کتب خانہGranth 18 (Urdu)

پہلی بھادروں شہنشاہی سمت ۱ ہرِ بھگت دوار جیٹھوُوال ضِلع امرتسر

پہلی بھادروں کہے مَیں گوداوری ویکھی ہسدی، بِن دنداں خوشی بنائیا۔ پلک سوار کے اپنی اکّھ دی، بِن نیتر نیَن اُٹھائیا۔ کھیل ویکھ پُرکھ سمرتھ دی، بھجےّ واہو داہیِا۔ ایہہ کتھا کہانی سچ دی، گُر اوتار پیِر پَیغمبر دین گواہیِا۔ جمنا سُرستی گنگا نوُں بہہ کے دسّدی، دہ دِشا رہی جنائیا۔ ویکھو گھڑی بنی پربھوُ دے جس دی، ویلے وقت نال وڈیائیا۔ اڑیِو ایتھے لوڑ نہ بُدھ مت دی، من چنچل چلے نہ کوئے چتُرائیا۔ ایہہ کھیل حقیِقت حق دی، دُھر دا مالک ویکھ وکھائیا۔ وست امولک تکو اوس ہٹّ دی، جِتھے ونجارا نظر کوئے نہ آئیا۔ رمز سمجھو گھٹ گھٹ دی، جو گرِہ بھیِتر رہیا دِرڑائیا۔ جُگ چؤکڑی جِس نوُں رہی لبھدی، دیِناں وِچ بھجیّ واہو داہیِا۔ جام پیالے پیاؤندی رہی امرت مدُھ دی، رس خُماری جگت چڑھائیا۔ اکّھیں وِچھوڑا تکدی رہی الگ دی، سگلا سنگ نہ

کوئے بنائیا۔ بِرہوں اندر رہی دگدی، اگنی تت تپائیا۔ جگت کِریا وینہدی رہی جگ دی، سرِشٹی کھوج کھوجائیا۔ مَینوُں اِکو دُھر دی رمز چنگی لگدی، جو بِنا لگاں ماتراں دِتی سمجھائیا۔ جوتی جوت سروُپ ہرِ، آپ اپنی کِرپا کر، دُھر دا کھیل اِک ورتائیا۔ گوداوری کہے مَیں سُتّی گئی اُٹھ، کِسے اگمّی دَیا کمائیا۔ میرا میرے وِچوں لیا لُٹ، آپ آپا گئی مِٹائیا۔ کِسے ہؤلی جِہی لیا پُچھ، دُھر سُنیہڑا اِک سُنائیا۔ اُٹھ ویکھ ہو خوش، کُچھ تَینوُں دیاں جنائیا۔ جیہڑا سُہا کے گیا تیری رُت، انتم تیِرتھ تٹ گیا وڈیائیا۔ جیہڑا وار کے اپنے سُت، گُرمْکھ دُلارے رہیا بنائیا۔ جِس دے کول سب کُچھ، خالی بھنڈارے دئے بھرائیا۔ اُس دے کولوں پردہ کاہدا لُک، بھیوَ ابھیدا دئے کُھلائیا۔ جِس نے بدلیا اپنا رُخ، دو جہاناں پندھ مُکائیا۔ جِس دا تیِر نِشانہ کدے نہ گیا اُک، انیالا آپ چلائیا۔ جِس نوُں برہمنڈ کھنڈ پُری لوء آکاش رہے جھُک، سجدیاں وِچ لوکائیا۔ جِس دا امرت جام گھُٹ، چِڑیاں باز تُڑائیا۔ جِس دی چوگ کدے نہ جائے نِکُھٹ، لکّھ چؤراسی ہوئے سہائیا۔ جِس دی گُرمْکھ گُرسِکھ رکھن اوٹ، اوڑک شبدی روُپ وٹائیا۔ جِس دی نام نگارے لگّے چوٹ، وِشن برہما شِو بَیٹھے سیِس جھُکائیا۔ جِس دا نوُر اگمّی جوت، جلوہ اِکو اِک درسائیا۔ جِس دی نہ کوئی ورن نہ کوئی گوت، دیِن مذہب نہ ونڈ ونڈائیا۔ جِس دی بُدھی والی نہیں سوچ، اگمّی حُکم اِک سُنائیا۔ جِس دے درشن نوُں نیتر لوچن رہے لوچ، سو لوک پرلوک ویکھ وکھائیا۔ جِس دا نام نِدھانا اگادھ بودھ، جگت وِدیا سمجھ کوئے نہ پائیا۔ جِس دے گرِہ اِکو مؤج، سچکھنڈ وجدی رہے ودھائیا۔ جِس دے چرناں ہیٹھاں چؤداں لوک، سیِس سکے نہ کوئے اُٹھائیا۔ جِس دا نام سچ جَیکارا اِک سلوک، دُھر دا ڈھولا رہیا دِرڑائیا۔ جِس دا حُکم سکے کوئی نہ روک، بھانے وِچ خلق خُدائیا۔ جِس دا کوئی نہ جانے دوش، جوتی جوت سروُپ ہرِ، آپ اپنی کِرپا کر، دُھر دا حُکم ورتائیا۔ گوداوری کہے کِسے مَینوُں دِتا ہُلارا، ہؤلی جِہی دِتا اُٹھائیا۔ کملیئے ویکھ نر نِرنکارا، نِرگُن داتا بےپرواہیِا۔ جِس دا گوبِند سُت دُلارا، شبدی ناؤں وڈیائیا۔ جِس دا محل اٹل اُچ منارا، سچکھنڈ ساچا سوبھا پائیا۔ جِس دا آر پار سمجھے نہ کوئے کنارہ، ندیاں واہ نہ کوئے دِرڑائیا۔ جِس دے در تے کوٹن کوٹ منگن پیِر پَیغمبر گُر اوتارا، در درویش روُپ وکھائیا۔ جِس نوُں وِشن برہما شِو کرن نِمسکارا، سِر سکے نہ کوئے اُٹھائیا۔ جِس دا دھام اوَلّڑا سب توں نیارا، نِرگُن نِروَیر نِراکار جوتی جوت جوت رُشنائیا۔ جِس دا آد انت کِسے نہ پایا پاراوارا، بےانت کہہ کے سارے گئے گائیا۔ سو کھیل کرے اگمّ اپارا، الکھ اگوچر اپنے ہتّھ

رکھے وڈیائیا۔ سچکھنڈ نِواسی پُرکھ ابناشی بھگت وچھل گِردھارا، گہر گمبھیِر بےپرواہیِا۔ دُھر دا نام ساچا رام کھول کے اِک دوارا، در دروازہ رہیا کُھلائیا۔ بھگت سُہیلا اِک اَکیلا بھگتن میِتا گُرمْکھاں امرت بخشے ٹھنڈی دھارا، اگنی تت رہن کوئے نہ پائیا۔ جِس دا لیکھ کاغذ قلم نہ لِکھنہارا، کاتب چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، پوُرب لہنا ویکھ وکھائیا۔ گوداوری کہے مَیں اُٹھ کے اکّھ لئی کھول، چاروں کُنٹ دھیان لگائیا۔ کوَن دوارے ٹھاکر سوامی میرا بابل رہیا بول، پت پرمیشور بےپرواہیِا۔ جِس دا گوبِند نال قؤل، دُھر سندیشہ اپنا آپ جنائیا۔ جِس دا کھیل سمجھے کوئی نہ پنڈت پاندھا رؤل، مُلّا شیخ مسائک بھید کوئے نہ آئیا۔ جو سچ دوارے بَیٹھا سدا اڈول، انبولت اپنا راگ الائیا۔ سو پُرکھ بِدھاتا کرے کھیل اُپر دھؤل، دھرنی دھوَل دھرت ویکھ وکھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ بھادروں کہے مَیں گوداوری لَیندی ویکھی انگڑائی، کروٹ اپنی رہی بدلائیا۔ جِس دے اندر وجّی ودھائی، باہروں سمجھ کوئے نہ پائیا۔ شبد سندیشہ سُن کے شہنشاہی، شام اپنا گئی بُھلائیا۔ خوشیاں نال وَیراگن بن کے دئے دُہائی، اُچی کوُک کوُک سُنائیا۔ مَیں اپنا ویکھاں گوبِند سچّا ماہی، جِس دی مہما کِسے نہ گائیا۔ جِس دا جلوہ جوت نوُر رُشنائی، شبدی ڈھولے رہیا گائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ گوداوری کہے گنگا میری اُٹھ سہیلی، سخیئے تَینوُں دیاں جنائیا۔ پرم پُرکھ پرماتم دُھر دا بیلی، جو بیلیاں وِچ میلا لئے مِلائیا۔ جِس نے گوبِند نال مِل کے کھیل کھیلی، خالق خلق سمجھ کِسے نہ آئیا۔ اُس نے دھار رہن نہیں دینی نَویلی، نِراکار نِہکرمی ہو کے اپنی کار کمائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ گوداوری کہے اُٹھ ویکھ سُرستی، سُتّیئے تَینوُں دیاں جنائیا۔ میرے پربھ نوُں ویکھیں چڑھدی مستی، مُشکل رہن کوئے نہ پائیا۔ جِس دی آد جُگاد جُگ چؤکڑی اِکو ہستی، ہسدیاں ہسدیاں میلا لئے مِلائیا۔ جِس دیاں چرناں ہیٹھاں بھگتاں دی بستی وسدی، دوُجا نظر کوئے نہ آئیا۔ اوتھے کتھا جِہوا کوئے نہ دسّدی، اکھّراں والی نہ کوئے پڑھائیا۔ لوڑ رہے نہ رسنا رس دی، پانی دھار نہ کوئے وہائیا۔ مَینوُں قسم اوسے ربّ دی، جو ربی اُل ہو کے رہیا مِلائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ گوداوری کہے اُٹھ ویکھ بھَین جمنا، ضامن ہو کے دیاں وکھائیا۔ جِس دے مِلن دی رکھدی رہی تمنّا، آسا آسا نال ودھائیا۔ جِس توں بِنا بِرتھا جنم نِکما، نِکمیئے کمّ کِسے نہ آئیا۔ جِس دی یاد اندر لیکھے لگن دماں، ساہ ساہ سمائیا۔ اوہ

کھیل کرے اگمّا، اگمّڑا ویس وٹائیا۔ جیہڑا ہتّھ نہ آیا کایا ماٹی ساڈھے تِنّ ہتّھ چمّاں، چمّ درِشٹی گیا گوائیا۔ جو نِت نوِت ویس وٹائے ویکھ کے اپنا سماں، سمت اپنا رہیا لگائیا۔ جِس دا کھیل سب توں نَواں، نوَ نؤ چار سیِس جھُکائیا۔ جوتی جوت سروُپ ہرِ، آپ اپنی کِرپا کر، اپنا حُکم رہیا ورتائیا۔ گنگا سُرستی جمنا تِنّے پئیاں اُٹھ، گوداوری ولّ دھیان لگائیا۔ بھَینے سانوُں لگی بُھکھ، جُگ چؤکڑی ترِشنا پوُر نہ کوئے کرائیا۔ سچ پریم پیار دا امرت دے گھُٹ، تیرے کول نظری آئیا۔ گوداوری اکّھاں میِٹ کے ہو گئی چُپ، نیتر نیَناں نیِر وہائیا۔ مَینوُں اوس توں لیَن دیؤ پُچھ، جو پِچھلا لیکھا رہیا مُکائیا۔ جیہڑا پُرکھ اکال دا بنیا پُت، گوبِند شبدی روُپ وٹائیا۔ جو سب دے اندر بَیٹھا لُک، جگ نیتر نظر کِسے نہ آئیا۔ جے اوہ مِہروان ہویا خوش، مَیں نِیوں کے لاگاں پائیا۔ جوتی جوت سروُپ ہرِ، آپ اپنی کِرپا کر، ساچی کرنی رہیا کمائیا۔ تِنّے کہن سانوُں لگی پیاس، ترِکھا نہ کوئے بُجھائیا۔ گوداوری کہے تُسیں میرا دیوو ساتھ، سندیشہ دیاں دِرڑائیا۔ مَیں اوس نوُں دیاں آکھ، جو آخر سب دا پِتا مائیا۔ جِس جُجھار نوُں دِتا نہیں گلاس، ترِکھا سب دی رہیا بُجھائیا۔ اوہ چل کے آؤنا تُہاڈے پاس، پِچھلے لیکھے دئے مُکائیا۔ پوُرے کرے بھوِکھت واک، واقعہ سچ دئے کرائیا۔ مَیں اُڈیِکاں اوہ رات، جِس وِچ رُتڑی دینی مہکائیا۔ میرے نال مِل کے کرنی بات، باطن بھیو دیاں جنائیا۔ بھگتاں نال جوڑنا ساک، صاف دینا بنائیا۔ سب دا بن کے مائی باپ، دُھر دی گود لَینا اُٹھائیا۔ جِتھے کدے نہ لگے پیاس، ترِکھا روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، دُھر دا حُکم رہیا سمجھائیا۔ گوداوری کہے نی سُنو کہانی اکتھ، کتھنی کتھ نہ سکے رائیا۔ کرنا کھیل پُرکھ سمرتھ، شاہ پاتشاہ سچّے شہنشاہیِا۔ جِس دے کول اگمّی وتھ، دو جہاناں رہیا ورتائیا۔ سب دی جھولی پائے حق، حاکم ہو کے ہوئے سہائیا۔ تُسیں کھول کے ویکھیو اپنی اکّھ، ساکھیات تُہانوُں دیاں وکھائیا۔ جِس نے بھگتاں دا کرنا پکھّ، گُرمْکھاں رنگ چڑھائیا۔ سرِشٹی توں کر کے وکھ، محل اٹل دینے بہائیا۔ دُھر دا ڈھولا دسّ کے سچ، اِکو کرنی دُھر پڑھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوداوری کہے مَینوُں خوشی آئی اِک، اِک اِک اِک دیاں دِرڑائیا۔ جِس دی آساں بھری سِک، سِخر چوٹی دئے چڑھائیا۔ دُھر دا مالک بن کے پِت، پِتا پوُت گود اُٹھائیا۔ گُرمْکھ دُلارے لےَ کے سِکھ، سخیو میلا سہج سُبھائیا۔ ساچے پریم دی مار کے کھِچ، آتم پرماتم جوڑ جُڑائیا۔ دُھر دا وِچولا بن کے وِچ، سُرتی شبدی لئے مِلائیا۔ اگلا لیکھا دیوے لِکھ، پوُرب کرماں ڈیرہ ڈھائیا۔

چاروں کُنٹ پئے دِس، گُرمْکھاں وجےّ ودھائیا۔ جوتی جوت سروُپ ہرِ، آپ اپنی کِرپا کر، اپنا حُکم اِک ورتائیا۔ گوداوری کہے مَیں اوس دی رکھنی اُڈیِک، اِکو دھیان لگائیا۔ جِس دا لیکھا ملِے نہ وِچوں کِسے تواریخ، جگت وِدیا نہ دئے گواہیِا۔ جِس دی سِدھی آتم نال پریِت، پرماتم بےپرواہیِا۔ جو بَیٹھا دھام انڈیِٹھ، سچکھنڈ دوارے سوبھا پائیا۔ جو آد جُگاد جگت جگدیِس، جگدیِسر ناؤں دھرائیا۔ جِس دی کوئی نہ کرے ریِس، گُر اوتار پَیغمبر بَیٹھے سیِس نِوائیا۔ جِس دا لہنا دینا لکّھ چؤراسی ہست کیِٹ، اوُچ نیِچ نہ کوئے وکھائیا۔ جو مالک شاہ سُلطان امیِر غریِب، عاجز ویکھے چائیں چائنیا۔ جِس دی سمجھ سکے نہ کوئے ترتیِب، بھیوَ ابھید نہ کوئے کُھلائیا۔ سو مالک نوُر نوُرانہ اِک عجیب، جلوہ گر بےپرواہیِا۔ جِس دی گوبِند نال بِنا کلمیوں ہوئی حدیِث، بِنا حضرت کری پڑھائیا۔ اِکو حُکم دی کر تاکید، تاکید نال سمجھائیا۔ جِس دی لِکھ نہ سکے کوئے تمہید، صِفتاں وِچ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، سو کھیل رہیا وکھائیا۔ بھادروں کہے مَیں ہور کُچھ لیا ویکھ، اکّھیں ڈِٹھا حال سُنائیا۔ جِس دی نظر نہ آئے کوئی ریکھ، روُپ سکے نہ کوئے جنائیا۔ جِس دا لہنا دینا نال دس دسمیش، دہ دِشا ویکھ وکھائیا۔ جو آد جُگاد جُگ چؤکڑی رہے ہمیش، نہ مرے نہ جائیا۔ جِس نوُں سیِس نِواؤندے وِشنوُں برہما شِو گنپت گنیش، اِند اِندراسن نِیوں نِیوں لاگن پائیا۔ جِس دے پِچھے جھوُج جھوُج سارے ہوئے کھیت، رن بھوُمی اپنا آپ ٹِکائیا۔ جِس دا گُر اوتار پیِر پَیغمبر دسّدے گئے تھوڑا بھیت، شبد اِشارے نال جنائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ بھادروں کہے مَیں ویکھیا ہو کے اوہلے، سچ دیاں جنائیا۔ جو وسیا کایا ماٹی ساڈھے تِنّ ہتّھ چولے، چولی اپنا رنگ رنگائیا۔ شبد اگمّی ڈھولے بولے، جگت وِدیا نہ کوئے پڑھائیا۔ سچ دوار اِکو کھولے، چار کُنٹ دہ دِشا ویکھ وکھائیا۔ کوُڑی کِریا میٹے سارے رؤلے، رؤنق اِکو گھر دئے وکھائیا۔ بھاگ لگا کے دھرنی اُپر دھؤلے، دھوَل دئے سُہائیا۔ جو آد جُگاد کدی نہ ڈولے، ڈولدیاں دئے بچائیا۔ جو لکّھ چؤراسی وِچوں بھگت سُہیلے وِرولے، گُرمْکھ سجّن باہر کڈھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ بھادروں کہے گوداوری جانا جاگ، جگہ بجگہ دیاں جنائیا۔ تیرے ہونے وڈ وڈ بھاگ، بھاگاں بھریئے دیاں سمجھائیا۔ بِنا تیل بتّی توں جگاؤنا اِک چراغ، چراگاہاں وِچ ہوئے رُشنائیا۔ تیرے دوارے آؤنا کنت سُہاگ، بےپرواہ پھیرا پائیا۔ اپنا گرِہ رکھیں کر کے صاف، سچ سندیشہ دیاں جنائیا۔ اِکو اندرے اندر کریں جاپ،

تُوں میرا مَیں تیرا دوُجا نظر کوئے نہ آئیا۔ پِچھلا ویلا رکھیں یاد، جو گوبِند گیا جنائیا۔ تیری سُنن آوے فریاد، فَیصلہ اگلا پندھ مُکائیا۔ ساچا گرِہ کرے آباد، کھیڑا اُجڑ کدے نہ جائیا۔ تیرے سوال دا دئے جواب، احباب ہو کے ہوئے سہائیا۔ جوتی جوت سروُپ ہرِ، آپ اپنی کِرپا کر، در تیرے کھیل وکھائیا۔ گوداوری کہے بھادروں مَیں سُنیا تیرا سندیشہ، وجّی سچ ودھائیا۔ گرِہ آوے نر نریشا، بےپرواہ دُھر دا ماہیِا۔ مَیں اوس دا درشن پیکھاں، جو کر کے گیا جُدائیا۔ اَگے رہے نہ میرا کوئی لیکھا، بھرم بُھلیکھا دئے مِٹائیا۔ سرِشٹی وِچوں میرا چُکے ٹھیکہ، تیِرتھ تٹ نہ کوئے وڈیائیا۔ مَیں جمنا سُرستی گنگا نال کر لیا لیکھا، مشورہ اِکو لیا پکائیا۔ ساریاں رل کے اوس پربھوُ دی انت اَخیِری لےَ لؤ ٹیکا، جو اِکو مستک رہیا لگائیا۔ کوُڑا رہے نہ کوئی بھیکھا، سب نوُں سچ دیؤ سمجھائیا۔ جوتی جوت سروُپ ہرِ، آپ اپنی کِرپا کر، دیونہار مان وڈیائیا۔ گوداوری گنگا جمنا سُرستی اِکٹھیاں ہو کے پئیاں ہسّن، چارے کُنٹ مُکھ بھوائیا۔ اپنیاں نیتر کھول کے اکّھن، پلک رہیاں اُٹھائیا۔ اوس پربھوُ دا راہ رہیِاں تکّن، جو اِکو داتا بےپرواہیِا۔ وِچھوڑے اندر لگیِاں مچن، بِرہوں رہی ستائیا۔ اُچی کوُک کوُک بولن لگیاں بچن، سوہنگ ڈھولا سچّا گائیا۔ پربھ تُوں دُھر دا ساڈا سجّن، وِچھڑے لئے مِلائیا۔ جُگ چؤکڑی اسیں کِسے نوُں وکھایا نہیں پا کے کجل، کجلدھار نہ کوئے بندھائیا۔ گُر اوتار پیِر پَیغمبر جیہڑے سانوُں آ کے مات لوک لبھن، ساڈی آسا پوُر نہ کوئے کرائیا۔ بِن تیرے سچ پریِتی اندر اسیں کدی نہ ہوئیاں مگن، سچّی پریِتی نہ کوئے دِرڑائیا۔ سانوُں یاد آیا ویہہ سؤ پندراں بِکرمی اِکیاں سِکھاں نال تِربینی پایا سگن، ساڈا ناتا لیا جُڑائیا۔ گنگا کہے مَینوُں یاد روَداسے والا کنگن، بُھل رہے نہ رائیا۔ جمنا کہے میرا لیکھا دینا اوس کاہن مدن، جو مُکند منوہر نظری آئیا۔ اوہو لیکھا آئیاں منگن، خالی جھولی دینی بھرائیا۔ ساڈا کِسے کمّ نہ آیا جُگ جُگ کیِتا یتن، یتھا یوگ سب دی سیو کمائیا۔ بِنا پربھوُ تیرے سانوُں کِسے نہ کھڑیا تیرے وطن، ساچے گرِہ نہ کوئے ٹِکائیا۔ سچکھنڈ دا مِلیا کوئی نہ پتن، ٹھیِکیداری کوُڑی دئے گوائیا۔ جوتی جوت سروُپ ہرِ، آپ اپنی کِرپا کر، سب دا لہنا رہیا مُکائیا۔ پُرکھ اکال کہے سُنو نڈھّی بچّی نّنھی، تُہانوُں دیاں جنائیا۔ میرا نوُر اگمّی چنّی، نِرگُن دھار کرے رُشنائیا۔ گوبِند نال بندھاواں تُہاڈی کنّی، پلّا سکے نہ کوئے چُھڈائیا۔ جگت سرِشٹی کر کے انّھی، گُرمْکھ تھوڑے نال مِلائیا۔ دُھر دا مالک بن کے دھنی، نام دؤلت جھولی دیواں پائیا۔ جِس نے جنی اوسے نوُں بنی، ویلا وقت دئے گواہیِا۔ جوتی جوت سروُپ ہرِ، آپ اپنی کِرپا کر، سب دا لہنا ویکھ وکھائیا۔

گوداوری کہے پربھوُ کیہڑی کنّی کیہڑا لڑ، پلّوُ کوَن پھڑائیا۔ پُرکھ اکال کِہا جِس دا نہ کوئی سیِس نہ کوئی دھڑ، نہ کوئی شبدی روُپ لئے پرگٹائیا۔ نہ جنمے نہ جائے مر، مڑھی گَور نہ کدے سمائیا۔ سو سوامی ہو کے لئے ور، وارث اِکو اپنے دئے بنائیا۔ چل کے آئے دوارے گھر، دوارا اِکو دیاں وکھائیا۔ روُپ وکھا کے نرائن نر، نر ہرِ اپنی کار کمائیا۔ نہ کوئی قِلعہ کوٹ گڑھ، محل اٹل نہ کوئے وکھائیا۔ گوداوری ویکھ کے دھار تیری جل، نیر رُڑھدیاں لئے بچائیا۔ جوتی جوت سروُپ ہرِ، آپ اپنی کِرپا کر، اگمّڑی کار رہیا کمائیا۔ گوداوری کہے مَیں وی تکاّں راہ، رہبر ویکھاں نوُر خُدائیا۔ جیہڑا پب میرے اُتے گیا ٹِکا، پدماں وِچوں لیکھا دئے مُکائیا۔ جِس نوُں رسنا جِہوا بتّی دند ربّی نوُر کہے خُدا، جوت جوت رُشنائیا۔ سو مالک خالق بن کے آئے ملاح، بیڑا اپنے کندھ اُٹھائیا۔ جِس دا اِکو دُھر دا ناں، شاستر سِمرت وید پُران اِنجیِل قُرآن گیِتا گیان کھانی بانی جِس دا ڈھولا گائیا۔ جوتی جوت سروُپ ہرِ، آپ اپنی کِرپا کر، کھیل اپنا رہیا وکھائیا۔ گوداوری سُن اوہ ویلا آؤندا جاندا نیڑے، نؤ سؤ چُرانوے چؤکڑی پندھ مُکائیا۔ اپنے مِتر پیارے صدّے جیہڑے جیہڑے، سچ سُنیہڑا رہیا گھلائیا۔ اوس ویلے آون تیرے ویہڑے، ہیِرا گھاٹ وجےّ ودھائیا۔ ساتھ گُرمْکھ بھگت ہوون میرے، رنگ اِکو وِچ سمائیا۔ لہنا دینا سرب نبیڑے، لیکھا رہن کوئے نہ پائیا۔ اَگے سادھاں والے رہنے نہیں ڈیرے، بِنا پُرکھ اکال اِشٹ نہ کوئے منائیا۔ کلجُگ گُروُ ویکھے جگت بتھیرے، چارے کُنٹ بَیٹھے ڈیرے لائیا۔ جِنہاں نوُں شبدی پؤنے گھیرے، گھِرنا دینی مُکائیا۔ لیکھ لِکھنا اِک ندیڑے، جو گوبِند آسا گیا جنائیا۔ جوتی جوت سروُپ ہرِ، آپ اپنی کِرپا کر، کرنی دا کرتا آپ جنائیا۔ گوداوری کہے مَیں دیواں صدّا، نِیوں نِیوں بینتی دیاں جنائیا۔ برہمے تُوں وی آؤنا بھجّا، وِشنوُں تُوں وی تکنا مزہ، نیتر نیَن اُٹھائیا۔ شنکر تُوں وی وِچھاؤنا منجا، سِنگھاسن اِک سُہائیا۔ جوتی جوت سروُپ ہرِ، آپ اپنی کِرپا کر، سوہنا وقت دئے سُہائیا۔ میرا سدّا سُنو تیئی اوتار، سچ سب نوُں دیاں جنائیا۔ پَیغمبر سُنو میِت مُرار، عیسیٰ موُسیٰ محمد اِک دُہائیا۔ نانک گوبِند ویکھنا کھیل اپار، دہ دِشا حُکم ورتائیا۔ بھگت اٹھاراں آؤنا پندھ وِچار، بھجّنا واہو داہیِا۔ میرے دوارے آؤنا اوہ نِرنکار، جِس نوُں نانک دھار نِرگُن نِرگُن کر کے گائیا۔ تِس دا سوہنا لگنا دربار، درگاہ ساچی روُپ وٹائیا۔ جِس دا وکھرا ہونا وِہار، وِوہار نہ کوئے لُکائیا۔ پوُرب لہنا رہیا وِچار، لیکھا جنم چُکائیا۔ قرضہ دئے اُدھار، مقروُض پھیرا پائیا۔ سچ دسےّ پیار، مُحبّت وِچ وڈیائیا۔ اگمّی دسّ گُفتار، شبدی کرے پڑھائیا۔ اِکیاں دا ونجار، ہٹّ دئے کُھلائیا۔ نؤاں دا شِنگار،

سوہنا روُپ چڑھائیا۔ امرت ساچی دھار، جھِرنا دئے جھِرائیا۔ ساڈھے تِنّ ہتّھ دا وِچار، رنگ ستّ سوبھا پائیا۔ کنگھا سچ سیِس دستار، لیکھا دئے دِرڑائیا۔ کھنڈا ویکھ ٹیڈی دھار، پاسا دئے اُلٹائیا۔ بُھنے چنیاں دا اہار، پریمی بُھکھیاں دئے کرائیا۔ ڈھائی گز دا دُپّٹا پھڑ نِرنکار، ڈھئیا پِچھلا لیکھے لائیا۔ چھنّہ اوس دا پِچھلا یار، جو سوا سیر ناما ٹھاکر دُدھ پیائیا۔ لال رنگ سوہنا دیوے چاڑھ، جو دھنّا ٹھاکر رہیا منائیا۔ سَوا رتی کیسر گوبِند اِک پیار، جو پنچاں ملِے مان وڈیائیا۔ سوا پاؤ تیل دا ادھار، گوداوری گوتم تیری ونڈ ونڈائیا۔ نیتر روندا آوے باز، نیَناں نیِر برسائیا۔ اوس نیِلے دی آوے آواز، جو شاہ سوارا پِٹھ اُٹھائیا۔ اوس دِلباغ دا کھڑکے ساز، جو سجّن ہو کے رہیا گائیا۔ مادھو دا دھووے داغ، بندے دی بندگی لیکھے پائیا۔ بھاگو دا میٹ کے داغ، بھگتاں نال مِلائیا۔ گوداوری تیرا پوُرا کر کے وَیراگ، بِرہوں وِچھوڑا دئے کٹائیا۔ چرن چُھہا کے پوُری کرے آس، آشا پوُر وکھائیا۔ سِر دھر اگمّی تاج، پنچم میلا سہج سُبھائیا۔ سوہنا بنا کے تن لِباس، ساچا نوُر کرے رُشنائیا۔ بھگتاں نوُں دے کے شاباش، شبےروز رنگ رنگائیا۔ رَویداس دا لیکھے لا کے اِک گلاس، گلی دُھر دی لیکھے لائیا۔ آتم انتر وجا کے رباب، مدُھر دُھن دئے سُنائیا۔ جوتی جوت سروُپ ہرِ، آپ اپنی کِرپا کر، مِہروان ہووے سہائیا۔ گوداوری کہے مَینوُں اوس دیِاں نِت اُڈیِکا، جِس دا ویلا نہ کوئے سمجھائیا۔ جِس نے بدل دینیاں سرب تواریخاں، ریِتی اِکو دینی بنائیا۔ جِس نے میٹنیاں کوُڑیاں لیکاں، لایق گُرمْکھ دینے وکھائیا۔ جِس دیاں گُر اوتاراں پیِر پَیغمبراں کرنیاں تصدیقاں، شہادت دئے بُھگتائیا۔ جِس دا سب توں وکھرا ہونا وسیِقہ، جِس دی لِکھت نہ کوئے مِٹائیا۔ جِس دا دو جہان لکّھ چؤراسی گُر اوتاراں پیِر پَیغمبراں نال نہیں کوئی شریِکا، دیِن مذہب ونڈ نہ کوئے ونڈائیا۔ آتم پرماتم سب نوُں دسّنی سچ پریِتا، پریِتم اِکو دینا مِلائیا۔ گوداوری کہے اساں وی اوس توں سِکھنا دُھر دا اِک طریقہ، جو تِریا تریمت ناری اپنے وِچ سمائیا۔ جو لیکھا سو ٹھیِکا، ٹھیِکر کوُڑا دینا بھنائیا۔ سب دی ویکھنہارا نیِتا، اِکو کرے کھوج کھوجائیا۔ بھیو جانے جیِو جی کا، ہر گھٹ وسیا ڈیرہ لائیا۔ جِس دا رس نہ ہووے پھیکا، جام اِکو دئے پیائیا۔ جِس دا ویلا وقت اَخیِری کدے نہ بیِتا، باطن سب کُچھ کھوج کھوجائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ گوداوری کہے جِس ویلے آوے میرے کنڈھا، کنڈھی والا پھیری پائیا۔ مَینوُں دیوے اوہ انندا، جو پُری انند وِچ گیا جنائیا۔ مَینوُں دسےّ اوہ چھندا، جو سُتّیا جاوے سمجھائیا۔ میرا توڑ کے جاوے جِندا، زِندگی اندروں جاوے بدلائیا۔

ساچے پریم دا پھیر کے رندا، کوُڑی کِریا باہر کڈھائیا۔ ستّ رنگ دا وکھا کے ڈنڈا، ڈنڈاوت اِکو دئے سمجھائیا۔ جِس دا سَوا اِنچ دا کھنڈا، کھنڈر کرے سرب لوکائیا۔ بھگت سُہیلا ہون نہ دیوے کوئی رنڈا، دُھر دا کنت میلا لئے مِلائیا۔ منمُکھ کوُڑا رہن نہ دئے گندہ، سنت سُہیلے لئے جگائیا۔ بھیو کُھلا کے ہنگ برہما، پاربرہم پربھ پردہ دئے اُٹھائیا۔ جھگڑا مُکا کے خوشی غما، اِکو رنگ دئے رنگائیا۔ گُرمْکھاں اندر مایا ممتا رہن نہ دیوے طمع، ترِشنا دئے بُجھائیا۔ جوتی جوت سروُپ ہرِ، آپ اپنی کِرپا کر، جوتی نوُر چاڑھ کے چنّا، ساچے چند کرے رُشنائیا۔ گوداوری کہے مَیں سوہنی خوشی مناوانگی۔ تِنّ چار دی رات ڈھولے گاوانگی۔ ویکھ کے میِت مُرار، سیِس نِواوانگی۔ کر کے درس اپار، اپرمپر وِچ سماوانگی۔ دسّ کے اپنی پُکار، حال درڑاوانگی۔ رو کے ہنجھوُاں ہار، سوہنا اِک سُہاوانگی۔ آپ آپا دیاں وار، وارتا پِچھلی پھول پُھلاوانگی۔ منزل رہے نہ کوئی دُشوار، دُشمن دوُتی پربھ دی جھولی پاوانگی۔ مَینوُں جگت نہ کر خَوار، اپنی بیِتی آپ سمجھاوانگی۔ کوُڑی کِریا جگت وِہار، بِن اکّھاں اکّھ شرماوانگی۔ سَت رہیا نہ کوئے پیار، کلجُگ کوُڑ بھیت کُھلاوانگی۔ ننگے نہاؤندے پُرکھ نار، پا واسطہ چرناں سیِس ٹِکاوانگی۔ میرا لیکھا مُکا دے وِچ سنسار، تیِرتھ تٹ تیرے چرناں ہیٹھ دباوانگی۔ بِن تیرے نظر نہ آوے کوئی دوار، دربار اِکو اِک جناوانگی۔ جن بھگتاں کراں خبردار، خبر اپنی نال مِلاوانگی۔ رل مِل مِلیو اوس یار، جِس دا یارانہ جگت باہر جناوانگی۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، در تیرے الکھ جگاوانگی۔ در تیرے الکھ جگیگی۔ گوداوری سرنی لگّیگی۔ کھیل ویکھے تیری مزے دی، جوتی جوت سروُپ ہرِ، آپ اپنی کِرپا کر، اِکو دینا سچّا ور، در تیرے منگ منگاں گی۔ در تیرا اِکو منگانگی۔ پربھ موُل موُل نہ سنگانگی۔ کھیل چھڈ کے کوُڑی کِریا جگت انندا دی، جوتی جوت سروُپ ہرِ، آپ اپنی کِرپا کر، اِکو دینا سچّا ور، در تیرے اِکو آس رکھانگی۔ گوداوری آسا لیَنی رکھ، دُھر فرمان جنائیا۔ سب کُچھ پُرکھ اکال دے ہتّھ، دوُسر چلے نہ کوئے چتُرائیا۔ حُکم سندیشہ دینا سچ، سُنیہڑا اِک سمجھائیا۔ جِس ویلے بھگت سُہیلے تیرے کنڈھے بہن سج، ساڈھے تِنّ ہتّھ اُپر ڈیرہ لائیا۔ تُوں سہج سُبھاؤ کول آویں بھجّ، پانی وِچوں سوانی بن کے روُپ وٹائیا۔ اِک بچن انوکھا تَینوُں دیواں دسّ، دھوکھا اَگے رہے نہ رائیا۔ پڑھنا پئے نہ کوئی پوتھا پتِ، ورقہ جگت نہ کوئے اُلٹائیا۔ جوتی جوت سروُپ ہرِ، آپ اپنی کِرپا کر، حُکم اِکو اِک سمجھائیا۔ گوداوری کہے مَیں آواں کیہڑی تھاں، تھننتر دے جنائیا۔ پُرکھ اکال کِہا

جِتھے لِکھیا ہووے میرا ناں، بِن اکّھاں تَینوُں نظری آئیا۔ اوہدے اُتے رکھیں اپنی بانہہ، سجّا ہتّھ ہتھیلی اُپر ٹِکائیا۔ سہج نال تَینوُں لَواں ہِلا، انتر انتر اپنا حُکم منائیا۔ پانی دی دھار وِچوں لَواں پرگٹا، پرگٹ ہو کے اپنا کھیل وکھائیا۔ جوتی جوت سروُپ ہرِ، آپ اپنی کِرپا کر، نِرگُن نِروَیر رہیا سمجھائیا۔ گوداوری کہے میری بانہہ بڑی نِکی، پربھوُ کومل نظری آئیا۔ پُرکھ اکال کِہا اوہ ویکھ گوبِند کول چِٹھی، جو پِچھلی رہیا وکھائیا۔ جِس دے اُتے لیکھ لیکھنی اوہ لِکھی، جِس دا لیکھا بےپرواہیِا۔ سب توں چنگی دسّی اوہ سِکھی، دوُسر اَور نہ کوئے چتُرائیا۔ جِس نوُں لبھدے مُنی رِکھی، کنڈھے تیرے ڈیرے لائیا۔ جوتی جوت سروُپ ہرِ، آپ اپنی کِرپا کر، سو صاحب رہیا سمجھائیا۔ گوداوری کہے کی گُرمْکھ مَیتھوں چنگا، حَیرانی میرے اندر آئیا۔ گوبِند کِہا اوہ ویکھ اوہناں دے چرن جھسدی گنگا، سُرستی دھوُڑی ٹِکاّ مستک لائیا۔ جمنا لبھدی پِھرے انندا، خالی جھولی بھجےّ واہو داہیِا۔ جِنہاں گُرمْکھاں نوُں اِکو سَتگُر لگے چنگا، سرِشٹی سارے گئے تجائیا۔ اوہناں دا میل نال سوُرا سربنگا، بھےَ بھؤ سرب مِٹائیا۔ منزل چڑھ کے اوس ڈنڈا، جِتھے ڈنڈؤت دی لوڑ رہے نہ رائیا۔ اِکو پُرکھ اکال مِلیا سنگا، ساتھی شہنشاہیِا۔ پار کنارہ بھگت سُہیلا ساچا لنگھا، شؤہ دریا نہ کوئے رُڑھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ گوداوری کہے کی سِکھ وِچ وڈیائی، کُچھ مَینوُں دے سمجھائیا۔ گوبِند کِہا اوہ جھلّے نہ میری جُدائی، تُوں بھجےّ واہو داہیِا۔ گُرسِکھ اپنا آپ رہے مِٹائی، مان ابِھمان نہ کوئے درسائیا۔ تُوں تیِرتھ تٹاں جگت اِشنان رہی کرائی، دُرمت مَیل نہ کوئےدھوائیا۔ جوتی جوت سروُپ ہرِ، آپ اپنی کِرپا کر، قُدرت دا کرتا کھیل کرائیا۔ بھادروں کہے مَیں گوداوری ویکھی خوشی، خوشیاں دے گیِت الائیا۔ اپنے آپ نوُں کر کے سُچی، سُچ سنجم رہی بنائیا۔ سب نوُں دسدی رُکھی رُکھی، اِشاریاں نال دِرڑائیا۔ بھجیّ پِھرے اڈّی اُچی، چار کُنٹ پندھ مُکائیا۔ رمز لاوندی جائے گُجھی، سُنیہڑا اِک سُنائیا۔ من مت ہنکار چھڈ دیؤ بُدھی، وِدیا وِچ نہ کوئے چتُرائیا۔ اوس دے نال سارے لا لؤ رُچی، جو رُسیاں رہیا منائیا۔ جِس دی اؤدھ کدے نہ مُکی، جُگ چؤکڑی کھیل کرائیا۔ جوتی جوت سروُپ ہرِ، آپ اپنی کِرپا کر، کرم کانڈ رہیا مِٹائیا۔ بھادروں کہے مَینوُں سارے کہندے بُرا بُرا ایس دا ہُسڑ، اندرے اندر اگّ لگائیا۔ مَیں جُگ جُگ بھگتاں نوُں چُکاں کُچھڑ، سوہنی سیو کمائیا۔ کُچھ لہنا پِچھلا لالو دے پُھپھڑ، جو نانک سیو کمائیا۔ جِس لیکھے لایا غریِباں دا ٹُکر، روَداسے دئے وڈیائیا۔ جِس دا سارے کردے شُکر، شُکرانے وِچ لوکائیا۔ جِس

نے نؤ سؤ چُرانوے چؤکڑی جُگ وِچ اِکو گوبِند بنایا پُتر، اپنی گود اُٹھائیا۔ کیتے قؤل توں نہ گیا مُکر، نِرگُن اپنا ویس وٹائیا۔ جِس نوُں نانک کِہا مہابلی ہو کے آوے اُتر، اُتّر پوُرب پچھّم دکھّن سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، ویس اویسا روُپ وٹائیا۔ بھادروں کہے مَینوُں سارے کہندے لگّے چماسا، چمّ باہروں دئے جلائیا۔ مَینوُں ویکھ ویکھ آوے ہاسہ، لعنت کوُڑیاں دیواں پائیا۔ جِنہاں دے اندر پربھوُ دا سچ بھرواسا، اُہناں میری دُھپ لگے نہ رائیا۔ جِنہاں نے پریم پیار دا رس کھادھا، اوہ ترِشنا گئے مِٹائیا۔ جِنہاں دا گوبِند پِتا پُرکھ اکال دادا، جگت روگ نہ کوئے ستائیا۔ جو ساچی نئیا نؤکا چڑھ گئے اوس جہازا، جِسدا کروُح بےپرواہیِا۔ جِسدا کھیڑا اِک ابادا، نگری اِک سُہائیا۔ جِس دا شبد اگمّی واجا، انحد راگ سُنائیا۔ جِس نے وسایا جن بھگتاں اندر اوہ عِلاقہ، جِس نوُں عقل سمجھ سکے نہ رائیا۔ جِتھے آوے کدے نہ فاقہ، بُھکھیاں بُھکھ دئے مِٹائیا۔ جِس دا کھِچے کوئے نہ خاکہ، نقشہ جگت نہ کوئے وڈیائیا۔ بھادروں کہے مَیں اُہناں دیِاں پوُریاں کراں آساں، جو آساں والے چل کے آئے پاندھی راہیا۔ گُرمْکھو اِس وِچ فرق رتی نہیں ماشہ، کوُڑی ونڈ نہ کوئے ونڈائیا۔ جوت سروُپی پُرکھ ابناشا، گوبِند شبدی دھار چلائیا۔ جِس دی گوپی کاہن پاوے راسا، مدُھر دُھن سُنائیا۔ جِس دا سوہنا اوَلّڑا سب توں ساکہ، جگت ساکھیِاں دین گواہیِا۔ مالک بن کے اِکو آقا، عاقبت سب دی ویکھ وکھائیا۔ گوداوری اُتے ویکھیو عجب تماشا، سوہنا دئے وکھائیا۔ نالے خوشیاں نالے ہاسا، ہستی وِچوں لئے بدلائیا۔ نالے گوبِند دی برِج سُنِیو بھاشا، جِس نوُں نند لال گیا سیِس نِوائیا۔ جِسدا شبد بوَنجا کَویاں موُل نہ واچا، واچک ہویا نہ کوئے جگت لوکائیا۔ اُس نے تُہاڈے نال جوڑنا ناتا، ساک اِکو بےپرواہیِا۔ اَگے سانجھا کر کے کھاتہ، کوُڑی کِریا ختم کرائیا۔ اِکو دسّ کے پوُجا پاٹھا، اِکو میلا لئے مِلائیا۔ اِکو بن کے دُھر دا باپا، ساچی گود دئے ٹِکائیا۔ جھگڑا مُکا کے پرِتھمی آکاشا، گگن گگننتر لیکھا دئے چُکائیا۔ جوتی جوت سروُپ ہرِ، آپ اپنی کِرپا کر، سچ دوارے کر کے واسا، نِواس استھان اِکو دئے وکھائیا۔ بھادروں کہے مَینوُں سارے کہندے بھَیڑا، جگت رسنا دئے دُہائیا۔ سچ پُچھو مَیں بھگتاں دا کدی نہیں چھڈنا کھہڑا، گُرمْکھاں دے نال مِل کے خوشی منائیا۔ ہُن وی دسّن آیا نؤ سؤ چُرانوے چؤکڑی جُگ دا مُکیا گیڑا، پاندھی اپنا پندھ چُکائیا۔ ویکھیو من منسا نال کرِیو نہ جھیڑا، جھگڑا دُئی نہ کوئے جنائیا۔ ساڈھے تِنّ ہتّھ وساؤنا پَینا کھیڑا، کھِڑکی اندروں لیَنی کُھلائیا۔ کوُڑی کِریا چُکے اندھیرا، سچ جوت ہووے رُشنائیا۔ آتم پرماتم ڈھولا گاؤنا تیرا میرا، تُوں ہی تُوں

راگ الائیا۔ ساچا بن کے گُروُ چیلا، چیلا گُروُ دینا وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بھادروں کہے گُرمْکھو بستر پائیو چِٹے، چٹک اپنا آپ بنائیا۔ گوبِند دُدھ کدے نہ پِھٹے، امرت روُپ رہیا بدلائیا۔ جِس ویلے جل آوے تُہاڈے گِٹے، چرن اپنے وِچ چُھپائیا۔ تُسیں من مان گوا کے سارے بنِیو نِکّے، وڈّا وڈ نہ کوئے وڈیائیا۔ پردیاں وِچوں تُہانوُں دِسے، سوہنا سوامی نظری آئیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا کرائیا۔ گٹا کہے جِس ویلے پانی جائے لگ، مَیں حال دینا سُنائیا۔ گُرمْکھو سوگند کھاؤ اساں ناتا توڑیا جگ، کِریا کوُڑ تجائیا۔ قسم کھا کے اِک پریِتی اندر گئے بجھ، پُرکھ اکال اِک منائیا۔ بھَین بھائی ساک سجّن سارے دِتے چھڈ، حُکمے اندر سیِس نِوائیا۔ پرم پُرکھ دی بن گئی جدّ، یتھارتھ اِکو راہ تکائیا۔ ہنس روُپ نہ بنے کگ، وِشٹا کوُڑ نہ کوئے پھولائیا۔ پربھ توں ہونا نہیں کدے الگ، آتم پرماتم لیا جُڑائیا۔ پھیر تھوڑا اَگے جانا ودھ، وادھا ہور کرائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سمجھائیا۔ پانی کہے جِس ویلے لگّاں نال لتّاں، لعنت کوُڑیاں دینی پائیا۔ اندروں بدل لؤ اپنیِاں متاں، من واسنا دینی کڈھائیا۔ جھوُٹھا ناتا سمجھو تتّاں، اپ تیج وائے پرِتھمی آکاش سنگ نہ کوئے نِبھائیا۔ اپنیِاں اندروں کھولو اکّھاں، درشن تکّو چائیں چائنیا۔ ویلا وقت مِلیا مساں مساں، مسلے حل لؤ کرائیا۔ جوتی جوت سروُپ ہرِ، آپ اپنی کِرپا کر، لہنا دینا ویکھ وکھائیا۔ پانی کہے مَینوُں کِسے نے وِچوں کہنا جل، انتر دھیان لگائیا۔ اوس دا پاپ جانا حل، جو تیہویں سال وِچ کمائیا۔ اوس دا کُکرماں دا کٹ کے پھل، پربھ نے دَیادینی کمائیا۔ ایہہ کھیل نہیں ہونا گھڑی کوئی پل، فُرنے وِچ دئے جنائیا۔ اوتھے کرنا نہیں کوئی چھل، اچھل چھل نہ کار کمائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ گوداوری کہے گُرمْکھو اپنے چرناں دی لےَ کے آئِیو دھوُڑ، واسطہ رہی پائیا۔ میری عرض منّو ضرور، بینتی رہی سُنائیا۔ تُہاڈے کول حاضر حضوُر، ہرِ جوُ شہنشاہیِا۔ مَیں آساں بھری مجبوُر، دوُر دُراڈی راہ تکائیا۔ تُسیں جلوہ تکو نوُر، جوت جوت رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جن بھگتو دھوُڑی خاک بھرنی چُٹکی، انک تیس تیس گنائیا۔ میری اؤدھ جائے مُکدی، تُہاڈے اَگے واسطا پائیا۔ ہُن کھیل نہیں رہنی لُک دی، پربھ پردے رہیا اُٹھائیا۔ دھار چلنی گوبِند سُت دی، جِس دا پُرکھ اکال سہائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوداوری کہے گُرمْکھو دھوُڑ دی بھرِیو چوُنڈھی، مَیں گل وِچ پلّوُ پائیا۔

جِس ویلے صاحب سُلطانا اپنے ہتّھ وِچ پھڑے کھوُنڈی، اوہدے چرناں ہیٹھوں لیَنی اُٹھائیا۔ مَینوُں جُگ چؤکڑی لبھی نہ ڈھوُنڈی، ہتّھ نہ کِسے جنائیا۔ مَیں شرم دی ماری کِسے نال نہ کوُندی، تُہاڈے اَگے واسطا پائیا۔ تُہاڈی شکل اوسے ورگی ہوُبہوُ دی، روُح بُت اپنا رنگ رنگائیا۔ جِنہاں دے اندروں آواز آئے تُونہی تُوں دی، دوُجا ڈھولا نہ کوئے گائیا۔ پھیر خوشی ویکھیو میرے لوُں لوُں دی، تُہانوُں ساہمنے دیاں وکھائیا۔ جوتی جوت سروُپ ہرِ، آپ اپنی کِرپا کر، میری رنگن دیؤ رنگائیا۔ جن بھگتو دھوُڑی نہ سمجھِیو خاک، مِٹّی روُپ نہ کوئے وٹائیا۔ جِس دے نال تُساں ہونا صاف، بِبیک مَینوُں دینا کرائیا۔ دوہاں دا ہونا اِتفاق، اَگے نہ ہوئے جُدائیا۔ گوبِند دا بھوِکھتاں والا واک، پوُرا دینا کرائیا۔ پُرکھ اکال باپ، اِکو لَینا منائیا۔ سوہنگ ڈھولا جاپ، نانک رہیا سمجھائیا۔ تُوں میرا مَیں تیرا ساتھ، وجدی رہے ودھائیا۔ ایتھے جھُکنے پرِتھمی آکاش، سِر سکے نہ کوئے اُٹھائیا۔ گوپیِاں پاؤنی راس، اپنا ناچ وکھائیا۔ رام نے کٹنا بنباس، شہنشاہ دئے وڈیائیا۔ چار کُنٹ بِنا بھگتاں اندر جگنا نہ کوئے چراغ، خالی دِسے سرب لوکائیا۔ اوس باپ دی سُنِیو آواز، جو عیسیٰ موُسیٰ کر کے گیا پڑھائیا۔ ویکھیو بُھل وِچ نہ ہویؤ گُستاخ، غُصّے وِچ نہ کوئے لڑائیا۔ جے جنم لیِا تے درس کیِا لےَ کے جائیو شاباش، ویلا گیا ہتّھ نہ آئیا۔ جوتی جوت سروُپ ہرِ، آپ اپنی کِرپا کر، سوہنا حُکم اِک ورتائیا۔ دھوُڑی کہے گُرمْکھو مَینوُں پھڑِیو سّجے چرن دے ہیٹھ انگوُٹھے، اُنگلیاں دی لوڑ رہی نہ رائیا۔ تُہاڈے خالی بھر دیاں ٹھوُٹھے، بُھکھیاں بُھکھ مِٹائیا۔ دوارا دُھر دا اِکو سوُجھے، ناتے کوُڑے دیاں تُڑائیا۔ سو گُرمْکھ سچّا بوُجھے، جِس دا پردہ دیاں اُٹھائیا۔ بھرم چُکا کے ایکا دوُجے، دوُآ ایکے وِچ مِلائیا۔ درس کرا کے نیتر تیِجے، لوچن سچ کُھلائیا۔ جوتی جوت سروُپ ہرِ، آپ اپنی کِرپا کر، ساچی سیوا رہیا سمجھائیا۔ دھوُڑ کہے مَیں کھیل ویکھنی دُھر دی، دُھر مستک لیکھ جنائیا۔ دُھن سُناؤنی اوسدی سُر دی، جو سُتّیاں لئے اُٹھائیا۔ دھار پرگٹاؤنی اوس گُر دی، جو گودی لئے ٹِکائیا۔ جِس نے پار کراؤنی گوداوری مُردی، مُدتاں پِچھوں پھیرا پائیا۔ ایہہ کھیل نہیں کِسے دیوت سُر دی، وِشن برہما نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، اپنا کھیل آپ کرائیا۔ دھوُڑ کہے مَیں دسّاں انت اَخیِری، آخر دیاں جنائیا۔ پربھ دے چرناں وِچ اوہ پیِری، جِس نوُں پیِر پَیغمبر سجدیاں وِچ سیِس نِوائیا۔ جِس نے شرع دی کٹنی زنجِیری، تعمیِر اپنی دئے بنائیا۔ جِس نے لیکھے لاؤنی شاہی حقیِری، حقیِر شاہ اِکو رنگ رنگائیا۔ جِس نے بھگتاں نوُں دسّنی سچ فقیِری، فقرہ ڈھولا اِکو دینا سُنائیا۔

منزل چاڑھ کے بھگت کبیِری، کرماں دا لیکھا دینا مُکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک منائیا۔ بھادروں کہے جن بھگتو میری تُہانوُں نمستے، نمو کہہ کے دیاں جنائیا۔ تُہاڈے کھیڑے رہن وسدے، وصل اِکو یار خُدائیا۔ تُہاڈے انتر ویکھاں ہسدے، غمی خوشی وِچ بدلائیا۔ پنچ وِکار ویکھاں نسدے، بھجّن واہو داہیِا۔ تُہاڈے ڈھولے سُناں جس دے، جو اِکو راگ الائیا۔ تُہاڈے نِشانے ویکھاں پریمی اکّھ دے، جو انیالے تیِر چلائیا۔ جِس نوُں جُگ چؤکڑی سارے رہے لبھدے، سو تُہاڈا ہو کے مِلیا چائیں چائنیا۔ اوسے دے دوارے پھبدے، جو فَیصلے حق سُنائیا۔ مہاراج شیرسِنگھ وِشنوُں بھگوان، کھیل کرے پُرکھ سمرتھ دے، سمرتھ ہو کے تُہاڈی وست تُہاڈی جھولی پائیا۔

۳ بھادروں شہنشاہی سمت ۱ بخشیِش سِنگھ دے گرِہ پِنڈ قادراباد ضِلع امرتسر

نرگُن دھار پُرکھ اکال پیا اُٹھ، جوتی جاتا نوُر اِلاہیِا۔ سچکھنڈ دوارا ہویا خوش، تھِر گھر وجّی اِک ودھائیا۔ وِشن برہما شِو گئے جھُک، برہمنڈ کھنڈ پُری لوء آکاش پاتال سیِس نِوائیا۔ گُر اوتار پیِر پَیغمبر ویکھن دُھر دی رُت، بِن لوچن نیَن اکّھ کُھلائیا۔ بھگت سُہیلے اِک دوُجے نوُں رہے پُچھ، سچ دوارے خوشی منائیا۔ سنت ساجن بدل کے اپنا رُخ، آتم پرماتم دھیان لگائیا۔ گُرمْکھ کر کے اُجل مُکھ، نِج نیَن رہے کُھلائیا۔ گُرسِکھ ساچا ڈھولا گاؤن اگمّی تُک، تُوں میرا مَیں تیرا دوُجا نظر کوئے نہ آئیا۔ جُگ چؤکڑی کہن ساڈا پیَنڈا رہیا مُک، اُچی کوُک کوُک سُنائیا۔ جِس نے پنج تت کایا ماٹی ویکھنا بُت، تتو تت کھوج کھوجائیا۔ جِس دا اوہلا بھیو رہے نہ لُک، پردہ اَور نہ کوئے جنائیا۔ سو پُرکھ اکالا دیِن دَیالا کر پرکاش نِرگُن جوت، دو جہاناں ویکھ وکھائیا۔ جِس دا نام نگارہ اِکو وجےّ چوٹ، دوُجا تال نہ کوئے وکھائیا۔ جِس نوُں جھُکدے چؤداں لوک، چؤداں طبق پَیراں ہیٹھ اپنا آپ مِٹائیا۔ چؤداں وِدیا سمجھ نہ سکے اِک سلوک، لیکھا لِکھت نہ کوئے وڈیائیا۔ جِس دا بھانا سکے نہ کوئی روک، شاہ سُلطاناں رہیا مِٹائیا۔ جِس دی سچ دوارے نِرگُن دھار اگمّی مؤج، سرگُن نظر کوئے نہ آئیا۔ جو گھٹ گھٹ انتر سب نوُں رہیا کھوج، ہِردے انتر ویکھ وکھائیا۔ جو نام خُماری دیوے کرے مدہوش، مدُھر دُھن اِک سُنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ پُرکھ اکال نِرگُن نِروَیر،

نِراکار کھیل کھِلائیا۔ برہمنڈاں کھنڈاں اندر کرنہارا سیَر، لکّھ چؤراسی ویکھ وکھائیا۔ جِس نوُں گُروُ اوتار پیِر پَیغمبر کہندے گئے گمبھیِر گہر، بےانت بےپرواہ سچّا شہنشاہیِا۔ جِس دے چرناں کول ورتے کدی نہ قہر، اگنی تت نہ کوئے جلائیا۔ جِس نوُں مِلدیاں لگے کدی نہ دیر، انتر انتر میلا سہج سُبھائیا۔ جِس دا نام نِدھانا شبد اگمّی شیر، بھبک دو جہان سُنائیا۔ جو غریِب نِمانیاں کوجھیاں کملیاں اُتے کرے مِہر، نِیوٹیاں نےآسریاں اپنی گود اُٹھائیا۔ جو آد جُگاد جُگ چؤکڑی سب دا لہنا دینا دئے نبیڑ، حق حقیِقت دئے وکھائیا۔ جو کوُڑی کِریا جگت واسنا من تن رہیا چھیڑ، نوَ نؤ چار کھیل کھِلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ پُرکھ اکال کہے میرا نوُر اگمّا، جگت نیتر نظر کِسے نہ آئیا۔ میرا نام نِدھانا شبد مات کُکھ کِسے نہ جمّا، پِتا پوُت نہ کوئے بنائیا۔ میرا پیار ہتّھ نہ آیا کِسے ماٹی چمّا، تتّاں رنگ نہ کوئے وکھائیا۔ میرے دوارے ہرکھ سوگ رہے نہ غما، چِنتا روگ نہ کوئے جنائیا۔ آد جُگاد جُگ چؤکڑی اپنی دھار وِچوں اِکو بھگت سُہیلے جمّا، بن دُھر جنیدی مائیا۔ اِکو راگ سُنا کے بِنا کنّاں، انتر آتم کراں پڑھائیا۔ سچ خزینہ دے کے دھنا، دُھر دا دھن دیاں دِرڑائیا۔ نوُری جوت چاڑھ کے چنّاں، کایا مندر اندر کراں رُشنائیا۔ دُئی دوَیتی کوُڑی کِریا مایا ممتا دیِن مذہب ذات پات مِٹا کے بنّا، اِکو آتم پرماتم دیاں سمجھائیا۔ سچ سندیشہ بن نریشا نر نِرنکار ہو کے گھلّاں، دُھر فرمانا اِک دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ بےپرواہ کھیل اپارا، ہرِ کرتا آپ کرائیا۔ وجّی ودھائی سچ دوارا، تھِر گھر ڈھولا اِکو گائیا۔ سجدہ کرے گُروُ اوتارا، پَیغمبر نال مِلائیا۔ دیوت سُر کرن نِمسکارا، گن گندھرب رہے جس گائیا۔ جُگ چؤکڑی بھجّن وارو وارا، رَو سس اپنا پندھ مُکائیا۔ کرے کھیل بھگت وچھل سچّا گِردھارا، گہر گمبھیِر وڈی وڈیائیا۔ جِس دا لیکھا آد انت شاستر سِمرت وید پُران گیِتا گیان کھانی بانی نہ کوئے وِچارا، بُدھی چلی نہ کوئے چتُرائیا۔ کاتب بنیا نہ کوئے لِکھارا، حرف حروُف نہ کوئے دِرڑائیا۔ جِس نوُں جلوہ نوُر منّیا پروردِگارا، واحد لاشریِک اکھوائیا۔ جیہڑا نام سندیشہ دیندا رہیا وارو وارا، زِمیں اسماناں دو جہاناں کر پڑھائیا۔ جِس دا دُھر دربار ٹھانڈا اِک دربارا، دوُجا گرِہ نہ کوئے وکھائیا۔ جِس دا اِکو مندر شِودوالا مسجد گُروُدوارا، مٹھ ونڈ نہ کوئے ونڈائیا۔ جِس گرِہ اِکو دیِپ ہوئے اُجیارا، جوتی جوت جوت رُشنائیا۔ جِتھے اِکو نام جَیکارا، بِن رسنا جِہوا ڈھولا رہیا سُنائیا۔ جِتھے اِکو حُکم ورتارا، نہ کوئی میٹے میٹ مِٹائیا۔ جِس نوُں گُر اوتار پیِر پَیغمبر کہندے پُرکھ اکال ہمارا، ہم ساجن کر کے گیا

جنائیا۔ جِس دا بھوِکھتاں وِچ وِچارا، شاستر سِمرت دین گواہیِا۔ جِس نوُں کہندے کل کلکی اوتارا، نِرگُن نِروَیر نِراکار بھیو کُھلائیا۔ جِسدا انت نہ پاراوارا، بےانت کہے لوکائیا۔ سو کھیل کرے اگمّ اپارا، الکھ اگوچر اپنی دھار چلائیا۔ جوتی جاتا پُرکھ بِدھاتا پت پرمیشور ہو اُجیارا، نوُر نوُرانہ شاہ سُلطانا نؤجوانا مرد مردانہ اپنا ویس وٹائیا۔ جِس نے چار کُنٹ دہ دِشا نوَ نؤ چار کرنا کھیل نیارا، بودھ اگادھا شبد انادا برہم برہمادا دینا جنائیا۔ جوتی جوت سروُپ ہرِ، آپ اپنی جوت دھر، اپنا حُکم اِک ورتائیا۔ دُھر دا حُکم اِک ورتاؤندا اے۔ پُرکھ اکال دَیاکماؤندا اے۔ تھِر گھر دواریوں اپنا سُت اُٹھاؤندا اے۔ شبدی پُت آپ اُٹھاؤندا اے۔ کر کھیل ابناشی اچُت، چیتن سب نوُں آپ کراؤندا اے۔ نوَ نؤ چار پِچھوں سُہاوے سُہنجنی اپنی رُت، رُتڑی اپنے نال مہکاؤندا اے۔ چار کُنٹ دہ دِشا سچ سوامی ہو کے جائے تُٹھ، بھنڈارا نام اتُٹ آپ ورتاؤندا اے۔ جوتی جوت سروُپ ہرِ، آپ اپنی کِرپا کر، سچ دوارے سوبھا پاؤندا اے۔ سچ دوارا کہے مَیں تکیا اِک نِرنکار، جوتی جاتا نظری آئیا۔ جِس دا کھیل سدا جُگ چار، چؤکڑی ویس وٹائیا۔ جِس دا روُپ اگمّ اپار، جگ نیتر نظر کِسے نہ آئیا۔ جو گُر اوتاراں پیِر پَیغمبراں دیندا رہیا ادھار، انتر انتر دھیان لگائیا۔ جِس دی گُفت شنید گُفتار، دُھر دا کلمہ کرے پڑھائیا۔ جو مالک خالق پرِتپالک وڈ سِکدار، شہنشاہ اکھوائیا۔ جِس دا بھانا میٹے کوئی نہ جودھا سوُربیِر بلکار، بلدھاری نظر کوئے نہ آئیا۔ جِس دا راہ تکدے گئے پَیغمبر گُر اوتار، بِن اکّھاں اکّھ کُھلائیا۔ سو صاحب سوامی انترجامی پُرکھ اکالا دیِن دَیال پروردِگار سانجھا یار آیا اپنی وار، وارث ہو کے ویکھ وکھائیا۔ سب دا لہنا دینا پوُرب لیکھا جنم جنم دا دئے اُتار، قرض مقروُض نہ کوئے رکھائیا۔ کوُڑی کِریا مایا ممتا ہؤمے ہنگتا دیوے مار، جوُٹھا جھوُٹھا لیکھا دئے چُکائیا۔ ذات پات دیِن مذہب اوُچ نیِچ راؤ رنک کر خَوار، سچ دوارا اِکو دئے دِرڑائیا۔ ساڈھے تِنّ ہتّھ تاکی کھول کِواڑ، بجر کپاٹی پردہ دئے اُٹھائیا۔ ترےَگُن مایا میٹے اگنی ہاڑ، امرت میگھ دئے برسائیا۔ سُرتی شبد مِلا کے دھار، دُھر دا میلا سہج سُبھائیا۔ ساچا مندر وکھائے جِتھے جوت جگے اگمّ اپار، دیِا باتی لوڑ رہے نہ رائیا۔ سرِشٹ سبائی دسےّ اِک جَیکار، آتم پرماتم ڈھولا دئے سمجھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ سچکھنڈ دوارا کہے مَیں ویکھیا کرتا، قُدرت دا مالک نظری آئیا۔ جِس توں آد جُگاد جُگ چؤکڑی دو جہان ڈردا، سِر سکے نہ کوئے اُٹھائیا۔ جو نِت نوِت اپنا کھیل کردا، نِرگُن سرگُن پھیرا پائیا۔ جو نِت نوِت جُگ چؤکڑی کدے نہ مردا، مات گربھ نہ پھیرا پائیا۔

سو کرے کھیل اپنی دھار دا، دھرنی دھرت دھوَل دھؤل ویکھ وکھائیا۔ لہنا دینا لیکھا پوُرا کرے گُر اوتار دا، جو بھوِکھتاں وِچ منگ منگائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا دِرڑائیا۔ سچکھنڈ کہے مَیں ویکھیا اوہ بھگوان، جِس دا بھیو کوئے نہ پائیا۔ جِس دا جھُلدا اِک نِشان، نِشانہ اَور نہ کوئے بنائیا۔ جِس دا اِکو نام نِدھان، دوُجی سِکھیا نہ کوئی سمجھائیا۔ جِس دا دُھر اِک مقام، مقامے حق ڈیرہ لائیا۔ جِس دا کھیل دو جہان، نِرگُن سرگُن ویس وٹائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ سچکھنڈ دوارا کہے مَیں جُگ جُگ ویکھی ریِت، ابناشی کرتے دِتی دِرڑائیا۔ کھیل ویکھدا رہیا ٹھیِک، ٹھاکر ہو کے رہیا سمجھائیا۔ مَیں بہہ کے سدا اتیِت، لیکھا ترےَگُن ویکھیا چائیں چائنیا۔ لکّھ چؤراسی تکدا رہیا نیِت، دوُر دُراڈا کھوج کھوجائیا۔ وینہدیاں وینہدیاں نؤ سؤ چُرانوے چؤکڑی جُگ گئے بیِت، بن بن پاندھی راہیِا۔ گُر اوتار پَیغمبر رسنا جِہوا بتّی دند گا کے گئے گیِت، دُھر سندیشے جگت سُنائیا۔ شِودوالے مٹھ بنا کے مندر مسیِت، گُروُدوار کر کُڑمائیا۔ آتم پرماتم ساچی ملِے نہ کِسے پریِت، پریِتم میل نہ کوئے مِلائیا۔ بِن پُرکھ اکال دیِن دَیال جھگڑا چُکے نہ ہست کیِٹ، دُئی دوَیت نہ کوئے گوائیا۔ ساچا کلمہ پڑھے نہ کوئے حدیِث، دُھر دا نام نہ کوئے جنائیا۔ جگت نِشانہ وِچ جہاناں اکھّراں والی ویکھی وصیّت، وسیقہ گُر اوتار پَیغمبر نظری آئیا۔ بِن سچکھنڈ دوارے ملِے نہ کوئے اصلیّت، اصل وصل سانجھے یار نہ کوئے کرائیا۔ جوتی جوت سروُپ ہرِ، آپ اپنی کِرپا کر، اپنا لیکھا رہیا جنائیا۔ سچکھنڈ کہے مَیں دسّاں جگ، نوَ نؤ چار پِچھوں دیاں وکھائیا۔ ویکھے کھیل سوُرے سربگ، جو شاہ پاتشاہ رہیا ورتائیا۔ کلجُگ کوُڑی کِریا سرِشٹ سبائی کیِتی کگّ، ہنس نظر کوئے نہ آئیا۔ مایا ممتا ہؤمے ہنگتا لگی اگّ، نِجھر جھِرنا امرت میگھ نہ کوئے برسائیا۔ سچ سوامی انترجامی درس کرے نہ کوئی اُپر چڑھ شاہ رگ، ساچا جوڑ نہ کوئے جُڑائیا۔ بِن مکّے کعبیوں پوُرا ہویا کِسے نہ حج، حضرت سچ محرابےدرس کوئے نہ پائیا۔ سَتگُر شبد ساڈھے تِنّ ہتّھ اندر کِسے لیا نہ لبھ، پڑھ پڑھ تھکی سرب لوکائیا۔ دُھن آتمک سُنے کوئی نہ ند، ڈھولک چَھینے رہے کھڑکائیا۔ کلجُگ کہے ایہہ کھیل پُرکھ سمرتھ، جو دُھر دا حُکم رہیا ورتائیا۔ گُر اوتار پیِر پَیغمبر جِس نوُں جوڑدے ہتّھ، چرناں اُتے ڈھیَہہ کے ڈنڈاوت کر کے دھوُڑی ٹِکاّ مستک رہے لگائیا۔ اوہ صاحب سُلطانا نؤجوانا مرد مردانہ سب دا دیونہارا حق، حاکم ہو کے ویکھ وکھائیا۔ صدی چؤدھویں راہ سارے رہے تک، تقویٰ اِک رکھائیا۔ بیِس اِکیس کہے میرا ویلا گیا لنگھ، پیَنڈا لیا مُکائیا۔ سِری

بھگوان نؤجوان ساچے تخت بَیٹھ پلنگ، جِس دا پاوا چوُل نظر کِسے نہ آئیا۔ سَت دھرم دا وجا اِک مردنگ، کوُڑی کِریا دے کھپائیا۔ ہُلارا دے دے وِچ وربھنڈ، برہمنڈ دے اُٹھائیا۔ گُرمْکھ آتم رہے کوئی نہ رنڈ، بھگت سُہیلے گُر چیلے لئے مِلائیا۔ بِن رسنا جِہوا بتّی دند انتر آتم دے انند، انند انند وِچوں پرگٹائیا۔ جُگ جنم دے وِچھڑیاں شبدی سُرتی ڈوری گنڈھ، تیرے نالوں نہ ہوئے جُدائیا۔ بوُند سوانتی دے کے پا ٹھنڈ، اگنی تت دے بُجھائیا۔ کوجھے کملے غریِب نِمانیاں لا انگ، جو صاحب آئے تیری سرنائیا۔ لیکھا مُکا دے جیرج انڈ، اُتبُھج سیتج پھیر نہ کوئے پِھرائیا۔ تَینوُں مِل کے پڑھنا پئے کوئے نہ چھند، گرنتھاں والی نہ کوئی شنوائیا۔ جھگڑا مُکا دے برہم ہنگ، ہنگ برہم پاربرہم اپنا رنگ رنگائیا۔ کوُڑی دِسے کایا ماٹی تن، پنچم پنچم لیکھا دے سمجھائیا۔ جوتی جوت سروُپ ہرِ، آپ اپنی کِرپا کر، دُھر میلا لےَ مِلائیا۔ سچکھنڈ کہے مَیں جُگ جُگ پیَنڈا ویکھیا مُکدا، سَتجُگ تریتا دواپرگیا پھیرا پائیا۔ پُرکھ اکال پاربرہم پت پرمیشور جُگ جُگ بھگتاں پُچھدا، سنت سُہیلے گلے لگائیا۔ صوُفی فقیِر گودی چُکدا، الفی سوہنا رنگ چڑھائیا۔ ناتا جوڑ کے پِتا پُت دا، گُرمْکھ اپنے رنگ رنگائیا۔ جگت وِکار اوہناں دا لُٹدا، جِس سِر اپنا ہتّھ رکھائیا۔ پیالہ دے کے اگمّی گھُٹ دا، امرت اِکو دئے پیائیا۔ جِس نال آون جاون لکّھ چؤراسی چُھٹدا، جوتی جوت وِچ سمائیا۔ جوتی جوت سروُپ ہرِ، آپ اپنی کِرپا کر، کرنی اپنے ہتّھ وکھائیا۔ سچکھنڈ کہے میرے دُھر دے پروردِگار، لاشریِک تیری وڈیائیا۔ کِرپا کر سانجھے یار، صاحب سوامی دَیا کمائیا۔ کوُڑی کِریا ہووے پار کِنار، لوک مات رہن نہ پائیا۔ کلجُگ منزل رہے نہ کوئی دُشوار، اؤکھی گھاٹی دینی ڈھاہیِا۔ بھگت سُہیلے سجّن کر تیار، گُرمْکھ مات اُٹھائیا۔ اندر وڑ کے دے دیِدار، باہروں نظر کِسے نہ آئیا۔ شبدی ناد سُنا سچّی دُھنکار، انراگی راگ جنائیا۔ جام پیالہ دے اپر اپار، جو تیِرتھ تٹاں وِچوں ہتّھ کِسے نہ آئیا۔ گھر وِچ گھر دِیپک دے بال، بِن تیل باتی جوت ہووے رُشنائیا۔ اِکو رنگ رنگا دے شاہ کنگال، آتم برہم بھیو کُھلائیا۔ سَتجُگ ساچے بن دلال، وِچولا ہو کے میل مِلائیا۔ دُھر دا جلوہ دسّ جلال، ظاہر ظہوُر کر رُشنائیا۔ جھگڑا مُک جائے کوُڑ تمام، لیکھا رہے رائیا۔ سب نوُں نظری آ جا اوہ امام، جِس نوُں محمد عیسیٰ موُسیٰ گئے سیِس نِوائیا۔ پرگٹ ہو جا دُھر دے رام، جِس رام نوُں رام دسرتھ بیٹا مِل کے خوشی منائیا۔ کھیل کردے دُھر دے کاہن، جِس کاہن نوُں بنسری والی کاہن دُھن سُنائیا۔ سچ سندیشہ دے دے اِکو نام، جِس نام دی نانک نِرگُن صِفتاں وِچ کری لِکھائیا۔ ساچا شستر دے دے

جِس دے نال بدل جاوے نِظام، اندرے اندر کایا گاترےَ دینا لٹکائیا۔ تیرا کھیل ویکھیئے وِچ جہان، کلجُگ بَیٹھا ڈھیریاں ڈھائیا۔ جگت صدیاں ہوئیاں حَیران، ودی سُدی اکّھ شرمائیا۔ سال مہینےِ دِوس گھڑی پل سرب کُرلان، وار تھِت دھیِر نہ کوئے دھرائیا۔ سب نوُں اُڈیِکاں لنگھدیاں گئیاں تاریخاں کلجُگ انتم آؤنا سِری بھگوان، نِہکلنک کل کلکی پھیرا پائیا۔ کِسے سمجھ نہ آئی ساڈھے تِنّ ہتّھ سمبل کیہڑا مکان، جِس مندر بہہ کے ہرِ مندر دئے سُہائیا۔ بِنا بھگتیؤں بِنا شکتیؤں انتر آتم دیوے برہم گیان، بِن اکھّراں کرے پڑھائیا۔ ساچی منزل چڑھنا دسےّ آسان، پؤڑی ڈنڈا ہتّھ نہ کوئے پھڑائیا۔ گھر سُرتی گوپی مِل جائے دُھر دا کاہن، سیِتا رام بنباس نہ کوئے بھوائیا۔ بِنا سجدیاں کلمیوں دسےّ پرنام، ڈنڈاوت اِکو اِک دِرڑائیا۔ ساچا مندر دسّ اوہ مقام، جِس مکان وِچ بہہ کے مقبریاں دی لوڑ رہے نہ رائیا۔ اودھروں بچن سُن کے سچکھنڈ بولیا بِنا زبان، بھگتو تُہانوُں دیاں جنائیا۔ بِنا پربھوُ دے چرناں ملِے نہ کوئی آرام، ایہو گُر اوتار پیِر پَیغمبر گئے سمجھائیا۔ جِس نوُں مِلنا بڑا آسان، کایا مندر اندر مِل کے خوشی منائیا۔ جوتی جوت سروُپ ہرِ، آپ اپنی کِرپا کر، سچ رحمت اپنی رہیا کمائیا۔ سچکھنڈ کہے مَیں ویکھیا لوک مات انوکھا سمت، شہنشاہی گیا آئیا۔ جِس دے اَگے چار جُگ کردے مِنّت، نیتر نیَناں نیِر وہائیا۔ اَگے رہے نہ کِسے دی کوئی ہِمّت، ہؤصلے سارے رہے ڈھائیا۔ جِس دی دروہی پِھری چارے سِمت، سماں دئے گواہیِا۔ کلجُگ کوُڑی کِریا رہن نہیں دینی عِلّت، مایا ممتا دینی مِٹائیا۔ گُرمْکھاں دی خواری کرے کوئی نہ ذِلّت، سِر اپنا ہتّھ ٹِکائیا۔ سچ پریم پیار دا دُھر دا دسےّ عِشق، جِس نوُں حقیِقی مجازی دوویں سیِس نِوائیا۔ اندروں کھول دیوے درِشٹ، پردہ دئے چُکائیا۔ اِکو نظری آئے اِشٹ، جوتی جوت جوت رُشنائیا۔ بھگتاں نال مِل کے آتم پرماتم ساچی سیجا مانے اِکو گِرہست، گہر گمبھیِر دَیا کمائیا۔ لیکھا چُکا دے رام وشِشٹ، گُروُ گُر چیلا اپنے رنگ رنگائیا۔ حُکم سُنا کے ساری سرِشٹ، کائنات کرے پڑھائیا۔ جن بھگتو کِسے کمّ نہیں آؤندا سَورگ بہِشت، بِن پربھ چرن سانتک سَت نہ کوئے کرائیا۔ کوٹاں وِچوں پاربرہم پربھ کول تھوڑیاں دی لِسٹ، جو اپنے لیکھے جان مُکائیا۔ جِنہاں دی کرنی کدے نہیں ہونی نشٹ، نِہکرمی دیونہار وڈیائیا۔ اُہناں گُرمْکھاں وِچوں گِردھارا سِنگھ کلاس فسٹ، فَیصلہ دُھر دا دِتا سمجھائیا۔ جِہنوُں جماں نے کدی نہیں کرنا ارَیسٹ، دھرم رائے لیکھ نہ کوئے وکھائیا۔ اَگے کِسے گُر اوتار پَیغمبر کیِتا نہیں ٹیَسٹ، مضموُن دُھر دا دِتا پڑھائیا۔ سِمت ویکھنی نہیں کوئی ایِسٹ وَیسٹ، شرکن گربن نہ کوئے بھوائیا۔ جوتی جوت

سروُپ ہرِ، آپ اپنی کِرپا کر، کرے کھیل بےپرواہیِا۔ سچکھنڈ کہے مَیں ویکھاں لوک مات، سمت پہلے دھیان لگائیا۔ بھگت وچھل پاربرہم پت پرمیشور پروردِگار ساچے بھگتاں دیندا اوہ دات، صوُفی فقیِراں رہیا پڑھائیا۔ جِنہاں دی گرِہ لیکھے لائے سُہنجنی رات، پربھات اپنی دئے وکھائیا۔ آتم پرماتم دسّ کے اِکو ذات، جھگڑا دُئی دئے مِٹائیا۔ بھگتاں دیونہارا شاباش، مِہر نظر اِک اُٹھائیا۔ جنم جنم دی پوُری کرے آس، پوُرب لیکھا رہیا مُکائیا۔ اندر وڑ سرب گُنتاس، سَت سَتواد اپنا راہ سمجھائیا۔ مَیں تیرا تُوں میرا سد وساں تیرے پاس، جوتی شبد ہووے نہ کدے جُدائیا۔ تَینوُں لبھنا پئے نہ وِچوں کِسے آکاش، زِمیں اسمان نہ کھوج کھوجائیا۔ تَینوُں کرنا پئے کوئی نہ پاٹھ، منتر اں والی نہ کوئے شنوائیا۔ نہاؤنا پئے نہ کِسے تاٹ، تیِرتھ دُرمت مَیل نہ کوئےدھوائیا۔ سہج سباؤ جن بھگتاں لےَ جائے اپنے گھاٹ، سَتگُر ہو کے پیَنڈا دئے مُکائیا۔ ایتھے اوتھے دو جہاناں دیوے نِجات، نِج نیتر اپنا درس دِکھائیا۔ گُرمْکھو تُہاڈی صِفت دا اکھّر لبھنا نہیں وِچوں کِسے لُغات، ساچا بھیوَ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارے ساچے مندر ہرجن دئے سُہائیا۔ سچکھنڈ کہے مَیں تکاّں بھگت، بھگَون میِتے نظری آئیا۔ جِنہاں ناتا چھڈیا کوُڑا جگت، جگ جیِون داتا اِکو رہے منائیا۔ اُہناں دا میرے نال رہیا نہ کوئی فرق، جوتی جوت جوت جوتی اِکو نظری آئیا۔ جِنہاں نے کوُڑی کِریا کیِتی ترک، تُرت آتم پرماتم میلا گئے مِلائیا۔ نِج نیتر کرن درس، دوئے لوچن باہر وجےّ ودھائیا۔ اُہناں دی جنم جنم دی مِٹی حرص، ہَوس دِتی بُجھائیا۔ مان وڈیائی دے کے اُتے فرش، فَیصلہ دُھردا دئے سُنائیا۔ جن بھگتو سچکھنڈ دوارے سِدھے جانا نِدھڑک، راہ وِچ سکے نہ کوئے اٹکائیا۔ سوہنگ مہاراج شیرسِنگھ وِشنوُں بھگوان، ڈھولا گاؤنا نِدھڑک، جِس نوُں وِشن برہما شِو سیِس نِوائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، جن بھگتاں اُتے کرے اپنا ترس، رحمت کر کے رحیِم اپنے نال مِلائیا۔