کتب خانہGranth 18 (Urdu)

پہلی ماگھ ۲۰۲۱ بِکرمی ہرِ بھگت دوار جیٹھوُوال

شبد سُت ساچے جھُک، سچکھنڈ دوارے پُرکھ اکال سیِس نِوائیا۔ کرے بینتی پربھ تیرے کولوں کُچھ لئے پُچھ، بھیوَ ابھیدا دینا کُھلائیا۔ سِری بھگوان کِہا میرے لاڈلے پُت، مِہر نظر دیواں ٹِکائیا۔ سُت دُلارا ہو گیا خوش، خوشی اپنی اپنے وِچوں پرگٹائیا۔ اوسے ویلے گُر اوتاراں پیِر پَیغمبراں ول کرکے مُکھ، نیتر نیَن اِشارہ دِتا جنائیا۔ وِشن برہما شِو جاؤ اُٹھ، حُکم اِک دِرڑائیا۔ ویلا وقت ویکھو سُہنجنی رُت، درگاہ ساچی وجی ودھائیا۔ جِس دا آد جُگاد جُگ چؤکڑی پردہ رہیا مُکھ، سو نقاب پرے ہٹائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ شبد سُت کہے مَیں تیرا بردا، سو پُرکھ نِرنجن دئے وڈیائیا۔ مَیں لیکھا پُچھیا تیرے گھر دا، پردہ اوہلا دے چُکائیا۔ سَتجُگ تریتا دواپرکلجُگ تَیتھوں رہیا ڈردا، چار کُنٹ سِر نہ کوئے اُٹھائیا۔ نمو نمو نِیوں نِیوں سجدے سرب تَینوُں رہیا کردا، نِیوں نِیوں لگاں پائیا۔ تیرا صِفت صلاحی ڈھولا رہیا پڑھدا، کایا کعبہ نال جنائیا۔ تیری چرن دھوُڑی ٹِکاّ مستک لا لا خوشیاں رہیا کردا، اپنا رنگ بدلائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دینا جنائیا۔ پُرکھ اکال کِہا سُن سُت دُلار، تَینوُں دیاں جنائیا۔ جو کُچھ پُچھنا دسّاں نال پیار، بھیو سچ دیاں کُھلائیا۔ کِیوں، تیرا میرا اِک وِہار، دوُجا نظر کوئے نہ آئیا۔ اُٹھ ویکھ میرا سچکھنڈ دربار، بِن دیِا باتی کملاپاتی نِرگُن جوت کرے رُشنائیا۔ اِک اِکلّا ایکنکار، اکل کل دھاری بَیٹھا سوبھا پائیا۔ شاہو بھوُپ سچّی سرکار، شہنشاہ اِک اکھوائیا۔ اگمّ اتھاہ نِشانہ جھُلے سانجھے یار، پروردِگار نوُر خُدائیا۔ روُپ رنگ نہ کوئے شمار، چکر چِہن نہ کوئے وڈیائیا۔ مَیں تیرا تُوں میری دھار، دُھر دی دھار سمجھ کوئے نہ پائیا۔ بِن نیتر اکّھاں تَینوُں دیاں وکھال، پڑدا اوہلا آپ

چُکائیا۔ بِن چھپر چھنّ چار دیوار ویکھ دھرم سال، بھگت دُلار اِکو نظری آئیا۔ سُت دُلار ہو خوشحال، بہہ بہہ سیِس نِوائیا۔ پُرکھ اکال کِہا اُٹھ میرے لاڈلے لال، تَینوُں اپنی گود لَواں بہائیا۔ سُت شبد کِہا مَینوُں پہلوں کر لیَن دے پرنام، پربھ چرناں سیِس نِوائیا۔ دیِن دَیال کِہا مَیں بخشاں مان، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سُت کِہا پربھوُ کُچھ دسّ حال، اپنی حالت دے جنائیا۔ پُرکھ اکال کِہا ایہہ مِسل بےمثال، اصل سمجھ کوئے نہ پائیا۔ تُوں میرا نڈھّا بال اَنجان، تَینوُں بخشاں چرن کوَل سچّی سرنائیا۔ ایس توں اُتے تیرا کدے نہ جائے دھیان، سیوا کرنی ساچی سِکھیا دیواں دِرڑائیا۔ اوس ہس کے کِہا باپ تُوں داتا دانی مَیں تَیتھوں منگاں دان، اپنی جھولی ڈاہیِا۔ مَینوُں سچ دسّ پربھوُ تُوں مَینوُں کِس طرح جمیا بال، کیہڑا پِتا کیہڑی میری مائیا۔ سِری بھگوان ہسّ کے کِہا واہ میرے لال، تیری خوشی میری خوشی وِچ سمائیا۔ کُچھ تیرے نال میرا اگلا ہور احوال، جو اپنے وِچ رکھائیا۔ مَیں کھیلنا کھیل تیرے نال مِل کے کمال، دینی مان وڈیائیا۔ سُت دُلارے تیرا دھام سُہا کے تھِر گھر سچّی دھرم سال، پردہ اوہلا دینا چُکائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ شبد سُت کِہا میرے صاحب واہ، واہ تیری وڈیائیا۔ تُوں پروردِگار بےپرواہ، سچ تؤفیِق اِک خُدائیا۔ مقامے حق ڈیرہ لا، جلوہ نوُر رُشنائیا۔ چرن کوَل دے تھاں، ایہو منگ دُھردرگاہی جھولی پائیا۔ آد جُگاد رہاں تیرے سنگ، سگلا سنگ نِبھائیا۔ صاحب سُلطان کِہا چاڑھاں اگمّی رنگ، اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ شبد سُت کِہا پربھوُ ایہہ ٹھیِک، جو کُچھ تیرے در تے منگ منگائیا۔ پُرکھ اکال کِہا ہاں، مَیں کراں تصدیِق، ابُھل ہو کے بُھل کدے نہ جائیا۔ جِس ویلے نوَ نؤ چار چؤکڑی جاوے بیِت، لوک مات پھیرا پائیا۔ گُر اوتار پیِر پَیغمبر میرے نام دا گا کے جان گیِت، سوہلے ڈھولے راگ سُنائیا۔ شبد سُت تیری نِرگُن سرگُن بنّھاں پریِت، وِشن برہما شِو تیرا انگ بنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم دِتا سُنائیا۔ شبد سُت اَگوں کہندا ہسّ، پربھوُ پِچھلی کہانی مَینوُں ساری نظری آئیا۔ مَیں چاہُندا اجّ دا کھیل دسّ، جِس واسطے بینتی رہیا سُنائیا۔ جُگ چؤکڑی مَیں نِرگُن سرگُن ہو کے گُر اوتاراں پیِر پَیغمبراں نال آیا وس، بھگتاں نال مِل مِل تیرا راگ گائیا۔ شاستر سِمرت وید پُران آیا لکھ، اِنجیِل قُرآن گیِتا گیان کھانی بانی اپنا حُکم ورتائیا۔ صِفت صلاحی رسنا جِہوا بتّی دند جنا کے آیا جس، آتم پرماتم سُرتی شبدی ڈھولے ناد

وجائیا۔ تیِر انیالا بِرہوں وِچھوڑے اندر مار کے آیا کس، چِلّہ کمان کھنڈا اِکو اِک اُٹھائیا۔ بھیو کُھلا کے آیا تیِرتھ اٹھسٹھ، گنگا گوداوری جمنا سُرستی حُکمے اندر بھوائیا۔ کھیل کھلا کے آیا بُدِھ من مت، سرِشٹی درِشٹی اِشٹی ہو کے پھیرا پائیا۔ بھاگ لگا کے آیا پنج تت، اپ تیج وائے پرِتھمی آکاش دُھر دا بندھن پائیا۔ بخشدا رہیا سدا ترےَگُن مایا دات، رجو طمو سَتو دُھر دے حُکم بھوائیا۔ جُگ چؤکڑی وینہدا رہیا کھیل تماش، گوپی کاہن منڈل منڈپ راس وکھائیا۔ پرم پُرکھ پت پرمیشور اِک اگمّی اُپجی آس، سو صاحب دینی سمجھائیا۔ کِس بِدھ میرا کیِتا پرکاش، نوُر وِچوں نوُر پرگٹائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دینا کُھلائیا۔ پُرکھ اکال کِہا سُن میرے بچّے، دُھر دی دھار دیاں جنائیا۔ میرے کول کوئی لوہار ترکھان دے بنے ہوئے نہیں سچّے، رَکت بوُند نظر کوئے نہ آئیا۔ میرے کول محل اٹل مینار نہیں کوئی پکّے، چھپّر چھنّ نہ کوئی چُھہائیا۔ میرے کول کوئی دوُجی جننی نہیں جیہڑی بنے نار جچےّ، جچّا بچّہ اپنی گود اُٹھائیا۔ مَیں آد پُرکھ ابناشی کرتا میرے کِسے نوُں نہیں کُچھ پتے، پت پرمیشور کہہ کے سارے شُکر منائیا۔ گُر اوتار پیِر پَیغمبر تیرے حُکمے اندر رکھے، اپنا بھیوَ نہ کِسے کُھلائیا۔ جے دسّیا تے چرن کوَل اوسے سرنائی ڈھٹّھے، سِر اپنا ہتّھ ٹِکائیا۔ اُپر اکّھ کوئی نہ تکّے، کوَن روُپ بےپرواہ بَیٹھا آسن لائیا۔ ہُن ویکھ بیِس اِکیِسا ہرِ جگدیِشا سچ دوارے کر کے کٹّھے، تیرے نال دِتے مِلائیا۔ جوتی جوت سروُپ ہرِ، آپ اپنی کِرپا کر، کریا کھیل بےپرواہیِا۔ پُرکھ اکال کِہا کُچھ اِنہاں توں پُچھ، جیہڑے چار جُگ دے جگت مالک نظری آئیا۔ اِنہاں کول کی کُچھ، دیون تَینوُں سمجھائیا۔ شبد سُت بلکاری حُکمے اندر گیا اُٹھ، دُھر سندیش سُنائیا۔ وِشنوُں کُچھ تُٹھ، مَینوُں دے دِرڑائیا۔ اوہ اوسے ویلے گیا جھُک، پربھ دا بھیو کوئی نہ پائیا۔ او برہمے تُوں کِیوں بَیٹھا چُپ، ویداں دے ویدانتی کُچھ مَینوُں دے سمجھائیا۔ بِن ہرِ کِرپا مَینوُں سارا دِسدا اندھیرا گھُپ، میری اکّھ اُپر نظر نہ کوئے اُٹھائیا۔ میری تیرے چرناں وِچ بس، اَگے واسطہ نہ کوئے رکھائیا۔ شبد کِہا شنکر کھول اکّھ، کُچھ مَینوُں دے جنائیا۔ اوس کِہا مَیں صِرف تیرے چرناں جاواں ڈھٹّھ، ایہو میری وڈیائیا۔ اَگے کی سکاں دسّ، بھیو پربھ اپنے وِچ رہیا چُھپائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ شبد کِہا اُٹھ برہمے سُت کُمار، سنت کُچھ پردہ دے اُٹھائیا۔ پرم پُرکھ دا دسّ حال، کِس بِدھ اِس تُہاڈی بنت بنائیا۔ اوہ کر کے نِمسکار، بَیٹھا سیِس جھُکائیا۔ سُت پھیر ماری آواز، براہ اپنی لئے انگڑائیا۔ کُچھ کھول کے دسّ راز، کوَن تیری دھار

چلائیا۔ اوس کِہا ایہہ میرے دسّن توں باہر، میری چلے نہ کوئے چتُرائیا۔ شبد پھیر کِہا یگےپُرش کھول راز، پردہ اِک اُٹھائیا۔ اوس کِہا مَیں داساں دا داس، شہنشاہ دا بھیو کوئے نہ آئیا۔ حُکم ہویا انگڑائی لےَ ہیگریِو، کروٹ لےَ بدلائیا۔ پُرکھ اکال دے کھیل دی دسّ ترتیِب، کِس بِدھ اپنی رچن رچائیا۔ اوس کِہا مَیں غریِب، پربھوُ دا بھیو کوئے نہ آئیا۔ حُکم ہویا اُٹھ نرائن، کُچھ پردہ دے اُٹھائیا۔ اوس نے کِہا مَیں کُچھ نہ سکاں کہن، میرا داتا بےپرواہیِا۔ دھنّ وڈیائی جے اوس اپنیاں چرناں دِتا بہن، دھوُڑی ٹِکاّ مستک لائیا۔ فرمان ہویا اُٹھ کپل مُنی، اپنی منسا دے جنائیا۔ کِتھے پربھ دی دُھنی، جِتھوں تُہانوُں لئے پرگٹائیا۔ اوس کِہا اوہ وڈّا گہر گمبھیِر گُن گُنی، بےنظیِر اکھوائیا۔ سندیشہ دِتا اُٹھ دتّاترےَ، ترےَگُنی اتیِتا دے جنائیا۔ جِس دا کھیل اگمّا دھار انوکھی وہے، آد جُگاد جُگ چؤکڑی کھیل رہیا کھلائیا۔ اوس کِہا مَیں نِمانا کیہڑی شےَ، جو پربھ دا پردہ دیاں اُٹھائیا۔ حُکم ہویا رِکھپ دیو، کُچھ لیکھا دے جنائیا۔ جِس دی کریں تُوں سیو، اُس دا کھیل دے سمجھائیا۔ اوس کِہا اوہ وسنہارا نِہچل دھام سدا نِہکیو، سچ سِنگھاسن سوبھا پائیا۔ مَیں کی جاناں اُسدا بھیو، نِیوں نِیوں بَیٹھا سیِس نِوائیا۔ شبد کِہا پِرتھوُ لےَ انگڑائی، کُچھ مَینوُں دے جنائیا۔ جِس تیری میری بنت بنائی، کِس بِدھ رہیا پرگٹائیا۔ اوس نے کِہا مَیں نہ جاناں رائی، اوہ بےانت بےپرواہ سچّا شہنشاہیِا۔ پھڑ اُٹھایا متس، حُکم اِک جنائیا۔ شبد سُت کِہا جِس دا نوُر تیرے وِچ عکس، عقل دِتی وڈیائیا۔ اوس دا دسّ کیہڑا تخّلص، کوَن نام کہہ کے صِفت صلاحیِا۔ اوس کِہا مَیں بےعقل، مَینوُں سمجھ کُچھ نہ آئیا۔ میرا اُس دی کِرپا نال تعلق، جو مِہر نظر نال دیوے مان وڈیائیا۔ شبد نے پھیر آکھیا اُٹھ کچھپ، جل نِواسی اکّھ کُھلائیا۔ تیرا پربھ دے نال کی بندھپ، مَینوُں دے جنائیا۔ کی تیرے کول سند، اپنا لیکھا دے دِرڑائیا۔ تُوں نہیں جان دا اوہدا کِتھے ہُندا انت، حد محدوُد رکھائیا۔ اوس نے کِہا بےانت، مَیں سمجھ سکاں نہ رائیا۔ شبد نے کِہا اوۓ ویکھ دھننتر، اِدھر دھیان لگائیا۔ جِس دا تُوں پڑھدا منتر ، اُس دی کُچھ گلّ دے سمجھائیا۔ اوس کِہا اوہ سب دا کنتن، کنتوُہل اِک اکھوائیا۔ اسیں سارے اوسے دے در دے منگتن، خالی جھولی اَگے ڈاہیِا۔ شبد نے کِہا اوہ کُچھ دسّ بھیکھی باون، بِردھ براہمن روُپ وٹائیا۔ جِس تیرا کھیل کھیلیا بل دوارے پکڑا کے اپنا دامن، دامنگیِر دے جنائیا۔ کِس بِدھ پرگٹے پرگٹائے کھیل دو جہانن، نِرگُن سرگُن دھار چلائیا۔ اوس کِہا اوہ صاحب سدا بےپچھانن، نظر وِچ نظر کِسے نہ آئیا۔ زور نال کِہا دسّ ہنس، کی ہستی

بےپرواہیِا۔ جِس سرب بنایا بنس، لکّھ چؤراسی جوڑ جُڑائیا۔ اوس کِہا مَینوُں کُچھ نہیں آؤندا انت، ڈھیَہہ کے پیا سرنائیا۔ شبد نے کِہا ویکھ نرسِنگھ، اپنا بل دھرائیا۔ جِس نے نِرگُن توں مَینوُں سرگُن دِتا جیؤ پِنڈ، تھوڑے سمیں لئی تتّاں والا روُپ وٹائیا۔ اوہ کیہڑے روُپ رہے بخشند، اُس دا پوُرا لیکھا دے جنائیا۔ اوس کِہا اوہ گہر گمبھیِر گُنی گہِند، اپنی کھیل سد اپنے وِچ لُکائیا۔ پھڑ اُٹھایا ہری، حُکم اِک جنائیا۔ تُوں کِس بِدھ بھگتاں آتم وری، میلا لیا مِلائیا۔ اوس دی دسّ اوہ سُہنجنی گھڑی، جِس ویلے اوس اپنا آپ لیا پرگٹائیا۔ اون اوسے ویلے ہتّھ جوڑ کے کِہا مَیں ایس لیکھے وِچوں بری، سچ سکاں نہ کوئے جنائیا۔ شبد نے کِہا نرائن سچ دسّ، بھیو دے کُھلائیا۔ جِس نے تَینوُں بھیج کے رچھیا کرائی گج، مان مِلی وڈیائیا۔ اوس دا کھیل دسّ سچ، بھیو ابھیوَ کُھلائیا۔ اوس نے اوسے ویلے اپنا پھڑ کے نک، تن وار دِتا ہلائیا۔ اوہ پربھوُ پاربرہم پت پرمیشور اِک سمرتھ، مہما اکتھ نہ کوئے جنائیا۔ شبد سُت چار کُنٹ پھیر ویکھیا مار دھیان، بِن اکّھاں اکّھ کُھلائیا۔ اوہنوُں نظری آیا اِک نِکاّ جِہا پرس رام، جِؤں کھلؤنیاں نال کھیلن والا بال اپنی خوشی منائیا۔ اوہنوُں پُچھیا دسّ اوہ اگمّی رام، جِس دی نہ کوئی پِتا نہ کوئی مائیا۔ اونے چِر نوُں اوتھے آ گیا اوہی رام، جو بیٹا دسرتھ اکھوائیا۔ اوہنوُں شبد سُت نے کِہا کی تَینوُں کوئی پہچان، کِس بِدھ میرے رام میری بنت بنائیا۔ اوس ہو کے حَیران کِہا میرے ورگے کوٹن کوٹ رام، اوتھے بَیٹھے سیِس جھُکائیا۔ شبد سُت پھیر اُٹھیا بلوان، اپنا بل پرگٹائیا۔ حُکم دِتا اِدھر آ بنسری والے کاہن، مُرلی والے مُکند کُچھ مَینوُں دے جنائیا۔ جِس تیرا تتّاں والا بنایا نِشان، اُسدا نِشانہ دے سمجھائیا۔ کِڈا وڈّا اوس دا استھان، جِتھے بہہ کے ڈیرہ لائیا۔ اوس کِہا مَیں اوس توں لےَ کے آیا تریَلوکی دا دان، اَگے سمجھ کُچھ نہ پائیا۔ شبد سُت نے پھیر غُصّے نال کِہا وید ویاسا ذرا اِدھر کر دھیان، کُچھ تَیتھوں مَیں پُچھ پُچھائیا۔ کی ہویا کوُاری نوُں جمّیا آن، پربھ نے بنت دِتی بنائیا۔ اوہ دسّ میرا کیہڑا بھگوان، کِس بِدھ سُت شبد کہے اوس مَینوُں لیا اُپجائیا۔ وید ویاس کِہا مَیں کرن والا کلیان، اکھّراں والے ڈھولے گائیا۔ شبد سُت ٹھوکر ماری اُٹھا دِتا بُدھ، بُدھی دِتی ہلائیا۔ کی کُچھ تَینوُں آئی سُدھ، سِدھا دے دِرڑائیا۔ جِس نے تَینوُں بنایا پُت، اُس دا بھیو دے کُھلائیا۔ اوس نے کِہا مَیں نہ جانا کُچھ، اُس دے حُکمے اندر مِلی مات وڈیائیا۔ اودھروں شبد سُت نے چاروں طرف مار کے گیڑا، چکّر اپنا لیا لگائیا۔ موُسے نوُں ہؤلی جِہی دو اُنگلاں دا مار لپھیڑا، اکّھ دِتی کُھلائیا۔ مُنہ دے بھار ڈِگن والیا کدی اُتے وی ویکھیا ای

ویہڑا، جِس گھر بَیٹھا بےپرواہیِا۔ جیہڑا پِتا میرا، اُس دا لیکھا دے جنائیا۔ اوس نے کِہا اُس دا بھیو جانے کیہڑا، مَیں جھلک پلک جھل نہ سکاں رائیا۔ شبد حُکم نال اُٹھا لیا عیسیٰ اُل سلام، اِشارہ اِک جنائیا۔ مَینوُں سچ دسّ کِڈا وڈّا تیرا امام، کِس بِدھ رہیا بنت بنائیا۔ اوس نے کِہا مَیں اوس دی سُنن والا اگمّی کلام، جو نغمے نال جنائیا۔ اوس دا اگلا کھیل بےپچھان، میری سمجھ وِچ نہ آئیا۔ شبد سُت چاروں کُنٹ ویکھ کے اِک اپنی ماری رمز، رحمت سچ کمائیا۔ جھٹ اُٹھیا محمد، اپنی لئی انگڑائیا۔ اُدھروں شبد نے ماری چمک، کلمہ نوُر رُشنائیا۔ نال پُچھیا کُچھ محبوُب دی دسّ سمجھ، کِس عروُج اندر بَیٹھا آسن لائیا۔ محمد کِہا ہائے ایہہ ایڈا وڈّا غضب، اوہ سچّے پیِراں دے پیِر دا مَیں کی سکاں سمجھائیا۔ مَیں اِکو جان دا بردا ہو کے سجدیاں وِچ کراں ادب، سیِس نِوا نِوا خوشی منائیا۔ شبد سُت کِہا ویکھو اوتاراں پَیغمبراں دا کِڈا وڈّا وفد، بھیو سکے نہ کوئے کُھلائیا۔ میرا اُہناں دے کول شبد سُت نے اَگے پُٹیا قدم، اپنا چرن ٹِکائیا۔ جاں ویکھیا تکیا نانک نِرگُن پربھ دی لگّا سرن، چرن کوَل سیِس ٹِکائیا۔ شبد کِہا تیرا کوَن ورن، مَینوُں دے جنائیا۔ نانک نِرگُن کِہا تُوں نہیں جان دا تیرا میرا داتا کرنی کرن، دوہاں دی جِس نے بنت بنائیا۔ شبد نے کِہا کوئی دسّ نِشانی اوس دی سگن، پڑدا دے اُٹھائیا۔ نانک کِہا آد جُگاد اپنے سَت سروُپ وِچ مگن، سچکھنڈ نِواسی سچ سِنگھاسن بَیٹھا سوبھا پائیا۔ نِت نوِت دو جہاناں کرے عدل، عدالت اِکو اِک سمجھائیا۔ جوتی دھاروں کدے نہ جاوے بدل، تتّاں والے گُروُ اوتار پَیغمبر کوٹاں مات دیوے بدلائیا۔ اوس دا نہ وجوُد نہ بدن، تتو تت نہ کوئے رکھائیا۔ جوتی دھار شبدی رنگن، شبدی دھار نانک نظری آئیا۔ شبد کِہا ایہہ کی دسّیا، مَینوُں دے دِرڑائیا۔ نانک کِہا شبد تُوں میرے وِچ وسیا، تیرا میرا اِکو بےپرواہیِا۔ جِس دا لیکھا لیکھے وِچ کِسے نہ لِکھیا، اگمّ اتھاہ وڈّی وڈیائیا۔ جِس نے تَینوُں اجے تک بھیت نہیں دسّیا، دسّ تیرے پرگٹائے اسیں کی تَینوُں دئیے جنائیا۔ اوس ویلے شبد خوشیاں نال ہسّیا، تاڑی دِتی لگائیا۔ نانک کِہا میری دھار تیری دھار رہن اِکٹّھیا، کُچھ پردہ دیاں اُٹھائیا۔ جِس ویلے گوبِند پُرکھ اکال بنایا بچّیا، رنگ اپنا دئے رنگائیا۔ شبد کِہا مَینوُں آیا دِلاسا، تھِر گھر وجی ودھائیا۔ ایہہ ویکھنا ضرور تماشا، لوک مات خوشی منائیا۔ نِرگُن دھار نانک کِہا ایہہ نِکی جِہی آسا، وڈّی کہانی نہ کوئے جنائیا۔ اِس توں پرے اپرمپر جِس دے اُتے سرب بھرواسا، دیوے مان وڈیائیا۔ اوس دے اندر اِک ہور خواہشا، ساچی دیاں جنائیا۔ اوس جن بھگتاں دینا ساتھا، سگلا سنگ نِبھائیا۔ نِرگُن

ہو کے اندر کرنا واسا، سرگُن بھیو چُکائیا۔ گوبِند دھار شبدی پیار اوسے دا ساتھا، ساتھی اِک اکھوائیا۔ شبد کِہا مَینوُں آئی دھیِرج، میری دھار نے دھار دِتی بنائیا۔ میرا روُپ گوبِند سُت پربھ دا ہونا بیِرج، پُرکھ اکال اوسے دی مائیا۔ ایہہ کھیل اگمّی سدا اَخیِرت، آخر دیاں جنائیا۔ شبد سُت ایہہ سب کُچھ سُنیا، اپنے اندر خوشی منائیا۔ پربھ گہر گمبھیِر وڈ گُن گُنیا، اگمّ اتھاہ اکھوائیا۔ جِس گوبِند شبد دُلارا سُت چُنیا، میرا روُپ لئے پرگٹائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ شبد سُت دی سُن کے گاتھا، آد شکت بھوانی گئی آئیا۔ اوس کِہا گُر اوتار پیِر پَیغمبر کوئی دسّ نہ سکے خلاصہ، بھیوَ ابھید جنائیا۔ مَینوُں حُکم مِلیا تُوں ویکھ جا تماشا، سوہنا رنگ وٹائیا۔ ہُن کرن آئی ہاسہ، خوشیاں وِچ ودھائیا۔ شبد آ تَینوُں دسّاں جِتھے تیرا واسا، واسطہ جِسدے نال رکھائیا۔ شبد سُت کِہا مَینوُں اِک ہور آئی وِچار، پوُرب ویکھ وکھائیا۔ میرے روُپ نانک نِرگُن نے گایا وِچ سنسار، ڈھولے گیا سُنائیا۔ اوس نے میری دھار شبد نال کِہا اوہ آپے پُرکھ آپے نار، نار پُرکھ دا وِہار دوہاں ہتّھاں والا رہیا وکھائیا۔ ایہہ شہنشاہاں دا شہنشاہ پاتشاہاں دا پاتشاہ سچّی سرکار، ایہہ خادماں دا خادم سیوکاں دا سیوادارا ناری روُپ وٹائیا۔ دوہاں دا اِکو جِہا وِہار، کوئی سمجھ سکے نہ رائیا۔ ایہہ جوبن ونتا سردار، جِس نے اگمّی کھیل رچائیا۔ ایہہ آد پُرکھ دا وِہار، اپنا سگن آپ منائیا۔ ایہہ جوت اکالن نار مُٹیار، ہتّھ شکنگن رہی وکھائیا۔ ایہناں دوہاں دا سروُپ اِک اِک دے وِچوں نِکل شبد دی دھار، بےپرواہ اپنی دَیا کمائیا۔ اوس دھار دا روُپ سرب سنسار، آد جُگاد نظری آئیا۔ جودھا سوُربیِر بلکار، بلدھاری اِک اکھوائیا۔ جِس دے ہتّھ نہ کھنڈا نہ کٹار، شستر تیِر کمان، بان نہ کوئے چلائیا۔ اوس دا حُکم آد جُگاد سچّا فرمان، دو جہان نہ کوئی میٹے میٹ مِٹائیا۔ سو صاحب سوامی انترجامی کرے کھیل مہان، مہاواک مُکھ واک والا گا نہ سکے رائیا۔ گُر اوتار پیِر پَیغمبر چرن دوارے بَیٹھے سارے ہو گئے حَیران، نیتر اکّھ نہ کوئے اُٹھائیا۔ شبد نے کِہا میرا شبد روُپ گوبِند نؤجوان، بِردھ بال نظر کوئے نہ آئیا۔ جِس دی سیوا لگی مہان، پریِتم پریِتی اِک جنائیا۔ اوہناں بھگتاں دی کر پہچان، جیہڑے جُگ چؤکڑی دے بَیٹھے راہ تکائیا۔ درگاہ ساچی دے بنا مہمان، سچکھنڈ دوارے دینے سُہائیا۔ جِتھے کوئی نہ جگاوے آن، سُتّیاں آواز نہ کوئے لگائیا۔ اوہناں دا میلا شبد کر دے نال بھگوان، بھاگ اوہناں دا اوہناں دی جھولی پائیا۔ ویلا سوہنا خوشیاں نال دے دے دان، داتا دانی ہوئے سہائیا۔ اودھروں اِک ہور آ گیا فرمان، دُھر دا حُکم سمجھائیا۔ سُنو جِس ویلے

اِک سال دا سی گوبِند بال اَنجان، گُجری گود سُہائیا۔ اوس ویلے لتوں لنگی اِک ونجارن آئی چوُڑیاں چڑھان، خوشیاں نال اُنگلی اُتے بھوائیا۔ چاؤ گھنیرا مَیں درس کراں اوس جِس دا میرے اندر دھیان، میری سُرتی کھِچ وکھائیا۔ مَیں دسّ کے آئی میرے کاہن توں چنگا کاہن، جِس دا نام گوبِند رہے گائیا۔ جِس ویلے گھر آئی اوہن خوشی نال گایا راگ طران، نچ ٹپ کے رؤلا دِتا پائیا۔ اودھروں گوبِند دا ماما آیا کِرپال، اوہ دھکّے مار کے باہر کڈھائیا۔ کِتھوں آ گئی شیَطان، ایویں گھّٹا رہی اُڈائیا۔ اُس نے کِہا میرے اندر سدھراں دا اِک مان، اوہ گوبِند تیری بھیٹ کرائیا۔ گوبِند بچّہ جانی جان، اِشارے نال سمجھائیا۔ چُپ کر جِس ویلے مَیں تے میرے نال آوے بھگوان، تیرا لیکھا دیاں مُکائیا۔ نالے چار جُگ دا کراں کلیان، چؤتھے جُگ دا ڈیرہ ڈھائیا۔ نالے بھگتاں کراں پروان، پلّے دُھر درگاہی دیاں پھڑائیا۔ امرت آتم پیا کے جام، نام خُماری دیاں چڑھائیا۔ سچ پریم پیار نال اوہناں میل کے کراں اِشنان، ایکا اِکّی سیوا لائیا۔ ایہہ کھیل خالق خلق کرے وِچ جہان، محبوُب مُحبّت وِچ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ اینیں چِر نوُں بھجیّ آئی نوُر اِلاہی ربّی، کوُک کوُک دئے دُہائیا۔ مَیں پندھ مُکایا اُچی اڈّی، نَٹھی واہو داہیِا۔ مَینوُں پتہ لگ گیا بیِتدی جائے چؤدھویں صدی، سدّے گھر گھر رہی سُنائیا۔ جِس نے گُر اوتاراں پیِر پَیغمبراں لیکھے لا لئی پِچھلی گدّی، گرِہ اپنے لیا بہائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ چوُڑی کہے کِیوں مَینوُں کہندے کنگن، سچ سچ دے دِرڑائیا۔ پُرکھ اکال کِہا جِس ویلے شبد سُت لگّا سی منگن، اپنی جھولی اَگے ڈاہیِا۔ اوس ویلے مَیں بھگتاں سنتاں واسطے ایہہ دِتا سی سگن، ناتا سَتگُر نال جُڑائیا۔ چؤتھے پد واسطے سدّن، صدا اِکو وار سمجھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ چوُڑی کہے نی ویکھو ساڈے نالوں چنگا تویِت، بھگتو جِہنوُں مِلی وڈیائیا۔ اوہ پربھوُ دے سینے نال لگ کے ٹھیِک، شانت گیا کرائیا۔ تویِت کِہا سخیئے مَینوُں ایؤں جاپے تُہاڈی میرے نالوں زیادہ پریِت، جو ہتّھاں اُتے چڑھ کے پربھ دے چرناں نال لگ کے مِلی وڈّی وڈیائیا۔ چوُڑی کِہا نی ایہہ کؤن ساڈا شریِک، جیہڑا طعنے رہیا سُنائیا۔ تویِت کِہا مَیں دسّیا ٹھیِک، بِنا سیوا کِسے نوُں پھل ہتّھ کِچھ نہ آئیا۔ جِس نے گوبِند دے نال کرنی پریِت، اوہ بَیٹھے دھام اتیِت، ترےَگُن ناتا گئے تُڑائیا۔ مَیں سچ دسّاں جِتھے گُر اوتار پَیغمبر ہوئے وسنیِک، اوہ دھام اوہناں لئی نظری آئیا۔ اِک ہور دسّاں ہُن بھگتاں دی پربھ نوُں سب دے نالوں چنگی اُڈیِک،

بِن اکّھاں ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ مہاراج شیرسِنگھ وِشنوُں بھگوان کھیلے کھیل آپ انڈیِٹھ، انڈِٹھڑی کار کمائیا۔

۲ ماگھ ۲۰۲۱ بِکرمی ہربھجن سِنگھ دے گرِہ جیٹھوُوال

چوُڑی کہے مَیں بھاگانونت، چوُڑا کنگن روُپ نظری آئیا۔ کِرپا کری آپ بھگَونت، سِری بھگوان دِتی وڈیائیا۔ جِس ویلے دُرگا دی بنائی بنت، اشٹبُھج روُپ دِتا وکھائیا۔ اوس ویلے دسّیا اِک منت، سِکھیا سچ سمجھائیا۔ تُوں میرا مَیں تیرا سنکھ وِچوں ناد وجاؤنا ونت، دُھر دی آواز سُنائیا۔ جِس نال اُٹھن سارے سنت، سُرتی لئے انگڑائیا۔ اوس نے کِہا کی ایسے نال انت، انتم دے جنائیا۔ ابناشی کرتے کِہا نہیں ایہہ کھیل اگمّی کنت، جو مالک کُل اکھوائیا۔ جِس نوُں سارے کرن ڈنڈاوت، نِیوں نِیوں سیِس جھُکائیا۔ دُرگا کِہا مَیں وی اوسے دی کراں مناوت، منسا اوسے نال رکھائیا۔ پُرکھ اکال کِہا میری آد جُگادی راؤنس، رستہ دیاں وکھائیا۔ بِن میری کِرپا وجےّ نہ کِسے دی دھاؤنس، لوک مات نہ کوئے وڈیائیا۔ میری مِہر دے تول وِچ نہ آئے رتی تولے ماشے اَؤنس، سیراں دھڑیاں نال نہ کوئے مِنائیا۔ جِس دے سِر اُتے ہتّھ رکھاں اوسے دے وِچ ہووے پہنچ، پہنچان والا سِر ہیٹھاں دیاں بنائیا۔ حُکم سُنا کے کوٹن کوٹ، کوٹی کوٹ لیکھ چُکائیا۔ حُکم جنا کے چوٹ، نگارے دیاں وجائیا۔ حُکمے اندر تیرے اندر رکھ کے جوت، سوہنی سوانی دِتا بنائیا۔ پھیر ویکھیں میرے بِنا ہور لبھنی نہیں کِتے مؤج، مجلس ہور نہ کوئے بنائیا۔ پِھر نال کھیل کرنا سرِشٹی مؤج، مؤجدار حُکم سُنائیا۔ اوس کِہا کُچھ مَینوُں آئی ہوش، مَیں اپنی اکّھ کُھلائیا۔ میرے تکّن لگے لوچ، نیَن چائیں چائنیا۔ تیرا کدے نہ ہوئے وِجوگ، پُرکھ اکال تیری سرنائیا۔ مَینوُں بخش اپنا دُھر سنجوگ، دُھر سنجوگی وِچھڑ کدے نہ جائیا۔ سِری بھگوان کِہا تُوں جانا مات لوک، تت روُپ وٹائیا۔ تُوں گاؤنا سوہنگ سلوک، تیرا میرا راگ الائیا۔ تَینوُں کوئی نہ سکے روک، اَگے پِچھے نہ کوئے اٹکائیا۔ اوس کِہا پربھوُ مَینوُں خوشی نال آؤندا جوش، مسّرت وِچ انگڑائیا۔ میرا کایا ماٹی ہووے پوش، جگت سوانی روُپ دھرائیا۔ مَیں رہنا نہیں خاموش، اپنا بل وڈیائیا۔ مَینوُں کُچھ ہور دسّ اگلی سوچ، بھیوَ ابھیدا دے کُھلائیا۔ پُرکھ اکال کِہا اِک میری رکھیں اوٹ، دوُجا روُپ نہ کوئے دِسائیا۔ دُرگا کِہا میرا

پردہ دے کھول، آپ اپنے رنگ رنگائیا۔ سچ دسّ پربھوُ کی آویں میرے کول، اپنا پھیرا پائیا۔ صاحب کِہا جِس ویلے مردنگا وجاویں ڈھول، سنکھ ناد سُنائیا۔ اوس ویلے اگمّی دھاروں پَواں بول، دُھر دا حُکم جنائیا۔ تُوں اپنے نیتر لَینے کھول، بِن اکّھاں اکّھ کُھلائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ اشٹبُھج کِہا پربھ تیری مِہربانی، سِری بھگوان تیری سرنائیا۔ کوئی اپنی دے نِشانی، تیرے اَگے جھولی ڈاہیِا۔ مَیں تیرا نوُر نوُرانی، جلوے وِچ سمائیا۔ چرن سرن اِک دھیانی، کوَل دے وڈیائیا۔ جوتی جوت سروُپ ہرِ، آپ اپنی کِرپا کر، پُرکھ اکال دیِن دَیال پکڑ کے کھبّی بانہہ، ہؤلی جِہی ہلوُنا دِتا لگائیا۔ اُٹھ نِمانی کر دھیِاں، سوانی دیاں بنائیا۔ اِک لےَ میرا نِشاں، تیرے ہتّھ دیاں پھڑائیا۔ تیری سوہے نال بانہہ، بازوُ ملِے وڈیائیا۔ چار جُگ رہے ناں، سَتجُگ تریتا دواپرکلجُگ اپنا رنگ رنگائیا۔ جِس ویلے دھوُڑ اُڈے زِمیں اسماں، گردو غُبار دِسے لوکائیا۔ ناتا تُٹ جائے پُتراں ماں، پِتا پوُت میل نہ کوئے مِلائیا۔ ناری کنت دئے تجا، ویسوا روُپ وکھائیا۔ سادھ سنت بھگَونت نال ملِے کوئی نہ آ، بَیٹھن مُکھ بھوائیا۔ دھرنی دھرت رووے مارے دھا، نیتر نیَناں نیِر وہائیا۔ سوُرج چند نیَن کُرلا، منڈل منڈپ ہاہاکار سُنائیا۔ گُر اوتار پیِر پَیغمبر پلّوُ جان چُھڈا، لوک مات نہ کوئے سہائیا۔ گُردر مندر مسجد شِودوالے مٹھ کام کرودھ لوبھ موہ ہنکار ہووے حلقا، آسا ترِشنا بھجےّ واہو داہیِا۔ تیِرتھ تٹاں اِستری پُرش ننگے لیَن نہا، پردہ اُتے نہ کوئے رکھائیا۔ من واسنا سرِشٹی بُدھی ہووے کاں، گُرمت بَیٹھے مُکھ چُھپائیا۔ بھائی بھَیناں لیَن تکا، نیتر اکّھ نہ کوئے شرمائیا۔ چاروں کُنٹ اندھیرا جائے چھا، ساچا چند نہ کوئے چمکائیا۔ ہرِ ہِردے نہ لئے کوئی وسا، گُر منتر نہ کوئے پڑھائیا۔ بھرمے بُھلے سرب لُکا، لُکیا بھیت نہ کوئے کُھلائیا۔ شریعت وِچوں نظر نہ آئے خُدا، تؤفیِق جانے نہ کوئے بےپرواہیِا۔ واحد جلوہ ویکھے نہ کوئے رُشنا، پروردِگار سجدہ نہ کوئے کرائیا۔ ساچا رام لئے نہ کوئی منا، رام روُپ نہ کوئے سمائیا۔ کھانی بانی شاستر سِمرت وید پُران اِنجیِل قُرآناں ملِے نہ کوئی تھاں، بھوُمُکا سَت نہ کوئے وڈیائیا۔ دِوس رَین گھڑی پل وَیراگی ہو کے مارن دھا، بہُڑی بہُڑی کر سُنائیا۔ جگت عدالت سچ دِسے نہ کوئی گواہ، شہادت حق نہ کوئے بُھگتائیا۔ راج راجان کوُڑی کِریا مُکھ لگاون چھاہ، دُرمت مَیل نہ کوئےدھوائیا۔ دھیِاں ماواں دا دھن لیَن چُرا، چوری یاری گھر گھر نظری آئیا۔ اشٹبُھج تَینوُں دیاں سُنا، سہج نال سمجھائیا۔ تُوں کِسے دی نہیں رہنا ماں، مئیا آکھن والے سارے مُکھ بھوائیا۔ پھیر اوسے ویلے اِک رُشنائی تَینوُں دیواں وکھا، چوُڑا تیرے ہتّھاں نال پہنائیا۔ چار جُگ دے ویلے

انت تیرا لہنا دیاں مُکا، گہنا اپنے تن پہنائیا۔ اوس کِہا پربھوُ نہ، ایہہ مؤج وڈّی بےپرواہیِا۔ سِری بھگوان کِہا ہاں، تَینوُں بھگتاں نال لَواں مِلا، در اپنے لَواں بہائیا۔ تیرے منگن واسطے جن بھگتاں والا سگن جھولی دیواں پا، جیہڑا تیرے مستک ٹِکاّ ایہو بھگتاں مستک لائیا۔ تُوں اِک اِکلّی تُوں ویکھیں مَیں کِتنے لَینے پرنا، جو در تے آ کے سدا خوشی منائیا۔ اُہناں کھنڈا کھڑگ سنکھ چکر گدا کُچھ نہیں لَینا اُٹھا، چار کُنٹ نہ بھجّن واہو داہیِا۔ اِکو اوٹ لیَنی تکا، پربھ ملِے سرن سرنائیا۔ اشٹبُھج کِہا پربھوُ توُں بےپرواہ، بےپرواہی وِچ سمائیا۔ تیرے حُکم اندر کوئی نہ کرے نانہہ، اَگے اڑ سِر نہ کوئے اُٹھائیا۔ جے تیرے بھگتاں ملِے مَینوُں تھاں، اوتھے آ کے خوشی منائیا۔ پھیر مَیں ویکھاں پربھوُ اپنے نالوں چنگی تیری چوُڑی والی بانہہ، چؤکڑی جُگ جائے وِہائیا۔ مہاراج شیرسِنگھ وِشنوُں بھگوان کِہا ایہہ کھیل میرا دوُسر جانے کوئی نہ، اَنجانت چار جُگ سرگُن ساری سرِشٹی نظری آئیا۔ دُرگا کِہا پُرکھ سمرتھ، مَینوُں پِچھلی یاد آئیا۔ تَینوُں پتہ جِس ویلے کنگن پؤن لگیاں میرے ہتّھ نوُں لایا سی ہتّھ، اُنگلاں نال اُنگلاں دِتیاں چُھہائیا۔ اوس ویلے مَیں تیرے ہو گئی وس، دوُجا نظر کوئے نہ آئیا۔ پر اِک گلّ رہی جیہڑا مَیں خوشی نال تکیا نہیں اکّھ، شرم دی ماری نیِویں اکّھ رکھائیا۔ تُوں اوس ویلے ہؤلی جِہی اِک نِکی جِہی چُٹکی ماری چٹک، میرے متھے بِندی دِتی لائیا۔ مَیں ڈردی پِچھے گئی ہٹ، تُوں ہؤلی جِہی میرے سیِنے اُتے ٹھوکر دِتی لائیا۔ مَیں ہو گئی بےبس، اپنا آپ گئی بُھلائیا۔ تُوں ہؤلی جِہی میرے سِر اُتے ہتّھ دِتا رکھ، مَیں چرن دوارے ڈھیَہہ کے خوشی منائیا۔ تیرے چرناں دی دھوُڑ لئی چٹ، بل آیا بےپرواہیِا۔ پھیر مَیں کِہا ہُن لوک مات جاواں ڈٹ، چار کُنٹ اپنا حُکم ورتائیا۔ پربھوُ اؤہ ویکھ مَینوُں نظری آؤندی تیری اوہ ڈھائی اِنچ گول نّتھ، نؤ بلاکاں نال جُڑائیا۔ اوہ پائی نہیں میرے نک، جے نک پا دیندوں پھیر تیری میری ہونی نہیں سی کدے جُدائیا۔ ویکھ مَیں گُت نال چّھڈی بنّھ، پِچھے ہار بنائیا۔ اوس نے کِہا دُرگا تیرے نالوں سوہنا میرا اِک ہور چنّ، جیہڑا گوبِند دینا چڑھائیا۔ تیری گُت پِچھوں کڈھ اوہدے گل نال دینا بنّھ، سوہنا رنگ وکھائیا۔ دُرگا نے دوویں پھڑ لئے کنّ، مَیں تے جان دی مَیتھوں وڈّا ہور کوئی نہیں ایہہ وی تیری بےپرواہیِا۔ سِری بھگوان کِہا تُوں آپے جائیں منّ، جِس ویلے تَینوُں در تے سدّ کے اپنے دوارے لئے بہائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ دُرگا کہے پربھوُ مَینوُں یاد جِس ویلے ڈھائی گز دُپّٹا دِتا دوشال، اوڈھن میرے اُتے ٹِکائیا۔ مَیں رکھیا اوہ سنبھال، اپنے انگن

وِچ چُھپائیا۔ تیرا حُکم سُن دی رہی فرمان، جُگ چؤکڑی دھیان لگائیا۔ مَیں بُھلی نہیں اَنجان، تیری اوٹ رکھائیا۔ چرن کوَل رکھ دھیان، سَتجُگ تریتا دواپرکلجُگ لیا لنگھائیا۔ جِس ویلے تُوں کِرپا کیِتی لالو ترکھان، مِہر نظر اُٹھائیا۔ جنم دے پِچھے جنم دا دے کے دان، کرم اپنے نال مِلائیا۔ میرے کولوں لےَ کے وست مہان، اوس دے ہتّھ پھڑائیا۔ تُوں سب دا جانی جان، تیرے ہتّھ وڈیائیا۔ جے کِشن سِنگھ نہیں سی سکیا پہچان، اکّھ اوسے دی آپ کُھلائیا۔ اوسے دی سوانی اِک نادان، جِسنوُں روَداس دِتی وڈیائیا۔ اوسے دا شِنگار اِک مہان، جو خوشیاں نال وکھائیا۔ اوس دا لیکھا اِک نال نادان، جو رَویداس دا مِتر نظری آئیا۔ ایس توں پہلوں دُرگا دے ویلے ایہہ دوویں سی دربان، در ٹھانڈے سیو کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مہاراج شیرسِنگھ وِشنوُں بھگوان، ویکھنہارا پوُرب نصیِب، دُرگا دا لہنا گوبِند دا تویِت، مُرشد دا کہنا منّنا مُریِد، کوئی نہ جانے پربھ نے کی کی کِس نال کیِتی وصیّت، اصلیّت سمجھ سکے نہ کوئی رائیا۔

۳ ماگھ ۲۰۲۱ بِکرمی ہرِ بھگت دوار جیٹھوُوال

کلجُگ کوُڑ کُڑیار کہے واہ پُرکھ سمرتھے، بےپرواہ تیری وڈیائیا۔ مایا ممتا کوُڑا موہ کہے مَیں ہتّھ رکھیا متھے، بھاگ نصیِب اپنا ویکھ وکھائیا۔ جِس ویلے تکیا جن بھگت ہوئے اِکٹّھے، سچ دوارے ڈیرہ لائیا۔ میری شرماؤن لگی اکّھے، نیتر نیَن بَیٹھے اپنا آپ بھوائیا۔ اِس دے کولوں کیہڑا بچے، جو دو جہاناں ویکھ وکھائیا۔ کام کرودھ لوبھ موہ ہنکار کہے اسیں اُٹھ نَٹھے، بھّجیئےواہو داہیِا۔ پتہ نہیں ہُن کیہڑے خانے گھتّے، گُرمْکھاں اندروں باہر کڈھائیا۔ کلجُگ والے جھوُٹھے لیَن نہیں دینے ایس رسے، جیہڑا رس آتمک رہیا جنائیا۔ جو اِسدے پریم پیار وِچ پھسے، ساڈی مُحبّت گئے تُڑائیا۔ تیرے چرناں نالوں جن بھگت کدے نہ ہٹے، جگت ہٹوانے ڈیرہ ڈھائیا۔ رنگ اگمّی اِکو رتےّ، گوُڑھا آپ چڑھائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ کوُڑ کُڑیار کہے مَیں ہو گیا اندھا، نیتر نظر کُچھ نہ آئیا۔ مَیں بُھل کے سمجھ بَیٹھا پربھوُ کوئی بندیاں ورگا بندہ، تتّاں والا روُپ وٹائیا۔ نیڑے آ کے ویکھیا سب دے سِر وِچ ماری جائے ڈنڈا، سِر سکے نہ کوئے اُٹھائیا۔ اِکو ڈھولا سُنا کے چھندا، سنسے رہیا مُکائیا۔ جو جنم کرم دا گندہ، پھڑ باہوں گلے

لگائیا۔ نام نِدھانا پھڑا کے ڈنڈا، پؤڑھے اپنے لئے چڑھائیا۔ جِتھے نہ کوئی کُنجی نہ کوئی جندا، دربان نظر کوئے نہ آئیا۔ اِکو اِک اِکلّا صاحب بخشندا، سَت دوارے ڈیرہ لائیا۔ جِس نوُں چاہے اپنی کِرپا نال چرن پریِتی دیندا، دوُسر ملِے نہ کوئے وڈیائیا۔ پریم پیار مُحبّت وِچ نِیوندا، نِو نِو سیِس جھُکائیا۔ حُکم سندیش سَت جن بھگتاں کہندا، کہہ کہہ آپ سمجھائیا۔ آد جُگاد جُگ چؤکڑی اپنا بھانا آپ سہِندا، نہ کوئی میٹے میٹ مِٹائیا۔ کلجُگ وہن ویکھ کے وہِندا، واہوا اپنا پھیرا پائیا۔ تخت نِواسی ساچے تخت بہِندا، دُھر فرمانا حُکم جنائیا۔ ویکھو کھیل جو ہونا آئیندہ، بھیوَ ابھید کُھلائیا۔ چار جُگ دا جو تھکاّ ماندا، دیوے سچ سرنائیا۔ کوُڑ کُڑیارا کہے مَیں کی کراں جِدھر ویکھاں گُرمْکھ سوہنگ ڈھولا گاندا، میرا تیرا راگ الائیا۔ جِس دا گوبِند نال وعدہ، واحد اِکو گیا آئیا۔ گُرمْکھاں تکے فائدہ، باقی فاقے وِچ لوکائیا۔ جِس دا قانوُن اِک قاعدہ، حُکم اِک جنائیا۔ اوہ کھیل کرے باقاعدہ، ترتیِب اپنے ہتّھ رکھائیا۔ کوُڑی کِریا کر کے علیحدہ، در دواریوں دِتی دُرکائیا۔ جیہڑا آتم پرماتم نال کیِتا مُعاہدہ، اوسے نوُں توڑ چڑھائیا۔ گُرمْکھاں دے کے ریائتا، روایت نال پار رہیا لنگھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ کوُڑ کُڑیار کہے جِس ویلے مستک ہتّھ دھریا، اُنگلاں مُکھ نال چُھہائیا۔ اوس ویلے اندرے اندر کوُڑ کُڑیارا ڈریا، بھےَ بھؤ سِر منائیا۔ مَیں کِتھے گیا پھڑیا، چُھڈاون والا نظر کوئے نہ آئیا۔ اوس ویلے اِکو ترلا کریا، ترِشنا لئی ودھائیا۔ تُوں ابناشی کرتا آد جُگاد کدے نہ مریا، سد جیِون روُپ وکھائیا۔ ہے پربھوُ تیرے دوارے آ کے جے کوُڑ وِکار نہ تریا، ہور دسّ کیہڑے دوارے جائیا۔ کِرپا کر نرائن نریا، شہنشاہ تیری سرنائیا۔ تُوں سچ دسّ کی تُوں ساڈا نہیں گھاڑن گھڑیا، جگت ناتا لیا جُڑائیا۔ کِیوں سانوُں کُکرمی کرکے پھڑیا، تیرے حُکمے اندر سیو کمائیا۔ جوتی جوت سروُپ ہرِ، آپ اپنی کِرپا کر، مِہروان دئے وڈیائیا۔ کُکرم کہے مَیں بےشک کوُڑ، کُڑیارا نظری آئیا۔ جگت وِدیا ولوں موُڑھ، موُرکھ روُپ وٹائیا۔ پربھوُ تیرے بھگتاں نال مِل کے مَیں وی لا لئی مستک دھوُڑ، دھوُڑی ٹِکاّ اِک رمائیا۔ کِیوں نہیں میرے معاف کردا قصوُر، رحمت اِک وکھائیا۔ مَیں جان دا تُوں بھگت وچھل ضرور، سنتاں ہوئیں سہائیا۔ ہُن کیہڑا تُوں دوُر، سنمُکھ بَیٹھا نظری آئیا۔ تیرا بھنڈارا سدا بھرپوُر، دیندیاں توٹ رہے نہ رائیا۔ کوُڑ کُڑیارا کہے ہے پربھوُ جے اسیں نہ ہوئیے تُوں کِس دا بخشیں قصوُر، رحمت کِس دے اُتے کمائیا۔ جوتی جوت سروُپ ہرِ، آپ اپنی کِرپا کر، سچ دوارے لَینا ترائیا۔ کوُڑ کُڑیارا کہے جے مَیں نہ ہُندا، بھگَون سچ دیاں

جنائیا۔ پھیر تَینوُں کیہڑا دھیاؤندا، تیری لوڑ رہندی نہ رائیا۔ جے تُوں سب نوُں اِکو جِہا بناؤندا، اِکو گھر وکھائیا۔ پھیر کیہڑا تیرے چرنی سیِس نِواؤندا، ٹِکّے مستکاں نال چُھہائیا۔ بِنا میرے تیرے سَت سچ نوُں کؤن پرگٹاؤندا، اُس دا روُپ کوَن سمجھائیا۔ مَیں تیرے اَگے جھولی ڈاہندا، بِھچِھیا اِکو منگ منگائیا۔ جو تیرا درشن پاؤندا، اُس دا لہنا دینا پوُرب پاپ کُکرم دینا گوائیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ کوُڑ کُڑیار کہے پربھوُ ہویا چنگا، تُوں صاحب سوامی سہجے مِلیا آئیا۔ جانا پیا نہ کول گنگا، اپنا پندھ مُکائیا۔ وجاؤنا پیا نہ کوئے سُرنگا، کِلّی تند کسائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ کوُڑ کُڑیارا کہے بےشک مَیں کُکرم، ابُھل تیری سرنائیا۔ پربھوُ جے مَیں چنگا نہیں ساں تے مَینوُں کاہنوُں دِتا جنم، گھر گھر وِچ دِتا وسائیا۔ مَینوُں ایس دے وِچ بھرم، میرا بُھلیکھا دوُر کرائیا۔ مَینوُں سارے اُٹھے پھڑن، اپنے ہتّھ پھَیلائیا۔ مَیں منگی تیری سرن، سچ ملِے وڈیائیا۔ بخش دے اپنا چرن، چرنودک مُکھ چوائیا۔ جوتی جوت سروُپ ہرِ، آپ اپنی کِرپا کر، میرا لیکھا لیکھے پائیا۔ کوُڑ کُڑیارا کہے میرا کھیل سُہنجنا، گھر گھر آپ وکھائیا۔ مَیں کِسے دے اُتے چڑھن نہیں دِتی تیری رنگنا، اپنا بل ودھائیا۔ ہُن تیرے کولوں دان اِک منگنا، اپنی جھولی ڈاہیِا۔ مَیں جن بھگتاں نوُں جاندی وار کر لَواں بندنا، نِیوں کے سیِس نِوائیا۔ مُڑ کے پھیر بھگت دوارا نہیں لنگھنا، تیرا روُپ انوُپ نہ کوئے وکھائیا۔ تیرا ٹُٹیا ناتا اپنے نال گنڈھنا، ساچا میلا لَینا مِلائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ کوُڑ کُڑیارا کہے مَیں کلجُگ کیِتی سیوا، چاکر روُپ وٹائیا۔ کِسے نوُں نظر نہیں آؤن دِتا دیوی دیوا، آتم پرماتم جوڑ نہ کوئے جُڑائیا۔ سب دے مستک لا کے تھیوا، کوُڑی کِریا دِتی جنائیا۔ ساچا منتر جپیا نہیں گیا کِسے کولوں جِہوا، آتم رنگ نہ کوئے رنگائیا۔ تیرے کول پربھوُ اِک بڑا تِکھا دِسدا سندھیوا، جِس دے نال جڑاں دئیں اُکھڑائیا۔ ابناشی کرتے تیرا نؤجواناں ورگا بھریوا، بستر بھوُشن سوہنے رہیا وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ کوُڑ کُڑیارا کہے مَیں گیا پُٹھا، شبدی چوٹ لگائیا۔ مَیں لما رہ گیا اِک مُٹھا، اپنا آپ مِٹائیا۔ ہُن مَیں چلیا لہِندی گُٹھا، پلّا بھگتاں نالوں لَینا چُھڈائیا۔ مَیں ویکھنا جا کے اوہ انگوُٹھا، جو کاغذ کورے اُتے ٹِکائیا۔ درشن کرنا تیرے گوبِند پُتا، جو پت پرمیشور تیرے وِچ سمائیا۔ اُس دے حُکم اندر ساڈی بدل کے رُتا، رُتڑی اپنا مُکھ بھوائیا۔ سب دا پندھ مُکا، بَیٹھے ڈھیریاں ڈھائیا۔ مہاراج شیرسِنگھ وِشنوُں بھگوان، کرے کھیل ابناشی اچُتا، بھگت

سُہیلے پار لنگھائیا۔ کوُڑ کُڑیار کہے پربھوُ اؤہ ویکھ کام کرودھ میرے آئے کُڑم، دوویں اِک دوُجے نال پگّاں رہے بدلائیا۔ بُھلیکھا پائیے ساڈے اُتے کوئی نہ لگے جُرم، ویس اپنا رہے بدلائیا۔ ہؤلی جِہی چوری چوری پِچھے لگے مُڑن، اپنی اکّھ چُرائیا۔ اجے پہلا پَیر چُک کے لگے سی تُرن، تُرت اُپروں حُکم گیا آئیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ حُکم ہویا اِدھر آؤ کُڑم کُڑمیٹے، تُہاڈی مِلنی دیاں کرائیا۔ پِچھلے پوُرے کر کے ٹھیکے، اَگے دا لیکھا دیاں چُکائیا۔ کام کرودھ کوُڑ کُڑیار اکّھ چُک کے ویکھے، سانوُں کؤن رہیا سُنائیا۔ حُکم ہویا تُسیں نہیں جان دے جِس بھگوان دے بھگت بیٹے، اوہو رہیا ڈرائیا۔ جو جُگ چؤکڑی لوک مات سب نوُں بھیجے، دُھر فرمانا حُکم سُنائیا۔ سو صاحب سوامی انتر ویکھے، انتم کلجُگ پھیرا پائیا۔ جوتی جوت سروُپ ہرِ، آپ اپنی کِرپا کر، لہنیدار اِک اکھوائیا۔ کوُڑ کُڑیار کہے نہ کُڑم رہے نہ کُڑمائی، کُڑمیٹا بَیٹھا مُکھ بھوائیا۔ نہ دھی رہی نہ جوائی، ناتا بندھن نہ کوئے بندھائیا۔ اِکو مِلیا بےپرواہی، جو سَت سَتوادی نظری آئیا۔ درشن کر کے پِچھلی مِٹی جُدائی، دُکھ دلِدر ڈیرہ ڈھائیا۔ تیرے بھگتاں اندروں نِکل کے جائیے چائیں چائیں، معاف کر کے ساڈی بُھل دینی بخشائیا۔ مہاراج شیرسِنگھ وِشنوُں بھگوان تیری سرنائی، تُوں سب دا مالک اِکو نظری آئیا۔

۴ ماگھ ۲۰۲۱ بِکرمی گُرچرن سِنگھ دے گرِہ جیٹھوُوال

ہرِ شبد کہے ہرِ سَت سوامی، آد جُگاد جُگ چؤکڑی اِک اکھوائیندا۔ لکّھ چؤراسی جیِو جنت سادھ سنت انترجامی، گھٹ گھٹ اندر بھیوَ ابھیدا آپ کُھلائیندا۔ شاہ پاتشاہ شہنشاہ سچّا سُلطانی، نر نِرنکارا اِک اکھوائیندا۔ جُگ چؤکڑی خالق خلق کھیلے کھیل مہانی، بےپرواہی دُھر درگاہی اپنا حُکم سُنائیندا۔ گُر اوتار پیِر پَیغمبر جِس دی گا کے گئے شبد اگمّی بانی، راگاں ناداں ویداں صِفت صاہِندا۔ چار کُنٹ دہ دِشا جِس دا جلوہ نوُر نوُرانی، جوتی جاتا ڈگمگائیندا۔ سو پُرکھ اکالا دیِن دَیالا جن بھگتاں اُتے کرے مِہروانی، محبوُب مِہر نظر اِک اُٹھائیندا۔ آتم پرماتم دیوے سچ دھیانی، نِج نیتر لوچن نیَن اکّھ مِلائیندا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیندا۔ سَتگُر شبد کہے پربھ اِکو داتا، دوُجا نظر کوئے نہ آئیا۔ جُگ چؤکڑی ویکھنہار تماشا، نِرگُن سرگُن ویس

وٹائیا۔ جن بھگتاں دیونہارا نام سوغاتا، وست امولک جھولی پائیا۔ کلجُگ انت مِٹے اندھیری راتا، سَتجُگ ساچا نوُر چند رُشنائیا۔ تُوں میرا مَیں تیرا آد جُگاد گُر اوتاراں پیِر پَیغمبراں دسّنہارا ساچی گاتھا، سَت سَتوادی برہم برہمادی شبد انادی ڈھولا اِک سُنائیا۔ وسنہارا باہر راگاں ناداں، شاستر وید پُراناں سمجھ کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، پاربرہم بےپرواہیِا۔ سَتگُر شبد کہے پربھ اِک اِکلّا ایکنکار، سو پُرکھ نِرنجن وڈی وڈیائیا۔ وسنہارا ٹھانڈے دربار، سچکھنڈ ساچے سوبھا پائیا۔ بولنہارا نام جَیکار، منتر اپنا اِک سُنائیا۔ لِیاؤنہارا مات اوتار، نِرگُن سرگُن روُپ وٹائیا۔ لیکھا جان سرب سنسار، لکّھ چؤراسی کھوج کھوجائیا۔ سنت سُہیلے لئے اُبھار، گُرمْکھ گُر گُر گود اُٹھائیا۔ گُرسِکھاں بخشے چرن پیار، سچ پریِتی اِک دِرڑائیا۔ انتر آتم کھول کِواڑ، پردہ اوہلا دئے اُٹھائیا۔ میٹ مِٹا کے پنچم دھاڑ، بھیو اپنا آپ سمجھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ سَتگُر شبد کہے پربھ سرب ویاپی، گھٹ گھٹ بَیٹھا نظری آئیا۔ نِرگُن نِروَیر پُرکھ اکال وڈّا پرتاپی، دو جہاناں سوبھا پائیا۔ نِت نوِت جِس دا اگمّ اگمّڑا جاپی، پیِر پَیغمبر ڈھولے سوہلے راگاں ناداں وِچ سُنائیا۔ جو جن بھگتاں لہنا دینا دیوے باقی، پوُرب جنم ویکھ وکھائیا۔ بھاگ لگا کے کایا ماٹی، خاکی پنج تت بھیو چُکائیا۔ امرت آتم جام پیائے بن کے ساقی، رس نِجھر مُکھ لگائیا۔ منزل چڑھائے اؤکھی گھاٹی، پھڑ باہوں پار لنگھائیا۔ جوتی جوت سروُپ ہرِ، آپ اپنی کِرپا کر، صاحب سَتگُر اِک اکھوائیا۔ صاحب سَتگُر ہرِ سمرتھ، بھیوَ ابھید نہ کوئے جنائیندا۔ جُگ چؤکڑی چلاونہارا رتھ، سَتجُگ تریتا دواپرکلجُگ ویس وٹائیندا۔ سنت سُہیلے مارگ دسّ، پڑدا اوہلا آپ اُٹھائیندا۔ نِرمل جوت کر پرکاش، اندھ اندھیر گوائیندا۔ سُرتی شبدی گوپی کاہن وکھائے راس، منڈل منڈپ آپ نچائیندا۔ کوُڑی کِریا وِچوں کاڈھ، گُرمْکھ اپنے رنگ رنگائیندا۔ میٹنہارا واد وِواد، مایا ممتا موہ تُڑائیندا۔ جوتی جوت سروُپ ہرِ، آپ اپنی کِرپا کر، ہرِ سَتگُر سَت اِک اکھوائیندا۔ ہرِ سَتگُر سَت سِری بھگوان، پاربرہم وڈّی وڈیائیا۔ جن بھگتاں دیوے ساچا دان، نام بھنڈار جھولی پائیا۔ سچ دوار وکھائے اِک نِشان، کوُڑ نِشانے سرب مِٹائیا۔ چرن کوَل اُپر دھوَل دیوے مان، بخشے سرن سچّی سرنائیا۔ کوُڑ کُڑیارا میٹے وِچ جہان، دُتیا بھاؤ رہن نہ پائیا۔ گھر سوامی ملِے آن، انترجامی جوڑ جُڑائیا۔ جوتی جوت سروُپ ہرِ، آپ اپنی کِرپا کر، سَتگُر شبد سوئی سُرت آپ اُٹھائیا۔ سَتگُر شبد سدا مِہروان، آلس نِندرا دوُر کرائیندا۔ میل مِلا کے دُھر دے کاہن،

بنسری اِکو نام سُنائیندا۔ وِچھوڑا مکُے سیِا رام، پاربرہم برہم اپنے رنگ رنگائیندا۔ ساچا شبد سُنے دُھنکان، انحد نادی ناد وجائیندا۔ ٹھاکر گہر گمبھیِر ملِے آن، بےنظیِر درس وکھائیندا۔ آسا منسا پوُری کرے سِری بھگوان، مایا ممتا موہ چُکائیندا۔ جوتی جوت سروُپ ہرِ، آپ اپنی کِرپا کر، گھر مندر اِک سُہائیندا۔ سَتگُر شبد سُہاوے مندر گرِہ، ساڈھے تِنّ ہتّھ کایا ماٹی وجے ودھائیا۔ جِس گھر پُرکھ اکالا دیِن دَیالا رہے، نِرگُن بَیٹھا ڈیرہ لائیا۔ دِوس رَین اٹّھے پہر گھڑی پل شبد اگمّی کہے، دُھر فرمانا اِک سُنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتگُر شبد سدا سد سچّا، آد جُگاد اِک جنائیندا۔ نِروَیر پُرکھ کدے نہ ہووے کچّا، کاچی گگریا اپنا رنگ رنگائیندا۔ سچ دوار شبد سندیشہ دیوے پکاّ، کوُڑی ونڈ نہ کوئے ونڈائیندا۔ نِج نیتر لوچن درس کرائے اکّھاں، سنمُکھ آپے نظری آئیندا۔ امرت آتم جام پیائے ساچا رسا، رس رسیِا اِک پرگٹائیندا۔ جِنہاں بھگتاں دے انتر وسا، وصل اپنا سچ سمجھائیندا۔ کوُڑ کُڑیارا اوہناں دا متھا، جوُٹھ جھوُٹھ مایا ممتا موہ مِٹائیندا۔ دو جہاناں بنے سکھائی سکھا، سگلا سنگ نِبھائیندا۔ ناتا توڑ کے تتّاں اٹّھاں، نؤ دوارے پندھ چُکائیندا۔ دسم دواری بہہ کے ہسّا، ہستی اپنی وِچ مِلائیندا۔ بھگت وچھل بھگَون جن بھگتاں پِچھے پِھرے نسّا، جُگ چؤکڑی اپنا پھیرا پائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتگُر شبد وڈ وڈّا اِک اکھوائیندا۔ سَتگُر شبد کہے میری کوئی نہ سوچے سوچ، سوچ وِچ کدے نہ آئیا۔ گُر اوتار پیِر پَیغمبر میرا درشن رہے لوچ، نِج نیتر اکّھ کُھلائیا۔ شاستر سِمرت وید پُران اِنجیِل قُرآن کھانی بانی میری کردے کھوج، چھتیِس راگ پردہ رہے اُٹھائیا۔ میرا کھیل سدا لوک پرلوک، دو جہاناں اپنا حُکم ورتائیا۔ اندر وڑ کے مانا سچّی مؤج، آتم سیجا بہہ کے سوہنی خوشی منائیا۔ دُئی دوَیتی ہؤمے کٹ کے روگ، دُھر سنجوگ دیاں کرائیا۔ چرناں ہیٹھ دبا کے مکُتی موکھ، مُفت اپنے نال مِلائیا۔ جنم کرم دا ہوئے نہ کوئی وِجوگ، ناتا دُھر دا دیاں جُڑائیا۔ نام اگمّی لا کے چوٹ، شبد نگارہ دیاں وجائیا۔ کر پرکاش نِرمل جوت، گھر وِچ گھر کراں رُشنائیا۔ جِنہاں گُرمْکھاں سوہنگ ڈھولا گایا سلوک، تُوں میرا مَیں تیرا دوُجا بھیو رہیا نہ رائیا۔ مہاراج شیرسِنگھ وِشنوُں بھگوان آپ آد جُگاد سدا نِردوش، دوشی لکّھ چؤراسی رہیا ٹھہرائیا۔

۴ ماگھ ۲۰۲۱ بِکرمی بچن سِنگھ دے گرِہ جیٹھوُوال

صاحب سَتگُر سدا کِرپال، دیِن دَیال دیانِدھ اکھوائیندا۔ سرِشٹ سبائی ویکھنہار جہان، لوک پرلوک کھوج کھوجائیندا۔ داتا دانی دیونہارا دان، وست امولک آپ ورتائیندا۔ گُرمْکھ سُہیلے ویکھے آن، نِت نوِت ویس وٹائیندا۔ پوُرب لہنا چُکائے بخشے مان، سِر اپنا ہتّھ رکھائیندا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیندا۔ صاحب سَتگُر سرب جگ میِت، مِتر پیارا اِک اکھوائیندا۔ جن بھگتاں دسّ کے ساچی ریِت، رہبر راہ اِک دِرڑائیندا۔ لیکھا چُکا کے ہست کیِٹ، اوُچ نیِچ اِکو رنگ رنگائیندا۔ پُرکھ اکال سچ پریِت، چرن سرن سرنائی اِک سمجھائیندا۔ سنت ساجن ڈھولا گیِت، دُھر دوار راگ اِک الائیندا۔ جوتی جوت سروُپ ہرِ، آپ اپنی کِرپا کر، مِہروان اپنی دَیاکمائیندا۔ سَتگُر سمرتھ سرب گُنونتا، گہر گمبھیِر وڈّی وڈیائیا۔ کھیلے کھیل جُگا جُگنتا، جُگ چؤکڑی اپنا حُکم منائیا۔ لکّھ چؤراسی بنا بنتا، گھڑن بھنّن سمرتھ سوامی ہر گھٹ کھوج کھوجائیا۔ سُرت شبد نار کنتا، سوبھاونت سُہاگن دئے وڈیائیا۔ نام نِدھان دُھر دا منتا، منتر اپنا اِک پڑھائیا۔ پت پرمیشور سرب پتونتا، سِر اپنا ہتّھ ٹِکائیا۔ دے وڈیائی جیِو جنتا، ذات اپنی وِچ مِلائیا۔ گڑھ توڑ دے ہؤمے ہنگتا، ہنگ برہم دئے سمجھائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر نال ترائیا۔ سَتگُر پوُرا ایکا ایک، اکل کل اکھوائیندا۔ لوک مات بخشے چرن ٹیک، سچکھنڈ دوارے جوتی جوت مِلائیندا۔ دھام وکھا کے اگمّڑا دیس، محل اٹل اِک وکھائیندا۔ جِتھے وسے نر نریش، نر نِرنکارا سوبھا پائیندا۔ جن بھگتاں کھول کے اپنا بھیت، ابھیوَ آپ درڑائیندا۔ جوتی جوت سروُپ ہرِ، آپ اپنی کِرپا کر، وکھاونہارا ساچا گھر، گرِہ مندر سوبھا پائیندا۔ سَتگُر پوُرا سرب دا سنگ، سنگی دُھر دا نظری آئیا۔ دُھن ناد وجائے مردنگ، شبد راگ سُنائیا۔ کایا چولی چاڑھے رنگ، دُرمت مَیل دھوائیا۔ آتم وِچھوڑا کٹے رنڈ، پرماتم میلا سہج سُبھائیا۔ نِج آتم نِج گھر نِج گرِہ بخشے نِجانند، انند وِچوں پرمانند پرگٹائیا۔ جِنہاں بخشیا ساچا چھند، سوہنگ راگ دِتا سمجھائیا۔ مہاراج شیرسِنگھ وِشنوُں بھگوان، شبد ڈوری بنّھ کے تند، گنڈھ اپنے نال پوائیا۔