کتب خانہGranth 18 (Urdu)

۱۷ ہاڑ شہنشاہی سمت ۱ ہرِ بھگت دوار جیٹھوُوال

پُرکھ ابناشی سندیشہ دئے ہرِ نِرنکار، سہج سُبھاؤ سرب سمجھائیا۔ نؤ سؤ چُرانوے چؤکڑی آسا بھریا آ گیا ستاراں ہاڑ، پِھرت پِرت اپنا روُپ بدلائیا۔ جِس دا راہ تکدے گئے گُروُ اوتار، پَیغمبر اکّھ اُٹھائیا۔ شاستر سِمرت وید پُران گیِتا گیان اِنجیِل قُرآن کھانی بانی جِس دی کرے پُکار، دِوس رَین ڈھولے سوہلے گائیا۔ نِت نوِت جُگ چؤکڑی لبھدے گئے سنسار، نِرگُن سرگُن ہو ہو ویکھ وکھائیا۔ جِس دا کوٹن کوٹ نام ہویا اُجیار، اکھّراں نال کرے پڑھائیا۔ جِس دے پِچھے شِودوالے مٹھ سُہاؤندے گُردوار، مندر مسجد راہ تکائیا۔ آد جُگادی برہم برہمادی شبد انادی کِسے ہتّھ نہ آیا نر نِرنکار، نِرگُن بَیٹھا مُکھ چُھپائیا۔ جِس دی بھوِکھتاں وِچ لِکھ کے گئے وِچار، سندیشہ دو جہان جنائیا۔ جِس نوُں وِشن برہما شِو گنپت کرے نِمسکار، کروڑ تیتیِسا سُرپت اِند بَیٹھا سیِس نِوائیا۔ جِس دا لکّھ چؤراسی کھانی بانی برہمنڈ کھنڈ سرب پسار، شاہ پاتشاہ شہنشاہ اپنا حُکم جنائیا۔ سو صاحب سوامی انترجامی دُھر دھام انامی اِک سُہائے بھگت دوار، بھگت سُہیلا کھیل کھِلائیا۔ ویکھنہارا اندر باہر گُپت ظاہر، جیِو جنت سادھ سنت پردہ رہیا لاہیِا۔ الکھ اگوچر اگمّ اتھاہ بےپرواہ جوتی شبدی دھار سانجھا یار، نِروَیر نِراکار نِرگُن اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے

کھیل بےپرواہیِا۔ بےپرواہ کہے ہاڑ ستاراں آیا جگ، جگدی جوت ہوئے رُشنائیا۔ جِس نوُں جُگ چؤکڑی رہے لبھ، سو بےپرواہ اپنا نوُر کرے رُشنائیا۔ کھیل کرے پُرکھ سمرتھ، مہما اکتھ اکتھ دِرڑائیا۔ بھگت سُہیلے کر کے وکھ، وکھری دھار اِک جنائیا۔ نِج نیتر کھول کے اکّھ، پرتکھ روُپ دئے پرگٹائیا۔ وست امولک دے کے سچ، ساچی سِکھیا اِک سمجھائیا۔ پریم پریِتی اندر پئے ہس، کوُڑی کِریا باہر کڈھائیا۔ جو گُر اوتار پَیغمبر پیِر گئے دسّ، دس دسمیش دئے گواہیِا۔ اُس دا لہنا دینا اجّ، عاجز ویکھے چائیں چائنیا۔ سنت سُہیلے سجّن سدّ، صدقے واری گھول گھُمائیا۔ اُدھروں پہلی ہاڑ پیا ہس، خوشیاں نال سیِس نِوائیا۔ مَیں پربھوُ تیرے بھگت دوارے باہر گیا ڈھٹھ، اپنا سیِس جھُکائیا۔ میرے ویکھ خالی ہتّھ، کوُک کوُک دیاں دُہائیا۔ نوَ نؤ چار تیرا جگت کھیڑا ہُندا ویکھیا بھٹھ، تھِر رہن کوئے نہ پائیا۔ تیری بِرہوں لگدی ویکھی سٹّ، نگارہ وجےّ نام خُدائیا۔ مَیں نؤ ستّ جنگل جوُہ اُجاڑ پہاڑ اُچے ٹِلّے پربت رہیا ٹپّ، بن بن پاندھی راہیا۔ مَیں لکّھ چؤراسی اندر آیا وس، گرِہ گرِہ اپنا پھیرا پائیا۔ مَیں کھوجدا آیا حقیِقت حق، نِرگُن سرگُن ویکھ وکھائیا۔ مَیں وینہدا رہیا مندر مسجد مٹھ، شِودوالے پردہ آپ اُٹھائیا۔ پندھ مُکا کے آیا تیِرتھ تٹ، گنگا گوداوری سُرستی دئے دُہائیا۔ چار کُنٹ دا خالی ویکھیا ہٹّ، وست امول وِچ نہ کوئے ٹِکائیا۔ سادھاں سنتاں کھیل ویکھیا بازی گر نٹ، سچ سوانگ نہ کوئے جنائیا۔ جوت پرکاش نہ لٹ لٹ، نوُرو نوُر نہ کوئے رُشنائیا۔ ہِردے ہرِ نہ رہیا وس، خالی دِسی سرب لوکائیا۔ مایا ممتا اندر گئے پھس، جم دی پھاسی نہ کوئے تُڑائیا۔ نظری آیا نہ وسیا گھٹ گھٹ، انتر کھوج نہ کوئے کُھجائیا۔ جوتی جوت سروُپ ہرِ، آپ اپنی کِرپا کر، میرا لیکھا ویکھ وکھائیا۔ پہلی ہاڑ کہے مَیں آیا دوُر دُراڈا، پربھ بن کے پاندھی راہیا۔ کوئی مِلیا نہ یار سانجھا، سگلا سنگ نِبھائیا۔ مَیں جنگل بیلے ماریاں آوازاں، کوُکاں دیاں دُہائیا۔ پریم جُڑیا نہ کوئے ناتا، مُحبّت سچ نہ کوئے کمائیا۔ دہ دِشا دا خالی ویکھیا کھاتہ، نوَ نؤ چار رہی کُرلائیا۔ جھگڑے والیِاں کردے باتاں، حقیِقت حق نہ کوئے سمجھائیا۔ خالی دِسیا تت آٹھا، نؤ دوارے پئی دُہائیا۔ اندروں پردہ کِسے نہ پاِٹا، اَیویں جھوُٹھ رہے سمجھائیا۔ مَیں سب دیِاں کر کے آیا چھانٹا، لکّھ چؤراسی کھوج کھوجائیا۔ بِن پربھوُ توں پوُریاں ہوئیاں کِسے نہ واٹاں، اَدھ واٹے بَیٹھی سرب لوکائیا۔ خالی دِسیاں سیجاں کھاٹاں، آتم سیج نہ کوئے سُہائیا۔ میریاں پِھردیاں پِھردیاں سولاں گزر گئیاں راتاں، رتی رت نہ کوئے سہائیا۔ جِدھر تکیا نار کمذاتاں، سُہاگی کنت نہ کوئے ہنڈھائیا۔ کوُڑی کِریا پیَندیاں ہاکاں، حُکم حق نہ کوئے سُنائیا۔ ساچا

بنیا نہ کوئے کاکا، پِتا پُرکھ اکال نہ کوئے جنائیا۔ ساچے پریم دا نظری آیا فاقہ، جھولی دُھر نہ کوئے بھرائیا۔ کِسے کمّ نہ لگیا کیِتا پوُجا پاٹھا، من ہنکاری دئے دُہائیا۔ تیرے دوارے آ کے ڈھاٹھا، پربھوُ منگاں اِک سرنائیا۔ جوتی جوت سروُپ ہرِ، آپ اپنی کِرپا کر، میرا لیکھا ویکھ وکھائیا۔ پہلی ہاڑ کہے ویکھ میرا رنگ، رنگ رتڑے دیاں جنائیا۔ جنم جنم دی آسا منگ، پربھ پوُری کر وکھائیا۔ نوَ نؤ چار مَیں ویکھدا رہیا جو لوک مات گیا لنگھ، چؤکڑی اپنا پندھ مُکائیا۔ سچ مِلیا نہ کِسے انند، پرمانند نہ کوئے سمائیا۔ بِن تیرے کوئے نہ پاوے ٹھنڈھ، اگنی تت نہ کوئے بُجھائیا۔ مَیں تیریاں بھگتاں دے دوارے پِھر کے آیا دے دے گنڈھ، سُنیہڑے سچ سچ جنائیا۔ گُرمْکھو رِہو نہ آتم رنڈ، کنت سُہاگی لَینا منائیا۔ جِس دا اِکو سوہنا چھند، سوہنگ ڈھولا رہیا دِرڑائیا۔ میرا ایویں نہ جاوے ماریا پندھ، میری سیوا دُھر دے مالک آپ لگائیا۔ تُہاڈے اندر رہن نہیں دینا گند، کوُڑی کِریا دینی کڈھائیا۔ تُہانوُں بناؤنا اُس دے چند، جو اپنے چند ستارے نیہاں ہیٹھ دبائیا۔ اَگے کوئے رہن نہیں دینی ونڈ، وکھرا کھیل نہ کوئے بنائیا۔ جوتی جوت سروُپ ہرِ، آپ اپنی کِرپا کر، در اپنے لیکھا لَینا لگائیا۔ پہلی ہاڑ کہے میرا جھُکیا متھا، مستک سیِس نِوائیا۔ چار کُنٹ مَیں پِھر کے دیواں سب نوُں متا، اچھی طرح جنائیا۔ مَیں جل تھل مہیئل ویکھیا مچّھ کچھا، ٹِلّے پربت کھوج کھوجائیا۔ مَیں جلدھار اندر نسّا، پؤنا وِچ پندھ مُکائیا۔ مَیں گُرمْکھ پریمی لبھدا رہیا سچّا، سَت سَتوادی کھوج کھوجائیا۔ مَیں ساڈھے تِنّ ہتّھ کایا بھانڈا ویکھیا کچّا، بچیا کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، میرا لیکھا ویکھ وکھائیا۔ پہلی ہاڑ کہے مَیں ویکھیا آد رِواجے، پربھ بندنا سیِس نِوائیا۔ آد جُگاد جو صاحب سوامی تُوں ساجن سازے، سجّن ہو کے ویکھ وکھائیا۔ اندر باہر دے سب دے ویکھے کاجے، قطرہ قطرہ پھول پُھلائیا۔ جن بھگتاں سُنیہڑا دِتا مار آوازے، دُھر فرمان سمجھائیا۔ جن بھگتو سِری بھگوان وسیا اوس ماجھے، جیہڑا ماجھا آتم پرماتم نال جُڑائیا۔ جِس دے ہتّھ وِچ اگلے اَگے وادھے، پِچھلے لیکھے رہیا چُکائیا۔ جِس نوُں مِل کے ماں پِیو بُھل جان دادی دادے، نانِکیاں سنگ نہ کوئے بنائیا۔ لیکھا مُک جائے بھوجن سوادے، رسنا جِہوا نہ کوئے ہلکائیا۔ دینی پَوے نہ مسجداں وِچ بانگے، اُنگلاں کنّاں وِچ نہ کوئے پائیا۔ پڑھنی پئے نہ کوئے نمازے، سجدہ سیِس نہ کوئے جھُکائیا۔ کرنا پئے نہ پوُجا پاٹھے، پترا پترا نہ کوئے اُلٹائیا۔ وِکنا پئے کِسے نہ ہاٹے، ہٹّو ہٹّ نہ کوئے بھوائیا۔ اِکو نظری آئے پُرکھ سمراتھے، جِس دے ہتّھ وڈّی وڈیائیا۔ جِس دے گُر اوتار پیِر پَیغمبر گاؤندے گئے ساکے، کھانی بانی دئے گواہیِا۔ سو

کھیل کرے پربھ آپے، کل اپنا ویس وٹائیا۔ پہلی ہاڑ کہے مَینوُں بُھل گئے میرے ماپے، جننی نظر کوئے نہ آئیا۔ اِکو اِک نظری آئے پُرکھ ابناشے، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ پہلی ہاڑ کہے مَیں آیا پِھر کے، فرقےداری ویکھ وکھائیا۔ سب دے کھوج کے آیا ہِردے، پردیاں اندر ڈیرہ لائیا۔ اوہ ویکھ کے آیا جیہڑے تپدے چِردے، جُگ چؤکڑی اکّھ کُھلائیا۔ اوہ ویکھ کے آیا جیہڑے اندرے اندر مِلدے، مِلنی جگدیِش نال کرائیا۔ اوہ ویکھ کے آیا جیہڑے عاشق اِکو دِھر دے، اَگے دی سار کوئے نہ پائیا۔ اوہ ویکھے جیہڑے مایا ممتا اندر ہِلدے، دھیِرج دھیِر نہ کوئے بندھائیا۔ اوہ ویکھ کے آیا جیہڑے جھوُٹھے لارے لاؤن دِل دے، من واسنا ہوئے ہلکائیا۔ مَیں ویکھ کے آیا جیہڑے جگت خواہشاں نال کھِڑدے، خوشیاں ڈھولے گائیا۔ مَیں ویکھ کے آیا جیہڑے پریمی پیارے ساچے پِر دے، پیِا پریِتم راہ تکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم دے جنائیا۔ ہاڑ کہے پربھوُ مَینوُں لےَ چل اَگے، اگلا حال دیاں جنائیا۔ جِتھے تیرا نوُر نوُرانہ دِیپک جگے، اِکو جوت ہوئے رُشنائیا۔ نام پیالے مِلدے مگّے، امرت رس چوائیا۔ بھگت سُہیلے سجّن لبھے، دوُجا نظر کوئے نہ پائیا۔ جِنہاں دے انتر آتم پریم بدھےّ، باہروں سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، ساچے در دئے وڈیائیا۔ پُرکھ اکال کہے مَیں دیاں سہارا، سِر اپنا ہتّھ ٹِکائیا۔ تیرا میلا ستاراں ہاڑا، سو وقت گیا آئیا۔ دوہاں سانجھا کراں پیارا، اِکو رنگ رنگائیا۔ آپ وکھاواں بھگت دوارا، اپنی اُنگلی لَواں لگائیا۔ نیتر نیَن کھول کِواڑا، پڑدا دیاں اُٹھائیا۔ اگنی تپدا کر کے ٹھنڈا ٹھارا، سیِتل دھار دیاں وہائیا۔ سچ پریم دا دسّ نظارہ، نظریہ تیرا دیاں بدلائیا۔ سوہنا وکھانا اِک اَکھاڑا، مجلس بےپرواہیِا۔ دُھر درگاہی مِلاواں لاڑا، نر نِرنکار نظری آئیا۔ جوتی جوت سروُپ ہرِ، آپ اپنی کِرپا کر، اپنا پلّوُ رہیا اُٹھائیا۔ پہلی ہاڑ کہے مَیں آواں پِچھے، پِچھلا لیکھا نال لیائیا۔ میرے کول سب دے حِصّے، حِصیداری اپنی وِچ چُھپائیا۔ جگت نیتر کِسے نہ دسے، لکّھ چؤراسی رہی کُرلائیا۔ جوتی جوت سروُپ ہرِ، آپ اپنی کِرپا کر، اپنی اُنگلی لیا لگائیا۔ پہلی ہاڑ کہے مَیں لےَ کے آیا رِپوٹ، پِھریا واہو داہیِا۔ سب دے کر کے آیا چوٹ، ابُھل بُھل نہ کوئے رکھائیا۔ گھر گھر ساچی ویکھ کے آیا جوت، جو ظاہر باطن کرے رُشنائیا۔ پڑدا چُک کے آیا ورن گوت، ذات پات بھیو کُھلائیا۔ جن بھگتاں دے کے آیا ہوش، ہوشیاری نال سمجھائیا۔ سب دے اندر وڑدا رہیا خاموش، اُچی کوُک نہ کوئے سُنائیا۔ سارے تکّ کے آیا دوش، نِردوش لیکھا اپنے ہتّھ بنائیا۔

مَینوُں سمجھ نہ سکیا کوئی چؤداں لوک، چؤداں طبق اکّھ نہ کِسے کُھلائیا۔ گُر اوتار پیِر پَیغمبر سکیا نہ کوئے سوچ، سوچ سمجھ نہ کوئے وڈیائیا۔ مَیں بھگتاں کھول کے آیا نیتر لوچ، اکّھ پرتکھ گوسائنیا۔ مَیں کر کے آیا ڈوُنگھی کھوج، برہمنڈاں کھنڈاں کھوج کھوجائیا۔ بھگت بھگوان دی لگی ویکھ کے آیا مؤج، مؤجوُدہ ہو کے دیاں سُنائیا۔ پربھوُ اَگے دا جھگڑا رہن نہیں دینا روز روز، لیکھا اِکو وار دینا مُکائیا۔ جوتی جوت سروُپ ہرِ، آپ اپنی کِرپا کر، میرا لہنا میری جھولی دینا پائیا۔ ہاڑ کہے مَیں ہو گیا دلیِا، دل اپنا اِک دؤڑائیا۔ نوَ کھنڈ دا بن کے چھلیا، پھیرا آیا پائیا۔ لکّھ چؤراسی ویکھ کے آیا گلیاں، بھجیّا واہو داہیِا۔ پُرکھ اکال دیِن دَیال جِنہاں نوُں پریم دیاں پاتیاں گھّلیاں، شبد سُنیہڑے نال جنائیا۔ اوہ سخیاں کِسے نال نہ ویکھیاں رلیِاں، ولیِاں نالوں وکھرے ڈیرے لائیا۔ اوہناں نوُں کوئے نہ جانو کلّیاں، جِنہاں دا مالک صاحب گوسائیا۔ اوہ ہِردے پریم نال پھلیاں، جِس دا پتّ ڈالی ویکھن کوئے نہ پائیا۔ مَیں بِرہوں وَیراگن ویکھاں جھلّیاں، جو بِرہوں وِچھوڑے وِچ رہے کُرلائیا۔ مَیں تیِر نِرالے نال ویکھیاں چھنیاں، جو شبد بِبانا رہیا لگائیا۔ مَیں ماٹی خاک وِچ ویکھیاں رلیاں، چرن دھوُڑی ٹِکّے مستک رہیاں لگائیا۔ مَیں وینہدا دیندیاں بلیِاں، اپنا آپ بھیٹ دِتا کرائیا۔ جوتی جوت سروُپ ہرِ، آپ اپنی کِرپا کر، میری سیوا اپنے وِچ رکھائیا۔ پہلی ہاڑ کہے مَیں تک کے آیا نظارہ، دیِن دُنی ویکھ وکھائیا۔ جیہڑا گُر اوتار پیِر پَیغمبر لبھیا نہ کوئے کنارہ، پربھ نے سہجے دِتا وکھائیا۔ جِتھے وسیا پروردِگارا، شاہ پاتشاہ سچّا شہنشاہیِا۔ جِتھے اِکو حُکم اِکو شاہ سوارا، سِکدارا اِکو نظری آئیا۔ جِتھے اِکو نام اِک جَیکارا، اِکو ڈھولا رہیا گائیا۔ اِکو ونج اِکو وپارا، اِکو ہٹّ رہیا کُھلائیا۔ اِکو ساجن میِت مُرارا، اِکو سگلا سنگ بنائیا۔ اِکو لیکھا لِکھنہارا، اِکو لیکھے رہیا مِٹائیا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ سمجھائیا۔ ہاڑ کہے مَیں پِچھا ویکھیا چار جُگ دا دسّیا حال، نوَ نؤ چار کھوج کھوجائیا۔ جو اُپجیا تِس نوُں کھادھا کال، کلمے والا رہن کوئے نہ پائیا۔ جیہڑا ڈھولے گاؤندا رہیا نال زبان، انتم نِشان گیا گوائیا۔ جیہڑا وسدا رہیا ساڈھے تِنّ ہتّھ کایا مکان، اُس دا مقام لوک مات نظر کوئے نہ آئیا۔ جیہڑا پربھ دا دسّدا گیا نِشان، اِشاریاں نال دِرڑائیا۔ جیہڑا بندا گیا کاہن، راس سخیاں والی پائیا۔ جیہڑا سمجھاؤندا گیا رام، رام رام وِچ سمائیا۔ پہلی ہاڑ کہے مَیں ویکھ کے آیا دو جہان، برہمنڈ کھنڈ پُری لوء آکاش پاتال پھول پُھلائیا۔ مَیں تک کے آیا پیِر پَیغمبر امام، جو مسلے حق رہے دِرڑائیا۔ جوتی جوت سروُپ ہرِ، آپ اپنی کِرپا کر، میرا لہنا اپنی جھولی پائیا۔ پہلی

ہاڑ کہے مَیں کھوجیا لوک مات، متا پربھ دے نال پکائیا۔ چار کُنٹ دہ دِشا ویکھ کے سب دے کھات، کھاتے پھول پُھلائیا۔ جِس دا دینا دین آیا اجّ دی رات، ہاڑ ستاراں ملِے وڈیائیا۔ نوَ نؤ چار دی پوُری ہووے خواہش، ترِشنا رہے نہ رائیا۔ لیکھے لگے پوُرب سواس، ساہ ساہ سمائیا۔ جِس دی کردے رہے تلاش، سو اپنا ویس وٹائیا۔ جِس نے اِکے نظر نال لکّھ چؤراسی ویکھ لئی بدمعاش، بدی اندر بدی رہے کمائیا۔ پنج تت کایا ماٹی پُتلے ویکھے خاک، من مت بُدھ کرے لڑائیا۔ جگت ناتے ویکھے سجّن ساک، بندھن کھوج کھوجائیا۔ روُح بُت ہُندے ویکھے پاک، پاکی دا روُپ وٹائیا۔ اِک ستّ دے نال ہُندا ویکھیا اِتفاق، نِفاق رہیا کڈھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اپنے وِچ سمائیا۔ پہلی ہاڑ کہے مَیں ویکھیا سنسار، پربھ دا سماں دئے گواہیِا۔ جِس دا انت نہ کوئے شُمار، شمع سب دی رہیا جگائیا۔ جِس دا حُکم سدا جُگ چار، نہ کوئے میٹے میٹ مِٹائیا۔ جِس دا حُکم گُروُ اوتار، پیِر پَیغمبر منّن چائیں چائنیا۔ جِس دا بھگتاں نال اُدھار، نِت نوِت ویکھ وکھائیا۔ جِس دا بھوِکھتاں وِچ جَیکار، نعرے ڈھولے گئے لگائیا۔ جِس دی کردے رہے انتظار، سو مالک گیا آئیا۔ جِس کرکے خبردار، میری سیوا سچ لگائیا۔ مَیں پِھر کے جنگل پہاڑ، آیا چائیں چائنیا۔ لہنا میرا جُڑ جائے نال ستاراں ہاڑ، ودی سُدی دی لوڑ رہے نہ رائیا۔ سچ پریم دی کھڑکدی تار، ستار اِکو دئے جنائیا۔ گُفت شنید ہووے گُفتار، رسنا جِہوا نہ کوئے ہلائیا۔ ساچے نوُر دا ہوئے اُجیار، کوُڑ اندھیرا دئے مِٹائیا۔ جِس دا بھگتاں نال وِہار، بھگوان بےپرواہیِا۔ جِس دے کول سرب اختیار، دُھر دا مالک پھیرا پائیا۔ جیہڑا جوُنیاں وِچوں باہر، روُپ رنگ ریکھ نظر کِسے نہ آئیا۔ جیہڑا لکّھ چؤراسی سخیاں دا سچّا کاہن، پُرکھ اکال وڈّی وڈیائیا۔ جیہڑا جُگ چؤکڑی دیونہار دان، داتا بےپرواہیِا۔ جِس نوُں ساریاں منّیا آد جُگاد اِک پردھان، بھاوی سب دے اُتے لگائیا۔ جِس دا کھیل سدا مہان، مہما کتھ نہ کوئے دِرڑائیا۔ اُس دا روُپ ویکھ لَوو اندروں باہروں کِسے نظر نہ آئے وِچ جہان، جہالت سب دے اُتے پائیا۔ اِکو دِیپک جوت جگے مہان، جوتی جوت ہووے رُشنائیا۔ جوتی جوت سروُپ ہرِ، آپ اپنی کِرپا کر، دُھر دی کرنی ویکھ وکھائیا۔ پہلی ہاڑ کہے مَیں آیا اُس دوارے، جِتھے دو جہان سیِس نِوائیا۔ جِتھے وِشن برہما شِو سیوادارے، سِر سکے نہ کوئے اُٹھائیا۔ جِتھے گُر اوتار پَیغمبر منگن بِھکھارے، خالی جھولی اَگے ڈاہیِا۔ جِتھے کروڑ تیتیِس بن ونجارے، سؤدا ہٹّ رہے چلائیا۔ جِس دا نوُر اگمّ اتھاہ سدا اُجیارے، تیل باتی دی لوڑ رہے نہ رائیا۔ جِس دے

بےپرواہی دے بھنڈارے، نِت نوِت رہیا ورتائیا۔ جِس نے کوٹن کوٹ جُگ پار اُتارے، تھِر نظر کِسے نہ آئیا۔ جِس دے لکّھ چؤراسی جیِو جنت سہارے، آتم پرماتم وجے ودھائیا۔ جِس دے پریمیاں والے اَکھاڑے، دُھر دے ڈھولے گیِت سُنائیا۔ جِس دے اِک ستّ نال مِل کے انیک سو گئے ستاراں ہاڑے، ہاڑے کڈھدیاں ویکھ وکھائیا۔ جِنہاں نے نوَ نؤ چار جُگ اپنے کٹے دِہاڑے، یاد یاد وِچ لنگھائیا۔ اجّ اوہناں دے لَینے دینے لیکھے پِچھلے چُکنے اُدھارے، جھولی سب دی دینی بھرائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ پہلی ہاڑ کہے سُن ستاراں ہاڑ مِتر، تَینوُں دیاں جنائیا۔ مَیں تَینوُں دسّاں کیہڑے لکّھ چؤراسی وِچوں گئے نِتر، اپنا ویس بدلائیا۔ جِنہاں دے سِر توں گُروُآں اوتاراں پیِر پَیغمبراں دا چُکیا فِکر، فِقرہ اِکو ڈھولا گائیا۔ جو پربھ دا کردے ذِکر، ذاکر اِکے وِچ سمائیا۔ جوتی جوت سروُپ ہرِ، آپ اپنی کِرپا کر، دُھر دا کھیل اِک ورتائیا۔ پہلی ہاڑ کہے مَیں بھگتاں گھر وڑدا، ہؤلی ہؤلی اپنا قدم ٹِکائیا۔ مَیں جِدھر ویکھیا سوہنگ ڈھولا پڑھدا، دوُجا اِشٹ نہ کوئے منائیا۔ بھاویں کوئی بُھکھا تِہایا مردا، تن کپڑا اوڈھن نظر نہ آئیا۔ بھاویں کوئی دُکھ سہے چِر دا، کلجُگ اگن ستائیا۔ جوتی جوت سروُپ ہرِ، آپ اپنی کِرپا کر، کریا کھیل بےپرواہیِا۔ پہلی ہاڑ کہے مَیں سب توں غریِب ویکھیا اِک نندوُ، نِمانیاں توں نِمانا نظری آئیا۔ اوہدے اندر وڑ کے ویکھیا اوہدی آتم سیجا اُتے سُتّا دیِنا بندھوُ، بندنا اِکو سیِس نِوائیا۔ اُس مَینوُں کِہا اوہ پہلی ہاڑ سجّن اِکے نوُں منوُں، ناتے سب دے دِتے تُڑائیا۔ مَیں کوُڑی کِریا ساری بھنوُں، پَیراں ہیٹھاں دِتی دبائیا۔ مَیں اوسے نوُں سُنیہڑا گھلوُن، جو ڈُبدیاں لئے ترائیا۔ مَیں اوسے دے کول چلوُن، جو چلدیاں پِھردیاں پار لنگھائیا۔ مَیں اوسے دا دوارا ملوُں، جو مل موُتر مَیل دئےدھوائیا۔ مَیں اوسے دا بنوُں پلّوُ، جو بال اَنجانے گود کھِڈائیا۔ مَیں اوسے دا جودھا سوُربیِر بنوُں کلوُ، جِن اپنی کل ورتائیا۔ جوتی جوت سروُپ ہرِ، آپ اپنی کِرپا کر، میری دیونہار مَینوُں وڈیائیا۔ پہلی ہاڑ کہے مَیں وڑ گیا گھر بُھکھیاں ننگیاں، جو سوہنگ مہاراج شیرسِنگھ وِشنوُں بھگوان رہے گائیا۔ مَیں جا کے ہؤلی جِہی اوہناں دے کولوں کُچھ منگیا، اپنی آشا دِتی جنائیا۔ آؤ تُہانوُں اِشنان کروا لیاواں وِچ مائی گنگیا، دُرمت مَیل دیاں دھوائیا۔ اوہناں مَینوُں ہسّکے کِہا جاہ خصم نوُں کھانیاں رنڈیا، تَینوُں دیاں جنائیا۔ اسیں چڑھ گئے اوس ڈنڈیا، جِتھے نہاؤن دھون دی لوڑ رہے نہ رائیا۔ جن بھگت کہن ساڈے چرن دھووے تیری ماتا گنگیا، گوداوری بَیٹھی راہ تکائیا۔ جوتی جوت سروُپ ہرِ، آپ اپنی کِرپا کر، سِر ساڈے ہتّھ

ٹِکائیا۔ پہلی ہاڑ کہے مَیں روواں مار کے دُہتّھڑ، بہُڑی بہُڑی دیاں سُنائیا۔ اوہ مَیں کی کراں ایہہ سب پربھ دے کول گئے اپّڑ، بھجےّ واہو داہیِا۔ اٹھسٹھ تیِرتھاں نوُں سمجھ کے چّھپڑ، بَیٹھے مُکھ بھوائیا۔ جے مَیں کِسے نوُں کُچھ لالچ دِتا بھگتاں نے میرے مُکھ تے ماریا تّھپڑ، پِچھلی پَیریں دِتا بھوائیا۔ او کملیا تَینوُں پتہ نہیں اسیں پربھ دی ڈوری نال گئے جکڑ، ساڈا زنجِیر نہ کوئے کُھلائیا۔ اسیں تُل گئے اوس تکّڑ، جِس دی دھڑی سیر ونڈ نہ کوئے ونڈائیا۔ اوہ سانوُں آیا رکھن، راکھا صاحب گوسائنیا۔ لکّھ چؤراسی وِچوں تھوڑے وِرولے مکھّن، نام مدھانا اپنا پائیا۔ ساڈے بھانڈے نہیں اندروں سکھّن، سچ ساکھی رہے سُنائیا۔ اساں اوسنوُں تکیا اپنی اکّھن، جو اکّھیاں والیاں نظر نہ آئیا۔ جو ساڈے ہِردے آیا وسن، واسطہ اپنے نال بنائیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکائیا۔ ہاڑ کہے مَیں اِک دِن بھگتاں گھر وڑ گیا کر کے بھیکھ، بِھکھک اپنا ویس وٹائیا۔ آؤ تُہانوُں لےَ چلاں وِشن برہما شِو دے دیش، جِتھے وجے سچ ودھائیا۔ اِک بھگت نے مَینوُں کِہا اوہ تیرے نالوں میرے چنگے کھیت، جِتھے میرا ماہی نظری آئیا۔ اندرے اندر کرے ہیت، مَینوُں سب کُچھ دِتا سمجھائیا۔ بھاویں بُھکھ نال میرا خالی پیٹ، میری انتر آتما اوسے دے گُن گائیا۔ اوہنوُں مَیں جاندا ساڈا اِکو کوٹ جنم دا اِس دے نال کھیڈ، کلجُگ انتم آپے رہیا مِلائیا۔ جِس نے اپنی لوڑ خاطر سانوُں لوک مات دِتا بھیج، پھیر اپنا آپ وکھائیا۔ کِیوں نہ مانے ساڈی سیج، گھر آ کے ڈیرہ لائیا۔ نیتر کھول کے اپنے ویکھ، وکھرا دھام دئے جنائیا۔ جِس نے اپنے حُکم نال سمت شُروُع کیِتا پہلی چیت، شہنشاہ اپنا انک بدلائیا۔ جِس نوُں لبھدے مُلّا شیخ، پنڈت پاندھے گئے پھیریاں پائیا۔ جِنہاں نوُں منکیاں والی ٹیک، پتّھراں اِٹّاں نوُں سیِس رہے نِوائیا۔ کاغذاں دی ہُندے بھیٹ، اکھّراں دی کرن پڑھائیا۔ اسیں تے وس گئے اوس دیس، جِتھے وسے بےپرواہیِا۔ سدا رہنا اوہدے کول ہمیش، بھگت دعوے نال کہن ساڈی کر نہ سکے کوئے جُدائیا۔ جوتی جوت سروُپ ہرِ، آپ اپنی کِرپا کر، کرے کھیل سچّا شہنشاہیِا۔ پہلی ہاڑ آ کے بہُڑی بہُڑی کر کے پیا رو، انجھوُ اکّھاں وِچوں وہائیا۔ ہائے ہائے ایہہ کی گیا ہو، ہوکا دے کے رہیا سُنائیا۔ پربھوُ نے ایہناں نوُں کِتھوں دے دِتی اپنی لو، جگت اندھیرے گئے لُٹائیا۔ ایہناں دی انتر آتما گیا چھوہ، بانکے چھوہرے لئے بنائیا۔ جگت جہان نالوں کر کے نِرموہ، مُحبّت اپنے نال جُڑائیا۔ دُرمت مَیل کوُڑی دھو، پتت پُنیِت رہیا وکھائیا۔ مالک بن کے آپ سو، ہنگ برہم رہیا مِلائیا۔ امرت آتم دُھر دا چو، بوُند سوانتی اِک چکھائیا۔ ہاڑ کہے مَیں

پہلے بھگت اِک اِک تکدا رہیا ہُن ویکھیا تے بہُتا بن گیا گروہ، میری چلے نہ کوئے چتُرائیا۔ مَیں پِچھا تک کے ویکھیا مَینوُں یاد آ گیا چّھبی ستائی پوہ، جِس ویلے سنسے سب دے دِتے مُکائیا۔ پُرکھ اکال اوہناں جوگا ہو، اوہناں دے اندر ڈیرہ لائیا۔ دُھر دا لےَ کے ڈھوآ ڈھو، وست اگمّی دِتی ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ پہلی ہاڑ کہے مَیں رو رو پاواں وَین، ہنجھوُاں نیِر وہائیا۔ مَیں تے آنہدا ساں مَیں بہُت کُچھ آؤنا کہن، پردے سب دے دینے پُھلائیا۔ جاں گُرمْکھاں دے اندر وڑ کے ویکھیا تیرے وِچھوڑے دے پَین وَین، وَیراگی بَیٹھے نظری آئیا۔ جاں ایدھر اودھر تکیا ناتا جُڑ گیا بھائی بھَین، ذات پات ونڈ نہ کوئے وکھائیا۔ دُھر دے بن گئے سجّن سیَن، ناتا اِکے نال مِلائیا۔ اِکے بھگت دوارے بہن، جِتھے کِسے دی چلے نہ کوئے چتُرائیا۔ جِس دوارے اُتے گُر اوتار پیِر پَیغمبر ڈھہن، ڈھیَہہ ڈھیَہہ سیِس نِوائیا۔ جوتی جوت سروُپ ہرِ، آپ اپنی کِرپا کر، دُھر دا کھیل ویکھ وکھائیا۔ پہلی ہاڑ کہے سُن ہاڑ ستاراں یار، تیری مدد منگ منگائیا۔ مَیں گیا ساں مار کے للکار، اپنا بَل پرگٹائیا۔ مَینوُں اِیوں دِسدا سی جِویں اَدھے غفلت وِچوں نہ ہوئے بےدار، سُتّیاں اکّھ نہ کوئے کُھلائیا۔ کُچھ پِھردے جگت وِہار، کُچھ دُکھاں لئے اُٹھائیا۔ کُچھ منگن بچّیاں پیار، کُچھ دھن دؤلت کمائیا۔ کوئی منگے نار جوبن مُٹیار، کوئی نار کنت جھولی ڈاہیِا۔ جاں گھر گھر جا کے ویکھیا اوتھے کھیل اپار اُس دی دھار، جِس دی سمجھ کوئے نہ پائیا۔ مَینوُں اندر وڑدیاں کِسے نے کر دِتا خبردار، دُھر فرمانا اِک جنائیا۔ موُرکھا جِس نے پنج وار سوہنگ مہاراج شیرسِنگھ وِشنوُں بھگوان بولیا جَیکار، تِس دا لیکھا باقی رہن کوئے نہ پائیا۔ مِہر نظر نال مَیں رہیا تار، ایہو وڈّی وڈیائیا۔ پِچھلا دیون آیا اُدھار، قرضہ موُل چُکائیا۔ جے ایہہ ساچے در نہ سوہندے دربار، درگاہ ساچی نہ کوئے جنائیا۔ پھیر کاہنوُں بستر چِٹے کر کے تیار، ایہناں نوُں دیندا پہنائیا۔ جیہڑے گوبِند دی نِکلے وِچوں دھار، دھرتی اُتے سوبھا پائیا۔ اجّ اوہناں دا وِہار، جُگ چؤکڑی پِچھوں واری گئی آئیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ ہاڑ ستاراں کہے پہلی ہاڑ چھڈ دے جھیڑا، جھگڑا ویکھ جگت لوکائیا۔ تَینوُں نہیں پتہ پربھ نے ایہناں دا ویہہ سؤ باراں بِکرمی بنھیا بیڑا، تھِت وار میری دئے گواہیِا۔ جِس نوُں چرن لگایا اِک وار کیراں، کرم کانڈ دا لیکھا دِتا مُکائیا۔ سچ دوارا کُھلا کر کے ویہڑا، وہِندے وہن وِچوں پار دئے لنگھائیا۔ جِنہاں دی خاطر ماریا پھیرا، پِھردے تُردے اپنی گود بہائیا۔ جِنہاں نے کوُڑ کُڑیار دا ڈھاؤنا ڈیرہ، بھگت دوار اِکو دینا

وسائیا۔ جِتھے ڈھولا تُوں میرا مَیں تیرا، دوُجا گیِت نہ کوئے سُنائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا چُکائیا۔ ہاڑ ستاراں کِہا مَیں سُن لیا سوال جواب، لیکھا نظر کوئے نہ آئیا۔ جِنہاں دا پُرکھ اکال بن گیا باپ، پِتا پوُت دئے وڈیائیا۔ آتم پرماتم دا دسّیا جاپ، دوُجی اَور نہ کوئے پڑھائیا۔ تِنہاں دا مِٹ گیا روگ سنتاپ، مایا موہ دِتا چُکائیا۔ اندروں کھول کے پردہ تاک، سوَچھ سروُپی نظری آئیا۔ لیکھے لاوے پنج تت ماٹی خاک، سِر سِر دیوے مان وڈیائیا۔ جو سرنائی چل کے آئے آج، انتم اجل توں لئے بچائیا۔ جِس نوُں بُدھی سمجھ نہ سکے کوئے دِماغ، حرفاں والی نہ کوئے پڑھائیا۔ جِس نے سب دا بدل دِتا سماج، اِکو مارگ دِتا وکھائیا۔ سچ پریم دا کر کے کاج، انند اپنے نال بنائیا۔ دُھر دے بیڑے چڑھا کے جہاز، کوُڑی نئیا دِتی ڈُبائیا۔ شبد اگمّی مار کے آواز، واحد خُدا رہیا وکھائیا۔ بِن رسنا جِہوا دے کے سواد، رس ساچا دِتا چکھائیا۔ اندر وڑ کے کھولیا راز، رمز اپنی اِک لگائیا۔ جوتی جوت سروُپ ہرِ، آپ اپنی کِرپا کر، جگ آیا دین وڈیائیا۔ ہاڑ ستاراں کہے میری وینہدیاں وینہدیاں بدل گئی رُچی، پربھ رچنا دِتی بدلائیا۔ مِہر نظر نال اپنی ہرِ سنگت کر کے سُچی، کوُڑے ناتے دِتے تُڑائیا۔ بھاویں لکّھ چؤراسی وِچوں اِکو مُٹھی، گِنتی دے اپنے نال جُڑائیا۔ ایہناں دی رمز نہیں رہی گُجھی، چاروں کُنٹ کرے شنوائیا۔ جِنہاں دے اندر بھاونا رہنی نہیں دوُجی، اِکو کری حق پڑھائیا۔ جِنہاں دی سریشٹ ہوئی نہیں بُدھی، سوہنگ ڈھولا لَینا گائیا۔ جِنہاں دی اِکو نال رُچی، دُھر دا میلا سہج سُبھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ ہاڑ ستاراں کہے پربھوُ میری اِک بینتی، تَینوُں دیاں جنائیا۔ جن بھگتاں چاڑھ دے رنگ بسنتی، اندرو اندر دینا رنگائیا۔ ایہناں نوُں سِکھا دے اپنی اِکو بھگتی، جو پنجاں توں کھہڑا دئے چُھڈائیا۔ بھاویں لکّھ چؤراسی تَینوُں منّدی، بِن بھگتاں سچّا پریم نہ کوئے کمائیا۔ مَیں کھیل ویکھی تیرے گوبِند چنّ دی، جو گُرمْکھ ساچے چند رہیا چمکائیا۔ جِنہاں نوُں لوڑ نہیں کِسے دھن دی، دھنّ دھنّ کہہ کے تیرا شُکر منائیا۔ اوہناں دی پریِتی چھپّر چھن دی، محل اٹل گئے تجائیا۔ اوہناں نوُں لوڑ نہیں گلّ سُنن کنّ دی، دُھن آتمک تیرا راگ رہے جس گائیا۔ اوہناں دی آشا رہی نہ من دی، منسا گئے مِٹائیا۔ اوہناں نوُں لوڑ اِکو گلّ دی، سدا منگن تیری سرنائیا۔ اوہناں دی آس بوُند سوانتی جل دی، امرت میگھ دینا برسائیا۔ اوہناں دی گھڑی تیرے بِنا نہیں لنگھدی، وِچھوڑے دی کٹ جُدائیا۔ مان سیج اوس آتم پلنگ دی، جِس اُتے بہہ کے سوبھا پائیا۔ آواز سُنا اوس مردنگ دی،

جِتھے ڈھولک چَھینا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سب دی آسا پوُر کرائیا۔ ستاراں ہاڑ کہے گُرمْکھو نہ ڈرِیو، تُہاڈا لہنا پِچھلا نظری آئیا۔ دوُجا اکھّر کدی نہ پڑھِیو، ایہو تُہاڈی وڈیائیا۔ ایس دے مندر چڑھِیو، جِتھے ہووے نہ کدے جُدائیا۔ ایس دے نال اڑ کے لڑِیو، اپنا حِصّہ اپنی جھولی پائیا۔ جے چُھپے تے دھؤنو پھڑِیو، تُہانوُں طریقہ دیاں سمجھائیا۔ پھڑن توں پہلاں سارے اِکٹّھ اِکو کرِیو، تُہاڈے وِچ دوَیت نظر کوئے نہ آئیا۔ ایسے دی پریِتی وِچ مرِیو، جو مریاں لئے جِوائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے چُکائیا۔ ہاڑ ستاراں کہے پربھوُ بھگتاں دے وڑ جا اندر، ہُن کُنڈا دے کُھلائیا۔ کی لَینا اِٹّا پتّھراں والے مندر، ساڈھے تِنّ ہتّھ اپنا نوُر کر رُشنائیا۔ بھاگ لگا دے اوس کندر، جِتھے ہووے سچ رُشنائیا۔ اپنا قُفل توڑ دے جندر، جن بھگتاں دی زِندگی دے بدلائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ ستاراں ہاڑ کہے مَیں گوبِند چلیا دسّن، تیرا ویلا گیا آئیا۔ ویکھ کھیل پُرکھ سمرتھن، میری انتر دئے دُہائیا۔ جو میِت مُرارے سجّن، صاحب سوامی لئے اُٹھائیا۔ جِنہاں تیری دھوُڑی کیِتا مجن، مجلس تیرے نال رکھائیا۔ جوتی جوت سروُپ ہرِ، آپ اپنی کِرپا کر، کرکے کھیل رہیا پرگٹائیا۔ ستاراں ہاڑ کہے گوبِند نال ہویا مِلاپ، سوہنا وقت سُہائیا۔ اوس کِرپا کیِتی آپ، بھیو دِتا کُھلائیا۔ جیہڑا میرا بنیا باپ، پُرکھ اکال گوسائنیا۔ اوسے دا بھگتاں نال ساتھ، ناتا لیا جُڑائیا۔ مَینوُں پروردِگار گئے آکھ، جلوہ نوُر خُدائیا۔ اوہ لہنا دینا دیون آیا ہاتھ، دست بست پھڑائیا۔ سدا سدا سُہیلا بن کے ساتھ، سگلا سنگ نِبھائیا۔ کوٹ جنم دے میٹ کے پاپ، دُرمت مَیل دھوائیا۔ پتت پُنیِت کر کے صاف، اپنا رنگ چڑھائیا۔ پوُرا کر کے بھوِکھت واک، سنت سُہیلے رہیا ترائیا۔ جِنہاں نے گایا اِکو مُکھ واک، ڈھولا شہنشاہیِا۔ اُہناں ہون نہ دیواں کِسے دے مُحتاج، مِہر نظر نال اُٹھائیا۔ ویکھو گُر اوتاراں پیِر پَیغمبراں بدل گیا راج، رِواج اپنا رہیا جنائیا۔ سَتجُگ دا بیڑا تار کے جہاز، بھگت سُہیلے لئے ٹِکائیا۔ جوتی جوت سروُپ ہرِ، آپ اپنی کِرپا کر، دیونہار وڈیائیا۔ ہاڑ ستاراں کہے مَینوُں سوہنے چِٹے لگے سفَید، اپنا روُپ آئے بدلائیا۔ جِس دا گوبِند نال عہد، اِقرار رہیا بُھگتائیا۔ جِس دا بدلے نہ کوئے قانوُن قواعد، قُدرت دا مالک بےپرواہیِا۔ جِس دا جلوہ نوُر واحد، واہِگُروُ کہے خُدائیا۔ جِس دا دُھر فرمانا ہُندا عائد، دو جہان نہ کوئے مِٹائیا۔ جِس دے وِچ نہ دُئی دوَیت، شرع نہ کوئے لڑائیا۔ جو آد جُگاد رہے ہمیش، ہم ساجن روُپ وٹائیا۔ سو بھگتاں دے آیا دیس، بھگت

دوارے سوبھا پائیا۔ جِس دا حُکم اُتم وِشیش، وِشوَ اپنی دھار دِرڑائیا۔ پہلی ہاڑ ہویا پیش، پیشیِنگوئی رہیا سمجھائیا۔ پُرکھ اکال کِہا سرِشٹ سبائی کوُڑا بھیکھ، درِشٹی سچ نہ کوئے جنائیا۔ میرا بھگت میرے وسیا دیس، دوُجا در نہ کوئے بنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ ہاڑ ستاراں کہے مَیں بھگتو تُہاڈی دیواں گواہی، پریم پریِتی سچ جنائیا۔ اپنے اندروں میٹ دیؤ جھوُٹھی شاہی، شہنشاہ دَیارہیا کمائیا۔ ساچے بنِیو پاندھی راہی، منزل اِکو نوُر خُدائیا۔ جِس گوبِند بوُٹا پُٹیا کاہی، سو تُہاڈیاں جڑاں رہیا لگائیا۔ جِس دے نام دی پئی دُہائی، سو ڈھولا رہیا سُنائیا۔ جِس دا سمت چلیا شہنشاہی، شاہ سُلطاناں خاک مِلائیا۔ جِس دا جلوہ نوُر اِلاہی، نوُرو نوُر ڈگمگائیا۔ جِس دے حُکمے اندر تباہی، طوبیٰ طوبیٰ کرے لوکائیا۔ جِس نے بھگت سُہیلے پھڑنے بانہی، غریِب نِمانے گود اُٹھائیا۔ جِس نے جوڑے چھیمبےنائی، جھیِور اپنے انگ لگائیا۔ جو تُہاڈی دین آیا صفائی، صفہ سب دی دئے اُلٹائیا۔ جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ ہاڑ ستاراں کہے تُہاڈے بستر چِٹے دھوتے، دھوبی سَتگُر نظری آئیا۔ اِس دی سوچ کوئی نہ سوچے، سمجھ وِچوں سمجھ دئے لگائیا۔ جِس ویلے محمد رکھے سی روزے، نمازاں دی آیت دِتی گائیا۔ اوس ویلے پروردِگار اُس نوُں نظر آیا سی اِک گوشے، جو کلمہ رہیا دِرڑائیا۔ جِس دے حُکم اندر مانی مؤجے، مجلس اِک وکھائیا۔ جوتی جوت سروُپ ہرِ، آپ اپنی کِرپا کر، دُھر دا بھیو دئے دِرڑائیا۔ جِس ویلے محمد نے تکیا دستگیِر، شاہ سُلطان نظری آئیا۔ اوس دی الفی لیِرو لیِر، مُکھ نقاب نہ کوئے ٹِکائیا۔ اوس جھٹ بدل لئی اپنی تصویِر، روُپ انوُپ پرگٹائیا۔ جوتی جوت سروُپ ہرِ، آپ اپنی کِرپا کر، کریا کھیل بےپرواہیِا۔ جِس ویلے جلوہ نوُر کیِتا بدلی، اوَلّڑا ویس وٹائیا۔ دُھر دا مالک بن کے عدلی، حُکم اِک سمجھائیا۔ جِس ویلے محمد تیری ہووے بدلی، صدی چؤدھویں دئے گواہیِا۔ مَیں چل کے آواں مزلو مزلی، منزل اپنی ڈیرہ لائیا۔ طاقت رہے نہ کِسے بَل دی، بلہیِن دیاں کرائیا۔ سمرتھیا رہے نہ ول چھل دی، اچھل چھل اپنا دیاں دِرڑائیا۔ سب دی جوانی انتم ڈھلدی، بُڈھیپا اپنا روُپ وٹائیا۔ محمدا کِسے نوُں سمجھ نہیں گھڑی پل دی، مالک دُھر دا کی کی کھیل ورتائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک دِرڑائیا۔ پروردِگار اپنا بدل کے روُپ، انوُپ رہیا دِرڑائیا۔ بن کے سچّا بھوُپ، شہنشاہ سیِس تاج ٹِکائیا۔ جلوہ دے کے چارے کوُٹ، دہ دِشا کرے رُشنائیا۔ اپنے آپ دا سچ ثبوُت، آپے رہیا سمجھائیا۔ ویکھو تتّاں والا

کلبوُت، جِس دے نال چِٹے بستر لئے چُھہائیا۔ ایہہ مَیں اپنے بھگتاں نوُں دینا وجوُد، جِنہاں نوُں وُضوُ دی لوڑ رہے نہ رائیا۔ جِدھر ویکھن اودھر مؤجوُد، مُفلِساں اپنی گود بہائیا۔ میرے سمت دا ایہو ثبوُت، گُرمْکھ ساچے بھگت سُہیلے صوُفی سنت فقیِر چِٹی دھار لَینے رنگائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ ہاڑ ستاراں کہے مَینوُں چیتا آ گیا جِس ویلےموُسیٰ ڈِگا کوہ طوُر، اپنا آپ مِٹائیا۔ جلوہ تک کے نوُر، نوُر وِچ سمائیا۔ اوہنوُں نظری آیا اِک حضوُر، جو حضرت بےپرواہیِا۔ جِس دا سچّا سچ دستوُر، نہ کوئی میٹے میٹ مِٹائیا۔ مان تان میٹے غروُر، غُربت دئے گوائیا۔ ساچے نام دا دے سروُر، خُماری دئے وکھائیا۔ جو پتت پاپیاں بخش دیوے قصوُر، کسر اعشاریئے نال اُڈائیا۔ اُس نے شبد دی دے کے تُور،موُسیٰ دِتا سمجھائیا۔ مَیں کلجُگ انت آؤنا ضرور، اپنا پھیرا پائیا۔ جیہڑے بھگت میرے مزدوُر، مُشقّت اوہناں دی جھولی پائیا۔ ساچی درگاہ کر قبوُل، دُھر دے کعبےلَینا مِلائیا۔ مالک بن کے حق محبوُب، مُحبّت دینی سمجھائیا۔ عرش فرش دسّ عروُج، کعبہ اِکو دینا دِرڑائیا۔ لوڑ رہے نہ ہزارا دروُد، بصری اِسم نہ کوئے گائیا۔ سب دے لیکھے کر مؤقوُف، اپنا حُکم دینا ورتائیا۔ سچّے پریم وِچ ہو مصروُف، اِکو لگن دینی لگائیا۔ جوتی جوت سروُپ ہرِ، آپ اپنی کِرپا کر، دُھر دا لہنا دینا مُکائیا۔ موُسے ویکھیا ورتدا بھانا، حَیرانی اندرے اندر نظری آئیا۔ اَگے ویکھیا چِٹا بانا، سَت سفَیدی دھار سمائیا۔ شاہو بھوُپ بن کے رانا، شہنشاہ رہیا سمجھائیا۔ جِس نے کلجُگ انت مِٹانا، سَتجُگ ساچے دئے وڈیائیا۔ جِس نے جُگ چؤکڑی لیکھ چُکانا، دُھر دا لیکھا جھولی پائیا۔ جِس نے ویس اویس وٹانا، جوتی جوت کرے رُشنائیا۔ جِس نے بھگتاں رنگ چڑھانا، سِر اپنا ہتّھ ٹِکائیا۔ جِس نے دسّنا سچّا گانا، سوہنگ کرے پڑھائیا۔ جِس نے ورتنا اپنا بھانا، نہ کوئی میٹے میٹ مِٹائیا۔ جِس نے بننا دُھر دا کاہنا، نام بنسری اِک سُنائیا۔ جِس نے بننا سچّا راما، سیِتا سُرتی لئے پرنائیا۔ جِس نے پہننا اپنا بانا، روُپ رنگ ریکھ نظر کِسے نہ آئیا۔ جِس نے اپنے بھگت بناؤنے نِشانہ، نِشانہ جگت وِچ اُٹھائیا۔ اُہناں نوُں چِٹے بستراں دا دینا دانا، موُسے ایہہ میری وڈیائیا۔ پھیر بھر کے نام خزانہ، کلمہ اِکو دینا سمجھائیا۔ اوہناں دے گھر آوے بن کے مہمانا، نِرگُن سرگُن ویس وٹائیا۔ بھاویں لکّھ چؤراسی میرے بھگتاں نوُں مارن طعنہ، اوہ تن من دا لیکھا دین گوائیا۔ اوہناں دے اندر وڑ کے دیواں سچ گیانا، جگت گیاناں توں پلّے لیَن چُھڈائیا۔ اِکے وار اِکے دِن اِکے گھڑی اِکے پل اوہناں دا اندرو اندر بدل دیواں زمانہ، ضامنی اپنی وِچ رکھائیا۔

میرے کول ناپن دا اوہ پیَمانہ، جِس دی ڈِگری نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا مُکائیا۔ ہاڑ ستاراں کہے جن بھگتو تُسیں چِٹے سوہنے، باہروں نظری آئیا۔ اندروں چھڈ دیؤ کوُڑے رونے، کوُڑی کِریا باہر کڈھائیا۔ بِنا پُرکھ اکال تُہاڈے پاپ کِسے نہ دھونے، دُھر دا سنگ نہ کوئے بنائیا۔ ساچے سُکھ بِنا گُر کِسے نہ آؤنے، اؤنتا ویکھی جگت لوکائیا۔ آتم پرماتم ڈھولے جِنہاں گؤنے، گہر گمبھیِر ملِے گوسائنیا۔ شبد سندیشے تُہانوُں دیوے اُننجا پَونے، دِوس رَین رہی سُنائیا۔ جن بھگتو جِس نے کٹے اونے گَونے، لکّھ چؤراسی پھند کٹائیا۔ اِک وار ستاراں ہاڑ کہے اوس دے آ جاؤ ساہمنے، تُہاڈا سماں دئے بدلائیا۔ جھوُٹھی رہے نہ ترِشنا کامنے، کام کرودھ دئے مِٹائیا۔ جیہڑا ور دِتا سی بھیِلنی نوُں رام نے، اوس دا لیکھا تُہاڈی جھولی پائیا۔ جیہڑی کہانی دسّی سی رادھا نوُں شام نے، اوہ شمع تُہاڈی دئے جگائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا مُکائیا۔ ہاڑ ستاراں کہے پربھ منگ اِکو منگی، مانگت ہو کے دیاں جنائیا۔ بھگتاں دی رہن نہ دیویں تنگی، تُرشی دینی مِٹائیا۔ تُوں مالک بہُہ ڈھنگی، طریقیاں وِچ تیری لوکائیا۔ ایہہ تیرے جُگاں جُگاں دے سبندھی، وِچھڑے ملِے چائیں چائنیا۔ ویکھیں انتم نہ اِنہاں چھڈیں، دیویں نہ جگت جُدائیا۔ اِنہاں نؤ سؤ چُرانوے جنم تیری بھیٹ چڑھائی اپنی ہڈّی ہڈّی، مانَس وِچوں مانَس روُپ بدلائیا۔ پربھوُ بھگتاں بِنا مات چلے نہ تیری گڈّی، گداگر ہو کے گھر گھر پھیرے پائیا۔ تیرے نام نوُں ساریاں کر کے رّدی، اپنے ڈھولے دِتے جنائیا۔ دھنّ بھاگ پربھوُ تیری جوت جگی، میرے گھر ہوئی رُشنائیا۔ جِس ویلے نانک چاردا پیا سی مجھّی، کھیتاں وِچ اپنا دھیان لگائیا۔ اوس ویلے تُوں اوس دی بانہہ پھڑ کے سجیّ، ہلوُنا دِتا لگائیا۔ نانک اؤہ ویکھ ویہویں صدی، اَخیِری میرا سمت ملِے وڈیائیا۔ جِس ویلے بھگتاں پریم پریِتی دینی اپنے وِچوں اَدھی، ادنیاں توں اعلے لینےَ بنائیا۔ جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ ہاڑ کہے بستراں والیو جاؤ جاگ، لہنے سب دے پھول پُھلائیا۔ چِٹے ہنس نہ بنِیو کاگ، بگلیاں والا روُپ وٹائیا۔ تُہاڈے پِچھے سِری بھگوان نوُں نہ لگے داغ، جو بھاگاں دا حِصّہ تُہاڈی جھولی پائیا۔ تُہاڈے نال مِل کے سرِشٹی دا بدل دینا رِواج، دیِن مذہب دا لیکھا دینا چُکائیا۔ ساچے نام دا چلاؤنا جہاز، بیڑا اِکو دینا وکھائیا۔ سچّے پریم دا دسّ کے کاج، کرنی اِکو دینی وکھائیا۔ جو کُچھ دینا سو پہلی وار آج، اِکّی سال لاریاں وِچ جھٹ لنگھائیا۔ تُہاڈی خوشی میرا ٹہکیا ہویا باغ، پتّ ڈالی دینی مہکائیا۔ گوبِند بوُٹا ہون نہیں دینا برباد، شبدی ناد

دینا سُنائیا۔ جو سچ دوارے آئے بھاج، بھجن بندگی توں کھہڑا دینا چُھڈائیا۔ جِس ویلے پنجاں جَیکاریاں وِچ مارو آواز، اندر ہو کے ہوواں سہائیا۔ جوتی جوت سروُپ ہرِ، آپ اپنی کِرپا کر، ویکھنہارا کھیل تماش، طمع سب دی دئے مِٹائیا۔ ہاڑ ستاراں کہے گُرمْکھو اندر باہر گا لؤ گیِت، گاونہارا رہیا جنائیا۔ کایا کعبہ تُہاڈی مندر مسیِت، شِودوالا اِکو دِتا بنائیا۔ ٹھاکر سوامی مِل لؤ میِت، مِتر پیارا نظری آئیا۔ جیِندیاں جگ لؤ جیِت، مریاں پِچھوں مرن دی لوڑ رہے نہ رائیا۔ ساچے دھام وسو اتیِت، ترےَگُن ڈیرہ دینا ڈھاہیِا۔ لیکھا چُک جائے ہست کیِٹ، اپنی ہستی لؤ بدلائیا۔ بےشک تُسیں جنم کرم دے غریِب، تُہاڈے اجّ نصیِب دِتے بدلائیا۔ چِٹے بستراں نال اِکو دے کے سرب ترتیِب، تار ستار دِتی ہِلائیا۔ تُہاڈی منزل میرا اَخیِر، آخر تُہاڈے وِچ سمائیا۔ تُسیں پاتشاہ تے مَیں تُہاڈا وزیر، آد جُگاد سیو کمائیا۔ اجّ خوشی ہویا تُہانوُں تک کے کبیِر، کالی کمبلی اُتوں دِتی لاہیِا۔ جوتی جوت سروُپ ہرِ، آپ اپنی کِرپا کر، خوشیاں نال دئے وڈیائیا۔ ستاراں ہاڑ کہے گُرمْکھو کر کے جائیو نمستے، نمو نمو سیِس نِوائیا۔ تُہاڈے گھرانے رہن وسدے، بھاویں اُجڑے سرب لوکائیا۔ تُہاڈے اندر رہن ہسدے، خوشی غمی اِکو رنگ سمائیا۔ تُہاڈے بھنڈارے بھرے رہن پربھوُ دے جس دے، خالی سکے نہ کوئے کرائیا۔ بھاویں جگت ولوں کنگلے غریِب ککّھ دے، اَگے تُہانوُں لالاں نالوں چنگی دِتی وڈیائیا۔ جِس ویلے میرے نام دا مزہ تُسیں چکھدے، سوہنگ ڈھولا دُھر دا گائیا۔ اوس ویلے میرے حُکم سزا دین والے ٹُٹدے، حاکم ہو کے مُکھ بھوائیا۔ جوتی جوت سروُپ ہرِ، آپ اپنی کِرپا کر، صاحب سوامی ویکھ وکھائیا۔ ہاڑ ستاراں کہے جن بھگتو سُنو یار، سچ کہانی دیاں جنائیا۔ اِکو منّو دُھر دا یار، یارانہ حق لؤ لگائیا۔ بےخبر ہو جاؤ خبردار، سُتّیاں دیاں اُٹھائیا۔ جِس دا اِکو بھگت دوار، بھگَون بےپرواہیِا۔ جِس دا لیکھا سدا جُگ چار، نہ کوئی میٹے میٹ مِٹائیا۔ جِس دا کِسے نہیں کریا کوئی اِعتبار، اچھل چھل سارے رہے گائیا۔ سو آیا چل کے وِچ سنسار، روُپ انوُپا ویس وٹائیا۔ کل کلکی لےَ اوتار، کلمہ اِکو رہیا پڑھائیا۔ جن بھگتو بیڑا کر جائے پار، جو چل آئے سرنائیا۔ سؤندیاں جاگدیاں پنج وار بولیا کرو میرا جَیکار، سوہنگ مہاراج شیرسِنگھ وِشنوُں بھگوان دِھیائیا۔ بیڑے سب دے کر جاواں پار، شؤہ دریا نہ کوئے ڈُبائیا۔ اپنے امرت دی دے کے دھار، سانتک سَت دیاں ورتائیا۔ مات گربھ نہ آؤنا پَوے ڈوُنگھی غار، اندھ اندھیر نہ کوئے پِھرائیا۔ اپنے گل دے تُہانوُں بنا کے ہار، ہِردے اپنے وِچ لَواں سمائیا۔ جوتی جوت سروُپ ہرِ، آپ اپنی کِرپا کر، دیونہار سچّی

سرنائیا۔ ہاڑ ستاراں کہے کرو قؤل اِقرار، دوویں ہتّھ اُٹھائیا۔ جے منّنا تے منّنا اِک نِرنکار، دوُجی اوٹ نہ کوئے تکائیا۔ جے وسنا تے وسنا سچکھنڈ دوار، دوُجے در کوئے نہ جائیا۔ جے ڈھولا گاؤنا تے گاؤ اگمّ اپار، تتّاں والی نہ کوئے پڑھائیا۔ جے دیِپ جگاؤنا تے جوت نِراکار، تیل باتی نہ کوئے رکھائیا۔ جے کرنا تے سچ پیار، کوُڑا یارانہ نہ کوئے لگائیا۔ جے پینا تے مدھ خُمار، نام پیالہ مُکھ لگائیا۔ جے چڑھنا تے مندر مینار، درگاہ ساچی سوبھا پائیا۔ جے ویکھنا تے جلوہ نوُر اُجیار، دوُسری اکّھ نہ کوئے کُھلائیا۔ جے لبھنا تے مددگار، جو دو جہاناں پیَنڈا دئے مُکائیا۔ اُچی بول کے کہے ستاراں ہاڑ، ہرِ دے حُکم دیاں جنائیا۔ کوئی سجّن نہ جائیو وِچ اُجاڑ، ٹِلیاں والی نہ کھوج کھوجائیا۔ جن بھگتو درشن کرنا تے کرو بھگت دوار، اوہلا لُک رہیا نہ رائیا۔ جِس نے چِٹے بستر پہنا کے رنگ دِتا چاڑھ، رنگیِلا ہو کے ویکھ وکھائیا۔ سو وسے تُہاڈی بہتّر ناڑ، ناڑی ناڑی ناد کرے شنوائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ ہاڑ ستاراں سُن بھگت جن بولے، سچ دیئیے دِرڑائیا۔ بِن اِس دی کِرپا سب دی نئیا ڈولے، پار کنارے نہ کوئے لگائیا۔ جِس دی انتر آتما آپ پربھوُ مؤلے، دھیِرج دھیِر دئے بندھائیا۔ سچ دوار کُنڈا کھولے، پردے دئے اُٹھائیا۔ گُرمْکھ ایسے دے گاوے ڈھولے، جِس نوُں ڈھول ہو کے ملِے سچّا ماہیِا۔ آتم پرماتم وسے کولے، اَگے ہووے نہ کوئے جُدائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ جن بھگت کہن تُوں ہاڑ ستاراں بولیا سچ، سچ تیری وڈیائیا۔ اسیں ایسے دے وِچھوڑے اندر رہے مچ، بِرہوں اگنی رہی جلائیا۔ ایہدی کِرپا نال کلجُگ وِچوں گئے بچ، آئے چل سرنائیا۔ پر ساڈے سب دے خالی ہتّھ، اوٹ اِکو اِک تکائیا۔ ہاڑ ستاراں پیا ہس، خوشیاں نال جنائیا۔ جے بھگتو پربھ دی چرنی جاؤ ڈھٹھ، پھیر لیکھے دئے مُکائیا۔ ایہہ کرنہارا ککّھوں لکّھ، لکّھوں ککّھ دئے بنائیا۔ سرِشٹی ساری ہو گئی اِس توں وکھ، تھوڑے مَینوُں تُسیں نظری آئیا۔ جیہڑے سوہنگ ڈھولا گاؤندے جس، وید پُران گئے تجائیا۔ اندروں نیتراں والی کھول کے اکّھ، بَیٹھے دھیان لگائیا۔ ایسے مُحبّت وِچ مِلیا پرتکھ، درشن کرو چائیں چائنیا۔ اَگے تُہاڈی جھولی پا دیوے تُہاڈا حق، پوُنجی سکے نہ کوئے چُرائیا۔ مہاراج شیرسِنگھ وِشنوُں بھگوان پُرکھ سمرتھ، ہرِ سنگت در آئی اُتے رکھے ہتّھ، سِر تلی نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، جنم جنم دی کرم کرم دی پوُری کر کے آس، آسا والیو منسا سب دی پوُر کرائیا۔

ستاراں ہاڑ کہے بھگتاں دا وِہار، بھگَون دئے دِرڑائیا۔ گُرمْکھ ساچے لال، سنت سُہیلے لئے اُٹھائیا۔ جِنہاں دے اُتے کفن دین لال، دیِن دَیال دَیا کمائیا۔ اَگے وکھری چل کے چال، حُکم دئے سمجھائیا۔ گُرمْکھ روُپ ہوئے گُلال، سوہنا روُپ وٹائیا۔ جِنہاں دا پربھوُ ہوئے دلال، وِچولا اِک اکھوائیا۔ اِنہاں پوہ نہ سکے کال، رائے دھرم نہ دئے سزائیا۔ ستاراں ہاڑ کہے ساچے بھگت پربھ دے بن گئے لال، پِتا اِکو نظری آئیا۔ جاندی وار اوہناں دے سیِس اُتے ایسے رنگ دی ہووے دستار، خودمختیار دئے بنائیا۔ ستّ رنگ نِشانہ کہے مَیں لےَ کے جانا اوس دربار، جِتھے وسے شہنشاہیِا۔ بُھل کے گُرمْکھو ایہہ چھڈیو نہ کدے وِہار، ساچی سِکھیا دِتی سمجھائیا۔ ایہہ گُرمْکھ دی دستار، ایہہ گُرسِکھ دا پیار، ایہہ بھگت دا اُدھار، ایہہ جوت دا اُجیار، آد شکت دا شِنگار، سوہنا روُپ دینا چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مہاراج شیرسِنگھ وِشنوُں بھگوان، ایس پگڑی دی خاطر خطرے تُہاڈے دِتے گوائیا۔

شہنشاہی سمت کہے میرے وِچ بھگتاں دے ہونے وِواہ، گُرمْکھ گُرمْکھ ناتا جوڑ جُڑائیا۔ اِنہاں نے بننا گواہ، جو گنگا گوداوری جمنا سُرستی پھیرا آئے پائیا۔ اٹھسٹھ دا لیکھا آئے مُکا، بھجےّ واہو داہیِا۔ اوہناں دی شہادت دینی بُھگتا، سوہنا وقت سُہائیا۔ جِنہاں دے حُکم نوُں موڑ نہ سکے خُدا، خوشی وِچوں خوشی لئے پرگٹائیا۔ جوڑ جُڑیا نہ ہووے جُدا، جُز ونڈ نہ کوئے ونڈائیا۔ جن بھگتاں نوُں بھگتی دا مارگ دسّ کے سِدھا، سِدھے رستے دِتا پائیا۔ پُرکھ ابناشی بن کے متِا، میِت مُرار ہوئے سہائیا۔ جِنہاں دا دُھر درگاہوں لیکھا لِکھا، اُہناں دی ہوئے کُڑمائیا۔ جنم جنم دا دیوے حِصّہ، حِصیداری دئے وکھائیا۔ مہاراج شیرسِنگھ وِشنوُں بھگوان، اِکو وار دیوے سب نوُں ساچی سِکھا، سِکھ ہو کے دوُجے دی اوٹ نہ کوئے تکائیا۔