کتب خانہGranth 18 (Urdu)

۱۳ چیت سمت شہنشاہی ۱ رسال سِنگھ دے گرِہ پِنڈ مناور

گھاہ کِہا مَیں حِصّہ ہاں اوسے گھاہ دا، یاد پِچھلی مَینوُں آئیا۔ مَیں سراہنا ساں اوسے ملاح دا، جو کھیوٹ کھیٹا روُپ وٹائیا۔ مَیں حِصیدار ساں اوس صلاح دا، جیہڑی گوبِند پُرکھ اکال نال پکائیا۔ مَیں گواہ ساں اوسے بےپرواہ دا، جو تھلّے پیا ہؤلی ہؤلی سُندا چائیں چائنیا۔ جوتی جوت سروُپ ہرِ، آپ اپنی کِرپا کر، میرا لیکھا رہیا لگائیا۔ گھاہ کہے مَیں حِصیدار بناں میِت مُرار، وِچوں اپنی ونڈ ونڈائیا۔ جِس ویلے سُتّا سی پَیر پسار، ہتّھ نال سراہنے مَینوُں لیا ٹِکائیا۔ مَیں ڈھائی اُنگلاں سِر دِتا سی اُبھار، نیویں توں اُچا دِتا بنائیا۔ اوہدی مُکھ تے چھاتی کر کے ہموار، اکّھ چرناں نال مِلائیا۔ ایہہ سیوا میری اپار، جو سوامی دی مِلی کمائیا۔ اوس ہس کے کِہا واہ واہ سجّن میرے یار، ویلے وقت میرا سنگ نِبھائیا۔ مَیں گھوڑے دا نہیں اسوار، جتھے دا نہیں جتھیدار، سرداراں دا نہیں سردار، سیِس کلغی نہ کوئے سُہائیا۔ ایہہ کھیل تیرا نِرنکار، مَیں آیا تیرے دوار، تُوں آسن بنایا وِشال، سوہنی سیج سُہائیا۔ مَیں ہویا دَیال تُوں کر کوئی سوال، تیرا لہنا چُکا جاں جہان، لیکھا پار کرائیا۔ اوس کِہا مَینوُں اجّ دی رات تَینوُں لیَن دے سوال، نالے مَیں ویکھاں تیرا پُرکھ اکال، جِس دے پِچھے ڈیرہ لائیا۔ اودھروں گوبِند کِہا آہ ویکھ مُریِداں حال، یارڑے تیرا ستھر سچ ہنڈھائیا۔ حُکم ہویا دیِن دَیال،

دسّ میرے لاڈلے لال، تیری کرنی موہے بھائیا۔ گوبِند کِہا میرا اگلا ہور احوال، جِسدا لیکھا نہیں سُکھال، بےپرواہ تَینوُں دیاں جنائیا۔ جے تُوں مَینوُں مِلیا آن، مَیں تیری کیِتی پہچان، تُوں میرا مَیں تیرا مہمان، دوہاں دا گھر اِکو نظری آئیا۔ تھلّیوں گھاہ نے کیِتا فرمان، گوبِند کیہڑا تیرا بھگوان، کی ایس دا نِشان، مَینوُں دے وکھائیا۔ جِس نے مِل کے تیرے نال، میرے اُتے ہور بھار رہیا پائیا۔ دُکھ دے کے لگا ستان، میری وات نہ پُچھی رائیا۔ پُرکھ اکال کِہا کوَن کردا بیان، کِس دا میرے ول دھیان، کِتھے بَیٹھا راہ تکائیا۔ گوبِند کِہا جِس دا مَیں کیِتا سِرہان، اوہدا مَیں نِگہبان، اوہ میرے گھر دِسائیا۔ مَیں وی اوسے گھر دا مہمان، اوہ میرا مَیں اوہدا تُوں میرا مَیں تیرا تیجا نظر کوئے نہ آئیا۔ پُرکھ اکال کِہا کی کُچھ دے جاویں دان، گھاہ نے کِہا نہیں پہلی ویراں مَینوُں ہو لیَن دے قُربان، سیوا گوبِند سچ کمائیا۔ گوبِند کِہا پربھوُ، ایہہ اجے اَنجان، ایہنوُں کی پہچان، جِس ویلے دوویں مِل کے آئیے وِچ جہان، مَیں گوبِند تُوں میرا بھگوان، ایہدا لیکھا دئیے مُکائیا۔ ابناشی کرتے ہو کے کِہا حَیران، کی کِسے مندر اندر وِچ مکان، جِتھے پڑھی دی ہووے گیِتا قُرآن، گوبِند کِہا نہیں تُوں مَیں دوویں مِہروان، بیابان وِچ ترائیا۔ گھاہ نے ہس کے کِہا مَیں پربھوُ گھاہ دا گھاہ تے پھیر ہوواں اِنسان، مانُکھ مانو مانُش روُپ وٹائیا۔ گوبِند کِہا گھاہ ہو کے کملیا ترنا آسان، جدوں وی لنگھے تیرے اُتے چرن ضرور ٹِکائیا۔ اُس نے خوشی وِچ گایا گان، اپنا ترانہ دِتا سُنائیا۔ کِس بِدھ ملِے مَینوُں آن، میرا لیکھا دئے چُکائیا۔ گوبِند کِہا جِس ویلے بھگتاں دی کرن جاوے کلیان، تیرا وی رکھے دھیان، سِری بھگوان مالک سرب اکھوائیا۔ گھاہ نے کِہا جے مَینوُں سُنیا نہ جائے کان، آوے نہ کوئی گیان، سُجھے نہ کوئی دھیان، پھیر کی میری چُترائیا۔ گوبِند کِہا مَیں گُرمْکھاں دے اندر وڑ کے دُآواں آپ بیان، اوہ بینتی کرن کر دھیان، نالے روون نالے کُرلاون نالے منگن دان، اپنی جھولی اَگے ڈاہیِا۔ کوئی سُنائے اپنا گان، بچّے ہو کے منگن دان، پھیر تیری یاد کرا بھگوان، بےزبان تیرا لیکھا دئے لگائیا۔ جوتی جوت سروُپ ہرِ، آپ اپنی کِرپا کر، ویلا وقت دئے سُہائیا۔ گھاہ کِہا کی سچ مُچ آؤگے۔ گُرمْکھ سجّن سنت مِلاؤگے۔ مَینوُں درس دِکھاؤگے۔ پِچھلی حرص مِٹاؤگے۔ میرے اُتے ترس کماؤگے۔ گوبِند کِہا ہاں، جن بھگت بن بن وِچولے، تیرا وِچلا بھیت تیرے کولوں کُھلؤنگے۔ تِنکے کِہا گوبِند کِتے مَیں نہیں گیا رڑک، میری گنڈھ کرڑی نظری آئیا۔ میری سیوا وِچ رہ گیا ہووے فرق، ایہہ وی دینا سمجھائیا۔ گھر آئے نوُں سنبھالنا ایہہ وی ساڈا فرض، بُھل رہے نہ رائیا۔ مَینوُں ایں جاپدا میرے اُتے لگی مِٹّی گرد، صاف سُتھرا نہ

کوئے کرائیا۔ گوبِند کِہا ایسے وِچ بھریا درد، جو میرا درد نظری آئیا۔ مَیں آیا نِمانیاں دی خاطر غرض، مزلوُماں گلے لگائیا۔ تیرا پیار ویکھ اسچرج، خوشی ہوئی دوُن سوائیا۔ تیرا سہارا مَینوُں سُکھ آیا اُتے فرش، عرش دا مالک ایسے سیجا اُتے مِلیا چائیں چائنیا۔ تُوں منگیا سچّا درس، ساکھیات دیواں کرائیا۔ تیری اگلی اَگے دی کٹ کے مرض، مزدوُری تیری جھولی پائیا۔ پھیر تَینوُں گرمی سردی وِچ ہونا نہ پئے گرم سرد، تیرا لیکھا اپنے گھر رکھائیا۔ اوس کِہا میری منظوُر کر لئیں عرض، آرزوُ اِکو اِک وکھائیا۔ جِس ویلے آویں اُپر دھرت، پُرکھ اکال نال وڈیائیا۔ اپنا پوُرا کر کے فرض، میرا لیکھا دینا چُکائیا۔ ایہہ پِچھلی لگی شرط، شرطیہ اوسے دا لہنا آیا مُکائیا۔ مہاراج شیرسِنگھ وِشنوُں بھگوان، دیونہارا ساچا دان، دَیاوان اِک اکھوائیا۔

۱۳ چیت شہنشاہی سمت ۱ بھاگ سِنگھ دے گرِہ ملک کیمپ

بُڈھے بُڈھے دیواں جوڑ، جوڑے دُھر دے دیواں بنائیا۔ شبد اگمّی چاڑھ کے گھوڑ، واگاں دیاں بھوائیا۔ پار کرا کے اندھیرا گھور، ساچا نوُر کراں رُشنائیا۔ آتما دا پرماتما ہو کے وساں کول، گھر گھر نظری آئیا۔ شبد انادی وجا کے ڈھول، سوئی سُرتی دیاں اُٹھائیا۔ دھرم دوارا اِکو کھول، مندر سُہنجنا سوبھا پائیا۔ نام کنڈے ساچے تول، اتُل دیاں وکھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ بُڈھیاں بُڈھیاں دا کر کے مِلاپ، مِلنی اپنے نال رکھائیا۔ کوٹ جنم دے اُتار کے پاپ، دُرمت مَیل دھوائیا۔ سِر رکھ کے اپنا ہاتھ، نیتر لوچن نیَن اکّھ دیاں کُھلائیا۔ بند کِواڑی کھول کے تاک، درشن دیواں تھاؤں تھائنیا۔ پریم پیار دی دسّ کے گاتھ، ڈھولا اِکو دیاں پڑھائیا۔ چرن کوَل دے نِواس، بخشاں سچ سچّی سرنائیا۔ جھگڑا چُک جائے پرِتھمی آکاش، گگن منڈل لیکھا دیاں مُکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بُڈھیاں ہووے اِکٹّھ، ناتا تتّاں والا جُڑائیا۔ دھیِرج دے کے سنتوکھ دے کے جت سَت، اپنا وِچ ٹِکائیا۔ پریم پیار دی ساچی مت، اِکو وِدیا دیاں سِکھائیا۔ اندروں کھول کے اکّھ، نِرگُن پرتکھ روُپ جنائیا۔ ایتھے اوتھے ہون نہ دیواں وکھ، موہڑیاں دے جوڑے وِچھوڑے پندھ مُکائیا۔ اِک دوُجے دے نال شبدی حُکم ڈنڈے نال

تور، پاسا سکے نہ کوئے بدلائیا۔ اِک دوُجے دے بھجّن نَٹھن موُہر، اَگے ودھ ودھ خوشی وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اگلا لیکھا رہیا جنائیا۔ بُڈھے بُڈھے لگدے چنگے، سوہنے نظری آئیا۔ بھاویں اینہاں دے جھُک چُکے نے ٹیڈھے کندھے، بُڑھاپا روُپ وکھائیا۔ ایہہ اندروں گاؤندے پریم پیار دے چھندے، ساچا راگ الائیا۔ جے پِچھے کُچھ رہ گئے گندے، ہُن بنا دئے بندے، بندگی اپنی وِچ لگائیا۔ جنم کرم دے جھوُٹھے چُھٹ گئے دھندے، دُھندھوُکار دیاں گوائیا۔ آپ اپنے رنگ رنگے، رنگ رنگیِلا اِک وکھائیا۔ سب دا بنیا رہے سنگے، ہووے نہ کدے جُدائیا۔ اِک دوُجے نالوں سارے چنگے، کرماں دا ماڑا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سارے بُڈھے بنا دئے دُھر درگاہ دے ساچے لاڑے، درگاہ ساچی خوشی منائیا۔ جیِون سِنگھا مِل کے اپنا سچّا جیِون، جیِون جیِون دئے بدلائیا۔ سنت سُہیلے گُرمْکھ سچّے نام پیالہ پیِون، سَتگُر جام اِک وکھائیا۔ چرن کوَل بلہاری تھیِون، مان ابِھمان مِٹائیا۔ من ہنکاری ولوں نیِون، ہؤمے ہنگتا گڑھ تُڑائیا۔ ساچا بیِج کایا مندر اندر بیِون، پتّ ٹہنی روُپ پرگٹائیا۔ اپنا پاِٹّا چیِتھڑ آپے سیِون، سَتگُر لےَ سرنائیا۔ جوتی جوت سروُپ ہرِ، آپ اپنی کِرپا کر، بخشنہار سچّی وڈیائیا۔ جیِون سِنگھا جہان ویکھ جگت جگ، چاروں کُنٹ کوُڑ کُڑیار نظری آئیا۔ کام کرودھ لوبھ موہ ہنکار لگی اگّ، ترِشنا سکے نہ کوئے بُجھائیا۔ ہنس روُپ ہوئے کگ، بُدھی کاگ وانگ کُرلائیا۔ من واشنا سارے رہے نٹھ، چاروں کُنٹ واہو داہیِا۔ جناں چِر ملِے نہ صاحب سَتگُر پُرکھ سمرتھ، داتا دُھردرگاہیا۔ اوناں چِر کوئی پار نہ سکے لنگھ، آتم سیجا نہ سوہے پلنگ، گھر ملِے نہ سچکھنڈ، برہمنڈ نہ کوئے تجائیا۔ مہاراج شیرسِنگھ وِشنوُں بھگوان، گھر بَیٹھیاں شبدی دھار دیوے اپنا انند، رس جام مدُھر پیالہ اِک پیائیا۔

نندوُ چرن پریِتی دا ویکھ رنگ، کوَل ملِے سرنائیا۔ جو چاہیں سو لَینا منگ، منگی منگ پوُر کرائیا۔ کٹ غریِبی بُھکھ ننگ، دُکھیاں روگ چُکائیا۔ انتر دیواں اِک انند، ساچا رس چکھائیا۔ کوُڑی کِریا جاویں لنگھ، پیَنڈا موہ مِٹائیا۔ ساچی سیجا بَیٹھ پلنگ، ڈھولا اِک سُنائیا۔ جِنہاں پنجاں دا بنیا سنگ، ایہہ پنچم روُپ وکھائیا۔ جے تیرے پلّے پَیسے دھیلے دی نہیں گنڈھ، اوہ وی آسا پوُر کرائیا۔ من منسا میٹ کے پاوے ٹھنڈ، اگنی ہَوس مِٹائیا۔ نندوُ نند دا بنا کے چند، چند چند دیاں چمکائیا۔ جوتی جوت سروُپ ہرِ،

آپ اپنی کِرپا کر، لیکھا پوُرب پوُرا دئے کرائیا۔ چرن پریِتی پیار پریم، مُحبّت اِک جنائیا۔ تیرا میرا ساچا نیم، ٹُٹی گنڈھ وکھائیا۔ تیرے نالوں دُکھ تسیہا کٹیا اُتے کُنٹ ہیم، جل دھارا سیِس وہائیا۔ جے اوہ نظارہ تک لئیں اپنے نیَن، تَینوُں ایہہ دُکھ رہے نہ رائیا۔ تُوں رسنا اپنی ہرِسنگت آپے آویں کہن، کہہ کہہ دئیں سُنائیا۔ او گُرمْکھو گُرسِکھو سنتو بھگتو جِنہاں نوُں پُرکھ اکال مِل گیا ساک سجّن سیَن، تِنہاں نوُں لیَن دین دی لوڑ رہی نہ رائیا۔ اوہ کوُڑے وہن کدے نہ وہن، ممتا موہ گئے تجائیا۔ سَتگُر سرنائی سرن سچّی چَین، سانتک سَت روُپ دئے کرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نک رگڑن دی کیہڑی لوڑ، مِنّتاں کر کر نہ کوئے منائیا۔ جِس نالوں وِچھڑیا اوس آپے لَینا جوڑ، اپنی گنڈھ پوائیا۔ تیرے پیار دی پِچھلی لوڑ، کیِتی سیوا نہ اجے بُھلائیا۔ ذرا تک کے ویکھ نال غؤر، اُچ دا پیِر رہیا جنائیا۔ کی ہویا جے بُڈھا ہو کے ہو گیو کمزور، ناتواں نظری آئیا۔ تیرا مالک پرِتپالک وڈ خالق اِکو اوہو شؤہر، جو شُہرت دئے کرائیا۔ تَینوُں لوک مات اَمانت اپنی بنا کے رکھیا باطؤر، بِہترین اپنا حُکم منائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔

۱۴ چیت شہنشاہی سمت ۱ بیِبی رام کؤر دے گرِہ چھمب

پریِت کہے پربھوُ دسّ کُچھ اپنی حد، جُگ چؤکڑی ہتّھ کوئے نہ آئیا۔ مَیں بھال تھکی برہمنڈ کھنڈ، زِمیں اسمان کھوج کھوجائیا۔ گُر اوتاراں پیِر پَیغمبراں دے پِچھے بھج بھج، نِت نوِت بنی رہی پاندھی راہیِا۔ درویش ہو کے جگاؤندی رہی الکھ، نعرہ کوُک کوُک سُنائیا۔ نِرمانتا وِچ جوڑدی رہی ہتّھ، بندگی کہہ کہہ اپنا مان مِٹائیا۔ نیتر کھول کے تکدی رہی اکّھ، دوُر دُراڈا دھیان رکھائیا۔ کیہڑی کوُٹوں لئے لبھ، پریِت پریِت وِچوں نظری آئیا۔ میری آسا پوُری ہووے ہبھ، ہَوس دیوے مِٹائیا۔ کلجُگ انت گئی تھک، نَٹھن بھجّن دی واہ رہی نہ رائیا۔ مندر مسجد شِودوالے ویکھ کے مٹھ، تیِرتھاں تٹاں کھوج کھوجائیا۔ اَگے واسطہ رہی گھت، نیتر نیَناں نیِر وہائیا۔ سِری بھگوان جِس دھار وِچوں مَینوُں پہلوں دِتا کڈھ، نِراکار اپنی دَیا کمائیا۔ اوسے منزل دے اُتے سدّ، سچ سندیشہ اِک جنائیا۔

میری جھولی پاوے میرا حق، حاضر ہو کے منگ منگائیا۔ پُرکھ اکال کِہا چُپ کر بس، تَینوُں دیاں دِرڑائیا۔ سچ پریِتی جِس ویلے بھگت بھگوان اِک دوُجے دے اندر جان وس، پھیر دوُجی پریِت دی لوڑ رہے نہ رائیا۔ تیرا پیار اپنے اندر گھت، گھر ٹھانڈے لَواں ٹِکائیا۔ خوشیاں نال پئی ہس، نِیوں نِیوں سیِس نِوائیا۔ واہ پربھوُ میرے سمرتھ، مَیں کُچھ ہور دیاں جنائیا۔ جِس ویلے گوبِند ستھر بَیٹھا سی گھت، کنڈیاں سیج ہنڈھائیا۔ اوس ویلے مَیں وی آئی ساں اوتھے تٹ، اپنا پندھ مُکائیا۔ اوہ کُچھ مَینوُں رہیا سی دسّ، مُریِد ہو کے حال جنائیا۔ مَیں سرن سرنائی ڈھٹّھ، اِک بینتی دِتی دِرڑائیا۔ گوبِند اپنے نال رکھ، جھلّی نہ جائے جُدائیا۔ اوس نے کِہا کُچھ ہور سماں تک، اَگے دھیان ودھائیا۔ جِس ویلے میرے نال میرا ہویا باپ، پت پرمیشور جوت سروُپی پھیرا پائیا۔ اوس ویلے مَیں آپے تَینوُں میل لَواں اپنے نال ایہہ بنے پکاّ ساک، سجّن اِکو دیاں وکھائیا۔ جِتھے سچ پریِت دی منزل مُک جائے واٹ، اوس دوارے دیاں بہائیا۔ پریِت کِہا اوتھے کیہو جِہا حِساب، مَینوُں دے دِرڑائیا۔ گوبِند کِہا اوتھے اِکو ایکنکار ایکے ورگا آپ، انیک گُر اوتار پیِر پَیغمبر بھگت بھگوان اپنے وِچ سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مہاراج شیرسِنگھ وِشنوُں بھگوان، پریِتی دا پریِتم اپنے رنگ رنگائیا۔

۱۴ چیت شہنشاہی سمت ۱ شاہنی دے گرِہ چھمب

پریِت کہے جِس ویلے بھگت بھگوان ہویا مِلاپ، آتم پرماتم وجی ودھائیا۔ مَیں ختم کر کے اپنا آپ، دوہاں دے اندر گئی سمائیا۔ میرا روُپ مَینوُں نظری آیا ساکھیات، صاحب سوامی دِتا جنائیا۔ پربھوُ چرناں تک تیری اَخیِری حاد، اَگے منزل نہ کوئے وکھائیا۔ مَیں اوسے ویلے کر کے آداب، سیِس دِتا نِوائیا۔ شاہ پاتشاہ گُروُ مہاراج، پاربرہم پربھ تیری بےپرواہیِا۔ دو جہاناں تیرا راج، رعیت گُر اوتار پیِر پَیغمبر ویکھ وکھائیا۔ بھگتاں نال تیرا سماج، اگمّی ونڈ ونڈائیا۔ مَینوُں خوشی ہوئی آج، عاجز ہو کے دیاں سُنائیا۔ میری پوُری کیِتی خواہش، ترِشنا دِتی مِٹائیا۔ مَیں سرِشٹی نوُں دسّنی جاچ، چؤراسی نوُں دینا سمجھائیا۔ میری منّو اِک بات، بھیو اگمّ کُھلائیا۔

بینتی کرو ارداس، گل پلّوُ اپنا پائیا۔ منگو منگ ہے پربھوُ جے پریِتی دیویں تے رکھیں اپنے چرناں پاس، دوُجی دھار نہ کوئی وکھائیا۔ جِتھے تیرا جلوہ نوُر پرکاش، جوتی جوت ڈگمگائیا۔ نہ پرِتھمی نہ آکاش، گگن منڈل نظر کوئے نہ آئیا۔ مَینوُں مِل کے پھیر رہے ہور کوئی نہ آس، دوُجی ترِشنا نہ کوئے ودھائیا۔ پڑھنی پئے نہ کوئے نماز، پوُجا پاٹھ سِمرن جوگ ابھیاس لیکھا رہے نہ رائیا۔ نہاؤنا پئے نہ تیِرتھ تاٹ، اٹھسٹھ نہ ویکھ وکھائیا۔ تیرا پریم تیری مِل جائے وِچ ذات، وکھرا رہن کوئے نہ پائیا۔ تیری پریِتی پریِتم تیریاں بھگتاں ہووے پاس، پاتشاہ تیری اِک سرنائیا۔ جوتی جوت سروُپ ہرِ، آپ اپنی کِرپا کر، اِک وکھاؤنا ساچا گھر، جِس گھر تیرا تیرا نظری آئیا۔

۱۵ چیت شہنشاہی سمت ۱ گُرنام سِنگھ دے گرِہ سیڑ

جن بھگت کہے پربھوُ میرے مالک، ملکیّت میری دے جنائیا۔ سِری بھگوان کہے سچ پریم تیری اَمانت، جِس ویلے چاہواں جھولی دیاں بھرائیا۔ جن بھگت کہے پربھوُ تیری سچّی عدالت، عدل عادل ہو کے سچ کرائیا۔ سِری بھگوان کہے جِس ویلے چاہواں من دی میٹ دیاں بغاوت، جھگڑا رہن کوئے نہ پائیا۔ بھگت کہے پربھوُ تیری بےپرواہی دی سخاوت، مِہر نظر نظری آئیا۔ سِری بھگوان کہے اِس وِچ نہیں کوئی مِلاوٹ، انمول نرول اپنا نام جھولی پائیا۔ جن بھگت کہے پربھوُ توُں دُھر دا ثالث، سچ ثالثی رہیا کمائیا۔ سِری بھگوان کہے ایہہ میری عادت، جُگ جُگ بھگتاں پار لنگھائیا۔ جن بھگت کہے پربھوُ کوُڑی کِریا ویکھ قیامت، بھےَ بھؤ رہیا ڈرائیا۔ سِری بھگوان کِہا میرا بھگت صحیح سلامت، تتّی وا نہ لاگے رائیا۔ بھگت کہے پربھ تیرا پیار سچّی نیامت، دِوس رَین رہیا ستائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دِتا چُکائیا۔ بھگت کہے میرے بھگوان، تُدھ بِن بھاگ نہ کوئے لگائیا۔ بھگوان کہے میرے بھگت سُجان، تُدھ بِن میرا نام نہ کوئے دِھیائیا۔ بھگت کہے میرے سِری بھگوان، تُدھ بِن مِہر نظر نہ کوئے اُٹھائیا۔ بھگوان کہے میرے بھگت نؤجوان، تُدھ بِن میرا نِشان نہ کوئے جھُلائیا۔ بھگت کہے میرے مِہروان، تُدھ بِن محبوُب نظر کوئے نہ آئیا۔ بھگوان کہے میرے بھگت چتُر سُگھڑ سُجان، تیرے بِنا سچ عروُج عرش فرش سوبھا کوئے نہ پائیا۔ بھگت کہے میرے جانیجان، تُوں دھنّ جنیندی میری

مائیا۔ بھگوان کہے بھگت میرے در پروان، جِنہاں دا پِتا پُرکھ اکالے ہووے گود بہائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ بھگت کہے میرے بھگَونت، تُدھ بِن ملِے نہ مان وڈیائیا۔ بھگوان کہے بھگت میرے ساچے سنت، جِس نوُں سچّی سنتان لیا بنائیا۔ بھگت کہے پربھ میرے سچّے کنت، تُدھ بِن آتم سیج نہ کوئے سُہائیا۔ سِری بھگوان کہے جن بھگت میرا منت، ساچا ڈھولا نام نہ کوئے گائیا۔ جن بھگت کہے پربھوُ تیرا کوئی نہیں انت، بےانت تیری بےپرواہیِا۔ سِری بھگوان کہے میرا وسیرا لکّھ چؤراسی جیِو جنت، جِنہاں وِچوں گُرمْکھاں دیاں وڈیائیا۔ جوتی جوت سروُپ ہرِ، آپ اپنی کِرپا کر، چُکاونہارا لیکھا اگمّ اتھاہیِا۔ بھگت کہے پربھوُ دیویں کی، کوَن وست جھولی پائیا۔ سِری بھگوان کِہا سچ پیار دے بنا کے پُتر دھی، اپنا ناتا لَواں جُڑائیا۔ بھگت کِہا کی نِرمل کریں جی، من مت بُدھ بِبیک کرائیا۔ سِری بھگوان کِہا لیکھا چُکا کے ساڈھے تِنّ ہتّھ سیں، اپنی جوت لَواں مِلائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، ہرجن ساچے پار لنگھائیا۔

۱۶ چیت شہنشاہی سمت ۱ نَواں شہر پی اے پی کیمپ جموں

چنگی گلّ آتم پرماتم رنگ، دُرمت مَیل رہن نہ پائیا۔ دُھن آتمک شبد اناد وجے مردنگ، اگمّی راگ سُنائیا۔ کوُڑی کِریا ہؤمے ہنگتا کام کرودھ لوبھ موہ ہنکار ٹُٹے سنگ، جوُٹھ جھوُٹھ رہن نہ پائیا۔ سچ پرکاش جوتی نوُر چڑھے چند، اگیان اندھیر دئے مِٹائیا۔ نِج آتم نِج گھر ملِے اِک انند، بوُند سوانتی امرت جھِرنا نِجھر دئے جھِرائیا۔ دُئی دوَیت بھؤ بھرم ڈھئے کندھ، من منکا دئے بھوائیا۔ ساچی دھار سَت سروور کایا گرِہ وگے گنگ، رس اِکو اِک چوائیا۔ پت پرمیشور پُرکھ اکال دیِن دَیال وسے سنگ، سگلا سنگی انگیکار انگ لگائیا۔ سُرت سوُانی جگت دُہاگن نہ رہے رنڈ، کنت وڈبھاگی مِل مِل خوشی منائیا۔ جِنہاں گُرمْکھاں سَتگُروُ دی چنگی گلّ آ گئی پسند، اوہناں دی پُشت پناہ گُر اپنا ہتّھ ٹِکائیا۔ چنگی گلّ مارنا من، منسا من ہی ماہیں کھپائیا۔ چنگی گلّ گُرمْکھاں سنگ، گُرسِکھاں مِل مِل خوشی منائیا۔ چنگی گلّ بھگتاں کولوں بھگوان نوُں مِلن دا سِکھنا ڈھنگ، طریقہ دُھر دا دین سمجھائیا۔

چنگی گلّ تن رباب وجاؤنی تند، سارنگ بہتّر ناڑ بنائیا۔ چنگی گلّ نؤ دوارے پار ویکھنا لنگھ، شاہ رگ دے اُپر درشن پائیا۔ چنگی گلّ جھگڑا مُکاؤنا جیرج انڈ، اُتبُھج سیتج ڈھیری ڈھائیا۔ چنگی گلّ سیَر کرنا برہمنڈ کھنڈ، پُری لوء آکاش پاتال گگن گگننتر ویکھ وکھائیا۔ چنگی گلّ سَتگُر شبد دا سُننا چھند، جو دُھر دا ڈھولا دئے سُنائیا۔ چنگی گلّ میل مِلاؤنا نِواسی سچکھنڈ، جو گھٹ گھٹ اندر رہیا سمائیا۔ جے چنگی گلّ آ جائے اِک پسند، اگلا پِچھلا لیکھا رہن نہ پائیا۔ چنگی گلّ جے پربھ نوُں سمجھو میِت، مِتر پیارا نظری آئیا۔ ساچی سِکھ لؤ ریِت، سوہنی ملِے وڈیائیا۔ چنگی گلّ اندروں بدل جائے نیِت، کُٹلتا من دئے گوائیا۔ چنگی گلّ آتما پرماتما دا گاوے گیِت، دوُجا راگ نہ کوئے شنوائیا۔ چنگی گلّ پریم پیار نیِچاں نیِچ، ذات پات دیِن مذہب جھگڑا نہ کوئے رکھائیا۔ چنگی گلّ سَتگُر شبد پَیغمبر کلمہ حضرت حدیِث، سچ کرے پڑھائیا۔ چنگی گلّ دُھر فرمانا منّے ٹھیِک، کوُڑا ٹھیِکر تن بھنائیا۔ چنگی گلّ جھگڑا چُک جائے مندر مسیِت، کایا کعبہ دو دوآبہ ویکھ وکھائیا۔ چنگی گلّ گُر اوتار پیِر پَیغمبر شاستر سِمرت وید پُران اِنجیِل قُرآن گیِتا گیان کھانی بانی کر کے گئے نصیِحت، دُھر دا حُکم سُنائیا۔ چنگی گلّ جے اپنے وِچوں اپنی آتما دی لبھ لؤ اصلیّت، اصل ہرِ ہرِ نظری آئیا۔ چنگی گلّ جے اپنی جان لؤ ولدیّت، پُرکھ اکال سب دا پِتا مائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ چنگی گلّ جے گُرسِکھ کرے منظوُر، انتر انتر دھیان لگائیا۔ دیونہار پربھوُ بھرپوُر، اتوٹ اتُٹ ورتائیا۔ کرم کانڈ پوُرب جنم کرم دے کٹ قصوُر، کسر اعشاریا نال وٹائیا۔ آتم پرماتم بخش کے سچ سروُر، نام خُماری دئے چڑھائیا۔ کوُڑی کِریا کڈھ کے غروُر، ہؤمے ہنگتا گڑھ تُڑائیا۔ نِرمل جوتی دیِا باتی گھر کملاپاتی بخشے نوُر، سچ اُجالا اِک وکھائیا۔ ناد دُھن راگ اگمّی کایا تت وجائے تنبوُر، تُوں ہی تُوں ہی راگ دئے سُنائیا۔ من واسنا اُڈا کے من کفوُر، بُدِھ بِبیک دئے جنائیا۔ درس دِکھائے ہو کے حاضر حضوُر، سوَچھ سروُپی انرنگ روُپی شاہو بھوُپی بجر کپاٹی پردہ لاہیِا۔ جوتی جوت سروُپ ہرِ، آپ اپنی کِرپا کر، سچّی گلّ سچّا نام اِک سمجھائیا۔ سچّی گلّ سچّا نام، جو لِکھن پڑھن وِچ کدے نہ آئیندا۔ چار جُگ جِس دے غُلام، سَتجُگ تریتا دواپرکلجُگ سیو کمائیندا۔ گُر اوتار پیِر پَیغمبر جِس دا گاون گان، رسنا جِہوا بتّی دند صِفت صلائیندا۔ جگت نیتر نظر نہ آئے کِسے نِشان، درِشٹ اِشٹ نہ کوئے کُھلائیندا۔ جِس دی کلمیاں توں باہر کلام، کائنات وِچ جاننا نہیں آسان، عالم عُلما بھیو کوئے نہ پائیندا۔ دیونہار وڈ مِہروان، مِحبان بیِدو بی خَیر یا االلہ اِلاہی نوُر اپنا

حُکم ورتائیندا۔ مقامے حق جِس دا نِشان، سچکھنڈ نِواسی پُرکھ ابناشی اپنی کھیل کرائیندا۔ سچّی گلّ جِس جان لئی وِچ جہان، تِنہاں دوارے مہمان پُرکھ ابناشی آپے پھیرا پائیندا۔ جوتی جوت سروُپ ہرِ، آپ اپنی کِرپا کر، پردہ اوہلا آپ چُکائیندا۔ سچّی گلّ سُن لےَ سچ، سَتگُر سچ سچ دِرڑائیا۔ کایا ماٹی پنج تت، اپ تیج وائے پرِتھمی آکاش بندھن دِتا پائیا۔ وست امولک کایا گولک اگمّی ڈھک، پڑدا لیا رکھائیا۔ سرِشٹ سبائی من واسنا چار کُنٹ دہ دِشا رہی نَٹھ، اُتّر پوُرب پچھّم دکھّن پھیرا پائیا۔ راج راجان شاہ سُلطان کوئی نہ سکے لبھ، جگت وِدیا کھوج نہ کوئے کُھجائیا۔ صاحب سَتگُر دیِن دَیال ہو کِرپال، سِنگھ کِرپال جِس نوُں ساچی گلّ دئے دسّ، تِنہاں دہ دِشا اِکو نظری آئیا۔ ہِردے ہرِ ہرِ کا روُپ ہو کے جائے وس، نام نِدھان مارے سٹّ، نِج نیتر کھولے اکّھ، پرگٹ ہوئے پرتکھ، جوت کر پرکاش منڈل راس، گوپی کاہن سیِتا رام گوبِند نِشان نانک سَتنام روُپن روُپ مہان اپنا دئے وکھائیا۔ سچّی گلّ کہے جے کوئی مَینوُں منگے، چنگی طرح دیاں جنائیا۔ دو اکّھاں والے مَینوُں جگت جہان دِسدے انّھے، نِج نیتر پربھ سچّا نظری آئیا۔ کر کِرپا جِس نے گھر بھوگ لگایا دھنےّ، بِدر سُدامے دِتی وڈیائیا۔ اوہ ٹھاکر سوامی صاحب سب دیِاں منّے، جو سچّی گلّ سُن کے خوشی منائیا۔ جوتی جوت سروُپ ہرِ، آپ اپنی کِرپا کر، کرنی دا مالک اِک اکھوائیا۔ چنگی گلّ کہے میری چنگی بات، مندیاں چنگے دیواں بنائیا۔ کلجُگ ویکھ اندھیری رات، چاروں کُنٹ میری اکّھ شرمائیا۔ مَینوُں ایَں دِسدا جِویں سارے پربھوُ دی ذات، پرماتما بَیٹھے بُھلائیا۔ رسنا جِہوا بتّی دند پڑھدے گاتھ، ڈھولے راگاں ناداں نال سُنائیا۔ سچّی گلّ کہے سَت سُن کے منّ کے وِچ ہویا نہ کوئے وِسماد، بِسمِل روُپ نہ کوئے وٹائیا۔ جِنہاں گُرمْکھاں بھگتاں سنتاں صوُفیاں پربھوُ دی سچّی گلّ رکھی یاد، تِنہاں دی یادداشت ابناشی کرتے نہ کدے بُھلائیا۔ سچّی گلّ پِچھے کایا کھیڑا ہویا آباد، گرِہ مندر وجےّ ودھائیا۔ جے پوُرا سچ دسّیئے پھیر ہونا پئے ناراض، جگت جگیاسوُآں پوُری گلّ سچّی کِسے نہ بھائیا۔ جوتی جوت سروُپ ہرِ، آپ اپنی کِرپا کر، سچّی گلّ اِکو اپنا نام دئے سمجھائیا۔ سچّی گلّ پربھ کا نام، رحیِم اِکو نظری آئیندا۔ سچّی گلّ دُھر دا جام، سَت پیالہ آپ پیائیندا۔ سچّی گلّ نِرگُن نِروَیر نِراکار رام، روُپ رنگ ریکھ نہ کوئے وٹائیندا۔ سچّی گلّ دُھر درگاہی پَیغام، اِلہام اپنی کار کمائیندا۔ سچّی گلّ سچ نِشان، دو جہان اِکو اِک وکھائیندا۔ سچّی گلّ جے گھر آئے مہمان لؤ پہچان، پردہ اوہلا ہور نہ کوئے وکھائیندا۔ پربھ نوُں مِلنا منزل چڑھنا درشن کرنا ہو جاوے آسان، مُشکل ساری حل کرائیندا۔ سچّی گلّ پربھ دا

سچّا کلمہ تے سچّی کلام، سچّا نام اِکو اِک درسائیندا۔ سچّی گلّ حضرتاں پیِراں پَیغمبراں گُر اوتاراں بھگتاں سنتاں منّی اِک جہان، دوُجا سچّی گلّ اپنے اندر نہ کوئے وسائیندا۔ سچّی گلّ اوہناں دیوے مان، جِنہاں تُٹے ہنکار ابِھمان، پربھوُ ساکھیات ملِے آن، آتم پرماتم وجے ودھائیا۔ جوتی جوت سروُپ ہرِ، آپ اپنی کِرپا کر، سچّی گلّ سچ کر وکھائیا۔ سچّی گلّ کہے سچ پربھ ایک، ایکنکار نظری آئیا۔ آد جُگاد جِس دی ٹیک، جُگ چؤکڑی ہوئے سہائیا۔ جِس دا روُپ انوُپ انیک، انک کل دھاری کھیل کِھلائیا۔ جوتی جاتا دھر کے بھیس، نر نریش پھیرا پائیا۔ شبد سندیشہ دیوے دیس پردیس، نوَ نؤ چار رہیا سُنائیا۔ بھگت سُہیلیاں کرے ہیت، ہِتکاری ہو کے ویکھ وکھائیا۔ سچّی گلّ سُنن والیاں دی مؤلے رُت مہیِنہ چیت، آتم پُھلواڑی گُلشن والے گُل آپے دئے کھِلائیا۔ جوتی جوت سروُپ ہرِ، آپ اپنی کِرپا کر، دساونہارا سچ در، سچّی گلّ اِک سمجھائیا۔ سچّی گلّ کہے میرا ڈوُنگھا راز، بِن سَتگُر پوُرے بھیو کوئے نہ پائیندا۔ مَیں ہتّھ نہ آواں پڑھیاں نماز، روزیاں وِچ بند نہ کوئے کرائیندا۔ پاٹھاں وِچ نہ میرا سواد، تیِرتھ تٹاں ہٹّ نہ کوئے وِکائیندا۔ مندراں مسجداں وِچ نہ دیواں ساتھ، شِودوالے مٹھ میرا راگ نہ کوئے الائیندا۔ کِرپانِدھ ٹھاکر سوامی جِنہاں نوُں سچّی گلّ سُناوے آپ، اپنا حُکم ورتائیندا۔ تِنہاں دا روُح بُت ہو جائے پاک، جنم ضمیِر آپ بدلائیندا۔ سچّی گلّ سُنن دا گُرمْکھ وِرلے لوک مات ملِے اِتفاق، نِفاق وِچ سرِشٹ سبائی وکھائیندا۔ سچّی گلّ کہے جے مَیں سچ کہاں آج، جگت سماج میرا سنگ نہ کوئے رکھائیندا۔ سچّی گلّ پربھوُ چرن پیار سچّی دات، دَیاوان دیانِدھ اِکو اِک سمجھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحب سوامی انترجامی، گھٹ جانت بےپہچانت، نوُر نوُرانہ مرد مردانہ ہرِ داتا محبوُب مُحبّت وِچ آپ سُنائیندا۔ سچّی گلّ کہے مَیں ایڈی وڈی، چار جُگ مَینوُں گئے دِھیائیا۔ پُرکھ اکال نے اپنی دھار وِچوں کڈھی، دو جہان سوبھا پائیا۔ نہ مَیں بُڈھی نہ مَیں نڈھی، جوبن ونتی اِکو رنگ سمائیا۔ نہ میری پسلی نہ میری ہڈّی، تتّاں والا وجوُد نہ کوئے رکھائیا۔ مَیں کوئی کِسے دی سامبھی نہیں گدّی، آسا ترِشنا جگت نہ کوئے جنائیا۔ مَیں جدوں کراں گلّ سچّی تے حقی، حقیِقت وِچوں دیاں دِرڑائیا۔ سَتگُر دی سچّی گلّ کدے نہ ہووے شّکی، شکائت شِکوے سارے دئے مِٹائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سچّی گلّ کہے مَیں بڑی ڈوُنگھی، لبھیا ہتّھ کِسے نہ آئیا۔ سرِشٹی وِچ مَیں بنی رہی گوُنگی، بِن گُرمْکھاں کِسے نوُں بچن نہ کوئے سُنائیا۔ مَیں سُتّی رہی موُدی، اپنی لئی نہ کوئے

انگڑائیا۔ مَیں کِسے ہتّھ نہ آواں ڈھوُنڈی، جنگل جوُہ اُجاڑ پہاڑ ٹِلّے پربت سمُند ساگر کھوجن تھاؤں تھائنیا۔ جِتھے اِک آواز آوے تُوں تُوں دی، اوتھے اپنا پھیرا لَواں پائیا۔ جوتی جوت سروُپ ہرِ، آپ اپنی کِرپا کر، سچّی گلّ جِس نوُں کہندے شبد اٹل، برہمنڈ کھنڈ نہ جائے ہل، لکّھ چؤراسی جیِو جنت سادھ سنت سچّی گلّ پِچھے سچّے ربّ نوُں لبھن تھاؤں تھائنیا۔ سچّی گلّ کہے جے مَیں نہ آؤندی جگ، لوک مات لیندی انگڑائیا۔ ساری سرِشٹی دا روُپ ہو جاندا کگّ، ہنس مانک موتی چوگ نہ کوئے چُگائیا۔ ساڈھے تِنّ ہتّھ کایا مندر اندر لگی رہندی اگّ، امرت میگھ نہ کوئے برسائیا۔ من واسنا جیِو جنت جاندے نچ، سَت سَت نہ کوئے دِرڑائیا۔ ایہہ تھوڑی جِہی وستوُ پربھوُ نے رکھی اپنے ہتّھ، دوُسرے ہتّھ نہ کِسے پھڑائیا۔ جِس ویلے جن بھگت تیرا پرگٹے وت، اوہناں نوُں اپنی سِدھی گلّ دئے پرگٹائیا۔ جن بھگتو تُہاڈی کایا مندر اندر کھول کے ہٹّ، اپنا نام دیاں ٹِکائیا۔ ویکھیو اوہنوُں نہ دیؤ دسّ، جیہڑا میرا نام سُن کے مَیتھوں مُکھ بھوائیا۔ ایہہ بھگتاں دا حق، حاکم ہو کے جھولی دِتی بھرائیا۔ جے سچّی گلّ پُچھ کے سچ لبھن دی آس، ایہہ وی ترِشنا ترِکھا دئے بُجھائیا۔ جے بُدھی نال کرو قیاس، قِسمت دیوے اُلٹائیا۔ جے گلّاں والا سوال جواب، تے ول چھل کر کے اپنا کھیل کرائیا۔ سچ گلّ کہے مَیں اوسے دا پرتاپ، جِس نے مَینوُں لوک مات دِتی وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ گلّ سَت سَتوادی برہم برہمادی شبد انادی گُر پرمیشور آپ سمجھائیا۔

۱۶ چیت شہنشاہی سمت ۱ پریِتم سِنگھ دے گرِہ پِنڈ کلوئے جموں

پار اُتارنہار سوامی، سرب جیِاں پرِتپالا اے۔ بھگت سہیلا انترجامی، دو جہان سدا رکھوالا اے۔ بخشنہارا سچ نِشانی، نام بھنڈارا دیِن دَیالا اے۔ امرت دیوے ٹھنڈا پانی، سَت رس بھر پیالہ اے۔ لیکھا چُکاوے چارے کھانی، گُرمْکھ بنائے اپنا لالا اے۔ جوتی جوت سروُپ ہرِ، آپ اپنی کِرپا کر، ویکھنہارا دو جہاناں اے۔ دو جہان تکدا رہندا، ویکھے تھاؤں تھائنیا۔ سچکھنڈ دوارے ساچے بہِندا، سُکھ آسن سوبھا پائیا۔ دُھر سندیشہ اِکو کہندا، جن بھگتاں دئے سُنائیا۔ کوُڑی کِریا کلجُگ وہن وہِندا، رُڑھ نہ جانا شؤہ

دریائیا۔ سچ سرنائی جو جن پیَندا، پُرکھ اکال لئے ترائیا۔ دُھر دا بھانا جو جن سہِندا، سِر اپنا ہتّھ رکھائیا۔ جھگڑا چُک جائے تُوں مَیں دا، ممتا موہ گوائیا۔ جوتی جوت سروُپ ہرِ، آپ اپنی کِرپا کر، لیکھا سچ لِکھائیا۔ ممتا موہ دِسے کوُڑ، کوُڑ کُڑیاری دئے گوائیا۔ مستک لا کے ساچی دھوُڑ، دُھر دا میل مِلائیا۔ پریم پیار دا بخش کے نوُر، بُدِھ بِبیک دئے جنائیا۔ پریِتی اندر حاضر حضوُر، ہرجن ہو کے نظری آئیا۔ پوُرب جنم دے کٹ قصوُر، سِر اپنا ہتّھ رکھائیا۔ بھگت سُہیلے کر منظوُر، چرن سرن دیوے سرنائیا۔ مہاراج شیرسِنگھ وِشنوُں بھگوان، سرب کلا بھرپوُر، ... ... .... ...۔

۱۶ چیت شہنشاہی سمت ۱ رجِندر سِنگھ دے گھر پِنڈ سیڑ جموں

رُتڑی کہے مَیں سوہنی رُت، چھیاں رُتاں وِچوں نظری آئیا۔ کھیل ویکھیا ابناشی اچُت، پاربرہم اپنی دَیا کمائیا۔ مِہروان ہو کے بدلیا رُخ، وکھرا راہ تکائیا۔ بھگت سُہیلے بنا کے سُت، دُلارے اپنی گود اُٹھائیا۔ ننھے بچّے جِنہاں دی نہ داہڑی نہ مُچھ، اپنے رنگ رنگائیا۔ دیونہارا سب کُچھ، دُھر دی دات نام رہیا ورتائیا۔ پردہ اوہلا رہے نہ لُک، دیوے درس دُھردرگاہیا۔ صاحب سَتگُر بوُٹا کدے نہ جاوے سُک، پتّ ڈالی آپ مہکائیا۔ دیونہار وڈیائی اُس، جِس نوُں اپنی بوُجھ بُجھائیا۔ سچ پریِتی اندر ہووے خوش، خوش قِسمت گُرمْکھ رہیا کرائیا۔ صاحب سوامی گیا تُٹھ، گہر گمبھیِر اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ رُتڑی کہے میری سچ بہار، اپنا رنگ وکھائیا۔ کِرپا کر پروردِگار، دیِن دَیال ویکھ وکھائیا۔ غریِب نِمانیاں مددگار، مداخلت کرے لوکائیا۔ ہرجن ساچے لئے اُبھار، جیِون جُگت اِک سمجھائیا۔ کوُڑی کِریا ناتا توڑ سرب سنسار، ساچا میلا سہج سُبھائیا۔ قُدرت دا قادر تے کرنی دا یار، رحمت وِچ سہمت موُڑھ احمق پار لنگھائیا۔ دیِداں دی دیِد درساں دا دیِدار، عرشاں دا مالک فرشاں اُتے ویکھ وکھائیا۔ جوتی جوت سروُپ ہرِ، آپ اپنی کِرپا کر، ہرجن دیونہار وڈیائیا۔ رُت کہے مَیں اپنی رُت رہی

تکدی، جُگ چؤکڑی اکّھ کُھلائیا۔ ویکھاں کھیل حقیِقت حق دی، جو ملکیّت نال دئے وڈیائیا۔ پریِتی ویکھاں بھگت بھگوان اکّھ دی، جو اِک دوُجے دا راہ تکائیا۔ جوڑی ویکھاں سچ دی، جو وِچھڑ کدے نہ جائیا۔ مُحبّت ویکھاں لگدی، جِس دی لگ ماتر دیوے نہ کوئے گواہیِا۔ شان ویکھاں شاہ رگ دی، جو شہنشاہ رہی مِلائیا۔ اُس ویلے لوڑ مِٹ جائے کعبیانوالے حج دی، روزہ نماز نہ کوئے وڈیائیا۔ مَیں اوسے دا راہ تکدی، نیتر نیَن اُٹھائیا۔ جِس دے حُکمے اندر وسدی، بھجّاں واہو داہیِا۔ مِلنی ویکھنی اوس سمرتھ دی، جو گُرمْکھاں نال کرے کُڑمائیا۔ قیِمت پیَندی ویکھنی ککّھ دی، جو ککّھوں لکّھ بنائیا۔ مَیں ایسے کر کے ٹپدی نچدی، بھجّاں واہو داہیِا۔ اگلی آس رکھدی، وادھا وِچ لوکائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ رُت کہے میری رُتڑی سوہنی گئی پُھل، مہک اپنی رہی وکھائیا۔ سب توں وکھری مَینوُں چنگی لگی بھگتاں دی کُل، جِس نوُں کُلونت دئے وڈیائیا۔ جو آد جُگاد کدے نہ گیا بُھل، بُھلیاں مارگ لگائیا۔ جِس دا پریم پیالہ کدے نہ گیا ڈُلھ، امرت رس رہیا چکھائیا۔ اوسے دی پریِتی اوسے دی نیِتی اوسے دی ریِتی اوسے اُتوں جائیے گھُل، واری گھولی گھول گھُمائیا۔ جو بھگت سُہیلا اِک اَکیلا گُر چیلا پاون آیا مُل، قیِمت اپنی آپے دئے چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہروان مِہروان مِہر نظر اِک اُٹھائیا۔

۱۶ چیت شہنشاہی سمت ۱ بیِبی پارو دیوی دے گھر پِنڈ سیِڑ جموں

دَیا کہے پربھ دَیاکماؤندا جا، جگ جیِون داتے تیری وڈ وڈیائیا۔ بھگت سُہیلے سجّن اُٹھاؤندا جا، لکّھ چؤراسی جیِو جنت کھوج کھوجائیا۔ جنم کرم دے وِچھڑے میل مِلاؤندا جا، شاہ پاتشاہ شہنشاہ تیری بےپرواہیِا۔ آتم پرماتم جوڑ جُڑاؤندا جا، درد وِچھوڑا دوُر کرائیا۔ جگت غریِبی دلِدر مُکاؤندا جا، نام بھنڈارا جھولی اِک بھرائیا۔ موُرکھ مُگدھ اَنجان سمجھاؤندا جا، شبد جَیکارا سچ سُنائیا۔ بُھلے بھٹکے راہے پاؤندا جا، رہبر بن کے نوُر خُدائیا۔ محل اٹل اُچ پؤڑے چڑھاؤندا جا، پھڑ باہوں آپ اُٹھائیا۔ کرنی دے کرتے قُدرت دے مالک غریِباں دے ثالث سِر اپنا ہتّھ رکھاؤندا جا، رچّھیا کر تھاؤں تھائنیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دَیاکہے میرے داتار، دَیاوان تیری سرنائیا۔ پُرکھ ابناشی سُن پُکار، سچّی رہی سُنائیا۔ جُگ چؤکڑی ویکھے چار، لوک مات

دھیان لگائیا۔ دُکھیاں دُکھ سنسار، دردیِاں درد نہ کوئے ونڈائیا۔ سانجھا دیوے نہ کوئے پیار، مُحبّت حق نہ کوئے وکھائیا۔ دِلاں دا مِلیا نہ کِسے دِلدار، پردہ نہ کوئے چُکائیا۔ جِس دا لارا دے کے گُروُ اوتار، پیِر پَیغمبر اپنا سندیش سُنائیا۔ سو صاحب سوامی انترجامی آپ ہو مِہروان، مالک خالق اپنی اکّھ کُھلائیا۔ جوتی جوت سروُپ ہرِ، آپ اپنی کِرپا کر، لیکھا پِچھلا دینا لِکھائیا۔ دَیاکے دیِن، دیِنن اپنی گود اُٹھائیا۔ بِرہوں وَیراگی دِسے مسکیِن، مان ابِھمان نہ کوئے رکھائیا۔ صِدق بھروسہ ویکھیا یقین، اِکو اوٹ تکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دَیاکہے دیِن دَیال میرے سوامی، سماں تیرا گیا آئیا۔ انتشکرن دے انترجامی، انتر آتم ویکھ وکھائیا۔ آد شکت دے مالک سِری بھگوانی، بھاگ اپنا دے ورتائیا۔ جوتی دے جوت جوت نوُر نوُرانی، نوُر اپنا دے چمکائیا۔ چار جُگ تیری صِفتاں دی سُندے رہے کہانی، شاستر سِمرت وید پُران دین گواہیِا۔ ہُن مِلنا کر دے آسانی، اصل روُپ وٹائیا۔ سَت پُرکھ سَتوادی سَت دھرم دی چڑھدی جائے جوانی، جوبن رتی مستی اپنی دے وکھائیا۔ جن بھگتاں کھیل وکھادے اُہناں دی اکّھیں، اکّھ اپنے نال مِلائیا۔ مَیں کتھا کہانی سُناواں سچّی، جوُٹھ جھوُٹھ وِچ نہ رائیا۔ جے سؤدا مِلیا نہ تیری ہٹّی، جاوے کِدھر لوکائیا۔ مَیں بھگتاں نال حِصیدار بن کے رکھن آئی پتّی، ایسے کرکے پربھوُ تَینوُں رہی سُنائیا۔ مَیں کوئی کاہناں والی نہیں سخی، جو بنسری اُتے لئی اُپجائیا۔ مَیں کوئی تھلاں وِچ رُلن والی نہیں سسّی، جِس نوُں جگت پریِتی دئے جنائیا۔ مَیں کوئی بھَولے ناتھ دی نہیں پتی، جو پربتاں اُتے بہہ کے تیرا دھیان لگائیا۔ مَیں کوئی جنگلاں وِچ نہیں پِھرنا نسّی، اپنے چیِتھڑ لیِرو لیِر کرائیا۔ مَیں تیرا کھیل ساکھیات ویکھنا اپنی اکّھیں، لوچن نیَن جگت کُھلائیا۔ جوتی جوت سروُپ ہرِ، آپ اپنی کِرپا کر، گھر ساچے دیاں مان وڈیائیا۔ دَیاکہے پربھوُ دیِن کے دیِنا، مَینوُں دیویں سمجھائیا۔ مَیں پُچھ کے آئی رِکھیاں مُنیِاں، جوگیاں یتیاں پھول پُھلائیا۔ مَیں تیریاں گلّاں اَگے بڑیاں سُنیِاں، جو جُگ چؤکڑی ڈھولے رہے گائیا۔ اَگے بڑیاں تیریاں منّیِاں، ہُن چلیں وِچ رضائیا۔ ہُن میری منگ جن بھگتاں دیِاں اکّھاں رہن نہ انّھیِاں، نیَن اپنے دینے لگائیا۔ بھاویں وسیرا ہووے چھپّر چھنّیِاں، غریِب نِمانے لئیں اُٹھائیا۔ تُوں داتا وڈ دھنیِا، دھناڈھ شہنشاہ اکھوائیا۔ جِنہاں گُرمْکھاں تیریاں ویکھیاں نہیں اجے گلیِاں، اوہناں نوُں راہے دینا پائیا۔ ہُن تَینوُں کہن نہیں دینا ولیِا چھلیِا، اچھل چھل نہ کوئے جنائیا۔ جن بھگتاں دیِاں آساں تیرے دوارے کھلیِاں، راہ تکّن بےپرواہیِا۔ ایہہ پریم پیار دیاں مُرجھا نہ جاون کلیِاں، امرت میگھ دینا برسائیا۔

پربھوُ توُں نہیں جاندا وِچھوڑے وِچ کی ایہناں اُپر بنیِاں، جھل نہ سکن جُدائیا۔ گُر گوبِند کہے کہ میرا تیِر انیالا انیِا، تِکھی مُکھی دھار وکھائیا۔ پربھوُ توُں پاتشاہاں دا پاتشاہ کیہڑا کوئی بنیِا، سؤدا کنجوُساں وانگ نہ کوئی ورتائیا۔ تُوں بھگتاں دا مِتر پریم دا تنیِا، ناتا اپنے نال رکھائیا۔ جوتی جوت سروُپ ہرِ، آپ اپنی کِرپا کر، خالی رہن نہ دیویں کِسے دیِاں کُلیِّاں، اِکلّا اِکلّا کرکے چاروں کُنٹ دے ترائیا۔