کتب خانہGranth 17 (Urdu)

۸ پوہ ۲۰۲۱ بِکرمی ہرِ بھگت دوار جیٹھوُوال

گُر اوتار پَیغمبر کہن ویکھی پربھ دُنی، سرِشٹ سبائی کھوج کھُجائیا۔ مُلّا شیخ مسائک پنڈت پاندھے جگت سنت ویکھے مُنی، سُنّی گھر گھر کھوج کھُجائیا۔ وید ویدانتی شرع شرائطی جگت وِدیا ویکھے گُنی، شاستر سِمرت وید پھول پُھلائیا۔ کوٹن کوٹاں وِچوں جن

بھگت سُہیلے تیری دُھن سُنی، انتر آتم حُکم جنائیا۔ نؤ کھنڈ پرِتھمی ستّ دیِپ خالی ویکھی درِشٹی کُنّی، وست سچ نہ کوئے ٹِکائیا۔ نِرت سُرت سادھ سنت نہ کِسے کھُلی، جاگرت جوت نہ کوئے رُشنائیا۔ بھاگ لگّا ویکھیا نہ کِسے کُلیّ، محل اٹل نہ کوئے سُہائیا۔ امرت رس نہ ویکھا چُلی، سر سروور روون مارن دھائینا۔ کوُڑ کُڑیار اندھیری جھُلی، ٹھنڈی پَون نہ کوئے وکھائیا۔ تیرا ناں رٹدے ویکھے بُلیں، انتر آتم میل نہ کوئے مِلائیا۔ گُرمکُھ سجّن ویکھے جو پریم پریِتی اندر گھول گھُلی، آپا وار خوشی منائیا۔ اوہناں وست دے انمُلی، انڈِٹھڑی تیری جھولی پائیا۔ جوتی جوت سروُپ ہرِ، آپ اپنی کِرپا کر، پڑدا اوہلا آپ چُکائیا۔ گُر اوتار پَیغمبر کہن ویکھی کائنات، چاروں کُنٹ دھیان لگائیا۔ کایا تن وجےّ نہ کوئے رباب، سَت ستار نہ کوئے ہِلائیا۔ ساچا ملِے نہ کوئی احباب، محُبّت حق نہ کوئے کمائیا۔ جگت واسنا ویکھے شاہ نواب، کوُڑی نؤبت رہے وجائیا۔ سجدے وِچ کرے نہ کوئے آداب، دھوُڑی خاک نہ کوئے رمائیا۔ ساچے اسوَ چڑھے نہ کوئے مار پلاک، شاہ سوارا نظر کوئے نہ آئیا۔ صدی چؤدھویں سارے ہوئے اُداس، حیَرانی گھر گھر ڈیرہ لائیا۔ سچ ملِے نہ کوئے خطاب، خِلعت نظر کوئے نہ آئیا۔ حُجرہ سوہے نہ کوئے محراب، محبوُب انگ نہ کوئے لگائیا۔ نظری آئے نہ رسوُل پاک، پڑدا دُئی نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا سچ ور، تیرے در رہیئے مُشتاق، مُشکل اگلی حل کرائیا۔ گُر اوتار پیِر پَیغمبر کہن ویکھیا سارا جگت، جگ جیِون داتے تیری اوٹ تکائیا۔ لکّھ چؤراسی وِچوں گُرمکُھ وِرلے بھگت، جو بھگوَن تیری اوٹ تکائیا۔ تُوں مالک خالق دُھر دا بَیٹھا ساچے تخت، شاہ پاتشاہ تیری سرنائیا۔ بیِس اِکیسے سب نوُں پیا وکھت، بھار سکے نہ کوئے اُٹھائیا۔ مات گربھ جو اُلٹے ہوئے درخت، نوَ دس اگن تپائیا۔ پریِتم نِبھے کوئی نہ ساتھ، سگلا سنگ نہ کوئے نِبھائیا۔ کرن بیننتی جوڑ کے ہاتھ، ڈنڈاوت اِک سرنائیا۔ کِرپا کر پُرکھ ابناش، ابناشی تیری اِک سرنائیا۔ چار کُنٹ اندھیری رات، ساچا چند نہ کوئے رُشنائیا۔ بِن بھگتاں ساچی دِسے نہ کوئے جماعت، اِکو نام نہ کوئے دِھیائیا۔ اسیں لیکھا لِکھ کے آئے نال قلم دوات، کاغذ قلم شاہی ونڈ ونڈائیا۔ کلجُگ انتم کھیلے کھیل جگت تماش، بےپرواہ ویس وٹائیا۔ جن بھگتاں صوُفیاں پوُری کرے آس، نِراسا دئے گوائیا۔ انتر آتم کر مِلاپ، دوُئی وِچھوڑا دئے مِٹائیا۔ پاربرہم برہم ناتا جوڑ کے پِتا مات، سُت دُلارے گود اُٹھائیا۔ چرن پریِتی سچّا نات، سجّن اِک اکھوائیا۔ آتم سیجا سوہے گھاٹ، کھاٹ سُہنجنی دئے وڈیائیا۔ پوُرب جنم دی رکھے یاد، ابُھل بُھل کدے نہ جائیا۔ جن بھگتاں سُن فریاد،

جوتی جوت سروُپ ہرِ، آپ اپنی کِرپا کر، صاحِب اپنی کھیل کھِلائیا۔ گُر اوتار پیِر پَیغمبر کہن پربھ تیری ویکھی سرِشٹی کھوٹی، کلجُگ انتم نظری آئیا۔ گھر پرکاش جگے کوئی نہ جوتی، جاگرت جوت نہ کوئے رُشنائیا۔ منزل ویکھے کوئی نہ چوٹی، پاندھی پندھ نہ کوئے مُکائیا۔ تیرا بنے کوئے نہ گوتی، ذات پات ورن برن کھہڑا نہ کوئے چُھڈائیا۔ تیرا ڈھولا نہ گائے سلوکی، میرا تیرا ناد وجائیا۔ اسیں ہوکا دے کے آئے مات لوکی، چار کُنٹ جنائیا۔ کلجُگ انتم گھاٹی آوے اؤکھی، بِن پُرکھ اکال چڑھن کوئے نہ پائیا۔ ساتھ دیوے کوئی نہ پوتھی، پُستک پار نہ کوئے لنگھائیا۔ سرِشٹ سبائی ویکھی روتی، نیتر نَیناں نیِر وہائیا۔ لیکھا مُکنا ٹِکاّ بودی دھوتی، لباں مُچھ نہ کوئے کٹائیا۔ تیرے مِلن دی سب نوُں آوے سوجھی، صُلح کُل دے سمجھائیا۔ جگت سرِشٹی ہؤمے روگ ہوئی روگی، طبیب طبع نہ کوئے بدلائیا۔ اندر وڑ بنے کوئے نہ گھوکھی، پڑدا پرے نہ کوئے ہٹائیا۔ دُھر سوامی کِیوں بَیٹھا کر خاموشی، سَت سَتوادی اپنا آپ چُھپائیا۔ جوتی جوت سروُپ ہرِ، آپ اپنی کِرپا کر، اپنا حُکم اِک ورتائیا۔ گُر اوتار پیِر پَیغمبر کہن بےشک تیری دُنیا تُردی پِھردی، منزل منزل پندھ مُکائیا۔ اندروں تھِر دِسے نہ کوئی بِرتی، سُرتی شبد نہ کوئے مِلائیا۔ ساڈھے تِنّ ہتّھ کھُلی کِسے نہ کھِڑکی، سچ نوُر نہ کوئے چمکائیا۔ پُرکھ اکال سانوُں آسا چِر دی، اِکٹھے ہو کے سرب سُنائیا۔ تیرے بِنا ایہہ کھیل نہیں نِبڑدی، جھگڑا نہ کوئے چُکائیا۔ ایہہ مِہر تُہاڈے بِرد دی، بِدھ اپنی دے جنائیا۔ ہُن لوڑ نہ رِدھ سِدھ دی، کرامات نہ کوئے صلاحیِا۔ اِکو آسا درشن تیرے نِج دی، ترِسنا اَور نہ کوئے ودھائیا۔ پریِتی منگیئے ساچے پِت دی، جو پت پرمیشور اِک اکھوائیا۔ کھیل مُک جائے نِت نوِت دی، ہِت اپنے نال بندھائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دے چُکائیا۔ گُر اوتار پیِر پَیغمبر کہن پربھ سرِشٹی تیری سُتّی، سُتّیاں رَین وِہائیا۔ ساچی دِسے کِسے نہ رُچی، رچنا تیری ویکھن کوئے نہ آئیا۔ مانَس جنم کٹّن آئے بُتی، وانگ ڈوُماں پھیرا پائیا۔ آسا منسا کوُڑی جھوُٹھی، مایا ممتا موہ ہلکائیا۔ تیرے نال نہ لائے کوئی رُچی، انتر انتر دھیان رکھائیا۔ بُدھ بِبیک ہوئے نہ سُچی، دُرمت مَیل دھوائیا۔ جوتی جوت سروُپ ہرِ، آپ اپنی کِرپا کر، گھر ساچا دے درسائیا۔ گُر اوتار پیِر پَیغمبراں ہوئی حیَرانی، حالت ویکھ کے دین دُہائیا۔ سَت دھرم دی دِسے نہ کوئی نِشانی، دُھر نِشانہ سارے گئے بُھلائیا۔ لکّھ چؤراسی گھر گھر اندر وڑیا کوُڑ شَیطانی، شرع کرے لڑائیا۔ جن بھگتاں اُتے تیری نظر آوے مِہربانی، جو سِر اپنا ہتّھ ٹِکائیا۔ اوہ اِکو پڑھدے تیرے نام دی سوہنگ بانی، دوُجا ناد نہ کوئے

شنوائیا۔ ایہہ اکھّراں والی نہیں کہانی، پتّھراں والی لکیِر کمّ کِسے نہ آئیا۔ ایہہ جن بھگتاں دی کھیل مہانی، روُح بُت ملِے وڈیائیا۔ جوتی جوت سروُپ ہرِ، آپ اپنی کِرپا کر، جن بھگتاں مارگ دسّ اِک آسانی، اِحسان پھیر نہ کوئے جنائیا۔ گُر اوتار پیِر پَیغمبر کہن لکّھ چؤراسی ویکھیا ہؤکا، ہائے ہائے کرے لوکائیا۔ ساچی ملِے کوئے نہ نئیا نؤکا، بیڑے حق نہ کوئے چڑھائیا۔ جھگڑا پیا سکے پُت پیودا، لیکھا سکے نہ کوئے مِٹائیا۔ ناتا تُٹیا ہرِ جوُ تیرے نیہوں دا، سچ پریِت نہ کوئے کمائیا۔ جل سُکیا امرت مینہو دا، بوُند سوانتی نہ کوئے چوائیا۔ جوتی جوت سروُپ ہرِ، آپ اپنی کِرپا کر، گھر دے مان وڈیائیا۔ گُر اوتار پیِر پَیغمبر کہن سرِشٹ سبائی ہوئی وِجوگن، دھیِرج نظر کوئے نہ آئیا۔ کوُڑی کِریا ہؤمے روگن، حِکمت سچ نہ کوئے سمجھائیا۔ پِھری دروہی لوک پرلوکن، برہمنڈ کھنڈ کُرلائیا۔ بِن بھگتاں کھُلیا کِسے دا نہ انتر لوچن، نِج نَین نہ کوئے رُشنائیا۔ باہروں سارے تیَنوُں کھوجن، بھجّن تھاؤں تھائنیا۔ جوتی جوت سروُپ ہرِ، آپ اپنی کِرپا کر، سَت دوار دے وڈیائیا۔ گُر اوتار پیِر پَیغمبر کہن ویکھیا تیرا اِک دوارا، دوارکا واسی بَیٹھا سیِس نِوائیا۔ سیِس جھُکدے ویکھے رام اوتارا، نیتر اکھّ نہ کوئے کھُلائیا۔ سجدیاں وِچ پَیغمبر کرن پیارا، بردیاں وانگر سیو کمائیا۔ پِتا وانگ منن گُروُ اوتارا، مان تیری وڈیائیا۔ جن بھگتاں تیرا سہارا، سچ صاحِب سرنائیا۔ کلجُگ انتم میل اپارا، اپرمپر آپ وکھائیا۔ جن بھگتاں دے ادھارا سِر اپنا ہتّھ ٹِکائیا۔ بیِس اِکیس دا اٹّھ دِہاڑا، ودی سُدی نہ نال مِلائیا۔ بھگت بھگوَنت لگّا اَکھاڑا، دُھر دا ناچ نچائیا۔ جگت جہان ہویا بےاِعتبارا، یقین رہن کوئے نہ پائیا۔ جن بھگتاں مِل کے آپ سنسارا، سنساری ہو کے وِچ سمائیا۔ کاغذ قلم نہ لِکھنہارا، کاتب صِفت نہ کوئے صلاحیِا۔ جوتی جوت سروُپ ہرِ، آپ اپنی کِرپا کر، اچرج کھیل اِک وکھائیا۔ گُر اوتار پَیغمبر کہن ہوئے اسچرج، اچرج لیلا ہرِ ورتائیا۔ جودھا سوُربیِر بن مردانہ مرد، مدد بھگتاں رہیا کرائیا۔ کوٹاں وِچوں تھوڑے عدد، عدل کرکے ویکھ وکھائیا۔ کوُڑی کِریا نال تشدّد، ویکھنہارا بےپرواہیِا۔ نام نِدھان سُنکے غزل، ڈھولا اِک جنائیا۔ جن بھگتاں مُکاکے اگلی پِچھلی مزل، منزل اپنی دِتی جنائیا۔ شبد شہید کرکے قتل، مقتوُل اپنا کھیل وکھائیا۔ جوتی جوت سروُپ ہرِ، آپ اپنی کِرپا کر، سد دیونہار شرنائیا۔ گُر اوتار کہن پربھ تیرے بھگت چنگیرے، ویکھ ویکھ پَیغمبر خوشی منائیا۔ جِنہاں دے وسیں سدا نیڑے، نِج گھر بَیٹھا ڈیرہ لائیا۔ اوہ وسدے اپنے کھیڑے، بسنت بہار نال مِلائیا۔ جھگڑے مُک جان تیرے میرے، تُوں ہی تُوں ہی راگ الائیا۔ تیرا لیکھا صُبح سویرے،

شام رَین سندھیا اِکو رنگ وکھائیا۔ جن بھگتاں چاؤ گھنیرے، گھر بَیٹھیاں خوشی منائیا۔ جیہڑے وڑ جان تیرے ویہڑے، بیڑے اپنے لئیں چڑھائیا۔ آون جاون جنم کرم دے کٹ کے گیڑے، درگاہ ساچی سچ ٹِکائیا۔ حُکمے اندر کرکے حق نبیڑے، حِکمت اپنی دے جنائیا۔ گُر اوتار پَیغمبر کہن اسیں جُگ جُگ کھیل ویکھے بتھیرے، ایہو جِہی دھار نظر کوئے نہ آئیا۔ ذات پات اوُچ نیِچ راؤ رنک دے میٹ کے جھیڑے، سِدھا مارگ اِک وکھائیا۔ جِس در تے سدا محُبّت سدا مِہرے، مِہربان اِک اکھوائیا۔ اوہ ناؤں دھر کے سِنگھ شیرے، شہنشاہ داتا بےپرواہیِا۔ جن بھگت دوار بھگتاں آیا ویہڑے، بن کے پاندھی پندھ مُکائیا۔ گُر اوتار پیِر پَیغمبر سارے پاون گھیرے، چاروں کُنٹ سیِس نِوائیا۔ مہاراج شیر سِنگھ وِشنوُں بھگوان، تیرے سدا سدا سد وڈّے جیرے، جیرج انڈج اُتبُھج سیتج آپے رہیا سمائیا۔

دروازہ کہے میری اِکو عرضی، در ٹھانڈے عرضوئیا۔ تُوں بھگت سُہیلا دُھر دا دردی، دردیِاں درد ونڈائیا۔ ویہہ سؤ گیاراں بِکرمی اٹھائی پوہ تیَنوُں یاد کردی، دس سال بَیٹھی رہی اکھّ اُٹھائیا۔ نِت نوِت تیرے ڈھولے پڑھدی، سوہنا راگ الائیا۔ میَں ویکھاں پربھ دی مرضی، کِس بِدھ اپنی دھار چلائیا۔ سچ دوارے کھڑدی، آسا نال ودھائیا۔ تیری کھیل بھنن گھڑن دی، سمرتھ پُرکھ بےپرواہیِا۔ جن بھگت رُت آئی ڈولی چڑھن دی، سچ دوارے سوبھا پائیا۔ پربھوُ ایہہ رُت نہیں زِندگی وِچوں مرن دی، مرن وِچوں مُرمّت دے کرائیا۔ تیری کھیل کرتے کرن دی، کرتار تیری سرنائیا۔ جوتی جوت سروُپ ہرِ، آپ اپنی کِرپا کر، سد دے مان وڈیائیا۔ پوہ اٹھائی کہے میَں رہی اُڈیِک، آساں والی آس رکھائیا۔ جِس دا لیکھا لِکھ کے گیؤں ٹھیِک، اپنا حُکم ورتائیا۔ اوس دی اَگے لگّے پریِت، پِچھا جائے چُکائیا۔ جِس دا نام سِنگھ بخشیِش، ناتا رہیا تُڑائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سِنگھ بخشیِش ویلا انتم ویکھ، گُرمکُھ ساچے سچکھنڈ کھنڈ لَین انگڑائیا۔ سِنگھ پال آیا بن درویش، در سوالی ہو کے رہیا جنائیا۔ پُرکھ اکال مِہربان ہو کے ویکھ، اپنی دَیا کمائیا۔ اوہ سوہنا سُہنجنا دیس، جِتھے اپنا ڈیرہ لائیا۔ گُرمکُھ بچےّ تیری گود رہے کھیڈ، کِیوں لوکمات کریں جُدائیا۔ اِکّی سال پِچھوں پھیر دیویں بھیج، ہُن میری ضامنی وِچ رکھائیا۔ جوتی جوت سروُپ ہرِ، آپ اپنی کِرپا کر، دینی سد وڈیائیا۔ پال سِنگھ کِہا پربھ ویکھ کھول پلک،

پالنہارا تُوں ہی نظری آئیا۔ لکّھ چؤراسی تیری مخلوُق خلق، خالص گُرمکُھ تھوڑے تیرے وِچ سمائیا۔ ایہناں اُتے کر ترس، رحمت تیری بےپرواہیِا۔ بےشک تیرے واسطے سوہنا سُہیلا وقت، بھگتاں جگت جُدائیا۔ میری مرضی نال منظور کر میری عرض، آسا تیرے نال جنائیا۔ ہو حیَران نہ ویکھیں اسچرج، اچرج تیری بےپرواہیِا۔ میَں پریم وِچ بولاں گرج، اُچی کوُک سُنائیا۔ جوتی جوت سروُپ ہرِ، آپ اپنی کِرپا کر، دان اپنا جھولی پائیا۔ پال سِنگھ کہے میَں منگاں منگ وِچ دروازہ، اندر باہر ونڈ نہ کوئے ونڈائیا۔ بن وِچولا آیا سانجھا، بیننتی اِک سُنائیا۔ بےشک حُکمے تیرے اندر باندھا، چلے کوئی نہ کِسے وڈیائیا۔ جوتی جوت سروُپ ہرِ، آپ اپنی کِرپا کر، مِہر وست جھولی پائیا۔ وِچ دروازے سچ دہلیز، تُوں ہی نظری آئیا۔ جے تیری بھگتاں نال پریِت، کِیوں نہ بھگت دئیں ترائیا۔ بخشیِش اُتے کر بخشیِش، بخشش زِندگی دے پرتائیا۔ اٹھائی پوہ دی بدل دے تاریخ، یکطرفہ ہو کے عرض سُنائیا۔ تیَنوُں مِل کے جے بدلے نہ نصیب، جنم کرم پندھ چُکائیا۔ جوتی جوت سروُپ ہرِ، آپ اپنی کِرپا کر، لیکھا سب دا دئے چُکائیا۔ پال سِنگھ کہے میرے بھگوان، سچ دیاں جنائیا۔ میَں سچکھنڈ وِچوں سِدھا مِلیا تیَنوُں آن، اَدھوِچکارنہ کوئے اٹکائیا۔ تیرے چرن کر پرنام، پِچھلی خوشی اَگے نیڑے آئیا۔ سچ وِتھیا آیا سُنان، در تیرے دیاں دُہائیا۔ ویہہ سؤ اِکّی ہوئی پردھان، پردھانگی تیری بےپرواہیِا۔ جوتی جوت سروُپ ہرِ، آپ اپنی کِرپا کر، دینی مان وڈیائیا۔ پال سِنگھ کہے میرا قؤل اِقرار، ویلا وقت گیا آئیا۔ بیالی سال ہو گئے کردیاں اُدھار، ترتالیواں اپنا رنگ رنگائیا۔ اپنے لیکھے وِچوں کڈھ اوہ کِتاب، جیہڑی بِن اکھّراں لئی چھپوائیا۔ جِس دے وِچ تیرے بھگتاں دا حِساب، میری لئیں گواہیِا۔ اُس دا لیکھا منگنا آج، جوت سروُپ اِکّی سال پِچھوں تیری آس رکھائیا۔ جِناں چِر میَں ہوواں نہ تیرے ساتھ، اوناں چِر بھگت ببان نہ کوئے اُٹھائیا۔ ایہہ میری پِچھلی توں پِچھلی دات، جِس دے پِچھےدِتا سیِس کٹائیا۔ سِر دے کے گوبِند دے سِر دھریا تاج، کلغی تیری چمکائیا۔ تیرا جیِنودیاں مرن توں پہلاں دِتا ساتھ، دو جہاناں سنگ رکھائیا۔ یاد رکھ اوہ بات، جیہڑی اُنی سؤ اِکانویں بِکرمی دِتی سُنائیا۔ تیہہ سال پِچھوں آئی اوہ رات، جِس دی پربھات نہ کِسے بنائیا۔ میَں ماری اِک آواز، دُھر دا نعرہ لائیا۔ جو تیَنوُں میری لاج، گُرمکُھ لےَ بچائیا۔ در دوارے جا کے دے کے آویں دات، داتا ہو کے دَیا کمائیا۔ تیراں پوہ میَں ویکھن آواں خاص، نِرگُن تیرا پندھ مُکائیا۔ پُرکھ اکال ویکھیا مار جھات، اپنی اکھّ کھُلائیا۔ میرے نال کؤن کردا بات،

کَون در دروازے رہیا اٹکائیا۔ جاں مستک تکّیاں اوہ پُھل گُلاب، جِس دی مہک گُرمکُھاں اندر سمائیا۔ جِس دے سُت بِنا بھگوَن کہے میری رکھے کؤن لاج، نگر کھیڑا وسن والا نظر کوئے نہ آئیا۔ جِس دے پِچھےمیرے سیِس تے سوہیا تاج، بِن سیِس دھڑ مِلی وڈیائیا۔ میَں ہؤلی جِہی دیواں آکھ، سُن پال میَں سدا تیرا سنگ نِبھائیا۔ تُوں پہلوں اِکّی دِن بھگتاں دی کردا رہیں تلاش، پھیر میرے کول آنا چائیں چائنیا۔ ایس توں پِچھوں جن بھگتاں لےَ کے جاواں اپنے گھاٹ، سچ دوارے دیاں بہائیا۔ بِن تیرے میرے جن بھگتاں وِچوں کوئی نہ جائے لوکمات، دوہاں دا اِکو وار اِکٹھا درشن نظری آئیا۔ مہاراج شیر سِنگھ وِشنوُں بھگوان لہنا چُکا کے زِندگی وفات، وفات زِندگی وِچ بدلائیا۔ جے پنج واراں آتما سِنگھ دیوے آکھ، بخشیِش سِنگھ اُتے دَیا دیو کمائیا۔ ایسے کرکے منگایا نال ساتھ، وِچولا دئے جنائیا۔ پِچھلا لیکھا جائے پاٹ، اگلا لہنا لہنے وِچ رکھائیا۔ مہاراج شیر سِنگھ وِشنوُں بھگوان، سرب کلا سمراتھ، جو چاہے سو کرکے دئے وکھائیا۔

کرپا کر پربھ کملاپتی، پاتی پِچھلی رہی جنائیا۔ دو جہان کہن اسیں ویکھیا اکھّیں، اپنا دھیان لگائیا۔ جِس ویلے ارجن بَیٹھا لوح تتّی، سوہنے آسن سوبھا پائیا۔ تھلّے اگّ ڈاہُندا سی جو مٹھی مٹھی، بھٹّھی خوُب تپائیا۔ اُس انتر آس اِک رکھی، ترِشنا نال مِلائیا۔ پربھوُ میری بےبسی، حُکمے اندر کار کمائیا۔ لکڑی دوہتھڑا مار کے پِٹی، جو وہناں دے اندر ساڈھے تِنّ میل وہِندی آئیا۔ جِس کارن راوی کنڈے سُٹی، ساڈھے تِنّ رُپئیے قیمت پائیا۔ اُس ارجن دی تائی ہڈّی ہڈّی، اپنی سیو کمائیا۔ پِچھلی یاد اجے پریم وِچ بدھّی، ناتا نہ سکے چُھڈائیا۔ جِس نے اگّ ڈاہی تتّی، اُس نوُں وا دینی ٹھنڈی، اگنی اگّ بُجھائیا۔ ویہہ سؤ ویہہ بِکرمی منسا سِنگھ گھر کھادھی سوگندی، اَگے جان دی اجے پابندی، راوی راہ وِچ رووے مارے دھائینا۔ اُس ویلے ارجن منگ اِک منگی، ٹُٹی اپنے نال گنڈھیں، جِس ویلے دو توں اِک نظری آئیا۔ دو اِک دی اِکّی چنگی، جِس وِچ بھگتاں رہے کوئی نہ تنگی، سرِشٹی اندھی نظری آئیا۔ اُس ویلے آویں اِویں پےَ کے چؤداں توں اگلا دِن پندراں پوہ ٹیڈھی ڈنڈی، اگلا پندھ مُکائیا۔ پھیر میَں دسّاں اگلی کھیل اِک ہور چنگی، تیرے اَگے واسطہ پائیا۔ اِک ہور میرا سنگی، جو دربان چندوُ دی نوُنہہ اَگے لنگھائیا۔ اُس دا پربھوُ تُوں بننا پکاّ سنبندھی، ناتا پکاّ جوڑ جُڑائیا۔ بےشک تُوں اچھل چھلدھاری بہُڈھنگی،

تیرے بھگت تیرے کولوں چنگی کرن پڑھائیا۔ میرے کولوں آ کے راوی پھیر لنگھیں، اپنا چرن اُٹھائیا۔ اوہدی جنم جنم دی کٹّنی پھندی، فَیصلہ حق سُنائیا۔ جوتی جوت سروُپ ہرِ، آپ اپنی کِرپا کر، پوُرب لہنا دینا ورتائیا۔ بھٹھیالا کہے میرے نِرنکار، میری اِک عرضوئیا۔ بےشک میَں اگنی رہیا بال، اندروں تیرا نام دِھیائیا۔ میَں کنگالاں وِچوں کنگال، شہنشاہ حُکم نال حُکم رہیا منائیا۔ میَں نیویں ہو کے ویکھیا اوہ دربان، جو مِہر نظر اُٹھائیا۔ جِس بالی نڈھّی نؤجوان، ارجن دِتی مِلائیا۔ اوس چرنی ڈھیہہ کے کِہا میرے گُن نِدھان، تیری بےپرواہیِا۔ میرے نالوں پہلوں پار اُتارنا ایہہ جوان، جو تیرا درس رہیا کرائیا۔ ارجن اِشارے نال دسّیا بِنا زبان، اُنگلی اُپر رکھائیا۔ جِس ویلے آپ آئے والی دو جہان، دوہاں دا لیکھا دئے مُکائیا۔ تُوں ماں تے ایہہ تیرا پُت بنے نادان، دوہاں اندر دِسے آپ رگھُرائیا۔ لوکمات لیکھا چُکائے آن، لہنا پوُرب جھولی پائیا۔ اوہناں دا جنم، اوہناں دا کرم، اُہناں دا دھرم، ماں بنتی تے پُت دلیپ سِنگھ بلوان، بےپہچان دے سمجھائیا۔ سولاں پوہ گھر جا کے کرے کلیان، ہرِ سنگت خوشیاں رنگ رنگائیا۔ گل درویشاں والا چولا پا کے منگے دان، گُرمکُھ ہمیشہ لئی پار کرائیا۔ اِکو در وکھا کے بِردھ بال جوان، نڈھےّ اَدھوِچکار نہ کوئے اٹکائیا۔ بُھکھیاں نالوں بُھکھا ننگیاں نالوں ننگا ہوئے آپ بھگوان، چنّاں نالوں چنگے گُرمکُھ دئے وکھائیا۔ بندیاں وِچوں بندے ٹُٹیاں وِچوں گنڈھے، جِنہاں دے نال دو جہان ہنڈھے، پلّا سکے نہ کوئے چُھڈائیا۔ جیہڑی وست ارجن انتر منگے، اوہ پوُرا کرے سوُرا سربنگے، اُجاگر سِنگھ لیکھا دئے چُکائیا۔ اَگے پا کے اپنے پھندے، اپنے محل اندر ٹنگے، اٹل پدوی اِک جنائیا۔ پہلوں دھار پیائی امرت کھنڈے، ہُن مِہربان مِہر نظر نال کایا چولی انتر رنگے، گُرمکُھ خوشیاں نال پار لنگھے، سَتگُر داتا دئے وڈیائیا۔ جن بھگت اِکّی سؤ دا ہار پربھ ابناشی دے گل بنھے، رَویداس وِچولا نال رکھائیا۔ اَگے آپے پربھ جن بھگتاں دی سد منّے، مُجرم ہو کے مُکر کدے نہ جائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، اُتھوں مارے اِک اُچھلّے، بھجےّ واہو داہیِا۔ ستاراں پوہ بھلائیپُر آ کے گُرمکُھ چمکاوے اپنے چنے، ساچے چند کرے رُشنائیا۔ آتما سِنگھ ساتھ رہنا بھولے بھالے دھنےّ، راوی اپنے کندھے چُک کے پار دئے لنگھائیا۔ ویکھو تُہاڈے کہنے کِویں منے، منسا وِچ رُجھائیا۔ تُہاڈے جوڑیاں دے گھسدے ہوون تلے، تھلّے اپنا آپ وِچھائیا۔ تُساں پِھر کہنا پربھوُ واہ بلّے بلّے، جو بھگتاں اندر سِر نہ سکے اُٹھائیا۔ اُس ویلے اِک گلّ یاد کراؤنی جو کیِتی نال ڈلےّ، راوی دے اَدھوِچکارجا کے ڈیرہ

لائیا۔ اجےّ زخم اوہ الےّ، جو گھاؤ پٹھاناں چُھریاں نال وکھائیا۔ مہاراج شیر سِنگھ وِشنوُں بھگوان، اَگے چال اپنی چلے، پِچھلے لیکھے سرب مِٹائیا۔

۹ پوہ ۲۰۲۱ بِکرمی ہرِ بھگت دوار جیٹھوُوال امرتسر

گُر اوتار پَیغمبر کہن ویکھو نوکھنڈ، نوَ پوہ دھیان لگائیا۔ کھوج کھُجائے تیرے برہمنڈ، پاربرہم تیری بےپرواہیِا۔ پڑدا چُک کے ویکھیا سرِشٹ وربھنڈ، پڑدا پرے ہٹائیا۔ ساچا نظر نہ آیا کوئی رنگ، رنگت سچ نہ کوئے وکھائیا۔ تیِرتھ تٹ ویکھے ننگ، اٹھسٹھ رہے کُرلائیا۔ ساچا چمکے کوئی نہ چند، اندھ اندھیرا اِکو چھائیا۔ بھگت سُہیلے تھوڑے ویکھے جو تیرا گاؤندے چھند، سوہنگ ڈھولا راگ الائیا۔ اُہناں دے انتر ویکھی ٹھنڈ، اگنی تت نہ کوئے تپائیا۔ پریم پریِتی اندر مانن انند، نِجانند خوشی منائیا۔ بھانڈا بھرم ڈھاہ کے کندھ، دُئی دوَیتی دِتی چُکائیا۔ اِکو تیرا لبھ کے سنگ، سنگی دُھر دا لیا بنائیا۔ جِنہاں پِچھے ماریں آپ پندھ، بن کے پاندھی راہیِا۔ اسیں ویکھنی سیج سُہنجنی اوہ پلنگ، جو بھگتاں اندر آپ سُہائیا۔ جِتھے اٹّھے پہر وجےّ مردنگ، بِن تند ستار اپنا راگ الائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دِتا جنائیا۔ گُر اوتار پیِر پَیغمبر کہن ویکھے نؤ در، لکّھ چؤراسی کھوج کھُجائیا۔ ساچا مِلیا نہ کِسے گھر، کُنڈا مندر نہ کوئے کھُلائیا۔ پؤڑے سکیا کوئی نہ چڑھ، ڈنڈا ہتّھ نہ کوئے پھڑائیا۔ ساچا تیرا ناؤں کوئی نہ سکیا پڑھ، حِصیاں وِچ ونڈائیا۔ سَت سروُپی تیرا درس سکیا کوئی نہ کر، سنمکُھ ہو کے خوشی منائیا۔ کلجُگ انتم کھیل اگمّی رہیا کر، ہرِ کرتے تیری وڈیائیا۔ بھگت سُہیلے لئے ور، ناتا اپنے نال جُڑائیا۔ نِربھےَ ہو کے بھےَ چُکایا ڈر، بھاوی سیِس رہی نہ رائیا۔ کوُڑی کریا توڑ کے گڑھ، بھیوَ ابھیدا دِتا کھُلائیا۔ جوتی جوت سروُپ ہرِ، آپ اپنی کِرپا کر، گرِہ مندر دینی وڈیائیا۔ گُر اوتار پَیغمبر کہن ویکھے نؤ رس، سرِشٹ ہوئی ہلکائیا۔ تیرے مِلن دی کھُلی کِسے نہ اکھّ، پرتکھ روُپ نہ کوئے گُسائینا۔ جگت واسنا سارے رہے نٹھ، بھجّن واہو داہیِا۔ دیِناں مذہباں والی لےَ کے مت، متے من دے نال پکائیا۔ حقیِقت جانے نہ کوئی حق، حُکم سیِس نہ کوئے ٹِکائیا۔ کل کلکی ہو پرگٹ، پت پرمیشور اپنی دھار چلائیا۔ ساڈی سب دی ہوئی بس، تیرے اَگے اِک

عرضوئیا۔ جِدھر ویکھیئے تیرے بھگت تیرے گاؤندے جس، ساڈی کرے نہ کوئے پڑھائیا۔ تُوں اُہناں پِچھےجائیں نٹھ، لوکمات واہو داہیِا۔ بھگت دوارا کھول ہٹّ، بن ونجارا سچ ورتائیا۔ جوتی جوت سروُپ ہرِ، آپ اپنی کِرپا کر، کری کھیل بےپرواہیِا۔ گُر اوتار پَیغمبر کہن ویکھے نؤ نِدھ، چار کُنٹ دھیان لگائیا۔ بِن تیری کِرپا چلے نہ کوئی کِسے بِدھ، مان ابِھمان نظر کوئے نہ آئیا۔ صدی ویہویں ساڈی انتم تیرے نال ضِد، بالے ننھے ہو کے رہے سُنائیا۔ تُوں داتا گہر گمبھیِر گُنی گہِند، گَور تیری سرنائیا۔ تیرے حُکم اندر سُرپت اِند، شنکر نِیوں نِیوں سیِس جھُکائیا۔ برہما درشن کرے نِت، نیتر اکھّ کھُلائیا۔ سدا کھیل ویکھی انڈِٹھ، حیَرانی نظری آئیا۔ جوتی جوت سروُپ ہرِ، آپ اپنی کِرپا کر، اولّڑی کار کمائیا۔ اولّڑی کار تیری کرتار، کرنی تیری بےپرواہیِا۔ تیرا حُکم سدا جُگ چار، نہ کوئی میٹے میٹ مِٹائیا۔ ہؤں تیرے برخوردار، بال نِمانے نظری آئیا۔ سَتجُگ تریتا دواپرکلجُگ سیوادار، چاکر ہو کے سیِس جھُکائیا۔ تُوں ساہو بھوُپ سچّی سرکار، شہنشاہ اکھوائیا۔ ہؤں در بِھکھاری خِدمتگار، درویش روُپ وٹائیا۔ تُوں نوُر الاہی پروردِگار، سانجھا پیِر اکھوائیا۔ ہؤں دوئے جوڑ کریئے نِمسکار، دھوُڑی خاک رمائیا۔ تُوں پِتا پُرکھ اکال، اکل کل تیری وڈیائیا۔ ہؤں بالے نڈھے چھوٹے تیرے لال، لالن تیرا رنگ رنگائیا۔ تُوں شہنشاہ شاہ سُلطان، بھوُپت بھوُپ بےپرواہیِا۔ تُوں نِرگُن سرگُن وسیں نال، سد اپنی دَیا کمائیا۔ تُوں داتا دانی دیِن دَیال، دَیا نِدھ تیری سرنائیا۔ ہؤں نِت نوِت گھالن تیرے گھال، گھولی گھول گھول گھُمائیا۔ تُوں ویکھنہارا سچکھنڈ سچّی دھرمسال، درگاہ ساچی سوبھا پائیا۔ اٹّھ پوہ اَدھی رات ویکھیا تیرا سِنگھ پال، جِس دی پالکی اِک اُٹھائیا۔ تیرے در تے اوس کیِتا اِک سوال، پوُرب لہنا منگ منگائیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ گُر اوتار پیِر پَیغمبر کہن، اساں ویکھیا منگدا، نِدھڑک ہو کے سیِس نِوائیا۔ تیرے دوارے موُل نہ سنگدا، خوشیاں نال جنائیا۔ پُرکھ اکال کِیوں میرے بِنا جن بھگتاں اندر لنگھدا، اِک اِکلّا پھیرا پائیا۔ ویکھ میرا نوُر ظہوُر اگمّی چند دا، گوبِند کرے رُشنائیا۔ ناتا چھّڈ کے جیؤ پِنڈ دا، اِنڈ برہمنڈ دِتا تجائیا۔ کنارہ چھّڈ کے ساگر سِندھ دا، گُنی گہِند تیرے وِچ سمائیا۔ میرا پوِتر روُپ سُرپت اِند دا، شنکر اکھّاں نال وکھائیا۔ میَں نوُر تیری بِند دا، سچکھنڈ دوارے جنمے کوئے نہ مائیا۔ تیرا کھیل ساگر سِندھ دا، الکھ اگمّ تیری وڈ وڈیائیا۔ بےشک آد جُگاد جُگ چؤکڑی موُرکھ مُگدھ انجان تیَنوُں نِند دا، جن بھگت تیرا جس گائیا۔ تیرے دوارے کوئی

راگ تال نہیں سُر کِنگ دا، تلواڑا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، پڑدا اوہلا رہیا اُٹھائیا۔ گُر اوتار پیِر پَیغمبر کہن ویکھیا بلکاری، بَل اِکو نظری آئیا۔ جِنہاں بھگتاں دِتی سرداری، سو سد سد واری گھول گھُمائیا۔ اَگے اُہناں دی آئی واری، پِچھلی خواری دین مِٹائیا۔ چنگیاں نالوں چنگی تیری یاری، یارانہ اِکو نال رکھائیا۔ ہے بھگوَن نؤ سؤ چُرانوے چؤکڑی جُگ تیری جوت اکالن رہی کواری، سچ دوار نہ کِسے پرنائیا۔ بیِس اِکیسے ہرِ جگدیسے چھّبی پوہ وجّنی اگمّی تاڑی، بِنا ہتّھاں تال وجائیا۔ تیَنوُں لیکھا چُکاؤنا پَینا جو سِنگھ پال چرناں نال چُھہائی داڑھی، انتر آتم سیو کمائیا۔ جن بھگتاں بِھچھِیا پاؤنی ساچا نام ایہو ساؤنی ہاڑی، اَگے ہاڑا کڈھن دی لوڑ رہے نہ رائیا۔ بھگت جن تیرے منگتے نہیں نہ منگن آئے دِہاڑی، مزدوُراں وانگ مزدوُر نہ پھیری پائیا۔ میَں اُپر چڑھ کے ویکھیا دو جہان تکّیا تیری آد جُگادی ایہناں نال یاری، پِچھا دے نہ مکُھ بھوائیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ گُر اوتار پَیغمبر کہن اسیں رہے جھُکدے، جُگ چؤکڑی سیِس نِوائیا۔ کلجُگ انتم سچکھنڈ ویکھیا تیرے گُرمکُھ بُکدے، شیر شیر وانگ بھبک لگائیا۔ تُوں مالک بنا کے اِکو تُک دے، تُخم تاثیر اپنے نال رلائیا۔ اوہ کِسے کولوں نہیں پُچھدے، سِدھے آون بھجّن واہو داہیِا۔ اوہ روکیاں نہیں رُکدے، بَیٹھے پندھ مُکائیا۔ اوہ بُھکھے تیرے درس پیارے مکُھ دے، دوُجی نظر نہ کوئے ٹِکائیا۔ اوہ ونجارے تیرے نام سُکھ دے، دوُجی آس نہ کوئے ودھائیا۔ کلجُگ انتم لُکیاں نہیں لُکدے، سب توں وکھرے ڈھولے رہے گائیا۔ ناتے جوڑ پِیو پُت دے، گوبِند میلا لیا مِلائیا۔ ویکھ بھاگ اپنی کُکھ دے، بن کے جن جنیِندی مائیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ گُر اوتار پَیغمبر کہن دسّیئے کی، کتھا کہانی ساری دِتی بدلائیا۔ تیرے بھگت اِک تیَنوُں کہِندے جی، دوُسر سیِس نہ کِسے جھُکائیا۔ ساڈی دیِناں مذہباں والی چھّڈ گئے لیہ، لائن اپنی لئی بدلائیا۔ کوئی کہے میَں پُتر کوئی کہے میَں دھی، ناتا تیرے نال جُڑائیا۔ ساڈھے تِنّ ہتّھ سِنگھ منجیِت سُہا کے نیہہ، سِیاں سوہنی دِتی وڈیائیا۔ سچ دوارے بیِج دِتا بی، پُھل پُھلواڑی گُرمکُھ آپ مہکائیا۔ ایسے کرکے گوبِند دِتی وڈیائی ویہہ سؤ ویہہ، اِکّی تیرے ہتّھ پھڑائیا۔ اوس اِکّی دی رکھنی نیہہ، جِس دے پِچھےبچےّ نیہاں وِچ دبائیا۔ گُر اوتار پیِر پَیغمبر بلہارے جاون تھی، نِیوں نِیوں سیِس جھُکائیا۔ چار کُنٹ دہ دِشا ویکھیا تیرا چرن دوارا وسیع، پَیمائش وِچ ناپ نہ کوئے کرائیا۔ سب توں وکھّری نِرالی ویکھی تیری ترجیح، دُھر دے حُکم نال

سمجھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گُر اوتار پَیغمبراں وِچوں اُٹھیا کرِشن کاہن، کہن کہن کُچھ آئیا۔ بےشک ترلوکی دا دِتا میَنوُں مان، ترےَ بھوَن تیری وڈیائیا۔ سخیاں نال کیِتا کھیل مہان، پنگھٹ اپنا پھیرا پائیا۔ بنسری نال سُنایا گان، گٔوآں چار خوشی منائیا۔ جودھا بن کے وِچ بلوان، سوُربیِر دِتے لڑائیا۔ انتم خالی کر مَیدان، مدد تیری اِک تکائیا۔ پھیر سُتّا وِچ بیابان، چرن گوڈے اُپر ٹِکائیا۔ اُدھروں بدھکّ ماریا بان، لیکھا پوُر وکھائیا۔ اُس منگیا پھیر دان، رو رو جھولی ڈاہیِا۔ میَنوُں خِما کر بھگوان، بُھل دے بخشائیا۔ اُس ویلے میَنوُں آیا اِک فرمان، فُرنیاں وِچوں جنائیا۔ تیرا لیکھا مُکنا وِچ جہان، کلجُگ انتم دئے گواہیِا۔ مانَس دیہی ہووے سِنگھ رام، رام تیری وڈیائیا۔ اُس دا دوُجا مِتر اُنیویں سال وِچ انجان، کولوں دئے صلاحیِا۔ ایہو جِہا پریمی مِلنا نہیں بھگوان، جو شتروُ لئے ترائیا۔ نیتر رو کے چرنیں ڈِگا آن، بیننتی اِک سُنائیا۔ مانُکھ جنم کر پروان، منُکھتا لیکھے لائیا۔ اوس ویلے آیا اِک دھیان، انتر انتر آس اُپجائیا۔ دھنّ ماتا جِس ایہہ جمیا بال، مکُھ سیر لگائیا۔ اوسے ویلے کِہا کرِشن سُن بچےّ انجان، ایہہ اِچھیا موُل نہ بھائیا۔ دوُجی واری آؤنا پئے وِچ جہان، کنیا روُپ وٹائیا۔ بدھکّ نال ناتا جُڑے مہان، جِس دی دِتی گواہیِا۔ تیرا نغمیاں وِچوں نام شاناں وِچوں شان، شہنشاہ دئے وڈیائیا۔ پِتا پُتری ناتا اِک سمان، لوکمات دئے جُڑائیا۔ اُس دے نال سی اِک سوان، چھ مہینےِ پنج دِن اُمر گِنائیا۔ اوہ ویکھ کے ہویا حیَران، پربھ کی کی بچن سُنائیا۔ جِس بدھکّ ماریا بان، اوسے نوُں دئے وڈیائیا۔ جے میرا لیکھا مکاوے آن سِر میرے ہتّھ رکھائیا۔ میَں منگاں اِکو دان، اپنی جھولی ڈاہیِا۔ کِرپا کر سِری بھگوان، مِہر نظر اُٹھائیا۔ میرا ناتا جوڑ دے ایہناں نال، اَگے نہ ہوئے جُدائیا۔ جے سوان توں بنائیں اِنسان، ایہہ وی تیری بےپرواہیِا۔ تُوں آد جُگادی سدا سدا سد مِہربان، سِر اپنا ہتّھ ٹِکائیا۔ اوسے ویلے ہویا فرمان، بِن لیکھے لیکھ دِتا دِرڑائیا۔ تیرا ایہناں نال مان، دھیان دھیان نال جُڑائیا۔ بچّی نال بچّی ہووے پروان، پِتا اِکو نظری آئیا۔ کلجُگ انتم لیکھا چُکےجہان، ابناشی کرتا دئے مُکائیا۔ اندر باہر گُپت ظاہر ویکھنہارا مار دھیان، دھیانی ایکا دھیان رکھائیا۔ زِندگی وِچوں زِندگی بلیدان، جِندرے وِچوں باہر کڈھ جِندر پار کرائیا۔ اوسے ویلے اِک پنکھی آیا مار اُڈار، ساڈھے تِنّ ہتّھ کول ڈیرہ لائیا۔ میَں سُنیا تیرا گیان، دُھر دا راگ الائیا۔ میرے اُتے ہو مِہربان، دے مان وڈیائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ آیا پنکھیروُ اِک گرڑ، اپنے پنکھ سوُاریا۔ اُچی بول سُنایا

کڑک، دُھر دا نام اُچاریا۔ تیرا لہنا سدا نِدھڑک، انت نہ پاراواریا۔ تُوں مالک عرش فرش، تِریلوکی ناتھ اکھوا رہیا۔ میرے اُتے کر ترس، اِکو منگ منگا رہیا۔ میَں تیرا کیِتا درس، سِری بھگوان تیرا روُپ نظری آ رہیا۔ کرِشن کِہا ایہہ کھیل اِک اسچرج، جِس دا بھیو کوئے نہ پا رہیا۔ تُوں نہ جانے اپنی اگلی پِچھلی فرد، لہنا لیکھ نہ کوئے وکھا رہیا۔ پہلے جٹاؤ رہیا بھڑک، ہُن اگلا راہ تکا لیا۔ پھیر مانَس بننا مرد، منُکھ روُپ وٹا رہیا۔ جِس ویلے کلجُگ اندھیرا ہویا گرد، ساچا چند نوُر مکُھ چُھپا لیا۔ اُس ویلے تیرا اِکو فرض، تیَنوُں سچ سمجھا لیا۔ نِرگُن سرگُن ہو کے آوے پرت، گُر گُر کھیل کھِلا رہیا۔ نانک دھار ارجن وڈیائی دیوے دھرت، دھرنی آپ سُہا لیا۔ جوتی جوت سروُپ ہرِ، آپ اپنی کِرپا کر، دُھر دا لیکھا آپ لِکھا لیا۔ کرِشن کہے سُن پنکھیروُ پنکھی، تیَنوُں دیاں دِرڑائیا۔ تیرا حال سِری بھگوان ویکھے اکھّیں، پڑدا اوہلا نہ کوئے رکھائیا۔ پہلوں گُر ارجن دی تپنی بھٹّھی، اگنی ڈاہُنا تیری سیو جنائیا۔ اوتھے آؤنی پھیر تیَنوُں متی، انتر انتر وجےّ ودھائیا۔ سرِشٹی دِسے لوح تپی، تیرے نَین ویکھ ویکھ خوشی منائیا۔ اُس ویلے پڑھنی اِک پٹّی، جو ہؤلی ہؤلی ارجن اندرے اندر گائیا۔ پُرکھ اکال دی بن کے سخی، سخا سنگ جائے تجائیا۔ اوانگ سوہنگ دھار جِس دے اندر وسی، وصل سچ دئے کرائیا۔ پھیر تیرے جنم دی جوت نِرنجن جگن والی بُجھنی بتّی، ساڈھے تِنّ ہتّھ رہن نہ پائیا۔ جِس ویلے پت پرمیشور آوے کملاپتی، پاربرہم برہم اپنا ویس وٹائیا۔ اُس ویلے تیرا جنم دیوے اِک جٹّی، کوجھی کملی نظری آئیا۔ ویکھے کھیل پُرکھ ابناشی سچّی، سچ سچ دیاں سمجھائیا۔ کلجُگ انتم سَت کِتے نہ رہے رتی، کوُڑ کُڑیارا گھر گھر پھیرا پائیا۔ تیرا لہنا پھیر مکاوے پُرکھ اکال اِک وڈ سمرتھی، سِر اپنا ہتّھ ٹِکائیا۔ جِس کنارے تیری ہٹّی، راویؤں لہِندی دِشا ویکھ وکھائیا۔ اوسے کنارے آوے پُرکھ سمرتھی، اپنا پھیرا پائیا۔ بدھکّ نال مِلا کے تیری اکھّیں، بالیاں نال ونڈ ونڈائیا۔ پندراں پوہ پِچھوں پھیر بھرنی پئے نہ کِسے دی چٹّی، چِترگُپت لیکھا نہ کوئے وکھائیا۔ بھاگ لگا کے کُلّی ککّھیں، ککّھوں لکّھ دئے بنائیا۔ لکّھاں دا داتا گُرمکُھ اَرباں کھرباں پتی، گھر ساچے خوشی منائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، لہنا دینا سدا سدا سد جُگ جُگ آپ مُکائیا۔

۱۰ پوہ ۲۰۲۱ بِکرمی ہرِ بھگت دوار جیٹھوُوال

دس پوہ کہے میَں ویکھیا لکّھ چؤراسی جِسم، تن ماٹی خاکی کھوج کھُجائیا۔ ساچا نوُر ظہوُر مِلیا کِسے نہ اِسم، عصمت سارے بَیٹھے لُٹائیا۔ میَں سوگند کھا کے کہاں قسم، حق حقیِقت اِک جنائیا۔ بِن جن بھگتاں وڑیا کوئے نہ دوارے دسم، دہ دِشا نہ رنگ رنگائیا۔ سب توں وکھّری نِرالی چلا کے رسم، اپنی کھیل کھِلائیا۔ لیکھے لا کے پِچھلی بھسم، بھانڈا بھرم بھنائیا۔ گُرمکُھاں اندر آیا وسن، سچ دوارے ڈیرہ لائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ دس پوہ کہے میَں ویکھیا سنسار، چاروں کُنٹ کھوج کھُجائیا۔ ساچا کرے نہ کوئے دیِدار، درس دید کوئے نہ پائیا۔ چار کُنٹ ویکھی خَوار، دھیِرج دھیِر نہ کوئے دھرائیا۔ گُر اوتاراں پیِر پَیغمبراں رہیا نہ کوئے اختیار، سچ دربار نہ کوئے لگائیا۔ دو جہان روندے دھاہاں مار، دھرنی دھرت دھَول کُرلائیا۔ بِن بھگتاں کوئی نہ مِلیا ہرِ نِرنکار، نِج نیتر درس کوئے نہ پائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ پوہ دس کہے میَں دسم دوارا ویکھیا آپ، پُرکھ ابناشی دَیا کمائیا۔ بِن بھگتاں کِسے نہ لبھی جاچ، اندر وڑن کوئے نہ پائیا۔ اکھّراں والی پڑھن گاتھ، سطراں والی کرن پڑھائیا۔ نٹوُآ بن کے کرن ناچ، منوُا نال رلائیا۔ بھیکھاں والی کرن بات، سچ سَت نہ کوئے سمجھائیا۔ دُہاگن بن کے نار کم ذات، کوُڑ کُڑیارا جگت ہنڈھائیا۔ ساچا ملِے نہ دُھر دا باپ، پِتا پُرکھ نہ گود اُٹھائیا۔ گُر اوتار پَیغمبر رہے کانپ، تھر ہر روُپ وٹائیا۔ جوتی جوت سروُپ ہرِ، آپ اپنی کِرپا کر، اپنی کھیل رہیا کھِلائیا۔ دس پوہ کہے میَں دسم دوار دی ویکھی تاکی، کُنڈی کھِڑکی جن بھگتاں دِتی کھُلائیا۔ اُہناں دا پُرکھ اکال بنیا ساتھی، دُھر دا سنگ نِبھائیا۔ دِوس رَین کرے باتی، باطن حال جنائیا۔ کوُڑی کِریا میٹ اندھیری راتی، سَت جوت کرے رُشنائیا۔ جن بھگتاں منّ کے آکھی، اکھّر اپنا دِتا سمجھائیا۔ ہِردے اندر بن نِواسی، آسن سوہنا اِک سُہائیا۔ جوتی جوت سروُپ ہرِ، آپ اپنی کِرپا کر، سچ دِتی مان وڈیائیا۔ دس پوہ کہے میَں ویکھی جھلک، نوُر نوُرانہ آپ جنائیا۔ جن بھگتاں کھُلی ویکھی پلک، ہرن پھرن ڈیرہ ڈھائیا۔ پریم پیار دا لگا کے تِلک، تعلق اپنے نال بنائیا۔ دو جہان دے کے خِلعت، خالص اپنا رنگ رنگائیا۔ سچ دوارے کرکے مِلّت، میلا کیِتا سہج سُبھائیا۔ اوتھے شَیطان کرے کی عِلّت، جِس سِر اپنا ہتّھ ٹِکائیا۔ جن بھگتاں کِسے دی کرن دیوے نہ مِنّت، پھڑ باہوں پار لنگھائیا۔ نؤ سؤ چُرانوے چؤکڑی جُگ گُر اوتار پیِر پَیغمبر کِسے

دی پئی کوئی نہ ہِمّت، حوصلہ اَگے نہ کوئے ودھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ دس پوہ کہے میَں ویکھے دس دس، دہ دِشا دھیان لگائیا۔ جن بھگتاں بھگوَن ملِے ہسّ ہسّ، ہستی اپنی دِتی چُھپائیا۔ تیِر نِرالا مارے کس کس، دُھر دے چِلّے بان چڑھائیا۔ پندھ مکاوے نٹھ نٹھ، بھجےّ پاندھی راہیِا۔ جن بھگتاں پریم پریِتی رٹ رٹ، ناتا کوُڑا دِتا تُڑائیا۔ گُرمکُھاں دوارے کھول ہٹّ ہٹّ، سچ وست اِک ورتائیا۔ اپنے مِلن دی اکھّ کھول پرتکھ، نیتر لوچن نَیناں خوشی وکھائیا۔ آتم پرماتم جنا کے دُھر دا جس، وید پُراناں کھہڑا دِتا چُھڈائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ دس پوہ کہے میَں ویکھیا دہ دِشا واسی، واسطہ اپنے نال رکھائیا۔ جو نِت نوِت آد جُگاد جُگا جُگنتر جن بھگتاں دُھر دا ساتھی، سگلا سنگ نِبھائیا۔ کلجُگ انت سِری بھگوَنت رکھے چال بانکی، اشٹابکر بَیٹھا سیِس نِوائیا۔ اٹّھاں تتاں والی کایا پوش دی لاہ کے ٹاکی، پربھ چرناں ہیٹھ وِچھائیا۔ لہنا دینا دے دے باقی، جیہڑی رمز جنک ویلے سمجھائیا۔ میَنوُں رڑکے اجے ہِرکھ چھاتی، ابُھل بُھل کدے نہ جائیا۔ جیہڑی رَویداس گھر جمی کاکی، اوس ویلے نؤ سال دی میری اُنگلی لگّ کے آئیا۔ تُوں کرکے جگت چالاکی، میری اندروں تاکی دِتی کھُلائیا۔ میَنوُں ہسدے بندے خاکی، چمّ درِشٹی ویکھ وکھائیا۔ میرا مالک تُوں پت پرمیشور کملاپاتی، پتّن اِکو نظری آئیا۔ بھگتاں نالوں چنگے تیرے ساتھی، کلجُگ ویکھ وکھائیا۔ راجا جنک مارے اپنی جھاتی، بِن نَیناں اکھّ کھُلائیا۔ جِس اٹھاراں توں اٹھائی کُنڈ کرکے ویکھے کھیل تماشی، لوکمات جوت جگائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ دس پوہ کہے میَں ویکھی جنک سپُتری، در دوارے دھیان لگائیا۔ اوہ پچھّم دِشا اُتری، پوُرب اکھّ اُٹھائیا۔ چھوٹا بالا لےَ کے پِچھڑی، انتر آواز سُنائیا۔ جوتی جوت سروُپ ہرِ، آپ اپنی کِرپا کر، لیکھا سب دا دینا مُکائیا۔ پوہ دس کہے میَں ویکھی آئی بھیِلنی بہُرنگی، گل پاٹے چیِتھڑ پائیا۔ اوہدے کھبےّکنّ وِچ اِک کُنڈلاں والی ڈنڈی، دو ٹانک وزن وکھائیا۔ تیراں دندیاں والی کنگھی، چوٹی نال مِلائیا۔ پنجاں رنگاں والی انگی، ٹُکڑیاں گنڈھ لگائیا۔ دوہاں پَیراں نالوں ننگی، پانہی چرن نہ کوئے چُھہائیا۔ جگت لوک لاج کولوں نہ سنگی، آئی واہو داہیِا۔ میَں ویکھاں اوہ بُھجنگی، جِنہاں نوُں بُھینگ کُمار رہیا بنائیا۔ جِنہاں دے اندر اوس سروور نالوں سوہنی سُگندھی، جِس سروور نوُں دِتی رام وڈیائیا۔ میَں آسا پِچھلی پوُری کراں منگ منگی، مانگت ہو کے ویکھ وکھائیا۔ تُوں اچھل چھلدھاری

پربھوُ بڑا ڈھنگی، بےانت تیری وڈیائیا۔ جِس ویلے سرِشٹ سبائی ہووے اندھی، نیتر اکھّ نہ کوئے کھُلائیا۔ میَں اوس ویلے ویکھاں تیَنوُں کِویں بنیں بھگتاں سنگی، سگلا سنگ نِبھائیا۔ میَں نال لیائی اپنی چؤنہ کنیاں والی بغلی اوہ ٹنگی، جِس وِچ کچےّ بیر ٹِکائیا۔ جِنہاں نوُں کھادھا نال دندیں، ہیٹھلے اُپر لباں وِچ دبائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا چُکائیا۔ بھیِلنی کہے ویکھ حال دِل دا، دِلدار دیاں جنائیا۔ میَنوُں ویلا یاد جِس ویلے کھادھا چِھلکا ، رس اپنا آپ بنائیا۔ میَں اوہ سانبھ کے رکھی گِٹکا، دوُسر کِسے نہ ہتّھ پھڑائیا۔ میرا دھیان پِچھلا چِر دا، بَیٹھی راہ تکائیا۔ ہُن آیا رام پِھردا پِھردا، بنباسی پھیرا پائیا۔ جو بِن سدّیاں گھر آ کے مِلدا، لہنے دینے چُکائیا۔ اوس ویلے رام کِہا ایہہ حُکم میرے نرائن نر دا، جو مالک بےپرواہیِا۔ بھیلنی کِہا میَنوُں بھیت دسّ اوس گھر دا، جِس گھر ہر گھٹ وسیا رام ڈیرہ لائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دس پوہ کہے میَں ویکھے آؤندے، جو پِچھلا پندھ مُکائیا۔ گُرمکُھ ڈھولے ڈھئیے والے گاؤندے، گوبِند راگ الائیا۔ بِسمِل ہو کے وِچ وسماؤندے، وِسمادی روُپ وٹائیا۔ سخیاں بن کے اکھّیاں درشن پاؤندے، گھر ساچے خوشی منائیا۔ جگت ہٹّیاں موُل نہ بھؤندے، سچ دوارا اِکو نظری آئیا۔ منکھٹوُ ہو کے مُڑ گھر نہ بھؤندے، وست امولک لےَ کے جھولی نام بھرائیا۔ چرن لّگ نہ پِھر پچھتاؤندے، پشچاتاپ مِٹائیا۔ جوتی جوت سروُپ ہرِ، آپ اپنی کِرپا کر، سد تیرا راہ تکائیا۔ دسم پوہ کہے میَں ویکھیا دوزخ بہِشت، نرک سَورگ کھوج کھُجائیا۔ جن بھگت سُہیلے دوہاں توں باہر اپنے مارگ جان کھِسک، بِن قدماں قدم اُٹھائیا۔ صوُفیاں کِہا تیرا سب توں وکھّرا عِشق، معشوق مشق نہ کوئے کرائیا۔ جوتی جوت سروُپ ہرِ، آپ اپنی کِرپا کر، دیونہارا سچ وست، وستوُ اِک ورتائیا۔ پوہ دس کہے میَں ویکھیا لہِندا چڑھدا، چاروں کُنٹ اکھّ کھُلائیا۔ کلجُگ روُپ ہنکار گڑھدا، ممتا موہ ہلکائیا۔ گُرمکُھ وِرلا دُھر دا ڈھولا پڑھدا، سوہنگ راگ الائیا۔ سچ دوارے ہو کے بردا، سَت بندگی سیو کمائیا۔ پُرکھ ابناشی گھٹ گھٹ واسی اَگے ہو کے مِلدا، مِلنی جگدیِش کرائیا۔ پڑدا لاہ کے تیِجے تِل دا، نوُرو نوُر کرے رُشنائیا۔ مالک بن کے ساچے دِل دا، اندروں دلیِل دئے بدلائیا۔ پڑدا لاہ کے بجر کپاٹی سِل دا، سِدھا اپنا راہ وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دس پوہ کہے میَں ویکھیا آ کے، گھر ساچے وجےّ ودھائیا۔ جن بھگت سوہندے ہرِ درشن پا کے، پتت پُنیِت روُپ وٹائیا۔ جِنہاں نوُں صاحِب سُلطان اپنی چُکےڈھاکے،

ڈھاہ ڈھیری خاک نہ کوئے بنائیا۔ جِنہاں دے جُگ چؤکڑی چلے ساکے، قلماں شاہیِاں دین گواہیِا۔ اُہناں دا میل مِلیا اِتفاقے، بےپرواہ ہویا سہائیا۔ کوُڑ کُڑیارے توڑے ناطے، سجّن ساچے لئے بنائیا۔ جوتی جوت سروُپ ہرِ، آپ اپنی کِرپا کر، لیکھا لہنے وِچ چُکائیا۔ دسم پوہ کہے کھیل ویکھیا سوہنا سُہیلا، سجّن اِک اکھوائیا۔ گُروُآں ورگا گُروُ چیلیاں ورگا چیلا، پَیغمبراں ورگا پَیغمبر گُروُآں پَیغمبراں توں پرے مالک آپ اکھوائیا۔ جن بھگتاں کر کے سہج سُبھاؤ میلا، مِلاوٹ پِچھلی دِتی چُکائیا۔ پِچھلا چُکا کے وقت دُہیلا، اِکلّا ہویا آپ سہائیا۔ ساچا سماں سُہا کے ویلا، ویکھن والے چُپ کرائیا۔ جن بھگت کوئی نہ رہے پُت سؤتیلا، ناتا کوُڑا دِتا چُھڈائیا۔ جوتی جوت سروُپ ہرِ، آپ اپنی کِرپا کر، کلجُگ ویکھ پہاڑ جنگل جوُہ اُچے ٹِلّے پربت بیلا، سمُند ساگر ڈوُنگھی کھائی کھوج کھُجائیا۔ دس پوہ کہے میَں کھاواں سوگندی، سچ سچ دِرڑائیا۔ جن بھگتاں کٹّدا ویکھیا پھندی، پھاسی اَگے نہ کوئے لٹکائیا۔ دیِن مذہب دی رہے نہ کوئے پابندی، شرع شریعت نہ کوئے رکھائیا۔ لکّھ چؤراسی خانہ توڑ کے بندی، بری اپنے حُکم رکھائیا۔ پِٹھ رہے کوئی نہ ننگی، سیِس اپنا ہتّھ ٹِکائیا۔ گُرمکُھ سوانی نظر نہ آوے کوئی رنڈی، گوبِند شبد ہانی جوڑ جُڑائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ دسم پوہ کہے مَیتھوں پُچھو، پِچھلا حال سُنائیا۔ گُرمکُھ اُس نال نہ رُسو، رُسیاں رہیا منائیا۔ اُس دی چرنیں جھُکو، جو جھُک جھُک تُہاڈی سیو کمائیا۔ اُس دے کولوں موُل نہ لُکو، جو جُگ جنم دیاں لُکیاں باہر کڈھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ دس پوہ کہے سُنو بیننتی اِک، در ٹھانڈے دیاں جنائیا۔ پنجاں تتاں والیو بن جاؤ ساچے سِکھ، سَتگُر سِکھیا اِک دِرڑائیا۔ جِنہاں دے پوُرب لیکھے لئے لِکھ، انتم جھولی پائیا۔ جے سِری بھگوان تُہاڈے اُتے گیا وِس، وِسریاں پھیر اُٹھائیا۔ تُہاڈا آؤندیاں دا ویکھے مکُھ، جاندیاں دی تکّے پِٹھ، سوا گِٹھ اندر اپنی کھیل رچائیا۔ جِس دسم دواری دی کردے رہے سارے کھِچ، جوگ ابھیاس تپ سادھنا جگت کرائیا۔ اُس دی جن بھگتاں گھر بَیٹھیاں دے دیوے چِٹ، اُپر سوہنگ نام رکھائیا۔ گُرسِکھ تُوں میرا میَں تیرا پِت، پِتا پوُت اِکو گھر دے مالک نظری آئیا۔ جِنہاں دے اندر میَں وڑ جاواں وِچ، اُہناں نوُں دسم دواری چنگی موُل نہ بھائیا۔ اوہ کؤڈی وانگ سِکے بھری رِچ، وِچے بند کرائیا۔ جِنہاں دے انتر وسیرا ہویا نِج، اُہناں نِج نیتر پندھ مُکائیا۔ میَں بھگتاں نال آد جُگادی نِرگُن ہو کے گیا گِجھ، سرگُن خوشی منائیا۔ جُگ چؤکڑی میری وکھّری بِدھ،

شاستر سِمرت وید نہ کوئے سمجھائیا۔ جے دس پوہ رات نوُں لگّے پالا تُہاڈے اندر وڑ کے ماناں نِگھ، نِگاہ تُہاڈی اپنے وِچ مِلائیا۔ جے تُسیں کرو ضِد، اپنا بَل ودھائیا۔ میَں پھیر وی کہنا ایہہ چھِندے میرے پُت، جِنہاں اپنی گود اُٹھائیا۔ جِنہاں نال میری مؤلے رُت، سُہنجنی گھڑی سوبھا پائیا۔ اُہناں اُتے کِیوں نہ ہوواں خوش، جو خوشیاں وِچ میرا نام دِھیائیا۔ سرِشٹی نالوں ہو کے چُپ، مکُھ اپنا بَیٹھے بدلائیا۔ جن بھگتاں کولوں بھگت رہے پُچھ، کِتھے ملِے بےپرواہیِا۔ پال سِنگھ کہے اوہ سب دی منگے سُکھ، چار کُنٹ دھیان لگائیا۔ مہاراج شیر سِنگھ وِشنوُں بھگوان، نہ مانَس نہ منُکھ، جوتی جاتا پُرکھ بِدھاتا مالک خالق پت پرمیشور پاربرہم نِرگُن نوُر جوت رُشنائیا۔ جِس نوُں بھگتاں مِلن دی لگّی بُھکھ، بِن درشن سانت کدے نہ آئیا۔ سو دوُر دُراڈا نیرن نیرا نیڑے گیا ڈُھک، لہنا دینا پندھ مُکائیا۔ جن بھگتو اُس توں لہنا دینا لےَ لِؤ کُچھ، جیہڑا لوَ کُچھ سیِتا جنک سپُتری جوڑ جُڑائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، مِہر نظر نال پار کرائیا۔

۱۱ پوہ ۲۰۲۱ بِکرمی پاکستانی مُسلماناں دے نال پِنڈ مسانیاں

تمنّا ہوئے جِس ذاتی مذہب، جلوہ تکّے نوُر خُدائیا۔ کی ہویا جے کائنات کرے نہ فقیِراں ادب، محبوُب حق ویکھن کوئے نہ پائیا۔ صوُفی کدے نہ کہن ہویا غضب، چلن پروردِگارے رضائیا۔ صدی چؤدھویں کھیل رہیا بدل، عدل ہتّھ بےپرواہیِا۔ جِنہاں کیِتا اصل وصل، واسطہ واحد نال رکھائیا۔ اوہ اُس دی ذات اوسے دی نسل، تت پوش ونڈ نہ کوئے ونڈائیا۔ جوتی نوُر خُدا دا فضل، رحمت اِک رکھائیا۔ ساچا نغمہ نام اُس دی غزل، کوُڑی غفلت دئے مِٹائیا۔ جِنہاں چڑھ کے ویکھیا اوس محبوُب دی ساچی منزل، جِتھے نعرہ اِکو اِک شنوائیا۔ جوتی جوت سروُپ ہرِ، آپ اپنی جوت دھر، سچ تؤفیِق اِک خُدا چؤداں طبقاں رفیق مِہرباں محُبّت وِچ سمائیا۔ مِلیا میل کرو تُعارف، تعریِف نال سمجھائیا۔ حُجرے حق دی ہوئے زِیارت، نظرے نوُر اِلاہیِا۔ جِس مِلیا مُرشد سو مُریِد کرے سفارش، پھڑ باہوں سنگ رکھائیا۔ اوتھے الف یے دی مکُے عبارت، رسنا جِہوا زبان نہ کوئے پڑھائیا۔ بریخانے وِچوں بری کرے بِنا ضمانت، ظاہر ظہوُر نظری آئیا۔ جِس دی سدا سدا بنے

رہے اَمانت، سو امن وِچ ویکھے ایکا ایک دھیان لگائیا۔ جِس دی کھوج کر کر تھکے عارف، عُلما کر کر پڑھائیا۔ جوتی جوت سروُپ ہرِ، آپ اپنی جوت دھر، آد جُگادی وسنہارا ساچے گھر، مقامے حق سوبھا پائیا۔ مقامے حق دی دسّو تعریِف، واحد کلمہ اِک جنائیا۔ جِس نوُں کہِندے مُجارے شریِف، سلل بَیٹھا آسن لائیا۔ جِس دا نظر نہ آئے کوئی شریِک، لاشریِک اِک اکھوائیا۔ جِس دے وِچ وڈ تؤفیِق، تحفے سنتاں بھگتاں فقیِراں صوُفیاں گھر گھر جھولی پائیا۔ اوس دی سچ سچ حدیِث، حضرتاں کرے پڑھائیا۔ اوہ اندر دا کھوجی دُھر دا طبیب، کوُڑی کِریا روگ دئے گوائیا۔ جو محمد کرکے گیا نصیِحت، وصیّت اُمت ہتّھ پھڑائیا۔ اوہ لبھے کِتھوں اصلیّت، اِسم اعظم دئے جنائیا۔ مُریِد مُرشد مِل کے دوہاں دی اِکو جِہی ہو جائے طبیعت، اندروں طبع دئے بدلائیا۔ سچ پُچھو ساریاں دی اِکو ولدیّت، واحد خُدا سب دا باپ مالک اِک اکھوائیا۔ مِہربان اندر سدا مِہربان، محبوُب اِک اکھوائیا۔ جِس دا سَت سچ نِشان، زمیں اسماناں اُپر جھُلائیا۔ جِس نوُں مُسلم ہِندوُ سِکھ عیسائی سارے گان، راگاں ناداں کلمیاں وِچ ڈھولے رہے شنوائیا۔ جِس دا سدا سدا وسیرا اندر بنیا رہے مہمان، درویش ہو کے الکھ جگائیا۔ جِس دی صِفت مجید قرآن، تیس بتیِسا ملِے مان وڈیائیا۔ اوہ شہنشاہ پاتشاہ سب دا سُلطان، بھوُپن بھوُپ بےپرواہیِا۔ مات لوک مخلوُق سارا اوس دا خاندان، دیِن مذہب فِرقہ روُپ وکھائیا۔ اُس دا اِکو اِک اِیمان، کامل مُرشد عامل عمل وِچ رکھے لوکائیا۔ جِس نوُں پَیغمبراں کِہا مہِندی امام، امن دا داتا صاحِب اِک اکھوائیا۔ رسنا جِہوا زبان نال سارے کردے اوس دیاں باتاں، اندر وڑ مندر چڑھ ساچے حُجرے نوُری درس کوئے نہ پائیا۔ اُہناں دیاں لیکھے لگّن نِمازاں، جِنہاں مِلیا غریِب نِواجا، بِن مکّے کعبیوں کرا دئے کایا اندر حاجا، اگلی حاجت رہے نہ رائیا۔ اوہ پریم پیار دا ویکھیا اِک مُحتاجا، محض عاشق معشوق ویکھے تھاؤں تھائنیا۔ اوہ خواجیاں دا خواجہ، نواباں دا نواب، جناباں دا جناب، عالیشان بےپہچان سچ دوارے سوبھا پائیا۔ جوتی جوت سروُپ ہرِ، آپ اپنی کِرپا کر، ویکھنہارا اوہ مکان، جِس مکان دا مالک اِکو نظری آئیا۔ دربان دا ویکھیا دربار، شاہ بدر چار منار، چاروں کُنٹ رہیا وکھائیا۔ جِس دی انتر خواہش اِکو سدھر، صدقے واری گھولی گھول گھُمائیا۔ جو انصاف وِچوں چاہے انصاف عدلاں وِچوں عدل، عادل اِکو نظری آئیا۔ جو کوُڑی کِریا کایا اندروں سب دی دیوے بدل، بدلہ لَین والا رہن کوئے نہ پائیا۔ مخلوُقے خُدا کَون مقتوُل کَون کرے قتل، کَون کھنڈا خنجر تلوار ہتّھ اُٹھائیا۔ جِنہاں صوُفیاں سچ خُدا

دے مِلن دا مطلب، اوہ جگت ناتے گئے تُڑائیا۔ اُسدے وِچ ہووے طلب، ساکھیات اُس دا درشن پائیا۔ ایہہ کوئی کہانی گاؤن والی نہیں نظم، نزاکت نال حِفاظت نال رفاقت نال مُریِد مُرشد اپنے گلے لگائیا۔ طبیعت اندر تابع داری، در درویشا منگ منگائیا۔ جِنہاں دی حقیِقت وِچوں حق نال لّگ گئی یاری، یرانے رہیا توڑ نِبھائیا۔ مجلساں وِچ نہ ہوئےخواری، مِہربان جِس اُپر مِہر نظر اِک اُٹھائیا۔ جو مُریِد مُرشد دا ہو کے رہے تابع داری، سِر قدماں اُپر ٹِکائیا۔ اوہ نہ معشوق نہ عاشق نہ نر نہ ناری، اِکو اُس دا نوُر نظری آئیا۔ ڈِٹھا نوُر نانک نِرنکاری، محمد محبوُب اِکو نظری آئیا۔ جِنہاں سمجھ لئی اُس دی رمز، رحمت وِچ سمائیا۔ اوہ منصوُر بن گئے شمس، اپنا آپ قُربان کرائیا۔ بندیاں وِچوں خاکی بندہ، پوش چمڑا نظری آئیا۔ چنداں وِچوں اوس دا نوُری چندا، جو اندر باہر کرے رُشنائیا۔ پریمیاں وِچوں اوس دے پریم دا پھندا، جِس دی ڈور نہ کوئے کٹائیا۔ اپنے نالوں تُہانوُں سمجھے چنگا، جو مِل کے خوشی منائیا۔ مُریِد مُرشد مُرشد مُریِد اِک نوُر ظہوُر وسنّدا، مشہوُر اکھّراں وِچ وڈیائیا۔ وجوُد جیٹھوُوال وسنّدا، اندر حُکم سچ خُدا بےپرواہیِا۔ ٹھیِکے دار واحد مالک، ایکا ایک ایک اکھوائیندا۔ جو ویکھنہارا خلق خالق، مخلوُق اپنا رنگ پرگٹائیندا۔ دو جہاناں بنے ثالث، عدل انصاف والا اِک اکھوائیندا۔ دیِناں مذہباں وِچوں کڈھ کے خالص، خواہش ہَوس حرص حافظاں اپنے نال مِلائیندا۔ اپنی ذات نال کرکے تعلق تابع داری اِک سمجھائیندا۔ جوتی جوت سروُپ ہرِ، آپ اپنی کِرپا کر، نوُر نوُرانہ ویکھ وکھائیندا۔ دسّو کیہڑے جانا اندر، غُسل حمام کیہڑا نظری آئیندا۔ جھاتی مارو ہنیری کندر، وصل یار کَون کرائیندا۔ جِتھے نہ کوئی سوُریا نہ کوئی چندر، زمیں اسمان روُپ نہ کوئے وکھائیندا۔ حق مقامے ویکھو منزل، مزہ محبوُب کی چکھائیندا۔ مِہرے کرم کرے نظر، فضل اپنا اِک سمجھائیندا۔ جوتی جوت سروُپ ہرِ، آپ اپنا نوُر دھر، نوُراں وِچوں نوُر اِک وکھائیندا۔ غُسل کرنا کیہڑا بدن، تن ماٹی خاکی صاف کرائیا۔ کیہڑی تمنّا اندروں رہی بدل، نفس رہی ہِلائیا۔ کیہڑی خواہش کیہڑی سَدھر، کیہڑی بدر کرے پڑھائیا۔ کیہڑی تقدیِر کرے بھگوَدھر، تدبیِر تقدیِر تصوّر کؤن کرائیا۔ کَون بَیٹھا اندر جھگڑا کرکے آپ وکھائے غدر، غُربت غَیرت گرہیا وِچ چُھپائیا۔ کِس بِدھ ہووے اوہدی مُرمّت، سچ سچ دِیو سمجھائیا۔ جے تُہاڈے اُتے ہوئی خُدا دی رحمت، رحیم اپنا دیو مِلائیا۔ جے اوہ تُہاڈے نال سہمت، سہم اندروں دیو چُکائیا۔ ساچا کلمہ دیو اِک نیامت، نیم حُکم اُس دا پوُر کرائیا۔ جے اُس دے گھر وڑن دی نہیں ممانت، مہمان خانے وِچ

محض اِکو دیو مِلائیا۔ جو سدا سدا سد رہے صحیح سلامت، مڑھی گور ڈیرہ کدے نہ لائیا۔ جوتی جوت سروُپ ہرِ، آپ اپنی کِرپا کر، ویکھنہارا اِک در، جِس دا دروازہ، ساچی درگاہ جگت اکھّاں نظر کِسے نہ آئیا۔ جگت اکھّاں ہوئی بیِنائی، نوُر ظہوُر دیو دِرڑائیا۔ کیہڑی منزل کیہڑی رُشنائی، کیہڑی شنوائی رہیا وجائیا۔ کیہڑی پیِر کیہڑی پَیغمبر کیہڑی رسوُل دئے وڈیائی، اصوُل اپنا دئے جنائیا۔ کایا اندر ہوئے سارے قرضائی، مقروُض بَیٹھے نظری آئیا۔ جِس دے نالوں ہوئی جُدائی، جُز اوسے نال مِلائیا۔ فِطرت وِچ مِٹے فِدائی، فضیلت وِچ فاضل فضل رحم کمائیا۔ واحد اِک لاشریِک دینا مِلائی، مِلاوٹ بناوٹ رہن کوئے نہ پائیا۔ جِس وصل نال دُرمت مَیل بِن غُسل کیتے دوُر ہو جائی، نِرمل نوُر اِک درسائیا۔ جوتی جوت سروُپ ہرِ، آپ اپنی جوت دھر، نوُر نوُرانہ شاہ سُلطانا ویکھنہارا سرب مےَخانہ، مُفت اپنا پھیرا پائیا۔