کتب خانہGranth 16 (Urdu)

۱۸ جیٹھ ۲۰۲۱ بِکرمی سیوا سِنگھ دے گرِہ دھنگالی جموُں

بھگت کہے پربھ دیئیں نہ لارا، تیری پِچھلی یاد چیتے آئیا۔ جُگ چؤکڑی کردا رِہوں اِشارہ، شبدی سیَنت نال سمجھائیا۔ گُر اوتار بناؤندا رِہوں لِکھارا، رہبر پَیغمبر کاتب روُپ وٹائیا۔ ناد دُھن وجاؤندا رِہوں نگارہ، انحد ناد سُنائیا۔ جوتی نوُر بخشدا رِہوں چمتکارا، گھر گھر کر رُشنائیا۔ ناؤں دسدا رِہوں پروردِگارا، بےعیب نوُر خُدائیا۔ ساچے مندر چڑھ کے لگاؤندا رِہوں اَکھاڑا، سوہنا ویس وٹائیا۔ وقت سُہیلا دسدا رِہوں وِچ سنسارا، کلجُگ انتم اِک نِشان جنائیا۔ نِرگُن ہو کے لواں مات اوتارا، نِروَیر ہو کے کھیل وکھائیا۔ جن بھگتاں کرائے سچ پیارا، پریم پریِتی اِک بنائیا۔ جل تھل مہیئل ویکھاں ڈوُنگھی گارا، سمُند ساگر کھوج کھوجائیا۔ پاواں سار جنگل جوُہ اُجاڑ پہاڑا، اُچے ٹِلّے

ویکھاں چائیں چائنیا۔ سچ نام دا دسّ اِک جَیکارا، جےَ جَیکار دیاں وکھائیا۔ بھگت وچھل ہو گِرور گِردھارا، چؤگِرد اپنی کار لگائیا۔ کھڑگ کھنڈا ہو کٹارا، ترکش تیِر کمان روُپ وٹائیا۔ مِہروان ہو کے میل مِلاواں دُھر دربارا، درگاہ ساچی خوشی وکھائیا۔ سو وقت سُہیلا سُہنجنا نظری آوے اپر اپارا، اپرمپر دینی مان وڈیائیا۔ جگت جگ جُگ وِچوں چرن کوَل لبھیا اِک دوارا، دعوہ بنّھ کے رہے سُنائیا۔ ساڈا کر کے جائیں پار کنارہ، اَدھ وِچکار نہ کوئے اٹکائیا۔ ساڈی منظوُر ہووے نِمسکارا، ڈنڈؤت بندنا تیری جھولی پائیا۔ سچ منزل دینا اگمّ نظارہ، نظر نیَن کوئے ویکھ نہ سکے رائیا۔ خوشیاں رنگ ویکھیئے تیرے سچ سچ دربارا، جِس گھر بَیٹھا ڈیرہ لائیا۔ جوتی نوُر ہو کے اُجیارا، دیِا باتی نہ کوئے رُشنائیا۔ پھیر پوُرا ہووے تُوں میرا مَیں تیرا جَیکارا، سوہنگ روُپ سمائیا۔ مہاراج شیر سِنگھ وِشنوُں بھگوان، سچکھنڈ تیرا گھر بارا، برہمنڈ تیری رچنا نظری آئیا۔

۱۸ جیٹھ ۲۰۲۱ بِکرمی پوُرن سِنگھ دے گرِہ دھنگالی جموُں

جن بھگت ہوئے بند خلاصی، بندی خانہ توڑ تُڑائیندا۔ مانَس جنم آوے راسی، جِس رستہ آپ سمجھائیندا۔ چِنتا غم ہرکھ سوگ مِٹائے اُداسی، جھوُٹھے وہن نہ کوئے وہائیندا۔ سچ دوارے کر کے داسی، سیوا اِکو اِک وکھائیندا۔ رائے دھرم دی کٹے پھاسی، رسےّ جم نہ کوئے لٹکائیندا۔ جِنہاں مِلیا گھنک پُر واسی، گھنئیا نئیا سچ دی آپ چڑھائیندا۔ اوہناں سدا رہے پربھاتی، سندھیا اندھیر نہ کوئے بنائیندا۔ منزل دوُر دُراڈی چڑھن گھاٹی، مارگ اِکو اِک وکھائیندا۔ اوہ سَت سنتوکھ دے بنے پاٹھی، جِنہاں سوہنگ آتم پرماتم میل مِلائیندا۔ کٹ وِچھوڑا کملاپاتی، دُھر دا جوڑا جوڑ جُڑائیندا۔ پِچھلا لہنا رہے نہ باقی، اَگے کھاتہ پوُر وکھائیندا۔ جوتی جوت سروُپ ہرِ، آپ اپنی کِرپا کر، گھر ساچے سچ دوار وسائیندا۔ سچ دوار دسّ پربھ، جن بھگت رہے منگ منگائیا۔ کِس بِدھ لوکمات لئیے لبھ، کُنٹ چار کھوج کھوجائیا۔ تیری نظر نہ آوے حد، کنارہ سمجھ کوئے نہ پائیا۔ سِری بھگوان مِہروان ہو کے دِتا دسّ، دیِناں اناتھاں ناتھ بھیو کُھلائیا۔ جو سچ سرنائی جائے ڈھٹّھ، آپ اپنا بھیٹ کرائیا۔ سو سچکھنڈ دوارے جائے وس، منجدھار سکے نہ کوئے رُڑھائیا۔ اوتھے ملِے اِکو رس، جل پانی لوڑ رہے نہ رائیا۔ کِرپا کر

کنڈھی وِچوں کڈھ اوس درگاہ آوے چھڈ، جِتھے بَیٹھا بےپرواہیِا۔ رل مِل بھگت بھگوان سانجھا گاون چھند، سوہنگ راگ الائیا۔ جوتی جوت سروُپ ہرِ، آپ اپنی جوت دھر، جن بھگت مُکاوے چلن پِھرن والا پندھ، در ساچے دئے وڈیائیا۔

۱۸ جیٹھ ۲۰۲۱ بِکرمی کھیمو دیوی دے گرِہ دھنگالی جموُں

پربھ تیری کِرپا نِکلے بھور، ہرجن ساچی خوشی منائیندا۔ پریم پیالہ پیِتا صبر، جگت ترِسنا بُھکھ گوائیندا۔ ناتا چھڈیا مڑھی گور قبر، اِشٹ تیرا نظری آئیندا۔ سہارا تکیا شیر ببّر، بھےَ بھیانک وِچوں پار کرائیندا۔ ساچے بھگت جِس دا ٹّبر، دوُجا سنگ نہ کوئے وکھائیندا۔ گُرمُکھاں پِچھے پِھرے مگر، در در گھر گھر ویکھ وکھائیندا۔ آسا منسا پوُری پِچھے سدھر، جگت کوُڑا روگ مِٹائیندا۔ مِہروان ہو کے قِسمت دیوے بدل، بدلہ اگلا پِچھلا آپ چُکائیندا۔ تخت نِواسی ہو کے کرے عدل، عدالت اِکو گھر جنائیندا۔ جِتھے شہادت پروان ہووے بِن ہویاں قتل، قتل گاہ رنگ نہ کوئے رنگائیندا۔ اوہ تارنہارا آیا اپنے پتن، پت پرمیشور پھیرا پائیندا۔ سنت سُہیلے گُر چیلے آیا رکھّن، جیِواں جنتاں وِچوں کھوج کھوجائیندا۔ کوٹن کوٹ پربھ مِلن دا کردے یتن، یتھا یوگ سرب دھیان لگائیندا۔ بِن ہرِ کِرپا کوئی نہ جائے مُڑ کے اپنے وطن، جِس وطن وِچوں دیس پردیس پردیسی ہو کے ویکھ وکھائیندا۔ جوتی جوت سروُپ ہرِ، آپ اپنی جوت دھر، دیونہارا ساچا ور، بھگت سُہیلے آیا تکّن، دوُر دُراڈا اپنا پندھ مُکائیندا۔

۱۸ جیٹھ ۲۰۲۱ بِکرمی وکیِل سِنگھ دے گرِہ دھنگالی جموُں

واجاں مارے جگت بھگتی، جن بھگتاں رہی سُنائیا۔ بِرہوں وچھوڑے اندر مردی، مِلیا میل نہ بےپرواہیِا۔ سنگی دِسے نہ کوئی دردی، میرا دُکھڑا درد ونڈائیا۔ مَینوُں سار نہ آئے ساچے گھر دی، در در دیاں دُہائیا۔ خبر مِلی نہ ساچے نر دی، نر نرائن نہ کوئے مِلائیا۔ مَیں چاروں کُنٹ پِھراں ڈردی، سیِس اُپر نہ کوئے اُٹھائیا۔ کِس دوارے بناں بردی، سیوک ہو کے سیو کمائیا۔ میری منظوُر نہ ہووے عرضی، آرزوُ سُنن والا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، اچرج کھیل دِتی ورتائیا۔ جگت بھگتی مارے دھاہ، نیتر نیَناں نیِر وہائیا۔ سچّا ملِے نہ کوئے ملاح، کھیوٹ کھیٹا روُپ وٹائیا۔ ساچی سِکھیا دیوے صلاح، کرے اِک پڑھائیا۔ مَیں لبھ لبھ تھکی تھاؤں تھاں، چارے کُنٹ کھوج کھوجائیا۔ میری کِسے نہ پکڑی بانہہ، اُنگلی نال نہ کوئے بندھائیا۔ سِر رکھے نہ ٹھنڈی چھاں، کلجُگ اگنی تت تپائیا۔ بہُڑی دروہی کی ہویا مَیتھوں گُناہ، بُھل سکے نہ کوئے سمجھائیا۔ بھگت پلّوُ گئے چُھڈا، اپنی کنّی مات کترائیا۔ جوتی جوت سروُپ ہرِ، آپ اپنی کِرپا کر، کی کرنی رہیا کمائیا۔ جگت بھگتی نیَناں روندی، نیتر نیِر وہائیا۔ سُکھاں نیِند رات نہ سؤندی، گٹیاں گِن گِن وقت لنگھائیا۔ مینڈھی سُہاگ اپنی کھوہندی، کُھلڑے کیس دئے دُہائیا۔ چاروں کُنٹ اُچی کوُک پائے ڈاؤنڈی، ہوکا دے کے رہی سُنائیا۔ مَیں سَتجُگ تریتا دواپر کلجُگ نِت نوِت رہی بھؤندی، بھاؤ اپنے نال رکھائیا۔ گیِت گوبِند رہی گاؤندی، ہرجن ساچے نال مِلائیا۔ جوتی جوت سروُپ ہرِ، آپ اپنی کِرپا کر، میرا لیکھا رہیا چُکائیا۔ جگت بھگتی کہے مَیں ہوئی چُھٹڑ، سنگی نظر کوئے نہ آئیا۔ پُرکھ اکال نِرگُن دھاروں آیا اُتر، نِراکار پھیرا پائیا۔ بھگت سُہیلے بنائے اپنے پُتر، پِتا ہو کے گود اُٹھائیا۔ اوہ سِدھے اوسے دا کردے شُکر، میری سار کوئے نہ پائیا۔ میرے ولوں ہوئے نمُکر، اکّھ نال اکّھ نہ کوئے مِلائیا۔ جوتی جوت سروُپ ہرِ، آپ اپنی کِرپا کر، سچّا مارگ دِتا دِرڑائیا۔ جگت بھگتی وہائے نیر، نیَناں چھہبر لائیا۔ سچ دِسے نہ اوہ تصویِر، جو بنائی بےپرواہیِا۔ گل الفی پِھراں وانگ فقیِر، بھجّاں واہو داہیا۔ میری چولی لیرو لیر، اوڈھن سیِس نہ کوئے ٹِکائیا۔ میری انتر ہوئی دِلگیِر، بسنتر سکے نہ کوئے بُجھائیا۔ کلجُگ انتم آئی بھیِڑ، پیَنڈا پندھ نہ کوئے مُکائیا۔ مَیں نیتر ویکھ کے آئی جن بھگت اِک دوُجے دے بھَین بھائی سکے بنے ویِر، ناتا دُھر دا رہے جُڑائیا۔ لیکھا مُکا شرع زنجیر، مذہب ذات نہ کوئے وڈیائیا۔ اوہناں دی بِناں میرے

بدل گئی تقدیِر، تدبیِر پربھوُ دِتی سمجھائیا۔ جوتی جوت سروُپ ہرِ، آپ اپنی کِرپا کر، گھر میلا لئے مِلائیا۔ بھگتی کہے میری دروہی اِک، خُدائے تیرے اَگے عرضوئیا۔ سجّن دِسے نہ کوئی مِت، سنگی روُپ نہ کوئے وکھائیا۔ دوہتھڑاں مار کے رہی پِٹ، کُھلی مینڈھی رہی کُرلائیا۔ ساچا کرے نہ کوئی ہِت، پریِتی پریم نہ کوئے وکھائیا۔ سچ سوامی نظر نہ آئے دِس، ساکھیات روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، مِہروان دَیا کمائیا۔ بھگتی کہے سُن میرے سجّن، جن بھگت تیری اوٹ تکائیا۔ تُوں میرا پردہ آؤنا کجّن، مَیں پِچھلی ریِتی دِتی تجائیا۔ تیرا انتر پاربرہم نال ہویا مگن، میری لگن رہی نہ رائیا۔ مَیں بھگتاں نال پربھ دا پیَندا ویکھیا سگن، سوہنے گھر ہوئی کُڑمائیا۔ اوتھے اگمّ اتھاہ مجیٹھی اِکو رنگن، کسُنبھڑا روُپ نہ کوئے وٹائیا۔ جوت للاٹی چڑھدا ویکھیا چندن، نوُرو نوُر نوُر رُشنائیا۔ مَیں کرن آئی بندن، بندگی کر کر سیِس نِوائیا۔ میرا لیکھا ہویا کھنڈن، پربھ کھنڈا کھڑگ دِتا چمکائیا۔ مَیں سُہاگن ہوئی رنڈن، چاروں کُنٹ رنڈیپا نظری آئیا۔ ساچی دات آئی منگن، در درویش ہو کے الکھ جگائیا۔ ساچے سنتو مَینوُں رکھّنا انگن، انگیکار کر کے لہنا دینا چُکائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا وکھائیا۔ بھگتی کہے مَیں کوجھی کملی، پوُرب رہی نہ کوئے چتُرائیا۔ دھرنی دھرت دھوَل مات بن نہ مَینوُں جمّدی، گودی گود نہ کوئے اُٹھائیا۔ مَیں آس نہ رکھدی پنج تت کایا تن دی، ماٹی خاک نہ دھیان لگائیا۔ آد انت اوسے دا حُکم منّدی، جو بنیا بےپرواہیِا۔ اپنا ہنکار وِکار بھانڈا بھنّدی، نِون سو اکھّر روُپ وٹائیا۔ مَیں سار نہ جانی ساچے بھگت اگمّی چنّ دی، جِس دی دو جہان رُشنائیا۔ جوتی جوت سروُپ ہرِ، آپ اپنی کِرپا کر، اپنی کھیل دِتی بدلائیا۔ جن بھگتی کہے میرے نال ہویا دھوکھا، پِچھلی کہانی دیاں سُنائیا۔ بِناں میرے پربھ دے مِلن دا کِسے نہ مِلیا مؤقع، سَتجُگ تریتا دواپر سب نے میری اوٹ تکائیا۔ کلجُگ انتم نِرگُن ہو کے مارگ دسّیا سؤکھا، سوہنی بنت بنائیا۔ چرن پریِتی دے کے اوٹا، چوٹ تن نگارے اِک لگائیا۔ کر پرکاس اگمّی جوتا، جوتی جوت کیِتی رُشنائیا۔ سِدھا اپنے نام دا دس سلوکا، سِدھی کیِتی اِک پڑھائیا۔ لہنا چُکیا لوک پرلوکا، دو جہاناں پندھ بَیٹھے مُکائیا۔ جوتی جوت سروُپ ہرِ، آپ اپنی کِرپا کر، دِتی مان وڈیائیا۔ بھگتی کہے میرا سُنو نعرہ، حق حق وِچوں لگائیا۔ پِچھلے جُگ دا اجے سہارا، تھوڑی اوٹ تُہاڈے اُتے تکائیا۔ مَیں آد جُگاد جُگ چؤکڑی ویکھدی رہی پتِ پرمیشور رہیا کوارا، لکّھ چؤراسی پرنا اپنا شُکر نہ کوئے منائیا۔ گُر اوتار پیِر پَیغمبراں

دیندا رہیا لارا، واک بھوِکھت اِک دِرڑائیا۔ سادھا سنتاں جیِواں جنتاں کردا رہیا اِشارہ، سیَنت نال سمجھائیا۔ کلجُگ انت کھیل کیِتا اپر اپارا، میری سمجھ رہی نہ رائیا۔ پرگٹ ہو کے نِہکلنک نرائن نر اوتارا، نِرگُن جوت کری رُشنائیا۔ چل کے آئے بھگت دوارا، سنت سُہیلے لئے اُٹھائیا۔ بےشک باہروں دِسدی کنڈیا واڑا، اندر لال امولک ہیرا رتن دِتا ٹِکائیا۔ جو سب توں سُچا اُتم روُپ جواہرا، مانک موتی ناؤں پرگٹائیا۔ جِس گھر سخیاں منگل لا لایا اکھاڑا، پریم پریِتی ناچ نچائیا۔ اوہ سوہنا لگّے دربارا، جِس گھر بَیٹھا بےپرواہیِا۔ مَیں بن ڈوُمنی منگن آئی واڑا، دوُر دُراڈی الکھ جگائیا۔ جوتی جوت سروُپ ہرِ، آپ اپنی کِرپا کر، ساچا لہنا دئے مُکائیا۔ بھگتی کہے مَیں ہوئی دُہاگن، اپنا مان مِٹائیا۔ بھگت وِچھوڑے کیِتا وَیراگن، بِرہوں اگن لگائیا۔ رات نِندرا نہ دِنے جاگن، سووت سُکھ نہ کوئے وکھائیا۔ اٹّھے پہر اِکو آگن، تتّی واؤ رہی جلائیا۔ مَیں جن بھگت دوارے سُن کے آئی آوازن، ڈھولا گائے بےپرواہیِا۔ سُن کے ہوئی وِچ وِسمادن، بِسمِل اپنا آپ کرائیا۔ جوتی جوت سروُپ ہرِ، آپ اپنی کِرپا کر، میری جھولی خالی ویکھ دینی بھرائیا۔ جگت بھگتی کہے مَیں ہوئی گولی، ساچے در ملِے نہ ڈھوئیا۔ پِچھے بندی رہی وِچولی، گھر گھر اپنا پھیرا پائیا۔ سؤہرے پیئیے دسّدی رہی اگمّی بولی، دُھر دا راگ جنائیا۔ کلجُگ انت سِری بھگوَنت میری وست میرے ہتّھوں کھوہ لی، خالی ہتّھ دِتا کرائیا۔ مَیں اُٹھ کے اپنی گٹھڑی پھولی، وِچوں وست نظر کوئے نہ آئیا۔ نہ کوئی دِسی مہندی نہ کوئی مؤلی، سُہاگی تند ہتّھ نہ کوئے پھڑائیا۔ نہ کوئی پانی کیسر والی لبھی کؤلی، تِلک للاٹ مستک بِندی نہ کوئے وکھائیا۔ جوتی جوت سروُپ ہرِ، آپ اپنی کِرپا کر، میرا لیکھا دِتا چُکائیا۔ جگت بھگتی کہے مَیں انتم بُھلی، بھرم بُھلیکھے وِچ سمائیا۔ مَیں نہ جانا پربھ بھگتاں پِھرے اندر وِچ کُلیّ، کملاپت ویس وٹائیا۔ جِس دی دھار امرت پُھہار اگمّوں ڈُلھی، سانتک سَت سَت رہی ورتائیا۔ اوس پیالے وِچوں گُرمُکھ پیِون اِک اِک چُلی، چلدیاں پِھردیاں ملِے بےپرواہیِا۔ جِنہاں رس لایا اپنی بُلیں، سنمُکھ ہو کے درسن پائیا۔ وست دِتی پربھ انمُلی، کرتا قیمت کوئے نہ لائیا۔ جوتی جوت سروُپ ہرِ، آپ اپنی کِرپا کر، ہرجن دیوے مان وڈیائیا۔ بھگتی کہے میرا خالی کاسہ، وستوُ نظر کوئے نہ آئیا۔ سِری بھگوان کیِتا عجب تماشا، لیلہ اچرج آپ رچائیا۔ جن بھگتاں دیوے آپ دلاسا، سِر اپنا ہتّھ ٹِکائیا۔ پوُرب جنم دی پوُری کر کے آسا، جگت نِراسا دئے گوائیا۔ سجّن سُہیلا بن کے کرے ہاسا، سوہنگ ہنسا ساچا راگ سُنائیا۔ جوتی جوت سروُپ ہرِ، آپ اپنی

کِرپا کر، مِہر نظر اُٹھائیا۔ بھگتی کہے میری کِسے کمّ نہ آؤنی پٹّی کنگھی، سوُہا ویس نہ کوئے وٹائیا۔ میرا پاِٹا چیِتھڑ لیرو لیر انگی، اوڈھن سچ نہ کوئے سُہائیا۔ مَیں پَیراں پِھراں ننگی، چاروں کُنٹ بھجّاں واہو داہیِا۔ مَینوُں وست کِتوں نہ ملِے منگی، کلجُگ خالی ہٹّ وکھائیا۔ مَیں روندی ویکھی گوداوری جمنا سُرستی گنگی، گل پلڑوُ رہی پائیا۔ پِھری دروہی وِچ وربھنڈی، برہمنڈ دئے دُہائیا۔ جگت واسنا سرِشٹی ہوئی رنڈی، ہرِ کنت نہ کوئے ہنڈھائیا۔ کلجُگ بھگت دِسے پکھنڈی، ایسے کر کے پربھ نے مَینوُں دھکاّ دِتا لائیا۔ اینہاں بھگتاں سِدھا مارگ دسّیا اگمّی ڈنڈی، ساچے پؤڑے دِتا چڑھائیا۔ اِکو دسّ کے سوہنگ چھندی، تیرا میرا میرا تیرا لیکھا دِتا مُکائیا۔ گھر وِچ گھر وکھا پرمانندی، نِج گھر ڈیرہ دِتا لگائیا۔ کِرپا کر کے ٹُٹی گنڈھی، سچ پریِتی ڈور بندھائیا۔ جوتی جوت سروُپ ہرِ، آپ اپنی کِرپا کر، ساچا مندر رہیا وکھائیا۔ بھگتی کہے مَیں پِچھلی وچولی، جن بھگتاں میل مِلائیا۔ جن بھگت کہن تُوں ہوئی گولی، کایا گولک ملِے نہ کوئے وڈیائیا۔ ہُن سِکھ تُوں ساتھوں اگلی بولی، جِس نال ملِے بےپرواہیِا۔ جوتی جوت سروُپ ہرِ، آپ اپنی کِرپا کر، سوہنی ریِتی دِتی سمجھائیا۔ بھگتی کہے مَینوُں دسّو ریِتی، جن بھگت دیؤ سمجھائیا۔ مَیں وڈیؤں ہوئی نیِکن نیکی، اپنا مان ابِھمان مِٹائیا۔ مَیں ویکھ کے آئی مندر مسیِتی، شِودوالے مٹھ گُر در نیتر نیَن نہ کوئے مِلائیا۔ ترےَگُن مایا تپے انگیِٹھی، کلجُگ اگنی رہیا ڈاہیا۔ جن بھگتاں کِہا اُٹھ سوَانی اپنی وکھا سب نوُں اُنگلی نِکی چیِچی، جِس دے اُتے کبیِر چیِرا گیا لگائیا۔ اوس ویلے تُوں سی اِکو وار کیِتی، ہؤکا لےَ کے دِتی دُہائیا۔ جولاہے کِہا تیری اَگے نہ رہی پریِتی، تُوں دُکھاں وِچوں دُکھ دِتا سُنائیا۔ جوتی جوت سروُپ ہرِ، آپ اپنی کِرپا کر، پِچھلا لیکھا رہیا سمجھائیا۔ بھگتی کہے مَیں بُھلی نِمانی، مَینوُں سمجھ رہی نہ رائیا۔ بھگتو دسّو اوہ کہانی، جو کبیِر جولاہے دِتی سُنائیا۔ جن بھگت کہن تُوں سُن سوَانی، سچ دئیے سمجھائیا۔ جِس ویلے پاربرہم پت پرمیشور کبیِر دوارے ونڈدا امرت پانی، بِن چُلیاں چُلی رہیا بھرائیا۔ تُوں اوس ویلے بن کے چتُر سُگھڑ سُچّجی رانی، گوشے بَیٹھی رہی دھیان لگائیا۔ کرے کھیل پربھوُ مہانی، مِہروان کھیل رچائیا۔ کبیِر جولاہے جنایا جان جانی، جاننہار دَیا کمائیا۔ اوس کنڈیاں دی کھِتی اِک سوُل لیاندی نِشانی، جیہڑی تیری اُنگلی دِتی چُبھائیا۔ اَگے کلجُگ انت تُوں بنیں کوئی نہ رانی، اپنا حُکم نہ کوئے ورتائیا۔ پربھ جن بھگتاں سِدھا آ کے ملِے جوت نوُرانی، نوُرو نوُر نوُر روُپ وٹائیا۔ پھڑ باہوں مارگ دسےّ آسانی، منزل پندھ مُکائیا۔ تیری حَیرت

ہیَبت پرگٹے وِچ حَیرانی، ہؤکا لےَ کے دئے دُہائیا۔ اوہ بھگت نہیں اوہ بھگوَنت نہیں جو اِک دوُجے دی کرن نہ قُربانی، قُربانی وِچوں اپنا آپ بھیٹ چڑھائیا۔ جِس ویلے کنڈیاں دی واڑ تیری ہووے نِشانی، پرم پُرکھ پت پرمیشور جن بھگتاں وِچوں لئے مِلائیا۔ اِس دا لیکھا کِسے نہ لِکھنا کاغذ قلم شاہی کانی، وِدوان وِدیا وِچ نہ کوئے سمجھائیا۔ کلجُگ انت سِری بھگوَنت آپ اپنی کرے مِہروانی، مِہر نظر اِک اُٹھائیا۔ مہاراج شیر سِنگھ وِشنوُں بھگوان، مُشکل کر آسانی، جن بھگتاں ساچے سنتاں جگت سنسار وِچوں اپنے نال مِلائیا۔

۱۹ جیٹھ ۲۰۲۱ بِکرمی پّھگا سِنگھ دے گرِہ دھنگالی جموُں

بھگتی کہے میرے خالی ہتّھ، پنج دس نظر کِچھ نہیں آئیندا۔ مَیں پندھ مُکایا نسّ نسّ، پیَنڈا قدماں وِچ اپنا سیِس جھُکائیندا۔ انتم تُٹا مان ہٹھ، سَت نظر کوئے نہ آئیندا۔ مَیتھوں کھوہ لیا پربھ نے حق، آپ اپنی اکّھ بھوائیندا۔ جن بھگتاں ہِردے اندر گیا وس، سِدھا اپنا میل مِلائیندا۔ کوئی نہ ویکھے پریم پیار دی تکّ کے اکّھ، جوتی جوت سروُپ ہرِ، آپ اپنی کِرپا کر، سچ کھیل کی ورتائیندا۔ بھگتی کہے میری گئی بناوٹ، مصنوُئی شکل نظر کوئے نہ آئیا۔ میرے ہڈّاں لگّی تھکاوٹ، بھار سکے نہ کوئے اُٹھائیا۔ کلجُگ سنتاں میرے نال پائی بغاوت، جھوُٹھی کیِتی لڑائیا۔ ابناسی کرتے لا کے سچ عدالت، دُھر فرمانا دِتا سُنائیا۔ جن بھگتاں بخشش کر کے اپنی سخاوت، نام جھولی دِتا پائیا۔ میری کِسے نہ لئی ضمانت، چاروں کُنٹ ویکھاں نیَن اُٹھائیا۔ سنت سُہیلے پربھ دی بنے اَمانت، اِیمان داری اِکو گھر نظری آئیا۔ جوتی جوت سروُپ ہرِ، آپ اپنی کِرپا کر، سوہنی بنت بنائیا۔ بھگتی کہے میرا چُھٹیا لڑ، ڈوری تند نہ کوئے بندھائیا۔ گُرمُکھ گُرسِکھ دُھر دا ڈھولا گئے پڑھ، اِکو نام دِھیائیا۔ جوگ ابھیاس نہ کوئی رہیا کر، ڈوُنگھی کندر نہ ڈیرہ لائیا۔ ساچی منزل رہے چڑھ، بِن پاندھیؤں پندھ مُکائیا۔ درسن کر نرائن نر، نِج نیتر خوشی منائیا۔ پوُرب جنم دا پوُرا ہویا ور، ور دِتا بےپرواہیِا۔ نِہکرمی ہو کے آیا گھر، کرم کانڈ رہیا چُکائیا۔ مَیں دوُر دُراڈے ویکھاں کھڑ، اپنی اکّھ شرمائیا۔ ابناسی کرتے جِنہاں وکھایا دُھر دا در، درگاہ ساچی دِتا کُھلائیا۔ سو ہرجن سہج سُبھاؤ پربھ سرنائی گئے پڑ، اگلا پِچھلا لیکھ چُکائیا۔ جوتی جوت سروُپ ہرِ، آپ اپنی کِرپا کر، اِکو دِتا دُھر دا ور، گھر ساچا دِتا وکھائیا۔ بھگتی کہے

میرا رویا نیَن، چھہبر اِک لگائیا۔ مَیں اندروں آئی کُچھ کہن، کہہ نہ سکاں رائیا۔ جن بھگتاں پربھوُ بنیا سچّا سیَن، سجّن روُپ وٹائیا۔ ہرِ سنگت ویکھی ناتا بھائی بھَین، پریم پریِتی اندر بَیٹھی آسن لائیا۔ ایتھے چُکیا پِچھلا لہن دیِن، اَگے لیکھا بےپرواہیِا۔ سِری بھگوان جن بھگتاں آپے آیا لیَن، نِرگُن ہو کے پھیرا پائیا۔ جوتی جوت سروُپ ہرِ، آپ اپنی کِرپا کر، مِہروان دَیا کمائیا۔ بھگتی کہے ایتھے کاہدا روسا، سِری بھگوان رُسیاں رہیا منائیا۔ جِس دا سچکھنڈ دوار دُھر دا کوٹھا، چھپر چھنّ ویکھ دئے وڈیائیا۔ اوتھے سچ پرکاس نِرمل جوتا، ایتھے جوتی جوت کرے رُشنائیا۔ آپ پچھانے کھرا کھوٹا، لکّھ چؤراسی ویکھ وکھائیا۔ بھیو چُکا لوک پرلوکا، سچ سلوک رہیا سُنائیا۔ جن بھگتاں نال مِل کے خوشیاں رنگ مانے مؤجاں، مجلس اپنی اِک لگائیا۔ لیکھ چُکائے ایکا دوُجا، دوُآ ایکا اِکو رنگ رنگائیا۔ اپنا بھیو کُھلایا گوُجھا، سَت سچ دِتا سمجھائیا۔ جِنہاں گُرمُکھاں ہری دوار سوُجھا، سو چتُر سُگھڑ سُجان روُپ وٹائیا۔ بھگتی کہے اوتھے میرا کاسہ موُدھا، پاسہ پرت نہ کوئے وکھائیا۔ جوتی جوت سروُپ ہرِ، آپ اپنی کِرپا کر، جن بھگتاں دِتا اِک ور، درگاہ ساچی دیوے مان وڈیائیا۔

۱۹ جیٹھ ۲۰۲۱ بِکرمی چوُہڑ سِنگھ دھنگالی جموُں

بھگتی کہے وڈّا گُرمُکھ، جِس گُر سَتگُر دئے وڈیائیا۔ جنم کرم دا مِٹیا دُکھ، آون جاون دِتا چُکائیا۔ انتر اُپجیا سچّا سُکھ، بسنتر اگن بُجھائیا۔ اُجل ہووے مات مُکھ، دُرمت مَیل دھوائیا۔ کوُڑ وِکارا کڈھے کُٹ، جوُٹھ جھوُٹھ ڈیرہ ڈھاہیِا۔ انتم گودی لئے چُک، پھڑ اپنے رنگ رنگائیا۔ سفل کرا کے مات کُکھ، سچ دوارے دئے وڈیائیا۔ جوتی جوت سروُپ ہرِ، آپ اپنی کِرپا کر، گُرمُکھاں ہوئے سہائیا۔ گُرمُکھاں ویکھ دو جہان ہسّن، اِک دوُجے ول دھیان لگائیا۔ گُر اوتار اِکٹّھے ہو کے دسّن، پیِر پَیغمبر کرن صلاحیِا۔ ویکھو سِری بھگوان اوہناں دی پت آیا رکھّن، جِنہاں اگلا پِچھلا پتہ کِچھ نہ رائیا۔ دُھر دا مارگ آیا دسّن، دردی ہو کے کرے پڑھائیا۔ جوتی جوت سروُپ ہرِ، آپ اپنی کِرپا کر، ہرِ ہِردے آیا وسن، جوتی جوت کر رُشنائیا۔ جن بھگتاں ویکھ ون ترِن مؤلے، پنکھی پنچھی خوشی رہے منائیا۔ سِری بھگوان پوُرا کرے قؤلے، اِقرار بُھل کدے نہ جائیا۔ پرگٹ ہوئے اُپر دھؤلے، دھرنی دھرت سوبھا پائیا۔ ہرجن آپ اُٹھائے ہؤلے ہؤلے، مِہروان مِہر

نظر اُٹھائیا۔ دھنّ گُرمُکھ جو سوہنگ ڈھولا بولے، بِن وچولے پار کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمُکھ اپنے گرِہ وسائیا۔ گُرمُکھ ویکھ تردا، چار کُنٹ نیَن اُٹھائیا۔ گُرمُکھ ویکھ پڑھدا، چؤداں لوک حَیرانی چھائیا۔ گُرمُکھ ویکھ چڑھدا، ٹِلّے پربت دین دُہائیا۔ گُرمُکھ ویکھ ساچے مندر وڑدا، شِودوالے کوٹن نیتر نیَناں نیِر وہائیا۔ گُرمُکھ ویکھ پریم پریِتی کردا، عاشق معشوُق دوویں بَیٹھے مُکھ بھوائیا۔ گُرمُکھ ویکھ پربھ ساچے نال مِلدا، گُر اوتار پیِر پَیغمبر سارے خوشی منائیا۔ ایہہ کھیل اچرج اگمّی دِلبر دِل دا، دلیِل وِچوں دلیِل دئے بدلائیا۔ پڑدہ ہٹا کے بجرکپاٹی سِل دا، راتیں سُتّیاں درس کرائیا۔ پریِتم پربھ پیارا ہو کے مِلدا، پریم وِچوں پریِتی سنگ رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمُکھ مڑھی گور وِچوں باہر کڈھائیا۔

۱۹ جیٹھ ۲۰۲۱ بِکرمی دیوا سِنگھ دے گرِہ دھنگالی جموُں

دُنی داری دا دُنیا جھیڑا، جُگ جُگ جھگڑے وِچ لوکائیا۔ نِت نوِت پربھ گیڑدا رہیا گیڑا، نِرگُن سرگُن اُلٹی لٹّھ بھوائیا۔ گھر گھر اندر چھیڑدا رہیا چھیڑا، من مت کرے لڑائیا۔ کوٹن کوٹاں وِچوں گُرمُکھ وِرلے بنّھدا رہیا بیڑا، آپ اپنے کندھ اُٹھائیا۔ سچ دوار وساؤدا رہیا کھیڑا، گرِہ مندر سوبھا پائیا۔ جگت لوکائی ویکھے جھیڑا، جھگڑا دئے دُہائیا۔ جِنہاں پربھ نوُں مِل کے کِہا پربھ میرا، تِنہاں ہو کے دئے وکھائیا۔ جن بھگت مِلن نہ لاون دیرا، دوُر دُراڈا پندھ مُکائیا۔ جوتی جوت سروُپ ہرِ، آپ اپنی کِرپا کر، مِہروان دَیا کمائیا۔ دُنیادار دُنیا وِچ بولن بول، جگت رسنا نال مِلائیا۔ جن بھگت سدا رہن اڈول، دھروُ پرہلاد گیا سمجھائیا۔ صاحِب سوامی جِنہاں وسیا کول، سد گھر بَیٹھا ڈیرہ لائیا۔ اوہ سنت سُہیلے تُلن پوُرے تول، جگت ترازوُ نیڑ کوئے نہ آئیا۔ ابناسی کرتا مِہروان ہو کے آپے انتر جائے مؤل، ساچا منتر اِک سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دیِن دُنی دوویں دئے تجائیا۔ دُنیادار دُنیا وِچ پاون شور، اُچی کوُک کوُک سُنائیا۔ جن بھگتاں پربھ اپنے شبدی بنّھے ڈور، تندی تند نال جُڑائیا۔ جگت وَیہن دِسے اندھیرا گھور، سچ چند نہ کوئے رُشنائیا۔ گُرمُکھاں گُر آتم پرماتم ناتا لئے جوڑ، جوڑی دُھر دی آپ بنائیا۔ ساک سجّن بھائی بھَین مِتر جان چھوڑ، دھیِاں پُت نار کنت ہوئے جُدائیا۔ اوتھے صاحِب

ساچے دی ساچی لوڑ، نِرگُن نِروَیر نِراکار نِرنکار لیکھا لائے چائیں چائنیا۔ جوتی جوت سروُپ ہرِ، آپ اپنی کِرپا کر، دیونہار اِک سرنائیا۔ دُنیاداری دُنیا رہی ڈرا، کوُڑ کوُڑیارا بھؤ وکھائیا۔ جِنہاں مِلیا بےپرواہ، اوہ بَیٹھے اپنا آپ مِٹائیا۔ جگت سماج نہ سکے کوئی چھڈا، سجّن سجّناں دیوے نہ کوئے گواہیِا۔ سب دے سِر تے کوُکے انت قضا، لکّھ چؤراسی رکھی کھائیا۔ جن بھگتاں آوے اوہ مزہ، جِس دا رس ویکھن کوئے نہ پائیا۔ دُنیادار دھرم رائے توں سکے نہ کوئی چُھڈا، شؤہ دریا پار نہ کوئے لنگھائیا۔ جوتی جوت سروُپ ہرِ، آپ اپنی کِرپا کر، جِنہاں اُپر دَیا رہیا کما، تِنہاں جنماں جنماں جنم دا لیکھ چُکائیا۔

۱۹ جیٹھ ۲۰۲۱ بِکرمی روُڑ سِنگھ دے نوِت دھنگالی جموُں

ستگُر مِلیا دُھر دا گُنیا، گُنوَنتا نظری آئیندا۔ جِس دی بانی اگمّ سُنیا، سروت اپنی اِک سمجھائیندا۔ جِس دی کِرپا نال پِچھلی چُھٹی دُنیا، دُنیا وِچوں دیِن پرم پُرکھ اپنا اِک وکھائیندا۔ ایہہ مارگ ہتّھ نہ آیا رِکھیاں مُنیاں، سادھ سنت سرب کُرلائیندا۔ جِس بھاگ لگائے کایا کُلیّا، ڈھٹّھا کُلا ویکھ وکھائیندا۔ اُس دے نام اندر جِنہاں دیِا پنج وار ہِلیاں بُلیاں، بُلھے نالوں اگلا راہ وکھائیندا۔ جو سخیاں رہیاں بُھلیاں، تِنہاں بُھلیاں مارگ پائیندا۔ اوہ دو جہان سچ پھلواڑی اندر پُھلیاں، پتّ ڈالی آپ مہکائیندا۔ دھرم ترازوُ کنڈے تُلیاں، تولنہارا اِکو نظری آئیندا۔ لوکمات لکّھ چؤراسی وِچ نہ رُلیاں، جم کی پھاسی پھند کٹائیندا۔ سچ دوارے چُھٹیِاں دے کے کُھلیاں، گھر مندر اِک وکھائیندا۔ جوتی جوت سروُپ ہرِ، آپ اپنی کِرپا کر، لیکھے لائے روُحاں اوہ انمُلیاں، جِنہاں اپنے لیکھے لائیندا۔ دُنیا وِچوں مِلیا مِلاپ، پربھ دِتی مان وڈیائیا۔ دسّ کے اپنا اگلا جاپ، پِچھلی پِچھے دِتی کھپائیا۔ دُرمت مَیل بھری کر کے پاک، پتت پُنیِت پوِت روُپ وٹائیا۔ سچ پدارتھ دے کے دات، خالی جھولی اِک بھرائیا۔ مَیں چھڈ کے جھوُٹھا جگت سجّن ساک، ناتا کوُڑا لیا تُڑائیا۔ امرت ویلے لےَ کے اِکو واک، واسطہ دوئے جوڑ پائیا۔ تُوں صاحِب میرا ساتھ، سگلا سنگ رکھائیا۔ شبد اگمّی آئی آواز، دُھر سندیسہ دِتا سُنائیا۔ مَیں بن کے تیرا باپ، پِتا ہو کے پوُت گود اُٹھائیا۔ تُوں اوس پُرکھ دی اگمّی شاخ، جِس دی شناخت نظر کِسے نہ آئیا۔ تیرا ہو کے تیری پُچھے وات، جوتی جوت سروُپ ہرِ، آپ

اپنی کِرپا کر، مِہروان مِہر نظر اُٹھائیا۔ آتم کہے مَیں چھڈیا جگ، ناتا تُٹا لوکائیا۔ سچ پریِتی در ٹھانڈے گئی لگّ، مِتر پیارا اِکو نظری آئیا۔ ہڈّ ماس ناڑی دِتا تج، ماٹی خاک میل رہیا نہ رائیا۔ سچ دوارے آئی بھجّ، پیَنڈا پندھ مُکائیا۔ دوُر دُراڈی آئی نسّ، در ویکھاں چائیں چائنیا۔ جِتھے پاربرہم دا جس، دوُجا نظر کوئے نہ آئیا۔ بھگت سُہیلے رہے وس، خوشیاں رنگ رنگائیا۔ مَیں نیتر کھول درس کراں پُرکھ سمرتھ، اکّھ نیَن چرناں بھیٹ چڑھائیا۔ سرِشٹی نالوں ہو کے وکّھ، وکھّرے مندر بَیٹھی آئیا۔ جوتی جوت سروُپ ہرِ، آپ اپنی کِرپا کر، میرا لیکھا دئے مُکائیا۔ میرا لیکھا مکُے سَتگُر ہٹّ، لہنا اپنا جھولی پائیا۔ ساک سجّن پِچھے آئی چھڈ، جھگڑا مِٹے لوکائیا۔ میرے کِسے کمّ نہیں آؤنے ہڈّ، خاکی خاک مِلائیا۔ جِس دی وست اوسے دے ہتّھ، اوہ مالک بےپرواہیِا۔ جِس دا آد جُگاد جُگ چؤکڑی گُر اوتار پیِر پَیغمبر گاؤندے جس، شاستر سِمرت بَیٹھے راگ الائیا۔ اوس دے قدماں چرناں گئی ڈھٹّھ، ارباں کھرباں وِچوں بچ کے گھر ساچے پھیرا پائیا۔ لکّھ چؤراسی نالوں ہو الگّ، در ٹھانڈے خوشی منائیا۔ میرا پریِتم ہؤلی جیہی ایتھے گیا چھڈ، بھار اپنے کندھ اُٹھائیا۔ مَیں بھگتاں ویکھ پئی ہسّ، سوہنی خوشی منائیا۔ اوہ اِشارے نال رہے دسّ، ہؤلی ہؤلی سمجھائیا۔ تُوں سوہنگ گایا جس، ایسے کارن ایتھے آئیا۔ مہاراج شیر سِنگھ وِشنوُں بھگوان، پرم پُرکھ پرماتم سمرتھ، آتم پرماتم ہو کے اپنے وِچ سمائیا۔

۱۹ جیٹھ ۲۰۲۱ بِکرمی کرم سِنگھ دے گرِہ دھنگالی جموُں

آتم کہے مَیں ہوئی حَیران، بھگوَن کھیل بےپرواہی دا۔ سچ دوارے نہ مندر نہ کوئی مکان، چھپر چھنّ نہ کوئے چُھہائی دا۔ نہ زِمیں نہ اسمان، منڈل منڈپ نیَن نہ کوئے اُٹھائی دا۔ پنج تت نہ کوئے نِشان، اِستری مرد روُپ نہ کوئے وٹائی دا۔ شاستر سِمرت نہ کوئی پُران، رسنا گیان نہ کوئے دِرڑائی دا۔ سروور جل نہ پیِن کھان، تیِرتھ تٹ نہ کوئے وکھائی دا۔ ساک سجّن نہ کوئی دِسے چتُر سُگھڑ سُجان، بُدھیِوان بھیوَ نہ کوئے کُھلائی دا۔ مات پِت نہ بال انجان، نار کنت نہ جوڑ جُڑائی دا۔ شرع شریعت دیِن مذہب نہ کوئے اِیمان، اوُچ نیِچ نہ کوئے وکھائی دا۔ مڑھی گور نہ کوئے دفنان، اگنی تت نہ کوئے جلائی دا۔ اِکو نظر آیا جوت سروُپ صاحِب سچّا سِری بھگوان، جِس دا آد جُگاد اکھّراں نال جس گائی دا۔ اُس

دا چرن کوَل مہان، جِس دا نقشہ مات لوک نہ کِسے سمجھائی دا۔ نہ کوئی رسنا دیوے بیان، قلم شاہی نہ لیکھ بنائی دا۔ ویکھ دوار ہوئی پریشان، پرا پسنتی مدھم بَیکھری راگ نہ کوئے الائی دا۔ کِرپا کری جِس ویلے میرے مِہروان، مِہر مُحبّت نال اپنا بھیو کُھلائی دا۔ مَیں دوئے جوڑ چرن ڈِگی بن کے بال انجان، نیتر رو رو بِن اکّھاں حال سُنائی دا۔ اوسے ویلے پُرکھ اکال دیِن دَیال اپنی جوت وِچ جوت مِلایا آن، جِس جوتی وِچوں نظر کِسے نہ آئی دا۔ جوتی جوت ہویا میلا، پرم پُرکھ دِتی وڈیائیا۔ جِس گھر وسدا رہیا اَکیلا، اوسے گھر دِتا بہائیا۔ اِکو رنگ رنگ کے گُر چیلا، چیلا گُر آپ ہو جائیا۔ سُہنجنا وقت سُہایا ویلا، رُت رُتڑی نال مِلائیا۔ اپنا کھیل آپے کھیلا، خالق خلق سمجھ سکے نہ رائیا۔ جوتی جوت سروُپ ہرِ، آپ اپنی کِرپا کر، گھر ساچے لیا ٹِکائیا۔ گھر سچ وسیرا گئی ٹِک، ٹِکٹِکی اِکو اِک دھیان لگائیا۔ بِن قیمتوں گئی وِک، وِکری ہور نہ کِسے جنائیا۔ اِکو سچ پیار پریم دی مار کے کھِچ، کھِچ لیا بےپرواہیِا۔ جِس ویلے وڑیا میرے وِچ، وِچلا بھیو چُکائیا۔ جِدھر ویکھاں اودھر پئے دِس، چاروں کُنٹ نظری آئیا۔ آتما کہے مَیں پرماتما کر کے ہِت، ہِتکاری لیا منائیا۔ مِل کے میل ابناسی اچُت، چیتن اپنا روُپ وٹائیا۔ بےشک چھڈ کے آئی کایا بُت، بِن کایا کپّڑ پرم پُرکھ پرماتم لیا ہنڈھائیا۔ اُس سہج سُبھاؤ اپنے ہتّھاں لیا چُک، بُھجاں اُپر ٹِکائیا۔ پریم پریِتی اندر لیا پُچھ، پِچھلا بھیو کُھلائیا۔ جوتی جوت سروُپ ہرِ، آپ اپنی کِرپا کر، اپنا رنگ دِتا وکھائیا۔ آتم کہے مَیں ویکھیا رنگ، انوکھا دِتا وکھائیا۔ پرماتم سوہنا سُہایا پلنگ، سُہنجنی سیج بنائیا۔ نام نگارہ وجےّ مردنگ، تال تلواڑا اِکو اِک جنائیا۔ جوتی نوُر چڑھے چند، رَو سس نہ کوئے رُشنائیا۔ مَینوُں اوتھے آیا اوہ انند، جیہڑا انند بھائی بھَیناں وِچوں ہتّھ نہ آئیا۔ میری کرنی میری مرنی پربھ سرنی کدے نہ ہووے بند، بند خلاصی بندی خانہ بندھن دئے تُڑائیا۔ جوتی جوت سروُپ ہرِ، آپ اپنی کِرپا کر، اپنی پرماتم آتم انگ اپنے نال مِلائیا۔ آتم کہے مَیں ہوئی نِرالی، نِرگُن روُپ وٹائیا۔ پِچھلی چُکی رَین اندھیری کالی، کلجُگ لہنا دِتا مُکائیا۔ جیِنودیاں جیِنودیاں جو سیوا کر کے گھال گھالی، سو سیوا لیکھے لائیا۔ پِچھوں کوٹن کوٹ دِیپک جگدے رہن دیوالی، آتم شمع نہ کوئے رُشنائیا۔ ساک سجّن سیَن بھائی مات پِت دوست مِتر ہتّھ رکھّن خالی، وست امولک ہتّھ کِسے نہ آئیا۔ پنڈت پاندھا مُلّا شیخ کیا کوئی کرے وِچ دلالی، اپنی سار سمجھ کِسے نہ پائیا۔ ہڈّیاں روون در بنن سوالی، بِھکھک ہو کے الکھ جگائیا۔ جوتی جوت سروُپ ہرِ، آپ اپنی کِرپا کر، سد سِر اپنا ہتّھ ٹِکائیا۔ آتم کہے

موہے ہویا وچھوڑا، ناتا جگت تُڑائیا۔ سِری بھگوان آپے بہُڑا، پُرکھ اکال پھیرا پائیا۔ شبد اگمّی دے کے گھوڑا، شاہ سوار دِتا سُہائیا۔ جن بھگتاں مارگ کیا کوئی اٹکاوے روڑا، جگت ریِتی کمّ کِسے نہ آئیا۔ اوہناں جنم لیَنا پئے پھیر دوہرا، جو بُھلے بےپرواہیِا۔ مات گربھ وِچ بھریا رہے پھوڑا، دردیاں درد نہ کوئے ونڈائیا۔ گُرمُکھ کہن سانوُں اوس پربھوُ دی لوڑا، جِس ساڈی بنت بنائیا۔ راگ گایا تورا مورا، سوہنگ روُپ سمائیا۔ جوتی جوت سروُپ ہرِ، آپ اپنی کِرپا کر، جن بھگت آتم لئے ور، پرماتم اپنے گھر وسائیا۔

۱۹ جیٹھ ۲۰۲۱ بِکرمی اِندر رام دے گرِہ دھنگالی جموُں

جم کی پھاسی ٹُٹا رسّا، نِکی کھٹیا دئے گواہیِا۔ زِندگی وِچوں زِندا کیِتا بچّہ، بچّیاں وِچوں بچّے دِتی وڈیائیا۔ کی کِسے نوُں یاد پِچھلا پتہ، جو پتریاں اُتے گیا سمجھائیا۔ ایہہ ویلا وقت ویکھ اچھا، اچھی طرح دِرڑائیا۔ کایا ماٹی بھانڈا کچّا، بھجّنوں ٹُٹنوں لیا بچائیا۔ پریم پریِتی اندر ویکھ کے سچّا، سچّی ڈوری تند بندھائیا۔ کِسے پیار خاطر کِسے وِہار خاطر پِھرے نسّا، وِچار وِچوں وِچار سکے نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، بخشش آپ کمائیا۔ کھٹیا کہے مَیں کی دسّاں حال، کی کُچھ دیاں جنائیا۔ جِس دے سِر تے کوُکن والا سی کال، اُس دی کالکھ دِتی لاہیِا۔ دَیالاں وِچوں ہو کے دَیال، دیِناں وِچوں دیِنن لئے اُٹھائیا۔ پرِتپالاں وِچوں ہو کے پرِتپال، بالک اپنی گود سُہائیا۔ گودی وِچ رکھّ انمُلڑا لال، لالن دئے وڈیائیا۔ ایہہ جگت نہیں جیِون جنجال، سَتگُر جُگت رہیا سمجھائیا۔ پِچھلی پریِتی اَگے نِبھی نال، دوہاں پندھ مُکائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ کھٹیا کہے میرا ٹُٹا انگ، انگ انگ دئے دُہائیا۔ جِس ویلے صاحِب سَتگُر سچ دوارا گیا لنگھ، اپنا قدم اُٹھائیا۔ جن بھگت منگی اوہ منگ، گھر آیا بےپرواہیِا۔ جِس دا وجےّ سدا مردنگ، مرد مردانہ ہو کے رہیا سُنائیا۔ سو سُہائے سُہنجنی سیج پلنگ، آتم انتر ڈیرہ لائیا۔ تھوڑا سماں بہُتی پاوے ٹھنڈ، ٹھنڈ وِچوں ٹُٹی گنڈھ وکھائیا۔ مہاراج شیر سِنگھ وِشنوُں بھگوان ہو بخشند، بخشش وِچوں کر بخشیِش بخشیِش وِچوں بخشش دِتی ورتائیا۔

۱۹ جیٹھ ۲۰۲۱ بِکرمی میلہ رام دے گرِہ دھنگالی جموُں

جن بھگت جگ جائے جِتّ، جِتّے سرب لوکائیا۔ جو سِری بھگوان دوارے گیا وِک، قیمت دوُجے گھر نہ کوئے رکھائیا۔ اُس دی ایتھے اوتھے کوئی نہ لاوے پِٹھ، مُکھ سکے نہ کوئے بھوائیا۔ آد انت مِلن انتم اوسے پِت، جِس نوُں پت پرمیشور کہہ کے رہے سُنائیا۔ سِری بھگوان پوُری کرے سِک، آسا آسا نال جُڑائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ گُرمُکھ کہن رسنا جِہوا، دُھر دا راگ الائیا۔ پربھ پایا اِکو الکھ ابھیوا، جِس دی اچرج دِسی وڈیائیا۔ سچ سَت سُچ اوس دی سیوا، در دربار اِکو سوبھا پائیا۔ جِس دا سچ پدارتھ دُھر دا میوہ، سادھ سنت سدا سدا سد رہے کھائیا۔ اوہ وسے نِہچل دھام سدا نِہکیوا، اٹل روُپ وٹائیا۔ کر کِرپا جِس دے مستک سچ لگاوے تھیوا، جوتی جوت جوت کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل الکھ ابھیوا، ابھید اپنا دئے کُھلائیا۔ ابھید کھولے انتر بولے کایا چولے، پڑدہ دئے چُکائیا۔ سُنائے ڈھولے شبد انمولے وسے کولے، وِچھڑ کدے نہ جائیا۔ سُرتی شبدی مؤلے، امرت بھرے نابھ کؤلے، دیوے وڈیائی اُپر دھؤلے، دھرنی ویکھ ویکھ خوشی منائیا۔ سرِشٹ سبائی جن بھگتاں کہے ایہہ کملے، کوَل نیَن والا کہے کامل پُرکھ نظری آئیا۔ جِنہاں دے لوکمات چُکاؤنے بدلے، پِچھلا لہنا جھولی پائیا۔ گھر وساؤنے جا کے اگلے، جِتھے پِچھا یاد کوئے نہ آئیا۔ ایہہ پریم پیار پریِتی اندر ہوئے پگلے، اپنا آپ گئے بُھلائیا۔ اینہاں دے کارج پوُرے ہوئے سگلے، سنگی مِلیا بےپرواہیِا۔ جِنہاں دے پاٹے چیِتھڑ رنگلے، سوہنا رنگ چڑھائیا۔ سچکھنڈ دوار سُہائے سوہنے بنگلے، در دروازہ اپنے ہتّھ رکھائیا۔ گُرسِکھ نوُر نوُرانی چڑھے چندنے، چنداں وِچوں چند اپنا روُپ وٹائیا۔ جوتی جوت سروُپ ہرِ، آپ اپنی کِرپا کر، ایتھے اوتھے انتر آتم اِک انند دے، پرمانند وِچ انت مِلائیا۔

۱۹ جیٹھ ۲۰۲۱ بِکرمی لچھمن سِنگھ دے گرِہ دھنگالی جموُں

چار جُگ دا پیار گُجھا، اُٹھ کے اپنی لئے انگڑائیا۔ چاروں کُنٹ ویکھے ہو کے اُچا، چار دِشا دھیان رکھائیا۔ کَون گرِہ ہووے سُچا، سَت سروُپ نظری آئیا۔ اوس دوارے جا کے پُجا، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، میرا نیتر دئے کُھلائیا۔ چار جُگ دا پیار ویکھے، نیتر نیَن اُٹھائیا۔ کَون لیکھا لائے وِچ لیکھے، لِکھنہار دئے وڈیائیا۔ سَتجُگ تریتا دواپرکردا پیا چیتے، پِچھلی یاد اکّھاں اَگے لیائیا۔ اَگے ہو کے کلجُگ پائے بُھلیکھے، کوُڑی کِریا نال مِلائیا۔ ایہہ کی کھیل پربھوُ پربھ کھیڈے، کھیلنہارا بےپرواہیِا۔ جوتی جوت سروُپ ہرِ، آپ اپنی کِرپا کر، میرا پردہ دئے چُکائیا۔ چار جُگ دا پیار تڑپھے، رو رو دئے دُہائیا۔ مَینوُں سادھ سنت اُٹھ کے کردے رہے تڑکے، امرت ویلا رُت سُہائیا۔ مَینوُں لبھدے رہے جل سروور پانی ٹھر کے، گنگا گوداوری جمنا سُرستی تاریاں لائیا۔ مَینوُں وردے رہے اگنی سڑ کے، جگت دھوُنیاں مات تپائیا۔ مَینوُں پھڑدے رہے پہاڑاں چوٹی چڑھ کے، پربتاں اُتے ڈیرہ لائیا۔ مَینوُں سدّدے رہے شاستر سِمرت وید پُران گیِتا گیان اُچی پڑھ کے، رسنا جِہوا ناد سُنائیا۔ مَینوُں لبھدے ہتّھ چھاتی تے دھر کے، کنّاں وِچ اُنگلاں پائیا۔ مَینوُں سدّ دے دھرنی اُتے متھا رکھّ کے، سجدہ کرن تھاؤں تھائنیا۔ مَیں سب توں لُکیا بچ کے، پردہ اوہلا اِک رکھائیا۔ کوٹن کوٹ لوکمات گئے لد کے، میری سار کِسے نہ آئیا۔ جوتی جوت سروُپ ہرِ، آپ اپنی کِرپا کر، میری سوہنی دھار چلائیا۔ جگت پیار کہے میرا کھیل اولّا، آد جُگادی آپ بنائیندا۔ مَینوُں لبھدے جنگل جوُہ اُجاڑ پہاڑ ڈوُنگھی ڈلّا، کھوجیِاں ہتّھ کِسے نہ آئیندا۔ میرے اندر پیار وَیراگی لگّا سلّا، آر پار تیِر نِشان اِک کرائیندا۔ میرے پیار اندر سادھ سنت ہویا جھلّا، جھلک وِچوں جھلک نہ کوئے وکھائیندا۔ جوتی جوت سروُپ ہرِ، آپ اپنی کِرپا کر، میری کرنی اِک درسائیندا۔ پیار کہے میری کرنی وکّھ، ہرِ کرتے آپ بنائیا۔ سَتجُگ تریتا دواپرکلجُگ نِت نوِت مارگ دسّ، گُر اوتاراں دِتا دِرڑائیا۔ کوئی لبھے مندر مٹھ، کوئی شِودوالے نیَن اُٹھائیا۔ کوئی مکّے کعبےکر کر حج، مسیِتاں وِچوں کھوج کھوجائیا۔ کوئی گُروُدوارے رہیا بھجّ، امرت ویلے اُٹھ کے کرے دھائیا۔ کوئی گُپھا اندر بَیٹھا سج، جوگ ابھیاس نال رہیا منائیا۔ کوئی نعرہ بولے حق حق، اُچی کوُک کوُک سُنائیا۔ کوئی جنم جنم وِچ گیا تھکّ، بن بن پاندھی پندھ مُکائیا۔ جوتی جوت سروُپ ہرِ، آپ اپنی کِرپا کر، میرا پڑدہ اِک بنائیا۔ پیار کہے مَیں پڑدے

اوہلے، جگ نیتر نظر کِسے نہ آئیندا۔ بھاگ لگاواں کایا چولے، ساڈھے تِنّ ہتّھ سوبھا پائیندا۔ سادھ سنت بناواں گولے، پیِر فقیِر در در آپ پِھرائیندا۔ جوتی جوت سروُپ ہرِ، آپ اپنی کِرپا کر، میری ساچی کھیل آپ رچائیندا۔ پریم کہے میری کھیل سچ، ہرِ ساچے آپ بنائیا۔ بھاگ لگا کے کایا ماٹی کچّ، گگریا اِکو اِک سُہائیا۔ دُھر دا مارگ اگمّی دسّ، رستہ اِکو دِتا وکھائیا۔ جِس دوارے رہیا وس، اُس دا کُنڈا نہ کوئے کُھلائیا۔ مَیں بَیٹھا کر کے ہٹھ، حوصلہ اِک ودھائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ پیار کہے مَیں رہیا لُکیا، اپنا مُکھ چُھپائیا۔ انتم ویکھیا اپنا پیَنڈا مُکیا، نیتر نیَن کُھلائیا۔ ابناسی کرتا اندرے اندر تُٹھیا، دُھر فرمانا دِتا سُنائیا۔ ویس وٹائے ابناسی اچُتیا، نِرگُن نوُر کرے رُشنائیا۔ کلجُگ سُہائے ساچی رُتیا، رُت رُتڑی آپ مہکائیا۔ سِدھا جن بھگتاں جا کے پُچھیا، شبد ہلوُنے نال اُٹھائیا۔ پوُرب جنم دا جو پِچھے رہیا رُٹھیا، پھڑ باہوں لئے منائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ پیار کہے مَیں ویکھیا پیار، پریِتم پیاریاں نال رہیا کمائیا۔ یاراں نال ملِے ہو کے یار، سجّناں نال سجّن نظری آئیا۔ بھگتاں نال بھگت وچھل گِردھار، بھگوَن داتا جوت نوُر رُشنائیا۔ جوتی جوت سروُپ ہرِ، آپ اپنی کِرپا کر، سوہنا ویلا رہیا سُہائیا۔ پیار کہے موہے ہوئی حَیرانی، پربھ ایہہ کی کھیل ورتائیا۔ جن بھگتاں مِلیا والی دو جہانی، نِرگُن سرگُن کھیل کھلائیا۔ میرے انتر ہوئی پریشانی، میری پیشانی پسیِنہ رہی وہائیا۔ میرے نیتر نیَن کرن قُربانی، آپ اپنا بھیٹ چڑھائیا۔ پِچھلی گائے کوئے نہ بانی، پریم انیالا تیِر پرم پُرکھ پربھ اِکو اپنا لائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ پریم کہے مَیں ویکھیا تیِر لگّدا، ہرِجوُ ہرِ بھگتاں آپ لگائیندا۔ لیکھا چُکے اُپر شاہ رگ دا، شہنشاہ اپنا میل مِلائیندا۔ گُرمُکھ سچ پریم پیار اندر بھجّدا، راہ کھہڑا نظر کوئے نہ آئیندا۔ اِکو سِری بھگوان چرن ڈھٹّھ دا، دوُجی اوٹ نہ کوئے تکائیندا۔ اوتھے لہنا رہے نہ تیِرتھ تٹ دا، گُردر مندر مسجد قیمت کوئے نہ پائیندا۔ سِری بھگوان جِس ویلے چرن کوَل سیِس اُپر رکھّدا، رکھیاوان نظری آئیندا۔ لہنا چُکے تیِجی اکّھ دا، لوچن لوچن وِچ ٹِکائیندا۔ گُرمُکھ ہووے ککّھوں لکّھ دا، قیمت کرتا آپ مُکائیندا۔ اوہ ویلا حقو حق دا، حقیِقت وِچوں کھوج کھوجائیندا۔ جگت پیار دوُر بَیٹھا تکّ دا، بھگت پیار بھگتاں وِچوں نظری آئیندا۔ ہُن ویلا نہیں شک دا، سنسا روگ سرب مِٹائیندا۔ سَتگُر پیار لچھمن سِنگھ وِچ ویکھو ٹپدا، ہؤلی ہؤلی ہِلائیندا۔ ایہہ پریم اوسے جپ دا، جِس وِچ تیرا میرا روُپ

نظری آئیندا۔ سچ دوارے مستی اندر مستانہ ہو کے ہسّدا، سوہنگ ہنسا روُپ وٹائیندا۔ جِس ویلے پرم پُرکھ پرماتم تیِر نِرالا کسدا، انیالا آپ چلائیندا۔ اوس پیار اندر گُرمُکھ پیارا ڈھٹّھ دا، مان ابِھمان گوائیندا۔ اندر باہر اِکو نام رٹ دا، رٹّا جگت جہان چُکائیندا۔ مانَس جنم ایہو لاہا کھٹدا، دُھر دی کھٹی اپنی جھولی پائیندا۔ کایا چولی رنگ اگمّڑے رنگدا، رنگ مجیِٹھی اِک وکھائیندا۔ ساچے مندر اُچ منار آپے لنگھدا، اَدھ وِچکار نہ کوئے اٹکائیندا۔ جِس ویلے درس کرے پریم پریِتم سچ پلنگ دا، جِس دا پاوا چوُل نظر کِسے نہ آئیندا۔ اوتھے رس ملِے دُھر دے گائے چھند دا، جِس چھند وِچوں اپنا انند پرگٹائیندا۔ ایہو وست گُر اوتار پیِر پَیغمبر جُگ جُگ منگدا، جو سِری بھگوان جن بھگتاں جھولی پائیندا۔ اوتھے لیکھا چُکے کھنڈ برہمنڈ دا، جیرج انڈج اُتبُھج سیتج ڈیرہ ڈھاہِندا۔ کر پرکاس اپنے چند دا، نوُری جلوہ اِک وکھائیندا۔ پریم پیار اندر پریِتم ہو کے پریِتی گنڈھدا، دو جہان نہ کوئے تُڑائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ جگت پیار کہے مَیں ویکھیا پیار، بِن اکّھاں نظری آئیا۔ بِن رسنا ہُندی ویکھی گُفتار، بِن دنداں کرے پڑھائیا۔ بِن تن کایا کرے جَیکار، بِن تتّاں کھیل رچائیا۔ بِن قلم شاہی بنے لِکھار، بِن حرفاں حرف سمجھائیا۔ بِن محل اٹل کرے اُجیار، دیِا باتی کر رُشنائیا۔ بِن شاہ پاتشاہ شہنشاہ ہووے حُکمران، دُھر فرمانا اِک سُنائیا۔ اوتھے شاستر سِمرت نہ وید پُران، اِنجیل قُرآن کھانی بانی روُپ نہ کوئے وٹائیا۔ پریم وِچ بھگت بھگت وِچ بھگوان بھگوان وِچ نِشان، نِشان وِچوں مِلیا بےپرواہیِا۔ ایہو مارگ سب توں آسان، جو کِرپا کر کے رہیا ترائیا۔ ایتھے بھگتی بنی نادان، اپنا بَیٹھی سیِس نِوائیا۔ گُر اوتار پیِر پَیغمبر سوہنے ڈھولے گان، گیِت گوبِند سُنائیا۔ وِشن برہما شِو خوشی منان، پُشپ برکھا رہے برسائیا۔ جِنہاں پاربرہم پت پرمیشور بِن لبھیاں مِلیا آن، بِن کھوجیِاں پھیرا پائیا۔ سو گُرمُکھ گُرسِکھ ہرجن ہربھگت سچ دوارے خوشی منان، خوشیاں اندر اپنا راگ الائیا۔ ہوئی پوِتر رسنا جِہوا اوہ زبان، جو سوہنگ مہاراج شیر سِنگھ وِشنوُں بھگوان رہی دِھیائیا۔