کتب خانہGranth 20 (Urdu)

۱۴ مگھّر شہنشاہی سمت ۲ بلوِندر سِنگھ دے گرِہ پِنڈ ہیر ضِلع جالندھر

بیاس کہے مَیں دُھر دا آساوند، آسا پوُری دے کرائیا۔ تیرے حُکم دا ہو پابند، دِوس رَین سیو کمائیا۔ اگمّی نام دا دے چھند، ڈھولا اِک سمجھائیا۔ بِنا رسنا دے آوے انند، انند اپنا دے پرگٹائیا۔ خوشی ہووے بند بند، بندگی وِچ تیرا نام دِھیائیا۔ جُگ چؤکڑی دا پِچھلا اگلا مکُے پندھ، سفراں وِچ نہ کوئے بھوائیا۔ دیِن دَیال صاحب بخشند، پاربرہم پربھ تیری اوٹ رکھائیا۔ سَتجُگ تریتا دواپر گیا لنگھ، کلجُگ انت رہیا کُرلائیا۔ سیج سُہنجنی دِسے پلنگ، آتم پرماتم جوڑ نہ کوئے جُڑائیا۔ جگت واسنا دُنی ہوئی رنڈ، بِن ہرِ کنت خوشی نہ کوئے منائیا۔ جوتی جوت سروُپ ہرِ، آپ اپنی کِرپا کر، میرا لیکھا پوُر کرائیا۔ بیاس کہے مَیں سُندا رہیا سلوک، مہما والا ڈھولا تیرا گائیا۔ تکدا رہیا لوک پرلوک، دو جہاناں اکّھ کُھلائیا۔ تیرا بھانا کوئے نہ سکیا روک، گُر اوتار پَیغمبر بَیٹھے سیِس نِوائیا۔ کلجُگ انت سِری بھگوَنت جوتی شبدی دھار سوچ، بُدھی ونڈ نہ کوئے ونڈائیا۔ سرِشٹی دُنیا کائنات کوئی نہ کرے ہوش، بےہوش ہوئی لوکائیا۔ خالی دِسے کایا ماٹی چمڑی پوش، پُشت پناہ ہتّھ نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، اپنا میلا لےَ مِلائیا۔ بیاس کہے میرا انتم کٹ وِچھوڑا، وِچھڑیاں لےَ مِلائیا۔ نِرگُن دھار نِرگُن ہووے جوڑا، سرگُن مِل کے وجےّ ودھائیا۔ اگلا وقت رہ گیا تھوڑا، بِن تیرے بھیو کِسے نہ آئیا۔ اپنے پریم دا دے بھورا، جگت بھنڈارے دا لیکھا دے مُکائیا۔ مَیں تیرا نؤجوان بانکا چھوہرا، جُگ چؤکڑی سیو کمائیا۔ تُوں سسّے اُپر لا کے ہوڑا، ہنگ برہم دِتی وڈیائیا۔ اِکو دسّ اپنا دوہرا، دوہاں مِل کے وجےّ ودھائیا۔ تیرے اَگے نہیں کوئی زورا، چرن کوَل ڈھیَہہ کے منگ

منگائیا۔ جھگڑا چُکے تورا مورا، موہ مُحبّت اپنے نال بندھائیا۔ تیرا منتر فُرنا پُھرے پھورا، فؤرن اپنا رنگ رنگائیا۔ پُرکھ اکال دیِن دَیال اپنی کرنی اندر پا موڑا، مُہرے ہو کے اپنا درس وکھائیا۔ جوتی جوت سروُپ ہرِ، آپ اپنی کِرپا کر، سچ دوار اِک کُھلائیا۔ بیاس کہے میری آسا نہ جائے بِرتھی، وِشواش دینا بندھائیا۔ مَینوُں رلاؤنا نہ نال کوُڑی سرِشٹی، شرع وِچ نہ کوئے پھسائیا۔ مَینوُں بہاؤنا نہ سوَرگ بہِشتی، سوَرگ بہِشت دی لوڑ نہ کوئے رکھائیا۔ مَینوُں بناؤنا نہ من واسنا گرِہستی، گرِہ دُنی نہ کوئے لوکائیا۔ مَیں اِکو منگاں تیرا اِشٹی، اِشٹ دیو تُوں ہی نظری آئیا۔ لیکھا مُکاؤنا ٹانک جِستی، نوُر نوُر وِچ ٹِکائیا۔ تیری مُحبّت کِسے دوارے نہ ملِے وِکدی، قیِمت جگت نہ کوئے رکھائیا۔ مَیں اوٹ رکھی اِک دی، ایکنکار تیرا دھیان لگائیا۔ تیری تار سِتار انتر انتر کھِچدی، پریم رباب رہی وجائیا۔ کُچھ گھُنڈی کھول وِچ دی، پڑدا دے اُٹھائیا۔ کروٹ بدل اپنی پِٹھ دی، سنمُکھ ہو کے سوبھا پائیا۔ میری آسا راہ تکّے کِت دی، کیتےِ جُگ گئے وِہائیا۔ منسا پوُری کر مِت دی، نر نرائن دَیا کمائیا۔ خواہش رہے نہ ٹھگؤری والے چِت دی، ٹھاکر ہو کے جوڑ جُڑائیا۔ جِدھر ویکھاں تیری جوت نوُر دھار رہے دِسدی، دہ دِشا نظری آئیا۔ کُچھ لیکھنی وید ویاس والی چِٹ دی، چِٹے اُتے کالا گیا پائیا۔ کُچھ باقی رَوداس چمارے دی اِٹّ دی، بہتراں نال سمجھائیا۔ جوتی جوت سروُپ ہرِ، آپ اپنی کِرپا کر، مُحبّت بخش اپنی سِک دی، سِخر چوٹی چڑھ کے میلا لَینا مِلائیا۔ بیاس کہے میری چوٹی چڑھ جا سِخر، وہنا وِچوں پندھ مُکائیا۔ میرا اگلا مُک جائے فِکر، فاقہ کشی دے گوائیا۔ مَیں چل کے آیا اِدھر، پیَنڈا پندھ مُکائیا۔ کُچھ وعدہ کرِشن نال بِدر، بُھکھیاں گیا سمجھائیا۔ پُرکھ اکال جن بھگتاں پوُری کرے سِدھر، سدّھر اپنے نال مِلائیا۔ جوتی جوت سروُپ ہرِ، آپ اپنی کِرپا کر، میرا لیکھا دینا وکھائیا۔ بیاس کہے میرا لیکھا دسّ کھول، خالی ہتّھ دیاں دُہائیا۔ آد جُگادی سُتے ابناشی اچُتے بول، اپنی آواز لگائیا۔ جُگ چؤکڑی مَیں وہنا وِچ کردا رہیاگھول، بھجّیا واہو داہیِا۔ میرا تت سکیا نہ کوئے وِرول، متھن وِچ نہ کوئے لیائیا۔ کوٹن کوٹ سادھ سنت وجا کے گئے ڈھول، ڈنکا تیرا نام سُنائیا۔ انتم رہیا کوئی نہ کول، سارے کر کے گئے جُدائیا۔ میرے اندر پیَندا ہؤل، دُکھاں دیاں سُنائیا۔ سپت رِکھی دا یاد آیا پِچھلا قؤل، اِقرارنامہ بھوج پتراں اُتے لِکھائیا۔ کُچھ نانک چرناں دا چرنودک گیا ڈولھ، چُلے تِنّ ہتّھ اُٹھائیا۔ کُچھ رَوداسا میرے اندروں بالوُ ریت گیا رول، مُٹھی ڈھائی ونڈ ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے منگ

منگائیا۔ بیاس کہے مَیں منگاں تھوڑا، بہُتی آس نہ کوئے رکھائیا۔ رام دا پِھریا گھوڑا، نیتر نیَناں نیِر وہائیا۔ میرے وِچ پِچھلا رکھ کے پؤڑا، اگلا مُکھ گیا بدلائیا۔ کنّاں توں ہو کے ڈورا، نیتر تیرے ولّ اُٹھائیا۔ واہو داہی پھیر دؤڑا، دِشا اپنی لئی بدلائیا۔ اُچی کوُکے دسّدا جائے پُرکھ اکال دُھر دا چورا، لبھیاں ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، میرا پڑدا دینا اُٹھائیا۔ بیاس کہے مَیں کی کراں تیری گِنتی، انِگنت تیری وڈیائیا۔ سیِتا اِکیاں قدماں نال مَینوُں رہی مِندی، پِچھے بھؤں بھؤں دھیان لگائیا۔ ایہہ سیوا لگّی رہی تِنّ دِن دی، آر پار نہ کوئے کرائیا۔ دھار نظر آئی تیرے چِنھ دی، نِرگُن نوُر جوت رُشنائیا۔ اکّھاں میٹ عرشاں اُتے منڈل راس گِندی، تار تاریاں وِچ رکھائیا۔ ایہہ کھیل ہوئی چھِن دی، جِس نوُں شاستر سِمرت وید پُران نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، بھگوَن تیرے ہتّھ سرب وڈیائیا۔

۱۴ مگھّر شہنشاہی سمت ۲ سرون سِنگھ دے گرِہ پِنڈ ہیر ضِلع جالندھر

بیاس کہے میری آسا لمبی، آیوُ سمجھ کوئے نہ آئیا۔ جِس نوُں سُن کے دھرت دھوَل دھؤل کمبی، ہِلی واہو داہیِا۔ جِس ویلے لوکمات جگت سادھ ہوئے دمبھی، کُٹمب کوُڑ نظری آئیا۔ دیِن دُنی خوشی بدلے وِچ غمی، غمگیِن دین دُہائیا۔ پُرکھ اکال اوس ویلے اپنی دھار چلاویں نَویِں، نوَ نؤ چار پندھ مُکائیا۔ دُنیا ولّوں گوُڑھی نیِند سویِں، گُرمُکھ بھگت لَینے جگائیا۔ غریِب نِمانیاں گھر بہویِں، شاہ سُلطاناں در دُرکائیا۔ اُنحاں دی سار لویِں، جو جُگ جنم دے وِچھڑے دھیان لگائیا۔ اُنحاں سنگ روھیِں، جو تیری اوٹ تکائیا۔ نام بھنڈارا ساچی وست )دویِں(، بِن ہتّھاں آپ ورتائیا۔ کُچھ لہنا رکھیں یاد جِس ویلے ارجن بَیٹھا توی، راوی روی نال صلاح پکائیا۔ جِس ویلے پُرکھ اکال اپنے شبد دا بنیا کوی، لیکھا لِکھت تیرے ہتّھ پھڑائیا۔ گرنتھ شاستر واک بھوِکھت گُر اوتار پَیغمبر اُس نوُں جانن اوتار چؤوی، جگت دُنیا سمجھ کِسے نہ آئیا۔ دُھر دا ڈھولا بن وِچولا اِکو گویِں، گہر گمبھیِر اِکو اپنا نام دینا پرگٹائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ بیاس کہے میری آسا بہُہ بہُہ لمبی، مِنتی وِچ ناپ نہ کوئے کرائیا۔ پیار دی دھاروں آپے جمّی، نِکلی چائیں چائنیا۔ سد جیِوت بِنا دمی، ساس سواس نہ کوئے رکھائیا۔ اٹّھے پہر پِھرے بھنّی، چار کُنٹ دھیان لگائیا۔ تیرا حُکم سُننا چاہُندی کنّھی، دُھر فرمانا دے دِرڑائیا۔ تُوں شاہ

پاتشاہ وڈّا دھنی، دھناڈھ اِکو نظری آئیا۔ تیری دھار حُکم والی منّی، نِیوں نِیوں سیِس جھُکائیا۔ کلجُگ انت کریں نہ اَنھیں، نِج نیتر دینا کُھلائیا۔ پریِتم بن کے ساچا تنی، تند سِتار دینا وجائیا۔ ویکھ وسیرا چھپّر چھنّی، چھہبر اپنا نام لگائیا۔ جیہڑی دھوُڑ بھیلنی رام چرن اپنی کنّی بنّھی، ساڈھے تِنّ سال گنڈھ پوائیا۔ جوتی جوت سروُپ ہرِ، آپ اپنی کِرپا کر، میرا لیکھا لیکھے وِچ لگائیا۔ بیاس کہے میری آسا نہ ویکھیں پُرانی، پوُربلے جنم نال رلائیا۔ جِہنوُں لِکھیا نہ کِسے پُران پرانی، ویداں وِچ نہ کوئے وڈیائیا۔ گُر اوتار پَیغمبر نہ ہوئے نِگاہبانی، سِر ہتّھ نہ کوئے ٹِکائیا۔ سارے تیرے آؤن دی دسّ کے گئے نِشانی، نِشاوَر اپنا آپ کرائیا۔ اکھّراں والی گا کے کہانی، بانی تیرا نام پرگٹائیا۔ میری سدّھراں والی جوانی مستانی، ہتّھ کِسے نہ آئیا۔ تیرا کھیل گُن نِدھانی، گُنونتے ویکھ وکھائیا۔ جُگ چؤکڑی میرے نال ہُندی رہی شیَطانی، شرع والا سنگل نہ کوئے کٹائیا۔ کلجُگ انت کر مِہربانی، محبوُب تیری آس رکھائیا۔ میری آسا نہیں بیگانی، بینتی اوہو چلی آئیا۔ جھگڑا کیس نہیں دیوانی، نؤ سؤ چُرانوے چؤکڑی جُگ بیِتدیاں دیر نہ لگّی رائیا۔ میرے وِچوں آنچل دھو کے گئی آد شکت بھوانی، دُرگا اپنا پلّوُ وِچ پِھرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، میری آسا ساچے در کر پروانی، پرم پُرکھ تیری آس رکھائیا۔

۱۴ مگھّر شہنشاہی سمت ۲ سادھوُ سِنگھ دے گرِہ پِنڈ ہیر ضِلع جالندھر

بیاس کہے میری آسا نِکّی، نِکاّ ہو کے رہیا جنائیا۔ بھگت بھگوان دی ویکھاں سِکھی، سنمُکھ ہو کے درشن پائیا۔ جِنہاں دی دھار گوبِند لِکھی، اگلا لیکھا اپنے نال رکھائیا۔ ساچی دے کے گیا چِٹھی، بِن کاغذ ٹُکڑے ہتّھ پھڑائیا۔ میلا ملِے دُھر دی اِکّی، بیِس اِکیسا نال رلائیا۔ اوہناں جگت واسنا جائے جِتی، ترِشنا کوُڑ نہ کوئے تپائیا۔ سمت شہنشاہی دی ہووے مِتی، مِتر پیارا ویکھ وکھائیا۔ ساچے نام دی دھار دسّ کے مِٹھی، کلجُگ کوُڑی کِریا باہر کڈھائیا۔ جوتی جوت سروُپ ہرِ، آپ اپنی کِرپا کر، دُھر دا لہنا دئے مُکائیا۔ بیاس کہے میری آسا نہ چھوٹی نہ وڈّی، دوہاں وِچ سمائیا۔ تیرے حُکمے اندر بدھّی، جُگ چؤکڑی راہ تکائیا۔ انت ویکھ ویہویں صدی، صدمیاں والی دئے

دُہائیا۔ مَیں کوئی دھار نہیں وہن والی ندی، جل اپنا روُپ بدلائیا۔ میری جوت اوس نال جگی، جو جگت دا مالک اِک اکھوائیا۔ پریِتی اوس نال لگّی، جو قدیِم دا مالک دُھردرگاہیِا۔ سِتار اوس نال وجّی، جِس دا تند نہ کوئے تُڑائیا۔ اوس دوار بہہ کے سجی، جِتھے سجّن ملِے شہنشاہیِا۔ جِس دی بدلے کدے نہ گدّی، گداگر گُر اوتار پَیغمبر لئے بنائیا۔ ونڈ ہووے نہ ودی سُدی، دِوس اماوس نہ کوئے بنائیا۔ کرنی دو جہان نہ ہووے ردّی، قُدرت دا مالک اِکو اکھوائیا۔ لوکمات جُگاں وِچ نِرگُن دھار سرگُن ہو کے آوے کدی کدی، نِت درس نہ کِسے دِکھائیا۔ کھیل کرے اگمّی چنگی، مارگ اپنا آپ پرگٹائیا۔ سچ نام وجا مردنگی، سوئی سُرتی لئے اُٹھائیا۔ گُرمُکھاں جن بھگتاں پِٹھّ ہون نہ دیوے ننگی، پڑدا اپنا نام رکھائیا۔ بیاس آسا کہے سب دی کٹے تنگی، جو بَیٹھن سیِس نِوائیا۔ اُس دا جودھا سوُربیِر سُت دُلارا اِک بُھینگی، بِنا بُھجاں توں سب دی کرے صفائیا۔ اپنا کھیل کرے بہُہ رنگی، جُگ چؤکڑی سمجھ کِسے نہ آئیا۔ نِرگُن نِروَیر نِراکار بن کے ڈھنگی، طریقہ اپنا اِک پرگٹائیا۔ بیِس بیِسا دھار بِکرمی جِس ویلے آوے پنجھی، پنجھیاں دے پنجے دئے لگائیا۔ اکھّر پیار ویکھے بونجی، باوَن پڑدا لاہیِا۔ کھیلے کھیل نَویِں شترنجی، شمع گُل ہووے لوکائیا۔ جن بھگتاں پریم دی پا کے پھندی، آتم پرماتم ناتا لئے جُڑائیا۔ اَگے مذہب دی رہن دیوے نہ کوئے پابندی، شرع وِچوں باہر رکھائیا۔ تُوں میرا مَیں تیرا آتم پرماتم بنا کے سنگی، سگلا سنگ رکھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، دھار رہن نہ دیوے دُرنگی، جھگڑا مُکائے کھیل ترنگی، لیکھا جانے جگت جیِو چُرنگی، چار جُگ دا پوُرب لیکھا لِکھتاں والا ویکھ وکھائیا۔

۱۴ مگھّر شہنشاہی سمت ۲ کرتار سِنگھ دے گرِہ پِنڈ گاندھراں ضِلع جالندھر +

بیاس کہے میرے نال صلاح کیِتی بھاگیِرتھ، اِکانت ہو کے دھیان لگائیا۔ تیرا وہناں والا نیِرتھ، جل پانی روُپ نظری آئیا۔ کِس بِدھ بنے ساچا تیِرتھ، تٹ کِنار سوبھا پائیا۔ امرت رس ہووے سیِرتھ، اگنی اگّ بُجھائیا۔ اندروں کڈھے پیڑت، دُکھیاں درد مِٹائیا۔ جوتی جوت سروُپ ہرِ، آپ اپنی کِرپا کر، ویکھنہارا ہر گھٹ تھائنیا۔ بیاس کہے بھاگیِرتھ ہؤلی دسّیا چُپ، بِن رسن آواز لگائیا۔ تیرا کِیوں بدلے رُخ، مَینوُں دے سمجھائیا۔ کِیوں نہیں پیَنڈا جاندا مُک، بھجےّ واہو داہیِا۔ مَیں ہو کے اَگوں خوش، خوشی نال دِتا دِرڑائیا۔ جُگ چؤکڑی میرا

بھیو سدا لُک، پڑدا سکے نہ کوئے اُٹھائیا۔ سُہاؤندی رہے رُت، اپنا روُپ بدلائیا۔ گُر اوتار پَیغمبر سنت بھگت میرا ونڈے کوئے نہ دُکھ، دردی نظر کوئے نہ آئیا۔ ترِشنا بُجھائے نہ کوئی منسا والی بُھکھ، انتر ترِپت نہ کوئے کرائیا۔ مَیں جُگ چؤکڑی سب نوُں لیا پُچھ، بینتی آرزوُ اَگے سُنائیا۔ کوَن تارے اپرادھی سُت، دَیاوان دَیا کمائیا۔ سب نے بول کے اِکو تُک، دُھر دا حُکم دِتا دِرڑائیا۔ جِس ویلے آوے ابناشی اچُت، پاربرہم پربھ ویس وٹائیا۔ اپنی گودی لئے چُک، نِرگُن ہو کے انگ لگائیا۔ کرنی دا پیَنڈا جائے مُک، کرتا ہوئے سہائیا۔ جنم پھیر ملِے مانُکھ، تت سریِر وڈیائیا۔ پِچھلی کیِتی جائے ٹُٹ، اَگے اپنی گنڈھ پوائیا۔ جل دھار وِچوں پُٹ، پٹنے والے نال جوڑ جُڑائیا۔ جِتھے سب دی جائے چُھٹ، آون جاون رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سب دا سچّا اِک گوسائنیا۔ بھاگیِرتھ کہے تَینوُں کہِندے وہناں والا دریا، بھجّیں واہو داہیِا۔ کُچھ مَینوُں دے سمجھا، کِس بِدھ پیَنڈا لئیں مُکائیا۔ میلا ہووے بےپرواہ، اپنے وِچ سمائیا۔ مَیں وی تیرے کنڈھے بہہ کے چلیا نہا، نؤ مِنٹ سِنگھاسن لائیا۔ مَینوُں تھوڑا جِہا اندر چانن دِتا پا، نوُر ڈلک لگائیا۔ تھوڑا جیہا رس گیا آ، امرت روُپ بدلائیا۔ دُھن اگمّی دِتی سُنا، شبدی تال وجائیا۔ پِچھا دِتا بُھلا، کُچھ اَگا دِتا وکھائیا۔ سہجے پھڑ کے بانہہ، ہلوُنا دِتا لگائیا۔ دسّ کے اپنا ناں، سو پُرکھ نِرنجن کری پڑھائیا۔ مَیں کر کے اَگوں ہاں، سیِس دِتا نِوائیا۔ تیری کنڈھی بَیٹھا آ، ڈیرہ ککھّاں اُتے رکھائیا۔ تُوں دسّ کیہنوُں رہیا گا، کوَن راگ الائیا۔ بیاس کِہا مَیں اِکو سمجھ کے پِتا ماں، پُرکھ اکال رہیا دِھیائیا۔ دوُجا اِشٹ منّاں کوئی نہ، چرن سیِس نہ کِسے جھُکائیا۔ جو میری آسا رہے رکھا، بِن پانی جیِون جگت نہ کوئے ودھائیا۔ پنجاں تتّاں والے پہلے گُروُ لئے دھیا، انت ناتا گئے تُڑائیا۔ ماٹی ہوئی سواہ، جوت وِچ سمائیا۔ مَیں اوسے اَگے عرض دِتی سُنا، جِس میری بنت بنائیا۔ اُس سہجے دِتا جنا، حُکمی حُکم پرگٹائیا۔ جِس ویلے نِرگُن دھار ہو کے جاواں آ، مَینوُں جنمے کوئے نہ مائیا۔ جوتی جلوہ کر رُشنا، نوُر نوُرانہ ڈگمگائیا۔ تیرا لیکھا دیواں مُکا، مُکمل اپنا رنگ چڑھائیا۔ جلدھار وِچوں اپنے نال لَواں مِلا، ناتا دُھر دا آپ رکھائیا۔ سو ویلا وقت پہنچیا آ، بھروسے نال رہیا دِرڑائیا۔ بھاگیِرتھ مَیں اوسے دا تکاّں راہ، جِس تَینوُں جھلک دِتی چمکائیا ۔ جھلّاں بیلیاں وِچ میرا ہووے سہا، سہایتا کرے تھائیں تھائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیر سِنگھ وِشنوُں بھگوان، آد جُگاد اِک ملاح، جو بیڑے پتن رہیا ترا، تارنہار وڈّی وڈیائیا۔

۱۴ مگھّر شہنشاہی سمت ۲ رام سِنگھ دے گرِہ پِنڈ سریِہہ ضِلع جالندھر

بیاس کہے تیرا کھیل بےپرواہی، پاربرہم پتپرمیشور انت کوئے نہ آئیا۔ تیرا لیکھا آد جُگاد جُگ چؤکڑی لِکھے کوئے نہ قلم شاہی، کاغذ نیتر روون مارن دھاہیِا۔ حُکمے اندر گُر اوتار پَیغمبر جِس بنائے راہی، پاندھی بن کے لوکمات سَتجُگ تریتا دواپر کلجُگ پھیریاں گئے پائیا۔ تیرے نام دی اگمّ اتھاہ بےپرواہ کردے گئے شنوائی، سچ سندیشہ نر نریشا دو جہان سُنائیا۔ تیری منزل دسّدے گئے اُچ عالیشان ہائی، جِس نوُں جگت نیتر ویکھن کوئے نہ پائیا۔ اُچی کوُک کوُک رسنا جِہوا بتّی دند دیندے گئے دُہائی، تیرا ڈھولا راگ ناد نغمہ نر نرائن اِکو گائیا۔ نِرگُن نِرگُن انتر انتر نِرنتر لِو اِکو لائی، پرماتم مِل کے پرماتم کھیل کھِلائیا۔ جِس دا لہنا دینا کوئی جان نہ سکے ہِندسیاں وِچ اِکائی، زیِرو صِفرا سمجھ کِسے نہ آئیا۔ بھوِکھتاں وِچ لِکھتاں وِچ اِشٹاں وِچ سرِشٹی وِچ کر کے گئے لِکھائی، بودھ اگادھا بھیو ابھیدا آپ جنائیا۔ جِس دا پڑدا اوہلا کوئی چُک نہ سکے رائی، رعیت رنک راج راجان شاہ سُلطان ویکھن کوئے نہ پائیا۔ پُرکھ ابناشی گھٹ نِواسی تیرا کھیل اگمّ اتھاہی، الکھ اگوچر تیرا انت نہ کوئے سمجھائیا۔ نمو نمستے کہہ کے چرن کوَل سیِس رہے جھُکائی، ڈنڈاوت وِچ اپنی خوشی بنائیا۔ مِہربان محبوُب مُحبّت وِچ سچ سندیش دینا سُنائی، انراگی اپنا راگ الائیا۔ در دوار ٹھانڈا نر نِرنکار اِک وکھائیں، دوُجا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی شاہو شاباسی، دُھر سُلطان ہو مِہربان اپنی مِہر نظر اُٹھائیا۔ بیاس کہے پاربرہم پتپرمیشور گہر گمبھیِر، گوَر تیرا کھیل نظری آئیا۔ آد جُگادی نِرگُن سرگُن دھار تیری بےنظیِر، جگت نیتر لوچن نیَن اکّھ ویکھن کوئے نہ پائیا۔ کلجُگ انت سِری بھگوَنت پاربرہم پروردِگار سانجھے یار بدل دے تقدیِر، تحریر تقریر دوہاں دا لہنا دے مُکائیا۔ تیرا نام نِدھان نؤجوان مرد مردان جِس دے ہتّھ سچ تدبیِر، دو جہان بھیو ابھیدا دے کُھلائیا۔ سَتجُگ تریتا دواپر کلجُگ گُر اوتار پَیغمبر مَینوُں دے کے گئے دھیِر، دھرواسا لوکمات دھرائیا۔ پُرکھ اکال دیِن دَیال ہو مِہربان کلجُگ انت صدی چؤدھویں آوے اَخیِر، جوتی جاتا پُرکھ بِدھاتا اپنا پھیرا پائیا۔ جِس نوُں جھُکدے پَیغمبر پیِر، پرا پسنتی مدھم بَیکھری جِس دا گیِت گائیا۔ اوہ لیکھا جانے کایا ماٹی تن وجوُد لکّھ چؤراسی ساڈھے تِنّ ہتّھ سریِر، مانُکھ مانُش مانَس پڑدا دئے چُکائیا۔ جِس دے کول نام کھنڈا شمشیِر، کوُڑی کِریا ڈیرہ ڈھاہیِا۔ جن بھگتاں رہن نہ دیوے دِلگیِر، آتم پرماتم پرماتم آتم اپنا رنگ

رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در درویش ہو کے دُھر دی منگ منگائیا۔ بیاس کہے مَیں راہ رہیا تکدا، جُگ چؤکڑی دھیان لگائیا۔ دو جہاناں رہیا لبھدا، کھوجت کھوجت ویکھ وکھائیا۔ کھیل ویکھدا رہیا سب دا، جُگ چؤکڑی دھیان لگائیا۔ جو گھڑیا سو رہیا بھجّدا، تِھر رہن کوئے نہ پائیا۔ بِن تیرے دِیپک دِیپک ساچا نوُر کوئے نہ جگدا، شمع گُل دِسے لوکائیا۔ تیرا مارگ آد جُگاد سدا سچ دا، گُر اوتار پَیغمبر گئے دِرڑائیا۔ تُوں لوُں لوُں اندر رچدا، ساڈھے تِنّ کروڑ تیری سرنائیا۔ تُوں بِن رسنا جِہوا بتّی دند بھگتاں پریِتی اندر ہسّدا، ہستی وِچوں ہستی لئیں پرگٹائیا۔ سچ اِشارہ دے کے نِج لوچن نیتر نیَن اکّھ دا، پرتکھ ملِے آپ گوسائنیا۔ کلجُگ انت اَخیِر ویلا وقت نہیں رہنا وکّھ دا، وِچھڑے لےَ مِلائیا۔ سچ دوارا کھول اپنے نام ہٹّ دا، ہٹوانا ہو کے سیو کمائیا۔ کوُڑ کُڑیار جائے نسّدا، بھےَ وِچ اپنا مُکھ چُھپائیا۔ سَت دھرم مارگ لگّے تیرے جس دا، چار ورن اٹھاراں برن تیرا ڈھولا گائیا۔ سدا سدا نِت نوِت پرم پُرکھ تُوں بھگتاں پَیج رکھدا، کلجُگ انت ہو سہائیا۔ تیرا کھیل سدا سمرتھ دا، سمرتھ پُرکھ تیری بےپرواہیِا۔ بیاس کہے مَیں چرن کوَلاں اُپر بِن سیِس اپنا سیِس رکھدا، جگدیِش تیری اوٹ تکائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، تُوں مالک آد جُگادی گھٹ گھٹ دا، گرِہ گرِہ اندر کایا مندر دیِن دُنی کر صفائیا۔

۱۴ مگھّر شہنشاہی سمت ۲ گُردَیال سِنگھ دے گرِہ چیمہ کلاں ضِلع جالندھر

بیاس کہے یاد آیا منڈی میرے وِچ گوبِند دھویا بھتّھا، پانی پنج ویراں آپ ہِلائیا۔ تیراں دا سی نال جّتھا، گُرمُکھ سنگ لیائیا۔ مَینوُں اُٹھا کے سُنائی کتھا، شبدی حُکم دِرڑائیا۔ اُٹھ پیارے دُلارے پربھ دے بچّہ، بچپن تیرا دیاں سمجھائیا۔ چار جُگ تیرا کھیل ہویا کچّا، اِٹّاں پتّھراں نال ٹکرائیا۔ آ امرت پی رتا، سجےّ ہتّھ دی اُنگلی دِتی چٹائیا۔ پھیر چُک کے اُتے پٹّاں، ہتّھ چھاتی اُتے رکھائیا۔ گھاس دا پُٹ کے گٹّا، میرے وِچ دِتا رُڑھائیا۔ اُنی اُنگلاں دا پھٹّاں، سہجے دِتا ٹِکائیا۔ اَدھ وِچکاروں پھڑ کے کٹا، کھنڈا دِتا چُھہائیا۔ ایہہ کھیل مَینوُں لگّا اچّھا، ویکھ خوشی منائیا۔ گوبِند پھڑ کے اپنا بھتّھا، میرے اُتے دِتا ہِلائیا۔ میریاں کُھل گئیاں اندروں باہروں اکّھاں، دو جہان نظری آئیا۔ بِنا پُرکھ

اکال مِلیا کوئی نہ سخا، کوُڑی دسی جگت لوکائیا۔ مَیں جوڑ کے دوویں ہتّھاں، بندنا چرن لئی کرائیا۔ کُچھ دسّ اگلا پتہ، مَینوُں دے سمجھائیا۔ گوبِند خوشیاں نال ہسّا، سجّا چرن تِنّ وار پتّھر نال ٹکرائیا۔ اوسے ویلے وگن لگّا ٹھکاّ، ہوا پانی زور لگائیا۔ نِرگُن دھار پُرکھ اکال آیا نَٹھا، جوتی جاتا پھیرا پائیا۔ جِس دے کول چار جُگ دے لیکھ دا پٹا، حِصّے گُر اوتار پَیغمبراں رہیا وکھائیا۔ نِشانہ بِن کاغذ نظر آیا چِٹّا، شاہی ونڈ نہ کوئے ونڈائیا۔ برہمنڈاں کھنڈاں نالوں لما چِٹھا، جیہڑا سہجے دِتا جنائیا۔ مَیں ہو کے ہکاّ بکاّ، ہتّھ متھے اُتے ٹِکائیا۔ گوبِند سہجے مَینوُں لایا دھکاّ، ڈھائی قدم اَگے دِتا ودھائیا۔ جِتھے وِچھی اگمّی صفا، جِس دی بنت نہ کوئے بنائیا۔ پُرکھ اکال دِسیا پِتا، پتپرمیشور بےپرواہیِا۔ وڈّیوں وڈّا نِکّیوں نِکاّ، دوویں دھارا کھیل کھِلائیا۔ جوتی جوت سروُپ ہرِ، آپ اپنی کِرپا کر، بھیو ابھیدا آپ سمجھائیا۔ بیاس کہے مَیں دھکاّ کھادھا ڈھائی قدم، ہُلار سمجھ کوئے نہ آئیا۔ میرا کمب گیا بدن، سُرتی اندروں سُرت بھوائیا۔ مَیں ہتّھ لگّا ملن، اپنے آپ پچھتائیا۔ نیتر ہنجھوُ لگّا کِرن، موتی چھہبر لائیا۔ مَیں پردکھّنا، وِچ لگّا پِھرن، چاروں کُنٹ بھجّاں واہو داہیِا۔ پُرکھ اکال جوت دی دِتی کِرن، نوُر کیِتا رُشنائیا۔ اودھروں ساڈھے تِنّ سال دا بچّہ آیا ہِرن، رنگ سُنہری روُپ وٹائیا۔ گوبِند ڈِگا آ کے چرن، سیِس سوہنا دِتا جھُکائیا۔ مَیں اوس نال لگّا لڑن، غُصّہ میرے اندر آئیا۔ مَیں اِس دی تکّی سرن، ایہہ میرا دُھردرگاہیِا۔ دوُجا ایتھے کوئی نہیں دینا وڑن، ایہہ میری وڈیائیا۔ اپنے وِچوں کوئی نہیں دینا ترن، ڈوُنگھے وہن دیاں وہائیا۔ گوبِند کِہا مَیں کرنی دا کرن، کرتے دا حُکم دیاں سمجھائیا۔ گوبِند پریمی سارے ترن، تیری چلے نہ کوئے چتُرائیا۔ ساچی منزل میری چڑھن، جِتھے ملِے بےپرواہیِا۔ تُوں میرا مَیں تیرا ڈھولا پڑھن، دُھر دا راگ الائیا۔ بیاس کہے مَیں وِچے وِچ لگّا سڑن، اگنی میرے اندر آئیا۔ اودھروں بھجّا آ گیا دیوتا ورُن، نِیوں نِیوں لاگے پائیا۔ اودھروں امرت میگھ جھِرنا لگّا جھِرن، بادل گھنگھور رہے وکھائیا۔ اودھروں شنکر کَیلاش اُتوں لگّا رِڑھن، نَٹھیا واہو داہیِا۔ مَیں اوہنوُں ویکھ کے لگّا چِڑن، طبیعت لئی بدلائیا۔ میرا دِل لگّا گِرن، حوصلہ رہیا ڈھاہیِا۔ اُلٹا گیڑا لگّا گِڑن، سکے نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا وکھائیا۔ بیاس کہے جِس ویلے میرے وِچ بھتّھا دھوتا، اپنی ہتّھیں صاف کرائیا۔ مَیں جاگیا اُٹھیا سوتا، سُرتی اکّھ کُھلائیا۔ اودھروں نہاوَن آیا کھوتا، عمُر نؤ سال وکھائیا۔ اودھروں مچھلی مار کے غوطہ، جل پانی دِتا ہِلائیا۔ اودھروں قافلے وِچوں وِچھڑ کے آ گیا بوتا، دھؤن لمی لئی کرائیا۔

اودھروں لّکڑہارا ہتّھ وِچ پھڑ کے ٹوکا، بھجّیا واہو داہیِا۔ اودھروں چؤداں سال دا بُڈھا ویکھیا جھوٹا، اکّھاں لال کڈھ ڈرائیا۔ گوبِند سب نوُں ویکھ کے چرناں توں لاہیِا کھوسا، پَیر ننگے لئے کرائیا۔ آو رِکھیو تُہاڈا میرے نال ہُن نہیں کوئی روسا، سَتجُگ دے وِچھڑے کلجُگ انتم لَواں مِلائیا۔ پریم پیار اندر تُہاڈے اندر جگاواں جوتا، نِرگُن نوُر کراں رُشنائیا۔ تُہاڈی جنم جنم دی مکُے سوچا، لکّھ چؤراسی دیاں کٹائیا۔ دُکھ بھوگیا بہُتا، انڈج جیرج اُتبُھج سیتج پھیرا پائیا۔ ہُن میرے مِلن دا مِل گیا مؤقع، رام کرِشن دئے گواہیِا۔ ساچی نئیا چڑھاواں نؤکا، نام جہاز دیاں دِرڑائیا۔ پھیر ڈھئیے دا لاؤنا ڈھؤنکا، لبھیاں ہتّھ کِسے نہ آئیا۔ دھاہیں مارے پٹنا پؤنٹا، نیتر نیَناں نیِر وہائیا۔ میرا روُپ )شبدی( دھار ہووے چوٹا، چوٹی چڑھ کے ویکھ وکھائیا۔ چرن لگّن نہ دیواں کوئی کھوٹا، کوُڑ کُڑیاراں پرے ہٹائیا۔ جن بھگتاں اندر ناتا جوڑاں اپنے موہ دا، مُحبّت اِکو گھر بنائیا۔ جھگڑا رہن نہیں دینا اِک دو دا، ایکنکار اپنے نال مِلائیا۔ کھیل کراں جوتی شبدی دھار چھوہ دا، مِہربان ہو کے مِہر نظر اُٹھائیا۔ منڈی توں فاصلہ تن کوہ دا، گوبِند سہجے گیا سمجھائیا۔ جِتھے پرکاش نہیں کِسے دِیپک لو دا، اندھ اندھیرا نظری آئیا۔ ایہدا لیکھا لِکھنا جو ناتا جوڑیا چھّبی پوہ دا، بھیو ابھیدا آپ کُھلائیا۔ بیاس کہے میرے اندر غُصّہ آیا روہ دا، ہؤکا لےَ کے دِتا جنائیا۔ کِتھوں میل ہویا ایس گروہ دا، اِکٹّھے کنڈھے اُتے آئیا۔ گوبِند اوس ویلے، بیاس کہے مَینوُں شبد سُنایا سوہنگ سو دا، جھگڑا اوَر رہیا نہ رائیا۔ جِس ویلے چانن ہووے پُرکھ اکال دی لو دا، لوک پرلوک کرے رُشنائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ بیاس کہے جِس ویلے گوبِند بھتّھا ملدا، باہروں کرے صفائیا۔ اوسے ویلے برہما چلدا، اپنا پندھ مُکائیا۔ اودھروں سوُرج جاندا سی ڈھلدا، باراں توں باراں مِنٹ لنگھائیا۔ بیاس کہے مَیں بھریا سی جل دا، وہناں وِچ اپنا انت وکھائیا۔ اِک ہُلارا آیا چھل دا، ستّ ہتّھ اُچا ہو کے اپنی دھار وگائیا۔ گوبِند ہسّ کے کِہا ایہہ کھیل کلجُگ کل دا، کوُڑ وِکار تیرے وِچوں باہر کڈھائیا۔ تیرے پریم اندر پیار ہو کے رلدا، پریِتم ہو کے دیاں وڈیائیا۔ لیکھا جاناں دیِن دُنی جگت تھل دا، اسگاہ پڑدے دیاں اُٹھائیا۔ کُچھ شبد سندیشہ پُرکھ اکال پِچھوں گھلدا، بیاسے تَینوُں دیاں جنائیا۔ جیہڑا جُگ چؤکڑی سب نوُں رہیا چھل دا، اوہ میرا پِتا مائیا۔ اوس دا بھانا کدے نہ ٹلدا، میری تتّاں نالوں ہوئے جُدائیا۔ مَیں مالک بننا سچکھنڈ دوارے اٹل دا، اٹل پدوی لیَنی پائیا۔ شبدی دھار ہو کے جوت وِچ رلدا، نِرگُن نِرگُن وِچ اپنا آپ چُھپائیا۔ درگاہ ساچی

رہواں پلدا، اپنا جوبن لَواں ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت سَتوادی اپنا حُکم ورتائیا۔ بھتّھا کہے جِس ویلے مَینوُں لگّی اُنگل، میرے تن لئی انگڑائیا۔ وِچوں نِکلی گُنجھل، دوَیتی ڈیرہ ڈھاہیِا۔ مَینوُں سب کُچھ لگّا سُجھن، اکّھ دِتی کُھلائیا۔ اگلا لیکھا لگّا بُجھن، پڑدا دِتا چُکائیا۔ کُچھ قؤل اِقرار کیِتا گوبِند نال بُدھن، بُدھوُ شاہ اوسے ویلے سنمُکھ ہو کے دئے دُہائیا۔ ایس گوبِند نے اپنے وار جانے پُتن، گُرمُکھ پُت گود لئے اُٹھائیا۔ بیاس اِک ویراں اکال پُرکھ نوُں جاوے پُچھن، ناتا جگت نالوں تُڑائیا۔ پھیر سنت سُہیلے آوے گودی چُکن، بھگت بھگوان نال مِلائیا۔ جنم جنم دا میٹے دُکھن، دردیِاں درد ونڈائیا۔ کلجُگ کوُڑی جڑ آوے پُٹن، شؤہ دریا وِچ رُڑھائیا۔ اوس ویلے گُرمُکھ وِرلے کوٹاں وِچوں اُٹھن، جِنہاں اپنی دَیا کمائیا۔ دُنیا توں آواں لُکن، جگت نیتر درس کوئے نہ پائیا۔ پھیر تَینوُں آواں پُچھن، لہنا دینا ویکھ وکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی ویکھنہارا مار دھیان، نِگاہ اپنی وِچ رکھائیا۔

۱۴ مگھّر شہنشاہی سمت ۲ پریِتم سِنگھ دے گرِہ جنڈیالا ضِلع جالندھر

بیاس کہے میرے وینہدیاں بھجّا آ گیا خرگوش، سُدھ بُدھ بُھلائیا۔ گوبِند چرنیں ڈِگا ہو بےہوش، چارے ٹنگاں اُپر اُٹھائیا۔ سانس نال ہلے پوش، کھلڑی دئے دُہائیا۔ صاحب سَتگُر کُچھ سوچ، اندرے اندر رہیا جنائیا۔ کِیوں جنم دِتا مات لوک، جوُنیاں وِچ بھوائیا۔ میرے پِچھے شِکاری لگّے بہُت، بھٹّی ذات اکھوائیا۔ فتوُریئے اوہناں دے دوہت، کہلوُریئے نال رلائیا۔ گیاراں دِن لُکدا رہیا روز، اپنا آپ چُھپائیا۔ کردا رہیا کھوج، چاروں کُنٹ نیَن تکائیا۔ شبدی حُکم اندر تُوں اپنی دسّی مؤج، کنڈھے بَیٹھا دُھر دا ماہیِا۔ غریِب اُدھارنا جِس دا جوگ، دیِناں دَیا کمائیا۔ مَیں ایتھے گیا پہنچ، چرن کوَل سیِس جھُکائیا۔ بندنا کر ڈنڈؤت، دھوُڑی خاک رمائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ خرگوش پِچھے آئے کُتے چار، سوُکر نام رکھائیا۔ نیتر رو پئے زارو زار، کوُک کوُک سُنائیا۔ کِرپا کر گوبِند دھار، تیرے ہتّھ وڈیائیا۔ ساڈے نال گوبِند کر پیار، سچ دئیے سُنائیا۔ نانک دے کے گیا لار، شبدی حُکم نال دِرڑائیا۔ لالو دوارے درشن کیِتا آن، گھروں

باہر ویکھ وکھائیا۔ نِمرتا نال کیِتی پرنام، بندگی سیِس جھُکائیا۔ اوس دِتا فرمان، بھیو ابھید کُھلائیا۔ جِس ویلے گوبِند بھتّھا لےَ کے آوے وِچ جہان، چِلّہ دُھر دا ہتّھ اُٹھائیا۔ تُہانوُں دیوے اِک گیان، بھیو ابھید کُھلائیا۔ ہووے مِہربان، لہنا دینا دئے مُکائیا۔ کوُکر کہن اوہ وقت پہنچیا آن، ساڈا انتر دئے گواہیِا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا وکھائیا۔ گوبِند کِہا ایہہ سوُکر آئے نَٹھے، اپنا پندھ مُکائیا۔ خرگوش، نال ہوئے کٹّھے، لیکھا پِچھلا رہیا دِرڑائیا۔ تُہاڈا پوُرب جنم نؤ نؤ وار ہویا جوبن والے وچھےّ، پنج سال توں ودّھ عمُر نہ کوئے بُھگتائیا۔ اِک واری مانَس جنم مِلیا اَچھے، اچّھی طرح دِرڑائیا۔ تُسیں میری چرنی ڈھٹّھے، مہینےِ ساڈھے تِنّ سیو کمائیا۔ تُہاڈے مناں نے پائے رٹےّ، اندروں دِتا بھڑکائیا۔ کِس دے جال وِچ پھسے، ڈوری لیا بندھائیا۔ چوری چوری میری کھیل ویکھ ہسّے، چُغلی نِندیا خوشی بنائیا۔ جِس ویلے مَیں پرگٹائے پنج ککّے، کرم کانڈ دا ڈیرہ ڈھائیا۔ تُساں پنجاں نے چوری کر کے گُرمُکھاں دے کچھّے، بھجّ گئے واہو داہیِا۔ اوسے ویلے شبدی دھار مَینوُں دسےّ، سُنیہڑا دِتا پُچائیا۔ حُکم اندر دے کے دھکّے، دواریوں باہر دِتا کڈھائیا۔ تُہاڈا لیکھا کیہڑا کٹے، چؤراسی وِچوں کوَن چُھڈائیا۔ تُسیں گیاراں وار آنڈیاں وِچ بنے بچّے، گھوگڑ پِچھلے دیاں سمجھائیا۔ تن وار میرا باز تُہانوُں سٹّے، چھتّی دِن توں ودّھ عمُر نہ کِسے بُھگتائیا۔ انت ویر باز میری چرنی ڈھٹّھے، نِیوں کے سیِس نِوائیا۔ کُچھ کھیل دسّ سَتگُر سچّے، در تیرے منگ منگائیا۔ مَینوُں ایَں دِسدا ایہہ تیرے سِکھ کچّے، کچّا تند نظری آئیا۔ کر کِرپا بخش ایہہ وی تیرے بچّے، لہنا دے مُکائیا۔ گوبِند کِہا مِہربان ہو کے کراں کٹّھے، دیواں مان وڈیائیا۔ اینہاں نوُں شؤہ دریا کوئی نہ سٹّے، جل دھار نہ کوئے رُڑھائیا۔ ایسے کارن بیاس دے آئے تٹے، کنارے اُتے ڈیرہ لائیا۔ گوبِند اینہاں پت رکھے، ناتا جگت نالوں تُڑائیا۔ سچکھنڈ دوارے ڈھکے، جِتھے پھیر نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، پوُرب لہنا رہیا مُکائیا۔ سو اِناں پِچھے آئے نؤ شِکاری، ٹوپیِاں پگّاں سِر ٹِکائیا۔ اِک دا ناں وِچ گِردھاری، گوپی چند پِتا رہیا بنائیا۔ اوہدی پتّھر ٹھاکر نال یاری، نِت نِت اِشنان کرائیا۔ اوہدے گھر پربھ دے مِلن والی سدھراں بھری لاڑی، عمُر اِکّی سال جنائیا۔ غریِبی وِچ سدا کرے دِہاڑی، محنت کر کے روٹی کھائیا۔ گوبِند ویکھ اوہ وی منگن آ گئی واڑی، سیِس جھُکا کے سیِس نِوائیا۔ بانکے تیری سوہنی لگّے داہڑی، داہڑی دا صدقہ کُچھ خیَر دینا پائیا۔ اسیں لوک گوار رہنا وِچ پہاڑی، بُدھی سمجھ نہ کوئے سمجھائیا۔ میرے ہتّھ ویکھ کُہاڑی، بالن کٹ کے جھٹ لنگھائیا۔

نال تِکھی رکھی آری، سوا گِٹھ وِچ لمبائیا۔ مَینوُں پربھ دے مِلن دی بیماری، ایہہ دُکھ اٹّھے پہر ستائیا۔ ایسے بیاس وِچ مَیں ٹھراں دِن دِہاڑی، روز نہا نہا کے واسطہ پائیا۔ اٹھاراں سال رہی کواری، کُنبھ وِچ پانی رکھ کے جل پِنڈے اُتے وہائیا۔ میری بدھّی نہ کِسے دھاری، اندروں دھیِرج نہ کوئے رکھائیا۔ مَیں ویکھ کے سوُکر درویش تیرے بِھکھاری، بینتی دِتی سُنائیا۔ اینہاں نَواں وِچوں میرا پتی جِس نے مَینوُں کیِتا دُکھیاری، پوش گوش نِت رسنا نال لگائیا۔ وَیراگ وِچ آ کے اُتوں اپنی چُنی پاڑی، ٹُکڑے دو دتے کرائیا۔ تھلّے وِچھا کے نیتر رو کے ہؤکا بھر کے دھاہاں مار کے کِہا میری سدھراں والی کھاری، اُتوں بھار دینا لُہائیا۔ بُھکھی نوُں پِھردیاں لنگھ گئی اجّ دی دِہاڑی، قیِمت ہتّھ نہ کِسے پھڑائیا۔ مَینوُں ایَں دِسدا نہ تُوں پُرکھ نہ تُوں ناری، نر نرائن نظری آئیا۔ ویکھیں کِتے مَینوُں وسدی نوُں نہ اُجاڑیں، سوُکراں نال شکاریاں دا لیکھا مُکائیا۔ میرے اُتے پھیر مُصیِبت آوے بھاری، مَینوُں رنڈی کہے لوکائیا۔ مَینوُں بناویں نہ مات وِبھچاری، کُکرماں توں لَینا چُھڈائیا۔ پِچھوں آ کے اوس دی ماں نے واج ماری، سدو کر کے رہی بُلائیا۔ اُٹھ گھر نوُں چلیئے اُتوں رات آئی کالی، اندھیرا رہیا چھائیا۔ سدو کِہا ماں مَینوُں جگدی دِسے دیوالی، دیِپ مالا سوہنی ویکھ وکھائیا۔ ایہہ دُکھیاں دا پالی، سوُربیِر بانکا وڈّا بےپرواہیِا۔ جے پھل لا دیوے میری ڈالی، امرت رس کھوائیا۔ میری لیکھے لگّ جائے گھال گھالی، جیہڑے نؤ سؤ چُرانوے قدم چل کے ایہدے پاس آئیا۔ میری بُدھی اجے بالی، نڈھّی روُپ رکھائیا۔ جوتی جوت سروُپ ہرِ، آپ اپنی کِرپا کر، سب دا لہنا رہیا مُکائیا۔ سدو کہے میرا ہاڑا، نِیوں کے سیِس نِوائیا۔ سِندھوُ کہے مَیں ایس دا لاڑا، جوڑ جگت والا جُڑائیا۔ میرے کول نہیں کوئی بھاڑا، پتن پار نہ کوئے کرائیا۔ سدو کِہا ایہہ دُھر دا سِکدارا، مَینوُں نظری آئیا۔ کملیا بن جا چرناں دا بِھکھارا، بِھچھِیا دُھر دی دیوے پائیا۔ پھیر لبھنا نہیں بیاس کنارہ، تٹاں وِچوں ہتّھ کِسے نہ آئیا۔ اوہ کر کے نِمسکارا، دھوُڑ چرناں نال چرناں اُتے اپنا سیِس ٹِکائیا۔ جوتی جوت سروُپ ہرِ، آپ اپنی کِرپا کر، بھیو ابھیدا رہیا کُھلائیا۔ بیاس کہے اوہناں دے پِچھے ستّ آ گئے منڈی دے سِکدار، سُنب گھوڑیاں والے ہِلائیا۔ سوہنے شستر تن شِنگار، جوبن چھہبر لائیا۔ دوُر کھلو گئے قدم نؤ دس پنج چار، اِک دوُجے ولّ دھیان لگائیا۔ بیاس کہے مَیں ویکھیا اوہناں دا حال، اندرے اندر رہے کُرلائیا۔ گوبِند ٹیڈھی اکّھ کر کے تھوڑا جِہا دِتا جمال، جمال دے کے اپنی پِٹھّ بدلائیا۔ اوہناں نوُں نظری آؤن ڈہِ پیا کال، تِنّاں سالاں دے اندر سب دی ہونی صفائیا۔ جیباں

وِچوں کڈھ کے رومال، نیتراں دے ہنجھوُ صاف کرائیا۔ جھٹ بھتّھے نے کِہا اجّ مَینوُں بناؤ دلال، میرے کارن گوبِند تٹ کنارے ڈیرہ لائیا۔ حَیرانی وِچ اندرے اندر کہن ایہہ کی ہویا کمال، سانوُں کوَن خبر سُنائیا۔ اودھروں اِک چنیاں دا سؤدا کراؤن والا آ گیا دلال، جو منڈی دا شاہ کار اکھوائیا۔ اکّھ پُٹ کے نیَن تکّ کے ویکھیا اِس دی پِٹھ دے اُتے ڈھال، سوہنا رنگ چمکائیا ۔ کِتے سانوُں نہ دیوے مار، کھڑگ کھنڈا اُٹھائیا۔ ہؤلی جیہی آن کے کیِتا سوال، ساتھیاں دِتا جنائیا۔ چلو بھّجیئے گھوڑیاں والے اسوَار، نال مَینوُں لؤ ٹِکائیا۔ جھٹ بھتّھے کِہا خبردار، گوبِند کنڈھے آیا بھجّ کوئے نہ جائیا۔ اجّ دا دِن میرے ونڈے آیا، جو آیا پار لنگھائیا۔ گوبِند دے ڈنڈے چڑھایا، پؤڑی دو جہان نہ کوئے وکھائیا۔ تُسیں مانَس بندے تُہانوُں سَتگُر نظر نہ آیا، جو سب دا پِتا مائیا۔ ماردا نہیں مویاں نوُں جوالن آیا، سد جیِوت اپنے وِچ سمائیا۔ اچرج اِس نے کھیل کرایا، جِس نوُں سمجھے کوئے نہ رائیا۔ ساریاں خوشی نال سیِس جھُکایا، چرنیں ڈِگ کے چرن چُّم کے چمّ درِشٹی لئی بدلائیا۔ اِنھاں دے پِچھے اِک قصائی مچھلی پھڑن والا آیا، جال موڈھیاں اُتے ٹِکائیا۔ کُنڈیاں دا اَگوں مُنہ بھوایا، نؤ سؤ نِڑھنوے اِکو تند بندھائیا۔ ڈھائی ڈھائی تولے گوشت سب دے اَگے ٹِکایا، کانٹیاں نال دِتا اٹکائیا۔ خوشیاں وِچ اندرے اندر کرے صلاحیا، اپنا متا پکائیا۔ جے کِرپا کرے بےپرواہیا، میرا پوُر دئے بھرائیا۔ نؤ سؤ نِڑھنوے میِن اِکو وار دئے پھسایا، بچ کے نِکل کوئے نہ جائیا۔ پھیر کہے مَیں بیاس کنارے، آیا، پربھ نے میری آسا پوُر کرائیا۔ ڈھائی رُپئیے سینکڑا سب دا مُل دیواں پوایا، پنجھیاں وِچوں رقم تھوڑی لَواں بنائیا۔ پھیر خوش ہووے میرے گھر والی جِس دا نام مایا، عمُر پینتی سال ہنڈھائیا۔ جِس نے نؤاں بچّیاں نوُں جنم دوایا، چھوٹا اٹھاراں دِن دا نظری آئیا۔ پھیر کہاں چھوٹے بچّے نے میرا روزگار بنایا، سؤدا سچ کرائیا۔ سوچاں سوچدا چلدا چلدا اوسے کنڈھے آیا، جِتھے گوبِند ڈیرہ لائیا۔ جھٹ اوسے ویلے بھتّھا اپنی دھار نال اوہدا ہِردا سلّدا، تیِر نِرالا دِتا لگائیا۔ کُچھ لیکھا دے کل دا، مچّھیاں دے نؤ وٹے، ساڈھے تِنّ جوُاے وِچ لائے سٹّے، ڈھائی ویسوا جھولی گھتے، اِک نال من دی واسنا مارے پھکّے، دوہاں نال بچّیاں جھٹ لنگھائیا۔ چھیتی نال بچن دسّ دے سچّے، تیرے یار کِتھے کچےّ، جِنہاں نال چوری اکّھ مِلائیا۔ اوسے ویلے ماہیگیِر چرنی ڈھٹّھے، رو کے دئے دُہائیا۔ میرے پاپ کؤن کٹے، مَیں پڑدا دیاں اُٹھائیا۔ مَیں اپنے چاچے دے تِنّ پُت کٹے، جِنہاں دے حِصّے پِچھے اپنی کیِتی چتُرائیا۔ ایسے گھاٹ اُتے وارو واری آ کے سُٹے، پانی جل دتے رُڑھائیا۔ اودھروں

بھؤنک پئے چارے کُتے، ہوکا دے کے رہے دِرڑائیا۔ اوہنوُں نظر آ گئے اوسے ویلے میرے جنم ہوئے تِنّ پُٹھے، اَگا پِچھا نظر کوئے نہ آئیا۔ اودھروں بھتّھے دا نِشانہ پھیر چُھٹے، اپنا بل پرگٹائیا۔ سہیا خرگوش اپنیاں چاروں ٹنگاں اُلٹے، سِدھا ہو کے کنّ ہِلائیا۔ رو کے کِہا گوبِند ساڈے اپرادھ ویکھ نہ ہوویں غُصّے، سارے دُکھیئے تیرے اَگے کُرلائیا۔ دھنّ بھاگ جے تیرا درشن پایا ساچے جُسے، ساڈے جِسم دے بدلائیا۔ تیرے بِنا کوئی نہ پُچھے، پُشت پناہ ہتّھ نہ کوئے ٹِکائیا۔ جُگ جنم دے وِچھڑے آ گئے رُٹھے، رُسیاں لےَ منائیا۔ کِرپا کر کے بنا اپنے پُتے، پِتا ہو کے دے وڈیائیا۔ بیاس کہے مَیں کھیل ویکھے ویلے اوسے، سنمُکھ ہو کے اکّھ کُھلائیا۔ اودھروں ونجارا ویچن آ گیا اِک دُھسے، کنّی لال پیِلی بنائیا۔ سوہنی اُنّ نال گُندے، ڈورے ڈھائی اُنگلاں رکھائیا۔ اوہدے پِچھے تِنّ آ گئے گُنڈے، سوٹے موڈھیاں اُتے ٹِکائیا۔ اَگے نؤجوان سُرستی اّسی قدم تے سِٹّے رہی ڈُنگے، ہتّھ باجرے نال چُھہائیا۔ اوہدے کنّیں سی ڈھائی تولے دے بُندے، موتی نؤ نؤ جُڑائیا۔ وال چوٹی اُتے پِچھوں اَگے نوُں گُندے، لِٹاں متھے اُتے لٹکائیا۔ اونے چِر نوُں چؤداں کٹّھے آ گئے گُنگے، اِشاریاں نال اِک دوُجے سمجھائیا۔ جے سانوُں کُجھ باجرہ پا دیوے جھولی وِچ جھُنگے، روُنگا کر کے لئیے کھائیا۔ اونے چِر نوُں گوالن لےَ کے آ گئی دوُدھے، مٹکی سِر دے اُتے اُٹھائیا۔ دو بُڈھے آ گئے ڈُڈے، ہتّھاں نال چلن واہو داہیِا۔ اودھروں مینڈک نؤ نِکل کے باہر کُدے، اپنی اپنی چھال وکھائیا۔ گوبِند سب دیِاں آساں بُجھے، کنڈھے اُتے بَیٹھا بھار وکّھی والا پائیا۔ اودھروں کنارے تکّیا دوُجے، دو گج دین دُہائیا۔ اندروں بڑا دُکھے، درد رہے سُنائیا۔ گوبِند اسیں اِکّی جنم دے بُھکھے، گُر ہرِ گوبِند گیا سمجھائیا۔ جنگلاں وِچ رہے لُکے، پربھاساں وِچ جھٹ لنگھائیا۔ بِن تیرے ساڈا پیَنڈا موُل نہ مکُے، اگلا پندھ نہ کوئے چُکائیا۔ اودھروں اوہناں دا مہاوت اگّ رکھ رہیا سی اُتے حُقے، پھوُک مُکھ نال لگائیا۔ لکڑی دے تھاں اوس بال دِتے ککراں دے تُکے، جِنہاں دے اندر بیِج دین دُہائیا۔ بہُڑی اسیں اَدھ اسمانوں ٹُٹے، دھرتی اُتے اپنا آپ رُلائیا۔ ساڈی بات کوئی نہ پُچھے، پھل پُھل کمّ کِسے نہ آئیا۔ پتہ نہیں گوبِند کیہڑی گلّوں ساڈے نال رُسے، دوُر بَیٹھا اکّھ نہ کوئے کُھلائیا۔ اُچی کوُک پُکار کِہا بہُڑی دروہی سَتگُر نالوں کدے نہ کِسے دی ٹُٹے، جگت جیِون کمّ کِسے نہ آئیا۔ اودھروں تِنّ چور آ گئے جِنہاں جاندے راہی لُٹے، چاندی ترھیٹھ تولے جھولی پائیا۔ اودھروں اِک سوانی آ گئی جِس نے شِنگار کیِتا اپنے سجےّ گُٹے، چوُڑیاں مُلّمے والیاں پائیا۔ چور اوسے ویلے اوہدے اُتے تُٹھے، اپنا بل وکھائیا۔ اون لاہ کے کنگن

اوہناں اَگے سُٹے، دو ہتّھیں تالی دِتی وجائیا۔ اؤہ ویکھو گوبِند تُہاڈی جڑ پُٹے، جو میرا پِتا مائیا۔ مَینوُں آپے گودی چُکے، بچّی اپنی لئے بنائیا۔ اودھروں ٹوپی وِچ رو پئے تُکے، بہُڑی بہُڑی کر سُنائیا۔ بھَین کی تُوں وی ساڈے نال غُصّے، تیرے اَگے واسطہ پائیا۔ جے پھڑ کے ساڈی اگنی اگّ انگیار والی سواہ کر کے اوہدے چرناں اُتے سُٹیں، دھوُڑ بن کے خوشی لئیے منائیا۔ اودھروں دو نؤجوان آ گئے راہ گھُسے، پریشانی وِچ پریشان نظری آئیا۔ اوہناں دے اندر اِکو لہر اُٹھے، ہؤلی ہؤلی رہی ہِلائیا۔ تُہاڈے ویلے انت اَخیِری چُکے، چکّ کھوُہ وانگوُں پھیر نظر کِسے نہ آئیا۔ اوہ اِک دوُجے نوُں رہے پُچھے، اپنا اپنا حال سُنائیا۔ اودھروں سٹّھ سال دی مائی بُڈھی تِنّ بھُنّ کے آ گئی بُھٹے، پاٹے چیِتھڑ نال رکھائیا۔ وے بچّیو جے تُہانوُں پار کنارے والا پُچھے، پسچاتاپ دئے مُکائیا۔ تُہاڈے اندر اوس دا پریم پُھٹے، پھٹّ جنم جنم دا دئے مِٹائیا۔ اؤہ ویکھو سوُکر اوسے دے تیِر نال پھٹے، خرگوش خُدی گیا گوائیا۔ اوسے نے تارنے پتّھر وٹےّ، مِہر نِگاہ نظر جِدھر اُٹھائیا۔ اوسے ویلے سارے اُٹھ کے نَٹھے، بھجےّ واہو داہیِا۔ بیاس نِمانا ہو کے راہ دوہاں وِچکاروں چھڈے، جل دھارا اَگے پِچھے نہ کوئے ہِلائیا۔ گوبِند کِہا نیڑے آیاں نوُں آو میرے ڈڈّے، بچّیو دیاں وڈیائیا۔ اجّ توں تُہانوُں اپنے لاواں اَگے، اگلا پندھ مُکائیا۔ چؤراسی وِچوں کڈھے، جم کی پھاسی دِتی تُڑائیا۔ پھیر جِس ویلے آواں تُسیں سارے آو سدّے، میرے نال میرا سنگ بنائیا۔ مَیں منُش بناؤنے سنت بناؤنے بھگت بناؤنے تُسیں کھوتے گدھے، لوُلھے لنگڑے ٹُنڈے اپنے نال مِلائیا۔ میرے پیار اندر بدھےّ، تتّی وا کدے نہ لگّے، سدا رہو سجےّ کھبّے، اَگے پِچھے سوہنا جوڑ جُڑائیا۔ بیاس کہے مَیں پریشان ہو کے دوویں ہتّھ بدھےّ، نِیوں کے واسطہ پائیا۔ صاحب سَتگُر تَینوُں کیہڑے لگدے چنگے، مَینوُں دے سمجھائیا۔ کی جیہڑے نہاؤندے گوداوری گنگے، سُرستی جمنا تاریاں لائیا۔ گوبِند کِہا بِن میرے پیار سارے گندے، نہاوَن دھوون کمّ کِسے نہ آئیا۔ جیہڑے مُحبّت وِچ رنگے، کدے نہ ہوون ننگے، مندیاں دے مندے اپنے گھر وسائیا۔ بیاس کِہا کی پھیر پاہُل دیویں نال کھنڈے، جل پانی کِس بِدھ ونڈیں، جام کیہڑا دیویں پیائیا۔ گوبِند کِہا اوہناں دے انتر نِرنتر ہو کے میری دھار لنگھے، مَیں رہن نہ دیواں دورنگے، پھسا کے اپنے پھندے، دندے اگلے دیاں بنائیا۔ سدا رکھ کے ٹھنڈے، بِنا بندگی توں پار کرا کے اپنے بندے، تُوں میرا مَیں تیرا ڈھولا سُنا کے چھندے، اپنا رنگ وکھائیا۔ بیاس کِہا کی پھیر وی آئیں میرے کنڈھے، اپنا چرن چُھہائیا۔ گوبِند کِہا تیرے توں پار میرے گُرمُکھ چنگے، جِنہاں نال مِل کے اپنا

جھٹ لنگھائیا۔ ایسے کارن گُرمُکھو تُہاڈے ناتے گنڈھے، کیِتا قؤل بُھل کدے نہ جائیا۔ گُرمُکھ گُرسِکھ بھاویں مَیتھوں کُچھ منگے بھاویں نہ منگے، جِس دا دینا اوسے دی جھولی پائیا۔ بیاس کِہا تیری جوبن جوانی کیہڑے تھاں ہنڈھے، ٹِکانا دے درسائیا۔ گوبِند کِہا بیاس جِتھے بےآسا کوئی نہ لنگھے، جگ نیتر اکّھ نہ کوئے اُٹھائیا۔ اوتھے گُرمُکھاں دے اندر میرے سِنگھاسن چنگے، جِنہاں دی شال دوشال قیِمت نہ کوئے رکھائیا۔ بیاس کِہا کی پھیر کریں جنگے، مَینوُں دے دِرڑائیا۔ گوبِند کِہا اجّ توں ایہہ بھتّھے دھو کے پُرکھ اکال دے چرنیں ٹنگے، جگت شستراں والی نہ کوئے لڑائیا۔ حُکمے اندر کھنڈ برہمنڈے، جِتھے چمکے کوئی نہ چنڈ پرچنڈے، اِکو میرا نوُر کوُڑ سارا دئے مِٹائیا۔ میرا کھیل سمجھے کوئی نہ پنڈے، نہ کوئی جانے کِیوں پُتر چارے ونڈے، کھیل اپنے نال کرائیا۔ بیاس کِہا تیرا گُرمُکھ اوس ویلے کی کُچھ تَیتھوں منگے، کی وست دیویں ورتائیا۔ گوبِند کِہا مَیں اوہناں دا تے اوہ میرے مَیں کوئی حِساب کِتاب نہیں ونڈے، ونڈاں وِچ گُرمُکھ نہ کدے رکھائیا۔ جو چڑھ گئے میرے ڈنڈے، انت میرے وِچ بہہ کے میرے ڈیرہ لائیا۔ بیاسا چرن چُمّ لا تیرے بھاگ ہو جان چنگے، چنگیاں گُرمُکھاں نال دیاں وڈیائیا۔ ایسے کارن گُرمُکھو تُسیں سَتگُر نال لنگھے، پتناں اُتوں دِتا ٹپائیا۔ بیاس کِہا گوبِند اؤہ ویکھ مَینوُں کُچھ دسّ رہیا سنجے، دواپر انت اَخیِر سمجھائیا۔ راج راجان شاہ سُلطان مَینوُں سارے دِسدے سِر توں گنجے، پڑدا اُپر نہ کوئے ٹِکائیا۔ چار ورن اٹھاراں برن سارے ہائے ہائے کردے پھڑ کے کندھے، کرماں دا بھار نہ کوئے ونڈائیا۔ مَیں ویکھیا جیہڑے گُرمُکھ تیرا پتن لنگھے، رنگن اگلی گئے رنگائیا۔ اونے چِر نوُں سُتھرے وجاؤندے آ گئے ڈنڈے، تیری تیری تیری بےپرواہیِا۔ اودھروں پوَن چل پئی ٹھنڈے، سِروں بودیاں رہی ہِلائیا۔ پوَن جھکولا دِتا سارے پِنڈیوں ہو گئے ننگے، دھوتی ہتّھ کِسے نہ آئیا۔ اکّھاں میِٹ ہوئے شرمِندے، نیتر نیَن نہ کوئے کُھلائیا۔ بیاس کِہا، کِیوں مر گئے جیندے، اپنا آپ مِٹائیا۔ ہؤلی جِہی سارے رل کے کوُندے، ہائے ہائے کر سُنائیا۔ اوسے ویلے ڈِگ پئے بھار مُنہ دے، سِر گوبِند چرناں ولّ نظری آئیا۔ بیاس کِہا گوبِند ایہہ نیڑے پُج گئے تیری بروُہ دے، اِنھاں نوُں پتہ نہیں ایہہ دُھر دا سچّا ماہیِا۔ مَیں شاستراں وِچوں سُنیا سب کُچھ ہتّھ پوُرے سَتگُروُ دے، بِن سَتگُر ملِے نہ کِسے وڈیائیا۔ گوبِند تیرے کھیل ذرا چھوُہ دے، چھوہندیاں سب دا بیڑا پار کرائیا۔ اِنھاں دے روگ مِٹا دے لوُں لوُں دے، لوک پرلوک تیرا جس گائیا۔ ناد سُنا دے تُوں ہی تُوں دے، شبد انادی دُھن اُپجائیا۔ گوبِند کِہا بیاسا تَینوُں پتہ نہیں ایہہ مالک وڈے تِنّاں ماہلاں والے کھوُہ دے،

ہلٹ پُٹھے سِدھے بھوائیا۔ ایہہ کُتے اوسے جوُہ دے، جِتھوں خرگوش نَٹھ کے آئیا۔ اودھروں کُچھ سندیشے آ گئے بھگت دھروُ دے، دھروہ کریں نہ گُروُ گوسائنیا۔ کی ہویا جے ایہہ مالک کھوُہ دے، ہُن درویش تیری بروُہ دے، در تیرے سیِس نِوائیا۔ گوبِند کِہا مِہر نِگاہ نال لیکھے مُکاواں بیاس تیری رجوُہ دے، وجوُہ وجہ نال بنائیا۔ سارے کہن پُرکھ اکال سَتگُر گوبِند کلجُگ انت اپنے کھیل وکھاؤنے شُروُع دے، شرع وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، لیکھیاں وِچوں لیکھے اپنے لیکھے پائیا۔

۱۵ مگھّر شہنشاہی سمت ۲ پریم سِنگھ دے گرِہ جمشیر کھیڑا ضِلع جالندھر

بیاس کہے میرے کنڈھے آ گیا باگھ، مُکھ خوُن نال رنگائیا۔ گوبِند دا جگدا ویکھ چراغ، چراگاہاں وِچ دِسی رُشنائیا۔ گوبِند شبدی اندروں ماری آواز، میری پِچھلی سُرت کُھلائیا۔ جاں ویکھیا مَیں بالی جِس سُگریو دا کھوہیا تاج، ناڑی زور نال دبائیا۔ رام دا بُھل کے رام راج، اپنا بل ودھائیا۔ اندر میرے مَینوُں دِسیا داغ، پوِتر صاف نہ کوئے کرائیا۔ میری کوُک کے نِکلی چانگ، بھبک دی بجائے تبھک کے حال سُنائیا۔ اودھروں جل دی آ گئی کانگ، لہر لہر نال ٹکرائیا۔ بانس دی موٹی رُڑھدی آئی ڈانگ، ساڈھے تِنّ ہتّھ روُپ بدلائیا۔ اوہدے پِچھے اِک نظری آئی ٹانگ، پَیر اَدھا رہی وکھائیا۔ جِس دے وِچ گوبِند مِلن دی تانگھ، آسا نال بنائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا سمجھائیا۔ بیاس کہے جِس ویلے باگھ لگّا رون، مَیں کروٹ لئی بدلائیا۔ ایتھے آیا کؤن، نیتر نیِر وہائیا۔ شبد سُنیہا دِتا پؤن، مَینوُں دِتا دِرڑائیا۔ اودھروں آشا نَٹھی آئی راؤن، بِنا سیِس توں دئے دُہائیا۔ ہتّھ مل کے آئی پچھتاؤن، پسچاتاپ وِچ دُہائیا۔ پِچھلا حال آئی سُناؤن، پڑدا رہی چُکائیا۔ جِس ویلے مَیں رام نوُں آیا ساں مُکاؤن، آپ مُک کے اپنا آپ مُکائیا۔ اوس ویلے رام نے شبدی حُکم نال دھپّھا لایا میری دھؤن، مَینوُں دِتا دِرڑائیا۔ تریتا دواپر تَینوُں دِتا سؤن، کلجُگ اکّھ کُھلائیا۔ جِس ویلے شبدی گوبِند دُکھیاں دا درد آیا ونڈؤن، غریِب نِمانیاں گلے لگائیا۔ سچکھنڈ دوارے آیا پُچاؤن، پھڑ باہوں پار لنگھائیا۔ پوُرب لہنا سب دا آیا چُکاؤن، لیکھا دئے مُکائیا۔ کوُڑی

کِریا آیا ڈھاہُن، سچ سُچ پرگٹائیا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ وکھائیا۔ بیاس کہے میرے وِچ رُڑھدی آئی کنڈیاں والی چھاپی، ٹاہنیاں نؤ ونڈ ونڈائیا۔ کنڈیاں دی نؤک اُتے نؤ نؤ پاپی، جیہڑے سَتگُر توں مُکھ بھوائیا۔ گوبِند اوہناں دی شبد دھار وکھائی پاتی، بِن اکھّراں دِتا دِرڑائیا۔ مَیں ہسّ کے کیِتی ہاسی، خوشیاں نال تالی دِتی وجائیا۔ اودھروں منڈی والے راجے دی آ گئی ماسی، جیہڑی نؤ سال پہلے اپنا تن گئی تجائیا۔ اوہنوُں انت اَخیِر گوبِند مِلن دی آسی، آسا اپنے نال رکھائیا۔ جِس دے نال نیِچ ذات دی داسی، آیوُ ستّر سال ونڈ ونڈائیا۔ اوہ جمّی سی وِچ کاشی، پِتا چندوُ ناؤں دھرائیا۔ نیویں گھر دی ذاتی، سیوا وِچ وڈیائیا۔ انت ویلے مرن لگّی اوس نوُں گلّ آکھی، میرا مِلیا نہ گوبِند ماہیِا۔ سب توں پریِت چنگی میری نال چاچی، جیہڑی رام دا اِشٹ منائیا۔ جِس نے ڈولی وِچ پَین لگّی مَینوُں صابن دی دِتی سی گاچی، ہتّھ میرے پھڑائیا۔ جِناں چِر نظر نہ آوے ساکھیاتی، سنمُکھ ہو کے سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، مِہر نظر نال ترائیا۔ رانی کِہا ایہہ میری گاُچی صابن، آشا وِچ دبائیا۔ اجّ ہوئی وڈ وڈ بھاگن، گوبِند مِلیا بےپرواہیِا۔ مَیں ایس نوُں آئی آکھن، تیری اوٹ تکائیا۔ اونے چِر نوُں گوبِند کچّی لکڑ دی بھنّ کے داتن، دنداں ہیٹھ دبائیا۔ اوہدی اندروں سُرتی لگّی پاٹن، پڑدا دِتا اُٹھائیا۔ ویکھیا کھیل گوبِند نال پُرکھ ابناشن، نوُر نوُرانہ نظری آئیا۔ جوتی جوت سروُپ ہرِ، آپ اپنی کِرپا کر، ساچا رنگ رہیا وکھائیا۔ بیاس کہے میرے اندر رُڑھدے آئے ککّھ، گھؤنسلا بنیا نظری آئیا۔ جِس دے وِچ اِک بچّ، تِنّ دِن دی عمُر وکھائیا۔ اُس دے کول کھان نوُں کچّ، دوُجی وست نہ کوئے ٹِکائیا۔ نیڑے آ کے اُن تکّیا نال اکّھ، گوبِند کنڈھے بَیٹھا سوبھا پائیا۔ نّنھاں پیا ہسّ، خوشیاں وِچ تالی دِتی لگائیا۔ سوُربیِر ہُن تے مَینوُں رکھ، رُڑھدیاں پار کرائیا۔ مَیں اوہ تلونڈی والا جٹّ، جِس دی کھیتی مجھیاں دِتی کھوائیا۔ بڑے جنم لئے کٹ، دُکھ درد نہ کوئے ونڈائیا۔ ہُن آ گیا تیرے تٹ، کنارے اُتے ڈیرہ لائیا۔ بہُڑی ہُن نہ دیویں چھڈ، رو رو دیاں دُہائیا۔ اینے چِر نوُں پانی وِچوں مار کے چھال ڈّڈ، اوسے گھؤنسلے وِچ بَیٹھی آئیا۔ گوبِند مَیں وی نہیں ہونا اڈّ، تیری اوٹ تکائیا۔ مَینوُں چؤراسی وِچوں کڈھ، مَیں تیری جنم ویلے دی دائیا۔ جیہڑی سریِر گئی چھڈ، ناتا جگت تُڑائیا۔ مَیتھوں بُھل ہوئی مَیں تَینوُں ٹیکیا نہیں سی متھ، بچّہ سمجھ کے زمین اُتے دِتا لِٹائیا۔ گوبِند اَگوں پیا ہسّ، تیری سیوا لیکھے لائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ بیاس کہے

میرے وِچ رُڑھدا آیا بوُر، بھجّیا واہو داہیِا۔ اوہناں وِچوں اِک پتّا سی کھجوُر، جِس دی نوک اَگوں تِکھی نظری آئیا۔ اوہدے پئی سی دھوُڑ، مِٹّی گھٹّے نال وڈیائیا۔ سوہنا بنیا پوُر، کٹّھے ہو کے جھٹ لنگھائیا۔ اوہناں ویکھیا گوبِند کھڑا دوُر، دوُر دُراڈا ڈیرہ لائیا۔ نیڑے آیا نوُر، نوُر وِچ رُشنائیا۔ اوہناں رو کے کِہا مَیں پتّا نہیں کھجوُر، خوشی نال جنائیا۔ مَیں اوہ پتّھر جِتھےموُسیٰ ڈِگا اُتے کوہ طوُر، اپنا آپ بُھلائیا۔ اوس ویلے مَینوُں آیا غروُر، ہنکار وِچ سجدہ نہ کوئے کرائیا۔ اوس نے حُکم دِتا ضرور، مَینوُں دِتا دِرڑائیا۔ تیرا لیکھا کلجُگ گوبِند میٹے جِس نے تارنے موُرکھ موُڑھ، مُگدھاں پار کرائیا۔ میری سانبھ کے رکھیں ایہہ دھوُڑ، تیرے اُتے دِتی ٹِکائیا۔ تُوں اُترنا اوس دے پوُر، موُسے کِہا مَینوُں پُری انند دا واسی نظری آئیا۔ بیاس کِہا مَیں حَیران ہویا میرا سڑنا فضوُل، پتہ نہیں ایہہ کِیوں سب نوُں پار کرائیا۔ گوبِند ہسّ کے کِہا بیاس میرا جگت اکھّراں والا نہیں مضموُن، گُر اوتار پَیغمبراں والا نہیں قانوُن، نہ معلوم اپنا کھیل کرائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جُگ چؤکڑی ویکھے سارے بالک بچّے معصوُم، چھوٹے وڈے اپنے رنگ رنگائیا۔