کتب خانہGranth 17 (Urdu)

۲۵ ہاڑ ۲۰۲۱ بِکرمی لچھمن سِنگھ دے گرِہ رُڑکا کلاں

سچّے بھگت تیرا عِشق حقیِقی، حقیِقت وِچوں حق دِرڑائیندا۔ جِس دی دھار آد جُگاد باریِکی، جگ نیتر نظر کِسے نہ آئیندا۔ جِس دا لیکھا ملِے نہ وِچ تاریخی، تواریخ وِچ نہ کوئے سمجھائیندا۔ پُرکھ اکال جِس دے آپ ہووے نزدیِکی، نیرن نیر سچ سمجھائیندا۔ آتم پرماتم جوڑ پریِتی، پریِتم اپنا رنگ وکھائیندا۔ جگت جہان اولّڑی ریِتی، وید کتیب نہ کوئے سمجھائیندا۔ کایا کرے ٹھنڈی سیِتی، امرت میگھ برسائیندا۔ پریم پیار دی گنڈھ جائے پیچی، دو جہان نہ کوئے کھُلائیندا۔ ساچا کلمہ نام دسےّ حدیِثی، حضرت آپ سِکھائیندا۔ ہرجن ویکھے چڑھکے سِخر ٹیِسی، محل اٹل اِک وڈیائیندا۔ جِتھے کوئی جان نہ سکے نیِتی، نیِتیِوان اِکو نظری آئیندا۔ پِچھلی کھیل جانے بیِتی، دو جہاناں کھوج کھوجائیندا۔ صاحِب سُلطان کرے کھیل اگمّ انڈیِٹھی، انڈِٹھڑی کار اپنے ہتّھ رکھائیندا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیندا۔ جن بھگت تیرا عِشق محبوُب، محُبّت اِکو گھر جنائیا۔ ویکھ چڑھ منزل مقصوُد، پردہ اپنا پرے ہٹائیا۔ لیکھا چُکےہزارا دروُد، جگت کرے نہ کوئے پڑھائیا۔ مُرشد مُریِداں بَیٹھا گھر محفوُظ، مجلس اپنے گھر لگائیا۔ کوئی سمجھ نہ سکے حدوُد، آر پار قدم نہ کوئے ٹِکائیا۔ چرن کَول کر محدوُد، ویکھنہارا چائیں چائنیا۔ سوہنا سُہنجنا سُہائے عروُج، عرش قُرص دوویں نَین شرمائیا۔ کرے صِفت کی معشوق، مصلہ جگت نہ کوئے وڈیائیا۔ سچ خُدائے اِک تؤفیِق، مِہربان بےپرواہیِا۔ آد جُگادی بن رفیِق، رفاقت اپنے نال بنائیا۔ اپنے مِلن دی اپنے گھر دسےّ آپ تمیز، طمع سنگ نہ کوئے جنائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ سچ خُدائے رحمتے عاشق، مشکوُک نظری آئیندا۔

پروردِگارے صحیح سلامت، سد نغمہ نام جنائیندا۔ اگمّ اتھاہ دسّ عبادت، نعرہ حق حق پڑھائیندا۔ بن سوامی کر حِفاظت سِر اپنا ہتّھ رکھائیندا۔ من واسنا کرے نہ کوئی بغاوت، کھنڈا خنجر کھڑگ ہتّھ اُٹھائیندا۔ کوُڑی کِریا کر ممانت، مِہمان خانے اِک بہائیندا۔ جوتی جوت سروُپ ہرِ، آپ اپنی کِرپا کر، پریم پیار اندر رکھ اَمانت، عمل اپنے وِچ لیائیندا۔ سچ خُدا عِشق اتھاہ، رہبر سچ جنائیا۔ نغمہ نظم ڈھولا گا، دُھر دا راگ وڈیائیا۔ پڑدا اوہلا دئے چُکا، مکُھ گھُنگٹ رہن کوئے نہ پائیا۔ نیتر نَین لئے مٹکا، کروٹ اپنی لئے بدلائیا۔ سوہنا ڈھولا لئے گا، رسنا جِہوا بتّی دند صِفت صلاحیِا۔ بن وِچولا میلا لئے مِلا، جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ مِہربان کرے مشق، مصلہ جُگ جُگ حل کرائیندا۔ ویکھنہارا اُپر فلک، دوُر دُراڈا نظری آئیندا۔ لیکھا جانے سرِشٹ سبائی خلق، خالق اپنا کھیل کرائیندا۔ کوئی سمجھ نہ سکے گھڑی پلک، جگت ونڈ نہ کوئے وکھائیندا۔ دُھر درگاہی بن کے ملک، مؤلا اپنا حُکم ورتائیندا۔ جوتی جوت سروُپ ہرِ، آپ اپنی کِرپا کر، کرنی کرتا آپ کرائیندا۔ عِشق اندر مِہر آرام، محبان دئے سمجھائیا۔ بِن کلمیوں دے کلام، بِن کعبیوں کعبہ دئے وکھائیا۔ بِن سِنگھاسن کرے بِسرام، بِن سیجا ڈیرہ لائیا۔ بِن حاکم کرے نِظام، نؤبت اپنا نام سُنائیا۔ بِن اکھّراں دئے پیَغام، سندیسہ تھاؤں تھائنیا۔ جوتی جوت سروُپ ہرِ، آپ اپنی کِرپا کر، پردہ اوہلا رہیا اُٹھائیا۔ سچّا عاشق دُھر جھُگی، سوہنی منزل ڈیرہ لائیا۔ جِس دی اؤدھ انتم پُگی، پوُنجی ساری رہیا لُٹائیا۔ لوکمات رہے نہ گُجھی، گوجھ گیان رہیا سمجھائیا۔ سُرتی کوئی نہ رہے سُتّی، سُتّیاں رہیا جگائیا۔ پریم پیار اندر بنھ کے اپنی رُچی، روشن ضمیِر کرے سچ رُشنائیا۔ منزل دسّکے دُھر دی اُچی، اگمّ اتھاہ دئے وڈیائیا۔ گُرمکُھ آتم کرکے سُچی، سوہنے مندر دئے بہائیا۔ جوتی جوت سروُپ ہرِ، آپ اپنی کِرپا کر، وڈ داتا بےپرواہیِا۔ عِشق اندر لبھے پیار، پیار اندر یار نظری آئیا۔ یار اندر غمخوار، غمخوار اندر دھار، دھار جوت نوُر رُشنائیا۔ جوت نوُر نوُر اُجیار، محل اٹل سوبھا پائیا۔ محل اٹل ٹھانڈا دربار، درگاہ ساچی ناؤں دھرائیا۔ درگاہ ساچی مقامے حق اَکھاڑ، پروردِگار ویکھے چائیں چائنیا۔ پروردِگار کرے پیار، وِچ سنسار اپنا پھیرا پائیا۔ سجّن سُہیلے لئے اُٹھال، پھڑ باہوں گود بہائیا۔ چرواہا نہیں مہیِوال، احوال اپنا دئے دِرڑائیا۔ جِس مندر اندر صاحِب محبوُب سَتگُر ملِے آن، ساکھیات سوَچھ سروُپی نظری آئیا۔ اُس دا آد جُگاد جُگ چؤکڑی لوکمات رہے مان، ابِھمان سنگ نہ کوئے رکھائیا۔ سَت سندیسہ نر نریشا نِرگُن دیوے آن، انیالا تیِر

چلائیا۔ جوتی جوت سروُپ ہرِ، آپ اپنی کِرپا کر، ویکھنہارا بال انجان، ہرجن اپنے انگ لگائیا۔ اُٹھ بھگت دُھر دے بچّوُ، بچپن سچ دیاں دِرڑائیا۔ جل دھار جِس نوُں لبھدے گئے مچھ کچھوُ، کچھ کچھ پیَنڈا بھجّن واہو داہیِا۔ سو صاحِب سَتگُر گھر دسّن آیا ڈھولا اِکو سچّوُ، سچ سُچ سمجھائیا۔ لکّھ چؤراسی وِچوں گُرمکُھ سجّن وِرلے رکھوُ، جِس سِر اپنا ہتّھ ٹِکائیا۔ باقی سب دا بنھ کے مکّوُ، رائے دھرم ہتّھ پھڑائیا۔ اوڈھن سیِس نہ دِسنا کِسے پٹوُّ، سُہاگن نظر کوئے نہ آئیا۔ ویہویں صدی سارے ہوئے منکھٹوُ، بِن سَتگُر سیوا لکّھ چؤراسی دؤلت دَھن کمّ کِسے نہ آئیا۔ رائے دھرم اگنی دوزخ وِچ سٹّوُ، شؤہ دریا رُڑھائیا۔ اوہناں وِچوں کوئے نہ بچوُ، جِنہاں پربھوُ دیوے آپ سزائیا۔ دو جہان نام مدھانے نال متھوُ، بھگت پیار نیترا اِک اُٹھائیا۔ تُہاڈے وینہدیاں وِشن برہما شِو چرناں اُپر ڈھٹّھوُ، گُر اوتار پیِر پَیغمبر جھُک جھُک سیِس نِوائیا۔ دھرتی دھَول دھرنی بھوائے وانگ لٹّوُ، لاٹوُ مدھانیا تھل اسگاہ اُس دے نال رلائیا۔ بِن پُرکھ اکال کیہڑا پتّ رکھوُ، رکھنہارا نظر کوئے نہ آئیا۔ نؤ کھنڈ پرِتھمی ستّ دیِپ دو جہان کِدھر نٹھوُ، چاروں کُنٹ گوبِند دھّکا رہیا لائیا۔ کلجُگ صدی چؤدھویں بھاڑے کیِتا ٹٹوُ، کلجُگ جیِواں بھار اُٹھا کے نیتر رووے مارے دھاہینا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے رہیا جگائیا۔ ہرجن ساچے چھیتی اُٹھ، اُٹھدیاں دیر لگّن کوئے نہ پائیا۔ نؤ سؤ چُرانوے چؤکڑی جُگ جو بَیٹھا رہیا چُپ، ہؤلی ہؤلی اپنا راگ سُنائیا۔ دو جہاناں ویکھ کے سُہنجنی گُٹھ، سنت سُہیلے میلے بےپرواہیِا۔ دَیال ہو کے گیا تُٹھ، کِرپال ہو کے اکھّ کھُلائیا۔ مِہربان ہو کے جے اگلا لیکھا گیا ہووے مُک، مکُیا لیکھا پھیر جھولی پائیا۔ جوتی جوت سروُپ ہرِ، آپ اپنی کِرپا کر، سدا سُہیلا اِک اکھوائیا۔ اُٹھ بھگت کِیوں رہیا سُتّا، سُتّیاں جُگ چؤکڑی گئے وِہائیا۔ کوٹن کوٹ گھرانے چھّڈ کے گئے جگت خزانے پُتاں، سنگی سنگ نہ کوئے نِبھائیا۔ شاہ سُلطان راج راجان کڈھدے گئے غُصّہ، تیِر کمان ہتّھ اُٹھائیا۔ سوُربیِراں جگت کِسے نہ دِسا، لوچن ویکھن مات لوکائیا۔ جُگ چؤکڑی جن بھگتاں جھولی پائے اپنا حِصّہ، حِصیدار لئے بنائیا۔ کروٹ بدل بدلے پِٹھا، سنمکُھ سوہنا سَت سوامی نظری آئیا۔ انت ویلے جو مہیِوال ہِردے اندر لِکھیا چِٹھا، بِن قلم شاہی کرے پڑھائیا۔ تُوں صاحِب سُلطان سب دا پِتا، تُوں میری کیِتی حق نہ سچ کُڑمائیا جگت کہانی میرا پِچھےرہ جائے قِصّہ،قِسمت تیری جھولی پائیا۔ بےشک میَں بُدھی وِچ نِکاّ، پریم پیار اندر وڈّا نظری آئیا۔ میَں جگت رس ویکھ کے پِھکا، فِطرت اپنی دِتی

گوائیا۔ عِشق حقیِقی جان مِٹھا، مِسل ساچی دِتی لِکھائیا۔ اوس دوارے وِکا، جِس دی قیمت تیرے ہتّھ پھڑائیا۔ جوتی جوت سروُپ ہرِ، آپ اپنی کِرپا کر، میرا لہنا دینا مُکائیا۔ اُٹھ بھگت آ جا نیڑے، کِیوں بَیٹھا مکُھ چُھپائیا۔ پربھ وسیا تیرے کھیڑے، کایا کھِڑکی رہیا کھُلائیا۔ کوُڑ وِکارا چُکےجھیڑے، جھگڑا جھوُٹھا دئے گوائیا۔ جوت پرکاش کرے اندھیرے، ہرِ مندر روُپ وٹائیا۔ ناد شبد گائے بتھیرے، بؤہ بھانتی راگ الائیا۔ جوتی جوت سروُپ ہرِ، آپ اپنی کِرپا کر، دُھر دا سنگ وکھائیا۔ عاشق کہے میرے شاہ سُلطان، کی تیری وڈیائیا۔ جُگ چؤکڑی کریں حیَران، اپنی کل جنائیا۔ وسدے گھر کریں وَیران، وَیری ہو کے گھر گھر پھیرا پائیا۔ کی تیَنوُں ایس وِچوں ملِے بھگوان، بھاوی سب دے اُتے ٹِکائیا۔ عاشق معشوق وَیراگ اندر دوویں کُرلان، کوُک کوُک دین دُہائیا۔ تُوں بَیٹھا رہیں بن انجان، اپنا آپ چُھپائیا۔ کہ ایہہ تیَنوُں آد جُگاد دُھر دی بان، سُکھ دُکھ وِچ بدلائیا۔ جوتی جوت سروُپ ہرِ، آپ اپنی کِرپا کر، اِکو دے ساچا ور، بھیوَ ابھیدا آپ کھُلائیا۔ صاحِب کہے اُٹھ ویکھ اکھّ، بِن نَیناں نَین مِلائیندا۔ جِس دا نوُر سدا پرتکھ، ظہوُر وِچ سمائیندا۔ سو صاحِب سچ مارگ دیوے دسّ، رہبر اِکو اِک اکھوائیندا۔ جے پریم کرن توں پہلوں میرے ہوویں وس، واسطہ اپنے نال جُڑائیندا۔ تیَنوُں وصل دیواں حق ، حقیِقت وِچوں حقیِقی عِشق آپ پرگٹائیندا۔ اوتھے عاشق معشوُق دوویں رہے وس، جھگڑا جگت نہ کوئے جنائیندا۔ نہ کوئی رَو نہ کوئی سس، سوُرج چند نہ کوئے جنائیندا۔ نہ کوئی تتو نہ کوئی تت، نک مُنہ ہتّھ نظر کوئے نہ آئیندا۔ نہ کوئی دُکھڑا اِک دوُجے نوُں سکے دسّ، رسنا جِہوا بتّی دند نہ کوئے ہِلائیندا۔ نہ کوئی اشارہ کرے اکھّ، نہ کوئی فُرنا کایا مندر اندر من دے نال پرنائیندا۔ ساچا مندر وکھاواں دُھر دا ہٹّ، جِس گرِہ بہہ بہہ ونج کرائیندا۔ عاشق معشوُق دوویں اِکو آس رہے رکھ، پروردِگار چرن دھیان لگائیندا۔ جگت جہان ہو کے بےبس، بِسمِل اپنا روُپ وٹائیندا۔ جوتی جوت سروُپ ہرِ، آپ اپنی کِرپا کر، جِس جن وکھائے اپنا در، تِس منزل پندھ مُکائیندا۔ عاشق کہے میرے معشوُق ربّی، رحمت تیری نظری آئیا۔ تیری پریم پریِتی بدھی، بندھن سارے دئے کٹائیا۔ میَں ویکھاں جگت اَخیِری صدی، صدقہ تیرے اُتے اپنا آپ ٹِکائیا۔ میری واسنا تیرے دوارے آوے بھّجی، بھجّ بھجّ پندھ مُکائیا۔ تیری ویکھاں سچکھنڈ نِواسی دُھر دی گدّی، گداگر ہو کے پھیرا پائیا۔ جن بھگتاں گھر بہیں اُپر منجی، مجلس غریِب نِمانیاں نال رکھائیا۔ پِچھلی کیِتی ہو جائے ردّی، رنگ اپنا اِک چڑھائیا۔ پریم پیار دی چاڑھ کے ساچی گڈّی، گاڑی بان

ہو کے سیو کمائیا۔ جن بھگتاں لیکھے لائے اِک اِک ہڈّی، سوُرا سربگی ہو کے ویکھ وکھائیا۔ تیری جوت نِرمل نوُر وِچوں جگی، جاگرت جوت کرے رُشنائیا۔ جوتی جوت سروُپ ہرِ، آپ اپنی کِرپا کر، میرا لیکھا لاؤنا بیِسویں صدی، سدّا دے کے اپنے گھر بہائیا۔ واہ عاشق میرے مُمتاج، مِہربان رہیا جنائیا۔ تیرا اندروں کھولاں راز، پڑدا اوہلا پرے ہٹائیا۔ تیری لیکھے لگے نماز، سجدہ جھُکے بےپرواہیِا۔ تیرا کھول کے دسّاں آغاز، آخر اپنا میل مِلائیا۔ تیرا انتر نہ ہووے اُداس، باہروں بسنتر دیاں بُجھائیا۔ چل کے آواں تیرے پاس، دوُر دُراڈا پندھ مُکائیا۔ تُوں نہ جانے میرا کیہڑا سجّن ساک، سوہنا سنگ نِبھائیا۔ جوتی جوت سروُپ ہرِ، آپ اپنی کِرپا کر، گھر ساچے ویکھ وکھائیا۔ کی پروردِگار، رحمت رحم کماوینگا۔ ہُن وہا کے جل دھار، پِھر اپنا رنگ چڑھاوینگا۔ کی مجلس وسیں دربار، درگاہ ساچی سوبھا پاوینگا۔ نام سَت دے خُمار، غمی خوشی اِکو گھر وکھاوینگا۔ وِچھڑیاں پھیر مِلا کے یار، یاری یاراں نال ہنڈھاوینگا۔ تیرا لیکھ لِکھیا نہ جائے وِچ کِسے اِشتہار، عِشق معشوُق کِس دوارے جوڑ جُڑاوینگا۔ تیرا انت نہ پاراوار، پربت چوٹی کِس بِدھ ویکھ وکھاوینگا۔ پُرکھ اکال دے پیار، جوتی جوت سروُپ ہرِ، آپ اپنی کِرپا کر، دیونہارا ساچا ور، لہنا دینا اپنے ہتّھ رکھاوینگا۔ لہنا دینا ہتّھ رسوُل، رسوا اِکو اِک نظری آئیندا۔ تُوں میرا کعبہ کرنا قبوُل، معُقول حُکم اِکو اِک سُنائیندا۔ تیرا کہنا کدے نہ سکاں ادوُل، دوُلھا ہو کے نظری آئیندا۔ میرا آد جُگاد سچ اصوُل، اصل وِچوں اصلیّت آپ پرگٹائیندا۔ لکّھ چؤراسی نال جھگڑا کراں فضوُل، فضل رحمت بھگتاں اُپر کمائیندا۔ سیوک بن در مزدوُر، سیِس کھاری آپ اُٹھائیندا۔ دوُر دُراڈا حاضر ہو کے حضوُر، کایا حُجرے بہہ کے خوشی منائیندا۔ جے بھگتاں جنم کرم کر کے کیِتا ہوئی قصوُر، قصوُر کسر اعشارئیے نال پرے ہٹائیندا۔ جن بھگتاں مِلن واسطے ہوواں مجبوُر، مجبوُری اپنی تُہاڈی جھولی پائیندا۔ دسّن وکھاؤن نوُں سدا دوُر، مِلن واسطے اندرے اندر میل مِلائیندا۔ آواں جاواں سدا بادستوُر، عدل بدل اپنا کھیل کھِلائیندا۔ بھگتاں نال مِل کے ہوواں مشہوُر، مشورہ اپنا نام سمجھائیندا۔ جوتی جوت سروُپ ہرِ، آپ اپنی کِرپا کر، ہرجن ساچے آپ جگائیندا۔ جن بھگت اُٹھ چھیتی، آلس نِندرا دئے چُکائیا۔ تیری یاد آوے پِچھلی نیکی، نِکیوں وڈّے دئے بنائیا۔ پربھ سرب جیِاں دا بھیتی، بُھلیا کوئے رہن نہ پائیا۔ ایسے کر کے گُرمکُھ وِرلے جائے ویکھی، باقی چھّڈی جائے لوکائیا۔ آپ بن کے دُھر دا بِبیکی، بھگوَن آیا ویس وٹائیا۔ ایہہ کھیل گُر اوتاراں پیِر پَیغمبراں پِچھےکھیڈی، کِیوں

لیکھا گئے لِکھائیا۔ جوتی جوت سروُپ ہرِ، آپ اپنی کِرپا کر، ہرجن میلے سہج سُبھائیا۔ اُٹھ بھگت آ اَکھاڑے، پربھ سوہنا کھیل کھِلائیا۔ درویش ہو کے آیا تیرے واڑے، واری اپنی پھیرا پائیا۔ جِس نے کوٹن کوٹ جُگ چؤکڑی اُجاڑے، چؤکڑیاں خاک نال مِلائیا۔ لوکمات پرگٹ کر گُر اوتارے، پیِر پَیغمبر حُکم سُنائیا۔ لکّھ چؤراسی کر کھیل نیارے، نِراکار ویکھ وکھائیا۔ سو سوامی انتریامی نِہکامی آیا جن بھگت دوارے، دوارکا ملِے نہ کوئے وڈیائیا۔ ایُدھیا رام نہ کوئے پسارے، سُرت سوانی پھڑ نہ کوئے اُٹھالے، دُھر دا رنگ نہ کوئے رنگائیا۔ گُرمکُھ گُرسِکھ اوہ آد جُگاد جُگ چؤکڑی سدا رہن کوارے، بِن سِری بھگوَنت نار نہ کوئے بنائیا۔ جوتی جوت سروُپ ہرِ، آپ اپنی کِرپا کر، سچ پیار دئے سمجھائیا۔ سچ پیار سچ پِر، پریِتم وکھائیا۔ جو ایتھے اوتھے دو جہان رہے، جیِنودیاں مردیاں اِکو رنگ وکھائیا۔ اگنی وِچ نہ ہووے لےَ، مڑھی گور نہ کوئے دبائیا۔ سو پرم پُرکھ سچ اگمّ سچ کہانی کہے، کہہ کہہ رہیا سُنائیا۔ جن بھگت تیرا دوارا جِس گھر سوامی ٹھاکر آ کے بہے، سچ سِنگھاسن ڈیرہ لائیا۔ جوتی جوت سروُپ ہرِ، آپ اپنی کِرپا کر، دیونہارا سچّا ور، پیار وِچوں پیار پریم وِچوں پریم اِک پرگٹائیا۔ بھگت کہے کی تیرا پریم، پریمکا روُپ وٹائیا۔ کی پربھوُ تیرا سچّا نیم، سچ دے سمجھائیا۔ بھگوَن کِہا سچ پُچھو گوبِند کولوں جِس کمایا ہیم، کُنٹ اپنا ڈیرہ لائیا۔ سو میرے نال مِل کے تُہانوُں آیا کہن، کہہ کہہ رہیا سمجھائیا۔ پربھ دا پریم کِسے نظر نہ آوے نَین، نِج آتم دیوے سچ سچ سمجھائیا۔ رسنا کوُڑ نہ سکے کہن، لِکھت لیکھ نہ کوئے وڈیائیا۔ جِس پریم پیار اندر بھگت بھگوان اِکو سیجا بہن، خوشیاں اندر خوشی اِک پرگٹائیا۔ جوتی جوت سروُپ ہرِ، آپ اپنی کِرپا کر، دیونہارا سچ گھر، جِس گھر وجےّ اِک شنوائیا۔ شنوائی کہے میرا تال گھنگھور، سوہنا رنگ وکھائیا۔ میَں پربھوُ ٹھاکر سَتگُر ویکھیا چور، جو چوری چوری گُرمکُھاں اندر آئیا۔ ہؤلی جیہی پھڑ کے سرن اپنے نال لئے جوڑ، جوڑی دُھر دی لئے بنائیا۔ لا پریِت نِبھاوے توڑ، اَدھوِچکارنہ کوئے اٹکائیا۔ اوتھے ہور کِسے دی رہے نہ لوڑ، سانجھیوال حِصّہ نہ کوئے ونڈائیا۔ اِکو وار بھگت بھگوان اپنے ہتّھ وِچ پھڑ لئے ڈور، ڈوری تند اپنے نال بندھائیا۔ جِس مانَس جنم وِچ سَتگُر مِل کے اِک وار ہتّھ دِتے جوڑ، جگت جہان دوویں پار کرائیا۔ سچ دوارے لےَ کے جائے نال غؤر، گہر گمبھیِر ہووے آپ سہائیا۔ سچکھنڈ دوار بہا کے اپنے ہتھّیں کرے چؤر، چوبدار نظر کوئے نہ آئیا۔ ایتھے ہور اوتھے ہور، پنج تت وِچوں نِرگُن نوُر جوت کرے رُشنائیا۔ جِس نوُں صوُفیاں گایا دُھر دا ماہی

ڈھول، ڈھولا سُناوے چائیں چائنیا۔ جِس دی نیاز دیندے رہے چؤل، ستّ رنگ رنگ رنگائیا۔ جِس دی گوبِند بخش کے گیا پاہُل، امرت جام پیائیا۔ جِس نوُں پنڈت پاندھے انکڑیاں وِچ دسّدے رہے رؤل، رؤلا پا کے لُٹن جگت لوکائیا۔ سو صاحِب سَتگُر نِرگُن ہو کے آیا اُپر دھؤل، دھؤلاں مار کے گُرمکُھ رہیا جگائیا۔ پھڑ کے باہوں کرے بھار ہؤل، گٹھڑی اپنے سِر ٹِکائیا۔ کلجُگ کوُڑی کِریا دِسے جؤہڑ، چھلیں نیر دوویں دین دُہائیا۔ بِن سَتگُر پریم سب نوُں لگّی اؤڑ، امرت بوُند سوانت مکُھ نہ کوئے چوائیا۔ چاروں کُنٹ جیِو جنت سادھ سنت سارے لاون زور، جوروُ زر دوویں دین دُہائیا۔ سچ دربار کوئی نہ سکے بہُڑ، ڈنڈا ہتّھ نہ کوئے پھڑائیا۔ جن بھگتاں پربھ مِلن آوے چڑھ کے سچ اگمّی گھوڑ، جِس دا روُپ رنگ ریکھ نہ کوئے بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے سنگ رکھائیا۔ جن بھگت کہے پربھ ڈِٹھا عِشق عارضی، سُنیا وِچ لوکائیا۔ تُوں کلمہ دسّیا وِچ فارسی، عربی نال کُڑمائیا۔ تُوں مندراں وِچ دسّی آرتی، شِودوالیاں وِچ ہوَن کرائیا۔ تُوں نام نِشانہ لِکھیا عبارتی، ناتا جوڑ قلم شاہیِا۔ تُوں گُر اوتاراں دے روُپ وِچ بنیا رِہوں سفارشی، تھوڑے تھوڑے اپنے نال جُڑائیا۔ تُوں پَیسیاں ٹکیاں وِچ بنیا رِہوں آڑھتی، اپنا ہٹّ بنائیا۔ دیِن مذہب تیری کھیل ویکھی دھار دی، ذات پات کرے لڑائیا۔ سچ پُچھیں تیری کھیل پنج تت کایا ایہو آئی ساڑدی، جو گُر اوتار پیِر پَیغمبر گئے سمجھائیا۔ تیرے ہتّھ رمز ناڑ ناڑ دی، کِیوں شمس پُٹھی کھلّ لُہائیا۔ ایہہ پریِتی بنی سوہنے یار دی، تتّیاں تویاں اُتے بہائیا۔ منصوُر اَنالحق پُکار دی، کوُکاں دے جنائیا۔ اسیں منگدے پریِتی اوہ پیار دی، گھر بَیٹھیاں نظری آئیا۔ تیری کھیل شبد گھنگھار دی، رسنا جِہوا نہ کوئے پڑھائیا۔ منزل اُتوں تیری معشوُق کدی نہ ہاردی، محبوُب ویکھاں چائیں چائنیا۔ ایہہ کھیل گُرسِکھ کنیا کوار دی، جِس تیری اوٹ تکائیا۔ واٹ نیڑے ویکھ دُھر دربار دی، بھّجی آئی چائیں چائنیا۔ تیری کِرپا سب دے کارج سوُار دی، سُرت سوانی خوشیاں ڈھولا گائیا۔ ایہہ سنگت بُھکھی تیرے درس دیِدار دی، دُکھیاں دُکھ درد رہیا ونڈائیا۔ مہاراج شیر سِنگھ وِشنوُں بھگوان، اِک بُھکھ تیرے سچ پیار دی، پیار وِچوں سُکھ آتم نظری آئیا۔

۲۶ ہاڑ ۲۰۲۱ بِکرمی گرداور سِنگھ دے گرِہ رُڑکا کلاں

جن بھگتاں پربھ بنے سنگی، میِت مُرارا اِک اکھوائیندا۔ نام پدارتھ کٹے تنگی، وست اِکو جھولی پائیندا۔ سُرت سوانی کرے ننگی، کوُڑی کِریا پرے ہٹائیندا۔ سر سروور نُہائے ساچے گنگی، امرت سر اِک وکھائیندا۔ پریم پیار اندر جائے رنگی، رنگ رنگیِلا رنگ چڑھائیندا۔ آتم دیوے سچ انندی، انند انند وِچوں پرگٹائیندا۔ سَتگُر شبد دُھر دا چھندی، سوہلا ڈھولا راگ سُنائیندا۔ ناتا توڑے خانہ بندی، لکّھ چؤراسی پندھ مُکائیندا۔ کرتا پُرکھ لا کے انگی، انگیکار آپ کرائیندا۔ کوُڑی کِریا کڈھے واسنا مندی، نام سُگندھی وِچ بھرائیندا۔ جوت نِرگُن چاڑھ چند نؤچندی، اگیان اندھیر مِٹائیندا۔ جوتی جوت سروُپ ہرِ، آپ اپنی کِرپا کر، جن بھگتاں دَیا کمائیندا۔ جن بھگتاں سدا دیوے ساتھ، ہرِ سنگی اِک اکھوائیا۔ کِرپا کر پُرکھ سمراتھ، مِہر نظر اِک اُٹھائیا۔ اپنے مِلن دی کھول کے اکھّ، نِج نیتر کرے رُشنائیا۔ شبدی ناد وجائے انحد، دُھنی راگ سُنائیا۔ امرت آتم دیوے جھٹ، سچ نیِر مکُھ چوائیا۔ دُئی دوَیتی میٹ پھٹّ، پٹّی اپنا نام بندھائیا۔ سچ وکھائے دُھر دا ہٹّ، مندر اِکو سوبھا پائیا۔ جوت جگائے لٹ لٹ، دِوس رَین کرے رُشنائیا۔ سیج سُہنجنی سوبھا پائے کھاٹ، کھٹیا اِکو ڈیرہ لائیا۔ جوتی جوت سروُپ ہرِ، آپ اپنی کِرپا کر، جن بھگتاں میلا سہج سُبھائیا۔ جن بھگتاں پربھ دسےّ راہ، رہبر اِکو نظری آئیندا۔ شبد سروُپی بن ملاح، کھیوٹ کھیٹا بیڑا اپنے کندھ وکھائیندا۔ ساچا منتر دِرڑائے ناں، ناؤں نِرنکارا آپ سمجھائیندا۔ سچ دوارا دئے کھُلا، خالق خلق پڑدا لاہِندا۔ جوتی جوت سروُپ ہرِ، آپ اپنی کِرپا کر، جن بھگتاں اپنا بھیوَ کھُلائیندا۔ جن بھگتاں پربھ سد بھیو کھولے، پڑدا رہن کوئے نہ پائیا۔ انتر آتم نِرگُن ہو کے بولے، سچّا بولا دئے سمجھائیا۔ پڑدا لاہوے اپنا اوہلے، سنمکُھ اِکو نظری آئیا۔ بن سوامی وسے کولے، دوُر دُراڈا پندھ مُکائیا۔ سچ سُنائے اپنے ڈھولے، دُھر دا راگ الائیا۔ پریم پیار پریِتی اندر مؤلے، مؤلا اپنی کار کمائیا۔ اُلٹا کرے نابھ کؤلے، امرت جھِرنا اِک جھِرائیا۔ دیوے وڈیائی اُپر دھؤلے، دھرنی دھرت خوشی منائیا۔ جوتی جوت سروُپ ہرِ، آپ اپنی کِرپا کر، ہرجن سجّن لئے ترائیا۔ ہرِ سجّن صاحِب سَتگُر تارے، تارنہار دَیا کمائیندا۔ لیکھا جانے جُگ چارے، چؤکڑی اپنا حُکم منائیندا۔ حُکمے اندر گُر اوتارے، پیِر پَیغمبر سیوا لائیندا۔ سیوا کرن وِچ سنسارے، لکّھ چؤراسی حُکم منائیندا۔ جوتی جوت سروُپ ہرِ، آپ اپنی کِرپا کر، ہرجن ساچے کھوج

کھوجائیندا۔ جن بھگتاں پربھ سدا سُہیلا، دُھر دا سنگی نظری آئیا۔ نِرگُن ہو کے کرے میلا، سرگُن جوڑ جُڑائیا۔ روُپ بِنا گُروُ گُر چیلا، گرِہ مندر خوشی منائیا۔ جوت نِرنجن چاڑھ تیلا، ساچا سگن اِک سمجھائیا۔ نِت نوِت اچرج کھیل پت پرمیشور آپے کھیلا، جوتی جوت سروُپ ہرِ، آپ اپنی کِرپا کر، ہرِ وڈّا وڈ وڈیائیا۔ بھگت سُہیلا وڈّا میِت، مِتر پیارا اِک اکھوائیندا۔ کلجُگ انت اولّڑی ریِت، ہرِ کنت آپ جنائیندا۔ جن بھگتاں دسّ کے دُھر دا گیِت، سوہنگ ڈھولا آپ پڑھائیندا۔ مِہربان ہو ہرِ جگدیِش، جگدیِشر اپنے رنگ رنگائیندا۔ لیکھ چُکائے ہست کیِٹ، اوُچاں نیِچاں راؤ رنکاں اِکو گھر وسائیندا۔ جوتی جوت سروُپ ہرِ، آپ اپنی کِرپا کر، بھگت اُدھاری دَیا کمائیندا۔ بھگت اُدھارن آپ پربھ، نِت نوِت جُگا جُگنتر ویکھ وکھائیا۔ کوٹن کوٹ وِچوں سنت سُہیلے لئے لبھ، در در گھر گھر گھٹ گھٹ اپنا پڑدا لاہیِا۔ جگت دوار کر کے پار حد، ساچا مندر دئے وکھائیا۔ جِتھے وسے پُرکھ سمرتھ، مہما اکتھ رہیا دِرڑائیا۔ اٹّھے پہر دِوس رَین گھڑی پل وجےّ ند، دُھن اپنا نام جنائیا۔ جوتی جوت سروُپ ہرِ، آپ اپنی کِرپا کر، پریم پیار دی پیا کے مدھ، رس خُماری دئے چڑھائیا۔ رس خُماری دیوے نام، ہرِ کرتا دَیا کمائیندا۔ اِکو وار پیا کے جام، ضامن ہو کے پار لنگھائیندا۔ سچ پھڑائے اپنا دام، دامنگیِر دَیا کمائیندا۔ میل مِلاوا ساچے رام، سوئی سُرتی آپ اُٹھائیندا۔ کایا مندر اِک گرام، گرِہ ساچے سوبھا پائیندا۔ جِتھے جھُلے سَت نِشان، سَت سَتوادی آپ جھُلائیندا۔ دیِوا باتی جگے مہان، جوتی جاتا ڈگمگائیندا۔ کوُڑی کِریا نہ کوئی بےاِیمان، بیوہ روُپ نظر کوئے نہ آئیندا۔ جوتی جوت سروُپ ہرِ، آپ اپنی کِرپا کر، جن بھگتاں ملِے آپے آن، آنن فانن اپنا میل مِلائیندا۔ بھگت سُہیلا صاحِب سَتگُر، ہرِ کرتا وڈ وڈیائیا۔ جِس دا لیکھا آد جُگادی دُھر، دُھر مستک ویکھ وکھائیا۔ لہنا دینا چُکا کے دیوت سُر، مُن جن ڈیرہ رہیا ڈھاہیِا۔ گُرمکُھ گُرسِکھ سوہنی سچ پریِتی جاون جُڑ، ناتا اپنے نال بندھائیا۔ کرے پرکاش اندھیرے گھور، اگیان اندھیر چُکائیا۔ پنج تت نہ پاوے شور، کوُڑی کِریا نہ کوئے ہلکائیا۔ من مت بُدھ نہ چلے کوئے زور، جابر مِلیا بےپرواہیِا۔ سنت سُہیلے شبد اِشارے نال لئے تور، تُرت اپنا حُکم منائیا۔ ایتھے اوتھے دو جہان نِرگُن سرگُن جائے بہُڑ، دوُر دُراڈا پندھ مُکائیا۔ جِنہاں گُرمکُھاں پوُرب جنم دی پربھوُ مِلن دی لگّی اؤڑ، تِنہاں انتر آتم سانتک سَت سَت دئے کرائیا۔ جوتی جوت سروُپ ہرِ، آپ اپنی کِرپا کر، ساچے نام دی لا کے مُہر، مورا تورا دئے چُکائیا۔

۲۶ ہاڑ ۲۰۲۱ بِکرمی درشن سِنگھ دے گرِہ رُڑکا کلاں

کرپا کرے سِری بھگوان، جن بھگتاں جُگ جُگ دَیا کمائیندا۔ سچکھنڈ دوارا دسّ مکان، محل اٹل اِک وکھائیندا۔ سَت سَتوادی جھُلے نِشان، دو جہاناں آپ لہرائیندا۔ دُھر سندیشہ دے فرمان، شبد سُنیہُڑا اِک گھلائیندا۔ جودھے سوُربیِر بنو بلوان، بَل دھاری بَل وکھائیندا۔ نیتر پرسو اِکو رام، جو رمئیا ہر گھٹ نظری آئیندا۔ درشن کرو ساچے کاہن، جو گھر گھر بنسری نام وجائیندا۔ شبد سُنو ساچا سچّی دُھنکان، انحد ناد نال مِلائیندا۔ امرت رس پیِؤ سچّا پیِن کھان، جگت ترِسنا بُھکھ گوائیندا۔ اپنی آپ کرو پچھان، پاربرہم برہم پڑدا آپ اُٹھائیندا۔ کایا مندر اندر ویکھو مار دھیان، نِرگُن نِرویَر سچ سِنگھاسن سوبھا پائیندا۔ آد جُگاد جُگ چؤکڑی دیونہارا دان، داتا دانی دَیا کمائیندا۔ جوتی جوت سروُپ ہرِ، آپ اپنی کِرپا کر، ہرجن ساچے بھیو چُکائیندا۔ دَیاوان سِری بھگوَنت، بھگتاں ایکا بوُجھ بُجھائیا۔ اُٹھو ویکھو ساچے سنت، صاحِب سَتگُر پڑدا لاہیِا۔ گھر مِلاوا نار کنت، سُہنجنی سیج سوبھا پائیا۔ نام نِدھانا منیِا منت، منتر اِکو اِک دِرڑائیا۔ کوُڑی کِریا گڑھ توڑ ہؤمے ہنگت، ہنگ برہم رہیا سمجھائیا۔ دے وڈیائی وِچ جیِو جنت، جاگرت جوت کرے رُشنائیا۔ بودھ اگادھا بن کے پنڈت، نِر اکھّر کر پڑھائیا۔ میل مِلاوے ساچی سنگت، ہرِ بھگت دُھر دا جوڑ جُڑائیا۔ لیکھا چُکےجیرج انڈج، اُتبُھج سیتج ڈیرہ ڈھاہیِا۔ ہرِ بھگت دوُجے در نہ جائے منگت، دیونہارا اِک رگھُرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ جن ساچے رہیا جگائیا۔ صاحِب سَتگُر پُرکھ اکال، اکل کل وڈّی وڈیائیا۔ آد جُگادی دیِن دَیال، جُگ چؤکڑی بےپرواہیِا۔ بھگت سُہیلے اُٹھائے لال، بالے اپنی گود بہائیا۔ ساچا مارگ دئے وکھال، رہبر بن کے پڑدا لاہیِا۔ ساچا منتر دئے سِکھال، دُھر دی کرے سچ پڑھائیا۔ نِرگُن ہو کے بنے دلال، سرگُن میلا سہج سُبھائیا۔ بھاگ لگا کے کایا ماٹی کھال، نِرگُن جوت کرے رُشنائیا۔ جوتی جوت سروُپ ہرِ، آپ اپنی کِرپا کر، ہرجن دیوے مان وڈیائیا۔ صاحِب سَتگُر پُرکھ اتھاہ، ہرِ کرتا آپ اکھوائیندا۔ گُرمکُھ سجّن لئے جگا، نیتر لوچن اکھّ کھُلائیندا۔ ساچا میلا لئے مِلا، وِچھوڑا پندھ مُکائیندا۔ انتر آتم سانتک سَت دئے کرا، اگنی تت بُجھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، برہم مت اِک دِرڑائیندا۔ جن بھگتاں دیوے برہم مت، پاربرہم وڈّی وڈیائیا۔ نِج نیتر کھول کے اکھّ، آخر اپنا گھر دئے سمجھائیا۔ پریم

پیار پریِتی اندر سدّ، سدّا دیوے چائیں چائنیا۔ ہرجن ہربھگت جگت دوار لنگھ کے ویکھو اَگے ملِے پُرکھ سمرتھ، گہر گمبھیِر سچ سریر ڈیرہ لائیا۔ جِس آتم دِتی وتھ، سو پرماتم اپنے کھاتے لئے گھت، لیکھ چُکاوے چائیں چائنیا۔ اوس سجّن نال جاؤ وس، جِس توں وِچھڑ لکّھ چؤراسی وِچ پھیرا پائیا۔ جنم جنم جنم پِچھوں پوُری ہووے آس، تراس تراس تراس کرکے گُر اوتار پیِر پَیغمبر گئے ڈرائیا۔ جِنہاں پرم پُرکھ پرماتم گھر آتم وسیا پاس، سو اپنا پاسہ گئے اُلٹائیا۔ انتم مِل جوت ابناش، ابناشی روُپ وٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں وکھائے ساچی منڈل راس، جِس گھر گوپی کاہن پربھ اِکو نظری آئیا۔

۲۶ ہاڑ ۲۰۲۱ بِکرمی کیہر سِنگھ دے گرِہ رُڑکا کلاں

پُرکھ اکال کِرپا کریا، کِرپانِدھ دَیا کمائیا۔ بھگت سُہیلا آیا گھریا، گرِہ مندر وجّی ودھائیا۔ گُرمکُھ سجّن جِس ویلے پؤڑی ڈنڈے چڑھیا، چرن اپنا اُپر ٹِکائیا۔ کاٹھ کہے میرا تن من ٹھریا، اگنی اگّ بُجھائیا۔ سَت سرنائی ساچی پڑیا، رو رو پِچھلا حال سُنائیا۔ کوٹن وار جمّیا مریا، جنم مرن تیری کھیل نظری آئیا۔ پت پرمیشور تیرا تیرے بھگتاں سنگ درس کدے نہ کریا، دیِد عیِد نہ کوئے رُشنائیا۔ پہلی وار در دوارے منگے وریا، خالی جھولی اَگے ڈاہیِا۔ جوتی جوت سروُپ ہرِ، آپ اپنی کِرپا کر، مِہربان ہونا سہائیا۔ پؤڑی ڈنڈا کرے پُکار، ہؤلی ہؤلی رہیا جنائیا۔ واہ واہ میری سرکار، شہنشاہ تیری شرنائیا۔ میَں درس کر کے ہویا نِہال، بِن اکھّاں خوشی منائیا۔ جِس ویلے تیرے گُرمکُھ ویکھے تیرے نال، تیرے نالوں سوہنے میرے من بھائیا۔ اوہناں اندر پریم بےمثال، جِس دی مِسل سکے نہ کوئے بنائیا۔ جِنہاں دی محُبّت جگت کاغذاں اُتے سکے نہ کوئے وکھال، صِفت وِچ نہ کوئے وڈیائیا۔ جِنہاں دی آد جُگاد جُگ چؤکڑی نِبھے تیرے نال، دوُجا سنگی نہ کوئے بنائیا۔ میَں نہ سمجھاں کیہڑی کوُٹوں لیاندے بھال، لکّھ چؤراسی وِچوں کھوج کھوجائیا۔ کر کِرپا جِس منّیا دُھر سوال، جوتی جوت سروُپ ہرِ، آپ اپنی کِرپا کر، میرا لیکھا دِتا مُکائیا۔ ڈنڈا کہے جِس ویلے میرے اُتے آیا چرن، مِہربان دَیا کمائیا۔ میرا جیِنودیاں بدل گیا مرن، مرن وِچوں جیِون

نظری آئیا۔ میرا کھُل گیا ہرن پھرن، بِن اکھّاں آخر اِکو ویکھاں چائیں چائنیا۔ جِس ویلے سنت سُہیلے اُپر چڑھن، قدم اپنا آپ اُٹھائیا۔ ہِردے اندر تیرا میرا ڈھولا پڑھن، دوُجا اِشٹ نہ کوئے جنائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ پؤڑی کہے میرا اِکو پؤڑا، پرم پُرکھ آپ لگایا۔ دھنّ بھاگ گھر میرے بہُڑا، بہُڑی سُنی حال دُہایا۔ شبدی چھّڈ اگمّی گھوڑا، چرن کَول اِک ٹِکایا۔ میَں درسن کیِتا وقت تھوڑا، تھوڑے وِچوں بہُتا نظری آیا۔ جو پِچھےویکھیا بھگتاں نال جوڑا، جوڑی اپنی آپ سمجھایا۔ جِس دا شاستر سِمرت وید پُران گاؤندے دوہرا، راگ ناد صِفت صلاہیِا۔ جوتی جوت سروُپ ہرِ، آپ اپنی کِرپا کر، مِہربان دَیا کمایا۔ پؤڑی کہے جاں میَں ویکھیا چڑھدا، منزل منزل پندھ مُکائیا۔ میرا تن من جائے ٹھردا، اگنی تت بُجھائیا۔ جن بھگتاں شبد اِشارے کردا، ہؤلی ہؤلی رہیا دِرڑائیا۔ آؤ ویکھو کھیل نر ہرِ دا، نر نرائن آپ دِرڑائیا۔ جِس دوارے گُرمکُھ وسدا، محل اٹل سوبھا پائیا۔ اوتھے پُرکھ اکال سچ سِنگھاسن بہہ کے سجدا، سوبھاونت ڈیرہ لائیا۔ ایہہ کھیل نہیں اجّ دا، جُگ جُگ ریِتی اپنے نال نِبھائیا۔ اوہ ڈنڈا کدے نہ بھجّدا، جِس اُپر چرن ٹِکائیا۔ اوہ سجّن سچّے سدّدا، ہوکا دے اُٹھائیا۔ جِنہاں نال پریِتم وسدا، پریم پریِتی اندر رنگ رنگائیا۔ سو گُرمکُھ خوشیاں وِچ ہسدا، غمی چِنتا چرناں ہیٹھ دبائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ پؤڑی کہے میَں بھگت سہارے، بھگوَن دِتی وڈیائیا۔ میری سیوا میَں سد بلہارے، بلہاری اپنا گُر منائیا۔ چھوٹیاں وڈّیاں پھڑ کے چاڑھ دیواں اوس چبارے، جِس چُبارے وِچ وسے بےپرواہیِا۔ جِس دی منزل وِچ کوٹن کوٹ سادھ سنت ہارے، پاندھی پندھ نہ کوئے مُکائیا۔ کر کِرپا پت پرمیشور میرا لہنا دینا چُکایا وِچ سنسارے، سنسا روگ دِتا مِٹائیا۔ جن بھگت لگے اوس کنارے، جِس کنارے جگت نئیا نظر کوئے نہ آئیا۔ پرم پُرکھ دے سچ سہارے، سیہرا اپنے سیِس بندھائیا۔ جِس ویلے میَں سُنے سچ جَیکارے، سوہنگ ڈھولا رہے گائیا۔ چرن کَول کَول چرن بلہارے، نِمسکارے نِیوں نِیوں سیِس جھُکائیا۔ جِس اپنے مندر ہرجن آپ واڑے، وارث ہو کے ہویا سہائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، کاٹھ لیکھا پار اُتارے، اُدھار پِچھلا دِتا چُکائیا۔

۲۶ ہاڑ ۲۰۲۱ بِکرمی پریِتم سِنگھ دے گرِہ جنڈیالا ضِلع جالندھر

وید کہے میرا سچ ویدانت، وِدیا برہم پڑھائیا۔ من بُدھی کرے شانت، سانتک سَت ورتائیا۔ انتر آتم کرے اِکانت، در دوار خوشی منائیا۔ سچ دوارے کھولے تاک، پڑدا اوہلا اُٹھائیا۔ آتم پرماتم کرائے بات، باطن حُکم ورتائیا۔ جُگ چؤکڑی میٹے اندھیری رات، سچ نوُر رُشنائیا۔ اکھّراں نال دسّ کے گاتھ، شبدی ونڈ ونڈائیا۔ بھیو چُکائے تت آٹھ، اپ تیج وائے پرِتھمی آکاش، رجو طمعو سَتو سوبھا پائیا۔ سچ دوارا کھول کے ہاٹ، ونج ونجارا دئے سمجھائیا۔ پتن وکھائے اگمّا گھاٹ، سروور اِکو اِک دِرڑائیا۔ اگلی پِچھلی مکائے واٹ، پاندھی پندھ نہ کوئے رکھائیا۔ سچ سمجھائے نِرگُن ذات، سرگُن بوُجھ بُجھائیا۔ لیکھا لِکھیا میرا نال قلم دوات، شاہی سوہنی بنت بنائیا۔ کاغذاں اُتے کھولکے میرا آغاز، حال دُھر دا دِتا جنائیا۔ سَتجُگ تریتا دواپرکلجُگ دیندا رہیا ساتھ، سچّا سنگ رکھائیا۔ گُر اوتار پیِر پَیغمبر میری کردے رہے بات، ہؤلی ہؤلی مات جنائیا۔ گوبِند سوُرا کلجُگ انتم اِکو گیا آکھ، سچ سُنیہُڑا اِک دِرڑائیا۔ پرگٹ ہووے پرم پُرکھ دُھر دا باپ، پت پرمیشور پھیرا پائیا۔ سَت سَتوادی ساچا دسےّ اِکو جاپ، دُھر دی کرے پڑھائیا۔ میرا کوئی نہ جانے پاٹھ، پوُجا سِمرن مکُھ بھوائیا۔ سو وقت سُہیلا سوہے وِچ لوکمات، برہمنڈ کھنڈ خوشی منائیا۔ میَں نیتر تکاّں پرِتھمی آکاش، گگن گگننتر کھوج کھوجائیا۔ کی سچ پربھ نِرگُن جوت کرے پرکاش، جوتی جاتا ویس وٹائیا۔ جن بھگتاں ملِے خاص، خواہش اپنے نال رکھائیا۔ ساچی بخش کے دُھر دی دات، دؤلتمند دئے بنائیا۔ اپنے ہتّھ وِچ پکڑ واگ، وارتا اپنی دئے سمجھائیا۔ بِرہوں پریم اُپجا وَیراگ، جگت تیاگ دئے کرائیا۔ میل مِلائے کنت سُہاگ، سُہنجنی سیجا دئے وڈیائیا۔ دیِپک جوت جگا چراغ، گھر مندر کرے رُشنائیا۔ کرم کانڈ دی میٹ کے آگ، اگلا گھر دئے وکھائیا۔ جِتھے صاحِب سَتگُر رہیا جاگ، ہرجن سوئے آپ جگائیا۔ اوتھے اِکو اِک وِبھاگ، دوُجا نظر کوئے نہ آئیا۔ ابناشی کرتا جن بھگتاں دھو کے دُرمت داغ، نِرمل نِرویَر رہیا بنائیا۔ اندر وڑ کے پؤڑے چڑھ کے مارے اِک آواز، سوہنگ ڈھولا ناد سُنائیا۔ گُرمکُھاں کھولے انبھَو اپنا راز، رحمت ساچی سچ کمائیا۔ اوس ویلے چارے وید ہون اُداس، اُداسی سب دے مکُھ تے چھائیا۔ ساڈا کوئی نہ کرے پاٹھ، پاٹھشالا نہ کوئے وڈیائیا۔ پرم پُرکھ سمرتھ سوامی جن بھگتاں ہو کے داس، گرِہ سیوک روُپ وٹائیا۔ انتم چلیئے اُس دے پاس، جو پاسہ سب دا رہیا پلٹائیا۔ جوتی جوت سروُپ ہرِ، آپ

اپنی کِرپا کر، کرے کھیل سچّا شہنشاہیِا۔ اٹّھ دس اٹھاراں کہن پُران، پُنہ پُنہ سیِس نِوائیا۔ ساڈا لیکھا لِکھت مہان، اکھّر وکھّر ونڈ ونڈائیا۔ ساڈا سندیسہ دُھر فرمان، جیِو جنت رہیا جگائیا۔ ساڈا داتا حُکمران، شہنشاہ اِکو اِک اکھوائیا۔ اسیں سرگُن نِرگُن دے بیان، عبارت دُھر دی رہے بنائیا۔ اسیں مندر دسّیئے سچ مکان، جِس گھر بَیٹھا اپنا ڈیرہ لائیا۔ جوتی جوت سروُپ ہرِ، آپ اپنی کِرپا کر، ساچی کرنی رہیا کمائیا۔ رسنا بولے شاستر چھ، کوُک کوُک سُنائیا۔ پربھوُ بھگتاں سنگ لگایا نینہ، پلّوُ اپنے نال بندھائیا۔ امرت آتم برکھے مینہ، ترِشنا اگّ بُجھائیا۔ جوتی جوت سروُپ ہرِ، آپ اپنی کِرپا کر، اچرج کھیل رہیا ورتائیا۔ چھ شاستر پئے بول، دوئے جوڑ جوڑ سرنائیا۔ سَتجُگ تریتا دواپرکلجُگ پربھوُ تیرے نام دا وجایا ڈھول، جگت جیِو جہان جنائیا۔ چار کُنٹ دوارے دِتے کھول، دُھر دا پڑدا آپ اُٹھائیا۔ تیرا نام سندیسہ دیندے رہے انمول، انمُلڑی سیو کمائیا۔ تیرے اُتوں آپا آپ گھولی دِتا گھول، مان ابِھمان نظر کوئے نہ آئیا۔ تیرے کنڈے تُل کے تول، اپنا آپ تکّڑ لیا چڑھائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ شاستر چھ رہے دسّ، اپنا حال سُنائیا۔ پربھوُ ہو گیا بھگتاں وس، ساڈی چلے نہ کوئے چتُرائیا۔ بہُڑی کِدھر جائیے نٹھ، چاروں کُنٹ راہ نظر کوئے نہ آئیا۔ صاحِب سَتگُر جن بھگتاں دے کے اپنی برہم مت، ساچی وِدیا دِتی پڑھائیا۔ ساڈے ولّ کرے کوئی نہ اکھّ، نیتر نَین نہ کوئے مِلائیا۔ اِکو ڈھولا گاؤندے پُرکھ سمرتھ، تُوں میرا میَں تیرا دوہاں گھر وجےّ ودھائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ نیتر کھول پُکارے گیِتا، اٹھاراں دھیائے نال مِلائیا۔ پُرکھ ابناشی ایہہ کی کیِتا، کرنہار تیری وڈیائیا۔ نِرگُن سرگُن پرکھی نیِتا، در در گھر گھر پھیرا پائیا۔ جن بھگتاں انتر کیِتا ٹھانڈا سیِتا، امرت میگھ سَت برسائیا۔ رنگ رنگایا اوُچاں نیِچاں، راؤ رنکاں دِتی وڈیائیا۔ بھگت پُھلواڑی لایا سچ باغیچہ، پتّ ڈالی آپ مہکائیا۔ مِٹھا کیِتا کؤڑا ریِٹھا، دُکھ نظر کوئے نہ آئیا۔ شاہ سُلطاناں کیِتا خالی کھیِسا، مایا رانی دئے دُہائیا۔ تیرے بھگتاں نام نِدھان اِکو پیتِا، سچ خُماری تن چڑھائیا۔ جیِنودیاں جگ جیِتا، مریاں مرن وِچ کدے نہ آئیا۔ کایا تپے نہ تت انگیِٹھا، اگنی اگّ نہ کوئے لگائیا۔ جوتی جوت سروُپ ہرِ، آپ اپنی کِرپا کر، ساڈا لہنا ویکھ، در تیرے اِک عرضوئیا۔ گیِتا کہے میَں دسّاں گیان، گوجھ بھیو چُکائیا۔ میرا لیکھا کرِشن کاہن، بنسری دُھر دی اِک سُنائیا۔ بھگتاں سنگ میل مہان، ارجن عرض جھولی پائیا۔ چُپکے ہؤلی اوس ویلے دِتا اِک بیان، جِس دی قلم ونڈ نہ کوئے ونڈائیا۔

کلجُگ انتم صاحِب صاحِباں وِچوں ہوئے پردھان، جِس صاحِب دی سَت سرنائیا۔ سو بھگت اِکٹّھے کرے آن، جُگ وِچھڑے میل مِلائیا۔ اپنا دے کے سچّا نام، سچ دوارے لئے بہائیا۔ امرت پیا کے دُھر دا جام، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سچ سندیسہ دِتا اِک، سَت سَت دِرڑائیا۔ گیِتا ارجن جھولی بِھکھ، نیتا دُھر دا بےپرواہیِا۔ کلجُگ انت اُدھارے گُرمکُھ سِکھ، سنت بھگت اپنی گود بہائیا۔ پت پرمیشور بن کے پِت، پیِت پیِتمبر سیِس سُہائیا۔ چار کُنٹ دہ دِشا آئے دِس، گھر مندر ڈیرہ لائیا۔ آتم پرماتم ہو کے کرے ہِت، ہِتکاری ویکھ وکھائیا۔ سوامی ہو کے وسے چِت، ٹھگؤری نظر کوئے نہ آئیا۔ لکّھ چؤراسی لئے جِتّ، ہار بَیٹھے مکُھ چُھپائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ گیِتا کہے میری اِکو عرض، آرزوُ تیرے اَگے رکھائیا۔ جن بھگتاں مِلن دی تیَنوُں مرض، مریض جُگ جُگ ویکھیں چائیں چائنیا۔ دُھر درگاہی تیرا فرض، تیرے ہتّھ سرب وڈیائیا۔ جودھے سوُربیِر مردانے مرد، مردانگی اِکو نظری آئیا۔ کلجُگ کھیل کیِا اسچرج، اچرج اپنا ویس وٹائیا۔ غریِب نِمانیاں نال ونڈیں درد، دردی ہو کے دَیا کمائیا۔ چُھری قصائی نہ چلے کرد، رائے دھرم نہ دئے سزائیا۔ پوُرب جنم دی کھول کے سب دی فرد، لیکھا ویکھیا چائیں چائنیا۔ جوتی جوت سروُپ ہرِ، آپ اپنی کِرپا کر، سچّا لیکھا دِتا دِرڑائیا۔ گیِتا کہے میَں دسّاں کی، رسنا کہن کُجھ نہ پائیا۔ جن بھگتاں لیکھا چُکا کے ساڈھے تِنّ ہتھ سیں، رَوداس چمارے جوڑ دِتا جُڑائیا۔ اگمّ اتھاہ پریم پیار دا برکھ کے مینہہ، رُت رُتڑی آپ مہکائیا۔ وڈّے چھوٹے بُڈھے نڈھےّ بنا کے پُتر دھی، اپنی گود لئے بہائیا۔ پریم پیار اندر اِک دوُجے نوُں کہِندے جی، جیِو جیِوت جیِون جُگت دِتی دِرڑائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ گیِتا کہے میَں ویکھیا حال، چاروں کُنٹ دھیان لگائیا۔ جن بھگتاں وسے سدا نال، وِچھوڑا رہن کوئے نہ پائیا۔ کوُڑی کِریا توڑ جنجال، جیِون جُگت دِتی سمجھائیا۔ لیکھ مکا کے کال مہاکال، دیِن دَیال ہویا سہائیا۔ کایا مندر سچّی دھرمسال، سچ دوارا دِتا پرگٹائیا۔ آ کے ویکھیا مُریِداں حال، مُرشد اپنا پھیرا پائیا۔ لکّھ چؤراسی وِچوں بھال، ہرجن اپنے آپ اُٹھائیا۔ نِرگُن سرگُن بن دلال، سیوک ہو کے سیو کمائیا۔ جوتی جوت سروُپ ہرِ، آپ اپنی کِرپا کر، سنت سُہیلے لئے اُٹھال، گُرمکُھ گُر گُر گود بہائیا۔ انجیل قرآن مارے نعرہ، ہوکا دے سُنائیا۔ تیرا کھیل پروردِگارا، سمجھ کوئے نہ پائیا۔ عیسیٰ موُسےٰ نَین اُگھاڑا، محمد اکھّ کھُلائیا۔ بےعیب خُدائی سانجھا یارا،

جلوہ گر ویس وٹائیا۔ مُریِداں مُرشد دئے دیِدارا، دیِد عیِد چند چڑھائیا۔ تیس بتیِس نہ کوئے پیارا، کلمہ کلام نہ کوئے سُنائیا۔ کائنات نہ کوئے اَکھاڑا، جگت ملنگ نہ کوئے نچائیا۔ لیکھا جانے دُھر دربارا، درگاہ ساچی خوشی منائیا۔ جوتی جوت سروُپ ہرِ، آپ اپنی کِرپا کر، اپنا میلا لیا مِلائیا۔ انجیل قرآن رہی کوُک، ہوکا دے سُنائیا۔ سرِشٹ سبائی سُتّی گھوُک، چؤداں طبق لئے نہ کوئے انگڑائیا۔ اُمت اُمتی ناتا جُڑیا جوُٹھ جھوُٹھ، سچ سُچ نہ کوئے وڈیائیا۔ پروردِگار بےپرواہ سُہائی ساچی رُت، صدی چؤدھویں خوشی منائیا۔ ہرجن بنا کے اپنے سُت، پِتا پوُت گود اُٹھائیا۔ نام دِرڑا کے اِکو مکُھ، سوہنگ ڈھولا دِتا سمجھائیا۔ دھرنی خاک خاکی اُتوں چُک، خالص اپنے وِچ سمائیا۔ سچ نِشانیوں کدے نہ گیا اُک، تیِر انداز بےپرواہیِا۔ جوتی جوت سروُپ ہرِ، آپ اپنی کِرپا کر، جن بھگتاں وکھایا اِک گھر، جِس گھر بَیٹھا خوشی منائیا۔ کھانی بانی ماری چیِک، بہُڑی بہُڑی کر سُنائیا۔ جِس دی جُگ چؤکڑی رکھدے گئے اُڈیِک، شاستر سِمرت وید پُران دین گواہیِا۔ انجیل قرآن دسےّ تاریخ، طریقہ سمجھ کوئے نہ پائیا۔ سو سمرتھ سوامی کلجُگ انتم آیا نزدیِک، نیرن نیرا ہو کے ویکھ وکھائیا۔ جن بھگتاں دُھر دا نام پائے بھیکھ، بِھچھِیا سَت سَت ورتائیا۔ سَت سَتوادی سچ چلائی ریِت، ریِتیوان خوشی منائیا۔ جوتی جوت سروُپ ہرِ، آپ اپنی کِرپا کر، ساڈا لہنا رہیا مُکائیا۔ کھانی بانی کہے ساڈا مکُیا پندھ، ابناشی کرتا انت مُکائیا۔ سچّا دسّ کے اپنا چھند، دُھر دا ڈھولا رہیا پڑھائیا۔ بندی خانہ کٹ کے بند، بندنا اِکو اِک وکھائیا۔ نِج آتم دے کے انند، پرمانند وِچ سمائیا۔ سُرتی شبدی جوڑا گنڈھ، دُھر دی بنت وکھائیا۔ بھرم بھؤ کوُڑی کِریا ڈھاہ کے کندھ، ساچا مندر اِک سُہائیا۔ جِتھے کھیل سدا بؤہ رنگ، رنگ رتڑا آپ کرائیا۔ پریم رنگیِلا سچ پلنگ، پاوا چوُل نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ چارے بانی کر پُکار، نیتر نَیناں نیِر وہائیا۔ کلجُگ انتم مِلیا سانجھا یار، سانجھی وارتا آپ بنائیا۔ نِرگُن سرگُن کرے پیار، پریِتم ہو کے پریم کمائیا۔ سجّن ہو کے دئے بہار، پھڑ باہوں گلے لگائیا۔ سَتگُر ہو کے دئے دیِدار، سَت سروُپی نظری آئیا۔ مُرشد ہو کے کرے خبردار، سُتّیاں آپ اُٹھائیا۔ داتا ہو کے کِرپا کرے داتار، وست امولک جھولی پائیا۔ کرتا ہو کے کِرپا دئے دھار، دھرنی دھرت دھَول نال مِلائیا۔ کاہن ہو کے ساچی سخیاں کرے منگلاچار، دُھر دا گیِت اگمّ سُنائیا۔ جوتی جوت سروُپ ہرِ، آپ اپنی کِرپا کر، سب دا لیکھا رہیا مُکائیا۔ سارے کہن ساڈا لیکھ مُکدا، جن بھگت رہے مُکائیا۔

ویکھو سانوُں کوئی نہ جھُکدا، سِری بھگوان چرن کَول تکّی اِک سرنائیا۔ ساڈا حال کوئی نہ پُچھدا، مِتر پیارے مِل مِل خوشی منائیا۔ ناتا جُڑیا پیو پُت دا، پِتا پُرکھ اکال دُھر دا سنگ نِبھائیا۔ ہرجن بوُٹا کدے نہ سُکدا، پتّ ڈالی مات لہرائیا۔ اوہناں منزل پیَنڈا مُکدا، جِنہاں در گھر آ کے ہوئے سہائیا۔ ایہو کھیل ابناشی اچُت دا، چیتن سُرتی سرب کرائیا۔ جوتی جوت سروُپ ہرِ، آپ اپنی کِرپا کر، ہرجن ساچے لئے مِلائیا۔ وید شاستر سِمرت انجیل قرآن رہے رو، روسا پربھ دے نال رکھائیا۔ کلجُگ انتم ایہہ کی گیا ہو، ہوکا دے کے رہے سُنائیا۔ اپنا نام رکھ کے سو، ہنگ برہم لیا مِلائیا۔ سَت سَتوادی بیِج بو، پھل اِکو اِک پرگٹائیا۔ ساڈے کولوں اپنی وست کھوہ، جن بھگتاں اندر دِتی ٹِکائیا۔ اپنے نال پا کے محُبّت موہ، نِرموہ ساڈے نالوں دِتے کرائیا۔ جو تیرے نال اِک وار گیا چھوہ، سو شہنشاہ تیرے وِچ سمائیا۔ ناتا تُٹیا مڑھی گو، خاکی خاک نہ کوئے سمائیا۔ گھر پرکاش ہوئی لو، اندھ اندھیر دِتا چُکائیا۔ جوتی جوت سروُپ ہرِ، آپ اپنی کِرپا کر، جن بھگتاں دے وڈیائیا۔ شاستر سِمرت پِچھلا حال دسّن، واہوا تیری وڈیائیا۔ تیرے وَیراگ اندر سارے نٹھن، تیرے پیار اندر دُہائیا۔ تُوں کِدھروں آئیوں جن بھگتاں رکھن، آؤندا جاندا نظر کِسے نہ آئیا۔ ساڈی جڑ آئیوں پُٹن، اپنے ہتھّیں بوُٹا لائیا۔ جِس کاہن گھر گوالیاں کھادھا مکھّن، گوپیاں خوشی منائیا۔ جوتی جوت سروُپ ہرِ، آپ اپنی کِرپا کر، مِہربان اپنے ہتّھ رکھی وڈیائیا۔ شاستر سِمرت اِکٹّھے ہو کے کہِندے، سچ سچ دِرڑائیا۔ اسیں تیرے دوارے ڈھہِندے، ڈھیہہ ڈھیہہ سیِس نِوائیا۔ تیرا بھانا جُگ جُگ سہِندے، چؤکڑی سیو کمائیا۔ کلجُگ انت گُرسِکھ تیرے ساڈا نام موُل نہ لیندے، نَین اکھّ ساڈی شرمائیا۔ جِس ویلے تیرے چرناں کول بہِندے، تیرے ورگے نظری آئیا۔ پربھوُ تُوں اوہناں دے کدے سرھانے کدے پیَندے، سُتّیاں نہ کدے جگائیا۔ اوہ تیری گود سُکھاں وِچ رہِندے، سُکھ آسن دِتا وِچھائیا۔ جوتی جوت سروُپ ہرِ، آپ اپنی کِرپا کر، مِہربان ایہہ کی بنت بنائیا۔ انجیل قرآن کڈھے ہاڑا، دروہی دروہی نام خُدائیا۔ تیرے پِچھےرُلدے رہے جنگلاں وِچ پہاڑاں، اُچے ٹِلّے پربتاں پھیرا پائیا۔ لُکدے رہے وِچ غاراں، اپنا آپ چُھپائیا۔ کلجُگ انتم تیرا ویکھیا کھیل نیارا، نِرگُن داتے بےپرواہیِا۔ تُوں کوجھیاں کملیاں بن کے یارا، یاری مِتراں نالوں چنگی دِتی بنائیا۔ ہرجن ہربھگت پریم پریِتی نال شِنگارا، الفی سوہنی تن چُھہائیا۔ کاگد قلم نہ لِکھنہارا، نیتر رووے جگت شاہیِا۔ جِنہاں مِلیا پروردِگارا، ٹھانڈے دربارا بہہ بہہ خوشی منائیا۔ کِسے دا سجدہ سیِس نہ

جھُکے پنج وارا، جگت نماز نہ کوئے پڑھائیا۔ سنمکُھ ہو کے دیِا دیِدارا، اِکو نوُر ظہوُر کیِتا رُشنائیا۔ تیرا انت نہ پاراوارا، بےانت تیری وڈیائیا۔ کی سچ صدی چؤدھویں دا ایہہ کنارہ، نئیا سب دی رہیا ڈُبائیا۔ جوتی جوت سروُپ ہرِ، آپ اپنی کِرپا کر، شبدی دے اشارہ، آشیانے وِچوں سارے باہر کڈھائیا۔ ابناشی کرتا کہے کی دِتا بیان، سب نوُں در بُلائیا۔ نیتر کھول کرو دھیان، اکھّاں وِچوں اکھّ اُٹھائیا۔ جِس دی کلمیاں نال کردے رہے کلیان، نام نال صِفتی کر وڈیائیا۔ جِس نوُں مندے رہے بھگوان، نِرگُن نِرویَر روُپ رنگ ریکھ نہ کوئے رکھائیا۔ جو آد جُگادی سب دا صاحِب سچّا سُلطان، تخت نِواسی اِک اکھوائیا۔ جِس دا حُکم چّلے وِچ جہان، نہ کوئی میٹے میٹ مِٹائیا۔ گُر اوتار پیِر پَیغمبر جِس در توں منگدے گئے دان، اپنی جھولی اَگے ڈاہیِا۔ ساچا دیندے گئے نِشان، نِشانہ اِکو اِک تکائیا۔ شاستر سِمرت وید پُران انجیل قرآن، جُگ چؤکڑی جگت مہمان، مہمانی گھر گھر رہے کھائیا۔ جِس ویلے صاحِب سوُرا آوے بلی بلوان، سارے بَیٹھن مکُھ چُھپائیا۔ اندرے اندر ہون حیَران، باہروں وجےّ نہ کوئے ودھائیا۔ جوتی جوت سروُپ ہرِ، آپ اپنی کِرپا کر، مِہربان مِہربان مِہربان اپنی کل آپ دھرائیا۔ شاستر سِمرت وید پُران کرو نہ روسا، پربھ رُسیاں رہیا منائیا۔ اٹھسٹھ پانی تُہاڈے نہاون نوُں ہویا کوسا، اگنی تت تپائیا۔ مندر مسجد شِودوالا مٹھ پاک رہیا نہ کوئی کوٹھا، پوِت روُپ نہ کوئے وٹائیا۔ نام نگارا وجّیا نہ کِتے چوٹا، دُھن ناد نہ کوئے شنوائیا۔ تُہانوُں پڑھدیاں سُندیاں کلجُگ جیِو ہو گیا کھوٹا، کھوٹی مت نہ کِسے گوائیا۔ گھر جگے نہ نوُری جوت جوتا، اگیان اندھیر نہ کوئے مِٹائیا۔ ایسے کر کے جن بھگتاں راہ دِتا سؤکھا، اپنا نام دِتا سمجھائیا۔ نؤ سؤ چُرانوے چؤکڑی جُگ گئے بیِت تھوڑیاں مِلیا مؤقع، جِنہاں نوُں ملکلُمؤت کولوں دِتا چُھڈائیا۔ اوہناں دے اندر مار کے غوطہ، سوہنگ مانک موتی ہنسا باہر کڈھائیا۔ نام چھوٹا بھاگ بہُتا، وِچھڑیاں سُہاگ کنت دِتا مِلائیا۔ جیِنودیاں جیِنودیاں بدل دِتا چوغا، چولی تن اپنا رنگ رنگائیا۔ سَت سَتواد سُنا کے سلوکا، چِنتا سوگ دِتا گوائیا۔ نیتر اُٹھا ویکھن لوک پرلوکا، دو جہان دھیان لگائیا۔ جِس ویلے شاستر سِمرت وید پُران ہویا تھوتھا، تھر تھر کمبےبلہین دئے دُہائیا۔ جوتی جوت سروُپ ہرِ، آپ اپنی کِرپا کر، جن بھگتاں در جگائے اگمّی جوتا، جوتی جوت جوت وِچوں رُشنائیا۔ شاستر سِمرت وید پُران کہن پربھوُ تیرے بھگت چنگے، نیتر ویکھ خوشی منائیا۔ سرِشٹی وِچ سرِشٹی ورگے بندے، درِشٹی وِچ تیرا روُپ نظری آئیا۔ جِنہاں اندر پریم پیار وجن مردنگے، مدد کرن والا اِکو بےپرواہیِا۔ اوہ منزل پندھ

اپنی لنگھے، پیَنڈا بَیٹھے مُکائیا۔ غریِب نِمانے پَیریں ننگے، سِر اوڈھن نام ٹِکائیا۔ پرم پُرکھ اوہناں دی ٹُٹی گنڈھے، جِنہاں گوبِند رہیا مِلائیا۔ اوہ مندیوں ہوئے چنگے، چنگی طرح رہیا سمجھائیا۔ رائے دھرم دے کدے نہ آون وِچ شکنجے، چِتر گُپت لیکھا نہ کوئے وکھائیا۔ بےشک بھاویں تیجا سِنگھ ورگے گنجے، گنج انبار سچ پریم دے دین وکھائیا۔ اوہ پربھوُ دے نال پریمی کر کے ہنڈھے، پریِتم وِچوں پریِت اِک ہنڈھائیا۔ پار کنارے اُترے اپنے کنڈھے، جِس گھاٹ دا مالک اِک اکھوائیا۔ اوتھے بہہ کے گاون دُھر دے چھندے، سوہنگ راگ الائیا۔ ابناشی کرتا آپ لگائے اپنے انگے، انگیکار آپ ہو جائیا۔ ناتا چھّڈ جگت وربھنڈے، برہمنڈے لیکھا جان مُکائیا۔ سچکھنڈ دوارے اوہ وسندے، جِنہاں دِتا پرمانندے، نِرگُن چندے چند وِچ سمائیا۔ مہاراج شیر سِنگھ وِشنوُں بھگوان، جنم کرم دی ٹُٹی گنڈھے، پِتا پوُت سَت سپوُت سچ اپنا جوڑ جُڑائیا۔