۳ مگھّر ۲۰۲۱ بِکرمی ہرِ بھگت دوار جیٹھوُوال
ہرِ بھگتاں دے آدی مِتر، پربھ اپنی لےَ انگڑائیا۔ ساچی دھاروں آپے نِکل، تُدھ جنمے کوئے نہ پِتا مائیا۔ راہ تکّدے تیرا اِتل بِتل سِتل، چاروں کُنٹ دھیان لگائیا۔ چؤداں چؤداں کرکے ذِکر، ظاہر کرن وڈیائیا۔ جگت اندھیرے سب نوُں پیا فِکر، فِکراں وِچ دھیان لگائیا۔ بھگت کہن کِیوں گیا وِچھڑ، صد وِچھڑیاں میل مِلائیا۔ تیرا پریم سدا نِراِچھک، اِچھیا جگت نہ کوئے وکھائیا۔ کھڑے سوالی در تے بِھکھک، بِھچھِیا دے ورتائیا۔ تتاں والا چھّڈ کے اِشٹ، تیرا نام صلاحیِا۔ کِرپا نِدھان کھول دے درِشٹ، دردی درد ونڈائیا۔ تیرے پریم پیار دا ساچا گرِہست، آتم سیجا مِل کے لئیے ہنڈھائیا۔ چرناں ہیٹھاں دب کے سَورگ بہِشت، اُپر تیرا راہ تکائیا۔ کی تیَنوُں عادت سدا کراؤن دی مِنّت، خوشامداں وِچ خوشی منائیا۔ تیرے وِچ اگمّی ہِمّت، ہم ساجن ہو کے گلے لگائیا۔ جوتی جوت سروُپ ہرِ، آپ اپنی کِرپا کر، پڑدا دے اُٹھائیا۔ پڑدا کھول ٹھاکر سوامی، جن بھگت رہے جنائیا۔ ہر گھٹ بَیٹھا انتریامی، انتشکرن ویکھ وکھائیا۔ جُگ چؤکڑی صِفتاں والی دسّدا رِہوں بانی، اکھّراں نام وڈیائیا۔ سُرتی کایا مندر وِچ بنا کے رانی، کردا رِہوں سدا کُڑمائیا۔ امرت بخشدا رِہوں ٹھنڈا پانی، نِجھر دھار وہائیا۔ شبد مِلاؤندا رِہوں ہانی، سوہنی سیج سُہائیا۔ ہُن بھگت سُہیلا سخی رہیا نہیں بال انجانی، بالی بُدھ نہ کوئے وکھائیا۔ ساڈے تے آئی ترل جوانی، طرح طرح رہے سمجھائیا۔ تیری رسنا والی چھّڈنی کہانی، بتّی دند نہ کوئے پڑھائیا۔ تُوں مالک دُھر دا ساچا دِلجانی، رہبر اِک اکھوائیا۔ تیرا میلا وِچ پیشانی، چشم تیری رُشنائیا۔ تیرا گھر اِک نوُرانی، جوتی جوت ڈگمگائیا۔ تیرا ناؤں شہنشاہ سُلطانی، بھوُپت بھوُپ بھوُپ اکھوائیا۔ تیرا کھیل سدا کرنی مِہربانی، کِیوں بَیٹھا دیر لگائیا۔ نیتر تکّے اشٹبُھج آد بھوانی، اکھّ اکھّ کھُلائیا۔ جوتی جوت سروُپ ہرِ، آپ اپنی کِرپا کر، دُھر دا میلا لئے مِلائیا۔ جن بھگت کہے کِیوں بَیٹھا لُک، اپنا آپ چُھپائیا۔ جے تیرا ناتا پیو پُت، پِتا پوُت لےَ بنائیا۔ اپنے انگن اوس گودی چُک، جِتھے بھار لگّے نہ رائیا۔ جھِڑک جھمب کے پرے دیویں نہ سُٹ، غُصّے نال نہ کدے ڈرائیا۔ ساڈے نال کدی نہ بہیں چُپ، بھیوَ کھُلاؤنا چائیں چائنیا۔ تیرے مِلن دی لگّی بُھکھ، امرت جام دینا پیائیا۔ جے پربھوُ تیرے کول نہیں ہے کُچھ، کِیوں سِری بھگوان نام دھرائیا۔ سچکھنڈ دواریوں جاہ اُٹھ، تیری لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، سچ دوارے دے وڈیائیا۔ جن بھگت کہے
جے تُوں بُھکھا ننگا، کِیوں اپنی ریِت چلائیا۔ جے تُوں مندیوں بنا نہیں سکدا چنگا، چنگی کی تیری وڈیائیا۔ جے تُوں بِنا بندگیؤں تار نہیں سکدا اپنا بندہ، بندھن نہ سکیں تُڑائیا۔ پھیر تُوں آد جُگاد رہوں رنڈا، تیرا سُہاگ سوبھا کوئے نہ پائیا۔ جے تُوں دے نہیں سکدا انتر آتم انندا، انند انند وِچوں پرگٹائیا۔ جوتی جوت سروُپ ہرِ، آپ اپنی کِرپا کر، سچ دوارا دے جنائیا۔ جن بھگت کہے ویکھ سچکھنڈ نِواسی، چار کُنٹ دھیان لگائیا۔ ساڈے اُتے آئی اُداسی، دھیِرج دھیِر نہ کوئے دھرائیا۔ مِلیا کوئی نہ پنڈت کاشی، کچھہریاں والا پندھ پار نہ کوئے کرائیا۔ منزل چڑھے کوئے نہ گھاٹی، واٹی پندھ نہ کوئے مُکائیا۔ شاستر سِمرت وید پُران پڑھ پڑھ تھکّے گاتھی، گائتری منتر نال مِلائیا۔ باون اکھشر بناندے رہے سوارتھی، سوادھان نہ کوئے کرائیا۔ دھوُپ دیِپ گھِرت والی کردے رہے آرتی، پَوناں ہَون جنائیا۔ تیری صِفت سُندے رِہے ہِندی اُردوُ انگریزی فارسی، گُرمکُھی جوڑ جُڑائیا۔ مُلّا شیخ مسائک تیرے بنے ویکھے آڑھتی، دھڑت وٹّیاں رہے لگائیا۔ تیری صِفت سُنی لِکھی عبارتی، اکھّراں نال رلائیا۔ گُر چیلے تردے ویکھے سفارشی، جُگ جُگ کار کمائیا۔ ایہہ کھیل اگمّی دھار دی، جو بھگتاں منگ منگائیا۔ اِک سِک تیرے دیِدار دی، دوُجی لوڑ رہے نہ رائیا۔ سانوُں پریِت چاہیئے اوس یار دی، یارانہ لا نہ مکُھ بھوائیا۔ محُبّت مِل جائے اوس غمخوار دی، جو غمی خوشی وِچ بدلائیا۔ وست مِل جائے اوس پیار دی، جِس پیار وِچوں محُبّت لئی پرگٹائیا۔ تیری گُرمکُھ سوانی اپنا آپ سواردی، سوہنا روُپ دھرائیا۔ میَں سیج سُہاؤنی اُس کنت بھتار دی، جِس دا جھوُلا نظر کِسے نہ آئیا۔ بِن رسنا جِہوا بتّی دند تیَنوُں واجاں ماردی، طرح طرح جنائیا۔ ایہہ گلّ نہیں وِچار دی، بُدھی سمجھ نہ سکے رائیا۔ جے مِلنی ہووے نِرنکار دی، ناتے سارے دئیے تُڑائیا۔ جوتی جوت سروُپ ہرِ، آپ اپنی کِرپا کر، جن بھگتاں ویکھ وکھائیا۔ جن بھگت کہے میَں تیرا بچّہ، بچپن تیری جھولی پائیا۔ جے تُوں پِتا پُرکھ اکال میرا سچّا، سچکھنڈ بَیٹھا ڈیرہ لائیا۔ آ کے چُک اپنے ہتّھاں، سوہنا پریم ودھائیا۔ پھیر تیَنوُں اپنا دُکھڑا حال دسّاں، دردیِا درد دیاں جنائیا۔ میَں روواں بِن اکھّاں، بِن مکُھوں ہسّ وکھائیا۔ تیرے بھگت سدا رُلے وِچ ککّھاں، گودڑیاں ڈیرہ لائیا۔ پِھر وی تیرا گاؤندے رہے جسا، صِفتی صِفت تیری وڈیائیا۔ تُوں ہو کے لاپتہ، پت پرمیشور اپنا مکُھ چُھپائیا۔ جگت خواری دیندا رِہوں دھکاّ، دھکّے نال اپنی کار کمائیا۔ اگلا بچن سُنائیے سچّا، سچ دئیے دِرڑائیا۔ جے تُوں ہیَں پُرکھ سمرتھا، کِیوں کچّیاں نال رلائیا۔ مندر مسجد شِودوالے مٹھ چھڈ
کے تیَنوُں اِکو ٹیکیا متھا، مستک بھاگ دے بدلائیا۔ جیہڑا خزانہ چار جُگ دا ڈھکا، کُنجی اپنے ہتّھ رکھائیا۔ سانوُں سدا پیا وِشنوُں اُتے شّکا، سچ دئیے دِرڑائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ جن بھگت کہن پربھ دے دے کُنجی، قُفل اپنا دے کھُلائیا۔ سَت سچ دی بخش پوُنجی، کِیوں بَیٹھا آپ دبائیا۔ تیَنوُں ترس نہیں آؤندا اسیں تھکّ گئے کھا کھا دال موُنگی، جگت جُگ تیرا دھیان لگائیا۔ ہُن رسنا ساڈی رہنی نہیں گوُنگی، گہر گَور دئیے جنائیا۔ ساتھوں سانبھی نہیں جاندی مِرچاں والی کوُنڈی، تیرے اَگے دئیے ٹِکائیا۔ سانوُں نہیں کوئی لوڑ سواد لَین دی بوُندی، مِٹھے رس نہ کوئے لُبھائیا۔ اساں وست لَینی اوہ جیہڑی ہتّھ کِسے نہ آئے ڈھوُنڈی، چار کُنٹ دہ دِشا لکّھ چؤراسی دھیان لگائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا جھولی پائیا۔ جن بھگت کہن پربھ کھول خزانہ، خوشیاں نال ورتائیا۔ نہیں تے تیَنوُں کِسے نہیں کہنا دانا بیِنا، ڈھولا صِفت نہ کوئے سُنائیا۔ ہؤں بالک خالق تیرے مسکیِنا، مُشکل حل دے کرائیا۔ چھّڈ کے مکّہ مدیِنہ، کعبہ تیرا ویکھ وکھائیا۔ رحمت کرکے ٹھانڈا کردے سیِنہ، سیِتل دھار وہائیا۔ ساتھوں کھادھا نہ جائے چینا، چِنھ تیرا اِکو نظری آئیا۔ نام خُماری رنگ چاڑھ دے بھیِنا، بِھنڑی رَین ملِے وڈیائیا۔ ناتا تُٹ جائے لوک تیِناں، ترےَگُن لیکھا دے مُکائیا۔ سب توں وڈّا جان کے تیرا وسیلہ، واسطہ تیرے نال رکھائیا۔ تیرے دوارے ہو ادھیِنا، ادنے ہو کے رہے جنائیا۔ لبھدیاں لبھدیاں ساڈا اجے نہ سُکیا پسینہ، ٹھنڈا سیِت نہ کوئے رکھائیا۔ سانوُں دے دے اگمّی اوہ نگینہ، جِس دی جؤہری قیِمت کوئے نہ پائیا۔ تُوں صاحِب سوامی نہ نر نہ مدیِنہ، جوتی جوت سروُپ ہرِ، آپ اپنی کِرپا کر سِر اپنا ہتّھ رکھائیا۔ بھگت کہن اسیں ہو گئے وڈّے، ریِتی نِکیاں والی بُھلائیا۔ پریم پیار نِشانے گڈّے، تیرے دوار جھُلائیا۔ پربھوُ کِیوں پیار اساڈے چھّڈے، پریِتی پرت نہ کِیوں لگائیا۔ اسیں تیرے حُکمے اندر بدھےّ، بندنا کرکے سیِس جھُکائیا۔ جے نہیں اپنے بھنڈار دے کھولنے جِندے، پِھر کی جم جندار توں لئیں بچائیا۔ تیرے نالوں وکھّرے چنگے، جے آسا نہ پوُر کرائیا۔ جے تیرے نال مِل کے رہنا بُھکھے ننگے، پِھر کی تیری کُڑمائیا۔ اسیں بندیاں ورگے بندے، بندھن سارے جائیے تُڑائیا۔ جے کِرپا کرکے ٹُٹی گنڈھیں، آتم پرماتم میل مِلائیا۔ پِھر شؤہ بن کے نال ہنڈھیں، شؤہر اِکو اِک اکھوائیا۔ گھر دے کے پرمانندے، پرمارتھ اپنا دئیں سمجھائیا۔ پاٹے چیِتھڑ جاون رنگے، رنگ مجیِٹھی اِک چڑھائیا۔ ساچے پؤڑے چاڑھ کے ڈنڈے، دنڈ دوُتاں دئیں تجائیا۔ گودی چُک کے اپنے کندھے،
منزل اگلی پندھ مُکائیا۔ جوتی جوت سروُپ ہرِ، آپ اپنی کِرپا کر، ساڈا لہنا جھولی پائیا۔ لہنا دے دے دُھر دے ٹھاکر، کِیوں ٹھوکراں نال ٹُھکرائیندا۔ بےشک تُوں گہر گمبھیِر وڈّا گُن ساگر، بِن بھگتاں کمّ کِسے نہ آئیندا۔ بےشک تُوں جودھا سوُربیِر بہادر، بِن بھگتاں تیرا نِشانہ سینے وِچ نہ کوئے لگائیندا۔ بےشک تُوں ونج وپاری بڑا سؤداگر، بِن بھگتاں تیرا ہٹّ نہ کوئے چلائیندا۔ بےشک تُوں کرتا کریم قادر، بِن بھگتاں تیری قُدرت بھیوَ نہ کوئے کھُلائیندا۔ بےشک تُوں آد جُگادی دُھر دا عادل، بِن بھگتاں تیری کچہری بُھگتن کوئے نہ آئیندا۔ بےشک تیرا کھیل اندر باہر گُپت ظاہر باطن، بِن بھگتاں تیرے نال ناتا نہ کوئے جُڑائیندا۔ اسیں سارے رلکے تیَنوُں آئے آکھن، اکھّ نَین نہ کوئے شرمائیندا۔ جے وڈیائی دیویں کر کر بھاشن، صِفتاں نال صلاحِندا۔ جِناں چِر اپنا دیویں نہ ساچا راشن، رَچھیا سچ نہ مات کرائیندا۔ اسیں نہیں کہنا تیَنوُں پُرکھ ابناشن، ابناشی تیرا سنگ نہ کوئے نِبھائیندا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، در تیرا سچّا نظری آئیندا۔ جن بھگت کہن پربھ اکھّ اُگھاڑ، بِن نَیناں نَین کھُلائیا۔ اسیں منگیئے دِن دِہاڑ، رَین اندھیری نہ کوئے رلائیا۔ ساڈا تیرے اَگے ہاڑ، ہاڑا کڈھکے رہے سُنائیا۔ جے جگ نالوں وکھّرے کرکے سانوُں دِتا اُجاڑ، جگ اُجڑیاں گھر اپنے لئیں وسائیا۔ بِن بھگتاں تیَنوُں کدی کوئی نہ کرے ظاہر، تیرا نام نہ کوئے دِھیائیا۔ کِیوں بَیٹھا بن کے کائر، سوُربیِر نہ اکھّ کھُلائیا۔ جوتی جوت سروُپ ہرِ، آپ اپنی کِرپا کر، دُھر دا سنگ لئے نِبھائیا۔ جن بھگت کہے پربھ عادت چھّڈ دے پُٹھی، نِربھے ہو رہیا جنائیا۔ ہُن کِیوں لُک کے بَیٹھا گُٹھی، یاری بھگتاں نال لگائیا۔ جِنہاں دی تیرے وِچ رُچی، اوہ رو رو دین دُہائیا۔ اُہناں دی آتم تیرے پیار دی بُھکھی، پرماتم ہو سہائیا۔ وِچھوڑے اندر ہو کے دُکھی، بِہبل ہوئے نَیناں نیِر وہائیا۔ بِرہوں وِچھوڑے پریمن سُرتی کُٹھی، اگمّی سٹّ لگائیا۔ جوتی جوت سروُپ ہرِ، آپ اپنی کِرپا کر، گھر سجّن ویکھ وکھائیا۔ جن بھگت کہن آ کے تکّ، طاقتور پھیرا پائیا۔ جھولی پا غریِباں حق، حقیِقت ویکھ وکھائیا۔ پِچھلا لہنا پِچھےچھّڈ، اَگے دے وڈیائیا۔ تیَنوُں رہن نہیں دینا اڈّ، وکھّرا گھر نہ کوئے بنائیا۔ تیَنوُں اپنے دوارے رہے سدّ، سدّا پریم جنائیا۔ جے لا کے یاری جائیں بھجّ، بھگوَن اپنا مکُھ بھوائیا۔ پِھر تیری اَگے ودھے نہ کوئی جدّ، بنس سربنس نہ کوئی بنائیا۔ تیری سرِشٹی دی اوتھے ہو جائے حد، برہمنڈ نہ کوئے شنوائیا۔ جے بھگتاں جاویں چھّڈ، پلّوُ گنڈھ کھُلائیا۔ پِھر تیری کرنی ساری ہو جائے ردّ، قیمت کوئے نظر نہ آئیا۔ تیَنوُں اسیں کہیئے گجّ، جن بھگت رہے
جنائیا۔ جے نہ رکھیں ساڈی لج، مِہر نظر اُٹھائیا۔ تیَنوُں چھجیئے پا کے وِچ چھّج، ہتّھاں نال پھٹکارا دئیے لگائیا۔ پِھر کِتھے جاویں بھجّ، پربھ اپنا آپ چُھپائیا۔ سچ سچ دئیے دسّ، بِن دسّیاں رہن نہ پائیا۔ ساڈے بِرہوں دی ہو گئی بس، بستے سارے دِتے بندھائیا۔ جوتی جوت سروُپ ہرِ، آپ اپنی کِرپا کر، گھر مِلنا چائیں چائنیا۔ جن بھگت کہے تُوں دیندا رِہوں دھوکھے، جُگ جُگ ویس وٹائیا۔ اسیں سارے تَیتھوں اؤکھے، بولن وِچ کوئے نہ آئیا۔ دھنّ بھاگ جے دِتے مؤقے، دُھر دا حُکم سُنائیا۔ بھگت سُہیلے ویکھ کے روندے، دُکھیاں درد ونڈائیا۔ تُوں آیا مُڑ کے اُہناں پَیریں بھؤندے، بھوجل وِچوں لئے ترائیا۔ جو اپنی نیِندے سؤندے،، اُہناں غفلت وِچوں اُٹھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ جن بھگت کہن تیَنوُں دئیے اُلاما، سِدھے سادے رہے جنائیا۔ اسیں کی جانیئے تُوں دُھر دا راما، راما جگت سیِتا لئے پرنائیا۔ اسیں کی جانیئے تُوں کرِشنا کاہنا، گوپیاں راس رچائیا۔ اسیں کی جانیئے تُوں وڈ بلوانا، چِلّیاں تیِر چلائیا۔ اسیں کی جانیئے تُوں وڈ وِدوانا، شاستر سِمرت وید پُران کریں لِکھائیا۔ اسیں کی جانیئے تُوں وڈ عماما، عیسیٰ موُسیٰ محمد بنت بنائیا۔ اسیں کی جانیئے تُوں سِری بھگوانا، نانک گوبِند دھار چلائیا۔ اسیں کی جانیئے تیرا جھُلدا سدا نِشانہ، دو جہاناں وجےّ ودھائیا۔ اسیں کی جانیئے تُوں مرد مردانہ، بےپرواہ اکھوائیا۔ اسیں کی جانیئے تُوں آد جُگادی مِہربانا، مِہر نظر اُٹھائیا۔ جِناں چِر بھگت گودی نہ چُکیں بال نادانا، انجانا اپنی اُنگلی لائیا۔ موُرکھ مُگدھ بنا دے سُگھڑ سیانا، اِکو پٹّی نام پڑھائیا۔ پِھر تیَنوُں کہیئے مہاراج شیر سِنگھ وِشنوُں بھگوانا، جِس سُرت دِتی بدلائیا۔ سنمکُھ نظری آئیں تاں جاناں، سوَچھ سروُپی روُپ وٹائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، تُوں کرنہار سرب کلیانا، کلا تیری کلجُگ وِچ بِن کلمیوں پار کرائیا۔ جن بھگت کہن کی کریئے تیرا کلمہ، پڑھ پڑھ تھکّی جگت لوکائیا۔ جن بھگت کہن کی کریئے تیرا کرما، کرم کانڈ دی سار کِسے نہ پائیا۔ جن بھگت کہن کی کریئے تیرے دھرما، جگت دھرماں کری لڑائیا۔ جن بھگت کہن کی کریئے تیرے ورنا، ورناں وِچوں تیری پریِت نہ نظری آئیا۔ جن بھگت کہن کی کریئے گُروُآں چرناں، جیہڑے گُروُ تیرے چرناں دھیان لگائیا۔ جن بھگت کہن کی کریئے اُہناں نیتراں ہرنا پھرنا، جِنہاں نیتراں وِچوں تیری نِکّی دھار اِک چمکائیا۔ سیج سُہنجنی تے سِدھے تیَنوُں مِلنا، دوُجی لوڑ رہے نہ رائیا۔ تیرے دوارے توں خالی کدی نہ مُڑنا، خواہ مخواہ کریئے لڑائیا۔ جے تُوں مالک تے تیرے نال جُڑنا، کِیوں کٹّیئے
مات جُدائیا۔ ساڈے نہیں ایہہ وس ایہہ تیرا فُرنا، جیہڑا فُرنیاں وِچ اُٹھائیا۔ جوتی جوت سروُپ ہرِ، آپ اپنی کِرپا کر، اپنا میلا لئے مِلائیا۔ جن بھگت کہے سُتّا اُٹھ، ویلا گیا آئیا۔ سانوُں نَویاں نوُں آ کے پُچھ، جو رو رو دین دُہائیا۔ خالی ہتّھ کول نہیں کُچھ، کچھہرا لنگوٹی تیڑ نہ کوئے بندھائیا۔ جگت نالوں اسیں گئے رُس، جے تُوں رُسیا سانوُں تھاں لبھے نہ رائیا۔ جاں کہہ دے نہیں تُسیں میرے پُت، پِتا پُرکھ اکال نہ میَں اکھوائیا۔ پِھر کاہنوُں تیرے اَگے جائیے جھُک، اپنا سیِس تیری بھیٹ چڑھائیا۔ اسیں بھوا کے اپنا مکُھ، تیَنوُں اپنی پِٹھ دئیے وکھائیا۔ تیَنوُں کِتوں نہیں مِلنا ساڈے والا سُکھ، سِری بھگوان تیرا گیان سُنن کوئے نہ آئیا۔ پہلوں جمّ کے ماں دی کُکھ، ہُن تیری گودی بَیٹھے سُکھ منائیا۔ اپنا تیری جھولی پا کے دُکھ، بھار تیرے اُتے چُکائیا۔ ویکھانگے کِس طرح ساتھوں جاویں چُھٹ، اپنا پلّوُ چُھڑائیا۔ اساں دامن پھڑیا اوہ گھُٹ، جیہڑا کمرکسے ویلے گوبِند اپنے نال جُڑائیا۔ جِس دے اگلے حِصّےدوویں ڈھائی ڈھائی فُٹ، گوبِند گوڈیاں ہیٹھاں تائیں رکھائیا۔ اوس ویلے اِک دِن اجیِت وڈّے پُت لیا پُچھ، صاحِب کی ایہدی وڈیائیا۔ گوبِند کِہا آ لاڈلے سُت، تیَنوُں ہؤلی ہؤلی دیاں سمجھائیا۔ جیہڑا گُرسِکھ میرے کمرکسے توں نیِچے جاوے جھُک، مکُھ ویکھن توں پہلوں چرناں سیِس نِوائیا۔ چرن ڈِگدے نوُں پُرکھ اکال لئے چُک، اپنی گود لئے بٹھائیا۔ میَں ویکھاں گُرمکُھاں دا ساچا سُکھ، جِس سُکھ نال تیری بھیٹا رہیا چڑھائیا۔ اجیِت کِہا میَں ویکھاں اوہ ابناشی اچُت، جو اچن اچیت اپنی کھیل کھلائیا۔ گوبِند کِہا اوہ شبدی مؤلے رُت، تتاں والی چھڈے لڑائیا۔ کھنڈا کھڑگ چِلّہ تیِر کمان سارے دیوے سُٹ، سوٹا ڈانگ ہتّھ نہ کوئے اُٹھائیا۔ ہؤلی جہی گُرمکُھاں دے اندر وڑ جائے چُپ، پڑدا آپے لاہیِا۔ پریم پیار نال کہے تُسیں گوبِند دے سچّے پُت، پوترے میرے دو جہان اکھوائیا۔ جوتی جوت سروُپ ہرِ، آپ اپنی کِرپا کر، میٹنہارا سدا دُکھ، دردیِاں درد ونڈائیا۔ اجیِت کِہا صاحِب اوہ ہیَں کؤن، جِنہاں دی کریں وڈیائیا۔ گوبِند کِہا اوہ میرے پُرکھ اکال نال آؤن، آ کے لوکمات خوشی منائیا۔ اِکو دُھر دا ڈھولا گاؤن، دوُجی کرن نہ کوئے پڑھائیا۔ اوہ آتم سیجا سؤن، جگت لیف تلائی کمّ کِسے نہ آئیا۔ وَیراگاں اندر گاؤن، خوشیاں اندر بھؤن، پکوان دی پکا کے تؤن، اِکٹّھے لَین کھائیا۔ اوہناں دا مُک جائے اَون گَون، من ہنکاری کول نہ رہے رؤن، سیوا کرے اُننجا پؤن، دو جہان نِیوں نِیوں سیِس جھُکائیا۔ اوہناں دے دُکھڑے آپ آئے مِٹاؤن، درگاہ ساچی سچ بہاؤن، سچکھنڈ دوار وکھاؤن، وکھّرا راہ چلائیا۔ جوتی جوت سروُپ ہرِ، آپ اپنی کِرپا کر، اپنا
وادھا آپے آئے ودھاؤن، ودھیِا اپنا کھیل کرائیا۔ کھیل کرائے اپنا ودھیا، واہوا وڈّی وڈیائیا۔ جِس دا راہ تکدیاں بیِتیاں پِچھلیاں صدیاں، سدّے، دے دے دو جہان سدائیا۔ ہوکے دیندیاں رہیاں ودیِاں سُدیاں، شُکھلا کِشنا پکّھ گائیا۔ جِس دے وینہدیاں کوٹن کوٹ رَیناں راتاں لنگھیاں، اپنا پندھ مُکائیا۔ جِس دے پِچھےکوٹن کوٹ سوانیاں پٹّیاں واہیِاں کنگھیاں، نیتر نَینا کجّل دھار بنائیا۔ جِس دے پِچھےساڑھیاں پہن کے لائیاں انگیاں، تنی نال تنی دِتی گنڈھائیا۔ جِس دے ویکھن نوُں پیار اندر سُہاگناں ہوئیاں رنڈیاں، جگت کنت ہنڈھائیا۔ ایہو جِہیاں منگاں گُرمکُھاں منگیاں، کبیِر جُلاہا دئے گواہیِا۔ اوہ سُہاگن جِنہاں دے کنّیں پئیاں دُھر دیاں ڈنڈیاں، مانک موتی نال مِلائیا۔ اوہ مندیاں ہوئیاں چنگیاں، جِنہاں نوُں اپنے نال مِلائیا۔ اوہ سچ سیج سُہندیاں، سوبھاونت کری کُڑمائیا۔ اوہ پریِتم دے رنگ رنگیاں، جِس دا رنگ اُتر کدے نہ جائیا۔ اوہ آد جُگاد کدے نہ ہوون ننگیاں، اوڈھن اِکو دِتا پائیا۔ اوہ چھّڈ جان سُننا راگ سُرنگیاں، تبلیاں وِچ نہ من لگائیا۔ اوہ کرکے پار حداں لنگھیاں، آر پار اپنا ڈیرہ لائیا۔ ساچے مندر بہکے گاؤندیاں چھندیاں، شہنشاہ تیری سرنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگتاں بنے دُھر دا سنگی آ۔ جے سنگی بنے نہ سگلا، بھگت بھگوان تیَنوُں کوئی نہ گائیا۔ جے لیکھا نہ چُکاویں اگلا، خبر اگمّ سُنائیا۔ پِھر تیَنوُں سارے کہیئے پگلا، ساہمنے ہو کے دئیے جنائیا۔ جے تُوں لیکھا رکھیں گندھلا، گُنجھلاں وِچ پِھرائیا۔ کی تیرا گاؤنا چار منگلا، دُھنیاں وِچ شنوائیا۔ تیرے کِسے کمّ نہیں آؤنا پربھوُ بنگلا، جِناں چِر بھگت مِلن نہ آئیا۔ کِیوں لبھیں وِچوں جا کے جنگلاں، جنگلی پِھردے چؤپائے پنکھیروُ بھجّن واہو داہیِا۔ بِنا بھگتاں تیَنوُں کِسے نہیں کرنی بندنا، کِہدے کولوں اپنی کرائیں وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، جن بھگت رہے سُنائیا۔
۳ مگھّر ۲۰۲۱ بِکرمی امر سِنگھ دے گھر پِنڈ جیٹھوُوال
جن بھگت کہے چنگا استھان، ہرِ چرن ملِے وڈیائیا۔ جن بھگت کہے چنگا مکان، چھپّر چھن نہ کوئے چُھہائیا۔ جن بھگت کہے چنگا نِشان، نِرگُن نِرویَر اِک جھُلائیا۔ جن بھگت کہے چنگا حُکمران، نر ہرِ بَیٹھا سوبھا پائیا۔ جن بھگت کہے چنگا دیِپ مہان، بِن تیل باتی کرے رُشنائیا۔ جن بھگت کہے چنگا اِک مَیدان، جن بھگت بھجّن واہو داہیِا۔ جن بھگت کہے چنگا سِری بھگوان، بِن بھاگاں بھاگ رکھائیا۔ جن بھگت کہے چنگا رام، سچ سِنگھاسن دئے سُہائیا۔ جن بھگت کہے چنگا نِظام، سِر سکے نہ کوئے اُٹھائیا۔ جن بھگت کہے چنگا جوان، سوُربیِر آپ اکھوائیا۔ جوتی جوت سروُپ ہرِ، آپ اپنی کِرپا کر، سچ دوارے دئے وڈیائیا۔ جن بھگت کہے چنگا دوارا، اِکو نظری آئیا۔ جن بھگت کہے چنگا گھربارا، پُرکھ ابناشی بنت بنائیا۔ جن بھگت کہے اُچا منارا، محل اٹل ویکھ وکھائیا۔ جن بھگت کہے جلوہ نوُر پروردِگارا، مُرشد بَیٹھا بےپرواہیِا۔ جن بھگت کہے ہووے اُجالا، نوُر ظہوُر کرے رُشنائیا۔ جن بھگت کہے چنگا دھرمسالا، سوہنی بنت بنائیا۔ جن بھگت کہے چنگا حوالہ، بیاناں نال نہ کوئے سمجھائیا۔ جن بھگت کہے چنگا پرِتپالا، پرِتپالک ہو کے سیو کمائیا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ کھِلائیا۔ جن بھگت کہے چنگا راج، راجن اِک اکھوائیا۔ جن بھگت کہے چنگا تاج، پنچم مکُھ سُہائیا۔ جن بھگت کہے چنگا نواب، نؤبت اِک وجائیا۔ جن بھگت کہے چنگا رِواج، بھگتاں میل مِلائیا۔ جن بھگت کہے چنگا احباب، محُبّت وِچ سمائیا۔ جن بھگت کہے چنگا آداب، پریِتی اندر سیِس جھُکائیا۔ جن بھگت کہے چنگا مہاراج، مہما اکتھ کتھائیا۔ جن بھگت کہے چنگا محتاب، جوتی جوت سروُپ ہرِ، آپ اپنی کِرپا کر، گھر ساچے سوبھا پائیا۔ جن بھگت کہے چنگا محلا، محفل اِک لگائیندا۔ جن بھگت کہے چنگا ایہہ کلّا، اکل کل دھاری سوبھا پائیندا۔ جن بھگت کہے چنگا سچ سِنگھاسن ملّا، سَت دوارے ڈیرہ لائیندا۔ جن بھگت کہے اچھل اچھلّا، ول چھل دھاری کھیل کھِلائیندا۔ جن بھگت کہے جوتی دیِپک بلا، نوُر اِکو ڈگمگائیندا۔ جن بھگت کہے پھڑاوے پلّا، پلّوُ اپنے نال بندھائیندا۔ جن بھگت کہے بلّا بلّا، واہوا صِفت صلاحِندا۔ جن بھگت کہے میاں اوہ االلہ، جو علَیحدگی وِچ ڈیرہ لائیندا۔ جن بھگت کہے اوہ دُھر دا دھنا، دھناڈھ اِکو اِک اکھوائیندا۔ جوتی جوت سروُپ ہرِ، آپ اپنی کِرپا کر، گھر ساچے سوبھا پائیندا۔ جن بھگت کہے چنگا محبوُب، محُبّت وِچ سمائیا۔ جن
بھگت کہے چنگا عروُج، سوہنی بنت بنائیا۔ جن بھگت کہے چنگا محفوُظ، ڈھاہ سکے کوئی نہ رائیا۔ جن بھگت کہے چنگا مقصوُد، منزل اِک درسائیا۔ جن بھگت کہے چنگا حدوُد، حداں وِچ نہ کوئے ونڈائیا۔ جن بھگت کہے چنگا مؤجوُد، سچ دوارے ڈیرہ لائیا۔ جوتی جوت سروُپ ہرِ، آپ اپنی کِرپا کر، کھیلے کھیل بےپرواہیِا۔ جن بھگت کہے چنگا گہر گمبھیِر، گَور نظری آئیندا۔ جن بھگت کہے چنگا بِن سریر، سَت سروُپی ہرِ اکھوائیندا۔ جن بھگت کہے چنگا چوٹی چڑھ بَیٹھا اَخیِر، آخر اپنا ڈیرہ لائیندا۔ جن بھگت کہے چنگا بےنظیِر، جگ نیتر نظر کوئے نہ پائیندا۔ جن بھگت کہے چنگا لاتصویِر، روُپ رنگ ریکھ نہ کوئے بنائیندا۔ جن بھگت کہے چنگا مشیِر، مشورہ اپنے نال جُڑائیندا۔ جن بھگت کہے چنگا مُنیِر، جوتی نوُر ڈگمگائیندا۔ جن بھگت کہے چنگا مددگیر، مُدّعا سب دا ویکھ وکھائیندا۔ جوتی جوت سروُپ ہرِ، آپ اپنی کِرپا کر، سچ دوارے سوبھا پائیندا۔ جن بھگت کہے چنگا شہنشاہ، شاہاں سِر اکھوائیا۔ جن بھگت کہے چنگا پاوے راہ، رہبر اِک سمجھائیا۔ جن بھگت کہے چنگا اِک ملاح، بیڑا کندھ اُٹھائیا۔ جن بھگت کہے چنگا دیوے اِک صلاح، ساچی سِکھیا سچ سمجھائیا۔ جن بھگت کہے چنگا اِکو ناں، ناؤں نِرنکارا دئے دِرڑائیا۔ جن بھگت کہے چنگا اِکو پیو ماں، آد جُگاد نہ مرے نہ جائیا۔ جن بھگت کہے چنگا پکڑے بانہہ، پھڑ باہوں گلے لگائیا۔ جن بھگت کہے چنگا نِتھاویاں دیوے تھاں، سچ دوارا آپ سُہائیا۔ جن بھگت کہے ہنس بنائے کاں، کاگوں ہنس بنائیا۔ جن بھگت کہے چنگا سِر دیوے ٹھنڈی چھاں، چھہبر نام لگائیا۔ جوتی جوت سروُپ ہرِ، آپ اپنی کِرپا کر، کل اپنی آپ پرگٹائیا۔ جن بھگت کہے چنگا چنگیرا، چنگی طرح جنائیا۔ جن بھگت کہے چنگا نیرن نیرا، دوُر دُراڈا پندھ مُکائیا۔ جن بھگت کہے چنگا کھیڑا، سوہنا گھر وکھائیا۔ جن بھگت کہے چنگا کرے نِبیڑا، فَیصلہ حقوحق سُنائیا۔ جن بھگت کہے چنگا بنھے بیڑا، ڈُبدے پار لنگھائیا۔ جن بھگت کہے ناتا جوڑے تیرا میرا، اِکو گھر وسائیا۔ جن بھگت کہے چنگا سب توں وڈّا رکھے جیرا، گمبھیِر گہر گَور اکھوائیا۔ جن بھگت کہے چنگا میٹے اندھیرا، اندھ کوُپ دئے گوائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ جن بھگت کہے چنگا ابناشی، جو اپنیاں لئے مِلائیا۔ جِس دی جوت اِک پرکاشی، پرکاشوان اکھوائیا۔ جو میٹنہارا انتر اُداسی، دھیِرج دھیِر بندھائیا۔ آد جُگاد کرے راکھی، رکھک ہو کے سیو کمائیا۔ جن بھگتاں چُکا کے لہنا باقی، دینا جھولی پائیا۔ گھر مندر کھول کے تاکی، تقویٰ اپنا دئے جنائیا۔ صاحِب سنگی
ساتھی دیوے داتی، داتا ہو کے دئے ورتائیا۔ دھرم دوار دی کھول کے ہاٹی، بن ونجارا دئے لُٹائیا۔ پندھ مکا کے پِچھلی واٹی، اگلے مارگ لائیا۔ میل مِلا کے کملاپاتی، کَول نَین رنگ رنگائیا۔ دُھر دا سجّن بن کے ساتھی، سگلا سنگ رکھائیا۔ بن سہارا ناتھ اناتھی، اناتھاں دئے وڈیائیا۔ جن بھگتاں سدا پُچھے واتی، وطناں والے ویکھ وکھائیا۔ سچ سُنیہڑا دے کے پاتی، پترکا اپنی دئے لِکھائیا۔ جوتی جوت سروُپ ہرِ، آپ اپنی کِرپا کر، سچ دوارے خوشی منائیا۔ جن بھگت کہے چنگا اوہ گرِہ، جِس گھر ڈیرہ لائیندا۔ سدا سوامی اِکو رہے، رہبر اِک اکھوائیندا۔ جو آد جُگاد جُگ چؤکڑی سرِشٹی کردا لےَ، اُتپت آپ اُپائیندا۔ سو سچ سندیشہ دُھر دا کہے، ہرجن آپ جنائیندا۔ سچ دوارے جانا بہہ، سَورگ بہِشت ناتا دوہاں تُڑائیندا۔ جِتھے پرلو کدے کرے نہ لےَ، مہاپرلو دھار نہ کوئے رُڑھائیندا۔ اوہ دوارا جن بھگتاں دئے، دوُسر ہتّھ نہ کِسے پھڑائیندا۔ جن بھگت کِیوں کرے ہائے ہائے، جِسدا حاصل ضرباں نال ودھائیندا۔ صاحِب سوامی بےپرواہے، بےپرواہی وِچ رکھائیندا۔ دُھر دا ناتا توڑ نِبھائے، اَدھوِچکارنہ کوئے تُڑائیندا۔ ساچے مندر لےَ کے جائے، منزل پندھ چُکائیندا۔ دھرم دوارے لئے ٹکائے، ٹِکاّ مستک نام لگائیندا۔ ستّ پدارتھ گُرمکُھ کھائے، چار پدارتھ پندھ مُکائیندا۔ پرمارتھ پِچھےسوارتھ رکھائے، سوارتھ وِچ سفارش اَگے نہ کوئے کرائیندا۔ جوتی جوت سروُپ ہرِ، آپ اپنی کِرپا کر، ہرجن ساچے میل مِلائیندا۔ ہرِ بھگت کہے چنگا بھگوَنت، بھاوی میٹ مِٹائیا۔ میل مِلائے بن کے کنت، کنتوُہل خوشی وکھائیا۔ سو گُرمکُھ کہیئے سچّا سنت، جِس سَت مِلی وڈیائیا۔ سَتگُر گھر بنائی بنت، گھڑن بھننہار ویکھ وکھائیا۔ نام دس کے اپنا منت، مطلب سب دے ویکھ وکھائیا۔ دے وڈیائی وِچوں جیِو جنت، جنتا وِچوں باہر کڈھائیا۔ گڑھ توڑ کے ہؤمے ہنگت، ہنگ برہم سمجھائیا۔ جے کوئی پربھ دا پاؤنا چاہے انت، انت وِچ کِسے نہ آئیا۔ سو تریا جو کرے مِنّت، مِنّت وِچ سرنائیا۔ بِن بھگتاں پربھ مِلن دی کِسے کول نہیں کوئی ہِمّت، حوصلہ سکے نہ کوئے ودھائیا۔ چارے کُنٹاں ویکھ لؤ سِمتّ، سمیروُ ورگے روندے مارن دھائینا۔ کوٹن کوٹ لبھدے انِگنت، گِنتیاں وِچ نہ کوئے گِنائیا۔ پربھ سب نال کرکے تھوڑی تھوڑی عِلّت، آلنیوں بوٹ بھُنجے دیوے سُٹائیا۔ جے کِسے نوُں دھار بخش دیوے کِنک، کِنکا وِچ ٹِکائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ جن بھگت کہے چنگا جگ موہن، موہنی نظری آئیندا۔ جِس نوُں ویکھ کے آوے رون، روندیاں گلے لگائیندا۔ جیہڑا دُرمت مَیل آیا دھون، دھوبی بن کے سیو
کمائیندا۔ جیہڑا ٹُٹیاں منجیاں اُتے آیا سؤن، پلنگ رنگیلے پراں ہٹائیندا۔ جیہڑا بھگتاں ڈھولا آیا گاؤن، اپنا راگ نہ کوئے الائیندا۔ جیہڑا اپنا وادھا آیا ودھاؤن، ویل بھگتاں جھولی پائیندا۔ جیہڑا گُرمکُھ ناری آیا پرناؤن، پراہُنا دو جہاناں اِکو نظری آئیندا۔ جیہڑا کوجھی کملی گھر آیا وساؤن، واسطہ اپنے نال رکھائیندا۔ جیہڑا اپنے بھگتاں دی بھیٹے چڑھاؤن آیا دھؤن، تت نہ کوئے رکھائیا۔ جیہڑا اُجڑے آیا وساؤن، ساچے مندر دئے بہائیا۔ اوس دا کھیل جانے کؤن، کَون سکے سمجھائیا۔ لکّھ چؤراسی نال دغا آیا کماؤن، داغی کرے تھاؤں تھائنیا۔ جن بھگتاں مزہ آیا چکھاؤن، مذہباں وِچوں باہر کڈھائیا۔ کوُڑی کِریا آیا دُرکاؤن، نام کھنڈا ہتّھ اُٹھائیا۔ وِچھڑیاں آیا مِلاؤن، مِل مِل خوشی منائیا۔ ناد اگمّی آیا وجاؤن، دُھر دا تال سُنائیا۔ جگت غریِبی آیا گواؤن، گواہ شہادت گُر اوتار پَیغمبر دئے بُھگتائیا۔ اپنا درس آیا دکھاؤن، پڑدا آپ اُٹھائیا۔ رُلدے بالے لالے آیا پرچؤن، لالچ اپنا نام جھولی پائیا۔ بھگتاں دے اندروں کوُڑی کِریا آیا ڈراؤن، بھَیڑی نِکمی باہر کڈھائیا۔ ساچی ترنی آیا تراؤن، چپوُ اپنا نام اِک لگائیا۔ اپنا نام پوُرا پوُرن ہو کے آیا اکھواؤن، سوہنگ مہاراج شیر سِنگھ وِشنوُں بھگوان وجےّ ودھائیا۔ جن بھگتاں سچکھنڈ دوارے آیا بہاؤن، بَیٹھا سوہن سِنگھ خوشی منائیا۔ پِچھلا اُلاما آیا لاہُن، رام رمیّا بےپرواہیِا۔ جن بھگتاں سُتّیاں آیا جگاؤن، جُگ وِچھڑیاں رہیا اُٹھائیا۔ پِچھلے لیکھے آیا کڈھاؤن، بہی کھاتہ نال بندھائیا۔ رُسیاں آیا مناؤن، رستے رہیا پائیا۔ گُسیاں آیا گواؤن، گلِے رہیا چُکائیا۔ ڈِگیاں آیا اُٹھاؤن، ڈھٹّھیاں دئے تکڑائیا۔ اپنی گود وِچ جگت ٹھریاں نِگھے آیا کراؤن، کوُڑی وا نہ لاگے رائیا۔ پریم پریِتی اندر آیا ہساؤن، ہستی وِچ سمائیا۔ مہاراج شیر سِنگھ وِشنوُں بھگوان اپنا درس آیا درساؤن، درس نال حرص دئے گوائیا۔ جوتی جوت سروُپ ہرِ، آپ اپنی جوت دھر، بچّیاں بالیاں ننھیاں آیا پرچاؤن سِر اپنا ہتّھ ٹِکائیا۔