کتب خانہGranth 18 (Urdu)

۱۷ چیت شہنشاہی سمت ۱ مایا دیوی دے گرِہ پِنڈ مگھووالی ضِلع جموُ ں

ستاراں چیت کِہا مَیں دیاں سندیش، انت دا ویلا سچ سمجھائیا۔ دو جہان برہمنڈ کھنڈ ویکھو نر نریش، مالک خالق پرِتپالک دو جہان نظری آئیا۔ آد جُگاد جُگ چؤکڑی سچکھنڈ نِواسی نر نریش، نِرگُن نِروَیر نِراکار نِرنکار نظری آئیا۔ نِت نوِت نِرگُن سرگُن جِس دا بھیکھ، لکّھ چؤراسی جیِو جنت دیونہار سچّی وڈیائیا۔ جلوہ ظاہر ظہوُر اندر باہر گُپت ظاہر جِس دا تیج، اگمّ اتھاہ بےپرواہ کرے رُشنائیا۔ بھگت سُہیلا اِک اَکیلا دُھر دا میِتا ٹھانڈا سیِتا جاننہارا آتم سچ سیج، سَت سوامی انترجامی شاہ پاتشاہ اپنی کھیل کھلائیا۔ نام سندیشہ دُھر فرمانا دیونہارا دیس پردیس، برہمنڈ کھنڈ پُری لوء آکاش پاتال حُکم اِک جنائیا۔ غریِب نِمانیاں کوجھیاں کملیاں کرن آیا سچّا ہیت، دُھر درگاہی ویس وٹائیا۔ ساچے نیتر لوچن نیَن نظری آوے نیِت، سَت سَتوادی برہم برہمادی شبد انادی اپنا ویس وٹائیا۔ جو آد جُگاد جُگ چؤکڑی رہے ہمیش، جنم مرن مڑھی گَور سکے نہ کوئے دبائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ ستاراں چیت کہے میری سُنو بات، باطن دیاں جنائیا۔ گُر اوتار پَیغمبر جِس نوُں کردے گئے یاد، کلمیاں ناماں کلاماں وِچ ڈھولے گائیا۔ جِس دے حُکم اندر سُناؤندے گئے اگمّی آواز، نعرہ حق حق جنائیا۔ جِس دا بھید ابھید کھولدے گئے راز، پردہ اوہلا سرب اُٹھائیا۔ جِس دے پریم اندر کلمے پڑھ پڑھ سجدیاں وِچ جھُک جھُک سُناؤندے گئے نماز، اُنگلاں کنّاں وِچ پائیا۔ جِس نوُں گُر اوتار کہندے گئے غریِب نِواز، دیِنن اپنی دَیا کمائیا۔ جِس نوُں بھگت کہندے گئے بھگَون ساتھ، دُھر دا ساتھی نظری آئیا۔ سو صاحب سُہیلا اِک اَکیلا انترجامی ہر گھٹ ویکھن آیا کلجُگ اندھیری رات، چار کُنٹ دہ دِشا اپنا کھیل کھلائیا۔ بھیوَ ابھیدا جاننہارا سنت سادھ، گُرمْکھ گُرسِکھ ویکھے تھاؤں تھائنیا۔ جِس نے نوَ نؤ چار کیتےِ آباد، انڈج جیرج اُتبُھج سیتج ونڈ

ونڈائیا۔ جو لکّھ چؤراسی دیونہارا دات، داتا دانی بےپرواہیِا۔ سو ویکھن آیا کھیل تماش، نِرگُن اپنا ویس وٹائیا۔ گوپی کاہن منڈل منڈپ پیَندی ویکھے راس، نِرگُن سرگُن کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ ستاراں چیت کہے مَیں دسّاں کہانی، پوُرب لہنا دیاں جنائیا۔ ایہہ کھیل سِری بھگوانی، بھگَون اپنا ویس وٹائیا۔ کھیلے کھیل دو جہانی، ظاہر ظہوُر کھیل وکھائیا۔ جِس دا دِسے نہ کوئی ثانی، آسانی بھگتاں رہیا وکھائیا۔ مِہر نظر نال دیونہار پد نِربانی، نِربھؤ بھےَ سرب مِٹائیا۔ شبد اگمّا تیِر نِرالا مارنہارا کانی، بِن کلمیوں کعبہ دئے وکھائیا۔ سرِشٹ سبائی دسنہارا فانی، فنا فِلا وکھائے سرب لوکائیا۔ جِس دا بھید ابھیوَ جگت وِدیا سمجھ نہ سکے کوئی وِدوانی، گیان گیانی دھیانی ہتّھ کِسے نہ آئیا۔ سو صاحب سوامی انترجامی پُرکھ اکالا دیِن دَیالا جن بھگتاں گرِہ کھاون آیا مہمانی، مِحبان بیِدوبی خیَر یا محمد محبوُب اپنا پھیرا پائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ ستاراں چیت کہے میرا ایہو پروشٹ، پِچھلا لیکھا دیاں جنائیا۔ جِس ویلے رام مِلیا گُروُ وشِشٹ، وِشا اُس نے اِکو دِتا سمجھائیا۔ رام، رام ویکھ کھول کے درِشٹ، جو رام دا مالک رام بےپرواہیِا۔ جِس دا آد جُگادی اِکو اِشٹ، دیو آتما سرب منائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ستاراں چیت کہے جِس ویلے وشِشٹ میلا ہویا رام، گُر چیلا وجّی ودھائیا۔ اُس دِتا اِک پَیغام، سندیشہ سچ سُنائیا۔ سُنّ اگمّی اِک فرمان، تَینوُں دیاں جنائیا۔ تُوں دسرتھ دا بیٹا چتُر سُگھڑ سیان، کشتری کُل رگھُبنس مِلی وڈیائیا۔ میرا سُنیہڑا اِک مہان، تَینوُں دیاں دِرڑائیا۔ جِس ویلے بنباس کٹّن جائیں وِچ بیابان، اپنا پھیرا پائیا۔ جوتی جوت سروُپ ہرِ، آپ اپنی کِرپا کر، مِہروان نظر اِک اُٹھائیا۔ رام کِہا کی کِہا وشِشٹ گُردیو، سچ سُنیہڑا دے جنائیا۔ وشِشٹ کِہا کُچھ تیری لیَنی سیو، تیرا رام رہیا فرمائیا۔ جو وسیا نِہچل دھام نِہکیو، اٹل محل سوبھا پائیا۔ جو ہر گھٹ رہیا ویکھ، لکّھ چؤراسی رہیا سمائیا۔ جو دو جہاناں تخت نِواسی سچکھنڈ وسے نر نریش، نِرگُن اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ وشِشٹ کِہا دسّاں ہور انوکھی بات، باطن دیاں جنائیا۔ جیہڑی جنک سپُتری دینا تیرا ساتھ، سوہنی سیو کمائیا۔ اُس دا لیکھا اَگے ہور رہیا جاپ، جِس دی لِکھت پڑھت نظر کوئے نہ آئیا۔ کلجُگ انت سری بھگَونت ابناشی کرتا جِس ویلے آوے آپ، لوک مات پھیرا پائیا۔ کوُڑ کُڑیارا جگت اندھیارا پاپاں بھری ہووے کلجُگ رات، ساچا چند نہ کوئے

چمکائیا۔ سیِتا رام بُھلے سب نوُں گاتھ، سیِتا سُرتی رام نہ کوئے مِلائیا۔ ایہہ کھیل پربھوُ ابناش، ابناشی کرتا رہیا دِرڑائیا۔ تُوں رگھوُپت رکھنا یاد، یادداشت تَینوُں دِتی سمجھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ وشِشٹ کِہا جِس ویلے تریتا دواپربیِتا، کلجُگ انت لئے انگڑائیا۔ پُرکھ اکال اپنا کھیل کیِتا، نِرگُن نِروَیر ویس وٹائیا۔ بھگتاں سنگ سنگ بنایا میِٹھا، امرت رس جام پیائیا۔ میل مِلا کے ترےَگُن اتیِتا، ترےَبھوَن بخشے سچ سرنائیا۔ اوس ویلے اوس دوارے تیری حاضر ہونی سیِتا، خواہش اپنی نال مِلائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ وشِشٹ کِہا کُچھ ہور خبر، تَینوُں دیاں جنائیا۔ پُرکھ ابناشی پرگٹ ہونا شیر ببّر، دو جہاناں بھبک لگائیا۔ پیِر پَیغمبراں دروہی خُدائے نبی رسوُل کرنی وِچوں قبر، مقبرے سجدہ کر کر خوشی منائیا۔ جِس نے بھگتاں دی پوُری کرنی سدھر، سِدھے رستے دینا پائیا۔ تخت نِواسی ہو کے کرنا سچّا عدل، عدالت اِکو اِک جنائیا۔ کوُڑی کِریا کرکے قتل، سَتجُگ ساچا راہ وکھائیا۔ چار ورناں اِکو پتن، بھگت دوارا دئے جنائیا۔ جِتھے آوے پَیج رکھن، سِر اپنا ہتّھ ٹِکائیا۔ بھیو کُھلا کے چارے کوُٹ اُتّر پوُرب پچھّم دکھّن، دُھر فرمانا حُکم سُنائیا۔ گُرمْکھاں دے ہِردے آوے وسن، نِج آتم پرماتم ہو کے ڈیرہ لائیا۔ مایا ممتا ہؤمے ہنگتا آوے کڈھن، دُرمت مَیل دھوائیا۔ جوت پرکاش ہو کے آوے جگن، کوُڑ اندھیرا دئے چُکائیا۔ پریم پریِتی اندر کرکے مگن، پِچھلا لیکھا ویکھ وکھائیا۔ جوتی جوت سروُپ ہرِ، آپ اپنی کِرپا کر، کرنی دا کرتا مالک ہوئے سہائیا۔ رام کِہا گُر وشِشٹ، ایہہ سَت سَت سَت سَت نظری آئیا۔ جِؤں بھاوے تِؤں لئے رکھ، ایہہ اوسے دی وڈیائیا۔ مَیں بیٹا رام دسرتھ، پنج تت کایا سوبھا پائیا۔ مَینوُں اوسے نے دِتا حق، لوک مات میرا حُکم دِتا چلائیا۔ مَینوُں نہیں کوئی شّک، سنسا نہ کوئے وکھائیا۔ اوہو رام ہر گھٹ رہیا وس، نیارا اوہو نظری آئیا۔ اوسے دا کھیل تماش، مَیں ویکھ ویکھ خوشی جنائیا۔ جِس ویلے سیِتا میرے نال کٹّیا بنباس، بچن بلاس دیاں سمجھائیا۔ سمیں انُسار ایہو آ گئی ستاراں چیت دی رات، رُتڑی اپنا آپ بدلائیا۔ ڈیرہ لا کے اُپر گھاس، سوہنا آسن لیا سجائیا۔ لچھمن ویِر چھوٹا پاس، ساڈھے تِنّ ہتّھ دوُر سوبھا پائیا۔ سیِتا لےَ کے جل گلاس، چرن بندنا سیِس نِوائیا۔ رام پھڑ کے سجّا ہاتھ، چرن کوَل لیا ٹِکائیا۔ اُٹھ ویکھ کھیل پُرکھ ابناش، جو کرتا رہیا وکھائیا۔ اوہ جوڑ کے دوویں ہاتھ، بینتی رہی سُنائیا۔ تُوں پریِتم کملاپات، پت پرمیشور تیرا روُپ نظری آئیا۔ مَیں تَینوُں کراں یاد، دِوس رَین رہی دِھیائیا۔ لچھمن کِہا مَینوُں لگی پیاس، جل

مَینوُں دے پھڑائیا۔ جھٹ رام نے دِتا آکھ، سُن لچھمن میرے بھائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ لچھمن کہے دسّ میرے بھراتا، نیتر نیَن نیِر وہائیا۔ مَیں تیرا داسی داسا، سیوک نظری آئیا۔ سیِتا کہے سانوُں دے دے چرن بھرواسا، دوُجی اوٹ نہ کوئے تکائیا۔ رام کِہا مَیں رام اوس دی شاخا، جو ساکھیات میرے ساہمنے نظری آئیا۔ اَگوں ہس کے بولیا پُرکھ ابناشا، اکل کل دھاری دِتا جنائیا۔ تنے رل کے اِک دوُجے نوُں مارو پریم دی آوازا، سوہنا تال بنائیا۔ رام کِہا پربھ جو بولیں تُوں ساچا، سچ تیری وڈیائیا۔ سیِتا ٹیک کے ماتھا، دھوُڑی خاک رمائیا۔ لچھمن کِہا پہلوں تُوں میرے کول آ جا، اپنی شناخت دے سمجھائیا۔ جے بھگتاں دیونہارا ساتھا، سگلا سنگ نِبھائیا۔ پھیر گائیے تیری دسّی گاتھا، رام دے رام دے دِرڑائیا۔ سِری بھگوان اَگے ہو کے نوُر کیِا پرکاشا، جِس وِچوں اپنا آپ دِتا سمجھائیا۔ اوس کِہا ساڈی پوُری ہو گئی آسا، ترِشنا اَور رہی نہ رائیا۔ میری بُجھ گئی پیاسا، امرت رس سچّا مُکھ لگائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ ستاراں چیت دی بِھنڑی رَین کہے جِس ویلے رام سیِتا لایا آسن، گھاس پھوُس تِنکے اپنا حال سُنائیا۔ کوَن ویلا ساڈا بنے ساتھن، دُھر دا سنگ جنائیا۔ اسیں اپنا لیکھا آئے واچن، پردہ دینا کُھلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گھاس تِنکے کرن پُکار، جنگل جوُہ دین دُہائیا۔ جے تُوں آئیوں ساڈے گھر بار، رام رمئیا آسن لائیا۔ جِویں تیرا سیِتا کرے سَتکار، لچھمن دیوے مان وڈیائیا۔ تیرا دسّ کی وِوہار، سانوُں جا سمجھائیا۔ تیرا اِنہاں نال کی پیار، کی انتر میل مِلائیا۔ رام نے بول کے کِہا سچ جَیکار، حق حق سُنائیا۔ جے میرے اُتے کرو اِعتبار، تُہانوُں دیاں دِرڑائیا۔ میرا غریِب نِمانیاں نال سچّا پیار، بھگتاں دا مِتر اِک اکھوائیا۔ تُہاڈا دسّاں سچ وِہار، اگلا لیکھ جنائیا۔ تُساں دا واسا ہونا وِچ اُجاڑ، تریتا دواپرکلجُگ اپنا ویس وٹائیا۔ جِس ویلے کِرپا کرے آپ نِرنکار، مِہروان اپنی کھیل کھلائیا۔ اوس ویلے تُہانوُں مِلن آؤنا تُہاڈا گوبِند یار، ماچھوُواڑے تُہاڈی سیج سُہائیا۔ ایہہ پنچوٹی دی اُجاڑ، اوہ پنجاب دا شِنگار، نواب اپنا کھیل وکھائیا۔ اُس توں بعد دا ہور وِہار دسّاں میِت مُرار، پردہ اوہلا دیاں چُکائیا۔ جِس ویلے کلجُگ ہووے اندھ اندھیار، چاروں کُنٹ پاوے کوئی نہ سار، سجّن میِت نظر کوئے نہ آئیا۔ سادھاں سنتاں منزل چڑھنی ہووے دُشوار، اٹھسٹھ تیِرتھ روون زارو زار، مندر مسجد شِودوالے مٹھ گُروُدوارے کرن پُکار، ہاہاکار کرے لوکائیا۔ نؤ کھنڈ پرِتھمی ستّ دیِپ دھیِرج جت سَت سنتوکھ جاون ہار، جوُٹھ

جھوُٹھ وجےّ ودھائیا۔ کھتری براہمن شوُدر وَیش ساچا کرے نہ کوئے پیار، دُھر دا میل نہ کوئے مِلائیا۔ اوس ویلے کِرپا کرے آپ نِرنکار، نِروَیر سچّا شہنشاہیِا۔ گُر اوتاراں پیِر پَیغمبراں پِچھلا قرضہ دئے اُتار، بیِس اِکیِسا ہرِ جگدیِشا اپنا حُکم ورتائیا۔ ساچے جُگ دا سچ وِہار، سَت سَتوادی ہو کے دئے سمجھائیا۔ ایس رَین دی رکھے یاد، بِھنڑی بُھل کدے نہ جائیا۔ جن بھگتاں کھیڑا کرے آباد، اُجڑے لئے وسائیا۔ نام اگمّی لا کے جاگ، مِہر نظر اُٹھائیا۔ گُرمْکھاں دھو کے دُرمت داغ، نِرمل روُپ دئے جنائیا۔ ہنس روُپ بنائے کاگ، سوہنگ ہنسا مانک موتی چوگ چُگائیا۔ پریم پریِتی دے کے وَیراگ، گھر وِچوں وَیری مار باہر کڈھائیا۔ گھر سوامی ملِے کنت سُہاگ، آتم پرماتم جوڑ جُڑائیا۔ شبد اگمّی وجا کے ناد، انحد دُھن اپنی دئے سُنائیا۔ جِس نوُں وجائے نہ کوئی رباب، سُرنگا سارنگ سکے نہ کوئے جنائیا۔ جگت تنبوُرا دئے نہ کوئے آواز، سگل وسوُرے دئے مِٹائیا۔ گُرمْکھاں دی پوُری کر کے خواہش، جنم جنم دا لیکھ چُکائیا۔ اوسے ویلے ایہہ کھیل بچن ہویا وِچ بنباس، جِس نوُں سُنن والا نظر کوئے نہ آئیا۔ پُرکھ ابناشی پھیر دِتا آکھ، رام لچھمن سیِتا تِنے اِکو ڈھولا گائیا۔ سارے کہو تُوں میرا مَیں تیرا دوُجا نظر نہ آوے باپ، پِتا پُرکھ اکال اِکو بےپرواہیِا۔ سچ پریِتی دا سوہنگ جاپ، اِکو رنگ وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ستاراں چیت دی رَین کہے بِھنی، مَیں لیکھا دیاں جنائیا۔ مَیں جُگ چؤکڑی ویلا وقت رہی گِنی، اپنے پوٹے دِتے گھسائیا۔ اوڈھن لتّھا رہیا سِر توں چُنّی، پڑدا سچ نہ کوئے ٹِکائیا۔ بھیو کُھلایا نہ کِسے وِدوان گُن گُنی، گہر گمبھیِر نہ کوئے جنائیا۔ جھگڑا ویکھیا رِکھی مُنی، مُنیشر دین دُہائیا۔ بِن پُرکھ اکال دیِن دَیال شبد اگمّی وجائے نہ کوئی دُھنی، دُھر دا بھیوَ نہ کوئے کُھلائیا۔ اِک بچن پہلوں سُنیا سمت اُنی، جِس دا پردہ سکیا نہ کوئے اُٹھائیا۔ جِس دے حُکمے اندر ویہہ سؤ ویہہ بِکرمی سب دی چوٹی گئی مُنّی، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بِھنڑی رَین کہے جِس ویلے سوہنگ گایا، رام سیِتا لچھمن تِنّے نظری آئیا۔ پُرکھ ابناشی پریم پریِتی مارگ لایا، دِتی مان وڈیائیا۔ سیِتا نِیوں کے سیِس جھُکایا، بینتی اِک سُنائیا۔ ایہہ کی پربھوُ کھیل رچایا، پردہ دے اُٹھائیا۔ رام کِہا ایہہ بھیو بےپرواہیِا، بےپرواہی وِچ سمائیا۔ کلجُگ ویلا رہیا وکھایا، دوُر دُراڈا نیڑے آئیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ سیِتا سُن سچ سوانی، تَینوُں دیاں جنائیا۔ لچھمن پی لےَ گلاس پانی، امرت روُپ وکھائیا۔ اگمّی شبد دُھر دی بانی، بِن رسنا

جِہوا گائیا۔ سیِتا رام جگت کہانی، چاروں کُنٹ ودھائیا۔ مَیں کلجُگ انتم دسّاں سچ نِشانی، کلجُگ جیِو ساچا اِشٹ دیو نہ کوئے منائیا۔ اوس ویلے پُرکھ اکال سری بھگَونت دیِن دَیال پروردِگار سانجھے یار لاشریِک اپنی کرنی اِک مِہروانی، محبوُب مُحبّت اندر محو ہو کے مالک رستہ دینا جنائیا۔ جن بھگتاں دیون آؤنا پد نِربانی، سچکھنڈ دی سچ نِشانی، لیکھا چُکا کے دو جہانی، دوہرا اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ لچھمن کہے، کی سِری بھگوان لوک مات آویگا۔ رام کِہا ہاں، مِہروان ہو کے اپنا پھیرا پاویگا۔ سیِتا کِہا کی دیوے دان، جھولی وست کی ٹِکاویگا۔ ابناشی کرتے کِہا جو تُہانوُں دسّیا گان، ایہو بھگتاں نوُں پڑھاویگا۔ جیہڑا لُکیا زِمیں توں تھلّے اُتے اسمان، سوہنا آسن سچ وکھاویگا۔ جِس دا جُگ چؤکڑی سارے گاون گان، سو گہر گمبھیِر بےنظیِر اپنی کھیل کھلاویگا۔ ساچے بھگتاں دا بن کے بھگوان، آتم انتر دے کے برہم گیان، ساچی وِدیا اِک سمجھاویگا۔ شبد اگمّ سُنا کے کان، بھیوَ ابھیدا کھولے آن، دُھر سندیشہ نر نریشا اِکو اِک سُناویگا۔ غریِب نِمانے ویکھے دو جہان، کوجھیاں کملیاں دیوے مان، بُھکھیاں ننگیاں اپنے انگ لگاویگا۔ چارے بانی ہوئے حَیران، چارے کھانی میٹے شیَطان، چارے کُنٹ دئے گیان، چارے جُگ سیِس جھُکان، چارے وید منّن بھگوان، چؤتھے پد اپنے گھر سدّ محل اٹل اِک سُہاویگا۔ بھگتاں مارے اِک آواز، اندروں کھول دیوے راز، بُھل جان روزہ اتے نماز، پوُجا پاٹھ سِمرن جوگ ابھیاس نظر کوئے نہ آئیگا۔ جِدھر ویکھن اودھر نظری آئے آپ، بھگتاں نوُں دسّدا جائے مَیں تُہاڈا باپ، پوُت سپوُتے اپنی گود چُکائیگا۔ سیِتا کہے کی پربھوُ لوک مات ایہو جِہی پھیر آوے رات، رام نے کِہا جِس ویلے ابناشی کرتا دین آوے سوغات، بِھنڑی رَین اپنا رنگ وٹائیگا۔ ایہو پروِشٹا ایہو دِوس ایہو رات، اِک ستّ دا کھیل تماش، گُرمْکھاں دی ہووے ساتھ جماعت، لیکھا لِکھائے نال قلم دوات، سوغات دُھر دی جھولی پائیگا۔ سیِتا کہے مَیں ویکھنا کھیل تماش، رام کہے مَیں وی ہوواں تیرے ساتھ، نِرگُن ہو کے خوشی منائیگا۔ ستاراں چیت کہے میری پوُری ہووے آس، سِری بھگوان بھگتاں دا ہو کے داس، گرِہ گرِہ اندر کر کے نِواس، نِج آسن بَیٹھ ڈیرہ لائیگا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیگا۔ بِھنڑی رَین کہے سُن بھگت مِتر، تیری میری وجےّ ودھائیا۔ جِس نے تُہاڈا رکھیا فِکر، فِقرے تُہاڈے ڈھولے گائیا۔ مَیں اوسے دا کردی ذِکر، دِوس رَین رہی سُنائیا۔ جو اپنی دھاروں آپے نِکل، جوتی نوُر نوُر رُشنائیا۔ بِن بھگتاں ساچی نظر نہ آئے کِسے شکل، بےعقل ہووے

لوکائیا۔ گُرمْکھو تُہاڈی کوُڑی کِریا کر دیوے قتل، دُرمت مَیل دیوےدھوائیا۔ تُہاڈی منزل دا پوُرا کر جائے سفر، پاندھی رہن کوئے نہ پائیا۔ دوُجی وار پھیر دیوے نہ کوئی کفن، مڑھی گور نہ کوئے دبائیا۔ تُہاڈے نال پربھوُ مِل کے آیا وسن، آتم پرماتم جوڑ جُڑائیا۔ سَت سَتوادی راہ آیا دسّن، درگاہ ساچی کُنڈا لاہیِا۔ پریم پیار نال آیا آکھن، شبد سندیشہ رہیا سُنائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ بِھنڑی رَین کہے مَیں چُکدا ویکھیا اوہلا، پڑدا رہیا اُٹھائیا۔ بھگتاں دا ہو کے گولا، درویش پھیرا پائیا۔ شبد اگمّی ڈھولا، سوہنگ راگ سُنائیا۔ دو جہاناں بن کے وِچولا، وِچھڑے رہیا مِلائیا۔ درگاہ دا بن کے تولا، نام کنڈے رہیا چڑھائیا۔ ستاراں چیت کہے گُرمْکھو تُہاڈے اندر کوئی رہن نہ دیوے رؤلا، کوُڑا جھگڑا دئے مِٹائیا۔ تُہاڈا اُلٹا کرے نابھ کؤلا، امرت اپنا دئے ٹِکائیا۔ نوُر خُدائی دسّ کے اولا، جلوہ ظہوُر دئے جنائیا۔ بےشک گُرمْکھ کوجھا ہووے کملا، کوَل نیَن اپنے نال مِلائیا۔ تُہاڈے پوُرب جنم دے ویکھے نہ عملہ، مِہر نظر اپنی اِک اُٹھائیا۔ تُہانوُں وجاؤنا پئے نہ کوئی طبلہ، ڈھولک چَھینا نہ کوئے کھڑکائیا۔ تُہاڈا لیکھا مُکایا پِچھلا، اَگے ہویا آپ سہائیا۔ گُرمْکھ گُرسِکھ ہرجن ہربھگت مانَس جنم جِت لےَ، ہار چرناں ہیٹھ دبائیا۔ پریِتی دے پریِتم نوُں پریم نال کِھچ لےَ، آتم پرماتم گنڈھ گنڈھائیا۔ گُر شبد وِچ لےَ، ناتا چھوڑ جگت لوکائیا۔ بِھنڑی رَین کہے گھر سجّن سوہنا نِت بہے، پیِت پیتمبر سیِس سُہائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ رَین کہے مَیں ویکھیا رہبر، رحمتاں دا مالک نظری آئیا۔ موُرکھ مُگدھ اَنجان تارے احمق، دُبدھا مَیل دھوائیا۔ جیہڑا اُس دے نال ہو گیا سہمت، اُس دے سہم رہیا مِٹائیا۔ نام پدارتھ دے کے نیامت، خالی جھولی دئے بھرائیا۔ انت سہائی ہووے ویلے قیامت، جماں توں لئے چُھڈائیا۔ سچ دربار وِچ جاندیاں کرے نہ کوئے ممانت، اَگے ہو نہ کوئے اٹکائیا۔ جن بھگتو جِنہاں دی سِری بھگوان دیوے ضمانت، اوہناں نوُں بنھن والا نظر کوئے نہ آئیا۔ بھگت بھگوان دوویں سدا سدا صحیح سلامت، اِکو رنگ سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مہاراج شیرسِنگھ وِشنوُں بھگوان، ستاراں چیت بِھنڑی رَین رین چرن دھوُڑ ٹِکاّ مستک لائیا۔

۱۸ چیت شہنشاہی سمت ۱ وکیِل سِنگھ دے گرِہ پِنڈ ہنسا جموں

جن بھگت کہے پربھ ویکھ کایا کھیڑا، ساڈھے تِنّ ہتّھ اندر دھیان لگائیا۔ پنچ وِکار چھِڑیا جھیڑا، کام کرودھ لوبھ موہ ہنکار ہلکائیا۔ ساچے مندر ہویا اندھیرا، نِرگُن نوُر جوت نہ کوئے رُشنائیا۔ جگت ساگر بنّھے کوئی نہ لائے بیڑا، دُھر دا سنگ نہ کوئے جنائیا۔ مایا ممتا سرِشٹی اِشٹی کہے میرا میرا، ہؤمے روگ نہ کوئے مِٹائیا۔ نؤ کھنڈ پرِتھمی ستّ دیِپ بھرمے بُھلا گُروُ گُر چیلا، سجّن سُہیلا جوڑ نہ کوئے جُڑائیا۔ صدی ویہویں ویکھ کل کاتی ویلا، سَت دھرم نظر کوئے نہ آئیا۔ برہمنڈ کھنڈ پُری لوء آکاش پاتال ہویا وقت دُہیلا، پُرکھ ابناشی گھٹ گھٹ واسی آتم پرماتم میل نہ کوئے مِلائیا۔ میِت مُرار وِچ جہان رہے کوئی نہ سجّن سُہیلا، سچ پریِتی سَت نہ کوئے بندھائیا۔ ساچے گرِہ ساچے مندر پاربرہم برہم ہوئے نہ میلا، سُرتی شبد نہ کوئے جُڑائیا۔ گھر دِیپک جوت جگے نہ کوئی بِن باتی تیلا، نوُر ظہوُر نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جن بھگت کہے پربھ ویکھ کایا گڑھ، پنج تت ماٹی کھوج کھوجائیا۔ من واسنا سرِشٹی رہی لڑ، ترِشنا جگت نہ کوئے مِٹائیا۔ ہؤمے اگنی اندر رہے سڑ، امرت میگھ نہ کوئے برسائیا۔ رسنا جِہوا بتّی دند شاستر سِمرت وید پُران گیِتا گیان اِنجیِل قُرآن کھانی بانی سارے رہے پڑھ، ہِردے ہرِ نہ کوئے وسائیا۔ اٹھسٹھ تیِرتھ سارے رہے سڑ، دُرمت مَیل نہ کوئےدھوائیا۔ پوُجا پاٹھ سِمرن جوگ ابھیاس ہوَن سارے رہے کر، سچ سُگندھی آہوُتی نام نہ کوئے ٹِکائیا۔ جگت دہلیزاں سیِس سارے رہے دھر، نمو نمو نِمسکار پربھوُ تیرے چرن نہ کوئے جنائیا۔ نوَ نؤ چار جُگ چؤکڑی ویکھیا در در، ساچے گھر تیری الکھ نہ کوئے جگائیا۔ جیِوت کوئے نہ جائے مر، مر جیِوت روُپ وٹائیا۔ در ٹھانڈے بھگت سُہیلے منگن ور، آتم جھولی اَگے ڈاہیِا۔ ابناشی کرتے کِرپا کر، دیِن دَیال تیری سرنائیا۔ نِرگُن روُپ جوتی دھار شبد اگمّی اندر وڑ، محل اٹل سوبھا پائیا۔ جوت پرکاش اِکو کر، پرِتھمی آکاش لیکھا دے مُکائیا۔ سچ دوارے منزل اپنی چڑھ، ہرِ سجّن پڑدا لاہیِا۔ تیرا روُپ انوُپ درشن لئیے کر، سوَچھ سروُپی اِکو سوبھا پائیا۔ سچکھنڈ دوارے حق مقامے کھڑ، ساکھیات نظری آئیا۔ پربھوُ تیرا نہ کوئی سیِس نہ کوئی دھڑ، جوتی جوت جوت رُشنائیا۔ کِرپانِدھان کِرپا اپنی کر، کِرپن اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ جن بھگت کہے پربھوُ جگت کوُڑ کُڑیار، کُٹمب سچّا نظر کوئے نہ آئیا۔ ساچا مِلیا نہ کِسے یار، دُھر دا سنگی سنگ

بنائیا۔ انتر آتم کرے نہ کوئی پیار، سُرت شبد نہ کوئے کُڑمائیا۔ چار کُنٹ نظر آیا وِبھچار، سَت دھرم نہ کوئے رکھائیا۔ مایا ممتا رہے جھکھ مار، دھیِرج دھیِر نہ کوئے دھرائیا۔ پِھر پِھر ویکھیا تیرا سنسار، چاروں کُنٹ اکّھ کُھلائیا۔ ساچا مِلیا نہ جوگ ابھیاس، شاستر سِمرت پڑھ پڑھ تھکی سرب لوکائیا۔ لیکھے لگّا نہ کوئے سواس، ساہ ساہ سنگ نِبھائیا۔ پوُری ہوئی نہ ترِشنا آس، تیرا مِلاپ نہ کوئے کرائیا۔ کراں بینتی دوئے جوڑ کے ہاتھ، ڈنڈاوت اِک جنائیا۔ ٹھاکر سوامی سُن ارداس، عرض آرزوُ بےپرواہیِا۔ چرن کوَل ہو کے داس، سچ سُنیہڑا رہیا جنائیا۔ بھگت پیارا ہو کے ویکھ لوک مات، کلجُگ رَین اندھیری چھائیا۔ اَمبر اُپروں برسے برسات، میگھلا اپنا رنگ رنگائیا۔ کروڑ چھیانوے کھیل تماش، ویکھن چھہبر لائیا۔ رام وشِشٹ والی رات، سیِتا لچھمن دئے گواہیِا۔ شنکر ویکھے اُتے کَیلاش، برہما ویتا برہم نیَن اُٹھائیا۔ وِشنوُں جانے کھیل تماش، کرنی کرتا آپ کرائیا۔ جگت جیِو جہان دِسے اُداس، سَت سنتوکھ روُپ نہ کوئے وکھائیا۔ بھگت سُہیلے سجّن رکھ پاس، وِچھوڑا جگت دے کٹائیا۔ سچ بینتی، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جن بھگت کہے میرے ٹھاکر سوامی، کِیوں ٹھوکر رہیا لگائیا۔ آد جُگادی انترجامی، انتشکرن ویکھ وکھائیا۔ جِس کارن برکھے امرت پانی، اَمبر چھہبر لائیا۔ ایہہ وی کھیل خلق مہانی، ہرِ خالق تیری بےپرواہیِا۔ لچھمن دے اِک گلاس دی ایہہ نِشانی، سیِتا بوُندا بوُند نیِر برسائیا۔ بھگتن میلا سِری بھگوانی، بھگَون رنگ چڑھائیا۔ جُگاں پِچھوں ہوئی مِہروانی، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ گلاس کہے مَیں بھریا جل، تریتا پِچھلی یاد کرائیا۔ جِس دا کھیل ویکھنا کل، کُل مالک حُکم سُنائیا۔ پریم پریِتی اندر رل، اِک ستّ خوشی وکھائیا۔ لوک مات آیا چل، بن کے پاندھی راہیِا۔ چھڈ کے جگت تھل، پیَنڈا لیا مُکائیا۔ دُکھڑا سیِس جھلّ، حوصلہ لیا ودھائیا۔ اوہناں نالوں وِچھڑنا نہیں گھڑی پل، جو بھگت سُہیلے بھگَون سنگ نِبھائیا۔ اوہناں دے اندر باہر جانا رل، رل مِل اپنی خوشی منائیا۔ کوُڑی ترِشنا میٹ کے سلّ، ترِکھا ترِشنا دوُر کرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جل کہے مَیں بوُند سوانتی، جگ نیتر نظر کوئے نہ پائیا۔ ستاراں چیت دی سُہنجنی راتی، پِچھلا لیکھا رہیا جنائیا۔ لچھمن سیِتا دی باقی، بنباسی رام دئے گواہیِا۔ کر کے کھیل پُرکھ ابناشی، جام گُرمْکھاں رہیا پیائیا۔ اوہناں دی پوُری کر کے آکھی، آخر اپنا رنگ رنگائیا۔ اندر باہر دا بن کے سچّا ساقی، دوویں پیالے ہتّھ اُٹھائیا۔ اندروں من رہے نہ عاقی، باہروں تن نہ کوئے

دُکھائیا۔ کِرپا کر کے کملاپاتی، کملے کوجھے گلے لئے لگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گلاس کہے مَیں تریتا دواپرکلجُگ گیا ودھدا، بہُتا اپنا لیکھ بنائیا۔ انت اَخیِری راہ گیا تکدا، نیتر لوچن نیَن اکّھ اُٹھائیا۔ جِس ویلے بھگتاں میل ہووے پُرکھ سمرتھ دا، دُھر دا جوڑ جُڑائیا۔ نظارہ ویکھاں اُس دی پریم والی اکّھ دا، جو نیتر نیَناں نال مِلائیا۔ کِس بِدھ اِک گلاس دا امرت میگھ ہو کے وسدا، ورس ورس اپنی خوشی منائیا۔ نالے راگ سُناں راہ جاندیاں کولوں بھگَون دے جس دا، جو صِفت صلاحی ڈھولے گائیا۔ نال اوس نوُں ویکھاں ہسدّا، جو بنے پاندھی راہیِا۔ اوسے اسوَ اُتے سجدا، جو رام اسوَمید جگّ لئی دِتا بھجائیا۔ ایہہ کھیل اوسے دے حق دا، جو حقیِقت ویکھ وکھائیا۔ پِچھلا لہنا ایہو کُچھ دسّدا، بالمیک دے کے گیا وڈیائیا۔ ڈھائی گھنٹے ایسے جوُہ وِچ ایہہ گھوڑا رہیا سی ٹپدا، اِدھر اُدھر چکر لگائیا۔ جِتھے گُرمْکھ سوہنا وسدا، اوہناں دے گرِہ پہلوں پوِتر کرائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ گھوڑا کہے ایسے دا انگریز، اگلا نہیں پِچھلا ساتھی نظری آئیا۔ جِس دے نال دوُجا دیوی سِنگھ ہُندا سی درویش، دوویں واگاں پھڑ کے خوشی منائیا۔ جِس دے گھر دِتا بھیج، ایہہ سردی گرمی وِچ سیو کمائیا۔ اِک دِن پربھ نے دِتا سندیش، اگمّی حُکم سمجھائیا۔ اُس دا سب توں اُتے سِرلیکھ، لیکھا لِکھت دئے گواہیِا۔ اِک گھسیرا گھاہ رہیا سی ویچ، جِس نوُں گُرنام سِنگھ کہہ کے سارے رہے گائیا۔ ساڈھے تِنّ آنے لےَ کے بھیٹ، بھائی پرکاش تائیں پھڑائیا۔ اُس نے پھڑ کے لئے لپیٹ، کنّی لئے بندھائیا۔ اُس دی ماتا نے لئے ویکھ، اوہ ہؤلی جِہی سمجھائیا۔ ایہناں وِچوں مَینوُں دے دے ایک، لوڑ اپنی دِتی دِرڑائیا۔ مَیں اوس رام دی کرنی بھیٹ، جو بِھٹیاں اپنے گلے لگائیا۔ جے نہ دِتا تے مَیں اپنا کھیس دینا ویچ، قیِمت ٹکیاں والی پائیا۔ اودھروں آ گیا ہور سندیش، اگمّی راگ سُنائیا۔ تُہاڈا سب دا لہنا ہتّھ نر نریش، نر نِرنکار دئے جنائیا۔ ترنتے دی بجائے ایہہ کلجُگ لَینا ویکھ، ویہویں صدی دئے گواہیِا۔ ایسے اسوَ نوُں اوتھے بھیج، بھجن بندگی تُہاڈی لیکھے پائیا۔ دُھر دا مالک چل کے آوے تُہاڈے دیس، دِشا اپنی ویکھ وکھائیا۔ ایہو اُتے ہووے اسوَ کھیس، سوہنی سیو کمائیا۔ اَمبر کرے ہیت، چھہبر اِک لگائیا۔ جِس لّچھمی نے تکّی ٹیک، سیِتا گلاس ہتّھ ٹِکائیا۔ اوہنوُں رام تے رام دا مالک دوویں رہے ویکھ، بِن اکّھاں اکّھ کُھلائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ اسوَ کہے سُنو گُرمْکھ، میری آسا تُہانوُں دئے جنائیا۔ اجّ دے آؤن وِچ کِسے نہیں منّنا دُکھ،

ایہہ دُکھ نہیں سُکھ دا کارن رہیا بنائیا۔ تُہاڈے دھو کے سوہنے مُکھ، دُرمت مَیل دھوائیا۔ جِس تھاں تے آ کے گیا ساں رُک، جے بارش نہ ہُندی اِتھے میرا کؤن قدم ٹِکائیا۔ پھیر میرا لہنا کِس طرح جاندا مُک، چھت دے اندر واڑ کے میرا سُکھ وکھائیا۔ جے تُسیں مَینوُں لوو پُچھ، مَیں تُہانوُں لکّھ لکّھ دیاں ودھائیا۔ تُسیں رل کے آ گئے پِیو پُت، میرا سنسا دِتا چُکائیا۔ نہ کوئی پڑدا اوہلا رہیا لُک، لیکھا رہیا مُکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک تکائیا۔ دھرتی کہے جِس ویلے میرے اُتے رکھیا سُنب، اگلا حِصّہ دِتا چُھہائیا۔ مَینوُں سُتّی نوُں دِتا ٹُنب، اکّھ دِتی کُھلائیا۔ جِس ویلے ہلائی دُم، دو جہان وجّی ودھائیا۔ اُتوں اُتردیاں دھرنی کہے مَیں پربھوُ دے چرن لئے چُم، اپنی ترِکھا بُجھائیا۔ نالے کِہا مَینوُں سنتوکھ آیا ہُن، دھیِرج دِتی دھرائیا۔ کی اوہناں دے گاواں گُن، جو نال چل کے آئے پاندھی راہیا۔ اوہناں دا لیکھے لگا جو ٹھنڈ نال سُکیا خوُن، پریم اگن نال گرم دیوے کرائیا۔ ایہہ کوئی اکھّراں والا نہیں مضموُن، جگت والی نہ کوئے پڑھائیا۔ پربھوُ دا سچ قانوُن، آد جُگاد جُگ جُگ جن بھگتاں پَیج رکھائیا۔ اپنا بدلیا نہیں اصوُل، اصلیّت دِتی سمجھائیا۔ جن بھگتو تُہاڈا پریم کرنا وصوُل، وصوُلی اپنی آپے رہیا کرائیا۔ دُکھ نوُں سُکھ کر کے کرنا قبوُل، کایا کپڑ دُرمت مَیل دھوائیا۔ بھاویں تُہاڈے چرناں دی اجّ نہیں اُڈی دھوُل، دھوُل نالوں معقوُل تُہاڈا رس دھرنی لےَ لےَ خوشی منائیا۔ جوتی جوت سروُپ ہرِ، آپ اپنی کِرپا کر، مِہر نظر نال اُٹھائیا۔ اسوَ کہے مَیں جِس ویلے اندر وڑیا چّھت والے برانڈے، نیِلی چھت رو رو نیَناں نیِر وہائیا۔ ساڈے نیتر نیَن شرماندے، اکّھیاں دین گواہیِا۔ جِس دا گُر اوتار پیِر پَیغمبر دھیان لگاؤندے، مالک دو جہان اکھوائیا۔ مَیں ویکھنا چاہُندا اوہ گُرمْکھ اُس دے پیارے سانجھے، جو اِکو رنگ رنگائیا۔ پریمی دا پریِتی اندر ڈھولا گاندے، سوہنا راگ سُنائیا۔ اپنیاں چرناں نوُں دھواندے، صاف سُتھرے رہے بنائیا۔ اوس ویلے برہمنڈ کھنڈ ہتّھاں سارے گِدھا پاندے، تالی رہے وجائیا۔ جیہڑے آ گئے تھکے ماندے، مندیاں بھاگاں والے چنگے دِتے بنائیا۔ جیہڑے بَیٹھے کُچھ پواندے کُچھ سراندے، سنمُکھ بہہ کے بُہتے خوشی منائیا۔ کوُڑی ٹھنڈ نہ موُل مناندے، ہس ہس ڈھولے رہے گائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ایس دھرنی کِہا میری خاکی نہ ویکھو مِٹّی، دھوُل نہ جگت جنائیا۔ ایتھے بالمیک ساڈھے نؤ ہتّھ دی بنا کے کُلیّ چِٹی، باون دِن گیا آسن لائیا۔ اِک دِن پریم پیار اندر اپنی پکاؤندا سی ٹِکی، چپاتی اگنی اُتے ٹِکائیا۔ اودھروں اِک کنیا آ گئی نِکی، عمُر پنج سال

سمجھائیا۔ کول آ کے دُہتّھڑاں مار کے پِٹی، بہُڑی بہُڑی رہی سُنائیا۔ مَینوُں کھان پیِن والی وست کِتے نہیں دِسی، بُھکھ رہی ستائیا۔ جے مَینوُں دے دیویں اِک روٹی مِٹھی، جھولی دیویں بھرائیا۔ بالمیک کِہا روٹی دے تھاں مَیتھوں لےَ لےَ چِٹھی، جو تیری دیوے گواہیِا۔ جِس ویلے سمت لنگھیا ویہہ سؤ اِکّی، اِک اونکار اِکو پھیرا پائیا۔ جن بھگتاں دی نال لےَ کے سِکھی، ساکھیات تَینوُں ویکھ وکھائیا۔ جیہڑی کُلّی اکّھاں نال کِسے نہیں ڈٹھی، اوتھے آ کے چرن چُھہائیا۔ ساچی جاننہارا ریِتی، ریِتیوان بےپرواہیِا۔ بےشک تُوں کنیا نِکی، کنیا توں مانَس روُپ تیرا دئے بدلائیا۔ ایہہ میری نصیِحتی، نصیِب تیرا دئے پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، در ساچے سوبھا پائیا۔ دھرنی کہے اِک دِن بالمیک جگاؤن لگا سی دیِا، ماچس ہتّھ کوئے نہ آئیا۔ اوہ ہو کے تھوڑا نیِواں، لبھے تھاؤں تھائنیا۔ پھیر مار کے ہتّھ اُتے سیِواں، دھرتی دِتی ہِلائیا۔ دھرنی کِہا کِیوں سَتؤنا جیِواں، پروانے رہیا جلائیا۔ اوس دی مستی اندر تُوں سدا کھیوا، نام خُماری تیری رُشنائیا۔ جِس دے سہارے جیِواں، اوہ تیرا مِتر پیارا نظری آئیا۔ جِس دا امرت رس پیِواں، اوہ چھہبر رہیا لگائیا۔ بالمیک ہتّھ رکھ کے سیِنہ، دُھر سندیشہ اوس نوُں رہیا دِرڑائیا۔ دھرنی ایہہ ویکھ رُت چیت مہیِنہ، اِک اٹّھ سوبھا پائیا۔ نہ سردی نہ کوئے پسینہ، گرمی نہ کوئے جنائیا۔ دھرنی کِہا ایہہ بھگتاں دا رنگ بھینا، پربھوُ دی بےپرواہیِا۔ کوئی وِچھوڑا نہیں جل میِنا، ترِکھا پیاس نہ کوئے رکھائیا۔ بالمیک کِہا ایہہ کی کِہا بچن کمیِنہ، بھگتاں نوُں مچھلی نال رلائیا۔ جِنہاں دا بن جائے آپ وسیِلہ، وصل اپنا دئے وکھائیا۔ اوہناں دی بدل دیوے دلیِلا، دِلدار ہو کے اپنا رنگ چڑھائیا۔ اوہناں دی سیوا لا دئے اَمبر نیِلا، چھہبر پریم والی وکھائیا۔ بھگتاں دا بنا کے قبیِلہ، کامل مُرشد ہوئے سہائیا۔ میری ارداس سُنے اپیِلا، اپرمپر سوامی آپے ویکھ وکھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ چِٹی کُلیّ کہے جِس ویلے آوے کُل مالک، پروردِگار سچّا گوسائنیا۔ دُھر درگاہی بن کے ثالث، سچ عدالت اِک کمائیا۔ بھگت سُہیلے کڈھ کے خالص، خواہش اپنی وِچ سمائیا۔ جن بھگتو تُہاڈے لہنے دی پِچھلی اَمانت، مِہروان ہو کے جھولی رہیا پائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، دُکھ سُکھ سُکھ دُکھ دُکھیاں دا دُکھ اپنی جھولی پائیا۔

۱۸ چیت شہنشاہی سمت ۱ پرکاش چند دے گرِہ مگھووالی جموں

خوُشی نال سندیشہ دین لگی پؤن، چار کُنٹ سیو کمائیا۔ پریمیاں پیاریاں لگی سُناؤن، سندیشہ اِک سُنائیا۔ ہسدیاں نوُں لگی ہساؤن، مستی نام چڑھائیا۔ تُساں نہیں ویکھیا کیہڑا لگا گاؤن، گُن گہر گمبھیِر جنائیا۔ برہمنڈ کھنڈ لگے سِر ہِلاؤن، خوشیاں تال وجائیا۔ جِس دی پریم پیار سُریلی طرز من موہنیاں آئی بھرماؤن، اپنا ناد جنائیا۔ کروڑ تیتیِسا آئی ترساؤن، تڑپ تڑپ وِچ لگائیا۔ سُہاگناں دے سوہنے سیِس آئی گُنداؤن، ساچی مینڈھی سوبھا پائیا۔ لال میَنہدی ہتّھ آئی رنگاؤن، چوُڑا سُہاگ وکھائیا۔ سُتّیاں دی نیِند آئی مٹؤن، نیتر اکّھ کُھلائیا۔ پاندھیِاں دے پندھ آئی مُکاؤن، خوشیاں راگ الائیا۔ ہالیاں ہل آئی چھڈاؤن، سُرتی دِتی بدلائیا۔ سوانیاں نوُں آئی رواؤن، بِرہوں چوٹ لگائیا۔ سندیشے آئی پُچاؤن، اپنا فِکر چُکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پؤن کہے جِس ویلے کِہا چرن پریِتی پا دے خَیر، خبر بےخبراں دِتی جنائیا۔ ہسدے ہسدے پرم پُرکھ کر کے مِہر، مُکھ بغل وِچ لُکائیا۔ گُرمْکھاں دی پریِتی کوئی لےَ نہ جاوے غیَر، چوری ہتّھ نہ کدے پھڑائیا۔ جِنہاں اپنے گھر کراؤنا سیَر، سّیار لَینے بنائیا۔ وساؤنا ساچے شہر، شرع دینی تُڑائیا۔ بُزدِل رہن نہیں دینا کائر، سوُربیِر روُپ وکھائیا۔ جِنہاں دے اُتے ورتن نہیں دینا قہر، غمی خوشی وِچ بدلائیا۔ پریم پیار دی بخش کے لہر، پَون ہُلاریاں دئے سمجھائیا۔ پرم پُرکھ دا بھگتاں نال کدے نہیں وَیر، وَیری اپنے نال مِلائیا۔ شبد نال سُنا کے کیہر، بھبک اِک لگائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پَون کہے اجّ کِیوں بینتی کر کے گایا گیِت، مَیں سب نوُں دیاں سُنائیا۔ ایہہ گوتم دی پِچھلی ریِت، پوُرب لیکھا یاد کرائیا۔ چیت اٹھاراں اپنے مِتراں نوُں رہیا سی اُڈیِک، نِج نیتر اکّھ اُٹھائیا۔ جِس دا لیکھا نہیں کِسے وِچ تواریخ، تاریخ نہ کوئے سمجھائیا۔ اودھروں پَون کہے میری ٹھنڈ سی ٹھانڈی سیِت، اپنا رنگ وکھائیا۔ میگھلا دھار اِک باریِک، بوُندا باندی رہی ٹپکائیا۔ اِک اُتّر دِشا توں آ گیا نیِچ، کُلہیِن پھیرا پائیا۔ اوس دے گل نہیں سی قمیِض، پٹکا سیِس اُتے رکھائیا۔ ہتّھ وِچ بغلی منگن والی بھیکھ، لڑیاں چار جوڑ جُڑائیا۔ ہتّھ وِچ ترِسوُل والی سیِخ، شنکر شنکر رہیا گائیا۔ بھگَون نال پریِت، دوُجی آس نہ کوئے رکھائیا۔ جِس ویلے گوتم دے کول پہنچیا ٹھیِک، ٹھاکر اَگوں ہو کے گلے لگائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ نیِچ ذاتی نام چندیر، سرِشٹی کہہ جنائیا۔ گوتم نے

اَگے ہو کے ویکھیا نیڑ، نیتر نیَناں نال مِلائیا۔ جاں بُجھیا اِس دے اندر کوئی بھیت، بھیوَ ابھید چُھپائیا۔ اوس کِہا میرا پربھوُ نال ہیت، رِکھیشر تَینوُں دیاں دِرڑائیا۔ گوتم کِہا مَیں وی اوسے دی گودی وِچ رہیا کھیڈ، جو تیرا رنگ چڑھائیا۔ نیِچ کِہا اوسے نے مَینوُں دِتا بھیج، اَگے ہو کے میل مِلائیا۔ گوتم ہس کے کِہا جے دوہاں دی سانجھی ہو جائے سیج، پت پرمیشور اِکو در سوبھا پائیا۔ اوسے ویلے پرم پُرکھ سُنیہڑا دِتا بھیج، دُھر دا حُکم دِرڑائیا۔ ایہہ میرے ہتّھ کھیڈ، جِؤں بھاوے رہیا چلائیا۔ لہنا دینا دیاں نبیڑ، بھرم بُھلیکھا رہے نہ رائیا۔ سَتجُگ تریتا دواپرکلجُگ مُک جان دیؤ گیڑ، گیڑے اپنے وِچ بھوائیا۔ جِس ویلے نِرگُن روُپ ہو کے آیا پھیر، پھیرا لوک مات پائیا۔ دوہاں نوُں مانَس جنم دے کے سچ دوارے لیاواں گھیر، گھیرا اپنا نام رکھائیا۔ مِہروان ہو کے کراں مِہر، نظر اِک اُٹھائیا۔ گوتم کِہا ساڈا تن خاکی ہونا ڈھیر، ناتا جگت تُڑائیا۔ کِس بِدھ لیکھا دئے نبیڑ، اَگے دے سمجھائیا۔ پُرکھ اکال کِہا جِس ویلے آواں ہو کے سِنگھ شیر، وِشنوُں وِشوَ سہائیا۔ دوہاں نوُں پھڑ کے دیواں میل، اپنا حُکم ورتائیا۔ چاڑھ کے رنگ نَویل، رنگن اِک رکھائیا۔ ہتّھ جوڑ کے کِہا چندیر، چِنتا دینی گوائیا۔ پُرکھ اکال کِہا تیرے اُتے تیِجی وار کراں مِہر، دوُجی دھار رام نال کُڑمائیا۔ اوس کر بینتی اپنا آپ چرن کوَلاں اُتے کیِتا ڈھیر، سیِس مستک دھوُڑی لئی رمائیا۔ پُرکھ اکال کِہا جِس ویلے آواں تیرے کھیڑ، گرِہ مندر ویکھ وکھائیا۔ بھیو کُھلاواں نہ لاواں دیر، گوتم یار جوڑ جُڑائیا۔ جُگ چؤکڑی کر کے ہیر پھیر، وقت دِتا لنگھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، چند پرکاش پِچھلا اِتہاس گوتم دا ساتھ، پربھوُ دا درشن ساکھیات، لیکھا لِکھ کے قلم دوات، ارتھات اتھوا ارتھ بےارتھ سمرتھ اکتھ دئے دِرڑائیا۔

پَون کہے مَینوُں اِک ہور آئی سُگندھی، ساچی مہک نال مہکائیا۔ مَیں ویکھیا طرح چنگی، چنگی طرح کھوج کھوجائیا۔ جاں تکیا پتہ لگّا ایدھروں ہرِ سنگت لنگھی، ہِردے ہرِ ہرِ نام دِھیائیا۔ جِنہاں دی ٹُٹی گنڈھی، وِچھڑے لئے مِلائیا۔ توڑ کے خانہ بندی، بندگی اِکو دِتی سمجھائیا۔ اُہناں دی اکّھ نہیں رہی اندھی، گیان نیتر دِتا کُھلائیا۔ جِس ویلے اُہناں ڈھولا گایا سوہنگ چھندی، شہنشاہ تیری بےپرواہیِا۔ پَون کہے مَیں مندی توں ہو گئی چنگی، سُگندھی وِچ اپنی سُگندھی دِتی چُھپائیا۔ جوتی جوت سروُپ

ہرِ، آپ اپنی کِرپا کر، مِہر نظر اِک اُٹھائیا۔ پَون کہے جاں مَیں ویکھیا امرت رس جھِردا، بوُند سوانتی نظری آئیا۔ میرا شانت ہویا ہِردا، خوشی انت وکھائیا۔ مَیں کِہا ایہہ تپدا سی چِر دا، کِس مِہر کیِتی گوسائنیا۔ دُھر آواز آئی اُٹھ ویکھ پربھ ٹھاکر آ گیا پِھردا پِھردا، ویس اویسا روُپ دھرائیا۔ جِس دا کھیل گھر تھِر دا، تُھڑے تھِڑکیاں پار لنگھائیا۔ تَینوُں پتہ نہیں ایہدی مِہر دا، مِہر نظر نال گُرمْکھ رہیا ترائیا۔ جنم کرم دے لیکھ نبیڑدا، جھگڑے رہیا چُکائیا۔ ایہو کھیل اگمّی شیر دا، جو شرع رہیا بدلائیا۔ کلجُگ لیکھا مکُے اندھیر دا، سَت جوت کرے رُشنائیا۔ جُگ جنم ایہو بکھیردا، بِکھڑیاں رہیا مِلائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ پَون کہے چندیر دا اِک ہور ساتھی سی پوستی، جو ڈھائی میل پِچھے ڈیرہ لائیا۔ دوہاں دی گوُڑھی سی دوستی، مِل کے رام نام دِھیائیا۔ اُہناں دی سوچ اِک دِن سوچدی، اِک دوُجے نوُں رہی سُنائیا۔ بھائی کیہڑی گھڑی سب نالوں مؤج دی، اپنی اپنی دئیے بتائیا۔ چندیر نے کِہا مَینوُں لوڑ اِکو اوٹ دی، جو اوڑک لئے مِلائیا۔ ساتھی نے کِہا مَینوُں لوڑ اوس دے پریم چوٹ دی، جو سُتّیاں لئے جگائیا۔ دوہاں کِہا ایہہ کھیل اوسے دی مؤج دی، جو مؤجوُدہ ہو کے ویکھ وکھائیا۔ اودھروں اِک بِردھ اوستھا مائی آئی اوہ کہندی مَیں تُہانوُں روکدی، اگلا بھیو کُھلائیا۔ تُسیں سار نہیں جان دے اوس پربھوُ چور دی، جو ٹھگّی چوری کرکے اپنا مُکھ چُھپائیا۔ ذرا سمجھن والی گلّ غؤر دی، تُہانوُں دیاں دِرڑائیا۔ میری بولی بھاویں بےشک کؤڑ دی، غُصّہ دیوے چڑھائیا۔ جِہدی آتما اِس نوُں لوچدی، اُس نوُں میلا دئے مِلائیا۔ چندیر دے ساتھی کِہا مائی کُچھ گلّ کر ہوش دی، کِیوں سانوُں رہی بُھلائیا۔ اوس کِہا مَیں ایہو کُچھ سوچدی، جِس دی تُہانوُں سمجھ نہ آئیا۔ تُہانوُں خبر نہیں لوک پرلوک دی، مَیں دو جہاناں ویکھ وکھائیا۔ تُہانوُں سار نہیں ہرکھ سوگ دی، چِنتا غم کوَن مِٹائیا۔ پربھ نوُں مِلنا کھیل نہیں روز دی، جگت لبھیاں ہتّھ کِسے نہ آئیا۔ مَیں تُہاڈے اَگے نِکاّ جِہا پردہ کھولدی، تُہانوُں دیاں جنائیا۔ جے مؤج ویکھو میرے ماہی سچّے ڈھول دی، ڈھولے گاؤ چائیں چائنیا۔ مَیں وزن تول ساچے تولدی، کنڈا اپنے ہتّھ اُٹھائیا۔ میری گلّ نہ سمجھِیو مخؤل دی، مُخاطب ہو کے رہی سمجھائیا۔ میری کوئی سُرتی نہیں انبھول دی، بھرم وِچ نہ کوئے رکھائیا۔ مَیں کراں بات سچّی قؤل دی، اِقرار نال دِرڑائیا۔ جِس ویلے واری آئی دھرنی دھرت دھؤل دی، پربھ اپنا چرن دیوے ٹِکائیا۔ اوس ویلے مَیں لہر ویکھنی بھگتاں دی مؤج کِس طرح مؤلدی، اپنا روُپ بدلائیا۔ ایہہ کھیل سچ نِرول دی، رلا نہ کوئی

پائیا۔ جِس ویلے اگمّی جوت جن بھگتاں نوُں مِل مِل ویکھاں جوڑدی، وِچھڑے آپ مِلائیا۔ اوہ رَین اندھیری ہونی کلجُگ اندھ گھور دی، ساچا چند نہ کوئے چمکائیا۔ پوستیا اوس ویلے تیری دشا گھر دی چِنتا ہونی لوڑ دی، ترِشنا نال رکھائیا۔ تُوں لڑی چُھڑانی پربھ دے نالوں اپنی ڈور دی، ایہہ لیکھا تَینوُں یاد رہے نہ رائیا۔ تُوں کی جانے مَیں بُڈھڑی کِس طرح تَینوُں اوس دے نال جوڑدی، اپنی بِدھ بنائیا۔ اوس کِہا کوئی لوڑ نہیں شور دی، کِیوں مَینوُں رہی بُھلائیا۔ اوس کِہا بچّوُ جِس ویلے مَیں لنگھ گئی تیرے کول دی، تیری سُرت دیاں بھوائیا۔ پوستیا ویکھیں پھڑ کے گِٹا تیرا کِویں مروڑدی، پُٹھا گیڑ دبائیا۔ مَیں جے پِچھے لگ جاں اوہنوُں کدی نہیں چھوڑدی، چُھٹکارا کرن نہ دیواں کولوں سچّے ماہیِا۔ گُرمیِت تَینوُں پتہ نہیں ایہہ کھیل اوسے چور دی، جو چوری چوری نال کرائیا۔ پرکاش چند دھار اوسے چندیر دی، جو تیرا ساتھی پِچھلا مستی مستی وِچ ٹِکائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، کوئی طاقت نہیں کِسے کمزور دی، کمر بنّھ کے بھگتاں رہیا مِلائیا۔

پَون کہے مَیں دسّاں کرکے ہاں، سَت سچ دیاں جنائیا۔ اوہ بُڈھڑی اوہو جیہڑی سنسار سِنگھ دی ماں، چھمب اندر ڈیرہ لائیا۔ پھیر وی اوس نے ترس لیا کما، تھوڑی لاکے بہُتی بینتی دِتی سُنائیا۔ کی مَیتھوں ہویا گُناہ، چُپ چُپاتی اندر وڑ دے گئی جنائیا۔ پربھ نے ہؤلی جِہی اُس دی پِٹھ تے تھپکی لا، ہس کے دِتا وکھائیا۔ تُن بچّیاں دی ماں، بچّیاں سنگ اپنا چوج کرائیا۔ بھلا ہویا جو گِٹے نال نہیں ٹُٹی بانہہ، ایہہ وی لیکھا دِتا چُکائیا۔ اِک ہور سُنیہڑا دیواں سُنا، بھیوَ ابھید کُھلائیا۔ جیہڑی کرنی سی کرنی اوہ کرتے لئی بچا، مِہر اپنی نال ترائیا۔ اِک دُکھ اٹھاسی میِل تے ہونا سی بھَین بھرا، دلجیِت سّجی لتّ جاندی تُڑائیا۔ اِس دا پِچھلے جامے وِچ ایہو پرکاش سی بھرا، جِہنوُں چندیر کہ کے سارے نام سُنائیا۔ ایہناں ساریاں دا اِکو گواہ، پاربرہم بےپرواہیِا۔ مِہر کرکے لیاندے بچا، ترس کرکے طبع دِتی بدلائیا۔ جے تھوڑا جِہا بن جاندا بےپرواہ، پھیر دُکھیاں دُکھ نہ کوئے مِٹائیا۔ ڈاکٹر سکدا نہ کوئے بچا، انگ ہڈّ نہ کوئے جُڑائیا۔ نہ ایہہ پِچھلے جنم دا کوڑما اِکٹّھا ہُندا، نہ کوئی پربھوُ لیکھا دیندا لِکھا، دُھر دا حُکم سمجھائیا۔ جو آد جُگاد سب نوُں چلاؤندا آیا اپنی رضا، ہُن بھگتاں دی چلے رضائیا۔ بھاویں ایہنوُں قِسمت کہو بھاویں قضا، قیامت توں دِتا بچائیا۔ جیہڑا پوُرب وعدہ پوُرا رہیا کرا،

اوس دا لہنا جھولی پائیا۔ بھاویں پوُرن منّو بھاویں خُدا، بھاویں جانو بےپرواہیِا۔ بھاویں جانو غریِباں دی سیوا رہیا کما، چاکر نظری آئیا۔ جے چاکر نہ ہُندا سارے کِس طرح لیَندا رلا، اسوَ گھوڑے لہنا چُکائیا۔ کِس بِدھ وکیِل سِنگھ دے جاندا تھاں، بالمیک جِس دا دھیان رکھائیا۔ کِس طرح گھسیرے دا لیکھا دیندا جھولی پا، کِس طرح بھرا دی گنڈھ بندھائیا۔ کِس بِدھ ماتا توں منگ لیندا منگا، اِک پَیسا قیِمت پائیا۔ کِس بِدھ انگریز سِنگھ دیندا وڈیا، جو چؤدھری پِچھلا نظری آئیا۔ دیوی سِنگھ دا لیکھا سہج سُبھا، دِوس رَین - - - -۔ بھاویں سچ سمجھو بھاویں سمجھو پربھ نوُں ہویا شُدا، ایَویں رہیا سُنائیا۔ سچ پُچھو جُگ جنم دے وِچھڑِیو بچّیو تُہانوُں گودی رہیا بَیٹھا، گوبِند بن کے دُھر دا ماہیِا۔ جے تُسیں مَینوُں بَیٹھے بُھلا، ابُھل بُھل وِچ کدے نہ آئیا۔ اَگے رہن نہیں دینا جُدا، جُگا جُگنتر لیکھا دینا مِٹائیا۔ مارگ سِدھے لَینا پا، صِدق صبوُری اِک وکھائیا۔ دو جہاناں پھڑکے بانہہ، پار کنارہ دینا کرائیا۔ جے لہنا دینا یہاں وہاں دیواں پُچا، جہاں دوُجا نظر کوئے نہ آیا۔ گُرمْکھو تُساں صِرف میرے پیار وِچ اِکو کرنی ہاں، اَگے ہؤکے دی لوڑ رہی نہ رائیا۔ جِنہاں نوُں سِدھا مِلیا آ، مُلاحظیدار ہور نہ کوئے بنائیا۔ وعدے رہیا بُھگتا، پاربرہم سچّا شہنشاہیِا۔ مہاراج شیرسِنگھ وِشنوُں بھگوان، سب نوُں اِکو جِہا رہیا وکھا، وڈّا چھوٹا رہن کوئے نہ پایا۔

۱۹ چیت شہنشاہی سمت ۱ انگریز سِنگھ دے گرِہ مگھووالی جموں

گلاس کہے میرا اِکو روُپ اِک گلّ دی آس، ٹھٹھیار گھڑت نہ کوئے گھڑائیا۔ جِس دے نال پریمی پیار دی بُجھاؤن پیاس، ترِشنا ترِکھا دوُر کرائیا۔ اوہ وست رام دے پاس، انمُلڑی کول ٹِکائیا۔ سیِتا دا ساتھ، سوہنا سنگ جنائیا۔ لچھمن دِتا آکھ، اپنی خواہش دِرڑائیا۔ کلجُگ دا کھیل تماش، اپنا روُپ پرگٹائیا۔ بھگتاں دا نِواس، نیتر نیَن درسائیا۔ شِو جی دا کَیلاش، بَیٹھا سیِس نِوائیا۔ برہما دا اِتہاس، دیوے سچ گواہیِا۔ وِشنوُں دا سواد، رس اگمّی رہیا وکھائیا۔ پُرکھ اکال دیونہارا دات، وست اِک ورتائیا۔ سب دی مِل کے اِک جماعت، سوہنا رنگ وکھائیا۔ بِھنڑی رَین نال گئی ناچ، گھُنگٹ مُکھ اُٹھائیا۔ مِل کے سب نے کیِتی اِک بات، متا لیا پکائیا۔

کِس ویلے پھیر ہووے اِتفاق، مِلیئے چائیں چائنیا۔ دوئے جوڑ کے ہاتھ، سارے بینتی رہے سُنائیا۔ اَگوں کِہا پُرکھ ابناش، پردہ دیاں اُٹھائیا۔ دُھر سندیشہ دیواں ساچ، سچ کراں پڑھائیا۔ جِس دا مطلب کوئی نہیں ارتھ ارتھات، اتھوا اپنا حُکم منائیا۔ جِس ویلے نِرگُن دھار آواں لوک مات، نِروَیر پھیرا پائیا۔ جوتی جوت کراں پرکاش، شبدی شبد ڈنک شنوائیا۔ دو جہاناں لنگھ کے پتن گھاٹ، اپنا پندھ مُکائیا۔ پریمی پریِتم ہو کے بھگتاں کراں تلاش، گُرمْکھاں کھوج کھوجائیا۔ باہر بھیِتر ویکھاں ساس، ساہ ساہ لیکھ چُکائیا۔ ساچے منڈل پاواں راس، گوپی کاہن نچائیا۔ پردہ لاہ کے پرِتھمی آکاش، دھرنی دھرت دھوَل سوبھا پائیا۔ بھاگ لگا کے سوہنی کھاٹ، آسن سِنگھاسن دیاں وڈیائیا۔ چؤتھے جُگ دی میٹ کے واٹ، وٹنا گُرمْکھاں دیاں چڑھائیا۔ لچھمن جِس اِک گلّ دی آس، اوہ پوُری دیاں کرائیا۔ جن بھگتاں دا بن کے باپ، بچّیاں وانگ گود اُٹھائیا۔ روُح بُت دوویں کر کے پاک، پوِتر دیاں بنائیا۔ لیکھے لا کے ماٹی خاک، خواہ مخواہ کراں صفائیا۔ دو جہاناں بن کے سجّن ساک، دُھر دا سنگ وکھائیا۔ ایتھے اوتھے دے نِجات، سِر اپنا ہتّھ رکھائیا۔ کوُڑی کِریا نال ایہہ وفات، ملک المؤت نہ کوئے ڈرائیا۔ بھیو دسّاں نال وضاحت، پردہ دیاں اُٹھائیا۔ رہن دیواں نہ کوئے رفاق، رفیق دیاں جنائیا۔ روُپ دھر کے اپنا واحد، لاشریِک سیو کمائیا۔ سچ قانوُن کرکے آئد، ویکھاں تھاؤں تھائنیا۔ سَت دھرم کرنا رائج، رجوُہ سب دی دیاں بدلائیا۔ سرِشٹی دے کولوں ہو کے غائب، بھگتاں اپنا درس دِکھائیا۔ ایہو کھیل ہووے عجائب، عجب لیِلا دیاں ورتائیا۔ جُگ چؤکڑی جو نام دی کرکے رکھی کفایت، محبوُب ہو کے جھولی دیواں پائیا۔ جھوُٹھی کٹ کے شرع شرائط، شریعت اپنی دیاں وکھائیا۔ چرن پریِتی کر کے عنایت، عنایت دے عنایت بُلے دے پیِراں ورگے گُرمْکھ دیاں بنائیا۔ جیہڑی منّی سِنگھ دسّ کے گئے ولایت، اوہ ولولے اندروں دیاں کڈھائیا۔ جِدھر جان اودھر اپنی کراں حمایت، ہم ساجن ہو کے نظری آئیا۔ سب دی پوُری کر کے خواہش، خواہش اپنی نال مِلائیا۔ چرن دوارے کرکے رحیائش، آرامگاہ اِک وکھائیا۔ جِس مندر دی کِسے نہیں کیِتی پَیمائش، اوسے دھام بہائیا۔ ایہو بھگتاں نوُں سچّی خَیرایت، بِن منگیاں جھولی پائیا۔ بھگت بھگوان دی سدا اِکٹّھی چڑھدی رہے جنیت، لاڑے دُھر دے دیاں بنائیا۔ درشن دیندا رہاں نیت نیت، نیتر نِج کر رُشنائیا۔ جیہڑے گوبِند پِچھے ہو گئے کھیت، اپنا آپ کٹائیا۔ اُہناں نال کر ہیت، دُھر دا میلا سہج سُبھائیا۔ جِس نوُں لبھدے گئے کیِتی کیت، کوٹن کوٹ پھیریاں پائیا۔ جِس دا نام راگاں ناداں شبداں دُھناں

وِچ گاؤندے وِشیش، وِشن برہما شِو دھیان لگائیا۔ جِس دا جس گاؤندے سہنسر مُکھ والے شیش، سوہنی سیج بنائیا۔ جِس نوُں آد جُگاد جُگ چؤکڑی سب نے منّیاں اِک نریش، نر نِرنکار اِک اکھوائیا۔ سو بھگت سُہیلا گرِہ بھگتاں بنے درویش، دردی ہو کے الکھ جگائیا۔ اِک گلّ کہے میری آس ایک، اِکو دیاں جنائیا۔ پرم پُرکھ پربھ جن بھگتاں بُدھی کرے بِبیک، من مت پرے ہٹائیا۔ نِرگُن ہو کے سرگُن نال لئے کھیڈ، کھلاری اپنا پھیرا پائیا۔ جِس گلّ دی آس پِچھے سب نوُں دِتا بھیج، اوہ گلاس اپنا دئے سمجھائیا۔ چھہبر لگّی امرت برکھے دیس پردیس، دہ دِشا ٹھنڈک اِک ورتائیا۔ گلّ آس کہے مَینوُں مِل گئی سچّی ٹیک، ٹِکٹکی دھیان جِس دے وِچ رکھائیا۔ جن بھگتو تُسیں سمجھو نہ کوئی کوُڑ کُڑیارا بھیکھ، پکھنڈی پکھنڈ رہیا رچائیا۔ جیہڑا مالک اوسے دا دیس، دیساں دا مالک آپے ویکھ وکھائیا۔ دھرنی کہے جِس میرے اُتے بہہ کے لِکھے لیکھ، لہنے دِتے چُکائیا۔ مَیں اپنے نیتر ساچے نیَن ایسے دی کیتےِ بھیٹ، ایسے دی جھولی پائیا۔ گُرمْکھو تُسیں سنمُکھ ہووو پیش، ساہمنے نظری آئیا۔ من کامنا بھگت بھگَونت انتر کدے نہ ہووے کلیش، کوُڑا جھگڑا دینا مِٹائیا۔ دُھر دا سوامی سدا کول رہے ہمیش، وِچھڑ کدے نہ جائیا۔ رل مِل دھرنی کہے اِکٹّھے کریئے اِک آدیس، سجدہ سیِس نِوائیا۔ مہاراج شیرسِنگھ وِشنوُں بھگوان، تُوں سب دا مالک سب نوُں کردے ایک، چرن پریِتی بخش کے ٹیک، ٹِکاّ مستک نام دے لگائیا۔ عنایت کہے کی کیِتا غضب، پروردِگار مَینوُں دے جنائیا۔ بھگتاں دا اِکٹّھا کر کے وفد، مِہر نظر نال ترائیا۔ سِری بھگوان کہے مَیں اِکو گایا شبد، ایدھروں پُٹ کے ایدھر لیا لگائیا۔ نہ دیِن رہیا نہ مذہب، نہ ذات پات جنائیا۔ ایہناں میرا کیِتا ادب، آداب کر کے ایہناں سیِس جھُکائیا۔ اندر مار کے اپنی رمز، اِشارہ اِک وکھائیا۔ ایہناں دا لیکھا بن گیا وانگ شمس، شمع دے پروانے پروانیاں نالوں چنگے بھگت بھگوان رہیا بنائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ عنایت کہے ایدھروں پُٹنا ایدھر لاؤنا، ایہہ تیری حُکم رضائیا۔ پُرکھ اکال کِہا مَیں مارگ اِک چلاؤنا، جِس کارن چلدیاں پِھردیاں پار لنگھائیا۔ جگت کیاریاں وِچ نہیں بہاؤنا، پنیِری ہتّھ نہ کوئے اُٹھائیا۔ مِہر نظر نال جن بھگت تراؤنا، اپنے رنگ رنگائیا۔ تُوں سی اِک بُلھا سمجھاؤنا، بُھلے پندھ لگائیا۔ پُرکھ اکال کہے مَیں اپنا مارگ لاؤنا، سَت دھرم نال رلائیا۔ کلجُگ اندر سَتجُگ ورتاؤنا، دُھر دا حُکم جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، شاہ پاتشاہ سچّا شہنشاہیِا۔