کتب خانہGranth 17 (Urdu)

پہلی پوہ ۲۰۲۱ بِکرمی ہرِ بھگت دوار جیٹھوُوال

گُر اوتار پیِر پَیغمبر جِس دے پُتر، پُرکھ اکال دیِن دَیال وڈّی وڈیائیا۔ نِرگُن نِرویَر نِراکار نِرنکار جوتی دھاروں آیا اُتر، جوتی جاتا پُرکھ بِدھاتا نہ کوئی جنمے پِتا مائیا۔ دو جہاناں برہمنڈاں کھنڈاں وِشن برہما شِو کروڑ تیتیِسا کرے شُکر، سُرپت اِند نِیوں نِیوں لاگے پائیا۔ غریِب نِمانیاں کوجھیاں کملیاں جن بھگتاں چُکےاپنے کُچھڑ، سنت سُہیلے کر کر میلے گود اُٹھائیا۔ آد جُگادی شبد انادی برہم برہمادی کیِتا قؤل نہ جائے مُکر، بےپرواہ اپنی دَیا کمائیا۔ جوتی جوت سروُپ ہرِ، آپ اپنی کِرپا کر، ویکھنہارا ساچا در، در گھر ساچا اِک سُہائیا۔ گُر اوتار پیِر پَیغمبر

جِس نوُں مندے رہے باپ، پِتا پُرکھ اکال اکھوائیا۔ سَتجُگ تریتا دواپرکلجُگ رسنا جِہوا بتّی دند جِس دا جپدے رہے جاپ، شبد انادی بودھ اگادھی ڈھولا گائیا۔ لکّھ چؤراسی جیِو جنت سادھ سنت نِرگُن سرگُن جِس دا وڈ پرتاپ، جل تھل مہیئل گھٹ گھٹ اپنا کھیل کھِلائیا۔ نِت نوِت ویکھے کھیل دِوس رات، اندِن اپنی کار کمائیا۔ دو جہاناں سِری بھگوانا برہمنڈاں کھنڈاں جیرج انڈاں ویکھنہارا مار جھات، اُتبُھج سیتج پڑدا آپ کھُلائیا۔ سِری بھگوانا مِہربانا مرد مردانہ نؤجوانا پوُرا اپنا کرنہارا واک، بھوِکھ بھاکھیا ویکھ وکھائیا۔ گُرمکُھ میِتا ٹھانڈا سیِتا سجّن سُہیلا دُھر دا ساک، بندھن اِکو اِک رکھائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ گُر اوتار پیِر پَیغمبر جِس نوُں کہِندے گئے پِتا، پت پرمیشور بےپرواہیِا۔ سو صاحِب سوامی انتریامی نِراکار کرے اپنا ہِتا، ہِتکاری اپنا ویس وٹائیا۔ جوتی نوُر جگ نیتر نظر نہ آئے سب توں نِکاّ، نِکّے وڈ وڈّا سمجھ کوئے نہ پائیا۔ وسنہارا چار کوُٹ دہ دِشا، زمیں آسماناں اپنا حُکم ورتائیا۔ جُگ چؤکڑی گُر اوتاراں پیِر پَیغبراں دیِن مذہب ذات پات ورن گوت پاؤندا رہیا حِصّہ، ونڈ اپنے ہتّھ رکھائیا۔ شاستر سِمرت وید پُران انجیل قرآن گیِتا گیان کھانی بانی گاؤندے گئے قِصّہ، ہرِ کی قِسم سمجھ کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل انڈِٹھ، انڈِٹھڑی اپنی کار کمائیا۔ گُر اوتار پیِر پَیغمبر جِس نوُں کہِندے گئے مالک، بےپرواہ اِک اکھوائیندا۔ آد جُگادی جو سدا سدا بنے پرِتپالک، بن سیوک سیو کمائیندا۔ جو لکّھ چؤراسی جیِو جنت ہووے خالق، خالق مخلوُق اپنا کھیل کھِلائیندا۔ سَتجُگ تریتا دواپرکلجُگ نِرگُن سرگُن بنے ثالث، صاحِب سوامی اپنا ویس وٹائیندا۔ گُرمکُھاں گُرسِکھاں میٹنہارا نِندرا آلس، سُرتی شبد شبد مِلائیندا۔ لکّھ چؤراسی وِچوں سنت سُہیلے لبھے خالص، خواہش اپنی نال رکھائیندا۔ جوتی جوت سروُپ ہرِ، آپ اپنی کِرپا کر، دُھر دا اُٹھائے اِکو بالک، شبدی سُت آپ جگائیندا۔ گُر اوتار پیِر پَیغمبر جِس دا مندے گئے کہنا، نِیوں نِیوں سیِس جھُکائیا۔ جِس دا دو جہاناں بھانا سہنا، پُری لوء برہمنڈ کھنڈ سکے نہ کوئے مِٹائیا۔ جِس دے حُکمے اندر سمُند ساگر جل دھار بہنا، ٹِلّے پربت بَیٹھے سیِس نِوائیا۔ سو صاحِب سوامی انتریامی جن بھگتاں درشن دیوے انتر نَیناں، نِج نیتر کر رُشنائیا۔ جوتی جوت سروُپ ہرِ، آپ اپنی کِرپا کر، کھیلے کھیل اگمّ اتھاہ، جِس نوُں گُر اوتار پیِر پَیغمبر کردے گئے سجدہ، در ٹھانڈے سیِس نِوائیا۔ سو پروردِگار سانجھا یار کھیل اگمّا کردا، پت پرمیشور بےپرواہیِا۔ نِربھےَ ہو کدے نہ ڈردا، بھےَ سب نوُں اِک

جنائیا۔ جُگ چؤکڑی ویس اولّا کردا، شاستر سِمرت وید پُران سمجھ سکے نہ رائیا۔ نام نِدھان نِت نوِت رہیا پڑھدا، جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ گُر اوتار پیِر پَیغمبر جِس نوُں کردے گئے سلام، قدماں اُپر سیِس جھُکائیا۔ سو مقامے حق وسے امام، بےنظیِر نظر کِسے نہ آئیا۔ جِس دا جلوہ نوُر دو جہان، چؤداں طبق کرے رُشنائیا۔ جِس دا کلمہ اِلاہی کلام، عیسیٰ موُسیٰ محمد کرے پڑھائیا۔ جِس دا محل اٹل اُچ مکان، چھپّر چھن نہ کوئے چُھہائیا۔ جِس دا ناد دُھن اگمّی گان، رسنا جِہوا بتّی دند صِفت نہ کوئے صلاحیِا۔ جوتی جوت سروُپ ہرِ، آپ اپنی کِرپا کر، سو کھیل کرے سچّا شہنشاہیِا۔ جِس نوُں گُر اوتار پیِر پَیغمبر کہِندے گئے سَتگُر، گُر گُر سیِس نِوائیا۔ سو صاحِب سوامی پُرکھ اکال جوتی دھار آیا مُڑ، بےپرواہ اپنا پھیرا پائیا۔ پُرکھ بِدھاتا ویکھن آیا کھیل تماشا، لوکمات جن بھگتاں گیا بہُڑ، روُپ رنگ ریکھ نظر کِسے نہ آئیا۔ گُر اوتار پیِر پَیغمبر جِس دوارے بَیٹھے ہتّھ جوڑ، سیِس سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ گُر اوتار پیِر پَیغمبر جِس دا کردے گئے ارداسا، عرض عرضوئی اِک سُنائیا۔ سرگُن ہو کے رکھدے گئے بھرواسا، نِرگُن اوٹ تکائیا۔ شاستر سِمرت وید پُراناں اندر دسّدے گئے خلاصہ، کھانی بانی نال مِلائیا۔ واک بھوِکھتاں اندر رکھدے گئے آسا، ترِسنا وِچ سمائیا۔ جِس دے حُکمے اندر کھیلے کھیل پرِتھمی آکاشا، گگن گگننتر بَیٹھے ڈیرہ لائیا۔ سو صاحِب سوامی انتریامی ویکھن آئے جگت تماشا، نِراکار اپنا روُپ دھرائیا۔ نؤ سؤ چُرانوے چؤکڑی جُگ دا پِچھلا ویکھے ڈوُنگھا کھاتہ، نِر اکھّر والی کڈھ پڑھائیا۔ جِتھے نہ کوئی ایکا نہ کوئی ساتا، دوُآ تییا پانجا ونڈ نہ کوئے ونڈائیا۔ نہ کوئی کاتب طُلبا پڑھے جماعتا، پٹّی قلم دوات نہ کوئے شاہئیا۔ نہ کوئی ٹیچر نہ اُستادا، نہ کوئی الف یے ونڈ ونڈائیا۔ نہ کوئی پُستک نہ کِتابا، بستہ بنھ سیِس نہ کوئے اُٹھائیا۔ نہ کوئی مندر مٹھ شِودوالا مسجد دِسے محرابا، محبوُب اِکو بےپرواہیِا۔ جِس نوُں بِن ہتّھاں بِن سِر ہووے آدابا، بِن اکھّاں درِشٹی پائیا۔ جوتی جوت سروُپ ہرِ، آپ اپنی کِرپا کر، لیکھا جانے ہر گھٹ تھائنیا۔ جِس نوُں گُر اوتار پیِر پَیغمبر رہے جھُکدے، حُجریاں وِچ سیِس نِوائیا۔ جِس دا انتر آتم راہ رہے پُچھدے، سُنّ سمادھی وِچ سمائیا۔ جِس دا حُکم منّ کے چوٹیاں رہے مُندے، لباں سیِس کٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ جِس نوُں گُر اوتار پیِر پَیغمبر کہِندے رہے غریِب نِواز، شاہ پاتشاہ سچّا شہنشاہیِا۔ جِس دا بِن

نانک تکّیا کِسے نہ تاج، تخت نِواسی نظر کوئے نہ پائیا۔ جِس دا آد جُگاد جُگ چؤکڑی نِت نوِت ساچا راج، نہ کوئی میٹے میٹ مِٹائیا۔ جِس دا وِشن برہما شِو رچنا رچی دُھر دا کاج، کوٹن کوٹ اپنا کھیل وکھائیا۔ جِس دا لکّھ چؤراسی گھڑن بھنن اپنا ساج، سجّن ہو کے ویکھ وکھائیا۔ جِس دا گُر اوتاراں پیِر پَیغمبراں چرن کَول دِتا ساتھ، سگلا سنگ نِبھائیا۔ کلجُگ انت سِری بھگوَنت صدی ویہویں اِکٹھے کیتے انت، انتر سب دا ویکھ وکھائیا۔ اُٹھو ویکھو نیتر نَین پُرکھ ابناشی سب دا کنت، پت پرمیشور بےپرواہیِا۔ اپنا کلمہ پڑھو نام منت، اکھّری شبدی ونڈ ونڈائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کھُلائیا۔ گُر اوتار پیِر پَیغمبر جِس دا حُکم رہے مندے، لوکمات سیو کمائیا۔ ویکھو کھیل اُس بھگوَن دے، جو بھیوَ ابھیدا رہیا جنائیا۔ لیکھے دینے آ گئے گُجری چنّ دے، دو جہان ہووے رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پیِر پَیغمبر آ ویکھو پٹّی، جیہڑی بِن اکھّراں آپ لِکھائیا۔ جِس دے وِچوں نانک چلائی ہٹّی، بھنڈارا اِک ورتائیا۔ جِس دی گوبِند کھٹی کھٹّی، لاہا اپنا گُرمکُھاں جھولی پائیا۔ لیکھے لا کے اپنی رتّ دی رتی، رتن امولک ہیِرے گُرسِکھ گیا بنائیا۔ سندیسہ دے کے گیا سب دا مالک دُھر دا پُرکھ اکال پتی، پت پرمیشور بےپرواہیِا۔ گُرمکُھو دوُجا اِشٹ نہ ویکھنا اکھّیں، بِن ہرِ کنت نہ کوئے ہنڈھائیا۔ جِس دے چرن دوار لکّھ چؤراسی سدا اِکٹھی، وِچھوڑا اپنا کھیل بنائیا۔ جِس دی شبد اگمّی دُھر دی سچّی مِتی، اَگے مت بھید نہ کوئے رکھائیا۔ جِس دے دوارے آد جُگاد گُر اوتار رہے ڈھٹّھی، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گُر اوتار ویکھو جلوہ، جلوہ گر جنائیندا۔ کوُڑی کِریا کلجُگ ہویا بلوا، بھےَ بھؤ نہ کوئے وکھائیندا۔ پیِر فقیِر کھائے کوئی نہ حلوہ، حالت سب دی آپ درسائیندا۔ اکھّراں والا کمّ نہ آیا کلمہ، صدی چؤدھویں ڈھولا اِک جنائیندا۔ صدی ویہویں سب دے اُتوں پڑدے والا لاہ دے مُلّما، کوُڑی کِریا پرے ہٹائیندا۔ ممتا موہ مِٹا کے طمع، تامس ترِسنا دوُر کرائیندا۔ گوبِند سوُرا حاضر حضوُرا شبدی دھار گھر پُرکھ اکال جمّا، پِتا مات اِکو نظری آئیندا۔ جو ایتھے اوتھے دو جہان آد جُگاد نہ ہوئے نِکما، نِکرمن نظر کوئے نہ آئیندا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ کھِلائیندا۔ گُر اوتار پیِر پَیغمبر جِس دی منگدے رہے اِکّی، ویہہ اِکّی دھیان لگائیا۔ ویہہ اِک اِکّی گُرداس اِکّی وار لِکھی، اِکّی ویہہ ویہہ اِکّی اِکی اِکّی بھاوَ جنائیا۔ ایہہ سمجھ نہ آئی کِسے نوُں سِکھی، سِکھیا وِچ

جگت لوکائیا۔ اوہ پُرکھ اکال دی اگمّی چِٹھی، جیہڑی اکھّراں بِنا آپ بنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گُر اوتار پیِر پَیغمبر کہن اوہ چِٹھی اولّی، سانوُں سمجھ کِسے نہ آئیا۔ جیہڑی سُت دُلارے ہتّھ گھلی، شبدی رہیا پڑھائیا۔ جِس دی لیکھنی کدے نہ ٹلی، نہ کوئی میٹے میٹ مِٹائیا۔ جِس دے حُکمے اندر گُر اوتار پیِر پَیغمبر کوٹن روندے گئے علی، االلہ ہوُ نعرہ لائیا۔ کُتب غؤث رہیا کوئی نہ ولی، ولدیّت سب دی اپنے ہتّھ رکھائیا۔ اوہ نِراکھّر دا مالک اِکو بلی، بلدھاری سچّا شہنشاہیِا۔ جِس دی کِرن پرکاش ہو کے گوبِند اندر جلی، نوُرو نوُر نوُر رُشنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گُر اوتار پیِر پَیغمبر جِس دی وجاؤندے گئے رباب، ناڑ بہتّر ستار بنائیا۔ جِس نوُں مندے گئے احباب، دوست نوُر خُدائیا۔ جِس دا تکّدے گئے تماش، خالق خلق وِچ سمائیا۔ جِس دا جلوہ اُپر آکاش، مقامے حق سوبھا پائیا۔ جِس دی کردے گئے تلاش، نیتر نَین لوچن اکھّ اُٹھائیا۔ جِس دا لِکھدے گئے بھوِکھت واک، کلمیاں وِچ وڈیائیا۔ سو صاحِب سوامی کلجُگ انتم پرگٹ ہویا ساکھیات، سدا سُہیلا اِک اَکیلا پھیرا پائیا۔ پوُرب لیکھا سب دا ویکھے حِساب کِتاب، لہنا دینا آپ چُکائیا۔ جوتی جوت سروُپ ہرِ، آپ اپنی کِرپا کر، اگلا حُکم آپ ورتائیا۔ اگلا حُکم سُنو گُر اوتار پَیغمبر پیِر، پت پرمیشور آپ جنائیا۔ کوُڑی کِریا انت اَخیِر، آخر اکھّاں دیاں وکھائیا۔ اپنے دیِن مذہب دی ویکھو مات تصویِر، تسبیح گھر گھر منکے رہے لٹکائیا۔ شرع وجّا کوُڑ زنجیر، حق حقیِقت نہ کوئے سمجھائیا۔ کِسے نظر نہ آوے بےنظیِر، نغمہ نام نہ کوئے سُنائیا۔ طمع پِچھےپِھرن فقیِر، مایا سادھاں کریا ہلکائیا۔ جوتی جوت سروُپ ہرِ، آپ اپنی کِرپا کر، نیتر نَین دئے وکھائیا۔ نیتر نَین وکھاواں انت، کلجُگ ویلا وقت دُہائیا۔ ویکھو لوکمات جیِو جنت، جاگرت جوت نہ کوئے رُشنائیا۔ کوُڑی کِریا مایا پئی بےانت، ممتا موہ نہ کوئے مِٹائیا۔ گڑھ تُٹے نہ ہؤمے ہنگت، ہنگ برہم نہ کوئے سمجھائیا۔ ساچا دِسے نہ کوئی پنڈت، دُھر دی وِدیا نہ کوئے سِکھائیا۔ ناری ملِے نہ نر ہرِ کنت، سُہنجنی سیج دئے دُہائیا۔ آتم پرماتم گاوے کوئی نہ منت، من واسنا سرب پڑھائیا۔ جوتی جوت سروُپ ہرِ، آپ اپنی کِرپا کر، نیتر نَیناں رہیا درسائیا۔ اوتار پَیغمبر ویکھو گُر، ہرِ کرتا آپ جنائیا۔ مِلیا میل نہ کِسے دُھر، مستک ریکھ نہ کوئے مِٹائیا۔ آتم پرماتم گئی کوئی نہ جُڑ، برہم پاربرہم نہ کوئے سمائیا۔ شبد سروُپی چڑھے نہ کوئے گھوڑ، اَون گَون پندھ نہ کوئے مُکائیا۔ ناتا تُٹا نہ پنج چور، شبد پنج نہ کوئے شنوائیا۔ جوتی جوت سروُپ ہرِ، آپ اپنی کِرپا کر،

پڑدا اوہلا رہیا اُٹھائیا۔ گُر اوتار پیِر پَیغمبر کلجُگ ویکھو اپنی پربھاتی، صُبح سُہاونی نظر کوئے نہ آئیا۔ چاروں کُنٹ اندھیری راتی، ساچا چند نہ کوئے چمکائیا۔ دُھر دا ڈھولا گاوے نہ کوئے گاتھی، وِدیا حق نہ کوئے پڑھائیا۔ آتم پرماتم ملِے کوئے نہ پاٹھی، رسنا جِہوا ہوئی ہلکائیا۔ امرت بوُند دیوے نہ کوئے سوانتی، نِجھر جھِرنا نہ کوئے جھِرائیا۔ تیِر نِرالا مارے نہ کوئے چھاتی، آر پار نہ کوئے وکھائیا۔ گھر وِچ گھر جگائے نہ کوئے دیِوا باتی، اندھ اندھیر نہ کوئے مِٹائیا۔ منزل پندھ مُکائے نہ کوئے واٹی، ساچی گھاٹی نہ کوئے چڑھائیا۔ گُر اوتارو پیِر پَیغمبرو صدی ویہویں تُہاڈی منّے کوئے نہ آکھی، اندروں باہروں سارے گئے بُھلائیا۔ پُرکھ ابناشی سب دا لہنا دینا دیوے باقی، اَگے لیکھا رہے نہ رائیا۔ جوتی جوت سروُپ ہرِ، آپ اپنی کِرپا کر، حُکم اِکو اِک سُنائیا۔ گُر اوتار پیِر پَیغمبر ویکھو اپنا دیِن مذہب، نیتر نَیناں آپ وکھائیا۔ سَت سچ نہ کوئے ادب، جوُٹھ جھوُٹھ کرے لڑائیا۔ گُروُدوار مندر مسجد شِودوالے مٹھ ہویا غضب، نیتر نَیناں دھیِاں بھَیناں رہے تکائیا۔ سچ دوارے کوئی نہ جائے چل کے اپنے قدم، سجدہ سیِس نہ کوئے نِوائیا۔ دُھر سندیسہ نام کلمہ پڑھے کوئی نہ نظم، شبد انادی راگ نہ کوئے سُنائیا۔ لیکھے لگّے نہ کایا ماٹی خاک کِسے بدن، انتر بدلی نہ کوئے کرائیا۔ مایا کارن سارے بھجّن، نٹھّن واہو داہیِا۔ سَتگُر کِسے نہ مِلیا سجّن، پُرکھ اکال نظر کوئے نہ پائیا۔ جوتی جوت سروُپ ہرِ، آپ اپنی کِرپا کر، اگلا لیکھا رہیا دِرڑائیا۔ گُر اوتار پیِر پَیغمبر ویکھو اپنے مندر مٹھ، چار کُنٹ دہ دِشا دھیان لگائیا۔ نہ کوئی دھیِرج دِسے سَت، یت بَیٹھا مکُھ چُھپائیا۔ دوُر دُراڈی ہو گئی گُرمت، من مت کرے لڑائیا۔ حقیِقت جانے نہ کوئی حق، دُھر دا سنگ نہ کوئے وکھائیا۔ من واسنا سرِشٹی رہی نٹھ، درِشٹی دِب نہ کوئے کھُلائیا۔ جو مارگ لوکمات آئے دسّ، دہ دِشا کر شنوائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کھُلائیا۔ سُن کے شبد اگمّا ہرِ سوامی، شبدی گُر لئے انگڑائیا۔ پرم پُرکھ پربھ تُوں ٹھاکر انتریامی، گھٹ گھٹ ویکھیں تھاؤں تھائنیا۔ تیرے حُکمے اندر شبد اناد رچی بانی، سِمرت شاستر کری پڑھائیا۔ تیرا کھیل ویکھیا چار کھانی، انڈج جیرج اُتبُھج سیتج ڈیرہ لائیا۔ تیرا حُکم سُنایا دو جہانی، نِرگُن سرگُن پڑدا لاہیِا۔ تیرے حُکم دی دے کے آئے نِشانی، جیِو جنت جگت جنائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ شبد کہے میَں تیرا گوبِند روُپ، پِتا پُرکھ اکال منایا۔ میَں ویکھاں چارے کوُٹ، تیرا کھیل بےپرواہیِا۔ لہنا تُوں کلجُگ دِتا جوُٹھ جھوُٹھ، دوارے ساچے جھولی بھرایا۔ مِہربان ہو کے گِیوں تُٹھ، سِر اپنا ہتّھ ٹِکایا۔

اِکو نام دی سُنا کے اگمّی تُک، بِن اکھّراں دِتا پڑھایا۔ جِس ویلے کلجُگ نِیوں کے کِہا جھُک، میَں تیرا چؤتھا پُت چھوٹا اِک اکھوایا۔ سِری بھگوان کِہا میَں تیرا ویکھاں انتم دُکھ، دُکھیاں درد آپ ونڈایا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا درسایا۔ سُن کے بچن شبد گُر ایک، گُر گُر لئے انگڑایا۔ کی ہویا گُر اوتار پیِر پَیغمبر رکھ کے گئے تیری ٹیک، ٹِکاّ تیرا نام مستک دھوُڑی لایا۔ تُوں نِرگُن نِرویَر نِراکار نِرنکار جُگ جُگ رہیا ویکھ، انڈِٹھڑے دھام بَیٹھا سوبھا پایا۔ سَتجُگ تریتا دواپرکلجُگ کوٹن کوٹ وار دِتے میٹ، دُھر فرمانا حُکم سُنایا۔ نؤ سؤ چُرانوے چؤکڑی جُگ پِچھوں گوبِند ہو کے کھیوٹ کھیٹ، دُھر دا حُکم اِک ورتایا۔ تُوں پِتا میَں تیرا بیٹ، دوُجا ناتا نہ کوئے جُڑایا۔ گُر اوتار تیری کھیڈ، پیِر پَیغمبر تیری سیو کمایا۔ تُوں سدا سُہیلا نیتن نیت، نِج گھر بَیٹھا سوبھا پایا۔ میَں لِکھیا تیرا اوہ لیکھ ، جو بِن رسنا جِہوا دِتا سمجھایا۔ میَں دِتا تیرا سندیش، دُھر دا ناد وجایا۔ میَں کر کے سچّا ویس، مُچھ داہڑی کیس روُپ وٹایا۔ میَں ہو کے دس دسمیس، دہ دِشا اِکو رنگ رنگایا۔ میَں آکھیا اِک نریش، نر نِرنکار بےپرواہیِا۔ جِس دے اَگے کلجُگ انتم چلے نہ کوئی کِسے دی پیش، گُر اوتاراں پیِر پَیغمبراں لیکھا دئے مُکایا۔ جوتی جوت سروُپ ہرِ، آپ اپنی کِرپا کر، مِہربان دَیا کمایا۔ گوبِند کہے سُنو گُر اوتار پیِر پَیغمبر ایک، ایکا وار جنائیا۔ سارے اُٹھ کے کہو پربھ کڈھ اپنا لیکھ، جِس لیکھے وِچوں سانوُں مات گھلائیا۔ جے کِسے نوُں پہلوں نہیں آیا بھیت، نانک نِرگُن دئے سمجھائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ ورتائیا۔ گُر اوتار پیِر پَیغمبر پَین سوچ، سوچ وِچ اپنی سوچ لگائیا۔ کِس دے اُپر دیئیے دوش، نِردوش اپنا آپ بنائیا۔ پروردِگار سانجھا یار جِس دے حُکمے اندر مانیئے مؤج، سد مجلس بےپرواہیِا۔ بےشک اسیں لوکمات اُس دی تھوڑی تھوڑی دسّکے آئے کھوج، انت کہن کوئے نہ پائیا۔ جوتی جوت سروُپ ہرِ، آپ اپنی کِرپا کر، مِہربان مِہربان مِہر نظر اُٹھائیا۔ گُر شبد کہے سُنو اِک بات، دُھر دی دیاں سُنائیا۔ بےشک تُسیں اُس دی ذات، جِس دا روُپ رنگ ریکھ نظر کِسے نہ آئیا۔ میَں اوہنوں کِہا باپ، پِتا پُرکھ اکال جنائیا۔ گُجری نال جھوُٹھا ساک، ناتا تتاں آیا تُڑائیا۔ میری مِٹّی اُڈ گئی ہڈّیاں والی راکھ، ناڑی کمّ کِسے نہ آئیا۔ میَں کھول کے اگلا تاک، پڑدا پرے ہٹائیا۔ پُرکھ اکال ویکھیا ساکھیات، سچ سِنگھاسن بَیٹھا دُھر دا ماہیِا۔ اوہدے چرناں مِلی نجات، سانتک سَت سَت ورتائیا۔ ہؤلی جیہی اُس میَنوُں دِتا آکھ، اِشارے نال سمجھائیا۔ تیرا ویکھاں بھوِکھت واک،

جو بیِس اِکیسا دئے وڈیائیا۔ کلجُگ میٹاں اندھیری رات، سَتجُگ سچّا چند چمکائیا۔ گُر اوتاراں پیِر پَیغمبراں پڑھاواں اپنی گاتھ، اِکو نام سُنائیا۔ لیکھا چُکےدیِن مذہب ذات پات، جھگڑا کوئے رہن نہ پائیا۔ اِکو مندر گھر وکھاواں سچ دوارے دُھر دا پاٹھ، پاٹھشالا نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند آکھے میَں ویکھیا نرائن، گھر سچّا بےپرواہیِا۔ جِتھے بھگت سُہیلے بہن، بہہ بہہ خوشی منائیا۔ اِکو ڈھولا تیرا میرا کہن، سوہنگ روُپ سمائیا۔ اوہ سوامی ٹھاکر سب دا بنے سیَن، سجّن اِک اکھوائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گوبِند کہے میں پربھ دا ویکھیا چرناں کول اِک گُٹکا، اکھّر نظر کوئے نہ آئیا۔ نہ کوئی کنّا نہ کوئی مکُتا، اے لانوَ نہ کوئے بنائیا۔ دولانو نہ کوئے نُقطہ، اؤنکڑ دُلَینکڑ روُپ نہ کوئے وکھائیا۔ ہوڑا کنؤڑا روُپ نہ کوئے دِسدا، ٹِپی بِندی کرے نہ کوئے شنوائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ گوبِند کہے میَں ویکھیا تخت نِواسی، بےنظیِر نظر آیا۔ نِرگُن نوُر جوت پرکاشی، دیِوا باتی نہ کوئے جگایا۔ نہ کوئی سنگی نہ کوئی ساتھی، اِک اِکلّا سوبھا پایا۔ نہ کوئی روُپ رنگ ریکھ چکّر چِنھ نہ ذاتی، پاتشاہ اِکو اِک بےپرواہیِا۔ جوتی جوت سروُپ ہرِ، آپ اپنی کِرپا کر، دُھر دا کھیل رہیا وکھایا۔ گوبِند کہے میَں تکّیا اکال، اکل کل دھاری نظری آئیا۔ جِس دا اِکو شبد اگمّا لال، پوُت سپوُتے دئے وڈیائیا۔ گُر اوتار پیِر پَیغمبر اوسے دا پتّ ڈال، پُھل پُھلواڑی لوکمات مہکائیا۔ جِس ویلے مُرشد میرا مُریِد دا تکّیا حال، حالت میری دِتی بدلائیا۔ میَں اُس ویلے کیِتا اِک سوال، بِن رسنا جِہوا بتّی دند سُنائیا۔ میرے گُرمکُھ گُرسِکھ لوکمات کھائے کدے نہ کال، رائے دھرم نہ دئے سزائیا۔ ترےَگُن مایا نہ رہے جنجال، پنج تت نہ کوئے لڑائیا۔ جِنہاں پِچھےنِرگُن پربھوُ تیری گھالی گھال، کیِتی گھال لیکھے پائیا۔ میَنوُنپُتراں نالوں گُرمکُھ چنگے لال، جو مانک موتی دِتے بنائیا۔ کلجُگ انت اوہناں دا سرِشٹ سبائی دیواں احوال، نؤ کھنڈ پرِتھمی ستّ دیِپ دیاں جنائیا۔ اُٹھو ویکھو تکّو جِنہاں دا پِتا اِکو پُرکھ اکال، سو بےعقل عقلاں والیاں نالوں چنگے نظری آئیا۔ جوتی جوت سروُپ ہرِ، آپ اپنی کِرپا کر، موہے دینی اِک وڈیائیا۔ گوبِند کہے میَں ویکھیا اگمّ، سچکھنڈ نِواسی اِکو میرا ماہیِا۔ جِس دی دھاروں پیا جم، دوُجی گود نہ کوئے سُہائیا۔ اوہ نِہکرمی میرا جانے کمّ، کرنی اپنی دئے سمجھائیا۔ دو جہاناں بیڑا بنھ، اپنے حُکمے وِچ پِھرائیا۔ میَں ویکھاں دھام نِہچل اٹل، جِس دا منڈل سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، میری

آسا پوُر وکھائیا۔ گوبِند کہے میری آسا اِک، پُرکھ اکال جنائیا۔ جو چؤتھی سطر وِچ دِتا لِکھ، اوہ لیکھا پوُر کرائیا۔ پہلی سطر تیئی اوتار سکے نہ ویکھ، اَگے پڑھن کوئے نہ جائیا۔ عیسیٰ موُسیٰ محمد دوارے بَیٹھے ہیٹھ، سندیشے سُنن چائیں چائنیا۔ سَتجُگ تریتا دواپرجو حُکم سُنیہڑے دِتے بھیج، بھجن بندگی ناؤں دھرائیا۔ گوبِند کِہا میَں اوہناں نوُں آیا لپیٹ، میَنوُں لوڑ رہی نہ رائیا۔ جِس کارن تیری ستھر سوُلاں والی ہنڈائی سیج، سوہنا اِکو اِک راہ تکائیا۔ سو اپنا دسّ دے بھیت، بھیوَ ابھیدا دے کھُلائیا۔ کی ہویا جے تیرے نام دی مہما کرکے گُر ارجن سیِس پوائی ریت، اگنی تت تپائیا۔ کی ہویا تیرا بردا بن کے نانک دھریا بھیکھ، سیلی ٹوپی سیِس بندھائیا۔ کی ہویا گُر تیغ بہادر سیِس لگائی تیغ، دو دھاری دھار چلائیا۔ کی ہویا بالے کیتے بھیٹ، تیری خوشی منائیا۔ کی ہویا دبےّ نیِنہاں ہیٹھ، تیری بےپرواہیِا۔ کی ہویا تُوں وسیوں سچکھنڈ دیس، میَں لوکمات تیرا حُکم سُنائیا۔ جِناں چِر پُرکھ اکال اپنا نِرگُن ہو نہ بدلیں ویس، دھرنی دھرت دھَول اُتے پھیرا پائیا۔ اوناں چِر میرے گُرمکُھاں دا وسنا نہیں دیس، دھرنی دھرت دھَول خوشی نہ کوئے منائیا۔ کی ہویا تیرا نام گاؤندا سہنسر مکُھ فن شیش، آد انت سیو کمائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دینا چُکائیا۔ گوبِند کِہا میَں ویکھاں جلوہ نوُر نوُرانی، پروردِگار مکُھ پڑدا دِتا اُٹھائیا۔ جیہڑا بھیڈوُآں چھتریاں دی لیندا رہیا قُربانی، اوہدے اُتے اپنا سربنس دِتا لُٹائیا۔ پُرکھ اکال تَیتھوں منگنی اِک نِشانی، جھولی اپنی لَینی بھرائیا۔ جِس ویلے کلجُگ انتم سرِشٹی ہوئے دیوانی، گُرمت نظر کوئے نہ آئیا۔ اٹھسٹھ تیِرتھ اُبلے پانی، سانتک سَت نہ کوئے ورتائیا۔ گُر در مندر مسجد شِودوالے مٹھ ہووے ہانی، ہرِ کا نام نہ کوئے دِھیائیا۔ چار کُنٹ دہ دِشا جیِو جنت ہون حرامی، سَت دھرم نظر کوئے نہ آئیا۔ تیرا پریم نہ کرے کوئی شبداں نال بانی، کلمیاں وِچ قایم نظر کوئے نہ آئیا۔ گھر گھر ناچ کرے نٹوُآ بن کے مایا رانی، مکُھ گھُنگٹ لئے اُٹھائیا۔ سادھاں سنتاں ہوئے حیَرانی، پریشانی نہ کوئے مُکائیا۔ اوس ویلے پربھ تُوں کِرپا کریں آپ مہانی، مِہر نظر اُٹھائیا۔ ویس وٹاؤنا جوت نوُرانی، نوُرو نوُر نوُر درسائیا۔ ایہو تیری وڈّی مِہربانی، سِر میرے اِحسان چڑھائیا۔ میرے گرِہ کٹّن آویں مہمانی، اندر وڑ کے ڈیرہ لائیا۔ پھیر میَں منّاں کہ تُوں وی دیویں قُربانی، آپا چھّڈ ماپا ہو کے پھیرا پائیا۔ تیری میری مِسل بنے اَگے لاثانی، جِس دی سمجھ کوئے نہ پائیا۔ کوٹن کوٹ وار تیری سرِشٹی ہوئی فانی، انت رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، میرا دُھر دا سنگ نِبھائیا۔ گوبِند کہے

میَں سچکّھنڈ ویکھیا، نیتر نَیناں اکھّ کھُلائیا۔ پُرکھ اگمّا اِکو بَیٹھیا، سچ سِنگھاسن ڈیرہ لائیا۔ میَنوُں ہؤلی جِہی دین لگّا سندیشیا، اپنا حُکم ورتائیا۔ میَں اوسے ویلے چرناں وِچ لیٹیا، نیتر نَیناں نیِر وہائیا۔ جے تُوں دُشٹ دمن توں بنایا اپنا بیٹیا، پِتا ہو کے گود اُٹھائیا۔ اَگے پھیر جے کلّا بھیجیا، لوکمات کدے نہ جائیا۔ پُرکھ اکال کِہا میرا ایہہ ویسیا، جُگ جُگ کھیل کرائیا۔ گوبِند کِہا جے ماناں تے تیری سیجیا، دوُجی ویراں ستھر یار نہ کوئے ہنڈھائیا۔ پُرکھ اکال کِہا تُوں میرا نر نریشیا، شاہ پاتشاہ اکھوائیا۔ گوبِند کِہا تُوں رہیں سدا ہمیشیا، نہ مریں نہ جائیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ گوبِند کِہا میَں ویکھیا سچکھنڈ چڑھ کے، پؤڑا نانک اِک لگائیا۔ درشن کریا دوارے کھڑ کے، نوُر نوُر وِچ سمائیا۔ مان گوایا چرن پھڑ کے، محُبّت وِچ ٹِکائیا۔ ور منگیا اَگے اڑ کے، مِنت کری کوئی نہ رائیا۔ میَں تیرے حُکمے اندر لوکمات ساچا گھاڑن آیا گھڑ کے، چار ورناں اِکو رنگ رنگائیا۔ امرت آتم گُرمکُھاں اندر آیا دھر کے، سچ پیالہ جام پیائیا۔ تیرا نام سنیہڑا آیا دسّ کے، بھوِکھتاں وِچ جنائیا۔ ساڈھے تِنّ ہتّھ وِچوں ندیڑوں آیا نٹھ، کے، لبھیاں ہتّھ کِسے نہ آئیا۔ چرن دوارے پربھ تیرے ڈھٹّھ کے، اِکو منگ منگائیا۔ کلجُگ انتم تیرے بِنا موُل نہیں بچدے، جو گُرمکُھ تیرا نام دِھیائیا۔ پُرکھ اکال ایہہ بچن میرے سچ دے، نہ کوئی میٹے میٹ مِٹائیا۔ اوہ طلب گار تیری اُس اکھّ دے، جِس نیتر اپنا روُپ درسائیا۔ اوہ مالک اُس حق دے، جیہڑی حقیِقت سمجھ کوئے نہ پائیا۔ اوہ بچےّ میری رتّ دے، کوُڑی رتّ نہ کوئے رنگائیا۔ اوہ پُتلے برہم مت دے، دوُجی کرن نہ کوئے پڑھائیا۔ اوہ بِن میرے تیرے دوُجے نال کدے نہ ہسدے، خوشی وِچ خوشی نہ کوئے جنائیا۔ سِری بھگوان تیرے قدماں اُپر ڈھٹّھدے، سیِس جگدیس اِک جھُکائیا۔ تُوں میرا میَں تیرا نام رٹدے، جو نانک نِرگُن سرگُن گیا سمجھائیا۔ کِسے دے ہٹایاں پِچھےموُل نہیں ہٹدے، دھکّے دیوے جگت لوکائیا۔ اوہناں دے لیکھے مکُے شک دے، سنسا رہن کوئے نہ پائیا۔ میَں وی بیان دینے اوہناں دے حق دے، ایتھے اوتھے دیاں صفائیا۔ جو میرے نال وسدے، اوہناں تیرے کول بہائیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکائیا۔ پُرکھ اکال کِہا سُن نِرگُن، سرگُن دوُآ اِک جنایا۔ گُر اوتار پَیغمبر چُن، اپنا کھیل وکھایا۔ گوبِند پُکار تیری سُن، صاحِب سوامی اِکو ڈھولا گایا۔ کلجُگ انتم ویکھے گُن، اَوگُن لکّھ چؤراسی پھول پُھلایا۔ لیکھا جانے رِکھ مُن، سُنّ سمادھی پڑدا لاہیِا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ گوبِند کِہا نِرگُن

سرگُن دوُآ انتم ہووے صِفرا، لوکمات رہن نہ پائیا۔ تیرے نام دا گا کے فِقرہ، جگت جہان دئے جنائیا۔ میَں چوٹی چڑھ کے ویکھیا سِخرا، اگمّ اتھاہ تیری وڈیائیا۔ ایتھے پربھوُ لوڑ رہی نہ بازاں تِتراں، کھنڈا کھڑگ تیِر ترکش کمّ کِسے نہ آئیا۔ جِدھر ویکھاں اودھر تُوں ہی اِکو میرا مِترا، میِت پیارا بےپرواہیِا۔ اندر وڑ کے ویکھیا میَں ایسے دھاروں نِکلا، کِرن نوُر جوت رُشنائیا۔ پہلوں لیکھا آیا یاد پِچھلا، جو پِچھےدِتا سمجھائیا۔ ایسے کارن پُرکھ اکال دیِن دَیال کلجُگ انتم اپنا لیکھا پُچھ لا، ڈوری تیرے ہتّھ پھڑائیا۔ میَں تیرا بھانا منّاں مِٹھڑا، خوشیاں گیِت الائیا۔ تیرا کھیل سدا انڈِٹھڑا، جگ نیتر نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ نِرگُن نِرگُن کِہا گوبِند تیرا میرا روُپ بیِس، بِستر سیجا سُتّا نظر کِسے نہ آئیا۔ بیِس کِہا میرا صاحِب جگدیِش، جگت ایشر وڈ وڈیائیا۔ جگدیِشر کِہا میری دھار اِکیس، ایکنکار حُکم سُنائیا۔ ایکنکار کہے میری اپنی حدیِث، جیہڑی حضرت سمجھ کوئے نہ پائیا۔ دھار کہے میَں اوہ اگمّی ٹھیِک، جِسدا ٹھیِکر نہ کوئے بھنائیا۔ جِس دی وکھّری نِرالی سب توں تاریخ، تواریخ وِچ لِکھ کے سمجھائیا۔ جِس دی گُر اوتار پیِر پَیغمبر کردے رہے اُڈیِک، نِرگُن ہو کے راہ تکائیا۔ سو صاحِب سَتگُر شاہ پاتشاہ شہنشاہ اپنی مِہر کرے بخشیِش، رحمت اِک ورتائیا۔ گوبِند میلا کھیل گُروُ گُر چیلا گھر ٹھانڈے کرے ٹھیِک، ٹھاکر اپنا ویس وٹائیا۔ نام ڈھولا بن وِچولا گائے اتیِت، ترےَگُن لیکھا رہیا وکھائیا۔ ویکھ وکھائے ہست کیِٹ، اوُچ نیِچ اپنا رنگ رنگائیا۔ پُرکھ اکال پاوے بھیِکھ، بِھچھِیا اپنا نام ورتائیا۔ گُرمکُھ گُرسِکھ دے کے سچ حدیِث، دُھر دی سِکھیا دئے سمجھائیا۔ تُوں میرا میَں تیرا گاؤنا گیِت، گُرمکُھ گُرسِکھ گُر گوبِند وِچ سمائیا۔ گوبِند کہے میرا پُرکھ اکال جِس نال سچ پریِت، پریِتی پریِتم توڑ نِبھائیا۔ جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ گوبِند کہے اُٹھ ویکھ ابناشی، اپنا دھیان لگائیا۔ روندے پِھردے پنڈت کاشی، جگت وِدیا ہوئی ہلکائیا۔ چاروں کُنٹ ہوئی اُداسی، دھیِرج دھیِر نہ کوئے رکھائیا۔ من منوُا سب نوُں کرے داغی، دُرمت مَیل نہ کوئےدھوائیا۔ صدی ویہویں سوئی سُرت کِسے نہ جاگی، کلجُگ سنت اکھّ نہ کوئے کھُلائیا۔ ہنس روُپ ہوئے کاگی، سوہنگ ہنسا مانک موتی چوگ نہ کوئے چُگائیا۔ گُر اوتار پیِر پَیغمبر لوکمات جو بنے واگی، انتم پلّوُ گئے چُھڈائیا۔ آتم تیری پرماتم دِسدا کوئی نہ ساتھی، سگلا سنگ نہ کوئے نِبھائیا۔ صدی ویہویں سب دی پوُری کر دے آکھی، آخر اپنا حُکم ورتائیا۔ لہنا دینا مُکا دے باقی، بابل تیری اوٹ تکائیا۔ گُرمکُھ ویکھ کھول کے

تاکی، بجر کپاٹی کُنڈا لاہیِا۔ بھر پیالہ جام دے دے دُھر دے ساقی، آبِ حیات مکُھ چوائیا۔ جیِون وِچوں بدل دے حیاتی، آپ اپنے گھر وسائیا۔ گُرمکُھ گُرسِکھ ہرجن تیری ہووے داسی، سیوک ہو کے سیو کمائیا۔ تُوں سچکھنڈ نِواسی پُرکھ ابناشی، شاہ پاتشاہ تیری شہنشاہیِا۔ بیِس اِکیس تیری سچّی داتی، داتے دانی دَیا کمائیا۔ جوتی جوت سروُپ ہرِ، آپ اپنی کِرپا کر، لہنا لیکھے دئے لگائیا۔ پُرکھ اکال کِہا اُٹھ ویکھ ہستی، ہرِ جوُ ہرِ ہرِ آپ دِرڑائیندا۔ کرے کھیل پربھ عرشی فرشی، دو جہاناں پندھ مُکائیندا۔ کلجُگ انت سِری بھگوَنت بنے غرضی، فرضی کھیل نہ کوئے کھِلائیندا۔ گوبِند تیری منظور کرے عرضی، آرزوُ اپنے لیکھے لائیندا۔ جوتی جوت سروُپ ہرِ، آپ اپنی کِرپا کر سِر تیرے ہتّھ ٹِکائیندا۔ سِر تیرے ہتّھ رکھے آپ نِرنکار، ہرِ کرتا سچ دِرڑائیا۔ سب دا لیکھا دئے نِوار، باقی کوئی رہن نہ پائیا۔ ویہہ سؤ اِکّی بِکرمی دا اَگے جانے نہ کوئی احوال، لیکھا سکیا نہ کوئے سمجھائیا۔ سَتجُگ مارگ سکے نہ کوئے وکھال، نیتر اکھّ نہ کوئے کھُلائیا۔ کَون بِدھ سمت چلے وِچ جہان، جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ گوبِند تیرا لیکھا پوُر، پُرکھ اکال دئے کرائیا۔ چھّبی پوہ نیڑے نہیں دوُر، دوُر دُراڈا ویکھ وکھائیا۔ کوُڑی کِریا ناتا توڑ کے کوُڑ، سچ سُچ اِک سمجھائیا۔ سَتجُگ دا سچ دسےّ دستوُر، حُکمی حُکم اِک منائیا۔ گُر اوتار پیِر پَیغمبر پربھ چرن دوارے ہون مجبوُر، نِیوں نِیوں سارے سیِس جھُکائیا۔ تُوں صاحِب سدا حاضر حضوُر، حضرت اِک اکھوائیا۔ تیرا جلوہ تکّ کے کوہ طوُر، موُسیٰ اکھّ نہ سکے اُٹھائیا۔ محمد منگے تیری دھوُڑ، خاک پاخاک چرن رمائیا۔ عیسیٰ سوُلی چڑھن کیِتا منظور، پھانسی گل لٹکائیا۔ تیرا آؤنا دسّ کے گیا ضرور، میرا پِتا آوے واہو داہیِا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ گوبِند تیرا دسّاں سمت سچ، چار جُگ سمجھ کِسے نہ آئیا۔ جِس وِچ اِکو چلے مت، بھید رہے نہ رائیا۔ اِکو دیِن اِکو مذہب اِکو مندر مسجد مٹھ، شِودوالا اِک اکھوائیا۔ اِکو تیِرتھ اِکو تٹ، اِکو شبد گُروُ ونجارا ہٹّ، اِکو سؤدا دئے وِکائیا۔ اِکو نیتر اِکو اکھّ، اِکو پرتکھ نظری آئے گُسائینا۔ اِکو مہما صِفت صلاح جس، اِکو کرے پڑھائیا۔ اِک توں اَگے سب دا کھوہ کے حق، حُکم اِکو اپنا دئے سُنائیا۔ جوتی جوت سروُپ ہرِ، آپ اپنی کِرپا کر، سد دیونہارا وڈیائیا۔ گوبِند کہے میَں منگی اِکّی، اِکلّے جھولی ڈاہیِا۔ جِس وِچ دو جہاناں سِکھی، دیوت سُر بچیا رہن کوئے نہ پائیا۔ میَں کھولاں پہلی چیتر اوہ چِٹھی، جِس دا حِساب کِتاب پُرکھ اکال دئے جنائیا۔ جوتی جوت سروُپ ہرِ،

آپ اپنی کِرپا کر، لیکھا اپنا آپے جھولی پائیا۔ پُرکھ اکال کہے میَں دسّاں راہ، رہبر اِک بنائیا۔ ورناں برناں سچ صلاح، چار اٹھاراں دیاں سمجھائیا۔ اِکو اِشٹ دیو سوامی آتم پرماتم لَینا منا، دوُجا نظر کوئے نہ آئیا۔ شاستر سِمرت وید پُران صِفت صلاحِی رہے گا، دُھر سُنیہڑا جگت جنائیا۔ سب توں وکھّرا نوُر نوُرانہ وسے خُدا، سچ دوارے ڈیرہ لائیا۔ جِس دے نالوں حُکمے اندر ہو جُدا، تتو تت گیا سمائیا۔ انتم اوسے مِلنا آ، جو آد جُگاد پِتا مائیا۔ جوتی جوت سروُپ ہرِ، آپ اپنی کِرپا کر، ساچا لیکھا دے وکھائیا۔ ساچا لیکھا وکھاؤنا جگ، جاگرت جوت کر رُشنائیا۔ کوُڑی کِریا میٹ کے اگّ، امرت میگھ اِک برسائیا۔ بِن مکّیوں کعبیوں کرا کے حج، کایا حُجرہ دینا وکھائیا۔ ساڈھے تِنّ ہتّھ سوہنا مٹھ، گُروُدوارا سوبھا پائیا۔ جِس اندر پُرکھ اکال رہیا وس، دِوس رَین ڈیرہ لائیا۔ گُرمکُھاں وکھا کے اپنی اکھّ، آخر پڑدا دینا اُٹھائیا۔ درشن پا کے گُرمکُھ آپے کہن تُوں صاحِب پُرکھ سمرتھ، سچّی تیری شہنشاہیِا۔ تُوں میرا میَں تیرا گاواں جس، سوہنگ ڈھولا جو نانک گیا گائیا۔ تُوں میرا میَں تیرے وس، دوُجا نظر کوئے نہ آئیا۔ تُوں میرا میَں تیرا حق، حاکم اِکو نوُر خُدائیا۔ جوتی جوت سروُپ ہرِ، آپ اپنی کِرپا کر، دُھر دا سندیشہ اِک سُنائیا۔ دُھر دا سندیشہ سُن کے گُر اوتار، پیِر پَیغمبر خوشی منائیا۔ واہ واہوا کِرپا کرے پروردِگار، بےپرواہ پھیرا پائیا۔ نِرگُن ہو کے ساچا یار، ساچی سِکھیا دئے پڑھائیا۔ جِس دا کردے آئے اِظہار، الف یے نال وڈیائیا۔ جو ساکھیات نظری آئے نِرنکار، نِرگُن داتا آپ اکھوائیا۔ جے لبھو کلمیوں دِسے باہر، اکھّراں وِچ بند نہ کوئے کرائیا۔ جے چرنی ڈھٹّھو سدا سدا سد نال، وِچھوڑے وِچ وِچھڑ کدے نہ جائیا۔ جے اوس دے بنو لال، لال گوبِند پُرکھ اکال جھولی پائیا۔ گُرمکُھو گُرسِکھو تُہاڈی اوہ سچ سچّی دھرمسال، جِتھے کال پوہ نہ سکے رائیا۔ کلجُگ انتم لکّھ چؤراسی وِچوں بھال، بہُتیاں وِچوں تھوڑے تھوڑیاں وِچوں جوتی دھار جوڑے، شبدی ناد سُنائیا۔ جِنہاں دی پُرکھ اکال نوُں پئی لوڑے، سو لَواں پُریاں برہمنڈاں کھنڈاں وِچوں باہر کڈھائیا۔ جِنہاں دے پِچھے گوبِند وارے جوڑے جوڑے، سو جوڑیاں وِچ اپنے رنگ رنگائیا۔ بےشک مانَس جنم لوکمات کِسے دے بُہتے کِسے دے تھوڑے، انتم جوتی جوت وِچ مِلائیا۔ گُرمکُھاں بیڑا شؤہ دریا کوئی نہ روڑھے، ڈُبدے پاہن پار کرائیا۔ گُر شبد سوامی چاڑھ کے اپنے گھوڑے، لیکھا آر پار آپ مُکائیا۔ اوتھے بھگت بھگوان مِل کے گاؤندے ڈھولے، تُوں میرا میَں تیرا سوہنگ راگ الائیا۔ گُرمکُھ کہن اسیں تیرے گھر دے گولے، چاکر ہو کے سیو کمائیا۔ جوتی جوت

سروُپ ہرِ، آپ اپنی کِرپا کر، انتم ویکھے چائیں چائنیا۔ گوبِند کِہا میَں نہ جاناں پربھ تیرا چاؤ، کی تیری وڈیائیا۔ جِناں چِر میرے گُرمکُھ نہ پکڑیں باہوں، پھڑ اپنے گلے لگائیا۔ اوناں چِر نہ منّاں نِیاؤں، سچ سچ دیاں سُنائیا۔ جِناں چِر ہنس بنائیں نہ پھڑ کے کاؤں، کاگوں ہنس اُڈائیا۔ میَں دسّ کے آیا اِکو تیرا ناؤں، پُرکھ اکال تیری اوٹ جنائیا۔ تُوں ہی پِتا تُوں ہی ماؤں، دوُجی جننی گود نہ کوئے بہائیا۔ تُوں ہی کھیڑا تُوں ہی نگر گراؤں، تُوں ہی آسن سیجا سوبھا پائیا۔ تُوں ہی رنک تُوں ہی راؤ، تُوں شہنشاہ اکھوائیا۔ ویکھیں کِتے میریاں گُرمکُھاں نال نہ لاویں داؤ، اچھل چھل تیری چال اجے تکّ نہ کِسے بدلائیا۔ جوتی جوت سروُپ ہرِ، آپ اپنی کِرپا کر، لیکھا اپنا دینا چُکائیا۔ گوبِند کِہا پُرکھ اکال میَں تیرا سوُربیِر، بیِرتا وِچ اکھوائیا۔ ایہہ گُرمکُھ میری تصویِر، تیرے روُپ وِچ سمائیا۔ ایہہ میرا مِلکھ جاگیر، جِنہاں دے اندر وڑ کے ڈیرہ لائیا۔ میری منزل اِنہاں نال اَخیِر، چوٹی چڑھ کے خوشی وکھائیا۔ اِنہاں میرا امرت پیتا سچّا سیِر، شیِرخوار بچےّ نظری آئیا۔ جے تُوں پُرکھ اکال پاتشاہ میَں تیرا وزیِر، دوہاں بِنا رعیت کمّ کِسے نہ آئیا۔ جے تُوں مالک تے میَں تیری تقدیِر، بِن تقدیِر تدبیِر چلے نہ کوئے چتُرائیا۔ جے تُوں آقا تے میَں تیرا فقیِر، بن درویش تیرے در تے الکھ نہ کوئے جگائیا۔ جے تُوں بےنظیِر، میَں تیری نظر لوکمات گُرمکُھاں اُتے ٹِکائیا۔ جوتی جوت سروُپ ہرِ، آپ اپنی کِرپا کر، دُھر دا سنگی بن کے سنگ نِبھائیا۔ گوبِند کِہا ویکھ میرا گُرمکُھ، جِس نوُں وِشن برہما شِو سیِس نِوائیا۔ جِس دے اندر میرا سُکھ، بِن گُرمکُھ میرا گھر کوئے رہن نہ پائیا۔ اُہناں آ کے پربھ آپ اپنی گودی چُک، دُھر دا مالک ہو کے سیو کمائیا۔ پھیر میَں کہاں میری سُفل ہوئی کُکھ، گُرمکُھاں دُکھ نہ لاگے رائیا۔ اوہ ویلا آیا ڈُھک، صدی ویہویں دئے دُہائیا۔ اِکیسے لیکھا رہیا چُک، باقی سب دی ہتّھ پھڑائیا۔ چھّبی پوہ میَں اپنا حِساب کِتاب ستاراں سؤ چھپنجا والا لَینا پُچھ، پینسٹھ والا پھیر اَگے ٹِکائیا۔

۲ پوہ ۲۰۲۱ بِکرمی ہرِ بھگت دوار جیٹھوُوال

جگدیش کہے ویکھ کلغیدھر، دھرنی دھرت دھَول دیاں وڈیائیا۔ سُت دُلارے تیرا پوُرا کر ور، وارتا پِچھلی نال رلائیا۔ کر وسیرا تیرے گھر، گرِہ مندر دیاں وڈیائیا۔ ناؤں رکھا کے نرائن نر، نر پت اپنا حُکم ورتائیا۔ تیرا ہو کے تیرے لئے پھڑ، لکّھ چؤراسی ویکھ وکھائیا۔ تیرا بوُٹا ویکھے اپنی جڑ، پتّ ڈالی آپ مہکائیا۔ جوتی جوت سروُپ ہرِ، آپ اپنی کِرپا کر، ہرِ کرنی کار کمائیا۔ پُرکھ اکال کہے ویکھ دھر کلغی، اکل کل دھاری رہیا جنائیا۔ جوت اگمّی اِکو بلدی، بل بل واری گھولی گھول گھُمائیا۔ ایہہ کھیل پُرکھ اگمّ دی، اگمّڑی کار کمائیا۔ تیرے ورگا سُت جننی مات کوئے نہ جمدی، گودی تن خاک نہ کوئے ہنڈھائیا۔ میَں کھیل دسّاں اپنے اچھل اچھلّ دی، ول چھل دھاری رہیا دِرڑائیا۔ سار پا کے جل تھل دی، مہیئل دیاں وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سِری بھگوان کہے ویکھ کلغی دھر، کلکاتی نظری آئیا۔ جگت جہان رہیا سڑ، اگنی تت تپائیا۔ تیرا پلّوُ سکے کوئی نہ پھڑ، میرا درس کوئے نہ پائیا۔ ساچے پؤڑے سکے کوئی نہ چڑھ، منزل پندھ نہ کوئے مُکائیا۔ سَت دوارا ویکھے کوئی نہ کھڑ، نَین اکھّ نہ کوئے کھُلائیا۔ کوُڑی کِریا وکھاواں جگت گڑھ، گڑھی چمکؤر دئے دُہائیا۔ جوتی جوت سروُپ ہرِ، آپ اپنی کِرپا کر، لیکھ اُلیکھ رہیا دِرڑائیا۔ پُرکھ اکال کہے کلغیدھر تیرا پِچھلا چیتا، چترتھ بُھل کدے نہ جائیا۔ جِس ویلے سُت دُلارے کرن لگّا سی بھیٹا، سِنگھ اجیِت اکھّ کھُلائیا۔ اوس ویلے کِہا پُرکھ اکال میَں تیرا بیٹا، بیٹا بن کے باپ نہ مات اکھوائیا۔ اوس ویلے لِکھیا اِک لیکھا، الکھ دِتا جنائیا۔ تیرا میرے نال حِصّہ، سانجھی ونڈ اِکو ونڈائیا۔ جے میَں بنیا تیرا پِتا، پُرکھ اکال بےپرواہیِا۔ جوتی جوت سروُپ ہرِ، آپ اپنی کِرپا کر، مِہربان ہویا سہائیا۔ ابناشی کرتا کہے سُن کلغیدھر، تیرا لیکھا دیاں جنائیا۔ جِس ویلے منگیا ور سِر اجیِت ہتّھ ٹِکائیا۔ تیری جھولی تیرے دِتے دھر، میرا موُل رہیا نہ رائیا۔ سوہنا ویکھ اگمّا گھر، تیرے در دِتے پُچائیا۔ جے میَں تیرا بوُٹا تُوں میری لانی جڑ، گُرمکُھ ساچے لئیں پرگٹائیا۔ جِنہاں دے اندروں میری یاد کدے نہ جاوے مر، مریاں پِچھوں جیِون تیرے وِچ سمائیا۔ ایہہ چار دُلارے رکھاں تیرے در، درویشی ہو کے سیو کمائیا۔ جے ساچے لاویں لڑ، لڑی اپنے نال بندھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ پاربرہم کہے سُن دھر کلغی، پُرکھ اکال دِتا جنائیا۔ تیری منظور دوارے عرضی، کھاتے

اپنے وِچ رکھائیا۔ اَگے کراں جو تیری مرضی، سِر اپنا ہتّھ ٹِکائیا۔ دو جہاناں بن کے دردی، سد تیرا درد ونڈائیا۔ تُوں لہنیدار میَں تیرا قرضی، مقروُض اِک اکھوائیا۔ میَں پوُرا کراں فرضی، سیوک ہو کے سیو کمائیا۔ کار کراں نرائن نر دی، بےانت بےپرواہ اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا وکھائیا۔ کلغی دھر تیری یاد چیچی، جِس اُتے چوبھا کٹار لگائیا۔ خوُن کڈھ سیں نہ کیِتی، خوشیاں وِچ ڈھولا گائیا۔ اجیِت چاڑھ کے رنگ مجیٹھی، رنگن تیری اِک نظری آئیا۔ مستک ٹِکاّ لا کے کِہا تیری پھلدی رہے باغیچی، پُھل پُھلواڑی مات مہکائیا۔ ایہہ نَنھی جان نِکّی، نِکیوں وڈّے رہی بنائیا۔ ساچے گھر لگّے پریِتی، جِتھوں سکے نہ کوئے تُڑائیا۔ اُس ویلے گوبِند اپنے مستک اُتے اِک دھار سوہنی لِکھی، جِس دا چِنھ سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ پُرکھ اکال کہے تیرا پِچھلا لہنا، سدا سد ظاہر نظری آئیا۔ تُوں منّیا دُھر دا کہنا، بھانے وِچ سمائیا۔ کھیل ویکھ کے اپنے نَیناں، انتم خوشیاں رنگ چڑھائیا۔ سچ سندیشہ دُھر دا کہنا، کری حق پڑھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ پُرکھ اکال کہے میَنوُں یاد تیری گڑھی والی سوگند، قسم کھا کے خصم لیا منائیا۔ اچُت سُنا کے ڈھولا چھند، سوہنگ دِتا پڑھائیا۔ اوس دوارے لئے انند، جِس گھر دا مالک بےپرواہیِا۔ سچ دوار دا بن چند، چنداں توں پرے تیری رُشنائیا۔ ایہہ رنبھوُمی نہیں نہ کوئی جودھیاں والا جنگ، ایہہ پِتا پوُت دا پرسنگ، پربھ نے سوہنا کھیل بنائیا۔ تُہاڈے پِچھےمیری پوُری ہووے منگ، آسا نال وڈیائیا۔ میرا لیکھے لگے کسیا اسوَ تنگ، دھنُش بان لئے انگڑائیا۔ میری سوبھنیِک ہووے کنڈ، جو بھتّھا رہی اُٹھائیا۔ میرا دو جہان مکُے پندھ، تتو تت نہ کوئے بھوائیا۔ میرا لیکھا مکُے پُری انند، انند انند وِچ سمائیا۔ میری دُھر دی پئے گنڈھ، ناتا سکے نہ کوئے تُڑائیا۔ میَں در دروازہ ویکھاں لنگھ، جِس گھر وسے بےپرواہیِا۔ میَں شہنشاہ سُہاواں پلنگ، جِس دا پاوا چوُل نہ کوئے بنائیا۔ جوتی جوت سروُپ ہرِ، آپ اپنی کِرپا کر، ساچا میلا لئے بنائیا۔ کلغی دھر کہے میرا خوُن دا تُبکا، مستک رنگ چڑھائیا۔ ایہہ لہنا دینا کد کا، قُدرت قادر کھیل وکھائیا۔ ایہہ موُل کلجُگ حد کا، انتم ڈیرہ ڈھائیا۔ میرا لہنا لیکھے لگدا، الیکھ دئے وڈیائیا۔ پربھ مالک آد جُگادی دو جہاناں جگ دا، جُگ چؤکڑی ویکھ وکھائیا۔ جو مالک سدا سُہیلا سب دا، صاحِب سُلطان وڈّی وڈیائیا۔ جو لبھیاں کِسے نہ لبھدا، کھوجیاں کھوج نہ کوئے کھُجائیا۔ اوہ سندیشہ اگمّی

دھاروں گھلدا، حُکمی حُکم دِرڑائیا۔ جوتی جوت سروُپ ہرِ، آپ اپنی کِرپا کر، مِہربان کھیل کھِلائیا۔ کلغیدھر سُن ساچے سُت، سَت سَتوادی آپ جنائیندا۔ اوہ سُہنجنی سوہنی رُت، جِس ویلے چیت باہر کڈھائیندا۔ اوس ویلے اِکو وار پربھ توں لیا پُچھ، کر بیننتی سیِس نِوائیندا۔ تیرا سدا اُجل مکُھ، سوہنا رنگ چمکائیندا۔ تیَنوُں بخشے اوہ پُت، جِنہاں دا پِتا جمّن مرن وِچ کدے نہ آئیندا۔ پُرکھ اکال اَگوں اُٹھ، جوتی دھاروں حُکم سُنائیندا۔ میَں جھولی پاواں تیری سب کُچھ، مُفت اپنا آپ لُٹائیندا۔ جِس ویلے کلجُگ اؤدھ جائے مُک، مُفت اپنی سیو کمائیندا۔ تیرے اندر جاواں لُک، گھر ساچا اِک سُہائیندا۔ جن بھگت پرگٹا کے تیرے پُت، سِدھا اپنے نال مِلائیندا۔ دوُجا بدلے کوئی نہ رُخ، راہ مارگ اِک سمجھائیندا۔ جنم کرم دا میٹ کے دُکھ، چِنتا روگ سوگ چُکائیندا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کھُلائیندا۔ سُن کے بچن کلغیدھر جگدیس، نِیوں نِیوں سیِس نِوائیا۔ اِکو چھتر جھُلے پربھ تیرے سیِس، دوُجی ریِت نہ کوئے چلائیا۔ جے گاواں تے تیرا گیِت، گُرمکُھاں سچ پڑھائیا۔ جے وساں تے تیری مسیِت، کایا کعبہ اِک جنائیا۔ جے ہسّاں تے تیرے چیِت، دوُجا سنگ نہ کوئے بنائیا۔ جوتی جوت سروُپ ہرِ، آپ اپنی کِرپا کر، میرا لیکھا اپنے لیکھے لائیا۔ اپنے لیکھے لاؤنا اِک، اِکو وار جنائیا۔ میرے نالوں چنگا میرا سِکھ، جو تیرا نام دِھیائیا۔ میری جھولی پاؤنی بِھکھ، وست اِک ورتائیا۔ میَں اگلا لیکھا جاواں لِکھ، بھوِکھ دیاں سمجھائیا۔ سچ سوامی کھولے درِشٹ، اِشٹ اِک وڈیائیا۔ تُوں آتم پرماتم مالک بن کے بھوگیں گرِہست، گرِہ مندر ڈیرہ لائیا۔ میرے گُرمکُھاں تیرے مِلن دا عِشق، عاشق معشوق اِکو رنگ وکھائیا۔ میری چیِچی والا پریم پیار دا تِلک، ہرجن ساچے دینا چُھہائیا۔ جِؤں تیرے وِچھوڑے وِچ میری نِکلے کِلک، ایتھے اوتھے جھّلاں نہ کوئے جُدائیا۔ بھگت سُہیلا ہو کے کرنی مِلّت، میلا اپنے نال مِلائیا۔ اچھل چھلدھاری ویکھیں میرے نال کریں نہ عِلّت، پِچھلی ریِتی دینی گوائیا۔ تیرے نام پریم پیار دا اوڈھن میری خِلت، سوہنا بھوِشن بےپرواہیِا۔ نالے زور نالے مِنّت، جِویں منّیں اوسے طرح لَینا منائیا۔ میرے انتر بھرنی اپنی ہِمّت، حوصلہ تیرا اِک رکھائیا۔ جوتی جوت سروُپ ہرِ، آپ اپنی کِرپا کر، ساڈھے تِنّ ہتّھ موُسے مُنہ کے بھار ڈِگدے ویکھیا تیرا وِلیج، مندر سوہنا تیرا نظری آئیا۔ چیخ پُکار کرکے گیا چَیلنج، چرچاں وِچ سُنائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا لیکھے لائیا۔ پُرکھ اکال کہے میَں دسّاں اوہ نِشانی، نِچھاور گوبِند اپنا آپ کرائیا۔ جِس ویلے اجیِت

دی ہوئی قُربانی، دھار آر پار لنگھ خوشی منائیا۔ اوس ویلے اُس دے گل سی نَواں منکیاں والی اِک گانی، ہیرے لال زمرد موتی رنگ وٹائیا۔ اوہناں آئی اِک حیَرانی، ہؤکے نال سُنائیا۔ کِدھر گئی الڑھ جوانی، جوبن مکُھ بھوائیا۔ جاں ویکھیا جلوہ نوُرانی، نوُرو نوُر رُشنائیا۔ دِتا سندیشہ حُکمرانی، شاہ پاتشاہ آپ سمجھائیا۔ ایہہ کھیل اوہ سُلطانی، جِس دا ثانی نظر کوئے نہ آئیا۔ تُسیں منکے بن کے ساتھی بنیا نہ کوئے دِلجانی، اَگے سنگ نہ کوئے رکھائیا۔ سُنو اَگے جناواں اوہ کہانی، کہاوت اپنی دیاں جنائیا۔ گوبِند بچےّ دی اوہ نِشانی، گُرمکُھ گُرسِکھ لَواں پرگٹائیا۔ جِنہاں نوُں اپنے گل دی بنا کے گانی، بن دُھر دا مالک آپ اکھوائیا۔ منکیاں کِہا تیری مِہربانی، ہتّھ تیرے وڈیائیا۔ جے تُوں گُرمکُھاں دا پیارا گوبِند مار اندر اِک ہور کانی، تیِر نِشانہ لائیا۔ جے اوہ تیرا پُتر اپنے پُتر نہ دیوے پانی، جُجھار تیری بھیٹ چڑھائیا۔ پھیر مناں تُوں شہنشاہ سُلطانی، شہنشاہ اِک اکھوائیا۔ پُرکھ اکال کِہا اِس وِچ کی حیَرانی، حَیرت والی کھیل نہ کوئے جنائیا۔ تُوں سوُربیِر وڈّا بلوانی، بلدھاری اِک اکھوائیا۔ بچےّ دیندیاں کدے نہ آوے پریشانی، سنسا چِت نہ لیائیا۔ اُس دی منگ اِک مہانی، جو اندرے اندر رہیا سُنائیا۔ پرم پُرکھ پرماتم میری تیرے نال تیری میرے نال بنی رہے سدا جوانی، جوبن جوبناں وِچوں بدل کدے نہ جائیا۔ تیرا میرا ناتا تُٹے جو، تِنّاں والا نظری آئیا۔ جے تُوں میرا میَں تیرے ورگا جاواں ہو، دو جہاناں بھّجیں واہو داہیِا۔ نہ کوئی پُتراں دا نہ مِتراں دا نہ کوئی دُکھ نہ دھرو، جگت رونا نظر کدے نہ آئیا۔ جے مِہر کریں آتم پرماتم جاواں چھوہ، سواتم اپنا دیاں بدلائیا۔ جِس کرکے سب کُچھ دِتا کھوہ، خالی ہتّھ رہیا وکھائیا۔ جوتی جوت سروُپ ہرِ، آپ اپنی کِرپا کر سِر اپنا ہتّھ رکھائیا۔ پُرکھ اکال کِہا اُٹھ ہسّ، ہستی دیاں جنائیا۔ تیرے باہر دِساں پرتکّھ، اندر وساں سمرتھ، نیتر مِلا کے اکھّ، بِن ہتّھاں ہتّھ جُڑائیا۔ تُوں میرا میَں تیرا دوہاں دا اِکو رس، جِس رس وِچوں امرت دِتا پرگٹائیا۔ جو سَتگُر دا امرت لئے چکھ، تِس نوُں دوُجے پیالے دی لوڑ رہے نہ رائیا۔ گوبِند کِہا کیہڑا گُرسِکھ کیہڑا گُرمکُھ کیہڑا بھگت کیہڑا سنت جیہڑا کلجُگ وِچوں پیوے گٹ گٹ، اپنا بل دھرائیا۔ پُرکھ اکال کِہا جِس دے ہِردے اندر ماراں سٹّ، ساچا پریم کراں پرگٹ، سو پیوے پیالہ اوہ جھٹ، بِن رسنا رس اپنے اندر ٹِکائیا۔ جوتی جوت سروُپ ہرِ، آپ اپنی کِرپا کر، سدا سُہیلا اپنی کھیل کھِلائیا۔