنائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا چُکائیا۔ چار یاری دے پِچھلے سنگی، محمد ویکھ وکھائیا۔ جِس ویلے

آئیوں پَیریں ننگی، تن خاکی روُپ وٹائیا۔ پریم پیار اندر منگ اِکو منگی، وصل ملِے بےپرواہیِا۔ تَینوُں درس دکھاؤنا اُپر شاہ رگ جگت گھنڈی، گھر اپنا اِک پرگٹائیا۔ جوتی جوت سروُپ ہرِ، آپ اپنی کِرپا کر، سچ دینی وڈیائیا۔ چار یاری دا پِچھلا ساک، سجّن اِکو اکھوائیا۔ جِس دا پوُرب نام مُشتاق، مُشکڑیِاں وِچ ہسّ ہسّ خوشی منائیا۔ اِک دِن ڈُبن لگّا سی آفتاب، رمضان مہیِنہ دئے گواہیِا۔ روزہ چؤدھواں پکڑیا پُھل گُلاب، خوشیاں مہک مہکائیا۔ اودھروں آیا حق جناب، محمد پھیرا پائیا۔ نیِل کنڈھے کیِتا آن آداب، سجدہ سیِس جھُکائیا۔ باہوں پکڑ اوس کِہا شتاب، ہؤلی جیہی اُٹھائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ مُشتاق کِہا مَیں مسکیِن، مسکیِناں وِچوں نظری آئیا۔ مَیں بردا در ادھیِن، برخوردار روُپ وٹائیا۔ مَیں پڑھی الف یے نہ کوئے سیِن، نوُن نوُن غُنے وِچ نہ کوئے بدلائیا۔ اِکو کلمہ پڑھیا یا آمین، میرا تُونہی تُوں خُدا خُدائیا۔ مَیں تیرے در ادھیِن، آسرا تیرا اِک تکائیا۔ مَینوُں ساچی کر تلقیِن، تسبیح مالا ہتّھ نہ کوئے پھڑائیا۔ مَیں کہاں یا آمین، دُھر دا راگ سُنائیا۔ جوتی جوت سروُپ ہرِ، آپ اپنی کِرپا کر، سچ دیوے وڈیائیا۔ سُن مُشتاق ایہہ نیِل کنڈھا، جل دھارا وہن وہائیا۔ نیلی دھاروں امرت ملِے ٹھنڈا، ٹھنڈا روُپ وٹائیا۔ تیرا اَگے لیکھا دسّاں چنگا، چنگی طرح سمجھائیا۔ کلجُگ انتم ہوویں بُھکھا ننگا، بُھکھیاں وِچوں بُھکھ پربھ نوُں تیری سچّی بھائیا۔ جِس ویلے میرا پروردِگار لوکمات لےَ کے آئے مردنگا، تیرے نال مِل کے دئے وجائیا۔ تُوں سبناں نالوں چنگا، چنگی طرح دیواں سمجھائیا۔ باہروں ویکھن نوُں جگت جہان لگّیں مندا، دُنی دار تَیتھوں مُکھ بھوائیا۔ جِس دوارے جا کے مَیں منگاں، سو دیونہارا مانگت ہو کے تیرے در تے آئیا۔ جگت مہتابی آفتابی چڑھے چندا، محرابی نوُر رُشنائیا۔ تیرا نام ہونا اِک انندا، انند انند وِچوں پرگٹائیا۔ جِس دا پرم پُرکھ نال مِل کے بنے چھندا، سوہنگ روُپ وٹائیا۔ لیکھے لائے بندگیؤں بِناں بندہ، بندھن اگلا پِچھلا دئے تُڑائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، اگلا لیکھا کرے چنگا، پِچھلا دُکھ پوُرا پوُرا پوُرا رہیا چُکائیا۔

نندوُ تیری غریِبی وِچ سُکھ، پریم بَیٹھا روُپ وٹائیا۔ تیری کُلیّ وِچ بُھکھ، پربھ دا دھیان لگائیا۔ تیری جُلی نیتر رہی چُک، لوچن رہی اُٹھائیا۔ تیرا پریم پیار گلوکڑی پائے گھُٹ، ناتا توڑ جگت لوکائیا۔ جیِنودیاں تیری چؤراسی گئی چُھٹ، جنم مرن دا جھگڑا دِتا مُکائیا۔ اَگے ایسے طرح گودی لےَ جائے چُک، گھر آ کے پہلوں درس دِکھائیا۔ جے کوئی آنڈھی گوانڈھی لئے پُچھ، ساکھیات نظری آؤندا دینا سمجھائیا۔ مَیں پِتا تُوں میرا پُت، تیرے پُت پوترے روُپ وٹائیا۔ سوہنا درشن کرنا گھر بَیٹھیاں چُپ، راتی سُتّیاں ہوئے سہائیا۔ مہاراج شیر سِنگھ وِشنوُں بھگوان، دُکھیاں وِچوں تیرا کٹ کے جاوے دُکھ، دلِدر اپنی جھولی پائیا۔

۱۸ جیٹھ ۲۰۲۱ بِکرمی بیلا سِنگھ دے گرِہ دھنگالی جموُں

جن بھگت گایا ساچا منگل، ہرِ ہِردے نام دِھیائیا۔ آون جاون مُکیا وقت جگت جنگل، جوُہ اُجاڑ نہ کوئے وکھائیا۔ مستک ٹِکاّ لگّا دُھر دا چندن، جوت للاٹ کرے رُشنائیا۔ انتر مِلیا پرمانندن، نِج آتم خوشی منائیا۔ سچ دِرڑاؤنی اِکو بندن، بندگی پربھوُ سمجھائیا۔ ٹھاکر ہو کے رکھے انگن، اپنی گود اُٹھائیا۔ درویش ہو کے آوے منگن، در ٹھانڈے الکھ جگائیا۔ روگ سوگ جرم کرم کیِتا کھنڈن، کھنڈا کھڑگ ہتّھ اُٹھائیا۔ پریم پریِتی آیا ونڈن، چار ورناں اِکو گھر بہائیا۔ جُگ جنم دی ٹُٹی آیا گنڈھن، پاربرہم برہم میلا سہج سُبھائیا۔ ساچا مارگ اِکو آیا دسّن، دہ دِشا کرے پڑھائیا۔ ہرِ جوُ ہو کے ہِردے آیا وسن، گھر گھر ڈیرہ لائیا۔ لکّھ چؤراسی وِچوں گُرمُکھ نام مدھانے وِرولے مکھّن، چاروں کُنٹ ویکھنہارا تھاؤں تھائنیا۔ جوتی جوت سروُپ ہرِ، آپ اپنی کِرپا کر، ہرجن ساچے ویکھ وکھائیا۔ جن بھگتاں میلا کرن آیا، پاربرہم بےپرواہیِا۔ ترےَگُن کوُڑی میٹے مایا، ممتا موہ چُکائیا۔ سمرتھ ہو سِر ہتّھ ٹِکایا، دھیِرج دھیِر اِک بندھائیا۔ آتم پرماتم ساچی گاتھ پڑھایا۔ سوہنگ راگ انراگ دئے سمجھائیا۔ اندر وڑ مندر چڑھ ساچی سدا الکھ سُنایا، الکھ اگوچر کھیل رچائیا۔ ہو پرتکھ درس وکھایا، ساکھیات نظری آئیا۔ نیتر لوچن نیَن اِکو اکّھ کُھلایا، پردہ اوہلا دِتا چُکائیا۔ انجھک ہو کے پھیرا پایا، لوک لاج پرے ہٹائیا۔ پاربرہم ہو کے برہم لئے اُٹھایا، سُرتی شبدی جوڑ جُڑائیا۔ نِہکرمی ہو کے کرم کمایا، ہرجن ویکھے چائیں چائنیا۔ جوتی جوت سروُپ ہرِ، آپ اپنی کِرپا کر،

مِہروان دئے وڈیائیا۔ جن بھگت گایا ساچا گُن، دُھن آتمک وجّی ودھائیا۔ پُرکھ ابناسی پُکار لئی سُن، دوُر دُراڈا دھیان لگائیا۔ پندھ مُکا کے آیا پُھن، ویس اَولّڑا روُپ دھرائیا۔ سنت سُہیلے لئے چُن، لکّھ چؤراسی وِچوں باہر کڈھائیا۔ مان دوایا وڈ رِکھ مُن، مُنیشراں وِچوں مُنیِشر دِتے بنائیا۔ لیکھا چُکیا سمادھی سُنّ، سُنّ سمادھ لوڑ رہی نہ رائیا۔ لہنا چُکیا ناد دُھن، دُھنی راگ نہ کوئے شنوائیا۔ جوتی جوت سروُپ ہرِ، آپ اپنی کِرپا کر، ہربھگت لئے ترائیا۔ جن بھگتاں گایا رسنا جِہوا، بتّی دند ناد سُنائیا۔ پرم پُرکھ پربھ الکھ ابھیوا، اگمّ اتھاہ ویکھ وکھائیا۔ ہرجن ویکھے کردے ساچی سیوا، سیوکاں وِچوں سیوک روُپ وٹائیا۔ دیوے وڈیائی وڈ دیوی دیوا، دیو آتما اپنے لیکھے پائیا۔ امرت رس اگمّی میوہ، بِن رسنا دئے چکھائیا۔ ساچا دھام اٹل وکھائے نِہکیوا، نِہچل اِکو گھر دئے بہائیا۔ جوتی جوت سروُپ ہرِ، آپ اپنی کِرپا کر، جن بھگتاں ہوئے سہائیا۔ جن بھگتاں گایا ڈھولا سوہنگ سو، سو صاحِب دئے وڈیائیا۔ جنم کرم دا ٹُٹا موہ، کوُڑی کِریا ڈیرہ ڈھاہیِا۔ آسا ترِسنا اَگے کرے نہ کوئی دھروہ، ہؤمے ہنگتا سنگ نہ کوئے رکھائیا۔ گھر پرکاس کرے لو، نیتر نِج ہووے رُشنائیا۔ آتم پرماتم گئی چھوہ، شہنشاہ اپنے رنگ رنگائیا۔ سِری بھگوان بھگتاں جوگا گیا ہو، ہوکا دے دے آپ اُٹھائیا۔ نام نِدھانا لےَ کے آیا ڈھوآ ڈھو، گھر گھر وست رہیا ورتائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ جن بھگتاں گایا رسنا ایک، ایکنکار دئے وڈیائیا۔ سَت پُرکھ نِرنجن ہو کے بخشے ٹیک، چرن کوَل دئے سرنائیا۔ جگت بُدھی اوہناں کرے بِبیک، جِنہاں دسّی آپ پڑھائیا۔ ترےَگُن مایا اگنی نہ لائے سیک، جگت تت نہ کوئے تپائیا۔ دھنّ گُرمُکھ گُرسِکھ جِنہاں اپنا آپ کیِتا بھیٹ، کایا ماٹی سَتگُر جھولی پائیا۔ سَتگُر پوُرا حاضر حضوُرا شبد دوشالے لئے لپیٹ، ایتھے اوتھے ہوئے سہائیا۔ خوشیاں نال بالکاں نال کھیلنہارا کھیڈ، خالق ہو کے خلق وِچوں مُرید مُرشد لئے جگائیا۔ جوتی جلوہ دے کے تیج، شبدی ناد کرے شنوائیا۔ جِس کارن کرتے لئے بھیج، سو کرنی دئے دِرڑائیا۔ آؤ رل کے پاربرہم دی مانو سیج، سیج سُہنجنی ڈیرہ لائیا۔ گُر اوتار پیِر پَیغمبر تُہاڈا لہنا دینا لیَن ویکھ، نِج نیتر نیَن اکّھ کُھلائیا۔ صاحِب سَتگُر کرے اگمّڑا ہیت، ہِتکاری اپنا میل مِلائیا۔ بےشک لکّھ چؤراسی اگنی لگّی جیٹھ، گُرمُکھ ٹھنڈا ٹھار روُپ وٹائیا۔ پربھ سرنائی جانا لیٹ، کھیوٹ کھیٹ آپے لئے ترائیا۔ ناتا جُڑ گیا باپ بیٹ، پِتا پوُت ویکھ خوشی منائیا۔ لکّھ چؤراسی وِچوں تھوڑے کیتے نیک، نیکی اپنی نال مِلائیا۔ جوتی جوت سروُپ ہرِ،

آپ اپنی کِرپا کر، سدا سدا سدا ہوئے سہائیا۔ گُرمُکھ گا گا ہونا خوش، خوشیاں راگ الائیا۔ اگلا پِچھلا پیَنڈا رہیا مُک، لکّھ چؤراسی نہ کوئے بھوائیا۔ دردی ہو کے دَیاوان لئے چُک، باہوں پکڑ گلے لگائیا۔ دھرت مات تُہاڈی منگدی رہی سُکھ، واری صدقے گھولی گھول گھُمائیا۔ نیَناں نال تکّے تُہاڈا مُکھ، جو سوہنگ ڈھولا رہے گائیا۔ جوتی جوت سروُپ ہرِ، آپ اپنی کِرپا کر، لیکھا دیوے چائیں چائنیا۔ گُرمُکھ کہن گایا گوبِند، اِکو نام دِھیائیا۔ پرم پُرکھ کہے مَیں میٹاں چِند، چِنتا سوگ گوائیا۔ گُرسِکھ کہے مَیں لیکھے لائی جِند، ہؤں واری آپا بھیٹ چڑھائیا۔ پُرکھ اکال کہے مَیں سدا بخشِند، بخشش گُرمُکھاں جھولی پائیا۔ گُرسِکھ کہے مَیں تیری بِند، دُھر دا اِکو پِتا مائیا۔ ٹھاکر کہے مَیں گُنی گہِند، گہر گمبھیِر اکھوائیا۔ ہرجن کہے پنج تت جیؤ تیرا پِنڈ، کایا تیرے رنگ رنگائیا۔ دیِن دَیال کہے مَیں امرت دھار وہاواں سِندھ، سانتک سَت سَت روُپ وکھائیا۔ جوتی جوت سروُپ ہرِ، آپ اپنی کِرپا کر، ویکھنہارا بےپرواہیِا۔ گُرمُکھ کہے مَیں گایا ناد، ہرِ ہرِ نام دِھیائیا۔ پِچھلا جنم نہیں یاد، پوُرب سمجھ کِسے نہ آئیا۔ پریم پریِتی اندر ہو وِسماد، بِسمِل روُپ وٹائیا۔ کَون بِدھ پربھ سُن فریاد، مِہر نظر اُٹھائیا۔ اندر وڑ کے مارے آواز، سُتّا لیا جگائیا۔ بھرم بُھلیکھا کھول کے راز، رحمت اپنی اِک کمائیا۔ پریم پیار اندر ہو کے داس، داسی گُرمُکھ لئے بنائیا۔ ساچا کرے بھوگ بلاس، آتم سیجا سوبھا پائیا۔ لہنا چُکا پرِتھمی آکاش، آکاش آکاشاں اُپر ڈیرہ لائیا۔ نِرگُن جوت کر پرکاس، دیِا باتی اِکو ڈگمگائیا۔ اپنی گودی چُک کے رکھےّ ساتھ، دس دس ماس اگن نہ کوئے تپائیا۔ جِدھر ویکھاں چاروں کُنٹ دہ دِشا نِرگُن دِسے پاس، پت پرمیشور اپنا سنگ نِبھائیا۔ غریِب نِمانے کوجھے کملے پوُری کیِتی آس، ساس ساس اپنی جھولی پائیا۔ بےشک بھرمے بُھل کے پہلوں بنے رہے بدمعاش، پربھ نال کردے رہے لڑائیا۔ ایسے کارن جنم جنم ہُندے رہے نِراس، نِراستا اپنا سنگ نِبھائیا۔ کلجُگ انتم پوُری ہوئی خواہش، خواہش وِچوں خالص گُرمُکھ لئے پرگٹائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ گُرسِکھ کہے مَیں گایا بھگوَنت، دوُجی ٹیک نہ کوئے رکھائیا۔ بھگوَنت کہے مَیں بن کے کنت، ناری نر نرائن ہو پرنائیا۔ مان دھرایا دُھر دا سنت، سنت ساجن آپ بنائیا۔ جِس دی مہما پِچھوں رہے چار جُگ رسنا گائے جیِو جنت، چار کُنٹ وجےّ ودھائیا۔ اپنا کھیل کر بےانت، بےپرواہ دھار وکھائیا۔ ساچا دے کے منیا منت، منتر انتر کری اِک پڑھائیا۔ گڑھ توڑ ہؤمے ہنگت، ہنگ برہم دِتا سمجھائیا۔ جو مِل گیا ہرِ کی سنگت، تِنہاں

وِشن برہما شِو مِل مِل سیو کمائیا۔ جوتی جوت سروُپ ہرِ، آپ اپنی کِرپا کر، ساچے مارگ دِتا لگائیا۔ سنگت مِلیا پربھ دا سنگ، سگلی سرِشٹ تجائیا۔ ایہہ نہ مِلنا پھیر رنگ، رنگن والا نؤ سؤ چُرانوے چؤکڑی جُگ پِچھوں پھیرا پائیا۔ کوٹن کوٹ گُر اوتار پیِر پَیغمبر گئے ہنڈھ، نِرگُن سرگُن ویس وٹائیا۔ ایسے دی یاد اندر شاستر سِمرت وید پُران لِکھ کے گئے چھند، اِنجیل قُرآن سوہلا ڈھولا گائیا۔ ایسے دی دھار وِچوں چڑھدے رہے اگمّی چند، جوتی نوُر کر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ساچے لئے سمجھائیا۔ ہرجن ساچے سمجھنی بات، گُر سَتگُر آپ دِرڑائیندا۔ اندر ویکھو مار جھات، جھاکی اپنی آپ جنائیندا۔ سچ پُچھو جن بھگتاں دِتی اوہ دات، جِس دات وِچوں داتار نظری آئیندا۔ ثالث بن کے لیکھا لِکھاوے نال قلم دوات، جِس دا لیکھ جگت نہ کوئے مِٹائیندا۔ تت سروُپ نہیں نِرگُن جوت ساکھیات، پنج بھوُتک بھیو چُکائیندا۔ نوُری چشم تکنا دلیِل نہیں آفتاب، محبوُب محراب اندروں نظری آئیندا۔ اَگے لیکھا نہ رہیا کوئے حِساب، پِچھلی کتاب پاڑ پُستک چرناں ہیٹھ دبائیندا۔ تُہاتھوں منگے نہ کوئے جواب، راہ وِچ نہ کوئے اٹکائیندا۔ ایہہ سُفنا نہیں خواب، خالص اپنے نال مِلائیندا۔ ایہہ مالک نہیں ہِند پنجاب، دو جہاناں ویکھ وکھائیندا۔ جِس نوُں پیِر پَیغمبر کہِندے حق جناب، جناب عالی ناؤں دھرائیندا۔ جِس نوُں گُر اوتار منّدے گئے سچّا صاحِب، شاہ سُلطان روُپ وٹائیندا۔ جیہڑا آد جُگاد جُگ چؤکڑی رہیا غائب، جگ نیتر نظر کِسے نہ آئیندا۔ پیِراں پَیغمبراں شاہ حقیِراں فقیِراں کر دا رہیا ہدایت، کلمہ شرع نال مِلائیندا۔ تُہاڈے اُتے بڑی کیِتی رِعایت، رحیِم ہو کے رحمت برکھا لائیندا۔ اِس توں وڈّی ہور نہیں کوئی کفایت، بِن پڑھیاں پار کرائیندا۔ ایہہ وی گُر اوتاراں پیِر پَیغمبراں پِچھے کیِتی حمایت، ہم دست ہو کے اپنا دست مِلائیندا۔ دست بدست کرے سچ عنایت، وست امولک جھولی پائیندا۔ جن بھگتو تُہاڈی اوتھے کرے رہائش، جِس گھر وِچ ڈیرہ لائیندا۔ جے کوئی کرن آئے ازمائش، لبھیاں ہتّھ کِسے نہ آئیندا۔ اِس دی کِسے نہ کیِتی پَیمائش، آر پار کنارہ نہ کوئے سمجھائیندا۔ جوتی جوت سروُپ ہرِ، آپ اپنی کِرپا کر، اپنی پوُری کر کے خواہش، خواہش بھگتاں اپنے وِچ سمائیندا۔ بھگت کہے پربھوُ کریں نہ ٹھگّی، ٹھگ چور یار روُپ وٹائیا۔ چاروں کُنٹ ویکھ اگّ لگّی، امرت میگھ نہ کوئے برسائیا۔ سرِشٹ سبائی پِھرے بھجیّ، راج راجان شاہ سُلطان پِھرن واہو داہیِا۔ نیتر نیِر وہاؤندی ویکھی چؤدھویں صدی، بیِسویں مِل کے کیِرنے رہی پائیا۔ کِسے دی ثابت دِسے نہ گدّی،

گدّیدار دھیِرج دھیِر نہ کوئے دھرائیا۔ سِری بھگوان تیرے پِچھے سرِشٹی ساری چھڈی، طعنے مینے دئے لوکائیا۔ پریم پیار تیرے دی بدھّی، بندنا اِکو سیِس جھُکائیا۔ وِشوَ روُپ تیرا اسیں تیری وِشوَ جدّی، ناتا تیرے نال بندھائیا۔ ساڈی لیکھے لگّے ساڈھے تِنّ ہتّھ اندر تن سؤ سٹّھ ہڈّی، ناڑ بہتّر تیرا نوُر رُشنائیا۔ بِرہوں وَیراگن سچ پریمن ہو کے سُرتی پِھرے بھجیّ، دِوس رَین واہو داہیِا۔ دھنّ بھاگ تیرے چرناں دی سرن لبھی، اوٹ اِکو گھر رکھائیا۔ تُوں دَیال ہو کے پڑدہ کجّیں، مِہروان ہو کے سیِس ہتّھ ٹِکائیا۔ بےشک گُرمُکھ سوَانی کملی کوجھی کُچّجی، سُگھڑ سوَانی آپ لئیں بنائیا۔ دوئے جوڑ در دوار کراں ہتّھ بدھّی، بندگی تیری موہے بھائیا۔ جِؤں بھاوے تِؤں اپنے سنگ رکھّیں، رکھیا کریں تھاؤں تھائنیا۔ پر وچھوڑا نہ دیویں مَیں درشن کراں اکّھیں، اکّھیاں وِچوں اکّھ تیرا روُپ نظری آئیا۔ مَیں بننا نہیں کرِشن والی سخی، جِس نوُں وچھوڑا دے کے کیِتی جُدائیا۔ مَیں تیرے پریم پیار نام دی پڑھی پٹّی، پٹنے والا نال ہو کے دیوے گواہیِا۔ مَیں ایہو کھٹی کھٹی، پربھ مِلیا بےپرواہیِا۔ تیرے نام اندر رتّی، رتّ اپنی دِتی مُکائیا۔ ایہو منگ منگدا رہیا نانک بول کے گیا جُگ چھتّی، چھتّیاں راگاں وِچوں تیری سمجھ کِسے نہ آئیا۔ گُر اوتار پیِر پَیغمبر تیرا ناؤں گاؤندے رہے دند بتّی، بتّیاں وِچوں کملاپتی اپنا بھیوَ نہ کِسے جنائیا۔ جوتی جوت سروُپ ہرِ، آپ اپنی جوت دھر، اِکو دینا سچّا ور، مہاراج شیر سِنگھ وِشنوُں بھگوان، تیری ملِے سچ سرنائیا۔