کتب خانہGranth 19 (Urdu)

۳ ساوَن شہنشاہی سمت ۲ پریِتم سِنگھ دے گرِہ نِظام پُرا ضِلع امرتسر

ہرِ نام بھگت بھنڈار، پُرکھ اکالا دیِن دَیالا آد جُگاد جُگ چؤکڑی لوک مات ورتائیا۔ دیونہار نِت نوِت سدا جُگ چار، سَتجُگ تریتا دواپر کلجُگ انتم ویکھ وکھائیا۔ گُر اوتار پیِر پَیغمبر وِشن برہما شِو جِس در کھڑے بِھکھار، مانگت ہو کے نِرگُن سرگُن جھولی ڈاہیِا۔ سو دیونہارا داتا اِک اِکلّا ایکنکار، سَت سَتوادی برہم برہمادی شبد انادی آپ ورتائیا۔ جِس دی شاستر سِمرت وید پُران گیِتا گیان انجیل قُرآن کھانی بانی پا نہ سکی سار، بےانت کنت بھگوَنت کہہ کے سارے شُکر منائیا۔ سو نِرگُن نِروَیر نِراکار کل کلکی لےَ اوتار، لِکھت بھوِکھت اندرِشٹ ویکھے سرب لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ نِواسی اپنی کل ورتائیا۔ جن بھگت بھنڈارا ایکا ہرِ ہرِ نام، انتر آتم آپ جنائیا۔ امرت رس نِجھر جھِرنا دیوے سچّا جام، ترِشنا بُھکھ جنم مرن دئے چُکائیا۔ نام سندیشہ دُھر دا دئے پَیغام، بِن اکھّراں توں نِراکھّر کرے پڑھائیا۔ مقامے حق منزل دسےّ آسان، پُری لو برہمنڈ کھنڈ اَدھ وِچکار نہ کوئے اٹکائیا۔ بِن رسنا جِہوا بتّی دند شبد ناد دسےّ دُھن کان، بودھ اگادھ کرے پڑھائیا۔ دیِا باتی کملاپاتی پتِ پرمیشور آپ جگائے مہان، سَت سوامی انترجامی نِرگُن نوُر جوت کرے رُشنائیا۔ جِس دا بھیوَ ابھید لکّھ چؤراسی جیِو جنت سادھ سنت سمجھ نہ سکے کوئی پنج تت اِنسان، من مت بُدھ چلے نہ کوئے چتُرائیا۔ سو کرنی دا کرتا کرتا پُرکھ کرے کھیل آپ سِری بھگوان، بھگتن میِتا ٹھانڈا سیِتا سچ سچ ساچی کار کمائیا۔ جوتی جوت سروُپ ہرِ، آپ اپنی کِرپا کر، وسنہارا ساچے گھر، درگاہ ساچی سچکھنڈ ساچا اِک سُہائیا۔ جن بھگت بھنڈارا امرت رس، نِجھر جھِرنا آپ جھِرائیا۔ آتم پرماتم کر کے وس، من واسنا کوُڑی کِریا اندروں دئے کڈھائیا۔ ساچا مارگ شبد اگمّی اِکو دسّ، چار کُنٹ دہِ دِشا پیَنڈا دئے مُکائیا۔ نِرگُن نوُر جوت کر پرکاش، اندھ اگیان کوُڑی کِریا ممتا موہ چُکائیا۔ کایا مندر اندر ساڈھے تِنّ ہتّھ دیوے نام امولک وتھ، جگت نیتر سرِشٹی درِشٹی نظر کِسے نہ آئیا۔ سرب کلا پربھ آپ ہو سمرتھ، جن بھگتاں مہما لِکھائے بودھ اگادھ اکتھ، جگت بُدھی سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، وکھاونہارا ساچا گھر، گرِہ مندر اندر پڑدا آپ چُکائیا۔ جن بھگت بھنڈار سدا امول، جگت ترازوُ تول نہ کوئے تُلائیا۔ پُرکھ ابناشی دُھر دا مالک سچ دوارا دیوے کھول، نؤ دوارے پرے پرماتم آتم پڑدا دئے اُٹھائیا۔ شبد اگمّی ناد

وجا اپنا ڈھول، سوئی سُرت اکال موُرت ناد تُورت آپ جنائیا۔ نِج گھر واسی پُرکھ ابناشی نِرگُن نِروَیر نِراکار نِرنکار وسے کول، بِن تتّاں تت گیان دئے سمجھائیا۔ امرت آتم نِجھر دھار دے کے ساچی پاہُل، پرم پُرکھ پرماتم پریم رس اِکو اِک چکھائیا۔ جِس دا لیکھا کوئی جان نہ سکے پنڈت پاندھا رؤل، مُلا قاضی شیخ مسائک سمجھ کِسے نہ آئیا۔ سو سوامی انترجامی نِرگُن جوت بِن ورن گوت پرگٹ ہووے اُپر دھؤل، دھرنی دھرت دھوَل ویکھے تھاؤں تھائنیا۔ بھگت سُہیلا اِک اَکیلا اکل کل دھاری جُگ جنم دا پوُرا کرے قؤل، پوُرب لیکھا ویکھے چائیں چائنیا۔ شبدی دھار ہرِ نِرنکار گھٹ سوامی گیا مؤل، مؤلا ہو کے پڑدا اوہلا دئے اُٹھائیا۔ جِس دا نِت نوِت جُگ چؤکڑی سدا سدا گُر اوتار پَیغمبر بدلدے گئے بول، دیِناں مذہباں ذاتاں پاتاں وِچ ونڈ ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھگتن میِتا ٹھانڈا سیِتا ایکنکارا اِکو نظری آئیا۔ جن بھگت بھنڈار دیونہارا سِری بھگوان، بھگوَن اپنی دَیا کمائیا۔ جِس دا آد جُگاد نِت نوِت جھُلدا رہے نِشان، دھرم نِشانہ اِکو دئے وکھائیا۔ جِس نوُں جھُکدے رہے سیِتا رام، کاہنا کرِشن سیِس جھُکائیا۔ عیسیٰ موُسیٰ محمد سُندے رہے پَیغام، کایا کعبےاندر کھوج کھوجائیا۔ نانک گوبِند کردے گئے پرنام، سیِس جگدیِس جھُکائیا۔ جِس دا منتر شبد اگمّی وِچ جہان، برہمنڈاں کھنڈاں پُریِاں لوآں کرے سَت جنائیا۔ درگاہ ساچی وسے سچکھنڈ دھام، بھوُمکا استھان جگت دوارے سمجھ کوئے نہ پائیا۔ سو کلجُگ انت سِری بھگوَنت کھیل کرے مہان، صِفت صلاحی بےپرواہی قلم شاہی لیکھا لِکھ کوئے نہ پائیا۔ جوتی جوت سروُپ ہرِ، آپ اپنی کِرپا کر، جن بھگتاں جُگ جُگ دیونہار وڈیائیا۔ جن بھگتاں دیوے آتم پرماتم درس، نِج لوئن نیَن کُھلائیا۔ جنم جنم دی کرم کرم دی مِٹے حرص، ہوَس اگلی دئے مُکائیا۔ مِہروان محبوُب مُحبّت وِچ کرے ترس، ترےَگُن لیکھا دئے چُکائیا۔ پربھ درشن جو جن رہے تڑپ، دوُر دُراڈا نیرن نیرا مِل کے اپنی خوشی وکھائیا۔ من واسنا کوُڑی کِریا جگت میٹ کے بھٹک، اٹک اگلی دئے چُکائیا۔ کام کرودھ لوبھ موہ ہنکار تت نِواس رہن نہ دیوے کٹک، گھر وِچ گھر در دروازہ ساچا آپ کُھلائیا۔ بوُند سوانتی امرت میگھ جن بھگتاں انتر آپے برس، اگنی اگّ دئے بُجھائیا۔ جوتی جوت سروُپ ہرِ، آپ اپنی کِرپا کر، نِرگُن دھار آوے پرت، پت پرمیشور ویکھ وکھائیا۔ جن بھگتاں نام دیوے بھگوَنت، بھگوَن اپنی دَیا کمائیا۔ ناتا جوڑ کے آتم پرماتم نار کنت، سیج سُہنجنی دئے سُہائیا۔ تُوں میرا مَیں تیرا سوہنگ ڈھولا دسّ کے ساچا منت، منتوَ اگلا حل کرائیا۔ شبدی

مہما دسّ اگنت، بِن اکھّراں کرے پڑھائیا۔ سو سجّن سچّا سنت، جِس گھر بَیٹھا نظری آئیا۔ ہنگ برہم بودھ اگادھا بن کے پنڈت، برہم وِدیا اِک سمجھائیا۔ جھگڑا مُکا کے بہِشت جنّت، سچکھنڈ دوارا اِکو دئے وکھائیا۔ جوتی جوت سروُپ ہرِ، آپ اپنی کِرپا کر، ہرجن ساچے دیوے مان وڈیائیا۔ جن بھگت بھنڈارا پُرکھ اکال دیوے ساچی دھوُڑ، مستک ٹِکاّ نام لگائیا۔ چتُر سُگھڑ بنائے موُرکھ موُڑھ، ہؤمے ہنگتا روگ گوائیا۔ ناتا توڑ کے کوُڑو کوُڑ، سچ سُچ دُھر دا سنجم دئے سمجھائیا۔ شبد اگمّی وجا کے ناد تُور، تُریا پد وِچ رکھائیا۔ ساچی جوتی دے کے نوُر، نِرنجن جوت کرے رُشنائیا۔ پندھ مُکا کے دوُرن دوُر، نیرن نیرا نظری آئیا۔ کایا مندر اندر ہو کے حاضر حضوُر، حضرت ہو کے پڑدا لاہیِا۔ جوتی جوت سروُپ ہرِ، آپ اپنی کِرپا کر، جُگ جنم دی بھگتی کر منظوُر، منزل اگلی پندھ مُکائیا۔ جن بھگتاں نام بھنڈارا دیوے ایک، ایکنکار وڈّی وڈیائیا۔ چرن پریِتی دسّ کے ساچی ٹیک، ٹکیاں دا لیکھا دئے مُکائیا۔ سچکھنڈ دوار دسّ کے اپنا دیس، کوُڑ کُڑیارا دیوے پرے ہٹائیا۔ نام اگمّا سب توں وکھّرا دے کے سندیش، شاستر سِمرت وید پُران گیِتا گیان انجیل قُرآن کھانی بانی توں باہر کرے پڑھائیا۔ بِن قلم شاہی کاغذ لِکھے لیکھ، بِن حروُف حروُف آپ بنائیا۔ جوتی جوت سروُپ ہرِ، آپ اپنی کِرپا کر، دُھر دا مالک بن کے نر نریش، سچ فرمانا اِکو رانا گُرمْکھاں آپ سمجھائیا۔ جن بھگتاں پربھ دیوے وست امولک، سچ پریِتی کایا جھولی پائیا۔ کلجُگ انت بدل کے نیِتی، نِج گھر اپنا دئے وکھائیا۔ کایا ماٹی کر کے ٹھانڈی سیِتی، سیِتل دھارا آپ وکھائیا۔ پُھل پُھلواڑی گوبِند دھار اگمّ اتیِتی، گُرمْکھ بوُٹا اِک مہکائیا۔ جِس دا کلمہ اِکو نام سچ حدیِثی، حضرتاں کرے پڑھائیا۔ سو ویکھنہارا ہست کیِٹی، اوُچاں نیِچاں کھوج کھوجائیا۔ اپنی دھار رکھے انڈیِٹھی، جگت نیتر نظر کوئے نہ پائیا۔ جن بھگتاں دے کے سچ پریِتی پرم پُرکھ پرماتم آتم اپنے نال جُڑائیا۔ جوتی جوت سروُپ ہرِ، آپ اپنی کِرپا کر، وسنہارا ساچے گھر، سچ دوارا اِک وکھائیا۔ جن بھگتاں دیوے اِکو نام سلوک، سوہلا ہرِ جوُ حق سُنائیا۔ کر پرکاش نِرمل جوت، اندھ اندھیرا دئے گوائیا۔ بھاگ لگا کے کایا ماٹی کوٹ، کوٹ کنچن گڑھ دئے جنائیا۔ بِن جگت نیتر درشن دیوے روز، روضے بانگ دی لوڑ رہے نہ رائیا۔ آتم پرماتم پرماتم آتم پربھ دسےّ ساچی مؤج، مجلس اپنے نال رکھائیا۔ جِس دی گُر اوتار پَیغمبر کردے گئے کھوج، بےانت کہہ کے ڈھولے گائیا۔ سو پرم پُرکھ پرماتم جن بھگتاں نال کرے اپنا چوج، چوجی ہو کے کرم کمائیا۔ لکّھ چؤراسی جنم کرم دا کٹے روگ، ورن برن

جھگڑا دئے مُکائیا۔ نام پیالہ دے کرے مدہوش، سچ خُماری اِک وکھائیا۔ کایا ماٹی جوُن اجوُنی سب دا بدلدا رہے پوش، پشوُ پریت چارے کھانی انڈج جیرج اُتبُھج سیتج دئے دُہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھگتن میِتا، بھگوَن اِکو نظری آئیا۔ جن بھگت بھنڈارا سَتگُر چرن کوَل، بِن اکّھاں آپ درسائیا۔ دیوے وڈیائی اُپر دھرنی دھرت دھوَل، دھؤل ویکھے چائیں چائنیا۔ جِس نوُں کہِندے نوُر خُدائی اوّل، عالمین کہہ کے سارے سیِس نِوائیا۔ جو ہر گھٹ رہیا مؤل، لکّھ چؤراسی ڈیرہ لائیا۔ سو بھگتاں کرے اُلٹا نابھ کوَل، امرت جھِرنا اِک جھِرائیا۔ جوتی جوت سروُپ ہرِ، آپ اپنی کِرپا کر، وکھاونہارا ساچا گھر، تاکی پڑدا آپ اُٹھائیا۔ جن بھگت بھنڈارا رکھے کایا مندر، باہر کھوجن دی لوڑ رہے نہ رائیا۔ بجر کپاٹی توڑ کے جندر، ترےَگُن لیکھا دئے چُکائیا۔ من واسنا دہِ دِش نہ دؤڑے بندر، شبد ڈوری تند بندھائیا۔ بھاگ لگا کے ڈوُنگھی کندر، نِرگُن جوت کرے رُشنائیا۔ لوڑ رہے نہ سوُریا چندر، روَ سس اکّھ نہ کوئی کُھلائیا۔ پُرکھ اکالا دیِن دَیالا جن بھگتاں لاوے اپنے انگن، انگیکار اِک ہو جائیا۔ سنت سُہیلا دوُجے در کدے نہ جاوے منگن، جِس دا مالک بےپرواہیِا۔ کایا کعبےاندر وجےّ ڈھولا نام مردنگن، پرا پسنتی مدھم بَیکھری چارے بانی اندر بہہ بہہ خوشی منائیا۔ پریم پریِتی چاڑھے رنگن، رنگ مجیِٹھ چلے نہ کوئے چتُرائیا۔ جودھا سوُربیِر بن مردنگن، مرد مردانہ اِکو دیونہار سرنائیا۔ تُوں میرا مَیں تیرا آتم پرماتم دسّ کے سچ انندن، نِجانند پرمانند وِچوں پرگٹائیا۔ جِنہاں پرم پُرکھ پاربرہم پربھ ڈھولا گایا سوہنگ چھندن، سنسے روگ مِل نِرگُن جوت جگت گئے چُکائیا۔ لکّھ چؤراسی آون جاون مات گربھ رہیا کوئی نہ بندھن، جم کی پھاسی نہ کوئی لٹکائیا۔ رائے دھرم چِتر گُپت لیکھا کوئی نہ منگن، لاڑی مؤت نہ کوئے پرنائیا۔ سچ دوارا سچکھنڈ بِن پؤڑی ڈنڈے لنگھن، اَگے ہو نہ کوئے اٹکائیا۔ جوتی جوت سروُپ ہیر، آپ اپنی کِرپا کر، جن بھگتاں دیونہارا ساچا گھر، گھر سوامی ٹھاکر اِکو سوہنا رہیا سُہائیا۔ جن بھگت بھنڈارا دیونہارا ٹھاکر، ٹھوکر اِکو نام لگائیا۔ نِرمل کرم کرے اُجاگر، دُرمت مَیل دھوائیا۔ جو سچ ونجارا بنے سؤداگر، ودی سُدھی دا لیکھا دئے مُکائیا۔ آتم پرماتم سچ دوارے دیوے آدر، آدرش اپنا اِک دِرڑائیا۔ کِرپا کر کریِم قادر، قُدرت دا مالک خلق دا پالک فلک اُپر نوُر کرے رُشنائیا۔ سَتگُر شبد جودھا سوُربیِر بہادر، پر ساچے لئے پرگٹائیا۔ جوتی

جوت سروُپ ہرِ، آپ اپنی جوت دھر، نِہکلنک لرائن نر، مہاراج شیر سِنگھ وِشنوُں بھگوان، سرِشٹی درِشٹی ایکا اِشٹ کرے تبادل، تبادلے وِچ تبلیِق آپ جنائیا۔

۳ ساوَن شہنشاہی سمت ۲ چند سِنگھ دے گرِہ نِظام پُرا ضِلع امرتسر

جن بھگتاں پربھ دیوے گیان، دُھر دی دھار آپ جنائیا۔ پڑدا اوہلا چُکے وِچ جہان، من جہالت رہے نہ رائیا۔ حُکم دیوے دُھر فرمان، حق سندیشہ آپ سُنائیا۔ سچ پریِتی کرو سِری بھگوان، اوٹ پُرکھ اکال تکائیا۔ جِس دا گُر اوتار پَیغمبر ڈھولا گان، کھانی بانی صِفتاں نال کرے صفائیا۔ سو سوامی انترجامی نِج نیتر درس کرے وِچ جہان، لوک مات ملِے مان وڈیائیا۔ کلجُگ کوُڑی رَین اندھیری مِٹے رات، سَت سَتوادی ساچا چند نوُر کرے رُشنائیا۔ اِکو ڈھولا نام گاؤ پربھ دی گاتھ، رسنا جِہوا بتّی دند ملِے مان وڈیائیا۔ جو ایتھے اوتھے دو جہاناں سدا وسے ساتھ، نِرگُن ہو کے دُھر دا سنگ نِبھائیا۔ جِس دی کاہن پاؤندے گئے راس، گُر اوتار پَیغمبر رستے گئے وکھائیا۔ جِس دے پِچھے رام کٹّیا بنباس، بنیا پاندھی راہیِا۔ تِس دا ویکھے جلوہ جوت نوُر پرکاش، بِن تتّا سوبھا پائیا۔ جو وسے پرِتھمی آکاش، گگن گگننتر رہیا سمائیا۔ بھگت سُہیلا ہو کے داس، داسی داس روُپ وٹائیا۔ لہنا دینا پوُرب ویکھ کے آد، انت میلا رہیا مِلائیا۔ جنم جنم دی سُننہار فریاد، پوُرب لیکھا رہیا جنائیا۔ جوتی جوت سروُپ ہرِ، آپ اپنی کِرپا کر، جن بھگتاں کھیڑا کر آباد، بخشنہار سچّی سرنائیا۔ جن بھگتاں مالک گہر گمبھیِر، پرم پُرکھ اکھوائیا۔ جو بھاگ لگاوے کایا ماٹی ساڈھے تِنّ ہتّھ سریِر، تتو تت سوبھا پائیا۔ امرت آتم نِجھر جھِرنا بخشے ساچا نیِر، جنم جنم دی ترِشنا دئے بُجھائیا۔ ساچی چوٹی چڑھ کے ویکھے اَخیِر، حقیِقت حق کھوج کھوجائیا۔ اپنے مِلن دی سچّی دسّ تدبیِر، تقدیِر دئے بدلائیا۔ اِکو رنگ رنگا کے شاہ حقیِر، اوُچاں نیِچاں دئے مان وڈیائیا۔ بن کے ٹھاکر دُھر دا پیِر، پرم پُرکھ پرماتم آتم اپنا پڑدا لاہیِا۔ جوتی جوت سروُپ ہرِ، آپ اپنی کِرپا کر، ہرجن بھگت سُہیلے تارے سنت فقیِر، فِقرہ اِکو اپنا نام سُنائیا۔

۳ ساوَن شہنشاہی سمت ۲ بیِبی دھنتو دے گرِہ نِظام پُر ضِلع امرتسر

جن بھگتاں پوُری کرے آسا، ترِشنا مات نہ رہے رائیا۔ چرن پریِتی ساچا دے بھرواسا، بھانڈا بھرم کوُڑ تُڑائیا۔ مانَس جنم کر دے راسا، رستہ اپنا دئے سمجھائیا۔ نام جپا کے سواس سواسا، تُوں میرا مَیں تیرا اِکو رنگ رنگائیا۔ سچکھنڈ دوارے کر کے واسا، میلا میلے سہج سُبھائیا۔ جھگڑا مُکا کے پرِتھمی آکاشا، جوتی جوت وِچ سمائیا۔ جوتی جوت سروُپ ہرِ، آپ اپنی کِرپا کر، دیونہارا سچّی سرنائیا۔ جن بھگتاں دیوے ساچی سرن، دوُجی اوٹ نہ کوئے دسائیا۔ جھگڑا مُکا کے جنم مرن، مارگ اپنے دئے لگائیا۔ لیکھا رہے نہ ورن برن، ذات پات نظر کوئے نہ آئیا۔ جو پوُرب کیِتا پرن، پرماتم ہو کے توڑ نِبھائیا۔ جن بھگتاں آیا پھڑن، پھڑ باہوں گلے لگائیا۔ چوٹی آیا چڑھن، منزل دسےّ بےپرواہیِا۔ کوٹاں وِچوں بھگت سُہیلے درگاہ ساچی وڑن، پِچھلا پندھ مُکائیا۔ پُرکھ ابناشی گھٹ نِواسی جو درس کرن، جوتی جوت مِلائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، داتا ہو کے ترنی ترن، جن بھگت تار تُرت اپنے وِچ سمائیا۔

۳ ساوَن شہنشاہی سمت ۲ اِقبال سِنگھ دے گرِہ نِظام پُرا ضِلع امرتسر

جن بھگتاں سدا پرِتپالے، پرِتپالک ہو کے دَیا کمائیا۔ ساچا مارگ دسےّ سُکھالے، جُگ چؤکڑی حُکم ورتائیا۔ لہنا دینا دیوے شاہ کنگالے، اوُچ نیِچ نہ کوئے چتُرائیا۔ سَت دوارا وکھا اِکو سچّی دھرمسالے، دھرم دوارا دئے بُجھائیا۔ جوتی جوت سروُپ ہرِ، آپ اپنی کِرپا کر، جن بھگت لئے ترائیا۔ جن بھگتاں دسےّ ساچی کھوج، انتر انتر بوُجھ بُجھائیا۔ چرن پریِتی بخش کے اوٹ، دوُجا جھگڑا دئے چُکائیا۔ ساچا میل مِلا کے نِرمل جوت، جُگاں دے وِچھڑے جوڑ جُڑائیا۔ جنم مرن دا کٹ کے روگ، سد ہووے آپ سہائیا۔ جوتی جوت سروُپ ہرِ، آپ اپنی کِرپا کر، جن بھگتاں سوار کے لوک پرلوک، مہاراج شیر سِنگھ وِشنوُں بھگوان، نام اپنا اِک دِرڑائیا۔

۳ ساوَن شہنشاہی سمت ۲ ہربھجن سِنگھ، گُربخش سِنگھ، گُردَیال سِنگھ دے گرِہ مَینیاں ضِلع امرتسر

جن بھگتاں ہوئے جنم سُہیلا، پربھ چرن ملِے سرنائیا۔ جُگ جُگ وِچھڑیاں ہووے میلا، جگت دَیا کمائیا۔ نظری آئے آد پُرکھ اپرمپر سوامی اَکیلا، اکل کل دھاری بےپرواہیِا۔ مانَس جنم سُہنجنا ہوئے ویلا، وقت وار تھِت اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، جن ہرِ ساچے پار لنگھائیا۔ جن بھگتاں ہوون وڈ وڈ بھاگ، ہرِ سَتگُر بھاگ لگائیا۔ گھر ویکھیا جوت جگا چِراغ، اندھ اندھیرا دئے مِٹائیا۔ رسنا دیوے انرس سواد، جِس دا رس چکھ نہ کوئے سمجھائیا۔ شبدی نام مار آواز، واد وِواد دئے مُکائیا۔ در دُرمت مَیل دھو کے داغ، دردی ہو کے ونڈ ونڈائیا۔ جگت مایا ممتا موہ میٹ کے ہنس بنائے کاگ، بُدھی بِبیک آپ کرائیا۔ سچ پریِتی بخش وَیراگ، وَیری اندروں دئے کڈھائیا۔ جوتی جوت سروُپ ہرِ، آپ اپنی کِرپا کر، جن بھگتاں بنا کے سچ سماج، ساچا مارگ اِک وکھائیا۔ جن بھگتاں پربھ دیوے اگمّی مت، جگت والی نہ کوئے پڑھائیا۔ میل مِلا کے پرم پُرکھ پرماتم ہو کے سَت، سَت سَتوادی جوڑ جُڑائیا۔ پرم پُرکھ ہو کے سِر رکھے ہتّھ، سمرتھ دَیا کمائیا۔ وید پُراناں توں باہر گاوے جس، نام نامے نال وڈیائیا۔ چرن کوَل سہارا دیوے سچ، سچ ساجن ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، لوُں لوُں اندر جائے رچ، رچنا اپنی دئے بُجھائیا۔ جن بھگتاں پربھ سدا سنگی، وِچھوڑا وِچ نہ کوئے رکھائیا۔ دیوے وست سدا انمنگی، پدارتھ نام جھولی پائیا۔ ساچی منزل جاوے لنگھی، کوُڑ کُڑیارا پندھ مُکائیا۔ منوُآ من میٹ فرنگی، فرمابردار اپنا لئے بنائیا۔ ہون نہ دیوے ننگی کنڈی، پِٹھ اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، جن بھگتاں اکّھ رہن نہ دیوے اندھی، اگیان اندروں دئے چُکائیا۔ جن بھگتاں پربھ سدا دَیال، دیِن دُنی وِچوں باہر رکھائیا۔ شبدی دھار بنا کے اپنا لال، گودی دُھر دی لئے ٹِکائیا۔ جِتھے پوہ نہ سکے کال، رائے دھرم نہ دئے سزائیا۔ سچکھنڈ دوارا وکھائے سچّی دھرمسال، درگاہ ساچی اِک جنائیا۔ جِتھے دِیپک جوت جگے بےمثال، نوُر نوُر کرے رُشنائیا۔ جوتی جوت سروُپ ہرِ، آپ اپنی کِرپا کر، جن بھگتاں درگاہ ساچی دئے سوال، جِتھے سُتّیاں بِنا پُرکھ اکال نہ کوئے اُٹھائیا۔ جن بھگتاں پربھ دیوے سچ گھرانہ، گرِہ مندر اِک وکھائیا۔ جِتھے وسے سِری بھگوانا، پُرکھ ابناشی ڈیرہ لائیا۔ نِرگُن جوت دیِپ جگے مہانا، نوُرو نوُر ڈگمگائیا۔ سچ پریم دا ہووے مےَخانہ، جام اِکو اِک پیائیا۔ مست خُماری اندر کرے دیوانہ، سُرتی شبد

نال سمجھائیا۔ جوتی جوت سروُپ ہرِ، آپ اپنی کِرپا کر، دُھر دا دے کے اِک گیانا، پڑدا اوہلا دئے اُٹھائیا۔ جن بھگتاں بخشے سَتسنگ جماعت، سچ دربارا اِک جنائیا۔ جِتھے وسے ایکنکار، اِک اکلّا ڈیرہ لائیا۔ در منگتے گُر اوتار، پیِر پَیغمبر جھولی ڈاہیِا۔ ویکھنہارا پاوے سار، لیکھا جانے تھاؤں تھائنیا۔ کلجُگ انتم لےَ اوتار، نِرگُن ہو کے سرگُن دئے وڈیائیا۔ لیکھا جان جن بھگت دوار، ہرجن ساچے لہنا دئے چُکائیا۔ چرن پریِتی دے کے اِک پیار، پاربرہم پربھ بخشے سچ سرنائیا۔ کر کِرپا جائے تار، دُتر بیڑا پار لنگھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جھگڑا مُکا کے کوُڑ سنسار، دھوُڑ چرن ٹِکاّ مستک دیوے لگائیا۔

۳ ساوَن شہنشاہی سمت ۲ وریام سِنگھ دے گرِہ پِنڈ تلونڈی ضِلع امرتسر

جن بھگتاں پربھ دئے بھنڈار، نام نِدھانا سِری بھگوانا آپ ورتائیا۔ شبد اگمّی دے خُمار، نام خُماری اِک چڑھائیا۔ نِرمل جوتی کرم اُجیار، اندھ اندھیرا دئے چُکائیا۔ محل اٹل وکھائے اُچ منار، اگمّ اتھاہ بےپرواہیِا۔ پڑدا اوہلا دیوے پاڑ، دُئی دوَیتی شرع شریعتی رہن کوئے نہ پائیا۔ گھر ٹھانڈا وکھا سچّا دربار، در دوارا اِکو دئے سُہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھگت سُہیلا اِک اَکیلا ایکنکار، اپنا رنگ رنگائیا۔ جن بھگتاں ہرِ چاڑھے رنگ، پرم پُرکھ وڈّی وڈیائیا۔ گہر گمبھیِر بےنظیِر مرد مردان نام وجائے مردنگ، دُھن آتمک کرے رُشنائیا۔ بھیوَ ابھیدا کھولے برہم ہنگ، ہنگ برہم پاربرہم دئے جنائیا۔ لیکھا جان پوَن سواس دم، چمّ درِشٹی اِشٹی اندروں دئے کُھلائیا۔ لیکھا مُکا کے ہرکھ سوگ چِنتا غم، سانتک سَت سَت دئے سمجھائیا۔ پنچ وِکارا ممتا موہ میٹے تم، منسا جگت نہ کوئے ودھائیا۔ سَت سَتواد برہم برہماد شبد اناد دُھر دا دسےّ دھرم، دیِن مذہب ذات پات اوُچ نیِچ ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نر ہرِ اپنی کار کمائیا۔ جن بھگتاں پربھ دسےّ ٹھانڈا دربار، درگاہ ساچی حق مقام اِک وکھائیا۔ جِتھے وسے پروردِگار اِک اکلّا ایکنکار، بَیکُنٹھ نِواسی سوبھا پائیا۔ جِس دی صِفت کرے جُگ چار، شاستر سِمرت وید پُران انجیل قُرآن کھانی بانی ڈھولیاں وِچ صلاحیِا۔ جِس نوُں نمستے نِمسکار کردے گُر اوتار، پَیغمبر

سجدیاں وِچ سیِس جھُکائیا۔ وِشن برہما شِو دیوت سُر کھڑے در بِھکھار، خالی جھولی رہے وکھائیا۔ سو لہنا دینا آد جُگاد جُگ چؤکڑی جانے چار، نِرگُن سرگُن سرگُن نِرگُن کھوج کھوجائیا۔ نام نِدھانا سِری بھگوانا دو جہاناں شبد اگمّا سُنائے اپنی دھار، نِراکھّر اکھّراں وِچ بدلائیا۔ جوتی جوت سروُپ ہرِ، آپ اپنی کِرپا کر، بھگتن میِتا ٹھانڈا سیِتا، سَت سَتوادی در گھر ساچا اِک پرگٹائیا۔ در گھر ساچا اِک سُہنجنا، جن بھگتاں آپ وکھائیا۔ جوت جگا آد نِرنجنا، نِرگُن نوُر کرے رُشنائیا۔ داتا بن کے درد دُکھ بھےَ بھنجنا، آون جاون لکّھ چؤراسی گیڑا دئے مُکائیا۔ آتم پرماتم پرماتم آتم بن کے دُھر دا سجّنا، سُہیلا ہو کے اپنا رنگ رنگائیا۔ سچ پریِتی دیوے دُھر دا مجنا، دُرمت مَیل اندر باہر گُپت ظاہر دئے دھوائیا۔ سچ للاری ہو کے چاڑھے اگمّی رنگنا، جِس دا رنگ ویکھے نہ کوئے لوکائیا۔ ساچے سنتاں سَتگُر پوُرا دیوے پرمانندنا، نِجانند جِس دی کرے شنوائیا۔ پاربرہم برہم دسےّ اِکو بندنا، تتّاں والی سِکھیا نہ کوئے دِرڑائیا۔ جِس آد جُگاد نِت نوِت جن بھگتاں ناتا نِرگُن دھار نِرگُن نال گنڈھنا، شبدی ڈوری تند بندھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحب سُہیلا اِک اَکیلا در گھر ٹھانڈا اِک وکھائیا۔ در گھر ٹھانڈا سچّا دربار، دُھر درباری آپ سُہائیندا۔ جِتھے وسے ایکنکار، اِک اِکلّا ڈیرہ لائیندا۔ دیِا باتی کملاپاتی کر اُجیار، جوتی جوت جوت رُشنائیندا۔ سُت دُلارا شبدی کر کے خبردار، نام سندیشہ نر نریشا آپ جنائیندا۔ تھِر گھر چرن کوَل کھولنہارا حق کِواڑ، حقیِقت اپنے وِچوں پرگٹائیندا۔ حُکم وِچوں حُکم چلا کے شبد سار، مہاسارتھی اپنا کھیل کھِلائیندا۔ جوتی جوت سروُپ ہرِ، آپ اپنی کِرپا کر، بھگتاں وکھاوے سچ گھر، جِس گرِہ مندر اندر اپنا ڈیرہ لائیندا۔ ساچا مندر ہرِ کا دوار، دوُجا نظر کوئے نہ آئیا۔ جِتھے جھُکدے گُر اوتار، پیِر پَیغمبر بَیٹھے سیِس نِوائیا۔ سوُرج چند نہ کوئے اُجیار، منڈل منڈپ نہ کوئے رُشنائیا۔ کاغذ قلم نہ لِکھنہار، شاستر سِمرت وید پُران گیِتا گیان انجیل قُرآن دئے نہ کوئے گواہیِا۔ تُوں میرا مَیں تیرا اِکو آئے اگمّی دھار، شبدی شبد شبد شنوائیا۔ سو کھیلے کھیل اگمّ اپار، الکھ اگوچر اپنی کار کمائیا۔ نِت نوِت جُگ چؤکڑی نِرگُن سرگُن لئے اوتار، تت نِواسی جوت پرکاشی کرنی کرتا آپ ہو جائیا۔ کھیلے کھیل اپر اپار، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دروازہ غریِب نِواجا جن بھگتاں آپ کُھلائیا۔ جن بھگتاں کھولے ساچا در، پڑدا اوہلا آپ اُٹھائیا۔ نظری آوے نرائن نر، نر نرائن اِکو روُپ پرگٹائیا۔ کرے کھیل اُپر دھرنی دھر، دھرت دھؤل

ویکھ وکھائیا۔ گُرمْکھ سنت سُہیلے آتم پرماتم ہو کے لئے پھڑ، سُرتی شبدی ڈوری تند بندھائیا۔ ساچے مندر کایا کعبےحق محبوُب ویکھے کھڑ، جلوہ گر کرے سچ رُشنائیا۔ لیکھا چُکا کے سیِس دھڑ، کر پرکاش بہتّر نڑ، نوُرو نوُر ڈگمگائیا۔ بِن رسنا جِہوا بتّی دند نام نِدھانا سِری بھگوانا نِراکھّر لئے پڑھ، جگت وِدیا دا لیکھا دئے مُکائیا۔ بھگت بھگوان اِکو سوہن ساچے گھر، گھر وِچ گھر وجّدی رہے ودھائیا۔ جِتھے بھؤ بھیانک دا نہیں کوئی ڈر، نِربھؤ ایکا سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ساچے لئے اُٹھائیا۔ جن بھگتاں دسےّ گھر اولّا، سچ دوارا اِک سُہائیا۔ لہنا دینا چُکا کے جلا تھلا، برہمنڈاں کھنڈاں پار کرائیا۔ جِس گرِہ وسے اِک اِکلّا، ایکنکارا بَیٹھا سوبھا پائیا۔ جوتی شبدی دھار آپے رلا، نِرگُن ہو کے نِرگُن ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا ایکنکارا گھر ٹھانڈا اِک پرگٹائیا۔ ٹھانڈا گھر سوبھاوَنت، جن بھگت ملِے وڈیائیا۔ پُرکھ ابناشی ملِے دُھر دا کنت، مالک خالق اِکو سوبھا پائیا۔ لیکھا چُکے لکّھ چؤراسی جیِو جنت، چارے کھانی جھگڑا دئے مُکائیا۔ گڑھ توڑ کے ہؤمے ہنگت، ہم ساجن ہو کے اپنا رنگ چڑھائیا۔ بودھ اگادھا ہو کے پنڈت، دُھر دی سِکھیا دئے سمجھائیا۔ پڑدا رہے نہ بہِشت جنّت، سچ دوار چڑھ کے خوشی منائیا۔ جوتی جوت سروُپ ہرِ، آپ اپنی کِرپا کر، جن بھگتاں میلے نِرگُن دھار انت، انتشکرن انتر انتریِو ویکھ وکھائیا۔ جن بھگتاں دسےّ سچ ترانہ، گہر گمبھیِر اپنی دَیا کمائیا۔ دُھر دا دیوے نام نِدھانا، اکھّراں والی کرے نہ کوئے پڑھائیا۔ سرِشٹی گائے نہ کوئی گانا، ہوکا حق حق جنائیا۔ ملِے محبوُب مُحبّت وِچ پریم پیار دا دیوے دانا، داتا ہو کے جھولی آپ بھرائیا۔ جوتی جوت سروُپ ہرِ، آپ اپنی کِرپا کر، سچ دوارا دیوے مانا، ابِھمان اندروں دئے کڈھائیا۔ جن بھگتاں پربھ کرے کھوج، جُگ چؤکڑی ویکھ وکھائیا۔ جنم کرم دا اُتوں لاہوے بوجھ، بھانڈا بھرم بھؤ بھنائیا۔ کر پرکاش نِرمل جوت، اندھ اگیان دئے چُکائیا۔ کوُڑی کِریا رہے نہ ہؤمے روگ، ممتا موہ نہ کوئے ودھائیا۔ دیِن دَیال دسےّ اپنا جوگ، جوگیِشراں توں پرے کرے پڑھائیا۔ بھگت بھگوان مِل کے جگت واسنا رہے کوئی نہ روگ، سنجوگی ہو کے اپنا جوڑ جُڑائیا۔ بھاگ لگا کے کایا کوٹ، کوُڑ کُٹمب دیوے تجائیا۔ جوتی جوت سروُپ ہرِ، آپ اپنی کِرپا کر، جن بھگتاں درشن دیوے آپ اموگھ، بِن تتّاں تت کرے رُشنائیا۔ جن بھگتاں دیوے ساچا درس، جگت اکّھ نہ کوئے کُھلائیا۔ انتر انتر میٹے حرص، مِہر نظر اِک اُٹھائیا۔ پوُرب جنم دا لہنا دینا

دیوے قرض، مقروُض ہو کے جھولی دئے بھرائیا۔ بھگت اُدھارنا پربھ دا فرض، فَیصلہ حق حق سُنائیا۔ تُوں میرا مَیں تیرا اندر وڑ کے مندر چڑھ کے دسےّ اپنی طرز، طرح طرح نال جنائیا۔ دیِن دَیال دینا ناتھ ہو کے ونڈے درد، دُکھ وِچھوڑے والا دئے مِٹائیا۔ جن بھگتاں چُھری حلال کرے کوئی نہ کرد، جگت کھلّ نہ کوئے لُہائیا۔ جوتی جوت سروُپ ہرِ، آپ اپنی کِرپا کر، لیکھا جانے سدا اسچرج، اچرج لیِلا اپنے ہتّھ رکھائیا۔ جن بھگتاں پربھ دیوے نام گہر گمبھیِر، جگت بُدھی سمجھ کوئے نہ پائیا۔ ساچا جیِون زِندگی وِچوں کرے تعمیِر، کامل مُرشد بےپرواہیِا۔ منزل چوٹی چڑھ اَخیِر، آخر اپنا آپ آپے دئے سمجھائیا۔ جِس دوارے بہہ کے ڈھولا گایا جُلاہے کبیِر، قبراں دا لیکھا گیا مُکائیا۔ امرت رس پی کے دُھر دا سیِر، شرع دے زنجِیر گیا تُڑائیا۔ اندروں بدل کے اپنی ضمیِر، ظاہر ظہوُر پربھ دا درشن پائیا۔ جوتی جوت سروُپ ہرِ، آپ اپنی کِرپا کر، جن بھگتاں دیونہارا ساچا ور، واحد اِکو نظری آئیا۔ واحد اِکو لاشریِک، شِرکت وِچ کدے نہ آئیندا۔ جِس دے ہتّھ حق تؤفیِق، تعریِف اپنی جگت پیغمبراں آپ سُنائیندا۔ کلمہ دسّ حق حقیِق، کائنات الف یے نال پڑھائیندا۔ صوُفیاں دے کے اِک اُمید، آمد وِچ خوشامد وِچ خواہش سب دی ویکھ وکھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ساچے سچ دوارے آپ سُہائیندا۔ ہرجن ملِے دوار سچ، سچ سچ وِچ سمائیا۔ بھاگ لگے کایا ماٹی کچّ، پنج تت ہوئے رُشنائیا۔ منوُآ من نہ جائے نچ، دہِ دِشا نہ کوئے وڈیائیا۔ نِج نیتر نِج لوچن نِج گیان کھولے اکّھ، باہر لبھن دی لوڑ رہے نہ رائیا۔ سرب سوامی پرم پُرکھ پرماتم آتم نظری آئے پرتکھ، ساکھیات سوَچّھ سروُپ جن بھگت درشن پائیا۔ دیونہار وڈیائی پُرکھ اکال سمرتھ، سرب جیِاں دا داتا دَیاوان ہوئے سہائیا۔ جوتی جوت سروُپ ہرِ، آپ اپنی کِرپا کر، جن بھگتاں حقیِقت وِچوں دئے حق، کوُڑی کِریا وِچوں باہر کڈھائیا۔ جن بھگتاں پربھ دیوے سہارا چرن کوَل، کوَل چرن اِک درسائیا۔ ملِے وڈیائی اُپر دھوَل، دھرنی دھرت وجےّ ودھائیا۔ نِرگُن دھار ہو کے جاوے مول، آتم پرماتم اپنا رنگ رنگائیا۔ بوُند سوانتی امرت بخشے نابھ کول، جھِرنا جھِرے بےپرواہیِا۔ جوتی جوت سروُپ ہرِ، آپ اپنی کِرپا کر، جن بھگتاں وکھاونہارا ساچا در، بند کِواڑی کُنڈا لاہیِا۔ جن بھگتاں کھولے بند کِواڑی تاکی، تقویٰ اِکو اِک جنائیا۔ جام پیائے بن کے ساقی، پیالہ دُھر دا ہتّھ پھڑائیا۔ جنم کرم دا لہنا رہے نہ باقی، لکّھ چؤراسی پھاسی دئے کٹائیا۔ پوُرب پوُری ہووے آسی، آسا ترِشنا دئے مِٹائیا۔ مانَس جنم ہووے راسی، رستہ

اِکو دئے وکھائیا۔ جِتھے ملِے پُرکھ ابناشی، دوُجا اِشٹ نہ کوئے منائیا۔ بِن رسنا جِہوا بتّی دند بِن تت وجوُد پریم پیار بھگت بھگوان دی ہُندی رہے ہاسی، ہستی وِچوں ہستی نظری آئیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں شبدی دھار جگت لاہوے اُداسی، سواس سواس اِکو نام دِرڑائیا۔ صِفتی نام کوٹن کوٹ دین صلاح، اکھّراں والی دیِناں مذہباں وِچ ونڈ ونڈائیا۔ سَتگُر شبد نِراکھّر دھار اِک ملاح، جو آد جُگاد جُگ چؤکڑی سب دا بیڑا بنّے لائیا۔ جِس نوُں عیسیٰ موُسیٰ محمد منّیا نوُری خُدا، خُدی تکّبر سب دا دئے مِٹائیا۔ جِس دے اندر رام کرِشن کوٹن کوٹ گئے سما، ناتا تت وجوُد تُڑائیا۔ جِس نوُں نانک گوبِند سیِس گیا جھُکا، بھانے وِچ منّی سچ رضائیا۔ سو سب دا مالک خالق پرِتپالک اِک رہیا اکھوا، جِس نے وِشن برہما شِو لکّھ چؤراسی دیِن دُنی دِتی اُپجائیا۔ جِس نے اپ تیج وائے پرِتھمی آکاش رجو طمعو سَتو دِتی بنا، پوَن پانی حُکم ورتائیا۔ روَ سس دھرت دھوَل زِمیں اسمان دِتے سجا، برہمنڈ کھنڈ پُری لوء آکاش کری رُشنائیا۔ جو گھٹ گھٹ اندر بَیٹھا ڈیرہ لا، نِرگُن ہو کے سرگُن حُکم ورتائیا۔ اوہ لبھے مندر مسجد شِودوالے مٹھ کِسے نہ تھاں، ٹِلّے پربت سمُند ساگر ڈوُنگھی دھار ہتّھ کِسے نہ آئیا۔ اوہ ساڈھے تِنّ ہتّھ کایا مندر اندر بَیٹھا ڈیرہ لا، جوتی جاتا پُرکھ بِدھاتا ہو کے بَیٹھا سوبھا پائیا۔ دُھن آتمک راگ سب نوُں رہیا سُنا، بِن سَتگُر سمجھ کِسے نہ آئیا۔ سَتگُر پوُرا کایا مندر چڑھ کے، بجر کپاٹی پڑدا لاہ کے، دِیپک جوت جگا کے، ساچا میلا لئے مِلائیا۔ در آ کے، گھر آ کے، دُر دُراڈا نیرن نیرا سوَچّھ سروُپی درس جائے دِکھا کے، بِن دیکھیاں بِن پیکھیاں جن بھگتاں ساچے سنتاں دھرواس کوئے نہ آئیا۔ جوتی جوت سروُپ ہرِ، آپ اپنی کِرپا کر، آد جُگاد جُگ چؤکڑی نِت نوِت لوک مات اپنا مارگ جائے لا کے، دیِن دُنی جائے بدلا کے، سَتجُگ تریتا دواپر کلجُگ پار لنگھا کے، اپنا کھیل سدا ورتائیا۔ سب دا سَتگُر آد جُگادی ایک، دوُجا نظر نہ آئیا۔ جو ہر گھٹ رہیا ویکھ، شبدی شبد شبد شنوائیا۔ بُدھی کرے بِبیک، ممتا موہ چُکائیا۔ سچ دوارا وکھاوے اِکو سچّا دیس، سچکھنڈ پڑدا دئے اُٹھائیا۔ پریم پیار پریِتی اندر آتم پرماتم دا کُھلے بھیت، سُرتی شبد نال جُڑائیا۔ سَتگُر پاؤنا کوئی بچّیاں والی نہیں کھیڈ، بِنا ہرِ کِرپا سَتگُر ہتّھ کِسے نہ آئیا۔ جو ویکھے نیتن نیت، جِس بھگت اُدھارے کیتی کیت، جُگ جُگ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، مالک بن کے اِک نریش، دُھر دا حُکم اِک ورتائیا۔ جے مارگ لبھو

سچّا، سچ سواسی دئے سمجھائیا۔ سَتگُر شبد کدے نہ ہووے کچّا، کچّیاں نوُں پکّے دئے بنائیا۔ جن بھگتو تُہانوُں کیہڑی لوڑ جان دی مکّہ، کایا کعبےہوئے رُشنائیا۔ پڑھن دی لوڑ نہیں ببّا، بھبّا والی پڑھائیا۔ من نے سب دے اُتے پایا دبّا، سُرتی اندر دِتی چُھپائیا۔ بِن سَتگُر کِرپا کِسے نہ لبھا، روندی ویکھو جگت لوکائیا۔ سدا سدا سَتگُر شبد مالک سب دا ہبّھا، جِس شبد دے شاستر سِمرت وید پُران انجیل قُرآن گیِتا گیان کھانی بانی ڈھولے سرب گائیا۔ اوہدا کوئی آکار نہیں اوُڑا اَیڑا ایِڑی سسّا ہاہا کّکا، الف یے ونڈ نہ کوئے ونڈائیا۔ جو سدا سُہیلا اِک اَکیلا چار کُنٹ دہِ دِشا پِھرے نَٹھا، دِوس رَین اپنی سیو کمائیا۔ سدا سدا سد جن بھگتاں خاطر کھولے اپنا ہٹّا، ہٹوانا ہو کے اپنا نام دئے ورتائیا۔ اندروں سہج نال من دا باہر کڈھ کے رٹّا، راہ اپنا دئے وکھائیا۔ جوتی جوت سروُپ ہرِ، آپ اپنی کِرپا کر، پُرکھ اگمّی لا کے سٹّا، سویاں سُتّیاں لئے جگائیا۔ سرِشٹی ویکھی جگت بہُہ واس، دیِن دُنی نظری آئیا۔ صِفتاں والی سارے گاؤندے گاتھ، االلہ واہِگُروُ رام نام اوم جگت پڑھائیا۔ سب دا مالک اِک ابناش، جو ہر گھٹ رکھے واس، نِرگُن جوت پرکاش، شبد سروُپ گُنتاس، روُپ رنگ ریکھ نہ کوئے جنائیا۔ جے اوس دے حوالے کر دیؤ اپنا آپ، تُہاڈے اندروں کوٹ جنم دے دوُر ہو جان پاپ، پتت پُنیِت دئے کرائیا۔ سَتگُر ہو کے تُہاڈی میٹ دیوے اندھیری رات، سدا چڑھی رہے پربھات، آواز اِکو اِک سُنائیا۔ جوتی جوت سروُپ ہرِ، آپ اپنی کِرپا کر، سَتجُگ دا سچّا رستہ آد جُگاد اِکو نظری آئیا۔ سَتگُر رستہ کدے نہ دیوے بدل، بدلی کرے جگت لوکائیا۔ سچکھنڈ دوارے بہہ کے کرے عدل، دو جہاناں حُکم ورتائیا۔ گُرمْکھو بِنا سَتگُروُ کِسے کمّ نہیں آؤندا یتن، یتھارتھ پرمارتھ سوارتھ ساچے گھر نہ کوئے مِلائیا۔ سَتگُر شبد لےَ جائے تُہانوُں اوس وطن، جِس وِچوں ہوئی جُدائیا۔ جِتھے ہِندوُ مُسلم سِکھ عیسائی دا اِکو پتن، گُر اوتار پَیغمبر بہہ کے پربھ دا ڈھولا گائیا۔ جوتی جوت سروُپ ہرِ، آپ اپنی کِرپا کر، نِت نوِت ساچے بھگتاں سنتاں گُرمْکھاں صوُفیاں اپنا مارگ راہ رہبر ہو کے کایا مندر اندر آوے دسّن، دہِ دِشا بھرم نہ کوئے بُھلائیا۔ شبد گُروُ ناتا نال دیہہ، دیہہ شبد گُروُ اکھوائیا۔ نِرگُن سرگُن لگّے نینہ، دو جہان وجےّ ودھائیا۔ جِس ویلے تن ماٹی ہو جائے کھیہہ، مڑھی گور وِچ سمائیا۔ سَتگُر شبد پھیر وی بھگتاں اُتے برکھ اپنا مینہ، میگھ امرت آپ برسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا کر، دیہہ شبد جوت مِل کے اپنی کار کمائیا۔ دیہہ شبد جوت نہ ہُندا رِشتہ، پربھ دا سجّن نظر کوئے نہ آئیا۔ نہ کوئی حُکم

دیندا جبرائیل اِزرائیل میکائیل اسرافیل فرِشتہ، فہرِست ہتّھ نہ کوئے پھڑائیا۔ ایہہ بھیو سمجھن والا آہستہ آہستہ آہستہ، جِس ویلے چوٹی منزل چڑھ کے پربھ دا درشن پائیا۔ پھیر پکاّ ہو جائے نِسچا، جگت واسنا سکے نہ کوئے ڈُلائیا۔ جِدھر ویکھے اودھر ایکا روُپ دِسدا، گھٹ گھٹ رمیا بےپرواہیِا۔

۳ ساوَن شہنشاہی سمت ۲ امریک سِنگھ دے گرِہ پِنڈ روُپو والی ضِلع امرتسر

جن بھگتاں پربھ دیوے ساچی اوٹ، چرن کوَل سچ سرنائیا۔ شبدی دھار اندروں کڈھے کھوٹ، کوُڑی کِریا دئے مِٹائیا۔ بھاگ لگائے کایا ماٹی ساچے کوٹ، کنچن گڑھ دئے وڈیائیا۔ کر پرکاش نِرمل جوت، اندھ اندھیار دئے گوائیا۔ من مت بُدھی دی رہن نہ دیوے سوچ، دُھر فرمانا اِک سُنائیا۔ ہؤمے ہنگتا میٹ کے روگ، ہنگ برہم دئے سمجھائیا۔ ساچا نام دُھر دا جوگ، کپڑ تن نہ کوئے رنگائیا۔ جھگڑا مُکا کے چؤداں لوک، پرلوک دا لیکھا دئے گوائیا۔ تُوں میرا مَیں تیرا ساچا دسّ سلوک، سوہنگ کرے حق پڑھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ جن بھگتاں پربھ دئے سہارا، لوک مات مِہر نظر اُٹھائیا۔ سچّا دسےّ اِک کنارہ، جِس پتن بَیٹھا بےپرواہیِا۔ سچ بُجھائے سچکھنڈ دوارا، درگاہ ساچی نظری آئیا۔ جِتھے وسن گُر اوتارا، پَیغمبر پربھ درشن کر کر خوشی منائیا۔ بھگتاں ملِے سچ بھنڈارا، ہرِ کرتا آپ ورتائیا۔ وِشن برہما شِو در درویش منگن بِھکھارا، بِھکھک ہو کے جھولی اَگے ڈاہیِا۔ جوتی جوت سروُپ ہرِ، آپ اپنی کِرپا کر، جن بھگتاں دیونہار سرنائیا۔ جن بھگتاں دیوے سرنگت، صاحب سوامی دَیا دَیا کمائیا۔ انتر آتم اُپجے برہم مت، پاربرہم نِراکھّر دھار سمجھائیا۔ ناڑ بہتّر تن وجوُد کایا ماٹی نہ اُبلے رتّ، رتن امولک نام پدارتھ وست امولک جھولی پائیا۔ بھیوَ ابھیدا اچھل اچھیدا کھول کے سچ، سَت سَتواردی برہم برہمادی شبد انادی دُھن دئے اُپجائیا۔ نام جَیکارا بول الکّھ، پرگٹ ہو آپ پرتکھ، ساکھیات سوَچّھ سروُپی اپنا پڑدا دئے چُکائیا۔ آتم پرماتم سانجھا دسّ کے جس، حقیِقت وِچوں پرگٹائے حق، حُکم نال حُکم دئے بدلائیا۔ جوتی جوت سروُپ ہرِ، آپ اپنی کِرپا کر، کرے کھیل صاحب سمرتھ، داتا ہو کے دَیا کمائیا۔ جن بھگتاں پربھ دیونہارا دات، دَیاوان اکھوائیا۔ جُگ چؤکڑی بدلنہارا سماج، دیِناں مذہباں لیکھا دئے مُکائیا۔ سَت دھرم

چلاوَنہارا رِواج، اوُچاں نیِچاں اِکو رنگ رنگائیا۔ نام بھنڈارا بخشنہارا داد، دؤلت دُھر دی آپ وکھائیا۔ تُوں میرا مَیں تیرا بھگت بھگوان دسےّ گاتھ، گہر گمبھیِر کرے پڑھائیا۔ جوتی جوت سروُپ ہرِ، آپ اپنی کِرپا کر، شبد اگمّی سُنا آواز، سوئی سُرت آپ اُٹھائیا۔ جن بھگتاں پربھ کھولے سُرتی، سَت سَت نال مِلائیا۔ دھار دسےّ اگمّی دُھر دی، دھرم دوارا اِک جنائیا۔ کھیل وکھائے پوُرے سَتگُر دی، جو آد جُگ چؤکڑی نِت نوِت اپنا کھیل وکھائیا۔ لوڑ رہے نہ دیوت سُر دی، پَیغمبر پیِر نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، جن بھگتاں دیونہارا ساچا ور، ساچی دات اِک ورتائیا۔ جن بھگتاں پربھ دیوے نام امولک، انمُلڑا جھولی پائیا۔ آپ ٹِکائے کایا گولک، گولا من لئے بنائیا۔ کرے کھیل صاحب اڈولت، اڈُل دئے جنائیا۔ نام جنائے بِن رسنا جِہوا انبولت، دھار دھار وِچوں پرگٹائیا۔ جوتی جوت سروُپ ہرِ، آپ اپنی کِرپا کر، ہرجن میلے سہج سُبھائیا۔ جن بھگتاں پربھ کھولے پڑدا، اوہلا رہن کوئے نہ پائیا۔ بھیو کُھلاوے اپنے گھر دا، گھر مندر کرے رُشنائیا۔ روُپ وکھائے نرائن نر دا، نر ہرِ اپنی کار کمائیا۔ اِشنان کرائے ساچے سر دا، دُرمت مَیل دھوائیا۔ جو تُوں میرا مَیں تیرا آتم پرماتم ڈھولا پڑھدا، چارے کھانی چارے بانی لیکھا جائے مُکائیا۔ ساچی منزل بِن پؤڑی ڈنڈے چڑھدا، مقامے حق مِل کے اپنا رنگ رنگائیا۔ بِن نیَن بِن نیتر بِن اکّھ پرتکّھ پربھ دا درشن کردا، جوتی جوت جوت ڈگمگائیا۔ جوتی جوت سروُپ ہرِ، آپ اپنی کِرپا کر، جن بھگت سُہیلے سچکھنڈ دوارے کھڑدا، درگاہ ساچی لئے ٹِکائیا۔ جن بھگتاں پربھ دیوے گھر اگمّ، محل اٹل اِک سُہائیا۔ جِتھے نہ جنمے نہ جائے مر، مرن جمن وِچ کدے نہ آئیا۔ نہ کوئے پوَن سواس لَینا پئے دم، تتّاں دا لیکھا دئے چُکائیا۔ نہ کوئی کوُڑ کُڑیار ہووے بھرم، منسا من نہ کوؤ ودھائیا۔ نہ کوئی دیِن مذہب ذات پات دھرم، اِشٹ تتّاں والا نہ کوئے وکھائیا۔ کرے کھیل آپ نِہکرمی ساچا کرم، کرم کانڈ دا لیکھا دئے مُکائیا۔ جن بھگتاں ساچے سنتاں چرن کوَل دیوے ساچی سرن، سرنگت اِکو اِک وکھائیا۔ جوتی جوت سروُپ ہرِ، آپ اپنی کِرپا کر، جھگڑا مُکا کے ورن برن، آتم برہم دئے دِرڑائیا۔ جن بھگتاں دسےّ انتر آتم سَت، دوُجی ونڈ نہ کوئے ونڈائیا۔ دھیِرج سنتوکھ دے کے یت، یتھارتھ اپنا بھیو کُھلائیا۔ نام نِدھانا دے کے وتھ، وست امولک جھولی پائیا۔ لکّھ چؤراسی وِچوں لبھ، پڑدا اوہلا دئے اُٹھائیا۔ جنم کرم دا لیکھا مُکا کے سب، لکھ چؤراسی گیڑا دئے چُکائیا۔ جوتی جوت سروُپ ہرِ، آپ اپنی کِرپا کر، ساچا امرت جھِرنا جھِرائے کوَل نبھ، بوُند سوانتی مُکھ پوائیا۔

جن بھگتاں دیوے بوُند سوانت، امرت رس اِک چکھائیا۔ نظری آئے اِک اِکانت، اِک اِکلّا سوبھا پائیا۔ جو ویس وٹائے جُگ چؤکڑی بہُہ بِدھ بھانت، بھاوَنا ویکھے جگت لوکائیا۔ کلجُگ انت میٹے اندھیری رات، نِرگُن نوُر کرے رُشنائیا۔ چار ورن اٹھاراں برن نؤ کھنڈ پرِتھمی ستّ دیِپ اِکو دسےّ ذات، دُھر دی کرے سچ پڑھائیا۔ سب دا لہنا دینا کرم دھرم لئے واچ، واچک کوئی بچن نہ سکے الائیا۔ جوتی جوت سروُپ ہرِ، آپ اپنی کِرپا کر، جن بھگتاں نال اپنا کرے اِتفاق، وفات اندروں دئے کڈھائیا۔ جن بھگتاں دیوے اِطمینان، تسلّی نال سمجھائیا۔ کلجُگ کوُڑی کِریا مِٹے جہان، لوک مات رہن نہ پائیا۔ ساچی سِکھیا دیوے اِک بھگوان، پرم پُرکھ آتم پرماتم کرے پڑھائیا۔ چار ورن اٹھاراں برن منتر دُھر دا اِکو گان، گاوت گا گا خوشی منائیا۔ جوتی جوت سروُپ ہرِ، آپ اپنی اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، ساجن دیوے ساچا دان، داتا ہو کے آپ ورتائیا۔

۶ ساوَن شہنشاہی سمت ۲ سُرَین سِنگھ دے گرِہ جنڈیالا ضِلع امرتسر

سَت کہے میرا مالک پاربرہم، آد جُگادی ایکنکارا اِک اکھوائیندا۔ جِس دوارے ہووے میرا جرم، جنم مرن گیڑ نہ کوئے رکھائیندا۔ سچکھنڈ نِواسی پُرکھ ابناشی بخشے اِکو سرن، دوُجی اوٹ نہ کوئے تکائیندا۔ تھِر گھر دوارے میرا اُپجے کرم، کانڈا وِچ حِصّہ نہ کوئے جنائیندا۔ کھیل کرائے کرنی کرن، کرتا پُرکھ حُکم ورتائیندا۔ جھگڑا مُکاواں ورن برن، ذات پات دیِن مذہب وِچ کدے نہ آئیندا۔ تن وجوُد میرا جانے کوئے نہ ماٹی چرم، ہڈّ ماس ناڑی رنگ نہ کوئے رنگائیندا۔ اِکو پُرکھ اکال دیِن دَیال پروردِگار رکھاں سرن، جوتی جوت سروُپ ہرِ، آپ اپنی کِرپا کر، ساچا بھیو آپ کُھلائیندا۔ سَت کہے میرا جانے نہ کوئے سروُپ، جگ نیَناں نظر کِسے نہ آئیا۔ جُگ چؤکڑی اندھیرا اندھ کوُپ، کلجُگ تریتا دواپر آپ ہنڈھائیا۔ جھگڑا مُکاواں جوُٹھ جھوُٹھ، کوُڑی کِریا مایا ممتا موہ چُکائیا۔ ڈنکا وجاواں چاروں کوُٹ، نام نِدھانا کر شنوائیا۔ لکّھ چؤراسی وِچوں سنت سُہیلے لبھن دُھر دے پوُت، سپوُت اپنا پڑدا لاہیِا۔ محل اٹل وکھا کے اُچ عروُج، فرش عرش توں پرے کراں رُشنائیا۔ مالک حق ویکھ محبوُب، مُحبّت وِچ مِلائیا۔ لیکھا مُکا کے ایکا دوُج، ایکا گھر دیاں سمجھائیا۔ تُوں میرا مَیں تیرا آتم پرماتم آوے ساچی سوُجھ، من واسنا چلے نہ کوئے چتُرائیا۔ جوتی جوت سروُپ ہرِ، آپ

اپنی کِرپا کر، سَت کہے سچ اِک دِرڑائیا۔ سَت کہے سچ محلا، پربھ چرن ملِے سرنائیا۔ جُگ چؤکڑی پِھراں اِک اِکلّا، دوُجا نظر کوئے نہ آئیا۔ پاواں سار جلاں تھلاں، ڈوُنگھے ساگر کھوج کھُجائیا۔ ویکھ وکھاواں چوٹی پربت ٹِلّا، پہاڑ اُجاڑ ویکھ وکھائیا۔ جن بھگت پھڑا کے انتر آتم پلّا، پابرہم برہم میلا میلاں سہج سُبھائیا۔ دھام وکھاواں اِک نِہچل اٹلا، گھر وِچ گھر وجّدی رہے ودھائیا۔ ساچی دھار اندر رلا، باہروں نظر کوئے نہ پائیا۔ جوتی جوت سروُپ ہرِ، آپ اپنی کِرپا کر، سَت سچ آپ ورتائیا۔ سَت کہے پریِتم ایکنکار، پُرکھ اکالا نظری آئیا۔ میرا ناتا نال پروردِگار، جلوہ گر نوُر رُشنائیا۔ مقامے حق میرا سِکدار، مالک بَیٹھا دُھر درگاہیِا۔ جو جُگ چؤکڑی حُکم دیوے وارو وار، گُر اوتار پَیغمبراں کر پڑھائیا۔ جِس دا چارے کھانی چارے بانی صِفتاں نال کرے اِظہار، شاستر سِمرت وید پُران انجیل قُرآن کھانی بانی نِکے نِکے ڈھولے گائیا۔ سرگُن ہو کے پاوے کوئی نہ سار، بےانت کہہ کے پلّوُ سرب چُھڈائیا۔ ننھے ننھے بچّے وِچ سنسار، شبدی گُر حُکم نچائیا۔ لکّھ چؤراسی ویکھے وِگسے ویکھنہار، گھٹ گھٹ بَیٹھا سوبھا پائیا۔ سو ناتا جوڑ میرا سنسار، ساچا مارگ اِک پرگٹائیا۔ کلجُگ انتم ویکھ دُشٹ دُراچار، من وِکار کھوج کھوجائیا۔ درِشٹی اندر سرِشٹی ہاہاکار، دُرمت مَیل نہ کوئے دھوائیا۔ اٹھسٹھ تیِرتھ روندے دھاہاں مار، گنگا گوداوری جمنا سُرستی رہی کُرلائیا۔ پِھری دروہی مندر مسجد شِودوالے مٹھ گُروُدوار، سَت کہے میرا روُپ نظر کِسے نہ آئیا۔ مَیں درویش در ٹھانڈے منگاں بِھکھار، سچکھنڈ نِواسی اَگے جھولی ڈاہیِا۔ کر کِرپا میرے کرتار، قُدرت دے مالک کلجُگ انت نہ کر بےوفائیا۔ چار ورن اٹھاراں برن دیِن مذہب ساچا ملِے نہ کِسے پیار، مُحبّت وِچ جگت نہ کوئے بنائیا۔ کاغذ قلم شاہی جو تیرا لِکھ لِکھ تھکی بیان، اگیان اندھیر نہ کوئے مِٹائیا۔ شرع میٹے نہ کوئے شیَطان، شریعت وِچ لڑے لوکائیا۔ کِرپا کر سِری بھگوان، مارگ اپنا دے دِرڑائیا۔ جِس نوُں لبھدے گئے جُگ چار، سَتجُگ تریتا دواپر کلجُگ اکّھ کُھلائیا۔ بھوِکھتاں وِچ بناؤندے گئے اِعتبار، صلاح کار بن کے پربھ دا حُکم سُنائیا۔ جوتی جوت سروُپ ہرِ، آپ اپنی کِرپا کر، ساچا مارگ اِک درسائیا۔ سَت کہے مَینوُں انتم ہویا دُکھ، کلجُگ کوُڑ وجّی ودھائیا۔ ساچا دِسے نہ کوئے منُکھ، من ممتا نہ کوئے مِٹائیا۔ جننی سفل نہ ہووے کُکھ، لکّھ چؤراسی جن جن تھکی مائیا۔ گیڑا چُکے نہ اُلٹا رُکھ، آون جاون پندھ نہ کوئے مُکائیا۔ دیِن دُنی بدلے کوئی نہ رُخ، سَت دھرم نہ کوئے سمجھائیا۔ گُر اوتار پَیغمبر گئے لُک، سنمُکھ ہو کے درس نہ کوئے دِکھائیا۔ کر کِرپا ابناشی اچُت، پاربرہم تیری

بےپرواہیِا۔ دیِن دُنی دا بدل دے رُخ، کروٹ لےَ کے درِشٹی دے بدلائیا۔ جوتی جوت سروُپ ہرِ، آپ اپنی کِرپا کر، سچ سُہّنجنی کر رُت، مؤلا ہو کے آپ مہکائیا۔ سَت کہے مَیں آؤندا رہیا جُگ چار، نِت نوِت ویس وٹائیا۔ کھیل ویکھدا رہیا وِشن برہما شِو وِچ سنسار، چاروں کُنٹ بھجّاں واہو داہیِا۔ لہنا دینا جاندا رہیا گُروُ اوتار، پَیغمبراں نال مِل کے سوّمبر جگت رچائیا۔ بھگتاں نال مِل کے ہُندا رہیا خوار، جگت سماج دھکاّ رہیا لگائیا۔ بِن اکّھاں نیتر روندا رہیا زارو زار، بِن نیَناں نیِر وہائیا۔ ساچی بِھچِھیا منگدا رہیا اگمّ اپار، اکّھ اگوچر اَگے جھولی ڈاہیِا۔ کِرپا کر کِرپا نِدھ سِرجنہار، سِر سِر رِزق سبائیا۔ میرا ناتا جوڑ سچ دوار، در دربار ملِے وڈیائیا۔ ڈنکا وجّدا رہے سدا جُگ چار، چؤکڑی سکے نہ کوئی بدلائیا۔ تُوں میرا مَیں تیرا وِچھوڑا ہووے نہ وِچ سنسار دوُجی وار، وارتا پہلی دے دُہرائیا۔ کاغذ قلم نہ لِکھنہار، شاہی چلے نہ کوئے چتُرائیا۔ بِنا سَت دے سَت پُرکھ تیری چلے کوئی نہ کار، سَت دھرم نظر کوئے نہ آئیا۔ بِنا دھرم دے دھرنی دھؤل نہ ہووے پار، دھرنی دھرت رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، سچ دوارے دے وڈیائیا۔ سَت کہے مَیں پربھوُ لوک مات تیرا بنیا سُتّ، کلجُگ انتم لَواں انگڑائیا۔ پاربرہم ابناشی اچُتا، پتِ پرمیشور اِک اکھوائیا۔ اُجل کر مات مُکھا، دُرمت مَیل دھوائیا۔ تیرے چرن کوَلاں سیِس جگدیِش جھُکا، اِشٹ دیوَ اِکو لیا منائیا۔ میرا کوُڑی کِریا نالوں پیَنڈا مُکا، مُکمل اپنا رنگ چڑھائیا۔ مَیں رہن نہ دیواں کوئی دُکھا، دردیِاں درد ونڈائیا۔ اِک دِساواں تیری اوٹا، اوڑک تیرے وِچ سمائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ سَت کہے پربھوُ میرے سَتونت، سَت سَتوادی تیری دھار نظری آئیا۔ تُوں مالک خالق پرِتپالک والی دو جہاناں کنت، کنت کنتوُہل تیرے ہتّھ وڈیائیا۔ کلجُگ کوُڑی کِریا مایا ممتا موہ کر دے انت، انتشکرن سب دا ویکھ وکھائیا۔ لکّھ چؤراسی دُکھی ہویا جیِو جنت، جاگرت جوت کرے نہ کوئے رُشنائیا۔ گڑھ بنیا ہؤمے ہنگت، ہنگ برہم نہ کوئے سمجھائیا۔ بودھ اگادھا بنیا کوئی نہ پنڈت، شاستر سِمرت وید پُران انجیل قُرآناں دی کردے سرب پڑھائیا۔ )بِن تیری کِرپا پاربرہم پتِ پرمیشور کوئی بنیا نہ دُھر دا سنت، سَتگُر لوک مات نظر نہ آئیا۔ تیری مہما سدا اگنت، گُر اوتار پَیغمبر کہہ کے انت کوئے نہ پائیا۔ جوتی جوت سروُپ ہرِ، آپ اپنی کِرپا کر، ساچا دینا اِک ور، وارث ہو کے ہونا انت سہائیا۔ سَت کہے میرے سَت سَتوادی سِری بھگوان، بھگوَن مِہر نظر اُٹھائیا تیرے نام دا جھُلاواں نِشان، نِشانے سارے دیاں

گوائیا۔ لکّھ چؤراسی دا اِکو جناواں کاہن، گِنتی والیِاں گوپِییاں دی لوڑ رہے نہ رائیا۔ سب گھٹ رمیاں دسّا رام، بنواس والا رام جِس نوُں سیِس جھُکائیا۔ جِس نوُں عیسیٰ موُسیٰ محمد کردے سلام، پَیغام سُن کے خوشی منائیا۔ جِس نوُں نانک گوبِند کردے پرنام، سَتنام گا کے فتح ڈنکا اِک وجائیا۔ جو سچکھنڈ نِواسی مالک دو جہان، جہالت کلجُگ انتم ویکھ وکھائیا۔ ساچا دِسے نہ کِسے مکان، کایا مندر اندر چڑھ کے پربھ دا درس کوئے نہ پائیا۔ باہروں تتّاں والے دِسدے سرب اِنسان، اندر بھریا کوُڑ شیَطان، شرع دئے دُہائیا۔ جوتی جوت سروُپ ہرِ، آپ اپنی کِرپا کر، سچ پریِتی سَت دھرم سَتجُگ سَت پُرکھ سَت سَتواد دے دے سچّا دان، دانشمند لبھن دی لوڑ رہے نہ رائیا۔

۶ ساوَن شہنشاہی سمت ۲ گُلزار سِنگھ دے گرِہ جنڈیالا ضِلع امرتسر

سَت کہے میری ارداس، مانگت ہو کے منگ منگائیا۔ کِرپا کر پُرکھ ابناش، تیری اِک سرنائیا۔ کلجُگ ویکھ اندھیری رات، چاروں کُنٹ اندھیرا چھائیا۔ ساچی مِلی کِسے نہ دات، تیرا نام نہ کوئے ورتائیا۔ چار جُگ دی پڑھ پڑھ تھکے گاتھ، گہر گمبھیِر ملِے نہ کوئے سرنائیا۔ جو گُر اوتار پَیغمبر گئے آکھ، بھوِکھتاں وِچ سمجھائیا۔ سو نِرگُن نوُر ہویا پرکاش، پڑدا اوہلا دئے چُکائیا۔ سچ دوارے دے نِواس، ملِے مان وڈیائیا۔ کوُڑی کِریا کر گھات، شبد کھنڈا اِک اُٹھائیا۔ جوتی جوت سروُپ ہرِ، آپ اپنی کِرپا کر، دھرم دوارا دے جنائیا۔ سَت کہے پربھ بخش دے سنتوکھ، سرِشٹی درِشٹی دے بدلائیا۔ ساچے نام دی دے موکھ، مُفت جھولی آپ بھرائیا۔ چرن کوَل بخش اوٹ، اوڑک اپنا رنگ رنگائیا۔ نام نِدھان لا چوٹ، سُتّیاں لےَ اُٹھائیا۔ کوُڑی کِریا کڈھ کھوٹ، کُکرم دے بدلائیا۔ نام خُماری دے مدہوش، مدُھر دُھن اِک اُپجائیا۔ نِج نیَن کھول لوچ، لوچا پوُر کرائیا۔ کوُڑی میٹ دے اندروں سوچ، سُچ سنجم آپ پرگٹائیا۔ شبد گیان دے بودھ، بُدھ بِبیک دے بنائیا۔ ہؤمے رہے کوئی نہ روگ، چِنتا دینی چُکائیا۔ آتم پرماتم مِلن دا دسّنا اِکو جوگ، جُگتی اوَر کمّ کِسے نہ آئیا۔ کر پرکاش نِرمل جوت، جوتی جوت ہووے رُشنائیا۔ جوتی جوت سروُپ ہرِ، آپ اپنی کِرپا کر، پریم پیار مُحبّت اندر کر موہت، موہ اِکو اِک رکھائیا۔ سَت کہے ساچی دے دے دھیِر، دھرم اِک دِرڑائیا۔ کلجُگ میٹ لکیِر، کوُڑی نظری آئیا۔ جھگڑا رہے نہ سنت فقیِر، شرع کرے نہ کوئے لڑائیا۔ بھگت ہوئے نہ کوئے دِلگیِر، سانتک سَت دے کرائیا۔ شرع کٹ

کوُڑ زنجِیر، چیِر اندروں دے بدلائیا۔ تیری سمجھ نہ سکے کوئے تدبیِر، تقدیِر لیکھا دے چُکائیا۔ جوتی جوت سروُپ ہرِ، آپ اپنی کِرپا کر، وڈّ داتے گہر گمبھیِر، غرض سب دی ویکھ وکھائیا۔ سَت کہے میرے دُھر دے کاہن، تیرے ہتّھ وڈیائیا۔ سچ دوارے آ مہمان، مِہروان پھیرا پائیا۔ اِکو نام دے گیان، اگیان اندھیر چُکائیا۔ تُوں سب گھٹ جانی جان، لکّھ چؤراسی رہیا سمائیا۔ تیرا حُکم سچّا فرمان، نہ کوئی میٹے میٹ مِٹائیا۔ گُر اوتار تیرا ڈھولا گان، پَیغمبر کلمہ کہہ کے کامل مُرشد اکھوائیا۔ تُوں نہ ہِندوُ نہ مُسلمان، جلوہ گر نوُر رُشنائیا۔ کلجُگ انت سِری بھگوَنت ساچے مندر وس مکان، کایا کعبےسوبھا پائیا۔ جِتھے ملِے اِکو آن، سِری بھگوان نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، بھاگ لگا کے کایا گڑھ بنک، راؤ رنک اِکو دینا وکھائیا۔

۶ ساوَن شہنشاہی سمت ۲ سنتوکھ سِنگھ دے گرِہ جنڈیالا ضِلع امرتسر

سَت کہے مَیں آیا منگن، سَت دوارے سیِس نِوائیا۔ سَت سَتوادی چاڑھ رنگن، ہرِ کرتے دَیا کمائیا۔ پُرکھ ابناشی لا انگن، سِری بھگوان دے وڈیائیا۔ سچ پرکاش کر نوُری چندن، کلجُگ اندھ اندھیر گوائیا۔ چار ورناں اٹھاراں برناں دسّ اِکو بندن، اِکو نام دے سمجھائیا۔ نِج آتم رس دے اگمّی پرمانندن، نِجانند وجےّ ودھائیا۔ جوتی جوت سروُپ ہرِ، آپ اپنی کِرپا کر، کوُڑی کِریا کٹ بندھن، بندگی اِکو دے سمجھائیا۔ سَت کہے مَیں ہویا منگتا، در ٹھانڈے سیِس نِوائیا۔ پُرکھ ابناشی سَت سَتوادی گڑھ توڑ ہؤمے ہنگتا، دوَیتی اندروں باہر کڈھائیا۔ جھگڑا مُکا دے بُھکھ ننگ دا، اوڈھن سب دے سیِس ٹِکائیا۔ نگارہ وجا دے اپنے مردنگ دا، مرد مردانے اپنا حُکم ورتائیا۔ ویکھ کھیل وِچ وربھنڈ دا، برہمنڈ کھنڈ کھوج کھوجائیا۔ جوتی جوت سروُپ ہرِ، آپ اپنی کِرپا کر، نِرگُن ہو کے ویکھ وکھائیا۔ سَت کہے مَیں ہویا درویش، در گھر ساچے الکھ جگائیا۔ تُوں آد جُگاد پرم پُرکھ رہیں سدا ہمیش، جُگ جُگ اپنا حُکم ورتائیا۔ منگتے ویکھے وِشن برہما مہیش، شنکر سیِس جھُکائیا۔ گُر اوتار کرن آدیس، پَیغمبر سجدیاں وِچ سیِس رہے جھُکائیا۔ کلجُگ انتم بدل دے ریکھ، کوُڑی کِریا دے مِٹائیا۔ اندر وڑ کے دے ساچا بھیت، پڑدا اوہلا رہے نہ رائیا۔ جن بھگتاں کر ساچا ہیت، پرم پُرکھ تیری اِک سرنائیا۔ نظر آویں نیتن نیت، نِج نیتر کر رُشنائیا۔ جوتی جوت سروُپ ہرِ، آپ اپنی کِرپا کر، ایکا

دینا ساچا ور، صاحب سوامی انترجامی جگت پِت جگدیِشر جاگرت جوت کر رُشنائیا۔ سَت کہے مَیں آیا در دربار، ناتا کوُڑا جگت تُڑائیا۔ کِرپا کر میرے نِرنکار، نِرگُن آسا پوُر کرائیا۔ وست امولک جھولی ڈار، ڈر بھؤ رہے نہ رائیا۔ مارگ لاواں اِک سنسار، سنسا روگ دے چُکائیا۔ چار ورناں دسّاں اِک پیار، کھتری براہمن شوُدر وَیش لڑے کوئے نہ رائیا۔ ساچا مندر اِک وکھال، جِتھے وسن شاہ کنگال، راؤ رنک ونڈ نہ کوئے ونڈائیا۔ تُوں داتا دیِن دَیال، دیانِدھ اکھوائیا۔ ساچا دھرم سچّی دھرمسال، کعبہ اِکو دے پرگٹائیا۔ دیِا باتی کملاپاتی نِرگُن جوت دے بال، بُڈھے بالے اِکو نظری آئیا۔ آ کے ویکھ مُریِداں حال، مُرشد ویس وٹائیا۔ جگت کِریا توڑ جنجال، جیِون جُگت اِک سمجھائیا۔ سَت کہے سدا دھرم میرے نال، بِنا سَت توں دھرم دھرنی اُتے سوبھا کدی نہ پائیا۔