کتب خانہGranth 18 (Urdu)

پہلی ہاڑ شہنشاہی سمت ۱ ہرِ بھگت دوار جیٹھوُوال

ہاڑ کہے نمستے میری نِمسکار، نِروَیر تیری سرنائیا۔ جُگ چؤکڑی بھرمدا رہیا وِچ سنسار، کوٹن کوٹ ویس وٹائیا۔ سَتجُگ تریتا دواپرکلجُگ بیِت گئے جُگ چار، چار کُنٹ دہ دِشا اپنا ڈنک وجائیا۔ وِشن برہما شِو ہُندے رہے خبردار، ساودھان روُپ وٹائیا۔ نِت نوِت آؤندے ویکھدا رہیا گُروُ اوتار، پَیغمبر دھیان لگائیا۔ نام نِدھانا سُندا رہیا جَیکار، کلمہ حق وڈیائیا۔ نِرگُن سرگُن تکدا رہیا دھار، دھرنی دھرت خوشی منائیا۔ جنگل جوُہ ویکھدا رہیا پہاڑ، ٹِلّے پربت کھوج کھوجائیا۔ زِمیں اسماناں کُھلدے وینہدا رہیا کِواڑ،

آکاش پرکاش راہ تکائیا۔ قلم شاہی دے کاتب تکدا رہیا لِکھار، نِراکھّر اکھّر دھار روُپ پرگٹائیا۔ حُکم سندیشہ سُندا رہیا وارو وار، وارتا دُھر دی بےپرواہیِا۔ بھگت بھگوان تکدا رہیا ہُندا دیِدار، اکّھ اکّھ نال رلائیا۔ بھگت شبد سُندا رہیا گُفتار، بِن رسنا جِہوا بتّی دند پڑھائیا۔ رَو سس وینہدا رہیا اُجیار، دِوس رَین ونڈ ونڈائیا۔ واک بھوِکھت سُندا رہیا اگمّ اپار، اپرمپر تیری بےپرواہیِا۔ درِشٹی ویکھدا رہیا ہاہاکار، چار کُنٹ کوُک کُرلائیا۔ نؤ سؤ چُرانوے چؤکڑی جُگ مَیں روندا رہیا دھاہاں مار، نیتر نیَناں نیِر وہائیا۔ لوک مات کریا نہ کِسے ساچا پیار، مُحبّت حق نہ کوئے وکھائیا۔ سارے کہندے رہے سانوُں ہاڑ نے دِتا ساڑ، اگنی تت تپائیا۔ پنچھی ڈِگدے رہے وِچ اُجاڑ، پنکھیروُ گھونسلے گئے تجائیا۔ میرے درد دُکھ دی سُنی کِسے نہ وار، وارتا اپنی گئے سُنائیا۔ مَیں منگدا رہیا بِھکھ بن بِھکھار، دُھر دا درویشا الکھ جگائیا۔ کِرپا کر میرے سِرجنہار، صاحب سوامی تیری اوٹ تکائیا۔ دوُجا مِتر نہ کوئے یار، سجّن سیَن نہ کوئے اکھوائیا۔ آد پُرکھ اپرمپر سوامی کِرپا دِتی دھار، دُھر دے مالک سچ سندیشہ دِتا سُنائیا۔ تیرا ویلا وقت سُہاوا آن، نِرگُن نِروَیر پھیرا پائیا۔ تیری بینتی کراں پروان، پروانہ دُھر دا اِک جنائیا۔ سچکھنڈ نِواسی ہو کے ساودھان، دو جہاناں نِندرا اکّھ دیاں کُھلائیا۔ لکّھ چؤراسی دا بن کے کاہن، ساچی بنسری نام دیاں سُنائیا۔ آتم پرماتم سیِتا دا بن کے رام، سُرتی سُرت کراں کُڑمائیا۔ منتر جنا کے دُھر دا نام، سَت سَت دیاں سمجھائیا۔ کلمہ حق جگت دے پَیغام، پَیغمبراں اکّھ دے کُھلائیا۔ سجدہ دُھر دا دسّ سلام، سیِس جگدیِس جھُکائیا۔ جودھا بن کے وڈّا امام، عالم ویکھاں سرب لوکائیا۔ لہنے دینے چار جُگ دے میٹے سرب تمام، طمع سب دی دیاں گوائیا۔ دو جہاناں بدل نِظام، نؤبت اپنا نام سُنائیا۔ گُر اوتار پَیغمبر جو سندیشے دے کے گئے جہان، ڈھولے سوہلے راگ سُنائیا۔ سب دے لیکھے کر پروان، دُھر دا حُکم اِک ورتائیا۔ تیرا میل مِلاواں ہو کے مِہروان، مُحبّت وِچ اپنا رنگ رنگائیا۔ داتا ہو کے دیواں دان، دؤلتمند دیاں بنائیا۔ تیری بندنا کراں پروان، پرنام تَینوُں دیاں سمجھائیا۔ اپنا کھیل دسّاں مہان، مہما اکتھ اکتھ دِرڑائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سِری بھگوان کہے سُن میرے سمت دے پہلے ہاڑ، ہاڑا تیرا ویکھ وکھائیا۔ حُکم نال تَینوُں دیواں تاڑ، بھےَ لیکھے وِچ سمجھائیا۔ کوُڑا رہن نہ دینا جگت اَکھاڑ، جھوُٹھی راس نہ کوئے وکھائیا۔ مایا ممتا وجّن نہ دینا تال، ہؤمے ہنگتا گڑھ نہ کوئے بنائیا۔ مایا موہ دی رہے نہ کوئی دھرم سال، سچ دوارا دینا پرگٹائیا۔ آسا ترِشنا رہے نہ کِسے نال، کوُڑا لالچ دینا

گوائیا۔ جیہڑے میرے بھگت جُگ چؤکڑی گھالدے رہے گھال، اُہناں سُتّیاں دینا اُٹھائیا۔ لوک مات میرے ویکھنے لال، انمُلڑے کھوج کھوجائیا۔ جِنہاں دے اندر دِیپک جگے بےمثال، مِسل جگت نہ کوئے سمجھائیا۔ اُہناں دا دسّنا سچ احوال، حالت دینی دِرڑائیا۔ جِنہاں دے سِر توں نہیں چُکیا کال، مہاکال دئے گواہیِا۔ حُکمے اندر سارے لَینے بھال، کھوجنے تھاؤں تھائنیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکائیا۔ ہاڑ کہے پربھ تیرا حُکم مَینوُں منظوُر، چرن کوَل تیری سرنائیا۔ اپنا بخش دے ساچا نوُر، نیتر اکّھ کُھلائیا۔ مان توڑ غروُر، غُربت رہے نہ رائیا۔ اپنے در دا بنا ساچا مزدوُر، سیوا سچ دیاں کمائیا۔ پندھ مُکاواں نیڑے دوُر، بھجّاں واہو داہیِا۔ تیرے بھگت پکڑ اُٹھاواں ضرور، ضرورت تیرے نال مِلائیا۔ جیہڑے مَینوُں کہندے ہاڑ تپدا وانگ تندوُر، تِنہاں نوُں اگنی دیاں لگائیا۔ تیرے بھگتاں دا نام کر مشہوُر، مشورہ تیرے نال رکھائیا۔ تُوں صاحب اُہناں دے جنم جنم دے بخش دینے قصوُر، دُرمت مَیل دینی دھوائیا۔ ناتا توڑ کے کوُڑو کوُڑ ، آتم پرماتم جوڑا لَینا بنائیا۔ مَیں منگاں اِکو چرن دھوُڑ، ٹِکاّ ساچا خاک رمائیا۔ تیرے در تے ہوواں مشکوُر، نِیوں نِیوں سیِس جھُکائیا۔ میری سیوا کریں قبوُل، کعبےوالیاں دی لوڑ رہی نہ رائیا۔ تُوں مالک اِک محبوُب، مُحبّت وِچ سمائیا۔ جو آ جائے تیرے حدوُد، حضرت دوُجے دی لوڑ رہے نہ رائیا۔ تُوں ہر گھٹ سدا مؤجوُد، جگ نیتر ویکھن کوئے نہ پائیا۔ بےشک تیرا تتّاں والا نہیں وجوُد، وضاحت نال سب نوُں دئیں سمجھائیا۔ مَیں اُٹھ کے ویکھیا تُوں چار جُگ دا لہنا دینا کیِتا مؤقوُف، مُکمل اپنا حُکم منائیا۔ تیرا بھگت رہے نہ کوئی بیوقوُف، بُدھ بِبیکی دینی بنائیا۔ اصل نال چار جُگ دا دینا سوُد، کُل زر اپنا رنگ رنگائیا۔ کوئی لوڑ نہ رہے پڑھن دی ہزارا دروُد، اِسم اے اعظم اپنا دینا درسائیا۔ کوُڑی کِریا کرکے نیست و نابوُد، نام نِدھانا دینا سمجھائیا۔ جو تیرے اُتوں تیری کِرپا نال گئے جھوُج، اپنا آپ مِٹائیا۔ سو مِہروان تیری مِہر نال لیَن تَینوُں بوُجھ، جگت وِچولا رہن کوئے نہ پائیا۔ بھیو کھلاؤنا اندر وڑ کے بودھ اگادھے گوُجھ، پردہ دُئی دینا چُکائیا۔ جوتی جوت سروُپ ہرِ، آپ اپنی کِرپا کر، سچ دینی مان وڈیائیا۔ ہاڑ کہے مَیں سیوادار، سیوا سچ کمائیا۔ نوَ نؤ چار کر کے لیکھا پار، پاربرہم تیری آس رکھائیا۔ مَیں ویکھ سچّا دربار، گھر ساچے خوشی منائیا۔ تیرا روُپ نر نِرنکار، نرائن نر تیری وڈ وڈیائیا۔ سچ سوامی سانجھے یار، پروردِگار نوُر خُدائیا۔ عالمیِن وڈّے سِکدار، شاہ پاتشاہ تیری اوٹ جنائیا۔ تیرا سندیشہ وِچ سنسار، شبدی ڈنکے نال وجائیا۔ بھگت سُہیلے کراں خبردار،

آلس نِندرا دیاں مِٹائیا۔ پکڑ اُٹھاواں کایا ڈوُنگھی غار، بجر کپاٹی ٹِلّے پربت ڈیرہ ڈھائیا۔ سمُند ساگر پار کرا کے کَولی دھار، جھِرنا دُھر دا دیاں جھِرائیا۔ تیرا وِچھوڑا نہ ہووے سانجھے یار، یرانے کوُڑے دیاں مِٹائیا۔ تپدے ہِردے دیواں ٹھار، اگنی تت بُجھائیا۔ جِس نوُں لبھدے رہے جُگ چار، گُر اوتار دھیان لگائیا۔ جِس دیاں صِفتاں لِکھدے رہے وید پُران، شاستر سِمرت دین گواہیِا۔ جِس دا ڈنکا وجدا رہیا دو جہان، آد جُگاد نہ کوئے میٹ مِٹائیا۔ سو حُکم سندیشہ دیوے دُھر فرمان، مِہروان آپ جنائیا۔ جوتی جوت سروُپ ہرِ، آپ اپنی کِرپا کر، - - - - ۔ ہاڑ کہے پربھ میری اِک ارداس، بینتی اِک جنائیا۔ منظوُر کریں تُوں خاص، خالص ہو کے رہیا جنائیا۔ ساچا دیویں ساتھ، سگلا سنگ نِبھائیا۔ بن کے کملاپات، پت پرمیشور ویکھ وکھائیا۔ چرن پریِتی جوڑ کے نات، لگّی توڑ نِبھائیا۔ تیرا سُنیہڑا سب نوُں دیواں آکھ، آخر حُکم دیواں سُنائیا۔ راتیں سُتّیاں سب دے کھول کے تاک، پردہ دیاں چُکائیا۔ تیرے مِلن دی دسّ دے جاچ، گھڑیاں پلاں وِچ پیَنڈا دیاں مُکائیا۔ کِسے بھگت نوُں لبھنا پئے نہ تریَلوکی ناتھ، رام والی گاتھ نہ کوئے گائیا۔ کرنا پئے نہ پوُجا پاٹھ، جوگ ابھیاس دی لوڑ رہے نہ رائیا۔ نہاؤنا پئے نہ تیِرتھ تاٹ، اٹھسٹھ پندھ نہ کوئے مُکائیا۔ تیرے نام دی سچّی دسّ کے آؤنی بات، باطن پڑدا دیاں کُھلائیا۔ جن بھگتو اِکو کر لؤ یاد، جِس دی یاد وِچ لوکائیا۔ جو آد جُگاد جُگ چؤکڑی سُننہار فریاد، فَیصلے دُھر دے حق سُنائیا۔ جِس دے مِلیاں کایا کھیڑا ہووے آباد، گھر گھر وجےّ ودھائیا۔ اپنے مِلن دا دسےّ راز، پردہ اوہلا دوُر کرائیا۔ جھگڑا چُک جائے روزہ نماز، سجدیاں وِچ سیِس نہ کوئے نِوائیا۔ مانَس جنم دی پوُری ہو جائے خواہش، خالص اپنے وِچ سمائیا۔ ہاڑ کہے مَیں اُہناں دی کرنی اجّ تلاش، جیہڑے بَیٹھے دھیان لگائیا۔ نؤ سؤ چُرانوے چؤکڑی جُگ توں بعد اُتم آیا ماس، مہیِنہ اپنا روُپ وٹائیا۔ جِس دی گُر اوتار پیِر پَیغمبر رکھدے جھاک، جھاتیاں اُپر دی نیچے رہے لگائیا۔ جِس نے پوُرا کرنا بھوِکھت واک، واقعہ اپنا حُکم منائیا۔ بھگتاں نوُں دیون آیا دُھر دی دات، اگمّڑی جھولی پائیا۔ سجّنا دی بنا کے جماعت، دُھر دا اکھّر اِک پڑھائیا۔ گُرمْکھو بَیٹھنا پئے نہ کِتے اِکانت، اندر وڑ کے اپنا دھیان آپ لگائیا۔ تُہاڈا مالک بن جائے کملاپات، پت پرمیشور بےپرواہیِا۔ ہاڑ کہے مَیں سوگند کھا کے آکھاں ایہہ ویلا ہتّھ نہیں آؤنا ستاراں ہاڑ دی رات، قلم دوات لِکھے کوئے نہ شاہیِا۔ کِسے بھگت دا تتّاں نال رہن نہیں دینا داغ، دِماغ دا روگ دینا کڈھائیا۔ ساچے پریم دی لا کے جاگ، لاجوُاب کر دینی لوکائیا۔ چرنودک دا پیا کے آب، پردہ نقاب دینا اُٹھائیا۔ جوتی

جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ ہاڑ کہے پربھوُ کِیوں مَینوُں سارے کہن سڑدا، اگنی روُپ وٹائیا۔ جیِو جہان مَیتھوں ڈردا، پریمی پریم نہ کوئے کمائیا۔ درس کرن توں اندر وڑدا، نیتر نیَن شرمائیا۔ جِس ویلے میرا پہلا دِوس چڑھدا، چاروں کُنٹ جگت کُرلائیا۔ مَیں شرم نال مردا، اکّھ نہ اُپر اُٹھائیا۔ میرا چار جُگ صاف ہویا نہ ہِردا، بھیوَ ابھید نہ کوئے کُھلائیا۔ ہتّھ رکھیا نہیں کِسے مِہر دا، مان تان نہ دِتی وڈیائیا۔ مَیں راہ تکدا رہیا دیر دا، جُگ چؤکڑی اکّھ کُھلائیا۔ کوَن ویلا آوے شبد اگمّی شیر دا، شہنشاہ اپنا پھیرا پائیا۔ جو لہنے دینے سب نِبیڑدا، میرا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ سِری بھگوان کہے ہاڑ تُوں بےشک تپدا، اگنی اگّ برسائیا۔ تَینوُں بھیت نہیں آیا اوس اگمّی ربّ دا، جو ربّی کھیل آپ کھِلائیا۔ جیہڑا کھوجیاں کِسے نہیں لبھدا، باہوں پھڑ نہ کوئے منائیا۔ جِس دا حِصیدار نہیں کوئی اَدھ دا، نِیوں نِیوں سارے سیِس جھُکائیا۔ جِس دا ڈنکا دو جہاناں وجدا، ڈؤروُ رہیا سُنائیا۔ سو پُرکھ اکال کھیل ویکھ اپنے کنارے حد دا، حدوُد سب دی ویکھ وکھائیا۔ جھگڑا ویکھ کوُڑ کُڑیارے جگ دا، جاگرت جوت کرے رُشنائیا۔ بھگت سُہیلے گُرمْکھ سجّن سدّدا، ناتا جگت نالوں تُڑائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ ہاڑ کہے پربھ مَیں نہیں سمجھی بات، سمجھ کِچھ نہ آئیا۔ کھول کے دسّ راز، پردہ دے اُٹھائیا۔ پریم دی مار کے آواز، سچ دے سمجھائیا۔ مَیں تیرا حُکم لَواں واچ، انتر انتر کھوج کھوجائیا۔ جوتی جوت سروُپ ہرِ، آپ اپنی کِرپا کر، سہج سُبھاؤ دے دِرڑائیا۔ ہاڑ کہے مَینوُں دسّ راہ سُکھلّا، بھیوَ ابھید جنائیا۔ مَیں ویکھیا جلاں تھلاں، ٹِلّے پربت پندھ مُکائیا۔ ڈوُنگھی کندر کیِتا ہلّا، بھجّاں واہو داہیِا۔ میرا کِسے نہیں پھڑیا پلّا، دُھر دی گنڈھ نہ کوئے بندھائیا۔ بہُڑی دروہی مَیں اِک اِکلّا، کائنات وِچ کُرلائیا۔ ساچا دسّ کوئی محلا، جِتھے بہہ کے خوشی منائیا۔ جوتی جوت سروُپ ہرِ، آپ اپنی کِرپا کر، سہج سُبھاؤ دے دِرڑائیا۔ سِری بھگوان کہے سُن ہاڑ اَنجانے موُرکھ، مُگدھ دیاں جنائیا۔ تُوں لبھ نہ سکیں میری صوُرت، روُپ رنگ ریکھ نہ کوئے وڈیائیا۔ تُوں جان نہ سکیں میری تُورت، ناد اناد شنوائیا۔ تیرا کلجُگ ناتا جُڑیا کوُڑ کوُڑت، مایا ممتا موہ ہلکائیا۔ ساچا نظر نہ آیا نوُرانی نوُرت، نوُر ظہوُر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، ساچا مارگ دئے جنائیا۔ سِری بھگوان کہے سُن ہاڑ نِکّے نڈھےّ، تَینوُں دیاں جنائیا۔ جیہڑے بھگت مَیں اپنی دھاروں کڈھے، جوتی جوت جوت رُشنائیا۔ لکّھ چؤراسی وِچوں کر کے وڈّے، دُھر دی

دِتی مان وڈیائیا۔ جو حُکمے اندر آئے حُکمے اندر جان سدّے، سدا اپنا نام سُنائیا۔ پریم پریِتی اندر بدھےّ، بندنا اِکو دِتی سمجھائیا۔ ساچے نوُر نال جگے، جاگرت جوت ڈگمگائیا۔ سچ دوارے بہہ کے سجے، ساجن مِلیا بےپرواہیِا۔ اندروں اوہناں ہتّھ بدھےّ، من دی دین صفائیا۔ پربھ دے نال نہ کوئی دغے، جھوُٹھ اپرادھ نہ کوئے کمائیا۔ اوسے پریِتی اندر بجھّے، جِس دی ڈور نہ کوئے تُڑائیا۔ کر کے اِکو دُھر دا حجے، حاجت پوُر خوشی منائیا۔ جے تُوں اوہناں وِچ بہہ کے سجیں، سجناں نال اپنا انگ رلائیا۔ جوتی جوت سروُپ ہرِ، آپ اپنی کِرپا کر، سد دیویں مان وڈیائیا۔ ہاڑ کہے مَیں پِھر پِھر تھکا، جُگ جُگ پندھ مُکائیا۔ سجّن مِلیا نہ کِسے سکا، ناتے کوُڑے گئے تُڑائیا۔ مَیں وسیرا کر کے ویکھیا کُلیّ ککھّاں، محل اٹلاں وِچ ڈیرہ لائیا۔ تیرا ساچا مِلیا نہیں کوئی پتہ، پت پرمیشور میل نہ کوئے مِلائیا۔ مَیں چار جُگ ٹیک ٹیک اپنا متھا، مستک لیا گھسائیا۔ چار کُنٹ اُٹھ اُٹھ نَٹھا، بھجیّا واہو داہیِا۔ جیِواں جنتاں توں کرایا ٹّھٹھا، لعنت جامے گل وِچ پائیا۔ گُر اوتاراں پیِر پَیغمبراں دا بن کے پّٹھا، سیوا جگت وِچ کمائیا۔ انتم اوہ وی رل گئے مِٹّی گھٹّا، تت وجوُد رہن کوئے نہ پائیا۔ میرے پربھوُ مَیں کھاندا رہیا جُگ جُگ تیرے وِچھوڑے دیاں سٹّاں، میرا درد نہ کوئے سُنائیا۔ مَیں منّدا رہیا پتّھر اِٹّاں، مندر مسجد پھیرا پائیا۔ مَیں وینہدا رہیا کاغذ چِٹا، اُتے شاہی دئے گواہیِا۔ ہے اکال پُرکھ نؤ سؤ چُرانوے چؤکڑی جُگ مَیتھوں نِکلیا نہیں کوئی سِٹّہ، سِٹّابازی لا کے سارے رہے چُھڈائیا۔ کِسے دا پھڑیا پَیر کِسے دا پھڑیا گٹہ، کِسے دا گھُٹنا دِتا دبائیا۔ کِسے دا ہتّھ پا کے کھِٹا، کِسے چھاتی نال رگڑائیا۔ جاں اپنا لیکھا ویکھیا سجّن کوئی نہ مِلیا حتہ، اَدھ وِچ یاری سارے گئے تُڑائیا۔ جگت کہانی ویکھ کے قصہ، قسم کھا کے تیری اوٹ لئی تکائیا۔ جگت جہان توں پےَ کے چھِتھا، تیرے اَگے دِتی دُہائیا۔ جے پُرکھ اکال تُوں وی نہیں مِتھا، مِتھیا تیری لوکائیا۔ پھیر تیرے نام دا پڑھنا کی چِٹھا، دوُر دُراڈا اپنا مُکھ چُھپائیا۔ مَیں انت اَخیِری منگاں منگ جے تُوں دے دِتی پِٹھا، مِلن نالوں چنگی تیری جُدائیا۔ بےشک تیرا نام سارے کہندے مِٹھا، پر مَینوُں تیرے ملِے بِنا چَین کوئے نہ آئیا۔ دُہتّھڑاں مار کے پِٹاں، اُچی کوُک سُنائیا۔ مَیں نہیں پتیِجا، جیہڑے گُر اوتار پَیغمبر تیرے صِفتی نام دیاں دے کے گئے چِٹاں، نِکّے نِکّے اِشارے گئے سمجھائیا۔ مَیں اِکو گلّ تیرے کولوں سِکھاں، ساچی سِکھیا دینی دِرڑائیا۔ کی تیرے سمت وِچ میرا تیرے بھگتاں نال حِصّہ، صاحب دُھر دینا دِرڑائیا۔ جے پربھوُ توُں اپنیاں بھگتاں دیویں پِچھا، پِھر تُوں پرماتما نہیں کوئی روُپ قصائیا۔ ہاڑ کہے مَیں تیرے کولوں سب دی پوُری کراؤنی اِچھا،

خالی رہن کوئے نہ پائیا۔ چار کُنٹ ویکھ کے دِشا، تیرے بھگت لَینے اُٹھائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا جھولی دینا پائیا۔ سِری بھگوان کہے نہ مار مِہنا، طعنے والے تیِر موُل لگائیں نہ۔ پہلوں درس کر اپنے نیَناں، کِسے دوُجے تائیں جنائیں نہ۔ پِھر منّ اگمّی کہنا، سرِشٹی نوُں سُنائیں نہ۔ چرناں وِچ سِکھ بہنا، دوُجے نوُں سیِس نِوائیں نہ۔ میرے بھگتاں سجّناں سجّن ساک سیَنا، بھَین بھائی ہور وڈیائیں نہ۔ میرے کولوں لَویں لہنا دینا، دوُجے اَگے جھولی ڈاہیں نہ۔ جوتی جوت سروُپ ہرِ، آپ اپنی کِرپا کر، دیونہار ساچا ور، دوُسر اَگے سیِس نِوائیں نہ۔ ہاڑ کہے ایہہ کی ماریا تیِر، پربھوُ مَینوُں دے جنائیا۔ مَیں اکّ کے تھک کے تیرے چرناں ڈِگا اَخیِر، پِچھلے پندھ سرب مُکائیا۔ شرع دے توڑ کے زنجِیر، دیِن مذہب لیکھے دِتے مُکائیا۔ جھگڑے چّھڈ پَیغمبر پیِر، پرا پسنتی مدھم بَیکھری بانی کوئے نہ گائیا۔ تیرے مِلن دی اِکو مِل گئی تدبیِر، جو اندرے اندر تُوں آپے دِتی سمجھائیا۔ مَیں اِک منگ منگاں تُوں صاحب پاتشاہ اپنا بنا لےَ وزیِر، دوُجی وزارت دی لوڑ رہے نہ رائیا۔ اوتھے کی کرے تقدیِر، تقدیِر دا مالک آپے ہوئے سہائیا۔ تیرے بھگتاں نوُں کی لوڑ رہے بنن دی فقیِر، فِقرہ اپنا اِکو دینا سمجھائیا۔ کیہڑی دیر لگدی بدل دے ضمیِر، من تاثیِر اپنے نال رلائیا۔ تیرے ہتّھ شبد اگمّی شمشیِر، شیَطاناں دی کرے صفائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا نال رلائیا۔ سِری بھگوان کہے بچوُ اُٹھ آ جا نیڑے، تَینوُں دیاں سمجھائیا۔ اُٹھ ویکھ بھگت کیہڑے کیہڑے، تیری اندروں اکّھ کُھلائیا۔ جا وڑ اوہناں دے کایا ویہڑے، گوانڈھیاں خبر لگے نہ رائیا۔ سندیشہ دے دے سِنگھ شیرے، بھبک اِکو نام سُنائیا۔ سب نوُں آکھ دے چڑھ جاؤ پربھوُ دے بیڑے، نئیا دی لوڑ رہے نہ رائیا۔ اَگے پِچھے دے مُک جان جھیڑے، جھگڑا چُکے جگت لوکائیا۔ جانا پَوے نہ سادھاں دے ڈیرے، سادھاں دے سادھ تُہانوُں دئے بنائیا۔ دوُر دُراڈا ویکھ نیڑے، نِج نیتر درس اپنا دئے کرائیا۔ ایہو بخشش ایہو مِہرے، محبوُب مُحبّت وِچ جنائیا۔ جن بھگتو ایہہ نہ سمجھِیو اسیں ایَویں ماردے پھیرے، اپنا پندھ گوائیا۔ کوٹن کوٹ جُگ چؤکڑی لبھدے گئے وِچ اندھیرے، ساچا نوُر جوت نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، لیکھا دُھر دا ویکھ وکھائیا۔ ہاڑ کہے پربھوُ مَینوُں اندروں مِلیا اِشارہ، سیَنت نال سمجھائیا۔ مَینوُں نظر آ گیا لیکھا جُگ چارا، چاروں کُنٹ اپنا روُپ وٹائیا۔ گُر اوتار پَیغمبر دِسے تیرے دربارا، دوئے جوڑ سیِس جھُکائیا۔ سارے کہن پروردِگارا، لاشریِک تیری وڈیائیا۔ مقامے حق تیرا ونجارا، سچکھنڈ تیری رُشنائیا۔

تُوں شاہو بھوُپ وڈ سِکدارا، سچ سِنگھاسن سوبھا پائیا۔ دھنّ بھاگ تُوں لوک مات آئیوں میرے وِچ دِہاڑا، پہلا مان دِتی وڈیائیا۔ تیرے سمت دا سمیں والا سہارا، سہج سہج اپنے نال لَینا جھُلائیا۔ سرِشٹی نالوں کیِتا کنارہ، پلّوُ کوُڑا لیا چُھڈائیا۔ تیرے بھگتاں دا بن ونجارا، ساچا ونج اِکو اپنی جھولی پائیا۔ کرنا اوہناں دا اوہ دیِدارا، جِس دیِدار نال تیرے اندر رہے سمائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ پہلی ہاڑ کہے کِیوں میرا مان ہویا ہاڑ ستاراں، سطح زمیِن اُتے وڈیائیا۔ پُرکھ اکال کِہا ایہہ وِشن برہما شِو نال میرا اُدھارا، آد آد دِتا سمجھائیا۔ جِس ویلے اِک ستّ دا میل ہووے سنسارا، سرِشٹ دی اگنی دئے بُجھائیا۔ سو ویلا وقت سب توں نیارا، تتو تتّاں وِچ سمائیا۔ بھگتاں دا جنم دَوا کے بنیا آپ رکھوارا، سیوک ہو کے سیو کمائیا۔ نیہہ رکھا کے وِچ سنسارا، جڑ اپنی آپ ٹِکائیا۔ نؤ سال بَیٹھا رہیا کر کے کنارہ، پڑدا اوہلا اپنے وِچ ٹِکائیا۔ ویہہ سؤ اِکّی دا لیکھا دے کے گُر اوتارا، پیِر پَیغمبراں لہنا جھولی پائیا۔ دُھر دا سمت کر اُجیارا، سماں سارا دئے بدلائیا۔ سب توں وکھرا بھگتاں دا وِوہارا، وِوہاری ہو کے آپ کرائیا۔ کِسے نوُں بھیت نہیں کی کھیل کرے نِرنکارا، شاستر سِمرت وید پُران سکے نہ کوئے سمجھائیا۔ کِیوں بھگتاں دی باہروں رکھیں سفَید دھارا، چِٹے بستراں نال کرائیا۔ ایہہ منگی منگ نانک نِرگُن سرگُن سچ دوارا، بینتی دوئے جوڑ عرض سُنائیا۔ جوتی جوت سروُپ ہرِ، آپ اپنی کِرپا کر، دُھر دا کھیل رہیا پرگٹائیا۔ ہاڑ کہے کی نانک منگی منگ، پربھ مَینوُں دے سمجھائیا۔ مَیں اندروں ہویا دنگ، حَیرانی اندروں سُن کے مَینوُں رہی جنائیا۔ کِیوں کلجُگ رہیا لنگھ، اپنا پندھ مُکائیا۔ کِیوں پرگٹ ہویا سوُرا سربنگ، شاہ پاتشاہ سچّا شہنشاہیِا۔ کِیوں بھگتاں دیون آیا انند، انند اپنے وِچوں پرگٹائیا۔ کِیوں گُرمْکھ چاڑھن آیا چند، سچ کرے رُشنائیا۔ کِیوں میٹن آیا بھیکھ پکھنڈ، کوُڑی کِریا ڈیرہ ڈھائیا۔ کِیوں ڈوری نال بندھاون آیا تند، لڑی لڑی نال بندھائیا۔ کِیوں بھیو کُھلاون آیا ہنگ برہم، ہنگ برہم آپ سمجھائیا۔ پُرکھ اکال نہیں پیا جم، جوتی دھار کرے رُشنائیا۔ کِیوں پیا ایہو جِہا کمّ، کرنی کرتا اپنی کار کمائیا۔ نہ کوئی ہرکھ نہ کوئے غم، چِنتا سوگ نہ کوئے جنائیا۔ کِیوں بھاگ لگاون لگّا کایا ماٹی تن، تتّاں وِچ خوشی منائیا۔ نانک نِرگُن کِہا مَیں کراں دھنّ دھنّ، سرگُن نانک مِل کے خوشی منائیا۔ مِہروان ہو کے پربھوُ جن بھگتاں بیڑا رہیا بنّھ، بنّھ کے اپنے کندھ اُٹھائیا۔ سَت دھرم دے سچ چڑھا کے چنّ، سوُتردھاری سوبت نال کرے رُشنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ ہاڑ کہے کِیوں پہنے

بستر، چِٹی دھار اُپجائیا۔ پُرکھ اکال کِہا جِس ویلے گوبِند تن سُہایا شستر، پُرکھ اکال دھیان لگائیا۔ اُس دے اندروں پُھریا اِکو منتر ، سوہنگ ڈھولا گائیا۔ شبدی آواز آئی نِرنتر، دُھر سندیش سُنائیا۔ بھگت بناؤنی بنتر، لوک مات وجےّ ودھائیا۔ جِس نوُں گُرمْکھ ہنس کہندے سنتن، سو صاحب سوامی ویکھ وکھائیا۔ جِس نے لیکھا مُکاؤنا نوَ نؤ تن، پنچم کرے صفائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ جِس ویلے گوبِند شستر کیِتا پیار، کمرکسا تن کسائیا۔ چِٹے بستر رکھ کے دھار، پُرکھ اکال سیِس نِوائیا۔ مَیں سیوا کراں بن کے سیوادار، وست امولک منگ منگائیا۔ میِت مُرارا تیرا بناں یار، دوُجی سیج نہ کوئے ہنڈھائیا۔ پُرکھ اکال کر پیار، دُھر فرمان دِتا جنائیا۔ تُوں میرا مَیں تیرا دوہاں دا اِک وِہار، دوُجا سمجھ سکے نہ رائیا۔ گوبِند سُن نال پیار، دُھر فرمان اِک دِرڑائیا۔ جِس ویلے آواں ہو کے مِہروان، لوک مات پھیرا پائیا۔ جن بھگتاں دیواں دان، داتا ہو کے آپ ورتائیا۔ جیہڑی پریم دی بخشی تَینوُں کِرپان، کِرپا نِدھان دِتی وڈیائیا۔ اِس دا اگلا کھیل مہان، بھیو ابھیوَ وِچ سمجھائیا۔ میرے بھگتاں نوُں لوڑ رہے نہ جگت کوئے نِشان، نِشانہ اِکو دیاں لگائیا۔ تیرے بستر چِٹے اوہناں نوُں کراں پروان، پروانے دُھر دے دیاں جنائیا۔ اِک دوارے تے اِکو رنگ نظر آئے بھگت بھگوان، دوُجا رنگ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، لیکھے دُھر دے ویکھ وکھائیا۔ گوبِند کِہا کی پربھوُ ایہہ سچ، سچ دے دِرڑائیا۔ پُرکھ اکال پیا ہس، گوبِند ایہہ وی تیرے ہتّھ وڈیائیا۔ تُوں میرا ماننا رس، رستہ اِکو نوُر خُدائیا۔ میرے بھگتاں دا تیرا ساتھ، دوہاں دی ہوئے نہ کوئے جُدائیا۔ مَیں تکّنا تیری اکّھ، اپنی اکّھ نہ کوئے وڈیائیا۔ تیرے گُرمْکھاں نوُں کر کے سب توں وکھ، واسطہ اپنے نال جنائیا۔ دُھر دا مارگ اِکو دسّ، دہ دِشا گیا سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند کِہا کی پربھوُ اوہ کپڑے ہون چِٹے، تانے پیٹے والے نظری آئیا۔ پُرکھ اکال کِہا نہیں ایہہ نِشانی جو میرے ہٹّ وِکے، دوُجے سیِس نہ کوئے نِوائیا۔ دوُر دُراڈے سب نوُں دسن وڈّے نِکّے، جِنہاں دا مالک بےپرواہیِا۔ جِنہاں نوُں اندروں باہروں اِکو پُرکھ اکال دِسے، دوُجا اِشٹ نہ کوئے منائیا۔ سدا ایہناں دے اَگے پِچھے، راتیں سُتّیاں دی سیو کمائیا۔ ایہہ اُس دی گودی کُکھے، جِس وِچوں باہر نہ کوئے کڈھائیا۔ دُنیا دے رس چھڈ کے پِھکے، امرت جام پی کے جمنا سُرستی گنگا گوداوری جل گئے تجائیا۔ جِنہاں دے سوہنے لگدے جُسے، جِسم نال چتُرائیا۔ اوہ سمجھ لَوو اپنے مارگ توں نہیں گھُتھے، بھگت بھگوان مِلن چائیں چائنیا۔

جِنہاں نوُں باہروں بنایا سُچے، اوہناں دی اندروں باہروں کرے صفائیا۔ اَگے بھگتاں وِچ رہن نہ دینے غُصّے، گُرمْکھ نال گُرمْکھ کرے نہ کوئے لڑائیا۔ دُئی دوَیتی اندروں پھڑ کے کُٹے، ٹوٹے دئے کرائیا۔ پریمی پیاریاں اپنی گودی چُکے، بِنا بُھجاں اپنی گودی لئے اُٹھائیا۔ سَورگ بہِشت وِچ کدے نہ سُتے، سچکھنڈ دوارے سہجے دئے ٹِکائیا۔ جِنہاں نے بستر پائے چِٹے، ایتھے اوتھے جان نہ لُٹے، جگت لُٹیرا نظر کوئے نہ آئیا۔ اوہ پربھ دی دھاروں پُھٹے، انت پربھ دھارا وِچ سمائیا۔ اوہناں دی ڈور کدے نہ ٹُٹے، جِن پریِتی اِکو نال لگائیا۔ جوتی جوت سروُپ ہرِ، آپ اپنی کِرپا کر، سچ دوارے دئے وڈیائیا۔ چِٹا بستر کہے میرا ویکھیو نہ کوئے رنگ، مَیں سب نوُں دیاں سمجھائیا۔ چِٹا کرن دا اِکو کول ڈھنگ، جو جُگ چؤکڑی طریقے سب نوُں رہیا سمجھائیا۔ گُر اوتار پیِر پَیغمبر منگدے منگ، وِشن برہما شِو جھولیاں رہے ڈاہیِا۔ اوہ داتا دانی سوُرا سربنگ، دیونہار اِک اکھوائیا۔ جِنہاں بھگتاں نال ہو گیا اِک سنگ، اوہناں دیوے مان وڈیائیا۔ جنم جنم دا میٹ کے پندھ، وِچھوڑا اگلا دئے مُکائیا۔ تند نال جوڑ کے تند، سوہنی تار دئے وکھائیا۔ سچ پریم دا دے کے انند، پرمانند وِچ سمائیا۔ دُھر دی پا کے گنڈھ، ناتا اپنے نال رکھائیا۔ ہاڑ کہے میری ایہو سچّی منگ، مانگت ہو کے جھولی ڈاہیِا۔ پربھوُ بھگتاں دی مان سیج پلنگ، آتم انتر سوبھا پائیا۔ جھگڑا چُکا دے بھیکھ پکھنڈ، کوُڑی کِریا رہن نہ پائیا۔ جوتی جوت سروُپ ہرِ، آپ اپنی کِرپا کر، ساچا در اِک سمجھائیا۔ سچّا در دسّ دے دردی، دِلدار تیری سرنائیا۔ کلجُگ ویکھ اندھیر گردی، کوُڑی کِریا دے کھپائیا۔ تیری پریمن وَیراگاں وِچ مردی، پریم پیاسی گُرمْکھ داسی دئے دُہائیا۔ سدا سدا تیرے بھےَ وِچ ڈردی، اپنا آپ نہ سکے اُٹھائیا۔ تُونہی تُونہی تُونہی کردی، قدم قدم نال دِھیائیا۔ پہلی ہاڑ کہے میری عرضی، تیرے اَگے دِتی ٹِکائیا۔ ویکھیں کریں نہ اپنی مرضی، منزل بھگتاں دینی چُکائیا۔ ہاڑ وِچ رہے نہ کوئی گرمی، جگت تپش دینی بُجھائیا۔ پوہ وِچ نہ کوئے سردی، اِکو رنگ دینا چمکائیا۔ ایہو کھیل تیری ہرِ دی، ہریدوار دینا سمجھائیا۔ تاکی کھولنی گُرمْکھ گھر دی، پردہ آپ اُٹھائیا۔ جوت نظری آئے نرائن نر دی، نوُرو نوُر رُشنائیا۔ جوتی جوت سروُپ ہرِ، آپ اپنی کِرپا کر، بخشنی سچ سرنائیا۔ سچ سرنائی بخشنی ایک، اِکو منگ منگائیا۔ ہاڑ کہے پربھ تیری ٹیک، ٹِکاّ مستک دینا لگائیا۔ بھگتاں کر کے بُدِھ بِبیک، اپنا آپ دینا سمجھائیا۔ کوجھے کملے بن جان نیک، موُرکھ موُڑھ ملِے وڈیائیا۔ ترےَگُن مایا نہ لگے سیک، اگنی تت نہ کوئے جلائیا۔ سیِس نِوے نہ کِسے بھیکھ، اِشٹ اَورا نہ کوئے سمجھائیا۔ سچ اگمّا وکھاؤنا

اگمّی دیش، جِس گھر بَیٹھا سوبھا پائیا۔ مالک ہو کے نر نریش، دُھر دا حُکم دینا سمجھائیا۔ اپنا دسّ کے اوَلّڑا ویس، بھیوَ ابھیدا دینا سمجھائیا۔ پہلی ہاڑ کہے مَیں بھگتاں دینا سندیش، گھر گھر پھیرا پائیا۔ ستاراں ہاڑ پھیر ہوواں آ کے پیش، سب دی پیشی دیاں سُنائیا۔ پربھوُ کیہڑا تیرے نال کرے ہیت، کیہڑا مطلبی رہیا دِھیائیا۔ کیہڑا تیرا لیَن آؤندا بھیت، اَیویں نِیوں نِیوں متھے گیا ٹِکائیا۔ کیہڑا ویکھن آؤندا کھیل، کی بھیکھ پکھنڈ رچنا رہیا رچائیا۔ کیہڑا انتر آتم رکھکے بَیٹھا ساچی ٹیک، ٹِکٹِکی اِکو نال لگائیا۔ کیہڑا چیتن ہو کے رہیا چیت، من واسنا نہ کوئے ہلکائیا۔ ساریاں دے اندرلا سولاں دِناں وِچ لےَ کے بھید، نؤ کھنڈ پرِتھمی سَت دیِپ اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، میرا لیکھا لَینا لیکھے لائیا۔ ہاڑ ستاراں کہے پہلی ہاڑ نہ کریں چلاکی، تَینوُں رہیا سمجھائیا۔ بُتخانے ویکھیں خاکی ، گھر گھر پھیرا پائیا۔ کیہڑا پربھ دا سچّا ساتھی، سجّن روُپ وٹائیا۔ کیہڑا کھول کے بَیٹھا تاکی، اندرے اندر دھیان رکھائیا۔ کیہڑا من نوُں کرکے عاقی، باہروں دئے سُہائیا۔ کیہڑا آتم سیجا سُتّا کھاٹی، سچ سِنگھاسن ڈیرہ لائیا۔ کیہڑا درشن کرے راتیں، پربھاتی روُپ وٹائیا۔ کیہڑا کھیل کرے گلّیں باتیں، جگت ناتے خوشی منائیا۔ کیہڑا سنگی بنے ساتھی، وِدیا نال لڑائیا۔ کیہڑا چڑھے منزل گھاٹی، بَیٹھا پندھ مُکائیا۔ کیہڑا راہ تکّے کملاپاتی، نِج نیتر نیَن کُھلائیا۔ کیہڑا گُرمْکھ لگّا سیِنے چھاتی، آپ اپنا گیا مِٹائیا۔ کیہڑا ہویا پاک پاکی، پوِت دینا سمجھائیا۔ کیہڑا بدل بَیٹھا حیاتی، شرم حیا لوک مات والا تجائیا۔ کیہڑا گُرمْکھ کٹ کے جم کی پھاسی، فَیصلہ اِکو حق سُنائیا۔ کیہڑا سیوک بنیا داسی، دُھر دی سیوا سچ کمائیا۔ سب دا لیکھا ویکھ کے دسّنا باقی، بچیا رہن کوئے نہ پائیا۔ ستاراں ہاڑ سندیشہ دینا آ کے پاتی، ابُھل بُھل کدے نہ جائیا۔ ویکھیں لِحاظ نہ کریں کِسے دا پُھپھی ماسی، بھَین بھائی ساک سیَن نار پُرکھ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ پہلی ہاڑ کہے مَینوُں اِیوں دِسدا جِویں ثابت دِسدے اَدھے، اَدھے ڈاواں ڈول نظری آئیا۔ کُجھ کھاندے پِھردے دھکّے، سمبھل اپنا نہ قدم ٹِکائیا۔ کُچھ دِسدے حکے بکےّ، حَیرانی اندروں رہی ستائیا۔ کُجھ جگت وِہاراں کارن پِھردے نَٹھے، پُتر دھیِاں نیَن اُٹھائیا۔ کُجھ دھن دؤلت پِچھے کدماں اُتے ڈھٹّھے، جگت سیِس رہے نِوائیا۔ کوئی دُکھاں کارن دھوُڑی رہے چٹّے، رس زبان نال لگائیا۔ پربھوُ دے پریم پیار والے کیہڑے سکے، سارے ویکھنے تھاؤں تھائنیا۔ میرے کول سب دے وکھرے وکھرے کھاتے، خطا وِچ کدے نہ آئیا۔ جیہڑے مطلب لئی گاندے ڈھولے، اُچی اُچی سُنائیا۔

جیہڑے لوک لجیا ویکھ شرمادے، سیِس نِواؤنوں مُکھ بھوائیا۔ جیہڑے گُرمْکھ پریم پریِتی اندر اپنا آپ مٹاندے، تن ماٹی خاکی بھیٹ چڑھائیا۔ اوہناں دے وِشن برہما شِو درشن پاندے، نیتر نیَن اکّھ کُھلائیا۔ ہاڑ کہے مَیں ویکھنے تھکے ماندے، در در گھر گھر کھوج کھوجائیا۔ اوہ وی تکنے جیہڑے منگدے پشوُ ڈھانڈے، پریِت ڈھوراں نال لگائیا۔ اوہ وی ویکھنے جیہڑے کہندے ساڈے مر جان گوانڈھے، دؤلت کارن دین دُہائیا۔ اوہ وی ویکھنے جیہڑے آئے دوُلھیاں دے باندے، اوپرا اوپرا سیِس نِوائیا۔ ہُن بِنا کنت سُہاگ توں کِسے دی گُت نال رہن نہیں دینے لال پراندے، رنڈیپا گھر گھر دینا وکھائیا۔ گُرمْکھو سمجھِیو کوئے نہ پاندھے، جو پتری واچ کے رہیا سُنائیا۔ کوئی کھیل نہیں مُلّا والا بانگے، جو کوُک کوُک دئے دُہائیا۔ کوئی کھیل نہیں جو سمجھ لئے سَوانگے، بھیکھی اپنا بھیکھ بدلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ پہلی ہاڑ کہے مَیں اوہ وی تکنے، گھر گھر پھیرا پائیا۔ جیہڑے اندروں پریم پریِتی سکھنے، باہروں دین صفائیا۔ ہُن پڑدے کِسے دے نہیں ڈھکنے، فَیصلے سچ دینے سُنائیا۔ پربھوُ نے کیہڑے مکھّناں دے سواد چکھنے، گوپیِاں نال راس رچائیا۔ جیہڑا چھڈ کے ساتھی والے پٹنے، پُری انند گیا تجائیا۔ جِس گوداوری دے ساتھی رکھنے، باقیاں نال کرے لڑائیا۔ پہلی ہاڑ کہے بہُتیاں وِچوں تھوڑے بچنے، جِنہاں نوُں بچّیاں وانگ گود اُٹھائیا۔ ہاڑ ستاراں کہے مَیں پہلی وار پہلے سمت وِچ پرکھنے، کھوٹے کھرے اڈّو اڈّ کرائیا۔ پُرکھ اکال کول بےگنت انِگنت رکھنے، جِس دا بھید کوئے سمجھ سکے نہ رائیا۔ بھگت دوارے بھگت بھگوان دے اوہ وسنے، جیہڑے واسطہ اِکو نال جُڑائیا۔ اِکو دے اِکو وار ڈھولے جپنے، دوُجی وار ہوئے نہ کوئے پڑھائیا۔ اِکو دے دوارے اِکو دے گھر بار سارے وسنے، دوُجے دے گھر نہ ڈیرہ کوئے لگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ہاڑ کہے مَیں بھگتاں اَگے کڈھنا ہاڑا، بہُڑی کر کے دینا سُنائیا۔ جن بھگتو وقت سمبھالو ستاراں ہاڑا، ویلا گیا ہتّھ نہ آئیا۔ اِک دِن پِچھے اَگے رُلنا نہ پئے اُجاڑا، جنم جنم نہ کوئے بھوائیا۔ میل مِل جائے دُھر دے لاڑا، ساچا ناتا لئے جُڑائیا۔ منزل پار ہوئے دُشوارا، دُشمن دوُتی ڈیرہ ڈھاہیِا۔ میل ملِے اِک نِرنکارا، نِرگُن نِرگُن وِچ سمائیا۔ مہاراج شیرسِنگھ وِشنوُں بھگوان، بھگتاں دا بن پیارا، بھگوان ہو کے بھاگ اوہناں دی جھولی پائیا۔ راوی کہے ایہہ گُرمْکھاں دا روا، روادار نظر کوئے نہ آئیندا۔ جِنہاں نوُں گوبِند وڈیائی دِتی میرا اِک لکّھ سَوا، صاحب سَتگُر ویکھ وکھائیندا۔ راوی کہے مَیں اوہناں دے گُن گاواں، جِنہاں اُتے گہر گمبھیِر دَیاکمائیندا۔ اوہناں

دے چرن کوَل دباواں، جِنہاں دا صاحب سوامی سنگ نِبھائیندا۔ اوہناں دے وَیراگ اندر روواں، جِنہاں دے پوُرب وِچھڑے میل مِلائیندا۔ اوہناں دے پیار اندر سوواں، جِنہاں نوُں اپنی گود اُٹھائیندا۔ راوی کہے مَیں اوہناں ورگی ہوواں، جِنہاں دا ہؤکا اپنے لیکھے پائیندا۔ مَیں اپنا آپ وَیراگن ہو کے کھوواں، جگت مان نظر کوئے نہ آئیندا۔ مَیں ہوکا دیواں پُریِاں لواں، برہمنڈاں کھنڈاں راگ الائیندا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیندا۔ راوی کہے مَیں ویکھی گُرمْکھاں دی سِک، سِکھیا مَینوُں سمجھائیا۔ جِنہاں دا پربھ نے لیکھا دِتا لِکھ، تریتا دواپرموُل چُکائیا۔ بھگتاں نوُں چُک کے اپنی پِٹھ، پار میرے وِچوں لنگھائیا۔ جنم جنم دا لہنا دینا نجِٹھ، نِج آتم خوشی وکھائیا۔ پریم پیار والا کر کے ہِت، سوہنی سِکھیا دینی سمجھائیا۔ مَیں اُڈیِکدی مَینوُں اوہ سماں آوے نِت، چاروں کُنٹ ویکھ وکھائیا۔ دھنّ بھاگ اوہ پندراں پوہ دی تھِت، مَینوُں گئی سمجھائیا۔ ایہہ مالک سب دا پِت، پاربرہم پت پرمیشور اکھوائیا۔ جیہڑا بھگتاں نوُں رہیا دِس، باقی اکّھ نہ کوئے مِلائیا۔ جوتی جوت سروُپ ہرِ، آپ اپنی کِرپا کر، مِہروان دَیا کمائیا۔ راوی کہے مَیں ویکھے اپنے کنڈھے، کنڈھیاں وِچوں دھیان لگائیا۔ گُرمْکھ تھوڑے چڑھے اپنے ڈنڈے، جِنہاں نوُں پربھوُ نے ڈنڈؤت دِتی سمجھائیا۔ بھاویں اوہ باہروں بندیاں ورگے بندے، اندروں بندگی مِلی بےپرواہیِا۔ جے اُہناں دے باہروں چیِتھڑ گندے، اندر جوت نوُر رُشنائیا۔ اوہ اُہناں نالوں چنگے، جیہڑے جگت دے راج راجان ہو کے اپنا حُکم سُنائیا۔ اپنا کھیل کر سوُرے سربنگے، سوہنی سِکھیا دِتی سمجھائیا۔ جگت وِہار تُڑاوے تندے، کوُڑی دسّی لوکائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا وکھائیا۔ راوی کہے کِیوں کیِتا ایہہ وِہار، وِوہاری اپنا حُکم ورتائیا۔ جِس ویلے میرے لنگھیا سی آر پار، شبد اِشارے نال سمجھائیا۔ بھگتاں دی بنھنی دھار، دھرنی دھرت دھوَل سوبھا پائیا۔ ساچا دسّنا پیار، پریِتم پریم دئے دِرڑائیا۔ سَتگُر دے گھر وِچ ناتا جُڑنا پُرکھ نار، ناری پُرکھ میل مِلائیا۔ پُرانی ریِتی اِکو وار کرنی خَوار، کچیّ پنی دئے دُہائیا۔ سؤہرے پیکے دوویں ہون شرمسار، پربھ نے دھکاّ دِتا لگائیا۔ بِنا سَتگُر شبد ہور نہیں کوئی شِنگار، سوہنا روُپ نہ کوئے چڑھائیا۔ اوہ گُرمْکھ سُہنجنی مُٹیار، جو پربھ نوُں ایتھے اوتھے بھائیا۔ ایہہ پریمیاں دا پرشاد، بھگتاں دی داد، سنتاں دا رِواج، گُرمْکھاں دا کاج، کرتا رہیا کرائیا۔ ساچے بیڑے چاڑھ کے جہاز، جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ راوی کہے مَیں ویکھے چاول بُھجدے، بھٹھیالے نال اپنی اکّھ مِلائیا۔ گُرمْکھ ویکھے پریم

پریِتی وِچ رُجھدے، رُچی اِکو نال مِلائیا۔ اِتھے کمّ نہیں کوئی بُدِھ دے، موُرکھ موُڑھے چتُر سُگھڑ دئے وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ راوی کہے مَیں ویکھے اندر فُرنے پُھردے، شیک جوڑ جُڑائیا۔ گُرمْکھ سوادھان ہو گئے مُردے، خوشی اندروں اِک پرگٹائیا۔ جِس ویلے راہ جاندے ویکھے دُھر دے، ننگی پَیریں بھجّن واہو داہیِا۔ مَینوُں پیار لبھے اُتھوں سَتگُر دے، راوی رو کے دئے دُہائیا۔ مَیں سندیشہ دیواں گُرمْکھ سوئے سدا جُڑدے، جُگ چؤکڑی بَیٹھے راہ تکائیا۔ بھگت دوارے آ کے بھگت بھگوان کولوں خالی کدے نہیں مُڑدے، سب دیِاں جھولیاں دئے بھرائیا۔ موُرکھ مُگدھ اَنجان جگت جگیاسوُ ایویں جھُردے، پوُرب لہنے لیکھے وِچ لگائیا۔ اُہناں دے بیڑے کدے نہیں رُڑھدے، راوی کہے جِنہاں نوُں میرے اندر بیڑے لیا چڑھائیا۔ اوہ دو جہان آکاشاں اُپر اُڈدے، پرکاشاں وِچ سمائیا۔ اُہناں دے کارج کدے نہیں تُھڑدے، جگت غریِبی دُھر دی امیِری دئے وکھائیا۔ اِتھے کھیل نہیں کوئی زور دے، باہوُ بَل نہ کوئے وکھائیا۔ جوتی جوت سروُپ ہرِ، آپ اپنی کِرپا کر، اپنا حُکم اِک سمجھائیا۔ راوی کہے مَیں ہؤلی جِہی کھول کے ویکھی اپنی اکّھ، کنڈھیاں اُتے دھیان لگائیا۔ جِنہاں دے اندر صاحب سوامی رہیا وس، اوہ اندرے اندر واسطے رہے پائیا۔ پریم پیار دے اندر رہے نسّ، بھجّن واہو داہیِا۔ ساچے نام دا گاؤندے جس، صِفتاں نال صلاحیِا۔ جِس دی وست اوسے دے اَگے دئیے رکھ، چرن کوَلاں وِچ ٹِکائیا۔ منظوُر کرنا اوسے دا حق، جو حضوُر رہیا سمجھائیا۔ راوی کہے مَیں ویکھیا مالک پُرکھ سمرتھ، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ راوی کہے مَیں ہُن تکیا پریم پیار دی پرشاد ہو گئے بھیٹا، اپنا پندھ مُکائیا۔ اگمّی ویکھی کھیڈا، سمجھ سکی نہ رائیا۔ بھگت بھگوان ناتا ویکھیا باپ بیٹا، پِتا پوُت خوشی منائیا۔ ہائے ہائے کردیاں لنگھ گیا مہیِنہ جیٹھا، ہاڑ اپنی لئے انگڑائیا۔ جن بھگتاں اَگے کھانا پئے نہ ٹھیڈا، مُنہ دے بھار نہ کوئے سُٹائیا۔ مَیں لےَ کے آئی نیندا، بھاجی دُھر دی جھولی پائیا۔ جگت جہان رہ جائے وینہدا، گُرمْکھاں گُروُ سَتگُر سگن دئے لگائیا۔ دیون والا سدا دیندا، جن بھگتاں جھولی رہیا بھرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مہاراج شیرسِنگھ وِشنوُں بھگوان، لیکھا سب دا پوُر کرائیا۔ راوی کہے میرے لئی ایہہ لےَ کے آئے چوُنڈھی، چُٹکی پرشاد میری جھولی پائیا۔ مَینوُں نظر آیا جِس دے ہتّھ وِچ سی کھوُنڈی، کُھلے گفّے رہیا ورتائیا۔ مَیں اُس ویلے ڈردی نہیں ساں کوُندی، میری اکّھ جگت شرمائیا۔ ہُن مَیں اپنی ہنجھوُاں دھار

پوُنجھی، آسا لئی بدلائیا۔ بھگتاں اندروں آواز سُنی تُوں ہی تُوں دی، مَیں میرا رہیا نہ رائیا۔ جوتی جوت سروُپ ہرِ، آپ اپنی کِرپا کر، میرا لیکھا پوُرا دئے کرائیا۔ راوی آہ لےَ بھیٹا اپنی چُٹکی، تیری آسا پوُر کرائیا۔ تُوں سیوا کیِتی ارجن گُر دی، تتّا ٹھنڈا روُپ وٹائیا۔ کرے آسا منسا پوُر دی، بِھچِھیا بِھچِھیا دِتی ورتائیا۔ جِس خواہش نوُں رہی لوڑدی، سو لیکھا دِتا مُکائیا۔ کلجُگ ویکھ کھیل اندھ گھور دی، تیری اکّھ دِتی کُھلائیا۔ اَگے پربھ نوُں لوڑدی، جن بھگتاں رہیا اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، لیکھا اپنے ہتّھ رکھائیا۔

۲ ہاڑ شہنشاہی سمت ۱ ہرِ بھگت دوار جیٹھوُوال

بالٹا کہے مَیں منگاں دات، جھولی سب دے اَگے ڈاہیِا۔ کِیوں تُہاڈا بنیا ساتھ، سیوا رہے کمائیا۔ مَینوُں یاد آیا رُڑکے والا پانی دا اِک گِلاس، جیہڑا گوبِند چرن سیو کمائیا۔ ایہہ اُس توں پہلاں دی آس، جو نانک گیا سمجھائیا۔ جِس سُن اگمّی آواز، سندیشہ دِتا دِرڑائیا۔ جِس ویلے آوے پُرکھ ابناش، جوتی جاتا ویس وٹائیا۔ بھگتاں دا دیوے ساتھ، سوہنا سنگ بنائیا۔ اندروں باہروں کرے صاف، پتت پُنیِت دئے جنائیا۔ جنم جنم دے کُکرم کرے معاف، سِر اپنا ہتّھ ٹِکائیا۔ مَیں دو ہاڑ رہیا جھاک، بالٹا کہہ کے ڈھولے گائیا۔ گُرمْکھاں دی نٹھدیاں بھجدیاں مُکدی وینہدا واٹ، جو چلے واہو داہیِا۔ اُہناں دے اندروں مَینوُں پربھ دی نظری آئی ذات، سو ظاہر ظہوُر رہیا سمائیا۔ مَیں کردا رہیا تلاش، رَین سبائی کھوج کھوجائیا۔ بہُتیاں وِچوں تھوڑیاں دی مِٹی ویکھی پیاس، جیہڑے ترِشنا جگت مُکائیا۔ مَیں نال تکیا سیوا کردا ترلوکی ناتھ، رام وشِشٹ اپنا پھیرا پائیا۔ ہؤلی ہؤلی اندرے اندر سب دی سُندا رہیا بات، جو خوشیاں ڈھولے گائیا۔ اِسے کارن مَیں خالی ہو کے منگاں دات، جھولی بھگتاں اَگے ڈاہیِا۔ گُرمْکھو تُہانوُں رہنا پَیناں اجّ دی رات، رَین اپنا دھیان لگائیا۔ مَیں چاہُندا تُہاڈا لیکھا لِکھیا جاوے نال قلم دوات، جِس نوُں اَگے نہ کوئے مِٹائیا۔ دُھر دا جُڑدا ویکھاں نات، سگلا سنگ بےپرواہیِا۔ مرن توں پہلاں تُہاڈی کٹدی ویکھاں جم دی پھاس، فَیصلہ حق سُناں چائیں چائنیا۔ ویکھیو میری نامنظوُر نہ کریو درخواس، درخواست آستک روُپ جنائیا۔ مَینوُں تُہاڈے اُتے وِشواش، وِشا اپنا دِتا سمجھائیا۔ جِس طرح مَیں تُہاڈے

نال مِلایا ہاتھ، دست دست نال جُڑائیا۔ میرا مُنہ اُپر کھیل تکدا رہیا آکاش، دھرنی اُتے تُہاڈے چرن سوبھا پائیا۔ مَینوُں آواز آئی ایہہ میرے روُپ دی سوہنی شاخ، شناخت اپنے ہتّھ رکھائیا۔ مَینوُں سب کُچھ گیا بھاکھ، بھاکھیا دِتی بےپرواہیِا۔ باٹا کہے مَیں اِک گلّوں گُستاخ، تُہاڈے سیِس اُتے چڑھ کے اپنا بھار ٹِکائیا۔ پر تُہاڈا دردی ویکھیا اِکو تُہاڈا باپ، پت پرمیشور بےپرواہیِا۔ جِس نے مِہر نظر نال میرا کھول کے تاک، سب کُچھ دِتا سمجھائیا۔ اوہ تُہاڈا تکیا داس، سیوکاں دا سیوک سجّن شہنشاہیِا۔ آؤ سارے رل مِل کے کر لئیے اِتفاق، مُفاد رہن کوئے نہ پائیا۔ جے کوئی کُکرم تُہاڈے کول ہیَگا پاپ، اوہ وی میرے وِچ دیؤ ٹِکائیا۔ مَیں چرن چُمّ کے کہاں ایہدا درشن کرو ساکھیات، جو سنمُکھ صاحب نظری آئیا۔ اِس دے پریم دا پیؤُ آب حیات، امرت رس رہیا چکھائیا۔ تُہاڈا لیکھا سب دا مُک جائے کاغذات، حِساب کِتاب اَگے نہ کوئے رکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، تُہانوُں پریم نال کرے آداب، آداب اے عرض کہہ کے شُکر منائیا۔

رَین کہے مَیں بن گئی رات، رُتڑی اپنی لئی بدلائیا۔ جن بھگتاں منّی دُھر دی بات، باطن حُکم دِتا سُنائیا۔ پُرکھ اکال دا ویکھیا تکیا ساتھ، ساتھی بےپرواہیِا۔ لہنا دینا لیکھا دیوے قلم دوات، تعداد اپنی نال مِلائیا۔ سنت سُہیلے ویکھ جماعت، میری خوشی دوُن سوائیا۔ پریم پیار وجا کے رباب، سوہنی تار ستار ہلائیا۔ منسا پوُری ہوئی خواہش، سواس سواس مِلی وڈیائیا۔ تن ماٹی خاکی لیکھے لگی لاش، تلاش کرے نوُر خُدائیا۔ بِھنڑی رَین کہے جن بھگتاں شاباش، شاہ نواز دئے سرنائیا۔ جوتی جوت سروُپ ہرِ، آپ اپنی کِرپا کر، دَیاوان دَیا کمائیا۔ رات کہے موہے چاؤ گھنیرا، گھڑی پل مِلی وڈیائیا۔ گھر ٹھاکر سوامی مِلیا پت پرمیشور میرا، مِہروان دَیا کمائیا۔ سچ دوارے سوہنا لگایا ڈیرہ، ڈنڈؤت اِکو رہیا دِرڑائیا۔ بھگت سُہیلا بنّھ کے بیڑا، کھیڑا دُھر دا رہیا وسائیا۔ جگت وِکار میٹ کے جھیڑا، جھگڑا مُکایا جگت لوکائیا۔ نظری آیا نیڑن نیڑا، دوُر دُراڈا پندھ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، داتا داتار ہوئے سہائیا۔ رَین کہے میری رُت آیا سُہاون، دُھردرگاہی دَیا کمائیا۔ ویس وٹا کے پتت پاون، پتت پُنیِت رہیا بنائیا۔ بھگت سُہیلا پھڑ کے دامن، دامنگیِر اِک اکھوائیا۔ دُھردرگاہی بن کے ضامن، جماں توں رہیا چُھڈائیا۔ امرت میگھ برسا

کے ساون، بوُند سوانتی مُکھ چوائیا۔ جوتی جوت سروُپ ہرِ، آپ اپنی کِرپا کر، سمرتھ پُرکھ دئے وڈیائیا۔ رات کہے مَینوُں کہو بِھنڑی رَین، رحمت پربھوُ رہیا کمائیا۔ بھگتاں دا آیا لہنا دینا دین، دیونہار بےپرواہیِا۔ مَیں درشن تکیا نیَن، اکّھ پرتکھ گوسائنیا۔ سجّن ویکھ کے سیَن، میرے انتر وجّی ودھائیا۔ جوتی جوت سروُپ ہرِ، آپ اپنی کِرپا کر، داتا دانی اِک اکھوائیا۔ رات کہے مَیں سُنیا راگ، ڈھولے اگمّ جنائیا۔ مَیں سب کُچھ گئی تیاگ، اپنا آپ مِٹائیا۔ مَیں سوئی گئی جاگ، بِن اکّھاں اکّھ کُھلائیا۔ سُنی اگمّی آواز، سندیشہ رہی سمجھائیا۔ جن بھگتاں کھیڑا ویکھ آباد، پتّ ٹہنی سرب مہکائیا۔ وست امولک مِلی داد، دُھردرگاہی آپ ورتائیا۔ جِس دا انوکھا وکھرا سب توں سواد، رساں وِچ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، گیِت گوبِند اِک دِرڑائیا۔ رات کہے مَیں دسّاں اپنی انک سُہیلی، سخی سچ دیاں دِرڑائیا۔ پُرکھ اکال دیِن دَیال الکھ اگوچر اِکو بیلی، بلدھاری نظری آئیا۔ جِس دی گُر اوتار پیِر پَیغمبر بن کے بَیٹھے چیلی، سیوک اپنی سیو کمائیا۔ اُس دی کھیل آد جُگاد جگت نویلی، نوَ نؤ چار رہیا سمجھائیا۔ بھگت سُہیلے سجّن گُرمْکھ رہیا میلی، مِلاپ اپنے نال کرائیا۔ جوتی جوت سروُپ ہرِ، آپ اپنی کِرپا کر، دیِن دَیال ویکھ وکھائیا۔ رات کہے مَینوُں دیؤ ودھائی، وادھا پربھ دا دیاں جنائیا۔ جِس دے نال جن بھگت کرن کُڑمائی، ناتا دُھر دا رہے بنائیا۔ اَگے ہوئے نہ کوئے جُدائی، جُدا روُپ نہ کوئے وکھائیا۔ جِس دی ساچی سیو کمائی، بھجےّ واہو داہیِا۔ اوہ دیونہار وڈیائی، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، رہبر ہو کے ویکھ وکھائیا۔ رات کہے میرا سارے گاؤ گیِت، گُنونت دیاں جنائیا۔ جِس دی اچرج ویکھی ریِت، رہبر نوُر خُدائیا۔ بھگتاں نال تکّی پریِت، پریِتم ہو کے جوڑ جُڑائیا۔ اندر دے کے سچ اصلیّت، اصل اپنا آپ دِتا سمجھائیا۔ پرکھ کے سب دی نیِت، نیِتیوان رہیا بنائیا۔ سچ پریم دی تک طبیعت، تؤفیِق اِکو جھولی پائیا۔ اپنا پریم بنا کے حق ملکیّت، مالک دُھر دے دئے وکھائیا۔ نام نِدھان دے نصیِحت، حُکم حق حق جنائیا۔ سب دی تکّی اِکو ولدیّت، والد پرم پُرکھ اکھوائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ رات کہے مَیں کی کی دسّاں، کہانی بےپرواہیِا۔ جن بھگتاں نال مِلا کے اکّھاں، آخر اپنا آپ مِٹائیا۔ اوہناں دی چرنی ڈھٹّھاں، جِنہاں ساچی سیو کمائیا۔ چرناں ہیٹھاں ہتّھ رکھاں، دھوُڑی خاک رمائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ رات کہے میرے کول آ گیا باٹا، اپنا پندھ مُکائیا۔ جِس دا پُرکھ اکال نال ناتا، دُھر

دا جوڑ جُڑائیا۔ سوہنی ویکھی اُس دی آسا، منسا وجےّ ودھائیا۔ پربھ مِلن دی ویکھی خواہشا، خوشیاں وجےّ ودھائیا۔ پریم پیار دیاں کرے باتاں، دُھر دی گلّ سُنائیا۔ جوتی جوت سروُپ ہرِ، آپ اپنی کِرپا کر، سد اپنے رنگ رنگائیا۔ باٹا کہے مَیں ویکھے گُرمْکھ، بِھنڑی رَین تَینوُں دیاں جنائیا۔ جِنہاں دے اندر پریم پیار دا ساچا سُکھ، سَت سَت دا ڈھولا گائیا۔ جِس ویلے مَینوُں سیِس لیندے چُک، بھجّن واہو داہیِا۔ مَیں ہُندا رہیا خوش، خوشیاں وِچ سمائیا۔ انت اوہناں مَینوُں لیا پُچھ، پریم پریِتی ہور ودھائیا۔ کِرپا کر ابناشی اچُت، چیتا پِچھلا دِتا کرائیا۔ بھگت سُہیلے میل کے سُت، سجّن سچّے دِتے وکھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ رات کہے کی ایہہ بھگت سجّن، مَینوُں دے سمجھائیا۔ باٹا کہے ایہہ پوُری کرن آئے مزل، منزل پندھ مُکائیا۔ ایہہ صاحب پیارے ہردِل، عزیِز روُپ وٹائیا۔ جِنہاں واریا اپنا من تن، دھن دی لوڑ رہی نہ رائیا۔ گُرمْکھ سوہنے لگے پیارے چنّ، سوُرج چنّ نیَن شرمائیا۔ دھنّ وڈیائی جِس جننی لئے جن، گودی کُکھ سُہائیا۔ جِنہاں دی ختم ہوئی واسنا من، ممتا گئے مِٹائیا۔ گھر دے وِہار چھڈ کے کمّ، کامنا کوُڑی دِتی گوائیا۔ جوتی جوت سروُپ ہرِ، آپ اپنی کِرپا کر، لیکھا سب دا ویکھ وکھائیا۔ رَین کہے مَیں سب کُچھ تکیا، سوہنی اکّھ کُھلائیا۔ کھیل ویکھ پُرکھ سمرتھیا، میرے انتر وجّی ودھائیا۔ جیہڑا بھگتاں اندر وسیا، سچ دوارے ڈیرہ لائیا۔ حق مُحبّت وِچ ہسّیا، خوشیاں راگ الائیا۔ جِس دی سیوا کر کر گُرمْکھ کدے نہ تھکیا، غفلت نیِند نہ کوئے جنائیا۔ اوہناں لوڑ رہی نہ مدیِنہ مکّیا، دُھر دا حج دِتا کرائیا۔ ناتا جوڑ کے پِتا پوُت سکیا، سگلا دُکھ دِتا گوائیا۔ باٹا کہے مَیں سِر اُتے موُل نہ اِکیا، کوُڑی دِتی نہ کوئے دُہائیا۔ راج نرَین ورگے سِر اُتے رکھیا، چلیا واہو داہیِا۔ مَیں اُس ویلے بھگتاں دا پیار پربھ دے چرناں وِچ جا کے دسّیا، سہج نال سُنائیا۔ اوہ اندروں باہر آیا نَٹھیا، پریم دا پیار کدے کرے نہ بےوفائیا۔ جِس دے پیار اندر پھٹّیا، اوسے نے لیا اُٹھائیا۔ اپنے سیِس چکّیا، سوہنی خوشی منائیا۔ پھیر بھگتاں اَگے رکھیا، پریم پیار دی منگ منگائیا۔ اَگے واسطہ سچّا گھتیا، بینتی دِتی سُنائیا۔ گُرمْکھ اجّ کوئی نہ جاوے نسّیا، اپنا مُکھ بھوائیا۔ بِھنڑی رَین وِچ ہونا سب نے اِکٹّھیا، اِکو گھر وجےّ ودھائیا۔ اَگے جنم جنم دے مِٹنے رٹّیا، جھوُٹھا گیڑ دئے مِٹائیا۔ تول تولے اپنے ساچے وّٹیا، وٹنا دُھر دا دئے لگائیا۔ ایتھے اوتھے دو جہان کرے رکھیا، رکھشک ہو کے سِر اپنا ہتّھ رکھائیا۔ مہاراج شیرسِنگھ وِشنوُں بھگوان، جِنہاں دے انتر آتم وسیا، اوہ وسدے کھیڑے نظری آئیا۔