کتب خانہGranth 17 (Urdu)

۱۵ کتّک ۲۰۲۱ بِکرمی پِنڈ الّڑپِنڈی باہر رستے وِچ

جنم کرم دا تِنکا کاہی، کلمہ نبی رسوُل پڑھائیندا۔ بِن رسنا جِہوا دئے دُہائی، پیِر پَیغمبراں آکھ سُنائیندا۔ ویکھو چلدا پِھردا ماہی، محبوُب جِس نال رنگ رنگائیندا۔ جِس دے حُکمے اندر خُدائی، خُد اپنا ویس دھرائیندا۔ جِس دی جھلّے نہ کوئے جُدائی، گوبِند ونڈ نہ کوئے ونڈائیندا۔ جِس دا میلا سہج سُبھائی، بھیو بھاؤ نہ کوئے سمجھائیندا۔ جُگ چؤکڑی گئے وِہائی، کوٹن کال نَین اُٹھائیندا۔ وِشن برہما شِو کروڑ تیتیِسا نیِتر نَیناں نیِر رہے وہائی، چھہبر میگھلا دھار برسائیندا۔ وار تھِت دِوس رَین گھڑی پل رہے دھیان لگائی، دھرت دھَول زمیں اسمان گگن منڈل رَو سس سوُرج چنّ کھوج کھُجائیندا۔ بِھنڑی رُت سُہنجنی رَین آئی، جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ کاہی دبھ کہے میَں تِنکا تِنکا، ماہی سیج ہنڈھائیا۔ کوئی بھیو جیِو نہ جانے جِنکا، سو سجّن سیَن آیا بےپرواہیِا۔ جِس دا لیکھا تت برہم مت مت من کا، بُدھی پرے چُھپائیا۔ سو کھیل کرے اگمّ کا، چؤداں وِدیا سمجھ سکے نہ رائیا۔ وسیرا چھّڈ کے محل اٹل اُچ منار لیکھا توڑ کے چھپّر چھن دا، شہنشاہ اپنا پھیرا پائیا۔ دو جہان کہن ایہہ ویلا دھنّ دھنّ دا، دوُجا ڈھولا راگ نہ کوئے سُنائیا۔ دھنّ وڈیائی صاحِب سُلطان، آد جُگاد جُگ چؤکڑی جو بھگتاں ساچی منّدا، منسا پوُر اکھوائیا۔ ویکھو لہنا گُجری چن دا، چِنتا سب دی رہیا مِٹائیا۔ جِس دا مالک خالق پرِتپالک لکّھ چؤراسی گھڑدا بھندا، لوک پرلوک ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ دبّھ کاہی کہے میَنوُں یاد اِکّی وساکھ، ویکھدیاں ویکھدیاں وقت گیا وِہائیا۔ رمز اِشارے شبدی دھار نال گیا آکھ، بھیوَ ابھیدا آپ سمجھائیا۔ جُگ جنم دیاں وِچھڑیاں مِلن دی دسّ کے آپ جاچ، یاچک ہو کے سیو کمائیا۔ جِس دی گُر اوتار پیِر پَیغمبر سمجھ نہ سکے بات، سو باطن ظاہر اپنا کھیل وکھائیا۔ ویس انیکا جُگ جُگ کرے بؤہ بھانت، بھگوَن اپنی دھار چلائیا۔ جوتی جوت سروُپ ہرِ، آپ اپنی کِرپا کر، سد دیونہار

وڈیائیا۔ دبّھ کاہی کہے سانوُں ویکھو دِتا کٹّ، تِنکا تِنکا توڑ تُڑائیا۔ پھیر سب دا کر کے اِکٹھ، وٹ اِکو وار چڑھائیا۔ سچ سِنگھاسن پُرکھ ابناشن سچکھنڈ نِواسی چھّڈ، نِرگُن اپنا پھیرا پائیا۔ دو جہاناں پار کر کے حد، حدوُد ویکھے چائیں چائنیا۔ جیہڑا شاستر سِمرت وید پُراناں وِچوں پیا نہ لبھ، چار کُنٹ نظر کِسے نہ آئیا۔ سو صاحِب سُلطان نؤبت سُنائے سجّن سدّ، صدقے واری گھولی گھول گھُمائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ دبّھ کاہی کہے میَنوُں چڑھیا وٹّ، وٹنا ماہی دِتا لگائیا۔ میرا ناتا جوڑ کے چار پاویاں والی کھٹّ، باہی سیروُ آپ سُہائیا۔ اِک دوُجے دے اندر باہر دِتا گھت، سوہنا جوڑ جُڑائیا۔ بےشک ساڈے وِچ نہیں کوئی رتّ، ہڈّ ماس ناڑی ونڈ نہ کوئے ونڈائیا۔ ساڈے پریم پیار نہیں کِسے پٹولے پٹ، پٹوُ اوڈھن ساڈا سنگ نہ کوئے بنائیا۔ جیہڑا یارڑے دا ستھر بَیٹھا گھت، سوئی ماہی بہہ کے خوشی منائیا۔ جِس نوُں جھُکدے ڈالی پتّ، پنکھڑیاں گُلشن وِچ اپنی خوشی منائیا۔ جِس دی تکّن والی سب توں وکھّری اکھّ، آخر اپنے گھر جنائیا۔ جِس دے کول غریِب نِمانیاں دا دُھر دا حق، حقیِقت دئے سمجھائیا۔ کلجُگ انتم ساریاں کر اِکٹھ، رنگ اپنا نام چڑھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دبّھ کاہی کہے میرے نالوں چنگی چُگاٹھ، جو چؤکڑی سیو کمائیا۔ چاروں کُنٹ اپنی بن کے آپ جماعت، بَیٹھی آسن لائیا۔ گُر اوتار پیِر پَیغمبر اِس دے اُتے رَین وسیرا کٹ کے گئے رات، پنج تت کایا تن ہنڈھائیا۔ ایہہ ویکھدی رہی کھیل تماش، راتیں سُتّیاں دِنے جاگدیاں کی کی کھیل کھِلائیا۔ بِناں گوبِند ماچھوُواڑے پُرکھ اکال دی سُنی کِسے نہ بات، سجّن سنگ نہ کوئے نِبھائیا۔ جو پُرکھ اکال دیِن دَیال نِرگُن ہؤلی ہؤلی گیا آکھ، اکھّراں وِچ نہ کوئے پڑھائیا۔ جِس دا لیکھا لبھے نہ وِچ قلم دوات، کاغذ قلم شاہی دئے نہ کوئے گواہیِا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ منجی کہے میَں کی دسّاں، دسّن جوگ نظر کوئے نہ آئیا۔ اِکو اُس دے چرناں ہیٹھاں ڈھٹّھاں، جِس دے اَگے مان نہ کوئے وڈیائیا۔ میریاں روندیاں اوہ اکھّاں، جِنہاں وِچوں نیِر سُک کدے نہ جائیا۔ جِس ویلے ماچھوُواڑے گوبِند صاحِب نِرالا سُت، پُرکھ اکالا پِتا کر بُلائیا۔ اوس ویلے گوبِند تِنکا چُک کے اپنے سِر نالوں اُچا، ابناشی کرتے دِتا وکھائیا۔ میرے نالوں گُرمکُھ سُچا، جِس دی سوُچی میرے اندر آئیا۔ میَں اوہناں دے پریم دا بُھکھا، جو بُھکھے تِہائے رہ کے تیرا دھیان لگائیا۔ میَں بِرہوں وَیراگ اوہناں دا کُٹھا، پلّے کُچھ نہ گنڈھ بندھائیا۔ ایتھے اوتھے میرا لیکھا مُکا،

سوہنی طرح سمجھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سُن سندیشہ گوبِند ہرِ، ہرِ جوُ آپ جنائیندا۔ تیری ستھر سیج ویکھ کے آوے میَنوُں ڈر، بھؤ میرے گِرد پھیرا پائیندا۔ گوبِند کہے میرے پربھ ایسا درد ویکھیا ایس تے چڑھ، تیرے سِنگھاسن نالوں رس اچّھا نظری آئیندا۔ سِری بھگوان ہؤلی جیہی اندر وڑ، شبد اِشارے نال سمجھائیندا۔ تُوں بچّیا لا کے جائیں جڑ، میَں بوُٹا ویکھن آئیندا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیندا۔ گوبِند کہے سوُلاں ستھر، سوہنی سیج سُہائیا۔ پربھوُ تیرے کول کوئی لِکھن والا نہیں اکھّر، جو اِس دی کرے وڈیائیا۔ ابناشی کرتے کِہا میَں ویِہ سؤ اِکّی بِکرمی پہلوں دسّ کے لیکھا ڈھائی ستر، ستراں وِچوں اگلی نوک دھار سمجھائیا۔ دُھر دا سندیشہ دے کے پتر، پت پرمیشور ہو کے آپ سمجھائیا۔ نِرگُن نِرویَر کر کے اپنا یتن، یتھا یوگ سیو کمائیا۔ جوتی جوت سروُپ ہرِ، آپ اپنی کِرپا کر، تیرا کایا ویکھ کے وطن، وتّ اپنا پھیرا پائیا۔ سوہنا ویکھ کنارہ پتن، گھاٹ کنڈھی بَیٹھے ڈیرہ لائیا۔ اوہناں دی پتّ آئے رکھن، جِنہاں پِچھےبچےّ بھیٹ چڑھائیا۔ چار ورن دا وِرول کے مکھّن، بھگت بھگوان لئے پرگٹائیا۔ تیری سیج دا تیِلا تِنکا اوہ سانبھ کے رکھن، دُھر دے ہو کے سیو کمائیا۔ جوتی جوت سروُپ ہرِ، آپ اپنی کِرپا کر، مِہر نظر نال دِرڑائیا۔ گوبِند اندروں کھول کے اکھّ، اُپر دھیان لگائیا۔ سمرتھ ویکھ پرتکھ، نوُر نوُرانہ جوت رُشنائیا۔ سُت دُلارے کِہا جھٹ، سہج نال سمجھائیا۔ ابناشی کرتے سچ سِنگھاسن اپنا دسّ، جِس اُپر ڈیرہ لائیا۔ سِری بھگوان کِہا ہسّ، خوشیاں نال سمجھائیا۔ جِتھے میرا گوبِند رہیا وس، اوہ سِنگھاسن سب توں اچّھا دو جہاناں نظری آئیا۔ گوبِند کِہا میَں نہ منّاں سچ، دوئے جوڑ سیِس جھُکائیا۔ ابناشی کرتا دوُروں آیا نٹھ، نیڑے آ کے رہیا ہِلائیا۔ گوبِند اوس ویلے کِہا اپنے نال ہتّھ، گُرمکُھاں ول اشارہ دِتا کرائیا۔ جِناں چِر اینہاں دی پت لئیں نہ رکھ، پرمیشور تیری نہ کوئے وڈیائیا۔ سِری بھگوان اوسے ویلے کِہا جھٹ، حُکمی دُھر فرمان سُنائیا۔ کلجُگ انتم تیرا دوارا کھول کے ہٹّ، بن ونجارا ویکھ وکھائیا۔ تِنکے تِنکے دے کے وٹ، سوہنا وان دیاں گنڈھائیا۔ چار جُگ دا کھاتہ اپنی جھولی گھت، اگلا لیکھا دیاں پرگٹائیا۔ جوتی جوت سروُپ ہرِ، آپ اپنی کِرپا کر، اِشارے نال رہیا سمجھائیا۔ گوبِند کہے پربھ پریم وِچھؤنا، گُرمکُھ ناڑی انتڑیاں نظری آئیا۔ اُس دے اُتے جے بھاوے سؤنا، سوہنی سیج ہنڈھائیا۔ ایہو جِہا پِر میرے گُرمکُھ راؤنا، جو نر ہرِ کنت ہو کے سیجے آئیا۔ دوُسر سنگ نہ انگ لگاؤنا، انگیکار نہ کوئے

وکھائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ سِری بھگوان کہے سُن گوبِند پُتر، بِن پتریاں تیرا حِساب لِکھائیا۔ جِس ویلے نِرگُن دھاروں آواں اُتر، اُتّر پوُرب پچھّم دکھّن ویکھن سمجھ کِسے نہ آئیا۔ تیرے گُرمکُھاں جن بھگتاں پت آواں رکھن، راکھا ہو کے سیو کمائیا۔ کوُڑی کِریا جڑ آواں پُٹن، چاروں کُنٹ ویکھ وکھائیا۔ دُھر دا مارگ آواں دسّن، چار جُگ چار ورناں کراں پڑھائیا۔ تیرے سنگ مِل کے آواں ہسّن، ہستی تیرے وِچ لُکائیا۔ جوتی جوت سروُپ ہرِ، آپ اپنی کِرپا کر، تیرا لیکھا لیکھے لئے لگائیا۔ گوبِند کہے میرا قؤل اِقرار، بِن اکھّراں سطراں لیکھ لِکھائیا۔ سچ ویلے دا سچ وِہار، بِوہاری دئے سمجھائیا۔ گُرمکُھاں سیج کریں پیار، سوہنا ویس وٹائیا۔ تیرا لیکھا موہے پروان، پروانگی تیرے ہتّھ پھڑائیا۔ اوس ویلے تیغ بہادر دا سیوادار ہووے میرے نال، جِس دا نام تیرے نال پرنائیا۔ کِیوں پٹنے کیِتی میری اوس سنبھال، گُجری نال مِل کے سیو کمائیا۔ دِوس رَین راکھا بن کے پِھرے نال نال، اٹّھے پہر مستک ویکھ ویکھ خوشی منائیا۔ لوکی سارے کہن اونوُں کملا کنگال، کِتھوں تیغا اپنے نال گیا رلائیا۔ اِک ویراں میَں مِٹّی وِچ ڈگا میرا اُس نے مکُھ پوُنجھیا نال رُمال، پریم نال اپنی گود اُٹھائیا۔ میَں ہؤلی جیہی کیِتا اِک سوال، ڈھائی سال دی اُمر وِچ سمجھائیا۔ جے کوئی تَیتھوں کھوہ کے میَنوُں لےَ جائے شَیطان، گنگا وِچ سُٹائیا۔ اوس ویلے ایس کملے کِہا میَں بڑا بلوان، میرے ورگا سوُرما نظر کوئے نہ آئیا۔ میَں بچےّ ہُندیاں کیِتی زبان، ہؤلی جیہی سُنائیا۔ جِس ویلے میَں نال آواں اپنے بھگوان، بھاگ تیرا ونڈ ونڈائیا۔ جے تُوں سوُرما شستراں والا جوان، شستر میرا تیرا اِکو نظری آئیا۔ جے پِچھےنہیں آئی پہچان، ہُن اَگے دِتا سمجھائیا۔ ہُن گوبِند نہیں بال انجان، بال انجانے گودیِاں وِچ ٹِکائیا۔ ایہہ منجی نہیں ٹُٹیا وان، گُرمکُھاں سیج سُہائیا۔ ایہہ دوشالہ تُہاڈے لئی ہویا پروان، جِس دا پروانہ آسام والے راجے دِتا لِکھائیا۔ جوتی جوت سروُپ ہرِ، آپ اپنی کِرپا کر، غریِب نِمانے گود اُٹھائیا۔ ٹُٹے وان دی بولے منجی، مجلس وِچ سُنائیا۔ جن بھگتو میَں سب توں چنگی، چنگیاں خاک مِلائیا۔ تُہاڈی جنم مرن دی کٹی گئی تنگی، بھیڑی گلی نہ کوئے پِھرائیا۔ کُکھ پھیر نہیں ویکھنی کوئی گندی، دھنّ جنیِندی ہووے مائیا۔ سُرتی پھیر نہ ہووے رنڈی، ہرِ کنت لئے پرنائیا۔ جوتی جوت سروُپ ہرِ، آپ اپنی کِرپا کر، منجی ٹُٹی دئے سمجھائیا۔ منجی ٹُٹے تیرا سوہنا آسن، اصلاں وِچ اصلی نظری آئیا۔ جِس اُتے بَیٹھ پُرکھ ابناشن، اپنی شرع رہیا سمجھائیا۔ لیکھے میٹ کے ذات پاتن، اوُچاں نیِچاں جوڑ جُڑائیا۔ پتن

چاڑھ کے اپنے گھاٹن، نئیا نؤکا نام بٹھائیا۔ دُھر دا بن کے سنگی ساتھن، سگلا سنگ جنائیا۔ جوتی جوت سروُپ ہرِ، آپ اپنی کِرپا کر، دو جہاناں ویکھ وکھائیا۔ منجی کہے میرے دھنّ بھاگ، بھاگاں بھری نظری آئیا۔ میرا لہنا مکُیا آج، عاجز ہو کے سیِس نِوائیا۔ جِس دے سیِس سوہوَنا تاج، سو تخت نِواسی میرے اُپر چرن ٹِکائیا۔ دھنّ وڈیائی اوہناں سِکھاں شاباس، جِنہاں شبدی سیج سُہائیا۔ جِس اُتے دوویں مِل کے کرن نِواس، استھان بھوُمکا سوبھا پائیا۔ ایہہ ٹُٹیاں نوُں گنڈھن والی منجی خاص، خالص اپنے نال رلائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ منجی کہے میَں ہو مجازی، مؤجوُدہ دیاں سُنائیا۔ جِس ویلے میری نِکّی جیہی اُتے نِکاّ جیہا گوبِند رکھیا گُجری دادی، داء اپنا اوس ویلے لیا لگائیا۔ میَں چھاتی چُک کے ہؤلی جیہی آواز اِک آکھی، ہوا وِچ سُنائیا۔ گوبِند کِہا پھیر چڑھاں تیرے اُتے نال لےَ کے اپنے ساتھی، ستھر والا لیکھا دیاں چُکائیا۔ جوتی جوت سروُپ ہرِ، آپ اپنی کِرپا کر، جُگ چؤکڑی ویکھ وکھائیا۔ منجی کہے سُنو سب سجّن، سجرا حال سُنائیا۔ میَں گھر گھر گئی سدّن، سدّے دے کے آئی جنائیا۔ جِنہاں دا وِچھوڑا ہویا سرسے پتن، وہِندی دھار وہائیا۔ تِنہاں دی پت آیا رکھن، پتت پاپی پار کرائیا۔ دُھر دی گودی آیا چُکن، چکنا چوُر کرے لوکائیا۔ جوتی جوت سروُپ ہرِ، آپ اپنی کِرپا کر، لہنا دینا جھولی پائیا۔ منجی کہے سارے وڈّے چھوٹے، غریِب نِمانیاں رنگ رنگائیا۔ پار اُتارے ماپیاں نال پُت پوتے، پُتلے کایا تت دِتے ترائیا۔ شؤہ دریائے کوئی نہ کھاوے غوطے، غمی خوشی وِچ بدلائیا۔ اگلا فِکر کوئی نہ سوچے، سارے انتم اپنے وِچ رلائیا۔ باہر کڈھ کُڑاوے کھوٹے، گُرمکُھ اپنے انگ لگائیا۔ وِچھڑن جنم دے مِٹ گئے روسے، رستے آپے لائیا۔ پربھ مِلن دے جِنہاں نوُں مِل گئے مؤقے، مُکمل اپنا آپ گئے ترائیا۔ جوتی جوت سروُپ ہرِ، آپ اپنی کِرپا کر، سوہنی منجی منزلاں اُتے چڑھائیا۔ ٹُٹی منجی کہے میری منزل مکُی، دو جہان پندھ مُکائیا۔ میَں اَگے ویکھاں ہرِ سنگت سُکھی، سُکھ ساگر روُپ وٹائیا۔ اُجل مات ہووے مکُھی، مکُھ صِفتاں نال صلاحیِا۔ پندراں کتّک چرن کَول دی سب نوُں دے کے رُچی، رُچی آتم پرماتم نال جُڑائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، پوُرب لہنے دی پُچھن پُچھی، جِس دی سمجھ سمجھاؤن کوئے نہ آئیا۔ گُرمکُھ منجی تیری سچ نِشانی، نشے دُھر دے رہی چڑھائیا۔ ایہو جیہی اجے تک لبھی کدے نہ گانی، منکیاں والی کمّ کِسے نہ آئیا۔ اِس دے تیِلیاں تِنکیاں وِچ اوہ بانی، جو بان

نِرالے رہی چلائیا۔ ایہہ گوبِند دی پِچھلی کہانی، کہاوت اگلی رہی سمجھائیا۔ سچکھنڈ نِواسی لےَ کے جاوے اوس مکانی، مقامے حق جِس دی سیج سُہائیا۔ جوتی جوت سروُپ ہرِ، آپ اپنی کِرپا کر، مِہربان دیوے وڈیائیا۔ گانی کہے میَں پئی گل، گلوکڑی اپنی پائیا۔ بھگتو تُہاڈے نال نہ کرے چھل، میَں وٹ دِتا چڑھائیا۔ جو وِچھوڑا دیوے پل، ہلوُنے نال دیاں اُٹھائیا۔ جوتی جوت سروُپ ہرِ، آپ اپنی کِرپا کر سِر میرے ہتّھ رکھائیا۔ سِری بھگوان کہے ایہہ گانی اچھی، اچھی طرح سمجھائیا۔ ویلا متس یاد جِس ویلے روُپ دھاریا مچّھی، سمُند ساگر ڈیرہ لائیا۔ اوس ویلے پریم پیار دی پا کے رسّی، تند اپنے نال کھِچائیا۔ جوتی جوت سروُپ ہرِ، آپ اپنی کِرپا کر، اگلا پِچھلا لیکھا رہیا سمجھائیا۔ رسّی کہے میَں دسّاں رستہ، مارگ اِک جنائیا۔ جن بھگتو پربھ نوُں مِلن واسطے بنھنا پئے کوئی نہ بستہ، پوتھی کمّ کِسے نہ آئیا۔ اِکو مارگ سب توں سستا، نِیوں نِیوں لاگو پائیا۔ تُہاڈے نال گنڈھ پا جائے پُختہ، جِس نال یسوُ پھانسی دِتا لٹکائیا۔ وِچ رہن نہ دیوے کوئی نُقطہ، مکُتے سارے دئے وڈیائیا۔ ایہہ ویلا نہیں کوئی پُچھ دا، پُچھن دی سمجھ کوئے نہ پائیا۔ جو پریم کرکے اِک وار جھُکدا، تِس نوُں کوٹن کوٹن وار اپنی گود بہائیا۔ ایس منجی پِچھے سب دا لیکھا مُکدا، جِس دی ڈوری گل وِچ سوبھا پائیا۔ ناتا جُڑ گیا پیو پُت دا، اَگے ہوئے نہ کوئے جُدائیا۔ جے کوئی جگت وِہار کرکے رُسدا، انتم اوہنوُں پار لنگھائیا۔ جوتی جوت سروُپ ہرِ، آپ اپنی کِرپا کر، دُھر دے لہنے رہیا چُکائیا۔ رسّی کہے میَں دسّاں رسم، ہرِ سنگت سچ سمجھائیا۔ تُہاڈے نال پےَ گئی ایس دی قسم، جِس دی قِسمت سمجھ کِسے نہ آئیا۔ سچ پُچھو تُہاڈے پِچھےبچّیاں دی لیاکے بھسم، بھاؤ قیمت اپنی آپے پائیا۔ جِس گھر گُر اوتار پیِر پَیغمبر کبیِر جُلاہے جہے وسن، اوہناں توں اَگے تُہانوُں لئے بہائیا۔ تُہاڈے کولوں جُدا ہو کے آیا نہیں پربھوُ نٹھّن، بھجےّ جاندیاں اپنے نال مِلائیا۔ ایہہ راوی نہیں رہبر دا پتن، پت پرمیشور دئے سمجھائیا۔ جوتی جوت سروُپ ہرِ، آپ اپنی کِرپا کر، سوہنی گانی گل لٹکائیا۔ گانی کہے میَنوُں آیا چیتا، پِچھلی کہانی دیاں جنائیا۔ جِس ویلے براہمن کھان آیا نیندا، اپنا پھیرا پائیا۔ اوہ چاروں طرف وینہدا، گوبِند اکھّ اُٹھائیا۔ مؤلی تند کرکے بھیٹا، گل گانی اِک لٹکائیا۔ گوبِند توڑ کے کِہا میری اولّڑی کھیڈا، اگلی سمجھ دیاں سمجھائیا۔ میَنوُں سب توں چنگی لگّنی سوُلاں کاہی والی سیجا، سجّنا تیَنوُں دیاں جنائیا۔ جِس نے میَنوُں پِچھوں بھیجا، اُس دی بھاجی دیاں ورتائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچ رکھائیا۔ مؤلی تند جِس ویلے

توڑی، ٹُٹی دئے دُہائیا۔ گوبِند میری بہُڑی بہُڑی، ہؤکے دے رہی سُنائیا۔ میَں چڑھکے تیری پؤڑی، پِھر خاکی خاک وِچ مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، لہنے دینے سب دے ویکھ وکھائیا۔ گوبِند کِہا سُن ری مؤلی، سخیئے تیَنوُں دیاں جنائیا۔ میرے صاحِب دا کھیل ہؤلی ہؤلی، جو ہرِ ہرِ اپنا نام پرگٹائیا۔ میَں پھیر آواں اُپر دھؤلی، دھرنی دھرت ویکھ وکھائیا۔ میَنوُں وست اِکو بھاؤنی، جو سب توں چنگی چنگی طرح سمجھائیا۔ میری سیج گُرمکُھاں کانے کاہی بناؤنی، اپنی ونڈ ونڈائیا۔ پھیر میرے پیار اندر سوہنی منجی اِک ڈاہُنی، چار پاوے نال جُڑائیا۔ اُس دے وِچوں میَں پریم پیار دی رسّی اِک کھِسکاؤنی، جِس نوُں اپنے گل لٹکائیا۔ اوس ویلے تیری پوُری کراں بھاؤنی، بھانا اپنے ہتّھ وکھائیا۔ جوتی جوت سروُپ ہرِ، آپ اپنی کِرپا کر، ویکھنہارا چائیں چائنیا۔ مؤلی کہے میَں رسّی بن کے، راہ تکاّں تیرا ماہیِا۔ کِس مارگ آویں چل کے، اپنا پندھ مُکائیا۔ میَں رستہ بہواں ملّ کے، نیتر اکھّ کھُلائیا۔ گوبِند کِہا ہسّ کے، خوشیاں نال جنائیا۔ میَں نِرگُن نال آواں نسّ کے، شبدی روُپ وٹائیا۔ تیَنوُں سچ جاواں دسّ کے، دُھر دا حُکم سُنائیا۔ جوتی جوت سروُپ ہرِ، آپ اپنی کِرپا کر، میرا مالک اِکو بےپرواہیا۔ مؤلی کہے دسّ ثبوُت، سچ دے جنائیا۔ کی پنج تت مان دیویں کلبوُت، کایا گڑھ سُہائیا۔ کَون دوارے ہوئیں مؤجوُد، حاضر ہو کے حاضری لئیں لگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دے لیکھے رہیا جنائیا۔ گوبِند کِہا آ جا نیڑے، سچ دیاں سمجھائیا۔ انتم آواں گُرمکُھاں دے کھیڑے، کھہڑا سب توں لَواں چُھڈائیا۔ پنج تت دے چھّڈ کے جھیڑے، شبدی اپنا ناؤں رکھائیا۔ بھگتاں اُتے کرکے مِہرے، محُبّت اپنے نال پائیا۔ اوہ دوُر دُراڈے اِکٹھے ہون نیڑے، گھر اِکو اِک سُہائیا۔ کرکے وڈّے جیرے، ٹُٹی منجی دین وِچھائیا۔ سب دے انتر ہوون چاؤ گھنیرے، خوشی غمی نال مِلائیا۔ جوتی جوت سروُپ ہرِ، آپ اپنی کِرپا کر، ویکھنہارا اِک ہو آئیا۔ مؤلی کہے دسّ مِلاپ، ویلا وقت سُہائیا۔ گوبِند کِہا میرا بھگتاں نال ساک، گُرمکُھاں جوڑ جُڑائیا۔ بیِس اِکیسا ہو کے ساکھیات، پُرکھ اکال نوُر کرے رُشنائیا۔ گُرمکُھاں دی بَیٹھ کے اُتے کھاٹ، کھٹکے سارے دیاں گوائیا۔ تانے پیٹے وِچوں مار کے جھراٹ، ڈوری تند اِک کھِچائیا۔ ویہہ سؤ اِکّی پندراں کتّک دی سُہنجنی کرکے رات، رُتبہ تیرا دیاں ودھائیا۔ اپنے گل وِچ پا کے ساکھیات، گُرسِکھاں دیاں وکھائیا۔ پوُرب لہنا دین دی ایس نوُں جاچ، ابُھل بُھل وِچ نہ آئیا۔ سب دی سُن آپ فریاد، فرد پِچھلی

پھول پُھلائیا۔ چرن پریِتی جوڑ کے آج، عاجز لئے ترائیا۔ بھگت بھگوان دا اِک سماج، سبناں دِتا سمجھائیا۔ مہاراج شیر سِنگھ وِشنوُں بھگوان، جن بھگتاں منکے مالا سارے دِتے تیاگ، وَیراگ اپنا اِک اُپجائیا۔ مالا کہے پربھ کی وَیراگ، کِس بِدھ دئیں پرگٹائیا۔ ابناشی کرتا کہے اندر وڑ کے مار آواز، سُرتی سوئی لَواں جگائیا۔ اپنے سیِس توں لاہ کے تاج، غریِب نِمانیاں وِچ بہہ کے خوشی منائیا۔ وست امولک نام بھنڈارا دے کے دات، دانی ہو کے ہوواں سہائیا۔ جنم کرم دی پوُرب پوُری کرکے خواہش، خالص اپنے نال مِلائیا۔ رسّی پِچھےتُہاڈی کٹّ کے جم کی پھاس، فَیصلے دُھر کے دئے مُکائیا۔ اوتھے لےَ کے جائے جِتھے وسے پاس، وِچھوڑا وِچھڑیاں کولوں اپنی جھولی پائیا۔ مِہربان ہو کے داسی داس، دست بدست سیو کمائیا۔ چرن کَولاں رکھے ساتھ، کرم کانڈ لیکھا دئے مُکائیا۔ منجی دا مالک سدا وسے ساتھ، سوہنا سنگ جنائیا۔ مہاراج شیر سِنگھ وِشنوُں بھگوان، تُہاڈی رکھی یاد، یاد پِچھےپِھرے واہو داہیِا۔ جوتی جوت سروُپ ہرِ، آپ اپنی کِرپا کر، مِہربان ہو کے آیا مات، مُطالیہ سب دا کرے تھاؤں تھائنیا۔

۱۵ کتّک ۲۰۲۱ بِکرمی کِشن سِنگھ دے گرِہ پِنڈ الّڑپِنڈی

ویہہ سؤ اِکّی پندراں کتّک، قطرہ قطرہ خوشی منائیندا۔ جُگ چؤکڑی پِچھوں آیا اوہ وقت، جِس دا ویلا وقت سرب سمجھائیندا۔ گُر اوتار پیِر پَیغمبر جنا کے اپنی شکت، تھوڑی تھوڑی شناخت سرب جنائیندا۔ کل انتم لیکھا ساچے بھگت، ہرِ بھگوَن ویکھ وکھائیندا۔ نِرگُن نِرویَر نِراکار چڑھ کے اگمّی ہست، ہستی رہیا بدلائیا۔ جوتی سروُپ ہو کے مست، نام خُماری اِک پرگٹائیا۔ دو جہاناں کھول کرکے ارتھ، اتھوا اپنا کھیل کرائیا۔ برہمنڈ کھنڈ ہوئے اسچرج، اچرج لیِلا آپ ورتائیا۔ سوُربیِر مردانہ بن کے مرد، مُدّعا سب دا ویکھ وکھائیا۔ نوَ نؤ چار دی سُن کے عرض، اصل اپنا روُپ دھرائیا۔ کوُڑی کِریا ویکھکے گرد، گردش ویکھے جگت لوکائیا۔ گُرمکُھاں ونڈنہارا درد، دردی اپنی دَیا کمائیا۔ جوتی جوت سروُپ ہرِ، آپ اپنی کِرپا کر، کھیلے کھیل اگمّ اتھاہیِا۔ پندراں کتّک پِچھلی یاد، سرب رہیا جنائیا۔ گُر اوتار سُن آواز، پیِر پَیغمبر ڈیرہ لائیا۔ شاہ سُلطان چھڈکے راج، تخت نِواسی سیِس جھُکائیا۔ وِشن برہما شِو رہے بھاج، بن بن پاندھی راہیِا۔ شبد اگمّی

وجےّ ناد، دو جہان کرے شنوائیا۔ حُکم سندیسہ بودھ اگادھ، اگمّ اتھاہ کرے پڑھائیا۔ جوتی جوت سروُپ ہرِ، آپ اپنی کِرپا کر، لیکھا جانے دُھردرگاہیِا۔ پندراں کتّک ویکھ کے سوہنا، سوہنی خوشی منائیا۔ اٹھسٹھ تیِرتھ آیا رونا، رو رو دین دُہائیا۔ ساڈا ویلا وقت جِس سُہاؤنا، سو صاحِب بےپرواہیِا۔ سچ مدھانے جِس نے دوہنا، دو دھارا کھیل کرائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ اٹھسٹھ تیِرتھ کرن پُکار، پُنہ پُنہ سیِس نِوائیا۔ واہوا تیری کھیل سچّی سرکار، شہنشاہ تیری بےپرواہیِا۔ گُر اوتار سدّ اپنے دربار، پیِر پَیغمبر نال مِلائیا۔ وِشن برہما شِو کر پیار سِر اپنا ہتّھ رکھائیا۔ کروڑ تیتیِسا دے ادھار، سُرپت مان وڈیائیا۔ بؤہڑی کِیوں سانوُں دِتا وِسار، ویہہ سؤ پندراں تیرے چرن دھیان لگائیا۔ تیرا لیکھا الیکھ کوئی پڑھ نہ سکے وِچ سنسار، سنساری سمجھ نہ کوئی وڈیائیا۔ جوتی جوت سروُپ ہرِ، آپ اپنی کِرپا کر، مِہربان ہو سہائیا۔ مِہربان سرب دے داتے، در تیرے سیِس جھُکائیا۔ گُر اوتاراں پیِر پَیغمبراں توڑ کے جگت ناتے، ناتا اپنے نال بندھائیا۔ چار جُگ دے بُھلا کے پِچھلے ساکے، ساکھیات اپنا دِتا جنائیا۔ آپے ویکھ کھیل تماشے، منڈل منڈپ راس رچائیا۔ ساڈا تیرے اُتے بھرواسے، بھرم بھؤ چُکائیا۔ تیرے درس سرب پیاسے، نیتر نَین رہے اُٹھائیا۔ ساڈا دِسے نہ کوئی ساتھے، سنگی سنگ نہ کوئے نِبھائیا۔ دروہی پِھری تیِرتھ تاٹے، تٹ کنارے رہے کُرلائیا۔ منزل سب دی رہی ادھواٹے، انتم پندھ نہ کوئے چُکائیا۔ جوتی جوت سروُپ ہرِ، آپ اپنی کِرپا کر، ساڈا لیکھا دے سمجھائیا۔ اٹھسٹھ کہن پربھوُ لاشریِک، شِرکت نظر کوئے نہ آئیا۔ تیرے وِچ اِک تؤفیِق، طوبیٰ طوبیٰ کرے لوکائیا۔ تُوں دوُر دُراڈا وسیوں آ نزدیِک، نیرن نیرا ڈیرہ لائیا۔ تیرا راہ تکّیئے ٹھیِک، ٹھاکر اِکو اکھّ اُٹھائیا۔ کِیوں ساڈے نالوں توڑ پریِت، پریِتم اپنا مکُھ بھوائیا۔ اسیں سردیاں وِچ ٹھنڈے سیِت، گرمیاں وِچ اگنی تت بُجھائیا۔ ساڈی ویکھ پِچھلی ریِت، ریِتیوان دھیان لگائیا۔ کی ہویا جے کلجُگ جیِو ہوئے پلیِت، پت ساڈی رہے گوائیا۔ جوتی جوت سروُپ ہرِ، آپ اپنی کِرپا کر، سچ راہ دے سمجھائیا۔ اٹھسٹھ تیِرتھ کہن ہائے ہائے، ہؤکے نال سُنائیا۔ پندراں کتّک یاد آئے، جِس ویلے ساڈی بنت بنائیا۔ اپنے چرن کَول اُپر اپنی دھار ٹپکائے، امرت امر رس وکھائیا۔ جِس دی بوُند سوانتی مات رکھائے، اِکانتی اپنا حُکم جنائیا۔ بؤہ بھانتی ہرِ کھیل کھِلائے، اگمّ اتھاہ وڈّی وڈیائیا۔ سچ سوغاتی جِس راتی داتی جھولی پائے، ماتی رنگ چڑھائیا۔ جوڑ ناتی چھاتی نال لگائے، ساچی باتی کتھنی کر سمجھائیا۔ جوتی جوت سروُپ

ہرِ، آپ اپنی کِرپا کر، ساڈا لیکھا لیکھے وِچ رکھائیا۔ اٹھسٹھ کہن اسیں دسّیئے اصل، اصلیّت اِک سمجھائیا۔ جِس ویلے پربھوُ پریم پیار اپنے نال کیِتا وصل، واسطہ اِکو اِک جُڑائیا۔ اوتھوں پرگٹی ساڈی نسل، جننی جن اِک ہو جائیا۔ دو جہاناں کر نہ سکے کوئی قتل، کھنڈا دھار نہ کوئے ڈرائیا۔ بِن پُرکھ ابناشی راہ سکے کوئی نہ بدل، بدلہ سکے نہ کوئے چُکائیا۔ تیرے در تے بھگوَن اِکو عدل، عدالت اِک وکھائیا۔ ساڈی پوُری کر دے سدّھر، صدقے واری گھولی گھول گھُمائیا۔ تُدھ بِن کوئی نہ جانے ساڈا قدر، قُدرت تیرا روُپ نظری آئیا۔ جوتی جوت سروُپ ہرِ، آپ اپنی کِرپا کر، لہنا دینا جھولی پائیا۔ اٹھسٹھ کہن سُن لےَ بات، ظاہر باطن جنائیا۔ ایہہ بخشن والی بخشش اوہ دات، جِس وِچوں بخشیِش لئی پرگٹائیا۔ نؤ سؤ چُرانوے چؤکڑی جُگ پہلوں اِک قطرہ تیرا بوُند سوانت، چرن چھوہ مِلی وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ امرت بوُند دُھر دا تُبکا، طبقاں سمجھ کوئے نہ آئیا۔ آد جُگاد کدے نہ مُکدا، مُفتو مُفت رہیا ورتائیا۔ تیرا پریم پیار نیِر کدے نہ سُکدا، چھہبر اِکو رنگ رنگائیا۔ سدا سدا سد تیرے چرناں جھُکدا، اٹھسٹھ بَیٹھا سیِس نِوائیا۔ تُدھ بِن مات کوئی نہ پُچھدا، پُشت پناہ ہتّھ نہ کوئے رکھائیا۔ تُدھ بِن پیَنڈا نہ کِسے دا مُکدا، گُر اوتار گئے جنائیا۔ کلجُگ انتم تیرا کھیل اِکو پیو پُت دا، پِتا ہو کے گود اُٹھائیا۔ کِیوں ساڈے کولوں لُکدا، سنمکُھ ہو نہ درس کرائیا۔ ساڈا لیکھا چُکا چُپ دا، انبولت ساچا بول دے سمجھائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ مِہربان کہے سُن اٹھسٹھ، سَت دیاں جنائیا۔ تُہاڈی کھول کے پِچھلی گٹّھ، گٹھڑی خالی دیاں وکھائیا۔ چار جُگ جو دِتا دھیِرج جت، سَت سنتوکھ نال رلائیا۔ پریم پیار دی وست رکھ، چرنودک مکُھ چوائیا۔ لوکمات دے کے حق، حُکم دِتا سمجھائیا۔ کھیل ویکھیا نٹھ نٹھ، سَتجُگ تریتا دواپرکلجُگ پھیرا پائیا۔ جوتی جوت سروُپ ہرِ، آپ اپنی کِرپا کر، سِری بھگوان رہیا سمجھائیا۔ اٹھسٹھ سُن لےَ بات، پاتشاہ سمجھائیندا۔ انتم سب دا ہویا گھات، بچیا کوئے رہن نہ پائیندا۔ جِس نے دِتی سچ سؤغات، سو صاحِب ویکھن آئیندا۔ جِس نے چرن پریِتی جوڑیا نات، سو ناتا بِدھاتا کھوج کھُجائیندا۔ جوتی جوت سروُپ ہرِ، آپ اپنی کِرپا کر، دُھر دا کھیل اِک وکھائیندا۔ اٹھسٹھ کہے میَں ویکھے پیِر گُر، پَیغمبر در تے نظری آئیا۔ جِنہاں دا اِکو راگ اِکو سُر، اِکو تال رہے وجائیا۔ جِنہاں نوُں اِکو منتر رہیا پُھر، فُرنا تیرا نام شنوائیا۔ سارے لوکمات آ کے پِچھےگئے مُڑ، در تیرے سیِس نِوائیا۔ انتم سانوُں پئی تیری

لوڑ، ہوکا دے کے رہے جنائیا۔ سچ سوامی آ کے ویکھ اپنے گھوڑ، دو جہاناں پندھ چُکائیا۔ کلجُگ اندھیرا گھور، سچ چند نہ کوئے چمکائیا۔ کوُڑی کِریا پایا شور، شورش وِچ لوکائیا۔ ساڈے ولّ تکّ کر کے غؤر، گہر گمبھیِر اکھّ کھُلائیا۔ ساڈے اندر مانَس مانُکھ مانُش بن گئے پشوُ ڈھور، رَوداس چمارا دئے گواہیِا۔ جوتی جوت سروُپ ہرِ، آپ اپنی کِرپا کر، مِہربان لےَ بُلائیا۔ اٹھسٹھ کہے کی دسّیئے حال، حالت دسّن یوگ رہی نہ رائیا۔ ساڈا لُٹیا دھن مال، دؤلت خزانہ سارے بَیٹھے گوائیا۔ سچ امرت مارے نہ کوئے اُچھال، سیِر رس نہ کوئے وکھائیا۔ اندرے اندر ساڈی بدل گئی چال، چال نِرالی اِکو نظری آئیا۔ کلجُگ کوُڑی کِریا بن گئی وِچ دلال، مایا ممتا موہ ونج کرائیا۔ جوتی جوت سروُپ ہرِ، آپ اپنی کِرپا کر، انتم لیکھا دے مُکائیا۔ اٹھسٹھ کہن پربھ ویکھ ساڈی سُرت، تیرے چرن دھیان لگائیا۔ حُکم دے اگمّی تُرت، دُھر سندیس سُنائیا۔ کلجُگ انتم سچّا رہیا کوئی نہ پُرش، نر ناری سارے بَیٹھے اپنا آپ گوائیا۔ مانَس جنم ہویا بُرد کھُرد، خُدی وِچ جگت لوکائیا۔ جوتی جوت سروُپ ہرِ، آپ اپنی کِرپا کر، مِہربان ویکھ وکھائیا۔ مِہربان آ کے تکّ، تقویٰ تیرا اِک رکھائیا۔ کوُڑی کِریا ساڈے اندر وڑ گئی نٹھ، باہر کڈھن کوئے نہ پائیا۔ سادھ سنت چھّڈ کے ہٹّھ، دھیِرج جت گئے گوائیا۔ گنگا گوداوری جمنا سُرستی کہے پربھوُ ساڈی شرم نال شرماوے اکھّ، نَین سکے نہ کوئے اُٹھائیا۔ کوُڑی کِریا ویکھ کے گئی تھکّ، منزل اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، دَیاوان دَیا کمائیا۔ اٹھسٹھ وِچوں کہے گنگا، مکُھ گھُنگٹ نَین اُٹھائیا۔ ویہہ سؤ پندراں میَنوُں لگّا چنگا، چنگیاں وِچوں سوبھا پائیا۔ جِس ویلے میَں درشن پا کے ہوئی انندا، انند کارج نال کرائیا۔ نظری آیا گوبِند چندا، جِس دی چاندنی دو جہان رُشنائیا۔ جے کوئی ایس نوُں سمجھے بندہ، سو بندیخانے وِچ اپنا آپ پھسائیا۔ ایہدا ویکھ اگمّی دھندا، دھرنی دھَول سیِس جھُکائیا۔ اِس دے ہتّھ اوہ کھنڈا، جِس نوُں بھگؤتی سیِس نِوائیا۔ اِس دے کول اوہ انندا، جِس دا انند انند پُری والا سمجھائیا۔ اِس دے کول اوہ رندا، جو بن ترکھان کرے صفائیا۔ اِس دے کول اوہ ڈنڈا، جو بن کے جٹّ سرب ڈرائیا۔ اِس دے کول اوہ کنڈھا، جِس کنڈھے اُتے گُر اوتار پیِر پَیغمبر بَیٹھے دھیان لگائیا۔ اِس دے کول اوہ چھندا، جو آد جُگاد بھگتاں رہیا جنائیا۔ جوتی جوت سروُپ ہرِ، آپ اپنی کِرپا کر، ساڈا پڑدا دے کھُلائیا۔ اٹھسٹھ کہن پربھ ویکھ تیرا دروازہ، ساڈی پئی دُہائیا۔ تُوں مالک غریِب نِواجا، سد غریِب نِمانیاں ہوئیں سہائیا۔ گُر اوتار پیِر پَیغمبر ویکھیا داسی داسا، در

ٹھانڈے سیِس جھُکائیا۔ سانوُں اُپجی اِکو آسا، آسا منسا پوُر وکھائیا۔ تیرے چرناں اِک بھرواسا، چرنودک اپنے وِچ رلائیا۔ پربھوُ بدل دے ساڈا پاسہ، پاشا جگت دے اُلٹائیا۔ کلجُگ جیِو کرن سانوُں ہاسا، ہنسی رہے اُڈائیا۔ جوتی جوت سروُپ ہرِ، آپ اپنی کِرپا کر، در ساچے لےَ بُلائیا۔ اٹھسٹھ کہے پربھ دے بُلاوا، بلدھاری تیری اوٹ تکائیا۔ تیرے وِچھوڑے دا اِکو ہاوا، ہائے ہائے رہے سُنائیا۔ جے کوئی گُر اوتار پیِر پَیغمبر صدی چؤدھویں اپنا چھّڈ گئے دعوہ، مِسل تیرے ہتّھ پھڑائیا۔ ساڈا لوکمات وِچوں کٹّ دے ناواں، نِتھاویاں اپنے چرن بہائیا۔ تیری دھوُڑی بہکے ساچا نہاون نہاواں، میرے وِچ نہاون والا نظر کوئے نہ آئیا۔ اسیں نیتر روندے تُدھ بِن پکڑے کوئی نہ باہواں، پھڑ گلے نہ کوئے لگائیا۔ جوتی جوت سروُپ ہرِ، آپ اپنی کِرپا کر، گھر ساچے لئے بُلائیا۔ اٹھسٹھ کہن ساچے ربّ، رمز نال جنائیا۔ صدی ویہویں لئے سدّ، سدّا اِک جنائیا۔ اسیں دوُر دُراڈے آئیے بھجّ، اگلا پندھ مُکائیا۔ سب کُچھ مات لوک چھّڈ، پلّوُ خالی انت کرائیا۔ جوتی جوت سروُپ ہرِ، آپ اپنی کِرپا کر، اپنے چرن دے وڈیائیا۔ گنگا گوداوری کہے جمنا سُرستی، سُرتی تیرے ول لگائیا۔ کلجُگ کوُڑی سرِشٹی ویکھ مستی، کام کرودھ لوبھ موہ ہنکار ہویا ہلکائیا۔ میرے اندر نہا کے کِسے نوُں سمجھ نہ آوے تیری ہستی، ہتّھاں پَیراں والے سارے گئے بُھلائیا۔ ایسے کرکے ساڈی حالت ہوئی خستی، خصلت سب دی اندر وڑ کے رہی شرمائیا۔ پربھوُ ساڈی کڈھ دے اِکو وار ارتھی، لیکھا لوکمات مُکائیا۔ تُوں مالک عرشی فرشی، فضل رحمت دے کمائیا۔ تُوں مالک دُھر دا دردی، دُکھیاں دُکھ ونڈائیا۔ سچ پُچھیں گوداوری کنڈھے ندیڑ گوبِند کول دِتی عرضی، اُس عرضی دی قیمت ہیِرا وِچ سُٹائیا۔ تیرا لیکھا آد جُگاد نقدو نقدی، اُدھار رہن کوئے نہ پائیا۔ صدی ویہویں جاندی لنگھدی، ملاح پتن اُتے بَیٹھے سنے بیڑی رہے کُرلائیا۔ کلجُگ دھار ڈوُنگھے ساگر منجھ دی، منزل سکے نہ کوئے چُکائیا۔ تیرے در تے اِکو وست منگدی، مانگت ہو کے جھولی ڈاہیِا۔ سانوُں کوئی لجّیا نہیں بُھکھ ننگ دی، نِت تیرا درشن پا کے خوشی منائیا۔ آس مُک جائے مُہانے ونجھ دی، تیرا تٹ کنارہ سوبھا پائیا۔ سُن فریاد بھاگاں مند دی، ابھاگن رہی کُرلائیا۔ کتھا کہانی نہیں بتّی دند دی، بِن دنداں رہی سُنائیا۔ دُھر دے لاڑے یاد رکھ اوہ کہانی اِکّیاں دی جنج دی، جِس دی سوہنی بنت بنائیا۔ جوتی جوت سروُپ ہرِ، آپ اپنی کِرپا کر، ساڈا لیکھا دے چُکائیا۔ اٹھسٹھ کہے میَں بےشک پانی، تیرا نیِر نظری آئیا۔ جُگ چؤکڑی میَں سادھاں سنتاں گُر اوتاراں پیِر پَیغمبراں کولوں

سُندا رہیا تیری کہانی، جو کنڈھے بہہ کے تیرا نام دِھیائیا۔ سو ویلا وقت آیا جگت جہانی، تھِت وار رہی سمجھائیا۔ میَنوُں یاد آ گئی اوہ نِشانی، جیہڑی سرسے کنڈھے گوبِند گیا سمجھائیا۔ جِس ویلے میرا مالک دِل دا آوے جانی، بےپہچان پھیرا پائیا۔ اُس دا کوئے نہ دِسے ثانی، اِحسان سِر نہ کوئے رکھائیا۔ اُس دی کھیل ہووے مہانی، مہما بودھ اگادھ کرے جنائیا۔ جوتی جوت سروُپ ہرِ، آپ اپنی کِرپا کر، ساڈا لہنا دے مُکائیا۔ اٹھسٹھ تیِرتھ کہے میَنوُں آیا چیتا، چِت اپنے نال صلاح پکائیا۔ جِس ویلے گوبِند اپنی کھیڈ کھیڈا، چِلّہ تیِر کمان چڑھائیا۔ گوداوری کنڈھے مار کے نیزہ، نِج دھار لئی پرگٹائیا۔ اوتھے ساڈھے تِنّ ہتّھ بنا کے سیجا، اِکلّا اپنا ڈیرہ لائیا۔ دُھر سندیش اِکو بھیجا، سِری بھگوان کول پہُنچائیا۔ اٹھسٹھ لیکھا کلجُگ بھیٹا، بھیکھی پِھر پِھر بھرم رہے بھرمائیا۔ سِری بھگوان کِہا چھیتی اِنہاں دا میٹاں لیکھا، لیکھا اپنے ہتّھ وکھائیا۔ گوبِند تیرے کول دے کے سب دا ٹھیکا، پِچھلی ٹھیکیداری دیاں گوائیا۔ اَگے کِسے دی رہن نہ دیواں بھیٹا، کسیِرا کؤڈی قیمت رَویداس چمارے نال رلائیا۔ آپ بن کے کھیوٹ کھیٹا، جن بھگتاں پتن پار لنگھائیا۔ میَں پِتا تُوں میرا بیٹا، پِتا پوُت روُپ وکھائیا۔ اِکو وس کے سمبل دیسا، دیس دسنتر کھوج کھُجائیا۔ مالک دُھر دا بن ہمیشہ، جوتی جوت سروُپ ہرِ، آپ اپنی کِرپا کر، تیرا لہنا دینا جنائیا۔ گوبِند کہے پربھ ویکھ اپنے اٹھسٹھ، اٹّھاں تتاں موُل چُکائیا۔ چھیکے نالوں صِفراں ہو کے اڈّ، وکھّرا گھر سُہائیا۔ چھ گھر ہو گئے رّد، نِرگُن تیری سمجھ کوئے نہ پائیا۔ جِس ویلے آویں آپ وِچ جگ، جُگت اپنے نال رلائیا۔ موہے پریم پیار اندر لَینا سدّ، دُھر سندیس سُنائیا۔ اٹھسٹھ تیِرتھ پھیر ویکھاں نٹھ نٹھ، چاروں کُنٹ کھوج کھُجائیا۔ سب دا پِچھلا کِھچّ کے سَت، پِچھلی بخشش اپنی جھولی پائیا۔ جل دھارا کرکے خالی ہتّھ، خالی کھاری سِر ٹِکائیا۔ جن بھگتاں بھیو دسّکے سچ، سچ دیاں سمجھائیا۔ ویہہ سؤ اِکّی تکّ کوئی نہ سکے بچ، گُر اوتار پیِر پَیغمبر پہلوں اپنے در بہائیا۔ انت اَخیِری اِنہاں دا کھوہ کے حق، حاکم ہو کے حُکم سُنائیا۔ اَگے جن بھگتاں نال کرکے رہن فق، حِساب دُھر دا جھولی پائیا۔ پندراں کتّک پِچھوں تیِرتھ تٹاں اُتے کوئی نہ رہ جائے سَت، سَتیا سب دی دِتی مِٹائیا۔ کر کے کھیل پُرکھ سمرتھ، پردہ اِک اُٹھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ دُھر دا حُکم دیوے بھگوان، اپنی دَیا کمائیا۔ اٹھسٹھ چھّڈ کے آپے جان، پِچھلا پندھ مُکائیا۔ کوئی سُتّا رہے نہ وِچ مَیدان، جنگل جوُہ غفلت نہ کوئے رکھائیا۔ سب نوُں اِکو پا کے آن، بھےَ بھؤ رہیا دِرڑائیا۔

سچ دوارے آ کے دیؤ بیان، اپنا اپنا لیکھا دیؤ جنائیا۔ لہنا چُھٹیا جگت جہان، پربھ چرن ملِے سرنائیا۔ گُر اوتاراں پیِر پَیغمبراں مِلو آن، جوتی جوت سروُپ ہرِ، آپ اپنی کِرپا کر، لیکھا سب دا ویکھ وکھائیا۔ اٹھسٹھ تیِرتھ اِک دوُجے نوُں مارن آوازاں، پندراں کتّک رہے سُنائیا۔ اُٹھو ویکھو دؤڑو حُکم دیوے پربھ راجن راجا، شاہ پاتشاہ سچّا شہنشاہیِا۔ سارے کہن کِتھے تکّیئے حُکم آوے دیس ماجھا، جو سب دے تُخم ویکھ وکھائیا۔ لکّھ چؤراسی جیِو جنت دا بن کے دادا، گوبِند پِتا رہیا سمجھائیا۔ اپنی ہتھّیں اُلٹا کے سب دا پاشا، پیشیِنگوئی پِچھلی پوُر کرائیا۔ اَگے وجاوے اپنا واجا، دوُجا راگ نہ کوئے سُنائیا۔ در سُہائے اِکو ٹھانڈا، گہر گمبھیِر دئے وڈیائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک منائیا۔ اٹھسٹھ کہن کِتھے چلیئے، رستہ نظر کوئے نہ آئیا۔ کَون دوارا جا کے ملّیئے، مالک ملِے بےپرواہیِا پِچھلی کہانی جا اُتھلیئے، اپنا حال سُنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گنگا سُرستی جمنا پئی بول، ہؤلی ہؤلی سرب جنائیا۔ سارے اُٹھو آپ اڈول، پلّوُ دوُجے نال نہ کوئی چُھہائیا۔ اوہ مالک خالق دُھر دا آیا اُپر دھؤل، دھرنی سوبھا پائیا۔ جِس دا رَوداس چمارے نال قؤل، اِقرار اپنے نال رکھائیا۔ جوتی جوت سروُپ ہرِ، آپ اپنی کِرپا کر، کھیلے کھیل ہر گھٹ تھائنیا۔ گنگا گوداوری کہے میَں وساں کِتھے، گلی کوُچا دیاں سمجھائیا۔ سرب سوامی وسدا جِتھے، جیہڑا مندر رہیا وڈیائیا۔ اسیں ویہہ سؤ ویہہ بِکرمی وِچ اوہ تھاں جا کے ڈِٹھے، چھّبی ماگھ رہے سمجھائیا۔ جِس ویلے براہمن نے دھوتے اپنے گٹے، ہتّھ مکُھ نال رلائیا۔ نؤ جنم دے کاغذ ہوئے چِٹے، دُرمت لّتھی چھاہیِا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ گنگا گوداوری کہے اوہ وسے کوُٹ لہِندا، لہنیدار اکھوائیا۔ جِس دے چرن دھون نوُں نٹھی میرا پاٹ گیا سی لہِنگا، انگی لیِرو لیِر وکھائیا۔ اوہ مالک سچ سِنگھاسن بہِندا، گُرمکُھاں دئے وڈیائیا۔ اوس دا اوس دی کِرپا بِنا نہ مکُے پیَنڈا، منزل سکے نہ کوئے چُکائیا۔ اوہ دُھر فرمان اِکو کہِندا، کہہ کہہ رہیا سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ اٹھسٹھ کہن اڑیئے دسّ چھیتی، اگلا دھیان لگائیا۔ جے تُوں اوس در دی بھیتی، بھیو سچّا دے سمجھائیا۔ ساڈے نال کر نیکی، نِکے وڈّے گھر بہائیا۔ اسیں بن کے چلے پردیسی، دیس لوکمات تجائیا۔ سانوُں یاد آیا نانک موڈھے توں لاہ کے اپنی کھیسی، بیئیں وِچ بَیٹھا مکُھ چُھپائیا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ بیئیں کہے میَنوُں دسّو گلّ، کِیوں نہ

نانک نال رلائیا۔ سارے کہن اوہ ساڈے نال کرکے ول چھل، پربھ نوُں مِلن گیا چائیں چائنیا۔ اوس ویلے ساڈے وِچوں کِھچّ کے بوُند امرت جل، پربھ دے چرناں جا کے بھیٹ چڑھائیا۔ اودوں دا ساڈا وجوُد رہ گیا کھلّ، اندر وست رہی نہ رائیا۔ ہؤلی جیہی پربھ دے ہو کے ولّ، دوئے جوڑ واسطہ پائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ بیئیں کہے نانک نہیں میَں ویکھیا رام، دسرتھ بیٹا روُپ وٹائیا۔ جِس دِن پندراں کتّک وِچ ایُدھیا کیِتا اِشنان، سرجوُ سوبھا پائیا۔ اوس ویلے اندرے اندر اپنا دے کے دُھر بیان، فرمان اپنا آپ سُنائیا۔ پہلوں گوبِند آوے نؤجوان، کنڈھے گھاٹ ڈیرہ لائیا۔ پِھر ویہہ سؤ پندراں بِکرمی کھیل کرے بھگوان، ہرِ بھگتاں جوڑ جُڑائیا۔ ویہہ سؤ اِکّی اَخیِری مار کے اِک دھیان، دھندے سارے دئے مُکائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ بیئیں کہے نانک نہیں میَں ویکھیا گھنئیا کرِشن، بنسری والا راس رچائیا۔ جِس نوُں گوبِند کِہا دھیاؤں نہ کوئی بِشن، کِشن رکھے نہ کوئے وڈیائیا۔ اوس کنڈھے دے اُتے بھگت سُہیلے سارے دِسن، دہ دِشا نظری آئیا۔ جوتی جوت سروُپ ہرِ، آپ اپنی کِرپا کر، سب لیکھے رہیا چُکائیا۔ اٹھسٹھ تیِرتھ کہن کِتھے مُکدا لیکھا، بِن لِکھتوں دئے چُکائیا۔ گنگا کہے میَنوُں آیا چیتا، چیتن ہو کے رہی جنائیا۔ جِس دے کول آد جُگاد دو جہاناں ٹھیکا، گُر اوتار پیِر پَیغمبر حُکمے اندر بھوائیا۔ اوہ کلجُگ انتم نِرگُن سرگُن پِھرے وِچ کھیتاں، کھیتی لکّھ چؤراسی ویکھ وکھائیا۔ اپنے گھر رہے ہمیشہ، گُرمکُھاں دئے وڈیائیا۔ بھگت اُدھارن اوسدا پیشہ، پُشت پناہ ہتّھ ٹِکائیا۔ اوہدے در تے منگدے برہما وِشن مہیشا، کوٹن کوٹ جھولیاں ڈاہیِا۔ اوس نے ساڈی انتم میٹنی ریکھا، رِکھیاں مُنیاں دی بنی دیوے سب ڈھاہیِا۔ اُس دا پرگٹ ہویا شبدی پُت اِکو جیٹھا، جِس دی تاب جھل سکے کوئی نہ رائیا۔ اوہ سب دا ویکھے سؤہرے پیئیے پیکا، نانک دادک کھوج کھوجائیا۔ کر کے نِرگُن نِرویَر اولّڑا ویسا، بھیکھادھاری گیا آئیا۔ سب دا مالک ہو کے نیتا، نِت نوِت حُکم منائیا۔ جوتی جوت سروُپ ہرِ، آپ اپنی کِرپا کر، سچ دوارے بَیٹھا خوشی منائیا۔ اٹھسٹھ کہن چلو دوارے سَت، سَت سَت درشن پائیا۔ خوشیاں وِچ سارے پئے ہسّ، ہنس مکُھ وڈیائیا۔ واہو داہی اُٹھے نسّ، بن کے پاندھی راہیِا۔ پندراں کتّک جا کے سُنیئے جس، جو بھگتاں رہیا سمجھائیا۔ گُر اوتار پَیغمبر جِس نے کیتے وس، ڈوری تند بندھائیا۔ اُس دی چرنی جائیے ڈھٹّھ، نِیوں نِیوں سیِس جھُکائیا۔ مُڑ کے لوکمات پھیر نہ آئیے وت، وطن ملّیئے بےپرواہیِا۔ ساڈے اندر وڑ کے دھوتی ٹِکاّ

بودی والا پانی سوُرج کوئی نہ لَوے جھٹّ، چُلیاں نال نہ بھیٹ کرائیا۔ جننجو نوُں دیوے پھڑ کے کوئی نہ وٹ، ہتّھاں وِچ نہ کوئے کھِسکائیا۔ بودی نوُں دے کے اُتے گٹّھ، اکھّاں میٹ نہ سُرتی لائیا۔ سب نوُں پِچھےجائیے چھّڈ، ماٹی کھیہہ سِر پوائیا۔ پندراں کتّک ہو کے اڈّ، پربھ جا پئیے سرنائیا۔ گُر اوتار پیِر پَیغمبراں مِل کے دسّیئے سچ سچ، بیِتی کہانی اِک جنائیا۔ جوتی جوت سروُپ ہرِ، آپ اپنی کِرپا کر، حُکمے اندر رہیا منگائیا۔ اٹھسٹھ تیِرتھ اُٹھ اُٹھ بھجےّ، آون واہو داہیِا۔ چلو ویکھیئے جِس نے بھاگ لگایا ٹُٹے منجے، مّجھیاں چارن والا نانک نال رلائیا۔ جو گوبِند ہو کے کلغی والا سجے، جگت گھوڑے رہے شرمائیا۔ جِس دے گُر اوتار پیِر پَیغمبر بدھےّ، در بَیٹھے سیِس نِوائیا۔ جِس دے بھگت سجّن آئے سدّے، سگناں نال خوشی وکھائیا۔ جِس نے مان دوایا گھُمیاراں والے گدھے، گدّی داراں رہیا ہِلائیا۔ جِس نے بھیو چُکایا پانڈے پنڈے، پنڈت دِتی وڈیائیا۔ جیہڑا ٹُٹی منجی سج ٹُٹیاں سب دیاں گنڈھے، گنڈھنہار گوپال سوامی گوسائینا۔ جِس دی دھار تِکھی کھنڈے، کھنڈا کھڑگ نام چمکائیا۔ چل کے بہیئے اُس دے کنڈھے، اپنے تٹ کنارے پندھ مُکائیا۔ جِس نے بِنا بندگیؤں اپنے بنائے بندے، بندھن سارے دِتے تُڑائیا۔ جِس نے گُر اوتاراں سُنائے اپنے چھندے، ڈھولا اِک خُدائیا۔ جو وست امولک پیار پریِتی ونڈے، محُبّت پریم وِچوں پرگٹائیا۔ جو بِنا پؤڑی ڈنڈیوں اندر سب دے لنگھے، راتیں سُتّیاں رہیا اُٹھائیا۔ جو چنگے بنائے بھانڈے مندے، مِہر نظر نال ترائیا۔ جو ایتھے اوتھے دو جہاناں نال ہنڈھے، جنم مرن نہ کوئے رکھائیا۔ جو بھگتاں چُک کے اپنے کندھے، سچکھنڈ بھجّا جاوے واہو داہیِا۔ چلو اوس دے پھسیئے چل کے پھندے، جو پھاندی ہو کے رہیا پھسائیا۔ گنگا نوُں یاد آ گئی پِچھلی ونگے، جو براہمن ہتّھ پھڑائیا۔ رَوداس نوُں چیتا آیا جو کلیرے کلی نال ٹنگے، بھاگاں بھری دِتے جنائیا۔ سِری بھگوان نوُں خیال آیا جو رَوداس دے گھر بہہ کے ونڈ ونڈے، پنجاں پنجاں دِتی ورتائیا۔ اُس دے پِچھےاٹھسٹھ تیِرتھ آون پَیریں ننگے، جنگل جوُہ اُجاڑ پہاڑ پار کرائیا۔ بِن حُکموں اندر لنگھ نہ سکن اؤہ کندھے، جِس کندھ دا مالک گُرمکُھ نظری آئیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ اٹھسٹھ تیِرتھ آ کے اوہلے، بَیٹھے دھیان لگائیا۔ گنگا وِچوں اِکو بولے، ہؤلی جیہی سُنائیا۔ کؤن کِشن سِنگھ دا کُنڈا کھولے، دروازہ بند دئے تُڑائیا۔ رَوداس کہے میَں گنڈھنہارا پؤلے، ٹُٹیاں جوڑ جُڑائیا۔ اُچی کوُک پاؤ نہ رؤلے، اندرے اندر لؤ منائیا۔ میرا ٹھاکر سوامی ہر گھٹ اندر مؤلے، گرِہ گرِہ سوبھا پائیا۔ آد

جُگاد ساچا تول تولے، کنڈا نام ترازوُ ہتّھ اُٹھائیا۔ گُرمکُھ سِنگھ کہے اٹھسٹھ تیِرتھ ایہہ گُرسِکھ بناؤ وِچولے، جو وِچھڑیاں رہے مِلائیا۔ ایہہ نہ جانو بھولے بھالے، بھلیاں دی انس آپ پرگٹائیا۔ اِک بچن نانک کِہا بالے، بچّیاں وانگ سمجھائیا۔ پربھ دے وکھّرے نخرے سب توں چالے، چالاکی وِچ چلان سب دے رہیا کرائیا۔ مراسی کِہا ڈوُم ایہہ تیرے ایَنوے خیالے، جو مکُھ آوے رہیا سُنائیا۔ نانک کِہا میرا دوُجا حُکم جِس ویلے جاواں گھر لالے، لالو ویکھ وکھائیا۔ جوتی جوت سروُپ ہرِ، آپ اپنی کِرپا کر، پوُرب لیکھے رہیا مُکائیا۔ بالے کِہا میری نانک ویکھ رباب، ربّی ربّ رہی جنائیا۔ جِس دا کوئی نہ لاوے حِساب، سُر تال نہ کوئے بُجھائیا۔ جے میَں نہ ہوواں تیری لِکھی نہ جائے کِتاب، کلمہ دُھر نہ کوئے پڑھائیا۔ نانک کِہا ڈوُما ویکھ اِک محراب، محبوُب دیاں سمجھائیا۔ جِس دا جلوہ نوُر محتاب، آفتاب شرمائیا۔ بالے کِہا نہیں ایہہ کوئی پُھل گُلاب، سوُرج نال رُشنائیا۔ ایویں کی ایس نوُں کراں آداب، بندہ روُپ نہ کوئے وٹائیا۔ نانک کِہا ایہہ خُدا پاک، جِس میری ذات پرگٹائیا۔ بالے کِہا میَں پھیر ویکھوُں ساکھیات، جِس ویلے چل کے آوے میرا ماہیِا۔ اوہناں وِچوں دیوے اپنا آپ جواب، جِنہاں نوُں گُر اوتار پیِر پَیغمبر لیا بنائیا۔ جوتی جوت سروُپ ہرِ، آپ اپنی کِرپا کر، ویکھنہارا آپ ہو جائیا۔ نانک کِہا بالے تکّ، اؤہ ویکھ تقدیِر تیری بدلائیندا۔ بالا کہے ایہہ گلّاں چھّڈ، کھہڑا تیرے کولوں چُھڈائیندا۔ میَں مالک ویکھنا جِس دے دوویں ہوون ہتّھ، اکھّاں نال اکھّ مِلائیندا۔ جِس دے اُتے رہے کوئی نہ شک، شِکوے سرب گوائیندا۔ جو گُر اوتاراں پیِر پَیغمبراں اپنے نام دے لِکھدا رہندا خط، خطوکتابت وِچ پرچائیندا۔ نانک کِہا اوہ مالک حق، حاکم اِک اکھوائیندا۔ کلجُگ انت ہووے پرگٹ، تیری ساکھی سِکھیا وِچ سمجھائیندا۔ جِس نے لیکھے مُکاؤنے تیِرتھ اٹھسٹھ، گنگا گوداوری جمنا رس نہ کوئے رکھائیندا۔ گُر اوتار پیِر پَیغمبر در تے سدّ، سدّھراں سب دیاں ویکھ وکھائیندا۔ جِنہاں نوُں اپنے نالوں کیِتا اڈّ، ہڈّ ماس ناڑی تن تت جگت وکھائیندا۔ انت بنائے اپنی جدّ، وِشَو اپنی دھار سمجھائیندا۔ لیکھا مکا کے اٹھسٹھ، امرت امر میگھ اِک برسائیندا۔ جن بھگتاں مارگ دسّ، دہ دِشا کھوج کھُجائیندا۔ ویہہ سؤ اِکّی بِکرمی پندراں کتّک سب دا لیکھا کر کے بس، بستے پِچھلے بند کرائیندا۔ مہاراج شیر سِنگھ وِشنوُں بھگوان پُرکھ سمرتھ، سمرتھیا اپنی اَگے آپ پرگٹائیندا۔ جوتی جوت سروُپ ہرِ، آپ اپنی کِرپا کر، جن بھگت دوارے سب دا پوُرا کرکے حق، نِراسا آسا وِچ بدلائیندا۔ پندراں کتّک نر نریشا، ہرِ نِرنکار حُکم سُنائیندا۔ شبد اگمّی

دئے سندیشہ، اکھّراں والا لیکھ مِٹائیندا۔ سادھاں سنتاں صوُفیاں بھگتاں دسےّ اپنا بھیتا، بھیوَ ابھید سمجھائیندا۔ راج راجاناں شاہ سُلطاناں دسےّ اپنیِاں کھیڈاں، حُکمے اندر کھنڈا کھڑگ اِک چمکائیندا۔ نام نِدھان اُٹھاکے نیزہ، نؤ کھنڈ پرِتھمی ویکھ وکھائیندا۔ اِند اِندراسن پھولنہارا سیجا، اپچھراں ویکھ وکھائیندا۔ وِشن برہما شِو جنائے لیکھا، لیکھا لیکھے وِچوں کڈھائیندا۔ گُر اوتاراں پیِر پَیغمبراں کرائے چیتا، چیتاونی سب دی پھول پُھلائیندا۔ جوتی جوت سروُپ ہرِ، آپ اپنی کِرپا کر، شبدی حُکم اِک دِرڑائیندا۔ شبدی حُکم جائے راتو رات، دیس پردیس جنائیا۔ مالک خالق خالص پرگٹ ہویا ساکھیات، شناخت اپنی دئے جنائیا۔ نِرگُن ہو کے ویکھن آیا حالات، ہلت پلت کھوج کھُجائیا۔ کعبےوِچوں پھولے محراب، مکّے وِچوں مقبریاں رہیا ہِلائیا۔ مندراں وِچ سُنائے آواز، دُھر دا راگ الائیا۔ دو جہاناں ویکھ کھیل تماش، خالق خلق رہیا اُٹھائیا۔ شاہ سُلطاناں نظری آئے سرِشٹی ہُندی خاک، اِتفاق سکے نہ کوئے کرائیا۔ پِچھلا لہنا سب دا ہویا بےباق، اَگے ونڈ نہ کوئے ونڈائیا۔ اِکو حُکم دُھر جناب، جنّت بہِشت دوزخ سَورگ نرک رہیا سُنائیا۔ جِس نوُں سجدہ کرنا پئے آداب، عدالت مالک پھیرا پائیا۔ مُخاطب ہو کے دیوے خطاب، خطرے اگلے دئے سمجھائیا۔ پِچھلے چھوٹے چھوٹے بھوِکھت واک، بھاکھیا وِچ پڑھائیا۔ اَگے پربھ دا اِکو باب، جِس دا حِصّہ نہ کوئے سمجھائیا۔ بِن اکھّراں والی کڈھ کِتاب، بِن کُتب خانیوں دِتی چھپوائیا۔ ایہہ پندراں کتّک دی نؤ سؤ چُرانویں چؤکڑی جُگ پِچھوں آئی رات، جِس رات دی واٹ گُر اوتاراں پیِر پَیغمبراں صِفتاں نال صلاحیِا۔ جِتھے بَیٹھی اِک جماعت، چار ورن خوشی منائیا۔ صاحِب سَتگُر کرے عنایت، اِنعام وِچ اپنا پریم جھولی پائیا۔ ایہہ سب توں وڈّی جن بھگتاں نال کیِتی حمایت، ہماں تُماں نیڑ کوئے نہ آئیا۔ لکّھ چؤراسی وِچوں کر کفایت، تھوڑے لئے بچائیا۔ تُہاڈے نال کر کے پکّی شرع شرائط، شریعت وِچ لیا بندھائیا۔ بےشک پُت ہوون نا لایق، پِتا کوجھے کملیاں لئے ترائیا۔ سچ دوارے تُہاڈی ویکھی رِعائش، آرام گاہ اِکو نظری آئیا۔ دوہاں جہاناں کر پَیمائش، گُرمکُھاں وِچ سوبھا پائیا۔ جن بھگتو میری کدے نہ کیِتی کِسے ازمائش، ازماون والا نظر کوئے نہ آئیا۔ نؤ سؤ چُرانوے چؤکڑی جُگ پِچھوں ایہہ کرے رِعائت، بِن کلمیوں بِن نبیؤں بِن نام رسوُلوں پار لنگھائیا۔ جوتی جوت سروُپ ہرِ، آپ اپنی کِرپا کر، گھر ساچے لئے بہائیا۔ پندراں کتّک دُھر دی دھار، تُرت آپ جنائیا۔ راتیں سُتّیاں سارے کرکے خبردار، بےخبراں خبر پہُنچائیا۔ صوُفیاں سجّناں بن کے یار، بھگتاں مِتراں وانگ اُٹھائیا۔ شتروُآں پھڑکے

ڈھال تلوار، نام کھنڈے نال گھائیا۔ جن بھگتاں گل پائے اپنے پریم دا ہار، ہاردے جِتّ وِچ وٹائیا۔ ایہو سب توں وڈّا سنگار، شہنشاہ رہیا وکھائیا۔ آپ ویکھ انجانے بال، بالے نڈھے بچےّ گود بہائیا۔ سَت سچ وکھا دھرمسال، دھرم دوارے کُنڈا لاہیِا۔ شبد سروُپی شاہو بھوُپی سب نوُں اپنا شبدی دسےّ احوال، حال اپنا حُکم منائیا۔ کلجُگ کوُکے سِر تے کال، نگارے گھر گھر رہیا سُنائیا۔ پربھ دی کرنی پَوے نہ کِسے نوُں بھال، اپنا تھاں ٹکانا دئے جنائیا۔ بھگت دوارا اوہناں دئے وکھال، جِنہاں دا پِچھلا لہنا نال مِلائیا۔ ایہہ بھاگاں بھری رات وِچ جہان، وِدوان دئے بُھلائیا۔ موُرکھاں مُگدھاں دے کے گیان، گوبِند وِچھڑیاں لئے مِلائیا۔ رام کرِشن دوویں ویکھن آن، آپ اپنا پھیرا پائیا۔ واہوا تیری کھیل سِری بھگوان، بھگوَت کتھا کہہ نہ انت جنائیا۔ تُوں آئیوں آپ وِچ مَیدان، مدن موہن اکال موُرت پھیرا پائیا۔ تیرا جھُلدا رہے نِشان، نِشانے سارے دئے مِٹائیا۔ تُوں اماماں دا امام، موُسے دا مصلہ حل کرائیا۔ عیسیٰ نوُں اصل دے گیان، اِسم اپنا دِتا سمجھائیا۔ محمد دسّ روُپ مِہربان، محبوُب میل مِلائیا۔ اپنی کرنی وِچ ہو بلوان، کرتا ہو کے کار کمائیا۔ شبدی تیِر نِشانہ چِلّے چڑھایا نؤجوان، کمان کمند رہیا کھِچائیا۔ مہاراج شیر سِنگھ وِشنوُں بھگوان، سچ سندیشہ دُھر دا دُھر مالک آپ پہُنچائیا۔