کتب خانہGranth 18 (Urdu)

۱۶ پوہ ۲۰۲۱ بِکرمی مُنشا سِنگھ دے گرِہ پِنڈ اوگرا ضِلع گُرداسپُر

ستّ رنگ کہن جِس ویلے گُر ہرگوبِند دھار پہنی سی میِری پیِری، تن خاکی دِتی وڈیائیا۔ اوس سمیں اُس دے مستک اُتے ستّ رنگ دی نظر آئی لکیِری، اپنا نوُر نوُر پرگٹائیا۔ اُس دے گل وِچ سوہے منِکیاں والی ستّ رنگ دی زنجِیری، جیہڑی ہیِرے لال موتی پنے ناؤں دھرائیا۔ اودھروں اِک سادھ آیا تقدیِری، پنج فُٹ لکڑی ہتّھ اُٹھائیا۔ اُس دے کول سی اِک نِکی جیہی گڈیری، جو کِھچی آیا واہو داہیِا۔ اُتے رکھی سوا فُٹ دی پیِڑھی، خوشیاں نال بنائیا۔ اَگے سنگت بڑی سی بھیِڑی، راہ کھیَڑا نہ کوئی سمجھائیا۔ اُس نے مُنہ وِچ اُنگلاں لےَ کے ماری سیٹی، اُچی آواز لگائیا۔ سارے ہسّن لگ پئے ایہہ کِدھر دا آیا ٹیِٹی، اپنا حُکم جنائیا۔ اوس نے کِہا مَیں دسّن آیا کہانی بیِتی، پِچھلا لیکھا دیاں جنائیا۔ جِس ویلے سُدامے دا کرِشن بنیا سی نزدیِکی، غریِب نِمانے میل مِلائیا۔ جیہڑی اوہدی براہمنی نے تندلا والی کُلر پِٹھی، خوشیاں نال گنڈھ بندھائیا۔ اوس ویلے اوس دے سٹّ لگّی سی اُپر چیِچی، سوا رتی خوُن نِکلیا چائیں چائنیا۔ اون پیِڑ وِچ وٹی کسیِسی، متھے وٹ چڑھائیا۔ اودھروں سُدامے دی آ گئی بھتیجی، گیاراں سال دی عمُر لِکھائیا۔ اوہدے کول سی اِک نِکی جیہی شیشی، جِس دے وِچ تیل نظری آئیا۔ اون اُتے لایا نال پریِتی، پیار نال سمجھائیا۔ اودھروں مالن اِک آ گئی وِچوں باغیچی، پُھلاں ہار گُندائیا۔ ایدھروں سُدامے دی ہوئی نیِتی، چلنا پندھ مُکائیا۔ اودھروں اوہدی سوانی دسےّ ٹھیِکی، اپنا ٹھاکر لَینا منائیا۔ مَیں وست امولک اِک لپیٹی، ایہہ اوس دی بھیٹ چڑھائیا۔ اوہ پٹولا جِس دے ستّ رنگ ٹوٹے نِکّے نِکّے کیِتی،

اِکٹّھا کرکے جوڑ جُڑائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ ستّ رنگ کہے جِس ویلے تندلاں دا تُلیا تول، سُداما یار اَگے رکھائیا۔ اوس ہؤلی کِہا بول، کی بھابی گھّلی مِٹھیائیا۔ اوس اَگے رکھی اڈول، چرناں اُتے ٹِکائیا۔ کرِشن نے ستّاں اُنگلاں نال لئی کھول، ستّاں رنگاں اُتے اِک اِک اُنگلی لائیا۔ پھیر نال کِہا مخؤل، ایہہ غریِباں دا نِشانہ چُک کے کِتھوں لیائیا۔ مَیں ویکھیا ایس دا دو جہاناں وجنا ڈھول، ایہدے تھلے سب نے ڈھولا گاؤنا بےپرواہیِا۔ اوس نے کِہا مَیں انبھول، سمجھ کوئے نہ آئیا۔ کرِشن نے تِن وار لیا ہتّھاں نال ٹٹول، ویکھ خوشی خوشی وِچوں پرگٹائیا۔ جِس ویلے ہرگوبِند آوے جوبنونتا سریر سڈؤل، مستک اپنے ستّے رنگ وکھائیا۔ اوس ویلے سُدامے تیری اِچھیا ہووے کول، تَینوُں دیاں جنائیا۔ اوس نے سب دے نال مار کے رول، بُھلیکھے وِچ پڑدا دینا پائیا۔ اندروں کرکے دھیان اڈول، پُرکھ اکال اِک منائیا۔ کلجُگ انتم ایہہ تیری وست آوے تیرے کول، سَت سَتوادی ستّاں دیِپاں دینا آپ جھُلائیا۔ ستّ رنگ کہن جِس ویلے ہرگوبِند پیَندھے خاں دے نال کردا سی گھول، ستّاں رنگاں والا قینچ اپنے تن چُھہائیا۔ نال وجدے سی ڈمکّے ڈھول، سوہنا اَکھاڑا ویکھے لوکائیا۔ جوتی جوت سروُپ ہرِ، آپ اپنی کِرپا کر، ساچی بنت رہیا بنائیا۔

۱۶ پوہ ۲۰۲۱ بِکرمی ترلوک سِنگھ دے گرِہ پِنڈ اوگرا ضِلع گُرداسپُر

ستّ رنگ کہن جِس ویلے پرہلاد نوُں ساڑن لگی سی ہولی، ہرناکش دِتی وڈیائیا۔ اوس ویلے ستّاں رنگاں دی گل وِچ پائی سی چولی، بہُروُپِییا ویس وٹائیا۔ پرہلاد نوُں چُک کے اپنی ڈؤلیں، اپنی گودی وِچ ٹِکائیا۔ بھگت نے بھگوان نوُں ماری بولی، اندرے اندر آواز سُنائیا۔ ہُن اپنے کنڈے تولیں، سچ ترازوُ ہتّھ اُٹھائیا۔ ویکھیں خاک وِچ نہ وِرولیں، تن ماٹی بھسم کرائیا۔ تیرے اُتوں آپا وار گھول گھولی، گھالنا تیری جھولی پائیا۔ سِری بھگوان کِہا بچّہ نہ پا رؤلی، مِہر نظر دیاں رکھائیا۔ ایہہ ستّ رنگ پؤن والی سڑ جائے ہولی، ستّاں دا مالک سِر تیرے ہتّھ رکھائیا۔ جِنہاں رنگاں پِچھے رکھیا کراں تیری اُپر دھؤلی، دھرتی ویس وٹائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ ستّاں رنگاں اندر بھگت کیِتی رچھیا، مِہروان دَیا کمائیا۔ نالے اگلی پا کے بِھچِھیا،

سچ دِتا سمجھائیا۔ نالے وکھرا لیکھ لِکھیا، دُھر دی دھار سمجھائیا۔ جِس ویلے کلجُگ اندھ اندھیرا ہووے رَین مسیا، مُشکل حل نہ کوئے کرائیا۔ اوس ویلے سِری بھگوان نِرگُن سروُپ آوے نسّیا، نر نِرنکار پھیرا پائیا۔ ستّاں رنگاں دا نِشان بنا کے ساڈھے تِنّ ہتّھیا، دیوے لوک مات وڈیائیا۔ جِس دے پِچھے پرہلاد تَینوُں رکھیا، ایسے دے پِچھے چار جُگ دے وِچھڑے بھگت ترائیا۔ مان وڈیائی دے کے حقیا، حاکم دُھر دے دیاں بنائیا۔ ستّاں رکھ کے لجیا، گھر گھر دیاں جھُلائیا۔ کوجھیاں کملیاں بنا کے چنگیا، چنگی طرح اپنا وجوُد دیاں وکھائیا۔ جِس طرح تیرا رنگ رنگیا، ایسے طرح ستّاں رنگاں دی دھار تیرے اندروں وکھائیا۔ نالے مؤج دیواں نال پلنگیا، نالے بِن دیوے باتی جوت کراں رُشنائیا۔ نالے پار کراں ڈوُنگھے وہن وہندیاں، ان تاروُ پار لنگھائیا۔ نالے پوُرب کرم دا لیکھ اَگاڑی جو دبیا، پردہ آپ اُٹھائیا۔ جوتی جوت سروُپ ہرِ، آپ اپنی کِرپا کر، تیرا لیکھا لیکھے پائیا۔ مہاراج شیرسِنگھ وِشنوُں بھگوان، اِک نِشانہ لہنا جگت جہانا، سَتجُگ تریتا دواپرکلجُگ پوُرب دیونہارا دانا، داتا ہو کے ساچی بِھچِھیا جھولی رہیا پائیا۔

سپت رِکھیاں آئی دلیِل، اِک دوُجے نوُں سارے رہے جنائیا۔ درگاہوں حُکم آیا سارے بنو شؤقین، آپو اپنا ویس وٹائیا۔ نال اِک تے کرو یقین، یک طرفہ دھیان لگائیا۔ اودھروں پِھردا تُردا نارد آیا وکیِل، جو جھگڑیاں دا جھگڑا بِن جھگڑیوں دئے بنائیا۔ اُس دے کول ساریاں کیِتی اپیِل، کُجھ سانوُں دے سمجھائیا۔ کیہڑا بستر لئیے پہن، سوہنا چنگا نظری آئیا۔ اُس نے کِہا مَیں گلّ نہیں کرنی کوئی لوک تیِن، تِنّاں لوکاں وِچ نہ کوئے وڈیائیا۔ جِس صاحب سَت دے سارے ادھیِن، بَیٹھے سیِس نِوائیا۔ اوس دے ہو کے دیِن، دُنیا والی منگ اوسے دے اَگے جھولی ڈاہیِا۔ ہِردے اندر لؤ چیِن، نِج آتم راہ تکائیا۔ اوہ تُہانوُں اپنا آپے دسّ دئے سیِن، پردہ دئے اُٹھائیا۔ جوتی جوت سروُپ ہرِ، آپ اپنی کِرپا کر، دُھر دی بنت بنائیا۔ سپت رِکھی آئی اُمنگ، اندرے اندر دھیان لگائیا۔ ستّاں ستّے نظری آئے رنگ، پُرکھ اکال دئے سمجھائیا۔ ایہہ سارے پہنوں نِشنگ، نِشانہ اپنا دِتا وکھائیا۔ لال کنچن سوُہا چِٹا پیِلا نیِلا کالا سوہنا لگے چند، چمک چمک نال چمکائیا۔ وکھرو وکھری دات تُہانوُں دِتا دھن، لوک مات دیوے وڈیائیا۔ کلجُگ انتم ستّاں نوُں اِکٹّھا کر کے دئے

بنّھ، مانَساں والی دئے وڈیائیا۔ ستّاں سچ کر کے لَینا منّ، منسا سب دی پوُر کرائیا۔ اوس نوُں چاڑھے اِکو پُرکھ اکال دا سچّا چنّ، شبد دُلارا روُپ وٹائیا۔ جِس جگت وِکار نوُں دینا ڈنّ، ہنکار دینا گوائیا۔ غریِب نِمانیاں دا بیڑا بنّھ، جن بھگتاں ہوئے سہائیا۔ اوس ویلے ساریاں مِل کے کہنا دھنّ دھنّ، دھنّ پربھوُ تیری وڈیائیا۔ جوتی جوت سروُپ ہرِ، آپ اپنی کِرپا کر، جُگ چؤکڑی تیرا لہنا ویلے وقت نال مُکائیا۔

براہمن دیاں اِکیاں پگّاں وِچوں رنگ ستّ، اپنا روُپ وکھائیا۔ جِس ویلے اوس گٹھڑی نوُں رَویداس دا لگّا ہتّھ، اوہ اندرے اندر نچّن ٹپّن کُدن چائیں چائنیا۔ کرن پُکار روی سانوُں کُجھ دسّ، اگلا حال سمجھائیا۔ جو تیرے اندر رہیا وس، اوہ سانوُں دینا مِلائیا۔ جِس دی یاد اندر ٹُٹیاں جوڑیاں ڈوری لاویں کس کس، کچّا تند دنداں نال کھِچائنیا۔ تیرا صبر سنتوکھ والا ویکھ کے ہٹھ، ساڈی دھیِرج رہی نہ رائیا۔ کیہڑا رام کیہڑا نام رہیا رٹ، جِس نے جھوُٹھے رٹےّ دِتے مُکائیا۔ رَویداس نے اوسے ویلے تِکھی آر اُتے دِتی رکھ، تھوڑی جِہی دبائیا۔ ایسے طرح پربھ میرا اندروں کھول دیوے اکّھ، پرتکھ نظری آئیا۔ اوہ ستّے پئے ہس، خوشیاں وِچ سُنائیا۔ اسیں کِویں کریئے اوہدا جس، سانوُں دے سمجھائیا۔ رَویداس کِہا اوہ میرا پُرکھ سمرتھ، سب دی آسا پوُر کرائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچ رکھائیا۔ ستّ رنگ کِہا سانوُں بدھّا براہمن نے گٹھڑی، اپنی ونڈ ونڈائیا۔ اُتے گنڈھ دے دِتی تکڑی، جیہڑی چھیتی کُھل کدے نہ جائیا۔ ساڈے اُتے چار ویراں لپیٹی اَخیِری پگڑی، اِک دوُجے اُتے دِتا بندھائیا۔ ساڈے اُتے اپنے ہتّھ وِچ پھڑن والی اڑا دِتی لکڑی، گنڈھ وِچوں آر پار لنگھائیا۔ تِن رنگ کہن سانوُں لئی جاندا سی کھتری، اپنیاں بچّیاں واسطے جِنہاں دی سگناں جنج چڑھائیا۔ ایس براہمن نے راہ وِچ کھول کے پتری، ایویں جھوُٹھا پتہ دِتا بنائیا۔ بُڈھیا تیری عمُر ستّر بہتّری، جے دان نہ دیویں تیری خالی رہے کُڑمائیا۔ آہ ویکھ ایہہ کُنڈلاں والی میری اکھّری، جیہڑی باراں راشی وِچوں نظری آئیا۔ اونے چِر نوُں اِک جٹّ ہتّھ پھڑی آؤندا سی بکری، رسّی ہتّھ وِچ لٹکائیا۔ براہمن کِہا ایہہ نہیں اندروں تگڑی، کوئی روگ اندروں رہیا ستائیا۔ جے

تیرے گھر جا کے مر گئی، تیرا ٹبّر ایہہ کھپائیا۔ جے تُوں دّچھنا کرکے میرے کول چھڈ جائیں، بیڑا تیرا پار لنگھائیا۔ جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ دو رنگ کہن سانوُں لیائی سی اِک مائی، اِکوَنجا سال دی عمُر جنائیا۔ اوہدے گھر آؤنے سی پہلی وار دو جوائی، جِنہاں دے سِر تے چیِرے دئے بنّھائیا۔ اَدھ وِچ پنڈت مِلیا اوہنے کِہا اوہ تے پِچھلے شُدائی، جے تیرے گھر گئے تیرا کوڑما دین کھپائیا۔ تیریاں دھیِاں نوُں ملِے نہ کوئے تھائیں، جگت جُگ نہ کوئے جنائیا۔ جے تُوں ایہہ دوویں چیرے مَینوُں بھیٹ دئیں چڑھائی، پھیر تَینوُں تتّی واؤ نہ لگے رائیا۔ اوس نے کِہا مِشر جی مَینوُں اوہناں کولوں بچائیں، جو کُچھ میرا مَیں تیرے اَگے رکھائیا۔ دان لےَ کے پنڈت نے کِہا ہُن جا مائی چائیں چائیں، اپنے گھر دا پندھ مُکائیا۔ پِچھوں خوشی نال کِہا واہ کِرپا کری گوسائیں، مِہر نظر اِک اُٹھائیا۔ اینے چِر نوُں اُدھروں اِک جھیور تے اِک آ گیا نائی، ججماناں گھروں پھیرا پائیا۔ اِک اِک پگڑی سی اوہناں بھیٹ چڑھائی، سوہنے رنگ رنگائیا۔ اَگوں براہمن مِل پیا آسن لائی، اِشارے نال رہیا جنائیا۔ نیڑے آؤ میرے بھائی، میری پتری تُہانوُں رہی بُلائیا۔ تُہاڈی زِندگی دے دِن رہ گئے ڈھائی، کِیوں سِر تے بَیٹھے بھار اُٹھائیا۔ ایہہ براہمن پروہت تُہاڈی کلیان دئے کرائی، جے آپو اپنے دستار میری بھیٹ دیؤ کرائیا۔ اوسے ویلے رو کے کرن لگے دُہائی، بہُڑی ساڈا کال کِدھروں آئیا۔ براہمن کِہا چھیتی چھیتی کر میرے ہتّھ دیؤ پھڑائی، ویلا گیا ہتّھ کِسے نہ آئیا۔ اوہناں رو کے کِہا اسیں تیری بھیٹ چڑھائی، سانوُں جماں توں دینا چُھڈائیا۔ پنڈت کِہا ہُن بھجّو واہو داہی، پِچھا نہ ویکھیو ایسے نال ہووے وڈیائیا۔ ستّاں دی بنّھ کے گٹھڑی آپ چلیا بن کے راہی، سوہنی پنڈ بنّھائیا۔ چؤداں دے وِچ لیا ٹِکائی، اِکیاں جوڑ جُڑائیا۔ اوہناں ستّاں رنگاں نوُں رَویداس دِتی وڈیائی، دُھر دا حُکم اِک سُنائیا۔ کلجُگ انت میرا نِرنکار تُہاڈا لیکھا دئے چُکائی، سَت سَتوادی ستّاں نوُں ستّاں دیِپاں وِچ دئے جھُلائی، اُپر اپنا نام لِکھائیا۔ مہاراج شیرسِنگھ وِشنوُں بھگوان، ستّاں رنگاں بخشنہار سرنائیا۔

۱۶ پوہ ۲۰۲۱ بِکرمی عطر سِنگھ دے گرِہ اوگرا ضِلع گُرداسپُر

ستّ رنگ کہن سانوُں پِچھلی یاد حدیِث، اپنے اندر ٹِکائیا۔ جِس ویلے عیسیٰ نوُں دین لگے سی صلیِب، خلیفے حُکم سُنائیا۔ اوس ویلے خُداوند آیا قریِب، نوُری جلوہ نوُر رُشنائیا۔ تک کے جلوہ ایہہ عجیب، عجب خوشی منائیا۔ پروردِگار تیری نصیِحت، مَیں سب نوُں آیا سُنائیا۔ مَیں لِکھن لگّا اِک وصیّت، لوک مات جنائیا۔ جِس دے وِچ اِک اصلیّت، اصل دیاں دِرڑائیا۔ جوتی جوت سروُپ ہرِ، آپ اپنی کِرپا کر، اپنا لیکھا دینا وکھائیا۔ عیسیٰ کِہا مَینوُں وجّا اِک چمتکار، کوہ طوُر نالوں چنگا نظری آئیا۔ جِس وِچوں نظری آیا میرا یار، محبوُب بےپرواہیِا۔ اوہدیاں رنگاں دا نہیں شمار، پر رنگاں وِچوں رنگ ستّ سوہنے لئے لہرائیا۔ مَیں کِہا ایہہ کی پروردِگار، مَینوُں انت دے جنائیا۔ اوس نے کِہا جِس ویلے عیسیٰ موُسیٰ آؤن والے پَیغمبر جان ہار، اپنا بل مُکائیا۔ اوس ویلے اپنی دھار وِچوں ایہہ رنگ کراں تیار، لوک مات دیاں پرگٹائیا۔ سچ نِشانہ اِک چاڑھ، دو جہاناں ویکھ وکھائیا۔ عیسیٰ اوسے ویلے ہو کے خبردار، حَیرانی وِچ اکّھ اُٹھائیا۔ ویلا وقت دسّ سانجھے یار، بھیوَ ابھیدا دے کُھلائیا۔ پُرکھ اکال کِہا جِس ویلے تُہاڈا باپ بن کے آواں وِچ سنسار، نِرگُن نِروَیر نِراکار نِہکلنک روُپ وٹائیا۔ اوس ویلے ایہنوُں لیاواں نال، ساچا سنگ بنائیا۔ جن بھگت دوارے دیواں چاڑھ، چاروں کُنٹ ودھائیا۔ ویہہ سؤ اِکّی بِکرمی آپ خاص لیَنی وِچار، سرگُن توں نِرگُن ہو کے اپنی دھار چلائیا۔ جوتی جوت سروُپ ہرِ، آپ اپنی کِرپا کر، ستّاں رنگاں لیکھا رہیا وکھائیا۔ عیسیٰ کِہا مَیں ویکھی ستّ رنگ دی چمک، کوُک کوُک سُنائیا۔ اوہنوُں سمجھ نہ سکے کوئی احمق، من مت بُدھ کوئی سمجھ نہ سکے پائیا۔ ایؤں جاپے جِویں ستّاں مِل کے اِک سوہنی بنائی تہمت، جو ساڈھے تِنّ تِنّ ہتّھ نظری آئیا۔ ہور تکیا بھگوان اوہناں نال سہمت، سہم چِنتا رہیا گوائیا۔ ہور تکیا مِہروان کرے رحمت، مِہر نظر اُٹھائیا۔ ہور ویکھیا شبد اِشارہ مارے سیَنت، اپنا حُکم منائیا جوتی جوت سروُپ ہرِ، آپ اپنی کِرپا کر، اپنی کرنی اپنے ہتّھ رکھائیا۔ ستّ رنگ کہن ساڈی چمک نِرالی، نِرالم عالم آپ بنائیا۔ سانوُں پرگٹاوے آپ جوت اکالی، اکل کل اپنی کھیل وکھائیا۔ آد شکت سانوُں بَیٹھی رہی سمبھالی، لال گُلالا رنگ چڑھائیا۔ ایسے در دے سارے بنے رہے سوالی، گُر اوتار پیِر پَیغمبر جھولیاں ڈاہیِا۔ پُرکھ اکال دیِن دَیال لیکھا جانے دو جہانی، نِرگُن سرگُن سرگُن نِرگُن اپنی کار کمائیا۔ ایسے وکھا کے اِک نِشانی، سرِشٹ سبائی دسّ کے فانی، طُغیانی

وِچ جگت رُڑھائیا۔ جِس ویلے کلجُگ انت بھگتاں اُتے کراں مِہروانی، محرم ہو کے اپنے نال رلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ستّ رنگ سَت پُرکھ اپنی دھار وِچوں پرگٹائیا۔

۱۶ پوہ ۲۰۲۱ بِکرمی ہردیِپ سِنگھ دے گرِہ پِنڈ اوگرا ضِلع گُرداسپُر

ستّ رنگ کہے میری جُگ جُگ منگ، بَیٹھے سارے دھیان لگائیا۔ کؤن ویلا پربھ چاڑھے رنگ، رنگت اپنی دئے وکھائیا۔ وجے ودھائی وِچ وربھنڈ، برہمنڈ خوشی منائیا۔ سیِس نِواون سوُرج چند، منڈل منڈپ اپنی سیو کمائیا۔ کرے کھیل آپ بخشند، بخشش مِہر اِک ورتائیا۔ کلجُگ کوُڑی کِریا مُک جائے پندھ، سَتجُگ ساچی دھار بندھائیا۔ جن بھگتاں بھیو کُھلاوے ہنگ برہم، پاربرہم دئے جنائیا۔ چار ورن بنائے اِک دھرم، ساچا ورن سَت سرنائیا۔ سنت سُہیلے آوے پھڑن، نِرگُن ہو کے ویس وٹائیا۔ گُرمْکھاں اندر آوے وڑن، پڑدا اوہلا آپ چُکائیا۔ ساچی سیجا آوے چڑھن، سچ سِنگھاسن خوشی منائیا۔ ساچا ڈھولا آوے پڑھن، دُھر دا راگ سمجھائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ ستّ رنگ کہے میری جُگ جُگ دی اُڈیِک، گھڑیاں پل دھیان لگائیا۔ کئیاں صدیاں دی صدیاں وِچوں بدل کے ریِت، تاریخ تواریخ لِکھ لِکھ لیکھا قلم شاہیا۔ دھنّ سو ویلا میرا جاگے بھاگ نصیِب، ہرِ سَتگُر ویکھ وکھائیا۔ سانوُں جڑکے نال ترتیِب، سچ دا میلا دِتا مِلائیا۔ اِک پاتشاہ اِک وزیر، چار جُگ دین گواہیِا۔ ستّواں سب دا مالک اَخیِر، جو حُکم وِچ رکھائیا۔ ستّاں دی ساڈھے تِنّ ہتّھ دی سوہنی بنی تصویِر، جو اگمّڑا رنگ رہی چمکائیا۔ نہ کوئی شرع رہی زنجِیر، بندھن بندھپ نہ کوئے رکھائیا۔ سجدے کرن پیِر فقیِر، فِقریاں وِچ سُنائیا۔ صاحب دے ہتّھ ننگی شمشیِر، کوُڑ فرنگی رہیا دھمکائیا۔ لہنا مُکنا شاہ حقیِر، شہنشاہ دیوے وڈیائیا۔ سنت سُہیلا ہوئے نہ کوئے دِلگیِر، دِل دا دلِدر دئے مُکائیا۔ جوتی جوت سروُپ ہرِ، آپ اپنی کِرپا کر، درشن دیوے بےنظیِر، نِرگُن اپنا کھیل کھِلائیا۔ مہاراج شیرسِنگھ وِشنوُں بھگوان، دو جہاناں گھت وہیِر، سوہنا مارگ رہیا وکھائیا۔

۱۶ پوہ ۲۰۲۱ بِکرمی بخشیِش سِنگھ دے نوِت، پِنڈ بابوُپُر ضِلع گُرداسپُر

ستّ رنگ کہن سانوُں کرے اِکٹّھا، لڑی لڑی نال بندھائیا۔ جن بھگتاں لیکھ چُکا کے تت اٹّھاں، چرن سرن دئے وڈیائیا۔ نؤ دوارے پار کرا کے چُکے اپنے ہتّھاں، سیوک ہو کے سیو کمائیا۔ جن بھگتاں پُرکھ ابناشی گھٹ گھٹ واسی ویکھے اپنیاں اکّھاں، آخر اَخیِری اپنا میل مِلائیا۔ مَینوُں مان دوائے گھر گھر کُلیّ ککھّاں، دُھر دا سنگ بنائیا۔ جوتی جوت سروُپ ہرِ، آپ اپنی کِرپا کر، سچّا مارگ اِک لگائیا۔ ستّ رنگ کہن ساڈا جوڑ جُڑایا، جوڑی اپنے نال بنائیا۔ بھگتاں آسا منسا پوُری لوڑ کرایا، ساچی رچنا نال رکھائیا۔ سسّے اُپر ہوڑا اِک لگایا، ہاہے ٹِپی دئے وڈیائیا۔ ساجن بن کے پھیرا پایا، نِرگُن روُپ دھرائیا۔ راجن بن کے مَینوُں رہیا جھُلایا، دو جہاناں ہُلارا اِک رکھائیا۔ سنت سُہیلے رہیا ترایا، گُرمْکھ وجے ودھائیا۔ گُرسِکھ مِل مِل منگل گایا، گیِت گوبِند الاہیِا۔ جوتی جوت سروُپ ہرِ، آپ اپنی کِرپا کر، کھیلے کھیل بےپرواہیِا۔ ستّ رنگ کہن سانوُں ناپِییا نال فیتا، نؤ نؤ اِنچ ساڈی ونڈ ونڈائیا۔ وڈیائی دے کے گھر اتیِتا، تریَلوکی دا مالک دِتا بنائیا۔ ساتھ کلمہ دس حدیِثا، سوہنگ ڈھولا دِتا سُنائیا۔ جوتی جوت سروُپ ہرِ، آپ اپنی کِرپا کر، ساچی بخشی اِک سرنائیا۔ ستّ رنگ کہے میرے اُتے اِک جَیکارا، ہرِ کرتا آپ لگائیا۔ جو بھگتاں لگے پیارا، گُرمْکھاں مُکھ صلاحیِا۔ سِکھ دئے ادھارا، سنتاں مان وڈیائیا۔ کوُڑی کِریا کرے خَوارا، سچ سُچ راہ سمجھائیا۔ مہاراج شیرسِنگھ وِشنوُں بھگوان، سچ دا بن کے سیوادارا، دُھر دی سیو کمائیا۔

۱۶ پوہ ۲۰۲۱ بِکرمی کِشن سِنگھ دے گرِہ پِنڈ الڑپِنڈی ضِلع گُرداسپُر

ستّ رنگ کہن سانوُں آئی پَون ٹھنڈی، ٹھنڈک اِک ورتائیا۔ اوس دے وِچوں مِلی سچّی سُگندھی، سوگند کھا کے کہاں ایہو جِہی وست نظر کوئے نہ آئیا۔ جیہڑا بالمیک دا لہنا دِتا راوی پار کنڈھی، اُرار اوسے دی دھار نظری آئیا۔ جِس نے اٹھاسی دِن چؤراسیاں سادھاں دی اِکٹّھی کر کے منڈی، منڈلی اِک بنائیا۔ اوتھے وست اِک ونڈی، رام نام سرب سمجھائیا۔ ویکھو مَیں پِچھلا کِڈا پکھنڈی، چور ڈاکوُ روُپ وٹائیا۔ جِس ویلے مارگ مِلیا سِدھی ڈنڈی، پربھ دے ڈنڈے سِدھا لیا کرائیا۔ اوس دی مِہروانی مَینوُں لگی

چنگی، سبناں دیاں جنائیا۔ اوہناں چؤراسیاں وِچ اِک وَیراگن سی جو ویاؤندیاں سار ہوئی رنڈی، کنت سیج نہ کوئے ہنڈھائیا۔ اوس نے منگ اِک منگی، جوگیشر دِتا جنائیا۔ میری قِسمت کِس طرح ہووے چنگی، لیکھاں دیوے بدلائیا۔ اوس نے کِہا تُوں بنے بھیِلنی پھیر تیراں دندیاں والی واہیں کنگھی، اپنے سیِس پِھرائیا۔ ایسے کرکے ایہہ دھرتی چنگی، جِس اُتے ڈیرہ لائیا۔ ایہہ لڑی اجے پِچھوں نہیں گنڈھی، سَتجُگ دا لیکھا باقی تریتا حال جنائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ چؤراسیاں وِچوں اِک اودوُت، بھولا بھاؤ نظری آئیا۔ اوس بالمیک نوُں کِہا مَیں کرکے آیا کوُچ، کوُچا گلی تیرا ویکھاں تھاؤں تھائنیا۔ میرا وی تیرے تتّاں ورگا کلبوُت، کِیوں نہ مَینوُں مِلیا بےپرواہیِا۔ بٹوارے کِہا مَیں اوسے دا اِک دوُت، جو سیوک ہو کے ساچا حُکم سُنائیا۔ اوہ صاحب سوامی بڑا مضبوُط، ڈاڈھیاں دا ڈاڈھا نظری آئیا۔ جِس ویلے آپ ہووے مؤجوُد، کوجھے کملے سارے پار لنگھائیا۔ اوس کِہا اوہ کیہڑا وقت جِس ویلے میرا کارج ہووے سوُت، سُتّیاں لئے اُٹھائیا۔ بالمیک کِہا ایہہ بھیو دُراڈا گوُجھ، سَت سچ دیاں سمجھائیا۔ جِس ویلے پُرکھ اکال آپ آوے جِس وِچ نظر نہ آوے کوئی دوُج، دُتیا بھاؤ نہ کوئے رکھائیا۔ اوہ ویکھنہارا تتّاں والا کلبوُت، متاں دا مالک آپ ہو جائیا۔ ستّاں دا ثالث بن کے دیوے آپ ثبوُت، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، لیکھا تیرا لیکھے وِچ پائیا۔ اودوُت کِہا آہ ویکھ میری کملی الفی، تَینوُں دیاں وکھائیا۔ میری نِکی جِہی بات دوحرفی، بہُتا جھگڑا نہ کوئے جنائیا۔ جے مالک اوہ دُھر دا دردی، کِیوں نہ میرا درد ونڈائیا۔ اوس ویلے سولاں پوہ ٹھنڈی پیَندی سی سردی، سرد آہ لےَ کے رہیا سُنائیا۔ بالمیک کِہا ایہہ کھیل اوسے دے گھر دی، اوہ مالک اِک اکھوائیا۔ جِس ویلے لوک مات کھیل کرے نرائن نر دی، نِرگُن نِروَیر ویس وٹائیا۔ اوس ویلے تیرا لیکھ چُکاوے بھیو مِٹاوے گرمی سردی، سردی گرمی اِکو رنگ وکھائیا۔ جوتی جوت سروُپ ہرِ، آپ اپنی کِرپا کر، لیکھا اپنا رہیا سمجھائیا۔ اودوُت کِہا مَیں جاناں کی نِشانی، اپنی بُدِھ نہ کوئے رکھائیا۔ بالمیک کِہا اوہ شاہ سُلطانی، شہنشاہ بےپرواہیِا۔ جُگ چؤکڑی کرے پہچانی، بےپہچان رہن نہ کوئے پائیا۔ جِس ویلے آوے رُت مہانی، بیِس اِکیِسا خوشی منائیا۔ تیری پہلی سُنا کے کہانی، اَگے ناتا دُھر دا دئے بنائیا۔ جن بھگتاں نال کدے نہ کرے بےایمانی، شیَطانی وِچ کدے نہ آئیا۔ پہلوں وست بخش کے نوُرانی، روحانی ایِمانی ایِمان اپنے اُتے رکھائیا۔ مِہر کرن لگا قیِمت لَوے نہ کوئے دوانی چوانی، ٹکیاں والا حِصّہ نہ کوئے ونڈائیا۔ چرن کوَل

بخش کے دھیانی، ہرِ سنگت جوڑ جُڑائیا۔ پہلوں چؤداں پوہ اوسے کولوں کھا مہمانی، پِھر ویلا وقت سُہائیا۔ اونے چِر نوُں اودوُت دی آ گئی نانی، سہج سُبھاؤ اپنا ڈیرہ لائیا۔ اُٹھ کے کِہا چھڈ پاگلاں والی کہانی، کِیوں ایویں وقت لنگھائیا۔ بالمیک کِہا، نہیں، ایہہ وڈّا وِدوانی، ایہدے اندر وِدیا ہور ٹِکائیا۔ اِس دا مالک نر ہرِ بھگوانی، بھگَون ہوئے سہائیا۔ کلجُگ انت رُت سُہائے دو جہانی، لوک مات وجے ودھائیا۔ سولاں پوہ یاد کرا کے بخشش کرے چرن دھیانی، دھیان اپنے نال رکھائیا۔ مہِندر سِنگھ پہلا جنم جِس دی کیِتی آپ پہچانی، چؤراسیاں والا جھُنڈ اٹھاسیویں دِن لیکھ چُکائیا۔ اودوُت کِہا اوہ کوَن دھرتی، جِس بھوُمُکا ملِے وڈیائیا۔ جِتھے چرن چُھہائے عرشی، فرشی سوبھا پائیا۔ اوہ مِٹی خاک کر لئے اپنے ورگی، اپنے ورگا رنگ رنگائیا۔ بالمیک کِہا جِتھے غریِباں دا ہونا دردی، دُکھیاں دا ہونا سہائیا۔ رَویداس دا قرضی، لالو دی مرضی، نانک بھیو کُھلائیا۔ کلجُگ دی سردی، پَون اگمّی ٹھنڈی وگدی، تپدے ہِردے سانت کرائیا۔ اوس ویلے اوہ آوے اوتار کلکی، اپنے نال لےَ کے آوے اپنے نام دی ونگی، دوُجے دی آس نہ کوئے رکھائیا۔ گھُمیاراں دی آسا جِس دی آس رکھدی، کہاراں دا راکھا جِنہاں دی آتم اِکو ڈھولا پڑھدی، چمیاراں دا داسا جِنہاں دے اندر جوت اکالن وڑدی، تیلی دا بھرواسا جِس دی آتم کدے نہ مردی، جوتی جوت سروُپ ہرِ، آپ اپنی کِرپا کر، لیکھا لہنا دئے چُکائیا۔ اودوُت کِہا ایہہ کِڈا سوہنا چنگا، مَینوُں حال دِتا سُنائیا۔ کی اوہ ہوؤُ ساڈے ورگا بندہ، کہ جلوہ نوُر خُدائیا۔ بالمیک کِہا اوہ نوُراں دا نوُر، چنداں دا چند رُشنائیا۔ اوہ اوشناں دا اوشن بہراں دا بہر، بہرحال اپنا اِک پرگٹائیا۔ اوہ اننداں دا نند، چنداں دا چند، گیِتاں دا گیِت اتیِت بےپرواہیِا۔ اوہدے کول وکھرا ڈھنگ، جیِہدے چرن دوارے آوے جمنا سُرستی گنگ، امرت براہمن کولوں بنوائیا۔ دوُجا کوئی نہ پاوے ڈنڈ، ڈانگاں سوٹے ہتّھاں وِچ رکھائیا۔ غریِباں نوُں پریم دی دات جائے ونڈ، چؤراسیاں دے پِچھے چؤراسی سب دی دئے کٹائیا۔ جِنہاں اٹھاسی اٹھاسی ہزار تپ کیتے برس اوہناں نوُں آیا نہیں اوہ انند، جیہڑا گھر بَیٹھیاں جھولی پائیا۔ دیِن دَیال ہو بخشند، بخشش اپنی دئے ورتائیا۔ اونے چِر نوُں دھرتی نے منگ لئی منگ، بالمیک اَگے جھولی ڈاہیِا۔ میری ننگی نہ ہووے کنڈ، میری پِٹھّ نہ کوئے وڈیائیا۔ بالمیک کِہا اوہ ویکھ کھیل سوُرا سربنگ، بھگتاں دا دئے سنگ، جِنہاں دا بھاگ چرناں لا لا تیرے اُتے رکھائیا۔ دھؤل اَگوں ہس کے کڈھ لئے دند، چھیانویں یوجن اکّھ کُھلائیا۔ جے پربھوُ اوہ بھگت میرے اندر جان لنگھ، مَیں سُکھ نال دیواں سوائیا۔ بالمیک

کِہا اوہ کوجھیئے کملیئے اوہناں بھگوان دا مِلیا انند، تیری لوڑ رہی نہ رائیا۔ تُوں اوہناں دے پَیراں ہیٹھاں ڈاہ کے اپنی کنڈ، چرن چھوُہ نال اپنا بھاگ لَینا جھولی پائیا۔ جوتی جوت سروُپ ہرِ، آپ اپنی کِرپا کر، سب دا لیکھا ویکھ وکھائیا۔ دھرتی وِچوں بولیا جل، اپنا حال سُنائیا۔ جِس طرح مَیں ایہدے وِچ گیا رل، ایسے طرح دا بھگتاں وِچ ایہہ ویکھیا چائیں چائنیا۔ جِس ویلے گُرمْکھاں نوُں مِلن لگیگا پھل، مَیں وی بھجّا آواں واہو داہیِا۔ ایسے کر کے کل راوی تے لنگھ لنگھ کے چرن دوارا لیا ملّ، اپنی خوشی منائیا۔ دساں پوٹیاں نال ہؤلی جِہی جِس ویلے تکیا اوہدے ول، اوہ اوسے ویلے اپنا پِچھلا لیکھا لےَ کے اَگے آئیا۔ رات دا سُتّیاں سُتّیاں تُہاڈے نال گیا رل، اجّ آیا واہو داہیِا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ وکھائیا۔ جل کہے مَیں سب توں پوِتر، دیواں وِچوں دیوَ نظری آئیا۔ مِٹّی خاک وِچوں نِتر، سوہنا صاف روُپ وٹائیا۔ ایسے طرح بھگت بھگوان وِچوں آون نِکل، تتّاں والا سریر ہنڈھائیا۔ میرے بن کے مِتّر، چرن میرے وِچ رکھائیا۔ ایسے کر کے میرا تیِرتھاں اُتے ہُندا ذِکر، تٹ دین گواہیِا۔ جل کہے جے رَویداس دے ٹُٹے میرے وِچ نہ پیَندے چھِتر، میرا امرت روُپ نظر کوئے نہ آئیا۔ مَینوُں بھگتاں دے مِلن دا عِشق، ایسے کر کے سنگ رہیا بنائیا۔ تُہاڈے وینہدیاں وینہدیاں راوی وِچوں تھوڑا آیا خِسک، اپنا روُپ بدلائیا۔ جِس ویلے رات نوُں تُہانوُں لگنا تِلک، مَیں وِچ حِصّہ دینا پائیا۔ دسّاں، وینہدا رہیا کِیوں کِشن سِنگھ دی نِکلدی رہی کِلک، نیتر رووے مارے دھائیا۔ اجے تک پربھوُ نہیں دِتا جھِڑک، دھکاّ دے نہ پرے ہٹائیا۔ مَیں جاچ سِکھ کے رکھیا صِدق، بھروسے وِچ منگی سرنائیا۔ بےشک مَینوُں طعنے دیون نِندک، مَینوُں چوٹ لگّے نہ رائیا۔ مَیں بھگتاں دے اَگے کراں مِنت، سجّنو میرا سنگ لَینا بنائیا۔ تُسیں کوئی نہ جائیو تیِرتھ کر کے اپنی ہِمّت، تُہانوُں پِچھلا لیکھا یاد، گنگا گوداوری جمنا سُرستی تُہاڈے ایتھے چرن دھوون آئیا۔ تُہاڈی خواری نہ ہووے جِلّت، دُشواری دیاں گوائیا۔ تُہانوُں خِطاب مِلیا دُھر دا خِلعت، پُرکھ ابناشی دیوے مان وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا لیکھا رہیا وکھائیا۔ سُن کے بچن بولیا استھان چؤراسی، کُچھ مَینوُں دیؤ جنائیا۔ بالمیک جِتھے بَیٹھا رِہوں دِن اٹھاسی، اپنا دھیان لگائیا۔ بتالیویں دِن جِس ویلے تَینوُں آئی سی کھانسی، ہؤکا لےَ کے دِتا جنائیا۔ اودھروں تیری گھر والی دی آئی سی ماسی، تَینوُں تھوڑا جِہا دُشیندا دِتا پیائیا۔ پھیر اُٹھ کے آئی تیری چاچی، جو گرم پانی نال گئی نُہائیا۔ تُوں ہؤلی جِہی اوہناں اِک گلّ آکھی، بینتی نال سُنائیا۔

تُسیں سجّن میرے جھوُٹھے ساتھی، مَیں سجّن لبھنا بےپرواہیِا۔ جوتی جوت سروُپ ہرِ، آپ اپنی کِرپا کر، پردہ اوہلا رہیا اُٹھائیا۔ سب کُچھ سُن بولی بھوُمی، بھوُمُکا رہی جنائیا۔ بےشک مَیں رسنا نال نہیں کوُندی، اِشاریاں نال درسائیا۔ تَینوُں نظر نہیں آؤندا جِس ویلے اوہ مالکاں دا مالک آوے اُس دے ہتّھ وِچ ہونی اِک کھوُنڈی، جِس دا روُپ آد شکت نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی بھوُمُکا در ساچے آپ سُہائیا۔ بھوُمُکا کہے ایتھے چؤراسیاں کیِتا اِک ہوَن، ٹوآ ڈھائی ہتّھ پُٹائیا۔ گھِرت دیِپ سُگندھی لئی پَون، اگنی تت تپائیا۔ وید منتر اں گایا گَون، شاستر کر پڑھائیا۔ پھوُل وِچ کیِتا دمن، تُلسی پتّے بھیٹ چڑھائیا۔ لال انگیاراں والا چمن، سوہنا لیا بنائیا۔ پربھ کا بھیو جانے کوَن، ساچی سمجھ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ مہاراج شیرسِنگھ وِشنوُں بھگوان، جُگ چؤکڑی جُگا جُگنتر جِس اپنی دھار اپنے وِچ رکھائیا۔

۱۶ پوہ ۲۰۲۱ بِکرمی بیِبی لاجی دے گھر پِنڈ اوگرا ضِلع گُرداسپُر

تیجا سِنگھ کِہا تُہانوُں نہیں کُچھ عِلم، چؤراسیاں وِچوں اِک مَیں وی نظری آئیا۔ میرا پِچھلا ترنتے دا نام سی چمن، دمک چمک چہرے نوُر رُشنائیا۔ اوس ویلے مَیں سوُٹا مار کے کھِچدا ساں چِلم، نشہ خُمار رکھائیا۔ میرا سوہنا سُڈول سی جِسم، ویکھنہارے ویکھ ویکھ خوشی رکھائیا۔ میرا اِکو سی سچّا اِسم، اِک دھیان لگائیا۔ ساریاں جنساں نالوں مَینوُں تماکوُ دی چنگی لگی قِسم، اپنی قِسمت نال ازمائیا۔ جِس ویلے وینہدا ساں اپنی نال چشم، اکّھیں دھیان لگائیا۔ اوس ویلے مَینوُں چنگی لگدی سی بھسم، سادھوُآں والا بھیس وٹائیا۔ مَیں بالمیک نوُں کِہا کھا کے قسم، کُچھ اگلا حال جنائیا۔ بھگت بھگوان دی کیہڑی رسم، کیہڑا کھیل دینا وکھائیا۔ اوہنے سُنایا گا کے اِک نظم، داساں دا داس روُپ وٹائیا۔ اوس ویلے مَیں اِک ہور سوُٹا کھِچیا میرا کھانا ہویا ہضم، میرے اندر ہوئی رُشنائیا۔ مَیں نچّیا اوہ کیہڑے تھاں وسن، کوَن دوارے سوبھا پائیا۔ مَینوُں دسّ دے اوہدے سارے لّچھن، جے مُڑ کے مِلاں بُھل نہ کدے بُھلائیا۔ بالمیک کِہا اوہ آپے آوے بھگتاں دی پَیج رکھن، جُگ جُگ ویس وٹائیا۔ نام وِرولے وِچوں مکھّن، نام مدھانا اِکو

پائیا۔ رَویداس ورگے کلجُگ تَینوُں آپے دسّن، ہؤلی ہؤلی سمجھائیا۔ اوس جنم تیرے پردے آوے پھیر ڈھکن، مِہر نظر اُٹھائیا۔ اوس نے کِہا اوہ کیہڑا سُناوے بھاشن، صِفت کی جنائیا۔ کیہڑے بہے آسن، کوَن دھام ڈیرہ لائیا۔ بالمیک کِہا اوہدا بھگتاں گھر سِنگھاسن، دوُجی تھاں نہ کوئے ہنڈھائیا۔ تیرا لہنا چُکاوے انت لوک ماتن، مانَس جنم اپنی جھولی پائیا۔ اوس اَگوں کِہا ہس کے ایہہ چنگی سُنائی باطن، مَینوُں پہلوں دِتا جنائیا۔ مَینوُں عادت تماکوُ کھاواں بدلے داتن، دنداں نال ہور وست نہ کوئے چُھہائیا۔ جے میرا تماکوُ دیوے میرا ساتھن، پھیر پربھ دا درشن پائیا۔ میری پریِت چؤراسی سارے نال آپے آکھن، جِس نے میری لِو اندرے اندر بنائیا۔ ایہہ کوئی نہیں مَیں کیِتا پاپن، اِکو نال پریم لگا کے جُگ جنم اپنے نال بِتائیا۔ مَینوُں بھگوان ورگا ایہہ دِسے جِس نال میری پوُری ہُندی واسن، چِنتا چِکھا دئے گوائیا۔ مَیں ایسے کارن سرِشٹی وِچ ساریاں نوُں آؤندا آکھن، جے پریم پاؤ چھڈ نہ جاؤ دوُجا بھاؤ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، پردہ اپنے ہتّھ رکھائیا۔ چمن کہے میرا سُلفا ویکھو تھلیوں لیرو لیر، سوا گِٹھ نظری آئیا۔ جِس ویلے اِسنوُں تھلیوں اِکٹھا کرکے کِھچاں مَینوُں نظری آوے میرا پیِر، گُنی گہیر بےپرواہیِا۔ مَیں مستانہ ہو کے تکاّں اوہدی تصویِر، بِنا تسبیاں مالا بَیٹھا شہنشاہیِا۔ اوس مَینوُں دسیا اِک واری اَخیِر، آخر اپنا حُکم جنائیا۔ کلجُگ انتم تیرے نالوں اِک ہور چنگا بناواں تیرا ویِر، جِس دی تدبیِر اپنے ہتّھ رکھائیا۔ رَویداس چمارا نانک نِرگُن سرگُن اوسے دے پیِر، اوہناں پیِراں دا مالک مَیں اِک اکھوائیا۔ جنم جنم دے کٹ زنجِیر، لیکھا اگلا دیاں مُکائیا۔ اَگوں بولیا ہو کے حقیِر، ادنیٰ ہو کے دِتا سُنائیا۔ میری منّی عرض اِک اَخیِر، میری بوُٹی سوُٹیاں والی میرے نال نِبھائیا۔ حُکم مِلیا ایسے نال دے کے دھیِر، تیری دھیِرج دیاں بندھائیا۔ بھگتاں نال مِلا کے بخشاں اوہ جاگیر، جِس دا حِصّہ نہ کوئے ونڈائیا۔ جوتی جوت سروُپ ہرِ، آپ اپنی جوت دھر، پوُرب لیکھا ویکھ ویکھ رہیا سمجھائیا۔ چمن کہے سُلفے دی جگہ مِلیا حُقا، حکوُمت پربھ نے دِتی بدلائیا۔ جِس دے نیچے وِچوں پانی اجے نہ مُکا، گٹے دے تھاں تُکا دِتا پھسائیا۔ ٹوپی وِچ روڑا رکھکے سُکا، اُتے کولیاں اگّ ٹِکائیا۔ جِس ویلے مَیں کھِچیا پہلا گھُٹا، گھُٹ گھُٹ اندروں کوئی جپھیاں پائیا۔ مَیں اِک دِن اچانک سی سُتّا، مَینوُں مِلیا بےپرواہیِا۔ مَیں پُچھدا رہیا پُچھاں، ہؤلی ہؤلی سُنائیا۔ ویکھیں میری گلّ دا کِتے کر نہ لویں غُصّہ، اپنی اکّھ بدلائیا۔ مَیں وی وڈّا ہُندا ساں گبّھروُ تاء دیندا ساں مُچھاں، اپنا بل جنائیا۔ ہُن وس پےَ گیا پُتاں، اندرے اندر تیرا راہ تکائیا۔

حُقےبدلے جے لیکھے لگ جائے میرا جُسا، جِسم تیری بھیٹ چڑھائیا۔ مَیں اپنیاں چھڈاں پُتاں، تُوں مَینوُں کہیں پُتا، پِتا بن کے گود اُٹھائیا۔ مَیں سب نوُں کہاں جِس حُقےپِچھے میرا پیَنڈا مُکا، کِیوں میری پریِت حُقےنال دُھردی بنی آئیا۔ مہاراج شیرسِنگھ وِشنوُں بھگوان، ابناشی اچُتا، گُر سَتگُر سَتگُر گُر اپنی دَیا کمائیا۔

دلیِپ سِنگھ دے بوُہے نال دروازے اَگے

اَگے لِکھاری پِچھے درباری، اچرج کھیل رچائیندا۔ بھگتاں دین چلیا سرداری، مان تان دو جہان ودھائیندا۔ جنم جنم دی کٹّن چلیا بیماری، روگ سوگ گوائیندا۔ دیون چلیا نام خُماری، امرت رس جام پیائیندا۔ گنڈھن چلیا دُھر دی یاری، ناتے کوُڑے توڑ تُڑائیندا۔ قرضہ لاہُن چلیا اُدھاری، پِچھلا لیکھا ویکھ وکھائیندا۔ جوتی جوت سروُپ ہرِ، آپ اپنی کِرپا کر، ساچی دَیاآپ کمائیندا۔ جن بھگتاں دین چلیا اِنعام، وست امولک اِک ورتائیا۔ سُناؤن چلیا پَیغام، دُھر دا راگ الائیا۔ ملاؤن چلیا رام، رام آپے نظری آئیا۔ مٹاؤن چلیا شام، ساچا چند چمکائیا۔ دواؤن چلیا آرام، ساچی سیج سُہائیا۔ کراؤن چلیا اشنان، دُرمت مَیل دھوائیا۔ اُٹھاؤن چلیا نادان، سوئی سُرت ہِلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دیون چلیا دھوُڑ، ٹِکاّ نام لگائیا۔ بخشن چلیا نوُر، جوت کرے رُشنائیا۔ وجاون چلیا تُور، ناد دُھن شنوائیا۔ بھنڈارے کرن چلیا بھرپوُر، خالی آپ بھرائیا۔ چتُر سُگھڑ بناؤن چلیا موُڑھ، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچ لگائیا۔ کُھلؤن چلیا دروازہ، دردی ہو کے درد ونڈائیا۔ لاؤن چلیا مستک خاکا، دھوُڑی اِک وکھائیا۔ بناؤن چلیا سجّن ساکا، بےپرواہ بےپرواہیِا۔ وساؤن چلیا اُجڑیا ماجھا، گُلشن نام مہکائیا۔ بناؤن چلیا دُھر دے ساکا، سجّن اِک اکھوائیا۔ ٹککؤن چلیا ساچا ماتھا، مستک جوت کرے رُشنائیا۔ جپاؤن چلیا سچّی گاتھا، ساچا نام الائیا۔ پیاؤن چلیا ساچا باٹا، امرت جام مُکھ لگائیا۔ پوُرن کرن چلیا گھاٹا، نام بھنڈارا اِک وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دیون چلیا دان، اپنی دَیا کمائیا۔ بخشن آیا گیان، کلمہ اِک پڑھائیا۔ بناون آیا نِظام، دُھر دا حُکم سُنائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچوں ورتائیا۔ دیون آیا جوگ، جُگیِشر دَیاکمائیندا۔

مِلاون آیا سنجوگ، وِچھڑے جوڑ جُڑائیندا۔ کٹّن آیا روگ، ہؤمے گڑھ تُڑائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ دیون آیا سہارا، صاحب سچّا گوسائنیا۔ جِس کرنا پار کنارہ، اَدھ وِچکار نہ کوئے اٹکائیا۔ ساچا بخشنا اِک دوارا، درگاہ ساچی ملِے وڈیائیا۔ گیِت سُناؤنا اِک جَیکارا، سوہنگ ڈھولا گائیا۔ مہاراج شیرسِنگھ وِشنوُں بھگوان، دیونہارا ساچا دان، سِر اپنا ہتّھ ٹِکائیا۔ بھگت کہن ساڈے جاگے بھاگ، مِلی مان وڈیائیا۔ جنم جنم دی ترِکھا بُجھی آگ، سانتک سَت ورتائیا۔ نِرمل جوت ہووے پرکاش، نوُر نوُر رُشنائیا۔ ہنس بنے کاگ، دُرمت مَیل دھوائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچوں سمجھائیا۔ مستک کہن ساڈی آسا پُنی، مِلی مان وڈیائیا۔ پُرکھ ابناشی پُکار سُنی، چل کے آیا دُھردرگاہیا۔ ناد وجاوے اپنی دُھنی، دُھر دی دھار بندھائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچوں چُکائیا۔ مستک کہن اسیں ویکھ ویکھ ہسّے، خوشی خوشی نال مِلائیا۔ پُرکھ ابناشی اندر وسے، بَیٹھا ڈیرہ لائیا۔ ساچی دے کے اِکو متے، ساچا راہ رہیا وکھائیا۔ بھگت بھگوان سرنائی ڈھٹّھے، دوُجے سیِس نہ کوئے نِوائیا۔ امرت رس اِکو چٹےّ، سَتگُر پوُرا دئے وکھائیا۔ جوتی جوت سروُپ ہرِ، آپ اپنی کِرپا کر، لیکھا ویکھے تھاؤں تھائنیا۔ مستک کہن اسیں پایا درس، نوُر نوُرانہ نظری آئیا۔ جنم کرم دی مِٹ گئی حرص، ہَوس نہ کوئی ودھائیا۔ ابناشی کرتے کیِتا ترس، مِہر نظر اُٹھائیا۔ بیڑا ہون نہیں دِتا غرق، پار کنارہ آپ وکھائیا۔ ساک سجّن کیتے ترک، ناتا تُٹیا جگت لوکائیا۔ جیہڑی گوبِند نال شرط، سو پوُری رہیا کرائیا۔ جودھا سوُربیِر بن کے مرد، مدد کرن آیا تھاؤں تھائنیا۔ غریِب نِمانیاں سُن کے عرض، لیکھا لیکھا پوُر کرائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ مہاراج شیرسِنگھ وِشنوُں بھگوان، اپنا پوُرا کرے فرض، فرضی روُپ نہ کوئے وکھائیا۔