کتب خانہGranth 19 (Urdu)

۲۰ پھگّن شہنشاہی سمت ۱ ہرچند سِنگھ دے گرِہ ہررائے پُر ضِلع بٹھِنڈا

آد جُگاد کھیل اگمّی شبد سَتگُر دا، جگ نیتر نظر کِسے نہ آئیا۔ آتم پرماتم سُرتی دھار ہو کے جُڑ دا، وِچھوڑا انتر باہر دئے کڈھائیا۔ ناد اناد وجائے بےپرواہ اپنے تال سُر دا، دُھن آتمک راگ سُنائیا۔ مرجیِوت روُپ کرے جن بھگت گُرمْکھ مُردا، گرِہ مندر ساچے وجےّ ودھائیا۔ بھگتاں دے اندر فُرنا ہو کےکھُردا، من واسنا دئے کھپائیا۔ لیکھا جناوے پِچھلا اگلا دُھر دا، پوُرب جھولی پائیا۔ پندھ مُکاوے وِچھوڑے والا انندپُر دا، پُری انند اِکو دئے وکھائیا۔ جِتھے سوُرج چند کدے نہ چڑھدا، نِرگُن جوت کرے رُشنائیا۔ بھگت بھگوان اِک دوُجے دا ڈھولا پڑھدا، سوہنگ سو وجےّ ودھائیا۔ پڑدا لہہ جاوے سچکھنڈ ساچے گھر دا، تھِر گھر ملِے مان وڈیائیا۔ جوتی جوت سروُپ ہرِ، آپ اپنی کِرپا کر، ساچا میلا لَینا مِلائیا۔ بھگت بھگوان سد وسن پاس، پاسا سکے نہ کوئے بدلائیا۔ جگت واسنا کدے نہ کرے اُداس، چِنتا غم نہ کوئے رکھائیا۔ سدا سدا سد پربھ مِلن دی رکھے آس، آشا اوَر نہ کوئے ودھائیا۔ گاؤندا رہے بِن رسنا جِہوا سواس سواس، ساہ ساہ دِھیائیا۔ جوتی جوت سروُپ ہرِ، آپ اپنی کِرپا کر، مانَس جنم کرنہارا راس، رستہ اپنا دئے وکھائیا۔ بھگت بھگوان آد جُگادی اِکو راہ، دوُجی دھار نہ کوئے وکھائیا۔ آتم پرماتم مِل کے کرن سچّی صلاح، جھوُٹھی ونڈ نہ کوئے ونڈائیا۔ شبدی گُروُ وِچولا ہووے وِچ ملاح، ناتا دُھر دا دئے بندھائیا۔ جُگ جنم دیاں وِچھڑیاں لئے مِلا، پھڑ باہوں گود اُٹھائیا۔ کلجُگ انتم کوُڑی کِریا دئے مِٹا، سَت سچ اِک دِرڑائیا۔ دھیِرج دھرم دھرواس دئے وکھا، نِہکرمی کرم بنائیا۔ گھر سجّن سوامی جائے آ، ٹھاکر ہو کے پھیرا پائیا۔ جنم جنم دا لیکھا دئے مُکا، چؤراسی گیڑ نہ کوئے بھوائیا۔ مِہروان ہو کے درس دئے دِکھا، پریِکھیا جگت نہ کوئے جنائیا۔ غریِب نِمانے اپنے رنگ لئے رنگا، رنگت اِکو اِک چڑھائیا۔ در درویشاں درد لئے ونڈا، دیِناں اناتھاں ہوئے سہائیا۔ گرِہ گرِہ گھر گھر مندر اندر ویکھے تھاؤں تھاں، گھٹ بھیِتر سوبھا پائیا۔ پریم پدارتھ پرم پُرکھ لئے کھا، نِرگُن ہو کے سرگُن کھیل کرائیا۔ جوتی جوت سروُپ ہرِ، آپ اپنی کِرپا کر، جن بھگت دوارے بھاونا دا بھوگ دئے لگا، بھانا اپنا لئے منائیا۔ مہاراج شیر سِنگھ وِشنوُں بھگوان، نِرگُن ہو کے آپ سہا، دوُجی سہائتا دی لوڑ رہے نہ رائیا۔

۲۰ پھگّن شہنشاہی سمت ۱ جگیر داس دے گرِہ خیالی والا ضِلع بٹھِنڈا

جُگ جُگ کھیل ہرِ نِرنکار دا، نِرگُن نِروَیر دَیا کمائیا۔ لیکھا ویکھ جگت سنسار دا، بھگت سُہیلے لئے اُٹھائیا۔ پریم رس دے کے اپنی دھار دا، پڑدا اوہلا دئے اُٹھائیا۔ جلوہ دے کے نوُری چمتکار دا، اندھ اندھیر دئے مِٹائیا۔ میلا کرا کے ساچے یار دا، وِچھوڑا رہن کوئے نہ پائیا۔ جھگڑا مُکاوے روگ سوگ چِنتا کُڑیار دا، سَت سَت دئے سمجھائیا۔ گڑھ توڑے ہؤمے ہنگتا ہنکار دا، ہنگ برہم اِک سمجھائیا۔ در وکھاوے سچکھنڈ نِواسی سچ دربار دا، درگاہ ساچی سوبھا پائیا۔ جوتی جوت سروُپ ہرِ، آپ اپنی کِرپا کر، ہرجن ساچے آپ ترائیا۔ سِری بھگوان جن بھگتاں جُگ جُگ دیندا رہے دلاسا، سنتوکھ سَت جھولی پائیا۔ اِشٹ دیوَ بنیا رہے بھرواسا، آتم پرماتم رنگ رنگائیا۔ گرِہ منڈل اندر وکھاؤندا رہے راسا، سُرتی شبدی کاہن نچائیا۔ نِج گرِہ کردا رہے واسا، ساڈھے تِنّ ہتّھ مندر اندر اپنا نوُر کرے رُشنائیا۔ بھیو کُھلاؤندا رہے بن کے داسی داسا، سیوک سیو دیونہار وڈیائیا۔ جنم جنم دیِاں پوُریاں کرے آساں، ترِشنا کوُڑی دئے بُجھائیا۔ جوتی جوت سروُپ ہرِ، آپ اپنی کِرپا کر، جگت دلِدر دئے مِٹائیا۔ جن بھگتاں میٹنہار پربھوُ پربھ دُکھ، پاربرہم پربھ دَیا کمائیا۔ گھر سوامی دیوے سُکھ، سُکھ ساگر روُپ پرگٹائیا۔ چِنتا غم دا پیَنڈا جائے مُک، مکمل اپنا رنگ چڑھائیا۔ نِجھر دھاروں امرت سوما پئے پُھٹ پُھٹکل رہن کوئے نہ پائیا۔ ہرجن بنائے اپنے سُت، ابناشی اچُت دَیا کمائیا۔ سوہنی مؤلے سنسار وِچ رُت، پتّ ٹہنی آپ مہکائیا۔ بھاگ لگا کے کایا ماٹی بُت، بُتخانے وِچوں انتم باہر کڈھائیا۔ دُھر دی گودی لئے چُک، مِہروان سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ہرجن دیونہار سرنائیا۔ جن بھگتاں پربھ دیوے سرن سرنگت، سہارا اِک وکھائیندا۔ نِہکرمی دے کے دُھر دی مت، منمت کوُڑی پرے ہٹائیندا۔ نعرہ سُنا کے الکّھنا الکھ، جَیکارا اِکو اِک جنائیندا۔ آتم پرماتم کدے نہ ہووے وکّھ، حِصّہ ونڈ نہ کوئے ونڈائیندا۔ جن بھگتاں انتر دے کے دُھر دا سچ، سَت اپنا نام سمجھائیندا۔ کایا ماٹی بھاگ لگا کے کچّ، کنچن گڑھ ویکھ وکھائیندا۔ منوُآ من نہ جائے نچّ، نٹوُآں سوانگ نہ کوئے بنائیندا۔ ناڑی ناڑ نہ اُبلے رت، اگنی تت نہ کوئے وکھائیندا۔ سچ دوارے لئے سدّ، حُکم سندیشہ اِک سُنائیندا۔ جوتی جوت سروُپ ہرِ، آپ اپنی کِرپا کر، جن بھگتاں وکھاونہارا دُھر دا گھر، گھر ٹھاکر نظری آئیندا۔ جن بھگتاں پربھ میٹنہار دُکھڑا، دوُر دُراڈا نیرن نیرا دَیا کمائیا۔ اُجل لوک مات کرے

مُکھڑا، دُرمت مَیل آپ دھوائیا۔ لیکھا چُکاوے مات گربھ کُکھڑا، کُکھ سُہنجنی دئے وکھائیا۔ اُلٹا پھیر نہ ہووے رُکھڑا، چرن کوَل دیوے سرنائیا۔ مِہروان محبوُب ابناشی اچُتڑا، چیتن سُرتی دئے بنائیا۔ جِس دی دھاروں شبد اگمّی دُھر دا اُٹھڑا، نِرگُن نِروَیر لئے انگڑائیا۔ جوتی جوت سروُپ ہرِ، آپ اپنی کِرپا کر، جن بھگتاں پڑدا دئے اُٹھائیا۔ سِری بھگوان جن بھگتاں پڑدا چُکے انتر اکّھ، اوہلا رہن کوئے نہ پائیا۔ نظری آئے ساکھیات پرتکھ، سچ دوارے سوبھا پائیا۔ جگت کوُڑی کِریا کرے بھٹھ، بھانڈا بھرم بھؤ بھنائیا۔ سچ بھنڈارا کھول کے ہٹّ، وستوُ اِکو اِک ورتائیا۔ بِن اکھّراں دے کے برہم مت، برہم وِدیا دئے پڑھائیا۔ تُوں میرا مَیں تیرا بھیو کُھلا کے سچ، سچ ساجن ہوئے سہائیا۔ مارگ رستہ دُھر دا دسّ، دہِ دِشا کرے رُشنائیا۔ بھگت بھگوان اِک دوُجے دا سانجھا کر کے جس، یتھارتھ اپنا رنگ چڑھائیا۔ اَگے رہن نہ دیوے وکّھ، گھر وِچ گھر میلا میلے سہج سُبھائیا۔ جوتی جوت سروُپ ہرِ، آپ اپنی کِرپا کر، سنت سُہیلے لئے رکھ، رکھّیا کرے چائیں چائنیا۔ سِری بھگوان جن بھگتاں ہوئے ساجن میِتا، مِتر پیارا اِک اکھوائیندا۔ جُگ جُگ دی پرگٹ کر کے ریِتا، ریِتیوان راہ چلائیندا۔ سچ دوارا دسّ کے ٹھانڈا سیِتا، امرت میگھ اِک برسائیندا۔ جُگ چؤکڑی کرنہارا کھیل انڈیِٹھا، انڈِٹھڑی کار آپ کمائیندا۔ گُرمْکھاں کایا چولی چاڑھ کے رنگ مجیِٹھا، سَت سَتوادی ویکھ خوشی منائیندا۔ من منوُا کوُڑی واسنا وِچ رہے نہ ریِٹھا، امرت پھل آپ وکھائیندا۔ جوتی جوت سروُپ ہرِ، آپ اپنی کِرپا کر، جن بھگتاں دیوے اِک ور، جنم مرن دا دُکھ روگ سنتاپ، لکّھ چؤراسی وِچوں کڈھے آپ، کوٹ جنم دے میٹے پاپ، تُوں میرا مَیں تیرا دسّ کے جاپ، جیِون جُگت جگت دئے بدلائیا۔ روُح بُت کایا ماٹی خاکی اندر باہر گُپت ظاہر کر کے پاک، پتت پاون امرت میگھ برسے ساوَن، من منوُآ ہنکاری مارے راون، سیِتا سُرتی دُھر دا رام، ماٹی کاچی چام، چمّ درِشٹی وِچوں اِشٹی اپنا اِشٹ دیوَ سمجھائیا۔ جن بھگت میِتا ٹھانڈا سیِتا وَیراگی تیاگی بَیراگی بھاویں ہو جائے گرِہستی، ناتا توڑ کے جگت بہِشتی، پار کنارہ کرکے وِچوں سرِشٹی، صاحب سُلطان سِری بھگوان ہو مِہروان دے کے دان، چرن کوَل بخشے سچ سرنائیا۔ جوتی جوت سروُپ ہرِ، آپ اپنی کِرپا کر، جن بھگتاں دیونہارا اِک ور، جنم جنم دا لیکھا پوُرب لہنا دیونہارا کایا ماٹی، مہاراج شیر سِنگھ وِشنوُں بھگوان، سَت دھرم دا بخش کے تن وجوُد گہنا، گہر گمبھیِر بےنظیِر لاتصویِر اپنا درس دئے کرائیا۔

۲۰ پھگّن شہنشاہی سمت ۱ بختاوَر سِنگھ دے گرِہ پِنڈ خیالی والا ضِلع بٹھِنڈا

سِری بھگوان کہے مَیں جن بھگتاں جنم جنم دے میٹاں پندھ، جگت پاندھی رہن کوئے نہ پائیا۔ کوُڑی کِریا ہؤمے ہنگتا مایا ممتا شرع شریعتی ڈھاہ کے کندھ، پڑدا اوہلا بن وِچولا اندروں دیاں چُکائیا۔ نام انڈیِٹھا سوامی ہو کے چاڑھاں رنگ، جگ نیتر نیَن نظر کِسے نہ آئیا۔ بودھ اگادھی شبد انادی سُناواں اگمّی چھند، ڈھولا سوہلا گیِت نغمہ اِکو نام خُدائیا۔ جھگڑا چُکاواں رسنا جِہوا بتّی دند، بندنا ڈنڈؤت بخشاں اِک سرنائیا۔ اندر باہر گُپت ظاہر آتم پرماتم دیواں سنگ، سگلا سنگ اگلا دیاں بنائیا۔ نِرگُن جوت سچ پرکاش چاڑھ کے چند، روَ سس کھہڑا دیاں چُھڈائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گھٹ بھیِتر گرِہ پڑدا دئے اُٹھائیا۔ سِری بھگوان کہے مَیں دینا بھگتاں بھنڈارا ایک، دُھردرگاہی ہو کے آپ ورتائیندا۔ چرن کوَل سچ سہارا بخش کے ٹیک، چرن دھوُڑی ٹِکا مستک نام خاک رمائیندا۔ خوشی ہوواں بِنا نیتراں اکّھاں پیکھ پیکھ، لوچن نیَن دھار نہ کوئے بنائیندا۔ پاربرہم برہم بنا کے ساک سجّن سیَن، سچ دوارا ایکنکارا اِکو اِک سُہائیندا۔ نِت نوِت کرے ہِت پت پرمیشور چُکاوَنہارا لہنا دین، دیِن دَیال ہو کِرپال وست امولک کایا گولک سچ دوارے آپ ٹِکائیندا۔ جوتی جوت سروُپ ہرِ، آپ اپنی کِرپا کر، وکھاونہارا دُھر دا گھر، در دروازہ آپ کُھلائیندا۔ سِری بھگوان جن بھگتاں کھول دیوے در دروازہ، دردی ہو کے درد ونڈائیا۔ نظری آئے نر نرائن شاہ نوابا، بھوُپت بھوُپ بےپرواہیِا۔ جھگڑا مُک جائے مکّہ مدیِنہ جگت کعبہ، حُجرے حق محبوُب دئے وکھائیا۔ دُھر نام دی مارے اِک آوازا، تھِر گھر واسی دَیا کمائیا۔ سچ دوارے کھولے رازا، سچکھنڈ دوارا پڑدا دئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچی داتا، دَیاوان آپ ورتائیا۔ سِری بھگوان کہے مَیں بھگتاں دیواں امیوں رس، بِن رسنا جِہوا آپ چوائیا۔ آتم پرماتم کر کے وسّ، واستک اپنے گھر وسائیا۔ جنم جنم دا پوُرب لیکھا دسّ، بِن شاستر سِمرت کراں پڑھائیا۔ بِن اکّھاں کھول کے اکّھ، دو جہاناں دیاں وکھائیا۔ بِن تتّاں ہو پرتکھ، جلوہ نوُر کراں رُشنائیا۔ لہنا دینا چُکا کے ہتّھ، نابھ کول دیاں اُلٹائیا۔ جوتی جوت سروُپ ہرِ، آپ اپنی کِرپا کر، جگت دوارا پار کر کے حد، حدوُد اِکو دئے وکھائیا۔ سِری بھگوان کہے مَیں بھگتاں دینی شبد دلیِل، جگت وِدیا والی نہ کوئے پڑھائیا۔ شاستر سِمرت بناؤنا نہ پئے کوئی وکیِل، وِچولا رہن کوئے نہ پائیا۔ ساچے در کر کے منظوُر اپیِل، اپرمپر سوامی

ہو کے ہوواں سہائیا۔ کلجُگ کوُڑی کِریا کر دینی تبدیل، طبع سب دی ویکھ وکھائیا۔ شبدی دھار کھیل کرنا آر پار اَمبر نیِل، نِروَیر ہو کے اپنی کار کمائیا۔ جودھا سوُربیِر بن کے چَھیل چھبیِل، شبےروز اپنا حُکم ورتائیا۔ گُر اوتار پَیغمبر کر اَدھیِن، دیِن مذہب کھہڑا دینا چُھڈائیا۔ جن بھگت سُہیلا رہے نہ کوئے کمیِن، کملے کوجھے اپنے گلے لگائیا۔ چار ورن اٹھاراں برن مارگ رستہ دسّ مہیِن، مارگ اِکو دینا وکھائیا۔ گُرمْکھ رہے نہ کوئے غمگیِن، غماں دا روگ دینا مِٹائیا۔ آتم پرماتم سب نوُں دینی تعلیِم، طُلبےگُرمْکھ دینے بنائیا۔ محل اٹل وکھا کے اِک عظیِم، عالیشان دینا سمجھائیا۔ جِس دا نقشہ نظر نہ آئے کِسے اُتے زمیِن، ظاہر ظہوُر اندروں پڑدا دئے اُٹھائیا۔ جن بھگتاں شاباس کہے آفریِن، جو پُرکھ اکالا دیِن دَیالا اِکو رہے منائیا۔ کلجُگ انت سَت سَت دا دسّ کے دیِن، دھرم دا دھرم دوارا دئے پرگٹائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، مالک بن کے آپ رحیِم ، رحمت وِچ سہمت کرے لوکائیا۔

۲۱ پھگّن شہنشاہی سمت ۱ مُکند سِنگھ دے گرِہ پِنڈ مراج ضِلع بٹھِنڈا

بھگت بھگوان آد جُگادی لیکھا دُھر دا، سچکھنڈ نِواسی پُرکھ ابناشی دیِن دُنی ویکھ وکھائیا۔ بھیوَ ابھیدا اچھل اچھیدا لیکھا چُکاوے پوُرے گُر دا، گہر گمبھیِر بےنظیِر لاتصویِر اندرے اندر جلوہ نوُر نظری آئیا۔ بھگت سُہیلا گُروُ گُر چیلا صاحب سوامی انترجامی ہون نہ دیوے مُردا، مُریِد مُرشد محبوُب مُحبّت اپنی وِچ جنائیا۔ شبد اناد بودھ اگادھ تال سُناوے اگمّی سُر دا، تت شبد آتم پرماتم پاربرہم برہم میلا سہج سُبھائیا۔ ساچا چمتکار دیوے اپنے نوُر نوُرانے نوُر دا، اندھ اندھیر سنجھ سویر اِکو رنگ دئے وکھائیا۔ آسا منسا جُگ جنم وِچھڑیاں پُرکھ اکال پوُردا، پوُرن برہم سچ دھرم اِکو دئے وکھائیا۔ ناتا توڑ کے ہؤمے ہنگتا گڑھ غروُر دا، غُربت کوُڑی اندروں دئے کڈھائیا۔ اِشارہ دے کے نام خُماری سروُر دا، شرع شریعت اندروں دئے بدلائیا۔ پندھ مُکا کے من منوُئے مفروُر دا، حُکمے اندر اپنے بند کرائیا۔ نِج آتم نِج گرِہ ساچے گھر درشن پاوے سچکھنڈ حضوُر دا، مقامے حق اِکو جلوہ نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے ویکھ وکھائیا۔ بھگت بھگوان ہُندا رہیا مِلاپ، آد انت جُگا جُگنت

وجدی رہی ودھائیا۔ تُوں میرا مَیں تیرا اِکو رہیا دوہاں دا جاپ، جگت وِدیا دوُجی اوَر نہ کوئے پڑھائیا۔ نِرگُن نِروَیر نِراکار نِرنکار دیِا باتی کملاپاتی کردا رہیا جوت پرکاش، جلوہ گر ظاہر ظہوُر اِکو نظری آئیا۔ جنم جنم دا کرم کرم دا میٹدا رہیا پاپ، پتت پُنیِت ہو کے دُرمت مَیل اندروں آپ دھوائیا۔ تند ستار وجاؤندا رہیا رباب، احباب پیارا مِتر ہو کے اپنی خوشی وکھائیا۔ ڈنڈاوت بندنا سجدیاں وِچ دسّدا رہیا آداب، سِر سر صاحب سیِس نِوائیا۔ جن بھگتاں معاف کر کے دیندا رہیا خطاب، خطوُط خط چِٹھی نہ کوئے پڑھائیا۔ اندر وڑ کے مندر چڑھ کے اُپر شاہ رگ کھولدا رہیا راز، گھر وِچ گھر پڑدا رہیا اُٹھائیا۔ نام نِدھانا سِری بھگوانا بِن اکھّراں دیندا رہیا دات، کاغذ قلم دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، وست امولک کر عنایت، ہدایت اِکو اِک سمجھائیا۔ جن بھگت ہُندا رہیا اِکٹّھ، آتم پرماتم مِل کے وجدی رہی ودھائیا۔ شبد اگمّی لاؤندا رہیا سٹّ، سوئی سُرتی آپ اُٹھائیا۔ دیندا رہیا سنتوکھ دھیِرج جت، یتھارتھ اپنا حُکم ورتائیا۔ بودھ اگادھ شبد اناد سُناؤندا رہیا گاتھ، بِن رسنا جِہوا بتّی دند آپ پڑھائیا۔ گھر سوامی انترجامی ہو کے کردا رہیا واس، واسنا کوُڑی باہر کڈھائیا۔ تُوں میرا مَیں تیرا مِل کے ساچ، منزل پؤڑا دُھر دا آپ چڑھائیا۔ جوتی جوت سروُپ ہرِ، آپ اپنی کِرپا کر، بھگت سُہیلا اِک اَکیلا نِرگُن نِروَیر نِراکار اپنا حُکم ورتائیا۔ بھگت بھگوان اِک دوُجے نوُں رہے تکّدے، بِن اکّھاں اکّھ مِلائیا۔ لیکھے مِلدے رہے حقیِقت حق دے، شرع شریعت نہ کوئے وکھائیا۔ ناتے جُڑدے رہے دُھردرگاہی سچ دے، سچ سُچ وِچ سمائیا۔ بھنڈارے کُھلدے رہے اگمّی ہٹّ دے، جگت ونجارا نظر کوئے نہ آئیا۔ دوویں دِھراں لاہا رہے کھٹدے، بھگت بھگوان مِل کے خوشی آئیا۔ کھیل ہُندے رہے پُرکھ سمرتھ دے، مہما اکتھ کتھ دِرڑائیا۔ کایا مندر اندر مِل کے رہے وسدے، وصل یار اِکو اِک جنائیا۔ بِن رسنا جِہوا بتّی دند رہے ہسّدے، خوشیاں اندر ڈھولے گیِت اگمّی ناد کردے رہے شنوائیا۔ جوتی جوت سروُپ ہرِ، آپ اپنی کِرپا کر، اِشارے دیونہارا اپنی اکّھ دے، گیان نیتر پڑدا دئے اُٹھائیا۔ بھگت بھگوان دیندے رہے ہوکا، اُچی کوُک کوُک سُنائیا۔ نعرہ لاؤندے رہے چؤداں لوکا، چؤداں طبق دین دُہائیا۔ لکّھ چؤراسی وِچوں مانَس مانُکھ مانَو مِلدا اِک مؤقع، جو مُکمل پربھ دے نال مِلائیا۔ منزل راہ پیَنڈا کھہڑا رہے کوئی نہ اؤکھا، اَدھ وِچکار نہ کوئے اٹکائیا۔ کایا مندر اندر ساڈھے تِنّ ہتّھ بھگتاں دا اگمّی کوٹھا، گرِہ پرماتم مِل کے وجےّ ودھائیا۔ پربھ مِلیاں رکھنا پئے نہ کوئے روزہ، نمازاں وِچ سیِس

نہ کوئے جھُکائیا۔ انتر انتر بھیو کھولے گوجھا، گہر گوَر اپنا پڑدا دئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہار نام بودھا، من مت بُدھ چلے نہ کوئے چتُرائیا۔ بھگت بھگوان بولدے رہے اِک جَیکارا، تُوں ہی تُوں ہی راگ الائیا۔ ورن برن توں ہو کے باہرا، ذات پات لیکھا جان چُکائیا۔ اِکو نوُر نظری آئے دیِا باتی کملاپاتی کرے اُجیارا، اندھ اندھیر سنجھ سویر دئے مِٹائیا۔ کاغذ قلم نہ لِکھنہارا، شاستر سِمرت وید پُران انجیل قُرآن کہن کوئے نہ پائیا۔ پاربرہم پت پرمیشور سد وسنہارا سچکھنڈ ٹھانڈے دربارا، مقامے حق آسن سِنگھاسن اِک سُہائیا۔ حُکمے اندر بھیج گُر اوتارا، پَیغمبر کلمے نغمے دئے سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، در گھر اِکو اِک وڈیائیا۔ بھگت بھگوان چڑھدا رہیا محل اٹل اُچ منارے، منزل منزل اپنا پندھ مُکائیا۔ پُچھدا رہیا سِری بھگوان چرن دوارے، دوارکاواسی جِتھے بَیٹھے سیِس نِوائیا۔ جگ مگ جوت جگے اپارے، اپرمپر سوامی نِرگُن نوُر کرے رُشنائیا۔ دوُجا نہ کوئی میِت مُرارے، سجّن ساچا سنگ نہ کوئے بنائیا۔ نہ کوئی ڈھولا گیِت نہ تند سِتارے، راگ راگنی صِفت نہ کوئے سُنائیا۔ جوتی جوت سروُپ ہرِ، آپ اپنی کِرپا کر، بھگتاں دیوے اِک گھر، جِس گھر اپنا ڈیرہ لائیا۔ بھگت بھگوان تکدا رہیا مندر، محبوُب ہو کے ویکھ وکھائیا۔ تن ماٹی خاک کھولدا رہیا جندر، بجر کپاٹی کُنڈا لاہیِا۔ من منوُآ وس کر کے بندر، شبدی ڈوری تند بندھائیا۔ لیکھا چُکا کے سوُریہ چندر، نِرگُن جوت کرے رُشنائیا۔ جوتی جوت سروُپ ہرِ، آپ اپنی کِرپا کر، مِہروان ہو سوُرا سربنگن، ہرجن اپنی گود اُٹھائیا۔ بھگت بھگوان چُکدا رہیا گود، بِن ہتّھاں آپ اُٹھائیا۔ سَت دھرم دا دیندا رہیا جوگ، جوگیِشراں توں باہر پڑھائیا۔ تکدا رہیا ہؤمے روگ، ہنگ برہم سمجھائیا۔ پرکاش کردا رہیا نِرمل جوت، اندھ اندھیر چُکائیا۔ میٹدا رہیا کوُڑی سوچ، سمجھ سمجھ وِچوں بدلائیا۔ چرن پریِتی ساچی ریِتی دسدا رہیا مؤج، مجلس اپنے نال رکھائیا۔ جُگ چؤکڑی نِت نوِت کر کر ہِت بھگتاں کردا رہیا کھوج، کایا ماٹی اندر پڑدا دئے اُٹھائیا۔ جھگڑا مُکا کے لوک پرلوک، سچ سلوک دئے سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے اپنے رنگ رنگائیا۔ جن بھگت کہے مَیں پربھ دا کر کے درس، دیِدار اِکو اِک ویکھ وکھائیا۔ میری جنم جنم دی مِٹ گئی حرص، ہوَس رہی نہ رائیا۔ پُرکھ اکال دیِن دَیال کیِتا ترس، رحمت اپنی کار کمائیا۔ مان وڈیائی دے کے اُپر فرش، دھرنی دھرت دھوَل لیکھا لیکھے رہیا لگائیا۔ پوُرب جنم دے کے قرض، مقروُض ہو

کے جھولی رہیا پائیا۔ گُر اوتاراں پَیغمبراں دی منّ کے عرض، آرزوُ سب دی ویکھ وکھائیا۔ کلجُگ کوُڑی کِریا تال بدل دیوے طرز، ڈھولا گیِت اِکو اپنا نام سُنائیا۔ کرے کھیل پاربرہم پت پرمیشور پروردِگار سانجھا یار اِک اسچرج، اچرج لیِلا اپنی اِک ورتائیا۔ شبد کھنڈا برہمنڈاں کھنڈاں دو جہاناں پِھرے تِکھی دھار چُھری کرد، قتل گاہ ویکھے لوکائیا۔ جوُٹھ جھوُٹھ کوُڑ اپرادھ میٹ دیوے من واسنا گرد، بُدھی بِبیک دئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل جودھا سوُربیِر بن مردانہ مرد، دوُجی مدد منگ نہ کوئے منگائیا۔ جن بھگت کہن خوشی ہوئی ویکھ کے سچ محبوُب، جو مُحبّت وِچ سمائیا۔ جِس دا اعلیٰ عرشاں توں پرے اِک عروُج، سچ دوارے سوبھا پائیا۔ جو مِہروان ہو کے جن بھگتاں رکھے محفوُظ، سِر اپنا ہتّھ ٹِکائیا۔ چاڑھ کے منزل ساچی مقصوُد، مسلہ سب دا ویکھ وکھائیا۔ لوڑ رہن نہ دیوے ہزارا دروُد، حضرت اپنے رنگ رنگائیا۔ چار کُنٹ دہِ دِشا جِدھر ویکھن اودھر مؤجوُد، ہر گھٹ بَیٹھا سوبھا پائیا۔ کایا مندر اندر وسے ساچی کوُٹ، کُٹیا اِکو دئے سُہائیا۔ جِس دا گُر اوتار پَیغمبر دے کے گئے ثبوُت، ثابت ہو کے اپنا بھیو دئے کُھلائیا۔ کایا کعبہ دسّ کے حق کلبوُت، مندر مسجد گُروُدوار اِکو دئے وکھائیا۔ جِس دا قِلعہ کوٹ چار کُنٹ مضبوُت، جگت شستر پوہ سکے کوئے نہ رائیا۔ حُکم دیونہارا شبد اگمّا دُھر دا دوُت، دُتیا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کلجُگ انت اَخیِر بےنظیِر نظر اپنی لئے بدلائیا۔ بھگت کہے مَیں پربھ دی ویکھی نظر )تبدیل'(، تبدیلی سب دی رہیا کرائیا۔ صدی چؤدھویں انت اَخیِر سُنے نہ کِسے دی اپیل، اپرمپر سوامی دُھردرگاہی بَیٹھا سوبھا پائیا۔ چار جُگ دا پِچھلا رہن نہ دیوے کوئی وکیِل، وُکلے سارے دئے مُکائیا۔ اَگے ہون نہ دیوے تعطیِل، طرح طرح حُکم دئے سُنائیا۔ کوُڑی کِریا کلجُگ رہن نہ دیوے کمیِن، کایا کپڑ لکّھ چؤراسی ویکھ وکھائیا۔ ساچی سِکھیا آتم پرماتم دیوے اِک تعلیِم، چار ورن اٹھاراں برن طُلبا کرے اِک پڑھائیا۔ نِراکھّر دسّ کے بِنا نُقطے میِم، الف توں یے حرف اِکو دئے سمجھائیا۔ جِس دی سارے کردے گئے تعظیِم، تنظیم وِچ لوکائیا۔ جوتی جوت سروُپ ہرِ، آپ اپنی کِرپا کر، سچ دوارا اِک وڈیائیا۔ جن بھگت کہے مَیں مُرشد دا بنیا مریض، گُرمْکھ پوُرا نظری آئیا۔ بِن اکّھاں کیِتی دیِد، نوُر نوُر وِچ سمائیا۔ جِس دا حُکم کرے تائید، فرمانا اِک سُنائیا۔ اگلا لیکھا دسےّ قریب، کربلیاں وِچ پئے دُہائیا۔ ایہہ کھیل ہونا عجیب، جِس نوُں سکے نہ کوئے جنائیا۔ بغل رہے نہ قُرآن مجیِد، مُلّا شیخ مسائک

سارے رہے کُرلائیا۔ پُرکھ اکال دیِن دَیال کلجُگ انتر کرنی ترتیب، بسنتر جگت دئے بُجھائیا۔ جوتی جوت سروُپ ہرِ، آپ اپنی کِرپا کر، جن بھگتاں پوُری کرے اُمید، آپ اپنے وِچ چُھپائیا۔ جن بھگت کہے مَیں ویکھ ہویا خوشحال، ابناشی کرتا نظری آئیا۔ تُوں آد جُگادی دیِن دَیال، غریِب نِمانیاں گود اُٹھائیا۔ صوُفی سنت فقیِراں کریں پرِتپال، پرِتپالک ہو کے ویکھے تھاؤں تھائنیا۔ سُنیں مُریِداں حال، ٹھاکر سوامی شہنشاہیِا۔ جھگڑا مُکاوے شاہ کنگال، آتم پرماتم برہم گیان دِرڑائیا۔ کلجُگ انت سِری بھگوَنت گُرمْکھ ویکھیں اپنے لال، لالن اپنے وِچ ٹِکائیا۔ گودی چُکے ننھے بال، بچپن اگلا دئے سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جُگ چؤکڑی لیکھا دئے مُکائیا۔ جن بھگت کہے کوُڑ کُڑیار کھیل ویکھ مُکدا، خوشی اندرے اندر آئیا۔ نگارہ سُننا اِکے تُک دا، تُخم تاثیر دئے بدلائیا۔ وِہار ویکھنا شبد انادی سُت دا، جو بھگتاں لئے اُٹھائیا۔ وقت ویکھنا ابناشی اچُت دا، جو چار کُنٹ کھوج کھوجائیا۔ جِس دا بھانا کدے نہ رُکدا، گُر اوتار پَیغمبر وِشن برہما شِو بَیٹھے سیِس نِوائیا۔ سو پُرکھ اکالا دیِن دَیالا نِرگُن ہو کے اپنی دھاروں اُٹھدا، جوتی جوت ڈگمگائیا۔ جن بھگتاں اُپر تُٹھدا، رُٹھیاں رہیا منائیا۔ ناتا جوڑ کے پِتا پُت دا، گوبِند دھار وِچ سمائیا۔ جھگڑا رہن نہیں دینا اوہلے لُک دا، ساکھیات ہو کے سبق دینا سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جُگ چؤکڑی اپنی کھیل کھِلائیا۔ جن بھگت کہے نؤ سؤ چُرانوے چؤکڑی جُگ پِچھوں آئی پرم پُرکھ دی واری، چار جُگ کہن کِچھ نہ پائیا۔ نِرمل جوت جگے اِک نِرنکاری، نِروَیر ہو کے حُکم سُنائیا۔ شبد اندر کرے خبرداری، بےخبراں خبر سُنائیا۔ کلجُگ کوُڑی رہن نہیں دینی سِکداری، سِکہ پِچھلا لَینا بدلائیا۔ نوَیں رُت اُپجے بہاری، پتّ ڈالی آپ مہکائیا۔ جن بھگتاں کھِلے پُھلواڑی، چار ورن مِل کے خوشی منائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دوُسر حُکم نہ کوئے سُنائیا۔ جن بھگت کہے مَیں پربھ دا حُکم سُندا، بِن کنّاں رہیا سُنائیا۔ بھیو کُھلاوے اپنے اگمّی گُن دا، گہر گمبھیِر دَیا کمائیا۔ لکّھ چؤراسی وِچوں بھگت سُہیلے تھوڑے چُندا، نوَ نؤ چار ویکھ وکھائیا۔ ناد سُنا کے اپنی اگمّی دُھن دا، دُھن آتمک راگ الائیا۔ پڑدا لاہ کے اگمّی سُنّ دا، سُتّیاں لئے جگائیا۔ جوتی جوت سروُپ ہرِ، آپ اپنی کِرپا کر، ناتا جوڑ کے اپنے خوُن دا، مضموُن اپنا لئے پڑھائیا۔ جن بھگت کہے مَیں پربھ دا پڑھنا مضموُن، کُتب خانیاں وِچوں کِتاب نہ کوئے وکھائیا۔ جِس دا دو جہاناں توں وکھّرا قانوُن، جُگ

چؤکڑی دھار نہ کوئے بدلائیا۔ جِس دا جلوہ جلال توں وکھرا جنوُن، زاویئے وِچ سکے نہ کوئے سمجھائیا۔ اوس کلجُگ انت کوُڑی کِریا جگت وِکار من مت بُدھ کر فضوُل، فَیصلہ حق دینا سُنائیا۔ دو جہاناں حُکم کرنا پئے قبوُل، سِر سکے نہ کوئے اُٹھائیا۔ سَت دھرم دا مارگ دسّنا اصوُل، اصلیّت اِک سمجھائیا۔ پربھ دے نام دا اَگے لئے نہ کوئے محصوُل، دیِن مذہب ذات پات چُنگی خانے دینے مِٹائیا۔ جن بھگتاں سِدھی بخشے چرن کوَل سچّی دھوُل، چرن دھوُڑی ٹِکاّ مستک آپ رمائیا۔ سچ سِنگھاسن آتم سیجا سُہائے جِس دی نہ پاوا نہ کوئے چوُل، بِن تیل باتی دِیپک جوت ہووے رُشنائیا۔ جِس گرِہ حُکم سندیشہ دیندا رہے معقوُل، مُکمل اپنا نام جنائیا۔ اوتھے جھگڑا مُکا کے قاتل مقتوُل، مِہر نظر اِک اُٹھائیا۔ سو دھام مقام قیام جن بھگتاں ہونا وصوُل، سَت سچ ملِے سرنائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی نِرگُن روُپ سدا ابھوُل، بُھلیاں رستے دئے لگائیا۔

۲۱ پھگّن شہنشاہی سمت ۱ بدھاوا سِنگھ دے گرِہ پِنڈ مراج ضِلع بٹھِنڈا

جُگ چؤکڑی پربھ بھگت سُہیلا، سچ ساجن اِک اکھوائیندا۔ وسنہارا دھام نَویلا، سَت سَتوادی ویس وٹائیندا۔ کرے کھیل اگمّ اتھاہ اِک اَکیلا، ایکنکار اپنی دَیاکمائیندا۔ سنت گُرمْکھ کر کر میلا، جنم جنم دا وِچھوڑا پندھ چُکائیندا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیندا۔ جن بھگتاں پربھ کھولے پڑدا، پڑدے اندر کرے رُشنائیا۔ دروازہ کھول کے اپنے در دا، درے دربار دئے وکھائیا۔ جِتھے ناد اگمّی شبد وجّدا، جگت ستار نہ کوئے سُنائیا۔ امرت جھِرنا جھِردا، بوُند رِسک رِسک ٹپکائیا۔ صاف ہووے ہِردا، ہِردے ہرِ جوُ نظری آئیا۔ مِلاپ ہووے پت پرمیشور پِر دا، پریِتم ہو کے گود اُٹھائیا۔ دوارا وکھاوے گھر تھِر دا، جِتھے سنت سُہیلا بہہ کے خوشی منائیا۔ جوتی جوت سروُپ ہرِ، آپ اپنی کِرپا کر، ہرجن لیکھا دئے چُکائیا۔ جن بھگتاں وکھائے گھر اِک، ایکنکارا نظری آئیا۔ بِن اکّھاں آوے دِس، دہِ دِشا ہووے رُشنائیا۔ جِس منزل اُتے چڑھ کے شبدی دھار بن دا سِکھ، سِکھیا منّے بےپرواہیِا۔ گوبِند اوسے دا لیکھا گیا لِکھ، جِس دا لیکھ نہ کوئے بدلائیا۔ سو سمرتھ ہو کے ہتّھ رکھے پِٹھ، پُشت پناہ آپ

ٹِکائیا۔ سُہیلا بنے نوِت نِت، نِج نیتر درس دِکھائیا۔ بِرہوں وَیراگی لائے سِک، سِخر چوٹی دئے چڑھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جن بھگت مِلدا ساچے تاٹ، تٹ اِکو دئے وکھائیا۔ جِتھے اگلی منزل رہے نہ واٹ، پیَنڈا پندھ مُکائیا۔ اندھیری رہے نہ رات، سچ نوُر رُشنائیا۔ کوُڑیاں دی رہے نہ جماعت، بھگتاں وِچ مِل کے خوشی منائیا۔ امرت ملِے بوُند سوانت، اگنی اگّ بُجھائیا۔ درس دیوے اِک اِکانت، گھر بَیٹھا نظری آئیا۔ بند کِواڑی کُھل جائے تاک، اوہلا رہے نہ رائیا۔ گھر سوامی صاحب سَتگُر ملِے آپ، آپ آپا وِچوں پرگٹائیا۔ بِن اکھّراں والی دسےّ اوہ اگمّی بات، جو باطن پڑدا دئے کُھلائیا۔ جوتی جوت سروُپ ہرِ، آپ اپنی کِرپا کر، جن بھگتاں نظری آئے ساکھیات، سخا سُہیلا اِکو اِک اکھوائیا۔ جن بھگت کہن پربھ منّ ساڈی ارداس، عرض اِکو وار سُنائیا۔ سد رکھ اپنے پاس، پاسا لےَ بدلائیا۔ نِج آتم ہووے واس، نِج گھر وجےّ ودھائیا۔ من ممتا ہوئے ناس، کوُڑی کِریا نہ کوئے ہلکائیا۔ ساچے منڈل پَوے راس، بِن گوپی کاہن دے وکھائیا۔ تیرے وِچھوڑے وِچ ہووے نہ کدے اُداس، چِنتا اندروں دے کڈھائیا۔ صدی چؤدھویں انت اَخیِری پوُری کرنی آس، آکاش پاتال لیکھا دینا مُکائیا۔ سچ بھوُمکا دسّ استھان نِواس، استھل اِکو نظری آئیا۔ جِتھے جوت جوت پرکاش، سوُرج چند نہ کوئے چمکائیا۔ جوتی جوت سروُپ ہرِ، آپ اپنی کِرپا کر، مِہر مُحبّت وِچ رکھائیا۔ جن بھگت کہے پربھوُ تیرے مِلن دا سدا چاؤ، جُگ چؤکڑی دھیان لگائیا۔ کلجُگ انت اَخیِری آپ پکڑ باہوں، لکّھ چؤراسی وِچوں لےَ اُٹھائیا۔ تیرے ہتّھ عدل اِنصاف نِیاؤں، عادل اِکو نظری آئیا۔ مِہروان ہو کے سِر دے ٹھنڈی چھاؤں، اگنی تت نہ لاگے رائیا۔ نِو نِو لاگاں تیرے پاؤں، چرن سرن ملِے سرنائیا۔ ہؤں بالک تُوں دُھر دا پِتا ماؤں، پت پرمیشور اِک اکھوائیا۔ تیرے اُتوں سد سد بل بل جاؤں، سد سد تیری سیو کمائیا۔ جوتی جوت سروُپ ہرِ، آپ اپنی کِرپا کر، ہنس روُپ بنا کاؤں، کاگ بُدھی رہن نہ پائیا۔ جن بھگت کہے پربھوُ ہنس بنا لےَ کاگ، سوہنگ مانک موتی چوگ چُگائیا۔ دُرمت مَیل دھو داغ، کوُڑی کِریا دے کھپائیا۔ انتر اُپجا اپنا راگ، شبد اگمّی دُھن سُنائیا۔ سوئی سُرتی جاوے جاگ، آلس نِندرا دے مِٹائیا۔ تیری اِکو سُن آواز، لکّھ چؤراسی ناتا جائیے تُڑائیا۔ بھیوَ ابھیدا کھول دے راز، رازق رِزق رحیِم تیری اوٹ تکائیا۔ جھگڑا مُک جائے شرع نماز، لِکھن پڑھن دی لوڑ رہے نہ رائیا۔ کایا کھیڑا کر آباد، اُجڑی نگری دے وسائیا۔ جِس وِچ سدا تیری رہے یاد، یادداشت اِکو دے بندھائیا۔

عِشق رہے نہ کوئی دوُجا حقیِقی مِجاز، مجلس اپنی دے وکھائیا۔ لکّھ چؤراسی وِچوں کر آزاد، جم کی پھاسی دے تُڑائیا۔ بِن تیرے دوُسرے ڈنڈؤت نہ ہووے آداب، ادب اِکو دے سمجھائیا۔ سچکھنڈ دوارے چرن پریِتی سچ دا دے خِطاب، شاہ نواب سِر اپنا ہتّھ ٹِکائیا۔ تیرا مندر محل اٹل اچل اُچ ویکھاں محراب، محبوُب سوہنا نظری آئیا۔ جِتھے گُر اوتار پَیغمبر وِشن برہما شِو ہوئے لاجواب، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، گھر ساچے دے سرنائیا۔ ساچے گھر پربھوُ دے دے سرن، کلجُگ کوُڑی کِریا رہن کوئے نہ پائیا۔ اپنے لیکھے لا لےَ جنم مرن، مرجیِوت روُپ وٹائیا۔ تُوں صاحب سوامی تارن ترن، تارنہار تیری اوٹ تکائیا۔ نیتر کُھل جائے ہرن پھرن، چاروں کُنٹ ہوئے رُشنائیا۔ جھگڑا چُک جائے ورن برن، ذات پات ونڈ نہ کوئے ونڈائیا۔ رائے دھرم نہ آوے پھڑن، چِتر گُپت لیکھا نہ کوئے پرگٹائیا۔ تیرے بھگت تیری منزل چڑھن، اَدھ وِچکار سکے نہ کوئے اٹکائیا۔ تُوں میرا مَیں تیرا سوہنگ ڈھولا پڑھن، باقی دی لوڑ رہے نہ رائیا۔ بِن پؤڑیؤں ڈنڈیوں سچکھنڈ دوارے وڑن، نِرگُن ہو کے نِرگُن وِچ سمائیا۔ جوتی جوت سروُپ ہرِ، آپ اپنی کِرپا کر، جن بھگتاں نال پوُرا قؤل اِقرار کر پرن، پرتینِدھ ہو کے آپے ویکھ وکھائیا۔ جن بھگت کہن پربھوُ ویکھ کلجُگ انت اپنا سماج، سچ سمگری نظر کوئے نہ آئیا۔ شؤہ دریائے ڈُبن والا جہاز، بیڑا سکے نہ کوئے اُٹھائیا۔ من واسنا کوُڑی کِریا گھر گھر کرے ناچ، مُکھ گھُنگٹ رہی وکھائیا۔ ساچا سجدہ پڑھے نہ کوئی نماز، وُضوُ حق نہ کوئے کرائیا۔ شاستر سِمرت وید پُران میٹ نہ سکے اندھیری رات، ساچا چند نہ کوئے رُشنائیا۔ دیِن دُنی نار ہوئے کمذات، ہرِ کنت نہ کوئے ہنڈھائیا۔ جھگڑے جھگڑن سنت سادھ، سادھنا سچ نہ کوئے سمجھائیا۔ تیرے پریم پیار اندر ہویا نہ کوئے وِسماد، بِسمل ہو کے اپنا آپ مِٹائیا۔ پرم پُرکھ پرماتم تیرے اَگے کیِتی سچ ارداس، فرمابردار ہو کے عرض دِتی سُنائیا۔ مایا ممتا کلجُگ کوُڑی کِریا کر برباد، نیست و نابوُد کر کے دے وکھائیا۔ تیریاں بھگتاں دا گُلشن مہکے اگمّا باغ، باغبان اِکو نظری آئیا۔ جوتی جوت سروُپ ہرِ، آپ اپنی کِرپا کر، ہرِ جوُ اپنی کار کمائیا۔ جن بھگت کہے پربھوُ آتم پرماتم دا وِچھوڑا کر دے ترک، تُرت اپنا حُکم سُنائیا۔ تیرا میرا رہے کوئی نہ فرق، فَیصلہ حق دے کرائیا۔ گوبِند نال تیری شرط، شرطیہ دئے گواہیِا۔ مَیں نِرگُن ہو کے آواں لوک مات پرت، پت پرمیشور روُپ وٹائیا۔ جوتی جاتا ہوواں اُپر دھرت، دھرنی دھرت دھؤل دیاں وڈیائیا۔ جن بھگتاں لہنا دینا چُکاواں اُپر عرش، عظیِم کریِم بےنظیِر نظم نغمہ ناما نام سُنائیا۔ جنم

جنم دی کرم کرم دی میٹاں حرص، حَیثیت اصلیّت اِکو دیاں وکھائیا۔ بھگتاں پریمیاں پیاریاں اُپر کر کے ترس، رحمت میگھ اِک برسائیا۔ جو بِرہوں وِچھوڑے وِچ رہے تڑپ، پھڑ باہوں گلے لگائیا۔ پوُری کراں لِکھت پڑھت، کیِتا قؤل اِقرار نہ کدے بُھلائیا۔ جوتی جوت سروُپ ہرِ، آپ اپنی کِرپا کر، کھیل کر مردانے مرد، جن بھگت تیری اِکو منگ منگائیا۔ جن بھگت کہے پربھوُ کِیوں لُکدا کایا اوہلے، پڑدا اوہلا دے چُکائیا۔ تیرے در دے جُگ چؤکڑی بنے رہے گولے، نانک نِرگُن سرگُن گیا سمجھائیا۔ اپنے نام دے بِن اکھّراں والے دسّ ڈھولے، ڈھولک چَھینے دی لوڑ رہے نہ رائیا۔ چار جُگ گُر اوتار پَیغمبر تیرے بنے رہے وِچولے، لوک مات ناتے گئے جُڑائیا۔ جن بھگت تیرے پریم پیار اندر مؤلے، مؤلا ہو کے درس دِکھائیا۔ منزل پیَنڈا پندھ مُکا دے ہؤلے ہؤلے، آہستہ آہستہ اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل اُپر دھؤلے، دھوَل ڈھیَہہ پئی سرنائیا۔ جن بھگت کہن پربھوُ ویکھ کھیل اُپر دھرتی، دھرنی رہی کُرلائیا۔ غریِب نِمانیاں سُن عرضی، آرزوُ رہے جنائیا۔ مِہروان محبوُب بن دردی، دُکھیاں دُکھ ونڈائیا۔ لکّھ چؤراسی مانَس جنم جائے ہردی، ہِردے ہرِ نہ کوئے وسائیا۔ سمجھ نہ آئی پُرکھ اکال تیرے گھر دی، گھٹ بھیِتر کھوج خوشی نہ کوئے منائیا۔ چؤداں وِدیاں جگت بُدھی پڑھدی، تیرے نام دی پٹّی نہ کِسے لِکھائیا۔ جوتی جوت سروُپ ہرِ، آپ اپنی کِرپا کر، تُوں آد جُگاد جُگ چؤکڑی سب دا مالک کِیوں کھیل کرے فرضی، فَیصلہ حق دے دِرڑائیا۔ جن بھگت کہن پربھوُ فَیصلہ دے وِچوں حق حقیِقت، حُکم اپنا اِک سُنائیا۔ تیری شرع لاشریِکت، لاثانی تیرا نوُر نظری آئیا۔ تیرے اُتے وڈ اہمیّت، آمد وِچ بَیٹھی سرب لوکائیا۔ جوتی جوت سروُپ ہرِ، آپ اپنی کِرپا کر، جن بھگتاں بدل دے طبیعت، مِہر نظر اِک اُٹھائیا۔ جن بھگت کہن پربھ ویکھیں انت نہ دیویں پِچھا، پِچھلی کہانی یاد کرائیا۔ ساچے سنتاں پوُری کرنی اِچھا، آسا منسا نال مِلائیا۔ کلجُگ انت کرنی رچھا، رَچھک ہو کے ہوئیں سہائیا۔ نام پدارتھ پاؤنی بِھچھا، بِھکھک ہو کے جھولی رہے ڈاہیِا۔ جِنہاں گُرمْکھاں سِکھ لئی تیری ساچی سِکھا، سِخر چوٹی دینے چڑھائیا۔ نام نِدھانا ہتّھ پھڑاؤنا تیِر تِکھا، انیالا آپ پرگٹائیا۔ جو رہن نہ دیوے اَدھ وِچا، پار کنارے دئے لگائیا۔ تُوں مالک پرِتپالک سرِشٹ سبائی خالق پِتا، پاربرہم پربھ تیری آس رکھائیا۔ جن بھگت اُدھاری وڈّا نِکاّ، بُڈھا نڈھا فرق نہ

کوئے رکھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، کلجُگ لیکھا مُکاواں تیرا حِصّہ، حِصیداری پِچھلی دینی گوائیا۔

۲۱ پھگّن شہنشاہی سمت ۱ لابھ سِنگھ دے گرِہ پِنڈ چک فتح سِنگھ ضِلع بٹھِنڈا

دھرنی کہے جو میرے اُپر بَیٹھے اجّ، دھام آسن سِنگھاسن ٹِکائیا۔ دھار ویکھی اندر واسنا روُپ جگ، خواہش خاص رہی دِرڑائیا۔ دُنی وِہاراں وِچ رہے بھجّ، بھجّن چائیں چائنیا۔ گھر سوامی سجّن مِلیا نہ صد، صدقے واری نہ گھول گھُمائیا۔ نِج نیتر درشن کیِتا نہ رجّ، رجو طمعو سَتو پندھ نہ کوئے مُکائیا۔ نام پیالہ پیِتا نہ دُھر دی مدِ، سچ خُماری نہ کوئے چڑھائیا۔ جوتی جوت سروُپ ہرِ، آپ اپنی کِرپا کر، مِہروان ویکھ اپنی خلق خُدائیا۔ دھرنی کہے مَینوُں آوے ہاسا، ہستی وِچوں ہستی ویکھ وکھائیا۔ ساچا جلوہ نظر نہ آئے جوت پرکاشا، ظہوُر روُپ نہ کو بدلائیا۔ جگت واسنا وِچ تماشا، بھیوَ ابھید پڑدا نہ کوئے اُٹھائیا۔ دُھر دا حُکم سمجھے نہ کوئی آکھا، آخر منزل پندھ نہ کوئے مُکائیا۔ جگت اِتہاس جانن ساکہ، انبھوَ پڑدا نہ کوئے اُٹھائیا۔ ٹھاکر سوامی سجّن مِلیا نہ پت پرمیشور آقا، عقل بُدھی نہ کوئے چتُرائیا۔ سچ سمجھیا نہ جوتی جاتا، جاگرت جوت نہ کوئے رُشنائیا۔ جگت وِدیا بودھ گیاتا، عالم عِلم نہ اکھوائیا۔ جوتی جوت سروُپ ہرِ، آپ اپنی کِرپا کر، دُھر دا بھیو دے جنائیا۔ دھرنی کہے میرے اندروں بدل گئی رُچی، رچنا ویکھ خوشی منائیا۔ انگڑائی لئی سُتّی، کروٹ لئی بدلائیا۔ جھگڑا ویکھیا کایا بُتی، بُتخانے رہے کُرلائیا۔ منزل محبوُب چڑھ ویکھی نہ اُچی، محل اٹل سوبھا کوئے نہ پائیا۔ سچ کہانی اگمّ اتھاہ بےپرواہ کولوں کِسے نہ پُچھی، رمز راز وِچ سمجھائیا۔ جِس دی ودھائی وجّدی رہی آد جُگاد چؤہ جُگی، جُگ چؤکڑی کھیل ورتائیا۔ اوہ سب دی ویکھن پرکھنہارا بِبیک بُدھی، جوتی جوت سروُپ ہرِ، آپ اپنی کِرپا کر، دُھر دا حُکم اِک دِرڑائیا۔ دھرنی کہے مَیں ویکھیا سَت سنگ، گُرمْکھ گُرمْکھ ڈھولے گائیا۔ پریم پیار دا ویکھیا ترنگ، تُریا پد وجےّ ودھائیا۔ آتم پرماتم تکّیا سنگ، سوہنا روُپ وکھائیا۔ سچ گرِہ آیا انند، انند انند وِچوں پرگٹائیا۔ جوتی نوُر تکّیا چند، جلوہ اِکو اِک رُشنائیا۔ خوشی ہویا بند بند، بِن تن وجوُد وجّی ودھائیا۔ جوتی جوت سروُپ ہرِ، آپ اپنی کِرپا کر، ساچا رنگ رہیا وکھائیا۔

دھرنی کہے مَیں ویکھے گُرمْکھ سجّن میِت، سُہیلے دُھر دے نظری آئیا۔ جِنہاں دی اندروں بدلی نیِت، نیِتیوان سوہنے سوبھا پائیا۔ اِکو پرم پُرکھ پرماتم دا گاؤندے گیِت، گہر گمبھیِر رہے دِھیائیا۔ ٹھگؤری موُل نہ پائے منوُآ چیِت، چیتن سُرتی دئے کرائیا۔ جھگڑا چھڈ جائے ہست کیِٹ، اوُچ نیِچ بَیٹھے پندھ مُکائیا۔ پرم پُرکھ نال کر کے سچ پریِت، پریِتم اِکو رہے منائیا۔ جو کایا کرے ٹھانڈی سیِت، اگنی تت دئے بُجھائیا۔ جوتی جوت سروُپ ہرِ، آپ اپنی کِرپا کر، ویلا وقت سُہنجنا دئے سُہائیا۔ دھرنی کہے مَیں ہوئی خوشحال، خوشیاں وِچ نچّاں ٹپّاں کُداں چائیں چائنیا۔ گُرمْکھ ویکھے سوہنے لال، سجّن سُہیلے سوبھا پائیا۔ جِنہاں دے اندر پریِتم سدا نال، پاربرہم پربھ اپنا سنگ نِبھائیا۔ ناتا توڑ کے کال مہاکال، دھرمسال سچکھنڈ اِکو دئے وکھائیا۔ درشن کر گُرمْکھاں دا ہوئی مَیں نِہال، اُچی کوُک کوُک سُنائیا۔ جوتی جوت سروُپ ہرِ، آپ اپنی کِرپا کر، ہرجن ساچے دئے وڈیائیا۔ دھرنی کہے مَیں ویکھیا عجب نظارہ، بِن اکّھاں نظری آئیا۔ ہرجن ہرِ ہرِ ساچی دھار وِچ لگّے پیارا، وِوہار اِکو اِک دِرڑائیا۔ گُرمْکھاں نوُں شبد اگمّی انادی دُھن دا بِن رمز لگّے اِشارہ، عیَش و عِشرت دوویں دیِن گوائیا۔ محل ملِے اٹل اُچ منارا، گھر وِچ گھر وجےّ ودھائیا۔ جوتی جوت سروُپ ہرِ، آپ اپنی کِرپا کر، آتم پرماتم پرماتم آتم آد جُگاد جُگ چؤکڑی نِت نوِت کر کر ہِت، ساچا کردا رہے پریم پیارا، پرم پُرکھ پت پرمیشور مِہروان محبوُب اپنی دَیا کمائیا۔

۲۲ پھگّن شہنشاہی سمت ۱ ہرچرن سِنگھ دے گرِہ بٹھِنڈا

جن بھگتاں لہنا دینا دیوے دیِن دَیال، دَیال اپنی دَیا کمائیا۔ جُگ جنم دا لیکھا رکھّیا سنبھال، سہج سہج دئے ورتائیا۔ شاہ بنا کے کنگال، نام بھنڈارا جھولی پائیا۔ مِسل بنا کے بےمثال، مسّرت خوشی اِک پرگٹائیا۔ وِچھڑیاں کر سنبھال، رُٹھڑیاں لئے منائیا۔ گودی چُک کے بال، گوبِند ہوئے سہائیا۔ سُنے مُریِداں حال، مُرشد بےپرواہیِا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا ورتائیا۔ جن بھگت سدا رہیا جاگ، جاگنہار آپ جگائیا۔ سُندا رہے اگمّی آواز، دُنی خواہش دُھنی وِچ پرگٹائیا۔ سدا ویکھدا رہے ساتھ، سنگی ساتھی اِکو نظری آئیا۔ جو پوُری کردا رہے آس، مِہر نظر اِک اُٹھائیا۔ درس وِچھوڑے دی بُجھا کے

پیاس، ترس اپنا اِک کمائیا۔ بہُتا دُکھ آؤنا سی تِنّ وساکھ، اُسدا لیکھا رہیا چُکائیا۔ سجےّ انگ ولّوں ہونا سی پشچاتاپ، لّت ٹُٹی لئی جُڑائیا۔ سہائتا کرے بن کے باپ، پِتا ہو کے انگ لگائیا۔ دُکھیاں دے میٹ روگ سنتاپ، سُکھ دئے اُپجائیا۔ گُرمْکھ بوُٹا ویکھ کے وِچوں باغ، رُتی رُت دئے بدلائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ مِہر نظر کہے مَیں کراں کرم، کرم بھگتاں دیاں بدلائیا۔ گُرمْکھ دا نواں بناواں جنم، ملِے جگت وڈیائیا۔ اگنی دُکھ وِچ نہیں دِتا سڑن، ہویا آپ سہائیا۔ چِنتا وِچ نہیں دِتا وڑن، غماں توں لیا بچائیا۔ بخش کے اپنی سرن، ہویا صاحب سہائیا۔ کرنی آیا کرن، کرتا خَیرخواہیِا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ وِساکھ کہے میری اندروں نِکل گئی دھاہ، تِنّاں لوکاں رہیا سُنائیا۔ کی کیِتا بےپرواہ، نِرگُن ہو کے پھیرا پائیا۔ بھگت سُہیلا لیا بچا، کرنی دا کرن دِتا بُھگتائیا۔ حُکمے اندر لیا چُھڈا، حُکمی حُکم سُنائیا۔ جوتی جوت سروُپ ہرِ، آپ اپنی کِرپا کر، دیِن دَیال ہویا سہائیا۔ وساکھ کہے میرے اُتے آئی حَیرانی، ہِردے وِچ بوُجھ بُجھائیا۔ بہُتی ہوئی پریشانی، سُدھ بُدھ بُھلائیا۔ کِیوں پربھوُ کردا بھگتاں اُتے مِہروانی، مِہروان ہو کے پھیرا پائیا۔ کِرپا کر کے مَینوُں اوس دِن تھوڑی جِہی لا لیَن دیوے نِشانی، تیِر اِکو اِک چلائیا۔ مَینوُں بہُتا دُکھ کِیوں بخش دِتی زِندگانی، چرن مِلی سرنائیا۔ جوتی جوت سروُپ ہرِ، آپ اپنی کِرپا کر، پِچھلا لیکھا دے مُکائیا۔ پِچھلا لیکھا کہے مَیں منگاں کر اِک ارداس، سہجے سیِس نِوائیا۔ تُوں پربھوُ صاحب گُنتاس، سچ تیری سرنائیا۔ سد وسیں بھگتاں پاس، ہوئیں مات سہائیا۔ ویکھیں کِتے مِنّت منّ نہ لئیں تِنّ وساکھ، ڈھیری ہو کے داؤ نہ کوئے لگائیا۔ تیرے کول اچھل اچھلّ دی بہُتی جاچ، ول چھل کر کے دینا وقت لنگھائیا۔ اگلا دینا سچّا ساتھ، سنگی ہو کے نظری آئیا۔ مہاراج شیر سِنگھ وِشنوُں بھگوان، گھر آ کے در آ کے پت جائے راکھ، پِتر ہو کے جنم دینا بدلائیا۔

۲۲ پھگّن شہنشاہی سمت ۱ بُگر سِنگھ دے گرِہ پِنڈ برگاڑی ضِلع بٹھِنڈا

جن بھگت کہے پربھوُ کِسے ہتّھ نہ رہی تیری کُنجی، مندر قُفل نہ کوئے کُھلائیا۔ جگت واسنا لُٹا بَیٹھے پوُنجی، کلجُگ سنت رہے کُرلائیا۔ کوئی رمز نہ دِسے گُجھی، شبدی دُھن نہ کوئے شنوائیا۔ دھار تیرے توں رکھ کے دوُجی، بُدھ مت کرن پڑھائیا۔ ایہہ

کھیل نہیں ہُن لُکی، اوہلا پڑدا رہیا نہ رائیا۔ انتم اؤدھ سب دی مُکی، ویلا وقت دئے گواہیِا۔ گھرانہ دِسے کوئے نہ سُکھی، نیتر رووے جگت لوکائیا۔ جھگڑا پیا پِتا پُتیں، ساچی گود نہ کوئے سُہائیا۔ آتم پرماتم سُہائے کوئے نہ رُتی، رُتڑی تن نہ کوئے مہکائیا۔ من واسنا جگت ترِشنا بُھکھی، چار کُنٹ دہِ دِشا بھجےّ واہو داہیِا۔ تیری منزل سِری بھگوَنت نظر نہ آئے کِسے اُچی، اُچ اگمّ اتھاہ تیرا درس کوئے نہ پائیا۔ تیری دھار آتم ہو کے تیرے نالوں رُٹھی، سنمُکھ درس کوئے نہ پائیا۔ کِرپا نِدھان پاربرہم پت پرمیشور جن بھگتاں گنڈھ پا ٹُٹی، نام ڈوری جوڑ جُڑائیا۔ وست امولک دے جیہڑی گرِہ نہ جاوے لُٹی، ٹھگ چور یار سکے نہ کوئے چُرائیا۔ جُگ چؤکڑی نام بھنڈارا ورتاؤندا رِہوں بُھکھ وِچ دُکھی، ہؤلی ہؤلی اپنی گنڈھ کُھلائیا۔ کلجُگ انت سِری بھگوَنت پریمی پیاریاں انتر آتم کر دے سُچی، سنجم اِکو دے جنائیا۔ دِوس رَین اٹّھے پہر گھڑی پل تیرے نال لگّی رہے رُچی، رچنا ویکھنی چائیں چائنیا۔ جوتی جوت سروُپ ہرِ، آپ اپنی کِرپا کر، دُھر دا میل لئے مِلائیا۔ جن بھگت کہن کِسے کول نہ دِسے چابی، چار ورن رہیا کُرلائیا۔ کِرپا کر پربھوُ شتابی، ویلا وقت دئے گواہیِا۔ کلجُگ جیِو ہوئے باغی، من واسنا نال ہلکائیا۔ کوُڑی کِریا کیتےِ داغی، دُرمت مَیل نہ کوئے دھوائیا۔ سوئی سُرت کِسے نہ جاگی، جاگرت جوت کر رُشنائیا۔ جھگڑا پیا دیِن مذہب سماجی، ذات پات کرے لڑائیا۔ انتم سب دی اُلٹی کر دے بازی، بازی گر ہو کے سوامی اپنا ڈنک وجائیا۔ تیرے پریم پیار سچ دا رہیا کوئے نہ راگی، بِن تند ستار سُر نہ کوئے بنائیا۔ کوٹن وِچوں گُرمْکھ وِرلا جگت ترِشنا تیاگی، وَیراگی ہو کے تیرا راہ تکائیا۔ جوتی جوت سروُپ ہرِ، آپ اپنی کِرپا کر، گُرمْکھاں بنا لےَ آدھی، حِصّہ دُھر دا جھولی پائیا۔ جن بھگت کہن چار کُنٹ دہِ دِشا دِسے خالی، خالق خلق دئے دُہائیا۔ سَت وست نظر نہ آئے کِتوں بھالی، کوُڑی کِریا بھامبڑ مچے لوکائیا۔ چاروں کُنٹ مندر اندر دِسے رَین کالی، نِرگُن جوت چند نہ کوئے چمکائیا۔ آتم پرماتم بنیا کوئے نہ والی، تُدھ بِن مالک سنگ نہ کوئے نِبھائیا۔ گُر اوتار پَیغمبر شاستر سِمرت وید پُران انجیل قُرآن در تیرے سوالی، سارے بَیٹھے جھولی ڈاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ جن بھگت کہن پربھ چار کُنٹ اندھیرا دِسے گھُپ، کایا مندر اندر ہووے نہ کِسے رُشنائیا۔ کِیوں سوامی ہو کے بَیٹھوں لُک، ٹھاکر ہو کے پڑدا دے اُٹھائیا۔ تیری صِفت تیرے کولوں لئیے پُچھ، باہروں پُچھن دی لوڑ رہے نہ رائیا۔ آتم پرماتم نِج گرِہ ساچے مندر دے اگمّا سُکھ، جِس وِچ دُکھ نہ

لاگے رائیا۔ لکّھ چؤراسی وِچوں مانَس جنم مِلیا منُکھ، مایا ممتا موہ دے مِٹائیا۔ ساکھیات ہو کے سنت سُہیلے جن بھگت اپنے بنا لےَ سُت، اپرادھی رہن کوئے نہ پائیا۔ بھاگ لگا دے کایا ماٹی بُت، ساڈھے تِنّ ہتّھ وجّدی رہے ودھائیا۔ تیرے کول سب کُچھ، کِیوں بَیٹھا پڑدا پائیا۔ اُجل کر مات مُکھ، جو تیرا نام بِن رسنا جِہوا رہے گائیا۔ ساچے مارگ جاندیاں جان موُل نہ گھُس، رستہ اِکو دینا درسائیا۔ جوتی جوت سروُپ ہرِ، آپ اپنی کِرپا کر، اپنا رنگ دینا چڑھائیا۔ جن بھگت کہے پربھ اندر کُھلا ویکھیا نہ کوئے جندر، زِندگی سکے نہ کوئے بدلائیا۔ لگّا بھاگ نہ کایا ماٹی مندر، مند واسنا نہ کوئے کڈھائیا۔ چؤراسی توڑے نہ کوئے بندھن، بندگی حق نہ کوئے سُنائیا۔ در ملِے نہ پرمانندن، نِجانند نہ کوئے رسائیا۔ چار ورن اٹھاراں برن ٹُٹی آئے کوئی نہ گنڈھن، سُرتی شبدی جوڑ نہ کوئے جُڑائیا۔ برہم وِدیا دا رہیا نہ کوئی براہمن، بھرمے بھری لوکائیا۔ تیرے نام دا بِن اکھّراں توں کرے کوئی نہ ورنن، جگت وِدیا والی کرن پڑھائیا۔ جوتی جوت سروُپ ہرِ، آپ اپنی کِرپا کر، ساچا سگلا سنگ رکھائیا۔ جن بھگت کہن پربھوُ جن بھگتاں کھول کھِڑکی، کھڑکھڑاہٹ رہن کوئے نہ پائیا۔ آسا لگّی پوُرب جنم چِر کی، چِری وِچھُنے لےَ مِلائیا۔ ایہو کھیل آد جُگادی سچّے پِر دی، پریِتم ہو کے اپنی گود اُٹھائیا۔ نِگاہ بدل دے اپنی مِہر دی، محبوُب ہو کے اپنا رنگ چڑھائیا۔ ہُن کھیل نہیں بہُتی دیر دی، اگلا پندھ دے مُکائیا۔ جوتی جوت سروُپ ہرِ، آپ اپنی کِرپا کر، گھر اپنے لےَ ٹِکائیا۔ جن بھگت کہن پربھ سدا کُھلی رکھ بجر کپاٹی، کپٹ رہن کوئے نہ پائیا۔ وست دے گھر دی ہاٹی، باہر ونج نہ کوئے کرائیا۔ بھاگ لگّے کنچن دھار ماٹی، مٹکی اندر ہوئے رُشنائیا۔ بوُند دے اگمّ سوانتی، اگنی تت بُجھائیا۔ جھگڑا میٹ جگت والی ذاتی، آتم برہم دے درسائیا۔ تُوں صاحب کملاپاتی، پت پرمیشور نظری آئیا۔ جن بھگت تیرے حُکم دی منّن آکھی، اکھّراں والی چھڈن پڑھائیا۔ وست امولک دے داتی، داتا ہو دے دَیا کمائیا۔ تیرے وِچھوڑے وِچ پربھوُ لنگھے کوئے نہ راتی، راتیں سُتّیاں دِنے جاگدیاں اندر بہہ بہہ خوشی منائیا۔ کِیوں تُوں صاحب پُرکھ ابناشی، شاہ پاتشاہ سچّا شہنشاہیِا۔ سدا سچکھنڈ نِواسی، مقامے حق سوبھا پائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، اگلی منزل میٹ واٹی، پندھ پِچھلا رہے نہ رائیا۔