کتب خانہGranth 19 (Urdu)

۲۳ ساوَن شہنشاہی سمت ۲ ہرِ بھگت دوار پِنڈ جیٹھوُوال ضِلع امرتسر

اِکّی ساوَن کہے پربھ دا کھیل دو جہان جگ لئی، جگہ جگہ دئے وڈیائیا۔ جِس پنچ دھار رِشیاں والی سد لئی، بل باوَن موُل چُکائیا۔ نِرگُن نوُر جوت پرکاش آپ اپنی وِچوں کڈھ لئی، اکل کلا کلجُگ آپ ورتائیا۔ مِہر کر اُپر شاہ رگ لئی، رِگ یجُر اتھربن سام لیکھا گئے مُکائیا۔ پرگٹ ہو کے بھگت بھگوان سرحد لئی، بندی خانہ توڑ تُڑائیا۔ کھیل کرا کے اجّ لئی، اجل مزل توں دِتا بچائیا۔ جوتی جوت سروُپ ہرِ، آپ اپنی کِرپا کر، دُھر دا حُکم آپ ورتائیا۔ اِکّی ساوَن کہے میرا سما نہیں ہویا سماپت، راہ اگلا ویکھ وکھائیا۔ پُرکھ اکال کھیل کھیلنا صحیح سلامت، سَت دھرم دی ساچی کار کمائیا۔ جن بھگتاں اندروں کڈھنی کوُڑی علامت، بےعِلماں توں عالم دینا بنائیا۔ ضامن ہو کے دینی ضمانت، جماں توں لَینا چُھڈائیا۔ بل دی سانبھ کے رکھی اَمانت، باوَن اپنا پوُرا فرض کرائیا۔ رِشیاں اندر نام نیامت، نِرگُن سرگُن دینا ٹِکائیا۔ سچ دوارے رہے نہ کوئے ممانت، مہمان خانہ پربھوُ دوارا دینا جنائیا۔ جگت بُدھی رہے نہ کوئے سیانپ، چرن سرن وڈّی وڈیائیا۔ موُرکھ مُگدھ نہ رہے اَنجانت، سوُجھ سمجھ اِک دِرڑائیا۔ منوُآ من نہ کرے بغاوت، کوُڑی کِریا نہ کوئے لڑائیا۔ اِکّی ساوَن کہے میری منظوُر ہوئی دعوت، رِشی پِچھلے گئے آئیا۔ جوتی جوت سروُپ ہرِ، آپ اپنی کِرپا کر، پوُرب لیکھ ویکھ وکھائیا۔ اِکّی ساوَن کہے آئے رِشی مہا رکھیِشر، رِکھ مُن سار کوئے نہ آئیا۔ پربھ چرناں دے وڈ تپیِشر، تپی تپدیاں توں پرے دیاں ہٹائیا۔ مہما سُندے سدا مُنیِشر، ہِردے ہرِ ہرِ دھیان رکھائیا۔ میلا کر جگت پِت ایشر، جگدیِشر سیو کمائیا۔ مُلّما

رہے کوئی نہ پیِتل، سونا کنچن روُپ وٹائیا۔ سوامی سدا سُہیلا میِتل، مِتر اِکو اِک منائیا۔ آتم پرماتم کر کے کیرتن، کِرت اپنی رہے کمائیا۔ ایتھے اوتھے کدے نہ وِلکن، غمی چِنتا نہ کوئے ستائیا۔ گُرمْکھو تُہاڈی سیوا جیہڑی وِچ کرائی تِلکن، تِلکن بازی توں لیا بچائیا۔ بھگتی دا لیکھا چِھن وِچ آوے پرکھن، پریِکھیا ہتّھ نہ کِسے پھڑائیا۔ سیوا نال بھاوَ ہویا درشن، سچ چند رُشنائیا۔ جِس کارن جُگ چؤکڑی ترسن، کوٹل کوٹ رِکھ مُن سادھ سنت دھیان لگائیا۔ وَیراگی بَیراگی تیاگی ہو کے تڑپھن، رو رو دین دُہائیا۔ جگت وِکار رہے اٹکن، پندھ پار نہ کوئے کرائیا۔ سو صاحب سوامی تُہاڈے اُتے کر کے ترسن، ترِکھا جنم جنم بُجھائیا۔ جوتی جوت سروُپ ہرِ، آپ اپنی کِرپا کر، مِہروان ہو سہائیا۔ اِکّی ساوَن کہے میرا لیکھا لِکھیا نہیں باقی، بقایا اپنے ہتّھ رکھائیا۔ دُھر دا بن کے آپ ساقی، پیالہ سہج سہج پیائیا۔ کلجُگ ویکھ اندھیری راتی، رُتڑی اپنے وِچ چُھپائیا۔ یاد آئی باوَن والی پاتی، بل ہتّھ وِچوں۔ جِس دا کُچھ لیکھا پربھ دی بھانتی، سمجھے کوئے نہ رائیا۔ کلجُگ انتم بننی ساکھی، ساکھیات دئے وڈیائیا۔ اِک کنیا دی منّنی آکھی، بھوگ گھر گھر لگائیا۔ پنجاں دی رِشیاں وِچوں ہونی اُتم ذاتی، تیراں سؤ سَتاسی ملِے وڈیائیا۔ پُرکھ اکال بننا ساتھی، سگلا سنگ بنائیا۔ بل دی یاد آؤنی گاتھی، پِچھلا حال سُنائیا۔ جِس نوُں باوَن پُچھیا، مِلیا پُرکھ ابناشی، رِشی سچ دے سمجھائیا۔ اوس دے اندروں آئی ہاسی، ہسّ کے دِتا سُنائیا۔ وِچھوڑے وِچ ہوئی اُداسی، بل دوارے مِلیا نہ بےپرواہیِا۔ منزل پوُری ہوئی نہ گھاٹی، پیَنڈا پندھ نہ کوئے مُکائیا۔ باوَن کِہا بچن دسّاں ساچی، سَت سَت دِرڑائیا۔ تُوں منّی میری آکھی، بِن اکھّراں دیاں پڑھائیا۔ کھیل ہووے کملاپاتی، پت پرمیشور ویس وٹائیا۔ تیری بدل کے پھیر حیاتی، جیِون جیِون وِچوں وکھائیا۔ گوبِند تیرا ساتھی، سگلا سنگ نِبھائیا۔ پریم دھار ملِے پربھاتی، سندھیا روُپ نہ کوئے بدلائیا۔ پھیر ہووے مات نِجاتی، پُرکھ اکال دیوے وڈیائیا۔ تیری سیوا بہُہ بِدھ بھانتی، بھاوَنا اپنے نال مِلائیا۔ امرت میگھ برسے بوُند سوانتی، ہرِ سنگت مُکھ چوائیا۔ تیرے ہتّھ پھڑا کے داتی، داتار خوشیاں نال اپنی کار لگائیا۔ پِچھلے ہونے تیرے جماعتی، سوہنا سنگ بنائیا۔ ایہہ کھیل بہُہ بِدھ بھانتی، بُدھی سمجھ کِسے نہ آئیا۔ لیکھا لِکھیا نہ جائے وِچ کِتابی، کُتب خانیاں وِچ نہ کوئے چُھپائیا۔ لہنا دینا نہیں کوئی حِسابی، انکڑیاں وِچ نہ کوئے گِنائیا۔ صِفتاں وِچ گائے نہ کوئے ربابی، تند سِتار نہ کوئے شنوائیا۔ بنک سُہائے نہ کوئے محرابی، مجلس حق نہ کوئے بنائیا۔ جِس ویلے کلجُگ انت موُڑھ مُگدھاں دی ودھی آبادی، سرِشٹی بُھلے بےپرواہیِا۔

اوس لہنے دی ہووے شادی، جِس دا شادیانہ وجےّ چائیں چائنیا۔ رَویداس دیوے پریم دی دادی، داد اِکو نظری آئیا۔ سُرتی ہووے جاگی، شبد ہووے شنوائیا۔ لاؤنی پئے نہ کوئے سمادھی، من کا منکا نہ کوئے بھوائیا۔ دُرمت مَیل رہے نہ داغی، پتت پُنیِت کرائیا۔ کِرپا کرے موہن مادھوَ مادھی، مدھر بَین سہج سُکھدائیا۔ نِرگُن نِروَیر بدل سوانگی، سوانگ اپنا دئے جنائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ اِکّی ساوَن کہے رِشیؤ تُہاڈی سیوا دھنّ، رِشتہ مِلیا بےپرواہیِا۔ جننی وڈیائی دھنّ، جِس جن کے سیو کمائیا۔ ترِشنا مِٹی تن، اگنی تت بُجھائیا۔ نام سُنائے کنّ، کرماں دا روگ کٹائیا۔ جنم دا بیڑا بنّھ، پربھ اپنے کندھ اُٹھائیا۔ بھیو کُھلا کے ہنگ برہم، پاربرہم دِتا دِرڑائیا۔ تُہاڈا سُپھل ہویا جنم، لیکھا اَگے منگے کوئے نہ رائیا۔ پوُرا ہویا پرن، پرماتم آتم وِچ سمائیا۔ من کا رہے نہ بھرم، بھانڈا بھرم بھنائیا۔ کمّ کاج سیوا کردیاں نہیں کوئی شرم، شرع توں باہر لیکھا دِتا کرائیا۔ سانجھا کرکے دھرم، دھرماتما بنا کے دیوے مان وڈیائیا۔ اَگے اپنی کرنی آیا کرن، کرتا پُرکھ دئے سمجھائیا۔ پنجاں نے پنجھی، ساوَن توں منگنی سرن، ہتّھ مستک اُتے ٹِکائیا۔ رسنا ڈھولا سچ پڑھن، نعرہ سچ سُنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ اِکّی ساوَن کہے اِکّی اِکّی اِکّی لیکھ، بِن لِکھت لِکھت لِکھت سمجھائیا۔ جِس دی یاد رہے ہمیش، لوک مات نہ کوئے مِٹائیا۔ جِس دا وِچولا دس دسمیش، دو جہاناں جوڑ جُڑائیا۔ انتم کر کے دوُاے دا ایک، ایکا دوُآ گنڈھ پوائیا۔ بھگتاں سانجھی کر کے ٹیک، ٹِکّے مستک دئے لگائیا۔ قلم شاہی والا لیکھ، کوئی میٹ نہ سکے اؤلیاں شیخ، پَیغمبر ویکھ خوشی منائیا۔ تُہاڈا سُہنجنا کرکے دیس، دِشا اپنی دئے جنائیا۔ جِتھے جھُکدے وِشن برہما مہیش، شنکر سیِس نِوائیا۔ گُر اوتار پَیغمبر ہُندے بھیٹ، تن ماٹی وجوُد سیو لگائیا۔ جوتی جوت سروُپ ہرِ، آپ اپنی کِرپا کر، لیکھا لیکھے وِچ لئے رکھائیا۔ اِکّی ساوَن کہے میرا لِکھیا نہ کوئے لیکھا، وقت ویلا گیا وِہائیا۔ حُکم دیوے نر نریشا، شاہ پاتشاہ سچّا شہنشاہیِا۔ جِس دا جُگ چؤکڑی گُر اوتاراں پَیغمبراں نال لوک مات ٹھیکا، حِصّے نام والے پائیا۔ سو کھیلے اپنی اگمّی کھیڈا، خلق سمجھ کِسے نہ آئیا۔ اپنے جِہا بن کے اپنے جیڈا، دوُجا سنگ نہ کوئے مِلائیا۔ اکھّراں وِچ دسےّ کِسے نہ بھیدا، بانیاں وِچ بھرم نہ کوئے تُڑائیا۔ اکل کل دھاری بن کے اچھل اچھیدا، اکل کل اپنی کار کمائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا مُکائیا۔ پوُرب لیکھا بُڈھے نڈھےّ بال، جوبن جوان اِکو رنگ وکھائیا۔ پریم پریِتی اندر وکھا

سچّی دھرمسال، دھرم دوار دِتا سُہائیا۔ گُرمْکھ سوہنے پرگٹا کے لال، انمُلڑے ہیِرے رہیا جنائیا۔ سیوا وِچ کمال، کمالا کبیِر دا نِیوں نِیوں لاگے پائیا۔ دُھر دا کھیل بےمثال، مِسل وِچ نہ کوئے سمجھائیا۔ ہِردا جانے نہ کوئے وِشال، بُدھی بودھ نہ کوئے دِرڑائیا۔ جِنہاں گھالی سچّی گھال، لیکھے دُھر دے لئے لگائیا۔ دیِناں بندھپ دیِن دَیال، دیانِدھ آپ ہو جائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سوامی انترجامی نِہکلنک نرائن نر، نر ہرِ در اپنا رنگ رنگائیا۔

۲۵ ساوَن شہنشاہی سمت ۲ بلوَنت کؤر دے گرِہ امرتسر

ستجُگ سِری بھگوان پُرکھ اکال دی اِکو ہووے پوُجا، کلجُگ کوُڑی کِریا مایا ممتا موہ وِکار رہن کوئے نہ پائیا۔ چار ورن اٹھاراں برن سرِشٹ سبائی مارگ رہے کوئی نہ دوُجا، اِشٹ دیوَ سوامی انترجامی اِکو اِک منائیا۔ جن بھگتاں گُرمْکھ ساچے سنتاں نِج لوچن کُھلے نیَن تیِجا، پڑدا اوہلا کایا مندر اندر دئے اُٹھائیا۔ پاربرہم برہم آتم پرماتم میل ہووے ساچے میِتا، ساک سجّن سیَن کھول نیَن اِکو اِک نظری آئیا۔ سَت دھرم نؤ کھنڈ ستّ دیِپ چلے ساچی ریِتا، دیِن مذہب ذات پات اوُچ نیِچ رہے نہ کوئے لڑائیا۔ پروردِگار سانجھا یار کر کے کھیل اگمّ اتھاہ انڈیِٹھا، جگت نیتر دیِن دُنی نظر کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سدا سُہیلا اِک اَکیلا ایکنکار اپنا حُکم ورتائیا۔ سَتجُگ تیرا چار کُنٹ دہِ دِشا اِکو ہووے پاٹھ، سِمرن جوگ ابھیاس پربھ اپنا نام جپائیا۔ کایا مندر اندر سچ سروور وکھائے لیکھا چُکے آٹھ ساٹھ، نیِر سیِر امرت دھار اگمّی مُکھ چوائیا۔ انحد شبد انادی دُھن آتمک وجائے ساچا ناد، جگت ساز لیکھا دئے مُکائیا۔ نِرمل نوُر ظاہر ظہوُر جوت کرے پرکاش، اندھ اگیان سِری بھگوان کایا ماٹی دئے چُکائیا۔ تُوں میرا مَیں تیرا آتم پرماتم دسّ کے ساچی گاتھ، مانَو مانُکھ مانَس کرے اِک پڑھائیا۔ مِہروان ٹھاکر سوامی پرم پُرکھ رگھُناتھ، سَت سَتوادی برہم برہمادی شبد انادی اِکو ناد وجائیا۔ گُرمْکھ سنت سُہیلے کلجُگ انت کوُڑی مایا وِچوں جان جاگ، آلس نِندرا رہن کوئے نہ پائیا۔ پربھ مِلن دا من بُدھی توں پرے اُپجے وَیراگ، جگت واسنا وِچ نہ کوئے ہلکائیا۔ سَتگُر پریم کرے کوُڑ کایا کپڑ ہنس کاگ، مانک موتی اپنا نام چوگ چُگائیا۔ دُرمت مَیل اندر باہر گُپت ظاہر رہن نہ دیوے داغ، پتت پُنیِت پتت پاون دئے کرائیا۔

جوتی جوت سروُپ ہرِ، آپ اپنی کِرپا کر، سَتجُگ تیری ساجن دیوے ساج، کلجُگ کوُڑ کُٹمب لیکھا دئے مُکائیا۔ سَتجُگ تیرا سچّا اِکو اُپجے نام، ناؤں نِرنکار آپ دِرڑائیا۔ لکّھ چؤراسی اِکو نظری آئے رام، جو ہر گھٹ رمیا سوبھا پائیا۔ نام سندیشہ اگمّی دیوے حق پَیغام، پیِر پَیغمبر گُر اوتار اپنا حُکم منائیا۔ جِس نوُں سَتجُگ تریتا دواپر کلجُگ کردے گئے سلام، نمو نمو کہہ کے سارے سیِس جھُکائیا۔ سو کھیل کرے سِری بھگوان، پاربرہم پت پرمیشور اپنا حُکم منائیا۔ جِس دا برہمنڈ کھنڈ حُکم چلے زِمیں اسمان، گگن گگننتر اِکو منتر نِرنتر اپنا آپ سمجھائیا۔ سَت دھرم سَت سَتواد جھُلائے سچ نِشان، جگت نِشانے کوُڑ دئے مِٹائیا۔ ایتھے اوتھے دو جہاناں لوآں پُریِاں برہمنڈاں کھنڈاں بن کے حُکمران، نِرگُن سرگُن سرگُن نِرگُن اپنا حُکم منائیا۔ جِس دا گُر اوتار پیِر پَیغمبر بھوِکھتاں وِچ کردے گئے بیان، سو صاحب سُلطان دُھر دا مالک اپنا حُکم منائیا۔ جوتی جوت سروُپ ہرِ، آپ اپنی کِرپا کر، سَتجُگ ساچے دیوے ور، لوک مات ساچی دات تیری جھولی پائیا۔ سَتجُگ ساچے تیرا اِکو ہووے سچ دوار، دوارکا نِواسی جِتھے سیِس نِوائیا۔ جِتھے آد جُگاد جُگ چؤکڑی نام سَت دا بھریا رہے بھنڈار، اتوٹ اتُٹ اگمّ اتھاہ اپنے وِچ چُھپائیا۔ پُرکھ اکال دیِن دَیال دیندا رہے سدا جُگ چار، سَت سَتوادی آپ ورتائیا۔ کرنی دا کرتا قُدرت دا قادر کرے کھیل اپار، اپرمپر سوامی اپنا حُکم ورتائیا۔ کلجُگ انت سِری بھگوَنت شبد اگمّی دُھر فرمانے کرے خبردار، بےخبراں خبر پُچائیا۔ سرِشٹی درِشٹی دئے ہُلار، کایا کعبہ کائنات حق مقام بھیوَ ابھیدا دئے کُھلائیا۔ پُرکھ ابناشی گھٹ نِواسی آتم پرماتم پاربرہم برہم ملِے سچّا یار، میِت مُرارا وِچ سنسارا اِکو نظری آئیا۔ کلجُگ کوُڑ کُڑیار کرے خوار، سَتجُگ ساچے تیرا سُہائے بنک دوار، در دروازہ اِکو اِک سُہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت سَتوادی اپنی کھیل رچائیا۔ سَتجُگ تیرا ہووے اِکو جاپ، رسنا جِہوا بتّی دند ڈھولے سرب گائیا۔ جنم جنم دا رہن نہ دیوے کِسے پاپ، کوٹ جنم دے پاپی لئے ترائیا۔ روُح بُت دوویں کرے پاک، پتت پُنیِت لئے بنائیا۔ شبدی شبد ہووے اِتفاق، من چنچل نہ کوئے چتُرائیا۔ من وِکارا کرے گھات، شبد کھنڈا اِک رکھائیا۔ کلجُگ میٹ اندھیری رات، سَتجُگ ساچے ساچا چند چمکائیا۔ کرے کھیل پُرکھ ابناش، دوُجا سنگ نہ کوئے مِلائیا۔ نِج گھر واسی ہر گھٹ انتر رکھے واس، نِرگُن نوُر جوت کر پرکاش، ایکا ایک کرے رُشنائیا۔ دُھن آتمک سُنائے اپنا راگ، مایا ممتا میٹ جگت وِواد، رس اِکو اِک چکھائیا۔ جوتی جوت سروُپ ہرِ، آپ

اپنی کِرپا کر، نام بھنڈارا دے کے بودھ اگادھ، سَتجُگ تیرا ساچا مارگ دئے لگائیا۔ سَتجُگ تیرا نام ہووے ایکا ایک، ایکنکار دئے وڈیائیا۔ جن بھگتاں بخشے ساچی ٹیک، ٹِکّے مستک دھوُڑی خاک نام رمائیا۔ انتر انتر کرے بُدھ بِبیک، باہروں وِدیا پڑھن دی لوڑ رہے نہ رائیا۔ آتم پرماتم پرماتم آتم اندر وڑ کے مندر چڑھ کے ساڈھے تِنّ ہتّھ کھولے بھیت، نؤ دوارے پیَنڈا دئے چُکائیا۔ تُوں میرا مَیں تیرا سچّا کر کے ہیت، ہِتکاری ہو کے ویکھ وکھائیا۔ نظری آوے نیتن نیت، نِج لوچن نیَن کرے رُشنائیا۔ کوُڑی کِریا میٹے کلجُگ بھیکھ، پاکھنڈ وِبھچار دئے گوائیا۔ ترےَگُن مایا موُل نہ لائے سیک، اگنی تت نہ کوئے جلائیا۔ جوتی جوت سروُپ ہرِ، آپ اپنی کِرپا کر، چرن کوَل بخشے ساچی ٹیک، دھرنی دھرت دھوَل اُپر دیوے مان وڈیائیا۔ سَتجُگ تیرا ساچا دھرم، سَت سَتوادی آپ لگائیا۔ جھگڑا مکُے چار ورن، کھتری براہمن شوُدر وَیش ونڈ نہ کوئے ونڈائیا۔ لیکھا رہے نہ اٹھاراں برن، ورن آتمک ایکا راگ دُھن کرے شنوائیا۔ جن بھگتاں نیتر کھول کے ہرن پھرن، نِج لوچن پڑدا دئے اُٹھائیا۔ کِرپا کرے کرتا پُرکھ کرنی کرن، قُدرت دا مالک بےپرواہیِا۔ سچ دوارا دسّ کے دُھر دی سرن، سرناگت اِکو دئے دِرڑائیا۔ آون جاون پیَنڈا مکُے ڈرن مرن، لکّھ چؤراسی گیڑا دئے کٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتجُگ تیرا سچّا راہ سَتگُر شبد بنے ملاح، دوُجا رہن کوئے نہ پائیا۔ سَتجُگ تیرا اِکو نام ہووے دُھر دا شبد، اگمّی راگ سُنائیا۔ جِس نوُں منّن دیِن دُنی سارے مذہب، ذات پات ونڈ نہ کوئے ونڈائیا۔ ایتھے اوتھے دو جہاناں ملِے ادب، آداب نال سارے بَیٹھے سیِس جھُکائیا۔ گُر اوتار پَیغمبر ساچے در جھُک جھُک مستک لاؤندے قدم، دھوُڑی خاک رمائیا۔ جھگڑا مکُے تن ماٹی خاکی وجوُد بدن، آتم پرماتم مِل کے وجےّ ودھائیا۔ جوتی جوت سروُپ ہرِ، آپ اپنی کِرپا کر، ساچی چاڑھے اِکو رنگن، رنگنہارا اپنا نام رنگائیا۔ سَتجُگ تیرا سَت سَتوادی چلے راہ، رہبر اِکو اِک نظری آئیا۔ جِس نوُں کہِندے جلوہ گر خُدا، مقامے حق سوبھا پائیا۔ پت پرمیشور کر کے سیِس رہے جھُکا، ابناشی کرتا کہہ کے ڈھولے رہے گائیا۔ سو پُرکھ نِرنجن کہہ کے مستک دھوُڑی لاؤندے چھاہ، ہرِ پُرکھ نِرنجن کہہ کے اپنا آپ بھیٹ کرائیا۔ سِری بھگوان کہہ کے سارے ہُندے فِدا، فِطرت اپنی رہے گوائیا۔ ابناشی کرتا کر کے سارے کرن دُعا، خالی جھولی اَگے ڈاہیِا۔ پاربرہم منّ کے واسطہ رہے پا، نِیوں نِیوں لاگن پائیا۔ برہم روُپ نظری آئے سرِشٹ سبا، دوُجا ویس نہ کوئے وٹائیا۔ پنج تت اندر سارے رہے سُہا، اپ

تیج وائے پرِتھمی آکاش دُھر دی بنت بنائیا۔ رجو طمعو سَتو ساچا سنگ رہی نِبھا، آد جُگاد جُگ چؤکڑی ساچی سیو رہی کمائیا۔ کلجُگ انت سِری بھگوَنت بنے تیرا ملاح، پت پرمیشور سیوا آپ کمائیا۔ گُرمْکھاں گُرسِکھاں جن بھگتاں صوُفی فقیِراں کوٹن کوٹ جنم دے بخش کے گُناہ، مِہر نظر نال پار ترائیا۔ نِرگُن ہو کے سرگُن پکڑے بانہہ، پار کنارہ ہرِ نِرنکارا اِکو دئے وکھائیا۔ مِہروان محبوُب ہو کے سِر دیوے ٹھنڈی چھاں، شاہ پاتشاہ سِر اپنا ہتّھ ٹِکائیا۔ سَتجُگ تیرا سچ دوارا سچکھنڈ نِواسی پُرکھ ابناشی دئے سُہا، سَت سَتوادی اپنا نِرگُن نوُر جوت کر رُشنائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی نِت نوِت نِرگُن سرگُن اپنا کھیل رہیا رچا، کھانی بانی شاستر سِمرت وید پُران انجیل قُرآن نام سندیشہ صِفتاں صِفت صِفت صلاحیِا۔

۲۵ ساوَن شہنشاہی سمت ۲ اجیِت سِنگھ دے گرِہ پِنڈ آنڈلوُ ضِلع لُدھیانہ

ستجُگ سچکھنڈ دوارے ملِے سچ اوٹ، پُرکھ اکال دیِن دَیال پروردِگار سانجھا یار ہووے سہائیا۔ شبد اگمّی سَتگُر ساچا لائے ایکا چوٹ، چوٹی چڑھ کے سچ دوارے کھڑ کے بھیوَ ابھیدا آپ کُھلائیا۔ کلجُگ کوُڑی کِریا جگت واسنا من ممتا کڈھے کھوٹ، ہؤمے ہنگتا کوُڑ وِکار لوک مات رہن کوئے نہ پائیا۔ جھگڑا مُکاوے دیِن مذہب ذات پات ورن گوت، آتم پرماتم پاربرہم برہم بھیو دئے چُکائیا۔ لیکھا مُکائے جگت وِدیا من بُدھی سوچ، انبھوَ دھار اپنا لیکھا دئے دِرڑائیا۔ دیِن دَیال سد کِرپال آسا منسا پوُری کرے گُر اوتار پَیغمبر جِس نوُں رہے لوچ، شاستر سِمرت وید پُران انجیل قُرآن کھانی بانی جِس دا دھیان لگائیا۔ ایکا نام نِدھان دو جہان برہمنڈ کھنڈ پُری لوء آکاش پاتال بہُت، صِفتی نام لیکھا دئے چُکائیا۔ اِکو ڈنکا وجےّ چؤداں لوک چؤداں طبق پرلوک، اِکو حُکم کرے شنوائیا۔ جن بھگتاں ساچے سنتاں چِنتا غم رہن نہ دیوے کوئی نہ روگ، مایا ممتا ہؤمے ہنگتا دوُر کرائیا۔ تُوں میرا مَیں تیرا آتم پرماتم نِرگُن نِرگُن دے کے ساچا جوگ، سرگُن ساچی سِکھیا دئے سمجھائیا۔ گھر پرکاش کایا مندر اندر کرے نِرگُن جوت، جوتی جاتا پُرکھ بِدھاتا اپنی دَیا کمائیا۔ نام رس نِجھر جھِرنا امرت دیوے دُھر دی چوگ، جگت ترِشنا کوُڑی اگنی اگّ بُجھائیا۔ ایتھے اوتھے دو جہاناں ہون نہ دیوے

کدی وِجوگ، دُھر سنجوگی اپنا میل مِلائیا۔ سَتجُگ تیرے اندر لیکھا رہن نہ دیوے کوُڑ کام کرودھ، لوبھ موہ ہنکار اپنے اندر بھسم کرائیا۔ جوتی جوت سروُپ ہرِ، آپ اپنی کِرپا کر، سچ دوارا ایکنکارا اِکو اِک وکھائیا۔ سَتجُگ ساچے بخشے ایکا اوٹ اکال، اکل کل دھاری اپنی دَیا کمائیا۔ سچکھنڈ دوارا وکھا اِکو سچّی دھرمسال، جگت مندراں دا لیکھا دئے مُکائیا۔ نِرگُن دِیپک جوت اگمّی دیِا دیوے بال، تیل باتی دی لوڑ رہے نہ رائیا۔ جِتھے بَیٹھن شاہ کنگال، اوُچ نیِچ راؤ رنک راج راجان ونڈ نہ کوئے ونڈائیا۔ جگت وِچولا لبھنا نہ پئے کوئی دلال، چار کُنٹ دہِ دِشا بھجّنا پئے نہ واہو داہیِا۔ نام انمولا ملِے دُھر دا لال، جِس دی قیِمت جُگ چؤکڑی سکے نہ کوئے چُکائیا۔ جِتھے گُر اوتار پَیغمبر جلوہ نوُر تکّن جمال، سچکھنڈ دوارا مقامے حق نظری آئیا۔ جھگڑا رہے نہ زِمیں اسمان، ناد دُھن سُننا نہ پئے کوئی پَیغام، پَیغمبراں والی نہ کوئے پڑھائیا۔ گُروُ گُردیو دیوے نہ کوئی دان، تتّاں والی وست نہ کوئے ورتائیا۔ اِک اکلّا کھیلے کھیل سِری بھگوان، سچکھنڈ نِواسی پُرکھ ابناشی ٹھانڈے در سوبھا پائیا۔ جِس دی مہما آد جُگاد جُگ چؤکڑی مہان، قلم شاہی لِکھ نہ سکے رائیا۔ وِشن برہما شِو کوٹن کوٹ سیِس جھُکان، سِر سکے نہ کوئے اُٹھائیا۔ سو صاحب سوامی انترجامی لکّھ چؤراسی کلجُگ ویکھنہارا مار دھیان، بِن اکّھاں اکّھ اُٹھائیا۔ جِس دا سَتجُگ تریتا دواپر کلجُگ بھوِکھتاں وِچ کردے گئے بیان، نام اِشاریاں وِچ گُر اوتار پَیغمبر گئے دِرڑائیا۔ سو پُرکھ اکالا دیِن دَیالا تخت نِواسی پُرکھ ابناشی شاہ پاتشاہ سچّا سُلطان، دُھر سندیشہ نر نریشا ایکا ایکنکار اِک اکلّا آپ سُنائیا۔ جِس دی چار ورن اٹھاراں برن جیِو جنت سادھ سنت منّن آن، حُکمے اندر برہمنڈ کھنڈ پُری لوء رہیا بھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا اِکو اِک وڈیائیا۔ سچکھنڈ ساچی اوٹ پُرکھ سمرتھ، دوُجا نظر کِسے نہ آئیا۔ سَتجُگ ساچے دیوے تیری دات تَینوُں وتھ، وست امولک آپ ورتائیا۔ دھرنی دھرت دھوَل دھؤل اُپر دیوے رکھ، رکھّیا کرے تھاؤں تھائنیا۔ جِس دا چار جُگ گاؤندے گئے جس، اکھّر ہو کے ستھر گئے وِچھائیا۔ سو دیونہارا سب دا حق، پاربرہم پت پرمیشور ویکھنہارا چائیں چائنیا۔ سُت دُلارا دھرم ونجارا کھولے اپنا ہٹّ، نام نِدھان سِری بھگوان وِچ ٹِکائیا۔ جگت واسنا کوُڑی کِریا لوک مات وِچوں دیوے کڈھ، کلجُگ انت جیِو جنت وِچ رہن کوئے نہ پائیا۔ بھگت بھگوان چار ورن بنائے اپنی جدّ، کھتری براہمن شوُدر وَیش وکھّرا رہن کوئے نہ پائیا۔ نام نِدھان سِری بھگوان سُنائے دُھر دا چھد، چھند اکھّراں وِچ

لِکھائیا۔ نوَ نؤ چار پار کرا کے حد، حدوُد محدوُد عرش عروُج اپنا دئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَتوادی برہم برہمادی پاربرہم پت پرمیشور اپنا حُکم ورتائیا۔ سَتجُگ ساچی اوٹ ایکا ایکنکار، دوُجا نظر کوئے نہ آئیا۔ جِس دا دوارا سچکھنڈ اپر اپار، نِرگُن نوُر ہووے رُشنائیا۔ تھِر گھر ویکھے ویکھنہار، آپ اپنی اکّھ کُھلائیا۔ سیوا لا گُر اوتار، پَیغمبر جُگو جُگ جُگتی اِک سمجھائیا۔ بھگت وچھل بن گِردھار، گرِہ اپنا ویکھ وکھائیا۔ جِتھے سدا سدا سد ایکا دھار، بِن گوپی کاہن ساچی راس رہیا رچائیا۔ بِن دیِا باتی کملاپاتی کر اُجیار، گہر گمبھیِر اپنا نوُر کرے رُشنائیا۔ سو صاحب سُہیلا اِک اَکیلا لوک مات نِت نوِت آوے وارو وار، سَتجُگ تریتا دواپر کلجُگ آپ ہنڈھائیا۔ قُدرت دا قادر کرنی دا کرتا سرب عالم کرے پیار، نِرگُن سرگُن سرگُن نِرگُن اپنا میل مِلائیا۔ سَتجُگ ساچا مارگ سَت سَتوادی دسےّ وِچ سنسار، اکل کل دھاری اپنی کل پرگٹائیا۔ سنت سُہیلے گُروُ گُر چیلے لکّھ چؤراسی وِچوں لئے اُبھار، بھگت بھگوان اپنا میل مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا مندر اِکو دئے سُہائیا۔ سَتجُگ ساچی اوٹ سَت سوامی آد نِرنجن، آد جُگادی اِکو نظری آئیا۔ دیِناں ناتھ سدا درد دُکھ بھےَ بھنجن، بھوَ ساگر پار کرائیا۔ نام نِدھان نیتر دیوے انجن، نِج نیتر لوچن نیَن اکّھ کُھلائیا۔ آتم پرماتم بنا کے ساچا سجّن، من واسنا پرے دئے کرائیا۔ کوُڑی کِریا جگت ترِشنا میٹے اگن، امرت میگھ اِک برسائیا۔ سچ دوارا آوے لنگھن، گھر وِچ گھر چڑھ کے سوبھا پائیا۔ سچ پریِتی آوے منگن، جن بھگتاں انتر آپ اُپجائیا۔ کایا چولی چاڑھے اگمّی رنگن، ایتھے اوتھے دو جہاناں اُتر کدے نہ جائیا۔ نِج آتم پرماتم گرِہ نِجانند دیوے سچّا اِک انندن، رس اپنا آپ پرگٹائیا۔ سچ دوارے دُھر دی ڈنڈاوت دسےّ اگمّی بندن، جِس بندگی وِچوں بندہ بندی خانہ جائے تُڑائیا۔ کِسے دا بننا نہ پئے مسندن، مُچھندگی وِچ سیِس نہ کِسے جھُکائیا۔ سُرتی شبدی ڈوری بجھّے تندن، ایتھے اوتھے جگت جہان توڑ سکے کوئے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل سوُرا سربنگن، سمرتھ سوامی اپنا حُکم ورتائیا۔ ساچی اوٹ پُرکھ ابناشی، ابناشی کرتا دیونہار وڈیائیا۔ جن بھگتاں مانَس جنم کرے رہ راسی، رستہ مارگ اپنا اِک وکھائیا۔ من چِندیا کوُڑی لاہے اُداسی، سنسا روگ دئے گوائیا۔ جیِون وِچوں بدل دیوے حیاتی، زِندگی اپنے نام رنگ رنگائیا۔ دُھر سندیشہ دے کے سچ سُناوے ساکھی، ساکھیات ہو کے پڑدا دئے اُٹھائیا۔ بھاگ لگا کے ماٹی خاکی ، خاک وِچ رُلدے

سچکھنڈ دوارے دئے پُچائیا۔ جوتی جوت سروُپ ہرِ، آپ اپنی کِرپا کر، جن بھگتاں ہو کے داس داسی، سیوک ہو کے سیوا سچ کمائیا۔ سَتجُگ ساچی اوٹ پاربرہم، برہم دیوے مان وڈیائیا۔ جِس دا آد جُگاد سدا اِکو دھرم، ریِتی نیِتی سمجھ کوئے نہ پائیا۔ بھگت اُدھارنا جِس دا کرم، نِہکرمی ہو کے اپنا کرم کمائیا۔ ساچے سنتاں بخشے سرن، سرناگت اِکو اِک دِرڑائیا۔ گُرمْکھاں کھول کے ہرن پھرن، نِج نیتر دئے مِلائیا۔ گُرسِکھاں لکّھ چؤراسی لیکھا چُکاکے جنم مرن، جم کی پھاسی دئے تُڑائیا۔ کوٹن کوٹاں وِچوں آوے پھڑن، پڑدیاں وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، دیوے سہارا اِکو چرن، امرت جام مُکھ چوائیا۔ سَتجُگ ساچی اوٹ اِکو اِک سِری بھگوان، بخشنہار سرنائیا۔ جِتھے جھُلے دھرم نِشان، نِشانہ کوُڑ نہ کوئے وکھائیا۔ بِنا اکھّراں توں ہووے گیان، بِنا وِدیا توں کرے پڑھائیا۔ بِنا منزل چڑھن توں ملِے مقام، مقامے حق ڈیرہ دئے لگائیا۔ جن بھگتاں دے چرناں ہیٹھ دبا کے زِمیں اسمان، سوُرج چند دا لیکھا دئے چُکائیا۔ جگت واسنا نہ رہے دھیان، گُن نِدھان دیوے مان وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دی اوٹ اِک جنائیا۔ سَتجُگ ساچی اوٹ ایکا ایک دسےّ انترجامی، لکّھ چؤراسی جیِو جنت سادھ سنت کھوج کھوجائیا۔ نِرگُن سرگُن بن کے بھگت وچھل سوامی، دَیانِدھ دیِناں اناتھاں دَیاآپ کمائیا۔ نام صِفت سوہلا ڈھولا گا اگمّی بانی، بان نِرالا انیالا تیِر دئے چلائیا۔ سُرتی شبدی میلا ہووے گھر سجّن ساچے ہانی، باہر لبھن دی لوڑ رہے نہ رائیا۔ نِجھر جھِرنا امرت رس دیوے ٹھنڈا پانی، بوُند سوانتی آپ ٹپکائیا۔ جھگڑا مُکا کے چارے کھانی، انڈج جیرج اُتبُھج سیتج لیکھا دئے مُکائیا۔ دے کے اِکو پد نِربانی، لکّھ چؤراسی وِچوں ناتا دئے تُڑائیا۔ کِرپا کر شاہ پاتشاہ سچّا سُلطانی، سچ دوارے دیوے مان وڈیائیا۔ کلجُگ انت سِری بھگوَنت جن بھگتاں دے کے سچّا نام اِکو دھرم نِشانی، اوٹ اپنی آپ سمجھائیا۔ مِہروان محبوُب مُحبّت وِچ کرے مِہروانی، مِہر نظر بےنظیِر آپ اُٹھائیا۔ جن بھگتاں منزل دسّ کے اِک آسانی، اصل وصل یار دئے سمجھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، چار جُگ دی کرن آیا نظرے ثانی، لیکھا سب دا ویکھ وکھائیا۔

۲۵ ساوَن شہنشاہی سمت ۲ ہرنام سِنگھ دے گرِہ پِنڈ گُمان پُرا ضِلع امرتسر

ستجُگ ساچے ساچی اوٹ سَت پُرکھ، سہارا اِکو اِک جنائیا۔ چِنتا رہے نہ سوگ ہرکھ، ہوَس کوُڑی دئے مِٹائیا۔ بھگت سُہیلے گُرمْکھ لئے پرکھ، لکّھ چؤراسی جیِو جنت کھوج کھوجائیا۔ ساچے سنتاں جنم جنم دی میٹے تڑپ، وِجوگ وِچھوڑا دئے کٹائیا۔ دُھر سنجوگی دے کے درس، آتم پرماتم میلا میل مِلائیا۔ مِہروان ہو کے کرے ترس، دیِناں اناتھاں گلے لگائیا۔ اپنا کھیل کرے اسچرج، لیِلا مات ورتائیا۔ جن بھگتاں دُھر درگاہ نام کر کے درج، درد پِچھلا دئے مِٹائیا۔ شرع چُھری کوہے نہ کرد، قتل گاہ نہ کوئے وکھائیا۔ بینتی پوُر کرے عرض، آسا منسا ویکھ وکھائیا۔ پنجاں ہوون نہ دیوے حرج، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ سَتجُگ ساچے ساچی اوٹ پُرکھ اگمّ، دیونہار سچّی وڈیائیا۔ کوُڑی ترِشنا میٹے تم، تامس راجس نہ کوئے چتُرائیا۔ ہرکھ سوگ رہے نہ غم، چِنتا چِکھا نہ کوئے جلائیا۔ لیکھے لاوے پوَن سواس دم، دامنگیِر ہو کے آپ اپنی گنڈھ بندھائیا۔ بھیو کُھلا کے آتم برہم، پاربرہم دئے سمجھائیا۔ سفل کرا کے مانَس جنم، جن ساچے لئے بنائیا۔ کوُڑی کِریا میٹ کے بھرم، بھانڈا بھرم بھنائیا۔ دے کے وڈیائی خاکی چرم، چمّ درِشٹی دئے بدلائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں بخش کے ساچی سرن سمیے دا سماج دئے بدلائیا۔

۲۵ ساوَن شہنشاہی سمت ۲ سوَرن سِنگھ دے گرِہ پِنڈ گُمان پُرا ضِلع امرتسر

ستجُگ ساچی اوٹ پرم پُرکھ حق سُلطان، حقیِقت ساچی دئے سمجھائیا۔ جِس نوُں سجدے کردے زِمیں اسمان، شرکن غربن سیِس نِوائیا۔ کلمے پڑھدے دو جہان، ساچا نام دِھیائیا۔ سجدیاں وِچ سیِس جھُکان، سِر سکے نہ کوئے اُٹھائیا۔ پَیغمبر منّن اِمام، کامل مُرشد بےپرواہیِا۔ جِس دا لیکھا بنی نؤ اِنسان، مِہروان دَیا کمائیا۔ سو کلجُگ انتم کوُڑی کِریا ویکھے عنوان، عوام پڑدا پھول پھولائیا۔ جودھا سوُربیِر بن کے مرد مردان، حُکم اپنا اِک ورتائیا۔ سچ سندیشہ دے فرمان، فرمانبردار گُرمْکھ لئے اُٹھائیا۔ چرن پریِتی بخش کے اِک دھیان، ساچا اِشٹ دئے وکھائیا۔ سوہنگ سَت سروُپی دے کے شبد گیان، بیابان وِچوں باہر کڈھائیا۔ سچکھنڈ دوارے دسّ

کے دُھر آرام، دھام اِکو اِک وکھائیا۔ ساچے سنتاں اُپر ہووے مِہروان، مِہر نظر اِک اُٹھائیا۔ گُرمْکھاں ہون نہ دیوے کدے نُقصان، جُگ جُگ ہوئے سہائیا۔ گُرسِکھاں بھاگ لگا کے کایا کھیڑا نگر گرام، گرِہ اندروں پھول پھولائیا۔ سچ پریم دا کھا کے طعام، طمع تامس دئے بُجھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، لکّھ چؤراسی وِچ رہن نہ دیوے کِسے غُلام، جو جن ساچی اِکو اوٹ تکائیا۔

۲۵ ساوَن شہنشاہی سمت ۲ ناظر سِنگھ دے گرِہ پِنڈ گُمان پُرا ضِلع امرتسر

ستجُگ ساچے ساچی اوٹ سِری بھگوَنت، جن بھگتاں سد دیونہار وڈیائیا۔ لکّھ چؤراسی آتم پرماتم ہووے دُھر دا کنت، پاربرہم پت پرمیشور اِک اکھوائیا۔ لیکھا جانے لکّھ چؤراسی جیِو جنت، سادھ سنت چار کُنٹ دہِ دِشا کھوج کھوجائیا۔ نام نِدھان شبد اگمّی دیوے منت، کلمہ کائنات اِک دِرڑائیا۔ بودھ اگادھا دو جہان سِری بھگوان بن کے دُھر دا پنڈت، ساچی وِدیا گُن نِدھان اِک سمجھائیا۔ بھیو کُھلائے پڑدا لاہے گڑھ توڑے ہؤمے ہنگت، ہنگ برہم اِکو اِک جنائیا۔ گُرمْکھ گُرسِکھ پکڑ اُٹھائے ساچے سنت، سجّن ہو کے نِج نیتر انجن اِکو پائیا۔ نام بانی اپنی مہما دسےّ اگنت، شاستر سِمرت وید پُران، انجیل قُرآن انت کوئے نہ پائیا۔ سچ دوارے گُر اوتار پَیغمبر وِشن برہما شِو کردے مِنّت، ٹھانڈے دربار بَیٹھے سیِس جھُکائیا۔ چار کُنٹ دہِ دِشا نظر آوے نہ کوئے نِندک، دُشٹ دُراچار وِبھچار نہ کوئے لڑائیا۔ پُرکھ اکال دیِن دَیال ساچی دسےّ اِکو سِمت، بھگت بھگوان مِل کے وجےّ ودھائیا۔ ہرکھ سوگ غم رہے نہ چِنت، ممتا موہ نہ کوئے ستائیا۔ جوتی جوت سروُپ ہرِ، آپ اپنی کِرپا کر، سَتجُگ ساچے دیوے دُھر دا ور، وارث ہو کے ویکھ وکھائیا۔ سَتجُگ ساچے ساچی اوٹ صاحب سوامی سَت سَتواد، ساجن راجن اِکو نظری آئیا۔ جو لیکھا جانے آد جُگاد، جُگ چؤکڑی حُکمے وِچ بھوائیا۔ وِشن برہما شِو دیوت سُر دیوے داد، وست امولک اپنی آپ ورتائیا۔ گُر اوتار پیِر پَیغمبر نِرگُن دھاروں کاڈھ، سرگُن پنج تت کرے پڑھائیا۔ شبد اگمّی اپنا وجا کے ناد، دُھر سندیشہ نر نریشا اِکو دئے سمجھائیا۔ بِن رسنا جِہوا بتّی دند دسّ کے اگمّی سواد، نِج نیتر لوچن نیَن اکّھ کُھلائیا۔ آلس نِندرا وِچوں لاہ کے جاگ، جگ جیِون داتا جاگرت جوت کرے رُشنائیا۔ پڑدا

لاہ کے برہم برہماد، پاربرہم اپنا روُپ سوَچّھ سروُپ دئے درسائیا۔ دُھن آتمک اُپجے دُھر دا راگ، جگت راگاں دی لوڑ رہے نہ رائیا۔ سُرتی شبد ہووے وِسماد، بِسمل ہو کے اپنا آپ مِٹائیا۔ جوتی جوت سروُپ ہرِ، آپ اپنی کِرپا کر، سَتجُگ تیرا بدل کے سچ سماج، چار ورن اٹھاراں برن، دیِن دُنی اِکو رنگ رنگائیا۔ سَتجُگ ساچے تیری اوٹ اگمّ اتھاہ، رہبر اِکو نظری آئیا۔ جِس نوُں کہِندے جلوہ گر خُدا، بےنظیِر نوُر رُشنائیا۔ مقامے حق ڈیرہ رہیا لا، لاشریِک واحد بےپرواہیِا۔ سو کھیل کرے دو جہاں، جہالت کلجُگ انتم ویکھ وکھائیا۔ چار کُنٹ دہِ دِشا ویکھے تھاؤں تھاں، زِمیں اسماناں پھول پھولائیا۔ ساڈھے تِنّ ہتّھ مانَو کھیڑا ویکھے گراں، کایا ماٹی پڑدا اوہلا رہے نہ رائیا۔ من واسنا جگت جیِو ہوئے کلجُگ کاں، کاگ ہنس روُپ نہ کوئے بدلائیا۔ سچ سُہیلا بن کے سِر دیوے نہ کوئی ٹھنڈی چھاں، گُر اوتار پَیغمبر پلّوُ سارے گئے چُھڈائیا۔ جھگڑا پا کے سوُر گاں، دیِن مذہب دی کرن لڑائیا۔ پرم پُرکھ پرماتم آتم تَینوُں مِلن دا رکھے کوئے نہ چاء، چاروں کُنٹ اندھیرا چھائیا۔ کِرپا نِدھان ٹھاکر سوامی سچکھنڈ نِواسی شہنشاہ، شاہ پاتشاہ اپنی دَیا کمائیا۔ جن بھگتاں نام سندیشہ نر نریشا دئے سُنا، انبولت اپنا راگ الائیا۔ دُھر دا مالک خالق پرِتپالک بن پِتا ماں، گود سُہنجنی لئے اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترا، تارنہار سوامی تیری اوٹ تکائیا۔ سَتجُگ ساچے ساچی اوٹ صاحب سَتگُر دیِن دَیال، دیانِدھ اِک اکھوائیا۔ سچکھنڈ وکھائے سچّی دھرمسال، بنک دوارا ایکنکارا اِکو سوبھا پائیا۔ جِتھے دِیپک جوت جگے بےمِثال، جِس دی مِسل جگت نہ کوئے سمجھائیا۔ جن بھگت سُہیلے اپنے ویکھے لال، لال گُلالا اِکو رنگ چڑھائیا۔ اوتھے پوہ نہ سکے کال، رائے دھرم نہ دئے سزائیا۔ چِتر گُپت لیکھ نہ سکے وکھال، لاڑی مؤت نہ کوئے پرنائیا۔ جن بھگتاں لیکھے لائے جنم جنم دی کیِتی گھال، دھرم مشقّت جھولی پائیا۔ زِندگی دا بندگی دا اَگے رہے نہ کوئے سوال، انند اپنے وِچ مِلائیا۔ دیِناں بندھپ ہو کِرپال، کِرپن اپنی گود اُٹھائیا۔ ترےَگُن مایا میٹ جنجال، جاگرت جوت کرے رُشنائیا۔ ویکھنہارا مُریِداں حال، مُرشد ہو کے پھیرا پائیا۔ جن بھگتاں آتم پرماتم ہو کے وسے سدا نال، نالش من دی دئے گوائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سَتجُگ ساچی اوٹ دسےّ اِکو پُرکھ اکال، اکل کل دھاری جو آد جُگاد جُگ چؤکڑی رہیا دِرڑائیا۔

۲۵ ساوَن شہنشاہی سمت ۲ نرَین سِنگھ دے گرِہ پِنڈ گُمان پُرا ضِلع امرتسر

دھرم رِشیؤ تُہاڈی نِمسکار، ڈنڈاوت بندنا دو جہان نظری آئیا۔ کِرپا کرے آپ نِرنکار، مِہروان محبوُب ہووے سہائیا۔ پوُرب جنم دا لہنا دینا دیونہار وِچ سنسار، سَتجُگ تریتا دواپر کلجُگ ویکھ وکھائیا۔ بھگت سُہیلا نِرگُن دھار میلے میلنہار، سرگُن دئے مان وڈیائیا۔ کلجُگ انت سِری بھگوَنت سَت سروُپی کر پیار، شاہو بھوُپی مِہر نظر اُٹھائیا۔ لہنا دینا چُکاوے وارو وار، اَگے رہے نہ کوئے اُدھار، لیکھا لیکھے نال مِلائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ دھرم رِشیؤ تُہاڈا رِشتہ نال گوبِند، گہر گمبھیِر دیوے وڈیائیا۔ شبد انادی بنا کے بِند، بندنا اِکو دئے سمجھائیا۔ جنم کرم دی میٹ کے چِند، ساچے چند کیتے رُشنائیا۔ دیوے وڈیائی گہر گمبھیِر گُنی گہِند، پاربرہم پت پرمیشور ہووے آپ سہائیا۔ امرت دھار وہائے اگمّی ساگر سِندھ، جگت ساگر دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، پوُرب لیکھا دئے وکھائیا۔ پوُرب لیکھا دیونہارا آپ، پربھ اپنی دَیا کمائیا۔ جُگ چؤکڑی نِبھاوَنہارا ساتھ، سگلا سنگ نِبھائیا۔ جِس باوَن بل مِل کے دسّی گاتھ، بِن اکھّراں اکھّر سمجھائیا۔ سو ویکھنہارا کھیل تماش، دُھر دا مالک نظری آئیا۔ پرگٹ ہو کے ساکھیات، نِرگُن نوُر جوت کرے رُشنائیا۔ جِس دا لیکھا لِکھیا نہ جاوے قلم دوات، کاغذات نہ کوئے وڈیائیا۔ راگ گایا نہ جائے کِسے نال رباب، دُھناں وِچ نہ کوئے شنوائیا۔ سمجھیا جائے نہ مِتر احباب، جوتی جوت سروُپ ہرِ، آپ اپنی کِرپا کر، ساچا لیکھا ویکھ وکھائیا۔ ساچا لیکھا ویکھنہار ایکا ایک، ایکنکار وڈّی وڈیائیا۔ سَتجُگ وِچھڑے کلجُگ انتم دِتی ٹیک، ٹِکّے مستک دھوُڑی لائیا۔ دھرم دوارے کر کے بُدھ بِبیک، بخشنہار سچّی سرنائیا۔ اندر وڑ کے پاربرہم برہم کھولے اپنا بھید، پڑدا اَگے رہے نہ رائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ سمجھائیا۔ ساچا کھیل دسےّ نِرنکار، نِرگُن اپنی دَیا کمائیا۔ جوتی جاتا ہو کے لوک مات اُجیار، پڑدا اوہلا دئے چُکائیا۔ رِشیاں لہنا دینا چُکائے اُدھار، پوُرب لہنا جھولی پائیا۔ ساچا مارگ دسّ کے سچکھنڈ دوار، کوُڑا ناتا توڑ سنسار، سگلا سنگ بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کرے گہر گمبھیِر، ہرِ کرتا وڈ وڈیائیا۔ جِس دی نظر نہ آئے کِسے تصویِر، نوُر نوُرانہ اپنا حُکم ورتائیا۔ جِس دے چرن کوَلاں جھُکدا کبیِر، کعبیاں دا سجدہ اِکو اِک سمجھائیا۔ سو سَت سَتوادی

سَتجُگ ساچی کر تعمیِر، لوک مات دئے وڈیائیا۔ کلجُگ لہنا دینا مُکا اَخیِر، آخر اپنا حُکم سمجھائیا۔ سَت دھرم دی سچ بنا تدبیِر، تقدیِر سب دی دئے بدلائیا۔ شرع توڑ جگت زنجِیر، جاگرت جوت کرے رُشنائیا۔ نام کھنڈا ہتّھ شمشیِر، دو جہاناں دئے چمکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر درگاہیِا۔ دُھر درگاہی اِکو نانک، پاربرہم آپ اکھوائیندا۔ کلجُگ انتم بن کے ثالث، سَتجُگ وِچھڑے میل مِلائیندا۔ رہے نہ کوئے دلِدری دالد، سوئی سُرتی آپ اُٹھائیندا۔ منوُآ من نہ رکھے کالکھ، دُرمت مَیل دھوائیند ا۔ صِدق صبوُری دے کے ثابت، صحیح سلامت اپنے وِچ مِلائیندا۔ جوتی جوت سروُپ ہرِ، آپ اپنی کِرپا کر، ساچا لیکھا آپ چُکائیندا۔ ساچا لیکھا چُکے رِکھی، مُن مُنیِشر ملِے وڈیائیا۔ جِنہاں توں اُپجے دھرم دی سِکھی، سِکھ سَتگُر وِچ سمائیا۔ سَتجُگ دھار چلے اِکّی، ایکنکار ویکھ وکھائیا۔ جِس دی لیکھنی گوبِند لِکھی، بِن قلم شاہی دِتی وڈیائیا۔ اوس دی پوُری ہو گئی مِتی، مِتر پیارا ویکھے چائیں چائنیا۔ بل والی کھول کے چِٹھی، باوَن سُندا چائیں چائنیا۔ جِس دی دھار اگلی انڈِٹھی، جگ نیتر نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، سب دا لیکھا دئے مُکائیا۔ لیکھا کہے مَیں کدے نہ آیا وِچ لِکھت، قلم بند نہ کوئے کرائیا۔ میرا شبدی وِہار بھوِکھت، بِنا اکھّراں توں کراں پڑھائیا۔ سب نوُں دسّاں پُرکھ اکال سانجھا اِشٹ، رام وشِشٹ نہ کوئے وڈیائیا۔ جن بھگتاں کھول کے درِشٹ، گرِہ مندر پڑدا دیاں اُٹھائیا۔ جھگڑا مُکا کے سوَرگ بہِشت، سچ دوارا دیاں جنائیا۔

آتم پرماتم اُپجا کے ساچا عِشق، تن وجوُد دا لیکھا دیاں گوائیا۔ جوتی جوت سروُپ ہرِ، آپ اپنی کِرپا کر، در
گھر اِکو دئے وکھائیا۔ در گھر کہے مَیں ہویا سُہنجنا، سوبھاوَنت دِتی وڈیائیا۔ چرن دھوُڑ کرا کے دُھر دا مجنا، مجلس بھگتاں دِتی وکھائیا۔
گھر سدّ کے ساچے سجّنا، گُرمْکھ میلا لیا مِلائیا۔ جِنہاں گرِہ درشن کرکے رجّنا، نیتر نیَن ترِپت ترِشنا رہے نہ رائیا۔ جھگڑا رہے نہ
اعلیٰ ادنیٰ، عدل اِنصاف اِکو اِک وکھائیا۔ بل باوَن چُکاؤنا بدلہ، پوُرب لہنا رہیا ورتائیا۔ جوتی جوت سروُپ ہرِ، آپ اپنی کِرپا کر،
ساچا کھیل آپ سمجھائیا۔ ساچا کھیل دسےّ بھگوان، ابناشی کرتا دَیا کمائیا۔ باوَن ویکھنا نال دھیان، بِن اکّھاں اکّھ کُھلائیا۔ بل کرنا
پروان، پروانہ دُھر دا ہتّھ پھڑائیا۔ رِشیاں دا دِتا دان، داتار ہو کے جھولی رہیا بھرائیا۔ کلجُگ وقت پہنچیا آن، ویلا پِچھلا گیا
وِہائیا۔ پُرکھ ابناشی ہو مِہروان، دیِن دَیال دیونہار سچّی سرنائیا۔ پوُرب لیکھا چُکا کے کان، مہما مہان رہیا سمجھائیا۔ جوتی جوت

سروُپ ہرِ، آپ اپنی کِرپا کر، پڑدا اوہلا رہیا اُٹھائیا۔ پڑدا اوہلا کہے مَیں رہن نہیں دینی اُداسی، چِنتا غم نہ کوئے رکھائیا۔ مَینوُں یاد رِشی مُنی تیراں سؤ سَتاسی، بل دوارے سوبھا پائیا۔ جِنہاں دے گل وِچ جم نہ پائے پھاسی، رائے دھرم نہ دئے سزائیا۔ جُگ جُگ پوُری ہووے آسی، نِراسا رہن کوئے نہ پائیا۔ سب توں اُتم پنجاں دی ساتھی، سگلا سنگ سنگ بنائیا۔ جِنہاں دا لہنا دینا نال بالی نڈھی کاکی، اوستھا تیراں سال جنائیا۔ سُنیہڑا شبد والی پاتی، پترکا اکھّراں والی نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل پُرکھ ابناشی، پاربرہم پربھ اپنے ہتّھ رکھے وڈیائیا۔ باوَن کہے میرا پوُربلا اُدھار، لہنا رِشیاں دیاں وکھائیا۔ کلجُگ انت ہو تیار، کل کلکی ویس وٹائیا۔ نِرگُن سرگُن کر وِوہار، وِوہاری ہو کے دیاں جنائیا۔ پِچھلا قرضہ لاہواں اُدھار، اَگے لیکھا اپنے ہتّھ رکھائیا۔ جِس نوُں جانے نہ کوئے سنسار، سرِشٹی بُدھی وِچ نہ آئیا۔ لیکھا لِکھے نہ کوئے لِکھار، قلم شاہی نہ ونڈ ونڈائیا۔ اوس دا کراں اِظہار، جِس دی عبارت نہ کوئے لِکھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ باوَن کہے کھیل میرا اسچرج، انتم کل سمجھ کِسے نہ آئیا۔ جِس گرِہ میرا بھوجن درج، بل نگری سوبھا پائیا۔ چھوٹی کنیا کیِتی عرض، نِیوں کے سیِس نِوائیا۔ پریم دا ونڈیا درد، دُکھیاں ہویا سہائیا۔ منظوُر کرکے عرض، مِہر نظر اُٹھائیا۔ نرَین سِنگھ اوس کنیا دا پِچھلا پِتا تے منُش جامہ مرد، مُدّت توں ناتا جُڑیا چلیا آئیا۔ پنجاں دی جِس دے نال فرد، بینتی سُن کے خوشی منائیا۔ سانجھی سب دی پوُری کر کے غرض، آسا منسا اپنے وِچ سمائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، اپنا کھیل کرے اسچرج، اچرج بھیو کوئے نہ پائیا۔

۲۶ ساوَن شہنشاہی سمت ۲ اجیِت سِنگھ دے گرِہ پِنڈ گُمان پُرا ضِلع امرتسر

ستجُگ تیری ساچی ہووے بندگی، بندی خانہ بندھن دئے کٹائیا۔ مہما ہووے شبدی سُت نند دی، نِرگُن سرگُن وجےّ ودھائیا۔ کرنی پئے نہ کِسے دی مُچھندگی، مُشکل نظر کوئے نہ آئیا۔ کلجُگ کوُڑی کِریا مِٹے گندگی، گوار بُدھی لیکھا دئے گوائیا۔ لو ہووے گُرمْکھ ساچے چند دی، مات لوک وجےّ ودھائیا۔ وست ملِے سوہنگ دُھر دے چھند دی، شہنشاہ دیوے مان وڈیائیا۔ منزل مکُے اگلے پِچھلے پندھ دی، رستیاں وِچ نہ کوئے بھوائیا۔ رنگن چڑھے اگمّی رنگ دی، ہرِ کرتا آپ رنگائیا۔ امرت دھار وہے دُھر دی گنگ دی، امرت رس جام پیائیا۔ جوتی جوت سروُپ ہرِ، آپ اپنی کِرپا کر، دھار دِرڑا کے ہنگ برہم دی، پاربرہم اپنے وِچ سمائیا۔ سَتجُگ ساچے دُھر دا شبد کرے تیرا جوڑ، جوڑی نِرگُن سرگُن سوبھا پائیا۔ دو جہاناں ویکھے دؤڑ، بِن قدماں پندھ مُکائیا۔ گُرمْکھاں اُتے کرے غؤر، لکّھ چؤراسی وِچوں کھوج کھوجائیا۔ سزا دیوے ٹھگ چور، کوُڑ کُڑیار بچیا رہن کوئے نہ پائیا۔ دو جہان وکھائے شبدی زور، جوروُ زر نہ کوئے وڈیائیا۔ منوُآ من نہ پاوے شور، شؤہر اِکو نظری آئیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ سَتجُگ ساچے تیرا ہووے ساچا منگل، گیِت ہرِ گوبِند گائیا۔ لبھنا پئے کِسے نہ جنگل، ٹِلیاں اُتے نہ کوئے بھوائیا۔ شرع رہے کوئے نہ سنگل، مذہب دیِن نہ کوئے لڑائیا۔ پُرکھ اکال رکھے اپنے انگن، گودی اِکو اِک سُہائیا۔ دوُجے در جانا پئے نہ منگن، بِھکھاری ہو کے جھولی کوئے نہ ڈاہیِا۔ سچ دواریوں ملِے دُھر دا عدل، ادلا بدلی کلجُگ کوُڑے دئے کرائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ ورتائیا۔ سَتجُگ ساچے تیرا سُہنجنا ہووے رنگ، جگ نیتر نظر کِسے نہ آئیا۔ سُہنجنی ہووے سیج پلنگ، پاوا چوُل باڈھی بنت نہ کوئے بنائیا۔ سُہاوَنا وجدا رہے مردنگ، بِن تند سِتار کرے شنوائیا۔ مِلن دا انوکھا بنیا رہے ڈھنگ، جگت وِدیا سکے نہ کوئے سمجھائیا۔ لہنا دینا بنیا رہے وِچ وربھنڈ، برہمنڈ ناتا سہج سُبھائیا۔ تُوں میرا مَیں تیرا سوہنگ سَتوادی تیرا چھند، سنت ساجن میل مِلائیا۔ بھرم رہے نہ دوَیتی کندھ، کرماں دا لیکھا دئے مُکائیا۔ بھگت سُہیلے دے کے سنگ، دُھر دا ساتھ بنائیا۔ آسا منسا پوُری کر اُمنگ، سنسا روگ چُکائیا۔ سچ پریم دا دے کے انند، نِجانند خوشی پرگٹائیا۔ نام بھنڈارا اگمّی ونڈ، وست امولک جھولی پائیا۔ کِرپا کر سوُرا سربنگ، سَتگُر ہووے آپ سہائیا۔ کوُڑی کِریا میٹ بھیکھ پکھنڈ،

سَت سچ دئے اُپجائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، ساچا دے کے پرمانند، سُکھ ساگر اِکو دئے وکھائیا۔

۲۶ ساوَن شہنشاہی سمت ۲ ہزارا سِنگھ دے گرِہ پِنڈ کاؤنکے ضِلع امرتسر

ستجُگ ساچا مارگ ملِے سُکھالا، سُکھ ساگر نظری آئیا۔ کلجُگ کِریا کوُڑ مِٹے جنجالا، جاگرت جوت ہووے رُشنائیا۔ کِرپا کرے دیِن دَیالا، بھگت وچھل بےپرواہیِا۔ چار ورناں وکھا کے اِکو دھرم سالا، دھرم دوار دئے وڈیائیا۔ رنگ رنگا کے شاہ کنگالا، پریِت دُھر دی آپ بندھائیا۔ پِچھلا دینا پئے نہ کوئے احوالا، بھیو اگلا دئے کُھلائیا۔ پھل لگا کے کایا ڈالا، پتّ ٹہنی آپ مہکائیا۔ جگت سماج دی بدل دیوے چالا، چار ورن اِکو در وکھائیا۔ مارگ اِکو لگائے االلہ تعالیٰ، تعلق اپنے نال رکھائیا۔ جوتی جوت سروُپ ہرِ، آپ اپنی کِرپا کر، سَتگُر حل کرے سوالا، ثالث ہو کے ویکھ وکھائیا۔ سَتجُگ، تیرے انتر نام ہووے سؤکھا، آتم پرماتم وجےّ ودھائیا۔ منزل چڑھنا رہے نہ اؤکھا، پندھ اندروں دئے مُکائیا۔ مانَس جنم دا ساچا مؤقع، پربھ مِلن دا سہجے دئے سمجھائیا۔ بھگتاں نال ہووے کدے نہ دھوکھا، دھوُاں دھار وِچوں باہر کڈھائیا۔ پڑھنا پئے نہ اکھّری پوتھا، نام اِکو اِک سمجھائیا۔ سب دا پاپ جائے دھوتا، دُرمت مَیل دوُر کرائیا۔ جنم کرم دا رہے کوئی نہ روسا، رستہ دُھر دا دئے وکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، دسّ کے سچ سلوکا، صُلح نال سہجے میل مِلائیا۔

۲۶ ساوَن شہنشاہی سمت ۲ اوتار سِنگھ دے گرِہ پِنڈ کاؤنکے ضِلع امرسر

ستجُگ تیرا دھرم دوار ہوئے سُہنجنا، بھگت دوار ملِے وڈیائیا۔ سَت پرکاش کرے آد نِرنجنا، آدی بُنیادی اِمدادی بےپرواہیِا۔ آتم پرماتم ناتا جوڑے بن کے دُھر دا سجنا، سگلا سنگی بہُرنگی اپنی کھیل وکھائیا۔ سچ سروور اِکو کرائے اگمّی مجنا، جنم کرم دا روگ رہے نہ رائیا۔ ہرِ سرنائی ساچا سجدہ دسےّ اپنی بندنا، بندگی وِچ مُچھندگی دئے مُکائیا۔ نِج گھر نِجانند وِچوں پرگٹائے پرمانندنا، جگت

ترِشنا اگّ رہے نہ رائیا۔ پار کرائے جگت دوار کوُڑ کُڑیار حدنا، حدوُد محدوُد اپنی دئے وکھائیا۔ جوتی جوت سروُپ ہرِ، آپ اپنی کِرپا کر، سچکھنڈ دوارا وکھا کے سچ پرگنا، ٹھانڈے در سوبھا پائیا۔ سَتجُگ تیرا سُہیلا ہوئے وقت، واقف کار ملِے بےپرواہیِا۔ مان وڈیائی دیوے وِچ جگت، جگدی جوت جگہ جگہ کر رُشنائیا۔ ساچے نام دی دے کے اگمّی شکت، شخصیّت اصلیّت سب دی دئے بدلائیا۔ منوُآ کرے نہ کوئے حسد، ہستی مستی نام خُماری دئے چڑھائیا۔ لیکھا جان کے اُپر عرش، شرع فرش دئے رکھائیا۔ مِہروان ہو کے اُپر بھگت، بھاگ بھگوان اپنا جھولی پائیا۔ جوتی جوت سروُپ ہرِ، آپ اپنی کِرپا کر، مِہروان ہو کے سدا دیوے درس، جگدیِشر اِیشر اپنا روُپ بدلائیا۔ سَتجُگ تیرا ساچے دھرم نال مِلاپ، مِل مِل وجےّ ودھائیا۔ آتما دا پرماتما نال جاپ، صِفتاں والی نہ کوئے پڑھائیا۔ سچ دوار دا کُھلا رہے تاک، کھِڑکی بند نہ کوئے کرائیا۔ پوُرا کرے بھوِکھتاں والا واک، واقعہ کلجُگ ویکھے چائیں چائنیا۔ جگت درِشٹی وِچوں کڈھ نفاق، اِتفاق جھولی دئے بھرائیا۔ بھگت سُہیلے بنا کے جوتی شبدی ساک، ساکھیات ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچی دے کے نام دات، دعویدار اگلا دئے بنائیا۔ سَتجُگ تیرا سچّا ہووے میلا، مِل مِل پربھ خوشی منائیا۔ رنگ چڑھیا رہے گُروُ گُر چیلا، چیلا گُر اِکو رنگ سمائیا۔ پربھ مِلدا رہے سجّن سُہیلا، صاحب سوامی نظری آئیا۔ کلجُگ کوُڑی جوُہ رہے نہ بیلا، جنگل وِچ اپنا نام منگل دئے وکھائیا۔ اچرج کھیل پاربرہم پت پرمیشور اپنا کھیلا، جگت سرِشٹی بھیو کوئے نہ پائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی لیکھا جانے اِک اَکیلا، دوُجا سنگ نہ کوئے رکھائیا۔

۲۶ ساوَن شہنشاہی سمت ۲ بھاگ سِنگھ دے گرِہ پِنڈ مہاوا ضِلع امرتسر

ستجُگ ساچے سرِشٹ سبائی ہووے ایکا اِشٹ، آتم پرماتم مِل کے وجےّ ودھائیا۔ پُرکھ اکال دیِن دَیال کھول سرب درِشٹ، دیِن دُنی دَیال ہو کے اپنے مارگ لائیا۔ من واسنا کوُڑی کِریا کلجُگ ممتا نہ رہے بھرِشٹ، بھانڈا بھرم بھؤ بھنائیا۔ جوتی جوت سروُپ ہرِ، آپ اپنی کِرپا کر، سَتجُگ ساچی دھارا دئے پرگٹائیا۔ سَتجُگ ساچے سرِشٹ سبائی منّے پُرکھ اکال، چار کُنٹ دہِ دِشا دوُجا نظر

کوئے نہ آئیا۔ سچکھنڈ دوارا ساچی دِسے دھرمسال، کھتری براہمن شوُدر وَیش جِتھے مِل کے سوبھا پائیا۔ جھگڑا رہے نہ کوئی شاہ کنگال، اوُچ نیِچ راؤ رنک ونڈ نہ کوئے ونڈائیا۔ صاحب سوامی انترجامی پاربرہم ہووے آپ کِرپال، برہم ویتا بھیوَ ابھیدا دئے کُھلائیا۔ سَتگُر شبد ایتھے اوتھے دو جہاناں بن دلال، دُھر وِچولا پڑدا اوہلا دئے اُٹھائیا۔ اندر باہر گُپت ظاہر سدا وسے نال، نِرگُن سرگُن سرگُن نِرگُن وِچھڑ کدے نہ جائیا۔ مِہروان محبوُب ہو کے توڑنہارا جگت جنجال، جاگرت جوت بِن ورن گوت کرے رُشنائیا۔ سنت سُہیلے جن بھگت جو گھالن رہے گھال، تِنہاں لہنا دینا نام بھنڈارا امولک جھولی پائیا۔ جنم مرن دا حل کرے سوال، لکّھ چؤراسی جم کی پھاسی دئے تُڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتجُگ تیری ساچی دھار بندھائیا۔ سَتجُگ تیرا دو جہاناں چلے ساچا راہ، برہمنڈ کھنڈ پُری لوء آکاش پاتال اِکو دھیان لگائیا۔ ابناشی کرتا پروردِگار بنے سچ ملاح، کھیوٹ کھیٹا بن کے دُھر دا نیتا حُکمران اِکو حُکم چلائیا۔ سُرتی شبدی دیوے سچ صلاح، اکھّراں توں باہر نِراکھّر کرے پڑھائیا۔ بھگت بھگوَنت سادھ سنت آتم پرماتم میلا لئے مِلا، پڑدا اوہلا اندروں دئے چُکائیا۔ مِہروان ہو کے محبوُب ساچے گُرمْکھاں بخشے کوٹ جنم گُناہ، پتت پاپی پُنیِت دئے بنائیا۔ آدن انتا سِری بھگوَنتا ہو کے پکڑے بانہہ، لکّھ چؤراسی وِچوں پار کرائیا۔ درگاہ ساچی سچکھنڈ دوارا دیوے تھاں، جِتھے بِنا ہرِ کِرپا چرن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتجُگ تیرا ساچا مارگ سَت سَت دئے اُپجائیا۔ سَتجُگ سچ تیرا اگمّی ہووے نام، ناؤں نِرنکارا نِرگُن دھار آپ جنائیا۔ امرت رس بن کے ساقی دیوے دُھر دا جام، سَت خُماری اِکو اِک رکھائیا۔ بھاگ لگا کے کایا ماٹی نگر گرام، دیِا باتی کملاپاتی کرے رُشنائیا۔ آتم دُھن اُپجائے سچّی دُھنکان، انحد نادی آپ کرے شنوائیا۔ سچ دوارا ایکنکارا جن بھگتاں دیوے مان، ابِھمان اگیان رہن کوئے نہ پائیا۔ چار کُنٹ دہِ دِشا نؤ کھنڈ ستّ دیِپ ورن برن ایکا دسےّ سچ نِشان، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل سِری بھگوان، سَتجُگ تیری بھاوَنا بھاوَ وِچ پوُر کرائیا۔ سَتجُگ ساچے تیرا اِکو ہووے کاہن، جو لکّھ چؤراسی گوپی رہیا پرنائیا۔ جِس دا تتّاں والا نہیں کوئی نِشان، جوتی جوت ڈگمگائیا۔ سد وسے سچکھنڈ دُھر مکان، مقامے حق ڈیرہ لائیا۔ نام نِدھانا دیندا رہے فرمان، فُرنیاں وِچوں باہر کرے پڑھائیا۔ جِس نوُں بُدھی والا سمجھے نہ کوئے اِنسان، انبھوَ اپنا کھیل وکھائیا۔ گُر اوتار پَیغمبر

منگدے گئے دان، بِھکھک ہو کے جھولی اَگے ڈاہیِا۔ وِشن برہما شِو سیوا کرن مہان، جُگ چؤکڑی بھجّن واہو داہیِا۔ سو کرنی دا کرتا پاربرہم ہو کے مِہروان، مِہر نظر اِک اُٹھائیا۔ سَتجُگ تیری سَت نیِتی بِن اکھّراں کرے پروان، پرم پُرکھ پروانہ نام نِدھانا اپنا رہیا جنائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سَتجُگ ساچے تیرے سچ دھرم دا بنائے اِک وِدھان، چار ورن اٹھاراں برن اِکو حُکم حُکمے اندر آپ منائیا۔

۲۶ ساوَن شہنشاہی سمت ۲ سُماں سِنگھ دے گرِہ پِنڈ مودے ضِلع امرتسر

ستجُگ ساچے تیرے ساتھی سچّے گُرسِکھ، جِنہاں سِکھیا پربھ جنائیا۔ جنم مرن توں باہر جِنہاں دا بھوِش، بھوِکھت نال مِل کے وجےّ ودھائیا۔ منسا پوُری ہوئی اِچھّ، ایشور جگدیِشور مِہر نظر اُٹھائیا۔ نام نِدھان پائے بھچھّ، بِھکھاری جھولی آپ بھرائیا۔ مانَس جنم جگ جاون جِتّ، جیِوندیاں جگ ملِے سچّی سرنائیا۔ سدا پرم پُرکھ دا رہے ہِت، آتم پرماتم جوڑ جُڑائیا۔ جِنہاں کارن آیا نوِت، نِرگُن ہو کے ویس وٹائیا۔ اوہناں ننگی ہون نہ دیوے پِٹھ، پُشت پناہ اپنا ہتّھ رکھائیا۔ سچ دوارے بن کے پِت، گود سُہنجنی اِک سُہائیا۔ سد وسنہارا چِت، من چِنتا دئے گوائیا۔ کِرپا کیِتی اُپر جِس، درگاہ ساچی دئے ٹِکائیا۔ جوتی جوت سروُپ ہرِ، آپ اپنی کِرپا کر، لیکھا جانے گُرمْکھ گُرسِکھ، سِکھیا توں باہر کر پڑھائیا۔ سَتجُگ ساچے تیرا سچّا سنگی گُرمْکھ، مُکھیا چؤراسی وِچوں نظری آئیا۔ جِس دا جنم مرن دا رہے کوئی نہ دُکھ، مات گربھ نہ ملِے سزائیا۔ پُرکھ اکال رکھے اوٹ، اوڑک اپنے وِچ سمائیا۔ نِرمل نوُر ملِے جوت، جوتی جوت کرے رُشنائیا۔ جھگڑا رہے نہ لوک پرلوک، سچکھنڈ دوارا اِک وکھائیا۔ جِتھے آتم پرماتم دا سانجھا سلوک، اکھّراں والا لیکھ نہ کوئے بنائیا۔ من بُدھی دی رہے کوئی نہ سوچ، جگت وِدیا پڑدا نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، گُرمْکھاں مُکا کے ہرکھ سوگ، جوگ سَت دھرم دئے دِرڑائیا۔ سَتجُگ تیرا ساتھی سچّا سنت، صاحب سَتگُر جِس دیوے وڈیائیا۔ جِنہاں دے آتم انتر نام اِکو سُنایا منت، لگ ماتر دی لوڑ نہ کوئے رکھائیا۔ سُرتی شبدی میلا مِلیا رہے نار کنت، سیج سہنجنی اِکو نظری آئیا۔ ناتا توڑ کے وِچوں جیِو جنت، جگہ بجگہ ہووے آپ سہائیا۔ سَت دوارے بنائے ساچی بنت، گھڑن

بھنّنہار سمرتھ بےپرواہیِا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، سَتجُگ ساچے سنتاں مہما گنے اگنت، جِنہاں آپا میل بِن باتی تیل کایا مندر اندر کرے رُشنائیا۔