کتب خانہGranth 20 (Urdu)

۱۵ مگھّر شہنشاہی سمت ۲ کرتار کؤر دے گرِہ پِنڈ کھیڑا ضِلع جالندھر

بیاس کہے پھیر بھتّھا پیا بول، تِنّ وار آواز لگائیا۔ مَینوُں سدّیا آ میرے کول، تَینوُں دیاں دِرڑائیا۔ سَتگُر دے چوہل، دُھر دے دیاں سمجھائیا۔ ایس نے جوتی دھار جانا مؤل، شبدی روُپ وٹائیا۔ اجّ دا یاد کر قؤل، اِقرار دیاں سُنائیا۔ جِس ویلے مُڑ کے آیا اُپر دھؤل، نِرگُن ہو کے پھیرا پائیا۔ ساچے دھام بَیٹھا رہے اڈول، حُکمے اندر حُکم ورتائیا۔ اوس ویلے بیاس بھاویں شاستر سِمرت وید پُران گیِتا جگت گیان انجیل قُرآن کھانی بانی کِناں وجاوے ڈھول، بِن گوبِند کِرپا اکّھ نہ کوئے کُھلائیا۔ بیاس کہِندا بھتّھیا میرے دِل نوُں پیَندا ہؤل، کی ایہو جیہی کار کمائیا۔ بھتّھا کہے تُوں نہ سمجھ مخؤل، مَیں سچ دِتا دِرڑائیا۔ کوئی حِساب نہ لا سکے پاندھا رؤل، پنڈتاں چلے نہ کوئے چتُرائیا۔ اِس دا بھیو جانے کؤن، گُن کوَن گائیا۔ جِس نوُں جھُکدے پوَن پؤن، پانی بسنتر سیِس نِوائیا۔ ضرور گُرمُکھاں پھیر اپنے نال آوے مِلاؤن، میلا لئے کرائیا۔

چؤہ جُگاں توں وکھّرا اپنا نام آئے جپاؤن، ڈھولا اِکو دئے سُنائیا۔ سچکھنڈ دوار آئے بہاؤن، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اُجڑیاں آئے وساؤن، وسدیاں اُجاڑ کے خوشی منائیا۔ بیاس کہے بھتّھیا اؤہ ویکھ اُڈدی آ گئی بھمبیری، کھمب لال رہی ہِلائیا۔ ایہدا میل ہویا تقدیِری، اِس دی تقدیِر رہی جنائیا۔ اُچی کوُک کے پُچھن لگّی مَینوُں دسّو کیہڑی چنگی فقیِری، جیہڑی فِکر دئے گوائیا۔ اودھروں اِک مالن ریڑھدی آ گئی گڈیری، ٹوکریاں پُھلاں نال بھرائیا۔ اودھروں مُسافر پیَندا آ گیا بیڑی، دمے دا روگ رہیا ستائیا۔ اودھروں فقیِر آ گیا ہتّھ وِچ لےَ زنجِیری، کُلّا سیِس اُتے ٹِکائیا۔ بیاس کہے مَینوُں ویکھ کے ہوئی دِلگیِری، پھیر اِکٹّھے ہو کے ڈیرہ بَیٹھے لائیا۔ گوبِند خوشی نال میرے مستک اُنگلی پھیری، لکیِر دِتی کھِچائیا۔ اونے چِر نوُں رُڑھدی آ گئی ٹہنی اِک بیری، بیراں نال بھری سوبھا پائیا۔ اونے چِر نوُں ونجارا چوُڑیاں والا مار کے آیا پھیری، ہوکا گراں گراں سُنائیا۔ اونے چِر نوُں آوارہ پِھردی آ گئی وچھیری، عمُر دس مہینےِ بنائیا۔ ساریاں رو کے کِہا گوبِند ہُن نہ لا دیری، وِچھڑے لےَ مِلائیا۔ اوہناں وِچوں بھمبیری کِہا گوبِند تَینوُں چنگی لگّے کیہڑی، سانوُں دے سمجھائیا۔ کِس نوُں چاڑھیں اپنی بیڑی، کِس نوُں ویہندے وہن وہائیا۔ گوبِند کِہا تُہاڈی پیار دھار میری، وِچار پِچھلی دیاں سمجھائیا۔ جِس تُہاڈی جڑ اُکھیڑی، اوہ وی دیاں سمجھائیا۔ ساریاں رو کے کِہا ساڈے وِچوں پاپاں بھری کیہڑی، سب توں وڈّی نظری آئیا۔ گوبِند کِہا ہُن تُہانوُں بنا کے اپنی چیری، چِری وِچھُنیاں دُکھ گوائیا۔ پِھرنا پئے نہ انڈج جیری، اُتبُھج سیتج نہ کوئے بھوائیا۔ پِچھے سزا بُھگت لئی بتھیری، سَتگُر توں بُھلیاں مِلی سزائیا۔ جوتی جوت سروُپ ہرِ، آپ اپنی کِرپا کر، بھیو ابھیدا رہیا کُھلائیا۔ اوہناں وِچوں وچھیری کِہا مَیں اجے دَوکّ، بینتی دیاں سُنائیا۔ جِس ویلے بل میرے چڑھیا لکّ، اپنا آسن لائیا۔ مَیں تیِس کوس تے جا کے گئی تھک، رو رو حال سُنائیا۔ بل اُتر کے مَینوُں ماریا دھکّ، مُنہ دے بھار سُٹائیا۔ مَیں رو کے کِہا پُرکھ سمرتھ، میرا ہو سہائیا۔ سِری بھگوان کِہا تَینوُں سُناواں سچ، حُکم دیاں دِرڑائیا۔ ایہہ نہیں میرے ہتّھ، ناتا گوبِند نال جُڑائیا۔ تِنّ جُگ اپنے وِچ لَواں رکھ، مات جنم نہ کوئے بھوائیا۔ پھیر کر پرگٹ، آسن پلانا نہ کوئے ٹِکائیا۔ جِس ویلے گوبِند آیا بیاس تٹ، کنارے ڈیرہ لائیا۔ تُوں آپے آؤنا نَٹھ، اپنا پندھ مُکائیا۔ تیرا لہنا مُکاوے جھٹ، جنم جنم دا گیڑ کٹائیا۔ رو کے کِہا نال اکّھ، اَخیِر دِتا سُنائیا۔ چرناں اُتے گئی ڈھٹّھ، اپنا آپ مِٹائیا۔ گوبِند پِٹھ اُتے پھیر کے ہتّھ،

پِچھوں دُنب دِتی ہِلائیا۔ ہُن اوتھے جا کے وس، جِتھے میرے گُرمُکھ ڈیرہ لائیا۔ مَیں سب دا اِکو گھر کرنا اِکٹّھ، دوُجی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سرب کلا سمرتھ، اکتھ اپنا حُکم جنائیا۔

۱۵ مگھّر شہنشاہی سمت ۲ اجیِت سِنگھ دے گرِہ پِنڈ کھیڑا ضِلع جالندھر

بیاس کہے گوبِند میرے اُتے چُھہایا ہتّھ، پنجہ پنجاں نال مِلائیا۔ میری کھول کے درِشٹی والی اکّھ، سرِشٹی توں پرے دِتا سمجھائیا۔ نظری آیا اگمّ اتھاہ بےپرواہ پُرکھ سمرتھ، پاربرہم پتپرمیشور دو جہاناں والی شہنشاہیِا۔ جِس دی جُگ چؤکڑی سَتجُگ تریتا دواپر کلجُگ گُر اوتار پَیغمبر مہما گا کے گئے اکتھ، رسنا جِہوا بتّی دند ڈھولیاں وِچ سُنائیا۔ سو سوامی انترجامی نِرگُن نِروَیر نِراکار نِرنکار حُکم دیوے سچ، سچ سندیشہ نر نریشا اِکو اِک جنائیا۔ کلجُگ انت سِری بھگوَنت ہونا پرگٹ، جوتی جاتا ظاہر ظہوُر نِرگُن نوُر کرے رُشنائیا۔ چار ورن اٹھاراں برن نؤ کھنڈ پرِتھمی ستّ دیِپ برہمنڈ کھنڈ پُری لوء آکاش پاتال گگن گگننتر جِس نے اِکو کھولنا ہٹّ، وست امولک اپنی دئے ورتائیا۔ لہنا دینا جھگڑا مُکائے گنگا گوداوری جمنا سُرستی تیِرتھ اٹھسٹھ، تٹ کنارہ ویکھے تھاؤں تھائنیا۔ نؤجوان مرد مردان دُھر دا نام چلا ئے اگمّی رتھ، بن رتھواہی دُھردرگاہی اپنی کار کمائیا۔ گُر اوتار پَیغمبر جِس دی کر کے گئے آس، آسا منسا سب دی ویکھ وکھائیا۔ اَگوں رو کے کِہا بیاس، نیتر نیَناں نیِر وہائیا۔ پاربرہم پتپرمیشور کوَن ہووے تیرا داس، یاچک کوَن اکھوائیا۔ گوبِند سہجے کِہا بھگتاں بنے ساتھ، آتم پرماتم ہووے گاتھ، کنارہ سوہے اِکو گھاٹ، پتن اپنا دئے وکھائیا۔ جِتھے دیِن مذہب نہ ذات پات، اوُچ نیِچ نہ کوئی شاخ، دِوس رَین نہ کوئے رات، گھڑی پل جگت واسنا ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی دھار دئے دِرڑائیا۔ بیاس کہے جِس ویلے گوبِند دے ہتّھ نے پایا بھار، بھوَ ساگر پار دِتا کرائیا۔ مَینوُں نظر آیا محمد نال چار یار، سنمُکھ بَیٹھا سوبھا پائیا۔ پروردِگار دا بن کے خِدمتگار، خادم ہو کے سیو کمائیا۔ نِیوں نِیوں کرے نِمسکار، سجدیاں وِچ بردا نظری آئیا۔ در درویش بن بِھکھار، فاقہ کشی ویکھے جگت لوکائیا۔ صدی چؤدھویں دا کر اِظہار، سندیشہ رہیا سُنائیا۔ میرے اماماں دے امام دُھر دے سِکدار، درگاہ ساچی تیری بےپرواہیِا۔ کِس بِدھ

انت نبیڑا کریں آن، کلجُگ کھیڑا ویکھ وکھائیا۔ حُکمے اندر شبد اندر نغمے اندر نام اندر کلمے اندر دسّیا اگمّی کلام، کائنات توں پرے کیِتی پڑھائیا۔ دو جہاناں سِری بھگوانا، نؤجوانا مرد مردانہ والی دو جہاناں ہووے حُکمران، دُھر فرمانا اپنا آپ سُنائیا۔ کلجُگ کوُڑی کِریا مایا ممتا میٹے نِشان، گڑھ ہنکار دئے تُڑائیا۔ جن بھگت سُہیلے صوُفی سنت فقیِراں لئے پچھان، لکّھ چؤراسی وِچوں کھوج کھوجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سَتگُر اپنے ہتّھ رکھے وڈیائیا۔ بیاس کہے بھار نال مَیں گیا دبّیا، ہؤکا لےَ کے دِتا سُنائیا۔ اوسے ویلے مَینوُں صدی چؤدھویں دا انت لبھیا، پڑدا رہیا نہ رائیا۔ پِتا پوُت نال کرے دغیا، نار کنت سیج نہ کوئے سُہائیا۔ مُریِد مُرشد لُٹنوں کِسے نہ چھڈیا، گُروُ چیلا نہ کوئے وڈیائیا۔ چاروں کُنٹ کوُڑ کُڑیارا جوُٹھ جھوُٹھ اُڈے گھٹّیا، سَت دھرم نہ کوئے رکھائیا۔ گُر اوتار پَیغمبر اپنے حُکم دا پوُرا کر کے پٹّیا، لیکھا پربھ دے ہتّھ پھڑائیا۔ انتم میٹ دیِناں مذہباں والے رٹّیا، آتم برہم سب نوُں دے جنائیا۔ تُوں صاحب سمرتھیا، پُرکھ اکال تیری سرنائیا۔ تُوں میرا مَیں تیرا آتم پرماتم پاربرہم برہم سمجھا ساچی گتھیا، رسنا جِہوا بتّی دند تیرا اِکو نام دِھیائیا۔ بِن تیری کِرپا مِہربان محبوُب مُحبّت وِچ کوئے نہ وسیا، وصل یار حق نہ کوئے کرائیا۔ بیاس کہے مَیں پھیر کھِڑ کھِڑ ہسّیا، خوشیاں وِچ خوشی لئی بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سب دا لہنا دینا نبیڑے کٹّھیاں، اکھّراں والا وکھّر رہن کوئے نہ پائیا۔

۱۵ مگھّر شہنشاہی سمت ۲ گُرمیِت سِنگھ دے گرِہ پِنڈ پھرالا ضِلع جالندھر

بیاس کہے مَیں گوبِند دے چرن ویکھے ننگے، ننگیاں اُتے پڑدا رہے پائیا۔ جِس دی چھوہ نال تردے جان چنگے مندے، سب دا لہنا دینا مُکائیا۔ پریم دھار جان رنگے، رنگت اپنی آپ بدلائیا۔ جِنہاں نال مِل کے کیتےِ دنگے، دغیدار ہو کے درشن پائیا۔ اوہ وی کیتےِ ٹھنڈے، اکّھ جِنہاں اُتے ٹِکائیا۔ ہِندوُ مُسلم سب دی گنڈھے، جو چرن آون سرنائیا۔ کٹی جائے چؤراسی پھندے، چؤراہے بَیٹھا پار لنگھائیا۔ اِکو سچ

پریِتی منگے، دوُجی لوڑ نہ کوئے رکھائیا۔ چھیتی نال پھیر اپنا ہتّھ مار کے سیِس پھڑیا اپنے کنگھے، کیساں وِچوں دسمیش باہر کڈھائیا۔ تیری دھار نال دُشٹ دُراچاری تارنے پنڈے، جو استیاں بیاسا وِچ ٹِکائیا۔ اَگے رہن نہیں دینے رنڈے، ناتا دُھر دے کنت نال جُڑائیا۔ جوتی جوت سروُپ ہرِ، آپ اپنی کِرپا کر، بھیو ابھید رہیا کُھلائیا۔ بیاس کہے گوبِند خوشی نال اپنا باہر کڈّھیا خنجر، خنجیر سارے دین دُہائیا۔ بھجےّ پِھرن وِچ بنجر، بازوُ بازوُ نال چُھہائیا۔ اُدھروں پھٹکاریا ہویا آ گیا کنجر، ویسوا در دُرکائیا۔ کول دی لگّا لنگھن، اکّھ گوبِند ولّ رکھائیا۔ گوبِند ہتّھوں لاہ کے کنگن، اوہدے اَگے دِتا سُٹائیا۔ اوس کر کے دوناں ہتّھاں دی بندن، سیِس دِتا نِوائیا۔ دھوُڑی دا لا کے چندن، اپنی خوشی بنائیا۔ گوبِند ہسّ کے کِہا تُوں رَوداس نال ٹھگی کرن والا اوہ براہمن، جِس دا برن نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ بیاس کہے میرے وینہدیاں ریشم دے وپاری آئے سؤداگر، گٹّھاں اپنیِاں بند کرائیا۔ بنے سوہنے اُچے لمے بہادر، سوُربیِر سوبھا پائیا۔ نال چُکی ہوئی اِک گاگر، رُپئیا سینکڑے پینتی وِچ ٹِکائیا۔ اُتوں مُنہ بدھّا نال چادر، بِنا ڈھکّن لئی اُٹھائیا۔ گوبِند کول آ کے کرم ہویا اُجاگر، قِسمت دِتی بدلائیا۔ مِہر نِگاہ نال وکھایا کرنی دا کرتا قادر، قُدرت دا مالک بےپرواہیِا۔ جوتی جوت سروُپ ہرِ، آپ اپنی کِرپا کر، بھیو ابھیدا رہیا کُھلائیا۔ بیاس کہے گاگر مُکھ کیِتا بند، اندر نظر کُچھ نہ آئیا۔ اودھروں اندھیرا ہو گیا چمکن لگّا چند، چؤدھویں والا اکھوائیا۔ پؤن نے کیِتی ٹھنڈ، سیِت رہی ستائیا۔ بیاس کہے اوہ آ گئے میرے کنڈھ، کنڈھی ڈیرہ لائیا۔ اوتھے نیڑے سی اِک جنڈ، جیہنوُں ماتا کہہ کے جگت پوُجا وِچ رکھائیا۔ اودھروں سرپ آ گیا کھلار کے پھن، اپنا بھےَ دِرڑائیا۔ جگت سؤداگر سُنن لا کے کنّ، کوَن آواز رہیا سُنائیا۔ شبدی حُکم آیا تُہاڈے کول ایہہ دھن، جیہڑا دھن دا حِصّہ گنگوُ گیا چُرائیا۔ اوسے ویلے گوبِند اَگے گئے منّ، نِیوں کے سیِس نِوائیا۔ گوبِند کِہا ایہہ اوہ دھن نہیں ایہہ گنگوُ دا من، دس سال پہلے سرسے توں پہلے دی عادت دِتی جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیر سِنگھ وِشنوُں بھگوان، کرے کھیل بےپرواہیِا۔

۱۵ مگھّر شہنشاہی سمت ۲ منسا سِنگھ دے گرِہ پھرالا ضِلع جالندھر

گوبِند کہے بیاس مَیں پِچھلا لیکھا لِکھدا، سب دا لہنا دینا پوُر کرائیا۔ اَگے نَواں روُپ دسّنا سِکھ دا، جِس نوُں چار جُگ سکیا نہ کوئے پرگٹائیا۔ جِنہاں دے اندر پیار بخشنا اِک دا، ناتا جگت نالوں تُڑائیا۔ انتر ہو کے آپ دِس دا، باہروں رنگ رنگائیا۔ پیار پا کے کِھچّ دا، بندھن وِچ بندھائیا۔ پڑدا لاہ کے وِچ دا، وِچوں اپنا نوُر چمکائیا ۔ ویلا نہ رہے جِچ دا، دُکھ وِچ نہ کوئے کُرلائیا۔ کِسے دا اِشٹ رہن نہیں دینا پتّھر اِٹّ دا، دوُسر سیِس نہ کوئے جھُکائیا۔ لیکھا پوُرا کراؤنا بھوِکھ دا، بھوِش وِچ وڈیائیا۔ جوتی جوت سروُپ ہرِ، آپ اپنی کِرپا کر، ساچا حُکم رہیا ورتائیا۔ بیاس کہے کی کُچھ دیویں سِکھیا، مَینوُں دے جنائیا۔ گوبِند کہے اجے مَیں لیکھ نہیں اوہ لِکھیا، جِس نوُں کوئی سمجھ اپنی کرے چتُرائیا۔ پُرکھ اکال نے مَینوُں دِتی اگمّی چِٹھیا، بِن کاغذ ہتّھ پھڑائیا۔ صِرف مَیں پڑدا لاہُنا گُرمُکھاں اِکیاں، اِکیاں دے اَگے اِکّی اِکّی ہور بندھائیا۔ کرامات وکھاؤنی کھیل نِکّیا، پُرکھ اکال کدے نہ بھائیا۔ جیہڑیاں پریم پیار اندر وِکیاں، قیِمت اگلی پِچھلی گئی چُکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم آپ ورتائیا۔ بیاس کہے کی اندر دیویں اِشارہ، مَینوُں دے دِرڑائیا۔ شبدی دیویں ہُلارا، سُتّیاں لئیں جگائیا۔ جوت دئیں چمکارا، اندھ اندھیر مِٹائیا۔ امرت دیویں ٹھنڈا ٹھارا، جگت ترِشنا اگّ بُجھائیا۔ گوبِند کِہا نہیں، بِن میری کِرپا دِسے کِسے نہ پار کنارہ، سچ دوارے بہہ کے خوشی نہ کوئے منائیا۔ مِہربان ہو کے دیواں اِک سہارا، سہائک ہو کے سِر اپنا ہتّھ ٹِکائیا۔ اچھل چھل میرا کھیل نیارا، نِراکار ہو کے ساکار نہ کدے سمجھائیا۔ چھوٹیِاں چھوٹیِاں کتھا جنا کے واراں، وارث جگت دیاں بنائیا۔ میرے نام دیِاں شاخاں دھاراں، دھرنی اُتے چمکائیا ۔ پربھ دا کھیل سدا نیارا، نِروَیر ہو کے آپ وکھائیا۔ جن بھگتاں بخش کے اِک آدھارا، اگلا پیَنڈا دئے چُکائیا۔ بِن کِرپا سَتگُر اَگے کوئی کڈھ نہ سکے ہاڑا، اپنا دُکھ سُناؤن کوئے نہ آئیا۔ جُگ چؤکڑی پِچھوں لگّے ایہہ اَکھاڑا، سوہنا رنگ پرگٹائیا۔ غمی وِچ خوشی دی دئے بہارا، بہار وِچ پُھہار امرت آپ چوائیا۔ بیاس کِہا کی کھیل کرے نِرنکارا، کی اپنی کل ورتائیا۔ گوبِند کِہا اوہدا روُپ ہووے ہمارا، کُمار نال مِل کے اپنی کرے وڈیائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ کھِلائیا۔ بیاس کہے میری پوُری کُھلی نہیں سُرتی، سُرت دے کُھلائیا۔ کُچھ سمجھ نہیں انند پُر دی، پُری انند دے دِرڑائیا۔ گوبِند کِہا جِتھے اِٹّ پتّھر نال کدے نہیں جُڑدی، مَیں

اوس گھر وِچ ڈیرہ لائیا۔ ایہہ کھیل آد جُگاد صاحب سَتگُر دی، جو مَینوُں رہیا وکھائیا۔ اگلی کتھا کہانی دُھر دی، تَینوُں دیاں سمجھائیا۔ کلجُگ انت پُرکھ اکال دیِن دَیال اپنی کھیل کرنی چور دی، راہ جاندا نظر کِسے نہ آئیا۔ اوتھے وڈیائی نہیں چلنی کِسے دے زور دی، طاقت نہ کوئے ازمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیر سِنگھ وِشنوُں بھگوان، کرے کھیل اپنے منتر فُرنے پھور دی، پُھرتی سُرتی سمجھ نہ کوئے پائیا۔

۱۵ مگھّر شہنشاہی سمت ۲ بیِبی چرن کؤر دے گرِہ پِنڈ ماہل گیَہلا

بیاس کہے مَیں سُن کے تیری گاتھا، غُصّہ دِتا گوائیا۔ ٹیک کے تَینوُں ماتھا، مستک لیا جھُکائیا۔ اگلا بچن دسّ ساچا، سچ دے دِرڑائیا۔ جِس ویلے کلجُگ ہووے اندھیری راتا، نوُری چند نہ کوئے چمکائیا ۔ پیار رہے نہ پُتر ماتا، پِتا پوُت نہ کوئے وڈیائیا۔ جھگڑا پئے خادم آقا، رعیت راجے کرن لڑائیا۔ دھرم رہے کوئی نہ ناتا، ادھرم وجےّ ودھائیا۔ پھیر کِس بِدھ تیرا چلے ساکہ، بھید دینا کُھلائیا۔ گوبِند کِہا مَیں نال لےَ کے آواں پُرکھ ابناشا، میلا اپنے نال مِلائیا۔ چار جُگ دیِاں رہن نہ دیواں شاخاں، دیِناں مذہباں کراں صفائیا۔ جن بھگتاں پوُریاں کراں آساں، عرشی ہو کے دَیا کمائیا۔ میرے کول رحمت دیِاں راساں، نیامت نام جھولی پائیا۔ جے کوئی بُدھی نال میریاں کرے قیاساں، مَینوُں سمجھ سکے نہ رائیا۔ صِرف اِک تَینوُں دسّنا مَیں سچکھنڈ دوارے کِیوں گیا ساں، تن وجوُد ناتا جگت تُڑائیا۔ جوت وِچ جوت مِل کے کِیوں رہیا ساں، اپنا آپ چُھپائیا۔ اوتھے جا کے پُرکھ اکال دی چرنیں پیا ساں، پوُت ہو کے پِتا منائیا۔ نِمانا ہو کے ڈِھہا ساں، چھڈ مان وڈیائیا۔ پُرکھ اکال کِہا پِچھلا لیکھا اپنا لیا کھاں، مَیں ویکھاں چائیں چائنیا۔ گوبِند کِہا مَیں ماچھوُواڑے پیا ساں، سب کُچھ اپنا آپ لُٹائیا۔ تُوں باپ ہو کے سُتّا کِیوں رہیا ساں، میری اکّھ تیرا راہ تکائیا۔ پُرکھ اکال کِہا شاباس تُوں میرے بھانے وِچ پیا ساں، سُکھ جگت والا مِٹائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گوبِند کہے بیاس کُچھ لگّا پتہ، بیاس کِہا نہیں، رو کے دِتا سُنائیا۔ گوبِند کِہا مَیں لےَ کے آیا سُنیہڑا سچّا، سچ دیاں دِرڑائیا۔ جیہڑا گُرسِکھ چار جُگ دا رہیا کچّا، انتم کچّیاں توں پکّے دیاں بنائیا۔ جوتی شبدی دھار ہو کے

نَٹھا، بھجّیا واہو داہیِا۔ جگت مسخرہ مَینوُں کرے ٹھٹّھا، سچ ٹھٹھیار دی سمجھ کِسے نہ آئیا۔ جِس نے لہنا دینا سب دا مُکاؤنا کٹّھا، کٹّھے کر کے رنگ چڑھائیا۔ پُرکھ اکال روز روز نہیں تپاؤندا اپنا بھٹّھا، انت وار کر مِہر آویاں دے آوے دعوے نال دئے پکائیا۔ کی ہویا گُرمُکھو جے تہاڈا من کردا رٹّا، من حُکم اندر سیو کمائیا۔ تُہاڈے گل وِچ پایا اوس نے شبد اگمّی پٹّا، جِس دی ڈوری پٹنے والے دے ہتّھ پھڑائیا۔ تُہاڈی کوئی قیِمت نہیں ٹکا، پَیسیاں نال وِکائیا۔ جوتی جوت سروُپ ہرِ، آپ اپنی کِرپا کر، لیکھا سب دا ویکھ وکھائیا۔ گوبِند کِہا، بیاس، دسّ کی سُنیا، اوس سِر دِتا ہِلائیا۔ پُرکھ اکال کِہا گوبِند حُکم نال گُرمُکھ میرا چُنیا، شبدی میل مِلائیا۔ بیاس رو کے کِہا او بیاسا اَوگُنیا، اپنا مان دے تجائیا۔ پِچھلا ویلا لنگھ گیا سرنائی ہُن آ، سرنی ڈھیَہہ کے خوشی منائیا۔ دُھردرگاہی ویکھ ملاح، بیڑا تیرے وِچوں تیرا پار کرائیا۔ بیاس بِنا زبان توں کیِتی ہاں، اندرے اندر دِتا سُنائیا۔ سیِس دِتا نِوا، چرناں اُتے ٹِکائیا۔ کِرپا کر میرے مِہرواں، محبوُب تیری اوٹ رکھائیا۔ گوبِند کِہا بیاس بہُتا بولنا چنگا نہ، جو آیا سو پار کرائیا۔ اَگے اوہ وی تارنے جیہڑے کھاندے سوُر گاں، قصائی روُپ بنائیا۔ اوہ وی تارنے جِنہاں ماتا نال کیِتا جناہ، اِس توں پاپی پرے نظر کوئے نہ آئیا۔ اوہ وی تارنے جیہڑے مُنہ گئے بھوا، پِٹھ گئے وکھائیا۔ اوہ وی تارنے جِنہاں کدے نہیں جپیا ناں، پربھ دی آس نہ کوئے رکھائیا۔ اوہ وی تارنے جِنہاں دھرم دا ویکھیا نہیں کوئی تھاں، سَت سچ نہ کوئے سُنائیا۔ اوہ وی تارنے جیہڑے کُرلاؤندے وانگ کاں، نِندیا مُکھ نال سُنائیا۔ اوہ وی تارنے جیہڑے چوری چوری لاؤندے داء، موُرکھ ہو کے پربھ نوُں موُڑھ رہے بنائیا۔ اوہ وی تارنے جِنہاں دا اجے تائیں لِکھیا نہیں کِسے ناں، بُہتے چؤراسی وِچوں نظری آئیا۔ اوہ وی تارنے جِنہاں نے مانَس ہو کے مانَس لئے کھا، خوُنخوار روُپ وٹائیا۔ اوہ وی تارنے جیہڑے رہزن بنے راہ، لُٹیرے روُپ بنائیا۔ اوہ وی تارنے جِنہاں صوُفی سنت فقیِر دتے سَتا، اپنا حُکم ورتائیا۔ اوہ وی تارنے جِنہاں مندر مسجد دِتے ڈھاہ، انجیل قُرآن گرنتھاں اگّ لگائیا۔ اوہ وی تارنے جِنہاں یاد وِچ کڈّھیا نہیں کوئی ساہ، سواس وِچ نہ کدے لیائیا۔ اوہ وی تارنے جیہڑے دھرم دے چلے نہیں کدے راہ، جوُٹھ جھوُٹھ نال کُڑمائیا۔ اوہ وی تارنے جیہڑے بھرا بھَیناں رہے تکا، اکّھ اکّھ نال بدلائیا۔ اوہ وی تارنے جیہڑے کوُکر سوُکر روُپ بَیٹھے وٹا، ٹیڈھیاں جوُنیاں وِچ بہکائیا۔ اوہ وی تارنے جیہڑے بِلاں وِچ ڈیرہ بَیٹھے لا، مِٹّی کھا کے جھٹ لنگھائیا۔ اوہ وی تارنے جیہڑے بناسپت رہے اکھوا، پتّ ٹہنی نال لہرائیا۔ گوبِند کِہا، بیاس، میرا

پُرکھ اکال میرے ساتھ، جیہڑا دوہاں دی چرنی ڈِگا آ، اوہناں دے بخشے سرب گُناہ، بن کے پِتا ماں، کلجُگ کوُڑ کُڑیار وِچوں باہر کڈھائیا۔ بیاس کِہا ایہہ کھیل تیرا کدوں ہونا رواں، مَینوُں دے سُنائیا۔ گوبِند کِہا تیرے کنّ وِچ کُچھ کہواں، ہور سُنن کوئے نہ پائیا۔ بیاس کہے میرا نہیں کوئی ماٹی چمّا، ساتھی سنگ نہ کوئے بنائیا۔ گوبِند کِہا تَینوُں سب کُچھ دسّاں بِنا دماں، ساہ توں پرے اپنی راس وکھائیا۔ دو توں پہلے آؤن والا سماں، سمادھی دیاں کُھلائیا۔ اگلا لیکھا پھیر دسّاں نَواں، دُھر دا حُکم جنائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں میٹ کے کوُڑی طمع، تمنّا اِکو دئے وکھائیا۔

۱۶ مگھّر شہنشاہی سمت ۲ گُرمیِت سِنگھ دے گرِہ پِنڈ پھرالا ضِلع جالندھر

بیاس کہے مَیں پُچھیا پھیر تیرے بھگت جپن کی جاپ، جِنہاں پُرکھ اکال نال مِلائیا۔ کِس بِدھ اُترن پاپ، دُرمت مَیل دھوائیا۔ پوِتر ہوون پاک، اپنی کرن صفائیا۔ بھاگ لگاؤن کایا ماٹی کاچ، کنچن لیَن بنائیا۔ میٹ اندھیری رات، ساچا چند چمکائیا ۔ پوُری کرن آس، ترِشنا جگت بُجھائیا۔ لیکھے لگّے سواس، ساہ ساہ خوشی بنائیا۔ ساچا جُڑے نات، چرن ملِے وڈیائیا۔ کِس نہاوَن تیِرتھ تاٹ، سر سروور سوبھا پائیا۔ کِس دی کرن یاد، کِس دا نام صلاحیِا۔ کِس توں منگن داد، جھولی کِتھے ڈاہیِا۔ کِس کھیڑے ہون آباد، مَینوُں دے سُنائیا۔ کی سُنن اگمّی آواز، کوَن کرے پڑھائیا۔ کِس طرح کُھلے راز، پڑدا اوہلا رہے نہ رائیا۔ کی پوُجا کرن پاٹھ، کوَن ساز نال کھڑکائیا۔ کی سجدیاں وِچ پڑھن نماز، روزے رکھ کے آس رکھائیا۔ کی جنگلاں وِچ کرن تلاش، ٹِلّے پربت پھول پھولائیا۔ کی متھے ٹیکن مندر مسجد ماٹھ، شِودوالے نک رگڑائیا۔ کی دھوُنیاں تاوَن کاٹھ، اگنی خاک رمائیا۔ کی بھجّن آٹھ ساٹھ، بن بن پاندھی راہیِا۔ کی جاگن اُٹھ کے رات، مالا منِکیاں والی بھوائیا۔ کی کِسے کولوں پُچھن بات، پربھ دا راہ تکائیا۔ کی اوہناں دی ہووے ذات، مذہب دینا درسائیا۔ کی دھوُڑی لاؤن مستک خاک، ٹِکّے جگت وکھائیا۔ کیہڑی منزل چڑھن گھاٹ، کِس دوارے سیِس نِوائیا۔ کی ڈھولے گاون بن کے بھاٹ، بھٹّاں والا روُپ وٹائیا۔ کِس بِدھ پوُری کرن خواہش، ترِشنا جگت بُجھائیا۔ کِس بِدھ لیکھے لاون سواس، ساہ ساہ دِھیائیا۔ کی جپجی پڑھن رہراس، سوہلیاں وِچ سمائیا۔ کی آسا رکھن

کِسے اُتے کِتاب، شاستر سِمرت وید پُران انجیل قُرآن بانی صِفتاں والی سوبھا پائیا۔ کِس پریم دی وجاون رباب، تند ستار ہِلائیا۔ کی پیِون حیاتِ آب، پریم رس چکھائیا۔ کِس بِدھ لیَن اپنا سواد، انتر پریم ودھائیا۔ کِس نوُں کہن گاڈ، خُدا واہِگُروُ االلہ کہہ کے کِس دا نام دِھیائیا۔ کی تیرا ویکھن باز، کلغی توڑا اکّھ ٹِکائیا۔ کِس بِدھ درگاہ دا لبھن راج، پِچھلا پندھ مُکائیا۔ کی لیکھا لِکھ کے گیا بھاردواج، ستّاں رِکھیاں وِچوں دھیان لگائیا۔ کی منسا رکھی بھسُنڈ کاگ، ایہہ وی دے سُنائیا۔ کیہڑا گج نوُں دسّیا جاپ، تندوُآ تند کٹائیا۔ کِس بِدھ پرہلاد کول آیا ساکھیات، نر سِنگھ روُپ وٹائیا۔ کِس بِدھ دھروُ دا بنیا باپ، بال اَنجانا گود اُٹھائیا۔ کِس بِدھ بل دا دِتا ساتھ، ویس انیکا روُپ وٹائیا۔ کِس بِدھ جنک دی پُچھی وات، گیان درِشٹی اِک وکھائیا۔ کِس بِدھ بِدر دا کھادھا ساگ، سُدامے تندلاں بھوگ لگائیا۔ کِس بِدھ نامدیو دا پوُرا کیِتا جاپ، کِس بِدھ تاریا سیَن نائیا۔ کِس بِدھ جُلاہے دا تانا بُنیا آپ، کبیِر کایا قبر وِچوں باہر کڈھائیا۔ کِس بِدھ رَوداس چمارا اُچا کیِتا وِچوں نیِچی ذات، پانہا گنڈھ کے خوشی وکھائیا۔ کِس بِدھ نامے کیِتا بھاگ سُبھاگ، چھپّر چھنّ چُھہائیا۔ کیہڑا دھنےّ کھولیا راز، پڑدا دے چُکائیا۔ کِس بِدھ گنکا مار آواز، سوئی دِتی اُٹھائیا۔ جُگ چؤکڑی کیِتا کھیل تماش، سَتجُگ تریتا دواپر کلجُگ آپ ہنڈھائیا۔ کِس بِدھ کلجُگ انت اپنا دیویں ساتھ، سگلا سنگ بنائیا۔ کی گُرمُکھاں دیویں دات، لہنا دینا جھولی پائیا۔ کِس بِدھ بھگت سُہیلیاں کُھلے تاک، پڑدا لیَن چُکائیا۔ کی اوہ سادھاں سنتاں دے بنن چاک، پیِراں پِچھے پھیریاں پائیا۔ کی اوہ گرنتھاں نوُں لیَن واچ، واچک ہو کے کھوج کھوجائیا۔ کی اوہ کھوجن وِچ پربھاس، پِھرن واہو داہیِا۔ کی اوہ دیِناں مذہباں وِچ تیری لبھن ذات، ایہہ وی دینا دِرڑائیا۔ گوبِند کِہا بیاس سب بِرتھا کھیل تماش، پرِتھمی دئے دُہائیا۔ کی کریگا پوُجا پاٹھ، کی کریگا تیِرتھ تاٹ، کی کریگا پُستک کِتاب، کی کریگا وجایا رباب، کی کریگا گایا گاتھ، جِناں چِر سَتگُر شبد نہ ساتھ رکھائیا۔ اوس ویلے پُرکھ اکال ہووے میرا باپ، مَیں اوس دے نال آواں آپ، کوٹ جنم دیاں وِچھڑیاں میٹ کے پاپ، پنّ سراپاں توں کر کے پاک، اپنی مِلا کے ساچی ذات، پاربرہم برہم دا دے کے جاپ، مِہر نظر نال مِہربان ہو کے انتم انت بھگوَنت وِچ مِلائیا۔

۱۶ مگھّر شہنشاہی سمت ۲ بیِبی چرن کؤر دے گرِہ پِنڈ پھرالا ضِلع جالندھر

گوبِند کِہا بیاس کلجُگ انت دا دسّاں سیِن، سیِن شیِن جِس نوُں سمجھ کوئی نہ پائیا۔ سرِشٹی دی درِشٹی ہوئی کمیِن، بُدھ بِبیک نہ کوئے رکھائیا۔ واسنا ہوئے ملیِن، خواہش کوُڑ وڈیائیا۔ راؤ رنک ہووے غمگیِن، ہِردے خوشی نہ کوئے بنائیا۔ جھگڑا پَوے نر مدیِن، دوہاں کرے نہ کوئے صفائیا۔ اوس ویلے پُرکھ اکال دیِن دَیال لیکھا جانے آپ مہیِن، مِہربان دُھر دا ماہیِا۔ جن بھگت اُٹھائے جو سجّن قدیِم، قدماں دے نال مِلائیا۔ ساچی دے تعلیِم، آتم پرماتم دئے سمجھائیا۔ دُھر دا دے یقیِن، اِشٹ دیو اِک وکھائیا۔ چاڑھ کے رنگ نویِن، نَواں جنم دئے بدلائیا۔ کوُڑی کِریا لوَے چھیِن، مایا ممتا موہ مِٹائیا۔ سچ پریم وِچ کرے لیِن، لِو انتر دئے بنائیا۔ جوتی جوت سروُپ ہرِ، آپ اپنی کِرپا کر، ساچی رنگت دئے رنگائیا۔ بیاس کِہا کی بھگت گُردر مندر مسجد شِودوالے مٹھ رکھن اوٹ، تیِرتھ تٹ دھیان لگائیا۔ کیہڑی ذات پات چنگی سوہنی گوت، ورن برن کیہڑا دین وڈیائیا۔ کیہڑے اِشٹ دی کرن سوچ، کِس اوتار پَیغمبر گُروُ نال ناتا لیَن جُڑائیا۔ کِس دی یاد کرن روز، صُبح شام ڈھولا گائیا۔ کِس دا ویکھن چوج، کِس دا راہ تکائیا۔ کیہڑا دھارن یوگ، کوَن رنگ وکھائیا۔ کیہڑا بھوگن بھوگ، ایہہ دینا سمجھائیا۔ کِس نال ہووے سنجوگ، ناتا مات بنائیا۔ کِس نال ہووے وِیوگ، وِچھڑ خوشی وکھائیا۔ کِس دا درشن کرن اموگھ، امرت رس چوائیا۔ کی کھانا ہووے بھوج، بھوجن ملِے وڈیائیا۔ کیہڑی خوشی وِچ مانن مؤج، اپنا آپ پرچائیا۔ کِس بِدھ پیَنڈا مُکاوَن لوک پرلوک، لکّھ چؤراسی ڈیرہ ڈھاہیِا۔ گوبِند کِہا پُرکھ اکال آپے کرے اوہناں دی کھوج، لکّھ چؤراسی وِچوں اپنا میل مِلائیا۔ اِکو ناتا جوڑ کے نِرمل جوت، آتم پرماتم لئے مِلائیا۔ اِکو شبد سوہنگ سو دے کے بہُت، بہُتیاں جاپاں توں لئے بچائیا۔ اوہناں نوُں کوئی لبھنا پئے نہ پوپ، پنڈت مُلا اکّھ نہ کوئے مِلائیا۔ مَیں نام بھنڈارا دیواں تھوک، پرچوُناں دی گنڈھ نہ کوئے کُھلائیا۔ جنم مرن دا کڈھ کے ہرکھ سوگ، چِنتا دیاں گوائیا۔ سچ پریِتی دے کے جوگ، جُگتی دیاں دِرڑائیا۔ تُوں میرا مَیں تیرا دسّ کے ساچی مؤج، مجلس اپنے نال رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ در دیوے مان وڈیائیا۔ بیاس کِہا کی بھگتاں ہووے رنگ، رنگت کوَن رنگائیا۔ کی بھگتاں ہووے سنگ، سگلا سنگ بنائیا۔ کی بھگتاں دیوے انند، انند وِچوں پرگٹائیا۔ کی بھگتاں پاوے گنڈھ، ناتا لئے رکھائیا۔ کی بھگتاں دیوے ٹھنڈ، اگنی تت بُجھائیا۔

کی بھگتاں میٹے پندھ، چؤراسی پھند کٹائیا۔ کی بھگتاں دسےّ چھند، اپنا نام سمجھائیا۔ کی بھگتاں خوشی کرے بند بند، بندگی وِچ لگائیا۔ کی بھگتاں کرے پابند، مریادا اپنی اِک جنائیا۔ کی بھگتاں اندر جاوے لنگھ، جگت واسنا ڈیرہ ڈھاہیِا۔ کی بھگتاں سیج سُہائے پلنگ، سِنگھاسن اِکو ویکھ وکھائیا۔ کی بھگتاں کرے اپنے ماِند، بھیو ابھیدا دئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بیاس پُرکھ اکال سدا بخشند، بخشش وِچ اپنے گھر وسائیا۔ بیاس کِہا کِس اُتے رحمت کرے نِرگُن دھار جوتی، جوت اکالن دئے وڈیائیا۔ گوبِند کِہا آتما ساری اُس دی گوتی، لکّھ چؤراسی وِچ سمائیا۔ اوہدا جھگڑا نہیں سُنّت بودی، بودھی جَینی ونڈ نہ کوئے ونڈائیا۔ بُری نہیں تہمت دھوتی، جگت لباس نہ کوئے بھرمائیا۔ جِنہاں دی انتر سُرت اُٹھائی سوتی، سُتّیاں لئے جگائیا۔ اوہناں دی چڑھ کے چوٹی، چوٹ شبد دئے سُنائیا۔ کڈھے واسنا کھوٹی، کھوٹیوں کھرے بنائیا۔ بیاس، جِنہاں رسنا ماس نہ لایا بوٹی، جمکال بُچڑاں توں لئے چُھڈائیا۔ دُھر دی دھار پُرکھ اکال بھگتاں واسطے سوچی، دوُسر سمجھ نہ کوئے سمجھائیا۔ ایسے کارن وڈیائی دِتی رَوداس چمارے موچی، سُکے ٹُکڑے کھا کے جھٹ لنگھائیا۔ جِس نوُں گاؤندے لوک پرلوکی، پُرکھ اکال اوسے دا ڈھولا گائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں پڑھائے اپنے نام دی اگمّی نام والی پوتھی، پوتھی پُستک چھاپیخانے والی صفیاں وِچ نہ کوئے وکھائیا۔

۱۶ مگھّر شہنشاہی سمت ۲ سادھوُ سِنگھ دے گرِہ پِنڈ سالار پُر ضِلع جالندھر

بیاس کِہا گوبِند کلجُگ انت بھگتاں دی کیہڑی ہووے قؤم، قیامت توں کؤن بچائیا۔ کِس دی گود بہہ کے سؤن، سِنگھاسن کوَن وڈیائیا۔ کی اوہ اگنی پوُجن کہ پؤن، کی شاستراں اوٹ رکھائیا۔ کی ٹھاکر منّن کہ اوم، کِس نوُں سیِس جھُکائیا۔ کی واہِگُروُ االلہ رام کرِشن گاؤن، کِس دی جےَکار سُنائیا۔ کیہڑا اِشٹ دیو مناؤن، سچ دینا سمجھائیا۔ کِس دے اَگے بھوگ لگاؤن، سوارتھ اپنا پوُر کرائیا۔ کِس دی پوُجا کر کے جھٹ لنگھاؤن، جیِون سفل کرائیا۔ کی ٹھاکر مندر مسجد شِودوالے مٹھ سِر جھُکاؤن، گُروُدوار خاک رمائیا۔ کی شاستر سِمرت وید پُران گیِتا گیان انجیل قُرآن بانی پڑھ کے من پرچاؤن، پرچہ جیِون والا پائیا۔ کی اٹھسٹھ تیِرتھ جا کے نہاؤن، گنگا گوداوری جمنا سُرستی کھوج

کھوجائیا۔ کی پُنّ دان کراؤن، کی بھیٹا جگت گوسانئیا۔ گوبِند کِہا دیِن دُنی دے ناتے سرب تجاؤن، چُھٹے کوُڑ لوکائیا۔ اِکو پُرکھ اکال مناؤن، جِس نے سارے اِشٹ دِتے پرگٹائیا۔ اوسے دی مہما کر کے سارے جھٹ لنگھاؤن، بِنا پُرکھ اکال شاستر سِمرت وید پُران انجیل قُرآن کھانی بانی تیِرتھ تٹ کِنار گُر اوتار پَیغمبر کمّ کِسے نہ آئیا۔ ایہہ سارے اوسے دا نِشان، جِس نے رچنا رچی دو جہان، کھیل کھِلا زِمیں اسمان، روَ سس کر پردھان، وِشن برہما شِو کر پروان، پرماتم آتم دے کے دان، ترےَ پنج کھیل کھیل مہان، لکّھ چؤراسی جیرج انڈج اُتبُھج سیتج رچن دِتی رچائیا۔ اوہناں سندیشہ دیوے نؤجوان، آد جُگادی مرد مردان، دو جہاناں نِگاہبان، نِروَیر نِراکار نِرنکار اپنی دَیا کمائیا۔ بیاس، ساچا نعرہ دسّ کے سوہنگ مہاراج شیر سِنگھ وِشنوُں بھگوان، آون جاون لیکھے مُکا کے تمام، نِرگُن نَواں نوُر ملِے امام، مانَس جنم دا سفل ہووے کام، چرن دھوُڑی اِکو وار کرا اِشنان، مِہر نال دے گیان، اندھ اگیان اندروں دئے کڈھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جِنہاں نوُں اپنے در کرے پروان، تِنہاں دا لیکھا ہور رہے نہ رائیا۔

۱۶ مگھّر شہنشاہی سمت ۲ مہِندر سِنگھ دے گرِہ پِنڈ دیَنت پُرا ضِلع جالندھر

بیاس کِہا کلجُگ انت بھگت کیہڑی نہاوَن گنگ، گنگوتری دے سمجھائیا۔ کِس دوارے مارن پندھ، سفری سفر وکھائیا۔ کِس دا مانن انند، پُری انند والے دے دِرڑائیا۔ کیہڑا طریقہ کرن ڈھنگ، رستہ لیَن اپنائیا۔ کیہڑا پڑدا کجےّ ننگ، اوڈھن سیِس ٹِکائیا۔ کیہڑا یُدھ کرن جنگ، شستر کوَن اُٹھائیا۔ کیہڑا وجاون مردنگ، نگارہ ڈنک چُھہائیا۔ کیہڑا لبھن سنگ، اگلا سنگ بنائیا۔ کیہڑا کسن تنگ، پاکھر اسوَ زیِن سُہائیا۔ کِس دے ہون پابند، چلن سچ رضائیا۔ کِس بِدھ پاون ٹھنڈ، تیِرتھ کوَن نُہائیا۔ ٹُٹی لیَن گنڈھ، ناتا آپ جُڑائیا۔ بھیو کُھلے برہم، پڑدا چُکے بےپرواہیِا۔ سُکھالے ہوون دم، ساہ سواس وِچ سمائیا۔ مِٹے چِنتا غم، ہرکھ سوگ ڈیرہ ڈھائیا۔ بھنڈارا ملِے دھن، نام اگمّ اتھاہیِا۔ چمکے نوُری چنّ، جوت ہووے رُشنائیا۔ گوبِند کِہا بیاس جے اِکو میرا حُکم لیَن منّ، دوُجے دی لوڑ رہے نہ رائیا۔ میری دھاروں پَین جمّ، پِتا پُرکھ اکال دیاں وکھائیا۔ دو جہاناں چاڑھ کے چنّ، گُرمُکھاں کراں رُشنائیا۔ بھگت اُدھارنا میرا کمّ، جُگ چؤکڑی سیو کمائیا۔ جوتی جوت

سروُپ ہرِ، آپ اپنی کِرپا کر، کرے کھیل ساچا ہرِ، ساچا حُکم اِک سمجھائیا۔ بیاس کِہا اوہ دوارے کیہدے جھُکن، سیِس کِس نِوائیا۔ کِسدے کولوں پُچھن، کِتھے ملِے بےپرواہیِا۔ کِس نوُں سُناوَن دُکھن، کوَن دردی درد ونڈائیا۔ کِس بِدھ کوُڑ کُڑیاری جڑ پُٹن، اندروں باہر کڈھائیا۔ جگت واسنا کوُڑی باہر تُھکن، اندر وِکھ نہ کوئے چڑھائیا۔ منوُآ کھیل نہ کرے پھپّھے کُٹن، ترِشنا ترِپت وکھائیا۔ کِس بِدھ پیَنڈا اوہناں آوے )مُکن(، جھگڑا مکُے لوکائیا۔ گوبِند کِہا بیاس جے اِکو میرے بن جان سُتن، میرا سُت اپرادھ نہ کوئے کمائیا۔ آپے گودی آواں چُکن، کوجھے کملیاں گلے لگائیا۔ درگاہ ساچی آواں سُٹن، جِتھے بَیٹھا بےپرواہیِا۔ سوہنی سُہاواں رُتن، رُتڑی اِک مہکائیا۔ جیہڑے ایس نِشانیوں اُکن، اگلے لیکھے دی سمجھ رہے نہ رائیا۔ شبدی دھار نالوں ٹُٹن، ٹُٹیاں نہ کوئے جُڑائیا۔ جن بھگتاں حُکمے اندر دے کے دُھر دا سُخن، بچن قؤل اپنا آپ سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، ہرجن ساچے اپنی دَیاوِچ رکھائیا۔

۱۶ مگھّر شہنشاہی سمت ۲ مائی بھاگو دے گرِہ پِنڈ بِلگا ضِلع جالندھر

بیاس کِہا گوبِند کلجُگ انت بھگتاں دی کی پہچان، گُرمُکھاں دا لیکھ دے سمجھائیا۔ کِس دا کرن دھیان، اِشٹ کوَن منائیا۔ کِس دا سُنن گیان، کوَن سچ پڑھائیا۔ کِس دا رکھن مان، کِس دی گود سُہائیا۔ کِس توں منگن دان، کِس اَگے جھولی ڈاہیِا۔ کِس توں لیَن امرت پیِن کھان، کِس دوارے رس چوائیا۔ کِس دا ڈھولا گیِت گان، کِس دے اَگے سیِس نِوائیا۔ کِس دے چرن کرن پرنام، بندنا ڈنڈاوت کیہڑی تھائنیا۔ کِس دے ہون غُلام، خادم ہو کے سیو کمائیا۔ کِس دا سُنن پَیغام، کِس دی چلن رضائیا۔ گوبِند کِہا، بیاس اُٹھ ویکھ نِشان، نِشانہ دیاں وکھائیا۔ اوہ شبد اگمّی سُنن گیان، چار جُگ توں وکھّری کرن پڑھائیا۔ اِکو اِشٹ منّن سِری بھگوان، جو سب دا پِتا مائیا۔ سچ پریِتی امرت رس پیِن کھان، دوُجی ترِشنا نہ کوئے ودھائیا۔ سچکھنڈ نِواسی کر پروان، لیکھا سب دا دئے لگائیا۔ اُنحاں نے ڈھولا گاؤنا ''سوہنگ

مہاراج شیر سِنگھ وِشنوُں بھگوان''، بھاگ اپنا لَینا بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، ہرجن ساچے اپنے رنگ رنگائیا۔

۱۶ مگھّر شہنشاہی سمت ۲ کیہر سِنگھ دے گرِہ پِنڈ رُڑکا ضِلع جالندھر

بیاس کِہا اُنحاں دی کوَن جانے مِتگت، کوَن دیوے وڈیائیا۔ کوَن سمجھاوے برہم مت، برہم پڑدا کوَن اُٹھائیا۔ کوَن بھاگ لگاوے پنج تت، تتو دئے دِرڑائیا۔ کوَن رنگ رنگائے اپنی رتّ، لال گُلالا دئے چڑھائیا۔ کوَن مارگ دسےّ سچ، جوُٹھ جھوُٹھ ڈیرہ ڈھاہیِا۔ کوَن سُہائے کایا ماٹی کچ، کنچن گڑھ دئے بنائیا۔ کوَن دیوے امرت رس، بِن رسنا دئے چکھائیا۔ کوَن منوُآ کرے وسّ، واسطہ اپنے نال رکھائیا۔ کوَن کھولے اندروں اکّھ، نِج نیتر کر رُشنائیا۔ کوَن پڑدا دیوے ڈھک، اوڈھن سیِس ٹِکائیا۔ کوَن لکّھ چؤراسی وِچوں لوَے کڈھ، رائے دھرم نہ دئے سزائیا۔ کوَن سچ دوارے لئے سدّ، درگاہ ساچی دھام وکھائیا۔ کوَن حقیِقت دیوے حق، پوُرب لیکھا جھولی پائیا۔ کوَن میل مِلائے نَٹھ نَٹھ، بھجےّ واہو داہیِا۔ کوَن اوُچاں نیِچاں کھولے اِکو ہٹّ، سچ دوارا دئے وکھائیا۔ کوَن کھتری براہمن شوُدر وَیش دیِن مذہب کھیڑا کرے بھٹھ، بھانڈا بھرم بھؤ بھنائیا۔ گوبِند کِہا بیاس ایہہ مِہر کرے پُرکھ سمرتھ، دیِن دَیال دَیا کمائیا۔ اِکو دے کے اپنا جس، ساریاں صِفتاں اوسے وِچ سمائیا۔ نام دا کھول کے ہٹّ، وست دئے ورتائیا۔ اِکٹّھے کر چار ورن اِک دوارے لئے سدّ، در دربارا اِک وکھائیا۔ سوہنگ مہاراج شیر سِنگھ وِشنوُں بھگوان دی جےَ دسّ کے چھند، بند بند بندگی لیکھے لائیا۔ اَگے دے کے سچکھنڈ دا انند، جوتی جوت جوت وِچ مِلائیا۔ کرے کھیل سوُرا سربنگ، شاہ پاتشاہ سچّا شہنشاہیِا۔ بھگت اُدھارنا اوس کول نِرالا ڈھنگ، جُگ چؤکڑی لئے بدلائیا۔ کلجُگ انت ہو بخشند، مِہر نظر نال پار کرائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ بھگوان، دُھر دا بنا کے سنگ، سنگی ہو کے سگلا سنگ نِبھائیا۔