کتب خانہGranth 19 (Urdu)

۱۳ بھادروں شہنشاہی سمت ۲ نتھا سِنگھ دے گرِہ پِنڈ بڈہیڑی ضِلع انبالہ

ستجُگ ساچا کہے پربھ اِکو ساچا نام دسّ اگمّی بندگی، بندیخانے والے بندھن جگت تُڑائیا۔ سنتاں بھگتاں گُرمْکھاں گُرسِکھاں کِسے دی رہے نہ موُل مُچھندگی، بِن جگدیِش سیِس نہ کِسے جھُکائیا۔ دھار بخش اپنے انند دی، انند انند وِچوں پرگٹائیا۔ اِکو اوٹ رہے سوُرے سربنگ دی، شاہ پاتشاہ شہنشاہ اِکو نظری آئیا۔ کلجُگ کوُڑی کِریا رہے مات نہ گندگی، پتت پُنیِت جیِو جنت دے بنائیا۔ اؤدھ مُکا دے صدی چؤدھویں پندھ دی، تھکی ماندی دِسے لوکائیا۔ دھار پرگٹا دے ہنگ برہم دی، پاربرہم پڑدا اوہلا دے چُکائیا۔ سیِتل دھار پرکاش کر نوُری چند دی، چار ورن اٹھاراں برن اگنی تت دئے گوائیا۔ اوٹ بخش پُرکھ اکال دیِن دَیال اپنی سرن دی، سرناگت اِکو اِک سمجھائیا۔ جن بھگتاں بِدھی دسّ نِہکرمی ہو کے ترن دی، جگت ساگر وِچوں پار کرائیا۔ ساچی کھیل دسّ ہرِ دوارے مرن دی، مر کے جیِوت روُپ وٹائیا۔ منزل اگمّی دسّ چڑھن دی، پُری لوء برہمنڈ کھنڈ راہ وِچ نہ کوئے اٹکائیا۔ سُرتی شبدی ڈور دسّ پھڑن دی، جگت وِچولا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ساچا دینا اِک ور، سَتجُگ ساچا ڈھیَہہ پیا سرنائیا۔ سَتجُگ کہے پربھ بخش دے اپنی دات، داتار دانی دَیاوان اکھوائیا۔ تیرے نام دی دو جہاناں اِکو دِسے

کرامات، کرماں دا ڈیرہ نِہکرمی ہو کے دینا ڈھاہیِا۔ تیری صِفت دی لبھنی پئے نہ کوئے لُغات، اکھّراں توں باہر اپنا بھیو دینا کُھلائیا۔ شبد اگمّی دُھن انادی دے آواز، رسنا جِہوا بتّی دند نہ کوئے شنوائیا۔ گھر وِچ گھر پڑدا اوہلا کھول راز، رازق رِزق رحیِم تیرے اَگے منگ منگائیا۔ گُرمْکھ ویکھ پوُرب جنم دے سادھ، سجّن ہرجن لےَ بنائیا۔ جو انتر انتشکرن تیرا نام رہے ارادھ، من دی ممتا نہ کوئے رکھائیا۔ بھیوَ ابھیدا کھول بودھ اگادھ، بُدھی توں پرے کر پڑھائیا۔ جھگڑا رہے نہ سوال جواب، اِکو حُکم دے سمجھائیا۔ سَتجُگ ساچا کھیڑا کر آباد، دھرنی دھرت دھوَل وجےّ ودھائیا۔ سرِشٹی درِشٹی اندر اِکو پُرکھ اکال کرے یاد، دوُجا اِشٹ نہ کوئے منائیا۔ بِن رسنا جِہوا امرت رس دے سواد، پھِیکے رس لوڑ رہے نہ رائیا۔ نِجھر جھِرنا امرت دے حیاتے آب، آپ اپنی مِہر نظر اُٹھائیا۔ سَتجُگ کہے پربھ تیرے پیار وِچ دوُسری پڑھنی نہ پئے کوئے کِتاب، کُتب خانیاں دا جھگڑا دینا مُکائیا۔ گھر ٹھاکر سوامی سجّن مِل احباب، مِتر پیارے اپنا پھیرا پائیا۔ تُوں آد جُگادی پرم پُرکھ پرماتم ابناشی کرتا واحد، لاشریِک جلوہ گر اکھوائیا۔ سنت سُہیلے تَینوُں نِرگُن رہے لادھ، سرگُن ہو کے بوُجھ دینی بُجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی سَتجُگ ساچا جھولی ڈاہیِا۔ سَتجُگ کہے پربھ دُنیا دا کوُڑا ویکھ دھندا، دھرم دَیانظر کوئے نہ آئیا۔ تیری بندگی وِچ دِسے کوئے نہ بندہ، بندی خانے سارے رہے کُرلائیا۔ من واسنا جگت وِکاری ہویا گندہ، پُنیِت پوِت نظر کوئے نہ آئیا۔ ساچی منزل پؤڑے چڑھے کوئی نہ ڈنڈا، ادھواٹی بَیٹھی جگت لوکائیا۔ بِن ہرِ شبد جگت جگیاسوُ پِھرے ننگا، اوڈھن سیِس جگدیِش نہ کوئے ٹِکائیا۔ کِرپا کر پُرکھ اکال ساچا بخش اپنا سنگا، سگلا سگلا سنگ اپنے نال رکھائیا۔ کلجُگ کوُڑا رہن نہ پاوے دنگا، دغیبازی دا لیکھا دینا مُکائیا۔ تیرے نام دا وجےّ اِک مردنگا، ڈنکا راؤ رنکاں کرے شنوائیا۔ سَتجُگ کہے سِری بھگوان اِکو در دوارا تیرا منگا، درویش ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، آسا منسا پوُری کر اُمنگا، ترِشنا اگلی دینی مِٹائیا۔

۱۳ بھادروں شہنشاہی سمت ۲ بنّا سِنگھ دے گرِہ کرتار پُر ضِلع جالندھر

ستجُگ ساچے، جن بھگتاں دسّاں اگمّی بول، انبولت اپنا نام دِرڑائیا۔ سَت سچ وجاواں دُھر دا ڈھول، ناد انادی اِکو دیاں سمجھائیا۔ سوامی ٹھاکر ہو کے وساں کول، دوُر دُراڈا پندھ مُکائیا۔ نِج نیتر لوچن نیَن اکّھ دیواں کھول، بھیوَ ابھیدا اپنا آپ سمجھائیا۔ امرت آتم ساچی دُھر دی دیواں پاہُل، رس اِکو اِک وکھائیا۔ ملِے وڈیائی اُپر دھرنی دھرت دھؤل، دھرم دوارے بہہ کے سوبھا پائیا۔ پوُرب لہنا دینا پوُرا کراں قؤل، اِقرارناما پِچھلا توڑ نِبھائیا۔ جِس لیکھے نوُں سمجھ نہ سکے کوئی پنڈت پاندھا رؤل، انکڑیاں وِچ حِساب نہ کوئے لگائیا۔ سچ وست جن بھگتاں دیواں نام انمول، انمُلڑی جھولی پائیا۔ لکّھ چؤراسی وِچوں سنت سُہیلے وِرول، کوٹاں وِچوں تھوڑے بُہتے باہر کڈھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن اپنے لئے اُپجائیا۔ سَتجُگ ساچے، جن بھگتاں دیواں نام وست اگمّی، جگ نیتر نظر کِسے نہ آئیا۔ لہنا مُکا کے پوَن سواس دمی، دماں دے اندر دمن دیاں کرائیا۔ گُرمْکھ سُرتی رہے نہ کدے نِکمی، نِہکرمی ہو کے اپنا رنگ رنگائیا۔ بھاگ لگّے کایا ماٹی چمی، چمّ درِشٹی دیاں بدلائیا۔ نیتر اکّھ رہے نہ انّھی، لوچن نیتر نِج کُھلائیا۔ سچ پدارتھ دا کر کے دھنی، دھناڈھ دُھر دا دیاں بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے دئے وڈیائیا۔ سَتجُگ ساچے جن بھگتاں دیواں نام وکھّر، چار جُگ دا لیکھ نہ کوئے بنائیا۔ نِرگُن نِرگُن میلا میلے دو اکھّر، سرگُن نِرگُن نِرگُن سرگُن انگ بنائیا۔ منزل چوٹی چاڑھاں آخر، اَخیِر بےنظیِر اپنا نوُر چمکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتجُگ ساچے ساچا نام اِکو ہووے بھاشن، بھاشا سب دی دئے بدلائیا۔ سَتجُگ ساچے، جن بھگتاں شبد انوکھی پاواں بِھکھّ، بِھکھیا اپنے در ورتائیا۔ جنم کرم دا لیکھا دیواں لِکھ، لِکھیا لیکھ نہ کوئے بدلائیا۔ دُھر دی کِرپا اندر آواں دِکھ، جگ نیتر چلے نہ کوئے چتُرائیا۔ کرم کرم دی پوُری کراں اِچھ، جنم جنم دا گیڑ مِٹائیا۔ وڈیائی دے کے گُرمْکھ ساچے سِکھ، ساکھیات اپنا رنگ وکھائیا۔ آتم پرماتم کر کے ساچا ہِت، ہِتکاری بن کے لیکھا دیاں مُکائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سَتجُگ ساچے تیرا مارگ لاوے اِت، جِس دا بھیو شاستر سِمرت وید پُران سمجھ کوئے نہ پائیا۔

۱۳ بھادروں شہنشاہی سمت ۲ امر چند ے گرِہ پِنڈ پنج کوہا ضِلع انبالہ

سدا بھاگ لگّے بھگتاں جھُگی، جُگ چؤکڑی دیونہار وڈیائیا۔ جِس دا نام نِشانہ رہے چؤہ جُگیں، چار کُنٹ دہِ دِشا صِفتی ڈھولے گائیا۔ گُرمْکھاں نِرمل کر کے بُدھی، بِبیکی اپنی دھار جنائیا۔ منزل چاڑھ کے اُچی، سچ دوار دئے وکھائیا۔ جِس گرِہ آتم ہووے سُچی، پریِتم مِل کے خوشی منائیا۔ ساچے نام دی دے کے رُچی، ناتا دُھر دا لئے جُڑائیا۔ حق پریِت کدے نہ رہے گُجھی، چار کُنٹ نظری آئیا۔ جوتی جوت سروُپ ہرِ، آپ اپنی کِرپا کر، ہرجن ساچے پار کرائیا۔ سدا لگّے بھاگ جن بھگت گھر، دوارا دُھر دا نظری آئیا۔ جِتھے مانَس جنم ملِے ور، ورن برن ڈیرہ ڈھاہیِا۔ پُرکھ اکال دیِن دَیال کِرپا جائے کر، کرنی دا کرتا ہوئے آپ سہائیا۔ جُگ جنم دے وِچھڑے لائے لڑ، سُرتی شبدی اپنا جوڑ جُڑائیا۔ نِربھؤ چُکائے بھے ڈر، لکّھ چؤراسی نہ کوئے بھوائیا۔ جگت وِکار وہن نہ جائے ہڑ، باہوں پھڑ پھڑ پار کرائیا۔ جو آتم پرماتم سوہنگ ڈھولا گئے پڑھ، پرماتم آتم مِل کے وجےّ ودھائیا۔ ساچی منزل بِن پؤڑی ڈنڈے گئے چڑھ، سچ دوارے بہہ کے خوشی منائیا۔ کِرپا کرے نرائن نر، ہرِ کرتا بخشنہار چرن سرنائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، چرن دھوُڑ نُہائے سروور ساچے سر، تیِرتھ مجن اِکو اِک کرائیا۔

۱۳ بھادروں شہنشاہی سمت ۲ رؤنق سِنگھ، سیوا سِنگھ دے گرِہ پِنڈ رُڑکی

ستجُگ ساچے، تیری آسا منسا ہووے پوُری، پاربرہم پت پرمیشور پُرکھ اکال دیِن دَیال دَیا کمائیا۔ برہمنڈ کھنڈ پُری لوء آکاش پاتال چار کُنٹ دہِ دِشا ایکا جوت کرے نوُری، شاہ سُلطانا سِری بھگوانا بےپرواہ اپنی کھیل کھِلائیا۔ من واسنا دیِن دُنی اندروں کِریا کڈھے کوُڑی، کوُڑ کُٹمب کام کرودھ لوبھ موہ ہنکار دئے کھپائیا۔ جن بھگتاں ساچے سنتاں صاحب سوامی انترجامی نام شبد دی پوُری کرے مزدوُری، ویکھ وکھانے تھاؤں تھائنیا۔ نام رنگن تن ماٹی خاکی وجوُد اپنی چاڑھے گوُڑھی، گہر گمبھیِر بےنظیِر لاشریِک اپنا بھیو کُھلائیا۔ دو جہان سِری بھگوان جھگڑا مُکا کے دوُر دوُری، نیرن نیرا ہو کے نظری آئیا۔ جوتی جوت سروُپ ہرِ،

آپ اپنی کِرپا کر، دیونہارا ساچا ور، سَتجُگ تیرا سچّا راہ، شبدی سَتگُر بن ملاح، ایکنکار اِک اِکلّا نوَ ستّ دئے وکھائیا۔ سَتجُگ ساچے، کِرپا کرے سِری بھگوَنت، پاربرہم پربھ اپنی دَیا کمائیا۔ کوُڑی کِریا گڑھ توڑ کے ہؤمے ہنگت، ہنگ برہم سرِشٹی درِشٹی اندر دئے سمجھائیا۔ بودھ اگادھا بن کے دو جہاناں پنڈت، نِرگُن نِروَیر نِراکھّر نِراکار ساکار دئے سمجھائیا۔ لیکھا جانے کوُڑی کِریا کلجُگ انتم، انتشکرن دیِن دُنی ویکھے تھاؤں تھائنیا۔ صاحب سُہیلا اِک اَکیلا نام نِدھانا اپنا چلا ئے دُھر دا منتر ، منتوَ سب دے حل کرائیا۔ ترےَگُن مایا گھٹ بھیِتر بُجھائے لگّی بسنتر، امرت میگھ اِکو اِک برسائیا۔ پڑدا لاہے بھیو کُھلائے برہم نِرنتر، جوتی جوت سروُپ ہرِ، آپ اپنی کِرپا کر، دیونہارا ساچا ور، سَتجُگ تیرا سچّا راہ، سَت سَتوادی بن ملاح، دھرنی دھرت دھوَل دئے وکھائیا۔ سَتجُگ ساچے، کِرپا کرے صاحب سَتگُر سوامی، ساجن میِت اپنا کھیل کھِلائیا۔ چار ورن اٹھاراں برن آتم پرماتم دسّ کے دُھر دی بانی، بان نِرالا انیالا تیِر لگائیا۔ جھگڑا چُکا کے چارے کھانی، انڈج جیرج اُتبُھج سیتج دئے سمجھائیا۔ جن بھگتاں ساچے سنتاں اِکو دسّ کے پد نِربانی، سچ دوارا ہرِ نِرنکارا اِکو دئے وکھائیا۔ نِرگُن نوُر جوت جگے سچ دوار مہانی، دیِا باتی کملاپاتی پت پرمیشور اوَر نہ کوئے رکھائیا۔ آتم پرماتم پاربرہم برہم بخشے سچ نِشانی، جگت نِشانہ کوُڑ کُڑیار جگ نیتر نیَن نظر کوئے نہ آئیا۔ سچ دوارے سوہے شاہ پاتشاہ سچّا شہنشاہ سُلطانی، پاتشاہ پروردِگار اِکو نظری آئیا۔ جِس دا لیکھا آد جُگاد جُگ چؤکڑی نِت نوِت دو جہانی، لوک پرلوک نام سلوک سوہلا ڈھولا اِکو اِک سُنائیا۔ جوتی جوت سروُپ ہرِ، آپ اپنی کِرپا کر، دیونہارا سَتجُگ ور، سَت سَتوادی برہم برہمادی پاربرہم اِک اِکلّا ایکنکار اپنا حُکم ورتائیا۔ سَتجُگ ساچے، ساچا پربھ بخشے دُھر دی دھار اگمّی دھرم، دھرم آتما پرماتما دئے جنائیا۔ نِہکرمی ہو کے کرے اپنا کرم، کوُڑی کِریا کرم کانڈ دا لیکھا دئے مُکائیا۔ ایکا رنگ رنگائے چار ورن، چار کُنٹ دہِ دِشا ایکا حُکم دئے سمجھائیا۔ سو پُرکھ نِرنجن دسّ کے دُھر دی اِکو سرن، سرنگت در دوارے ساچے دئے دِرڑائیا۔ نیتر کھول کے ہرن پھرن، نِج لوچن کرے رُشنائیا۔ جن بھگتاں بھےَ چُکا کے مرن ڈرن، لکّھ چؤراسی پیَنڈا دئے مُکائیا۔ جوتی جوت سروُپ ہرِ، آپ اپنی کِرپا کر، جُگ چؤکڑی نِرگُن سرگُن کھیل آئے کرن، کرنی دا کرتا قُدرت دا مالک اپنی کار کمائیا۔ سَتجُگ ساچے ساچا پربھ ہوئے دَیال، دیِناں اناتھاں دئے وڈیائیا۔ کِرپانِدھ ہو کِرپال، کِرپن ویکھے تھاؤں تھائنیا۔ کوُڑی کِریا ترےَگُن مایا توڑ جنجال، جاگرت جوت کرے رُشنائیا۔

سچکھنڈ نِواسی سچ دوار اِک وکھائے دُھر دی دھرمسال، جِتھے کھتری براہمن شوُدر وَیش ونڈ نہ کوئے ونڈائیا۔ ایکا رنگ رنگے شاہ کنگال، اوُچ نیِچ جھگڑا دئے مُکائیا۔ تُوں میرا مَیں تیرا آتم پرماتم وجےّ شبد اگمّی تال، جگت تلواڑیاں دی لوڑ رہے نہ رائیا۔ جن بھگتاں ساچے سنتاں مارگ دسّ آپ سُکھال، جگت دوارے پار دئے کرائیا۔ نِرگُن جوتی دیِا باتی کملاپاتی آپے بال، گرِہ مندر کایا بھیِتر ساچے گھر کرے رُشنائیا۔ سَتجُگ ساچے، تیرا حل ہووے سوال، کلجُگ کوُڑی کِریا چُکے وِچ جہان، بےایمان شیَطان رہن کوئے نہ پائیا۔ پرگٹ ہووے دُھر دا نام، امرت ملِے سب نوُں جام، بھاگ لگّے کایا ماٹی کھیڑا تن گرام، محل اٹل سوہنا اِک سُہائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، شبدی شبد دیوے حق پَیغام، پیِر پَیغمبر جِس نوُں کرن سلام، سجدیاں وِچ بَیٹھے سیِس نِوائیا۔

۱۳ بھادروں شہنشاہی سمت ۲ مِہر سِنگھ دے گرِہ پِنڈ شیخ پُرا

ستجُگ ساچا کہے پربھ تیرا نام اُپجے ایک، ایکنکار دے وڈیائیا۔ شبد سوامی بخش ساچی ٹیک، ٹِکّے مستک دھوُڑی دُھر دی خاک رمائیا۔ سرِشٹی درِشٹی اندر کر بُدھ بِبیک، ادوَیتی اپنی دھار سمجھائیا۔ سچ سُنیہڑا دے اگمّی دیس، برہمنڈ کھنڈ پُری لوء وجےّ اِک ودھائیا۔ نِیوں نِیوں سیِس جھُکاوَن وِشن برہما شِو مہیش، پَیغمبر سجدیاں وِچ سِر نہ کوئے اُٹھائیا۔ سچ دوارے سارے کرن اِک آدیس، نمو نمستے وِچ شُکر منائیا۔ کلجُگ کوُڑی کِریا میٹ بھیکھ، پکھنڈی کوُڑے دے گوائیا۔ سچ دھرم دی لا ریکھ، رِکھی مُنی دے سمجھائیا۔ لوک مات جگت پردیس، دیسی گُرمْکھ لےَ اُٹھائیا۔ اندر وڑ کے مندر چڑھ کے دسّ بھیت، بھانڈا بھرم بھؤ بھنائیا۔ نظری آویں پُرکھ اکال نیتن نیت، نِج لوچن نیَن کر رُشنائیا۔ سنت سُہیلے تیرا درشن لیَن پیکھ، سوَچّھ سروُپی شاہو بھوُپی گھر گھر سوبھا پائیا۔ جوتی جوت سروُپ ہرِ، آپ اپنی کِرپا کر، نِرگُن ہو کے نِرگُن کر ہیت، ہِتکاری ہو کے اپنا میل مِلائیا۔ سَتجُگ ساچا کہے پربھ تیرا نام ہووے نِرنکار، لوک پرلوک وجےّ ودھائیا۔ گُرمْکھ سکھیِاں ہووے منگالاچار، در گھر ساچے سوبھا پائیا۔ شبد ناد ہووے دُھنکار، انحد نادی ناد کر شنوائیا۔ نِرمل دیِا باتی جوت ہووے اُجیار، کملاپاتی سوبھا پائیا۔ بھگت سُہیلے کر

پیار، گُر چیلے میل مِلائیا۔ گُرمْکھ رہے نہ کوئی دُکھیار، دُکھیاں درد دے گوائیا۔ قُدرت دے قادر تیرے توں بلہار، سَتجُگ کہے نِیوں نِیوں لاگاں پائیا۔ در بِھکھک بناں بِھکھار، در درویش ہو کے الکھ سُنائیا۔ کِرپا کر سِرجنہار، سجدیاں وِچ منگ منگائیا۔ دیِن دُنی توں کڈھ باہر، گُپت ظاہر اپنی کار کمائیا۔ جوتی جوت سروُپ ہرِ، آپ اپنی کِرپا کر، ساچا بخش اِک بھنڈار، وست امولک جھولی دینی ٹِکائیا۔ سَتجُگ کہے پربھ سُن اگمّی ارداس، آرزوُ عرض وِچوں پرگٹائیا۔ کھیل ویکھیا تیرا پرِتھمی آکاش، گگن گگننتر کھوج کھوجائیا۔ لکّھ چؤراسی پیَندی ویکھی راس، منوُآ اپنا سانگ ورتائیا۔ سچ سوامی کِسے نہ دِسیا پاس، پاسا اُلٹیا جگت لوکائیا۔ بِن ہرِ نامے خالی دِسے سواس، ساہ ساہ تیرا نام نہ کوئے دِھیائیا۔ من ہنکاری سب دا کرے گھات، گھاؤ ڈوُنگھا اپنا لائیا۔ سچ پریِتی شبدی سُرتی جُڑیا کوئے نہ نات، ناتا بِدھاتا نہ کوئے جُڑائیا۔ چار کُنٹ دِسے اندھیری رات، اندھ اگیان دوُر نہ کوئے کرائیا۔ کِرپا کر پُرکھ ابناش، پاربرہم تیری اِکو اوٹ رکھائیا۔ تُوں سوامی صاحب سرب گُنتاس، گُنونتا شہنشاہیِا۔ جن بھگتاں پوُری کر آس، آسا میرے نال مِلائیا۔ مَیں سیوک تیرا بناں داسی داس، چار کُنٹ دہِ دِشا بھجّاں واہو داہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَتجُگ کہے میری پوُری کرنی آس، آساوَند تیرے در تے نظری آئیا۔ سَتجُگ کہے مَیں نِیوں نِیوں کراں نِمسکار، نِمرتا وِچ جنائیا۔ کِرپا کر آپ کرتار، بےانت بےپرواہ مِہر نظر اُٹھائیا۔ ساچا مارگ دے سنسار، جُگ جنم دے وِچھڑے میل مِلائیا۔ بھگت سُہیلے لےَ اُٹھال، شبد ہُلارا اِک لگائیا۔ اگلا کھول کے دسّ احوال، حالت پِچھلی دے بدلائیا۔ سرِشٹ سبائی سِر تے کوُکے کال، مہاکال دئے دُہائیا۔ سنت سُہیلے گُرمْکھ ویکھ اپنے لال، لال گُلالا رنگ دینا چڑھائیا۔ کلجُگ انت سِری بھگوَنت ترےَگُن مایا توڑ جنجال، جاگرت جوت کر رُشنائیا۔ جھگڑا مُکا شاہ کنگال، اِک وکھا سچّی دھرمسال، دھرم دوارا تیرا سچکھنڈ سچّا سوبھا پائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، دیِناں بندھپ دیِن دَیال، دَیاوان دَیانِدھ ساگر ساچا مارگ اپنا اِک پرگٹائیا۔

۱۴ بھادروں شہنشاہی سمت ۲ ہربھجن سِنگھ دے گرِہ پِنڈ شیخ پُرا ضِلع روپڑ

ستجُگ کہے پربھ تیرے روُپ نظری آون دُھر دے بچّے، بچپن اِنہاں دا لیکھے لائیا۔ تیرے پریم پیار اندر ویکھے رتے، رتن امولک ہیرے دے بنائیا۔ خوشیاں وِچ پِھرن ہسّے، پاندھی بن کے بھجّن واہو داہیِا۔ تیری مُحبّت وِچ سچّے، ناتے سارے گئے تُڑائیا۔ لکّھ چؤراسی نالوں اچھے، جو تیرا ڈھولا گائیا۔ کایا ماٹی بھانڈے رہن نہ دیویں کچّے، کنچن گڑھ دینا سُہائیا۔ لوُں لوُں اندر تیرا نوُر رچے، رچنا اپنی دینی وکھائیا۔ درس وکھا کے اگمّی اکّھے، آخر پڑدا دینا اُٹھائیا۔ سجّن سُہیلے بنا کے سکھے، سگلا سنگ دینا نِبھائیا۔ جوتی جوت سروُپ ہرِ، آپ اپنی کِرپا کر، ہرجن ساچے پار لنگھائیا۔ سَتجُگ کہے پربھ بھگت سُہیلے تیرے پوُت، پِتا پُت اِکو نظری آئیا۔ بھاگ لگاؤنا کایا پنج تت بھوُت، بھوِکھ اپنا دینا سمجھائیا۔ حُکم سندیشہ دینا نال شبدی دوُت، نِرگُن سرگُن ہو کے حُکم ورتائیا۔ میل مِلاؤنا چارے کوُٹ، دِشا اندر بچیا رہن کوئے نہ پائیا۔ جھگڑا مُکا کے جوُٹھ جھوُٹھ، کوُڑ کُڑیاراں لیکھا دینا مُکائیا۔ پرماتم ہو کے جانا تُٹھ، رُٹھیاں لَینا منائیا۔ امرت جام پیالہ دے کے گھُٹ، رس اپنا دینا چکھائیا۔ آون جاون سب دا پیَنڈا جائے مُک، جوُنی وِچ نہ کوئے بھوائیا۔ سچ دوارے کرنی پُچھ، مِہروان ہو کے ویکھ وکھائیا۔ بھگت اُدھارنے تیرے اَگے تُچھ، مِہر نظر نال پار لنگھائیا۔ جوتی جوت سروُپ ہرِ، آپ اپنی کِرپا کر، سچ سُہاوَنی کرنی رُت، نام رُتڑی اِک مہکائیا۔ سَتجُگ کہے پربھ جن بھگت تیرے دُلارے، دوُلھے دُھر دے نظری آئیا۔ اِکو نام بنا ونجارے، ونج ساچا دینا وکھائیا۔ تیرے پریم دے لگّن جَیکارے، جےَ جَیکار کر کے خوشی منائیا۔ نظر آؤنا نِرگُن روُپ جوت نِرنکارے، نِرگُن اپنا کھیل ورتائیا۔ سنت سُہیلے تیرے سہارے، دوُجی اوٹ نہ کوئے تکائیا۔ کلجُگ نئیا لاؤنی پار کنارے، وہِندی دھار نہ کوئے رُڑھائیا۔ تُدھ بِن پَیج نہ کوئے سوارے، سمرتھ سِر ہتّھ نہ کوئے ٹِکائیا۔ شبدی مہما اپر اپارے، الکھ اگوچر تیری بےپرواہیِا۔ تیرے بھگت نہ ہون خوارے، جگت خواری دینی گوائیا۔ منوُآ کرے نہ کوئے ہنکارے، نِون سُ اکھّر دینا پڑھائیا۔ سدا وسن تیرے دوارے، چرن کوَل ملِے سرنائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سچ محل اٹل سُہا اپنے دوارے، جِس گرِہ دیِا باتی کملاپاتی ایکا جوت کرے رُشنائیا۔

۱۴ بھادروں شہنشاہی سمت ۲ اجیت سِنگھ دے گرِہ پِنڈ گوسلاں ضِلع روپڑ

ستجُگ ساچے سچ دوار ہووے سوبھاوَنت، سَت سَتوادی دیِن دَیالا اپنی دَیا کمائیا۔ برہمنڈ کھنڈ پُری لوء آکاش پاتال دُھر دا دِسے اگمّی نت، نام نِدھانا نؤجوانا مرد مردانہ اِکو اِک سمجھائیا۔ لکّھ چؤراسی جیِو جنت سادھ سنت نظری آوے اِکو کنت، پت پرمیشور بےپرواہ اپنا کھیل کھِلائیا۔ پاوے سار دیِن دُنی جیِو جنت، چار ورن اٹھاراں برن کھوج کھوجائیا۔ بودھ اگادھا شبد انادا دُھر دا بن کے پنڈت، نِرگُن سرگُن سرگُن نِرگُن کرے حق پڑھائیا۔ کوُڑی کِریا مایا ممتا گڑھ توڑ کے ہؤمے ہنگت، ہنگ برہم پاربرہم اپنا بھیو دئے کُھلائیا۔ لہنا دینا مُکا کے بہِشت جنّت، سچکھنڈ دوار ایکنکار اِکو دئے وکھائیا۔ مان رکھائے گُرمْکھ گُرسِکھ ساچے سنت، سَت سَتوادی درگاہ ساچی دیوے مان وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتجُگ ساچے، ساچا در اِکو اِک کُھلائیا۔ سَتجُگ ساچے، ابناشی کرتا ہووے مِہروان، محبوُب اپنی دَیا کمائیا۔ نام سندیشہ دے کے دُھر پَیغام، دیِن دُنی کرے حق پڑھائیا۔ گُر اوتار پَیغمبر جِس دا دے کے گئے بیان، سو لہنا دینا جُگ چؤکڑی انتم پوُر کرائیا۔ جِس دا لیکھا لِکھ نہ سکے کوئے وِچ جہان، کاتب چلے نہ کوئے چتُرائیا۔ سو کرنی دا کرتا ہو کے نِرگُن نِروَیر آپ پردھان، شبد سندیشہ حُکم منائیا۔ وِشن برہما شِو سیِس جھُکان، چار کُنٹ دہِ دِشا وجےّ حق ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سوامی انترجامی گھٹ بھیِتر لکّھ چؤراسی جیِو جنت سادھ سنت کھوج کھوجائیا۔ سَتجُگ ساچے، کِرپا کرے بےپرواہ، الکھ اگوچر دیونہار سچّی سرنائیا۔ سَت سَتوادی دُھر دا مارگ دیِن دَیالا دیوے لا، دھرنی دھرت دھوَل دھؤل خوشیاں وِچ ڈھولا گائیا۔ سَت سَتوادی صاحب سوامی بن کے دو جہاناں جگت ملاح، کھیوٹ کھیٹا ہو کے بیڑا اپنے کندھ اُٹھائیا۔ سنت سُہیلے گُرمْکھ سجّن سنسار ساگر وِچوں لئے ترا، تارنہار ایکنکار اپنی سیو کمائیا۔ ساچی منزل پؤڑے لئے چڑھا، سچ دوارا اِکو اِک سُہائیا۔ کرے کھیل مالک پرِتپالک خالق دُھر دا شہنشاہ، حُکمے اندر حُکم بدلائیا۔ لیکھا جانے دو جہاں، جہاں تہاں ویکھے تھاؤں تھائنیا۔ نِرگُن داتا پُرکھ بِدھاتا نِرگُن نوُر جوت کرے رُشنا، گہر گمبھیِر بےنظیِر اپنی کھیل وکھائیا۔ سَتجُگ ساچے، سَت سَتوادی صاحب سوامی ہو مِہروان سَت دوارے تیری پکڑے بانہہ، چرن کوَل دیوے اگمّی تھاں، در دوارا اِکو اِک وکھائیا۔ جوتی جوت سروُپ ہرِ، آپ اپنی جوت

دھر، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی نِت نوِت سچکھنڈ نِواسی پُرکھ ابناشی عدل اِنصاف وِچ کرے سچ نیاں، نام نیامت صحیح سلامت تیری جھولی دیوے پائیا۔

۱۴ بھادروں شہنشاہی سمت ۲ پریِتم سِنگھ دے گرِہ پِنڈ راجو ماجرہ ضِلع روپڑ

ستجُگ ساچے، پِچھلا لیکھا رہے نہ ماضی، جگت جھگڑا دئے مُکائیا۔ شرع دیِن لڑے کوئے نہ قاضی، قیامت سب نوُں دئے وکھائیا۔ ہنکاریاں رہے نہ کوئے منوُآ غازی، گہر گمبھیِر اپنا حُکم ورتائیا۔ موُرکھ مُگدھ دِسے کوئے نہ پاجی، مُریِد مُرشد لئے اُٹھائیا۔ تن ماٹی خاکی وجوُد حقوُق والی رہن نہ دیوے اراضی، ملکیّت سب دی دئے گوائیا۔ دیِن دُنی اِسم کرے لاجوابی، واجب اپنا حُکم سُنائیا۔ جگت سرِشٹی کر اِنتخابی، مُخاطب ہو کے ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، پِچھلا لیکھا دے مُکائیا۔ سَتجُگ ساچے، جگت رہے نہ کوئی کِسے وِرثا، وارث نظر کوئے نہ آئیا۔ کوُڑی کِریا مِٹے جگت حِرسا، ہوَس اگلی دئے گوائیا۔ جن بھگتاں جنم جان نہ دیواں بِرتھا، بِچھرت ہو کے آپ مِلائیا۔ بھیو کُھلا کے گھر تھِر دا، گرِہ مندر اِک سُہائیا۔ کر پرکاش نِرگُن نِروَیر جوت نِر دا، نِردھن سردھن کھوج کھوجائیا۔ جو سنت سُہیلا وِچھڑیا جُگ چؤکڑی چِر دا، پھڑ باہوں لئے مِلائیا۔ پُرکھ اکال دیِن دَیال آد جُگاد جُگ چؤکڑی نِرگُن دھار سدا پِھردا، جگت لوچن نظر کِسے نہ آئیا۔ سدا پیار کرے گُرمْکھاں روُپ دھار اگمّی پِر دا، پیِا پریِتم ہو کے جوڑ جُڑائیا۔ جھگڑا مُکا کے دھڑ سِر دا، سِر سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، حُکم کرے اپنی مِہر دا، مِہروان مِہر نظر اُٹھائیا۔ سَتجُگ ساچے پُرکھ اکال دیِن دَیال لیکھا جانے پِچھلا کیِتا، کلجُگ کرم بُھل کوئے نہ جائیا۔ پشچاتاپ سب نوُں رہے بیِتا، بیِتی کہانی پِھر نہ کوئے سُنائیا۔ ابناشی کرتا بدل دیوے تیری ریِتا، کوُڑی کِریا دئے کھپائیا۔ در وکھاوے اِکو ٹھانڈا سیِتا، اگنی تت نہ لاگے رائیا۔ دیِن دُنی بدل دیوے ریِتا، نیِتیوان اِکو اِک اکھوائیا۔ ایکا رنگ رنگا کے ہست کیِٹا، کوُڑ کپٹ دئے مُکائیا۔ جن بھگتاں بنا کے سچّا میِتا، سجّن ہو کے جوڑ جُڑائیا۔ جِس دیِاں کردے رہے

سدا اُڈیِکاں، سو پُرکھ نِرنجن اپنی کھیل کھِلائیا۔ گُر اوتار پَیغمبراں کولوں کروا کے تصدیقاں، بھوِکھتاں دا لِکھت لیکھ بھوِش وِچ پوُرا دئے کرائیا۔ تیریِاں آسا منسا پوُریاں کرے اُمیداں، آپ اپنا رنگ رنگائیا۔ اَگے راز رہن نہ دیوے پوشیدہ، پڑدا اوہلا دئے اُٹھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، چار جُگ دیِاں پِچھلیِاں ویکھے لِکھتی شبد رسیِداں، دُھر دی فائیل اگمّی وِچوں باہر کڈھائیا۔

۱۴ بھادروں شہنشاہی سمت ۲ سرجیِتم سِنگھ دے گرِہ پِنڈ راجو ماجرہ ضِلع روپڑ

ستجُگ ساچے، پُرکھ اکال چڑھ اگمےّ راکی، دو جہاناں ویکھ وکھائیا۔ لہنا دینا ویکھے پنج تت بندہ خاکی ، چار کُنٹ دہِ دِشا پھول پھولائیا۔ منوُآ رہن نہ دیوے کوئے عاقی، حُکم اپنا اِک جنائیا۔ کلجُگ لہنا دینا چُکاوے باقی، لیکھا اَگے رہے نہ رائیا۔ سچ دوارا کھولے دُھر دی تاکی، دھرم دوارا اِک پرگٹائیا۔ نام سندیشہ دے کے ساچی پاتی، دیِن دُنی دئے پڑھائیا۔ گُر اوتاراں پَیغمبراں پوُری کرے آکھی، آخر اپنا کھیل وکھائیا۔ جوتی جوت سروُپ ہرِ، آپ اپنی کِرپا کر، کوُڑی کِریا میٹ اندھیری راتی، سَتجُگ ساچا نوُر کرے رُشنائیا۔ سَتجُگ ساچے پربھ سب دا لیکھا کرے پوُر، پوُرب پچھّم اُتّر دکھّن لیکھا دئے مُکائیا۔ پندھ مُکا کے نیڑا دوُر، جھگڑا کوُڑا دئے چُکائیا۔ لوک مات رہن نہ دیوے غُربت غروُر، گہر گمبھیِر باہر کڈھائیا۔ نام بھنڈارا کر بھرپوُر، بھگت سُہیلے لئے اُٹھائیا۔ شبدی ناد سُنا تُور، تُرت اپنا رنگ چڑھائیا۔ جوتی جلوہ دے نوُر، اگیان اندھیرا دئے کھپائیا۔ سچ خُماری دے سروُر، جام حقیِقی دئے پیائیا۔ آتم پرماتم میلا کر ضرور، آسا ترِشنا دئے بُجھائیا۔ نظری آوے حاضر حضوُر، سچ سوامی انترجامی سوبھا پائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سَتجُگ ساچے تیری بینتی کرے منظوُر، منظوُری وِچ ادھوُری رہن کوئے نہ پائیا۔

۱۴ بھادروں شہنشاہی سمت ۲ جرنیل کؤر دے گرِہ پِنڈ راجو ماجرہ

ستجُگ ساچے، ساچا ملِے امرت آب، زِندگی حیاتی وِچوں بدلائیا۔ سَتگُر شبد بن احباب، مِتر پیارا ویکھ وکھائیا۔ نام نِدھان وجائے رباب، تند ستار اگمّ ہِلائیا۔ ساچی پڑھنی دسےّ اپنی کِتاب، کُتب خانیاں دا لیکھا دئے مُکائیا۔ جِس دا تُوں میرا مَیں تیرا پہلا باب، سوہنا حِصّہ ونڈ ونڈائیا۔ لیکھا مُک جائے پُنّ صواب، در گھر ساچا نظری آئیا۔ مانَس جنم دا ہووے لابھ، صوُفی سنت فقیِر دیواں ترائیا۔ سچ محل دسّ محراب، محبوُب اِکو نظری آئیا۔ میلا میل ایکا واحد، واہوا ڈھولا دُھر درگاہیِا۔ تیرے نال کر کے عہد، اِقرار اپنا توڑ نِبھائیا۔ کلجُگ اپنا کھیل کر نہ سکے شائید، حُکم ورتے بےپرواہیِا۔ سَتگُر شبد دا ہونا پئے تَینوُں نائب، حُکمے اندر حُکم کمائیا۔ ویکھنا کھیل عجیب عجائب، عجب نِرالا دیاں وکھائیا۔ ایکا فرمان ہووے رائج، راج راجان شاہ سُلطان سیِس نِوائیا۔ بھگت سُہیلے ویکھاں لایق، گُرمْکھ گُر گُر آپ اُٹھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، اپنا پوُرا کرے فرائض، فرض تیرا تَینوُں دئے سمجھائیا۔

۱۴ بھادروں شہنشاہی سمت ۲ جاگیِر سِنگھ دے گرِہ پِنڈ رنگیِل پُر ضِلع روپڑ

ستجُگ کہے پربھ آتم پرماتم رکھ واسطہ، واستک اپنا کھیل کھِلائیا۔ گُر اوتار پَیغمبر دا رہے نہ کوئے براستہ، دُھر دا میلا میل سہج سُبھائیا۔ جُگ چؤکڑی تیرا کھیل ہُندا رہیا آہستہ آہستہ، تریتا دواپر کلجُگ بَیٹھا پندھ مُکائیا۔ کِسے بھیوَ نہ پایا اگمّی دھار پرِتھمی آکاش دا، اکل کل دھاری اپنی کل دے ورتائیا۔ تیرا روُپ پُرکھ ابناش دا، ابناشی کرتے ویکھ وکھائیا۔ کارج پوُرا کر سیوک داس دا، در ٹھانڈے منگ منگائیا۔ جھگڑا مُکا اندھ وِشواس دا، دھیِرج دھرم اِک اُپجائیا۔ لیکھا مُکا تتّاں والی راس دا، سُرتی شبدی میلا لےَ مِلائیا۔ وِچولا بن درد دُکھ وِناس دا، تن ماٹی رہن کوئے نہ پائیا۔ سدا میلا ہووے دُھر دے ساتھ دا، سگلا سنگ بنائیا۔ نام پرگٹ کر دے اپنی گاتھ دا، ساچا کلمہ اِک جنائیا۔ لیکھا رہے نہ کوُڑ اندھیری رات دا، سَت نوُر دے چمکائیا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیا۔ سَتجُگ کہے پربھ حُکمے اندر دے زور، زبر رہن کوئے نہ پائیا۔ کلجُگ

میٹاں اندھیرا گھور، گھر گھر کراں آپ رُشنائیا۔ جھگڑا مُکا کے پنج چور، جگت بھےَ دیاں کھپائیا۔ آتم پرماتم بنّھ کے شبدی ڈور، تند ایکو دیاں وکھائیا۔ سب نوُں دسّاں تیری لوڑ، تُدھ بِن دوُجا نظر کوئے نہ آئیا۔ سنت سُہیلے شبد انادی چاڑھ گھوڑ، جگت کِریا وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، من منسا مِٹا شور، چھوہرا بانکا شبد اِکو اِک نظری آئیا۔ سَتجُگ کہے پربھ کِرپا کر روُپ اسمانی، دھرنی دھرت دھوَل دھیان لگائیا۔ لوک مات جوُہ نہ سمجھ بیگانی، نِرگُن ہو کے سرگُن میل مِلائیا۔ تیری منزل اِکو نظر آوے روُحانی، روُح بُت مِل کے وجےّ ودھائیا۔ جھگڑا رہے نہ ونڈ جِسمانی، ضمیِر اندروں دے بدلائیا۔ تیرے بھگتاں دینی پئے نہ کوئے قُربانی، قتل گاہ سیِس نہ کوئے کٹائیا۔ اپنے نام دی سُنا اگمّی بانی، بان نِرالا تیِر چلائیا۔ منزل دسّ پد نِربانی، سچ دوار اِک وکھائیا۔ جِتھے میلا ہووے جوت نوُرانی، نوُر نوُر وِچ سمائیا۔ گُر اوتار پَیغمبر تیری دسّن نِشانی، سچ دوارے سوبھا پائیا۔ کِرپا کر شاہ پاتشاہ سچّے سُلطانی، سُت اپنے ویکھ وکھائیا۔ جن بھگتاں دواریوں کھا دُھر دی مہمانی، چار جُگ جیہڑی ہتّھ کِسے نہ آئیا۔ جِس نوُں سمجھے نہ کوئے وِدوانی، بُدھی چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَتجُگ ڈھیَہہ پیا سرنائیا۔ سَتجُگ ساچا کہے پربھ کر دے اپنی مِہر، مِہروان محبوُب دَیا کمائیا۔ شبد سُت تیرا اگمّی کیہر، بھےَ وِچ رکھے جگت لوکائیا۔ نِرگُن نِروَیر انت نہ لا دیر، نِرگُن ہو کے ہو سہائیا۔ کوُڑی کِریا کر ڈھیر، گڑھ ہنکار دے تُڑائیا۔ جن بھگتاں کایا مندر اندر تیرا وسے سوہنا شہر، لہر اپنا نام وہائیا۔ جِس نوُں جانے کوئی نہ غَیر، پڑدا اوہلا نہ کوئے چُکائیا۔ اپنے نام دا اگمّا راگ سُنا بحر، طرز تال دا لیکھا دے مُکائیا۔ کلجُگ کوُڑی کِریا لکّھ چؤراسی دِسے زہر، ظاہرا ہو کے دے کھپائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَتجُگ سچّا ساچی آسا رہیا وکھائیا۔ سَتجُگ کہے پربھ مَیں غریِب نِمانا ناچیِز، ہِمّت وِچ ہِمّت نہ کوئے بنائیا۔ ڈردا ڈردا آیا تیرے دہلیز، دوارے بہہ کے سیِس جھُکائیا۔ آسا منسا رکھ کے آیا اُمید، آمد وِچ خوشامد دینی بنائیا۔ لوک مات سَت دھرم دی اپنے کولوں دسّ ترتیب، میری چلے نہ کوئے چتُرائیا۔ مَیں تاراں جا کے نِمانے کوجھے کملے غریِب، شدید تیرا حُکم منائیا۔ کھیل دسّاں اِک عجیب، جگت نِرالا راہ چلائیا۔ تیرا گھر درساواں نزدیِک، دوُر دُراڈا پندھ مُکائیا۔ شرع دا رہے نہ کوئے فریِق، رفیِق سارے دیاں وکھائیا۔ جیِواں جنتاں بدل کے اندروں نیِت، نیِتیوان گُرمْکھ لَواں پرگٹائیا۔ ساچے چرن

کوَل دسّ کے اِک پریِت، پریِتم دُھر دا دیاں مِلائیا۔ کایا ماٹی کر کے ٹھانڈی سیِت، اگنی تت دیاں بُجھائیا۔ جھگڑا مُکا کے اوُچ نیِچ، نیِچوں اوُچ تیرا گھر وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَتجُگ ساچا آسا وِچوں آسا رہیا ودھائیا۔ سَتجُگ ساچا کہے پربھ تیرے نام دا ہووے اِکو نغمہ، دیِن دُنی خوشی نال گائیا۔ دُئی دوَیت رہے کوئی نہ صدمہ، دُکھاں والا روگ نہ کوئے ستائیا۔ سب دا سِر سر جھُکے تیرے قدماں، قُدرت دے مالک اِکو نوُر تیرا نظری آئیا۔ ساچا مارگ اِکو لگنا، لگ ماتر پِچھلی دینی مِٹائیا۔ نام نگارہ اِکو وجّنا، چار کُنٹ ہووے شنوائیا۔ تیرا دِیپک اِکو جگنا، چار ورن ہووے رُشنائیا۔ جن بھگتاں بخش اپنی مزلا، منزل چڑھ کے تیرا درشن پائیا۔ اُہناں چھوہ نہ سکے اجلا، قیامت روُپ نہ کوئے بدلائیا۔ تیرے پریم دی گاون غزلا، ڈھولا سوہلا راگ اِلائیا۔ لکّھ چؤراسی وِچوں کڈھ لا، جنم جنم نہ کوئے بھوائیا۔ سچ دوارے سد لا، سُرتی شبدی میل مِلائیا۔ نام رنگن اندر رنگ لا، موہن مادھوَ تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، تیرے نام دی ساچی اِکو ہووے بندنا، بندگی وِچ مُچھندگی اوَر رہن کوئے نہ پائیا۔

۱۵ بھادروں شہنشاہی سمت ۲ بچن سِنگھ دے گرِہ پِنڈ دھیان پُر

ستجُگ جن بھگتاں نام دے کے گہر گمبھیِر، سوہنگ سو آتم پرماتم پرماتم آتم دِتا سمجھائیا۔ پنج تت کایا ماٹی دے کے دُھر دی دھیِر، دھرم دوارا ایکنکارا اِکو دِتا وکھائیا۔ امرت آتم بخش کے ٹھانڈا نیِر، اگنی تت جگت وِکار دِتا مِٹائیا۔ ہؤمے ہنگتا کوُڑی کِریا کڈھ کے پیِڑ، پاربرہم برہم میلا رہیا مِلائیا۔ ذات پات دیِن مذہب شرع نہ رہی زنجِیر، شریعت وِچوں اصلیّت دِتی سمجھائیا۔ مانَس جنم لکّھ چؤراسی وِچوں بدل تقدیِر، تدبیِر اپنی دِتی دِرڑائیا۔ باہوں پھڑ منزل چوٹی چاڑھ اَخیِر، سچ دوارا اِکو دِتا سُہائیا۔ ساچا بھگت سنت ہوئے نہ کوئے دِلگیِر، رائے دھرم دئے نہ کوئے سزائیا۔ سچکھنڈ دوارے گھتّی جائے وہیِر، اَگے ہو نہ کوئے اٹکائیا۔ پاربرہم پتِ پرمیشور ملِے وڈ پیِرن پیِر، ابناشی کرتا اِکو نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچی دھیِر، مِہر نظر

اِک اُٹھائیا۔ سَتجُگ ساچے جن بھگتاں کھول آتم درِشٹی، دِشا پُرکھ اکال اِکو دِتی وکھائیا۔ ناتا توڑ کے مایا ممتا موہ جگت سرِشٹی، سریشٹ اپنا نام دِتا سمجھائیا۔ دُھر دا رام کرنی دا کرتا نظری آوے اِکو اِشٹی، اِشٹ آتما پرماتما ویکھ خوشی منائیا۔ جِس دی منزل اگمّ اتھاہ اِکو دِسدی، سچکھنڈ دوارا سوبھا پائیا۔ ایہہ کھیل آد جُگادی اگمّی پِت دی، پِتا پوُت اپنی گود اُٹھائیا۔ آون جاون جن بھگتاں کھیل مُکا کے نِت دی، لکّھ چؤراسی وِچوں باہر کڈھائیا۔ ریِتی دسّ دِتی پُرکھ اکال ہِت دی، پاربرہم برہم میلا لیا مِلائیا۔ جیہڑی منزل نہیں کِسے مُن رِکھ دی، گُرسِکھ ساچے ساچی درگاہ دِتی مان وڈیائیا۔ جِس دی مہما قلم شاہی نہیں کوئی لِکھدی، سو مِہر نظر نال پار کرائیا۔ کلجُگ انت سِری بھگوَنت دھار کرے کھیل اِک دی، ایکنکار اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، بخشنہار سچّی سرنائیا۔ سَتجُگ ساچے جن بھگتاں دِتا دُھر دا حق، حقیِقت وِچوں حقیِقت دِتی سمجھائیا۔ منوُآ رہے نہ وِچ شّک، شِکوے پِچھلے دِتے گوائیا۔ پریم پیار دی کھول کے اکّھ، اپنا پڑدا دِتا اُٹھائیا۔ دیِن دُنی نالوں کر کے وکّھ، مارگ دُھر دے دِتا لگائیا۔ سوہنگ سو جو نام رہے جپ، لکّھ چؤراسی وِچ جگت واسنا نہ کوئے بھوائیا۔ مانَس جنم گئے جِت، ہرِ ہِردے اندر وسائیا۔ اَگے پربھ دا درشن ہووے نِت، سچ دوارے مِل کے وجےّ ودھائیا۔ ابناشی کرتا وسیا چِت، من ٹھگؤری رہے نہ رائیا۔ چار کُنٹ دہِ دِشا اِکو آوے دِس، دِشاں دا مالک بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے اپنے وِچ مِلائیا۔ سَتجُگ جن بھگتاں دِتا اگمّا جاپ، جگ جیِون داتا ہو دِتی وڈیائیا۔ جنم کرم دا میٹ سنتاپ، کرم کرم دے دُکھڑے دِتے گوائیا۔ ترےَگُن مایا میٹ کے تاپ، اگنی اگّ دِتی بُجھائیا۔ تُوں میرا مَیں تیرا آتم پرماتم دسّ کے ساک، ناتا دُھر دا لیا جُڑائیا۔ بجر کپاٹی کھول کے تاک، اندروں پڑدا دِتا اُٹھائیا۔ لیکھا مُکا کے ذات پات، پتت پُنیِت دِتا بنائیا۔ کلجُگ میٹ اندھیری رات، سَتجُگ ساچا نوُر کر رُشنائیا۔ چار جُگ توں وکھری دسّ کے گاتھ، دُھر دا منتر دِتا سمجھائیا۔ میلا کر پُرکھ ابناش، جگت وِناش دا کھہڑا دِتا چُھڈائیا۔ جوتی جوت سروُپ ہرِ، آپ اپنی کِرپا کر، جن بھگتاں ہو کے داسی داس، سیوا ساچی سچ کمائیا۔ سَتجُگ ساچے جن بھگتاں نام دِتا انڈِٹھ، جگ نیتر نظر کِسے نہ آئیا۔ گُر اوتار پَیغمبر جِس دی مہما گئے لِکھ، سو وِدیا توں باہر کرے پڑھائیا۔ جِس دا سب توں اُتم سریشٹ نِرالا بھوِکھ، بھوِش اپنا دئے جنائیا۔ مان وڈیائی اُتے دھرنی دیوے تِس، جِس پوُرب جنم

لیکھا باقی رہیا وکھائیا۔ سرب دا سوامی انترجامی مالک ہو کے ویکھے اِک، ایکنکار اپنی کار کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے اپنے رنگ رنگائیا۔ سَتجُگ ساچے جن بھگتاں نام دِتا اگمّ اتھاہ، الکھ اگوچر دیونہار سچّی سرنائیا۔ سَتجُگ سچّا دسّ کے راہ، مارگ اِکو دِتا وکھائیا۔ لکّھ چؤراسی وِچوں تھوڑے باہر کڈھا، کوٹاں وِچوں نام چوٹ لگائیا۔ دُھر دا منتر اِک دِرڑا، درِڑھ وِشواس دِتا بندھائیا۔ پوَن سواس ساہ لیکھے لا، مِہروان مِہر نظر نال پار کرائیا۔ ہر گھٹ وسیا نظری آئے خُدا، خود مالک اپنا کھیل کھِلائیا۔ جن بھگت سُہیلے تت وجوُد رہن نہ دیوے جُدا، آتم پرماتم ناتا جوڑے تھاؤں تھائنیا۔ کلجُگ کوُڑی کِریا ممتا موہ مِٹا کے وبا، پریم پریِتی ساچی نیِتی اِکو اِک سمجھائیا۔ گُرمْکھ گُرسِکھ ورناں برناں وِچوں آپ اُٹھا، بالے نڈھے بِردھ جوان اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، سَتجُگ ساچے تیرا مارگ لا کے نواں، نوَ نؤ چار دا لیکھا رہیا مُکائیا۔ سَتجُگ ساچے، جن بھگت نام اگمّی کہن، کہہ کہہ شُکر منائیا۔ صاحب سَتگُر درس کرن اپنے نیَن، جگت نیتر ناتا کوُڑ تُڑائیا۔ سچ دوار اِکٹّھے بہن، بھوُمکا اِکو سوبھا پائیا۔ پُرکھ اکال دیوے لین دین، مقروُض ہو کے پِچھلا قرض چُکائیا۔ لیکھا جانے بن کے ساک سجّن سیَن، سیّا نیّا نؤکا نام اپنا دئے وکھائیا۔ گُرمْکھ گُرسِکھ کوُڑے وہن کدے نہ وہن، واہوا کردیاں اپنے گھر وسائیا۔ پُرکھ اکال دیِن دَیال سمرتھ سوامی انترجامی کلجُگ انت سِری بھگوَنت، نِرگُن نِروَیر ہو کے آیا کہن، سرگُن انتر آتم پرماتم ہو کے اپنا جوڑ جُڑائیا۔

۱۵ بھادروں شہنشاہی سمت ۲ جسونت سِنگھ دے گرِہ پِنڈ مُرِنڈا ضِلع انبالہ

ستجُگ ساچے، ہرِ کا نام ہووے ایکا انمولا، وست امولک تیری جھولی پائیا۔ دو جہاناں برہمنڈاں کھنڈاں بنے ساچا تولا، سچ ترازوُ اگمّی آپ اُٹھائیا۔ آتم پرماتم دُھر دا بولا، پاربرہم برہم میلا میلے سہج سُبھائیا۔ تُوں میرا مَیں تیرا چار ورن اٹھاراں برن ہووے اِکو ڈھولا، گیِت گوبِند گہر گمبھیِر بےنظیِر دئے سمجھائیا۔ سَتگُر شبد جیِو جنت نِرگُن سرگُن بنے وِچولا، چار کُنٹ دہِ دِشا ویکھ وکھائیا۔ بھاگ لگائے ساڈھے تِنّ ہتّھ کایا ماٹی چولا، چوجی پریِتم اپنا رنگ دئے رنگائیا۔ بھیوَ ابھیدا کھولے پڑدا اوہلا، گھر

وِچوں گھر گرِہ مندر دئے وکھائیا۔ منوُآ جگت واسنا پائے نہ رؤلا، وِکار ہنکار رہن کوئے نہ پائیا۔ پُرکھ اکال دیِن دَیال چار کُنٹ دہِ دِشا اِکو گاوے سوہلا، کلمہ کائنات آپ سمجھائیا۔ کلجُگ کوُڑی کِریا دھرنی دھرت دھوَل بھار کرے ہؤلا، سَتجُگ ساچے سَت دھرم دئے وڈیائیا۔ جُگ چؤکڑی پوُرا کرے کیِتا اِقرار قؤلا، گُر اوتار پَیغمبراں بھوِش اپنے لیکھے لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَت ساچی کار کمائیا۔ سَتجُگ ساچے، ہرِ کا نام ایکا ملِے جیِو جنت، لکّھ چؤراسی ونڈ نہ کوئے ونڈائیا۔ ایکو سِمرن کرے سادھ سنت، پوُجا پاٹھ اِکو دئے سمجھائیا۔ سرِشٹ سبائی نار اِکو ملِے دُھر دا کنت، پُرکھ ابناشی گھٹ نِواسی نظری آئیا۔ گڑھ توڑے مایا ممتا ہؤمے ہنگت، ہنگ برہم چار ورن دئے سمجھائیا۔ بودھ اگادھا بن کے پنڈت، ساچی سِکھیا دئے دِرڑائیا۔ مہما دسّ کے اپنی اگنت، بھیوَ ابھیدا اگلا دئے کُھلائیا۔ من واسنا کوُڑی رہے نہ چِنت، اگنی اگّ نہ کوئے تپائیا۔ جن بھگتاں اپنے مِلن دی دے کے ہِمّت، مارگ ساچے دئے چڑھائیا۔ جِتھے دِسے کوئے نہ نِندک، رسنا جِہوا بتّی دند نہ کوئے ہِلائیا۔ سچکھنڈ دوار ایکنکار اِک وکھائے اپنی سِمت، چار کُنٹ دہِ دِشا پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا نام ایکا رام کایا نگر کھیڑا گرام، وجوُد اندر محبوُب دئے وکھائیا۔ سَتجُگ ساچے، ساچا نام ایکنکار ایکا کرے پرچلت، سرِشٹ سبائی ساچی سِکھیا دئے سمجھائیا۔ جو ہوئے سہائی ہلت پلت، پاربرہم برہم میلا لئے مِلائیا۔ منوُآ کوُڑ کرے کوئی نہ عِلّت، شرع شرارت وِچ نہ کوئے ہلکائیا۔ جن بھگتاں بخشے ساچی ہِمّت، حوصلہ اپنے نام وڈیائیا۔ ساچے پریم دی دے کے خِلعت، خاتب اِکو اِک دئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں دوُجے در کرن نہ دیوے مِنت، نام بھنڈارا ایکنکارا بن ورتارا، شبدی دھار کر پیار ایکا وار جھولی دئے بھرائیا۔

۱۵ بھادروں شہنشاہی سمت ۲ دربارا سِنگھ دے گرِہ پِنڈ باٹھ خُرد

ستجُگ ساچے، ساچے نام دا ڈنکا وجےّ وِچ برہمنڈ، پُری لوء آکاش پاتال گگن گگننتر اِکو کرے شنوائیا۔ کلجُگ کوُڑی کِریا میٹے بھیکھ پکھنڈ، دھرنی دھرت دھوَل اُپر رہن کوئے نہ پائیا۔ سرِشٹی درِشٹی اندر پُرکھ اکال تُوں میرا مَیں تیرا گاوے چھند، چار ورن

اٹھاراں برن اِکو نام دِھیائیا۔ کِرپا کرے دیِن دَیال صاحب بخشند، پاربرہم پت پرمیشور پڑدا اوہلا دئے اُٹھائیا۔ کایا ماٹی تن وجوُد ساڈھے تِنّ ہتّھ چاڑھے رنگ، نام انمُلا اِکو اِک سمجھائیا۔ دُئی دوَیتی ہؤمے ہنگتا ڈھاہے اندروں کندھ، سچ سُچ ایکا ایک دئے سمجھائیا۔ گھر وِچوں گھر گرِہ مندر دیوے اِک انند، نؤ دوارے نؤ رس لیکھا دئے مُکائیا۔ سُرتی شبدی ڈوری بنّھے اپنے تند، دُھر درگاہی بےپرواہی اپنا حُکم ورتائیا۔ جن بھگتاں ساچے سنتاں خوشی کرے بند بند، نام بھنڈارا ایکنکارا اِکو جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَتوادی ساچی کرنی آپ کمائیا۔ سَتجُگ ساچے، ساچے نام دا وجےّ اِکو ڈنکا، نؤ کھنڈ پرِتھمی ستّ دیِپ وجےّ ودھائیا۔ سِری بھگوان دا سوہے اِکو بنکا، پُرکھ اکال سرِشٹی درِشٹی اندر نام دِھیائیا۔ اِکو مندر دِسے راؤ رنکا، چار ورناں اٹھاراں برناں اِکو گھر دئے سمجھائیا۔ اِکو سَتگُر شبد ہووے بودھ اگادھا پنڈتا، آتم برہم پاربرہم برہم وِدیا اِک سمجھائیا۔ جگت واسنا کوُڑی کِریا گڑھ رہے نہ ہؤمے ہنگتا، نِرگُن نِروَیر نِراکار نِون سُ اکھّر اِکو کرے پڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَتجُگ ساچے، تیرا راہ پُرکھ اکال چلاوے بےپرواہ دھرنی دھرت دھوَل دیوے مان وڈیائیا۔ سَتجُگ ساچے، ساچے نام دا وجےّ اِکو نگارہ، نؤبت دُھر دی آپ وجائیا۔ گُر اوتار پَیغمبر خوشیاں وِچ لاون دُھر دا نعرہ، واہوا پربھ تیری بےپرواہیِا۔ بھگت سُہیلے گاون ساچی وارا، وارتا وِچ صِفتی ڈھولے جگت سُنائیا۔ کرنی دے کرتے تیرا انت نہ پاراوارا، بےانت تیرے ہتّھ وڈیائیا۔ نِرگُن نِروَیر کلجُگ انت سِری بھگوَنت کل کلکی اِک اوتارا، جِس دا روُپ رنگ ریکھ سمجھ کوئے نہ پائیا۔ جِس نوُں ماتا جنمے نہ کوئے وِچ سنسارا، ہڈّ ماس ناڑی ناتا جوڑ نہ کوئے جُڑائیا۔ جِس دا لیکھا کاغذ قلم شاہی نہ لِکھنہارا، وید پُران انجیل قُرآن کھانی بانی حُکمے اندر صِفت صلاحیِا۔ سو سوامی انترجامی سچکھنڈ نِواسی پروردِگارا، جلوہ گر نوُر الاہیِا۔ سَتجُگ ساچے ساچا سچ کھولے اِک دوارا، چار کُنٹ دہِ دِشا اِکو گھر وکھائیا۔ جِس مندر گرِہ تُوں میرا مَیں تیرا سُناوے اِک جَیکارا، دوُجا راگ نہ کوئے الائیا۔ جوتی جوت سروُپ ہرِ، آپ اپنی کِرپا کر، سَتجُگ ساچے تیری وکھائے اِکو دھرم سالا، جِس دوار کھتری براہمن شوُدر وَیش اِکو اِشٹ منائیا۔ سَتجُگ ساچے، ساچے نام دا اِکو ہووے ہوکا، حُکم دُھر دا آپ جنائیا۔ منّنا پئے چؤداں لوکا، چؤداں طبق سیِس نہ کوئے اُٹھائیا۔ پربھ دا بھانا کِسے نہ روکا، گُر اوتار پَیغمبر بھانے وِچ سیو کمائیا۔ جن بھگتاں دھرم دا مارگ دسےّ

سؤکھا، کلجُگ کوُڑ کُڑیارا ڈیرہ ڈھائیا۔ سِری بھگوان ہو مِہروان اپنے مِلن دا دیوے مؤقع، نِرگُن ہو کے سرگُن جوڑ جُڑائیا۔ ساچے سنتاں نال کدے کرے نہ دھوکھا، گُرمْکھ گُر گُر گود اُٹھائیا۔ ساچی منزل چڑھاوے چوٹا، انت اَخیِر اِکو گھر وکھائیا۔ جِس گرِہ نِرمل پرکاش ہووے نوُری جوتا، جاگرت جوت ڈگمگائیا۔ سچکھنڈ دوارا بِن چھپّر چھنّ کوٹھا، سوُرج چند نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتجُگ ساچے تیری آسا منسا پوُری کرے سوچا، سمجھ رمز اپنی وِچ مِلائیا۔ سَتجُگ ساچے، ہرِ کا نام پرگٹ ہووے جگت، چار ورناں اٹھاراں برناں کرے اِک پڑھائیا۔ آتم پرماتم میل مِلا کے بنائے دُھر دے بھگت، بھگوَن ہو کے اپنا سنگ نِبھائیا۔ گھر سوامی انترجامی اُپر شاہ رگ دیوے درس، نؤ دوارا کوُڑ وِکارا ڈیرہ ڈھائیا۔ جنم جنم دی کرم کرم دی میٹے حرص، پِچھلی ہوَس رہے نہ رائیا۔ مِہروان محبوُب پرماتم کرے ترس، ابناشی کرتا ہوئے سہائیا۔ سنت سُہیلا ساچی منزل چڑھدیاں کوئی نہ جاوے اٹک، دسم دواری جوت نِرنکاری نِرگُن درشن پائیا۔ جھگڑا رہے نہ بوُند رَکت، آتم شکت ملِے وڈیائیا۔ جوتی جوت سروُپ ہرِ، آپ اپنی کِرپا کر، کلجُگ کوُڑ کُڑیاری میٹے بھٹک، بھاوَنا سَتجُگ تیری ویکھ وکھائیا۔ سَتجُگ ساچے، ساچے نام دا چلے پرواہ، پاربرہم ہر ہِردے دئے وسائیا۔ گُر گوبِند شبد بنے گواہ، جن بھگتاں شہادت دئے بُھگتائیا۔ جو لیکھا جانے ساہ ساہ، سواس سواس اپنی جھولی پائیا۔ انتر آتم پرماتم نِراکار نام درڑا، اکھّراں توں باہر کرے پڑھائیا۔ واحد نوُر نظری آوے اِک خُدا، خود مالک اپنا پڑدا دئے اُٹھائیا۔ سچکھنڈ نِواسی پُرکھ ابناشی ساچی منزل پؤڑی دئے چڑھا، در دوارا ایکنکارا اِکو اِک وکھائیا۔ جِس گرِہ نِرمل جوت ہووے رُشنا، دیِا باتی کملاپاتی نوُرو نوُر کرے رُشنائیا۔ سنت سُہیلے گُرمْکھ گُرسِکھ ہرجن بھگت کر کِرپا لئے بہا، مِہروان محبوُب مُحبّت وِچ اُٹھائیا۔ کلجُگ انت سِری بھگوَنت ابناشی کرتا کوُڑی کِریا جگت ناتا دئے تُڑا، سَتجُگ ساچا سَت دھرم بِن گوت ورن ایکا ایک دئے جنائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، گُرمْکھاں نیتر کھولے ہرن پھرن جھگڑا چُکاوے مرن ڈرن، مارگ دسائے ترنی ترن، تارنہارا ایکنکارا اِک اِکلّا اپنے چرن کوَل بخشے حق سرنائیا۔

۱۵ بھادروں شہنشاہی سمت ۲ مُختار سِنگھ دے گرِہ پِنڈ مُنڈیاں خُرد ضِلع لُدھیانہ

ستجُگ ساچے، ساچے نام دا ہووے بلَ، بلدھاری کلجُگ کوُڑے دئے کھپائیا۔ پاوے سار سمُند ساگر جل تھل، ٹِلّے پربت ڈیرہ ڈھاہیِا۔ دُئی دوَیتی من واسنا میٹے سّل، صاحب سوامی انترجامی اِکو بوُجھ دئے بُجھائیا۔ جوُٹھ جھوُٹھ ممتا موہ رہے نہ کل، کلکاتی جھگڑا اگلا دئے چُکائیا۔ ساچا دھام نِہچل وکھائے اٹل، جن بھگتاں ساچے سنتاں دئے مان وڈیائیا۔ جِس گرِہ اِکو دِیپک رہیا بل، نِرگُن نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتجُگ ساچے ساچا نام اِک سمجھائیا۔ سَتجُگ ساچے، ساچے نام دا ہووے ساچا میل، مِلنی ہرِ جگدیِش کرائیا۔ پُرکھ اکال دیِن دَیال ملِے سجّن سُہیل، سچکھنڈ نِواسی پُرکھ ابناشی دُھر دا ناتا جوڑ جُڑائیا۔ کرے پرکاش ساچے گرِہ بِن باتی تیل، نِرگُن نوُر جوت ڈگمگائیا۔ اچرج دسےّ اگمّ اتھاہ اپنا کھیل، خالق خلق دئے سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچکھنڈ، سَتجُگ ساچے، تیرا دھرم دوارا اِک پرگٹائیا۔ سَتجُگ ساچے، کِرپا کرے آپ کِرپال، کِرپانِدھ دَیا کمائیا۔ ایکا نام شبد ہوئے وِشال، وِشیاں والا وِشا دئے گوائیا۔ آ کے ویکھے مُریِداں مُرشد حال، دو جہان کائنات دیِن دُنی ویکھ وکھائیا۔ مایا ممتا کوُڑی کِریا توڑ جگت جنجال، نِج آتم پرماتم میلا میلے سہج سُبھائیا۔ سچ دوارا اِک وکھائے دُھر دی دھرمسال، جِس گھر ایکنکارا اِکو سوبھا پائیا۔ جِتھے گُر اوتاراں پَیغمبراں پوُرا کرے سوال، وِشن برہما شِو جھولیِاں رہیا بھرائیا۔ سو کلجُگ انت سِری بھگوَنت شبدی کھیل کرے کمال، جگت سرِشٹی درِشٹی سمجھ کوئے نہ آئیا۔ بھگت سُہیلے سجّن گُرمْکھ آپ اُٹھال، نام نِدھان سِری بھگوان رہیا دِرڑائیا۔ دھرم دوار بنا اپنے لال، گُر گُر گود اِک سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سنت سُہیلے کر پروان، مِہروان مِہر نظر اِک تکائیا۔