کتب خانہGranth 19 (Urdu)

پہلی وِساکھ شہنشاہی سمت ۲ ہرِ بھگت دوار جیٹھوُوال

وطن ولّ پھیرا پایا ساکھیات، بےوطن گُرمْکھ رہیا اُٹھائیا۔ نوَ نؤ چار پِچھوں آیا اوہ وِساکھ، جو وساہ کے سرِشٹی وِچوں بھگتاں دی درِشٹی لئے بدلائیا۔ بِن اکھّراں توں جو گوبِند گیا آکھ، بِن سطراں سَت سَت سمجھائیا۔ سو صاحب سوامی انترجامی نِرگُن دھار ویکھن آیا آپ، آپ اپنا پھیرا پائیا۔ جِس دا ایتھے اوتھے دو جہان آد جُگاد کرے کوئی نہ ناپ، پَیمانیاں وِچوں پَیمائش نہ کوئے رکھائیا۔ سو کرن آیا کھیل انترجامی پُرکھ ابناش، کرنی دا کرتا دَیا کمائیا۔ وِچھڑی رہن نہ دیوے کوئی سکھی نار کمذات، کلُکھنی روُپ نہ کوئے بنائیا۔ اندر باہر گُپت ظاہر روُح بُت دوویں کر دئے پاک، پُنیِت پوِت آپ کرائیا۔ اِک جپا کے دُھر دا جاپ، جیِون جُگت جُگت دئے بدلائیا۔ بِنا بینتی کیِتی ارداس، آس سب دی ویکھ وکھائیا۔ چار کُنٹ دہِ دِشا اٹھسٹھ تیِرتھ اندر مسجد شِودوالے مٹھ گُرمْکھ کِسے لبھنی نہ پئے خاک، در در الکھ نہ کوئے جگائیا۔ پاربرہم پت پرمیشور پُرکھ اکالا اپنے مِلن دی آپے دسّ دئے جاچ، یاچک اپنے لئے اُٹھائیا۔ کوٹ جنم دی بھگتی نالوں سُہنجنی ہو جائے اجّ دی رات، گُر اوتار پَیغمبر ویکھ ویکھ خوشی منائیا۔ بھگت سُہیلا اِک اَکیلا شاہ

سُلطانا نؤجوانا مرد مردانہ پُچھنہارا دُھر دی وات، لوک مات پھیرا پائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ وطناں ولّ پائی پھیری، پِھر کے اپنا آپ بدلائیا۔ جو لیکھا جانے آد جُگاد گُروُ گُر چیری، لکّھ چؤراسی کھوج کھوجائیا۔ گُرمْکھو سَتگُر پوُرا جان دا وِچھڑی کیہڑی کیہڑی، جُگ جنم دی پوُرب راہ تکائیا۔ وِچھوڑے دی رُتڑی پِچھے بیِت گئی بتھیری، چؤکڑی دئے گواہیِا۔ کلجُگ رَین ویکھو اندھیری، ساچا چند نہ کوئے چمکائیا۔ بِن پُرکھ اکال ساگر وِچوں کڈھ لئی سب نے اپنی اپنی بیڑی، نؤکا نام نہ کوئے وکھائیا۔ ابناشی کرتا دیِن دَیال نِرگُن دھار ہو کے لاوے کوئے نہ دیری، ڈیریاں وِچوں ڈنڈے دئے اُٹھائیا۔ دھنّ بھاگ جے گُرمْکھو تُساں ایہہ اندروں چھیڑ چھیڑی، مانگت ہو کے منگ منگائیا۔ اَگے کوُڑ دی رہن نہ دیوے اندھیری، اندھ اندھیرا دئے گوائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ وطن وِچ آ کے پڑھن نہ دیوے کوئی پوتھی، پُستکاں توں کھہڑا لئے چُھڈائیا۔ اِکو منزل دسےّ سؤکھی، سہج پڑدا دئے اُٹھائیا۔ گھاٹی رہے نہ کوئی اؤکھی، پلّوُ اپنے نال بندھائیا۔ جن بھگت سُہیلے دُھر دے بنا شؤقی، شان اپنے نال ودھائیا۔ آتما چؤراسی وِچ رہے نہ بھؤندی، بھَوجل وِچ نہ کوئے رُڑھائیا۔ جیہڑی تُونہی تُوں ہی ڈھولا گاؤندی، گہر گمبھیِر وِچ سمائیا۔ پُرکھ اکال کھیل کر کے اپنے گؤں دی، کھیڑا تُہاڈا دئے وسائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ وطن ولّ آ کے تکّن لگّا، لگ ماتر پِچھلی ویکھ وکھائیا۔ دو جہان کوُک پُکار اُٹھے پربھوُ بِن بھگتاں تیرا ودھے کوئی نہ اَگا، اگلا کھیل نہ کوئے دِرڑائیا۔ بِن دھرم دواریوں دوُجی نظر نہ آئے کوئی جگہ، چار کُنٹ کوُڑ کُڑیار ہویا ہلکائیا۔ چیلے گُروُآں نال تے گُروُ چیلیاں نال کرن دغا، کلجُگ ریِتی سوہنی دِتی بنائیا۔ تیرے شبد دھار وِچ شبد روُپ کوئے نہ بجھّا، بھجن بندگی وِچ لگّی جگت لوکائیا۔ پیٹ کارن کردے من واسنا گجا، صدا حق نہ کوئے سُنائیا۔ تیرا نوُر ظہوُر بےمنظوُر کِسے نہ لبھا، منظوُری وِچ منصوُر روُپ نہ کو بدلائیا۔ کِسے کمّ نہ آیا پڑھیا گّگا گھّگھا، گھر اپنے چڑھ کے ہرِ کنت مِل نہ خوشی منائیا۔ آتم پرماتم رس مانیا نہ اوہ مزہ، جِس دا مذاق دُنیا رہی اُڈائیا۔ ابناشی کرتا کہے جن بھگتو مَیں تُہاڈی چلاں سدا وِچ رضا، رمز اپنی اندرے اندر لگائیا۔ بےوطن ہون دی جے سچّی پُچھو وجہ، بھیوَ ابھیدا دیاں کُھلائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے اُٹھائیا۔ جن بھگت کہن بےوطن ہوئے کِیوں، ابناشی کرتے دے دِرڑائیا۔ سِری بھگوان کہے تُہاڈا گوبِند نال نیہوں، ایسے کارن لوک

مات جنم دِتا دوائیا۔ جو انت اَخیِر بےنظیِر بِن اکھّر بِن لیکھ لِکھت کہہ کے گِیوں، اوڑک لیکھا پوُرا کرائیا۔ کُچھ عیسیٰ منگ منگی اَگے دیؤ، دیِن ہو کے سیِس جھُکائیا۔ سو کھیل کرے الکّھ ابھیؤ، اگمّ اتھاہ بےپرواہیِا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ جن بھگت کہن نہیں کُچھ پیا پلّے، بھیو دُھر دا دے کُھلائیا۔ کِیوں تیری دھار نہیں رلے، ہُندی رہی جُدائیا۔ کی من واسنا رہے جھلّے، بُدھی چلی نہ کوئے چتُرائیا۔ کِیوں وِچھوڑے تیِر رہے سلّے، سلل میل نہ کوئے مِلائیا۔ جوتی جوت سروُپ ہرِ، آپ اپنی کِرپا کر، پڑدا دے اُٹھائیا۔ سِری بھگوان کہے بھگتو کی دسّاں، داستان پِچھلی دیاں دوہرائیا۔ جِس ویلے گوبِند ماچھوُواڑے میرے نال لائیا اکّھاں، اکّھاں اکّھاں وِچوں بدلائیا۔ سیج سُہاؤنی ہوئی ککھّاں، اوڈھن نظر کوئے نہ آئیا۔ ہتّھ مار کے اُتے پٹّاں، پٹنے والے خوشی منائیا۔ میرا راگ کوئی کِسے نہیں گاؤنا بھٹّاں، واراں وِچ نہ کوئے چھپوائیا۔ پُرکھ اکال مَیں اپنا پیار تیرے اندر رکھاں، دُنیا ہتّھ نہ کدے پھڑائیا۔ مَیں تَینوُں سدا بناؤنا اپنی جننی یچّا، تیری گود بہہ کے خوشی وکھائیا۔ مَیں کوئی کھان پین والا گُروُ نہیں کچّا، کنچن گڑھ نہ کوئے سُہائیا۔ مَیں تیری دھار وِچ رچا، پنج تت نہ کوئے وڈیائیا۔ لوک مات آیا تے کرکے تیرے نال متا، دوُجے نال صلاح نہ کوئے رکھائیا۔ ہُن تیرے ستھر لتّھا، دوُجی سیج نہ کوئے ہنڈھائیا۔ پُرکھ اکال خوشیاں وِچ ہسّا، ہستی اپنی لئی بدلائیا۔ گوبِند مَیں مُڑ کے تیرے کھیڑے اندر وساں، بِن تیرے مندر ڈیرہ اوَر نہ کوئے سُہائیا۔ گوبِند کِہا پربھوُ کی تَینوُں میرے ورگے لکّھاں، کوٹن کوٹ نظری آئیا۔ سِری بھگوان کِہا نہیں مَیں تیرے اندر اپنا آپ ڈھکاں، ڈھئیا تیرا میرا دئے گواہیِا۔ گوبِند کِہا کی باپ نہیں سکا، سکیاں توں لئیں چُھڈائیا۔ پُرکھ اکال کِہا اچّھا، اچّھی طرح دیاں وکھائیا۔ جیہڑا لیکھ کِسے نہ لِکھا، اوہ تیرے نال لَواں بنائیا۔ گوبِند کِہا پہلوں تاریں میریاں سِکھاں، جو سِکھیا وِچ تیرا میرا نام دِھیائیا۔ پُرکھ اکال دیِن دَیال جے اوہناں نوُں دیویں پِچھا، مَینوُں تیری لوڑ رہے نہ رائیا۔ مَیں کِسے ہتّھ نہیں آؤنا مندر اِٹّاں ، پتّھراں وِچ نہ ڈیرہ لائیا۔ میرے پُتراں پِچھے گُرمْکھاں دیاں لِکھیاں چِٹاں، جِنہاں دا حرف نہ کوئے بُجھائیا۔ سِری بھگوان کِہا مَیں اوہناں دا لیکھا نِجٹّھاں، نیرن نیر ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند کِہا ویکھ پربھوُ بےوطن، دُھر سندیشہ اِک جنائیا۔ مَیں چھڈیا کیہڑا پتن، ڈیرہ کوَن کِنار ٹِکائیا۔ کُچھ تھوڑا حال آیا دسّن، سب نالوں کر جُدائیا۔ ذرا تکّ اپنی اکّھن، بےنظیِر نظر اُٹھائیا۔ جوتی جوت سروُپ ہرِ، آپ

اپنی کِرپا کر، دیِن دَیال ویکھ وکھائیا۔ پُرکھ اکال کِہا گوبِند تیرا بےوطن نہیں لوک مات، وطن ساچا دیاں وکھائیا۔ بِن تیری دھار میری پرگٹ نہ ہووے ذات، ظاہر ظہوُر نہ کوئے رُشنائیا۔ دُھر دا دیوے نہ کوئے ساتھ، سگلا سنگ نہ کوئے بنائیا۔ ڈھولا گائے نہ کوئی پُرکھ ابناش، بےپرواہ دی بےپرواہی نہ کوئے دِرڑائیا۔ ساچا میلا کرے کوئی نہ آپ، اپنا آپ بھیٹ نہ کوئے کرائیا۔ مَیں کِس دا بناں باپ، سُت دُلارا کوَن اکھوائیا۔ ایہہ اگمّی کھیل تماش، قلم شاہی نہ سکے کوئے سمجھائیا۔ جوتی جوت سروُپ ہرِ، آپ اپنی کِرپا کر، دُھر سندیشہ اِک سُنائیا۔ گوبِند کِہا مَینوُں وطن بےوطن دی نہیں لوڑ، لوڑیِندے ساجن دیاں دِرڑائیا۔ سب توں پہلے گُرمْکھ میرے سجّن لَینے جوڑ، جوڑی دُھر دی آپ بنائیا۔ جو اپنا آپ گھولی گئےگھول، انتر آتم پریم ودھائیا۔ میرے نال پوُرا کر قؤل، اِقرارنامہ دے بنائیا۔ پُرکھ اکال ہؤلی جیہی کِہا بول، شبد اگمّی آواز سُنائیا۔ کلجُگ انت اَخیِر بےنظیِر گُرمْکھ سنت سُہیلا رہن نہ دیواں کوئی انبھول، سُرتی وِچوں سُرتی آپ جگائیا۔ گوبِند سدا تَینوُں رکھاں کول، وِچھوڑے وِچ وِچھڑ کدے نہ جائیا۔ جوتی جوت سروُپ ہرِ، آپ اپنی کِرپا کر، دیونہارا اِک سرنائیا۔ گوبِند کِہا سُن ٹھاکر میرے سوامی، پرم پُرکھ دیاں دِرڑائیا۔ تُوں آد جُگادی انترجامی، انتر آتم ویکھ وکھائیا۔ میرے گُرمْکھاں دی وکھری ہووے نِشانی، نِشانہ تیِر اِک درسائیا۔ نِرگُن ڈھولا آتم پرماتم پڑھن بانی، بناں وِچ کھوجن دی لوڑ رہے نہ رائیا۔ اوہناں واسطے کرن آیا آسانی، اصل وِچ ایسے کارن ستھر رہیا ہنڈھائیا۔ تُوں پُرکھ اکال کرنی مِہروانی، محبوُب ہو کے مِل کے خوشی منائیا۔ جن بھگتاں اندر میری شبدی دھار زِندگانی، تتّاں دے جیِون دی لوڑ نہ کوئے وکھائیا۔ جِنہاں دا سدا پد نِربانی، نِروَیر ہو کے نِروَیر اپنی دَیا دینی کمائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ سِری بھگوان کہے مَیں دَیاکماوانگا۔ گوبِند تیری دھار، دھرم دا روُپ سچ پرگٹاوانگا۔ کلجُگ ویکھ انتم وار، کل کلکی ناؤں پرگٹاوانگا۔ سنت سُہیلے آپ اُبھار، گُرمْکھ گُر گُر رنگ رنگاوانگا۔ لکّھ چؤراسی وِچوں بھال، سجّن سُہیلے آپ جگاوانگا۔ جِنہاں پِچھے بھیٹا کیتے لال، اوہ لال اپنے رنگ رنگاوانگا۔ سچ دوارا وکھا سچّی دھرمسال، بےوطناں دا وطن آپ وساوانگا۔ رنگ چڑھا کے شاہ کنگال، اوُچ نیِچ پندھ مُکاوانگا۔ لکّھ چؤراسی وِچوں کر بحال، جم کی پھاسی پھند تُڑاوانگا۔ پھل لگا کے تیری ڈال، مالی ہو کے ویکھ وکھاوانگا۔ آپے ویکھ مُریِداں حال، مُرشد ہو کے خوشی مناوانگا۔ ترےَگُن مایا توڑ جنجال، جاگرت جوت اِک رُشناوانگا۔ لیکھا چُکا کے ماضی حال،

اگلا اپنے ہتّھ وکھاوانگا۔ اوہناں پوہ نہ سکے کال، کلجُگ کوُڑ کلیش مِٹاوانگا۔ جِس ویلے گُرمْکھ اَگے کرن سوال، سب دا لیکھا پلٹ کے جھولی پاوانگا۔ ساچے وطن دیواں سوال، پھڑ باہوں آپ ٹِکاوانگا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھاوانگا۔ گوبِند کِہا پربھوُ ایہہ کیہڑی تیری مِہروانی، بہُتی خوشی نہ مَیں منائیا۔ جِنہاں تیرے پِچھے جوبن لائی جوانی، اپنا آپ بھیٹ کرائیا۔ کی ہویا تُوں تتّاں دا بن گِیوں دانی، پنج تت دئیں وڈیائیا۔ ایہہ ناٹکاں والی کھیل آسانی، گوبِند شبد کدے نہ بھائیا۔ میرا جھگڑا رہنا نہیں کوئی دیوانی، فَیصلہ اِکو وار سُنائیا۔ جے مِلنا پھیر کاہدی مِہروانی، اِحسان سِر نہ کوئے رکھائیا۔ میرا سِکھ پربھوُ تیری قیِمت ٹکیاں وِچ نہ چُکائے کوئی دوانی، متھے ٹِکؤن دی لوڑ رہے نہ رائیا۔ جِنہاں پِچھے تیری لوح اُتے بہہ گیا سُت بھانی، آپ اپنا تیری گود ٹِکائیا۔ کلجُگ انت گُرُمکھ میری ہوئے اوہ نِشانی، جو نِشانہ تیرا ناؤں تیِر چلائیا۔ جوتی جوت سروُپ ہرِ، آپ اپنی کِرپا کر، مِہر نظر نال اُٹھائیا۔ پُرکھ اکال کِہا میرے اُتے نہ کر اِحسان، اصل دیاں جنائیا۔ گوبِند کِہا او پربھوُ تُوں کیہڑا میرا ججمان، مَیں مراسی ڈوم بن کے منگن آئیا۔ مَیں تیرا بال نادان، بچّیاں وانگ گودی بہہ کے سب کُچھ لےَ کے کھا کے خوشی منائیا۔ مَیں کوئی ہزاراں لکّھاں سکھیِاں دا گِنتی والا نہیں کاہن، ہِندسیاں وِچ انک نہ کوئے بنائیا۔ بِن میرے تیرا جھُلے نہ کوئے نِشان، نِشانہ سچ نہ کوئے وکھائیا۔ مَیں تیرا حُکم کراں پروان، منّاں چائیں چائنیا۔ تَینوُں دینا پئے سچ پریِتی دا دان، دوُجی منگ نہ کوئے منگائیا۔ جِس ویلے نِرگُن دھار سَت سچ دا آویں بھگوان، بھاگ گُرمْکھاں دینا بدلائیا۔ ابناشی کرتے تیرے در تے کیہڑے ڈھولک چَھینیاں والے لگنے دیوان، مست دیوانے نام خُماری وِچ دینے کرائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دینا کُھلائیا۔ گوبِند کہے گُرمْکھو تُہاڈے وطن آواں، آوا گوَن دیاں مُکائیا۔ آ کے سانجھا ڈھولا گاواں، اپنا نام نہ کوئے جپائیا۔ تُہاڈا کنڈا اپنے نال رکھاں ساواں، ترازوُ دوُجے ہتّھ نہ کدے پھڑائیا۔ بچّیاں نوُں لاڈ لڈاواں وانگ مانواں، پِتا ہو کے پوُت گود سُہائیا۔ تُہاڈا لکّھ چؤراسی دا لیکھا مُکاواں نال چاواں، جُگ چؤکڑی پِچھوں واری آئیا۔ اُچی کوُک کے لمیاں کرو باہواں، بےوطناں دا مالک مِلیا بےپرواہیِا۔ گُرمْکھ کواری آتم اِکو وار لےَ لوَے لؤاں، لکّھ چؤراسی وِچوں دوُجا کھؤنت لبھن دی لوڑ رہے نہ رائیا۔ جن بھگتو تُہانوُں کِسے دا لَینا نہ پئے پرچھاواں، پِچھلیاں توں پِچھے اگلیاں توں اَگے لیکھا دِتا مُکائیا۔ بےوطن ہو کے تُہاڈے دوارے آواں، وطناں دے مالک تُہانوُں دیاں بنائیا۔ اپنا تت سریِر تُہاڈے

پِچھے گواواں، جوتی جوت کر رُشنائیا۔ بُھکھا درویش ہو کے ٹُکڑے منگ کے کھاواں، بھنڈارا اتوٹ اتُٹ بھرائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ وطن وِچ آیا، اَون گوَن مُکائیا۔ لیکھا رہے نہ ترےَگُن مایا، مایا ممتا موہ دئے چُکائیا۔ جِس دے انتر اپنا نام درڑایا، درڑھ وِشواش دئے بندھائیا۔ انتم لیکھا رہے نہ رایا، جماں توں لئے چُھڈائیا۔ چؤراسی لکّھ نہ کوئے بھوایا، چارے کھانی نہ کوئے کُرلائیا۔ ساچا مندر دئے وکھایا، جِتھے وسے بےپرواہیِا۔ بےوطناں وطن وِچ بہہ کے ڈھولا اِکو گایا، وجےّ سچ ودھائیا۔ جوتی جوت سروُپ ہرِ، آپ اپنی کِرپا کر، ہرجن ساچے لئے ترائیا۔ جن بھگتو جے تُسیں نہ ہُندے بےوطن لوک مات نہ جنم دِوائیا۔ پِھر کِس دی پت آؤندا رکھّن، نِرگُن اپنا ویس دھرائیا۔ کِس دوارے سوہندا پتن، کوَن گھاٹ ڈیرہ لائیا۔ لکّھ چؤراسی کِناں کرے یتن، ابناشی کرتا ہتّھ کِسے نہ آئیا۔ جُگ جنم پِچھوں تُہاڈے پڑدے آیا ڈھکن، اوڈھن اپنا نام وکھائیا۔ ساچے وطن آیا چھڈن، پھڑ کے باہوں پار کرائیا۔ تُہاڈا نوُر ہو کے آیا جگن، لوک مات کرے رُشنائیا۔ گُرمْکھو سچ پریم دا مُکھ تے لا کے سگن، امرت جام دئے پیائیا۔ جِس دے نال اپنی منزل سارے لنگھن، اَدھ وِچکار نہ کوئے اٹکائیا۔ ساچی چڑھی رہے رنگن، دُرمت مَیل دئے مِٹائیا۔ دوُجے در جانا پئے نہ منگن، گھر گھر الکھ نہ کوئے جگائیا۔ جوتی جوت سروُپ ہرِ، آپ اپنی کِرپا کر، سد بخشنہار سرنائیا۔ وطن آیا جائے مِل کے، وِچھوڑا رہن کوئے نہ پائیا۔ بھیو جانے ہر گھٹ انتر دِل دے، دِلدار ہو کے کھوج کھوجائیا۔ سوچ رہن نہ دیوے کی نظارے مِلدے تیرے تِل دے، تِلکن بازی وِچوں باہر کڈھائیا۔ جیہڑے وِکار اندروں کڈّھیاں باہر نہیں ہِلدے، شبد اِشارے نال لیکھا دئے چُکائیا۔ کھیل وکھا کے دھار بِسِمل دے، پڑدے اوہلے دئے اُٹھائیا۔ جوتی جوت سروُپ ہرِ، آپ اپنی کِرپا کر، ساچے گھر دئے وسائیا۔ وطن وِچ آ کے کُرلاوے کوئی نہ کوُنج، بِہبل ہو نہ دئے دُہائیا۔ جن بھگتو تُسیں کیہڑی لبھنی سوانتی بوُند، جام پیالے دُھر دے رہیا پیائیا۔ انت اَخیِری تُہاڈی دُرمت مَیل دیوے پوُنج، کوُڑ کُڑیار گٹھڑی گنڈھ آپ کُھلائیا۔ آتم پرماتم رہے نہ کوئے دوُج، دُتیا بھاؤ دئے چُکائیا۔ تُوں میرا مَیں تیرا ساچی آ جائے سوُجھ، سمجھ وِچوں اپنی سمجھ دئے بدلائیا۔ کی ہویا تھوڑے سمیں واسطے چولا مِلیا پنج تت کایا بھوُت، ہڈّ ماس ناڑی کھیل کھِلائیا۔ انت پھیر تُسیں پوُت دے پوُت، پِتا اپنی گود اُٹھائیا۔ لیکھا مُکا کے چارے کوُٹ، دہِ دِشا لہنا رہے نہ رائیا۔ محل اٹل وکھا کے اوُچو اوُچ، سچ دوار دئے ٹِکائیا۔ جِتھے گُر اوتار پَیغمبر کر کے گئے کوُچ،

اوسے کوُچے گلی وِچ تُہاڈے ڈھولے دئے سُنائیا۔ انت سُنیہڑا دیونہارا اِکو شبدی دوُت، آد جُگاد جُگ چؤکڑی بھجےّ واہو داہیِا۔ جِس دا جسبیر سِنگھ کولوں لےَ لؤ ثبوُت، گُرمیز کؤر گُر کے دھام پُچائیا۔ حاضراں وِچ حاضر مؤجوُدا وِچ مؤجوُد، بےوطناں نوُں وطناں وِچ دئے پُچائیا۔ خوشیاں وِچ رکھے خوُب، محبوُب ہو کے ویکھ وکھائیا۔ سب نے چھڈنا تن وجوُد، تتّاں دا ناتا توڑ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، لیکھا اپنے ہتّھ رکھائیا۔ وطن وِچ آیا جائے وس کے، بھاگاں والیاں بھاگ بنائیا۔ جن بھگتو تُہاڈے نال جائے ہسّ کے، ہستی وِچوں ہستی آپ سمجھائیا۔ دُھر دا مارگ جائے دسّ کے، دساں گُروُآں دی جو پڑھائیا۔ ایسے کارن گوبِند انگیِٹھے وِچ بہہ گیا اّک کے، عقلاں والیاں دی چلی نہ کوئے چتُرائیا۔ گُرسِکھاں کولوں امرت آپ چھک کے، اپنا بھروسہ گُرمْکھاں اُتے ٹِکائیا۔ بےشک گُرمْکھ گئے بھجّ کے، گوبِند حاضر ہو کے درس دِکھائیا۔ ایہہ بچن نہیں کوئی اجّ دے، جُگ چؤکڑی ریِتی رہیا دِرڑائیا۔ گُر اوتار پَیغمبر آؤندے رہے جگ تے، حُکمے اندر کھیل ورتائیا۔ بھگت بھگوان نوُں رہے سدّ دے، انتر رو رو مارن دھاہیِنا۔ دوُر دُراڈے رہے بھجّدے، بھجّن واہو داہیِا۔ اِکٹّھے ہو کے تُہاڈے وانگ نہیں رہے سجدے، بھگت دوارا نہ کوئے وکھائیا۔ دُکھ جھلدے رہے پانی اگّ دے، ٹھوکراں پتّھراں نال کھائیا۔ جن بھگتو تُہاڈے نال خوشیاں تال ویکھو وجّدے، وجہ سکے نہ کوئے سمجھائیا۔ جے گوبِند دے بچّے نیِہاں ہیٹھاں نہ دبّدے، پربھ دا داؤ لگّے نہ وِچ لوکائیا۔ ایہہ کھیل روزے شب دے، دِوس دِوس نال وڈیائیا۔ جوتی جوت سروُپ ہرِ، آپ اپنی کِرپا کر، لیکھے مُکا کے پِچھلی حد دے، حاضر ہو کے دَیا کمائیا۔ وطن وِچ آئے دیوے ہوکا، حُکم دُھر دا اِک سُنائیا۔ گُرمْکھو گاوو سچ سلوکا، جو صُلح کُل رہیا دِرڑائیا۔ لکّھ چؤراسی وِچوں مانَس جنم اِکو مؤقع، جو مُکمل پربھ دے نال مِلائیا۔ شبدی دھار گوبِند کدے کرے نہ دھوکھا، دھروُ پرہلاد دین گواہیِا۔ کِسے کمّ نہیں آؤنا ساڈھے تِنّ ہتّھ کایا ماٹی کوٹھا، جِناں چِر آتم پرماتم مِل کے وجےّ نہ ودھائیا۔ گُرمْکھو سَتگُروُ پریِت ستّ سمُندر نالوں ڈوُنگھا مارنا غوطہ، موتیاں والے سِپّ ہتّھ نہ کوئے پھڑائیا۔ جوتی جوت سروُپ ہرِ، آپ اپنی کِرپا کر، دیونہارا سچّی سرنائیا۔ وطن کہے وطناں والیو بےوطن دی وت آئی وساکھی، واتاوَرن دئے بدلائیا۔ جے ویکھو گوبِند دی اِک سٹھ والی ساکھی، جو سِکھیا سِکھ دِرڑائیا۔ وِدیا وِچ کِسے نہ بھاکھی، کلجُگ سنت کنت بھیوَ نہ کوئے دِرڑائیا۔ گوبِند وار گائے کوئی نہ ڈھاڈی، سرنگا سار نہ کوئے جنائیا۔ تال کڈھے کوئی نہ بھاٹی، بھٹّاں وِچ

نہ کوئے وڈیائیا۔ بِنا پُرکھ اکال کھیل دسےّ کوئی نہ ساچی، بُدھی دی بُدھی نال لڑائیا۔ گوبِند بانی جگت وِدیا وِچ کِسے نہ بھاکھی، اکھّراں نال بُہتے رہے سمجھائیا۔ شبد سَتگُروُ دی منّے کوئے نہ آکھی، اکھّراں دی کرن لڑائیا۔ ایس توں وڈّی ہور نہیں کوئی گُستاخی، ایسے کر کے ملِے سزائیا۔ گوبِند دی امرت پیاؤن چھکاؤن والی نہیں وساکھی، بستر پہناؤن نہ کوئے چتُرائیا۔ کِیوں، گوبِند نوُں پتہ سی مَیں شبدی دھار ہو کے جن بھگتاں اندر کٹّنی دِن تے راتی، دوُجا در نظر نہ آئیا۔ اینہاں دے انتر میرے پریم دی ہاٹی، جِتھے امرت دینا ٹِکائیا۔ اجے تکّ کِسے نوُں سمجھ نہیں کوئی بھاکھی، بھرم سکے نہ کوئے چُکائیا۔ گُرمْکھو وطن وِچ رہ کے تُہاڈی کردا رہے راکھی، خبردار ہو کے ہوکا آپ سُنائیا۔ بُت کرکے اندروں باہروں پاِکی، آتم پرماتم نال جُڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ کِسے نہیں جانیا کِیوں گوبِند گُرمْکھاں کولوں امرت پیِتا، ہتّھاں اَگے ہتّھ پھیَلائیا۔ کی پُرکھ اکال نے حُکم کیِتا، اندروں کری پڑھائیا۔ کی دان دِتا کھول کے کھیِسہ، وست امولک اِک ورتائیا۔ دُھر سندیش ہویا گوبِند تیرا نوُر گُرمْکھ شیشہ، اپنا آپ اِس دے وِچ ٹِکائیا۔ تَینوُں پنجاں تتّاں والا سریِر دھرنا پئے وِچ انگیِٹھا، وجوُد رہن کوئے نہ پائیا۔ پھیر کِتھے رہیں تُوں جیِتا، کوَن دوار رہ کے جھٹ لنگھائیا۔ گوبِند چار کُنٹ ویکھ کے کِہا پربھوُ ٹھیِک آ، ٹھیِکر بھجّیاں میرا نِشان نظر کوئے نہ آئیا۔ پُرکھ اکال کِہا سُن میری سچ حدیِثا، حُکم نال سُنائیا۔ جِس ویلے کلجُگ انت اَخیِری بیِتا، ویلا وقت دئے گواہیِا۔ تیری پُھلواڑی دا مہکنا اِک باغیچہ، مہک انتر انتر مہکائیا۔ جھگڑا رہے نہ اوُچا نیِچا، راؤ رنک ونڈ نہ کوئے ونڈائیا۔ تیرا کھیل ہونا ٹھنڈا سیِتا، اگنی تت نہ کوئے جلائیا۔ تُوں جن بھگتاں بننا میِتا، مِتر پیارا ہو کے سنگ نِبھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند کہے مَیں کِیوں گُرمْکھاں اَگے ڈاہے ہتّھ، ہتھیلی ہتھیلی اُتے ٹِکائیا۔ حُکم دِتا پُرکھ سمرتھ، سہجے سہج دِرڑائیا۔ چھڈ کے کایا ماٹی کچّ، کنچن گڑھ دینا تُڑائیا۔ شبدی دھار ہو کے آؤنا سچ، سَت تیری وڈیائیا۔ اوس ویلے جن بھگتاں اندر جانا وس، واسطہ اپنے نال رکھائیا۔ انتر آتم دُھر دا رس دینا جھٹ، اکّھ اپنے نال مِلائیا۔ رہنا اوس ہٹّ، نام دینا چائیں چائنیا۔ جوتی جوت سروُپ ہرِ، آپ اپنی کِرپا کر، ساچا حُکم دِتا سُنائیا۔ ساچا حُکم سُن گوبِند دھار، خوشی خوشی وِچوں پرگٹائیا۔ وطن ویکھنا گُرمْکھاں دا گھربار، کایا ماٹی سوبھا پائیا۔ بننا مِتر یار، پریِتم ہو کے پریِتی توڑ نِبھائیا۔ ویکھنا سدا جُگ چار، گھڑی پل ونڈ نہ کوئے ونڈائیا۔ قرضہ لہنا دینا

تیرے کول رکھّیا اُدھار، ویلے وقت نال جھولی دینا پائیا۔ ہو کے رہنا خبردار، بےخبراں خبر دینی پُچائیا۔ سو ویلا وقت پہُنچیا آن، کلجُگ انت دئے گواہیِا۔ وطناں والیو ہو جاؤ سوادھان، جگت سواداں وِچوں تُہانوُں سادھ دئے بنائیا۔ اپنے گھر دی کرو پہچان، جِس گرِہ وِچوں ہوئی انت جُدائیا۔ ناتا جوڑے نال سِری بھگوان، بھاگ حِصّہ تُہاڈی جھولی پائیا۔ دسرتھ دا بیٹا لبھنا پئے نہ رام، گوپِییاں والا کاہن بنسری بانس نہ کوئے سُنائیا۔ عیسیٰ موُسیٰ محمد کرنا نہ پئے دھیان، نانک گوبِند صِفت نہ کوئے صلاحیِا۔ اِکو وطن دا مالک پہنچے آن، دو جہان لیکھا دئے مُکائیا۔ دَیاکما کے پُچائے اوس مقام، جو مُقیم قدیِم توں بنایا بےپرواہیِا۔ جِتھے رہ کے گُرسِکھو ہونا نہ پئے بدنام، بدی نیکی دا لیکھا دئے چُکائیا۔ لکّھ چؤراسی رہنا نہ پئے غُلام، رائے دھرم دئے نہ کوئے سزائیا۔ سَتگُر چرن دھوُڑی ہووے اِشنان، مجن اِکو اِک کرائیا۔ ساچے در ملِے بِسرام، بِستر کھٹیا دوویں دینا تجائیا۔ کلجُگ انت نہ رہے بےپہچان، اکّھاں وِچوں اکّھ لیَنی کُھلائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ جن بھگتو تُہاڈا وطن سدا وسدا، آ کے ویکھے شہنشاہیِا۔ جِتھے ڈھولا بھگت بھگوان دے جس دا، دوُجی اوَر نہ کوئے پڑھائیا۔ اِشٹ بنیا اِکو گیان نیتر اکّھ دا، اگیان بَیٹھا مُکھ بھوائیا۔ پرکاش ہووے سچ سَت دا، وجےّ حق ودھائیا۔ جو جن بھگت سُہیلا سوہنگ ڈھولا رٹدا، رٹّا اگلا پِچھلا جائے مُکائیا۔ پُریِاں لوآں برہمنڈاں کھنڈاں گگن گگننتراں آپے ٹپّدا، بھجّا جائے واہو داہیِا۔ گُرمْکھ نوُر کدے نہ چِھپدا، جُگ چؤکڑی کرے رُشنائیا۔ منزل چڑھدا کدے نہ اّکدا، پیَنڈا سہجے جائے مُکائیا۔ اوس گھرانے وِچ وسدا، جِتھے گُرمْکھ گھر دے بَیٹھے ڈیرہ لائیا۔ سچ سِنگھاسن صاحب سوامی سجدا، سجّن بےپرواہیِا۔ جو جن بھگتاں درشن کر کر جُگ جُگ رجّدا، دوُجیاں مِلن کدے نہ آئیا۔ لکّھ چؤراسی کھیل رچایا دُنی جگ دا، کائنات رہیا بھوائیا۔ گُرمْکھو تُہاڈا سُہاوَنا سماں ہویا اجّ دا، اَگے اجل نہ کوئے ستائیا۔ وطن انوکھا رہے وسدا، جِتھے وصل یار خُدائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، مالک بنیا تُہاڈا سب دا، سبناں دا لیکھا لہنا اپنیاں چرناں وِچ رکھائیا۔

۲ وِساکھ شہنشاہی سمت ۲ ہرچرن سِنگھ دے گرِہ بٹھِنڈا

جن بھگت کدے نہ ہووے بےگھر، گھرانہ وسدا رہے بےپرواہیِا۔ ابناشی کرتا پرم پُرکھ جِنہاں دا ور، انتر مِل کے دئے وڈیائیا۔ سدا سدا سد نُہائے اگمّی سر، سروور اِکو اِک وکھائیا۔ بھےَ بھؤ چُکاوے کوُڑا ڈر، چؤراسی گیڑ نہ کوئے بھوائیا۔ دیِن دُنی وِچوں لئے پھڑ، نِرگُن سرگُن کھوج کھوجائیا۔ پلّوُ نال شبدی ڈور بندھائے لڑ، مِہروان مِہر نظر اِک اُٹھائیا۔ ساچے مندر اندر جاوے چڑھ، گرِہ وجےّ اِک ودھائیا۔ دُھر دا ڈھولا گیِت سوہلا لئے پڑھ، سوہنگ راگ اِک اِلاہیِا۔ جوتی جوت سروُپ ہرِ، آپ اپنی کِرپا کر، ہرجن ساچے دئے وڈیائیا۔ جن بھگت کدے نہ ہووے خانہ بدوش، بےدر نہ مات اکھوائیا۔ جِنہاں دے اندر ابناشی کرتا وسدا رہے خاموش، سچ سِنگھاسن آسن ڈیرہ لائیا۔ نام خُماری اندر رکھے مدہوش، پیالہ مدھر جام جان بُھلائیا۔ جنم جنم دی میٹے سوچ، سمجھ سمجھ وِچوں بدلائیا۔ چرن پریِتی دسّ کے مؤج، مجلس اپنے سنگ وکھائیا۔ پوُرب جنم دی منسا پوُری کر کے لوچ، لوچن اندروں دئے کُھلائیا۔ نام سُنا کے دُھر سلوک، سوہنگ ڈھولا اِک پڑھائیا۔ جوتی جوت سروُپ ہرِ، آپ اپنی کِرپا کر، ہرجن ساچے دئے وڈیائیا۔ جن بھگت کدے نہ ہوئے بیگانہ، دوُسر ونڈ نہ کوئے ونڈائیندا۔ جِنہاں دا مالک شاہ سُلطانا، شہنشاہ دو جہاناں سوبھا پائیندا۔ سو آتم پرماتم نِرگُن دھار نِرگُن لائے یارانہ، مُحبّت مِہر وِچ رکھائیندا۔ ساچے نام دا سُنائے اگمّی افسانہ، افسوس چِنتا نہ کوئے رکھائیندا۔ سچ پریِتی اندر کرے دیوانہ، مستی ہستی وِچوں پرگٹائیندا۔ دُھر دا دھام دسّ نِشانہ، تیِر نِشانہ اِکو اِک چلائیندا۔ جودھا سوُربیِر بن مرد مردانہ، مدد اپنی نال اُٹھائیندا۔ پہلوں لوک مات جن بھگتاں کرے روانہ، پِچھے اپنا نوُر چمکائیندا۔ میل مِلائے گُن نِدھانا، گُنونتا اپنا بھیو کُھلائیندا۔ پرگٹ ہو کے آوے وِچ مَیدانا، سچ سُہانا وقت سُہائیندا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیندا۔ جن بھگت کدے نہ جاوے اؤجھڑ راہ، اُجڑیا کھیڑا نہ کدے وکھائیا۔ جِنہاں دا پرم پُرکھ پرماتم بنے ملاح، بیڑا اپنے کندھ اُٹھائیا۔ شبدی شبد دئے صلاح، مشورہ اِکو نام کرائیا۔ کوٹ جنم دے بخش گُناہ، دُرمت مَیل کرے صفائیا۔ چرن کوَل دے پناہ، مِہر نظر اِک اُٹھائیا۔ جیِون وِچوں جیِون دے کے نواں، نوَ جوبن اپنا دئے وکھائیا۔ من ممتا میٹ دے طمع، سمجھ سمجھ وِچوں بدلائیا۔ لیکھے لا کے پوَن سواس دماں، دامن ہو کے دامنگیِر دَیا کمائیا۔ جوتی جوت سروُپ ہرِ، آپ اپنی کِرپا کر، دیونہار سچّی

سرنائیا۔ جن بھگت کدے نہ ہووے دوُر، دُراڈا پندھ نہ کوئے وکھائیا۔ جِنہاں دے انتر اِکو نوُر، منتر ڈھولا اِکو گائیا۔ سچ نام سروُر، سُرتی شبد وِچ سمائیا۔ ناتا توڑ کوُڑ مفروُر، مایا ممتا موہ چُکائیا۔ نِت درشن کرن حاضر حضوُر، حضرت ویکھن شہنشاہیِا۔ جِس دا شُکریئے وِچ سارے کردے مشکوُر، مُشکل سب دی حل کرائیا۔ سرب کلا بھرپوُر، اتوٹ اتُٹ رہیا ورتائیا۔ جن بھگتاں مانَس جنم کر منظوُر، کلجُگ کوُڑ فتوُر دئے گوائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، ہرجن ویکھے پریم بھگتی والے مزدوُر، محنت مُشقّت باوقت سب دی جھولی پائیا۔

۴ وِساکھ شہنشاہی سمت ۲ مہنگا سِنگھ دے گرِہ پِنڈ ہری پُر

تیرا کھیل پُرکھ سمرتھ، آد جُگاد جُگ چؤکڑی بھیو کوئی نہ پائیندا۔ بودھ اگادھ شبد اناد مہما اکتھ، شاستر سِمرت وید پُران انجیل قُرآن کھانی بانی صِفت صلاحِندا۔ گُر اوتار پَیغمبر گاؤندے تیرا جس، رسنا جِہوا بتّی دند صِفت صلاحِندا، سنت بھگت صوُفی دِوس رَین رہے لبھ، انتر آتم کھوج کھوجائیندا۔ نؤ ستّ آر پار تیری کوئی نہ جانے حد، چؤداں لوک چؤداں طبق پڑدا نہ کوئے اُٹھائیندا۔ نِرگُن سرگُن سرگُن نِرگُن دیوے اگمّی وتھ، وست امولک نام نِدھانا جھولی پائیندا۔ سَتجُگ تریتا دواپر کلجُگ پندھ مُکاوے نَٹھ نَٹھ، جُگ چؤکڑی اپنی دھار چلائیندا۔ گنگا گوداوری جمنا سُرستی تیِرتھ سروور اٹھسٹھ سمُند ساگر جلدھارا تیری اوٹ تکائیندا۔ حُکمے اندر کھیلے کھیل چؤراسی لکّھ، انڈج جیرج اُتبُھج سیتج چارے کھانی آپ وڈیائیندا۔ نِت نوِت نِروَیر نِراکار نِرگُن جوت ہوئے پرگٹ، ساکھیات سوَچّھ سروُپی انبھوَ پرکاش اپنا اِک دِرڑائیندا۔ سَت سَتوادی برہم برہمادی شبد انادی دو جہان سِری بھگوان کھول اپنا ہٹّ، کلمہ حق حق سمجھائیندا۔ جوتی نوُر ظاہر ظہوُر ہووے لٹ لٹ، کرنی دا کرتا قُدرت دا قادر محبوُب مُحبّت وِچ اپنا کھیل کھِلائیندا۔ سوئی سُرتی حُکمے اندر آتم پرماتم لاوے سٹّ، پاربرہم برہم پڑدا آپ اُٹھائیندا۔ نِجھر جھِرنا امرت دھار امیوں دیوے رس، رستہ رہبر ہو کے آپ وکھائیندا۔ گھر گھٹ بھیِتر جگت نِرالا رہیا دسّ، بھیوَ ابھیدا اچھل اچھیدا اپنے وِچ چُھپائیندا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیندا۔ آد جُگاد جُگ چؤکڑی تیرا کوئی نہ پاوے بھیو، پڑدا اوہلا دُھر درگاہ سچ ملاح

نہ کوئے اُٹھائیا۔ گُر اوتار پَیغمبر وِشن برہما شِو کردے رہے سیو، نِرگُن سرگُن اکھّراں والی جگت پڑھائیا۔ ڈھولے گاؤندے گئے بتّی دند جِہو، راگ ناد شبد دُھن کلمیاں وِچ شنوائیا۔ تیرا محل اٹل اُچ منار سدا نِہکیو، اگمّ اتھاہ بےپرواہ تیرا انت کہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِرگُن سرگُن دھار چلائیا۔ پاربرہم بےانت اگمّ اتھاہ، بےپرواہ بےپرواہی وِچ سمائیندا۔ نِت نوِت جُگ چؤکڑی نِرگُن سرگُن بنے ملاح، آتم پرماتم پرماتم آتم برہم پڑدا آپ اُٹھائیندا۔ شبد انادی بودھ اگادھی بِن اکھّراں دیوے اِک صلاح، نِش اکھّر اپنا حُکم ورتائیندا۔ صاحب سوامی انترجامی آپے بنے ملاح، کھیوٹ کھیٹا بیڑا اپنے کندھ اُٹھائیندا۔ سنت سُہیلے گُر گُر چیلے لئے اُٹھا، جاگرت جوت بِن ورن گوت آپ ڈگمگائیندا۔ جلوہ گر نوُری نوُر اِک خُدا، خُدی تکّبر مایا ممتا موہ میٹ مِٹائیندا۔ تُوں میرا مَیں تیرا آتم پرماتم کدے نہ ہووے جُدا، جُز ونڈ نہ کوئے ونڈائیندا۔ صوُفی سنت فقیِراں اندر وڑ کے مندر چڑھ کے ساچا مارگ دئے سِدھا، رِدھ سِدھ کوُڑ کُڑیار ڈیرہ ڈھائیندا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سوامی انترجامی گھٹ بھیِتر نِرنتر انتر منتر اِکو نام دِرڑائیندا۔ پاربرہم تیرا کھیل اگمّ، اگوچر، کہن کوئے نہ پائیا۔ رسن سواسی کوئی نہ گاوے پوَنی دم، وِدیا وِچ نہ کوئے چتُرائیا۔ لیکھا جانے نہ کوئی کایا ماٹی ہڈّ )چمّ(، چمّ اِشٹی درِشٹی بھیوَ نہ کوئے کُھلائیا۔ تیری دھار نوُرو نوُر جلوہ گر برہم، اِسم اعظم اِک رُشنائیا۔ نِہکرمی ہو کے کرے اگمّ کرم، جگت کانڈ دا جھگڑا دئے چُکائیا۔ من واسنا کوُڑی کِریا میٹنہار بھرم، بھانڈا بھرم بھؤ بھنائیا۔ مانَو ذاتی منُکھتا اِکو دسےّ دھرم، کھتری براہمن شوُدر وَیش ونڈ نہ کوئی ونڈائیا۔ پاربرہم برہم سَت سَتوادی ساچی سرن، دوُسر اوٹ نہ کوئے تکائیا۔ ساچا ڈھولا دُھر دا سنگیِت نام نِدھان گُرمْکھ سنت سُہیلے پڑھن، دُئی دوَیتی رہے نہ رائیا۔ بِن پؤڑی ڈنڈے منزل اپنی چڑھن، نؤ دوار سُکھمن ٹیڈی بنک جگت واسنا اَدھ وِچکار نہ کوئے اٹکائیا۔ پُرکھ ابناشی گھٹ گھٹ واسی جوت پرکاشی نِرگُن نوُر جوت درشن کرن، دیِدار دیِد دوُر کرے نابیِنائیا۔ آتم ہو کے پرماتم پیِا پت پرمیشور ورن، پاربرہم برہم ناتا جوڑے سہج سُبھائیا۔ بھگت بھگوان مِل کے بِن اکھّراں ڈھولے پڑھن، بِن ناد دُھن شنوائیا۔ جوتی جوت سروُپ ہرِ، آپ اپنی کِرپا کر، سچ گرِہ اپنی خوشی منائیا۔ پاربرہم بےانت ابناشا، ابناشی اپنی کھیل کھِلائیا۔ جُگ چؤکڑی دو جہان برہمنڈ کھنڈ پُری لوء آکاش پاتال گگن گگننتر ویکھنہارا تماشا، طمع ترِشنا جگت واسنا پھول پھولائیا۔ جن بھگتاں انتر آتما نِج

گرِہ مندر اندر ویکھے پوُرب جنم دی آسا، آسا منسا ترِشنا ممتا موہ میٹ مِٹائیا۔ سچ پریِتی چرن کوَل اُپر دھوَل دیوے دُھر بھرواسا، بھانڈا بھرم بھؤ کوُڑی کِریا آپ بھنائیا۔ بِن دیِا باتی کملاپاتی جوت کر پرکاشا، منڈل راسی سُرتی شبدی گوپی کاہن آپ نچائیا۔ جن بھگتاں اندر باہر گُپت ظاہر نِت نوِت سدا سُہیلا وسے پاسا، اُتّر پوُرب پچھّم دکھّن چار کُنٹ دہِ دِشا وِچھڑ کدے نہ جائیا۔ ایتھے اوتھے دو جہان بھگت بھگوان بنیا رہے راکھا، رکھّک ہو کے سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی انترجامی ہرجن ہرِ ہرِ میلے سہج سُبھائیا۔

۵ وِساکھ شہنشاہی سمت ۲ پرگٹ سِنگھ دے گرِہ ہرِ بھگت دوار دھیِر پُر دِلّی - ۹

برہم کہے تیری بےپرواہی، پاربرہم تیرے وِچ سمائیا۔ آتم پرماتم ہوئی جُدائی، تن وجوُد تت ڈیرہ لائیا۔ نوُرو نوُر کر رُشنائی، دِیپک دیِا ڈگمگائیا۔ لکّھ چؤراسی کھیل رچائی، انڈج جیرج اُتبُھج سیتج اگمّی بنت بنائیا۔ گھٹ بھیِتر گرِہ ڈیرہ لائی، سُہنجنا در سُہائیا۔ نام دُھن شبد شنوائی، بِن رسنا جِہوا بتّی دند گائیا۔ خالق خلق بن نوُر خُدائی، جلوہ گر آپ اکھوائیا۔ جُگ چؤکڑی ونڈ ونڈائی، سَتجُگ تریتا دواپر کلجُگ آپ ہنڈھائیا۔ گُر اوتار بنت بنائی، نِرگُن سرگُن سیو لگائیا۔ ناتا جوڑ کاغذ قلم شاہی، اکھّراں اندر سدھراں جوڑ جُڑائیا۔ حُکم دے کے دُھردرگاہی، فرمانا اِک سمجھائیا۔ کلجُگ انتم کوُڑ دُہائی، دوہرا حق نہ کوئی سُنائیا۔ چار ورن رہے کُرلائی، اٹھاراں برن روون مارن دھاہیِا۔ مِلیا میل نہ محبوُب مُحبّت وِچ گوسائی، گہر گمبھیِر جوڑ نہ کوئے جُڑائیا۔ الکھ اگوچر تیرا بھیو کوئی جانے ناہیں، جیِو جنت سار کوئے نہ آئیا۔ سمُند ساگر ہاہاکار مچائی، زِمیں اسمان دھیِر نہ کوئے دھرائیا۔ جگت واسنا مات نچائی، نٹوُآ نٹ سوانگ بنائیا۔ ممتا موہ کر کُڑمائی، ناتا دیِن دُنی بندھائیا۔ اپنا بھیوَ نہ کِسے کُھلائی، اوہلا اندروں نہ کوئی اُٹھائیا۔ سنت سُہیلے ویکھن چائیں چائیں، چاروں کُنٹ پھول پھولائیا۔ شاہ پاتشاہ شہنشاہی، شہنشاہ سُلطان مِہروان بےانت انت کہن کوئے نہ پائیا۔ صدی چؤدھویں حُکمے اندر ہووے تباہی، طوبیٰ طوبیٰ سارے پِھرے دُہائیا۔ کوئی نہ پکڑے باہیں، بلدھاری نظر کوئے نہ آئیا۔ گوبِند لیکھا لِکھیا جیِو سمجھے ناہیں، امرت آتم جام نہ کوئے پیائیا۔ ساچی منزل بنے کوئے نہ راہی، پاندھی ہو کے پندھ نہ کوئے

مُکائیا۔ انتم سب دے گل وِچ پَینی پھاہی، پھانسی دھرم رائے لٹکائیا۔ گُر اوتار پَیغمبر دیوے نہ کوئے گواہی، انت سہائی نہ کوئے چُھڈائیا۔ جگت وِدیا ڈوُنگھی کھائی، خالص خالق نہ کوئے مِلائیا۔ لہنا دینا تیرا دو جہاناں تھاؤں تھائیں، تھان تھننتر سارے سوبھا پائیا۔ جوتی جوت سروُپ ہرِ، آپ اپنی کِرپا کر، اِک وکھاؤنا دُھر دا گھر، مہاراج شیر سِنگھ وِشنوُں بھگوان، نِہکلنک نرائن نر، تیری اوٹ سہارے چھڈے کوٹن کوٹ، کایا کُٹیا ساچے کٹڑے اندروں کامل مُرشد مِل کے قبیِلہ بھگت بھگوان اِکو نظری آئیا۔

۵ وِساکھ شہنشاہی سمت ۲ رتن سِنگھ نوُر پُر )ضلع جالندھر( نِواسی دے پرساد کراؤن تے، ہرِ بھگت دوار دِلّی - ۹

بےپرواہ تیری بےپرواہی، آد انت بھیوَ نہ کوئے جنائیندا۔ گُر اوتار پَیغمبر بن کے پاندھی راہی، آد جُگاد جُگ چؤکڑی حُکمے اندر پِھرائیندا۔ وِشن برہما شِو بھجّن تھاؤں تھائیں، دیوت سُر سیوک ہو کے سیِس نِوائیندا۔ شاستر سِمرت وید پُران دین دُہائی، انجیل قُرآن نعرہ حق حق دِرڑائیندا۔ کھانی بانی ڈھولا رہی گائی، گہر گمبھیِر بےنظیِر تیری صِفتی صِفت صلاحِندا۔ جن بھگت سُہیلے دھیان رہے لگائی، نِج نیتر لوچن نیَن پڑدا اوہلا اِک اُٹھائیندا۔ سنت سجّن لبھن تھاؤں تھائیں، کھوجت کھوجت اپنا میل وکھائیندا۔ گُرمْکھ گُرسِکھ نام رہے دھیائی، دِوس رَین اٹّھے پہر اِکو راہ تکائیندا۔ جوتی جوت سروُپ ہرِ، آپ اپنی کِرپا کر، کرے کھیل اگمّی در، دُھر دربارے دھار نہ کوئے جنائیندا۔ دُھر دربارے تیری دھار، دھرنی دھرت دھوَل سمجھ کوئے نہ آئیا۔ حُکمے اندر حُکم گُروُ اوتار، حُکمی حُکم خوشی منائیا۔ گاوت گا گا تیرا نام صِفت اپار، پرا پسنتی مدھم بَیکھری گئے جنائیا۔ چار جُگ جُگتی نال کردے گئے اِظہار، سُرتی اکال موُرتی سُرتی نال مِلائیا۔ نام نِدھانا سُندے گئے شبد سچّی دُھنکار، دُھنکاری تُونبا تن رباب وجائیا۔ بِن جُگت پَیغمبر کردے گئے دیِدار، سَت سروُپ انوُپ ویکھ وکھائیا۔ راہ تکّدے گئے پروردِگار، سچ غمخوار دھیان لگائیا۔ جوتی جوت سروُپ ہرِ، آپ اپنی کِرپا کر، سچ دوارے سوبھا پائیا۔ بےانت بےپرواہ تیری اپرمپر ویکھی لیِلا، لالچ وِچ جگت لوکائیا۔ کوئی نہ جانے تیرا اَمبر رنگ نیِلا، نیِلی دھاروں پرے سارے کہن بےپرواہیِا۔ جیِو جنت سادھ سنت سچ بنائے نہ تَینوُں کوئی وسیلہ، واسطہ واستوک

تیرے نال جُڑائیا۔ گُر اوتار پَیغمبر بن کے تیرا قبیِلہ، کِبلا کامل مُرشد گئے جنائیا۔ کھیل کر کے اُتے دھرنی دھرت زمیِنا، ضامن ہو کے ضمیمہ گئے سمجھائیا۔ ٹھنڈا کرکے سیِنہ، سیِتل دھار امرت وِچ سمائیا۔ درویش سیوک ہو اَدھیِنا، ادنے ہو کے اعلے ڈھولے گائیا۔ جوتی جوت سروُپ ہرِ، آپ اپنی کِرپا کر، سچ دوارے بہہ کے خوشی منائیا۔ ادنے ہو کے کِسے کہِندے گئے اعلیٰ، عالم گیر عِلم نہ کوئے چتُرائیا۔ سچ خُدائے منّدے گئے تعالیٰ، طُلبا ہو کے کری حق پڑھائیا۔ پیار مُحبّت مِہر پا کے مالا، مسلہ مِسل وِچوں حل کرائیا۔ مارگ ویکھ سُکھالا، سُکھ ساگر اندر تاریِاں لائیا۔ حُکمے اندر دے احوالا، سوال سب دے اندر ٹِکائیا۔ ترےَگُن مایا کر کھیل نِرالا، جنجالا جیِون جُگت جگت جنائیا۔ سار پاشے والی چل کے چالا، شتروُ مِتر اپنا آپ چُھپائیا۔ گوپ بن گوالا، مٹکی ٹھوکر لائیا۔ جوتی جوت سروُپ ہرِ، آپ اپنی کِرپا کر، پریم پیار اندر جن بھگت دوارے ناشتہ کرن والا، سوال پِچھلا حل کرائیا۔ سچ گرِہ جن سچّی دھرم سالا، در دروازہ اِک کُھلائیا۔ جِتھے دِیپک جوت جگے بےمثالا، مِسل وِچ مسلہ نہ کوئے سمجھائیا۔ حُکمے اندر حُکم ورتا کے پُرکھ اکالا، کل دھاری اپنی کل جنائیا۔ گُرمْکھاں پوُرب جنم لیکھے لا کے گھالا، کیِتی گھال پائے تھائنیا۔ ہرجن گود اُٹھائے دُھر دا بالا، بالی بُدھ دیوے مان وڈیائیا۔ جوتی جوت سروُپ ہرِ، آپ اپنی کِرپا کر، سچ دوارا اِک وکھائیا۔ سچ دوارا دُھر دا دھام، بےپرواہ بےپرواہی وِچ سمائیا۔ سب توں نِرالا اعلیٰ وسے رام، رحمت وِچ رحم آپ کمائیا۔ پَیغمبراں دا پَیغمبر ساچا دِسے امام، آمد وِچ ویکھے خلق لوکائیا۔ حق حقیِقی دیوے اگمّی جام، جاماوَنت بَیٹھا سیِس نِوائیا۔ جن بھگت دوارے بھگوَن کر بِسرام، وِشوَ اپنا حُکم ورتائیا۔ سَت دھرم جھُلا نِشان، نِشانے کوُڑے دئے بدلائیا۔ سنت سُہیلے ویکھے آن، چار کُنٹ دہِ دِشا کھوج کھوجائیا۔ پرگٹ ہو سِری بھگوان، بھاگ اُہناں دا جھولی پائیا۔ جودھے سوُربیِر بنا مرد مردان، مدد دا لیکھا دئے چُکائیا۔ انتر آتم پرماتم ہو کے ملِے آن، سروسمان دی لوڑ رہے نہ رائیا۔ جِس دا سچکھنڈ دوارا بدلے نہ کدے وِدھان، عظیِم ترمیِم نہ کوئے رکھائیا۔ سد سُہیلا بنیا رہے نِگاہ بان، ویکھ وکھانے چائیں چائنیا۔ کلجُگ انتم ہو مِہروان، محبوُب ہو کے ویس وٹائیا۔ جن بھگتاں سہج سُبھاؤ ملِے آن، بن کھنڈ کھوجن دی لوڑ رہے نہ رائیا۔ جنم کرم دے جھگڑے سہِنسے میٹے تمام، طمع تکّبر اندروں باہر کڈھائیا۔ چؤراسی وِچ رہن نہ دئے غُلام، غُلاماں دی غمی دئے گوائیا۔ ساچا دسّ کے اِکو نام، سوہنگ ڈھولا سَت پڑھائیا۔ انت کنت بھگوَنت کرے کرم کانڈ کلیان،

پریم پریِتی برہم برہمانڈ وجےّ ودھائیا۔ سچ سندیشہ دیندا رہے فرمان، فُرنیاں وِچوں فُرنا آپ پرگٹائیا۔ گُرمْکھ گُرسِکھ ہرِ سنت سُہیلے کر پروان، پریم پیار وِچ آپ بندھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، سچ دوارے دیوے اِک آرام، اَگے ہونا نہ پئے بدنام، مہمان اپنے لئے بنائیا۔

۶ وِساکھ شہنشاہی سمت ۲ ترلوک سِنگھ سنام نِواسی دے پرساد کراؤن تے، دِلّی ہرِ بھگت دوار

پُرکھ اکال بھیو کِسے کی کہنا، گُر اوتار پَیغمبر کتھنی ڈھولا گائیا۔ ابناشی کرتا آد جُگاد جُگ چؤکڑی سب کُچھ ویکھے بِن اپنے نیَناں، اکّھ جلوہ نوُر رُشنائیا۔ جن بھگتاں جُگ چؤکڑی دیوے دینا، دے دے خوشی وکھائیا۔ ساچے سنتاں بھانا دسےّ سہنا، سِر اپنا ہتّھ رکھائیا۔ گُرمْکھاں آتم پرماتم جُڑ کے دسےّ رہنا، گھر سچےّ وجےّ ودھائیا۔ گُرمْکھاں بنے ساک سجّن دُھر دا سیَنا، سرب سوامی دَیا کمائیا۔ نام امولک وست تن ساچا پائے گہنا، جگت مُلّما روُپ نہ کوئے وکھائیا۔ تن ماٹی خاکی ساچی وست وکھائے رسائنا، جِس انتر انمُلڑی وست دِتی ٹِکائیا۔ شبدی شبد دُھر دی دھار بنے الائنا، عالم عُلما آپ سمجھائیا۔ بھگت وچھل وِشوَ بنے ترائنا، تارنہار سمرتھ آپ اکھوائیا۔ جِس دا لیکھا کوئی لِکھ نہ سکے گیِتا رمائنا، وید شاستر بِدھ رہے سمجھائیا۔ کرے کھیل اگمّ اتھاہ نِرگُن نوُر نرائنا، نر ہرِ اپنی کار کمائیا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ ورتائیا۔ پاربرہم تیری سارے کردے گئے صِفت، صلاحی صلاح وڈّی وڈیائیا۔ حُکمے اندر ہو کے گرِفت، گرِہ اندر نِگاہبان کھوج کھوجائیا۔ نام سندیشہ سُنیہڑا دیندے گئے سرِشٹ، شرےعام ڈھولا گائیا۔ پُرکھ اکال جناؤندے گئے اِشٹ، ایِش جیِو جگدیِش کر پڑھائیا۔ رسیِے بھوگی ہو کے بھوگدے گئے گرہست، ناتا تن ماٹی خاک جُڑائیا۔ عدداں انکاں وِچ بن دی رہی فہرِست، میزان وِچ بُہتے رنگ رنگائیا۔ نِج نیتر نیَن تیِر نِشانے لاؤندے رہے شِست، بن شِکاری شِکار پِچھے بھجےّ واہو داہیِا۔ ساچے نام دی لوک مات تھوڑی تھوڑی تاردے رہے کِشت، کیشوَ کرِشن کہہ کے آکاش اُپر دھیان لگائیا۔ انتم ہُندے رہے نِشٹ، نشٹ پنج تت تن وجوُد کرائیا۔ جوتی جوت سروُپ ہرِ، آپ اپنی کِرپا کر، ساچا کھیل اِک وکھائیا۔ کھیل تیرا سدا انوکھا، بِن انبھوَ سمجھ کِسے نہ آئیا۔ بُدھی وِچ سب نے کھادھا دھوکھا،سادھ سنت چلے نہ کوئے

چتُرائیا۔ اکھّراں والا گرنتھ پوتھا، تیری مہما رہیا سُنائیا۔ شنوائی کردا رہیا لوکاں، لُکواں بھیوَ نہ کوئے کُھلائیا۔ گُر اوتاراں دا اُچی ہوکا، حُکم بےپرواہیِا۔ بِن ہرِ کِرپا کوئی نہ اُٹھے سوتا، آلس نِندرا نہ کوئے مِٹائیا۔ آد جُگاد جُگ چؤکڑی اِکو سَتگُر بہُتا، بہُہ گِنتی وِچ کدے نہ آئیا۔ نِت نوِت کدے نہ پئے ہوچھا، ہوشیاری وِچ ہوشیاراں دئے بتلائیا۔ کِسے نال کرے نہ غُصّہ روسا، جُگ جنم دیاں وِچھڑیاں رُسیاں لئے منائیا۔ بِنا بھگتاں کِسے دواریوں نہ کھاوے توسا، بھوگ بھگوان نہ کدے لگائیا۔ پریم پیار دا رس جگت پدارتھاں وِچوں بہُتا، پریم پیاریاں وِچوں کڈھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر مہاراج شیر سِنگھ وِشنوُں بھگوان، جن بھگتاں جنم مرن دی دوُر کرائے سوچا، سوچ وِچوں سچ، سچ وِچوں سَت، سَت وِچوں ہو پرگٹ اپنے وِچ سمائیا۔

۶ وِساکھ شہنشاہی سمت ۲ لچھمن سِنگھ دے گرِہ ہرِ بھگت دوار دِلّی - ۹

ستگُر شبد کہے جن بھگتاں بھگتی کراواں اپنی رُچیِا، کوٹن کوٹ جگت اکّھاں والے ویکھن کوئے نہ پائیا۔ جِتھوں اِکو پریم پیار مُحبّت سوہوے ساچی رُتیِا، رُت اگمّی اپنے رنگ رنگائیا۔ ایکا دوُجا بھؤ رہے کوئے نہ دُتیِا، ایکا ایک مِلی وڈیائیا۔ سُرت سوانی رہے موُل نہ سُتّیِا، آلس نِندرا وِچوں باہر کڈھائیا۔ من واسنا لگّے کوئے نہ رُچیِا، رچنا مایا نہ کوئے بھرمائیا۔ شاہو بھوُپ سَت سروُپ ملِے پنج مُکھیِا، جو پنچم دیونہار وڈیائیا۔ جِس دا لیکھا بودھ اگادھ رہے نہ لُکیا، پڑدیاں وِچوں پڑدا دئے اُٹھائیا۔ جِس دے دوار اُتے رہے نہ کوئے دُکھیِا، جنم مرن دا روگ نہ کوئے ستائیا۔ جوتی جوت سروُپ ہرِ، آپ اپنی کِرپا کر، ساچے مندر دئے وڈیائیا۔ جن بھگتاں اندر دسےّ اوہ سمادھی، جِس وِچ جگت انگڑائی نہ کوئے رکھائیا۔ من واسنا رہے باندھی، بندھن کوُڑا موہ چُکائیا۔ سُرتی ڈھولے رہے گاندی، تُوں ہی تُوں راگ الائیا۔ بھوُمکا ملِے اگمّی ٹھانڈی، اگنی اگّ نہ کوئے جلائیا۔ لکّھ چؤراسی بننا پئے نہ پاندھی، جوُناں وِچ نہ کوئے بھوائیا۔ ملِے وڈیائی جنم کرم دُھراں دی، دُھر لہنا مستک وِچوں چُکائیا۔ لوڑ رہے نہ دِیپک شمع دی، شمشان بھوُمی وِچوں باہر کڈھائیا۔ ترِشنا رہے نہ کوئی طمع دی، تمنّا اندروں پوُر کرائیا۔ مار کھانی نہ پئے جماں دی، رائے دھرم نہ دئے سزائیا۔ گھڑی ویکھنی نہ

پئے غماں دی، حِرس ہوَس دئے گوائیا۔ لیکھے لائے دھار دماں دی، دامنگیِر ہو کے دمن اپنے وِچ کرائیا۔ چلے چتُرائی نہ کوئی ناواں دی، ناؤں نِرنکارا اِک دِرڑائیا۔ منزل مکُے جُگ چوھاں دی، چؤتھے پد دئے بہائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ کایا کُٹیا اندر دسےّ دُھر دا جوگ، جگت جُگیِشراں والی نہ کوئے پڑھائیا۔ ممتا من رہے نہ روگ، ہؤمے ہنگتا نہ کوئے بھرمائیا۔ جھگڑا رہے نہ لوک پرلوک، سلوک اِکو اِک سُنائیا۔ چِنتا غم رہے نہ دوکھ، دُکھیاں درد دئے مِٹائیا۔ سچ دوارے بخشے مؤج، میلا میلے سہج سُبھائیا۔ نام نِدھانا دیوے چوگ، چُغلی نِندیا وِچوں باہر کڈھائیا۔ انتر پیار درشن دیوے روز، روزیاں وِچ فاقہ نہ کوئے کٹائیا۔ سمجھ وِچ کِسے نہ آوے سوچ، بُدھی وِچ پڑدا نہ کوئے اُٹھائیا۔ جن بھگتاں کِرپا کرکے دسےّ اپنی کھوج، بِن کھوجت خبر دئے پہنچائیا۔ جگت جنم دا داتا بن کے بخشے ساچی مؤج، مجلس اپنے نال رکھائیا۔ سنت سُہیلا ساچی منزل جاوے پہنچ، پنچاں دا پرپنچ دئے گوائیا۔ جِتھے مالک خالق پرِتپالک اِکو کھاؤنت، خطرہ لکّھ چؤراسی دئے گوائیا۔ سَتجُگ تریتا دواپر کلجُگ کدے نہ جاوے اؤنت، بھگت بھگوان مِل کے ساچی دھار پرگٹائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ کایا کُٹیاں اندر دسےّ دُھر دا گیِت، گہر گمبھیِر گوبِند آپ جنائیا۔ بھگت بھگوان دی ساچی چلے ریِت، ہڈّ ماس ناڑی رت رتی رت نہ کوئے ڈُلھائیا۔ دھار ہو کے وسے انتر چیِت، چیتن ہو کے چاترک لئے اُٹھائیا۔ تن وجوُد کایا ماٹی کر کے ٹھانڈی سیِت، اگنی اگّ دئے بُجھائیا۔ جن بھگت اپنا ہم سایہ بنا کے نزدیِک، واسطہ اِکو گھر رکھائیا۔ اپنے ہتّھ رکھ تؤفیِق، حُکم سندیشہ اِک دِرڑائیا۔ کرے کرائے ٹھاکر ٹھیِک، ٹھوکر وِچ جگت لوکائیا۔ جُگ چؤکڑی جِس دی کردے گئے اُڈیِک، اوڈھن اپنا رہیا بدلائیا۔ جِس دی شبدی سَتگُر کرے تصدیِق، شہادت اوَر نہ کوئے رکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، اپنے ہتّھ رکھے تؤفیِق، تعارف وِچ سفارش وِچ عبارت وِچ جن بھگتاں بخشش کرے چرن پریِتی مان وڈیائیا۔

۷ وِساکھ شہنشاہی سمت ۲ ارجن سِنگھ دے گرِہ بلوچ پُرا ضِلع کرنال

پُرکھ اکال اگمّ اتھاہ، الکھ اگوچر شہنشاہیِا۔ جن بھگتاں دسےّ ایکنکارا اِکو راہ، رہبر ہو کے دَیا کمائیا۔ در دوارا دُھر دربارا دئے وکھا، نر نِرنکارا سوبھا پائیا۔ شبد اِشارہ اِک جنا، نام نِدھانا سِری بھگوانا پڑدا آپ اُٹھائیا۔ میلا مِلائے سہج سُبھا، دُئی دوَیتی اندروں دئے چُکا، چار کُنٹ دہِ دِشا کر رُشنائیا۔ جلوہ گر نظری آئے خُدا، آتم پرماتم رہن نہ دیوے جُدا، جاگرت جوت ڈگمگائیا۔ دُھر دا نغمہ نام سُنائے صدا، صوُفی سنت فقیِر لئے اُٹھا، آلس نِندرا مات مِٹائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ سرن کہے مَیں بھگتاں جوگی، جگت جوگیِشراں ہتّھ کدے نہ آئیا۔ میل مِلاوا پریِتم چوجی، جو چار جُگ دا لیکھا رہیا چُکائیا۔ انتر آتم بخش کے اِکو سوجھی سوُجھ سمجھ دیاں بدلائیا۔ جن بھگت کرم دا رہے کوئی نہ روگی، نِہکرمی میلا میلے سہج سُبھائیا۔ جِس دی دھار سمجھے کوئی نہ بودھی، وِدیا وِچ نہ کوئے وڈیائیا۔ سو گُرمْکھاں چُکے اپنی گودی، بال اَنجانے اپنے رنگ رنگائیا۔ ٹھاکر ہو کے سچکھنڈ دا مؤجی، مجلس دُھر دی وِچ ٹِکائیا۔ جوتی جوت سروُپ ہرِ، آپ اپنی کِرپا کر، دیونہار اِک سرنائیا۔ سرن کہے مَیں ویکھاں کھیل دیوت سُر دی، وِشن برہما شِو اوٹ رکھائیا۔ کھیل جاناں انند پُر دی، پُری انند پڑدا اوہلا چُکائیا۔ سیوا ویکھاں پوُرے سَتگُر دی، جو سَت سَتوادی ہو کے دَیا کمائیا۔ منزل ویکھاں اوس گھر دی، جِس گرِہ ملِے مان وڈیائیا۔ گُرمْکھ آتم مرن وِچ کدے نہ مردی، جنم وِچ جنم نہ کوئے بھوائیا۔ ساچی منزل اگمّی چڑھدی، سچکھنڈ ساچے سوبھا پائیا۔ کنت سُہاگی اِکو ور دی، وارتا پِچھلی جائے بُھلائیا۔ تُوں میرا مَیں تیرا ڈھولا پڑھدی، پُستک ہتّھ نہ کوئے اُٹھائیا۔ بِن اکّھاں درشن کردی، بِن دیِد عیِد چند رُشنائیا۔ جوتی جوت سروُپ ہرِ، آپ اپنی کِرپا کر، کھیل وکھا دے اپنے در دی، جِتھے اِکو وجدی رہے ودھائیا۔

۱۳ وِساکھ شہنشاہی سمت ۲ ہرِ بھگت دوار جیٹھوُوال

سچ دوارے لگّا ناواں، گُرمْکھاں ملِے مان وڈیائیا۔ بھگت بھگوان دیِاں سانجھیاں ہوئیاں باہواں، چتربُھج والی پِچھلی ونڈ رہی نہ رائیا۔ دھنّ دھنّ دھنّ جنیندیاں ماواں، جِنہاں اندر وجےّ ودھائیا۔ اَگے پریم پیار دا رِشتہ ہویا سانواں، دوُجی ونڈ نہ کوئے ونڈائیا۔

گوبِند دا لیکھا پتریاں وِچوں ورقہ نِکلے بےدعویٰ، دعویدار اگلے دِتا بنائیا۔ جنم توں پہلاں مرن توں بعد بھرنا پئے کِسے نہ ہاوا، ہؤکیاں وِچ اپنا آپ نہ کوئے مِٹائیا۔ بِن رسنا جِہوا گیِت آتم پرماتم دُھر دے گاواں، گُرمْکھ گُر گُر اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ وڈیائی کہے مَیں کی دسّاں صلاح، صاحب حُکم اِک جنائیا۔ پوُرب لہنا رہیا چُکا، چار جُگ دا لیکھا رہیا گوائیا۔ ساچے در رہیا بہا، محل اٹل وجےّ ودھائیا۔ پوُرب دا پوُرب لہنا جھولی پا، اگلا حُکم اِک سُنائیا۔ جِنہاں نے سیوا لئی کما، سرسے دے وِچھڑے سہجے لئے مِلائیا۔ ایسے کارن لئے بُلا، ماجھے وِچوں محبوُب اپنے باہر کڈھائیا۔ جِس نوُں دوُجا بدلے نہ کوئے خُدا، خود اپنے حُکم وِچ رکھائیا۔ ایتھے اوتھے اَگے پِچھے دو جہان ہون نہ دیوے کدے جُدا، وکھّرا انگ نہ کوئے رکھائیا۔ گوبِند اِک انت اَخیِر بِن اکھّراں ڈھولا گیا گا، جِس دی سمجھ کِسے نہ آئیا۔ انگیِٹھے وِچ بہن لگّے نیتر آنسوُ لیا وحا، دھیان ماجھے وِچ ٹِکائیا۔ پُرکھ اکال لیا منا، بینتی بِن ہتّھاں دِتی سُنائیا۔ جے بنیں پِتا ماں، اِکو گود بہہ کے خوشی منائیا۔ اَگے گُرمْکھاں دا میرا لیکھا اِکو گھر دئیں سُہا، دوُجا در نہ کوئے وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کہے مَیں کی دسّاں حالت اجّ، کہن والی کتھا نہ کوئے بنائیا۔ کی بہانہ پربھ نے لایا پجّ، جِس دی سمجھ نہ کوئے سمجھائیا۔ جِس نوُں کوئی جان نہ سکے وکیِل جّج، اکھّراں وِچ ونڈ نہ کوئے ونڈائیا۔ پوُرب جنم دا لہنا دینا حق، حقیِقت وِچوں جھولی رہیا بھرائیا۔ جِنہاں اُتے کوئی نہیں رہیا شک، شکوُک شِکوے سارے دِتے مِٹائیا۔ اَگے مِہر دا سِر اُتے رکھے ہتّھ، ہتھیلی اُتے اپنا آپ جمائیا۔ نام پیار دی دے کے وتھ، وکھّرے سب توں لئے کرائیا۔ بِنا اکّھاں توں دے کے اکّھ، درشن دیوے چائیں چائنیا۔ جن بھگتو تُہاڈا پِچھلے جنم دا جس، گاون دا ویلا رہیا سُہائیا۔ کوئی نہ کِہو اسیں گئے تھک، تھکاوٹ جنم جنم دی دِتی مِٹائیا۔ تُہاڈے اندر جاواں وس، واسطہ اپنے نال رکھائیا۔ گوبِند ندیڑ وِچ بہہ کے اِک بچن بولیا سچ، سَت کر دِرڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند کہے مَیں ویکھاں ماجھا دیس، جِتھے محبوُب پھیرا پائیا۔ ہووے سچ نریش، نرائن بےپرواہیِا۔ دیوے اِک سندیش، بھگتاں آپ اُٹھائیا۔ میرے لیکھے لاوے مُچھ داہڑی کیس، قِسمت سب دی دئے بدلائیا۔ مَیں اوہناں لَواں ویکھ، جو میرے پِچھے اپنا آپ مِٹائیا۔ مَینوُں پھیر کِسے نہیں کہنا دس دسمیس، دہِ دِشا وِچ نظر کِسے نہ آئیا۔ میری بدل جانی ریکھ، ریکھا جگت دینی بدلائیا۔ مَیں رہنا

سدا ہمیش، جنم مرن وِچ کدے نہ پھیرا پائیا۔ بدل کے آواں بھیس، جوتی جاتا اپنا لےَ کے نال دُھر دا ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی کار کمائیا۔ جن بھگتو کوئی نہ کِہو اسیں واڈھی نال کیِتی داتی، بَل باہواں والا وکھائیا۔ تُہاڈے پِچھے سچکھنڈ وِچ کھیل کیِتا راتیں، گُر اوتار پَیغمبر اِکٹّھے کر کے سب نوُں دِتا وکھائیا۔ ذرا ویکھو مار کے جھاتی، بےدعویاں دے ہاوے دِتے گوائیا۔ میری لیٹے اُتے چھاتی، بچّیاں نالوں بچّے پیارے لئے بنائیا۔ میری اجّ دی نہیں کوئی باتی، جُگ چؤکڑی چلی آئیا۔ تُہاڈی منزل پار کر دِتی گھاٹی، گھاٹا ایتھے اوتھے دو جہان رہے نہ رائیا۔ تُہاڈی منزل مُکی واٹی، سچکھنڈ دوارا دیاں وکھائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ ماجھے والیو کِیوں تُہانوُں سدّیا اِکلّے، صدمہ پِچھلا دِتا چُکائیا۔ جے تُسیں بھجےّ سو کِسے وِچوں ہلّے، حالت تُہاڈی دِتی بدلائیا۔ تُہانوُں پھیر وساواں اوسے محلے، جِتھے گوبِند سوبھا پائیا۔ تُسیں ماڑے نہیں چنگے جے بھلے، بھار تُہاڈا دِتا اُٹھائیا۔ کِیوں صاحب سُلطان مِہروان تُہاڈے ہو گیا ولےّ، ولولے اندروں دئے کڈھائیا۔ نام وست امولک بنّھے تُہاڈے پلّے، خالی ہتّھ نہ کوئے جائیا۔ تُسیں اوس صاحب نال رلے، جِتھوں کرے نہ کوئے جُدائیا۔ تُہانوُں کلجُگ مایا موُل نہ چھلے، ممتا موہ نہ کوئے ستائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ گُرمْکھو تُسیں ماجھے دے نہیں واسی، پُرکھ اکال چرن دئے سرنائیا۔ تُہاڈے اندر نِرمل جوت پرکاشی، جو بِن دِیپک کرے رُشنائیا۔ تُہاڈی منڈل توں پرے راسی، جِتھے گوپی کاہن ناچ نہ کوئے وکھائیا۔ تُہاڈا اِک اِکلّا نِرگُن نِروَیر پُرکھ ابناش ساتھی، دوُجا سنگ نہ کوئے جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مہاراج شیر سِنگھ وِشنوُں بھگوان، چرن کوَل بخشے اگمّی داتی، داتار داتا ہو کے آپے جوت جگائیا۔