۲۸ پوہ شہنشاہی سمت ۱ ہرِ بھگت دوار جیٹھوُوال
ہرِ شبد کہے سَت ساچی دھار، جُگ چؤکڑی گئے راہ تکائیا۔ گُر اوتار پَیغمبر بن کے سیوادار، نِت نوِت سیو کمائیا۔ دُھر دا ناد شبد جَیکار، نعرہ کلمہ جگت کائنات سُنائیا۔ پنج تت کایا بُت جھُکدے رہے وِچ سنسار، نِرگُن نِیوں نِیوں لاگن پائیا۔ شاستر سِمرت وید پُران انجیل قُرآن کھانی بانی کر کے گئے اِظہار، اکھّراں وِچ ڈھولے گائیا۔ پُرکھ اکال دیِن دَیال پروردِگار اَگے کر کے گئے پُکار،
تن ماٹی خاکی دوئے جوڑ واسطہ پائیا۔ کھتری براہمن شوُدر وَیش کھیلے کھیل اپر اپار، اپرمپر اپنا حُکم ورتائیا۔ سَتگُر شبد کِسے نہ پائی سار، لکّھ چؤراسی جیِو جنت ہلکائیا۔ جوتی جوت سروُپ ہرِ، آپ اپنی کِرپا کر، مارگ دُھر دا اِک پرگٹائیا۔ ہرِ شبد کہے جُگ چؤکڑی کھیل سِری بھگوان، نِرگُن سرگُن گیا جنائیا۔ تھوڑا تھوڑا دے کے نام دان، سوئی سُرتی جگت اُٹھائیا۔ تتّاں والی ریِتی دسّ کے رام کاہن، بنسری اُنگلاں نال وجائیا۔ سجدیاں وِچ کر سلام، عیسیٰ موُسیٰ محمد گئے سیِس جھُکائیا۔ نانک گوبِند کر پرنام، بےانت بےانت بےانت کہہ کہہ رہے گائیا۔ بِنا اکھّراں توں وکھّرا وسے بھگوان، جِس دی سمجھ کِسے نہ پائیا۔ جُگ چؤکڑی بدلدا رہیا وِدھان، لوک مات کھیل کھِلائیا۔ رِکھیاں مُنیاں برہم ویتا دئے گیان، نِرنتر انتر منتر اِک سمجھائیا۔ دُھر دا کلمہ سچ کلام، پَیغمبراں کرے پڑھائیا۔ مُحبّت وِچ کر اِحسان، محبوُب دِتی وڈیائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ سَتگُر شبد کہے مَیں دیون آیا بیان، نؤ سؤ چُرانوے چؤکڑی جُگ پندھ مُکائیا۔ پُرکھ اکال دیِن دَیال پروردِگار سانجھا یار دُھر دا رام ہویا مِہروان، محبوُب اکّھ پرتکھ کُھلائیا۔ سرِشٹی درِشٹی ویکھیا اکھّراں والا گیان، رسنا جِہوا ڈھولا گائیا۔ ساچا ملِے نہ کِسے مندر مکان، محل اٹل سوبھا کوئے نہ پائیا۔ تتّاں والا دیندے رہے دان، اپ تیج وائے پرِتھمی آکاش بھیٹ چڑھائیا۔ آتم پرماتم مِلیا کوئی نہ مان، ناتا حق نہ کوئے رکھائیا۔ چؤتھا جُگ ہویا وَیران، حَیرانی سب دے اُپر چھائیا۔ گُر اوتار پَیغمبر ہوئے پریشان، نیتر اکّھ نہ کوئے کُھلائیا۔ جگت وِدیا لاؤندے رہے دیوان، نِراکھّر نہ کوئے پڑھائیا۔ پڑھدے رہے شاستر سِمرت وید پُران، چارے کھانی چارے بانی ڈھولا گائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ سَتگُر شبد کہے مَیں دینا اِک سندیشہ، جِس دی سمجھ کِسے نہ آئیا۔ گُر اوتار پَیغمبر جُگ جُگ وٹاؤندے رہے ویسا، نِرگُن سرگُن پھیرا پائیا۔ آد جُگادی کوئی جان نہ سکیا لیکھا، انت کہن کوئے نہ پائیا۔ دیِناں مذہباں والا پا بُھلیکھا، ذاتی پاتی ونڈ ونڈائیا۔ دیِن دُنی دا دے کے ٹھیکا، ٹھیِکے دار دِتے بنائیا۔ آتم پرماتم کِسے نہ دسّیا ایکا، ایکنکار بھیوَ نہ کوئے کُھلائیا۔ برہما سمجھ نہ سکیا ویتا، وِشنوُں الکھ نہ کوئے جگائیا۔ شنکر کھاندا رہیا ٹھیڈا، نیتر اکّھ نہ کوئے وڈیائیا۔ چار جُگ بدلدا رہیا بھیکھا، بھیکھادھاری حُکم ورتائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ سَتگُر شبد کہے مَیں ویکھیا لوک مات جگ، چار کُنٹ دہِ دِشا دھیان لگائیا۔ دیِناں مذہباں ذاتاں پاتاں لگّی اگّ،
اکھّراں کرن پڑھائیا۔ دُئی دوَیت کوُڑی کِریا کوئی نہ سکے اندروں کڈھ، مایا ممتا موہ نہ کوئے مِٹائیا۔ بِن ہرِ پیار خالی دِسن ہڈّ، ناری کنت جوڑ نہ کوئے جُڑائیا۔ مُلّا شیخ مسائک پنڈت پاندھے گرنتھی پنتھی مارگ رہے دسّ، دسم دواری میل نہ کوئے کرائیا۔ آتم پرماتم ناتا جوڑے کوئی نہ سچ، قیِمت رتیاں رہے پائیا۔ ساچا دسائے نہ کوئے تیِرتھ تٹ، امرت سر سروور نہ کوئے بنائیا۔ پڑھ پڑھ سارے گئے تھک، چؤداں وِدیا رہی کُرلائیا۔ جوتی جوت سروُپ ہرِ، آپ اپنی کِرپا کر، مِہروان دَیا کمائیا۔ سَتگُر شبد کہے مَیں جُگ چؤکڑی وینہدا رہیا ویاہ، ناری پُرکھ راہ تکائیا۔ کِسے دا وِچولا بنیا نہ بےپرواہ، سِر ہتّھ نہ کوئے ٹِکائیا۔ نائی براہمن ججماناں گھر جاندے آ، وِچولے وادھوُ پھیرا پائیا۔ دھیِاں پُتاں والیاں دوہاں گھراں توں لیَندے کھا، بھوجن رسنا نال چُھہائیا۔ نِرگُن نوُر کہے مَیں گُر اوتار پَیغمبر بنائے گواہ، شہادت سارے دیِن بُھگتائیا۔ کِسے نوُں پربھ دے اُتے وِشواس نہ آیا وساہ، وِسری سرب لوکائیا۔ دھرم دوارے بَیٹھ کے جگ نیِتی کوُڑی کِریا رہے تکا، نِج نیَن نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ سَتگُر شبد کہے مَیں ویکھدا رہیا چؤکڑی جُگ، سَتجُگ تریتا دواپر کلجُگ مات ہنڈھائیا۔ گُر اوتار پَیغمبر سُناؤندے گئے پربھوُ دی تُک، پروردِگار نام صلاحیِا۔ کلجُگ انت سرِشٹی درِشٹی نِشانیوں گئی اُک، تیِر گُنی گہِیر نہ کوئے چلائیا۔ مایا ممتا کوُڑی ترِشنا گھر گھر لگّی بُھکھ، طعنیاں وِچ لوکائیا۔ پُتراں والے دھیِاں والیاں نوُں رہے لُٹ، لُٹیرے بن کے پھیرا پائیا۔ پُرکھ اکال دیِن دَیال بھگت سُہیلے بنا کے اپنے پُت، مِہر نظر اِک اُٹھائیا۔ اَگے سرِشٹی دا بدلنا رُخ، چار ورن دینے سمجھائیا۔ نہ کوئی پڑدا نہ کوئی لُک، بھرم بُھلیکھا دینا کڈھائیا۔ بھاویں اِستری ہووے بھاویں منُکھ، دوہاں دا اِکو حق بنائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ سَتگُر شبد کہے مَیں وینہدا رہیا جگت ریِتی، چار کُنٹ دھیان لگائیا۔ کوئی مندر وڑے مسیِتی، گُردوار پھیریاں پائیا۔ صاحب سَتگُر نال کرے نہ کوئے پریِتی، ہِردے ہرِ نہ کوئے وسائیا۔ گوبِند سوہنی لا کے گیا باغیِچی، پُھلّ پُھلواڑی مات مہکائیا۔ نانک دسّ کے گیا حدیِثی، دُھر دی کر پڑھائیا۔ گُرمْکھو گُرسِکھی دی دھار نیِکی، نِکّیاں توں وڈّے دئے بنائیا۔ جناں چِر جانو نہ اپنی کیِتی، کرماں دا روگ کٹائیا۔ کایا ہونی نہیں ٹھنڈی سیِتی، اگنی تت نہ کوئے بُجھائیا۔ جھگڑا مُکنا نہیں اوُچ نیِچی، راؤ رنک نہ کوئے بدلائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ سَتگُر شبد کہے نانک گُر ارجن گا کے گیا لانو چار، چار ورن چار جُگ
گیا سمجھائیا۔ سُرتی شبد کرو پیار، تتاں دی لوڑ رہے نہ رائیا۔ تُہاڈی آتم ہووے نار، پرماتم کنت بےپرواہیِا۔ جناں چِر مِلیا نہ ابناشی یار، یارانہ حق نہ کوئے وکھائیا۔ بِنا پوُرن بھگتاں توں کدے نہ پوُرا ہووے وِہار، بھرمے بُھلی سرب لوکائیا۔ گرنتھی پنتھی کِسے نہ پائی سار، بھیو کوئے نہ پائیا۔ گوبِند بول گیا للکار، ڈھولا اِک جنائیا۔ فتح سچ ڈنکا وِچ سنسار، شبدی نام سُنائیا۔ کھیل پُرکھ اکال، دوُجا اِشٹ نہ کوئے منائیا۔ سرِشٹ ہووے بےحال، چار کُنٹ کُرلائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سَتگُر شبد کہے مَیں دسّنا مارگ سچ، سَتجُگ ساچا آپ اُٹھائیا۔ بھاگ لگا کے کایا ماٹی کچّ، بھگت سُہیلے بھیو کُھلائیا۔ لوُں لوُں اندر پریم پریِتی رچ، رچنا دُھر دی دینی وکھائیا۔ منوُآ من نہ پئے نّچ، کوُڑ کُڑیار نہ کوئے ہلکائیا۔ مارگ دسّ پُرکھ سمرتھ، راہ اِکو دینا وکھائیا۔ جِس نوُں جُگ چؤکڑی گاؤندے رہے نال گتھ، ڈھولیاں وِچ سُنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سَتجُگ کہے مَیں اُٹھیا جاگ، پرم پُرکھ پربھ تیری اوٹ تکائیا۔ سَتگُر شبد کہے اوہ ویکھ کلجُگ کاگ، جِہوا کاگ وانگ کُرلائیا۔ پُرکھ اکال کہے مَیں دینا اِک وَیراگ، جن بھگت دینا سمجھائیا۔ دُرمت مَیل دھو کے داغ، پتت پُنیِت دینا وکھائیا۔ گھر دِیپک جوت جگا چراغ، نِرگُن نوُر کر رُشنائیا۔ چار ورن دا اٹھاراں برن دا سرِشٹی اُتے بدل دینا رِواج، پِچھلی ریِتی رہن کوئے نہ پائیا۔ جِس نے رچنا رچی آد، اوہ ویکھے وِچ برہماد، برہمانڈ اپنا حُکم دِرڑائیا۔ گُر اوتار پَیغمبر کرن یاد، صوُفی سنت فقیِر وجاون ناد، ڈھولے دُھر دے اِکو گائیا۔ جوتی جوت سروُپ ہرِ، آپ اپنی کِرپا کر، مارگ ساچا دئے وکھائیا۔ سَتجُگ کہے پربھوُ مارگ لا مات، منُکھتا دے وڈیائیا۔ بھیو کُھلا سجّن سادھ، سنت سُہیلے گود اُٹھائیا۔ جِنہاں دے اندر اِکو تیری ہووے یاد، دوُجا اِشٹ نہ کوئے منائیا۔ دیِناں مذہباں دا جھگڑا چُکے فساد، پریم رنگ وِچ سمائیا۔ تیرے نام دی سُنن آواز، دوُجا راگ نہ کوئے الائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ سَتجُگ کہے میرا دسّ دے راہ جگت، اِکو وار دِرڑائیا۔ بھرم رہے نہ کِسے بھگت، بھگوَن پڑدا دینا اُٹھائیا۔ تیرے سمت دا سوہنا وقت، جُگ جُگ رہیا بدلائیا۔ تیری گوبِند نال شرط، شبدی حُکم سُنائیا۔ کھیل کرنا عرش تے فرش، فَیصلہ حق سُنائیا۔ غریِباں اُتے کرنا ترس، نِمانیاں گود اُٹھائیا۔ ذات پات دا میٹ کے ہرکھ، دیِن دُنی دینی وڈیائیا۔ جن بھگتاں کولوں کِسے نوُں لیَن نہیں دینا دھڑت، وڈّھی خور نظر کوئے نہ آئیا۔ جوتی جوت سروُپ ہرِ، آپ اپنی
کِرپا کر، سچ کرنی کار کمائیا۔ سَتجُگ سُن تَینوُں سمجھاوانگا۔ تیرا مارگ مات لگاوانگا۔ سنت سُہیلا تیرا ساک بناوانگا۔ گُر چیلا رنگ رنگاوانگا۔ بھگتاں میلا وِچ رکھاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کماوانگا۔ سچ کرنی کار کمائیگا۔ پُرکھ ابناشی دَیاکمائیگا۔ پُرکھ اکالا ویکھ وکھائیگا۔ دیِن دَیالا پھیرا پائیگا۔ ساچی دھرم سالا اِک بنائےگا۔ چار ورناں پھڑ بہائیگا۔ دُھر دی سرن اِک جنائیگا۔ مرن ڈرن بھؤ مِٹائیگا۔ نیتر ہرنا پھرنا اِک آپ کُھلائیگا۔ کِسے گُرمْکھ نوُں جگت وِہار وِچ پھڑنا پئے نہ پرنا، شبد ڈوری نال رکھائیگا۔ گھر وِچ جا کے پھیر پئے نہ لڑنا، ناتا جگت نہ کوئے تُڑائیگا۔ گُرمْکھاں منزل اوسے چڑھنا، جِتھے اِکو نوُر نظری آئیگا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیگا۔ سَتجُگ کہے پربھوُ کِس بِدھ بھگتاں کرے شادی، شادیانہ سچ وجائیا۔ پُرکھ اکال کِہا ایہہ مَینوُں دُھر دی وادی، جُگ چؤکڑی ویس وٹائیا۔ کلجُگ انت ہونی بربادی، کلجُگ کوُڑ رہن نہ پائیا۔ کرنا کھیل پُرکھ ابناشی، دوُجا سنگ نہ کوئے رکھائیا۔ جھگڑا مُکنا پنڈت کاشی، کعبےقُرآن نہ کوئے سُنائیا۔ گُروُدوارے رہن نہیں دینی کوئی بدمعاشی، سَتگُر اِکو نظری آئیا۔ اِکو منڈل ویکھنی راسی، گوپی کاہن دینے سمجھائیا۔ جن بھگتاں دا سِری بھگوان بننا ساتھی، جگت سجّناں دی لوڑ رہے نہ رائیا۔ کوُڑا ناتا تُٹ جائے مات پِت بھائی بھَین پُھپھی ماسی، تائی چاچی کمّ کِسے نہ آئیا۔ انتم سب نوُں منّنی پَینی آکھی، دُھر دا حُکم نہ کوئے اُلٹائیا۔ جِس دا تھوڑا سماں باقی، سمت سال دئے گواہیِا۔ چار کُنٹ رہنا کوئے نہ عاقی، نوَ نؤ چار وجےّ ودھائیا۔ بھگتاں اندر کھول کے دُھر دی تاکی، پڑدا اوہلا دینا اُٹھائیا۔ نام پیالہ پیاؤنا بن کے ساقی، ساکھیات نظری آئیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سَتجُگ کہے پربھوُ مَیں ویکھنا سچ سنجوگ، جوڑی سچّی نظری آئیا۔ جِنہاں ہووے نہ تیرا وِجوگ، وِچھوڑا روُپ نہ کوئے وکھائیا۔ مایا ممتا رہے نہ روگ، آسا ترِشنا نہ کوُڑ بنائیا۔ بھاگ لگّے کایا کوٹ، گرِہ مندر وجےّ ودھائیا۔ شبد اگمّی لگّے چوٹ، سُرتی سُرت اُٹھائیا۔ پرکاش ہووے نِرمل جوت، نوُر نوُر رُشنائیا۔ پت پتنی دی آتم پرماتم اِکو گوت، پڑدا اوہلا دینا اُٹھائیا۔ اَگے جھگڑا رہے نہ روگ، روزے نماز توں لَینے چُھڈائیا۔ جن بھگتاں دا سِری بھگوان تیرے اَگے اِکو وار پَینا بھوگ، دوُجی اوَر نہ کوئے سِکھلائیا۔ جوتی جوت سروُپ ہرِ، آپ اپنی کِرپا کر، میرا لیکھا دینا بنائیا۔ سَتجُگ کہے پربھوُ مَیں کی آکھاں ویاہ، وِواہ سمجھ کوئے نہ آئیا۔ کی مَیں کہواں نِکاح، نقاباں مُکھ لُکائیا۔ سَتگُر
شبد کہے ایہہ آتم پرماتم تن وجوُد پنج تت دی پکڑے بانہہ، دو جہان دی لوڑ نہ کوئے رکھائیا۔ بھگت بھگت نال کر لیَن ہاں، وِچولیاں نوُں دھکّے مار کے گھروں دیِن کڈھائیا۔ ایس تت دا نہیں وساہ، تھِر رہن کوئے نہ پائیا۔ گُر شبد جن بھگتو گُرمْکھو گُرسِکھو تُہاڈا سدا گواہ، شہادت ایتھے اوتھے دئے بُھگتائیا۔ دھرم ریِتی دا اِکو سچّا راہ، دوُجی تاریخ نہ کوئے بدلائیا۔ اجے پہلا سمت پُرکھ اکال دا ہویا رواں، رواداری ساری دئے مُکائیا۔ اجّ تُہانوُں جاپدا ایہہ رِواج نواں، انت سرِشٹ سبائی لَینا اپنائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، نِراکار نِروَیر دھار چلائیا۔
۲۸ پوہ شہنشاہی سمت ۱ ہرِ بھگت دوار جیٹھوُوال
کوٹاں وِچوں گُرمْکھ وِرلا رانا آئے وِچ رن، رنبھوُمی کایا اندر دئے وکھائیا۔ سَتگُر پوُرا پریم پیار اندر بنّھے من، ممتا شبدی گُر جُڑائیا۔ بھاگ لگا کے خاکی تن، وجوُد دئے وڈیائیا۔ نِرگُن نوُر جوت جگا کے چنّ، اندھ اندھیرا دئے مِٹائیا۔ نام بھنڈارا دے کے دھن، سِر اپنا ہتّھ رکھائیا۔ چرن دھوُڑی دے کے بناوے جن، جن جننی لیکھے لائیا۔ سَت جَیکارا سُنائے کنّ، کلمہ حق حق الائیا۔ جگت جہان بیڑا دیوے بنّھ، منجھدھار نہ کوئے رُڑھائیا۔ ایتھے اوتھے کرے نہ چھل، ول چھل نہ کوئے وکھائیا۔ کِرپا کرے پلک دے پِچھے پہلے پل، خلق پلک فلک اُتے زِندگی جیِون دا سوال ہووے حل، حالت دئے بدلائیا۔ جو پریم پریِتی اندر آوے چل، نِہچل دھام دئے وکھائیا۔ جِتھے اِکو دِیپک رہیا بل، نِرگُن نوُر جوت رُشنائیا۔ نہ کوئی تلوار نہ کوئی ڈھال، رن اپنے ہتّھ وکھائیا۔ شبد گُروُ پِھرے وِچ بل، سوُربیِر نظری آئیا۔ جِس دے چرناں ہیٹھاں جل تھل، برہمنڈ کھنڈ رہیا رگڑائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ رنبھوُمی پِھرے اِکو رانا، شاہ سُلطان بےپرواہیِا۔ ویکھے کھیل دو جہاناں، پُری لوء آکاش پاتال وجےّ ودھائیا۔ حُکم سندیشہ دیوے دُھر فرمانا، دُھر دی دھار جنائیا۔ جن بھگتاں دے کے نام نِدھانا، خالی جھولی دئے بھرائیا۔ بھاگ لگا کے ساڈھے تِنّ ہتّھ کایا مکانا، مقامے حق دئے دِرڑائیا۔ اِکو راگ شبد سُنائے ترانہ، تُرت اپنا رنگ رنگائیا۔ اِکو بخشے سچ دھیانا، بِن اکّھاں اکّھ کُھلائیا۔ مُحبّت وِچ ہووے مِہروانا، محبوُب بےپرواہ مستی وِچ کرے دیوانہ، دوُہرا اپنا رنگ چڑھائیا۔ جوتی جوت
سروُپ ہرِ، آپ اپنی کِرپا کر، سچ کرنی کار کمائیا۔ رن کہے مَیں ویکھاں راؤ رنک، چؤراسی کھوج کھوجائیا۔ وجّدے ویکھاں ڈنک، چار کُنٹ شنوائیا۔ پِھردے ویکھے سنت، جنگل جوُہ اُجاڑ پہاڑ دین دُہائیا۔ بِنا ہرِ کِرپا کِسے نہ مِلیا بھگوَنت، گرِہ مندر نہ وجّی ودھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ رن کہے رانے دا وجےّ نگارہ رنجیِت، رجو طمعو سَتو رہن کوئے نہ پائیا۔ بھگتاں کرے اتیِت، پنجاں کرے صفائیا۔ اندروں بدل کے نیِت، کوُڑی کِریا باہر کڈھائیا۔ اِک سُنا کے گیِت، پڑدا اوہلا دئے اُٹھائیا۔ گھر سوامی نظری آئے میِت، مِتر پیارا دُھر درگاہیِا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ رن کہے رنبھوُمی ویکھیا اِک نظارہ، بےنظیِر نظر بدلائیا۔ ناتا توڑ سرب سنسارا، گُرمْکھاں دئے وڈیائیا۔ ساچا مندر دسّ دوارا، در دربارا اِک وکھائیا۔ اِکو ناد شبد دھنکارا، اگمّی راگ سُنائیا۔ اِکو نوُر جوت اُجیارا، نوُر نوُرانہ ڈگمگائیا۔ اِکو کرے سچ پیارا، آتم پرماتم مِل کے خوشی وکھائیا۔ دیونہارا سچ سہارا، پُشت پناہ ہتّھ ٹِکائیا۔ من رہن نہ دیوے گوارا، ہنکار اندروں دئے کڈھائیا۔ جوتی جوت سروُپ ہرِ، آپ اپنی کِرپا کر، جنم لیَن نہ دیوے دوبارا، جو چل آئے سرنائیا۔ رن کہے مَیں ویکھاں رنگ رنگیِل، رنگت اِکو نظری آئیا۔ میری اندروں بدل دیوے دلیِل، دِلبر بےپرواہیِا۔ سَتگُر پوُرا آپے بندھاوے یقیِن، یک دم پڑدا دئے اُٹھائیا۔ شاستر سِمرت وید پُراناں توں باہر سَتگُر دی تعلیِم، جِس دا بھیو کوئے نہ پائیا۔ محل اٹل وکھائے عظیِم، عالیشان نظری آئیا۔ پہلا گھر وکھائے قدیِم، جِس دوارے توں ہوئی جُدائیا۔ تیراں لکّھ تریسٹھ ہزار دفعہ بنیا مرد میِن، نار سنسار وِچ نظری آئیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ رن کہے رنے وِچ ہسّدا، رانا اِکو نظری آئیا۔ جِس دے ہتّھ نگارہ جس دا، ڈنکا دئے وجائیا۔ جِس دا اِشارہ اگمّی اکّھ دا، پرتکھ دئے پرگٹائیا۔ پوُرب لہنا دینا حق دا، حقیِقت دئے جنائیا۔ لہنا سچ دا، پوُرب ویکھ وکھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ مِہر نظر کہے مَیں ویکھاں اوہ رانا، پوُرب لیکھا یاد آئیا۔ جیہڑا رہندا سی مستانہ، چیِتھڑ لیرو لیر بنائیا۔ اِک گاؤندا سی گانا، گوبِند گوبِند ماہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کہے پِچھلا نظری آئے حِساب، حِصّہ دُھر درگاہیِا۔ پوُربلے جنم دا جوان اوستھا دا نواب، کوٹلیاں وِچوں نظری آئیا۔ جِس ڈھائی سیکِنڈ گوبِند نوُں کیِتا سی آداب، طوبیٰ طوبیٰ کر کے سیِس جھُکائیا۔ اوس دِتا اِک خِطاب، شبدی حُکم جنائیا۔ جِس
ویلے آوے میرا پُرکھ اکال باپ، نِرگُن نِروَیر پھیرا پائیا۔ تیری پوُری کرے آس، آسا منسا ویکھ وکھائیا۔ مَیں اُس دے ہونا ساتھ، شبدی دھارا ونڈ ونڈائیا۔ تیرا بُت کرنا پاک، روُح اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے چُکائیا۔ لیکھا کہے کوئی نہ جانے لِکھت، تواریخ نہ کوئے سمجھائیا۔ ایہہ گوبِند دا بھوِکھت، جِس نوُں سمجھے کوئی نہ رائیا۔ گُرمْکھاں کھول کے درِشٹ، سِر اپنا ہتّھ ٹِکائیا۔ پار اُتارے وِچوں گرِہست، وڈّے چھوٹے نال مِلائیا۔ جوتی جوت سروُپ ہرِ، آپ اپنی کِرپا کر، پوُرب لیکھا جھولی پائیا۔ پوُرب لیکھا کہے مَیں لیکھا آیا لیَن، لکّھ لکّھ شُکر منائیا۔ درشن کر کے نیَن، نیَن گیا بدلائیا۔ بن کے سجّن سیَن، ناتا لیا جُڑائیا۔ رانے تیرا بالمیک نے لیکھا تھوڑا جِہا لِکھیا وِچ رمائن، ڈھائی سال رام نال گنڈھ پوائیا۔ اوس ویلے تیری ذاتی سی اُجَین، اُجَینیاں وِچوں طرفَین لیا بنائیا۔ تیرا کُٹمب تن بھائی تے پنج بھَین، پِیو دا بھرا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، جنم جنم دا لہنا دئے مُکائیا۔ جنم کہے میرا جُگ جُگ لہنا مُکدا، مانَس جنم ملِے وڈیائیا۔ آتم ہو کے پرماتم دا راہ رہیا پُچھدا، من مت بُدھ نال رلائیا۔ مَینوُں سارے اِشارہ کردے گئے اِک تُک دا، جِتھے ونڈ نہ کوئے ونڈائیا۔ ناتا جُڑ جائے پِتا پُت دا، اَگے ہوئے نہ کوئے جُدائیا۔ جنم جنم دا پیَنڈا مُکدا، پندھ وِچ نہ کوئے پِھرائیا۔ رائے دھرم موُل نہ پُچھدا، چِتر گُپت نہ حِساب جنائیا۔ لیکھا مُک جائے جننی دی کُکھ دا، دس دس ماس اگن نہ کوئے تپائیا۔ جھگڑا مُک جائے کوُڑے دُکھ دا، سنسا روگ رہے نہ رائیا۔ جنم پھیر ملِے منُکھ دا، پنج تت وجےّ ودھائیا۔ پُرکھ اکال سمیں انُسار آپے ڈُھکدا، دوُر دُراڈا پھیرا پائیا۔ گُرمْکھاں گودی چُکدا، بھگتاں لئے اُٹھائیا۔ رس دے کے امرت دُدھ دا، سیِر ساچا دئے پیائیا۔ جھگڑا مُکا کے وِدیا بُدھ دا، شبدی شبد کرے شنوائیا۔ جوتی جوت سروُپ ہرِ، آپ اپنی کِرپا کر، رنبھوُمی ویکھ وکھائیا۔ رن اندر ویکھو ڈنک نگارے، ڈھول ڈھمکّے نظری آئیا۔ چار کُنٹ دہِ دِشا لگّے اکھاڑے، من منسا ناچ کرائیا۔ کوٹن کوٹ چمکدے سوُرج چند ستارے، اپنا آپ کرن رُشنائیا۔ نِنمے نِنمے جھِردے امرت پُھہارے، بوُند بوُند ٹپکائیا۔ کول کھِڑی رہے گُلزارے، سہنس دل پڑدا لاہیِا۔ دسم دواری تکّدے رہن نظارے، کوٹاں وِچوں دو چار نظری آئیا۔ بِنا پُرکھ اکال سچکھنڈ دوارے چڑھے نہ کوئے چُبارے، منزل منزل پندھ نہ کوئے مُکائیا۔ جوگی جتی سَتی سنیاسی وَیراگی تیاگی ہارے، فقیِر فقّر ڈھولیاں وِچ گائیا۔ بُہتے کھڑے سُکھمن بنک دے کنارے، اِیڑا پِنگل در پار نہ کوئے کرائیا۔ بُہتے کلجُگ پھڑے
بیگارے، اکھّراں والی کرن پڑھائیا۔ بُہتے ویکھدے رہے اِشارے، عِشق حقیِقی نہ کوئے کمائیا۔ رانے تیرا جوڑ گوبِند نال جُڑیا دربارے، نِرگُن سرگُن ویکھ وکھائیا۔ پریم پریِتی اندر واجاں مارے، سوئی سُرتی لئے اُٹھائیا۔ جوتی جوت سروُپ ہرِ، آپ اپنی جوت دھر، مہاراج شیر سِنگھ وِشنوُں بھگوان، لیکھے سب دے دئے چُکائیا۔