کتب خانہGranth 19 (Urdu)

۵ ماگھ شہنشاہی سمت ۱ ڈاکٹر پال سِنگھ دے گرِہ پِنڈ بھلائی پُر ڈوگراں

ماگھ کہے میرا میٹیا بھرم، سنسا نظر کوئے نہ آئیندا۔ پُرکھ ابناشی مِہر نظر کر کرے کرم، نِہکرمی ویکھ وکھائیندا۔ جن بھگتاں لیکھے لائے جنم، جرم اپنے گھر جنائیندا۔ جھگڑا مُکا کے جگت مرن، مرن توں پہلے مُریِد مُرشد وِچ ٹِکائیندا۔ بخشیِش وِچ بخش کے سرن، سرنگت اِکو اِک درسائیندا۔ جُگ چؤکڑی پوُرا کرن آیا پرن، پرنام بندنا ڈنڈاوت اِک دسائیندا۔ جُگ وِچھڑے جگ آیا پھڑن، پاندھی ہو کے پندھ چُکائیندا۔ نَویں گھاڑن آیا گھڑن، ٹھٹھیار ہو کے ٹھوکر نام لگائیندا۔ جوتی جوت سروُپ ہرِ، آپ اپنی کِرپا کر، ہرجن اپنے گرِہ وسائیندا۔ ماگھ کہے میرا بُھلیکھا ہویا دوُر، بھرم رہیا نہ رائیا۔ بھگت بھگوان تکّیا حاضر حضوُر، حُجریاں دا لیکھا دِتا مِٹائیا۔ جُگ چؤکڑی جو مزدوُری نام کردے رہے مزدوُر، لیکھا اوہناں جھولی پائیا۔ دیونہارا دین دیوے ضرور، ضرورت آپے پوُر کرائیا۔ مَیں ہوواں بڑا مشکوُر، خوشیاں ونڈ ونڈائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ ماگھ کہے مَیں بِن رُتی ہوواں خوشحال، تھِت وار ونڈ نہ کوئے ونڈائیا۔ اِکو جلوہ نوُر تکاّں پُرکھ اکال، چار کُنٹ دہِ دِشا نظری آئیا۔ شبد اگمّی سُناں تال، انحد نادی ناد شنوائیا۔ جِس دا شاستر وید پُران دین احوال، انجیل قُرآن کھانی بانی صِفت صلاح ڈھولے گائیا۔ اوہ ٹھاکر

سوامی کرنی کرتادیانِدھ دیِن دَیال، دَیاوان اکھوائیا۔ بھگت سُہیلا اِک اَکیلا آتم انتر نِرنتر ملِے آن، نِرگُن سرگُن اپنا رنگ چڑھائیا۔ جگت نیتر چار کُنٹ دہِ دِشا نظر نہ آوے جیِو جہان، دوئے لوچن کمّ کِسے نہ آئیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سہج سوامی انترجامی پروردِگار بےپرواہیِا۔ ماگھ کہے مَیں تکاّں چار کُنٹ دہِ دِشا کھول اکّھ، بِن اکّھاں اکّھ وکھائیا۔ کایا ماٹی ساڈھے تِنّ ہتّھ بھانڈے دِسن سکھ، ہرِ ہِردے نام نہ کوئے وسائیا۔ رسنا جِہوا بتّی دند جگت وِدیا پڑھ پڑھ گئے تھکّ، آتم پرماتم جوڑ نہ کوئے جُڑائیا۔ بھیو کُھلیا نہ حقیِقت حق، لاشریِک شِرکت نہ کوئے مِٹائیا۔ شبدی ناد نہ سُنیا سچ، انحد نادی ناد نہ کوئے وجائیا۔ نام رنگن رنگے کوئی نہ رتّ، کوُڑی کِریا باہر نہ کوئے کڈھائیا۔ سچ سوامی انترجامی درشن پائے نہ کوئے پُرکھ سمرتھ، نِج لوچن نیَن نیتر گیان کُھلائیا۔ مایا ممتا ہؤمے ہنگتا سرِشٹی درِشٹی کیِتی وکّھ، اِشٹی ایکنکار نہ کوئے جنائیا۔ سوَرگ بہِشتی رہے لبھ، چؤداں لوک چؤداں طبق پھول پھولائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک ورتائیا۔ ماگھ کہے مَیں ویکھیا دو جہاں، برہمنڈ کھنڈ جیرج انڈج اُتبُھج سیتج کھوج کھوجائیا۔ چار کُنٹ دہِ دِشا نوَ نؤ چار دِسے وَیراں، پتّ ڈالی پھل پُھلواڑی حق نہ کوئے مہکائیا۔ بِنا رسنا جِہوا بتّی دند جپے کوئی نہ ناں، اجپا جاپ سمجھ کِسے نہ آئیا۔ سچ ٹِکانا اُچ محل اٹل دِسے نہ کِسے نِشاں، نِشانہ جگت گیا بُھلائیا۔ ہنس بُدھی ہوئی کاں، من واسنا کاگ وانگ کُرلائیا۔ ساچا کھیڑا نگر نہ دِسے گراں، گرِہ مندر اندر بجر کپاٹی پڑدا نہ کوئے اُٹھائیا۔ پُرکھ اکال دیِن دَیال ابناشی کرتا پروردِگار سانجھا یار لبھدے تھاں تھاں، مندر مسجد شِودوالے مٹھ ٹِلّے پربت ڈوُنگھی کندر سمُند ساگر پھول پھولائیا۔ کایا اندر مارے نہ کوئی دھیان، نِج نیتر اکّھ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک دِرڑائیا۔ ماگھ کہے مَیں ویکھیا چار کُنٹ جگ، جگ جیِون داتا اچرج کھیل ورتائیا۔ من واسنا کوُڑی کِریا مایا ممتا ہؤمے ہنگتا ترِشنا لگّی اگّ، تن وجوُد پنج تت کایا ماٹی رہیا جلائیا۔ حق حقیِقت کِسے نظر نہ آیا سچ، محبوُب وِچ نہ کوئے سمائیا۔ دیِن مذہب ذات پات حِصیاں والی حدوُد، وِشوَ دھار نہ کوئے پرگٹائیا۔ بھگت سُہیلا اِک اَکیلا سِری بھگوان ایتھے اوتھے دو جہان جانے مؤجوُد، خالی بُتخانہ نظر کوئے نہ آئیا۔ جِس دا محل اٹل اُچ منارا عرش قُرص عروُج، محفوُظ بَیٹھا بےپرواہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ماگھ کہے مَیں جگت صدی چؤدھویں ماسٹر پَیغمبر

ویکھے اُستاد، جگت عِلم کرن پڑھائیا۔ انتر آتم پرماتم کھولے کوئی نہ راز، حقیِقت حق نہ کوئے سمجھائیا۔ منوُآ پھڑے نہ کوئے گُستاخ، من کا منکا نہ کوئے بھوائیا۔ ساچے سوال دا حل کرے نہ کوئے جواب، جمع تفریق سارے رہے سمجھائیا۔ آتم پرماتم میل مِلائے نہ کوئے نال اِتفاق، دُئی دوَیت باہر نہ کوئے کڈھائیا۔ بلیَک بورڈاں اُتے لِکھ کے نال چاک، کالے اُتے چِٹا پا کے کالی دھار میٹ نہ کوئے مِٹائیا۔ کُتب خانیاں وِچوں لےَ کِتاب، سطراں والی کرن پڑھائیا۔ دُھر دا میل مِلائے نہ کوئی نال واحد، واقف کار نظر کوئے نہ آئیا۔ ساچی چڑھے نہ کوئی جماعت، وِدیارتھی وِدیا سمجھ کِسے نہ رائیا۔ جوتی جوت سروُپ ہرِ، آپ اپنی کِرپا کر، دُھر کرنی کار کمائیا۔ ماگھ کہے مَیں ویکھے وِدَیاوان بہُہ پنڈتی، گیان دھیان رہے دِرڑائیا۔ گڑھ تُٹا نہ ہؤمے ہنگتی، ہنگ برہم نہ کوئے جنائیا۔ جگت واسنا بُھکھی ننگتی، واہوا گھر گھر الکھ رہی جگائیا۔ ایہہ کھیل ساری من دی، بُدھ بِبیک نہ کوئے وڈیائیا۔ جِس نوُں سمجھ نہیں آئی اپنے تن دی، ساڈھے تِنّ ہتّھ اندر پڑدا اوہلا نہ سکیا اُٹھائیا۔ سمجھ آئی نہ اپنے کنّ دی، جو دُھر شبد اگمّی سُنے چائیں چائنیا۔ کلجُگ کھیل انت حَیران دی، حَیرانی وِچ لوکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ ماگھ کہے مَیں کوٹن کوٹ ویکھے پڑھدے، تعلیِم مکتب پاٹھشالیاں وِچ پائیا۔ ساچی منزل کوئی نہ چڑھدے، اگلا پندھ نہ کوئے مُکائیا۔ درشن پاؤن نہ نِرگُن نِروَیر نر ہرِ دے، جوتی جوت نہ کوئے رُشنائیا۔ سچ سرنائی بےپرواہی پت پرمیشور موُل نہ پڑدے، دھوُڑی ٹِکا خاک نہ کوئے رمائیا۔ جگت کِتاباں ورقے رہے اُتھلدے، من دا پترا نہ کوئے پرتائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ کرنی کہے مَیں ویکھی جگت دات، چار کُنٹ دہِ دِشا دھیان لگائیا۔ جگت وِدیا لیکھا نال قلم دوات، کاغذ کالے رہے کرائیا۔ اپنی سمجھی کِسے نہ ذات، پڑدا اوہلا نہ کوئے اُٹھائیا۔ حقیِقت وِچوں کھولے کوئی نہ راز، رام رام نہ کوئے مِلائیا۔ پِچھلی کردے یاد، پوُرب رہے سُنائیا۔ اپنا کھیڑا کرے نہ کوئے آباد، کایا مندر نہ وجےّ ودھائیا۔ حِصّیاں والا سمجھے کوئی نہ باب، عبارت اِک نہ کوئے لِکھائیا۔ جوتی جوت سروُپ ہرِ، آپ اپنی کِرپا کر، جن بھگتاں دئے وڈیائیا۔ ماگھ کہے مَیں ویکھیا بھگتاں اندر رنگ، للاری نظر کوئے نہ آئیا۔ سُنیا اگمّی چھند، تُوں میرا مَیں تیرا اِکو ڈھولا رہے گائیا۔ ویکھیا انوکھا پلنگ، جِس دا پاوا چوُل باڈی ونڈ نہ کوئے ونڈائیا۔ آتم پرماتم بِن اکّھاں تکّیا سنگ، سگلا سنگ نِبھائیا۔ بِن سوُرج چند چاڑھ کے چند، نِرگُن جوت کرے رُشنائیا۔ ہرکھ سوگ میٹ کے غم، خوشی خوشی وِچوں

بدلائیا۔ ناتا توڑ کے ہڈّ ماس ناڑی چمّ، چمّ درِشٹی دئے گوائیا۔ کھیل کرے سِری بھگوَن، بھگت سُہیلے لئے اُٹھائیا۔ جوتی جوت سروُپ ہرِ، آپ اپنی کِرپا کر، گرِہ مندر ویکھ وکھائیا۔ ماگھ کہے مَیں بھگتاں اندر ماری جھاکی، پڑدا اندروں دِتا اُٹھائیا۔ اوہناں دی کُھلی ویکھی تاکی، تقویٰ اِکو اُپر رکھائیا۔ گرِہ مندر اندر بَیٹھا پُرکھ ابناشی، پروردِگار سانجھا یار جلوہ نوُر خُدائیا۔ بِن گوپی کاہن سُہاوے منڈل راسی، کھیل اپنا آپ جنائیا۔ اِکو نوُر جوت جوت پرکاشی، روُپ رنگ ریکھ نہ کوئے درسائیا۔ ایتھے اوتھے دو جہان اندر باہر گُپت ظاہر آتم پرماتم بن ساتھی، پاربرہم برہم اپنے وِچ سمائیا۔ جن بھگتاں اؤکھی منزل چاڑھ کے گھاٹی، سچکھنڈ دوارا ایکنکارا نر نِرنکارا دئے وکھائیا۔ جنم جنم دی پوُری کرے آسی، آسا ترِشنا اِکو وار مِٹائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ ماگھ کہے مَیں بھگتاں اندر سہجے لیا تکّ، اِک دھیان لگائیا۔ اوہ سب کُچھ بَیٹھے چھڈ، دیِن دُنی گئے مُکائیا۔ سرِشٹی توں ہو کے اڈّ، درِشٹی پربھ دے وِچ ٹِکائیا۔ پُرکھ اکال دی بن کے جدّ، اِکو ناتا رہے جُڑائیا۔ نؤ دوار پار کر کے حد، سُکھمن ٹیڈھی بنک پندھ مُکائیا۔ شبد اگمّی ناد گاون اِکو چھند، چھند اِکو رہے سُنائیا۔ نِج آتم پرماتم لےَ کے انند، پرمانند وِچ سمائیا۔ بھیو کُھلا کے ہنگ برہم، پاربرہم مِل کے خوشی وکھائیا۔ سچ دوارے چڑھ کے چنّ، جوتی جوت کرن رُشنائیا۔ پُرکھ اکال سرب سوامی انترجامی جن بھگتاں کہے دھنّ، دھنّ دھنّ دھنّ جگت وڈیائیا۔ ماگھ کہے مَیں بھگتاں تکّیاں اِشارہ، بِن اکّھاں رہے لگائیا۔ جوت نوُر اِک اُجیارا، نوُرو نوُر کرے رُشنائیا۔ شبد اگمّ وجےّ نگارہ، سوئی سُرت رہیا اُٹھائیا۔ کاغذ قلم نہ لِکھنہارا، وید کتیب انت کہن کوئے نہ پائیا۔ سب توں وکھّرا سب توں نیارا، نِروَیر نِرنکار اپنی کار کمائیا۔ ساچی سکھیِاں مِل کے لاوے سَت اکھاڑا، دھرم دوارا اِکو سوبھا پائیا۔ جِس گرِہ وسے تیئی اوتارا، عیسیٰ موُسیٰ محمد بَیٹھے سجدیاں وِچ سیِس جھُکائیا۔ گُر دس کر نِمسکارا، بھگت اٹھاراں چرن دھوُڑ خاک رمائیا۔ سو صاحب سوامی انترجامی ویکھے وِگسے ویکھنہارا، دیِن دَیال دیانِدھ اپنی دَیا کمائیا۔ جوتی جوت سروُپ ہرِ، آپ اپنی کِرپا کر، ہرجن ساچے لئے اُٹھائیا۔ ماگھ کہے مَیں بھگت بھگوان دا ویکھیا مِلاپ، دوُجا نظر کوئے نہ آئیا۔ بِن رسنا جِہوا بتّی دند کردے جاپ، انبولت راگ سُنائیا۔ بِرہوں وِچھوڑے اندر بِن نیَناں نیِر توں وَیراگ، وَیراگی ہو کے رہے جنائیا۔ اِک دوُجے نوُں مِل کے ناتا جُڑے نار کنت سُہاگ، گھر ٹھانڈے وجےّ ودھائیا۔ سچ دوارے سچکھنڈ مقامے حق ہون وِسماد، بِسمل ہو کے اپنا آپ

مِٹائیا۔ جوتی جوت سروُپ ہرِ، آپ اپنی کِرپا کر، آد جُگاد جُگ چؤکڑی دیِن دُنی بدل دین سماج، ساچا حُکم اِک پرگٹائیا۔ ماگھ کہے بھگت بھگوان جوڑا ویکھیا جُڑدا، کلجُگ انت وجےّ ودھائیا۔ جیِو جہان ویکھیا رُڑھدا، مایا ممتا دھکاّ رہی لائیا۔ کوئی بھیوَ نہ جانے شبدی سَتگُر دا، جو سَت سَتوادی نادی برہمادی ویکھ وکھائیا۔ کوئی رس نہ مانے دُھر دے تال سُر دا، سُرتی شبد نہ کوئے جُڑائیا۔ انتر آتم نِرنتر فُرنا کِسے نہ پُھردا، من واسنا سارے رہے گائیا۔ جو دِنے جاگدیاں راتیں سُتّیاں درشن پاوے نِرگُن جوت پُرکھ اکال دا، پرکاش پرکاش وِچ سمائیا۔ نظارہ تکّے کایا مندر سچّی دھرمسال دا، بنک دوارا سوبھا پائیا۔ جھگڑا مکُے کال مہاکال دا، رائے دھرم نہ دئے سزائیا۔ جلوہ تکّے نوُر جمال دا، نوُرو نوُر نوُر رُشنائیا۔ لیکھا چُکے ترےَگُن جنجال دا، جاگرت جوت ہوئے رُشنائیا۔ جن بھگتاں سِری بھگوان آپے سُرت سمبھالدا، لکّھ چؤراسی وِچوں لئے اُٹھائیا۔ لیکھا مُکا کے شاہ کنگال دا، کھتری براہمن شوُدر وَیش اوُچ نیِچ ونڈ نہ کوئے ونڈائیا۔ پدارتھ دیوے نام ساچے دھن مال دا، بھنڈارا اِکو اِک ورتائیا۔ جھگڑا چُکاوے آون جان دا، لکّھ چؤراسی پیَنڈا دئے مُکائیا۔ جوتی جوت سروُپ ہرِ، آپ اپنی کِرپا کر، سنت سُہیلے گُر چیلے دُھر دے رنگ لئے رنگائیا۔ ماگھ کہے مَیں تکّیاں ایکنکار، اِک اِکلّا نظری آئیا۔ جِس دا کھیل سدا جُگ چار، سَتجُگ تریتا دواپر کلجُگ دئے گواہیِا۔ جو بھوِکھتاں کرے وِچار، گُر اوتار پَیغمبراں لیکھا پوُر کرائیا۔ نِرگُن سرگُن لےَ اوتار، ویس انیکا روُپ وٹائیا۔ لکّھ چؤراسی سُنے پُکار، گرِہ گرِہ مندر کھوج کھوجائیا۔ بھگتاں دئے دیِدار، نِج نیتر لوچن اکّھ کُھلائیا۔ صوُفیِاں کرے اُجیار، نوُر اُجالا اِک رُشنائیا۔ سچ وکھا کے بہار، گُلشن اِکو دئے مہکائیا۔ جھگڑا مُکا کے کوُڑ کُڑیار، سَت سچ دئے دِرڑائیا۔ آتم پرماتم دسّ پیار، دیِن مذہب ذات پات لیکھا دئے مُکائیا۔ پُرکھ ابناشی سرب نِواسی جوت پرکاشی پروردِگار سب دا یار، اکل کل دھاری اِکو نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بخشش رحمت اپنا نام ورتائیا۔ ماگھ کہے مَیں چار کُنٹ ویکھی منڈپ ماڑی، ٹِلّے پربت پھول پھولائیا۔ مَیں لکّھ چؤراسی مانَو ذاتی تکّی نر ناری، گھٹ گھٹ اندر کھوج کھوجائیا۔ من واسنا تکّی دُراچاری، دُرگندھ وِچ سمائیا۔ منوُآ ہویا ہنکاری، بنک گڑھ رہیا بنائیا۔ کوٹاں وِچوں جن بھگتاں اِکو لائی پربھ نال یاری، یارانے کوُڑے گئے تجائیا۔ اِکو میل جوت نِرنکاری، دوُجا اِشٹ نہ کوئے منائیا۔ جِس دے کولوں گُر اوتار پَیغمبر لےَ کے آئے سرداری، صدیاں دے پِچھوں بھجےّ واہو داہیِا۔ ڈھولا گاؤندے گئے

وارو واری، صِفتاں وِچ صلاحیِا۔ کاتب بنے لِکھاری، قلم شاہی ونڈ ونڈائیا۔ انتم کر کے چرن کوَل نِمسکاری، بےانت بےانت بےانت کہہ کے پلّوُ گئے چُھڈائیا۔ کلجُگ انت اوسے دی واری، وارتا اگلی دئے دِرڑائیا۔ بھگت سُہیلا شاہ پاتشاہ شہنشاہ کھیل کرے نیاری، نِرگُن نِراکار اپنی کار کمائیا۔ چار ورن اٹھاراں برن اوُچ نیِچ راؤ رنک اِکو گرِہ وسے درباری، در دربارا اِکو دئے وکھائیا۔ بھگت بھگوان پریم پیار مُحبّت وِچ لاون جَیکاری، تُوں میرا مَیں تیرا سوہنگ ڈھولا سچّا گائیا۔ جِس نوُں سمجھے نہ کوئے سنساری، جگت وِدیا پڑدا نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سُلطان سدا مِہروان، محبوُب مُحبّت اندر مِہر نظر بےنظیِر اپنی اِک اُٹھائیا۔

۵ ماگھ شہنشاہی سمت ۱ سروُپ سِنگھ دے نوِت منگوُپُر ضِلع کپوُرتھلا

بھگت آتما کہے مَیں خوشی مناؤندی، پرم پُرکھ پربھ تیرا ڈھولا گائیا۔ جُگ چؤکڑی ابناشی کرتے تیری سیو کماؤندی، حُکمے اندر نِت نوِت ویس وٹائیا۔ پنج تت کایا ماٹی تن ہنڈھاؤندی، دھرنی دھرت دھوَل سوبھا پائیا۔ رسنا جِہوا بتّی دند تُونہی تُونہی راگ الاؤندی، انتر انتر تیرا دھیان لگائیا۔ سَتجُگ تریتا دواپر کلجُگ مات ہنڈاؤندی، بِردھ بال جوان روُپ نہ کوئے وکھائیا۔ نؤ سؤ چُرانوے چؤکڑی جُگ پِچھوں نِرگُن نِروَیر نِراکار نِرنکار تیرا درشن پاؤندی، سَت سروُپی شاہو بھوُپی ساکھیات نظری آئیا۔ سیج سُہنجنی پیار مُحبّت نال بہاؤندی، سِنگھاسن آسن اِک بنائیا۔ چرن پریِتی ساچی ریِتی دُھر دی سیو کماؤندی، چاکر خاک روُپ وٹائیا۔ جوتی جوت سروُپ ہرِ، آپ اپنی کِرپا کر، دُھر دا ناتا اِک بنائیا۔ بھگت آتما کہے مَیں جُگ جُگ داسی، سیوک سیوا وِچ سمائیا۔ تیرا مالک خالق پرِتپالک پُرکھ ابناشی، ابناشی کرتا بےپرواہیِا۔ جِس دا کھیل برہمنڈ کھنڈ منڈل راسی، دو جہاناں سوبھا پائیا۔ سدا سُہیلا اِک اَکیلا پوُری کرے آسی، آسا ترِشنا دئے مِٹائیا۔ جوتی جوت سروُپ ہرِ، آپ اپنی کِرپا کر، مِہروان ہوئے سہائیا۔ بھگت آتما کہے مَیں ویکھاں کھیل نیارا، نِرگُن نِروَیر رہیا وکھائیا۔ جِس دی پاوے کوئی نہ سارا، بھید سکے نہ کوئے کُھلائیا۔ جھُکدے ویکھے سدا جُگ چارا، چارے وید سیِس نِوائیا۔ وِشن برہما شِو در بِھکھارا، گُر اوتار پَیغمبر سیو کمائیا۔ جو وسنہارا سچکھنڈ دھام

نیارا، درگاہ ساچی سوبھا پائیا۔ اُس دا حُکمی اِک اِشارہ، شبد نال جگائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ بھگت آتما کہے مَیں بڑی سوہنی سُچّجی، جُگ چؤکڑی ملِے وڈیائیا۔ حُکمے اندر بدھّی، بھجّاں چائیں چائنیا۔ دوارے آواں سدّی، نِیوں نِیوں سیِس نِوائیا۔ پریِت اِکو لگّی، نہ سکے کوئے تُڑائیا۔ ودھائی اِکو وجّی، دو جہان کری شنوائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ بھگت آتما کہے مَیں سدا رہواں ہمیش، جنم مرن وِچ نہ آئیا۔ میرا ناتا نال شبدی گُر دسمیش، جو دہِ دِشا رہیا سمائیا۔ مَیں منّیا مالک پُرکھ اکال ایک، ایکنکار سیِس نِوائیا۔ جگت جہان چھڈ کے ٹیک، ٹِکاّ مستک دھوُڑی خاک رمائیا۔ مُحبّت وِچ کر کے ہیت، پریمی پریمکا روُپ بنائیا۔ بِن اکّھاں لَواں ویکھ، بِن نیتر درشن پائیا۔ بِن رسنا کُھلے بھیت، بِن سرون کرے شنوائیا۔ بِن قلم لِکھے لیکھ، بِن شاہی جوڑ جُڑائیا۔ جوتی جوت سروُپ ہرِ، آپ اپنی کِرپا کر، دُھر دی کار آپ بُھگتائیا۔ بھگت آتما کہے مَیں سدا سدا خوشحال، خوشیاں وِچ سمائیا۔ لوک مات آواں پربھ دا بن کے بال، گُرمْکھ ساچا ناؤں دھرائیا۔ کایا مندر سوہوے سوہوے میری دھرمسال، ساڈھے تِنّ ہتّھ وجےّ ودھائیا۔ ابناشی کرتا ہووے نال، نِرگُن داتا نظری آئیا۔ مارگ دسےّ اگمّڑی چال، رہبر ہو کے نوُر خُدائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ بھگت آتما کہے میرا آد جُگادی جوڑا، وِچھوڑا نظر کوئے نہ آئیا۔ مَینوُں یاد پِچھلا لیکھا تھوڑا، سہجے دیاں سُنائیا۔ گوبِند جِس دِن پہلے دِن چڑھیا گھوڑا، پُری انند وجّی ودھائیا۔ میرا پنج تت سریِر پِچھلا ذات دا روڑا، کھتری بنس دیاں سمجھائیا۔ میرا ہتّھ ہُندا سی کوہڑا، اُنگلی پنج نہ کوئے چتُرائیا۔ مَینوُں گوبِند ویکھ کے آیا رونا، ہؤکا دے کے دِتا سُنائیا۔ اوس تکّیا نال لوئنا، نیتر اکّھ کُھلائیا۔ تُوں کڈا جوان بانکا سوہنا، سوُربیِر نظری آئیا۔ اوس کِہا میرا ہتّھ کِسے نہیں دھونا، دُکھ دُکھ رہیا ستائیا۔ گوبِند کِہا تَینوُں تُرکاں نال ڈاہُنا، بلدھاری دیاں وکھائیا۔ اُس نے کِہا مَیں ہتّھ لپیٹیا وِچ پؤنا، پُری انند والے تیرے اَگے سیِس نِوائیا۔ گوبِند کِہا مَیں امرت رس چونا، دُکھ دلِدر دیاں مِٹائیا۔ اودھروں اوہدا باپ آ گیا جِس دا نام سی سؤنا، سؤن ملّ کہہ کے سارے جگت سُنائیا۔ اون لپھّڑ ماریا اُتے دھؤنا، بالا گھر نوُں لیا بھجائیا۔ گوبِند کِہا میرے کولوں نہیں کِسے بچاؤنا، لہنے دا دینا جھولی دیاں پائیا۔ بالے کِہا مَیں تیرے چرنی سیِس نِواؤنا، دوُجا نظر نہ کوئے رکھائیا۔ گوبِند کِہا مَیں شبدی جامہ جوتی ویس وٹاؤنا، پُرکھ اکال میرا پِتا مائیا۔ لوک مات پھیر مُڑ کے

آؤنا، دو جہاناں ڈنک وجائیا۔ بچےّ کِہا مَیں وی تیرا درشن چاہُندا پاؤنا، نیتر نیَن تیرا راہ تکائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ بھگت آتما کہے مَینوُں یاد آیا پِچھلا تت سریِر، پنج تت ماٹی نظری آئیا۔ گوبِند کہے کٹی گئی پیِڑ، دُکھ درد رہیا نہ رائیا۔ مَیں نکّ نال کڈھی لکیِر، دوئے جوڑ واسطہ دِتا پائیا۔ میری بدل دِتی تقدیِر، مِہر نظر نظر اُٹھائیا۔ مَیں بینتی کیِتی اَخیِر، پلّوُ گل وِچ اِک رکھائیا۔ جِس ویلے بن کے آویں دو جہاناں پیِر، پَیغمبر بےپرواہیِا۔ مَینوُں نظری آوے تیری ایہو تصویِر، تسبیح مالا گل نہ کوئے لٹکائیا۔ تیرے نام دی پھڑاں ہتّھ شمشیِر، جودھا سوُربیِر اکھوائیا۔ گوبِند کِہا میرے ہتّھ اگمّی تدبیِر، جُگ چؤکڑی کِسے سمجھ نہ آئیا۔ جِس ویلے ویلا وقت آیا اَخیِر، تیرا لیکھا دیاں مُکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ بالے کِہا مَیں ہوواں شستردھاری، تیرا پوُت نظری آئیا۔ گوبِند کہے مَیں دیواں نام کٹاری، کٹاکش اپنا نام لگائیا۔ تیری ویکھنی کھیل نیاری، نِرنکار نال جُڑائیا۔ تیری آسا وِچ سنساری، منسا پوُر کرائیا۔ ساچے سمت آئے واری، شہنشاہ دئے گواہیِا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا چُکائیا۔ بھگت آتما کہے مَیں کدے نہ بُھلدی، پُرکھ اکال دِتی وڈیائیا۔ تتّاں وِچ کدے نہ رُلدی، الوپ ہو کے جھٹ لنگھائیا۔ جِس ویلے میرے پربھوُ دی اکّھ کُھلدی، مَیں بِن اکّھاں درشن پائیا۔ پریِتی اندرگھول گھُلدی، آپ آپا میٹ مِٹائیا۔ اِکو دے کنڈے تُلدی، دوُجا ترازوُ نظر نہ کوئے رکھائیا۔ وڈیائی لَواں بھگتاں دی کُل دی، کُل مالک ہوئے سہائیا۔ لوک مات سدا پھلدی پُھلدی، پریم مُحبّت وِچ مہکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بھگت آتما کہے مَیں دے کے گئی سندیشہ، منگوُپُر تجائیا۔ منجیِت نوُں کِہا تیرا میرا کُچھ مُکن والا لیکھا، سہج سہج سمجھائیا۔ اوس سمجھیا موُل نہ بھیتا، پڑدا نہ کوئے اُٹھائیا۔ مَینوُں گوبِند اندروں دِتا سندیشہ، سہجے دِتا سُنائیا۔ مَینوُں پِچھلا آیا چیتا، یادداشت دئے گواہیِا۔ ہُن مَیں کِسے دا نہیں بیٹا، پِتا اِکو اِک منائیا۔ جِس دی دھار اُتے لیٹا، کھٹیا روُپ نہ کوئے بدلائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ بھگت آتما کہے کِسے نہ آئی سمجھ، سمجھ کوئے نہ پائیا۔ پنج سَتمبر مار کے گیا رمز، عربی فارسی وِچ چُھپائیا۔ کریا کھیل نوُرانی چمک، دمک دِتی وڈیائیا۔ وقت سُہا کے اپنے سمت، سماں دِتا بدلائیا۔ انتر انتر بخش کے ہِمّت، حوصلہ دِتا ودھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ فارسی کہے پربھ دا سمجھے نہ کوئے

فارموُلا، پڑدا اوہلا نہ کوئے اُٹھائیا۔ شبدی گُر نہ بدلے اصوُلا، اصلیّت اپنی دھار چلائیا۔ اِکو حُکم دیوے معقوُلا، نہ کوئے میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ بھگت آتما کہے مَینوُں مِلیا حُکم اکال، گوبِند دِتی مان وڈیائیا۔ مَیں تکّیا نوُر جلال، جلوہ اِک رُشنائیا۔ ویکھیا دوارا سچکھنڈ سچّی دھرمسال، جِتھے چھپّر چھنّ نہ کوئے سُہائیا۔ سچ سِنگھاسن بَیٹھا دیِن دَیال، پت پرمیشور بےپرواہیِا۔ بھگت آتما رہیا سنبھال، جوتی جوت وِچ مِلائیا۔ اوتھے پوہ نہ سکے کال، مہاکال نہ کوئے چتُرائیا۔ میرا حل کر سوال، ساچا مارگ دِتا جنائیا۔ جوتی جوت سروُپ ہرِ، آپ اپنی کِرپا کر، دُھر دا کھیل رہیا وکھائیا۔ بھگت آتما کہے مَیں ویکھیا سِنگھ پال، جو برہما رہیا بدلائیا۔ جگدیِش ویکھیا خوشحال، جو شنکر ڈیرہ ڈھاہیِا۔ منجیِت دئے احوال، جو اِندر کرے صفائیا۔ چیت سِنگھ دا لال، پربھ دوارے بہہ کے خوشی منائیا۔ گُردَیال سِنگھ دا حال، چؤتھے جُگ خوشی منائیا۔ مَیں مِلیا اوہناں نال، گلوکڑی لئی پائیا۔ میری پوُری ہوئی گھال، لیکھا رہیا نہ رائیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ بھگت آتما کہے میرا ہویا چُھٹکارا، چُھٹی جگت ولوں پائیا۔ مِلیا میِت ہرِ نِرنکارا، نِرگُن داتا سہج سُکھدائیا۔ جِس دا اِکو اِک چمتکارا، چمن ویکھے سرب لُکائیا۔ گُرمْکھاں کرے پیارا، بھگتاں گود اُٹھائیا۔ مَیں جا کے سُنیا بِن رسنا جِہوا جَیکارا، تُوں ہی تُوں ہی راگ الائیا۔ مَینوُں بُھل گیا سنسارا، پِچھلی یاد رہی نہ رائیا۔ دوئے جوڑ کری نِمسکارا، در ٹھانڈے سیِس نِوائیا۔ شبدی گوبِند کر اِشارہ، میری پلک دِتی بدلائیا۔ کُچھ منگ لےَ منگ بن بِھکھارا، در ٹھانڈے جھولی ڈاہیِا۔ بھگت آتما کہے مَیں کر کے گِریازارا، بِن نیَناں نیِر دِتا وہائیا۔ کِرپا کر میرے گِردھارا، گہر گمبھیِر تیری سرنائیا۔ مِہروان ہویا پُرکھ اکالا، دیِن دَیالا دَیا کمائیا۔ پھڑ کے وکھایا سچکھنڈ سچّا دھرم سالا، چاروں کُنٹ دِتا بھوائیا۔ سچّیاں بھگتاں دا دے کے حوَالہ، کبیِر جُلاہا دِتا مِلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بھگت آتما کہے مَیں ہو گئی منگتی، مانگت روُپ وٹائیا۔ پرم پُرکھ پرماتم پا کے اِکو کنتی، گھر ساچے خوشی منائیا۔ دیِن دَیال مَیں تیرا لیکھا ویکھنا وِچ سنگتی، سجّن ہو کے ہو سہائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ بھگت آتما کہے مَیں منگی منگ اپار، اپرمپر اَگے جھولی ڈاہیِا۔ کِرپا کیِتی آپ نِرنکار، نِرگُن سہج لیا مِلائیا۔ تیرا بےانت بےانت بھریا بھنڈار، بےپرواہ اکھوائیا۔ کلجُگ کوُڑی کِریا ویکھ سنسار، چاروں کُنٹ اندھیرا

چھائیا۔ سجّن دِسے نہ کوئے میِت مُرار، پِتا پوُت نہ کوئے وڈیائیا۔ سؤہرے پئیے کرے نہ کوئے سچ وِہار، مایا ممتا موہ ہلکائیا۔ تیرا در دیوے نہ کوئے دوار، درگاہ ساچی نہ کوئے وکھائیا۔ جوتی جوت سروُپ ہرِ، آپ اپنی کِرپا کر، میرا لیکھا دے چُکائیا۔ بھگت آتما کہے مَیں بینتی کر ارداس، سیِس دِتا جھُکائیا۔ مَیں آ گئی تیرے پاس، پربھ تیرے وِچ سمائیا۔ میری ہور اگمّی آس، ترِشنا دیاں جنائیا۔ جِنہاں نال میرا ساتھ، اوہناں لَینا ترائیا۔ لکّھ چؤراسی کٹّنا پھاس، جم نہ دئے سزائیا۔ لاڑی مؤت نہ کرے گھات، رائے دھرم نہ لیکھ وکھائیا۔ میرے وانگوُں لیکھے لاؤنی رات، بِھنڑی رَین وجےّ ودھائیا۔ مَیں ویکھاں ہو کے داس، مِہر نظر تیری اُٹھائیا۔ تُوں مَینوُں کہیں شاباس، واہوا تیری وڈیائیا۔ مَیں خوشیاں نال سب نوُں دیواں آکھ، پُرکھ اکال دُھر دا پِتا مائیا۔ جِس دا اِکو پتن کنارہ گھاٹ، اِکو مندر رہیا وسائیا۔ جِتھے جھگڑا نہیں کوئی ذات پات، کھتری براہمن شوُدر وَیش ونڈ نہ کوئے ونڈائیا۔ نہ کوئی پرِتھمی نہ آکاش، گگن منڈل نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ بھگت آتما کہے مَینوُں وست منگن دا چا، پربھ اَگے جھولی ڈاہیِا۔ تُوں داتا بےپرواہ، بےپرواہی وِچ سمائیا۔ نؤ سؤ چُرانوے چؤکڑی جُگ پِچھوں گِیوں آ، نِرگُن نِروَیر ہو کے پھیرا پائیا۔ گُر اوتار پَیغمبر تیرے گواہ، گوبِند شہادت رہیا بُھگتائیا۔ تُوں بھگتاں بن ملاح، بیڑا اپنے کندھ اُٹھائیا۔ نئیا نؤکا نام چڑھا، منجھدھار نہ کوئے رُڑھائیا۔ ساچا رستہ دے وکھا، رہبر ہو کے نوُر خُدائیا۔ مَینوُں گوبِند پہلوں لارا لا کے گیا سُنا، کلجُگ انتم اپنا حُکم جنائیا۔ مَیں تتّاں والا ناتا آیا تجا، جاگرت جوت کر رُشنائیا۔ سچکھنڈ ویکھیا دُھر دا تھاں، سَت سُہنجنا سوبھا پائیا۔ جِتھے نہ کوئی پِتا نہ کوئی ماں، بھائی بھَین سنگ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بھگت آتما کہے مَیں منگی منگ ضروُر، خالی رہن موُل نہ پائیا۔ تُوں آد جُگادی آسا منسا پوُر، بھرپوُر بےپرواہیِا۔ بھگت سُہیلے تیرے نام دے سدا مزدوُر، جُگ چؤکڑی سیو کمائیا۔ ناتا توڑ دے کوُڑو کوُڑ، کایا کپٹ باہر کڈھائیا۔ نظر آ حاضر حضوُر، نوُر نوُرانہ کر رُشنائیا۔ جنم جنم دا کٹ قصوُر، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ایکا بخشاں سچّی سرنائیا۔ پُرکھ اکال کہے میری آتم اننتی، انتم دیاں جنائیا۔ تیری پروان کراں بینتی، وِنے اپنی جھولی پائیا۔ تیری باہر کراں بسنتی، دُھر دی رُت مہکائیا۔ کھیل مُکا کے کوُڑے من کی، ممتا دیاں گوائیا۔ دھار بنا کے اپنے چنّ دی، چند کراں رُشنائیا۔ کوٹاں وِچوں ماتا بھگت سُہیلا جمّدی،

ارباں وِچوں ملِے پِتا وڈیائیا۔ ایہہ کھیل ہےَ سچ دھرم دی، گوبِند اپنے ہتّھ رکھائیا۔ نہ کوئی کار جانے کرن دی، نِہکرمی پڑدا رہیا اُٹھائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا جھولی پائیا۔ بھگت آتما کہے مَیں کدے نہ سؤندی، آلس نِندرا وِچ نہ آئیا۔ کوٹن کوٹ تت بُرج مَیں ڈھاہُندی، اپنا آپ نہ کدے مِٹائیا۔ سدا سدا سد تیرا ڈھولا گاؤندی، تُوں ہی تُوں ہی راگ الاہیِا۔ نیتر اکّھ نہ کدے شرماؤندی، نیَن تیرے وِچ مِلائیا۔ آد جُگاد تیرا درشن پاؤندی، دوُجا اِشٹ نہ کوئے منائیا۔ صِفتاں کراں تیرے ناؤں دی، اپنا آپ نہ کوئے جنائیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ بھگت آتما کہے مَیں آئی تیرے دوارے، بھگتاں ویکھ خوشی منائیا۔ تھوڑے بَیٹھے تیرے چُبارے، سچکھنڈ ساچے سوبھا پائیا۔ کوٹن کوٹ لبھن دھرم رائے دوارے، اٹھاراں دس رہے کُرلائیا۔ گُر اوتار پَیغمبر کڈھن ہاڑے، نِیوں نِیوں سیِس جھُکائیا۔ لکّھ چؤراسی وِچوں تھوڑے پہنچے وِچ اکھاڑے، جو آیا تیری بھیٹ چڑھائیا۔ ویکھیں ہُن نہ دیویں لارے، ویلا وقت دئے گواہیِا۔ تیرے شبدی اِک اِشارے، عیَش و عِشرت دینی گوائیا۔ کارج کرنے پربھوُ ہمارے، ہم ساجن ہو کے میل مِلائیا۔ اسیں کوئی بھگت نہیں دو چارے، چار جُگ دے مِل کے رہے سُنائیا۔ جوتی جوت سروُپ ہرِ، آپ اپنی کِرپا کر، بخشنی اِک سرنائیا۔ بھگت آتما کہے مَیں کرنی سچ پریِت، پریِتم تیری اوٹ تکائیا۔ مَیں رکھاں کی اُڈیِک، مَینوُں دے سمجھائیا۔ کِس بِدھ اَگے چلاویں ریِت، سنت سُہیلے لئیں مِلائیا۔ تیرا دوارا لنگھن دہلیز، بِن قدماں قدم ٹِکائیا۔ تیری اُڈیِک رکھن اُمید، بِن اکّھاں اکّھ کُھلائیا۔ تُوں ہتّھ رکھنا سیِس، سِر سِر دَیا کمائیا۔ تُوں مالک اِک جگدیِش، جگدیِشر بےپرواہیِا۔ تیرا پہلا سمت نہ جائے بیِت، ایسے اندر جھولی ڈاہیِا۔ مِہروان کرنی بخشیِش، بخشش دے ورتائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کر دے قادر، قُدرت دے مالک منگ منگائیا۔ مَیں تیری آتما سدا بہادر، جُگ چؤکڑی خوشی منائیا۔ تیرے دواریوں ونج کراں بن سؤداگر، وست امولک جھولی پائیا۔ دُھر دا کرے اِکو عادل، عدالت اپنی اِک وکھائیا۔ تیرا روُپ نہ مقتوُل تے نہ قاتل، قتل گاہ وِچ پھیرا کوئے نہ پائیا۔ مَیں جلوہ تکاّں باطن، نوُر نوُرانہ نظری آئیا۔ مَیں ملّیا تیرا پاتن، در ٹھانڈے سوبھا پائیا۔ مَیں کُچھ بھگتاں جانا آکھن، لوک مات کراں شنوائیا۔ ایہہ اِکو سب دا باپن، پِتا پُرکھ اکال وڈّی وڈیائیا۔ جوتی جوت سروُپ ہرِ، آپ اپنی کِرپا کر، دُھر دا حُکم دے سمجھائیا۔ بھگت آتما کہے مَیں نہیں اِکلؤتی، اِکلّی رہن کوئے

نہ پائیا۔ پُرکھ اکال تیرے شبد دی دھی تے تیری پوتی، تیرا پُتر گوبِند دئے وڈیائیا۔ مَیں کدی کھادھی نہیں کوئی جگ وِچ روٹی، انّ دانے دی آس نہ کوئے رکھائیا۔ انتم چڑھکے تیری چوٹی، دُھر دی بِھچِھیا منگ منگائیا۔ جوتی جوت سروُپ ہرِ، آپ اپنی کِرپا کر، دینی سچ سرنائیا۔ پُرکھ اکال کہے دسّ منگیں کی، پڑدا دے کُھلائیا۔ بھگت آتما کہے مَیں تیرا پُتر تے تیری دھی، دوُجا اوَر نہ کوئے منائیا۔ کلجُگ انتم ناتا چھڈیا ساڈھے تِنّ ہتّھ سیِں، سیِنے چڑھ کے تیرے خوشی منائیا۔ جھگڑا پِچھلا مُکیا اِکیہ ویہہ، بیِس اِکیس پندھ مُکائیا۔ اَگے لاؤنی سَتجُگ نیِنہہ، نِیوں نِیوں لاگاں پائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر اُٹھا دے سوامی، در ٹھانڈے منگ منگائیا۔ تُوں آد جُگادی انترجامی، گھٹ بھیِتر ویکھ وکھائیا۔ تُوں بھگت سُہیلا جان جانی، پڑدا دے چُکائیا۔ تیرا کھیل دو جہانی، نِرگُن سرگُن سیو کمائیا۔ مَینوُں دے دے بھگتاں واسطے اِک نِشانی، نِشانے سارے دینے گوائیا۔ مَیں سب نوُں دسّنا ایہہ دیِن دُنی فانی، انت رہن کوئے نہ پائیا۔ جن بھگتو لوک مات کوُڑ مہمانی، ترِشنا جگت نہ کوئے مِٹائیا۔ پربھ نوُں مِلنا نال آسانی، اصل راہ دیاں وکھائیا۔ گوبِند چِلّا پھڑے نہ تیِر کمانی، شبد بھتّھا اِک وکھائیا۔ جگت سرِشٹی سمجھیؤ بیگانی، اپنا گھر نہ کوئے بنائیا۔ کوُڑی کِریا چڑھے طُغیانی، مایا ممتا لہر وکھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ بھگت آتما کی لےَ کے جائیں سندیشہ، سدا کی سُنائیا۔ کی بِن قلم شاہی سمجھیا لیکھا، بِن اکھّراں کی پڑھائیا۔ آتم کہے مَیں بھگتاں کہنا پُرکھ اکال دا بن جاؤ ہیتا، ناتا کوُڑ جگت تُڑائیا۔ راہ وِچ جاندیاں دو جہان لگّے کوئی نہ ٹھیڈا، وِشن برہما شِو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا کرائیا۔ بھگت آتما کہے میرے مالک حق، حقیِقت دے جنائیا۔ مَیں لوک مات جاواں نَٹھ، خوشیاں پھیرا پائیا۔ پِچھلیاں کڈھاں شّک، سنسا دیاں گوائیا۔ بھگت سُہیلے تکاّں سِکھ، جو تیرا نام دِھیائیا۔ دُنیا نالوں وکّھ، سوہنے سوبھا پائیا۔ جوتی جوت سروُپ ہرِ، آپ اپنی کِرپا کر، سچ سچ دے دِرڑائیا۔ سِری بھگوان کہے تُوں آتم چھیتی اُٹھ، دیاں مان وڈیائیا۔ آ پی امرت گھُٹ، جام رہیا چکھائیا۔ تَینوُں نظری آوے سب کُچھ، تَینوُں ویکھن کوئے نہ پائیا۔ تھِت وار توں باہر تیری سُہاواں رُت، ماگھ پنج وجےّ ودھائیا۔ اوتھے اکٹّھے ہوئے گُرمْکھ پُت، پِتا پوُت اِک منائیا۔ جِنہاں دے اندر اِکو ساچی تُک، سوہنگ ڈھولا رہے گائیا۔ بھگت آتما کہے مَیں کی اُہناں اُتوں دیواں سُٹ، مَینوُں دے سمجھائیا۔ پُرکھ

اکال کِہا تُوں نیڑے جا کے خوشیاں وِچ روویں پُھٹ پُھٹ، نیتر نیَناں چھہبر لائیا۔ مَیں آواں بدل کے رُخ، نِرگُن نِراکار ویس وٹائیا۔ تُوں اِکو وار جانا جھُک، نِرگُن سیِس سیِس جھُکائیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ آتما کہے پربھوُ کِیوں دسّیا پنج ماگھ، مَینوُں دے سمجھائیا۔ پُرکھ اکال کِہا آد سب توں پہلوں بھگت بھگوان دا جگیا سی چِراغ، ایہو دِوس دیوے وڈیائیا۔ دُرمت مَیل دھویا سی داغ، پاپاں موُل چُکائیا۔ سُرت گئی سی جاگ، نِج نیَن اکّھ کُھلائیا۔ ترِشنا بُجھی سی آگ، ممتا موہ مِٹائیا۔ دھروُ نوُں ایسے دِن دِتا سی راج، سچ دوار خوشی منائیا۔ اَگے سَتجُگ دا چلنا ہور رِواج، جوتی جوت سروُپ ہرِ، آپ اپنی کِرپا کر، اپنی کھیل اپنے نال ورتائیا۔ بھگت آتما کہے مَیں سُناؤن آئی بات، جن بھگتو دیاں جنائیا۔ حُکم دِتا دُھر دے باپ، پرم پُرکھ ہویا سہائیا۔ اَگے لیکھا چُکائے بن کے سچّا ساک، سجّن شہنشاہیِا۔ جن بھگتاں دیوے ساتھ، سگلا سنگ نِبھائیا۔ گُرمْکھ رُلے کوئی نہ خاک، مِٹّی ڈھیر نہ کوئے بھوائیا۔ ایہہ گوبِند دا واک، واقعہ ساہمنے دِتا وکھائیا۔ اگلا کھیل تماش، سرب رہیا سمجھائیا۔ ہؤلی ہؤلی جے تُساں آؤنا میرے پاس، لوک مات پندھ مُکائیا۔ سوہنگ ڈھولا گاؤنا سواس سواس، رسنا جِہوا جوڑ جُڑائیا۔ روُح بُت دوویں ہوون پاک، دُرمت مَیل رہے نہ رائیا۔ جوتی جوت سروُپ ہرِ، آپ اپنی کِرپا کر، سب دا لیکھا دئے گوائیا۔ بھگت آتما کہے مَیں دسّن آئی اَخیِر، بِن اکھّراں رہی جنائیا۔ جن بھگتو بدل لؤ تقدیِر، تدبیِر رہی دِرڑائیا۔ ویکھیا دھام جِتھے نہ کوئی پاتشاہ وزیر، گُنی گہِیر اِکو نظری آئیا۔ جوتی جوت سروُپ ہرِ، آپ اپنی جوت دھر، جوتی جوت وِچ کبیِر، پال پل پل درس دِکھائیا۔ مَینوُں لبھا نہیں اوتھے کوئی فقیِر، فِکریاں والا ڈھولا نہ کوئے سُنائیا۔ راہ وِچ سارے بَیٹھے دِلگیِر، اَدھ واٹے بَیٹھے پاندھی راہیِا۔ تُہاڈا نواں محل اَگے ہون لگّا تعمیِر، پُرکھ اکال سیو لگائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ بھگت آتما کہے مَیں سندیش دیون آئی سچّا، سچ دیاں جنائیا۔ ویکھیو گُرمْکھ رہے کوئی نہ کچّا، بھاویں ٹُٹ جائے لوکائیا۔ مائی باپ بھَین بھائی کِسے دا نہیں کوئی سکا، انت ہووے سرب جُدائیا۔ مایا کارن میلدے اکّھاں، انتر آتم پریم نہ کوئے بنائیا۔ انتم ساڑ کے آؤن وِچ کّکھاں، اگنی اگّ بھیٹ کرائیا۔ جن بھگت پرگٹ ہووے کوٹاں وِچوں لکّھاں، لکھمی نرائن دئے سرنائیا۔ مَیں بنیا اوس دا بچّہ، جو بچےّ نیہاں ہیٹھ دبائیا۔ پریِتی اندر ہووے پکاّ، پکّی یاری توڑ نِبھائیا۔ تُہاڈے کارن آیا نَٹھا، پنج پوہ پھیرا پائیا۔ بھگت دوارے بھگتاں ہویا اِکٹّھا، اِکٹّھ سوہنا

ویکھ وکھائیا۔ جوتی جوت سروُپ ہرِ، آپ اپنی جوت دھر، دُھر دا حُکم اِک منائیا۔ دُھر دا حُکم سُناواں اِک، ایکنکار رہیا جنائیا۔ گُرمْکھو پربھ سرن آ کے بن جاؤ اوہ سِکھ، جو ساکھیات پربھ دا درشن پائیا۔ جگت دُنی وکھا دیؤ پِٹھ، کروٹ آپے لئے بدلائیا۔ ساچے بھگت کوئی نہ لوَے پِٹّ، نیتر نیِر نہ کوئے وہائیا۔ سیِس نِواؤنا نہیں کِسے پتّھر اِٹّ، اِشٹ اِکو اِک جنائیا۔ جِدھر ویکھو اودھر پئے دِس، دہِ دِشا رہیا سمائیا۔ جے ہور جانو تے وسے تُہاڈے وِچ، باہر لبھن دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ بھگت آتما کہے میرا تتّاں والا نہیں کوئی سروُپ، سروُپ سِنگھ رہن کوئے نہ پائیا۔ مَیں اوس دا بنیا پوُت، جِس نوُں پت پرمیشور کہہ کے سارے رہے گائیا۔ مَیں پِھرنا دہِ دِشا چارے کوُٹ، گُرمْکھ ویکھاں تھاؤں تھائنیا۔ پریم پیالیاں وِچ پیِنا دوُدھ، امرت رس مُکھ وکھائیا۔ ویکھیو جگت واسنا بدل نہ لِؤ بُدھ، من ممتا وِچ پھسائیا۔ اَگے کِسے نوُں کوئی نہ رہیا پُچھ، رائے دھرم دئے سزائیا۔ جِس ویلے پربھ نے گودی آندا چُک، چِتر گُپت نِیوں نِیوں سیِس نِوائیا۔ ویکھیو ایس نِشانیوں نہ جائیو اُک، اُکا فَیصلہ لَینا کرائیا۔ منزل چڑھیو جائیو نہ گھُتھ، پاندھی ہو کے چلنا چائیں چائنیا۔ بھاویں ماتا پِتا ساک جاوے چُھٹ، پربھ دے نالوں نہ ہوئے جُدائیا۔ بھگتاں پِچھلا ناتا جاوے تُٹ، سؤہرا پئیا نہ کوئے سُہائیا۔ پِھر وی اوس اکال دے بنِیو سُت، جو آد جُگاد گودی رہیا اُٹھائیا۔ سد بھانے وِچ رہنا خوش، چِنتا غم نہ کوئے ودھائیا۔ مَینوُں ایتھے نہیں کوئی دُکھ، تُہانوُں دُکھ نہ کوئے ستائیا۔ مَیں چاہُندی جِویں ہویا میرا اُجل مُکھ، ایہہ سب نوُں ملِے وڈیائیا۔ مَیں لوک مات دا بوُٹا پُٹ، سچکھنڈ دوارے جڑ دینی لگائیا۔ میری سدا مؤلی رہے بسنتی رُت، خِزاں روُپ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پنج ماگھ کہے کِیوں میری آئی رُت، دِوس رَین وجّی ودھائیا۔ مَیں سب نوُں رہیا پُچھ، جو سنمُکھ بَیٹھے سوبھا پائیا۔ کی تُسیں رہوگے اِکے دے پُت، کہ ونڈاں جگ وکھائیا۔ جاؤگے اوس نوُں جھُک، جو سِر سِر رِزق سبائیا۔ پڑھوگے اِکو تُک، تُوں میرا مَیں تیرا ڈھولا گائیا۔ ویکھیو ہنکار وِچ کدے نہ جائیو رُٹھ، ناتا وِکار نال جُڑائیا۔ انتم کایا بوُٹا سب دا جانا سُک، پتّ ڈالی رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، حُکم حُکم وِچوں منائیا۔ ماگھ کہے اوہ در سرب خوشحال، پنچ پروان رہے سُنائیا۔ پردھان ہو کے بنے لال، سچکھنڈ مِلی وڈیائیا۔ ساچے در سوہے راجان، رعیت دو جہان اکھوائیا۔ مقامے حق پایا مان، درگاہ ساچی وجّی ودھائیا۔

مَیں دیون آیا دُھر فرمان، سندیشہ سَت سَت سُنائیا۔ ویکھیو جن بھگتو کِسے بھگت دی کدے لاہُن نہ جائیو مکان، جگت ریِتی نہ ونڈ ونڈائیا۔ گُرمْکھاں دا مالک سِری بھگوان، گرنتھی پنتھی پنڈت پاندھا مُلّا شیخ نہ کوئے چُھڈائیا۔ سب دا ناتا پیِن کھان، بستر اوڈھن لےَ کے خوشی منائیا۔ ماگھ کہے کیوں ہویا حَیران، گوبِند فرمان بُھلی سرب لوکائیا۔ جوتی جوت سروُپ ہرِ، آپ اپنی کِرپا کر، سچ ریِت رہیا بدلائیا۔ بھگت آتما کہے تُہاڈا مارگ لگنا مات، متا رہیا جنائیا۔ میری ایَویں نہ سمجھیؤ بات، فرمانا دُھر دا اِک دِرڑائیا۔ سُگندھ کھا کے جائیو اجّ دی رات، انتر دھیان لگائیا۔ پُرکھ اکال سب نے منّنا باپ، اوٹ اِکو اِک تکائیا۔ آتما کہے مَیں اوسدی ذات، انتم اوسے وِچ سمائیا۔ مُحبّت والا نات، پریم وِچ بندھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بھگت آتما کہے جن بھگتو کر لؤ اِکو پرن، پرنام اِک جنائیا۔ جیِون نالوں چنگا سمجھیؤ مرن، جِس مرن توں پِچھوں پربھ دے وِچ سمائیا۔ ساچی منزل پؤڑی سِکھیؤ چڑھن، اپنا بل ودھائیا۔ جے کوئی من واسنا تُہاڈے نال آوے لڑن، اوہدے ولّ نہ اکّھ اُٹھائیا۔ جے کوئی تُہاڈا دھرم سَت آوے ہرن، اُس دا مُکھڑا دیؤ بھوائیا۔ پُرکھ ابناشی اِکو بخش ساچی سرن، سِر سِر اپنا ہتّھ رکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُرمْکھ آشا کہے جن بھگتو بھگتاں نوُں کوئی نہ کِہو سُہاگن رنڈی، وِدھوا روُپ نہ کوئے بنائیا۔ آتما دا پرماتما سدا سنگی، جو وِچھڑیاں رہیا جُڑائیا۔ کوئی نہ کِہو ہوئی سِروں ننگی، اوڈھن سیِس نہ کوئی ٹِکائیا۔ جِس دا مالک سوُرا سربنگی، ہر تھاں دیوے مان وڈیائیا۔ گُرمْکھو بھانے وِچ نہ کٹیو تنگی، دُکھ سُکھ وِچ لَینا بدلائیا۔ ایس دھرتی نالوں پربھ دی چرن پریِتی چنگی، جو چند وانگ رُشنائیا۔ تُہاڈے اُتے سماج دی رہے نہ کوئے پابندی، کلجُگ پاگل دِسے لوکائیا۔ گُرمْکھ ہڈّیاں پائیو کوئی نہ وِچ گنگی، جمنا سُرستی گوداوری گُرمْکھاں دے چرناں ہیٹھاں سیِس دبائیا۔ اِکو ڈھولا گاؤنا چھندی، میرا تیرا راگ سُنائیا۔ گُرسِکھ نیتر اکّھ رہے نہ اندھی، نِج لوچن دئے کُھلائیا۔ بھگت آتما تُہاڈے کولوں رہی منگی، مانگت ہو کے جھولی ڈاہیِا۔ ویکھیو دھار رکھیو نہ کوئے دُرنگی، جوُٹھا جھوُٹھا کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ بھگت آتما کہے مَیں ویکھاں خوشیاں نیَن، نِگاہ نِگاہبان ٹِکائیا۔ ناتا جوڑ لؤ بھائی بھَین، دوُجی اکّھ نہ کوئے بدلائیا۔ تُہانوُں مِل گئی چرن پریِتی اِک رسیَن، جو کنچن سونا دئے وکھائیا۔ ڈھائی سطراں دا لیکھا سروُپ سِنگھ دا وِچ رمائن، بالمیک گیا لِکھائیا۔

جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ بھگت آتما کہے مَیں بھگتاں دا ویکھ اِکٹّھ، آئی واہو داہیِا۔ گُرمْکھو رکھّیِو ہٹّھ، جھلنی جگت جُدائیا۔ تُہاڈا وکھّرا کُھلنا ہٹّ، بھنڈارا لَینا چائیں چائنیا۔ کی ہویا جے ساتھی ساتھ گیا چھڈ، اَگے بَیٹھا راہ تکائیا۔ تُہاڈے نالوں ہون نہیں دینا اڈّ، وکھّرے تھاں نہ کوئے بہائیا۔ ناتا چُھٹیا ناڑ ماس ہڈّ، نِرگُن جوت جوت رُشنائیا۔ سچ دوارے رہیا گجّ، ڈھولا اِکو رہیا سُنائیا۔ کی ہویا جے ٹھیِکر گیا بھجّ، تتّاں کیِتی جُدائیا۔ مَیں تُہاڈے وِچ حاضر اجّ، پنج ماگھ کری رُشنائیا۔ درشن کر کے گیا رج، تُساں دِتی مان وڈیائیا۔ پریِتی اندر گیا بجھّ، مُحبّت وِچ شرمائیا۔ مَیں نیِواں ہو کے جھُکاواں متھ، ہؤلی ہؤلی پلک اُٹھائیا۔ منجیِت نوُں رہیا دسّ، سہج سہج سمجھائیا۔ پُرکھ اکال دی رکھنی پت، کی ہویا انت ہوئی جُدائیا۔ دھیِرج رکھنا سَت، دھرم نہ جانا ڈُلائیا۔ چھیتی ہوون والا اِکٹّھ، سچکھنڈ ساچے وجےّ ودھائیا۔ بےشک بھَین بھرا سجّن ساک سارے جان نَٹھ، گُرمْکھ ویِر تیرے نظری آئیا۔ اَگے نوُں ایہہ مارگ چلنا سچ، سچ دیاں سمجھائیا۔ سب نے اِک دوُجے نال مِلا کے چلنا ہتّھ، دو ہتّھاں تالی دینی وجائیا۔ پریم پیار اندر بہہ کے اِکٹّھیاں لَینا چھک، شّک ہور نہ کوئے ودھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بھگت آتما کہے مَینوُں سوہنا لگّا دِہاڑا، تِیوہار خوشیاں نال منائیا۔ میرا منظوُر ہویا ہاڑا، بینتی لیکھے لائیا۔ گُرمْکھاں رنگ ویکھیا گاڑھا، روُپ اپنا رہیا بدلائیا۔ جن بھگتو پربھ دے حُکم اَگے کِسے دا نہیں کوئی چارا، چار جُگ روندے دیندے گئے دُہائیا۔ سچ فرمان دا سمجھیؤ اِک اِشارہ، جو اندرے اندر رہیا وکھائیا۔ گُرمْکھ بھگت سِری بھگوان دا سچّا لاڑا، جِس نوُں خوشیاں نال لےَ کے جائے چائیں چائنیا۔ اوتھے نہ کوئی پُرکھ تے نہ کوئی نارا، نار پُرکھ جگت ونڈ ونڈائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ جن بھگتو تُہاڈی لیکھے لاؤنی بھگتی، بھاگ حِصّہ جھولی پائیا۔ بھانا منّن دی دینی شکتی، شخصیّت دینی بدلائیا۔ تُہاڈی دھار رکھنی دوحرفی، پڑھنی اوَر نہ کوئے پڑھائیا۔ گُرمْکھ آتم کدے نہ ہردی، جو ہِردے ہرِ رہیا وسائیا۔ دیِن دَیال اوس دا دردی، دُکھیاں دا دُکھ جھولی رہیا پائیا۔ سدا دھار رکھے چڑھدی، چڑھدا لہِندا دکھّن پہاڑ کھوج کھوجائیا۔ مہاراج شیر سِنگھ وِشنوُں بھگوان، چرن پریِت بخشے اپنی لےَ دی، نا لایق لایق آپے لئے بنائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، پرماتم آتم آتم پرماتم انتر انت انتم انتریِو اپنے وِچ مِلائیا۔