کتب خانہGranth 18 (Urdu)

۲ وساکھ شہنشاہی سمت ۱ آتما سِنگھ دا کوٹ، بیِبی بلونت کؤر دے گرِہ امرتسر

دو وساکھ کہے میرے بھگوان، پاربرہم پت پرمیشور تیری بےپرواہیِا۔ ابناشی کرتے تیرا ویکھیا کھیل دو جہان، برہمنڈ کھنڈ پُری لوء آکاش پاتال دھیان لگائیا۔ گُر اوتار پیِر پَیغمبر راہ تکان، نیتر لوچن نیَن سرب اُٹھائیا۔ نؤ کھنڈ پرِتھمی ستّ دیِپ سرِشٹی درِشٹی ویکھیا کھیل مہان، دُھر دا اِشٹی نظر کوئے نہ آئیا۔ ساچا منتر آتم انتر نظر نہ آیا برہم گیان، پاربرہم برہم وِدیا سچ نہ کوئے پڑھائیا۔ کھانی بانی کھیل ویکھیا لکّھ چؤراسی ہو پردھان، انڈج جیرج اُتبُھج سیتج پھول پُھلائیا۔ بیِس اِکیسے ہرِ جگدیِسے سَت مِلیا نہ کوئے نِشان، سَت سچ نہ کوئے وڈیائیا۔ کوُڑی کِریا جوُٹھ جھوُٹھ ویکھی دُکان، مایا ممتا ہؤمے ہنگتا گھر گھر نظری آئیا۔ من واسنا نچدا پِھرے شیَطان، دیِن مذہب ذات پات شرع کرے لڑائیا۔ پُرکھ اکال دیِن دَیال صاحب سوامی تیرا دیوے نہ کوئی دھیان، پروردِگار سانجھے یار میل نہ کوئے مِلائیا۔ پڑھ پڑھ تھکے شاستر سِمرت وید پُران اِنجیِل قُرآن، رسنا جِہوا بتّی دند ڈھولے گائیا۔ ساچی منزل چڑھ کے دھرم دوارے مِلیا نہ کوئی آن، انتر اپنا پردہ لاہیِا۔ اٹھسٹھ تیِرتھ تٹ کردے ویکھے اِشنان، گنگا گوداوری جمنا سُرستی پھیرا پائیا۔ دُرمت مَیل دھو نِرموہ ہو نہ سکیا کوئی اِنسان، گُن نِدھان تیرا رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، لکّھ چؤراسی ویکھ اپنا گھر، گرِہ مندر وجےّ نہ کوئے ودھائیا۔ دو وساکھ کہے پربھ دو جہاناں والی، سرِشٹی وارث نظر کوئے نہ آئیا۔ ساڈھے تِنّ ہتّھ کایا ماٹی دِسی خالی، سچ بھنڈارا نام امولک وست نہ کوئے ورتائیا۔ ترےَگُن ٹُٹے نہ کوئے جنجالی، جاگرت جوت نہ کوئے رُشنائیا۔ کوُڑی کِریا جگت واسنا دِسی سرب دلالی، دُھر دا ثالث سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، لوک مات ویکھ اپنا گھر، گرِہ مندر پھیرا پائیا۔ دو وساکھ کہے پربھوُ میری دُہائی، طوبیٰ طوبیٰ کر کے دیاں جنائیا۔ زِمیں اسمان ویکھے تھل اسگاہی، مہیئل پھیرا پائیا۔ بھرمے بُھلے کلجُگ راہی، ساچا مارگ پندھ نظر کِسے نہ آئیا۔ گُر اوتار پَیغمبر پِھر نہ کوئے سہائی،

صدی چؤدھویں پلّوُ گئے چُھڈائیا۔ ناتا تُٹیا بھائی بھائی، پِتا پوُت نہ کوئے وڈیائیا۔ چاروں کُنٹ اندھیرا رہیا چھائی، ساچا نوُری چند نہ کوئے چمکائیا۔ جلوہ دِسے نہ کِسے نوُر اِلاہی، کایا کعبہ حق حق نہ کوئے پڑھائیا۔ آتم پرماتم سب دی ہوئی جُدائی، سُرتی شبدی میل نہ کوئے مِلائیا۔ کایا مندر اندر منزل کِسے نہ مکُے ڈوُنگھی کھائی، چوٹی چڑھ درس کوئے نہ پائیا۔ مُلّا شیخ مسائک پنڈت جگت وِدیا رہے کُرلائی، بودھ اگادھا شبد انادا دُھن آتمک راگ نہ کوئے سُنائیا۔ جوتی جوت سروُپ ہرِ، آپ اپنی کِرپا کر، نِرگُن ہو کے ویکھ در، درویش اپنی الکھ جگائیا۔ دو وساکھ کہے مَیں ویکھیا چار کُنٹ جگت، دھرنی دھرت دھؤل دھیان لگائیا۔ گھر گھر کایا مندر اندر لگی ویکھی اگّ، امرت میگھ نہ کوئے برسائیا۔ ہنس بُدھی ہوئی کگّ، کوُڑ کُڑیارا کاگ وانگ کُرلائیا۔ جگت دوارے پار کر کے حد، بھانڈا بھرم نہ کوئے بھنائیا۔ گھر سوامی سجّن لئے کوئی نہ سد، پردہ نہ کوئے اُٹھائیا۔ شبد انادی سُنے نہ کوئی ند، انحد دُھن نہ کوئے اُپجائیا۔ امرت رس پیِوے کوئی نہ مدھ، ساچا جام ہتّھ نہ کوئے پھڑائیا۔ بِن ہرِ نامے خالی ہوئے ہڈّ، رتی رت نہ کوئے رنگائیا۔ من واسنا کلجُگ جیِو رہے نچ، بُدِھ بِبیکی روُپ نہ کوئے وٹائیا۔ پِھری دروہی وِچ وربھنڈ، برہمنڈ نہ کوئے سہائیا۔ کِسے ناتا تُٹے نہ جیرج انڈ، اُتبُھج سیتج پار نہ کوئے لنگھائیا۔ آتم پرماتم کِسے ہتّھ نہ آوے انند، پرمانند نہ کوئے سمائیا۔ ساچا نوُر چڑھے نہ دُھر دا چند، جوتی جاتا نہ کوئے رُشنائیا۔ بھیو چُکے نہ ہنگ برہم، پاربرہم تیرا سنگ نہ کوئی رکھائیا۔ ساچا دِسے کوئی نہ جن، جننی گود نہ کوئی سُہائیا۔ دوئے لوچن جگت سرِشٹی ہووے انّھ، نِج نیتر اکّھ نہ کوئی کُھلائیا۔ کوُڑی کِریا بھانڈا بھرم دیوے نہ کوئی بھنّ، ہؤمے ہنگتا گڑھ نہ کوئے تُڑائیا۔ سچ دھرم ملِے نہ کوئی نِشان، اِنسان حَیوان روُپ وٹائیا۔ اگمّی کلمہ پڑھے نہ کوئی کلام، کائنات کلمہ نہ کوئے جنائیا۔ سَت سروُپ نظر نہ آئے کِسے بھگوان، سچ دوارے سوبھا پائیا۔ سرِشٹی درِشٹی ویکھ ہویا حَیران، ہرِ جی ایہہ کی کھیل ورتائیا۔ کلجُگ لیکھا لگا دے وِچ جہان، لوک مات رہن کوئے نہ پائیا۔ سَت دھرم کر پردھان، دُھر دا حُکم اِک جنائیا۔ تُوں شاہ پاتشاہ سچّا سُلطان، نر نریش تیری وڈیائیا۔ گُر اوتار پیِر پَیغمبر تیرے در تے منگدے دان، وِشن برہما شِو بَیٹھے سیِس نِوائیا۔ تُوں آد جُگادی مالک خالق اِک مِہروان، محبوُب مُحبّت وِچ سمائیا۔ چارے بانی صِفتاں بھریا کرے بیان، سوہلے ڈھولے راگ جنائیا۔ جوتی جوت سروُپ ہرِ، آپ اپنی کِرپا کر، لوک مات ویکھ در، در ٹھانڈے پردہ لئے اُٹھائیا۔ دو وساکھ کہے میرے صاحب سوامی، سَت سَتوادی تیری اوٹ تکائیا۔ پت پرمیشور

انترجامی، بےپرواہ تیری بےپرواہیِا۔ کوُڑی کِریا جگت نِشانی، نوَ نؤ چار نظری آئیا۔ ساچا مِلیا نہ کِسے امراپد نِربانی، منزل چڑھے نہ کوئی نؤجوان نؤبت نام نہ کوئی سُنائیا۔ کاغذ قلم شاہی لِکھ لِکھ تھکی کانی، قُدرت دے قادر کاتب بَیٹھے مُکھ بھوائیا۔ تیرا میل مِلاپ بِن اکھّراں والا جاپ دسےّ نہ کوئے لوکائیا۔ پُرکھ اکال دیِن دَیال تیرا کھیل ویکھ ہوئی حَیرانی، جوتی جوت سروُپ ہرِ، آپ اپنی کِرپا کر، لوک مات ویکھ در، دروازہ سچ کُھلائیا۔ دو وساکھ کہے مَیں ویکھیا جیِو جگت، جاگرت روُپ اکّھ کُھلائیا۔ ساچی نظر نہ آئی شکت، شخصیّت سارے گئے بُھلائیا۔ جگت اندھیرا عرش فرش، پڑدا سکے نہ کوئے اُٹھائیا۔ چاروں کُنٹ سوگ ہرکھ، چِنتا غم ڈیرہ ڈھائیا۔ دُکھیاں ونڈے کوئے نہ درد، غریِباں گود نہ کوئے بہائیا۔ جگت قصائی دِسی کرد، قتل گاہ بنی لوکائیا۔ پت پرمیشور دُھردرگاہی میری اِکو عرض، بینتی تیرے اَگے سُنائیا۔ اپنا کھیل کر اسچرج، بھیوَ ابھیدا پردہ لاہیِا۔ کوُڑی کِریا میٹ دے گرد، غُبار نظر کوئے نہ آئیا۔ بھگت سُہیلے بنا کے دُھر مرد، مرد مردانے اپنا حُکم ورتائیا۔ نام کھنڈا اُٹھا کے کرد، دو جہاناں دے چمکائیا۔ حُکم سندیشہ اِک نِدھڑک، بےپرواہ دے سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دو وساکھ کہے پربھ مَیں ویکھی تیری دُنیا، مانَس مانُکھ مانو کھوج کھوجائیا۔ جھگڑا پیا رِکھیاں مُنیاں، پردہ سکے نہ کوئے گوائیا۔ سمجھ آوے نہ کِسے وڈّے گُن گُنیاں، گہر گمبھیِر تیری ملِے نہ کوئے سرنائیا۔ بھاگ لگّا نہ دِسے کایا کُلّیاں، کلمے پڑھدی ویکھی جگت لوکائیا۔ اٹھسٹھ تیِرتھ بھردے ویکھے چُلیاں، نِجھر جھِرنا امرت رس جام بوُند سوانتی نہ کوئے ٹپکائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ دو وساکھ کہے میرے صاحب سَتگُر ٹھاکر، ٹھوکر اپنی دے لگائیا۔ کوُڑی کِریا ویکھ ڈوُنگھا ساگر، بھوَری بھوَر اپنا رنگ بدلائیا۔ بھاگ لگّا کِسے تھاں نہ کِسے کایا گاگر، کاچی ماٹی نہ ہوئے کوئے رُشنائیا۔ ساچے در دا بنے نہ کوئے سؤداگر، صِفت صلاحی ڈھولے رہے گائیا۔ نِرمل کرم نہ ہوئے اُجاگر، دُرمت مَیل نہ کوئےدھوائیا۔ سوُربیِر دِسے جودھا نہ کوئے بہادر، من منسا لئے مِٹائیا۔ تُوں کرتا کریِم قُدرت دا قادر، شاہ پاتشاہ سچّا شہنشاہیِا۔ کلجُگ انت اَخیِری اپنا کر دے سچّا عادل، عدل عدالت اِکو اِک لگائیا۔ جگت اندھیرا رہے نہ بادل، بدلی کر دے تھاؤں تھائنیا۔ لیکھا مُکا دے مقتوُل قاتل، دُھر فرمانا حُکم سُنائیا۔ مانَس رہے کوئی نہ پاگل، بُدھ بِبیکی روُپ وٹائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ دو وساکھ کہے گھر گھر پیا جھگڑا، ساچا ناؤں نہ کوئے دِھیائیا۔

کوئی مارگ پنتھ نہ جانے اگلا، پردہ سکیا نہ کوئے چُکائیا۔ جگت واسنا سب نوُں کیِتا کنگلا، دھن گٹھڑی نام ہتّھ نہ کوئے پھڑائیا۔ اُچے ٹِلّے پربت جنگل جوُہ اُجاڑ پہاڑ ویکھے جنگلا، سمُند ساگر ڈوُنگھی کھائی کھوج کھوجائیا۔ جوتی جوت سروُپ ہرِ، آپ اپنی کِرپا کر، ساچا مارگ دے سمجھائیا۔ دو وساکھ کہے تیری کھیل پربھوُ دُھر دی، دُھردرگاہی تیری وڈیائیا۔ اپنی سرِشٹی ویکھ رُڑھدی، بِن تیرے پار نہ کوئے لنگھائیا۔ گُر اوتاراں پیِر پَیغمبراں دے حُکم نال نہیں مُڑدی، چار جُگ دے لیکھے رہی مُکائیا۔ کِسے اوٹ نہ رکھی ساچے گُر دی، گُر پرمیشور دوویں گئے بُھلائیا۔ گھر گھر اندر کھیل ویکھی پنج تت ٹھگ چور دی، کام کرودھ لوبھ موہ ہنکار دی آشا مُکی تیری لوڑ دی، لوڑیندا ساجن نظر کِسے نہ آئیا۔ کھیل ویکھ اندھیرے اندھ گھور دی، گھوری ہو کے پھیرا پائیا۔ جوتی جوت سروُپ ہرِ، آپ اپنی کِرپا کر، کلکاتی ویکھ وکھائیا۔ دو وساکھ کہے پربھ حاضر ہو کے ویکھ مؤجوُد، مجلس حق نہ کوئے لگائیا۔ کلجُگ سنت منزل چڑھے نہ کوئے مقصوُد، مقامے حق ڈیرہ کوئے نہ لائیا۔ مِلیا سچ نہ کوئے محبوُب، مُحبّت پریم نہ کوئے جنائیا۔ جھگڑا پیا تت کلبوُت، دِوس رَین لڑائیا۔ ساچا لبھے نہ کِسے عروُج، عرش فرش لیکھا نہ کوئے مُکائیا۔ کوُڑی چُکے نہ کوئے حدوُد، حد پار نہ کوئے کرائیا۔ جوتی جوت سروُپ ہرِ، آپ اپنی کِرپا کر، کلکاتی ویس وٹائیا۔ دو وساکھ کہے مَیں جُگ چؤکڑی تکدا رہیا راہ، بِن اکّھاں اکّھ کُھلائیا۔ چار جُگ دے گُر اوتار پَیغمبر میرے گواہ، جو شہادت دین نال صفائیا۔ واک بھوِکھت رہے جنا، شبد اِشارے نال دِرڑائیا۔ بیِس اِکیِسا بےپرواہ، پت پرمیشور نوُر خُدائیا۔ واحد لاشریِک نوُر خُدا، شاہ پاتشاہ اپنا حُکم منائیا۔ سب دا لہنا دینا دئے مُکا، مُکمل اپنی کار کمائیا۔ پوُرب لیکھا جھولی پا، فَیصلہ حق سُنائیا۔ مَیں ویکھیا تھاؤں تھاں، تھان تھننتر کھوج کھوجائیا۔ بِن تیرے پکڑے کوئے نہ بانہہ، برہمنڈ وربھنڈ نہ کوئے سُہائیا۔ جگت بُدھی ہوئی کاں، ہنسا مانک موتی چوگ نہ کوئے چُگائیا۔ آتم پرماتم مِلیا کوئی نہ آ، شبد ملاح بیڑا نہ کوئے چلائیا۔ ساچے پؤڑے چڑھ کے درشن کوئی نہ سکے پا، اگلا پندھ نہ کوئے چُکائیا۔ رسنا جِہوا بتّی دند گوشٹ رہے سُنا، اکھّراں والی کر پڑھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دے کُھلائیا۔ دو وساکھ کہے مَیں تکدا رہیا راہ، سَتجُگ تریتا دواپرکلجُگ دھیان لگائیا۔ کوَن ویلا پرگٹ ہووے بےپرواہ، پاربرہم سچّا شہنشاہیِا۔ پوُرب لیکھا ویکھے تھاؤں تھاں، دو جہاناں کھوج کھوجائیا۔ لہنا دینا سب دا دئے چُکا، خالی رہن کوئے نہ پائیا۔ کلجُگ کوُڑی کِریا دئے مِٹا، سَتجُگ

ساچا چند کرے رُشنائیا۔ دُھر دا مالک خالق آپ اکھوا، بےخبراں خبر سُنائیا۔ گُر اوتاراں پیِر پَیغبراں لیکھا جگت مُکا، مُکمل اپنا حُکم سُنائیا۔ واک بھوِکھت پوُر کرا، اندرِشٹ درِشٹی دئے جنائیا۔ ساچا سمت ہرِ اپنا لا، شہنشاہ وجائے اِک ودھائیا۔ سو وقت سُہنجنا گیا آ، گھر سجّن لیا مِلائیا۔ کاغذ لِکھے کوئی نہ شاہ، اکھّراں والی ونڈ نہ کوئے ونڈائیا۔ من وِچ سکے نہ کوئے سمجھا، خواہشاں وِچ نہ کوئے رُلائیا۔ ہنگتا وِچ سکے نہ کوئے چُھپا، پردہ اُپر نہ کوئے ٹِکائیا۔ پاندھا بن کے سکے نہ کوئی دِرڑا، چؤداں وِدیا سار نہ آئیا۔ چؤداں لوک بَیٹھے سیِس نِوا، سجدیاں وِچ کرن سچّی سرنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ دو وساکھ کہے پربھوُ جُگ چؤکڑی تیری کردے گئے اُڈیِک، آسا آسا نال ودھائیا۔ سو وقت سُہنجنا سُہاونی آ گئی تاریخ، تواریخ دے بدلائیا۔ مالک ہو کے لاشریِک، شرکت سب دی دے مِٹائیا۔ تیرے وِچ وڈ تؤفیِق، تُعارف اپنا دے سمجھائیا۔ دوُر دُراڈے آ کے آپ قریِب، پردہ اوہلا آپ چُکائیا۔ ساچے نام دی اِک تمہید، دُھر دا ڈھولا دے سمجھائیا۔ تُوں میرا مَیں تیرا دو جہان گاون تیرا گیِت، کایا کعبہ اِکو دے وکھائیا۔ پُرکھ اکال دیِن مذہب جھگڑا مُکا دے مندر مسیِت، شِودوالا مٹھ اِکو دے سمجھائیا۔ جِس گرِہ مندر اندر لگّے اِک پریِت، دوُجا نظر کوئے نہ آئیا۔ امرت آتم دھار بخش ٹھانڈی سیِت، نِجھر جھِرنا دے جھِرائیا۔ لیکھا مُک جائے ہست کیِٹ، اوُچ نیِچ رہن کوئے نہ پائیا۔ ساچے نام دی کر بخشیِش، رحمت اپنی اِک کمائیا۔ تیرا کلمہ تیرا نام تیری سچ حدیِث، حضرت اِکو دے جنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ مَیں ویکھاں وقت سُہنجنا، سوبھاونت دئے وڈیائیا۔ کِرپا کرے سو ہرِ پُرکھ نِرنجنا، پت پرمیشور بےپرواہیِا۔ دَیاکمائے ہرِ پُرکھ دُھر دا سجّنا، ساجن میِت سہج سُکھدائیا۔ ایکنکار بھانڈا بھرے سکھنا، وست امولک اِک ورتائیا۔ آد نِرنجن دِیپک گرِہ گرِہ ساچا جگنا، جاگرت جوت کرے رُشنائیا۔ ابناشی کرتا نام خُماری دیوے مدھنا، رس اِکو اِک چکھائیا۔ سِری بھگوان سچ دوار بہہ کے سجنا، آسن سِنگھاسن ڈیرہ لائیا۔ پاربرہم تیرا روُپ رہے الگ نہ، پرماتم پردہ دینا اُٹھائیا۔ بِنا کعبیوں ہووے حجنا، بِن حضرت اِکو نظری آئیا۔ بِنا گُر سَتگُر در لبھنا، ساڈے تِنّ ہتّھ اندر ویکھ وکھائیا۔ پریم پریِتی کراؤنا مجنا، دُرمت مَیل دھوائیا۔ انند وِچوں دینا ساچ انندنا، پرمانند وکھائیا۔ پاندھی ہو کے جگت دواریوں پار لنگھنا، اَدھ وِچ نہ کوئے اٹکائیا۔ گھر وِچ گھر سُہاؤنا بنگلا، منگلاچار اپنا ناؤں جنائیا۔ شرع شریعت دیِن مذہب رہے نہ سنگلا، بندھن سارے دینے کٹائیا۔

اِکو پُرکھ اکال اِکو تیری بندنا، گُر اوتار پیِر پَیغمبر تیرا گا کے چھندنا، کلمہ ڈھولا نغمہ دُھر دا ناد جنائیا۔ جوتی جوت سروُپ ہرِ، آپ اپنی کِرپا کر، سچ سوامی ہو سہائیا۔ دو وساکھ کہے پُرکھ اکال ہو جا دردی، دروہی تیرا نام خُدائیا۔ سچ دوارے سُن عرضی، آرزوُ اپنی دِتی پرگٹائیا۔ جگت سرِشٹی بِن تیرے ویکھی مردی، جوُنی لکّھ لکّھ بھوائیا۔ اگنی ویکھی سڑدی، تتّاں تت رہے جلائیا۔ کوُڑی کِریا ویکھی ہڑھدی، اَگے ہو نہ کوئے بچائیا۔ دُنیا دیِناں مذہباں وِچ لڑدی، جھگڑے من رہیا وکھائیا۔ تیری منزل اَگے ہو نہ کوئے چڑھدی، پندھ سکے نہ کوئے مُکائیا۔ کھیل دسےّ نہ کوئے تھِر گھر دی، سچکھنڈ نِواسی تیرا پردہ نہ کوئے اُٹھائیا۔ کلجُگ انت کوٹن کوٹاں وِچوں کِسے بھگت سُہیلے آتم تَینوُں وردی، اپنا فَیصلہ حق سُنائیا۔ داسی بن کے تیرے گھر دی، گھر اپنے وِچوں گھر لئے بدلائیا۔ جِتھے جوت اگمّی بلدی، تیل باتی نظر کوئے نہ آئیا۔ اوہ آتم پرماتم تیرے وِچ رلدی، تیری رحمت وِچ سمائیا۔ مَیں ویکھ کے کھیل کلجُگ کل دی، کلیان کر کے دِتی سُنائیا۔ دو وساکھ کہے ایہہ تیری کھیل حال احباب دی، دیِن دَیال تیری اوٹ تکائیا۔ ایتھے لوڑ نہیں سوال جواب دی، جھگڑا اَور نہ کوئے بنائیا۔ منّ بینتی اِک کنگال دی، غریِب نِمانے لےَ ترائیا۔ کھیل کر اپنی اگمّی چال دی، چلاکی سب دی دے مِٹائیا۔ لوڑ رہے نہ تلوار ڈھال دی، شبدی کھنڈے کر صفائیا۔ جوتی جوت سروُپ ہرِ، آپ اپنی کِرپا کر، سنت سُہیلے ویکھ وکھائیا۔ دو وساکھ کہے جگ ناتا پربھ تیرا گیا چّھڈ، اندروں گئے بُھلائیا۔ من مت کیِتا اڈّ، گُرمت سمجھ نہ کوئے سمجھائیا۔ کوُڑی کِریا ڈِگی ڈوُنگھے کھّڈ، پھڑ باہوں باہر نہ کوئے کڈھائیا۔ ساچی بنے نہ کوئے وِشوَ جدّ، بنس سربنس نہ کوئے سہائیا۔ جگت واسنا ہوئے الگ، الپگ روُپ وٹائیا۔ تُوں صاحب سوامی سربگ، بخشنہار اِک سرنائیا۔ لکّھ چؤراسی وِچوں بھگت اپنے سدّ، سدّا اپنا نام سُنائیا۔ دُھر دا ڈھولا جنا کے چھند، سنسے سارے دے مِٹائیا۔ خوشی کرا کے بند بند، بندگی اِکو دے دِرڑائیا۔ آتم پرماتم پا کے گنڈھ، جھگڑا دیِن مذہب مِٹائیا۔ امرت رس دے کے ٹھنڈ، اگنی تت دے بُجھائیا۔ نام مجیٹھی چاڑھ کے رنگ، رنگ رتے ہو سہائیا۔ ساچی سیجا اِک پلنگ، انتر انتر دے سُہائیا۔ جِتھے وجے اگمّی سُرنگ، تُریا نیَن شرمائیا۔ آسا منسا پوُری کر کے منگ، پرمانند وِچ سمائیا۔ ناتا توڑ کے جیرج انڈ، اُتبُھج سیتج پندھ مُکائیا۔ لیکھا مُکا کے برہم ہنگ، پاربرہم اپنے وِچ سمائیا۔ سچ دوارے دُھر دی منگ، مانگت ہو کے جھولی ڈاہیِا۔ جِنہاں گُرمْکھاں جن بھگتاں تیرا بنیا سنگ، ہرِسنگت روُپ وٹائیا۔ اوہناں دی انتر آتم ویکھ کے جا منّ، کوُڑی

ممتا موہ مِٹائیا۔ نام پدارتھ دے دے اپنا دھن، انمنگی دؤلت جھولی پائیا۔ سنت سُہیلے بنا لےَ جن، جننی ہو کے گود اُٹھائیا۔ بھاگ لگا دے کایا تن، ماٹی خاکی وجےّ ودھائیا۔ ایتھے اوتھے بیڑا دیویں بنّھ، اَگے پِچھے نہ کوئے رُڑھائیا۔ نِہکرمی اپنا کر کرم، کرم کانڈ ڈیرہ دے ڈھائیا۔ لیکھے لا ہڈّ ماس ناڑی چرم، چمّ درِشٹی دے مِٹائیا۔ سنسا روگ رہے نہ بھرم، بھے بھؤ بھاؤ اپنا دے سمجھائیا۔ جھگڑا رہے نہ چار ورن، اٹھاراں برن کھتری براہمن شوُدر وَیش اِکو آتم برہم دے سمجھائیا۔ نیتر کھول دے ہرن پھرن، نِج نیتر کر رُشنائیا۔ تُوں مالک خالق ترنی ترن، سمرتھ تیری وڈیائیا۔ بھگتاں دی منزل آئیوں چڑھن، اپنا پندھ مُکائیا۔ سنت سُہیلے آئیوں پھڑن، لکّھ چؤراسی کھوج کھوجائیا۔ دُھر دا ڈھولا آئیوں پڑھن، ساچا سوہلا اِک سمجھائیا۔ اپنی کرنی آئیوں کرن، کرتا پُرکھ ہو کے کار کمائیا۔ جوتی جوت سروُپ ہرِ، آپ اپنی کِرپا کر، ہرجن ساچے پار لَینے لنگھائیا۔ دو وساکھ کہے میرے پرم پُرکھ ابناشی، پاربرہم اِک تیری سرنائیا۔ بھگت سُہیلے ویکھ پَون سواسی، جو انتر انتر دھیان لگائیا۔ چرن پریِتی اندر بن کے داس داسی، سیوک سیوا سچ رہے کمائیا۔ اوہناں دے اندروں کایا مندروں کر دے دوُر اُداسی، حَیرانی چِنتا غم رہن کوئے نہ پائیا۔ رائے دھرم چِتر گُپت دا لیکھا مُکا کے کٹ کے جم دی پھاسی، لکّھ چؤراسی اَگے نہ کوئے بھوائیا۔ مات گربھ نہ اگن تپاسی، جوُنی جوُن نہ کوئے پِھرائیا۔ تیری سرن سرنائی اِکو بھاکھی، بےپرواہ لیکھا دینا مُکائیا۔ نؤ سؤ چُرانوے چؤکڑی جُگ پِچھوں جن بھگتاں دی آئی ایہہ وساکھی، جِس دی گوبِند پاتی دے کے اگمّ گیا سمجھائیا۔ کوئی سمجھ نہ سکے جگت وِدوانی گیانی پاٹھی، درِشٹانت دے نہ کوئے دِرڑائیا۔ پردہ کھول نہ سکے پنڈت کاشی، بھیوَ ابھید دئے جنائیا۔ وعدہ کر نہ سکے کوئے مُلّا شیخ نمازی، نموُدار کرے نہ کوئے وِچ لوکائیا۔ پروردِگار پُرکھ اکال دیِن دَیال سانجھے یار بھگت سُہیلے امرت میگھ برس کے جن بھگتاں دی نَویں کر دے آبپاشی، رُت بسنت سچ پُھلواڑی دے مہکائیا۔ جوتی جوت سروُپ ہرِ، آپ اپنی کِرپا کر، مِہروان مِہروان مِہروان دُھر دی مُحبّت دئے بنائیا۔ دُھر دی مُحبّت کہے میرا سُن لؤ نغمہ، نام نگارہ دیاں وجائیا۔ جن بھگتاں جنم کرم دا میٹ کے صدمہ، دُکھڑے دیاں مِٹائیا۔ میل مِلا کے اوس دے فدماں، جو قدیِم دا مالک نظری آئیا۔ اَگے دسّ دیواں ودھنا، رہبر ہو کے راہ وکھائیا۔ سچ دوارے ہرِ سنت سُہیلے ساچے سدنا، صدقے واری گھول گھُمائیا۔ سَتجُگ ساچی دھار لوک مات چلاؤنا رِواجنا، کلجُگ کوُڑی کِریا کر خَوار۔ سَت دھرم دا کھیڑا کر آبادنا، جِس دی آبادی بھگتاں والی لکّھ کروڑ نہیں گِنتی وِچ

تھوڑے سنسار۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، پوُرب لیکھا سب دا رہیا وِچار۔ دو وساکھ کہے میری انت انت بینتی، بِنؤ دیاں جنائیا۔ تُوں پت پرمیشور صاحب سوامی دُھر دا کنتی، کنت کنتُہل سچّا شہنشاہیِا۔ تیرا ویس انیک بہُہ بھانت اننتی، کل دھاری تیری وڈ وڈیائیا۔ گُروُ اوتار پیِر پَیغمبر خوشی مناؤندے پُرکھ اکال دی سَتجُگ ساچی دھار دی چلی ساچی سمتی، پِچھلے سمت رہیا بدلائیا۔ نہ کوئی عیسوی رہے نہ محمدی، نانک شاہی شہنشاہ اپنے وِچ سمائیا۔ اِکو دھار جو سب دا بیڑا بنّھدی، نئیا نؤکا اِکو اِک جنائیا۔ اَگے لوڑ رہے نہ گھڑ بھنّ دی، پرچوُن روُپ نہ کوئے وٹائیا۔ اِکو دا حُکم سرِشٹ سبائی رہے منّدی، منسا اَور نہ کوئے ودھائیا۔ جن بھگتو لہر ختم ہونی کوُڑے غم دی، خوشی اپنی دئے وکھائیا۔ لیکھے لا کے ماٹی تُہاڈے کایا دھن دی، ترےَگُن لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، پَیج رکھے بھگت جن دی، جو ساچی سرن لئے لگائیا۔ اگلی کھیل مہاراج شیرسِنگھ وِشنوُں بھگوان دی، بھگَون بھاگ سب دے ویکھ وکھائیا۔ جوتی جوت سروُپ ہرِ، آپ اپنی کِرپا کر، کھیل کرے اوس خصم دی، جو سب دی خواہش نال پوُر کرائیا۔

۳ وساکھ شہنشاہی سمت ۱ ہربھجن سِنگھ دے گرِہ کِتے گلی نمبر چار، امرتسر
)ڈانڈیاں ضِلع ہوشیار پُر والا(

گُرمْکھ تیرا سَتگُر میِت، گُر شبد سُہیلا اِک نظری آئیا۔ آتم پرماتم بنا کے سچ پریِت، نِرگُن نِرگُن وِچولا سیو کمائیا۔ انحد نادی سُنا کے اگمّی گیِت، دُھنی دُھن آتمک راگ سُنائیا۔ کوُڑی کِریا مِٹا کے ریِت، دُھر دی ساچی سِکھیا اِک سمجھائیا۔ کایا کعبہ سچ مسیِت، مندر اندر اندر پرگٹائیا۔ جِتھے جھگڑا مُکدا اوُچ نیِچ، ذات پات ونڈ نہ کوئے ونڈائیا۔ اِکو پُرکھ اکال دیِن دَیال ساچا گیِت، گہر گمبھیِر گُنی گہِند آپ سُنائیا۔ ساچا کلمہ حق حدیِث، حضرت اِکو کرے پڑھائیا۔ صاحب سَتگُر کلجُگ انت کرنہارا تصدیِق، تدبیِر اپنے وِچ رکھائیا۔ دوُر دُراڈا نظری آئے گرِہ اتیِت، نِج گھر بَیٹھا سوبھا پائیا۔ جوتی جوت سروُپ ہرِ، آپ اپنی کِرپا کر، گُرمْکھ دیونہار وڈیائیا۔ گُرمْکھ تیرا پریم پریِتی رنگ، جگ نیتر نظر کِسے نہ آئیا۔ کِرپا کرے سوُرا سربنگ، شاہ پاتشاہ سچّا شہنشاہیِا۔ انتر آتم دے

کے اِک انند، نِجانند پرمانند وِچ سمائیا۔ دُھر دا راگ سُنا کے چھند، بِن اکھّراں کرے پڑھائیا۔ نِرگُن نوُر چاڑھ کے چند، سچ نوُر کرے رُشنائیا۔ کوُڑ کُڑیارا میٹ اندھیرا اندھ، جوُٹھ جھوُٹھ ڈیرہ ڈھائیا۔ سرب سوامی ہو کے وسے سنگ، سجّن داتا بےپرواہیِا۔ دُھر دی دھار وجےّ مردنگ، تند سِتار نہ کوئے ہِلائیا۔ بھیو کُھلا کے ہنگ برہم، پاربرہم اپنے وِچ مِلائیا۔ کوُڑی کِریا ترِشنا میٹ کے طم، جگت طمو دئے وڈیائیا۔ امرت میگھ دھار برسے چھم چھم، چھہبر اپنا نام لگائیا۔ چِنتا سوگ روگ مِٹا کے غم، خوشی رُچی اپنے نال رلائیا۔ پَون سواسی لیکھے لا کے دم، دماں دا مالک دمن اپنے وِچ کرائیا۔ نِہکرمی ویکھنہارا کرم کانڈ دا کمّ، جوتی جوت سروُپ ہرِ، آپ اپنی کِرپا کر، انتر آتم کھوج کھوجائیا۔ گُرمْکھ تیرا مندر سُہنجنا، کایا ماٹی بھیِتر نظری آئیا۔ دیِا باتی کملاپاتی جگا کے آد نِرنجنا، تیل وٹی نہ کوئے رکھائیا۔ تیرا مالک ثالث درد دُکھ بھےَ بھنجنا، بھوَ ساگر بھےَ بھؤ بھرم مِٹائیا۔ نِج نیتر لوچن نیَن پاوے کجلا، قضاع کوُڑی دئے چُکائیا۔ سُرتی شبدی دیوے اِک انندنا، انند انند وِچوں پرگٹائیا۔ سچ ڈنڈاوت دسےّ بندنا، نمستے نمو نمو کرائیا۔ کِس بِدھ پار جہانوں لنگھنا، بیڑا دُھر دا دئے پرگٹائیا۔ دوُجے گھروں نہ پئے منگنا، سَتگُر پوُرا جھولی نام بھرائیا۔ لیکھا چُکے برہمنڈ کھنڈ وربھنڈنا، لکّھ چؤراسی بھنڈی نہ کوئے جنائیا۔ رائے دھرم نہ دیوے دنڈنا، لیکھا چِتر گُپت نہ کوئے جنائیا۔ من واسنا رہے کوئی نہ گندنا، قُدرت دا قادر کرے صفائیا۔ ساچا چمکے چندنا، ساڈھے تِنّ ہتّھ اندر مندر ہووے رُشنائیا۔ ساچی منزل سچ دوارا محبوُب اندر لنگھنا، عروُج عرش قُرص محبوُب اِکو نظری آئیا۔ نام متہرا ویکھ ملنگنا، نچّن ٹپّن کُدن چائیں چائنیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُرمْکھ ساجن میِت مُرارے، دھنّ دھنّ تیری وڈیائیا۔ کلجُگ نئیا کوُڑے کنارے، شؤہ دریائے سوبھا پائیا۔ منمُکھ جیِو ہوئے ونجارے، وست خریدن تھاؤں تھائنیا۔ سچ جواہری ہرِ بھگت سُہیلا وِرلا خریدارے، امول امُل دیونہار وڈیائیا۔ گُرمْکھ گُرسِکھ ہرجن ہربھگت بھگَون بخشے چرن پیارے، سَت چرنودک مُکھ چوائیا۔ انتر انتر ملِے ہُلارے، پؤن پَوناں سیو کمائیا۔ پڑدا کُھلے بجر کِواڑے، نؤ در ڈیرہ دیوے ڈھائیا۔ شبد ناد سُنے دُھنکارے، گھر نادی ناد الائیا۔ امرت ملِے بوُند پُھہارے، نِجھر جھِرنا اِک جھِرائیا۔ جوتی جوت ہوئے اُجیارے، نوُرو نوُر ڈگمگائیا۔ میلا ملِے ہرِ کنت بھتارے، گرِہ مندر سوبھا پائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ گُرمْکھ ساچے گہر گمبھیِر، گُنونتا دئے وڈیائیا۔ لیکھا جانے کایا پنج تت سریر، گرِہ مندر کھوج

کھوجائیا۔ نِرگُن روُپ نِروَیر نِراکار محسوُس کرائے اپنی سچ تصویِر، تصّور اپنا آپ کرائیا۔ جِس دی صِفت صلاح جُگ چؤکڑی گاؤندے پیِر فقیِر، پَیغمبر رسوُل کلمیاں نغمیاں وِچ ڈھولے گائیا۔ جِس دا جلوہ نوُر نوُرانی بےنظیِر، نظریہ سب دا دئے بدلائیا۔ سو صاحب سوامی انترجامی ویکھن آیا کھیل اَخیِر، آخر اپنا حُکم ورتائیا۔ آپے شہنشاہ آپ وزیر، جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ گُرمْکھ تیرا پاک پوِت ہِردا، پُنیِت نظری آئیا۔ من منوُآ جو دہ دِش پِھردا، نؤ دوارے بھجےّ بن بن پاندھی راہیا۔ کِس دی پَیج رکھے بِردا، سَتگُر شبد ہوئے سہائیا۔ جِس دے حُکمے اندر برہمنڈ کھنڈ گھِردا، منڈل منڈپ سیو کمائیا۔ ہرِ پردہ کھولے گھر تھِر دا، تھِر گھر واسی شبدی شبد کرے شنوائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُرمْکھ تیرا پریم پریِتی سچ شِنگار، سچّا مارگ رہیا جنائیا۔ ہؤمے ہنگتا مایا ممتا کر خوار، پریم پریِتی اِکو راہ تکائیا۔ جِس دی بھوِکھتاں وِچ کردے گئے سرب پُکار، گُر اوتار پَیغمبر ڈھولے گائیا۔ سو پُرکھ اکال دیِن دَیال نِرگُن نوُر جوت کر اُجیار، چار کُنٹ دہ دِشا کرے رُشنائیا۔ برہمنڈاں کھنڈاں جیرج انڈاں ہو کے خبردار، سچ سرنگا بِن تندی تار تنداں دئے وجائیا۔ جِس دی رمز سمجھ سکے کوئی نہ پنڈا، گیانی دھیانی پڑدا نہ کوئے کُھلائیا۔ ہرجن ہربھگت تیرے انتر آتم اوہ سرنگا، جو سوئی سُرتی مستی وِچ لیائیا۔ نام بھنڈارا بھریا بہُہ رنگا، بہُہ بِدھ اپنا کھیل وکھائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ گُرمْکھ تیرا سوہنا گرِہ، پنجاں تتّاں بنت بنائیا۔ پُرکھ ابناشی سدا رہے، نِرگُن بَیٹھا سوبھا پائیا۔ تُوں میرا مَیں تیرا سوہنگ ڈھولا ساچا کہے، رسنا جِہوا خوشی منائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ گُرمْکھ تیرا گُردیو سوامی اِک، پُرکھ اکال سوبھا پائیندا۔ جو آد جُگاد جُگ چؤکڑی اگلا پِچھلا لہنا دینا لَوے نجِٹھ، پڑدا اوہلا آپ اُٹھائیندا۔ سچ پریِتی اندر کیِتا دُھر دا ہِت، ہِتکاری ہو کے ویکھ وکھائیندا۔ لیکھے لگے کایا اندر رِت، چمکڑی چمک نال چمکائیندا۔ سد درشن ہوون نِت، لوچن نیَن رنگ چڑھائیندا۔ کروٹ لےَ بدلے پِٹھ، سنمُکھ ہو کے اپنی گود بہائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، لہنا دینا جانے نِت نوِت، نوَ نؤ چار ہرِ نِرنکار سَت سَتوادی بنّھے دھار، دھرم نِشانہ والی دو جہاناں لوک مات آپ جھُلائیندا۔

۳ وساکھ شہنشاہی سمت ۱ سرب ہِند ویدانت سمیلن جموں

جموں والیو اکھل بھارتیہ سمیلن ویکھن آئے ویدانت، نر ناری اپنا انتر دھیان لگائیا۔ من آتما کر لؤ اِکانت، دُتیا روُپ نہ کوئے وٹائیا۔ سنت سادھ سجّن پیاون آئے امرت بوُند سوانت، نِجھر جھِرنا اِک جھِرائیا۔ کوُڑی کِریا جگت اندھیری میٹ کے واٹ، دوُر کر دیؤ اندھیری رات، جوُٹھ جھوُٹھ مایا ممتا آسا ترِشنا کام کرودھ لوبھ موہ ہنکار رہن کوئے نہ پائیا۔ سوہنی نگری سُہنجنا پرانت، چار کُنٹ گرِہ گرِہ گھر گھر وجےّ ودھائیا۔ پریم پیار دی پریم نال اندر باہر گُپت ظاہر سارے کرو بات، دُئی دوَیتی شرع شریعتی نظر کوئے نہ آئیا۔ کایا کھیڑا اُجڑیا ہویا اپنا کر لؤ پھیر آباد، گُلشن گُل مہک انتر آتم اِک مہکائیا۔ سادھاں سنتاں دے کولوں اندر دا سُن لؤ اگمّی راز، پردہ پوُرن دین اُٹھائیا۔ وِشوَ دی سچ آواز، نؤ کھنڈ پرِتھمی سَت دیِپ مانو منُکھتا منُش سارے لیَن انگڑائیا۔ دُھر سندیشہ سُناؤن پرِتھمی آکاش، گگن منڈل برہمنڈ کھنڈ جیرج انڈ اُتبُھج سیتج سارے اکّھ کُھلائیا۔ جوتی جوت سروُپ ہرِ، آپ اپنی کِرپا کر، ویکھنہارا در در، سنت سُہیلے اپنے سنگ رلائیا۔ اکھل بھارتیہ سمیلن ویدانت دا ہویا اِکٹّھ، بھارت کھنڈ وجی ودھائیا۔ کمّ کاج جگت وِہار چھڈ کے سارے آئیو نَٹھ، نیتر لوچن نیَن اپنی اکّھ کُھلائیا۔ دُھر دا سندیشہ شبدی ناد دینا سچ، کایا کچّ ماٹی گگریا بھاگ لگائیا۔ من واسنا کوُڑی کِریا سچ دوارے نہ جانا نچ، سانتک سَت لَینا کرائیا۔ اِک دوُسرے نوُں مِلنا ہس ہس، دیِن مذہب ذات پات اوُچ نیِچ ونڈ نہ کوئے ونڈائیا۔ پربھ نوُں مِلن والی ویکھن والی ایسے سمیلن وِچ جموں والیو اپنی کھول لیَنی اکّھ، دوویں لوچن بند کرائیا۔ ویکھیو ایس سچ توں نہ جائیو اُک، ویلا گیا پھیر ہتّھ کِسے نہ آئیا۔ سنتاں دے نال پُرکھ اکال دیِن دَیال پت پرمیشور ابناشی کرتا سِری بھگوان پروردِگار سانجھا یار واحد گاڈ ویکھو سمرتھ، مہما اکتھ دئے دِرڑائیا۔ تُہاڈی انتر آتما نوُں پرماتما نال کرائے اِکٹّھ، پریم پیار نال من واسنا من وِچ دئے کھپائیا۔ تُسیں اوس دے اوہ تُہاڈا گاوے جس، ایہہ سنتاں دے نال شبد دا تیِر بےنظیِر تُہاڈے کایا اندر مارنا کس، بجر کپاٹی آر پار دینا لنگھائیا۔ سرِشٹی درِشٹی پنچ وِکار تُہانوُں نہ سکن مار، مایا ممتا نہ سکے ساڑ، امرت میگھ ساچیاں سنتاں تُہاڈے اُتے دینا برسائیا۔ اجّ پہلی رات، اگلا کھیل تماش، پریما نند جی کہندے تھوڑا سماں تھوڑی بات، آئِیو سجّنو ایہہ ایسے لئی بند کرائیا۔

۴ وساکھ شہنشاہی سمت ۱ جَین مندر جموں

پریم پیار پریِتم مُحبّت سب نے لےَ کے جانا پرشاد، سچ وست اِک ورتائیا۔ بِن رسنا جِہوا انتر آتم ویکھنا اِک سواد، انڈِٹھڑا آپ چکھائیا۔ آتم رام سُننا دُھن اناد، شبدی راگ الائیا۔ ہنس بن کے جانا بُدھی کاگ، سر سروور اِشنان اِک کرائیا۔ دُرمت مَیل دھو کے جانا داغ، جو جن آئے چائیں چائنیا۔ ویکھو سمیلن ہووے سنت سادھ، سادھنا سب دی رہے کرائیا۔ چار ورن اٹھاراں برن کھتری براہمن شوُدر وَیش اِکو سَت آئے آواز، استِ رہن کوئے نہ پائیا۔ سچ دوارے کایا مندر ڈوُنگھی کندر پردہ چُکے کھول کے جانا راز، دُئی دوَیتی سنگ نہ کوئے رکھائیا۔ ساچی پوُجا ساچا منتر انتر سِکھ کے جانا اِک نماز، سجدہ اِکو اِک دِرڑائیا۔ جوتی جوت سروُپ ہرِ، آپ اپنی کِرپا کر، سَت پرشاد اِک سمجھائیا۔ سچ پرشاد نام رس، ہرِ کرتا آپ جنائیا۔ من واسنا ہووے وس، کھادھیِاں ترِشنا دئے گوائیا۔ حقیِقت وِچوں لیکھا دیوے حق، بھیوَ ابھیدا اِک جنائیا۔ جِس نوُں جنگل جوُہ اُجاڑ پہاڑ ڈوُنگھی کندر شِودوالے مٹھ مندر مسجد رہے لبھ، سو کایا اندر بَیٹھا سوبھا پائیا۔ آئے سجنو اپنی کھول کے جائیو اکھ، نِرگُن روُپ تکنا پرتکھ، جیہڑا تُہاتھوں نہیں وکھ، آتم پرماتم اِکو روُپ وکھائیا۔ جو سیِت پرشاد دیوے ہس ہس، من واسنا دؤڑے دہ دِشا نہ اُٹھ اُٹھ، ہرجن ساچے کر اِکٹّھ، امرت میگھ اِک برسائیا۔ ناڑی ناڑی نہ اُبلے رت، سب نوُں آوے برہم مت، دھیِرج دیوے سنتوکھ سَت، کام کرودھ لوبھ موہ ہنکار نہ کوئے ہلکائیا۔ جوتی جوت سروُپ ہرِ، آپ اپنی کِرپا کر، سچ پرشاد سب دی جھولی دئے بھرائیا۔ سچ پرشاد جا کے پاؤنا جھولی، انتر آتم اپنی ڈاہیِا۔ تُوں میرا مَیں تیرا سارے سِکھ کے جائیو بولی، دوُجا نظر کوئے نہ آئیا۔ اپنی وست انڈِٹھڑی اجّ تک کِسے نہ تولی، گھر نام ترازوُ کنڈا نہ کوئے اُٹھائیا۔ چار کُنٹ دہ دِشا ذات پات اوُچ نیِچ شرع شریعت ویکھو پاؤندی رؤلی، حقیِقت حق نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، سَت پرشاد دا ساچا حِصّہ، جن بھگتاں ونڈ ونڈائیا۔ سَت پرشاد کہے مَیں مِلنا وساکھ چار، سَت سُہنجنی دیاں وڈیائیا۔ پِھردا پِھردا چلدا چلدا آ گیا جموں دے وِچکار، جمع کیتےِ سنت بھگت اِکٹّھ اِک وکھائیا۔ جھوُٹھی کِریا مایا ممتا ہؤمے ہنگتا گڑھ توڑ دیؤ ہنکار، نِون سو اکھّر اِکو نظری آئیا۔ سارے اِک دوُجے نوُں سمجھو تُوں میرا میَں تیرا یار، دوُجا نظر کوئے نہ آئیا۔ ایسے سمیلن اندر سب نوُں کر کے جانا خبردار، بےخبراں خبر دینی سُنائیا۔ سچ خُدائے دا کرو دیِدار، پروردِگار سانجھا یار دو

جہانا سِری بھگوانا شاہ سُلطانا شاہ پاتشاہ شہنشاہ پُرکھ اکال دیِن دَیال اِکو دُھر دا ماہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ پرشاد اِک وکھائیا۔ سچ پرشاد ہرِ امرت بانی، سنت سجّن رہے جنائیا۔ امرت آتم رس پیِنا ٹھنڈا پانی، نِجھر جھِرنا دین جھِرائیا۔ لیکھا چُک جائے چارے کھانی، انڈج جیرج اُتبُھج سیتج پندھ مُکائیا۔ اوس سوامی دی تُہاڈی آتم بن جائے سچّی رانی، جو رام روُپ سب سیجا رہیا سُہائیا۔ اِک دوُجے دی کر لؤ جان پچھانی، ہِندوُ مُسلم سِکھ عیسائی بودھی پارسی جَینی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت پرشاد سَت دھرم جاوے سمجھائیا۔ سَت پرشاد سب نے لےَ کے جانا سچّا دھرم، مانَو دیوے مان وڈیائیا۔ سِکھ کے جانا ساچا کرم، نِہکرمی روُپ وکھائیا۔ جھگڑا مکُے من واسنا ورن برن، آتم پرماتم اِکو نظری آئیا۔ سِری بھگوان دی ساچی اِکو سرن، جو صاحب سوامی انترجامی، ہر گھٹ بَیٹھا سوبھا پائیا۔ اوس دی لےَ کے جانا اِک سَت سچ دی سچ نِشانی، جِس دا نِشانہ دو جہان نظری آئیا۔ لوک پرلوک چؤداں طبق جِس دی منگدے رہن سدا مہمانی، محبوُب مُحبّت اندر پھیرا پاوے ماہیِا۔ گُر اوتار پیِر پَیغمبر جِس دی جگت واسنا دیندے رہے قُربانی، آپ اپنا بھیٹ کرائیا۔ سو شاہ پاتشاہ شہنشاہ سنتاں وِچ سوہے آپ سُلطانی، بےپرواہ بےپرواہی وِچ سمائیا۔ جوتی جوت سروُپ ہرِ، آپ اپنی کِرپا کر، بخشنہار اِک وڈیائیا۔ سچ پرشاد کہے میرا لےَ کے جائیو سندیشہ، جن ملِے مان وڈیائیا۔ اگلا پِچھلا مُک جائے سب دا لیکھا، جو انتر آتم رام لئے مِلائیا۔ آئِیو سجنو کوُڑی کِریا جوُٹھ جھوُٹھ ہؤمے ہنگتا مایا ممتا ایتھے کر کے جائیو بھیٹا، گھر واپس لےَ کوئے نہ جائیا۔ سارے رل کے منّ لؤ پرم پُرکھ پرماتم سب دا نیِتا، جو نِج گھر آتم بَیٹھا ڈیرہ لائیا۔ بھَین بھائی ہو کے سب دے نال کرو ہیتا، ہِتکاری ہو کے اپنا ہتّھ نال ہتّھ مِلائیا۔ جو سنت سجّن دوُر دُراڈے چل کے آئے دیس پردیسا، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ پرشاد ساچا نام گھر گھر رہیا ٹِکائیا۔ سَت پرشاد کہے جِس میرا ویکھنا رنگ، مَیں رنگت دیاں چڑھائیا۔ بِنا کھادھیِاں انتر آتم دیواں انند، نِجانند پرمانند وِچ سمائیا۔ سچ پرکاش جوت نوُرانی چاڑھاں چند، اگیان اندھیرا دیاں مِٹائیا۔ بھیو چُکا کے ہنگ برہم، پاربرہم اِکو رنگ وکھائیا۔ اِک دوُجے دا کرنا دھنّ دھنّ، دھنّ واد وِچ ہووے سرب لوکائیا۔ چار کُنٹ دہ دِشا نؤ کھنڈ پرِتھمی ستّ دیِپ بھارت نِواسیؤ چڑھنا ہو کے ساچے چنّ، چؤدس چند مُکھ شرمائیا۔ دُھر سندیشہ سب نے سُن کے جانا کنّ، اندر

باہر گُپت ظاہر دیِد شُنید اِکو دئے جنائیا۔ جوتی جوت سروُپ ہرِ، آپ اپنی کِرپا کر، سَت سچ اِک وکھائیا۔ سچ پرشاد کہے میرا انت اَخیِر، آخر دیاں جنائیا۔ پریمیؤں اپنی بدل کے جائیو تقدیِر، تدبیِر سنت جن رہے سمجھائیا۔ شرع دی کٹ کے جائیو زنجِیر، کوُڑی کِریا گنڈھ نہ کوئے بندھائیا۔ سب دا مالک خالق پرِتپالک اِکو سانجھا پیِر، پروردِگار سچ گوسائنیا۔ جِس دی تُہاڈے اندر اوہ تصویِر، جو تسبیح مالا وِچ بند نہ کوئے کرائیا۔ سَت پرشاد نام سَت ایہہ کوئی کھان والا نہیں حلوہ پوُڑی کھیِر، خواہ مخواہ آتم پرماتم پرماتم آتم تُہاڈے نال میلا رہیا مِلائیا۔

۴ وساکھ شہنشاہی سمت ۱ سوامی سرب انند جی معرفت میجر پرتاپ سِنگھ ٹی جی سی ایس اے ۶۸۲

آنے والا سماں بِھینکر، بھیانک بھے سرب جنائیندا۔ گُر اوتار پیِر پَیغمبر وِشن برہما منّن شنکر، دیوت سُر اکّھ کُھلائیندا۔ کلجُگ جیِو بھیوَ نہ جانے کوئی آتم انتر، مایا ممتا موہ ہؤمے ہنگتا گڑھ کوُڑی کِریا باہر نہ کوئے کڈھائیندا۔ ہرِ کا نام ہِردے وسے کِسے نہ انتر، کایا مندر اندر بہہ پاربرہم برہم رنگ نہ کوئے رنگائیندا۔ چار کُنٹ دہ دِشا کوُڑ اندھیرا گگن گگننتر، نوُر نوُرانہ زِمیں اسمانا جوتی چند نہ کوئے چمکائیندا۔ کلجُگ کایا جِس بنائی بنتر، گھڑن بھنّنہار سمرتھ سوامی اپنا کھیل کھلائیندا۔ بھیوَ ابھیدا کھولنہارا برہم نِرنتر، نِروَیر نِراکار نِرنکار اپنا حُکم ورتائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، آد جُگادی جُگ چؤکڑی اپنا حُکم ورتائیندا۔ بِھینکر سماں کہے مَیں آیا لوک مات، صدی بیِسویں راہ تکائیا۔ بھوِکھتاں وِچ مَینوُں کر کے گئے یاد، گُر اوتار پیِر پَیغمبر لیکھا لِکھت لِکھائیا۔ جوُٹھ جھوُٹھ موہ وِکار گھر گھر اندر ہویا آباد، سَت سچ سرِشٹی درِشٹی ناتا گئی تُڑائیا۔ ڈوُنگھی کوَری کایا بھوَری کھولے نہ راز، جگت نماز پڑھ پڑھ تھکی سرب لوکائیا۔ رسنا جِہوا بتّی دند رام کرِشن سارے گاؤندے گاتھ، االلہ واہِگُروُ ڈھولے گائیا۔ اپنے اُتے کِسے نوُں رہیا نہیں کوئی وِشواش، اپنا آپ نظر کِسے نہ آئیا۔ من منوُآ ہویا بدمُعاش، گرِہ گرِہ اندر کرے لڑائیا۔ بِھینکر سماں کہے مَیں رکھی اپنی آس، پوُرب بَیٹھا دھیان لگائیا۔ چؤداں طبق کہن ساڈی ایہو خواہش، چؤداں لوک دین گواہیِا۔ کلجُگ کوُڑ اندھیارا بِن سَت دھرم نہ ہوئے ناس، پرکاش سچ نہ کوئے جنائیا۔ سماں سماں صدی صدی بیِت گئی ویکھدی کھیل تماش، خالق خلق اپنا

روُپ بدلائیا۔ بِھینکر سماں کہے میری کرے اوہ تلاش، جِس دے اِکو انتر آس، دوُجی وست رکھے کوئی نہ پاس، دُتیا بھاؤ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، آد جُگاد جُگا جُگنتر جُگ چؤکڑی اپنا حُکم ورتائیا۔ سماں بِھینکر کہے مَیں آیا نیڑے، اپنا پندھ مُکائیا۔ کایا سریر تن تت ویکھے اُجڑے کھیڑے، اندر رنگ نہ کوئے رنگائیا۔ مایا ممتا من واسنا جھوُٹھے جھیڑے، دیِن مذہب ذات پات کرے لڑائیا۔ سارے کہندے میرے میرے، میرا تیرا سمجھ کِسے نہ آئیا۔ سوُربیِر جودھے بلوان ویکھے بتھیرے، راج راجان شاہ سُلطان سوبھا پائیا۔ سماں کہے مَیں دیونہارا گیڑے، اُلٹی لٹھ دیاں بُھوائیا۔ بھرمے بُھلدے ویکھے گُر چیرے، چیلا گُر اِک رنگ نہ کوئے سمائیا۔ سرِشٹ سبائی پِھرے کلجُگ جگت اندھیرے، آتم پرماتم سچ پرکاش نہ کوئے وکھائیا۔ مَیں ہُن لبھنے کیہڑے کیہڑے سنت سُہیلے جِنہاں دے دُھر دے میلے، اندروں باہروں اِکو روُپ سمائیا۔ کیہڑے پرماتما نالوں ہو کے وِہلے، رُچی جگت نال رکھائیا۔ جوتی جوت سروُپ ہرِ، آپ اپنی کِرپا کر، کھیلے کھیل بےپرواہیِا۔ بِھینکر سماں کہے میری مُکن والی مُنیاد، اگلا پیَنڈا نیڑے آئیا۔ کِیوں، ہُن سرِشٹی دیاں سنتاں نوُں آئی جاگ، اپنی اکّھ رہے کُھلائیا۔ سارے اِکٹّھے ہو کے دیون لگے اِک آواز، مانواں رہے جگائیا۔ کوُڑی کِریا شاہ سُلطان راج راجان چھڈ دیؤ راج، سَت دھرم لؤ اپنائیا۔ کِسے کمّ نہیں آؤنا رکھیا روزہ نماز، جِناں چِر مقامے حق حق محبوُب میل نہ کوئے مِلائیا۔ کِسے کمّ نہ آؤنا سِمرن جوگ ابھیاس پوُجا پاٹھ، جِناں چِر انتر انتر انتشکرن نہ لیا بدلائیا۔ کِسے کمّ نہ آؤنا تیِرتھ تاٹ، جناں چِر اندروں دُرمت مَیل نہ باہر کڈھائیا۔ کلجُگ کہے مَیں ویکھو گھر گھر رؤلا پایا وِچ سماج، بُدھیِواناں دی بُدھی دِتی بدلائیا۔ جے کوئی اندر دا کھولن لگے راز، مَیں اَگے ہو کے دیاں ہٹائیا۔ بِھینکر سماں کہے میری اجے بہُتی لمی خواہش، وِستھار نال دیاں سمجھائیا۔ جے سنت سَتگُر مِل جائے جگت واسنا میٹ دیوے خواہش، اندروں اپنا آپ ہو جائے تلاش، پھیر سمجھو بِھینکر سماں رہن کوئے نہ پائیا۔ بِھینکر سماں اوناں چِر دیوے بھےَ، جِناں چِر اگیان دوُر نہ کوئے کرائیا۔ جِس ویلے آتم پرماتم پرماتم آتم اِکو روُپ ویکھ لئے، بھانڈا بھرم بھؤ بھنائیا۔ پھیر اوہ گُرمْکھ گُرسِکھ ہرجن ہربھگت سب نوُں کہے، نہ روگ نہ سوگ نہ چِنتا نہ دُکھ نہ بھوگ، ذات پات دیِن مذہب ونڈ نہ کوئے ونڈائیا۔ نہ تُوں تے نہ مَیں، ہاں وِچ ہاں، بانہہ وِچ بانہہ، پریم پیار نال گل وکڑی لیَنی پائیا۔ کلجُگ انتر سَتجُگ سچّا تھاں، سنت سُہیلے سب نوُں دین سمجھائیا۔ جِنہاں دی کاگ بُدھی دین بدلا، ہنس روُپ دین بنائیا۔ گھر وِچ کنت

سُہاگ دین وکھا، جگت رنڈیپا دوُر کرائیا۔ اوہو پتی تے اوہو پتنی جے کوئی جانے اوس دا ناں، ناؤں نِرنکارا سب کُچھ دئے سمجھائیا۔ کلجُگ کہے مَیں ساچیاں بھگتاں اَگے دیواں سیِس نِوا، بِھینکر سماں کہے مَیں چرن دھوُڑی لاواں چھاہ، سَت سچ دے نال سیوا لَواں کما، جِنہاں آتم بھرم دِتا مِٹا، کرم کانڈ ڈیرہ ڈھاہیِا۔ اِکو رہبر تے اِکو خُدا، اِکو محبوُب جو مُحبّت وِچ کدے نہ ہووے جُدا، اِکو نام اِکو منتر اِکو وید اِکو پاٹھ اِکو گیِتا اِکو گیان اِکو اِنجیِل اِکو قُرآن اِکو گرنتھ اِکو پنتھ اِکو مارگ دئے وکھا، پردہ اِکو دوُر کرائیا۔ جگت اندھیرا مِٹے انتر ہوئے رُشنا، چار کُنٹ دہ دِشا اِکو روُپ نظری آئیا۔ مانَس مانَس لئے پرنا، مانَو مانَو پکڑے بانہہ، اِکو اندر اِکو مندر اِکو گُروُ اِکو دوارا اِکو سجّن اِکو میِت مُرارا دوُتی دُشمن رہن کوئے نہ پائیا۔ بِھینکر سماں کہے سنت سُہیلا سدا سدا میرا بنے گواہ، جگت شہادت دیوے آ، عدل عدالت ویکھ بےپرواہ، بِن قلم شاہی اگلا لیکھا دئے بنائیا۔ تھوڑا سماں تھوڑا دِتا سُنا، پھیر پُچھوگے تے بہُتا نال دیاں رلا، رنگ وِچ رنگ ترنگ وِچ ترنگ اُمنگ وِچ منگ سنگ وِچ سنگ انند وِچ پرمانند وِچ اِکو روُپ سمائیا۔

۵ وساکھ شہنشاہی سمت ۱ اکھل ویدانت سمیلن جموں

مائیکرافوُن کہے مَیں سب دی دیاں رِپوٹ، جو جن سنمُکھ بَیٹھے آئیا۔ باہروں باہروں سب دے ہِلدے ویکھے ہونٹ، انتر آتم پریم نہ کوئے رکھائیا۔ مَیں اندر وڑ کے مندر چڑھ کے ویکھیا ساچی کِسے نہ جگائی جوت، نِرگُن نوُر نظر کوئے نہ آئیا۔ چار گھنٹیاں وِچ کِسے نے پرن نہیں کیِتا اندروں کڈھ دینا کھوٹ، منچ دے اَگے دینا ٹِکائیا۔ من منسا دی دوُر نہیں کیِتی سوچ، بُدھی بِبیک صاف وکھائیا۔ سنت سجّناں دے سُندے رہے سارے سلوک، موکش روُپ سکیا نہ کوئے مِلائیا۔ جوتی جوت سروُپ ہرِ، آپ اپنی کِرپا کر، ویکھنہارا ہر گھٹ تھائنیا۔ اِک ہور کرے بیان، کہانی اپنی رہیا سُنائیا۔ کِرپا کر سِری بھگوان، عرضوئی اِکو اِک جنائیا۔ مَیں سُنا سُنا تھکیا سب دے کان، صُبح شام رہیا کُرلائیا۔ سنت سُہیلا سجّن سچّا اِکو اُٹھ کے سب دے اندر مار دیوے نام نِرالا بان، بجر کپاٹی پردہ دیوے پار کرائیا۔ سب نوُں سمجھ آ جائے اسیں اِنساناں دے اِنسان، حیَواناں والی مت نہ کوئے رکھائیا۔ جِس نوُں لبھن جاندے جنگل جوُہ اُجاڑ پہاڑ اُچے ٹِلّے پربت بیابان، سمُند ساگر ڈوُنگھی کندر جوگ ابھیاس وِچ دھیان لگائیا۔ سو ہر گھٹ بَیٹھا ساڈھے تِنّ

ہتّھ کایا مندر مکان، نِجانند پرمانند آتم پرماتم اپنا روُپ وٹائیا۔ من واسنا دہ دِشا چار کُنٹ کوئی نہ دؤڑے بندر، اِدھر اُدھر زور رہے نہ رائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ مَیکرافوُن کہے میری اِک ہور عرض، سب نوُں دیاں سُنائیا۔ سنت سجّن سادھ سارے رہے ورج، مُنی رِکھی رہے جنائیا۔ ڈھولیاں ناداں گیِتاں والی طرز، دُھنیاں وِچ جنائیا۔ بِنا پوُرن پوُرے سَتگُر اندر دی بدل دیوے کوئی نہ مرض، جو من نے دِتی لگائیا۔ ہُن ویکھو کھیل اِک ہون لگّا اسچرج، نؤ کھنڈ پرِتھمی ستّ دیِپ کوُڑی کِریا مچی دُہائیا۔ کھرے جھوُٹھے دی کوئی نہ کرے پرکھ، جگت وِدیا وِدیا نال ہلکائیا۔ آتم انتر برہم گیان پاربرہم پت پرمیشور نِرگُن نِروَیر نِراکار کوئی نہ کرے سرچ، پردہ سکے نہ کوئے اُٹھائیا۔ آ گئے سجّنو تُہاڈا پروچن سُنن تے ہونا نہیں خرچ، بِن خرچوں پلّے تُہاڈے دیواں پائیا۔ جودھے سوُربیِر مردانے بن کے مرد، بَل اپنا لؤ ودھائیا۔ تُہاڈے جنماں کرماں دی پُٹھی سِدھی ہو جائے نرد، جے اِکو انتر اپنا دھیان رکھائیا۔ تُہاڈا جنم کرم دا ہےَ کوئی قرض، مقروُض لیکھا دئے مُکائیا۔ اکھّراں والی رہے نہ لِکھت پڑھت، نِش اکھّر فَیصلہ حق سُنائیا۔ اوسے منزل اوسے گھر اوسے در اوسے مقام اوہ محبوُب مُحبّت والا سروُپ ویکھو پرت، جِس نے پرتینِدھ لوک مات مانَس جنم دِتا بنائیا۔ جگت کِریا کام کرودھ لوبھ موہ ہنکار وِچ کِیوں گئے اٹک، سِدھی سڑک سنت سجّن رہے سمجھائیا۔ تُہاڈے نال وعدہ کراں کھیل باقاعدہ پوُری کراں شرط، چاڑھ دیواں فرش توں اُتے عرش، مِہروان ہو کے اپنی دَیا کمائیا۔ امرت میگھ دیواں برس، سانتک سَت سَت کرائیا۔ جوتی جوت سروُپ ہرِ، آپ اپنی کِرپا کر، ہر گھٹ بَیٹھا ویکھ وکھائیا۔ ساچے سنتو مَیں دیواں سچ دسّ، سب نوُں دیاں سمجھائیا۔ اِکو جانو برہم مت، برہم وِدیا دیاں جنائیا۔ اپنے انتر آپے ویکھو وس، دوُجا سنگ نہ کوئے رلائیا۔ اپنا تیِر آپے مارو کس، انیالا آپ چلائیا۔ اپنے امرت آپے پیِؤ رس، نِجھر جھِرنا کول نابھ اُلٹائیا۔ اپنے مِلن دی آپے کھولو اکّھ، نیتر گیان اِک سمجھائیا۔ منزل چڑھ کے آپ جانا وس، گھر سُہنجنے ڈیرہ لائیا۔ اوہ محبوُب محبان بیِدومِل جائے حق، پروردِگار سانجھا یار ابناشی کرتا سِری بھگوان تُہاڈا ہو کے تُہاڈے اندر رہیا وس، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ہر گھٹ بَیٹھا اندر وڑ، سچ سِنگھاسن پُرکھ ابناشن نِرگُن داتا سرب بِدھاتا جوتی نوُر حاضر حضوُر، نہ نیڑے نہ جانوں دوُر، سرب کلا آپے بھرپوُر، آتم سیجے سچ سروُر، کوُڑا نشہ سب دا دئے مِٹائیا۔ سِری بھگوان کہے اِکو جِہی سچ دلیِل، سب نوُں دیاں سمجھائیا۔

دوُجا سمجھو نہ کوئے وکیِل، اَور لوڑ رہے نہ رائیا۔ اپنی آتما آپے کرے اپیِل، آپے لیکھا دئے سمجھائیا۔ اوہ داتا جودھا سوُربیِر چَھیل چھبیِل، جوبن رتا آتم پرماتم روُپ وٹائیا۔ جِس دی دھار آد جُگاد جُگ چؤکڑی سادھاں سنتاں گُر اوتاراں پیِر پَیغمبراں صوُفیاں دسےّ مہیِن، جگ نیتر نظر کِسے نہ آئیا۔ جے اِک سجّن تے سارے کر کے جاؤ یقین، ویدانت دی لےَ کے جاؤ تعلیِم، منزل ساڈھے تِنّ ہتّھ عظیِم، جِتھے نہ کوئی نُقطہ نوُن نہ کوئے ڈنڈا میم، تقسیِم دوُجی نہ کوئے کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، آتم آتم سب دا کھیل کھلائیا۔ مائیکرافوُن کہے مَیں دسّاں حال، سب دی کہانی دیاں جنائیا۔ سب دا اندر باہر دا ویکھنا سوال، پردہ چُک کے کھوج کھوجائیا۔ ترےَگُن مایا پیا جال، بندھن سکے نہ کوئے تُڑائیا۔ کوُڑی کِریا گھالن رہے گھال، جوُٹھ جھوُٹھ رہیا کُرلائیا۔ دیِناں مذہباں کیِتا بےحال، شرع شریعت کرے لڑائیا۔ انتر آتم آوے نہ کِسے گیان، بودھ اگادھ نہ کوئے سمجھائیا۔ پڑھ پڑھ تھکے جیِو جہان، وِدت ویکھی سرب لوکائیا۔ شاستر سِمرت وید پُران گیِتا گیان اِنجیِل قُرآن کھانی بانی سارے دین بیان، احوالے دے دے رہے جنائیا۔ پھڑ کے باہوں سُتّیاں دئے نہ کوئی اُٹھال، سچ ہلوُنا نام نہ کوئے لگائیا۔ امرت دا آتم آتم دا امرت نِجھر دئے نہ کوئی پیال، بوُند سوانت نہ کوئے ٹپکائیا۔ ساچی منزل ساچے پؤڑے ساچے گرِہ ساچے در کرے نہ کوئے سوال، سُکھ آسن نہ کوئے وکھائیا۔ کِرپا کر کے اندر وڑ کے ناتا توڑ نہ سکے کوئی کال مہاکال، اگلا لیکھ نہ کوئے چُکائیا۔ جوتی جوت سروُپ ہرِ، آپ اپنی کِرپا کر، ویکھنہارا در در، گرِہ گِرہ سوبھا پائیا۔ مائیکرافوُن کہے مَیں جوڑاں ہتّھ، سرب دیاں سمجھائیا۔ آئے سجّنو اپنی کھول کے جائیو اکّھ، پردہ دُئی دوَیت چُکائیا۔ من واسنا رہے کوئی نہ نَٹھ، کھِچوتان نہ کوئے جنائیا۔ سَت دھرم دا کر کے جائیو ہٹّھ، کوُڑی گنڈھ نہ کوئے بندھائیا۔ تُہاڈے اندر نام کُنڈ امرت رس، اتوٹ اتُٹ نظری آئیا۔ جِس دی صِفت کوئی نہ سکے دسّ، لکّھ کروڑی مُل نہ کوئے چُکائیا۔ راج راجان شاہ سُلطان راؤ رنک جِس دے وس، سو سمرتھ پُرکھ مہما اکتھ، گھٹ گھٹ انتر نِرگُن جوت پرکاش، ابناش بَیٹھا سوبھا پائیا۔ اُس دا اِکو منتر سچ، جو سب نوُں رہیا جنائیا۔ جوتی جوت سروُپ ہرِ، آپ اپنی کِرپا کر، وکھاونہارا کایا گھر، بنک دوار اِکو اِک سُہائیا۔ مائیکرافوُن کہے پوُرن سِنگھ نوُں مِلیا وقت نال زور، منگ باہروں کِسے منگائیا۔ مَیں کہنا مَینوُں ایہو جِہے دی لوڑ، جیہڑا سب دا دھیان رکھائیا۔ جو سب دے اندر وڑیا آپ اپنا نہ دئے وِچھوڑ، وِچھڑیاں جوڑ جُڑائیا۔ جو بَیٹھے اندھ گھور، تِنہاں پردہ دئے چُکائیا۔ سنت بنے نہ کوئی اندر

دا چور، باہروں شور مچائیا۔ گُڈی چاڑھو اپنی ڈور، جِس نوُں پیچا پا نہ کوئے کٹائیا۔ کوُڑی کِریا دیوے ہوڑ، بھانڈا بھرم بھؤ بھنائیا۔ لیکھا چُکے مور تور، ہنگ برہم اِک سمجھائیا۔ ناتا تُٹے ٹھگ چور، کام کرودھ لوبھ موہ ہنکار رہن نہ پائیا۔ جوتی جوت سروُپ ہرِ، آپ اپنی کِرپا کر، ویکھنہارا ساچا در، کایا بنک کھوج کھوجائیا۔ مائیکرافوُن کہے مَیں عرض کراں اَگے سادھ سنت رِکھیاں مُنیاں، جوگیِشراں تپیشراں دیاں جنائیا۔ مَیں ہُن تک کتھا کہانیاں بہُتیاں سُنیاں، سُن سُن تھکاوٹ اپنی رہیا جنائیا۔ سارے جنے آپو اپنی ساچی دسّو بناوٹ، جو وِچھڑیاں جوڑ جُڑائیا۔ جوتی جوت سروُپ ہرِ، آپ اپنی کِرپا کر، تُہاڈی آتما صاف ویکھے کہ ویکھے وِچ مِلاوٹ، سب دے پردے پھول پُھلائیا۔