کتب خانہGranth 18 (Urdu)

۱۷ پوہ ۲۰۲۱ بِکرمی ڈاکٹر پال سِنگھ دے گرِہ پِنڈ بھلائیپُر ضِلع امرتسر

ستگُر شبد کرے خبردار، دو جہاناں خبر سُنائیا۔ سچکھنڈ دوار ویکھو لگّا دربار، دُھر درباری آپ لگائیا۔ جِس دا سندیشہ دیندے گئے گُر اوتار، پیِر پَیغمبر حُکم جنائیا۔ سیوا کردے رہے جُگ چار، چؤکڑی اپنا پھیرا پائیا۔ وِشن برہما شِو دیوت سُر جِس نوُں کردے رہے نِمسکار، نِیوں نِیوں لاگن پائیا۔ بھگت سُہیلا اِک اَکیلا جو پَیج رکھدا وِچ سنسار، نِت نوِت اپنا ویس وٹائیا۔ جِس دا بھوِکھتاں وِچ اِظہار، جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ شبد سَتگُر دئے سندیشہ، ہرِ کرتا وڈ وڈیائیا۔ اُٹھو گُر اوتار پیِر پَیغمبرو ویکھو نر نریشا، نِرگُن نِروَیر پُرکھ اکال ویس وٹائیا۔ بھگت اُدھارن جِس دا پیشہ، سنت سُہیلے لئے ترائیا۔ جُگ چؤکڑی نِت نوِت بدلنہارا ویسا، نِرگُن سرگُن سرگُن نِرگُن اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ سُن سندیشہ اُٹھیا گوبِند، سچکھنڈ دوار لئے انگڑائیا۔ سب دی میٹاں سگلی چِند، آلس نِندرا دوُر کرائیا۔ درس دِکھاواں گُنی گہِند، گہر گمبھیِر میل مِلائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ گوبِند کہے میری سیوا اگمّ دو جہان، سمجھ کِسے نہ آئیا۔ جُگ چؤکڑی کھیل بھگوان، درگاہ ساچی ویکھاں بَیٹھا چائیں چائنیا۔ جِس دا جھُلدا سچ نِشان، لوک مات نظر کِسے نہ آئیا۔ مَیں حُکمے اندر دے کے آیا بیان، شبداں ناداں راگاں وِچ سُنائیا۔ گرنتھاں پنتھاں دے کے آیا دھیان،

ساچی سِکھیا اِک دِرڑائیا۔ بھیو چُکا کے آیا گوپی کاہن، سیِتا رام پردہ لاہیِا۔ عیسیٰ موُسیٰ محمد ویکھ کے آیا کلام، کلمہ کائنات جنائیا۔ جوتی جوت سروُپ ہرِ، آپ اپنی کِرپا کر، لیکھا دُھر دا اپنے ہتّھ رکھائیا۔ دُھر دا لیکھا ہرِ بھگَونت، ہرِ کرتا اپنے ہتّھ رکھائیندا۔ آد جُگادی کھیلے کھیل جُگا جُگنت، جُگ کرتا ویس وٹائیندا۔ جِس دا حُکم سدا سدا چلے آد انت، نِت نوِت اپنی دھار چلائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ ساچی کرنی ہرِ نِرنکارا، ہرِ کرتا آپ کرائیا۔ سچکھنڈ نِواسی ہو اُجیارا، جوتی جاتا پُرکھ بِدھاتا اپنا پھیرا پائیا۔ لیکھا جان دُھر دربارا، بھیوَ ابھیدا آپ کُھلائیا۔ گوبِند سُت کر پیارا، پرم پُرکھ دئے وڈیائیا۔ در گھر میلا میلنہارا، جگت جگدیِش اپنی سیوا لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک سمجھائیا۔ ساچی سِکھیا پُرکھ ابناش، ہرِ کرتا آپ جنائیا۔ گوبِند سوُرا داسی داس، بن سیوک سیو کمائیا۔ کھیلے کھیل پرِتھمی آکاش، دو جہاناں کھوج کھوجائیا۔ دوویں جوڑ کرے ارداس، سچ بینتی اِک سُنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سچ بینتی کرے ایک، ایکا ایک جنائیا۔ پرم پُرکھ سچ دسّ اپنی ٹیک، ٹِکاّ ہو کے سیِس نِوائیا۔ کوَن سُہنجنا تیرا دیس، جِس گھر بَیٹھا آسن لائیا۔ بھوُپت بھوُپ بن نریش، دو جہاناں حُکم چلائیا۔ سجدے کردے ویکھے گُر اوتار پیِر پَیغمبر نیِت، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی آپ جنائیا۔ ساچی کرنی ہرِ کرتار، ہرِ کرتا آپ جنائیا۔ نِرگُن سرگُن کھیل اپار، بھید اپنے وِچ چُھپائیا۔ وِشن برہما شِو سیوادار، جُگ چؤکڑی حُکمے وِچ بھوائیا۔ لکّھ چؤراسی دے بھنڈار، انڈج جیرج اُتبُھج سیتج رچن رچائیا۔ تتّاں والا کر آکار، اپ تیج وائے پرِتھمی آکاش کھیل وکھائیا۔ آتم جوتی دے ادھار، پاربرہم برہم اپنا ویس وٹائیا۔ شبد سندیشہ وارو وار، جُگ چؤکڑی آپ سُنائیا۔ حُکمے اندر کر خبردار، دو جہاناں نیتر اکّھ کُھلائیا۔ سَتجُگ تریتا دواپرکلجُگ بیِتا وِچ سنسار، نؤ سؤ چُرانوے چؤکڑی جُگ گئے وِہائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کرے نِرنکارا، ہرِ کرتا وڈ وڈیائیا۔ کلجُگ انتم کھیل نیارا، شاہ پاتشاہ شہنشاہ آپ وکھائیا۔ آد جُگاد جِس دا انت نہ پاراوارا، سو بھیوَ ابھیدا اچھل اچھیدا آپ کُھلائیا۔ جِس نوُں جھُکدے گئے گُر اوتارا، پیِر پَیغمبر سجدیاں وِچ سیِس نِوائیا۔ جِس دے در تے بھگت سنت بنے رہے بِھکھارا، در ٹھانڈے الکھ جگائیا۔ سو ویکھن آیا میِت مُرارا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ،

ساچا بھیو رہیا کُھلائیا۔ گوبِند کرے اَگے عرضوئی، پُرکھ اکال جنائیا۔ سوُربیِر وِرلا کوئی، کوٹاں وِچوں نظری آئیا۔ جِس نوُں سچکھنڈ دوارے ملِے ڈھوئی، درگاہ مان وڈیائیا۔ بھگتاں آتم انتر روئی، نِج نیتر نیِر وہائیا۔ چار کُنٹ دہ دِشا تیرے حُکمے اندر سب نے پت کھوئی، پت پرمیشور نہ کوئے منائیا۔ دُرمت مَیل کِسے نہ دھوئی، پاپاں بھری لوکائیا۔ جوتی جوت سروُپ ہرِ، آپ اپنی کِرپا کر، مِہروان ہو سہائیا۔ گوبِند کہے مَیں ویکھ کے جگت جُگ دُنیا، کائنات کھوج کھوجائیا۔ ساچا نظر نہ آوے کوئی رِکھیا مُنیا، دُھنیاں وِچ راگ نہ کوئے سُنائیا۔ آتم پرماتم دا ملِے کوئے نہ گُنیا، جگت وِدیا ہوئی ہلکائیا۔ تیریاں رباباں ستاراں کایا مندر اندر کِسے نہ سُنیاں، باہروں سارنگے رہے وجائیا۔ بھاگ لگّا نہ کِسے کایا کُلیّاں، محلاں اٹلاں وِچ بہہ کے جگت خوشیاں رہے منائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، در تیرے الکھ جگائیا۔ پُرکھ اکال کِہا سُن گوبِند بچّے، انت دیاں جنائیا۔ کلجُگ جیِو بھانڈے کچّے، چاروں کُنٹ نظری آئیا۔ گُر اوتاراں پیِر پَیغمبراں جو چار جُگ دے لِکھائے پٹے، انتم لیکھا دیاں مُکائیا۔ بیِس اِکیسے رہ جان حقے بکےّ، حقیِقت سمجھ کِسے نہ آئیا۔ چار کُنٹ دہ دِشا دیِناں مذہباں ذاتاں پاتاں وِچ پِھر پِھر تھکے، بن بن پاندھی راہیا۔ کِسے نے حج کرایا مدینے مکّے، کوئی کعبیانسیِس نِوائیا۔ کوئی شاستر سِمرت وید پُران دسےّ، دہ دِشا کرے پڑھائیا۔ کوئی کھانی بانی رسنا جِہوا بتّی دند رٹے، صِفتاں والے ڈھولے گائیا۔ کوئی پِھردے تیِرتھ اٹھسٹھے، گنگا گوداوری جمنا سُرستی پھیرا پائیا۔ کوئی سیِس پوُا کے گھّٹے، تن بھبوُت رہے رمائیا۔ کوئی پانی نہا کے ٹھنڈے، جلدھارا رہے وہائیا۔ کوئی لٹکے پُٹھے نال ڈنڈے، سِر تلے اُپر پاؤں کرائیا۔ کوئی پِھردے پَیراں ننگے، بن کھنڈ پھیریاں پائیا۔ کوئی واہو داہی پِھردے بھجےّ، در در الکھ جگائیا۔ کوئی مندر مسجد شِودوالے مٹّھاں وِچ سجے، اپنا آسن لائیا۔ کوئی کوُڑ کُڑیارا کھا کے رجےّ، مایا ممتا ہوئی ہلکائیا۔ پاربرہم پت پرمیشور نوُں گُر گوبِند سوُرا دسےّ، اِکو وار جنائیا۔ جِدھر ویکھاں اوڈھن سب دے سِر توں لّتھے، سیِس جگدیِش ہتّھ نہ کوئے ٹِکائیا۔ کوٹن کوٹاں وِچوں بھگت سُہیلے تھوڑے لبھے، جِنہاں اِک تیری اوٹ تکائیا۔ اِکو درشن کرنا تیرا تیِجی اکّھے، دوئے لوچن بند کرائیا۔ پُرکھ اکال تیری سرنائی ڈھٹّھے، دوُجا اِشٹ نہ کوئے منائیا۔ کِسے نوُں پوُجن لایا وّٹے، پتّھراں راہ وکھائیا۔ کوئی سوُریہ پانی جھّٹے، دیوت رہیا منائیا۔ کوئی دیِن مذہب دے پا کے رٹےّ، کلمہ گیا سُنائیا۔ کوئی مُنہ دے بھار ڈھٹّھے، کوہ طوُر وجے ودھائیا۔ کوئی حُجریاں وِچ سجے، کوئی حُجریاں ناچ نچائیا۔ کوئی کُندراں وِچوں لبھے، کوئی

ساگر پھول پُھلائیا۔ کوئی اگنی نال تپے، تِن ماٹی رہیا سُکائیا۔ کوئی صِفتاں والا نام جپے، چار جُگ دی کرے پڑھائیا۔ گُر گوبِند کِہا مَیں ویکھے نیتر سبے، صاحب تُوں مِلیا نظر کوئے نہ آئیا۔ ایسے کرکے صدی ویہویں ہویا سب توں اَگے، اگلا قدم اُٹھائیا۔ مَیں جیِو جنت ویکھے کھاندے کٹّے وچھےّ، سوُراں تائیں چبائیا۔ تیرے پریم کوئی نہ بجھّے، گُر کا نیم نظر کوئے نہ آئیا۔ کلجُگ وا تتّی وگے، اگنی اگّ نہ کوئے بُجھائیا۔ سنت سُہیلے اندروں موُل نہ رہ گئے سچّے، کلجُگ گُروُ چیلے دوویں بَیٹھے مُکھ بھوائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ گوبِند کہے میرے نِرنکارا، سچ دیاں دِرڑائیا۔ جو ویکھیا وِچ سنسارا، دیِد چشم نیَن اُٹھائیا۔ بھرمے بُھلیا ناری نارا، نر نرائن نہ کوئے منائیا۔ کایا مندر دیِا باتی ہوئے نہ کوئے اُجیارا، جوتی جوت نہ کوئے رُشنائیا۔ شبد ناد نہ وجے نگارہ، نؤبت نام نہ کوئے سُنائیا۔ آتم سیجا پرماتم کرے نہ کوئے پیارا، لکّھ چؤراسی کوُڑی سیج ہنڈھائیا۔ مقامے حق نہ مِلیا پروردِگارا، تُعارف کرے نہ کوئے لوکائیا۔ جلوہ نوُر نہ کوئے نظارہ، پروردِگار میل نہ کوئے مِلائیا۔ چؤداں لوک چؤداں طبق تکّ کے ویکھیا تیری مجلس دا دِسے نہ کوئے اَکھاڑا، دُھر دا ناچ نہ کوئے نچائیا۔ کلجُگ سادھ سنت چار کُنٹ پِھردے کوٹن کوٹ لکّھ ہزارا، حضرت تیرا میل نہ کوئے مِلائیا۔ مَیں ایسے کرکے ستاراں پوہ دِوس وِچارا، شبد اِشتہار وِچ جنائیا۔ پھڑ اُٹھاواں تیئی اوتارا، سویا رہن کوئے نہ پائیا۔ عیسیٰ موُسیٰ محمد کرکے خبردارا، اگلے خواب دیاں وکھائیا۔ بھگت اٹھاراں دسّاں اِک اَکھاڑا، سچ دربارا تیرا اِک جنائیا۔ نؤ سؤ چُرانوے چؤکڑی جُگ پِچھوں ایہہ آیا تیرا مات وِہارا، جِس دا لیکھا وید پُران شاستر سِمرت سمجھ کوئے نہ پائیا۔ تُوں ٹھاکراں دا ٹھاکر اوتاراں دا اوتارا، گُروُآں دا گُر سَتگُر اِک اکھوائیا۔ جوتی جوت سروُپ ہرِ، آپ اپنی کِرپا کر، سد دے مان وڈیائیا۔ پُرکھ اکال کِہا گوبِند اوہ چِٹھی کھول، جیہڑی ماچھوُواڑے دِتی پھڑائیا۔ جِس دے وِچ نام شبد انمول، نِرگُن سرگُن دئے گواہیِا۔ جِس دا تیرے بِنا تولے کوئی نہ تول، تولنہارا تیری سیو لگائیا۔ جوتی جوت سروُپ ہرِ، آپ اپنی کِرپا کر، دیونہارا سچّی وڈیائیا۔ گوبِند گُر چِٹھی کھول اوہ، جِس دا لیکھ بِن اکھّراں دِتا لِکھائیا۔ اُس دے اُتے دِہاڑا لِکھیا ستاراں پوہ، ویہہ سؤ بِکرمی نال رلائیا۔ اِکیویں سال دا جوتی جاتا جِس ویلے جاوے ہو، ہوکا دے کے دئے سُنائیا۔ سب دے حق حقوُق لَوے کھوہ، خالص اپنا حُکم منائیا۔ دھوکھے نال نہ کرے دھروہ، دُھر دا حُکم اِک ورتائیا۔ اِکو نام جپاوے سو، سو پُرکھ نِرنجن بےپرواہیِا۔ ہنگ برہم کرکے لو، نِراکار دئے وڈیائیا۔ امرت رس گُرمْکھاں انتر دیوے

چو، باہروں نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، مِہروان دَیا کمائیا۔ چِٹھی دا دوُجا اکھّر سوہنا انک، ہرِ کرتا آپ جنائیا۔ گوبِند اکو سوہے تیرا بنک، سمبل وجے سچ ودھائیا۔ اوس ویلے لہنا دینا چُکنا بھگت سُہیلے جنک، اشٹابکر نال رلائیا۔ بٹوارے وجنی تنک، بالمیک بھیو کُھلائیا۔ روَداسے چُکنا شنک، پڑدا دئے اُٹھائیا۔ اگلا اکھّر بھگتاں نوُں مِلنی سند، جو ہرِ جوُ آپ بنائیا۔ گُر اوتاراں پیِر پَیغمبراں کوُڑی کِریا نال کرنا انت، انتم لیکھا مات مُکائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گوبِند ویکھ اکھّر تیِجا، تریلوک رہیا سمجھائیا۔ پُرکھ اکال دیِن دَیال جن بھگتاں آپ کرے ریِجھا، نِرگُن ہو کے سیو کمائیا۔ کایا مندر اندر لنگھے سچ دہلیزا، نؤ دوارے پندھ مُکائیا۔ صدی چؤدھویں گُر اوتاراں پیِر پَیغمبراں دا کڈھ کے جائے نتیجہ، دُھر دا مالک دَیا کمائیا۔ جوتی جوت سروُپ ہرِ، آپ اپنی کِرپا کر، لیکھ الیکھ دئے دِرڑائیا۔ چؤتھا اکھّر لِکھیا ویہہ سؤ اِکّی، ایکنکارا دَیا کمائیا۔ گوبِند چار ورن دی بننی ساچی سِکھی، سِکھیا اِکو اِک سمجھائیا۔ وڈّی سوہنی سُہاونی ہونی مِتی، مِتر پیارا میل مِلائیا۔ رہ جانی پِچھے کہانی بیِتی، اگلی ریِتی ہور چلائیا۔ جن بھگتاں بن پربھوُ آپ نزدیِکی، دوُر دُراڈا پندھ مُکائیا۔ چار ورن جو شرع کیِتی، چار جُگ ونڈ ونڈائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ دوُجی لائن دا پہلا اکھّر، گوبِند دھیان لگائیا۔ اوہ اِکو رنگ دی نظری آئے سطر، جِس دا روُپ نہ کوئے بدلائیا۔ نالے سندیشہ نالے پتر، حُکم نال وڈیائیا۔ جِس ویلے نِرگُن ہو کے آواں اُتر، نِہکلنکا ناؤں دھرائیا۔ چار جُگ دے وِچھڑے بھگت سُہیلے چُکاں کُچھڑ، پھڑ باہوں گود اُٹھائیا۔ اوس سطر دی ویکھ اگلی نُکر، جِس دا نُقطہ اِک لگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نُکتے اَگے ناں بالمیک، بالم دئے جنائیا۔ اِس دا لہنا کلجُگ انتم ٹھیِک، ٹھاکر رہیا سمجھائیا۔ پُرکھ ابناشی ویکھنا ہو اتیِت، ترےَگُن پندھ مُکائیا۔ لیکھے لاؤنا نیِچاں دا نیِچ، اوُچوں اوُچ دئے بنائیا۔ پُرکھ اکال کِہا اِس تے گوبِند کر تصدیِق، شہادت تیری لَواں رکھائیا۔ ویہہ سؤ اِکّی بِکرمی ستاراں پوہ اوس دی اَخیِری تاریخ، طریقے نال سمجھائیا۔ ترنتے جِس دھام تے اِکّی سال بہہ کے رہیا اُڈیِک، انتم اوسے بھوُمُکا دئے وڈیائیا۔ گوبِند کِہا پربھوُ مَینوُں نظر آیا کُچھ ہور ٹھیِک، راوی کنڈھا دھیان لگائیا۔ مَیں تھوڑی دسّاں تعریِف، جِس دھام مِلی وڈیائیا۔ دِن اٹھاسی بَیٹھا وِچ رمنیِک، چؤراسیاں رنگ رنگائیا۔ اوتھے رکھ کے اِک اُڈیِک، دھیان گیا دھرائیا۔ اوہدا سجّن کول نزدیِک، بھیو رہیا کُھلائیا۔ جِس صاحب دے

نال سچّی پریِت، اوسے نال دیاں مِلائیا۔ اوہ کرنہار بخشیِش، رحمت نال ترائیا۔ تیرے بنس دے ترن نال نصیِب، ناتا دوہرا جوڑ جُڑائیا۔ جوتی جوت سروُپ ہرِ، آپ اپنی کِرپا کر، مِہروان بھیو کُھلائیا۔ گوبِند کہے نُکتے اَگے مِلیا نُقطہ، جو مَینوُں رہیا جنائیا۔ جِس ویلے آوے کرتا بُھگتا، بھگَون اپنا ویس وٹائیا۔ اوہ بھگت سُہیلے سجّن پُچھدا، پِچھلا لہنا ویکھ وکھائیا۔ دو جہان لُکایا مایا پڑدیاں وِچ نہ لُکدا، مندراں اندراں وِچ بند نہ کوئے کرائیا۔ تُوں مالک بن کے آویں سچ سُچ دا، سَت سَتوادی دَیا کمائیا۔ گُر گوبِند کِہا مَیں اَگے کُچھ نہیں پُچھدا، پُرکھ اکال سب کُچھ رہیا وکھائیا۔ جِس ویلے سچکھنڈ نِواسی اپنی دھاروں اُٹھدا، جوتی جوت جوت رُشنائیا۔ اوہ مالک خالق ہو کے بھگتاں اُتے تُٹھدا، بھگَون اپنا رنگ رنگائیا۔ اوہناں دا منزل پیَنڈا مُکدا، درگاہ ساچی دئے بہائیا۔ جوتی جوت سروُپ ہرِ، آپ اپنی کِرپا کر، دُھر دی کرنی ویکھ وکھائیا۔ گوبِند کہے مَیں نیِچی سطر نوُں ماریا دھیان، طرح طرح جنائیا۔ اُس دے وِچ اِک گیان، سوہنگ ڈھولا دِتا سمجھائیا۔ جِس نوُں بھتھا کہہ کے آیا تیِر کمان، چِلّہ بےپرواہیِا۔ جِس دا بھےَ زِمیں اسمان، دو جہان نہ سیِس اُٹھائیا۔ وِشن برہما شِو منّن آن، حُکمے اندر بھجّن واہو داہیِا۔ پیِر پَیغمبر کرن سلام، سجدہ اِک رکھائیا۔ اوہ اماماں دا امام، نِظاماں دا نِظام، نر نِرنکار وڈّی وڈیائیا۔ غُلاماں دا غُلام، خِدمتگار ہو کے سیو کمائیا۔ نِشاناں دا نِشان، دو جہاناں رہیا جھُلائیا۔ گوبِند کِہا مَیں سچ کری پہچان، ستّ رنگ نِشانہ نظری آئیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر درسائیا۔ گوبِند کہے چؤتھی سطر دا سوہنا لیکھ، کاتب لِکھن کوئے نہ پائیا۔ جے جاتا تے اِک دسمیش، دوُجا پڑھن کوئے نہ پائیا۔ اُس دا انک تیرے پوُت سپوُتے کرنے بھیٹ، کلجُگ نیہہ اُکھڑائیا۔ نال جنائی ارجن سیِس پئی تتّی ریت، راوی دئے گواہیِا۔ شہادت مِلی بہادر تیغ، آپا وار وکھائیا۔ نام جنایا جو نانک نِرگُن سرگُن دسّ کے گیا بھیت، بھیو آپ جنائیا۔ مار کے بُکل ڈھائی گز دا کھیس، کھوُنڈی ہتّھ لٹکائیا۔ جِس دے چرن چُمّے باشک شیش، وِشنوُں خوشی منائیا۔ جِس دا مالک خالق ایک، نر نِرنکار دِھیائیا۔ اوہ سب نوُں دے کے گیا ٹیک، شبد راگ سُنائیا۔ کلجُگ انتم ہرِ ہرِ دھرنا بھیکھ، کوئی جنمے پِتا نہ مائیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ ساچی سطر دا لیکھ اَخیِری، اکھّراں والا جنائیا۔ جِس دے حُکمے اندر مِلی پیِری میری، شاہ حقیِری ویکھ وکھائیا۔ اوس دا نوُر بےنظیری، نِرگُن نوُر جوت رُشنائیا۔ دو جہان ہون دیوے نہ کدے دِلگیِری، دِلبر بنے سچّا ماہیا۔ جِس نے کلجُگ انت

گُروُآں دے بدلے بھگتاں دی چلاؤنی پیِڑھی، پِرہڑی آپ اکھوائیا۔ اُس دا میل ہونا تقدیِری، سچ خلاصا نہ کوئے سُنائیا۔ جِس دا نام کھنڈا شمشیِری، شہنشاہ بےپرواہیِا۔ اُس دے ہتّھ دو جہاناں تدبیِری، تقدیِر سب دی دئے بدلائیا۔ نالے لِکھے حرف نالے اَگے مارے لکیِری، جگت وِدیا لائن سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند تکّی پریم نال لکیِر، جو بِن قلم شاہی لگائیا۔ اوس وِچ وڈّا ہیر پھیر، بھیوَ ابھید نہ کوئے جنائیا۔ گوبِند کِہا پربھ کر اپنی مِہر، پردہ دے اُٹھائیا۔ پُرکھ ابناشی کِہا ایہدا بھاؤ نہ کوئی میر نہ کوئی تیر، تیرا میرا روُپ اِکو نظری آئیا۔ دوہاں نے مِل کے کلجُگ لیکھا دینا نبیڑ، لوک مات رہن نہ پائیا۔ بھگت سُہیلے چرن لِیاؤنے گھیر، سچ گھرانے ویکھ وکھائیا۔ شاہ سُلطان راج راجان مایا ممتا انتر ویکھے بھیڑ، جگت کوُڑ لڑائیا۔ حُکمے اندر گیڑنا گیڑ، اُلٹی لٹھ بھوائیا۔ جگت حروُفاں کِسے کم نہ آوے زبر زیر، ظاہرا پیِر کرے رُشنائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔ لکیِر دے اَگے اِک مِل گئی سِہاری، جو اپنا حال رہی جنائیا۔ گوبِند ویکھی تیری پُرکھ اکال نال یاری، یار سانجھا اِک منائیا۔ اُس دا لیکھا لیکھ اگمّ اپاری، بودھ اگادھ وڈی وڈیائیا۔ اُس دے پریم دا سِدھا بنیا نہ کوئے واپاری، سؤدا حق وست جھولی کوئے نہ پائیا۔ مَیں سچ دسّاں اوہ شاہ پاتشاہ جِس دی سچّی سرداری، سِکدار اِک اکھوائیا۔ اوہ جُگ چؤکڑی پیِر پَیغمبر بھیجے وارو واری، سَتجُگ تریتا دواپرکلجُگ نِرگُن سرگُن روُپ وٹائیا۔ جوتی جوت سروُپ ہرِ، آپ اپنی کِرپا کر، دُھر دا میلا لئے مِلائیا۔ سِہاری کہے اِک ہور وڈیائی، گوبِند دیاں جنائیا۔ اوہ بھگتاں نال کرے کُڑمائی، سِدھا اپنا میل مِلائیا۔ اندر وڑ کے سوئی سُرت لئے اُٹھائی، سچ سوانی اکّھ کُھلائیا۔ نِرگُن نوُر کر رُشنائی، اندھ اندھیر دئے مِٹائیا۔ اپنے نام شبد میل کے دُھر دا ہانی، امرت جام پان دئے کرائیا۔ سچ سنیہڑا سُنا کے بانی، بان نِرالا تیِر لگائیا۔ لیکھا چُکا کے چارے کھانی، انڈج جیرج اُتبُھج سیتج پندھ مُکائیا۔ مان دے کے بخشے چرن دھیانی، سرن ملِے سرنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سِہاری کہے مَیں ہور کُچھ ویکھیا تکّیا، تیرے اَگے دیاں جنائیا۔ پُرکھ ابناشی کھیل کرے سمرتھیا، بےپرواہ بےپرواہی وِچ سمائیا۔ میرے اندر اِک اُسنے پڑدا ڈھکیا، جِس نوُں سکے نہ کوئے کُھلائیا۔ اوہ بھگتاں جوگا حِصّہ رکھیا، دوُسر ہتّھ نہ کدے پھڑائیا۔ اِک دِن پُرکھ اکال رَویداس نوُں کِہا میرے بچّیا، تھوڑے سمیں لئی تَینوُں پُتر لیا بنائیا۔ تیرا ویکھ کے ڈھوراں والا چمّ کچّیا، کاچی ماٹی رنگ چڑھائیا۔

رَویداس ٹکیاں والا وِہار دسّیا، اپنی سیو کمائیا۔ باقی لیکھا ویکھ کے ہسّیا، واہوا تیری بےپرواہیِا۔ جِس نے چار کہار کیتے اِکٹّھیاں، پنچم تیلی میل مِلائیا۔ جِس نے ڈولی والی، دُلھن دا سیِنہ پھٹیا، نام کٹار تیِر چلائیا۔ جِس نے پِیو پُت پنج گھُمیاراں نوُں چرناں سدّیا، ہوکا حق سُنائیا۔ جِس براہمن نال کھیلیا کھیل ویکھی سمسّیا، سماں خوشیاں نال وِہائیا۔ جِس دی سپُتری نے پانہا گنڈھن والا رس چٹیا، لباں نال چُھہائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ سِہاری کہے مَیں اِک ہور دسّاں سوال، سہج سہج جنائیا۔ اِک دِن خوشی وِچ آ کے دیِن دَیال، مَینوُں ٹھوکر دِتی لگائیا۔ اوس دے وِچوں نِکلیا اِک رومال، جو گوبِند تیرے ہتّھ پھڑائیا۔ جِس دا نام دُھر دی ڈھال، لُہار ترکھان نہ کوئے گھڑائیا۔ ایس نوُں رکھنا آپ سنبھال، تتّاں والا ہتّھ نہ کوئے لگائیا۔ کلجُگ انت ایہدا آؤنا خیال، انتر انتر دئے جنائیا۔ جِس ویلے نِرگُن ہو کے بنے دلال، شبدی ویس وٹائیا۔ پُرکھ اکالا ہووے تیرے نال، جوتی جوت جوت رُشنائیا۔ سمبل نگر بنے مندر سچّی دھرم سال، آسن سِنگھاسن اِک وِچھائیا۔ حُکمے اندر رکھ کے کال مہاکال، معقوُل حُکم جنائیا۔ لکّھ چؤراسی کوُڑی کِریا ویکھ کے چال، ابناشی کرتے دیئیں جنائیا۔ گُر اوتار پیِر پَیغمبر ہوون بےحال، بِہبل ہو کے دین دُہائیا۔ سُرتی کرے نہ کوئے سنبھال، شبدی جوڑ نہ کوئے جُڑائیا۔ دُکھ بُھکھ دے نال روون کنگال، روندیاں روگ نہ کوئے مِٹائیا۔ ترےَگُن مایا توڑے نہ کوئے جنجال، جاگرت جوت نہ کوئے رُشنائیا۔ اوس ویلے پرگٹ ہووے پت پرمیشور صاحب سوامی آپ، اپنا روُپ دھرائیا۔ تیرے نال مِل کے تیرا روُپ سَت سروُپ دئے جاپ، سوہنگ ڈھولا ناد وجائیا۔ تُوں نِرگُن سرگُن سرگُن نِرگُن ہو کے وسنا ساتھ، سگلا سنگ نِبھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ سِہاری توں اَگے بولی بِہاری، بہُڑی کر سُنائیا۔ گوبِند سچ دسّاں اوہ میرا پُرکھ اکال نِرنکاری، نِروَیر نظری آئیا۔ جِس نے کلجُگ انتم بننا آپ وپاری، لکّھ چؤراسی ویکھ وکھائیا۔ چار کُنٹ دہ دِشا برہمنڈاں کھنڈاں پِھرنا وارو واری، وارتا سب دی دئے دوہرائیا۔ دوُجے اُتے کرے نہ کوئے اِعتباری، یقین اپنا اپنے اُتے رکھائیا۔ گُر اوتار پیِر پَیغمبر مزدوُری کر کے گئے دِہاڑی، لوک مات سیو کمائیا۔ منگاں منگدے گئے انتم واری، خالی جھولی اپنی ڈاہیِا۔ عیسیٰ موُسیٰ محمد کِہا وڈ امام ساڈا سِکداری، صدی چؤدھویں ویکھ وکھائیا۔ نانک گوبِند کِہا سوُربیِر بلکاری، پت پرمیشور وڈ وڈیائیا۔ پرگٹ ہووے وڈ سنساری، دو جہاناں حُکم منائیا۔ بھگت سُہیلا ہو کے میِت مُراری، گُرمْکھ

مِتراں دئے وڈیائیا۔ میرے وِچوں لیکھا نظری آئے کلجُگ انتم رَویداس بٹوارے دی لگنی یاری، دُھر دا میلا میل مِلائیا۔ جِنہاں دے پِچھے بھگت سُہیلے جاوے تاری، بیلے جنگل کاہی پار کرائیا۔ جیہڑا کنڈا تِکھی سوُل دا بالمیک وجّا راوی اَدھ وِچکاری، جِس دا نِشانہ اجے مِٹ نہ جائیا۔ اوتھوں دی وِتھیا لِکھ کے ساری، شبد کہانی لئی بنائیا۔ گُر ارجن دی خواہش انتم واری، جو راوی کنڈھے پرگٹائیا۔ اوس بھٹھیالے دا قرضہ لاہ کے بھاری، جو اگنی تت تپائیا۔ اوس کنیا دی کر کے پار کِناری، جو سیِس صاحب جھُکائیا۔ اوس دربان نوُں دے کے سچ سرداری، بخشی مان وڈیائیا۔ جُگ چؤکڑی دے وِچھڑے کٹّھے کر کے اِکو واری، سگلا سنگ نِبھائیا۔ جوتی جوت سروُپ ہرِ، آپ اپنی کِرپا کر، مِہروان دئے وڈیائیا۔ بِہاری کہے مَیں ہور کُچھ دسّاں، دسمیش تَینوُں سیِس نِوائیا۔ خوشیاں نال ہساں، چِنتا غم رہیا نہ رائیا۔ جو نانک سرگُن نانک لیکھ لِکھیا اپنیاں ہتّھاں، دِتی مان وڈیائیا۔ اوہناں پنجاں دے نام رٹّاں، جِنہاں نوُں درگاہ مِلی وڈیائیا۔ دھوُڑی خاک اوہناں دے چرناں دی چٹّاں، اپنا مُکھ پوِت کرائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ بِہاری کہے مَیں ویکھیا پربھ نوُں لِکھدا، بِن اکھّراں اکھّر بنائیا۔ اوہ پیارا تیرے ساچے گُرسِکھ دا، جو گُرمکھ روُپ وٹائیا۔ جو پیاسا سَتگُر چرن پریِتی بُھکھ دا، منسا آپ جنائیا۔ اوس دا سنگی ہووے آپ دُکھ سُکھ دا، دُکھ سُکھ وِچ بدلائیا۔ گوبِند تیرا پہلا ناتا گُجری کُکھ دا، ہُن شبدی روُپ وٹائیا۔ ایہہ ناتا کدے نہ تُٹدا، نِرگُن نِرگُن جوڑ جُڑائیا۔ ہُن ویلا رہنا نہیں کوئی لُک دا، ہوکا دے کے دینا سُنائیا۔ ویکھو میلا پِیو پُت دا، لوک مات وجی ودھائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ بِہاری کہے ویکھ گوبِند پنج کھلوتے، سچکھنڈ دوارے پربھ چرن مِلی سرنائیا۔ جِنہاں دی رسنا اِکو پربھ دا درشن لوچے، دوُجا اِشٹ نہ کوئے منائیا۔ دادے نال نظر آؤندے پوتے، دُھر دا سوہنا جوڑ جُڑائیا۔ بھگتاں نال بھگت مِل کے وسے دھام اوسے، درگاہ ساچی خوشی منائیا۔ ایس دی سوچ کیا کوئی سوچے، سمجھ چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، مِہروان نظر اُٹھائیا۔ بِہاری کِہا ویکھ گُرمْکھ سوہنے چنگے، جوبن رتےّ نظری آئیا۔ صاحب سوامی جِنہاں دیاں منّے، پت پرمیشور ہوئے سہائیا۔ اوہ درگاہ دے بنے ساچے چندے، جوتی نوُر نوُر رُشنائیا۔ اندروں باہروں سیِتل دھار ٹھنڈے، اگنی اگّ نہ کوئے لگائیا۔ منزل چڑھ کے اَخیِری ڈنڈے، ڈنڈؤت ہرِ نوُں رہے کرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک

اُٹھائیا۔ بِہاری کہے ویکھ پنج ہوئے منظوُر، پربھ دیوے مان وڈیائیا۔ جِنہاں دے پِچھے کلجُگ ناتا تُٹا کوُڑ، کوُڑی کِریا دئے گوائیا۔ بھگت بھگوان لوک مات ہوئے مشہوُر، مشوریاں وِچ پَوے لوکائیا۔ جگت ہنکاری تُٹنا غروُر، غُربت سب دی میٹ مِٹائیا۔ جوتی جلوہ ظاہر کرنا نوُر، سرِشٹی درِشٹی اِشٹی نظریہ آپ بدلائیا۔ جن بھگتاں بھنڈارا کرنا بھرپوُر، نام پدارتھ جھولی پائیا۔ پوُرب جنم دے بخش قصوُر، دشملب نال اُڈائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ بِہاری کہے پنجاں دی سیوا انوکھی، ہرِ کرتے آپ لگائیا۔ پتہ نہیں اوس کِویں سوچ سوچی، اپنی بنت بنائیا۔ اوہ ٹھاکر سوامی دُھر دا مؤجی، دوُجا سنگ نہ کوئے نِبھائیا۔ دو جہاناں سچّا کھوجی، لکّھ چؤراسی ویکھ وکھائیا۔ جوتی جوت سروُپ ہرِ، آپ اپنی کِرپا کر، دیوے مان وڈیائیا۔ گوبِند کہے مَیں پنج ویکھے، سوہنے گُرمْکھ نظری آئیا۔ اینہاں دے میرے کول اوسے چِٹھی وِچ لیکھے، پنجویں سطر رہی سمجھائیا۔ جِنہاں نوُں صاحب رکھیا چیتے، ابُھل بُھل کدے نہ جائیا۔ کلجُگ انتم لائے لیکھے، سوہنی ونڈ ونڈائیا۔ سَت نِشانہ دے کے بھیجے، لوک مات بھگتاں دئے وڈیائیا۔ کوُڑی کِریا کڈھ کے بھرم بُھلیکھے، بھانڈا بھرم بھؤ بھنائیا۔ ستّ رنگ نِشانہ ویکھ کے چار جُگ دے پِچھلے مُک جان ٹھیکے، ٹھیکیداری نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دُھر دی کرنی آپ کمائیا۔ گوبِند کہے مَیں ویکھیا پنجاں دا مُکھڑا، میرے انتر خوشی آئیا۔ جِس دا سُت دُلارا پُترا، سو اپنے رنگ سمائیا۔ جِس دا نظارہ ویکھیا لوچنا، نیتر اکّھ کُھلائیا۔ اوہدے پُت دے پُتاں دا کی سوچنا، جو آپا وار بھیٹ کرائیا۔ اوہدا بھانا کِسے نہ روکنا، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ بِہاری دے اَگے آ گیا آؤنکڑ، اؤکڑ اگلی رہیا جنائیا۔ جُگ چؤکڑی کھیل سار پاش چاؤنکڑ، چارے جُگ چار کُنٹ بھوائیا۔ کوٹن کوٹاں وِچوں بھگت بھگَونت کول پہنچن، مَیں سچ دیاں سُنائیا۔ باقی کِسے درس ملِے نہ کرنا لوچن، لوچا پوُر نہ کوئے وکھائیا۔ آؤنکڑ کِہا مَیں وڈیائی دیواں اوس موچن، جو چمیاری رَویداس کُکھ ٹِکائیا۔ آؤنکڑ کِہا میرا پرم پُرکھ پرماتم جُگ جُگ سب دے ہِردے آوے سودھن، سُدھ اپنی آپ سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ اؤنکڑ کہے پربھ پرگٹائے اپنے لال، دیونہار وڈیائیا۔ ساچی سِکھیا اِکو سِکھال، دُھر دا حُکم اِک جنائیا۔ وِشن برہما شِو جو بَیٹھے اپنی دھرم سال، انتم لیکھا لیکھے لئے پائیا۔ برہما کرے آپ بحال، سِنگھ پال دئے وڈیائیا۔ شنکر لہنا چُکے آن، جگت جگدیِش وجے ودھائیا۔

اِندر چرن ڈگے آن، اپنا پندھ مُکائیا۔ سِنگھ منجیِت نؤجوان، تخت بَیٹھے چائیں چائنیا۔ دھروُ کہے میرا لیکھا چُکیا در دربان، در درویش ہو کے سیِس نِوائیا۔ پُرکھ ابناشی ہو مِہروان، سِنگھ سورن دِتی وڈیائیا۔ گوبِند اؤہ ویکھ کر پہچان، سَتجُگ دھیان لگائیا۔ جِس راجے بل نے اپنا آپ کیِتا دان، باون بھیٹ چڑھائیا۔ مگر مِنائی وِچ جہان، ڈھائی کرم لیکھ پوُر کرائیا۔ اوہدا پِچھلا لہنا دینا دیوے سِری بھگوان، کلجُگ انتم ہو سہائیا۔ پنجاں تتّاں دا چولا دے کے ناں رکھ سِنگھ گُردَیال، لال دُھر دا لیا بنائیا۔ آد آد دا ستّ رنگ نِشان، جو گُر اوتاراں پیِر پَیغمبراں شبد وِچ وکھائیا۔ اوس دی لوک مات نؤ کھنڈ پرِتھمی ستّ دیِپ پاوے آن، سِر سکے نہ کوئے اُٹھائیا۔ جن بھگت سُہیلے لےَ کے نال، دیِن دَیال خوشی منائیا۔ جنم کرم دے لیکھے وِچوں سارے کرے بحال، چؤراسی گیڑ نہ کوئے رکھائیا۔ سچ دوارے اِکٹّھے کیتے آن، آپ اپنا میل مِلائیا۔ جوتی جوت سروُپ ہرِ ، آپ اپنی کِرپا کر، مِہر نظر نال ترائیا۔ آؤنکڑ کہے مَیں ویکھے پنج جودھے، درگاہ ساچی سوبھا پائیا۔ جِنہاں نے اپنے آپ سودھے، سِدھا میل مِلیا بےپرواہیِا۔ اوہ کلجُگ انتم ہو گئے بھگتاں جوگے، لوک مات سیو کمائیا۔ کندھے چُک کے اپنے بوجھے، بھگتاں ہؤلے بھار رکھائیا۔ ستّ رنگ نِشانہ اِک سوچے، سچکھنڈ دھیان لگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ستّ رنگ نِشانہ کہے مَیں نؤ سؤ چُرانوے چؤکڑی جُگ رہیا بن دا، سچکھنڈ بہہ بہہ خوشی منائیا۔ گُر اوتار پیِر پَیغمبر ویکھے جو سِری بھگوان رہیا جن دا، جن جننی ہو کے دئے وڈیائیا۔ کھیل ویکھیا جو لکّھ چؤراسی گھڑدا بھنّدا، حُکمے اندر حُکم سمائیا۔ لہنا دینا ویکھیا گُجری چنّ دا، جو چِنتا سرب مُکائیا۔ پُرکھ اکال اوس دی منّدا، اوہ اوس دی چلے رضائیا۔ اوہ اوس دا بھانا منّدا، اوہ اوسے دا بھار اُٹھائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ ستّ رنگ کہے مَیں سد رنگاں سَت، سَت سَت ورتائیا۔ پُرکھ ابناشی سرِشٹ سبائی دے مت، گُرمت اِک جنائیا۔ مَیں بِنا بھگتاں کِسے نوُں لاؤن نہ دیواں ہتّھ، انگیکار نہ کوئے کرائیا۔ جِس ویلے حُکم دیوے پُرکھ سمرتھ، لوک مات سیو کمائیا۔ سَتجُگ تریتا دواپرکلجُگ گیا لنگھ، صدی ویہویں دئے دُہائیا۔ پُرکھ ابناشی گھٹ گھٹ واسی سُہاونہارا آتم سیج پلنگ، ساڈھے تِنّ ہتّھ مندر ڈیرہ لائیا۔ ساڈھے تِنّ ہتّھ دا نِشانہ دو جہاناں دیوے ٹنگ، سَت سَتوادی دھار چلائیا۔ تیراں چؤداں پندراں سولاں پوہ کھیل ہُندا ویکھیا سوُرے سربنگ، سوہنی بنت بنائیا۔ جوتی جوت سروُپ ہرِ، آپ اپنی کِرپا کر، دیوے مان

وڈیائیا۔ ستاراں پوہ کہے مَیں آیا جگ، ویہہ سؤ اِکّی بِکرمی مِلی وڈیائیا۔ سچ دوارے چڑھیا بھج، اپنا پردہ لاہیِا۔ اوس دے ہتّھ وِچ رہیا سج، جِس نوُں درگاہ مِلی وڈیائیا۔ گُردَیال سِنگھ کہے مَیں لیکھا منگنا اجّ، پربھ اَگے جھولی ڈاہیِا۔ جِس دے پِچھے تخت تاج دِتا چھڈ، اپنا آپ گوائیا۔ پریم پریِتی اندر بجھّ، خالی ہتّھ دِتے وکھائیا۔ اوس دے کولوں پوُری کرنی آس، منسا نال مِلائیا۔ پربھوُ جے تُوں بھگتاں دا داس، سیوا کر کے دے وکھائیا۔ تیرے سنت سُہیلے سِدھے آؤن تیرے پاس، راہ وِچ نہ کوئے اٹکائیا۔ جے کوئی بِکھڑا پیَنڈا ڈوُنگھا دِسے گھاٹ، اؤجھڑ راہ دے وکھائیا۔ مَیں ویکھنا اجّ سوہنی کیہڑی بھگتاں جماعت، کوَن کرن پڑھائیا۔ اودھروں خوشیاں نال گیِت گاؤندی آئی سُہنجنی رات، بِھنڑی روُپ وٹائیا۔ مَیں وی ویکھاں مُکھ نقاب پڑدا چُک کے ماراں جھات، نیتر نیَناں نال مِلائیا۔ جِنہاں دا پربھ دے نال ناتا جُڑیا ساک، سجّن اِک بنائیا۔ اوہناں نال کِویں ہویا اِتفاق، پت پرمیشور آیا چائیں چائنیا۔ کِس بِدھ کرے سوہنی بات، واتاورن جنائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ گُردَیال سِنگھ کہے میری واری، میرے ہتّھ وِچ ستّ رنگ دا جھنڈا، جھنڈیِاں والیاں دیاں جنائیا۔ پرم پُرکھ دا نِشانہ جھُلدا وِچ برہمنڈا، وربھنڈا دیاں جنائیا۔ جِس دے ہتّھ وِچ اگمّی ڈنڈا، ڈنڈؤت ساریاں دئے سِکھائیا۔ جِس دا ارجن نال لیکھا راوی کنڈھا، بالمیک لہنا آیا چُکائیا۔ جِس دی اڈّی وِچوں چُبھیا اجے نہ کڈّھیا کنڈا، جوبن والی پٹّی بندھی نہ کِسے لاہیِا۔ اُس دے دوارے سِری بھگوان آیا نَٹھا، بن کے پاندھی راہیا۔ اِکّی سال جِس تھاں تے بہہ کے مسانا وِچ پھولدا رہیا سی گھّٹا، ہتّھاں نال اُڈائیا۔ اوس بھوُمُکا اُتے پربھوُ دا سِنگھاسن ڈٹّھا، سنمُکھ بھگت سُہیلے نظری آئیا۔ ویکھو روندا آیا دھنّا جٹّا، اوُچی کوُک کوُک سُنائیا۔ کی ہویا جے مَینوُں پہلے مِلیوں وِچوں پتّھر وّٹا، ہُن موڈھیاں اُپر چُک کے خوشی منائیا۔ ناما کہے نہیں چھپری والا رہیا رٹّا، بھگت دوارے سوبھا پائیا۔ رَویداس کہے مَیں لوکاں دسّاں، دہ دِشا دیاں جنائیا۔ جِس نے ہرِ دا درشن پاؤنا اکّھاں، لوچن نیَن مِلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ آؤنکڑ اَگے آئے دُلینکڑے، دُہرا تال وجائیا۔ پربھ نوُں مِلن واسطے جُگ بیِت گئے سیَنکڑے، گنتی گنت نہ کوئے گنائیا۔ گُر اوتار پیِر پَیغمبر دسّدے گئے اوہدے کھیل مُحبّت مِہر دے، ساکھیات نہ کوئے مِلائیا۔ حُکم منّدے رہے بھےَ وِچ پربھ شیر دے، سِنگھ بھبک اپنا نام لگائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ دُلینکڑے کہن مَیں ویکھی دوہری لگدی چوٹ، ہرِ

کرتا آپ لگائیا۔ نالے نوُر نِرمل جوت، دوُجا شبد ناد وجائیا۔ تیجے بھگتاں کرکے کھوج، چؤتھے گھر جوڑ جُڑائیا۔ پنجویں آسا منسا پوُری کرکے لوچ، چھیویں در دیوے مان وڈیائیا۔ سَتویں سَت سَتوادی اوتھے گیا پہنچ، جِتھے بھگت سُہیلا بَیٹھا اپنا دھیان لگائیا۔ اٹّھویں اٹّھاں تتّاں لوک مات نِت رہنا نہیں روز، انتم لیکھا جان چُکائیا۔ ناویں نؤ دراں وِچ مِلنی نہیں ایہہ مؤج، کوُڑے رساں وِچ لوکائیا۔ جوتی جوت سروُپ ہرِ، آپ اپنی کِرپا کر، لیکھا جانے بےپرواہیِا۔ دُلینکڑے کہن گوبِند تک، چؤہاں طرف دھیان لگائیا۔ گوبِند کہے اوتار گُر پَیغمبر آو جھٹ، اپنا پندھ مُکائیا۔ وِشن برہما شِو حُکم سُنو نٹھ، منگو سچ سرنائیا۔ بھگت سُہیلے چرن جاؤ ڈھٹھ، مان ابِھمان گوائیا۔ وید پُران شاستر سِمرت سارے کرو اِکٹّھ، ویلا وقت دئے گواہیِا۔ نیتر رووے تیِرتھ اٹھسٹھ، گنگا گوداوری جمنا سُرستی کُھلی مینڈھی سیِس پٹّی نہ کوئے گُندائیا۔ کلجُگ بھجّا پِھرے کوُڑا کھیل ویکھے بازی گر نٹ، نٹوُآ اپنا سوانگ ورتائیا۔ شبد اگمّی سچ سندیشہ جن بھگتاں رہیا دسّ، گھر گھر سُتّیاں رہیا اُٹھائیا۔ گُرمْکھ سجّن سہیلِیو سَتگُر دوارے کھولو اپنی اکّھ، پرتکھ گوسائیں نظری آئیا۔ جیہڑا گوبِند اندر رہیا وس، کرے کھیل ہو کے پُرکھ سمرتھ مہما اکتھ کتھ جنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ گوبِند کِہا گُر اوتار پیِر پَیغمبر وِشن برہما شِو سارے آو نزدیِک، بِن کدماں پندھ مُکائیا۔ ویکھو ایہہ اوہ جِس دی سدا اِک تؤفیِق، توحفے جُگ جُگ سب دی جھولی پائیا۔ جِس نوُں واحد کہندے لاشریِک، گاڈ ہو کے گُڈ ریمارکس دے کے سب دے لیکھے پائیا۔ اِس دی دھار بےنظیِر باریِک، تعریِف وِچ نہ کوئے سُنائیا۔ جِس نوُں جھُکدے گئے سب دے سیِس، صُلح کُل اکھوائیا۔ اُس دے نال کرو پریِت، جو پریِتم بےپرواہیِا۔ آد جُگاد جُگ چؤکڑی جو پار اُتارے اوُچ نیِچ، ذات پات دیِن مذہب ونڈ نہ کوئے ونڈائیا۔ جِس دا نام نِشانہ دو جہاناں لگے ٹھیِک، کوُڑے ٹھیِکر بھنّ وکھائیا۔ ترےَبھوَن دھنی ترےَگُن اتیِتا بَیٹھا رہے اتیِت، ترےَگُن وِچ کدے نہ آئیا۔ جِس دا وسیرا لکّھ چؤراسی ہست کیِٹ، گھٹ گھٹ اندر رہیا سمائیا۔ سو لہنا دینا چُکاون آیا بالمیک، پُرکھ ابناشی بےپرواہیِا۔ جِس دے پِچھے شہادتاں دے کے ہُندے گئے شہید، آپا وار خوشی منائیا۔ اُس دی سارے سُن لؤ اِک نصیِحت، جو حُکم نال سُنائیا۔ گُر اوتارو پیِر پَیغمبرو سچ سمجھو تُہاڈی اِکو سرب ولدِیت، والد پِتا باپ فادر اِکو نظری آئیا۔ گوبِند کہے مَیں کرن آیا تصدیِق، لیکھ لِکھیا بِن قلم شاہیِا۔ بیِس اِکیِسا ہرِ جگدیِشا جن بھگتاں اپنے نام دی کر جائے وصیّت، داخل

خارج آپے دئے چڑھائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا لیکھ چُکائیا۔ گوبِند کہے مَیں تکیا نظارہ، بےنظیِر رہیا وکھائیا۔ ویکھیا اوہ کنارہ، جِتھے بھٹھیالے بھٹّھی تت تپائیا۔ ویکھیا اوہ دربارا، جِس دربار دا مالک بےپرواہیِا۔ ویکھیا اوہ اَکھاڑا، جِس گرِہ گُرمْکھ اپنی خوشی منائیا۔ ویکھیا رَویداس چمارا، جو مانَس جنم وِچوں مانَس آیا بدلائیا۔ پُرکھ اکال کیِتا پیارا، در دوار دِتی وڈیائیا۔ لہنے وِچ پِچھلا لیکھ دینے وِچ اگلا لِکھارا، دُھر دی دھار رہیا جنائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ گوبِند کہے بالمیک ویکھیا، جِس ہرِ ہرِ بنت بنائیا۔ جنم کرم دی میٹ کے ریکھیا، رِکھیاں مُنیاں وِچوں دِتی وڈیائیا۔ سیَر کرا کے اپنے دیسیا، پردہ اوہلا دِتا اُٹھائیا۔ پِچھلا چُکا کے پیشیا، اگلا مارگ اِک سمجھائیا۔ آپ بن کے در درویشیا، ساچی سیو کمائیا۔ بھوُپت بھوُپ روُپ وٹا کے نر نریشیا، شاہ سُلطان ہویا آپ سہائیا۔ جِس ویلے بالمیک نے تخت نِواسی ایکا ویکھیا، سیِس جگدیِس پنچ مُکھی تاج سُہائیا۔ اوسے ویلے بِن چرناں توں چرناں اُتے لیٹیا، کدماں اُتے اپنا سیِس ٹِکائیا۔ مَیں تیرے اُتوں سب کُچھ ویچیا، مَیں میرا رہیا نہ رائیا۔ پُرکھ اکال ہس کے کِہا بیٹیا، تیرے پریم پِچھے سیِس دا تاج بھگتاں بھیٹ چڑھائیا۔ بالمیک درشن کرکے نیِت نیِتیا، دھوُڑی ٹِکاّ مستک لائیا۔ جوتی جوت سروُپ ہرِ، آپ اپنی کِرپا کر، مِہروان ہویا سہائیا۔ بالمیک ویکھیا کِیوں تاج لّتھا، سیِس جگدیِس خالی نظری آئیا۔ اون اپنے ہتّھ ماریا اُتے ہتّھا، مستک ریکھ دِتی بدلائیا۔ جاں ویکھیا پرم پُرکھ پرماتم سَتھر سیج لتّھا، اپنا مان تان مِٹائیا۔ بھگتاں نالوں پہلے جن بھگتاں اَگے ڈھٹّھا، نیِواں ہو کے سیو کمائیا۔ شبد سُنایا بٹوارے ہنکار وِکار دا میرے در تے رہے نہ رٹّا، کوُڑے رٹےّ دیاں مُکائیا۔ اوس نے کِہا ہے پرم پُرکھ پرماتم تُوں آد جُگادی سچّا، سچ تیری وڈیائیا۔ بےشک تیرا جگت مِٹی دا پُتلا بھانڈا کچّا، کاچی گگریا بَیٹھا ڈیرہ لائیا۔ من واسنا سنسار وِچ نچّا، منسا نال رکھائیا۔ پھیر وی کِرپا کر اونکار آپ بنایا اپنا بچّہ، بچّہ کہہ کے لیا بُلائیا۔ پربھوُ اِک تیرے کولوں منگ منگاں، سِدھی اپنی جھولی ڈاہیِا۔ جوتی جوت سروُپ ہرِ، آپ اپنی کِرپا کر، درگاہ دینی مان وڈیائیا۔ پُرکھ اکال کِہا کی تَینوُں لوڑ ؟ اپنی کہانی دے جنائیا۔ بالمیک کِہا ہتّھ جوڑ، بینتی اِک سُنائیا۔ جِویں ٹھگ چور یار نوُں مَینوُں لیا جوڑ، اپنا بندھن پائیا۔ جِس ویلے کلجُگ اندھیرا ہووے گھور، تیرے بھگتاں نوُں میلا کوَن لئے مِلائیا۔ گُر اوتار پیِر پَیغمبر پلّوُ جاون چھوڑ، سجّن سکھا سکھائی نظر کوئے نہ آئیا۔ دسّ کؤن پکڑے اوہناں دی ڈور، جیہڑے ڈور تیرے

اُتے رکھائیا۔ سِری بھگوان کِہا مَینوُں بھگتاں دی سدا لوڑ، بِن بھگتاں میری مات لوک نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ بالمیک کِہا میری ہور عرض، تیرے اَگے عرضوئیا۔ جے تُوں بھگتاں ونڈیں درد، دُکھیاں دُکھ گوائیا۔ اپنے نال کر کے لِکھت پڑھت، سِدھا جوڑ جُڑائیا۔ کِسے دا بھرن نہ دیویں دھڑت، مزدوُری اَور نہ کوئے کرائیا۔ پُرکھ اکال کِہا جِس ویلے نِرگُن نِرنکار نِراکار ہو کے آواں پرت، پت پرمیشور روُپ وٹائیا۔ بالمیک تیرے دوارے تے جن بھگتاں کولوں اپنے سِر تے رکھاواں کھڑگ، بھےَ وِچ بھگتاں سیو کمائیا۔ بن کے جودھا سوُربیِر مردانہ مرد، مدد کراں تھاؤں تھائنیا۔ بھگت اُدھاردیاں میرا کی ہونا حرج، حاضر حضوُر ہو کے درس دیاں دِکھائیا۔ جوتی جوت سروُپ ہرِ، آپ اپنی کِرپا کر، سب دے لہنے بِن لہنیوں جھولی پائیا۔ بالمیک کِہا اِک ہور سندیشہ، دُھر درباری دیاں جنائیا۔ کی دھاریں اپنا بھیسا، نِرگُن صاحب دے سمجھائیا۔ پُرکھ اکال کِہا پہلوں سُت بناواں دس دسمیشا، دہ دِشا وجے ودھائیا۔ اُس دے اندر باہر رہاں ہمیشہ، گھڑی پل وِچھڑ نہ جائیا۔ جِس ویلے ماچھوُواڑے سواواں سوُلاں سیجا، جنگلاں وِچ پِھرائیا۔ سچ سندیشہ اِکو بھیجاں، دُھر دا حُکم بےپرواہیِا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ بالمیک کِہا پربھ میری منّ، دوئے جوڑ سیِس نِوائیا۔ اپنے سیِس تاج اوہو بنّھ، مَیں ویکھ کے خوشی منائیا۔ تیرے ہُندیاں پاتشاہ تیرے بھگتاں دیوے کوئے نہ ڈنّ، ڈنکا ہور نہ کوئے وجائیا۔ سارے رسنا کہن دھنّ دھنّ، پربھوُ دھنّ تیری وڈیائیا۔ جوتی جوت سروُپ ہرِ، آپ اپنی کِرپا کر، لیکھا لہنا جھولی پائیا۔ پُرکھ اکال کِہا مَیں سُہاؤنا سیِس، دیواں مان وڈیائیا۔ روُپ دھر کے ہرِ جگدیِش، جگدیِشر کھیل وکھائیا۔ سب توں وکھری نِرالی چلا کے ریِت، دُھر دا حُکم دیاں ورتائیا۔ سِدھی بھگتاں نال کر کے پریِت، پریِتم ہو کے جوڑ جُڑائیا۔ میرا بھگت نہ کوئے جائے مندر مسیِت، شِودوالا مٹھ کِسے کمّ نہ آئیا۔ اوہناں دے اندر وڑ کے دسّاں اپنا گیِت، تُوں میرا مَیں تیرا دوُجا نظر کوئے نہ آئیا۔ رحمت نال کراں بخشیِش، بخشش سب دی جھولی پائیا۔ بالمیک دی رو کے نِکلی چیِک، اُچی کوُک سُنائیا۔ ویکھیں کِتے میرے وانگ نہ پائیں کِسے دی لمی تاریخ، ادھ واٹیاں وِچ پِھرائیا۔ بِن تیری کِرپا کایا کِسے نہ ہووے ٹھنڈی سیِت، کوٹن کوٹ گئے دھوُنیاں تائیا۔ جوتی جوت سروُپ ہرِ، آپ اپنی کِرپا کر، لیکھا لیکھے نال مِلائیا۔ سِری بھگوان کہے سُن بالمیک سُہیلے، سچ دیاں جنائیا۔ تُوں اِکّی سال رہنا بیلے، ناتا جگت نالوں تُڑائیا۔ تیرے کول رہنے دو لیلے، جِنہاں

دی بکری اِکو مائیا۔ اوہناں دے نال کھیل پربھوُ کھیلے، خالق مالک دَیا کمائیا۔ اودھروں شِکار کھیلن والے ہتھیں پھڑ کے آون نیزے، بلماں ناؤں دھرائیا۔ جیِو مارنے جِنہاں دے پیشے، تیرے والی ادا رکھائیا۔ جِس ویلے آون تیرے نیڑے، تُوں ہتّھ دینا اُٹھائیا۔ اوہ مِترو دوستو سجّنو مَیں وی منُش لُٹے بتھیرے، مگر کمّ کوئی نہ آئیا۔ کِیوں جھوُٹھے کردے جھیڑے، جھگڑا دیؤ مُکائیا۔ آؤ ویکھو اندر وڑ کے میرے کھیڑے، کُنڈی کھِڑکی دیاں کُھلائیا۔ اونے چِر نوُں اِک جنگل وِچوں آیا شیرے، اپنی بھبک لگائیا۔ اوتھے آ گئے سارے گھیرے، پلّوُ سکے نہ کوئے چُھڈائیا۔ حقیِقت حق کیہڑا نبیڑے، مارن آئے، مؤت سانوُں اَگے رہی ڈرائیا۔ اودھروں اِک رِکھی آ جائے اوسے ڈیرے، ہتّھ کرمنڈلی اِک رکھائیا۔ ڈھولا گاوے میرے میرے، سوہنگ راگ الائیا۔ ہتّھوں اوہناں دے ڈِگ پئے نیزے، نِگاہ دِتی بدلائیا۔ نیتر نیِواں ہو کے ویکھے، اکّھ نہ کوئے اُٹھائیا۔ بالمیِک تکیا پربھ چڑھیا آتم سیجے، سوہنا جوڑ جُڑائیا۔ اوس شیر نے کِہا میرے کِس بِدھ لگّن لیکھے، لیکھا دئے چُکائیا۔ بلمیک کِہا جیہڑا مَینوُں ایتھے بھیجے، اوہ لہنے رہیا مُکائیا۔ دُھر دی آواز آئی کلجُگ انتم رکھے چیتے، ابُھل بُھل کدے نہ جائیا۔ جِس ویلے بالمیک پال سِنگھ ہو کے پربھ نوُں پہلی وار ویکھے، نیتر نیَناں نال مِلائیا۔ اوہو شیر پِھر دروازے اُتے کھڑا پربھ نے پائے بُھلیکھے، بُھلیکھے والا بےپرواہیِا۔ بِنا حِساب کِتاب پردہ پھول نہ کھولے بھیتے، آد جُگادی سب کُچھ اپنے وِچ بند رکھائیا۔ اوسے دا کارن ہرِسنگت ہربھگت ساچے سنت نِج نیتر نر نرائن آپ پیکھے، پیکھ پیکھ اپنی خوشی منائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ بالمیک اِک ہور منگ منگی، اپنی آس رکھائیا۔ پربھوُ دسّ میرا پھیر ہووے کؤن سنگی، جو تیرا جوڑ جُڑائیا۔ سِری بھگوان کِہا اوس اجے رمبی نہیں چنڈی، تِکھی آر نہ کوئے کرائیا۔ اوس دی ماں اجے نہیں جمّی، جِس نے پُتر جمنا نوُر نوُرانہ نوُر خُدائیا۔ اُس نے بننا تیرا تنی، میلا سہج سُبھائیا۔ گھُٹ کے بنھنی گنڈھ کنّی، کُھل کدے نہ جائیا۔ جوتی جوت سروُپ ہرِ، آپ اپنی کِرپا کر، پوُرب لیکھا لیکھے پائیا۔ بالمیک کِہا پربھوُ مَینوُں آیا اِک خیال، خِما کر کے دینا جنائیا۔ تھوڑا مَینوُں دسّ دے اوہدا احوال، مَیں نِشانیِاں توں لَواں پہچان، اپنی پہچان اوہدے نال مِلائیا۔ ابناشی کرتے کِہا ہو کے مِہروان، مِہر نظر ٹِکائیا۔ بندیاں ورگا بندہ اِنسان، پنجاں تتّاں والا روُپ وٹائیا۔ اُس دے اندر نوُر مہان، سچ پریم سِری بھگوان، رسنا بولے نہ کوئے زبان، سَت سروُپی نظری آئیا۔ گُرمْکھ سِنگھ کہہ کے ماپے اوہنوُں بُلان، بھائی بھَین کہن ساڈا ناتا جُڑیا جہان، نار

کہے سُہاگی کنت مِلیا آن، بٹوارے، پُرکھ ابناشی اوہنوُں کہے ایہہ بھگتاں دا نِشان، نِشانہ اُچا نظری آئیا۔ جِس دا لیکھا پرے زِمیں اسمان، طبق سبق پڑھ نہ کوئے سُنائیا۔ جوتی جوت سروُپ ہرِ، آپ اپنی کِرپا کر، دُھر دا میلا لئے مِلائیا۔ بالمیک کہے پربھ میل کِویں مِلدا، سَت سچ دے سمجھائیا۔ بھیو کُھلے کِویں دِل دا، آس آس نال مِلائیا۔ پُرکھ ابناشی کِہا بِن حُکموں کوئی نہ ہِلدا، ویس اویس نہ کوئے وٹائیا۔ جِس ویلے پاربرہم پت پرمیشور اپنا کھیل کھیلدا، بھگت بھگَونت لئے پرگٹائیا۔ اوہ مالک بنا کے سجّن سُہیل دا، سنت سُہیلے لئے اُٹھائیا۔ ایہہ رنگ وکھرا اوس نویل دا، جو سچکھنڈ بَیٹھا بےپرواہیِا۔ اوس دے ہتّھ پرچہ پاس فیل دا، جو اندر باہر گُپت ظاہر اپنی کار کمائیا۔ جوتی جوت سروُپ ہرِ، آپ اپنی کِرپا کر، مِہروان دئے وڈیائیا۔ بالمیک کِہا کی اوہ سوہنا چنگا، چنگی طرح دے جنائیا۔ سِری بھگوان کِہا جِس دی سیوا کرن گیا گنگا، کسیِرا کنگن روُپ وٹائیا۔ پربھ نے اوس نوُں دِتا اِک انندا، نِج آتم رس چکھائیا۔ ڈھوآ ڈھوون والا ہووے بندہ، پربھ دی بندگی وِچ سمائیا۔ کوئی سمجھ نہ سکے نیتر اندھا، بھگتاں میل مِلائیا۔ اوہ سیِتل دھار سب نالوں ٹھنڈا، سانتک سَت ورتائیا۔ اوہ ٹُٹیاں نوُں پاوے گنڈھاں، پانہی گنڈھ کے جھٹ لنگھائیا۔ اوس دا پُرکھ اکال نال ہووے سنگا، سوہنا جوڑ جُڑائیا۔ جوتی جوت سروُپ ہرِ، آپ اپنی کِرپا کر، بالمیک رہیا جنائیا۔ بالمیک، رَویداس توں ہووے گُرمْکھ، گُر سَتگُر دئے وڈیائیا۔ انتر پربھ نوُں مِلن دی رکھے بُھکھ، باہروں نظر کِسے نہ آئیا۔ جِس دے نال مِل کے دُھر دا مِلدا سُکھ، سُکھ ساگر وِچ سمائیا۔ جِس دی بھاگ لگنا کُکھ، اوہ دھنّ جنیندی مائیا۔ اوس دا سوہنا لاڈلا پُت، پاٹے چیِتھڑ تن ہنڈھائیا۔ باقی دی لِو جنم توں بعد جاوے چُھٹ، اوس دی لِو دوُن سوائیا۔ جوتی جوت سروُپ ہرِ، آپ اپنی کِرپا کر، کُچھ بھیو دئے کُھلائیا۔ پُرکھ اکال کِہا بالمیک ویکھ بھیو کُھلدا، ہرِ پردہ آپ اُٹھائیا۔ پُرکھ ابناشی مالک ہووے بھگتاں دی کُل دا، کُل مالک دَیا کمائیا۔ لہنا چُکاوے اپنے پیار مُلّ دا، گھر ساچے جوڑ جُڑائیا۔ گُرمْکھ بوُٹا کدے نہ ہُلدا، پت ٹہنی دئے مہکائیا۔ دو جہان پھلدا پُھلدا، سُگندھی محک وانگ مہکائیا۔ گُلشن اندر غُنچا اگمّی کھِلدا، اپنا روُپ وٹائیا۔ ساچے کنڈے ترازوُ تُلدا، کوُڑے تکّڑ نہ کوئے چڑھائیا۔ رس مِلدا پربھوُ دے نام جپیاں بُلّ دا، انتر آتم رس چکھائیا۔ جوتی جوت سروُپ ہرِ، آپ اپنی کِرپا کر، مِہر نظر نال اپنے رنگ رنگائیا۔ بلمیک کِہا کی ہور وڈیائی، وڈ وڈّے دے سمجھائیا۔ سِری بھگوان کِہا جد میری واری آئی، لوک مات دیاں جنائیا۔ جِنہاں بخشاں سچ سرنائی، سَت

سَتوادی دیاں بنائیا۔ آتم پرماتم کر کُڑمائی، ناتا دُھر دا جوڑ جُڑائیا۔ سوہنگ ڈھولا راگ سُنائی، پوُرب لیکھا جھولی پائیا۔ آتم دُھن کر شنوائی، سنسا روگ مِٹائیا۔ رَویداس چمارا لیکھا دئے لِکھائی، نہ کوئی میٹے میٹ مِٹائیا۔ جِس ویلے ویہہ سؤ اِکّی بِکرمی آئی، ایکنکار کرے رُشنائیا۔ تیری اِکّی سال دی گھال لیکھے لائی، پوُرب لہنا دئے مُکائیا۔ بھگت سُہیلے سنگ بنائی، دُھر دا جوڑ جُڑائیا۔ دوُر دُراڈے نیرن نیرے اِکٹّھے کرکے لیائے گوسائیں، گہر گمبھیِر اپنی دَیا کمائیا۔ پوُرب جنم دے وِچھڑے نال مِلائی، آسا ترِشنا پوُر کرائیا۔ نانک دی لیکھنی لیکھے لائی، سِدھاں سِدھا راہ وکھائیا۔ اؤہ ویکھو ستّے بَیٹھے چائیں چائیں، نیتر نیَناں نیِر وہائیا۔ گِدھ کہے مَینوُں مِلی وڈیائی، جِس وِشٹے توں لیا بچائیا۔ مکھّن لُبانا کہے مَیں ویکھاں اپنا بھائی، جو سِنگھ اجمیر ناؤں دھرائیا۔ کوئل کہے مَیں گاواں چائیں چائیں، تیغ بہادر دا بیٹا، دو جہاناں دا نیِتا، بھگتاں دا میِتا، پوُرب دا چیتا، وِچوں کھیتاں اپنے نال مِلائیا۔ اَگے دُھر درگاہ دا لےَ کے ٹھیِکہ، جن بھگتاں سُنیہڑا اِکو بھیجا، ستّ رنگ نِشانہ رہیا وکھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ بالمیک کِہا پربھ سچ دِرڑا دے، دَیالوُ ہو کے دَیا کمائیا۔ اجّ دا پوُرا بھیو کُھلا دے، کِیوں ستاراں پوہ مِلی وڈیائیا۔ پُرکھ ابناشی کِہا دوُجی وار سِر توں تاج لاہ دے، پردہ دیاں اُٹھائیا۔ جِس ویلے میرے بھگت میرا دھیان لگاندے، مَیں نِیوں نِیوں کے اوہناں چرناں اُتے سیِس ٹِکائیا۔ اوہ اپنے بھےَ دا کھنڈا میرے اُتے چمکاندے، پربھوُ بُھل کدے نہ جائیا۔ مَیں ویکھاں جے ہوون تھکے ماندے، پھڑکے اپنے گلے لگائیا۔ جے اوہ ڈھولے آون گاندے، گہر گمبھیِر ہو کے درس دِکھائیا۔ ستاراں پوہ کبیِر جُلاہا مِلیا سی گھر آپناں دے، آپن دے اندر درشن پائیا۔ اوس توں بعد پیار ہوئے سی سانجھے، سگلا سنگ نِبھائیا۔ بھگت بھگوان مِل کے ڈھولے گاندے، تُوں میرا مَیں تیرا تیرا میرا بھیو رہیا نہ رائیا۔ اِک دوُجے توں بلہاری بلہار بل بل جاندے، آپ اپنا میٹ مِٹائیا۔ وقت سُہنجنے سوہنے سُہاندے، دو جہان خوشی منائیا۔ گُر اوتار پیِر پَیغمبر خوشیاں مناندے، واہوا پربھوُ دی وڈ وڈیائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ بالمیک کِہا بھگتاں فرض تَینوُں جھُکنا، کِیوں پربھوُ توُں جھُک کے سیِس نِوائیا۔ ابناشی کرتے کِہا بِن میری کِرپا پیَنڈا کِسے نہ مُکنا، بھگت نظر کوئے نہ آئیا۔ بِن مِہروان گودی کِسے نہ چُکنا، کوُڑا ناتا جگت لوکائیا۔ مَیں بِن بھگتاں آد جُگاد کِسے نہ جھُکنا، ہنکاریاں میٹاں تھاؤں تھائنیا۔ جوتی جوت سروُپ ہرِ، آپ اپنی کِرپا کر، مِہروان بھیو چُکائیا۔ بالمیک کِہا پربھ سیِس تاج رکھ، میری منّ عرضوئیا۔

تیرا درس کراں پرتکھ، ساکھیات تُوں ہی نظری آئیا۔ دھنّ وڈیائی جے بھگتاں اَگے گِیوں ڈھٹھ، ڈھٹھیاں لئیں اُٹھائیا۔ ناتا توڑ کے تت اٹّھ، نؤ دوارے پار لنگھائیا۔ دسم دواری سیج سُہا کے پلنگ، رنگ اپنا دئیں رنگائیا۔ تھوڑا دے کے ایتھے انند، پھیر اَگے لئیں چلائیا۔ سُنّ اگمّ دا میٹ کے پندھ، تھِر گھر ساچے دئیں وڈیائیا۔ جِتھے شبد دُلارا تیرا گاوے چھند، سوہنگ ڈھولا راگ الائیا۔ اوس توں اَگے ہووے سنگ، شبد دُھن راگ رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، درگاہ ساچی سوبھا پائیا۔ پُرکھ ابناشی کہے ویکھ سیِس تاج رکھیا، رکھیا کراں ہر گھٹ تھائنیا۔ سرِشٹ سبائی ویکھ مِتھیا، تھِر کوئے رہن نہ پائیا۔ اودھروں گوبِند کھول وکھائی چِٹھیا، جِس دا انک اِکو نظری آئیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ چِٹھی وِچوں لبھا اِک نِشان، سچ نِشانہ دئے جنائیا۔ جِس ویلے کِرپا کرے سِری بھگوان، ویہہ سؤ اِکّی ملِے وڈیائیا۔ اوہ بھگت سُہیلا اِک اَکیلا ساچے سنتاں ملِے آن، نِرگُن اپنا پھیرا پائیا۔ مِہروان ہو کے دیوے دان، داتا ہو کے دَیا کمائیا۔ جُگ جنم دے وِچھڑے اِکٹّھے کیتے آن، سچ دوارے لئے بہائیا۔ پہلوں بالمیک دیِاں آسا منسا پوُریاں کرکے وِچ جہان، مِہروان ہو کے دئے سمجھائیا۔ جوتی جوت سروُپ ہرِ، آپ اپنی کِرپا کر، دھرنی دھرت دھوَل ویکھ وکھائیا۔ پوہ ستاراں ویکھ کے دھرنی، اپنا حال سُنائیا۔ اودھروں گُر اوتار پیِر پَیغمبر ڈِگ پئے چرنی، چرنودک لےَ لےَ خوشی منائیا۔ اودھروں وِشن برہما شِو اپنی دسّن کرنی، نوَ نؤ چار جو سیو کمائیا۔ اودھروں دیوت سُر پُچھن اپنی مرنی، کِس بِدھ لیکھے دئے مُکائیا۔ اودھروں شاستر سِمرت وید پُران گیِتا گیان اِنجیِل قُرآن کھانی بانی کہے تیری کیہڑی تُک پڑھنی، جو تُخم تاثیر تیرے نال مِلائیا۔ اودھروں ترےَگُن مایا پنج تت پرکِرتی دوارے آئی ڈردی، مردی مردی حال سُنائیا۔ مَیں دو جہاناں وِچ کوئی ذات نہ ویکھی جو تیرے اَگے اڑدی، جو نِیوں نِیوں نہ تیرے اَگے سیِس جھُکائیا۔ کلمہ کائنات کہے تیرے حُکم توں بِنا رسوُلاں دی آسا نماز کوئے نہ پڑھدی، سجدہ سیِس نہ کوئے نِوائیا۔ سُرتی کِسے نہ ہُندی مالک اپنے گھر دی، در در دھکّے کھائیا۔ پربھ گھڑی سُہنجنی دسّ اپنا کھیل کرن دی، کرتے تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ مِہر کہے مَیں دسّاں محبوُب، مُحبّت وِچ جنائیا۔ جو وسے محل اٹل اُچ عروُج، عرش فرش سمجھ کوئے نہ پائیا۔ جو درگاہ ساچی مقامے حق وسے محفوُظ، حِفاظت اَور نہ کوئے جنائیا۔ جِس دی آد جُگاد جُگ چؤکڑی سمجھے نہ کوئی حدوُد، بےحد بےپرواہیِا۔ جہاں تکو تہاں سدا مؤجوُد،

دو جہاناں رہیا سمائیا۔ صدی ویہویں پِچھلا حُکم کرے مؤقوُف، مُکمل اپنا حُکم جنائیا۔ جِس دی صِفت کلمیاں کلاماں نغمیاں ناماں وِچ لِکھدے آئے حروُف، حضرت پَیغمبر کر کے گئے پڑھائیا۔ سو اپنی کرنی وِچ ہویا مصروُف، صاحب مُصاحب ہو کے سیو کمائیا۔ جن بھگتاں دین آیا ثبوُت، ثابت صوُرت اِک وکھائیا۔ باہروں تکو تتّاں والا کلبوُت، اندر نہ آدم جے ویکھو تے خادم نظری آئیا۔ جِس نے بھگتاں کیِتا تعاون، لیکھا چُکایا بل راجا باون، ستّ رنگ ہتّھ جھُلائیا۔ گُر اوتار بھگت کہن اِکاون، ایکنکار تیری سرنائیا۔ سرب سوامی بھگتن پکڑیں دامن، پلّوُ گنڈھ بندھائیا۔ اسیں ویکھیا تُوں سب دے ساہمنے ہوویں ضامن، ذِمیواری اپنے اُتے ٹِکائیا۔ نہ کوئی کھتری رہیا براہمن، شوُدر وَیش دِتے مِٹائیا۔ کلجُگ ویکھ اندھیری شامن، ساچا چند کیِتا رُشنائیا۔ نوُر نوُرانہ کوٹن بھانن، سوُرج چند نیَن شرمائیا۔ بھگت بھگوان مِل مِل درشن پاون، پتت پُنیِت روُپ وٹائیا۔ من ہنکاری رہے نہ راون، کوُڑی لنکا گڑھ تُڑائیا۔ سُرتی شبدی میل کے کاہنن، گھنئیا بنسری نام سچ سُنائیا۔ نام درڑا کے دُھر دا سَت نامن، نمو نمو دئے سمجھائیا۔ ڈنکا وجے دو جہانن، فتح اِکو ہتّھ رکھائیا۔ جن بھگت سُہیلا بن کے آیا تارن، جگت دُہیلا وقت چُکائیا۔ لکّھ چؤراسی وِچوں آیا اُبھارن، پھڑ باہوں پار کرائیا۔ آیا پَیج سوارن، سِر اپنا ہتّھ ٹِکائیا۔ وِچھڑے آیا مِلاون، مِلنی جگدیِش کرائیا۔ ترِشنا میٹن آیا تامن، ترِکھا دوُر کرائیا۔ دیون آیا نام نِدھانن، نِج آتم دئے ٹِکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بالمیک کہے مَیں بنیا پال، پرِتپالک تیری سرنائیا۔ مَینوُں خوشی ہوئی مَیں تکے تیرے لال، جو سنمُکھ سوبھا پائیا۔ جِنہاں دے پِچھے پوُرب جنم دے رستیاں وِچ بَیٹھے کیتے بحال، باہروں پھڑ کے نال لیائیا۔ اوہناں دا مِل کے وجے تال، نِرگُن سرگُن دوہری چوٹ چلائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ پال سِنگھ کہے مَیں ویکھیا خُد، نیتر اکّھ کُھلائیا۔ جو ستاراں پوہ ایس بھوُمُکا گئے پُج، اپنا پندھ مُکائیا۔ اوہ پانی دا پانی نہیں وِرولیا چِٹا دُدھ، سَت سروُپ نظری آئیا۔ اوہناں دا بھیو پِچھلا کُجھ، کچھ مچھ دین گواہیِا۔ جوتی جوت سروُپ ہرِ، آپ اپنی کِرپا کر، دُھر دا لہنا جھولی پائیا۔ بھگوان کہے سُن بالمیک بٹوارے، بجواڑے دیاں جنائیا۔ جیہڑے لُٹے دِن دِہاڑے، اوہ راتیں سارے پار لنگھائیا۔ دوویں اِکٹّھے ہو گئے اِک کنارے، جِنہاں دا تٹ بنیا اِک بےپرواہیِا۔ اِکٹّھے کیتے ایکنکارے، اکل کل آپ ورتائیا۔ مُفلس غریِب در آئے سارے پار اُتارے، اَدھ وِچکار نہ کوئے رکھائیا۔ کی ہویا جے کبیِر چڑھ کے اپنے محل مینارے،

اُچی کوُک دِتا سُنائیا۔ رَویداس نال رکھ کے رمبی آرے، چمیارے چمّ درِشٹی دِتی گوائیا۔ جِنہاں دے در دا بِھکھاری آپ کرتارے، قُدرت قادر ویکھن آئیا۔ گُر اوتار پیِر پَیغمبر تک تک ہارے، نیتر نیَن اکّھ کُھلائیا۔ کی کرے کھیل پروردِگارے، محبوُب مُحبّت وِچ سمائیا۔ اوہ واہوا گوبِند بولے اِک جَیکارے، دُھر دا ناد وجائیا۔ جِس ہیمکُنڈ برفاں وِچ ٹھارے، سو ٹھاکر اپنے نال مِلائیا۔ جو دِسے سچکھنڈ دوارے، نِرگُن ہو کے سوبھا پائیا۔ اوہ کلجُگ انتم بھگتاں دے ہویا دوالے، دوہاں دِھراں دا مالک اپنا پھیرا پائیا۔ نالے پِچھلے دیوے حوالے، اَگے رکھے نالے، وِچھوڑا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ بالمیک کہے دسّ کی مَیں ایہہ سارے سچّے، جیہڑے تیرا سنگ بنا کے آئیا۔ پُرکھ اکال کہے ایہناں وِچوں اِکّی بچے، باقی سارے تیرے دھکّے کھا کھا میرا نام دِھیائیا۔ اوہناں کِہا جے ایس دی پت رکھیں، کِیوں نہ سانوُں ملِے وڈیائیا۔ پُرکھ اکال کِہا میرے کول حقیِقت حقے، حق سب دی جھولی پائیا۔ جن بھگتو تُسیں میرے اِکو جِہے بچّے، دوُجی ونڈ نہ کوئے ونڈائیا۔ ویکھو، گُر اوتار پیِر پَیغمبر تُہانوُں اَگے کہن سچّے، جھوُٹھا اِلزام نہ کوئے لگائیا۔ جو پرم پُرکھ دی آوی وِچ پکّے، اُس دا کچّا پاسہ رہن کوئے نہ پائیا۔ وِشن برہما شِو اَگوں نہ کوئی کُچھ دسےّ، سارے نِیوں نِیوں سیِس نِوائیا۔ میرا بھگت سُہیلا ایتھے اوتھے دو جہان خوشیاں نال ہسّے، ہستی اپنی حصرتاں نال پربھ دی جھولی پائیا۔ اوس درگاہ وِچ وسے، جِس دا مالک اِکو بےپرواہیِا۔ اوہ کِیوں نہ تُہاڈی پت رکھے، جو پتن جا کے اپنے گھاٹ لئے لنگھائیا۔ کرِشن دے یار بدھک ورگے صدّے، جِنہاں تیِر نِشانہ دِتا لگائیا۔ اوہدے تیِر اوہدے نال بجھے، اوہدے سوُکر اُتے اپنا رنگ رنگائیا۔ جو پنچھی اسماناں اُتوں ڈگے، پِھر بھٹّھی ڈاہی اَگے، ارجن لوح تپائیا۔ اُس دے سِر رکھ کے آیا ہتّھے، سمرتھ بےپرواہیِا۔ ایہہ کِیوں سارے کیتے اِکٹّھے، سچّی دیاں جنائیا۔ ترنتے اندر اِک وار ایہہ سارے اندروں منگ رہے منگے، جِس ویلے بٹوارا لُٹ لُٹ کھیِسے خالی رہیا کرائیا۔ ایہدے کولوں ساڈی کیہڑا پت رکھے، جو ہووے آن سہائیا۔ سِری بھگوان کِہا تُسیں بچّیاں دے بچّے، ایہہ میری بےپرواہیِا۔ یاد رکھو کلجُگ انت بناوانگا اندروں آتم والے بچّے، جِس تن خاکی مگر آپے بھجےّ واہو داہیِا۔- - - - اوہ کیہڑی ہووے راتی، سارے منگ منگائیا۔ پُرکھ اکال کِہا ستاراں پوہ دی اوہ پربھاتی، پربھ دیوے مان وڈیائیا۔ جنم جنم دے وِچھڑیاں، کرم کرم دے نِکھڑیاں، دھرم دھرم دے بِکھڑیاں اپنی نال لگائے چھاتی، شہنشاہ اپنا میل مِلائیا۔ گھر وِچ گھر جگائے دیِا باتی، نِج نیتر کرے رُشنائیا۔

بالمیک نال مِلائے اُس دا ساتھی، جِس دا جنم رَویداس پہلا رہے گائیا۔ اُس دا لہنا اگلے دِن مُکاؤنا باقی، باقاعدہ ترتیِب نال لِکھائیا۔ جن بھگتو تُہاڈی ایس جنم دی بدل گئی حیاتی، حاضر ہو کے دَیا کمائیا۔ پرم پُرکھ پرماتم آیا سچکھنڈ نِواسی، نِواس اپنے چرن رکھائیا۔ اَگے توں پِچھے توں تُہاڈے پریم دا بنیا رہیا پاٹھی، جن بھگتاں ڈھولے گائیا۔ کی ہویا جے تُسیں کدماں نال چل کے واٹی، اوہ سچکھنڈ چھڈ کے بھجّا واہو داہیِا۔ جاں ویکھے تے گُرسِکھ ویکھے اِک جماعتی، اِکو ڈھولا رہے گائیا۔ گُر اوتار پیِر پَیغمبرو ایہہ کِڈی سوہنی ساکھی، ساکھیات رہیا سمجھائیا۔ جِس دا حِصّہ نہ ونڈیا تے نہ ونڈے اُردوُ فارسی، انگریزی ہِندی پنجابی سب دا سانجھا راہ وکھائیا۔ کوئی تند سِتار نہ وجائے ربابی، ایہی لیکھا رہیا جنائیا۔ سب دی آتم سب دا پرماتم سب دا ساتھی، سگلا سنگ دئے جنائیا۔ اوہ اناتھاں دا ناتھی، داساں دا داسی، سواساں دا سواسی، منڈلاں دا راسی، گوپی کاہن ناچ نچائیا۔ بھگتاں دی پربھاتی، سُکھاں دی راتی، امرت دی بوُند سوانتی، کرن آیا ٹھنڈی چھاتی، سَت سانتک روُپ وٹائیا۔ ویس وٹا کے لوک ماتی، گُرمْکھاں دیوے دان اندر وڑکے مارے دھیان بجر کپاٹی کھول کے تاکی، تقویٰ اپنا دئے جنائیا۔ سچ سمجھو ایہہ مِلیا اِتفاِقّی، لہنا دینا چُکائے باقی، مِہروان محبوُب ہویا سہائیا۔ نِگاہ مارے وِچ محرابی، پیاونہارا جام حیاتے آبی، بخشنہارا جنم کرم دی آزادی، بربادی وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، مِہر نظر نال اُٹھائیا۔ ویہہ سؤ اِکّی دوُروں پئی بول، گوبِند لئے انگڑائیا۔ جگت سِنگھاسن سارے گئے ڈول، اڈُل نظر کوئے نہ آئیا۔ پربھ دا ناؤں لےَ کے سارے ماردے رول، رؤلے وِچ لوکائیا۔ سب دے پردے آ کے پھول، جو کلجُگ کوُڑے گُروُ روُپ وٹائیا۔ لیکھا آ کے ویکھ اُپر دھؤل، دھرنی رہی کُرلائیا۔ بیِس اِکیسے تیرا قؤل، اِقرار گیا آئیا۔ فرق پَین نہیں دینا رتی چؤل، چؤگرد دینا جنائیا۔ اپنے نام دا وجاوے سچّا ڈھول، مردنگا اِکو ہتّھ اُٹھائیا۔ جیہڑے تیرے بھگت اوہناں سدّے کول، کُل اپنی لئے بدلائیا۔ جھوُٹھی مایا وِچوں رول، وِرول کے اپنے گلے لگائیا۔ دئے وڈیائی اُپر دھؤل، دھرنی خوشی منائیا۔ جوتی جوت سروُپ ہرِ، آپ اپنی کِرپا کر، مِہروان دَیا کمائیا۔ گوبِند کہے مَیں ویکھیا دُھر دا حاکم، تخت نِواسی دَیا کمائیا۔ سرِشٹ سبائی ہویا ماتم، غمی خوشی نہ کوئے بدلائیا۔ ہرِ کے روُپ دے پِچھے نہ کوئے مہاتم، مہاتما آتما نہ کوئے اُٹھائیا۔ جلوہ کرے کوئی نہ باطن، نوُر نوُر نہ کوئے مِلائیا۔ روُح بُت نہ دِسے پاکن، خاکی وجوُد نہ کوئے وڈیائیا۔ جن بھگت سُہیلے تھوڑے دِسن داسن، جو درسی ہو کے درشن کرکے دہ دِشا پریم

پریِتی سیو کمائیا۔ جوتی جوت سروُپ ہرِ، آپ اپنی کِرپا کر، مِہر نظر نظر وِچوں کڈھائیا۔ سِنگھاسن توں پہلوں دھرتی کرے پُکار، جن بھگتاں رہی سُنائیا۔ مَینوُں کراؤ اوہدا دیِدار، جِس دا دیِد اِک رُشنائیا۔ جِس دے سب کُچھ اختیار، دو جہاناں سِری بھگوانا حُکم سُنائیا۔ جو آد جُگادی دُھر دا یار، یرانے بھگتاں صوُفیاں نال رکھائیا۔ جِس دا جنّتاں توں باہر مزار، درگاہ ساچی دھام بَیٹھا آسن لائیا۔ جِس دی کلمیاں توں باہر کلام، جِس دا اکھّراں توں باہر نِشان، جگت جہان ویکھن کوئے نہ پائیا۔ جِس دا سدا سدا نِت نَواں نِظام، حُکم سندیشہ دُھر پَیغام، پَیغمبراں دا پَیغمبر دُھر دا امام، امن دا داتا اِکو نظری آئیا۔ بھگتاں دا بھگوان، سنتاں دا مِہروان، بٹوارے دے در تے بَیٹھا آن، گوپیِاں دا کاہن، سیِتا دا رام، سُرتی دا بِسرام، موُرتی دا دھیان، اکال اکال نظری آئیا۔ دردیاں دا دربان، درویشاں دا دھیان، نریشاں دا کال نِرنکار اِک اکھوائیا۔ شبداں دا گیان، اننتاں دا دان، سُتاں دا بھان، نوُر چند رُشنائیا۔ کرتیاں دا کلیان، جوتی جوت سروُپ ہرِ، آپ اپنی کِرپا کر، ہرجن ساچے پار لنگھائیا۔ دھرنی کہے میری رُتی ویکھ مِٹی، جو دھوُڑ نظری آئیا۔ جِس ویلے بَیٹھا سی بالمیک رِکھی، اپنا آسن لائیا۔ اِک دِن اوس نے ہتّھ وِچ سوٹی پھڑ کے تِکھی، میرے وِچ دِتی چُبھائیا۔ مَیں ڈاہ کے اپنی پِٹھی، بَیٹھی سیِس نِوائیا۔ اندروں دُہتّھڑا مار کے پٹی، رو رو کُرلائیا۔ مَیں وجوُدوں نِکی، میری چلے نہ کوئے چتُرائیا۔ اودھروں اِک راہی آیا جِس دے اُتے چادر چِٹی، اوڈھن اِکو نظری آئیا۔ اوس نے ویکھیا مَیں روندی اوہنوُں دِسی، ہؤکیاں نال سُنائیا۔ اوہ مَینوُں مِل کے اِک دے گیا چِٹھی، تِنّاں حرفاں وِچ وڈیائیا۔ جِس ویلے پرم پُرکھ پرماتم سنتاں دی بناوے سِکھی، ساکھیات ہوئے سہائیا۔ اوس ویلے کملیئے اوس نوُں لیکھا دسّیں، اپنا حال جنائیا۔ جوتی جوت سروُپ ہرِ، آپ اپنی کِرپا کر، ابُھل بُھل کدے نہ جائیا۔ مِٹّی کہے مِٹّی پربھ دی، سِنگھاسن تھلّے دھیان لگائیا۔ جو سانبھ رکھی چِر دی، چِری وِچُھنی اپنی جھولی پائیا۔ جِس وِچ آس اوس پِر دی، جو پریمیاں دا پریمی، نیمیاں دا نیمی، ہیمیاں دا ہیمی، ہیمکُنڈ والے نوُں نال مِلائیا۔ جِس نے تارے سدھنا سیَنی، رَویداس چمارے دِتی وڈیائیا۔ اوس دا درشن کراں نیَنیں، نِج گھر درشن اپنے پائیا۔ اوہدی بھگتاں دی سنگت دی چنگی لگی بہنی، جیہڑے چُپ چُپیتے آتم اتیِتے سچ پرنتِے وِچ سمائیا۔ نہ ڈھولک تے نہ چَھینے، پرم پُرکھ دے بھانے جِنہاں نے سہنے، سد سد خوشی منائیا۔ جِنہاں دے مکُے پِچھلے لہنے، اگلے دینے دیونہار دے دے اپنی خوشی رکھائیا۔ جوتی جوت سروُپ ہرِ، آپ اپنی کِرپا کر،

مِہروان ہوئے سہائیا۔ اوہ مِٹّی کہے میری آس اندروُنی، باہروں سُنن کوئے نہ پائیا۔ میرا ناتا تُٹیا بَیروُنی، سچ دیاں سمجھائیا۔ مَیں در مالک دے ہوئی ممنوُنی، نِیوں نِیوں سیِس جھُکائیا۔ تُوں صاحب بڑااصوُلی، اصلیّت دے سمجھائیا۔ تیرا بھگتاں نوُں مِلنا گلّ معموُلی، تَینوُں لبھنا دُشوار لبھیاں ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ مِٹّی کہے مَیں مِٹّی نہیں ماٹی، مٹکے بناؤن والی نظری آئیا۔ جِس وِچ گوالیاں دے گھروں دُدھ جمیاں وِچ چاٹی، چِٹوُرے کہہ کے خوشی وکھائیا۔ جِس ویلے گوبِند ہو کے بھنےّ مار ساٹی، ٹھیِکریاں توڑ وکھائیا۔ اوس ویلے یاد رکھیں مَینوُں اِک گلّ آکھی، ہؤلی جِہی دِتی سمجھائیا۔ جے تُوں نہ میری پت راکھی، تَینوُں گوبِند کہے کوئی نہ رائیا۔ اوس نے کِہا آہ لےَ میری پاتی، پتن دے کنڈھے تَینوُں دیاں پھڑائیا۔ جِس ویلے آیا میرا پُرکھ ابناشی، دُھر دا میرا جوڑ جُڑائیا۔ اوہنے بٹوارے دا لہنا دینا باقی، حِساب کِتاب لیکھے وِچوں چُکائیا۔ اوہ تاجاں دا مالک، خلق دا خالق، بھگتاں دا پالک، سنتاں دا ثالث ہو کے ویس وٹائیا۔ خالصاں دا خالص، بھگتاں دی اَمانت، صحیح سلامت اوہناں دے ہتّھ پھڑائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ خاک کہے مَیں بےشک خاکی ، خاکے سب دے رہیا بنائیا۔ جناں چِر میری دھوُڑ کِسے مستک لگے نہ اوناں چِر نہ مُکدی واٹی، گُر پیِر رحم نہ کوئے کمائیا۔ مَیں بھگتاں دا سدا ساتھ دیواں بن کے ساتھی، سگلا سنگ نِبھائیا۔ جے گُرمْکھ منّن میری آکھی، گُرمْکھ میرے وانگ خاک ہو کے پربھ چرن دھوُڑ لگا کے اپنا آپ دین تجائیا۔ کِیوں نہ جگے اوہناں دا دیِا باتی، گھر آئے کِیوں نہ سچّا ماہیِا۔ اوہ کِس طرح وِچھوڑا ہووے بھگتاں دا ساری راتی، اِکلّیاں نیِند کدے نہ آئیا۔ گوبِند لیکھا پُرکھ سمراتھی، داساں دا داس، سواساں دا سواس، آساں دا آس، پرکاشاں دا پرکاش، نِواساں دا نِواس، بہُہ بھانتی اپنی کھیل کھِلائیا۔ جوتی جوت سروُپ ہرِ، آپ اپنی کِرپا کر، دیونہار ساچا ور، ہرجن ساچے پار لنگھائیا۔ خاک کہے تاں منّاں جے سِر توں لاہویں کلغی، کلغی والے اپنی کل ورتائیا۔ میرا غریِبنی دا ہوویں دردی، بھگَون ہو کے درد ونڈائیا۔ مَینوُں تیرے تھلّے بَیٹھیاں لگے موُل نہ سردی، جگت ٹھنڈک نظر نہ آئیا۔ پِچھلی رات دھوُڑ بھگتاں دی سیوا رہی کردی، ٹِکّے مستک سب دے لائیا۔ مَیں بَیٹھی رہی ڈردی، اپنی نہ اکّھ کُھلائیا۔ جِس ویلے رَین آئی میرے یار دی، یارانہ پِچھلا یاد کرائیا۔ بالمیک ہُن لوڑ نہیں کِسے وِچار دی، وِچرے ہوئے لیکھے پوُر کرائیا۔ مَیں اوس نوُں کدے نہ وِساردی، جو وِسر گیاں اپنے نال جُڑائیا۔ مَیں بُھکھی اوس دے پیار دی،

جِس دا پریم پریمکا سکے نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، پِچھلی دھوُڑی دی لیکھے لائے مزدوُری، ضروری اپنے چرناں نال چُھہائیا۔ چرناں نال چھوہ کے گاؤندی اُٹھی گیِت، بھگتاں رہی سُنائیا۔ ویِرو تُہاڈا میِت، پیِرو تُہاڈا بےپرواہیِا۔ گُر اوتارو تُہاڈا مِتر ٹھیِک، پرمیشور نوُر خُدائیا۔ جِس دے وِچ اِک تؤفیِق، تُعارف سِدھا اپنے نال کرائیا۔ نہ بھاگ ویکھے نہ نصیِب، نہ کرم جنم سمجھائیا۔ جِس اُپر کِرپا کیِتی اوس دا لیکھے لگا سیِس، جگدیِس اپنی جھولی پائیا۔ جوتی جوت سروُپ ہرِ، آپ اپنی کِرپا کر، داتا دانی اِک اکھوائیا۔ دھوُڑ کہے پربھ بنّھ لےَ سیہرا، تاج تخت تیرا توہے بھائیا۔ شہنشاہ ہو کے کریں مِہرا، رحمت میگھ برسائیا۔ بھگتاں اندر لا کے ڈیرہ، ڈنکا اِک وجائیا۔ سنتاں وسا کے ساچے کھیڑا، گھر مندر سُہائیا۔ گُرمْکھاں بھیو چُکا کے میرا تیرا، پڑدا دِتا اُٹھائیا۔ گُرمْکھاں کر کے سچ نِبیڑا، بیڑا بنّے دِتا لائیا۔ مہاراج شیرسِنگھ وِشنوُں بھگوان، تیرا لیکھا جانے کیہڑا، وید کتیب شاستر سِمرت پُران اِنجیِل قُرآن تیریاں صِفتاں دا راگ الائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت سَتوادی بھیو کُھلائیا۔

سب دے بچن انوکھے سُن کے بولی رَین بِھنڑی، بُھلیاں بھٹکیاں رہی سُنائیا۔ پتہ نہیں اَگے کھیل کنِڑی، وڈّی چھوٹی نہ کوئی سمجھائیا۔ اِکو ویکھیا بھگتاں نال بھگوان دی ہُندی مِلنی، مِلاپ اِکو اِک وکھائیا۔ جوتی جوت سروُپ ہرِ، آپ اپنی کِرپا کر، دَیاوان اپنی دَیا کمائیا۔ بِھنڑی رَین کہے میرا نِکلیا ہاسا، ہستی ویکھی بےپرواہیِا۔ مَیں سمجھ نہ سکی ایہہ کی کھیل کیہڑا تماشا، کیہڑا نٹوُآ اپنا سانگ ورتائیا۔ مَیں جان نہ سکی داسی کے داسا، کہ دستگیِر ہو کے اپنا دست مِلائیا۔ مَینوُں کِسے دسّیا ایہدا اوہناں نال ساتھا، جِنہاں نوُں بخشے آپ بھرواسا، بھانڈا بھرم بھؤ بھنائیا۔ اوہناں دا منّے آکھا، جِنہاں نال ایہدا جُڑیا ناتا، بِدھاتا بِدھ اپنی دئے سمجھائیا۔ جوتی جوت سروُپ ہرِ، آپ اپنی کِرپا کر، کرنی اپنے ہتّھ رکھائیا۔ بِھنڑی رَین کہے موہے چاؤ گھنیرا، گھڑی پل خوشی منائیا۔ میرے انتر اندر لایا سچ وسیرا، سِنگھاسن صاحب سُہائیا۔ چاروں کُنٹ بھگتاں گھیرا، سوہنا رنگ چڑھائیا۔ اِکٹّھیاں دا اِکٹّھا کرے نِبیڑا، وکھری ونڈ نہ کوئے جنائیا۔ بیڑی اُتے چاڑھ کے تاریا بیڑا، بیڑے دا مالک کھیوٹ کھیٹا، پِیو پِتا پوُت بیٹا، اپنا کھیل وکھائیا۔ آر پار وکھا

کے لیکھا، لہنا آیا چُکائیا۔ جوتی جوت سروُپ ہرِ، آپ اپنی کِرپا کر، داتار دَیاوان وِچ دھیان سرب رکھائیا۔ بِھنڑی رَین کہے مَیں ویکھے چوٹی پربت، جنگل جوُہ اُجاڑ پہاڑ سمُند ساگر کھوج کھوجائیا۔ ہیمکُنڈ دا مالک کہے ویکھیا سوہنا کرتب، کل کرتا اپنا آپ پرگٹائیا۔ جن بھگتاں لیکھا جانے ہردم، انتر آتم کھوج کھوجائیا۔ مِہروان ہو کے ہویا محرم، محبوُب نوُر خُدائیا۔ پیار مُحبّت وِچ ہویا سہمت، جنم مرن دا سہم گوائیا۔ رہیماں دا مالک کرن آیا رحمت، رحمان اپنی رمز لگائیا۔ جن بھگتو تُہانوُں کرنی پئے نہ کوئی محنت، شبد اِشارے نال پار لنگھائیا۔ جِس نوُں پرم پُرکھ دی اِک وار لگ گئی سیَنت، اوہ سیَنکڑے جنماں دا پاپ گیادھوائیا۔ جوتی جوت سروُپ ہرِ، آپ اپنی کِرپا کر، درگاہ ساچی دئے بہائیا۔ بِھنڑی رَین کہے مَیں تکیا شاہو بھوُپ، راج راجانا نظری آئیا۔ نوُراں دا نوُر سَت سروُپ، ظہوُراں دا ظہوُر جلوہ گر آپ اکھوائیا۔ جِس دا وسیرا چارے کوُٹ، دہ دِشا کرے رُشنائیا۔ اوہ ناتا توڑے جھوُٹھ، کوُڑ دئے مِٹائیا۔ سنت سُہیلے بنا کے پوُت، پِتا پوُت گود اُٹھائیا۔ اُجل کر کے مُکھ، مُفت اپنا نام جھولی پائیا۔ مات گربھ دا دس دس ماس اگن تپن دا رہے کِسے نہ دُکھ، اُلٹا رُخ نہ کوئے لٹکائیا۔ انتکال انت پت پرمیشور اپنی گودی لئے چُک، چار کُنٹ چوکنّا ہو کے اپنی سیو کمائیا۔ جے کوئی بھگت اَگوں لئے پُچھ، پربھوُ تیرا کیہڑا گھر کیہڑا در کیہڑا تھاں، کیہڑا پِتا کیہڑی ماں، کیہڑا گود اُٹھائیا۔ اوتھے سِری بھگوان نوُں اِکو کرنی پئے ہاں، ہمارا دیس گُرمْکھ بھیکھ، جِس وِچ الیپ نِرگُن بَیٹھا آسن لائیا۔ اُٹھ بچّیا نِج نیتر پیکھ، تَینوُں دسّاں اپنا دیس، جِتھے کوٹن کوٹ رُلدے وِشن برہما شِو مہیش، گُر اوتار پیِر پَیغمبر دوئے جوڑ واسطہ پائیا۔ آد جُگاد سدا رہاں ہمیش، نِت نوِت اِکو رنگ سمائیا۔ جِس گھر وِچ مِلدی پربھ چرن دی ٹیک، ٹِکاّ اِکو دیوے مستک لائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ جے کوئی بھگت پُچھے پربھ تیرا کیہڑا عِشق، عاشقاں نالوں وکھرا دے سمجھائیا۔ پُرکھ اکال کہے اوہ بھگت، ویکھ میرے چرناں دا عِشق کُھلے تیری درِشٹ، جِس نوُں ترسے رام تے وشِشٹ، وِشیاں والا رام پرنام کر کر سیِس نِوائیا۔ اکّھ کھول آہ ویکھ میرے کول فہرِست، جِس نال فَیصلے حق سُنائیا۔ اوہ بھگتو، ویکھو روندے تُہاڈے تھلّے سَورگ تے بہِشت، تُہاڈے چرن چُمّ چُمّ اپنی خوشی منائیا۔ کِیوں میرا ہتّھ تُہاڈی پناہ پُشت، تُہاڈے نیڑ نہ آوے کوئی دُشٹ، دوُتی سارے دیاں کھپائیا۔ جو کِہا سو درُست، رَویداس چمارا لِکھ لِکھ دئے گواہیِا۔ سب نے اپنی کرنی لیَنی بُھگت، بِن بھگتیؤں بھگت پار لنگھائیا۔ ایہو جیہا اَگے سماں

کِسے نوُں نہیں مِلیا وقت، جو وقت دا مالک اپنے گلے لگائیا۔ نہ کِسے وِچ اپنی آئی شکت، سارے نِیوں نِیوں سیِس نِوائیا۔ حُکمے اندر کردے رہے حرکت، لوک مات پھیرا پائیا۔ اِکو پربھ دے وِچ برکت، جو بندی خانہ دئے کُھلائیا۔ جے کوئی پِچھے رہ گیا فرق، بالمیک ہُن لیکھا صاف لےَ کرائیا۔ اؤہ ویکھ گوبِند نال لگّی شرط، ساہمنے حُکم رہیا منائیا۔ مَیں ویکھنے دوویں طرف، اِک گوبِند تے اِک بھگت، دوہاں دا میلا سہج سُبھائیا۔ ایہو کھیل اسچرج، جِسنوُں سمجھن والا نظر کوئے نہ آئیا۔ پاربرہم پت پرمیشور مرداں دا مرد، درداں دا درد، کرداں دا کرد، لکّھ چؤراسی کٹ وڈھ ٹھیِک کرائیا۔ ایہہ گوبِند دی عرض، اپنا پوُرا کرنا فرض، دو جہاناں وجاؤنا اپنا تال طرز، تلواڑا اِکو نام جنائیا۔ جوتی جوت سروُپ ہرِ، آپ اپنی کِرپا کر، جن بھگتو تُہانوُں پھیرے جہان وِچ نِدھڑک، چِتر گُپت رائے دھرم تُہاڈے پَیراں ہیٹھاں اپنے ہتّھ رہیا وِچھائیا۔ نالے ڈرے نالے رووے نالے پُچھے بھگتو تُہاڈا جے کوئی ہو گیا حرج، مَیتھوں حرجانا لؤ بھرائیا۔ جوتی جوت سروُپ ہرِ، آپ اپنی کِرپا کر، میلے سہج سُبھاؤ کرائیا۔ بِھنڑی رَین کہے ویکھو نی مَیں اندروں ہسدی، ہستی ویکھ بےپرواہیِا۔ خوشیاں نال نسدی، پِچھلا پندھ مُکائیا۔ بھگتاں نوُں دسدی، دہ دِشا سُنائیا۔ کھیل پُرکھ سمرتھ دی، ویکھو جگت لوکائیا۔ اِک گل سچّی، ایہنوُں کوئی بخشی ہوئی اکّھ تکدی، دوُجا ویکھن کوئے نہ پائیا۔ کِیوں اِس دے وِچ نوُری چمک حق دی، جو حقیِقت دئے سمجھائیا۔ گُرمْکھ سخی ویکھ کدی نہ تھکدی، تھکاوٹ اپنی لئے گوائیا۔ بھگت سُہیلی کدے نہ اکدی، عاقبت وِچ ویکھے نوُر خُدائیا۔ سِر چرناں اُتے سٹدی، قدم بوسی لےَ لےَ اپنا رس مخموُری وِچ بدلائیا۔ ایہہ کھیل نہیں کِسے دے وس دی، جِس نوُں بھاوے اپنے نال لئے مِلائیا۔ گوبِند کِہا ایہہ دھار تِکھی اوس پھٹّ دی، جِس دا پھٹّڑ کیِتا اُٹھ کوئے نہ جائیا۔ پُرکھ اکال کِہا گوبِند ایہہ بھگت جڑ تیری رت دی، جو گُرمْکھ نظری آئیا۔ نیِہاں والی کہانی سچ دسدی، چھوٹے بچّے دین گواہیِا۔ جوتی جوت سروُپ ہرِ، آپ اپنی کِرپا کر، مِہروان مِہر نظر ٹِکائیا۔ بِھنڑی رَین کہے میرے نیتراں اتھروُ کِرے موتی، اَمبر دھار وہائیا۔ مَیں پُچھیا کِیوں، اوہناں کِہا کملیئے تُوں تکیا نہیں اوہ مالکاں دا مالک نوُراں دا نوُر جوتی، جوت سروُپ بَیٹھا آسن لائیا۔ تُوں کِتھے رہی سوتی، سُتّی نہ لئی انگڑائیا۔ تَینوُں اجے تک قلم دی ہُج نہیں ماری موچی، جیہڑا لیکھے رہیا لِکھائیا۔ اوہ گُرمْکھاں دا گُرمْکھ گُرسِکھاں نوُں دیوے سوجھی، دوُجا بھؤ چُکائیا۔ کِیوں میلا مِلیا نال پریِتم چوجی، چُغلی نِندیا ساری دِتی تجائیا۔ اوہ پِچھلا پربھ دا کھوجی، راتیں سُتّیاں

دِنے جاگدیاں ویکھے بھجےّ واہو داہیِا۔ اوہ پریم پیار دا روگی، دُکھڑا اپنا رہیا پُھلائیا۔ پربھوُ تیری میری گلّ گھروگی، گھر دی گھر وِچ دے سمجھائیا۔ ہُن ساتھوں کیہڑی کراؤنی گوڈی، رمبےہتّھ پھڑائیا۔ تَینوُں لبھدے چلے گئے بیدی سوڈھی، گوبِند دئے گواہیِا۔ تُوں میلی دُھر سنجوگی، مِلاپ اپنے نال رکھائیا۔ سانوُں دِسے نہ کوئی وِرودھی، سب گھٹ تیرا نوُر نظری آئیا۔ جیہڑا بُرا کہے اوہنوُں اجے تیری نہیں آئی سوجھی، جے سمجھا دیویں اوہوی ساڈے ورگا بہہ بہہ خوشی منائیا۔ آپے بھگتاں دے ہتّھ لاوے گوڈیں، گوڈیاں توں تھلّے چرناں ول دھیان رکھائیا۔ جوتی جوت سروُپ ہرِ، آپ اپنی کِرپا کر، سچ سچ دے سمجھائیا۔ بِھنڑی رَین کہے پربھوُ ویکھو رنگیِلا، رنگاں والیو سب دی رنگت رہیا بدلائیا۔ جِس دا کلجُگ سَتجُگ سَتجُگ کلجُگ دوہاں دا اِک وسیِلہ، واسطہ اپنے نال جُڑائیا۔ پہلوں بھگتاں دا ویکھ قبیِلہ، پھیر قبراں وِچوں پیِر پَیغمبر لئے اُٹھائیا۔ اَگے لیَن نہ دیوے بھیٹا، تابعداری دا اِکو حُکم منائیا۔ ستاراں پوہ کہے ویکھو کِڈا سوہنا ٹھنڈا مہیِنہ، مِہر اُتے مِہر رہیا برسائیا۔ کِرپا کرے تے بخشے ایک یقینا، بےاعتباری ہوئی سرب لوکائیا۔ دَیاکرے بنائے اپنے ادھیِنا، ہنکاری ہو کے سارے رہے کُرلائیا۔ کِرپا کرے ٹھنڈا کرے سیِنہ، چار کُنٹ کلجُگ اگنی اگّ لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، وارث ہو کے اپنی سیو کمائیا۔ بِھنڑی رَین کہے مَیں ویکھیا وارث دیندا وِرسا، وست امولک اِک ورتائیا۔ جنم کرم بدل کے میٹے اگلی حِرصا، ہَوس دیوے بُجھائیا۔ جنم مرن دی کھیل کر کے بِرتھا، سِدھا اِکو راہ وکھائیا۔ پردہ لاہ کے گھر تھِر دا، ساچے مندر دئے وڈیائیا۔ جِنہاں دا لیکھا چِر دا، چِری وِچُھنیاں لیکھا لیکھے لئے لگائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں پِچھے آپے پِھردا، فائدہ گھر گھر رہیا پہنچائنا۔

جے ہووے نہ سوُم، جگ لُٹ لُٹ سارا کھائیا۔ پہلوں بھگتاں نال مِلا کے تاثیر اپنے خوُن، خالص لَواں بنائیا۔ پھیر امرت پیِن دا جام نالے دسّاں ماجوُن، کِس بِدھ رس چکھائیا۔ جوتی جوت سروُپ ہرِ، آپ اپنی کِرپا کر، سب کُچھ دیونہار وڈیائیا۔ جے سوُم نہ ہُندا کلجُگ لیندا لُٹ، ٹھگ چور یار بُہتے نظری آئیا۔ ویکھو کِننیاں توں اوہلے کِننیاں توں پڑدے وِچ لُکا کے رکھیا تُہاڈا گھُٹ، کول بہن والیاں نوُں سمجھ نہ دِتی رائیا۔ جِنہاں نوُں پیاؤنا اوہناں نوُں ہؤلی ہؤلی رہیا پُچھ، دوُر دُراڈے لہنے رہیا چُکائیا۔ جِناں چِر پِیو کولوں

پُت نہ ہوون خوش، اوناں چِر کؤن عزت کر کے خوشی دئے وکھائیا۔ جے رَویداس تُوں رِہوں چُپ، مَیں وی رہیا لُک، تُوں پیوں بُک، مَیں وی پَواں اُٹھ، بھگتاں اُپر تُٹھ، گھُٹ امرت دیاں ورتائیا۔ ایہہ گُستاخی نہیں کہنا معافی والی سُکھ، وِچھوڑے والا دُکھ اندروں دیاں کڈھائیا۔ گودی وِچ چُک، اُجل کرکے مُکھ، نابھی وِچوں امرت پیاواں اپنا گھُٹ، گھُٹ کے اپنے نال لگائیا۔ پھیر کیہڑا جاوے چُھٹ، کیہڑا جاوے رُٹھ، جِس ویلے رُسیاں لئے منائیا۔ میرے کول سب کُچھ، کِسے ہور نوُں نہیں دینا کُچھ، سب تُہاڈی جھولی پائیا۔ جِس بچّے لئی لیا پُچھ، اوہ بالا تیری اندر کُکھ، نِرگُن نوُر نظری آئیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ جے سوُم نہ ہُندا تیرا پِتا من دا، اندروں دیندا ہِلائیا۔ پھیر ناتا جوڑدا تن دا، برہم دیندا بُھلائیا۔ تیری بینتی ہُن منّدا، اَگے دیاں سمجھائیا۔ جِس نوُں گھڑدا اوس نوُں بھنّ دا، بھنّ کے پھیر اپنے وِچ مِلائیا۔ کِیوں اوہ تیرے ورگا سوہنا بال جندا، جِس دا نوُر ظہوُر کرے رُشنائیا۔ جِس ویلے اوہدا لیکھا چُکنا کایا ماٹی کھلّ دا، جان توں پہلوں خالص اپنا درس دئے دِکھائیا۔ اَگے وسیرا کرے اوس گھر دا، جِس گھر گُرمْکھ نظری آئیا۔ ایسے کارن ہار نہیں سی لبھدا، جے لبھ جاندا پِھر بینتی کرن دی لوڑ رہندی نہ رائیا۔ مہاراج شیرسِنگھ وِشنوُں بھگوان، سدا سمیں انُسار بھگتاں دیندا پّھبدا، اپنی لوڑ رکھے نہ رائیا۔