کتب خانہGranth 18 (Urdu)

۷ وِساکھ شہنشاہی سمت ۱ رگھُناتھ لال شرما دے گرِہ جموں

کمّ کاج جگت وِہار جگت دھندا، سرِشٹ سبائی رہی کمائیا۔ من شانت کر سکے نہ کوئی بندہ، بھجّن تھاؤں تھائنیا۔ انتر آتما کھول نہ سکے کوئی جندا، بجر کپاٹی کُنڈا لائیا۔ ساچا سُنے نہ کوئے مردنگا، دُھن آتمک راگ اگمّی ناد شنوائیا۔ بھیو چُکے نہ ہنگ برہما، انتر آتم نہ ویکھ وکھائیا۔ ساچی سچ سَت نہ ملِے سرنا، سانتک روُپ نہ کوئے وٹائیا۔ کرم کانڈ چُکے نہ بھرما، بھےَ بھؤ نہ کوئے سمجھائیا۔ جھگڑا چُکے نہ ورناں برناں، مایا ممتا موہ نہ کوئے مِٹائیا۔ کھان پیِن پہنن واسطے وِہار سب نے کرنا، جگت سُرتی جگت وِچ مِلائیا۔ سچّا

کمّ وکھرا سب توں دسّنا، بِنا اکھّراں سچ پڑھائیا۔ ہرِ سِمرن جپو بِن رسنا جِہوا اپنا، من من ہی ماہے سمائیا۔ جگت وِکارا پار لنگھنا، ناتا جوُٹھ جھوُٹھ تُڑائیا۔ مندر ویکھنا اِک سُہنجنا، گھر گھر وِچ نظری آئیا۔ جوت جگے نوُر نِرنجنا، بِن تیل باتی ہوئے رُشنائیا۔ اوتھے کمّ کاج دا کوئی نہ رہے جھگڑا، جگت ترِشنا نہ کوئے ودھائیا۔ کھیل اِس توں ہور اگلا، بےپرواہ پردہ دئے اُٹھائیا۔ لہنا دینا مُک جائے شاہ کنگلا، آتم پرماتم اِکو روُپ سمائیا۔ سچ انند وِچ انند منگلا، جوتی جوت سروُپ ہرِ، آپ اپنی کِرپا کر، جگت وِہار وِچ سنسار پنج تت کایا ریِت چلائیا۔ وِہار کر کر سارے گئے تھک، تھکاوٹ وِچ سرب لوکائیا۔ منزل منزل رہے بھجّ، دِوس رَین واہو داہیِا۔ ساچا مِلیا نہیں کِسے نوُں حق، حقیِقت سچ نہ کوئے سمجھائیا۔ کوُڑی ترِشنا سکیا نہیں کوئی کڈھ، اندروں باہر دئے سُٹائیا۔ مایا ممتا صاف کر نہیں سکیا ہڈّ، ناڑی ناڑی پاک جنائیا۔ ساچے کمّ دا سچّا مارگ نہیں سکیا لبھ، پیَنڈا سکیا نہ کوئے مُکائیا۔ ساچا کھیل پُرکھ سمرتھ، مہما اکتھ دئے دِرڑائیا۔ بِن رسنا جِہوا جپ، تُوں میرا مَیں تیرا دیوے سمجھائیا۔ اندروں کھول کے اکّھ، نیتر گیان کرے رُشنائیا۔ پھیر لوڑ نہ رہے کمّ کاج کوئی سنساریاں والے ہتّھ، بِن ہتّھاں لیکھے پائیا۔ جوتی جوت سروُپ ہرِ، آپ اپنی کِرپا کر، جگت کاریِا کارن کرتا قُدرت قادر ہو کے اپنے حُکم چلائیا۔ کم کاج کی کی کیِتا، سمجھ کِسے نہ آئیا۔ پِچھلا ویلا پِچھے بیِتا، بال جوانی بُڈھیپا اپنا رنگ وکھائیا۔ اندر مار کے دھیان اپنا ویکھو سیِسہ، نیتر لوچن اکّھ کُھلائیا۔ کوَن رنگ چڑھیا مجیٹھا، دُرمت مَیل دھوائیا۔ کیہڑا دھیائے لیکھے لگّا گایا گیِتا، اٹھاراں وِچوں نظری آئیا۔ کِتھے رام بنیا میِتا، سیِتا سُرتی لئی پرنائیا۔ کِتھے کرِشن وسیا چیِتا، سوہنی بنسری نام سُنائیا۔ کِتھے من ہنکاری ہویا نیِکن نیِکا، اپنا آپ مِٹائیا۔ ساچا کمّ بِن پُرکھ اکال سِری بھگوان چرن سرن پریِتا، پریِتم اِکو اِک دِرڑائیا۔ جوتی جوت سروُپ ہرِ، آپ اپنی کِرپا کر، ویکھنہارا جگت گھر، گرِہ گرِہ گھٹ گھٹ پھول پُھلائیا۔ کمّ کار دی جگت بناوٹ، ابناشی کرتے دِتی بنائیا۔ بِردھ اوستھا وِچ جے آ گئی تھکاوٹ، اَگے ہِمّت نہ رائیا۔ ہُن پربھ نوُں کہو اپنے نام دی ساڈے اُتے کردے سخاوت، بخشش رحمت جھولی پائیا۔ ساچے کمّ دی آتم پرماتم ہووے عبادت، بندگی دُھر دی سچ دِرڑائیا۔ جگت وِہار کرے نہ کوئے ممانت، اَگے ہو نہ کوئے اٹکائیا۔ ساچا کمّ کاج کردیاں رہیئے صحیح سلامت، دُکھ سُکھ اِکو روُپ سمائیا۔ اَگے جنم جنم دی مرن مرن دی لکّھ چؤراسی والی نہ رہے علامت، جوُنی جوُن نہ کوئے بھوائیا۔ من اندر وڑیا کرے نہ کوئے بغاوت، جھگڑا اَور نہ کوئے ودھائیا۔ صاحب سوامی ساچے

نام دی دے ضمانت، کایا اندر بری لَینا کرائیا۔ آد دی تیری اَمانت، جگت نہ ہوئے خیانت، انت تیری جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کمّ کاج جگت رچنا رچ کے رچنہارے سرِشٹی دا دھندا دِتا بنائیا۔ ساچا کمّ طریقہ ٹھیِک، ٹھاکر سب نوُں دِتا سمجھائیا۔ اندروں رکھے صاف نیِت، پریم پیار مانو سیو کمائیا۔ اِک دوُجے نوُں سمجھے اپنا میِت، شتروُ روُپ نہ کوئے وکھائیا۔ گھِرنا چھڈ کے اوُچ نیِچ، اِکو رنگ ویکھ خوشی منائیا۔ ساچی سِکھیا ساچی وِدیا ساچا کرم سچ حدیِث، سچ بھاونا ساچی سب دے نال مِلائیا۔ بِنا کمّ کاج میرا روُپ ہوئے نہ کوئے چیز، خالی جھولی نہ کوئے بھرائیا۔ - - - -

پربھوُ تیری بھگتی دی لوڑ رہی نہ رائی، کدی ڈوب دِتا وِچ گنگ، وہندے وہن وہائیا۔ کدی کھان پیِن توں بُھکھ ننگ، اِستری بانیاں ہٹّ وِکائیا۔ کدی تانے پیٹے دے گنڈھدا رہیا تند، ٹُٹیاں جوڑ جُڑائیا۔ پر جد ویکھیا بِن نیَن تکّیا تیرا انتر آیا اوہ انند، جیہڑا رامانند مَینوُں گیا سمجھائیا۔ پھیر سمجھیا میرا اَگے دا پِچھے دا مُکیا پندھ، منزل مِلی بےپرواہیِا۔ اوس ویلے گایا اِک ڈھولا چھند، سوہنگ راگ الائیا۔ تُوں میرا نوُر مَیں تیرا ظہوُر پربھوُ بِنا بھگتاں تیرا کوئی نہ گاوے چھند، جے اسیں نہ ہوئیے تَینوُں اؤترا کہہ کے بولے سرب لوکائیا۔ مَیں اَگے واسطے منگاں اِک منگ، خالی جھولی اپنی اِک ڈاہیِا۔ مَینوُں جاپیا تُوں سوُرا سربنگ، سمرتھ اکتھ اکھوائیا۔ مِہر نظر نال بھگتاں دا دُکھ کٹ دے بند بند، بند اندر کر کے اپنی بندگی آپے لَینا لائیا۔ اوہناں دی آتما رہن نہ دینی رنڈ، ہرِجوُ کنت سُہاگی ہو کے لَینا پرنائیا۔ اوہناں دے اندر دی بھرماں رہن نہ دینی کندھ، کوُڑی کِریا باہر کڈھائیا۔ اوہناں دی آتم اپنا بنا کے سوہنا پلنگ، سوہنی سیجا لیَنی ہنڈھائیا۔ سچ پریم دی دے کے گنڈھ، جوڑی دُھر دی لیَنی جُڑائیا۔ ویکھیں کِتے ساڈے وانگوُ وِچ سنسار دے نہ دیویں دنڈ، حُکم اپنا اِک ورتائیا۔ پُرکھ اکال کِہا کبیِرا اپنے انتر آواز کر بند، مَیں سچ دیاں سمجھائیا۔ اِس توں اَگے کِرپا کر کے جن بھگتاں نال اپنا ناتا لَواں بنّھ، اندرے اندر آتم پرماتم پرماتم آتم اپنے نال مِلائیا۔ تُوں ویکھن آویں نِسنگ، پُریِاں لواں لنگھ، لوک مات نِرگُن دھار دھیان لگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ رَویداس کِہا پربھوُ ویکھ مَیں تیرے ٹُٹے ہوئے چھِتر گنڈھدا چمّ، پِھر دِوس رَین تیرا نام دِھیائیا۔ گھر دی سوانی نوُں کھان پیِن دا غم، اوڈھن بستر سیِس نظر کوئے نہ پائیا۔

نہ کوئے مکان بِلڈِنگ کوٹھی نہ وسن والی چھنّ، بِنا تپڑی دے ڈیرہ لائیا۔ نہ دؤلت نہ خزینہ نہ دھن، انّ دانہ اوہ وی نہ جھولی پائیا۔ پر سچ پُچھیں تیری کِرپا نال میرا شانت ہویا من، منسا ہور نہ کوئے رکھائیا۔ اٹّھے پہر اوہو منگاں منگ، تیرا درس میری مِٹاوے حرص، لیکھا چُکے فرش، چڑھ کے ویکھاں عرش، آرزوُ اپنی تیری جھولی پائیا۔ وِچھوڑے دی نہ ماریں کرد، بِرہوں دا نہ دیویں درد، میرا بُھکھے ننگے رہ کے ہونا نہیں کوئی حرج، اسچرج تیرا روُپ ویکھ وکھائیا۔ مَینوُں تیرے مِلن دی غرض، میری پُٹھی سِدھی کردے نرد، نر نرائن تیری اِک سرنائیا۔

۷ وِساکھ شہنشاہی سمت ۱ آر ایل شرما دے گرِہ جموں

بےشک تُسیں کہندے اسیں نہیں رہے بھجّ، تیری بھجن بندگی سچ نہ کوئے کمائیا۔ سِری بھگوان کہے مَیں تُہاڈے انتر آتما بَیٹھا سج، دُھردا سجّن ہو کے بَیٹھا آسن لائیا۔ تُہاڈی رسنا جِہوا دند بھاویں میرا نام نہیں رہے رٹ، اُچی کوُک کوُک سُنائیا۔ مَیں انتر انتر رہیا وس، واسطہ اپنے نال رکھائیا۔ جے تُساں اپنا آپ کیِتا بھگَون دے ہتّھ، ناتا کوُڑا جگت تُڑائیا۔ پُرکھ اکال کہے مَیں سُناواں سمرتھ، جن بھگتاں پار لنگھائیا۔ پریم پیار دی دیواں اوہ وست، جِس نوُں لبھ نہ سکے جگت لوکائیا۔ نام خُماری دیواں وست، شبد انادی دُھن شنوائیا۔ پڑدا چُکا دیواں عرش فرش، نِج نیتر کر رُشنائیا۔ ساکھیات ہووے درس، بنسری والا گھنئیا روُپ انوُپ نظری آئیا۔ جنم جنم دی مِٹے حرص، رام رمئیا گرِہ اندر سوبھا پائیا۔ سِری بھگوان کہے مَیں سدا بھگتاں اُتے کراں ترس، مِہروان ہو کے ویکھ وکھائیا۔ جو میرے بِرہوں وِچھوڑے وِچ رہے تڑپ، اٹّھے پہر دِوس رَین راہ تکائیا۔ اوہناں دے پریم وِچ پَین نہ دیواں فرق، فرض اپنا پوُر کرائیا۔ دُکھیاں دیِناں دا میرے اندر درد، نیڑے ہو کے جھولی پائیا۔ جِس پریم نال کیِتی عرض، اپنی بینتی دِتی سُنائیا۔ سو خواہش پوُری کر کے غرض، آسا ترِشنا لیکھے وِچ لگائیا۔ ایہو کھیل بھگت بھگوان اسچرج، سب کُچھ ہُندیاں پھیر وی کہے میرا کُچھ نہیں خالی ہتّھ وکھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ بےشک نہیں معلوم کناں کیِتا بھجن، سواس گِنتی وِچ مِلائیا۔ پُرکھ اکال میِت مُرارا دُھر دا سجّن، سَت سوامی انترجامی گھٹ بھیِتر گرِہ ویکھے چائیں چائنیا۔ جِس نے نِج نیتر پایا

انجن، گیان اکّھ دِتی کُھلائیا۔ اوہ چرن دھوُڑ دے کے جاوے مجن، دُرمت مَیل دھوائیا۔ سچ پریِتی وِچ کرے مگن، پِچھلا اگلا لیکھا دئے گوائیا۔ اگنی تت نہ ساڑے اگن، امرت میگھ اِک برسائیا۔ دُھن آتمک انادی ناد وجّن، ڈھولک چَھینے دی لوڑ رہی نہ رائیا۔ لکّھ چؤراسی وِچوں آئے کڈھن، جم کی پھاسی دئے تُڑائیا۔ سَت سروُپ موُرت گوپال مدن، مدھ سوُدن شہنشاہیِا۔ نِت نوِت کرے سچّا عدل، اِنصاف اپنا اِک جنائیا۔ جن بھگت جیہڑا گھر چھڈ کے ہو گیا بےوطن، انتم اوسے وِچ مِلائیا۔ سَتگُروُ دا اِکو بیڑا تے اِکو پتن، جو آوے پھڑ کے پار دیوے کرائیا۔ اُس نے کیہڑی کِسے کولوں وست جانی منگن، مالک ہو کے ہوئے سہائیا۔ اندر باہر چاڑھے رنگن، جگت للاری کوئی سمجھ نہ سکے رائیا۔ نِجانند وِچ دیوے پرمانندن، پرمانند وِچ پرم سُکھ وکھائیا۔ کرم کرم دا کٹ کے بندھن، بندہ بندیخانیوں لئے چُھڈائیا۔ جوتی جوت سروُپ ہرِ، آپ اپنی کِرپا کر، لاونہارا ساچے انگن، انگیکار اِک ہو جائیا۔ انتر کہے مَیں بھجیا نہیں گوبِند، گوپال سیِس نہ کوئے نِوائیا۔ منّیا نہیں اِند، سُرپت سیِس جھُکائیا۔ ویکھیا نہیں بزِند، گہر گمبھیِر وڈی وڈیائیا۔ دھار مِلی نہیں ساگر سِندھ، امرت روُپ وٹائیا۔ بھیو کُھلیا نہیں جیِؤپِنڈ، برہمنڈ کھنڈ پڑدا نہ کوئے اُٹھائیا۔ کوُڑی کِریا گئی نہیں چِند، ہؤمے روگ نہ کوئے مِٹائیا۔ سچ انادی نہیں ہوئی بِند، بِندرابن والا مِلیا نہ سچّا ماہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سُلطان سِر اپنا ہتّھ ٹِکائیا۔ انتر کہے مَیں ہؤلی ہؤلی دِتا بول، راگ نِمھا نِمھا گائیا۔ جیہڑا پریم سی میرے کول، اوہ آؤندیاں دے بھیٹا دِتا چڑھائیا۔ بِردھ اوستھا پربھوُ بن کے تولنا پوُرا تول، تکڑی وٹّا سنگ نہ کوئے رکھائیا۔ اَگے در دروازہ دینا کھول، بند تاکی نہ کوئے جنائیا۔ سُرتی اندر جانا مؤل، شبدی رنگ چڑھائیا۔ وست دے کے سَت انمول، انڈِٹھڑی جھولی پائیا۔ راتیں سُتّیاں دِنے جاگدیاں وسنا کول، دُھر دا میلا سہج سُبھائیا۔ من تھِر تے آتما رہے اڈول، کوُڑی بھٹکنا دیوے گوائیا۔ آتما ویکھے اِک نِرول، پرماتما اپنا بھیو چُکائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ بول کہے مَینوُں رسنا نے دِتا گا، بتّی دند دین گواہیِا۔ پرم پُرکھ پربھ ملِے بےپرواہ، ڈُبدے بیڑے پار لنگھائیا۔ آون جاون دئے کٹا، لیکھا اَور رہے نہ رائیا۔ نِمانیاں نِتھاویاں دی پھڑ کے بانہہ، سہارا دُھر دا دئے جنائیا۔ سچ سوامی بن کے پِتا ماں، ہرجن ساچے گود اُٹھائیا۔ ہنس بُدھی ہوئی کاں، مانک موتی چوگ چُگائیا۔ تُوں میرا مَیں تیرا آتم پرماتم دُھر دا دسےّ ناں، ناؤں نِرنکارا اِک سمجھائیا۔ گُرمْکھ گُرسِکھ ہرجن ہربھگت پریم پیار اندر جے اِک ویراں اندروں کہہ

دے ہاں، اَگے دا ہؤکا رہے نہ رائیا۔ انت سمیں منساؤنی پئے نہ کوئی گاں، پُنّ دان اَور نہ کوئے کرائیا۔ سِر دے کے ٹھنڈی چھاں، شانتی شانت روُپ سَت سَت وِچ مِلائیا۔ جوتی جوت سروُپ ہرِ، آپ اپنی کِرپا کر، سِری بھگوان ہووے آپ مِہروان، مِہروان اپنی دَیا کمائیا۔ بھجن کہے جِس ویلے مَینوُں گایا نال راگ، نیتر نیَن چھہبر رہے وہائیا۔ سوئی سُرتی اندروں گئی جاگ، اپنی لئے انگڑائیا۔ بول کے کہے جے آیاں دھو کے جاویں داغ، دُرمت مَیل رہے نہ رائیا۔ اندر وڑ کے پکڑیں واگ، ڈوری اپنے ہتّھ رکھائیا۔ ہرِ کنت بنیا اِک سُہاگ، سؤہرے پئیے دوویں جاواں تجائیا۔ میری انتر آتما دا جگے چراغ، دیئے بتّی دی لوڑ رہی نہ رائیا۔ جِس پربھوُ دے لیَندی رہی خواب، سو خواہ مخواہ مِل مِل کے رنگ چڑھائیا۔ پھیر جنم لَینا نہیں پَینا اِس توں بعد، جوُن وِچ نہ کوئے بھوائیا۔ ایہہ کوئی لیکھا نہیں کِسے سنت سادھ، سَتگُر داتا دَیا کمائیا۔ جے پِچھے نہیں جپیا، جیہڑا اِک اکھّر لیا ارادھ، ایہہ کوٹ جنم دیاں پوُجا پاٹھاں نالوں چنگا نظری آئیا۔ کِیوں تُہاڈے پریم دی سُنی گئی آواز، غریِب نِوازا ہوئے سہائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دی دات، دَیاوان دَیا کمائیا۔ آواز کہے مَیں بولدی کردی رہی تھر تھر، خوشی وِچ غمی دِتی گوائیا۔ منگ منگدی رہی ملِے ہرِ ہرِ، ہرِ ہرِ جوُ گھر مندر سوبھا پائیا۔ منّدی رہی جنم جنم دا ڈر ڈر، بھےَ بھیانک نظری آئیا۔ اِک بینتی اِکو وار دِتی کر، سہج دُھن وِچ سُنائیا۔ کِرپا نِدھان کِرپا جائے کر، کرنی دے کرتے تیرے ہتّھ وڈّی وڈیائیا۔ بےشک پنج تت دا چولا چھڈ کے سب نے جانا مر، مرن توں پہلوں میرے جنم دا لیکھا دینا مُکائیا۔ در درویش دیِناں ناتھ منگیا تیرا در، دیِنن ویکھ کے ہونا سہائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، پوُرب لہنا مستک لیکھا دُھر دا بھاگ جھولی پائیا۔ جنم مرن دا رہے نہ بندھن، آون جاون گیڑ کٹائیا۔ جم دی پھاسی تُٹے بندھن، چِتر گُپت لیکھا نہ کوئے وکھائیا۔ انتر آتما دیوے اِک انندن، انند انند وِچوں پرگٹائیا۔ بھگت روُپ بنائے ساچا چندن، کوُڑی نِمّ واسنا رہے نہ رائیا۔ صاحب سوامی انترجامی پت پرمیشور جنم جنم دی وِچھڑی آتما آیا گنڈھن، دُھر دا میلا سہج سُبھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، آون جاون پتت پاون گیڑا دئے مُکائیا۔ سچّا رستہ پوُرے سَتگُر سرن، اِکو وار سچ سمجھائیا۔ جو اندروں کھول دیوے ہرن پھرن، باہروں سنسا دئے چُکائیا۔ بِنا وِدیا توں ساچا منتر لگے پڑھن، جِس دی چؤداں وِدیا کرن جگت صلاحیِا۔ بِنا پؤڑھیؤں اپنی اندر منزل لگّے چڑھن، بِن قدماں پندھ مُکائیا۔ ذات پات لیکھا

چُکے ورن برن، دیِن مذہب شرع نہ کوئے لڑائیا۔ سب توں سؤکھا سستا انمُلڑا رستہ صاحب سرن، سرنگت اِکو اِک وکھائیا۔ آؤن نال سارے مِٹ جان کلیش، کوُڑی کلا اندر رہن کوئے نہ پائیا۔ سُکھ شانتی رہے ہمیش، انند سچ پرگٹائیا۔ تُہاڈی مدد کرن وِشن برہما شِو گنیش، گنپت پریم دھیان ودھائیا۔ رام کرِشن دین آدیس، سِر سِر ہتھ رکھائیا۔ سچ پرماتم تُہاڈا آتم لئے ویکھ، پڑدے اندروں پڑدا آپ چُکائیا۔ پِچھلے جنم دا مکُے لیکھ، اَگے لّچھن دئے بدلائیا۔ سَت سچ دی ہووے کھیڈ، پریم خوشی دی وجےّ ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، لیکھا لیکھے وِچوں جنائیا۔ کاشی متھرا گوکل بِندرابن، بنسری والا رہیا جنائیا۔ ذرا پِھرکے ویکھ اپنے اندر تن، تیِرتھ یاترا سوہنی اِک بنائیا۔ ذرا پُچھ کے ویکھ اپنے کولوں من، جو منسا باہرلی رہیا ودھائیا۔ ذرا پُچھ کے ویکھ اپنے کنّ، جو جگت سنگیِت رہے سُنائیا۔ ذرا پُچھ کے ویکھ اوہ چیتن چڑھن والے چنّ، جیہڑا سیِتلا کرے رُشنائیا۔ جے سچّی دؤلت سچّا لبھنا دھن، کوئی سچّا سَتگُر لبھو جو دُھر دا ہووے گوسائنیا۔ اوہ رہن نہ دیوے انتر انّھ، راتیں سُتّیاں دِنے جاگدیاں چلدیاں پِھردیاں نوُں متھرا گوکل بِندرابن کاشی گیا جگن ناتھ پُری رمیشور پلک جھلک اندر دئے وکھائیا۔ راستہ لَینا کہ براستہ، کہ مارگ چلنا چائیں چائنیا۔ چھیتی جانا کہ آہستہ، ایہہ وی دینا سمجھائیا۔ رجّ کے کھانا کہ تھوڑا تھوڑا جِہا ناشتہ، اوہ وی دینا دِرڑائیا۔ پریم رکھنا کہ واسطہ، کہ تھوڑا ناتا لَینا جُڑائیا۔ نام جپنا کہ لہنا چُکاؤنا سواس سواس دا، کرم کانڈ نال مِلائیا۔ کنّیں سُننا کہ کھیل ویکھنا گوپی کاہن والی راس دا، جو جمنا کنارے گھنئیا بن کے سئیا ہو کے گیا کھیل وکھائیا۔ ایہہ کھیل جن بھگت پربھوُ دے چرناں دے واس دا، نہ کِسے تیِرتھ نہ تاٹ نہ جمنا دے گھاٹ دا، ایہہ تماشا آتم پرماتم دی بات دا، ایہہ نظارہ کلجُگ اندھیری رات دا، ایہہ سہارا اوس ابناشی کملاپات دا، جو وِچھڑیاں لئے مِلائیا۔ تیرے متھے بُرائی نہیں ایہہ تیری بھگتی دا تول، جیہڑی اندرے اندر بَیٹھی رہی جنائیا۔ ایہو سَت سچ دا موُل، مارگ سچّا رہیا بنائیا۔ اوہ پرمیشور نہیں کدے جانا بھوُل، سب نوُں ویکھے تھاؤں تھائنیا۔ سب دا لیکھا دے موُل، لہنا دینا جھولی پائیا۔ بِرہوں وِچ بولیا ہنجھوُاں والا ہار، سدھراں نال جو بھیٹ چڑھائیا۔ پریِتم پریم دا دے پیار، انتر دا کر اُجیار، نِرنتر روُپ سمجھائیا۔ بھگتاں دی سُن پُکار، سنتاں دی پَیج سوار، دُکھیاں دا دُکھ نِوار، نِراکار تیری وڈیائیا۔ شبداں دی سُن جَیکار، بےخبراں نوُں کر خبردار، سُتّیاں نوُں ہلوُنا دے مار، آلس نِندرا رہے نہ رائیا۔ رسنا جِہوا نہ کرے ویچار، بتّی

دند نہ پاوے سار، منوُآ کر نہ سکے وِستھار، بُدھی بودھ نہ کوئے دِرڑائیا۔ تیرا وکھرا دھام نیار، اکھّراں والا لیکھ کوئی لِکھ نہ سکے لِکھار، کاتب بَیٹھے مُکھ بھوائیا۔ تیری مہما بےشُمار، جُگ جُگ لویں اوتار، نِرگُن سرگُن ویکھنہار، سَتجُگ تریتا دواپرکلجُگ آپ ہنڈھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ہنجھوُاں ہار کہے مَینوُں کوئی وِرلا کرے بھیٹ، پربھوُ چرناں وِچ ٹِکائیا۔ مَیں بھگوان تے اوہ بھگت میرا بیٹ، پِتا پوُت اِکو رنگ سمائیا۔ لوک مات بن کے ملاح کھیوٹ کھیٹ، نئیا نؤکا ساچی لَواں چڑھائیا۔ نظری آواں نیت نیت، نیتر نِج اکّھ کُھلائیا۔ جگت توں وکھرا کراں ہیت، آسا سدھراں والی پوُر کرائیا۔ بھاگ لگا کے ساڈھے تِنّ ہتّھ دیس، دِشا ساچی دیاں وکھائیا۔ مِہر کراں سدا ہمیش، بےنظیِر نظر اُٹھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ ہنجھوُاں ہار کہے، جو میرا جوڑ جُڑاویگا۔ سو پربھوُ دی چرنی بہے، پربھ لگی توڑ نِبھاویگا۔ اَدھ وِچکار کوئے نہ رہے، دو جہاناں پار کراویگا۔ جماں دا دنڈ کوئی نہ سہے، انت اپنی گود اُٹھاویگا۔ چرناں وِچ سدا رہے، روُپ انوُپ پرگٹاویگا۔ اوہدی اندروں کدی نہ نِکلے ہائے، رام رام اِکو روُپ بناویگا۔ سیوا کیِتی پا کے تھانئے، جھولی اگمّ آپ بھراویگا۔ کِسے ہور وست دی لوڑ نہ رہے، سچ پریِتی اِکو لیکھے لاویگا۔ مُحبّت وِچ جو شبدی ڈھولے گائے، گہر گمبھیِر لیکھے وِچ رکھاویگا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکاویگا۔ ہار کہے بھیٹا چڑھؤن دی ہور کیہڑی لوڑ، پرماتما دی آتما اوسے دے اَگے رکھائیا۔ اپنے نال لَوے جوڑ، جوڑی بنے دُھردرگاہیا۔ جے پِچھے کرماں کرکے چھڈیا وِچھوڑ، اَگے نہ ہووے جُدائیا۔ سچ مالک دے ہتّھ ڈور، تندی تند ستار دئے ہلائیا۔ بینتی کرکے جن بھگت کہے اوس دے اَگے کاہدا زور، زوراَور اِکو نظری آئیا۔ سِری بھگوان کہے مَیں کوئی ٹھگّ یار نہیں چور، کوُڑا روُپ نہ کوئے وٹائیا۔ مَینوُں سدا سدا ساچیاں بھگتاں دی لوڑ، بِنا بھگتاں پربھوُ کم کِسے نہ آئیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ ہار کہے میری پوُری ہوئی آسا، بینتی اگلی کی سُنائیا۔ اوہ کہندا تیرے چرناں دا بھرواسا، ناتا چھڈیا جگت لوکائیا۔ مَیں منگاں تیرا ساتھا، سگلا سنگ بنائیا۔ تُوں اناتھاں دا ناتھا، دیِنن دئیں وڈیائیا۔ تُوں رام کرِشن ویکھنہار تماشا، عیسیٰ موُسیٰ محمد نانک گوبِند دھار پرگٹائیا۔ تُوں بھیوَ ابھید کھولیں خلاصہ، بودھ اگادھ جنائیا۔ تیرے بھگت تیریاں نِکیاں نِکیاں شاخاں، پتّ ٹہنی لوک مات لہرائیا۔ سچ بینتی اِک آکھاں، اُچی کوُک کوُک سُنائیا۔ میرے اندروں آوے آوازا، عاجز ہو کے سیِس

نِوائیا۔ آہ ویکھ ساڈا تماشا، بِہبل ہو کے رہے کُرلائیا۔ کر کر تھکے پوُجا پاٹھا، تیِرتھ تٹ دین گواہیِا۔ جِدھر ویکھیا پیا گھاٹا، پوُرا پلّوُ نہ کوئے کرائیا۔ کِسے روُپ وِچ آ جا بنا لا داسی داسا، سیوک سیوا سچ دے دِرڑائیا۔ تیرے گھر کیہڑا گھاٹا، دِندیاں توٹ رہے نہ رائیا۔ بھاویں جل ہو بھاویں میگھ بن برساتا، بھاویں اؤلے روُپ وٹائیا۔ سِری بھگوان کہے مَیں اندرے اندر جوڑاں ناتا، کرماں دا ویکھاں کھاتہ، جِنہاں جِنہاں دیِاں جاناں باتاں، پوُرب لہنا جھولی پائیا۔ ہُن پڑھنیاں نہیں پیَندیاں کوئی جماعتاں، اکھّراں والی نہیں کوئی گاتھا، جوڑنے پیَندے نہیں دوویں ہاتھا، بِن ہتّھاں سمرتھ دیاں مِلائیا۔ پڑھنا نہیں پیَندا کا کھا، انتر آتم دسّاں راہ، پڑدا دُئی دوَیت چُکا، نِج مندر ہوواں سہا، جے بُھلن لگیں پھڑ کے ہلوُنا دیواں لگا، سِدھا راہ اِک جنائیا۔ جے اپنی مت لویں گوُا، اندر نام دیواں وسا، تیری بدل جاوے طبع، طمع کوُڑی باہر کڈھائیا۔ جوتی جوت سروُپ ہرِ، آپ اپنی کِرپا کر، سب دا لہنا رہیا چُکائیا۔ تیری آسا کہے مَیں اسمرتھ، بلہیِن دیاں دُہائیا۔ مَیں لبھ لبھ گیا تھک، جنگل جوُہ پہاڑ ٹِلے پربت ویکھ وکھائیا۔ مَینوُں کِتوں نہیں لبھا سچ، سَت رنگ نہ کوئی رنگائیا۔ کِسے جھولی نہیں پایا حق، حقیِقت نہ کوئے وکھائیا۔ من نہیں دِتا ڈکّ، ڈوری تند بندھائیا۔ مَیتھوں ہُن نہیں ہُندا بہُتا ہٹھ، حوصلہ اَگے نہ کوئے ودھائیا۔ جے آیاں تے مارکے جاویں اوہ سٹّ، جِس دی ٹھوکر بُھل کوئے نہ جائیا۔ تُوں میرا تے مَیں تیرا اِکو نام لَواں رٹ، رٹّا مکُے جگت لوکائیا۔ مانَس جنم دا ایہو لاہا لَواں کھٹ، کایا کھیڑا وجےّ ودھائیا۔ جِناں چِر مِلیں نہ اوناں چِر اسیں نہیں کرنی بس، بستے بند دینے کُھلائیا۔ بھگوان تَینوُں نہیں پتہ، تُوں سدا بھگتاں دے وس، جُگ جُگ اپنا پھیرا پائیا۔ جے ساڈے کولوں نہیں کُھلی اپنی کِرپا نال کھولدے اکّھ، آخر منزل دے چڑھائیا۔ سچ پُچھیں پربھوُ ہُن تَیتھوں نہیں رہنا اڈّ، جھلّی نہ جاندی جُدائیا۔ جیہڑا سِر سر ہو کے تیرے چرناں گیا ڈھٹھ، ناتا توڑ دے تت اٹھ، نؤ دوارے لیکھا دے چُکائیا۔ دسم دوارے آ کے وس، مَیں ویکھاں ہس ہس، پریم پیار دا ملِے رس، ساچا جام اِک پیائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، ہرجن ساچی منگ منگائیا۔ ہار کہے مَیں سدھراں بھریا، لڑی ہنجھوُاں والی بنائیا۔ پریم پیار پریِتی اندر کدے نہ ڈریا، لوک لاج نیڑ کوئے نہ آئیا۔ بِنا بھگتاں دے پربھوُ دے دوارے کدی نہ چڑھیا، ساچی بھیٹا نہ کوئی کرائیا۔ بِنا ہتّھاں توں تَینوُں ہتّھ کِسے نہ پھڑیا، بِنا اکّھاں توں میری

دھار نہ کِسے بنائیا۔ مَیں اگنی ہوَن وِچ کدی نہیں سڑیا، سُک کے اپنا روُپ نہ کوئے بدلائیا۔ جد ویکھو تے بھگتاں دے پیار اندر ہریا، پربھوُ دے چرناں وِچ سوبھا پائیا۔ جوتی جوت سروُپ ہرِ، آپ اپنی کِرپا کر، آسا منسا سب دی پوُر کریا، خالی کوئی رہن نہ پائیا۔

۷ وِساکھ شہنشاہی سمت ۱ لَفٹینیَنٹ بھگت سِنگھ دے گرِہ جموں

دیِناں ناتھ درد دُکھ بھےَ بھنجن، ہرِ سمرتھ پُرکھ وڈی وڈیائیا۔ چرن دھوُڑ اِشنان کرائے ساچا مجن، دُرمت مَیل کوُڑی کِریا جنم جنم دا پاپ دئے مِٹائیا۔ گھر ٹھاکر سوامی انترجامی چاڑھے ساچی رنگن، رنگ رنگیِلا آپ رنگائیا۔ نام خُماری دُھر دی یاری وِچ کرے مگن، اگلا پِچھلا لیکھا دئے مُکائیا۔ نِرگُن نِروَیر نِراکار دیِا باتی جگائے جوت نِرنجن، نوُرو نوُر کرے رُشنائیا۔ کایا ماٹی خاکی لیکھے لاوے بدن، مِہر نظر اپنی اِک اُٹھائیا۔ گھٹ گھٹ انتر ویکھے کوَن گائے ساچا بھجن، جوگ ابھیاس ہٹھ تپ کؤن رکھائیا۔ جاننہارا ساچے بچن، گرِہ گرِہ مندر کھوج کھوجائیا۔ جن بھگتاں دا بچّیاں والا ویکھ کے بچپن، بالک اپنی گود اُٹھائیا۔ جیہڑے ہرجن ہرِ درس نوُں ترسن، تِنہاں دی آتم انتر ترِکھا دئے مِٹائیا۔ مانَس جنم دی میٹ کے حرصن، حاضر ہو کے نظری آئیا۔ سوئی سُرتی کرکے مردن، مرد مردانہ لئے جگائیا۔ کی ہویا جے کرِشن اُنگلی اُٹھایا گوردھن، دوارکا نِواسیاں ہویا سہائیا۔ پُرکھ ابناشی جُگ چؤکڑی نِت نوِت جن بھگتاں ونڈنہارا دردن، دُکھیاں دا دُکھ اپنی جھولی پائیا۔ اندر باہر گُپت ظاہر یاد رہے ہر دم، ساہ ساہ وِچ سمائیا۔ بھاگ لگائے کایا ماٹی تن، تتو تت دئے سمجھائیا۔ من واسنا شبدی دھار بنّھ، کھِچ لیائے واہو داہیِا۔ نام پدارتھ دیوے دھن، دؤلت انمُلی جھولی پائیا۔ جیہڑی ایتھے اوتھے جیؤندیاں تے مرن دے بعد وی آوے کمّ، درگاہ ساچی اپنا سنگ رکھائیا۔ جن بھگت سُہیلے چاڑھ کے نوُری چنّ، لوک مات ساچے چند کرے رُشنائیا۔ ہرِ کا کھیل نظر آئے نہ کِسے نیتر انّھ، ہرجن وِرلے بوُجھ بُجھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ سَتگُر کہے مَیں سب دے اندر وسدا، نِرگُن ہو کے ڈیرہ لائیا۔ پر کوٹاں وِچوں وِرلے اپنا مارگ دسّدا، سُتّیاں لَواں اُٹھائیا۔ لہنا دینا دیواں اوہناں دے گائے سچّے جس دا، صِفتاں نال صلاحیِا۔ میل مِلاوا کراں اوس اکّھ دا، جیہڑی اکّھاں دے پِچھے دِتی ٹِکائیا۔ جِس دے نوُر نوُں جگت جہان لبھدا، واسنا وِچ بھجےّ سرب لوکائیا۔ سو لیکھا چُکاوے کوُڑی

حد دا، اگلا پندھ مُکائیا۔ ناتا جوڑ کے بھگت بھگوان اجّ دا، سبب سوہنا لئے بنائیا۔ رَین سبائی پریِتم ہو کے پریمی نوُں رہیا دسّدا، اندر باہر حُکم سُنائیا۔ ویکھ کھیل اوس سمرتھ دا، جو سب دا پِتا مائیا۔ دروازہ کھول ساچے ہٹّ دا، نام بھگتاں جھولی پائیا۔ کوٹاں وِچوں گُرمْکھ وِرلا دماں والے دم وٹدا، قیِمت سواساں والی پائیا۔ کِرپا کرے جِس اُتے اوسے نوُں آپے رکھدا، رچھیا کرے تھاؤں تھائنیا۔ پِچھے ویلا گیا الگ دا، اَگے ہوئے نہ کوئے جُدائیا۔ لیکھا مُکاوے شاہ رگ دا، شاہ پاتشاہ سچّا شہنشاہیِا۔ نام پیالہ دیوے امرت مدھ دا، خُماری ساچی دئے چڑھائیا۔ سِر ہتّھ رکھ کے پردے ڈھکدا، ہووے آپ سہائیا۔ بھگت سدا بھگَون دے کول سجدا، بھگَون بھگتاں وِچ سوبھا پائیا۔ تَینوُں پتہ نہیں ایہہ ناتا کب دا، جُگ تریتا دئے گواہیِا۔ جِس ویلے دسرتھ دا پہیِا ٹُٹا سی رتھ دا، ککئی اکّھ کُھلائیا۔ اوس ویلے تُوں گھسیرا ہو کے گھاہ سی کٹدا، داتی دندیاں والی ہتّھ اُٹھائیا۔ ایہہ کھیل ویکھ کے آیا نٹھدا، نیڑے آ کے سیِس جھُکائیا۔ اَگے ہو کے ہتّھ لا کے پِچھوں اَگے نوُں دھکدا، اپنا زور لگائیا۔ اوس ویلے دسرتھ نے کِہا ایہہ کؤن بندہ میرے رام ربّ دا، جیہڑا بِن سدّیاں گیا آئیا۔ اونے چِر نوُں رتھ تھوڑا اَگے ودھدا، اپنا پندھ مُکائیا۔ دسرتھ پھیر کِہا ایہو جیہا پریمی سدا بھگوان دے چرناں وِچ سجدا، سجّن دُھر دا نظری آئیا۔ دُھر درگاہوں آئی آواز ایہہ کھیل پُرکھ سمرتھ دا، لیکھا پوُرا دئے کرائیا۔ جِس ویلے ویلا آیا کلجُگ انت کوُڑ کُڑیارے جگ دا، چاروں کُنٹ اندھیرا چھائیا۔ اوس ویلے ایسے اوستھا وِچ سِری بھگوان آپے ایہنوُں لبھدا، بِن کھوجیاں کھوج کھوجائیا۔ جیہڑا رتھ دے پِچھے ودھدا، پھیر ایس دا وادھا اپنے پریم نال رکھائیا۔ کایا دا بھانڈا سب دا بھجدا، جُگ جُگ رہن کوئے نہ پائیا۔ سِری بھگوان ساچے بھگت جیِواں جنتاں وِچوں آپے کڈھدا، پھڑ کے باہوں لئے اُٹھائیا۔ ایہو کِرپا جیہڑا وینہدے سار ہی اندر وسدا، ہسدا ہسدا اپنے گلے لگائیا۔ اَگے لہنا دیوے پریم رس دا، رستہ اگلا صاف کرائیا۔ آتم وِچھوڑا دیوے اگمّی پٹ دا، جِس دا تانا پیٹا نظر کِسے نہ آئیا۔ گھر وکھاوے جِتھے دِیپک اِکو جگدا، جوتی جوت ہووے رُشنائیا۔ جے تُوں ترنتے دا بندہ ربّ دا، رام دا پِتا گیا جنائیا۔ ہُن کِیوں نہ تَینوُں سسددا، اپنا حُکم جنائیا۔ پِچھلا لیکھا گیا کوُڑ کِریا کگ دا، اَگے ہنس روُپ وٹائیا۔ تیرے پِچھے ساری رَین رہیا بھجّدا، نؤ واری تیرے در تے جائیا۔ کوئی پیار نہیں کیِتا ایس سؤن والے پلنگ دا، سُکھ آسن دِتا تجائیا۔ جیہڑا میرا مَیں اوسے نوُں رنگدا، بِنا للاریؤں رنگ وکھائیا۔ جِس دے اندر دی اِک واری لنگھدا، اُس در دی ہووے نہ کدے جُدائیا۔

ویکھو کھیل سوُرے سربنگ دا، دیونہار وڈّی وڈیائیا۔ سُکھ ماننا سچّے انند دا، جو انند انند وِچوں وکھائیا۔ جوتی جوت سروُپ ہرِ، آپ اپنی جوت دھر، دیونہارا ساچا ور، مہاراج شیرسِنگھ وِشنوُں بھگوان، پوُرب جنم دا لیکھا پوُرا جھولی پائیا۔

۸ وِساکھ شہنشاہی سمت ۱ سردوُل سِنگھ دے گرِہ پٹھان کوٹ چھاؤنی

جانیجان سب کُچھ رہیا جان، پنج تت کایا ماٹی ماٹی کھوج کھوجائیا۔ بھگت سُہیلے ہرجن ویکھے مار دھیان، کایا کوَری ڈوُنگھی بھوَری پردہ چُکائیا۔ سنت سُہیلے گُروُ گُر چیلے بخشے چرن دھیان، پریم پریِتی دُھر دی مُحبّت اِک جنائیا۔ امرت آتم رس دیوے پیِن کھان، جگت ترِشنا بُھکھ مِٹائیا۔ شبد انیالا مارے تیِر بان، دُئی دوَیتی بجر کپاٹی پار کرائیا۔ دیِا باتی کملاپاتی جوت جگائے مہان، نوُرو نوُر کرے رُشنائیا۔ مِہروان ہو کے پنچ وِکارا اندروں کڈھے شیَطان، کام کرودھ لوبھ موہ ہنکار دئے گوائیا۔ سَت سَت سچ سچ دھرم وکھائے اِک نِشان، جوُٹھ جھوُٹھ بھانڈا بھرم بھؤ بھنائیا۔ بھاگ لگائے کایا ہٹّ مکان، نِگہبان ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، ویکھنہارا گھر گھر، ہر گھٹ انتر اپنا کھیل وکھائیا۔ جانیجان ہر گھٹ نِواسی، گرِہ مندر پھول پھولائیا۔ پت پرمیشور پرم پُرکھ ابناشی، جوتی جاتا پُرکھ بِدھاتا نِرگُن نِروَیر نِراکار نِرنکار بےپرواہیِا۔ کوُڑی کِریا جن بھگتاں میٹے رَین اندھیری راتی، ساچا جوتی نوُر چند اِک چمکائیا۔ تُوں میرا مَیں تیرا آتم پرماتم دسےّ ساچی گاتھی، بودھ اگادھا کرے پڑھائیا۔ جنم جنم دا پندھ مُکا کے واٹی، لکّھ چؤراسی پھند کٹائیا۔ نام پدارتھ سچ بھنڈارا دیوے داتی، دیِن دَیال دَیاوان جھولی پائیا۔ ساچا جام پیائے بن کے ساقی، نام پیالہ مُکھ چوائیا۔ من منوُآ رہے نہ عاقی، کوُڑ وِکارا ڈیرہ ڈھاہیِا۔ بند کِواڑا کھولے تاکی، انتر انتر اوہلا دئے چُکائیا۔ جانیجان کِرپا کر کے گھر آتم پرماتم میل مِلائے کملاپاتی، جگت وِچھوڑا دوُر کرائیا۔ جیِون وِچوں بدل دیوے حیاتی، زِندگی زِندگی وِچوں بدلائیا۔ جوتی جوت سروُپ ہرِ، آپ اپنی کِرپا کر، کھیلے کھیل پُرکھ ابناشی، گھر گھر اندر ویکھ وکھائیا۔ جانیجان کرے وِچار، جاننہارا اِک اکھوائیندا۔ انتر آتم جِنہاں پیار، پت پرمیشور ویکھ وکھائیندا۔ مانَس جنم جائے پَیج سوار، سِر اپنا ہتّھ ٹِکائیندا۔ جگت

ساگر کرے پار، بھَوجل وِچ نہ کوئے رُڑھائیندا۔ چرن کوَل دے سہار، کنارہ دُھر دا اِک وکھائیندا۔ میل مِلا کے سجّن میِت مُرار، نر نِرنکار دَیاکمائیندا۔ کاغذ قلم نہ لِکھنہار، قلم شاہی ونڈ نہ کوئے ونڈائیندا۔ گُرمْکھاں دا اندر وڑ کے ویکھے حال، بھیوَ ابھیدا اپنے ہتّھ رکھائیندا۔ بھاگ لگائے کایا دھرم سال، نوُرو نوُر نوُر رُشنائیندا۔ ناتا توڑ کے کال مہاکال، چرن پریِتی اِک سمجھائیندا۔ اندر وڑ کے ویکھنہارا مار دھیان، منزل چڑھ چڑھ پندھ مُکائیندا۔ جانیجان سرب جیِاں آپ بھگوان، بھاگاں والیو تُہاڈا حِصّہ نام جھولی پائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحب سوامی انترجامی گھٹ بھیِتر اپنی کھیل کھلائیندا۔ جانیجان اُتے جو کرے مان، چرن کوَل سیِس نِوائیا۔ میلا مِل جائے بھگت بھگوان، بھیو رہے نہ رائیا۔ اِک دوُجے دی آئے پچھان، تُوں میرا مَیں تیرا دوُجا اَور نہ کوئے وکھائیا۔ گھر سوامی ملِے رام، پریِتم ہو کے جوڑ جُڑائیا۔ گرِہ نظری آئے گھنئیا شام، ساچی بنسری نام سُنائیا۔ ناتا ٹُٹے کوُڑ جہان، سچ سُچ ملِے سرنائیا۔ ابناشی کرتا کرتا پُرکھ کرنی دا مالک کِرپانِدھ آد جُگاد جانیجان، اَنجانت بےخبر خبر اپنی آپ سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہر گھٹ انتر انتشکرن سب دے ویکھ وکھائیا۔

۹ وِساکھ شہنشاہی سمت ۱ ہرِ بھگت دوار جیٹھوُوال

شبد کہے مَیں تیرا برخوردار، پربھوُ بےخبراں خبر پہنچائیا۔ برہمنڈاں کھنڈاں ویکھ سرب سنسار، سوارتھی ہو کے سیو کمائیا۔ جُگ چؤکڑی دا قرضہ لاہواں اُدھار، لیکھا صاف بنائیا۔ حُکمے اُتے حُکم چلے اپار، فرمان دُھر دا دیاں سُنائیا۔ تیرے یرانیاں والے لبھاں یار، دیوان خانیاں والے دیوانے دیاں اُٹھائیا۔ مَیخانیاں والا ویکھاں پیار، ساقیاں والا جام پیائیا۔ جوتی جوت سروُپ ہرِ، آپ اپنی کِرپا کر، دینی سچ وڈیائیا۔ شبد کہے پربھوُ موہے تیرا زور، جابر تیری سرنائیا۔ بِن تیرے میرے گُروُ رہن نہیں دینا کوئی ہور، اپنا حُکم ورتائیا۔ پڑدا چُکنا ٹھگ چور، پیَنڈا مُکنا کوُڑ قصائیا۔ بھگت سنت دی پکڑنی ڈور، گُرمْکھ گُرسِکھ انگ لگائیا۔ جیہڑی سرِشٹی تَینوُں سمجھدی رہی ہور تے مَینوُں سمجھدی ہور، اوہناں دا مور تور دینا چُکائیا۔ کِسے اوتار پَیغمبر دی رہن

نہیں دینی لوڑ، سوّمبر سرِشٹی نال لَینا کرائیا۔ جِتھے نہیں کوئی پہنچیا اوتھے جانا بہُڑ، بِنا قدماں پندھ مُکائیا۔ سچ سندیشہ دیناں نَواں نِکور، مِلاوٹ پِچھلی نہ کوئے رلائیا۔ حُجریاں وِچ تکّن والے رہن نہیں دینے مجؤر، پنڈت پاندھے دینے کھپائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ شبد گُروُ کہے مَینوُں بڑا آؤندا چا، تیری خوشی رنگ رنگائیا۔ سب دا لیکھا کر کے صفحا، صفحا ملیچھاں دیاں اُٹھائیا۔ اِکو بن کے دُھر ملاح، دو جہاناں ویکھ وکھائیا۔ بِنا تیرے میرے ہور کِسے دا جپن والا رہ نہ جائے ناں، اِکو ناد دیاں وجائیا۔ گُر اوتاراں پیِر پَیغمبراں دیِناں مذہباں توں پِچھا دیواں چُھڈا، اِشٹ تیرا اِک درسائیا۔ تیرا کلمہ تے تیری منگن دُعا، دوُجے سیِس نہ کوئے نِوائیا۔ تیرا نوُر تُوں ہی خُدا، خُد مالک بےپرواہیِا۔ مَینوُں خوشی ہوئی تیرا سمت ہویا رواں، دِن بدن اپنا پندھ مُکائیا۔ مَیں ہؤلی ہؤلی چھیتی چھیتی دوہاں رنگاں وِچ سب نوُں کہواں، اندرو اندر دیاں ہلائیا۔ ویکھو پربھ دا کھیل نَواں، نوَ نوَ چار رہیا جنائیا۔ خوشیاں نال برہمنڈ کھنڈ بھواں، بھجّاں واہو داہیِا۔ اِکو بھگتاں دے مِلن دی رکھاں طمع، دوُجا لالچ نہ کوئے جنائیا۔ گُر اوتار پیِر پَیغمبر جیہڑا اُڈیِکدے گئے سماں، سو سب دے سمن لےَ کے گیا آئیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، بیڑا دو جہان بنّھاں، سیوا دُھر دی سچ کمائیا۔ شبد گُروُ کہے میرے وِچ بدوبدی پرگٹ ہُندا جاندا بل، بلدھاری دیاں کھپائیا۔ جیہڑا اجّ تک کِسے نے سمجھیا نہیں ول، اوہ پردہ دیاں اُٹھائیا۔ سارے کہندے گئے خطرناک کل، سو خطرے دا خطرہ سب نوُں دیاں وکھائیا۔ مَیں جُگ چؤکڑی وینہدا رہیا جو گُر اوتار پیِر پَیغمبر دِتے گھلّ، نام کھلاؤنے ہتّھاں وِچ پھڑائیا۔ انت سارے ایتھوں گئے چل، تھِر رہن کوئے نہ پائیا۔ مَینوُں ویکھ ویکھ لگدا رہیا سل، انتر انتر دھیان رکھائیا۔ ایسے کارن تیرے نال دُھر دی کر کے سچّی گلّ، گہر گمبھیِر ہو کے ویس وٹائیا۔ اَگے میرا زور سکے نہ کوئی جھل، سِر سکے نہ کوئی اُٹھائیا۔ حُکم سکے نہ کوئے ٹّھل، نہ کوئی روکے روک رُکائیا۔ تیرے حُکمے اندر پا دینی ترتھل، جل تھل دیاں ہلائیا۔ مَیں کیہڑا وجاؤنا تیرے مندر وِچ ٹلّ، کیہڑی سنکھاں والی دُھن سُنائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ شبد گُر کہے بِنا مُچھاں توں دیواں تاء، طبع اپنی رہیا بدلائیا۔ پربھوُ اِک وار پریم نال کہہ دے ہاں، خوشی نال اکّھ اُٹھائیا۔ پھیر مَیں سرِشٹی دی درِشٹی لَواں بدلا، حُکم حاکم ہو سُنائیا۔ کوُڑیاں نوُں کوُڑے وِچ دیاں رُلا، باہر سکے نہ کوئی کڈھائیا۔ بھگتاں نوُں بھگت لَواں بنا، مِہر نظر نال ترائیا۔ چار جُگ دے

پِچھلے گُروُ پَیغمبر اوتار تیرے کول جمع دیواں کرا، جماعت تیری دیواں بنائیا۔ ایہناں نوُں اگلے جُگاں واسطے ہور کُچھ پڑھا، اوناں چِر مَیں اپنا حُکم لَواں ورتائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ شبد گُر کہے مَینوُں آؤندا جوش، پربھوُ ویکھ تیری لوکائیا۔ نؤ سؤ چُرانوے چؤکڑی مَیں بَیٹھا رہیا خاموش، گُر اوتار پیِر پَیغمبر سیوا جگت لگائیا۔ انت اوہ وی آلنیاں وِچوں ڈِگے بوٹ، پھڑ کے تیری جھولی دِتے پائیا۔ مَیں آد جُگادی تیرا پُت، گُر اوتار پیِر پَیغمبر میرے بچّے کوٹی کوٹ، کایا کُٹیا وِچ بند کرائیا۔ جے بخشاں نہ ساچی جوت، شبدی نہ بناواں گوت، چوٹ سچ لگائیا۔ پھیر کِسے نوُں لبھے نہ ساچی مؤج، تیرے در نہ سکے پہنچ، سوانی بن کے ہنڈھائے کوئی نہ کھؤنت، دُہاگن روُپ نظری آئیا۔ مَیں حَیران ہویا ویکھ کے تیری نِکی نِکی رؤنس، لوک مات متاں اندر دھار چلائیا۔ وست دے کے رتیاں دی رتی جے کِتے بخش دے ماسہ آؤنس، مِہروان ہو کے جھولی پائیا۔ جوتی جوت سروُپ ہرِ، آپ اپنی کِرپا کر، ایکا بخشنی سچ سرنائیا۔ شبد گُر کہے مَینوُں کِسے نہیں جانیا اِکو آد جُگادی چکرورتی، چکرورتی بن دے رہے اوہ جو ماٹی خاک وِچ سمائیا۔ مَیں جُگ جُگ گُر اوتاراں پیِر پَیغمبراں دی لوک مات وِچ پَیمانے نال ماپ کے کردا بھرتی، وزن تول کے اپنے کانٹے اُتے چڑھائیا۔ تتّاں والی بنا کے سیں کے دیندا رہیا وردی، نام کھنڈا ہتّھ پھڑائیا۔ تھوڑی جِہی کہانی دسدا رہیا اپنی تے تیرے گھر دی، غُلاماں وانگ سمجھائیا۔ اوہناں دی انتر سدا رہی ڈردی، نِیوں نِیوں سیِس جھُکائیا۔ جگت پلیٹ فارم اُتے اوہناں دی دیہی پریڈ رہی کردی، حُکمے اندر وکھرا قدم اُٹھائیا۔ انت اوہناں اپنے اسطیفے دی دِتی عرضی، سارے کہن ساڈا وظیفہ بند دے کرائیا۔ کِیوں ساڈے پِچھے ہُن بُہتے گُروُ بن گئے فرضی، فرضیاں نوُں اسیں ہٹا نہ سکے راہیِا۔ کلجُگ ویکھ اندھیر گردی، گردش وِچ لوکائیا۔ اسیں سارے چاہُندے تُوں کر اپنی مرضی، مجلس اپنی اِک لگائیا۔ سانوُں خوشی ویکھیئے کھیل نرائن نر دی، چرن کوَل بہہ کے سوبھا پائیا۔ تیری سرِشٹی ویکھیئے اِکو تیرا نام پڑھدی، دوُجا ڈھولا نہ کوئے گائیا۔ تیری دھار ویکھیئے بھگتاں دے اندر وڑدی، اَگے سکے نہ کوئے اٹکائیا۔ کھیل ویکھیئے مِہر نظر دی، جو نذرانے دئے بنائیا۔ گھڑی سُہنجنی ویکھیئے فضل دی، رحمت حق کمائیا۔ اوہدی کھیڈ ویکھیئے جیہڑی چؤراسی اُتے اجل دی، عظیِمُلشان تیری وڈیائیا۔ اوہدی دھار ویکھیئے ساچے تول وزن دی، جو بچناں نال پوُر کرائیا۔ تیریاں بھگتاں لوڑ نہ رہے کِسے کولوں نام وست منگن دی، اِکو دینی سچ سرنائیا۔ درِشٹی بنا دے سب دی اِکو بندن

دی، بندگی دُھر دی دے جنائیا۔ نِم واس نہ رہے سُگندھی دے دے چندن دی، پریم مہک نال مہکائیا۔ ہُن گھڑی تیری سچّی دات ونڈن دی، جن بھگتاں جھولی دے بھرائیا۔ مہاراج شیرسِنگھ وِشنوُں بھگوان، رُت سُہنجنی آئی جوت جگن دی، اندھیری گگن دی دے مِٹائیا۔

اجیِت سِنگھ بٹالے والے دی ماں دے نوِت

مائی تیری نوُں مِل گیا ماپا، پِتا پُرکھ اکال بےپرواہیِا۔ نہ پُنّ رہیا نہ پاپا، پُنیِت دِتا کرائیا۔ نہ جپ رہیا نہ جاپا، جوتی جوت سمائیا۔ نہ ساک سجّن رہیا ساکا، ناتے سب دے دِتے تُڑائیا۔ جِس نے جمّیا تیرے ورگا لاڈلا کاکا، تِس دی باقی رہے نہ رائیا۔ اَگے دِتا بھگتاں دا ساتھا، گُرمْکھاں نال مِلائیا۔ مہاراج شیرسِنگھ وِشنوُں بھگوان، پوُرب جنم دا پوُرا کر کے گھاٹا، مِہر نظر نال اپنے رنگ رنگائیا۔

۱۰ وِساکھ شہنشاہی سمت ۱ بَیرن ون بِلمبرِنگ نوُں چولابھیٹ کرن دے سمیں ہرِ بھگت دوار جیٹھوُوال

تن خاکی ماٹی ملِے پوشاک، پُشت پناہ پروردِگار سانجھا یار ہتّھ ٹِکائیا۔ روُح بُت دوویں ہوئے پاک، انتر انتر ہوئے نوُر رُشنائیا۔ وِشوَ کرنا کراؤنا اِک اِتفاق، دُئی رہن کوئی نہ پائیا۔ نؤ کھنڈ پرِتھمی ستّ دیِپ بننا سچ احباب، مِتر پیارا روُپ وٹائیا۔ کایا پردہ کھولنا سب دا تاک، بجر کپاٹی توڑ تُڑائیا۔ نِرگُن نوُر جوت کرنا پرکاش، اندھ اندھیر دینا مِٹائیا۔ سب نوُں دسّنا رام واہِگُروُ گاڈ خُدا اِکو باپ، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ پوشاک کہے مَیں تن دا گہنا، گہر گمبھیِر دیاں مِلائیا۔ درس دِکھاواں تیجے نیَناں، ونّ آئی کراں رُشنائیا۔ پریم پیار مُحبّت نمو وِچ ساچا بہنا، گرانڈ فادر شاہ سُلطاناں اِک

سمجھائیا۔ چار کُنٹ دہ دِشا سچ سندیشہ دُھر دا کہنا، ورلڈ ورڈاں نال سمجھائیا۔ جوتی جوت سروُپ ہرِ، آپ اپنی کِرپا کر، دُھر دا کھیل اِک دِرڑائیا۔ پوشاک کہے مَینوُں کوئی نہ سمجھِیو چولا، کایا انتر چولی دیاں بدلائیا۔ بھیو کُھلا کے پردہ اوہلا، تُوں میرا مَیں تیرا اِکو رنگ دیاں وکھائیا۔ سچ سندیش ساچے نام دا اگمّی سُناواں ڈھولا، انحد نادی ناد وجائیا۔ سرب دا مالک خالق پرِتپالک مِلا کے مؤلا، واحد میلا سہج سُبھائیا۔ من واسنا کوُڑی کِریا ہؤمے ہنگتا دیِن مذہب ذات پات اوُچ نیِچ راؤ رنک رہے کوئی نہ رؤلا، مانَو مانُکھ مانُش سب نوُں دیاں جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سُلطان بےپرواہیِا۔ چولا کہے مَیں انتر انتر کھولاں پردہ، بھانڈا بھرم بھؤ بھنائیا۔ گھر وِچ گھر دِلبر یار مِلاواں دِل دا، دِلدار اِکو نظری آئیا۔ جِس دے کارن چلدا چلدا آیا پِھردا پِھردا، دوُر دُراڈا پندھ مُکائیا۔ سنت سجّناں نال مِل کے صاف ہویا ہِردا، دُئی دوَیتی دِتی چُکائیا۔ ہُن وِچھوڑا چُکنا چِر دا، اگلا میلا سہج سُبھائیا۔ راہ وکھاواں گھر تھِر دا، مقامے حق حق جنائیا۔ اِک سندیشہ سچ اشیرواد دا، تاثیر تقدیِر تدبیِر انتر انتر دئے بدلائیا۔ جوتی جوت سروُپ ہرِ، آپ اپنی کِرپا کر، کھیلے کھیل بےپرواہیِا۔ چولا کہے مَیں سوہنا لگدا، تن ماٹی دیاں وڈیائیا۔ اوس ویلے خوشی ہووے جِس ویلے اندر ویکھاں دِیپک جگدا، نوُرو نوُر نوُر چمکائیا۔ لیکھا مُک جائے سچ دوارے کیتے سچّے حج دا، دوُجی حاجت رہے نہ رائیا۔ رس مِل جائے آتما انند دا، پرمانند اِک وکھائیا۔ کِس بِدھ نال ساچے ناتے گنڈھدا، دُھر دا میلا رہیا مِلائیا۔ ایتھے کھیل نہیں کوئی بھیکھ پکھنڈ دا، دُھر دا مالک دُھر دی کرنی کار جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، کھیل کرے سوُرے سربنگ دا، مِہروان محبوُب اپنے ہتّھ رکھے وڈیائیا۔ چولا کہے میری ویکھو چمک، اندروں باہروں دیاں چمکائیا۔ سچ پریم دی لاواں تنک، کِھچاں واہو داہیِا۔ کوئی سنسا رہن نہ دیواں شنک، شِکوہ دیاں گوائیا۔ جِس دا حُکم سندیشہ نوَ نؤ چار مِلنا انت، انتشکرن ویکھے تھاؤں تھائنیا۔ سو صاحب سوامی انترجامی ابناشی کرتا ہرِ بھگَونت، پاربرہم پت پرمیشور پروردِگار نوُر خُدائیا۔ جِس نوُں آد جُگاد جُگ چؤکڑی سَتجُگ تریتا دواپرکلجُگ گُرمْکھ گُرسِکھ ہرجن کھوجدے بھگت سنت، گھاٹے انتر انتر ویکھ وکھائیا۔ سو پُرکھ اکالا دیِن دَیالا گڑھ توڑ کے ہؤمے ہنگت، ہنگ برہم اِکو رنگ دئے وکھائیا۔ آئے مہماناں دا دھنّ واد کرے سنگت، اگلا سوہنا سنگ سدا سدا سدا نال نِبھائیا۔

۱۰ وِساکھ شہنشاہی سمت ۱ ہرِ بھگت دوار جیٹھوُوال

بِنا لہنے دینے لہنا دینا مِلدا، خالی جھولی نہ کوئے بھرائیندا۔ مسیح آ گیا پِھردا پِھردا، پاندھی ہو کے پندھ مُکائیندا۔ اوہ پریمی پیارا ساچے دِل دا، دلیِل دِلاں والی بدلائیندا۔ ایہہ بیاسی سالا بُڈھا سی جھوُلدا ہِلدا، جگت روگ ستائیندا۔ جِس ویلے مسیح نوُں مِلدا، نیتر نیَناں نیر وہائیندا۔ کرے آرزوُ مَینوُں بخشنا تیرا کھیل چِھن دا، اِکو منگ منگائیندا۔ اودھروں حُکم آ گیا سچّا پِر دا، خُدا خُد آپ درڑائیندا۔ اگلے لیکھے وِچ گیڑا گِڑدا، چکّر چکّر وِچ بُھآئیندا۔ جِس ویلے مالک آیا گھر تھِر دا، دُھردرگاہی ویس وٹائیندا۔ اوس ویلے ایس دا لہنا ویکھے نِبڑدا، نبیڑا حق کرائیندا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیندا۔ مسیح کِہا میرے باپ، تیری بےپرواہی وِچ سمائیا۔ تُوں اِس دے تن ماٹی دی بدل دے پوشاک، مِہر نظر اِک اُٹھائیا۔ ایہدے تن دا دُکھڑا ہووے ناس، سُکھ ساگر وِچ سمائیا۔ اودھروں آئی کنّیں اِک آواز، دُھر سندیشہ اِک دِرڑائیا۔ ایہہ پربھ دا کھیل تماش، نِت نوِت ویکھ وکھائیا۔ سدا سدا سد سب دی پوُری کرے آس، نِراسا رہن کوئے نہ پائیا۔ جِس ویلے آواں ہو کے پُرکھ ابناش، ابناشی روُپ وٹائیا۔ تیرا لیکھا ویکھاں کھول کِتاب، پوُرب پردہ اِک اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ مسیح کِہا میرے مسوُہ، مسائل دے جنائیا۔ خُدا کِہا مَیں مالک بُت روُح، ہوُبہوُ اپنا روُپ وٹائیا۔ جِس ویلے پرگٹ ہو کے آیا اکّھ نکّ کنّ دِسے نہ مُنہ، جوتی جاتا پھیرا پائیا۔ بِنا تن وجوُد کھیلاں کھیل لوُں لوُں، روم روم اپنا رنگ رنگائیا۔ بھیو چُکا کے مَیں تُوں، کوُڑی تُہمت دیاں مِٹائیا۔ اپنا حُکم کر کے شُروُع، سمت سمتی رنگ رنگائیا۔ اوس ویلے اِس دا لیکھا انڈِٹھ نال جُڑوُ، میلا شبدی میل مِلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مسیح کِہا کی ایہہ آوے پھیر مُڑ، اپنا پندھ مُکائیا۔ پروردِگار کِہا حُکمے نال سارے رہے تُر، لکّھ چؤراسی چلے واہو داہیِا۔ جِس ویلے کوئی پیِر اوتار پَیغمبر نہ رہیا گُر، لیکھا سب دا رہیا مُکائیا۔ اِکو میرا منتر جائے پُھر، فُرنا ویکھے سرب لوکائیا۔ اوس ویلے ایہنوُں میری پَوے لوڑ، لوڑوند ہو کے پِھرے تھاؤں تھائنیا۔ ایہہ وی ہتّھ میرے ڈور، جِدھر چاہواں دیواں بھوائیا۔ میرا روُپ انوُپ نَواں نِکور، بِردھ اوستھا نہ کوئے رکھائیا۔ مَیں انتر ہور تے باہر ہور، سمجھ سکے کوئے نہ رائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مسیح کِہا کی آوے تیرے پاس، سچ دے دِرڑائیا۔ پروردِگار کِہا ایہہ

وی تیری آس، اِس دے نال پوُر کرائیا۔ ایہدے ہلوُنے دا درد ہونا ناس، دُکھ رہے نہ رائیا۔ انتر آتم اونے دی رہے پیاس، بِن میرے ترِکھا نہ کوئے بُجھائیا۔ اِس دے نال مَیں اپنی پہلی نِکی جِہی تورنی شاخ، اگلی شناخت اپنے ہتّھ رکھائیا۔ اپنے تن دی دے کے پوشاک، پاسا اپنا لَینا پلٹائیا۔ تھوڑی کِرپا تے بہُتا کرا کے وِشواس، حُکم جگت وِچ سُنائیا۔ جِس ویلے وقت آیا خاص، ساچے خالصے لَواں پرگٹائیا۔ ہیرا پھیری کرنی میری نِکی جِہی بات، چلاکی اِتفاقیا دیاں بنائیا۔ نہ کوئی رمز سمجھے تے نہ کوئی سمجھے بات، باطن اندر اپنی کلا ورتائیا۔ اَگے لیکھا کُچھ ہور حِساب، بِنا سمیں نہ سکاں لِکھائیا۔ جِس ویلے ایہناں دے اندروں ایہناں نوُں دِتا جواب، سُفنیاں وِچ پوُرا ہویا خواب ، پھیر سارے کَیتھلک کہن ایہو ساڈا باپ، رومن اپنا آپ بھیٹ چڑھائیا۔ مہاراج شیرسِنگھ وِشنوُں بھگوان سب دا مالک بن کے آپ، پرتاپ جاپ نال وڈیائیا۔ یوروشلم اِس دا نِواس، دِشا دکھّن ونڈ ونڈائیا۔ مَیتھل باروُب سی اِس دا باپ، لگوُگے لیِب اِس دی مائیا۔

۱۱ وِساکھ شہنشاہی سمت ۱ گیانی گُرمْکھ سِنگھ جی دی سپُتری دی کُڑمائی دے سمیں جیٹھوُوال

پوُرب لہنا جنم سنجوگ، ملِے مان وڈیائیا۔ نام شنوائی سچ سلوک، ڈھولا اگمّ اتھاہیِا۔ پریم پیار دی ساچی موکھ، صاحب سَتگُر جھولی پائیا۔ انتر انتر دُھر دی مؤج، ہرِ کرتا دئے وکھائیا۔ جوتی جوت سروُپ ہرِ، آپ اپنی کِرپا کر، دُھر دا میلا رہیا مِلائیا۔ دُھر دا میلا ہرِ نِرنکار، ہرِ کرتا آپ کرائیا۔ لیکھا جانے جاننہار، بےپرواہ وڈّی وڈیائیا۔ گُر انگد دا اُدھار، لہنا رہیا مُکائیا۔ اگلا لیکھا وِچ سنسار، صاحب سوامی جھولی پائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ سچ سرنائی دیوے آپ، اپنی دَیاکمائیندا۔ سِر رکھے دے کر ہاتھ، مِہر نظر اُٹھائیندا۔ دُھر دا بن کے سجّن ساک، ناتا توڑ نِبھائیندا۔ مہاراج شیرسِنگھ وِشنوُں بھگوان، لہنا دینا دیوے ساکھیات، آپ اپنا حُکم ورتائیندا۔

۲۰ وِساکھ شہنشاہی سمت ۱ ہرِ بھگت دوار جیٹھوُوال ضِلع امرتسر

ویہہ وِساکھ کہے نبّےسال دی پِچھلی آئی یاد، ظاہر ہو کے دیاں جنائیا۔ منی سِنگھ محتاب سِنگھ اَگے کیِتی فریاد، دوئے جوڑ بینتی سیِس نِوائیا۔ نال سِنگھ سی اِک گُلال، بچّہ گھُمعیاراں روُپ وٹائیا۔ اوہدے کول سی اِک ساز، جِس نوُں تُونبی کہہ کے جگت سُنائیا۔ اوس دی سُریلی سی اِک آواز، پریم رس وِچ بھرائیا۔ اوہ گاؤندا سی نال ناد، مسخرہ روُپ وٹائیا۔ اُس دے پریم وِچ سی اِک راز، پڑدے پڑدے وِچوں اُٹھائیا۔ منی سِنگھ کِہا مہاراج، کُچھ ایس توں سُنو چائیں چائنیا۔ مَیں باہر ڈیڈھ میل تے کردا ویکھیا ناچ، خوشیاں نال پَیر اُٹھائیا۔ ہِردے پربھ نوُں رہیا واچ، بچناں نال صِفت صلاحیِا۔ وڈّی صِفت ویکھی خاص، بِن تمنّا توں ڈھولے گائیا۔ ایہدے کول سی اِک گلاس، جل پانی نال بھرائیا۔ نچ ٹپ کے لیَندا اوہدا سواد، بِن پیتیاں بُلاں نال چُھہائیا۔ پھیر اپنے آپ نوُں کہے شاباش، دوُجا سنگ نہ کوئے رکھائیا۔ منّی سِنگھ نے کِہا مَیں اوہلے بَیٹھا ویکھدا رہیا سُن دا رہیا اِسدی بات، جو سچ پریِتی دِتی لگائیا۔ اِس نے کِہا کوئی میرا مِل جائے دُھر دا ساتھ، اگلا میلا لئے مِلائیا۔ مَیں جھٹ اوسے ویلے جا کے پھڑ لیا اِس دا ہاتھ، ہتّھ پھڑ کے تیرے پاس لیائیا۔ تُوں بخش دے اِس نوُں دات، داتا ہو کے دَیا کمائیا۔ محتاب سِنگھ کِہا ایہنوُں کہہ کٹ لےَ اجّ ایتھے رات، بِن بستر سیج ہنڈھائیا۔ نالے چؤلاں دا کھا لےَ بھات، رس سوہنا ویکھ وکھائیا۔ پھیر سانوُں سُنا دے گاتھ، ڈھولا بےپرواہیِا۔ اسیں سُنیئے بَیٹھ اِکانت، سُکھ آسن سوبھا پائیا۔ منی سِنگھ تُوں پھڑنی قلم دوات، دُھر دا لیکھ دیاں بنائیا۔ منی سِنگھ کِہا مَینوُں نہیں لِکھن دی جاچ، یاچک ہو کے سیِس نِوائیا۔ محتاب سِنگھ کِہا تیرا مَیں دِتا خطاب، نہ کوئی میٹے میٹ مِٹائیا۔ جِس ویلے چولا بدل کے پربھ روُپ دھر کے آئے اپنا آپ، آپ اپنی سیوا لئے لگائیا۔ دُھر دے حُکم دی حُکم کِتاب، کاتب دیوے مان وڈیائیا۔ ایہہ جو سُناونہارا ساچا ناد، اپنا راگ الائیا۔ گُلال سِنگھ کِہا میرے سِر تے رکھنا ہاتھ، مِہر نظر اُٹھائیا۔ پِتا اَگے پُت کی سکے آکھ، کہن سُنن دی لوڑ رہے نہ رائیا۔ اپنے چرناں دی دھوُڑی دے خاک، مستک ٹِکاّ لَواں لگائیا۔ چرن پریِتی جوڑ کے خاص، ناتا بےپرواہیِا۔ محتاب سِنگھ کِہا شاباش، واہ واہ سوہنی ونڈ ونڈائیا۔ تیری پوُری کراں آس، ترِشنا دیاں بُجھائیا۔ جنم بدل کے جنم دھرنا پوُرن رکھنا وِشواش، دھیِرج سَت رکھائیا۔ تیرا لہنا دینا دیواں آپ، دُھر دا باپ ہو کے ویکھ وکھائیا۔ اندروں باہروں کر کے پاک، پتت پُنیِت

روُپ وٹائیا۔ مانَس جنم کر کے راس، راستہ اگلا دیاں وکھائیا۔ تیرا انتر نہ ہووے نِراس، نِرنتر برہم جنائیا۔ میل مِلا کے نال اِتفاق، دُھر دا جوڑا جوڑ جُڑائیا۔ پوُرب لیکھا کراں بےباق، پِچھلا قرضہ جھولی پائیا۔ سِر رکھ کے اپنا ہاتھ، دیواں جگت مان وڈیائیا۔ پوُرب پوُرب دے لاہ کے پاپ، دُرمت مَیل دھوائیا۔ جنم جنم دے گُناہ کرکے معاف، کرم کرم دا روگ مِٹائیا۔ جگت لیکھے چوں کر کے صاف، سِر تے پگڑی دیاں ٹِکائیا۔ مہاراج شیرسِنگھ وِشنوُں بھگوان ہو کے بناواں داس، داسی داس رنگ وکھائیا۔ جوتی جوت سروُپ ہرِ، آپ اپنی کِرپا کر، دُھر دا لہنا جھولی پائیا۔