کتب خانہGranth 17 (Urdu)

۱۰ مگھّر ۲۰۲۱ بِکرمی سمپوُرن سِنگھ دے گرِہ پِنڈ فِروزشاہ

سچکھنڈ دوار پُرکھ سمرتھے، سَت سَتوادی دَیا کمائیا۔ دُھر فرمانے نال سدّے، شبد سُنیہڑا اِک گھلائیا۔ گُر اوتار آؤ اَگے، پیِر پَیغمبر اکھّ کھُلائیا۔ بھگت سُہیلے آؤ بھجےّ، دوُر دُراڈا پندھ مُکائیا۔ سیِس نِواؤ تیِرتھ اٹھسٹھے، مان ابِھمان مِٹائیا۔ وید پُران، ہو اِکٹھے، وِچھوڑا دوُر کرائیا۔ شاستر سِمرت حُکمے اندر بدھےّ، اپنا پندھ لَوو مُکائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ دُھر فرمانا دیوے حُکمران، ہرِ کرتا آپ جنائیا۔ اٹّھ دسّ دا گیِتا گیان، در ٹھانڈے لئے منگائیا۔ بھیو چُکا انجیل قرآن، کُرہ اپنا دئے سمجھائیا۔ سجدہ سیِس جھُکا کرو سلام، آداب اِک دِرڑائیا۔ کھانی بانی کرو پرنام، دُھر سندیشہ اِک جنائیا۔ سَتجُگ اُٹھ مار دھیان، تریتا اپنا نَین کھُلائیا۔ دواپرویکھ گوپیاں والا کاہن، چاروں کُنٹ راہ تکائیا۔ کلجُگ دُھر دا ویکھ نِشان، ہرِ کرتا آپ جنائیا۔ جوتی جوت سروُپ ہرِ، آپ اپنی

کِرپا کر، کرے کھیل بےپرواہیِا۔ سچکھنڈ نِواسی ہرِ نِرنکارا، اِکو نام جنائیا۔ کرے کرائے خبردارا، آلس نِندرا دئے مِٹائیا۔ پنج تت دئے ہُلارا، سویا رہن کوئے نہ پائیا۔ لکّھ چؤراسی کھولے کِواڑا، چارے کھانی ویکھ وکھائیا۔ چارے بانی بولو جَیکارا، پرا پسنتی مدھم بَیکھری اپنا راگ سُنائیا۔ چارے کُنٹ آوو وارو وارا، اُتّر پوُرب پچھّم دکھّن اپنا پندھ مُکائیا۔ نؤ کھنڈ ویکھو سچ اَکھاڑا، دیِپ ستّ نال مِلائیا۔ چھ رُت کرو پیارا، دُھر فرمانا اِک سمجھائیا۔ ماس برکھ نہ کوئی رہے باہرا، دِوس رَین گھڑی پل نال جوڑ جُڑائیا۔ کاغذ قلم شاہی دئے اشارہ، سیَنت نال سمجھائیا۔ کاتب اُٹھے سرب لِکھارا، جوتی جوت سروُپ ہرِ، آپ اپنی کِرپا کر، دُھر فرمانا اِک دِرڑائیا۔ دُھر فرمانا دیوے بھگوان، ہرِ کرتا آپ جنائیا۔ آپ بھیوَ کھُلائے دیِن مذہب اِسلام، دُھر فرمانا اِک سُنائیا۔ کلمہ چھوہوے اپنا کلام، کائنات دِرڑائیا۔ جل تھل مہیئل ویکھے جنگل جوُہ اُجاڑ پہاڑ بیابان، ڈوُنگھی کندر پھول پُھلائیا۔ حُکمے اندر کھیل کھِلائے زمیں اسمان، برہمنڈ کھنڈ اپنی دھار جنائیا۔ جُگ چؤکڑی ویکھنہارا مرد مردانہ نؤجوان، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، سچ دوارے سارے رہیا مِلائیا۔ سچ دوارے سد نِرنکار، اِکو حُکم سُنائیا۔ نیتر کھولو گُر اوتار، پیِر پَیغمبر نَین اُٹھائیا۔ لوکمات کرو وِچار، چار یاری بھیوَ کھُلائیا۔ سرِشٹ سبائی کوُڑا وجےّ تال، تلواڑا سکے نہ کوئے جنائیا۔ جو سِکھیا جُگ جُگ لوکمات آئے سِکھال، دُھر منتر نام پڑھائیا۔ نِرگُن سرگُن بن کے آئے دلال، جگت وِچولے سیو کمائیا۔ سچ پریِتی کِسے نہ نِبھے نال، ناتے سارے گئے تُڑائیا۔ پُھل نہ دِسے کِسے ڈال، لکّھ چؤراسی سِمل رُکھ لہرائیا۔ سب دے سِر تے کوُکے کال، کلجُگ نگارا رہیا وجائیا۔ چار کُنٹ دہ دِشا سرِشٹی درِشٹی اِشٹی ہوئی بےحال، سچّا گرِہستی روُپ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، سب دے نیتر رہیا کھُلائیا۔ گُر اوتار پیِر پَیغمبر کھولو اکھّ، نیتر نَین نَین اُٹھائیا۔ سرِشٹ سبائی رہی دگ، کلجُگ اگنی رہیا لگائیا۔ ساچا ہویا کِسے نہ حج، حاجت پوُر نہ کوئے کرائیا۔ من واسنا سارے رہے بھجّ، دِوس رَین واہو داہیِا۔ کِسے نہ مِلیا میل پُرکھ سمرتھ، شِودوالے مٹھ مسجد کوُک کوُک سُنائیا۔ نیتر روون تیِرتھ اٹھسٹھ، گنگا گوداوری جمنا سُرستی نَیناں چھہبر لائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کھُلائیا۔ نیتر کھولو پیِر پَیغمبر، ہرِ کرتا آپ جنائیندا۔ کلجُگ کوُڑا ویکھ اڈمّبر، چاروں کُنٹ اندھیرا چھائیندا۔ سُرتی شبدی دِسے نہ کوئے سومّبر، دُھر دا میل نہ کوئے مِلائیندا۔ داتا ملِے نہ کِسے پیِا پیِت

پیتمبر، پُرکھ اکال سیِس نہ کوئے جھُکائیندا۔ جوتی جوت سروُپ ہرِ، آپ اپنی کِرپا کر، گُر اوتاراں آپ وکھائیندا۔ گُر اوتار پیِر پَیغمبر اُٹھ اُٹھ کہِندے، بِن رسنا رہے جنائیا۔ پُرکھ اکال دیِن دَیال اسیں پِھردے آئے چڑھدے لہِندے، نٹھ نٹھ اپنا پھیرا پائیا۔ کوُڑی کِریا اندر کلجُگ وہن ویکھے وہِندے، ساچے نام تاری کوئے نہ لائیا۔ کوُڑی کِریا ہنکاری بُرج بِن تیری کِرپا موُل نہ ڈھہِندے، ساڈا اکھّر وکھّر تیرا نام گئے بُھلائیا۔ دیِن مذہب ویکھے کھہِندے، جھگڑا ذات پات نظری آئیا۔ تیرے مندر سچ سنمکُھ ہو کوئے نہ بہِندے، سَت سروُپی تیرا درس کوئے نہ پائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، در تیرے الکھ جگائیا۔ گُر اوتار پیِر پَیغمبر بھرن ہؤکا، پربھ اَگے سیِس نِوائیا۔ کلجُگ ویلا انتم ناتا تُٹیا پِتا پیو دا، پوُت سپوُتا روُپ نہ کوئے وٹائیا۔ تیری سرن سرنائی کوئے نہ رکھے اوٹ، تن چوٹ نگارے نام نہ کوئے لگائیا۔ کوُڑی کِریا مایا ممتا ہؤمے ہنگتا کڈھے کوئی نہ کھوٹ، من واسنا سرب ہلکائیا۔ پِھری دروہی چؤداں لوک، چؤداں طبق دین دُہائیا۔ تیرا گائے نہ کوئی سلوک، سوہلا سچ نہ کوئے سُنائیا۔ پربھ ایہہ وی تیرے انوکھے چوج، جِس دی سار کوئے نہ آئیا۔ سَتجُگ تریتا دواپرکلجُگ تیری کردے آئے سارے کھوج، کھوجت کھوجت پھیریاں پائیا۔ تُوں سدا سُہیلا اِک اَکیلا سد وسیں اپنی مؤج، مجلس اپنے نال رکھائیا۔ اوتھے کِسے دی کوئی نہ دِسے پہُنچ، دوُر دُراڈے سارے سیِس نِوائیا۔ سچکھنڈ نِواسی پُرکھ ابناشی ساڈی چلے نہ کوئی سوچ، سمجھ سکے نہ کُجھ سمجھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے سیِس نِوائیا۔ سِری بھگوان کہے سُنو گُروُ اوتار، گُر کرتا آپ جنائیا۔ جُگ چؤکڑی بیِتے وِچ سنسار، کلجُگ ویلا انتم آئیا۔ قؤل اِقرار کیتے کدے نہ بُھلے سِرجنہار، واک بھوِکھتاں کھوج کھُجائیا۔ لیکھ لِکھت توں وسے باہر، کلمے وِچ بند نہ کوئے کرائیا۔ اِشٹاں وِچوں اِشٹ نِرنکار، دوُجا اِشٹ نہ کوئے جنائیا۔ بہِشتاں وِچوں بہِشت بخشے چرن دوار، سچّا گھر بار اِک دِرڑائیا۔ اُٹھو چاروں کُنٹ کرو دھیان، بےپہچان دئے سمجھائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ گُر اوتار پیِر پَیغمبر چلو سنگ، ہرِ کرتا آپ جنائیندا۔ پُری لوء برہمنڈ کھنڈ ویکھو لنگھ، لوکمات راہ جنائیندا۔ بھگت سُہیلا اِک اَکیلا صاحِب سوامی جن بھگتاں وسے سنگ، نِرگُن وِچھڑ کدے نہ جائیندا۔ جِس نے گوبِند پُری انند دِتا انند، سو نند چند نوُرو نوُر رُشنائیندا۔ شبدی دھار اگمّ اپار آپے گنڈھ، دو جہاناں میل مِلائیندا۔ جوتی جوت سروُپ ہرِ، آپ اپنی کِرپا کر، سچ دوارا اِک وکھائیندا۔

گُر اوتار چلو دوارے، دوارکا کمّ کِسے نہ آئیا۔ ویکھو کھیل سِرجنہارے، ہرِ کرتا کھیل کرائیا۔ کاگت قلم نہ لِکھنہارے، شاستر سِمرت بَیٹھے مکُھ بھوائیا۔ پیِر پَیغمبر کر نِمسکارے، سجدہ سیِس جھُکائیا۔ اٹھسٹھ روون زارو زارے، نیتر نَینا نیِر وہائیا۔ کلجُگ کھیل کرے آپ کرتارے، قُدرت قادر اپنا رنگ رنگائیا۔ بھگت سُہیلے آپ اُٹھالے، سوئی سُرتی آپ جگائیا۔ لیکھ مکا کے شاہ کنگالے، اوُچ نیِچ ڈیرہ ڈھائیا۔ کایا مندر بنا کے سچّی دھرمسالے، دھرم دوارا اِک بنائیا۔ دیِا باتی کملاپاتی جوت اِکو بالے، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پیِر پَیغمبر ویکھو مندر، ہرِ کرتا آپ جنائیا۔ جِتھے شرع دِسے کوئی نہ سنگل، مذہب دیِن نہ کوئے لڑائیا۔ من واسنا بھَوے کوئے نہ بندر، دہ دِشا نہ اُٹھ اُٹھ دھائیا۔ کوُڑی کِریا نہ دِسے جندر، مایا ممتا موہ مِٹائیا۔ بھگت سُہیلے لا کے انگن، اِکو گود سُہائیا۔ جِنہاں دے اندر باہر اِکو رنگن، رنگ اگمّڑا دِتا رنگائیا۔ سدا وسن پرمانندن، نِجانند وِچ سمائیا۔ متھے لاوے دُھر دا ٹِکاّ چندن، چند اپنے لئے چمکائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گُر اوتار ویکھ جن بھگت، بھگوَن رہے جنائیا۔ پربھ تیرے ہتّھ تیری شکت، شہنشاہ تیری اِک سرنائیا۔ کلجُگ تیرا سوہے وقت، ساڈی چلے نہ کوئے چتُرائیا۔ تیرا لیکھا سرِشٹی جگت، دو جہاناں سوبھا پائیا۔ تُوں مالک عرش فرش، خالق خلق ویکھ وکھائیا۔ غریِباں اُتے کر کے ترس، رحمت آپ کمائیا۔ امرت میگھ دِتا برس، اگنی تت بُجھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ گُر اوتار کہن پربھ تیرے بھگت چنگے، کلجُگ انتم نظری آئیا۔ جِنہاں دے چرن چُمّےگنگے، گوداوری بَیٹھی سیِس جھُکائیا۔ جِنہاں دے اندر وجدے نام مردنگے، دُھر دے راگ سُنائیا۔ جِنہاں دے اندر جوتی نوُر چمکدے چندے، اگیان اندھیر مِٹائیا۔ اوہ باہروں بندیاں ورگے بندے، اندر وڑیا بےپرواہیِا۔ نام اگمّی رنگن رنگے، رنگ مجیٹھی نَین شرمائیا۔ تیرے نال مِل کے تیرے گاؤندے چھندے، سوہنگ اِک پڑھائیا۔ تیرا درشن پا کے ٹھنڈے، تتّی وا نہ لاگے رائیا۔ لکّھ چؤراسی جیِو جنت صدی چؤدھوی ہوئے اندھے، نِج نیتر اکھّ نہ کوئے کھُلائیا۔ کلجُگ انتم آیا کنڈھے، ڈھاہ سارے رہیا لگائیا۔ جوتی جوت سروُپ ہرِ، آپ اپنی کِرپا کر، دُھر دا دینا ساچا ور، گُر اوتار خوشی منائیا۔ گُر اوتار پَیغمبر کہن تیرے بھگت تکّے، لکّھ چؤراسی کھوج کھُجائیا۔ جِنہاں دے اندر ٹھاکر ہو کے وسیں، ٹھوکر نام لگائیا۔ پریِتم ہو کے پریم دسیں، پریِتی اِکو نال لگائیا۔ سجّن ہو کے کریں اِکٹھے،

وِچھڑے لئیں مِلائیا۔ جنم کرم دے میٹ کے رٹےّ، جھگڑا لکّھ چؤراسی دئیں چُکائیا۔ کی ہویا جے دھنےّ مِلیا وٹےّ، کلجُگ انتم جن بھگتاں سنمکُھ ہو کے درس دِکھائیا۔ جوتی جوت سروُپ ہرِ، آپ اپنی کِرپا کر، گھر سجّن لئے مِلائیا۔ گُر اوتار کہن تیرے بھگت جوگی، جوگیِشراں وِچوں نظری آئیا۔ جِنہاں مِلیا دُھر سنجوگی، جُگتی اپنی دِتی جنائیا۔ آتم سیجا بن کے بھوگی، دُھر دا میلا اپنے گھر کرائیا۔ جنم جنم دے دُکھیئے ویکھے روگی، سُکھ ساگر وِچ سمائیا۔ کوئی نہ جانے ٹِکاّ جننجو بودی، مُچھ داہڑی کیس اِکو رنگ وکھائیا۔ تیرا کھیل نیارا ویدی سوڈھی، شرع وِچ ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، جن بھگت دینی سرنائیا۔ تیرے بھگت پربھوُ ویکھے تردے، کلجُگ انتم خوشی منائیا۔ اِکو ڈھولا تیرا پڑھدے، تُوں ہی تُوں راگ الائیا۔ دوُجا در کوئی نہ منگدے، بِھچھِیا جھولی نہ کوئے رکھائیا۔ اِکو مندر تیرا لنگھدے، اپنا پندھ مُکائیا۔ رس مانن اُس انند دے، جِس انند وِچوں انند اپنا دئیں چکھائیا۔ تیری سچ پریِتی نال ہنڈھدے، جنم مرن دوویں دِتے تجائیا۔ سُرتی شبدی ڈور گنڈھدے، ایتھے اوتھے سکے نہ کوئے تُڑائیا۔ درشن کرکے گُجری چن دے، چند تیرے وِچ ڈیرہ لائیا۔ جوتی جوت سروُپ ہرِ، آپ اپنی کِرپا کر، بھیوَ کھُلا دے ہنگ برہم دے، برہم تیری انس اکھوائیا۔ گُر اوتار کہن تیرا ویکھیا برہم، پاربرہم تیری وڈیائیا۔ تُوں بھگتاں اِکو دھرم، ادھرمی نظر کوئے نہ آئیا۔ جھولی پا کے تیری کرم، کرم کانڈ ڈیرہ بَیٹھے ڈھائیا۔ ناتا توڑ کے ورن برن، سرن تیری اِک تکائیا۔ جِدھر ویکھن ٹھاکر سوامی تیرے چرن، چرنودک امرت مکُھ جام لائیا۔ نیتر کھُلے ہرن پھرن، راتیں سُتّیاں دِنے جاگدیاں نِت نوِت کر کر ہِت ابناشی اچُت تیرا درشن پائیا۔ جوتی جوت سروُپ ہرِ، آپ اپنی کِرپا کر، جن بھگتاں دئیں وڈیائیا۔ بھگت سُہیلا بنیا سجّن، ہرِ سَتگُر دَیا کمائیا۔ چرن دھوُڑی دے کے مجن، دُرمت مَیل دھوائیا۔ جنم کرم دا توڑ کے بندھن، لکّھ چؤراسی پھانسی دِتی تُڑائیا۔ سَت سَت دا پا کے کنگن، ہتّھو ہتّھ ویکھ وکھائیا۔ نِرگُن نِرویَر نِراکار لاوے اپنے انگن، انبھَو اپنی کھیل وکھائیا۔ نام نِدھان وجا مردنگن، مرد مردانہ دئے سُنائیا۔ جوتی جوت سروُپ ہرِ، آپ اپنی کِرپا کر، جن بھگتاں رہیا ترائیا۔ گُر اوتار کہن بھگت سُہیلے، سئیا دُھر دا ویکھ وکھائیا۔ سچکھنڈ دوارے آپے میلے، تھِر گھر بہہ بہہ خوشی منائیا۔ آد نِرنجن چاڑھ کے تیلے، جوت نِرنجن سگن منائیا۔ اچرج کھیل پربھوُ رہیا کھیلے، سرگُن سمجھ کوئے نہ آئیا۔ جوتی جوت سروُپ ہرِ، آپ اپنی کِرپا کر، جن بھگتاں در مِلائیا۔ جن بھگت کہے میَں آیا در، پربھ

پِچھلا پندھ مُکائیا۔ نِرویَر ہو کے پلّوُ پھڑ، اپنی گنڈھ پوائیا۔ سچ دوارے جاواں چڑھ، منزل پندھ مُکائیا۔ درشن تیرا کراں کھڑ، سنمکُھ نظری آئیا۔ اِکو ڈھولا لَواں پڑھ، تیری وجےّ نام ودھائیا۔ سچ سرنائی ڈِگاں دڑ، اپنا آپ گوائیا۔ پُرکھ ابناشی لَینا پھڑ، دُھر دی گود سُہائیا۔ تیرا ناؤں نرائن نر، تُوں آد جُگادی پِتا مائیا۔ سَتجُگ تریتا دواپرکلجُگ جُگ چؤکڑی دیندا رہیا ور، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، جن ساچے لئے ترائیا۔ جن بھگت کہے کھول دروازہ، در تیرے آس تکائیا۔ تُوں صاحِب غریِب نِواجا، نِمانیاں گلے لگائیا۔ تیرے سیِس سوہوے تاجا، سچکھنڈ وجےّ ودھائیا۔ تُوں بھوُپت راجن راجا، شہنشاہ اکھوائیا۔ تُوں دو جہاناں کریں کاجا، نِرگُن سرگُن کھیل وکھائیا۔ گُر اوتار پیِر پَیغمبر تیرا کردے گئے ارداسا، نِیوں نِیوں سیِس جھُکائیا۔ حُجریاں اندر پڑھدے گئے نِمازاں، کعبیانوِچ دھیان لگائیا۔ مندراں وِچ ماردے گئے آوازاں، کوُک کوُک سُنائیا۔ گرنتھاں وِچ لِکھ کے گئے تیری گاتھا، گہر گمبھیِر تیری وڈیائیا۔ تُوں نِت نوِت جُگ چؤکڑی جن بھگتاں دیویں ساتھا، سگلا سنگ نِبھائیا۔ کلجُگ انت سِری بھگوَنت تیریاں تیری رکھی آسا، دوُجی ترِسنا نہ کوئے ودھائیا۔ سچ پُچھیں پربھ تیرے اُتے سچ بھرواسا، کوُڑے بھرم دِتے مِٹائیا۔ نِج گھر آتم آ کے کر واسا، وصل سچ دے کرائیا۔ تیرے نالوں تُٹے نہ ناتا، ناتا چھّڈیا جگت لوکائیا۔ تُوں دُھر دا پِتا ماتا، پُرکھ اکال اِک اکھوائیا۔ تیرا صِفتاں والا سُندے آئے ساکہ، چارے بانی دئے گواہیِا۔ تیرا حرفاں والا ویکھدے آئے خاکہ، اکھّراں والی پڑھائیا۔ تیرا رسنا والا پڑھدے آئے پاٹھا، بتّی دندا ں تال وجائیا۔ جوتی جوت سروُپ ہرِ، آپ اپنی کِرپا کر، کلجُگ انتم اپنے وِچ سمائیا۔ جن بھگت کہن پربھ انتر آتم بول، انبولت راگ سُنائیا۔ تیرے نام دا وجےّ ڈھول، انحد ناد بےپرواہیِا۔ امرت آتم دے دے پاہُل، رس اِکو اِک چکھائیا۔ ایتھے اوتھے رہیئے اڈول، ڈُل سکے کوئے نہ رائیا۔ سدا سُہیلے وس کول، وِچھڑ کدے نہ جائیا۔ کایا اندر آپے مؤل، مؤلا ہو کے نظری آئیا۔ پوُرا کر دے کیِتا قؤل، اِقرار اپنی جھولی پائیا۔ ہو سہائی اُپر دھؤل، دھرنی دھَول خوشی منائیا۔ سدا پریِتی چرن رہے گھول، گھول گھُمائی ویکھ وکھائیا۔ تیرا لیکھا کوئی نہ جانے پنڈت پاندھا رؤل، مُلّا شیخ مسائک سمجھ کِسے نہ آئیا۔ تیرا مارگ آتم پرماتم اِک نِرول، نِرویَر سِکھیا دے سمجھائیا۔ جن بھگت کہے پربھ میری پاپاں بھری نہ گٹھڑی پھول، مِہر نظر نال ترائیا۔ جوتی جوت سروُپ ہرِ، آپ اپنی کِرپا کر، گھر دے مان وڈیائیا۔ جن بھگت کہے میَں کلجُگ روندا، رو رو دیاں دُہائیا۔

بِرہوں وِچھوڑے وِچ نہ سؤندا، بِھنڑی رَین نہ کوئے وڈیائیا۔ نِت نوِت تیرا ڈھولا گاؤندا، سوہنگ راگ الائیا۔ ہے پربھوُ تُوں کِیوں مکُھ چُھپاندا، کروٹ لےَ نہ پِٹھ بدلائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، جن بھگت منگ منگائیا۔ سِری بھگوان دَیا کماؤندا اے۔ شبد انادی راگ سُناؤندا اے۔ برہم برہمادی ویکھ وکھاؤندا اے۔ آد جُگادی پھیرا پاؤندا اے۔ وڈ سوانگی سوانگ رچاؤندا اے۔ جن بھگتاں ویکھ کے سچّی تانگھ، جوتی جامہ ویس وٹاؤندا اے۔ انتر آتم پوُری کرے مانگ، مانگت بِھچھِیا جھولی آپے پاؤندا اے۔ جوتی جوت سروُپ ہرِ، آپ اپنی کِرپا کر، جن بھگت آپ دِرڑاؤندا اے۔ جن بھگت دَیا کماوانگا۔ گھر ساچا ویکھ وکھاوانگا۔ در ٹھانڈے الکھ جگاوانگا۔ پرتکھ ہو کے درس کراوانگا۔ لکّھ چؤراسی وِچوں رکھ، اپنی گود بہاوانگا۔ کوُڑ کُڑیارے نالوں کر وکھّ، وکھّری دھار اِک سمجھاوانگا۔ سَت سَتواد جھولی پا کے حق، حقیِقت اِکو اِک دِرڑاوانگا۔ نام اگمّی چاڑھ کے رتھ، لَواں پُریاں پار کراوانگا۔ وِشن برہما شِو راہ جاندیاں دوویں جوڑن ہتّھ، نمو نمو سرب وکھاوانگا۔ سُنّ اگمّ سکے کوئے نہ ڈک، تھِر گھر اپنا رنگ رنگاوانگا۔ جوتی جوت سروُپ ہرِ، آپ اپنی کِرپا کر، دیونہارا سچ انند، انند اِکو اِک وکھاوانگا۔ انند ساچا اِک وکھاوانگا۔ لکّھ چؤراسی توڑ کے پھند، پھانسی جم دی انت مکاوانگا۔ جنم کرم دی ٹُٹی گنڈھ، گنڈھنہار گوپال دیِن دَیال اِک اکھواوانگا۔ بھیوَ کھُلا کے ہنگ برہم، پاربرہم وِچ سماوانگا۔ لیکھے لا کے پوَن سواسی دم، اُننجا پَون ڈیرہ ڈھاوانگا۔ نِہکرمی ہو کے کراں اپنا کمّ، کِریا اَگے نہ کوئے رکھاوانگا۔ جگت ترِسنا میٹ کے تم، مایا ممتا موہ چُکاوانگا۔ ہرکھ سوگ نہ کوئے غم، چِنتا دُکھ نہ کوئے وکھاوانگا۔ اِک وار جنیندی جن بھگت پیا جمّ، دوُجی وار گربھ نہ پھیر لیاوانگا۔ مانَس جنم بیڑا بنھ، انتم اپنے کندھ اُٹھاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گھر ساچے سچ وساوانگا۔ جن بھگت خوشی مناؤندے نے۔ در اِکو سیِس نِواؤندے نے۔ ور دُھر دا ساچا پاؤندے نے۔ ڈر رائے دھرم گواؤندے نے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گھر ساچے میل مِلاؤندے نے۔ جن بھگت کہے گھر تیرا کیہڑا، سچ سچ دے سمجھائیا۔ سِری بھگوان کہے جِتھے ہوئے نہ کوئی جھیڑا، جھگڑا نظر کوئے نہ آئیا۔ جن بھگت کہے پربھ تیرا کِہو جِہا کھیڑا، در ساچا دے جنائیا۔ سِری بھگوان کہے جِتھے روُپ اِکو تیرا میرا، دوُجا نظر کوئے نہ آئیا۔ جن بھگت کہے تیرا کِہو جِہا ڈیرہ، ہرِ پڑدا دے کھُلائیا۔ سِری بھگوان کہے جِتھے آد جُگاد

جُگ چؤکڑی کدے نہ ہووے اندھیرا، نِرگُن جوت کرے رُشنائیا۔ جن بھگت کہے پربھ تیرا کِہو جِہا نبیڑا، بھیوَ ابھیدا دے کھُلائیا۔ سِری بھگوان کہے میرا حقیِقت ولوں سب توں وڈّا جیرا، شریِکت ولوں لاشریِک نظری آئیا۔ محل اٹل اُچ اگمّ اتھاہ چنگیرا، سچکھنڈ دوارا مقامے حق سوبھا پائیا۔ جِتھے گُر اوتار پیِر پَیغمبر کوئی نہ سمجھے سنجھ سویرا، دِوس رَین ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، وکھاونہارا ساچا گھر، گرِہ مندر اِک سمجھائیا۔ جن بھگتو مندر سوہنا محلا، چھپّر چھن نہ کوئے چُھہائیا۔ جِتھے وسے اِک اِکلّا، ایکنکار اپنا ڈیرہ لائیا۔ اپنے پرکاش آپے بلا، جوتی جوت کرے رُشنائیا۔ سچ سِنگھاسن شاہو بھوُپ آپے ملّا، شہنشاہ شاہ پاتشاہ اپنے ہتّھ رکھے وڈیائیا۔ آد جُگاد جُگ چؤکڑی جن بھگتاں شبدی پھڑائے پلّا، ڈوری اپنے نال بندھائیا۔ جِدھر ویکھو جلاں تھلاں، مہیئل رہیا سمائیا۔ اُچے ٹِلّے پربت جنگل جوُہ اُجاڑ پہاڑ سچ دوار ملّا، سمُند کھائی ڈوُنگھی کندر بہہ بہہ خوشی منائیا۔ بھگت پیار سدا جُگ چار وِچ سنسار پریم پیار اندر ہووے جھّلا، بن کھنڈ کھوجن آپے جائیا۔ جوتی جوت سروُپ ہرِ، آپ اپنی کِرپا کر، دُئی دوَیتی میٹنہارا سلّا، اصل وصل اپنا دئے سمجھائیا۔ جن بھگتو ہرِ مندر سچ مقام، قیام گاہ اِک اکھوائیا۔ جِتھے کدے نہ بدلے نِظام، شاہ پاتشاہ اِکو نظری آئیا۔ جِتھے بردا اِک غُلام، سَت دوارا بہہ بہہ خوشی منائیا۔ اوتھے نہ سجدہ نہ سلام، نمو سَت سَت نہ کوئے سُنائیا۔ نہ سیِتا نہ رام، رادھا کرِشن نہ کوئے وڈیائیا۔ نہ پَیغمبر نہ کلمہ نہ کائنات نہ نغمہ نہ امام، روُح بُت خاکی تتو تت نہ کوئے درسائیا۔ اِک اکیلا سدا سُہیلا نؤجوان سِری بھگوان، بھگوَن آپے سوبھا پائیا۔ جن بھگتاں اُتے ہو مِہربان، محبان بیِدومِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، مُشکل کرکے آپ آسان، مُریِد مُرشد مراسلے اِکے دئے پہُنچائیا۔ جن بھگتو ہرِ کا مندر سوہنا، سوہنیاں وِچوں نظری آئیا۔ نہ ہسّنا نہ رونا، خوشی غم نہ کوئے وڈیائیا۔ نہ جاگنا نہ سؤنا، آلس نِندرا روُپ نہ کوئے وکھائیا۔ جِدھر ویکھو اُدھر جوت سروُپ نظری آؤنا، بِن رنگ روُپ ریکھ بےپرواہیِا۔ جِس نے اپنی گود بہاؤنا، پھڑ باہوں لئے اُٹھائیا۔ ہِردا سودھ جِس درس دکھاؤنا، گھر گھر پھیرا پائیا۔ اپنی مؤج وِچ مجلس لاؤنا، محبوُب محُبّت اِک رکھائیا۔ بِن بھگتاں سِری بھگوان درس کِسے نہ پاؤنا، ترس وِچ بَیٹھی سرب لوکائیا۔ کلجُگ انت سِری بھگوَنت جُگ وِچھڑے جنم رُٹھڑے اپنے سنگ رکھاؤنا، سنگی ساتھی بن کے دُھر دا مالک ویکھ وکھائیا۔ سَتجُگ ساچا راہ چلاؤنا، چار ورن اٹھاراں برن اِکو نام جپاؤنا، سوہنگ مہاراج

شیر سِنگھ وِشنوُں بھگوان تیری اِک سرنائیا۔ بھگت سُہیلا گُروُ گُر چیلا اپنے گھر بہاؤنا، پوُرن برہم پاربرہم نِرنتر برہم مایا برہم وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، نِہکرمی کرے اپنا کرم، کلکاتی ڈیرہ ڈھائیا۔

۱۱ مگھّر ۲۰۲۱ بِکرمی سُندر سِنگھ دے گرِہ فِروزشاہ

پُرکھ اکال ویکھی دُنی، نِرگُن اپنی اکھّ کھُلائیا۔ جھگڑا پایا جگت رِکھی مُنی، چار کُنٹ دُہائیا۔ بھرم بُھلیکھے اندر وِدوانی گُنی، بھرم بھؤ نہ کوئے مِٹائیا۔ سچ پُکار نہ کِسے سُنی، جیِو جنت رہے کُرلائیا۔ کایا ماٹی بھانڈا خالی کُنّی، وست حق نہ کوئے ٹِکائیا۔ سِر اوڈھن سیِس نہ دِسے چُنّی، مِہر نظر نہ کوئے اُٹھائیا۔ نام نِدھان سُنائے کوئے نہ دُھنی، انحد ناد نہ کوئے وجائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ پُرکھ اکال ویکھیا جگ، کلجُگ انتم دھیان لگائیا۔ نوَ نؤ چار لگّی اگّ، امرت میگھ نہ کوئے برسائیا۔ نام پیالہ پیئے کوئی نہ مد، امرت رس نہ کوئے چکھائیا۔ کوُڑی واسنا سرِشٹی رہی بھجّ، درِشٹی اکھّ نہ کوئے کھُلائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ پُرکھ اکال ویکھیں دھرنی، دھرت دھَول ویکھ وکھائیا۔ جھگڑا پیا ورنی برنی، سانتک سَت نہ کوئے ورتائیا۔ نیتر کھُلے نہ ہرنی پھرنی، دوئے لوچن جگت تکائیا۔ ساچی منزل ملِے نہ چڑھنی، رہبر راہ نہ کوئے وکھائیا۔ اگمّی پؤڑی ملِے نہ پڑھنی، بِن رسنا جِہوا ڈھولا گائیا۔ جوتی جوت سروُپ ہرِ، آپ اپنی کِرپا کر، کل اپنا ویس وٹائیا۔ پُرکھ اکال ویکھ جہان، چاروں کُنٹ دھیان لگائیا۔ جھُلدا دِسے نہ کوئے نِشان، دھرم دوار نہ کوئے وڈیائیا۔ ہِردے ہرِ نہ کوئے وسان، مندر در نہ کوئے سُہائیا۔ کُڑیاری گوپیاں راس مِل کے گان، گھنئیا نظر کِسے نہ آئیا۔ بھتّھیاں والا بناون رام، رمئیا رنگ نہ کوئے رنگائیا۔ ساچا دِسے نہ کوئے امام، عمل سَت نہ کوئے کمائیا۔ کوُڑی کِریا بردے بنے غُلام، سیوا سچ نہ کوئے جنائیا۔ مایا ممتا لوبھ ہنکاری بنی عوام، آمد پربھ نہ ویکھ وکھائیا۔ کام کرودھ لوبھ موہ ہنکار ہوئے بدنام، بدی سکے نہ کوئے گوائیا۔ سچ دوارے ملِے نہ کِسے مان، جوتی جوت سروُپ ہرِ، آپ اپنی کِرپا کر، ویکھنہارا چائیں چائنیا۔ پُرکھ اکال تکّے چاروں کُنٹ دُہائی، غریِب نِمانے رہے کُرلائیا۔ اندر باہر ہووے نہ کوئی سہائی سِر ہتّھ نہ کوئے ٹِکائیا۔ ساچے مندر نہ وجےّ ودھائی، خوشیاں راگ نہ کوئے الائیا۔ نیتر

روندی ویکھی مائی، پوُت سپوُتا گود نظر کوئے نہ آئیا۔ پیِر فقیِر رہی منائی، سِل پوُجس سیِس جھُکائی، مڑھی گور پھیرا پائیا، جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ کلجُگ ویکھیا بِن پُتراں روندی ماں، نیتر نَیناں نیِر وہائیا۔ جگت دِسے کوئی نہ ناں، پیِڑھی اَور نہ کوئے ودھائیا۔ براہمناں کول منس تھکّے گاں، انّ دان بھیٹ کرائیا۔ سِر دیوے کوئی نہ ٹھنڈی چھاں، ترِسنا اگّ نہ کوئے بُجھائیا۔ ساچا کرے نہ کوئے نیاں، عدالت حق نہ کوئے لگائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ سرِشٹی ویکھی ماردی دھاہ، نیتر نَیناں نیِر وہائیا۔ ساچا ملِے نہ کوئے ملاح، بیڑا پار نہ کوئے کرائیا۔ ڈُبدے پاہن سکے نہ کوئے ترا، منجھدھار باہر نہ کوئے کڈھائیا۔ ساچا رہبر ملِے کوئے نہ آ، مارگ دسےّ نہ چائیں چائنیا۔ چار کُنٹ دہ دِشا نیتر اکھّ رہے اُٹھا، جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ سِری بھگوان تکّ کے لوکمات، انتر انتر دھیان لگائیا۔ چاروں کُنٹ اندھیری رات، کلجُگ اپنا جوبن رہیا وکھائیا۔ گُر اوتار پیِر پَیغمبر جو دے کے گئے دات، نِرگُن سرگُن ہو کے مات ورتائیا۔ سمیں سمیں لےَ کے گئے شاباس، پربھ دیونہار وڈیائیا۔ انتم سب دی لیکھے لگّی خواہش، شاہ پاتشاہ آسا منسا پوُر وکھائیا۔ شاستر سِمرت وید پُراناں اندر کردے سرب تلاش، گرنتھاں پنتھاں اندر کھوج کھُجائیا۔ شاہ سُلطانا سِری بھگوانا کِسے نہ آوے ہاتھ، تیِرتھ تٹ رہے کُرلائیا۔ جوتی جوت سروُپ ہرِ، آپ اپنی کِرپا کر، کل اپنا پھیرا پائیا۔ کل پا کے پھیرا ابناشی اچُت، نوَ نؤ چار ویکھ وکھائیا۔ ساچی مؤلے کوئے نہ رُت، بسنت خزاں روُپ وٹائیا۔ بِن ہرِ نامے خالی دِسن بُت، پنج تت نہ کوئے سُہائیا۔ نیتر رووے مات خالی گود دِسے پُت، دُھر دا ناتا نہ کوئے جُڑائیا۔ جوتی جوت سروُپ ہرِ، آپ اپنی کِرپا کر، ویکھنہارا تھاؤں تھائنیا۔ خالی گود ویکھ کے مئیا، ہرِ دُھر دا حُکم سُنائیا۔ برہمے اُٹھ ویکھ اپنی نئیا، نؤکا رہیا جنائیا۔ شاہ پاتشاہ ساجن سئیا، صحیح سلامت رہیا اُٹھائیا۔ اپنا لیکھا کڈھ اُپر وہئیا، حِساب کِتاب دے دِرڑائیا۔ لیکھا چُکیا کلجُگ ڈھئیا، جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ برہما کھول اپنا گُٹکا، سِری بھگوان اَگے رہیا ٹِکائیا۔ تیرا بھانا کدے نہ رُکدا، نہ کوئی میٹے میٹ مِٹائیا۔ کی پربھوُ میرے کولوں پُچھدا، میَں سیوک ہو کے سیو کمائیا۔ تیرا ناتا پیو پُت دا، پت پرمیشور تیرے ہتّھ وڈیائیا۔ جو منُش نؤ جنم تیرے پیار پریم توں رُسدا، تِس گھر انس نظر نہ آئیا۔ ایہہ بچن کِسے مانَس نہیں منُکھ دا، برہم ویتا رہیا سُنائیا۔ بِن تیری کِرپا، جوتی جوت سروُپ ہرِ، آپ اپنی کِرپا

کر، ویکھنہارا دُھر دا ور، دو جہاناں کھوج کھُجائیا۔ سِری بھگوان پیا ہسّ، خوشیاں نال جنائیا۔ برہمےمیَں سب کُچھ کیِتا تیرے وس، اُتبُھج تیری دھار چلائیا۔ اِکو جِہا سب نوُں دینا حق، خالی نظر کوئے نہ آئیا۔ جے کِسے اُتے پَوے شک، اُس دا لیکھا میَنوُں دینا سمجھائیا۔ میَں صاحِب پُرکھ سمرتھ، سد دیونہار وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ برہما کہے پربھ ویکھ میری کِتاب، کُتبخانے وِچوں باہر کڈھائیا۔ جِس دے اندر لکّھ چؤراسی لِکھیا حِساب، نِسبت سکے نہ کوئے سمجھائیا۔ اُس دا پہلا ویکھ باب، اِکو حِصّہ کھول وکھائیا۔ جیہڑی گود خالی دِسے مات، بِن پُتراں نظری آئیا۔ اوہ تَیتھوں وِچھڑی تیری ذات، تیرا رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر ، مِہربان ہو سہائیا۔ برہما کہے بےشک میرا برہم، گھر گھر نظری آئیا۔ حُکمے اندر کراں کرم، بن سیوک سیو کمائیا۔ حُکمے اندر ہووے جنم، مر جمن روُپ وٹائیا۔ سچ سُہنجنی تیری سرن، سرنگت وڈّی وڈیائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ ٹِکائیا۔ سِری بھگوان کہے ویکھ اپنا ورقہ، حِصّہ دوُجا پھول پُھلائیا۔ جِس دے اُتے نُقطے والا اِکو قطرہ، بوُند اگمّی دِتا برسائیا۔ جِس دے وِچ آد جُگادی نِکرمنا والا شجرہ، نِہکرمی آپ رکھائیا۔ جِس دا لیکھا بِن ہرِ نِرنکار کِسے نہ بدلا، بدلی سکے نہ کوئے کرائیا۔ اُس دا حِساب کِتاب وکھّرا، وکھّری دھار چلائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ برہما کہے میَں ویکھیا دوُجا حِصّہ، پترا لیا اُلٹائیا۔ اوتھے اِکو تیرا ناؤں دسا، اَگے مِہر کری پڑھائیا۔ جِس دا روُپ انوُپ سب توں نِکاّ، وڈّیاں وِچوں وڈّا سد اکھوائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دے سمجھائیا۔ ورقے اُتے ویکھ لکیِر، بِن لگّی قلم شاہیِا۔ جِس دے وِچوں آؤندے شاہ حقیِر، پاتشاہ ملِے وڈیائیا۔ جِس دھاروں لکّھ چؤراسی گھتے وہیِر، بھجےّ واہو داہیِا۔ جِس وِچ میری تصویِر، بِن نَیناں نوُر اُپجائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ دُھر دا لیکھا ویکھ آپ، ہرِ کرتا آپ جنائیا۔ جِنہاں دا پُرکھ اکال بنے باپ، پت پرمیشور اپنی گود اُٹھائیا۔ اُہناں دا جگت جوڑے نات، ناتا دُھر دا لئے بنائیا۔ گھر سُہیلے بنا کے ساک، سجّن دئے وڈیائیا۔ برہمے حُکمے اندر اَگے لیکھا لِکھ دے قلم دوات، شاہی میرا نام ٹِکائیا۔ خالی گود دِسے نہ کوئی وِچ مات، جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ برہما کہے پربھ کیہڑی قلم، جو تیرا کلمہ دئے لِکھائیا۔ میَنوُں سمجھ نہ آوے عِلم، حرفاں والی نہ کوئے پڑھائیا۔ میَں

تیری کِرپا نال لیا جنم، اپنا جنم سمجھ سکاں نہ رائیا۔ کِیوں بھرم بُھلیکھا پاویں بھرم، بھرمیِاں گڑھ تُڑائیا۔ جو آ جائے تیری سرن، سرنگت اِک رکھائیا۔ تُوں مالک ترنی ترن، تارنہار تیری وڈیائیا۔ تُوں سب دا پلّوُ پھڑن، جوتی جوت سروُپ ہرِ، آپ اپنی کِرپا کر، مِہربان ہو سہائیا۔ مِہربان کہے بھگوان، اپنی دَیا کمائیا۔ سچ تیرا فرمان، فُرنے بند وکھائیا۔ میَں ویکھن والا تُردا پِھردا اِنسان، اِنساناں وِچوں چولا تت تت ہنڈھائیا۔ بھگتاں ولوں شاہ پاتشاہ سِری بھگوان، بھاگ حِصّہ سب دی جھولی پائیا۔ جِنہاں بخشیاں صِدق اِیمان، صبر صبوُری دِتی سمجھائیا۔ وست امولک پا کے دان، سُکے کاشٹ ہرے کرائیا۔ جگت جہان رکھ کے نام، ناتا سرِشٹی نال بندھائیا۔ دے کے اِکو دُھر فرمان، دُھر لیکھا دیاں ورتائیا۔ جوتی جوت سروُپ ہرِ، آپ اپنی کِرپا کر، دیونہار سدا وڈیائیا۔ برہما کہے تیری مِہربانی، شُکریہ کہہ کہہ سیِس نِوائیا۔ آد جُگاد جُگ چؤکڑی تیری کھیل نوُرانی، نِرویَر نِرنکار تیرے ہتّھ وڈیائیا۔ لکّھ چؤراسی جیِو جنت سادھ سنت سب نوُں ہوئے پریشانی، بِن تیرے صِدق بھروسہ سچ نہ کوئے رکھائیا۔ مُلّا شیخ مسائک گل منکیاں والی پاؤندے گانی، گہر گمبھیِر تیرا نام نِدھانا سمجھ کوئے نہ آئیا۔ پنڈت پاندھے جل دھارا نہاؤندے ٹھنڈے پانی، امرت ویلے اُٹھ اُٹھ دھائیا۔ تیرے پریم پیار دی اگمّ اتھاہ پڑھے کوئے نہ بانی، بان نِرالا تیِر نہ کوئے چلائیا۔ جگت اودھوُت کھیڈن وِچ مسانی، تن ماٹی خاکی بھسمی بھسم رمائیا۔ آتم پرماتم تیرا بنے نہ کوئے برہم گیانی، جگت وِدیا چؤداں ہٹّ ونجارا بن کھڑی لوکائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، تیرے ہتّھ پربھوُ وڈیائیا۔ پاربرہم پربھ دسےّ اپنی ہستی، حاصل ضرب نہ کوئے وکھائیا۔ مالک عرشی فرشی، دو طرفی دھار چلائیا۔ جِؤں بھاوے تِؤں کرے مرضی، مظلوُم مُفلِس ویکھے جگت لوکائیا۔ گُر اوتار پیِر پَیغمبر جو جُگ چؤکڑی پاؤندے گئے عرضی، کاغذ قلم نال رلا کے شاہیِا۔ شاہ پاتشاہ شہنشاہ سِری پت ویکھنہارا دھام اگمّ دی، بےپرواہ وڈّی وڈیائیا۔ کھیل انوکھی وکھّری سِری بھگوَن دی، رسنا جِہوا بتّی دند سکے نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر اُٹھا کے پرم، پُرکھ پرماتم ویکھ وکھائیا۔ آد جُگاد کڈھنہارا بھرم، بھرمیاں بھرم مِٹائیا۔ کرتا پُرکھ کرنی کرن، قُدرت قادر ویکھ وکھائیا۔ جوتی جوت سروُپ ہرِ، آپ اپنی کِرپا کر، لہنا دینا سب دا جھولی پائیا۔ برہما کہے تُوں دیونہارا، ہتّھ تیرے وڈیائیا۔ تیرا کھیل جگت نیارا، نِرنکار تیری سرنائیا۔ بھگتاں دیوے سچ سہارا، مِہر نظر اُٹھائیا۔ نئیا ڈولے انت

کنارہ، وَنجھ مُہانا دے لگائیا۔ ساچی وست امولک دے کے تھارا، تھِر اپنے نال مِلائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، سچ تیری سرنائیا۔ برہما کہے پربھ کر کِرپا، ہتّھ تیرے وڈیائیا۔ دُکھیاں دی دُکھ والی کٹ بِپتا، روگیاں روگ چُکائیا۔ مانَس جنم بیِتے سُکھ دا، اِکو تیرا نام دِھیائیا۔ لکّھ چؤراسی وِچوں بانا مِلیا منُکھ دا، منُش ہو کے تیری سیو کمائیا۔ لیکھ مکا دے خالی کُکھ دا، ناتا پُتراں نال جُڑائیا۔ تیرا بھنڈارا پربھوُ کدے نہ مُکدا، دیندیاں توٹ رہے نہ رائیا۔ جُگ چؤکڑی وِشن برہما شِو رل کے رہیا لُٹدا، اندر وڑ وڑ باہر کڈھائیا۔ نؤ سؤ چُرانوے چؤکڑی جُگ پِچھوں تُوں صاحِب اِکو وار پُچھدا، لیکھے سب دے ویکھ وکھائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، در تیرے آس رکھائیا۔ رکھی آس در درویش، دھیانی دھیان لگائیا۔ تُوں آد جُگادی رہیں ہمیش، ہم ساجن بےپرواہیِا۔ نمو نمو کریئے آدیس، سجدہ سیِس جھُکائیا۔ تیری کِرپا سد وسیئے تیرے چرناں ہیٹھ، دیس سُہنجنے سوبھا پائیا۔ تیری مِہر تیرا درشن لئیے پیکھ، نیتر نَین نَین رُشنائیا۔ تُوں سوامی کرنہارا ہیت، جن بھگتاں جوڑ جُڑائیا۔ لکّھ چؤراسی جُگ چؤکڑی ہُندی آئی کھیت، تھِر نظر کوئے نہ آئیا۔ جنم مرن تیری کھیڈ، گھڑن بھننہار تیرا انت کوئے نہ پائیا۔ اِک اپنی کِرپا نال اِک دُلارا اپنا بھیج، ونجارا جگت لوکائیا۔ سُہنجنی ہووے سیج، سوبھاونت ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، دُھر مستک لیکھا لیکھے وِچوں لِکھائیا۔