کتب خانہGranth 18 (Urdu)

۴ بھادروں شہنشاہی سمت ۱ پیارا سِنگھ دے گرِہ پِنڈ سیَدپُر ضِلع امرتسر

پنج تت کایا ماٹی سوہنا نگر، ترےَگُن میلا بےپرواہیِا۔ سچ وست نام امولک مِلیا سگن، سَت دوارے دِتا ٹِکائیا۔ نِرگُن نوُر جوتی دِیپک جگن، نِراکار کرے رُشنائیا۔ شبد اگمّی واجے وجّن، انحد ناد کرے شنوائیا۔ سچ سروور کرو مجن، امرت اِکو اِک

درسائیا۔ گُرمْکھو من واسنا دیؤ بدل، کوُڑی کِریا باہر کڈھائیا۔ صاحب سَتگُر تُہاڈے کھیڑے کرے عدل، اِنصاف اپنے ہتّھ رکھائیا۔ پنج وِکارا شبد کھنڈے نال کردا قتل، کوُڑی کِریا رہن کوئے نہ پائیا۔ ویکھو پرت کے پِچھلا وطن، جِس وِچوں ہوئی جُدائیا۔ لکّھ چؤراسی مانَس دیہی اندر تُہانوُں آیا صدّن، شبد سُنیہڑا اِک سُنائیا۔ کوٹن کوٹاں وِچوں گُرمْکھ سنت سُہیلے پار لنگھن، منزل پندھ مُکائیا نؤ دوارے پِھرنا چّھڈو جگت پربھاس کوُڑے جنگل، کندر کوُڑی پار لنگھائیا۔ واسنا بنّھ لؤ من بندر، ڈوری تند اِک بندھائیا۔ بجر کپاٹی تُڑا لؤ جِندر، سَتگُر ملِے سہج سُبھائیا۔ گھر بھاگ لگا لؤ اپنے ساڈھے تِنّ ہتّھ ماٹی کھنڈر، سوبھاونت دئے سُہائیا۔ اِک صاحب دے لگو انگن، دوُجے دی لوڑ رہے نہ رائیا۔ نام مجیٹھی چاڑھ لؤ رنگن، تن ماٹی اُتر کدے نہ جائیا۔ بِنا سَتگُر پوُرے توں دوُجا در نہ جائیو منگن، لکّھ چؤراسی پھند نہ کوئے کٹائیا۔ آتم پرماتم ڈھولا دُھر دا چھندن، ساچا گیِت اِک الائیا۔ نِرگُن نِروَیر نِراکار ڈوری بنّھے اگمّی تندن، سوُتردھاری سمجھ کوئے نہ پائیا۔ من واسنا کوُڑے توڑ دیؤ بندھن، بندگی اِکو اِک سمجھائیا۔ ملِے میل سوُرے سربنگن، صاحب سوامی اِکو اِک نظری آئیا۔ ساچے پریم دا کر لؤ مجن، دنداسے دی لوڑ رہے نہ رائیا۔ نام نِدھانا پا لؤ کجّل، نیتر نیَن دئے بدلائیا۔ سَتگُر نوُں مِل کے اندر چڑھ کے ویکھو اپنی مزل، منزل حق دئے مُکائیا۔ جِتھے اِکو ڈھولا اِکو نام نغمہ اِکو غزل، گہر گمبھیِر بےنظیِر رہیا سُنائیا۔ سَتگُر کنڈے اُتے اپنا آپ چاڑھ کے ویکھو وزن، من سیر تولے ماشے رتی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، ساچی نگری دئے سمجھائیا۔ ساچی نگری کایا کھیڑا، ساڈھے تِنّ ہتّھ ماٹی نظری آئیا۔ جِس دے اندر پُرکھ اکال دیِن دَیال نِرگُن لایا ڈیرہ، جوت سروُپی بِن رنگ روُپی شبدی ڈیرہ لائیا۔ جِس گرِہ وسے نیرن نیرا، دوُر دُراڈا پندھ مُکائیا۔ انتر آتم کھولے پردہ بھیو چُکائے تیرا میرا، ہنگ برہم پاربرہم اِکو دئے جنائیا۔ اِکو گھر وکھائے گُروُ گُر چیرا، چیلا گُر شبدی روُپ وٹائیا۔ جنم جنم دا کرم کرم دا آون جاون کٹے گیڑا، کال مہاکال لیکھا رہے نہ رائیا۔ سَت سَتوادی برہم برہمادی شبد انادی کُھلا کرے ویہڑا، پاربرہم پت پرمیشور پروردِگار سانجھا یار درگاہ ساچی اِک وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، شاہ سُلطانا نؤجوانا مرد مردانہ سِری بھگوانا ساچا نگر اِک وکھائیا۔ ساچا نگر ویکھو کایا کعبہ، بِن مُرشد نظر کوئے نہ آئیا۔ میل مِلائے دو دوآبہ، آب حیات مست پیالہ سچ صُراحی وِچوں جام پیائیا۔ درس وکھائے دیِن دَیالا ہرِ گوپالا، حق مقامے نوُر اِلاہی

لاشریِک اِکو نظری آئیا۔ دیِناں ناتھ درد دُکھ بھے بھنجن دیِن دَیالا، سرب سوامی پت پرمیشور مِہروان مِہر نظر اُٹھائیا۔ بھیو چُکائے دَیاکمائے پردہ لاہے شاہ کنگالا، راؤ رنک راج راجان حقیِر فقیِر ضمیِر اندروں دئے بدلائیا۔ جوتی جوت سروُپ ہرِ، آپ اپنی کِرپا کر، ساچا نگر اِک جنائیا۔ ساچا نگر سارے لؤ جان، آپ اپنا ویکھ وکھائیا۔ تُسیں پنجاں تتّاں والے نہیں اِنسان، ہڈّ ماس ناڑی ویکھ نہ خوشی منائیا۔ نِج نیتر اپنے گھر تکّو بھگوان، سچ سوامی انترجامی بَیٹھا سوبھا پائیا۔ جِس دا شاستر سِمرت وید پُران اِنجیِل قُرآن گیِتا گیان کرے بیان، کھانی بانی ڈھولے گیِت راگ سنگیِت صِفتاں وِچ صلاحیِا۔ جِس دا گُر اوتار پیِر پَیغمبر سادھ سنت بھگت سُہیلے گُرمْکھ سجّن صوُفی کرن دھیان، اِشٹ دیو اِکو اِک منائیا۔ جِس دا اکھّراں توں باہر نِراکھّر اِک گیان، بودھ اگادھ شبد اناد سچ کرے پڑھائیا۔ جِس دے حُکمے اندر برہمنڈ کھنڈ پُری لوء سیوا کرن زِمیں اسمان، رَو سس سوُرج چند منڈل منڈپ راہ تکائیا۔ جِس دا سَتجُگ تریتا دواپرکلجُگ سارے کردے مان، نِیوں نِیوں سیِس نِوائیا۔ لکّھ چؤراسی سخیاں دا کاہن، گھنئیا نئیا سئیا اِکو بےپرواہیِا۔ جِس نوُں بےانت بےانت کہہ دے کے گئے فرمان، وسنہارا سچ مکان، سچکھنڈ دوارے حق مقامے نِرگُن جوت نوُری نوُر بَیٹھا آسن لائیا۔ جو مالک خالق دُھر دا امام، جو دسرتھ بیٹا اُپجائے رمئیا رام، بنسریاں والے کاہن رہیا اُپجائیا۔ سو صاحب سمرتھا جِس دی مہما اکتھا، تُہاڈے اندر وسا، نیتر کھول کے ویکھو نوُر جلوہ اِک مہان، ظہوُر کرے رُشنائیا۔ ایہہ سوہنا مندر مکان نگر کھیڑا اِک مہان، لبھیا کِسے نہ بیابان، جنگل جوُہ اُجاڑ پہاڑاں ڈوُنگھی کندراں وِچوں ہتّھ کِسے نہ آئیا۔ ساچی نگری ساڈھے تِنّ ہتّھ، نؤ در بَیٹھی ونڈ ونڈائیا۔ جگت واسنا وِچ ہتّھ مُنہ نِک پَیر اکّھ، سرون رہے للچائنیا۔ گُدا لِنگ کھیل پکھ، کھیل بےپرواہیِا۔ جِس دا رسنا جِہوا بتّی دند گاؤندے جس، اکھّراں نال وڈیائیا۔ اوہ میِت مُرارا ہرِ نِرنکارا ایکنکارا اِکے نگر رہیا وس، گھٹ بھیِتر سوبھا پائیا۔ کوُڑ کُڑیاری پار کر کے ویکھو اپنی حد، حدوُد ساچی دئے جنائیا۔ من واسنا ساری کر دیؤ ردّ، عمل اِکو دئے دِرڑائیا۔ اوس دے نال ویکھو وس، جو وصل ساچا دئے کرائیا۔ اُس نوُں مِل کے ہو نہیں جاندی بس، اَگے اپنا بھید دئے کُھلائیا۔ جوتی جوت سروُپ ہرِ، آپ اپنی کِرپا کر، ساچی نگری دئے وڈیائیا۔ ساچی نگری کایا تت سریر، پرکِرتیاں نال جوڑ جُڑائیا۔ جِس دے اندر بَیٹھا ڈاڈھا پیِر، پرا پسنتی مدھم بَیکھری جِس دے ڈھولے گائیا۔ جِسدے کول نام کھنڈا سچ شمشیِر، جودھا سوُربیِر اکھوائیا۔ جِس دا جلوہ جوتی جوت بےنظیِر،

جگ نیتر نظر کوئے نہ پائیا۔ جیہڑا منزل چوٹی چڑھ کے بَیٹھا اَخیِر، آخر اپنا ویکھ وکھائیا۔ جے اوس نوُں مِل پیؤ تُہاڈا جھگڑا مُک جائے تقدیِر، کرماں دی ریکھ رہے نہ رائیا۔ گُرسِکھو اوہ شہنشاہ شاہ پاتشاہ تُسیں اوہدے وزیِر، بِنا دوہاں توں حکوُمت سچّی کم کِسے نہ آئیا۔ پُرکھ اکال دیِن دَیال سدا اپنیاں بھگتاں ساچے سنتاں دی کردا رہے تعریِف، ڈھولے شبداں وِچ گائیا۔ جے تُسیں اپنی نگری وِچ اپنی رکھو سچ تشریِف، تمہ کوُڑی دیؤ گوائیا۔ تُہاڈا مالک آپے دسّ دے اپنی پریِت، پڑھن لِکھن دی لوڑ رہے نہ رائیا۔ اوس دا جوگ ابھیاس عجیب، بِنا نیَن میٹیاں توں اپنا میلا لئے مِلائیا۔ کِیوں تُہاڈی آتما دے وسے قریِب، ناتا دُھر دا لئے جُڑائیا۔ سچّے سَتگُر وِچ ایہہ تؤفیِق، مِہر نظر نال پار لنگھائیا۔ گُرمْکھو تُہاڈی نگری دا رستہ بڑا باریِک، بِن سَتگُر پوُرے راہے کوئے نہ پائیا۔ بےشک تُسیں ڈنڈیاں ویکھیاں بہُت وِپریِت، پگڈنڈیاں اُتے بھجےّ واہو داہیِا۔ جِس ویلے صاحب سوامی تُہانوُں اپنے مِلن دی نِکی جِہی دسّ دیوے ترتیِب، طرح طرح نال سمجھائیا۔ اوہ تُہاڈا تُسیں اوس دے دوہاں دا میلا ہو جائے ٹھیِک، ٹھیِکر کوُڑا بھنّ وکھائیا۔ ساچی نگری وِچ گُرمْکھو کوئی بُھگتن نہیں آؤنا تاریخ، ساچا لیکھا رہیا جنائیا۔ جوتی جوت سروُپ ہرِ، آپ اپنی کِرپا کر، ساچی نگری دئے وڈیائیا۔ نگری کہے مَینوُں جے تُسیں سمجھو سچّی چار دیِوار، فصیل بنائی بےپرواہیِا۔ مَیں تُہانوُں مِلا دیواں اندروں تُہاڈا یار، وِچھوڑا رہن کوئے نہ پائیا۔ جیہڑا گُفت شنید کرے گُفتار، رسنا جِہوا ڈھولے گائیاں۔ سُرت سوانی کرے خبردار، شبد ہانی دئے مِلائیا۔ جیہڑا امرت جل دیوے ٹھنڈا ٹھار، نِجھر جھِرنا دئے جھِرائیا۔ جیہڑا سُکھمن ٹیڈھی بنک کرے پار، ایِڑا پِنگل پندھ مُکائیا۔ جیہڑا بجر کپاٹی کھول کِواڑ، سہنس دل دئے دِرڑائیا۔ جیہڑا کرے پرکاش بہتّر ناڑ، جوتی جوت جوت رُشنائیا۔ جیہڑا لےَ جائے سچ دوار، برہمنڈ کھنڈ چرناں ہیٹھ دبائیا۔ جیہڑا سُنّ اگمّ دا ڈیرہ دئے نوار، جھیڑا دہ دِشا دئے چُکائیا۔ جیہڑا سچ دوارے میل کرے کرتار، دُھر دھام وجےّ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی نگری سوبھا پائیا۔ ساچی نگری کہے میری سوہنی بنت، پُرکھ اکال بنائیا۔ کوٹاں وِچوں وِرلا جانے سنت، جِس نوُں ہرِ سچ دئے سمجھائیا۔ جِس وِچ اِکو نام منیِا منت، اِکو وجدی رہے ودھائیا۔ جِسدا نار اِکو کنت، اِکو سیج رہیا ہنڈھائیا۔ اِکو بودھ اگادھا پنڈت، اِکو کرے پڑھائیا۔ اِکو لیکھ چُکائے سَورگ بہِشت جنّت، ساچا نگر دئے سُہائیا۔ ساچا میل مِلائے آد انت، انتشکرن اپنے رنگ سمائیا۔ جوتی جوت سروُپ ہرِ، آپ اپنی کِرپا کر، ویکھنہارا ساچا گھر، نگری

دیوے مان وڈیائیا۔ نگری کہے میرا گھر اُچیرا، اُوچو اوُچ دیاں جنائیا۔ جِتھے سوامی وسے لا کے اپنا ڈیرہ، بِن پاوا چوُل سچ سِنگھاسن سوبھا پائیا۔ جِس دے چرناں دی کِسے لبھے کدے نہ دھوُڑ، دھوُڑی ٹِکاّ ہتّھ کِسے نہ آئیا۔ جِس دوارے لئے کوئی نہ چُنگی نہ محصوُل، مایا موہ نہ کوئے جنائیا۔ جو در آیا غریِب نِمانیاں کوجھیاں کملیاں کرے قبوُل، بِنا کعبیوں حضرت دُھر دا میل مِلائیا۔ ویکھیو کِتے اپنی نگری وِچ وڑ کے نہ جائیو بھوُل، بُھلیاں راہ سَتگُر پوُرے پھیر نہ کوئے وکھائیا۔ آد جُگاد جُگ چؤکڑی پُرکھ اکال دا ساچا روُل، اصلیّت سب نوُں دئے دِرڑائیا۔ جِس دا نام اِشارہ اِک معقوُل، مُکمل دئے سمجھائیا۔ جے کوئی لہنا دینا پِچھلا باقی نگری والیو کرِیو وصوُل، حق سب دی جھولی پائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ نگری کہے مَینوُں کہندے بستی، تتّاں والی جگت مِلی وڈیائیا۔ جِس دے اندر پرم پُرکھ دی ہستی، کلجُگ ہست کیِٹاں وِچ سمائیا۔ جِس دی جوت اگمّی جگدی، جاگرت نوُر کرے رُشنائیا۔ اوہ ویکھے کھیل اپنے اگمّے گھر دی، چاروں کُنٹ دُہائیا۔ جِس نوُں گُرمْکھاں دی آتم وَیراگن ہو کے لبھدی، بھجےّ تھاؤں تھائنیا۔ اوہناں دی کھیل وکھائے پار حد دی، حدوُد اپنی دئے سمجھائیا۔ جِتھے وا تتّی نہ لگدی، کرم گیڑ رہے نہ رائیا۔ اِکو نام ودھائی وجدی، دوُجا گیِت نہ کوئے سُنائیا۔ جن بھگتو اوہ نگری سوہنی لگدی، جِتھے گُرمْکھ سوہنے نظری آئیا۔ ایہہ کوئی کہانی نہیں اجّ دی، گُر اوتار پیِر پَیغمبر ایسے دے ڈھولے گائیا۔ جے مؤج ویکھنی تے ویکھیو اُپر شاہ رگ دی، جِتھے شہنشاہ کھیل رہیا کرائیا۔ نگری کہے مَیں بھگتاں نال پُھلدی ودھدی، وادھا ایہناں نال جنائیا۔ مَینوُں قسم اوسے ربّ دی، جِس دُنیا کائنات سرِشٹی دِتی رچائیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا رچائیا۔ نگری کہے کھیل اپنے وِچ وسدے ویکھاں ناگر، ناگرک دُھر دے نظری آئیا۔ جِنہاں نے پار کنارہ کرنا جگت ساگر، ڈوُنگھے وہن نہ کوئے وہائیا۔ نِرمل کرم ہوئے اُجاگر، دُرمت مَیل لیَنی دھوائیا۔ سوُربیِر بنن بہادر، سَتگُر ساچا جوڑ جُڑائیا۔ میلا حق کریِم قادر، قُدرت دا کرتا ویکھ وکھائیا۔ ساچی نگری دیوے آدر، آدرش اِکو دئے وکھائیا۔ کوُڑی کِریا رہن نہ دیوے بادل، جگت اندھیرا دئے مِٹائیا۔ گُرمْکھ رہے کوئے نہ پاگل، سُرتی شبد نال مِلائیا۔ بھاگ لگائے کایا گاگر، امرت جام دئے پیائیا۔ جو بن کے ونجارے آئے سؤداگر، تِنہاں نوُں ایسے نگری وِچوں سؤدا جھولی دیوے پائیا۔ جوتی جوت سروُپ ہرِ، آپ اپنی کِرپا کر، کرنی کرتا رہیا کمائیا۔ نگری کہے مَیں دیواں ہوکا، دُھر فرمانا شبد جنائیا۔ خبردار ہو جاؤ چؤداں لوکا،

چؤداں طبق دیاں ہِلائیا۔ جِس پرم پُرکھ پرماتم دا گُر اوتار پیِر پَیغمبر دسّ دے گئے مؤقع، اوسے دا ویلا گیا آئیا۔ گوبِند جاگیا لا کے ڈھؤنکا، شبدی حُکم اِک سُنائیا۔ ساچی نگری وِچ رہنا نہیں اؤکھا، جے گوبِند شبدی ہوئے سہائیا۔ ویکھیو کِسے نال نہ کرِیو دھوکھا، کوُڑی کرنی نہ کوئے کُڑمائیا۔ اِک اکال دی رکھو سارے اوٹا، جو دَیال ہو کے دَیا کمائیا۔ جِس دا سچ دوارا دُھر دا دھام اِکو کوٹھا، چھپر چھنّ نہ کوئے چُھہائیا۔ جِس دا نوُر اگمّی سچ پرکاش جوتا، آد نِرنجن جوت نِرنجن کرے رُشنائیا۔ جوتی جوت سروُپ ہرِ، آپ اپنی کِرپا کر، ساچی نگری بھاگ لگائیا۔ نگری کہے پربھوُ لا دے بھاگ، اِک میری عرضوئیا۔ جن بھگتاں دِیپک جگے چراغ، سُرت سوانی اُٹھا سوئیا۔ دُرمت مَیل دھو داغ، انتر آتم امرت دھار چوئیا۔ پھڑ کے ہنس بنا کاگ، سچ دوارے دے ڈھوئیا۔ آتم اُپجا اِک وَیراگ، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نگری کہے پربھ کر دے اُجالا، دیِپ جوت رُشنائیا۔ ساڈھے تِنّ ہتّھ بنا دے سچّی دھرم شالہ، شِودوالا مٹھ ایہو نظری آئیا۔ جِس گرِہ ملِے پرم پُرکھ اکالا، اکل کل دھاری دَیا کمائیا۔ دُھر دا مارگ دسّ سُکھالہ، سہج سُبھاؤ دے وڈیائیا۔ چؤوی ہزار سواساں والا بھریا نہیں جاندا ہالہ، دسواں حِصّہ دسوندھ نہ کوئے کڈھائیا۔ جِنہاں تُوں بن جائیں آپ رکھاوالا، اوہناں بھے دے مُکائیا۔ سچ پریِتی نِبھ جائے تیرے نالا، ایتھے اوتھے دو جہان سکے نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، ساچی نگری دے وسائیا۔ ساچی نگری سچ وساوانگا۔ ساڈھے تِنّ ہتّھ اندر وس وس، واسطہ اپنے نال جُڑاوانگا۔ امرت دے کے رس رس، دُھر دا جام پیاوانگا۔ پندھ مُکاواں نَٹھ نَٹھ، برہمنڈ کھنڈ چرناں ہیٹھ دباوانگا۔ لیکھے لاواں تت اٹھ، اپ تیج وائے پرِتھمی آکاش من مت بُدھ اپنے وِچ چُھپاوانگا۔ شبد اگمّی لاواں سٹّ، دُھر دا تال وجاوانگا۔ من کا منکا دیواں پلٹ، ترِشنا دوُر کراوانگا۔ ساچی نگری کھول کے ہٹّ، سچ ونجارا اِک سداوانگا۔ وست امولک نام رکھ، پریمی پیاریاں آپ ورتاوانگا۔ لکّھ چؤراسی وِچوں کر کے وکھ، پرتکھ اپنا درس وکھاوانگا۔ سدا نِج نیتر کُھلی رہے اکّھ، نیتر گیان آپ درڑاوانگا۔ نِرگُن جوت جگا کے لٹ لٹ، اٹّھے پہر آپ رُشناوانگا۔ دُئی دوَیتی میٹ کے پھٹ، بھانڈا بھرم بھؤ بھنّاوانگا۔ سب دی جان کے مِت گت، گت مِت اپنی آپ سمجھاوانگا۔ نام بیِج کے دُھر دے وت، پھل امرت آپ کھواوانگا۔ جیہڑے ساچی نگری گئے وس، واسطہ اوہناں اِکے نال جُڑاوانگا۔ پریم ڈوری نال بنّھاں کس، تند اِکو اِک وکھاوانگا۔ مِہروان ہو کے پُرکھ سمرتھ، شبد گُر ڈنک وجاوانگا۔ نِراکار ہو پرگٹ،

ساکار ونڈ ونڈاوانگا۔ پریم پیاریاں رکھاں پت، پت پرمیشور جوڑ جُڑاوانگا۔ جوتی جوت سروُپ ہرِ، آپ اپنی کِرپا کر، دیونہار ساچا ور، نگری تیری رنگ رنگاوانگا۔ نگری کہے پربھوُ مَیں کملی کوجھی، تتّاں والی نظری آئیا۔ بِن تیری کِرپا آوے کوئی نہ سوجھی، من مت بُدھ چلے نہ کوئے چتُرائیا۔ چار کُنٹ دہ دِشا مَینوُں طعنے دیندے لوکی، جھگڑیاں وِچ لوکائیا۔ مَیں صدی چؤدھویں کلجُگ انت اَخیِر پےَ گئی سوچیں، کیہڑا سَتگُر پار لنگھائیا۔ بُہتے گُروُ سُتے ویکھے وِچ کوٹھی، کایا صاف نہ کوئے کرائیا۔ کوئی پڑھ پڑھ دسّن پوتھی، شبد سُنیہڑا نہ کوئے سمجھائیا۔ دھنّ بھاگ تُوں ساچی نگری دا بن جائے کھوجی، نِرگُن ہو کے ویکھ وکھائیا۔ پُرکھ اکال تیری صِفت کر کے گئے ویدی سوڈھی، چارے وید دین گواہیِا۔ مَینوُں مِل کے جگت واسنا دا رہے کوئے نہ روگی، ہنگتا نیڑ کوئے نہ آئیا۔ تیرے چرناں نال مِل کے بن جائے دُھر دا جوگی، جگت جوگ دیوے تجائیا۔ تیرے دوارے توں نام پدارتھ لےَ کے ساچی روزی، جگت ترِشنا بُھکھ دئے مِٹائیا۔ تُوں مالک پریِتم پیارا محبوُب مُحبّت والا چوجی، نِرالی اپنی کھیل کرائیا۔ جوتی جوت سروُپ ہرِ، آپ اپنی کِرپا کر، ساچی نگری ویکھ وکھائیا۔ ساچی نگری دا بُڈھے کیِتا وکھیان، رسنا نال جنائیا۔ نگری توں پرے نگر اِک مہان، جِس دا نقشہ نہ کوئے وکھائیا۔ جِس نوُں گُر اوتار پیِر پَیغمبر دسدے گئے وِچ جہان، اِشاریاں لال دِرڑائیا۔ جوتی جوت سروُپ ہرِ، آپ اپنی کِرپا کر، ساچی نگری سدا وسائیا۔ ساچی نگری آد جُگادی جگت، ہرِ کرتے آپ بنائیا۔ جِس نگری وِچ وسے گُرمْکھ بھگت، سنت سجّن ڈیرہ لائیا۔ اوس دوارے دُھر دا مالک آوے پرت، پت پرمیشور پھیرا پائیا۔ شبد جَیکارا نعرہ دو جہاناں بول نِدھڑک، سچ فرمانا دئے جنائیا۔ سِدھا مارگ دسےّ اگمّی سڑک، رہبر ہو کے راہ وکھائیا۔ ساچی نگری جاندا گُرمْکھ کوئے نہ جائے اٹک، راہ وِچ نہ کوئے اٹکائیا۔ ایہہ منزل دُشوار اوہناں واسطے سخت، جیہڑے بُھلے بےپرواہیِا۔ گُرمْکھاں دا سُہاونا سوہنا سدا وقت، وار تھِت دئے گواہیِا۔ جیہڑی نگری تکّو اُپر فرش، عرش ایہو روُپ بدلائیا۔ ساچے نام بِنا کوئی نہ دیوے ایس دا خرچ، سچّا آسن نہ کوئے بنائیا۔ جوتی جوت سروُپ ہرِ، آپ اپنی کِرپا کر، ساچی نگری دئے ودھائیا۔ ساچی نگری کہے مَینوُں آئی خوشی، سچکھنڈ وجّی ودھائیا۔ تھِر گھر دوارے لگّی رُچی، رچنا دُھر دی ویکھ وکھائیا۔ گُرمْکھاں آتم تکّی سُچی، سَتگُر چرن دھیان لگائیا۔ من واسنا گئی کُٹھی، کوُڑی کِریا باہر کڈھائیا۔ آتم منائی پوُرب جنم دی رُٹھی، روسا دِتا گوائیا۔ جھگڑا مُکا کے کھیل سچ ترِکُٹی، کوُٹ اپنی دئے وکھائیا۔ جِتھے کرنی پئے

نہ کوئی بُتی، بِنا ججماناں توں ججمان نظری آئیا۔ اوتھے خواہش رہے نہ پُتیں، نار کنت نہ کوئے وڈیائیا۔ اِکو رمز لگے گُجھی، تیِر نِشانہ رہیا جنائیا۔ جوتی جوت سروُپ ہرِ، آپ اپنی کِرپا کر، ساچی نگری اُٹھاوے سُتّی، شبد ہلوُنا اِک لگائیا۔ نگری کہے میرے جو وسدے وسنیِک، وڈّے چھوٹے بُڈھے نڈھےّ نظری آئیا۔ صاحب سَتگُر اوہناں دے اندر دے اِک تمیِز، تمنّا کوُڑی دینی گوائیا۔ تیرے مِلن دی سارے رکھن اُمیِد، آساں وِچ راہ تکائیا۔ دَیاکر مِہروان آپ عجیب، عجب طرح سمجھائیا۔ تیرے وِچ ایہہ تؤفیِق، کوُڑی تُہمت دینی گوائیا۔ تیرے پریم پیار اندر بَیٹھے امیِر غریِب، غُربت سب دی دے مِٹائیا۔ ساچے نام دی بِن اکھّراں والی کٹ دے رسیِد، جِس دے اکھّر نہ کوئے سمجھائیا۔ بِنا کلمیوں دے دے اوہ حدیِث، جِس نوُں الف یے سمجھ سکے نہ رائیا۔ جو کُچھ سمجھیں ساڈے واسطے مُفید، اوہ مُفت جھولی دینا پائیا۔ ساچی نگری غفلت وِچ رہے کِسے نہ نیِند، انتر آتم آلس دے گوائیا۔ صاحب سَتگُر جے تیرا نام کوئی پریم وِچ آن کے سکدا نہیں خریِد، مِہروان ہو کے جھولی دے بھرائیا۔ جوتی جوت سروُپ ہرِ، آپ اپنی کِرپا کر، اِک وکھاؤنا ساچا گھر، دُھر دی نگری جوت اِکگری، پرم پُرکھ دی سچ سمگری، وست امولک دیدے کایا گولک دُھر دھامی شبد انامی آپے جھولی پائیا۔ نگری کہے مَیں بِھکھار، درویش روُپ وٹائیا۔ کِرپا کر میرے نِرنکار، نِروَیر تیری سرنائیا۔ تُوں صاحب سوامی بخشنہار، تیری بخشش بےپرواہیِا۔ ڈُبدے پاہن دیویں تار، سِر اپنا ہتّھ ٹِکائیا۔ ساڈے گُن اَوگُن نہ وِچار، کلجُگ کوُڑی کِریا رہی ستائیا۔ اسیں پڑھ پڑھ تھکے وید چار، شاستر سِمرت دھیان لگائیا۔ مندر مسجد شِودوالے مٹھ ویکھے سنسار، تیِرتھ تٹ گنگا گوداوری جمنا سُرستی پھیرا پائیا۔ پربھوُ کِتوں نہ مِلیا سانجھا یار، نِج نیتر کِتے نہ ہویا دیِدار، من واسنا ہوئے خَوار، آتم پرماتم پرماتم آتم دُھر دا میل نہ کوئے مِلائیا۔ ساچی نگری تیرا دربار، جِتھے اِکو جوت ہووے اُجیار، دُھر دا شبد سچّی دُھنکار، امرت برکھے ٹھنڈی ٹھار، سخیاں میلا کنت بھتار، گُر چیلا اِک دوار، دوُجے کرنی نہ پئے نِمسکار، ڈنڈاوت اِکو نظری آئیا۔ دُھر دا مندر دے وکھال، جِتھے وسے آپ اکال، جوتی جوت سروُپ ہرِ، آپ اپنی کِرپا کر، اِکو دینا ساچا ور، ساچی نگری سیِس نِوائیا۔ ساچی نگری کہے مَیں جاواں اوس نوُں جھُک، جو دُھر دا مالک اِک اکھوائیا۔ جِس نوُں مِلیاں پیَنڈا جاوے مُک، رستیاں وِچ نہ کوئے بھوائیا۔ اپنی گودی لئے چُک، پھڑ باہوں گلے لگائیا۔ اوس دوارے دیوے سُٹ، جِتھوں باہر نہ کوئے کڈھائیا۔ جِس گرِہ وسے بھگت سُہیلے گُرمْکھ ساچے سُت، سَت

سَتوادی ہوئے سہائیا۔ اوس نگری دی مؤلے اگمّی رُت، پتّ ٹہنی اپنا رنگ وکھائیا۔ گُرمْکھو جے کوئی اِچھیا تے ہور لؤ پُچھ، سب نوُں سب کُچھ دیاں سمجھائیا۔ انتر باہر دا اوہلا نہیں کوئی لُک، برہمنڈاں کھنڈاں وِچ پردہ دیاں اُٹھائیا۔ سَتگُر شبد اپنے کول رکھے سب کُچھ، اتوٹ اتُٹ بےپرواہیِا۔ جِس دا بھنڈارا آد جُگاد جُگ چؤکڑی دو جہاناں کدے نہ جاوے مُک، اگمّ اتھاہ بےپرواہ ورتائیا۔ جناں چِر تُسیں نہ ہووو خوش، انتر آتم نہ وجےّ ودھائیا۔ اوناں چِر نہیں ہونا چُپ، بھاویں انِگنت سوال اَگے دیؤ رکھائیا۔ بھگتاں دی مہما گُرسِکھاں دی صِفت کدے نہیں جاندی مُک، سنتاں دی سد وڈیائیا۔ جے اِک نگری دے بدلے بُڈھے نے کِہا اُٹھ، اوسے نگری نوُں دِتا سمجھائیا۔ جِس نگری وِچ سَتگُر جائے تُٹھ، اوتھے توٹ رہے نہ رائیا۔ بِنا پَیسیاں دھیلیاں توں پربھ دے نام دی پئی لُٹ، بِنا ڈانگاں سوٹیاں توں لُٹ کے اپنیِاں جھولیاں لؤ بھرائیا۔ سَتگُر سوُربیِر نؤجوان شبدی ڈنڈے نال تُہاڈے اندروں تُہاڈا وِکار باہر کڈھے کُٹ، کُٹیا تُہاڈی صاف دئے کرائیا۔ تُہاڈی نگری دی سدا مؤلی رہے رُت، ساچے نام دی وجدی رہے ودھائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، ساچی نگری وجائے نام نگارہ، ڈنکے چوٹ اِکو اِک لگائیا۔

۵ بھادروں شہنشاہی سمت ۱ کیسر سِنگھ دے گرِہ مَیشم پُرا خُرد

گُرمْکھ کُلّی کہے میرے جاگے بھاگ، ہرِ بھگت ملِے وڈیائیا۔ گھر ٹھاکر پایا سوامی کنت سُہاگ، پت پرمیشور بےپرواہیِا۔ دُرمت مَیل دھو کے داغ، امرت آتم جام پیائیا۔ اُپجا کے جاوے اِک وَیراگ، گُرچرن پریِتی سچ اِک دِرڑائیا۔ بُجھا کے جاوے کوُڑی ترِشنا آگ، مایا ممتا موہ گوائیا۔ نام نِدھان جنا کے جائے ناد، دُھن آتمک راگ الائیا۔ سوئی سُرت اُٹھائے مار آواز، کوُڑی کِریا پردہ لاہیِا۔ بھیو کھول کے دسےّ راز، ورن برن ڈیرہ ڈھائیا۔ مانَس جنم رکھے لاج، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، گھر سُہنجنے دئے وڈیائیا۔ بھگت کُلیّ کہے مَیں گاواں خوشیاں ڈھولا، پربھ دا نام دِھیائیا۔ گُر شبدی بنیا اِک وِچولا، جو وِچھڑیاں لئے مِلائیا۔ ساچا نام سُنائے سوہلا، گُفت شنید بھیو کُھلائیا۔ من منوُآ نہ پاوے رؤلا، چنچل مت دئے گوائیا۔ بھیو چُکا کے پردہ اوہلا، ساکھیات اپنا درس دئے وکھائیا۔ اُلٹا کر کے نابھ کوَلا، امرت جھِرنا دئے جھِرائیا۔ مِہروان ہو کے پار کرائے بِن عملاں، نِہکرمی ہو کے

کرماں دا ڈیرہ ڈھاہیِا۔ سچ دوارے دسےّ مرنا، مر جیِوت روُپ وٹائیا۔ ساچی ترنی دسےّ ترنا، بھوجل پار لنگھائیا۔ نِج نیتر کھول کے ہرنا پھرنا، جوتی درس نوُر اِلاہیِا۔ ساچی منزل دسےّ چڑھنا، جگت واسنا پندھ مُکائیا۔ اِکو نام دسےّ پڑھنا، تُوں میرا مَیں تیرا آتم پرماتم سوہنگ وجےّ ودھائیا۔ جوتی جوت سروُپ ہرِ، آپ اپنی کِرپا کر، گھر ساچے دئے وڈیائیا۔ کُلیّ کہے مَیں ویکھ کے ہوئی نِہال، خوشیاں وِچ سمائیا۔ جِس نوُں کہندے دیِن دَیال، غریِب نِمانیاں کوجھیاں کملیاں گلے لگائیا۔ کُلیّ ککّھ بنا کے دُھر دی دھرم سال، سچکھنڈ نِواسی پُرکھ ابناشی بَیٹھا سوبھا پائیا۔ دیِناں ناتھاں پُچھنہارا حال، مِہر نظر بےنظیِر اِک اُٹھائیا۔ لیکھے لائے جنم جنم دی کیِتی گھال، پوُرب لہنا جھولی پائیا۔ سچ پریِتی جوڑے نال، نالِش کوُڑی دئے گوائیا۔ ناتا توڑ کے انتم کال، کلمہ اِکو دئے سمجھائیا۔ نام بھنڈارا دے سچّا دھن مال، دُھر دے دھنی دئے بنائیا۔ گُرمْکھ کوئی کدے نہ ہووے کنگال، شاہ پاتشاہ شہنشاہ دیونہار وڈیائیا۔ کُلیّ کہے مَیں پِچھلا کی دیواں احوال، نیتر پیکھ خوشی منائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ کُلیّ کہے میرا جاگیا کرم، نِہکرمی دَیا کمائیا۔ میرا مِٹایا بھرم، بھانڈا کوُڑ تُڑائیا۔ لہنا چُکایا ورن برن، کھتری براہمن شوُدر وَیش اِکو رنگ رنگائیا۔ آتم پرماتم دے کے سرن، سرنگت دِتی سمجھائیا۔ سنت سُہیلے آیا پھڑن، لکّھ چؤراسی وِچوں ویکھ وکھائیا۔ دُھر دی کرنی آیا کرن، کرتا پُرکھ ویس وٹائیا۔ جِس دوارے چُھہائے چرن، چرنودک امرت جام پیائیا۔ اوہ گُرمْکھ جیِون توں پہلاں مرن، مرن توں بعد جیِون لیَن بدلائیا۔ جوتی جوت سروُپ ہرِ، آپ اپنی جوت دھر، در گھر ساچے دئے وڈیائیا۔ ککھّاں کُلیّ کہے میری نِمسکار، نمستے کہہ کے سیِس نِوائیا۔ دُھر دا مالک پروردِگار، بےپرواہ تیری وڈیائیا۔ آد جُگاد تُوں بھگتاں دا خِدمتگار، گُرمْکھاں دی سیو کمائیا۔ جگت وکاراں وسیا باہر، پریم پیار اندر ڈیرہ لائیا۔ جوتی جوت سروُپ ہرِ، آپ اپنی کِرپا کر، گھر ساچا ویکھ وکھائیا۔ گُرمْکھ کُلیّ کہے میرا آپا گیا جھُک، ہنگتا رہن کوئے نہ پائیا۔ میرا پیَنڈا گیا مُک، منزل مِلی بےپرواہیِا۔ جو بھگت اُدھارے اپنے سُت، سَت سَتوادی جوڑ جُڑائیا۔ سو میری مؤلے آن کے رُت، رُتڑی اپنے نال مہکائیا۔ مَیں ویکھ کے ہوئی خوش، غمی دِتی تجائیا۔ جو بخشنہارا سچ سُچ، سَت سَتواد اِکو رہیا درسائیا۔ میرے گرِہ گیا پُج، اپنا پندھ مُکائیا۔ نِرمل کر کے جائے وِچوں بُدِھ، منسا من ممتا موہ مِٹائیا۔ دے کے جاوے ساچی سُدھ، سِدھا مارگ اِک وکھائیا۔ جوتی جوت سروُپ ہرِ، آپ اپنی کِرپا کر، دیونہار سچّی وڈیائیا۔ گُرمْکھ کُلیّ

کہے میرا پوُرا ہویا لیکھا، لیکھنی لِکھ نہ سکے رائیا۔ اندر رہیا نہ کوئے بُھلیکھا، بھانڈا بھرم بھنائیا۔ جُگ چؤکڑی سِری بھگوان بھگتاں نال کھیلے کھیڈاں، سَتجُگ تریتا دواپردئے گواہیِا۔ جیہڑا کِسے ہتّھ نہ آوے وِچوں ویداں، مندراں وِچ میل نہ کوئے مِلائیا۔ اوہ سوامی اچھل اچھیدا، گھر گھر بَیٹھا ڈیرہ لائیا۔ کر پریم پیار جِنہاں بخشے اپنے بھیتا، ابھیوَ دئے کُھلائیا۔ گھر جنا کے ساچا دیسا، پردہ اوہلا دئے اُٹھائیا۔ دَیاوان ہو کے گرِہ میرا آپ پیکھا، سچ مندر وجّی ودھائیا۔ پریم پیار دی دیوے بھیٹا، بھجن بندگی نام نِدھانا اِک جنائیا۔ جوتی جوت سروُپ ہرِ، آپ اپنی کِرپا کر، میرا ویلا وقت سُہائیا۔ کُلیّ کہے میری پوُری ہوئی کامنا، ترِشنا رہی نہ رائیا۔ دُھر دا ٹھاکر بنیا ضامنا، جماں توں لئے چُھڈائیا۔ میل مِلاوے ساچے رامنا، رام رحیِم جوڑ جُڑائیا۔ بھاگ لگا کے ساچے کھیڑے گرامنا، گرِہ مندر ویکھ وکھائیا۔ کوُڑی میٹ کے ترِشنا طامنا، پریم پریِتی اِک جنائیا۔ گُرمْکھاں دی پوُری کرے بھاونا، بھاوَ اپنا لئے سمجھائیا۔ جوتی جوت سروُپ ہرِ، آپ اپنی کِرپا کر، کُلیّ ککّھ کہے مَیں ڈھولا سچّا گاونا، جِس گاویاں ملِے بےپرواہیِا۔

۵ بھادروں شہنشاہی سمت ۱ بھگوان سِنگھ دے گرِہ سیَد پُر

جگت جگیاسوُآں واسطے اکھّراں والی چِٹھی، کاغذ قلم شاہی نال وڈیائیا۔ پُرکھ اگمّ اپنی دھار حرفاں وِچ کدی نہ لِکھی، روُپ رنگ ریکھ نہ کوئے جنائیا۔ جِس دے حُکم اندر دو جہاناں وِچ بدلن والی مِتی، نِرگُن سرگُن دوویں روُپ جنائیا۔ جِس دے حُکمے اندر سمت سمتی لنگھدے گئے بیِس اِکّی، سرگُن نِرگُن بھیو کوئے نہ پائیا۔ جِس دی دھار نِرگُن نِروَیر نِراکار نِکی، جگت نیتر نوُر نظر کِسے نہ آئیا۔ جِس نوُں سمجھ سکے نہ کوئی مُنی رِکھی، من مت بُدھ بھیوَ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، دُھر دا کھیل اِک ورتائیا۔ جگت جگیاسوُ چِٹھی ویکھے اکھّر، اکّھاں نال وڈیائیا۔ پُرکھ اکال اپنی دھار رکھے نِراکھّر، بےپرواہ اپنے وِچ سمائیا۔ جِس نے حُکمے اندر دو جہاناں کرنا پدّھر، برہمنڈ کھنڈ پُری لوء آکاش پاتال گگن گگننتر اِکو حُکم سُنائیا۔ جِس نے من واسنا کوُڑی کِریا ہؤمے ہنگتا مایا ممتا میٹنا غدر، ترےَگُن رہن نہ دیوے کوئے لڑائیا۔ ساچے تخت بَیٹھ کے آتم پرماتم کرنا عدل، اِنصاف اِکو اِک جنائیا۔ چار ورناں اٹھاراں برناں دُھر دی دسّنی ساچی مزل، منزل پِچھلا پندھ مُکائیا۔ کوُڑی کِریا کر کے قتل، سچ سُچ دینا

سمجھائیا۔ بھگت سُہیلے کھڑنے اپنے وطن، بےوطناں پار لنگھائیا۔ سچ کنارہ وسنا پتن، بیڑے اِک چڑھائیا۔ اوہ دُھر دی چِٹھی جگت وِدیا والیاں آئی دسّن، نام سُنیہڑا اِک سُنائیا۔ کِسے لاؤن نہیں دینا اجّن پّجن، بھانڈے بھرم دئے بھنائیا۔ پُرکھ اکالا سب دا اِکو دُھر دا سجّن، کوُڑے ناتے دئے تُڑائیا۔ اٹھسٹھ نالوں گُر سرنائی ساچا مجن، دوُجا تٹ نہ کوئے منائیا۔ جگت وِکارا میٹے اگن، امرت میگھ برسائیا۔ جِتھے ناد اگمّی وجّن، ڈھولک چَھینا نہ کوئے کھڑکائیا۔ جِتھے جگت دوار رہے کوئی نہ حدن، دسم دواری اَدھ وِچ بَیٹھی سوبھا پائیا۔ جِس گھر گُر اوتار پیِر پَیغمبر سارے کمبن، سِر سکے نہ کوئے اُٹھائیا۔ جِتھے پنج تت کایا چولے والے گُروُ کدے نہ جمن، شبدی جوت وجےّ ودھائیا۔ جِتھے درِشٹی سرِشٹی اِشٹی رہے کوئی نہ بندھن، رسنا جِہوا بتّی دند ڈھولا کوئے نہ گائیا۔ کرے کھیل سوُرا سربنگن، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ چِٹھی دا سمجھ سکے نہ کوئی سِرلیکھ، سمُند ساگر نیتر نیَناں نیِر وہائیا۔ جگت لوچن کوئی نہ سکے ویکھ، ایہہ حُکمے دِتا دِرڑائیا۔ جے پربھ نال مِل کے ہو جائے ابھید، پھیر پڑھن لِکھن دی لوڑ رہے نہ رائیا۔ بِنا اکھّراں توں سمجھ لئے اوس دی ریکھ، جِس دی ریکھ رنگ روُپ نہ کوئے دِرڑائیا۔ جِس دا آد جُگادی اِکو انک ایک، ایکنکارا بےپرواہیِا۔ سب نوُں اوس دی رکھنی پئے ٹیک، سُنیہڑے گھر گھر رہیا پُچائیا۔ جھوُٹھا رہن نہیں دینا بھیکھ، کوُڑی کِریا دینی مِٹائیا۔ جِنہاں وکھاؤنا اپنا دیس، ساچے گھر لَینا بہائیا۔ اوتھے اِکو نام وِشیش، دوُجی اَور نہ کوئے پڑھائیا۔ پُرکھ اکالا دیِن دَیالا سدا رہے ہمیش، تخت نِواسی ساچے تخت سوبھا پائیا۔ ایہہ چِٹھی نہیں بُھلیاں بھٹکیاں نوُں دیون آیا سندیش، سوئی سُرتی رہیا اُٹھائیا۔ جِنہاں نے اجے تک نؤ دوارے پار نہیں کیِتا گیٹ، گیَٹ آؤٹ کرکے سب نوُں باہر دئے کڈھائیا۔ اَگے ہُن نہیں کرنا کِسے دا ویٹ، دُھر دا حُکم آپ سمجھائیا۔ جو شہنشاہی سمت وِچ ہو گئے لیٹ، لیَٹر اُہناں نوُں رہیا پُچائیا۔ ایتھے کوئی نام بھگتی والا لگّا نہیں ریٹ، پھٹّے دواریاں اُتے نہ کوئے لٹکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ چِٹھی کہے سُنو حُکم اگمّ، سب نوُں دیاں جنائیا۔ اپنا اپنا بِسترہ لؤ بنّھ، ڈنکا وجےّ بےپرواہیِا۔ اِکو کھیل ہونا سری بھگَون، دوُجا رہن کوئے نہ پائیا۔ جِنہاں دے سروتے سُن دے نہیں سرون، بُدھی وِچار نہ کوئے وکھائیا۔ اُہناں نوُں دینا ضرور ڈنّ، من ہنگتا دینی مِٹائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ چِٹھی کہے میرا وکھرا سب توں مضموُن،

مجموُعہ رہیا سمجھائیا۔ پُرکھ اکال دا چلنا اِک قانوُن، بےقائدگی ساری دئے مِٹائیا۔ اوسے دے بردے ہو جاؤ ممنوُن، جو مایا ممتا موہ وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، دُھر فرمانا رہیا سمجھائیا۔ چِٹھی کہے میرا سمجھ نہ سکیا کوئی نُقطہ، زیر زبر نظر کِسے نہ آئیا۔ مَیں راہ تکدی رہی نؤ سؤ چُرانوے چؤکڑی جُگ مُدتا، دو جہاناں دھیان لگائیا۔ کوَن ویلا ہووے کلجُگ پیَنڈا جائے مُکدا، لیکھا لیکھے دئے لگائیا۔ مَیں منگاں اِکو نام سوہلا ڈھولا پُرکھ اکال دی اگمّی تُک دا، جو تُخم تاشیراں دئے بدلائیا۔ جِس نوُں گُر اوتار پیِر پَیغمبر سجدیاں وِچ جھُکدا، نِیوں نِیوں لاَگے پائیا۔ جِس دا تیِر نِشانہ کدے نہ اُکدا، دو جہاناں ڈیرے دیوے ڈھائیا۔ اوہ کاغذاں والیاں اکھّراں کدے نہ پُچھدا، جو صِفت دی کرن پڑھائیا۔ اوہ کھیل جانے لکّھ چؤراسی روُح بُت دا، نِرگُن سرگُن میل مِلائیا۔ اوہ امرت میگھ برسے اپنے گھُٹ دا، چھہبر اِک جنائیا۔ جے کِتے میل ہُندا تُہاڈا وانگ بھگت پُت دا، بھگَون تھوڑے اکھّراں وِچوں اِکو اکھّر جاندا سمجھائیا۔ ایہو کھیل سچ تے سُچ دا، ساہمنے ہو کے پردہ گیا پائیا۔ ہُن اَگے لیکھا رہن نہیں دینا لُک دا، نؤ کھنڈ پرِتھمی سَت دیِپ سادھاں سنتاں ساریاں شبد اِشارے نال دینا ہِلائیا۔ کوئی اوہلا رہن نہیں دینا گُجھ دا، پھڑ کے منزل ویکھنی تھاؤں تھائنیا۔ جے کوئی بنے مالک اوس رُت دا، جو رُتڑی سب دی رہیا مہکائیا۔ جوتی جوت سروُپ ہرِ، آپ اپنی کِرپا کر، سوہنی دُھر دی کھیل وکھائیا۔ چِٹھیاں کہن اسیں آئیاں دو، دوویں حُکم سُنائیا۔ گُرمْکھاں نوُں مِل گئی اوس دی سو، جو ہنگ برہم رہیا سمائیا۔ پربھ توں وِچھڑے رہے رو، راتی سُتّیاں مارن دھائنیا۔ جِنہاں دی آتما نال پرماتم گیا چھوہ، اوہ شہنشاہ نال مِل کے اپنا رنگ بدلائیا۔ اُہناں نوُں بِنا اکّھاں توں اندر آ گئی لو، سَتگُر دا شبد پڑھن چائیں چائنیا۔ ویکھو تُہاڈے نال کوئی کرنا نہیں جے دھرو، پہلوں وکھا کے پھیر کر دینی صفائیا۔ بھاویں تُسیں کوٹن کوٹ وینہدے سادھاں دے گروہ، جو آیا بن کے مالک چّھبی پوہ، اوہ سب دی انتر آتما کھوج کھوجائیا۔ شبد اِشارے نال نام جَیکارے نال سب نوُں سُناوے سچّی سو، لُکیا کوئے رہن نہ پائیا۔ ہُن کوئی وڑیا رہن نہیں دینا کُھڈاں وِچ وانگ گوہ، پِچھوں پھڑ کے باہر دین کڈھائیا۔ جِنہاں نوُں مِل گیا پرم پُرکھ پرماتم اوہ، اوہ کِیوں بَیٹھن مُکھ لُکائیا۔ جوتی جوت سروُپ ہرِ، آپ اپنی کِرپا کر، دُھر دا سُخن رہیا سُنائیا۔ چِٹھیاں کہن اسیں آئیاں اِکٹّھیاں، دُھر دے مالک دِتا پُچائیا۔ اسیں ویکھنیاں اوہ سخیاں، جو ہرِ کنت رہیِاں ہنڈھائیا۔ اسیں ویکھنیاں اوہ مچّھیاں، جو بِنا جل اپنا آپ مِٹائیا۔ اسیں

ویکھنیاں اوہ سسّیاں، جو تھلاں دین دُہائیا۔ اسیں ویکھنیاں اوہ جو دیِناں مذہباں وِچ پھسیاں، من دی کرن لڑائیا۔ جو پِھردے کلجُگ ہٹّیاں، ساچا نام جھولی کوئے نہ پائیا۔ جِنہاں نے اکّھیاں اُتے بدھّیِاں مایا دیِاں پٹّیاں، حاضر حضوُرا نظر کوئے نہ آئیا۔ جِنہاں منکے منکے والیاں مالاں رٹیاں، رٹّا اندروں نہ کوئے مُکائیا۔ اسیں ویکھنیاں اوہ جیہڑیاں سَتگُر شبد نال گئیاں پھٹّیاں ، گھاؤ ڈوُنگھے رہیا لگائیا۔ اسیں ویکھنیاں اوہ جو پِھرن بازی گر وانگ نٹیِاں، گھر گھر ناچ نچائیا۔ اسیں ویکھنیاں اوہ جو کنت سُہاگ پریِتم نال وسیِاں، آتم پرماتم سیجا رہیاں ہنڈھائیا۔ اسیں ویکھنیاں اوہ جو سَتگُر نوُں ویکھ کے پِچھا دے کے نسّیاں، شبد گُروُ سار کوئے نہ آئیا۔ اسیں ویکھنیاں اوہ جو ساڈھے تِنّ ہتّھ کایا اندر وسیِاں، واسطہ اِکو نال جُڑائیا۔ اسیں ویکھنیاں اوہ جیہڑیاں اُوڑے اَیڑے والیاں پڑھدیِاں پٹّیِاں، الف یے قلماں نال بنائیا۔ اسیں ویکھنیاں اوہ جیہڑیاں اوس دے پریم وِچ رتیِّاں، رتی رت رہن نہ پائیا۔ اسیں ویکھنیاں اوہ مومبتّیاں، جیہڑیاں جوت نِرنجن نال کرن رُشنائیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا پرگٹائیا۔ چِٹھیاں کہن سانوُں کؤن پڑھدا، کِس نوُں دئیے سمجھائیا۔ جو صاحب سَتگُر دے چرن دوارے دی منزل چڑھدا، اُہناں نوُں اکھّر اکھّر نظری آئیا۔ جو مالک دا ہویا بردا، بندیخانے گیا تُڑائیا۔ اُہناں دا آپے صاف سُتھرا ہو جائے ورقہ، جل پانی اکھّر نہ کوئے مِٹائیا۔ ایہو تُہاڈے وِچ اجے فرقا، جو فَیصلے والا فَیصلہ حق رہیا سُنائیا۔ جے صاحب سَتگُر دا سچ دوارے نِرگُن نوُر وِچ کیِتا ہُندا درسا، اکھّر بُھل کدے نہ جائیا۔ ایہہ اجے بِنا مِہر توں بھانا ورتا، جو آپ رہیا جنائیا۔ اِس توں اگلا بہُتا پردہ، بِنا بھگتاں نہ کِسے کُھلائیا۔ جو منزل اگمّی چڑھدا، آون جاون پندھ مُکائیا۔ جوتی جوت سروُپ ہرِ، آپ اپنی کِرپا کر، ساچی چِٹھی آپ پُچائیا۔ چِٹھی کہے کِسے نہیں ویکھیا چِٹھی رسیَن، جو جگت میز اُتے گیا ٹِکائیا۔ ایہہ رسنا سدا سب نوُں آئی کہن، کہہ کہہ رہی جنائیا۔ جے تُہاڈا کُھلیا ہُندا نِج نیتر تیجا نیَن، پِھر آپے ہو جاندی پڑھائیا۔ سَتگُر شبدی نِرگُن سرگُن دھار ہُن سادھاں دا آیا ٹیَسٹ لَین، ایسٹ وَیسٹ سارے کھوج کھوجائیا۔ جو چنگے ہو کے بَیسٹ تغما لَین، تِنہاں نوُں دیوے مان وڈیائیا۔ نہیں تے کرکے ارَیسٹ وحا دیوے اگلے وہن، جِتھے رائے دھرم دئے سزائیا۔ جوتی جوت سروُپ ہرِ، آپ اپنی کِرپا کر، شبد وِچ شبدی حُکم ورتائیا۔ چِٹھیاں کہن ساڈا لِکھن والا نِرالا، نِراکار بےپرواہیِا۔ جِس دا مضموُن بےمثالا، مِثال وِچ نہ کوئے سمجھائیا۔ جِس دا پڑھنا نہیں سُکھالا، جگت نیتر دین دُہائیا۔ جیہڑا ہتّھ نہ آئے

لبھیاں بھالا، چاروں کُنٹ کھوج کھوجائیا۔ جیہڑا منزل چوٹی چڑھ کے بَیٹھا اَخیِر ساڈھے تِنّ ہتّھ سچّی دھرم سالا، دھرم دوارے ڈیرہ لائیا۔ جو لہنا دینا دیونہار شاہ کنگالا، شاہ پاتشاہ اِک اکھوائیا۔ اپنے اندروں پردہ چُک لؤ رومالا، جو روم روم اندر ڈنکا رہیا لگائیا۔ پھیر اکھّر نظر نہ آوے کوئی کالا، چِٹی دھار دئے پرگٹائیا۔ جِس وِچ پہلا جوُاب تے دوُجا سوُالا، سوُال جواب اپنا دئے سمجھائیا۔ کلجُگ جگت اندھیر دِسے ترکالا، اندھ اندھیرا چاروں کُنٹ چھائیا۔ جِس نے سُتّیاں آپ اُٹھالا، ہُلارا دِتا لگائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ چِٹھی اُتے ایس کر کے کیتے نہیں دستخط، اگمّی حروُف نہ کوئے جنائیا۔ اچھل چھل کر کے کملاپت، پت پرمیشور کھیل کرائیا۔ کِسے نہ سمجھاوے بِنا دُھر دے بھگت، نِراکھّر نہ کرے پڑھائیا۔ جِس دا کھیل نہیں ہونا بس، بستے سب دے رہیا بندھائیا۔ برہمنڈ کھنڈ پُری لوء آکاش پاتال لکّھ چؤراسی اندر باہر گُپت ظاہر رہیا نسّ، آؤندا جاندا نظر کِسے نہ آئیا۔ تُساں جگت کاغذاں والے بستے مارے کچّھ، کلجُگ کوُڑے کوٹھے اندر گئے آئیا۔ اوہ دوویں چِٹھیاں تُہاڈے ہتّھاں وِچوں گئیاں بچ، بِنا گُرمْکھاں اُہناں نوُں اپنی چھاتی نہ کوئے لگائیا۔ ایہو کھیل اوس ربّ سچ، جو سچ کر کے رہیا وکھائیا۔ لاؤن نہیں دینا کوئی من مت بُدھ والا اجّ پّج، پنجاں والی کرنی نہ کوئے لڑائیا۔ جیہڑے گُرمْکھ سَتگُروُ دے چرناں وِچ بَیٹھے سج، اُہناں نوُں ساجن ہو کے نظری آئیا۔ دُھر دا حُکم آد جُگاد جُگ چؤکڑی کوئی کر نہ سکے ردّ، ردے عمل وِچ ویکھے سرب لوکائیا۔ بِنا سَتگُر کِرپا سکے نہ کوئی سمجھ، بھیوَ ابھید نہ کوئے دِرڑائیا۔ سیانیاں نوُں اِشارے والی رمز، نُقطہ اِکو دئے جنائیا۔ دُھر دا مالک خالق پرِتپالک پروردِگار سانجھا یار ایکنکار اِک اِکلّا بن کے لکّھ چؤراسی خصم، خالص اپنا حُکم دِرڑائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، پنج تت کایا ماٹی کھیل نہیں وجوُد جِسم، محبوُب مِہروان نوُر نوُرانہ نوُر خُدائیا۔

۵ بھادروں شہنشاہی سمت ۱ ڈیری والا تارا سِنگھ دے نوِت ضِلع امرتسر
)دھرم سالا وِچ سنت لچھمن سِنگھ اندروں باہر نہیں نِکلیا(

گُرمْکھ کِہا میرے چِنتا من، سنسا روگ نہ کوئے مِٹائیا۔ پنچ وِکارا لگی اگّ تن، دِوس رَین رہی جلائیا۔ کوُڑی کِریا خواہش واسنا کوئی نہ سکے بنّھ، شبدی ڈوری تند نہ کوئے بندھائیا۔ شاستر سِمرت وید پُران سُن سُن تھکے کنّ، آتم پرماتم پردہ کوئے نہ لاہیِا۔ ساچا نوُری جوت چڑھیا موُل نہ چنّ، اندھ اندھیر نہ کوئے مِٹائیا۔ کراں بینتی دوئے جوڑ بنّھ، بندگی واسطہ ڈنڈؤت اِکو اِک جنائیا۔ جوتی جوت سروُپ ہرِ، آپ اپنی کِرپا کر، ساچا بھید دئے کُھلائیا۔ من منوُآ دہ دِشا رہیا بھج، اٹّھے پہر اپنا پندھ مُکائیا۔ کوُڑی واسنا اندر رہیا رچ، رچنا ویکھے چائیں چائنیا۔ جِناں چِر سَتگُر شبد نہ ملِے سچ، ڈوری پریم نہ کوئے بندھائیا۔ اوناں چِر بھاگ لگنا نہیں کایا ماٹی کچ، گھر ساچے نہ وجےّ ودھائیا۔ مِہروان ہو کے سَتگُر اندروں کھول دیوے اکّھ، پردہ دیوے لاہیِا۔ پھیر من واسنا آپے ہو جائے سَتھر نہیں سٹ، سِر اَور نہ کوئے اُٹھائیا۔ دَیاوان دَیاکرے پُرکھ سمرتھ، صاحب سُلطان اپنے ہتّھ رکھے وڈیائیا۔ جاندیاں جاندیاں تُہاڈا من تُہاڈے کر جائے وس، واسطہ تُہاڈے نال رکھائیا۔ کرے نبیڑا حقیِقت حق، فَیصلہ اِکو اِک سمجھائیا۔ گھر سوامی ملِے ٹھاکر ہس ہس، ہستی وِچوں ہستی دئے بدلائیا۔ جوتی جوت سروُپ ہرِ، آپ اپنی کِرپا کر، من منوُآ ویکھ وکھائیا۔ من منوُآ جائے جھُک، سِر سکے نہ کوئے اُٹھائیا۔ جِس ویلے صاحب سَتگُر دی پڑھ لئے بِن رسنا جِہوا اندر تُک، تُخم تاثیر دئے بدلائیا۔ جگت خواہشاں دا پیَنڈا جائے مُک، نؤ دوارے ڈیرہ دیوے ڈھائیا۔ ساڈھے تِنّ ہتّھ اندر سوہنا ملِے سُکھ، سُکھ ساگر دئے جنائیا۔ لیکھے لگے مانَس جنم منُکھ، من دی ممتا دئے مِٹائیا۔ جنم جنم دا گیڑا مِٹے دُکھ، لکّھ چؤراسی گیڑا دئے چُکائیا۔ جوتی جوت سروُپ ہرِ، آپ اپنی کِرپا کر، سُرتی شبدی جوڑ جُڑائیا۔ من کہے میرا نہیں کوئی مان تان، مَیں بھگتاں دیاں جنائیا۔ جِنہاں نوُں سَتگُر آپ لئے پہچان، پہچان اپنی دئے سمجھائیا۔ اندر دے کے سچ فرمان، سچ سندیشہ اِک الائیا۔ کوُڑی کِریا میٹے وِچ جہان، جہالت دوَیتی والی دئے گوائیا۔ من کہے مَیں سدا شیَطان، اِنساناں بناواں حیَوان، کُھڈیاں دے اندر دیواں پائیا۔ جِنہاں دے گھر گُرمْکھ ہون مہمان، جِنہاں دے اندر جوتی جلوہ نوُر مہان، شبد ناد وجےّ دُھنکان، ڈھولا دُھر دا راگ الائیا۔ جوتی جوت سروُپ ہرِ، آپ اپنی کِرپا کر، من چنچل دئے بنائیا۔ من چنچل کہے

مَیں بڑا ٹھگ، کلجُگ سنتاں رہیا ٹھگائیا۔ اندر لا کے پنج تت کایا اگّ، کایا کُلیّ دِتی جلائیا۔ اِٹّاں پتّھراں اندر وڑھیا بھجّ، اپنا مُکھ چُھپائیا۔ جِنہاں دے شبد اگمّی ناد رہیا وجّ، اوہ گُرمْکھاں نوُں مِلن چائیں چائنیا۔ ہرِ سنگت مِلیاں بِنا مکّے کعبیوں ہو جائے حج، حضرت ساکھیات درس دیوے دِکھائیا۔ گُرمْکھا تیرے اندروں من دی ممتا دئے کڈھ، شبد کھنڈا اِکو وار پِھرائیا۔ راتی سُتّیاں دِنے جاگدیاں درشن دیوے رجّ رجّ، رجو طموں سَتو لیکھا دئے چُکائیا۔ کوئی سنساریاں والا لاؤنا نہیں اجّ پّج، بھنڈاریاں والا بھنڈار دینا ورتائیا۔ جوتی جوت سروُپ ہرِ، آپ اپنی کِرپا کر، پریم پریِتی انتم میل مِلائیا۔ من کہے میری کوَن جانے منسا، مایا ممتا موہ وِچ لوکائیا۔ مَیں کاگ بناواں ہنسا، ویکھاں تھاؤں تھائنیا۔ جِس نے بھرم وِچ پائی جنتا، بِنا منزل توں کرے پڑھائیا۔ جِس دے اندر ہؤمے ہنگتا، کوُڑے اندر بَیٹھا مُکھ چُھپائیا۔ جے سَتگُروُ دے نام دی کول ہُندی سنّدا، ساہمنے ہو کے دیندا وکھائیا۔ ایہہ کھیل گھر گھر من دا، کرے جگت لڑائیا۔ گُرسِکھ تُوں روُپ اوس پرماتما دے اگمّی چند دا، جِس دا چاندنا نؤ کھنڈ پرِتھمی کرے رُشنائیا۔ پُرکھ اکال دیِن دَیال سَتگُر پوُرا آد جُگاد گُرمْکھاں پریمی پیاریاں اندر ہو کے بیڑا بنّھدا، من وِکاری ہنکاری ڈندّا، انتر آتم پرماتم دئے وکھائیا۔

۵ بھادروں شہنشاہی سمت ۱ ڈیری والا بوہڑ دے تھلّے ضِلع امرتسر

ایہہ جگہ کہے مَینوُں درخت نہ سمجھِیو بوہڑ، بہُڑی بہُڑی بہُڑی کر کے دیاں جنائیا۔ گُرمْکھو اپنی آتما اوس پرماتما نال لؤ جوڑ، جو گُروُ گوبِند دا بنیا پِتا مائیا۔ پِھر تُہانوُں کِسے گُروُ دی رہنی نہیں لوڑ، پِنڈاں نگراں وِچ بھجّنا پئے نہ واہو داہیِا۔ تُہاڈا امرت رس مِٹھا ہو جاوے ریِٹھا رہے نہ کؤڑ، کوُڑی کِریا باہر دِتی کڈھائیا۔ گھر اپنے تکّ کے ویکھو غؤر، گہر گمبھیِر بَیٹھا ڈیرہ لائیا۔ گُرمْکھاں نوُں مِل کے سب دا مانَس جنم جاوے سؤر، نانک گوبِند سب نوُں کر کے گئے پڑھائیا۔ جے کوئی بُھل کے آ جاوے ٹھگ چور، اُس نوُں پھڑ کے گلے لؤ لگائیا۔ جوتی جوت سروُپ ہرِ، آپ اپنی کِرپا کر، ساچا بھیو دئے جنائیا۔ جگہ کہے میرے تھلّے بوہڑ دی جڑ، ڈوُنگھی نظری آئیا۔ گُرسِکھو مانَس دیہی اپنے گگن ویکھو چڑھ، جِتھے منزل بےپرواہیِا۔ جِس گھر سَتگُر پوُرا جاندیاں باہوں لئے پھڑ، نہ کہ جِندرے مار کے اندر مُکھ چُھپائیا۔ سَتگُر شبد سب دے اُتے سدا کِرپا رہیا کر، دیِن مذہب ذات پات اوُچ نیِچ ونڈ نہ کوئے ونڈائیا۔

اوہ سب دا مالک تے سب دے وسیا گھر، گھٹ خالی نظر کوئے نہ آئیا۔ جِنہاں نے نانک سَتگُر دی وِدیا لئی پڑھ، اوہ سجّناں نوُں سجّن مِلن چائیں چائنیا۔ مُکھ چھپاؤن نالوں چنگا جانا مر، بِن پیار مُحبّت مانَس جنم کم کِسے نہ آئیا۔ رو کے پُکارے دھؤل دھرنی دھر، دھوَل دئے دُہائیا۔ دھنّ بھاگ جے گُرمْکھ سچّے میرے اُتے رہے کھڑ، بہہ بہہ کے آسن لائیا۔ ایہہ وی پِچھلا ترنتے جُگ دا ور، سیِتا رام دے کے گئے گواہیِا۔ جِتھے کدی واسنا آئی سی دوُکھن تے کھر، آپ اپنا پھیرا پائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا وکھائیا۔ بوہڑ کہے میرا آیا بُڈھاپا، اوہ بُڈھیو نڈھّیو بچّیو سب نوُں دیاں جنائیا۔ پُرکھ اکال سب دا ماپا، اِکو اِک اکھوائیا۔ جو روُح بُت دوویں کرے پاکا، اندر باہر کرے صفائیا۔ جو اندر وڑ کے کھولے تاکا، بجر کپاٹی کُنڈا دئے کُھلائیا۔ پریمیاں دا پریمیاں نال بناوے ساتھا، ایہو گوبِند امرت جام پیا کے گیا سمجھائیا۔ کِسے کمّ نہ آوے رگڑیا ماتھا، جِناں چِر مستک وِچ خوشی نوُر نظر نہ آئیا۔ مانَس جنم ایہو گھاٹا، جو گُرمْکھاں کولوں گُرسِکھ بَیٹھے مُکھ بھوائیا۔ اِس توں بعد سب نوُں پَینی چؤراسی دی واٹا، بِن گوبِند پار نہ کوئے لنگھائیا۔ ایہہ کوئی چکّیاں خراساں تے پیسن والا نہیں آٹا، پُڑ نال پُڑ دِتے رگڑائیا۔ ایہہ پرم پُرکھ دا پرم تماشا، بِن پوُرے سنتاں سمجھ کوئے نہ پائیا۔ گُرمْکھو تُہاڈے پریم دا سانوُں بڑا بھرواسا، جِنہاں راہ وِچوں روک کے ایتھے بہائیا۔ مَیں سب نوُں دسّاں اِک اکال دے نال جوڑ دیؤ ناتا، ناتے دوُجے دی لوڑ رہی نہ رائیا۔ پِھر تُہاڈے اندر کدی وی پنج چور نہ مارن ڈاکا، من مت بُدھ کرے نہ کوئے لڑائیا۔ لیکھے لگ جائے تن ماٹی خاکا، خالص خالصہ سوئی نظری آئیا۔ جوتی جوت سروُپ ہرِ، آپ اپنی کِرپا کر، دُھر دا حُکم رہیا سُنائیا۔ بوہڑ کہے مَینوُں جانے کوئی بڑھئیا، میری سمجھ کِسے نہ آئیا۔ میرا مالک اوہ جو سب دی تارے نئیا، نؤکا نام اُتے چڑھائیا۔ بھگتاں دا پریمی بن کے پکڑے بہیِا، کِیوں گوبِند اپنے سنگ رکھائیا۔ جِس نوُں سینے رہیا لگا، گوبِند جیہڑا ڈِگیاں ڈھٹھیاں گلے لگائیا۔ جِس دا پیار سچ سچّا، پُختہ اپنے نال جُڑائیا۔ جوتی جوت سروُپ ہرِ، آپ اپنی کِرپا کر، صاحب سَتگُر ہوئے سہائیا۔ ایہہ جگہ کہے مَینوُں مِٹی نہ سمجھِیو دھوُڑ، گھاس پھوُس والی نظری آئیا۔ گُرمْکھو اِکٹّھے ہو کے گاؤ پربھ دے گیِت تُسیں چتُر سُگھڑ سُچجے موُڑھ، اِکو روُپ نظری آئیا۔ جوُٹھا جھوُٹھا ناتا چھڈ دیؤ کوُڑ، اِتمینان نال پریمی مِل کے پریم سَتگُر لؤ بنائیا۔ ایہہ دُھر دا حُکم سَتگُر شبد دا دستوُر، دست بدست سب نوُں لئے اُٹھائیا۔ دھنّ بھاگ تُہاڈی وڈیائی اسیں سارے مشکوُر، شُکریئے وِچ خوشی رہے منائیا۔

ہُن اَگے جانا اِس واسطے مجبوُر، چُھٹی دینی چائیں چائنیا۔ دھنّ بھاگ جے آیاں کولوں ہو گیا ہووے قصوُر، اوہ وی اَگے جھولی ڈاہیِا۔ کِیوں مَیں تُہاڈا ساریاں دا مزدوُر، اندروں باہروں تُہاڈے اندر مالک حضوُر، ایسے کر کے وجدی رہے ودھائیا۔ تُہاڈی یاد رہے ضرور، درخت بوہڑ دئے گواہیِا۔ تُہاڈے اندر پربھ دا نظری آؤندا رہے نوُر، شبدی وجدی رہے ودھائیا۔ تُسیں سارے وڈّیاں گُناں دے بھرپوُر، جِنہاں دے اندر گُروُ گوبِند ساچی وست اپنا نام دِتا ٹِکائیا۔ تِن سؤ سٹّھ سال پِچھوں ایہہ تھاں ضرور ہووے مشہوُر، نِشانہ ستّ رنگ نظری آئیا۔ کھتری براہمن شوُدر وَیش سب نوُں کرنا پئے قبوُل، کامل مُرشد دئے گواہیِا۔ جوتی جوت سروُپ ہرِ، آپ اپنی کِرپا کر، دُھر دا کھیل رہیا وکھائیا۔ بوہڑ کہے میرا پُکارے ٹاہن ڈالی پتّ، شاخاں دین دُہائیا۔ گُرسِکھو اِکو مِلِیو کملاپت، جو پت پرمیشور ہر گھٹ بَیٹھا ڈیرہ لائیا۔ اوسے دے چرناں جاؤ ڈھٹھ، جو دُھر دا مالک نظری آئیا۔ بوہڑ کہے جِہنوُں خوشی ہوئی ویکھ کے گُرمْکھاں دا اِکٹّھ، جو اِکٹّھے ہو کے اِکو رنگ سمائیا۔ جے سچ پُچھو تے باہروں تتّاں والا جٹّ، اندر پربھ نے نام بھنڈارا دُھر دا ہٹّ دِتا کُھلائیا۔ بھاویں تُہانوُں ایتھے بَیٹھیاں نوُں لگدا ہووے وٹّ، بھادروں دا ہُسڑ رہیا ستائیا۔ پِھر وی ساریاں نے اِکو جِہا لاہ جانا کھٹ، جِنہاں دا کھٹکا رہے نہ رائیا۔ اندروں دُئی دوَیتی دی کڈھ دیؤ وٹ، بھانڈا بھرم دینا بھنائیا۔ تُہاڈے اندر جوت جگے لٹ لٹ، اِکو نوُر ہووے رُشنائیا۔ شبد اگمّی لا کے سٹّ، سوئی سُرتی رہیا اُٹھائیا۔ پریم پیار اندر مِل کے اِک دوُجے نال بولو سچ، کوُڑی کِریا دینی تجائیا۔ بوہڑ کہے ہُن ساریاں دی آشا اندروں کہے ہُن کر جا بس، ویلا سوہنا دِتا سُہائیا۔ مَینوُں وی ایہو آس، تُسیں میرے نال مِل کے میرا ساتھ دینا بنائیا۔ نالے پانی دا پیا کے ٹھنڈا گلاس، بوُند سوانتی دِتی ورتائیا۔ ایسے کر کے بوہڑ کہے ساریاں نوُں اِکو جہی شاباش، مِٹّی کہے مَیں اُڈ اُڈ لاگاں پائیا۔ اَگے ہُن آؤن والی رات، ویلا وقت دئے گواہیِا۔ ساچے پریم دی سارے لےَ کے جائیو سوغات، آنڈھیاں گواڈھیاں دینی ورتائیا۔ ویکھیو بُھل کے گُرمْکھ نال گُرسِکھو ہویؤ نہ کدے ناراض، ناراضیاں دا گوبِند ساتھ نہ کدے نِبھائیا۔ جیہڑا کھیل ہویا آج، ایہنوُں سمجھے نہ کوئی سماج، دُھر دا کھیل بےپرواہیِا۔ بند کُنڈے کیِتیاں کدی بند نہیں ہُندا جواب، جواب طلبی سب توں لئے کرائیا۔ ایہہ صِفتاں والا نہیں خواب، دُھر سندیشہ دُھر دا رہیا جنائیا۔ جِس سُرنگی دی تار وجدی نہیں مِل کے نال رباب، کِلّی اندروں دئے بھوائیا۔ ایہہ کوئی پڑھن والی نہیں کِتاب، دُھر دا فرمانا گُرمْکھاں پریم ودھائیا۔ سارے

مِل کے بن جاؤ احباب، محبوُب مُحبّت وِچوں نظری آئیا۔ ایہہ تھاں سُہنجنا ہویا بوہڑ بنیا پاک، کِیوں گُرمْکھ بَیٹھے ڈیرہ لائیا۔ سچ پُچھو گوبِند چار ورناں بنا کے گیا اِکو ساک، کھتری براہمن شوُدر وَیش ونڈ نہ کوئے ونڈائیا۔ سارے مِل کے کر لؤ اِتفاق، آیاں مہماناں نال دغا نہ کوئے کمائیا۔ کِسے کمّ نہیں آؤنی ایہہ کھٹیا کھاٹ، آسن سِنگھاسن نہ ملِے کوئی وڈیائیا۔ سب توں اُتم سریشٹ پریمیاں نال مِل کے کرنی بات، جو باطن ظاہر بھیو کُھلائیا۔ سب دی پنجاں تتّاں والی ہونی انت وفات، تن ماٹی دینی تجائیا۔ بوہڑ کہے میرے تھلّیوں سارے اِکٹّھے رہن دی سِکھ کے جائیو جاچ، اِک دوُجے دی سیو کمائیا۔ تُہاڈے پریم پیار دا سُخن سُن کے واک، جو سری سو تُہاڈی سیوا دِتی کمائیا۔ جوتی جوت سروُپ ہرِ، آپ اپنی کِرپا کر، سب دا مالک اِکو نظری آئیا۔